/ rgya gar skad du.Ar+ya many+dzu shrI bud d+ha/ k+She tra gu Na b+hU ha na nA mA ma hA yA nasU tra/ bo skad du/ 'phags p a 'jam dpal gyi sangasargyas kyi zhing gi yon tan bkod @##/ pa zhes bya ba theg pa chen po'i mdo// bam po dang po// / sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la/ dge slong stong nyis brgya lnga bcu'i dge slong gi dge 'dun chen po dang / byams pa pa dang / 'jam dpal dang / ngan song sel dang / spyan ras gzigs dbang phyug dang / mthu chen thob la sogs pa byung chub sems dpa' brgyad khri bzhi stong la 'di lta ste/ thams cad kyang bla na med pa yang dag par rdzogs pa'i byang chub las phyir mi ldog pa sha stag dang thabs cig tu bzhugs te/ lha bye ba phrag bdun cu rtsa gnyis thams cad kyang byang chub sems dpa'i theg pa la yang dag par zhugs pa rnams dang / lha rnams kyi dbang po brgya byin dang / mi mjed kyi bdag po tshangs pa dang / byang chub sems dpa'i theg pa la yang dag par zhugs pa'i tshangs pa bzhi khri nyis stong dang yang thabs cig go/ / 'di lta ste/ lha ma @#yin gyi dbang po thags zangs ris dang / lha ma yin gyi dbang po stobs can dang / lha ma yin gyi dbang po phrag rtsub dang / lha ma yin gyi dbang po rab dga' dang / lha ma yin gyi dbang po bzhi po thams cad kyang g.yog lha ma yin brgya stong phrag du ma yod pa dang thabs cig go/ klu'i rgyal po dga' bo dang / nye dga' bo dang / klu'i rgyal po chu lha dang / klu'i rgyal po rgya mtsho dang / klu'i rgyal po gzi can dang / 'i rgyal po gzhan gyis mi thub pa dang / klu'i rgyal pos 'dzin dang / klu'i rgyal po ma dros pa dang / klu'i rgyal po ri bo dang / klu'i rgyal po bdud las rgyal dang / klu'i rgyal po zla ba'i bla ma la sogs pa klu'i rgyal po stong phrag drug cu rtsa gnyis dang / 'di lta ste/ rgyal po chen po yul 'khor srung dang / rgyal po chen po 'phags skyes po dang / rgyal po chen po mig mi bzang dang / rgyal po chen po rnam thos kyi bu dang / rgyal po chen po bzhi po thams cad kyang / g.yog brgya stong dum dang bcas pa dang / gnod sbyin kum bi ra dang / babrog gnas dang / khabaspu dang / yid babadra dang / blo gros bzang po dang / dbyib babadra dang / kun nas kha dog dang / gnod sbyin mi 'khrug pa dang / de dag dang gnod sbyin gzhan brgya stong dang yang thabs cig go// yang de'i tshe bcom ldan 'das rgyal po'i khab kyi grong khyer chen por nye bar gnas shing bzhugs te/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa dag dang / 'khor bzhi rnams kyis bsti stang du byas/ bla mar byas/ rim gror byas nas mchod cing gsol te/ bcom ldan 'das bza' ba dang / bca' ba dang / myang ba dang / na bza' dang / zhal zas dang / gzims cha dang / spun gyi gsos sman dang / yo byad bzang po mang po bzhes so// yang de'i tshe bcom ldan 'das snga dro'i dus kyi tshe/ shama? thabs dang chos gos gsol/ lhung bzed bsnams te/ dge slong gi dge 'dun chen po dang thabs cig tu lha bye ba khrag khrig brgya stong gis yongs su bskor cing mdun du bdar te/ sangs rgyas kyi mthu chen po dang / sangs rgyas kyi rnam par rol pa chen po dang / sangs rgyas kyi cho 'phrul chen po dang / sangs rgyas kyi rdzu 'phrul chen pos/ me tog ut+pa dang / ku mu da dang / pad+ma dkar po'i char chen po ni mngon par 'bebs/ sil snyan brgya stong ni dkrol nas/ rgyal po'i khab kyi grong khyer chen por rgyal po sa skyes dgra'i khyim du bsod snyoms kyi phyir gshegs te/ 'od zer bye ba khrag khrig brgya stong yang rab tu phyub do// de nas de'i tshe bcom ldan 'das kyis ji lta bu'i rdzu 'phrul mngon par 'du mdzad pa mngon par mdzad pas zhabs gang dang gang du gzhag pa'i zhabs bzhig pa de dang der pad+ma shing rta'i phang lo tsam 'dab ma ni gser/ chu ba ni dngul/ ze ba ni bain+d+haR+ShA/ snying po ni nor bu bzang po dang ldan pa rnams byung ste/ pad+ma de dag gi dbus kyi snying po la byang chub sems dpa'i gzugs skyil mo krung bcas te 'dus pa dag 'byung ba de lta bu'i rdzu 'phrul mngon par 'du mdzad pa mngon par mdzad do/ / de nas byang chub sems dpa'i gzugs de dag pad+ma de dag dang bcas te/ rgyal po'i khab kyi grong khyer chen po la lan bdun du bskor ba byed cing tshigs su bcad pa 'di dag smras so// skye bo rnams la phan mdzad ded dpon gang / yon gyi gnas gang dge ba rnam mdzad pa/ shAkya khyu mchog blo zhi bdag nyid che/ 'jig rten mgon po de ni grong du gshegs// lha yi gnas su gang rnams rtsen pa dang / de bzhin rga dang 'chi las thar 'dod dang / / bdud kyi sde rnams pham par gang 'dod pa// des ni shAkya'i seng ge mchod par gyis// 'gro ba rnams la pham ning thugs bcu'i phyir// bskal pa bye bar spyad pa rnams spyod pa/ / thub pa rnams kyi sgra yang rnyed par dka'// thub pa de ring rgyal po'i khab gshegs bzhed// zas skom de bzhin gos dang bzhon pa dang // bu dang bu mo chung ma rnams dang ni/ / sbyin pa dpag med bsam las gang btang ba// kun mkhyen de ni rgyal po'i khab tu gshegs// lag parkang pa mig dang rna ba dang // sna dang yan lag dam pa mgo btang ste/ / kun btang yon tan ldan pa gtong 'dod pa// des ni kun mkhyen ye shes mchog brnyes so// sbyin dang dul dang sdom la gang bslabs shing // skyes bu dam pa tshul khrims ma nyams pa/ / bzod pa'i bdag nyid yon tan mchog ldan pa// zhi ba'i thugs de grong du deng gshegaso so// sdug bsngal bying ba'i 'jig rten rab gzigs nas// brtson mchog bskal pa bye bar gang spyod cing // bsam gtan mtha' yas mnyam pa med dang ldan// tshangs dbyangs de ni de ring grong khyer gshegs// drang srong chen po de yi shes rab ni/ / mtshungs med nam mkha'i khams ltar dpag tu med// bde gshegs de yi yon tan gzhan dag kyang // spyod pa dang ni rnam par smin pas sbyangs// blo ldan gang gis bdud kyi sde bcom zhing / / mi g.yo go' phang mya ngan med pa brnyes// chos kyi 'khor lo tshul bzhin rab bskor te// chos kyi dbang phyug doni sto khyer gshegs// mtshan rab sum cu rtsa gnyis brgyan pa'i sku// bde gshegs 'gyur bar su dag 'dod pa ni// snying la rdzogs pa'i byang chub sems zhog ste// mchod pa'i phyir ni de yi thang du song / 'dod chags zhe sdang gti mug spang ba dang // de bzhin nyon mongs gzhan las rgyal 'dod pa// de ni ston pa'i thang du nyer song la// mchod pa rnam mang mtha' yas myur du gyis// tshangs pa dang ni lha yi dbang phyug dang / / brgya byin nyid ni thob par su 'dod cing // lha yi bde bas rtag tu rtsen dga' ba// de ni thub pa mchod phyir nye bar song // gling bzhi'i bdag po rgyal por 'gyur bya zhing / / rin chen mchog bdun rang gis thob pa dang // bu mchog stong rnams kyang ni gang 'dod pa// sems can mchog la des myur mchod pa gyis// khyim bdag chong dpon khams kyi rgyal po dang / / mdzes pa'i gzugs dang g.yog 'khor dam pa dang // longs spyod 'phel ba'i mchog rnams gang 'dod pa// don dang song thub la mchod pa gyis// gang sunam par grol dang 'grol ba kun/ / thub pa rnams kyi chos mchog thos nas te// 'dren pa rnams kyi sgra yang 'dir dkon gyis// de phyir chos nyan du ni deng myur ngeng / de nas rgyal po'i khab kyi mong khyer chen po nas srog chags bye ba khrag khrig brgya stong mang po dag tshigs su bcad pa de dag gis bskul nas/ skyes pa dang / bud med dang / khye'u dang / bu mo rnams me tog dang / bdug spos dang / 'phreng ba dang / byug pa dang / phye ma'i phur ma thogs/ gser dang dngul gyi me tog gi phur ma thogs/ gdugs dang / rgyal mtshan dang / ba dan thogs rnga bo che dang / dung dang / rdza rnga dang / 'khar dzA dang / pi wang rgyud gcig pa dang / sgra snyan dang / gling bu dang / khur dkrol dang / kim pa la dang / na ku la dang / pi wang thogs te/ de bzhin gshegs pa yid la byed cing / de bzhin gshegs pa la sems te/ sangs rgyas dang ldan pa'i yid la byed pas dga' ba dang mchog tu dga' ba thob cing 'khod pabapar 'gyur to/ / de nas bcom ldan 'das rgyal po'i khab kyi grong khyer chen por gshegs te/ bcom ldan 'das kyi zhabs g.yas pa sgo'i them pa la gzhag ma thag tu de nas grong khyer thams cad kyang rnam pa drug tu rab tu g.yos/ lha dang mi'i sil snyan brgya stong yang ma dkrol bar sgra byung / lha'i me tog gi char yang rab tu bab ste/ sems can long ba rnams ni mig gis gzugs rnams mthong / sems can 'on pa rnams ni rna bas sgra thos/ sems can spros pa rnams ni dran pa thob/ sems can yid brel ba rnams ni rtse gcig pa thob/ sems can gcer bu rnams ni gos rnyed/ sems can bkren pa rnams ni zas rnyed/ sems can dbul po rnams ni nor rnyed do// de'i tshe na sems can gang yang 'dod chags kyis gzir ba med de/ zhe sdang gis ma yin/ gti mug gis ma yin/ phrag dog gis ma yin/ ser snas ma yin/ khro bas ma yin/ nga rgyal gyis ma yin de'i tshe na sems can thams cad kyang byams pa'i sems dang phan pa'i sems dang ldan zhing / phan tshun du pha mar 'du shes par gyur to// de la 'di skad ces bya ste/ sangs rgyas skyes bu'i seng ge che/ / stobs bcu grong khyer nam gshegs tshe// de yi mod la skye bo rnams// bde ba rgya chen dri med thob// long ba'i mig rnams mthong bar gyur// 'on pa thos pa'i rgyu yang skye/ / smyos pa dag ni dran pa rnyed// yid brel rtse gcig de bzhin no// gcer bu dag ni gos rnyed de/ bkres pa dag gis zas thob bo// skyes bu gang su dbul po yang // dga' bar nor rnams rnyed par gyur/ / lha rnams bye ba mang po yang // mkha' la gnas shing stobs rab mchod// smra ba'i seng ge mchod pa'i phyir// me tog char yang rab tu 'bebs// dza dang rdza rje sil snyan dung // nyams dga' byed pa dpag med pa// sangs rgyas kyi ni bsod nams kyis// grong khyer 'jug tshe sgra yang byung // grong khyer kun tu rab g.yos te// de tshe nyams dga' mnyam par gnas/ / skye bos ngo mtshar 'di mthong nas// dga' ba shin tu rgya chen thob// 'dod chags kyis ni mi gzir zhing // de tshe khro blun ser sna med// nga rgyal la sog nyes pas kyang / / gzir ba de tshe ma lus med// dga' bas khyab cing dang ba ste// mi rnams pha mar 'du shes gyur// gang tshe sangs rgyas stobs bcu po// skye bo de phyir grong gshen tshe/ mi yi ma yin sil snyan rnams// ma dkrol bar ni sgra yang 'byung // 'jig rten lha min lha mir bcas// bde gshegs 'od kyis rgyas par gang // de ltar gang tshe sangs rgyas ni/ / 'grol phan phyir grong gshegs pa// de tshe ngo mtshar rmed byung ba// rnam pa mang po rab tu gda'// de nas bcom ldan 'das rgyal po'i khab kyi grong khyer chen por gshegs pa dang / tshong dpon shing sa la chen po lta bu'i bu sdig bcom zhes bya ba byang chub sems dpa' khyim par gyur pa grong bar zhig na 'dug ste/ byang chub sems dpa' sdig bcom gyis/ bcom ldan 'das mdzes pa/ dga' bar 'gyur ba/ dbang po zhi ba/ thugs zhi ba/ dul ba dang / zhi gnas mchog brnyes pa/ dul ba dang zhi gnas mchog gis pha rol tu byon pa/ bsdams pa/ glang po ltar dbang po thul ba// mtsho ltar dang ste rnyog pa med cing gsal ba/ skyes bu chen po'i mtshan sum cu rtsa gnyis dang ldan pa/ dpe byad bzang po brgyad cus sku legs par brgyan pa/ kha dog bzang po rgyas pa/ mchog dang ldan brgyang ring po nas gshegs pa mthong ngo // mtho nas kyang de bcom ldan 'das la sems shin tu dad par gyur to/ / de sems shin tu dad nas bcom ldan 'das ga la ba der song ste phyin pa dang / bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'dug go// phyogs gcig tu 'dug nas byang chub sems dpa' sdig bcom gyis bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po chos du dang ldan+da na/ myur du bla na med pa yang dag par rdzogs pa'i byang chub mngon par rdzogs par 'tshang rgya zhing / sangs rgyas kyi zhing yang yongs su sbyong / sangs rgyas kyi zhing gi yon tan bkod pa ji lta bu 'tshal ba de lta bu yang yongs su 'dzin par 'gyur/ de nas bcom ldan 'das kyis byang chub sems dpa' sdig bcom la thugs brtse ba dang / skye bo'i tshogs chen po 'dul ba'i dbang gi phyir grong bar gyi phyogs gcig tu bzhugs so/ / phyogs gcig tu bzhugs pa dang / bcom ldan 'das mthong nas srog chags brgya stong ma po dag kyang lhag par gyur to/ / bar snang las kyang lha bye ba khrag khrig brgya stong du ma dag gus pa dang bcas/ zhes dang bcas par thal mo sbyar te/ bcom ldan 'das la phyag 'tshal nas 'khod do// de nas bcom ldan 'das kyis/ byang chub sems dpa' sems dpa' chen po sdig bcom la bka' stsal pa/ rigs kyi bu byang chub sems dpa' sems dpa' chen po chos gcig dang ldan na myur du bla na med pa yang dag par rdzogs pa'i byang chub mngon par rdzogs par 'tshang rgya zhing / sangs rgyas kyi zhing yang yongs su sbyong/ sangs rgyas kyi zhing gi yon tan bkod pa ji lta bu 'dod pa de lta bu'ang yongs su 'dzin to/ / chos gcig pu gang zhe na/ rigs kyi bu 'di la byang chub sems dpa' sems dpa' chen po sems can thams cad la snying rje zhing lhag pa'i bsam pas bla na med pa yang dag par rdzogs pa'i byang chub tu sems bskyed pa'o/ / de la lhag pa'i bsam pa khong du chud par bya ba gang zhe na/ rigs kyi bu lhag pa'i bsam pa zhes bya ba ni gang byang chub kyi phyir sems bskyed nas mi dge ba'i las gang yang mi spyod pa'o/ / ci mi spyod ce na/ 'dod chags mi spyod/ zhe sdang mi spyod/ gti mug mi spyod/ khyim pa'i rtags la sred pa mi spyod do/ rab tu byung nas kyang rnyed pa dang / bkur sti dang / tshigs su bcad pa mi 'dod cing / gang rab tu byung ba'i bsgrub pa de la gnas pa yin no// de la rab tu byung ba'i bsgrub pa gang zhen/ 'di lta ste/ chos thams cad yang dag pa ji lta ba bzhin du rab tu rtogs pa'o// chos thams cad yang dag pa ji lta ba bzhin du rab tu rtogs pa gang zhe na/ rigs kyi chos thams cad ces bya ba ni phung po dang / khams dang / skye mched dang / 'dus byas dang / 'dus ma byas kyi chos rnams so// phung po lnga rab tu rtogs pa ji ltar rab tu rtogs she na/ phung po lnga rnams sgyu ma lta bu dang / dben pa dang / stong pa dang / dmigs pa med pa dang / ma skyes pa dang / ma 'gags par rab tu rtogs pa ste/ ji ltar rab tu rtogs pa'ang yang dag par rjes su mi mthong ba de ltar rab tu rtogs pa'o// gang gi tshe yang dag par rjes su mi mthong / mi shes/ rlom sems mi byedami rtog/ rnam par mi rtog pa de'i tshe/ rtog pa thams cad nye bar zhi ba ni phung po rab tu rtogs pa zhes bya'o// gang phung po rab tu rtogs pa de chos thams cad rab tu rtogs pa ste/ rigs kyi bu 'di ni rab tu byung ba'i bsgrub pa zhes bya'o// de ltar zhugs pa'i byang chub sems dpa' sems dpa' chen po ni sems can rnams yongs su mi gtong ngo // de ci'i phyir zhe na des ji ltar bdag gis chos de dag yongs su shes par gyur pa de ltar sems can thams cad la ston kyang / sems can dang chos kyang mi dmigs te/ rigs kyi bu byang chub sems dpa sems dang rten ba rnam gcig su 'di dang ldan nA/ sbyar dab med pa yang drug byar rdzogs pa'i byang chub mngon par rdzogs par badzud du ning / sangs rgyas kyi ring yongs su spyod/ rgyas kyi zhing gi yon tan bkod pa ji lta bu 'dod pa dri lta bu'ang yongs su 'dzin to/ / bcom ldan 'das kyis sangs rgyas kyi zhing gi yon tan bkod pa yongs su bsgrub pa'i chos kyi sgo 'di bshad pa na/ byang chub sems dpa' sdig bcom mi skye ba'i chos la bzod pa thob par gyur te/ de dga' ba dang mchog tu dga' ba des shing ta la bdun srid tsam du bar snang la mngon par 'phags so/ / 'khor de'i nang nas srog chags nyis stong gis bla na med pa yang dag par rdzogs pa'i byang chub tu sems bskyed do// lha dang mir bcas pa'i skye dgu'i srogs chags bzhi khri nyis stong ni chos rnams la chos kyi mig rdul med cing dri ma dang bral ba rnam par dag go/ / de nas bcom ldan 'das kyis de'i tshe 'dzub pa mdzad do// 'di ni sangs rgyas bcom ldan 'das rnams gang gi tshe 'dzum pa mdzad pa'i chos nyid de/ de'i tshe bcom ldan 'das kyi zhal gyi sgo nas kha dog du ma kha dog sna tshogs kyi 'od 'phro ba 'di lta ste/ sngon po dang / ser po dang / dmar po dang / dkar po dang / le brgan dang / shel dang / dngul gyi kha dog lta bu rnams byung ste/ de dag gis 'jig rten gyi khams mtha' yas mu med pa dag snang bas khyab par byas nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub bo// de nas tshe dang ldan pa kun dga' bo stan las langs nas/ bla gos phrag pa gcig tu gzar te/ pus mo g.yas pa'i lha nga sa la btsugs nas/ bcom ldan 'das ga la ba de logs su thal che sbyar ba btud de/ bcom ldan 'das la tshigs su bcad pa 'di dag gsol to// chos rnams kun la mnga' dbang pha rol phyin// 'dren pa khyod ni rgyal ba'i stobs la mnga'// khyod ni thams cod mkhyen par 'jig rten grags/ / ci yi spyad du 'dzum pa 'di bstan gsungs// thub pa chen po 'das pa ma lus mkhyen// de bzhin ma 'ongs ma lus rnams kyang mkhyen// da ltar dag kyang mkhyen pa ma smad pa/ / ci srad khyod kyis 'dzum pa 'di mdzad gsungs// rab 'bring tha ma'i sems dang ldan pa yi// sems can thams cad kyi ni spyod pa mkhyen// chag grol srid pa'i 'du shes pha rol phyin/ / mi 'dul kha lo sgyur ba lung bstan gsol// lha rnams bye ba khrag khrig kun lhags te// skyon ma mchis la thal sbyar phyag 'tshal zhing // skye bo chos spyod 'di dag kun sdod kyis/ / thub pa chen po mtshungs med gsung dbyung gsol// khyod ni ye shes pha rol phyin// khyod la 'khrul pa yong mi mnga'/ spyod pa'i bye brag kun mkhyen pa// ci zhig slong badzum pa bstan/ / bye ba khrag khrig phrag stong lha 'di dag/ chos rnams btsal ba'i slad du 'dir lpalhags te// de bzhin dge slong tshogs kyang mang po dag/ dam pa'i chos rnams nyan par 'tshal ba mchis/ / khyod la mchod pa'i phyir ni sil snyan rnams// rab tu bzang zhing mang brdung bar bgyid// skye bo mang po the tsom 'tshal ba kun// thub pa deng 'dir the tsom myur gcad gso de skad ces gsol pa dang / / bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo byang chub sems dpa' sems dpa' chen po sdig bcom 'di shing ta la bdun srid tsam du steng gi bar snang la 'dug pa mthong ngam/ kun dga' bos gsol pa/ bcom ldan 'das mthong lags so// bde bar gshegs pa mthong lags/ so// bcom ldan 'das kyis bka' stsal pa/ kun dga' bo byang chub sems dpa' sems dpa' chen po sdig bcom 'di bskal pa grangs med pa brgya stong phrag drug cu rtsa gnyis na/ bla na med papa yang dag par rdzog pa'i byang chub mngon par rdzogs par 'tshang rgya bar 'gyur te/ bskal pa rims nad med pa la/ stong gsum gyi stong chen po'i 'jig rten gyi khams 'di nyid du/ de bzhin gshegs pa dgra bcom pa yang dag par rdzogs pa'i sangs rgyas rab tu zhi zhing dul ba'i dbang phyug ces bya ba 'jig rten du 'byung ste/ kun dga' bo dper na da ltar de bzhin gshegs pa mi 'khrugs pa'i 'jig rten gyi khams mngon par dga' ba na/ sangs rgyas kyi zhing gi yon tan bkod pa dang / nyan thos phun sum tshogs pa dang / byang chub sem dpa' phun sum tshogs pa de 'dra bar/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rab tu zhi zhing dul ba'i dbang phyug de'i sangs rgyas kyi zhing na'ang de las mi lhag mi thub par 'gyur ro/ / de skad ces bka' stsal nas// bcom ldan 'das phyogs de nas gshegs te/ mthar gyis rgyal po ma skyes dgra'i khyim ga la ba der gshegs nas byon pa dang / bcom ldan 'das gdan bshams pa la bzhugs so// dge slong gi dge 'dun rnams kyang stan ci 'os pa dag la 'khod do// de nas rgyal po ma skyes dgras/ bcom ldan 'das dang dge slong gi dge 'dun bzhugs par rig nas/ bdag nyid lag dar te/ bza' ba dang / bca' ba dang / myang ba bzang po mang pos/ de bzhin gshegs pa dang / dge slong gi dge 'dun la bstabs te tshims par byas so/ / bstabs te tshims par byas nas/ de bzhin gshegs pa bshos gsol ba dang lhung bzed bzhag cing phyag bcabs par rig nas/ bcom ldan 'das la ras bcos bu zung rin thang med pa sku la gsol to/ / skal gsol nas kyang bcom ldan 'das dang / dge slong gi dge 'dun la phyag 'tshal te/ stan ran pa zhig blangs nas phyogs gcig tu 'dug go/ / phyogs gcig tu 'dug nas rgyal po ma skyes dgras/ bcom ldan 'das la 'di skad ces gsol to// bcom ldan 'das gnod sems dang / tha ba dang / zhe sdang dang / 'chab pa gang nas 'byung ba lags/ mi shes pa ci las skye ba lags/ mi shes pa ji ltar 'gag pa lags/ de skad ces gsol pa dang / bcom ldan 'das kyis/ rgyal po ma skyes dgra la 'di skad ces bka' stsal to/ / rgyal po chen po ngar 'dzin pa dang nga yir 'dzin pa yod pa las gnod sems dang / tha ba dang // zhe sdang dang / 'chab pa 'byung bar 'gyur ro// ngar 'dzin pa dang nga yir 'dzin pa la gnas pas yon tan dang nyes pa mi shes te/ de bas na mi shes pa zhes bya'o// gang ngar 'dzin pa dang nga yir 'dzin pa de yang dag pa ji lta ba bzhin du yongs su shes pa de la ni shes pa 'am/ mi shes pa zhes gdags par mi nus so// de bas na rgyal po chen po khyod kyis 'du byed thams cad la gar yang 'gro ba dang / gang nas kyang 'ong bar mi gdagra pa de ltar brlabs par bya'o/ / rgyal po chen po gang gar yang mi 'gro/ gang nas kyang mi 'ong ba de la chos gang yang 'gro ba'am/ 'ong ba med do// gang la 'ong ba dang 'gro ba med pa de la skye ba med 'gag pa med de/ gang mi skye mi 'gag pa de shes pa'o// shes pa de ji lta bar mi shes pa'ang de bzhin no// de ci'i phyir zhe na/ nges par 'byung ba'am/ nges par mi 'byung ba'i chos de gang yang myi shes pa'i phyir ro/ / gang gi rmo nges par 'byung ba 'am/ nges byar mi 'byung ba'i chos de gang yang mi shes pa ro / ye shes can zhes bya/ / de nas bcom ldan 'das la/ rgyal po ma skyes dkyus 'di skad ces gsol to// bcom ldan 'das ji tsam du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis legs par gsungs pa ngo mtshar to/ / bcom ldan 'das gal te bdag par skabs 'di kho nar 'gum pa'i dus bgyis par gyur na ni/ bdag nyi mtshams sbyor bar mi 'gyur ro/ / de nas bcom ldan 'das kyis/ rgyal po ma skyes dgra la chos kyi gtam yang dag par bstan/ yang dag par 'dzin du bcug/ yang dag par gzengs bstod/ yong dag par rab tu dka' bar mdzad nas/ gdan las bzhengs te kau shegs nas phyi dro'i dus kyi tshe/ yang chos kyi sbyin pa la 'du bar 'gyur ba mdzad do// de nas bcom ldan 'das zas phyis len pa spangs te/ lhung bzed dang chos gos bzhag nas zhabs bkrus te nang du yang dag 'jog pa'i phyir gnas khang du gshegs so// de nas bcom ldan 'das phyi dro'i dus kyi tshe/ nang du yang dag 'jog las bzhengs nas/ ri'i rgyal po bye rgod kyi phung po ga la ba der gshegs te byor nas/ 'di lta ste/ chos yang dag par rab tu bstan pa phyir bcom ldan 'das gdan bshams pa la bzhugs so/ / tshe dang ldan pa shA ri'i bu dang / nyan thos chen po gzhan dag kyang de bzhin du nang du yang dag 'jog las langs nas/ ri'i rgyal po bya rgod kyi phung po ga la ba dang / bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ lan gsum bskor ba byas te phyogs gcig tu 'khor do/ / 'jam dpal gzhon nur gyur pa'ang nang du yang dag 'jog las langs te/ lha'i bu bzhi khri nyis stong thams cad kyang theg pa chen po la yang dag par zhugs pa sha stag gis yongs su bskor cing mdun du ba dar nas/ lhan cig tu bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'khod do// byang chub sems dpa' sems dpa' chen po byams pa'ang byang chub sems dpa' stong tsam gyis yongs su bskor cing mdun du bdar nas/ lhan cig tu bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// byang chub sems dpa' sems dpa' chen po seng ge'i rtsal gyis mngon par bsgrags pa'i sgra'ang byang chub sems dpa' lnga brgya tsam gyis yongs su bskor cing mdun du bdar nas/ lhan cig tu bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// rgyal po ma skyes dgra'ang dpung gi tshogs yan lag bzhis yongs su bskor cing mdun du bdar nas/ lhan cig tu ri'i rgyal po bya rgod kyi phung po ga la ba dang / bcom ldan 'das ga la ba der dong ste phyin nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ / rgyal po'i khab kyi grong khyer chen po nas kyang srog chags bye ba khrag khri ga brgya stong du ma ri'i rgyal po bya rgod kyi phung po'i rig la ba dang / bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do// de nas sangs rgyas kyi mthus/ tshe dang ldan pa shA ri'i bu stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das rgyal po'i khab kyi grong khyer chen po'i grong bar du/ byang chub sems dpa' sems dpa' chen po sdig bcom gyis/ gang 'di byang chub sems dpa' sems dpa' chen po rnams kyi sangs rgyas kyi zhing gi yon tan bkod pa la brtsams te/ yongs su zhus pa de'i lan bcom ldan 'das kyis mdo tsam zhig bka' stsal na/ bcom ldan 'das kyis de'ang byang chub sems dpa' sems dpa' chen po rnams kyi zhing gi yon tan bkod pa yongs su 'grub pa de las brtsams te/ ji ltar spong ba'i byang chub sems dpa' sems dpa' chen po bla na me pa yang dag par rdzogs pa'i byang chub las phyir mi ldog pa dang / thams cad mkhyen pa khong du chud par 'gyur ba dang / bdud kyi sde rnams pham par bgyid pa dang / gzhan mu stegs can rnams tshar gcod par 'gyur ba dang / nyon mongs pa zil gyis gnon par 'gyur ba/ sangs rgyas kyi zhing gi yon tan bkod pa yongs su sbyong bar 'gyur pa dang / smon lam yongs su rdzogs par 'gyur ba dang / shes rab yongs su nyams par mi 'gyur ba dang / sangs rgyas kyi sa la 'jug par 'gyur ba dang / nyan thos dang rang sangs rgyas kyi sa yongs su spong bar 'gyur ba dang / pha rol tu phyin pa drug spyod par 'gyur ba dang / thams cad mkhyen pa nyid mthob ste/ byang chub sems dpa' gyur bzhin du chos kyi 'khor lo rab tu skor bar 'gyur ba dang / sems can dpag tu ma mchis grangs ma mchis pa'i don bgyid par 'gyur ba ltar chos legs par rab tu bstan du gsol/ bcom ldan 'das 'khor 'di ni rigs kyi bu dang / rigs kyi bu mo byang chub don du gnyer ba 'dus shing mchis pa gang rnams/ bcom ldan 'das las chos mngon sum du thos nas dga' ba dang mchog tu dga' ba rgya chen po thob par gyur te/ de dag dga' ba dang mchog tu dga' ba thob nas/ ji ltar thob pa bzhin du tan gyis bsgrub par 'gyur ba dag mchis so/ / de nas bcom ldan 'das 'di snyam du dgongs te/ 'di lta bu'i chos bstan par byas na 'khor 'di lta bu ni mi mdzes kyi/ ngas ji lta bu'i rdzu 'phrul mngon par 'du bya ba mngon par byas nas/ phyogs bcu kun tu phyogs re rer yang 'od zer bye ba khrag khrig brgya stong mang po bkye la/ 'od zer re res kyang sangs rgyas kyi zhing bye ba khrag khrig brgya stong mang po snang bas khyab par byas te/ sangs rgyas kyi zhing de dag tu nyi ma dang zla ba'i 'od kyang mi snang zhing / de dag 'od zer de dag gis zil gyis mnan nas/ phyir mig gi dbang po la snang bar mi 'gyur ba dang / lha rnams kyi 'od kyi 'od kyang mi mngon pa dang / klu dang / gnod sbyin dang / nor bu dang / glog dang / me dang / skar ma'i gzugs dang / sems can gzhan gang gi 'od kyang mi mngon par 'gyur ba dang / gang phyogs bcu'i 'jig rten gyi khams mtha' ya sa mu med pa'i 'khor yug dang / khor yug chen po dang / btang bzung dang btang bzung chen po dang / ri'i rgyal po ri rab dang / de ma yin pa gzhan ri'i rgyal po nag po dag dang / rtsig pa dang / shing dang / nagra tshal de dag thams cad 'od zer de dag gis thal byung du snang bar 'gyur ba de lta bu'i rdzu 'phrul mngon par 'du bya ba mngon par bya'o snyam du sems so/ / de nas bcom ldan 'das kyis de lta bu'i 'od zer bkye nas/ gsung bsal ba'i sgra mdzad pa dang / gsung bsal ba'i sgra des phyogs bcu kun tu 'jig rten gyi khams mtha' yas mu med pa dag sgras go bar gyur to// yang de'i tshe na shar phyogs su sangs rgyas kyi zhing 'di nas sangs rgyas kyi zhing gang+gA'i klung brgyad cu rtsa bzhi'i bye ma snyed 'das pa na/ 'jig rten gyi khams kun nas 'od ces bya ba de na de bzhin gshegs pa dgra bcom pa yang dag par rdzogs pa'i sangs rgyas dpal brtsegs rgyal po zhes bya ba da ltar yang bzhugs te/ 'tsho zhing gzhes la chos kyang ston to// sangs rgyas kyi zhing de na nyan thos dang rang sangs rgyas rnams kyi ming yang mi skra ga ste/ sangs rgyas kyi zhing de byang chub sems dpa' sems dpa' chen po 'ba' zhig gis yongs su gang ngo // sangs rgyas kyi zhing de na byang chub sems dpa'i cho gas re re la'ang byang chub sems dpa' sems dpa' chen po phyir mi ldog pa bye ba khrag khrig brgya brgya yod do/ / sangs rgyas kyi zhing de na byang chub sems dpa' sems dpa' chen po chos 'phags zhes bya ba zhig gnas te/ ci'i phyir byang chub sems dpa' de chos 'phags shes bya zhe na/ byang chub sems dpa' de/ bcom ldan 'das dpal brtsegs rgyal po de bzhin gshegs pa de byang chub sems dpa'i dge 'dun gyis yongs su bskor cing chos spyod pa'i spyan snun/ shing bdun srid tsam du bar sdang yi 'phags te/ lus mi sdang bar gang 'di byang chub sems dpa'i sna snod ces bya ba'i chos kyi rnam grangs rdo rje'i tshig gi gzungs kyi chos ston to// nas byang chub sems dpa' de dag 'di snyam du sems te/ chos 'di dag thams cad ni sgra tsam mo// de ci'i phyir zhe na/ 'di ltar rigs kyi bu 'di'i lus mi snang mod kyi bshad pa'ang zag la/ sgra'ang 'byin te/ gzugs yongs su grub pa'ang mi snang ngo // sgra ji lta bar gzugs kyang de bzhin no// gzugs ji lta ba chos thams cad kyang de bzhin no snyam mo/ / de ltar rab tu shes pas byang chub sems dpa'i dpag tu med pa rnams bzod pa thob ste/ de'i phyir byang chub sems dpa' de chos 'phags shes bya'o/ / byang chub sems dpa' chos 'phags des snang ba chen po de'ang mthong / gsungs bsal ba'i sgra de'i ngo thos te/ mthong zhing thos nas/ bcom ldan 'das dpal brtsegs rgyal po de bzhin gshegs pa de ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go/ phyogs gcig tu 'dug nas kyang / byang chub sems dpa' sems dpa' chen po chos 'phags kyis/ bcom ldan 'das de la 'di skad ces gsol to/ / bcom ldan 'das snang ba chen po 'di 'jig rten du byung zhing gsung bsal ba'i sgra chen po'ang gda' ba 'di'i rgyu gang lags/ rkyen gang lags/ bcom ldan 'das snang ba 'di lta bu ni sngon ma mthong ngo // de skad ces gsol pa dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas dpal brtse gis rgyal pos/ byang chub sems dpab sems dpa' chen po chos paphags la 'di skad ces gaka' stsal to// rigs kyi bu sangs rgyas kyi zhing 'di nas nub phyogs su sangs rgyas kyi zhing gang+gA'i klung brgyad cu rtsa bzhi'i bye ma snyed 'das pa na/ 'jig rten gyi khams mi mjed ces bya ba yod de// de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes so// de bzhin gshegs pa des gang 'di phyogs bcu'i 'jig rten gyi khams bye ba khrag khrig brgya stong tshad med pa grangs med pa dag nas byang chub sems dpab bsdu ba dang / 'di lta ste/ chos bsgrag par bya ba'i phyir/ ba spu'i khung bu thams cad nas 'od zer 'di dag btang ste/ gsung bsal ba'i sgra phyung ngo // de nas bcom ldan 'das de bzhin gshegs pa dpal brtsegs rgyal po de la/ byang chub sems dpa' sems dpa' chen po chos 'phags kyis 'di skad ces gsol to/ / bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen pakur bgyi ba dang / byang chub sems dpa'i dge 'dun de dag la'ang blta ba dang chos de'ang nyan du mchi'o/ / bcom ldan 'das des bka' stsal pa/ rigs kyi bu khyod da de'i dus la bab par shes na song zhig/ de nas byang chub sems dpa' sems dpa' chen po chos 'phags byang chub sems dpa' stong phrag drug khri sum stong gis yongs su bskor cing mdun du bdar nas/ 'di lta ste/ dper na skyes bu stobs po che sa lag pa bskum pa las brkyang ba dang / brkyang ba las bskum pa tsam gyis skad cig yud tsam de nyid la sangs rgyas kyi zhing de nas mi snang bar gyur nas/ 'jig rten gyi khams mi mjed 'dir gnas so// de nas byang chub sems dpa' chos 'phags de'i tshe/ byang chub sems pa'i ting nge 'dzin rgyan thams cad kyis brgyan pa zhes bya ba la snyoms par zhugs so// byang chub sems dpa' sems dpa' chen po chos 'phags ting nge 'dzin de la snyoms par zhugs ma thag tu/ de nas skad cig de nyid la stong gsum gyi stong chen po'i 'jig rten gyi khams 'di me tog gi tshogs chen pos pus mo nu ba tsam du gang bar gyur to/ / sil snyan brgya stong gi sgra'ang byung ngo // 'jig rten gyi khams 'di gdugs dang / rgyal mtshan dang / ba dan bsgreng bas kyang legs par brgyan par gyur to/ / spos mchog gis kyang yang dag par bdugs te/ gzhan 'phrul dbang byed kyi lha'i longs spyod dang khyad par med par gyur to// de nas byang chub sems dpa' sems dpa' chen po chos 'phags kyis rdzu 'phrul gyi cho 'phrul rnam pa 'di lta bu bstan nas/ byang chub sems dpa' sems dpa' chen po de dag dang lhan cig tu bcom ldan 'das shA kya thub pa ga la ba der dong ste lhags nas/ bcom ldan 'das kyi zhabs la mgo bos phyag 'tshal tete/ bcom ldan 'das la lan gsum bskor ba byas nas/ smon lam ji lta ba bzhin du byung ba'i pad+ma dag la 'khor dang bcas te phyogs gcig tu 'khord do// yang de'i tshe lho phyogs su sangs rgyas kyi zhing 'di nas sangs rgyas kyi zhing bye ba khrag khrig gang+gA'i klung dgu bcu rtsa drug gi bye ma snyed 'das pa na/ 'jig rten gyi khams rdul med pa zhes bya ba de na de bzhin gshegs pa dgra bcom pa yang dag par rdzogs pa'i sangs rgyas seng ge'i rtsal gyis bsgyings pa zhes bya ba da ltar yang bzhugs te/ 'tsho zhing gzhes la/ byang chub sems dpa'i dge 'dun dpag tu med pas yongs su bskor cing chos ston to// sangs rgyas kyi zhing de na nyan thos dang rang sangs rgyas rnams med do/ / yang sangs rgyas kyi zhing de na byang chub sems dpa' sems dpa' chen po lag na rin po che zhes bya ba zhig gnas te/ byang chub sems dpa' de ci'i phyir lag na rin po che zhes bya zhe na/ yang rigs kyi bu de nam sangs rgyas kyi zhing gzhan du sems can rnams la chos ston par 'dod pa de'i tshe/ lag pa g.yas pa brkyang nas/ sangs rgyas kyi zhing ji snyed du 'dod pa sangs rgyas kyi zhing de snyed lag gis byugs nas/ lag pa de las sangs rgyas rin po che'i sgra 'byung ngo // chos rin po che'i sgra dang / dge 'dun rin po che'i sgra 'byung ngo // sbyin pa dang / tshul khrims dang / bzod pa dang / brtson 'grus dang / bsam gtan dang / shes rab rin po che'i sgra 'byung ngo // byams pa dang / snying rje dang / dga' ba dang / btang snyo rin po che'i sgra 'byung ngo / / de dag dang gzhan yang chos rin po che'i sgra sna tshogs bye ba khrag khrig brgya stong 'byung ste/ de'i phyir rigs kyi bu de lag na rin po che zhes bya'o// byang chub sems dpa' lag na rin po ches snang ba chen po de'ang mthong / gsung bsal ba'i sgra de'ang thos te/ mthong zhing thos nas kyang / bcom ldan 'das de bzhin gshegs pa seng ge'i rtsal gyis sgyings pa ga la ba der dong ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'du gnas kyang byang chub sems dpa' sems dpa' chen po lag na rin po ches/ bcom ldan 'das de bzhin gshegs pa seng ge'i rtsal gyis bsgyings pa de la 'di skad ces gsol to// bcom ldan 'das snang ba chen po de 'jig rten du byung zhing / gsung bsal ba'i sgra chen po'ang gda' ba 'di'i rgyu gang lags/ rkyen gang lags/ bcom ldan 'das des bka' stsal pa/ rigs kyi bu byang phyogs su sangs rgyas kyi zhing 'di nas sa rgyas kyi zhing bye ba khrag khrig gang+gA'i klung dgu bcu rtsa drug gi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston to// de bzhin gshegs pa des gang 'di phyogs bcu'i 'jig rten gyi khams tshad med grangs med pa dag nas byang chub sems dpa' bsdu ba dang / 'di lta ste/ dam pa'i chos bsgrag pa'i phyir ba spu'i khung bu thams cad nas 'od 'di dag rab tu bkye zhing gsung bsal ba'i sgra phyung ngo / / yang rigs kyi bu de bzhin gshegs pa shAkya thub pa de sangs rgyas kyi zhing gi yon tan bkod pa zhes bya ba'i chos kyi rnam grangs bshad par bzhed de/ der byang chub sems dpa' dpag tu med pa rnams sangs rgyas kyi zhing gi yon tan bkod pa yongs su 'dzin par 'gyur ro/ / de nas bcom ldan 'das seng ge'i rtsal gyis bsgyings pa de la/ byang chub sems dpa' sems dpa' chen po la ga na rin po ches 'di skad ces gsol to// bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' 'dus pa de la'ang blta ba dang / chos bstan pa de'ang nyan du mchi'o// bcom ldan 'das des bka' stsal pa/ rigs kyi bu khyod der song ste ci rung / de ci'i phyir zhe na/ 'dod chags dang / zhe sdang dang / gti mug gis khebs pa'i sems can rnams dang phrad pas na/ 'jig rten gyi khams de ni sdug bsngal ba'o// de skad ces bka' stsal pa dang / byang chub sems dpa' sems dpa' chen po lag na rin po ches bcom ldan 'das de bzhin gshegs pa seng ge'i rtsal gyis bsgyings pa de la 'di skad ces gsol to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des don gyi dbang ci zhig gzigs na/ bcom ldan 'das sangs rgyas kyi zhing yongs su dag pa gzhan dag kyang mchis bzhin du/ de tsam du sangs rgyas kyi zhing ngan pa yongs su 'dzin// bcom ldan 'das des bka' stsal pa/ rigs kyi bu de bzhin gshegs pa dgra bcom pa yang dag par rdzogs pa'i sangs rgyas des nga ci nas kyang sems can ngan pa rnams kyi nang du/ bla na med pa yang dag par rdzogs pa'i byang chub mngon par rdzogs par sangs rgyas te chos bstan par bya'o zhes yun ring po nas smon lam btab par gyur te/ rigs kyi bu de bzhin gshegs pa shAkya thub pa de ni de ltar thugs rje chen po dang ldan no/ / de nas bcom ldan 'das de bzhin gshegs pa seng ge'i rtsal gyis bsgyings pa de la/ byang chub sems dpa' sems dpa' chen po lag na rin po ches 'di skad ces gsol to/ / bcom ldan 'das 'jig rten gyi khams mi mjed der bcom ldan 'das de bzhin gshegs pa shAkya thub pa de la blta ba dang / phyag bgyi ba dang / bsnyen bkur bgyi ba'i slad du mchi'o/ / de ci'i slad du zhe na/ 'di ltar thugs rje chen po bskyed de/ de tsam du sangs rgyas kyi zhing ngan pa yongs su bzung ba ni/ bcom ldan 'das de bzhin gshegs pa shAkya thub pa de dka' ba mdzad pa ste/ de bzhin gshegs pa dgra bcom pa yang dag par rdzogs pa'i sangs rgyas 'di lta bu ni 'byung bar dka' 'o// de mthong ba'ang rnyed par dka' 'o// bcom ldan 'das des bka' stsal pa/ rigs kyi bu khyod de'i dus la dbab par shes na song la/ rigs kyi bu khyod sangs rgyas kyi zhing der rab tu bsgrim par gyis shig/ smas par gyur ta re/ de ci'i/ phyir zhe na/ gang sangs rgyas kyi zhing der skyes pa'i byang chub sems dpa' de dag ni bsnyen par dka' ba'o// de na sems can gzhan de dag kyang gtum zhing khrob dag go/ / de skad ces bka' stsal pa dang / byang chub sems dpa' sems dpa' chen po lag na rin po ches/ bcom ldan 'das de bzhin gshegs pa seng ge'i rtsal gyis bsgyings pa de la 'di skad ces gsol to/ / bcom ldan 'das gang rjes su chags pa dang / khong khro bar 'gyur ba de ni sangs rgyas kyi zhing der smas par 'gyur gyi/ bcom ldan 'das pa dag la ni rjes su chag pa'ang ma mchis/ khong khro ba'ang ma mchis na/ bdag ci'i slang du smras par 'gyur/ bcom ldan 'das bdag la sems can thams cad kyis phyi ma'i mtha'i bskal par gshe zhing spros te/ bsdigs shing btsogs nas bong ba dang mtshon gyis btab kyang bzod par spro ste/ sems can gang la'ang gnod par bgyi ba'i sems mi skyed do// de nas bcom ldan 'das de bzhin gshes pa seng ge'i rtsal d+hI sgyings pa des/ rang gi byang chub sems dpa'i 'khor la bka' stsal pa/ rigs kyi bu dag khyed las gang byang chub sems dpa' lag na rin po che ltar bzod pa 'di lta bu yang dag par 'dzin par spro ba de rigs kyi byudi dang lhan cig tu 'jig rten gyi khams mi mjed der deng zhig/ bcom ldan 'das nges tshig de skad gsungs ma thag tu/ de nas byang chub sems dpa'i 'khor de'i nang nas byang chub sems dpa' dgu khri nyis stong gis dbyangs gcig tu bcom ldan 'das bdag cag kyang / byang chub sems dpa' lag na rin po che ltar bzod pa 'di lta bu yang dag par 'dzin par spro ste/ 'jig rten gyi khams mi mjed der mchi'o zhes gsol to// de nas byang chub sems dpa' sems dpa' chen po lag na rin po che/ byang chub sems dpa' dgu khri nyis stong gis yongs su bskor cing mdun du bdar te/ lhan cig tu sems bskyed pa gcig gis sangs rgyas kyi zhing nas mi snang bar gyur nas/ sangs rgyas kyi zhing 'dir gnas so// de nas byang chub sems dpal sems dpa' chen po la ga na rin po che 'di snyam du sems te/ bdag rdzu 'phrul gyi cho 'phrul ji lta bus bcom ldan 'das shAkya thub pa de'i thad du 'gro zhing / sems can tshad med pa la ji ltar bde bar bya/ snyam mo// de nas byang chub sems dpa' sems dpa' chen po lag na rin po ches/ de'i tshe ji ltar stong gsum gyi stong chen po'i 'jig rten gyi khams 'di lag pa g.yas pas bka ba nas/ la pa de las bza' ba 'dod pa rnams la bza' ba byung ba dang / btung ba 'dod pa rnams la btung ba dang / de bzhin du bzhon pa dang / gos dang / gser dang / dngul dang / bai DUR+Ya dang mu tig dang / dung dang / man shel dang / byu ru dang / su dag ci 'dod par gyur pa thams cad de las byung bar gyur pa dang / sems can gang chos don du gnyer zhing chos 'dod pa de dag gis kyang lag pa de las chos thos par gyur pa dang / de na sems can dpag tu med pa dag gis kyang chos mngon par rtogs par gyur pa dang / sems can gang nad rnam pa sna tshogs kyis btab cing sdug bsngal bar gyur pa de dag thams cad kyang / mchog tu bde ba dang ldan par gyur pa de lta bu'i rdzu 'phrul mngon par 'du bya ba mngon par byas so/ / de nas byang chub sems dpa' sems dpa' chen po lag na rin po ches rdzu 'phrul gyi cho 'phrul rnam pa 'di lta bu 'di bsten nas/ byang chub sems dpa' de dag dang lhan cig tu bcom ldan 'das de bzhin gshegs pa shAkya thub pa ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ smon lam ji lta ba bzhin du byung ba'i pad+ma de dag la 'khor dang bcas te phyogs gcig tu 'khod do// yang de'i tshe nub phyogs su sangs rgyas kyi zhing 'di nas sangs rgyas kyi zhing bye ba khrag khrig brgya stong gang+gA'i klung dgu bcu rtsa gnyis kyi bye ma snyed 'das pa na/ 'jig rten gyi khams nor bu'i snying po zhes bya ba de na de bzhin gshegs pa nor bu rtsegs pa'i rgyal po zhes bya ba da ltar yang bzhugs te/ 'tsho zhing gzhes la chos kyang ston to// de bzhin gshegs pa de'i sangs rgyas kyi zhing de ni bai DUR+Ya bzang po 'ba' zhig las mngon par grub pa'o// sangs rgyas kyi zhing de mnyan thos dang / rang sangs rgyas kyi theg pa rnam par gzhag pa med de/ sangs rgyas kyi zhing de byang chub sems dpa' 'ba' zhig gis yongs su gang ngo // yang sangs rgyas kyi zhing de na byang chub sems dpa' gang rnams 'gro'ang rung / 'od yang rung / 'greng yang rung / 'dug kyang rung / ldang yang rung / 'chag kyang rung ste/ de dag gis bai DUR+Ya'i sa chen po de las bcom ldan 'das de bzhin gshegs pa nor bu brtsegs pa'i rgyal po de mthong ngo / / 'di lta ste/ dper na shin tu phyis pa'i me long gi dkyil 'khor la bzhin gyi dkyil 'khor snang ba de bzhin du/ byang chub sems dpa' de dag gis bai DUR+Ya'i sa chen po de las de bzhin gshegs pa de mthong ngo / / mthong nas chos kun 'dri ste/ de bzhin gshegs pa de'ang de dag la lung ston to// de dag kyang chos thos nas bzod pa thob po 'di lta ste/ bcom ldan 'das de'i sngon gyi smon lam gyis/ bcom ldan 'das de'i smin mtshams kyi mdzod spu'i dbus su'ang nor bu rin po che chen po mngon par grub ste/ nor bu rin po che de'i 'od kyis sangs rgyas kyi zhing de thams cad snang bar byas nas/ sangs rgyas kyi zhing de na me tog kha zum pa dang / me tog kha bye ba las nyin mtshan bgrang ba ma gtogs par/ nyi ma dang zla bar mngon pa'ang med/ nyin mtshan du mngon pa'ang med do// yang de bzhin gshegs pa nor bu brtsegs pa'i rgyal po de'i sangs rgyas kyi zhing na/ byang chub sems dpa' sems dpa' chen po smon lam khyad par blo gros zhes bya ba zhig gnas te/ byang chub sems dpa' sems dpa' chen po smon lam khyad par blo gros kyis snang ba chen po de'ang mthong / gsung bsal ba'i sgra de'ang thos te/ mthong zhing thos nas/ bcom ldan 'das de bzhin gshegs pa nor bu brtsegs pa'i rgyal po de ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas byang chub sems dpa' sems dpa' chen po smon lam khyad par blo gros kyis/ bcom ldan 'das de bzhin gshegs pa nor bu brtsegs pa'i rgyal po de la 'di skad ces gsol to// bcom ldan 'das snang ba chen po 'di 'jig rten du byung zhing gsung bsal ba'i sgra chen po'ang gda' ba 'di'i rgyu gang lags/ rkyen gang lags/ bcom ldan 'das des bka' stsal pa/ rigs kyi bu shar phyog su sangs rgyas kyi zhing 'di nas sangs rgyas kyi zhing bye ba khrag khrig brgya stong gang+gA'i klung dgu bcu rtsa gnyis kyi bye ma snyed 'das pa na/ 'jig rten gyi khams mi mjed ces bya ba yod de/ de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston to// de bzhin gshegs pa des gang 'di phyogs bcu'i 'jig rten gyi khams bye ba khrag khrig tshad med grangs med pa dag nas byang chub sems dpa' bsdu ba dang / 'di lta ste/ chos bsgrag pa'i phyir ba spu'i khung bu thams cad nas 'od 'di dag rab tu bkye zhing / gsung bsal ba'i sgra phyung ngo // de skad ces bka' stsal pa dang / byang chub sems dpa' smon lam khyad par blo gros kyis/ bcom ldan 'das de la 'di skad ces gsol to/ / bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' 'dus pa de'ang blta ba dang / chos bstan pa de'ang nyan du mchi'o// bcom ldan 'das des bka' stsal pa/ rigs kyi bu khyod de'i dus la da bab par shes na song zhig/ de nas byang chub sems dpa' smon lam khyad par blo gros/ byang chub sems dpa' bye ba khrag khrig brgya stong phrag bzhi bcu rtsa gnyis kyis yongs su bskor cing mdun du bdar te/ lhan cig tu sems bskyed pa gcig gis sangs rgyas kyi zhing de nas mi snang bar gyur nas/ 'jig rten gyi khams mi mjed 'dir gnas so/ / de nas byang chub sems dpa' smon lam khyad par blo gros 'di snyam du sems te/ bdag gis rdzu 'phrul gyi cho 'phrul ji lta bus bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de'i thang du 'gro bar bya snyam mo/ / de nas byang chub sems dpa' smon lam khyad par/ blo gros kyis de'i tshe ji ltar stong gsum gyi stong chen po'i 'jig rten gyi khams 'dir gang dag sems can dmyal ba dang / dud 'gro'i skye gnas dang / gshin rje'i 'jig rten du skyes par gyur pa'i sems can de dag thams cad mchog tu bde ba dang ldan par gyur pa dang / sems can dmyal ba pa'i sems can rnams kyi sems can dmyal ba'i me'ang rab tu zhi bar gyur pa dang / sems can gang dag bkres pa dang skom pas nyen pa yi dgas dang / dud 'gro'i skye gnas su song ba'i sems can de dag dang / gshin rje'i 'jig rten pa de dag thams cad bkres pa dang skom pa dang bral zhing / bde ba mchog dang ldan par gyur pa 'di lta ste/ dper na dge slong bsam gtan la snyoms par zhugs pa'i bde ba bzhin te/ skad cig de nyid la sems can de dag bde ba rnam pa 'di lta bu skyes nas/ skad cig de nyid la sems can gang yang 'dod chags sam/ zhe sdang ngam/ gti mug gam/ khro ba'am/ nga rgyal lam/ 'chab pa 'am/ 'tshig pa 'am/ phrag dog gam/ ser sna'am/ g.yo 'am/ tha ba 'am/ gnod sems kyis gzir ba med pa dang / 'gro ba thams cad du skyes pa'i sems can thams cad kyang skad cig de nyid la byams pa'i sems dang / phan pa'i sems dang ldan zhing phan tshun du pha mar 'du shes par gyur pa de lta bu'i rdzu 'phrul mngon par 'du bya ba mngon par 'du byas te/ de lta bu'i ting nge 'dzin la snyoms par zhugs so// de nas byang chub sems dpa' smon lam khyad par blo glo kyi rdzu 'phrul rnam pa 'di lta bu 'di bstan nas/ byang chub sems dpa' sems dpa' chen po de dag dang lhan cig tu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas/ smon lam ji lta ba bzhin du byung ba'i pad+ma de dag la 'khor dang bcas te phyogs gcig tu 'khod do// / bam po gnyis pa/ yang de'i tshe byang phyogs su sangs rgyas kyi zhing 'di nas sangs rgyas kyi zhing gang+gA'i klung stong phrag drug cu rtsa gsum gyi bye ma snyed 'das pa na/ 'jig rten gyi khams rtag tu brgyan pa zhes bya ba'i sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas sA la'i dbang po'i rgyal po 'byung ba zhes bya ba da ltar yang bzhugs te/ 'tsho zhing gzhes la chos kyang ston to// sangs rgyas kyi zhing de na khyim pa gos dkar po gyon pa med de/ byang chub sems dpa' de dag thams cad kyang gos ngur smig 'chang ba sha stag go/ / sangs rgyas kyi zhing de na bud med kyi ming yang med cing mngal gyi gnas kyang mi shes so// byang chub sems dpa' de dag thams cad kyang gos ngur smrig gyon cing skyil mo krung bcas par rdzus te 'byung ngo / / bcom ldan 'das de'ang byang chub sems dpa' de dag la sangs rgyas kyi rigs kyi phyag rgya zhes bya ba'i chos kyi rnam grangs yang dag par rab tu ston to/ / de la sangs rgyas kyi rigs kyi phyag rgya zhes bya ba gang zhe na/ gang 'di byang chub tu sems dang po bskyed de/ de ltar byang chub tu sems bskyed nas/ byang chub sems dpa'i bslab pa yongs su rdzogs pa/ byang chub sems dpa'i sde snod la 'jug pa/ gzungs kyi rtsa ba'i gnas/ sems mi g.yeng ba/ gtong ba rjes su gtong ba/ stong pa nyid kyi rjes su 'jug pa/ mtshan ma med pa la/ yang dag par sgrub pa/ smon lam med pa tshol ba/ rang bzhin gyis 'dod chags dang bral ba/ phung po dang / khams dang / skye mched rab tu rtogs pa/ 'dun pa'i bya ba rgyun chag pa/ sangs rgyas kyi ye shes 'dod pa/ de la mngon par dad pa/ chos thams cad rab tu rtogs pa/ de dag la yongs su rtogs pa med pa/ rtogs pa yang dag par chad pa de'ang mi mthong ba 'di ni sangs rgyas kyi rigs kyi phyag rgya zhes bya'o/ / yang sangs rgyas kyi zhing den byang chub sems dpa' sems dpa' chen po mtshan gyis brgyan pa skar ma brtsegs pa'i rgyal po zhes bya ba zhig gnas te/ rig+sas kyi bu de'i smon lam gyi khyad par ni 'di lta bu ste/ sems can ji snyed kyis byang chub sems dpa' sems dpa' chen po de mthong na/ de dag thams cad skyes bu chen po'i mtshan sum cu rtsa gnyis kyis legs par brgyan par 'gyur ba byang chub sems dpa' mtshan gyis brgyan pa skar ma brtsegs pa'i rgyal pos snang ba chen po de'ang mthong / gsung bsal ba'i sgra de'ang thos te/ mthong zhing thos nas/ bcom ldan 'das sA la'i dbang po'i rgyal po 'byung ba de bzhin gshegs pa ga la ba der song ste phyin nas/ bcom ldan 'das de'i zhabs la mgo bos phyag 'tshal te/ de bzhin gshegs pa de la lan gsum bskor ba byas nas phyogs gcig tu 'dug go/ / phyogs gcig tu 'dug nas byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos/ bcom ldan 'das de bzhin gshegs pa sA la'i dbang po'i rgyal po 'byung ba de la 'di skad ces gsol to/ / bcom ldan 'das snang ba chen po 'di dang / gsung bsal ba'i sgra chen po 'di 'jig rten bu byung ba'i rgyu gang lags/ rkyen gang lags/ de skad ces gsol pa dang / bcom ldan 'das de bzhin gshegs pa sA la'i dbang po'i rgyal po 'byung ba des/ rigs kyi bu de la 'di skad ces bka' stsal to// rigs kyi bu lho phyogs su sangs rgyas kyi zhing 'di nas sangs rgyas kyi zhing gang+gA'i klung drug khri sum stong gi bye ma snyed 'das pa na/ 'jig rten gyi khams mi mjed ces bya ba yod de// de na de bzhin gshegs pa dgra bcom pa yang dag par rdzogs pa'i sangs rgyas shAkya thub pa zhes bya ba da ltar yang bzhugs te/ 'tsho zhing gzhes la chos kyang ston to// rigs kyi bu de bzhin gshegs pa dgra bcom pa yang dag par rdzogs pa'i sangs rgyas shAkya thub pa des/ gang 'di phyogs bcu'i 'jig rten gyi khams tshad med grangs med pa dag nas byang chub sems dpa' bsdu ba dang / 'di lta ste/ chos bsgrag pa'i phyir ba spu'i khung bu thams cad nas 'od zer 'di dag rab tu bkye zhing gsung bsal ba'i sgra phyung ngo / / gsol pa/ bcom ldan 'das ci'i slad du 'jig rten gyi khams de mi mjed bgyi/ bcom ldan 'das des bka' stsal pa/ rigs kyi bu 'di ltar 'jig rten gyi khams de na sems can 'dod chag la mi mjed/ zhe sdang la mi mjed/ gti mug la mi mjed/ sdug bsngal la mi mdze de/ de'i phyire 'jig rten gyi khams de mi mjed ces bya'o// gsol pa/ bcom ldan 'das sems can de dag las/ la la spros pa dang / mi snyan par brjod pa dang / bsdigs pa dang / brdeg pa bzod cing dang du len par bgyid pa mchis sam/ 'dod chags kyi sems skyes pa sel tam/ de bzhin du zhe sdang gi sems dang / gauti mug gi sems sel ba mchis sam/ bka' stsal pa/ rig kyi bu 'jig rten gyi khams de na sems can de dag las/ gang yon tan 'di dag dang ldan pa ni nyung ngo // rigs kyi bu sems can de dag las phal cher ni gnod sems dang / tha ba dang / zhe sdang mang ste/ 'dod chags dang / zhe sdang dang / gti mug gis kun tu dkris so// gsol pa/ bcom ldan 'das mi mjed ces bgyi ba'i ming 'di thog tu ma bab po// gal te sems can de dag bzod par 'gyur na ni de'ang rung na/ bcom ldan 'das 'di ltar mi bzod pas na/ de'i slad du bcom ldan 'das mi mjed bgyi ba'i ming 'di thog tu ma bab bo// bka' stsal pa/ rigs kyi bu sangs rgyas kyi zhing de na rigs kyi bu dang / rig kyi bu mo byang chub sems dpa'i theg pa pa sngon gyi rgyal ba la lhag par bya ba byas pa/ dge ba'i rtsa ba rnams bskyed pa/ sangs rgyas brgya stong mang po la bsnyen bkur byas pa/ bzod pa dang / dul ba dang nges pa dang ldan pa dag yod de/ de dag ni sems can thams cad kyis spros/ bsdigs/ mtshon gyis btab kyang ji snyam mi mjed de/ 'dod chags dang / zhe sdang dang / gti mug rnams kyis mi 'phrog so/ / rigs kyi bu skyes bu dam pa de dag gi ming gis 'jig rten gyi khams 'di mi mjed ces brjod do// bcom ldan 'das de bzhin gshegs pa shAkya thub pa de'ang de na sems can kha cig sdig pa'i chos dang ldan pa/ mu cor smra ba/ khro ba/ gtum pa/ sems can dmyal ba dang / dud 'gro'i skye gnas su gzhol ba/ ngan 'gro'i spyod yul ba/ sangs rgyas dang / chos dang / dge 'dun la mi gus pa/ phrag dog la mngon par dga' ba'i sems can ngan pa de dag gis de tsam du spros shing smad de gnod par byas shing skur kyang / bcom ldan 'das de snying rje che bas bzod cing dang du len te/ sa dang mnyam/ pa'i sems rjes su chags pa dang khong khro ba med pa/ de bsti stang du byas kyang khengs par mi byed/ bsti stang mi byed kyang 'dud par mi byed de/ de spyos shing brgyad kyang mi rtog/ rnam par mi rtog/ gnod par mi 'gyur/ mi 'phrog/ mi chags/ mi skye ste/ de'i phyir 'jig rten gyi khams de mi mjed ces bya'o// de nas bcom ldan 'das de bzhin gshegs pa sA la'i dbang po'i rgyal po 'byung ba de la/ byang chub sems dpa' sems dpa' chen po mtshan gyis brgyan pa'i skad ma brtsegs pa'i rgyal pos 'di skad ces gsol to// bcom ldan 'das 'di ltar bdag 'jig rten gyi khams der de tsam du smad pa'i sems can rnams kyi nang du ma skyes pa ni bdag gis rnyed pa legs par rnyed do/ / bcom ldan 'das des bka' stsal pa/ rigs kyi bu khyod de skad ma zer cig/ de ci'i phyir zhe na/ rigs kyi bu byang dang shar gyi mtshams na 'jig rten gyi khams stong gis brgyan pa zhes bya ba yod de/ sangs rgyas kyi zhing de na de bzhin gshegs pa dgra bcom pa yang dag par rdzogs pa'i sangs rgyas dbang phyug chen po'i rgyal po zhes bya ba da ltar yang bzhugs te/ 'tsho zhing gzhes so// rigs kyi bu sangs rgyas kyi zhing de na sems can rnams rab tu bde ba dang ldan no/ / 'di lta ste/ dper na 'gog pa la snyoms par zhugs pa'i dge slong gi bde ba bzhin te/ sems can rnams kyang bde ba de lta bu dang ldan no// yang rigs kyi bu 'jig rten gyi khams stong gis brgyan pa der lo bye ba brgya stong du tshangs par spyod pa spyad pa bas ni/ gang 'jig rten gyi khams mi mjed du tha na se gol gtogs pa tsam srid du sems can thams cad la byams pa'i sems bskyed na/ de bas 'di bsod nams ches mang du skyed na/ gong nyin mtshan du yongs su dag par gnas pa lta smos kyang ci dgos// de nas bcom ldan 'das de bzhin gshegs pa sa la'i dbang po'i rgyal po 'byung ba de la/ byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos 'di skad ces gsol to// bcom ldan 'das bdag 'jig rten gyi khams mi mjed der bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa de la blta ba dang / phyag bgyi ba dang / bsnyen bkur bgyi ba dang / byang chub sems dpa' 'dus pa de'ang blta ba dang / chos bstan pa de'ang nyan du mchi'o// bcom ldan 'das des bka' stsal pa/ rigs kyi bu khyod de'i dus la dbab par shes na song zhig/ de nas byang chub sems dpa' mtshan gyis brgyan pa skar ma brtsegs pa'i rgyal po byang chub sems dpa' bye ba phrag bcus yongs su bskor cing / lhan cig tu sems bskyed pa gcig gis sangs rgyas kyi zhing de nas mi snang bar gyur nas/ 'jig rten gyi khams mi mjed 'dir gnas so// de nas byang chub sems dpa' mtshan gyis brgyan pa skar ma brtsegs pa'i rgyal po 'di snyam du sems te/ bdag gis rdzu 'phrul gyi cho 'phrul ji lta bus/ bcom ldan 'das de bzhin gshegs pa shAkya thub pa de'i thang du 'gro snyam nas de'i tshe ji lta bu'i rdzu 'phrul mngon par 'du bya ba mngon par byas pas stong gsum gyi stong chen po'i 'jig rten gyi khams 'di rin po che'i gdugs gcig gis khebs par gyur pa dang / rin po che'i gdugs de las kyang me tog rnam pa sna tshogs kyi char rab tu 'bab/ sil snyan brgya stong yang 'khrol/ mu tig gi rgyan 'phreng brgya stong yang mngon par 'phyang / gdugs dang / rgyal mtshan dang / ba dan brgya stong yang mngon par 'phyang ba dang / bcom ldan 'das shAkya thub pa'i 'khor gyi dkyil 'khor du 'dus pa/ dge slong dang / dge slong ma dang / dge bsnyen dang / dge bsnyen ma dang / lha dang / klu dang gnod sbyin dang / dri ba dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa ji snyed pa de dag thams cad kyis rang rang gi lus skyes bu chen phran mtshan sum cu rtsa gnyis kyis brgyan par shes pa de lta bu'i rdzu 'phrul mngon par 'du bya ba mngon par byas so/ / de nas byang chub sems dpa' sems dpa' chen po mtshan gyis brgyan pa skar ma brtsegs pa'i rgyal pos rdzu 'phrul gyi cho 'phrul rnam pa 'di lta bu 'di bstan nas/ byang chub sems dpa' sems dpa' chen po de dag dang lhan cig tu/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor pab byas nas smon lam ji lta ba bzhin du byung ba'i pad+ma dag la 'khor dang bcas te phyogs gcig tu 'khod do/ / de bzhin du sbyar te/ phyogs bcu kun gyi bar gyi 'jig rten gyi khams bye ba khrag khrig brgya stong tshad med grangs med pa dag tu'ang / byang chub sems dpa' sems dpa' chen po tshad med grangs med pa rnams kyis snang ba chen po de'ang mthong / gsung bsal ba'i sgra de'ang thos nas/ rang rang gi de bzhin gshegs pa la yongs su zhus te 'jig rten gyi khams mi mjed 'dir lhags nas/ de dag thams cad kyis kyang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa'i zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do// gang dag stong gsum gyi stong chen po'i 'jig rten gyi khams 'di'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / brgya byin dang / tshangs pa dang rgyal po chen po 'jig rten skyong dang / de ma yin pa'i lha'i bu gzi brjid che ba de dag thams cad kyis 'od zer gyi snang ba chen po de'ang mthong / gsung bsal ba'i sgra chen po de'ang thos nas/ bcom ldan 'das de bzhin gshegs pa shAkya thub pa ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum bskor ba byas nas phyogs gcig tu 'khod do/ / de nas bcom ldan 'das kyis de'i tshe ji lta bu'i rdzu 'phrul mngon par 'du mdzad pa mngon par 'du mdzad pas/ phyogs bcu'i 'jig rten gyi khams bye ba khrag khrig brgya stong tshad med grangs med pa ji snyed pa de dag nas/ byang chub sems dpa' tshad med grangs med pa 'dus pa de dag thams cad kyis kyang / 'jig rten gyi khams mi mjed 'di rang rang gi sangs rgyas kyi zhing gi yon tan bkod pa de dag ci 'dra ba de 'dra bar lhag chad med cing khyad ma zhugs par mthong ba dang / sangs rgyas kyi zhing de dag gi sangs rgyas bcom ldan 'das kyi sku'i kha dog dang chu zheng ci 'dra bar/ bcom ldan 'das shAkya thub pa'i sku'i yongs su grub pa'ang de dang 'dra bar byang chub sems dpa' de dag gis so so nas mthong ba dang / sangs rgyas kyi zhing de dag gi byang chub sems dpa' phun sum tshogs pa ci 'dra ba dang / nyan thos chen po phun sum tshogs pa ci 'dra ba dang / longs spyod dang kun spyod pa ci 'dra ba de 'dra bar 'dir yang byang chub sems dpa' de dag gis so so nas shes pa dang / bdag nyid kyang rang rang gi sangs rgyas kyi zhing na 'dug pa snyam du shes pa de lta bu'i rdzu 'phrul mngon par 'du mdzad pa mngon par mdzad de nas byang chub sems dpa' sems dpa' chen po byams pas byang chub sems dpa'i 'khor rgya chen po de mthong nas stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la tshigs su bcad pa 'di dag gsol to// phyogs ba rnams su grags pa mtha' yas blo/ / 'jig rten lcer bcas 'dir ni lam me ste// thub pa'i thugs ni sems can thams cad kyis// tshad gzung mi nus de phyir khyod bsam yas/ phyogs bcu dag nas rgyal sras dpag med pa/ / chos tshol spang du de ring 'dir lhags shing // bcom ldan 'das la kun kyang gus bcas gnas// smra ba'i mchog gis chos rnams rab tu gsungs// phyogs rnams ma lus par ni brjod grags pa// tshul khrims brtson 'grus ting 'dzin blo rnams kyis// seng ge ltar ni 'jigs med khyod mdzes te// nam mkha' dag la nyi ma bzhin du gsal/ / lha dang mi dang lha min gsang ba dang // dge bsnyen pho mo dge slong dge slong ma// thams cad gus bcas thal mo sbyar gnas kyis// bcom ldan phan bzhed chos ni bshad du gsol// khyod ni 'das mkhyen de bzhin ma 'ongs dang // da ltar yang ni shin tu nges par mkhyen// lus can mos pa ji bzhin khyod gzigs la// the tsom chen po sel ba'i chos bshad gsol// thub pa rgyal sras ji ltar spyad pas na/ / zhing rnams dag pa rdul med thob par 'gyur// ji ltar smon lam grub pa thob 'gyur ba// de ni 'dren pas bdag la myur bshad gsol// ji ltar ser sna'i dri mas mi gos shing // ji ltar tshul khrims ma nyams 'gyur ba dang // sdig pa dang ni de bzhin skur pa dang // brnyas pa dag kyang thub pa ji ltar bzod// sdug bsngal du mas rab tu gzir ba yi/ / 'jig rten dag gi sdug bsngal bzlog slad du// bskal pa bye ba mang por rgyal sras rnams// ji ltar brtson 'grus rtsom zhing spyod par 'gyur// rtag tu sems ni rtse gcig mnyam gzhag cing / / bsam gtan gnas pa spyod yul rnam dag ste// pad+ma chu yi nyes pas mi gos ltar// ji ltar 'dod pa dag gis gos mi 'gyur// thub pa ji ltar zab mo'i chos smra zhing // mkhas pa 'jig rten 'das pa'i blo ldan 'gyur// brtan pa ji ltar bdud sde bcas bcom nas// byang chub rdul bral bla med reg par 'gyur// de nas bcom ldan 'das kyis// byang chub sems dpa' sems dpa' chen po byams pa la 'di skad ces bka' stsal to// byams pa khyod kyis de bzhin gshegs pa'i gad na shoms shig dang / de bzhin gshegs pa gdan de la bzhugs nas sangs rgyas kyi zhing gi yon tan bkod pa'i spyod pa la yang dag par 'jug pa'i tshul la mkhas pa sgrub pa/ dang por bsam zhing nan tan bya ba zhes bya ba'i chos kyi rnam grangs bshad do/ / de nas byang chub sems dpa' sems dpa' chen po byams pa 'di snyam du sems te/ de bzhin gshegs pas don gyi dbang ci zhig gzigs na bdag gdan bting du bcug ste/ gnas brtan kun dga' bo dang / mo'u 'gal gyi bu chen po la bka' ma stsa la/ de bzhin gshegs pas byang chub sems dpa' rnams gdan 'dings su bcug pa las na/ gtam 'di ni byang chub sems dpa' 'ba' zhig gi phyir brtsams nas/ nyan thos dang rang sangs rgyas kyi theg pa yongs su spangs pa'i gtam zhig 'byung ste/ nyan thos dang rang sangs rgyas rnams ni chos bstan pa 'di'i snod ma yin pa lta zhig snyam mo/ / de nas byang chub sems dpa' sems dpa' chen po byams pas de'i tshe/ 'di lta bu'i rdzu 'phrul mngon par 'du bya ba mngon par byas pas/ de bzhin gshegs pa'i seng go'i khri 'phang du dpag tshad bzhi 'bum pa/ rin po che du mas sbas pa/ lha'i ras bcos bu brgya stong du ma bting ba/ shing bal ltar 'jam pa reg na bde ba bshams nas/ khri de'i 'od kyis stong gsum gyi stong chen po'i 'jig rten gyi khams 'di snang bar byas so/ / de nas bcom ldan 'das khri snga ma de las bzhengs nas/ seng ge'i khri de las bzhugs so// bcom ldan 'das seng ge'i khri nga la bzhugs ma thag tu stong gsum gyi stong chen po'i 'jig rten gyi khams 'di rnam pa drug tu rab tu g.yos/ de nas bcom ldan 'das kyis/ tshe dang ldan pa shA ri'i bu la bka' stsal pa/ shA ri'i bu chos bzhi dang ldan na byang chub sems dpa' sems dpa' chen po smon lam yongs su rdzogs par 'gyur ro/ / bzhi gang zhe na/ 'di lta ste/ byang chub kyi bsam pas yang dag par bzhugs pa dang / sems can la snying rje ba dang / brtson 'grus rtsom pa dang / dge ba'i bshes gnyen la brten pa ste/ shA ri'i bu chos bzhi po de dag dang ldan na byang chub sems dpa' sems dpa' chen po smon lam yongs su rdzogs par 'gyur ro/ / shA ri'i bu gzhan yang chos gcig dang ldan na byang chub sems dpa' sems dpa' chen po smon lam las mi nyams shing / sangs rgyas kyi zhing phun sum tshogs pa yongs su sbyong bar 'gyur ro// chos gcig pu gang zhe na/ shA ri'i bu 'di la byang chub sems dpa' de bzhin gshegs pa mi 'khrugs pa'i byang chub sems dpa'i spyod pa la slob cing 'dod pa dang 'dun po skyed pa ste/ ji ltar de bzhin gshegs pa mi 'khrugs pa sngon byang chub sems dpar gyur pa na/ tshig 'di skad ces gal te bdag skye ba thams cad du rab tu ma byung na/ sangs rgyas thams cad bslus par gyur cig ces smras te/ shA ri'i bu de bzhin du byang chub sems dpas de bzhin gshegs pa mi 'khrugs pa'i byang chub sems dpa'i spyod pa'i rjes su bslab par bya'o/ / shA ri'i bu byang chub sems dpa' de ltar slob pa ni skye ba thams cad du rab tu 'byung ste/ de bzhin gshegs pa rnams byung yang rung // ma byung yang rung / gdon mi za bar khyim gyi gnas nas 'byung ngo // de ci'i phyir zhe na/ shA ri'i bu 'di lta ste/ khyim gyi gnas nas mngon par 'byung ba 'di ni byang chub sems dpa'i rnyed pa'i mchog yin pa'i phyir ro/ / shA ri'i bu rab tu 'byung ba la mngon par dga' ba'i byang chub sems dpa' yon tan bcu yongs su 'dzin to// bcu gang zhe na/ 'di lta ste/ 'dod pa la chags par mi 'gyur ba dang dgon pa'i gnas la dga' ba rnyed pa dang / sangs rgyas kyi spyod yul yang 'thob pa dang / de chung ma dang / bu pho dang / bu mo la sred par mi 'gyur ba dang / ngan 'gror 'gro ba'i chos rnam par spong ba dang / bde 'gror 'gro ba'i chos la brten pa dang / sngon gyi dge ba'i rtsa ba las yongs su mi nyams pa dang / dge ba'i rtsa ba phun sum tshogs pa 'thob pa dang / de la lha rnams dga' ba dang / de la mi ma yin pa rnams kyis bsrung bar 'gyur ba ste/ shA ri'i bu rab tu 'byung ba la mngon par dka' ba'i byang chub sems dpa' yon tan bcu po de dag yong su 'dzin par 'gyur ro/ / shA ri'i bu de lta bas na byang chub sems dpa' byang chub mngon par rdzogs par 'tshang rgya bar 'dod pa dang / sems can thams cad dgrol bar 'dod pas rgyun du rab tu 'byung ba dang / mngon par 'byung ba la shin tu dga' bar bya'o// shA ri'i bu chos gcig pu de dang ldan na byang chub sems dpa' smon lam las mi nyams shing / sangs rgyas kyi zhing phun sum tshogs pa'ang yongs su sbyong bar 'gyur ro/ / shA ri'i bu gzhan yang chos gnyis dang ldan na byang chub sems dpa' smon lam las mi nyams shing / sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin par 'gyu ro/ gnyis gang zhe na/ shA ri'i bu 'di la byang chub sems dpa' nyan thos kyi theg pa mi 'dod/ nyan thos kyi theg pa'i gtam la mi dga'/ nyan thos kyi theg pa pa dang mi sten/ nyan thos kyi bslab pa la mi spro ba/ nyan thos kyi theg pa dang ldan pa'i chos mi ston/ gzhan yang nyan thos kyi theg pa yang dag par 'dzin du mi 'jug cing / rang sangs rgyas kyi theg pa'ang de bzhin pa dang / gang 'di sangs rgyas kyi chos yongs su bsgrub pa'i phyir bla na med pa yang dag par rdzogs pa'i byang chub yang dag par 'dzin du 'jug pa'o/ / shA ri'i bu de la gzhan dag sangs rgyas kyi theg pa yang dag par 'dzin du 'jug pa'i byang chub sems dpa' ni gnas bcu yongs su 'dzin to// bcu gang zhe na/ 'di lta ste/ nyan thos dang rang sangs rgyas med pa'i sangs rgyas kyi zhing yongs su 'dzin pa dang / byang chub sems dpa' 'ba' zhig gi dge 'dun rab tu rnyed pa dang / de la sangs rgyas bcom ldan 'das rnams dgongs pa dang / sangs rgyas bcom ldan 'das rnams de'i tshul yongs su sgrogs shing chos ston pa dang / 'di lta ste/ brgya byin nyid dam/ tshangs pa nyid kyi phyir sems dang sems las byung ba rgya chen po skyed pa dang / mi gyur na'ang 'khor los sgyur ba'i rgyal por 'gyur ba dang / sangs rgyas mthong ba dang bral bar mi 'gyur ba dang / lha dang mi rnams dga' bar 'gyur ba dang / g.yog 'khor mi phyed par 'gyur ba dang / bsod nams kyi phung po tshad med grangs med pa yongs su 'dzin pa'o// shA ri'i bu de ci'i phyir zhe na/ gang stong gsum gyi stong chen po'i 'jig rten gyi khams kyi sems can ji snyed pa de dag thams cad dgra bcom pa'i 'bras bu mngon sum du bya ba la bkod pa dang / rang sangs rgyas kyi 'bras bu mngon sum du bya ba la bkod pa bas/ gang rigs kyi bu 'am/ rigs kyi bu mo gcig yang dag par rdzogs pa'i byang chub kyi sems la gzhag na/ de ni de bas bsod nams ches mang du skyed do// shA ri'i bu de ci'i phyir zhe na/ nyan thos dang rang sangs rgyas skyes pas ni sangs rgyas kyi rigs mi 'chad par mi 'gyur te/ sangs rgyas 'byung ba med na nyan thos dang rang sangs rgyas 'byung bar mi 'gyur gyi/ shA ri'i bu sangs rgyas 'byung ba yod na sangs rgyas kyi rigs mi 'chad cing / nyan thos dang rang sangs rgyas su gdags pa'ang yod par 'gyur ro// shA ri'i bu gzhan dag byang chub kyi sems la rab tu 'god pa'i byang chub sems dpa' ni gnas bcu po de dag yongs su 'dzin to/ / shA ri'i bu chos gnyis po de dag dang ldan na byang chub sems dpa'i smon lam las mi nyams shing / sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin to/ / shA ri'i bu gzhan yang chos gsum dang ldan na byang chub sems dpa' smon lam las mi nyams shing / sangs rgyas kyi zhing yon tan bkod pa ji lta bu 'dod pa de lta bu yongs su 'dzin to// gsum gang zhe na/ shA ri'i bu 'di la byang chub sems dpa' dgon pa la gnas pa lhur len pa dang / zang zing med par chos kyi sbyin pa sbyin pa dang / tshul khrims kyi sdom pa la gnas par 'gyur ba'o// shA ri'i bu tshul khrims kyi sdom pa la gnas pa'i byang chub sems dpa' mi 'jigs pa bcu 'thob ste/ bcu gang zhe na/ gang 'di mi 'jigs par grong du 'jug pa dang / mi 'jigs par 'khor la chos ston pa dang / mi 'jigs par kha zas za ba dang / mi 'jigs par gtsug lag khang du 'jug pa dang / mi 'jigs par dge 'dun gyi nang du 'jug pa dang / mi 'jigs par lung 'bogs pa dang / mi 'jigs par slob dpon dang mkhan po'i drung du 'gro ba dang / mi 'jigs par byams pa dang ldan pas 'khor la rjes su ston pa dang / mi 'jigs par gos dang / zas dang / mal cha dang / na ba'i gsos sman dang / yo byad la spyod pa dang / des smras pa gzung bar 'gyur ba ste/ shA ri'i bu tshul khrims kyi sdom pa la gnas pa'i byang chub sems dpa' mi 'jigs pa bcu po de dag 'thob bo// shA ri'i bu zang zing med pa'i sems kyis chos kyi sbyin pa sbyin pa'i byang chub sems dpa' ni yon tan gyi chos yongs su 'dzin te/ bcu gang zhe na/ gang 'di de sdig pa mi 'dod pa yin de shes kyi khe mi 'dod pa yin/ de grags pa mi 'dod pa yin/ de khyim mi 'dzin pa yin/ de khyim la ser sna med pa yin/ de gos dang / zas dang / mal cha dang / na ba'i gsos sman dang / yo byang ngan ngon tsam gyis chog shes pa yin/ des smras pa gzung bar 'os pa yin/ lha dag kyang de'i drung du 'gro ba yin/ de tshul bzhin ma yin pa rnam par rtog pa yid la byed pa mi skyed pa yin/ de sangs rgyas kyi sems la sems skyed pa yin te/ shA ri'i bu zang zing med pa'i sems kyis chos kyi sbyin pa sbyin pa'i byang chub sems dpa' ni yon tan gyi chos bcu po de dag yongs su 'dzin to// shA ri'i bu dgon pa la gnas pa lhur len pa'i byang chub sems dpa' yon tan gyi phan yon bcu yongs su 'dzin te/ bcu gang zhe na/ gang 'di 'du 'dzi rnam par spong ba dang / rab tu dben pa la sten pa dang / de bsam gtan la sems dmigs par 'gyur ba dang / bya ba mang por mi 'gyur ba dang / sangs rgyas rnams 'dod pa dang / de'i lus bde ba dang mi 'bral ba dang / de'i tshangs par spyod pa bar chad du mi 'gyur ba dang / tshegs chung ngus ting nge 'dzin thob pa dang / des tshig dang yi ge bstan pa rnams chud mi za ba dang / ji ltar thos pa'i chos rnams kyi don rab tu shes pa ste/ shA ri'i bu dgon pa la gnas pa lhur len pa'i byang chub sems dpa' ni yon tan gyi phar yon bcu po de dag yongs su 'dzin to// shA ri'i bu chos gsum po de dag dang ldan na/ byang chub sem dpa' smon lam las mi nyam shing / sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin to// shA ri'i bu gzhan yang chos bzhi dang ldan na/ byang chub sems dpa' smon lam las mi nyams shing / sangs rgyas kyi zhing ji lta bu 'dod pa de lta bu yongs su 'dzin te/ bzhi gang zhe na/ shA ri'i bu 'di la byang chub sems dpa' bden par rma ba yin/ ji skad smras pa de bzhin byed cing nga rgyal bcom pa yin/ nga rgyal tshar gcad pa'i phyir zhugra ging phrag dog dang ser sna yod+ha su spangs pa yin/ pha rol 'byor pa la yid dga' ba yi no/ shA ri'i bu bzhi po 'di dag ni bden par smra ba'i byang / chub se ma pa'i phar son te/ bani gang nem 'di lta ste/ de'i khanas ut+pa li'i dri dang 'byung ba dang lus dang / ngag dang / yid kyi las kyi mtha' yongs su dag par 'gyur ba dang lhar bcas pa'i 'jig rten gyi tshad mar gyur cing tshig 'khrul pa med par 'gyur ba dang / sangs rgyas kyi gsung phun sum tshogs pa yongs su 'dzin pa ste/ shA ri'i bu bzhi po de dag ni byang chub sems dpa' bden par smra ba'i phan yon no/ / shA ri'i bu bzhi po 'di dag ni nga rgyal bcom pa'i byang chub sems dpa'i phan yon te/ ba'i gang zhen gang 'dri ngan 'gror skye ba rnam par spong ba ste/ 'di lta ste/ rnga mo dang / ba glang dang / bong bu dang / rta'i skye gnas dang / de bzhin du gzhan smad par skye ba rnam par spong ba dang / mi smad par 'gyur ba dang / gzhan phyir rgol ba dang mi mdza' ba rnams kyis mi tshugs par 'gyur ba dang / lha dang bcas pa'i 'jig rten gyiso phyag bya bar 'gyur te/ shA ri'i bu bzhi po de dag ni nga rgyal bcom pa'i byang chub sems dpa'i phan yon yin no// shA ri'i bu bzhi po 'di dag ni phrag dog dang ser sna yongs su spangs pa'i byang chub sems dpa'i phan yon te/ bzhi gang zhe na/ 'di lta ste/ de gtong ba'i sem+ba la mi rmodadra pa dang / mu ge 'byung ba'i dus na sbyin bdag tu 'gyur ba dang / de tshul khrims dang ldan pa 'odra ni khyim gyi sgo gcod par mi 'gyur ba dang / de'i gtong ba dang len pa la su'ang phrag dog mi byed pa ste/ shA ri'i bu bzhi po de dag ni phrag dog dang ser sA yongs su spangs pa'i byang chub sems dpa'i phan yon no/ / shA ri'i bu bzhi po de dag ni pha rol 'byor pa la dga' ba'i byang chub sems dpa'i phan yon te/ bzhi gang zhe na/ 'di lta ste/ bdag gis sems can 'di dag gzung ste/ bdag 'di dag gi ched du go cha bgos nas/ 'di dag la bde bar sbar ba bya ba yin na/ sems can 'di dag rang gi mthus bsgrubs pa'i longs spyod kyis bde bar 'tshe'o zhes dga' ba rnyed pa dang / de'i longs spyod rgyal po dang / rkun po dang / me dang / chu la sogs pa dang / bgo skal la spyod pa mi mdza' ba rnams kyis mi 'phrogs par 'gyur ba dang / gang gi tshe bu phun sum tshogs pa dang / g.yog 'khor phun sum tshogs pa dang // longs spyod phun sum tshogs pa rnyid pa de'i tshe/ de la rgyal po'ang dga' bar 'gyur na/ sems can gzhan lta smos kyang ci dgos/ de longs spyod dang kun spyod pa rgya chen po la sems 'jug pa ste/ shA ri'i bu bzhi po de dag ni pha rol 'byor pa la dga' ba'i byang chub sems dpa'i phan yon no/ / shA ri'i bu chos bzhi po de dgo dang ldan na byang chub sems dpa' smon lam las mi nyams shing sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin to/ / shA ri'i bu gzhan yang chos lnga dang ldan na/ byang chub sems dpa' smon lam las mi nyams shing / sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin cing yongs su sbyong ste/ lnga gang zhe na/ shA ri'i bu 'di la byang chub sems dpa' sangs rgyas kyi zhing g i yon tan bkod pa rnam pa phun sum tshogs pa yongs su rdzogs par bya ba'i phyir chos kun tu tshol zhing de gang la chos nyan pa de la byang chub sems dpas ji ltar yon tan 'di dag yongs su sgrub pa de kun yongasu 'dri zhing / des chos de thos nas de bzhin du nan tan byed pa'o// shA ri'i bu gzhan yang 'di la byang chub sems dpa' sangs rgyas kyi zhing yongs su dag par skye bar smon cing / de tshul khrims yongs su dag par 'gyur ba ste/ de tshul khrims yongs su dag pas gang dang gang du smon pa de dang der skyes te/ de der skyes nas de sangs rgyas kyi zhing yongs su dag pa la sems shing rtog ste/ nyan thos kyi phun sum tshogs pa'am/ byang chub sems dpa'i phun sum tshogs pa'am/ longs spyod dang kun tu spyod pa phun sum tshogs pa mtshan mar 'dzin te/ des de dag mtshan mar bzung nas gus pa dang bcas/ zhe sa dang bcas shing thal mo sbyar te/ de bzhin gshegs dpa'i thad du song nas/ bcom ldan 'das byang chub sems dpas ji ltar spyad na/ sangs rgyas kyi zhing gi yon tan bkod pa rgya chen po yongs su 'dzin ces kun zhus nas/ de bzhin gshegs pa des kyang de'i lhag pa'i bsam pa mkhyen te/ gang rnams kyis sangs rgyas kyi zhing gi yon tan bkod pa rgya chen po yongs su 'grub par 'gyur ba'i gnas de dag ston cing / yang dag par rab tu 'chad de/ des de thos nas de bzhin du nan tan byed pa'o/ / shA ri'i bu gzhan yang 'di la byang chub sems dpa' ye shes dang ldan zhing bya ba dang ldan pa yin te/ de mi shes pa yongs su sbyong zhing bya ba ma yin pa yongs su spong ngo // de la ye shes ni gang / bya ba ni gang zhe na/ ye shes zhes bya ba ni gang dmigs pa la dmigs pa ni ye shes te/ nyan thos dang rang sangs rgyas kyi ye shes dang bral ba'o// bya zhes bya ba ni ji ltar thos pa'i chos rnams la nan tan byed pa'o/ / shA ri'i bu gzhan yang 'di la byang chub sems dpa' rgyu dang 'byung ba la mkhas pa yin te/ de la rgyu ni gang / 'byung ba ni gang zhe na/ rgyu zhes bya ba ni gang 'di tshul bzhin ma yin pa yid la byed pa'i rnam par rtog pa ste/ gang las phyin ci log bzhi la sems can rnams gnas par 'gyur ba'o// de ni tshul bzhin la brtson pa yin te/ de la tshul bzhin la sbyor ba gang zhe na/ gang 'di chos thams cad yid la mi byed pa ste/ 'byung ba'ang de nyid yin no// shA ri'i bu gzhan yang 'di la byang chub sems dpa' sangs rgyas kyi ngo bo nyid kyang rab tu shes/ zhing gi ngo bo nyid kyang rab tu shes so// de la sangs rgyas kyi ngo bo nyid ni gang / zhing gi ngo bo nyid ni gang zhe na/ sangs rgyas kyi ngo bo nyid ces bya ba de ni ming tsam mo/ / zhing gi ngo bo nyid ces bya ba de yang ming tsam mo// gang ming tsam pa de dben par shes shing / ji ltar chos gang yang mi dmigs pa de ltar shes pa ste/ shA ri'i bu chos lnga po de dag dang ldan na/ byang chub sems dpa' smon lam las mi g.yo zhing / sangs rgyas kyi zhing gi yon tan bkod pa ji lta bu 'dod pa de lta bu yongs su 'dzin cing / yongs su sbyong ngo // shA ri'i bu gzhan yang chos drug dang ldan na/ byang chub sems dpa' myur du bla na med pa yang dag par rdzogs pa'i byang chub mngon par 'tshang rgya zhing / 'jig rten thams cad las mngon par 'phags pa'i sangs rgyas kyi zhing yongs su 'dzin te/ drug gang zhe na/ shA ri'i bu 'di la byang chub sems dpa' ni sbyin pa po sbyin bdag tu 'gyur ba ste/ de dngos po gang 'phangs pa yid du 'ong ba/ / mngon par 'dod par 'gyur ba de dag yongs su btang yang zhum par mi 'gyur zhing / yid dga' ba dang / mgu ba dang / rangs pa dang / yid bde ba skyes nas/ 'di ltar gang 'di bla na med pa yang dag par rdzogs pa'i byang chub la mngon par smon pas bdag gis sbyin pa chen po dang / theg pa chen po dang / bya ba chen po yongs su rdzogs par bya'o/ / kun tu 'dzin pa'i sems kyis ni bla na med pa yang dag par rdzogs pa'i byang chub bsgrub par mi nus so snyam du rtog go// des de ltar brtags nas bdog pa thams cad yongs su gtong bar 'gyur te/ des rang gi lus dang srog yongs su gtang yang yid mi bde bar mi 'gyur na/ gzhan nor gyi rnam pa dang / chung ma dang / bu pho dang / bu mo lta smos kyang ci dgos/ shA ri'i bu 'di la ji snyam du sems/ gang thams cad mkhyen pa zhes bya ba'i tshig 'di'i bstan pa ji lta bu zhe na/ shA ri'i bu gang byang chub sems dpa' sems dpa' chen po byang chub sems dpa'i spyad pa spyod cing bdog pa thams cad yongs su gtong ba yin te/ de'i phyir de byang chu bathob pas nathams cad mkhyen pa zhes bya'o// shA ri'i bu gzhan yang 'di la byang chub sems dpa' khyim par gyur pa'ang rung / rab tu byung ba'ang rung ste/ tshul khrims kyi sdom pa yang dag par 'dzin pa la rab tu gnas pa yin te/ de srog gi phyir yang bslab pa las mi 'da' 'o// gang tshul khrims kyi sdom pa yang dag par bzung ba de'ang sems can thams cad dang thun mong du byas nas/ bla na med pa yang dag par rdzogs pa'i byang chub tu yongs su sngo ste/ bdag ni tshul khrims dang ldan pa'o zhes dga' ba rnyed cing mchog tu dga' ba skyes te/ mngon par dga' bas tshangs par spyad pa spod de/ de tshangs par spyod cing bde bar nyin mtshan 'da' bar byed do/ / de bde bar chos mngon sum du 'gyur ro// chos kyi tshul dang ldan par yang dag par so sor rtog par 'gyur ro// yang dag pa ro so sor rtog pa la gnos pa ni zab mo la bzod pa skye'o/ / zab mo la bzod pa skyes pa ni lta ba drang por 'gyur ro// lta ba drang ba ni yang dag par nan tan byed par 'gyur ro// yang dag pa'i nan tan la gnas pa ni khams gsum la mngon par mi dga' bar 'gyur ro/ / de khams gsum la mngon par mi dga' bas skrag par 'gyur ro// skrag pas 'byung ba tshol lo// 'byung ba mthong nas de 'di snyam du sems te/ ji ltar bdag sdug bsngal ba ltar sems can thams cad kyang de bzhin te/ bdag gis sems can 'di dag thams cad kyi khur khyer la nye bar zhi ba ma gtogs par 'di dag gi bde ba'i rgyu gzhan med do snyam mo// de de ltar so sor rtog pa na snying rje chen po 'thob bo/ / de cher snying rje bas thams cad mkhyen pa ma thob kyi bar du mgo dang gos la me 'bar ba bzhin du brtson 'grus mi 'dor ro// shA ri'i bu gzhan yang 'di la byang chub sems dpa' de bzod pa'i go cha gyon cing / bzod pa'i stobs dang ldan pa yin gyi/ nga rgyal gyi stobs dang ldan pa ma yin no// de spros rgyud brdegs bsdigs kyang bzod pa spro ba ste/ pha rol la mi 'khrug gnod par mi sems so/ / de 'di ltar sems skyed do// gal te bdag la sems can de dag gis ri rab tsam gyi tho bas brdegaso shing bskal pa bye ba'i bar du rgyun mi 'chad par gshe'ang / bdag gi gnod sems dang / tha ba dang / zhe sdang gi sems bskyed par mi bya'o// de ci'i phyir zhe na/ sems can de dag ni ma bslabs pa/ bdag ni sangs rgyas bcom ldan 'das rnams la bslab par 'dod pa'o snyam nas de ji lta ji lta bur sems can rnams kyis spros pa dang / rgyad pa dang / brdeg pa de lta de lta bur snying rje chen po skyed de/ bdag gis sems can 'di dag bskyab par bya'o// bdag sems can 'di dag gi don du go cha bgos nas/ bdag gis sems can 'di dag bzung ba yin te/ bdag gis 'di dag 'khor ba las yongs su thar par bya'i// bdag gis 'di dag la gnod sems dang / tha ba dang / zhe sdang gi sems bskyed par ni mi bya'o/ / // de de ltar bzod pa'i go cha bgos pas/ phun sum tshogs pa bcu 'thob ste/ bcu gang zhe na/ gang 'di rigs phun sum tshogs pa dang / longs spyod phun sum tshogs pa dang / gzugs phun sum tshogs pa dang / g.yog 'khor phun sum tshogs pa dang / gtong ba phun sum tshogs pa dang / dge ba'i bshes gnyen phun sum tshogs pa dang / chos nyan pa phun sum tshogs pa dang / chos la nan tan byed pa phun sum tshogs pa dang / shi 'phos nas kyang sangs rgyas mthong ba phun sum tshogs pa rnyed pa dang / mthong nas kyang dad pa 'thob pa ste/ shA ri'i bu babazod pa'i go cha bgos pa'i byang chub sems dpa' ni phun sum tshogs pa bcu po de dag 'thob bo/ / shA ri'i bu gzhan yang 'di la byang chub sems dpa' dge ba'i chos yongs su bsgrub pa'i phyir brtson 'grus brtsams shing / yi dam la brtan pa yin no// de 'di ltar brtson 'grus rtsom ste/ gal te bdag gis sems can re re'i don gyi phyir yang phyi ma'i mtha'i bskal pa bye bar yang 'khor bar bya'o zhes tshul 'di dang / brtson 'grus rtsom pa 'di dang / spyod pa 'di dang / sems zhi ba 'di dang / yi dam 'di dang / dge ba'i bsam pa 'di dang / snying rje ba'i sems 'dis sems can 'di dag thams kyi ched du bskal pa de snye du 'khor bar byas te/ 'di ltar bdag gis sem+ba tson 'di dag yongasu mi gtang ngo snyam nas brtson 'grus rtsom mo// yang shA ri'i bu byang chub sem dpa' gang gri/ d+hA'i klung gi bye ma snyed kyi phyogs bcu'i sarba rgyas kyi zhing rin po che sna bdun gyis yongs su gang bar byas te/ sems bskyed pa sems bskyed pa tsam la/ de bzhin gshegs pa dgra bcom pa yang dag par rdzogs pa'i sangs rgyas rnams la sbyin pa byin te/ tshul 'di dang stobs bskyed pa 'dis phyi ma'i mtha'i bskal pa bye bar sbyin pa byin pa bas/ byang chub sems dpa' gang lhag pa'i bsam pa phun sum tshogs pa snying rje chen po la gnas pas/ 'di lta bu'i brtson 'grus kyi go cha'i sems bskyed na/ de de bas bsod nams ches mang du skyod do// shA ri'i bu brtson 'grus brtsams pa'i byang chub sems dpa' yon tan gyi chos bcu 'thob ste/ bcu gang zhe na/ nges 'di lta ste/ des byis pa'i spyod pa spangs pa yin/ des sangs rgyas kyi spyod po yongs su bzung ba yin/ des 'khor ba la nyes par 'du shes bskyed pa yin/ des snying rje chen po yongs su bzung ba yin/ sngon dam bcas pa la las mi 'gyur ba yin/ nad nyung ba yin/ 'das pa dang / ma byon pa dang / da ltar byung ba'i sangs rgyas bcom ldan 'das rnams kyi bka' bzhin byas pa yin/ 'dod chags dang / zhe sdang dang / gti mug chung ba yin/ ji ltar bstan pa'i tshig dang yi ge rnams kyi don rab tu shes pa yin/ nan tan gyis yang dag par sgrub pa yin te/ shA ri'i bu brtson 'grus brtsams pa'i byang chub sems dpa' ni yon tan gyi chos bcu po de dag 'thob bo/ / shA ri'i bu gzhan yang 'di la byang chub sems dpa' sangs rgyas bcom ldan 'das rnams rjes su dran zhing de 'di snyam du sems te/ de bzhin gshegs pa de dag ni thugs rtse gcig pa/ rtag tu mnyam par gzhag pa/ bsnyel ba mi mnga' ba dang ldan pa'o snyam nas/ de yang 'di snyam du sems te/ bdag de bzhin gshegs pa bzhud pa'i rjes su 'gro bar bya na/ sems g.yengs pa dang brjed ngas pas ni gang 'di sangs rgyas kyi gnas te/ gnas 'di thob par mi nus so snyam nas/ de chags pa thams cad dang / yongs su 'dzin pa thams cad dang / 'thob pa dang bkur sti thams cad dang / grong dang / grong khyer dang / grong rdal la chags pa thams cad dang / grogs po dang / gla mi dang / khyim la sred pa thams cad yongs su btang ste/ sems can thams cad kyi don gyi phyir sems can thams cad ni bdag gis yongs su mi btang ngo snyam nas/ dgon pa rab tu dgon pa la mngon par dga' ba yin/ te/ bse ru ltar gcig pu spyod cing de dgon pa rab tu dgon pa dag tu gnas nas phyogs gcig tu sems can rnams la byams pas khyab par byed do// de bzhin du sbyar te phyogs bcu kun gyi bar du tshad med pa dang ldan pa'i sems kyis sems can thams cad la byams pas khyab par byed do/ / byams pa la gnas nas bsam gtan la bsam gtan par 'gyur ro// yang shA ri'i bu byang chub sems dpa' khyim pa gang gis/ gang+gA'i klung gi bye ma snyed kyi de bzhin gshegs pa dge slong gi dge 'dun gyi 'khor dang bcas pa rnams la gang+gA'i klung gi bye ma snyed kyi bskal par bde bar sbyar ba thams cad kyis bsti stang du byas pa bas byang chub sems dpa' rab tu byung ba gang rab tu dben pa 'dod cing / dgon pa logs su phyogs te gom pa bdun dor na 'di ni de bas bsod nams ches mang du skyed do// ches myur du byang chub thob par 'gyur ro/ / shA ri'i bu bcu po 'di dag ni dben par gnas shing bsam gtan la bsam gtan pa'i byang chub sems dpa'i phan yon te/ bcu gang zhe na/ 'di lta ste/ dran pa dang ldan pa yin/ gros dang ldan pa yin/ rtog pa dang ldan pa yin/ mos pa dang ldan pa yin/ myur du spobs pa rab tu thob pa yin/ gzungs sgrub pa yin/ skye ba dang 'jigs pa la mkhas pa thob pa yin/ tshul khrims kyi phung po las mi nyams pa yin/ lha rnams kyang de la rim gro byed pa yin/ gzhan gyi 'byor pa la mi 'dod pa yin te/ shA ri'i bu bcu po de dag ni dben pa la gnas shing / bsam gtan la bsam gtan pa'i byang chub sems dpa'i phan yon no// shA ri'i bu gzhan yang 'di la byang chub sems dpa' shes rab kyi rgyu mthun pa la mkhas pa yin te/ de 'di ltar shes rab gang nas byung snyam du nye bar rtog cing / de 'di snyam du sems te/ shes rab ni tshul khrims kyi sdom pa'i gnas las byung ba ste/ shes rab byung ba las chos dkar po thams cad rnam par 'phel lo snyam nas/ de shes rab la slob ste/ gang 'jig rten gyi bzo'i gnas dang / las kyi gnas dang / sngags kyi gnas dang / sman gyi gnas dang / gang bya dka' ba dang / bsgrub dka' ba'i las de dag thams cad la slob bo// bslabs nas kyang de 'di ltar sems skyed de/ gang 'jig rten pa'i shes rab 'di ni yid 'byung bar ma yin/ 'dod chags dang bral bar ma yin/ 'gog par ma yin/ zhi bar ma yin/ mngon par shes par ma yin/ mngon par rdzogs par byang chub par ma yin/ dge sbyong du ma yin/ mya ngan las 'da' par 'gyur ba ma yin gyis/ 'di ltar bdag gis shes rab gang gis shin tu zhi bar 'gyur ba'i bzo rnam pa 'di lta bu dang / sngags rnam pa de lta bu dang / sman rnam pa de lta bu dang shes rab rnam pa de lta bu yongs su btsal lo snyam nas/ de chos thams cad kyi thog ma yongs su tshol lo// de chos thams cad kyi thog ma yongs su tshol ba na/ chos gang yang chos gang la nye bar 'jog pa'i chos de gang yang yang dag par rjes su mi mthong ngo / / yang dag par rjes su mi mthong bas rab tu zhi ba la gnas par 'gyur ro// rab tu zhi bar spyod pa la gnas rnas yongs su mi mi 'argyud do/ / yongs su yi mi 'chad pas sems can rnams kyi don du 'di lta ste/ de sems can thams cad kyi sdug bsngal rab tsu bar bya ba'i phyir 'amams pa'i na srid pa 'dzin te/ shA ri'i bu chos drug po de dag dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya zhing smon lam las mi nyams la/ 'jig rten thams cad las mngon par 'phags pa'i sangs rgyas kyi zhing gi yon tan bkod pa phun sum tshogs pa'ang yongs su rdzogs par 'gyur ro// shA ri'i bu gzhan yang chos bdun dang ldan na/ byang chub sems dpa' smon lam las mi nyams shing / rgyan thams cad kyis brgyan pa'i sangs rgyas kyi zhing yongs su sbyong ngo // bdun gang zhe na/ 'di lta ste bdog pa thams cad yongs su gtong zhing / sbyin pa de'ang mi dmigs pa dang / tshul khrims kyang skyon med la/ tshul khrims de la rlom sems kyang med pa dang / bzod cing des la/ se can de'ang mi dmigs pa dang / brtson 'grus kyang rtsom la/ lus dang / ngag dang / sems de'ang mi dmigs pa dang / bsam gtan yang yongs su sgrub la/ de'ang mi gnas pa'i bsam gtan la bsam gtan pa dang / shes rab kyang yongs su rdzogs par byed la/ de rtog pa'ang med pa dang / sangs rgyas kyang rjes su dran la/ de mtshan ma'ang sel ba ste/ shA ri'i bu chos bdun po de dag dang ldan na/ byang chub sems dpa' smon lam las mi nyams shing / sangs rgyas kyi zhing rgyan thams cad kyis brgyan pa'ang yongs su 'dzin to// shA ri'i bu chos brgyad dang ldan na/ byang chub sem dpa' smon lam las mi nyams shing / sangs rgyas kyi zhing yang yongasu stong ste/ brgyad gang zhe na/ phrag dog med pa dang / rgyan sbyin pa dang / sems rgya che ba dang / chos smra ba la bsti stang byed pa dang / gus pa dang bcas pa dang / 'tsho ba rnam par dag pa dang / kun bged pa'i ngang tshul can dang / bdag la mi bstod cing gzhan la mi spong ba ste/ shA ri'i bu chos brgyad po de dag dang ldan na/ byang chub sems dpa' smon lam las mi nyams shing / sangs rgyas kyi zhing yang yongs su spyod do// / bam po gsum pa/ / shA ri'i bu chos dgu dang ldan na/ byang chub sems dpa' smon lam las mi nyams shing / sangs rgyas kyi zhing yang yongs su dag par byed do// dgu gang zhe na/ 'di lta ste/ lus sdom pa dang / ngag sdom pa dang / yid sdom pa dang / 'dod chags bsal ba dang / zhe sdang bsal ba dang / gti mug bsal ba dang / slu ba med pa dang / mdza' ba bstan pa dang / dge ba'i bshes gnyen la brnyas pa med pa ste/ shA ri'i bu chos dgu po de dag dang ldan na/ byang chub sems dpa' smon lam las mi nyams shing / sangs rgyas kyi zhing yang yongs su sbyong bar byed do// shA ri'i bu chos bcu dang ldan na/ byang chub sems dpa' smon lam las mi nyams shing / sangs rgyas kyi zhing yang yongs su dag par byed de/ bcu gang zhe na/ 'di lta ste/ sems can dmyal ba'i sdug bsngal thos na mi 'jigs shing snying rje ba dang / dud 'gro'i skye gnas kyi sdug bsngal thos na mi 'jig shing snying rje ba dang / gshin rje'i 'jig rten gyi sdug bsngal thos na mi 'jin shing snying rje ba dang / lha rgud pa thos na mi 'jigs shing snying rje ba dang / mi rgud pa thos na mi 'jigs shing snying rje ba dang / dbul ba dang / mu ge dang / rkun po dang / rang rta dang / dmag gi gnod pa thos na mi 'jigs shing snying rje ba ste/ de 'di snyam du ci nas kyang bdag gis sangs rgyas kyi zhing na sems can dmyal ba dang / dud 'gro'i skye gnas dang / yi dgas kyi yul med cing / bsams pa tsam gyi bza' ba dang / btung ba dang / bgo ba phun sum tshogs pa dang / sems can rnams kyang tshe dpag tu med par gyur te/ nga'i ba med cing yongs su 'dzin pa med la/ bla na med pa yang dag par rdzogs pa'i byang chub tu nges pa de lta bu'i sangs rgyas kyi zhing yongs su dag par ma byas kyi bar du brtson 'grus mi gtong ngo snyam du sems bskyed pa ste/ shA ri'i bu chos bcu po de dag dang ldan na/ byang chub sems dpa' smon lam las mi nyams shing / sangs rgyas kyi zhing yang yongs su dag par byed do// shA ri'i bu gzhan yang byang chub dpa' me tog khyer zhing de bzhin gshegs pa 'am/ de bzhin gshegs pa'i mchod rten gyi drung du song nas 'di snyam du sems bskyed de/ me tog de ji ltar dri zhim la/ kha dog bzang zhing blta na sdug ste/ yid du 'ong ba dang mdzes pa de bzhin du/ bdag byang chub thob pa'i sangs rgyas kyi zhing de'ang me tog sna tshogs kyis yongs su gang ba dang / rin po che sna tshogs kyi shing ljon pas rab tu brgyan par gyur cig ces bya bar sems bskyed do/ / de bzhin du sbyar te phye ma dang / bdug spos dang / 'phreng ba dang / byug pa dang / bzhon pa dang / gos dang / bza' ba dang / btung ba dang / gdugs dang / rgyal mtshan dang / ba dan dang / gser dang / dngul dang / baiDUR+Ya dang / mu tig dang / dung dang / man shel lam/ byu ru'i bar du gang ci 'bul yang rung ste/ de thams cad sangs rgyas kyi zhing gi yon tan bkod pa bsgrub pa'i don du yongs su bsngo zhing tshul khrims kyi sdom pa la gnas pas/ byang chub sems dpa' tshul khrims kyi sdom pa la gnas pa de'i sems kyi smon lam 'grub par 'gyur ro/ / shA ri'i bu gzhan yang 'di la byang chub sems dpa' ni su la'ang yid du mi 'ong ba'i tshig mi brjod cing / yid du 'ong ba'i tshig sha stag brjod de/ de byang chub thob pa'i sangs rgyas kyi zhing de na sems can gang gis kyang yid du mi 'ong ba'i sgra mi thos te/ yid 'ong ba'i sgra sha stag thos par 'gyur ro// sha ri'i bu gzhan yang 'di la byang chub sems dpa' bdag gis bde ba yongs su mi tshol zhing / gzhan bde bas dga' bar 'dzin te/ de byang chub thob pa'i tshe/ sangs rgyas kyi zhing de'i sems can rnams bde ba'i dam pas tshim par 'gyur ro/ / shA ri'i bu gzhan yang 'di la byang chub sems dpa' dge ba bcu'i las kyi lam rtag tu rgyun mi 'chad par yang dag par blangs shing smra ba ste/ dge ba'i rtsa ba de de'ang sangs rgyas kyi zhing gi yon tan bkod pa yongs su rdzogs par bya ba'i phyir thams cad mkhyen pa nyid du bsngo ste/ de byang chub thob pa'i tshe/ sangs rgyas kyi zhing de'i sems can thams cad dge ba bcu'i las kyi lam dang ldan zhing 'byung ba'i shes rab can du 'gyur ro/ / shA ri'i bu gzhan yang 'di la byang chub sems dpa' yul ga na 'dug kyang rung ste/ yul der skyes pa 'am/ bud med dam// khye'u 'am/ bu mo 'am/ sems can gang ji snyed cig des mthong ba de thams cad byang chub yang dag par 'dzin du 'jug cing / su la'ang nyan thos dang rang sangs rgyas kyi theg pa'i gtam mi brjod cing / gzhan du na sangs rgyas kyi theg pa'i gtam sha stag brjod de/ de byang chub thob pa'i tshe/ sangs rgyas kyi zhing der sems can gang ji snyed cig skyes pa de thams cad bla na med pa yang dag par rdzogs pa'i byang chub tu nges par 'gyur te/ nyan thos dang rang sangs rgyas med cing / byang chub sems dpa'i tshogs kyis yongs su gang ba'i sangs rgyas kyi zhing de thob par 'gyur ro// shA ri'i bu gzhan yang 'di la byang chub sems dpa' gzhan gyi rnyed pa mi 'phrog cing / gzhan gyis thob na dga' bar 'dzin te/ de byang chub thob pa'i tshe/ sangs rgyas kyi zhing der sems can gang ji snyed cig skyes pa de thams cad mi 'phrogs pa'i phun sum tshogs pa dang / chos kyi thob pa chen po dang ldan par 'gyur ro// shA ri'i bu gzhan yang 'di la byang chub sems dpa' dge slong du / skye/ / la s+ho// dbyung / ya ya pa gyu / depa'i / mas ca dag rnaMs pa med pa tsham can garjes sadag par ra 'i phyir ro// da pa pa kyang na lams dzin 'dod dang / don khyer pa 'ongs su byed pa'i rang bzhi ba yin do// yadu myo ba'i chos san tu kya ba ma sa sa nga sa nga / 'a pa med pa'i / skyed par na dang dus rgya ma sa/ // rlu nga/ / s+yA nga/ dang / ngas / A dang / tshogs mamangs na kyi byu ba 'i mas kyi na kyi na 'i yong gru pa 'ong yongs / sangs rgyam kyi'i m chod rten la snyan brgya stong ma dkrol ma brdungs par smra 'byin par 'gyur ro/ / shA ri'i bu gzhan yang 'di la byang chub sems dpa' brjed ngas pa'i sems can rnams la dran par 'gyur ba'i gdam dag gis 'dems te/ de byang chub thob pa'i tshe/ sangs rgyas kyi zhing de'i sems can rnams bsam gtan gyi zas can du 'gyur ro// shA ri'i bu ngas sangs rgyas kyi zhing gi yon tan bkod pa phun sum tshogs pa las brtsams te/ bskal pa 'am/ bskal pa las lhag par chos bstan kyang / de bzhin gshegs pa'i spobs pa la mtha' thug pa med mod kyi/ mos pa dang lhag pa'i bsams pa phun sum tshogs pa byang chub sems dpa' theg pa pa'i rigs kyi bu 'am/ rigs kyi bu mo dag gis gang thos na de yongs su rdzogs par byed par 'gyur bar mdor bstan to/ / shA ri'i bu chos gsum dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya zhing / ji ltar bsams pa'i sangs rgyas kyi zhing yang mngon par 'grub par 'gyur te/ gsum gang zhe na/ 'di lta ste/ bag yod par gnas pa dang / ji skad du thos pa'i chos la nan tan byed pa dang / smon lam gyi khyad par te/ shA ri'i bu chos gsum po de dag dang ldan na/ byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshang rgya zhing / ji ltar bsams pa'i sangs rgyas kyi zhing mngon par 'grub par 'gyur ro// de nas bcom ldan 'das la/ tshe dang ldan pa shA ri'i bu 'di skad ces gsol to/ / bcom ldan 'das ji tsam du de bzhin gshegs pas legs par gsungs pa ni ngo mtshar to// bcom ldan 'das byang chub kyi phyogs kyi chos thams cad ni bag mchis pa la gnas so/ / byang chub ni nan tan la gnas so// sangs rgyas kyi zhing gi yon tan bkod pa phun sum tshogs pa ni smon lam gyi khyad par gyis 'grub bo// bcom ldan 'das kyis bka' stsal pa/ shA ri'i bu de de bzhin te/ byang chub kyi phyogs kyi chos thams cad ni bag yod pa la gnas so// byang chub ni nan tan la gnas so// sangs rgyas kyi zhing gi yon tan bkod pa phun sum tshogs pa ni smon lam gyi khyad par gyis 'grub bo/ / shA ri'i bu sngon ngas ji ltar smon lam btab pa de bzhin du sangs rgyas kyi zhing yongs su 'grub bo// shA ri'i bu nga bag yod pa la gnas pas smon lam yongs su rdzogs so/ / shA ri'i bu ngas nan tan byas pas byang chub thob bo// shA ri'i bu ba ga med par gnas shing / tshig gi las lhur len pa dang nan tan med pas ni nyan thos kyi sa'ang bsgrub par mi nus na/ bla na med pa yang dag par rdzogs pa'i byang chub lta ci smos te/ shA ri'i bu de lta bas na byang chub sems dpa' yang dag pa'i ming du gdags par dam 'cha' bar 'dod pa'i byed chub sems dpas byang chub sems dpa'i bslab pa ji ltar bcas pa 'di la bslab par bya'o/ / de nas 'khor de'i byang chub sems dpa' brgyad khri bzhi stong so so'i stan las langs te/ thal mo sbyar nas kun gyis kyang mgrin gcig tu bcom ldan 'das la 'di skad ces gsol to// bcom ldan 'das bdag cag gis byang chub sems dpa'i bslab pa ji ltar bcas pa 'di la bslab par bgyi'o/ / nan tan gyis yongs su bsgrub par bgyi'o// bag mchis par gnas par bgyi'o// smon lam rnams yongs su rdzogs par bgyi'o// sangs rgyas kyi zhing phun sum tshogs pa yongs su rdzogs par bgyi'o/ / ji ltar bsams pa'i smon lam yongs su rdzogs par ma gyur kyi bar du byang chub sems dpa'i spyod pa spyad par bgyi'o// de nas bcom ldan 'das kyis de'i tshe 'dzum pa mdzad do/ / de nas bcom ldan 'das la/ tshe dang ldan pa shA ri'i bus 'di skad ces gsol to// bcom ldan 'das 'dzum pa mdzad pa'i rgyu gang lags/ rkyen gang lags bcom ldan 'das kyis bka' stsal pa/ shA ri'i bu khyod kyis 'di skad du seng ge'i sgra sgrogs pa'i rigs kyi bu 'di dag mthong ngam/ gsol pa/ bcom ldan 'das mthong lags so// bcom ldan 'das kyis bka' stsal pa/ shA ri'i bu rigs bu 'di dag thams cad bskal pa brgya phrag stong 'das nas bla na med pa yang dag par rdzogs pa'i byang chub mngon par rdzogs par 'tshang ba 'gyur te/ shA ri'i bu dper na seng ge zhes bya ba'i de bzhin gshegs pa sha stag sangs rgyas kyi zhing gzhan dang gzhan du 'byung ba ngas gzigs pa de bzhin du de bzhin gshegs pa de dag kyang ming smon lam bkod pa zhes bya ba sha stag tu sangs rgyas kyi zhing gzhan dang gzhan du 'byung bar 'gyur te/ shA ri'i bu de bzhin gshegs pa de dag gi sangs rgyas kyi zhing yang de bzhin gshegs pa dgra bcom pa yang dag par rdzogs pa'i sangs rgyas 'od dpag med kyi sangs rgyas kyi zhing na/ sangs rgyas kyi zhing gi yon tan bkod pa ci 'dra ba de 'dra bar lhag chad med par 'gyur te/ tshe'i tshad ni ma gtogs so// gsol pa/ bcom ldan 'das 'di dag gi tshe'i tshad tshim zhig tu 'gyur/ bcom ldan 'das kyis bka' stsasprul pa/ shA ri'i bu de bzhin gshegs pa de dag re re zhing tshe'i tshad bskal pa bcu bcur 'gyur ro// de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgra zhes bya ba 'khor de nyid du 'dus par gyur te 'dug pa stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'jam dpal gzhon nur gyur pa 'di sangs rgyas bcom ldan 'das rnams kyis bstod cing bsngags na/ bcom ldan 'das 'jam dpal gzhon nur gyur pa 'di yun ji srid cig na bla na med pa yang dag par rdzogs pa'i byang chub mngon par rdzogs par 'tshang rgya/ de'i sangs rgyas kyi zhing ni ji lta bu zhig tu 'gyur/ de skad ces gsol pa dang / bcom ldan 'das kyis/ byang chub sems dpa' sems dpa' chen po seng ge'i rtsal gyis mngon par bsgrags pa'i sgra la 'di skad ces bka' stsal to/ / rigs kyi bu 'jam dpal gzhon nur gyur pa 'di nyid la dris shig de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras/ 'jam dpal gzhon nur gyur pa la 'di skad ces smras so// 'jam dpal khyod ji srid cig na bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'jam dpal gyis smras pa/ rigs kyi bu khyod kyis kho bo la ci khyod bla na med pa yang dag par rdzogs pa'i byang chub tu yang dag par zhugs sam/ 'on te ma zhugs shes je dris shig/ de ci'i phyir zhe na/ rigs kyi bu gal te kho bo byang chub tu yang dag par zhugs na ni/ de'i phyir mngon par rdzogs par 'tshang yang rgyan/ kho bo yang dag par zhugs pa med pas mngon par rdzogs par 'tshang rgya bar ji ltar 'gyur/ smras pa/ 'jam dpal khyod sem can rnams kyi don du bla na med pa yang dag par rdzogs pa'i byang chub tu yang dag par ma zhugs sam/ smras pa/ rigs kyi bu de ni ma yin no// de ci'i phyir zhe na/ sems can dmigs su med pa'i phyir te/ rigs kyi bu gal te kho bos sems can zhig dmigs na ni/ de'i phyir kho bo'ang de dag gi don du byang chub tu yang dag par 'jug na/ rig kyi bu gang gi phyir sems can yang med/ srog kyang med/ gang zag kyang med pa de'i phyir kho bo 'jug pa med do// ldog pa med do// smras pa/ 'jam dpal khyod sangs rgyas kyi chos la ma zhugs sam smras pa/ rigs kyi bu de ni ma yin no// de ci'i phyir zhe na/ rig kyi bu chos thams cad ni sangs rgyas kyi chos la zhugs pa ste/ chos gang zag pa med cing khongs su gtogs pa med la/ mtshan ma med cing mtshan nyid med pa de ni sangs rgyas su zhugs pa yin te/ chos thams cad kyang sangs rgyas su zhugs pa de dang 'dra bas/ sangs rgyas su zhugs pa de dang mi 'dra ba med do// rigs kyi bu gang yang khyod kyis 'di skad du/ khyod sangs rgyas kyi chos kyi don du ma zhugs sam zhes smras pa de khyod nyid la dris/ khyod kyis ji ltar bzod pa de bzhin du lung ston cig/ rigs kyi bu 'di ji snyam du sems/ gzugs byang chub tu smon tam/ 'on te gzugs kyi rang bzhin nam/ gzugs kyi de bzhin nyid dam/ gzugs kyi ngo bo nyid dam/ gzugs kyi stong pa nyid dam/ gzugs kyi dben pa nyid dam/ gzugs kyi chos nyid byang chub tu smon/ rigs kyi bu 'di ji snyam du sems/ gzugs byang chub tu mngon par rdzogs par 'tshang rgya 'am/ 'on te gzugs rang bzhin nam/ gzugs kyi de bzhin nyid dam/ gzugs kyi ngo bo nyid dam/ gzugs kyi stong pa nyid dam/ gzugs kyi dben pa nyid dam/ gzugs kyi chos nyid byang chub tu mngon par rdzogs par 'tshang rgya/ smras pa/ 'jam dpal de ni ma yin te/ gzugs byang chub tu smon pa med do// gzugs kyi rang bzhin dang / gzugs kyi de bzhin nyid dang / gzugs kyi ngo bo nyid dang / gzugs/ kyi stong pa nyid dang / gzugs kyi dben pa nyid dang / gzugs kyi chos nyid ni byang chub tu smon pa med do// gzugs ni byang chub mngon par rdzogs par 'tshang mi rgya ba ste/ gzugs kyi chos nyid kyi bar du'ang byang chub mngon par rdzogs par 'tshang mi rgya'o/ / smras pa/ rigs kyi bu 'di ji snyam du sems/ tshor ba dang / 'du shes dang / 'du byed rnams dang / rnam par shes pa byang chub tu smon tam/ rnam par shes pa'i chos nyid kyi bar du'ang byang chub tu smon tam/ rigs kyi bu 'di ji snyam du sems/ rnam par shes pa byang chub mngon par rdzogs par 'tshang rgya 'am/ rnam par shes pa'i chos nyid kyi bar du'ang byang chub mngon par rdzogs par 'tshang rgya 'am/ spras pa/ 'jam dpal de ni ma yin te/ tshor ba dang / 'du shes dang / 'du byed rnams dang / rnam par shes pa ni byang chub tu smon pa med do// rnam par shes pa'i chos nyid kyi bar du'ang byang chub tu smon pa med do// rnam par shes pa ni byang chub mngon par rdzogs par 'tshang mi rgya'o/ / rnam par shes pa'i chos nyid kyi bar du'ang byang chub mngon par rdzogs par 'tshang mi rgya'o// smras pa/ rigs kyi bu 'di ji snyam du sems/ phung po lnga po dag las phyi rol du bdag gam/ bdag gi zhes bya bar gdags par nus sam/ smras pa/ 'jam dpal de ni ma yin no// smras pa/ rigs kyi bu de lta yin na byang chub tu ston pa'i chos de gang zhig yod/ byang chub mngon par rdzogs par 'tshang rgya ba'ang gang zhig yod/ smras pa/ 'jam dpal khyod lta bu byang chub sems dpa' sems dpa' chen po gzhan dag gi dbang du gyur pa/ tshad mar gyur pas kho bo byang chub tu smon pa med do// kho bo mngon par rdzogs par 'tshang mi rgya'o zhes bshad na/ bstan pa de thos pa'i byang chub sems dpa' las dang po pa rnams skrag par 'gyur ro/ / 'jam dpal gyis smras pa/ rigs kyi bu chos thams cad ni skrag pa med pa ste/ yang dag pa'i mtha' ni skrag pa med do// skrag pa med par bya ba'i phyir de bzhin gshegs pa'ang chos ste/ gang skrag pa de ni skyo bar 'gyur ro// gang skyo bar gyur pa de ni 'dod chags dang bral bar 'gyur ro// gang 'dod chags dang bral ba de ni rnam par 'grol lo/ / gang rnam par grol ba de ni bcing ba med par 'gyur ro// gang bcings pa med pa de ni chags par mi 'gyur ro// gang chags pa med pa de ni 'gro ba med do// gang 'gro ba med pa de ni 'ong ba med do// gang 'ong ba med pa de ni smon pa med do// gang smon pa med pa de ni smon lam 'debs pa med do// gang smon lam 'debs pa med pa de ni ldog pa med do/ gang ldog pa med pa de ni phyir ldog ste/ ci las phyir ldog ce na/ bdag tu 'dzin pa las phyir ldog go// sems can du 'dzin pa dang / srog tu 'dzin pa dang / gang zag tu 'dzin pa dang chad par 'dzin pa dang / rtag par 'dzin pa dang / mtshan mar 'dzin pa las phyir ldog go// rnam par rtog pa las phyir ldog go/ nam phyir ldog pa de ni de'i tshe 'gyur ba med pas phyir mi ldog ste/ gang las phyir mi ldog ce na/ stong pa nyid las phyir mi ldog go// mtshan ma med pa dang / smon pa med pa dang / yang dag pa'i mtha' dang / sangs rgyas kyi chos rnams las phyir ldog go// de la gang las phyir mi ldog pa'i sangs rgyas kyi chos rnams gang zhe na/ bral ba med pa ni sangs rgyas kyi chos rnams so// khongs su gtogs pa med pa ni sangs rgyas kyi chos rnams so// dmigs pa med pa de ni sangs rgyas kyi chos rnams so/ / len pa med pa de ni sangs rgyas kyi chos rnams so// dor ba med pa ni sangs rgyas kyi chos rnams so// rgyu ba med pa dang / rnam par rig pa med pa dang ming tsam du zad pa dang / stong pa dang / ma skyes pa dang / ma 'gags pa dang / 'ong ba med pa dang / 'gro ba med pa dang / rnam par byang ba dang / kun nas nyon mongs pa dang bral ba dang / rdul med pa dang / rdul dang bral ba dang / bdag gi po med pa dang / yid la bya ba med pa dang / mi ldan pa med pa dang / zad pa med pa dang / blangs pa med pa dang / mnyam pa med pa dang / mi mnyam pa med pa ni sangs rgyas kyi chos rnams so// rigs kyi bu sangs rgyas kyi chos gang yin pa de dag ni chos kyang ma yin/ chos ma yin pa'ang ma yin te/ de ci'i phyir zhe na/ de dag la gang las 'di dag ni sangs rgyas kyi chos rnams so zhes bya bar brjod par bya ba'i gnas mi dmigs so/ / rigs kyi bu byang chub sems dpa' las dang po pa gang gis bstan pa 'di thos nas/ 'jigs par gyur pa de dag ni myur du bla na med pa yang dag par rdzogs pa'i byang chub mngon par rdzogs par 'tshang rgya'o// gang 'jigs pa ma gyur pa de dag ni ci'ang mngon par rdzogs par 'tshang rgya bar mi 'gyur ro/ / smras pa/ 'jam dpal ci las bsams shing de skad ston/ smras pa/ rigs kyi bu gang 'jigs par gyur pa de dag ni rnam par rtogs par 'gyur te/ gang rnam par rtog pa de dag ni 'di snyam du/ bdag cag gis byang chub mngon par rdzogs par 'tshang rgya bar bya'o snyam pas/ de dag mngon par rdzogs par 'tshang rgya ba dang ldan pa'i sems bskyed pa ji snyed du skyed par gyur pa de snyed du mngon par rdzogs par 'tshang rgya'o/ / gang dag de lta bu'i sems mi skyed pa de dag ni byang chub tu dmigs pa med cing / sems kyis rlom sems su mi byed do// byang chub kyi sems su dmigs pa med pas rnam par rtog pa med do// gang gi tshe rnam par mi rtog pa de'i tshe/ ci'ang mngon par rdzogs par 'tshang rgya ba med do// de ci'i phyir ci'ang mngon par rdzogs par 'tshang rgya ba med ce na/ byang chub de mi dmigs pas de'i phyir mngon par rdzogs par 'tshang rgya ba med do// rigs kyi bu 'di ji snyam du sems/ nam mkha'i khams byang chub mngon par rdzogs par 'tshang rgya'am/ smras pa/ 'jam dpal de ni ma yin no// 'jam dpal gyis smras pa/ rigs kyi bu ci bcom ldan 'das kyis chos thams cad nam mkha' dang mnyam par bstan mod/ smras pa/ 'jam dpal de de bzhin no// 'jam dpal gyis smras pa/ rigs kyi bu de lta bas na nam mkha' ji lta bar byang chub kyang de bzhin/ byang chub ji lta bar nam mkha' yang de bzhin te/ nam mkha' dang byang chub ni gnyisu med de gnyis su dbyer med do// gang gis de lta bu'i mnyam pa nyid shes na de ni cung zad kyang pa med la/ des ma shes pa'ang gang yang med do// bstan pa 'di bshad pa'i tshe/ dge slong khri nyis stong nye bar len pa med par zag pa rnams las sems rnam par grol lo// lha dang mi khri bzhi stong chos la chos kyi mig rdul dang / bral zhing dri ma med par rnam par dag go/ srog chags dgu khri drug stong gis sngon ma bskyed pa las bla na med pa yang dag par rdzogs pa'i byang chub tu sems bskyed par gyur to/ / byang chub sems dpa' lnga khri nyis stong gis mi skye ba'i chos la bzod pa thob par gyur to// de nas byang chub sems dpa' sems dpa' chen po seng gi'i rtsal gyis mngon par bsgrags pa'i sgras/ 'jam dpal gzhon nur gyur pa la 'di skad ces smras so// 'jam dpal khyod kyi yun ring po ji srid cig nas bla na med pa yang dag par rdzogs pa'i byang chub tu sems bskyed/ 'jam dpal gyis smras pa/ rigs kyi bu kha rog/ chos rnams ma skyes pa la bdag rnam par rtog tu ma gzhug/ rigs kyi bu gang la la zhig 'di skad du bdag gis byang chub tu sems bskyed do/ / bdag gis byang chub kyi phyir spyad par bya'o zhes zer na/ de nyid de'i log par lta ba chen por 'gyur te/ rigs kyi bu bdag gis ni sems gang byang chub tu sems bskyed par bya ba de lta bu yang dag par rjes su ma mthong ste/ de ltar bdag gis sems de'ang yang dag par rjes su ma mthong bas byang chub tu'ang sems ma bskyed do// / smras pa/ 'jam dpal rjes su ma mthong zhes bya ba'i tshig de'i don gang yin/ 'jam dpal gyis smras pa/ rigs kyi bu yang dag par rjes su ma mthong zhes bya ba ni mnyam pa nyid bstan to// smras pa/ 'jam dpal ci'i phyir mnyam pa nyid ces bya/ smras pa/ rigs kyi bu mnyam pa nyid ces bya ba ni gang la tha dad pa med pa ste/ mnyam pa nyid des chos thams cad 'di lta ste/ dben pa'i tshul du tshul gcig tu bstan pas ro gcig tu brjod cing kun nas nyon mongs pa med pa dang / rnam par byang ba med pa dang / chad pa med pa dang / rtag pa med pa dang / mi skye ba med pa dang // mi 'gag pa med pa dang / nga'i ba med pa dang / yongs su 'dzin pa med pa dang / dor ba med pa'i phyir chos ston cing / mi rtog rnam par mi rtog pa ste/ rigs kyi bu chos de lta bu mnyam pa nyid du rtogs pa'i ye shes ni mnyam pa nyid ces bya'o/ / rigs kyi bu gzhan yang byang chub sems dpa' gang gis chos nyid khong du chud pa de ni khams la tha dad par yang yang dag par rjes su mi mthong / gcig/ tu'ang yang dag par rjes su mi mthong ba 'di ni mnyam pa nyid do// mnyam pa nyid gang yin pa 'di ni mi mnyam pa med pa'o// mi mnyam pa med pa gang yin pa de ni gzod ma nas dag pa'o// de nas bcom ldan 'das la/ byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to// bcom ldan 'das 'jam dpal gzhon nur gyur pa 'di ni ji srid cig nas ngas bla na med pa yang dag par rdzogs pa'i byang chub tu sems bskyed do zhes bgyi bar mi ston te/ 'khor 'di dag ni nyan par 'tshal lo// bcom ldan 'das kyis bka' stsal pa/ rigs kyi bu 'jam dpal gzhon nur gyur pa 'di ni zab mo'i bzod pa dang ldan pa ste/ de'ang ji tsam du byang chub kyang mi dmigs sems kyang mi dmigs pa de tsam du bab pa'i bzod pa dang ldan te/ des byang chub kyi sems mi dmigs pas ngas 'di srid cig nas byang chub tu sems bskyed do zhes bya bar mi ston na/ rigs kyi bu 'jam dpal gzhon nur gyur pas yun ring po ji srid cig nas bla na med pa yang dag par rdzogs pa'i byang chub tu sems bskyed pa bstan par bya'o// rigs kyi bu sngon byung ba 'das pa'i dus bskal pa grangs med pa brgya stong gang+gA'i klung gi bye ma snyed phrag bdun 'das pa de'i pha rol gyi yang ches pha rol/ de'i tshe de'i dus na de bzhin gshegs pa dgra bcom pa yang dag par rdzogs pa'i sangs rgyas 'brug sgra'i dbyings kyi rgyal po zhes bya ba rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa sangs rgyas bcom ldan 'das 'jig rten du byung ste/ sangs rgyas kyi zhing 'di nas shar phyogs logs su sangs rgyas kyi zhing gang+gA'i klung bye ba phrag dgu bcu rtsa gnyis kyi bye ma snyed 'das pa na/ 'jig rten gyi khams 'byung ba bzang po zhes bya ba byung ste/ de na bcom ldan 'das de bzhin gshegs pa 'brug smra'i dbyangs kyi rgyal po zhes bya ba de chos ston to/ / de'i tshe bcom ldan 'das de'i nyan thos 'dus pa ni bye ba khrag khrig brgya stong phrag brgyad cu rtsa bzhir gyur/ byang chub sems dpa' 'dus pa ni des nyis 'gyur du gyur te/ de'i tshe rgyal po nam mkha' zhes bya ba chos dang ldan pa chos kyi rgyal po 'khor los sgyur ba'i rin po che bdun dang ldan pa byung ste/ rigs kyi bu rgyal po nam mkha' zhes bya ba de bu dang / chung ma dang / gnyen 'dab dang / 'khor du bcas pas las gzhan med cing skyo ba med pa'i sems kyis/ de bzhin gshes pa 'brug sgra'i dbyangs kyi rgyal po nyan thos kyi dge 'dun dang / byang chub sems dpa'i dge 'dun dang bcas pa de la lo brgyad khri bzhi stong du zhal zas kyi rnam pa kha na ma tho ba med pa gzhan dang gzhan dag dang / na bza' gsar pa gsar pa gzhan dang gzhan dag dang / pho brang khang pa brtsegs pa gsar pa gsar pa gzhan dang gzhan dag dang / rim gro ba kha na ma tho ba med pa gzhan dang gzhan dag dang / bde bar sbyar ba thams cad kyis rim gror byas par gyur to// de ltar lo brgyad khri bzhi stong 'das pa'i 'og tu de gcig pu dben pa na gnas shing gnyis su med par 'dug 'dug pa'i yid la rnam pa 'di lta bu'i sems skyes par gyur te/ bdag gis dge ba'i rtsa ba mang po mngon par 'dus byas kyang de dag nges pa @/ med pa'i sems kyis 'dus byas na/ de ni dge ba'i rtsa ba de dag kyang yongs su bsngo bar bya'o snyam nas/ de 'di snyam du sems te/ dge ba'i 'di brgya byin du bats+tsha 'am/ tshangs par bsngo'am/ 'khor los sgyur bar bsngo 'am/ nyan thos su bsngo 'am/ rang sangs rgyas su bsngo 'am/ gang du bsngo snyam pa dang / rigs kyi bu rgyal po de sems de ltar skyes ma thag tu steng gi bar snang las lha mang pos sgra bsgrags pa/ rgyal po chen po de ltar dma' ba'i sems ma skyed cig/ de ci'i phyir zhe na/ khyod kyis bsod nams kyi phung po yangs pa byas kyis/ rgyal po chen po bla na med pa yang dag par rdzogs pa'i byang chub tu sems skyed cig ces byas pa dang / rigs kyi bu de'i tshe rgyal po nam mkha' de dga' ba dang mchog tu dga' ba chen po skyes par gyur te/ des 'di snyam du bsams so// bdag ni byang chub las phyir mi ldog go// de ci'i phyir zhe na/ lha rnams kyis bdag gis sems yongs su shes te sgra bsgrags so snyam rigs kyi bu de nas rgyal po nam mkha' de srog chags bye ba khrag khrig brgya stong phrag brgyad bcus yongs su bskor cing mdun du bdar te/ bcom ldan 'das de bzhin gshegs pa 'brug sgra'i dbyangs kyi rgyal po ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ bcom ldan 'das de la lan gsum bskor ba byas nas phyogs gcig tu 'khod do/ / rigs kyi bu de nas rgyal po nam mkha' zhes bya ba des/ bcom ldan 'das de bzhin gshegs pa 'brug sgra'i dbyangs kyi rgyal po ga la ba de logs su thal mo sbyar ba btud nas/ bcom ldan 'das la tshigs su bcad de gsol pa/ / khyod kyi spyan sngar dam chos zhu/ skyes bu dam par mchog skye bar// rnam pa gang gis 'gyur ba de// rnam par 'dren pos bdag la gsungs// rnam 'dren khyod la mngon sum du/ mchod pa yangs pa bgyid bgyid kyang // mo nges sems kyis bgyi gyur gyi// gar yang yongs su bsdom bgyis// bdag ni gcig pu dben gnas tshe'adi 'dra'i ses shig skyes par gyur/ / bdag gis bsod nams che bsags na// ji ltar yongs su de bsngo snyam// tshangs par bsngo 'am brgya byin nam// gling bzhi'i dbang phyug thob par ram/ 'on te nyan thos dngos por ram// rang rgyal thob pa'i phyir bsngo snyam// de ltar sems bskyed de ma thag/ lha rnams sgra 'byin brjod pa ni// dma' ba'i sems kyis bsod nams 'di/ rnam par chud gson ma byed cig/ sems can kun la phan pa'i phyir// smon lam rlabs chen gdab par gyis// byang chub sems rab bskyed byas shing // 'jig rten rnams kyi don yang gyis/ / de bas chos kyi dbang phyug gtso// rdzogs sangs rgyas la bdag zhu ste// thub pa ji ltar sems bskyed na// rdzogs pa'i byang chub skye bar 'gyur// ye shes de ni gang gis thob/ / don de bdag la bstan du gsol// byang chub sems ni bskyed byas shing // thub pa khyod 'drar ba dag kyang smon// de yi tshig de gsan gyur nas/ de bzhin gshegs pas bka' stsal pa// rgyal po chen po shes par gyis// rim gyis khyod la bstan par bya// chos rnams thams cad rkyen bzhin te// 'dun pa'i rtsa la rab tu gnas/ / gang gis smon lam ci btab pa// de 'dra'i 'bras bu thob par 'gyur// rgyal po ngas kyang sngan chad ni// rdzogs pa'i byang chub sems bskyed gyur// sems can kun la phan don du/ / ngas ni smon lam dam pa btab// smon lam ji ltar btab tshul du// ngas ni 'bras bu thob par gyur// byang chub dam pa ngas thob pas// nga yi bsam pa rdzogs par 'gyur// rgyal po chen po brtan gyi sa la// mi 'gyur sems ni bskyed par gyis// gal te spyod pa spang byas na// khyod kyang yang dag sangs rgyas 'gyur// thub pa'i gsung de thos gyur nas// rgyal po de ni dga' bar gyur/ / 'jig rten kun gyi mngon sum du// seng ge'i nga ror tshigo 'di brjod// 'khor ba tha ma med pa yi// sngon gyi mtha' ni ji srid du// de srid sems can phan don du// spyod pa dpag yas spyad par bya// 'jig rten mgon po'i spyan snga 'dir// byang chub mchog tu sems bskyed do// 'gro ba thams cad mgron gnyer te// dbul zhing 'phongs las sgrol bar bya/ / de ring phan chad gal te yang // bdag gis 'dod chags sems bskyed na// phyogs bcu dag na gang bzhugs pa'i// sangs rgyas thams cad bslus par bya// byang chub nam zhig thob par du/ / tha ba'i sems dang gnod sems dang // phrag dog dang ni ser sA yang // de ring phyin chad mi bya'o// tshangs pa'i spyod pa bdag gis spyad// sdig pa'i 'dod pa yo su btang / / tshul khrims sdom dang nges pa la// sangs rgyas rjes su bslab par bya// bdag ni byang chub rings tshul du// 'tshang rgyar mos shing spro ba med// phyi mthar thug gi bar du yang // sems can gcig phyir spyad par bya// tshad med bsam gyis mi khyab pa'i// sangs rgyas zhing ni sbyor bar bya// phyogs rnams bcu po thams cad du// bdag gi ming ni thos par bya// bdag gis bdag la lung bstan te// sangs rgyas 'gyur ba dogs pa med// bdag gis lhag bos ma rnam par dag/ bdag dbang 'di na 'dren pa rnams// lus dang ngag gi las rnams kyang / / rnam pa kun tu bdag gis sbyangs// yid kyi las kyang snang bar bya// mi dge'i las ni spyad mi bya// ma 'ongs dus na sangs rgyas te// 'jig rten mgon du 'gyur zhe na// bden ba des ni sa 'di yang / / rnam pa drug tu g.yos gyur cig/ bdag gis bden tshig gang brjod po// ma nor yang dag sus shes na// bden pa des ni mkha' dbyings las// sil spyan dag gi sgra grag shog/ bdag la gal teg mo med cing // de bzhin tha ba med cin// mngar ba'i me tog bzang // bden pa des ni car du pog/ yangs/ don du nges pa yi// tshig bden de skad brjod pa dang // phyogs brgya mtha' yas thams cad kyi// bye ba'i zhing rnams rab tu g.yos// de yi mod la mkha' dbyings nas// sil bye ba'i sgra yang byung / / me tog mnad rab dag/ mi 'grong bdun srid bab par gyur// rgyal po de yi rjes bslabs te// srog chags bye ba nyi shu yis// 'dren par bdag cag 'gyur smon ces/ / yid du 'ong ba'i sgra yang bsgrags// de ltar srog chags bye ba phrag/ nyi shu po rnams thams cad kyang // rgyal po mchog gi rjes slob cing // byang chub mchog tu zhugs par gyur/ rigs kyi bu de'i tshe de'i dus na 'khor los sgyur ba'i rgyal po nam mkha' zhes bya ba byung ba de gzhan zhig yin snyam du khyod sems na/ khyod kyis de ltar mi blta'o// de ci'i phyir zhe na/ 'jam dpal gzhon nur gyur pa 'di nyid de'i tshe de'i dus na 'khor los sgyur ba'i rgyal po nam mkha' zhes bya bar gyur pa ste/ 'jam dpal gzhon nur gyur pa 'dis byang chub tu sems bskyed kyi chad bskal pa gang+gA'i klung grangs med pa brgya stong phrag 'dun gyi bye ma snyed 'das par gyur to/ / mi skye ba'i chos la bzod pa thob nas kyang bskal pa gang+gA'i klung drug cu rtsa bzhi'i bye ma snyed 'das par gyur te/ de nas nye bar bzung nas 'di de bzhin gshegs pa'i stobs yongs su rdzogs so/ / 'di byang chub sems dpa'i sa bcu thams cad yongs su rdzogs so// 'di sangs rgyas kyi sa yongs su rdzogs so// 'di sangs rgyas kyi chos thams cad yongs su rdzogs te/ bar 'ga' yang des bdag byang chub mngon par rdzogs par 'tshang rgya bar 'gyur ram/ mi 'gyur snyam pa'i sems gcig kyang bskyed par ma gyur to// rigs kyibu bcom ldan 'das de bzhin gshegs pa 'brug sba'i dbyangs kyi rgyal po'i spyan sngar/ rgyal po de dang lhan cig tu byang chub tu sems bskyed pa'i srog chags bye ba phrag nyi shu po de dag thams cad kyang tha na med pa yang dag par rdzogs pa'i byang chub mngon par rdzogs par sangs rgyas nas chos kyi 'khor lo bskor te/ sems can tshad med grangs med pa'i don du sangs rgyas kyi bya ba byas nas/ sangs rgyas kyi mya ngan las 'da' bar yongs su mya ngan las 'das so/ / de dag thams cad kyang 'jam dpal gzhon nur gyur pa 'dis sbyin pa la yang dag par btsud do// de bzhin du tshul khrims dang / bzod pa dang / brtson 'grus dang / bsam gtan dang / shes rab la yang dag par btsud de/ thams cad la'ang bsnyen bkur dang yongs su spyad pa byas so// thams cad kyi dam pa'i chos bzung ngo / / de bzhin gshegs pa gcig ma gtogs pa ni sangs rgyas kyi zhing 'di nas/ 'og gi phyogs logs su sangs rgyas kyi zhing gang+gA'i klung bzhi khri bzhi stong gi bye ma snyed 'das pa na/ 'jig rten gyi khams sa'i dbyangs shes bya ba yod de/ de na de bzhin gshegs pa sa'i lha zhes bya ba byang chub sems dpa'i dge 'dun tshad med pa dang / sku tshe'i tshad dpag tu med par bzhugs pa ste/ de da ltar yang bzhugs shing 'tsho'o// gzhes so// sngon byung ba'i le'u 'di bstan pa'i tshe/ srog chags brgya stong phrag bdun bla na med pa yang dag par rdzogs pa'i byang chub tu sems skyes par gyur to/ / de nas byang chub sems dpa' seng ge'i rtsal gyis mngon par bsgrags pa'i sgras/ 'jam dpal gzhon nur gyur pa la 'di skad ces smras so// 'jam dpal gal te de ltar khyod kyis de bzhin gshegs pa'i stobs bcu'ang yongs su rdzogs/ byang chub sems dpa'i sa cu'ang yongs su rdzogs sangs rgyas kyi sa'ang yongs su rdzogs/ sangs rgyas kyi chos thams cad kyang yongs su rdzogs na/ ci'i phyir bla na med pa yang dag par rdzogs pa'i byang chub mngon par rdzogs par 'tshang mi rgya/ de skad ces smras pa dang / 'jam dpal gzhon nur gyur pas/ byang chub sems dpa' seng ge'i rtsal gyis mngon par bsgrags pa'i sgra la 'di skad ces smras so// rigs kyi bu sangs rgyas kyi chos yongs su rdzogs na/ yang dang yang du byang chub mngon par rdzogs par 'tshang rgyar med do/ / de ci'i phyir zhe na/ des byang chub thob par gyur pas thob zin pa ni gzod thob par mi bya'o// smras pa/ 'jam dpal sangs rgyas kyi chos yongs su rdzogs shes bya ba ji lta / smras pa/ rigs kyi bu de bzhin nyid yongs su rdzogs pa gang yin pa de ni sangs rgyas kyi chos rnams yongs su rdzogs pa'o// nam mkha' yongs su rdzogs pa gang yin pa de ni sangs rgyas kyi chos rnams/ yongs su rdzogs pa'o// de ltar nam mkha' dang / sangs rgyas kyi chos rnams dang / de bzhin nyid ces bya ba de ni gnyis su med cing gnyis su dbyer med do// rigs kyi bu sangs rgyas kyi chos rnams yongs su rdzogs pa gang yin zhes de skad zer ba la/ gang gzugs yongs su rdzogs pa dang / gang tshor ba dang / 'du shes dang / 'du byed rnams dang / gang rnam par shes pa yongs su rdzogs ba de ni sangs rgyas kyi chos rnams yongs su rdzogs pa'o/ / smras pa/ 'jam dpal gzugs yongs su rdzogs pa ni ji lta bu/ tshor ba dang / 'du shes dang / 'du byed rnams dang / rnam par shes pa yongs su rdzogs pa ni ji lta bu/ smras pa/ rigs kyi bu khyod kyis gzugs kyi rtag pa 'am/ mi rtag pa yang dag par rjes su mthong ngam/ smras pa/ 'jam dpal de ni ma mthong ngo / / 'jam dpal gyis smras pa/ rigs kyi bu chos gang rtag pa'ang ma yin/ mi rtag pa'ang ma yin pa de la yongs su rdzogs pa 'am/ 'grib par 'gyur ba yod dam/ smras pa/ 'jam dpal de ni med do// / 'jam dpal gyis smras pa/ rigs kyi bu de ltar chos gang yongs su rdzogs pa'ang med/ 'grib pa'ang med pa de ni yongs su rdzogs pa zhes bya'o// smras pa/ cis yongs su rdzogs shes bya/ smras pa/ des chos ji ra shes pa de ltar ma shes 'jug par 'gyur te/ gang gi mal shes 'jug pa gyur pa de'i dzi mdog nam par matog go// gang sa chos ma rnam par martog par yongs su rdzogs pa 'am/ 'bri bar byed pa med de/ gang yongs su rdzogs pa la/ 'khrib ba med pa na nyam panyid do// rigs kyi bri lta bsan gzugs ni mnyam pa nyid mthong ba ga ma gzugs yongs su rdzogs pa'o/ / tshor ba dang / 'du shes dang / 'du byed rnams dang / rnam par shes pa'i mnyam pa nyid mthong ba gang yin pa de ni rnam par shes pa yongs su rdzogs pa'o// de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras/ 'jam dpal gzhon nur gyur pa la 'di skad ces smras so// 'jam dpal de ltar khyod yun ring po nas bzod pa thob kyang bdag gis byang chub thob par bya'o zhes bya ba'i sems bskyed pa gcig kyang skye ba med na/ 'jam dpal khyod kyis da ji ltar sems can gzhan dag byang chub la yang dag par gzung bar bya// smras pa rigs kyi bu kho bo ni sems can gang yang byang chub la yang dag par mi 'dzud do/ / de ci'i phyir zhe na/ sems can med pa dang / sems can dben pa'i phyir te/ rigs kyi bu gang gis sems can dmigs pa des ni byang chub kyang dmigs/ gang gis byang chub dmigs pa de ni byang chub la sems can rnams yang dag par 'dzud par byed kyi/ rigs kyi bu bdag gis ni byang chub kyang ma dmigs// sems can yang ma dmigs pas/ de ltar byang chub la sems can rnams 'dzud par mi byed do// mnyam pa nyid ni byang chub tu smon pa byed pa'ang med/ de las ldog pa'ang med do// de ci'i phyir zhe na/ mnyam pa nyid la rnam par rtog pa med pas de ltar mnyam pa nyid la smon pa med do/ / ldog pa med do// de ci'i phyir zhe na/ 'du byed rnams la gang nas kyang 'ong ba dang / gang du'ang 'gro ba med de/ de ni mnyam pa nyid do/ / rigs kyi bu mnyam pa nyid ces bya ba 'di ni stong pa nyid kyi tshig ste/ stong pa nyid la smon pa gang yang med do// rigs kyi bu gang yang khyod kyis 'di skad du de ltar yun ring po nas bzod pa thob na ji ltar ci'i phyir bdag gis byang chub mngon par rdzogs par 'tshang rgya bar bya'o zhes bya bar sems mi skyed ces zer ba ni/ rigs kyi bu khyod kyis sems gang gis byang chub thob par bya ba de lta bu yang dag par rjes su mthong ngam/ smras pa/ 'jam dpal de ni ma mthong ste/ de ci'i phyir zhe na/ sems la gzugs med cing bstan du med pas/ byang chub kyang ming tsam ste/ yid las byung ba ma yin pas byang chub ces bya ba 'am/ sems shes bya ba ni ming tsam ste/ ming gang yin pa de ni dben zhing byed pa med pa'o// smras pa/ rigs kyi bu de las bsams nas/ bdag gis byang chub ji ltar thob par bya snyam du sems bskyed pa med do zhes smras pa yin no/ / de ci'i phyir zhe na/ sems de ni ma skyes pa ste/ ma skyes pa la skye ba med do// gang skye ba med pa de la thob pa dang / mngon par rtogs par bya ba'ang gang zhig yod/ smras pa/ 'jam dpal mngon par rtogs pa zhes bya ba ji lta bu/ smras pa/ rigs kyi bu gang chos thams cad la rlom sems med cing / mnyam pa nyid du khong du chud pa 'di ni mngon par / rtogs pa zhes bya'o// ji ltar rdul tsam gyi 'du shes kyang mi skyed mi 'gog pa de ltar rtogs pa de ni mngon par rtogs pa zhes bya'o// de bzhin nyid dang mnor ba de bzhin nyid ni rnam par mi rtog ste/ de ni mngon par rtogs pa zhes bya'o/ / yang dag pa'i lta bas zhugs te/ mnyam pa nyid la chos gang yang mi dmigs shing ma dmigs pas/ gcig pa 'am tha dad par mi byed cing rlom sems su mi byed pa 'di ni mngon par rtogs pa zhes bya'o/ / chos thams cad gang 'di mtshan nyid med par mtshan nyid gcig tu lus kyis mngon sum du byas shing shes kyang lus la'ang mngon par zhen pa med/ sems la'ang mngon par zhen pa med pa 'di ni mngon par rtogs pa thob pa zhes bya'o/ / smras pa/ 'jam dpal thob pa zhes bya ba de ji lta bu/ smras pa/ rigs kyi bu de ni rgyu ba med pa'i tshig ste/ de'i phyir thob pa zhes bya'o// de'i rgyu ba khams gsum na tha snyad du 'di yin no zhes bstan du med de/ 'phags pa rnams kyi thob pa gang yin pa de ni brjod par mi nus so// de ci'i phyir zhe na/ chos de ni gnas med cing rgyu ba med pas de'i phyir brjod par mi nus so// rigs kyi bu gzhan yang de ni thob pa med pa las thob pa'i sgrar brjod pa ste/ de ni chos gang yang thob pa'ang ma yin/ ma thob pa'ang ma yin pas de'i phyir thob pa zhes bya'o// / bam po bzhi pa ste tha ma'o/ / / de nas bcom ldan 'das la/ byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to// bcom ldan 'das 'jam dpal gzhon nur gyur pa 'di'i sangs rgyas kyi zhing gi yon tan bkod pa ji lta bu zhig tu 'gyur ba/ de bzhin gshegs pas legs par bstan du gsol/ bcom ldan 'das kyis bka' stsal pa/ rigs kyi bu 'jam dpal gzhon nur gyur pa 'di nyid la dris shig/ de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras/ 'jam dpal gzhon nur gyur pa la 'di skad ces smras so/ / 'jam dpal khyod kyi sangs rgyas kyi zhing gi yon tan bkod pa ji lta bu zhig tu 'gyur/ smras pa/ rigs kyi bu gang byang chub la mngon par dga' ba de la dris shig smras pa/ 'jam dpal khyod byang chub la mngon par dga' ba ma yin nam/ smras pa/ rigs kyi bu de ni ma yin no// de ci'i phyir zhe na/ gang mngon par dga' ba de ni 'dod chags dang ma bral ba'o// gang 'dod chags dang ma bral ba de ni sred pa'o// sred pa gang la yod pa de ni skye bar 'gyur ro// skye ba gang la yod pa de la tshor ba yod do// gang la tshor ba yod pa de la 'byung ba med de/ rigs kyi bu de lta bas na/ kho bo byang chub la mngon par dga' ba med de/ byang chub tu dmigs pa med pas de'i phyir mngon par dga' ba med do// rigs kyi bu de lta mod kyi/ 'on kyang gang khyod kyis 'di skad du/ kyi sangs rgyas kyi zhing gi yon tan bkod pa jil bu zhig tu 'gyur zhes smras pa ni/ de la bdag gis bdag bstod par mi nus te/ de ci'i phyir ne na/ de bzhin gshegs pa chos thams cad thugs su chud pa mngon sum du bzhugs bzhin du bdag gi sangs rgyas kyi zhing gi yon tan bkod pa bdag nyid kyis brjod pa na/ de ni byang chub sems dpa' sems dpa' chen pa'i bdag bskyed du 'gyur ro// bcom ldan 'das kyis bka' stsal pa/ 'jam dpal khyod nyid kyi sangs rgyas kyi zhing gi yon tan bkod pa'i smon lam ston cig/ de bzhin gshegs pas gnang ngo // de ci'i phyir zhen khyod las smon lam de dag zos nas/ byang chub sems dpa' sems dpa' chen po gzhan dag kyang spyod pa de lta bu yongs su rdzogs par byed do// 'jam dpal gyis gsol pa/ bcom ldan 'das bdag ni de bzhin gshegs pa'i bka' la slar mi zlog ste/ sangs rgyas kyi mthus bstan par bgyi'o// de nas 'jam dpal gzhon nur gyur pastan las langs nas/ bla gos phrag pa gcig tu gzar te/ pus mo g.yas pa'i lpang sa la btsugs nas/ bcom ldan 'das de bzhin gshegs pa shAkya thub pa ga la ba de logs su thal mo sbyar ba 'atud de/ bcom ldan 'das la 'di skad ces gsol to// bcom ldan 'das de'i slad du rigs kyi bu dang / rigs kyi bu mo byang chub don du gnyer ba dag bdag la nyan cing smon lam de dag thos nas kyang yongs su rdzogs par bgyid la/ de bzhin nyid du nan tan bgyid na bdag gis na pa gyi'o/ / de wa 'jamadapal gzhon nur gyur pas bus ma galas pa'i ltungs la tsugs ma pa gtu nas skad cig de la phyogs bcu'i dag na gyi khams gang+gA krung gi kris na nas pan 'gyur to/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bsal pa bye ba zug khrig phrag 'bum phrag brgya stong grangs ma mchis pa nas nye bar bzung ste/ bdag gis smon lam btab pa ni nam bdag gis phyogs bcu mtha' yas mu med pa'i 'jig rten gyi khams su sangs rgyas kyi spyan sgrib pa med pas bltas na/ sangs rgyas bcom ldan 'das gang ji snyed pa de dag thams cad bdag gis byang chub la yang dag par btsud pa dang / bdag gis byang chub kyi sems la bkod pa dang / bdag gis sbyin pa la yang dag par btsud pa dang / de bzhin du tshul khrims dang / bzod pa dang / brtson 'grus dang / bsam gtan dang / shes rab la yang dag par btsud pa dang / bdag gis bskul ba dang / bdag gis rjes su bstan par gyur par mthong ba de srid du bdag bla na med pa yang dag par rdzogs pa'i byang chub mngon par rdzogs par 'tshang rgya bar mi bya'i/ nam bdag gis sangs rgyas kyi spyan sgrib pa med pas phyogs bcur rnam par bltas kyang / bdag gis sangs rgyas nyid la ma bkod pa'i de bzhin gshegs pa de lta bu gang yang mthong bar ma gyur pa de'i tshe/ bdag kyang za na med pa yang dag par rdzogs pa'i byang chub mngon par rdzogs par 'tshang rgya bya'o zhes bgyi bar smon lam btab bo/ / de nas 'khor de'i nang nas byang chub sems dpa' la la 'di snyam du sems par gyur te/ 'jam dpal gzhon nur gyur pa 'dis sangs rgyas bcom ldan 'das ji snyed cig mthong bar gyur snyam pa dang / de nas bcom ldan 'das kyis/ byang chub sems dpa' de dag gi sems kyis rtog pa thugs su chud nas/ byang chub sems dpa' sems dpa' chen po seng ge'i rtsal gyis mngon par bsgrags pa'i sgra la 'di skad ces bka' stsal to/ / rigs kyi bu 'di lta ste/ dper na skyes bu gang la la zhig skyes par gyur te/ des stong gsum gyi stong chen po'i 'jig rten gyi khams 'di rdul phra rab tu grags shing bshig ste thal bar byas na/ rigs kyi bu de ji snyam du sems rdul phra rab kyi rdul de dag cis shes pa'am/ rtsis la shin tu mkhas padag gis brgya phrag 'di snyed cig yod do zhe'am/ stong phrag 'di snyed cig yod do zhe 'am/ 'bum phrag 'di snyed cig yod do zhe'am/ bye ba zag 'di snyed cig yod do na 'am/ bye ba brgya phrag 'di snyed cig yod do zhe 'am/ bye ba stong phrag 'di snyed cig yod do zhe'am/ bye ba brgya stong 'bum phrag 'di snyed cig yod do zhes shes pa 'am/ bgrang ba'am/ gzhal ba 'am/ tshad gzung bar nus sam/ gsol pa/ bcom ldan 'das de ni ma lags so/ / bde bar gshegs pa de ni ma lags so// bcom ldan 'das kyis bka' stsal pa/ 'jam dpal gzhon nur gyur pas sangs rgyas kyi spyan sgrib pa med pas rnam par bltas na phyogs bcu'i phyogs re rer yang de snyed kyi sangs rgyas bcom ldan 'das dag mthong bar 'gyur ro/ / de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bdag gis ni bdag gi sangs rgyas kyi zhing gcig la gang+gA'i klung du ma'i bye ma snyed kyi sangs rgyas kyi zhing tsam gyi thag grur yangs par yongs su ma grub cing / sangs rgyas kyi zhing de'i phyir rin po che brgya stong 'bum phrag du ma las grub pa dang / rin po che brgya stong 'bum phrag du mas spras pa srid pa'i rtse mo'i tshad tsam du ma gyur gyi bar du bla na med pa yang dag par rdzogs pa'i byang chub mngon par rdzogs par 'tshang rgya bar mi bgyi bar smon lam btab bo/ / bcom ldan 'das gzhan yang bdag gis sangs rgyas kyi zhing der stong gsum gyi stong chen po'i 'jig rten gyi khams bcu'i tshad tsam gyi byang chub kyi shing skyes te/ byang chub kyi shing de'i 'od kyis sangs rgyas kyi zhing de thams cad rgyas shing khyab par gyur cig ces bgyi bar smon lam de skad btab bo/ / bcom ldan 'das gzhan yang bdag gis byang chub kyi shing de'i drung du bdag 'dug pa'i cha/ bla na med pa yang dag par rdzogs pa'i byang chub tu mngon par rdzogs par sangs rgyas pa nas/ yongs su mya ngan las 'das pa'i bar du byang chub kyi shing drung de nas ma langs kyang bdag gi sprul pa phyogs bcu'i phyogs re re zhing sangs rgyas kyi zhing bye ba khrag khrig brgya phrag stong 'bum phrag grangs med pa dag tu dong zhing / sems can rnams la chos ston par gyur cig ces bgyi bar smon lam de skad btab bo/ / bcom ldan 'das gzhan yang bdag gis bdag gi sangs rgyas kyi zhing der nyan thos dang rang sangs rgyas kyi ming tsam yang ye med par gyur te/ nga chub sems dpa' zhe sdang dang / tha ba dang / 'chab pa med pa tshangs pa'i spyod pa yongs su dag par spyod pa sha stag gis sangs rgyas kyi zhing de gang la/ sangs rgyas kyi zhing de na bud med kyi ming yang mi grag cing mngal du skye ba med pa dang / byang chub sems dpa' de dag thams cad kyang gos ngur smrig gyon cing skyil mo krung bcas par rdzus te byung ba dang / sangs rgyas kyi zhing de shin tu dag par gyur te/ bzhin gshegs pa'i sprul pa phyogs bcu'i 'jig rten gyi khams bye ba khrag khrig brgya stong grangs med par gshegs shing sems can rnams la chos ston pa de dag theg pa gsum las brtsams te/ mos pa'i tshul bzhin du sems can rnams la chos ston pa ma gtogs par/ sangs rgyas kyi zhing de na nyan thos dang rang sangs rgyas med cing byang chub sems dpas yongs su gang bar gyur cig ces bgyi bar smon lam de skad btab bo/ / de nas bcom ldan 'das la/ byang chub sems dpa' sems dpa' chen po seng ge'i rtsal gyis mngon par bsgrags pa'i sgras 'di skad ces gsol to/ / bcom ldan 'das 'jam dpal gzhon nur gyur pa byang chub mngon par sangs rgyas na ming ji skad ces bgyi bar 'gyur/ bcom ldan 'das kyis bka' stsal pa/ rigs kyi bu de bzhin gshegs pa kun tu gzigs pa zhes bya bar 'gyur ro/ / rigs kyi bu 'di ji snyam du sems/ de bzhin gshegs pa de ci'i phyir kun tu gzigs pa zhes bya zhe na/ rigs kyi bu de bzhin gshegs pa kun tu gzigs pa des/ phyogs bcu'i 'jig rten gyi khams bye ba khrag khrig brgya stong tshad med grangs med pa kun gyi sangs rgyas bcom ldan 'das rnams mthong bar 'gyur ba dang / sems can gang gis de bzhin gshegs bde mthong bar gyur pa de dag thams cad kyang sran med pa yang dag par rdzogs pa'i byang chub tu nges par 'gyur ba dang / rigs kyi bu da ltar byung ba'i dus sam/ nga mya ngan las 'das pa'i dus kyang rung ste/ de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa de'i mtshan gang gis thos pa de dag ni mi 'gyur ba la zhugs pa dang / mos pa chung ba'i gang zag rnams ma gtogs par thams cad kyang bla na med pa yang dag par rdzogs pa'i byang chub mngon par rdzogs par 'tshang rgya bas/ de'i phyir de bzhin gshegs pa de kun tu gzigs pa zhes bya'o// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das bdag gi smon lam ni/ de bzhin gshegs pa 'od dpag med kyis dga' ba'i thas dang ldan par 'gyur bar smon lam mdzad pa lta bu'ang ma lags te/ bcom ldan 'das bdag gis ni bdag gi sangs rgyas kyi zhing der byang chub sems dpa' gang dag skyes par gyur pa de dag kha zas kyi 'du shes shig skyes par gyur na/ de ma thag tu skad cig des de dag gi 'ag pa g.yas par ro bro ba brgya phrag du ma dang ldan pa'i kha zas kyis gang ba'i snod mngon du byung bar gyur la/ snod de dag byung ma thag tu de dag 'di snyam du 'di ltar bdag cag gis phyogs bcu'i sangs rgyas bcom ldan 'das rnams lam phul/ sems can dbul zhing 'phongs pas sdug bsngal ba dang / mgon med par gyur pa dag dang yi dgas kyi 'jig rten du sme ba gang dag lo stong phrag du mar yang mchil ma'i thal ba 'ga' yang mi rnyed pa de lta bu dag yongs su tshim par ma byas par/ bdag nyid kyis bza' ba ni tshul dang mi 'dra'o zhes bgyi bar dran pa thob par gyur cing / de'i mod la de dag mngon par shes pa lnga yongs su grub par gyur te/ rdzu 'phrul dang ldan zhing nam mkha' las mchi ba dang / rlung ltar thogs pa ma mchis pa'i shugs kyis phyogs bcu'i 'jig rten gyi khams grangs dang tshad ma mchis padag tu phyin nas/ kha zas de las de bzhin gshegs pa nyan thos kyi dge 'dun dang bcas pa la'ang phul/ sems can 'phongs shing ltogs pa dang mgon ma mchis pa rnams dang / yi dgas kyi 'jig rten du skyes pa rnams kyang yongs su tshim par bgyis nas/ de dag la chos bstan te/ skad cig gcig gis sangs rgyas kyi zhing der slar mchi bar gyur cig ces bgyi bar smon lam de skad btab bo// bcom ldan 'das gzhan yang bdag gis ni bdag byang chub thob pa'i tshe/ bdag gi sangs rgyas kyi zhing der byang chub sems dpa' gang ji snyed cig skyes pa de dag gos rin po che rnam pa sna tshogs kyi longs spyod dang ldan par gyur te/ bsams pa tsam gyis ci la dga' ba'i gos rin po che dge sbyong gi tshul dang mthun pa rung ba dag kyang byung bar gyur la/ gos rin po che de dag byung ma thag tu 'di snyam du 'di ltar bdag cag gis gos 'di lta bu phyogs bcu'i sangs rgyas bcom ldan 'das rnams la ma phul bar/ bdag cag nyid kyis yongs su spyad pa ni tshul dang mi 'dra'o snyam pa'i dran pa thob par gyur nas/ de dag gis sems de ltar skyes ma thag tu/ 'jig rten gyi khams tshad ma mchis grangs ma mchis pa dag tu mchis shing / gos de dag sangs rgyas bcom ldan 'das rnams la mngon par bkab ste/ slar sangs rgyas kyi zhing der mchis nas ci dga' ba'i gos rin po che la spyod par gyur cig ces bgyi bar smon lam de skad btab bo/ / bcom ldan 'das de bzhin du sangs rgyas kyi zhing de na byang chub sems dpa' sems dpa' chen po de dag gi longs spyod dang / yongs su spyod pa gang ji snyed cig mchis pa de dag thams cad kyang / sangs rgyas bcom ldan 'das nyan thos kyi dge 'dun dang bcas pa dag la phul nas/ slad kyis bdag cag yongs su spyod par 'gyur ba dang / sangs rgyas kyi zhing de na mi khom pa brgyad ma mchis pa dang / sangs rgyas kyi zhing de na mi dge ba'i sgra ma mchis pa dang / sangs rgyas kyi zhing de na sdug bsngal gyi sgra ma mchis pa dang / sangs rgyas kyi zhing/ de na skyon du 'gyur ba'i sgra ma mchis pa dang / sangs rgyas kyi zhing de na gzugs dang / bla dang / dri dang / ro dang / reg pa yid du mi 'ong ba ma mchis par gyur cig ces bgyi bar smon lam btab bo/ / de nas bcom ldan 'das la/ byang chub sems dpa' sems dpa' chen po seng ga'i rtsal gyis mngon par bsgrags pa'i sgras 'di skad ces gsol to// bcom ldan 'das gang du bcom ldan 'das de bzhin gshegs pa kun tu gzigs pa de 'byung bar 'gyur ba'i 'jig rten gyi khams de'i ming ci zhes bgyi bar 'gyur/ bcom ldan 'das kyis bka' stsal ba/ smon lam ji lta ba bzhin du yongs su rdzogs shing dag la rdul med pa bsags pa zhes bya ba'i 'jig rten gyi khams su 'gyur ro// gsol pa/ bcom ldan 'das 'jig rten gyi khams de phyogs gang logs shig tu 'byung bar 'gyur/ bcom ldan 'das kyis bka' stsal pa/ rigs kyi bu 'jig rten gyi khams de ni lho phyogs logs su 'byung ste/ 'jig rten gyi khams mi mjed 'di nyid kyang de'i nang du 'dus shing khongs su chud par 'gyur ro/ / de nas bcom ldan 'das la/ 'jam dpal gzhon nur gyur pas gzhan yang 'di skad ces gsol to// bcom ldan 'das bdag gis ni smon lam 'di ltar btab ste/ bdag gi sangs rgyas kyi zhing de rin po che bye ba khrag khrig brgya stong du mas gang zhing / nor bu rin po che du mas spras pas/ nor bu rin po che kun tu bstan pa 'dra la/ rin po che de dag kyang phyogs bcu'i 'jig rten gyi khams na dkon la/ sngon chad ma mthong la mi srid pa sha stag ste/ de dag gi ming brjod na'ang lo bya ba brgya stong thogs bar 'gyur ba de lta bu'i nor bu rin po che dag gis sangs rgyas kyi zhing de yongs su gang bar gyur te/ sangs rgyas kyi zhing de la byang chub sems dpa' la la zhig sangs rgyas kyi zhing 'di gser las grub par mthong bar dga' 'o snyam na'ang des gser las grub par mthong ba dang / dngul las grub par mthong bar dga' 'o snyam na'ang dngul grub par mthong la/ gzhan gyis gser las grub par mthong ba ma mchis par mi 'gyur ba dang / de bzhin du bai DUR+Ya las grub pa dang / shel las grub pa dang / mu tig dmar po las grub pa dang / rdo'i snying po las grub pa dang / spug las grub pa dang / de bzhin du rin po che sna tshogs kyi rgyu las grub pa dang / tsan dan las grub pa 'am/ a ka ru las grub pa 'am/ ta ka ra las grub pa'am/ ta ma la'i lo ma las grub pa'am/ tsan dan sprul gyi snying po las grub pa'am/ tsan dan dmar po las grub pa 'am/ su rnam pa ji lta bur 'dod pa de dag gis de bzhin du mthong ste/ phan tshun nas sangs rgyas kyi zhing tha dad par mthong ba'ang na mchis par 'gyur ba dang / sangs rgyas kyi zhing de na byang chub shing de las 'od byung ba dang / byang chub sems dpa' rang rang las 'od byung bas snang zhing gsal ba ma gtogs par nyi ma dang zla ba'i 'od kyang mi mngon/ skar ma dang / rin po che dang / zhugs dang / glog gam/ sems can gzhan gang gi 'od kyang mi mngon pa dang / gang dag ji tsam du 'od kyis khyab par gda' ba/ tha na sangs rgyas kyi zhing bye ba khrag khrig brgya stong de snyed du de dag gi 'od kyis gsal bar 'gyur te/ sangs rgyas kyi zhing de na byang chub sems dpa' rnams kyi bsam pa'i khyad par gyis me tog kha bye ba dang / bzum par 'gyur ba dang / gang dus dang tshod rnam pa ji lta bur yongs su spyad par 'tshal ba de bzhin du de'i 'grub pa ma gtogs par nyin mtshan gyi ming yang ma mchis pa dang / sangs rgyas kyi zhing de na grang ba dang tsha ba'ang ma mchis/ rga ba dang / na ba dang / 'chi ba'ang ma mchis te/ byang chub sems dpa' gang byang chub mngon par rdzogs par 'tshang rgya bar 'tshal ba de 'jig rten gyi khams gzhan du mchis shing / dga' ldan gyi gnas su tshe bas par bgyis nas byang chub mngon par rdzogs par 'tshang rgya bar 'gyur ba dang / sangs rgyas kyi zhing de'i steng gi bar snang las sil snyan ltar mi gda' ba bye ba khrag khrig brgya stong rtag tu rgyun mi chad par sgra 'byin pa dang / sil snyan de dag las kyang 'dod pa dang ldan bI sgra mi 'byung gi/ gzhan du na pha rol tu phyin pa'i sgra dang / sangs rgyas kyi sgra dang chos kyi sgra dang / dge 'dun gyi sgra dang / byang chub sems dpa'i sde snod kyi chos kyi rnam grangs kyi sgra 'byin par 'gyur te/ byang chub sems dpa' de dag ji lta bur mos pa'i sgra de lta bu thos par 'gyur ba dang / byang chub sems dpa' gang dag de bzhin gshegs pa de la blta bar 'tshal na 'chag gam/ 'gro 'am/ 'ong ngam/ sdod dam/ mchis kyang rung ste/ gang dag der sangs rgyas blta ba'i yid la bgyi bar skyes ma thag tu/ de dag gis de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa byang chub kyi shing drung na bzhugs pa de de nyid na bzhugs par mthong bar gyur cing / mthong nas kyang bcom ldan 'das de mthong ma thag tu de dag gi the tsom mam/ nem nur ram/ ying gnyis sam/ chos kyi som nyi gang ci mchis pa yongs su chad par gyur te/ bstan mi 'tshal bar chos kyi tshig de'i don yongs su 'tshal bar gyur cig ces bgyi bar smon lam btab bo// de nas 'khor de'i byang chub sems dpa' bye ba khrag khrig brgya stong du mas mgrin gcig tu smras pa/ gang 'di kun tu gzigs pa zhes bya ba de'i mtshan de ni tshul dang 'dra ba ste/ sems can gang dag gis bcom ldan 'das de bzhin gshegs pa kun tu gzigs pa de'i mtshan thos pa de dag kyang rnyed pa legs par rnyed pa yin na/ sangs rgyas kyi zhing der skyes par gyur pa lta ci smos te/ gang dag gis lung bstan pa'i chos kyi rnam grangs 'di thos pa dang / gang dag gis 'jam dpal gzhon nur gyur pa'i ming thos pa de dag gis ni/ sangs rgyas mngon sum du mthong bar blta'o// de skad ces smras pa dang / bcom ldan 'das kyis/ byang chub sems dpa' de dag la 'di skad ces bka' stsal to/ / rigs kyi bu dag de de bzhin no// ji skad smras pa bzhin te/ rigs kyi bu dag gang gis sangs rgyas bye ba khrag khrig brgya stong gi mtshan brjod pa bas ni/ gang gis 'jam dpal gzhon nur gyur pa'i ming brjod na/ 'di nyid de bas bsod nams ches mang du skyed na/ bcom ldan 'das de bzhin gshegs pa kun tu gzigs pa de'i mtshan brjod pa lta smos kyang ci dgos/ de ci'i phyir zhe na/ 'jam dpal gzhon nur gyur pas bskal pa re re zhing sems can gyi don ji snyed du byas pa'i sems can gyi don de ni sangs rgyas bye ba khrag khrig brgya stong gis kyang ma mdzad do/ / de nas 'khor de'i lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa bye ba khrag khrig brgya stong du mas mgrin gcig tu 'di skad ces smras so// 'jam dpal gzhon nur gyur pa la phyag 'tshal lo// de bzhin gshegs pa kun tu gzigs pa la phyag 'tshal lo/ / de skad ces brjod pa dang / de'i mod la srog chags bye ba khrag khrig brgya stong phrag brgyad cu rtsa bzhi bla na med pa yang dag par rdzogs pa'i byang chub tu sems skyes par gyur to// sems can tshad med pa dag kyang dge ba'i rtsa ba yongs su smin par gyur te/ bla na med pa yang dag par rdzogs pa'i byang chub las phyir mi ldog par gyur to// bcom ldan 'das la/ 'jam dpal gzhon nur gyur pas gzhan yang 'di skad ces gsol to/ / bcom ldan 'das bdag gis ni 'di ltar phyogs bcu'i 'jig rten gyi khams bye ba khrag khrig brgya stong tshad med grangs med pa dag na/ sangs rgyas bcom ldan 'das bzhugs pa rnams kyi sangs rgyas kyi zhing gi yon tan bkod pa'i rgyan dang / smon lam gyi rgyan dang / mtshan nyid dang / mtshan ma dang / spyod pa dang / gnas kyi rnam pa'i rgyan gang ji snyed cig mthong ba las nyan thos kyi bkod pa dang / snyigs ma lnga'i sangs rgyas rnams ma gtogs par de dag thams cad bdag gis sangs rgyas kyi zhing gcig gi nang du 'dus pa dang / khongs su chud par bya'o zhes bgyi bar smon lam btab ste/ bcom ldan 'das bdag 'tshal na bskal pa gang+gA'i klung gi bye ma snyed du bdag gis sangs rgyas kyi zhing gi yon tan bkod pa las brtsams te rnam pa gzhan dang gzhan du thogs pa ma mchis pa'i tshul gyis sug las gzhan ma mchis par bshad dam/ de bas kyang ring du bshad kyang sangs rgyas kyi zhing gi yon tan bkod pa de dag mthar thug par mi 'gyur ro/ / bcom ldan 'das bdag gi smon lam gyi rnam pa gang ci 'dra ba de la de bzhin gshegs pa dgra bcom pa yang dag par rdzogs pa'i sangs rgyas ma gtogs par dbang du gyur pa gzhan gang yang ma mchis so/ / bcom ldan 'das kyis bka' stsal pa/ 'jam dpal de de bzhin te/ de bzhin gshegs pas thugs su chud do// de bzhin gshegs pa dgra bcom pa yang dag par rdzogs pa'i sangs rgyas kyi ye shes la ni thogs pa med de/ dus gsum kun tu 'jug go/ de nas 'khor de'i nang nas byang chub sems dpa' kha cig 'di snyam du sems par gyur te/ 'jam dpal gzhon nur gyur pas rang gi sangs rgyas kyi zhing gi yon tan bkod pa de brjod pa dang / bcom ldan 'das de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can na sangs rgyas kyi zhing gi yon tan bkod pa yod pa de gnyis 'dra 'am/ 'od te mi 'dra snyam pa dang // de nas bcom ldan 'das kyis/ byang chub sems dpa' de dag gi sems kyis rtog pa thugs su chud nas/ byang chub sems dpa' seng ge'i rtsal gyis mngon par bsgrags pa'i sgra la bka' stsal pa/ rigs kyi bu 'di lta ste/ dper na mi la la zhig gis skra'i rtse mo brgyar gshegs pa'i chas/ rgya mtsho chen po las chu'i thig pa gcig blangs na/ rigs kyi bu 'di ji snyam du sems chu blangs pa de dang phyin las pa de gnyis gang sang bar 'gyur/ gsol pa/ bcom ldan 'das blangs pa ni nyung / slad nA las pa ni tshad ma mchis so// bcom ldan 'das kyis bka' stsal pa/ rigs kyi bu mi des skra'i rtse mo brgyar gshegs pa'i chas rgya mtsho chen po las chu'i thigs pa gcig blangs pa de tsam du ni 'jig rten gyi khams bde ba can de bzhin gshegs pa 'od dpag med kyi sangs rgyas kyi zhing gi yon tan bkod par blta'o/ / rgya mtsho chen po na chu'i lhag ma ji snyed cig yod pa de tsam du ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun tu gzigs pa'i sangs rgyas kyi zhing gi yon tan bkod par blta'o/ / de nas bcom ldan 'das la/ byang chub sems dpa' seng ge'i rtsal gyis mngon par bsgrags pa'i sgras 'di skad ces gsol to/ / bcom ldan 'das de bzhin gshegs pa kun tu gzigs pa'i sangs rgyas kyi zhing gi yon tan bkod pa rnam pa de lta bu de bzhin gshegs pa gzhan la la la mnga' bar gyur tam mnga' bar 'gyur ram/ da ltar la la na de lta bu mnga' ba lta'ang bzhugs sam/ bcom ldan 'das kyis bka' stsal pa/ rigs kyi bu yod de/ sangs rgyas kyi zhing 'di nas shar phyogs logs su sangs rgyas kyi zhing gang+gA'i klung bye ba phrag brgya'i bye ma snyed 'das pa na/ 'jig rten gyi khams smon lam la rab tu gnas pas mngon par 'phags pa zhes bya ba yod de/ de na d e bzhin gshegs pa dgra bcom pa yang dag par rdzogs pa'i sangs rgyas kun na 'od zer yon tan rtag tu mang ba rgya mtsho'i rgyal po zhes bya ba sku tshe'i tshad dpag tu med pas da ltar bzhugs te 'tsho zhing bzhes la/ byang chub sems dpa'i tshogs tshad med pas yongs su bskor cing mdun gyis bltas te chos ston to// rigs kyi bu de bzhin gshegs pa kun tu gzigs pa'i sangs rgyas kyi / zhing gi yon tan bkod pa phun sum tshogs pa 'gyur ba gang yin pa dang / da ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kun nas 'od zer yon tan rtag tu mang ba rgya mtsho'i rgyal po'i sangs rgyas kyi zhing gi yon tan bkod pa gang yin pa de gnyis mtshungs te lhag chad med do/ / rigs kyi bu byang chub sems dpa' bsam gyis mi khyab pa'i go bgos pa 'jug pa chen pos zhugs pa gang 'di 'jam dpal gzhon nur gyur pa'i spyod pa 'di nyid la gnas pa bzhi yod de/ byang chub sems dpa' de dag gi sangs rgyas kyi zhing gi yon tan bkod pa'ang 'di dang 'dra bar 'gyur ro/ / gsol bapa/ bcom ldan 'das byang chub sems dpa' de dag gi ming bstan du gsol/ byang chub sems dpa' de dag gang na mchis pa dang / bcom ldan 'das de bzhin gshegs pa kun nas 'od zer yon tan rtag tu mang ba rgya mtsho'i rgyal po'i sangs rgyas kyi zhing yang bstan du gsol/ de bzhin gshegs pa de dang byang chub sems dpa' de dag kyang bstan du gsol/ de ci'i slad du zhe na/ byang chub sems dpa' gzhan dag kyang sangs rgyas kyi zhing gi yon tan bkod pa de lta bu yongs su 'dzin par 'gyur ba'i slad/ du'o// bcom ldan 'das kyis bka' stsal pa/ rigs kyi bu de'i phyir nyon cig dang bstan par bya'o// rigs kyi bu byang chub sems dpa' gcig ni 'od kyi tog ces bya ste/ shar phyogs logs na bcom ldan 'das de bzhin gshegs pa mya ngan med pa'i dpal gyi sangs rgyas kyi zhing na 'dug go/ / gnyis pa ni ye shes bla ma zhes bya ste/ lho phyogs logs na bcom ldan 'das de bzhin gshegs pa ye shes rgyal po'i sangs rgyas kyi zhing na 'dug go/ gsum pa ni zhi ba'i dbang po zhes bya ste/ nub phyogs logs na bcom ldan 'das de bzhin gshegs pa shes rab brtsegs pa'i sangs rgyas kyi zhing na 'dug go/ / bzhi pa ni smon lam blo gros shes bya ste/ byang phyogs logs ni bcom ldan 'das de bzhin gshegs pa mthu bo che'i sangs rgyas kyi zhing na 'dug go/ / de nas bcom ldan 'das kyis de'i tshe rdzu 'phrul mngon par 'du mdzad pa 'di lta bu mngon par mdzad de/ rdzu 'phrul mngon par 'du mdzad pa de mngon par mdzad pas/ bcom ldan 'das de bzhin gshegs pa kun nas 'od zer yon tan rtag tu mang ba rgya mtsho'i rgyal po'i sangs rgyas kyi zhing yang kun tu snang bar gyur/ bcom ldan 'das de'ang byang chub sems dpa'i 'khor gyis kun nas bskor cing mdun gyis bltas pa dang / sangs rgyas kyi zhing gi yon tan bkod pa sngan chad ma mthong ma thos shing bsam gyis mi khyab la rnam pa'i mchog thams cad dang ldan pa de dag kyang 'di lta ste/ dper na skyes bu mig dang ldan pa'i lag na skyu ru ra'i 'bru 'dug pa mthong ba de bzhin du/ sangs rgyas kyi zhing de sangs rgyas kyi zhing 'di nas kun tu snang bar gyur to/ / bcom ldan 'das de bzhin gshegs pa kun nas 'od zer yon tan rtag tu mang ba rgya mtsho'i rgyal po de'ang sku tha mal bar dpag tshad brgya khri bzhi stong mnga' ba ste/ 'dzam bu chu bo'i gser gyi ri bo ltar mdzes shing lham me lhan ne lhang nger bzhugs pa/ byang chub sems dpa' sems dpa' chen po lus dpag tshad bzhi khri nyis stong tsam du gyur pa sha stag gis bskor cing mdun gyis byas te/ byang chub kyi shing yon tan bkod pa du mas rab tu brgyan pa'i drung na seng ge'i khri la bzhugs shing sprul pa bye ba khrag khrig brgya stong mngon par sprul pa mdzad de/ sprul pa de dag kyang phyogs bcu'i 'jig rten gyi khams bye ba khrag khrig brgya stong mang por drong zhing sems can rnams la chos ston pa mthong ngo // de nas bcom ldan 'das kyis/ byang chub sems dpa'i tshogs la bka' stsal pa/ rigs kyi bu dag khyed kyi sangs rgyas kyi zhing 'dir sangs rgyas kyi zhing gi yon tan bkod pa dang / byang chub sems dpa'i tshogs phun sum tshogs pa mthong ngam/ de nas 'khor de'i nang nas byang chub sems dpa' brgya khri bzhi stong stan las ladwa te/ thal mo sbyar nas kun gyis kyang mgrin gcig/ tu 'di skad ces gsol to// bcom ldan 'das bdag cag gis kyang 'jam dpal gzhon nur gyur pa'i spyod pa ci 'dra ba'i spyod pa de la bslab par bgyi'o// bdag cag gis kyang sangs rgyas kyi zhing gi yon tan bkod pa de lta bu bsgrub par bgyi'o/ / de nas de'i tshe bcom ldan 'das kyis zhal 'dzum pa mdzad do// de nas bcom ldan 'das kyi zhal gyi sgo nas 'od zer kha dog sna tshogs pa kha dog dum dang ldan pa 'di lta ste/ sngon po dang / ser po dang / dmar po dang / dkar po dang / l+ye brgan dang / shel dang / dngul gyi kha dog lta bu mang po 'thon par gyur te/ de dag gis 'jig rten gyi khams mtha' yas mu med pa dag snang bar byas nas slar log ste/ bcom ldan 'das la lan gsum bskor ba byas nas/ bcom ldan 'das kyi dbu'i gtsug tu nub par gyur to// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka' stsal pa/ byams pa sangs rgyas kyi zhing gi yon tan bkod pa 'di bstan pa'i tshe/ byang chub sems dpa' brgya khri bzhi stong 'jam dpal gzhon nur gyur pa'i sangs rgyas kyi zhing gi yon tan bkod pa rnam pa de lta bu'i sangs rgyas kyi zhing gi yon tan bkod pa yongs su bsgrub pa'i phyir sems bskyed de/ byams pa byang chub sems dpa' brgya khri bzhi stong po de dag las skyes bu dam pa bcu drug gis ni lhag pa'i bsam pa dang ldan par bsam pa thag pas tshig brjod de/ de dag gis sangs rgyas kyi zhing gi yon tan bkod pa'ang / 'jam dpal gzhon nur gyur pa'i sangs rgyas kyi zhing gi yon tan bkod pa ci 'dra ba de bzhin 'gyur ro/ / lhag ma rnams kyi sangs rgyas kyi zhing gi yon tan bkod pa ni de ltar mi 'gyur yang bla na med pa yang dag par rdzogs pa'i byang chub myur du mngon par rdzogs par 'tshang rgya ste/ de dag gi sangs rgyas kyi zhing gi yon tan bkod pa ni de bzhin gshegs pa 'od dpag med kyi sangs rgyas kyi zhing 'jig rten gyi khams bde ba can na/ sangs rgyas kyi zhing gi yon tan bkod pa ci 'dra ba de 'dra bar lhag chad med par 'gyur ro/ / byams pa byang chub sems dpa' sems dpa' chen po rnams kyi lhag pa'i bsam pa gces spras byed pa la ltos/ tshig tu brjod par 'dra'ang gang gis lhag pa'i babasam pas bsam pa thag pa nas tshig tu brjod pa de dag gi sangs rgyas kyi zhing gi yon tan bkod bdag ni/ 'jam dpal gzhon nur gyur pa'i sangs rgyas kyi zhing gi yon tan bkod pa bzhin du gyur to// gang gis dma' ba'i sems dang dang pa tsam gyis tshig tu brjod pa de dag kyang las dma' ba des bskal pa bye ba khrag khrig brgya stong phrag drug cur 'khor ba phyir bsnyil te/ pha rol tu phyin pa lnga yongs su rdzogs par 'gyur ro/ / de nas byang chub sems dpa' bzhi po 'od kyi tog dang / ye shes bla ma dang / zhi ba'i dbang po dang / smon lam blo gros dag kyang phyogs bzhi nas khang pa brtseg pa baiDUR+Ya'i mdog tu 'dug pa mtshungs pa med par bzang ba dag gi nang du zhugs te/ lha bye ba khrag khrig brgya stong du mas yongs su bskor cing mdun du bdar te/ sangs rgyas kyi zhing ni rnam pa drug tu g.yo bar byed/ me tog gi char chen po ni rab tu 'bebs/ sil snyan bye ba khrag khrig brgya stong ni sgra 'byin cing rdzu 'phrul gyi cho 'phrul sna tshogs kyis 'ong bar snang bar gyur to// de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das ci'i slad du 'jig rten du dog sa cher g.yos par gyur pa dang / phyogs bzhi nas khang brtsegs pa bzhi mchi bar bda' bar gyur/ bcom ldan 'das kyis bka' stsal pa/ byams pa byang chub sems dpa' bzhi po de dag de bzhin gshegs pas bskul nas/ de de bzhin gshegs pa la blta ba'i phyir nye bar 'ong bar gyur to// de skad ces bka' stsal nas/ ring po ma lon par de'i mod la byang chub sems dpa' bzhi po de dag lhags te/ lhags nas kyang khang pa brtsegs pa de dag nas babs nas/ bcom ldan 'das de bzhin gshegs pa shAkya thub pa ga la ba der song ste phyin nas/ bcom ldan 'das kyi zhabs gnyis la mgo bos phyag 'tshal te/ bcom ldan 'das la lan bdun bskor ba byas nas phyogs gcig tu 'khod do// byang chub sems dpa' de dag 'khod ma thag tu thams cad dang ldan pa'i 'khor phyogs bzhi nas snang chen pos snang bar gyur to/ / de nas bcom ldan 'das kyis/ byang chub sems dpa'i tshogs la bka' stsal pa/ rigs kyi bu dag skyes bu dam pa 'ongs pa bzhi po 'di dag ni bsam gyis mi khyab pa'i gos gyon pa 'jug pa chen pos yang dag par zhugs pa yin gyis/ rigs kyi bu dag khyed kyis skyes bu dam pa 'di dag la rim gro skyed la chos dris shig/ rigs kyi bu dag skyes bu dam pa 'di dag gi smon lam nyon cig/ rigs kyi bu dag skyes bu dam pa 'di dag gi smon lam ni rnam pa 'di lta bu ste/ rigs kyi bu dang rigs kyi bu mo byang chub sems dpa'i theg pa pa gang su dag gis bdag cag mthong bar gyur pa de dag thams cad bla na med pa yang dag par rdzogs pa'i byang chub las phyir mi ldog par gyur te/ bskal pa bye ba phrag nyi shur 'khor ba phyir bsnyil bar gyur cig/ pha rol tu phyin pa lnga yongs su rdzogs par gyur cig/ bud med gcig gis bdag cag gi ming thos na'ang myur du bud med kyi lus las 'gyur bar shog cig ces bya ba de lta bu'i smon lam dang ldan pa dag go/ / de nas bcom ldan 'das kyis sangs rgyas kyi zhing de bstan te/ rdzu 'phrul de dag phyir brtul ba mdzad pa dang sangs rgyas kyi zhing de yang mi snang bar gyur to/ / de nas bcom ldan 'das la/ 'jam dpal gzhon nur gyur pas 'di skad ces gsol te// bcom ldan 'das chos thams cad ni sgyum lta buste bcom ldan 'das 'di lta ste/ dper na sgyu ma mkhan ni sgyu ma sprul pa'ang bgyid/ sgyu ma ma mchis par yang bgyid de/ bcom ldan 'das de bzhin du chos thams cad kyang skye'ang skye/ 'gag kyang 'gag ste/ gang la skye ba dang 'gag pa ma mchis pa de ni mnyam pa nyid do// bcom ldan 'das mnyam pa nyid la slob pa'i byang chub sems dpa' sems dpa' chen po ni myur du bla na med pa yang dag par rdzogs pa'i byang chub mngon par rdzogs par 'tshang rgya'o/ / de nas byang chub sems dpa' ye shes bla mas/ 'jam dpal gzhon nur gyur pa la 'di skad ces smras so// 'jam dpal byang chub ji lta bu zhig mngon par rdzogs par 'tshang rgya bar bya/ 'jam dpal gyis smras pa/ gang sus kyang ma thob ma bshig cing / gang la'ang yod pa'am/ med par chags pa dmigs su med pa'o/ / byang chub sems dpa' ye shes bla mas smras pa/ 'jam dpal byang chub de ji tsam du yod pas kyang mi 'thob/ med pas kyang mi 'thob bam/ smras pa rigs kyi bu de de bzhin no/ / de ci'i phyir zhe na/ chos thams cad ni gzod ma nas ma skyes pa ste/ yod par ma gyur mi 'gyur bas de'i phyir 'thob par 'gyur ba med do// smras pa/ 'jam dpal tshul gcig pa'i chos bstan pas de skad du ston tam/ 'jam dpal gyis smras pa/ rigs kyi bu tshul gcig pa'i chos bstan pa zhes bya ba gang yin/ smras pa/ 'jam dpal gang phung po rnams kyang mi mthong / khams dang skye mched rnams kyang mi mthong la/ dmus long yang ma yin/ sha'i mig can yang ma yin zhing / chos gang la'ang mi rtog rnam par mi rtog pa dang / chos gang la'ang 'phel ba dang 'grib par mi mthong ba 'di ni chos kyi tshul gcig tu bstan pa zhes bya'o// de nas byang chub sems dpa' seng ge'i rtsal gyis mngon par bsgrags pa'i sgras smras pa/ gang de bzhin nyid dang mi 'gal zhing chos nyid dang 'gal bar mi byed de/ 'di dag ni so so'i skye bo'i chos so// 'di dag ni nyan thos kyi chos so/ / 'di dag ni rang sangs rgyas kyi chos so// 'di dag ni sangs rgyas kyi chos so zhes bya bar tha dad du mi 'byed cing gang 'di dben pa'i tshul gcig la 'jug pa 'di ni chos kyi tshul gcig tu bstan pa'o/ / byang chub sems dpa' mthong dgas smras pa/ gang de bzhin nyid la'ang zhugs la de bzhin nyid kyis kyang rlom sems su mi byed cing / 'di ni zab bo zhes bya bar mi rtog rnam par mi rtog pa de ltar bstan pa gang yin pa de ni chos kyi tshul gcig tu bstan pa'o/ / byang chub sems dpa' spobs pa mi zad pas smras pa/ chos thams cad kyi mi zad pa gang yin pa de ni shin tu zad pa ste/ gang chos thams cad mi zad par chos ston pa de ni chos nyid las mi 'gal bar mi byed pa ste/ de ltar bstan pa gang yin pa de ni chos kyi tshul gcig tu bstan pa'o// byang chub sems dpa' bsam pa legs par sems pas smras pa/ gang bsam pas bsam du med pa la 'jug/ bsam du med pa med pa des kyang rlom sems su mi byed cing mi dmigs pa de ltar bstan pa gang yin pa de ni chos kyi tshul gcig tu bstan pa'o/ / byang chub sems dpa' rdul dang bral bas smras pa/ gang 'dod chags dang shin tu bral ba de ni mtshan ma thams cad la 'dod chags pa'ang med/ 'dod chags dang bral ba'ang med/ rjes su chags pa'ang med/ khong khro ba'ang med/ rmongs pa'ang myed/ gcig tu byed pa'ang med/ gnyis su byed pa'ang med/ byed pa'ang med/ mi byed pa'ang med/ len pa'ang med/ 'dor ba'ang med/ de ltar bstan pa gang yin pa de ni chos kyi tshul gcig tu bstan pa'o// byang chub sems dpa' rgya mchos smras pa/ gang rgya mtsho lta bur zab cing gting dpag dka' ba'i chos la zhugs pa de chos la'ang mi rtog rnam par mi rtog la/ ji ltar gnas pa de bzhin du chos ston cing bdag dang gzhan du rlom sems su mi byed pa de ltar bstan pa gang yin pa de ni chos kyi tshul gcig tu bstan pa'o/ / zla ba'i bla ma gzhon nur gyur pas smras pa/ gang sems can thams cad la mnyam pa'i sems kyi zla ba lta bur gyur kyang / sems can de dag la'ang rlom sems med pa de ltar bstan pa gang yin pa de ni chos kyi tshul gcig tu bstan pa'o// byang chub sems dpa' mya ngan gyi mun pa thams cad rnam par sel bas smras pa/ gang mya ngan thams cad rtun bcad pa de ni mya ngan med cing zhum par 'gyur ba med do// sems can rnams ni mya ngan gyi zug rngu dang ldan pa'o/ / de la mya ngan gyi rtsa ba gang zhe na/ gang 'dir ngar 'dzin pa dang nga yir 'dzin pa mnyam pa nyid la gnas shing chos ston pa de ni chos kyi tshul gcig tu bstan pa'o// byang chub sems dpa' mi dmigs pas smras pa/ gang 'dod pa'i khams la'ang mi dmigs/ gzugs kyi khams dang / gzugs med pa'i khams dang / nyan thos kyi chos dang / rang sangs rgyas kyi chos la'ang mi dmigs pa de ltar bstan pa gang yin pa de ni chos kyi tshul gcig tu bstan pa'o/ / byang chub sems dpa' kun tu lta bas smras pa/ gang chos ston na gang 'di stong pa nyid kyi mnyam pa nyid kyis mnyam pa nyid du ston la/ stong pa nyid kyis kyang rlom sems su mi byed/ mnyam pa nyid kyang mi dmigs pa de ltar bstan pa gang yin pa de ni chos kyi tshul gcig tu bstan pa'o// byang chub sems dpa' 'khor gsum yongs su dag pas smras pa/ gang chos ston pa'i tshe 'khor gsum dang 'gal bar mi byed de/ 'khor gsum gang zhe na/ bdag mi dmigs pa dang / chos nyan pa mi dmigs pa dang / chos la'ang mngon par zhen pa med pa'o// 'di ni 'khor gsum yongs su dag pa'i chos bstan pa zhes bya ste/ de ltar bstan pa gang yin pa de ni chos kyi tshul gcig tu bstan pa'o// byang chub sems dpa' 'gro ba nub pas smras pa/ gang chos rnams cad 'dra ba med par snang shes shi / ji ltar shes pa bzhin nga ston pa/ 'di lta/ chos thams cad brjod med pa'i phyir yi ge gcig kyang mi brjod pa de ltar bstan pa gang yin pa de ni chos kyi tshul gcig tu bstan pa'o/ / byang chub sems dpa' zab mor spyod pas smras pa/ gang chos thams cad kyi zab pa nyid kyang shes la/ chos de'ang yang dag par rjes su mi mthong / gang ston pa dang / gang la bstan pa dang / gang bstan pa de'ang yang dag par rjes su mi mthong ba de ltar bstan pa gang yin pa de ni chos kyi tshul gcig tu bstan pa'o/ / de bzhin du sbyar te/ byang chub sems dpa' sems dpa' chen po gzi brjid chen po gzi brjid chen po dag gis so so nas rang rang gi spobs pa ston par gyur to/ / tshul gcig tu bsnun pa'i chos kyi sgo 'odi bstan pa'i tshe/ byang chub sems dpa' bye ba phrag bdun nu mi skye ba'i chos la bzod pa thob par gyur to// sros chags bye ba khrag khrig brgya stong phrag brgya cu rtsa bani ni bla na med pa yang dag par rdzogs pa'i byang chub tu sems bskyed par n+d+har to/ / dge slong bdun stong ni nye bar len pa med par zag pa rnams las sems rnam par grol lo/ / lha dang me'i skye dgu las khrag khrig dgu bcu rtsa drug ni chos la chos kyi mig rdul dang bral zhing dri ma med par rnam par dag par gyur to// de nas bcom ldan 'das la/ byang chub sems dpa' sems dpa' chen po sang ge'i rtsal gyis mngon par bsgrags pa'i sgras 'di skad ces gsol to// bcom ldan 'dras de bzhin gshegs pa kun tu gzigs pa de'i byang chub sems dpa'i dge 'dun ni ji snyed cig tu 'gyur/ de'i sku tshe'i tshad ni ji tsam zhig tu 'gyur/ 'jam dpal gzhon nur gyur ba ni ji srid cig na bla na med pa yang dag par rdzogs pa'i byang chub mngon par rdzogs par 'tshang rgya/ bcom ldan 'das kyis bka' stsal pa/ rigs kyi bu khyod 'jam dpal gzhon nur gyur pa 'di nyid la dris shig/ de nas byang chub sems dpa' sems dpa' chen po seng ge'i rtsal gyis mngon par bsgrags pa'i sgras/ 'jam dpal gzhon nur gyur pa la 'di skad ces smras so/ / 'jam dpal khyod ji srid cig na bla na med pa yang dag par rdzogs pa'i byang chub mngon par rdzogs par 'tshang rgya/ 'jam dpal gyis smras pa/ rigs kyi bu gang gi/ tshenam mkha'i khams gzugs can du gyur pa de'i tshe/ bdag kyang byang chub mngon par rdzogs par 'tshang rgya'o// gang gi tshe sgyu ma'i skyes bu byang chub mngon par rdzogs par 'tshang rgya ba de'i tshe bdag kyang byang chub mngon par rdzogs par 'tshang rgya'o/ / gang gi tshe dgra bcom pa zag bzang pa byang chub mngon par rdzogs par 'tshang rgya ba de'i tshe/ bdag kyang byang chub mngon par rdzogs par 'tshang rgya'o/ / gang gi tshe rmi lam gyi skyes bu dang / zag cha dang / mig sor dang / chu zla dang / de bzhin gshegs pa'i sprul pa byang chub mngon par rdzogs par 'tshang rgya ba de'i tshe/ bdag kyang byang chub mngon par rdzogs par 'tshang rgya'o/ / gang gi tshe nyi ma'i 'od kyis mtshan mor gyur la/ zla ba'i 'od kyis nyin mor gyur pa de'i tshe/ bdag kyang byang chub mngon par rdzogs par 'tshang rgya'o/ / rigs kyi bu de lta yin gyis/ su byang chub tu smon pa de la dris shig/ smras pa/ 'jam dpal khyod byang chub tu mi smon nam/ smras pa/ rigs kyi bu de ni ma yin no// de ci'i phyir zhe na/ 'jam dpal nyid kyang byang chub la/ byang chub nyid kyang 'jam dpal lo// de ci'i phyir zhe na/ rigs kyi bu gang 'di byang chub ces bya ba 'am/ 'jam dpal zhes bya ba ni ming tsam mo// ming gang yin pa de ni dben zhing byed pa med pa ste stong pa'o// stong pa nyid gang yin pa de ni byang chub bo// de nas bcom ldan 'das kyis/ byang chub sems dpa' sems dpa' chen po seng ge'i rtsal gyis mngon par bsgrags pa'i sbal 'di skad ces bka' stsal to/ / rigs kyi bu khyod kyis bcom ldan 'das de bzhin gshegs pa 'od dpag med kyi byang chub sems dpa' 'dus pa dang / nyan thos 'dus pa mthong ngam/ thos sam/ gsol pa/ bcom ldan 'das bdag gis mthong ngo // thos so// bka' stsal ba/ rigs kyi bu de ji snyam du sems/ gsol pa/ @ ldan 'das de ni bsam gyis mi khyab bo/ / bde bar gshegs pa de ni bzang du ma mchis so// bcom ldan 'das kyis bka' stsal ba/ rigs kyi bu 'di lta ste/ dper na yul ma ga d+ha'i til gyi dong nas til gyi 'bru gcig cig blangs na/ rigs kyi bu til gyi 'bru gcig pu de ji lta ba de ltar bur ni de bzhin gshegs pa 'od dpag med kyi byang chub sems dpa' 'dus pa dang / 1 thos 'dus par blta'o/ / phyi na til gyi lhag ma las pa ltar ni/ 'jam dpal gzhon nur gyur pa mngon par rdzogs par sangs rgyas pa'i byang chub sems dpa'i tshogs 'dus par blta'o// rigs kyi bu 'di lta ste/ dper na stong gsum gyi stong chen po'i 'jig rten gyi khams 'di thal bar glags te rdul phra rab tu byas pa de la rigs kyi bu rdul phra rab ji snyed cig yod pa de snyed kyis bskal par de bzhin gshegs pa kun tu gzigs pa de bzhugs par byas kyang brgya'i char yang smos par mi 'gyur ro/ / stong gi cha dang / bye ba brgya phrag stong gyi cha dang / bye ba khrag khrig phrag brgya stong gi cha dang / grangs dang / cha dang / bzang bdang / rgyur yang smos par mi 'gyur ro// rigs kyi bu rnam grangs des kyang 'di ltar bcom ldan 'das de bzhin gshegs pa dgra bcom pa yang dag par rdzogs pa'i sangs rgyas de'i tshe tshad ni tshad med grangs med par 'gyur bar rig par bya'o/ / rigs kyi bu 'di lta ste/ dper na stong gsum gyi stong chen po'i 'jig rten gyi khams 'di skyes bu la la zhig gis rdul phra rab tu glags te thal bar byas la/ de las skyes bu la la zhig gis rdul phra rab kyi rdul gcig khyer te/ rdul phra rab kyi rdul ji snyed pa de snyed kyi stong gsum gyi stong chen po'i 'jig rten gyi khams 'das nas/ der rdul phra rab kyi rdul gcig gzhag ste/ skyes bu des tshul de bzhin du shar phyogs logs su rdul phra rab kyi rdul de dag thams cad zad zad du bkod par gyur la/ de bzhin du skyes bu gnyis pa zhig skyes te/ des kyang lho phyogs logs su de snyed kyi rdul phra rab kyi rdul re re nas tshul de bzhin du bor te/ de bzhin phyogs bcur skyes bu de lta bu re res tshul de dang 'dra bar de snyed kyi rdul phra rab kyi rdul zad zad du re re nas bor na/ rigs kyi bu de ji snyam du sems stong gsum gyi stong chen po'i 'jig rten gyi khams de dag brgya phrag ni 'di snyed cig yod do/ / stong phrag ni 'di snyed cig yod do// brgya stong gi phrag ni 'di snyed cig yod do// bye ba'i phrag ni 'di snyed cig yod do/ / bye ba brgya phrag ni 'di snyed cig yod do// bye ba stong phrag ni 'di snyed cig yod do// bye ba brgya stong phrag ni 'di snyed cig yod do// bye ba khrag khrig brgya stong phrag ni 'di snyed cig yod do// gtam phrag ni 'di snyed cig yod do/ / dkrigs phrag ni 'di snyed cig yod do// mi 'khrugs pa phrag ni 'di snyed cig yod do// zhes bya bar tshad gzung bar nus sam/ gsol pa/ bcom ldan 'das de ni mi nus so/ / bde bar gshegs pa de ni mi nus so// bcom ldan 'das kyis bka' stsal pa/ rigs kyi bu skyes bu bcu po de dag gis stong gsum gyi stong chen po'i 'jig rten gyi khams snyed cig 'das pa dang / gang dag tu phyin te rdul phra rab kyi rdul de dag bor ba dang / gang dag las 'das te rdul phra rab ma bor ba'i 'jig rten gyi khams de dag thams cad btags te/ rdul phra rab tu glags na/ rigs kyi bu ji snyam du sems/ rdul phra rab de dag rtsis shes pa 'am/ rtsis la mkhas pas brgya phrag ni 'di snyed cig yod do// stong phrag ni 'di skad cig yod do// brgya stong phrag ni 'di snyed cig yod do/ / bye ba'i phrag ni 'di snyed cig yod do// bye ba brgya phrag ni 'di snyed cig yod do// bye ba stong phrag ni 'di snyed cig yod do// bye ba brgya stong phrag ni 'di snyed cig yod do/ / bye ba khrag khrig brgya stong gi phrag ni 'di snyed cig yod do// gtams phrag ni 'di snyed cig yod do// dkrigs phrag ni 'di snyed cig yod do// mi 'khrugs pa'i phrag ni 'di snyed cig yod dozhes bya bar shes pa 'am/ bgrang ba 'am/ gzhal ba 'am/ tshad gzung bar nus sam/ gsol pa/ bcom ldan 'das dpe de la ni sems can rnams myos par 'gyur gyi/ don 'tshal ba 'am/ gzhal ba 'am/ bgrang ba 'am/ tshad gzung bar mi nus so// bcom ldan 'das kyis bka' stsal pa/ rigs kyi bu de bzhin gshegs pas ni rdul phra rab de dag bgrang ba'i tshul gyis brgya phrag ni 'di snyed cig yod do/ / stong phrag ni 'di snyed cig yod do// brgya stong gi phrag ni 'di snyed cig yod do// bye ba'i phrag ni 'di snyed cig yod do// bye ba brgya phrag ni 'di snyed cig yod do/ / bye ba stong phrag ni 'di snyed cig yod do// bye ba brgya stong gi phrag ni 'di snyed cig yod do// bye ba khrag khrig brgya stong gi phrag ni 'di snyed cig yod do// gtams phrag ni 'di snyed cig yod do/ / dkrigs phrag ni 'di skyed cig yod do// mi 'khrugs pa'i phrag ni 'di snyed cig yod do// zhes bya ba de bas kyang lhag par gong du de bzhin gshegs pas rnam pa thams cad du thugs su chud do/ / de nas bcom ldan 'das la/ byang chub sems dpa' sems dpa' chen po byams pas 'di skad ces gsol to// bcom ldan 'das gal te ye shes chen po de lta bu'i slad du byang chub sems dpa' sems dpa' chen po phyi ma'i mtha'i mur thug par sems can dmyal ba chen po ra sreg kyang / bcom ldan 'das de ni byang chub sems dpa' sems dpa' chen po nges bzod par bgyi'o/ / de lta bu'i ye shes chen po ni yongs su gtang bar mi bgyi'o// bcom ldan 'das kyis bka' stsal pa/ byams pa de de bzhin no// ji skad smras pa de bzhin te/ sems can mos pa chung ngu dang / le lo che ba dang / brtson 'grus chung ba ma gtogs par su zhig de lta bu'i ye shes chen po la 'dod pa mi skye/ sangs rgyas kyi ye shes 'di bstan pa'i tshe/ srog chags khri byang chub tu sems bskyed par gyur to/ / de nas bcom ldan 'das kyis/ byang chub sems dpa' seng ge'i rtsal gyis mngon par bsgrags pa'i sgra la 'di skad ces bka' stsal to// rigs kyi bu de ltar phyogs bcur skyes bu bcu po de dag gis stong gsum gyi stong chen po'i 'jig rten gyi khams ji snyed cig 'das pa dang / 'jig rten gyi khams ga dag tu d+hinaH rdul phra rab kyi rdul bor ba dang / gang dag las 'das te mabor ba de thams cad rdul phra rab tu grags pa de dag pas kyang mang ba'i bskal par da dung 'jam dpal gzhon nur gyur pa byang chub kyi spyad pa spyod par 'gyur ro/ / de ci'i phyir zhe na/ rigs kyi bu 'jam dpal gzhon nur gyur pa'i smon lam ni bsam gyis mi khyab/ yang dag par 'jug pa ni bsam gyis mi khyab pas/ de byang chub thob pa'i tshe'i tshad kyang bsam gyis mi khyab/ byang chub sems dpa'i dge 'dun yang bsam gyis mi khyab par 'gyur ro// de nas bcom ldan 'das la/ byang chub sems dpa' seng ge'i rtsal gyis mngon par bsgrags pa'i sgras 'di skad ces gsol to/ / bcom ldan 'das 'di lta ste/ 'jam dpal gzhon nur gyur pa 'di ltar bskal pa 'di snyed du'ang skyo ba mi skyed pa'i 'jug pa chen po ngo mtshar lags so/ / bcom ldan 'das spyod pa chen po de ngo mtshar lags so// 'jam dpal gyis smras pa/ rigs kyi bu 'di ji snyam du sems/ nam pa'i sems 'di snyam du zhag dang / nyi ma dang / rdzab phyed dang / dus dang / lo dang / bskal ba dang / bskal ba brgya dang / bskal bstong dang / bzhal pa bye ba dang / bskal pa khrag khrig dang / bskal pa khrag khrig phrag brgya stong dang / gtams dang / dkrigs dang / mi 'khrugs pa zhig 'das so snyam du sems sam/ sbas pa/ 'jam dpal de ni ma yin te/ de ci'i phyir na/ nam mkha'i khams la rnam par rtog pa med pa'i phyir ro// smras pa/ rigs kyi bu de de bzhin te/ byang chub sems dpa' gang gis chos thams cad nam mkha'i khams lta bur long du chud de/ ci nas kyang mi rtog rnam par mi rtog pa de ltar khong du chud pa de ni 'di snyam du zhag gcig 'das par gyur to// nyi ma gcig 'das par gyur to zhes bya ba nas/ snga ma bzhin du la 'di snyed cig 'das par gyur to zhes rnam par mi rtog go/ / de ci'i phyir zhe na/ chos gang la'ang de'i 'du shes gang yang 'jug pa med do// rigs kyi bu 'di lta ste/ dper na nam mkha'i khams ni bskal pa gang+gA'i klung gi bye ma snyed pas lhag pa zhig 'das par gyur kyang / skyo zhing yongs su yi chad pa med de/ nam mkha'i khams la skye ba 'am/ 'jig pa 'am/ tshig pa 'am/ 'gyes par 'gyur ba med do// de ci'i phyir zhe na/ nam mkha'i khams la dngos po med pa'i phyir ro// rigs kyi bu de bzhin du byang chub sems dpa' gang gis chos thams cad dngos po med par shes pa de ni skyo ba dang / yongs su yi chad pa'i sems mi skyed do// rigs kyi bu gang la nam mkha'i khams shes bya ba de la ni tshig pa med/ skyo ba med/ yi chad pa med/ g.yo ba med/ skye ba med/ rgab med/ 'chi ba med/ 'pho ba med/ 'byung ba med/ 'ong ba med/ 'gro ba med do// rigs kyi bu de bzhin du gang la 'jam dpal zhes bya ba'i ming 'di la'ang tshig pa med/ skyo ba med/ yi chad pa med/ g.yo ba med/ skye ba med/ rga ba med/ 'chi ba med/ 'pho ba med/ 'byung ba med/ 'ong ba med// 'gro ba med do// de ci'i phyir zhe na/ ming de shin tu dben pa'i phyir ro// chos kyi rnam grangs 'di bstan pa'i tshe/ rgyal po chen po bzhi dang / lha'i dbang po brgya byin dang / mi mjed kyi bdag po tshangs pa dang / lha'i bu gzhan yang dbang che ba dbang che bar grags pa dag gis mgrin gcig tu 'di skad ces smras so// bcom ldan 'das sems can gang gis chos kyi rnam grangs 'di thos pa de dag kyang rnyed pa legs par rnyed pa lags na/ gang gis thos nas 'dzin cing 'chang ba dang / klog cing kun chub par bgyid pa dang / gzhan la'ang rgya cher ston pa lta smos kyang ci 'tshal te/ bcom ldan 'das sems can gang dag 'di skad du bdag cag gis gang 'di sangs rgyas kyi chos yongs su gzung ba'i phyir chos kyi rnam grangs 'di gzung bar bya'o// bcang bar bya'o// bklag par bya'o// kun chub par bya'o// gzhan dag la'ang rgya cher bstan par bya'o zhes tshig tu brjod pa de dag ni dge ba'i rtsa ba ngan ngon dang ldan pa ma lags so// de nas bcom ldan 'das la/ byang chub sems dpa' sems dpa' seng ge'i rtsal gyis mngon par bsgrags pa'i sgras 'di skad ces gsol to// bcom ldan 'das rigs kyi bu'am/ rigs kyi bu mo gang gis chos kyi rnam grangs 'di thos nas 'dzin tam/ 'chang ngam/ klog gam/ kun chub par bgyid dam/ 'jug par bgyid dam/ gzhan la'ang rgya cher bstan pa dang / gang 'jam dpal gzhon nur gyur pa'i rjes su bslab po zhes sems skyed pa des bsod nams ji tsam zhig skyed par 'gyur/ bcom ldan 'das kyis bka' stsal pa/ rigs kyi bu byang chub sems dpa' g dus las phyogs brgyar de bzhin gshegs pas sangs rgyus kyi lhan sgri pa mad pas sa rnas kyi dzid ky-i khrig pa de rnams cad rin pa che bdun gyis yongs bzhin gshegs pa re re la phul ba dang / rnam grangs de bzhin du sems can thams cad la snyoms pa'i sems kyis tshul khrims kyi sdom pa thams cad yang dag par blangs pa la gnas te/ phyi ma'i mtha'i mur thug gi bar du sbyin pa byin pa bas/ byang chub sems dpa' gzhan zhig gis chos kyi rnam grangs 'di thos nas 'dzin tam/ 'chung ngam/ klog gam/ kun chub par byed dam/ 'jug par byed dam/ gzhan la'ang rgya cher ston par byed dam/ 'jam dpal gzhon nur gyur pa'i rjes su bslab par bya'o zhes bya ba'i bar du sems skyed cing gom pa bdun 'dor na/ bsod nams kyi phung po de la bsod nams kyi phung po snga mas brgya'i char yang nye bar mi 'gro'o/ / stong gi char yang nye bar mi 'gro'o// brgya stong gi char yang nye bar mi gro'o// bye ba'i char yang nye bar mi 'gro'o// bye ba brgya'i char yang nye bar mi gro'o// bye ba stong gi char yang nye bar mi 'gro'o// bye ba brgya stong gi char yang nye bar mi 'gro'o// bye ba khrag khrig brgya stong gi char yang nye bar mi 'gro'o/ / grangs dang / cha dang / bgrang ba dang / dpe dang / rgyur yang mi bzod do// de nas 'jam dpal gzhon nur gyur pas de'i tshe byang chub sems dpa'i ting nge 'dzin kun nas snang ba sgyu ma lta bur byung ba zhes bya ba la snyoms par zhugs so/ / de ltar 'jam dpal gzhon nur gyur pas ting nge 'dzin de la snyoms par zhugs ma thag tu/ 'khor der byang chub sems dpa' ji snyed cig 'dus par gyur pa de dag gis phyogs bcu'i 'jig rten gyi khams mtha' yas mu med pa dag gi sangs rgyas bcom ldan 'das rnams mthong bar gyur te/ de bzhin gshegs pa de dag thams cad kyi spyan snga na/ 'jam dpal gzhon nur gyur pa 'dug cing rang gi sangs rgyas kyi zhing gi yon tan bkod pa ston par mthong nas/ de dag 'di snyam dusems te/ 'jam dpal gzhon nur gyur pa 'di de ltar 'jig rten gyi khams bye ba khrag khrig brgya stong mang por cig car du snang bar gyur pa ni smon lam dang / ting nge 'dzin dang / ye shes kyi khyad par ngo mtshar tshe'o snyam du ngo mtshar gyi 'du shes par gyur to/ de nas bcom ldan 'das la/ byang chub sems dpa' sems dpa' chen po byams pas 'di skad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ byams pa de bas na chos kyi rnam grangs 'di'i ming sangs rgyas rnam par rol pa zhes bya bar zung zhig/ smon lam bsam gyis mi khyab pa zhes bya bar zung zhig/ 'jam dpal gyi sangs rgyas kyi zhing gi yon tan bkod pa bstan pa zhes bya bar yang zung zhig/ byang chub kyi sems yang dag par dga' bar byed pa zhes bya bar yang zung zhig/ de nas de'i tshe 'khor der phyogs bcu dag nas byang chub sems dpa' tshad med grangs med pa 'dus pa de dag thams cad kyis de bzhin gshegs pa dang / chos kyi rnam grangs 'di la mchod pa bya ba'i phyir me tog gi char chen po phab nas/ bcom ldan 'das kyi zhabs gnyis la phyag 'tshal te/ rang rang gi sangs rgyas kyi zhing du 'dod zhing 'di skad du/ kye ma sangs rgyas kye ma sangs rgyas/ deng ni bdag cag gis 'jam dpal gzhon nur gyur pa'i seng ge'i sgra dang / bkod pa bsam gyis mi khyab pa thos so zhes ched du brjod pa ched du brjod do/ / chos kyi rnam grangs 'di bstan pa'i tshe na byang chub sems dpa' gang+gA'i klu gi bye ma snyed bla na med pa yang dag par rdzogs pa'i byang chub las phyir mi ldog par gyur to// sems cad tshad med pa'ang dge ba'i rtsa ba yongs su grub par gyur to/ / bcom ldan 'das kyis de skad ces bka' stsal nas/ 'jam dpal gnon nur gyur pa dang / byang chub sems dpa' byams pa dang / byang chub sems dpa' seng ge'i rtsal gyis mngon par bsgrags pa'i sgra dang / phyogs bcu nas 'dus pa'i byang chub sems dpa' sems dpa' chen po de dag dang dge slong de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ 'jam dpal gyi sangs rgyas kyi zhing gi yon tan bkod pa bstan pa'i le'u zhes bya ste/ 'dus pa bco lnga pa rdzogs so/ thod thos kyusade yi don ni 'tsho byed pas/ sngon chad thos par ma myur byung // rtse gcig tu ni sems par byed// gang zag des na chos thos mo// yang dag chos ni thos 'gyur zhing / rtag par sangs rgyas mang mthong bas// byang chub las ni ldog mi 'gyur// sangs rgyas mang po mthong nas kyang // tshul bzhin nu ba zhu byed pas// nyan thos dag gis thos na yang / / thams cad rab tu dga' bar 'gyur// 'di ni ngo mtshar rmad ldan pas// 'di 'dra'i zhu ba zhu bar byed// bdag cag bsam pa'ang yod min na// dngos po 'di thos ci spos zer/ / nyan thos ngo mtshar brjod pas na// lha klu thams cad dga' 'gyur zhing // sangs rgyas bsngags pa brjod 'gyi ga/ 'di ni mang thos 'bras bu yin/ / rtsub gang yod zhus pa'i tshe// sangs rgyas de bzhin lan 'debs pas// 'khor 'dus mang po tshad med pa// thams cad phan pa che thob 'gyur// byang chub sems dpas lan 'dengs pa/ / mang thos 'di ni thos gyur na// 'khor mang tshad med thams cad kyis// bla med chos mig thob par 'gyur// bcom ldan 'das kyis ka' stsal pa/ dang po rgyu dang rkyen des na byang chub sems dpas sngon ma thos pa'i chos thos par gyur pa na/ mngon par 'di ches pas dang du len cing 'gal ba med pa sems kyis tshul bzhin du bsams nas/ 'di ni ma yin no zhes sba bar mi byed na/ des sems can tshad med pa rnams kyi don byed par 'gyur bar rig par bya'o// gang po sngun 'das pa'i bskal pa grangs med/ / tshad med/ dpag tu med/ bsam gyis mi khyab pa'i yang ches bsam gyis mi khyab pa na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen pa/ bla na med pa/ skyes bu 'dul ba'i kha lo sgyur ba/ lha dang mi rnams kyi ston pa sangs rgyas bcom ldan 'das yon tan thams cad kyi 'od zer gyi rgyal po zhes bya ba byung ste/ / gang po bcom ldan 'das yon tan thams cad kyi 'od zer gyi rgyal po de'i sku tshe'i tshad ni lo bye ba phrag brgyad cu thub par gyur to/ / bcom ldan 'das de'i 'khor 'dus pa re re la'ang nyan thos kyi dge 'dun gad+hA'i klung brjod kyis mi lang ba'i bye ma snyed chos rnams la len pa med cing zag pa zad nas/ sems rnam par grol ba'i dgra bcom pa gnyis ka'i cha las rnam par grol ba sha stag byung ste/ byang chub sems dpa'i tshigs kyi grangs kyang de bzhin no// gang po bcom ldan 'das de mya ngan las 'das pa'i 'og tu dam pa'i chos ni lo drug khrir gnas par gyur to// de yongs su mya ngan las 'das su nye ba'i tshe/ byang chub sems dpa' byeb rgya dragasang po bsu cang rdzu hru gyi s+ho kyis dam pa'i chos baphrul gyi 'dzam bu'i gling bye ba brgya phrag mang po kun du khyab par gyur pas/

CLOSE WINDOW