/ rgyu gar skad du/ Ar+ya A kA sha gar+b+ha nA ma ma s+yAm+b+ha na sU tra/ bod skad du/ 'phags pa nam mkha' snying zhes bye ba theg pa chen pado/ / sangs rgyas dang / / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ri kha la ti ka na/ gnas thub pa'i drang srong rnams kyi gnas na/ nyan thos chen po bgrang ba las 'das pa'i dge slong gi dge 'dun chen po dang thabs cig go/ 'di lta ste/ byang chub sems dpa' sems dpa' chen po gang+gA 'i klung gi bye ma snyed dpag tu med/ grangs med pa'i byang chub sems dpa'i dge 'dun chen po dang yang thabs cig tu bzhugs te/ de bzhin gshegs pa'i dpal gyi dam tshig lung bstan pa'i mthar phyin ma thag tu/ yang de'i tshe na/ nub phyogs naHbrgya byin thogs pa'i nor bu rin po che brgya phrag stong du mas bskor cing mdun du bdar ba'i yid bzhin gyi nor bu rin po che snang ste/ yang nor bu rin po che de'i 'od kyis/ stong gsum gyi stong chen po'i 'jig rten gyi khams 'di na/ gzugs su snang ba thams cad ma lus par mi snang bar gyur te/ de bzhin gshegs pa ma gtogs par gang lha dang / mi rnams dang / nyan thos rnams dang / gang byang chub sems dpa' rnams dang // @#gang sa dang / me dang / chu dang / rlung rnams kyi gzugs su snang ba'i 'byung ba chen po ji snyed pa'i 'byung ba chen po snang ba de dag thams cad ma lus par spangs par gyur cing / nor bu rin po che snang ngo // lhag ma dag kyang mtha' yas mu med pa/ brjod du med pa/ nam mkha' bzhin/ du snang ngo // bcom ldan 'das kyang shin tu lham me/ lhan ne/ lhang nger gyur to// gang yang sems can der 'dus pa de dag kyang / bdag kyang mi mthong ngo / / gcig la gcig kyang mi mthong ngo // de dag la 'byung ba chen po'i gzugs su snang ba thams cad 'gags nas/ yang mig tu snang bar ma gyur to/ / bdag bdag gis lus kyi gzugs dang / mtshan dang / dbyibs dang / reg pa yang mi dmigs par gyur te/ gang dang gang gis brtags pa de dang de dag stong par mthong ngo / / nyi ma dang / zla ba'i dkyil 'khor kyang mi mthong / skar ma'i gzugs dang / sa'i khams dang / chu'i khams dang / me'i khams dang / rlung gi khams kyang mig lam du snang bar ma gyur to// sgra dag kyang rna ba'i bu kar grag par ma gyur to// dri dag kyang sna la bro bar ma gyur/ to// sems dang sems las byung ba la yang nga dang / bdag gir bya ba dang / skye mched drug gi 'du shes mi 'byung bar gyur to// yang 'byung ba chen po dag kyang mi dmigs par gyur/ te/ phyogs gang dang / gang tu brtags pa de dang de'i phyogs thams cad du de bzhin gshegs pa'i sku'i mtshan dang / kha dog dang / dbyibs dang / gzugs su mthong bar gyur to/ / rgyang ma nas brgya byin thogs pa'i nor bu rin po ches bskor ba'i yid bzhin gyi nor bu rin po che snang ba las/ gzhan cung zad kyang mi snang bar gyur to// gang de na byang chub sems dpa' sa bcu la gnas pa/ dpa' bar 'gro ba'i ting nge 'dzin thob pa/ skye ba gcig gis thogs pa srid pa tha ma pa de dag gis ltas de mthong nas/ 'jigs par mi byed/ sngangs par mi byed/ skrag par mi byed de/ chos thams cad rang bzhin gyis yang dag pa'i mtha' dang / de bzhin nyid dang / stong pa nyid dang ldan par rtogs pas/ de'i phyir de dag 'jig par mi byed/ sngangs par mi byed/ skrag par mi byed do// gang lhag ma byang chub sems dpa' sems dpa' chen po de dag dang / nyan thos dag dang / lha dag dang / klu dag dang / gnod sbyin dag dang / dri za dag dang / lha ma yin dag dang / nam mkha' lding dag dang / mi 'am ci dag dang / lto 'phye chen po dang / grul bum dang / yi dgas dang / sha za dang / bsnyen srul po dang / lus srul po dang / mi dang / mi ma yin 'dus pa de dag thams cad 'jigs par gyur// sngangs par gyur/ skyo bar gyur nas/ tshu rol dang / pha rol la rmongs shing / sems 'khrugs nas/ de dag gcig la gcig kyang mi mthong / de na 'di ci zhig/ 'di ci lta bu zhig/ 'di ci'i rang bzhin zhes 'dri ba yang gang yang mi snang ngo / / yang de'i tshe na/ byang chub sems dpa' sems dpa' chen po tshangs pa'i gzer bu zhes bya bas/ bcom ldan 'das ga la ba der logs su thal mo sbyar ba btud te gsol pa/ chos kun gyi ni rang bzhin la// gang zag gang dag ma 'tshal ba/ gzugs phung la ni gnas gyur na// dbang po drug la rmongs par gyur// phung po gcig ni mi mthong zhing / gzugs kyi phung la rtog bgyed de/ 'di la gang zag kha cig ni// sangs rgyas chos la the tshom 'tshal// bcom ldan 'das kyis 'di dag la// chos kyi de bzhin mtshan nyid gsungs// de dag tshu rol pha rol la/ / bzod pa nam mkha'i mtshan 'tshal to// 'di na mnyam gzhag dpa' ba ste// brjod du med pa'i gnas lags so// rin chen chen po yid bzhin no// spyi bo la ni mchis/ par gda'// nor bu rin chen brgya byin thogs// gang gis rgyang thag nas mthong ba// sems can de dag skal ba che// dpa' 'gro shin tu pha rol mchi// ston pa lta bar mchis pa rnams// de dag thams cad shes rab che// de ring 'dir ni zab mo'i gtam// mchi bar 'gyur pa gdon mi 'tshal// bcom ldan 'das gang dag 'dir phyin pa'i// sems can dag la dbugs dbyung mdzod/ / sems can yongs su smin pa'i phyir// 'di ni dpa' bo'i spyod yul lo// bcom ldan 'das kyis bka' stsal pa// ji skad smras pa de bzhin te// gang na kun gzhi thos 'gyur zhing // / shes rab kyis ni sems can gnas// de ni ting 'dzin spyod yul lo// de ni nam mkha'i snying po yi// byang chub sems dpa' spyod yul te/ snang ba med cing spros med pa'i// ting nge 'dzin ni de yis bstan/ / lta ba gnyis la gang chags pa// phyi phyir zhing ni rmongs par 'gyur// rtag dang chad la chags pa ni// pha rol tshu rol shin tu rmongs// lta ba gnyis po 'di dag las// rab tu grol bar su 'dod pa// brjod du med par bsgom par gyis// de ni myur du sa thob 'gyur// kye grogs po dag/ gzhan yang byang chub sems dpa' sems dpa' chen po las thog ma pa la de nyid brjod du yod pa'i 'du shes kyi tshul gyis/ / dmigs pa dang bcas pa'i pha rol tu phyin pa drug brjod par bya ste/ 'di lta ste/ ci nas kyang 'byung ba chen po rnams kyi rang bzhin skye zhing 'jig pa shes par byas nas/ de'i 'og tu gzod chos thams cad brjod du med pa'i ngo bo nyid mi skye ba/ mi 'gag pa/ mi dmigs pa/ cung zad kyang med pa'i 'du byed thams cad bsgom par bya ste/ ci nas kyang rtag pa dang / chad pa spangs par 'gyur ba dang / mi 'jigs mi sngangs/ skrag par mi 'gyur ba dang / chos thams cad la tshogs par dmigs pa'i sems su ma gyur par byas na/ de myur du pha rol tu phyin pa drug yongs su rdzogs shing / phyin chad kyang chad pa dang / rtag par mi gnas par 'gyur ro zhes bcom ldan 'das kyis bka' stsal nas/ 'khor der lhags pa thams cad kyang sngon gzugs kyi snang ba ji ltar mthong ba dang / thos pa dang / rtogs pa dang / shes pa de bzhin du 'khor der mthong bar gyur pa dang / de nas bcom ldan 'das kyis phyag g.yas pa brkyang ste/ 'di skad ces bka' stsal to// nam mkha'i snying po zhes bya ba'i byang chub sems dpa' sems dpa' chen po/ / ting nge 'dzin rgya mtsho dang mtshungs pa/ byang chub sems dpa'i bslab pa ri rab dang mtshungs pa/ ye shes nam mkha' dang mtshungs pa/ brtson 'grus rlung dang mtshungs pa/ bzod pa rdo rje dang mtshungs pa/ byang chub sems dpa' thams cad kyi rgyal mtshan gyi mchog lta bu/ mya ngan las 'da' ba'i gnas su 'gro ba rnams kyi ded dpon lta bu/ dge ba'i rtsa ba thams cad kyi / ni gter lta bu/ sdug bsngal ba thams cad kyi ni bum pa bzang po lta bu/ mun par bcug pa rnams kyi ni nyi ma lta bu/ lam stor ba rnams kyi ni zla ba lta bu/ 'jigs pa rnams kyi ni ri rab lta bu/ nyon mongs pa'i nad kyis yongs su gdungs pa rnams kyi ni sman bcud kyi khu ba dam pa lta bu/ dge ba'i rtsa ba chad de lhung ba rnams kyi ni 'khar ba lta bu/ 'phreng bas 'tsho ba rnams kyi ni me tog lta bu/ sdom pa spyod pa rnams kyi ni me long lta bu/ ngo tsha ba dang 'dzem pa yongs su spangs pa rnams kyi ni gos lta bu/ mya ngan las 'da' bar 'gro ba rnams kyi ni zam pa lha/ bu/ pha rol tu 'gro ba rnams kyi ni gru lta bu/ mtho ris su 'gro ba rnams kyi ni skas lta bu/ tshig ngan pa dang skur pas nyen pa rnams kyi ni gdugs lta bu/ phas kyi rgol ba rnams kyi ni seng ge lta bu/ char pa rnams kyi ni chu lta bu/ bdud kyi dgra rnams kyi ni go cha lta bu/ bslab pa 'khrul pa rnams kyi ni mig 'byed pa lta bu/ dge ba'i rtsa ba'i 'bru thams cad kyi ni sa lta bu/ nad pa rnams kyi ni sman pa lta bu/ bkres pa rnams kyi ni 'bru lta bu/ skom pa rnams kyi ni zla ba'i nor bu lta bu/ ngal ba rnams kyi ni mal lta bu/ ting nge 'dzin dang ldan pa rnams kyi ni nyi ma'i nor bu lta bu/ byang chub kyi lam du zhugs pa rnams kyi ni shing rta lta bu/ skyed mo tshal na rtse ba rnams kyi ni rdzing bu lta bu/ byang chub kyi phyogs la brtson pa rnams kyi ni 'phreng ba lta bu de tshur 'ong ste/ rigs kyi bu de pha rol tu phyin pa rnams kyi ni 'bras bu lta bu/ rigs kyi bu de sa bcu dang ldan pa rnams kyi ni nor bu yid bzhin lta bu/ rigs kyi bu de dpa' bar 'gro ba'i ting nge 'dzin dang ldan pa rnams kyi ni kun tu 'tsho ba'i shing dang 'dra ba gcod pa'i phyir/ lta ba ngan pa'i sbyor ba thams cad kyi ni mtshon lta bu/ 'jom pa'i phyir bag chags kyi mtshams sbyor ba'i nyon mongs pa rnams kyi ni rdo rje lta bu/ bdud rnams kyis ni mi zlogs pa/ thabs can rnams kyi ni tshes grangs ye shes kyi ni 'byed pa'i sangs rgyas kyi chos thams cad kyi ni gnas/ rang rgyal ba rnams kyi ni 'phreng ba dang mtshungs pa/ nyan thos thams cad kyi ni gos dang mtshungs pa/ lha rnams kyi ni mig lta bu/ mi rnams kyi ni lam lta bu/ byol song du gyur pa rnams kyi ni skyabs/ yi dgas rnams kyi ni rten/ sems can dmyal ba pa rnams kyi ni mgon/ sbyin gnas kyi sems can rnams kyi ni snod tu gyur pa/ byang chub sems dpa' thams cad kyi ni shing rta lta bu/ rigs kyi bu de dus gsum du gshegs pa'i de bzhin gshegs pa dgra bcom pa yang dag par rdzogs pa'i sangs rgyas thams cad kyi ni blon po lta bu/ chos kyi grong khyer gyi sgo srungs yin te/ rigs kyi bu de sangs rgyas kyi chos ma 'dres pa bco brgyad kyi bar gyis ni brgyan/ thams cad rdzogs pa'i sangs rgyas kyi ye shes dang ni ldan/ rigs kyi bu de de bzhin gshegs pa ma gtogs par/ sems can thams cad kyi mchod pa'i dam pa thams cad kyis mchod par bya ba yin gyis// da khyed 'di ltar lhags pa thams cad kyis bsu bar gyis shig/ mchod pa dang / bkur sti thams cad kyis de la ci nus par rin po che'i gdugs dang / rgyal mtshan dang / ba dan sna tshogs dang / me tog dang / dri dang / 'phreng ba dang / byug pa dang / lha'i gos dang / rgyan dang / snod sna tshogs kyis bkur stir gyis shig/ rim gror gyis shig/ bsti stang du gyis shig/ mchod par gyis shig/ lam gyi byi dor gyis shig/ brgyan par gyis shig/ bstod pa sna tshogs kyis bstod par gyis shig/ khyed thams cad kyang de lta bu'i yon tan thob pa dang / snod du gyur par ring po mi thogs par 'gyur ro// de nas 'khor lhags pa ma lus pa thams cad kun stan las langs nas/ byang chub sems dpa' sems dpa' chen po/ nam mkha'i snying po phyogs gang logs na snang ba'i phyogs de logs su mngon du phyogs nas thal mo sbyar te/ snying ni rab tu dga'/ bzhin ni rab tu 'dzum// mig kyang rab tu dang bas lta zhing 'dug par gyur pa dang / 'khor de na byang chub sems dpa' sems dpa' chen po dang / nyan thos chen po dang / lha'i dbang po dang / klu'i dbang po dang gnod sbyin gyi dbang po dang / dri za'i dbang po dang / lha ma yin gyi dbang po dang / nam mkha' lding gi dbang po dang / mi 'am ci'i dbang po dang / lto 'phye chen po'i dbang po dang / drang srong lnga mngon par shes pa de dag thams cad 'di snyam du sems par gyur te/ bdag cag gis rigs kyi bu 'di la tshogs kyi mchog ji lta bu zhig gis bkur bstir bya snyam mo/ / de nas de'i tshe byang chub sems dpa' sems dpa' chen po nam mkha'i snying pos/ mi mjed kyi sangs rgyas kyi zhing 'di thams cad ma lus par rin po che bdun las byas shing / ri dang 'brog dang / ri skam dang / phug dang / grog po dang / ga yang sa dang / rtswa dang / rtsig pa dang / bong ba dang / gseg ma dang / dri nga ba la sogs pa med la/ lag mthil ltar mnyam par sprul to// des dpal dri za'i skad du brjod pa'i glu'i dbyangs dang / shing thams cad kyang rin po che sna bdun las byas te/ dri zhim pa dang / 'dab ma dang / me tog dang / 'bras bur ldan par sprul to// shing rlon dang / rtswa dang / skam shing dang / 'dab ma sa la gnas pa thams cad kyang rin po che sna bdun las byas par sprul to/ / mi mjed kyi 'jig rten gyi khams 'di thams cad na yang / nad ni rab tu med/ sems can dmyal ba dang byol song dang / gshin rje'i 'jig rten pa rnams kyi sdug bsngal ba thams cad kyang rab tu zhi/ sems can dag gis kyang zas dang / skom dang / gos dang / chos gos dang / rgyan dag thob par gyur to// de'i tshe gang mi mjed kyi 'jig rten gyi khams su gtogs pa'i sems can de dag thams cad kyang bsam pa yongs su rdzogs par gyur te/ bzang ba mdzes pa/ blta na sdug pa/ mdzes pa'i mdangs dam pa rdzogs pa dang ni ldan yan lag thams cad ni yongs su rdzogs/ rdul med pa rab rib dang bral bar snang ba'i dkyil 'khor gyi 'od kyis ni mdzes par byas/ nyon mongs pa rnams dang ni bral/ sems ni rab tu zhi/ dge ba thams cad la ni sems mos/ dkon mchog gsum la ni sems rab tu dang bar gyur nas/ 'khor der lhags pa'i sems can de re re'i lag pa gnyis ka na yang / nor bu rin po che thogs par mngon par sprul nas/ nor bu rin po che de re re las kyang so so'i tshul gyi 'od gzer gyi snang ba byung bar gyur te/ mi mjed kyi 'jig rten gyi khams 'di thams cad ma lus par snang ba chen po des khyab par gyur to/ / nor bu rin po che de las kyang sil snyan sna tshogs byung bar gyur to// nor bu rin po che sna tshogs kyi char yang mngon par bab par gyur to// gos bzang po sna tshogs kyi char dang / rgyan sna tshogs kyi char dang / me tog sna tshogs kyi char dang / dri sna tshogs kyi char dang / 'phreng ba sna tshogs kyi char dang / gdugs sna tshogs kyi char dang / snod sna tshogs kyi char dang / 'bras bu sna tshogs kyi char yang bab par gyur to// lha rdzas kyi gos dang / chos gos dang / gser gyi skud pa dang / mu tig gi se mo do dang / me tog pad+ma dang / ut+pa la dang / ku mu dA dang pun da ri ka dang / u ra gra sa ra dang / tsan ngan sbrul gyi snying po dang / shing ta ma la'i 'dab ma dang / tsan dan sbrul gyi mgo lta bu'i phye mas lam mer bkram par mngon par gyur to/ / lam de'i g.yas g.yon gnyi ga brgya byin gyi khang pa rnam par rgyal ba dang 'dra ba rin po che'i khang pa yang mngon par sprul te/ khang bden 'dod pa'i dbang po'i btsun mo gtso mo dang / sbas dang / dra ma dag yan lag lnga dang ldan pa'i sil snyan sgrogs shing / rtse dga' yongs su spyod pa de 'dra ba dag der sprul to// bcom ldan 'das kyi dbu'i spyi bo'i ste nam mkha' la lha rdzas kyi nor bu rin po che las byas pa'i tshangs pa chen po'i gdugs lta bu dpag tshad brgya tsam la rin po che'i dra ba'i skud pa dang / mu tig gi se mo dos brgyan pa mngon par sprul te/ rgyan de las kyang lha las 'das pa'i sil snyan yan lag brgyad dang ldan pa'i dbyangs kyi sgra byung ngo // rtswa dang / shing dang / 'dab ma dang / me tog dang / 'bras bu la sogs pa gang ci yang rung ste/ sa la gnas pa de dag thams cad las kyang lha las 'das pa'i yan lag lnga dang ldan pa'i sil snyan las bstod pa'i sgra 'byung ba grag ste/ de gang gi rna bar thos pa'i sems can de dag bla na med pa yang dag par rdzogs pa'i byang chub las phyir mi ldog par gyur to// de nas 'khor de dag thams cad kyis/ byang chub sems dpa' sems dpa' chen po nam mkha'i snying po'i tshogs chen po de mthong ste/ shin tu ngo mtshar ba dang rmad du byung ba'i chos thob nas/ de dag 'di snyams du gyur te/ bcom ldan 'dra kyi spyan sngar skyes bu dam pa de'i stan ji lta bur bshams snyam mo/ / de nas de'i tshe bcom ldan 'das kyi spyan sngar rin po che las byas pa'i me tog pad+ma sdong bu ni dngul/ lo ma ni gser/ snying po ni rin po che a mra gar ba/ ze ba ni nor bu rin po che tshangs pa'i 'od zer las byas pa/ zheng du rgyang grags gcig tsam yod pa/ me tog pad+ma'i ze ba'i stan rnam pa brgya phrag/ stong du mas yongs su bskor cing mdun du bdar ba'i pad+ma byung nas/ pad+ma'i stan de la byang chub sems dpa' sems dpa' chen po// nam mkha'i snying po skyil mo krung bcas te 'dug par snang ngo / / de'i spyi bo la yang nor bu rin po che 'dug par snang ngo // de bzhin du byang chub sems dpa' sems dpa' chen po nam mkha'i snying po'i g.yog byang chub sems dpa' sems dpa' chen po dpa' bar 'gro ba'i ting nge 'dzin thob pa/ brgya byin thogs pa'i nor bu rin po ches brgyan pa/ brgya stong phrag mang po rnams kyang rang rang gi pad+ma'i ze ba'i stan la 'khod par snang ngo // de nas de'i tshe byang chub sems dpa' sems dpa' chen po byams pas/ byang chub sems dpa' sems dpa' chen po sman gyi rgyal po la 'di skad ces smras so// byang chub sems dpa' grags chen rnams/ / gang dag sngon du 'ongs pa ni// gus dang ldan pas phyag byas te// phyi nas stan la 'dug byed na// skyes bu dam pa 'di 'ongs nas// tshogs chen dag kyang bstan gyur na/ / ston la phyag kyang ma 'tshang bar// stan la 'dug pa lta bur snang // sman gyi rgyal pos smras pa/ skyes bu dam pa 'di nyid ni// sangs rgyas chos la rab gnas mthong // rtog pa kun la mi gnas pas/ / sems can du ni mi mthong ngo // byang chub sems dpa' byams pas smras pa/ yang dag mtha' la gnas pa'i phyir// da ltar sems can mi mthong na// tshogs chen de ni ci phyir bstan/ / the tsom gyur pa bshad par gsol// sman gyi rgyal pos smras pa/ kun tu rtog pa'i spyod yul can// byis pas don dam mi shes te// sems can smin par bya ba'i phyir// 'di ni dpa' bo'i thabs yin no// don dam gyis ni sdug bsngal ba// de dag rab tu dgrol ba'i phyir// mkhas pa kun rdzob bden pa yis// 'di 'dra ba yi tshogs bstan to// de nas bcom ldan 'das kyis/ byang chub sems dpa' sems dpa' chen po sman gyi rgyal po la legs so zhes bya ba byin te/ legs so legs so// skyes bu dam pa khyod kyis ji skad smras pa de bzhin te/ so sor skye bo byis pa lta bu'i sems can thams cad ji snyed pa de dag thams cad kyis kyang / rgyun tu zhugs pa gcig gi spyod yul dang / sbyor ba dang / rnam par grol ba mi shes so/ / yongs su brtag pa bzung nas/ gal te sems can thams cad rgyun tu zhugs par gyur na yang / de dag gis la ni cig phyir 'ong ba gcig gi spyod yul dang // sbyor ba dang / rnam par grol ba mi shes te/ de bzhin du lan cig phyir 'ong ba rnams kyis kyang phyir mi 'ong ba dang / phyir mi 'ong ba rnams kyis kyang / dgra bcom pa dang / dgra bcom pa rnams kyis kyang / rang sangs rgyas kyis mi shes te/ gal te sems can thams cad bse ru dang 'dra ba'i rang sangs rgyas su gyur kyang / de dag thams cad kyis/ byang chub sems dpa' mi skye ba'i chos la bzod pa thob pa gcig gi spyod yul dang / rnam par grol ba dang / don dam pa la brtag pa dang / sems can yongs su smin par bya ba'i sbyor ba mi shes so// yongs su brtag pa bzung na/ gal te sems can thams cad mi skye ba'i chos la bzod pa thob par gyur kyang / de dag gis byang chub sems dpa' so sor rig pa thob pa/ dpa' bar 'gro/ ba'i ting nge 'dzin thob pa gcig gi spyod yul dang / mos pa dang / don dam pa'i bden pa la brtag pa'i byin gyis brlabs mi shes so// rigs kyi bu byang chub sems dpa' sems dpa' chen po nam mkha'i snying po 'di yang / mi skye ba'i chos la bzod pa thob/ so sor rig pa thob/ dpa' bar 'gro ba'i ting nge 'dzin thob nas/ bskal pa dpag tu med pa 'das te/ ji ltar da ltar tshogs chen po 'dus pa'i sems can rnams kyi bsam pa dang / bag la nyal ba dag shes nas/ ji ltar 'dir sems can kha cig tshogs chen po 'dir 'ong zhing lta ba'i phyir/ 'dod chags dang bral ba'i sa la gnas par 'gyur ba dang / ji ltar rigs kyi bu de 'di nyid du mi snang bar gyur nas/ nub phyogs nas 'dir 'ong zhing nyan thos dang / rang sangs rgyas rnams dang thun mong ma yin pa mtha' yas pa'i nam mkha' mtha' yas skye mched kyi mngon par shes pa dang / ting nge 'dzin kyang bstan/ sems can thams cad kyang skyo bar byas nas/ de'i 'og tu sems can dpag tu med pa yongs su smin par bya ba'i phyir/ kun rdzob kyi bden pas bsgrub pa'i tshogs chen po yang bstan/ ting nge 'dzin gyi tshogs chen po yang bstan pa bzhin no/ / gal te rigs kyi bu de don dam pa'i bden pa mi skye ba'i tshogs ston du zin na/ lha dang bcas pa'i 'jig rten rmongs par 'gyur/ bslad par 'gyur ro// byang chub sems dpa' sa brgyad la gnas pa'i bar du yang bslang bar 'gyur bas 'di'i spyod yul dang / sbyor ba'i mtshan ma bstan par mi nus te/ de ltar chos zab mo'i yon tan la gnas so// rigs kyi bu de ni thabs shes pa la mkhas so// sangs rgyas kyi chos rgya mtsho thams cad la gnas so// the tshom med do// ye shes gzhan la rag ma lus pa la mkhas so// byang chub sems dpa' thams cad kyi rgyal mtshan gyi mchog rgyal po la 'os pa dang 'dra'o/ / rigs kyi bu byang chub sems dpa' nam mkha'i snying po de ni sems can thams cad mtho rasi dang thar par skye bar ston to/ / sems can thams cad kyi sems kyi nyon mongs pa'i nad las yongs su thar bar byed pa'o// lus kyi dug 'byung ba chen po'i nang gso bar byed pa'o// sems can gang dag lta ba ngan pas sdug bsngal bar gyur pa'i 'khor ba'i 'brog bslad nas/ / mtho ris dang thar par gnas pa'i thabs mi shes pa de dag kyang gal te/ byang chub sems dpa' nam mkha'i snying po'i ming rjod par byed/ phyag 'tshal bar byed/ dri 'bul/ a ka ru'i bdug pas bdug par byed na/ rigs kyi bu de ni de dag gi bsam pa dang / bag la nyal ba dang / de dag gi nyon mongs pa dang ldan pa'i lta ba sems dang 'brel pa ci 'dra ba dang / sngon gyi dge ba'i rtsa ba bskyed pa ci 'dra ba la yang rtog cing / sems sbyang ba ji lta bur bya ba'i rigs pa dge ba'i rtsa ba sangs rgyas la bskyed pa 'am/ chos la bskyed pa 'am/ dge 'dun la bskyed pa 'am/ bsod nams bya ba'i dngos po sbyin pa'i rang bzhin nam/ tshul khrims kyi rang bzhin nam/ bsgoms pa'i rang bzhin yang rung ste/ de dag thams cad rmi lam na'ang rung / sang ba'i tshe yang rung ste/ de bzhin du thabs mkhas pas mngon sum du lam drang po'i thabs kyis ston te/ thabs des lta ba ngan par byed pa smon lam ngan pa'i bsam pa dang / skyabs ngan pa dang / ngan par 'jug pa'i sems las myur du thar par byed do// ci nas kyang de'i lus dang / ngag dang yid gyi sbyor ba drang por 'gyur ba dang / smon lam drang po dang / dge ba'i bshes gnyen drang po dang bsten par 'gyur ba dang / myur du dri mi zhim pa dang / nyon mongs pa dang / sdig pa'i lta ba las yongs su thar bar 'gyur ba dang / de dag gi ngan song du 'gro ba'i sdig pa'i las thams cad smon lam gyi dbang dang / legs par spyad pa'i las kyis myur du byang bar 'gyur ba dang / de dag myur du bdag gi sems la dbang thob par 'gyur ba dang / zab mo'i bzod pa la gnas par 'gyur ba'i thabs ston to// gang yang sems can lus la nad sna tshogs kyis gzir ba dang / gang yang sems g.yengs pa dang / gang dag gi mig gi bar chad byas pa dang / lce bcings pa dang / gang dag la yan lag gang yang rung ba zhig nyams par gyur na/ gal te de dag gis nad rab tu zhi bar bya ba dang / nad med pa thob par bya ba'i phyir snying thag pa nas/ byang chub sems dpa' sems dpa' chen po// nam mkha'i snying po'i ming nas rjod par byed cing / a kar+ya dang / ta ka rus gdugs nas/ skyes bu dam pa nam mkha'i snying po la phyag 'tshal na/ rigs kyis bu ni de dag gi rmi lam na bram ze'i gzugs kyis mdun du 'dug gam/ brgya byin gyi gzugs sam dpal gyi gzugs sam/ dbyangs can gyi gzugs sam/ rgyal rigs kyi gzugs sam/ blon po'i gzugs sam/ dpa' bo'i gzugs sam/ sman pa'i gzugs sam/ pha'i gzugs sam/ ma'i gzugs sam/ khye'u'i gzugs sam/ bu mo'i gzugs kyis rmi lam na nad pa'i mdun du 'dug ste/ de'i nad zhi bar bya ba'i phyir sman dang yo byad du gyur pa thams cad de bzhin du ston te/ nad pa'i sbyor ba cig gis nad thams cad zhi bar 'gyur ro// de bzhin du gang zhal ta dang / longs spyod 'dod pa dang / gang kha ton dang / thos par 'dod pa dang / gang dben par 'dod pa dang / gang bsam gtan la bsam gtan byed pa dang / shes rab 'dod pa dang / gang yang grags par 'dod pa dang / gang bzo skyong bar 'dod pa dang / gang dbang phyug 'dod pa dang / gang gzugs 'dod pa dang / gang nor 'dod pa dang / gang dam pa 'dod pa dang / gang rigs 'dod pa dang / gang bu 'dod pa dang / gang g.yog 'dod pa dang / gang yon tan 'dod pa dang gang sbyin pa 'dod pa dang / gang tshul khrims 'dod pa nas/ gang shes rab kyi bar du 'dod pa dang / gang tshig 'jam po 'dod pa dang / gang sems can rnams dang 'thun par 'dod pa dang / gang sdig pa thams cad las thar par bya bar 'dod pa dang / gang sbyin pa la gzhog par 'dod pa nas shes rab la gzhag pa'i bar du 'dod pa dang / tshe ring bar 'dod pa dang / nye bar spyod pa dang / yongs su spyod pa dang mi 'bral bar 'dod pa dang / sems can ser sna can rnams gtong ba la gzhog par 'dod pa dang / ngang tshul ngan pa dag tshul khrims la gzhog par 'dod pa dang / le lo can dge brtson 'grus la gzhog par 'dod pa na/ de dag la rigs kyi bu 'di ni thabs ston par byed do/ / gang snying rje chen po dang ma bral zhing / bdag la lta zhing / sems can thams cad la btang snyoms su byed la/ bdag gi thabs gang gis sems can 'di dag bla na med pa yang dag pa'i byang chub la sems gzhag pa dang / thabs mkhas pa la dgod pa dang / tshangs pa'i gnas bzhi nas snying rje chen po'i bar la dgod par bya snyam du sems pa des/ byang chub sems dpa' nam mkha'i snying po la phyag bya'o/ / dgon pa 'am/ dbye 'am/ bla gab med pa las a ka ru dang / ta ka ru dang / kA la a nu sa ris bdug par bya'o// thal mo sbyar te phyog mtshams kun tu yan lag lngas phyag 'tshal nas/ sngags kyi tshigs 'di bzlas par bya'o// tad+ya thA/ su mri sha su mri sha/ kA ru NI ka/ tsa ra tsa ra/ bi tsa ra/ san tsa ra kA ru NIka/ mur mu ra/ be ga d+ha ri/ mA mA tser+dz+nyA dza/ ma hA kA ru NI kA/ tsin tA ma Ni b+hu ra ya/ kA ru NI ka/ sarba shA me swa pA ya ang la d+hA ri sA gung gA gung / ru ti bi be ka gung / kA ru NI ka/ ra ya tra na ma ma A shA/ sarba phaT tsa ra a sho ka/ ga ti swA hA/ sngags 'di lan du mar bzlas te nyal bar bya'o// rigs kyi bu de ni de la mi'i gzugs sam/ ri dgas kyi gzugs/ sam/ bya'i gzugs sam/ bdag nyid du ston pa 'am/ de'i bsod nams kyi skal ba ji lta bu de 'dra ba'i gzugs sam/ tshig gis de la tshul gcig pa de 'dra ba'i thabs ston par byed de/ thabs gcig po des sems can khrag khrig brgya stong du ma dag yongs su smin par byed nus so// gang theg pa la mi gnas pa dang / gang nyan thos kyi theg pa la gnas pa dang gang rang sangs rgyas kyi theg pa la gnas pa'i sems can dag des thang cig yud tsam dang ldan pa'i shes rab dang / thabs cung zad kyis kyang / bla na med pa'i theg pa chen po la phyir mi ldog par gzhog pa nas/ ting nge 'dzin dang / bzungs dang / bzod pa sna tshogs dang / sa bcu la gzhog pa'i bar du nus te/ de ltar byang chub sems dpa' sems dpa' chen po la nam mkha'i snying po de ni thabs dang / ye shes dang / snying rje chen po bsam gyis mi khyab pa dang ldan no// rigs kyi bu nam mkha'i tshad ni la las gzung nus kyi/ rigs kyi bu de'i thabs dang / ye shes dang / byams pa chen po dang / snying rje chen po dang / ting nge 'dzin gyi stobs bskyed pa dang / sems can yongs su smin par byed pa'i tshad bzung bar ni mi nus te/ de ltar byang chub sems dpa' sems dpa' chen po nam mkha'i snying po de ni yon tan bsam gyis mi khyab pa dang ldan no// rigs kyi bu sems can gang g.yo med pa/ sgyu med pa/ yang dag pa'i nan tan dang ldan pa/ lta ba drang po dang ldan pa/ gzhan mi smod pa/ bdag mi stod pa/ phrag dog dang / ser sna spangs pa/ tshul 'chos pa med pa bsam pa lhag pa dang ldan pa de dag la ni/ rigs kyi bu 'di snying brtse bar byed de/ thabs dang / ye shes dang / brtson 'grus dang / brtul ba'i thabs kyang ston cing / sems can de thabs dang / ye shes dang / brtson 'grus dang / brtul ba des de 'dra ba'i sdug bsngal las yongs su thar pa dang / bla na med pa yang dag par rdzogs pa'i byang chub kyi sems skye bar byed do/ / dge ba'i rtsa ba thams cad kyang byang chub tu sngo bar byed do// bla na med pa yang dag par rdzogs pa'i byang chub las kyang phyir mi ldog par 'gyur ro// mthu dang brtson 'grus dang / brtul ba chen po des pha rol tu phyin pa drug yongs su rdzogs par bya ba'i phyir/ spro ba dang brtul ba chen por 'gyur/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur te/ de ltar byang chub sems dpa' sems dpa' chen po nam mkha'i snying po de ni yon tan gyi chos dang / brtul ba bsam gyis mi khyab pa dang ldan pa/ sems can thams cad yongs su smin par byed pa'o// de nas bcom ldan 'das la byang chub sems dpa' byams pas 'di skad ces gsol to// bcom ldan 'das rigs kyi bu 'di ci'i slad du yan lag gi dam pa mgo bo la yid bzhin gyi nor bu rin po che 'chang zhing / de shin tu lham me/ lhang nger gda' la/ byang chub sems dpa' gzhan dag la de ltar ma lags/ / bcom ldan 'das kyis bka' stsal pa/ rigs kyi bu byang chub sems dpa' sems dpa' chen po nam mkha'i snying po 'di ni snying rje chen po dang ldan pa/ sems can la phan pa'i phyir zhugs pa/ sdug bsngal chen po las thar par byed pa ste/ sems can gang dag ltung ba'i rtsa ba byung ba ngan song du 'gro ba/ dge ba'i rtsa ba thams cad sprug par byed pa/ 'jig par byed pa'i sems can de dag la rigs kyi bu 'di ni sman du gyur pa'o// ma rig pa'i mun pa mun nag dang / lta ba ngan pa'i sdug bsngal bar gyur pa rnams la ni 'di nyi ma dang mtshungs pa'o/ / ltung ba'i rtsa ba 'chags su 'jug pa'o// de dag gi snying la the tsom yod pa 'dral bar byed pa'o// gang dag snying gi snod chag pa gyur pa/ ltung ba'i dngos por gyur pa/ phas pham pa'i sems can dge ba'i chos thams cad zhig par gyur pa/ ngan song du 'gro ba/ mgon med pa rten med pa/ mkhas pa thams cad kyis spangs pa rnams la ni/ rigs kyi bu 'di 'khar ba dang mtshungs pa la/ lam ston pa'o// sdig pa thams cad dang / dri mi zhim pa thams cad ston par byed pa 'khru bar byed pa'o/ / 'gro ba ngan pa'i lam las zlog par byed pa'o// shing rta dang mtshungs pa'o// mtho ris dang thar pa la 'jog par byed pa'o// rigs kyi bu 'di ni sems can gang dag sems shin tu 'dod par 'jug pa dang / gang dag shin tu khro ba dang / gnod sems dang / gnod 'chab pa dang / ser snas sems 'khrugs par 'gyur ba dang / gang dag shin tu gti mug gi mun par song ba dang / rgyu med par smra ba dang / 'jig rten pha rol gyis mi 'jigs par lta ba dang / gang dag nor sogs pas chog mi shes pa dang / gang dag mi dge ba'i chos bcu'i bar du rtag tu shin tu ldan pa'i sems can de dag gi ngan song gi sgo gcod par byed pa nas/ shing rta dang mtshungs pa'i bar du yin te/ sems can rnams mtho ris dang thar pa la gzhog par byed pa'o// de bas na de bzhin gshegs pa dgra bcom pa yang dag par rdzogs pa'i sangs rgyas rnams ma gtogs par/ rigs kyi bu 'di ni lha dang bcas pa'i 'jig rten gyis mchod par bya ba yin no// byang chub sems dpa' byams pas gsol ba/ bcom ldan 'das ltung ba'i rtsa ba gang dang ldan na// sems can rnams dge ba'i rtsa ba sprug par bgyid cing / ngan song du 'chi bar 'gyur ba dang / ltung ba'i dngos por 'gyur zhing / lha dang mi'i bde ba thams cad las phas pham pa de la rigs kyi bu 'di mtho ris dang thar pa'i bde bas tshim par bgyid pa'i ltung ba'i rtsa ba de dag gang lags/ bcom ldan 'das kyis bka' stsal pa/ rigs kyi bu rgyal rigs rgyal thabs spyi bo nas dbang bskur ba'i ltung ba'i rtsa ba ni lnga ste/ ltung ba'i rtsa ba de dang ldan na/ rgyal rigs rgyal thabs spyi bo nas dbang bskur ba'i sngon gyi dge ba'i rtsa ba thams cad sprug par 'gyur/ ltung ba'i dngos por 'gyur/ lha dang mi'i bde ba thams cad las phas pham par 'gyur/ ngan song du 'gro bar 'gyur ro// lnga gang zhe na/ rigs kyi bu rgyal thabs spyi bo nas dbang bskur ba/ mchod rten gyi rdzas 'phrog par byed/ dge 'dun gyi 'am/ phyogs bzhi'i dge 'dun la phul ba 'phrog par byed dam/ 'phrog tu 'jug par byed pa 'di ni ltung ba'i rtsa ba dang po'o// gang yang chos spong bar byed de/ nyan thos kyi 'byung bar bshad pa 'am/ rang sangs rgyas kyi 'byung bar bshad pa'am/ theg pa chen po'i 'byung bar bshad pa spong bar byed/ 'gog bar byed/ sbed par byed pa 'di ni ltung ba'i rtsa ba gnyis pa'o// gang yang nga'i phyir mgo dang khwa spu bregs nas/ gos ngur smrig bgos pa bslab pa 'dzin kyang rung / bslab pa mi 'dzin kyang rung / tshul khrims dang ldan yang rung / tshul khrims dang mi ldan yang rung ste/ de'i gos ngur smrig 'phrog cing khyim par byed dam/ lus la chad pas gcod par byed dam/ btson rar 'jug par byed/ srog dang dpral bar byed pa 'di ni ltung ba'i rtsa ba gsum pa'o// gang yang rgyal rigs kyi ched du bsams te/ ma'i srog gcod/ 5 dang bcom ldan 'das kyi nyan thos dgra bcom pa'i srog gcod par byed/ dge 'dun 'dus pa dbye bar byed/ ched du bsams nas/ de bzhin gshegs pa dgra bcom pa yang dag par rdzogs pa'i sangs rgyas la ngan sems kyis khrag 'byin par byed na/ mtshams med pa'i las 'di lnga las gang yang rung ba zhig 'byung bar byed pa 'di ni ltung ba'i rtsa ba bzhi pa'o// gang yang rgyal rigs rgyu med par smra bar gyur/ 'jig rten pha rol la btang snyoms su byed/ mi dge ba'i las kyi lam bcu blangs shing 'jug par byed/ gzhan yang sems can mang po dag mi dge ba'i las kyi lam bcu la 'doms par byed/ gzhog par byed/ gnas par byed pa 'di ni ltung ba'i rtsa ba lnga pa ste/ rigs kyi bu gang yang rgyal rigs rgyal thabs spyi bo nas dbang bskur ba la ltung ba'i rtsa ba 'di lnga las/ ltung ba'i rtsa ba gang yang rung ba zhig byung na/ rgyal rigs rgyal thabs spyi bo nas dbang bskur ba de sngon dge ba'i rtsa ba/ bskyed pa de thams cad sprug par 'gyur ro// ltung ba'i dngos por 'gyur zhing / lha dang mi'i bde ba thams cad las phas pham par 'gyur/ ngan song du 'gro bar 'gyur te/ byang chub sems dpa' nam mkha'i snying po ni de 'dra ba'i yul mtha' 'khob kyi nang du skye zhing 'byung bar ston te/ la lar ni dge sbyong gi gzugs dang / cha lugs dang / spyod lam la lar ni bram/ ze'i gzugs dang / cha lugs dang spyod lam ston to// gang dang gang gis bdag gis skye ba 'byung bar ston pa/ de dang de dag tu rgyal rigs de 'dra ba dag la chos 'chad par byed de/ sngon ma byung ba sngan chad ma byung ba thams cad mkhyen pas bshad pa/ zab mo zab pa'i mdo sde dang / gzungs dang / bzod pa dang / sa dag 'chad par byed/ ston par byed/ de'i phyir/ rgyal rigs rgyal thabs spyi bo nas dbang bskur ba de sngon gyi sdig pa mi dge ba'i las la ngo tsha bar byed/ smod par byed/ 'chags par byed/ gtong bar byed/ spong bar byed cing de sbyin pa dang / dul ba dang / sdom pa dang / brtul ba'i spro ba chen po la gnas shing / mtho ris la rten par 'gyur ro// byams pa blon po'i ltung ba'i rtsa ba'i yang lnga ste/ lnga gang zhe na/ gang yang blon po mdzod rten gyi rdzas 'phrog par byed dam/ phyogs bzhi'i dge 'dun gyi rdzas 'phrog par byed pa 'di ni ltung ba'i rtsa ba dang po'o// gang lung gro 'byed par byed/ gzhongs 'byed pa dang / grong khyer 'byed pa dang / yul 'byed par byed pa 'di ni ltung ba'i rtsa ba gnyis pa'o// gang yang blon po chos spong bar byed de// nyan thos kyi 'byung ba bshad pa'am/ rang sangs rgyas kyi 'byung ba bshad pa 'am/ thams cad mkhyen pa'i 'byung bar bshad pa spong bar byed/ 'gog par byed pa 'di ni ltung ba'i rtsa ba gsum pa'o// / gang yang blon po bcom ldan 'das kyi phyir/ rab tu byung ba la gartse bar byed na/ bslab pa 'dzin kyang rung / bslab pa mi 'dzin kyang rung / tshul khrims dang ldan yang rung / tshul khrims dang mi ldan yang rung ste/ de dag gi gos ngur smrig 'phrog par byed/ khyim par byed dam/ lus la chad pas gcod dam/ brtson rar 'jug par byed dam/ srog gcod par byed pa de ni blon po'i ltung ba'i rtsa ba bzhi pa'o/ / gang yang blon pos mtshams med pa lnga las mtshams med pa gang yang rung ba'i las byed cing / sogs pa 'di ni ltung ba'i rtsa ba lnga pa ste/ rigs kyi bu blon po gang ltung ba'i rtsa ba lnga po 'di dag las ltung ba'i rtsa ba gang yang rung ba zhig byung na/ blon po de sngon dge ba'i rtsa ba bskyed pa thams cad sprug par 'gyur ltung ba'i dngos por 'gyur/ lha dang mi'i bde ba thams cad las phas pham par 'gyur/ sems can dmyal ba la rten par 'gyur te/ de dag gi don gyi phyir/ byang chub sems dpa' nam mkha'i snying po de lta bu'i yul mtha' 'khob gzhan du gnas shing skye ba 'byung bar yang ston te/ la lar ni dge sbyong gi gzugs dang / na lugs dang / spyod lam gyis sems can rnams la chos 'chad la lar ni bu mo'i bar gyi gzugs kyis chos 'chad de/ gang dang gang dag tu skye ba 'byung bar ston pa de dang de dag tu yang blon po de 'dra ba dag la chos 'chad de/ sngon ma byung ba sngan cad ma byung ba/ thams cad mkhyen pas bshad pa/ zab mo zab ba'i mdo sde dang / gzungs dang / bzod pa dang / sa dag 'chad par byed/ ston par byed de/ de'i phyir blon po de sngon byas pa'i mi dge ba'i sdig pa'i las la ngo tsha bar byed/ smod par byed/ las kyi sgrib pa de yang 'chag par byed/ gtong bar byed/ spong bar byed de/ de sbyin pa dang / dul ba dang / sdom pa la brtul ba'i nan tan gyis gnas shing / mtho ris la rten par 'gyur ro/ / rigs kyi bu nyan thos rnams kyi ltung ba'i rtsa ba ni lnga pa'o// lnga gang zhe na/ srog gcod pa dang / ma byin par len pa dang / mi tshangs par spyod pa dang brdzun du smra ba dang / gang de bzhin gshegs pa'i sku 'jom zhing khrag 'byin par byed pa ste/ de lnga'o// gang nga'i nyan thos pa ltung ba'i rtsa ba de lnga las ltung ba'i rtsa ba gang yang rung ba zhig byung na/ rtag tu ji ltar bshad pa bzhin du/ de dag gi don gyi phyir/ byang chub sems dpa' nam mkha'i snying po de lta bu'i yul gzhan dag tu skye ba 'byung bar ston cing / la lar ni dge sbyong gi gzugs dang / cha lugs dang / spyod lam gyis 'chad de/ snga ma bzhin gyi bar du mtho ris la rten par 'gyur ro// theg pa chen po la gnas pa'i rigs kyi bu las thog ma pa'i ltung ba'i rtsa ba ni brgyad de/ ltung ba'i rtsa ba de dag gis 'khrug par gyur pa'i theg pa chen po la gnas pa'i las thog ma pa dag ni/ sngon dge ba'i rtsa ba skyed pa thams cad sprug par 'gyur/ ltung ba'i dngos por 'gyur zhing / lha dang / mi dang / theg pa chen po'i bde ba las phas pham par 'gyur/ ngan song du 'gro bar 'gyur/ dge ba'i bshes gnyen dang / bral zhing 'khor ba na yun ring du gnas par 'gyur ro// brgyad gang zhe na/ sems can gang dag sngon ngan par spyad pa'i rgyus nyon mongs pa/ rnyog pa lnga dang ldan pa'i 'jig rten gyi khams 'dir skyes nas/ de dag dge ba'i rtsa ba chung ngu dang ldan pa las/ dge ba'i bshes gnyen la bsten te gnas te/ theg pa chen po'i shin tu zab pa 'di nyan cing / rigs kyi bu de dag blo chung ngu zin gyis kyang / bla na med pa yang dag par rdzogs pa'i byang chub tu sems bskyed do// de dag gi nang nas byang chub sems dpa' las thog ma pa de shin tu zab pa stong pa dang ldan pa'i mdo sde 'di nyan par byed/ lung sbyin par byed/ klog par byed de/ de dag ji ltar thos pa dang / de dag ji ltar kun chub pa bzhin du/ sems can gzhan sngon gyi blo dang 'dra ba dag gi mdun du don dang bcas/ yi 'bru dang bcas pas rgya cher dran par byed/ ston par byed pa dang / dka' ba ma byas pa'i byis pa lta bu'i so so'i skye bo de dag thos nas/ 'jigs par 'gyur/ sngangs par 'gyur/ skrag par 'gyur te/ skrag pas bla na med pa yang dag par rdzogs pa'i byang chub las ldog cing / nyan thos kyi theg pa la sems smon par 'gyur ba de ni/ byang chub sems dpa' las thog ma pa'i ltung ba'i rtsa ba dang po ste/ rigs kyi bu lhung ba'i rtsa ba des dge ba'i rtsa ba sngon bskyed pa thams cad sprugs par 'gyur/ ltung ba'i dngos por 'gyur/ mtho ris dang thar pa'i bde ba las phas pham par 'gyur/ de'i byang chub kyi sems bslus shing ngan song du 'gro bar 'gyur ro// de bas na 'di lta ste/ dper na/ rgya mtsho mching rnams chen po khad kyis gzhol ba de bzhin du// byang chub sems dpas sems can pha rol dang / gang zag pha rol gyi bsam pa dang / bag la nyal ba thog mar shes par bya ste/ byang chub sems dpa' rnams kyi bsam pa ji lta ba bzhin du rim gyis chos bshad par bya'o/ / byang chub sems dpa' nam mkha'i snying po yang de dag gi phyir de lta bu'i yul gzhan dag tu skye zhing 'byung bar ston te/ de'i phyir byang chub sems dpa' las thog ma ba de lta bu'i ltung ba'i rtsa ba 'byung bar gyur la/ ngan song gis 'jig skrag nas/ de dag gal te byang chub sems dpa' nam mkha'i snying po'i ming thos nas/ ltung ba de dag bshags pa'i phyir mthong bar 'dod na/ des tho rangs kyi thun la/ a ka ru 'am/ ta ka ru 'am/ bdug pas bdugs nas thal mo sbyar te/ byang chub sems dpa' nam mkha'i snying po'i ming nas brjod par bya'o/ / de'i skal ba ji lta ba bzhin du/ rigs kyi bu des sems can de mthong nas/ de ltar 'di lta bu'i gzugs su ston te/ la la'i mdun du ni tha mal par 'dug ste chos 'chad do// / la la'i mdun du ni bram ze'i gzugs kyis/ la la'i mdun du ni bu mo'i gzugs kyi bar du 'dug ste/ byang chub sems dpa' las dang po pa de'i ltung ba'i rtsa ba ji ltar byung ba de dag 'a chags su 'jug go/ bla na med pa theg pa chen po'i spyod pa zab pa/ thabs mkhas pa yang de la ston par byed do// ting nge 'dzin dang / bzod pa dang / gzungs dang / sa'i bar du yang 'jog par byed do// de'i phyir ngan songs thams cad las yongs su thar cing / bla na med pa yang dag par rdzogs pa'i byang chub las kyang phyir mi ldog par 'gyur te/ pha rol tu phyin pa drug la rdo rje bzhin du mthu che zhing / brtul ba bstan par 'gyur/ myur du bla na med pa yang dag par rdzogs pa'i byang chub tu yang mngon par rdzogs par 'tshang rgya bar 'gyur ro// gal te des bdag nyid mdun du mngon sum du ma bstan na// byang chub sems dpa' des skya reng 'byung ba'i dus kyi tshe langs te/ skya reng la gsol ba gdab par bya ste/ 'di skad pa rjod par bya'o// sa reng skya reng thugs rje chen po dang ldan pa skya reng khyod 'dzam bu'i gling 'dir sha ra ma thag tu/ bdag la thugs rjes dgab par mdzod cing // nam mkha'i snying po thugs rje chen po la bdag gi tshig gis gsungs te/ ci nas kyang de bdag gi rmi lam du ston cing / de'i slad du bdag ltung ba'i rtsa ba 'chags par 'gyur ba dang / 'phags pa'i theg pa chen po las thabs dang ldan pa'i ye shes kyi mig chen po thob par 'gyur bar mdzod cig ces bya ste/ des de'i tshe mal du gnyid log par bya'o// skya reng shar ma thag tu yang byang chub sems dpanam mkha'i nga chub sems dpa' las thog ma pa ltung ba byung ba de'i rmi lam du ston par byed de/ ye shes kyi thabs chen pos de'i ltung ba'i rtsa ba yang 'chags su 'jug go/ thabs dang ldan pa'i ye shes kyang snyan par byed de/ de'i phyir byang chub sems dpa' las thog ma pa de de nyid du/ byang chub kyi sems mi brjed pa zhes bya ba'i ting nge 'dzin thob par 'gyur ro// theg pa chen po la yang shin tu gnas par 'gyur ro// pha rol tu phyin pa drug kyang myur du yongs su rdzogs par 'gyur ro// gzhan yang byang chub sems dpa' las thog ma pa dag la la zhig la khyod kyis pha rol tu phyin pa drug la spyod mi nus/ khyod bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus kyis/ khyod myur du nyan thos kyi theg pa 'am/ rang sangs rgyas kyi theg pa la sems skyed cig dang / de'i phyir khyod myur du 'khor ba las 'byung bar 'gyur ro zhes/ ji ltar sngar bshad pa'i bar du de skad ces zer na/ de ni byang chub sems dpa' las thog ma pa'i ltung ba'i rtsa ba gnyis pa'o// gzhan yang byang chub sems dpa' la thog ma pa la la zhig la/ kye khyod kyis so sor thar pa'i 'dul ba dang / tshul khrims dang legs par spyad pas ci zhig bya/ khyod myur du bla na med pa yang dag par rdzogs pa'i byang chub tu sems skyed cig/ theg pa chen po lhogs shig dang / de'i phyir nyon mongs pa'i rkyen gyis khyod kyi lus dang / ngag dang / yid kyis mi dge ba'i las gang cung zad kyang bsgrubs pa de dag de'i phyir dag cing rnam par smin par 'gyur ba med do zhes/ ji ltar sngar bshad pa bzhin gyi bar du de skad zer na/ de ni byang chub sems dpa' las thog ma pa'i ltung ba'i rtsa ba gsum pa'o// gzhan yang rigs kyi bu byang chub sems dpa' las thog ma pa la la zhig la/ rigs kyi bu khyod kyis nyan thos kyi theg pa'i gtam spongs shig/ mnyan cig/ ma glog shig/ gzhan la ma ston cig/ rigs kyi bu khyod kyis nyan thos kyi theg pa'i gtam sba bar gyis shig/ khyod ni de'i phyir 'bras bu chen po thob par mi 'gyur ro// khyod ni de'i phyir nyon mongs pa rnams mthar 'byin par byed kyang mi nus kyis/ khyod theg pa chen po'i gtam la dad par gyis shig/ theg pa chen po nyon cig/ khyod theg pa chen po lhogs shig/ gzhan la ston cig dang / de'i phyir khyod ngan 'gro dang / ngan song gi lam thams cad du 'gro bar mi 'gyur zhing / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes de skad smras nas/ gal te de de'i tshig bzhin du byed cing lta ba'i rnam pa de lta bu len par byed na/ gnyis ka yang ltung ba'i rtsa bar 'gyur te/ 'di ni byang chub sems dpa' las thog ma pa'i ltung ba rtsa ba bzhi pa'o// gzhan yang byang chub sems dpa' las thog ma pa dag lce gnyis par 'gyur te/ gzhan du sems la gzhan du ston cing / theg pa chen po 'di yang sgra grags pa dang / tshigs su bcad pa dang / rnyed pa dang / bkur sti'i phyir 'dod par byed/ kha ton byed/ 'dzin par byed/ klog par byed/ 'chad par byed/ pha rol la yang thos pa tsam ston par byed cing / bdag ni theg pa chen po pa yin gyi/ gzhan ni ma yin no zhes de skad zer zhing / rnyed pa dang / bkur sti'i phyir gzhan la phrag dog tu byed la/ pha rol gang las nye bar spyod pa dang / yongs su spyod pa thob par 'gyur ba la/ de'i rkyen gyis de dag 'khrug par 'gyur/ de dag gi mi bsngags pa brjod par byed/ smod par byed/ brnyas par byed/ ngan du brjod par byed/ bdag stod par byed cing / de dag phrag dog gi rgyus bdag mi las bla ma'i chos dang ldan par 'chad par byed de/ de'i phyir dngos po des ltung bar 'gyur/ theg pa chen po'i bde ba las phas pham par gyur nas/ de'i phyir yang theg pa chen po las lci ba chen po'i ltung ba byung bar 'gyur te/ de'i phyir ngan song du 'gro bar 'gyur ro// dper na skyes bu la la zhig rin po che'i gling du 'gro 'dod de// rgya mtsho mching rnams chen por gru las song ba las// rgya mtsho mching rnams chen por gru nyid zhig par gyur pa de bzhin du/ byang chub sems dpa' las thog ma pa yang theg pa chen po'i rgya mtsho mching rnams brgal bar 'dod pa las/ phrag dog gi phyir brdzun smras nas/ de'i rkyen gyis de dag dad pa'i gru zhig cing / shes rab kyi srog dang bral ba thob par 'gyur ro/ / de lta bas na byang chub sems dpa' las thog ma pa phrag dog gi phyir brdzun du smras pa'i rkyen gyis ltung ba lci ba chen po 'byung bar 'gyur te/ de ni byang chub sems dpa' las thog ma pa'i ltung ba'i rtsa ba lnga pa'o/ / gzhan yang rigs kyi bu ma 'ongs pa'i dus na las thog ma pa'i byang chub sems dpa' khyim pa 'am/ rab tu byung ba dag zab pa stong pa nyid dang ldan pa'i mdo sde gzungs dang / bzod pa dang / ting nge 'dzin dang / sas brgyan pa'i skyes bu rigs pa chen po dang ldan pa/ tshegs chung ba'i byang chub sems dpa' rnams kyi spyod yul gyi theg pa chen po'i mdo sde de klog par byed/ 'don par byed/ kha don byed/ bklags nas gzhan la brgya cher ston par byed de/ bdag gis chos 'di dag rang gi blos rtogs nas/ nga snying rje ba'i phyir de ltar khyed la ston gyis/ khyed kyis ci nas kyang chos zab mo 'di la mngon sum du 'gyur ba de ltar sgoms shig dang / de ltar gyi nga bzhin du khyod kyang ye shes mthong bar 'gyur ro zhes smra zhing / chos 'di lta bu zab mo zab pa dag mngon par ni ma byas kyi/ bklags pa tsam gyis bstan to zhes ni mi zer bar rnyed pa dang / bkur sti'i phyir bdag 'tshong bar byed de/ de'i rkyen gyis dus gsum gyi de bzhin gshegs pa dgra bcom pa yang dag par rdzogs pa'i sangs rgyas rnams dang / byang chub sems dpa' sems dpa' chen po dag dang / 'phags pa'i gang zag gi spyan sngar nyes pa dang bcas par 'gyur/ ltung ba ci ba byung bar 'gyur/ lha dang mi rnams theg pa chen pos bslus par 'gyur te/ de ni de'i nyan thos kyi theg par mi 'gyur na theg pa chen po lta ci smos/ theg pa chen po la 'jug pa'i rtogs pa'i khyad par lta ci smos/ bla na med pa yang dag par rdzogs pa'i byang chub lta ci smosa'adi lta ste dper na/ skyes bu zhig 'brog dgon pa chen por song ba las/ bkres pa dang / skoms pa nyen cing ngal bar gyur nas/ de 'bras bu chen po dang ldan pa'i shing gi drung du zas kyi phyir 'dug nas des shing 'bras bu chen po dang ldan pa/ dri dang ldan pa/ ro dang ldan pa bor te/ dug gi shing ro med pa la 'dzegs nas dug gi 'bras bu za'o// zos nas 'chi ba'i dus byed de/ gang zag de yang dpe de dang 'dra bar brjod do// de bas na mir rnyed pa shin tu dkon pa rnyed nas/ dge ba'i bshes gnyen la gnas te/ theg pa chen la 'jug par 'dod pa la rnyed pa dang / bkur sti dang / grags pa'i phyir bdag stong/ gzhan smod pa byed pas ltung ba lci ba de 'dra ba 'byung bar gyur nas/ ltung ba'i rtsa ba de'i phyir shes pa thams cad kyis shin tu smad cing / ngan song du 'gro bar 'gyur te/ gang zag de 'dra ba ni rgyal rigs dang / bram ze dang / rje'u rigs dang / dmangs rigs thams cad kyis mi bsten par bya'o// gang de bsten par byed pa ni shes pa thams cad kyi nges pa dang bcas pa yin te// de yang byang chub sems dpa' las thog ma pa'i ltung ba'i rtsa ba drug pa'o// gzhan yang rigs kyi bu ma 'ong ba'i dus na/ rgyal rigs rnams kyi mdun du 'don pa'i phyag dar pa 'am// blon po'i phyag dar ba 'am/ dpa' bo'i phyag dar pa 'am/ sman pa'i phyag dar ba blun pa/ mkhas pas bsnyems pa/ nor che ba longs spyod che ba dag 'byung ste/ de dag sbyin pa'i bsod nams kyi dngos po rnam pa mang po dag byed par snang ste/ de dag gtor bas rgyags shing dregs nas/ snyems pa dang rgyags pas rgyal rigs dag kyang 'byed par byed/ dge sbyong dag kyang rgyal rigs dang 'byed par byed cing / de dag rgyal rigs la gnas/ dge sbyong dag kyang chad pas gcod par byed de/ nor gyi chad pas 'phrog par byed pas/ gnod pa de'i phyir dge slong de dag gis gang zag gi yang rung / dge 'dun gyi yang rung / phyogs bzhi'i dge 'dun gyi yang rung / mchod rten gyi yang rung ste/ phrogs nas de dag la skyes su 'bul bar byed/ phyag dar ba de dag kyang rgyal rigs la 'bul bar byed de/ de gnyis ka lhung ba'i rtsa ba'i 'gyur ro// 'di ni ltung ba'i rtsa ba bdun pa'o// gzhan yang rgyal rigs kyi phyag dar pa de dge sbyong dang bcas te/ nyes par 'gyur/ chos de lta bu dag kyang chos ma yin par 'dogs/ chos ma yin pa ni chos su 'dogs te/ chos spangs mdo sde dang 'dul ba'i bslab pa la mi lta/ ston pa nag po dang / ston pa chen po la mi lta/ byams pa dang / snying rje chen po dang / shes rab kyi pha rol tu phyin pa'i bslab pa dang / thabs kyi bslab pa dang / gang yang mdo sde gzhan dag las bslab pa bshad pa de yang spangs nas/ dge sbyong dag gtse ba'i phyir/ de 'dra ba'i chos dang mi ldan pa'i bya bar bya ba 'cha' bar byed de/ bya bar bya ba de dag gis dge slong dag gtse bar 'gyur/ zhi gnas dang lhag mthong la sbyor ba'i yid la byed pa gtong bar 'gyur/ bsam gtan pa de dag gnod sems mang bar 'gyur bas/ de'i phyir dge slong dag gi nyon mongs pa ma zhi ba zhi bar mi byed/ srab mor mi 'gyur te/ de'i tshe dge slong dag bsam pa nyams par 'gyur/ tshul khrims nyams par 'gyur/ spyod pa nyams pa dang / lta ba nyams pa 'gyur te/ de'i phyir lhod par 'gyur/ phal cher lhod par 'gyur/ tshul khrims nyams par 'gyur/ dge sbyong ma yin na dge sbyong du yi dam 'tshal/ tshangs par spyod pa ma yin na tshangs par spyod par yi dam 'cha' zhing bong bu dang mtshungs pa dang / chos shin tu bsal bar 'chad par 'gyur te/ de dag la rgyal rigs 'khor dang bcas pas shin tu bkur sti byas pa dang / rim gro byas pa dang / mchod pa byas par 'gyur/ de dag gis dge slong spongs pa la brtson pa rnams kyi mi bsngags pa khyim pa la brjod pa dang / rgyal rigs 'khor dang bcas pa de yang dge slong spong ba la brtson pa de dag la zhe sdang zhing 'phya bar 'gyur ro/ / gang de na dge slong spong ba la brtson pa rnams kyi phan pa'i dang / longs spyod du bya ba de kha ton la brtson pa'i dge slong la 'bul bar byas pas/ de gnyi ga ltung ba'i rtsa bar 'gyur ro/ / de ci'i phyir zhe na/ dge slong bsam gtan pa ni zhing dam pa yin gyi/ kha ton pa dang zhal ta la gnas pa ni ma yin pa'i phyir te/ dge slong bsam gtan pa dag ni ting nge 'dzin dang / gzungs dang / bzod pa dang sa dag la snod du gyur pa/ sbyin gnas dam pa/ snod dam par gyur pa/ 'jig rten gyi snang bar byed pa/ lam ston par byed pa/ las kyi zhing dang nyon mongs pa'i zhing las sems can rnams sgrol bar byed pa/ mya ngan las 'da' bar 'gro ba'i lam la gzhog par byed pa'o// rigs kyi bu de ni tshegs ma byung ba/ 'jigs pa dang bral ba'i byang chub sems dpa' las thog ma pa rnams kyi ltung ba'i rtsa ba brgyad pa ste/ ltung ba'i rtsa ba de dag dang ldan na/ byang chub sems dpa' las thog ma pa sngon dge ba'i rtsa ba bskyed pa thams cad sprug par 'gyur/ ngan song du 'gro bar 'gyur/ lhung ba'i dngos por 'gyur/ lha dang mi'i bde ba thams cad las phas pham par 'gyur/ byang chub kyi sems kyis bsdus par 'gyur te/ rigs kyi bu de 'dra ba dag gi phyir byang chub sems dpa' nam mkha'i snying po ni/ de lta bu dag gi yul du skye zhing 'byung bar 'gyur te/ le lar ni dge sbyong gi gzugs dang / cha lugs dang / spyod lam gyis/ la lar ni bram ze'i gzugs dang / cha lugs dang / spyod lam nas/ byol song gi mtshan ma dang / spyod lam gyi bar du gzugs sna tshogs ston te/ rgya cher ji ltar dpa' bar 'gro/ ba'i ting nge 'dzin las 'byung ba bzhin klog par bya ste/ de dang de dag tu sems can de dang de dag la ji ltar mthun pa bzhin du chos 'chad par byed de/ sngon ma byung ba sngan chad ma byung ba/ thams cad mkhyen pas bshad pa'i mdo sde dang / ting nge 'dzin dang / bzod pa dang / sa 'chad pa te/ de'i phyir byang chub sems dpa' las dang po pa thabs mi shes pa ltung ba byung ba dag ngo tsha bar byed ltung ba des 'jigs par byed/ sdang bar byed/ skrag par byed/ ltung ba de dag 'chags par byed/ gtong bar byed/ spong bar byed/ spong bar byed do// gal te sems can de dag byang chub sems dpa' nam mkha'i snying po'i ming thos nas/ mthong bar 'dod cing / ngan song du lhung bas 'jigs te/ ltung ba'i rtsa ba bshags par 'dod na/ gal te de dag byang chub sems dpa' nam mkha'i snying po la phyag 'tshal zhing / de'i ming nas brjod na/ rigs kyi bu de dag gi skal ba ji lta ba bzhin du/ sems can de'i 'dun du tha mal pa'i tshul du 'dug pa 'am/ bram ze'i gzugs nas/ bu mo'i gzugs kyi bar gyis byang chub sems dpa' las thog ma pa de'i mdun du 'dug ste/ ltung ba'i rtsa ba de ji ltar byung ba 'chags su 'jug go// de'i thabs mkhas pazab mo dang / bla na med pa'i theg pa chen po la spyod pa yang ston/ sa dang sa dag tu yang ting nge 'dzin dang / gzungs dang / bzod pa la gzhog par byed de/ rim gyis lam yan lag brgyad kyi bar gyis gzhog par byed do/ / de nas de dag ngan song gi 'jigs pa chen po las shin tu thar par byed de/ bla na med pa yang dag par rdzogs pa'i byang chub las phyir mi ldog pa'i sa la gzhog par byed do/ / de ltar de glog dang mtshungs pa dang / pha rol tu phyin pa drug gi spyod pa la mthu che zhing brtul bar 'gyur ro// de bas na myur du bla na med pa yang dag par rdzogs pa'i byang chub tu mngon par 'tshang rgya bar 'gyur ro/ / gal te de dag la mngon sum du bdag ston par mi byed na/ gang de la gsol bar byed pa'i byang chub sems dpa' las thog ma pa nyes pa dang bcas pas tho rangs kyi thun la langs te/ kha shar phyogs su bstan te 'dug la/ lha'i bu skya reng la gsol ba gdab par bya ba 'di skad du brjod do// skya reng skya reng thugs rje chen po can/ skal ba chen po can khyod 'dzam bu'i gling du shar ma thag tu/ bdag la thugs rjes dadab par mdzod cig/ byang chub sems dpa' nam mkha'i snying po thugs rje chen po can la bdag gi tshig gis sbron te/ bdag gi rmi lam du yang de ston par 'gyur zhing / bdag gis thabs de ltung ba bshags par 'gyur ba dang / 'phags pa'i theg pa chen po la thabs dang ye shes thob par mdzod cig ces smras nas/ des de'i tshe mal du gnyid log par bya ste/ skya reng 'di 'dzam bu'i gling du shar ma thag tu/ byang chub sems dpa' nam mkha'i snying po 'dir 'ong bar 'gyur te/ byang chub sems dpa' las dang po pa de'i rmi lam na/ tha mal par mdun du 'dug ste/ lhung ba'i rtsa ba de yang 'chags su 'jug/ ye shes dang thabs chen pos thabs dang ye shes la mkhas pa gang dag gis/ byang chub sems dpa' las dang po pa de nyid du byang chub kyi sems mi brjed pa zhes bya ba'i ting nge 'dzin thob par 'gyur ba dang / theg pa chen po la shin tu brtan por gnas par 'gyur ba dang / de myur du pha rol tu phyin pa drug yongs su rdzogs par 'gyur ba dang / ring po mi thogs par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba de lta bu'i thabs dang / shes rab kyang de / la ston to// de bas na rigs kyi bu byang chub sems dpa' sems dpa' chen po nam mkha'i snying po 'di ni shin tu dpal ba las byung ba'i yid bzhin gyi nor bu rin po che yan lag gi dam pa mgo bo la 'dug par snang ngo / / de lta bas na byang chub sems dpa' sems dpa' chen po nam mkha'i snying po ni yon tan bsam gyis mi khyab pa dang ldan no// rigs kyi bu gzhan yang sems can gang / byang chub sems dpa' nam mkha'i snying po'i ming thos sam/ gzugs 'drir 'jug gam/ de la mchod pa byed dam/ rim gro byed dam/ bsti stang byed/ bkur sti byed/ mchod pa byed cing / me tog dang / dri dang / phreng ba dang / byug pa dang / gdugs dang / rgyal mtshan dang / ba dan rnam pa du ma dag gis bkur sti byed/ phyag 'tshal bar byed/ bdag gi srog kyang de la 'bul bar byed na/ sems can de dag ni mes dus byed par mi 'gyur/ chus ma yin/ mtshon gyis ma yin/ dug gi 'chi bar mi byed de/ de dag tshe zad pa ma gtogs par mi 'am/ mi ma yin pa sus kyang de de dag gi srog 'phrog par mi nus/ dus ma yin par mi 'chi/ nad bu can du mi 'gyur/ bkres pa dang / skom pas dus byed par mi 'gyur/ rgyal po'i chad pas chod par mi 'gyur/ 'chi ba'i dus la bab kyi bar du ltung ba'i rtsa ba 'byung bar mi 'gyur/ de dag mig gis gzugs mi mthong / rna bas sgra mi thos/ sna'i dri mi tshor/ lce sa ro mi myong / lus kyi reg mi shes shing / da dung du dbugs phra mo 'byung ba dang 'jug par byed/ da dung du de'i lus la tshe dang / drod dang / rnam par shes pa 'jug par 'gyur ba de'i tshe/ de dag la byang chub sems dpa' nam mkha'i snying po tha mal par ston par byed de/ sems can gang sngon bram ze la gus par gyur pa de dag gi rnam par shes pa la ni/ rigs kyi bu de bram ze'i gzugs su ston to/ / gang 'dod pa'i dbang phyug la gus pa de dag la ni/ 'dod pa'i dbang phyug gi bar du ston pa nas/ gang mthu bo che la gus pa dang / gang dbang phyug chen po la gus pa dang / brgya byin la gus pa dang / 'khor los sgyur ba la gus pa dang / nyi ma dang / zla ba dang / gnas bsrung po dang / 'phags skyes po dang / mig mi bzang dang / ngal bsos po la gus pa dang / gang dag lha dang / ri dang / shing dang / chu mig dang / mtshe'u dang / lteng ka sna tshogs la gus pa'i bar du/ gang dang gang gi skyabs su song ba'i sems can de dag la/ de lta de ltar sems can de dag gi mdun du bstan nas/ gang gi bsam pa ci 'dra ba bzhin du de'i gzugs kyis 'di skad ces smra'o// 'phags pa'i bden pa bzhi dag la// gang dag shes rab kyis mthong ba/ / 'khor ba'i srid pa sgrol ba'i phyir// 'khor ba na ni de kun shes// sems can de dag gis chos 'di dag rnam par shes pas shes par byas nas/ mtho ris la rten par 'gyur ro/ / sems can gang dag sangs rgyas la mngon par dad pa de dag gi mdun du 'dug ste/ sangs rgyas kyi gzugs bstan nas 'di skad ces smra'o// sangs rgyas ye shes bden pa yin// srid pa'i rgya mtsho gang sgrol ba// ye shes de la myur du reg/ sdug bsngal kun las grol bar 'gyur// de'i tshe sems can de dag sangs rgyas yid la byed pa'i sgras dga' zhing rangs nas 'chi ba'i dus byas te/ sangs rgyas kyi zhing rnyog pa med pa/ yongs su dag pa/ gang na sangs rgyas bcom ldan 'das bzhugs pa 'tsho ba gzhes pa/ chos kyang ston pa der skye bar 'gyur ro/ / de bzhin du chos dang dge 'dun la glog par bya'o// de lta bas na byang chub sems dpa' nam mkha'i snying po ni yon tan gyi chos bsam gyis mi khyab pa dang ldan no// gang yang ting nge 'dzin rnam pa sna tshogs pa sems kyis shin tu dbang du bya bar 'dod na/ des tho rangs kyi thun la byang chub sems dpa' nam mkha'i snying po la phyag 'tshal te/ mchod pa ci nus kyis bya'o/ / sems can thams cad la byams pa'i sems nye bar gzhag ste/ 'di skad ces brjod do// dgongs shig dgongs shig/ nam mkha'i snying po thugs rje chen po brnyes pa/ bdag la dran pa dang / ting nge 'dzin gyi rnal 'byor stsol cig/ 'di lta ste/ u mu ra na khe/ bag gA ni le/ sa mu dra a ba ta re na nA ya na ya/ ma hA kA ruNI ka/ a nu pa dzam d+hasmi ti/ a g+hA dzam pa s+thi ti/ badz+rA dzam b+ha s+thi ti/ ko Shas+thi ti/ a nu pa ma smi ti/ bud d+ha ko Ti s+thi ti swA hA/ de 'dran pa dang / ting nge 'dzin la 'jug pa sbyin par byed do// gang yang sangs rgyas kyi/ bka' yang rung nyan thos kyis bshad pa yang rung ste/ gtsug lag sna tshogs klog par 'dod na/ des khrus byas te/ skya reng 'byung ba'i tshe/ byang chub sems dpa' nam mkha'i snying po la phyag bya'o/ / mchod pa ci nus kyis bya'o// sems can thams cad la byams pa'i sems su bya'o// 'di skad kyang brjod par bya'o// dgongs shig dgongs shig/ mkhas pa chen po sems can thams cad kyi nang na bsam gyis mi khyab pa/ rigs kyi bu nam mkha'i snying po gang zag gi mchog/ dran pa dang / ting nge 'dzin gyi rnal 'byor bdag la stsol cig / 'di lta ste/ a ni la dzi/ bi shan tu sha dzA bi ya ba na dza/ bi pa kli su me/ pa ta la dzA si/ s+tha na sha ra be/ shA sta kar ne/ hu ma hu ma ma hA ka ru NI ka swA hA/ gang rgya mtsho mching rnam chen por 'jug 'dod pa dang / gang khung du 'jug 'dod pa dang / gang bcud dam pa spyod 'dod par gyur pa dang / gang brtson rar bcug pa dang / gang mdza' ba dang bral ba dang / gang mi mdza ba dang phrad pa dang / gang dag mes 'jigs pa dang / chu dang / mtshon dang / drug dang / byang snyam dang / stag dang / seng ge dang / dug drag po dang / rkun po dang / gso can gyis 'jigs par bgyid pa dang / gang dam du bcings pa dang / gang chad pas bcad pa dang / gang gsod pa la thug pa dang / gang nad kyis btab pa dang nad kyis 'jigs pa dang / gang dag chos gos dang / bsod snyoms dang / mal stan dang / na ba'i rkyen gyi sman dang / yo byad kyis phongs pa de dag gal te byang chub sems dpa' nam mkha'i snying po'i ming nas brjod cing / mchod pa ci nus kyis byed la/ sems can thams cad la byams pa'i sems kyis gzhog cing / 'di skad du yang smra ste/ dgongs shig dgo shig/ thugs rje chen po dang ldan pa/ grags po chen po nam mkha'i snying po 'gro ba'i don bzhed pa thugs rje chen po dang ldan pa bdag la gzigs shig/ bdag 'di lta bu las rab tu thar pa mdzod cig/ skal ba stsol cig/ mthu chen po bdag ni sdug bsngal gyis nyam thag go// shin tu dbul lo// bdag ni khyod la gnas nas/ zhi ba dang bde ba'adi dang tshe rabs gzhan du thob par 'gyur ro zhes smras pa dang / byang chub sems dpa' nam mkha'i snying po gzugs tha mal pa nas/ bu mo'i gzugs kyi bar gyis sems can de dag gi mdun du 'dug ste/ dbugs 'byin par byed do// gang dag ci las 'jigs pa de dag de las rab tu thar par byed do// gang dag dbul bgos med pa dang / gang dag yo byad kyis brel ba'i bar du de dag la de lta de ltar bsam pa yongs su rdzogs par byed do/ / yo byad thams cad phun sum tshogs pa'i bar du 'gyur ro// rgyal po'i bu la la zhig gnas chen po'i dbang bskur ba thob par sems pa de/ gal te byang chub sems dpa' nam mkha'i snying po'i ming brjod cing phyag 'tshal la/ mchod pa dang rim gro byed pa la sogs te/ bram ze'i gnas chen po dang / khyim bdag gi gnas chen po dang / bzo'i gnas chen po dang / thos pa'i gnas chen po dang / sgom pa'i gnas chen po dang / gang mos pa'i gnas chen po'i bar du 'dod pa de dag gal te/ byang chub sems dpa' nam mkha'i snying po'i ming thos nas phyag 'tshal bar byed/ khrus byas te gos gtsang ma 'gos nas/ tho rangs kyi thun la/ byang chub sems dpa' nam mkha'i snying po la skyabs su song nas/ gsol ba gdab pa 'di skad du rjod par byed de/ nam mkha'i snying po thugs rje chen po dang ldan pa bdag la skal ba stsol cig/ bsam pa dang / sems pa thams cad dang / bsam pa yid bzhin rab tu rdzogs par mdzod cig/ gang sems shing gang gsol ba thugs rje chen po dang ldan pa khyod kyis mdzod cig ces brjod na/ de nas byang chub sems dpa' nam mkha'i snying pos lha'i rna ba'i khams rnam par dag pa mi las 'das pas skad de thos nas/ sems can de dag la bdag ci rigs par ston te/ de dag la de ltar thabs kyang ston to// byang chub sems dpa' sems dpa' chen po nam mkha'i snying po de ni de lta bu'i thabs kyi yon tan gyi chos dang ldan no// blo rgya mtsho 'ching rnam chen po dang ldan no// rigs kyi bu rgya mtsho 'ching rnam chen po'i thig pa ni la la zhig gis tshad bzung bar nus kyi byang chub sems dpa' sems dpa' chen po nam mkha'i snying po thabs dang ye shes la mkhas pa dang / thabs kyis sems can yongs su smin par bya ba'i tshad ni bzung mi nus so/ / rigs kyi bu phyogs bcu'i nam mkha' mtha' yas mu med pa thams cad kyi tshad ni la las bzung nus kyi/ byang chub sems dpa' sems dpa' chen po nam mkha'i snying po sems can yongs su smin par bya ba'i phyir/ rnam pa sna tshogs su sprul par byed pa ni tshad bzung mi nus te/ la lar ni sems can yongs su smin par bya ba'i phyir/ sangs rgyas kyi gzugs su sprul par byed do// la lar ni bram ze'i gzugs su byed cing / sems can ji lta bus 'dul ba de lta bu'i gzugs kyi bar du sprul par byed de/ de byol song du gtogs pa rnams kyi nang du ni byol seng gi gzugs su sprul par byed do// sems can dmyal ba pa rnams kyi nang du ni sems can dmyal ba pa'i gzugs su sprul par byed pa nas/ gshin rje'i 'jig rten pa rnams la gshin rje'i 'jig rten gyi gzugs kyi bar du sprul par byed do// kha cig la ni mngon sum du sprul pa sprul par byed/ kha cig la ni rmi lam du sprul par byed/ cig la sdig pa'i las sprug pa'i phyir/ ngan song las bsgral ba'i phyir/ mtho ris la dgod pa'i phyir/ sems can rnams kyi don gyi phyir/ 'chi 'pho ba'i dus kyi tshe/ rnam par shes pa tha ma rgyu ba'i tshe/ gzugs sna tshogs su sprul par byed de/ de dag de la thog mar skyabs su song zhing mthong ste/ bde ba thob nas mtho ris kyi 'jig rten du gnas pa'i bde ba thob pa'i bar du 'gyur bas// de'i/ phyir sus kyang de'i sprul pa thams cad kyis tshad gzung bar mi nus so// de lta bas na byang chub sems dpa' sems dpa' chen po nam mkha'i snying po 'di ni thabs dang / ye shes kyi yon tan gyi chos bsam gyis mi khyab pa dang ldan no/ / sangs rgyas kyi yon tan chen po dang ldan no// de bas na rigs kyi bu de'i yan lag gi mchog mgo bo la yid bzhin gyi nor bu rin po che 'dug par snang ngo // de nas de'i tshe 'khor 'dus pa thams cad kyis byang chub sems dpa' sems dpa' chen po nam mkha'i snying po la ngo mtshar thob/ rmad du byung ba thob/ bla ma la bkur sti dang / bsti stang du bya ba thob par gyur nas/ thams cad kyis thal mo sbyar te/ byang chub sems dpa' sems dpa' chen po nam mkha'i snying po la mchod pa dang / bkur sti sna tshogs kyis bkur stir byed/ me tog dang / dri dang / phreng ba dang / byug pa dang / mar me dang / bdug pa dang / gdugs dang / rgyal mtshan dang / ba dan dang / chos gos dang / rgyan dang / gos dang / stod pa dang / glu dang / sil snyan dag gis mchod pa byed do/ / byang chub sems dpa' nam mkha'i snying po des kyang / de dag thams cad bcom ldan 'das la phul lo// phul nas bcom ldan 'das kyi/ zhabs la phyag 'tshal nas 'di skad ces gsol to// btsun pa bcom ldan 'das nyon mongs pa/ rnyog pa lnga dang ldan pa'i sangs rgyas kyi zhing 'dir sems can ma rig pa'i mun pa chen pos rmongs pa rnams la/ sangs rgyas kyis don ji ltar bgyi bar nus/ bcom ldan 'das kyis bka' stsal pa/ 'di lta ste/ rigs kyi bu nam mkha' ni ma bcings ma grol ba/ nyon ma mongs pa/ ma rmongs pa rang bzhin gyis dag pa'o// nam mkha' la rlung gi rkyen gyis na/ thul ba'i rdul gyis dkrigs shing yongs su ma dag pa'i mtshan du snang ste/ chus ni zhi bar byed dri ma med cing yongs su dag par 'gyur ro/ / gang na skar ma dang / gza' dang / nyi ma dang / zla ba'i bye brag mi mngon na ni/ skad cig dang thang cig dang / yud tsam dang / nyin mo dang mtshan mo dang / dus dang lo rnams kyi bgrang ba yang mi mngon no// rigs kyi bu de bzhin du de bzhin gshegs pa'i don dam pa stong pa nyid kyi dbang du song ba'i sems ni rang bzhin gyis dang ba yongs su dag pa yin mod kyi/ sems can rnams kyi glo bur du byung ba'i nye ba'i nyon mongs pa rnams kyis/ sems nye bar nyon mongs par byas te/ de dag gi phyir de bzhin gshegs pa thugs rje chen po chu dang mtshungs pas chos 'chad par mdzad do/ / sems nyon mongs par gyur pa'i sems can rnams kyi sems yongs su sbyong bar mdzad pas yongs su dag pa dang / de dag gi sems dri ma med par 'gyur te/ de'i phyir sems can de dag de bzhin gshegs pa'i nyi ma shar nas/ ye she kyi 'od zer gyis tshim par 'gyur ro// sangs rgyas kyi yon tan bsam gyis mi khyab pa la mngon sum du 'gyur te/ / 'di lta ste/ dran pa nye bar gzhag pa bzhi nas/ 'phags pa'i lam yan lag brgyad pa'i bar du gnas par 'gyur ro// sangs rgyas kyi chos ma 'dres pa bco brgyad kyi bar du gnas par 'gyur ro/ / sems can thams cad la snying rje ba la shin tu gnas par 'gyur ro// de dag las kyang 'jig rten du dgra bcom pa rnams 'byung bar 'gyur/ ro// rang sangs rgyas rnams dang / byang chub sems dpa' sems dpa' chen po rnams 'jig rten du 'byung bar 'gyur ro// de bzhin gshegs pa dgra bcom pa yang dag par rdzogs pa'i sangs rgyas rnams 'jig rten du 'byung bar 'gyur ro/ / rigs kyi bu de ji snyam du sems nam mkha' mig la gnas sam/ gsol pa/ bcom ldan 'das de ma lags so// ci mig gi rnam par shes pa la gnas sam/ bcom ldan 'das de ma lags so// ci mig gis kun tu reg pa la gnas sam/ bcom ldan 'das de ma lags so// gang yang nang du mig gis kun tu reg pa'i rkyen gyis tshor ba gsum 'byung ba de la nam mkha' gnas sam/ gsol pa/ bcom ldan 'das de ma lags so// de bzhin du na pa dang / sna dang / lce dang / lus la brjod par bya'o// rigs kyi bu de ji snyam du sems/ nam mkha' yid la gnas pa nas/ yid kyis kun tu reg pa'i rkyen gyis tshor ba gsum 'byung ba de la nam mkha' gnas sam/ gsol pa/ bcom ldan 'das de ni ma lags so// rigs kyi bu de ji snyam du sems/ sems can nam mkha' la gnas sam/ gsol pa/ bcom ldan 'das de ni ma lags so/ / rigs kyi bu de ji snyam du sems/ nam mkha' sems can la gnas sam/ gsol pa/ bcom ldan 'das de ma lags so// de skad ces bka' stsal nas/ bcom ldan 'das la byang chub sems dpa' sems dpa' chen po nam mkha'i snying pos 'di skad ces gsol to/ / bcom ldan 'das gcig la gcig mi rten to// gcig la gcig spyod yul ma lags so// bcom ldan 'das chos thams cad ni rtog pa ma mchis pa stong pa nyid de/ sgom btags pa yang dag pa'i mtha' de bzhin nyid du rtogs par bgyi'o// bcom ldan 'das nam mkha' ni 'di lta ste/ rang gi mtshan nyid tha mi dad pa/ mi rtog pa/ rnam par mi rtog pa/ mi g.yo ba/ gsob lags te/ myu gu ma mchis pa/ sa bon ma mchis pa/ 'bras bu ma mchis pa/ rnam par smin pa ma mchis pa/ yi ge ma mchis pa/ rlom sems ma mchis pa'o// bcom ldan 'das de bzhin du/ byang chub sems dpa' sems dpa' chen pos chos thams cad la de ltar rtogs na/ mi skye ba'i chos la bzod pa thob par 'gyur ro/ / 'di lta ste/ bcom ldan 'das/ bya ba rA dza/ man tak+kA ya/ dzi na dzA ya/ dza na ni/ ma mu ni ha ra/ An ya pha la/ gun gar b+ha/ ni ya ma bi na ya/ pu pa ya sha ta sha pa/ shA ma sha na/ ta thA ga ma/ sha mang gu/ ma du shi sha/ sha ma dze ta nA yi/ kle shan ta/ sang sho sha ne swA hA/ bcom ldan 'das kyis bka' stsal pa/ legs so legs so// rigs kyi bu khyod kyis mig las rgyal bar byed pa/ seng ge'i 'gros kyis phyir bsgyings pa'i gzugs 'dis sems can dag 'chi ba'i tshe/ rnam par shes pa'i tha ma la/ nyon mongs pa'i sgrib pa dang / las kyi sgrib pa dang / chos kyi sgrib pa sdug pa dang / sangs rgyas kyi zhing yongs su dag par gtong nus so// khyod ni 'jig rten gyi khams dpag tu med grangs med par 'gro ba dang / sems can rnams snying rje'i dbang gis grong dang / grong khyer dang / grong 'dab dang / ljongs dang / pho brang 'khor dang / rgyal po'i pho brang du/ gzugs dang / cha lugs dang / spyod lam sna tshogs kyis theg pa chen po'i mdo sde sna tshogs 'chad pa dang / sems can yongs su smin par bya ba dang / rgyal rigs kyi phyag dar ba nas/ dge sbyong gi phyag dar ba'i bar du sdig pa'i chos las spang ba dang / thams cad dge ba'i chos la gzhag par nus so// bcom ldan 'das kyis 'di bstan pa'i tshe/ lha dang mi'i skye dgu dpag tu med grangs med pa dag gis ting nge 'dzin dang / gzungs dang / bzod pa sna tshogs thob par gyur to// gzhan dag kyang sa bcu la ye shes skyes par gyur to// srog chags khri ni mi skye ba'i chos la bzod pa thob par gyur to/ / sems can dag gis gang dag rtsod 'gyur ba// de dag gi ni gzhi yi rtsa ba spongs// myur du mthong bar 'gyur ba dag gi ni// rtsa ba bzhi po thams cad 'gyur bar gyis// bcom ldan 'das kyis de skad ces bka' stsal pa dang / dge slong de dag dang / 'khor de thams cad dang / lha dang / mi dang / lha ma yin dang / dri zar bcas pa'i 'jig rten rnams dga' ste/ bcom ldan 'das kyis bka' stsal pa la mngon par bstong ngo // 'phags pa nam mkha'i snying po zhes bya ba theg pa chen po'i mdo rdzogs so// /

CLOSE WINDOW