/ rgya gar skad du/ ar+ya go shrag Sh+TA ka ra Na nA ma ma hA yAn sU tra/ bod skad du/ 'phags pa ri blang ru lung bstan pa zhes bya ba theg pa chen po mdo/ / bam po gcig go/ bcom ldan 'das 'jam dpal gzhon nur gyur pa la phyag 'tshal lo// 'di skad bdag gis thos pa dus gcig na/ lha'i yang sangs rgyas shAkya thub pa bskal ba grangs med pa gsum nas bsod nams kyi tshogs kyi rnam par smin pas yang dag par rdzogs pa'i sangs rgyas brnyes te/ 'dzam bu'i gling gi ljong kyi yul gzhan du 'dul ba'i sems can yongs su smin par mdzad nas/ yul yangs pa can gyi phyogs thub pa drang srong chen po'i gnas rgyal po'i khab na/ byang chub sems dpa' sem dpa' chen po 'phags pa byams pa la sogs pa byang chub sems dpa' dum dang / gnas brtan shA ri'i bu dang / mo'u 'gal gyi bul sogs pa nyan thos chen po stong nyis 'argya lnga bcu dang / tshangs pa dang / brgya byin la sogs pa lha du ma dang / lha'i rgyal po rnam thos kyi bu la sogs pa 'jig rten skyong 'du ma dang / klu'i rgyal po chen po du ma dang / gnod sbyin mthu chen po mang po dang / dri za'i rgyal po gtsug phud lnga la sogs pa dri za mang po dang / mi 'am ci'i rgyal po yid 'ong la sogs pa mi 'am ci du ma dang / rgyal po gzugs can snying po la sogs pa 'dzam bu'i gling gi mi'i rgyal po mang po'i 'khor du ma dang thabs cig tu bzhugs so/ / de nas de'i tshe lha'i yang lha sangs rgyas shAkya thub pas/ phyi ma'i dus kyi yul dge ba la rjes su dgod shing mngon sum du mdzad na sa/ 'khor mang po la bka' stsal pa/ rigs kyi bu byang phyogs logs na/ ri glang ru dang nye ba chu bo go ma'i 'gram na/ thub pa drang srong chen po'i pho brang mchod rten go ma sA la gan d+ha zhes bya ba zhig yod de/ der gdon mi za bar bya dgos pa'i 'phrin las shig yod pas da gshegs pa'i dus la bab bo// de nas de'i tshe lha'i yang lha sangs rgyas bcom ldan 'das 'khor bal po che dang nam mkha' la 'phags te/ dri za'i rgyal po gtsug phud lnga pa la sogs pa dri za grangs med pa ni/ mdun na lha'i rol mo sna tshogs byed/ mi 'am ci'i rgyal po yid 'ong la sogs pa mi 'am ci du ma ni steng nas mchod pa'i las byed cing / sangs rgyas bcom ldan 'das la dbyangs dang / lha'i skad yid du 'ong bas bstod bzhin du/ 'khor de dag dang / mchod pa de dag dang bcas te/ ri glang ru ga la ba der gshegs so// gshegs nas lha'i yang lha/ sangs rgyas bcom ldan 'das bzhengs bzhin du/ zhal byang phyogs su mtsho chen po yun ring po nas/ rgya mtsho ltar 'dug pa la gzigs te/ sku drang por bsrangs nas/ de bzhin gshegs pa'i ting nge 'dzin bye ba brgya phrug brgya stong du ma la snyoms par zhugs te/ bskal pa grangs med pa gsum nas/ bdag nyid kyi sangs rgyas kyi spyod pa smon lam dang / bsod nams mngon du mdzad do/ / de nas de'i tshe lha'i yang lha sangs rgyas bcom ldan 'das kyis/ ri blang ru dang / yul dge ba dang / gser gyi dkyil 'khor nas/ srid pa'i rtse mo'i bar du byin gyis brlab te/ bsrung ba dang / gtsang ba dang / bkra shis dang / mtshams pa dang / bzlas brjod dang / yul dge ba mdzad do// de nas de'i tshe lha'i yang lha sangs rgyas bcom ldan 'das kyis 'khor de dag thams cad la bka' stsal pa/ ra glang ru bcom ldan 'das kyi pho brang mchod rten go ma sA la gan d+ha dang bcas/ yul dge ba dang bcas pa 'di na/ bskal pa bzang po'i sangs rgyas bcom ldan 'das thams cad kyi phyag mtshan dang / ma 'dres pa dang / thun mong ma yin pa dang / dben pa yin te/ rgyu des na yul 'di ni dge ba zhes bya'o// / yul der so so nas bsod nams bya ba'i dngos po dge ba byed par 'gyur ba'i rgyal po dang / chos dang ldan pa'i dad pa can dang / sbyin bdag dang / li thams cad 'byung bar lung bstan to/ / de nas bcom ldan 'das kyis// byang chub sems dpa' rnams la bka' skul pa/ rigs kyi bu khyed rnams kyis kyang ma 'ongs pa'i dus na 'byung ba'i yul 'dar ci nas kyang / sems can rnams dam pa chen po myur du thob par 'gyur ba dang / ting nge 'dzin 'grub par 'gyur bar byin gyis rlobs shig/ de nas de'i tshe bcom ldan 'das/ mtshe rol nas cung zad cig slar bskyed de/ dri'i mod la ri glang ru'i steng du gA dan khri bA shams pa la skyil mo krung bcas te bzhugs nas/ zhal nub phyogs su bcom ldan 'das kyi pho brang mchod rten go ma sA la gan d+ha gangan pa de logs su gzigs so/ / de nas de'i tshe 'jig rten gyi khams gzhan dang gzhan nas/ byang chub sems dpa' nyi khri mngon par shes pa lnga dang ldan pa'i drang srong mang po dang thabs cig tu bcom ldan 'das ga la ba der lhags so/ / lhags nas/ bcom ldan 'das kyi pho brang mchod rten go ma sA la ga nu d+ha la yang phyag 'tshal skyabs su song / sangs rgyas bcom ldan 'das 'khor dang bcas pa la yang phyag 'tshal skyabs su song nas/ phyogs gcig tu 'khod do// de nas de'i tshe sangs rgyas bcom ldan 'das kyis 'khor phal po che 'dus par mkhyen nas/ 'khor de dag la 'di skad ces bka' stsal to// bskal pa bzang po 'di la sngon sangs rgyas bcom ldan 'a bzhi byung ste/ de dag gis kyang mchod rten go ma sA la gan d+ha yul dang bcas par byin gyis brlabs so// bskal pa bzang po 'di nyid la ma 'ongs pa'i dus na sangs rgyas stong du gcig 'byung bar 'gyur te/ de dag thams cad kyang 'khor dang bcas te 'dir gshegs nas/ mchod rten go ma sA la gan d+ha yul dang bcas par byin gyis rlob cing / mtshams gcad pa dang / bkra shis pa dge bar mdzad par 'gyur ro// nga yang da ltar byin gyis rlob pa'i dus la bab pas byin gyis rlob par mdzad do// de nas de'i tshe lha'i yang lha sangs rgyas bcom ldan 'das ting nge 'dzin da ltar gyi sangs rgyas mngon sum du bzhugs pa zhes bya ba dang / gzhan yang de bzhin gshegs pa'i ting nge 'dzin grangs med pa la snyoms par zhugs so/ / de'i tshe ting nge 'dzin la snyoms par zhugs pa rnams dang / bsam gtan pa rnams yongs su skyong bar byed pa/ byang chub sems dpa' mthu chen gyis kyang / sangs rgyas 'od srungs kyi mchod rten gyi drung du bzhugs te/ yul byung bar gyur pa'i tshe bdag gi gzugs brnyan byed par 'gyur bar sa gzhi de byin gyis brlab so// de bzhin du smon lam chen pos pan pabyang chub sems dpa' 'jam dpal gzhon nur gyur pas kyang / ri glang ru la gtsug lag khang spong byed ces bya ba 'byung bar 'gyur ba'i sa gzhi der/ bsnyen pa byed pa rnams 'grub par 'gyur bar byin gyis brlabs so/ / de bzhin du nam mkha' ltar stobs dpag tu med pa/ byang chub sems dpa' nam mkha'i snying pos kyang / gtsug lag khang 'jig chogs spong byed ces bya ba 'byung bar 'gyur ba'i sa gzhi de mchod gnas su 'gyur bar byin gyis brlabs so/ / de bzhin du thugs rje chen po dang ldan pa/ byang chub sems dpa' 'phags pa spyad ras gzigs dbang phyug gis kyang / gtsug lag khang 'od can zhes bya ba 'byung bar 'gyur ba'i sa gzhi der dngos grub 'grub par 'gyur bar byin gyis brlabs so// de bzhin du rtag tu byams pa dang ldan pa byang chub sems dpa' byams pas kyang / gtsug lag khang bi si mo nya zhes bya ba 'byung bar 'gyur ba'i sa gzhi der bdag nyid bzhugs par byin gyis brlabs so// de bzhin du spyod pa shin tu rnam par dag pa/ byang chub sems dpa' sa'i snying pos kyang / gtsug lag khang ye shes re zhes bya ba 'byung bar 'gyur ba'i sa gzhi de phyag bya bar 'os par 'byung bar 'gyur bar byin gyis brlabs so/ / de bzhin du gdul ba'i skye bo rnams grol bar mdzad pa la thags thogs mi mnga' ba/ byang chub sems dpa' sman gyi rgyal pos kyang gtsug lag khang pa no co zhes bya ba 'byung bar 'gyur ba'i sa gzhi der dngos grub 'grub par byin gyis brlabs so/ / de bzhin du rdzu 'phrul chen po dang ldan pa/ byang chub sems dpa' kun tu bzang pos kyang / gtsug lag khang dge 'dun skyong zhes bya ba 'byung bar 'gyur ba'i sa gzhi der dngos grub 'grub par 'gyur bar byin gyis brlabs so// de bzhin du sangs rgyas bcom ldan 'das la sogs pa byang chub sems dpa' gzhan dag dang / dgra bcom pa chen po rnams kyis kyang / li yul gang dang gang du gtsug lag khang dang / skyed mos tshal dang / dgon pa'i gnas 'byung bar 'gyur ba'i sa gzhi thams cad/ dper na zla ba nya ba la skar ma'i tshogs rnams kyis yongs su bskor nas/ steng gi bar snang dag pa la rgyu ba bzhin du mdzes pa dang / yid du 'ong ba dang / rgyas pa dang / dga' dga' ltar 'dug par byin gyis brlabs so// yang de'i tshe ri glang ru la sangs rgyas bcom ldan 'das bzhugs pa dang / byang chub sems dpa' sems dpa' chen po rnams dang / dgra bcom pa chen po rnams kyis 'od zer rnam pa sna tshogs du ma bkye bas/ li yul thams cad snang ba chen pos khyab par byas so/ / de nas skad cig de nyid la mtsho chen po de'i nang nas pad+ma sum brgya lnga bcu rtsa gsum byung bar gyur te/ pad+ma re re'i steng na yang / sangs rgyas dang / byang chub sems dpa'i sku gzugs 'od dang bcas pa bzhugs pa snang bar gyur to// de nas de'i tshe lha rnams kyis sngon ma mthong ba'i mtshan ma mthong nas/ sangs rgyas bco ldan 'das la zhus pa dang / bcom ldan 'das kyis bka' stsal pa rigs kyi bu mtsho'i nang nas pad+ma sum brgya lnga bcu rtsa gsum sangs rgyas dang / byang chub se dpe'i sku gzugs dang bcas te zung ba 'di ni ma 'ongs pa'i dus na/ yul 'di 'byung bar 'gyur ba'i tshe/ yul 'di nyid du 'dra ji snyed pa'i dgon pa'i gnas dang / gtsug lag khang na gaN+DI rdung bar 'gyur ba dang / gnas gang dang gang du byang chub sems dpa' sems dpa' chen po rnams dang / nyan thos chen po rnams 'od zer rnam pa sna tshogs 'gyed cing / yul byin gyis brlabs pa'i sa gzhi de dag dang / de bzhin du ngas de bzhin gshegs pa'i pho brang mchod rten go ma sA la gan d+ha yul dge ba dang bcas pa byin gyis brlabs pa'i sa gzhi 'dir/ dad pa can gyi sbyin bdag rnams kyis so so nas sangs rgyas la sogs pa'i gzugs brnyan byed par 'gyur zhing / gnas de dang de dag tu bsnyen pa byas na/ ci dang ci 'dod pa 'grub par 'gyur ba'i snga ltas yin no// yang de'i tshe lha rnams stan las langs nas/ bcom ldan 'das la 'di skad ces gsol to// btsun pa bcom ldan 'das yul 'di dus ji tsam zhig na 'byung bar 'gyur ba/ su zhig gis 'byin par bgyid pa lags/ btsun pa bcom ldan 'das da ltar ni dgon pa chab chen po'i gter lags na su zhig gis ji ltar 'byin pa bka' stsal du gsol/ bcom ldan 'das kyis bka' stsal pa/ rigs kyi bu nyon cig/ nga mya ngan las 'ang nas lo brgya lon pa'i tshe/ / rgya'i yul du rgya'i rgyal po che yang zhes bya ba bu stong tshang bar 'dog pa zhig 'byung bar 'gyur te/ bu re re yang yul re re gsar du tshol du bcug go// phyis nub phyog logs nas/ ri glang ru dang / bcom ldan 'das kyi pho brang mchod rten go ma sA la gAn d+ha yod pa'i yul de bzhin gshegs pa du mas byin gyis brlabs brlabs pa zhig yod do zhes thos nas/ 'di snyam du ma la bdag la bu gcig yod na/ sangs rgyas phal po ches byin gyis brlabs pa'i gnas der yul 'debs su gzhag go snyam du bsams nas/ de'i tshe rgya'i rgyal pos rnam thos kyi bu la bu gcig bslangs so/ / rnam thos kyi bus kyang 'dzam bu'i gling 'di na/ rgyal po mya ngan med ces bya ba'i bu zhig btsas pa byin te/ bu de ni gzugs bzang ba/ dbyibs mdzes pa/ blta na sdug pa zhig yin no// bu de'i don du sa las nu ma zhig byung ba dang / bu de sngon gyi bsod nams dang dge ba'i rtsa ba'i mthus / nu ma de la nu bar byed pas/ des na bu de'i mings las nu ma nu zhes bya'o// bu de myur bar skyes nas/ brgyal pos rgyal srid kyi dbang ni bskur// nor mang po ni byin blon po phal po che ni lus kyi rim gro par bskos nas/ rgyal po sa las nu ma nu de/ blon po chen po 'dzang sho zhes bya ba la sogs pa dmag du ma dang lhan cig tu rgyu'i yul nas byung ste/ yul 'dir 'ong bar 'gyur ro// 'ongs nas 'dir yul 'debs par 'gyur te/ rgyal po sa las nu ma nu des yul btab pa'i phyir/ rgyu des na yul 'di'i ming ni sa las nu ma nu'i yul zhes bya bar 'gyur ro/ / dus de'i tshe na nub phyogs logs na rgya gar gyi mi phal po che 'dir 'ong bar 'gyur te/ rgyal po sa las nu ma nu'i 'bangs su mchid kyis 'tshal zhing chu srid gcig par dum par 'gyur nas/ rgya'i blon po chen po 'dzang sho la sogs pas rim gyis rgyu dang / rgya gar gyi grong dang / grong khyer dang / grong rdal 'deb par 'gyur ro/ / de ltar rgyal po sa las nu mA nu de/ mi rabs du ma'i bar du/ yul 'di'i rgyal po byed par 'gyur ro// rgyal po de rnams kyis kyang / rims gyis so so nas/ yul 'dir dgon po'i gnas dang / gtsug lag khang byas nas/ zhing chu dang / 'bangs dang / zhal ta byed pa yang 'bul zhing / la la ni bdag nyid kyang rab tu 'byung bar byed do/ / la la ni bu dang bu mo rab tu 'byung bar byed do// la la ni 'brangs las grangs med pa zhig rab tu 'byung bar gnang bar byed do// yul 'dir ma byang chub sems dpa'i rigs can mang po zhig 'byung ste/ rtag tu dkon mchog gsum las dge ba'i rtsa ba sogs shing // bsod nams bya ba'i dngos po byed par 'gyur ro/ / de ltar na yul 'di ni rgyal po sa las nu ma nus yul gtong ba'i tshul de lta bus 'byung bar 'gyur ro// yul 'di ni sangs rgyas 'byung ba re re'i tshe yang 'byung zhing sangs rgyas par 'gyur ro/ / ci'i phyir yul gzhan dang gzhan dag ni zhig nasra/ yun ring mo zhig tu stong zhing dgon par 'dug la/ yul dge ba ni sangs rgyas 'byung ba re re'i tshe mi rnams kyis brgyan cing mdzes par 'gyur zhe na/ 'di ltar yul 'di ni thub pa drang srong chen po'i gnas/ de bzhin gshegs pa'i mchod rten go ma sA la gan d+ha zhes bya ba'i ra glang ru dang nye ba chu bo go ma'i 'gram na yod pa'i phyir ro/ / mchod rten 'di mdo sde'i nang nas ni/ ming go ma sA la gan d+ha zhes bya'o// 'jig rten phul gyi tha snyad du ni chu bo go ma'i 'gram zhes bya bar 'dogs par 'gyur te/ 'di ltar ji srid du mchod rte chu 'o go ma'i 'gram zhes bya ba dang / 'od srungs kyi mchod rten 'di gnyis rgyas shing mchod gnas su byed pa de srad du ni / yul dge ba zhes bya ba rgyas shing bzang por 'gyur ro// nam mchod rten 'di gnyis rgud pa de'i tshe/ yul yang rgud cing stongs par 'gyur ro// de nas de'i tshe 'khor der 'dus pa'i lha rnams kyis bcom ldan 'das kyis bka' stsal pa'i gsung de thos nas/ mchod rten go ma sA la gan d+ha dang / ri glang du la dad pa dang / gus pa chen po rnyed de/ sangs rgyas bcom ldan 'das la mgo bos phyag 'tshal skyabs su spong nas/ spyan sngar 'di skad du bdag cag kyang dus de'i tshe yul 'dir rigs mthon por skyes nas/ bde bar gshe ba'i bstan pa srung zhing / yul chos kyi bka'i khrims mi nyams par byed par gyur cig ces smon lam btab bo// de nas de'i tshe bcom ldan 'das kyis/ lha'i rgyal po rnam thos kyi bu dang / byang chub sems dpa' sems dpa' chen po 'du shes can zhes bya ba dang / lha mi pham pa zhes bya ba dang / klu'i rgyal po khyim tshig ces bya ba dang / lha na ma mkha'i dbyings zhes bya ba dang / lha gser gyi 'phreng ba can zhes bya ba dang / lha mo lcags kyu can zhes bya ba dang / lha mo gnas can zhes bya ba rnams la 'di skad ces bka' stsal to// rigs kyi bu khyed rnams la mchod rten go ma sA la gan d+ha dang / ri glang ru yul dang bcas pa dang / nga'i bstan pa dang / sras rnams yongs su gtad kyis/ yongs su srung ba dang / sgrub pa dang // mchod gnas su 'gyur bar gyis shig/ yul 'di'i rgyal po dang / yul 'dzin pa'i blon po dang / sbyin bdag chos dang mthun pa rnams kyang yongs su gtad kyis de bzhin du gyis shig/ ri glang du lung bstan pa'i mdo 'di yongs su gtad kyis 'phel zhing rgyas par gyis shig/ gang gi tshe yul 'di ma 'am/ chu'am/ pha rol gyi dmag gis nyen cing 'phongs par gyur na/ mdo 'di bklag pa dang / kha ton dang / mchod pa dang / bsam pa dang / bsgom pa byas na/ des na yul de'i gnod pa zhi par 'gyur ro// ma 'ongs pa'i dus na sems can rnams kyi las kyi rnam par smin pas yul 'dir sum pa rnams dang / bod rnams 'ong bar 'gyur gyis/ de'i tshe mdo 'di lhogs shig dang / mdo 'di thos na mdo 'di'i mthu dang / lha rnams kyi byin gyis// dad pa med pa de rnams yul 'jig par mi byed cing / yid kyang 'gyod par 'gyur ro// ma 'ongs pa'i dus na yul 'dir rgya rnams kyang 'ong bar 'gyur gyis/ de'i tshe mdo 'di lhogs shig dang / mdo 'di thos nas de dag dad pa skye bar 'gyur ro/ / dad pa'i stobs kyis yul mi 'jig cing / phyir zhing bsrung ba dang / bsod nams bya ba'i dngos po yang byed par 'gyur te/ rgyu des ni mdo 'di ni yul la phan 'dogs pa byed pa yin no/ / mdo 'di ni phan yon gzhan yang mang du yod de/ yun thung ngus ni brjod par mi nus so// de'i phyir mdo 'di khyed rnams la yongs su gtad do/ / de nas de'i tshe rnam thos kyi bu la sogs pa lnga rnams dang / klu'i rgyal po dang / lha mo de dag 'khor dang bcas te langs nas/ bcom ldan 'das kyis spyan sngar pu sa mo'i lhangs la brtsugs te/ thal mo sbyar nas 'di skad ces gsol to// btsun pa bcom ldan 'das bdag cag rnams kyis/ bcom ldan 'das kyi bka' spyi bos len par 'tshal lo/ yang gsol pa/ ston pa bcom ldan 'das kyis 'di skad bka' sprul pa bzhin du mchod rten go ma sA la gan d+ha dang / ri glang ru yul dang bcas pa thams cad yongs su bsrung bar 'tshal/ bde bar gshegs pa'i bstan pa dang / chos dang mthun pa'i rgyal po dang / rab tu 'byung ba dang / chos dang mthun par yul 'dzin pa dang / chos dang mthu/ paba'i sbyin bdag dang / gang zhig bsod nams bya ba'i dngos po bgyid par 'gyur ba de dag thams cad kyang yongs su bsrung bar ni 'tshal na/ bcom ldan 'das ji srid du yul 'dir dkon mchog gsum mchod gnas su bgyid pa dang / yul 'dzin pas kyang chos dang mthun par yul skyong zhing / chos dang mi mthun pa'i sems can rnams kyi mapon mi bgyid pa de srid du/ bdag cag gis yongs su bsrung bar rngo thog ste/ mdo 'di yang li yul du yun ring du gnas par bgyi ba'i slad du/ li yul nas nyi 'og tu gyur pa'i rgyal po dang / blon po rnams la mdo 'di ni bcom ldan 'das kyi li yul gyi ched du/ ri glang ru las bshad pa yin no zhes rnar grags par bgyid/ sug par thob par bgyi/ sems bsgyur bar bgyi'o// bcom ldan 'das nam yul 'dir dkon mchog gsum mchod gnas su mi bgyid cing / chos dang mi mthun pa rnams kyi mgon lhag par bgyid pa de'i tshe/ sems bsgyur ba bdag cag rnams kyi gzi brjid dang / mthu stobs nyams par 'gyur bas yul 'di'i ched dang bsrung bar ni rngo mi thog go// de ci'i slad du zhe na/ bdag cag rnams kyi mthu stobs dang / gzi brjid ni bde bar gshegs pa'i bstan pa dang / chos dang mthun par yul chos bzhin du skyong pa dang / bsod nams bya ba'i dngos po dge ba'i rtsa ba'i mthus 'phel bar 'gyur ba lags so/ / de nas de'i tshe sangs rgyas bcom ldan 'das gdan las bzhengs nas/ ri glang ru'i steng gi 'gram nas mchod rten go ma sA la gan d+ha gang na ba de logs su gzigs nas/ yang nas yang du de bzhin gshegs pa'i spyod yul mchod rten go ma sA la gan d+ha dang / ri glang ru dang / yul dang bcas pa lan gnyis lan gsum gyi bar du byin gyis brlabs nas/ li yul thams cad dang / mtsho'i nang na gnas pa'i sems can grangs med pa rnams la 'od zer dang / thugs rje chen pos khyab par mdzad de ber de dang / thugs rje chen po des chu na gnas pa'i sems can de dag thams cad sdug bsngal ni zhi bar gyur/ khro ba dang khon du 'dzin pa dang ni bral te/ byams pa'i sems dang ldan par gyur cing / lha'i bde ba dang ldan nas skad cig de nyid la/ sems can de drag las grangs med pa zhig tshe 'phos nas/ lha dang mi rnams kyi nang du skyes te/ sangs rgyas nyid du 'gyur ba'i sa bon rnyed cing byang chub las phyir mi ldog par gyur to/ / de nas de'i tshe bcom ldan 'das kyis/ lha rnams la lan gsumagyi bar du bos nas/ 'di skad ces bka' stsal to/ / rigs kyi bu khyed kyis dam bcas pa rnams ni brtson 'grus med par mi 'grub bo// rigs kyi bu ngas bskal pa grangs med pa gsum gyi bar du dka' ba spyad pa'i bstan pa 'di dang / mchod rten go mA sA la ga na d+ha yul dang bcas pa khyed rnams la yongs su gtad kyis yongs su srungs shig/ khyed rnams las gang zhig gis nga rjes su dran zhing gzungs yod pa dang / bstan pa bsrung ba des ni bstan pa 'di la rab tu byung ba rnams yongs su srung bar gyis shig/ de ci'i slad du zhe na/ mi khyim pa la la zhig lo brgya'i bar du nyin re zhing dge ba'i rtsa ba bsod nams chen po byed la/ 'ga' zhig nyin gcig rab tu byung nas bstan pa la gnas na/ snga ma pas phyi ma'i bsod nams kyi brgya'i char yang mi chog go/ de ci'i slad du zhe na/ sangs rgyas gang+gA'i gi bye ma snyed thams cad kyang sngar khyim gyi gnas spangs te rab tu byung nas/ spyod lam de nyid kyis byang chub chen po brnyes so// nga yang pha rol tu phyin pa drug yongs su rdzog terngas bcu brnyes nas srid pa tha ma'i tshe/ nam phyed nas rgyal po'i khab nas byung ste/ nags tshal du gshegs so// nags tshal nas bzhon pa rgyal po yab kyi thog tu bkri nas/ rang gi ska ral gris bregs te/ nga'i gos gya nom pa rin thang med pa rngon pa de dag las chos gos ngur smrig tu brjes so// ngas gos dri gyon nas dus gsum gyi sangs rgyas thams cad la phyag 'tshal skyabs su song nas/ rab tu byung ba'i spyod lam bzung ba dang / lha thams cad nga la phyag 'tshal/ skyabs su song nas phyi bzhin du 'brang ngo // nga yang spyod lam de nyid kyis yang dag par rdzogs pa'i sangs rgyas brnyes so/ / de'i phyir bde bar gshegs pa'i bstan pa ni dam pa yin par shes par bya'o// rab tu byung ba ni bsod nams dang ldan par shes par bya'o// / 'jig rten na rab tu byung bas thob pa ma gtogs pAr khyim pa'i cha lugs kyis dgra bcom pa 'am/ rang sangs rgyas sam/ bla na med pa'i byang chub 'thob pa ni sus kyang ma thos ma mthong ngo / / rab tu byung ba'i spyod lam 'di ni 'jig rten na lha la sogs pa thams cad kyi mchod gnas yin no// de nas de'i tshe lha dang lha mo de dag thams cad stan las langs te// dbyangs gcig tu sangs rgyas bcom ldan 'das la 'di skad ces gsol to// btsun pa bcom ldan 'das bdag cag rnams kyis/ bcom ldan 'das kyis ji ltar bka' stsal pa bzhin 'tshal zhing / bsams bzhin du bka' las 'gal bar mi 'tshal lo// yul 'dir sangs rgyas kyi bstan pa dang / de bzhin gshegs pa'i spyod yul mchod rten dang bcas pa yang kun tu bsrung ba dang / bskyab pa dang / rjes su gzung bar 'tshal gyis/ bcom ldan 'das kyis kyang / bdag cag rnams la mtha btang du gsol/ de ci'i slad du zhe na/ ma 'ongs pa'i rtsod pa'i dus na/ byin gyis brlabs brlabs pa'i yul 'dir dgra mang po dang / ma dad pa dang / phyir rgol ba bde bar gshegs pa'i bstan pa la dad pa'i khyad par mi rnyed cing / bstan pa gzhag pa'i slad du brtson pa dag 'byung ba'i slad du'o/ / de nas de'i tshe bcom ldan 'das kyis lha de dag la leg so zhes bya ba gnang ste/ skyes bu dam pa rnams leg so legaso// ngas kyang yul 'di byin gyis brlabs zin to// byin gyis brlabs pa de nyid kyis mtshams gcad pa yang yin no/ / ma 'ongs pa rtsod pa'i dus na/ yul 'di gzhom pa'i phyir/ sum pa'i dmag phal po che dang / drugu rus sna tshogs dang / der dang / gzhan yang dad pa med pa dag 'ong bar 'gyur te/ de'i tshe yul gzhan dang gzhan dag nas/ de bzhin gshegs pa'i gzugs brnyan byin gyis brlabs pa dag yul 'dir gshegs nas/ yul gyis mtshams / bsrung bar mdzad de/ bsod nams kyi stobs des na yul bdigatan nag par mi 'gyur ro// gzugs parnyan de dag gi phyi bzhin du// byang chub sems dpa' dang / lha dang klu du mthu stobs dang ldan pa mang po dag 'ong zhing / yul du gnod pa rnams thog par byed// dgra rnams kyis yul mtshams par byed de/ dge ba can zhes bya ba'i mkhar nas de bzhin gshegs pabade ba'i 'byung gnas zhes bya ba'i gzugs brnyan gshegs nas/ nub phyogs mkhar ku shed du bzhugs shing // yul gyis mtshams srung bar 'gyur ro// byang phyogs yul shen na zhes bya bar de bzhin gshegs pa'i gzugs brnyan shen na zhes bya ba sa'i 'og nas 'byung bar 'gyur zhing yul gyis mtshams srung bar 'gyur ro/ / de bzhin gshegs pa'i gzugs brnyan ki'u lang zhes bya ba gshegs nas/ shar phyogs yul phye ma zhes bya ba'i mkhar du bzhugs shing yul gyis mtshams srung bar 'gyur ro// de bzhin gshegs pa gzugs brnyan phye se zhes bya bar gshegs nas byang phyogs kyi ri glang rul 'od srungs kyi mchod rten gyi drung du bzhugs shing / dge slong dgon pa pa rnams kyi dge ba'i rtsa ba bskyed cing / de bzhin gshegs pa'i bstan pa dang / yul gyi sa mtshams srung bar 'gyur ro/ / mkhar dge ba can zhes bya ba'i nang na/ tshong dus k+Sha sta 'di ze zhes bya bar de bzhin gshegs pa'i gzugs brnyan rgyal po'i pho brang gnas zhes bya bar bzhugs shing / mkhar dge ba yul dang bcas pa'i sa mtshams srung bar 'gyur ro/ / sa gzhi 'o mo nya zhes bya ba gang du rgyal po yo la zhes bya ba mkhar brtsigs pa'i gros byed par 'gyur ba dar/ de bzhin sa shags pa'i gzugs brnyan cu gon pa na zhes bya ba bzhugs shing / mkhar dge ba can zhes bya ba yul dang bcas pa'i sa mtshams srung bar 'gyur ro// gtsug lag khang da na dz+ya zhes bya bar de bzhin gshegs pa mar me mdzad kyi gzugs brnyan thor kong du byas pa gshegs par 'gyur te/ gzugs brnyan de ni 'dzam bu'i gling gi thor khong du byas pa/ thams cad kyi thog mar 'byung ba yin no// gzugs brnyan de li rnams kyis mtshan 'khor ba'i mar me mdzad ces bya bar 'dogs par 'gyur te/ da ni li yul gyi gzugs brnyan thor kong du byed pa thams cad kyi dper 'gyur zhing bde bar gshegs pa yul dang bcas pa yongs su srung bar 'gyur ro/ / gzhan yang de bzhin gshegs pa rin chen mang gi gzugs brnyan yul 'di'i dbus su gshegs nas/ phyogs bcu'i mtshams gcod par mdzad de/ ji srid du de bzhin gshegs pa'i gzugs brnyan phyogs phyogs na bzhugs pa de dag mchod gnas su byed pa de srid du/ yul 'di rlag par mi 'gyur ro// yul 'di nas skyes pa'i mi 'am/ yul gzhan nas skyes pa'i mi la la zhig de bzhin gshegs pa'i gzugs brnyan de dag la snying zag pa nas dad pa dang / gus pa dang / rab tu dang bar byed cing / 'di snyam du bde bar gshegs pa'i gzugs brnyan 'di dag ni/ yul 'di bsrung ba'i slad du gshegs so snyam du yang sems na/ gzugs brnyan de dag kyang sangs rgyas bzhugs pa bzhin du don mdzad par 'gyur ro// de ci'i slad du zhe na/ gzugs brnyan de dag nga dang 'dra bar dus gsum du thogs pa'i sangs rgyas thams cad kyis byin gyis brlabs pa'i phyir ro// gzhan yang yul 'dir nga'i gzugs brnyan chen po shing rtas 'dren pa byas te/ mkhar dge ba can zhes bya ba'i nang du gzhag nas mchod pa'i gnas chen por byed par 'gyur ro// de nas yul 'dir phyogs dang phyogs mtshams nas/ tshong dpon chen po rnams 'ong bar 'gyur zhing/ gnod pa rnams kyang zhi bar 'gyur ro// gzhan yang yul 'dir de bzhin gshegs pa'i gzugs brnyan nyis brgya rtsa brgyad 'od srungs kyi mchod rten dang bcas par 'byung bar 'gyur te/ de dag thams cad kyang cho 'phrul chen po ston cing sems can rnams kyi sdig pa chen po yongs su sbyong ba dang / gnod pa sel ba mdzad par 'gyur ro// yul 'dir gnod pa dang / 'jigs pa dang / skrag pa 'ga' zhig byung na/ yul 'di'i ched du phyogs lngar sbyor ba byas te/ rgyal po dang / blon po rnams yul 'dzin pa gang zhig 'jigs pa dang bral bar bya ba'i phyir/ bde bar gshegs pa'i bstan pa las bsod nams skye bar 'dod na/ gtsug lag khang tser ma zhes bya bar bsod nams bya'o/ / de ci'i phyir zhe na/ yul 'di'i mi rnams kyi dad pa yang dag pa'i lta ba ni dang po gtsug lag khang de nas skye bar 'gyur ro// nam zhig li'i rgyal po dang / blon po dang / yul 'dzin pa rnams la gnod pa rnam pa sna tshogs shig byung na/ ri glang rul sngon yang dag par rdzogs pa'i sangs rgyas gang na bzhugs bzhugs pa'i sa gzhi de la bskor bar bya'o// yul 'di'i sems can rnams pas mi dge ba bshags par 'dod na/ mchod rten goms la gan d+ha'i gam du bshag par bya'o// de ci'i phyir zhe na// mchod rten de ni sangs rgyas bcom ldan 'das bzhugs pa bzhin du gang dag gis bskor ba'am/ tog gam/ bdug pa 'am/ dbyangs sam/ rol mo'i sgras mchod pa byas na/ mtshams med pa lnga yang nyams dmas par 'gyur na gzhan lnga smos kyang ci dgos// yul 'di'i rgyal po dang / blon po dang / yul 'dzin pa 'am gang zhig brtul bzhugs chen po'i sdom pa len par 'dod pa des/ ri glang ru gang la de bzhin gshegs pa'i gzugs brnyan phyi se zhes bya ba dang / 'od srungs kyi mchod rten yod pa de'i dge 'dun la mchod par bya'o// de ci'i phyir zhe na/ yul 'dir spyod pa yongs su rdzogs pa dang / tshul khrims yongs su dag pa ni/ de nas 'byung bar 'gyur ba'i phyir ro// yul 'di'i mi la la zhig chad pa chen po zhig la thug na/ des ri glang ru la gnas pa'i 'phags pa'i dge 'dun la skyabs su 'gro ba byas te/ des na chad pa chen po de las thar bar 'gyur ro// de ci'i phyir zhe na/ gnas de na thar pa thob stong phrag du ma'i mtha'i bar du gnas shing mi stongs pa'i phyir te/ rgyu des na'iri glang ru dang / mchod rten go ma sA la gan d+ha yul dang bcas pa de bzhin gshegs pa rnams kyi chad khyu yin no// de nas de'i tshe phyogs bcu'i sangs rgyas kyi zhing dag nas byang chub sems dpa' nyi khri lhags nas/ bcom ldan 'das ga/ nga na ba de logs su thal mo sbyar ba btud de/ dbyangs gcig tu 'di skad ces gsol to// bcom ldan 'das bdag cag rnams kyis kyang / thabs sna tshogs kyis de bzhin gshegs pa spyod lam dang / yul 'di yongs su bskyang bar bgyi/ bsrung bar bgyi zhing / ji srid du bde bar gshegs pa'i bstan pa dang / dkon mchog gsum gnas shing / rgyal po dang / blon po la sogs pa/ mi tshul khrims dang ldan pa dad pa can dang / yul chos dang mthun par bgyid pa mchis pa de srid du yongs su mi gtang zhing / yul 'dir dus dus su spyod lam dang cha lugs ci dang // ji lta bus sems can mang po'i bsod nams chen po yongs su smin par 'gyur ba dang / sangs rgyas nyid du sems bskyed par 'gyur ba dang / bsam gtan dang / ting nge 'dzin la snyoms par 'jug par 'gyu ba dang / sangs rgyas nyid las phyir mi ldog par 'gyur ba de lta bu'i skye ba blangs pa'i slad du/ kha cig gis ni rgyal rigs yongs su gzung bar bgyi/ kha cig gis ni rab tu byung ba dang / khyim pa gzhan gyi cha lugs yongs su gzung bar bgyi'o/ / bcom ldan 'das kyis bka' stsal pa/ rigs kyi bu legs so legs so// rigs kyi bu khyed rnams kyis 'di ltar bskal pa bzang po'i sangs rgyas thams cad kyi spyod yul dang / yul 'di gang du sems can rnams sangs rgyas nyid las phyir mi ldog par 'gyur bar de lta bu chu gang thob cig/ yang de'i tshe lha rnam thos kyi bu zhes bya ba dang / mi 'pham pa zhes bya ba la sogs pa lha thams cad kyis bcom ldan 'das pa 'di skad ces gsol to/ / bcom ldan 'das da ni byang chub sems dpa' chen po rnams kyis yul 'di srung ba'i slad du mthu bstang ba dang / bcom ldan 'das kyi byin gyi rlabs dang / mthus bdag cag rnams kyis kyang de bzhin gshegs pa'i spyod yul dang / byin gyis brlabs pa'i yul 'di kun tu bsrung zhing yal bar mi gtang ba'i slad du/ brtson 'grus chen po'i shugs kyis 'bad par 'tshal lo/ / gal te yul 'dir dru gu la sogs pa gtum po dad pa ma mchis pa rnams dang / hor dang / sum pa'i dmag dag mchi bar 'gyur na/ de dag phan tshun nang 'khrug 'byung ba dang / de dag gi 'khor nang mi mthun par 'gyur ba dang / 'gum par 'gyur bar bgyi'o// yang na de dag ci nas kyang 'dir mi mchi zhing / de bzhin gshegs pa'i bstan pa 'jig mi nus par 'gyi ba'i slad du/ gzhan gyi dbang du 'gyur bar bgyi'o/ / gal te rgya'i dmag dag mchis par gyur na/ de dag gi sems dad par bgyi zhing slar yul 'di la phan 'dogs pa dang / phyis yul 'dir bsod nams bgyi ba'i dngos po dge ba rgya chen po bgyid du stsal to// / nam zhig yul 'di'i sems can rnams la gnod par bgyid pa de'i tshe na yang phyir dad par bgyi zhing mdo 'di 'ang yo du chud par bgyid du sprul to// gang gi tshe de dag ma 'ongs par dkon mchog gsum gyi yo byad la dbang 'tshal zhing mdangs 'phrog pa dang / sem can bsod nams dang ldan pa rnam la 'tshe ba de'i tshe ni/ bdag cag gi 'khor gnod sbyin dang pa can dang / dang pa ma mchis pa du ma zhig dbang bskur te/ bkye nas yul der ci nas kyang yun ring mo zhig gi bar du rgud par bgyi zhing / yul 'di 'jig mi nus par bgyi ba'i slad du/ mu ge dang / nad dang / pha rol gyi dmag mi mchi bar bgyid du sprul lo// li yul gyi nor rdzas de dag gis 'tshal ba rnams kyang bkra mi shis par bgyi zhing / gang dang gang du phyin pa'i yul de thams cad du yang sman yon mi thogs shing 'khrug par bgyi'o// de dag gi yul 'dzin pa dang dmag dpon yang rgud par bgyi'o/ / bod kyi dmag rnams la yang de bzhin du rig par bgyi ste/ gang gi tshe de dag chos dang 'thun par yul 'di 'dzin cing srung na ni/ bdag cag rnams kyis kyang de dag yongs su bskyang zhing rgyal bar 'gyur bar bgyi'o/ / nam zhig bde bar gshegs pa'i bstan pa 'jig pa dang / yul gyi mi la gnod par bgyid pa de'i tshe na/ dmag rnams nang 'khrug 'byung ba dang / dmag gi dpon yang tshe thung du rgud par bgyi ste/ rgyas par na snga ma bzhin no// ma 'ongs pa'i dus na yul 'dir rgyal po dang / blon po sems gya gyu can/ bsod nams chung ba dang / dad pa med pa/ dkon mchog gsum gyi dkor la 'jol tog tu rlom zhing / yul gyi rtsis mgo dang 'gal bar bgyid pa/ nor rdzas ma brtags pas go 'phang 'chol ba/ sems can bsod nams dang ldan pa rnams la sun 'byin du rgol ba/ ngo tsha med pa dang na 'dus can/ 'dod pa'i yon tan gyis ngoms mi myong ba/ rab tu byung ba dag gis sems skyo ba la la dag 'byung bar 'gyur na/ de dag ni bdag cag gis kyang yul 'di nas dbyung zhing yul ngan pa gzhan dang gzhan dag tu spyugs par bgyis te/ tshul de lta bus yul 'di yongs su bskyang ba dang / bsrung bar bgyi'o// bcom ldan 'das slad ma rtsod pa'i dus na/ yul 'di gzhig par brtson pa'i sems can bdud kyi phyogs sdig pa bgyid pa/ mthu stobs dang ldan pa/ yul dag tu sems can rnams kyi dad pa zlog par bgyid pa/ sems gdug cing brlab ba/ lha dang / klu dang / gnod sbyin dang srin po du ma zhig 'byung bar 'gyur la/ de dag kyang bdag cag gi dbang du mi 'gyur/ de la bdag cag gis thabs ji ltar 'tshal/ bcom ldan 'das kyis bka' stsal pa/ rigs kyi bu khyed yod skyo bar ma byed cig/ de ci'i phyir zhe na/ glang bzhi pa 'di na/ byang chub sems dpa' rnams dang / lha mthu stobs che ba dang / klu dang gnod sbyinas thob pa du ma zhig gnas pa de dag la/ sems 'jam pos mchod pa chen po byas te/ mchod rten go ma sA la gan dA dang / gtsug lag khang tsar ma la sogs pa yul byin gyis brlabs pa rnams su/ theg pa chen po'i sde snod shes rab kyi pha rol tu phyin pa dang / 'dus pa chen po dang / sangs rgyas phal po che dang / dkon mchog brtsegs pa la sogs pa shin tu rgyas pa'i sde mang po lhogs shig dang / yul so so nas byang chub sems dpa' sa bcu pa la sogs ba dang / mthu stobs che ba'i sems can de dag yul 'dir 'ongs nas/ chos kyi ro ma nos shing / dus gsum du gtogs pa'i de bzhin gshegs pa rnams kyi dam tshig la mi 'gal bar byed/ bskal pa bzang po'i sangs rgyas rnams kyi spyod yul dang / yul yang srung bar byed// yul 'di'i mi dang bstan pa yang srung bar byed par 'gyur ro// gzhan yang ma 'ongs pa'i dus na/ yul dge ba 'di'i rgyal bopo mthu chung bar 'gyur te/ mthu chung ba des na rang gi mthu stobs kyis yul mi thub pas/ rgyal po dad pa can gzhan 'di lta ste/ bod kyi rgyal po dang / rgya'i rgyal po la sogs pa la skyabs btsal nas yul srung bar byed do/ / de ci'i phyir zhe na/ ma 'ongs pa'i dus na/ rgya dang bod kyi yul du dkon mchog gsum gnas shing / mchod gnas chen por byed pa dang / yul de dag kyang byang chub sems dpa' chen po'i gnas su 'gyur zhing / sems can de dag kyang byang chub chen po'i lam tshol ba'i ngang tshul can/ theg pa chen po la dad pa'i ting nge 'dzin la gzhol bar 'gyur te/ de dag gi mthu stobs kyis li yul gyi mi dang / dkon mchog gsum rlag par mi 'gyur ro/ / skyes bu dam pa khyed rnams kyis kyang 'od dang / rgyu'i rgyal po dang / blon po dag ci nas kyang mchod rten go ma sA la ga na d+ha dang / yul dge ba 'di la ri mo byed par 'gyur ba dang / yul 'di bsod nams bya ba'i dngos po dag ba rgya chen po byed par 'gyur ba dang / yul 'di'i me 'og dang pa med pa'i yul gzhan du 'khyams pa rnams kyang sdug bsngal dang bral zhing bde bar rang gi yul du bskyal nas/ phyir yang dag pa'i lta ba can dang / bsod nams la dga' bar 'gyur bar sems sbyar cig dang / dge ba'i rtsa ba de'i stobs kyis/ skyes bu dam pa khyed rnams kyi dge ba'i rtsa ba dang / mdangs dang gzi brjid dang / 'khor 'phel bar 'gyur zhing sangs rgyas nyid du yang nye bar 'gyur gyis/ dus gsum du gtogs pa'i de bzhin gshegs pa rnams kyi gdam ngag la byas pa gzo bar gyis shig/ 'di ltar yul 'di'i sems can rnams ni phyir mi ldog pa/ byang chub sems dpa'i las dang ldan pa/ snying rje dang ldan pa/ bden pa dang ldan pa/ gtong phod pa/ phrag dog dang / khon du 'dzin pa rnam par spangs pa/ byas pa gzog chos dga' ba/ yang dag pa'i lha ba can/ log pa'i lta ba thams cad rnam par spangs pa/ sems 'jam par 'gyur te/ rgyu des na dge ba rnams zhes bya'o// yul 'di mkhar yang mi byams pa dang / 'jam pa'i sems dang ldan pa rnams dang / mchod rten dang / gtsug lag khang du sems brgyan par 'gyur te/ de'i phyir mkhar dge ba can zhes bya'o// gzhan yang yul gzhan dag nas/ sems can dad pa med pa/ snga 'khon du 'dzin pa dag yul 'dir 'ongs pa kun/ yul 'di'i rdul gyis reg cing / yul 'di nas 'khrungs pa 'tsho ba la longs spyod na/ de dag thams cad kyi sems bsgyur na/ sems 'jam pa dang / byams pa'i bsam pa dang / khro ba dang / khon du 'dzin pa spangs pa dang / dad pa dang / yang yul 'dir sdig pa mi byed par 'gyur te/ yul 'di ni yon tan 'di dag dang ldan pa yin no// de nas de'i tshe sngar sangs rgyas bcom ldan 'das kyis lan gsum gyi bar du byin gyis brlabs nas/ 'od zer thugs rje chen po dang bcas te bkye ba des/ chu na gnas pa'i sems can rnams kyi sems yongs su dag pa dang / bde ba dang ldan par byas nas chu'i nang nas slar 'thor te/ phyogs bcu'i sangs rgyas kyi zhing thams cad du khyab par gyur to/ / yang 'od me de dag slar log nas/ byang chub sems dpa' chen po rnams kyis yul byin gyis brlabs pa dang / nyan thos chen po rnams kyis yul byin gyis brlabs pa dang / mtsho'i nang nas byung ba'i pad+mo'i steng na/ de bzhin gshegs pa'i gzugs brnyan bzhugs pa de dang de dag gi 'od zer dang 'dres nas nam mkha' las 'phags te/ steng gi nam mkha' khebs par gyur cing / li yul thams cad du lha'i me tog gi char bab bo// lha'i me tog de dag phan tshun du reg pa las chos kyi sgo mo 'di lta ste/ sangs rgyas dang / chos dang / dge 'dun gyi mtshan dang / yang dag pa'i lta ba dang / shes rab dang / tshul khrims dang / dge ba'i rtsa ba dang / de bzhin gshegs pa rnams kyi dka' ba spyad pa dang / smon lam dang / byang chub sems dpa'i rdzu 'phrul dang / sems can yongs su smin par byed pa dang / dge sbyong gi 'bras bu bzhi po rgyun tu zhugs pa dang / lan cig phyir 'ong ba dang / phyir mi 'ong ba dang / dgra bcom pa dang / khams gsum gyi srid pa las nges par 'byin pa dang / rnam par thar pa'i sgo gsum dang / 'du byed 'jig pa dang dran pa nye bar gzhag pa dang / 'phags pa'i bden pa dang / rdzu 'phrul gyi rkang pa dang / bsam gtan dang / bsdu ba'i dngos po dang / so so yang dag par rig pa dang / gzugs med pa'i snyoms par 'jug pa bzhi dang / dbang po yongs su dag pa dang / byang chub kyi phyogs dang mthun pa'i chos mtha' dag gi sgra 'byin par 'gyur ro// gzhan sems yongs su dag pa dang / byang chub kyi yan lag dang / 'phags pa'i lam dang / snyoms par 'jug pa dang / sa dang / stobs dang / thugs rje dang / byams pa chen po dang / rten cing 'brel par 'byung ba dang / the tsom sel ba dang / sangs rgyas nyid las mi ldog pa dang / ting nge 'dzin dang / mngon par rtogs pa dang / mi skye ba'i chos la bzod pa dang / ma 'dres pa dang / sangs rgyas nyid du 'gyur ba dang / mi rtag pa dang / sdug bsngal ba dang / bdag med pa dang / stong pa dang / ma byas pa dang / ma skyes pa dang / phyin ci ma log pa dang / yang dag pa'i mtha' dang / de bzhin gshegs pa'i snying po khongs su rtogs pa rnam par mi rtog pa'i ye shes rtogs pa dang / rnal 'byor pa rnams kyis so so rang gis rig pa'i spyod/ yul dang / skye ba sdu ga bsngal ba dang / rga ba dang / sdug pa dang bral ba dang / mi sdug pa dang phrad pa dang / 'dod pa btsal te ma rnyed pa'i sdug bsngal gyi sgra yang 'byung bar gyur to// gzhan yang phung po lnga po dag la sems can med pa dang / gso ba dang / gang zag dang / srog med pa dang / chos bden pa skye ba med pa dang / 'gag pa med pa dang / rtag pa med pa/ chad pa med pa/ 'ong ba med pa/ 'gro ba med pa/ dkon mchog gsum gyi gdung dang / byin gyis brlabs dang / 'gro ba lnga po dag gi 'khrul pa rmi lam lta bu dang / 'khor ba'i 'du byed btson ra lta bu dang / sgyu ma dang / smig rgyu dang / chu zla dang / brag cha lta bu zhes bya ba'i sgra byung bar gyur to// gzhan yang dad pa dang / mngon par rdzogs pa dang / brtson 'grus dang / dge ba bcu'i las kyi lam dang / 'khor bas skyo bar gyur pa dang / de lta bu la sogs pa sgra brgya stong du ma byung bar gyur to// 'khor 'dus pa mang po de dag dang / byang chub sems dpa' phyogs phyogs nas lpags pa de dag thams cad sa la gnas pa'i lha dang / klu dang / nam mkha' la gnas pa'i lha dang / gnod sbyin thams cad sems ngo mtshar du gyur nas/ rangs pa skyes te/ chos kyi sgom sgra de dag la yid mi byed par gyur to/ / de nas de'i tshe 'khor de dag gis khong du chud par bya ba'i phyir/ byang chub sems dpa' sems dpa' chen po 'jam dpal gzhon nur gyur pas/ bcom ldan 'das la 'di skad ces gsol to/ / bcom ldan 'das ci'i slad du cho 'phrul chen po 'di lta bu bstan pa lags/ bcom ldan 'das kyis tshangs pa'i dbyangs kyis bka' stsal pa/ 'jam dpal chos kyi sgo mo 'di dag ni/ yul dge ba nas skyes pa'i sems can rnams kyi ched de/ 'khor bzhi po rnams kyi ched du yang lhag par byin gyis brlabs nas bstan pa yin te/ chos kyi sgo mo 'dis ni/ byang chub sems dpa' rnams tshigs chung du dang / 'bad pa chung ngus/ dbang po dang / shes pa yongs su dag par 'gyur zhing chos kyi sgo mo de dang de dag kyang mngon par rtogs par 'gyur ro// ma 'ongs pa'i skye bo de dag ni byis pa chung ngu yan chad chos mngon par rtogs par 'gyur zhing / rtsed mor yang chos kyi sgo mo 'di dag smra bar 'gyur ro// sems can de dag dbang po yongs su ltas nas/ chos kyi mig rnam par dag pas/ de bzhin gshegs pa'i sku yang mthong bar 'gyur/ chos kyi rna ba rnam par dag pas/ chos yang dag pa ma nor ba yang thos par 'gyur/ de dag 'khor ba nas 'du byed dang / chos thams cad las kyang sems rnam par grol bar gyur te/ sems de lta bu des na/ yul dgon pa byin gyis brlabs pa 'dir/ dge ba'i phyogs la brtson pa 'am/ yang na ri glang ru la de dag thams cad dngos grub thob par gyur te/ bdud sdig can gyis kyang glags mi rnyed na/ gzhan dag gis lta smos kyang ci dgos/ 'di lta ste/ lha rnams kyis 'khor gnod sbyin nam/ dri za'am/ mi 'am ci chad pas bcad par gyur na yang / mchod rten go ma sA la ga na dA dang / ri glang ru la 'khras na/ de dag gis mi mthong bar 'gyur ro// brgya la mthong na yang sems zhi bor 'gyur te/ rgyu des na ri glang ru dang mchod rten go ma sA la gan d+ha ni mtshams gcad pa dang / gtsang byed dang / skyabs dang / 'jig rten gyi khams gzhan dag na gnas pa'i sems can rnams kyis kyang phyag bya bar 'os pa yin no// mchod rten go ma sA la kan d+ha dang / ri glang ru dang / yul dge ba dang / mkhar dge ba can dang / dgon pa byin gyis brlabs pa'i ming thos nas/ dad pa skyes pa tsam gyis kyang sdig pa chen po 'byung bar 'gyur ro// de nas de'i tshe bcom ldan 'das kyis/ tshe dang ldan pa shA ri'i bu dang / rnam thos kyi bu la bka' stsal pa/ rigs kyi du khyed gnyis song la/ mtsho chen po 'dir sha'i ri dril te/ byang phyogs su gyi sho rtsang po'i nang du pho la/ chu la gnas pa'i sems can rnams la mi gnod par srung ba dang / yul 'di mtshams mngon par gyis shig/ de nas nyan thos chen po shA ri'i bu dang / rnam thos kyi dus de bzhin 'tshal lo zhes gsol nas/ rdzu 'phrul byas nam mkha' las shar ga na pa lags su chas te/ naram dus ni lag na 'khar gsal thogs/ rnamathas kyi bus ni lag na mdung thogs te/ shA ro byed skam pas blangs te/ rlung phyogs logs su bzhag nas/ ru sol chen po gtod / mtsho srog chags dang rgyas kyi sho rmang pa'in du po ste/ tshul de lta bas mdzod rten gom snrel gan d+ha nga'i klung rung yul mngon par byas so/ / de nas bcom ldan 'das kyis 'phags pa spyan ras gzigs dbang phyug dang / byams pa la sogs pa byang chub sems dpa' sems dpa' chen po brgyad dang byang chub sems dpa 'i khri drang srong dang bcas pa dang / rnam thos kyi phung / khyim tshig la sogs pa lnga chen po brgyad/ 'khor sum khri lnga stong lnga brgya dang bcas pa la/ mtshan rten gyis sku na d+ha pa sogs pa yongs su ga da / sna de dag gis kyang de bzhin du mnos so// bcom ldan 'das kyis kyang de bzhin du san nga// bcom ldan 'das kyis de rlud rgyas pas pa dang / 'khor de dag thams cad kyis bcom ldan 'das kyis gsungs pa la yi rangs te mngon par bstong // 'phags pa ri grang ru lung bstan pa zhes bya ba theg pa chen po mdo rdzogs so/

CLOSE WINDOW