rgya gar skad du/ Ar+ya sA ga ra ma ti pa ri brid tshan ma ma hA yA na sU tra/ bod skad du// ni/ 'phags pa blo gros rgya mtshos zhus pa zhes bya ba theg pa chenan po'i mdo/ / // bam po dang bya/ / po/ u0f7fsangs rgyas dang / byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khapa/ de bzhin gshegs pa'i spyod yul rin po che bkod pa'i 'khor gyi khyams/ de bzhin gshegs pa'i gnas/ bsod nams chen po'i rkyen gyi tshogs bsags pa/ sprod pa chen po'i rgyu mthun pa/ sangs rgyas kyi chos thams cad kyi rnam par smin pas mngon par grub pa/ byang chub sems dpa' chen po'i gnas bstan pa mtha' yas pa/ de bzhin gshegs pas rnam par sprul pas byin gyis brlabs pa chags pa med pa'i spyod yul gyi ye shes la 'jug pa/ dga' ba rgya chen po skyed pa/ dran pa dang / blo gros dang / rtogs pas 'jug pa kun nas ma smad pa/ ye shes kyis rnam par dpyod pa de la ma chags par rtogs pas 'jug pa/ bskal pa mu med par mngon par bstod pa/ yon tan gyi tshogs thams cad dpag tu med pa na bzhugs te/ bcom ldan 'das chos thams cad ni mnyam pa nyid du mngon par rdzogs par sangs rgyas/ chos kyi 'khor lo ni shin tu bskor slob ma shin tu dul ba mtha' yas pa'i tshogs ni shin tu mnga'/ chos thams cad la mnga' dbang ni shin tu brnyes/ sems can thams cad kyi bsam pa bsgrub pa ni legs par mkhyen// dbang po'i dam pa'i pha rol tu phyin pa ni brnyes/ bag chags kyi mtshams sbyor ba yang dag par 'joms pa la ni mkhas/ sangs rgyas kyi mdzad pa lhun gyis grub pa ni rgyun ma chad cing / dge slong 'bum phrag drug cu'i dge slong gi dge 'dun chen po dang thabs gcig ste/ thams cad kyang cang shes kyi sems dang ldan pa/ nyon mongs pa thams cad kyi bag chags kyi mtshams sbyor ba yang dag par 'joms pa la brtson pa/ chos kyi rgyal po de bzhin gshegs pa'i sras/ chos zab mo la gnas pa/ dmigs pa med pa'i chos kyis nges par byung ba/ spyod lam mdzes pa phun sum tshogs pa/ sbyin gnas chen por gyur pa/ de bzhin gshegs pa'i bka' la shin tu zhugs pa sha stag go/ byang chub sems dpa'i dge 'dun chen po/ byang chub sems dpa' sems dpa' chen po dmigs pa med pa'i byang chub sems dpa'i bzod pa rab tu thob pa/ dbang bskur ba dang ldan pa'i byang chub sems dpa'i sa la zhugs pa/ mngon par 'du byed pa med pa'i byang chub sems dpa'i mngon par shes pas rnam par brtson pa/ byang chub sems dpa'i gzungs mi zad pa'i za ma tog rab tu thob pa/ byang chub sems dpa'i ting nge 'dzin dpa' bar 'gro ba la dbang thob pa/ byang chub sems dpa'i so so yang dag par rig pa sems can thams cad tshim par byed pa rjes su thob pa/ byang chub sems dpa'i spyod pa lhun gyis grub pas nges par 'byung ba bkod pa'i rgyan gyi lhag pa'i bsam pa la shin tu gnas pa/ tshad med grangs med bsam gyis mi khyab/ mtshungs pa med gzhal du med dpag tu med pa la 'di lta ste/ byang chub sems dpa' sems dpa' chen po mdzod mi zad pa zhes bya ba dang / byang chub sems dpa' sems dpa' chen po blo gros tshad med pa zhes bya ba dang / byang chub sems dpa' sems dpa' chen po spobs pa mtha' yas shes bya ba dang / byang chub sems dpa' sems dpa' chen po dmigs pa med pa'i bsam gtan pa zhes bya ba dang / byang chub sems dpa' sems dpa' chen po brtson 'grus gong ba med ces bya ba dang / byang chub sems dpa' sems dpa' chen po brtson 'grus blo gros zhes bya ba dang / byang chub sems dpa' sems dpa' chen po blo gros rgyun mi 'chad pa zhes bya ba dang / byang chub sems dpa' sems/ dpa' chen po chags pa med pa'i mi 'jigs pa brtsegs pa zhes bya ba dang / byang chub sems dpa' sems dpa' chen po don nges par brtags te lta ba zhes bya ba dang / de la sogs pa byang chub sems dpa' sems dpa' chen po tshad med/ grangs med/ bsam gyis mi khyab pa/ mtshungs pa med/ gzhal du med dpag tu med pa dag dang yang thabs gcig go/ de nas bcom ldan 'das byang chub sems dpa'i spyod pa la 'jug pas nges par 'byung ba/ sgrib pa med pa'i sgo byang chub sems dpa'i lam bkod pa la dmigs pa stobs dang / mi 'jigs pa dang / sangs rgyas kyi chos thams cad yongs su 'grub pa'i ye shes kyi 'byung gnas/ chos thams cad la dbang sgyur ba'i gzungs kyi phyag rgya'i sgor 'jug pa/ so so yang dag par rig pas rnam par gdon mi za ba la 'jug pa'i sgo/ mngon par shes pa chen po'i ye shes la 'bab pas 'jug pa phyir mi ldog pa'i 'khor lo phyir mi ldog pa ston pa/ theg pa thams cad mnyam pa nyid du yang dag par 'du ba/ chos kyi dbyings 'dres pa med de tshul gcig pa rab tu dbye ba la 'jug pa/ sems can thams cad kyi bsam pa dang dbang po'i tshul la 'jug pa ston pa/ snying po dang ldan pa/ chos rnam par gdon mi za ba dang / bdud kyi dkyil 'khor thams cad rnam par 'joms pa/ tshul bzhin du chos kyi tshul la 'bab cing 'jug pa nyon mongs pa dang lta bar gyur pa thams cad 'dul ba/ chags pa med pa'i ye shes la 'jug pa/ kun tu bsngo ba'i thabs la mkhas pa shes pa ston da / sangs rgyas thams cad kyi mnyam pa nyid kyi ye shes la 'jug pa/ chags pa med pa'i byin gyis brlabs kyi sgo/ chos thams cad ji lta ba bzhin du rnam par gdon mi za bar ston pa mi rtog cing rnam par mi rtog ste/ mnyam pa nyid du 'jug pa/ rten cing 'brel par 'byung ba zab mo rtogs par byed pa/ bsod nams dang / ye shes kyi tshogs chen po sogs pa/ sangs rgyas kyi sku dang / gsung dang / thugs mnyam pa nyid kyi rgyan dang ldan pa/ dran pa dang / blo gros dang / rtogs pa dang / mos pa dang / shes rab mi zad pa mngon par sgrub pa/ nyan thos kyi theg pas 'dul ba'i phyir/ 'phags pa'i bden pa'i tshul la 'jug pa/ rang sangs rgyas kyi theg pas 'dul ba'i phyir lus dang / sems rab tu dben par shes pa/ theg pa chen pos 'dul ba'i phyir/ thams cad mkhyen par dbang bskur ba rab tu thob pa/ chos thams cad la dbang sgyur ba'i tshul la 'jug pa zhes bya ba'i chos kyi rnam grangs de bzhin gshegs pa'i yon tan brjod pa'i phyir gsung ngo // ston to// rab tu 'chad do// 'dzin tu 'jug go// klog tu 'jug go/ shes par mdzad do// rnam par shes par mdzad do// rab tu shes par mdzad do// rab tu 'god do// rnam par/ 'byed do// rnam par 'grel to// gsal bar mdzad do// yang dag par rab tu ston to// de nas bcom ldan 'das kyis don shin tu rnam par nges pa/ 'dus pa chen po'i le'u chos kyi rnam grangs 'di lta bu 'di rgya cher yang dag par rab tu bstan pas/ thams cad dang ldan pa'i stong gsum gyi stong chen po'i 'jig rten gyi khams 'og tu/ sa'i steng nas bzung ba yan chad/ rin po che bkod pa'i 'khor gyi khyams kyi gzhi la thug pa'i bar dag tu/ chus yongs su gang ba'i rgya mtsho gcig ltar kun tu snang ste/ 'di lta ste dper na/ bsreg pa'i bskal pa 'das nas chags pa 'byung ba'i tshe/ stong gsum gyi stong chen po'i 'jig rten gyi khams 'di thams cad chus yongs su gang bar gyur te/ chu'i dkyil 'khor gyis yongs su 'khor ba de bzhin du/ de'i tshe stong gsum gyi stong chen po'i 'jig rten gyi khams thams cad chus yongs su gang ba'i rgya mtsho gcig lta bur gnas par kun tu snang yang / stong gsum gyi stong chen po'i 'jig rten gyi khams na/ grong dang / grong khyer dang grong rdal dang / ljongs dang / yul 'khor dang / rgyal po'i pho brang 'khor rnams la yang / sgrib pa med par kun tu snang ngo // 'dzam bu gling rnams dang / gling bzhi pa chen po rnams dang / rgya mtsho chen po rnams dang / ri rab rnams dang / 'dod pa na spyod pa'i lha'i bu rnams la yang / sngon ji lta bar phyis kyang de bzhin du sgrib pa ci yang med par de kho na bzhin du kun tu/ snang ngo // chu'i phung po de las kyang pad+ma chu ba ni bai DUR+Ya/ lo ma gel pa ni in+d+ra rnyil/ lo ma ni 'dzam bu'i chu bo'i gser/ ze ba ni dpal gyi snying po/ snying po ni rdo'i snying po las grub pa/ mu tig gi dra bas ni khebs par byas pa/ 'dab ma bye ba khrag khrig brgya stong phrag du ma dang ldan pa/ tshad ni rgyang grags kyi khyon tsam yod pa bye ba khrag khrig brgya stong phrag mang po byung ste/ de dag rin po che bkod pa'i 'khor gyi gzhi las thal nas/ shing ta la'i srid du 'phags te/ thams cad dang ldan pa'i 'khor de yang de'i tshe/ pad+ma la 'khod par kun tu snang ngo // pad+ma de dag las kyang 'od gang dag gis phyogs bcu'i sangs rgyas kyi zhing tshad med grangs med pa dag snang ba chen pos khyab par gyur pa'i 'od de lta bu dag byung ngo / / de nas thams cad dang ldan pa'i 'khor de ngo mtshar du gyur nas/ ltar snga ltas 'di dag kun tu snang ba las na/ kye ma'o// 'di ni chos bstan pa chen por 'gyur ro zhes ched du rjod pa ched du brjod do// de nas byang chub sems dpa' sems dpa' chen po byams pas/ cho 'phrul rgya chen po de mthong nas pad+ma'i stan las langs te/ kos phrag pa gcig tu bgos nas pus mo g.yas pa'i lhang pad+ma'i snying po la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das gang stong gsum gyi stong chen po'i 'jig rten gyi khams 'di chab kyis yongs su bltam pa'i rgya mtsho gcig lta bur kun tu gda' ba dang / pad+ma bye ba khrag khrig brgya stong 'di snyed cig mngon par byung ba 'di dag dang / bcom ldan 'das sngon ma mthong ma thos pa'i cho 'phrul rgya chen po 'di dag kun tu gda' ba 'di su'i snga ltas lags/ de skad ces gsol pa dang / bcom ldan 'das kyis byang chub sems dpa' sems dpa' chen po byams pa la 'di skad ces bka' stsal to// / byams pa 'og gi phyogs logs su sangs rgyas kyi zhing 'di nas stong gsum gyi stong chen po'i 'jig rten gyi khams kyi rdul phra rab kyi rdul snyed kyi sangs rgyas kyi zhing 'das pa na/ 'jig rten gyi khams yon tan rin po che dri ma dang bral ba dpag tu med pa bkod pas brgyan pa zhes bya ba de na/ de bzhin gshegs pa dgra bcom pa yang dag par rdzogs pa'i sangs rgyas rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa zhes bya ba bzhugs te/ 'tsho zhing gzhes la chos kyang ston pa yod de/ sangs rgyas kyi zhing de nas byang chub sems dpa' sems dpa' chen po blo gros rgya mtsho zhes bya ba/ byang chub sems dpa' sems dpa' chen po bgrang ba las 'das pa dag dang lhan cig tu nga la blta ba dang / phyag bya ba dang / bsnyen bkur bya ba dang / chos bstan pa 'di las gtam gyi rgyud 'ga' zhig dri ba'i phyir 'jig rten gyi khams mi mjed 'dir 'ong bar 'gyur te/ 'di ni de'i snga ltas so// de nas bcom ldan 'das la tshe dang ldan ba shA ri'i bus 'di skad ces gsol to/ / bcom ldan 'das ci lags/ byang chub sems dpa' blo gros rgya mtsho thag ring por de srid cig na mchis shing chos kyi rnam grangs 'di nyan lags sam/ bcom ldan 'das kyis bka' stsal pa/ shA ri'i bu khyod ji ltar nga'i mdun na chos kyi rnam grangs 'di nyan pa de bzhin du byang chub sems dpa' blo gros rgya mtsho yang 'jig rten gyi khams de na 'dus cing chos kyi rnam grangs 'di nyan to/ / shA ri'i bu khyod kyis ji lta nga dang thams cad dang ldan pa'i 'khor 'di mthong ba de bzhin du/ byang chub sems dpa' blo gros rgya mtshos kyang nga dang thams cad dang ldan pa'i 'khor 'di mthong ngo / / gsol pa/ bcom ldan 'das kye ma'o// ji tsam du byang chub sems dpa' sems dpa' chen po rnams kyi mngon par shes pa'i ye shes kyi stobs 'di bsam gyis mi khyab ste/ 'di ltar thag ring po de srid na mchis kyang mig gis gzugs mthong ba la sgrib pa ma mchis shing / rna bas sla thos pa la sgrib pa ma mchis pa ni ngo mtshar to// bcom ldan 'das byang chub sems dpa' sems dpa' chen po rnams kyi yon tan gyi che ba nyid bsam gyis mi khyab pa 'di thos nas/ su zhig bla na med pa yang dag par rdzogs pa'i byang chub tu sems mi bskyed/ gnas brtan shA ri'i bus bstan pa 'di bshad pa'i tshe/ lha'i bu nyi khri bzhi stong gis bla na med pa yang dag par rdzogs pa'i byang chub tu sems bskyed do// de nas byang chub sems dpa' sems dpa' chen po blo mos rgya mtsho byang chub sems dpa' sems dpa' chen po bzang ba las 'das pa dag gis kun nas bskor te/ mdun du bdar nas lhan cig tu bcom ldan 'das rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pa'i ye shes de bzhin gshegs pa de la gsol nas/ bcom ldan 'das des gnang ste/ sangs rgyas rnam par rol pa'i rdzu 'phrul gyi rkang pa rnams dang / mngon par 'du bya ba med pa'i rdzu 'phrul dang sems gcig gis thob pa'i dran pas mig phye ba tsam gyis 'jig rten gyi khams yon tan rin po/ che'i dri ma dang bral ba dpag tu med pa bkod pas brgyan pa de nas mi snang bar gyur nas/ 'jig rten gyi khams mi mjed 'dir phyin te/ rin po che bkod pa'i 'khor gyi khyams kyi gzhi las thal nas/ shing ta la srid du mngon par 'phags te/ pad+ma'i snying po la 'dug par kun tu snang ngo // de las gzhan pa'i pad+ma'i snying po rnams la yang byang chub sems dpa' sems dpa' chen po de das 'khod par kun tu snang ngo / / 'og gi phyogs kyi sangs rgyas kyi zhing tshad med grangs med pa dag nas kyang byang chub sems dpa' sems dpa' chen po shin tu mangs med dpag tu med pa dag chos nyan pa'i phyir/ byang chub sems dpa' sems dpa' chen po blo gros rgya mtsho'i phyi bzhin du 'brang bar gyur to// de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po pad+ma la 'khod pa dag gis/ rin po che bkod pa'i 'khor gyi khyams shin tu rgyas pas mdzes te/ lham ma/ lhan ne/ lhang nge'o// de na thams cad dang ldan pa'i 'khor de dag ngo mtshar du gyur te/ dga' ba dang / dad pa dang / rab tu dga' ba thob nas thal mo sbyar te/ byang chub sems dpa' de la phyag 'tshal to// de nas byang chub s ems dpa' sems dpa' chen po blo gros rgya mtshos 'jig rten gyi khams yon tan rin po che dri ma dang bral ba dpag tu med pa bkod pas brgyan pa na yod pa'i me tog mya ngan med cing yid du 'ong ba mthong na dga' ba zhes bya ba 'dab ma bye ba khrag khrig brgya stong du ma dang ldan pa/ tshad rgyang grags kyi khyon tsam yod pa/ de bzhin gshegs pa la mchod par 'os pa/ byang chub sems dpa'i bsam pas rnam par dag par sngon gyi dge ba'i rtsa bas yongs su sbyangs pa rnam par bkra ba/ mig tu sdug pa 'khor thams cad tshim par byed pa kun nas 'od dang ldan pa/ kun nas shin tu yid du 'ong ba'i/ dri dang ldan pa'i me tog de 'dra ba dag/ mchod pa'i las kyi phyir bcom ldan 'das kyi spyan sngar me tog gi char chen po mngon par phab ste/ me tog gi char des rin po che bkod pa'i 'khor gyi khyams su/ mi bdun gyi 'phang tsam gyi me tog dgram pa bkram par gyur to/ / rab tu dben pa'i bsam gtan gyi zas shes bya ba'i sil snyan yang bsgrags te/ sil snyan gyi sgra des thams cad dang ldan pa'i 'khor de bsam gtan la snyoms par zhugs pa bzhin du bdag bde bas tshim par shes so/ / de nas byang chub sems dpa' sems dpa' chen po blo gros rgya mtshos bcom ldan 'das la mchod pa 'di lta bu 'di byas nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das kyi spyan sngar thal mo sbyar te 'dug nas/ bcom ldan 'das la 'di skad ces gsol to/ / bcom ldan 'das de bzhin gshegs pa rgya mtsho'i mchog mnga' ba'i blos rnam par rol pa mngon par 'phags pa'i mngon par mkhyen pas/ bcom ldan 'das la gnod pa chung ngam/ nyam nga ba nyung ngam/ bskyod pa yang ngam/ stobs dang / bde bar reg pa la gnas sam zhes spun gsol lo// byang chub sems dpa' sems dpa' chen po de dag thams cad kyis kyang bcom ldan 'das kyi zhabs la mgo bos phyag 'tshal te/ lan bdun bskor ba byas nas slar rang rang gi stan la 'khod do// de nas stong gsum gyi stong chen po'i tshangs pa snying rje chen po sems dpa' zhes bya ba/ mya ngan med pa'i gling bzhi pa chen po na gnas pa/ tshangs pa'i 'jig rten na 'dug pas/ stong gsum gyi stong chen po'i 'jig rten gyi khams chus yongs su gang ba'i rgya mtsho gcig lta bu yang mthong / pad+ma rnam par bkra ba/ blta na sdug pa bye ba khrag khrig brgya phrag stong mngon par byung ba yang mthong // rin po che bkod pa'i 'khor gyi khyams byang chub sems dpas gang ba yang mthong ste/ mthong nas kyang de 'di snyam du sems te/ bsreg pa'i bskal pa ni ma byung na// chus 'jig pa 'di byung ste/ 'di lta bu'i cho 'phrul 'di dag kun tu snang ba 'di la rgyu ci yod/ da bdag bcom ldan 'das kyi thad du song ste/ bcom ldan 'das ngo mtshar rmad du byung ba'i chos chen po 'jig rten du byung ba'i rgyu gang lags/ rkyen gang lags zhes zhu'o snyam mo// de nas tshangs pa snying rje chen po sems pa/ tshangs pa 'bum phrag drug cu rtsa brgyad kyi yongs su bskor te/ mdun du bdar nas lhan cig du tshangs pa'i 'jig rten nas mi snang bar gyur te/ rin po che bkod pa'i 'khor gyi khyams su bcom ldan 'das kyi spyan sngar steng gi bar snang la 'dug ste/ lus btud thal mo sbyar nas/ bcom ldan 'das nyid la phyag 'tshal to// de nas bcom ldan 'das la tshangs pa snying rje chen po sems pas 'di skad ces gsol to/ / bcom ldan 'das 'di ci lags/ gang stong gsum gyi stong chen po'i 'jig rten gyi khams 'di chab kyis yongs su bltam pa'i rgyamatsha gcig lta bur kun tu gda' ba dang / pad+ma bye ba khrag khrig brgya stong phrag 'di skad cig byung ba 'di dang / de dag la yang skyes bu dam pa dag mchis pa 'di lta bu kun tu gda' yang / bcom ldan 'das stong gsum gyi stong chen po'i 'jig rten gyi khams na grong dang / grong khyer dang / grong rdal dang / ljongs dang / yul 'khor dang / rgyal po'i pho brang 'khor rnams la yang sgrib pa ma mchis par kun tu gda' ba dang / 'dzam bu'i gling rnams dang / gling bzhi pa chen po rnams dang / rgya mtsho rnams dang / ri rab rnams dang / 'dod pa na spyod pa'i lha'i bu rnams la yang sngon ji lta bar phyis kyang de bzhin du sgrib pa ci yang ma mchis par de kho na bzhin du kun tu gda' ba de la/ bcom ldan 'das 'di su'i byin gyi rlabs kyis gyur snyam du bdag ngo mtshar cher gyur na/ 'di su'i snga ltas lags/ de skad ces gsol ba dang / bcom ldan 'das kyis tshangs pa snying rje chen po sems pa la 'di skad ces bka' stsal to// tshangs pa 'di ni bcom ldan 'das de bzhin gshegs pa rgya mtsho mchog mnga' ba'i blos rnam par rol pa mngon par 'phags pa'i mngon par mkhyen pa'i sangs rgyas kyi zhing 'jig rten gyi khams yon tan rin po che dri ma dang bral ba dpag/ tu med pa bkod pas brgyan pa nas/ byang chub sems dpa' sems dpa' chen po blo gros rgya mtsho/ byang chub sems dpa' sems dpa' chen po bgrang ba las 'das pa dag dang lhan cig tu la blta ba dang / phyag bya ba dang / bsnyen bkur bya ba dang / 'dus pa chen po'i le'u'i chos kyi rnam grangs 'di las gtam gyi rgyud 'ga' zhig yongs su dri ba'i phyir 'jig rten gyi khams mi na/ mjed 'dir 'ongs pa yin te/ gang stong gsum gyi stong chen po'i 'jig rten gyi khams 'di chus yongs su gang bar kun tu snang ba 'di lta bu 'di ni de'i rnam par sprul pa'i byin gyis brlabs so// gsol pa/ bcom ldan 'das da dung yang 'dus pa chen po'i le'u'i chos kyi rnam grangs 'chad dam/ bcom ldan 'das kyis bka' stsal pa/ tshangs pa de bzhin gshegs pa'i spobs pa la ni rgyun chad pa chung zad kyang med de/ gang gi tshe khyod kyis de bzhin gshegs pa cang mi gsung bar gyur pa mthong ba de'i tshe na yang / nga ni phyogs bcu'i 'jig rten gyi khams nas 'dus pa'i byang chub sems dpa' rnams la chos rnam par nges pa'i gtam yang dag par rab tu ston te/ tshangs pa sangs rgyas kyi yul ni de ltar bsam gyis mi khyab bo// gsol pa/ bcom ldan 'das gang 'di lta bu 'di rnam par sprul pa'i byang chub sems dpa' sems dpa' chen po blo gros rgya mtsho zhes bgyi ba de gang lags/ bcom ldan 'das kyis bka' stsal pa/ tshangs pa khyod kyis pad+ma dpag tshad bcu'i khyon tsam yod pa de'i dkyil na pad+ma'i snying po la/ rin po che bkod pa'i seng ge'i khri 'phang du shing ta la bdun tsam pa dang / srog chags bye ba phrag mang pos phyag byas pa mthong ngam gsol pa/ bcom ldan 'das mthong lags so// bcom ldan 'das kyis bka' stsal pa/ tshangs pa khyod kyis seng ge'i khri de la byang chub sems dpa' lus gser gyi kha dog tu 'dug pa lus mtshan dang dpe byad bzang pos legs par brgyan pa 'dug ste/ gang de bzhin gshegs pa'i sku ma gtogs par gzhan byang chub sems dpa'i lus zil kyis mnan nas 'dug pa/ byang chub sems dpa' mang pos phyag byas pa mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ tshangs pa 'di ni byang chub sems dpa' sems dpa' chen po blo gros rgya mtsho zhes bya ba ste/ 'di ni de'i rnam par sprul pa'o// de nas tshangs pa snying rje chen po sems pas/ byang chub sems dpa' sems dpa' chen po blo gros rgya mtsho la phyag byas nas/ tshig 'di skad ces smras so// bcom ldan 'das sems can thams cad kyang rdzu 'phrul gyi cho 'phrul 'di lta bu dag thob par gyur cig/ gang dag byang chub sems dpa' blo gros rgya mtsho'i ming thos pa'i sems can de dag ni rnyed pa legs par rnyed pa lags so/ / bcom ldan 'das bdag gis kyang skyes bu dam pa 'di'i ming thos shing gzugs kyi lus kyang mthong bas bdag gis kyang rnyed pa legs par rnyed do/ / bcom ldan 'das 'dus pa chen po'i le'u'i chos kyi rnam grangs 'di yun ji srid cig tu 'chad// bcom ldan 'das kyis bka' stsal pa/ tshangs pa ji srid du de bzhin gshegs pa'i sku tshe'i tshad gnas pa dang / de bzhin gshegs pa yongs su mya ngan las 'das nas kyang / byang chub sems dpa' 'di dag ches kyi rnam grangs 'di 'chang ba dang / klog pa dang / yang dag par rab tu ston pa dang / rgyas par byed kyi bar du'o// de ci'i phyir zhe na/ tshangs pa 'das pa dang / ma 'ongs pa dang / ltar byung ba'i sangs rgyas bcom ldan 'das rnams kyi byang chub sems ni 'di'i nang du 'dus pa'i phyir ro// de nas byang chub sems dpa' sems dpa' chen po blo gros rgya mtsho/ 'khor thams cad rgya cher yang dag par rab tu dga' bar bya ba dang / tshangs pa snying rje chen po sems pa'i sems dang 'thun par bya ba dang / chos kyi rnam grangs 'di brgyan par bya ba dang / bdag nyid kyi shes rab dang / spobs pa'i stobs nye bar bstan pa'i phyir pad+ma dang lhan cig/ seng ge'i khri dang lhan cig tu steng gi bar snang la shing ta la bdun srid tsam na 'dug ste/ de'i tshe tshogs su gcad pa 'di dag smras so/ / khrag khrig sangs rgyas zhing rdul snyed kyi zhing rnams 'das pa'i 'og logs na// rdzogs pa'i byang chub sems dpa' gnas zhing yon tan kun ldan rab mdzes pa/ de na 'dren pa brtan pa rgya mtsho'i blo thugs mtshungs pa med bzhugs te/ / der ni bdag gis thub pa'i chos thos gyur te thos nas de bzhin bzung // bdag ni stobs bcu ldan la blta bar bgyi dang de bzhin phyag bgyi dang / / byang chub sems dpa' khyu mchog 'di rnams phan tshun dri slad 'dir mchis te// skyob la phyag bgyi bas ni chos rgyal mtshungs med khyod la 'dir phyag 'tshal/ sangs rgyas mchod pa gang lags rgya chen shin tu rgyas pas mchod pa 'tshal/ / gang gi gzugs la gzugs su mi rtog tshor ba 'dus bgyis ma lags shing / rnam par shes pa'ang tshor gsum bzhin du rtag par shin tu rnam dag ste/ / gang zhig 'dren la mtshan du ma lags skye dang rigs su ma lags rtogs// mig ldan des ni chos kyi rgyal po dri med yang dag don tu mthong / / bdag gam bdag med ces bya'i mtha' de gnyi ga mi len mi 'dor te// nang du gyur pa zhi zhing thugs kyang zhi ste phyi rol rgyu mi mnga'// mi rtog rnam mi rtog ci'i rtog bral thub pa'i thugs ni nam mkha' 'dra/ / des ni phyogs bcu'i bde gshegs chos kyi rgyal mtshan gsal mdzad rnams la mchod// gang blo smin pa rnams la 'di ni sgyu ma len pa stong pa nyid// g.yo ba med pa'i yid kyis nor rnams de dag rig pa med par gtong / / byang chub don tu nges kyi lta bar nges min spros la gnas ma yin// gang blo sems can nyes pa mthar 'byin de ni sbyin bdag ser sna med// de ni rab tu zhi bas zhi ste ngag med yid med lus gdung med/ / gdung ba med pas bcing ba rgya chen bral te nges pa dbang po zhe// bdag med theg par gnas nas byang chub dmigs pa med cing de mi 'dor// khrims gnas blo ldan khrims 'chal thar byed 'dod pa tshul khrims dri ma med// chos rnams skad cig par ni rtogs pa shes bya rnams la smras pa med// nam mkha' mtshungs pa'i yid kyis 'gro ba 'di dag sgyu ma ji bzhin mthong / / gang zhig lus ni dum bu dum bur bcad kyang yid ni khro mi 'gyur// gang zhig byang chub brtul zhugs gnas pa'i blo ldan mkhas te bzod pa smra// gang zhig/ chos rnams chu zla chu bur mnyam zhig sgyu ma smig sgyu 'dra// rtogs nas mi min srog ma yin zhing shes bu ldan pa ma yin mthong // byang chub dang ni sems can tshogs mi dmigs kyang byang chub gzhan don brtson/ / tshul 'dir gang zhig skrag pa med pa de ni brtson 'grus tha mar phyin// gang gi sems ni yul la chags pa med cing the tsom yod min la// sems can gzhan gyi sems kyi spyod pa dus gsum gyur pa'ang shes pa dang / / gang sems spyod par gyur pa gang yin de yi bdud kyis mi shes pa// pha rol phyin thob bsam gtan dang ni mngon par shes la blo gros gnas// gang zhig sangs rgyas rnams kyi gsung kun nyan cing de bzhin 'dzin byed pa// bskal pa dpag tu med par smras kyang spobs pa rgyun chad mi 'gyur te// sangs rgyas chos rtogs sems can mi ltung de ni gang du'ang gnas med pa/ / bcom ldan thub nyid mkhyen gter shes rab ldan zhing 'jig rten gsum na dpa'// gang zhig pha rol phyin pa'i pha rol gshegs kyang gshegs min ma gshegs min/ / gang zhig sems can spyod pa'i mthar phyin mi gnas g.yo ba mi mnga' zhing // yon tan kun mthar gang phyin yon tan rnams la rlom sems mi mnga' ba// thub pa'i dbang po shAkya sangs rgyas khyu mchog de la mgo bos thug/ 'od zer rnam dag nyi mas srin bu me khyer 'od rnams zil gyis mnan// me lce rtse mthon bskal mtha'i me yis sa la ji snyed yod pa sreg/ ri mchog ri rab kyis ni sa la yod pa'i ri kun zil gyis mnan// shAkya khyu mchog spu 'dis 'jig rten gsum gyi 'od gzhan zil du rlag/ zhing brgya dag nas lhags pa'i byang chub sems dpa' khyu mchog ji snyed pa/ / de dag gtso bo khyod kyi mchog dang gzi brjid kyi ni tshim par gyur// gang dag smon lam ji ltar btab pa de ltar kun gyis 'thun par mthong // bdag cag gang nas ma 'ongs rang gi zhing nyid na ni 'dug par shes/ / ji ltar gang gis rang rig de ltar khyod kyi gzung ni shin tu 'jug/ srid pa gsum na skad rnams ji snyed ci mchis de dang 'thun par 'jug/ rdul gyi rdul dang mi rnams kyi ni sems kyi bsam pa bgrang nus srid/ / thub pa'i gsung dbyangs tshad med nam mkha' 'dra 'di bgrang bar nus ma lags// nam mkha'i mtha' dang mi rnams kyi ni mtha' ma bgrang bar mi nus te/ / 'khor ba'i sngon gyi mtha' ma nyid ni rnam pa kun tu bgrang mi nus// nam mkha'i mtha' dang 'khor ba'i mtha' ni mi yis bgrang bar nus kyang srid// sangs rgyas mkhyen dang ting 'dzin tshul khrims yun ni gang du'ang shes mi nus/ / gzhal yas bskal par gang gi bsngags pa brjod par sla ba ma lags pa// khyu mchog dpag yas chos kyi dbang phyug 'dren pa khyod la phyag 'tshal lo/ / skye bo gang dag shes dang mos pas sangs rgyas che ba rjes rtogs pa// de dag gis ni blo gros bsam yas rmad byung kun lhag 'dren pa mthong // de nas byang chub sems dpa' sems dpa' chen po blo gros rgya mtshos tshigs su bcad pa 'di dag smras nas/ bar snang de las babs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ / gal te zhus nas zhu ba lung bstan pa'i slad du/ bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ / de skad ces gsol pa dang / bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to/ / rigs kyi bu khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / dris pa de dang dengs lung bstan pas khyod kyis sems rangs par bya'o/ / de skad ces bka' stsal pa dang / bcom ldan 'das la byang chub sems dpa' sems dpa' chen po blo zlos rgya mchos 'di skad ces gsol to// bcom ldan 'das byang chub sems dpa' sems dpa' chen po rnams kyi ting nge 'dzin shin tu dkar ba dri ma med pa'i phyag rgya zhes 'gyi ba mchis te/ ting nge 'dzin de la rab tu gnas na/ byang chub sems dpa' sems dpa' chen po rnams bla na med pa yang dag par rdzogs pa'i byang chub mngon par rdzogs par 'tshang rgya zhes bdag gis thos na/ byang chub sems dpa' sems dpa' chen po rnams kyis shin tu dkar ba dri ma med pa'i phyag rgya'i ting nge 'dzin ji ltar thob pa dang / ci'i slad du shin tu dkar ba dri ma med pa zhes bgyi ba/ bcom ldan 'das de bzhin gshegs pas de legs par bshad du gsol/ ting nge 'dzin de la 'jug pa'i sgor 'jug pa gang thos nas/ byang chub sems dpa' sems dpa' chen po rnams ting nge 'dzin/ 'di thob cing myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba/ bcom ldan 'das de bzhin gshegs pas legs par bshad du gsol/ de skad ces gsol pa dang bcom ldan 'das kyis byang chub sems dpa' sems dpa' chen po blo gros rgya mtsho la 'di skad ces bka' stsal to/ / skyes bu das pa legs so legs so// kyis dri ba 'di bzang zhing dpyod pa de tshul bzhin yin te/ de'i byor rigs kyi bu legs par rab tu nyon la yid la zung gigi dang / byang chub sems dpa' sems dpa' chen po rnams kyis shin tu dkar badrim med pa'i phyag rgya'i ting nga 'dzin 'di ji ltar thob pa dang / myung du than med pa yang dag par rdzogs pa'i byang chub mngon par rdzogs par 'tshang rgya bar 'gyur bangs pasad par bya'o// bcom ldan 'das legs so legs so zhes gsol to/ / byang chub sems dpa' sems dpa' chen po blo gros rgya mtsho/ bcom ldan 'das kyis ltar mnyan pa dang / bcom ldan 'das kyis 'di skad ces bka' stsal to/ / blo gros rgya mtsho 'di la byang chub sems dpa' sems dpa' chen po ni dge ba'i rtsa bas brtan pa yin te/ dge ba'i bsam pa dang ldan pa/ nges pa'i phung po la rab tu gnas pa tshogs bsags pa/ dbang po rno ba/ dge ba'i bshes gnyen gyis yongs su zin pa/ sangs rgyas kyis byin gyis brlabs pa/ rgyu'i stobs can yin te/ de ni sangs rgyas bcom ldan 'das rnams mnyes par byed/ bsti stang du byed/ bla mar byed/ rim gror byed/ mchod par byed do// sangs rgyas bcom ldan 'das de dag gi gzugs phun sum tshogs pa mthong zhing / gsung snyan pa thos te/ 'khor phun sum tshogs pa yang mthong zhing / chags pa med pa'i mkhyen pa yang thob la/ rdzu 'phrul gyi cho 'phrul lam/ kun rjod pa'i cho 'phrul lam/ rjes su bstan pa'i tshe 'phrul gyis sems can 'dul ba mdzad pa yang mthong nas/ sems can rnams la snying rje chen po skyes te/ bla na med pa yang dag par rdzogs pa'i byang chub tu sems bskyed nas/ brtson 'grus brtsams pa yin te/ dge ba'i chos yongs su tshol ba la brtson zhing thams cad mkhyen pa'i sems brjed pa med pas/ sems yongs su dag pa la rnal 'byor du byed do// sems yongs su dag pas ting nge 'dzin yongs su dag pa rab tu thob bo/ / blo gros rgya mtsho 'di lta ste dper na/ rigs 'phags pa'i nor bu rin po che nor bu mkhan mkhas pa'i lag tu son pa/ ji tsam na yongs su dag pa dang / shin tu dkar ba dang / mthing bu dang bral ba dang / skyon med par gyur pa de srid du yongs su sbyangs na/ skyes bu mkhas pa nor bu rin po che la mkhas pa rnams 'du bar 'gyur ro/ / blo gros rgya mtsho de bzhin du byang chub sems dpa'i rigs 'phags pas thams cad mkhyen par sems bskyed pa rin po che bskyed nas/ bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ ji tsam na mthing bu dang bral zhing / rlom sems kyi mthing bu dang bral bar 'gyur ba de srid du byang chub sems dpa' sems dpa' chen po de dge ba'i rdung ba yongs su spangs pa bya ba dang / thos pa mkhas pa yongs su spang bar bya bas/ thams cad mkhyen pa'i sems bskrad pa rin po ched yongs su spangs na/ phyogs bcu'i sangs rgyas bcom ldan 'das rnams 'du zhing / shin tu dkar ba dri ma med pa'i phyag rgya'i ting nge 'dzin 'di yang thob bo// blo gros rgya mtsho 'di lta ste dper na/ rigs 'phags pa'i nor bu rin po che de ni/ rin po che'i rigs dgu las shin tu 'das par 'byung ste/ dgu gang zhe na/ 'di lta ste/ gser gyi rigs dang / dngul gyi rigs dang / shel gyi rigs dang / bai DUR+Ya'i rigs dang / rdo'i snying po'i rigs dang / spug gi rigs dang / mu tig dmar po'i rigs dang / ke sa ra'i rigs dang / dpal gyi snying po'i rigs te/ nor bu rin po che'i rigs dgu po 'di dag las shin tu 'das nas/ dri ma med cing rnam par dag pa'i 'od ces bya ba'i nor bu rin po che chen po'i rigs de las de rin thang med pa'i nor bu rin po cher 'gyur te/ de 'khor los sgyur ba'i rgyal po'i yongs su spyad par 'gyur gyi/ de ma yin pa sems can phal pa gzhan rnams kyi ni ma yin te/ nor bu rin po che de'i 'od gang yin pa des ni/ de ma yin pa'i nor bu rin po che gzhan rnams kyi 'od mog mog por byed do/ / blo gros rgya mtsho de bzhin du thams cad mkhyen par sems bskyed pa'i rin po che de yang rin po che'i rigs dgu las shin tu 'das par 'byung ste/ dgu gang zhe na/ 'di lta ste/ so so'i skye bo dge ba rin po che'i rigs dang / dad pa'i rjes su 'brang ba'i rin po che'i rigs dang / chos kyi rjes su 'brang ba'i rin po che'i rigs dang / mtshan ma med pa la gnas pa rin po che'i rigs dang / rgyun tu zhugs pa'i rin po che'i rigs dang / lan cig phyir 'ong ba rin po che'i rigs dang / phyir mo 'ong ba rin po che'i rigs dang / dgra bcom ba rin po che'i rigs dang / rang sangs rgyas rin po che'i rigs te/ rin po che'i rigs dgu po 'di dag las shin tu 'das nas/ bcu pa sangs rgyas kyis byin gyis brlabs pa'i lhag pa'i bsam pa snying rje chen po'i rin po che'i rigs las thams cad mkhyen par sems bskyed pa rin po che de 'byung ste/ de yongs su sbyangs na nyan thos dang / rang sangs rgyas thams cad zil gyis non cing sems can thams cad kyi sems kyi rgyud rnams la yang snang bar byed do/ / blo gros rgya mtsho 'di lta ste/ dper na/ nor bu rin po che chen po de gang gi tshe sbyang bzod cing gnod pa bzod la phugs nas kyang nyes par ma gyur na/ nor bu rin po che chen po de ni 'di ltar sems can bsod nams byas pa/ dge ba'i rtsa ba bskyed pa rnams la phan pa byed par 'gyur ro// blo gros rgya mtsho de bzhin du thams cad mkhyen par sems bskyed pa rin po che de yang gang gi tshe sbyang bzod cing gnod pa bzod la/ phug nas kyang nyes par ma gyur na/ thams cad mkhyen par sems bskyed pa rin po che skyon thams cad dang bral ba de 'di ltar sems can thams cad la phan par byed par 'gyur ro/ / blo gros rgya mtsho de la thams cad mkhyen par sems bskyed pa rin po che de sbyang ba gang zhe na/ 'di lta ste/ sdom pa gsum gyis dge ba bcu'i las kyi lam yongs su dag pa dang / byams pa'i rjes su 'jug pas sems can thams cad la byams shing dang ba dang / snying rje'i rjes su 'jug pas sems can thams cad kyi bya ba ci yod snyam pa la brtson pa dang / dga' ba'i rjes su 'jug pas sems can thams cad chos la sbyor ba dang / btang snyoms kyi rjes su 'jug pas sems can thams cad la mi 'tshe zhing rtag tu sems drang ba dang / g.yo dang sgyu med pas phan pa'i dngos po'i bsam par gyur pa dang / de dge ba'i rtsa ba thams cad brtsam pa la lhag pa'i bsam pa sbyor ba dang / cang shes kyi sems kyis dran pa dang / shes bzhin dang ldan pa dang / sems shin tu dul bas sems las su rung ba dang / dgang sla bas sbyangs pa'i yon tan yo byad bsrungs pa'i tshogs dang ldan pa dang / gso sla bas 'phags pa'i rigs chog shes pa dang / bla ma dang sbyin gnas rnams la 'dud cing rab tu 'dud pa dang / nga rgyal med pas kheng pa dang / rtsod pa rnam par spong ba dang / sems nges par sems pas nga rgyal las kyang nga rgyal rnam par spong ba dang / rnyog pa med pas sems gsal ba dang / bdag la mi stod pas bdag shes pa la 'jug pa dang / gzhan la mi smod pas sems can rjes su bsrung ba dang / sman gyi sems kyis chos la gus pa dang / de'i don so sor myong bas chos don tu gnyer ba dang / de la gzhol 'bab bab pas chos 'dod pa dang / nyon mongs pa med pa la gnas pas chos la dga' ba dang / chos ma yin pa rnam par spong bas chos yongs su tshol ba dang / rtag tu ngo tsha shes pas dkon mchog gsum la dad pa rgyun mi 'chad pa dang / las kyi rnam par smin pa la yid ches pas mi dge ba thams cad yid la mi byed pa'i bya ba la 'jug pa dang / drang bas spong lam sbas pa dang / khengs pa med pas mnyen pa dang / zhi gnas yongs su tshol bas rgod pa dang bral ba dang / blo brtan pas snyoms las med pa dang / rab tu mi g.yo bas sems ri dang mtshungs pa dang / rjes su 'chags pa dang khong khro ba dang bral bas sems sa dang mtshungs pa dang / bsam pa dag pas sems chu dang mtshungs pa dang / rlom sems med pas sems me dang mtshungs pa dang / gnas med pas sems rlung dang mtshungs pa dang / shin tu dri ma med pas sems nam mkha' dang mtshungs pa dang / sangs rgyas kyi tshul khrims 'khrugs pa med pa'i phyir rab tu 'byung ba la gzhol ba dang / lus dben pa'i phyir dgon pa la dga' ba dang / sems dben pa'i phyir chos la spyod pa dang / de byed cing yang dag par sgrub pa'i phyir tshig bden pa dang / kha 'og tu lus 'khrus par byed pa'i phyir ji skad smras pa de bzhin byed pa dang / nyon mongs pas mi brdzi ba'i phyir sems dpa' ba dang / shin tu nyams pa med pa'i phyir bslab pa yang dag par 'dzin pa dang / kha na ma tho ba phra rab la yang 'jigs par lta ba'i phyir/ tshul khrims lhod pa med pa dang / skye bar smon pa med pa'i phyir tshul khrims skyon med pa dang / gcig tu dkar po spyod pa'i phyir tshul khrims thun tshags ma yin pa dang / byang chub kyi yan lag sbyang ba'i phyir/ dge ba'i bshes gnyen la bsten pa dang / mig yongs su dag pa'i phyir 'od gzer thogs pa med pa dang / rna ba yongs su dag pa'i phyir sgra la thogs pa med pa dang / sna yongs su dag pa'i phyir dri la thogs pa med pa dang / lce yongs su dag pa'i phyir ro la thogs pa med pa dang / lus yongs su dag pa'i phyir reg bya la thogs pa med pa dang / yid yongs su dag pa'i phyir chos la thogs pa med pa'o// blo gros rgya mtsho gzhan yang byang chub sems dpa' ni mi sdug pa shin tu bsgoms pa'i phyir 'dod chags kyi gdung ba dang bral ba yin/ byams pa shin tu bsgoms pa'i phyir zhe sdang gi gdung ba dang bral ba yin/ rten cing 'brel par 'byung ba la shin tu brtags pa'i phyir gti mug gi gdung ba dang bral ba yin/ dbang po rnams la shin tu brtags pa'i phyir sgrib pa dang bral pa yin/ stobs yongs su dag pa'i phyir sgrib pa yang dag par bsal ba yin/ 'byung bar bya ba'i khams yongs su dag pa'i phyir/ kun nas ldang ba bsal ba yin/ yang dag par bsgrub pa'i phyir 'dod/ pa dang / zhe sdang dang / gti mug dang / 'jigs pa dang / nga rgyal dang bral ba yin/ chos kyi smin pa la ser sA med pa yin/ zang zing gi sbyin pa la kun tu 'dzin pa'i sems med pa yin/ theg pa dman pa la 'dod pa med pa'i phyir byang chub kyi bsam pa yin/ dbang po sbas pa'i phyir nang nye bar zhi ba yin/ skyon shin tu mthong ba'i phyir phyi rol nye bar zhi ba yin/ sdig pa thams cad mi byed pa'i phyir 'khor bas skrag pa yin/ dge ba'i rtsa ba sogs pas mi ngoms pa'i phyir yid yongs su mi skyo ba yin/ chu bo bzhi las bsgral ba'i phyir chos kyi gru chen po yang dag par sbyar ba yin/ pha rol tu 'gro ba'i phyir stegs dang bam pa shin tu bcas pa yin// thang la shin tu gnas pa'i phyir 'das dang / 'obs las rgal ba yin te/ blo gros rgya mtsho de ltar byang chub sems dpa' sems dpa' chen po gang gi tshe chos 'di lta bu de dag gis dag pa dang / yongs su dag pa dang / sbyin pa 'phags pa dang / tshul khrims yongs su dag pa de ni rnam pa thams cad mkhyen par sems bskyed pa rin po che de sbyong ba'o/ / de nas de'i tshe bcom ldan 'das kyis tshigs su bcad pa 'di dag gsungs so// lus dang ngag rnams dang ni yid bsdams shing // rnam par dag pa'i las lam bcu la slob// byams pas sems can kun la yang dag blta// 'di ni thams cad mkhyen pa'i sems sbyong yin/ / snying rje ldan pas gzhan gyi bya bar brtson// dga' dang ldan pas chos la pha rol sbyor// btang snyoms ldan pas chos mchog 'tshe ba med// 'di ni thams cad mkhyen pa'i sems sbyong yin/ / rtag tu drang zhing g.yo ni rnam par spangs// gzhan la phan byed sdig pa rnam par spangs// lhag bsam dge ba ci yod rjes su 'jug/ 'di ni thams cad mkhyen pa'i sems spyong yin/ / shes rab rab 'jug dran dang shes bzhin can// sems rab dul bas sems ni las su rung // sbyangs pa'i yon tan rnams dang gso sla ba// 'di ni thams cad mkhyen pa'i sems sbyong yin/ / 'phags rigs chog shes pa dang tshig mnyen dang / bla ma rnams la rtag tu 'dud byed dang // rtsod brdzun nga rgyal spangs dang stobs ldan dang // brnyas dang log pa nam yang byed ma yin/ / sems ni nges sems mngon pa'i nga rgyal bral// rnyog pa med cing rab tu dang la gsal// bdag shes pa la rim gyis 'jug par byed// gzhan la mi brnyas sems can rjes su srung / chos la gus par dga' zhing gus dang bcas// bsgrims te nyon mongs rnams ni spong bar byed// chos don gnyer zhing chos la rtog par byed// rtag tu chos don gzhol zhing 'bab par byed/ / chos la brtson zhing nyon mongs med par bsgoms// chos min spangs shing chos rnams yongs su tshol// dkon mchog gsum la dad pa mi phyed ldan// 'di ni thams cad mkhyen pa'i sems sbyong yin/ / rtag tu mdzes dang ldan zhing nyes spyod ldog/ de bzhin gshegs pa kun la ngo tshas sdom// khrel yod ldan zhing 'dir ni dbang po bsdams// 'di ni thams cad mkhyen pa'i sems sbyong yin/ / rab tu sbyor bas las kyi bya bar 'jug/ bag yod pas ni mtha' gnyis 'dzin mi byed// mkhas pa rten pa'i chos rnams rjes rtogs pa// 'di ni thams cad mkhyen pa'i sems sbyong yin/ / spyod lam gyis ni drang ba'i dngos dang ldan// khengs pa med pas rtag tu mnyen pa nyid// zhi gnas cho ga ldan pas rgod pa med// 'di ni thams cad mkhyen pa'i sems @sbyor yin/ / blo tse rab tu brtan mas pa mang// lhag mthong la nir rgyal ji bzhin te// dam bcas brtan zhing bar skabs nyams pa med// 'don thams cad mkhyen pa'i sems sbyong yin/ / sdug bsngal bde bas mi g.yos dang mtshungs// bsam pa dag pas chu ltar dri ma 'khru// rtag tu rlom sems med pas me dang mtshungs// gnas med rgyu bas rtag tu rlung dang 'dra/ / shin tu dri ma med pas mkha' mnyam sems// rab tu 'byung bas sangs rgyas bstan pa rnyed// lus ni dben zhing zhi bas dgon par dga'// sems dben pas ni chos kyi mchog la spyod/ / dge ba bden par smra dang yang dag smra// ji skad smras pa de ni de bzhin byed// nyon mongs mi rdzi dge la dpa' bo mchog/ shin tu bslabs pas bslabs pa yang dag 'dzin// de la lhod pa nam yang yod ma yin/ / kha na ma tho chung la'ang rtag tu 'jigs// byang chub mchog rgyu'i tshul khrims nyams pa med// yon tan dkar spyod tshum khrims 'dres pa med// dge ba'i bshes gnyen bsten cing sdig pa min/ / rdzogs pa'i byang chub sems sogs bya phyir brtan// de ltar de yi mig ni dri med kyis// 'jig rten kun la 'od zer mnyam par lta// mkhas pa de ni sna tshogs sgra thes nas/ / dga' med rangs pa med cing zhums pa med// blo ldan de ni sgra yi don rtogs byed// de yi rna ba de ltar rnam dag nyid// sna yis dri dang lce yis ro/ rnapa dang // lus kyis reg dang yid kyis chos rnams la// reg nas ma khengs mdud zhum pa med// de ltar de yi dbang po dag pa nyid// chags pas mi chags sdang bas sdang ba med// gti mug ma spongs mi sdug gnas pa can// byams la dga' zhing rkyen gyis chos sems pa// 'di ni thams cad mkhyen pa'i sems sbyong yin// sgrib pa lnga po dag gis bsgribs pa med// de ltar des ni dbang po lnga yang bsgoms// de ni gang du'ang bsgrib med bcings pa'ang med// stobs rnams lnga po dag la rab tu gnas// kun nas ldang ba shes shing byung ba nyid// tshul bzhin ma yin spangs shing tshul bzhin gnas/ / dran pa nye bar gzhag pa bzhi la bsten// yang dag spong dang rdzu 'phrul rkang par ldan// byang chub yan lag sten dang rtag tu ldan// brtan pa de ni yan lag brgyad la mchog/ de ni 'dod dang sdang dang 'jigs mi 'grod// gti mug bral zhing dbang po shin tu bsdams// chos kyi sbyin la de ni ser sna med// slob dpon nam yang chos 'chab mi byed de/ / zang zing med par chos ni ston par byed// des ni de yi byang chub sems dag 'gyur// de ni zang zing rnams la kun 'dzin med// rnam smin re med 'dod dgu gtong bar byed/ / sbyin dang snyan dang don byed don 'thun pas// de ni sems can brgya dag rab tu sdud// de yi byang chub sems ni brjed mi 'gyur// theg pa dman la nam yang re ba med// jilta ji ltar sangs rgyas yon tan mthong / / de lta de ltar de bas ri rab 'dra// nang ni rab ni sred pa'i nyes pa mthong // de ni gzhan gyi 'phrul la lta mi byed// 'dus byas nyes pa dag kyang shin tu mthong / / 'khor bas 'jigs pas sdig pa rnams mi byed// legs spyod khur khyer bas ni skyo ba med// zhing rnams sbyong bar 'dod pa nyams pa med// chos rnams yongs su bzung bas zhum pa med/ / sems can thar byed rgyu la 'jigs pa med// chu bo bzhi po dag las bsgral ba'i phyir// de ni chos gru yang dag sbyor bar byed// lus can mya ngan 'das lam gzud pa'i phyir/ de ni stegs dang zam pa 'cha' bar byed// 'dam las 'das shing 'obs las rgal nas ni// thang la gnas shing de dag 'dzegs med gnas// 'jigs pas g.yen spro rnams la 'jigs med ston/ / bdag nyid rgal nas de dag gzhan yang sgrol// gang dag chos tshul 'di dag rnam dag cing // rdzogs pa'i byang chub sems brtan kha lo sgyur// de dag byang chub sems mchog rnams dag ste/ / nyon mongs dri mas gzhar yang gos mi 'gyur// ji ste nam mkha' nyon mongs bya bar nus// de la rjes kyang bstan par nus srid kyi// rang bzhin 'od gsal rdzogs pa'i byang chub sems/ / de ni nam yang nyon mongs byar mi nus// thams cad mkhyen pa'i sems rin po che yongs su sbyang ba'i le'u ste dang po'o// // bam po gnyis pa/ blo gros rgya mtsho thams cad mkhyen par sems bskyed cing rin po che de'i gnod pa bzod pa ni ji lta bu/ thams cad mkhyen par sems bskyed pa rin po che de'i gnod pa ni gang zhe na/ / blo gros rgya mtsho 'di la byang chub sems dpa' sems dpa' chen po thams cad mkhyen par sems bskyed pa rin po che de ltar bskyed nas/ 'phags pa ma yin pa tshul khrims 'chal pa'i sems can rnams bsam/ bdud rnams sam/ bdud kyi ris kyi lha rnams sam/ bdud kyis byin gyis brlabs pa rnams sam/ bdud kyi pho nya rnams kyis gtses sam/ rnam par gtses sam/ bskyod dam kun tu bskyod dam// dkrugs sam kun tu dkrugs sam/ bsdigs bsam/ ba regs kyang byang chub tu bsam pa'i sems bskyed pa de las mi phyed pa dang // sems can thams cad rab tu thar par bya ba'i snying rje chen pos brtson 'grus brtsams pa las mi phyed pa dang / dkon mchog gsum gyi rigs mi 'chad par bya bar brtson pa las mi phyed pa dang / sangs rgyas kyi chos thams cad yang dag par bsgrub pa'i dge ba'i rtsa ba la sbyor ba las mi phyed pa dang / mtshan dang dpe byad bzang po yongs su 'grub par 'gyur ba'i bsod nams kyi tshogs bsogs pa las mi phyed pa dang / sangs rgyas kyi zhing yongs su sbyang bar sgrub par brtson pa las mi phyed pa dang / lus dang srog 'dor zhing dam bcas pa'i chos yongs su 'dzin par mngon par brtson pa las mi phyed pa dang / sems can thams cad yongs su smin par bya ba la mngon par brtson zhing bdag bde ba la mi chags pa las mi phyed pa ste/ de de ltar lhag pa'i bsam pa phun sum tshogs par gyur pas sems can thams cad kyis dpyad kyang bzod/ 'thing slad byas pa dang / smad pa dang / gshung pa byas kyang bzod/ sems can thams cad kyis spros sam/ bsdigs bsam/ ngan du brjod dam/ ngan du 'gro 'am/ ngan du smras pa'i tshig gi lam yang bzod/ sems can thams cad kyi gnod pa yang bzod/ sems can thams cad kyi khur yang bzod/ sgrol bas kyang skyo ba med/ zhum pa med/ kun tu zhum pa med/ sgyid lug pa med/ yid 'chad pa med kyi/ stobs nye bar ston par byed/ mthu skyed par byed cing brtson 'grus rtsom la/ rtul bas rtul bar byed de/ spro ba skyed cing rmongs pa'i sems mi 'dzin to// de spros kyang slar mi gshe/ brdegs kyang slar mi rdeg/ khros kyang slar mi khro/ 'khrugs kyang slar mi 'khrug ste/ de ltar sems bgrang ba'i go cha gyon no// 'di lta ste/ theg pa chen po 'di ni 'jig rten thams cad dang mi mthun pa'i theg pa'o// de ci'i phyir zhe na/ sems can dedag ni rgyun gyi rjes su 'gro ba dag go/ / bdag ni rgyun las ldog par rtsol bas 'dod pa'o// sems can de dag ni phan tshun mi 'thun pa dag go/ bdag ni sems can thams cad kyi mo mthun pa spong ba'i phyir go cha bgos pa'o/ / sems can de dag ni gnod sems la dpa' ba dag go// bdag ni bzod pa dang nges pa yongs su tshol ba'o// sems can de dag ni gcig la gcig yongs su 'drid par gnas pa dag go/ / bdag ni shes rab kyis ngoms pa yongs su tshol ba'o// gal te sems can de dag phyogs bcu'i rab tu dbye bas rab tu phye ba ji snyed pa de dag thams cad ral gri dang / mdung thung dang / mda' bo che lag na thogs te/ bdag gi phyi bzhin 'brang yang sa phyogs gang du 'greng ngam/ 'dug gam/ 'chag ga ma/ nyal yang rung ste/ byang chub kyi sems skye bar 'gyur ba dang / sbyin pa'i sems sam/ tshul khrims kyi sems sam/ bzod pa'i sems sam/ brtson 'grus kyi sems sam/ bsam gtan gyi sems sam/ shes rab kyi sems sam/ thos pa'i dge ba'i rtsa ba'i sems skye bar 'gyur pa'i sa phyogs der/ de bdag lus rgya shug gi lo ma'i brgya cha tsam du gtubs sam/ rnam par gtor ram/ rnam par bcom mam/ sems can de dag thams cad las gzhan mi byed par rgyun tu gshe 'am/ bsdigs sam/ smod dam/ gshung ngam tshig ngan pa dang / ngag rtsub po smra ba de ltar gyur kyang / bdag gis sems can 'ga' la yang 'khrug pa'i sems bskyed par mi bya'o// de ci'i phyir zhe na/ sngon gyi mtha' nas 'khor ba tshad med par byas te/ gang du bdag gis lus 'di sems can dmyal bar song ngam/ dud 'gro'i skyes gnas su song ngam/ gshin rje'i 'jig rten du song ngam/ mir gyur kyang rung ste/ 'dod pa'i zas kyi dri mas/ dri ma can du gyur nas/ chos thos pa dang mi ldan zhing yang ba'i 'tsho ba'i spyod yul don med pas 'tsho ba can du gyur te/ yan lag dang nying lag brgyar gshegs shing tu bas te/ phye zhing phral la bya ba rnam pa mang po byas kyang bdag gis bzhi de las bdag gi don byas kyis gzhan gyi don ma byas pa'i/ gal te sems can de dag thams cad kyis phyi ma'i mthar bdag gi lus gshegs gtubs/ rnam par gtor rnam par bcom pa de lta bur gyur kyang bdag gis thams cad mkhyen pa nyid yongs su mi gtong ngo // sems can thams cad yongs su mi gtong ngo // dge ba'i chos la 'dun pa yongs su mi gtong ngo / / de ci'i phyir zhe na/ lus gtub pa'i lus kyi gnod pa 'di thams cad ni sems can dmyal ba'i sdug bsngal gyi brgya'i char yang nye bar mi 'gro ba nas/ rgyu'i bar du yang mi bzod do// bdag ni sems can dmyal bar gnas par spro'i/ bdag gis sangs rgyas kyi chos gtang bar ni mi bya'o// sems can thams cad rab tu thar bar bya ba la dmigs pa'i snying rje chen po mi gtong ngo / / de ci'i phyir zhe na/ de ni bcom ldan 'das kyis kyang gsungs te/ dge ba la ni bar chad mang ngo // mi dge ba'i phyogs la ni grogs byed pa mang ngo / / dge ba'i phyogs la ni grogs byed pa nyung ngo zhes gsungs pas bdag gis mi dge ba'i phyogs kyi grogs mi bya'i/ dge ba'i phyogs kyi grogs bya'o// sems can thams cad la/ bzod par bya'i gnod sems su mi bya'o// sems can de dag la gang yod pa de ma byin yang bdag la gang yod pa de bdag gis sbyin par bya ste/ sems can de dag la gnod sems dang / khro ba dang 'khon tu 'dzin pa yod pa de dag de rnams kyis ma byin yang bdag la bzod pa dang nges pa gang yod pa de bdag gis sbyin par bya'o/ / bdag gis bzod pa'i stobs bstan par bya'i// gnod sems ni ma yin no snyam mo// blo gros rgya mtsho lus dang srog 'dor ba'i byang chub sems dpa' rnams la ni/ bla na med pa yang dag par rdzogs pa'i byang chub rnyed par dka' ba ma yin no/ / gang gi gzhi las gnod sems 'byung ba'i chos de bdag gis spangs par bya'o snyam mo// chos de gang zhe na/ 'di lta ste/ lus la dga' ba dang / lus la gnas pa dang / lus la chags pa ste/ lus btang na gnod sems kyang gtong ngo // blo gros rgya mtsho de ltar bgrang ba la zhugs pa'i byang chub sems dpa' sems dpa' chen po ni sems can thams cad kyi gnod pa bzod de/ mi skyo mi khro'o// de gnod pa gsum bzod de/ gsum gang zhe na/ lus kyi gnod pa dang / ngag gi gnod pa dang / sems kyi gnod pa'o// zo gros rgya mtsho de la byang chub sems dpa'i lus kyi gnod pa bzod pa gang zhe na/ gang yan lag dang nying lag rnams bcad kyang chos la rton te/ gang de'i lus gcod pa'i sems can de nyid la lta ba'o/ / blo gros rgya mtsho de la thabs la mkhas pa'i byang chub sems dpa'i lus gcod pa na pha rol tu phyin pa drug bsgom pa yongs su rdzogs par 'gyur ro// blo gros rgya mtsho ji ltar na thabs la mkhas pa'i byang chub sems dpa'i lus gcod pa na pha rol tu phyin pa drug bsgoms pa yang yongs su rdzogs par 'gyur zhe na/ gang lus 'dor ba dang / lus yongs su gtong pa dang / lus la mi lta ba 'di ni de'i sbyin pa'i pha rol tu phyin pa'o// gang lus gcod pa na sems can thams cad la byams pas khyab par byed pa dang / tshor ba rnams kyis mi 'phrogs pa 'di ni de'i tshul khrims kyi pha rol tu phyin pa'o/ / gang lus yongs su gcod pa na gang dag de'i lus gcod pa de dag nyid rab tu thar par bya ba'i phyir bzod cing sems kyis rma mi byen te/ bzod pa'i stobs nye bar ston pa 'don de'i bzod pa'i pha rol tu phyin pa'o// brtson 'grus gang gis thams cad mkhyen pa nyid la 'dun pa mi 'dor zhing / sems kyi stobs bskyed pa yang rab tu 'dzin la/ 'khor ba nyid du mtshams kyang sbyor zhing dge ba'i rtsa ba btsam pa yang rtsom pa 'di ni/ de'i brtson 'grus kyi pha rol tu phyin pa'o// gang lus rnam par 'thor ban// thams cad mkhyen/ pa'i sems bskyed pa rin po che de mi brjed cing byang chub nyid la lta ba dang / zhi ba dang / rab tu zhi ba la so sor rtog pa 'di ni de'i bsam gtan gyi pha rol tu phyin pa'o// gang lus gcod pa na lus lar+N+Na dang / rtsig pa dang / shing dang / rdo dang / mig yor lta bur so sor rtog cing lus la sgyu ma'i chos nyid du 'jug pa dang / yang dag par na mi rtag pa nyid dang / yang dag par na sdug bsngal pa nyid dang / yang dag par na bdag med pa nyid dang / yang dag par na zhi ba nyid du lus la rtog pa 'di ni de'i shes rab kyi pha rol tu phyin pa'o// blo gros rgya mtsho de ltar na thabs la mkhas pa'i byang chub sems dpa'i lus gcod pa na pha rol tu phyin pa drug bsgom pa yongs su rdzogs par 'gyur zhing theg pa chen po de las nyams par mi 'gyur te/ 'di ni byang chub sems dpa'i lus kyi gnod pa bzod pa'o/ / blo gros rgya mtsho de la byang chub sems dpa'i ngag gi gnod pa yongs su bzod pa gang zhe na/ gang ngan tu brjod pa'i tshig thams cad dang du len pa dang / gshe ba dang / bsdigs pa dang / smad pa dang / bshung ba dang / sdigs mo byed pa thams cad bzod pa dang / yod pa'am/ med pas/ glengs kyang mi khro ba dang / khon du mi 'dzin pa dang / bag la nyal ba spong ba'o/ / blo gros rgya mtsho de la thabs la mkhas pa'i byang chub sems dpa' sems dpa' chen po ngan du rjod pa dang / ngan du smra ba'i tshig gi lam dang / gshe ba dang / bsdigs pa dag pha rol las thos nas/ pha rol tu phyin pa drug bsgom pa yongs su rdzogs par 'gyur ro// blo gros rgya mtsho ji ltar na thabs la mkhas pa'i byang chub sems dpa' ngan du brjod pa dang / ngan du smras pa'i tshig gi lam dang / gshe ba dang / bsdigs pa dag pha rol las thos na/ pha rol tu phyin pa drug bsgom pa yongs su rdzogs par 'gyur zhe na/ bro gros rgya mtsho 'di la byang chub sems dpa' sems dpa' chen po ngan du brjod pa dang / ngan du smra ba'i tshig gi lam dang / gshe ba dang / bsdigs pa dag pha rol las thos na/ dran pa 'di lta bu rab tu thob ste/ sems can 'di ni sngon nas ser sna can du gyur pa 'jungs pa ste/ ser sna'i dri mas kun tu bskor ba des gang dag de'i gnod sems kyi dri ma spang ba'i phyir chos ston pa'i dge ba'i bshes gnyen rnams la ma bsten gus par ma byas/ bsnyen bkur ma byas pa'o// bdag ni gtong ba la mos shing ser sna med par bya/ dge ba'i gshes gnyen la bsten par bya// bsnyen par bya brnyen bkur bya'o snyam ste/ de ni ngag bsrung zhing gnod sems kyang spong ba 'di ni/ de'i sbyin pa'i pha rol tu phyin pa'o// gzhan yang de 'di snyam du sems te/ sems can 'di ni tshul khrims 'chal pa las ma mthong ba ste/ de ni bdag la gshe zhing bsdigs pa'o// bdag ni tshul khrims dang brtul zhugs yang dag par blangs pa las mi nyams par bya'o// gnod sems med par bya'o/ / byang chub kyi sems yongs su bsrung bar bya'o// las kyi rnam par smin pa la brtan par bya'o// snyam pa 'di ni de'i tshul khrims kyi pha rol tu phyin pa'o// gzhan yang de 'di snyam du sems te/ sems can 'di ni zhe sdang gi shas che zhing gnod sems mang ba ste/ de ni bdag la gshe zhing bsdigs pa'o// bdag ni bzod pa'i stobs mang du byas te/ byams pa la gnas par bya'o snyam pa 'di ni de'i bzod pa'i pha rol tu phyin pa'o/ / gzhan yang de 'di snyam du sems te/ sems can 'di ni le lo can dge ba'i chos dang bral ba ste/ de ni bdag la gshe zhing bsdigs pa'o/ / ba dag ni brtson 'grus brtsam par bya/ dge ba'i rtsa ba yongs su btsal bar brtson pa la mi ngoms par bya ste/ sems can 'di byang chub kyi snying por sngar je 'jug par byas la phyis bdag bla na med pa yang dag par rdzogs pa'i byang chub mngon par rdzogs par 'tshang rgya bar bya'o snyam du de ltar go cha gyon pa 'di ni de'i brtson 'grus kyi pha rol tu phyin pa'o/ / gzhan yang de 'di snyam du sems te/ sems can 'doni brjed ngas pa/ shes bzhin med pa// nyon mongs pa nges par ma bsams pa ste/ de ni bdag la gshe zhing bsdigs pa'o// bdag ni nyon mongs pa nges par bsams par bya/ dran pa dang shes bzhin can du bya/ rtse gcig tu byang chub kyi sems mi brjed par bya ba ste/ sems can thams cad mdul ba/ ma zhi ba/ ma sbas pa/ nye bar ma zhi ba 'di lta bu dag gi don tu bdag gis po che chen po bgos te/ 'di ltar sems nges par sems su gzhug go snyam pa 'di dag ni bsam gtan gyi pha rol tu phyin pa'o// gzhan yang de 'di snyam du sems te/ sems can 'di ni shes rab 'chal pa/ bdag tu smra ba/ sems can du lta bar dmigs pa'i spyod yul ba ste/ de ni bdag la gshe zhing bsdigs pa'o// bdag ni chos nyid la bas par bya'o snyam ste/ 'di la gshe ba dang / khro ba su yin zhes des yongs su tshol ba na gang gshe ba dang khro ba'i chos de mi dmigs so// de bdag dang gzhan mi dmigs par lta ba dang bral bar bzod pa 'di ni de'i shes rab kyi pha rol tu phyin pa'o/ / blo gros rgya mtsho de ltar na thabs la mkhas pa'i byang chub sems dpa' ngan du rjod pa dang / ngan du smras pa'i tshig gi lam dang / gshe ba dang // bsdigs pa dag pha rol las thos mas pha rol tu phyin pa drug bsgom pa yongs su rdzogs par 'gyur zhing theg pa chen po de las kyang mi nyams te/ 'di ni byang chub sems dpa'i ngag gi gnod pa bzod pa'o/ / blo gros rgya mtsho de la byang chub sems dpa'i sems kyi gnod pa bzod pa gang zhe na/ gang bdud thams cad kyis byang chub kyi sems de las phral yang mi g.yo ba dang / phas kyi rgol ba dmigs par lta ba la mngon par zhen pa thams cad kyis yang dag pa'i bsam par zhugs pa/ thams cad mkhyen pa'i sems de las mos pa bzlog kyang mi brjed pa dang / sangs rgyas kyi bzugs su 'dub kyang mi mnyam pa dang mnyam pa'i sems de las nyams par byed mi nus te/ bdud rdzu 'phrul rab tu chen po dag gis khyod kyis theg pa chen po yang dag par bsgrub par mi nus kyis khyod kyis gces par bya ba 'di thong shig/ khyod kyis brtson 'grus 'di 'or cig/ byang chub ni rnyed par dka' ba/ sangs rgyas kyi chos rnams ni rnyed par dka' ba ste/ 'dir 'khor ba'i sdug bsngal mang du myong bar 'gyur ro/ / gang dag mya ngan las 'das pa de dag ni bde ba yin gyis/ skyes bu dam pa khyod myur du mya ngan las 'das par gyis shig ces de'i sems bskul zhing / sems dran par byed la/ blo gros rgya mtsho gal te byang chub sems dpa' sems dpa' chen po la de ltar bral bar byed/ de ltar mos pa bzlog par byed kyang / sngon gyi go cha mi 'dor zhing bsam pa rnam par 'khrugs par mi byed kyi/ de 'di snyam du sems te/ bdag gis nges par byang chub kyi snying po gnon par bya/ bdag gis nges par bdud dpung dang bcas par pham par byas te/ bla na med pa yang dag par rdzogs pa'i byang chub mngon par rdzogs par 'tshang rgya bar bya/ bdag gis nges par chos kyi 'khor lo rab tu bskor bar bya/ bdag gis nges par stong gsum gyi stong chen po'i 'jig rten gyi khams su chos kyi gtam chen po brjod par bya/ bdag gis sems can thams cad mtshon tu gnyer la chos kyi sbyin pas tshim par bya'o// sangs rgyas dang / byang chub sems dpa' thams cad dang / bdag dang gzhan gyi sems rig pa'i lha rnams kyis byang chub tu bsam pa rig gis/ bdag gis thams cad mkhyen pa'i sems kyi gnod pa bzod par bya'o/ / sangs rgyas rnams dang / lha rnams dang / sems can thams cad dang bdag la bslu bar mi bya'o snyam pa de dag lnga du ni/ blo zos rgya mtsho byang chub sems dpa sems kyi gnod pa bzod cing theg pa chen po de las mi byed pa ste/ blo gros rgya mtsho 'di ni thams cad mkhyen par sems bskyed pa rin po che de'i gnod pa bzod pa'o// bzod pa'i pha rol tu phyin pa'i go cha gang yin pa dang / brtson 'grus kyi pha rol tu phyin pa gong ba med pa gang yin pa dang / pha rol tu phyin pa 'di gnyis yongs su rdzogs par byed pa 'di ni byang chub sems dpa'i sems kyi gnod pa bzod pa'o/ / de nas de'i tshe bcom ldan 'das kyis tshigs su bcad pa 'di dag gsungs so// byang chub lam las bsam pa mi byed cing / de ni snying rje las kyang phyed ma yin/ / bdag gis dkon mchog gsum po bsrung bar bya// sangs rgyas chos rnams yang dag bsgrub par bya// sum cu rtsa gnyis khyad 'phags mtshan dang dpe byad bzang // gang dag gis ni stobs bcu rnams kyi lus mdzes pa// de dag yongs su btsal phyir mchod sbyin bya ba byed// gnod pa shin tu rnam mang bzod cing yon tan phyug/ brgya phrag mtha' yas zhing rnams de dag bdag gis sbyang / / rin chen chos mchog 'di ni bdag gis bsrung bar bya// brgya phrag mtha' yas sems can de dag bdag gis dkrol// des na gnod pa bzod cing bsam pa mi phyed do/ / phyogs bcu'i sems can khams ni mtha' yas ji snyed pa// thams cad 'dus par gyur nas lag na mtshon thogs te/ de dag de la 'jig byed gshe zhing sdigs byed kyang // yon tan phyir ni bsdigs dang 'phya ba bzod par byed/ / sngon mtha' bskal pa brgya phrag mtha' yas ji snyed par/ de dag rgyun mi 'chad par tshig rtsub smras kyang ni// bdag nyid chen po de bzod mi khro gshe ba med/ / de ltar rtogs pa rnams ni gnod pa dag par 'gyur// sems can de dag lag na mtshon thogs lhan cig tu// bdag gi lus kyi yan lag dum du dum bur gtubs// 'on kyang bdag gi sems yid nam yang khro bar mi bya ste/ / byang chub yid la byas na gnod 'di dag par 'gyur// 'breng ngam 'dug gam 'chag gam 'on te nyal yang rung // gang du byang chub sems mchog 'di dag sbyin pa dang / / dul ba'i sems dang gzhan yang dkar sems mi 'dor ba// der ni de'i lus dum bu dum bur rnam par gtor// sems dmyal dud 'gro'i skye gnas yi dgas 'jig rten mir// bskal pa brgya phrag mtha' yas don med lus kyang gtubs// sangs rgyas ye shes mngon par 'dod pas lus 'dor zhes// skyes bu des ni yid kyang yang dag tshim par byed// mi yi sdug bsngal nun rnam padu ma dag/ mtshams med sdug bsngal brgya char nye bar mi 'gro ba'i// dmyal ba rnams su bskal ba brgyad ni gnas par spro/ rgyal ba dang ni chos da sems can mi gtong ngo / / bdag lus mi rtag ring du mi thub rgyu ma 'dra// khams bzhi de dag gdug pa'i sprul dang 'dra bar gsung // bdag gis lus bor byas te du ba med 'gyur bar bya// nyon mongs du gzhi nas ni rang byung sangs rgyas 'gyur/ / srid gsum 'jig rten 'di ni lus bder 'gyur ba'i gzhi// 'dod pa'i zas rgyu cung zad ji snyed 'jigs pa ste// bdag gis lus btang 'jigs pa med par 'gyur bar bya/ / bgrang ba 'di la zhugs pa de dag gnod pa bzod// nag po'i phyogs la grogs ni brgya stong phrag kyang mang // dkar po'i phyogs ni gang la'ang grogs med gcig pur 'gyur/ / bdag ni mi dge rnams dang rtsod par mi bya ste/ sangs rgyas bzod pa gsungs pas bzod pa bdag gi grogs// phyogs bcu'i sangs rgyas de dag 'dir ni bdag gi dbang ji ltar sangs rgyas sku la sems ni mi phyed de/ / sangs rgyas dang ni bdag nyid che lha bdag gi grogs// gnod pa bzod par bya yi sdang bar mi bya'o// gnod pa lus dang ngag yid rnam pa gsum du gsungs/ / gang bzod dpa' bo de ni mi phyed brjod pa yin// lus kyi sdug bsngal rnam pa mtha' yas yod pa dag/ gal te lus la bzod pa lus gnog dag par 'gyur// lus ni dum bu dum bur gtubs te rnam gtor tshe/ / thabs ldan che ba'i bdag nyid pha rol phyin rdzogs 'gyur// sbyin dang tshul khrims bzod dang brtson 'grus bsam gtan dang / shes rab khyad 'phags dam pa skad cig tsam gyis 'dzin/ / lus dang lus la bsregs pa'i nyon mongs rnams kyang 'dor// sbyin dang rab tu ldan pa'i pha rol phyin par 'gyur// byams pas 'jig rten khyab byed tshul khrims nyams mi 'gyur/ / byang chub rjes su 'gro bas tshul khrims dag pa 'dzin// bzod pa'i stobs skyed yan lag rnams dang nying lag gcod// de yang de yi bzod pa'i pha rol phyin la sbyor/ brtson 'grus gces pa ma zhum par skabs sgyid lug med// lus ni rnam par 'thor zhing brtson 'grus pha rol 'gro// byang chub sems kyi bsam pa dran pa mi 'dor zhing // nyon mongs mun pa'i rdul rnams bsal phyir rab tu brtson/ / lus bshig nas ni bsam gtan stobs dang rnam par thob// 'di yang rdul bral bsam gtan pha rol phyin la sbyor// bdag gi lus ni// bdag med rmi lam glog dang 'dra// 'di la byed pa po med tshor ba po yang med// lus kyi gzings pas bcings pa'i sems can bdag gis dgrol// shes rab 'di ni khyad 'phags pha rol phyin pa mchog/ gang zhig 'di la sbyor zhing tshul bzhin chos sems la// lus kyi gnod pa bzod cing rab sdang mi byed cing // mi snyan pa dang smad dang gshung ba'i tshig thos kyang // de ni zhe sdang mi 'gyur byams ldan sems kyang dul/ / thab rab tu zhe sdang por 'di sbyin pa dag/ byams pa'i yid du gyur pa 'di ni tshul khrims dag/ bzod pa'i stobs bskyed 'di ni bzod pa dag pa yin/ / sangs rgyas ye shes 'dod nas brtson 'grus phyir zhing skyed// sems dang yid rab zhi pa 'di ni bsam gtan dag/ sgra skad mi rnyed 'di ni shes rab dag pa yin// mi yi chog thos nas ni gang chos 'di sems pa/ de 'dir gnod bzod dag gi skyon la chags pa med// bdud dang mu stegs can gyi lta gyur brgya stong gis// gnas 'di sems can rnyed dkas sbyor ba 'ong brjod kyang // mi skrag zhum pa med cing phyi phyir mthu skyed de// mkhas pa de ni gnod dang sems gnod mtha' yas bzod// gang zhig bzod dang brtson 'grus rab gnas ri rab 'dra// sems can kun nang dpa' bo de 'dir gnod pa bzod/ / stobs bcu rnams kyi sbyang ba dang ni gnod shes nas// byang chub rjes su 'gro bas phyi nas lung ston to// blo gros rgya mtsho de la thams cad mkhyen par sems bskyed pa rin po che de'i 'bigs pa gang zhe na/ blo gros rgya mtsho 'di la byang chub sems dpa' sems dpa' chen po/ thams cad mkhyen par sems bskyed pa rin po che des rlom sems su mi byed de/ thams cad mkhyen pa'i sems de la rten par mi byed/ gnas par mi byed/ len par mi byed/ 'dor bar mi byed/ spros pa mi byed/ rtog par mi byed/ rnam par rtog par mi byed kyi/ rnam par rtog pa nye bar zhi ba la gnas pa yin te/ de chos zab mo rnams la blos rnam par dpyod do// chos zab mo dag gang zhe na/ 'di lta ste/ rten cing 'brel par 'byung ba'i lugs su 'byung ba dang / rgyu la dmigs pa khong du chud pa dang / rtag pa ma yin pa dang / chad pa ma yin pa dang / mthar lta ba dang bral ba dang / rang bzhin gyis bdag med pa dang / bdag ngo bo nyid med pas chos thams cad ngo bo nyid med pa dang / gdod ma nas ma skyed pa dang / ma byung ba dang / stong pa nyid la mos pa dang / mtshan ma med pa la yid ches pa dang smon pa med pa la som nyi med pa dang / mngon par 'du byed pa med pa la de kho na'i blo dang ldan pa dang / shin tu mi rtag pa nyid dang / gzugs dbu ba dang mtshungs pa nyid dang / tshor ba chu bur dang 'dra ba nyid dang / 'du shes smig rgyu dang mtshungs pa ste/ gnyis su med pa nyid dang / 'du byed rnams la chu shing dang mtshungs par so sor rtog pa dang / rnam par shes pa sgyu ma lta bu'i chos nyid dang / khams rnams g.yo ba med pa nyid dang / skye mched rnams phan tshun du shes pa med pa nyid dang / sems gnas pa med pa dang / nga rgyal yid la mi byed pa dang / lhag par byed pa lhag par mi byed pa dang / mnyam pa nyid la mnyam pa nyid du rtogs pa dang / thams cad tha dad du bya ba med pa dang / ro gcig dang / bgrod pa gcig pu'i lam la rab tu gnas pa dang / lam gyi tshogs shes pa yongs su tshol ba dang / nges pa'i don la rton pa dang / don gyi rjes su zhugs pa'i blo dang / skad thams cad la skad med par 'jug pa dang / sgra thams cad la sngon gyi mtha' dang phyi ma'i mtha' yongs su chad par shes pa dang / don dang tshig 'bru gnyis su med pa la 'jug pa shes pas don brjod tu med par rtogs pa dang / sdug bsngal shes pa dang / ngar 'dzin pa med pa dang / kun 'byung ba shes pa shin tu zad pa dang / 'gog pa shes pa sgro btags pa med pa dang / lam shes pa 'dus byas dang / 'dus ma byas mnyam pa nyid du 'jug pa dang / lus la zhugs pa'i dran pa sngon gyi mtha' dang / phyi ma'i mthar 'pho ba med pa dang / tsho ba la zhugs pa'i dran pa skye ba dang / 'jig par mi gnas pa dang / sems la zhugs pa'i dran pa dmigs pa la shin tu brtags pa dang / chos la zhugs pa'i dran pa/ chos kyi dbyings dbyings ma yin pa dang / yang dag pa'i spong ba mnyam pas mnyam pa dang / rdzu 'phrul gyi rkang pa sems la dbang sgyur bar gyur pa dang / dad pa'i dbang po chags pa thams cad las shin tu 'das pa dang / brtson 'grus kyi dbang po dben pas nges par 'byung ba dang / dran pa'i dbang po dran pa med pa dang / ting nge 'dzin gyi dbang po yid la byed pa med pa dang / shes rab kyi dbang po spros pa las shin tu 'das pa dang / dad pa'i stobs gzhan gyi dring mi 'jog pa dang / brtson 'grus kyi stobs dmigs pa rtogs pa med pa dang / dran pa'i stobs nyams pa med pa dang ldan pa dang / ting nge 'dzin gyi stobs sems nges par sems par gyur pa dang / shes rab kyi stobs mi 'khrugs pa'i rgyu 'thun pa dang / dran pa yang dag byang chub kyi yan lag dran pa med cing brjod pa med pa dang / chos rnam par 'byed pa yang dag byang chub kyi yan lag chos thams cad mnyam pa nyid du 'jug pa dang / brtson 'grus yang dag byang chub kyi yan lag len pa med cing 'dor ba med pa dang / dga' ba yang dag byang chub kyi yan lag dba' rlabs med pa dang / rab tu sbyangs pa yang dag byang chub kyi yan lag lus dang sems la zhugs pa dang / ting nge 'dzin yang dag byang chub kyi yan lag mnyam pa nyid khong du chud pa dang / btang snyoms yang dag byang chub kyi yan lag gnyis dang bral ba dang / yang dag pa'i lta ba lta ba thams cad spangs pa dang / yang dag pa'i rtog pa rtog pa dang / rnam par rtog pa dang / yongs su rtog pa thams cad dang bral ba dang / yang dag pa'i ngag sgra skad thams cad mnyam pa nyid la 'jug pa dang / yang dag pa'i las kyi mtha' lus dang sems kyi las dang bral ba dang / yang dag pa'i 'tsho ba tshol ba thams cad rgyun bcad pa dang / yang dag pa'i rtsol ba 'deg pa med cing 'jog pa med pa dang / yang dag pa'i dran pa dge ba dang mi dge ba'i rnam par rig pa la mi 'jug pa dang / yang dag pa'i ting nge 'dzin sems kyi dmigs pa mnyam pa nyid la 'jug pa dang / zhi ba zhi gnas kyi mthar song ba dang / lag mthong lta bas rnam par dag pa dang / skye ba med pa'i don mi rtag pa dang / gdod ma nas skye ba med pa'i don sdug bsngal gyi don dang / rgyu ba med pa'i don bdag med pa'i don dang / nye bar zhi ba'i don zhi ba'i don dang / dul bas sbyin pa dang / bsil ba'i dngos por gyur pa'i tshul khrims dang / zad pa'i chos dang ldan pa'i bzod pa dang / shin tu rnam par bya ba rnam par 'byed pa'i brtson 'grus dang / nang nye bar zhi ba'i bsam gtan dang / yang dag pa ji lta ba bzhin du rab tu shes pa'i mtshan nyid kyi shes rab dang / sems can gdod ma nas rnam par dag pa'i byams pa dang / nam mkha' dang mtshungs pa'i snying rje dang / dga' ba med pa'i dga' ba dang / rtsod pa thams cad rgyun gcod pa'i btang snyoms dang / chos thams cad 'khor gsum yongs su dag pa dang / sngon gyi mtha' nas stong pa dang / phyi ma'i mthar dben pa dang / da ltar byung ba na bdag med pa'o// blo gros rgya mtsho de ltar gang chos zab mo rgyun ma 'chang ba/ tshig 'bru dang bral ba nam mkha' dang mtshungs pa 'di lta bu 'di dag rtogs pa dang khong du chud pa dang / 'jug pa shes pa la dpyod pa dang / sems pa dang / 'jal ba dang / 'grang ba dang / nye bar rtog pa dang / nan tan byed pa 'di ni thams cad mkhyen par sems bskyed pa rin po che de 'jigs pa'o// de ltar thams cad mkhyen par sems bskyed pa rin po che de phigs na/ chos thams cad la dbang sgyur ba ni lhun gyis grub pa nyid du thob par 'gyur ro// blo gros rgya mtsho 'di lta ste dper na/ zla ba dang / nyi ma'i/ gzhal med khang lhun gyis grub par rnam par rgyu zhing / 'dzam bu'i gling thams cad du snang bar byed kyang / lha'i bu nyi ma dang zla ba 'di snyam du bdag cag 'gro ba 'am 'on te ldog snyam du mi sems par sems can rnams kyi bsod nams kyi 'bras bu rnam par smin pas de dag 'gro'o/ / blo gros rgya mtsho de bzhin du rab tu phigs pa'i shes pa dang ldan pa'i byang chub sems dpa' sems dpa' chen po yang lhun gyis grub par sangs rgyas kyi zhing tshad med pa dag na sems can gyi don byed kyang / byang chub sems dpa' de ni yang mngon par 'du byed pa med par bya ba de dag kun tu ston to// blo gros rgya mtsho de la byang chub sems dpa'i 'bigs pa shes pa gang yin pa de ni bsam gtan gyi pha rol tu phyin pa dang / shes rab kyi pha rol tu phyin par yongs su btsal bar bya'o// de ci'i phyir zhe na/ byang chub sems dpa' mnyam par gzhag na lhag mthong gis chos rnams mthong gi/ mnyam par ma gzhag pas ni ma yin no// de'i lhag mthong gang yin pa de ni shes rab ste/ shes rab des mngon sum du 'gyur ro// gang du mngon sum du 'gyur zhe na/ chos rnams kyi yang dag pa'i mtshan nyid la mngon sum du 'gyur ro// chos rnams kyi yang dag pa'i mtshan nyid gang zhe na/ mnyam pa nyid kyi gzhi de las kur 'chi spyod pa'o/ / chos rnams kyi mtshan nyid kyi gzhi gang zhen/ 'di lta ste/ rnam par rig pa ni chos rnams kyi mtshan nyid kyi gzhi'o// rnam par rig pa de'i/ yang dag par ji lta ba'i mtshan nyid gang yin pa de ni chos rnams kyi yang dag pa'i mtshan nyid ces bya'o// gang gi tshe tshor ba thams cad rgyun bcad par gyur pa de'i tshe snang bar yang mi byed/ mi snang bar yang mi byed do/ / de la snang ba ni gang mi snang ba ni gang zhe na/ snang ba zhes bya ba ni skye ba'o// mi snang ba zhes bya ba ni 'gag pa'o// gang gi tshe snang bar yang mi byed/ mi snang bar yang mi byed pa de'i tshe/ skye bar yang mi byed/ 'gag par yang mi byed do// gang gi tshe skye bar yang mi byed/ 'gag par yang mi byed pa de'i tshe chos nyid la gnas pa yin te/ chos kyi dbyings 'khrugs par mi byed/ de bzhin nyid las mi g.yo/ yang dag pa'i mtha' 'jig par mi byed do// de la chos kyi dbyings zhes bya ba ni rten cing 'brel par 'byung ba rjes su rtogs pa'o// de bzhin nyid ni de kho na'i mtshan nyid khong du chud pa'o/ / yang dag pa'i mtha' ni gnyis su med pa'i yang dag pa mngon par rtogs pa'o// blo gros rgya mtsho de ltar mngon sum du shes pa rig pa'i byang chub sems dpa' sems dpa' chen po ni shin tu phigs pa shes pa zhes bya'o/ / sbyangs pa dang / gnod pa dang / nges par 'bigs pa'i le'u 'di/ bcom ldan 'das kyis bshad pa'i tshe/ lha dang mi'i skye dgu'i srog chags khrag khrig phrag bcu gnyis kyis bla na med pa yang dag par rdzogs pa'i byang chub tu sems bskyed do/ / srog chags khri drug stong gis bzod pa rab tu thob par gyur to// de nas de'i tshe bcom ldan 'das kyis tshigs su bcad pa 'di dag gsungs so/ / chos kun nges par rtogs pa yi// byang chub sems ni sgrogs par byed// de tshe nges rtogs ye shes kyis// chos rnams kun la chags pa med/ / zab mo'i chos rnams khong du chud// mkhas pa slab par 'gyur ba med// skrag med kun tu 'jigs med pas// khyad par 'phags par 'gyur ba yin// rgyu la dmigs pa'i tshul gyis ni/ / brten pa'i chos rnams khong du chud// shes rab ldan de rjes 'thun byed// mthar lta ba ni mi 'dzin to// rtag pa dang ni chad pa la// blo ni thobs pa yod ma yin// yang dag mtha' ni bsam yas pa'i/ / dbu ma'i mtha' ni rtogs par 'gyur// bdag gi mtha' yi rang bzhin gyis// chos rnams bdag med ngo bo nyid// chos kun de yi rang bzhin te// gdod nas ma skyes 'gag pa med/ / skyes pa med cing 'byung ba med// stong pa gzung med dri ma med// mtshan ma med cing spros pa med// nam mkha' dang ni mtshungs shing 'dra// de dag sems kyi mi smon par// 'dod cing chags pa med par spangs// gzugs kyi rang bzhin mngon sum du// lbu ba lta bur rab tu shes// tshor ba chu ngur 'dra' ste// 'du shes smig rgyu'i mtshan nyid do// 'du byed chu shing rnying po 'dra/ / rnam par shes pa sgyu ma 'dra// khams bzhi g.yo ba med pa ste// nam mkha' mtshungs pa'i khams yin no// gang dag skye mched thams cad ni/ khams po phan tshun spyod yul lo/ / sems ni nang na ma yin te// phyi rol tu yang mi dmigs so// yid la'ang nga yi yod ma yin// rnam par shes pa gnas pa med// chos rnams yid la mi byed de/ lhag par byed pa rnam par spong // chos rnams thams cad mnyam nyid du// yang dag nyid du khong du chud// tha dad med cing ro gcig ste// gcig pu 'grod lam mnyam pa nyid// lam gyi shes pa rab tu rtogs/ / nges pa'i don gyi don rnams mthong // blo ni don gyi rjes su zhugs// skad ni skad med khong du chud// sgra rnams kun la sngon mtha' dang / phyi ma'i mtha' mar yongs su gcod/ / don dang tshig 'bru rnams la mkhas// chos rnams gnyis su med par rtogs// brjod du med pa'i don la ni// 'di nyid yang dag khong du chud// skye ba med par sdug bsngal shes// kun 'byung ba la mnyam pa'i blo// 'gog pa shes pa zad par bstan// lam shes pa ni 'dus ma byas// lus dang tshor ba sems dang ni// chos la chos su rjes su rtogs// dran med yid la byed med pa'i/ / dran pa nye bar gzhag pa ston// chos kyi dbyings ni dbyings min par// yang dag nyid ni mnyam pas mnyam// spong bas spang du med pa ni// yang dag spong ba rab tu brtan// sems la dbang ni thob pa yi/ / rdzu 'phrul rkang pa rab tu bstan// chags pa kun las rab 'das pa// de ni dad pa'i dbang po yin// chos rnams thams cad rnam dben pa// de ni brtson 'grus dbang po yin/ / dran pa med pa'i dran 'jug pa// de ni dran pa'i dbang po yin// chos rnams yid la mi byed pa// de ni ting 'dzin dbang po yin// spos las shin tu rab 'das pa// de ni shes rab dbang po yin/ / yang dag nyid ni rtogs nas de// gzhan gyi dad pas 'gro ma yin// sems ni g.yo ba yod min pa// dad pa'i stobs ni 'di 'dra'o// yang dag shes las nyams pa med// dran pa'i stobs ni 'di 'dra'o/ / ting nge 'dzin gyi stobs mdzod ni// nges par sems la dga' ba yin// mi rtog rnam par mi rtog pa// shes rab stobs ni 'di 'dra'o// chos rnams rtogs pa'i don du ni/ / byang chub yan lag rab tu bstan// mnyam ste mi mnyam med pa'i chos// yang dag lta yin zhes brjod// gnyis med chos la sgom pa ni// skye ba med pa'i lam sgom yin// skye ba med pa mi rtag don// 'byung ba med pa sdug bsngal don// rgyu ba med pa bdag med don// zhi don nye bar zhi bar gnas// dul ba'i sems ni sbyin pa yin// zhi ba'i sems ni tshul khrims ldan/ / zad pa'i chos rtogs bzod pa yin// brtson 'grus rnam par phye bas rtogs// shin tu zhi ba bsam gtan de// shes rab yang dag rab shes pa// sems can gdod nas rnam dag don/ / byams pa zhes ni brjod pa yin// snying rje nam mkha' 'dra ba ste// dga' ba skyong ba dga' ba yin// rtsom pa thams cad rgyun chad pa// btang / snyoms shes ni rab tu bstan// 'khor gsum yongs su chad par ni// chos rnams thams cad rab tu shes// chos rnams nges par 'big 'di ni// lta ba'i mdud pa gcod pa yin// bsam gtan shes rab gang yin pa/ / der ni nges par 'bigs pa bstan// tshad med pa la 'jug pa ni// chos shes pa zhes brjod pa yin// gnod pa bzod pa dang nges par 'bigs pa'i le'u ste gnyis pa'o/ / // de nas bcom ldan 'das kyis byang chub sems dpa' sems dpa' chen po blo gros rgya mtsho la bka' stsal pa/ blo gros rgya mtsho de ltar na gang gi tshe/ byang chub sems dpa' sems dpa' chen po dag pa dang / yongs su dag par 'gyur te/ bsam pa bcos ma ma yin zhing / sems can thams cad kyis gnod par byas kyang zhes 'gras pa med la shin tu nges par phigs pa'i ye shes su gyur cing shes rab rnam par gdon mi za ba thob pa de'i tshe/ shin tu dkar ba dri ma med pa'i phyag rgya'i ting nge 'dzin rtsa ba'i gnas la rab tu gnas pa yin no// de la ting nge 'dzin 'di'i rtsa ba'i gnas gang zhe na/ 'di lta ste/ sems can thams cad la zhe sdang med pa'i snying rje chen po'o// de sems can thams cad kyis bsti bstang du byas kyang khengs par mi 'gyur// sems can thams cad kyi bsti stang du ma byas kyang btud par mi 'gyur ro// khengs pa med pa dang 'dud ba med pa de ni shes pa las nges par byung ba yin gyis/ nga rgyal las nges par byung ba ni ma yin no// khengs pa med pa dang / 'dud pa med pa de ni chos dang ldan pa yin gyi/ gti mug dang ldan pa ma yin no// chos thams cad shes pa las nges par byung bas ye shes sngon du 'gro ba'i lus kyi las dang ldan pa yin/ ye shes sngon du 'gro ba'i ngag gi las dang ldan pa yin/ ye shes sngon du 'gro ba'i yid kyi las dang ldan pa yin te/ de lus sam/ ngag gam yid kyi las gang byed kyang / de thams cad ye shes sngon du 'gro zhing / ye shes kyi rjes su 'drang ngo // de la byang chub sems dpa' lus kyi las ye shes sngon du 'gro ba gang zhe na/ gang gzugs kyi las kun tu bstan pas sems can rnams yongs su smin par byed/ 'dul bar byed do// spyod lam ji lta bus sems can rnams 'dul bar 'gyur ba de lta bu nyid du de'i spyod lam lhun gyis grub cing yongs su ma brtags pa med par kun tu gnas so/ / lus kyi skyon dang / lus la chags pa dang / lus kyi tshul 'chos pa dang / lus kyi 'khrugs pa dang / lus kyi yongs su rtog pa gang yin pa de dag byang chub sems dpa' des yang dag par bcom pa yin te/ shing ta la'i mgo bcad pa bzhin du rtsa ba nas chad nas ma 'ongs pa na mi skye ba'i chos can du 'gyur ro// de lus yongs su dag pa yin te/ lus mtshan gyis legs par brgyan pa dang / lag pa dang / rkang pa 'jam zhing mnyen pa dang / bsod nams kyi rgyu thun pa'i lus shin tu rnam phye ba dang / dbang po ma tshang ba med pa dang / yan lag dang nying lag thams cad yongs su rdzogs pa yin yang gzugs kyis rgyags shing dregs pa med pa yin te/ lus che ba'i tshul dang ldan pa ma yin no// de chos 'dzin pa nye bar bzung nas sems can ji tsam du dman pa gzugs ma tshang ba rnams la yang 'dud do rab tu 'dud do/ / de rang gi lus kyi chos nyid kyis sems can thams cad kyi lus kyi chos mnyam pa nyid du shes pa la 'jug go// de lus la lus kyi chos nyid shes nas chos kyi lus yin gyi/ zang zing gi lus ma yin no// de la chos kyi lus gang zhe na/ gang bsam gtan gyi zas za ba yin gyi/ zang zing gi zas za ba ma yin te/ 'jig rten dang 'thun par bya ba dang / sems can la snying brtse ba'i phyir zas za'i/ lus nyam chung ba'i phyir ni ma yin no// de chos kyi lus su gyur nas/ chos kyis srog 'tsho'i/ zang zing gis srog 'tsho ba ni ma yin no/ / de la chos kyis srog 'tsho ba gang zhe na/ gang gi srog gi phyir yang bya ba ma yin pa mi byed pa dang / 'phags pa'i tshul las mi 'da' ba'o// de la 'phags pa rnams kyi tshul gang zhe na/ 'di lta ste/ chags pa med pa dang / sdang ba med pa dang / rmongs pa med pa dang / nyon mongs pa thams cad dang bral ba dang / ji ltar bslab pa bcas pa bzhin du kun tu bsrung ba dang / sbed pa dang / rab tu gnas pa 'di ni 'phags pa rnams kyi tshul zhes bya'o// de la byang chub sems dpa' ye shes sngon du 'gro ba'i lus kyi las dang ldan pas mngon par shes pa dang / rdzu 'phrul gyi stobs thams cad dang ldan pa yin te/ de lhun gyis grub par sangs rgyas kyi zhing thams cad du snang bar byed cing sangs rgyas kyi zhing de dag na sems can de dag ni gzugs dang mtshan dang gzi brjid dang rgyan rnams ci 'dra bar byang chub sems dpa' de'i yang lhun gyis grub cing yongs su brtags pa med par de 'dra bar gnas so/ / de 'od bkod pa'i lus dang ldan pa yin te/ de gang gang gi tshe lus las 'od rab tu gtong ba de'i tshe/ sangs rgyas kyi zhing grangs med dpag tu med pa rnams snang bas khyad par byed do// de'i 'od de ni bde ba skyed pa ste/ sems can dmyal ba pa ngan song ba'i sems can thams cad bde bar byed pa'o/ / de'i 'od de ni bde ba la reg par byed pa ste nyon mongs pas gdungs pa'i sems can thams cad rab tu zhi bar byed pa'o// de'i 'od de ni rab tu sim par byed pa ste/ sems can rnams lus dang sems dga' ba skyed pa'o// de lus nyid kyi sems can rnams la sangs rgyas kyi mdzad pa byed de/ 'di ni byang chub sems dpa'i lus kyi las ye shes sngon du 'gro ba'o/ / blo gros rgya mtsho de la byang chub sems dpa'i ngag gis las ye shes sngon du 'gro ba gang zhe na/ blo gros rgya mtsho 'di la byang chub sems dpa' ni tshog 'khrul ba'i skyon thams cad spangs par ngag gis las 'byung ngo / / blo gros rgya mtsho de la tshig 'khrul pa'i skyon de dag gang zhe na/ blo gros rgya mtsho byang chub sems dpa' ni/ tshig 'khrul pa'i skyon drug cu rtsa bzhi dang bral zhing rnam par spangs par ngag gi las 'byung ste// drug cu rtsa bzhi gang zhe na/ blo gros rgya mtsho 'di la byang chub sems dpa' ni tshig rtsub po med pa yin/ tshig rnyog pa med pa yin/ gyo mo'i sgra lta bu med pa yin/ grum pa'i sgra lta bu med pa yin/ s+tha ha cang che ba ma yin/ sgra ha cang chung ba ma yin/ s+tha ha cang drag po ma yin// tshig brlang po med pa yin/ tshig dib dib po med pa yin/ tshig cal cal po med pa yin/ tshig rtab rtab po med pa yin/ khas bub pa'i tshig med pa yin/ tshig nyams pa med pa yin// zur dbyung dgos pa'i tshig med pa yin/ tshig zhum pa med pa yin/ tshig sub su ba po med pa yin// byis pa'i tshig lta bu med pa yin/ tshig nog nog po med pa yin/ 'bar bar byed pa'i tshig med pa yin/ / co 'dri ba'i tshig med pa yin/ dus mi shes pa'i tshig med pa yin/ tshod mi shes pa'i tshig med pa yin// 'dod chags kyis rjes su chags pa'i tshig med pa yin// zhe sdang gi zhe 'gras pa'i tshig med pa yin/ gti mug gis rmongs shing lkugs pa'i tshig med pa yin/ dman pa'i tshig med pa yin/ mi mthun pa dang brnyas pa'i tshig med pa yin/ 'byed par byed pa'i tshig med pa yin/ g.yo dang 'dres pa'i tshig med ba yin// nga rgyal gyis khengs pa'i tshig med pa yin/ khyad du gsod pa'i tshig med pa yin/ ngo za ring gi tshig med pa yin/ tshig mi snyan cing zher 'debs pa'i tshig med pa yin/ / med pas gleng ba'i tshig med pa yin/ 'khrul cing gshe ba'i tshig med pa yin/ yang dag pa ma yin pa'i tshig med pa yin/ 'phral du brdzun smra ba'i tshig med pa yin/ phra ma'i tshig med pa yin/ ngag rtsub po'i tshig med pa yin/ tshig kyal pa'i tshig med pa yin/ mdza' bo dang 'byed pa'i tshig med pa yin/ ha cang rno ba'i tshig med pa yin/ ha cang mnyen pa'i tshig med pa yin/ phal pa'i tshig med pa yin/ kun tu ma bsrungs pa'i tshig med pa yin/ dus las lhag par smra ba'i tshig med pa yin/ gnod sems 'bar ba'i tshig med pa yin/ 'thab pa dang rtsod pa dang 'gyed pa'i tshig med pa yin/ thob kyis 'jal ba'i tshig med pa yin/ tshig 'gyur ba med pa yin// tshig mi brtan pa med pa yin/ mu cor smra ba'i tshig med pa yin/ gar gyi ltad mo lta bu'i tshig med pa yin/ chos dang 'gal ba'i tshig med pa yin/ gsang 'phel ba'i tshig med pa yin/ sems can la gnod pa'i tshig med pa yin bdag la bstod pa'i tshig med pa yin/ gzhan la smod pa'i tshig med pa yin/ 'phya ba dang bsting ba'i tshig med pa yin/ sangs rgyas dang / chos dang / dge 'dun dang 'gal ba'i tshig med pa yin/ 'phags pa la skur pa 'debs pa'i tshig med pa yin// ngo mi chod pa'i tshig med pa yin/ tshig 'khrul pa'i skyon thams cad dang bral ba'i tshig nyid ni tshig drug cu rtsa bzhi pa yin te/ blo gros rgya mtsho byang chub sems dpa'i ngag gis las ni tshig 'khrul pa'i skyon drug cu rtsa bzhi po de dag dang bral zhing yongs su dag par 'byung ngo // de'i ngag de ni byed par lung ston pa dang / yang dag par lung ston pa dang / de kho na lung ston pa dang / bden pa rnam par dgod pa lung ston pa dang / bden pa'i rjes su 'brang ba dang / sems can thams cad kyi skad la 'jug pa dang / sems can thams cad kyi bsam pa lung ston pa dang / sems can thams cad tshim par byed pa dang / sems can thams cad kyi dbang po bskul bar byed pa dang nyon mongs pa thams cad rab tu zhi bar byed pa dang / sangs rgyas kyis byin gyis brlabs pa dang / chos dang mi 'gal ba dang / bsod nams kyi klu 'thun pa shin tu rnam par bya ba dang / zla ba ltar dri ma med cing ldan pa dang / 'dod chags kun tu skyed pa ma yin pa dang / tshar bcad nas yon tan smra ba dang / zhe sdang mi skyed pa dang / zab cing gting dpag dka' ba dang / gti mug kun tu mi gyung pa dang / phyogs bcur po bar byed cing byas par bgengs pa dang / tshig don med pa ma yin pa dang / thams cad kyi rdzas su zhugs pa dang / mngon par 'du byab med pa'i nyid du 'byung ste/ blo gros rgya mtsho 'di ni byang chub sems dpa'i ngag gi las ye shes sngon du 'gro ba'o// blo gros rgya mtsho de la byang chub sems dpa'i yid kyi las ye shes sngon du 'gro ba gang zhe na/ blo gros rgya mtsho 'di la byang chub sems dpa' sems dpa' chen po sems kyi 'jug pa gcig gis sems can thams cad kyi sems kyi spyod pa dang / g.yo ba rnams rab tu shes so// mnyam par gzhag kyang spyod lam thams cad kun tu ston cing ting nge 'dzin de las ldang ba'ang med do/ / de'i sems kyi las ni bdud thams cad kyis kyang mi shes so// de'i sems kyi 'jug pa ni nyan thos dang / rang sangs rgyas thams cad kyis kyang mi shes so/ / byang chu sems dpa' de ni bdag la gnod par bya ba dang / gzhan la gnod par bya ba dang / gnyi ga la gnod par bya bar mi sems so// de'i sems dang yid dang rnam par shes pa ni chos gang la yang thogs pa med do/ / de chos thams cad rig par ye shes mthong ba skye'o// sems dang / yid dang / rnam par shes pa des rig pa med par tshor ba yang so sor myong la/ sangs rgyas kyi chos rnams yongs su ma rdzogs kyi bar du tshor ba 'gog pa mngon sum du yang mi byed de// blo gros rgya mtsho 'di ni byang chub sems dpa'i yid kyi las ye shes sngon du 'gro ba'o/ / blo gros rgya mtsho 'di ni shin tu dkar ba dri ma med pa'i phyag rgya'i ting nge 'dzin de'i rtsa ba'i gnas te/ 'di lta ste/ ye shes sngon du 'gro ba'i lus kyi las dang / ye shes sngon du 'gro ba'i ngag gi las dang / ye shes sngon du 'gro ba'i yid kyi las so// blo gros rgya mtsho gang gi tshe byang chub sems dpa' sems dpa' chen po ye shes sngon du 'gro ba'i lus dang / ngag dang yid kyi las rnams dang ldan par 'gyur ba de'i tshe/ shin tu dkar ba dri ma med pa'i phyag rgya'i ting nge 'dzin 'di rab tu thob bo// blo gros rgya mtsho de la chos bcu po shin tu dkar ba'i phyir ting nge 'dzin 'di ni shin tu dkar ba zhes bya ste/ chos bcu po de dag gang zhe na/ 'di lta ste bsam pa dang / lhag pa'i bsam pa yongs su dag pas 'jug pa'i spyod pa shin tu dkar ba yin/ pha rol tu phyin pa drug yongs su dag pas/ byang chub sems dpa'i spyod pa shin tu dkar ba yin/ dge ba'i chos thams cad yongs su dag pas dkar po rnam par mthong ba'i spyod pa shin tu rnam pa dag pa yin/ gtan pa med pa'i mchod sbyin byed pa yongs su dag pas mtshan dang dpe byad bzang po yongs su rdzogs par byed pa'i spyod pa shin tu dkar ba yin/ ji ltar thos pa'i chos sgrub cing gzhan la go bar byed pa la mkhas pa yongs su dag pas/ gzungs dang / spobs pa rab tu thob pa'i spyod pa shin tu dkar ba yin/ 'khrul pa dang / sgrib pa dang / chod/ pa dang / kun nas ldang ba thams cad bral ba yongs su dag pas dran pa dang / ting nge 'dzin dang / g.yeng ba med pa'i shes pa shin tu dkar ba yin/ bag yod pa yongs su dag pas byang chub kyi phyogs kyi chos shes pa shin tu dkar ba yin/ sems dang / yid dang / rnam par shes pa yongs su dag pas/ zhi gnas dang lhag mthong shes pa shin tu dkar ba yin/ phyogs dang // mi mthun pa'i phyogs dang / rgyun chad pa dang / chags pa las shin tu 'das pa yongs su dag pas sa bcu gnon pa'i ye shes shin tu dkar ba yin/ mi dge ba'i chos thams cad spang ba'i phyir dge ba'i chos thams cad yongs su dag pas/ byang chub kyi snying po'i rgyan gyi ye shes shin tu dkar ba yin te/ blo gros rgya mtsho chos bcu po de dag shin tu dkar ba yin pa'i phyir ting nge 'dzin 'di shin tu dkar ba zhes bya'o/ / // bam po gsum pa/ blo gros rgya mtsho ci'i phyir dri ma med pa'i phyag rgya zhes bya zhe na/ blo gros rgya mtsho nyi shu po 'di dag ni dri ma med pa phyag rgya'i sgo yin te/ de dag gis na ting nge 'dzin 'di dri ma med pa'i phyag rgya zhes bya'o// nyi shu po de dag gang zhe na/ 'di lta ste/ ngar 'dzin pa yongs su dag pas nang yongs su dag pa dri ma med pa'i phyag rgya dang / nga yir 'dzin pa yongs su dag pas phyi yongs su dag pa dri ma med pa'i phyag rgya dang / lta bar song ba thams cad yongs su dag pas 'jig tshogs kyi ngo bo nyid yongs su dag pa dri ma med pa'i phyag rgya dang / gdod ma nas yongs su dag pa'i phyir/ sems can thams cad bdag med pa yongs su dag pa dri ma med pa'i phyag rgya dang / ro gcig pa'i phyir chos thams cad mnyam pa nyid du rtogs pa yongs su dag pa dri ma med pa'i phyag rgya dang / rnam par thar pa thams cad yongs su dag pa'i phyir/ stong pa nyid dang / mtshan ma med pa dang / sngon pa med pa yongs su dag pa dri ma med pa'i phyag rgya dang / shin tu yongs su dag pa'i phyir/ nam mkha' yongs su dag pa dri ma med pa'i phyag rgya dang / tha dad du bya ba med pa'i phyir sems can gyi khams dang chos kyi dbyings yongs su dag pa dri ma med pa'i phyag rgya dang / rang gi mngon par shes pa yongs su dag pa'i phyir mngon sum du legs par mthong ba yongs su dag pa dri ma med pa'i phyag rgya dang / rtag tu snang bas yongs su dag pa'i phyir nyi ma'i dkyil 'khor ltar rab tu gsal ba yongs su dag pa dri ma med pa'i phyag rgya dang / chags pa thams cad dang bral ba yongs su dag pa'i phyir dus gsum la chags pa med ba'i ye shes mthong ba yongs su dag pa dri ma med pa'i phyag rgya dang / rnam par shes pa dang ye shes gnas pa med pa'i phyir/ rnam par rig pa'i sgo yongs su dag pa dri ma med pa'i phyag rgya dang / 'dus byas kyi ngo bo nyid yongs su dag pa'i phyir/ 'dus ma byas yongs su dag pa dri ma med pa'i phyag rgya dang / rkyen shin tu btags pa'i phyir/ rten cing 'brel par 'byung ba rtogs pa yongs su dag pa dri ma med pa'i phyag rgya dang / yang dag par shes pa rdzi ba med pa yongs su dag pa'i phyir/ stobs dang / mi 'jigs pa dang / sangs rgyas kyi chos kyi rjes su 'gro ba yongs su dag pa dri ma med pa'i phyag rgya dang / sngon yongs su sbyangs pa byas pa yongs su dag pa'i phyir/ sangs rgyas kyi chos rtogs pa'i mtshan nyid yongs su dag pa dri ma med pa'i phyag rgya dang / sems can thams cad yongs su mi gtong ba'i phyir/ byams pa chen po dang / snying rje chen po yongs su dag pa dri ma med pa'i phyag rgya dang / mtha' thams cad dang bral ba yongs su dag pa'i phyir/ bdud dang phyir rgol ba bcom pa yongs su dag pa dri ma med pa'i phyag rgya dang / chos rnams kyi rang bzhin yongs su dag pa'i phyir/ nyon mongs pa'i bag chags kyi mtshams sbyor ba thams cad yang dag par 'jom pa yongs su dag pa dri ma med pa'i phyag rgya dang / yang dag par blangs pa yongs su rdzogs par byed pa yongs su dag pa'i phyir/ sems kyi sang cig gcig gis sangs rgyas kyi chos thams cad kyi sgo rtogs pa yongs su dag pa dri ma med pa'i phyag rgya ste/ blo gros rgya mtsho dri ma med pa'i phyag rgya'i sgo nyi shu po de dag gis ting nge 'dzin 'di dri ma med pa'i phyag rgya zhes bya ste// blo gros rgya mtsho byang chub sems dpa' byang chub kyi snying po la 'dug nas/ ting nge 'dzin gang rab tu thob pa'i ting nge 'dzin 'di ni shin tu dkar ba dri ma med pa'i phyag rgya zhes bya'o// ting nge 'dzin 'di thob ma thag tu shugs chen po ma 'dres pa brgyad 'byung bar 'gyur te/ brgyad ga zhen 'di lta ste/ stong gsum gyi stong chen po'i 'jig rten gyi khams 'di thams cad rdo rjer gnas par 'gyur ba 'di ni shugs chen po ma 'dres pa 'byung pa dang po'o/ / shing ljon pa thams cad la lo ma dang / me tog dang 'bras bu sna tshogs chags te/ byang chub kyi shing ga la ba de logs su btud cing 'dud la rab tu 'dud de mngon par rab tu 'dud par 'gyur ba dang / sems can thams cad kyang skad cig de la nyon mongs pa thams cad kyis gnod par mi 'gyur ba dang / ngan song ba'i sems can thams cad kyis byang chub kyi snying po la 'dug pa'i byang chub sems dpa' mthong ste/ mthong nas kyang bde ba thams cad kyis tshim par 'gyur ba dang / 'jig rten gyi khams thams cad du yang bar gyi 'jig rten rnams gser gyi kha dog lta bu'i 'od kyis khyab par 'gyur ba dang / sa g.yo ba chen po 'jig rten du 'byung bar 'gyur zhing sems can gang la'ang rnam par gnod par mi 'gyur ba dang / phyogs bcu na bzhugs pa'i sangs rgyas bcom ldan 'das rnams zhal ston cing mi 'jigs pas dbugs 'byin par mdzad de ded dpon chen po rgyal bar gyur cig rgyal bar gyur cig ces gsung brjod par 'gyur ba dang / sems kyi skad cig gcig la sangs rgyas kyi chos thams cad chub par 'gyur ba ste/ blo gros rgya mtsho shin tu dkar ba dri ma med pa'i phyag rgya'i ting nge 'dzin thob ma thag tu shugs chen po ma 'dres pa brgyad po de dag 'byung bar 'gyur ro/ / 'di ltar ting nge 'dzin 'di'i mthus 'dir yon tan gyi rgyu dpag tu med par yang kun tu snang ngo // de nas de'i tshe bcom ldan 'das kyis tshigs su bcad pa 'di dag gsungs so/ / chos 'di dri med dag dge rang bzhin 'od gsal te// nam mkha' mtshungs shing mnyam la gdod nas byung ba med// ma skyes ma byung gnas pa med cing 'gags pa med/ / 'di ni rgyal ba'i phyag rgya dri med g.yo ba med// de yi rtsa ba'i gnas ni dbye ba med pa'i gzungs// byams pa dang ni snying rje bsgom pa zung du 'brel// de nas 'gro ba kun gyis bkur kyang dpa' ba med/ / bsti stang ma byas yi tshad med de mnyam pa'i blo// de ni mnyam pa'i chos las ye shes skyes gyur nas/ gti mug mun pa thams cad bcom ste rmongs pa med// ye shes ldan pa yin gyi nga rgyal ldan ma yin/ nges bsam mnyam chos shes nas shin tu rnam par dag/ mkhas pa lus ngag yid kyi las ni gang byed pa// thams cad shes pas byas te 'gro la bde ba byed// de lus rnam par dag pa sems can mang pos mthong / / rgyal ba'i ye shes rdul med bla na med la smon// de yi spyod lam rtag tu bsdams te 'khrul pa med// lhun gyis grub ste tha mar mi rtog rnam rtog med// lus/ kyi nyes pa mtha' yas ji tsam gang brjod pa// de dag de la chad de gdong nas skyes pa med// de lus mtshan gyis brgyan te shin tu rnam par bya// de yi rkang mthil 'jam zhing bsod nams rnams las byung / / dbang po thams cad yongs su rdzogs pas lus mdzes kyang // mkhas pa gzugs kyis rgyags pas rlom sems byed pa med// dman zhing dbul bas sdug bsngal sems can mang po gang // de dag la yang gus bcas 'dud cing rab tu 'dud// bdag ni chos 'dzin gyur cig snyam ste nga rgyal med// chos mnyan des ni byang chub dam pa thob par 'gyur// de yis rang gi lus kyi chos nyid shes nas ni/ / de yis sems can kun lus de ltar rtogs pas na// de ni chos lus rdul dang bral ba thob gyur te// zang zing lus min nyon mongs rnams las shin tu grol// rtag tu ting 'dzin spyod yul bsam gtan zas can 'gyur/ / gzi brjid chen po la ni zang zing lus mi srid// sems can don du kha zas za yi stobs phyir min// 'chi med don tu de ni chos kyi srog kyang 'tsho/ / 'phags pa'i tshul ni rtag srung shin tu rab tu zhi// 'dod chags zhe sdang mun tshogs shin tu rnam par phye// bslab pa sbed par gnas shing rgod med 'thun par skyes/ mkhas pa bdag gtong byed kyi sdig pa byed ma yin/ / rdzu 'phrul gyis ni bye ba phrag mang zhing song nas// sems can lus dang 'thun par byas te chos kyang ston// 'gro ba'i gzugs dang mtshan dang rtags ni ci 'dra ba/ / de yi lus ni de lta bu dang mtshungs par 'gyur// de yi lus las shin tu rnam dag 'od byung ste// des ni phyogs bcu mtha' yas zhing rnams khyab par byed// de yi 'od de bsod nams gzi ldan reg na 'jam/ / srog chags nyon mongs gdung ba thams cad zhi bar byed// sems dmyal rnams ni sems can brgya dag sdug bsngal ba// de dag 'od kyis reg ma thag tu bde bar 'gyur/ lus dang yid kyang dga' bar 'gyur ba rab tu thob// de ni sems can dmyal las rab tu thar pa'i rgyu// 'di dag dang ni gzhan yang lus las yongs sbyang ba// mtha' las las rnams ye shes kyis ni rnam par phye/ / mkhas pa shin tu dul ba sangs rgyas mdzad pa byed// rdul bral rnams kyi lus kyi las 'di de 'dra'o// de dag tshig ni rnam dag sgra brnyan yid du 'ong // des ni lha dang lha min 'gro kun tshim par byed/ / de smra ba na 'chad pa don med mi 'gyur te// theg pa bdud rtsi 'dus byas min 'dir nges par 'byung // ngag las ngag gi nyes pa des mang gang yod pa/ de dag de yi bsod nams dag pas kun tu chad/ / skad rnams mtshungs shing sgra mtshungs gyur pas sems can rnams// sgra skad dag las ji snyed kun gyis tshim par byed// de yi ngag ni chad cing mnyam la yang ngadag nyid/ / yang dag lung ston bsgribs pa med cing mnyam par gzhag/ tshig gang smras pa de yang de bzhin 'gyur ba ste// bden pa'i rjes su 'brang ba'i shes pas shin tu dag/ tha ba med cing snyam la 'dod chags rab tu zhi/ / tshar bcad yon tan smra zhing skyon las shin tu grol// zab cing gting dpag dka' ba shin tu chad pa ste// don rnams byed cing zhing stong dag tu khyab par byed// rdog pa med par tshig 'di rab tu smra bar byed/ / rang gi ngang gis byung nas ji ltar thar 'gyur smra// rtag tu sa bzhin sems can dbang po tshim par byed// rnam par spyong deng tshig mchog 'dzin shes pas byas de yi yid las rtag tu bsgribs med legs par byas/ / sems kyis skad cig gcig gis 'gro ba'i sems rnams shes// de ni g.yeng med ting nge 'dzin las nyams pa med// khyu mchog de yi rgyu ba bdud kyis shes ma yin// de yi sems yid rnam rtog shin tu zab pa ste// rang rgyal rnams dang nyan thos kun gyis shes par dka'// bdag dang gzhan la rnam par mi 'tshe rjes chags med/ / khong khro med cing khengs pa med de mnyam pa'i blo// mkhas pa de ni 'gro la rig bzhin shes pa 'jug/ tshor ba ma yin sems pa ma yin rnam rtog min// 'chi med don tu byang chub gnas su phyin par du/ / tshor ba 'gog la bde bar rtogs par byed ma yin// chos bcu de dag gang la rtag tu dag gyur pa// khyu mchog de la ting 'dzin 'di ni mngon tu 'gyur// gang tshe 'jug pa'i spyod pa rnam par sbyangs gyur pa/ / dkar po'i lam rnams kun gyis 'phags shing yongs su dag/ sa rnams ji bzhin pha rol phyin pa kun sbyangs te// dge ba rgya chen thams cad kyis ni mngon par 'phags/ / bsod nams 'bras bus mtshan kun shin tu rnam par dag/ spobs pas kyang ni gzungs rnams mtha' thug med par 'gyur// mkhas pa rtag tu thos pa'i chos rnams bsgrubs par gnas/ / mkhas pa rtag tu dran la mnyam gzhag 'khrul pa med// de la kun nas ldang ba rnams dang 'khrul pa ni// phra rab mthong bar mi nus sgrib kun rnam par dag/ byang chub phyogs chos rgya chen mtha' yas gang yin pa/ thams cad de yi bag yod pa la 'du bar 'gyur// zhi gnas mthar gyur lhag mthong gis ni rtag tu shes// sa bcu pa ni gnon par 'gyur zhing chags pa med/ / byang chub snying po sbyang phyir shin tu rdzogs par smra// de ni mi dge kun spangs dgra las rgyal bar 'gyur// dge ba'i chos rnams kun gyis 'phags pa ri rang bzhin// de ni bsam yas dri med 'od 'di rab tu thob/ / ting 'dzin 'di thob mkhas de bsod nams byas nas ni// yongs su dag pa'i chos mchog nyi shu rab tu thob// de dag gis ni 'gro ba kun na'ang nyi bzhin ldang // rgyal ba'i ye shes bla na med pa'i byang chub reg/ shing gi drung du shugs brgyad bsam du med thob nas// de dag gis ni zhing brgya dag na 'gro don byed// sangs rgyas mi 'jigs byin zhing 'gro ba'i dpa' bo de/ bdud rnams btul ba byas nas byang chub mchog la reg/ rgyal ba'i phyag rgya sbyangs pa thod par gyur nas ni// yon tan 'di 'dra de kun bsam gyis mi khyab 'gyur// de lta bas na mi gang yon tan 'breng 'dod pa/ / de myur byang chub sems la brtson 'grus brtan pa skyed/ de nas b.rom kyar 'das kyis byang chub sems dpa' sems dpa' chen po blo gros rgya mtsho la bka' stsal pa/ gros rgya mtsho de lta bas na/ byang chub sems dpa' sems dpa' chen po shin tu dkar nga dri ma med pa'i phyag rgya'i ting nge 'dzin 'di thob par 'dod pas/ rnyog pa med pa'i sems dang / 'khrug pa med pa'i sems kyis shin tu dkar zhing dri ma med pa'i blo dang ldan par bya'o/ / de la rnyog pa med pa'i sems de ni gang sems rang bzhin gyis 'od gsal ba la glo bur gyi nyon mongs pa rnams kyi skabs med pa dang / 'od gsal ba'i chos mi 'gyur ba nyid dang / yid la byed pa thams cad kun tu mi 'byung ba dang / 'dod chags dang bral te rdul med pa dang / zhe sdang dang bral te rtog pa med pa dang / gti mug dang bral te mun pa med pa dang / dag pa dang / rnam par dag pa dang / shin tu dri ma med pa dang / rnam par grol ba las byung ba dang / rnam par grol ba ji lta bur chos thams cad kyang de bzhin te/ de bzhin nyid dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ chos kyi dbyings dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ yang dag pa'i mtha' dang mnyam pa'i rjes su zhugs pa dang / rnam par grol ba ji lta bar chos thams cad kyang de bzhin te/ stong pa nyid du mnyam pa'i rjes su zhugs shing mtshan ma med pa dang / smon pa med pa dang / mngon par 'du bya ba med pa dang / ma skyes pa dang / skye ba med pa dang / 'gag pa med par mnyam pa'i rjes su zhugs pa dang / rnam par grol ba ji lta bar 'dus byas kyi chos rnams kyang de bzhin te/ 'dus ma byas kyi chos mnyam pa nyid kyis mnyam pa'i rjes su zhugs pa ste/ gang 'di la mnyam pa nyid kyi rjes su 'gro ba'i ye shes gdegs pa dang bzhag pa med pa 'di ni rnyog pa med pa'i sems shes bya'o/ / gang gi tshe chos 'di dag sems can gzhan dang / gang zag gzhan dag la ston kyang bdag dang gzhan du rnam par 'khrugs pa med pa 'di ni rnyog pa med pa'i sems so/ / gang gi tshe byang chub sems dpa' sems rnyog pa med cing 'khrug pa med par gyur pa de'i tshe shin tu dkar ba dri ma med pa'i phyag rgya'i ting nge 'dzin 'di rab tu thob bo/ / blo gros rgya mtshos gsol ba/ bcom ldan 'das ting nge 'dzin 'di ni zab lags so// bcom ldan 'das kyis bka' stsal pa/ blo gros rgya mtsho ga ting mi dmigs pa'i phyir ro/ / gsol pa/ bcom ldan 'das ting nge 'dzin 'di ni blta dka' ba lags so// bka' stsal pa/ gnyis dang bral ba'i phyir ro// gsol pa bcom ldan 'das ting nge 'dzin 'di ni rtogs par dka' ba lags so/ / bcom ldan 'das kyis bka' stsal pa/ nga rgyal gyis lhag par byed pa lhag par mi byed pa'i phyir ro// gsol pa/ bcom ldan 'das ting nge 'dzin 'di ni rnam par 'tshal bar dka' ba lags so/ / bcom ldan 'das kyis bka' stsal pa/ rnam par shes pa dang / ye shes mnyam pa nyid du rtogs pa'i phyir ro// gsol pa bcom ldan 'das ting nge 'dzin 'di ni gsal ba lags so/ / bcom ldan 'das kyis bka' stsal pa/ sgrib pa med pa'i rnam par thar pa rab tu thob pa'i phyir ro// gsol pa/ bcom ldan 'das 'dzin ting nge 'dzin shin tu phra ba lags so/ / bcom ldan 'das kyis bka' stsal pa/ dpe rnam par bzhag pa dang bral ba'i phyir ro// gsol pa/ bcom ldan 'das ting nge/ 'dzin 'di ni snying po lags so// bcom ldan 'das kyis bka' stsal pa/ rdo rje lta bu'i ye shes rab tu thob pa'i phyir ro// gsol pa/ bcom ldan 'das ting nge 'dzin 'di ni dbyer ma mchis pa lags so/ / bcom ldan 'das kyis bka' stsal pa/ sngon gyi mtha' dang phyi ma'i mtha' dbyer med pa'i phyir ro// gsol pa/ bcom ldan 'das ting nge 'dzin 'di ni chags pa ma mchis pa lags so/ / bcom ldan 'das kyis bka' stsal pa/ chags pa'i lam thams cad las shin tu 'das pa'i phyir ro// gsol pa/ bcom ldan 'das ting nge 'dzin 'di ni snang bar gyur pa/ lags so// bcom ldan 'das kyis bka' stsal pa/ gti mug gi mun pa dang bral ba'i phyir ro// gsol ba/ bcom ldan 'das ting nge 'dzin 'di ni rnam par dag pa lags so// bcom ldan 'das kyis bka' stsal pa/ shin tu kun nas nyon mongs pa med pa'i phyir ro// gsol pa/ bcom ldan 'das ting nge 'dzin 'di ni dri ma ma mchis pa lags so// bcom ldan 'das kyis bka' stsal pa/ 'dod chags kyi rdul dang bral ba'i phyir ro// gsol pa/ bcom ldan 'das ting nge 'dzin 'di ni rgyu ba ma mchis pa lags so// bcom ldan 'das kyis bka' stsal pa/ khams gsum du mi rgyu ba'i phyir ro/ / gsol pa/ bcom ldan 'das ting nge 'dzin 'di ni spros pa ma mchis pa lags so// bcom ldan 'das kyis bka' stsal pa/ spros pa thams cad bral ba'i phyir ro// gsol pa bcom ldan 'das ting nge 'dzin 'di ni mi g.yo ba lags so/ / bcom ldan 'das kyis bka' stsal pa/ shin tu mthar thug pa'i phyir ro// gsol pa/ bcom ldan 'das ting nge 'dzin 'di na thams cad kyi rjes su zhugs pa lags so/ / bcom ldan 'das kyis bka' stsal pa/ nam mkha' dang mtshungs zhing mnyam pa'i phyir ro// blo gros rgya mtshos gsol pa/ bcom ldan 'das brtson 'grus brtsams pa ci 'dra ba zhig gis shin tu dkar ba dri ma med pa'i phyag rgya'i ting nge 'dzin 'di thob par nus bcom ldan 'das kyis bka' stsal pa/ blo gros rgya mtsho 'di lta ste/ dper na skyes bu la la zhig nam mkha' dang / g.yul 'gyed 'dod par gyur na/ des nam mkha'i go cha nyid bgo bar bya'o// blo gros rgya mtsho de bzhin du shin tu dkar ba dri ma med pa'i phyag rgya'i ting nge 'dzin thob par 'dod pas chos thams cad mnyam pa nyid kyi go cha nyid bgo bar bya'o/ / de ci'i phyir zhe na/ blo gros rgya mtsho 'god pa ci 'dra bar thob pa'ang de 'dra ba'i phyir ro// blo gros rgya mtsho de la rnam par shes pa ni 'dus byas kyi sa bon no/ / rnam par rig pa med pa ni 'dus ma byas kyi sa bon te/ ting nge 'dzin 'di ni rnam par rig pa med pa'i sa bon no// ting nge 'dzin 'di ni mig gi rnam par shes pas rnam par shes par bya ba ma yin/ rna ba dang / sna dang / lce dang / lus dang / yid kyi rnam par shes pas rnam par shes par bya ba ma yin no// ting nge 'dzin 'di ni rnam par rig pas rtogs par bya ba ma yin no/ / tshor bas ma yin te/ ting nge 'dzin 'di ni tshor ba dang / rnam par rig pa med pa'i mtshan nyid do// chos thams cad mnyam pa nyid du rtogs pas de'i phyir yang dag par rdzogs pa'i sangs rgyas zhes bya'o/ / blo gros rgya mtsho ngas ni mtshan nyid gzhan gyis kun nas nyon mongs pa mngon par rdzogs par sangs rgyas pa ma yin/ mtshan nyid gzhan gyis rnam par byang ba mngon par rdzogs par sangs rgyas pa ma yin no/ / de ci'i phyir zhe na/ kun nas nyon mongs pa'i mtshan nyid gang yin pa de nyid rnam par byang ba'i mtshan nyid de/ 'di lta ste/ rang bzhin gyis rnam par dag pa'i mtshan nyid do/ / rang bzhin gyis rnam par dag pa'i mtshan nyid gang yin pa de mtshan nyid med pa'o// mtshan nyid med pa gang yin pa de mtshan ma med pa'o// mtshan ma med pa gang yin pa de la so sor rnam par rig pa gang yang med do/ / blo zos rgya mtsho chos thams cad ni rnam par rig par bya ba ma yin no// chos gang rnam par rig pa med cing rnam par rig par bya ba ma yin pa de la yi ge rnams kun tu mi 'byung ngo / / gang la yi ge rnams kun tu mi 'byung ba de ji lta ba bzhin no// ji lta ba bzhin gang zhe na sngon gyi ji ltar phyis kyang de bzhin par du yang de bzhin te/ de'i phyir chos thams cad ni dus gsum du stong pa zhes bya'o/ / ci'i phyir stong pa nyid ces bya zhe na/ de ni ma byas pa/ bya bar 'gyur ba ma yin pa/ bya ba ma yin pa/ rnam par bya ba ma yin pa ste/ de'i phyir stong pa nyid ces bya'o/ / bya ba ma yin pa gang zhe na/ 'di lta ste/ mngon par 'du bya ba med pa ste/ de la ni byed pas byas pa'i chos gang yang med do// de'i phyir de ni bya bar 'gyur ba med pa zhes bya'o/ / mngon par 'du bya ba med pa gang zhe na/ gang la lus kyis mngon par 'du bya ba med pa dang / ngag gis mngon par 'du bya ba med pa dang / yid kyis mngon par 'du byad med pa ste/ 'di ni mngon par 'du bya ba med pa zhes bya'o// mngon par 'du bya ba med pa gang yin pa de 'dus ma byas te/ de la ni skye ba med/ 'jig pa med gnas pa med do// gang la skye med/ / 'jig pa med/ gnas pa med pa de dag gnas med pa'o// gang la gnas de med ce na/ mngon par 'du bya ba thams cad la gnas de med de/ de'i phyir gnas de med pa zhes bya'o// de la ni gzugs la song ba'i rnam par shes pa mi gnas pa// tshor ba la song ba dang / 'du shes la song ba dang / 'du byed la song ba dang / rnam par shes pa la song ba'i rnam par shes pa/ mi gnas so// rnam par shes pa mi gnas pa gang yin pa de ye shes dang ldan pa'o// ye shes dang ldan pa gang yin pa de ni ye shes kyi rlom sems su mi byed do// gang rlom sems su mi byed pa de mngon par rlom sems su mi byed do/ / gang mngon par rlom sems su mi byed pa de mi rtsod do// bang mi brtsod pa de kun tu mi 'bar ro// gang kun tu mi 'bar ba de kun tu gdung ba ma yin no/ / gang kun tu gdung ba ma yin pa de rab tu 'bar ba ma yin no// gang rab tu 'bar ba ma yin pa de zhi ba'o// zhi ba gang yin pa de rab tu zhi ba'o// rab tu zhi ba gang yin pa de nye bar zhi ba'o/ / nye bar zhi ba gang yin pa de thub pa zhes bya'o// ston pa zhes bya'o// blo gros rgya mtsho chos 'di dag ni 'di ltar zab pa'o// 'di ltar blta dka' ba'o/ / 'di ltar rtogs par dka' ba'o// gang dag gis chos 'di dag thos nas mos par byed pa de dag thams cad phyin ci log pa dang / nye ba'i nyon mongs pa dang / yongs su 'dzin pa dang / / 'ching ba thams cad las rnam par grol te/ de dag ni 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi chos kyi mdzod 'dzin pa dag go/ / de dang de dag ni ded dpon chen po ste/ sems can thams cad la lam tshad med pa ston pa dag go// de dang de dag ni sman pa'i rgyal po ste/ nyon mongs pa gzugs can ma yin pa'i nad las rab tu thar par byed pa dag go/ / de dang de dag ni mchod pa mchog gis de bzhin gshegs pa la mchod pa byed pa dang ngag ste/ de dag ni ring po mi thogs pa shin tu dkar ba dri ma med pa'i phyag rgya'i ting nge 'dzin 'di thob par 'gyur ro/ / de dag ni theg pa chen po 'dir nges par byas pa dag go// de dag ni chos kyi gru chen po yang dag par sbyor ba dag go// de dag ni sems can tshad med pa dag 'khor ba'i chu bo chen po las sgrol bar 'gyur ba dag go/ / de dag ni yang bdud kyi yul du brjod pa ma yin pa dag go// skyes bu dam pa de dag ni bdud dang phyir rgol ba bcom pa dag go// ting nge 'dzin bstan pa'i le'u/ ste gsum pa'o// // de nas bcom ldan 'das la byang chub sems dpa' sems dpa' chen po blo gros rgya mtshos 'di skad ces gsol to// bcom ldan 'das ji ltar na byang chub sems dpa' bdud dang phyir rgol ba bcom pa lags/ bcom ldan 'das kyis bka' stsal pa/ blo gros rgya mtsho gang gi tshe byang chub sems dpa' sems dpa' chen po yongs su 'dzin pa thams cad don tu mi gnyer ba de'i tshe bdud phyir rgol ba bcom pa yin no/ / gang gi tshe mtshan ma dang / dmigs pa thams cad don tu mi gnyer ba de'i tshe/ bdud phyir rgol ba bcom pa yin no// blo gros rgya mtsho bdud ni bzhi po 'di dag ste/ bzhi gang zhe na/ phung po'i bdud dang / nyon mongs pa'i bdud dang / 'chi ba dag gi bdud dang / lha'i bu'i bdud de/ bzhi po 'di dag ni bdud do// de la sgyu ma'i chos su so sor rtog pas phung po'i bdud 'jom mo/ / stong pa nyid nges par sems pa la so sor rtog pas nyon mongs pa'i bdud 'jom mo// skye ba med pa dang 'byung ba med par so sor rtogs pas 'chi bdag gi bdud 'jom mo// nga rgyal gyis sgo btags pa thams cad 'gog par 'gyur ba'i lam gyis lha'i bu'i bdud 'jom mo/ / gzhan yang sdug bsngal yongs su shes pas phung po'i bdud 'jom mo// kun 'byung ba spong bas nyon mongs pa'i bdud 'jom mo/ / 'gog pa mngon sum du byed pas 'chi bdag gi bdud 'jom mo// lam bsgom pas lha'i bu'i bdud 'jom mo// gzhan yang 'du byed thams cad la sdug bsngal du so sor rtogs pas phung po'i bdud 'jom mo/ / 'du byed thams cad la mi rtag par so sor rtog pas nyon mongs pa'i bdud 'jom mo// chos thams cad la bdag med par so sor rtog pas 'chi bdag gi bdud 'jom mo/ / mya ngan las 'das pa la zhi bar so sor rtog pas lha'i bu'i bdud 'jom mo// blo gros rgya mtsho gzhan yang gang gis tshe byang chub sems dpa' nang gi nyon mongs pa'i dri ma spangs te/ byang chub kyi sems ma brjed pa sbyin pa byin nas/ thams cad mkhyen pa nyid du yongs su sngo bar byed pa de'i tshe/ phung po'i bdud tshar gcod pa yin no// gang gi tshe// lus la mi lta zhing lus la ma chags par sbyin pa byin nas/ thams cad mkhyen pa nyid du yongs su sngo bar byed pa de'i tshe/ nyon mongs pa'i bdud tshar chod pa yin no// gang gi tshe kye ma longs spyod 'di dag ni mi rtag pa thun mong ba ste/ de dag las bdag gis snying po blangs par 'gyur ro snyam ste/ sbyin pa byin nas thams cad mkhyen pa nyid du yongs su sngo bar byed pa de'i tshe/ 'chi bdag gi bdud tshar chod pa yin no/ / gang gi tshe sems can thams cad la snying rje chen po bskyed nas/ sems can thams cad bsdu ba'i phyir/ rab tu thar par bya ba'i blos sbyin pa byin nas thams cad mkhyen pa nyid du yongs su sngo bar byed pa de'i tshe/ lha'i bu'i bdud tshar gcod pa yin no// blo gros rgya mtsho gzhan yang byang chub sems dpa' srid par 'gro ba'i skye ba la mngon par 'dod pa med par tshul khrims bsrungs pas phung po'i bdud tshar gcod do/ / bdag med par lta ba la gnas te/ tshul khrims bsrungs pas nyon mongs pa'i bdud tshar bcad do// tshul khrims yongs su dag te/ rga shi las bzla ba'i phyir tshul khrims bsrungs pas 'chi bdag gi bdud tshar gcod do/ / bdag gis tshul khrims 'chal pa'i sems can rnams 'phags pa'i tshul khrims la rab tu 'god par bya'o snyam ste/ tshul khrims bsrungs pas lha'i bu'i bdud tshar gcod do/ / blo gros rgya mtsho gzhan yang byang chub sems dpa' bdag mi dmigs par bzod pa sgom pas phung po'i bdud tshar gcod do// sems can mi dmigs par bzod pa bsgoms pas nyon mongs pa'i bdud tshar gcod do/ / 'khor ba mi dmigs par bzod pa bsgoms pas 'chi bdag gi bdud tshar gcod do// mya ngan las 'das pa mi dmigs par bzod pa bsgoms pas lha'i bu'i bdud tshar gcod do/ / blo gros rgya mtsho gzhan yang byang chub sems dpa' lus dben par brtson 'grus rtsom pas phung po'i bdud las shin tu 'da'o// sems dben par brtson 'grus rtsom pas nyon mongs pa'i bdud las shin tu 'da'o/ / skye ba med pa dang 'byung ba med par brtson 'grus rtsom pas 'chi bdag gi bdud las shin tu 'da'o/ / 'khor bas yongs su mi skyo bar sems can yongs su smin par bya ba dang / dam pa'i chos yongs su gzung bar bya ba'i phyir brtson 'grus rtsom pas lha'i bu'i bdud las shin tu 'da'o// blo gros rgya mtsho gzhan yang byang chub sems dpa' phung po la mi gnas par bsam gtan byed pas phung po'i bdud las shin tu 'da'o// khams la mi gnas par bsam gtan byed pas nyon mongs pa'i bdud las shin tu 'da'o/ / skye mched la mi gnas par bsam gtan byed pas 'chi bdag gi bdud las shin tu 'da'o// bsam gtan gyi yan lag de dag byang chub tu yongs su sngo bar byed pa'i lha'i bu'i bdud las shin tu 'da'o/ / blo gros rgya mtsho gzhan yang byang chub sems dpa' shes rab kyi phung po la mkhas par gyur pas phung po'i bdud las rgyal lo// shes rab kyi khams la mkhas par gyur pas nyon mongs pa'i bdud las rgyal lo/ / shes rab kyi skye mched la mkhas par gyur pas 'chi bdag gi bdud las rgyal lo// shes rab kyis rten cing 'brel par 'byung ba la mkhas par gyur pas yang dag pa'i mtha' yang mngon sum du mi byed pas lha'i bu'i bdud las rgyal lo/ / blo gros rgya mtsho gzhan yang byang chub sems dpa' chos thams cad la stong par mos pas phung po'i bdud kyis skabs mi rnyed do/ / chos thams cad mtshan ma med par yid ches pas nyon mongs pa'i bdud kyis skabs mi rnyed do// chos thams cad smon pa med par som nyi med pas 'chi bdag gi bdud kyis skabs mi rnyed do// chos thams cad la mngon par 'du bya ba med par the tsom med la/ dge ba'i rtsa ba mngon par 'du bya bas kyang mi ngoms pas lha'i bu'i bdud kyis skabs mi rnyed do// blo gros rgya mtsho gzhan yang gang gi cha byang chub sems dpa' lus la lus kyis rjes su lta ba'i dran pa nye bar gzhag pa sgom zhing lus dang lhan cig song ba'i rnam par rtog pas kyang rnam par mi rtog pa de'i tshe/ phung po'i bdud yang dag par 'jom mo/ gang gi tshe tshor ba rnams la tshor ba'i rjes su lta ba'i dran pa nye bar gzhag pa bsgom zhing tshor ba dang lhan cig song ba'i rnam par rtog pas kyang rnam par mi rtog pa de'i tshe/ nyon mongs pa'i bdud yang dag par 'jom mo/ / gang gi tshe sems la sems kyi rjes su lta ba'i dran pa nye bar gzhag pa sgom zhing sems dang lhan cig song ba'i rnam par rtog pas kyang rnam par mi rtog pa de'i tshe/ 'chi bdag gi bdud yang dag par 'jom mo/ / gang gi tshe chos rnams la chos kyi rjes su lta ba'i dran pa nye bar gzhag pa sgom zhing chos dang lhan cig song ba'i rnam par rtog pas kyang rnam par mi tog la/ byang chub kyi bsam pa yang 'khrugs par mi byed pa de'i tshe/ lha'i bu'i bdud yang dag par 'jom mo// blo gros rgya mtsho bdud kyi las 'di dag thams cad ni bdag gi kun nas ldang bas kun nas langs pa dag ste/ de las byang chub sems dpa' ba dag gi kun nas ldang ba kun nas langs par mi byed do/ / bdag gang yin pa de ni bdag ma yin zhing bdag med pa ste/ de la chos gang gis kun nas ldang ba yang // med do// de de ltar so sor rtog pa'i ye shes kyis rig nas gang gi tshe sems can mi shes pa rnams kyi ched du theg pa chen po'i go cha gyon pa de'i tshe/ bdag tu sgro mdogs pa dang / gzhan du 'gro 'dogs pa'i phyir go cha mi gyon no/ / go cha bgos nas kyang ji ltar na/ bdag gi go cha 'di don yod par 'gyur snyam du spyod de/ de 'di snyam du bdag gi go cha 'di ni bdag rnam par gzhig pa'i phyir bgos pa ma yin/ sems can dang / srog dang / gso ba dang / skyes bu dang / gang zag rnam par gzhag pa'i phyir bgos pa ma yin gyi/ sems can dag gang la brten nas bdag dang / sems can dang srog dang / gso ba dang / skyes bu dang / gang zag tu lta ba la gnas par byed pa'i gnas de bdag gis spang bar bya'o snyam du sems so// gnas de gang zhe na/ 'di lta ste/ phyin ci log ni gnas so// phung po dang / khams dang / skye mched ni gnas so// de 'di ltar sems phyin log tu gyur te/ mi rtag pa la rtag par 'du shes pa/ sdug bsngal ba la bde bar 'du shes pa/ bdag med pa la bdag tu 'du shes pa/ mi sdug pa la sdug par 'du shes pa rnams la 'du shes yongs su shes par bya ba'i phyir chos ston te/ de la 'du shes yongs su shes pa gang zhe na/ 'di lta ste/ 'dzin pa med pa dang / mchog tu 'dzin pa med pa'o// gang 'dzin pa med pa de mchog tu 'dzin par mi byed do// gang mchog tu 'dzin par mi byed pa de kun tu rmongs pa med do/ / de kun tu rmongs pa med pas 'du shes yongs su shes so// gsol pa/ ci lags 'das pa rnams kyi 'am/ ma 'ongs pa rnams kyi 'am/ da ltar byung ba rnams kyi 'am/ 'du shes gang yongs su 'tshal/ bka' stsal pa/ 'das pa rnams kyi yang ma yin/ ma 'ongs pa rnams kyi yang ma yin/ da ltar byung ba rnams kyi yang ma yin no/ / de ci'i phyir zhe na/ 'das pa'i 'du shes ni zad pa'o// ma 'ongs pa ni ma phyin pa'o// da ltar byung ba'i 'du shes rnams ni gnas med pa ste/ gang dus gsum du 'du shes yongs su 'du shes pa'o/ / de 'du shes yongs su shes pa dang / ldan par byang chub sems dpa' spyod pa yongs su dag pa spyod do// sems can thams cad kyi spyod pa yang rab tu shes so// blo gros rgya mtsho byang chub sems dpa' ni ji srid du sems can thams cad kyi spyod pa rab tu mi shes pa de srid du byang chub sems dpa'i spyod pa yongs su dag pa la spyod pa ma yin te/ gang gi sems can thams cad kyi spyod pa rab tu shes pa de'i tshe/ byang chub sems dpa'i spyod pa yongs su dag pa la spyod do// ji ltar de dag gi spyod pa rnams rab tu shes pa de ltar chos ston to// sems can spyod pa ji lta ba rnams kyi spyod pa de bzlog pa'i phyir yang nye bar ston to// blo gros rgya mtsho 'dod chags kyi bsam pa can la/ zhe sdang la sbyor ba'i bsam pa can dag kyang yod/ zhe sdang gi bsam pa can la 'dod chags la sbyor ba dag kyang yod/ zhe sdang gi bsam pa can la gti mug la sbyor ba dag kyang yod/ gti mug gi bsam pa can la zhe sdang/ la sbyor ba dag kyang yod/ gti mug gi bsam pa can la 'dod chags la sbyor ba dag kyang yod/ 'dod chags kyi bsam pa can la gti mug la sbyor ba dag kyang yod/ 'dod chags dang / zhe sdang gi bsam pa can la gti mug la sbyor ba dag kyang yod/ zhe sdang dang / gti mug gi bsam pa can la 'dod chags la sbyor ba dag kyang yod/ gti mug dang / 'dod chags kyi bsam pa can la zhe sdang la sbyor ba dag kyang yod do/ / blo gros rgya mtsho 'dod chags bcos ma can la zhe sdang tshar gcad par bya ba'i sems can dag kyang yod// zhe sdang bcos ma can la 'dod chags tshar bcad par bya ba dag kyang yod/ zhe sdang bcos ma can la gti mug tshar bcad par bya ba dag kyang yod/ gti mug bcos ma can la zhe sdang tshar bcad par bya ba dag kyang yod/ gti mug bcos ma can la 'dod chags tshar gcad par bya ba dag kyang yod/ 'dod chags bcos ma can la gti mug tshar gcang bar bya ba dag kyang yod/ 'dod chags dang / zhe sdang bcos ma can la gti mug tshar gcad par bya ba dag kyang yod/ zhe sdang dang gti mug bcos ma can la 'dod chags tshar gcad par bya ba dag kyang yod/ gti mug dang / 'dod chags bcos ma can la zhe sdang tshar bcad par bya ba dag kyang yod do// blo gros rgya mtsho sngar 'dod chags can la/ phyis zhe sdang can dang / sngar zhe sdang can la/ phyis 'dod chags can dang / sngar zhe sdang can la/ phyis gti mug can dang / sngar gti mug can la/ phyis zhe sdang can dang / sngar gti mug can la/ phyis 'dod chags can dang / sngar 'dod chags can la phyis gti mug can dang / sngar zhe sdang dang / gti mug can la phyis 'dod chags can dang / sngar gti mug dang 'dod chags can la phyis zhe sdang can gyi sems can dag kyang yod do/ / blo gros rgya mtsho gzugs la 'dod chags can la/ sgra la zhe sdang can dang / sgra la 'dod chags can la/ gzugs la zhe sdang can dang / dril 'dod chags can la/ ro la zhe sdang can dang / ro la 'dod chags can la/ dri la zhe sdang can dang / reg pa la 'dod chags can la/ chos la zhe sdang can dang / chos la 'dod chags can la/ reg pa la zhe sdang can gyi sems can dag kyang yod do// dro gros rgya mtsho gzugs las dben pas 'dul bar 'gyur gyi sgra las dben pas ni ma yin pa'i sems can dag kyang yod/ sgra las dben pas 'dul bar 'gyur gyi gzugs las dben pas ma yin pa dag kyang yod/ dri las dben pas 'dul bar 'gyur gyi/ ro las dben pas ma yin pa dag kyang yod ro las dben pas 'dul bar 'gyur gyi/ dri las dben pas ma yin pa dag kyang yod/ reg pa las dben pas 'dul bar 'gyur gyi/ chos las dben pas ma yin pa dag kyang yod/ chos la dben pas 'dul bar 'gyur gyi/ reg pa las dben pas ma yin pa dag kyang yod do// blo gros rgya mtsho lus dben pas 'dul bar 'gyur gyi/ sems dben pas ma yin pa'i sems can dag kyang yod/ sems dben pas 'dul bar 'gyur gyi/ lus dben pas ma yin pa dag kyang yod/ lus dben pa dang sems dben pas 'dul bar 'gyur ba dag kyang yod lus dben pa dang / sems dben pas 'dul bar 'gyur ba ma yin pa dag kyang yod do// blo gros rgya mtsho mi rtag pa'i sgras 'dul bar 'gyur gyi/ sdug bsngal dang / bdag med pa dang / zhi ba'i sgra rnams kyis ma yin pa'i sems can dag kyang yod/ sdug bsngal gyi sgras 'dul bar 'gyur gyi/ mi rtag pa dang / bdag med pa dang / zhi ba'i sgra rnams kyis ma yin pa dag kyang yod/ bdag med pa'i sgras 'dul bar 'gyur gyi/ mi rtag pa dang / sdug bsngal ba dang / zhi ba'i sgra rnams kyis ma yin pa dag kyang yod/ zhi ba'i sgras 'dul bar 'gyur gyimi rtag pa dang / sdug bsngal ba dang / bdag med pa'i sgra rnams kyis ma yin pa dag kyang yod do// blo gros rgya mtsho kun brjod pa'i cho 'phrul gyi 'dul bar 'gyur gyi/ rjes su bstan pa'i cho 'phrul gyis ma yin pa'i sems can dag kyang yod/ rjes su bstan pa'i cho 'phrul gyis 'dul bar 'gyur gyi/ kun brjod pa'i cho 'phrul gyis ma yin pa'i sems can dag kyang yod/ rdzu 'phrul/ gyi cho 'phrul gyis 'dul bar 'gyur gyi kun brjod pa dang / rjes su bstan pa'i cho 'phrul gyis ma yin pa'i sems can dag kyang yod/ kun brjod pa'i cho 'phrul gyis rnam par grol bar 'gyur ba dang / rjes su bstan pa'i cho 'phrul gyis rnam par grol bar 'gyur ba dang / rdzu 'phrul gyi cho 'phrul gyis rnam par 'grol bar 'gyur ba'i sems can dag kyang yod do// blo gros rgyu mtsho sbyor ba myur la/ rnam par grol ba bul ba'i sems can dag kyang yod/ sbyor ba bul la rnam par grol bar myur ba dag kyang yod/ sbyor ba yang dul la rnam par grol ba yang bul ba dag kyang yod/ sbyor ba yang myur la rnam par grol ba yang myur ba dag kyang yod do// blo gros rgya mtsho rgyu rnams kyis rnam par grol gyi/ rkyen rnams kyis ma yin pa'i sems can dag kyang yod/ rkyen rnams kyis rnam par grol gyi rgyu rnams kyis ma yin pa dag kyang yod/ rgyu rnams dang / rkyen rnams kyis rnam par grol ba dag kyang yod/ rgyu rnams dang / rkyen rnams kyis rnam par grol ba ma yin pa dag kyang yod do/ / blo gros rgya mtsho nang gi skyon mthong bas rnam par grol gyi/ phyi rol gyi skyon mthong bas ma yin pa'i sems can dag kyang yod/ phyi rol gyi skyon mthong bas rnam par grol gyi nang gi skyon mthong bas ma yin pa dag kyang yod do/ / nang gi skyon mthong ba dang / phyi rol gyi skyon mthong bas rnam par grol ba dag kyang yod do// nang gi skyon mthong / ba dang / phyi rol gyi skyon mthong bas rnam par grol ba ma yin pa dag kyang yod do// blo gros rgya mtsho sla ba'i lam gyis rnam par grol ba thob par 'gyur gyi/ dka' ba'i lam gyis ma yin pa'i sems can dag kyang yod/ dka' ba'i lam gyis 'gyur gyi/ sla ba'i lam gyis ma yin pa dag kyang yod/ dka' ba dang / sla bas 'gyur ba dag kyang yod/ sra ba dang dka' ba'i lam gyis rnam par grol ba thob par mi 'gyur ba dag kyang yod do/ / blo gros rgya mtsho mgur gsal ba'i sgras 'dul ba'i sems can dag kyang yod/ rab tu bstan pas 'dul ba dag kyang yod/ tshar gcad pas 'dul ba dag kyang yod/ / rab tu gzung bas 'dul ba dag kyang yod/ sdug pa'i rnam pas 'dul ba dag kyang yod/ mi sdug pa'i rnam pas 'dul ba dag kyang yod/ zhe sdang gi rnam pas 'dul ba dag kyang yod/ byams pa'i rnam pas 'dul ba dag kyang yod/ smra dbabs 'dul ba'i rnam pa dag kyang yod/ rten cing 'brel par 'byung bas 'dul ba dag kyang yod/ rjes su 'thun par rgyu bas 'dul ba dag kyang yod/ spyi'u tshugs su chubs 'dul ba dag kyang yod/ spel zhir rgyu bas 'dul ba dag kyang yod/ dran pa nye bar gzhag pa'i sbas 'dul ba dag kyang yod/ yang dag par spong ba'i sgras 'dul bdag kyang yod/ rdzu 'phrul gyi rkang pa'i sgras 'dul ba dag kyang yod/ dbang po'i sgras 'dul ba dag kyang yod/ stobs kyi sgras 'dul ba dag kyang yod/ byang chub kyi yan lag gi spras 'dul ba/ ngag kyang yod lam gyis smras 'dul ba dag kyang yod/ zhi gnas kyi sbas 'dul ba dag kyang yod lhag mthong gi sbas 'dul ba dag kyang yod do// blo gros rgya mtsho 'phags pa'i bden pa bstan pa'i sgras 'dul ba'i sems can dag kyang yod do/ / blo gros rgya mtsho de ltar na sems can gyi spyod pa bsam gyis mi khyab/ sems can gyi bsam pa bsam gyis mi khyab/ sems can gyi spyod yul bsam gyi mi khyab bo/ / de la byang chub sems dpa' shes pa 'jug pa bsam gyis mi khyab pa la zhugs nas/ sems can bsam gyis mi khyab pa rnams kyi spyod pa 'jug pa bsam gyis mi khyab pa la 'jug par nus so/ / blo gros rgya mtsho 'di lta ste/ dper na/ kun nas zhags pa zhes bya ba'i dra ba der skyes bu zhig bcug par 'gyur la/ skyes bu des zhags pa thams cad las 'byin pa zhes bya ba'i sngags kyi rig pa'i stobs bskyed na/ dra ba der bcug ma thag tu sngags kyi rigs pa'i stobs kyis zhags pa'i bcing ba thams cad bcad nas/ gar dga' ba der 'gro'o/ / blo gros rgya mtsho de bzhin du thabs la mkhas pa'i byang chub sems dpa' yang / sems can thams cad kyi bsam pa la zhugs nas/ shes rab kyis pha rol tu phyin pa'i sngags kyis rig pa'i stobs kyis sems can de dag thams cad kyi nyon mongs pa'i 'ching ba thams cad gcod de/ sangs rgyas kyis ye shes de la ma reg kyang sangs rgyas kyis mdzad pas/ sems can rnams la nye bar gnas pa yin no// de nas bcom ldan 'das la/ tshe dang ldan pa shA ra dwa ti'i bus 'di skad ces gsol to// bcom ldan 'das ji tsam du sems can gyi spyod pa tshad ma mchis pa dang / ji tsam du sangs rgyas kyi mkhyen pa bsam gyis mi khyab pa ngo mtshar to// bcom ldan 'das gang gi tshe/ byang chub sems dpa' las dang po pas/ sems can gyi spyod pa tshad ma mchis pa dang / sangs rgyas kyi mkhyen pa tshad ma mchis pa 'di dag thos nas ni mi skrag mi dngang dngang bar mi 'gyur ba 'di ni/ bdag la shin tu ngo mtshar du 'da'o/ / de skad ces gsol pa dang / bcom ldan 'das kyis/ tshe dang ldan pa shA ra dwa ti'i bu la 'di skad ces bka' stsal to// shA ra dwa ti'i bu 'di ji snyam du sems/ seng ge'i drug gu seng ge'i sgra thos nas skrag pa 'am/ dngang ba 'am/ kun tu dngang bar 'gyur ram/ gsol pa/ bcom ldan 'das de ni ma lags so// bcom ldan 'das kyis bka' stsal ba/ shA ra dwa ti'i bu de bzhin du byang chub sems dpa' las dang po pa yang de bzhin gshegs pa'i seng ge'i sgra thos nas/ mi skrag mi dngang dngang bar mi 'gyur ro// sems can gyi spyod pa tshad med pa thos nas kyang 'jigs par mi 'gyur ro/ / shA ra dwa ti'i bu 'di lta ste/ dper na/ me'i snang ba chung ngu yang shing dang rtsa thams cad kyis mi skrag ste/ de 'di snyam du tshig par byed mi nus so snyam du mi sems so// shA ra dwa ti'i bu de bzhin du byang chub sems dpa' las dang po pa'i shes rab kyi snang ba chung ngu yang / sems can thams cad kyi nyon mongs pa rnams kyis mi skrag ste/ de 'di snyam du bdag gis nyon mongs pa zhi bar byed mi nus so snyam du mi sems kyi/ sems can thams cad kyi nyon mongs pa de nyid la tshul bzhin du nges par rtags nas/ shes rab kyi rgyur 'gyur ro// shA ra dwa ti'i bu/ 'di lta ste/ dper na/ yongs su brtag pa nye bar bzung ste/ me dang / rtsa dang / shing dang / lo ma dang / yal ga thams cad 'thab cing rtsod pa chen po bya bar brtsams te/ nyi ma bdun na g.yul chen po 'gyed do snyam nas/ de na rtswa dang shing de dag gis de las gzhan pa'i rtswa dang shing thams cad bsdus te/ nged kyi dpung gyis shig/ nged kyi grogs kyis shig ces byas nas de na rtswa dang shing gi phung po ri ra ba tsam bsdus par gyur la/ de nas 'ga' zhig me de'i gan du song ste/ 'di skad ces smras so// ci'i phyir khyod dpung mi sdud khyod rtswa dang shing 'di dag las gcig pus rgal bar bya snyam mam/ de nas me nges 'di skad ces smras so// 'dir bdag gis dpung bsdu bar bya mi dgos so/ / de ci'i phyir zhe na/ rtswa dang / shing phyir rgol ba de dag nyid bdag gi grogs yin te/ ji lta ji ltar 'di dag mang por gyur pa de lta de ltar bdag stobs dang rab tu ldan par 'gyur ro/ / gal te 'di dag med par gyur na/ bdag kyang myur du 'chi'o// shA ra dwa ti'i bu de bzhin du ji lta ji ltar byang chub sems dpa' sems can thams cad kyi nyon mongs pa tshad med pa dag la/ shes rab kyi ma tshad med pa rab tu gtong ba de lta de ltar byang chub sems dpa' shin tu stobs dang ldan par 'gyur te/ de sems can thams cad kyi nyon mongs pa de dag la tshul bzhin du nye bar brtags nas/ shes rab kyi rgyur 'gyur ro// gal te byang chub sems dpa' rang gi nyon mongs pa med par bya bar 'dod cing / sems can thams cad kyi nyon mongs pa rnams la g.yel na/ de myur du nyan thos kyi sa 'am/ rang sangs rgyas sar lhung bar 'gyur ro// shA ra dwa ti'i bu khyod kyis rnam grangs 'dis 'di ltar rig par bya ste/ ji lta ji ltar byang chub sems dpa' sems can thams cad kyi nyon mongs pa la tshul bzhin yid la byed pas/ yang dag pa ji lta ba bzhin du so sor rtog pa de lta de ltar shin tu stobs dang ldan par 'gyur te/ gal te de lta bu thos nas mi skrag na/ thabs la mkhas pa'i byang chub sems dpar rig par bya'o// shA ra dwa ti'i bu/ 'di lta ste/ dper na/ sbrul gdug pa phrug gu ni grobs mi dgos par za'o/ / shA ra dwa ti'i bu de bzhin du byang chub sems dpa' las dang po pa yang grogs mi dgos par byang chub kyi yan lag rnams yang dag par sdud de/ gcig pu gnyis su med par byang chub kyi yan lag rnams yang dag par sdud do/ / shA ra dwa ti'i bu/ 'di lta ste/ dper na/ srin bu me khyer brgya stong gis kyang / nyi ma'i 'od zil gyis gnon mi nus so/ / shA ra dwa ti'i bu de bzhin du/ nyon mongs pa thams cad kyis kyang byang chub sems dpa'i shes rab kyi 'od zil gyis gnon mi nus so// shA ra dwa ti'i bu/ 'di lta ste/ dper na/ dug gi gnyen po nad med par byed pa chung ngus kyang dug shin tu mang po zhi bar byed do/ / shA ra dwa ti'i bu de bzhin du/ byang chub sems dpa'i shes rab kyi nad med pa chung ngus kyang / nyon mongs pa'i dug mang po shin tu zhi bar byed do/ / shA ra dwa ti'i bu 'di lta ste/ dper na/ bar snang las ro gcig pa'i chu'i rgyun 'bab pa bab nas/ snod kyi bye brag gis ro dro ba tha dad du 'gyur ro// shA ra dA ti'i bu de bzhin du/ byang chub sems dpa' yang rnam par grol ba'i ye shes ro gcig pa yang dag par bsgrubs te/ sems can gyi dbang po tha dad pa rnams la chos bstan pa tha dad pa ston to// shA ra dwa ti'i bu/ 'di lta ste/ dper na/ gang du 'dzam bu'i chu bo'i gser byung ba der rin po che thams cad mog mog por 'gyur ro// shA ra dwa ti'i bu de bzhin du gang du byang chub sems dpa' rin po che 'byung ba der nyan thos dang / rang sangs rgyas thams cad mog mog por 'gyur ro// shA ra dwa ti'i bu/ 'di ltaste/ dper na/ gang gi tshe 'khor los sgyur ba'i rgyal po 'byung ba de'i tshe/ rgyal phran thams cad de la phyag 'tshal lo// shA ra dwa ti'i bu de bzhin du gang gi tshe chos kyi rgyal po'i bu byang chub tu sems bskyed pa de'i tshe/ lha dang / mi dang / lha ma yin du bcas pa'i 'jig rten gyis phyag bya bar 'gyur ro// shA ra dwa ti'i bu/ 'di lta ste/ dper na/ bsod nams ma byas pa'i sems can rnams la dbyig gi/ char mi 'bab bo// shA ra dwa ti'i bu de bzhin du dge ba'i rtsa ba ma bskyed pa'i sems can rnams la byang chub kyi sems mi skye'o// // bam po bzhi pa// shA ra dwa ti'i bu/ 'di lta ste/ dper na/ bu ram shing gi sa bon med par sha kha ra mi 'byung ngo // shA ra dwa ti'i bu de bzhin du byang chub sems dpa' yang byang chub kyi sems kyi sa bon med par bla na med pa yang dag par rdzogs pa'i byang chub mi 'grub bo/ / shA ra dwa ti'i bu/ 'di lta ste/ dper na/ sman pa'i rgyal po mtsho byed kyis gang sman du mi mthong ba'i gzugs su snang ba de gang yang med do/ / shA ra dwa ti'i bu de bzhin du shes rab kyi pha rol tu phyin pa la spyod pa'i byang chub sems dpas kyang / byang chub tu mi mthong ba'i chos su snang ba de gang yang med do// shA ra dwa ti'i bu// 'di lta ste/ dbar na/ lha ma yin gyi dbang po sgra gcan gyis nyi ma dang / zla ba'i gzhal med khang gi lam gyi rim pa rgyun gcod par mi nus so// shA ra dwa ti'i bung bzhin du bdud thams cad kyis kyang byang chub sems dpa' brtson 'grus brtsams pa'i byang chub kyi lam kun tu gcod par mi nus so/ / shA ra dwa ti'i bu 'di lta ste/ dper na/ gzugs na spyod pa'i lha'i bu rnams ni nam mkha' la gzhal med khang na gnas so/ / shA ra dwa ti'i bu de bzhin du zab mo la spyod pa'i byang chub sems dpa' rnams la yang / chos thams cad nam mkha' dang mtshungs te/ bla na med pa yang dag par rdzogs pa'i byang chub kyang de dang 'dra ba nyid dang / shA ra dwa ti'i bu/ 'di lta ste/ dper na/ snod du byed pa ji snyed pa de snyed du nam mkha' 'jug kyang / nam mkha' ni bri ba 'am/ gang ba med do// shA ra dwa ti'i bu de bzhin du byang chub sems dpa'i yongs su sngo ba'i stobs ji snyed pa de snyed du sangs rgyas kyi chos rnams yongs su 'dzin kyang / sangs rgyas kyi chos rnams la bri ba 'am/ gang ba med do// shA ra dwa ti'i bu/ 'di lta ste/ dper na/ skyes bu'i stobs ji tsam pa de tsam du nam mkha' la mda' 'phangs pa 'gro yang / nam mkha' la mtha' thug pa gang yang med do// shA ra dwa ti'i bu de bzhin du byang chub sems dpa'i dad pa'i stobs ji tsam pa de tsam du sangs rgyas kyi chos rnams la mos kyang sangs rgyas kyis chos rnams la mtha' thug pa gang yang med do/ / shA ra dwa ti'i bu 'di lta ste/ dper na/ rnga mkhan gyis snod du ma byas pa dag snod kyi ming mi thob bo// shA ra dwa ti'i bu de bzhin du dge ba'i rtsa ba byang chub tu yongs su ma bsngos pa yang pha rol tu phyin pa'i/ ming mi thob bo// shA ra dwa ti'i bu/ 'di lta ste/ dper na/ sus 'khor los sgyur ba'i rgyal po mthong ba de/ phyis rgyal phran thams cad la re bar mi byed do// shA ra dwa ti'i bu de bzhin du sus chos kyi rgyal po de bzhin gshegs pa mthong ba de phyis nyan thos dang / rang sangs rgyas thams cad la re bar mi byed do// shA ra dwa ti'i bu 'di lta ste/ dper na/ ba lang gi rjes kyi chu las rin po che thams cad mi 'byung ngo / / shA ra dwa ti'i bu de bzhin du nyan thos kyi tshul khrims las dkon mchog gsum po dag mi 'byung ngo // shA ra dwa ti'i bu/ 'di lta ste/ dper na/ rgya mtsho chen po las rin po che thams cad 'byung ngo / / shA ra dwa ti'i bu de bzhin du byang chub sems dpa'i tshul khrims dang / thos pa'i rgya mtsho las sangs rgyas dkon mchog dang / chos dkon mchog dang / dge 'dun dkon mchog ste/ dkon mchog gsum po dag 'byung ngo // shA ra dwa ti'i bu/ 'di lta ste/ dper na/ rgyal po'i bu btsas nas ring por ma lon pa ni/ rgyal po zhe 'am/ rgyal po ma yin pa zhes kyang mi rjod do/ / shA ra dwa ti'i bu de bzhin du byang chub sems dpa' las dang po pa yang / sangs rgyas zhe 'am/ sangs rgyas ma yin pa zhes kyang mirjod do// shA ra dwa ti'i bu 'di lta ste/ dper na/ nor bu rin po che byi dor ma byas pa la ni mngon par 'du bya bar mi 'gyur ro// shA ra dwa ti'i bu de bzhin du byang chub sems dpa' las dang po pa yang chos bstan pa la 'jigs pa med pa yin no// shA ra dwa ti'i bu 'di lta ste/ dper na/ nor bu rin po che byi dor byas te/ 'od gsal ba ni dga' ba yang dag par skyed pa yin no// shA ra dwa ti'i bu de bzhin du byang chub sems dpa' yun ring du spyad pa chos bstan pa rnams la 'jigs pa med pa yang / sems can thams cad kyi dga' ba yang dag par skyed pa yin no// shA ra dwa ti'i bu/ 'di lta ste/ dper na/ nor bu rin po che ni chung ngu yang khyad du mi gsad do/ / de ci'i phyir zhe na/ de chung ngu zin kyang gnas khang ngam/ khyim 'am/ khang par bcug na/ de thams cad snang bar byed do// shA ra dwa ti'i bu de bzhin du byang chub sems dpa' las dang po pa la yang brnyas par mi bya'o/ / de ci'i phyir zhe na/ de byang chub thob nas/ sangs rgyas kyi 'od kyis sangs rgyas kyi zhing thams cad rgyas par 'gengs par 'gyur ba'i phyir ro/ / shA ra dwa ti'i bu 'di lta ste/ dper na/ nor bu rin po che gang dag rin thang med pa de dag ni yang ma dpyad pa yin no// shA ra dwa ti'i bu de bzhin du byang chub sems dpa' gang dag phyir mi ldog par 'gyur ba de dag nga rgyal med pa yin no/ / shA ra dwa ti'i bu 'di lta ste/ dper na/ lo tog yongs su rdzogs pa ni g.yur za'o// shA ra dwa ti'i bu de bzhin du dkar po'i chos yongs su rdzogs pa'i byang chub sems dpa' yang sems can thams cad la 'dud do/ / shA ra dwa ti'i bu 'di lta ste/ dper na/ gang sa chen po 'di tshig par byed pa'i bsreg pa'i bskal pa'i me de ni gang nas kyang mi 'ong ngo / / shA ra dwa ti'i bu de bzhin du byang chub sems dpa'i ye shes kyis me gang gis bag chags kyi mtshams sbyor pabar gyur pa'i nyon mongs pa rnams bsregs nas/ bla na med pa yang dag par rdzogs pa'i byang chub mngon par rdzogs par 'tshang rgya bar de yang gang nas kyang mi 'ong ngo // shA ra dwa ti'i bu 'di lta ste/ dper na/ stong gsum gyi stong chen po'i 'jig rten gyi khams tshig pa 'am/ mchig pa yang rung ste/ nam mkha'i ngo bo nyid do// shA ra dwa ti'i bu de bzhin du byang chub sems dpa' byang chub mngon par rdzogs par 'tshang rgya yang rung / mngon par rdzogs par 'tshang mi rgya yang rung ste/ chos thams cad ni byang chub kyi ngo bo nyid do// shA ra dwa ti'i bu byang chub sems dpa' rnams bsdu ba'i phyir/ de bzhin gshegs pas dpe nye bar bkod pa bstan pa 'di dag/ byang chub sems dpa' gang dag gis thos nas mos par 'gyur ba de dag thams cad dpe 'di lta bu grub pa nyid du 'gyur ro/ / bcom ldan 'das kyis dpe'i 'phreng ba bstan pa 'di bshad pa na/ srog chags nyi khri bzhi stong gis bla na med pa yang dag par rdzogs pa'i byang chub tu sems bskyed do/ / de nas de'i tshe bcom ldan 'das kyis tshigs su bcad pa 'di dag gsungs so// sangs rgyas byang chub mchog tu blta dka' ste// zab cing dral dri med// ci yang med// de bas mi gang rnam 'tshang rgya 'dod pa// des 'dir chos rnams la ni thogs mi bya// ye shes shin tu dag cing bcos ma yin// kun tu snang bar gyur cing 'od gsal te/ dri med phyag rgya la ni rab gnas pas// byang chub dam pa 'di la reg par nus// sngon gyi mtha' 'am phyi ma'i mtha' yang rung // sems ni dag cing rang bzhin 'od gsal lo// nyon mongs gang gis yid ni nye nyon mongs// de dag tshul bzhin gyis ni yongs su spangs// 'di la byed po med cing tshor ba med// chos rnams thams cad rje med ya ma brla/ gang zag med cing bdag gis bdag med bstan// rmi lam ngo bo nyid de nam mkha' 'dra// 'di dag lus kyi las kyis rang phye min// ngag gam sems kyis rnam par brtags ma yin/ / yang dag tu ni byas min gzhan min te// de dag ni dpe byar mi nus so// nam mkha' mtshungs shing dri med ngo bo nyid// gzugs can ma yin bstan du yod ma yin// mig gis shes bya ma yin rna snas min/ / lce dang lus dang yid rnams kyis kyang min// mtshan nyid ma yin mtshan nyid rnam par log/ zhi ba gnas med zla ba'i gzugs brnyan 'dra// de la sems mi rgyu ste yid kyang med// rnam shes ma yin 'du shes sems pa min/ de dag ye shes las dang de bzhin du// rnam par shes pa'i las kyis shes mi nus/ / yi ge rnams kyis chos 'di bsnyad pa gang // sangs rgyas thugs rje 'di ni bla na med// sems can gang dag sngon chad byas ldan zhing // dge ba'i bshes gnyen gyis kyang longs zin pa/ / de dag 'di 'dra'i chos 'di thos nas ni// dga' ba rgya chen zang zing med pa thob// 'di ni ci sems ci zhig byed cig ces// de dag bdud kyis skyon chags mi rnyed de/ / sems dang sems kyi spyod yul mi shes na// bar du bdud las byed par ga la 'gyur// bdud bzhi 'di las shin tu 'das nas ni// rig pa dang ni blo dang bsod nams dang tshul gyi sangs rgyas spyod yul rab gnas pa/ / byang chub spyod pa dab pa 'di la spyod// gang zhig sems can kun gyi spyod shes pa// de ni byang chub spyod mchog 'di la spyod/ deyis spyod pa rnam mang 'di thos nas// de yi mtshan nyid chos kyang rab tu ston// 'gro ba'i spyod pa 'di ni sna tshogs te// phan tshun dmigs par yang dag rab tu ldan// bdag chen dag spyod yul de shes nas/ / phyad par nges par bstan pa lung yang ston// 'di na sems can chags mang chags pa yod// de dag zhe sdang ba gnyal rnam pa mang // de dag zhe wang nyon mongs gzir bar snang / / de dag gti mug chen pos gnod par gyur// de dag 'gro ba'i spyod pa sna tshogs te// de la 'jug pa dang ni mtshan ma dang // rkyen dang dmigs pa'ang khong du chung byas la/ / de yi 'og tu de yi mtshan nyid bstan// kun nas zhags pa'i dra bar rab bcug pa// rig pa 'dzin pa'i skyes bu mkhas gsal ba// des ni zhags pa thams cad rang bcad nas/ / ji ltar 'dod pa bzhin du ma smad 'gro// de ltar byang chub sems dpa' dpa' mkhas pa// 'gro ba kun la sems kyi bsam zhugs nas// nyon mongs de dag thams cad rab bcad de/ / sgrib pa med par 'gro ba kun la spyod// nyi ma'i 'od la grogs ni bya mi dgos// sbrul gdug la yang grogs bya dgos ma yin// seng ge'i sgral grogs bya mi dgos te/ / byang chub sems dpa' la yang grogs mi dgos// de dag grogs med gcig pu gnyis med par// sangs rgyas chos mang yang dag sgrub par byed// brtson 'grus dang ni mthu dang stobs su ldan/ / 'gro ba'i nyon mongs rnams ni rab tu 'jom// ji lta ji ltar mes ni rtswa snyed pa// de lta de ltar de stobs phyir zhing 'phel// ji ltar byang chub sems dpa' nyon mongs srid/ / de lta de ltar shes rab me rab 'phel// dpe bstan pa'i le'u ste bzhi pa'o// // de nas yang bcom ldan 'das kyis byang chub sems dpa' sems dpa' chen ngo blo gros rgya mtsho la bka' stsal ba/ blo gros rgya mtsho byang chub sems dpas brtson 'grus brtsam par bya'o// byang chub sems dpas rtag tu/ brtul ba brtan pa dang / 'dun pa che bar bya'o// gces pa mi 'dor bar bya'o// blo gros rgya mtsho brtson 'grus brtsams pa'i byang chub sems dpa' rnams la ni/ bla na med pa yang dag par rdzogs pa'i byang chub rnyed dka' ba ma yin no/ / de ci'i phyir zhe na/ blo gros rgya mtsho gang na brtson 'grus yod pa de na byang chub yod do// le lo can rnams la ni byang chub shin tu ring zhing rnam par ring ngo / / le lo can la sbyin pa med do// le lo can la tshul khrims med do// le lo can la bzod pa med do// le lo can la brtson 'grus med do// le lo can bsam gtan med do/ / le lo can la shes rab med do// le lo can la bdag gi don med do// le lo can la gzhan gyi don med do// zo gros rgya mtshon ma grangs 'dis 'di ltar ri brtson 'grus brtsams pa'i byang chub sems dpa' rnams la blan med pa yang dag par rdzogs pa'i byang rngub rnyed dka' ba ma yin pa de rig par bya'o/ / blo gros rgya ma sngon byung ba 'das pa'i dus na grangs med pa 'dun par gyur pa de'i tshe de'i dus na/ bskal pa me tog gi 'byung gnas la shin tu rnam par bltas pa'i 'jig rten gyi khams su/ bcom ldan 'das brtson 'grus 'bar ba zhes bya ba de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten/ mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa// sangs rgyas bcom ldan 'das 'jig rten du byung ngo // ci'i phyir bskal pa de me tog gi 'byung gnas zhes bya zhe na/ blo gros rgya mtsho stong gsum gyi stong chen po'i 'jig rten gyi khams de tshig ste/ chus 'jig pa byung ba na/ pad+ma lo ma bye ba brgya stong phrag du ma dang ldan pa/ rnam par bkra ba/ blta na sdug pa/ brgyad khri bzhi stong byung nas/ de dag thams cad kyis chu'i phung po de rgyas par bkang ste gnas so// de gnas gtsang ma'i ris kyi lha dag gis pad+ma de dag mthong nas tshim zhing mgul yid rangs shing rab tu dga' ste/ dga' ba dang / yid bde ba skyes nas/ pad+ma 'di dag byung ba ji snyed pa de snyed kyi yang dag par rdzogs pa'i sangs rgyas 'jig rten du 'byung bar 'gyur te/ kye ma bskal pa me tog gi 'byung gnas 'di ni/ sangs rgyas bcom ldan 'das rnams kyis stongs par mi 'gyur ro zhes ched du rjod pa ched du brjod do/ / de ltar na me tog gi 'byung gnas/ me tog gi 'byung gnas zhes bskal pa de'i ming chags so// blo gros rgya mtsho ci'i phyir 'jig rten gyi khams de shin tu rnam par bltas pa zhes bya zhe na/ ji tsam du phyogs bcu'i sangs rgyas kyi zhing rnams nas/ byang chub sems dpa' grangs med dpag tu med pa gang dag/ 'jig rten gyi khams de rnam par blta ba'i phyir/ lhags pa de dag gis 'jig rten gyi khams de la rnam par bltas ma thag tu/ dga' ba'i rnam pa zhes bya ba'i ting nge 'dzin rab tu thob ste/ bde ba thams cad kyis tshim par 'gyur ba de tsam du 'jig rten gyi khams de yongs su dag par gyur te/ de'i phyir 'jig rten gyi khams de shin tu rnam par bltas pa zhes bya'o// blo gros rgya mtsho 'jig rten gyi khams de na rin po che sna bdun po phrag stong gnas par gyur to/ / rin po che'i shing ljon pa dang / rin po che'i khang pa brtsegs pa rnams kyis kyang kun tu gsal bar gyur to/ / 'jig rten gyi khams de na/ bud med kyi bag med par gyur cing mngal na gnas pa med de/ sems can de dag thams cad kyang pad+ma rnams la skyil mo krung bcas te 'khod par rdzus te/ byung ngo // 'jig rten gyi khams de na theg pa chen po ma gtogs par theg pa gzhan rnam par gzhag pa med par gyur to// lha dang mi de dag kyang yongs su spyad pa dag ni dga' ldan gyi dang 'dra ba bza' ba dang btung ba yang bsam pas 'byor pa/ mngon par shes pas rnam par rtsen pa/ nam mkha' la rgyu ba dag go// bcom ldan 'das de bzhin gshegs pa brtson 'grus 'bar ba'i byang chub sems dpa'i dge 'dun ni/ byang chub sems dpa' sems dpa' chen po rab tu byung bar gyur pa'i byang chub sems dpa' bye ba phrag sum cu rtsa drug tu gyur to// de na khyim pa dang / rab tu byung ba tshad med pa dag kyang theg pa chen po la yang dag par zhugs par gyur pa dag go// blo gros rgya mtsho bcom ldan 'das de bzhin gshegs pa brtson 'grus 'bar ba de yang byang chub sems dpa' de dag la skyes bu dam pa khyed kyis brtson 'grus rtsoms shig/ khyed rtag tu rtul ba brtan pa dang / 'dun pa drag por gyis shig/ rtag tu gces pa ma 'dor cig ces/ brtson/ 'grus dang ldan pa'i gtam nyid rgya cher yang dag par rab tu ston to// blo gros rgya mtsho de'i tshe de'i dus na/ byang chub sems dpa' sems dpa' chen po go cha sra ba zhes bya ba byang chub sems dpa'i 'khor der 'dus par gyur pa des bcom ldan 'das la 'di skad ces gsol to/ / bcom ldan 'das ji ltar na byang chub sems dpa' brtson 'grus brtsams ba lags/ de bzhin gshegs pas byang chub sems dpa' rnams la gnang ba'i brtson 'grus ni gang lags/ blo gros rgya mtsho de skad ces gsol ba dang / bcom ldan 'das de bzhin gshegs pa brtson 'grus 'bar ba des/ byang chub sems dpa' go cha brtan pa la 'di skad ces bka' stsal to// rigs kyi bu byang chub sems dpa' rnams kyi dge ba'i chos thams cad sdud par 'gyur ba'i brtson 'grus ni bzhi po 'di dag ste/ bzhi gang zhe na/ 'di lta ste/ rtsom pa dang / brtul ba dang / so sor rtog pa dang / bsgrub pa ste/ rigs kyi bu brtson 'grus bzhi po 'di dag ni/ byang chub sems dpa' rnams kyi dge ba'i chos thams cad sdud par 'gyur ba'o// de la rtsom pa ni gang brtul ba ni gang / so sor rtog pa ni gang / bsgrub pa ni gang zhe na/ rigs kyi bu rtsom pa zhes bya ba ni byang chub tu sems bskyed pa'o// brtul ba zhes bya ba ni dge ba'i rtsa ba thams cad yang dag pa bsgrub pa'o// so sor rtog pa zhes bya ba ni/ sems can thams cad la phan pa'i dngos po'o// bsgrub pa zhes bya ba ni/ de byed pa'i chos la bzod pa'o// gzhan yang rtsom pa ni thos pa yongs su tshol ba'o/ / brtul ba ni thos pa ston pa'o// so sor rtog pa ni tshul bzhin yid la byed pa'o// bsgrub pa ni 'phags pa'i yang dag pa'i lta ba'o// gzhan yang rtsom pa ni ser sna'i sems tshar gcad pa'o/ / brtul ba ni bdog pa thams cad yongs su gtong ba'o// so sor rtog pa ni sems can thams cad dang thun mong du byang chub tu yongs su sngo ba'o// bsgrub pa ni rnam par smin pa la mi re'o/ / gzhan yang rtsom pa ni gtong ba chen po sgrogs pa'o// brtul ba ni gang slob pa po rnams la dge ba'i bshes gnyen du 'du shes pa'o// so sor rtogs pa ni/ kye ma'o longs spyod 'di dag mi rtag pa'o snyam pa'o/ / bsgrub pa ni byin nas 'gyod pa med pa'o// gzhan yang rtsom pa ni chos kyi longs spyod yongs su tshol ba'o// brtul ba ni tshol ba yongs su dag pa'o/ / so sor rtog pa ni bdag gis snying po blangs par 'gyur ro snyam pa'o// bsgrub pa ni sbyin pas rlom sems su mi byed pa'o// gzhan yang rtsom pa ni 'chal ba'i tshul khrims kyi dri ma sel ba'o/ / brtul ba ni tshul khrims dang brtul zhugs ma nyams pa'o// so sor rtog pa ni tshul khrims 'chal ba'i sems can yongs su smin par byed pa'o// bsgrub pa ni tshul khrims kyi yon tan gyis rlom sems su mi byed pa'o/ / gzhan yang rtsom pa ni lus yongs su dag pa'o// brtul ba ni ngag yongs su dag pa'o// so sor rtog pa ni sems yongs su dag pa'o/ / bsgrub pa ni chos yongs su dag pa'o// gzhan yang rtsom pa ni gnod sems kyi sems kyi skabs med pa'o// brtul ba ni bzod pa'i stobs rnams rnam par rig pa'o// so sor rtog pa ni bdag dang gzhan bsrung ba'o// bsgrub pa ni bzod pas rlom sems su mi byed pa'o// gzhan yang rtsom pa ni gshe ba dang sdang ba dad par byed pa'o// brtul ba ni gshe ba dang sdang ba 'dris par mi byed pa'o/ / so sor rtog pa ni nang yongs su gdung ba med par byed pa'o// bsgrub pa ni bdag dang gzhan mi dmigs pa'o// gzhan yang rtsom pa ni le lo'i dri ma sel ba'o/ / brtul ba ni brtson 'grus kyi dri ma las dben pa'o// so sor rtog pa ni sems can le lo can yongs su smin par byed pa'o// bsgrub pa ni de bya ba byed pa'o/ / gzhan yang rtsom pa ni bya ba yang dag par bsgrub pa'o// brtul ba ni bya ba nyams 'og tu chud par byed pa'o// so sor rtog pa ni theg pa gzhan la mi re ba'o// bsgrub pa ni las kyi rnam par smin pa chud mi gzon pa'o/ / gzhan yang rtsom pa ni dran pa'o// brtul ba ni rtogs pa'o// so sor rtog pa ni blo gros so// sgrub pa ni mos pa'o// gzhan yang / rtsom pa ni rig pa'o// brtul ba ni tshul lo// so sor rtog pa ni sgo'o// bsgrub pa ni 'byung ba'o// gzhan yang rtsom pa ni tshig 'bru kun chub par byed pa'o// brdul ba ni tshig 'bru 'dzin pa'o/ / so sor rtog pa ni tshig 'bru sel ba'o// bsgrub pa ni chos rjed du med par rtogs pa'o// gzhan yang rtsom pa ni dge ba'i bshes gnyen la bsten pa'o// brtul ba ni sdig pa'i grogs po yongs su spong ba'o/ / so sor rtog pa ni mdza' ba dang mi mdza' ba rnams la sems snyoms pa'o// bsgrub pa ni ji skad smras pa'i tshi ga dang mi 'gal bar byed pa'o// gzhan yang rtsom pa ni rab tu 'byung ba'i sems so/ / brtul ba ni dga' ba dang mi dga' ba la mi lta ba'o// so sor rtog pa ni dge ba ci zhes tshol ba'o// bsgrub pa ni gzhan la rag ma las par ye shes rab tu thob pa'o/ / gzhan yang rtsom pa ni dgon pa la gnas pa'o// brtul ba ni 'du 'dzi la mi dga' ba'o// so sor rtog pa ni dben par gnas pa la dga' ba'o// bsgrub pa ni nyon mongs pa med par gnas pa'o// gzhan yang rtsom pa ni 'dod pa chung ba'o// brtul ba ni chog shes pa'o// so sor rtog pa ni dgang slu ba'o// bsgrub pa ni rung ba la tshod shes pa'o/ / gzhan yang rtsom pa ni lhag pa'i tshul khrims la slob pa'o// brtul ba ni tshul khrims mi lhod pa'o// so sor rtog pa ni lhag pa'i sems la slob pa'o// bsgrub pa ni lhag pa'i shes rab la slob pa'o/ / gzhan yang rtsom pa ni sbyin pa'i pha rol tu phyin pa dang / tshul khrims kyi pha rol tu phyin pa'o// brtul ba ni bzod pa'i pha rol tu phyin pa dang / brtson 'grus kyi pha rol tu phyin pa'o// so sor rtog pa ni bsam gtan gyi pha rol tu phyin pa dang / shes rab kyi pha rol tu phyin pa'o// sgrub pa ni ye shes kyi pha rol tu phyin pa dang / thabs la mkhas pa'i pha rol tu phyin pa'o/ / gzhan yang rtsom pa ni sbyin pa'o// brtul ba ni snyan pa smra ba'o// so sor rtog pa ni don byed pa'o// bsgrub pa ni don 'thun pa'o// gzhan yang rtsom pa ni byams pa chen po'o/ / brtul ba ni snying rje chen po'o// so sor rtog pa ni dga' ba chen po'o// bsgrub pa ni btang snyoms chen po'o// gzhan yang rtsom pa ni zhing yongs su dag par byed pa'o/ / brtul ba ni mtshan dang dpe byad bzang po yongs su rdzogs par byed pa'o// so sor rtog pa ni dam pa'i chos yongs su 'dzin pa'o// bsgrub pa ni sems can yongs su smin par byed pa'o/ / gzhan yang rtsom pa ni phung po'i bdud yongs su shes pa'o// brtul ba ni nyon mongs pa'i bdud las shin tu 'da' ba'o// so sor rtog pa ni 'chi bdag gi bdud rnam par spong ba'o/ / bsgrub pa ni lha'i bu'i bdud pham par byed pa'o// gzhan yang brtsom pa ni sdug bsngal yongs su shes pa'o// brtul ba ni kun 'byung ba spong ba'o// so sor rtog pa ni lam sgom pa'o// bsgrub pa ni 'gog pa mngon sum du byed pa'o// gzhan yang brtsom pa ni lus la zhugs pa'i dran pa'o// brtul ba ni tshor ba la zhugs pa'i dran pa'o/ / so sor rtog pa ni sems la zhugs pa'i dran pa'o// bsgrub pa ni chos la zhugs pa'i dran pa'o// gzhan yang rtsom pa ni dad pa'o// brtul ba ni brtson 'grus so// so sor rtog pa ni dran pa dang / ting nge 'dzin to// bsgrub pa ni shes rab bo// gzhan yang rtsom pa ni mi dge ba'i chos spong ba'o// brtul ba ni dge ba'i chos yongs su rdzogs par byed pa'o// so sor rtog pa ni lus dang sems las su rung bar byed pa'o// bsgrub pa ni mngon par 'du bya ba med pa'i rdzu 'phrul rab tu thob par byed pa'o// gzhan yang rtsom pa ni byang chub kyi yan lag rnams la'o/ / brtul ba ni lam la'o// so sor rtog pa ni zhi gnas dang lhag mthong la'o// bsgrub pa ni rig pa dang rnam par grol ba la'o// gzhan yang rtsom pa ni 'jug pa'i spyod pa'o// brtul ba ni dkar po rnam par mthong ba'i spyod pa'o// so sor rtog pa ni sems shin tu sbyangs pa'o// bsgrub pa ni phyir mi ldog pa'i ye shes so// blo gros rgya mtsho gzhan yang bcom ldan 'das de bzhin gshegs pa brtson 'grus 'bar ba des/ byang chub sems dpa' go cha sra ba la 'di skad ces bka' stsal to// rigs kyi bu brtson 'grus de ni gang lus dang sems yongs su sbyangs pa'o/ / brtson 'grus de ni gang rgyu dang lta ba dang bral ba'o// brtson 'grus de ni gang ming dang gzugs yongs su shes pa'o// brtson 'grus de ni gang ngar 'dzin pa dang / nga yir 'dzin pa 'gog pa'o// brtson 'grus de ni gang 'dzin pa dang / 'ching ba 'dor ba'o// brtson 'grus de ni gang sgrib pa rnams dang kun nas ldang ba rnams rnam par sel ba'o/ / brtson 'grus de ni gang 'gyod pa dang the tsom spong ba'o// brtson 'grus de ni gang mdud pa rnams dang / zug rngu rnams yang dag par sel ba'o// brtson 'grus de ni gang dmigs pa dang rgyun chad pa las shin tu 'da' ba'o/ / brtson 'grus de ni gang nga rgyal dang / mngon pa'i nga rgyal rnam par spong ba'o// brtson 'grus de ni gang gzhi dang / gnas las shin tu 'da' ba'o/ / brtson 'grus de ni gang rjes su chags pa dang khong khro ba spong ba'o// brtson 'grus de ni gang ma rig pa dang / srid pa'i sred pa rab tu sbyangs pa'o/ / brtson 'grus de ni gang chags pa dang zhe sdang kun tu mi rgyu ba'o// brtson 'grus de ni gang gti mug dang so sor mi rtog pa dang bral ba'o// brtson 'grus de ni gang nang dang phyi'i skye mched rnams yongs su shes pa'o/ / brtson 'grus de ni gang phung po dang khams rnams gdongad ma nas skye ba med pa'o// brtson 'grus de ni gang sems zhi ba dang / rab tu zhi ba dang / nye bar zhi ba'o// brtson 'grus de ni gang rnam par bsam na/ chos thams cad mi dmigs pa'o// brtson 'grus de ni gang gnyis su med cing gnyis su dbyer med pa'o// brtson 'grus de ni gang chos nyid gnas par shes pa'o// brtson 'grus de ni gang 'phro ba med cing mi 'phro ba med pa'o// brtson 'grus de ni gang len pa med cing 'dor ba med pa'o// brtson 'grus de ni gang byed pa med cing byed pa dang bral ba ma yin pa'o/ / brtson 'grus de ni gang 'deg pa med cing bzhag pa med pa'o// brtson 'grus dani gang blang ba med cing dor ba med pa'o// brtson 'grus de ni gang la bcings pa med pa dang grol ba med pa'o/ / brtson 'grus de ni gang la gnon pa med pa dang / pha rol gnod pa med pa'o// brtson 'grus de ni gang la rgyags pa med pa dang / bag med pa ma yin pa'o// brtson 'grus de ni gang la bya ba med cing byed pa po med pa'o// brtson 'grus de ni gang lta bar mi byed pa dang / rnam par lta bar mi byed pa'o// brtson 'grus de ni/ gang zhi bar mi byed pa dang / rab tu 'bar bar mi byed pa'o// brtson 'grus de ni gang bsrung bar mi byed pa dang / bsrung ba dang bral ba ma yin pa'o// brtson 'grus de ni gang kun tu mi 'ong ba dang / 'ong ba dang bral ba ma yin pa'o// blo gros rgya mtsho de ltar bcom ldan 'das de bzhin gshegs pa brtson 'grus 'bar bas brtson 'grus dang rab tu ldan pa'i gtam 'di dag rgya cher yang dag par rab tu bshad pa na/ srog chags khris mi skye ba'i chos la bzod pa thob par gyur to// byang chub sems dpa' go cha sra bas bcom ldan 'das de las brtson 'grus bstan pa de thos nas/ dge ba'i chos yongs su btsal ba la mngon par brtson te/ brtson 'grus brtsams nas gnas par gyur to// de brtson 'grus brtsams te/ gces pa ma bo bar lo/ bye ba 'das pa dang / chung ngu'i rjes su 'thun pa'i bzod pa thob bo// de brtson 'grus brtsams te/ dge ba'i chos yongs su btsal ba la mngon par brtson pas 'dug bzhin du 'chi ba'i dus/ byas so// de shis 'phos nas/ de bzhin gshegs pa de nyid kyi spyan sngar rdzus te skyes par gyur nas/ des yang de bzhin gshegs pa de las 'dus pa chen po'i le'u'i chos kyi rnam grangs 'di thos par gyur to/ / de yang chos yongs su btsal ba la mngon par brtson pas 'dug bzhin du 'chi ba'i dus byas par gyur to// blo gros rgya mtsho byang chub sems dpa' des rnam grangs 'dis sangs rgyas brgyad khri bzhi stong de dag mnyes par byed cing / gang dag bskal pa me tog gi 'byung gnas de las byung ba thams cad las brtson 'grus brtsams te de dge ba'i chos yongs su btsal ba la mngon par brtson par gyur nas/ 'dug bzhin du 'chi ba'i dus byas par gyur to// blo gros rgya mtsho de'i tshe de'i dus na/ byang chub sems dpa' go cha sra bar gyur pa zhes bya ba de gzhan zhig yin pa snyam du khyod som nyi 'am/ yid gnyis sam/ the tsom za bar gyur na/ khyod kyis de ltar mi blta'o// de ci'i phyir zhe na/ blo gros rgya mtsho nga nyid de'i tshe de'i dus na/ byang chub sems dpa' go cha sra ba zhes bya bar gyur te/ blo gros rgya mtsho ngas brtson 'grus 'di 'dra bas/ byang chub sems dpa' brgya stong phrag mang po dag phyir bsnyil to/ / blo gros rgya mtsho ngas de tsam du brtson 'grus brtsams pa de lta bu de dang / tshigs de lta bus byang chub mngon par rdzogs par sangs rgyas pa la ltos gang dag le lo can dang brtson 'grus dman par gyur pa rnams lta smos kyang ci dgos/ de dag la byang chub yod par ga la 'gyur te/ de dag la byang chub shin tu ring shing rnam par ring ngo // blo gros rgya bstan pa 'di la brtson 'grus brtsams pa ni dag par 'gyur gyi/ le lo can ni ma yin no// blo gros rgya mtsho rnam grangs des na/ 'di ltar gang la brtson 'grus dang / bag yod pa// de la byang chub yod par rig par bya'o// bcom ldan 'das kyis brtson 'grus dang rab tu ldan pa'i sngon byung ba 'das pa'i le'u 'di bshad pa na/ byang chub sems dpa' lnga stong gis mi skye ba'i chos la bzod pa rab tu thob par gyur to/ / lha dang mi'i skye dgu'i srog chags bdun stong gis/ bla na med pa yang dag par rdzogs pa'i byang chub tu sems bskyed do// de nas de'i tshe bcom ldan 'das kyis tshigs su bcad pa 'di dag gsungs so// ngas dran snga ma 'das pa'i dus na ni/ bskal pa me tog 'byung gnas blta sdug la// shin tu rnam bltas 'jig rten khams mchog tu// brtson 'grus 'bar ba'i bde bar gshegs pa byung // bskal pa de la rgyal ba gang byung ba// de dag brgyad khri bzhi stong tham pa'o// / 'jig rten khams ni dga' ldan gnas 'dra ste// mi yi bza' dang btung ba bsams pas 'byor// bud med yod min mngal na gnas pa med// sems can thams cad rdzus te skyes par gyur/ theg pa dman pa grag par ma gyur te// thams cad bdag nyid che ba'i theg chen zhugs// shin tu rnam pa ltas 'jig rten khams blta phyir/ byang chub sems dpa' phyogs bcu nas lhags pa/ de dag dga' ba'i rnam pa ting nge 'dzin thob// sngon chad ma mthong ba yi bde ba myong // rkang gnyis kyi ni tshigs gyur grangs chen po// bye ba phrag ni sum cu rtsa drug yod/ / gzhan yang lha dang mi ni mang po dag/ sangs rgyas theg pa mchog la zhugs par 'gyur// yon tan ye shes rgya mtsho drang srong che// de ni brtson 'grus bsngags pa yang yang brjod/ / de nas brtson 'grus brtan pa mkhas pa de// langs nas don 'di nyid ni rgyal la zhus// byang chub sems dpa' brtson 'grus brtsams gyur pa// ji tsam gyis na brtson 'grus stobs la gnas/ / de don bcom ldan bdag la bshad du gsol// bdag ni de la rab tu nan tan bgyid// de yi bsam pa mkhyen nas chos rje des// brtson 'grus las brtsams yon tan rab gsungs pa/ / rtsom pa dang ni de bzhin brtul ba dang // rtag tu so sor rtog dang sgrub pa'o// rtsom pa de ni byang chub sems shes bya// brtul ba dge ba stong dag sgrub byed pa/ so sor rtog pa sems can phan pa'i dngos// bsgrub pa de byed chos la bzod pa yin// rtsom pa gus par byas te thos tshol ba// brtul ba brtan pa yang dag ston byed pa// so sor rtogs pa 'di ni tshul bzhin brjod/ / bsgrub pa gang tshe yang dag lta skye ba// rtsom pa ser lha'i dri ma sel ba yin// brtul ba bdog pa thams cad yongasu gtong ba// so sor rtog pa rdzogs pa'i byang chub sems/ / bsgrub pa gang tshe rnam smin mi re ba// rtsom pa gtong ba chen po gang spogs pa// brtul ba slong ba rnams la byams byed pa// so sor rtog 'di longs spyod mi rtag snyam/ / bsgrub pa byin nas gdung ba med pa yin// rtsom pa chos kyi longs spyod gang tshol ba// brtul ba de ni 'tsho ba dag pa yin// bdag gis snying po blang snyam so sor rtog/ bsgrub pa sbyin la sbyin pas rlom sems med/ / rtsom pa 'chal pa'i tshul khrims dri ma sel// brtul ba tshul khrims rtul zhugs nyams pa med// tshul khrims 'chal pa smin byed so sor rtog/ bsgrub pa gang tshe tshul khrims rlom sems med/ / rtsom pa dag ni yongs su dag pa ste// brtul ba lus ni yongs su dag pa yin// so sor rtog pa gang yin 'di sems dag/ bsgrub pa gang yin/ chos rnams yongs su dag/ rtsom pa gnod sems go skabs med pa yin/ brtul ba bzod pa'i stobs ni nye bar ston// so sor rtog pa bdag dang gzhan srung byed// bsgrub pa gang tshe / rlom sems gang med pa// rtsom pa gshe la rtag tu dang byed pa// brtul ba de dag thag ring spong ba ste// so sor rtog pa nang ni zhi ba yin// bsgrub pa bdag dang gzhan du dmigs pa med// rtsom pa le lo'i dri ma sel ba ste// brtul ba brtson 'grus stobs dang mthu yin no// le lo can dag smin byed so sor rtog/ de byed chos la bzod pa bsgrub pa yin// rtsom pa bya ba yang dag sgrub byed pa/ / brtul ba bya ba nyams 'og chud par byed// theg pa gzhan la mi re so sor rtog/ bsgrub pa las rnams chud mi gzon pa yin// rtsom pa de dag dran dang shes bzhin can/ / brtul ba chos rtogs pa la 'jug pa yin// blo gros kun tu bsrungs pa so sor rtog/ bsgrub pa de la mos shing 'gyur ba med// rtsom pa rigs pa brtul ba tshul yin te// so sor rtog pa de ni chos sgo yin// bsgrub pa de ni 'byung ba rab tu shes// 'di dag brtson 'grus brtsams pa'i sbyor ba yin// rtsom pa tshig 'bru kun tu 'dzin pa ste// brtul ba bstan pa yang dag ston par byed/ / so sor rtog pa smra na sel byed pa// bsgrub pa chos rnams brjod du med pa nyid// rtsom pa dge ba'i bshes gnyen bsten pa yin// brtul ba sdig pa'i grogs po rnam par spong / / thos nas chos nyid la ni so sor rtog/ bsgrub pa chos rnams dang ni 'gal mi byed// rtsom pa sangs rgyas bstan la rab tu 'byung // brtul ba dga' ba thams cad spong ba yin/ / dge la gnas pa gang yin so sor rtog/ chos rnams 'gal ba med pa bsgrubs pa yin// rtsom pa dgon par dga' ba gang thob pa// brtul ba 'du 'dzi rnam par spong ba yin/ / dben par gnas par dga' ba so sor rtog/ bsgrub pa gang yin nyon mongs med par gnas// rtsom pa 'dod pa chung zhing dga' bro de// brtul ba de ni chog shes gyur pa yin/ / nges par gang gyur de ni so sor rtog/ bsgrub pa gang yin rung ba'i tshod shes pa// rtsom pa lhag pa'i tshul khrims slob zhes bya// brtul ba tshul khrims slob pa med pa yin/ lhag pa'i sems slob 'di ni so sor rtog/ lhag pa'i shes rab slob pa bsgrub pa mchog/ rtsom pa sbyin pa de bzhin tshul khrims yin// brtul ba bzod pa de bzhin brtson 'grus so/ / so sor rtog 'di bsam gtan shes rab ste// bsgrub pa ye shes dang ni de bzhin thabs// rtsom pa 'jig rten zang zing chos sbyin pa// nyan par smra ba de ni brtul bab yin/ / don spyod gang yin de ni so sor rtog/ bsgrub pa don 'thun pa ste snying po yin// rtsom pa gang yin byams pa yongs su dag/ brtul ba de ni snying rje ldan pa yin// dga' ba chos la so sor rtog pa ste/ / btang snyoms ye shes bsgrub par brjod pa yin// rtsom pa zhing ni rnam par sbyong ba ste// brtul ba mtshan rnams yongs su rdzogs par byed// so sor rtog pa dam chos yongs su 'dzin/ / bsgrub pa sems can yongs su smin par byed// rtsom pa gang yin phung po'i bdud sel ba// brtul ba nyon mongs bdud ni tshar gcod pa// so sor rtog pa 'chi bdag tshar gcod de/ / snying po bsgrub pa bdud kyis ji byar yod// rtsom pa sdug bsngal yongs su shes pa ste// sred pa gnas med 'di ni brtul ba yin// lam sgom gang yin de ni so sor rtog/ 'gog pa shes pa sgrub par brjod pa yin// rtsom pa lus la dran pa bcings pa med// brtul ba tshor ba la ni lta ba med// sems la dran pa 'di ni so sor rtog chos la dran pa sgrub pa dam pa yin/ / rtsom pa dad pa'i bstobs dang de'i dbang po// brtul ba'i brtson 'grus stobs dang mthu yin te// dran dang ting 'dzin dbang po so sor rtog/ shes rab dbang por bsgrub par brjod pa yin/ / rtsom pa mi dge rnam par spong zhes brjod// brtul ba gang yin dge ba chud mi gzon// lus dang sems yang dang yin so sor rtog/ bsgrub pa rdzu 'phrul rnam par 'phrul zhes brjod/ / rtsom pa mkhas pa byang chub yan lag sgom// brtul ba gang tshe lam ni rtogs pa yin// zhi gnas lhag mthong de ni so sor rtog/ rig dang rnam grol sgrub pa snying po yin/ rtsom pa 'jug pa brtul ba spyod pa yin// so sor rtog pa sems ni rab sbyangs pa// mtshan ma'i spyod yul thams cad gang log pa// de ni bsgrub pa'i tshul du brjod pa yin// lus dang sems ni rab tu sbyangs pa dang / / rgyu dang lha las rab tu 'da' ba dang // ming dang gzugs ni yongs su gang shes pa// de ni brtson 'grus mchog ces 'phags pas bsngags// nga dang nga yi zhes pa nam 'gag pa/ / de tshe bcings pa kun las rnam par grol// kun nas ldang med slob pa lnga las grol// mkhas pa the tsom dang ni 'gyod pa spongs// mdud pa rnams dang zug rngu bsal ba gang / sgrib pa med cing rgyun chad yod pa min// nga rgyal mngon pa'i nga rgyal gang tshe spangs// de tshe brtson 'grus stobs kyis las byas min// mtshan ma thams cad sel ba gang yin dang // spros pa thams cad 'jug pa med pa dang / / nyon mongs thams cad spong ba yin pa dang // brtson 'grus de ni mkhas pa rnams kyis bsngags// brtson 'grus 'bar bas rab tu bsngags pa'i tshe// brtson 'grus yon tan 'di dag thos nas ni/ / grags pa chen po stong phrag bcu kun gyis// mi skye'o bzod pa rab tu thob par gyur// 'di thos nas ni stong phrag lnga zhig kyang // sangs rgyas zhing 'dir bzod pa rnam par sbyangs/ / mi dang lha dang lha min mi 'am ci// bdun stong byang chub mchog la rab tu zhugs// de na gang gis brtson 'grus mchog reg pa// dge slong brtson 'grus brtan pa nga yin te// brtson 'grus brtsams nas ngas ni lus btang ste/ / 'dug bzhin de tshe 'chi ba'i dus byas gyur// brgyad khri las ni bzhi stong lhag pa la// bdag gis lus ni rab tu skams par byas// bskal pa gcig/ la 'dren pa mnyen byas te// bdag gi byang chub sems dpa' phyir bsnyil to// brtson 'grus brtsams pa'i le'u ste lnga pa'o// // de nas tshangs pa snying rje chen po sems pas// byang chub sems dpa' sems dpa' chen po blo gros rgya mtsho la 'di skad ces smras so// rigs kyi bu sangs rgyas kyi chos rnams sangs rgyas kyi chos rnams shes bya ba la// sangs rgyas kyi chos rnams shes bya ba de gang gi tshig bla dgas lags/ de skad ces smras pa dang / byang chub sems dpa' blo gros rgya mtshos tshangs pa snying rje chen po sems pa la 'di skad ces smras so/ / tshangs pa sangs rgyas kyi chos rnams/ sangs rgyas kyi chos rnams shes bya ba la/ sangs rgyas kyi chos rnams shes bya ba de ni/ chos thams cad kyi tshig bla dgas so// de ci'i phyir zhe na/ tshangs pa de bzhin gshegs pas yongs su chad pa'i rnam pas tshad dang ldan par byang chub mngon par rdzogs par sangs rgyas pa ma yin gyi/ de bzhin gshegs pas yongs su ma chad pa'i rnam pas/ / chos thams cad mnyam pa nyid kyi rnam pas/ tshad med par byang chub mngon par rdzogs par sangs rgyas so// tshangs pa chos thams cad mnyam pa nyid du khong du chud pa ni byang chub ste/ tshangs pa de'i phyir chos thams cad ni sangs rgyas kyi chos rnams shes bya'o// tshangs pa chos thams cad ci 'dra bar sangs rgyas kyi chos rnams kyang de 'dra ba nyid do// chos thams cad kyi ngo bo nyid gang yin pa de sangs rgyas kyis chos rnams kyi ngo bo nyid do/ / chos thams cad dben pa nyid pas/ sangs rgyas kyi chos dben pa nyid khong du chud par bya'o// chos thams cad stong pas sangs rgyas kyi chos stong pa nyid du khong du chud par bya'o/ / tshangs pa chos thams cad ni rten cing 'brel par 'byung ba dag ste/ rten cing 'brel par 'byung ba khong du chud pa ni byang chub bo/ / de bzhin gshegs pas chos thams cad ji ltar gzigs pa ltar sangs rgyas kyi chos de dag kyang da 'dra ba nyid do// tshangs pa snying rje chen po sems pas smras pa/ rigs kyi bu sangs rgyas kyis chos rnams khams gsum las shin tu 'das pa ma yin nam/ blo gros rgya mtshos smras pa/ tshangs pa khams gsum gyi ngo bo nyid kyi mtshan nyid sangs rgyas kyi chos rnams so/ / de ci'i phyir zhe na/ tshangs pa sangs rgyas kyi chos rnams khams gsum las shin tu mnyam pa nyid la tha ma 'am/ mchog gang yang med do// tshangs pa 'di lta ste dper na/ nam mkha' la tha ma 'am/ mchog gang yang med do// tshangs pa de bzhin du sangs rgyas kyi chos de dag ni nam mkha' dang mnyam ste/ de dag la yang tha ma 'am/ mchog gang yang med do// tshangs pa chos thams cad kyi rang bzhin gang yin pa de ni/ ngo bo nyid kyis stong pa nyid de/ de la yang tha ma 'am/ mchog gang yang med do// tshangs pa sangs rgyas kyi chos khong du chud par 'dod pa'i rigs kyi bu 'am/ rigs kyi bu mos rtogs pa med pa'i tshul gyis sangs rgyas kyi chos de rnams de ltar rtogs par bya'o// tshangs pa gzhan yang sangs rgyas kyi chos rnams ni yul na mi gnas pa phyogs nas mi gnas pa/ ma skyes pa/ ma 'gags pa/ sngon po ma yin pa/ ser po ma yin pa/ dmar po ma yin pa/ dkar po ma yin pa/ le brgan ma yin pa/ shel dang dngul gyi kha dog lta bu ma yin pa dag ste/ de dag gi kha dog med pa/ dbyibs med pa/ rtags med pa dag go// de dag ni mtshan ma med pa dag go// tshangs pa mtshan ma med pa'i don ni// sangs rgyas kyi chos kyi don no// sangs rgyas kyi chos kyi don ni/ 'chi 'pho med pa'i tshig gi don no// 'chi 'pho med pa'i tshig gi don ni/ zhi ba'i don no// zhi ba'i don ni dben pa'i don no// dben pa'i don ni stong pa'i don no/ / stong pa'i don ni gnas med pa'i don no// gnas med pa'i don ni de kho na'i don no// de kho na'i don ni shin tu skye ba med pa'i don no// skye ba med pa'i don ni 'gag pa med pa'i don no/ / 'gag pa med pa'i don ni gnas med pa'i don no// de la 'di skad ces bya ste/ mtshan ma med pa'i don brjod 'di// sangs rgyas chos kyi dam pa ste// sangs rgyas chos don bstan pa ni/ / 'chi 'pho med pa'i tshig ces bya// 'chi 'pho med don zhi ba'i don// rnam par dben pa'i don du bstan// dben pa'i don ni stong pa'i don// stong pa'i don ni gnas med don// gnas med don nyid de kho na// de nyid don ni de bzhin nyid// shin tu skye dang bral ba ni// 'gag pa med pa'i don du bstan// 'gag med don ni gnas med don// gnas pa med pa chos don tshig/ chos dbyings ji ltar gnas pa ltar// chos rnams thams cad de ltar gnas// chos kun ji ltar gnas pa ltar// sangs rgyas chos rnams de ltar gnas// ji ltar sangs rgyas chos gnas ltar/ / slob pa'i chos rnams de ltar gnas// chags med chos ni mtshungs pa'i don// de ltar de dag gzhan mi gnas// rang sangs rgyas kyi chos rnams kyang // 'dir ni mnyam pa ji bzhin gnas/ / de lta'i gnas la gnas pa'i chos// sangs rgyas chos te bla na med// sangs rgyas chos rnams de dag ni// yul dang phyogs na gnas pa med// skye ba dang ni 'jig pa yis/ / nam yang rab tu phye ba min// gang du'ang chos rnams de dag la// dbyibs dang kha dogs rnyed mi 'gyur// mtshan ma med cing rtags med par// sangs rgyas chos rnams rab tu bstan/ / chos kun rang bzhin gang yin pa// sangs rgyas chos rnams de lta'i tshul// des na de dag mnyam par bstan// khyad par med de mtshan nyid med// sangs rgyas chos rtogs 'dod pa yin/ / chos rnams kun la blta bar bya// gang tshe chung zad mi dmigs pa// de'i tshe rnam par bltas pa yin// sangs rgyas dang ni sangs rgyas chos// chos rnams kun yang thams cad du/ / byang chub snying por drang srong ches// de dag yang dag mnyam par rtogs// sangs rgyas chos gang sangs rgyas kyis// byang chub snying por gang bltas pa// sangs rgyas chos bstan de dag ni/ / rtag tu mnyam pa nyid kyi mnyam// mnyam ste mi mnyam med pa'i chos// nam mkha' lta bur dri med par// sangs rgyas kyis ni mkhyen pas rtogs// des 'dir sangs rgyas yin zhes brjod/ / rten cing 'brel par gang byung ba// de dag gang la'ang rang bzhin med// gang dag ngo bo nyid med pa// de dag gang du'ang 'byung ba med// 'gro ba mtha' med mnyam pa ni/ / gang gi mthar 'dirang shes pa/ de yi ye shes mthar son pa// chos rnams kun la 'jug par 'gyur// chos rnams gang dag 'das pa dang // chos rnams/ gang dag ma 'ongs dang // da ltar byung ba'i chos gang dag/ de rnams sangs rgyas chos su 'dod// de ltar dus gsum rnams la yang // sangs rgyas ye shes chags pa med// gang du ye shes mi chags pa/ / de dag thub pa'i chos su bstan// stobs ni rnam pa bcu dag dang // mi 'jigs rnam bzhi gang dag dang // sangs rgyas rnams kyi ma 'dres chos// rnam pa bco brgyad gang yin dang / / gzhan yang chos gang ji yod pa// thams cad 'dir ni 'dus par gyur// des na chos rnams de dag kun// sangs rgyas chos shes brjod pa yin// / bam po lnga pa/ tshangs pa snying rje chen po sems pas// gzhan yang byang chub sems dpa' sems dpa' chen po blo gros rgya mtsho la 'di skad ces smras so// ci rigs kyi bu khyod la chos 'di dag mngon sum du gyur tam smras pa/ / tshangs pa ci sangs rgyas kyi chos rnams gzugs su bgrang ngam/ smras pa de ni ma yin no// smras pa/ tshangs pa chos gang gzugs med// bstan du med thogs pa med/ rnam par rig pa med pa de la/ gang yang mngon sum du 'gyur ram/ smras pa/ rigs kyi bu de ni ma yin no// smras pa/ tshangs pa de ltar na chos thams cad ni mngon sum ma yin pa nyid do/ / de ci'i phyir zhe na/ de la gnyis cung zad kyang med do// tshangs pa chos thams cad ni gnyis su med pa'o// de la mngon sum gang yin pa de yang de'i mtshan nyid kho na'o// tshangs pa mngon sum yang gzhan la/ sangs rgyas kyi chos rnams kyang gzhan ma yin te/ mngon sum du gang yin pa de nyid sangs rgyas kyi chos rnams so// sangs rgyas kyi chos gang yin pa de nyid mngon su ma nyid do/ / smras pa/ rigs kyi bu de bzhin gshegs pa la sangs rgyas kyi chos rnams mngon sum ma yin nam/ smras pa/ tshangs pa gal te de bzhin gshegs pa 'am/ sangs rgyas kyi chos rnams kyang rung ste/ 'ga' zhig yang dag par yongs su grub par gyur na ni/ sangs rgyas kyi chos rnams kyang de bzhin gshegs pa la mngon sum du 'gyur ro// smras pa/ rigs kyi bu sangs rgyas kyi chos gang yang med dam/ smras pa/ tshangs pa chos gang yongs su grub pa med pa de yod pa 'am/ med par khas blang du med do// chos gang yang yod pa'am/ meng par khas blang du med pa de la mngon sum du 'gyur ba gang yang med do/ / smras pa/ 'o na nga ji ltar sangs rgyas kyi chos shes bstan/ smras pa/ tshangs pa 'di lta ste/ dper na/ nam mkha' la nam mkha' zhes bstan kyang / nam mkha' la yang dag par yongs su grub pa gang yang med do// tshangs pa de bzhin du sangs rgyas kyi chos rnams la/ sangs rgyas kyi chos rnams shes bstan kyang / sangs rgyas kyi chos rnams la ni yang dag par yongs su grub pa gang yang med do// smras pa/ rigs kyi bu byang chub sems dpa' las dang po pas bstan pa 'di thos nas/ skrag par mi 'gyur gyi/ des sangs rgyas kyi chos rnams kyi ched du go cha gyon pa ni ngo mtshar to// smras pa/ tshangs pa sangs rgyas kyis byin gyis brlabs pa'i sems can rnams byang chub tu sems bskyed de/ de dag sangs rgyas kyi chos zab mo thos na/ skrag par mi 'gyur ro// tshangs pa 'dzin pa dang / mngon par zhen par gyur na/ skrag par 'gyur gyi/ 'dzin pa med cing mngon bar zhen pa med pa na/ skrag par mi 'gyur ro// gnas dang chags par gyur na/ skrag par 'gyur gyi/ gnas med cing chags pa med na/ skrag par mi 'gyur ro// ngar 'dzin pa dang / nga yir 'dzin par gyur na/ skrag par 'gyur gyi/ ngar 'dzin pa dang / nga yir 'dzin pa dang bral na/ skrag par mi 'gyur ro// smras pa/ stobs gang dang ldan na/ byang chub sems dpa'// sangs rgyas kyi chos zab mo dag la skrag par mi 'gyur ba'i byang chub sems dpa'i stobs gang yin/ smras pa/ tshangs pa byang chub sems dpa' rnams kyi stobs ni brgyad po 'di dag ste/ stobs// de dag dang ldan na/ byang chub sems dpa' rnams sangs rgyas kyi chos zab mo dag la skrag par mi 'gyur ro// brgyad gang zhe na/ 'di lta ste/ sangs rgyas kyi chos thams cad la mos pas thogs pa med pa'i dad pa'i stobs dang / ston pa dang / mtshungs pa'i blos gus pa las nges par byung ba dge ba'i bshes gnyen gyi stobs dang / 'jig rten las 'das pa'i chos yongs su rdzogs par byed pas/ thos pa las nges par byung bas shes rab kyi stobs dang / bsod nams tshad med pa yongs su rdzogs par byed pas/ bsod nams las nges par byung ba bsnyen bkur bya ba'i stobs dang / bdud thams cad nges par gzhom pa'i phyir/ tshul bzhin las nges par byung ba ye shes kyi stobs dang / chos rnams bdag med pa la dogs pa med pas/ byams pa chen po las nges par byung ba snying rje chen po'i stobs dang / byang chub kyi sems brjed pa med pas nges par sems pa las nges par byung ba sems kyi stobs dang / mi skye ba'i chos la bzod pa rab tu thob pas gzhan gyi drong mi 'jog pa las nges par byung ba'i bzod pa'i stobs so/ / tshangs pa brgyad po de dag ni byang chub sems dpa' rnams kyi stobs te/ stobs de dag dang ldan na/ byang chub sems dpa' rnams sangs rgyas kyi chos zab mo dag la skrag par mi 'gyur ro/ / de nas bcom ldan 'das kyis/ byang chub sems dpa' blo gros rgya mtsho la legs so zhes bya ba byin te/ blo gros rgya mtsho khyod kyis byang chub sems dpa' rnams kyi spobs de dag legs par bshad pa ni legs so legs so// stobs 'di lta bu dang ldan pa'i byang chub sems dpa' rnams ni gang thos nas skrag par 'gyur ba'i sangs rgyas kyi chos de dag gang yang med do/ / blo gros rgya mtsho bstan pa'i sgra de dag thams cad ni 'jig pa'o// byang chub kyi/ don dam pa gang yin pa de ni brjod par mi nus so// de ci'i phyir zhe na/ brjod du med pa de ni bsnyad du med pa ste/ de la ni yi ge rnams kun tu mi rgyu'o// de la ni sems dang sems las byung ba'i chos rnams kyang kun tu mi rgyu na/ yi ge rnams kun tu rgyu bar 'gyur ba lta smos kyang ci dgos/ 'di ltar chos zab mo yi ge med pa// bsnyad pa med pa/ rjod du med pa smrar med pa 'di lta bu mngon par rdzogs par sangs rgyas kyang yi ge'i rnam par rig pas/ sems can gzhan dang / gang zag gzhan rnams la ston te/ sems can bsam gyis mi khyab pa dag la sangs rgyas bcom ldan 'das rnams kyi thugs rje chen po ji snyed 'jug pa la ltos/ / blo gros rgya mtsho 'di lta ste/ dper na/ skyes bu la la zhig gis nam mkha' gzugs med pa/ bstan du med pa/ thog pa med pa/ rnam par rig pa med pa 'di la tshon sna tshogs kyis ri mor bris te/ rta pa dang / glang po che dang / shing rta dang / dpung bu chung dang / gzhon pa rnams su 'dir nye bar ston tam/ lha dang klu dang / gnod sbyin dang / dri za'i gzugs rnams 'dir nye bar ston na/ blo gros rgya mtsho 'di la ji snyam du sems/ skyes bu de dka' ba/ byed pa ma yin nam/ gsol pa/ bcom ldan 'das dka' ba bgyid pa'o// bde bar gshegs pa mchog tu dka' ba bgyid pa'o// bcom ldan 'das kyis bka' stsal pa/ blo gros rgya mtsho sangs rgyas bcom ldan 'das gang dag brjod du med pa'i chos mngon par rdzogs par sangs rgyas nas kyang / sems can gzhan dag dang / gang zag gzhan rnams la bzod du med pa'i don te/ brjod pas rnam par rig par byed cing go bar byed pa ni de bas kyang ches dka' ba mdzad pa'o// gang dag sangs rgyas kyi chos zab mo 'di dag la mi skrag mi dngang dngang par mi 'gyur ba de dag ni/ de bas kyang ches shin tu dka' ba byed pa'o// blo gros rgya mtsho gang dag sangs rgyas kyi chos zab mo 'di dag la skrag par mi 'gyur ba'i sems can de dag ni dge ba'i rtsa ba bskyed pa dang / sngon gyi rgyal ba la bsnyen bkur byas pa yin no// blo gros rgya mtsho mdo sde zab mo 'jig rten thams cad dang mi 'thun pa 'di dag rig nas/ 'chang ba dang / 'dzin pa dang gzhan dag las yang rgya cher yang dag par rab tu ston pa de dang / de dag ni de bzhin gshegs pa'i chos kyi mdzod 'dzin pa dag go// sems can thams cad kyi dge ba'i phyogs 'dzin pa dag go/ blo gros rgya mtsho byang chub sems dpa' gang gis sangs rgyas kyi spyan gyis gzigs pa'i sangs rgyas kyi zhing tshad med pa thams cad rin po che thams cad kyis yongs su bkang ste de bzhin gshegs pa la mchod pa'i las kyi phyir dbul bar phul na/ blo gros rgya mtsho 'di la ji snyam du sems/ byang chub sems dpa' de gzhi de las bsod nams mang du skyed dam/ gsol pa bcom ldan 'das mang lags so/ / bde bar gshegs pa tshad ma mchis lags so// bsod nams kyi phung po de ni ji tsam du dpe bgyi bar sla ba ma lags pa de tsam du/ bsod nams kyi phung po de tshad ma mchis par 'gyur ro/ / bcom ldan 'das kyis bka' stsal pa/ blo gros rgya mtsho khyod mos par bya'o// khyod kyis khong du chud par bya'o// gang de bzhin gshegs pa'i bstan pa kun tu bsrung ba dang / dkon mchog gsum gyis rigs mi 'chad par bya ba'i phyir/ sems can thams cad la snying rje chen po bskyed nas/ mdo sde zab mo 'di lta bu 'di ni de bzhin gshegs pa'i ye shes sgrub par rig nas/ 'dzin pa dang / 'chang ba dang / kun chub par byed pa'i byang chub sems dpa' de ni de bas kyang ches bsod nams mang du skyed na/ gang de bzhin nyid du sgrub pa lta smos kyang ci dgos/ de ci'i phyir zhe na/ blo gros rgya mtsho zang zing gi sbyin pa de thams cad ni 'jig rten la bstan pa'o// chos kyi sbyin pa 'di ni 'jig rten thams cad las shin tu 'da' bar 'gyur ro/ / blo gros rgya mtsho dam pa'i chos yongs su 'dzin pa ni/ yongs su bzung ba bzhi rab tu 'thob ste/ bzhi gang zhe na/ sangs rgyas kyis yongs su bzung ba rab tu 'thob/ pa dang / lhas yongs su bzung ba dang / bsod nams kyis yongs su bzung ba dang / ye shes kyis yongs su bzung ba 'thob pa'o// blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi ste/ bzhi gang zhe na/ de bzhin gshegs pa mthong ba dang mi 'bral bar 'gyur ba dang / de la bdud thams cad kyis glags mi rnyed par 'gyur ba dang / gzungs rab tu 'thob pas mi zad par 'gyur ba dang / mngon par shes pa myur te phyir mi ldog pa'i sa thob par 'gyur ba ste/ blo gros rgya mtsho sangs rgyas kyis yongs su bzung ba'i byang chub sems dpa'i khyad par du 'gyur ba bzhi po de dag go/ blo gros rgya mtsho lhas yongs su bzung ba'i byang chub sems dpa' rnam par dag par 'gyur ba bzhi ste/ bzhi gang zhe na/ lha rnams kyis de'i 'khor gyi dkyil 'khor rnam par sbyong ba dang / chos mnyan pa la sems rtse gcig tu bya bar 'jog pa dang / de la pha rol gyi gnod pa thams cad mi 'byung bar byed pa dang / de la sems can ma dad pa thams cad kyang lha rnams kyi dbang gis dad par byed pa ste/ bro gros rgya mtsho lhas yongs su bzung ba'i byang chub sems dpa' rnam par dag par 'gyur ba bzhi po de dag go// blo gros rgya mtsho bsod nams kyis yongs su bzung ba'i byang chub sems dpa'i rgyan du 'gyur ba bzhi ste/ bzhi gang zhe na/ mtshan dang dpe byad bzang po yongs su rdzogs pas lus kyi rgyan dang sems can thams cad mgu bar byed pas/ ngag gi rgyan dang / bya ba thams cad kun tu ston pas zhing gi rgyan dang / brgya byin dang / tshangs pa dang / 'jig rten skyong du skye ba rab tu thob pas skye ba'i rgyan te/ blo gros rgya mtsho bsod nams kyis yongs su bzung ba'i byang chub sems dpa'i rkyen du 'gyur ba bzhi po de dag go// blo gros rgya mtsho ye shes kyis yongs su bzung ba'i byang chub sems dpa'i snang bar 'gyur ba bzhi ste/ bzhi gang zhe na/ so sor ci rigs par chos ston pas/ sems can gyis dbang po snang ba dang / chos kyi sman yang dag par sbyor bas/ nyon mongs pa'i nad thams cad snang ba dang / sangs rgyas kyi zhing gzhan du 'gro bas mngon par shes pa snang ba dang / chos thams cad yang dag pa ji lta ba bzhin du yongs su shes pas/ chos kyi dbyings snang ba ste/ blo gros rgya mtsho ye shes kyis yongs su bzung ba'i byang chub sems dpa'i snang bar 'gyur ba bzhi po de dag go// blo gros rgya mtsho de lta bas na/ byang chub sems dpa' sems dpa' chen po yon tan gyi phan yon 'di dag yongs su 'dzin par 'dod pas/ dam pa'i chos yongs su bzung ba la mngon par brtson par bya'o// blo gros rgya mtsho dam pa'i chos yongs su 'dzin pa la mngon par brtson pa'i byang chub sems dpa' rnams kyi yon tan gyi khyad par tshad med par 'gyur ro/ / de nas de'i tshe bcom ldan 'das kyis tshigs su bcad pa 'di dag gsungs so// de bzhin / gshegs pa'i dam chos gang 'dzin pa/ de dag phan yon rnam pa mang 'gyur te// de las phyogs tsam yongs su brjod par bya/ dper na rgya mtsho'i chu las thigs pa bzhin// de bzhin gshegs pa'i dam pa'i chos 'dzin pa/ / de ni de bzhin gshegs la byas gzo yin// rgyal ba rnams kyi mdzod 'dzin yid brtan cing // phyogs bcu rnams su sangs rgyas mchod pa yin// sangs rgyas spyan gyis gzigs pa'i zhing mang po/ / rin chen bkang ste de bzhin gshegs la phul// zad pa'i dus na ji ltar chos 'dzin ltar/ bsod nams phung po de tsam 'phel ma yin// 'jig rten zang zing rgyal la bsti stang byas/ / 'jig rten byed la nam yang grol mi 'gyur// 'jig rten 'das pa'i chos ni gang tshol ba/ mkhas pa de ni 'jig rten chos las 'da'// de bzhin gshegs pa'i dam pa'i chos 'dzin pa/ / rgyal ba rnams kyis yongs su bzung bar 'gyur// lha dang klu dang mi 'am ci rnams dang / bsod nams ye shes kyis ni yongs su bzung // de bzhin gshegs pa'i dam pa'i chos 'dzin pa/ / dran ldan blo gros ldan zhing blo ldan 'gyur// shes rab rgya chen kun nas ye shes ldan// mkhas pa bag chags bcad pa'i nyon mongs spong // de bzhin gshegs pa'i dam pa'i chos 'dzin pa/ de la bdud kyi skyon chags rnyed mi 'gyur// de la 'gyod dang de bzhin dogs pa med// de la bcings med sgrib pa cung zad med// de bzhin gshegs pa'i dam pa'i chos 'dzin pa/ / zhing stong dag tu nam yang mi skye ste// skye ba kun tu de ni rgyal ba mthong // mthong nas de la dad pa rab tu 'thob// de bzhin gshegs pa'i dam pa'i chos 'dzin pa chos kyi bdag nyid chen po skye dran 'gyur/ / yang dang yang du rab tu 'byung ba 'thob// spyod pa yongs dag sgrub pa snying por byed// de bzhin gshegs pa'i dam pa'i chos 'dzin pa// tshul khrims// thos pas 'phags pa chos spyod pa// mkhas pa mngon shes lnga la myur du reg/ ma smad bsam gtan rnam par thar pa thob// de bzhin gshegs pa'i dam pa'i chos 'dzin pa// de ni zab chos rtogs par khong du chud/ / sangs rgyas spyod yul stong nyid the tsom med// sems can bdag med par yang mos par 'gyur// de bzhin gshegs pa'i dam pa'i chos 'dzin pa// de ni so so yang dag rig pa 'thob/ / 'jigs med shes rab rno zhing chags med dag/ de ni srog chags kun gyi the tsom gcod// de bzhin gshegs pa'i dam pa'i chos 'dzin pa// mkhas pa de ni gzugs rnams 'thob par 'gyur/ / bskal pa brgyar yang gang thos chud mi za// spobs dang ldan zhing chags pa med par 'gyur// de bzhin gshegs pa'i dam pa'i chos 'dzin pa// de la mkhas pa rtag tu dga' bar 'gyur/ / lha dang lha min mi yi yid du 'ong // de la sangs rgyas bu gcig bzhin du stod// de bzhin gshegs pa'i dam pa'i chos 'dzin pa// brgya byin tshangs pa de bzhin 'jig rten skyong / / 'khor los sgyur dang mi yi rgyal por 'gyur// bde dang yid bdes byang chub de 'tshang rgya// de bzhin gshegs pa'i dam pa'i chos 'dzin pa// de'i lus sum cu rtsa gnyis mtshan ldan zhing / / mkhas pa yan lag smad pa med par 'gyur// de la lta bas ngoms par yongs mi 'gyur// de bzhin gshegs pa'i dam pa'i chos 'dzin pa// gang dag chos kyi phyag rgya 'di ston pa'i/ / dge ba'i bshes gnyen de la dkon mi 'gyur// chos mdzod zad mi shes pa nyan par byed// de bzhin gshegs pa'i dam pa'i chos 'dzin pa// lus dang ngag dang yid kyang rnam par dag/ tshul khrims ting 'dzin shes rab rnam par dag/ rnam grol ye shes shin tu rnam par dag/ de bzhin gshegs pa'i dam pa'i chos 'dzin pa// de ni byang chub sems brjed 'gyur ba med/ / pha rol phyin la spyod dang 'gal mi 'gyur// dge ba brgya rnams kyang ni rab tu bzung // de dag rnams kyi yon tan phan yon rnams// bskal par rgyun mi 'chad par rab brjod kyang dam chos 'dzin pa'i phan yon 'di dag ni/ / brjod pas tha mar byin par mi 'gyur ro// sangs rgyas kyi chos bstan pa'i le'u ste drug pa'o// de nas byang chub sems dpa' sems dpa' chen po yon tan gyi rgyal po snang ba zhes bya ba/ 'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das kyis ngas rlos gang mngon par rdzogs par sangs rgyas pa de brjod du med do zhes gsungs na/ bcom ldan 'das chos brjod du ma mchis pa lags na// dam pa'i chos yongs su gzung ba ji lta bu zhig/ lags// bcom ldan 'das kyis bka' stsal pa/ rigs kyi bu de de bzhin no// ji skad smras pa de bzhin te/ chos gang ngas mngon par rdzogs par sangs rgyas pa de brjod du med do// rigs kyi bu 'on kyang yi ge'i nges pa'i tshig gang gis/ / brjod du med par 'dus ma byas kyis chos de snyed pa'i yi ge'i nges pa'i tshig de dag gang len pa dang / 'dzin pa dang / ston pa dang / rab tu shes par byed pa dang / 'jog pa dang / rnam par 'grel pa dang / rnam par 'byed pa dang / gsal bar byed pa dang / yang dag par rab tu ston par byed pa 'di ni/ dam pa'i chos yongs su 'dzin pa zhes bya'o// / rigs kyi bu gzhan yang chos smra ba gang dag mdo sde 'di lta bu 'di dag 'dzin pa dang / ston pa dang / sgrub pa'i chos smra ba de dag la gang bsnyen pa dang / bsten pa dang / bsnyen bkur byed pa dang / ldang ba dang / rim gro byed pa dang / gus par byed pa dang / zhes byed pa dang / bsti stang byed pa dang / kun tu srung ba dang / sbed pa dang / yongs su 'dzin pa dang / gos dang / zas dang / mal cha dang / na ba'i gsos sman dang / yo byad sbyin pa dang / legs so zhes bya ba sbyin pa dang / rje bo ltar kun tu srung ba dang / dge ba kun tu srung ba dang / bsngags pa rjod pa dang / mi snyan pa 'chab pa 'di yang dam pa'i chos yongs su 'dzin pa'o/ / rigs kyi bu gzhan yang gang stong pa nyid la mos pa dang / mtshan ma med pa la yid ches pa dang / smon pa med pa la som nyi med pa dang mngon par 'du bya ba med pa la kho na nyid du nges par sems pa 'di yang dam pa'i chos yongs su 'dzin pa'o/ / rigs kyi bu gzhan yang rtsod pa med pa lhur len pa dang / chos ma yin pas rtsod pa rnams chos dang 'thun par tshar gcod pa 'di yang dam pa'i chos yongs su 'dzin pa'o/ / rigs kyi bu gzhan yang zhe sdang med pa'i rgyu dang / sems can bsdu ba dang / rab tu thar par bya ba'i blo dang / zang zing med pa'i sems kyis gzhan dag la chos sbyin pa 'di yang dam chos yongs su 'dzin pa'o// rigs kyi bu gzhan yang lus dang srog 'dor zhing / mdo sde 'di lta bu 'di dag kun tu srung ba dang / sbeng ba dang / sgrub par dgon pa na gnas pa 'di yang dam pa'i chos yongs su 'dzin pa'o// rigs kyi bu gzhan yang gang chos mnyan pa'i rgyu las byung ba'am/ chos bstan pa'i rgya las byung bas/ bran gom pa gcig 'dor ram/ than dbugs 'byin pa 'am/ rngub pa gcig kyang rung // 'di yang dam pa'i chos yongs su 'dzin pa/ rigs kyi bu gzhan yang gang chos thams cad yongs su mi 'dzin cing mi len pa 'di yang dam pa'i chos yongs su 'dzin pa zhes bya'o// yon tan gyi rgyal po snang ba khyod kyis rnam grangs 'dis kyang 'di ltar rig par bya'o/ / rigs kyi bu sngon byung ba 'das pa'i dus na/ bskal pa grangs med pa'i yang ches grangs med par gyur pa de'i tshe de'i dus na// dga' ba ' phags pa'i bskal pa la 'jig rten gyi khams 'od rnam par dag par bcom ldan 'das ye shes chen po'i stobs bsgrags pa zhes bya ba'i de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo / / rigs kyi bu 'jig rten gyi khams 'od rnam par dag pa de ni bai rmung+ga las grub pa/ shin tu rnam par dag pa/ phyogs bcu snang bas rgyas par 'gengs pa byang chub sems dpa' sems dpa' chen po mngon par shes pa chen po'i stobs kyis rnam par rtsen pa/ chos zab mo las nges par 'byung ba nyi tshe'i gnas su gyur pa'o// de'i tshe sems can de dag gi longs spyod ni lha'i bu rab 'phrul gyi dang 'dra bar gyur cing / lha'i bu'i gzugs nyid kyis bcom ldan 'das de la chos nyan to// de na khyim pa dang / rab tu byung ba tha dad du bya ba med do// bcom ldan 'das ye shes chen tha'i tshubs brlags pa'i nga bzhin gshegs pades rigs kyi bu ga khyed kyis lus dang srog 'dor zhing dam par chos yongs su gzung ba la mngon par brtson par bya'o zhes/ dam par cham yongs sub ma char yang dag pa tsud/ / de'i ci 'i dus / byang chubasams dpa' mam sadapa dzin panas smra ba zhes byang la thar bang ci du ngas par byung sa ma na 'dasas gabs pazugs pa'idi bzhin mamags pa de la/ zung rngu mams dpa' sem dang tshan pacas snangs 'din can tshal to// bam ma pa na ya sa sa kya ma shAs ma pa mashes gyon pa'i rnabs bklags pa'i de bzhin gshegs pa des/ byang chub sems dpa' chos smrab la 'di ma ces bka' stsal to// rigs kyi bu kye mtsho rnams 'dam yul la rab tu 'byung ba/ de klog pa dang / yongs su srung ba dang / rtse gcig tu 'gyur ba dang / dul ba dang / TI dang / nyeb ni ba dang / 'dul ba 'dzin/ dam pa'i chos yongs su 'dzin pa zhes bya'o// tsa phyim ces mig dang / gzugs dang / mig gi rnam par shes pa zhes bya ba'i chos ma yin pa 'dzin/ chos ma yin pa'o// rna ba dang / sgra rnams dang / rna ba'i rnam par shes pa dang / sna dang / khrimams dang sna'i rnam par shes pa dang / lce dang / ro rnams dang / lce'i rnam par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa chos ma yin pa de ni/ chos ma yin pa'o// gang mig dang gzugs stong par rig nas/ yid dang / gzugs la rnam par mi rtog cing / mi gi rnam par shes pa gnas pa med pa 'di ni/ dam pa'i chos yongs su 'dzin pa'o// gang yang dag pa'i ye shes kyi de li go bar byed pa la mkhas pa 'di ni/ dam pa'i chos yongs su 'dzin pa'o/ / de bzhin du rna ba dang / sgra dang / sna dang / dri dang / lce dang / ro dang / lus dang / reg bya dang / yid dang / chos rnams stong par rig nas/ yid dang / chos rnams la rnam par mi rtog cing / yid kyi rnam par shes pa gnas med pa 'di ni/ dam pa'i chos yongs su 'dzin pa'o// de yang dag pa'i ye shes kyis gzhan dag la go bar byed pa la mkhas pa 'di ni dam pa'i chos yongs su 'dzin pa'o/ / rigs kyi bu gzhan yang chos gang gis chos gang byung ba'i chos de la yongs su mi 'dzin pa dang / mi len pa 'di ni/ dam pa'i chos yongs su 'dzin pa'o// lta ba gang gis log par lta ba la gnas par byed pa'i lta ba de la yongs su mi 'dzin cing mi len pa 'di ni/ dam pa'i chos yongs su 'dzin pa'o// mi shes pa gti mug gi ling tog gang gis sems yongs su dkar bar mi 'gyur ba'i mi shes pa'i gti mug gi ling tog de la gang yongs su mi 'dzin cing / mi len pa 'di ni/ dam pa'i chos yongs su 'dzin pa zhes bya'o// rigs kyi bu gzhan yang gang bsgrubs nas spang bar bya ba de ni chos ma yin/ 'dul ba ma yin no// gang bsgrub par yang mi bya/ spang bar yang mi bya ba 'di ni chos so// 'di ni 'dul ba'o// bsgrubs nas spang bar bya ba'i chos gang zhes na/ 'dus byas kyi lam ste/ bsgrubs nas spang bar bya ba de ni chos ma yin// 'dul ba ma yin no// bsgrub par bya ba yang ma yin// spang bar bya ba yang ma yin pa gang zhe na/ gang brjod du med pa dang / skye ba med pa dang / 'byung ba med pa ste/ de ni bsgrub par bya ba yang ma yin/ spang bar bya ba yang ma yin pa'o// gang bsgrub par bya ba yang ma yin/ spang bar bya ba yang ma yin pa de chos so// de 'dul ba'o// ci'i phyir de chos yin/ de 'dul ba yin zhe na/ rang bzhin gyi ma skyes pa'i nyon mongs pa rnams skye ba mi byed pas de'i phyir de chos yin/ de 'dul ba yin zhes bya'o// chos dang 'dul ba gang yin pa de ni skye ba med// 'gag pa med do// gang skye ba med/ 'gag pa med pa de ni zad par mi 'gyur ro// de ltar zad pa med pa dang / skye ba med pa'i chos dang 'dul ba de ni/ ji ltar byung ba med pa de ltar yongs su gzung ba med do// gang yongs su gzung ba med pa de dam pa'i chos yongs su 'dzin pa'o// rigs kyi bu de ltar bcom ldan 'das ye shes chen po'i stobs bsgrags pa'i de bzhin gshegs pa des bstan pa 'di bshad pa na/ byang chub sems dpa' sems dpa' chen po sum khri nyis stong gis mi skye ba'i chos la bzod pa skyes so/ / byang chub sems dpa' chos smra bas/ bcom ldan 'das de las bstan pa 'di thos nas/ tshim zhing mgu la yid rangs shing rab tu dga' ste/ dga' ba dang yid bde ba skyes nas/ bcom ldan 'das la 'di skad ces gsol to// bcom ldan 'das ji tsam du de bzhin gshegs pas// byang chub sems dpa' rnams kyi dam pa'i chos yongs su 'dzin pa 'di legs par gsungs pa ni ngo mtshar to/ / bcom ldan 'das ji ltar bdag gis/ bcom ldan 'das kyis gsungs pa'i don 'tshal ba ltar na bdag 'di snyam du bgyid de/ bcom ldan 'das chos thams cad ni chos ma lags so// gang chos ma lags pa de ni chos so// de ci'i slad du zhe na/ bcom ldan 'das chos thams cad ni mngon par zhen pas chos ma lags so/ / gang mngon par zhen pa ma mchis pa de ni chos so// bcom ldan 'das chos dang / chos ma lags pa gnyis kyi 'du shes dang ldan pa'i chos thams cad ni chos ma lags pa'o// bcom ldan 'das 'du shes yongs su shes pa dang ldan pa'i chos thams cad ni chos so// bcom ldan 'das don dam par bstan/ chos dang chos ma lags pa mi dmigs so// gang la chos kyi 'du shes kyang ma mchis/ chos ma lags pa'i 'du shes kyang ma mchis pa de la chos su bgrang ba yang ma mchis so// gang la chos su bgrang ba gang yang ma mchis pa de mtha' ma lags pa'o// gang mtha' ma lags pa de yang dag pa'i mtha'o// de ci'i slad du zhe na/ nam mkha'i mtha' ni yang dag pa'i mtha' ste/ nam mkha' ni char gcad pa'i mtha' gang yang ma mchis so// ji ltar nam mkha' la char gcad ba'i mtha' gang yang ma mchis pa de bzhin du/ chos thams cad la yang char gcad pa'i mtha' gang yang ma mchis te/ de'i slad du chos thams cad ni nam mkha'i mtha' zhes bgyi'o/ / bcom ldan 'das byang chub sems dpa' gang dag gis yang dag pa'i mtha' bstan pa 'di thos nas/ de bzhin du yang dag pa nyid du khas len pa de dag ni/ chos gang la yang gnyis su dbye bar khas len pa ma lags so/ / bcom ldan 'das bdag gis ni chos gang yongs su bzung bas dam pa'i chos yongs su 'dzin par bstan pa'i chos gang yang yang dag par rjes su ma mthong ngo / / bcom ldan 'das bdag gis de ltar bstan na/ de bzhin gshegs pas gsungs pa smra ba dang / chos smra ba dang / chos kyi rjes su 'thun pa'i chos su lung ston pa lha lags sam/ yang dag pa'i lung bstan pas lung ston pa lta lags/ bcom ldan 'das des bka' stsal pa/ rigs kyi bu yang dag pa ste/ de bzhin gshegs pas gsungs pa sla ba dang / chos kyi rjes su 'thun pa'i chos su lung ston pa yin no// yang dag pa'i lung ston pa yin no// rigs kyi bu de ltar na byang chub sems dpa' chos smra bas bstan pa 'di bshad pa na// lha'i 'khor de las lha'i bu khris rjes su 'thun pa'i chos kyi bzod pa thob par gyur to// yon tan gyi rgyal po snang ba de'i tshe de'i dus na/ byang chub sems dpa' chos smra bar gyur pa de gzhan zhig yin snyam du khyod dogs shing the tsom za 'am/ yid gnyis su gyur na/ de de ltar mi blta'o// de ci'i phyir zhe na/ yon tan gyi rgyal po snang ba khyod nyid de'i tshe de'i dus na/ chos smra ba'i byang chub sems dpa' zhes bya bar gyur to/ / de'i phyir yon tan gyi rgyal po snang ba ngas bskal pa grangs med pa bye bar bsgrubs pa/ bla na med pa yang dag par rdzogs pa'i byang chub 'di khyod la gtad do// gzung ba dang / bcang ba dang / kun chub par bya ba dang / gzhan dag la'ang rgya cher yang dag par bstan par bya ba'i phyir/ 'khor 'di'i mdun du ngas khyod la bcol to// bcom ldan 'das kyis gsung 'di gsungs ma thag tu/ de nas byang chub sems dpa' bye ba phrag drug cu langs te/ mgrin gcig tu bcom ldan 'das bdag cag gis de bzhin gshegs pa'i byang chub 'di gzung bar bgyi'o zhes smras so/ / de skad ces gsol pa dang / bcom ldan 'das kyis/ byang chub sems dpa' rnams la 'di skad ces bka' stsal to// rigs kyi bu dag khyod kyis chos ji lta bu zhig la gnas te/ ngas bskal pa grangs med pa bye bar bsgrubs pa'i byang chub 'di 'dzin par byed// byang chub sems dpa' ri dbang rgyal po zhes bya ba der 'dus par gyur te 'dug pa des// / bcom ldan 'das la 'di skad ces gsol to// bcom ldan 'das lus dang srog la lta bas dam pa'i chos yongs su gzung bar mi nus te/ bcom ldan 'das bdag gis/ lus dang srog la mi lta bar bgyis la/ bcom ldan 'das kyi dam pa'i chos yongs su gzung bar bgyi'o// byang chub sems dpa' dpal brtsegs rgyal po zhes bya ba des 'di skad ces gsol to// bcom ldan 'das rnyed pa dang / bkur sti dang / tshogs su bcad pa la re bas dam pa'i chos yongs su gzung bar mi nus te/ bcom ldan 'das bdag gis rnyed pa dang / bkur bsti dang tshigs su bcad pa thams cad bor la/ 'phags pa ma lags pa dang bsten pa thams cad yongs su spangs te/ de bzhin gshegs pa'i dam pa'i chos yongs su gzung bar bgyi'o// byang chub sems dpa' tog chen pos gsol pa/ bcom ldan 'das chos dang / chos ma lags pa gnyis kyis 'du shes dang ldan pas/ dam pa'i chos yongs su gzung bar mi nus te/ bcom ldan 'das bdag gis chos thams cad gnyis dang bral ba mnyam pa nyid thob par bgyis te/ dam pa'i chos yongs su gzung bar bgyi'o// byang chub sems dpa' dpal sbas kyis gsol pa/ bcom ldan 'das nyon mongs pa rnams kyis zil gyis gnon pas/ dam pa'i chos yongs su gzung bar mi nus te/ bcom ldan 'das bdag gis 'phags pa'i shes rab dang ye shes kyi nyon mongs pa thams cad zil gyis mnan te/ dam pa'i chos yongs su gzung bar bgyi'o// byang chub sems dpa' sgron ma 'dzin gyis gsol pa/ bcom ldan 'das gti mug gi mun pa'i spyod yul gyis dam pa'i chos yongs su gzung bar mi nus te/ bcom ldan 'das bdag gis chags pa ma mchis pa'i ye shes kyi snang ba thob par gyis la/ chos thams cad la gti mug gi mun pa dang bral bar bgyis te/ dam pa'i chos yongs su gzung bar bgyi'o// byang chub sems dpa' klog lhas gsol pa/ bcom ldan 'das gzhan la rag las pa'i ye shes kyi dam pa'i chos yongs su gzung bar mi nus te/ bcom ldan 'das bdag gis chos thams cad la gzhan gyi dring mi 'jog par mngon sum gyi ye shes thob par bgyis la/ dam pa'i chos yongs su gzung bar bgyi'o/ / byang chub sems dpa' kun tu sbas kyis gsol pa/ bcom ldan 'das dbang po phal ba dang / 'khrul pa'i sems kyis dam pa'i chos yongs su gzung bar mi nus te/ bcom ldan 'das bdag gis dbang po thams cad dang / sgo dang / skye mched thams cad shin tu sbas shing shin tu btul la/ dam pa'i chos yongs su gzung bar bgyi'o// byang chub sems dpa' 'od drim med pas gsol pa/ bcom ldan 'das sems can dang / chos tha dad pa'i 'du shes dang ldan pas/ dam pa'i chos yongs su gzung bar mi nus te/ bcom ldan 'das bdag gis sems can thams cad la sems snyoms pa dang / chos thams cad la mnyam pa nyid thob par bgyis te/ dam pa'i chos yongs su gzung bar bgyi'o// byang chub sems dpa' khyad par du 'gro bas gsol pa bcom ldan 'das mnyam par ma gzhag cing / g.yeng ba'i sems kyis dam pa'i chos yongs su gzung bar mi nus te/ bcom ldan 'das bdag gis mnyam par gzhag la/ mi g.yeng ba sems kyis dam pa'i chos yongs su gzung bar bgyi'o/ / byang chub sems dpa' ded dpon gyis gsol pa/ bcom ldan 'das lam shes pa'i cho ga ma 'tshal cing / lam ngan par zhugs pas dam pa'i chos yongs su gzung bar mi nus te/ bcom ldan 'das bdag gis lam shes pa'i go cha 'tshal bar bgyis la/ sems can rnams la ma ngan pa las yang dag pa'i lam la rab tu 'god cing / dam pa'i chos yongs su gzung bar bgyi'o// byang chub sems dpa' blo gros legs pas gsol pa/ bcom ldan 'das dogs pa'i sems the tsom du gyur pas/ dam pa'i chos yongs su gzung bar mi nus te/ bcom ldan 'das bdag gis dogs pa bral zhing the tsom thams cad spangs la/ dogs pa'i zug rngu thams cad bsal ba thob par bgyis te/ dam pa'i chos yongs su gzung bar bgyi'o// byang chub sems dpa' rnam par snang byed kyis gsol pa/ bcom ldan 'das chos la mi gnas shing sgrub pa nyams pas dam pa'i chos yongs su gzung bar mi nus te/ bcom ldan 'das bdag gis chos la gnas shing sgrub pa'i snying por bgyis la/ sems can rnams yang dag pa'i nan tan la rab tu 'god cing / dam pa'i chos yongs su gzung bar bgyi'o// byang chub sems dpa' snang ba mthong bas gsol pa/ bcom ldan 'das shes rab 'chal pa'i chos kyi snang ba dang bral bas dam pa'i chos yongs su gzung bar mi nus te/ bcom ldan 'das bdag gis shes rab kyi rnam par nges pa'i ye shes la mkhas shing / chos kyi snang ba dang ldan pas dam pa'i chos yongs su gzung bar bgyi'o/ / byang chub sems dpa' zhe 'gras pa med pa'i blo gros kyis gsol pa/ bcom ldan 'das zhe 'gras pa'i sems dang / sems can rjes su mi srung ba'i blos dam pa'i chos yongs su gzung bar mi nus te/ bcom ldan 'das bdag gis zhe 'bras pa med pa'i sems dang / sems can rjes su srung ba la gnas la/ dam pa'i chos yongs su gzung bar bgyi'o// byang chub sems dpa' spyod pa rnam dag blo gros kyis gsol pa/ bcom ldan 'das sems can gyi dbang po la mi mkhas shing / sems can gyi spyod pa'i cho ga ma 'tshal bas/ dam pa'i chos yongs su gzung bar / mi nus te/ bcom ldan 'das bdag gis sems can gyi dbang po dang / spyod pa shes pa la zhugs la dam pa'i chos yongs su gzung bar bgyi'o// byang chub sems dpa' bkod pa'i rgyal pos gsol pa/ bcom ldan 'das chos la yongs su rtog pa'i 'du shes dang ldan pas/ bdag dang / sems can dang / chos la gnas pas dam pa'i chos yongs su gzung bar mi nus te/ bcom ldan 'das bdag gis rtog pa dang / rnam par rtog pa dang / yongs su rtog pa thams cad dang bral zhing / 'khor gsum yongs su dag la/ bdag dang / sems can dang / chos la mi gnas par bgyid cing / bcom ldan 'das kyi dam pa'i chos yongs su gzung bar bgyi'o// byang chub sems dpa' seng ge'i rtog gis gsol pa/ bcom ldan 'das 'jig rten 'di ni/ 'di lta ste/ chos thams cad ma skyes pa dang / ma byung ba la skrag pa'o// bcom ldan 'das bdag gis ni/ chos thams cad ma skyes pa dang / ma byung bar 'tshal nas/ skrag pa ma mchis/ kun tu skrag pa ma mchis shing chos gang la yang nye ba'am/ ring bar mi gnas par bcom ldan 'das kyi dam pa'i chos yongs su gzung bar bgyi'o// byang chub sems dpa' byams pas gsol pa/ bcom ldan 'das byang chub la ring ba'i 'du shes can gyis dam pa'i chos yongs su gzung bar mi nus te/ bcom ldan 'das byang chub sems dpa' gang 'di snyam du bdag gis bla na med pa yang dag par rdzogs pa'i byang chub thob nas/ byang chub lus dang sems dang ldan pa yang ma yin/ mi ldan pa yang ma yin par mthong ngo snyam pa des/ de bzhin gshegs pa'i dam pa'i chos yongs su gzung / bar bgyi'o// byang chub sems dpa' yon tan gyi rgyal po snang bas gsol pa/ bcom ldan 'das yon tan la mi gnas shing / yon tan dang bral la/ de bzhin gshegs pa'i yon tan don du mi gnyer bas dam pa'i chos yongs su gzung bar mi nus te/ bcom ldan 'das bdag gis yon tan thams cad dang ma bral zhing / byang chub sems dpa'i yon tan yang dag pa la gnas te/ de bzhin gshegs pa'i yon tan yongs su btsal ba la mngon par brtson pas/ bcom ldan 'das kyi dam pa'i chos yongs su gzung bar bgyi'o// 'jam dpal gzhon nur gyur pas gsol pa/ bcom ldan 'das gang 'di skad du bdag gis dam pa'i chos yongs su gzung ngo zhes de skad mchi ba'i 'jig rten de ni rnam par smra ba lags so/ / bcom ldan 'das de ci'i slad du zhe na/ bcom ldan 'das byang chub snying po la zhugs nas/ chos gang ma rnyes shing mngon par rdzogs par sangs ma rgyas pa de la yongs su gzung ba gang yang ma mchis so// bcom ldan 'das bdag gis chos thams cad yongs su mi bzung ba dang / sems can thams cad yongs su 'dzin pa 'dor du stsal ba'i srad du/ snying rje chen po'i chos nyid 'di gzung bar bgyi'o// chos gang yang 'phros par mi brgya 'phros pa dang bral bar yang mi bgyi'o/ / de nas bcom ldan 'das kyis/ 'jam dpal gzhon nur gyur pa la legs so zhes bya ba byin te/ 'jam dpal legs so legs so// de de bzhin no// ji skad smras pa bzhin te/ ngas chos gang yang ma thob par byang chub kyi snying po la 'dug go// ma thob bzhin du byang chub kyi snying po las langs so// 'jam dpal gyis gsol pa bcom ldan 'das byang chub kyi snying po la zhugs sam/ ci na gang 'di skad du ngas ma tho ba bzhin du byang chub kyi snying po las langs shes gsung / gal te bzhugs na ni byang chub la gnyis 'jug par 'gyur te/ bcom ldan 'das kyang gzhan la/ byang chub kyi snying po yang gzhan du 'gyur ro// bcom ldan 'das byang chub ni gnyis kyis rab tu phye ba ma lags so// bcom ldan 'das kyis bka' stsal pa/ 'jam dpal nga byang chub kyi snying po'i ngo bo nyid kyi rjes su zhugs pa'i phyir/ byang chub kyi snying po la 'dug go// nga'i ngo bo nyid gang yin pa de byang chub kyi snying po'i ngo bo nyid de/ byang chub kyang de'i ngo bo nyid sems can thams cad kyang de'i ngo bo nyid/ chos thams cad kyang de'i ngo bo nyid de/ 'jam dpal byang chub kyi snying por gang ngas mngon par rdzogs par sangs rgyas pa de ni ngo bo nyid gcig pa'o// ro gcig pa'o// mngon par rdzogs par sangs rgyas nas kyang / de bzhin gshegs pas byang chub kyi snying po las rnam par grol ba'i chos gang yang ma gzigs so// byang chub mnyam pa nyid pas/ chos thams cad mnyam pa nyid du mngon par rdzogs par sangs rgyas so/ / mnyam pa nyid ni chos gang gi grangs su 'gro ba yang ma yin te/ grangs med pa grangs dang bral ba'o// de ci'i phyir de bzhin gshegs pa 'dus ma byas pa zhes bya'o// 'jam dpal de bzhin gshegs pa ni 'dus thob pa ste/ 'dus byas thams cad la shin tu 'das so// 'jam dpal gang dag de bzhin gshegs pa'i bstan pa 'di la mos pa de dag thams cad de bzhin gshegs pa'i rnam par grol bas rnam par grol bar 'gyur ro/ / rnam par grol nas chos nyid de las 'da' bar mi 'gyur ro/ / de nas byang chub sems dpa' gang dag/ byang chub sems dpa' blo gros rgya mtsho dang lhan cig tu/ 'jig rten gyi khams mi mjed 'dir lhags pa de dag gis bstan pa 'di thos nas/ tshim zhing mgu la yid rangs shing rab tu dga' ste/ dga' ba dang / yid bde ba skyes nas/ bdag cag sangs rgyas kyi zhing 'dir legs par lhags pa dang / bcom ldan 'das dang / 'jam dpal gzhon nur gyur pa dang / skyes bu dam pa 'di dag kyang mthong ba dang / chos zab mo bstan pa 'di yang thos pa ni/ bdag cag gis rnyed pa legs par rnyed do zhes ched du rjod pa ched du brjod do/ / gang du chos kyi rnam gras 'di gnas par gyur pa der sangs rgyas byung bar blta'o// gang du chos kyi rnam grangs 'di spyod par 'gyur ba der chos kyi 'khor lo rab tu bskor bar blta'o/ / da lta 'am de bzhin gshegs pa yongs su mya ngan las 'das kyang rung ste/ gang dag chos kyi rnam grangs 'di nyan pa dang / thos nas kyang mos pa dang / 'dzin pa dang / 'chang ba dang / klog pa dang / kun chub par byed pa dang / gzhan dag la yang rgya cher yang dag par rab tu ston par 'gyur ba'i sems can de dag kyang rnyed pa legs par rnyed pa dag go bcom ldan 'das kyis bka' stsal pa/ rigs kyi bu dag khyed kyis ji ltar byang chub sems dpa' rnyed pa legs par rnyed pa shes sam de dag gis gsol pa/ bcom ldan 'das byang chub sems dpa' rnams kyi rnyed pa ni bcu po 'di dag ste/ rnyed pa chen po bsam gyis mi khyab par 'gyur ba dag go// bcu gang zhe na/ 'di lta ste/ sangs rgyas 'byung ba mnyes par byed pa rab tu 'thob pa dang / mthong nas kyang lhag pa'i bsam pas de la dad pa rab tu 'thob pa dang / sems dang nas kyang chos mnyan pa rab tu 'thob pa dang / chos thos nas kyang the tsom ma mchis pa rab tu 'thob pa dang / the tsom ma mchis nas kyang rab tu 'byung ba rab tu 'thob pa dang / rab tu byung nas kyang 'tsho ba yongs su dag pa rab tu 'thob pa dang / 'tsho ba yongs su dag nas kyang chos bstan pa la mkhas pa rab tu 'thob pa dang / tshe rabs tshe rabs su byang chub kyi sems rab tu 'thob pa dang / byang chub kyi sems ma brjed nas kyang / byang chub sems dpa'i sde snod// kyi chos mnyan pa rab tu 'thob pa dang / byang chub sems dpa'i sde snod thos nas kyang sgrub pa rab tu 'thob pa ste/ bcom ldan 'das rnyed pa bcu po de dag ni/ rnyed pa chen po bsam gyis mi khyab par 'gyur ba dag go/ / de la rab tu gnas pa'i byang chub sems dpa' sems dpa' chen po dag ni rnyed pa legs par rnyed pa zhes bgyi'o// bcom ldan 'das kyis bka' stsal pa/ skyes bu dam pa dag khyed kyis byang chub sems dpa' sems dpa' chen po rnams kyi rnyed pa de dag legs par smras pa de ni legs so legs so/ / bstan pa 'di bshad pa na/ srog chags sum khri drug stong gis bla na med pa yang dag par rdzogs pa'i byang chub tu sems bskyed do/ / yongs su gtad pa'i le'u bdun pa rdzogs te/ 'phags pa blo gros rgya mtshos zhus pa phyed gong ma'o// / bam po drug pa/ de nas bcom ldan 'das la/ byang chub sems dpa' blo gros rgya mtshos 'di skad ces gsol to// bcom ldan 'das 'di lta ste/ lha dang mi'i phun sum tshogs pa myong bar bgyi ba dang / mya ngan las 'das pa'i phun sum tshogs pa bla na med pa thob par bgyi ba'i slad du/ ji tsam du theg pa chen po sems can thams cad la phan par bgyid par gyur pa ni ngo mtshar to/ / bcom ldan 'das theg pa chen po sdud par 'gyur ba'i chos rnams ni gang lags/ theg pa chen po la gces spras bgyid pa'i chos rnams ni gang lags/ theg pa chen po la dka' ba brgyad/ pa'i chos rnams ni gang lags/ theg pa chen po rten par 'gyur ba'i chos rnams ni gang lags/ bcom ldan 'das theg pa chen po'i bar chad du 'gyur ba'i chos rnams ni gang lags/ bcom ldan 'das/ ci'i slad du theg pa chen po la theg pa chen po zhes bgyi/ de skad ces gsol pa dang / bcom ldan 'das kyis/ byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho de'i phyir nyon cig dang / bstan par bya'o// blo gros rgya mtsho theg pa chen po sdud par 'gyur ba'i chos gcig ste/ chos gcig po gang zhes na/ 'di lta ste/ byang chub tu sems brjed par mi byed cing bag yod pa ste/ blo gros rgya mtsho 'di ni theg pa chen po sdud par 'gyur ba'i chos gcig go// blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ bya bar 'jug pa la zhugs shing rnam par smin pa la yid ches pa'o// gzhan yang chos gcig ste/ 'di lta ste/ rten pa'i chos dang mi 'ga' bar yang dag pa'i lta ba'o/ / gzhan yang chos gcig ste/ sdug pa dang mi sdug pa bsal te/ sems can thams cad la sems mnyam pa nyid do// gzhan yang chos gcig ste/ thams cad bskyab pa dang ldan pa'i byams pa chen po'o/ / gzhan yang chos gcig ste/ bdag bde ba la mi chags pa'i snying rje chen po'o// gzhan yang chos gcig ste/ sangs rgyas kyi sku 'dod pa'i sangs rgyas rjes su dran pa'o/ / gzhan yang chos gcig ste/ chos sgrub pa snying por byed pa'i chos rjes su dran pa'o// gzhan yang chos gcig ste/ phyir mi ldog pa'i dge 'dun dang ldan pa'i dge 'dun rjes su dran pa'o/ / gzhan yang chos gcig ste/ nyon mongs pa thams cad bsal ba'i gtong ba rjes su dran pa'o// gzhan yang chos gcig ste/ byang chub kyi sems ma brjed pa'i tshul khrims rjes su dran pa'o/ / gzhan yang chos gcig ste/ rnam par dag pa'i chos dang ldan pa'i lha rjes su dran pa'o// gzhan yang chos gcig ste/ phan pa dang / bde ba dang ldan pa'i phan par 'dod pa'o/ / gzhan yang chos gcig ste/ bsam pa brtan par gyur cing mos pa drag pa'o// gzhan yang chos gcig ste/ sems can thams cad rab tu thar par bya ba la mchog tu dga' ba'o/ / gzhan yang chos gcig ste/ chos zab mo las nges par 'byung ba'i dam pa'i chos yongs su tshol ba'o// gzhan yang chos gcig ste/ zang zing med pa'i sems kyis chos sbyin pa'o/ / gzhan yang chos gcig ste/ chos mnyan pa'i phyir lhags pa rnams la nad par 'du shes pa'o// gzhan yang chos gcig ste/ chos la sman du 'du shes pa'o// gzhan yang chos gcig ste/ bdag la sman par 'du shes pa'o// gzhan yang chos gcig ste/ dam pa'i chos yun ring du gnas par bya ba'i phyir kun tu srung ba'o// gzhan yang chos gcig ste/ dkon mchog gsum gyi rigs mi gcod pa'o// gzhan yang chos gcig ste/ mi rkam zhing ngan ngon gyis chog shes pa'o// gzhan yang chos gcig ste/ bdog pa thams// cad yongs su gtong ba la zhum pa med pa'o// gzhan yang chos gcig ste/ rang gi tshul khrims kyis tshul khrims 'chal pa'i sems can yongs su smin par byed pa'o// gzhan yang chos gcig ste/ nyes par byas pa la shar mi gnyer ba'i bzod pa'o// gzhan yang chos gcig ste/ legs par byas pa la lan glan pa'i blo'o// gzhan yang chos gcig ste/ byas pa mi gzo ba rnams la snying rje ba'i blo'o/ / gzhan yang chos gcig ste/ byas pa gzo ba rnams la rim gro bya ba'i blo'o// gzhan yang chos gcig ste/ mi shes pa rnams la nga rgyal med pa'o// gzhan yang chos gcig ste/ shes pa rnams kyis rjes su slob pa'o// gzhan yang chos gcig ste/ dge ba'i rtsa ba la lhag pa'i bsam pa'i sems mi 'dor ba'o// gzhan yang chos gcig ste/ mi dge ba'i sems kyi rjes su mi 'jug pa'o/ / gzhan yang chos gcig de/ tshul 'chos pa med cing kha gsag med pas smos pa gsum yongs su dag pa'o// gzhan yang chos gcig ste/ chos smra ba rnams la ston pa dang bla ma ltar 'phangs par rim gro byed pa'o/ / gzhan yang chos gcig ste/ 'jig rten rgyang phan pa dang ma 'dres pa legs par thos pa'i chos nyan pa'o// gzhan yang chos gcig ste/ dge ba'i rtsa ba yongs su sbyang ba yongs su dag nas/ 'khor ba na yongs su mi zlo ba'o// gzhan yang chos gcig ste/ de bzhin gshegs pa bzhugs pa rnams sam/ yongs su mya ngan las 'das pa rnams la mchod pa byed pas mi ngoms pa'o/ / gzhan yang chos gcig ste/ sems can thams cad kyis gsol ba ma btab par bshes gnyen bya'o// gzhan yang chos gcig ste/ dngos po thams cad la mi gnas shing / yongs su mi 'dzin mi chags pa'o// gzhan yang chos gcig ste/ khyim na gnas pa'i skyon rig nas rtag par rgyun tu rab tu 'byung ba la gzhol ba'o/ / gzhan yang chos gcig ste/ skyes bu dam pa'i las rnams la zhugs pa'o// gzhan yang chos gcig ste/ nges par bya ba la zhugs pa'i byang chub kyi lam gyi tshogs sogs pa'o// gzhan yang chos gcig ste/ theg pa chen po mtshungs par yang dag par zhugs pa rnams la zhe mi sdang ba'o// gzhan yang chos gcig ste/ byang chub kyi sems yang dag par 'dzin tu zhugs pa la yongs su mi skyo ba'o/ / gzhan yang chos gcig ste/ gsang ba'i sngags rnams kun tu srung bas rnam par 'phros par mi byed pa'o// gzhan yang chos gcig ste/ chos dang bzo yongs su btsal ba shes pa'o// gzhan yang chos gcig ste/ bden pa'i ngag la rab tu gnas pas chos mthong ba'o// gzhan yang chos gcig ste/ kha 'og tu lus 'khrus par byed pa'o// gzhan yang chos gcig ste/ 'gyod pa med/ pa'i sems kyis sbyin pa 'gyed pa'o// gzhan yang chos gcig ste/ bdud kyi las rnams rtogs nas yongs su spong ba'o// gzhan yang chos gcig ste/ nga rgyal dang bral ba'i ye shes kyi lags so// gzhan yang chos gcig ste/ shes kyi khe dang bral bar dgon pa na gnas pa'o// gzhan yang chos gcig ste/ lhag pa'i nga rgyal dang bral zhing bdag la mi stong/ gzhan la mi smod pa'o// gzhan yang chos gcig ste/ nyon mongs pa dang bral zhing / 'jig rten gyi rjes su 'thun pa'o// gzhan yang chos gcig ste/ 'tsho ba yongs su dag ste/ dben pa la dga' ba'o// gzhan yang chos gcig ste/ tshul bzhin la brtson pas nang du yang dag 'jog pa'o// gzhan yang chos gcig ste/ mang du thos nas sems nges par sems pa'o// gzhan yang chos gcig ste/ yang dag par rab tu brtson pa'o// rnal 'byor spyod pa'i sa'o// gzhan yang chos gcig ste/ stong pa nyid kyi spyod yul gyi chos la so sor rtog pa'o// gzhan yang chos gcig ste/ rnyed pa dang ma rnyed pas khengs pa med cing gdung ba med pa'o/ / gzhan yang chos gcig ste/ 'du 'dzis 'jigs shing skrag nas gcig pu dga' ba'o// gzhan yang chos gcig ste/ chos kyi rnyed pa gzhan dag dang kun tu 'gyed pa'o// gzhan yang chos gcig ste/ 'phags pa'i bden pa shes pa la mkhas pa'o// gzhan yang chos gcig ste/ shes pa thams cad la slob dpon dpe mkhyud med pa'o// gzhan yang chos gcig ste ma bsrabs pa rnams bslab pa la sbyor zhing mi brnyas pa'o/ / gzhan yang chos gcig ste/ rnyed pa dang ma rnyed pa rnams la las kyi rnam par smin pa la yid ches shing yongs su gdung ba med pa'o/ / gzhan yang chos gcig ste/ gus par byas te/ chos nyan pa rnams la chos ston pa'o// gzhan yang chos gcig ste/ sdug pa rnams la rjes su chags pa spangs nas/ sems can thams cad la sems mnyam pa nyid do// gzhan yang chos gcig ste/ chos smra ba rnams la g.yo med par legs so zhes bya ba sbyin pa'o// gzhan yang chos gcig ste/ cang shes kyi sems kyis sems can thams cad kyi khur khyer ba'o/ / gzhan yang chos gcig ste/ pha rol tu phyin pa rnams la sbyor ba yongs su tshol ba'o// gzhan yang chos gcig ste/ byang chub kyi lam gyi tshogs sogs pa'i brtson 'grus so/ / gzhan yang chos gcig ste/ dad pa'i rtsa ba brtan zhing mi g.yo ba'o// gzhan yang chos gcig ste/ yul 'khor gyi bsod snyoms don yod par yongs su spyod pa'o/ / gzhan yang chos gcig ste/ nor bdun yang dag par 'du bas dbul ba med pa'o// gzhan yang chos gcig ste/ snying po blangs pa'i srog gi dbang po'o// gzhan yang chos gcig ste/ thabs la mkhas pas sems can yongs su smin par byed pa'o// gzhan yang chos gcig ste/ chos kyi mchod sbyin pa'i bsdu ba'i dngos po'o// gzhan yang chos gcig ste/ rtsod pa med pa lhur len pa'i chos kyi gtam mo/ / gzhan yang chos gcig ste/ klan ka mi tshol ba'i sems kyis chos nyan pa'o// gzhan yang chos gcig ste/ dge sbyong gi dri ma dang bral ba'i dge sbyong nyid do// gzhan yang chos gcig ste/ 'dre ba med par grong dang / grong khyer dang / grong rdal du 'jug pa'o// gzhan yang chos gcig ste/ rang gi 'khrul pa las so sor rtog pas/ sems can thams cad kun tu srung ba'o/ / gzhan yang chos gcig ste/ 'jig rten gyi sna tshogs la btang snyoms su byed pa'o// gzhan yang chos gcig ste/ dge ba'i bshes gnyen rnams la mi slu ba'o/ / gzhan yang chos gcig ste/ rang gi sems yongs su dag pa sems can thams cad kyi sems yongs su dag par shes pa'o// gzhan yang chos gcig ste/ bcos ma ma yin pas bsam pa dag pa'o/ / gzhan yang chos gcig ste/ khyad par du 'gro bas lhag pa'i bsam pa dag pa'o// gzhan yang chos gcig ste/ legs par bya ba'i las byed pas sbyor ba dag pa'o/ / gzhan yang chos gcig ste/ bsod nams yongs su dag pas mtshan yongs su dag pa'o// gzhan yang chos gcig ste/ shes pa yongs su dag pas/ nyon mongs pa yongs su dag pa'o/ / gzhan yang chos gcig ste/ sems can thams cad yongs su dag pas zhing yongs su dag pa'o// gzhan yang chos gcig ste/ mtshan ma med pa la so sor brtags te/ yongs su bsngo ba la mkhas pa'o/ / gzhan yang chos gcig ste/ rjes su 'thun pa'i chos kyi bzod pa'o// gzhan yang chos gcig ste/ rnam par thar pa'i sgo gsum yongs su bsgoms nas nges par gyur pa la so sor rtog pa'o/ / gzhan yang chos gcig ste/ gnas med pa la gnas pas gnas bstan pa'o// gzhan yang chos gcig ste/ mngon par shes pas rnam par rtsen cing / zag pa zad pa shes pa la 'jug pa'o// gzhan yang chos gcig ste/ zhi gnas dang lhag mthong gis yongs su sbyang ba byas pa'i rig pa dang rnam par grol ba'o// gzhan yang chos gcig ste/ thabs kyis yang dag par zin pa'i shes rab bsgoms pa'o// gzhan yang chos gcig ste/ khams gsum gyi snying po thob pa byang chub kyi snying po'i rgyan no// gzhan yang chos gcig ste/ 'di lta ste/ chos thams cad mnyam pa nyid du mngon par rdzogs par khong du chud pas/ bla na med pa yang dag par rdzogs pa'i byang chub bo// blo gros rgya mtsho gzhan yang theg pa chen po sdud par 'gyur ba'i chos gcig ste/ chos gcig po gang zhe na/ 'di lta ste/ chos thams cad rang bzhin gyis ma skyes pa dang / ma byung bar rig nas/ mi skye ba'i chos la bzod pa thob pa ste/ bri gros rgya mtsho 'di ni theg pa chen po sdud par 'gyur ba'i chos gcig go// blo gros rgya mtsho chos de dag ni theg pa chen po sdud par 'gyur ba dang / 'dzin pa dang gnas pa thams cad 'dod par 'gyur ba dag go/ blo gros rgya mtsho gzhan yang theg pa chen po la gces spras byed pa'i chos gnyis te/ gnyis gang zhe na/ 'di lta ste/ sangs rgyas kyi chos rnams la mos pa dang / nyan thos dang rang sangs rgyas kyi chos na sral 'dod pa med pa ste/ blo gros rgya mtsho chos gnyis po de dag ni/ theg pa chen po la gces spras byed pa'o// blo gros rgya mtsho theg pa chen po la dka' ba byed pa'i chos gnyis te/ gnyis pa zhe na/ mos pas rnam par grol ba kun tu srung ba dang / rnam par grol ba de'i phyir chos ston pa ste/ blo gros rgya mtsho chos gnyis po de dag ni theg pa la dka' ba byed pa'o// blo gros rgya mtsho theg pa chen la gces spras byed pa'i chos gnyis te/ gnyis gang zhe na/ byang chub kyi sems las mi nyams pa dang / sems can la lta ba la brtan pa'o// dka' ba byed pa'i chos gnyis te/ byang chub kyi sems la sgyu ma lta bur so sor rtog pa dang / sems can thams cad la bdag med par so sor rtog pa'o// gces spras byed pa'i chos gnyis te/ bsam pa mi 'dor ba dang / sbyor ba bcos ma ma yin pa'o/ / dka' ba byed pa'i chos gnyis te/ rtsa ba yongs su dag pa'i bsam pa dang / byed pa med cing byed pa dang bral ba yang ma yin par bsod nams sog pa'o// gces spras byed pa'i chos gnyis te/ dge ba'i rtsa ba rnams la sbyor ba dang / sbyor ba yang nyams 'og tu chung bar byed pa'o// dka' ba byed pa'i chos gnyis te/ spros pa med par sbyor ba dang / sbyor ba nyams 'og tu chung par byed pas dben pa'o/ / gces spras byed pa'i chos gnyis te/ lhag pa'i bsam pas khyad par du 'gro ba dang / khyad par gyi khyad par du lhag par dmigs pa'o// dka' ba byed pa'i chos gnyis te/ bdag gis nyes pa mi byed pa dang / gzhan yang nyes pa las 'byin pa'o// gces spras byed pa'i chos gnyis te/ 'dog pa thams cad yongs su gtong ba dang / rnam par smin pa la mi re ba'o/ / dka' ba byed pa'i chos gnyis te/ mnyam pa'i sems gtong ba dang / yongs su bsngo ba la mkhas pa'o// gces spras byed pa'i chos gnyis te/ bslab pa ma nyams pa dang / skye bar smon pa med pa'o// dka' ba byed pa'i chos gnyis te/ tshul khrims 'chal pa rnams la cher snying rje ba dang / bdag la mi stod pa'o// gces spras byed pa'i chos gnyis te bzod cing nges pa dang / byang chub tu yongs su sngo ba'o// dka' ba byed pa'i chos gnyis te/ rjes su chags pa 'dor ba dang / rje bo la bzod pa sgom pa'o// gces spras byed pa'i chos gnyis te/ dge ba'i chos thams cad yongs su btsal bar rtsom pa'i brtson 'grus dang / dge ba'i rtsa ba la yid rang ba'o// dka' ba byed pa'i chos gnyis te/ lus dang sems dben pa dang / sems gnas pa yongs su thar par byed pa'o/ / gces spras byed pa'i chos gnyis te/ bsam gtan gyi yan lag yang dag par sdud pa dang / sems las su rung ba'o// dka' ba byed pa'i chos gnyis te/ bsam gtan las ldog pa shes pa dang / 'dod pa'i khams la smod pa'o// gces spras byed pa'i chos gnyis te/ chos don tu gnyer ba dang / chos 'dod pa'o// dka' ba byed pa'i chos gnyis te/ chos la so sor rtog pa dang / chos nges par sems pa'o// gces spras byed pa'i chos gnyis te/ dge ba'i bshes gnyen la bsten pa dang / bla ma la gus par brtan pa'o// dka' ba byed pa'i chos gnyis te/ gus pa dang / dka' blo bde ba'o// gces spras byed pa'i chos gnyis te/ dus dang dus ma yin par yongs su 'dri ba dang / don myong bar byed pa'o/ / dka' ba byed pa'i chos gnyis te/ don shes pa dang / chos shes pa'o// gces spras byed pa'i chos gnyis te/ thos pa'i nor gyi mi ngoms pa dang / thos pa'i shes rab kyis ngoms mi myong ba'o/ / dka' ba byed pa'i chos gnyis te/ tshul bzhin du chos la so sor rtog pa dang / tshul bzhin ma yin pa'i chos rnam par spong ba'o// gces spras byed pa'i chos gnyis te/ chos ston pa dang / chos nyan pa rnams la snying rje ba'o// dka' ba byed pa'i chos gnyis te/ slob dpon dpe mkhyud med pa dang / zang zing med pa'i sems kyis chos ston pa'o// gces spras byed pa'i chos gnyis te/ rna ba brags te nyan pa dang / thams cad du sems kyis sems pa'o// dka' ba byed pa'i chos gnyis te/ sgrib pa sel ba dang / byang chub kyi yan lag sgom pa'o// gcas spras byed pa'i chos gnyis te/ mchog tu dga' ba thob pa dang / dga' ba myong ba'o// dka' ba byed pa'i chos gnyis te/ rung ba rnams la chod shes pa dang / bdag shes pa la 'jug pa'o/ / gces spras byed pa'i chos gnyis te/ las kyi rnam par smin pa la yid ches pa dang / legs par bya ba'i las byed pa'o// dka' ba byed pa'i chos gnyis te/ las med cing rnam par smin pa med par mos pa dang / dge ba'i chos kyang rton pa'o// gces spras byed pa'i chos gnyis te/ tshig bden pa dang / 'phags pa'i skye bo la mi slu ba'o// dka' ba byed pa'i chos gnyis te/ ji skad smras pa de bzhin byed pa dang / sangs rgyas kyi tshul mi 'khrugs par byed pa'o// gces spras byed pa'i chos gnyis te/ lus yongs su dag pa dang / mi dge ba rnam gsum yongs su spong ba'o/ / dka' ba byed pa'i chos gnyis te/ lus gzugs brnyan lta bu dang / rtswa dang / rtsig pa dang / shing lta bur so sor rtog pa'o// gces spras byed pa'i chos gnyis te/ ngag yongs su dag pa dang / ngag gi skyon bzhi yongs su spong ba'o// dka' ba byed pa'i chos gnyis te/ chos brjod du med par khong du chud pa dang / sgra thams cad brag cha dang mtshungs par shes pa'o// gces sngas byed pa'i chos gnyis te/ sems yongs su dag pa dang / brnab sems dang / gnod sems dang / log par lta ba yongs su spong ba'o// dka' ba byed pa'i chos gnyis te/ nang nye bar zhi ba dang / phyi rol tu mi rgyu ba'o// gces spras byed pa'i chos gnyis te/ byabs pa bsgom pa dang / sems can thams cad la sems mnyam pa nyid do// dka' ba byed pa'i chos gnyis te/ nam mkha' ltar rnam par dag cing / dri ma med pa'i byams pa dang / sems can thams cad yongs su bsgrub pa'i phyir yongs su bsngo ba'o// gces spras byed pa'i chos gnyis te/ snying rje chen po mi 'dor ba dang / dge paba'i rtsa ba yongs su tshol ba la yongs su mi skyo ba'o/ / dka' ba byed pa'i chos gnyis te/ skye ba med par so sor rtog pa dang / nges par gyur pa kun tu srung ba'o// gces spras byed pa'i chos gnyis te/ chos la dga' bas dga' zhing mos pa dang / mi dga' ba spong ba'o// dka' ba byed pa'i ngos gnyis te/ mi smra ba'i brtul zhugs yongs su rdzogs par byed pa dang / brtul zhugs ma yin pa spyod pa'o// gces spras byed pa'i chos gnyis te/ rjes su chags pa 'dor ba dang / khong khro ba spong ba'o// dka' ba byed pa'i chos gnyis te/ btang snyoms bsgom pa dang / sems can la lta bas yongs su spags pa'o/ / gces spras byed pa'i chos gnyis te/ sangs rgyas rjes su dran pa bsgom pa dang / dran pa de la gnas par sems bskyed pa'o// dka' ba byed pa'i chos gnyis te/ chos kyi sku sgom pa dang mtshan gyi sku yang sgrub pa'o/ / gces spras byed pa'i chos gnyis te/ chos rjes su dran pa bsgom pa dang / sems can rnams kyang chos la sbyor ba'o// dka' ba byed pa'i chos gnyis te/ 'dod chags dang bral ba'i chos nyid la so sor rtog pa dang / 'dod chags pa la spyod pa'i sems can rnams la cher snying rje ba'o// gces sbas byed pa'i chos gnyis te/ byang chub sems dpa'i dge 'dun rjes su dran pa dang / phyir mi ldog pa'i dge 'dun la yang sten pa'o// dka' ba byed pa'i chos gnyis te/ 'dus ma byas la yang rtog pa dang / 'bras bu thob pa yang kun tu srung ba'o// gces spras byed pa'i chos gnyis te/ tshul khrims rjes su dran pa dang / byang chub kyi sems mi brjed pa'o// dka' ba byed pa'i chos gnyis te/ mngon par 'du byed pa med pa'i tshul khrims la so sor rtog pa dang / tshul khrims 'chal pa'i sems can sdud cing yongs su smin par byed pa'o// gces spras byed pa'i chos gnyis te/ gtong ba rjes su dran pa dang / 'gyod pa med par gtong ba'o// dka' ba byed pa'i chos gnyis te/ rang gi nyon mongs pa 'dor ba dang / sems can thams cad kyi nyon mongs pa spong ba ston pa'o// gces spras byed pa'i chos gnyis te/ lha rjes su dran pa dang / skye bar smon pa med pa'o/ / dka' ba byed pa'i chos gnyis te/ dran pa dang / shes bzhin dang / sems g.yeng ba rnams dran pa la 'god pa'o// gces spras byed pa'i chos gnyis te/ bsod nams kyi tshogs dang ye shes kyi tshogs so/ / dka' ba byed pa'i chos gnyis te/ mngon par 'du byed pa med pa'i ye shes dang / bsod nams kyi tshogs ma smad pa'o// gces spras byed pa'i chos gnyis te/ chags pa las shin tu 'da' ba dang / chags pas zhen pa yongs su 'grel pa'o// dka' ba byed pa'i chos gnyis te/ 'dun pa drag po dang / sgyu med cing g.yo med pa'o// gces spras byed pa'i chos gnyis te/ byas pa gzo ba dang / byas pa shes pa'o// dka' ba byed pa'i chos gnyis te/ 'dun pa'i 'dod chags pa spong ba dang / dge ba'i chos la 'dun pa mi 'dor ba'o// gces spras byed pa'i chos gnyis te/ sdig pa thams cad 'chags pa dang / sdig pa thams cad mi byed pa'o// dka' ba byed pa'i chos gnyis te/ 'gyod pa med pa dang / kun nas ldang ba med pa'o/ / gces spras byed pa'i chos gnyis te/ gzhan gyi bsod nams la rjes su yi rang ba dang / rang gi bsod nams kyis mi ngoms pa'o// dka' ba byed pa'i chos gnyis te/ sdig pa thams cad zad pa shes pa dang / bsod nams bsags pa shes pa'o// gces spras byed pa'i chos gnyis te/ sangs rgyas thams cad la gsol ba 'debs pa dang / chos thams cad yongs su 'dzin pa'o/ / dka' ba byed pa'i chos gnyis te/ chos kyi dbyings 'dres pa med pa dang / tshig rab tu dbye ba thams cad bstan pa shes pa'o// gces spras byed pa'i chos gnyis te/ yongs su bsngo ba la mkhas pa dang / sems can thams cad dang thun mong du yongs su bsngo ba'o// dka' ba byed pa'i chos gnyis te/ mtshan ma med pa 'dris par byed pa dang / mtshan ma thams cad rnam par 'jigs pa'o/ / gces smras byeng pa'i rgyas gnyis/ stong panyidu la rtog pa dang / sems can la yang lda 'o// pa' 'a byeng pa gnyis te/ shes rab kyi sgru ba med pa dang / thabs kyis lnga ba dang bcas pa'o// gces ldam byed pa'i chos gnyis te/ dge ba'i rtsa ba 'dod pa dang / dge ba'i rgya bu thams cad la sems ca thams cad spyo ba'o/ / dka' babyed pa'i chos gnyis te/ sbyo pa med bsgom pa dang / bsams bzhin du skye ba shes pa'o// gces rgyas byed pa'i rnam gam te/ del margyags mdza'o/ / byung chos gnyisate/ dargyal med pa dang / nges par// gces ldas byeng ba'i tsham gas te/ dben pa la gnas pa dang / dben pa'i man dku babyed padza ngas gnyis/ nang sa pa ba gnas pad+mang / sems can thams cad mas b+h+yo byur/ banasu sam byud ba rnam sa'ad brdung pa 'o/ de la rnam mam pa # sa ra 'am pa ga padang / gas kya 'phrul pa tshu mam bdag la mi stong pa dang / gzhan la mi smod pa'o// dka' ba byed pa'i chos gnyis te/ bdag la bdag med pa dang / sems can la sems can med pa'o// gces spras byed pa'i chos gnyis te/ rang gi byed pa dang / gzhan gyis skabs mi rnyed pa'o// dka' ba byed pa'i chos gnyis te/ 'khor ba las ldog pa dang / 'khor ba na sems can yongs su thar par byed pa'o// gces spras byed pa'i chos gnyis te/ pha rol tu phyin pa yongs su tshol ba dang / pha rol tu phyin pa yongs su btsal ba rnams la ji skad bstan pa bzhin du gnas pa'o// dka' ba byed pa'i chos gnyis te/ gzhan la rag ma las pa'i shes pa rab tu thob pa dang / gzhan dag kyang shes pa la rab tu sbyor ba'o// gces spras byed pa'i chos gnyis te/ thob pa dang / bkur sti dang / tshigs su bcad pa don du mi gnyer ba dang / dam pa'i chos yongs su btsal ba don tu gnyer ba'o/ / dka' ba byed pa'i chos gnyis te/ phan ma btags pa rnams la yang phan 'dogs pa dang / phan btags pa rnams la yang lhag par dga' ba med pa'o// gces spras byed pa'i chos gnyis te/ byams pa chen po thug pa med par byas pa dang / snying rje chen po yongs su chad pa med pa'o// dka' ba byed pa'i chos gnyis te/ rgal nas 'jug pa dang / ma rgal ba rnams sgrol ba'o/ / gces spras byed pa'i chos gnyis te/ sems can thams cad yon tan yang dag par 'dzin tu 'jug pa dang / yon tan med pa'i sems can rnams la cher snying rje ba'o// dka' ba byed pa'i chos gnyis te/ slar mi byed pa rnams la phyir byed pa dang / phyir byed pa rnams la yang rlom sems med pa'o// gces spras byed pa'i chos gnyis te/ lus la zhugs/ pa'i dran pa la gnas pa dang / lus yongs su dag pa la gnas pa'o// dka' ba byed pa'i chos gnyis te/ lus la lus kyi rjes su lta ba dang / lus dang lhan cig song ba'i rnam par rtog pas rnam par mi rtog pa'o/ / gces spras byed pa'i chos gnyis te/ tshor ba la zhugs pa'i dran pa la gnas pa dang / bde ba dang / sdug bsngal gyi tshor ba gnyis kyis mi phigs pa'o// dka' ba byed pa'i chos gnyis te/ tshor ba rnams la tshor ba'i rjes su lta ba dang / tshor ba dang lhan cig song ba'i rnam par rtog pas/ rnam par mi rtog pa'o// gces spras byed pa'i chos gnyis te/ sems la zhugs pa'i dran pa la gnas pa dang / sems yongs su dag pa la gnas pa'o// dka' ba byed pa'i chos gnyis te/ sems la sems kyi rjes su lta ba dang / sems dang lhan cig song ba'i rnam par rtog pas rnam par mi rtog pa'o/ / gces spras byed pa'i chos gnyis te/ chos la zhugs pa'i dran pa la gnas pa dang / chos rab tu rnam par 'byed pa shes pa'o// dka' ba byed pa'i chos gnyis te/ chos rnams la chos kyi rjes su lta ba dang / chos dang lhan cig song ba'i rnam par rtog pas rnam par mi rtog pa'o// gces spras byed pa'i chos gnyis te/ sdig pa mi dge ba'i chos skyes pa rnams spong ba dang / dge ba'i chos ma skyes pa rnams skyed pa'o// dka' ba byed pa'i chos gnyis te/ sdig pa mi dge ba'i chos ma skyes pa rnams mi skyed pa dang / dge ba'i chos skyes pa rnams kun tu bsrung ba'o/ / gces spras byed pa'i chos gnyis te/ 'dun pa dang / brtson 'grus dang / sems dang / dpyod pa'i rdzu 'phrul gyi rkang pa bsgoms pa dang / rdzu 'phrul gyis 'dul ba'i sems can rnams 'dul ba'o/ / dka' ba byed pa'i chos gnyis te/ mngon par 'du byed pa med pa'i rdzu 'phrul rab tu thob pa dang / chos kyi dbyings las ma g.yos par sangs rgyas kyi zhing thams cad du 'gro ba'o// gces spras byed pa'i chos gnyis te/ bdag nyid dad pa las mi g.yo ba dang / ma dad pa rnams kyang dad pa la sbyor ba'o// dka' ba byed pa'i chos gnyis te/ sems gsal ba dang / sems mi gsal ba rnams dang bar byed pa'o/ / gces spras byed pa'i chos gnyis te/ brtson 'grus kyi dbang po skyed pa dang / dran pa'i dbang mi g.yeng ba'o// dka' ba byed pa'i chos gnyis te/ shin tu rnam par phye bas rnam par 'byed pa'i brtson 'grus dang / stong pa nyid kyi rnam par shes pas mngon par bsgrubs pa'i dran pa'o// gces spras byed pa'i chos gnyis te/ ting nge 'dzin dang shes rab kyi dbang po'i tshogs yongs su tshol ba dang / tshogs yongs su tshol bas yongs su mi skyo ba'o// dka' ba byed pa'i chos gnyis te/ rgyu ba med pa shes pa dang / sems can yongs su smin par byed pa'i phyir yang rgyu ba'o// gces sbas byed pa'i chos gnyis te/ nyon mongs pa thams cad la tshul bzhin gyis so sor rtog pa dang / nyon mongs pa skyes pa dang / ma skyes pa rnams las 'byung ba yongs su tshol ba'o/ / dka' ba byed pa'i chos gnyis te/ nyon mongs pa med pas chos thams cad mi 'dre ba dang / sems can thams cad kyi nyon mongs pa spang ba'i phyir khams gsum du yang 'dre ba'o// gces spras byed pa'i chos gnyis te/ byang chub kyi yan lag bsgom pa'i brtson 'grus dang / byang chub kyi yan lag brtan pa'i lhag pa'i bsam pa'o// dka' ba byed pa'o chos gnyis te/ zad pa shes par mi ltung ba dang / mi skye ba shes pa la bzod pa'o// gces spras byed pa'i chos gnyis te/ lam bgrod pa la mkhas pa dang / lam mi bgrod pa la mkhas pa'o// dka' ba byed pa'i chos gnyis te/ lam gyis 'gro ba shes pa dang / lam rgyun mi 'chad par shes pa'o// gces spras byed pa'i chos gnyis te/ rten cing 'brel par 'byung ba'i rjes su 'thun pa dang / mthar lta ba gnyis ka yongs su spong ba'o/ / dka' ba byed pa'i chos gnyis te/ rgyu gang dang / rkyen gang gis sems can rnams kun nas nyon mongs par 'gyur ba dang / rgyu gang dang rkyen gang gis rnam par dag par 'gyur ba de shes pa'o/ / gces spras byed pa'i chos gnyis te/ bdud kyi las rtogs pa dang / bdud kyi las rnam par spong ba'o// dka' ba byed pa'i chos gnyis te/ bdud thams cad las shin tu 'da' ba dang / bdud thams cad mi mthong ba'o// gces spras byed pa'i chos gnyis te/ ma smras pa rnams smras par mi byed pa dang / smras pa rnams la bzod cing nges pa'o/ / dka' ba byed pa'i chos gnyis te/ gdod ma nas smras pa med pa dang / skad cig tu 'jig par so sor rtog pa'o// gces spras byed pa'i chos gnyis te/ sems dang po bskyed nas byang chub kyi snying po la lta ba dang / byang chub kyi snying po la bltas nas/ theg pa dman pa mi 'dod pa'o// dka' ba byed pa'i chos gnyis te/ sems dang po bskyed pa byang chub kyi snying po'i rgyu dang / rgyu las yang dag par byung ba'i dge ba'i sems bskyed pa rnams la mngon par zhen pa med pa'o/ / gces spras byed pa'i chos gnyis te/ 'khor ba'i rgyun byed pa'i kun tu sbyor ba rnams rnam par gcod pa dang / dge ba'i rtsa ba'i rgyun byed pa'i sems bskyed pa mi 'dor ba'o/ / dka' ba byed pa'i chos gnyis te/ yul na mi gnas/ phyogs na mi gnas pa'i dge ba'i rtsa ba rnams byang chub tu yongs su sngo ba dang / byang chub tu yongs su bsngos pa'i sems bskyed pa rnams sgyu ma'i chos su so sor rtog pa'o/ / gces spras byed pa'i chos gnyis te/ byang chub sems can gyi kha na las par yang dag par rjes su mthong ba dang / sems can rab tu thar pa byang chub kyi kha na las par yang dag par rjes su mthong ba'o/ / dka' ba byed pa'i chos gnyis te/ byang chub mnyam pa nyid pas sems can mnyam pa nyid du so sor rtog pa dang / sems can yongs su smin par bya ba'i phyir brtson 'grus mi 'dor ba'o/ / blo gros rgya mtsho theg pa chen po la gces sbas byed pa'i chos gnyis te/ gnyis gang zhe na/ dge ba'i chos thams cad bsags pa'i sems bskyed pa dang / sems can thams cad mya ngan las 'das pa'i lam la rab tu dgod pa'i phyir snying rje ba ste/ blo gros rgya mtsho chos de gnyis ni theg pa chen po la gces spras byed pa'o// blo gros rgya mtsho chos 'di gnyis ni theg pa chen po la dka' ba byed pa ste/ gnyis gang zhe na/ skye ba med pa las skye ba dang / 'byung ba med pa las 'byung ba ste/ blo gros rgya mtsho chos de gnyis ni/ theg pa chen po la dka' ba byed pa'o/ / blo gros rgya mtsho gzhan yang theg pa chen po rton par 'gyur ba'i chos gsum ste/ gsum gang zhe na/ 'di lta ste/ dge ba'i rtsa ba bstan nas byang chub tu sems bskyed pa dang / dge ba'i bshes gnyen gyis yongs su zin pas zhum pa med pa dang / snying rje chen po la rab tu gnas pas phyir mi ldog pa ste/ blo gros rgya mtsho chos gsum po de dag ni/ theg pa chen po ston par 'gyur ba'o/ / gzhan yang theg pa chen po ston par 'gyur ba'i chos gsum ste/ gsum gang zhe na/ tshogs yongs su tshol ba dang / tshogs la so sor rtog pa dang / tshogs la sems can sbyor ba ste/ gsum po de dag go/ / gzhan yang gsum ste/ gsum gang zhe na/ ser sna tshar gcod pa dang / gtong ba 'phel bar byed pa dang / byang chub tu yongs su sngo ba ste/ gsum po de dag go// gzhan yang gsum ste/ tshul khrims yang dag par 'dzin pa dang / tshul khrims 'chal pa'i sems can yongs su smin par byed pa dang / byang chub tu yongs su sngo ba'o// gzhan yang gsum ste/ khong khro med pa'i sems dang / sems can khros pa zhi bar byed pa dang / byang chub tu yongs su sngo ba'o// gzhan yang gsum ste/ brtson 'grus ma gong ba dang / sems can le lo can yongs su smin par byed pa dang / byang chub tu yongs su sngo ba'o/ / gzhan yang gsum ste/ bsam gtan skyed pa dang / bsam gtan de la chags pa dang / byang chub tu yongs su sngo ba'o// gzhan yang gsum ste/ thos pa yongs su tshol ba dang / thos pa la so sor rtog pa dang / byang chub tu yongs su sngo ba'o// gzhan yang gsum ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o/ / gzhan yang gsum ste/ rang gis byed pa'i snying rje dang / gzhan byed du 'jug pa'i snying rje dang / mtha' gnyis bsal ba'i snying rje chen po'o// gzhan yang gsum ste/ bdag pan pa'i shes pa yongs su tshol ba dang / gzhan la phan pa'i phyir shes pa yongs su tshol ba dang / gnyi ga'i don yongs su rdzogs par bya ba'i phyir brtson 'grus rtsom pa'o// gzhan yang gsum ste/ 'das ba la zad par shes pa dang / ma 'ongs pa la ma phyin par shes pa dang / da ltar byung ba la chos gnas pa med par shes pa'o// gzhan yang gsum ste/ nges pa'i sems can rnams la rab tu grol ba'i drub ba pa dang / mangs nga'i semasas nums par btur rtsal ba'i byams pa dang / ga pa nyid dungs pa'i sems ca rnams la brgyu pa chen po'i byams pa'o// gcam dang / gsum ste/ 'grogs na bde bas lus pas su rung ba dang / pha rol kun srung bas ngagastan pa dang / drang bas sems las su rung ba'o// gzhan yang gsum b+he/ mi sdug pa la yang gnas la 'dod chags la spyod pa'i sems can dang 'grogs pa la yang mi spong ba dang / byams pa la gnas pa la zhe sdang la spyod pa'i sems can dang / 'phrogs pa la yang mi spong ba dang / rten cing 'brel bar 'byung ba la yang rnam par dz+wa la/ gti mug la spyod pa'i sems can dang 'grogs pa la yang mi spyod pa'o// gzhan yang gsum ste/ legs par spyod pa'i byor phan pa dang / chog shes pa'i phyir ran pang phyis 'gyong ba med pa'i phyir bzod pa'o/ / gzhan yang gsum ste/ thos pa yongs su 'dzin pa dang / tshig dang yi ge rnams 'dzin pa dang / skal sngon gyi mtha' dang / phyi ma'i mtha' yongs su chad par shes pa'o/ / gzhan yang gsum ste/ nor bdun yang dag par 'du bas dbul ba med pa dang / chos kyi sbyin pa rnam par 'grel pas gtong ba chen po dang / zang zing kun tu 'gyed pas longs spyod che ba'o/ / gzhan yang gsum ste/ don dam par bden pas bden pa dang / mi srubs yang dag pa dang / de bzhin nyid pas de kho na'o// gzhan yang gsum ste/ bdag ci 'dra ba zhes bdag shes pa dang / gtam ci 'dra ba zhig bya zhes sems can shes pa dang / dus su gnas pas dus shes pa'o// gzhan yang gsum ste/ phung po rnams la chos kyi phung po dang mnyam pa nyid dang khams la chos kyi dbyings dang mnyam pa nyid dang / skye mched rnams la grong stong pa ltar so sor rtog pa'o// gzhan yang gsum ste/ rgyu'i 'bras bu chud mi gzon pa dang / rkyen rnams kyi 'phel pa la mkhas pa dang / tshogs nas phan tshun yang dag par 'du ba'o// gzhan yang gsum ste/ sangs rgyas dang mi 'gal ba dang / chos mi spong ba dang / dge 'dun la nga rgyal med cing bla mar gus par bsnyen bkur byed pa'o/ / gzhan yang gsum ste/ 'dod chags rab tu zhi ba dang / zhe sdang dang bral ba dang / gti mug yang dag par bcom pa'o// gzhan yang gsum ste/ kun rdzob gyi bden pa la 'jug pa dang / mtshan nyid kyi bden pa ston pa dang / don dam pa'i bden pa la gnas pa'o// gzhan yang gsum ste/ sems can rnams la brnyas pa med pa dang / sbyin gnas rnams rab tu 'dud pa dang / nyon mongs pa rnams su mi lhung ba'o// gzhan yang gsum ste/ 'dod pa'i khams kyis mi gos pa dang / gzugs kyi khams dang ma 'dres pa dang / gzugs med pa'i khams de la de ma chags pa'o// gzhan yang gsum ste/ ma rnyed pa dang / ma grags pa dang / smad pa dang / sdug bsngal rnams kyis sro shi ba med pa dang / rnyed pa dang / grags pa dang / bsngags pa dang / bde ba rnams kyis khengs pa med pa dang / 'jig rten gyi chos brgyad dang ma 'dres pas ri ltar mi g.yo ba'o// gzhan yang gsum ste/ dbang po rnams shin tu sbas pa dang / mdud pa rnams las shin tu rnam par grol ba dang / sems shin tu dul ba'o// gzhan yang gsum ste/ sa'i yon tan la gnas pa shes pa dang / sa'i nyes pa bzlog pa shes pa dang / sa nas sar 'phar bshes pa'o// gzhan yang gsum ste/ bsam pa gya nom pa la gnas pa dang / lhag pa'i bsam pa'i khyad par la gnas pa dang / sbyor ba rgyun mi 'chad par gnas pa'o/ / gzhan yang gsum ste/ ting nge 'dzin yongs su dag par bya ba'i phyir/ lhag pa'i tshul khrims la slob pa dang / shes rab yongs su rdzogs par bya ba'i phyir lhag pa'i sems la slob pa dang / rnam par grol ba yongs su rdzogs par bya ba'i phyir lhag pa'i shes rab la slob pa'o// gzhan yang gsum ste/ bde ba'i tshor ba la rjes su chags pa spong ba dang / sdug bsngal gyi tshor ba la khong khro ba spong ba dang / sdug bsngal yang med/ bde ba yang med pa'i tshor ba la ma rig pa spong ba'o// gzhan yang gsum ste/ mngon par 'du bya ba med pas rgyu las ldog pa dang / yongs su mi/ rtog pas nyon mongs pa las ldog pa dang / smon pa med pas khams gsum las ldog pa'o// gzhan yang gsum ste/ stong pa nyid kyang 'dris par byed la lta ba dang yang bral ba dang / mtshan ma med ba yang 'dris par byed la/ rnam par rtog pa yang nye bar zhi ba dang / smon pa med pa yang 'dris par byed la/ khams gsum yang 'gog pa'o// gzhan yang gsum ste/ mig stong pa nyid dang / gzugs dben pa nyid dang / mig gi rnam par shes pa gnas pa med pa'o// gzhan yang gsum ste/ rna ba stong pa nyid dang / sgra dben pa nyid dang / rna ba'i rnam par shes pa gnas pa med pa'o// gzhan yang gsum ste/ sna stong pa nyid dang / dri dben pa nyid dang / sna'i rnam par shes pa gnas pa med pa'o// gzhan yang gsum ste/ lce stong pa nyid dang / ro dben pa nyid dang / lce'i rnam par shes pa gnas pa med pa'o/ / gzhan yang gsum ste/ lus stong pa nyid dang / reg bya dben pa nyid dang / lus kyi rnam par shes pa gnas pa med pa'o// gzhan yang gsum ste/ yid stong pa nyid dang / chos dben pa nyid dang / yid kyi rnam par shes pa gnas pa med pa'o// gzhan yang gsum ste/ tshul khrims sbed pa dang / ting nge 'dzin kun tu srung ba dang / shes rab kyis rab tu rnam par 'byed pa shes pa'o/ / gzhan yang gsum ste/ dran pas dam pa'i chos kun tu 'dzin pa dang / blo gros kyi tshul bzhin du so sor rtog pa dang / rtogs pas don gyi rnam pa khong du chud pa'o/ / gzhan yang gsum ste/ nyan thos rnams la 'phags pa'i bden pa'i sgra'i rjes su zhugs pas rnam par grol ba'i tshul ston pa dang / rang sangs rgyas rnams la rten cing 'brel par 'byung ba la rtse gcig tu bya bas/ rnam par grol ba'i tshul ston pa dang / byang chub sems dpa' rnams la pha rol tu phyin pa drug la spyad pas/ rnam par grol ba'i tshul ston/ pa'o// gzhan yang gsum ste/ gtong ba dang / gtong ba chen po dang / shin tu gtong ba'o// de la gtong ba ni rin po che thams cad yongs su gtong ba'o// gtong ba chen po ni chung ma dang bu dang / bu mo yongs su gtong ba'o// shin tu gtong ba ni lag pa dang / rkang pa dang / mig dang / mgo yongs su gtong ba'o// gzhan yang gsum ste/ dam pa'i chos yongs su 'dzin pa dang / chos smra ba yongs su 'dzin pa dang / theg pa chen po yongs su 'dzin pa'o// gzhan yang gsum ste/ 'khor ba rgyun mi gcod pa dang / 'khor ba'i skyon khong du chud pa dang / 'khor ba'i skyon yongs su spong ba'o// gzhan yang gsum ste/ sgrib pa dang bral ba'i sems kyis chos nyan pa dang / kun nas ldang ba med pa'i sems kyis nang du yang dag 'jog pa dang / 'byung ba'i sems kyis yang dag par bsgrub pa'o/ / gzhan yang gsum ste/ don la rton pa'i thos pa dang / ye shes la rton pa'i so sor rtog pa dang / chos la rton pa'i rnam par grol ba'o// gzhan yang gsum ste/ mang du thos te dgon pa na gnas pa dang / dgon pa na gnas te tshul bzhin yid la byed pa dang / tshul bzhin yid la byed pa la rab tu brtson te/ chos thams cad rjes su rtogs pa'o/ / gzhan yang gsum ste/ mkhas pa rnams la bsnyen bkur byed pa dang / mang du thos pa rnams la 'dri ba dang / bsam gtan pa rnams kun tu srung ba'o// gzhan yang gsum ste/ zang zing // med pa'i sems kyis chos sbyin pa dang / chos nyan pa rnams la byams pa nye bar sgrub pa dang / thams cad mkhyen pa'i sems mngon du byed pa'i las so// gzhan yang gsum ste/ sems mnyam pa nyid pas sems can mnyam pa nyid dang / tha dad pa med pa nyid pas chos mnyam pa nyid dang / ye shes mnyam pa nyid pas sangs rgyas mnyam pa nyid do// gzhan yang gsum ste/ ye shes kyi/ dus gsum mnyam pa nyid dang / blos rnam par thar pa gsum mnyam pa nyid dang / yongs su shes pas khams gsum mnyam pa nyid do// gzhan yang gsum ste/ 'du byed thams cad la mi rtag pa dang / sdug bsngal bar so sor rtog pa dang / chos thams cad la bdag med par so sor rtog pa dang / mya ngan las 'das pa la zhi bar rtog pa'o// gzhan yang gsum ste/ nyams 'og tu chud par byed pas dam bcas pa snying po nyid dang / nan tan byed pas thos pa snying po nyid dang / shes rab kyis ting nge 'dzin snying po nyid do// gzhan yang gsum ste/ ltung ba mi 'chab pa dang / sdig pa rnam par 'byed pa dang / phyin chad sdom par byed pa'o// gzhan yang gsum ste/ 'gyod pa dang bral ba dang / kun nas ldang ba dang bral ba dang / the tsom dang bral pa'o/ / gzhan yang gsum ste/ dgon pa la gnas pa dang / rab tu dben pa la dga' ba dang / dge ba'i chos 'dod pa'o// gzhan yang gsum ste/ zab mo'i chos la bzod pa dang / chos sna tshogs ston pa dang / spobs pa kun tu 'gro ba'o// gzhan yang gsum ste/ thos pa rnam par nges pa'i gzungs dang / sangs rgyas kyis byin gyis brlabs pa'i spobs pa dang / lhas yongs su bzung ba'i chos kyi gtam mo// gzhan yang gsum ste/ sa lta bu'i sems dang po skyed pa dang / spyod pa thams cad nyams 'og tu chud par byed pa'i dpyod pa dang / 'brel pa dang 'du shes thams cad log pa'i phyir ldog pa'i sa'o// gzhan yang gsum ste/ sgra'i rjes su 'gro ba'i bzod pa yongs su rdzogs pa byed pa dang / bsam pa las byung ba'i bzod pa 'phro ba med pa dang / mi skye ba'i chos la bzod pa thob pa'o// blo gros rgya mtsho gzhan yang theg pa chen po rton par 'gyur ba'i chos gsum ste/ gsum gang zhe na/ thabs dang shes rab dang rab tu ldan pa'i lam bsgom pa dang / byams pa chen po dang / snying rje chen po dang rab tu ldan par sems can yongs su smin par byed pa dang / brtson 'grus dang bag yod pa dang rab tu ldan par dam pa'i chos yongs su 'dzin pa ste/ blo gros rgya mtsho chos gsum po de dag ni/ theg pa chen po rton par 'gyur ba'o// bam po bdun pa/ blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ nyes par thos pa nyan pa ste/ 'di ltar 'jig rten rgyang phan pa'i gsang tshig yongs su tshol ba dang // pha rol tu phyin pa drug dang / byang chub sems dpa'i sde snod kyi chos kyi rnam grangs mi nyan pa dang / bdud kyi las kun nas langs pas mngon pa'i nga rgyal byed pa dang / chos kyi sgrib pa kun nas langs nas chos spong ba ste/ / dro gros rgya mtsho chos bzhi po de dag ni theg pa chen po'i bar chad du 'gyur ba'o// gzhan yang bzhi ste/ chags pa dang / zhe sdang dang / gti mug dang / nyon mongs pa rgyas nas chos kyi yon tan don tu mi gnyer ba'o/ / gzhan yang bzhi ste/ pha rol gyi rnyed pa rnams la phrag dog byed pa dang / chos ston pa rnams la g.yos sten pa dang / gzings pa'i blo sgyus nye bar spyod pa dang / slu bas sems mi brtan pa'o// gzhan yang bzhi ste/ dge ba'i bshes gnyen la sdig pa'i grogs por 'du shes pa dang / sdig pa'i grogs po la dge ba'i bshes gnyen du 'du shes pa dang chos ma yin pa la chos su 'du shes pa dang / chos la chos ma yin par 'du shes pa'o// gzhan yang bzhi ste/ ser sna'i dri ma can gyi sems dang / slong ba rnams la gnod pa dang / tha ba can gyi sems dang / byin nas 'gyod pa'i sems dang / thams cad mkhyen pa'i sems la mi phyogs pa'o// gzhan yang bzhi ste/ 'dun pas sbyin pa dang / zhe sdang gis sbyin pa dang / gti mug gis sbyin pa dang / 'jigs pas sbyin pa'o// gzhan yang bzhi ste/ brjod pas sbyin pa dang / grags pas sbyin pa dang / sgras sbyin pa dang / tshigs su bcad pas sbyin pa'o/ / gzhan yang bzhi ste/ ngor lta ba'i sbyin pa dang / skabs cung zad kyi phyir sbyin pa dang / brnyas thabs su sbyin pa dang / rang gi lag nas sbyin pa ma yin pa'o// gzhan yang bzhi stengan pa sbyin pa dang / mi bsod pa sbyin pa dang / gus par ma byas pas sbyin pa dang / mngon pa'i nga rgyal gyis sbyin pa'o// gzhan yang bzhi ste/ mtshon cha sbyin pa dang / dug sbyin pa dang / rung ba ma yin pa sbyin pa dang / mi chog par sbyin pa'o// gzhan yang bzhi ste/ tshul khrims dang ldan pa rnams la zhe sdang ba dang / tshul khrims 'chal ba rnams la gnod pa dang / tha ba'i sems dang ldan pa dang / bdag nyid lhod pa dang / tshul khrims sdom pa'i gtam la gsad pa lta bur 'du shes pa'o// gzhan yang bzhi ste/ yang ba'i rnyed pa yongs su tshol ba dang / chos kyi rnyed pa kun du 'gyed par mi byed pa dang / gzhan gyi 'thob pa gcod pa dang / rang gi 'thob pas chog mi shes pa'o// gzhan yang bzhi ste/ spyod lam gyis lus tshul 'chos pa dang / log par smra bas ngag tshul 'chos pa dang / sdig pa 'chos pa dang / sdig pa 'dod pas sems tshul 'chos pa dang / 'tsho ba yongs su ma dag pas thams cad tshul 'chos pa'o// gzhan yang bzhi ste/ theg pa mtshungs pa la yang dag par zhugs pa rnams la zhe sdang ba dang / bdud kyi las khong du ma chud pas mngon pa'i nga rgyal can dang / de dag gi bsngags pa ma yin pa brjod pa dang / de dag gi bsngags pa dang / yon tan gyis yid mi bde bar 'gyur ba'o// gzhan yang bzhi ste/ nga rgyal gyis khengs nas chos rnams la rim gro med pa dang / chos smra ba rnams la mi gus pa dang pha ma dang / slob dpon dang / mkhan po rnams la mi 'dud pa dang / lus dang / sems rtsub pas rtag par rgyun mi mthun par gnas pa'o// gzhan yang bzhi ste/ bdag gi yon tan brjod pa dang / gzhan gyi yon tan log par brjod pa dang / nga'o snyam pa'i nga rgyal 'bar ba dang / khro ba brtan pa'o// gzhan yang bzhi ste/ le lo dang / snyoms las dang / bka' blo mi bde ba dang / 'thun par mi 'dzin pa'o// gzhan yang bzhi ste/ ma dul ba dang / ma zhi ba dang / ma sbas pa dang / ma btul ba'o// gzhan yang bzhi ste/ thos pa nyung ngus grong dang / grong khyer dang / grong rdal du 'jug pa dang / tshul khrims kyi phung po la mi gnas par rnyed pa dang / bkur sti dang / tshigs su bcad pa 'dod pa dang / dbang po rnams kyi sgo ma srungs par bud med la lta ba dang / mnyam par ma gzhag pa'i sems kyis sems can gyi dbang po la 'jug pa'o/ / gzhan yang bzhi ste/ bsdu ba'i dngos dngos po la mi brtson pa dang / sems can yongs su smin par bya ba la g.yel ba dang / chos spong gi las kun tu mi srung ba dang / chos smra ba'i gang zag rnams la gnod par byed pa'o// gzhan yang bzhi ste/ gti mug gis 'dod pa che ba dang / zhe sdang // gis sdig pa 'dod pa dang / 'dod chags kyis mchog mi shes pa dang / chags pas ngoms mi myong ba'o// gzhan yang bzhi ste/ ma dad pa mi mthun pa dang / sdig pa'i grogs po dang sten pas sdig pa la mi smod pa dang / le los dge ba'i chos yongs su 'grib pa dang / bag med pas dge ba'i rtsa ba byas pa rab tu 'jig pa'o// gzhan yang bzhi ste/ nang du so sor mi rtog pas ngo tsha med pa dang / sangs rgyas la mi rtog pas khrel med pa dang / mtshams med pa dang mtshungs pas byas pa mi gzo ba dang / re bas byas nas mi 'jigs pa'o// gzhan yang bzhi ste/ gnod sems dang / khong khro ba dang / khon tu 'dzin pa dang / rnam par 'tshe ba'o// gzhan yang bzhi ste/ 'phags pa rnams la slu ba dang / 'phags pa ma yin pa rnams rjes su mi srung ba dang / sbyin pa po rnams la brnyas pa dang / sbyin gnas rnams la khyad du gsod pa'o// gzhan yang bzhi ste/ lus kyi las yongs su ma dag pa dang / ngag gi las kun tu mi srung ba dang / sems kyi las zhum pa dang / theg pa chen po la sgyid lug pa'o// gzhan yang bzhi ste/ 'dum pa rnams la dben byed pa dang / slob dpon dang / mkhan po rnams la tshig brlang ba dang / dgos pa don tu gnyer ba rnams la chog kyal pa smra ba dang / lha dang mi rnams la slu ba'o// gzhan yang bzhi ste/ tshul khrims kyi phung po kun tu mi srung ba dang / 'jig rten pha rol la log par brjod pa dang / dge ba'i rtsa ba rnams 'jig pa dang tshogs bsags pa rab tu 'jig pa'o/ / gzhan yang bzhi ste/ rgod pa'i 'khor dang / khengs shing 'dus pa la chags pa dang / mu tshor smra bas lhung bar shin tu 'da' ba dang / tshol ba'i tshig gis 'jig rten pa'i gsang tshig brjod pa'o/ / gzhan yang bzhi ste/ mi brtson par dgon pa la gnas pa dang / khong khro ba mang la 'dre zhing gnas pa dang / dge ba'i rtsa ba ma bskyed par bsod nams// dang ldan par 'du shes pa dang / byang chub sems dpa'i ming gis thob pas 'tsho ba'o// gzhan yang bzhi ste/ cang shes med pa'i sems dang / chu rgod kyi sems dang / ma dul ba'i sems dang / sems can rnams la mi snyoms pa'i sems so// gzhan yang bzhi ste/ tshul khrims kyis dregs pa dang / mang du thos pas dregs pa dang / dgon pa la gnas pas dregs pa dang / sbyangs pa'i yon tan yo byad baspungs pas dregs pa'o/ / gzhan yang bzhi ste/ bdag la brnyas pa dang / chos la brnyas pa dang / dge ba'i rtsa ba chung ngu la brnyas te/ byang chub tu yongs su mi sngo ba dang / skabs skabs su nyan thos dang / rang sangs rgyas kyi theg pa 'dod pa'o// gzhan yang bzhi ste/ lus de la chags pa dang / sems de la chags pa dang / tshul khrims dang / thos pa de la chags pa dang / khyad par du mi 'gro ba'o// gzhan yang bzhi ste/ mdza' bo'i khyim dang / slong ba ster ba'i khyim yongs su 'dzin pa dang / rnyed pa dang bkur bsti yongs su btsal bar bya ba'i phyir/ 'chal ba'i tshul khrims yongs su 'dzin pa dang / gnas yongs su 'dzin pa dang / tshul khrims dang ldan pa la zhe sdang bas yang ba'i bya bas bcings pa'o// gzhan yang bzhi ste/ bya ba mang ba dang / rnyed pa mang ba dang / smra ba mang ba dang / bshes pa mang ba'o// gzhan yang bzhi ste/ bdag la mngon par zhen pas bdag tu lta ba dang / sems can la mngon par zhen pas sems can du lta ba dang / bya ba ma yin pa la mngon par zhen pas chad par lta ba dang / srog de dang / lus de la mngon par zhen pas rtag par lta ba'o// gzhan yang bzhi ste/ rtsom pa rgyun gcod pa dang / rgyun chad pas yang dag par rab tu mi 'dzin pa dang / yang dag par rab tu ma bzung bas yongs su skyo ba dang / yongs su skyo bas ldog cing 'jig pa'o// gzhan yang bzhi ste/ sa nas sar 'phar ba la brnyas pa dang / bsam gtan las bzlog pa la mi mkhas pa dang / sems can la mi lta bar shes rab kyis rnam par dpyod pa dang / dmigs pa can du gyur la thabs la khas 'che ba'o// blo gros rgya mtsho gzhan yang theg pa chen po'i bar chad du 'gyur ba'i chos bzhi ste/ bzhi gang zhe na/ chos kyi slob pa kun nas langs pas dman pa dang / las kyi sgrib pa kun nas langs pas dge ba'i rtsa ba rnams la mi brtson pa dang / nyon mongs pa'i sgribs pa kun nas langs pas/ phung po gsum gyi rjes su mi 'jug pa dang / bdud kyi las kun nas langs pas/ byang chub kyi sems brjed pa ste/ blo gros rgya mtsho chos bzhi po de dag ni/ theg pa chen po'i bar chad du 'gyur ba'o// bcom ldan 'das kyis theg pa chen po sdud pa 'di bshad pa na/ lha dang mi'i skye dgu'i srog chags bzhi khri bzhi stong gis/ bla na med pa yang dag par rdzogs pa'i byang chub tu sems bskyed do/ / byang chub sems dpa' nyi khri brgyad stong gis mi skye ba'i chos la bzod pa thob par gyur to// stong gsum gyi stong chen po'i 'jig rten gyi khams 'di yang rnam pa drug tu g.yos te/ snang ba chen pos kyang 'jig rten gsal bar gyur to// steng gi bar snang la 'khod pa'i lha'i bu brgyad stong dag kyang a la la zhes ca co dang gzha'i sgra phyung ste/ me tog dag gi char yang rab tu phab/ sil snyan dang / klu dbyangs kyang byas te/ kye ma'o 'di ni chos kyi gter chen po ste/ de bzhin gshegs pas phya ba thugs rje chen po la gnas/ sems can thams cad la yang dag par rab tu bstan pa'o/ / bcom ldan 'das de la chos rin po che'i gter chen po 'di las gang gis tha na chung zad tsam zhig yongs su 'dzin pa de dag thams cad kyang ngan 'gro rnam par ltung ba'i 'jigs pa rnams las yongs su thar bar 'gyur/ rim gyis chos kyi 'khor lo rin po che dran med pa rab tu bskor bar 'gyur ro// 'di lta ste dper na/ bcom ldan 'das skyes bu gang la la zhig gis grong ngam/ grong khyer ram/ grong rdal dang ha cang yang mi ring bzhig na/ gter chen po rin po che thams cad kyis yongs su bltams pa bas mtshal ba zhig mthong / ste/ skyes bu de yang phan pa'i dngos po phun sum tshogs par 'gyur la/ des gter chen po de mthong nas kyang grong ngam/ grong khyer ram/ grong rdal du mchis te/ skye bo'i tshogs phal po che la bsgo'o/ / snyam du bsams nas/ skyes bu khyed tshur sheg/ khyed kyi nang nas su la rin po che dgos pa ngas gter chen po zad mi shes pa de bstan par bya'o zhes bgyis pa dang / bcom ldan 'das de'i nang nas kha cig ni de la dad par gyur/ kha cig ni dad par ma gyur la/ de'i nang nas gang dag dad par gyur pa de dag gter chen po'i gan du mchis te/ kha cig ni stobs ji tsam pa de snyed kyi rin po che rnams 'tshal te mchis/ kha cig ni ji ltar rtogs pa de 'dra ba'i rin po che 'tshal te mchis kyang / gter chen po de bas par mi 'gyur zhing / 'di dag la ni stsal to// 'di dag la ni mi stsal to// 'di dag ni 'tshal kyang rung / 'di dag ni 'tshal du mi rung ngo snyam du yongs su mi rtog go// de ci'i slad du zhe na/ bcom ldan 'das gter chen po de rnams par mi rtog pa'i slad du'o/ / de bzhin du bcom ldan 'das kyis bskal pa bye ba khrag khrig brgya stong phrag grangs ma mchis par/ chos rin po che'i gter chen po bla na ma mchis pa 'di bsgrubs so// bsgrubs nas kyang byang chub kyi snying por mngon par rdzogs par sangs rgyas so// mngon par rdzogs par sangs rgyas nas kyang / grong khyer wA ra NA si drang srong lhung bar chos kyi 'khor lo rin po cheche po rab tu bskor to/ / da ltar yang bcom ldan 'das kyis 'dir 'dus pa chen po'i le'u'i chos kyi rnam grangs chos rin po che'i gter chen po bla na ma mchis pa 'di phye ste/ bcom ldan 'das kyis bsri ba mi mnga' ba'i thugs kyis/ sems can thams cad la thugs rje chen po'i thugs bskyed de/ phan pa'i dngos po yang dag par bskyed nas/ tshangs pa'i sgra dbyangs kyis go bar mdzad pa'i gsung gis lha dang mi dang lha ma yin du bcas pa'i 'jig rten la tshur sheg/ chos rin po che'i gter bla na med pa skye ba dang / rga ba dang / na ba dang / 'chi ba mthar 'byin pa zad mi shes pa bde ba thams cad sbyin pa 'di long shig ces go bar mdzad pa de la/ bcom ldan 'das skyes bu gti mug can ma dad pa kha cig ni ma mos/ blo ba mi ches mi rtog cing dang bar mi bgyid do// dad pa rtog pa'i rang bzhin can kha cig ni mos shing gro ba ches rtog cing dad par bgyid de/ / de dag gos de bzhin gshegs pa'i chos rin po che'i gter chen po las ci nus ci 'os su chos rin po che len cing / theg pa la ji ltar mos pa bzhin du rnam par 'grel te/ kha cig ni nyan thos nyid kyi slad du/ kha cig ni rang sangs rgyas nyid kyi slad du/ kha cig gi ni bla na med pa yang dag par rdzogs pa'i byang chub kyi slad du zhugs kyang / de bzhin gshegs pa'i chos rin po che'i gter chen po 'phye dran ma mchis pa ni yongs su bas par mi 'gyur zhing yongs su mi rtog go// bcom ldan 'das de la gang gis de bzhin gshegs pa'i chos rin po che'i gter chen po 'di ltar rab tu btang ba'i da ltar rnam par phye ba 'di las/ tha na gang cung zad tsam yang mi 'dzin pa de dag rin po che las yongs su nyams shing / rin po che las slang rol tu gyur te/ yun ring por ngan song gsum po dag la dga' bar 'gyur ro// bcom ldan 'das gang dag chos rin po che'i gter chen po 'di las tha na tshig bzhi pa'i tshogs su bcad pa tsam 'dzin pa de dag kyang 'phags pa'i nor dang ldan te/ dbul po ma lags na/ gang 'dus pa chen po'i le'u'i chos kyi rnam grangs 'di las tha na le'u gcig tsam 'dzin tam/ gnyis sam/ gsum mam/ bzhi'am/ lnga 'am/ bcu 'am/ nyi shu'am/ sum cu 'am/ bzhi bcu 'am/ lnga bcu'am/ drug cu 'am/ bdun cu 'am/ mtha' dag rdzogs par 'dzin pa lta smos kyang ci 'tshal te/ skyes bu dam pa de dag gi bsod nams kyi mtha' rtogs par mi nus so/ / bcom ldan 'das byang chub kyi sems dang ma bral ba/ sems can thams cad la snying rje chen pos rab tu non pa gang dag chos kyi sgo'i le'u 'di 'dzin pa dang / 'chang ba dang / klog pa dang / kun chub par bgyid pa dang / gzhan dag la yang rgya cher yang dag par rab tu ston pa de dag bla na med pa yang dag par rdzogs pa'i byang chub tu lung bstan pa dang / de dag bdud choms pa dang / de dag theg pa chen po 'di la mngon par shes pa thob par rig par bgyi'o// zhes ched du rjod pa ched du brjod do// de nas bcom ldan 'das kyis lha'i bu de dag la legs so zhes bya ba byin te/ lha'i bu dag tshig 'di legs par smras pa legs so legs so// gang dag chos kyi sgo'i le'u 'di nyan pa dang / thos nas kyang mos pa dang / mos nas kyang len pa dang / 'dzin pa dang / klog pa dang / kun chub par byed pa dang / de bzhin nyid du sgrub pa'i skyes bu dam pa de dag byang chub kyi snying po la gzhol bar lta/ de dag yon tan thams cad la gnas par blta/ de dag thams cad mkhyen pa'i gtsug tu phyin pa dang / 'jig rten gnas pa long ba la shes rab kyi smon pa byed pa dag tu blta ste/ de dag ring por mi thogs par bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / de ci'i phyir zhe na/ 'di lta ste/ de dag theg pa chen po'i theg pa la zhon pa'i phyir ro// de nas de'i tshe bcom ldan 'das kyis tshigs su bcad pa 'di dag gsungs so/ / sangs rgyas theg pa chen po'i theg 'di khyad par 'phags// nam mkha'i dkyil dang 'dra ste 'jig rten kun las 'das// srid pa gsum las 'das nas byang chub snying por 'gro/ / chags pa med de chags pa kun las shin tu 'das// sprin dang dul dang zhi dang tshul bzhin bsam pa yis// bskal pa bye bar rgya chen las byung bsags par brjod/ / tshul khrims kyis ni sdig bsal lus dang ngag sems dag/ srid pa thams cad bor nas byang chub snying por 'gro// mnyam zhing rjes su mnyam sems sems/ can kun skabs 'byed// de las gzhan pa'i theg dman ji snyed zil gyis gnon// gang dag rdzu 'phrul rkang gis ri ra ba rgyal mtshan mtho// theg pa chen por 'gro zhing sems can tshim par byed// thos dang 'dul bar ldan zhing bsam gtan tshul khrims ldan// bzod stobs rab tu thob cing shes rab dbang bskur ba// pha rol tshogs rnams bcom zhing bdud kyi sde spangs nas// chags med theg pa che dang byang chub snying por 'gro/ / byams pa'i go cha'i chos kyis dgra yis thub par dka'// chos dang ldan nas snying rje chen por rim gyis 'gro// bsam gtan rdzu 'phrul rkang dang tshad med bzhon pa ste/ lam de mi 'dor kha lo sgyur ba byang chub sems// phyogs bcu mtha' yas sems can khams rnams ji snyed pa// theg pa chen po 'di la skyon pa thams cad ni// gnod pa med cing 'grib pa med la gang ba med/ / bde bar gshegs kyi theg pa'i cho 'phrul 'di 'dra'o// dran gnas yang dag sbyor dang spong ba bzhi dag dang / rdzu 'phrul rkang pa bzhi dang dbang po stobs rnams dang / rgyal bas bsngags pa'i byang chub yan lag rin chen bdun// lam gyis 'gro bar ldan pa byang chub snying por 'gro// zhi gnas nyon mongs zhi zhing chos la snang bar gyur/ rdul dang mun pa bsal nas srid pa gsum na mdzes// brgya byin dang ni tshangs pas spyi bos phyag byas te// legs so mtshungs med theg 'dir kun gyis gzhon par bgyi// pha rol phyin pa gang dag sbyin tshul bzod pa dang / / brtson 'grus bsam gtan shes rab ye shes mngon par shes// de bzhin thabs dang bsdu ba pa snying po ldan pa ste// bdud rnams brgya stong gis kyang gdul phyir thub pa med/ / sems can gang dag tshul ngan sdig las brtson pa dang / byang chub sems dpa' gang dag yon tan brgyas 'phags dang / gang dag byang chub sems kyi sems rgya cher gyur pa/ kun kyang theg pa mchog la zhugs nas mnyam par mthong / gang dag sna tshogs bsngags dang 'jig rten don ldan dang / gang dag dge chos yang dag 'jig rten 'das gyur pa// slob dang mi slob gang dag rang rgyal rnams kyi dang / sgo der sangs rgyas theg pa chen po'i bdag nyid zhugs// gang dag nyon mongs rnam mang sna tshogs sems ldan dang / sdug bsngal sems can gang dag 'dus byas 'khor gyur pa/ de dag shin tu rab tu zhi bar byed cing 'gro// byang chub sems dpa' theg pa mchog la gnas nas ston// le lo can gyi mi gang nyam nyung mthu zhan la/ sems can sdug bsngal zad par bya phyir sems mi skyed/ / bdag bde tshol gyi sems can don la mi brtson pa// de dag theg pa mchog thos nas ni sems skrag 'gyur// byang chub sems dpa' mkhas gsal bdag nyid chen po gang / / brtson 'grus stobs ldan rtag tu sems can don brtson la// snying rje che dang ldan zhing bsam pa dag gyur pa// de dag rab tu dga' ba'i sems kyis theg mchog zhon/ / theg pa mchog rab gya nom gtso bo 'dir gnas te// 'jig rten kun gyi spyod pa mtha' yas ji snyed dang // dbang po tha ma 'bring dang rab dang bsam pa rnams// spyod kun byang chub sems dpa' skad cig tsam la shes/ / rlabs po che mi theg pa mchog 'dir gnas nas ni// de yi lus kyi yan lag mtshan gyis brgyan par 'gyur// tshig snyan yid du 'ong zhing 'jog rten kun tshim byed/ / sems yid rnam dag bsam gtan mngon shes ldan par 'gyur// 'di las rgyal ba rnams kyis sangs rgyas tshul mi 'chad// 'di las chos tshul gya nom tshul yang rab tu 'bar// 'di las 'gro ba'i sbyin gnas dge 'dun 'byung bar 'gyur// des na sangs rgyas theg 'di 'jig rten gsum du grags// theg pa 'di ni stong pa'i zhing du mi 'gro ste// rgyal ba rnams kyis 'di ni skad cig mi snang 'gro/ / phyogs bcur song yang yongs su mi skyo 'grib pa med// mtshungs pa med pa'i theg pa'i cho 'phrul ci 'dra ltos// 'jig rten kun tu bskor kyang gang zhig de 'dra 'am// de las lhag/ par 'gyur ba'i sems can de mi rnyed// byang chub sems dpa' che nyid 'gro ba'i dpa' bo gcig/ theg pa mchog la gnas nas bdud sde skrag par byed// theg pa mchog la gnas nas gzugs dang stobs mthu dang / / longs spyod dbang phyug thob cing brgya byin tshangs pa dang // 'khor los sgyur dang srong dang gang yang srid gsum na// lha dang mi yi bde skyid skyid pa thams cad 'job// theg pa mchog la gnas nas sems zhum brgya lam med/ / gong ba med la 'phangs shing 'phangs pa rnams kyang gtong // byin nas zhum pa med cing mig dang mgo btang nas// dga' zhing byams pa'i sems su 'gyur te byang chub 'gro/ / theg pa mchog la gnas nas de ni skyabs 'gyur te/ tshul khrims ldan zhing tshangs par spyod pas yongs su dag/ tshul khrims brtul zhugs dka' thub kyis ni nyi zla 'gog/ srid pa dang ni gzugs dang longs spyod 'dod mi 'gyur// mi snyan tshig rnams thos kyang mi khro 'khrug mi 'gyur// lus ni rnam par gtor kyang sems can rjes su srung // bdag lus rnyed sla chos kyi rgyal srid rnyed dka' snyam/ / theg pa mchog la gnas nas bzod pa dag pa 'di 'dra'o// bskal pa brgya phrag mtha' yas ji snyed 'khor gyur pa/ de srid du yang ngan song rnams su 'khor byed cing // sems can bsgral ba'i phyir ni brtson 'grus stobs bskyed de/ / theb pa mchog la gnas pa'i brtson 'grus mthu 'di 'dra// shin tu rab tu zhi mnyen des bsam gtan cho ga shes// 'gro ba rnams kyi don phyir byams pa'i bsam gangan pa/ / bsam gtan bde ba de la nam yang mi chags te/ dran dang ldan pa 'dren pa rnams la lta bar 'dod// chos rnams thams cad rgyu las 'byung zhing stong par shes// de ni bdag dang sems can chos rnams mi dmigs te/ lta ba yongs dag shes rab ldan zhing sems kyang 'dul// theg pa mchog gnas shes rab dag pa 'di 'dra'o// gang yang / bden dang tshad med pa dang bsam gtan bzhi// mngon shes lnga dang sangs rgyas kyi ni yang dag rig/ rton pa bzhi dang chos kyi sbyin pa dam pa rnams// thams cad sangs rgyas theg pa dam pa 'di las byung / gang gis mi dbang sangs rgyas seng ge'i sgra sgrog pa/ stobs bcu'i sangs rgyas chos rnams mtha' yas gang yin dang // smin mtshams spu dang spyi gtsug bltar ni mi mthong ba// theg pa mchog la gnas pas rnyed par dka' ma yin/ / gang gis 'gro ba 'dul zhing bsam pa tshim byed pa// rgyal ba rnams kyi cho 'phrul khyad 'phags gsum gang dang // thub pa'i bstan pa gzhar yang don med mi 'gyur ba/ / de dag theg pa mchog la gnas nas myur du 'thob// 'jig rten kun na skad cig rnam pa ji snyed pa// thams cad stobs bcu'i gsung ni 'khrul pa med pa dang // mnyen 'jam yid 'od don ldan khan ma tho med/ / tshangs dang mi tso'i dbyangs gsung rgya chen po yis tshim// de 'dra'i sangs rgyas gsung ni mi ring thob 'gyur te// nam mkha'i dkyil tshad sangs rgyas zhing rnams go bar byed/ ji skad cig gis chos don ldan pa'i chog thos pa// kun gyis nyon mongs thams cad bsal nas bde bar 'gyur// rdzu 'phrul stobs kyis nam mkha'i mtha' mar bgrod par nus// phyogs bcu rnams kyi / rgya mtsho'i chu ni tshad byar nus// sems gcig gis ni sems can spyod pa mtha' yas shes// sangs rgyas theg pa'i yon tan brjod pas zad mi 'gyur// le'u brgyad pa'o// de nas yang bcom ldan 'das kyis// byang chub sems dpa' blo gros rgya mtsho la bka' stsal pa// blo gros rgya mtsho de lta bas na byang chub sems dpas chos kyi rnam grangs 'di kun tu bsrung ba dang snga ba dang / yun ring du gnas par bya ba dang / bdag gi sems yongs su dkar bar bya ba dang / sems can gzhan dag dang / gang zag gzhan rnams kyi dbang po mchog dang / mchog ma yin pa shes par bya ba'i phyir/ sgo'i tshig dang / phyag rgya'i tshig dang / rdo rje'i tshig 'di dag gzung bar bya'o bzung nas kyang brtag par bya'o// shes rab dang rab tu ldan pa'i sbyor bas nges par bsam par bya'o/ / blo gros rgya mtsho sgo'i chog rnams gang zhe na/ 'di lta ste/ rnam par rig pa ni chos thams cad kyi sgo'i chog ste/ chos rnams dben pa'i don du ston to// a zhes bya ba ni chos thams cad kyi sgo ste/ chos rnams skye ba med pa'i don tu ston to// pa zhes bya ba ni chos thams cad kyi sgo ste/ chos rnams don dam pa'i don tu ston to// na zhes bya ba ni chos thams cad kyi sgo ste/ / chos rnams kyi ming dang gzugs yongs su shes pa ston to// nga zhes bya ba ni chos thams cad kyi sgo ste/ chos rnams dul ba dang / zhi ba nyid du ston to// sa zhes bya ba ni chos thams cad kyi sgo ste/ chos rnams chags pa las shin tu 'das par ston to// tA zhes bya ba ni chos thams cad kyis sgo ste/ chos rnams de bzhin nyid kyi rjes su 'gro bar ston ste// ka zhes bya ba ni chos thams cad kyi sgo ste/ chos rnams las kyi rnam par smin pa dang bral bar ston to// sa zhes bya ba ni chos thams cad kyi sgo ste/ chos rnams mnyam zhing khyad par med par ston to// ma zhes bya ba ni chos thams cad kyi sgo ste/ chos rnams kyi snying rje chen po ston to// ga zhes bya ba ni chos thams cad kyi sgo ste/ chos rnams kyi zab cing gting dpag dka' ba nyid ston to// dza zhes bya ba ni chos thams cad kyi sgo ste/ chos rnams rga shi las shin tu 'das par ston to// d+ha zhes bya ba ni chos thams cad kyi sgo ste/ chos rnams kyi chos kyi dbyings 'dres pa med par ston to// sha zhes bya ba ni chos thams cad kyi sgo ste/ chos rnams la zhi gnas yongs su rdzogs par bya bar ston to// kha zhes bya ba ni chos thams cad kyi sgo ste/ chos rnams ye nam mkha' dang mtshungs par ston to// k+Sha zhes bya ba ni chos thams cad kyi sgo ste/ chos rnams zad pa dang mi skye bar ston to// ta zhes bya ba ni chos thams cad kyi sgo ste/ chos rnams la ye shes chags pa med pa nyid du ston to// sA zhes bya ba ni chos thams cad kyi sgo ste/ chos rnams kyi gnas dang / gnas ma yin pa la mkhas pa ston to// skra zhes bya ba ni chos thams cad kyi sgo ste/ chos rnams kyi phung po yongs su shes pa ston te/ pra zhes bya ba ni chos thams cad kyi sgo ste/ chos rnams mthar thug pa nyid du skor to// lus dben pa ni chos thams cad kyi sgo ste/ chos rnams 'dod chags dang bral ba'i mthar ston to// sems dben pa ni chos thams cad kyi sgo ste/ chos rnams kyi zhe sdang dang gti mug 'dul ba ston to// nye bar zhi ba ni chos thams cad kyi sgo ste/ chos rnams chags pa med pa la rton pa nyid du ston to/ / tshul bzhin ni chos thams cad kyi sgo ste/ chos rnams kyi 'byung ba'i mtha' ston to// gnas pa nyid ni chos thams cad kyi sgo ste/ chos rnams kyi chos kyi dbyings gnas par ston to// len pa med pa ni chos thams cad kyi sgo ste/ chos thams cad rnam par grol ba'i mtshan nyid du ston to// yongs su mi 'dzin pa ni chos thams cad kyi sgo ste/ chos rnams la 'thab pa dang / rtsod pa 'dor bar ston to/ / kun nas nyon mongs pa med pa ni chos thams cad kyi sgo ste/ chos rnams rnam par dag pa'i mtshan nyid du ston to// rang bzhin ni chos thams cad kyi sgo ste/ chos rnams 'od gsal ba nyid du ston to/ / snang ba ni chos thams cad kyi sgo ste/ chos thams cad gsal ba nyid du ston to// bsgom pa ni chos thams cad kyi sgo ste/ chos rnams kyi 'bral ba ston to// gzhi med pa ni chos thams cad kyi sgo ste/ chos rnams 'dres pa med pa nyid du ston to// byang chub ni chos thams cad kyi sgo ste/ chos rnams dang mnyam pa nyid du ston to// mya ngan las 'das pa ni chos thams cad kyi sgo ste/ chos rnams kyi phung po thams cad so sor 'dor bston to// blo gros rgya mtsho sgo'i tshig 'di dag ni/ rang gi sems yongs su dag par 'gyur ba'o// sems can gzhan dag dang gang zag gzhan rnams kyi dbang po mchog dang mchog ma yin pa shes par 'gyur ba'o/ / blo gros rgya mtsho phyag rgya'i cho ga de dag gang zhe na/ 'di lta ste/ blo gros rgya mtsho chos thams cad ni rnam par grol ba'i phyag rgyas btab pa ste/ gnyis su med cing gnyis yongs su dag pa'o// blo gros rgya mtsho chos thams cad ni mtha' dang / mtha' yas pa dang / mtha' med pa las rnam par grol ba'i phyag rgyas btab pa ste/ chad pa dang rtag pa yongs su dag pa'o// blo gros rgya mtsho chos thams cad ni zad pa dang / 'dod chags dang bral ba'i phyag rgyas btab pa ste/ zad paba'i sgo zad pa'i mtha'/ zad pa'i mur thug pa'o// blo gros rgya mtsho chos thams cad ni// gdeg pa med cing gzhag pa med pa'i phyag rgyas btab pa ste/ mnyam pa nyid kyi mtha' yongs su dag pa'o/ / blo gros rgya mtsho chos thams cad ni nam mkha'i phyag rgyas btab pa ste/ mi lnga'i lam las shin tu 'das pa'o// blo gros rgya mtsho chos thams cad ni chos kyi dbyings dang / nam mkha'i dbyings kyi phyir/ nam mkha'i dkyil phyag rgyas btang ba'o// bre gros rgya mtsho chos thams cad ni chos kyi dbyings su yang dag par 'du ba'i phyir/ 'dres pa med pa'i phyag rgyas btab pa'o// blo gros rgya mtsho chos thams cad ni 'dres pa med pa'i mtshan nyid kyi phyir/ chos kyi dbyings kyi phyag rgyas btab pa'o// blo gros rgya mtsho chos thams cad ni sngon gyi mtha' dang / phyi ma'i mtha' de bzhin nyid kyi phyir/ de bzhin nyid kyi phyag rgyas btab pa'o// blo gros rgya mtsho chos thams cad ni gdod ma nas shin tu yongs su dag pa'i phyir yang dag pa'i mtha'i phyag rgyas btab pa'o// blo gros rgya mtsho chos thams cad ni 'dus byas dang 'dus ma byas mnyam zhing mtshungs pa'i phyir/ stong pa nyid kyi phyag rgyas btab pa'o// blo gros rgya mtsho chos thams cad ni dmigs pa tha dad pa dang bral ba'i phyir/ mtshan ma med pa'i phyag rgyas btab pa'o/ / blo gros rgya mtsho chos thams cad ni smon lam thams cad dang bral ba'i phyir/ smon pa med pa'i phyag rgyas btab pa'o// blo gros rgya mtsho chos thams cad ni ngo bo nyid med pa'i mtshan nyid kyi phyir/ mi rtag pa'i phyag rgyas btab pa'o// blo gros rgya mtsho chos thams cad ni phung po lngar yongs su bsdu ba'i mtshan nyid kyi phyir/ sdug bsngal gyi phyag rgyas btab pa'o// blo gros rgya mtsho chos thams cad ni rang bzhin gyis bdag med pa'i phyir/ bdag med pa'i phyag rgyas btab pa'o// blo gro rgya mtsho chos thams cad ni shin tu mi g.yo ba'i phyir/ zhi ba'i phyag rgyas btab pa'o/ / blo gros rgya mtsho chos thams cad na don dam pa'i bden par yang dag par 'du ba'i phyir/ bden pa'i phyag rgyas btab pa'o// blo gros rgya mtsho chos thams cad ni sa bon mi gnas pa'i phyir dri ma med pa'i phyag rgyas btab pa'o/ / blo gros rgya mtsho chos thams cad ni shin tu thug pa'i phyir/ mi 'khrug pa'i phyag rgyas btab pa'o// blo gros rgya mtsho chos thams cad ni sngon gyi mtha' dang phyi ma'i mtha' yongs su chad pa'i phyir/ ji lta ba bzhin gyis phyag rgyas btab pa'o// blo gros rgya mtsho chos thams cad ni khams gsum thams cad ro gcig pa'i phyir/ dus gsum mnyam ba nyid kyi phyag rgyas btab pa'o/ / blo gros rgya mtsho chos thams cad ni rang bzhin gyis 'byung ba med pa'i phyir/ mi 'byung ba'i phyag rgyas btab pa'o// blo gros rgya mtsho chos thams cad ni rang bzhin gyis skye ba med pa'i phyir/ 'gog pa med pa'i phyag rgyas btab pa'o// blo gros rgya mtsho chos thams cad ni nga rgyal gyis lhag par byed pa lhag par mi byed pa'i phyir/ sgro 'dogs pa med pa'i phyag rgyas btab pa'o/ / blo gros rgya mtsho chos thams cad ni rnam par rtog pa thams cad kun tu rgyu ba med pa'i phyir/ spros pa med pa'i phyag rgyas btab pa'o// blo gros rgya mtsho chos thams cad ni gzugs med cing bstan du med pa'i phyir/ mtshan gyis mtshan btab pa med pa'i phyag rgyas btab pa'o// blo gros rgya mtsho chos thams cad ni gzhi yang dag par rab tu chad pa'i phyir/ gos pa med pa'i phyag rgyas btab pa'o/ / blo gros rgya mtsho chos thams cad ni gnyen po mi dmigs pa'i phyir/ skyon tu bya ba med pa'i phyag rgyas btab pa'o// blo gros rgya mtsho chos thams cad ni mngon par 'du bya ba thams cad med pa'i phyir/ las med cing rnam par smin pa med pa'i phyag rgyas btab pa'o// blo gros rgya mtsho chos thams cad ni skye ba dang / gnas pa dang bral ba'i phyir 'dus ma byas kyi phyag rgyas btab pa'o/ / blo gros rgya mtsho chos thams cad ni/ chos thams cad nam mkha'i dkyil dang bye brag med pa'i phyir/ chos thams cad mnyam pa nyid kyi phyag rgyas btab pa'o/ / blo gros rgya mtsho phyag rgya'i tshig de dag ni/ phyag rgya'i tshig gang dag gis 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyi/ byang chub phyag rgyas btang ba ste/ phyag rgya'i tshig de dag gis chos kyi phung po brgyad khri bzhi stong phyag rgyas btab pa'o// blo gros rgya mtsho byang chub sems dpa' phyag rgya de lta bus btab na/ de bzhin/ gshegs pa'i ye shes kyi phyag rgyar yang dag par 'du ste/ myur du mi skye ba'i chos la bzod pa thob bo// blo gros rgya mtsho phyag rgya'i cho ga de dag ni dge ba'i rtsa ba ma bskyed pa'i sems can rnams kyi rna lam du grags par mi 'gyur ro/ / 'dir bdud kyi las thams cad tshar bcad do// blo gros rgya mtsho chos thams cad yang dag par 'du ba mi zad pa'i za ma tog gi gzungs gang yin pa de yang phyag rgya'i tshig 'di nyid du 'dus te rjes su zhugs so/ / blo gros rgya mtsho ting nge 'dzin brgyad khri bzhi stong dang / sems can gyi spyod pa la 'jug pa'i pha rol tu phyin pa brgyad khri bzhi stong gang yin pa de dag kyang phyag rgya'i tshig 'di nyid du 'dus te rjes su zhugs so/ / blo gros rgya mtsho de la rdo rje'i chog de dag gang zhen/ 'di lta ste/ rang bzhin gyis 'dres pa med pa'i/ phyir/ 'jig tshogs ni rdo rje'i tshig ste/ rdo rje'i cho ga 'di ni lta ba thams cad nges par rtog par 'gyur ro// rig pa la 'jug pa'i phyir/ ma rig pa ni rdo rje'i tshi ga ste/ rdo rje'i tshig 'di ni lhag par dmigs pa'i dngos po yongs su shes par 'gyur ro/ / mngon par 'du bya ba med pa dang / mnyam pa nyid kyi phyir mtshams med pa'i mtha' ni rdo rje'i tshig ste/ rdo rje'i tshig 'di ni mngon par/ 'du byed pa thams cad yongs su shes par 'gyur ba'o// 'dod chags dang bral ba'i mtha' dang mnyam pa nyid kyi phyir/ 'dod chags kyi mtha' ni rdo rje'i chog ste/ rdo rje'i tshig 'di ni 'dod chags dang bral bar 'gyur ba'o/ / byams pa'i mtha' dang mnyam pa nyid kyi phyir/ zhe sdang gi mtha' ni rdo rje'i tshig ste/ rdo rje'i tshig 'di ni zhe sdang thams cad yang dag par 'joms par 'gyur ba'o// shes rab kyi snang ba dang mnyam pa nyid kyi phyir/ gti mug gi mtha' ni rdo rje'i cho ga ste/ rdo rje'i tshig 'di ni mun pa med cing snang bar 'gyur ba'o// sems can thams cad mnyam pa nyid la 'jug pa'i phyir/ sems can thams cad sems can gcig pa 'di ni rdo rje'i tshig ste/ rdo rje'i tshig 'di ni sems can thams cad kyi ngo bo nyid kyi rjes su rtogs par 'gyur ba'o// sems can thams cad kyi sems mnyam pa nyid la 'jug pa'i phyir/ sems can thams cad kyi sems rnams sems gcig pa 'di ni rdo rje'i tshig ste/ rdo rje'i tshig 'dini sems rang bzhin gyis 'od gsal bar rjes su rtogs par 'gyur ro/ / de bzhin nyid mnyam pa nyid la 'jug pa'i phyir/ sangs rgyas thams cad sangs rgyas gcig pa 'di ni rdo rje'i tshig ste/ rdo rje'i cho ga 'di ni mnyam pa nyid kyi ye shes kyi rjes su rtogs par 'gyur ba'o/ / zhing mi zad pa la 'jug pa'i phyir/ zhing thams cad zhing gcig pa 'di ni rdo rje'i tshig ste/ rdo rje'i tshig 'di ni nam mkha' dang mnyam pa nyid rjes su rtog par 'gyur ro/ / chos thams cad mnyam pa nyid la 'jug pa'i phyir/ chos thams cad chos gcig pa 'di ni rdo rje'i tshig ste/ rdo rje'i cho ga 'di ni gnyis su med pa'i chos kyi sgo rjes su rtogs par 'gyur ro// thams cad du ye shes kyi rjes su 'gro ba la 'jug pa'i phyir/ chos thams cad sangs rgyas kyi chos 'di ni rdo rje'i tshig ste/ rdo rje'i tshig 'di ni/ rdo rje lta bu'i ting nge 'dzin rjes su rtogs par 'gyur ba'o/ / bdud kyi las rjes su rtogs pa la 'jug pa'i phyir/ las thams cad sangs rgyas kyi 'phrin las 'di ni rdo rje tshig ste/ rdo rje'i tshig 'di ni bdud kyi las thams cad las shin tu 'da' bar 'gyur ba'o/ / skad thams cad rjes su rtog pa la 'jug pa'i phyir/ tshig thams cad de bzhin gshegs pa'i gsung 'dini rdo rje'i tshigs/ rdo rje'i cho ga 'di ni chos brjod du med par rtogs par 'gyur ba'o/ / 'chi 'pho med pa la 'jug pa'i phyir// chos thams cad ma skyes pa 'di ni rdo rje'i tshig ste/ rdo rje'i tshig 'di ni skye ba dang / rga ba dang / na ba dang 'chi ba'i lam las shin tu 'da' bar 'gyur ba'o/ / 'gog pa med pa la 'jug pa'i phyir/ chos thams cad ma byung ba 'di ni rdo rje'i tshig ste/ rdo rje'i tshig 'di ni chos thams cad skye ba med pa dang / 'gag pa med par 'gyur ba'o// blo gros rgya mtsho rdo rje'i tshig de dag ni mi byed pa'i tshig/ snying po'i tshig/ mnyam pa'i chog/ bden pa'i tshig/ brtan pa'i chog/ tha dad pa med pa'i tshig rjes su 'gro ba'i tshig rgyun chad pa med tshig zhi ba dang / rab tu zhi ba dang / nye bar zhi ba'i tshig/ skyon tu bya ba med pa'i tshig/ sgro btags pa med pa'i tshig 'gro ba med pa rtogs pa la 'jug pa'i tshig 'gro ba med pa'i tshig/ de kho na'i tshig/ yang dag pa'i tshig/ sangs rgyas dang mi 'gal ba'i tshig/ chos mi spong ba'i tshig/ dge 'dun yongs su sdud pa'i tshig/ ji lta ba bzhin gyi tshig/ 'khor gsum yongs su dag pa'i tshig/ dpa' ba'i tshig/ tshangs pa'i tshig/ g.yo ba med pa'i cho ga/ nam mkha' dang mnyam pa'i chog/ byang chub kyi rjes su 'gro ba'i cho ga/ mtshan ma med pa'i cho ga/ chos kyi mtshan nyid mtshan nyid med pa'i chog/ sems dang yid dang rnam par shes pa la mi gnas pa'i tshig/ bdud dang phyir rgol ba bcom pa'i chog/ dag cing dri ma med pa la 'od gsal ba'i tshig/ byang chub la rnam par lta ba'i tshig/ shes rab kyi snang ba'i tshig/ mun pa med cing gsal ba'i tshig/ shin tu skye ba med cing 'gag pa med pa'i tshig rang gi yul yongs su dag pa'i tshig/ sangs rgyas kyi yul la 'jug pa'i tshig/ mi rtog cing rnam par mi rtog la yongs su mi rtog pa'i tshig/ chos kyi dbyings 'dres pa med pa'i tshig gnas pa med pa'i gnas la 'jug pa'i tshig rnams so/ / blo gros rgya mtsho rdo rje'i tshig de dag byang chub sems dpa' gang gis nges par rtogs pa'i don du khong du chud pa de/ byang chub kyi snying por gnas te/ seng ge'o khril 'dug pa'o zhes nga smra'o// bcom ldan 'das kyis sgo'i chog dang / phyag brgya'i cho ga dang / rdo rje'i tshig 'di dag bshad pa na/ byang chub sems dpa' brgyad stong gis chos thams cad kyi phyag rgya'i sgo la 'jug pa'i gzungs thob par gyur to/ / sems can thams cad kyi bsam pa mnyam pa nyid la 'jug pa zhes bya ba'i ting nge 'dzin kyang thob pa'o// de nas phyogs bcu'i 'jig rten gyi khams nas 'dus pa'i byang chub sems dpa' sems dpa' chen po de dag gis bstan pa 'di thos nas tshim zhing mgu ste/ yi rengs nas/ mngon par shes pa'i rdzu 'phrul gyi stobs kyis/ sangs rgyas kyi zhing gang dang gang nas lhags pa de dag 'di lta ste/ bcom ldan 'das la mchod pa dang / chos kyi rnam grangs 'di yang yun ring du gnas par bya ba'i phyir/ sangs rgyas kyi zhing de dag na/ me tog dang spos dang / phreng ba dang / byug pa ci 'dra ba yod pa de 'dra ba'i me tog dang / spos dang / phreng ba dang / byug pa dag gi char chen po mngon par phab bo/ / de dag gis bcom ldan 'das la mchod pa byas nas/ sgra skad dang / nga ro gcig gis bcom ldan 'das la mngon par bstod pa/ gzugs kyis mtshan nyid mtshan gzhi med gzigs pa/ mtshan nyid gcig gis mtshan bzhi bral ston pa// mtshan kun mtshan gzhi ma mchis mtshan gzhi mnyam// yang dag mtshan gnas khyod la phyag 'tshal lo// sems can kun gyi skad dang sgra la zhugs/ / skad la zhugs pa'i ye shes de la'ang zhugs// sgra skad dbyangs rnams kun las rnam par grol// sems gol mnyam pa'i sems la phyag 'tshal lo// sems kyi rgyu brgya chen ci mchis pa/ / sgyu ma'i sems dang mnyam nyid thugs su chud// rab tu mi rgyu rgyu mnyam rgyu mi mnga'// mkha' 'dra'i thug dang ldan la phyag 'tshal lo// mchis dang ma mchis mtha' dang mtha' ma lags/ / chos dang chos min yongs rtog rnam rtog mnyam// sems dang yid rnams thams cad nye bar zhi/ sems yid zhi bar gyur la phyag 'tshal lo// rgyu dang rkyen dang bya ba rnams kyang mkhyen/ / rgyu las 'byung ba'i rim pa'ang gsung ba mdzad// rgyu dang rkyen ni rnam grol mtha' ba ste// yang dag mtha' dang mnyam par rab tu mkhyen// 'dir ni thams cad mnyam pa'i gzugs su zhugs/ / bde gshegs su ni sgyu ma lags par mthong // khyod kyi thugs ni nim rtog mi 'gyur bar// khyod ni rgya chen gzugs ston gzugs ma mchis// phyogs na rgyal ba'i zhing rnams snyed pa/ / zhing rnams thams cad zhing 'dir rab zhugs kyang // zhing 'dir rnam par 'phel ba ma mchis la// de nas ma g.yos 'phos pa'ang ma mchis lags// sems kun sems ma mchis pa mnyam pa'i sems/ / sems ni sgyu ma 'gyur dang rtog ma mchis// byang chub sems ni mnyam nyid thugs su chud// de nas sangs rgyas mnyam pa'i chos la gnas// chos dbyings mnyam pa'i dbyings la rab tu zhugs/ / chos rnams thams cad dngos por 'jug ma mchis// dngos dang dngos med chags bral chags mnyam pa// 'gro ba'i don mdzad khyod la phyag 'tshal lo// gdugs dang dgung zla dog sar lhung yang gda'// gser ma zhags pas gzung du ru yang gda'// ri rgyal kha yi dbugs kyis gtor du rung // rgyal ba'i gsung ni log par gsung mi mnga'/ / yang dag kho na gsung can yongs su dag/ thugs dag nam mkha' 'dra ba'i thugs mnga' ba// 'jig rten chos dang rnyed dang sred pa gsal// pad+ma lta bur srid gsum chags mi mnga'/ / bsngags pa'i 'breng ba gsan kyang dgyes mi 'gyur// smad pa gsan kyang zhe sdang yong mi mnga'// ri rab lta bur yongs su rtog las grol// 'gro ba bde sol khyod la phyag 'tshal lo/ / de nas byang chub sems dpa' sems dpa' chen po de dag gis// bcom ldan 'das la tshigs su bcad pa de dag gis mngon par bstod nas/ bcom ldan 'das la 'di skad ces gsol to// bcom ldan 'das sangs rgyas byung ba ni rin po che byung ba'o// bcom ldan 'das sangs rgyas byung ba ni bde ba byung ba'o// dran pa byung ba'o// blo gros byung ba'o// rtogs pa byung ba'o// ngo tsha shes pa byung ba'o// mos pa byung ba'o// sbyin pa byung ba'o// tshul khrims byung ba'o// bzod pa byung ba'o// brtson 'grus byung ba'o/ / bsam gtan byung ba'o// shes rab byung ba'o// bcom ldan 'das sangs rgyas byung ba ni byams pabyung ba'o// rnying rje byung ba'o// dga' ba byung ba'o// btang snyoms byung bzo/ / don byung ba'o// bden pa byung ba'o// chos byung ba'o// bcom ldan 'das sangs rgyas byung ba ni/ yang dag par dga' bar 'gyur ba'i chos byung ba'o// dran pa nye bar gzhag pa byung ba'o/ / yang dag par spong ba byung ba'o// rdzu 'phrul gyi rkang pa byung ba'o// dbang po byung ba'o// stobs byung ba'o// byang chub kyi yan lag byung ba'o// lam byung ba'o// zhi gnas byung ba'o/ / lhag mthong byung ba'o// mngon par shes pa byung ba'o// rig pa byung ba'o// rnam par grol ba byung ba'o// bcom ldan 'das sangs rgyas byung ba ni mi dge ba'i chos thams cad spong ba dang / dge ba'i chos thams cad byung ba'o// de nas byang chub sems dpa' sems dpa' chen po shes rab brtsegs shes bya ba 'khor de nyid du 'dus te 'dug pa des/ bcom ldan 'das/ la 'di skad ces gsol to// bcom ldan 'das kyis gsungs pa'i don ji ltar bdag gis 'tshal ba ltar na bdag 'di snyam bgyid de/ bcom ldan 'das 'di ltar sangs rgyas byung ba ni 'jig tshogs la lta ba byung ba'o/ / bcom ldan 'das sangs rgyas byung ba ni me rige pa dang / srid pa dang / sred pa byung ba'o// bcom ldan 'das sangs rgyas byung ba ni/ 'dod chag sa dang / zhe sdang dang / gti mug byung ba'o// bcom ldan 'das sangs rgyas byung ba ni phyin ci log bzhi byung ba'o// bcom ldan 'das sangs rgyas byung ba ni/ sgrib pa lnga byung ba'o// bcom ldan 'das sangs rgyas byung ba ni skye mched drug byung ba'o/ / bcom ldan 'das sangs rgyas byung ba ni/ rnam par shes pa'i gnas bdun byung ba'o// log pa nyid brgyad byung ba'o// gnod pa'i dngos po dgu byung ba'o// bcom ldan 'das sangs rgyas byung ba ni mi dge ba bcu'i las kyi lam byung ba'o// de ci'i slad du zhe na/ bcom ldan 'das sdig pa mi dge ba'i chos de dag spang ba'i slad du/ sangs rgyas byung ba lags kyi/ bcom ldan 'das sangs rgyas byung ba gnyen pos rab tu phye ba ni ma lags te/ bcom ldan 'das sangs rgyas byung ba ni gnyen po ma mchis pa gnyen po dang bral ba'o// bcom ldan 'das sangs rgyas byung ba'i rjes su mchi bar 'tshal ba'i byang chub sems dpas rjes su 'gro ba ma mchis pa'i tshul gyis/ de ltar sangs rgyas byung ba'i rjes su mchi bar bgyi'o// bcom ldan 'das kyis bka' stsal pa/ rigs kyi bu de de bzhin no// ji skad smras pa bzhin te/ rjes su 'gro ba med pa'i tshul gyis sangs rgyas byung ba rjes su 'gro bar bya ste/ sangs rgyas byung bab la ji lta ba de bzhin du chos thams cad byung ba'i rjes su 'gro bar bya'o/ / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das las dang po pa'i byang chub sems dpa' rnams kyis ni/ sangs rgyas 'byung ba 'di lta bu 'di ma 'tshal na/ bcom ldan 'das de dag la sangs rgyas 'byung ba lta mchis sam/ bcom ldan 'das kyis bka' stsal pa/ blo gros rgya mtsho ji ltar sems yongs su dag pa bzhin du de dag la'ang sangs rgyas 'byung ngo // de ci'i phyir zhe na/ blo gros rgya mtsho byang chub sems dpa' ni bzhi po 'di dag ste/ bzhi gang zhe na/ 'di lta ste/ sems dang po bskyed pa'i byang chub sems dpa' dang / spyod pa la zhugs pa dang / phyir mi ldog pa dang / skye ba gcig gis thogs pa'i byang chub sems dpa' ste/ blo gros rgya mtsho byang chub sems dpa' bzhi po de dag go// blo gros rgya mtsho de la sems dang po bskyed pa'i byang chub sems dpa' gang yin pa des ni/ de bzhin gshegs pa la gzugs dang mtshan du mthong ngo / / spyod pa la zhugs pa'i byang chub sems dpa' gang yin pa des ni/ de bzhin gshegs pa la yon tan yongs su grub mthong ngo // phyir mi ldog pa'i byang chub sems/ dpa' gang yin pa des ni/ de bzhin gshegs pa la chos kyi skus rab tu phye bar mthong ngo // blo gros rgya mtsho skye ba gcig gis thogs pa'i byang chub sems dpa' gang yin pa des ni/ de bzhin gshegs pa la gzugs dang / mtshan dang yon tan yongs su grub pa dang / skye ba dang / rigs dang / rus dang / chos nyid du khas mi len to// de ci'i phyir zhe na/ de'i mig ni shes rab kyis rnam par lta ba'o/ / shes rab la gnas pa'o// shes rab tu yang dag par 'du ba'o// shes rab kyang rgyu ba med pa/ spros pa med pa ste/ de ni mthong ba ma yin/ mi mthong ba yang ma yin no// de ci'i phyir zhe na/ mthong ba dang / mi mthong ba de gnyis ga yang mtha' ste/ mthong ba dang / mi mthong ba'i mtha' gnyis dang bral ba ni/ sangs rgyas mthong ba'o// gang sangs rgyas mthong ba de bdag mthong ba ste/ bdag mthong ba rnam par dag pas/ sangs rgyas mthong ba rnam par dag/ sangs rgyas mthong ba rnam par dag pas/ chos thams cad mthong ba rnam par dag par khong du chud par bya'o/ / gang mthong ba rnam par dag pa de la ye shes mthong 'di ni/ sangs rgyas mthong ba zhes bya'o// blo gros rgya mtsho ngas kyang de bzhin gshegs pa mar me mdzad de ltar mthong ste/ mthong ma thag tu ngas thob pa med pa dang / mi dmigs pa'i tshul gyis mi skye ba'i chos la bzod pa thob bo// bzod pa thob ma thag tu ngas las shing rta la bdun tsam du 'phags te/ nga nam mkha'i dkyil de la gnas nas/ thams cad mkhyen pa'i ye shes kyi 'byor pa la rnam par brtags/ lta bar gyur pa thams cad yang dag par chad/ rtog pa dang rnam par rtog pa dang / yongs su rtog pa thams cad las shin tu 'das shing / rnam par shes pa yul thams cad la mi gnas te/ ting nge 'dzin drug khri mngon sum du gyur nas/ bcom ldan 'das de bzhin gshegs pa mar me mdzad des/ nga la bram ze'i khye'u khyod ma 'ongs pa'i dus na/ de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya bar 'gyur zhes lung bstan to/ / lung bstan pa'i bstan pa de yang nga'i rna ba'i dbang po la grag par yang ma gyur ye shes bzhin du rig par yang ma gyur/ nga kun tu rmongs par yang ma gyur/ dmigs par lta ba la gnas pa yang med/ nga sangs rgyas la sangs rgyas su 'du shes yang med/ bdag la bdag tu 'du shes pa yang med/ lung bstan pa'i bstan pa la yang lung bstan pa'i bstan par 'du shes pa yang med par gyur to/ / blo gros rgya mtsho 'di ni byang chub sems dpa'i 'khor gsum yongs su dag pa'i lung bstan pa ste/ gang la sangs rgyas su 'du shes pa yang med pa dang / bdag tu 'du shes pa med pa dang / lung bstan pa'i bstan par 'du shes pa med par 'di ni/ 'khor gsum yongs su dag pa zhes bya'o// blo gros rgya mtsho gzhan yang 'khor gsum yongs su dag pa/ gang zhe na/ gang la bdag tu 'dzin pa med pa dang / sems can du 'dzin pa med pa dang / chos su 'dzin pa med pa'o// gzhan yang 'khor gsum yongs su dag pa ni gang la ming du 'dzin pa med pa dang / gzugs su 'dzin pa med pa dang / dmigs par 'dzin pa med pa'o// gzhan yang 'khor gsum yongs su dag pa ni/ 'das pa la zad par shes pa dang / ma 'ongs pa la ma phyin par shes pa dang / da ltar byung ba la gnas pa med par shes pa'o// gzhan yang 'khor gsum yongs su dag pa ni/ lus la gzugs bsnyen lta bur shes pa dang / ngag la brag cha lta bur shes pa dang / sems la sgyu ma lta bur shes pa'o// gzhan yang 'khor gsum yongs su dag pa ni/ phung po rnams la chos kyi phung po dang mnyam pa nyid dang / khams rnams la chos kyi dbyings dang mnyam pa nyid dang / skye mched rnams la grong stong lta bur so sor rtog pa'o// gzhan yang 'khor gsum yongs su dag pa ni/ stong pa nyid la mos pa dang // mtshan ma med pa la yid ches pa dang / smon pa med pa la som nyid med pa ste/ blo gros rgya mtsho 'khor gsum yongs su dag pa 'di ni/ chos thams cad yongs su dag par 'gyur ba'o// blo gros rgya mtsho gte/ A bi sU re/ A shu pra dz+nyA/ pradz+nyA mu le/ mul ba ti/ sha shi pra b+he/ sUr+ya ba ti dz+yo tiSh+Tha b+h+re/ su bi ma le/ a ma le/ sarba ta mo bi sho d+hanA bud+d+ha a d+hiSh+Thi te/ sarba de ba tA pa ri gr-i hI taM/ sarba b+hU twe nan sA t+ya ya ne/ a nud ny+dza tsu brah+ma nA/ prad tid tshi tA sha gre na/ pA li tA lo ka pA le'i/ pa ri gri hI tA ar+ye'i/ sang gri hI tA ri bi gau tran yug tA nAn/ mok+Sho ban d+ha nAn/ sang gra ho ba ma nu shU NA na/ ni gra ha kle shA nAn/ nargi tA nAn ma rA Na na/ hi ra Sha Na na/ tIn+di kA NAn/ ni gra ha sarba pa ra pra bA dI nAn/ ts+tshed nas b+ha mA ni ka nA na/ a nu pakra mo d+harma b+ha Na kA Na na/ A bar+dz+dza nAn pa ri Sha da san to Sha nAn/ d+harma kA mA nAn/ pa ri rak+Sha d+harma ko Sha s+ya/ a nu pad tshe da s+thi rat+na bad sha s+ya/ me'i tI sarba sad t+ya nAn/ sU tA sarba gu NAR+ShA ke/ klu'i bdag po 'di ni/ mi zad pa'i za ma tog gi gzungs kyi kun tu bsrungs pa dang / yongs su bsrung ba'i cho ga yin te/ de dag brjod na/ chos smra ba des mi 'jigs pa sum cu rtsa gnyis thob par 'gyur te/ sum cu rtsa gnyis gang zhe na/ gzhan yang dag par dga' bar 'gyur ba'i phyir/ thob pa mi 'jigs pa thob par 'gyur ba dang / tshig 'khrul pa med pa'i phyir/ bstan pa mi 'jigs pa thob par 'gyur ba dang / tshig zlos bu med pa'i phyir/ nges pa'i tshig mi 'jigs pa thob par 'gyur ba dang / sgra ji lta ba bzhin du 'jug pa'i phyir/ brtag pa mi 'jigs pa thob par 'gyur ba dang / byin gyis brlabs ston pa'i phyir/ spobs pa mi 'jigs pa thob par 'gyur ba dang / 'dzin pa'i blo dang ldan pa'i phyir/ dran pa mi 'jigs pa thob par 'gyur ba dang / gzhan gyi blo gros yang dag par mgu bar byed pa'i phyir/ blo gros mi 'jigs pa thob par 'gyur ba dang / som nyi myur du gcod pa'i phyir/ rtogs pa mi 'jigs pa thob par 'gyur ba dang / gzhan gyi ngor mi blta ba'i phyir/ blo mi 'jigs pa thob par 'gyur ba dang / tshig ji skad smras pa bzhin du 'gyur ba'i phyir/ 'khrul pa med pa'i mi 'jigs pa thob par 'gyur ba dang tshul khrims yongs su dag pa'i phyir/ spa gong ba med pa mi 'jigs pa thob par 'gyur ba dang / bzod pa yongs su dag pa'i phyir/ 'dzum pa'i bzhin mi 'jigs pa thob par 'gyur ba dang yang dag par dam bcas pa las mi nyams pa'i phyir/ brtan pa mi 'jigs pa thob par 'gyur ba dang / klan ka mi tshol ba'i sems dang ldan pa'i phyir/ tshig bzung bar 'os pa mi 'jigs pa thob par 'gyur ba dang / 'khor mngon par mgu bar byed pa'i phyir/ tshig btsan pa mi 'jigs pa thob par 'gyur ba dang / zab mo'i chos gleng ba'i phyir/ shes rab mi 'jigs pa thob par 'gyur ba dang / khengs pa med pa'i phyir/ dpyod pa mi 'jigs pa thob par 'gyur ba dang / phas kyi rgol ba thams cad tshar gcod pa'i phyir/ seng ge'i sgra mi 'jigs pa thob par 'gyur ba dang / zang zing med par chos ston pa'i phyir/ skur pa med pa mi 'jigs pa thob par 'gyur ba dang / nyams su len pa gtam la 'bebs pa'i phyir/ bstan pa la nam tho ba med pa mi 'jigs pa thob par 'gyur ba dang / mkhas pas ma smad pa'i phyir/ smad tu med pa mi 'jigs pa thob par 'gyur ba dang / mdo sde dang mi 'gal ba'i phyir/ sbyor 'byor mi 'jigs pa thob par 'gyur ba dang / dus su yang dag par skul ba'i phyir/ yang dag par skul ba mi 'jigs pa thob par 'gyur ba dang / ji skad smras pa de bzhin du byed pa'i phyir/ phyin ci ma log pa mi 'jigs pa thob par 'gyur ba dang / sems can rnams la 'dud pa'i phyir/ nga rgyal med pa mi 'jigs pa thob par 'gyur ba dang / sngon thos pa legs par gzung ba'i phyir/ tshig dang yi ge/ zad mi shes pa mi 'jigs pa thob par 'gyur ba dang / chos tshad med pa rtogs pa'i phyir/ thams cad kyi dri ba skabs 'byed pa mi 'jigs pa thob par 'gyur ba dang / bdag nyid yongs su dag par byed pa'i phyir/ 'khor thams cad mngon par mgu bar byed pa mi 'jigs pa thob par 'gyur ba dang / nyon mongs pa thams cad yongs su shes pa'i phyir/ bdud dang phyir rgol ba bcom pa/ mi 'jigs pa thob par 'gyur ba dang / zhes 'gras pa med pa'i sems dang ldan pa'i phyir/ byams pa chen po mi 'jigs pa thob par 'gyur ba dang / sems can thams cad rjes su bsrung ba'i phyir/ snying rje chen po mi 'jigs pa thob par 'gyur ba dang / chos kyi rgyal po byed pa'i phyir/ sangs rgyas kyi ye shes mi 'jigs pa thob par 'gyur ba ste/ klu'i bdag po de ltar na byang chub sems dpa' sems dpa' chen po ni/ mi zad pa'i za ma tog gi gzungs nyan pa dang / mos pa dang / sgrub pa na mi 'jigs pa sum cu rtsa gnyis po de dag thob par 'gyur ro// mi 'jigs pa sum cu rtsa gnyis po de dag rgyun ma chad pas na/ des na mthar gyis de bzhin gshegs pa'i mi 'jigs pa bzhi thob par 'gyur te/ mi 'jigs pa de dag dang ldan pas/ lha dang bcas pa'i 'jig rten gyi mdun du de bzhin gshegs pa seng ge'i sgra sgrogs so/ / sems can thams cad kyi dri ba lung bstan pa'i phyir yang skabs 'byed do// sems can gyi ris na/ gang de bzhin gshegs pa la chos dang 'thun par rgol nus pa/ de bzhin gshegs pa'i chos gsung ba mdzad pa la gcod nus pa de lta bu'i sems can ni gang yang med do// klu'i bdag po de lta bas na/ byang chub sems dpas mi zad pa'i za ma tog gi gzungs 'di la sbyar bar bya'o/ / klu'i bdag po mi zad pa'i za ma tog gi gzungs 'di la sbyor ba gang zhe na/ gang la mig tu sbyor ba yang med/ gzugs su sbyor ba yang med// mig gi rnam par shes par sbyor ba yang med pa dang / rna bar sbyor ba yang med/ sgrar sbyor ba yang med/ rna ba'i rnam par shes par sbyor ba yang med pa dang / snar sbyor ba yang med/ drir sbyor ba yang med// sna'i rnam par shes par sbyor ba yang med pa dang / lcer sbyor ba yang med/ ror sbyor ba yang med/ lce'i rnam par shes par sbyor ba yang med pa dang / lus su sbyor ba yang med// reg byar sbyor ba yang med/ lus kyi rnam par shes par sbyor ba yang med pa dang / yid du sbyor ba yang med/ chos su sbyor ba yang med/ yid kyi rnam par shes par sbyor ba yang med pa de ni gzungs 'di la sbyor ba yin no/ / klu'i bdag po gzhan yang gang la gzugs su sbyor ba yang med/ gzugs skye bar sbyor ba yang med/ gzugs gnas par sbyor ba yang med/ gzugs 'gag par sbyor ba yang med pa de ni/ gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa sbyor ba yang med/ rnam par shes pa skye bar sbyor ba yang med/ rnam par shes pa gnas par sbyor yang med/ rnam par shes pa 'gag par sbyor ba yang med pa de ni/ gzungs 'di la sbyor ba yin no// klu'i bdag po gzhan yang gzugs stong pa nyid du sbyor ba dang / gzugs stong pa nyid du yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// de bzhin du tshor ba dang 'du shes dang / 'du byed dang / rnam par shes pa stong pa nyid du sbyor ba dang / rnam par shes pa stong pa nyid du yang rlom sems mi byed pa'i sbyor ba de ni/ gzungs 'di la sbyor ba yin no// klu'i bdag po gzhan yang gzugs mtshan med par sbyor ba dang / gzugs mtshan med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa mtshan ma med par sbyor ba dang / rnam par shes pa mtshan med par yang rlom sems mi byed pa'i sbyor ba gang yin pa de ni gzungs 'di la sbyor ba yin no/ / klu'i bdag po gzhan yang gzugs smon pa med par sbyor ba dang / gzugs smon pa med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no/ / de bzhin du tshor ba dang / 'du shes dang / 'du byed dang / rnam par shes pa smon pa med par sbyor ba dang / rnam par shes pa smon pa med par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs mngon par 'du byed pa med par sbyor ba dang / gzugs mngon par 'du byed pa med par yang rlom sems mi byed pa'i sbyor ba gang yin pa dang / tshor ba dang / 'du shes dang / 'du byed dang / rnam par shes pa mngon par 'du byed pa med par sbyor ba dang / rnam par shes pa mngon par 'du byed pa med pa yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs ma skyes pa dang / ma byung bar sbyor ba dang / gzugs ma skyes pa dang / ma byung bar yang rlom sems mi byed pa'i sbyor ba gang yin pa dang / tshor ba dang / 'du shes dang / 'du byed dang / rnam par shes pa ma skyes pa dang / ma byung bar sbyor ba dang / rnam par shes pa ma skyes pa dang / ma byung bar yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs dben par sbyor ba dang / gzugs dben par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// tshor ba dang / 'du shes dang / 'du byed dang / rnam par shes pa dben par sbyor ba dang rnam par shes pa dben par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// gzugs rang bzhin gyis rnam par dag par sbyor ba dang / gzugs rang bzhin gyis rnam par dag par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// de bzhin du tshor ba dang / 'du shes dang / 'du byed dang / rnam par shes pa rang bzhin gyis rnam par dag par sbyor ba dang / rnam par shes pa rang bzhin gyis rnam par dag par yang rlom sems mi byed pa'i sbyor ba gang yin pa 'di ni/ gzungs 'di la sbyor ba yin no// klu'i bdag po gzhan yang khams rnams la chos kyi dbyings su sbyor ba dang / chos kyi dbyings la yang rlom sems mi byed pa'i sbyor ba gang yin pa dang / skye mched rnams la rang bzhin gyis stong pa nyid du sbyor ba dang / rang bzhin gyis stong pa nyid la yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// chos thams cad la rten cing 'brel par sbyor ba dang / rten cing 'brel par 'byung ba yongs su brtag pa la yang rlom sems mi byed pa'i sbyor ba gang yin pa dang / chos thams cad la gnas med par sbyor ba dang / gnas med par yang mngon par zhen pa med pa'i sbyor ba gang yin pa dang chos thams cad de bzhin nyid du sbyor ba dang / de bzhin nyid du yang mngon par zhen pa med pa'i sbyor ba gang yin pa dang / chos thams cad yang dag pa'i mtha' la gnas par sbyor ba dang / yang dag pa'i mtha' la gnas par yang rlom sems mi byed pa'i sbyor ba gang yin pa de ni/ gzungs 'di la sbyor ba yin no// klu'i bdag po gzhan yang sems can 'dod chags spyod pa rnams kyi 'dod chags kyi spyod pa yongs su shes pa'i sbyor ba dang / chos kyi dbyings 'dod chags kyi spyod pa dang / kun tu sbyor ba yang med pa'i sbyor ba gang yin pa de ni/ gzungs 'di la sbyor ba yin no// de bzhin du sems can zhe sdang spyod pa rnams kyi zhe sdang gi spyod pa yongs su shes pa'i sbyor ba dang / chos kyi dbyings zhe sdang gi spyod pa dang / kun tu sbyor ba yang med pa'i sbyor ba gang yin pa de ni/ gzungs 'di la sbyor ba yin no/ / sems can gti mug spyod pa rnams kyi gti mug gi spyod pa yongs su shes pa'i sbyor ba dang / chos kyi dbyings gti mug gi spyod pa dang / kun tu sbyor ba yang med pa'i sbyor ba snyoms par zhugs kyang / bsam gtan dang / rnam par thar pa dang / ting nge 'dzin dang / snyoms par 'jug pa rnams kyis 'khrul par mi 'gyur te/ thabs mkhas pa des bgyi ba thams cad kyang ston la/ bgyi bar ltung bar yang mi 'gyur/ chos mnyam pa nyid la yang gnas la/ sems can log pa nyid du mchis pa rnams la yang dag pa nyid kyi nges par gyur pa'i slad du/ chos kyang ston cing bsam pa yongs su ma rdzogs kyi bar du/ bdag nges par gyur pa der yang mi lhung ngo // de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho de de bzhin no// ji skad smras pa bzhin te/ byang chub sems dpas thams cad du thabs la mkhas pa 'dod par bya'o/ / de ci'i phyir zhe na/ dro gros rgya mtsho thabs la mkhas pa'i byang chub sems dpa' la byang chub yod kyi/ thabs la mi mkhas pa la ni byang chub med do// blo gros rgya mtsho 'di lta ste/ dper na/ snod gcig gis nang du tshon sna gsum ste/ sna gcig ni kha dog sngon po/ sna gcig ni kha dog dmar po/ sna gcig ni gser gyi kha dog lta bur ser po drugs la tshon gyi snod cig du der ras kha 'gyur ba gsum te/ gcig ni res shog ri yug sngon po la bsgyur ba/ gcig ni ris phran mug dmar por kha bsgyur ba/ gcig ni ris bcos bu rin zang med pa/ ser po gser gyi khadog lta bur kha sgyur ba/ zung gcig bcug la/ de dag snod cig gi nang du bcug ste/ bsdubs na/ ji ltar kha bsgyur ba'i bye brag bzhin du tshon 'dzin te/ gang tshon sngon pos kha bsgyur ba de ni/ kha dog sngon por 'gyur/ gang tshon dmar pos kha bsgyur ba de ni/ kha dog dmar por 'gyur/ gang tshon ser po gser lta bus kha bsgyur ba de ni kha dog ser po gser lta bur 'gyur yang / snod de la ni rnam par rtog par 'gyur ba yang med do// blo gros rgya mtsho de bzhin du stong pa nyid dang / mtshan ma med pa dang / smon pa med pa'i snod gcig la gang zag gsum ste/ gcig ni nyan thos kyi theg pa/ gcig ni rang sangs rgyas kyi theg pa/ gcig ni theg pa chen po la yang dag par zhugs pa btsud la/ de dag btsud pa dang gang gis ci 'dra ba'i bsam pa dang / sems kyi tshon bsags pa de 'dra bar de ye shes kyi tshon yongs su 'dzin kyang / stong pa nyid dang / mtshan ma med pa dang / smon pa med pa'i snod la ni// rnam par rtog pa gang yang med do// de la ras shog po'i yug lta bur ni/ nyan thos kyi theg pa blta'o// ras phran gyi yug lta bur ni/ rang sangs rgyas kyi theg pa blta'o// rin thang med pa'i ras bcos bu'i zung lta bur ni/ theg pa chen po la yang dag par zhugs pa blta'o// blo gros rgya mtsho chos rnams ni snying po med pa/ byed pa po med pa/ bdag med pa/ sems can med pa/ srog med pa/ gang zag med pa/ bdag po med pa ste/ 'di ltar ji ltar 'dod pa de ltar rnam par sgrub ste/ rnam par bsgrubs kyang sems pa ma yin/ rab tu rtog pa ma yin pa la ltos/ blo gros rgya mtsho chos rnam par bsgrub pa 'di la mos pa'i byang chub sems dpa' ni/ chos gang la yang yongs su skyo ba mi skyed do// de ltar ye shes mthong ba shin tu rnam par dag pa yin te/ 'dir gang la yang phan pa 'am/ gnod pa mi byed do// de ltar chos rnams kyi chos nyid yang dag pa ji lta ba bzhin du rab tu shes pa ni snying rje chen po'i go cha de yang mi 'dor ro/ / blo gros rgya mtsho 'di lta ste/ dper na/ nor bu rin po che bai DUrA rin thang med pa shin tu byang ba/ shin tu rnam par dag pa/ shin tu dri ma med pa rdzab kyi nang du bcug nas lo stong lon pa/ de lo stong 'das nas rdzab de nas phyung ste/ bkrus shing yongs su sbyangs te/ byi dor byas na shin tu dag cing shin tu yongs su dag la shin tu sbyangs nas/ de nyid dag pa dri ma med pa'i nor bu rin po che'i rang bzhin mi 'dor ro// blo gros rgya mtsho de bzhin du byang chub sems dpa' yang sems can thams cad kyi sems rang bzhin gyis 'od gsal bar rab tu shes la/ de yang bro bur gyi nye ba'i nyon mongs pas/ nyon mongs pa can du byas par mthong ngo // de la byang chub sems dpa' 'di snyam du sems te/ nyon mongs pa 'di dag ni sems can rnams kyi sems rang bzhin gyis 'od gsal ba la zhugs med kyi/ nyon mongs pa de dag ni yang dag pa ma yin pa kun brtags pa las byung du zad pas/ bdag gis// sems can de dag gi blo bur gyi nyon mongs pa spang ba'i phyir chos bstan mi nus so snyam nas/ de zhum pa'i sems mi skyed kyi de de bas kyang shas cher sems can thams cad rab tu thar par bya ba'i sems bskyed pa bskyed do/ / de yang 'di snyam du sems te/ nyon mongs pa de dag la ni stobs dang mthu chung zad kyang med de/ nyon mongs pa de dag ni stobs med pa nyam chung ba dag go// de dag ni yang dag pa la chung zad kyang mi gnas kyis/ nyon mongs pa de dag ni yang dag pa ma yin pa kun brtags pa dag ste/ de dag la yang dag pa ji lta ba bzhin du tshul bzhin yid la byed pas brtags na 'khrugs par mi 'gyur bas/ bdag gis de dag la ci nas kyang yang 'dre bar mi 'gyur ba de lta de ltar brtags par bya'o// nyon mongs pa rnams dang mi 'dre ba ni legs pa yin gyi 'dre ba ni ma yin no/ / gal te bdag nyon mongs pa rnams dang 'dre bar gyur na/ nyon mongs pa'i bcing bas bcings pa'i sems can rnams kyi nyon mongs pa'i bcing ba spang ba'i phyir/ ji ltar chos bstan gyis bdag nyon mongs pa rnams dang mi 'dre bar byas la/ nyon mongs pa'i bcing ba spang ba'i phyir/ sems can rnams la chos bstan par bya'o// bdag sems can yongs su smin par bya ba'i phyir/ gang dag 'khor ba'i rgyun byed la/ dge ba'i rtsa ba dang mtshungs par ldan pa'i nyon mongs pa de dag dang ni 'dre bar bya'o snyam mo// 'khor ba'i rgyun byed la dge ba'i rtsa ba dang mtshungs par ldan pa'i nyon mongs pa de dag gang zhe na/ 'di lta ste/ bsod nams kyi tshogs yongs su btsal bas mi ngoms pa dang / bsams bzhin du srid par skye ba yongs su 'dzin pa dang / sangs rgyas dang phrad par smon pa dang / sems can yongs su smin par bya ba la yongs su mi skyo ba dang / dam pa'i chos yongs su 'dzin pa la brtson pa dang / sems can gyi bya ba ci yod snyam pa la spro ba dang / chos 'dod pa'i bag la nyal mi 'dor ba dang / pha rol tu phyin pa la sbyor ba rnams yongs su mi gtong ba'o// blo gros rgya mtsho de dag ni dge ba'i rtsa ba dang mtshungs par ldan pa'i nyon mongs pa rnams te/ byang chub sems dpa' de dag gis 'dre yang / nyon mongs pa'i skyon rnams kyis mi gos so// blo gros rgya mtshos gsol pa/ bcom ldan 'das dge ba'i rtsa ba lags na/ ci'i slad du nyon mongs pa rnams shes bgyi/ bcom ldan 'das kyis bka' stsal pa/ blo gros rgya mtsho 'di ltar nyon mongs pa de lta bu de dag gis/ byang chub sems dpa' khams gsum dang 'dre zhing khams gsum pa ni nyon mongs pa las byung ba yin pas/ de la byang chub sems dpa' ni thabs la mkhas pa dang / dge ba'i rtsa ba'i stobs bskyed pas bsams bzhin du khams gsum dang 'dre'o/ / de'i phyir dge ba'i rtsa ba dang mtshungs par ldan pa'i nyon mongs pa zhes bya ste/ khams gsum du 'dre bas de skad bya'i/ sems nye bar nyon mongs/ bas ni ma yin no// blo gros rgya mtsho 'di lta ste/ dper na/ tshong dpon khyim bdag cig la bu sdug pa phangs pa/ yid du 'ong ba blta ba dang 'thun pa gcig pu zhig yod par gyur la khye'u de yang byis par gyur pas gar byed bzhin du khron pa phyi sa khung rtsog pa zhig tu lhung ba dang / de nas khye'u de'i ma dang / mdza' bshes dang / nye du dag gis khye'u de khron pa brtsog par lhung bar mthong la/ mthong nas kyang sgra cher phyung ste/ mya ngan byed cing smre sngags 'don gyi/ khron pa brtsog pa der zhugs te/ bu gcig pa de mi 'byin la/ de nas khye'u de'i pha 'ongs tedes bu gcig khron pa brtsog par lhung ba de mthong la/ mthong nas kyang bu gcig pa la bsam pa thag pa nas byams shing rjes su chags pas mi smod par myur du skyen par la gor du khron pa btsog pa der zhugs te/ bu gcig pa byung ba 'di lta bu 'di na/ blo gros rgya mtsho ji tsam du don shes par bya ba'i phyir/ dper byas pa yin no// 'dir don du blta ba gang zhe na/ blo gros rgya mtsha khron pa bcog pa zhes bya ba ni/ khams gsum gyi tshig bla dgas so// bu gcig pa zhes bya ba ni/ sems can thams cad kyi chog bla dgas te/ de dag la byang chub sems dpa' bu gcig pa ltar 'du shes so/ / ma dang / mdza' bshes dang / nye du zhes bya ba de ni/ nyan thos dang / rang sangs rgyas kyi theg pa pa'i gang zag rnams kyi tshig bla dgas te/ de dag ni 'khor bar lhung pa'i sems can rnams mthong na/ mya ngan byed cing smre sngags 'don gyi 'byin ni mi nus so// tshong dpon khyim bdag ces bya ba de ni/ byang chub sems dpa' tshig bla/ dgas te/ de ni sems dag cing dri ma med cing / dri ma dang bral la 'dus ma byas kyi chos mngon sum du gyur kyang / sems can yongs su smin par bya ba'i phyir/ bsams bzhin du khams gsum du mtshams sbyor ro/ / blo gros rgya mtsho 'di ni byang chub sems dpa' rnams kyi snying rje chen po ste/ gang nyon mongs pa'i bcing ba thams cad las shin tu yongs su grol yang thabs mkhas pas srid par skye ba nye bar len pa la/ shes rab kyis yongs su zin pas rang gi nyon mongs pa rnams kyis kyang gnod pa med cing nyon mongs pa'i bcing ba thams cad spang ba'i phyir/ sems can rnams la chos kyang ston pa'o/ / byang chub sems dpa' blo gros rgya mtshos gsol pa/ bcom ldan 'das byang chub sems dpa' sems dri ma ma mchis shing dri ma dang bral te/ de dag kyang 'khor ba la mi smod cing / chos zab mo la ji lta ba bzhin du rtogs pas kyang / 'dus ma byas su mi lhung zhing 'bras bu yang thob par mi bgyid pa ni/ bgyi dka' ba bgyid pa'o// bcom ldan 'das kyis bka' stsal pa blo gros rgya mtsho 'di ni byang chub sems dpa' rnams kyi yan lag gnyis dang rab tu ldan pa'i lam te/ 'di ltar shes rab kyi pha rol tu phyin pa dang thabs la mkhas pa'o/ / blo gros rgya mtsho gang gi tshe byang chub sems dpa' sems dri ma med cing dri ma dang bral te/ dag par gyur pa 'di ni de'i shes rab kyi pha rol tu phyin pa'o// blo gros rgya mtsho gang gi tshe byang chub sems dpa' 'khor ba la mi smod cing / sems can yongs su smin par bya ba'i phyir/ skye ba yang 'dzin pa 'di ni de'i thabs la mkhas pa'o// blo gros rgya mtsho gzhan yang gang gi tshe/ byang chub sems dpa' 'du byed thams cad la stong pa nyid dang / mtshan ma med pa dang / smon pa med pa dang / mngon par 'du bya ba med pa dang / ma skyes pa dang / ma byung bar so sor rtog pa 'di ni/ de'i shes rab kyi pha rol tu phyin pa'o// gang gi tshe snying rje chen po sngon du btang ba'i sems kyis/ 'dus ma byas su mi ltung 'bras bu thob par yang mi byed pa 'di ni/ de'i thabs la mkhas pa'o// blo gros rgya mtsho gzhan yang gang gi tshe/ byang chub sems dpas dus gsum mnyam pa nyid kyi phyir/ tha dad du bya ba'i chos gang yang mi mthong ste/ chos kyi dbyings kyi mnyam pa nyid gang yin pa de sems can gyi khams kyi mnyam pa/ sems can gyi khams kyi mnyam pa gang yin pa de// mya ngan las 'das pa'i dbyings kyi mnyam pa/ mya ngan las 'das pa'i dbyings kyi mnyam pa gang yin pa de chos kyi dbyings kyi mnyam pa ste/ chos kyi dbyings la 'jug pas/ mnyam pa nyid la 'jug pa 'di ni/ de'i shes rab kyi pha rol tu phyin pa'o// gang gi tshe sems can gyi khams khams gcig tu rab tu shes shing / mya ngan las 'das pa'i dbyings kyang / mngon sum du mi byed la/ sems can gyi khams la lta bas/ chos kyi dbyings la mi lta bar yang mi 'gyur ba 'di ni de'i thabs la mkhas pa'o// rigs kyi bu gzhan yang sbyin pa dag pa ni/ shes rab bo// yongs su bsngo ba dag pa ni thabs so// tshul khrims dang / bzod pa dang / brtson 'grus dang / bsam gtan dag pa ni shes rab bo// yongs su bsngo ba dag pa ni thabs so// mdor bsdu na dge ba'i rtsa ba thams cad dag pa ni shes rab bo// yongs su bsngo ba dag pa ni thabs so// blo gros rgya mtshos gsol pa/ bcom ldan 'das byang chub sems dpa'i dge ba'i rtsa ba yongs su dag pa ni gang lags/ yongs su bsngo ba dag pa ni gang lags/ shes rab dag pa ni gang lags/ thabs dag pa ni gang lags/ bcom ldan 'das kyis bka' stsal pa/ blo gros rgya mtsho dge ba'i rtsa ba dag pa ni gang bdag dang / sems can dang / srog dang / gso ba dang / skyes bu dang / gang zag tu lta ba dang bral bar dge ba'i rtsa ba de dag sogs pa'o/ / yongs su bsngo ba dag pa ni gang stong pa nyid dang / mtshan ma med pa dang / smon pa med pa yongs su 'dris par dge ba'i rtsa ba de dag byang chub tu yongs su bsngo ba'o// shes rab dag pa ni gang sems can thams cad kyi dbang po mchog dang / mchog ma yin pa shes pa'i ye shes so// thabs dag pa ni gang sems can thams cad la so so ci rigs par chos ston pa la mkhas pa'o/ / blo gros rgya mtsho gzhan yang dge ba'i rtsa ba dag pa ni gang srid par 'gro ba'i skye ba thams cad la mi gnas par dge ba'i rtsa ba de dag sogs pa'o// yongs su bsngo ba dag pa ni gang theg pa thams cad la yang dag par gzhol bas/ nyan thos dang / rang sangs rgyas thams cad kyi yid la byed pa dang bral bar dge ba'i rtsa ba de dag theg pa chen por yongs su bsngo ba'o// shes rab dag pa ni gang / bag chags kyi mtshams sbyor bar gyur pa'i nyon mongs pa thams cad yang dag par 'joms pa'o// thabs dag pa ni sems can gang dag yongs su smin par byed pa de dag don 'thun pas theg pa chen po yang dag par 'dzin tu 'jug pa'o/ / gzhan yang dge ba'i rtsa ba dag pa ni/ 'di lta ste/ longs spyod mi zad pa dang / lag na rin po che'o// yongs su bsngo ba dag pa ni gang sems can thams cad dang / thob pa dang / mi slob pa dang / rang sangs rgyas thams cad dang / byang chub sems dpa' thams cad dang / sangs rgyas thams cad kyi dge ba'i rtsa ba rnams yongs su bsngo ba des yongs su 'dzin cing / yang dag par 'jug pa'o// shes rab dag pa ni gang / gzungs kyi phyag rgyas btab nas/ sangs rgyas thams cad kyis gsungs pa kun tu 'dzin cing chud mi za bar byed pa'o/ / thabs dag pa ni gang spobs pa rgyun mi 'chad pa dang / spobs pa chags pa med pa dang / chos bstan pa don yod pas legs par bshad pas sems can thams cad yang dag par tshim par byed pa'o/ / blo gros rgya mtsho gzhan yang dge ba'i rtsa ba dag pa ni gang / tshe rabs tshe rabs dag tu byang chub kyi sems mi brjed pa'o// yongs su bsngo ba dag pa ni gang byang chub kyi sems ma brjed par/ dge ba'i rtsa ba thams cad mkhyen pa nyid du yongs su bsngo'o// shes rab dag pa ni gang / mi gnas pa'i dge ba'i rtsa ba de byang chub kyi sems su shes pa'o/ / thabs dag pa ni byang chub kyi sems mnyam pa nyid pha rol khong du chud par bya ba'i phyir yang dag par 'dzin tu 'jug pa'o// de nas bcom ldan 'das la byang chub sems dpa' blo gros rgya mtshos 'di skad ces gsol to/ / bcom ldan 'das kyis gsungs pa'i don ji ltar bdag gis 'tshal ba ltar na/ bcom ldan 'das ba dag 'di snyam du bgyid do// byang chub sems dpa' thabs la mkhas pa dang / shes rab kyi pha rol tu phyin pa yongs su dag pa rnams kyi byang chub ni kun tu 'gro ba ste/ bcom ldan 'das de dag gi byang chub ma lags pa'i chos gang yang ma mchis so/ / de ci'i slad du zhe na/ bcom ldan 'das chos thams cad mnyam pa nyid du rtogs pa ni byang chub bo// bcom ldan 'das de lta bas na byang chub sems dpas byang chub la ring ba'i 'du shes mi bgyi'o/ / yul drug po dag gi nang nas chos gang de la snang bar 'gyur ba de nyid yang dag pa ji lta ba bzhin du rtogs pa ni byang chub bo// bcom ldan 'das de ltar mos pa'i byang chub sems dpa' ni thabs mkhas pa dag pa dang / shes rab kyi pha rol tu phyin pa dag pa thob par 'gyur ro// de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho legs so legs so// de de bzhin no// ji skad smras pa bzhin te/ yul drug po dag gi nang nas chos gang byang chub sems dpa' thabs la mkhas pa dang / shes rab kyi pha rol tu phyin pa yongs su dag pa rnams la snang bar 'gyur ba de nyid yang dag pa ji lta ba bzhin du rtogs pa ni byang chub ste/ blo gros rgya mtsho khyod kyis rnam grangs 'dis kyang de ltar rig par bya'o/ / blo gros rgya mtsho sngon byung ba 'das pa'i dus na/ bskal pa grangs med pa'i yang ches grangs med pa shin tu rgyas pa tshad med pa/ bsam gyis mi khyab pa mtshungs pa med par gyur pa/ de'i tshe de'i dus na/ skar mdog gi bskal pa la shin tu sprul pa'i 'jig rten gyi khams su bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od gzer snang ba mtha' yas shes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das 'jig rten du byung ngo // ci'i phyir de bzhin gshegs pa de 'od zer snang ba mtha' yas shes bya zhe na/ bcom ldan 'das de thams cad mkhyen pa ma thob cing / byang chub sems dpar gyur bzhin du byang chub kyi snying po la 'dug nas/ lus las 'od 'di lta bu phyung ste/ 'od rab tu phyung ba des phyogs bcu'i sangs rgyas kyi zhing tshad med grangs med bgrang ba las shin tu 'das pa dag snang ba chen pos gsal bar gyur to/ / sangs rgyas kyi zhing de dag na/ byang chub sems dpa' gang dag phyir mi ldog pa dang / skye ba gcig gis thogs pa 'khod pa de dag gis/ byang chub sems dpa' byang chub kyi snying po la 'dug pa de mthong ngo // mthong nas kyang byang chub sems dpa' de ga la ba de logs su me tog dag gtor to/ / gtor ba dang / sangs rgyas kyi mthus 'ongs nas/ byang chub sems dpa' de'i lus la bab bo// me tog de dag gis 'jig rten gyi khams shin tu sprul pa der mi bdun gyi 'phang tsam gyi me tog bkram pa gcig pu gnas par gyur to/ / 'jig rten gyi khams de na dbang che ba/ dbang che bar grags pa'i lha gang dag dang / byang chub sems dpa' gang dag 'khod pa de dag gis/ 'od de mthong nas/ gang 'di lta bu rnam par dag pa'i 'od byung ba las na/ kye ma 'di ni de bzhin gshegs pa 'od gzer snang ba mtha' yas su 'gyur ro zhes/ ched du rjod pa ched du brjod de/ de ltar na/ de bzhin gshegs pa de'i mtshan 'od gzer snang ba mtha' yas 'od gzer snang ba mtha' yas shes bya bar gyur to// ci'i phyir 'jig rten gyi khams de shin tu sprul pa zhes bya zhe na/ 'jig rten gyi khams de na 'khod pa'i mi de dag gi longs spyod dang yongs su spyad pa ni/ gzhan 'phrul dbang byed kyi lha'i bu rnams kyi longs spyod dang / yongs su spyad pa ci 'dra ba de 'dra bar gyur pas/ de'i phyir 'jig rten gyi khams de shin tu sprul pa zhes bya'o// ci'i phyir bskal pa de skar mdog ces bya zhe na/ blo gros rgya mtsho bskal pa khri 'das nas bskal pa de la sangs rgyas byung bar gyur te/ de bzhin gshegs pa skar ma la dga' ba zhes bya ba byung ngo // gang gis 'og tu bcom ldan 'das de bzhin gshegs pa 'od gzer snang ba mtha' las des byang chub thob pa'i de bzhin gshegs pa de'i mtshan gyis/ bskal pa de skar mdog ces bya'o// blo gros rgya mtsho bskal pa de la de bzhin gshegs pa bye ba phrag bcu bzhi byung ngo // blo gros rgya mtsho 'jig rten gyi khams shin tu sprul pa de ni 'byor pa/ rgyas bzhi ba/ lo legs pa/ lha dang mis gang pa yangs shing tha gru che bar gyur te/ gling byi ba brgya stong phrag dgu cu rtsa drug yod do/ / gling re re'i tshad kyang dpag tshad brgya stong phrag bcu rtsa bzhi yod do// dpag tshad brgya stong phrag brgyad bcu rtsa bzhi re re la yang grong khyer brgyad khri bzhi stong yod par gyur to// grong khyer re re yang grong dang / tshong dus dang / 'or gyi grong brgyad khri bzhi stong gis kun nas bskor bar gyur to// grong khyer de dag thams cad na yang srog chags bye ba khrag khrig brgya stong phrag bcu bcu yod par gyur to/ / grong dang / tshong 'dus dang / 'or gyi grong de dag thams cad na yang mi'i skye dgu'i srog chags bye ba phrag brgyad brgyad gnas par gyur to// dbang che ba dbang che bar grags pa'i mi rnams lta smos kyang ci dgos te/ de ltar 'jig rten gyi khams de rgyas par gyur to// 'jig rten gyi khams de ni gser dang dngul dang / shel dang / bai DUR+Ya dang / rin po che sna bzhi las grub par gyur to/ / de na bza' ba dang / btung ba dang / gos dang / rgyan dang / yongs su spyad pa dag bsams pa tsam gyis 'byor to// lha dang mi de dag kyang nga'i ba med cing yongs su 'dzin pa med par gyur to/ / bcom ldan 'das de bzhin gshegs pa 'od gzer snang ba mtha' yas de'i tshe'i tshad ni bar gyi bskal pa bcu thub par gyur to// de'i nyan thos kyi dge 'dun chen po ni/ nyan thos bye ba brgya stong phrag sum cu rtsa drug yod do/ / byang chub sems dpa'i 'dus pa chen po ni byang chub sems dpa' bye ba brgya phrag bcu gnyis su yod do// rgyal po'i pho brang grong khyer shin tu rnam par dag pa zhes bya ba ni/ bcom ldan 'das de'i sku skye ba'i sar gyur to// bcom ldan 'das de de nas mngon par byung nas/ bcom ldan 'das de grong khyer chen po dga' ba 'byung ba zhes bya bar gnas te bzhugs so/ / blo gros rgya mtsho de'i tshe de'i dus na/ grong khyer chen po dga' ba 'byung ba der 'khor los sgyur ba'i rgyal po yul shin tu rnam par dag pa zhes bya ba/ stong gsum gyi stong chen po'i 'jig rten gyi khams kyi dbang phyug rin po che sna bdun dang ldan pa zhig byung ngo / / de'i rin po che sna bdun ni 'di lta ste/ 'di ltar 'khor lo rin po che dang / glang po rin po che dang / rta rin/ po che dang / bud med rin po che dang / nor bu rin po che dang / khyim bdag rin po che dang / blon po rin po che dang bdun no// rgyal po yul shin tu rnam par dag pa de yang bla na med pa yang dag par rdzogs pa'i byang chub la yang dag par zhugs par gyur to/ / lhag pa'i bsam pa phun sum tshogs pa/ sems can thams cad la sems zhe 'gras pa med pa'o// rgyal po yul shin tu rnam par dag pa de'i btsun mo'i 'khor gyi bud med ni bye ba phrag bzhi yod de/ gzugs bzang ba/ mdzes pa blta na sdug pa/ lha'i bu mo'i gzugs dang 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ / de la bu stong yod de/ dpa' ba/ rtul phod pa/ yan lag bzang po mchog gi gzugs dang ldan pa/ pha rol gyi sde rab tu 'joms pa/ sred med kyi bu'i stobs kyis shugs phyed bdog pa/ skyes bu chen po'i mtshan nyi shu rtsa brgyad kyis yan lag rnam par spras pa/ bla na med pa yang dag par rdzogs pa'i byang chub la yang dag par zhugs pa sha stag go/ / de la bu mo brgyad 'bum yod de/ gzugs bzang ba mdzes pa/ blta na sdug pa/ lha'i bu mo'i gzugs 'dra ba/ bla na med pa yang dag par rdzogs pa'i byang chub la yang dag par zhugs pa sha stag go/ / blo gros rgya mtsho rgyal po yul shin tu rnam par dag pas/ bcom ldan 'das de bzhin gshegs pa 'od gzer snang ba mtha' yas pa de 'khor dang bcas pa la bar gyi bskal pa gnyis kyi bar du rung ba kha na ma tho ba med pa/ dge sbyong dang 'thun pa yid du 'ong ba'i gos dang / zas dang mal cha dang / na ba'i gsos sman dang yo byad rnams kyis spyan drangs par gyur to/ / rgyal po des bcom ldan 'das de la mchod pa'i phyir/ 'khor gyi khyams yangs shing thag gru che ba/ chu zheng dpag tshad lnga 'bum yod pa sa phyogs nor bu rin po che bai rAR+Ya sa spras pa/ rin po che sna bdun gyis phyir bskor ba/ tsa na dan dmar po dang / tsan dan sbrul gyi snying po gshibs te sbyar ba sna tshogs blta na sdug pa/ lha'i gzhal med khang 'dra bar byas so/ / gzhan yang dge slong gi dge 'dun gyis yongs su spyad pa'i khang pa brtsegs pa sa ya byas so// blo gros rgya mtsho de ltar rgyal po yul shin tu rnam par dag pas gzhan mi byed par rgyun tu tshangs par spyad pa yang dag par blangs/ bslab pa'i gnas lnga yongs su bzung ste/ btsun mo'i 'khor dang bcas/ rang gi skye bo dang bcas/ g.yog 'khor dang bcas pas bar gyi bskal pa gnyis su bcom ldan 'das de la bsnyen bkur byas nas/ bar gyi bskal pa de gnyis 'das pa dang bcom ldan 'das de bzhin gshegs pa 'od gzer snang ba mtha' yas pa de ga la ba der song ste phyin nas/ bcom ldan 'das de'i zhabs la mgo bos phyag 'tshal te/ lan bdun du bskor ba byas nas/ phyogs gcig tu 'dug go// phyogs gcig tu 'dug nas kyang rgyal po yul shin tu rnam par dag pas/ bcom ldan 'das de bzhin gshegs pa 'od gzer snang ba mtha' yas de la 'di skad ces gsol to// bcom ldan 'das ji ltar na byang chub sems dpa' theg pa chen po la gzhan gyi dring mi 'jog pa rnams lags/ bcom ldan 'das ji ltar na byang chub sems dpa' khyad par du mchi bas de la ma chags pa rnams lags/ bcom ldan 'das ji ltar na byang chub sems dpa' blo mi g.yo mi 'gyur zhing shin tu brtan pa rnams lags/ bcom ldan 'das ji ltar na byang chub sems dpa' thabs dang shes rab yongs su dag pa rnams lags/ bcom ldan 'das ji ltar na/ byang chub sems dpa' rgyang ring du yang lha la rtsa ba yang ma chad pa rnams lags/ bcom ldan 'das ji ltar na byang chub sems dpa' yul yang 'byor la bag mchis pa yang mi 'dor ba rnams lags/ bcom ldan 'das ji ltar na byang chub sems dpa' don zab mo'i tshul la mi skrag pa rnams lags/ bcom ldan 'das ji ltar na byang chub sems dpa' la byang chub sems dpa' yang dag pa rnams shes bgyi/ blos gros rgya mtshos de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas 'od gzer snang ba mtha' yas des/ rgyal po yul shin tu rnam par dag pa la 'di skad ces bka' stsal to// rgyal po chen po de'i phyir legs par rab tu nyon la yid la zung shig dang bshad do/ / rgyal po chen po byang chub sems dpa' sems dpa' chen po chos bzhi dang ldan na/ theg pa chen po la gzhan gyi dring mi 'jog pa rnams yin no// bzhi gang zhe na/ mos pa las nges par byung ba'i dad pa 'phags pa/ 'jig rten las 'das pa dang / phyir mi ldog pa'i brtson 'grus 'bar bas sems can yongs su smin par bya ba la brtson pa dang / shin tu rnam par brtags pa'i blos/ mngon par shes pa'i ye shes kyis rnam par brtson pa dang / so so rang gis shes pa dang ldan pa'i shes rab kyis chos thams cad nges par rtogs pa'i mtshan nyid de/ rgyal po chen po byang chub sems dpa' sems dpa' chen po chos bzhi po de dag dang ldan na/ theg pa chen po la gzhan gyi dring mi 'jog pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ khyad par du 'gro bas de la ma chags pa rnams yin no// bzhi gang zhe na/ sems las su rung bas bsam gtan las ldog pa la mkhas pa rnams yin/ gzhan la bde ba rab tu sbyin pas bdag bde ba la mi chags pa rnams yin/ snying rje chen po la rab tu gnas shing byams pa chen po la gnas pa rnams yin/ gong nas gong ma'i khyad par 'dod pas rgya chen po la mos pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na// khyad par du 'gro bas de la ma chags pa rnams yin no/ / rgyal po chen po byang chub sems dpa' sems dpa' chen po chos bzhi dang ldan na/ blo mi g.yo mi 'gyur zhing shin tu brtan pa rnams yin no// bzhi gang zhe na/ sgyu dang g.yo med pa'i bsam pa dang / bsam pa yongs su dag pa'i sbyor ba dang / sbyor ba las mi ldog pa'i lhag pa'i bsam pa dang / lhag pa'i bsam pa ma bor bar bsgrub pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ blo mi g.yo mi 'gyur zhing shin tu brtan pa rnams yin no// rgyal po chen po byang chub sems dpa' sems dpa' chen po chos bzhi dang ldan na thabs dang shes rab yongs su dag pa rnams yin no/ / bzhi gang zhe na/ sems can thams cad la bdag med par yang mthong la/ bsdu ba'i dngos po bzhis sems can rnams kyang yongs su smin par byed pa dang chos thams cad brjod du med par yang rab tu shes la/ yi ge dang nges pa'i tshigs gis sems can rnams la chos kyang ston cing dam pa'i chos kyang yongs su 'dzin pa dang / sangs rgyas thams cad chos kyi skus rab tu phye bar yang mos la/ mtshan dang dpe byad bzang po yongs su bsgrub pa'i phyir/ brtson 'grus kyang nyams pa mi byed pa dang / sangs rgyas kyi zhing thams cad la nam mkha'i ngo bo nyid du yang rtog la/ sangs rgyas kyi zhing yongs su dag par bya ba'i phyir rtsol ba'i rgyun kyang mi gcod pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ thabs dang shes rab yongs su dag pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ rgyang ring du yang lta la/ rtsa ba yang ma chad pa rnams yin no// bzhi gang zhe na/ byang chub kyi snying po la yang lha la/ byang chub kyi sems kyang mi 'dor ba rnams yin/ sangs rgyas kyi ye shes la yang lta la/ rang gi shes pas kyang zhum pa med pa rnams yin/ chos kyi 'khor lo rab tu bskor ba la yang lta la/ ji ltar thos pa'i chos bstan pas kyang yongs su mi skyo ba rnams yin/ yongs su mya ngan las 'das pa chen po la yang lha la/ tshe dang 'chi 'pho dang skye ba la mi smod pa rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ rgyang ring du yang lta zhing rtsa ba yang ma chad pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ yul yang 'byor la/ bag yod pa yang mi 'dor ba rnams yin no// bzhi gang zhe na/ mi yongs su smin par bya ba'i phyir/ 'khor los sgyur ba'i rgyal por yang 'gyur la/ 'dra byed la mi rtag par so sor rtog pas yul 'byor kyang bag med par mi 'gyur ba rnams yin/ lha yongs su smin par bya ba'i phyir/ lha rnams kyi dbang po brgya byin du yang 'gyur la/ 'du byed la sdug bsngal bar so sor rtog pas yul 'byor kyang bag med par mi 'gyur ba rnams yin/ bdud kyi ris kyis lha yongs su smin par bya ba'i phyir/ bdud nyid du nye bar ston la/ chos la bdag med par so sor rtog pas yul 'byor kyang / bag yod par mi 'gyur ba rnams yin/ tshangs ris kyi lha yongs su smin par bya ba'i phyir/ tshangs pa dbang sgyur du yang gyur la/ mya ngan las 'das pa la zhi bar rtog pas/ yul 'byor kyang / bag med par mi 'gyur ba rnams yin te/ rgyal po chen po byang chub sems dpa' sems dpa' chen po chos bzhi po de dag dang ldan na/ yul yang 'byor la/ bag yod pa yang mi 'dor ba rnams yin no// rgyal po chen po byang chub sems dpa' sems dpa' chen po chos bzhi dang ldan na/ don zab mo'i tshul la mi skrag pa rnams yin no/ / bzhi gang zhe na/ yang dag pa'i dge ba'i bshes gnyen gang dag phyi rol du mi byed par rgyun tu sangs rgyas kyi byang chub zab mo 'di yang dag par rab tu ston pa la sten pa dang / mdo sde zab mo tshul 'di lta bu de dag mnyan pa'i phyir/ dpag tshad brgyar yang 'gro ba dang / ji ltar thos pa'i chos rnams kyi don la tshul bzhin du dpyod pa dang / don la rton pa yin/ gyi tshig 'bru la rton pa ma yin pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ don zab mo'i tshul la mi skrag pa rnams yin no// rgyal po chen po byang chub sems dpa' sems dpa' chen po chos bzhi dang ldan na/ byang chub sems dpa' yang dag pa rnams shes bya'o// bzhi gang zhe na/ pha rol tu phyin pa thams cad yongs su tshol ba la brtson pa'i brtson 'grus dang / sems can thams cad yongs su smin par bya ba la brtson pa'i snying rje chen po dang / sangs rgyas kyi chos thams cad yongs su rdzogs par byed pa la brtson 'grus pa'i stobs kyis rnam par gnon pa dang / 'khor ba dpag tu med pa yongs su 'dzin pa la yongs su mi skyo bar brtson pas bsod nams dang / ye shes kyi tsho gas sogs pa ste/ rgyal po chen po byang chub sems dpa' sems dpa' chen po chos bzhi po de dag dang ldan na/ byang chub sems dpa' yang dag pa rnams shes bya'o// blo gros rgya mtsho de ltar na bcom ldan 'das de bzhin gshegs pa 'od gzer snang ba mtha' yas des bzhi pa bsgrub pa bstan pa 'di bshad pa na/ srog chags bye ba khrag khrig phrag bcus bla na med pa yang dag par rdzogs pa'i byang chub tu sems bskyed do// dge slong bye ba phrag brgyad len pa med par zag pa rnams las sems rnam par grol lo// rgyal po gzhon nu de dag dang / rgyal po'i bu mo rnams dang / rgyal po'i btsun mo'i 'khor ni chung ngu'i rjes su 'thun pa'i chos la bzod pa skyes so/ / rgyal po yul shin tu rnam par dag pa ni rno ba'i rjes su 'thun pa'i chos la bzod pa skyes so// de nas rgyal po yul shin tu rnam par dag pa tshom zhing mgu kha yi rangs shing rab tu dga' ste/ dga' ba dang / yid bde ba skyes nas rgyal srid thams cad bcom ldan 'das de la yongs su spyad pa'i phyir phul lo// // bam po dgu pa/ blo gros rgya mtsho de nas bcom ldan 'das de bzhin gshegs pa 'od gzer snang ba mtha' yas des rgyal po yul shin tu rnam par dag pa la 'di skad ces bka' stsal to// rgyal po chen po khyod kyis yongs su spyad pa'i phyir/ rgyal srid thams cad de bzhin gshegs pa la phul zin na/ rgyal po chen po khyod dad pas legs par gsung pa'i chos 'dul ba la khyim nas khyim med par rab tu byung shig/ de ci'i phyir zhe na/ rgyal po chen po legs par gsungs pa'i chos 'dul ba la rab tu byung ba ni don che ba/ phan yon che ba/ rgya che ba'o// rgyal po chen po rab tu byung bar gtogs pa'i byang chub sems dpa'i thob pa chen dzan nyi shu po 'di lta/ thams cad mkhyen pa blan med pa'i 'thob pa yongs su rdzogs par 'gyur ba dag go/ / nyi shu po gang zhe na/ 'di lta ste/ rgyal srid dang / longs spyod dang / g.yog 'khor dang / dbang phyug 'dor bas nga'i ba med cing yongs su 'dzin pa med pa thob pa dang khyim nas 'byung ba la gzhol bas nyon mongs pa las 'byung ba thob pa dang / drar smrig 'dzin pas rnyog pa med pa'i sems thob pa dang / 'phags pa'i rigs chog shes pas dgang za ba dang gso sra ba thob pa dang / sbyangs pa'i yon tan yo byad bsrungs pa yang dag par len pas 'dod pa che ba dang sdig pa 'dod pa spong ba thob pa dang / tshul khrims kyi phung po yongs su dag pas lha dang ming skye ba thob pa dang / byang chub kyi sems mi 'dor bas pha rol tu phyin pa drug thob pa dang / dgon pa dben pa na gnas pas 'du 'dzi dang mi 'dre ba thob pa dang / gnod pa med pas chos sems pa'i bde ba thob pa dang / bsam gtan gyi yan lag yang dag par bsgrubs pas sems las su rung ba thob pa dang / thos pa yongs su tshol bas shes rab chen po thob pa dang / nga rgyal med pas shes chen po thob pa dang / don drung zhing byed pa nyung bas chos rab tu rnam par 'byed pa thob pa dang / sems can thams cad la sems mnyam pa nyid pas byams pa chen po thob pa dang / sems can thams cad rab tu thar par byed pa'i sems kyis snying rje chen po thob pa dang / lus dang srog la mi lta bas dam pa'i chos yongs su 'dzin par thob pa dang / sems rab tu sbyangs pas mngon par shes pa chen po thob pa dang / sangs rgyas rjes su dran pas sangs rgyas mthong ba thob pa dang / tshul bzhin gyi chos la so sor rtog pas mi skye ba'i chos la bzod pa thob pa thob pa dang / yon tan thams cad yang dag par 'dzin pa'i spyod pas myur du thams cad mkhyen pa thob pa thob pa ste/ rgyal po chen po rab tu byung bar gtogs pa'i byang chub sems dpa' la thob pa chen po nyi shu po 'di dag rnyed par dka' bar mi 'gyur ro/ / rgyal po chen po de lta bas na khyod legs par gsungs pa'i chos 'dul ba la rab tu byung shig/ blo gros rgya mtsho de nas bcom ldan 'das des rgyal po yul shin tu rnam par dag pa rab tu 'byung ba yang dag par 'dzin tu bcug pas rgyal srid thams cad spangs rgyal srid kyi dpal yang spangs te/ khyim na gnas pas yid byung bas sgra dang kha spu bregs te/ gos ngur smrig bgos nas/ bcom ldan 'das de'i bstan pa la dad pas khyim nas khyim med par rab tu byung ngo // de rab tu byung bar rig nas rgyal po'i btsun mo'i 'khor kyang rab tu byung ngo / / de dag rab tu byung bar rig nas rgyal du gzhon nu rnams kyang rab tu byung ngo // de dag rab tu byung bar rig nas rgyal po'i bu mo gzhon nu ma rnams kyang rab tu byung ngo // de dag rab tu byung bar rig nas/ rgyal po'i yul na gnas pa'i srog chags bye ba khrag khrig brgya stong phrag dgu bcu rtsa dgu yang rab tu byung ngo // de ltar de dag rab tu byung nas/ dgra ba'i chos yongs su tshol ba la brtson pas brtson 'grus brtsams te gnas so/ / blo gros rgya mtsho sems can bsod nams byas pa thams cad kyi gnas su gyur pas ji tsam du bcom ldan 'das de'i gsung rab mdzes par gyur pa la ltos blo gros rgya mtsho de nas rgyal po yul shin tu rnam par dag pa de ltar rab tu byung na/ bcom ldan 'das de bzhin gshegs pa 'od gzer snang pa mtha' yas de ga la ba der song song ste phyin nas bcom ldan 'das de la 'di skad ces gsol to/ / bcom ldan 'das bdag gang la sgrub pa snying por bgyid par gnas shing don mchis par yul 'khor gyi bsod snyoms yongs su 'tshal bar 'gyur ba'i gdams ngag dang rjes su bstan pa bdag la stsal du gsol/ blo gros rgya mtsho de skad ces gsol ba dang / bcom ldan 'das des dge slong yul shin tu rnam par dag pa la 'di skad ces bka' stsal to/ / dge slong khyod kyi ming ni yul shin tu rnam par dag pa zhes bya'o// khyod song la rang gi yul rnam par dag par bya ba'i phyir brtson par gyis shig/ rang gi yul la tshul bzhin gyis so sor rtogs shig ci nas kyang yul drug po dag gi nang nas chos gang khyod la snang bar 'gyur ba de nyid yang dag pa ji lta ba bzhin du yang dag par rdzogs par khong du chud pas byang chub mthong bar 'gyur ba de ltar so sor rtogs shig/ byang chub la ring ba'i 'du shes ma byed cig/ nye ba'i 'du shes kyang ma byed cig/ blo gros rgya mtsho de nas bcom ldan 'das des dge slong yul shin tu rnam par dag pa la gdams ngag 'dis gdams pa dang / gcig pu dben par rtun cing shes bzhin dang ldan la bag yod par gnas te/ rang gi yul la yang dag pa ji lta ba bzhin du so sor rtog go/ / de'i tshul bzhin gyis so sor rtog pa gang zhe na/ 'di lta ste/ mig gi yul ni stong pa nyid kyi yul lo// stong pa nyid kyi yul ni sems can thams cad kyi yul lo/ / sems can thams cad kyang stong pa nyid kyi yul te/ sangs rgyas kyi yul lo// rna ba'i yul ni stong pa nyid kyi yul lo// stong pa nyid kyi yul ni sems can thams cad kyi yul lo/ / sems can thams cad kyang stong pa nyid kyi yul te/ sangs rgyas kyi yul lo// de bzhin du sna dang / lce dang / lus dang / yid kyi yul ni stong pa nyid kyi yul lo/ / stong pa nyid kyi yul ni sems can thams cad kyi yul lo// sems can thams cad kyang stong pa nyid kyi yul te/ sangs rgyas kyi yul lo// mig gi yul ni mtshan ma med pa'i yul lo/ / mtshan ma med pa'i yul ni sems can thams cad kyi yul lo// sems can thams cad kyang mtshan ma med pa'i yul te/ sangs rgyas kyi yul lo// yid kyi bar gyi yul ni mtshan ma med pa'i yul lo/ / mtshan ma med pa'i yul ni// sems can thams cad kyi yul lo// sems can thams cad kyang mtshan ma med pa'i yul te/ sangs rgyas kyi yul lo/ / de bzhin du mig gi yul ni smon pa med pa'i yul lo// mngon par 'du bya ba med pa'i yul lo// ma skyes pa dang / ma byung ba'i yul lo// ma byung ba'i yul ni sems can thams cad kyi/ yul lo// sems can thams cad kyang ma byung ba'i yul te/ sangs rgyas kyi yul lo// de bzhin du yid kyi bar gyi yul dang sbyar ro// blo gros rgya mtsho de ltar dge slong yul shin tu rnam par dag pa yul la 'jug pa 'dis/ lus dang sems las su rung ste/ 'dun pa dang / brtson 'grus dang / sems dang spyod pa'i rdzu 'phrul gyi rkang pa bsgoms pas ring po ma thogs par mngon par shes pa lnga bskyed par gyur to/ / bag yod pa'i spyod pa des kyang don dang / nges pa'i tshig thams cad sdud pa zhes bya ba'i gzungs rab tu thob bo// blo gros rgya mtsho de'i tshe de'i dus na/ gang 'khor los sgyur ba'i rgyal srid 'byor pa spangs te/ bcom ldan 'das de'i bstan pa la rab tu byung nas yul shin tu rnam par dag pa zhes bya ba'i dge slong du gyur pa de gzhan zhig yin pa snyam du khyod dogs shing yid gnyis su gyur tam/ the tsom zan khyod kyis de ltar mi blta'o// de ci'i phyir zhe na/ blo gros rgya mtsho khyod nyid de'i tshe de'i dus na dge slong yul shin tu rnam par dag pa zhes bya bar gyur to// blo gros r gya mtsho de'i tshe de'i dus na gang dag dge slong rab tu byung ba de'i rjes su rab tu byung ba'i srog chags bye ba khrag khrig brgya stong mang por gyur pa de dag gzhan dag cig yin pa snyam du khyod sems na de de ltar mi blta ste/ chos mnyan pa'i phyir gang dag khyod kyi phyi bzhin 'brang ba'i byang chub sems dpa' 'di dag go// bcom ldan 'das kyis sngon byung ba'i le'u 'di bshad pa na/ srog chags khri brgyad stong/ gis bla na med pa yang dag par rdzogs pa'i byang chub tu sems bskyed do// byang chub sems dpa' brgyad stong ni mi skye ba'i chos la bzod pa thob par gyur to// sngon byung ba'i le'u ste bcu pa'o// / de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho de lta bas na bla na med pa yang dag par rdzogs pa'i byang chub myur du mngon par rdzogs par 'tshang rgya bar 'dod pa'i byang chub sems dpa' sems dpa' chen pos/ skyes bu dam pa khyod kyi rjes su bslab par bya ste/ byang chub sems dpas tshig tu byas shing tshig lhur blang bar mi bya'i byang chub sems dpa' ji skad smras pa de bzhin du bya bar bya'o/ / ji ltar na byang chub sems dpa' ji skad smras pa de bzhin du byed pa yin zhe na/ blo gros rgya mtsho sangs rgyas su 'gyur bar bya'o zhes bya ba'i cho ga 'di ni brjod par sla'i/ dge ba byang chub kyi phyogs kyi chos rnams bsgrub pa ni dka'o snyam pa'o// blo gros rgya mtsho byang chub sems dpa' gang la las chos kyi sbyin pas sems can thams cad mgron du gnyer te/ kho bos sems can khyod chos kyi sbyin pas tshim par bya'o zhes byas la/ mang du thos pa dang / de las gzhan pa dge ba byang chub kyi phyogs kyi chos rnams la yang brtson par mi byed na/ de sems can de dag la slu ba yin te/ de ji skad smras pa de bzhin byed pa ma yin no// blo gros rgya mtsho gang gi tshe byang chub sems dpas chos kyi sbyin pas sems can thams cad 'gron tu gnyer te/ kho bos sems can khyed chos kyi sbyin pas tshim par bya'o// zhes byas la mang du thos pa dang / de las gzhan pa dge ba byang chub kyi phyogs kyi chos rnams la yang brtson par byed pa 'di ni byang chub sems dpas ji skad smras pa de bzhin byed pa yin no/ / blo gros rgya mtsho 'di lta ste/ dper na/ rgyal po 'am rgyal po'i blon pos grong khyer gyi skye bo thams cad sang zan sbyin no zhes mgron tu bos la yal bar bor te/ bza' ba dang btung ba ma sbyar na/ des skye bo tshogs de thams cad bslus pa yin te/ de dag kyang bza' ba dang btung ba'i zas ma thob pas 'phya zhing slar 'dong pa de bzhin du blo gros rgya mtsho byang chub sems dpas ma rgal ba bsgral ba dang / ma grol ba dgrol ba dang / dbugs ma phyin pa dbugs dbyung ba dang / yongs su mya ngan las ma 'das pa yongs su mya ngan las bzla ba'i phyir/ sems can thams cad dbugs phyung la mang du thos pa dang / de las gzhan pa dge ba byang chub kyi phyogs kyi chos rnams la yang brtson par mi byed na/ byang chub sems dpa' de ni ji skad smras pa de bzhin byed pa ma yin te/ lha dang bcas pa'i 'jig rten la slu ba yin no// de lta bu sdom sangs rgyas mthong ba'i lha rnams kyis mthong na/ 'phya zhing gzhogs 'phyas byed la rnam par smod de/ gang dag mchod sbyin bya bar dam bcas pa nyams 'og tu chud par byed pa'i mchod sbyin gyi bdag po de dag ni dkon no/ / de bas kyang gang dag mchod sbyin chen po de brtsams nas/ bla na med pa'i theg pa chen po la yongs su skyo bar mi 'gyur ba dag ni ches dkon no// blo gros rgya mtsho byang chub sems dpas gang gis lha dang / mi dang / lha ma yin du bcas pa'i 'jig rten la slu bar 'gyur ba'i tshig brjod par mi bya'o// blo gros rgya mtsho gzhan yang la la zhig gis byang chub sems dpa' gang la chos kyi don bya bar gsol ba btab la/ de la byang chub sems dpas kho bos khyod kyi chos kyi don 'di yongs su thob par bya'o zhes tshig smras par gyur na/ byang chub sems dpas de la lus ni yongs su gtang bar bya'i/ sems can slu bar ni mi bya'o// blo gros rgya mtsho khyod kyis rnam grangs 'dis kyang 'di ltar rig par bya'o// blo gros rgya mtsho sngon byung ba 'das pa'i dus na bskal pa grangs med pa'i yang ches grangs med dpag tu med par gyur pa de'i tshe de'i dus na/ seng ge'i rgyal po dang dkar lta bu'i ral pa can yan lag ma smad pa zhes bya ba sems can thams cad la byams pa'i rjes su zhugs pa/ rtswa dang / lo ma dang / me tog dang 'bras bul mos pa zhig ri'i zug grod dka' bzhin na gnas so// ri'i drug bgrod dka' bden spre'u 'amag shig kyang gnas so/ / de nas dus gzhan zhig na spre'u mo de la bu 'brangs nas/ de las phrug gu gnyis byung ngo // de nas spre'u de dang / spre'u mo des/ phrug gu de gnyis ri dgas kyi rgyal po seng ge la gtams te spyod yul du dong ngo / / de nas bya rgod kyi rgyal po spu gri pa zhes bya ba steng gi bar snang las babs te/ spre'u'i phrug gu de gnyis blangs nas/ steng gi bar snang la gnas par gyur pa dang / ri dgas kyi rgyal po seng ges bya rgod kyi rgyal po spu gri pas spre'u'i drug gu de gnyis khyer ba mthong ngo // mthong nas kyang tshigs su bcad de smras pa/ rgya rgong rgyal po khyod la bdag gsol pa/ bdag gi spre'u phrug de gnyis khyod kyis mthong / bdag ni de dag 'jigs med bya phyir gnas// skyabs su dong ba ma gsad khyod kyis thong // de nas bya rgod kyi rgyal pos ri dgas kyi rgyal po seng ge de la tshigs su bcad de smras pa/ ri dgas rgyal po gal te khyod ni bdag 'dor na// de lta na ni 'di gnyis mi gsad gtang bar bya// kho bos 'di gnyis zos nas kho bo mkha' la gnas/ / khyod ni khros par gyur kyang bdag la ci byar yod// ri dgas kyi rgyal pos yang smras pa// bdag ni gtang gis yongs su bza' bar gyis// bdag gis spre'u phrug gnyis ni btang bar gsol// byang chub zhugs pa dam bcas srung bar byed// mkhas pa dag ni brdzun du smra ba med// bdag brdzun gyur tu 'ong ste lhag bsams pas/ de nas drang srong chen po lus 'dor te// de nas lhag pa'i bsam pas dgar gyur nas/ / sems can rnams kyi ched du lus btang ngo // de nas bya rgod rgyal po des rmad du byung ba mthong nas/ nam mkhar gnas te ched rjod ched du brjod// gang dag gzhan phyir rang gi lus 'dor ba// de dag 'tsho ba'i 'jig rten 'dir bder 'tsho// kho bos spre'u phrug 'di gnyis gtang bar bya// khyod kyang 'tsho zhing ring du chos spyod cig/ blo gros rgya mtsho de'i tshe de'i dus na/ ri dgas kyi rgyal po seng ger gyur pa de gzhan zhig yin pa snyam du khyod sems na de ltar mi blta'o// de ci'i phyir zhe na/ blo gros rgya mtsho nga nyid de'i tshe de'i dus na/ ri dgas kyi rgyal po seng ger gyur to/ / 'od srung chen po ni spre'u ru gyur to// ser skya bzang mo ni spre'u mor gyur to// sgra gcan zin dang kun dga' bo ni spre phrug tu gyur to// dge slong 'phreng ba bzang po ni de'i tshe de'i dus na/ bya rgod kyi rgyal po spu gri pa zhes bya bar gyur to// blo gros rgya mtsho de ltar na/ byang chub sems dpa' rnams kyis lus ni yongs su btang bar bya'i/ skyabs su dong ba dag ni yongs su btang bar mi byaste/ ji skad smras pa de bzhin du bsgrub par bya'o// de la ji skad smras pa de bzhin byed pa gang zhe na/ blo gros rgya mtsho byang chub sems dpa' sbyin pa smra ba ni ji skad smra ba ste/ gang gi tshe 'dog pa thams cad yongs su gtong bar snang ba 'di ni de'i de bzhin byed pa'o/ / de ltar na ji skad smras pa de bzhin byed pa yin no// byang chub sems dpa' tshul khrims smra ba ni ji skad smra ba ste/ gang gi tshe tshul khrims dang bslab pa dang sbyangs pa'i yon tan thams cad yang dag par 'dzin cing spyod par kun tu snang ba 'di ni de'i de bzhin byed pa'o// byang chub sems dpa' bzod pa smra ba ni ji skad smra ba ste/ gang gi tshe gnod sems dang tha ba dang / zhe sdang spong bar snang ba 'di ni de'i de bzhin byed pa'o// byang chub sems dpa' brtson 'grus smra ba ni ji skad smra ba ste/ gang gi tshe dge ba'i chos thams cad yongs su tshol ba la brtson par snang ba 'di ni de'i de bzhin byed pa'o// byang chub sems dpa' bsam gtan smra ba ni ji skad smra ba ste/ gang gi tshe bsam gtan dang rnam par thar pa dang / ting nge 'dzin dang snyoms par 'jug pa rnams la snang ba 'di ni de'i de bzhin byed pa'o// byang chub sems dpa' shes rab smra ba ni ji skad smra ba ste/ gang gi tshe tshig rab tu dbye ba'i spobs pa rnam par nges pa'i ye shes la mkhas par snang ba 'di ni de'i de bzhin byed pa'o/ / de bzhin du mi dge ba'i chos thams cad kyi bar dag spang bar smra ba dang / dge ba'i chos thams cad yongs su rdzogs par bya ba smra ba ni/ byang chub sems dpa' ji skad smra ba'o// gang gi tshe mi dge ba'i chos thams cad spong ba dang / dge ba'i chos thams cad yongs su tshol ba la brtson par snang ba 'di na de'i de bzhin byed pa'o/ / gzhan yang bsam pa ni ji skad smra ba'o// g.yo med cing sgyu med pa ni de bzhin byed pa'o// sbyor ba ni ji skad smra ba'o// sbyor ba nyams 'og tu chud par byed pa ni de bzhin byed pa'o/ / rtsom pa ni ji skad smra ba'o// rtsom pa la zhum pa med pa ni de bzhin byed pa'i// lhag pa'i bsam pa ni ji skad smra ba'o// de la ma chags par khyad par du 'gro ba ni de bzhin byed pa'o// dam bcas pa ni ji skad smra ba'o/ / dam bcas pa nyams 'og tu chud par byed pa ni de bzhin byed pa'o// thos pa kun tu 'dzin pa ni ji skad smra ba'o// thos pa sgrub pa ni de bzhin byed pa'o// tshig gis yang dag par blangs pa ni ji skad smra ba'o/ / lus dang sems zhum pa med pa ni de bzhin byed pa'o// nga rgyal med pa ni ji skad smra ba'o// ye shes yongs su rdzogs par byed pa ni de bzhin byed pa'o// bslab pa yang dag par blangs pa ni ji skad smra ba'o// bslab pa ma nyams pa ni de bzhin byed pa'o// sems dang po bskyed pa ni ji skad smra ba'o// byang chub sems dpa'i spyod pa bsgrubs pa ni de bzhin byed pa'o/ / mi skye ba'i chos la bzod pa ni ji skad smra ba'o// phyir mi ldog pa'i sa ni de bzhin byed pa'o// skye ba gcig gis thogs pa ni ji skad smra ba'o// byang chub kyi snying por 'dug pa ni de bzhi/ byed pa'o// yang dag par blangs pa brtan pa ni ji skad smra ba'o// thams cad mkhyen pa nyid mngon par rdzogs par byang chub pa ni de bzhin byed pa'o// chos kyi 'khor lo rab tu bskor ba ni ji skad smra bas// dkon mchog gsum gyi rigs mi 'chad par byed pa ni de bzhin byed pa'o// blo gros rgya mtsho byang chub sems dpa' sems dpa' chen po de lta bu ni ji skad smras pa de bzhin byed pa yin no// bcom ldan 'das kyis ji skad smras pa de bzhin byed pa bstan pa 'di bshad pa na/ byang chub sems dpa' lnga stong gi mi skye ba'i chos la bzod pa thob par gyur to// de nas bcom ldan 'das la byang chub sems dpa' sems dpa' chen po pad+ma bkod pas 'di skad ces gsol to/ / bcom ldan 'das ji tsam du de bzhin gshegs pas ji skad smras pa de bzhin bgyid pas/ sangs rgyas kyis chos 'di thams cad bstan pa ni ngo mtshar to/ / bcom ldan 'das 'di la 'di lta ste/ de bzhin gshegs pa'i gsung bsgrub pa 'di yang ji skad smras pa de bzhin bgyid pa lags so// bcom ldan 'das kyis bka' stsal pa/ rigs kyi bu khyod bsgrub pa shes sam/ gsol pa/ bcom ldan 'das 'tshal to// bcom ldan 'das kyis bka' stsal pa/ rigs kyi bu khyod bsgrub pa las rtsoms la spobs par gyis shig/ gsol pa/ bcom ldan 'das bsgrub pa zhes bgyi ba ni gang / chos thams cad mnyam pa nyid kyis mnyam pa nyid du 'tshal nas yang dag pa nyid kyi nges par gyur pa la 'jug pa shes pa la mkhas kyang mngon sum du yang mi bgyid pa 'di ni/ byang chub sems dpa'i bsgrub pa yang dag pa'o// bcom ldan 'das la byang chub sems dpa' ri dbang rgyal pos 'di skad ces gsol to// bcom ldan 'das bdag kyang bsgrub pa las brtsams te spobs lags so/ / bcom ldan 'das kyis bka' stsal pa/ rigs kyis bu khyod spobs par gyis shig/ gsol pa/ bcom ldan 'das bsgrub pa ni bsgrub pa ma mchis pa'o/ / de ci'i slad du zhe na/ bcom ldan 'das byang chub sems dpa' gang gis chos thams cad ma dmigs te/ gang bsgrub pa dang / gang la bsgrub pa'i chos de yang dag par rjes su mi mthong ba 'di ni de'i sgrub pa yang dag pa lags so/ / byang chub sems dpa' yon tan gyi rgyal po snang bas gsol pa/ bcom ldan 'das gang la sems kyi rjes su 'brang ba'i rnam par shes pa 'jug pa de la sgrub pa ga la mchis/ bcom ldan 'das byang chub sems dpa' gang chos thams cad la rnam par shes pa mi gnas pa de chos gang la yang mi gnas pa lags so// gang chos gang la yang mi gnas pa de nyid de'i bsgrub pa yang dag pa lags so/ / byang chub sems dpa' lhun po'i sgron ma'i rgyal pos gsol pa/ bcom ldan 'das lta ba ma mchis pa ni bsgrub pa lags te/ lta ba dang bcas pa la bsgrub pa ma mchis so/ / bcom ldan 'das byang chub sems dpa' gang chos thams cad gdeg pa ma mchis pa dang bzhag pa ma mchis pas chos gang la yang mi lta ba 'di ni de'i sgrub pa yang dag pa lags so/ / byang chub sems dpa' nyi ma'i snying pos gsol pa/ bcom ldan 'das gnas pa ni g.yo ba lags te/ mi gnas pa la g.yo ba ma mchis so// bcom ldan 'das byang chub sems dpa' gang gnas par mi bgyid pa de mi g.yo'o/ / gang mi g.yo ba de chos thams cad kyis mi 'khrug ste/ 'di ni de'i bsgrub pa yang dag pa lags so// byang chub sems dpa' sems dpa' chen pos gsol pa/ bcom ldan 'das 'jig rten ni sems kyis spyod do// bcom ldan 'das 'jig rten ni sems kyis rgyug go// rjes su rgyug go// bcom ldan 'das byang chub sems dpa' gang sems can thams cad sems ma mchis par gyur pa de mi sems mi rtog ste/ 'di ni de'i bsgrub pa yang dag pa lags so// byang chub sems dpa' mthong dgas gsol pa/ bcom ldan 'das tshor ba thams cad ni de bzhin gshegs pas sdug bsngal du gsungs te/ bcom ldan 'das byang chub sems dpa' gang tshor ba thams cad kyi rgyun bkum nas tsher ba ma mchis shing len pa ma mchis kyang / tshor ba 'gog pa la yang reg par mi bgyid la/ snying rje chen pos sems can thams cad kyang yongs su mi gtong ba 'di ni de'i bsgrub pa yang dag pa lags so// byang chub sems dpa' glang chen spos kyi ba blang gis gsol pa/ bcom ldan 'das byis pa so so'i skye bo dag ni phung po lnga la lta bas grags par gyur pas khur gyis non pa lags/ bcom ldan 'das byang chub sems dpa' gang phung po lnga yongs su 'tshal ba dang ldan te/ khur myur du 'dor ba de byis pa so so'i skye bo phung po lnga la lta bas glags par gyur pas khur gyis gnon pa rnams kyi khur spang ba'i phyir chos ston kyang / chos thams cad ma skyes shing mngon par grub pa ma mchis pas/ chos gang la yang yang dag pa'i 'du shes su mi 'gyur ba 'di ni de'i bsgrub pa yang dag pa lags so// byang chub sems dpa' 'gro ba 'dzin gyis gsol pa/ bcom ldan 'das yang dag par sbyor ba'i sgrub pa lags kyi/ yang dag pa'i sbyor ba'i ma lags te/ bcom ldan 'das byang chub sems dpas yang dag pa'i sbyor ba la brtson par bgyi'o/ / de la yang dag pa'i sbyor ba gang zhe na/ 'di lta ste// nam mkha' dang mnyam pa nyid pas gang chos thams cad mnyam pa nyid du 'tshal ba 'di ni de'i bsgrub pa yang dag pa lags so/ / byang chub sems dpa' blo gros brtan pas gsol pa/ bcom ldan 'das byang chub sems dpa' gang thabs dang shes rab kyi ye shes kyis ma skyes pa las kyang skye/ ma byung ba las kyang 'byung yang / skye ba dang / 'jig pa dang / gnas pa la mi gnas pa 'di ni de'i bsgrub pa yang dag pa lags so// byang chub sems dpa' dpal brtsegs rgyal pos gsol pa/ bcom ldan 'das byang chub sems dpa' gang sems can thams cad rang bzhin gyis yongs su mya ngan las 'das par yang mthong la/ snying rje chen po'i go cha de yang mi 'dor zhing rtsol ba yang don mchis par mthong ba 'di ni de'i sgrub pa yang dag pa lags so/ / byang chub sems dpa' 'od gzer thogs pa med pas gsol pa/ bcom ldan 'das rgyu ba'i gnas ji tsam pa de tsam du bdud rtsi las so/ / ji tsam du bdud kyi las lags pa de tsam du bsgrub pa ma mchis te/ bcom ldan 'das rgyu ba ma mchis pa'i gnas la gnas pa la ni bdud kyis glags mi rnyed de/ bdud kyi lam las shin tu 'das pa'i byang chub sems dpa' ni bsgrub pa yang dag pa la gnas pa zhes bgyi'o// byang chub sems dpa' brtson 'grus 'bar gyis gsol pa/ bcom ldan 'das gang dag chos 'ga' zhig yongs su 'grub par 'tshal ba de dag gis ni 'bad pa don ma mchis pa lags so/ / bcom ldan 'das chos thams cad yongs su grub pa ma mchis par yang 'dir 'tshal la/ 'tshal ba gang lags pas kyang rlom sems su mi bgyid pa 'di ni de'i sgrub pa yang dag pa lags so/ / byang chub sems dpa' ngan song spong gis gsol pa/ bcom ldan 'das gang dag 'gyur ba dang / rnam par rtog pa la spyod pa de dag la bsgrub pa ga la mchis/ bcom ldan 'das 'gyur ba ma mchis pa dang / rtog pa ma mchis pa ni bsgrub pa ste/ gang 'gyur ba ma mchis pa dang / rnam par rtog pa ma mchis pa ni sems kyi rang bzhin lags so/ / sems kyi rang bzhin yongs su 'tshal ba dang ldan pa ni sgrub pa yang dag pa la gnas pa zhes bgyi'o// byang chub sems dpa' bsam pa legs par sems kyis gsol pa/ bcom ldan 'das byang chub sems dpas ni sems can thams cad kyi sems kyi rjes su 'jug pa'i rjes su 'jug par bgyi ste/ gang 'dir sems can thams cad kyi sems rnams kyang sems ma lags par sems 'tshal ba la 'jug pa 'di ni de'i sgrub pa yang dag pa lags so/ / byang chub sems dpa' zhi ba'i blo gros kyis gsol pa/ bcom ldan 'das nye bar zhi ba ni/ sgrub pa lags te/ ma zhi ba la ni sgrub pa ma mchis so// bcom ldan 'das byang chub sems dpa' gang sems kyi dmigs pa thams cad las zhi ba dang rab tu zhi ba dang / nye bar zhi ba de rtog pa dang spong bar mi bgyid de/ rtog pa dang spong ba dang bral ba mnyam pa nyid du rtogs pa 'di ni de'i bsgrub pa yang dag par lags so// byang chub sems dpa' ded dpon bzang pos gsol pa/ bcom ldan 'das byang chub sems dpa' dge ba'i rtsa bas brtan pa ni bsgrub pa thob par bgyid pa lags te/ dge ba'i rtsa bas ma brtan pa ni ma lags so// bcom ldan 'das byang chub sems dpa' gang bsod nams kyi tshogs kyis kyang brtan/ ye shes kyi tshogs kyis kyang brtan te/ bsod nams mnyam pa nyid pas ye shes mnyam pa nyid/ ye shes mnyam pa nyid pas bsod nams mnyam pa nyid// bsod nams dang ye shes mnyam pa nyid pas byang chub mnyam pa nyid/ byang chub mnyam pa nyid pas chos thams cad mnyam pa nyid du khong du chud pa 'di ni de'i bsgrub pa yang dag pa lags so// byang chub sems dpa' dus dpog gi rgyal pos gsol pa/ bcom ldan 'das chos thams cad dbyer ma mchis pa ni bsgrub pa lags te/ bcom ldan 'das byang chub sems dpa' gang chos thams cad chos kyi dbyings su yang dag par 'du bar 'tshal nas/ chos gang yang 'byed par yang mi bgyid sbyor bar yang mi bgyid pa 'di ni de'i bsgrub pa yang dag pa lags so// byang chub sems dpa' don legs par sems kyis gsol pa/ bcom ldan 'das don la brtan pa lags kyi/ tshig 'bru la ma lags te/ bcom ldan 'das byang chub sems dpa' gang don gyi rjes su zhugs pa'i blos/ chos kyi phung po brgyad khri bzhi stong kun tu 'dzin pa dang / ston par bgyid kyang yang dag pa'i don brjod du ma mchis pa de las kyang mi g.yo ba 'di ni de'i sgrub pa yang dag pa lags so// byang chub sems dpa' blo gros rnam par dag pas gsol pa/ bcom ldan 'das lhag pa'i bsam pa ni sgrub pa lags te/ bcom ldan 'das byang chub sems dpa' gang lhag pa'i bsam pa la zhugs pa de ni skad dang / tshig dang brjod pa lhur len pa ma lags kyi/ de ni yang dag pa'i sgrub pa tshol ba lags te/ ji ltar 'gro ba dang 'ong ba yang dag par rjes su mi mthong ba de ltar tshol ba 'di ni/ de'i sgrub pa yang dag pa lags so/ / byang chub sems dpa' shin tu dri med sems pas gsol pa/ bcom ldan 'das 'di lta ste/ dper na/ gos dri ma can bkru bar bgyi'o// dri ma ma mchis pa ni ma lags so/ / bcom ldan 'das de bzhin du sems yongs su ma dag pa ni/ yang dag pa ji lta ba bzhin du so sor rtogs pas yongs su sbyang bar bgyi'o// bcom ldan 'das byang chub sems dpa' gang gi sems dang yid la nyon mongs pa dang / nye ba'i nyon mongs pa thams cad mi 'jug pa de dag pa'o// dag pa gang lags pa de sgrub pa yang dag pa la gnas pa zhes bgyi'o// byang chub sems dpa' blo gros rgya mtshos gsol pa/ bcom ldan 'das byang chub sems dpa' dge ba'i bshes gnyen gyis yongs su zin pa ni tshogs chung ngus sgrub pa yang dag pa 'phags pa thob par 'gyur ro// de ci'i slad du zhe na/ bcom ldan 'das byang chub sems dpa' gang la la dag gnas shing bdud kyi lcags kyu las mi 'da' ba de dag thams cad ni sdig pa'i grogs pos yongs su zin pa lags so// gang dag bdud kyi lcags kyu las shin tu 'da' ba de dag thams cad ni dge ba'i bshes gnyen gyis yongs su zin pa lags so// bcom ldan 'das de lta bas na/ byang chub sems dpa' 'dud kyi lcags kyu las shin tu 'da' bar 'tshal bas dge ba'i bshes gnyen rnams la bsnyen par bgyi/ bsten par bgyi/ bsnyen bkur bgyid/ dge ba'i bshes gnyen gyis yongs su zin pa'i byang chub sems dpa' ni tshigs chung ngus sgrub pa yang dag par 'phags pa thob par 'gyur ro/ / de nas bcom ldan 'das kyis byang chub sems dpa' blo gros rgya mtsho la 'di skad ces bka' stsal to// blo gros rgya mtsho khyod kyis bdud kyis lcags kyu rnams shes sam/ gsol pa/ bcom ldan 'das bdag gis bdud kyi lcags kyu rnams 'tshal to// bcom ldan 'das kyis bka' stsal pa/ blo gros rgya mtsho gang thos pas/ byang chub sems dpa' rnams shin tu 'da' bar 'gyur zhing / bdud dang phyir rgol ba bcom te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur bar khyod bdud kyi lcags kyu bstan pa la rtsom ste/ spobs par gyis shig/ blo gros rgya mtshos gsol pa/ bcom ldan 'das 'di lta ste/ sangs rgyas kyi mthus bdag gis bdud kyis lcags kyu bshad par bgyi'o/ / bdud kyi lcags kyu rnams gang zhe na/ bcom ldan 'das bdud kyi lcags kyu ni bcu gnyis po 'di dag ste/ bcu gnyis gang zhe na bcom ldan 'das 'di la byang chub sems dpa' sbyin pa'i pha rol tu phyin pa la spyod pa ni mi phangs pa'i dngos po yongs su gtang ba'i sems 'jug gi/ phangs pa'i dngos po yongs su btang ba'i sems mi 'jug pa dang / sems can gang dag de la dga' bar gyur pa de dag la ni sbyin par bgyid/ sems can gang dag dga' bar ma gyur pa de dag la ni sbyin par mi bgyid cing de dngos po tha dad du bgyid/ sems tha dad du bgyid na/ bcom ldan 'das 'di ni byang chub sems dpa'i sbyin pa dang rab tu ldan pa'i bdud kyi lcags kyu ste dang po'o// bcom ldan 'das gzhan yang byang chub sems dpa' tshul khrims dang ldan zhing / dge ba'i chos can du gyur te/ so sor thar pa'i sdom pas bsdams/ cho ga dang spyod yul phun sum tshogs/ kha na ma tho ba phra rags la yang 'jigs par lta/ 'tsho ba yongs su dag pa/ bslab pa'i gnas yang dag par blangs pa rnams la slob ste/ de tshul khrims dang ldan pa'i dge sbyong dang bram ze la bsnyen cing bsten la bsnyen bkur bgyid de/ tshul khrims 'chal pa'i sems can rnams la khro ba dang sdang ba dang / zhe 'bras par bgyid cing / tshul khrims de nyid kyis bdag la bstod de/ gzhan la spod na/ bcom ldan 'das 'don byang chub sems dpa' tshul khrims dang rab tu ldan pa'i bdud kyi lcags kyu ste gnyis pa'o/ / bcom ldan 'das gzhan yang byang chub sems dpa' bzod pa sgrub pa ste de lus kyis kyang bzod dag gis kyang bzod na sems kyis gnod pa bgyid de sems can stobs dang ldan pa rnams la ni bzod/ sems can nyam chung ba rnams la ni mi bzod/ sems can stobs dang ldan pa rnams la ni bzod pa'i stobs nye bar ston/ sems can nyam chung pa rnams la ni gnod sems kyi stobs nye bar ston te/ de re shig ni bzod/ re shig ni mi bzod/ kha cig la ni bzod/ kha cig la ni mi bzod la/ de gang gi tshe bzod pa de'i tshe bzod pas rgyags rlom sems su bgyid/ gang gi ci mi bzod pa de'i tsheni myur du so sor mi 'chags na/ bcom ldan 'das 'din byang chub sems dpa'i bzod padang rab tu ldan pa'i bdud kyi lcags kyu ste gsum pa'o// bcom ldan 'das gzhan yang byang chub sems dpa' brtson 'grus brtsams par gyur la/ de brtson 'grus brtsams par gnas kyang nyan thos dang rang sangs rgyas kyi theg pa la sems can rnams yongs su smin par bgyid kyi/ theg pa chen po la sems can rnams yongs su smin par mi bgyid/ nyan thos dang / rang sangs rgyas kyis gtam rgyun tu ston gyi/ theg pa chen po'i gtam 'cha/ par bgyid// 'jig rten pa'i bgyi ba la zhal ta bgyid par brtson gyis/ 'jig rten las 'das pa'i chos yongs su mi tshol/ de bzhin gshegs pa la mchod pas dga' ba thob ste/ 'di ltar me tog dang spos dang / 'phreng ba dang / bdug pa dang / byug pa dang / phye ma dang / na bza' dang / gdugs dang / rgyal mtshan dang / ba dan rnams kyis de bzhin gshegs pa rnams la mchod par bgyid de/ de la gzhol de la 'a'ang de la bab par gyur kyang thos pa yongs su btsal ba dang / thos pa bstan pa dang / thos pa la so sor brtag pa dang / thos pa sgrub par brtson 'grus mi rtsom na/ bcom ldan 'das 'dis ni byang chub sems dpa'i brtson 'grus dang rab tu ldan pa'i bdud kyi lcags kyu ste bzhi pa'o// bcom ldan 'das gzhan yang byang chub sems dpa' bsam gtan bzhi skyed/ gzugs ma mchis pa'i snyoms par 'jug pa bzhi skyed cing sgrub ste/ de dag la rgyun tu mang du gnas par gyur la/ de zhi ba'i snyoms par 'jug pa de dag la gnas shing / sems can yongs su smin par bgyi ba la smod/ chos bstan pa la smod/ sems can dang 'dre ba la smod/ bsod nams kyi 'du byed rnams la smod cing mi g.yo ba'i 'du byed kyi ro myang bar bgyid/ gcig pur dga' bas dga' ba thob ste/ 'bang pa chung ngur gnas par gyur nas/ bsam gtan las ldog par yongs su mi tshol gyis/ 'dod pa'i khams dang / gzugs kyi khams la gsad par 'du shes shing gzugs ma mchis pa'i khams kyi ro myang bar bgyid la/ de lus dman pas gzugs ma mchis pa'i khams rnams su skyed par bgyid cing / lha tshe ring po rnams dang skal ba mnyam par skye ste/ de der skyes nas kyang gang sangs rgyas mang po dang / sangs rgyas rgya phrag mang po dang / sangs rgyas stong phrag mang po mnyes par mi bgyid pa de'i gnas mchis so// sangs rgyas mthong ba dang / chos mnyan pa dang / dge 'dun la bsnyen bkur bgyid pa dang bral bar 'gyur/ sems can yongs su smin par bgyid pa dang / dam pa'i chos yongs su gzung ba dang / bsod nams kyi tshogs sogs pa dang bral bar 'gyur/ de'i dbang po rnams blun zhing rtul ba'i rang bzhin can du 'gyur/ de nas shi 'phos nas gang dang gang du skyes pa de dang der yang rtul ba'i rgyud can du 'gyur zhing rmugs pa dang / gnyid che bar 'gyur ba 'di ni/ bcom ldan 'das byang chub sems dpa'i bsam gtan dang rab tu ldan pa'i bdud kyi lcags kyu ste lnga pa'o// bcom ldan 'das gzhan yang byang chub sems dpa' shes rab dang ldan par gyur te/ rkyen shin tu mthong ba'i slad du rgyu ba yongs su shes pa dang ldan par gyur/ rgyu ba ma mchis pa dang / rgyu ba dang bral ba dang / mngon par 'du bgyid pa ma mchis par gyur te/ bsod nams kyi 'du byed rnams la smod/ thabs dang bral/ sbyin pa'i pha rol tu phyin pa la brtson par mi bgyid/ tshul khrims dang bzod pa dang / brtson 'grus dang / bsam gtan gyi pha rol tu phyin pa rnams la brtson par mi bgyid la de 'di snyam du sems te/ shes rab kyi pha rol tu phyin pa ni mchog/ shes rab kyi pha rol tu phyin pa ni khyad par du 'phags pa ste/ de las gzhan pa'i pha rol tu phyin pa rnams ni dman pa'o snyam na/ de'i dbang po yongs su ma yin pa btang snyoms su ltung ba ste/ bsdu ba'i dngos po bzhis sems can rnams mi sdud cing / spros pa ma mchis pa mngon par 'du bgyi ba ma mchis pa de nyid kyi ro myang bar bgyid pa 'di ni/ bcom ldan 'das byang chub sems dpa'i shes rab dang rab tu ldan pa'i bdud kyi lcags kyu ste drug pa'o/ / bcom ldan 'das gzhan yang byang chub sems dpa' dgon pa par gyur te/ bas mtha'i gnas mal la mngon par dga' zhing 'dod pa chung la chog shes te/ rab tu dben khyim pa dang rab tu byung ba rnams dang mi 'dre la/ de don nyung ba dang bgyi ba nyung bas/ bde bar gnas te g.yo ba ma mchis kyang mang du thos pa yongs su btsal ba dang / sems can yongs su smin par bgyi ba dang / chos mnyan pa la brtson par mi gnas/ chos kyi 'brel ba'i bka' mchid dang don rnam par nges pa'i bka' mchid bgyi ba la rgyun dbum par sems te/ yongs su 'dri ba'i rang bzhin can ma lags/ dge ba cims tshal ba la mi brtson pa dgon pa la gnas pa dang / gcig bung dka' bas nyon mongs rnams panA du rgyas de kun nas ldang ba gnod pa tsam gyis dga' ba thob cing bag la nyal ba yang dag par gzhom pa'i slad du lam sgom par mi bgyi/ de de na bdag gi don dang gzhan gyi don gyi slad du brtsom par mi 'gyur ba 'di dag ni/ bcom ldan 'das byang chub sems dpa'i dgon pa la gnas pa dang rab tu ldan pa'i bdud kyi lcags kyu ste bdun pa'o// bcom ldan 'das gzhan yang byang chub sems dpa' mang du thos par gyur te/ chos kyi gtam can ni tshig mnyan par 'os pa/ tshig gzung bar 'os pa/ snyan pa sna tshogs kyi gtam can dang / spobs pa phun sum tshogs par gyur kyang / de zang zing gi slad du chos ston te/ zang zing ma mchis pa'i sems kyis ma lags/ gang las de'i gos dang / zas dang / mal cha dang / na ba'i gsos sman dang / yo byad rnams mchi bar 'gyur ba de dag la chos ston gyi/ sems can gang dag dad pa dang ldan zhing dang ba mang ba legs par bshad pa'i don 'tshal bar nus shing stobs dang ldan pa zang zing gis de rjes su 'dzin par mi bgyid pa de dag la chos mi ston pa dang / gang dag de la 'gyed par bgyid pa ni dman pa dman par gyur pa/ gti mug gi rang bzhin can/ chos rgya chen po'i snod du ma gyur pa de dag la chos ston pa dang / de zang zing gis sngags pa'i rgyud des/ gang dag chos bstan par bgyi ba ma lags pa/ snod du ma gyur pa de dag la chos ston pa dang / gang dag bstan par bgyi ba de dag la mi ston pa 'di ni/ bcom ldan 'das byang chub sems dpa'i chos bstan pa dang rab tu mi ldan pa'i bdud kyi lcags kyu ste brgyad pa'o/ / bcom ldan 'das gzhan yang byang chub sems dpa' 'jig rten rgyang 'phen pa yongs su tshol te/ de gzhan dag la zab mo'i bka' mchid kyi rgyun bkum nas/ 'jig rten rgyang 'phen pa'i bka' mchid sna tshogs ston te/ 'jig rten rgyang 'phen pa'i bka' mchid ston pas/ 'jig rten dga' zhing mngon par dga' ba'i tshig dang / lan gyi tshig la mkhas pas/ sems can rnams dga' bar 'gyur te/ de la legs so legs so zhes bgyi ba yang gsol bar 'gyur la/ des kyang byang chub sems dpa' yi rangs par 'gyur ba dang / lha'i bu gang dag sngon sangs rgyas mthong ba/ chos zab mo la mos pa/ chos mnyan pa'i phyir der 'dus par gyur pa de dag sdug bsngal zhing yid mi bde ste/ yi ma rangs nas gang 'jig rten gyi dga' pas mngon par dga' ba'i sems can de dag la zab mo'i gtam gyi rgyun bcad de/ 'jig rten rgyang 'phen pa'i gtam sna tshogs ston pa'i rigs kyi bu 'di ni dam pa'i chos nub par byed pa yin gyi/ dam pa'i chos yongs su 'dzin pa ma yin no/ / de ci'i phyir zhe na/ don zab mo'i phyir sangs rgyas bcom ldan 'das rnams 'byung gi/ 'jig rten rgyang 'phen pa'i gtam sna tshogs kyi phyir ma yin no zhes mchi zhing 'khor de nas mchi ngar 'gyur ba de lta bu'i cho ga smra'o/ / bcom ldan 'das de lta bas na byang chub sems dpa' gang 'jig rten rgyang 'phen pa'i bka' mchid sna tshogs bgyid kyi/ zab mo'i bka' mchid/ 'chab pa de ni/ sangs rgyas 'byung ba nub par bgyi ba'i slad du zhugs pa lags te/ bcom ldan 'das 'di ni byang chub sems dpa'i bka' mchid zab mo 'chab cing 'jig rten rgyang 'phen pa dang rab tu ldan pa'i bdud kyi lcags kyu ste dgu pa'o/ / bcom ldan 'das gzhan yang byang chub sems dpa' dge ba'i bshes gnyen ltar bcos pa/ sdig pa'i grogs po gang dag de la bsdu ba'i dngos po rnams las 'dun pa zlog pa dang / sems can yongs su smin par bgyid pa las 'dun pa zlog pa dang / dam pa'i chos yongs su bzung ba las 'dun pa zlog pa dang / bsod nams kyi tshogs las 'dun pa zlog pa dang / rab tu dben pa la sbyor ba dang / don nyung zhing bgyid pa nyung ba la sbyor ba dang / nyan thos dang / rang sangs rgyas dang ldan pa'i bka' mchid de la rgyun tu mang du ston pa dang / theg pa chen po dang ldan pa'i bka' mchid de la mi ston pa dag la bsnyen cing rten/ bsten te bsnyen bkur bgyid pa dang / gang gi tshe byang chub sems dpa' dben par gnas pas theg pa chen po las ldang ba de'i tshe/ byang chub sems dpa' gdon mi za bar zhal ta byed par bya'o zhes byang chub sems dpa' zhal ta bgyid pa'i dri ma la sbyor la/ gang gi tshe byang chub sems dpa' zhal ta bgyid pa'i dri ma la sbyor ba de'i tshe/ dben pa la sbyor zhing mtshan ma dang bcas pa dang / rgyu ba dang bcas pa'i bzod pa'i sa nye bar ston/ byang chub sems dpa'i las yang dag par/ yang dag phul gang lags pa de dag de la mi ston to/ / byang chub sems dpa'i las yang dag par yang dag phul de dag gang lags she na/ bcom ldan 'das bcu po 'di dag ni byang chub sems dpa'i las yang dag pa yang dag phul lags so/ / bcu po de dag gang zhe na/ 'di lta ste/ dad pa'i rtsa ba la rab tu gnas te/ dge ba'i bshes gnyen rnams la bsnyen cing bsten te/ bsnyen bkur bgyid pa dang / mgo dang gos la zhugs 'bar ba bzhin du dge ba'i chos ci zhes yongs su tshol ba dang / dge ba'i chos la 'dun pa la gnas te yang dag pa'i brtson pa mi 'dor ba dang / bag mchis par las bgyis pa chung mi gzon pa dang / bdag bde ba la mi chags par rtag par rgyun tu sems can yongs su smin par bgyid pa dang / lus dang srog la mi lta bar dam pa'i chos yongs su 'dzin pa dang // mtshan dang dpe byad bzang po dang / sangs rgyas kyi zhing yongs su sbyangs pa'i slad du/ bsod nams kyi tshogs yongs su tshol bas mi ngoms pa dang / gzungs dang spobs pa rab tu thob par bgyi ba'i slad du/ ye shes kyi tshogs yongs su tshol ba dang / so so'i skye bo thams cad kyi sas mi gos par bgyi ba'i slad du/ shes rab kyi pha rol tu phyin pa bsgom pa dang / nyan thos dang / rang sangs rgyas thams cad kyi sa las shin tu bzla ba'i slad du/ thabs la mkhas pa yongs su tshol ba ste/ bcom ldan 'das chos bcu po de dag ni/ byang chub sems dpa' las yang dag pa yang dag phul lags te/ gang dag la byang chub sems dpas bslab par bgyi ba de de dag de la mi ston pa dang / de la 'di skad du byang chub ni/ byang chub sems dpa' brtson 'grus brtsams pa'i yin gyi le lo can gyi ma yin no/ / gal te khyod bskal pa brgyad dam bcus/ bla na med pa yang dag par rdzogs pa'i byang chub mngon par rdzogs par sangs ma rgyas na/ phyis khyod bla na med pa yang dag par rdzogs pa'i byang chub mngon par rdzogs par 'tshang rgya bar mi nus so zhes mchi la/ bcom ldan 'das de la byang chub sems dpa' gang sgyid lug nas 'bras bu thob par bgyid pa'i gnas mchis na/ bcom ldan 'das 'di ni byang chub sems dpa' dge ba'i bshes gnyen ltar bcos pa'i bdud kyi lcags kyu ste bcu pa'o// bcom ldan 'das gzhan yang byang chub sems dpa' nga rgyal gyis khengs shing nga rgyal gyis rengs par gyur te/ de nga rgyal des bla ma rnams dang / sbyin gnas rnams dang / pha ma dang slob dpon dang / mkhan po rnams dang / de las gzhan pa bla ma lta bu'i gang zag rnams la kun tu bdud pa dang / 'dud pa dang / rab tu 'dud par mi bgyid cing / de la ma gus par gyur pa dang / gang dag byang chub sems dpa'i spyod pa rnams la mkhas pa khyad par thob pa/ gzungs dang spob phun sum tshogs pa/ byang chub sems dpa'i bgyi ba thams cad tshar phyin pa de dag gi gan du mi mchi/ mi bsnyen mi bsten/ bsnyen bkur mi bgyid/ yongs su mi 'dri/ yongs su 'dri bar mi stsol cing / de ma thos pa'i chos nyan par mi bgyid/ thos pa'i chos rnams kyang yongs su dkar bar mi bgyid/ de las gzhan pa'i byang chub sems dpa'i theg pa pa'i gang zag gang dag bdud kyi lcags kyus zin pa/ chos ngan pa la spyod pa de dag la dga' ba rnyed pa dang / de dag kyang de bzhin du de'i rjes su 'jug par 'gyur ba dang / de dman pa la sten cing khyad par dang bral ba 'di lta ste/ zhan pa'i 'gro ba/ blun pa/ 'on pa/ lkugs pa'i 'gro ba/ 'gro ba dman pa nyid du mchi bar 'gyur ro// bcom ldan 'das 'di lta ste/ dper na/ skyes bu la la zhig gis gram pa'i sa phyogs su shing tsam pa ka bskrun bskrun la/ chab stsol bar mi bgyid kyi/ gang nas chab mchi bar mthong ba'i phyogs de yang gor ma dang / gyo mo dag gis bkum na bcom ldan 'das de ltar na zhugs shing tsam ka chab dang bral ba de la yal ga dang / lo ma dang yal ga phre'u ma chags pa rnams kyang chags par mi 'gyur/ yal ga dang / lo ma dang / yal ga phre'u chags pa rnams kyang skams ste/ dog sa la ltung bar 'gyur ro// bcom ldan 'das de bzhin du byang chub sems dpa' gang byang chub kyi sems bskyed la/ nga rgyal gyis khengs shing nga rgyal gyi rengs par gyur na/ de dge ba'i bshes gnyen dang / chos mnyan pa dang bral te/ ma thos pa'i chos rnams kyang mo nyan thos pa'i chos rnams kyang yongs su dkar bar mi bgyid do// bcom ldan 'das 'di lta ste dper na/ gang gi tshe rgya mtsho chen po mchi bar gyur pa de'i tshe/ gzhol ba'i phyogs na 'chi bar 'gyur ro// de gzhol ba'i slad du/ chu klung thams cad dang / chab mig dang / 'bab chu thams cad tshegs chung ngus der 'bab bo/ / bcom ldan 'das de bzhin du byang chub sems dpa' nga rgyal ma mchis pa bla ma dang / sbyin gnas la gus pa yang tshegs chung ngus chos zab mo'i sgo rnams rna ba'i dbang po la grags par 'gyur ro/ / de dran pa la yang gnas par 'gyur ro// bcom ldan 'das de lta bas na byang chub sems dpa' nga rgyal gyis khengs/ nga rgyal gyis rengs par gyur te/ bla ma dang sbyin gnas rnams la kun tu mi 'dud cing / 'dud par mi bgyid la rab tu mi 'dud na/ bcom ldan 'das kye ma'o byang chub sems dpa' 'di ni bdud kyi lcags kyus zin par rig par bgyi ste/ bcom ldan 'das 'di ni byang chub sems dpa'i nga rgyal dang rab tu ldan pa'i bdud kyi lcags kyu ste bcu gcig pa'o// bcom ldan 'das gzhan yang byang chub sems dpa' gzugs bzang zhing / mdzes la phyug cing nor che ba dang / longs spyod che zhing nor mang la/ mdzod dang bang ba mang po phun sum tshogs par gyur te/ gzugs dang longs spyod dang / rus dang / rigs dang / g.yog 'khor dang bsod nams kyi tshogs kyis brtan par gyur/ ye shes kyi tshogs yongs su btsal ba la mngon par brtson zhing de gzugs dang / longs spyod dang / g.yog 'khor dang / dbang phyug gi stobs kyis rgyags shing bag ma mchis par gyur te/ byang chub sems dpa' gang dag rab tu byung bar gtogs pa khyim gyi gnas nas mngon par byung ba/ ye shes kyi tshogs yongs su tshol ba la brtson pa/ gdugs dang bser mas sha dang khrag bskams pa/ skem pa nyam chung ba/ lus rtsas yog pa/ mgo dang gos la zhugs 'bar nga bzhin du gdugs mtshan du brtson 'grus brtsams pa/ dge ba'i chos yongs su btsal ba la rtag tu brtson pa dang ldan pa de dag la skems shing nyam chung la/ mdog ngan cing mi sdug par rig nas/ brnyas par bya'o snyam du sems shing de dag las legs par bshad pa nyan mi 'tshal gyi/ de de bas shas cher dman zhing ches rmugs par 'gyur ba 'di ni/ bcom ldan 'das byang chub sems dpa'i rgyags pa dang / bag ma mchis pa dang rab tu ldan pa'i bdud kyi lcags kyu ste bcu gnyis pa'o// bcom ldan 'das bcu gnyis po de dag ni/ byang chub sems dpa' rnams kyi bdud kyi lcags kyu ste/ byang chub sems dpa' de dag las shin tu ma 'das na/ tha na rjes su 'thun pa'i bzod pa yang mi mthong na/ bla na med pa yang dag par rdzogs pa'i byang chub mngon par rdzogs par 'tshang rgya ba lta smos kyang mi 'tshal te/ de ni gnas ma mchis so// bcom ldan 'das de lta bas na/ byang chub sems dpa' blan med pa yang dag par rdzogs pa'i/ byang chub mngon par rdzogs par 'tshang rgya bar 'tshal bas/ bdud kyi lcags kyu 'di dag las shin tu 'da' bar bgyi'o// // bam po bcu pa ste tha ma'o// de nas bcom ldan 'das kyis byang chub sems dpa' blo gros rgya mtsho la legs so zhes bya ba byin te/ blo gros rgya mtsho khyod kyis byang chub sems dpa' rnams kyi bdud kyi lcags kyu 'di dag legs par bshad pa legs so legs so/ / blo gros rgya mtsho de'i phyir legs par rab tu nyon la yid la zung shig dang / byang chub sems dpa' dag gang la gnas na/ bdud kyi lcags kyu thams cad las shin tu 'da' bar 'gyur ba bdud kyi lcags kyu rab tu gcod pa'i chos kyi sgo khyod la bshad do/ / blo gros rgya mtsho bdud kyi lcags kyu rab tu gcod pa'i chos kyi sgo de dag gang zhe na/ blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo yin no/ / bcu gang zhe na/ 'di lta ste/ blo gros rgya mtsho chos thams cad ni stong pa nyid kyi rang bzhin pas/ stong pa nyid kyi rnam par zhugs kyang bdag nyid skyabs byed pas/ sems can thams cad la cher byams pa 'di ni/ bdud kyi lcags kyu rab tu gcod pa'i chos kyi sgo dang po'o// blo gros rgya mtsho chos thams cad ni mtshan ma med pa'i rang bzhin pas/ mtshan ma med pa'i rnam par zhugs kyang yongs su thar bar byed pas/ sems can thams cad la cher snying rje ba 'di ni/ bdud kyi lcags kyu rab tu gcod pa'i chos kyi sgo gnyis pa'o/ / blo gros rgya mtsho chos thams cad ni smon pa med pa'i rang bzhin pas/ smon pa med pa'i rnam par zhugs kyang sems can thams cad yongs su smin par bya ba'i phyir bsams bzhin du skye ba 'di ni/ bdud kyi lcags kyu rab tu gcod pa'i chos kyi sgo gsum pa'o// blo gros rgya mtsho chos thams cad ni 'dod chags dang bral ba'i rang bzhin pas/ 'dod chags dang bral ba'i rnam par zhugs kyang / 'dod chags la spyod pa'i sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo bzhi pa'o// blo gros rgya mtsho chos thams cad ni zhe sdang dang bral ba'i rang bzhin pas/ zhe sdang dang bral ba'i rnam par zhugs kyang zhe sdang la spyod pa'i sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo lnga pa'o/ / blo gros rgya mtsho chos thams cad ni gti mug dang bral ba'i rang bzhin pas/ gti mug dang bral ba'i rnam par zhugs kyang / gti mug la spyod pa'i sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo drug pa'o// blo gros rgya mtsho chos thams cad ni kun nas nyon mongs pa med pa'i rang bzhin pas/ kun nas nyon mongs pa med pa'i rnam par zhugs kyang kun nas nyon mongs pa can gyi sems can yongs su smin par byed pa 'di ni/ bdud kyi lcags kyu rab tu gcod pa'i chos kyi sgo bdun pa'o// blo gros rgya mtsho chos thams cad ni skye ba med cing 'byung ba med pa'i rang bzhin pas/ skye ba med cing 'byung ba med pa'i rnam par zhugs kyang skye ba dang / rga ba dang / na ba dang / 'chi ba spangs pa'i phyir/ sems can rnams la chos ston pa 'di ni/ bdud kyi lcags kyu rab tu gcod pa'i chos kyi sgo brgyad pa'o// blo gros rgya mtsho chos thams cad ni ngang mnyam zhing bye brag med pa'i rang bzhin pas/ dang mnyam zhing bye brag med pa'i rnam par zhugs kyang / theg pa chen po'i bsam pa yongs su mi 'dor bar sems can rnams la theg pa gsum rnam pa dgod pa'i chos ston pa 'di ni/ bdud kyi lcags kyu rab tu gcod pa'i chos kyi sgo dgu pa'o/ / blo gros rgya mtsho gzhan yang byang chub sems dpa' sems dang yid dang / rnam par shes pa la yang mi gnas la/ byang chub kyi sems kyang mi brjed/ rtsom pa thams cad dang yang bral la/ sems can rab tu thar par bya ba'i rtsom pa yang mi 'dor/ spyod pa thams cad las kyang shin tu 'das la/ byang chub sems dpa'i spyod pa las kyang mi ldog pa 'di ni gros rgya mtsho byang chub sems dpa'i bdud kyi lcags kyu rab tu gcod pa'i chos kyi sgo bcu pa'o/ / blo gros rgya mtsho bcu po 'di dag ni bdud kyi lcags kyu rab tu gcod pa'i chos kyi sgo ste/ byang chub sems dpa' de dag la rab tu sbyor na/ bdud kyi lcags kyu thams cad las shin tu 'das par 'gyur ro// bdud kyi lcags kyu rab tu gcod pa'i chos kyi rnam grangs 'di bshad pa na/ bdud kyi gnas thams cad mog mog por gyur te/ rnam pa drug tu g.yos so// 'di lta ste/ dper na/ byang chub kyi snying po la 'dug pa'i byang chub sems dpa'i mdzod spu nas 'od rab tu byung bas bdud kyi gnas thams cad mog mog por gyur pa de bzhin du de'i tshe/ bdud kyi gnas thams cad mog mog por gyur to// de nas bdud sdig can gyis ltas rgya chen po 'di mthong nas rings shing myur bar la gor du dpung gi tshogs yan lag bzhi pa bsdus te/ bkod pa ci 'dra bas byang chub kyi snying po la 'dug pa'i byang chub sems dpa'i gan du 'gro ba'i bkod pa de 'dra bas dpag tshad sum cu rtsa drug tshun chad bdud kyi sdes bkang nas/ bcom ldan 'das kyi 'khor dkyil 'khor gyi khyams ga la ba der dong ba dang / sangs rgyas kyi mthus der de bsgribs par gyur te/ 'ongs kyang de bzhin gshegs pa dang / gang dag phyir mi ldog pa'i byang chub sems dpa' rnams dang / 'khor de las sems can gang dag 'dul bar gyur pa rnams dang / gang dag srid par kun tu sbyor ba spangs pa'i dgra bcom pa lta ba phun sum tshogs pa'i gang zag rnams ma gtogs par gang gis kyang de ma mthong ngo // de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho khyod kyis bdud sdig can bkod pa ji lta bu dag 'ong ba mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ blo gros rgya mtsho bdud sdig can 'di ni chos kyis rnam grangs 'di la bar chad bya ba'i phyir 'ongs nad ci zhig bya/ gsol pa/ bcom ldan 'das deng 'di bde ba thams cad kyis brgyan pa'i 'jig rten gyi khams su 'phang bar bgyi'o/ / de nas tshe dang ldan pa shA ra dwa ti'i bus/ byang chub sems dpa' blo gros rgya mtsho la 'di skad ces smras so// rigs kyi bu bde ba thams cad kyis brgyan pa'i 'jig rten gyi khams de ni ga la yod/ de na chos ston pa'i de bzhin gshegs pa'i mtshan ni ci zhes bya/ blo gros rgya mtshos smras pa/ btsun pa shA ri'i bu shar phyogs logs su sangs rgyas kyi zhing 'di nas gang gA'i klung bcu gnyis kyi bye ma snyed kyi sangs rgyas kyi zhing 'das pa na bde ba thams cad kyis brgyan pa zhes bya ba'i 'jig rten gyi khams yod de/ de na de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa zhes bya ba chos ston to/ / de ci'i phyir 'jig rten gyi khams de bde ba thams cad kyis brgyan pa zhes bya zhe na/ btsun pa shA ra dwa ti'i bu/ bde ba thams cad kyis brgyan pa'i 'jig rten gyi khams de na bde ba'i rgyu dang yon tan gyi rgyu dang / bkod pa'i rgyu bskal par brjod kyang zad par mi nus te/ de'i phyir 'jig rten gyi khams de bde ba thams cad kyis brgyan pa zhes bya'o// gang gi tshe bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'joms pa des byang chub thob pa de'i tshe/ de byang chub kyi snying po la 'dug ste/ thams cad mkhyen pa nyid ma thob par lus las bdud kun tu bskul ba zhes bya ba'i 'od zer byung nas/ 'od zer des bskul bas/ 'jig rten gyi khams de na bdud bye ba phrag brgya 'khod pa/ bdud re re zhing yang g.yog 'khor bya ba brgya phrag bcu yod pa de dag thams cad byang chub kyi snying po ga la ba der song ste phyin nas/ byang chub sems dpa' la bar chad bya bar bsams pa dang / byang chub sems dpa' la bar chad byed ma nus te/ de dag ngo mtshar du gyur nas bcom ldan 'das de'i zhabs gnyis la gtugs so// des kyang ji ltar de dag bsam pa thag pa nas bla na med pa yang dag par rdzogs pa'i byang chub tu sems bskyed par 'gyur ba de lta de ltar bdud de dag la chos bstan nas/ bcom ldan 'das de phyis byang chub thob ste/ de'i phyir de bzhin gshegs pa de bdud rab tu 'joms pa zhes bya'o// de byang chub thob pa'i mchog gi phrugs dang / bzang po'i phrugs kyang bdud las btul ba'i byang chub sems dpa' rnams so/ / rim gro pa yang bdud las brtul ba'i byang chub sems dpa' rnams so// bcom ldan 'das de de bzhin gshegs pa bdud rab tu 'joms pa de ni byang chub sems dpa'i gtam 'ba' shig yang dag par rab tu ston te/ de na theg pa gzhan gyi ming yang med de/ btsun pa shA ri'i bu bde ba thams cad kyis brgyan pa'i 'jig rten gyi khams de ni de 'dra ste/ der 'phangs na phyis bdud kyi las byed par mi 'gyur gyi/ bdud las brtul ba'i byang chub sems dpa' de dag dang lhan cig tu byang chub tu sems bskyed nas/ byang chub kyi phyogs kyi chos rnams yongs su rdzogs par 'gyur ro// de nas bdud sdig can sngangs skrag 'jigs te/ spu zing zhes byed nas 'khor de nas 'gro bar 'dod na/ 'gro ma nus te/ mi snang bar ma gyur nas/ de de bas kyang cher sngangs shing skrag ste/ bcom ldan 'das kyi zhabs gnyis la gtugs nas 'di skad ces gsol to/ / byang chub sems dpa' blo gros rgya mtshos 'jig rten gyi khams der 'phang bar mi 'gyur bas/ bcom ldan 'das bdag la skyab tu gsol/ bde bar gshegs la bdag la bskyab tu gsol/ bcom ldan 'das kyis bka' stsal pa/ sdig can ma 'jigs shig/ skyes bu dam pa 'di lta bu dag ni/ sems can la rnam par 'tshe ba'i phyir gnas pa ma yin no/ / sdig can khyod byang chub sems dpa' blo gros rgya mtsho 'di la bzod pa gsol cig dang / 'di nyid khyod la skyob par 'gyur ro// de nas bdud sdig can gyis thal mo sbyar te/ byang chub sems dpa' blo gros rgya mtsho la phyag 'tshal nas 'di skad ces smras so// skyes bu dam pa khyod bdag la bzod pa mdzad du gsol// bdag bde ba thams cad kyis brgyan pa'i 'jig rten gyi khams der mi 'phangs par gsol/ ji ltar gang na skyes bu dam pa khyod lta bu chos ston par 'gyur ba'i 'khor der bar chad bgyi ba'i slad du/ lan 'ga' yang mchi bar mi 'gyur ba de ltar bgyi'o/ / blo gros rgya mtshos smras pa/ sdig can kho bo lta bu dag la gzod pa gsol mi dgos so// byang chub sems dpa' rnams ni/ sems can thams cad la shin tu bzod pa nyid do/ / sdig can khyod bde ba thams cad kyis brgyan pa'i 'dzin rten gyi khams der song la/ 'jig rten gyi khams kyi bkod pa de dag dang / bcom ldan 'das de bzhin gshegs pa bdud rab tu 'joms pa de la ltos shig dang / khyod la 'tshe bar mi 'gyur ro// de nas byang chub sems dpa' blo gros rgya mtshos lag pa g.yas pa gser gyi kha dog can brkyang ste/ bdud sdig can gyi spyi bor bzhag nas/ bden pa dang bden pa'i tshig gang gis byang chub sems dpa' rnams la chos kyi ser sna dang / slob dpon chos kyi dadepe mkhyud med pa'i bden pa dang / bden pa'i tshi ga des bdag gis rdzu 'phrul gyi rkang pa ci 'dra bar bdud sdig can gyi yang de 'dra bar gyur cig ces de lta bu'i bden pa'i byin gyis rlabs byas so// byang chub sems dpa' blo gros rgya mtshos tshig de skad ces spras ma thag tu de nas bdud sdig can rdzu 'phrul gyi stobs mchog dang ldan par gyur te/ des stong gsum gyi stong chen po'i 'jig rten gyi khams 'di rnam par drug tu g.yos par byas nas/ sangs rgyas kyi zhing 'di nas mi snang bar gyur te/ 'di ltar byang chub sems dpa' blo gros rgya mtsho'i byin gyis rlabs kyis skad cig thang cig yud tsam de la bde ba thams cad kyis brgyan pa'i 'jig rten gyi khams der gnas par gyur to/ / de nas bdud sdig can bcom ldan 'das de bzhin gshegs pa dgra bcom pa yang dag par rdzogs pa'i sangs rgyas bdud rab tu 'jom pa ga la ba der song ste byin nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas phyogs gcig tu 'dug go/ / de nas bcom ldan 'das de bzhin gshegs pa bdud rab tu 'joms pa de'i sangs rgyas kyi zhing de na bdud las btul ba'i byang chub sems dpa' gang dag 'khod pa de dag gis bdud sdig can de mthong nas/ bcom ldan 'das de bzhin gshegs pa bdud rab tu 'joms pa de la 'di skad ces gsol to// bcom ldan 'das sems can dbang chung zhing mdog ngan la mi sdug pa 'di lta bu 'di gang nas mchis bcom ldan 'das des bka' stsal pa/ rigs kyi bu nub phyogs logs su sangs rgyas kyi zhing 'di nas/ gang gA'i klung bcu gnyis kyi bye ma snyed kyi sangs rgyas kyi zhing 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba bzhugs so/ / 'tsho'o// gzhes so// de 'dus pa chen po'i le'u chos kyi rnam grangs rgya cher ston to// yang dag par rab tu 'chad do// der phyogs bcu nas byang chub sems dpa' tshad med grangs med cing bgrang ba las shin tu 'das pa dag/ chos kyi rnam grangs 'di mnyan pa'i phyir 'dus so// byang chub sems dpa'i 'khor der byang chub sems dpa' sems dpa' chen po blo gros rgya mtsho zhes bya ba go cha bsam gyis mi khyab pa bgos pa/ bcom ldan 'das de la yongs su 'dri zhing yongs su 'drir 'jug pa yang 'dus par gyur to// chos kyi rnam grangs de'i tha ma bshad pa'i tshe/ bdud sdig can mig gis mi rtsol bar bya ba'i las kyi phyir 'ongs pa dang / skyes bu dam pa de'i 'dul ba'i dbang nye bar gzung ste/ bdud sdig can de 'jig rten gyi khams 'dir 'phangs so/ / de nas bdud las btul ba'i byang chub sems dpa' de dag gis bdud sdig can la 'di skad ces smras so// kho bo cag kyang khyod kyi grogs yin gyis/ sdig can khyod bla na med pa yang dag par rdzogs pa'i byang chub tu sems bskyed cig/ de ci'i phyir zhe na/ kho bo cag kyang bdud du gyur te/ sems can rnams kyi dge ba'i rtsa ba'i bar chad bya ba'i phyir zhugs pa las/ kho bo cag de bzhin gshegs pas bla na med pa yang dag par rdzogs pa'i byang chub tu sems bskyed do// de lta bas na sdig can khyod bla na med pa yang dag par rdzogs pa'i byang chub tu sems bskyed cig/ de nas bdud sdig can gyi lhag pa'i bsam pas/ bla na med pa yang dag par rdzogs pa'i byang chub tu sems bskyed nas/ tshig 'di skad ces bdag gis/ bla na med pa yang dag par rdzogs pa'i byang chub tu sems bskyed de/ phyin chad bdud kyi las mi bya'o zhes smras so// de nas byang chub sems dpa' de dag gis bdud sdig can rin po che bkod pa seng ge'i khri la bzhag ste/ / de nas 'dus pa chen po'i le'u chos kyi rnam grangs kyi gtam rgyud ci 'dra ba la rigs kyi bu khyod spobs par gyis shig ces gsol ba btab bo// de nas byang chub sems dpa' blo gros rgya mtshos gang bdud sdig can seng ge'i khri la 'dug pa'i kha'i sgo dang / ba spu'i khung thams cad nas ji ltar bcom ldan 'das shAkya thub pas/ 'dus pa chen po'i le'u rab tu bshad pa lta bu'i gtam byung ste/ yi ge de dag dang tshig dang / yi ge'i 'bru de dag dang mnyam zhing mi nyung mi mang ma lhag par 'gyur ba de lta bu'i byin gyis brlabs byas so// de nas byang chub sems dpa' de dag gis bdud sdig can de las 'dus pa chen po'i le'u gtam thos nas ngo mtshar du gyur te/ bcom ldan 'das de la 'di skad ces gsol to// bcom ldan 'das bdag cag 'jig rten gyi khams mi mjed de dang / bcom ldan 'das de bzhin gshegs pa shAkya thub pa de dang / byang chub sems dpa' blo gros rgya mtsho de dang / phyogs bcu'i 'jig rten gyi khams nas 'dus pa'i byang chub sems dpa' de dag blta bar bgyi'o/ / de nas bcom ldan 'das de bzhin gshegs pa bdud rab tu 'joms pas mdzod spu nas/ gzugs thams cad ston pa zhes bya ba'i 'od zer byung ste/ 'od zer phyung ba des sangs rgyas kyi zhing gang gA'i klung bcu gnyis kyi bye ma snyed de dag las 'das te/ 'jig rten gyi khams mi mjed 'di snang ba chen pos khyab par gyur to/ / der byang chub sems dpa' de dag gis bcom ldan 'das de bzhin gshegs pa shAkya thub pa rin po che bkod pa'i 'khor gyi khyams na bskal pa brgyar yang bsngags pa'i mthar mi phyin/ pa'i seng ge'i khri chen po la bzhugs te phyogs bcu'i 'jig rten gyi khams nas 'dus pa'i byang chub sems dpa' rnams la/ 'dus pa chen po'i le'u chos kyi rnam grangs rgya cher yang dag par rab tu ston pa dang / byang chub sems dpa' blo gros rgya mtsho yang mthong ngo // 'jig rten gyi khams mi mjed chus yongs su gang ba'i rgya mtsho gcig lta bur gnas pa 'di yang mthong ngo // de na sgrib pa ci yang med par mthong ngo / / phyogs bcu'i 'jig rten gyi khams nas 'dus pa'i byang chub sems dpa'i rgyang grags kyi tshad tsam gyi rin po che'i pad+ma dag la 'khod cing chos nyan pa de dag kyang mthong ngo // mthong nas kyang tshim zhing mgu la yi rangs shing rab tu dga' ste/ dga' ba dang yid bde ba skyes nas/ bcom ldan 'das de bzhin gshegs pa shAkya thub pa ga la ba der logs su me tog gtor to// gtor ma / thag tu sangs rgyas kyi mthus 'ongs nas/ bcom ldan 'das shAkya thub pa'i spyi gtsug gi mtshams su me tog gi gdugs chen por gyur to// der thams cad dang ldan pa'i 'khor des/ me tog gi gdugs de mthong nas/ ngo mtshar du gyur te/ bcom ldan 'das la 'di skad ces gsol to// bcom ldan 'das gang me tog gi gdugs 'di lta bur gyur pa'i me tog 'di dag gang nas mchis bcom ldan 'das kyis bka' stsal pa/ grogs po dag me tog 'di dag ni bde ba thams cad kyis brgyan pa'i 'jig rten gyi khams de nas 'ongs te/ byang chub sems dpa' de dag gis nga la mchod pa'i las kyi phyir gtor to/ / gsol pa/ bcom ldan 'das bdag cag gis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can 'jig rten gyi khams de na ci bgyid pa blta bar bgyi'o// de nas bcom ldan 'das kyi 'khor des gsol ba btab pa mkhyen nas/ byang chub sems dpa' blo gros rgya mtsho la bka' stsal pa/ rigs kyi bu khyod kyis bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can de 'khor 'di la ston cig/ de nas bcom ldan 'das kyis skabs phye bas/ byang chub sems dpa' blo gros rgya mtshos sor mo bcu las 'od gzer stong phrag bcu phyung nas/ 'od gzer de dag gis sangs rgyas kyi zhing gang gA'i klung bcu gnyis kyi bye ma snyed po de dag las 'das nas bde ba thams cad kyis brgyan pa'i 'jig rten gyi khams snang ba chen pos khyab par gyur to/ / der thams cad dang ldan pa'i 'khor de dang / bde ba thams cad kyis brgyan pa'i 'jig rten gyi khams de dang / bcom ldan 'das de bzhin gshegs pa bdud rab tu 'joms pa de dang / bdud sdig can chos kyi khri chen po la 'dug ste/ 'dus pa chen po'i le'u'i gtam rgya cher yang dag par rab tu ston pa yang mthong ngo // mthong nas kyang thams cad dang ldan pa'i 'khor de ngo mtshar du gyur nas/ rang rang gi pad+ma'i stan las langs te/ bcom ldan 'das de bzhin gshegs pa bdud rab tu 'joms pa de la phyag 'tshal nas/ de dag gis mu tig dang me tog gis gtor to// gtor ma thag tu sangs rgyas kyi mthus 'ongs nas/ bcom ldan 'das kyi spyi gtsug gi mtshams su me tog gi khang pa brtsegs pa chen por gnas par kun tu snang ngo / / de nas bdud sdig can gyis bcom ldan 'das de bzhin gshegs pa bdud rab tu 'joms pa de la 'di skad ces gsol to// bcom ldan 'das bdag mi mjed kyi 'jig rten gyi khams su bcom ldan 'das shAkya thub pa'i gan du mchi'o/ / bcom ldan 'das kyis bka' stsal pa/ rigs kyi bu de'i dus la bab par shes na khyod song shig/ de nas bdud sdig can gyis bcom ldan 'das de'i zhabs la mgo bos phyag 'tshal te/ lan bdun bskor ba byas nas/ sangs rgyas kyi zhing de nas mi snang bar gyur te/ byang chub sems dpa' bro gros rgya/ mtsho'i byin gyi rlabs dang / rdzu 'phrul gyis skad cig thang cig yul tsam de las mi mjed kyi 'jig rten gyi khams 'dir gnas par gyur to// de nas bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ lan bdun bskor ba byas nas/ bcom ldan 'das la phyag 'tshal te/ phyogs gcig tu 'dug go// de nas tshe dang ldan pa shA ra dwa ti'i bus bdud sdig can la 'di skad ces smras so/ / grogs po khyod kyis 'jig rten gyi khams bde ba thams cad kyis brgyan pa de mthong ngam/ smras pa/ btsun pa shA ra dwa ti'i bu bdag gis 'jig rten gyi khams ji tsam du yongs su dag pa de mthong ste/ ji ltar dag cing dri ma med pa'i sems can mchog byang chub sems dpa' rnams kyi gnas de ngo mtshar to// bdag gis de mthong nas kyang bla na med pa yang dag par rdzogs pa'i byang chub tu sems bskyed do/ / smras pa/ grogs po khyod kyis bla na med pa yang dag par rdzogs pa'i byang chub tu sems bskyed na/ khyod ci yang bdud kyi las blta byed dam/ smras pa/ btsun pa shA ra dwa ti'i bu lhag pa'i bsam pa la yang dag par zhugs pa'i byang chub sems dpa' rnams la gang gis kyang bdud kyi las byed mi nus so// de ci'i phyir zhe na/ lhag pa'i bsam pa la yang dag par zhugs pa'i byang chub sems dpa' rnams la ji lta ji ltar bdud las byed pa de lta de ltar byang chub sems dpa' rnams chos stongs dang ldan zhing brtson 'grus rtsom mo/ / btsun pa shA ra dwa ti'i bu khyod kyi rnam grangs 'dis kyang gang dag byang chub sems dpa' rnams la bdud kyi las byed pa de nyid/ sangs rgyas kyi 'phrin las su brjod kyi bdud kyi las ma yin pa de ltar rig par bya'o/ / sangs rgyas kyi zhing kun tu bstan pa dang / bdud kyi cho 'phrul bstan pa 'di bshad pa na/ 'khor de las srog chags nyi khris bla na med pa yang dag par rdzogs pa'i byang chub tu sems bskyed do/ / bdud kyi 'khor de las kyang bdud kyi bu khris bla na med pa yang dag par rdzogs pa'i byang chub tu sems bskyed nas/ mgrin gcig tu bcom ldan 'das bdag cag 'jig rten gyi khams bde ba thams cad kyis brgyan pa der skye bar gyur cig ces tshig de skad smras pa dang / bcom ldan 'das kyis kyang de dag sangs rgyas kyi zhing der skye bar lung bstan to// sangs rgyas kyi zhing kun tu bstan pa'i le'u ste bcu gcig pa'o/ / / de nas bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das de bzhin gshegs pab rnams kyi byang chub 'di ni bar chad mang ba/ phyir rgol ba mang ba lags na/ gang 'di lta bu'i mdo sde 'di dag de bzhin gshegs pa'i byin gyi rlabs kyis nub par mi 'gyur zhing rgyas par 'gyur ba dang gang dag 'dzin pa dang / klog pa dang / ston pa de dag la yang bdud dam bdud kyi ris kyi lha rnams kyis glags rnyed par mi 'gyur ba dang / dam pa'i chos yun ring du gnas pa dang / mdo sde 'di lta bu 'di dag kyang kun tu bsrung ba dang / sba ba dang / yongs su gzung ba'i slad du bcom ldan 'das de bzhin gshegs pas legs par byin gyis brlab tu gsol/ de skad ces gsol pa dang / bcom ldan 'das kyis byang chub sems dpa' blo gros rgya mtsho la 'di skad ces bka' stsal to/ / blo gros rgya mtsho sems can gang dag mdo sde 'di lta bu 'di dag 'dzin pa dang / ston par 'gyur zhing 'don pa/ brtson 'grus brtsams pa/ dge ba'i rtsa ba skyed pa de dag 'dul ba'i dbang nye bar bzung ste/ chos kyi rnam grangs 'di byin gyis brlabs zin to// blo gros rgya mtsho de'i phyir legs par rab tu nyon la yid la zung shig dang / tshig gang dag gis rgyal po chen po bzhi dag bkug nas chos kyi rnam grangs 'di kun tu bsrung ba dang / chos smra ba de dag kyang yongs su gzung ba'i phyir nan tan byed par 'gyur bar rgyal po chen po bzhi dgugs pa'i tshig rnams brjod par bya'o/ / blo gros rgya mtsho dgug pa'i chog de dag gang zhe na/ 'di lta ste/ sa me sa ma san d+hi/ sa ra ne/ sa ra pa ti/ d+ha ne/ d+ha na/ ba ti/ d+hu d+hu me/ d+hu d+hu ma ti/ A ba te/ a ma le/ bi ma le/ dir dze/ ka ka re/ kA ru Ne/ hu hu/ hu hu ba ti/ hu hu san d+hi/ nir g+ha ta ni/ a ba rdza bI ba Te/ mad+hu ma ti/ ma ri dzi ti/ bi shud d+he/ bi shud d+ha pa ti/ mi so le/ ma nor ha re/ blo gros rgya mtsho 'di dag ni/ dgug pa'i tshig rnams yin te tshig de dag gis rgyal po chen po bzhi bkug nas/ chos kyi rnam grangs 'di kun tu bsrung ba dang / chos smra ba de yang yongs su bzung ba'i phyir nan tan byed par 'gyur ro// sngags kyi tshig 'di rnams chos smra ba des legs par kha ton tu byas te/ phyogs bzhir byams pas khyab par byas la/ rgyal po chen po bzhi bsams na sngags kyi chog 'di dag gis/ rgyal po chen po bzhi bkug nas 'ong bar 'gyur ro/ / de nas rgyal po chen po bzhi 'khor de nyid du 'dus par gyur te/ 'dug pa de dag stan las langs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rgyal po chen po bzhi po bdag cag lhan cig tu 'thun par gang na yang dag pa dang ldan pa'i rgyud kyi chos kyi rnam grangs 'di 'chad par 'gyur ba der/ chos kyi rnam grangs 'di yang kun tu bsrung ba dang / chos smra ba de yang yongs su gzung ba dang / ci nas gang gis kyang ma bsgribs pa 'am/ gnod pa bgyid par mi 'gyur bar bgyi ba'i slad du mchi bar bgyi'o/ / blo gros rgya mtsho gzhan yang lha'i dbang po brgya byin dgugs pa'i tshig brjod par bya ste/ tshig de dag gis lha'i dbang po brgya byin dgug par 'gyur ro// lha'i dbang po brgya byin dgug par 'gyur ba'i tshig de dag gang zhe na/ 'di lta ste/ dza ye/ dza ya ma ti/ ad Te/ mad Te/ mang ku re/ sid+d+ha ma ti/ shu b+h+re/ shAn ti ka re/ na da ne/ dAn te/ dAn tam ti/ tad ka re/ k+Sha 9/ k+Sha ya mu khe/ a bad Ta ni/ bi bad Ta ni/ ba ri bad Ta ni/ ba ri tshi de d+h+ri ti/ hr-i ti san d+hi/ a gats+tsha ko ru shi ka/ ni dzi tra/ a su ra/ dza yan ti ba/ sa ma ya ste/ a rab d+ho/ d+harma ni dzi to/ ra ma hi/ swa s+ye ya na ma/ b+hU tA nA ma/ a rak+Sha d+harma tsa ri na ma/ blo gros rgya mtsho 'di dag ni lha'i dbang po brgya byin dgug pa'i tshig ste de dag gis lha'i dbang po brgya byin dgug par 'gyur ro/ / der chos smra ba des sngags kyi tshig 'di dag legs par kha ton du byas la gtsang ba dang / gtsang sbra'i cho gas khrus legs par byas te/ gos bzang po bgos la shar phyogs su me tog gtor te/ sangs rgyas thams cad bsams pa'i dran pa dang / sems can thams cad la snying rje chen po dang rab tu ldan pas/ seng ge'i khri la 'dug ste/ lha'i dbang po brgya byin bsams la/ ko'u shi ka 'khor legs par yongs su bzhag pa'i phyir tshur shog/ sngags grub pa mngon sum du gyis/ de'i bsam pa shin tu rnam par dag cing yongs su dag la tshul khrims yongs su dag pas bsams ma thag tu lha'i dbang po brgya byin 'ongs nas/ 'khor yongs su 'jog par 'gyur/ sngags kyi grub pa yang nye bar sgrub par 'gyur ro// de nas lha'i dbang po brgya byin 'khor de nyid du 'dus par gyur te 'dug pa des/ bcom ldan 'das la 'di skad ces gsol to// bcom ldan 'das chos kyi rnam grangs 'di yongs su bzung ba dang / yun ring du gnas par bgyi ba'i slad du bdag chos smra ba de'i drung du mchi bar bgyi/ de'i 'khor kyang yongs su bzhag par bgyi/ sngags kyi grub pa yang nye bar bsgrub par bgyi'o// bcom ldan 'das bdag gis chos kyi rnam grangs 'di sum cu rtsa gsum gyi lha rnams la rgya cher yang dag par rab tu bshad par bgyi'o/ / de ci'i slad du zhe na/ bcom ldan 'das 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub sems dpa'i spyod pa 'di las bstan pa'i slad du'o/ / bcom ldan 'das bdag gis 'das pa dang / ma byon pa dang / da ltar byung ba'i sangs rgyas bcom ldan 'das rnams kyi chos la gus par bgyis te/ chos kyi rnams grangs 'di rgya cher yang dag par rab tu bstan par bgyi'o// de nas bcom ldan 'das kyis lha'i dbang po brgya byin la legs so zhes bya ba byin te/ ko'u shi ka khyod kyis dam pa'i chos yongs su bzung ba'i phyir/ seng ge'i sgra bsgrags pa legs so legs so// de lta bu ni khyod kyi bya ba'o// lha'i dbang po brgya byin khyod kyis chos kyi rnam grangs 'di bsams na/ lha rnams ni rgyal zhing / lha ma yin rnams ni pham par 'gyur bar shes par bya'o// blo gros rgya mtsho gzhan yang bdud dang bdud kyi ris kyi lha rnams tshar gcad pa'i sngags kyi tshig 'di rnams brjod par bya ste/ sngags kyi cho ga de dag gis bdud dang bdud kyi ris kyi lha rnams tshar gcod par 'gyur ro// sngags kyi chog de dag gang zhe na/ 'di lta ste/ sham sha ma ba ti/ sha mi ta sha tru/ ang ku re/ mang ku re/ mA ra dzi te/ ku ra Di yu/ ke yu re/ te dzo ba ti/ o lo ya ni/ bi sha tha nirma le/ ma lA ba na ye/ khu khu re/ kha ge gra se/ gra sa ne/ o mu khi/ pa rA nga mu khI/ A mu khI/ sha mi ta ni/ sarba gra ha ba na d+ha nA ni/ gri hi tA/ sarba mA ra pra bArdi ni/ bi mug tI mA ra bA shA/ s+thA bi ta bud+d+ha mu dra/ a nu da ga ti/ ta sarba mA re pu tsa ri te/ pa da pa ri shud d+h+ya/ bi gats+tshan tu sarba mA ra karma Ni/ blo gros rgya mtsho tshig 'di dag ni bdud tshar gcad pa'i chog/ nyon mongs pa bsal ba'i tshig ste/ de dag chos smra ba des legs par kha don tu byas la chos kyi khri la 'dug ste/ byang chub kyi rnam pas mngon par bsgrubs pa'i byams pas/ 'khor thams cad la khyab par byas la bdag la sman par 'du shes bskyed de/ chos la sman gyi 'du shes dang / chos nyan pa la nad pa'i 'du shes dang / de bzhin gshegs pa la skyes bu dam pa'i 'du shes dang / chos kyi tshul la yun ring du gnas pa'i 'du shes bskyed la/ sngags kyi tshig 'di dag mngon du byas te/ chos kyi gtam byed na/ de'i 'khor yug dpag tshad brgya tshun chad du bdud dang bdud kyi ris kyi lha rnams mig gis mi rtsol bar bya ba'i las kyi phyir 'ong bar mi 'gyur ro/ / gang dag 'ong ba de dag kyang bar chad byed par mi nus so// de nas bcom ldan 'das la 'dud sdig can gyis 'di skad ces gsol to/ / bcom ldan 'das gang bdag byang chub sems dpa' blo gros rgya mtshos 'jig rten gyi khams bde ba thams cad kyis brgyan par 'phangs pa/ skyes bu dam pa de dag gis byin gyi rlabs dang / rdzu 'phrul dang cho 'phrul 'di dag la mngon sum du gyur to// bcom ldan 'das bdag deng slan chad bdud kyi sug las thams cad 'dor ro// gang na chos kyi rnam grangs 'di ston pa dang / yang dag par rab tu ston par 'gyur ba'i grong ngam/ grong khyer ram/ grong rdal lam/ gtsug lag khang der chos mnyan pa'i slad du bdag nga rgyal ma mchis pa dang / gus pa dang bcas shing zhe sa dang bcas pas mchi bar bgyi'o/ / bcom ldan 'das kyis bka' stsal pa/ sdig can legs so legs so// khyod chos la gus pa'i rnam par smin pa 'dis rim gyis bdud kyi las thams cad las shin tu 'das te/ gang skyes bu dam pa de dag gis thob pa'i chos de dag rjes su thob par 'gyur ro// blo gros rgya mtsho gzhan yang mi mjed kyi bdag po tshangs pa dgug pa'i sngags kyi tshig rnams brjod par bya ste/ dgug pa'i sngags kyi cho ga de dag gis tshangs pa bkug nas chos smra ba'i gan du 'ong bar 'gyur ro// sngags kyi tshig de dag gang zhe na/ 'di lta ste/ me tra ka re/ ka ru d+hA ka re/ mug ti ta kA re/ u be gak+Sha ka re/ dud+d+ha ka re/ d+ha mA ka re/ sad g+hA ka re/ su kri ta badzi / ma hA bi tA ne/ niwe re/ dAg+he mo dzo da ti/ o jo ga me d+harman da ni/ br-i ti thA ni/ su ba bad ti/ bi shud+d+he/ gI tsid to pa sha me/ bya ba lo ka ya pra mAn/ b+hud tiSh+Tha/ sa mi d+hi/ a be k+Sha swa d+harmarba rA NAn/ ku ru sad d+harma pa ri gra ha na/ kr-i ta ma nu pA lA ya/ bud+d+ha netwe ma ma bya ba tshe/ bA sI/ sma ra ta/ d+harma tsakra pra bar+d+ha nAn/ ku ru sa twa bi sho d+hA nAn/ pra ti gr-i d+ha na d+hArmAn+da/ ga ra mA la tan/ bud+d+ha a d+hiSh+Te na ma mA bi ko pa ya/ blo gros rgya mtsho mi mjed kyi bdag po tshangs pa dgug pa'i tshig 'di dag chos smra ba des legs par kha don du byas la/ tshangs pa'i lam la shin tu gnas te/ zhe 'gras pa med pa'i sems kyi rgyud dang / dbang po shin tu sbas pa dang shin tu bsrungs pa'i dran pa dang / shin tu dkar ba'i phyag rgya dang / shin tu yongs su dag pa'i lus kyi las dang / shin tu bden pas zin pa'i ngag gi las dang / shin tu brtan pa'i blo dang / legs par byas pa'i bzod pa'i las dang / shin tu yongs su sbyangs pa'i tshul khrims kyi phung po dang / legs par brtsams pa'i brtson 'grus kyi stobs dang / shin tu bstan pa'i mang du thos pa dang / shin tu yongs su bsgoms pa'i sems las su rung ba dang / shin tu rno ba'i shes rab kyi dbang po dang / shin tu brtson pa'i yang dag pa'i sbyor ba dang / byang chub kyi sems kyis legs par zin pa dang / shin tu yongs su bsgoms pa'i byams pa dang / shin tu brtan pa'i snying rje chen pos sems can thams cad kyi bde ba yang dag par bskyed pa dang / sems can thams cad sdug bsngal las shin tu yongs su dgrol ba'i phyir/ seng ge'i khri la 'dug ste/ mi mjed kyi bdag po tshangs pa bsams la/ chos kyi gtam yang dag par rab tu brjod na/ des bsams ma thag tu tshangs pa tshangs ris kyi lha'i bu rnams dang lhan cig tu 'ong bar 'gyur ro/ / blo gros rgya mtsho de la tshangs pa 'ong bar 'gyur ba'i ltas ni 'di lta bu 'di dag 'byung bar 'gyur te/ 'di lta ste/ 'khor thams cad byams pa'i sems su 'gyur ba dang / dbang po nyams pa med pa dang / gcig la gcig mi gnod par gnas pa dang / chos dang chos smra ba la ston pa dang / bla ma ltar phangs par sems pa dang / thal mo sbyor ba dang sems rtse gcig pa dang / mi g.yeng bar yid la byed pa dang / rus shing ltar byed pa dang / yid la byed pa dang / sems can thams cad kyis sems dang / rna ba blags te nyan par 'gyur ba'o// chos smra ba de la yang sngon lung ma mnos pa dang / sngon ma thos pa'i chos rnams kyang mngon du 'gyur ba ste/ 'khor der mi mjed kyi bdag po tshangs pa 'ongs par rig par bya'o/ / de nas mi mjed kyi bdag po tshangs pa 'khor de nyid du 'dus par gyur te 'dug pa des/ bcom ldan 'dal 'di skad ces gsol to// bcom ldan 'das bdag tshangs pa'i 'jig rten du gnas te/ bsam gtan dang / tshad med pa'i bde ba la gnas pa bor la/ gang na chos kyi rnam grangs 'di ston pa'i 'khor der mchi bar bgyi'o// chos smra ba de la yang chos brgyad bsgrub par bgyi'o// brgyad gang zhe na/ ji ltar thos pa'i chos mi bskyud par bgyi ba'i slad du/ de la dran pa bsgrub par bgyi/ chos zab mo rtogs par bgyi ba'i slad du de la blo gros bsgrub par bgyi/ / don gyi rnam pa rtog par bgyi ba'i slad du de la rtogs par bsgrub par bgyi/ the tsom thams cad gcad pa'i slad du de la spobs pa bsgrub par bgyi/ skad dang nges pa'i tshig thams cad kyis yongs su tshim par bgyi ba'i slad du/ de la lung bstan pa phun sum tshogs par bsgrub par bgyi/ 'khor thams cad zil gyi mi non par bgyi ba'i slad du/ de la 'dul bar bsrung ba bsgrub par bgyi/ mi dman par lung bstan par bya ba'i slad du/ de la chos kyi snang ba sgrub par bgyi/ de bgyi cing chos bsgrub pa'i slad du/ / de la nges 'byung ba'i sgo bsgrub par bgyi ste/ bcom ldan 'das chos smra ba de la chos brgyad po 'di dag bsgrub par bgyi'o// chos smra ba de la bsrung zhing sba ba dang / dam pa'i chos kyang yun ring du gnas par bgyi ba'i slad du/ 'di lta ste/ de bzhin gshegs pa nyid kyi byin gyis brlabs kyis ji ltar chos kyi rnam grangs 'di rgyas par 'gyur ba ltar bdud thams cad dang / phas kyi rgol ba thams cad shin tu tshar gcad par bgyi'o/ / de nas bcom ldan 'das la byang chub sems dpa' blo gros rgya mtshos 'di skad ces gsol to// de bzhin gshegs pa yongs su mya ngan las 'das te/ tha ma'i dus kyi tshe ci nas dge ba'i rtsa ba bskrun pa'i sems can rnams kyi sug par mchi ba dang / khong du chud pa dang / glegs bam du 'gyur zhing nub par mi 'gyur bar bcom ldan 'das nyid kyis chos kyi rnam grangs 'di byin gyis brlab tu gsol/ de nas bcom ldan 'das kyis byang chub sems dpa' blo gros rgya mtshos gsol ba btab pa mkhyen nas mdzod spu nas 'di lta bu'i 'od phyung ste/ 'od des stong gsum gyi stong chen po'i 'jig rten gyi khams 'di snang ba chen pos khyab par gyur nas/ stong gsum gyi stong chen po'i 'jig rten gyi khams 'di na/ rtsa dang / shing gel ba dang / sman dang / nags tshal dang / rdo dang / gyo mo dang / gzugs su snang ba gang dag ji snyed yod pa de dag thams cad de bzhin gshegs pa'i gzugs su snang ngo / / rin po che bkod pa'i 'khor gyi khyams na mchod pa'i las byin gyis brlab pa'i gzugs kyi rnam pa gang dag yod pa de dag kyang / de bzhin gshegs pa'i gzugs nyid du gnas par kun tu snang ngo / / de bzhin gshegs pa'i gzugs de dag gis gsung gcig tu kye ma'o chos kyi rnams grangs 'di ni/ bcom ldan 'das shAkya thub pas byin gyis brlabs so// gang bcom ldan 'das kyis byin gyis brlabs pa de phyogs bcu'i sangs rgyas bcom ldan 'das thams cad kyis byin gyis brlabs pa'o/ / gang sangs rgyas bcom ldan 'das thams cad kyis byin gyis brlabs pa de la bdud thams cad kyis bar chad bya bar mi nus so/ / bcom ldan 'das gal te gang gA'i klung gi bye ma snyed kyi bdud dpung dang bcas/ g.yog 'khor dang bcas te chos kyi rnam grangs 'di la bar chad bya bar brtun kyang / de dag gis chos kyi rnam grangs 'di la bar chad bya bar mi nus so// de ci'i phyir zhe na/ sa ni 'gas kyang srid/ rgya mtsho thams cad ni skam yang srid/ rir thams cad ni rnam par 'thor yang srid/ rlung ni zhags pas bcing du rung yang srid/ nyi ma dang zla ba ni sa'i steng du lhung yang srid/ nam mkha' ni gzugs kyi rnam par bstan du rung yang srid/ me ni chung 'gyur yang srid/ chu ni mar 'gyur yang srid/ 'byung ba chen po bzhi ni gzhan du 'gyur yang srid/ sems can thams cad kyi sems ni gcig tu byar rung yang srid/ nam mkha' dang sa ni 'byar yang srid kyi/ de bzhin gshegs pa'i byin gyis rlabs ni sus kyang bskyod pa 'am/ g.yo ba 'am 'khrugs par byed mi nus so zhes gsungs so// de nas bcom ldan 'das kyis tshe dang ldan pa kun dga' bo'i spyi bor phyag bzhag ste/ tshe dang ldan pa kun dga' bo la 'di skad ces bka' stsal to// kun dga' bo khyod kyis dam pa'i chos yun ring du gnas par bya ba nye bar gzung ste/ chos kyi rnam grangs 'di zung shig/ chongs shig/ lhogs shig/ kun chub par gyis shig/ gzhan dag la yang rgya cher yang dag par rab tu ston cig/ de nas/ bcom ldan 'das la byang chub sems dpa' blo gros rgya mtshos 'di skad ces gsol to// bcom ldan 'das kyis don gyi dbang gang gzigs na de lta ma lags pa/ rgya mtsho dang rgya mtsho chen po ltar gting dpag dka' ba'i dran pa dang / blo rab tu thob pa'i byang chub sems dpa' gzhan dag mchis bzhin du/ dge slong kun dga' bo nyi tshe ba'i 'tshal ba dang ldan pa la/ chos kyi le'u 'di lta bu 'di yongs su gtad/ bcom ldan 'das kyis bka' stsal pa/ blo gros rgya mtsho dge slong kun dga' bo rang gi blo'i stobs bskyed pas/ mdo sde 'di lta bu 'di 'dzin pa ma yin gyi de bzhin gshegs pa'i byin gyis brlabs kyis 'dzin to/ / blo gros rgya mtsho sems can gang dag dge slong kun dga' bo las chos kyi rnam grangs 'di thos na/ dga' ba dang / dad pa dang / mchog tu dga' ba thob par 'gyur ba yod de/ de dag 'di snyam du/ 'di lta ste/ de bzhin gshegs pa'i byin gyis brlabs kyi 'di ltar nyan thos kyang 'di lta bu'i mdo sde 'di 'dzin cing ston pa ni de bzhin gshegs pa'i byin gyis brlabs ji tsam du bsam gyis mi khyab pa ngo mtshar to snyam du sems par 'gyur ro/ / de nas 'khor de nas lha dang mi kha cig 'di snyam du sems te/ ci byang chub sems dpa' blo gros rgya mtsho 'di dran pa dang rab tu ldan pa yin gyi/ gang bcom ldan 'das kyis mang du thos pa'i mchog tu bstan po tshe dang ldan pa kun dga' bo ni de lta ma yin no// snyam mo// de nas tshe dang ldan pa 'od srungs chen pos 'khor de'i sems kyi rnam par rtog pa sems kyis shes nas/ 'khor gyi sems can rnams la rnam par bltas te/ bcom ldan 'das la 'di skad ces gsol to// bcom ldan 'das byang chub sems dpa' blo gros rgya mtsho 'di rab tu dran pa dang ldan pa lags kyi/ gang bcom ldan 'das kyis mang du thos pa rnams kyi mchog tu bstan pa/ tshe dang ldan pa kun dga' bo ni ma lags sam/ bcom ldan 'das kyis bka' stsal pa/ 'od srungs gang gA'i klung gi bye ma snyed kyi sangs rgyas kyi zhing dag na/ sems can ji tsam sems can du bsdu bar bsdus pa'i sems can gyi khams ni reb tu mang gi/ sa'i khams ni de lta ma yin no zhes gang de skad du/ bya ba de la ji snyam du sems// 'od srungs sems can gyi khams de mang ngam/ 'od srungs kyis gsol pa/ bcom ldan 'das mang lags so// bde bar gshegs pa tshad ma mchis so// bcom ldan 'das kyis bka' stsal pa/ 'od srungs yongs su brtag pa nye bar gzung ste/ sems can de dag thams cad snga phyi med par mi'i lus thob par gyur la/ de bzhin du ji ltar dge slong kun dga' bo ltar dran pa dang gzungs kyi stobs dang yang ldan par gyur kyang / kun dga' bo lta bu'i sems can de dag gi dran pa dang gzungs kyi stobs de ni/ byang chub sems dpa' blo gros rgya mtsho'i dran pa dang / gzungs kyi stobs bskyed pa'i brgya'i char yang nye bar mi 'gro ba nas/ dpe'i bar du yang mi bzod do// 'od srungs byang chub sems dpa' blo gros rgya mtsho ni phyogs bcu'i sangs rgyas bcom ldan 'das thams cad kyis gsungs pa 'dzin te/ de bzhin gshegs pa gcig gis chos bstan pas/ de bzhin gshegs pa gnyis kyis chos bstan pa la kun nas ldang ba'i bya ba mi byed do/ / 'od srungs 'di lta ste/ dper na/ rgya mtsho chen por shing rta'i srog shing tsam gyi char pa'i rgyun 'bab pa'i chu'i rgyun gcig gis chu'i rgyun gnyis pa la sgrib pa 'am/ kun nas ldang ba'i bya ba mi byed de/ chu'i rgyun thams cad kyang rgya mtsho chen pos blangs nas/ de la 'grib pa 'am gang ba yang med do// 'od srungs de bzhin du byang chub sems dpa' blo gros rgya mtsho sangs rgyas bcom ldan 'das thams cad kyis chos bstan pa kun tu 'dzin kyang / de bzhin gshegs pa gcig gis chos bstan pas/ de bzhin gshegs pa gnyis kyis chos bstan pa la sgrib pa 'am/ kun nas ldang ba'i bya ba mi byed de/ de'i dran pa'i stobs bskyed pa la bri ba 'am gang ba yang med do// bstan pa 'di bshad pa na/ srog chags brgyad stong gis/ bla na med pa yang dag par rdzogs pa'i byang chub tu sems bskyed de/ tshig 'di skad ces bdag cag kyang byang chub sems dpa' blo gros rgya mtsho'i dran pa'i stobs bskyed pa ci 'dra ba de 'dra bar gyur cig ces smras so/ / thams cad dang ldan pa'i 'khor gyis lha dang / mi'i me tog gis bcom ldan 'das dang byang chub sems dpa' blo gros rgya mtsho la gtor/ mngon par gtor to// de nas bcom ldan 'das la byang chub sems dpa' pad+ma bkod pas 'di skad ces gsol to// bcom ldan 'das rigs kyi bu 'am/ rigs kyi bu mo gang chos kyi sgo'i le'u 'di thos nas mos pa dang / mos nas kyang 'dzin pa dang / 'chang ba dang / klog pa dang / 'don pa dang / rtog pa dang / de bzhin nyid du nan tan bgyis pa de bsod nams ji tsam zhig bskyed par 'gyur de nas bcom ldan 'das kyis byang chub sems dpa' pad+ma bkod pa la tshigs su bcad de bka' stsal pa/ stong chen po yi 'jig rten khams 'di ni// gser gyis bkang ste bde gshegs phul ba bas/ / gang gis chos kyi mdzod 'di thos nas ni// mos pa'i bsod nams 'di ni khyad par 'phags// gang gis 'jig rten khams khri rin chen bkang // de bzhin gshegs ba rnams la phul ba bas/ / gang gis mdo sde 'di la 'jug byas pa// bsod nams de la snga mas spyad du med// gang gis 'jig rten khams ni stong phrag bcu// rin chen bkang ste sbyin pa byin pa bas/ / gang gis mdo 'di bton nas ston pa yi// bsod nams de yi chang ni snga ma min// zhing ni bye ba khrag khrig stong gi rnams// rin chen bkang ste 'jig rten slob dpon// skyobasangs rgyas rnams la dbul bar phul ba bas// gang gis tshul 'dire rab tu sbyor ba dang // phyogs bcu rnams su gang gA'i bye snyed zhing // ri ni chen bkang ste rgyal la phul ba bas// ji ltar bstan pa bzhin du gang gnas pa'i// bsod nams de la mnyam pa yod ma yin// rdzogs pa'i byang chub sems dang chos 'dzin dang / chos bsgrub pa dang srog chags snying rje ba/ chos bzhi 'di dag bsod nams mtha' yas te// de dag mtha' ni bde gshegs mi gsung ngo // nam mkha'i khams dang de bzhin sems can khams// sangs rgyas ye shes dang ni byang chub sems/ / chos bzhi 'di dag dpag tu med pa ste// mkhas pa rnams kyis de thos dogs mi bya// dkon mchog chos 'di rab tu bshad pa na// phyogs bcu'i zhing ni bye ba g.yos bapar gyur/ / snang ba byung zhing me tog char kyang bab// sil snyan brgya dag ma dkrol sgra yang byung // byang chub sems dpa' mkhas pa de dag kun// mgu nas ched du rjod pa ched du brjod// chos bstan 'di 'dra 'di thos bdag cag rnams// 'tsho ba don yod rnyed pa legs par rnyed// gang dag 'di 'dra 'di ni thos gyur pa// sems can de dag rnyed pa legs par rnyed// gang dag byang chub sems ni mi brjod pa// de dag de bzhin gshegs pas shin tu bzung // phyogs bcu'i sangs rgyas stong phrag bye ba rnams// phyag ni g.yas pa rab tu brkyang mdzad de/ yon tan rgya mtsho'i spyi bor bzhag nas ni// shAkya seng ges bskul ba legs shes gsung // lha dang klu dang lha min mi 'am ci// dri za gnod sbyin mkha' lding lto 'phye che// brgya byin tshangs pa 'jig rten skyong ba rnams/ / nam mkhar gnas te ched du rjod pa brjod// shAkya seng ge 'di dang dge 'dun dang / mdo sde 'di 'dra ba ni 'dzin byed pa// byang chub sems dpa' dpa' bo ring gnas gyur/ / legs gsungs chos ni gzhar yang nub ma gyur// gang dag chos kyi tshul ni 'di 'dzin pa// de dag la ni bdag cag bsnyen bkur bgyi// bdag cag thams cad gus dang bcas par ni/ / kun tu srung zhing sba ba spro bar bgyi/ de nas bcom ldan 'das kyis byang chub sems dpa' blo gros rgya mtsho la bka' stsal pa/ blo gros rgya mtsho chos kyi tshul chos kyi phyag rgya chos btus pa/ chos rab tu rnam par 'byed pa chos rab tu dbye ba 'di ni/ 'das pa dang / ma 'ongs pa dang / da ltar byung ba'i sangs rgyas bcom ldan 'das rnams kyis bshad pa'achang pa 'chad par 'gyur ba ste/ blo gros rgya mtsho khyod kyis de la gus pa dang bcas pa dang / zhe sa dang bcas pa dang / sgrub pa snying por bya'o// bcom ldan 'das kyis de skad ces bka' stsal nas/ byang chub sems dpa' sems dpa' chen po blo gros rgya mtsho dang / thams cad dang ldan pa'i byang chub sems dpa'i tsho gas de dag dang / dge slong gi dge 'dun dang / lha dang mi dang / lha ma yin dang / dri za bcas pa'i 'jig rten yi rangs te/ bcom ldan 'das kyis gsungs pa la mngon par bstod do// byin gyis brlabs kyi le'u ste bcu gnyis pa'o/ / // 'dus pa chen po'i le'u'i chos kyi rnam grangs las/ 'phags pa blo gros rgya mtshos zhus pa zhes bya ba'i le'u ste lnga pa rdzogs s+ho//

CLOSE WINDOW