/ / bam po dang po/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i bab na/ 'od ma'i tshal bya ka lan ta ka gnas pa na/ dge slong gi dge 'dun chen po dang / byang chub sems dpa' sems dpa' chen po sangs rgyas kyi zhing sna tshogs nas 'dus pa/ skye ba gcig gis thogs pa'i byang chub sems dpa' grangs med dpag tu med pa rnams dang thabs cig/ tu bzhugs so// yang de'i tshe na bcom ldan 'das 'khor brgya stong du mas bskor zhing mdun gyis bltas nas chos ston to// de nas byang chub sems dpa' bkod pa mtha' yas shes bya ba 'khor de nyid du 'dus te 'dug par gyur pa de stan las langs te/ chos gos phrag pa gcig la gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// gal te zhus nas zhu ba lung bstan pa'i slad du/ bcom ldan 'das de bzhin gshegs pas bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to// bkod pa mtha' yas khyod de bzhin gshegs pa dgra bcom pa yang dag par rdzogs pa'i sangs rgyas la ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o// de skad ces bka' stsal pa dang / bcom ldan 'das la/ byang chub sems dpa' bkod pa mtha' yas kyis 'di skad ces gsol to// bcom ldan 'das byang chub sems dpa' sems dpa' chen po ye shes tshad ma mchis pa dang / dpag tu ma mchis pa dag la yang dag par rab tu zhugs pa rnams dang / go cha chen po bgos pa rnams kyi slad du/ de bzhin gshegs/ pa la bdag phyogs 'ga' zhig yongs su zhu'o// bcom ldan 'das byang chub sems dpa' sems dpa' chen po thabs la mkhas pa chen po'i sa la yang dag par rab tu zhugs pa rnams dang / don mtha' yas pa shes pa'i thabs la mkhas pa la yang dag par rab tu zhugs pa rnams dang / rnam par nges pas ye shes chen po yang dag par brtsams pa la yang dag par rab tu zhugs pa rnams dang / byang chub kyi lam la yang dag par zhugs pa de lta bu de dag gi slad du/ de bzhin gshegs pa la bdag yongs su zhu'o// bcom ldan 'das byang chub sems dpa' sems dpa' chen po sems can thams cad la phan pa nye bar bsgrub pa la yang dag par rab tu zhugs pa rnams dang / sems dpe ma mchis pa rnams dang / chos thams cad rnam par dag par shes pa'i don la sems pa rnams dang / thabs la mkhas pa'i shes pa chen pos rab tu rnam par 'byed pa rnams dang // don tshad ma mchis pa rnam par nges pa'i thabs la mkhas pa rjes su thob par 'tshal ba rnams dang / seng ge'i khri chen po mngon par 'tshal ba rnams dang / thams cad mkhyen pa'i seng ge'i khri gdan la mngon par mchis pa rnams dang / rnam par gnon pa chen po nges par brtsams pa la yang dag par rab tu zhugs pa rnams dang / phyir mi ldog pa'i nges pa'i tshig sna tshogs la mkhas pa rnams dang / rnam par 'byed pa'i brtson 'grus chen po kun tu brtsams pa'i go cha chen po shin tu bgos pa de dag gis slad du/ de bzhin gshegs pa la bdag yongs su zhu bar 'tshal lo/ / bcom ldan 'das sems can gang dag sems can thams cad kyi mchog bgyid par 'tshal ba rnams dang / sems can thams cad la dbang phyug gis dbang sgyur ba'i pha rol tu phyin par 'tshal ba rnams dang / bcom ldan 'das gang dag thogs pa ma mchis pa'i mi 'jigs pa'i shes pa rjes su thob par 'tshal ba rnams dang / mi 'jigs pa gang la gnas nas sems can rnams la 'phel bam mchis pa dang / 'grib pa ma mchis pa'i thabs dang / rkyen gyi chos ston par 'gyur ba rnams dang thabs mkhas pas sems can rnams la chos thams cad kyi don rgya cher ston par 'gyur ba rnams dang / chos rnams kyi ngo bo nyid kyi rang bzhin la ji lta ba bzhin du 'jug pa ston par 'gyur ba rnams dang / bcom ldan 'das gang dag dpe ma mchis pa'i sems dang / bla na ma mchis pa'i sems dang / mchog gi sems dang ldan pa rnams dang / sems kyi dbang phyug rjes su thob par 'tshal ba de dag gi slad du/ de bzhin gshegs pa la bdag yongs su zhu bar 'tshal lo// bcom ldan 'das gang dag 'jig rten thams cad la sman pa dang bde ba'i slad du ma rig pa'i sgo nga'i sbubs brtol nas slob dpon la mi ltos par rang byung ye shes kyi mdzod dang / lha dang bcas pa'i 'jig rten gyi mchog dang / gtso bo dang / khyad par du 'phags pa dang / rab dang / rab kyi mchog tu 'gyur bar 'tshal ba de dag gi slad du/ de bzhin gshegs pa la bdag yongs su zhu bar bgyid do// bcom ldan 'das sems can gang dag 'jig rten thams cad la sman pa dang bde ba'i slad du nye bar gnas pa rnams dang / mi 'jigs pa chen po'i ye shes rjes su thob par 'tshal ba rnams dang / rang byung gi ye shes kyi stobs la gnas nas ye shes mtha' yas pa ston pa'i thabs la mkhas pa rnam par 'byed par 'tshal ba rnams dang / rnam par nges pa'i chos mtha' yas mu med pa dag rab tu ston par 'tshal ba rnams dang // bcom ldan 'das gang dag lha dang bcas pa'i 'jig rten dag 'od kyis snang bar bgyi bar 'tshal ba de dag gi slad du/ de bzhin gshegs pa la bdag yongs su zhu bar bgyid do/ / bcom ldan 'das gang dag thabs la mkhas pas/ sems can rnams la bla na med pa'i ye shes rgya chen po thogs pa ma mchis pa dag yang dag par rab tu ston par 'tshal ba rnams dang / shin tu rnam par dag pa'i ye shes ston pa'i thabs la mkhas pa rnam par 'byed par 'tshal ba de dag gi slad du/ de bzhin gshegs pa la bdag yongs su zhu bar 'tshal lo// bcom ldan 'das gang dag thams cad mkhyen pa'i ye shes kyi thabs la mkhas pa'i sa rjes su thob par 'tshal ba de dag gi slad du/ de bzhin gshegs pa la bdag yongs su zhu bar 'tshal lo/ / bcom ldan 'das byang chub sems dpa' rnams sa gang la gnas nas myur du sangs rgyas kyis yongs su rdzogs par bgyid pa rnams dang / thabs la mkhas pa'i pha rol tu phyin pa bsam gyis mi khyab pa dag rtogs par bgyid pa rnams dang / tshegs chung ngus sems can yongs su smin par bgyi ba'i thabs la mkhas pa bsam gyis mi khyab pa dag rtogs par bgyid pa rnams dang / ye shes gang gis sems can rnams kyi mi dge ba'i chos rnams spang ba dang / dge ba'i chos rnams spel ba dang / byang chub kyi lam dang thams cad mkhyen pa'i gdung rigs kun tu bstan par bgyi ba dang / sems can stong phrag mang po dpag tu ma mchis pa rnams bla na med pa yang dag par rdzogs pa'i byang chub las phyir mi ldog pa la so sor 'god par bgyid pa'i ye shes de lta bu dag mngon sum du bgyi ba'i slad du sgrub par bgyid pa rnams dang / bcom ldan 'das sems can rnams dang byang chub sems dpa' rnams la byang chub kyi lam yang dag par rab tu ston pa rnams dang / sangs rgyas kyi chos rnams la yang dag par dga' ba de dag gi slad du/ de bzhin gshegs pa la bdag yongs su zhu bar bgyid do/ / bcom ldan 'das 'khor mang po 'dus par gyur pa 'di dag la// gang de bzhin gshegs pas de lta bu'i chos kyi sgo dag bstan pa'i dus ni 'di lags/ tshod ni 'di lags kyis/ de lta bu'i chos kyi sgo dag bshad cing / de lta bu'i chos bstan pa de dag nye bar bsgrub tu gsol/ byang chub sems dpa' 'di dag kyang ji ltar bsam gyis mi khyab pa'i smon lam yongs su rdzogs shing / thams cad kyang skye ba gcig gis thogs pa dge ba'i rtsa ba yongs su smin pa sha stag lags na/ bcom ldan 'das ji ltar byang chub sems dpa' 'di dag chos tshul tshad ma mchis pa rnam par 'byed pa mkhas pa'i gzhir 'gyur ba dang / nges pa'i tshig gis don thams cad rtogs shing ston par 'gyur ba dang / 'tshal na byang chub mngon par rdzogs par 'tshang rgya bar 'gyur ba dang / 'tshal na rdzu 'phrul gyi stobs mtha' yas pa dag la gnas nas/ sems can tshad ma mchis pa rnams yongs su smin par bgyid par 'gyur ba dang / sangs rgyas kyi chos rnams dang / sangs rgyas kyi ye shes kun tu gzung ba la mkhas par bgyi ba'i slad du/ de bzhin gshegs pas de dag la gzungs kyi sgo la mkhas pa de lta bu dag nye bar bsgrub tu gsol/ bcom ldan 'das ji ltar de bzhin gshegs pas de lta bu'i chos kyi sgo dag yang dag par rab tu bshad na/ sems can dpag tu ma mchis pa dag kyang byang chub kyi lam la mkhas shing yongs su smin par 'gyur ro/ / bcom ldan 'das de bzhin gshegs pas sngon yun ring po nas sems can tshad ma mchis dpag tu ma mchis pa dag sangs rgyas kyi mkhyen pa dang / rang byung gi ye shes la so sor dgod par smon lam mdzad pa de'i dus ni 'di lags kyis/ bcom ldan 'das ji ltar byang chub sems dpa' 'di dag rang rang gi dge ba'i rtsa ba yongs su smin par 'gyur ba dang / slar zhing rgya cher gong nas gong du smon lam bsam gyis mi khyab pa la mkhas pas gnas par 'gyur ba dang / de bzhin gshegs pa'i mthus thabs la mkhas pa bsam gyis mi khyab pa dang / tshad ma mchis pa dag 'thob par 'gyur ba de ltar de dag la gzungs kyi sgong lta bu dag bshad cing rab tu bstan du gsol/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ni/ thabs la mkhas pa mtha' yas pa dag ni thugs su chud/ mi 'jigs pa chen po'i sa la ni shin tu rab tu bzhugs/ bskal pa bye ba dpag tu ma mchis pa nas yang dag par bsgrubs pa'i dgongs pas ni sems can thams cad kyi bsam pa sgrub pa la mkhas na/ bcom ldan 'das 'khor 'di dag thams cad ni de bzhin gshegs pa'i zhal du lta zhing / 'khor 'di dag ni de bzhin gshegs pa la lta bas ngoms ma 'tshal/ thams cad mkhyen pa'i ye shes yongs su tshol bas ngoms ma 'tshal/ chos yongs su tshol bas ngoms ma 'tshal/ don rnam par nges pa'i chos kyi mdzod nyan pas ngoms ma 'tshal ba lags kyis/ bcom ldan 'das de bzhin gshegs pa ni 'khor 'di rnams kyi bsam pa sgrub pa la mkhas shing / de bzhin gshegs pas ni byang chub sems dpa' 'di dag thams cad kyi smon lam la mkhas pa'ang rab tu mkhyen/ 'jug pa la mkhas pa'ang rab tu mkhyen/ yongs su smin par bgyi ba la mkhas pa'ang rab tu mkhyen pas na/ bcom ldan 'das sangs rgyas kyi yul dang / de bzhin gshegs pa'i yul bla na med pa la bzhugs nas/ de dag la chos kyi sgo gang dag dang / gzungs kyi sgo'i tshig gang dag gis chos thams cad rnam par nges pa la mkhas pa yongs su rdzogs par 'gyur ba de lta bu dag de bzhin gshegs pas bka' stsal cing bshad du gsol/ bcom ldan 'das ji ltar byang chub sems dpa' yongs su ma smin pa rnams yongs su smin par bgyi ba dang / yongs su smin pa rnams mngon par shes pa myur ba dang / rnam par grol ba'i ye shes gzigs pa'i thams cad mkhyen pa'i sems so sor thob par bgyi ba dang / bcom ldan 'das gang dag ma nges pa'i sa la gnas pa'i sems can de dag gi chos bstan pa 'di thos na/ thams cad mkhyen pa'i yul la yongs su smin par 'gyur ba de lta bu'i slad du/ de bzhin gshegs pa la bdag shin tu rnam par nges pa dag yongs su zhu'o// bcom ldan 'das byams pa chen pos sems can rnams yongs su gzung ba'i slad du/ chos bshad pa 'di la bzhugs su gsol/ bcom ldan 'das ji ltar slad ma'i dus slad ma'i tshe na/ gnod sems che ba'i dus dang / 'dod chags dang / zhe sdang dang / gti mug dang / nyon mongs pa mang po 'byung ba'i dus dang / ma rig pas zin par gyur pa'i sems can rnams chos 'khrug pa 'chab par mi bgyid pa'i dus dang / chos la rtsod cing 'thab pa'i dus na/ byang chub sems dpa' rnams byams pa chen pos yang dag par zin pa'i sems kyis 'khrug pa de la bzod cing ji mi snyan par bgyid pa dang / rtsod pa ma mchis par chos kyi tshul 'di la nges par 'byung bar 'gyur ba dang / snying rje chen pos yongs su zin pas rtsod pa ma mchis shing rjes su mthun par 'gyur ba dang / dge ba'i rtsa ba'i stobs bskyed pa dag rjes su thob par bgyi ba'i slad du/ bcom ldan 'das de bzhin gshegs pa la bdag don rnam par nges pa 'di dag yongs su zhu'o// bcom ldan 'das de bzhin gshegs pa byang chub sems dpa' rnams la thogs pa ma mchis pa'i chos kyi tshul 'di rnam par dbye bar bzhed na/ bcom ldan 'das gang dag chos thams cad kun tu bsdu ba la mkhas par 'gyur ba'i chos bstan pa'i sgo dang / chos snang ba'i sgo de dag gang lags/ de bzhin gshegs pas thams cad bsdu ba la mkhas pa gang gis chos kyi tshul 'di ni bslu ba med cing nye bar zhi ba'o zhes bstan cing // chos kyi gter dpag tu ma mchis pa dag rnam par dbyer gsol/ chos kyi mdzod rnams rnam par dgrol du gsol/ de bzhin gshegs pa ni zil gyis mi non cing / nyams pa mi mnga' la rgyun mi 'chad pa'i dgongs pa phun sum tshogs pa dang ldan pas pha rol rgol ba thams cad ni chos dang mthun pas tshar bcad cing rab tu btul/ bdud thams cad ni pham par mdzad/ sangs rgyas kyi chos rnams kyis sems can rnams la dge ba'i rtsa ba ni yang dag par sgrub/ sems can rnams la smon lam la mkhas pa mtha' yas pa mngon par 'phags pa dag ni yang dag par sgrub cing kun tu ston/ thams cad mkhyen pa'i ye shes 'di la ni mngon par 'phags/ chos kun bsdu ba tshad ma mchis pa rnams ni rjes su dgongs/ spobs pa phun sum tshogs pa mtha' yas pa dang ni ldan na/ rnam par gsal ba'i tshig 'bru dpe ma mchis pa rnams dang / shin tu rnam par sbyangs pa'i so so yang dag par rig pa rgyun ma 'chad pa rnams kyis gzungs tshul la mkhas pa mtha' yas pa khong du chud par 'gyur ba dang / chos thams cad shin tu rnam par nges pa'i tshul la mkhas par 'gyur ba dang / sems can rnams la bsam pa sgrub par bskul ba dang / sems can rnams la sngon gyi mtha' dang / phyi ma'i mtha'i sbyor ba bstan pa dang / 'das pa dang / ma 'ongs pa dang / da ltar byung ba'i chos rnams yang dag par bstan pa dang / rgyal rag las pa rnams yang dag par bstan pa dang / chos gang la'ang mngon par zhen pa ma mchis par sems can rnams la chos bstan pa dang / phyogs bcu'i 'jig rten gyi khams ngag nasangs rgyas bcom ldan 'das rnams de dag la yang dag pa'i ched du rjod pa gsung bar 'gyur ba dang / phyogs bcu'i 'jig rten gyi khams kun tu rdzu 'phrul gyi stobs dang mi 'jigs pas sems can rnams kyi chos la lta ba spang bar bgyi ba dang / sems can rnams la rnam par nges pa'i chos bsam gyis mi khyab pa dag bstan pa dang / sangs rgyas kyi ye shes yongs su smin par bgyi ba la mkhas pa de lta bu'i chos kyi gtam 'bel ba dag bka' stsal du gsol/ bcom ldan 'das de ltar thabs la mkhas pa chen po'i sa yongs su brtag pa'i ched dang / don thams cad shes pa'i thabs la mkhas pa bsam gyis mi khyab pa dag yang dag par bsdu ba'i slad du/ de bzhin gshegs pa la bdag yongs su zhu'o// bcom ldan 'das gzhan yang chos gang gis byang chub sems dpa' rnams kyi smon lam la mkhas pa dang / yongs su smin par bgyi ba la mkhas pa dang / thabs la mkhas pa yongs su rdzogs par 'gyur ba dang / ji ltar byang chub sems dpa' rnams kyis chos bstan pa 'di thos na chos kyi snang ba chen po so sor 'thob par 'gyur ba dang / byang chub kyi lam yongs su smin par 'gyur ba dang / smon lam g+hi khyad par la mkhas pa yongs su smin par 'gyur ba de lta bu'i chos dag de bzhin gshegs pas bshad du gsol/ de skad ces gsol pa dang bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to// bkod pa mtha' yas gang khyod de ltar shin tu dul ba'i blos de bzhin gshegs pa la yongs su zhu ba ni legs so legs so/ / bkod pa mtha' yas ji ltar yang khyod byang chub sems dpa' rnams kyi thabs la mkhas pa yongs su rdzogs par bya/ ba'i phyir zhugs pa dang / ji ltar yang khyod byang chub sems dpa' rnams kyi smon lam rnam par dag par bya ba'i phyir zhugs shing / byang chub sems dpa' thams cad kyi ched dang / sems can thams cad la snying rje ba'i phyir/ de ltar de bzhin gshegs pa la shin tu rnam par nges pa dag yongs su zhu ba ni/ khyod kyi yon tan mthar thug par bla ba ma yin no/ / bkod pa mtha' yas de'i phyir nyon la legs par rab tu yid la zung zhig dang / ji ltar byang chub sems dpa' rnams thams cad mkhyen pa'i ye shes kyi yul la de dag dang gzhan yang yon tan tshad med pa dag gis mngon par 'phags par 'gyur ba de lta bu'i chos bstan pa dag bshad par bya'o/ / bcom ldan 'das legs so zhes byang chub sems dpa' bkod pa mtha' yas/ bcom ldan 'das kyi ltar slar nyan pa dang / bcom ldan 'das kyis 'di skad ces bka' stsal to// bkod pa mtha' yas 'di la byang chub sems dpa' smon lam la mkhas pa mtha' yas pa mngon par 'dod pa rnams kyis/ de bzhin gshegs pa rnams kyi dgongs pa'i gsang tshig la 'jug par bya/ kun tu gzung bar bya/ nges par brtag par bya// tshul bzhin du yid la nye bar brtag par bya'o// ji ltar tshul bzhin du nye bar brtag par bya zhe na/ bkod pa mtha' yas de bzhin gshegs pa'i bstan pa 'di ni ji tsam du yang dag par bsdu ba la mkhas pa'i sangs rgyas kyi ye shes las 'byung bas/ yongs su ma dag pa las 'byung ba med do// bkod pa mtha' yas de la byang chub sems dpa' rnams kyis 'di la yang dag par rab tu bslab par bya ste/ 'di ltar sangs rgyas bcom ldan 'das rnams kyis chos bstan pa rnams ni/ de dag gis chos 'di dag nyid la nges par brten cing / thugs rje chen po la gnas nas sems can rnams la byams pa chen pos khyab par mdzad pa las/ 'di ltar rnam par nges pa'i chos rnams mtshungs par 'byung ste/ sems can dman pa la mos pa kha cig ni nyan thos kyis la 'jug par 'gyur ro/ / ngan pa'i sa la mos pa'i sems can kha cig ni rang sangs rgyas kyi sa la 'jug par 'gyur ro// smon lam chen po phun sum tshogs pa'i sems can rgya chen po la mos pa rnams ni/ thams cad mkhyen pa'i ye shes yongs su rdzogs pa la 'jug par 'gyur ro// dman pa'i chos dang ngan pa'i chos rnam yongs su spangs pa ngeng ni/ rgya chen po'i chos la mos pa 'di la gnas shing / nged kyis de bzhin gshegs pa rnams kyi dgongs pa bstan pa'i gsang tshig gi mtshams de dag mkhyen nas/ sems can rnams kyi dbang po ji lta ba bzhin du yongs su smin par bya ba dang / mos pa ji lta ba bzhin du yongs su smin par bya ba'i phyir/ de bzhin gshegs pa rnams kyis chos bstan pa tshig 'bru dpe med pa dang / rgya che ba dang / gya nom pa rnams kyis chos thams cad yang dag par blangs pa dag 'byung ste/ chos de dag thams cad ni mnyam pa ste/ lhag pa med pa/ chad pa med pa/ gzugs med pa ma yin pa/ gzugs mnyam pa ma yin pa/ 'grib pa med pa/ yongs su rdzogs pa med pa/ mtha' yas pa/ 'chi ba med pa/ rang bzhin gyis rnam par dag pa'o/ / sangs rgyas bcom ldan 'das rnams kyis chos bstan pa'i ngo bo nyid kyi rang bzhin yang dag pa ji lta ba bzhin du mthong zhing rtogs par 'gyur yang / chos gang yang rab tu rtogs pa'ang med/ yang dag par rtogs pa'ang med do// de ci'i phyir zhe na/ chos thams cad ces bya ba ni de bzhin gshegs pas rnam grangs su bstan te gsungs pas na/ gang rnam grangs/ su bstan te gsungs pa'i chos de la ni/ chos dang chos ma yin pa'i gnas skabs su gdags pa med pa'i phyir ro// rjes su btags pa'i chos thams cad ni don dam par yang dag pa nyid du ni gdags su med de/ chos rnams kyi yang dag pa ji lta ba bzhin du gzhol bar de bzhin gshegs pas gsungs so// chos dang chos ma yin pa rnams ni rnam par rtog pas nye bar gnas par byas pa ma yin/ rnam par mi rtog pas kyang ma yin no// chos thams cad ni rtog pa ji lta ba bzhin du mnyam pa nyid yin pas rnam par rtogs pa'o// chos thams cad ni khyad par khong du chud pas khyad par med pa'o/ / chos thams cad ni byung ba med pas ma byung ba'o// chos thams cad ni yang dag pa ma yin pa'i rnam par rtog pas yongs su brtags shing kun nas bslang bas dngos po med pa'o/ / chos thams cad ni kun nas slong ba la rag las pas kun nas ldang ba med pa'o// chos thams cad ni phan tshun rdob pa med pas 'jug pa med pa'o// chos thams cad ni btang stom yongs su rdzogs pas ltos pa med pa'o/ / chos thams cad ni blang ba dang dor ba med pas rjes su sbyor ba med pa ste/ 'dir ni smon lam gyi khyad par gyi las byed do// chos 'di dag thams cad ni ngo bo nyid med pa dang chos kyi ngo bo nyid las shin tu 'das pas bdag gi ba med pa'o/ / chos 'di dag thams cad ni spros pa med pas khyad par med cing mnyam pa'o// chos 'di dag thams cad ni ji lta smon pa de ltar yang dag par 'grub kyang / de la smon par byed pa gang yang med pa'o// chos 'di dag thams cad ni rag las pa la gzhol bas ci'ang ma yin pa'o// de ci'i phyir zhe na/ bzhin gshegs pas chos 'di dag thams cad ni rmi lam dang sgyu ma'i rang bzhin lta bur bstan te/ chos rnams kyi rang bzhin gang yin pa de la ni rab dang / 'bring dang / tha mar dbye ba cung zad kyang med do/ / de lta bas na nged ni smon lam rnam par dag pas sems can rnams la phan ka dgra ba'i phyir/ smon lam rgya chen po dag la rab tu bkod nas/ chos gang la'ang mngon par zhen med pa la rab tu 'god pa mdzad do/ / bkod pa mtha' yas 'di ni nyi ma'i rigs kyi 'od zer snang bar byed pa dang / chos kyi snang ba gang gis byang chub sems dpa' rnams kyi smon lam gyi khyad par phun sum tshogs pa dag rnam par 'phel zhing / mngon par 'phags par 'gyur ba'i chos kyi snang ba yin no// de lta bas na chos kyi tshul bstan pa 'di la mos pa'i rigs kyi bu dag ni/ sems can rnams la chos kyis snang bar byed do// bkod pa mtha' yas de la byang chub sems dpa'i nang du tshul bzhin du sems pa/ phyi rol du dran pa mi g.yeng ba dang / sgrib pa spang ba la gnas pa dang / byang chub sems dpa'i ting nge 'dzin kun tu snang ba rjes su dran pa dang / chos zab mo la mos pa dag gis chos 'di la nye bar brtag par bya'o// chos 'di ngag thams cad ni rkyen gyi don la mkhas pa so sor rtogs par bya ba'i phyir/ de bzhin gshegs pas bstan pa ste/ rkyen gyi don gyi ngo bo nyid de'ang rang bzhin gyis gsog gso ba ya ma brla snying po med pa ste/ brdzun pa slu ba'i chos su bstan to// rgyu dang rkyen gang dag gis sems can rnams kun nas nyon mongs par gyur pa de dag kyang gsog gsob ya ma brla snying po med pa ste/ brdzun pa slu ba'i chos yin no/ / rgyu dang rkyen gang dag gis sems can rnams rnam par dag par gyur pa de dag kyang / phyogs bcu'i 'jig rten gyi khams rnams su btsal kyang snang bar mi 'gyur/ dmigs par mi 'gyur te/ chos 'di dag thams cad ni gzung ba dang 'dzin pa med cing yod pa ma yin pa'i phyir dmigs su med pa'o// de bzhin gshegs pas gang chos rnams kyang spang bar btags na// chos ma yin pa rnams spang ba lta smos kyang ci dgos te/ gang spang ba de'ang blang ba med pa dang / lhun gyis grub pa dang / rang bzhin gyis rnam par dag pa'i phyir cung zad kyang yod pa ma yin no/ / chos thams cad ni rang bzhin ji lta ba bzhin du rtogs pa yin pas/ rnam par rtog pa dang yongs su rtog pa med pa'o// chos thams cad ni gzhan ma yin pa nyid kyi phyir gnas bstan du med pa'o/ / de lta bas na chos 'di dag thams cad ni gnas med pa/ gnas pa med pa/ brjod pas ming du btags pa ste/ gang brjod pas ming du btags pa de ni ya ma brla ste/ rang gi ngo bo nyid med par nye bar gnas pa/ nye bar gnas pa ma yin pa/ gnas med pa ste/ de ltar de dag ni gnas med pa'i phyir mi gnas pa'o// zad pa dang / rnam par 'gyur ba dang 'gog pa dag ni de bzhin gshegs pas rnam grangs kyi tshig gis bstan pa ste/ de bzhin gshegs pa rnams kyi dgongs pa'i rnam grangs 'di la 'jug par bya'o// dge ba 'am/ mi dge ba'i chos rnams la mngon par zhen par mi bya ste/ mi dge ba'i chos rnams la mngon par zhen pas mi dge ba'i chos rnams la mngon par zhen par 'gyur ro// mi dge ba'i chos rnams la mngon par zhen pas sdug bsngal dang yid mi bde ba'i chos rnams 'byung bar 'gyur ba 'di dag ni/ sdug bsngal 'phags pa'i bden par btags pas/ de bzhin gshegs pas mi dge ba'i chos kyi rnam grangs su bstan to/ / dge ba dang mi dge ba la mngon par zhen pa med pa dang / sred pa 'gog pa 'di dag ni kun 'byung ba spang zhing 'phags pa'i bden pa gnyis pa rtogs par bya ba'i phyir/ de bzhin gshegs pas dge ba'i chos kyi rnam grangs su bstan to// 'gog pa'i phyir dang / rlom sems med pa'i phyir dang / zad pa dang / 'dod chags dang bral ba la nye bar brtag pa dang / nye bar mi len pa dang / mngon par dga' ba dang / 'du shes dang / tshor ba med pa dang / rlom sems dang bral ba 'di dag ni sdug bsngal 'gog pa 'phags pa'i bden pa rtogs par bya ba'i phyir/ de bzhin gshegs pas 'phags pa'i bden pa gsum pa'i rnam grangs su bstan to// chos ji lta ba bzhin du rtog pa'i sa dang / rlom sems dang / g.yo ba dang / spros pa thams cad las yang dag par 'das pa'i sa'i lam gang yin pa de dag yongs su btsal zhing yang dag pa'i lta ba sgom pa nas/ yang dag pa'i ting nge 'dzin gyi bar du yan lag brgyad dang ldan pa'i lam rnams bstan pa 'di ni sdug bsngal 'gog par 'gyur ba'i lam 'phags pa'i bden pa rtogs par bya ba'i phyir/ de bzhin gshegs pas 'phags pa'i bden pa bzhi pa'i rnam grangs su bstan te/ 'di ni sangs rgyas bcom ldan 'das rnams kyi sdug bsngal yongs su shes par bya ba dang / kun 'byung spang ba dang 'gog pa mngon sum du bya ba dang / lam bsgom par bya ba dag las/ sdug bsngal kun 'byung ba dang / sdug bsngal 'gog pa dang / sdug bsngal 'gog par 'gyur ba'i lam rgya rnam grangs su bzhag pa yin te/ sdug bsngal 'di ni yang dag par yod pa ma yin pa las btags par zad do// ma rig pa la sogs pa shes pa'i gzhi rnams ni gnyis su te/ de ci phyir zhe na/ shes pa med pa la ni gzhi cung zad kyang med pas de ni mngon par rtogs pa med pa/ snang ba med pa/ shes pa med pa/ khongs su gtogs pa med pas na/ de la gang gi gzhir 'gyur te/ med pa gsog brdzun pa slu ba'i chos yin no// de la gzhi de'ang yod pa ma yin pa las btags pa ste/ 'di la ther zug tu mngon par zhen pa dang chad par mngon par zhen pa'i gzhi med pas na/ rlom sems su mngon par zhen pa med par sdug bsngal gyi gzhi la brtag par bya'o// de ltar gzhi med pa la mngon du shes pa'ang med par yongs su shes par bya'o/ / ma rig pa'i sbyor ba las byung bas sdug bsngal ni mi shes pa'i rang bzhin can te/ ma rig pa ni gang dang yang mtshungs par ldan pa'ang ma yin/ mi ldan pa'ang ma yin te/ don yod pa ma yin te/ de'i phyir de ni mtshungs par ldan pa ma yin no// de lta bas na ma rig pa la ni byed pa po gdags su med cing / byed pa po mi dmigs pas/ mi rtog rnam par mi rtog/ mi byed rnam par mi byed do// bkod pa mtha' yas 'di ni byang chub sems dpa' rnams kyi rig pa dang rjes su mthun pa ma rig pa'i rang gi ngo bo yongs su shes pa'i sgo ste/ gang gis ma rig pa'i mun pa bsal zhing rig pa dang rjes su mthun pa'i chos kyi sgo mngon du gyur nas/ byang chub sems dpa' rnams kyi 'phags pa'i bden pa la mkhas pa rtogs par bya ba'i phyir/ sgo 'di dag yongs su sbyong zhing mngon par sgrub pa dang / sdug bsngal la lhag par dmigs pa na kun 'byung ba nub pa dang / zad pa dang / 'gag par 'gyur te/ de ltar mnyam pa nyid kyi lam sgrub cing sgom pa dang / de ltar spyad pas/ de ltar mnyam pa nyid kyi lam gyi rnam grangs kyis chos de dag thams cad mngon du shes shing yongs su shes so// mngon du shes pas spang bar bya'o// mngon du shes pas mngon sum du bya'o// mngon du shes pas bsgom par bya ste/ de'i phyir gang mngon du shes pa de ni yongs su shes pa'o// gang yong su shes pa de ni spang ba'o/ / gang spang ba de ni mngon sum du bya ba'o// gang mngon sum du bya ba de ni bsgom par bstan te/ de ltar 'phags pa'i chos shes nas rnam par rtog pa med pa'i tshul gyis brtson 'grus dang ma bral bar bden pa mngon par bsgrub bo zhes blang ba med pa dang dor ba med par gnas par 'gyur ro/ / bkod pa mtha' yas 'phags pa rnams kyis ni chos thams cad brtags pa/ rnam par bsgrubs pa/ gces pa'o zhes bya bar shes pas rlom sems su mi byed/ spros par mi byed par yang dag pa ji lta ba bzhin du mthong ba srung zhing zhen par mi byed/ rnam par mi byed do/ / de lta bas na lam dang / spang bar bya ba dang / dge ba'i chos rnams la'ang rlom sems su mi byed/ spros par mi byed na/ mi dge ba'i chos rnams lta la ci smos/ de dag spang ba'i phyir yang mi gnas na/ rnam par mi rtog pa'i tshul gyis chos ma yin pa dag spang ba'i phyir lta smos kyang ci dgos/ kun tu sbyor ba spangs pa'i mkhas pa dag ni chos rnams dang kun tu sbyor bar yang mi byed/ chos ma yin pa rnams dang kun tu sbyor bar yang mi byed de/ des chos thams cad brdzun pa slu ba ya ma brla gsog gsob lta bur shes pas na/ 'di ni de'i bden pa mngon par sgrub pa yin no/ / gang gi phyir de ni btang snyoms yongs su rdzogs pa dang / kun tu sbyor ba spangs pa dang / lam la gnas pa dang / 'gro ba rnams kyi dus las 'das pa'i phyir rjes su chags pa med cing khong khro ba med pas/ chos nyid kyi rang gi ngo bo blang ba med pa dang dor ba med par rtogs so// bkod pa mtha' yas gang yang chos rnams kyi ngo bo nyid ni rang bzhin gyis stong pa'i ngo bo nyid yin pa'i phyir/ chos thams cad ni ngo bo nyid kyis dben pas na chos rnams la byed pa po ni 'ga' yang dmigs su med do// chos thams cad ni kun tu sbyor ba med pa dang ldan pas na ldan pa'ang ma yin/ mi ldan pa'ang ma yin te/ de dag gi dngos po med pa la'ang mngon par zhen par mi bya/ dngos po dang dngos po med pa rnam par spang bar yang rlom sems su mi byed/ spros par mi bya'o// rkyen rnams rnam par dag par yongs su shes pa des/ chos gang dag rkyen gyis rkyen de byung ba'i rkyen de dag ni gcig gis gcig stong pa dang / sems can gyi ngo bo nyid med pa'i phyir shin tu dag pa dang / shin tu dben pas na rkyen rnams kyang rgyu dang ldan pa ma yin/ rgyu'ang rkyen rnams dang ldan pa ma yin te/ chos thams cad ni phan tshun g.yo ba med cing spyad pa med pas/ 'jug pa med pa'i chos rnams la sems par byed de/ bkod pa mtha' yas gzhi med pa'i chos kyi sgo 'di la 'jug par bya'o// rnam par dag cing chos snang ba'i gzhir gyur pa ni nyams par mi 'gyur zhing skye bar 'gyur la/ rjes su bzung ba nyid kyang rnam par dag par 'gyur ro// spros pa dang bral ba'i snang ba'ang byed par 'gyur ro/ / snang bas snyems pa med cing 'jug par 'gyur ro// gzhung las yang dag par 'das te/ chags pa med pas nges par 'byung bar yang 'gyur ro// bkod pa mtha' yas chos thams cad ni ming dang mtshan ma'i tha snyad kyis brjod pa ste/ de la mtshan ma gang yin pa de ni 'byung ba chen po bzhi la gzugs su btags pa'o// ming gang yin pa de ni phung po bzhi la gzugs med par btags pa ste/ de la ming ni yang dag pa ma yin par yongs su btags pa'o// mtshan ma'ang yang dag pa ji lta ba ma yin pa'i phyin ci log gis bdag ni gzugs yin no// gzugs ni bdag gi yin no zhes 'dzin cing mtshan ma'i rnam par rtogs pas ming du btags pa'o// de la gang yang ming dang gzugs zhes bya ba gnyis ka'ang yang dag pa ji lta ba ma yin pas gsog dang brdzun pa slu ba'i chos te/ sgyu mar gyur pa dang rmi lam gyi gzugs lta bu'o// rmi lam gyi gzugs kyi lus ji lta ba de bzhin du gzugs rnams bstan te/ snying po med pa'i gzugs rnams dang / ming gi phung po bzhi po gnyis ka'ang tha snyad tsam du rjes su rtog par bya'o// de ltar rjes su rtog pa na sdug bsngal gyis gnod pa med cing / bden pa la lhag par dmigs pa'ang med pas/ de'i sems la ci'ang med cing mi dmigs te/ de chung ngu na mya ngan las 'das pa dang ldan pa'ang med de/ de ni 'di ltar 'du shes las yang dag par 'das pas na tshor ba 'gag par 'gyur ro/ / bkod pa mtha' yas khams gsum pa rnams ni 'du shes kyi yid la byed pa las byung la/ 'du shes kyi yid la byed pa ni yod pa ma yin pas/ de'i phyir khams gsum pa rnams kyang yod pa ma yin par bstan to/ / gang yang kun tu shes par byed pa de ni gzugs la mngon par zhen pa'o// gang yid la byed pa de ni tshor ba dang / 'du shes dang / 'du byed dang // rnam par shes pa dag dang ldan par bstan te/ chos rnams kyi rang bzhin ni mtshungs par ldan pa'ang ma yin/ mi ldan pa'ang ma yin pas/ 'du shes kyi / yid la byed pa de ni yod pa ma yin no// 'du shes kyi yid la byed pa de'ang rang bzhin gyis yod pa ma yin pas/ de'i phyir yod pa ma yin pa las tshig gis btags pa ni/ rang bzhin gyis nye bar zhi ba'i rnam grangs su bstan to/ / bkod pa mtha' yas chos rnams kyi rang bzhin las chos bshad pa'i rnam grangs dag byung ste/ bshad pa dang brjod pa mnyam pa nyid kyis bden pa bsgrub pa 'di byang chub sems dpa' rnams kyis rjes su rtogs par bya'o/ / bkod pa mtha' yas kun tu sbyor ba thams cad spang ba'i phyir de bzhin gshegs pa rnams kyi chos bshad pa 'byung ba ni 'bras bu med pa ma yin te/ de la khyed kyis rlabs po che'i sems bskyed nas/ chos thams cad la mngon par zhen pa med pa dang / rlom sems med pa dang / spros pa med pa dang / sems can med pas chos rnams la 'jug cing / sems can rnams la byams pa chen po dang snying rje chen po bskyed nas/ chos kyi sgo 'di dag la 'jug par bya/ yang dag par bgro bar bya/ nges par brtag par bya'o// chos kyi sgo rnams kyang gang zhe na/ mi shes pa las 'dus byas kyi chos thams cad 'byung bar rtogs pa dang / ye shes mthong ba las 'dus ma byas kyi chos thams cad 'byung bar rtogs nas/ spros pa med pa'i ye shes kyis 'dus byas dang 'dus ma byas kyi chos rnams la'ang yang dag par 'jug par bya zhing / yongs su sbyang bar bya ba dang / bgrang ba med pa'i chos kyi rjes su 'jug pas grangs rnams kyang grangs dang ldan pa med cing / grangs rnams kyang grangs la gnas pa med pa ste/ 'dus ma byas po'i sgo ni chos kyi sgo yin pas/ chos kyi sgo ni yongs su dag cing / chos snang ba'i rnam pa kun 'dzin par byed pa ste/ rjes su gzung ba dang kun gzung ba'i chos rnams kyang chud mi za bar mi 'gyur bar thabs la mkhas pa mngon par bsgrubs pa'i blos rjod cing ston par byed do/ / bkod pa mtha' yas 'di ni byang chub sems dpa' rnams kyi gzungs kyi sgor 'jug pa dang / gang dag gi blo'i rab tu dbye ba rgya cher mngon par 'phags par 'gyur ba dang / ye shes kyi nges pa'i tshig gi don thams cad bstan pa'o// bkod pa mtha' yas de la gang gis byang chub sems dpa' chos rnam kun 'dzin pa la mkhas par 'gyur ba'i gzungs kyi sgo'i chos rim par phye ba gang zhe na/ bkod pa mtha' yas 'di la byang chub sems dpa' yongs su dag pa'i ye shes mkhas pa la gnas pa dang / spobs pa'i ye shes la gnas nas don gyi rjes su song ba'i blos/ chos rnams kyi rang bzhin gyi ngo bo nyid la rnam par lta zhing / chos 'di dag thams cad ni ngo bo nyid kyi rnam par gnas pa med pa/ ming med pa/ mtshan ma med pa/ mnyam pa med pa/ mthun pa med pa/ gzugs med pa ma yin pa ste/ de dag ni brjod du med pa las yang dag par bgro ba bkri ba'i tshig gis bstan te/ chos rnams kyi rang bzhin gang yin pa de ni bstan du med pa/ 'ong ba med pa/ 'gro ba med pa/ yi ge med pa/ yi ge rnam par dag pa ste lhun gyis grub pa'o/ / de ci'i phyir zhe na/ chos rnams kyi rang bzhin nam mkha' dang mtshungs shing 'dra ba'i phyir te/ de'i phyir chos de dag thams cad ni brdzun pa mngon par ma grub pa ste/ nam mkha' ltar yongs su brtag cing brjod pa/ rnam pa med cing rnam par dag pa'o// chos 'di dag thams cad ni sgo med pa'i sgo yin pas/ chos 'di dag thams cad kyi sgo ni rnam par dag pa ste/ shin tu nyon mongs pa med cing nye bar nyon ma mongs pa'o/ / de ci'i phyir zhe na/ chos rnams kyi rang bzhin ni shin tu skye ba med cing mngon par grub pa med de/ chos rnams kyi ngo bo nyid gang yin pa de la ni skye ba 'am/ mngon par grub pa med pa'i phyir ro// de'i phyir chos de dag thams cad ni dngos po med pa'i ngo bo nyid du bstan cing bshad de/ chos rnams kyi rang bzhin ni dngos po med pa'i ngo bo nyid yin no/ / de ltar 'di dag la mngon par zhen pa med na/ byang chub sems dpa' rnams kyi mngon par zhen pa med pa'i chos kyi sgo dang / gzungs kyi sgo dang / chos rim par phye ba'i sgo rnams rnam par dag par 'gyur ro/ / chos thams cad kyi rnam pa zhes bya ba ni tha snyad kyis 'di ltar rnam pa'o zhes brjod pa ste/ rnam pa gang yin pa de ni rnam pa med pas na/ rnam pa ni/ byed pa med pa/ rnam par byed pa med pa/ rjes su chags pa med pa/ khong khro ba med pa'o// de'i phyir rnam pa'i sgo ni sgo med par bstan pa ste/ sgo rnam par dag pa de ni rnam pa med par 'jug pa'i sgo yongs su dag pa yin pas na/ de ltar rnam pa zhes bya ba ni yang dag par yod pa ma yin pa'i don du bstan to// de ltar na ma rig pa rjes su rtogs par bya ba'i don dang / mngon par 'du byed pa med pa dang / rnam pa med pa la 'jug pa'i tshul du bstan pa yin te/ bkod pa mtha' yas sgo 'di ni gzungs rnam par dag par 'gyur ba'o// bkod pa mtha' yas sgo sgo zhes bya ba ni/ chos thams cad nam mkha'i sgo lta bur rtogs shing / nam mkha'i sgo ltar snang ba med par gyur pa'o// de la gang skye ba dang / gang 'jig pa de dag mnyam pa nyid du rjes su rtogs pa na/ rtogs pa'ang med/ nub pa'ang med/ kun gzung ba'ang med par chos de dag thams cad kun gzung bar bya'o// gzung ba med pa dang / spang ba med pa dang / mnyam pa med pa dang / mi mnyam pa med pa dang / rdul phra mo tsam gyi chos kyang dmigs su med pa'i rnam pa'i sgor 'jug pa 'di ni rnam pa med pa rnam par dag pa yin no// bkod pa mtha' yas rnam pa med pa rnam pa med pa zhes bya ba ni/ gang la lus med pa dang / lus su btags pa med pa ste/ rnam pa med pa ni gang la ming gi tshogs dang tshig gi tshogs kyis btags pa med pa'o/ / rnam pa med pa ni nam mkha' ltar rnam par bsgom pa ste/ de ltar don gyi tshul rjes su rtogs par bya'o// nam mkha' nam mkha' zhes bya ba ni nam mkha' med pas na/ nam mkha' zhes tshig gi tshogs kyis btags pa'o// 'di ni gang gis byang chub sems dpa' gzungs kyi tshul la mkhas pa rtogs par 'gyur ba ste/ ma rig pa dang rjes su mthun pa/ rig pa'i ye shes kyi stobs bskyed pa'i sgo'i chos rim par phye ba yin te/ rjes su bzung ba dang / rtsod pa med pa dang / rmongs pa med par bya ba'i phyir/ klu'i rgyal po ma dros pas char gyi rgyun chen po dang / chu chen po gtong ba bzhin du rgyun chad pa med pa'i gzungs kyi gsang tshig gi dgongs pa la 'jug par bya'o// bkod pa mtha' yas gzungs gzungs zhes bya ba'i gsang tshig 'di dag ji lta bur bstan pa yin/ de skad ces bka' stsal pa dang / bcom ldan 'das la/ byang chub sems dpa' bkod pa mtha' yas kyis 'di skad ces gsol to// bcom ldan 'das gzungs zhes bgyi ba ni/ chos rnams dang mtshams sbyor ba la mkhas pa'i tshig bla dgas lags so// bcom ldan 'das gzungs zhes bgyi ba ni/ rjes su dran pa'i las kun 'dzin par bgyid pa lags so/ / shes rab kyi gter gyi stobs kyis kun 'dzin pa'i gsang tshig gi gzhi 'di dag bstan pa de'i slad du gzungs zhes bgyi ba'i grangs su mchi'o// ye shes mkhas pa la 'jug pa'i blos/ de ltar byang chub kyi stobs mtha' yas pa dag kun tu gzung bar bgyi ste/ bcom ldan 'das bdag ni ji ltar sems can thams cad la phan gdags pa'i slad du/ ye shes mtha' yas pa ston pa la mkhas pa'i stobs rgyun mi 'chad pa dang / chos kyi rgyun rnam par 'byed par bgyid pa lags so// bcom ldan 'das gzungs kyi sgo 'di ni nam mkha' ltar yangs shing mnyam pa ma mchis pa'i sgo chen po lags te/ de'i slad du de ni tshad ma mchis pa dang / mtha' ma mchis par tshig gis brjod do// brjod pa mnyam pa nyid dang / rjes su bzung ba dang / rjes su bstan pa zhes bgyi ba ni ston mkhas pa dang / mnyam pa ma mchis pa zhes bgyi ba'i grangs su mchi'o// yi ge rnam par dbye ba yongs su rdzogs pas nges pa'i tshig so so yang dag par rig pa yongs su rdzogs par 'gyur ro/ / don la nye bar rtog cing ston pa la mkhas pas don so so yang dag par rig pa yongs su rdzogs par 'gyur ro// chos rnams kyi rnam par nges pa rab tu ston pa la mkhas pas chos so so yang dag par rig pa yongs su rdzogs par 'gyur ro/ / chos rnams kyi sgo la spobs pa yongs su dag pas spobs pa so so yang dag par rig pa yongs su rdzogs par 'gyur te/ sems can rnams la phan gdags pa'i slad du byams pa chen po dang snying rje chen po yongs su bzung ste/ rjes su bzung nas kyang gzhan shes la gzhan ston par mi bgyid par spros pa ma mchis pa'i btang snyoms ston par bgyid do/ / bcom ldan 'das don mtha' yas pa la mkhas pa dang / gzungs kyi sgo'i tshul la mkhas pa'i chos rim par phye ba 'di dag ni/ de bzhin gshegs pa'i zhal gyi sgo nas byung ba'o// de skad ces gsol pa dang / bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to/ / bkod pa mtha' yas sgro sgo zhes bya ba 'di ni/ de bzhin gshegs pa'i thams cad mkhyen pa'i ye shes kyi tshig bla dgas yin no// bkod pa mtha' yas gang las chos 'di dag ston cing bkod par 'gyur ba de ni de bzhin gshegs pa'i rang byung gi ye shes gzigs pa'i sgo shin tu rnam par dag pa/ sgo mtha' yas pa rnam par dag pa la gnas pa/ gnas med pa dmigs pa'i tshul gyis chos mang po 'dzin par snang ba yin no// bkod pa mtha' yas ngas chos thams cad sangs rgyas kyi chos yin no zhes bshad pa ni/ gang chos thams cad rjes su rtogs pa de sangs rgyas kyi chos zhes bya ste/ sangs rgyas kyi ye shes kyis chos thams cad kyi rang bzhin mnyam par thugs su chud pa de'i phyir/ chos 'di dag ni sangs rgyas kyi chos yin no/ / chos so cog rjes su rtogs par bya ba'i phyir chos thams cad khong du chud pa zhes bstan pa'ang / chos rnams rjes su rtogs pa gang yin pa 'di ni gzungs kyi sgo rjes su rtogs pa yin te/ chos thams cad kyi khongs su rtogs pa'i phyir ro// bkod pa mtha' yas gzungs 'di lta bu ni bshad pa dang / gsang sngags dang / brjod pa dang / rab tu brjod pa dang / dper bstan pa thams cad kyi khongs su gtogs pa yin/ nang du 'dus pa dang / gtso bor gyur pa dang / snying por gyur pa yin te/ gsang sngags dang / bshad pa dang / dper ston pa thams cad ni yi ge'i rnam par rig pas brjod par byed/ ston par byed/ rab tu gsal bar byed do// bkod pa mtha' yas de la yi ge'i rnam par rig pa ni/ a zhes bya ba sngon du 'gro ba yin la/ yi ge bstan pa ni ha zhes bya bas mthar gtugs pa yin no// bkod pa mtha' yas dper na mngal du du 'chags shing 'dzin pa'i sngon du 'gro ba ni ma yin la/ sa bon nyebar 'jog pa'i sngon du 'gro ba ni pha yin/ phung po rin chod 'gyur ba'i sngon du 'gro ba ni skye ba yin/ de'i 'og tu ni yan lag mtha' dag gi dbyibs rnam par phye ba dang / skye mched rnam par phye ba dang / dbang po rnam par phye ba dang / dbang po yongs su smin pa'i dbyibs rnam par phye ba phun sum tshogs pa thams cad mngon par 'grub pa ltar/ rnam par dbye ba dang ldan pa thams cad kyi sngon du yi ge'i phyi mo 'gro ba'ang de dang 'dra'o/ / de la yi ge'i phyi mo a zhes bya ba gsal ba nye bar gnas pa ni sngon du 'gro ba yin/ ha zhes bya ba ni mthar thug pa yin la/ yi ge gzhan dag ni de'i khongs su gtogs shing / rjes su 'brang ba dang rjes su 'brel ba yin te/ 'di ni gzungs kyi sgor 'jug pa bstan cing brjod pa yin no// 'dus byas su gtogs pa thams cad kyi 'jig pa gang yin pa de'ang nye bar brtag par bya ste/ dper na yi ge kha zhes bya ba dang / yang zhes bya ba de dag nye bar sbyar nas/ yig 'bru bslab pa'i mthar phyin nas/ dor ba ltar srid pa'i yan lag tu nye bar gnas pa'i 'du byed du gtogs pa thams cad 'jig pa'i sgo nas zad pa nyid du ston pa'ang de dang 'dra'o// dper na ldan pa ni 'gog pa dang / rnam par sten pa ltar sred pa'i kun tu sbyor ba dang mtshungs par ldan zhing / srid par gtogs pa ldan pa gnyis nye bar gnas pa thams cad kyang de dang 'dra'o// de la dngos po dang dngos po mang pa'i ldan pa gnyis nye bar gnas pa'i chos thams cad kun tu brtags nas/ mthar gyis mngon par 'du byed pa med pa'i sgo yongs su sbyang bar bya ste/ 'di ni skye ba dang 'jig pa ston pa'i chos kyi sgor 'jug cing gzungs kyi sgo rim par phye ba ston pa byang chub sems dpa' rnams kyi thabs la mkhas pa yongs su rdzogs par 'gyur ba yin no/ / 'di ltar yi ge'i phyi mo rnams las yi ge dang po smos nas/ rim gyis D+ha zhes bya ba dang / ha zhes bya ba'i mthar thug pa nub par smos te bshad pa dang / sgras yang dag par bstan pa'i sgo nas gsang sngags kyi dgongs pa la/ 'jug par bya zhing / thogs pa med par chos dang mthun par 'jug pa'i yang dag par 'gro ba'ang bsam par bya'o// bkod pa mtha' yas de la dper na yi ge'i phyi mo rnams rnam par brtags nas/ yi ge a zhes bya ba dang por smos la/ de las gzhan pa'i yi ge rnams kyang rnam par brtags te/ yid la byed pa dang rjes su mthun pa'i rim par D+ha zhes bya ba dang / ha zhes bya ba'i mthar thug pa'i bar du smos shing 'dri bar byed na/ de las lhag par gdags pa'i yi ge ci'ang med pa ltar/ 'du byed du gtogs pa thams cad la gnyis su med pa'i yid la byed pa mngon par grub pa'ang de dang 'dra'o/ / bkod pa mtha' yas gang gnyis su rnam par rtog pa dang bral ba de la ni yang dag par ni yi ger gdags pa cung zad kyang med cing / rang bzhin gyi ngo bo nyid du rnam par rtog pa'ang cung zad kyang med do/ / gang la rnam par rtog pa med pa de la ni 'du byed du gdags pa'ang cung zad kyang med do// bkod pa mtha' yas chos thams cad shes pa gang yin pa de la/ yi ge'i rnam par rig pa nye bar gnas pa de ni yi ge mngon par ma grub pa'i phyir rnam pa med pa yin no// de ci'i phyir zhe na/ a zhes bya ba yang dag pas kun nas bslang ba ni ci'ang med de/ de ltar 'dus byas su gtogs pa thams cad rnam pa med par 'jug par blta bar bya zhing / mngon par 'du byed pa med par bya ba'i phyir phung po thams cad spang bar yang bya'o/ / bkod pa mtha' yas 'di ni gzungs rnam par dag pa la mkhas pa'i sgo yin/ kun nas 'dzin pa'i sgo yin/ chos rim par phye ba'i sgo yin te/ de la bslabs na byang chub sems dpa' rnams kun nas rmongs pa med pa'i bya ba la mngon par 'phags par yang 'gyur/ sems can rnams chos kyis 'phongs pa med par byed par yang 'gyur zhing / de dag 'du shes su gyur pa'i sems nye bar blangs nas gnas par yang mi 'gyur/ 'du shes yid la byed pa rnam par spangs nas/ sems can rnams la snying brtse ba'i phyir skye bar yang 'gyur/ chos bla na med pa shes pa rnam par gtan la dbab pa la mkhas par bya ba'i phyir/ blos chos kyi snang ba kun tu gtong bar yang 'gyur/ de bzhin gshegs pa'i chos kyi mdzod rjes su dran par yang 'gyur/ chos rjes su rtogs par bya ba'i phyir blos rtogs pa'i tshul mtha' yas pa la mkhas pa khong du chud par 'gyur ro// bgeng pa mtha' yas de la byang chub sems dpa' rnams kyis 'dzin pa med par bya ba'i phyir/ chos thams cad ming tsam du shes par byas nas/ sgra dang yang dag par 'gro ba dang / brjod tshogs kya du chud par bya ste/ gzungs kyi tshul la mkhas pa'i rjes su 'jug par bya'o// ji ltar gzungs kyi tshul la mkhas pa'i rjes su 'jug par bya zhe na/ gang yul na mi gnas shing phyogs ni mi gnas la/ chos gang gi khongs su'ang ma gtogs pa/ nang du'ang ma 'dus shing brjod pa dang yang dag par brjod pa mnyam par gnas pa 'di ni/ ming du btags pa tsam du zad par rjes su rtogs nas/ chos rnams kyi yang dag pa'i tshig ji lta ba bzhin du khong du chud par bya'o// bkod pa mtha' yas de bzhin gshegs pa rnams kyi chos ni thams cad kyang rnam pa med pa brjod pa med pa yin no/ / 'di ni stobs dang mi 'jigs pa'i sa yin te/ chos gang ci'ang rung de thams cad sgo 'di nas bstan par bya'o// de bzhin gshegs pas ni chos rnams rnam pa du ma nyid du bstan mod kyi/ chos rnams la ni gcig pa nyid dam/ tha dad pa nyid yod pa ma yin gyi/ chos 'di dag thams cad ni ma skyes pa dang med pa ma yin no// 'di ltar chos thams cad ni stong pa nyid du bstan te/ gang dag stong pa yin pa de dag ni mtshan ma dang bral ba yin no// gang dag mtshan ma dang bral ba de dag ni smon pa med pa dang rab tu shes pa med pa yin no/ / chos gang dag stong pa dang / mtshan ma dang bral ba dang / smon lam gyis dbang ma bsgyur ba dang / shes pa med pa dang / bye brag tu shes pa med pa de dag ni yod ces bya ba 'am/ med ces bya bar brjod par bya ba'ang ma yin la/ med do zhes tha snyad gdags par bya ba'ang ma yin/ de la med do snyam du mngon par zhen par bya ba'ang ma yin no/ / de ci'i phyir zhe na/ de bzhin gshegs pas chos thams cad don dam par mngon par zhen pa med par gsungs te/ 'di ltar mngon par zhen pa gang yin pa dang / gang gis mngon par zhen pa dang / ji ltar gang du mngon par zhen pa de thams cad ni gsog gsob slu ba'i chos can g.yo ba rlom pa ste/ spros pa yin no// bkod pa mtha' yas chos 'di dag ston pa la ltos/ gang zhig gis ci'ang ma bstan tam/ yongs su dag par ma bstan kyang rung / 'on kyang de la ston pa po yin par brjod dgos te/ bkod pa mtha' yas 'di lta bu ni de bzhin gshegs pa'i chos bstan pa 'byung ba yin no/ / bkod pa mtha' yas 'di ni tshul 'di kun shes pa'ang dkon te/ de lta khyed la sogs pa'i mngon su gyur cing / kun shes par byed pa'i sgrub pa la gnas pa rnams chos 'di la mos pa mang bar zad do/ / bkod pa mtha' yas ma 'ongs pa'i dus phyi ma'i tshe na sems can chos 'di lta bu dag kun shes par 'gyur ba ni nyung ste/ gang dag da ltar 'di na nga'i mngon sum du gyur cing / skye bo mang po la phan pa dang / skye bo mang po la bde ba'i phyir/ bdag cag gis phyi ma'i dus na/ de bzhin gshegs pa'i chos kyi tshul gzung bar bya'o// zhes go bgos pa de dag ni ma gtogs so// bkod pa mtha' yas byang chub sems dpa' gang dag sngon gyi rgyal ba la lhag par bya ba byas shing / zab mo la mos pa/ chos zab mo'i tshul la mkhas pa/ mnyan pa don du gnyer zhing mos pa de dag ni chos 'di 'dzin pa rnyed par 'gyur ro// bkod pa mtha' yas de bzhin gshegs pa ni sngon gyi rgyal ba la lhag par bya ba byas pa/ sangs rgyas mang po la bsnyen bkur byas pa/ zab mo'i tshul gyis gzhi blangs pa/ dad pa can dge ba tshol ba/ mos pa mang ba/ rgya chen po la yang dag par gnas pa/ theg pa chen po don du gnyer ba la brtson pa/ nyan thos kyi theg pa dang / khams gsum pa thams cad don du mi gnyer ba/ chos zab mo spyod pa rnams la sngon ma thos pa'i chos kyi tshul zab mo yangs pa/ tshad med pa/ blta dka' ba/ rtogs par dka' ba/ byis pa thos pa la sogs pa dang mi ldan pa/ mngon par zhen pa rnams kyis gting dpag dka' ba 'di sems can thams cad la phan par bya/ bab dang / bde bar bya ba'i phyir yang dang yang du ston par mdzad kyi/ 'di don du mi gnyer ba rnams kyis ni ma yin no// bkod pa mtha' yas de bzhin gshegs pa ni khyed la sogs pa ltar bcas pa'i 'jig rten cho ga dang / spyod yul phun sum tshogs pa/ kha na ma tho ba phra rab tsam la'ang 'jigs par lta ba/ 'jigs pa thams cad las yongs su grol bar 'dod cing / sdom las med pa rnams la chos ston par mdzad de/ de'i ched du de bzhin gshegs pas sngon byang chub sems dpa'i spyad pa spyod pa na/ chos zab mo 'di la bskal pa bye ba phrag du mar bslabs nas nges par 'byung ba yin no/ / bkod pa mtha' yas de bzhin gshegs pa ni ci nas kyang / sems can thams cad kyis chos kyi 'khor lo bla na med pa skor bar 'gyur ba dang / sems can thams cad kyis ye shes chen po bla na med pa mthong bar 'gyur ba dang / thams cad mkhyen pa'i ye shes kyi rigs rgyun mi gcad par bya ba'i phyir chos kyi tshul ston par mdzad/ byin gyis rlob par mdzad cing / ci nas kyang sems can rnams sangs rgyas kyi chos kyis nges par 'byung bar 'gyur ba dang / gzungs kyi tshig gi chos 'di rgyas par bya ba dang / chos kyi tshul 'di la rjes su yi rang bar 'gyur ba de ltar ston par mdzad/ rjod par mdzad do// bkod pa mtha' yas de la khyed la sogs pa de bzhin gshegs pa'i rjes su slob pa'i tshul can dag gis sems can dad pa can rnams la chos bstan pa dang / chos rab tu gsal bar bya ba'i phyir/ ji lta ji ltar byang chub sems dpa' rnams kyis ji ltar thos pa'i chos rgyas par 'khor rnams la ston par byed/ rab tu gsal bar byed pa de lta de ltar chos la gnas pa nyid du sgrub pa dang / sangs rgyas kyi ye shes la nye bar 'gyur ba dang / myur du gzungs thob pa rnyed par 'gyur zhing gzungs thob pa des kyang tshegs chung ngus chos kyi sgo yongs su dag pa gsal ba dkar po rnams kun tu 'dzin par 'gyur bar nan tan gyis shig/ bkod pa mtha' yas chos thams cad ni rang bzhin gyis yongs su dag pa ste/ gang chos kyi rang bzhin gang yin pa de ni kun tu sbyor ba'ang ma yin/ rnam par bral ba'ang ma yin te/ ldan pa dang mi ldan par nye bar gnas pa ma yin no// bkod pa mtha' yas chos rnams la chos yod pa ma yin no// yod pa ma yin pa ni gang du'ang yang dag par gdags su med de/ sems can rnams kyis kun shes par bya ba'i phyir/ rgyu nges par ston pa dang / rgyu zad pa dang / 'dod chags dang bral ba dang / 'gog par 'dogs pa ni ma gtogs so// bkod pa mtha' yas chos rnams kyi rang bzhin gyi mtshan nyid gang yin pa de la ni rgyu'ang med/ rgyu zad pa'ang med/ 'dod chags dang bral ba'ang med/ 'gog pa'ang med na/ de bzhin gshegs pa'i chos ston pa yongs su dag pa de lta bu 'byung ba la ltos// / / bam po gnyis pa// // bkod pa mtha' yas gang dag de bzhin gshegs pa la chos nyid du rtog na'ang / de dag de bzhin gshegs pa mthong ba rnam par dag pa/ ma yin no// de ci'i phyir zhe na/ de bzhin gshegs pa ni chos kyang ma yin/ chos ma yin pa'ang ma yin no// de bzhin gshegs pa ni chos gang gis kyang rnam par gnas par mi 'gyur na/ chos ma yin pas rnam par gnas par 'gyur ba lta smos kyang ci dgos te/ 'di lta bu ni yod pa ma yin no// de bzhin gshegs pa ni chos su gdags pa las yang dag par 'das pas/ de ni cir yang brjod par bya ba ma yin no// de bzhin gshegs pa ni brjod pa rnam par dag pa ste/ de'i phyir de bzhin gshegs pa ni zab pa rgya che ba tshad med pa yin no/ / bkod pa mtha' yas de bzhin gshegs pa la ni gzugs kyi rnam par rig pa'ang med/ tshor ba dang / 'du shes dang / 'du byed dang / rnam par shes pa'i rnam par rig pa'ang med na/ gang dag gis ni de bzhin gshegs par 'dogs par 'gyur/ gang gis ni 'dogs par shes/ de bzhin gshegs pa ni gzugs zad pa'i rnam par grol ba dang / tshor ba dang / 'du shes dang / 'du byed dang / rnam par shes pa zad pa'i rnam par grol ba dang yang dag par ldan pa yin no// de bzhin gshegs pa ni gzugs dang / tshor ba dang / 'du shes dang / 'du byed dang / rnam par shes pa dang mtshungs par mi ldan na/ rab tu mi ldan pa yin no// de bzhin gshegs pa ni 'dus byas dang 'dus ma byas su rlom par mi mdzad/ spros par mi mdzad de/ nye bar len pa gnyis dang mi ldan pa yin no// de bzhin gshegs pa ni gzugs dang / tshor ba dang / 'du shes dang / 'du byed dang / rnam par shes pa'i nye bar len pa dang mtshungs par mi ldan/ rab tu mi ldan pa yin no// de bzhin gshegs pa ni rtsa 'chad pa ste/ chos thams cad kyang rtsa ba dang bral ba/ spros pa med pa/ g.yo ba med pa/ mi g.yo ba/ chu bo las brgal ba/ bla na med pa/ sangs rgyas kyi yul kho na la gnas pa yin gyi/ mi gnas pa'o zhes brjod par ni mi bya'o// de bzhin gshegs pa ni chos gang yang thugs su mi chud/ len par mi mdzad/ nye bar rtog par mi mdzad do// de bzhin gshegs pa ji lta bar chos ston pa'ang de dang 'dra ste/ de bzhin gshes pa mtshungs par ldan pa mi mnga' ba ni 'bral bar bya ba'i phyir chos ston par mi mdzad do/ / de bzhin gshegs pa'i chos nyid ji lta bar chos thams cad kyang de dang 'dra ba la chos thams cad kyi de bzhin nyid kyi tshul yang yang dag pa ji lta ba bzhin du nges par ston te/ de'i phyir de bzhin gshegs pa dang / chos thams cad ni de bzhin nyid du 'dogs pa yin no// de bzhin nyid ji lta bar chos thams cad dang / de bzhin gshegs pa'i chos nyid dang / chos thams cad kyi chos nyid kyang de dang 'dra ste/ de ni gnyis su med de gnyis su byar med la/ gcig pa nyid kyang ma yin/ tha dad pa nyid kyang ma yin no/ / bkod pa mtha' yas de bzhin gshegs pa ni rnam par rtog pa dang / kun tu rtog pas nye bar gnas pa ma yin gyi/ chos thams cad las mi 'da' bar bya ba'i phyir chos ston par mdzad do/ / de ci'i phyir zhe na/ de bzhin gshegs pas gang yang dag par 'da' bar bya ba'i chos de 'ga' yang ma dmigs pa'i phyir ro// bkod pa mtha' yas gang gis tshe de bzhin gshegs pa bla na med pa yang dag par rdzogs pa'i byang chub mngon par rdzogs par 'tshang rgya ba de'i tshe/ chos 'ga' yang mngon par rdzogs par thugs su ma chud/ ma mkhyen rnam par ma mkhyen to// chos dang rjes su mthun pa'i chos thams cad kyang mi dmigs te/ gang mi dmigs pa de la rjes su mthun pa'i chos mi dmigs so snyam du rnam par rtog par yang mi mdzad do/ / de'i tshe de bzhin gshegs pa la chos kyi 'du shes sam/ chos ma yin pa'i 'du shes kyang mi 'jug cing kun tu mi spyod la/ 'du shes yid la byed pa'ang mi 'byung ngo / / de'i tshe de bzhin gshegs pa chos nyid rang bzhin gyis rnam par dag pa la gnas shing / mi gnas pa ji lta ba de bzhin du chos thams cad mkhyen cing rnam par phye mod kyi/ sus kyang mkhyen pa'ang med/ rnam par phye ba'ang med do// bkod pa mtha' yas don dam pa ston pa'i tshig 'di dag ni de bzhin gshegs pa'i tshig med pa'i tshig rnam par dag pa'i tshig yin te/ 'di dag thams cad ni byang chub sems dpa' rnams tshig rnam par dag pa shes pa'i tshul yin no/ / gang gis sgo mtha' yas pa'i tshul dang / gzungs kyi sgo rjes su rtogs pa ni chos cung zad kyang rtogs pa'ang ma yin/ ma rtogs pa'ang ma yin no// bkod pa mtha' yas tshig ces bya ba ni tshig tu gyur pa med de/ tshig med pa la 'jug pas tshig thams cad rjes su rtogs par bya'o/ / tshig thams cad ni 'dod chags dang bral ba'i tshig yin te/ 'di ltar tshig de ni nor ba'i tshig yin no// gang nor ba'i tshig yin pa de ni 'dod chags dang bral ba yin no// tshig de thams cad ni slu ba'i tshig yin no/ / gang slu ba'i tshig yin pa de ni de bzhin nyid kyi tshig go// gang de bzhin nyid kyi tshig yin pa de ni mthar thug pa'i tshig go// gang mthar thug pa'i tshig yin pa de ni zad pa dang / 'dod chags dang bral ba dang / 'gog pa'i tshig go// gang zad pa dang / 'dod chags dang bral ba dang / mya ngan las 'das pa'i tshig yin pa de ni mya ngan las 'das pa'i tshig ste/ tshig med pa'i tshig/ kun tu spyod pa med pa'i tshig/ gdags pa med pa'i tshig yin no// bkod pa mtha' yas tshig gcig ces bya ba ni chos thams cad dge ba dang mi dge ba'i nang du yang dag par mi 'du ba yin no/ / tshig gcig pu gang zhe na/ 'dod chags dang bral ba'i tshig ste/ 'dod chags dang bral ba la ni tshig 'ga' yang med do// / 'dod chags dang bral ba ji lta bar tshig thams cad kyang de dang 'dra ste/ 'di ltar tshig rnam par dag pa'i phyir/ tshig thams cad ni tshig med pa yin no// tshig rnam par dag pa gang yin pa de'ang mya ngan las 'das pa rnam par dag pa yin la/ mya ngan las 'das pa rnam par dag pa gang yin pa de'ang tshig rnam par dag pa yin te/ 'di ltar tshig thams cad ni brjod du med pa yin no/ / ngag gang gis tshig rjod par byed pa de'ang phyogs bcur mi dmigs te/ gang gis brjod pa dang / gang la brjod pa dang / gang brjod pa dang / ci brjod pa dang / ji ltar brjod pa de dag thams cad yod pa ma yin no// gang yod pa ma yin pa de la ni med pa'i don du rlom par yang mi bya/ spros par yang mi bya ste/ tshig thams cad ni rlom sems med pa'i tshig/ spros pa med pa'i tshig yin no// de'i phyir rnal 'byor pa tshig de dag thams cad yongs su tshol zhing rnam par rtog na 'dod chags dang bral ba dang / 'gog pa dang / mya ngan las 'da' bar 'gyur te/ mya ngan las 'das pa ni tshig de dang tha dad pa ma yin no// tshig de nyid kyang brjod du med pa yin te/ 'di ltar tshig kyang gzhan dag kyang gzhan la/ ngag gang gis tshig ston pa'i ngag de ni dbang med pa gsob 'drid pa ste/ slu ba'i chos can yin no// tshig rnam par dag pa bstan pa la mkhas par bya ba'i phyir/ gdags pa med pas tshig rnam par rig par byed de/ gang 'dogs pa med pa de ni 'dogs pa yin no// gang 'dogs pa de ni tshig tha dad pa yin no// gang tshig tha dad pa de ni rnam par mi rtog pa'o/ / gang rnam par mi rtog pa de ni rtog pa spangs shing chos nyid 'di'i nang du yang dag par 'du ba yin no// de ni rnam par dpyod pa med par bya ba'i phyir/ gang la'ang tha snyad kyi spyod pa kun tu mi dpyod de/ 'di ltar de mi dpyod/ rnam par mi dpyod/ yang dag par mi dpyod/ nye bar mi dpyod do// gang dag de ltar gnas pa de dag ni de bzhin gshegs pas de bzhin gshegs pa'i theg pa pa'o zhes gsungs te/ chos cung zad kyang mi dpyod par byang chub sems dpa'i sa la kun tu dpyod pa yin no// gang dag de lta bur zhugs pa de dag ni gzungs mtha' yas pa rnam par sbyong ba la gnas pa yin no/ / bkod pa mtha' yas de la gzungs kyi sgo'i tshig gang dag gis byang chub sems dpa' rnams gzungs so sor thob nas/ chos kyi gter mtha' sa pa rab tu ston par 'gyur ba dang / rgol ba thams cad tshar bcad nas/ rtsod pa med pa'i sa la gnas par 'gyur ba dang / nye bar ni ba'i chos rgyas par bya ba la 'jug par 'gyur ba ni gzungs kyi rnam tshig bstan par bya'o/ / gzungs kyi sgo'i tshig de dag kyang gang zhe na/ s+yad ya the dan dza ye/ bi dza ya/ u ge/ u ka ba ti/ A lo ke/ A lo ka ba ti/ pra b+he/ pra b+ha ba ti/ ni dar sha ne/ nau dar sha na ba ti/ a ra the/ ar tha ba ti/ sho d+ha ni/ sho d+ha na ba ti/ ba ri sho d+ha ne/ kr-i ye/ bi kri ya ba ti/ ud tar ni/ sa ra Ni/ ma hA bi dza ye/ ma hA bi dza ya ba ti/ a nu sin+d+hu a pra ti sin+na/ yug bA hi nad d+hA/ sid+d+hi/ sid+d+ha ra the/ sid d+hAHba ti/ ma ti ma ti/ ma ti pra d+h+we/ ud ta ri/ ud ta ra ba ti/ bi tsi ra/ bi tsa rA nu san d+hi/ sa re/ sa ra ba ti sa rA nu ga te/ sa me/ sa mA ra b+ha ba ga te/ ga ti/ a ni ga te/ a pra ti ni bar te/ bi she She/ bi she/ Sha ba ti/ a bA hi ni/ ni bA hi ni/ pra b+ha hi ni/ u ha ud ta ra ne/ mA la ba na ye/ a she She/ a nu pa she she/ a nu ga me/ a pra tig me/ a ga te/ a nA ga te/ a nA ga te bi sho d+ha ni/ @ rig d+ha ni/ kAng/ tshed ni/ ya te/ ma ti pra tita/ ma tan shod+hani/ sa man tA mug te/ sa man ta pa ri b+hI / sa man ta dza sha d+hani/ a nu pa kra hi/ a ni gra hi hI nA ra the/ a ra tha bi shud d+hi pa ra me/ he tu ni d+hi san ne/ pra tI te/ pra tI ta ba d+hi/ bi ni sh+tsa ye/ bi ni sh+tsa yA nu ga te/ a nan tar the/ a nan ta bi gra he/ ma d+ha bi shud d+hi/ a nu gra he a gra ha/ zi sho d+ha ni/ a d+h+yad ma bi ga te/ ba ha ba bi sho d+ha ni/ bid+yA nu ga ti/ bid+d+hA nu san d+hi/ bai ri sho d+ha ni/ bkod pa mtha' yas gsang sngags kyi tshig bstan pa 'di dag ni gzungs yongs su shes par 'gyur ba ste/ de dag gis byang chub sems dpa' rnams de bzhin gshegs pa'i chos kyi gter mtha' yas pa rjes su dran par 'gyur/ sems can rnams la yang dag par rab tu ston par 'gyur/ mi slu ba'i sa la gnas shing / don dang tshig gi tshul thams cad kyang rjes su rtogs par 'gyur/ sangs rgyas kyi chos rab tu dbye ba rgya chen po tshad med pa'ang rtom pabapar 'gyur/ ji ltar smon pa'ang yongs su rdzogs par 'gyur ro// bkod pa mtha' yas de la ji ltar na byang chub sems dpa' rnams gzungs kyi tshul la thabs la mkhas pa lhag par rtogs par 'gyur ba dang / rjes su rtogs nas kyang tshul dang mthun pa'i dgongs pa la mkhas pa'i tshul kun shes par 'gyur ba/ gzungs kyi tshul rab tu dbye ba kun shes pa la mkhas pa bstan par bya'o// ji ltar kun shes par 'gyur zhe na/ bkod pa mtha' yas mig ni gzugs kun tu 'dzin pa yin la/ rna ba ni sgra kun tu 'dzin pa yin/ sna ni dri kun tu 'dzin pa yin/ lce ni ro kun tu 'dzin pa yin/ lus ni reg bya kun tu 'dzin pa yin/ yid ni chos kun tu 'dzin pa yin no// bkod pa mtha' yas de la ji ltar na nang gi chos drug po dag phyi'i chos rnams 'dzin pa yin zhe na/ bkod pa mtha' yas gang gi tshe byang chub sems dpa' mig gis gzugs mthong ba na/ de la mi rtag pa nyid du kun tu 'dzin par byed/ skye ba dang 'jig pa'i chos can du rab tu rtog par byed/ de la zad pa dang / 'dod chags dang bral ba dang / 'gog pa kun tu 'dzin par byed do// de shes rab kyi stobs chags pa med pa/ dran pa la mkhas pa/ rdzab rdzub ma yin pas/ nang gi mig gi khams kun tu 'dzin par byed de/ mig la bdag gam/ bdag med par nye bar rtog pa ni mi byed do// de mig gi skye mched rnam par dag pa la mkhas pa la gnas te/ gzugs la dmigs pa rjes su gzung ba'i phyir/ gzungs kyi sgo rnam par sbyong bar byed cing / phyi dang nang gi chos de las gzhan pa kun tu sbyor bar 'gyur ba dag dang bral ba'i sgo nas ldog par rjes su lta/ 'dod chags dang bral bar rjes su lta/ 'gog par rjes su lta zhing gnas la cung zad kyang spros par mi byed do// de spros pa med pa kun 'dzin pa la mkhas pas rlom sems mi 'byung ba'i gnas la gnas shing / mig gi rnam par shes pa dang / mig gi rnam par shes pas shes par bya ba'i chos rnams btang snyoms su 'jog cing rlom par mi byed do// ji ltar mthong ba rnam par dag pa bzhin chos rnams sgyu ma dang 'dra ba nyid du rjes su dran par yang byed do/ / de rnam par lta ba thun mong ma yin pas shes pa dang / shes bya rnam par dag pa la mkhas pa kun tu 'dzin pa na bsod nams dang ye shes kyi phung po rgya chen po yongs su 'dzin par yang 'gyur ro/ / de bzhin du rna ba dang / sna dang / lce dang / lus dang / yid chos 'dzin pa'i bar du'ang mthun par sbyar te/ de la byang chub sems dpa' yid kyis chos rnam par shes pa na/ chos la mi rtag par kun tu 'dzin par byed/ chos rnams skye ba dang 'jig pa'i chos can du yang dag par rjes su lta zhing / zad pa dang / 'dod chags dang bral ba dang / 'gog par kun tu 'dzin par yang byed do// de shes rab kyi stobs chags pa med pa/ dran pa la mkhas pa/ rdzab rdzub ma yin pas rang gi yid kyi skye mched kun tu 'dzin par byed de/ bdag gam/ bdag med par spros par yang mi byed la/ sna tshogs su kun 'dzin pa la mkhas pas yid kyi rnam par shes pa'i sa la rab tu rnam par 'byed do// de'i 'og tu yid kyi skye mched rnam par dag pa la mkhas pa la gnas te/ chos la dmigs pa rjes su gzung ba'i phyir gzungs kyi sgo rnam par sbyong bar byed cing / phyi dang nang gi chos de las gzhan pa kun tu sbyor bar 'gyur ba dag dang bral ba'i sgo nas ldog par rjes su lta/ 'dod chags dang bral bar rjes su lta/ 'gog par rjes su lta zhing gnas la/ cung zad kyang skur pa 'debs pa 'am/ spros pa ni mi byed do/ / de spros pa med pa kun tu 'dzin pa la mkhas pas/ rlom sems mi 'byung ba'i gnas la gnas shing / yid kyi rnam par shes pa dang / rnam par shes par bya ba'i chos rnams btang snyoms su 'jog cing spros par yang mi byed/ rlom par yang mi byed do// ji ltar mthong ba rnam par dag pa bzhin/ chos rnams mnyam pa nyid du rjes su dran par yang byed/ rnam par shes ba dang / shes bya rnam par spong ba la mkhas pa kun 'dzin par yang byed cing / rnam par lta ba thun mong ma yin pas bsod nams dang / ye shes kyi phung po rgya chen po yongs su 'dzin par yang 'gyur ro/ / de de ltar phyi dang nang gi chos 'das pa dang / ma 'ongs pa dang / da ltar byung ba thams cad la shes rab kyi stobs don gyi rjes su song ba'i blo thabs la mkhas pas yongs su zin pas/ chos 'ga' yang rgyu med par yang dag bar rjes su mi lta la/ rgyu dang rkyen las 'byung bar yang yang dag par rjes su mi lta ste/ chos thams cad phan tshun mi ldan par shes par byas nas/ chos rnams kyi rang bzhin ji lta ba bzhin du yang dag par rjes su 'brang ngo // chos 'di dag thams cad ni rang bzhin gyis 'od gsal ba ste/ phan tshun kun 'dzin pa dang / rjes su mthun pa 'dzin pas chos rnams kyi rten gyi tshul du nye bar gnas pa yin gyi/ chos thams cad bsdus nas thun mong gi tshul du gnas pa ni ma yin no// chos gang dag skye ba med cing ldog pa med pa de dag ni brjod par bya ba ma yin no/ / chos gang dag don dang ldan zhing phan tshun skal ba mnyam pa dang bral ba de dag thams cad ni ldan pa'ang ma yin/ mi ldan pa'ang ma yin no// chos rnams ni byed pa po med pa byed du 'jug pa po med pa'o/ / chos rnams ni srog med pa/ sems can med pa/ gang zag med pa'o// chos thams cad ni tshig mngon par sgrub pa ji lta ba bzhin rjes su 'dzin pas mya ngan las 'das pa dang mnyam pa'o/ / chos thams cad ni chags pa med pa/ chags pa dang mi ldan pa/ chags pa dang bral ba ste/ bkod pa mtha' yas gzungs rab tu dbye ba la mkhas pa bstan pa 'di ni/ nga chub sems dpa' rnams kyi phyi dang nang gis chos dag gis chos thams cad nye bar brtag par bya ba de ltar bshad na/ byang chub sems dpa' de nang gi gzhi rnams kyang rab tu spong la/ phyi rol gyi'ang len par mi byed do/ / de 'di ltar rnam par rtog par yang byed de/ kye ma 'jig rten gan pa 'di ni 'khor ba'i 'khor lo thog ma dang tha ma med par zhugs pa/ ma rig pas 'dzin pa'i rjes su song ba/ ma rig pa'i sgo nga'i sbubs su chud cing 'khyam/ rab tu 'khyam/ kun tu rab tu 'khyam pa'o// 'khor ba'i 'khor lo de nyid kun tu 'gyur/ rab tu 'gyur yang / 'di la 'khor bar dmigs pa'ang med/ mngon pa'ang med de/ 'khor ba'i 'khor lo yongs su 'gyur ba'i rjes su 'gro ba yang dag pa'ang yod pa ma yin no// 'jig rten gnas pa de lta bu yin yang / 'di la 'jig rten du dmigs pa'ang med// 'jig rten du mngon pa'ang med do// sems can 'di rnams ni chos 'di lta bu dag rab tu mi shes pas 'di nyid du rgyu/ kun tu rgyu/ rgyug/ yongs su rgyug/ rjes su rgyug go// kye ma sems can 'di dag ni de nyid mi shes shing yang dag pa ma yin pas phyin ci log tu gyur pa/ sems can med par sems can du 'du shes pa la chags te/ sems can du 'du shes pa'i 'ching bas bcings pa yin no// kye ma sems can 'di dag ni chos rnams rab tu mi shes pas 'jig pa dang / rnam par 'jig pa dang / rab tu 'jig pa'i rjes su song ba ste/ yang dag pa ma yin pa'i phyir rgol ba dang g.yul 'gyed pa/ mun pa'i rjes su song ba yin yang gang du'ang song ba med/ gang nas kyang 'ong ba med do// kye ma sems can 'di dag ni kun tu chags pa la zhen pa/ kun tu chags pa'i 'chings bas bcings pa ste/ thar pa rab tu mi shes pa yin pas/ bdag gis sems can rnams la phan gdags pa dang / rjes su gzung ba'i phyir chos kyi tshul 'di bstan par bya gor ma chag snyam mo// bkod pa mtha' yas byang chub sems dpa' chos rnams de ltar rab tu rnam par 'byed na/ myur du chos rnams la snang ba chen po'ang thob par 'gyur/ sgo yongs su dag pa'ang rjes su 'thob par 'gyur/ so so yang dag par rig pa'ang kun tu 'dzin par 'gyur/ bzod pa chen po snang bar bya ba la'ang brtson par 'gyur/ byams pa chen po dang snying rje chen po'ang 'dzin par 'gyur/ dgongs pa bstan pa la'ang mkhas par 'gyur/ tshig gi rnam grangs kyang kun shes par 'gyur/ tshig tshad med pa'ang shes par 'gyur/ sngon gyi gnas kyang rjes su dran par 'gyur/ phan yon yang kun tu ston par 'gyur yang / chos 'ga' dang yang 'gal bar yang mi byed la/ sems can rnams rtsod pa med pa'i las la'ang 'dzud par yang 'gyur/ phas kyi rgol ba thams cad chos dang mthun pas tshar gcod par yang 'gyur/ sems can rnams mun pa las rab tu thar bar bya ba'i phyir chos ston par yang 'gyur/ phyogs bcu dag tu de bzhin gshegs pa rnams kyis ched du brjod par yang 'gyur/ chos kyi snang ba chen po gtong bar yang 'gyur/ chos bsam gyis mi khyab pa'i sbyin bdag tu'ang 'gyur/ de bzhin gshegs pa rnams kyi chos kyi gter la rnam par spyod cing / kun tu rmongs par yang mi 'gyur ro// smon lam gyi bye brag kun tu 'dzin cing / ji ltar smon pa'ang yongs su rdzogs par 'gyur ro// thabs mkhas pa bsam gyis mi khyab pa'ang lhag par rtogs shing / sems can rnams kyi bsam pa sgrub pa'ang yang dag par skul bar 'gyur ro/ / sngon gyi mtha' dang phyi ma'i mtha'i rgyu kun tu ston cing / 'das pa dang ma 'ongs pa la mkhas pa nges par ston par yang 'gyur ro// bkod pa mtha' yas de la byang chub sems dpas ting nge 'dzin gyi sgo bsgrub pa la mngon par brtson par bya ste/ byang chub sems dpa' ting nge 'dzin gyi sgo sgrub pa la mkhas pas gzungs kyi sgo sgrub pa la mkhas pa rtogs par 'gyur ro// byang chub sems dpa' gzungs kyi sgo sgrub pa la mkhas pa rjes su rtogs pa ni dgongs pa'i rnam grangs ston pa la'ang mkhas par 'gyur/ ye shes kyi rnam grangs larang 'jug par 'gyur/ chos zab mo'i tshul yang rjes su rtogs par 'gyur/ bstan par dgod pa'ang shes par 'gyur zhing / gang la yid gnyis su mi 'gyur/ gzhan la rag ma las pa'i bzod pa la gnas shing / brtson 'grus chen po rtsom mkha pabapa la 'jug par yang 'gyur ro/ / bkod pa mtha' yas byang chub sems dpa' sems can la snying brtse bas chos thams cad shes pa yang dag par sdud pa la mkhas pa/ kun tu tshol ba ni theg pa gang yang yang dag par mi shes pa med de/ sangs rgyas kyi ye shes kyang 'thob sla bar 'gyur/ 'jig rten thams cad la mngon par 'phags pa'i shes pa ye shes chen po thams cad mkhyen pa'i ye shes kyang shin tu legs par sbyong bar 'gyur ro/ / bkod pa mtha' yas gzungs kyi tshul la mkhas pa chos rim par phye ba bstan pa 'dir/ chos gang dag gis byang chub sems dpa' rnams yang dag par sdud par 'gyur zhing / ci nas kyang byang chub sems dpa' rnams las rgya chen pos yang dag par 'dzin cing / gsang sngags dang / dgongs pa dang / brjod pa'i sgra dang / yang dag par brjod pa thams cad kyang yongs su rtogs par yang 'gyur/ blo'i rab tu dbye ba shes pa la mkhas pa'ang khong du chud par 'gyur ba'i chos de dag bstan par bya'o// chos de dag kyang gang zhe na/ bkod pa mtha' yas 'di la byang chub sems dpa' tshul khrims kyi gzhi la mkhas pa yongs su dag pa la gnas shing / bden pa'i byin gyi rlabs la mkhas pa la gnas pa dang / gtong ba la mkhas pa la gan ba'ang 'phel bar byed do/ / nga'i med pa dang yongs su 'dzin pa med pa'i chos yongs su tshol ba la mngon par brtson zhing thabs kyi gnas bsgom par byed pa ni/ chos thams cad kyi tshul la mkhas pa'i gnas rtogs par yang 'gyur la/ yongs su nyam nga ba'i chos can du'ang mi 'gyur ro// de phyir mi ldog pa'i sa la gnas shing myur du spobs pa phun sum tshogs pas mngon par 'phags par yang 'gyur/ shes rab rgya mtsho lta bus rnam par 'phel bar yang 'gyur ro/ / bkod pa mtha' yas phyi ma'i dus na byang chub sems dpa' gang dag chos zab mo'i tshul bstan na/ don du gnyer zhing de bzhin gshegs pa'i chos kyi mdzod rnam par dbye bar 'dod cing mos pa/ lhag pa'i bsam pa phun sum tshogs pa/ bsam pa dge ba/ sems bzang ba de dag ma gtogs par gzhan 'ga' yang chos 'di dag len par 'gyur ba med de/ chos kyi tshul 'di la brtson zhing slob par 'jug pa de dag ni rnam grangs bstan pa'ang rjes su rtogs par 'gyur/ chos rnams kyi ngo bo nyid kyi rang bzhin yang rjes su rtogs par 'gyur ro// bkod pa mtha' yas de bzhin gshegs pa ni rnam grangs kyi chos ston par yang mdzad la/ de bzhin gshegs pa chos kyi rang bzhin dang 'gal bar yang mi mdzad cing / chos kyi rang bzhin dang mi 'gal bar brjod pa 'ang mdzad do/ / chos thams cad byas pa med par yang brjod la/ chos rnams la brjod pa 'am/ rjod par byed pa'ang mi ston no// bkod pa mtha' yas de bzhin gshegs pa ni ston pa la mkhas pa'i pha rol tu phyin pa'ang rtogs la/ de bzhin gshegs pas chos 'ga' yang rtogs pa'ang med/ rjes su rtogs pa'ang med/ yang dag par rtogs pa'ang med do// de bzhin gshegs pa ni chos 'ga' yang dor bar bya ba'i phyir chos ston par mi mdzad de/ chos 'ga' yang so sor spang bar bya ba'i phyir yang ma yin/ bskyed par bya ba'i phyir yang ma yin/ thob par bya ba'i phyir yang ma yin/ mi thob bar bya ba'i phyir yang ma yin no/ / de bzhin gshegs pa ni mi dmigs pa la gnas pa yin yang / de bzhin gshegs pa gnas pa'ang ma yin/ mi gnas pa'ang ma yin no/ / de ci'i phyir zhe na/ de bzhin gshegs pa ni gang gis kyang rnam par gzhag par bya ba ma yin no// de bzhin gshegs pas ni de bzhin gshegs pa 'di ltar gnas so// de ltar gnas so zhes ming du brjod pa gang yin pa de'ang gcig pa nyid kyang ma yin/ tha dad pa nyid kyang ma yin te/ de bzhin gshegs pa ni 'gro ba dang 'ong bar gdags par bya ba ma yin no// de bzhin gshegs pa ni spros pa med pa ste/ spros pa las yang dag par 'das pa yin yang / gang las kyang 'das pa med do// de bzhin gshegs pa la lhag par 'das pa med de/ 'di ltar de bzhin gshegs pas de bzhin gshegs pa la lhag par 'das pa med par yang mkhyen to/ / de bzhin gshegs pas de bzhin gshegs pa mkhyen pa'ang med do// de bzhin gshegs pa ni phyin ci ma log pa de bzhin nyid dang / gzhan ma yin pa de bzhin nyid du'ang mkhyen pa med do/ / de bzhin gshegs pa ni ji ltar chos cung zad kyang kun tu mi ston pa de ltar de bzhin gshegs pa nyid du ston par mdzad cing / nges par ston par yang mi mdzad/ yang dag par ston par yang mi mdzad do// de bzhin gshegs pa ni chos thams cad kyi rang bzhin ji lta ba bzhin du gnas par 'gyur ba yin yang / chos rnams kyi rang bzhin gang yin pa den gdags par bya ba ma yin no/ / chos rnams la ni rang bzhin med de/ 'di ltar de bzhin gshegs pas chos thams cad ni ma byas pa/ 'gyur ba med pa/ yang dag par ma skyes pa/ ma 'gag/ pa/ ma bral ba'o// chos thams cad ni shin tu rnam par dag pa ste/ thob pa'ang med/ yang dag par thob pa'ang med do// chos thams cad ni dmigs su med pa'o zhes gsungs so// chos thams cad ni mngon par rtogs pa med pa ste/ 'di ltar chos 'ga' yang thob pa med do// chos de ni cung zad kyang thob par bya ba ma yin te/ nye bar rtogs pa'i chos ni chos kyang ma yin/ gang gis kyang nye bar rtogs pa'ang med/ thob pa'ang med do// so sor thob pa'ang med do// de lta bas na chos thams cad ni skye ba med pas nye bar rtogs pa'ang med pa yin no// de bzhin gshegs pa rnams kyi bstan pa mngon par sgrub pa rnam par sbyang ba'i phyir/ 'phags pa'i chos su gdags par brjod par 'byung ba bstan pa gang yin pa de'ang 'phags pa'i chos cung zad kyang thob pa med do// 'phag pa rnams ni chos sam/ chos ma yin pa cung zad kyang thob par med do// chos la'ang 'phags pa 'am/ 'phags pa ma yin pa cung zad kyang med do// 'di la de bzhin gshegs pa rnams kyi bstan pa mngon par sgrub pa ni chos 'ga' yang sbyor ba'ang med/ mi sbyor ba'ang med pa ston pa yin par khong du chud par bya'o// tha snyad kyi rjes su 'brang bar bya ba ni ma yin no// de bzhin gshegs pa ni chos su 'dogs par yang mdzad la/ chos rnam par gnas pa 'dogs par yang mi mdzad do// de bzhin gshegs pa ni chos ma yin pa ston par yang mdzad la/ chos ma yin pa rnam par gnas pa'i 'dogs par yang mi mdzad do/ / de bzhin gshegs pa ni dge ba dang mi dge bar ston par yang mdzad la/ dge ba dang mi dge ba rnam par gnas par 'dogs pa'ang mi mdzad do/ / de bzhin gshegs pa ni chos thams cad ston par yang mdzad la/ chos thams cad rnam par gnas par 'dogs par yang mi mdzad do// de bzhin gshegs pa ni chos thams cad gdags pa med par ston par yang mdzad la/ gdags pa med par rnam par gnas pa 'dogs par yang mi mdzad do// bkod pa mtha' yas de bzhin gshegs pa'i chos bstan pa 'di ni shin tu zab ste/ chos zab mo la'ang yongs su sbyang ba ma byas pas kun shes par nus pa ma yin no// bkod pa mtha' yas byang chub sems dpa' mngon par rdzogs par byang chub par 'dod pa 'khor ba las yengs su 'grol bar 'dod pas/ de bzhin gshegs pa rnams kyi bstan pa mngon par sgrub pa bshad pa rjes su rtogs par bya'o// bkod pa mtha' yas byang chub sems dpa' gang gi tshe/ chos 'di dag la nem nur med cing the tsom med par rab tu rnam par 'byed pa na chos 'ga' yang len par yang mi byed/ 'dor bar yang mi byed/ chos 'ga' yang skyed par yang mi byed/ dag pa yang mi byed/ chos 'ga' yang spros par yang mi byed do// bden pa mngon par sgrub pa la'ang nye bar sbyor la/ bden pa mngon par bsgrub pa bstan pa mngon par zhen pa'ang mi byed de/ de ltar na chos kyi sgra yang su dag pa kun shes par 'gyur zhing / ting nge 'dzin gyi sgo mngon par bsgrub pas yongs su sbyang ba byas pa yin no// bkod pa mtha' yas 'di lta ste/ dper na ri'i rgyal po ri rab ni sems can bsod nams byas pa/ dge ba'i rtsa ba bskyed pa/ gzhal med khang la yongs su longs spyod pa rnams kyi gnas su 'gyur zhing / sems can der skyes pa rnams kyang rab tu dga' bar 'gyur ro// de bzhin du chos rin po che kun nas bsdus pa 'di'ang byang chub sems dpa' dge ba'i rtsa ba bskyed po rnams la ston par 'gyur te/ rin po che des kyang byang chub sems dpa' thams cad mkhyen pa'i ye shes rin po che 'thob cing / chos bla na med pa shes pa rin po che'i rjes su 'gro bar yang 'gyur ro// bkod pa mtha' yas chos thams cad yang dag par bsdus pa'i mdo 'di ni/ chos kyi gter gyi gzungs yang dag par rab tu bstan par bya ba'i phyir/ de bzhin gshegs pa rnams las 'byung ste/ chos kyi gzungs rgya chen po 'di rab tu 'byung yang nye bar gnas pa ni ma yin no// de bzhin gshegs pa rnams kyi bstan pa gang yin pa de thams cad ni sgo mtha' yas pa'i gzungs las 'byung ste/ de bzhin gshegs pa ni sgo rnam par sbyang ba dang / mdo sde thams cad yang dag par bsdu ba'i phyir chos rnams kyi gzungs kyi tshul 'di ston par mdzad do/ / mdo sde thams cad yang dag par sdud par byed pa'i gzungs 'di ni byed pa med pa/ mi 'gyur ba/ mtha' med pa/ dbus med pa/ mthar thug pa med pa ste/ gzungs 'din rnam pa tshad med pa yin no// gzungs kyi skye 'din phyogs bcu'i 'jig rten gyi khams kun tu de bzhin gshegs pa'i byin gyi rlabs kyis spyod de/ bkod pa mtha' yas 'di ni chos bstan pa 'di la gzungs kyi sgo rim par phye ba'i don gyi tshul brjod pa dang po yin no// bkod pa mtha' yas gang du chos thams cad yang dag par 'du bar 'gyur ba de la ni/ byang chub sems dpa' chos kyi tshul 'di rjes su rtogs pa/ chos kyi rgyun rab tu ma chad pa la 'jug par 'dod pa/ chos thams cad gnas med pa'i phyag rgya'i rjes su 'brang bar 'dod pa/ gsang sngags dang dgongs pa khong du chud pa/ nyams pa med pa/ brtson 'grus chen po rtsom pa'i sbyor ba la zhugs pa chos 'di yang dag par shes shing chos rnams kyi ngo bo nyid kyi mtshan nyid rtogs pa rnams kyis brjod pa dang / bstan pa gang gis kyang tha snyad gdags par bya ba ma yin la/ gsang sngags dang dgongs pa thams cad nye bar gzungs nas yang dag par rtogs par bya zhing / sems can thams cad la phan pa dang bde bar bya ba'i phyir yi ge zung du brjod pa shes pa la rjes su 'jug pa/ rnam par dbye ba'i tshul bstan pa khong du chud pa/ chos thams cad rab tu dbye ba shes pa rjes su dran pas bag la nyal gyi don bstan pa/ dpe dang yang dag par sbyar bar bya/ bsdu bar bya'o// byang chub sems dpa' chos kyi 'bel ba'i gtam brjod pa/ chos ston pa la rab tu 'jug pa/ brtse zhing phan 'dogs par 'dod pa'i sems dang ldan pa/ sangs rgyas kyi ye shes 'dod pa/ chos gang la'ang mngon par chags pa med pa kun tu chags pa med pa'i sa la gnas pa/ chog shes pa dang gnyis su med pa'i ye shes la 'jug pa/ rdzab rdzub ma yin pa/ nang shes pa dang phyi rol shes pa gnyis su mi ston pas/ 'jig rten la chos 'ol byi tsam du bstan par mi bya'o// snyoms las med pa'i brtson 'grus kyis gong nas gong du chos yongs su btsal ba mkhas pa la mngon par brtson par yang bya/ tshig thams cad kyang ci nas kyang mi 'gal ba de ltar rjes su mthun par yang bya/ bdag dang gzhan la phan pa nye bar gnas par yang bya zhing / bdag dang gzhan du 'du shes pa rnam par gzhig pa la mkhas par yang bya'o// chos thams cad rnam par dag pa'i rjes su 'brang bas chos rnams bdag med pa la zhugs nas/ bdag rnam par dag par bya ba'i phyir mngon par 'dod par yang bya ba'o// dris kyang rung ma dris kyang rung mkhyud pa/ med par chos kyi tshul yang dag par rab tu bstan par bya'o// 'di snyam du bdag gis sems can rnams la sbyin pa'i mchog sbyin pa'i dam pa/ 'di lta ste/ chos bla na med pa rin po che'i mdzod gtong bar bya'o/ / bdag gis sems rnams brjod du med pa'i chos rin po che la sbyar bar bya'o// bdag gis phan ma btags kyang sems can 'ga' la'ang chos kyi ser sna bskyed par mi bya'i/ ser sna med par bya'o// bdag gis gtong ba dang ldan zhing sbyin bdag mchog chos kyi sbyin bdag de bzhin gshegs pa'i don thams cad mkhyen pa'i mdzad pa'ang bya'o// bdag gis sems can rnam kyi khur chen po'ang yongs su dor bar bya'o/ / bdag gis sems can rnams chu bo chen po las bsgral bar bya ba'i phyir chos kyi gru bca' bar yang bya'o// bdag gis sems can rnams bde ba thams cad nye bar bsgrub pa la dgod par bya'o snyam du sems tshad med pa bskyed par bya'o/ / de ltar na byang chub sems dpas myur du byams pas mngon par bsgrubs pa'i blos chos khyad par can rjes su rtogs par yang 'gyur/ gzungs rnam par dbye ba mngon par bsgrub pa bstan pa'i mdo 'di la yongs su smin par yang 'gyur/ skye ba zlog par yang 'gyur/ phal gyi rgol ba thams cad kyis mi 'phrog par yang 'gyur/ bdud thams cad pham par byas nas/ phal gyi rgol ba thams cad chos dang mthun pas tshar gcod par yang 'gyur/ rtsod pa nye bar zhi ba phun sum tshogs par yang 'gyur ro// bkod pa mtha' yas gzung 'di ni de bzhin gshegs pas legs par yongs su bzung zhing yid la mdzad pa yin no/ / bkod pa mtha' yas 'di lta ste/ dper na byang chub sems dpa' srid pa tham pa ni sum cu rtsa gsum pa'i lha rnams dang / 'thab bral ba rnams dang / 'phrul dga' ba rnams dang / gzhan 'phrul dbang byed pa'i lha rnams kyi dbus dga' ldan gyi gnas na gnas shing // lha thams cad kyis lhag par bgrod par bya ba dang / sems can thams cad kyis mngon par dga' bar bya ba yin/ bsod nams chen pos yongs su zin pa'i dge ba'i rtsa ba kun tu smin pa yin/ srid pa gcig lus pa'i bsod nams kyi phung po dang / tshul khrims kyi phung po dang / thams cad las khyad par du 'phags pa'i gtong ba phun sum tshogs pa rnam par dag pa dang shes rab kyi phung po dang ldan pa yin/ dge ba'i rtsa ba stong gsum gyi stong chen po'i 'jig rten gyi khams 'di'i sems can rnams kyi nang nas/ sems can 'gas kyang zil gyis mi non pa yin/ sems can thams cad kyis kyang mchod cing bsngags par bya/ ba yin/ thams cad mkhyen pa'i ye shes thob par bya ba la'ang mngon du phyogs pa yin la/ de gang gi tshe dga' ldan gyi gnas nas shi 'phos te/ dbus kyi 'dzam bu'i gling du skye ba de'i tshe/ yul gyi dbus 'jigs pa med pa/ sa'i dkyil/ sa'i snying po sa phyogs mchog dam pa khyad par du 'phags pa dbus kyi grong khyer chen po sems can thams cad dang ldan pa'i sa phyogs su skye ste/ de ltar na byang chub sems dpa' sems can rnams kyi nang du 'ongs shing / sems can thams cad kyis blta bar bya ba dang / phyag bya ba dang / mchod par bya ba dang / bkur stir bya ba yin no// de bzhin du gzungs kyi sgo'i mdo 'di'ang chos rnams kyi nang du 'dus shing khongs su gtogs la/ chos thams cad zil gyis gnon pa dang / dngos po med pa'ang yin no// 'di la gnas pa'i byang chub sems dpa' ni yongs su smin par yang 'gyur/ rnam par 'phel bar yang 'gyur/ mchog thob par yang 'gyur/ chos thams cad kyi bdag por yang 'gyur ro// 'di ltar byang chub sems dpa' srid pa tha ma pa mi rnams kyi nang du skyes pa ni/ chos thams cad kyi spyi gtsug bltar mi mthong ba'i ting nge 'dzin gyis sems can thams cad la rnam par blta bar yang byed stong gsum gyi stong chen po'i 'jig rten gyi khams thams cad la yongs su rtog par yang byed cing / shes rab chen po'i byin gyi rlabs kyis legs par byin gyis rlabs pa'i sems rgya chen pos chos kyi gzung kyi snying po'ang rjes su 'thob par 'gyur/ 'dod pa'i longs spyod thams cad la mngon par dga' ba med cing chags par 'gyur ba dang / 'dod par 'gyur ba'i rgyud thams cad don du mi gnyer ba yin/ chos thams cad stong pa nyid kyi ting nge 'dzin gyis shin tu rnam par bltas pa'i blo dang ldan zhing / mtshan ma med pa la mkhas pa rjes su thob pa yin/ sa gang la'ang chags pa med cing khams gsum thams cad la ro myang ba med pa dang / nyes dmigs dang / nges par 'byung ba dang / nye bar zhi ba dang / mos pa'i khams kyang rtogs la/ de la'ang mngon par zhen pa med cing / mi gnas pa'i sems skyed par yang byed do/ / chos rnams la yongs su rtog cing kun 'byung 'gag par bya ba'i phyir/ sems can rnams la byams pa chen po dang snying rje chen po bskyed nas/ dbang po yongs su smin pa rnams la nges par 'byung ba'i blo yang dag par skyed par yang byed/ shes rab mchog gi rjes su song ba'i blo'i tshul la mkhas pas sems can thams cad kyi tshul la mkhas pa'i bdag po rjes su dran zhing / chos rnams la gzungs kyi tshul nyams pa med pa la mkhas pa'ang thob par 'gyur/ chos thams cad rab tu rnam par dbye ba shes pa la mkhas pas legs par rnam par bltas nas/ chos bsam gyis mi khyab pa'i tshul rnam par gtan la dbab pa la rtog cing / gzhon nu'i tshe 'dod pa rnams la brtse zhing kun tu skyo bar 'gyur ba'i sems dben pa la mngon du phyogs pas nor dang / 'bru dang / gnyen thams cad spangs te/ khyim nas khyim med par mngon par 'byung bar yang 'gyur/ rab tu byung nas kyang bsam gyis mi khyab pa'i tshul la mkhas pa'i blo dang ldan zhing / las ji lta ba bzhin du legs par byas pa nye bar bsags pa'i byang chub kyi snying por song nas/ smon lam rnam par bkod pa ji lta ba bzhin du gzungs kyi tshul la mkhas pa bla na med pa'ang thob par 'gyur/ gzungs la mkhas pa rnam par dag pa phul du phyin pa des chos thams cad kyang rang byung gi ye shes kyis rtogs par 'gyur/ thams cad mkhyen pa'i ye shes kun tu 'dzin pa la mkhas pa nyams pa med pa'ang 'thob par 'gyur/ de thams cad mkhyen pa'i ye shes kyi gzungs rjes su thob nas/ thams cad mkhyen pa'i ye shes rnam par nges pa shin tu sbyangs pa'ang 'thob par 'gyur/ thams cad mkhyen pa'i yul bla na med pa la legs par gnas shing / chos dang mthun par chos kyi 'khor lo bla na med pa'ang skor bar 'gyur/ chos thams cad shes shing nges pa'i tshig ston par gyur pas shin tu mdzes par snang la/ lha dang bcas pa'i 'jig rten yang dbyangs kyi snang bas go bar byed par yang 'gyur ro// bkod pa mtha' yas byang chub sems dpa' thams cad mkhyen pa'i ye shes kyi gzungs kyi phyag rgya la gnas te/ bla na med pa yang dag par rdzogs pa'i byang chub mngon par rdzogs par 'tshang rgya'o// gzungs kyi sgo bstan du med pa bskal pa bye ba phrag du mar dge ba'i rtsa bas yang dag par sgrub pa de dag ni byang chub sems dpa' skye ba gcig gis thogs pa gzhan dag gis kyang kun shes par 'gyur ba ma yin gyi/ byang chub sems dpa' byang chub kyi snying po la 'dug pa/ byang chub kyi ched du chos zab mo la bzod pa thob nas yun ring du lon pa/ tshangs par sprad nas yun ring ba/ 'di ltar sems can thams cad la yun ring mo zhig nas byams pa chen po dang / snying rje chen pos mngon par bsgrubs pa'i sems dang ldan pa kho na la gzungs kyi sgo bdag nyid kyis rnam par dpyad pa'i blos mngon du 'gyur bar zad de/ bkod pa mtha' yas gzungs kyi sgo des byang chub sems dpa' byang chub kyi snying po la 'dug nas bla na med pa yang dag par rdzogs pa'i byang chub mngon par rdzogs par 'tshang rgya'o/ / bkod pa mtha' yas gzungs kyi sgo gang zhig ngas da ltar khyed la rnam par rig par byar med pa de ni/ de'i tshe byang chub sems dpa' rnams kyis rang gis rig par bya ba yin no// de'i tshe byang chub sems dpa'i gzungs kyi sgo ni sgo mtha' yas pa dang / rgyu'i sgo dang / sgo tshad med pa dang / sgo dpe med pa yin/ sgo de ni bstan du med pa yin/ sgo de ni 'jig rten thams cad las mngon par 'phags pa yin/ sgo de ni lha dang bcas pa dang / bdud dang bcas pa dang / dge sbyong dang bram zer bcas pa'i skye dgu'i 'jig rten dang thun mong du ma gyur pa yin/ sgo de ni chos kyi mchog tu gyur cing / thams cad mkhyen pa'i ye shes rnam par dag par byed pa yin no/ / byang chub sems dpa' ni sgo des rang gi ye shes rnam par sbyong bar byed de/ rang byung gi ye shes thob nas chos kyi 'khor lo skor bar byed cing / rim gyis sems can dpag tu med pa dag chos kyi sgo rnam par spang ba dang / mya ngan las 'das pa'i sgo yongs su dag par bya ba'i phyir/ thams cad mkhyen pa'i ye shes kyi sgo nye bar len du'ang 'dzud/ chos kyi tshul rgyu du ma dang ldan pa la mkhas pa'ang ston/ phung po shes pa kun 'dzin pa la mkhas pa'ang len du 'dzud/ phung po rnam par dag pa shes pa kun 'dzin pa la mkhas pa'ang brjod/ khams dang / skye mched dang / rten cing 'brel bar 'byung ba shes pa'ang ston/ sems can rnams kyang 'phags pa'i bden pa mngon par sgrub pa'i sgo la 'dzud par byed/ 'phags pa'i bden pa rnam par dag pa kun 'dzin pa la mkhas pa'ang skyed/ byang chub kyi phyogs kyi chos sum cu rtsa bdun gyi tshul la mkhas pa kun 'dzin pa dang rnam par dbye ba'ang skyed/ byang chub kyi phyogs kyi chos rnams shes pa rnam par dag pa'ang yang dag par ston/ zhi gnas dang lhag mthong shes pa kun 'dzin pa la mkhas pa'ang brjod/ zhi gnas dang lhag mthong shes pa rnam par dag pa'ang kun tu ston/ ting nge 'dzin dang snyoms par 'jug pa shes pa la mkhas pa kun 'dzin pa'ang skye dang / bsam gtan dang / ting nge 'dzin dang / snyoms par 'jug pa rnam par dag pa kun 'dzin pa la mkhas pa'ang brjod/ rmongs pa dang bral zhing rmongs pa med pa kun 'dzin pa la mkhas pa'ang ston/ rmongs pa dang bral zhing rmongs pa med pa shes pa rnam par dag pa kun 'dzin pa la mkhas pa'ang ston/ zad pa dang 'dod chags dang bral ba dang mi skye ba shes pa kun 'dzin pa la mkhas pa'ang ston/ zad pa dang 'dod chags dang bral ba dang mi skye ba shes pa rnam par dag pa'ang ston/ rig pa dang rnam par grol ba shes pa kun 'dzin pa la mkhas pa'ang ston/ rig pa dang rnam par grol ba shes pa rnam par dag pa kun 'dzin pa la mkhas pa'ang ston/ mya ngan las 'das pa'i sgo rnam par dag pa'ang brjod/ rnam par dag pa tshig thams cad dang bral ba kun 'dzin pa la mkhas pa'ang brjod/ rnam grangs du mas 'dus byas dang 'dus ma byas kyi chos dang / zag pa dang bcas pa dang / zag pa med pa dang / 'jig rten pa dang / 'jig rten las 'das pa'i chos rnams kyi sgo rnam par dag pa'ang brjod/ chos bla na med pa rnam par nges pa dang / sems can rnams kyi shes pa rnam par dag pa la mkhas pa kun 'dzin pa'i rgyu'ang yang dag par rab tu ston to/ / bkod pa mtha' yas de bzhin gshegs pa ni thams cad mkhyen pa'i ye shes kyi gzungs la mkhas pa'i stobs bskyed pa'i phyir/ sems can rnams la ji ltar ston pa bzhin de 'dra ba'i spyod pa kun tu ston cing / blo'i tshul ji lta ba bzhin du rab tu dbye bar mkhas pa la'ang 'jug par mdzad/ chos kyi gter gyi gzungs bla na med pa'i mthu'ang ston par mdzad/ chos kyi rgyun yang gtong bar mdzad/ chos kyi char yang 'bebs par mdzad/ sems can thams cad kyang chos kyi sbyin pas tshim par mdzad do/ / bkod pa mtha' yas khyed kyis de bzhin gshegs pa'i rjes su bslab par bya zhing / chos zab mo rnam par nges pa 'di la'ang mthun par gnas par bya'i/ mi mthun par ni mi bya'o/ / khyed kyis myur du thams cad mkhyen pa'i ye shes kyi phyag rgya'i gzungs chen po 'di kun tu zung zhig/ gzungs 'di la gnas nas kyang ji ltar ngad ltar byed pa bzhin sems can rnams kyi don gyis shig/ gzungs kyi sgo'i mdo 'di'ang ston cig/ chos rnams kyi rnam par nges pa'ang rnam grangs du mas ston cig/ rab tu ston cig/ bkod pa mtha' yas byang chub kyi sems kyi bsam pa'i tshogs cho ga dang ma bral bas mos pa'i stobs skyed par 'dod par bya'o/ / ji ltar mos pa'i stobs skyed par 'dod par bya zhe na/ byang chub kyi yan lag gi tshogs dang ma bral bar bya'o/ / ji ltar na byang chub sems dpas chos thams cad kyi tshul la mkhas pa la mos par bya zhe na/ chos rnams ni skye ba'ang med/ 'chi 'pho ba'ang med/ 'byung ba'ang med/ 'pho ba'ang med// g.yo ba'ang med/ 'ong ba'ang med/ 'gro ba'ang med de/ chos thams cad rang gi mtshan nyid kyis stong pa yin pas/ stong pa nyid du'ang mngon par zhen par mi bya na/ gzugs la sogs pa'i mtshan ma la mngon par zhen par bya ba lta smos kyang ci dgos te/ mtshan mar 'du shes pa la ni rjes su mthun pa'i bzod pa med do// stong pa nyid la ni mtshan ma mi 'byung ste/ stong pa gang yin pa de la ni mtshan ma rab tu rgyu ba med do/ / de bzhin gshegs pas kyang 'du byed du gtogs pa 'di dag thams cad ni bdag dang / bdag gi dang / srog dang / sems can dang / shed las skyes pa dang / she bu dang / gang zag gis stong ngo nas gsungs te/ stong pa nyid la ni kun tu chags pa'ang med/ chags pa dang bral ba'ang med do// stong pa nyid la ni sdang ba'ang med sdang ba dang bral ba med do/ / stong pa nyid la ni rmongs pa'ang med/ rmongs pa dang bral ba'ang med do// stong pa nyid la ni rjes su chags pa'ang med/ rjes su chags pa dang bral ba'ang med de/ stong pa nyid ni stong/ pa nyid la'ang mi gnas/ kun tu mi gnas/ rab tu mi gnas so// stong pa gang yin pa de ni 'dod chags dang bral ba yin/ de ni 'gog pa dang zhi ba yin te/ de la ni rtog pa'ang med/ kun tu rtog pa'ang med/ rnam par rtog pa'ang med/ yongs su rtog pa'ang med la/ rtsol ba med cing / nyon mongs pa med pa yin te/ de'i ngo bo nyid kyi rang bzhin ni len pa med cing rnam par dag pa yin no/ / chos dge ba dang / mi dge ba dang / 'dus byas dang / 'dus ma byas dang / 'jig rten pa dang / 'jig rten las 'das pa thams cad kyi rang bzhin ni stong pa nyid yin te/ de ltar mos pa mngon du byed pa de ni rnam par grol ba 'dren par 'gyur ro// rnam par grol na rnam par grol ba'i ye shes rtogs par yang 'gyur/ rnam par grol ba yongs su dag pa dri ma med pa la gnas shing / byang chub kyi yan lag gi tshogs kyang yang dag par 'grub par 'gyur ro// de la byang chub kyi yan lag gi tshogs gang zhe na/ tshul khrims rnam par dag pa dang / shes rab rnam par dag pa dang / ting nge 'dzin rnam par dag pa dang / rnam par grol ba rnam par dag pa dang / rnam par grol ba'i ye shes mthong ba rnam par dag pa dang / sbyin pa'i pha rol tu phyin pa rnam par dag pa dang / tshul khrims kyi pha rol tu phyin pa rnam par dag pa dang / bzod pa'i pha rol tu phyin pa rnam par dag pa dang / brtson 'grus kyi pha rol tu phyin pa rnam par dag pa dang / bsam gtan gyi pha rol tu phyin pa rnam par dag pa dang / shes rab kyi pha rol tu phyin pa rnam par dag pa yin no// gang rnam dag pa de ni yongs su dag pa yin no// gang yongs su dag pa de ni sgo dri ma med pa nyid yin te/ sems ni rang bzhin gyis 'od gsal ba/ rtag tu nyon mongs pa can ma yin pa'o// nye ba'i nyon mongs pa gsum ni glo bur ba/ yang dag pa ma yin pa// gsob gsog ste yod pa ma yin no// sems ni kun nas nyon mongs pa dang 'dre ba'ang ma yin/ rnam par byang ba dang 'dre ba'ang ma yin no// de ci'i phyir zhe na/ sems de ni gnyis su med de gnyis// su byar med do// de'i rang bzhin gang yin pa de ni rnam par dag pa'o// gang gis de ltar shes pa de ni nyon mongs pas kun nas nyon mongs par mi 'gyur ro// sems ni nang dang / phyi rol dang // gnyis ka'i bar du'ang kun nas nyon mongs par mi 'gyur la dmigs su med de/ dmigs pa dang / rgyu dang / rkyen tshogs nas sems skye ba ni ma gtogs so// 'di las skye ba'ang yang dag par mi snang ste/ phyogs bcur yang sems kyis sems mi shes so// sems kyis sems mi mthong ngo // sems dang dmigs pa 'dre ba'ang ma yin la/ dmigs pa'ang sems dang 'dre ba ma yin no// sems ni rgyu dang rkyen rnams dang kun tu sbyor ba ma yin la/ rgyu dang rkyen rnams kyang sems dang kun tu sbyor ba ma yin no// chos thams cad ni sems tsam ste/ sems dang mtshungs par ldan pa yin no/ / chos gang dag sems dang mtshungs par ldan pa de dag kyang phan tshun mi shes mi mthong na/ gang dag sems dang mtshungs par mi ldan pa de dag smos kyang ci dgos/ don dam par ni sems de gang dang mtshungs par ldan pa'ang med/ mtshungs par mi ldan pa'ang med do// de ci'i phyir zhe na/ chos 'ga' yang chos gang dang yang ldan pa 'am/ mi ldan pa med de/ chos thams cad ni ngo bo nyid kyis rab tu zhi ba yin no/ / ngo bo nyid ni ldan pa'ang ma yin/ mi ldan pa'ang ma yin no// chos rnams kyi ngo bo nyid gang yin pa de ni rang bzhin yin no// rang bzhin gang yin pa de la ni ngo bo nyid med do/ / 'on kyang bshad pa ston pas 'di skad du/ chos thams cad ni ngo bo nyid dang rang bzhin du gyur pa'o zhes tha snyad 'dogs te/ chos rnams la ni ngo bo nyid dang rang bzhin med do/ / chos rnams kyi rang bzhin ni ngo bo nyid med cing stong pa yin no// gang ngo bo nyid med cing stong pa de ni mtshan nyid gcig pa ste/ de ni mtshan nyid med pas mtshan nyid rnam par dag par gyur pa yin pas/ mtshan nyid kyis ngo bo med pa 'am/ stong par gdags par bya ba ma yin no// mtshan nyid kyis ngo bo nyid med pa 'am/ stong par gdags par bya ba ma yin pa ji lta ba de bzhin du chos thams cad kyang mtshan nyid kyis gdags pa bya ba ma yin no/ / ngo bo nyid med pa 'am/ stong pa nyid la ni kun nas nyon mongs pa 'am/ rnam par byang bar 'gyur ba med do/ / chos rnams kyi rang bzhin ni de lta bu yin te/ chos rnams kyi rang bzhin gang yin pa de ni kun nas nyon mongs pa 'am/ rnam par byang bar mi gnas/ kun tu mi gnas/ rab tu mi gnas so// bkod pa mtha' yas chos thams cad mi gnas/ kun tu mi gnas/ rab tu mi gnas na/ sems can dag ji ltar kun tu rmongs par 'gyur/ de la kun tu rmongs pa yod pa ma yin na/ kye ma 'jig rten gnas pa ni yang dag pa ma yin pa'i kun tu rmongs pas kun tu rmongs par gyur pa la ltos/ kye ma 'jig rten gnas pa 'di ni kun tu rmongs pa'i 'khor lo yang dag pa ma yin pa la zhugs kyang / gang du'ang zhugs pa med la/ zhugs pa med bzhin du nam mkha'i 'ching bas bcings pa'o// kye ma sems can 'di dag ni nam mkha'i 'khor lo la kun tu zhugs kyang / nam mkha' la ni 'khor lor gdags pa'ang med do// kun tu rmongs pa chen pos kun tu rmongs par gyur kyang / 'di la ma rig pa'ang med/ kun tu rmongs pa'ang med do// bkod pa mtha' yas sems can rnams ma rig pa'i ling tog des chos 'di dag rab tu mi shes/ mi rtogs shing rtsod pa la kun tu 'jug pa la ltos/ bkod pa mtha' yas gang su dag rtsod pa la kun tu zhugs pa de dag ni zhugs pa med de/ 'di ltar de dag kun tu rmongs pas mi shes shing ma mthong bar zad do// gang dag kun tu ma zhugs pa de dag ni rnam par dag par yang mi 'gyur la/ dge ba'i rtsa ba rnam par dag pa la zhugs pa'ang ma yin te/ de'i phyir de dag kun tu ma zhugs pa yin no// bkod pa mtha' yas de bzhin gshegs pas dgongs pa bstan pa'i rnam grangs ni/ khyed lta bu yun ring po nas dge ba'i chos rnam par dben pa la spyod spyod pa rnams ma gtogs pa/ gzhan gyis rgyas par kun shes pa ma yin no// de bzhin gshegs pas gang dag kun tu zhugs pa de dag ni rnam par dag par mi 'gyur ro zhes gsungs pa gang la kun tu zhugs pa yin zhe na/ mi dge ba la kun tu zhugs pa yin no// gang la mi dge ba yod pa de ni yod pa ma yin no// gang yod pa ma yin pa de la ni kun tu zhugs pa'am/ kun tu ma zhugs pa'i rnam grangs su 'gyur ba med do// gang dag dge ba la kun tu zhugs pa de dag ni rnam grangs su gtogs pa ma yin no// gang dag rnam grangs su ma gtogs pa de dag gis ni bstan pa kha na ma tho ba med pa 'di kun shes par 'gyur yang / de dag rnam par dag par ni mi 'gyur te/ de ni gnas med do// bam po gsum pa/ sems can byis pa so so'i skye bo blo gros ngan pa/ nyon mongs pa chen po la kun tu zhugs pa rnams kyi shes rab kyis ni chos bstan pa 'di'i rjes su mthun pa cung zad kyang mi shes na/ rab tu mthun pa lta smos kyang ci dgos/ rnam grangs mang po bstan pa lta smos kyang ci dgos/ gang kun tu zhugs pa de ni rnam par dag pa'i chos can/ no zhes bya ba gang la kun tu zhugs pa yin zhe na/ dge ba la kun tu zhugs pa dang / nges par 'byung ba'i khams la kun tu zhugs pa yin te/ nges par 'byung ba la ni khams kyang med khams su gdags pa'ang med do/ / gang dag mya ngan las 'das pa'i khams la kun tu zhugs pa zhes rnam grangs su brjod pa de'ang / mya ngan las 'das pa'ang cung zad kyang med la/ mya ngan/ las 'das pa la zhugs pa'ang 'ga' yang med do// gal te 'ga' zhig gis mya ngan las 'das pa rjes su thob par gyur na ni/ de bzhin gshegs pa nongs phan chad med par yang 'gyur ba zhig/ na/ mya ngan las 'das pa ni sus kyang thob par mi 'gyur ro// ngas sems can chos zab mo la spyad pa ma spyad pa rnams kun tu rmod par gyur na mi rung zhes/ de bzhin gshegs pa nongs phan chad yod do/ / de bzhin gshegs pa nongs phan chad med do zhes rnam grangs kyis bstan par bya ba ma yin no zhes gsungs so// gal te de bzhin gshegs pa gzugs can du gyur na'ang / de bzhin gshegs/ pa nongs phan chad med par 'gyur la/ gal te de bzhin gshegs pa gzugs can ma yin par 'gyur na'ang / de bzhin gshegs pa nongs phan chad med par 'gyur bas/ de ni gnyis kar yod pa 'ang ma yin/ med pa'ang ma yin no// chos gang zhig skye ba med cing 'gag pa med pa de ni shi ban chad yod pa 'am/ med pa zhes bya bar mi 'gyur ro// de bzhin gshegs pa'ang skye ba'ang med/ 'gag pa'ang med pas/ de'ang nod phan chad yod do zhe'am/ med do zhes bya bar mi 'gyur ro// de bzhin gshegs pas yod do zhes bya ba dang / med do zhes bya ba ni mtha' med pa'o/ zhes gsungs te/ gang la mtha' med pa de la ni dbus kyang med do// gang la dbus med pa de ni yod pa'ang ma yin/ med pa'ang ma yin no// gal te yod pa dang med pa yang dag pa yin par gyur na ni/ rten cing 'brel par 'byung ba dang 'gal bar yang mi 'gyur ba zhig na/ 'di ltar rten cing 'brel par 'byung ba ni 'gag pa med pas/ de la yod pa dang med pa mi 'gal ba mi rung ngo // gang zhig rten cing 'brel par 'byung ba de la ni/ mtha' dang dbus cung zad kyang med do// bkod pa mtha' yas gang yod pa'ang ma yin/ med pa'ang ma yin pa de la chos thams cad ces ji ltar tha snyad gdags/ yod pa'ang ma yin te/ med pa'ang ma yin pa de dag ni ji ltar yang tha snyad gdags par mi 'gyur ro// bkod pa mtha' yas de la de bzhin gshegs pa ni thabs mkhas pa chen po la gnas sems can rnams kyi ma rig pa'i sgo nga'i sbubs bcag pa'i phyir/ chos thams cad ni rten cing 'brel par 'byung ba'o zhes chos rnams kyi rang bzhin dang mi 'gal bar rjod par mdzad/ ston par mdzad de/ gang zhig rten cing 'brel par 'byung ba'i khongs su gtogs par byas pa de la ni mtha' dang dbus su tha snyad gdags par bya ba ma yin no// gang tha snyad gdags su med pa de la ni cung zad kyang thob pa med do/ / bkod pa mtha' yas thabs shes pa la mkhas pa dang / chos rnams kun 'dzin pa'i blo la mkhas pas/ dbu ma'i lam chos rnams kyi mtha' dang bral bar tha snyad 'dogs kyang / chos rnams kun 'dzin par byed pa'ang mi dmigs la/ mi dmigs par 'dogs pa'ang med pa la ltos/ 'di la khyod kyis ji ltar 'gro ba med pa dang 'ong ba med pa de ltar rtogs par bya/ khong du chud par bya ste/ chos 'di dag la snying por gyur pa'i skal ba chad pa'ang 'ga' yang mi ston to// chos rnams la ni skal ba chad pa med de/ chos rnams kyi skal ba ni ma chad/ kun tu ma chad par 'gyur ro// chos thams cad ni skal ba mi mnyam pa med pa/ gcig pa nyid ma yin pa/ tha dad pa nyid ma yin pa/ dam pa'i pha rol tu phyin pa yin yang / chos thams cad ni chos gang gi pha rol tu phyin pa'ang med par mya ngan las 'das par gyur pas/ de'i phyir de dag ni brjod par bya ba ma yin te/ dbu ma yang dag par bstan pa'i phyir/ kun rdzob tu ston par 'gyur ba ni ma gtogs so// dbu ma'i lam gang yin pa de ni/ mya ngan las 'das par 'gro ba'i lam yin te/ mya ngan las 'das pa ni gang du'ang 'gro ba med do/ / de la 'gro ba dang 'ong bar 'gyur ba cung zad kyang med pas/ de'i phyir chos thams cad ni mya ngan las 'das pa dang mnyam pa'o zhes bstan te/ chos rnams kyi mnyam pa nyid rab tu brjod pa yin no/ / bkod pa mtha' yas dbu ma'i lam 'di ni sgrub pa'ang ma yin/ mi sgrub pa'ang ma yin pas/ nye bar len pa med pa'i phyir mtha' dang bral ba yin te/ gang la mtha' med pa de la dbus lta ga la yod/ mtha' ni gnas med pa yin yang / byis pa so so'i skye bo rnams kyis mtha' gnas med pa nyid du kun tu mi shes te/ de'i phyir de dag gnas med pa yang dag pa ma yin pa la kun tu chags pas yongs su ma grol ba yin no/ / bkod pa mtha' yas thabs la mkhas pa chen po la rnam par nges pa'i blos/ dbu ma'i lam gnas pa med cing rten pa med pa de ji ltar ston pa la ltos bkod pa mtha' yas de bzhin gshegs pa rnams ni chos ston pa dag la the tsom mi mnga'/ bsnyel ba mi mnga' bo// sangs rgyas bcom ldan 'das rnams ni rtag tu mnyam par gzhag pa ste/ ting nge 'dzin la mnga' brnyes pas rtag tu rnam par gzigs pa/ rtag tu legs par mnyam par gzhag pas kun tu rtog pa mi mnga' zhing / ye shes dpag tu med pa mthong ba la rab tu gnas pa yin no// sa rgyas bcom ldan 'das rnams ni mi gnas/ rnam par mi gnas pa'i tshul gyis shin tu yongs su dag pa'i chos ston par mdzad pa yin no// sangs rgyas bcom ldan 'das rnams ni rab tu rnam par dag pa'i chos ston pa dang / nye bar zhi ba'i chos ston par mdzad pa yin no// sangs rgyas bcom ldan 'das rnams kyi chos ston pa 'byung ba la ni lus pa cung zad kyang med do// bkod pa/ mtha' yas 'di lta ste/ dper na rgya mtsho chen po'i nang na nor bu rin po che sna tshogs pa zhes bya ba yod pas/ chu'i tshogs chen po bskams na/ chu'i phung po de la 'phel bar mi 'gyur bas/ rgya mtsho chen po mi ldud do zhes bya la/ der 'bab pa'i chu thams cad kyang yongs su gtugs par 'gyur bas/ de'i me'i phung po chen po lta bu yin no// de bzhin du de bzhin gshegs pa'ang bla na med pa yang dag par rdzogs pa'i byang chub mngon par rdzogs par sangs rgyas nas/ shes rab kyi snang ba chen po dpag tu med pas/ sems can rnams kyi nyon mongs pa sreg par mdzad/ skems par mdzad do// bkod pa mtha' yas de bzhin gshegs pa'i gsung nyin mtshan du brjod pa de dag thams cad ni rim gyis nyon mongs pa rnams nges par sreg par 'gyur bas/ gsung gi 'phrin las don yod pa yin no// sang rgyas rnams la phyag 'tshal lo zhes brjod pa de'ang sgron ma chen po yin te/ nyon mongs pa rnams nges par sreg par 'gyur ba yin no// gang dag gis de bzhin gshegs pa rnams kyi mtshan thos pa de'ang ngo ngag gi mya ngan las 'da' ba'i rgyu chen por 'gyur ro/ / bkod pa mtha' yas 'di lta bu ni sems can de bzhin gshegs pa'i phyir zhugs pa rnams kyi nyon mongs pa zhi bar bya ba'i phyir/ de bzhin gshegs pa chos kyi char 'bebs pa yin no/ / bkod pa mtha' yas de bzhin gshegs pa rnams kyi mtshan rjod pa'ang mun pa dang bral bar 'gyur la/ de bzhin gshegs pa rnams kyi mtshan thos pa'ang mun pa dang bral bar 'gyur ro/ / 'di ltar de bzhin gshegs pas chos bstan pa ni yang dag pa ji lta ba de kho na bzhin te/ gzhan du 'gyur ba'ang med/ phyin ci log kyang ma yin mod kyi/ yang dag pa la ni bshad pa dang / rab tu bshad pa cung zad kyang med do// chos rnams la'ang yang dag pa 'am/ yang dag pa ma yin pa cung zad kyang med do// bkod pa mtha' yas de bzhin gshegs pa ni yang dag par gsung ba ste/ yang dag pa la gnas nas gzungs kyi sgo rim par phye ba ston pa'i chos kyi rnam grangs 'di ston par mdzad do// bkod pa mtha' yas gang dag gis 'di kun shes par mi 'gyur zhe na/ byang chub sems dpa' bden pa mthong ba/ lta ba phun sum tshogs pa/ chos zab mo la yongs su sbyang ba byas pa la ma gtogs pa rnams kyis kun shes par mi 'gyur ro// bkod pa mtha' yas don gyi tshul 'di khong du chud par bya ste/ chos 'di la bdag nyid kyi dran pas mngon sum du gtad par bya'i/ gang la'ang dad pas ni 'gro bar mi bya'o// byang chub sems dpas ni gzhan la rag ma las pa'i ye shes 'dod par bya zhing / sems can thams cad la phan pa dang bde bar bya ba'i phyir chos 'di la rjes su mthun pa'i bzod pa bskyed par bya ste/ gang dag de la rjes su mthun pa'i bzod pa skyed par 'gyur ba de dag ni mi mthun par gnas par mi 'gyur ro/ / bkod pa mtha' yas byis pa so so'i skye bo thos pa dang mi ldan pa/ mi mthun par gnas pa ni chos 'dul ba 'di kun shes par mi 'gyur ro/ / gzhan yang chos kyi tshul 'di ni gang dag lta ba gzhan spyod yul ba/ lam gzhan la zhugs pa/ lam log pa dang ldan pa/ dge ba ma sprad pa/ spyod yul gzhan sten pa de dag gi rna lam du grag pa'i go skabs med do/ / bkod pa mtha' yas chos kyi gter chos kyi snang ba sgrib pa med pa 'di bshad na/ byis pa thos pa dang mi ldan pa rnams ma rabs kyi sems ma 'dul ba/ yang dag par ma bsdams pa rnams ring du spong bar 'gyur ba la ltos/ byis pa so so'i skye bo lus rab tu ma bsgoms pa/ chos 'dul ba 'di las ring du gyur pa de dag thams cad la chos 'di lta bu la rjes su mthun pa'i bzod pa skye ba'ang med na/ zag pa med pa'i bzod pa thabs dang ldan pa skye bar 'gyur ba lta smos kyang ci dgos/ bkod pa mtha' yas 'khor 'di'i nang du chos bstan pa 'di 'jug pa ni/ gang du'ang chags pa med cing / nyam pa med pa dang / don yod pa yin no// de ci'i phyir zhe na/ 'di dag thams cad ni sgrib pa med pa'i sa la gnas pa yin no// bkod pa mtha' yas de bzhin gshegs pa ni sgrib pa med pa'i chos ston pa la mkhas pa rnam par dag par bya ba dang / sems can thams cad thugs brtse ba'i phyir/ de dag gi dge ba'i rtsa ba dang / de bzhin gshegs pa'i byin gyi rlabs kyis gzungs kyi sgo mang 'ding ston par mdzad do/ / bkod pa mtha' yas gang la la zhig dam pa'i chos bstan pa 'di la 'jug par 'gyur ba de ni yang dag par 'jug pa yin par rig par bya ste/ ni byang chub sems dpa'i sa la gnas shing ring po mi thogs par len pa med pa'i bzod pa'ang 'thob par 'gyur/ ring po mi thogs par lung bstan pa'ang thob par 'gyur ro// bkod pa mtha' yas chos zab mo'i 'dul ba 'di la mos par gyis shig/ bkod pa mtha' yas 'di ni lta ba mi dmigs pa rnams kyi sa yin pas dmigs su med pa'i sa'o// 'di ni mi dmigs pa'i bzod pa dang ldan pa rnams kyis yin no/ / 'di ni sngon gyi rgyal ba la lhag par bya ba byas pa/ yun ring po nas sems rab tu sbyangs pa/ lus legs par bsdams pa/ ngag legs par bsrungs pa/ yid legs par dul ba/ rnam par shes pa mnyam pa nyid du rjes su dran pa/ sems mi dmigs pa la gnas pa rnams kyi yul yin te/ de dag ni chos 'di lta bu blang ba'i phyir/ lus dang srog kyang yongs su btang nas/ mdo 'di la 'jug par 'gyur ro// de la phyi ma'i dus na sems can gang dag tha na chos 'di lta bu mnyan pa'i phyir brtson par 'gyur ba de dag kyang dkon na/ yi ger 'dri ba dang / klog pa dang / 'chang ba dang / kha ton byed pa dang / gzhan dag la rgyas par ston par 'gyur ba lta smos kyang ci dgos/ gang dag chos kyi rnam grangs 'di 'phel bar byed cing / gzhan la ston pa de dag ring po mi thogs par gzungs kyi sgo'i chos 'di rnam par sbyong bar 'gyur zhing / myur du rnam par dag pa'i ye shes thob nas/ thams cad mkhyen pa'i ye shes kyi lam gyi rjes su 'brang bar 'gyur ro/ / bkod pa mtha' yas de bzhin gshegs pa ni sems can rnams kyis thams cad mkhyen pa'i ye shes thob par bya ba'i phyir/ chos kyi gter 'di yang dag par rab tu ston to// 'di las gang mi ston pa de cung zad kyang med de/ nyon mongs pa med par bya ba'i phyir chos ston cing rnam par dag bskyed par yang mdzad/ chos kyi sgo yongs su dag par rab tu ston par yang mdzad do// chos thams cad ni nam mkha' lta bu'o zhes bya ba/ ji ltar chos thams cad nam mkha' lta bu yin zhe na/ nam mkha' dang mnyam pa ste/ nam mkha' yang gang dang yang mnyam pa'ang ma yin/ mi mnyam pa'ang ma yin no/ / ji ltar na nam mkha' mnyam pa'ang ma yin/ mi mnyam pa'ang ma yin pa de bzhin du/ chos thams cad kyang mnyam pa'ang ma yin/ mi mnyam pa'ang ma yin no// ji ltar nam mkha' gang du'ang ma gtogs pa de bzhin du/ chos thams cad kyang gang du'ang ma gtogs so// chos rnams la mtha' mi dmigs te/ mtha' dmigs su med pa la mtha' yod pa ma yin no// mtha' yod pa ma yin pa la mthar gdags pa'ang med do// gang dag 'di lta bu la gnas pa de dag ni de bzhin gshegs pa'i tshul la gnas pa ste/ de dag ni brjod du med pa yin no// gang dag brjod du med pa de dag ni gdags pa mnyam pa nyid du rtogs par bya'o/ / de'i phyir de dag kun tu mi spyod cing / mtha'i rjes su 'brang bar mi 'gyur te/ mtha' la mi rten pa rnams ni dbu ma dang yang phrad par 'gyur/ mtha' dang dbus kyi phung po thams cad kyang so sor spong bar 'gyur ro// de so sor spong zhes bya ba ni 'gro bar gdags pa med pa ste/ 'di lta bu ni ye shes rnam par dag pa thob par byed pa yin/ no// gang zhig chos skyed par mi byed pa de ni so sor 'brang bar mi 'gyur te/ chos thams cad ni nye bar 'gro ba med cing / 'jig pa med pa yin no// de ci'i phyir zhe na/ 'di ltar chos thams cad ni bdag gi ngo bo nyid kyi rang bzhin med pa'i phyir/ bdag med cing / bdag mi dmigs pa yin no// bkod pa mtha' yas de bzhin gshegs pa ni ji ltar 'dus byas thams cad mi rtag par ston pa de bzhin du rnam par 'gyur ba'i don ston par mdzad do/ / de bzhin gshegs pa ni ji ltar sdug bsngal gyi don ston pa de bzhin du 'gog pa'i don dang / 'dod chags dang bral ba'i don ston par mdzad do// de bzhin gshegs pa ni ji ltar mya ngan las 'das pa ni zhi ba'o zhes ston pa de bzhin du phung po thams cad nges par spong ba'i don ston par mdzad de/ mi rtag pa dang / sdug bsngal ba dang / bdag med pa dang / mya ngan las 'das pa'i sgo nas chos kyi sgo yongs su dag pa ston to// bkod pa mtha' yas de bzhin gshegs pa rnams kyi bstan pa mngon par sgrub pa 'di ni chos rnams kyi ngo bo nyid kyi rang bzhin rjod par byed pa yin te/ de bzhin gshegs pas chos 'di dag rnam grangs du ma dang / sgo du ma dang / bstan pa mngon par sgrub pa du mas bstan te/ tha snyad du brjod kyang de bzhin gshegs pa chos rnams tha dad pa nyid dam/ gcig pa nyid du 'dogs par ni mi mdzad do// chos thams cad ni gnyis su med pa ste/ gcig pa'ang ma yin/ tha dad pa'ang ma yin gyi/ bstan du med pa'i khongs su 'dus pa yin no// chos thams cad ni mtshan ma dang mtshan ma med pa'i phyir/ nam mkha'i ngo bo nyid kyi tshul can yin no// bkod pa mtha' yas gzungs kyi sgo ngo bo nyid kyi yongs su dag pa'i rang bzhin 'di ni/ byang chub sems dpa' rnams kyi 'dul bar 'gyur ba yin no// ci zhig 'dul bar 'gyur zhe na/ 'dod chags dang zhe sdang 'dul bar 'gyur ro// ma rig pa 'dul bar 'gyur ro/ / 'di ltar 'dod chags dang / zhe sdang dang / gti mug gdul bar bya ba ni yod pa ma yin zhing shin tu mi dmigs so// gang mi dmigs pa de ni 'dod chags dang / zhe sdang dang / gti mug kyang ma yin te/ tshul bzhin du btsal na rnyed par mi 'gyur ro// 'dod chags dang / zhe sdang dang / gti mug ni yod pa ma yin pas/ gsob slu ba'i chos can/ byis pa 'drid pa/ slu bar nye bar gnas pa yin te/ 'di ltar 'dod chags dang / zhe sdang dang / gti mug de dag gang las skye ba'i gzhi med cing mi rnyed pas/ de nyid du 'bral bar 'gyur ro// de dag 'bral ba'ang yang blta bar bya'o/ / ji ltar blta bar bya zhe na/ ji ltar ma skyes pa de ltar blta ste/ 'di ltar 'dod chags dang / zhe sdang dang / gti mug de dag ni yang dag pa ma yin pa las phyin ci log tu gyur pa'i phyir/ gang las skyes pa dang / gang gis skyes pa de thams cad gsob ste/ slu ba'i chos can yin no// 'dod chags dang / zhe sdang dang / gti mug rnams ni rang bzhin gyis yod pa ma yin te/ 'di ltar ma rig pa'i mun pas mi shes pa dang / mngon par ma rtogs pa ni de dag gi sngon du 'gro ba yin no// gang dag gis de ltar mthong ba de dag la ni sgo yongs su dag pa bsam gyis mi khyab pa'ang skye bar 'gyur/ gzungs kyang thob par 'gyur te/ rnam par shes pa mnyam pa nyid du yongs su shes pa 'di ni shes rab kyi las yin/ 'di ni gzungs thob pa'i las yin/ 'di ni byang chub kyi yan lag gi tshogs sbyong bar byed pa/ 'dun pa dang / brtson 'grus dang / bag yod pa'i sa yin/ 'di ni bag med pa 'dul ba'i sa yin/ 'di ni tshul khrims dang / lta ba dang / cho ga nyams pa med pa yin/ 'di ni lus dang / ngag dang / yid kyi las yongs su dag pa yin/ 'di ni bdag med pa'i ye shes mtshan nyid med pa'i rjes su 'gro ba yin// 'di ni 'du shes spangs pa dang ma bral ba yin/ 'di ni thabs la mkhas pa mtha' yas pas mngon par bsgrubs pa yin no// gang dag chos 'di lta bu la tshul bzhin du rnam par rtog cing sbyor bar byed pa de dag ni chos 'di la sgrub pas nges par 'byung bar 'gyur ro/ / bkod pa mtha' las chos rnams kyi rang bzhin gyi mtshan nyid kyang brjod la/ chos kyi rnam grangs 'di dag kyang ston cing rab tu ston par byed/ chos thams cad nam mkha' dang mnyam pa nyid du ston kyang / ston pa por 'dogs pa'ang med la/ gang bstan pa de'ang mi mngon pa la ltos/ bkod pa mtha' yas bstan pa'i sgo la 'jug pa'i tshig 'di la slob pa'i byang chub sems dpa' ni/ blo rgya mtsho lta bu'i stobs kyis ring du 'gro bar yang 'gyur/ phas kyi rgol ba thams cad kyis mi tshugs par yang 'gyur/ ye shes kyi rnam pa rjes su 'thob par yang 'gyur/ gzhan la rag ma las pa'i ye shes ston pa la mkhas pa'ang rtogs par 'gyur/ don mnyam pa nyid phun sum tshogs pa bsam gyis mi khyab pa la mkha pa'ang rtogs par 'gyur zhing / don la mkhas pa des ming med cing mtshan ma med pa'i chos rnams ston pa rjod par yang byed la/ de ston par byed pa'ang med do// sangs rgyas zhes bya ba dang / thams cad mkhyen pa zhes bya ba dang / rang byung zhes bya ba ston pa'ang nye bar gnas shing ming dang mtshan ma rnam par dag pa'ang 'thob par 'gyur ro// myur du dbyangs kyi rnam pa mang po 'thob par 'gyur te/ yid du 'ong ba'i dbyangs dang / snyan zhing 'jebs pa'i dbyangs dang / dbyangs rnam par dag pa phun sum tshogs pa'ang 'thob par 'gyur ro// tshig btsun par yang 'gyur ro// mngon du 'gro bar bya ba dang / yongs su dri bar bya bar yang 'gyur ro// sems can rnams kyi shes rab rnam par nges pa la mkhas pa sgrub pa'ang shes par 'gyur/ 'dod pa smra ba dang / rigs pa smra ba dang / phan par smra bar yang 'gyur/ phan pa'i tshig dang / legs par smra ba'i tshig dang / don gtan la 'bebs pa'i tshig can durang 'gyur/ don gcig bstan pas don mang po rnam par gtan la 'bebs pa'ang kun shes par 'gyur ro/ / bkod pa mtha' yas byang chub sems dpa' chos 'di la spyod pa rnams sangs rgyas kyi byang chub mngon par 'tshang rgya bar 'gyur ba'i yon tan gyi tshogs ji snyed cig dang ldan pa la ltos/ de ni rjes su 'chags pa dang / khong khro ba dag gis rjes su 'chags pa dang / khong khro ba spangs pa la gnas pa 'phrogs par mi 'gyur zhing / chags par 'gyur ba dang / sdang bar 'gyur ba dang / rmongs par 'gyur ba'i chos dag gis kyang 'phrogs par mi 'gyur ro// yongs su sbyang ba byas par yang 'gyur ro// thabs dang shes rab la mkhas pa dang / tshig rab tu dbye ba shes pa la mkhas par yang 'gyur ro/ / thams cad du legs par bslabs pa'i bzod pa phun sum tshogs par yang 'gyur ro// chos tshad med pa dang ldan zhing bsam pa phun sum tshogs par yang 'gyur ro/ / bzod pa phun sum tshogs pa la gnas shing 'jug pa phun sum tshogs par yang 'gyur ro// gsong por smra ba rnam par dag par yang 'gyur ro// bkod pa mtha' yas byang chub sems dpa' chos 'di la mngon par mi brtson zhing / mi shes la rab tu mi sbyor ba de dag la ni yon tan gyi khyad par 'di dag cung zad kyang med do// bkod pa mtha' yas sems can gang dag chos 'di la mngon par brtson par 'gyur ba de dag ni nyung shin tu nyung ngo / / sems can gang dag phun sum tshogs pa thams cad thob par 'dod cing / smon lam ji lta ba dang / 'jug pa ji lta ba dang / bsam pa ji lta ba yongs su rdzogs par 'gyur ba'ang dkon rab tu dkon no// gang dag chos 'di la bzod pa spyod pa rnam par rtog cing / chos 'di las nges par 'byung ba de dag ni mngon par shes pa dang mi shes pa dang / ye shes chen po dang / 'jig rten thams cad las mngon par 'phags pa'i ye shes dang / rang byung gi ye shes dang / ye shes tshad med cing mtha' yas pa'ang thob par 'gyur ro/ / bkod pa mtha' yas de la gzungs kyi phyag rgya zhes bya ba'i chos rim par phye ba bstan pa'i sgor 'jug pa 'di la byang chub sems dpa' rnams kyis bslab par bya ste/ 'di la slob pa'i byang chub sems dpa' ni byang chub kyi snying po la'ang nye bar 'gyur/ sems can rnams la'ang sangs rgyas kyi mdzad pas nye bar gnas par 'gyur/ sems can thams cad la byams pa chen po mngon par bsgrub pas nye bar gnas par yang 'gyur/ sems can rnams la snying rje chen po mngon par bsgrub par yang 'gyur ro// bkod pa mtha' yas gzungs kyi phyag rgya zhes bya ba'i tshe rim par phye ba bstan pa'i sgor 'jug pa de gang zhe na/ bkod pa mtha' yas 'di la chos thams cad yi ge mngon par bsgrub pa'i phyag rgya zhes bya ba gang du chos thams cad yang dag par 'du ba yin no/ / ji ltar yang dag par 'du zhe na/ chos 'di dag thams cad ni mnyam pa nyid du yang dag par 'du'o// mnyam pa nyid kyis ni mnyam pa nyid yang dag par mi mthong / rab tu mi shes/ nye bar mi dmigs so// chos thams cad kyi ngo bo nyid ji lta ba bzhin rnam par mi rtog na/ 'dir chos thams cad yang dag par 'du bar gyur pas/ 'dus byas dang 'dus ma byas dang bral ba'i sgo nas yang dag par 'du bar 'gyur ba yin no/ / yi ge mngon par sgrub pa bstan pa dang / ngag gis las su brjod pa gang dag gis 'dus byas ston par 'gyur ba de la'ang yi ge mngon par sgrub pa bstan pa gang yin pa dang / ngag gi las su brjod pa gang yin pa 'di gnyis ka'ang chos nyid ji lta ba bzhin rang bzhin gyis mnyam pa nyid yin pas yod pa ma yin no// yod pa ma yin pa la brjod pa'ang yang dag pa nyid du mi 'gyur la/ yi ger gdags pa'ang yang dag pa nyid ma yin no// ngag gi las su brjod pa yang dag pa ma yin no zhes bya ba 'di ni dbyer med pa'i tshig bla dgas yin no/ / lhag pa med do zhes bya ba 'di ni sgro 'dogs pa med pa'i tshig bla dgas yin no// chos kyi tshul 'di ni bstan du med pa yin la/ chos thams cad kyang yang dag pa ma yin/ yang dag pa ma yin pa'ang ma yin no/ / de ci'i phyir zhe na/ 'di ltar chos thams cad ni nye bar zhi ba'i rang bzhin yin no// yi ges bstan pa dang / tshig tu brjod pa dang / mthong ba dang / dmigs pa'i chos de dag ni rang bzhin med pa ste/ 'di ltar chos thams cad ni ma byas pa/ mnyam pa med pa/ mi mnyam pa med pa/ ma zhi ba/ nye bar ma zhi ba/ rab tu ma zhi ba'o// chos rnams ni zhi ba'i mtshan nyid dang / nye bar zhi ba'i mtshan nyid du nye bar mi gnas/ rab tu mi gnas so// chos thams cad ni 'gyur ba med pa yin pas/ de dag gang du'ang rnam par gzhag par mi 'gyur ro// chos rnams ni rnam par mi gnas pa'i phyir gang du'ang bgrang ba ma yin na/ chos su bgrang bar ston pa'i brjod pa gang gis/ bgrang bar 'gyur/ ngag gi las yi ger gdags pa thams cad ni/ yul na mi gnas/ phyogs na mi gnas pa ste/ yi ge dang ngag gi las ni gang nas kyang mi 'ong / gang du'ang mi 'gro la/ chos gang gi mthar gtogs pa'ang ma yin/ dbus su gtogs pa'ang ma yin no// yi ge'i las thams cad ni las med pa/ yi ge med pa/ rtsol ba med pa'o// ngag gi las thams cad kyang yi ge med pa/ rtsol ba med pa'o// yi ge thams cad ni yi ge'i rang bzhin gyis stong pa yin la/ ngag gi las kyang ngag gi las kyi rang bzhin gyis stong pa yin te/ bdag gi ngo bo nyid dang / gzhan gyi ngo bo nyid dang / bdag dang gzhan gyi ngo bo nyid kyis kyang stong pa yin no// gang stong pa de ni dben pa yin no// gang dben pa de ni nye bar zhi ba ste/ chos thams cad ni nye bar zhi ba'i sgo can yin no/ / sgo gang dang gang gis chos kyi ming ston pa dang / yi ge ston pa dang / tshig gi las ston par 'gyur ba de dag thams cad ni sgo med pa ste/ yod pa ma yin pa'i phyir sgo rnam par sbyong ba yin no/ / sgo gang dang gang gis chos brjod par 'gyur ba'i sgo de dang der shin tu rnam par dag pa yang dag par 'du bar 'gyur/ 'di ltar chos thams cad 'dod chags dang bral ba'o zhes bya ba 'di gang gi tshig bla dgas yin zhe na/ 'dod chags ni rang bzhin gyis yod pa ma yin te/ rang bzhin gang yin pa de ni shin tu rnam par dag pa yin no// shin tu rnam par dag pa gang yin pa de la ni 'dod chags kyang med/ 'dod chags su gdags pa'ang med de/ chos 'di dag thams cad ni g.yo ba med pa/ rlom pa med pa/ spros pa med pa yin no// 'di ni gzungs kyi sgo rnam par dag pa'i phyag rgya ston pa'i chos rim par phye ba'i sgor 'jug pa yin te/ sgor 'jug pa des byang chub sems dpa' ma rig pa'i mun pa'i rab rib bsal nas/ rig pa dang mthun pa'i chos kyi rigs rjes su dran par 'gyur ro/ / ji ltar rjes su dran zhe na/ chos thams cad la snang ba rnam par dag pa yin te/ des na chos kyi mig gzungs kyi sgo la 'jug pa'ang thob par 'gyur/ chos kyi sgo rim par phye ba yi ge rnam par sgrub pa'ang rtogs par 'gyur/ thams cad mkhyen pa'i ye shes kyi sgo shin tu rnam par dag pa'ang kun 'dzin par 'gyur/ de bzhin gshegs pa rnams dang yang nye bar 'gyur/ mu stegs kyi gnas thams cad kyang chos dang mthun pas tshar gcod nus par 'gyur/ bdud kyi phyogs kyang pham par byed par 'gyur/ sems can rnams la'ang dge ba'i rtsa ba yongs su bsdu ba'i phyir nye bar gnas par 'gyur/ de bzhin gshegs pa rnams kyi chos thams cad mtshams sbyor ba la'ang 'jug par 'gyur/ gzungs kyi sgo 'di lta bu'ang thob par 'gyur zhing / gzungs kyi sgo des de bzhin gshegs pa'i stobs bcu la chos kyi snang ba chen po thob nas/ myur du de bzhin gshegs ba'i stobs sgrub par yang 'gyur ro/ / bkod pa mtha' yas de bzhin gshegs pa'i stobs bskyed pa thob pa ni de bzhin gshegs pa'i stobs bcu po/ stobs chen po 'jig rten thams cad las mngon par 'phags pa'i stobs kyis 'khor gyi nang du seng ge'i sgra sgrog cing / byang chub sems dpa' rnams la gzungs kyi sgo rnam par dag pa rnam par dbye ba'ang ston par mdzad/ rab tu ston par mdzad do/ / de bzhin gshegs pa'i stobs bcu po/ stobs chen po stobs chags pa med cing / tshad med pa gang dag gis ston zhe na/ bkod pa mtha' yas 'di la de bzhin gshegs pa ni thams cad mkhyen pa'i ye shes kyi stobs bskyed pa bla na med pas gnas pa dang gnas ma yin pa yang dag pa ji lta ba bzhin du rab tu mkhyen to/ / 'di ni de bzhin gshegs pa'i stobs dang po yin te/ stobs de bzhin gshegs pa khyu mchog gi gnas rlabs po che zhal gyis 'che zhing / sems can rnams la chos kyang ston/ chos kyi 'khor lo bla na med pa lha dang bcas pa'i 'jig rten na/ 'di las phyi rol du gyur pa'i lha 'am/ mi sus kyang sngon ma bskor ba'ang skor bar mdzad do// gzhan yang de bzhin gshegs pa ni thams cad mkhyen pa'i ye shes rnam par mi rtog la/ ma chags ma thogs pas 'das pa dang / ma 'ongs pa dang / da ltar byung ba'i las dge ba dang / mi dge ba du ma spyad pa dang / las yang dag par len pa'i rgyu'ang yang dag pa ji lta ba bzhin rab tu mkhyen te/ 'di ni gnyis pa yin no// gzhan yang de bzhin gshegs pa ni thams cad mkhyen pa'i ye shes rnam par mi rtog pa/ ma chags ma thogs pas serma/ can thams cad kyi spyod pa rnam pa du ma ma lus pa yang dag pa ji lta ba bzhin rab tu mkhyen te/ 'di ni gsum pa yin no// gzhan yang de bzhin gshegs pa ni thams cad mkhyen pa'i ye shes mthong ba'i stobs bla na med pas sems can thams cad kyi mos pa sna tshogs dang / mos pa du ma dang / kun tu rtog pa dang / rnam par rtog pa spyad pa yang dag pa ji lta ba bzhin rab tu mkhyen te/ 'di ni bzhi pa yin no// gzhan yang de bzhin gshegs pa ni 'jig rten gnas pa 'di'i khams du ma dang / khams sna tshogs dang / skye mched du ma/ dang / skye mched sna tshogs yang dag pa ji lta ba bzhin du rab tu mkhyen te/ 'di ni lnga pa yin no// gzhan yang de bzhin gshegs pa ni rgyu rkyen shes pa mthong bar 'gro ba'i lam yang dag pa ji lta ba bzhin rab tu mkhyen te/ 'di ni drug pa yin no// gzhan yang de bzhin gshegs pa ni lha'i spyan gyis sgrib pa med pa'i ye shes gzigs shing / thams cad mkhyen pa'i ye shes kyi stobs bskyed pa bla na med pas sems can rnams kyi 'chi 'pho dang skye ba yang dag pa ji lta ba bzhin rab tu mkhyen te/ 'di ni bdun pa yin no// gzhan yang de bzhin gshegs pa ni bsam gtan dang / rnam par thar pa dang / ting nge 'dzin dang / snyoms par 'jug pa'i kun nas nyon mongs pa dang / rnam par byang ba dang / ldang ba yang dag pa ji lta ba bzhin rab tu mkhyen te/ 'di ni brgyad pa yin no// gzhan yang de bzhin gshegs pa ni sngon gyi gnas rjes su dran pa mngon du bya ba yang dag pa ji lta ba bzhin rab tu mkhyen te/ 'di ni dgu pa yin no// gzhan yang de bzhin gshegs pa ni zag pa zad pa mkhyen pa mngon du bya ba yang dag pa ji lta ba bzhin du rab tu mkhyen te/ 'di ni bcu pa yin no// bkod pa mtha' yas de bzhin gshegs pa ni thams cad mkhyen pa'i stobs tshad med cing bla na med pa 'di dag dang ldan pa yin no/ / bkod pa mtha' yas chos kyi gter 'di ni sems can thams cad kyis sangs rgyas kyi ye shes skyed pa dang / chos shes pa rnam par dag par bya ba'i phyir/ byang chub sems dpa' rnams la rab tu bstan pa yin no// bkod pa mtha' yas de bzhin gshegs pa'i ye shes bstan pa ji tsam du zab pa dang / ji tsam du rtogs dka' ba la ltos/ chos gang de bzhin gshegs pa zhes bya ba dang / de bzhin gshegs pa'i stobs ston par byed pa de ni thams cad mkhyen pa'i ye shes kyi stobs rnam par sbyong ba ste/ de bzhin gshegs pa'i chos ni dmigs su med cing gdags su med do// bkod pa mtha' yas stobs zhes bya ba ni brdzi ba med pa'i chos can yin no/ / 'di ni chos kyi sgo bla na med pa dang / de bzhin gshegs pa'i chos kyi sgo yin te/ thams cad mkhyen pa'i sgo de la gnas nas chos kyi tshul 'di brjod par byed cing / chos thams cad stobs skyed pa med pa dang / yang dag par 'phags pa med pa dang / ngo bo nyid med pa dang / ngo bo nyid dang bral ba'i chos kyi tshul 'di dpag tu med cing mtha' yas par ston pas/ de bzhin gshegs pa'i stobs bcu yongs su rdzogs par byed do// bkod pa mtha' yas de bzhin gshegs pa ni stobs mtha' yas pa dang ldan zhing / chos kyi sgo mtha' yas pa la mkhas pa brnyes pa yin no/ / bkod pa mtha' las 'di ni de bzhin gshegs pa'i chos kyi sgo mtha' yas pa yin te/ chos kyi sgo gnas nas de bzhin gshegs pa'i stobs bcu' rjod par mdzad/ de bzhin gshegs pa'i stobs rnam par dag pa dang / yongs su dag pa'ang ston par mdzad do// bkod pa mtha' yas gzhan yang byang chub sems dpa' rnams kyi sgo rnam par dag par bya ba'i phyir/ gzungs kyi sgo'i phyag rgya ston pa'i chos brjod par byas nyon cig/ phra mo ca ni/ bi pra mun tsata/ a tsa le/ a byA tha ni/ pra b+hA nu ga te/ te dze/ ma hA te dze/ a prad+b+ha ba ra Ni/ a nu ba ra Nau/ a ba ra Na/ bai sho d+ha ni/ bi d+hA na pra bi sha ni/ d+hur/ a ni kr-i ba ni/ bal gu/ bal gu swa rI/ swa ra bi sho d+ha ni/ mud tre/ mur+d+ha rbi sha~M d+ha ni/ pa ri bi re/ sa man tA pa ri bA re/ ag+na nu ma ti/ ar thaswAd+ha ni/ sang gra ma ts+tshed no// re/ shwA b+h+r-iH/ a ha raNi/ A ba na ma ti/ ni rig ni/ sa man ta pa ri phul lcag te/ tArA n+ya ga te/ a nI bi sha ni/ a sa na ni bi shani/ d+hA ra nI/ ga N+Di no dz+nyAn pa ri sho d+ha ni/ a nud d+ha ra bi ba sa ni/ b+had tre/ b+had tra ba taM/ mu kha mu kha ba ti/ san d+ha ra ni/ u pa d+hA ri ni/ a nan ta pra be/ pra b+hu ta pa ri bA re/ sa sharmA/ pa ri sA sha ni/ mahA ba kA she/ A kA shAs mo sa raN/ bi ti mi ra kA ra Ni/ sar ba d+hA patha/ thi sho d+ha ni/ ni g+hAH/ barba san d+ha ri ga ni/ bkod pa mtha' yas 'ang ni bstan pa gang du chos thams cad yang dag par 'du bar 'gyur ba'i gzungs kyi sgo'i phyag rgya bstan pa yin no/ / bkod pa mtha' yas chos rim par phye ba'i sgo 'di la slob pa'i byang chub sems dpa' ni thos pa'i rjes su 'brang bar 'gyur/ blo'i rab tu dbye ba la mkhas pas spobs pa phun sum tshogs pa'ang kun shes par 'gyur/ gzungs kyi tshig mngon par bsgrub pa'i gzhi'ang kun shes par 'gyur ro/ / tshig mngon par bsgrub pa'i gzhi'ang gang dag yin zhe na/ sA ga ra a bar+yan ta/ su me ru ra te na sa ga ra san ni tsa ya/ a b+hI ta ni/ a samaM/ b+hI ta ni a pi ba re/ badz+ra san ni/ nir be she ni/ ak+Sho ba ni/ a sang k+Sho ba naM/ ak+Sha ya/ a bya yi/ k+Sha ya a bar+yan te/ ak+ShiN/ k+Sha yAn san tri she/ a pa ri k+Sha ye/ a b+hik+Sha b+hi ni/ a bi ga le/ a bi ga la dz+nyA na ha ra ni/ bkod pa mtha' yas 'di ni tshig mngon par bsgrub pa'i gzhi yin te/ 'di la slob pa'i byang chub sems dpa' ni shes rab rgya mtsho lta bu mi 'khrugs pa 'phel bar 'gyur zhing rnam par lte ba chen pos lta bar yang 'gyur ro/ / ji ltar lta bar 'gyur zhe na/ bdag gis sems can thams cad la byams pa mtha' yas pas khyab par byas nas/ sems can rnams dbugs dbyung bar bya'o// bdag gis khyed la sman chen po rab tu sbyar zhing / des ma rig pa'i mun pa'i rab rib bsal bar bya'o/ / bdag gis khyed thog ma dang tha ma med pa'i 'khor ba na sdug bsngal dang / yid mi bde ba dang / mya ngan gyi zug rngu bsal bar bya'o// bdag gis khyed sred pa'i 'ching ba las dgrol bar bya'o/ / bdag gis khyed 'khor ba'i 'dod pa las bsgral zhing chos kyi snang ba chen po bya'o// sems can gang dag mi dge ba'i rtsa ba la sbyor ba de dag kyang gdon mi za bar drang bar bya'o snyam ste/ skyes bu dam pa ded dpon gyi mchog de dag ni ci nas kyang sems can 'ga' yang thams cad mkhyen pa'i ye shes bla na med pa 'di las nyams par mi 'gyur ba de ltar rnam par lta ba chen pos lta bar 'gyur zhing / nges par 'byin par 'gyur ro// de ltar na de dag sems can rnams la byams pas khyab par byed cing / chos kyi sgo don dang ldan pa sngon ma thos pa 'gog pa dang / 'dod chags dang 'bral ba dang // mi skye ba shes pa dang ldan pa rnams kyang snang bar byed pa yin no/ / bkod pa mtha' yas byang chub sems dpa' gang gi tshe/ chos kyi 'bel ba'i gtam byed par 'dod pa de'i tshe ji ltar bya zhe na/ gzungs dang gsang sngags mngon par sgrub pa'i tshig 'di dag mngon du byas la/ chos kyi tshul la mkhas pa mi 'chab pa'i yid la byed pas seng ge'i khri la 'dag ste/ blo mtha' yas pas de bzhin gshegs pa yid la byed cing / thabs la mkhas pa'i stobs bskyed pa dang / shes rab kyi stobs bskyed pa chen po yangs pas chos kyi tshul shin tu rnam par nges pa rab tu bstan cing drang ba la mkhas pa'i sa rnam par sbyang ba'i phyir/ sems can gang dag chos kyi 'bel ba'i gtam la 'dus par gyur pa de dag la snying rje chen po'ang bskyed/ byams pa chen po'ang bskyed nas/ sems dang ye shes la mkhas po chen pos sems can rnams kyi bsam pa mngon par bsgrub pa rtogs par bya ste/ chos kyi tshul shin tu rnam par nges pa rab tu bstan pa ji lta ba bzhin lhag chad med cing ngag gi las gsal la/ tshig dang yi ge legs par rjod pa dang / ngag gis las legs par gtan la dbab pas chos kyi 'bel ba'i gtam tshad med pa bya'o// chos kyi 'bel ba'i gtam des bdag nyid kyi dge ba'i rtsa ba'ang 'phel bar 'gyur la/ sems can rnams kyi chos bsam gyis mi khyab pa'ang sdud par 'gyur te/ de'i phyir de bzhin gshegs pas dpe du ma dang nye bar dgod pa du mas chos yang dag par bsdu ba 'di dang / gzungs kyi sgo'i chos rim par phye ba 'di rjod cing ston par mdzad do// de lta bas na khyed kyis chos kyi 'bel ba'i gtam bla na med pa'ang gyis shig/ khyed kyis sems can rnams la'ang sangs rgyas kyi mdzad pas nye bar gnas par gyis shig/ myur du de bzhin gshegs pa'i mi 'jigs pa'ang yongs su rdzogs par gyis shig/ bkod pa mtha' yas byang chub sems dpa' ye shes kyi las chen pos mngon par shes pa sgrub pa'i las la slob pa ni/ ye shes kyi tshogs chen po yongs su 'dzin par 'gyur ro// de la mngon par shes pa sgrub pa'i las gang zhe na/ bkod pa mtha' yas 'di la byang chub sems dpa' rdzu 'phrul gyi rkang pa la gnas shing yang dag pa'i 'gro ba shin tu rnam par phye ba chen po nam mkha' ltar rten med pa'i 'du shes yid la byed pas/ sgrib pa med pa'i ye shes mthong ba dang ldan zhing / de bzhin gshegs pa'i ye shes mthong ba'i stobs dpag tu med pa dang yang ldan la/ shes rab dang ye shes la mkhas pa'i stobs mtha' yas pas chos thams cad shes pa la mkhas pa'i rnam par nges pa thob kyang / chos cung zad tsam thob pa'ang med/ dmigs pa'ang med do// de bzhin gshegs pa ni mi dmigs pa la gnas pa dang / mi mnyam pa dang mnyam pa la gnas pa yin yang / de bzhin gshegs pa chos gang gis kyang gnas pa ma yin no// de bzhin gshegs pa ni dgon pa la gnas pa dang // chag pa med par gnas pa dang / rnam par dag pa'i ye shes mthong ba gnas pa yin yang / de bzhin gshegs pa la mi mkhyen pa 'am/ mi gzigs pa cung zad kyang mi mnga' ste/ de bzhin gshegs pa ni rang byung gi ye shes mthong ba mtha' yas pa la gnas shing / phyin ci log gi mun pa dang bral bas sgrib pa med pa yin no// de lta bas na de bzhin gshegs pas chos 'di dag thams cad mnyam pa nyid du mngon par rdzogs par sangs rgyas te/ sgyu ma'i rang bzhin lta bu dang / rmi lam lta bu dang / snang brnyan lta bu dang / ming med pa dang / 'du shes med par bstan pa yin no// de bas na khyed kyis de bzhin gshegs pa'i rjes su bslab par bya ste/ de bzhin gshegs pa de ni ye shes thogs pa med pa ston cing / sems can rnams kyi dbang po mchog dang mchog ma yin pa mkhyen pa la mkhas pa yin/ de bzhin gshegs pa de ni ye shes thogs pa med pa ston cing / shes pa thams cad la mkhas pa yang dag par rab tu ston pa yin pas/ byang chub sems dpa' 'di dag la mngon par shes pa sgrub pa'i las brdzi ba med cing mi mnyam pa dang mnyam pa'ang ston par mdzad do/ / mngon par shes pa sgrub pa'i las des byang chub sems dpa' mngon par shes pa'i sgo'i rdzu 'phrul yang sgrub par byed/ bden pa'i byin gyi rlabs kyi stobs kyang sgrub par byed cing / tshul khrims rnam par dag pa'i stobs bskyed pa la'ang gnas/ ting nge 'dzin dang / shes rab rnam par dag pa dang / ye shes rnam par dag pa'i stobs bskyed pa la'ang gnas/ rnam par grol ba dang / rnam par grol ba'i ye shes mthong ba'i stobs bskyed pa la'ang gnas/ gtong ba rnam par dag pa'i stobs bskyed pa la'ang gnas/ chos shes pa'i stobs bskyed pa la'ang gnas so// byang chub sems dpa' stobs bskyed pa 'di la gnas nas dben pa'i byin gyi rlabs kyi stobs bskyed pa'ang thob par 'gyur zhing / des kyang tshangs pa'i 'jig rten gyi bar du lus kyis dbang sgyur bar yang 'gyur/ rdzu 'phrul gyi bya ba du ma'ang nyams su myong bar 'gyur/ chos kyi rnga rnam pa du ma'ang rdung bar 'gyur/ seng ge'i khri la 'dug nas 'khor rnams kyang chos kyis tshim par byed par 'gyur/ sems can thams cad la'ang phan pa nye bar sgrub pas gnas par 'gyur ro// / bkod pa mtha' yas 'di lta ste/ dper na ri'i rgyal po 'khor yug chen po ni sems can rnams kyis dmyal ba pa'i dri nga ba'i mi mthun pa tshor ba dang / dmyal ba pa'i sgra thos pa dang / dmyal ba ba mthong na mi rung bas/ sems can rnams kyi las kyi rnam par smin pas 'jig rten gyi khams 'di 'khor yug tu bskor nas 'dug go// de bzhin du byang chub sems dpas kyang sems can thams cad la sgrib pa med pa'i chos nye bar bsgrub par bya zhing / sems can rnams chos thams cad zag pa med pa la gzung bar yang bya'o// byang chub sems dpa' gang zhig chos bstan pa 'di la shes rab kyi stobs rdo rje lta bu thabs la mkhas pas yongs su zin pa'i slob pa ni/ chos zab mos nges par 'byung zhing mi dmigs par gnas la/ bdud rtsis dbang bskur bar yang 'gyur ro// ji ltar bdud rtsis dbang bskur bar 'gyur zhe na/ nyon mongs pa'i bdud kyis yongs su gtugs par mi 'gyur zhing / phung po'i bdud dang / lha'i bu'i bdud dang / 'chi bdag gi bdud kyi dbang du'ang nye bar mi gnas la/ 'chi 'pho'o 'du shes kyang mi 'jug go// de ci'i phyir zhe na/ skyes bu dam pa de dag ni stong pa nyid kyis gnas shing / mtshan ma med pa legs par yid la byed pas gang du'ang smon pa mi byed do/ / de ltar na chos 'ga' yang skye ba'ang med/ 'chi 'pho ba'ang med/ 'ong ba'ang med/ 'gro ba'ang med/ gnas pa'ang med/ kun nas nyon mongs par yang mi 'gyur/ rnam par byang bar yang mi 'gyur/ stobs dang ldan par yang mi 'gyur/ nyams par yang mi 'gyur te/ chos thams cad ni mi dmigs pa yin pas/ chos cung zad kyang rlom par mi byed cing / rgyags pa dang / nga rgyal dang / bsnyems pa spangs nas/ dman pa'i sems kyis nang yang dag par shes par bya ba la rmongs pa med cing / phyi yang dag par shes par bya ba la legs par yongs su shes pa yin no// de dag ni mthong ba dang / thos pa dang / bye brag byed pa dang / rnam par shes pa'i chos rnams kyis 'phrogs par mi 'gyur te/ skyes bu dam pa de dag de bzhin gshegs pa rnams kyis chos thams cad ni nam mkha' dang 'dra ba'o zhes gsungs pa'i de bzhin nyid/ phyin ci ma log pa de bzhin nyid/ gzhan ma yin pa de bzhin nyid la gnas pa yin na// 'din byang chub sems dpa' rnams kyi shes rab kyi pha ral tu phyin pa la 'jug pa yin te/ gang dag 'di lta bu la gan+da pa de dag ni shes rab mtha' yas pa mngon par sgrub par 'gyur zhing / shes rab kyi stobs des kyang ye shes bsam gyis mi khyab pa bstan pa'ang khong du chud par 'gyur/ dgongs pa bshad pa la'ang 'jug par 'gyur ro// de dag gis ni chos thams cad shes par 'gyur te/ byang chub dang mtshams med pa'ang mnyam par rtogs la/ byang chub kyang rjes su rtogs par 'gyur ro/ / de dag gis ni mtshams med pa bsam gyis mi khyab pas/ byang chub bsam gyis mi khyab pa dang / mtshams med pa rnam par mi rtog pas/ byang chub rnam par mi rtog par yang khong du chud par 'gyur ro/ / de dag gi byang chub dang mtshams med pa gnyis ka dmigs su med par shes pas/ mtshams med pa dang mi mthun par yang mi byed/ byang chub dang mthun par yang mi byed de/ mtshams med pa'ang mi byed/ mi 'jig/ byang chub kyang mi byed/ mi 'jig go// gang dag don gyi rnam grangs bstan pa 'di la yongs su sbyang ba byas pa de dag nilas dang rnam par smin pa la mngon par zhen par mi 'gyur/ rlom par mi 'gyur ro// de dag gis las dang rnam par smin pa med cing mnyam pa nyid du shes te/ las dang rnam par smin pa ni mnyam pa yin gyi/ mi mnyam pa ma yin no// de dag ni las dang rnam par smin par mi dmigs/ mi rlom/ mngon par zhen par mi byed do// de ci'i phyir zhe na/ de dag gis las kyi sgrib pa dang / nyon mongs pa'i sgrib pa'i rgyu kun nas mi ldang bar bsrabs pa'i phyir ro// de dag chos thams cad kyi sgo bstan pa dang / gzungs kyi sgo'i chos thams cad kyi sgo bstan/ pa dang / gzungs kyi sgo'i chos rim par phye ba 'di la snang ba thob par yang 'gyur ro// de dag chos kyi sgo rnam par dag pa 'di phyogs bcu'i 'jig rten gyi khams su spyod cing / spyod pa rnam par dag pa'ang rjes su thob par 'gyur ro/ / de dag 'jig rten gyi chos rnams kyis khengs par yang mi 'gyur/ yi shi bar yang mi 'gyur la/ bsod nams kyi zhing yon gnas su 'gyur bar sprod cing / lha dang bcas pa'i 'jig rten gyis mngon du bgrod par bya ba yin no// bkod pa mtha' yas nga ni sa brgyad pa la gnas pa'i rigs kyi bu la'ang yon gnas dpag tu med cing tshad med pa yin no zhes smra na/ byang chub sems dpa' sems dpa' chen po chos 'di lta bu la gnas pa lta smos kyang ci dgos/ gang dag byang chub dang / sems can dang / chos dang / snang ba dang / 'jig rten gyi chos mi dmigs/ mi rlom/ spros par mi byed cing / chos bstan pa 'di kun shes la/ chos ji lta ba bzhin sgrub pa la gnas pa de dag ni yon yongs su spong ba bla na med pa yin bas/ de bzhin gshegs pas yon gnas mchog tu gsungs so// bkod pa mtha' yas chos 'di la slob pa'i byang chub sems dpa' rnams kyis ni phun sum tshogs pa 'am/ bsnyen bkur mi rnyed pa cung zad kyang med de/ de dag phun sum tshogs pa thams cad dang ldan zhing / 'jigs pa dang / spyi bung zhes byed pa dang / skrag pa dang bral ba yin no/ / de dag lus dang srog kyang yongs su btang ste/ nga'i chos nges par bstan pa rgya chen po 'di yongs su 'dzin par 'gyur zhing / chos gang la'ang yongs su 'dzin pa med par 'gyur ro// de dag seng ge'i khri la 'dug ste/ seng ge'i sgra chen pos sgrog par yang 'gyur ro// de dag mu stegs can rnams chos dang mthun pas pham par byed par yang 'gyur ro// de dag bdud sdig can sde dang bcas pa zil gyis gnon par yang 'gyur ro/ / de dag sems can rnams sgrib pa med pa la 'dzud cing / thams cad mkhyen pa'i lam la 'god par yang 'gyur ro// de dag sems can rnams lam mthun pa la 'god cing / 'phags pa'i bden pa dang mi mthun par yang mi byed do// de dag sems can rnams byang chub kyi phyogs kyi chos kyis dbugs 'byin par yang byed do// de dag sems can rnams la chos kyi sbyin pa byed cing / chos rab tu khong du chud par yang byed do// bkod pa mtha' yas gang dag gzungs kyi sgo ston pa'i chos rim par phye ba 'di la/ bzod pa sgrub par gnas pa de dag ni byang chub kyi phyir lung bstan zin pa dang 'dra ste/ skyes bu dam pa de dag ni bdag nyid kyis bdag la lung ston la rag go// bkod pa mtha' yas byang chub sems dpa' de dag gis chos 'di nas pa snyam du de bzhin gshegs pag sub pa ga 'i rgyam mos bdag cag sa chos 'dzin ma par gtad/ tsam gyi rdzing gan 'a na bad/ gzungs kyi phyag rgya lani ma kyi sgo 'di la ni btsud pas/ de bzhin gshegs pa des bdag cag la phan gdags pa'i dam pas phan btags te/ de bzhin gshegs pa de ni bdag cag la rjes su brtse ba'i pha yin no snyam du sems shing / ngal ba'i 'du shes nye bar 'jog par 'gyur ro// bkod pa mtha' yas de dag thams cad ni ji ltar nga da ltar de bzhin gshegs pa'i grangs su 'gro ba dang 'dra bar grangs su 'gro bar 'gyur te/ 'di ni gzungs kyi sgo ston pa'i chos rim par phye ba gnyis pa yin no// de nas yang bcom ldan 'das kyis phyogs bzhir rnam par gzigs nas/ rdzu 'phrul mngon par 'du bya ba ji lta bu mngon pa 'du byas pas/ 'khor der lhags pa'i byang chub sems dpa' rnams kyis phyogs bcu'i 'jig rten gyi khams na/ sangs rgyas bcom ldan 'das dpag tu med pa mthong zhing chos bstan pa'ang thos par 'gyur ba de lta bu'i rdzu 'phrul mngon par 'du bya ba mngon par 'du mdzad do/ / de nas yang bcom ldan 'das kyis/ byang chub sems dpa' bkod pa mtha' yas la 'di skad ces bka' stsal to/ / bkod pa mtha' yas de bzhin gshegs pas chos thams cad mngon par 'du bya ba med pas/ rdzu 'phrul mngon pa 'du mdzad pa la ltos/ de bzhin gshegs/ pa'i stobs de lta bu ni grangs dang bral zhing / grangs med la/ grangs kyis dben pa yin no// de bzhin gshegs pa dang mi 'jigs pa'ang gcig pa'ang ma yin/ da pa'ang ma yin la/ de bzhin gshegs pa nyid kyang yod pa ma yin pa'i phyir/ gcig pa'ang ma yin/ tha dad pa'ang ma yin no// de bzhin gshegs pa nyid kyang ma yin/ de kho na nyid ma yin pa'ang ma yin/ ngo bo nyid kyang ma yin/ ngo bo nyid med pa'ang ma yin te/ de bzhin gshegs pa ni 'di ltar rjes su mthun pa'i chos kyang mi dmigs pa de lta bur khong du chud par bya'o// gang dag gis de bzhin gshegs pa de lta bur shes pa de dag gis ni cung zad kyang shes pa med do// gang dag cung zad kyang mi shes pa de dag ni nyon mongs pa med cing len pa med do// bkod pa mtha' yas de bzhin gshegs pa ni yod pa dang med pa las log pa yin yang / de bzhin gshegs pa nam yang cung zad kyang log pa med de/ chos thams cad ni nam mkha'i ngo bo nyid kyi rang bzhin yin no/ / bkod pa mtha' yas de lta bur mos pa'i byang chub sems dpa' rnams ni spobs pa mtha' yas pa la gnas par 'gyur zhing / chos thams cad la snang ba thob par yang 'gyur ro// bkod pa mtha' yas de bzhin gshegs pa ni de bzhin gshegs pa'i mi 'jigs pa dag gis bsnyengs pa mi mnga' zhing / thob pa med pa'i tshul gyis mi 'jigs pa mchog gis brnyes kyang chos 'ga' yang 'dren par yang mi mdzad/ chos 'ga' yang 'phel bar yang mi mdzad/ nyams par yang mi mdzad/ yongs su nyams par yang mi mdzad do// de bzhin gshegs pa rnams kyi skye ba med pa dang / de bzhin gshegs pa rnams kyi gnas pa gang yin pa de chos rnams kyi ngo bo nyid kyi rang bzhin gnas pa dang / chos kyi dbyings gnas pa dang / chos skyor med pa nyid yin no// bkod pa mtha' yas chos thams cad ni skyon med par 'gyur ba yin te/ 'di ltar skyon ni yang dag pa ma yin pa las kun btags pa yin no// chos thams cad ni las dang rnam par smin pa mngon par 'grub pa med pa yin te/ de'i phyir chos thams cad las med pa dang / rnam par smin pa med pa'i sgor yang dag par 'du ba yin no// chos rnams ni chos nyid ji lta ba bzhin te/ las rnams kyang med/ rnam par smin pa'ang med/ rgyu 'gog pa'ang med/ rgyu 'gog par 'gyur ba'i lam yang med do// de bzhin gshegs pa ni rgyu tshogs pa la chos thams cad ston par yang mdzad la/ rgyu yod pa ma yin zhing / rgyu'i dbang du ma gyur pa'i phyir/ chos thams cad rgyu med par yang brjod de/ 'di ni de bzhin gshegs pa rnams kyi mi 'jigs pa'i sa yin no// ngas ni spobs pa phun sum tshogs pa dpag tu med pas de bzhin gshegs pa'i mi 'jigs pa'i sa thugs su chud do/ / mi 'jigs pa'i sa'ang gang zhe na/ bkod pa mtha' yas de bzhin gshegs pa rnams kyi mi 'jigs pa gang dag rang sangs rgyas la'ang med na/ nyan thos dang 'jig rten pa gzhan dag la lta smos kyang ci dgos pa'i bzhi po 'di dag yin no// mi 'jigs pa bzhi po de dag kyang gang zhe na/ ngas chos thams cad mngon par rdzogs par sangs rgyas te/ thams cad mkhyen/ thams cad gzigs pa la/ chos 'di dag mngon par rdzogs par sangs ma rgyas so/ zhes lha dang bcas pa'i 'jig rten 'di na 'ga' yang nga la rtsod par 'gyur ba'i mtshan ma de yang dag par rjes su ma mthong ngo // ngas mtshan ma de yang dag par rjes su ma mthong bas mi 'jigs pa'i mchog brnyes te/ 'khor gyi nang du seng ge'i sgra sgrogs shing / chos 'dul ba zab mo rgya chen po tshad med pa bla na med pa 'dirang ston par mdzad/ rab tu gsal bar mdzad do// ngas zag pa zad pa rab tu mkhyen pa la zag pa 'di dag yongs su ma zad do/ / zhes 'di na 'ga' yang nga la rtsod par 'gyur ba'i mtshan ma de yang dag par rjes su ma mthong ngo // ngas mtshan ma de yang dag par rjes su ma mthong bas bde bar gnas shing / chos kyi gzhi bla na med pa bskal pa bye ba phrag du ma nas yang dag par bsgrubs pa 'di'ang rnam par 'byed par mdzad do// ngas chos gang nges par 'byin pa dang / nges par 'byed pa dang / sdug bsngal yang dag par zad par byed par 'gyur bar bshad pa gang yin pa de la nges par 'byin pa dang / sdug bsngal yang dag par zad par byed pa ma yin no zhes bya ba 'di gnas med de/ de phyir lha dang bcas tshangs pa dang bcas pa'i 'jig rten na 'ga' yang nga la rgol bar 'gyur ba'i mtshan ma de yang dag par rjes su ma mthong ngo / / ngas mtshan ma de yang dag par rjes su ma mthong bas bde bar gnas pa'i mchog brnyes te/ 'khor gyi nang du seng ge'i sgra yang dag par sgrogs shing / sems can rnams la chos kyi tshul 'di'ang ston par mdzad do// ngas chos gang dag bar du gcod par 'gyur bar bshad pa de dag bsten na/ bar du gcod par mi 'gyur ba 'di ni gnas med de/ de'i phyir lha dang bcas/ bdud dang bcas/ tshangs pa dang bcas/ dge sbyong dang bram zer bcas pa'i skye dgu'i 'jig rten na 'ga' yang nga la rtsod par 'gyur ba'i mtshan ma de yang dag par rjes su ma mthong ngo / / ngas mtshan ma de yang dag par rjes su ma mthong bas bde bar gnas pa'i mchog rnyes te/ 'khor gyi nang du seng ge'i sgra yang dag par sgrogs shing / lha dang bcas pa'i 'jig rten na 'di las phyi rol pa gzhan mu stegs can gang gis kyang rab tu ma bskor ba'i chos kyi 'khor lo 'di'ang skor bar mdzad do/ / bkod pa mtha' yas 'di dag ni de bzhin gshegs pa'i mi 'jigs pa bzhi yin te/ de la slob pa'i byang chub sems dpa' ni myur du de bzhin gshegs pa'i mi 'jigs pa'i sa thob par 'gyur zhing / lha dang bcas pa'i 'jig rten gyi mchog tu'ang 'gyur ro// bkod pa mtha' yas byang chub sems dpa' 'du shes nam mkha' lta bu yongs su bsgoms pa rnams kyis sgo yongs su dag pa bsam gyis mi khyab pa kun shes par 'gyur te/ sgo yongs su dag pa des chos thams cad rtogs par bya ba dang po'ang thob par 'gyur ro/ / chos thams cad ni rtogs par bya ba'ang ma yin te/ chos ni nam mkha' lta bur yang dag par rjes su mi mthong ngo // chos la ma gtogs pa'ang nam mkha'i rjes su 'jug pa med la/ nam mkha' la ma gtogs pa'ang chos kyi rjes su 'jug pa med de/ nam mkha' rnam par sgom pas chos thams cad sgom par byed kyang / nam mkhar rlom par yang mi byed/ spros par yang mi byed do/ / don bya ba la mkhas pa rjes su 'thob kyang chos kyi dbyings ni cung zad kyang gang nas kyang 'ong ba'ang med/ gang du'ang 'gro ba'ang med cing / yang dag par 'grub pa med pas/ chos thams cad yang dag par grub pa med pa dang / 'ong ba med pa dang / 'gro ba med par yongs su rtog go// chos thams cad la chos kyi snang ba'ang gsal bar byed de/ chos kyi snang ba des kyang sems can rnams la chos kyi snang ba byed par 'gyur ro/ / bkod pa mtha' yas chos kyi rnam grangs 'di dag byang chub sems dpa' rnams la phan 'dogs par 'gyur ba dang gces spras byed pa yin te/ sangs rgyas kyi stobs dang mi 'jigs pa thob par byed par 'gyur yang / chos 'ga' yang nyams pa dang / nye bar nyams par yang mi 'gyur ba la ltos/ bkod pa mtha' yas don rtogs par bya ba'i phyir/ chos thams cad nam mkha' dang 'dra bar yang ston/ chos thams cad bla gab med pa dang 'dra bar yang ston/ las dang / bya ba dang / rgyu dang bla gab med pa dang 'dra bar ston cing / chos 'di dag brjod mod kyi/ 'di la don ni 'ga' yang mi dmigs so// bkod pa mtha' yas chos 'dul ba zab mo 'di ni 'jig rten thams cad mi mthun pa yin te/ 'di ltar 'jig rten ni 'jig pa dang rnam par 'jig pa'i chos phyin ci log la yang dag par zhugs pa'i chos can yin pas/ de'i phyir chos 'dul ba 'di ni 'jig rten thams cad dang mi mthun pa yin no/ / 'jig rten gyis ni 'jig rten gyi chos shes pa'ang med de/ 'di ltar 'jig rten gyi chos thams cad ni chos ma yin pa nges par 'byung ba med pa'i chos yin no// 'jig rten gnas pa thams cad ni tha na chos su 'du shes pa la mngon par zhen na yang / chos gang yang mngon par zhen pa med/ kun tu zhen pa med pa yin na ni/ de dag ni chos thams cad la chos su mngon par zhen pa'i 'du shes blangs nas de bzhin gshegs pa dang / de bzhin gshegs pas thugs su chud pa'i chos 'dul ba dang lhan cig rtsod par byed cing rtsod par 'gyur te/ chos thams cad kyi ngo bo nyid kyi rang bzhin ma skyes pa ni mi shes so/ / de dag rab tu mi shes shing ma rig pa de'i phyir/ chos 'dul ba zab mo mkhas pa zhib mos rab tu shes pa 'di 'jig rten thams cad dang mi mthun par gyur pa yin no/ / bkod pa mtha' yas de bzhin gshegs pa ni chos 'dul ba zab mo lha dang bcas pa'i 'jig rten thams cad dang mi mthun par gyur pa 'di yang dag par gsung yang // gsung ba'ang med de/ de bzhin gshegs pas lam thams cad nges par spangs pa'i phyir/ rtsod pa nye bar zhi ba'i chos ston par mdzad kyang / 'di la lam yang mi dmigs na/ lam de ni mi zad par 'dogs pa lta smos kyang ci dgos/ bkod pa mtha' yas srid pa thams cad ces bya ba 'di ni chos dge ba dang mi dge ba rnams kyi tshig bla dgas yin te/ chos thams cad ni chos dge ba dang mi dge ba dag dang ldan par 'dogs pa yin no/ / de la dge ba'ang stong la/ mi dge ba'ang stong / dge ba'ang rnam par dben la/ mi dge ba'ang rnam par dben/ dge ba'ang mi dge ba dang mi 'dre la/ mi dge ba'ang dge ba dang mi 'dre zhing / dge ba dang mi dge bar mngon par zhen pa'i rgyu dang rkyen yang med do// de'i phyir de bzhin gshegs pas chos thams cad ni lung du ma bstan pa nyid du bstan te/ dge ba ni yang dag par yod pa ma yin no// gang dag yod pa ma yin pa de dag ni lung du ma bstan pa ste/ de la ni rgyu'ang med/ rgyur ston pa'ang med do// bkod pa mtha' yas chos de lta bu khong du chud par bya ba'i phyir/ chos thams cad lung du ma bstan cing bstan du med par bstan pa la ltos/ chos thams cad lung du ma bstan cing bstan du med pa 'di ni byang chub sems dpa' rnams kyi btang snyoms kyi sgo yongs su rdzogs par 'gyur ba yin no/ / chos dge ba dang mi dge ba thams cad ni ji ltar snang ba bzhin rjes su 'gro ba med de/ de dag ni lung du ma bstan pa'i sgor rjes su 'gro bapa yin no/ / gang lung du ma bstan pa'i sgo de ni sgo med pa yin no// gang la sgo med pa de la ni sgor dmigs su med do// gang sgor dmigs su med pa de ni sgo rnam par dag pa yin no// 'di ni byang chub sems dpa' rnams kyi gzungs kyi sgo la 'jug pa'i chos rnam par spyod pa yin te/ sgo des de dag chos thams cad la snang ba thob nas/ chos rnams la rmongs pa 'am/ the tsom mam/ yid gnyis su mi 'gyur zhing / thog pa med par chos shes pa la mkhas pa rtogs par 'gyur ro// // bam po bzhi pa ste tha ma'o// // bkod pa mtha' yas 'di la byang chub sems dpas shes rab kyi mig rnam par dag pa dod par bya'o/ / ji ltar dod bar bya zhe na/ chos thams cad nye bar len pa med pas khas mi len pa dang / shin tu yongs su btang bas gan las yang dag par 'das pa dang / chos dge ba dang mi dge ba thams cad don du mi gnyer bas 'dus byas su gtogs pa thams cad la mi lta ba dang / 'jig rten gyi chos thams cad la mi lta ba dang bag yod pa'i sa dang / bla na med pa'i sa dang / mi dmigs pa'i sa la mi gnas pa dang / chos gang yang mi len mi 'dor ba dang / chos gang la'ang ma zhugs/ kun tu ma zhugs pa 'di ni/ shes rab kyi mig ces bya ste/ mig rnam par dag pa yin no// shin tu yongs su gtong bar byed pa dang / shin tu 'dor bar byed pa dang / len pa med par byed pa dang / shin tu nges par spong ba'i ngo bo nyid kyis rang bzhin la rtog pa 'di ni shes rab kyi mig ces bya'o// shes rab kyi mig ces bya ba ni zad pa dang / 'dod chags dang bral ba dang / 'gog pa shes pa dang / mi skye ba dang / mngon par 'du byed pa med par shes pa yin te/ 'di ni zhi ba dang / nye bar zhi ba dang / rab tu zhi ba'i sa yin/ 'di ni mtshams sbyor ba med pa dang / so sor mtshams sbyor ba med cing / mtshams sbyor ba nye bar gcod pa yin/ 'di ni gcod pa med cing nye bar gcod pa med par shes pa ma nyams pa yin/ 'di ni / ye shes 'chab pa med pa yin no// spros pa med pa'i sa 'di lta bu ni shes rab kyi mig yin te/ shes rab kyi mig de dang ldan pa ni sems can rnams kyi spyod pa la byams pa chen po dang / snying rjechen pos zin pa'i sems bskyed pa'ang thob par 'gyur/ de sems can la dmigs pa'i sbyor bas yongs su gtugs te gnas par yang 'gyur/ chos thams cad sems can med pa dang srog med par yang khong du chud par 'gyur te/ des ni bla na med pa yang dag par rdzogs pa'i byang chub mngon par rdzogs par sangs rgyas nas/ gdon mi za bar chos kyi gter bla na med pa/ gzungs kyi sgo rnam par sbyong ba'i chos kyi le'u rim par phye ba 'di'ang yang dag par bstan par bya zhing / chos kyi phyag rgya 'di'ang gtad par bya'o// bkod pa mtha' yas gzungs kyi sgo'i chos rim par phye ba 'di ni de bzhin gshegs pa'i gdung gi tshul rgyun mi gcad par bya ba'i phyir/ sangs rgyas thams cad kyi dgongs pa yin/ 'di ni sangs rgyas thams cad kyis yongs su bzung ba yin/ chos kyi sgo 'di ni sangs rgyas thams cad kyang rnam par spyod cing rab tu bsten te/ 'das pa dang / ma 'ongs pa dang / da ltar byung ba'i sangs rgyas bcom ldan 'das phyogs bcu na bzhugs pa thams cad kyang gzungs kyi sgo'i chos rim par phye ba 'di ston par mdzad/ ston par mdzad par 'gyur ro// chos kyi sgo 'di ni byang chub sems dpa' rnams kyi dus gsum mnyam pa nyid kyi chos rab tu ston pa/ rnam par sbyong bar 'gyur ba yin te/ des na 'das pa dang / ma 'ongs pa dang / da ltar byung ba dang / dus gsum gyi chos rnams yang dag par ji lta ba bzhin du 'jug par 'gyur ro/ / chos kyi sgo 'di ni byang chub sems dpa' rnams kyi dus gsum rnam par dag pa kun 'dzin par 'gyur ro// de dag la dus kyi / 'du shes kyang mi 'jug la/ mi dge ba thams cad kyang 'joms par 'gyur/ dge ba'i rtsa ba sna tshogs kyang rjes su 'thob par 'gyur/ lus kyi las dang / ngag gi las dang / yid kyi las yongs su dag pa la gnas par yang 'gyur/ ye shes rnam par dag pa kun gzung ba'i phyir sgo tshad med pa yongs su spong bar yang 'gyur/ chos kyi tshul dmigs su med pa la'ang spyod par 'gyur/ chos thams cad nam mkha' lta bur yang rjod par 'gyur/ shes rab rnam par dag pa kun tu bstan pa dang rab tu bstan pa'i phyir/ shes rab kyi snang ba chen po nam mkha'i mthas gtugs pa'ang ston par 'gyur/ chos thams cad nam mkha'i ngo bo nyid du rtogs pa dang / thams cad mkhyen pa'i ye shes kyi lam rnam par dag par bya ba dang / lam rnam par dag pas byang chub ji lta ba bzhin smon lam yongs su rdzogs par bya ba'i phyir/ bden pa mngon par shes pa la'ang mkhas par 'gyur/ bden pa dbyer med pa bstan pa'i phyir/ sangs rgyas kyi ye shes kyang ston par 'gyur ro// bkod pa mtha' yas don thams cad khong du chud par bya ba'i phyir/ chos 'di la slob pa'i byang chub sems dpa' ni myur du byang chub kyi yan lag gi tshogs kyang rnam par spong bar 'gyur ro/ / de byang chub las ring bar mi 'gyur te/ nye bar gnas par gyur kyang chos 'gal ba dang ring ba 'am/ chos bstan pa 'di dang nye bar gyur pa cung zad kyang yang dag par rjes su mi mthong ngo / / byang chub ni chos dang chos ma yin pa gang gis kyang yang dag par rjes su mi mthong ste/ byang chub rnam par rig par bya ba ma yin par shes shing / rnam par rig pa mnyam pa nyid dang / rnam par rig pa med par rjes su rtog par 'gyur ro// chos rnams la zhi ba'i don du rnam par lta ba ni/ byang chub tu rtogs par yang mi byed de/ zhi bas kyang zhi ba mi mthong la/ zhi ba la ma gtogs pas kyang zhi ba mi mthong ngo // cung zad kyang mi mthong yang thams cad du lta ba rnam par spong bar yang byed la/ cung zad kyang rnam par spong ba'ang med do// 'di ni byang chub sems dpa' rnams kyi ye shes rnam par dag pa'i sgo yin te/ sgo des de bzhin gshegs pa rnams kyi chos kyi gter mtha' yas pa'ang rjes su dran par 'gyur ro/ / sems can rnams kyi rang bzhin yongs su shes par byas nas/ chos kyi gter 'di'ang ston par 'gyur/ shes rab dang ye shes kyi las yongs su dag pa'ang rjes su dran par 'gyur ro/ / de 'dod na bla na med pa yang dag par rdzogs pa'i byang chub mngon par rdzogs par sangs rgyas nas/ lhag pa'i bsam pa'i smon lam la'ang 'jug par 'gyur la/ smon lam rnam par dag pa la mkhas pa'ang rjes su dran par 'gyur zhing / myur du chos thams cad la dbang thob nas/ de bzhin gshegs pa'i byams pa chen po dang / snying rje chen po'ang kun nas 'dzin cing mngon du gyur par byed do// de bzhin gshegs pa'i chos kyi mdzod la mkhas pa/ chos kyi snang ba tshad med cing mtha' med pa ston par byed cing / bdag nyid kyang sangs rgyas kyi yul la nges par 'byung bar 'gyur ro// bkod pa mtha' yas tshad med cing dpag tu med pa zhes bya ba 'di gang gi tshig bla dgas yin zhe na/ bkod pa mtha' yas tshad med cing dpag tu med pa zhes bya ba ni/ sa'i khams dang / chu'i khams dang / me'i khams dang / rlung gi khams dang / nam mkha'i khams dang / rnam par shes pa'i khams kyi chos thams cad tshad med pa'i phyir ro// 'dod pa dang / gzugs dang / gzugs med pa'i khams kyi sems can gyi khams tshad med pa yin yang / sems can yod pa ma yin pas/ sems can cung zad kyang mi dmigs te gdags su med do// de bzhin du khams yod pa ma yin pas/ khams mi dmigs te gdags su med do/ / de'i phyir chos 'di dag thams cad ni mya ngan las 'das pa'i khams su yang dag par 'du ba yin no// chu'i khams ni mya ngan las 'das pa'i khams kyi tshul can yin la/ chos thams cad kyang mya ngan las 'das pa'i tshul can te/ de'i phyir chos thams cad ni brjod du med pa'i rnam pa yin no// mya ngan las 'das pa'i khams la ni sgrib pa cung zad kyang med do/ / mya ngan las 'das pa'i khams ni sgrib pa dag par dag pa'i phyir ma bsgribs pa yin no// mya ngan 'das pa'i khams ni dag cing rnam par dag pa yin te/ 'di ltar chu'i khams de ni khams dang bral ba yin no/ / khams yod pa ma yin pas/ khams de khams las yang dag par 'das par bstan pas brjod pa yin no// brjod pa gang yin pa de ni khams kyang ma yin/ khams ma yin pas kun nas bslang ba'ang ma yin te/ brjod pa la ni khams yod pa ma yin no// chos thams cad ni tha snyad kyi sgo nas brjod pas de'i phyir 'di brjod du med pa yin te/ 'di ltar 'di dag la ni rjod par byed pa'ang mi dmigs shing mi mngon no// brjod pa thams cad ni brjod pa med pa yin te/ 'di ltar brjod pa thams cad ni nam mkha'i ngo bo nyid yin zhing / nam mkha' yang dag par 'du ba yin no// sa'i khams kyang brjod du med cing brjod par nus pa ma yin la/ chu'i khams kyang ma yin/ me'i khams kyang ma yin/ rlung gi khams kyang ma yin zhing / nam mkha'i khams kyang ma yin te/ nam mkha'i khams kyi bar du'ang brjod par nus pa ma yin no// rnam par shes pa'i khams gang gis chos thams cad tha snyad du ston pas ston par byed pa'i rnam par shes pa'i khams de'ang chu'i khams lta bu ste/ rnam par shes pa'i khams gang khams kyi nang du yang dag par 'du bar 'gyur ba ni med do// khams ni ldan pa'ang ma yin zhing / nam mkha' las rab tu 'byung bas rnam par shes pa'i khams kyang nam mkhar yang dag par 'du ba yin no// rnam par shes pa'i nang dang phyi rol dang gnyis ka'i bar na'ang mi dmigs te/ rnam par shes pa'i khams rkyen dang ldan par bstan pa ni ma gtogs so// rnam par shes pa'i khams ni nam mkha' gsal bas kun tu zin cing nam mkhar yang dag par 'du ba yin te/ gdags su med pa bstan du med pa yin no// gang gdags su med pa de la ni 'dus byas cung zad kyang med de/ 'di ni 'di'i sgor 'jug pa yin no/ / chos kyi dbyings ston pas chos thams cad kyi ngo bo nyid kyi rang bzhin nam mkha' dang 'dra zhing mnyam par ston par 'gyur/ yang chos rnams la ni dbyings sa dbyings ma yin pa cung zad kyang med do/ / chos thams cad ni nam mkha' bla gab med pa dang 'dra bas/ de'i phyir de bzhin gshegs pas chos thams cad ni nam mkha' lta bu'o zhes rab tu bstan te/ tshad dmigs su med pa'i phyir chos thams cad rang bzhin gyis nam mkha' dang 'dra zhing mnyam pa yin no// bkod pa mtha' yas de bzhin gshegs pa rnams kyi ye shes bstan pa yongs su dag pa gang / chos 'ga' yang skyed par yang mi byed/ chos 'ga' yang gtod par yang mi byed pa la ltos/ byang chub sems dpa' rnams kyis chos kyi tshul yongs su dag pa 'di phyin ci ma log par shes par 'dod par bya zhing gzhan lo rag ma las pa'i ye shes rlom sems med cing / lhag par rlom pa med pas chos kyi sgo brjod du med pas rnam par sbyang ba dang / chos thams cad shes pa rnam par sbyang ba'ang bsgrub par bya'o// bkod pa mtha' yas 'dab chags bya'i spyod yul ci yin/ gsol pa/ bcom ldan 'das spyod yul nam mkha' lags so/ / bka' stsal pa/ bkod pa mtha' yas nam mkha'i spyod yul yang ci yin/ gsol pa/ bcom ldan 'das ma mchis lags so// bka' stsal po/ bkod pa mtha' yas de bzhin du chos thams cad kyang nam mkha'i spyod yul can yin no/ / chos rnams ni spyod yul med pa'i spyod yul can yin zhing mi dmigs te/ de'i phyir chos thams cad ni spyod yul med pa spyod pa med pa/ rab tu spyod pa med pa/ rjes su spyod pa med pa yin no// chos rnams kyi rang bzhin gang yin pa de ni gang du'ang brjod par bya ba ma yin te/ chos kyi sgo 'di ni byang chub sems dpa' rnams kyi rnam par shes pa nam mkha' lta bu sbyong bar 'gyur ba yin no/ / chos kyi sgo 'di ni 'od mtha' yas pa yin te/ ji ltar nam mkha' mtha' yas shing mu med pas/ kun tu khyab kyang 'di'i 'od khyab par snang ba'ang med do/ / de bzhin du byang chub sems dpas kyang chos kyi sgo 'di thob nas/ phyogs bcu'i 'jig rten gyi khams kyang rnam par lta zhing / 'jig rten thams cad la'ang yang dag par rjes su lta'o/ / bkod pa mtha' yas 'di ni byang chub sems dpa' rnams kyis rnam par shes par bya ba'i sa dang / nges par 'byed pa'i shes rab kyi sa yin te/ 'di phas kyi rgol ba thams cad kyis ni ma yin no/ / chos kyi tshul brjod du med pa 'di ni chos kyi phyag rgya brjod du med pa dang / phyag rgyar brjod cing gdags pa mi dmigs pa yin te/ de'i phyir chos thams cad ni phyag rgya med pa/ phyag rgya yang dag par med pa yin no// phyag rgya med pa'i dngos po la mkhas pa rtogs pas chos thams cad nam mkha' bla gab med pa'i phyag rgyas btab pa yin te/ de dag ni phyag rgya mtshan nyid med pa yang dag par ston par byed do// nam mkha' la ni mtshan nyid cung zad kyang med de/ nam mkha' ni 'dus byas kyi mtshan nyid kyang ma yin/ brjod pa'i mtshan nyid kyang ma yin no/ / 'di ni nam mkha' 'o zhes bstan pa'ang nam mkha'i ni yang dag pa'i tshogs kyis lus su bstan pa med de/ chos rnams ni don dam par na brjod du med pa'i pha rol tu phyin pa yin pa kun she bar bya'o/ / bkod pa mtha' yas de la tshig nam mkha' lta bur shes pa rnam par dag pas/ gzungs kyi sgo'i phyag rgya rnam par spong ba'i tshig rnams bstan par bya ste/ ji ltar nam mkha' tshig kyang med/ rnam par dag pa'ang med pa ltar tshig 'di dag kyang de dang 'dra bar rjes su rtogs par bya'o// tshig de dag kyang gang zhe na/ bi ba re bi ba rA nus hi te/ bra nu ni/ ni san na bi tsa ra Ni/ a b+hA ba kA sha/ san dar sha Ni/ pa b+hA re/ pra b+hA ri bi sho d+ha ni/ niri bi ka la pe/ A kA sha sa ma ba sa ra ni/ ni ShaM ge/ shad gA pa ga te/ shang ga bi mo tsa ni An d+ha ni/ A dA na big te/ kA k+Sha ts+tshed pa ri karma/ ats+tshe da a nu bats+tshed/ a sa me/ a ma sa me/ ding bya dz+nyA na/ a ha ra ne/ pradz+nyA tsak+Shu thi sho d+ha ni/ shal wA pa na ni/ dring gi ud tA ra ni/ a yu ke/ a bi mu ke/ a sam pra sug ke/ a bi pra yA ke/ a gra ba di naranir de sha ba da tha na d+hA na~M/ a tI t+ya nA ga ti pra tud ben d+ha ni/ kri ta pa ri karma banA ta/ na ta ra nu ga te/ a sad gra me/ a grab ta bi sho d+ha ni/ ba dA pra b+he da dz+nyA na bi sho d+ha ni/ nir b+hA sa a bas bi sho d+ha ni/ sa man+ta da sha di sha bya ba lo ka bi rA ga ba da ni ra ha re/ pradz+nyA bi shud d+hi/ oM b+ha sa a pra me pra me ya ka ra Ni/ a ka la ba d+harma da ri sha na bi sho d+ha ni/ b+hu ta ra tha san der sha ni/ a nu bo d+hA ra tha bi sho d+ha ni/ swa ka ra tsid nA/ nu pra be she/ me ru ba ri sang s+thA ne/ ra shi ma pra ta pa ni sarba lo kA d+hi pa te ya dz+nyA na/ bi sho d+ha ni/ a pra ti ha ta a shang ga dz+nyA na dar sha ne/ bkod pa mtha' yas 'di dag ni gzungs kyi sgo'i phyag rgya rnam par sbyong ba'i tshig ste/ nam mkha' ltar ma chad/ kun tu ma chad/ nye bar ma chad pa'i tshig yin no// 'di la ni tshig kyang med tshig rnam par dag par ston pa'ang med do/ / bkod pa mtha' yas gsang sngags kyi tshig 'di dag ni rigs kyi bu gang dag theg pa chen po la zhugs te/ tshig 'di dag la spyod par 'gyur zhing chos zab mo don du gnyer ba byang chub mngon par rdzogs par 'tshang rgya bar 'dod pa/ sems can rnams kyi don byed par 'dod pa de dag la de bzhin gshegs pa'i byin gyi/ rlabs kyis bstan pa yin no// gsang sngags kyi tshig 'di dag ni mi ma yin pa dang / gnas gtsang ma'i ris kyi lha de dag kyang 'gugs par 'gyur zhing / lha'i bu gang dag bla na med pa yang dag par rdzogs pa'i byang chub kyi phyir zhugs pa de dag kyang 'gugs par 'gyur ba yin no/ / u pa sang hA re/ hrI shrI/ d+hI ti bi sho d+ha ni/ ka la l+yA Na ar tha nir de sha pra ti ba ti/ cing ta man bi dz+nyA na/ bi sho d+ha ni/ a d+yad ma b+ha ha ri d+hA/ pa ri sho d+ha ni/ ga ti smA ti ma ti/ a ha ra ni/ gan ta/ gan ta ba ti/ sa ra ba ti/ gsang sngags kyi tshig 'di dag ni/ gang dag ri'i rgyal po gangs can la gnas shing chos smra ba'i rigs kyi bu rnams la chos kyi snang ba nye bar sgrub par 'gyur ba de dag dbab pa yin te/ lha de dag ni de bzhin gshegs pas byin gyis brlabs pa yin no/ / ma ti bi go d+ha nI/ su yug tA d+hIr+yA/ a gra hi ta ba ta nir ha re/ a ko lA sa~M ni/ a bi ka lI sa ni ud thA na sam pan no/ bi ni ta sa ma da ba ne/ ma ta~M a gra nug te/ lha 'di dag ni ri'i rgyal po ti sa la gnas shing chos smra ba de dag la mig rnam par dag pa dang / rna ba rnam par dag pa dang / sna rnam par dag pa dang / lce rnam par dag pa dang lus yongs su dag pa'ang nye bar sgrub cing / dus dus su chos ston pa rnam par 'byed pa rnams la ngag gi las 'brel cing rgyun chags pa'ang ston par byed do// pra ta ba ba ti/ bai ro tsa na ba ti// bud d+ha ma ti/ ba su ma ti/ d+harma ma ti/ a sam pra mo sha pa ti/ o ba sa man da ri ba ti/ u ba sad ha ra nir de sha ba ti/ lha 'di dag ni shing sA la'i tshal na gnas pa dag ste/ swa/ la'i tshal ni nye bar rten cing / chos smra ba de dag la lus kyi las dang / ngag gi las dang / yid kyi las yongs su dag pa'ang nye bar sgrub par byed/ tshig dbyangs dang ldan pa dang / snyan cing 'jebs pa'i dbyangs dang / dga' bar byed pa'i dbyangs kyang nye bar sgrub par byed/ tshig snyan pa dang mi mthun pa med pa'ang nye bar sgrub par byed do// ni rA lam b+he/ a gra ka re/ k+She ma bi tsa ye/ nir b+ho sa b+ha na ti/ nir hA ra ba ti o dza ba tiM/ u pa nA mi te/ u pa sang hA ra ka ra ni/ a bi sha tha/ i ha d+hA ra Ni mu khe/ d+ha ra ma mu khe swA hA/ d+harma pa Da le/ bkod pa mtha' yas lha 'di dag ni ri'i rgyal po gangs can gyi lho phyogs kyi ngos la gnas shing / gang dag chos 'di la brtson par 'gyur ba'i chos smra ba de dag la gzi mdangs nye bar sgrub par byed do// d+hA ra ma kA ma/ g+hAr mtshan dI ka/ ka l+ya nar tha bi sar dza ni/ ko'u shal+yA nu ga te/ u pA ya sang gri hI ti/ bi niri mug te/ shan ta pa ta bi sa ra ni/ oM b+hA sa ya sha ba ti/ bkod pa mtha' yas lha 'di dag ni rgya mtsho chen po'i ngogs na gnas shing chos smra ba de dag la bsod nams nye bar sgrub par byed de/ de bzhin gshegs pa ni gang dag mdo 'di nyan pa de dag gi don du gsang sngags kyi brda 'di ston par mdzad do/ / gsang sngags 'di dag ni lha rnams kyi dbang po brgya byin 'gugs par 'gyur ba yin te/ de dag kyang gang zhe na/ ma khi pa ti/ ba su ma ti/ de ba rA dza sha tsa mi pa ti/ sarba a su rA NA na nir g+ha ta ni/ badz+re ya su pra tiSh+Thi ta/ pra ma ra da no/ bi ya a su ra nA nA/ de bA na d+ha ba ti/ ma sa dA pu ra skri to bi te de be hI/ sho bA se bA sa ba sad/ pu ran da ra/ ma hA ke tu tA po si/ a su sa ma dA/ d+hA dza gran ta ba pa sh+tsid tA/ bid trad si ta ma hA a su ren/ dra sa ba la bar ti b+hi ta/ trasta di sho di sha/ na man bud d+hA/ s+ya kI ri ti sh+tse/ nA ma go tran ma hA ya sha/ de ba pu rAsmi sad grA me/ bud d+ha shab d+ha/ a nud ta rang shrA ba si ti ba bi dza ya/ na ma bud d+ha bi b+hA shi sang gra mtshan das bi d+hA bud d+hA na me na bA hi ta/ bi dzi ye so ta te/ de ba a su rA sh+tsa bi nI/ ta bAn kri ta te/ rak+Sha de bA nA na/ ma nu sh+ya nAn/ rak+Sha sam bi da/ yang a hi/ rngarje ni rangen o ta ran ti/ su pr-i toSh+Tha tAM/ ni gr-i hI ti dra ya/ a su rA rA k+Sha kin ni rAn gA kum bAn ra/ b+hu tanI/ bi shA tsA dAn pA tathA/ a tsa lA stan prA bi ti sa/ in tra an ru swa ta/ ata gam b+hI ra shan tan tsa/ a gra pu ru sha se bi ta/ mud dra ban to sa daM ben tra/ bud d+hi mAn ta thA bi shud d+ha/ A b+he shi i hA su trasmi rak+Sha sam bid/ ta hi tsa/ sa ha sra ne tre su mu kha/ a ba sa re pa ri bA ra ta/ u pa bun dza swa ka ka ra ma pU ba he tu smi yad kri ta ma/ a ti pa sh+tsa a nu pra ba ta/ a tsa la su pra tiSh+Thi ta/ kri tad hi/ ku sha lang pur be/ ma nu sha shu ma ba ti/ pu rbang ga mo si d+d+he bA nAn pu tse na ti nA/ tsa ma nu shA/ bud d+hA s+ya krid tra/ sad kA rang pU dzA be sh+ya ti te/ ba hu/ ma hA/ tsa mA ne ba bi rang b+ha ga/ na ma ba sho b+ha te/ de bA la ya s+ya ma d+ha smi ya k+Sho yi ba ri pA ro/ pra lam ba hu ta ba ska bi shad a gra bA hi sA ti ma ti/ su ra ta ba hi/ sa ra ta thA pra b+hu skan d+ha/ a ni la tsa mA ra tsA ma hA b+hA gi ma hA skan d+ha/ ma hA he su pra tI ba ma hA ba lam/ e te/ yak+Sha ma hA te dza/ rak+Sha na ti b+ha ba nan ta ba/ ba hu nak+Sha pa ri bA ho/ ye nA sho b+ha si ba sa tsa ba su sarba ba su ta ma hA te dza ma hA ga Ni/ ma hA pra ha ra Nots+tsha ba a bi ni ra hA ha yA ta thai ba tsa/ su me ru mU ra ni ti ba bA sa ba sa ra ba/ de ba pu ra skri to/ sho b+ha ba na/ oM ba sam pra b+ha mun tsa si ti dzi sa/ 'di dag ni lha rnams kyi dbang po brgya byin/ dbab pa'i tshig yin te/ tshig de dag gis lha'i dbang po brgya byin 'gugs par 'gyur ro// de la 'di dag ni ma 'ongs pa'i dus na/ sems can gang dag byang chub la ya par zhugs te/ chos rnams yang dag par 'dzin cing / sems can rnams chos yang dag par bsdu ba la mkhas pa nye bar gnas par 'gyur ba'i gsang sngags kyi tshig yin no/ / lus ngan pa yi bu thu bo// gnod sbyin yang dag shes shes bya// khro med rtsol ba med gnas te// pha dang bcas te rtag tu ni// chos 'di dag la dga' ba gang / de la srung ba byed par 'gyur// rgyal po chen po yul 'khor srung // 'khor dang bcas pas rtag tu ni// legs par bshad pa mdo yi sde// 'di la srung ba byed par 'gyur// mig mi bzang zhes bya ba ni/ / rang gi 'khor bcas stobs dang ldan// tshul 'di la ni gang gnas pa// de dag thams cad srung bar 'gyur// de bzhin rgyal po 'phags skyes po// bzhon bcas stobs dang ldan pa ste/ / chos 'di dag la 'dod pa gang // de dag kun tu srung bar 'gyur// sa ni be sha ni ma hA sa ri/ ma hA ga ni/ ma hA dza ni/ pra b+hU ta bi dzi ye d+h+wa dzA gra u ba bA sa naM/ i nI le sa na/ tu sa ha/ nan ba nad shi da // tsad tA ra lo ka pA lA ni tusme rA dza na ud ts+ya tha/ A be sha na i ha sa man nA hA ratha/ pra dze ni gro hi/ sarba tsa tur dai sha bkod pa mtha' yas 'di ni rgyal po chen po bzhi 'khor dang bcas/ g.yog dang bcas/ bu dang bcas/ chung ma dang bcas/ rjes su 'brang bar bcas pa rnams dpab pa'i rigs yin no/ / shar gyi phyogs na gnas pa yi// srin mo rgyal mtshan tog dang ni// tog chen dang ni stobs chen mo// grags pa chen po gang yin pa// de dag kun tu 'bebs 'gyur zhing / / de dag thams cad 'khor bcas te// rtag tu chos kyi sgo 'di la// srung ba byed cing nye bar gnas// rab 'phyang rnam par 'tsher ba dang // don grub ma dang 'phrog ma'i blo// de dag thams cad nye bar ni/ / lho yi phyogs na gnas pa yin// de dag yang dag 'dir babs nas// gzi mdangs nye bar sgrub byed cing // srung ba'i mchog kyang byed 'gyur bar// thams cad gzigs pas nges par bstan/ / srin mo la ba can dang ni// sdom pa dang ni sgra sgrogs dang // 'dres pa grags dang ldan pa gang // nub kyi phyogs na gnas pa ste// de dag lhan cig kun babs nas/ / chos 'di don shes gang yin pa// de la chos bstan bya ba'i phyir// rtag tu srung ba byed par 'gyur// sgo de la ni ma dad dang // de bzhin bden dang bden min ldan// srin mo grags chen de dag ni/ / byang gi phyogs na gnas pa ste// de rnams yang dag 'dir babs nas// de bzhin gshegs pa'i gzi brjid kyis// mi mchog bsrung ba bya ba'i phyir// thams cad thal mo sbar te 'khod/ bkod pa mtha' yas de la bdud sdig can tshar gcod pa'i tshig dang / tshangs pa dbab pa'i tshig gang yin pa de dag bstan par byas/ legs par rab tu nyon la yid la zung zhig/ mai tre mi tra ba te/ kU ru ne/ kA ru NA kha ti/ bi bud d+hi/ bi bud d+ha ba ti/ bra mo tsa ni/ bra mo tsan pa ti/ kri ta kri ta ba ti/ a nu ga me/ a nu ga ma pa ti/ u pA tats+tshe da ni/ kA ma bi brdza ni trish+na sa mud sho sha Ni/ ni gri ni hA ti mA ra ba lang / u ta ra na pa ti/ pra t+yud ta ra Na ba ti/ u bak+Sha nu sa hi te/ a ram ba na bi sho d+ha ni/ ni dar sha na/ a sa mo ha ni/ ni smra pan tsa pa ni/ bkod pa mtha' yas 'di dag ni bdud sdig can tshar gcad pa'i tshig yin te/ de dag gis bdud sdig can dpung dang bcas shing bzhon par bcas pas glags rnyed par mi 'gyur ro/ / de la tshangs pa chen po dbab pa'i tshig gang zhe na/ a thi pa ti/ ma hA s+thAn pati/ swa ya kri ta s+thA na mi ti/ nan/ ba ha bi bi d+ha pra t+yA pa/ s+thA na ka ra na/ a d+hi ka s+thA na pa ti/ shud d+has+thA na ga to sa ha ma ba ti/ a ti kra na ta bi sho Sha Na/ shu b+ha ba ri/ pa ra shu b+h+r-i d+hi mug ta/ pra ba ta/ shrI ta ni ba sa na/ pra b+hu ta pra ba ni/ gra he ta/ kA ma ma sr-i sti/ kA ma ma pra t+yA be s+thA na/ 'di dag ni tshangs pa chen po dbab pa'i tshig yin te/ dbab pa'i tshig 'di dag gis tshangs pa chen po chos smra ba de dag la tshig dang yi ge yongs su dag pa dang / tshangs par spyod pa shin tu mnyam par gzhag pa yongs su rdzogs pa nye bar sgrub par byed do// bi sho d+ha na pa ti/ an ti ma k+Sha ru NI kA ma/ b+ha ba/ u sA ta ni/ ba ra ni ra mi tA ni/ bar+yan ta pra t+yA pa s+thA na/ bar+ya ba sA na/ a la sa bi sho d+ha ni/ a dz+nyA bar+yan/ te ka ra Ni/ an ti ma de sha pra t+yA stan/ bkod pa mtha' yas 'di dag ni gnas gtsang ma pa'i ris kyi lha rnams kyi chos snang ba'i tshig yin te/ chos snang ba'i tshig de dag gis rigs kyi bu de dag la chos kyi gzhi 'di nye bar sgrisgrub par 'gyur ro/ / bkod pa mtha' yas de la lha'i dbang po dang / klu'i dbang po dang / lha ma yin gyi dbang po dang / mi 'am ci'i dbang po dang / nam mkha' lding gi dbang po dang / sems can gang dag mthu che ba 'am/ mthu chung ba'ang rung / dad pa 'am/ ma dad pa'ang rung ste/ de dag gis gsang sngags kyi tshig nye bar bsgrub par bya'o// de nas sems can dad pa can rnams ni chos bstan pa 'di la mchog tu 'jug par 'gyur la/ sems can ma dad pa de dag kyang cang mi smra ba dang / btang snyoms su 'jog par 'gyur gyi/ rtsod pa dang 'gyed par yang mi 'gyur la/ chos kyi sgo 'di tha ma la bar 'jog gi/ gnod par bya ba dang / nye bar gnod par bya ba dang / tshar gcod pa'i phyir 'ong bar yang mi 'gyur ro// de la dad cing dang ba rnam dbab pa'i tshig gang zhe na/ gu ru da re/ a tsa le/ swa ti nir hA ra ko bi ti/ nir dza na pra ti bi lo ye te/ tsid ta san tsa ni tsing ta/ pa ra ba ga ke/ tsi ta sam pra sa dA ni/ ma na s+ya ha rig kar NI/ bidz+nyA na s+ya a nuswa sti/ a nu d+har mon pak+ShaNe/ he t+ya sa nad rig ni/ tar+tha ak+Sha pa ta niri de sha sho thai ba/ ya thA ga ta ya thA nu kU la sa ma/ u pa ma nir de sha sha d+ha ta/ dang tra kA le na tsa kar ta ba byA/ sam pra sa da nar tha to sa ma/ yang thA nu ku lan tsa mu kha/ u pa sang swa ra lo ni sha/ A kA sha/ s+yai bi shud d+hi sa/ ya tha sha d+ha ti lak+Sha sha nA la k+Shi Ni/ lak+Sha na pa ti lak+Sha Ni bi sho da ni/ pra ti be d+ha ra tha san dad rig ni ku sha la b+ho tha sar be ha praH tsa ye/ sa mo sa ra ni/ kr-i tA nu rak+Shi/ sad d+hAr the/ sad tA nAn su thi sho d+hi ti/ bkod pa mtha' yas 'di dag ni ngang pa rnams dbab pa nye bar sgrub pa'i tshi ga yin te/ 'di dag gis chos smra ba de dag la 'di las ji ltar bstan pa bzhin dge ba'i rtsa ba don dang ldan pa nye bar sgrub par byed par 'gyur ro/ / de la ma dad pa rnams tshar gcad pa'i tshig gang zhe na kA me k+Sha ma ba ti/ mai tri pa ri kar ma/ pra t+yu ba s+thA ne/ kA ru na pra ti le b+ha hi te nu ka ma pa sa na/ dza na ni/ sang gra ha bstu hi ta/ bstu san da ri sha ni/ ba ri bar+d+ha ni bar dza na~M/ bA ba ming tra/ se ba ni/ na ta Sh+Tha ti / s+thA ta ba bya/ yad tra ba gr-i ha ba ra ti ti/ sarba gran tha/ prad la ti/ u btsA ra san da ri sha ni/ ni shra ya~M bi go d+ha ni/ ad mA nu ga ma/ pa ra u pa sang ha ra Ni/ nir min ni a nu rak+Sha pra t+yu ba s+thA ne/ bkod pa mtha' yas 'di dag ni sems can ma dad cing ma dang ba rnams tshar gcad pa'i tshig yin te/ des na de dag nyes pa mthong bar 'gyur/ bkod pa mtha' yas chos dge ba la'ang phyir rgol ba mang ba yin na/ chos 'dul ba bla na med pa nyes pa thams cad 'joms par 'gyur ba/ rtsod pa'i mdud pa thams cad spong bar 'gyur ba 'di la lta smos kyang ci dgos/ bkod pa mtha' yas sems can ma dad cing ma dang ba de dag klan ka btsal ba'i bsam pa dang / gnod sems kyi bsam pa mang po dang / rnam par mtho ba tsam pa'i bsam pas nga'i drung du nye bar 'ong ba la ltos/ de bzhin gshegs pa ni de dag gi sems kyi spyod pa dang g.yo ba mkhyen nas ci nas kyang dge ba'i rtsa ba dang ldan zhing rnam par rtog pa spong ba dang / dge ba'i rtsa ba'i rgyu'ang yongs su 'dzin par 'gyur ba de lta bu'i chos kyi sgo dag gis yang dag par skul bar mdzad do// bkod pa mtha' yas de bzhin gshegs pas ni/ sems can thams cad kyi sems kyi spyod pa'ang rab tu mkhyen la/ sems yang dag par bsdu ba'ang rab tu mkhyen to// bkod pa mtha' yas de bzhin gshegs pa ni sangs rgyas kyi chos ma 'dres pa bco brgyad la gnas pa yin no// bco brgyad po gang dag la gnas zhe na/ bkod pa mtha' yas de bzhin gshegs pa gang gi nub mo bla na med pa yang dag par rdzogs pa'i byang chub mngon par rdzogs par sangs rgyas nas/ len pa ma lus pa'i mya ngan las 'das pa'i dbyings su yongs su mya ngan las 'da' bar 'gyur ba de'i bar du/ de bzhin gshegs pa la 'khrul pa mi mnga' 'o// ca co mi mnga' 'o// bsnyel ba mi mnga' 'o// so sor ma brtags pa'i 'gog pa mi mnga' 'o// 'du shes tha dad pa mi mnga' 'o// sems mnyam par ma gzhag pa mi mnga'a'o// brtson 'grus nyams pa mi mnga'a'o// dran pa nyams pa mi mnga' 'o// 'dun pa nyams pa mi mnga' 'o// ting nge 'dzin nyams pa mi mnga' 'o// shes rab nyams pa mi mnga' 'o// rnam par grol ba nyams pa mi mnga' 'o// rnam par grol ba'i ye shes mthong ba nyams pa mi mnga'a'o// de bzhin gshegs pa'i sku'i 'phrin las thams cad ye shes mngon du 'gro zhing / ye shes kyi rjes su 'brang ba yin/ de bzhin gshegs pa'i gsung gi 'phrin las thams cad ye shes sngon du 'gro zhing ye shes kyi rjes su 'brang ba yin/ de bzhin gshegs pa'i thugs kyi 'phrin las thams cad ye shes sngon du 'gro zhing / ye shes kyi rjes su 'brang ba yin/ de bzhin gshegs pa ni 'das pa'i dus la ma chags ma thogs pa'i ye shes mthong ba 'jug pa yin/ de bzhin gshegs pa ni ma 'ongs pa'i dus la ma chags ma thogs pa'i ye shes mthong ba 'jug pa yin/ de bzhin gshegs pa ni da ltar byung ba'i dus la ma chags ma thogs pa'i ye shes mthong ba 'jug pa yin te/ de bzhin gshegs pa ni sangs rgyas kyi chos ma 'dres pa bco brgyad po de dag dang ldan pa yin bkod pa mtha' yas de bzhin gshegs pa ye shes mthong ba'i stobs tshad med pa dang ldan pas/ sems can ma dang ba rnams dang bar bya ba dang / sems can dang ba rnams chos 'dul ba 'di la ye shes rnam par dag pa thob par bya ba'i phyir/ gzungs kyi sgo rnam par sbyong ba'i chos rim par phye ba ston pa brjod par mdzad do// bkod pa mtha' yas de bzhin gshegs pa bzhed na gzungs kyi sgo'i chos rim par phye ba/ tshig tu brjod pa/ tshad med pa ston par mdzad de/ de bzhin gshegs pas tshad med pa bstan kyang / gzungs kyi sgo bstan pa'i chos the tsom thams cad gcod par byed pa 'di'i brgya'i cha nas/ bye ba phrag brgya stong gi cha dang / grangs dang / dpe dang / matsam yang nye bar bstan par mi 'gyur ro// de ci'i phyir zhe na/ chos kyi sgo 'di ni sgra tshad med pa yin/ sgro bsam gyis mi khyab pa yin te/ sgo 'dis thams cad mkhyen pa'i ye shes thob par 'gyur ro// bkod pa mtha' yas de'i phyir de bzhin gshegs pas ci nas kyang // khyed kyis chos kyi sgo tshad med cing mtha' yas pa 'di kun shes par 'gyur zhing / gzungs thob par bya ba'i phyir/ chos kyi sgo 'di rnam grangs du mas khyed la ston par mdzad do// Ar+ye/ Ar+ya ba ti/ Ar+yA nu ga te/ ni tha ne/ ni thAn pa ti/ bar to ba ra me/ bar to btsed na ka ra ni/ A kA sha bi sho d+ha ni/ a nu k+She ba ni/ a bi ga ta pa ra me/ a nu ba ga ti ni/ nir ba na pa tha bi sho d+ha ni/ bya ba ni k+Shi pa ti/ a nud pA da bi ro d+ha pa ra me/ sarba dz+nyA nir bA Na/ san d+ha ri sha ni/ bkod pa mtha' yas 'di dag ni gzungs kyi sgo mngon par sgrub pa ston pa'i chos rim par phye ba 'dir/ gzungs kyi sgo phyag rgya rnam par sbyong ba'i tshig gi rnam grangs bstan pa yin te/ tshig 'di dag kun bzung bas byang chub sems dpa' tshegs chung ngus tshig rab tu dbye ba shes pa mkhas pa'ang rtogs par 'gyur/ snying rje chen po dang yang nye bar 'gyur/ don gyi rjes su song ba'i blos chos thams cad nges par 'byed pa'i shes rab kyang rtogs par 'gyur ro/ / bkod pa mtha' yas tshig 'di dag ni sman chen po yin te/ ma rig pa dang mi shes pa'i nad kyi mun pa mun gnag smag tu gyur pa rnams nye bar zhi bar byed cing / rig pa dang mthun pa'i chos rnams yongs su rdzogs par byed par 'gyur ba yin/ sngon gyi gnas rjes su dran pa mngon du bya ba dang mthun pa'i chos shes pa la mkhas pa yongs su rdzogs par byed pa yin/ lha'i mig mngon par sgrub pa rig pa dang mthun pa'i chos shes pa thob par byed pa yin/ zag bzad pa shes pa mngon du bya ba rig pa dang mthun pa phung po thams cad nges par spong bar byed pa yin/ bslab pa thams cad kyi pha rol tu phyin pa dang / ye shes mthong ba bla na med pa dang / thams cad mkhyen pa'i ye shes mthong ba dang / thams cad mkhyen pa'i ye shes kyis thob par byed pa'ang yin no// bkod pa mtha' yas de bzhin gshegs pa'i chos bstan pa rgya chen po ji tsam du thabs la mkhas pa thams cad yongs su rdzogs par 'gyur ba la ltos/ bkod pa mtha' yas de bzhin gshegs pa ni ye shes chen po dang ldan zhing / thams cad mkhyen pa'i ye shes dang / stobs dang / mi 'jig pa la shin tu gnas te/ chos rin po che'i mdzod bla na med pa bskal pa bye ba 'bum phrag du mar dge ba'i rtsa bas yang dag par bsgrubs pa 'di nges par bstan cing rab tu phye ba'o/ / de'i phyir de bzhin gshegs pas khyed la sogs pa sangs rgyas kyi chos la yongs su smin par bya/ ba dang / chos kyi tshul mngon par sgrub pa la mkhas par bya ba'i phyir chos kyi sgo 'di la 'jug ste/ gzungs kyi sgo rnam par sbyong ba'i chos rim par phye ba bstan pa 'di byin gyis rlob par mdzad do// bkod pa mtha' yas rigs kyi bu 'am / rigs kyi bu mo byang chub den du gnyer ba/ de'i rjes su slob par 'dod pa/ nga'i ches rlos rjesu slob par 'dod pa/ de bzhin gshegs pa rnam kyi chos kyi gter tshad med pa kun gzung bar 'dod pa rnams kyis chos bstan pa 'di la mngon par brtson par bya'o/ / bkod pa mtha' yas 'di la 'dun pa dang / brtson 'grus dang / bag sod pa'i tshul can khams gsum pa thams cad la mi lta ba/ thams cad mkhyen pa'i ye shes kyi sems yid la byed pas legs par byin gyis brlabs pa/ gzug/ la dmigs pa rnam par dag pa la mkhas par brtson pa/ tshor ba dang / 'du shes dang / 'du byed dang / rnam par shes pa la dmigs pa rnam par dag pa la mkhas par brtson pa/ bden pa'i tshig rnam par sgrub pa rnam par dag pa la mkhas par brtson pa rnams kyis chos thams cad la rnam par dag pa'i ye shes 'dod par bya'o// nang rnam par dag pa'i phyir chos thams cad rnam par dag pa'o/ / nang dben pa'i phyir chos thams cad dben pa'o// nang nye bar zhi ba'i phyir chos thams cad nye bar zhi ba'o// nang nye bar len pa med pa'i phyir chos thams cad nye bar len pa med ba'o/ / nang spong ba'i phyir chos thams cad spong ba'o// nang 'gog pa'i phyir chos thams cad 'gog pa'o// nang 'du byed pa med pas chos thams cad 'du byed pa med pa'o// bkod pa mtha' yas byang chub sems dpa'i sgo 'di dag ni/ nang rnam par dag par byed par 'gyur ba yin no// phyi rol rang bzhin gyis rnam par mi rtog pa'i phyir gang du'ang rlom par mi byed pas/ gzungs kyi sgra yongs su dag pa'ang kun 'dzin par 'gyur/ nga rgyal med pa'ang thob par 'gyur/ rjes su 'chags pa dang khong khro ba'ang spong bar 'gyur/ de bzhin gshegs pa rnams kyis kyang bsngags par 'gyur/ sems can thams cad kyi mchog tu'ang 'gyur/ dbang bla na med pa'ang byed par 'gyur/ ye shes chags pa med pa bstan pa la'ang dga' zhing spobs pa thob par 'gyur sngon gyi mtha' dang phyi ma'i mtha' rnam par dag pa shes pa'ang kun 'dzin par 'gyur/ dbus nye bar zhi ba'ang rjes su dran par 'gyur/ mi skye ba'i chos la bzod pa thob pa la brten nas smon lam gyi khyad par yang rtogs par 'gyur/ smon lam yongs su dag pa'ang thob par 'gyur/ chos thams cad shes pa la mkhas pa thun mong ma yin pa'ang kun 'dzin par 'gyur/ tshig btsun zhing chos kyi char chen po'ang 'bebs par 'gyur ro/ / bkod pa mtha' yas byang chub sems dpas smon lam gyi khyad par thob nas/ mi skye ba'i chos la bzod pa'ang thob par 'gyur zhing / chos thams cad rnam par dag pa'ang kun tu 'dzin par 'gyur la/ 'di ltar chos thams cad skye ba med cing 'jig pa med do zhes bya bar shes pa'ang mngon par sgrub par 'gyur/ 'di ltar chos 'di dag thams cad ni ma byung ba las byung ba/ byung nas kyang yongs su grub par mi 'gyur gyi/ yongs su ma grub pa kho nar 'bral bar 'gyur bas/ bral ba'i chos su yang dag par 'du zhing bral ba'i sgo can no zhes bya bar chos shes pa'ang thob par 'gyur/ bral ba ni mi skye ba'i mtshan nyid du yang dag par 'du'o// chos thams cad mi skye ba'i mtshan nyid gang yin pa de ni 'gog pa'i mtshan nyid dang / 'dod chags dang bral ba'i mtshan nyid de/ de ltar mngon par grub pa ni mngon par zhen par yang mi byed/ spros par yang mi byed do// bkod pa mtha' yas 'di ni byang chub sems dpa' rnams kyi chos mi skye ba shes pa'i sgo la mkhas pa yongs su rtogs pa'i gzungs kyi sgor 'jug pa yin te/ des na myur du mi skye ba'i chos la bzod pa'ang thob par 'gyur/ spobs pa phun sum tshogs pa'ang kun 'dren par 'gyur ro// de nas bcom ldan 'das kyis chos kyi sgo sgrub pa 'di yang dag par brjod pa'i phyir/ tshigs su bcad pa 'di dag gsungs so// ma byung ba las chos byung ste// byung nas so sor bral bar 'gyur// byung nas bral ba'i don yin na// 'di la gang zhig 'dzin par 'gyur/ / chos kun dngos po med pa ste// nyon mongs med cing len pa med// gang la chos kyang mi rnyed pa// de dag ji ltar kun tu 'dzin// chos kun ngo ba nyid kyis ni// thob pa med ces rlom pa gang / / de dag mtshan ma spyod pa ste// gzungs 'di thob par mi 'gyur ro// de yi phyir na chos rnams kun// nam mkha' lta bur rab tu gsal// nam mkha' dag ni rab gsal ba/ / de dag gnyis ka yod ma yin// chos 'di thams cad yod min zhing // med pa dang yang bral ba yin// gang gis de ltar chos shes pa// de dag la ni gzungs skye'o// gang zhig mtha' med rjes rtogs shing // dbus su'ang rlom par mi byed pa// de dag rlom sems bral ba ste// chos rnams thams cad med par bshad// gang la snying po mo rnyed pa/ de la snying po yod min na// chos rnams thams cad ji lta bur// yang dag tshul gyis kun tu 'dzin// de ltar chos rnams rang bzhin gyis// nyon mongs med par shes pa gang // de dag rnams la mdor na 'dir// rnam par dag pa'i gzungs su 'gyur// gang zhig chos kun mkha' 'dra zhing // rtag tu bar snang lta bur yang // shes rab kyis ni nges rtogs pa/ / de la gzungs kun skye bar 'gyur// chos rnams thams cad ma skyes shing // ma byung nyon mongs med pa yin// nyon mongs med cing len pa med// 'dir ni ji ltar kun tu 'dzin/ / chos kun ngo bo nyid kyis ni// spros pa med cing mtshan nyid med// chos kun mtshan nyid bral bas na// nyon mongs med par bshad pa yin// gang gis de ltar chos shes shing / / gang du'ang rlom par mi byed pa// de yi chos kun tshul bzhin du// kun tu 'dzin par 'gyur ba yin// gang gis chos kun rang bzhin gyis// med de yod pa ma yin dang // yod pa ma yin don rtogs pa// de la gzungs ni nye bar skyes// dpa' bo gang zhig de lta bur// so sor rtogs pa de la ni// chos rnams kun gyis mi gos shing // stong par mi rlom chos kun 'dzin/ / gang zhig mi rtag don nyid dang // med don sdug bsngal nyid don du// 'dod chags bral bar rnam shes pa// de la shes rab ye shes 'phel/ / blo gros brtan pa gang zhig gis// len med mya ngan 'das don dus// chos kyi tshul bzhin 'dun byed cing // mi rtog rnam par mi rtog pa// des ni snying po med pa'i chos/ / nyon mongs med cing len pa med// dben zhing stong la lta dka' ba// thams cad kun tu 'dzin par 'gyur// gang gis chos su brjod shes shing // brjod pa la yang mi rlom la/ kun tu 'dzin pas len med pa// rlom sems med pa'i tshul 'di yin// gang gis mtshan ma rnam bshig nas// mtshan ma med par rab shes shing // chos rnams kun gyis spong ba yi// 'du shes 'phel bar mi 'gyur ba// des ni rdzogs pa'i sangs rgyas kyis// bshad pa'i don de'i rnam shes shing // dgongs te bstan la shes pa yang // mnyam pa rjes su rtogs par 'gyur/ / gang gis chos kun tshad med par// tshul bzhin du ni nges rtogs pa// de yis tshul 'di tshad dag dang // bral zhing mnyam par rtogs par 'gyur// gang gis chos rnams ming med cing / / mtshan ma med par yongs rtogs pa// de 'dir bzod pa 'phel 'gyur zhing // don 'di'ang rnam par shes par 'gyur// tshul bzhin du ni smon lam gyi// khyad par yongs su rnam rtog cing / / smon pa yi ni ngo bo dang // 'gal bar 'gyur ba ma yin no// bstan pa de ni don gyi lugs// 'di la tshul bzhin yongs rtog kyang // de la chos rnams thams cad kyis// tshul bzhin dogs par mi 'gyur ro// gang gis shes rab chos kun gyis// rnam pa nges par rtog 'gyur zhing // gang zhig rnam pa med pa la// 'jug pa med par rnam shes pa// des ni bstan pa 'di yi tshul/ / bye brag shes shing rab tu gnas// sangs rgyas kyis ni chos rnams dang // mi 'jigs myur du thob par 'gyur// gang zhig chos la spros med cing // mnyam par yang ni mi rtog pa/ / de yis chos kun sbyor shes nas// 'dod chags bral ba rmongs mi 'gyur// gang dag 'gog dang zhi ba'i don// phung po zad par mi rlom pa// de dag gis ni tshul bzhin du/ / mnyam pa'i chos 'di thob por 'gyur// byams pa dang ni snying rje dag/ sgom par byed la rab gnas shing // sems can kun la phan brtson gang // de dag bla med rtogs par 'gyur/ / sems can 'du shes rnam bral zhing // sems can med pa'i chos shes gang // de yis chos rnams spros med pa'i// tshul bzhin don la spros mi byed// gang gis chos 'di thos gyur nas/ / dang ba myur du thob 'gyur ba// des ni byams pa rkang gnyis mchog/ rdzogs pa'i sangs rgyas mthong bar 'gyur// gang dag 'di dang phrad gyur cing // bzang pos chos 'di thos nas ni/ / dga' bar byed pa de dag gis// nga yang kun tu mnyes par byas// gang dag de bzhin gshegs pa la// dad pa mi phyed thob 'gyur/ ba'i// bzang po 'di dag chos 'di rnams// thos nas dga' ba byed par 'gyur// gang dag bskal pa bzang po yi// rgyal ba lta bar 'dod de dag/ tshul 'di la ni legs bslab na// rgyal ba de dag mnyes par 'gyur// tshe dpag med dang gzi brjid che// mi 'khrug pa dang grags chen dag/ blta bar 'dod pa gang yin des// tshul 'di la ni bslab par gyis// byang chub dam pa blta dka' zhing // zhi ba kun tu mnyes byed dang // 'khor los sgyur ba thob 'dod pa// des ni tshul 'di bslab par gyis// gzud kyi tshul ni bla med la// yang dag mkhas par 'dod na yang / / chos 'di la ni legs bslabs nas// rtag tu bag dang ldan par gyis// smon lam dam pa'ang rgya che zhing // gtso bo rtag tu 'thob 'gyur nas// byang chub rtogs par 'dod na yang / / chos 'di dag la bslab par gyis// mdo 'di las ni nges smras pa// phyag rgya bla na med pa ste// chos kun rjod par byed pa yi// gzungs su bshad pa'ang 'di yin no/ / chos rnams thams cad gzungs 'di yi// nang du 'dus par rab tu bshad// 'di dag nam mkha'i sgo can te// mtha' yas don du legs par nges// chos 'di dag las sgo bstan pa/ / sgo ni legs par brjod pa yin// mkhas pa kun tu gzung ba'i phyir// gzungs ni nye bar skye bar 'gyur// shes rab nges par bstan pa 'di// chos kun 'dzin par byed pa ste/ / mkhas pa kun tu gzung ba'i phyir// shes rab nye bar gzung bar bya// rnam grangs 'dir ni bstan pa dag/ sangs rgyas chos shes yang dag bya// byang chub yan lag bla na med// don gyis yang dag brjod pa yin// shes rab dbye ba mkhas pa yang // 'di las yang dag bstan pa yin// byang chub phyogs dang mthun pa'i chos// bla med 'di la bslab par gyis// bla med tshul la mkhas pa yang // chos 'di la ni nges par bstan// thabs shes pa la brten nas ni// chos 'di rab tu bstan par gyis// chos rnams kyi ni rang bzhin 'di// nye bar bstan pa bla na med// 'di las bslabs na bdud rtsi yi// don 'di yang ni bshad par gyis// mkhas pa gang zhig sangs rgyas kyi// ye shes chags pa med 'dod pa/ / de dag don 'di la bslabs nas// ye shes bla med thob par 'gyur// ngas kyang sngon chad chos 'di la// bskal pa bye ba tshad med cing // grangs med dag tu bslabs nas ni/ / tshul 'di zhi bar gyur pa yin// ngas ni sngon chad sangs rgyas dag/ stong phrag mang po mnyes par byas// de phyir bla na med pa'i chos// 'di kun mkhyen cing gzigs pa yin/ / ngas ni khyod dang sems can gyi// tshad gzung med cing mtha' yas pa'i// don chen byas te de las ni// gzungs 'di thob par gyur pa yin/ / mkhas pa gang zhig gzungs kyi sgo'o// phyag rgya 'di las tshig gcig cig/ rnam par bsgoms na'ang tshul 'di la// rab tu 'jig par 'gyur ba yin// nga yi ye shes tshad med cing / / mtha' yas bla na med pa ste// nga yi ye shes phung po des// chos 'di rab tu bshad par mdzad// shes rab ldan pa gang zhig ni// byang chub ched du rtogs 'dod pa/ / 'jigs med de yis don tshul 'dir// yang dag nyid du brtson par gyis// mkhas pa gang zhig shes rab kyi// snang ba mang po 'dod pa des// sangs rgyas / bsnyen bkur rab byas nas// tshul 'di dag la bslab par gyis// chos kyi 'khor lo bskor ba dang // chos dung 'bud par 'dod pa gang // shes rab ldan pa de yis ni// bstan pa 'di la bsgrub par gyis/ / mi gang 'od zer mthar yas pa// 'gye bar 'dod cing sangs rgyas kyi// chos don gnyer ba gang yin des// 'di la tshul bzhin bslab par gyis/ dam pa gang zhig lhar bcas pa'i// 'jig rten zil gnon 'dod pa des// chos kun rnam par nges pa yi// mdo 'di la ni bslab par gyis// nga yi ye shes gzhal du med/ ye shes rtsom pa'ang tshad med de// sangs rgyas ye shes 'dod pa gang // de yis 'di la rjes su slobs// sangs rgyas ye shes spros med cing // ye shes dam par gyur pa'i tshul/ / thams cad rab tu ston 'dod gang // de yis don 'di bslab par gyis// gang zhig ye shes chags med pa// ston pa rab tu 'chad 'dod pa// de dag gis ni chos 'di la/ bslabs nas bdud rtsi bstan par gyis// gang zhig gis ni 'jig rten khams// bye brag tshad med mtha' yas pa// snang bar byed par 'dod pa des// bstan pa 'di la yang dag slobs/ / sgo ni bla na med pa ste// chos kun rnam par sbyong ba yin// mdo 'di las ni chos kun gyi// rnam par dag pa rab tu bstan// kun mkhyen rkang gnyis mchog gis ni// bla na med pa'i mdo 'di las/ / shin tu rgyas pa 'dir bshad pa// byang chub sems dpa' rnams la bstan// bkod pa mtha' yas de lta bas na/ byang chub sems dpa' rnams kyis sems can rnams la phan gdags pa'i ched du/ chos 'di yongs su gzung ba dang / yun ring du gnas par bya ba'i phyir/ chos kyi tshul 'di la dad pa bskyed de/ chos 'di yang dag par bsdus nas glegs bam la bris te gzhag par bya'o/ / bkod pa mtha' yas gang dag ma 'ongs pa'i dus na chos 'di thos nas dga' ba dang / rab tu dga' ba dang ldan pa'i sems kyis/ de bzhin gshegs pa yid la byed par 'gyur ba de dag gis ni/ de bzhin gshegs pa rnams kyi chos kyi gter mtha' yas pa 'di'ang thob par 'gyur la/ spobs pa phun sum tshogs pa'ang 'dzin par 'gyur/ myur du chos thams cad la dbang sgyur ba'ang thob par 'gyur/ sangs rgyas kyi zhing phun sum tshogs pa dang / nyan thos phun sum tshogs pa dang / byang chub sems dpa' phun sum tshogs pa bsam gyis mi khyab pa'ang 'dzin par 'gyur ro// bkod pa mtha' yas chos thams cad spros pa med pa la gnas pa'i byang chub sems dpa' rnams la/ gzungs kyi sgo rnam par sbyong bar byed pa'i chos 'di mngon du 'gyur zhing / yon tan gyi khyad par tshad med pa bsam gyis mi khyab pa gzhan yang yongs su 'dzin par 'gyur te/ bkod pa mtha' yas 'di ni gzungs kyi sgo bstan pa'i chos kyi rnam grangs 'di la chos rim par phye ba gsum pa yin no// bkod pa mtha' yas de lta bas na nga'i rjes su slob par 'dod pa'i byang chub sems dpa' phyi ma'i dus na dge ba'i bshes gnyen gyi rjes su 'brang ba dang / mi dge ba'i grogs po yongs su spang ba dang / chos 'di dag kun bsrung bar gnas pa dang / lus dang srog kyang yongs su btang ste/ gzungs kyi phyag rgya 'di yang dag par gzung bar bya'o// bkod pa mtha' yas dper na ston zla 'bring po'i zla banyam dkyil 'khor skar ma rnams kyis yongs su bskor ba ni shin tu lham me/ lhang nger 'dug go// de bzhin du gzungs kyi phyag rgya bstan pa rim par phye bas yang dag par bsdus pa 'di'ang / mdo/ sde thams cad kyi khongs su gtogs shing / snying por gyur la mdzes shing brjid pa yin no// 'di dag thams cad ni gus pa chen pos spobs pa mtha' yas pa la nges par 'byung ba yin pas// 'di la bag yod pa'i sa 'dod par bya'o// bag yod pa'i sa ji lta bu zhe na/ chos 'di dag la sems kyi las tshul bzhin du yongs su rtog pa'i yid la byed pas nges par sems pa dang / ji lta ba bzhin du rab tu rtogs pa'i bzod pa yongs su dag pa la rlom sems med pa yin no// byang chub sems dpa' bag yod pa'i sa la slob par 'dod pa chos la mkhas par mngon par brtson pas/ chos 'di yun ring du gnas par bya ba'i phyir gus pa dang bcas/ zhe sa dang bcas par bya ste/ glegs bam bris nas/ byang chub la yang dag par zhugs pa don du gnyer zhing / 'dun pa rnams la rab tu bstan par bya/ kun tu bgo bar bya zhing lung 'bog pa dang / kha ton bya ba dang / yi ger 'bri ba dang / don nges par bstan pa'i bar du'ang chos yang dag par bgro ba la bcab pa med par/ chos kyi sgo ji ltar kun tu bzung ba bzhin mi mkhyud par bya'o// khyed sems can thams cad sangs rgyas kyi chos bla na med pa 'di dag thob par 'dod na/ sems can thams cad sangs rgyas kyi chos 'di dag dang mi 'bral bar bya'o// de ltar zhugs pa'i byang chub sems dpas ni/ chos gang sgrub par mi 'gyur ba dang / don gang rtogs par mi 'gyur ba de cung zad kyang med de/ chos kyi sgo gang 'dir ma brjod pa de ni 'ga' yang med kyis/ bkod pa mtha' yas sems can thams cad la phan pa dang bde bar bya ba'i phyir/ gzungs kyi sgo rnam par sbyong ba'i chos rim par phye ba 'di zung zhig/ de nas bcom ldan 'das kyis/ tshe dang ldan pa kun dga' bo la 'di skad ces bka' stsal to// kun dga' bo chos kyi sgo'i le'u 'di zung zhig/ gsol pa/ bcom ldan 'das de bzhin gshegs pa'i mthus 'di bdag gis bzung lags te/ bcom ldan 'das chos kyi sgo 'di dang ldan pa ni chos kyi sgo tshad med pa mngon du 'gyur ba lags so// bcom ldan 'das kyis bka' stsal pa/ dga' bo de de bzhin te/ de bzhin gshegs pa'i mthus chos kyi sgo 'di la dad pa dang / chos kyi sgo 'di kun 'dzin pa dang / bsnyen bkur byed pa rnams la chos kyi sgo mang po mngon du 'gyur ro/ / kun dga' bo de'i phyir/ khyod kyis chos kyi sgo de bzhin gshegs pa rnams kyi chos mang po'i mdzod 'di kun tu zung zhig/ kun dga' bo chos kyi sgo 'di bstan pa 'di'i nang nas byang chub sems dpa' dpag tu med pa dag chos kyi snang ba chen po la gnas par 'gyur te/ chos kyi snang ba des sangs rgyas stong phrag mang po rnams kyi chos bstan pa'ang mngon du 'gyur/ thams cad mkhyen pa'i ye shes dang yang nye bar 'gyur/ smon lam gyi rgyun ji lta bu 'dod pa'ang de bzhin du 'grub par 'gyur ro// kun dga' bo de bzhin gshegs pas chos kyi rnams kyi rang bzhin zab mo mtshan ma med pa dang / ming dang mtshan mar brjod pas ston par mdzad pa la ltos/ chos kyi rang bzhin brjod cing lta ba rnam par dag pa sbyong bar mdzad kyang / 'di la cung zad kyang ston pa med de/ ston par byed pa'ang 'ga' yang med do// kun dga' bo chos kyi sgo 'di ni ye shes tshad med pa yang dag par rtsom pa yin te/ chos kyi sgo 'di bstan pas byang chub sems dpa' dpag tu med pa dag kyang mi skye ba'i chos rab tu rtogs pa'i bzod pa skyes la/ sems can dpag tu med pa dag kyang byang chub la yang dag par zhugs par gyur to/ / kun dga' bo chos kyi sgo 'di la gang sems dang po bskyed nas/ bla na med pa yang dag par rdzogs pa'i byang chub la yang dag par zhugs pa de dag thams cad ni/ bskal pa grangs med pa dag gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur zhing / spobs pa mtha' yas pa nyid la'ang nges par 'byung bar 'gyur ro/ / de nas de'i tshe bcom ldan 'das kyis gzungs kyi phyag rgya bstan pa'i chos kyi sgo 'di byin gyis brlab pa'i phyir 'od zer dag bkye ste/ 'od zer des kyang 'jig rten gyi khams tshad med grangs med pa dag snang bas khyab par byas nas/ 'jig rten gyi khams de dag na gnas pa'i sems can de dag thams cad kyis gzungs kyi phyag rgya bstan pa'i chos kyi le'u 'di thos par gyur to/ / thos nas kyang byang chub kyi phyogs kyi chos rnams yongs su smin par gyur to// 'jig rten gyi khams tshad med grangs med pa dag gi sems can rnams kyis ni/ bla na med pa yang dag par rdzogs pa'i byang chub tu sems bskyed do// de'i tshe sems can thams cad kyang bde ba dang yang dag par ldan par gyur to/ / lha'i me tog gi char yang bab par gyur to// 'khor der 'dus pa'i byang chub sems dpa' thams cad kyis kyang / 'di skad du sems can thams cad sangs rgyas kyi ye shes thob par gyur cig ces tshig tu smras so/ / de nas byang chub sems dpa' spobs pa mtha' yas kyis/ bcom ldan 'das la 'di skad ces gsol to// bcom ldan 'das chos kyi rnam grangs 'di ma ci legs/ ji ltar gzung bar bgyi/ bka' stsal pa/ spobs pa mtha' yas gzungs kyi rgyal po bstan pa zhes bya bar yang zung zhig/ spabs bcad med pa zhes bya bar yang zung zhig/ gzungs kyi phyag rgya spong ba zhes bya bar yang zung zhig/ sde snod gsum yang dag par sdud pa la mkhas pa zhes bya bar yang zung zhig/ spob pa mtha' yas 'di ni don thams cad yang dag par sdud pa la mkhas pa'i chos kyi sgo yin te/ des na chos thams cad snang bar 'gyur ro// chos kyi sgo 'di ni byang chub sems dpa' rnams kyi the tshom thams cad gcod par 'gyur ba yin/ 'di ni nga'i rjes su ston pa yin no// de nas thams cad dang ldan pa'i 'khor des/ bcom ldan 'das la me tog kha dog lnga pas mngon par gtor to// bcom ldan 'das kyis de skad ces bka' stsal pa dang / byang chub sems dpa' de dag dang / thams cad dang ldan pa'i 'khor de dang / lha dang / dri za dang / mi dang lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po chos kyi rnam grangs le'u stong phrag brgya pa las/ sgo mtha' yas pa rnam par sbyong ba bstan pa zhes bya ba'i le'u ste/ sh+lo ka stong nyis brgya ste bam po bzhi pa'o// 'dus pa gnyis pa rdzogs so//

CLOSE WINDOW