/ rgya gar skad du/ Ar+ya ma hA rat+na ku Ta d+harma par+ya ya sha ta sa ha sri ke gran the tri sam / / ba ra nir de sha pa ri brta na ma ma hA yA na sU tra/ bod skad du/ 'phagasarna pa dkon mchog brtsegs pa chen @##/ po'i chos kyi rnam grangs stong phrag brgya pa las/ sdom pa gsum bstan pa'i le'u zhes bya ba theg pa chen po'i mdo/ / bam po dang po// // sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la bzhugs te/ ri'i rgyal po bya rgod kyi phung po de ni mtho ba/ zlum pa/ gnam 'bang dang rgyar yangs pa/ lo tog thams cad kyis 'dzin pa/ me tog dang / 'phreng ba dang / spos rnam pa sna tshogs dang ldan pa/ mi 'am ci dang / skyes bu 'am ci'i tshogs rnam par rgyu ba/ gnod sbyin dang / srin po dang / sha za rnam pa mang po gnas so// ri dgas kyi tshogs kyang rnam par rgyu ba la 'di lta ste/ seng ge dang / stag dang / glang po che dang / bse dang / dom dang / dred dang / gzig dang / ma he dang / sha bkra dang / bse kha sgo dang / ba glang kha zho sngon po dang / ba glang dang / sha ba dang / shan mar dang / spre'u'i tshogs rnam par rgyu ba'o// de na bya rnam pa mang @##po brgya stong gnas pa 'di lta ste/ ne tso dang / ri skegs dang / khu byug dang / shang shang te'u dang / ngang pa dang / khrung khrung dang / rma bya dang / g+hu g+hu sta ka dang / ka Da ka dang / thing ril dang / yid 'ong ngang pa dang / gong ma sreg dang / e da nu ma ka ka d+he nu dang / d+han d+ha zhes bya ba dang / ka da ru ha dang / mor dang / ngur ba dang / bi ra ba ta dang / rdo rje mchog dang / ka ran da ba dang / dang skya dang / b+hug g+hu ha dang / nor skyong dang / sha ma dang / shi khan Di la dang / bya gag dang / phug ron dang / kag ka ba dang / ku ra da dang / bya rgod dang / bAn ta sha ka dang / tsad tsal/ dang gser bu dang / 'ol pa dang / khra dang / khra sems shes dang / 'ug pa dang / sreg pa dang / ka pin da ka dang / bde Ti ka dang / na ba tsa ti ka dang / kha ba tsa Ti ka dang / tsa ko ra dang / bya gag rgod dang / rgyags byed ri skeg dang / ka ta ma ka dang / ka tsa ru tsa ka dang / ka ra ru pe ka dang / de dag la sogs pa bya'i tshogs rnams gnas te/ de dag kyang sangs rgyas kyi mthus/ 'dod chags kyi gnod pa med do// zhe sdang dang gti mug gi gnod pa med do// gcig la gcig mi za'o// de dag gcig la gcig pha mar 'du shes shing gnas so// yang ri'i rgyal po bya rgod kyi phung po de la shing gi tshogs brgya stong du ma yal ga sdug cing / ldo ma rgyas la 'dab na drang srong drang srong gnas pa dag yod pa la 'di lta ste/ thung shing dang / p+lag sha dang / a shwa tha dang / bi pi long gi shing dang / rgya skegs shing dang / ha ri ta dang / a ru ra'i shing dang / skyu ru ra'i shing dang / ba ru ra'i shing dang / sA la dang / ta la dang / nag ta mA la dang / dong ka'i shing dang / a mra dang / 'dzam bu'i shing dang / kham shing dang / ka bid tha dang / rgya shug gi shing dang / seng ldeng dang / ma du lung ka dang / bal po se'u shing dang / star ka'i shing dang / tin tu ka dang / kud tsa ka dang / ba ka dang / sa ra la dang / aM la dang / kru pa dang / n+ya gro d+ha dang / Di D+ha ni ma dang / 'bra go dang / kam bi la dang / pa la sha dang ni ya ma dang / ka ke ri ya dang / ning pi lo d+ha dang / pog dkar po'i shing dang / sra rtsi beg gi shing dang / shing kun shing dang / tsan dan dang / tsan dan dmar po dang / u pA da dang / sa ka bi ka dang / kadz+ra dang / bi gi rdza dang / gser shing dang / banas dang / rgan shing dang / shing bal shI dang / ba rikaHdang / hi la ste/ dang bcas pa dag go/ yang ri'i rgyal po bya rgod kyi phung po de la thang las skyes pa'i me tog rnam pa mang po dag skyes pa 'di lta ste/ a ti mug ta ka dang / tsam pa ka dang / skya snar dang bar shi ka dang / sna ma'i me tog dang / dri mchog dang / a yu ti ka dang / da nu ska ri dang / bal la dang / ta ra Ni dang / ga ba ta ba ri Ni dang / kang sa gun dang / lug mig dang / ha rin+ti ka dang / mad ta li ka dang / man dzu pusmi ka ste/ me tog sna tshogs de lta bu dag gis ri'i rgyal po bya rgod kyi phung po gang zhing mdzes so// yang ri'i rgyal po bya rgod kyi phung po de la chu las skyes pa'i me tog rnam pa mang po de dag skye ba 'di lta ste/ ut+pal dang / pad+ma dang / ku mu ta dang / pad+ma dkar po dang / pad ka ni ri ti ka dang / kang ka ra ka dang / kang ka ra ka chen po ste/ de dag la sogs pa chu las skyes pa'i me tog rnams kyis ri'i rgyal po bya rgod kyi phung po mdzes par byas so// yang ri'i rgyal po bya rgod kyi phung po de la rtag tu rgyun mi 'chad par nam gyi gung thun la sprin chen po mngon par 'dus te/ thog mar ri'i rgyal po bya rgod kyi phung po de la char sprin lha'i bu mngon par bsgrags nas/ ba 'jos tsam gyi bar du yan lag brgyad dang ldan pa'i char zim bu zim bu dal bu dal bus 'bab ste/ des ri'i rgyal po bya rgod kyi phung po'i khor yug tshim par byas nas/ tho rangs sprin lha gyes shing nam mkha' la sprin med par gyur nas/ der yang bsil zhing 'jam la sim par byed pa'i rlung ldang ste/ de dag gis ri'i rgyal po bya rgod kyi phung po la gnas pa'i sems can rnams rtas par byed/ sim par byed/ tshim par byed de/ 'di lta ste/ dper na me tog 'phreng rgyud dam/ me tog 'phreng rgyud kyi slob mas 'phreng ba brgyus zin nas chus btab pa dang / de'i 'phreng ba de dag sngar bas ches bzang bar gyur pa de bzhin du/ ri'i rgyal po bya rgod kyi phung po la rtag tu rgyun mi 'chad par nam gyi gung thun la sprin chen po mngon par 'dus te/ thog mar ri'i rgyal po bya rgod kyi phung po de la char sprin lha'i bus mngon par bsgrags nas/ ba 'jos tsam gyi bar du yan lag brgyad dang ldan pa'i char zim bu zim bu dal bu dal bus 'bab ste/ tho rangs skya rengs shar ba'i dus na sprin lha gyes shing nam mkha' la sprin med par gyur to/ / yang ri'i rgyal po bya rgod kyi phung po la rtswa gsar pa dag skyes te/ reg bzod pa dang ldan pa/ dri dang ldan pa/ sngo zhing 'jam pa/ g.yas phyogs su 'khyil ba dag skye ba 'di lta ste/ dper na rma bya'i mgrin pa'i spu'i kha dog bzhin no// 'di lta ste/ dper na bar sha ka'i me tog gi dri bzhin no// 'di lta ste/ dper na ka tse lin da'i gos la reg pa bzhin te/ rkang mthil gzhag na ni sor bzhi nems shes byed pa/ rkang pa bteg na ni sor bzhis spar ces byed pa/ me tog dang / 'dab ma dang 'bras bu dang ldan pa/ blta bas chog mi shes pa dag go/ yang ri'i rgyal po bya rgod kyi phung po de la 'bab chu'i dang dang / mtsho bran dang / mtsho dang / mtshe'u dang / rdzing rnam pa mang po bsil ba'i chus rab tu gang ba dag yod de/ de dag las pad+ma sngon po dang / ser po dang / dmar po dang / dkar po dang / le brgan dang / shel gyi kha dog lta bu dang / me'i kha dog lta bu dang / gser gyi kha dog lta bu che khyad shing rta'i phang lo tsam dag skyes te/ de dag gcad na dri'i ngang phyogs bzhi kun tu dpag tshad tsam du ldang ngo // ri'i rgyal po de'i rtse mo la pad+ma'i gdan chen po an da rnyil gzhan gyis mi tshugs pa rdo rje lta bu'i chu ba can/ bai DUR+Ya chen pos mtha' bskor ba/ 'dzam bu'i chu bo'i gser dri ma med pa'i 'dab ma rgyas pa/ tsan dan dus kyi rjes su 'brang ba'i snying po rnam par dag pa/ rin po che'i rdo rje'i snying po'i ze ba dang ldan pa/ tshad rgya mtsho ltar yangs shing rgya che ba/ lha ma yin gyi dbang pos yas snying po kun tu bzung ba/ nor bu rin po che sa ya'i dra ba sna tshogs kyis g.yogs pa/ klu'i dbang po sa yas sprin las spos chu'i char phab pa/ nam mkha' lding gi dbang po sa yas kha nas dar dbyangs shing ri mo byas pa/ mi 'am ci'i dbang po sa yas phan pa'i sems kyis bltas pa/ lto 'phye chen po'i dbang po sa yas gdong gis phyag 'tshal zhing ri mo byas pa/ dri za'i dbang po sa yas bstod cing / bsngags la mchod pa/ lha'i dbang po sa yas me tog dang / 'phreng ba dang / spos dang / byug pa dang / phye ma dang / gos dang / gdugs dang / rgyal mtshan dang / lha'i ba dan gyi sprin gyi phab pa/ tshangs pa'i dbang po sa yas mgo bos phyag 'tshal zhing ri mo byas pa/ gnas gtsang ma'i ris kyi lha'i bu sa yas thal mo sbyar nas phyag byas pa/ mi'i dbang po 'khor los sgyur ba sa yas nor bu rin po che sna bdun dang ldan pas bsu ba/ rgya mtsho'i lha sa yas bsu zhing phyag byas pa/ nor bu rin po che skar mdog sa yas 'od zer gyis snang bar byas pa/ bsod nams kyis dag pa'i rin po che sa yas shin tu nges par mdzes par byas pa/ nor bu rin po che rnam par snang byed sa yas snying po dri ma med pa/ nor bu rin po che dpal gyi 'od zer sa yas dpal rab tu thal le ba/ nor bu rin po che'i mdzod sna tshogs sa yas mtha' yas par snang ba/ nor bu rin po che 'dzam bu'i rgyal mtshan sa yas legs par bzung bas brtan par gyur pa/ nor bu rin po che rdo rje'i seng ge sa yas gzhan gyis mi thub par bkod pa/ / nor bu rin po me nyi ma'i snying po sa yas rgya cher spras pa/ nor bu rin po che bsam gyis mi khyab pa sa yas kha dog sna tshogs kyis ri mo byas pa/ yid bzhin gyi nor bu rin po che sa yas mi zad pa bkod pas ri mo byas pa byung ste/ pad+ma chen po de ni de bzhin gshegs pa'i 'jig rten las 'das paba'i dge ba'i rtsa ba las nges par byung ba/ byang chub sems dpa'i bsam pas mnos pa/ phyogs thams cad du mngon du go bar byed pa/ sgyu mar gyur pa'i chos las nges par byung ba/ dring ba med pa'i las las skyes pa/ nyon mongs pa med pa'i chos nyid kyi tshul bkod pa/ rmi lam lta bu'i chos nyid kyis kun tu rgyu ba/ mngon par 'du byed pa med pa'i chos nyid kyi rgyas btab pa/ chags pa med pa dang ldan pa/ phyogs kun tu chos kyi dbyings kyis khyab par byed pa/ sangs rgyas kyi yul rab tu brjod pa dang mthun pa ste/ de'i rnam pa dang / yon tan dang / dbyibs dang / kha dog dang / bkod pa'i mtha' ni bskal pa grangs med par yang rtogs par mi nus pa'i pad+ma chen po de la/ bcom ldan 'das skyil mo krung bcas nas bzhugs te/ 'di ltar dge slong brgyad stong gi dge slong gi dge 'dun chen po dang thabs cig pa la 'di lta ste/ tshe dang ldan pa kun shes ko'u di n+ya dang / tshe dang ldan pa rta thul dang / tshe dang ldan pa rlangs pa dang / tshe dang ldan pa ming chen dang / tshe dang ldan pa 'char kha dang / tshe dang ldan pa grags pa dang / tshe dang ldan pa gang po dang / tshe dang ldan pa dri ma med dang / tshe dang ldan pa pa glang bdag dang / tshe dang ldan pa lag bzangs dang / tshe dang ldan pa ltesteng rgyas 'od srungs dang / tshe dang ldan pa chu klung 'od srungs dang / tshe dang ldan pa ga ya 'od srung dang / tshe dang ldan pa 'od srungs chen po dang / tshe dang ldan pa ka t+ya'i bu dang / tshe dang ldan pa shA ra dwa ti'i bu dang / tshe dang ldan pa mo'u 'gal gyi bu chen po dang / tshe dang ldan pa ma 'gags pa dang / tshe dang ldan pa rab 'byor dang / tshe dang ldan pa nam gru dang / tshe dang ldan pa byams mami'i bu gang po dang / tshe dang ldan pa nye bar 'khor dang / tshe dang ldan pa sgra gcan zin dang / tshe dang ldan pa kun dga' bo la sogs pa dge slong brgyad stong thams cad kyang bden pa'i ngo bo nyid kyi tshul mngon par rdzogs par rtogs pa/ yang dag pa'i mtha' mngon sum du gyur pa/ chos kyi rang bzhin la zhugs pa/ srid pa'i rgya mtsho las brgal ba/ de bzhin nyid nam mkha' lta bu spyod yul ba kun tu sbyor ba dang bag la nyal gyi 'ching ba bcad pa/ gnas dang rten la ma chags pa/ nam mkha' ltar zhi ba la rnam par rgyu ba/ sangs rgyas la nem nur dang / yid gnyis dang / the tsom za ba bcad pa/ sangs rgyas kyi ye shes kyi rgya mtsho la mos pa'i lam du zhugs pa/ 'gro ba thams cad la phan pa'i phyir zhugs pa/ gsol ba ma btab par dge ba'i bshes gnyen byed pa/ sems can thams cad srung bar zhugs pa/ sems can thams cad yongs su mi gtong ba'i mdza' bshes su gyur pa/ sangs rgyas kyi bstan pa'i spyod yul las nges par byung ba/ de bzhin gshegs pa'i bstan pa srung bar zhugs pa/ sangs rgyas kyi bstan pa kun tu 'dzin par smon lam btab pa/ de bzhin gshegs pa'i gdung rigs 'byung bar mngon du phyogs pa/ thams cad mkhyen pa'i ye shes mngon du gyur pa sha stag go// kun tu bzang po dang / byang chub sems dpa' 'phags pa byams pa la sogs pa byang chub sems dpa' brgyad stong dang thabs cig pa la 'di lta ste/ byang chub sems dpa' ye shes bla ma'i ye shes can dang / rin chen bla ma'i ye shes can dang / skad thams cad shes pa can dang / thogs pa med pa'i ye shes can dang / me tog bla ma'i ye shes can dang / nyi ma'i bla ma'i ye shes can dang / zla ba'i bla ma'i ye shes can dang / dri ma med pa'i bla ma'i ye shes can dang / rdo rje'i ye shes can dang rdul med ye shes can dang / byang chub sems dpa' rnam par snang ba'i ye shes can dang / byang chub sems dpa' snang ba'i rgyal mtshan dang / lhun po rgyal mtshan dang / rin chen rgyal mtshan dang / ma chags rgyal mtshan dang / me tog rgyal mtshan dang / dri med rgyal mtshan dang / nyi ma'i rgyal mtshan dang / mdzes pa'i rgyal mtshan dang / rdul med rgyal mtshan dang / byang chub sems dpa' rnam par snang ba'i rgyal mtshan dang / byang chub sems dpa' sa'i gzi brjid dang / rin po che'i gzi brjid dang / gzi brjid chen po dang / ye shes rdo rje'i gzi brjid dang dri ma med pa'i gzi brjid dang / nyi ma'i gzi brjid dang / zla ba'i gzi brjid dang / bsod nams ri'i gzi brjid dang / ye shes snang ba'i gzi brjid dang / byang chub sems dpa' kun nas dpal gyi gzi brjid dang / byang chub sems dpa' nam mkha'i snying po dang / pad+ma'i snying po dang / rin po che'i snying po dang / nyi ma'i snying po dang / yon tan rnam par dag pa'i stong po dang / chos rgya mtsho'i snying po dang / rnam par snang ba'i snying po dang / lte ba'i snying po dang / byang chub sems dpa' pad+ma'i dpal gyi snying po dang / byang chub sems dpa' nyi ma'i mig dang / rnam par dag pa'i mig dang / dri ma med pa'i mig dang / ma chags pa'i mig dang / kun tu lta ba'i mig dang / ye shes shin tu rno ba'i mig dang / rdo rje'i mig dang / rin po che'i mig dang / nam mkha'i mig dang / byang chub sems dpa' kun nas mig dang / byang chub sems dpa' lha'i cod pan dang / chos kyi dbyings gnang ba'i nor bu'i cod pan dang / byang chub kyi snying po'i nor bu'i cod pan dang / phyogs rnam par snang ba'i cod pan dang / sangs rgyas thams cad byung ba'i snying po'i cod pan dang / 'jig rten thams cad las 'phags pa'i cod pan dang / kun nas rnam par snang ba'i cod pan dang / zil gyis mi non pa'i cod pan dang / de bzhin gshegs pa thams cad kyi seng ge'i gdan g.yogs pa'i cod par dang byang chub sems dpa' nam mkha' lta bu'i chos kyi dbyings kun tu snang ba'i cod pan dang / byang chub sems dpa' tshangs pa'i dbang po'i gtsug pud dang / klu'i dbang po'i gtsug pud dang / sangs rgyas thams cad kyi sprul pa snang ba'i gtsug pud dang / byang chub kyi snying po'i gtsug pud dang / smon lam thams cad kyi rgya mtsho'i dbyangs kyi nor bu'i rgyal po'i gtsug pud dang / de bzhin gshegs pa thams cad kyi 'od kyi dkyil 'khor gyis 'grol ba'i nor bu rin po che rab tu bsgrags pa'i gtsug pud dang / nam mkha'i dkyil thams cad dbyer med pa rnam par rig pa'i nor bu rin po ches brgyan pa'i gtsug pud dang / de bzhin gshegs pa thams cad kyi rnam par sprul pa snang ba'i rgyal mtshan gyi nor bu rin po che'i dra bas g.yogs pa'i gtsug bud dang / de bzhin gshegs pa thams cad kyis chos kyi 'khor lo'i dbyings kyi gtsug pud dang / byang chub sems dpa' dus gsum thams cad kyi 'khor lo'i dbyings kyi gtsug pud ces bya ba dang / byang chub sems dpa' 'od chen dang / dri ma med pa'i 'od dang / rin po che'i 'od dang / rdul med 'od dang / skar ma'i 'od dang / chos kyi 'od dang / zhi ba'i 'od dang / nyi ma'i 'od dang / rnam par sprul pa'i 'od dang / byang chub sems dpa' lha'i 'od dang / byang chub sems dpa' bsod nams kyi tog dang / ye shes kyi tog dang / chos kyi tog dang / mngon par shes pa'i tog dang / 'od kyi tog dang / me tog gi tog dang / nor bu'i tog dang / blo'i tog dang / tshangs pa'i tog dang / byang chub sems dpa' kun nas snang ba'i tog dang / byang chub sems dpa' tshangs pa'i dbyangs dang / rgya mtsho'i dbyangs dang / sa nges par sgrogs pa'i dbyangs dang / 'jig rten dbang po'i dbyangs dang / ri'i dbang po'i dbyangs dang / ri'i dbang po'i rgyal po kun tu rdo ba'i dbyangs dang / chos kyi dbyings rgyas par 'gengs pa'i dbyangs dang / chos kyi rgya mtsho thams cad bsgrags pa'i dbyangs dang / bdud kyi dkyil 'khor thams cad rab tu 'joms pa'i dbyangs dang / snying rje chen po'i tshul gyi 'brug nges par bsgrags pa'i dbyangs dang / byang chub sems dpa' 'gro ba thams cad kyi sdug bsngal rab tu zhi ba'i sgra dbyangs dang / byang chub sems dpa' chos 'phags dang / khyad par 'phags dang / ye shes 'phags dang / bsod nams ri rab 'phags dang / yon tan mchog rab 'phags dang grags pa 'phags dang / kun nas snang 'phags dang / byams pa chen po 'phags dang / ye shes snang ba 'phags dang / byang chub sems dpa' de bzhin gshegs pa'i gdung rigs 'phags dang / byang chub sems dpa' 'od dpal dang / mchog rab dpal dang / chos 'phags dpal dang / rnam par snang ba'i dpal dang / chos dpal dang / zla ba dpal dang / nam mkha'i dpal dang / rin chen dpal dang / tog dpal dang / byang chub sems dpa' ye shes dpal dang / byang chub sems dpa' sA la'i dbang po'i rgyal po dang / chos kyi dbang po'i rgyal po dang / glang po che'i dbang po'i rgyal po dang / tshangs pa'i dbang po'i rgyal po dang / ri'i dbang po'i rgyal po dang / tshogs kyi dbang po'i rgyal po dang / lha'i dbang po'i rgyal po dang / zhi ba'i dbang po'i rgyal po dang / mi g.yo ba'i dbang po'i rgyal po dang / khyu mchog gi dbang po'i rgyal po dang / byang chub sems dpa' byang chub mchog gi dbang po'i rgyal po dang / byang chub sems dpa' zhi ba'i sgra dang / chags pa med pa'i sgra dang / sa'i dbyangs sgra dang / rgya mtsho'i dbyangs sgra dang / sprin gyi dbyangs sgra dang / chos snang ba'i sgra dang / nam mkha'i dbyangs sgra dang // byang chub sems dpa' dge ba'i rtsa ba thams cad nges par bsgrags pa'i sgra dang / sngon gyi smon lam gyis yang dag par bskul ba'i sgra dang / byang chub sems dpa' bdud kyi dkyil 'khor thams cad kyi dbyangs sgra dang / byang chub sems dpa' ye shes lhun po'i blo dang / nam mkha'i blo dang / dri ma med pa'i blo dang / chags pa med pa'i blo dang / sad pa'i blo dang / dus gsum snang ba'i blo dang / rin po che'i blo dang / yangs pa'i blo dang / kun nas snang ba'i blo dang / byang chub sems dpa' chos kyi dbyings kyi tshul snang ba'i blo la sogs pa byang chub sems dpa' brgyad stong pa thams cad kyang kun tu bzang po'i spyod pa'i smon lam las nges par byung ba/ sangs rgyas kyi zhing thams cad rgyas par 'gengs pas spyod yul la thogs pa med pa/ de bzhin gshegs pa thams cad kyi thad du 'gro bas lus mtha' yas par byin gyis rlob pa/ sangs rgyas kyi rnam par sprul pa thams cad rnam par rig pas mtha' yas pa la dmigs pa'i mig gi dkyil 'khor rnam par dag pa de bzhin gshegs pa thams cad mngon par rdzogs par byang chub pa'i sgor 'gro ba rgyun mi gcod pas 'gro ba tshad med pa/ chos rgya mtsho thams cad kyi tshul shes pa'i snang ba mtha' yas pa/ so so yang dag par rig pa rnam par dag pas bskal pa mtha' yas par yon tan mi zad par ston pa/ ye shes kyi spyod yul rnam par dag pas nam mkha'i khams kyis klas pa/ bsam pa ji lta ba bzhin du 'gro ba'i lus gzugs kun tu ston pas gnas pa med do/ / sems can med pa dang ldan pa'i dbyings yongs su shes pas rab rib med pa/ chos kyi dbyings thams cad 'od zer gyi dra bas rgyas par 'gengs pas shes rab nam mkha' lta bu sems shin tu zhi zhing rab tu zhi ba/ gzungs kyi rigs thams cad shes pa'i yul dang ldan pa/ ting nge 'dzin gyis pha rol gnon pa la 'jigs pa med pa/ chos kyi dbyings gnas pa'i mthar thug pa'i mig can/ chos thams cad mi dmigs par gnas pa thob pa/ shes rab rgya mchi mtha' yas pas rnam par rgyu ba/ ye shes dam pa'i pha rol tu son pa/ sa rab kyi pha rol tu phyin pa thob pa/ rdzu 'phrul gyi pha rol tu phyin pas 'gro ba mchog thams cad kyi pha rol tu son pa/ ting nge 'dzin mchog la dbang thob pa sha stag go/ dge slong ma lnga brgya dang yang thabs cig pa la 'di lta ste/ go'u ta mi skye dgu'i bdag mo chen mo dang / dge slong ma bde ma dang / dge slong ma ut+pa la'i mdog dang / dge slong ma go'u ta mi skem mo dang / sgra gcan zin gyi ma dge slong ma grags 'dzin ma la sogs pa dge slong ma lnga brgya dang thabs cig go/ dge bsnyen lnga brgya tsam dang yang thabs cig pa la 'di lta ste/ dge bsnyen gzi brjid bzang po dang / sa'i gzi brjid dang / shes rab 'od dang / grags pa'i gzi brjid dang / grags pa mchog gi gzi brjid dang / blo gros bzang po dang / zla ba'i dpal dang / zla ba dga' dang / cher dga' dang / sgra gcan bzang dang / cher bzang la sogs pa dge bsnyen lnga brgya dang yang thabs cig go// dge bsnyen ma lnga brgya tsam la 'di lta ste/ dge bsnyen ma 'od chen dang / 'od bzangs dang / lus bzangs dang / mngon dga' lus dang / bzang mo dang / bzang dpal dang / zla 'od dang tog 'od dang / dpal 'od dang / mig bzangs la sogs pa dge bsnyen ma lnga brgya dang yang thabs cig go// de bzhin du lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po rnams kyis yongs su bskor cing bdun gyis bltas nas/ bcom ldan 'das chos ston te/ 'di lta ste/ sdom pa gsum bstan pa zhes bya ba'i chos kyi sgo'i le'u yang dag par rab tu ston to// de bzhin gshegs pa thams cad kyi yul byang chub sems dpa'i spyod pa rab tu brjod pa'i chos kyi dbyings kyi dkyil thams cad snang ba/ chos kyi dkyil 'khor thams cad yang dag par 'du bar snang ba/ zhing gi dkyil 'khor thams cad rnam par sbyong ba'i rgyan/ phas kyi rgol ba thams cad rnam par 'thor ba/ bdud kyi rtsod pa'i pha rol gyi dmag tshogs rab tu 'joms pa/ sems can gyi khams thams cad sim par byed pa/ sems can thams cad kyi sems kyi thibs po snang bar byed pa/ sems cad thams cad kyi bsam pa ji lta ba bzhin du go bar byed pa/ sems can thams cad kyi dbang po bzhin du 'khor lo skor bar snang ba rab tu ston to// nas tshe dang ldan pa 'od srungs chen po stan las langs te/ bla gos phrag pa gcig tu bgos nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das sems can gang dag sangs rgyas kyi chos tshal ba dang / sangs rgyas kyi stobs dang mi 'jigs pa tshol ba de dag gis chos ji lta bu dag cig yang dag par blangs te gnas par bgyi/ de dag yongs su smin par 'gyur ba'i chos rnams ni ji lta bu zhig lags/ de dag bla na med pa yang dag par rdzogs pa'i byang chub las slar mi ldog cing thob par 'gyur ba'i chos rnams ni ji lta bu zhig lags/ de skad ces gsol pa dang // bcom ldan 'das kyis/ tshe dang ldan pa 'od srungs chen po la 'di skad ces bka' stsal to/ / 'od srungs khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi don dang / phan pa dang / bde ba'i phyir zhugs te/ 'di lta bu'i gnas dag 'dri bar sems pa ni 'od srungs khyod legs so legs so// 'od srungs de'i phyir legs par rab tu nyon la yid la zung zhig dang ngas bshad do/ / tshe dang ldan pa 'od srungs chen po dang / thams cad dang ldan pa'i 'khor des/ bcom ldan 'das kyi ltar mnyan pa dang / bcom ldan 'das kyis/ de dag la 'di skad ces bka' stsal to/ / 'od srungs sems can gang dag sangs rgyas kyi ye shes tshol ba dang / sangs rgyas kyi stobs dang mi 'jigs pa tshol ba'i sems can de lta bu de dag gis/ de dag gang la brten nas dge ba'i rtsa ba rnams skye bar 'gyur ba'i chos gang yang mi dmigs so// 'od srungs byang chub sems dpa' ji snyed pa 'di dag bla na med pa yang dag par rdzogs pa'i byang chub tshol zhing / sangs rgyas kyi chos rnams las 'dus byas gzhan par sems shing / 'dus ma byas las sangs rgyas kyi chos rnams gzhan par sems la/ sangs rgyas kyi chos rnams la sems shing 'du shes la spyod par 'gyur ram/ sangs rgyas kyi chos rnams la sems pa'o snyam du shes na shes pa de sang+yas kyi chos rnams las phyir log pa yin te/ de dag ni bla na med ba yang dag par rdzogs pa'i byang chub la yang dag par zhugs pa zhes mi bya'o/ / de ci'i phyir zhe na/ sangs rgyas kyi chos su sems na de bdag tu 'dzin pa nyid yin pa'i phyir ro// nyi/ gcig bzhin du sbyor bas de la brtson par byed na/ de ni de'i bdag tu 'dzin pa yin te/ 'bral bar ma yin no// gang ma bral ba de sems pa'o// gang sems pa dang / gang gi sems pa dang / gang la sems pa de rnam par nyams pa'o// gang rnam par nyams pa de rnam par rgyug go// gang rnam par rgyug pa de kun tu rgyug go// gang kun tu rgyug pa de rjes su 'gro'o/ / gang rjes su 'gro ba de rtog go// gang rtog pa de rnam par rtog go// gang rnam par rtog pa de rab tu rtog go// gang rab tu rtog pa de kun tu rtog go// gang kun tu rtog pa de ma zhi ba'o/ / gang ma zhi ba de g.yon phyogs pa'o// gang g.yon phyogs pa de 'khyam pa'o// gang 'khyam pa de 'phongs pa'o// cis 'phongs she na/ bde bas 'phongs so// bder gang zhe na/ gang la kun tu rtog pa med pade bde ba'o// gang 'phongs pa de skyon can no// skyon can gang yin pa de nye bar 'gro ba'o// gang nye bar 'gro ba de bag la nyal lo/ / bag la nyal ba gang yin pa de mtshams sbyor ba'o// gang mtshams sbyor ba de rnam par mtshams sbyor ba'o// gang rnam par mtshams sbyor ba de yongs su mtshams sbyor ba'o// gang yongs su mtshams sbyor ba de rnam par smra ba'o/ / gang rnam par smra ba de smra ba lkugs pa'o// gang smra ba lkugs pa de mya ngan byed pa'o// gang mya ngan byed pa de tshig par byed pa'o// gang tshig par byed pa de nyams pa ste/ yid du 'ong ba dang yid du mi 'ong ba'i chos shes gang la gnas pa'i dra ba can no// 'di la chos gang yang gnas pa med mod kyi/ 'on kyang 'du shes kyi rgyun gyis 'du shes bcings shing / 'du shes bcings pas 'du shes kyi rgyun te/ des na 'du shes kyis bcings pa zhes bya'o// ma byung ba'i gnas ni 'dod chags kyi gnas/ khro ba'i gnas/ zhe sdang gi gnas/ gti mug gi gnas te/ yang dag pa ma yin pa'i kun rtog pa la rtog/ rnam par rtog/ dpyod/ rnam par dpyod pas/ de'i phyir de bla na med pa yang dag par rdzogs pa'i byang chub myur du mi 'thob bo/ / 'od srungs de ltar na sred pa'i gnas te/ ci'i phyir sred pa'i gnas zhes bya zhe na/ gang sred pa zhes bya ba'i chos de'ang gang yang med la 'di la gang gis sred pa'i chos kyang gang yang med cing / de la gang la sred pa'i chos kyang gang med pa'i phyir ro// 'on kyang sred pa zhes mngon par zhen pas zhen te/ nam mkha' la spags par byed do/ / gang nam mkha' la sbags par byed pa des sbags pa rnyed par 'gyur te/ bdag gis spags pa dang / sems can gyis sbags pa dang / dge ba dang mi dge bas spags pa'o// 'od srungs de ltar na med pa'i chos rnams kyis rtog par byed pa de ni dngos po med pa'o// gang dngos po med pa la dngos po'i 'du shes can de ni/ byang chub la dngos por byed do// gang byang chub la dngos por byed pa de ni bdag gi 'du shes can no/ / bdag gi 'du shes can gang yin pa de ni byang chub sems dpa' zhes mi bya'o// ci'i phyir bdag gi 'du shes can zhes bya zhe na/ 'du shes mi dmigs pa'i phyir te/ gang la 'du shes mi dmigs pa de la 'du shes can med de/ de'i phyir bdag gi 'du shes can zhes bya'o// 'di lta ste/ bdag gi 'du shes shes bya ba de ni yang dag pa ma yin pa'i gzhi'i tshig bla dgas so/ / 'on kyang sems can yongs su rdzogs pa gang yin pa de byang chub yongs su rdzogs pa'o// de la byang chub gang zhe na/ gang sgyu mar gyur pa yongs su rdzogs pa'o/ / sgyu mar gyur pa gang zhe na/ sems can chen por 'du shes shing smra ba dang / srog chen por 'du shes shing smra'o// gang 'du shes dang 'du shes la gnas par byed pa de/ 'du shes med pa dang 'du shes med pa la gnas par byed pa'o// gang 'du shes med pa dang 'du shes med pa la gnas pa de/ rgyags par byed pa'o// gang rgyags par byed pa de sdug bsngal dang sdug bsngal la kun tu rgyug go/ / gang sdug bsngal dang sdug bsngal kun tu rgyug pa de smra ba la rgyug cing gnas pa'o zhes de bzhin gshegs pas gsungs so// ci phyir smra ba la rgyug cing gnas pa zhes bya zhe na/ shin tu yid la byed pa'i phyir ro// gang la yid la byed pa de la ngar 'dzin pa yod do// gang la ngar 'dzin pa yod pa de la byed pa yod do// gang la byed pa yod pa de la shin tu yod do/ / gang la shin tu yod pa de kun tu brjod pa dang / nye bar brjod pa dang / gnas par byed pa'o zhes de bzhin gshegs pas gsungs te/ de'i phyir chos thams cad ni yid la byed pa las byung ba'o/ / 'od srungs 'di lta ste/ dper na steng gi bar snang las sprin gyi phung po byung ba de dag ni shar phyogs nas ma 'ongs/ lho phyogs nas ma yin/ nub phyogs nas ma yin/ byang phyogs nas ma yin/ steng nas ma yin/ 'og nas ma yin/ phyogs nas ma yin/ phyogs mtshams nas kyang ma 'ongs te/ de bzhin gshegs pa yang dag pa gsung bas de phyogs bcu nas ma 'ongs par mkhyen nas/ don gyi tshul dang / rig pa'i tshul dang / yang dag pa'i tshul gyis sprin gyi phung po ni phung po med pa'o zhes yang dag pa ji lta ba bzhin du gsungs te/ des na phung po med pa ni sprin gyi phung po zhes bya'o// ci'i phyir sprin gyi phung po zhes bya zhe na/ yangs pa'i gnas kyis so// yangs pa'i gnas ji lta bus she na/ mtshan ma sna tshogs kyi sbyor bas lding ba'i mtshan ma'o zhes rgyud 'khrul gyi/ de la ni lding bar rnam par shes par byed pa gang yang med do// sprin gyi phung po ni lding ba'i mtshan ma las byung ba la ltos/ de la lding ba'i mtshan ma gang yin pa de ni mtshan ma med pa'o// gang lding bar shin tu 'du shes pa ni sprin gyi phung po ma yin no// 'od srungs 'di lta ste/ dper na mi la la zhig gis mi gzhan zhig la 'di skad ces smras te/ grib ma der dong la 'khod par bya'o// de nas mkhas pa'i rang bzhin can gyi mi nges 'di skad ces smras kho bo ni spro ba med de 'di na 'dug go/ / nges 'di skad ces smra ste/ kho bo ni khyod la mi zer gyi grib ma 'di la zer ro// des 'di skad ces smras te/ kye mi khyod kyis gang grib ma de la smras pa de ni grib ma med pa smras so zhes zer na/ 'od srungs mi des tha snyad kyi gnas ji snyed pa de gang gang gis rjes su rtog pa la ltos/ 'od srungs de bzhin gshegs pas chos rnams kyi tshul mkhyen nas 'khor la yang dag par seng ge'i sgra sgrog go/ / 'od srungs de bzhin gshegs pa ni bzhed na/ mthun pa'i chos rnams la mi mthun pa'i 'du shes can du gnas te/ sems can rnams kyi bdag gi 'du shes gang yin pa de ni de bzhin gshegs pa'i don dam pa'o// de ci'i phyir zhe na/ de bzhin gshegs pas mkhyen la/ bzhin gshegs pas mkhyen pa'i phyir te/ sems can gyi 'du shes gang yin pa de ni 'du shes med pa'o// de la byis pa'i rang bzhin can la la zhig grib ma de'i ldem po ngag dam pa de ma shes pa ni de bzhin gshegs pa la rgol te/ des na ngas 'di skad du 'jig rten ni nga la rgol gyi/ nga ni 'jig rten dang mi rtsod do zhes gsungs so// de la 'jig rten gang zhe na/ 'jig rten zhes bya ba ni sems can gyi 'jig rten no/ / ci'i phyir sems can gyi 'jig rten la bya zhe na/ de bzhin gshegs pas ji ltar mkhyen pa/ 'jig rten yang de bzhin te/ de'i phyir sems can la 'jig rten zhes bya'o/ / byis pa so so'i skye bo rnams kyis ji ltar shes pa de ni 'jig pa rab tu 'jig pa'o// nyams par 'gyur ba rnam par nyams par 'gyur ba'o// 'di lta ste/ rnam par 'jig pa de ni de dag gi tha snyad 'di go bar byed pa yin no// de ci'i phyir zhe na/ gang dag 'jig rten 'di na gnas pa de dag rnam par 'jig pa chen por gyur pa'i phyir te/ gang dag 'dzag rten 'di na gnas pa de dag ni brkam pa'o/ / gang dag brkam pa de dag khro ba'o// gang dag khro ba de dag rmongs pa'o// gang dag rmongs pa de dag ma dag pa'o// gang dag ma dag pa de dag 'gal ba'o/ / su dang 'gal zhe na/ de bzhin gshegs pa dang / de bzhin gshegs pa'i nyan thos rnams dang 'gal lo// gang dag 'gal ba de dag rjes su 'dzin pa'o// gang dag rjes su 'dzin pa de dag so sor 'dzin pa'o/ / gang dag so sor 'dzin pa de dag srid pa tshol ba'o// gang dag srid pa tshol ba de dag tshol ba'o// gang dag tshol ba de dag yongs su tshol ba'o/ / gang dag yongs su tshol ba de dag 'dod pa chung ba ma yin no// gang dag 'dod pa chung ba ma yin pa de dag bya ba mang ba'o// gang dag bya ba mang ba de dag 'dod pa che'o// gang dag 'dod pa che ba de dag 'dod pa'i khams bag la nyal bar byed/ gzugs kyi khams dang gzugs med pa'i khams bag la nyal bar byed do// gang dag bag la zhen par byed pa de dag bag la nyal bar byed do/ / gang dag bag la nyal bar byed pa de dag rgyun dang rgyun phyogs su 'gro ba'o// gang dag rgyun dang rgyun phyogs su 'gro ba de dag 'chi bar 'gro ba'o// gang dag 'chi bar 'gro ba de dag mya ngan las 'das par mi 'gro ba'o/ / gang dag mya ngan 'das par mi 'gro ba de dag 'gro ba ma yin par 'gro ba'o// gang dag 'gro ba ma yin par 'gro ba de dag thams cad sems can dmyal bar 'gro ba'o// 'od srungs de ltar na bkra mi shis pa'i sbyor bas sbyor gyi/ khro ba dang 'khrugs pas mi sbyor ba ma yin/ rnam par 'jig pas ma yin no// gang dag rnam par 'jig pas ma yin pa de dag bdag gi 'du shes la rnam par rtog par mi byed do/ / gang dag bdag gi 'du shes la rnam par rtog par mi drud pa de dag pa na 'am/ nga'i nas gong bur mi byed kyi/ zag par byed do/ phyir nga zhe na/ nga'i zhes bya zhe na/ yang dag pa ma yin pa la 'dzin pas/ 'du shes rnam pa sna tshogs kyi gnas nas las mngon par 'du byed de/ gang dag 'du shes rnam pa sna tshogs dog gis gnas nas las mngon par 'du byed pa de dag bdag la nga'o snyam du 'dzin pa'i phyir ro/ / ci'i phyir nga'i zhes bya zhe na/ brnab sems dang / nga'i dang / 'dod pa rnams kyis 'du 'dzi la mngon par gtod pa dang / tshul khrims kyi phung po 'jig par byed pa dang / gzhan la gnod sems kyi sems su byed pa dang / khro bas zil gyis non pa dang / de yang bdag la rnam par nga rgyal byed pa dang / 'bru rjen pa bdag gir byed pa dang / len pa dang / sdud pa dang / nye bar byed pa ste/ de'i phyir nga'i zhes bya'o// gang dag nga yir byed pa de dag 'khyam pa'o/ / gang dag 'khyam pa de dag rmongs pa'o// gang dag rmongs pa de dag sdang ba'o// gang dag sdang ba de dag gshe ba'o// gang dag gshe ba de dag za ba'o// gang dag za ba de dag tshig pa'o// / gang dag tshig pa de dag yongs su chags pa ste/ 'dod pa'i 'dod chags kyis bud med kyi 'du shes dang / skyes pa'i 'du shes dang / srog gi 'du shes kyis bdag gir byed de/ de'i phyir nga'i zhes bya'o/ / yang don du na de ni bdag la mi snyan pa brjod pa zhes bya ste/ bdag gi phyir byis pa'o// byis pa'i tshul bag la nyal bar byed do// des na nga'i zhes bya'o// 'od srungs de ltar na gang chos 'di dag ma thos par byang chub tu khas 'tshe ba 'am/ byang chub sems dpa'i spyod par khas 'che ba de spyod pa khas 'che ba'o// 'od srungs byang chub sems dpa'i spyod pa gang yin pa de la spyod pa gang yang med de/ des na byang chub sems dpa'i spyod pa zhes bya'o// 'od srung so byang chub sems dpa' gang gi spyod pa yongs su rdzogs par 'gyur ba dang / nang por 'gyur ba dang / tshogs par 'gyur ba dang / dag par 'gyur ba dang / rnam par dag par 'gyur ba dang / yongs su dag par 'gyur ba dang / rnam par gnon par 'gyur ba'i skabs yod do// de dag chos kyang ston te/ chos de dag nam mkha' ltar byas kyis/ chos de dag phung por ma byas so// de dag rigs pa rnams la chos chen po ston te/ mi rigs pa rnams la ma yin no// yon tan dang ldan pa rnams la te/ nyes par gnas pa rnams la ma yin no// tshul dang ldan pa rnams la te/ tshul ngan pa rnams la ma yin no// khyed kyis chos de dag gzung bar bya ste/ ji ltar chos la mngon par zhen par mi 'gyur ba de ltar zung zhig/ de ci'i phyir zhe na/ de bzhin gshegs pa ni mchog gsung ba'i phyir te/ sems can gsung bar 'os pa rnams kyi don gyi phyir dris pa de la ngas chos kyi mchog gis lan gdab par bya'o/ / de la chos kyi mchog gang zhe na/ gang la chos kyi 'du shes med pa'o// 'od srungs 'di la byang chub sems dpa' thog ma nyid du tshul khrims dang ldan par 'gyur ro/ / gang gi sems la rjes su 'gyod pa yod pa ni mtshams med pa byed par mi 'gyur/ dge slong ma sun par byed par mi 'gyur/ khyim gyi nang du 'dre bar mi 'gyur/ srog gcod par mi 'gyur/ ma byin par len par mi 'gyur/ 'dod pa la log par g.yem par mi 'gyur/ brdzun smra bar mi 'gyur/ phra ma smra bar mi 'gyur/ ngag rtsub po smra bar mi 'gyur/ tshig bkyal pa smra bar mi 'gyur/ brnab sems can du mi 'gyur/ gnod sems can du mi 'gyur/ log par lta bar mi 'gyur/ bdag la gnod par bya bar mi sems/ gzhan la gnod par bya bar mi sems/ 'du ba 'dod par mi 'gyur/ longs spyod la 'dod par mi 'gyur/ rgyal bar bya ba'i rtsed mo rnams gzhan ngadag la brjod par mi byed/ bdag kyang mi byed/ ma ning dang sten par mi byed/ smad 'tshong ma dang spyod yul bar mi 'gyur// yug sa mo dang spyod yul bar mi 'gyur/ na chung chen mo dang spospyod yul bar mi 'gyur/ bya ba dang 'dre bar mi 'gyur/ nya pa dang 'dre bar mi 'gyur/ de dag ri dgas kyi rngon pa dang 'dre bar mi 'gyur/ gsod pa dang 'dre bar mi 'gyur/ gdol pa dang 'dre pabar mi 'gyur/ gzhan gyi chung ma dang bsten par mi 'gyur/ mi ra ro ba'i lag nas 'dzin pa 'am/ rtsod par mi byed de/ de dag gis khyi dang gdol pa ltar yongs su spong bas yongs su spong ngo // gang dag yongs su spangs pa de la 'khrul pa'i sems skyed pa gcig tsam gyi sems kyang mi bskyed do// de ltar na byams pa'i rnam pa la zhugs pa'i sems kyis gnas nyi shu yongs su spong ngo // nyi shu gang zhe na/ bud med yongs su spong zhing su dang yang spyod par mi byed la/ su dang yang 'thab par mi byed cing / smra ba la phyir smra bar mi byed pa dang / pha ma la mi gus par mi 'gyur ba dang / sangs rgyas dang / chos dang / dge 'dun la mi gus par mi 'gyur ba dang / nyi shur ma tshang bar bud med kyi 'khor la chos mi 'chad cing / gal te skyes pa'i gnas na gnas par gyur na/ de'i tshe chos ston pa dang / dge slong ma'i phun sum tshogs par thams cad kyi thams cad du 'gro bar mi bya ba dang / dge slong mas dris pa'i lan gdab par mi bya ba dang / bud med kyis yi ge bri bar mi bya/ gsol ba ma btab par sbyin par mi bya ba dang / gnyen 'dab kyi mgron du bos pa rnam pa thams cad du bdag gir mi bya ba dang / rnam pa thams cad du 'dod chags dang bcas pas rjes su chags par sems kyis bud med kyi mdun du yud tsam yang gnas par mi bya ba dang / de gcig pu dgon par song ste/ rang gi yul bstan pa rnam pa thams cad du brjod par mi bya ba dang / dge slong mas bsgrags pa la rnam pa thams cad du slar bsgrags par mi bya/ dge slong mas byin pa'i chos gos rnam pa thams cad du bgo bar mi bya ste/ gzhan du na 'khor bzhi po rnams kyi nang du 'dug cing chos 'chad pa'i tshe/ chos la dgab par bya ba ni ma gtogs te/ de la'ang des sa dang mtshungs pa'i sems kyis yid la byed par bsgyur nas spyad par bya ba dang / yang de'i ngor blta bar mi bya ba dang / rnam pa thams cad du dge slong mas byas pa'i chos gos nyan pa'i gnas su'ang bgo bar mi bya ba dang / na'ang dge slong mas mgron du bos pa la rnam pa thams cad du khas blang bar mi bya na/ bde ba 'am/ nad med pa'i rang bzhin can lta ci smos pa dang / yug sa mos mgron du bos na dge 'dun med par rnam pa thams cad du khas blang bar mi bya ba dang / dge slong ma'i dbyar khang du rnam pa thams cad du 'jug par mi bya ba dang / rnam pa thams cad du dge slong ma'i dbang du mi bya/ gal te dge slong mas bos na'ang lag bsnol la mgo smad de/ sa phyogs de nas 'gro bar bya ba dang / chos ston cing 'dug pa'i gan du dge slong ma rkang pa la phyag 'tshal du 'ong na/ snyim pas gdong bkab ste 'dug par bya zhing / des rkang pa bskyod par mi bya ste/ skyes bu dam pas lus dpa' bar mi bya'i rtse gcig tu yid la bya bas sems dpa' bar bya ba dang / dngos po thams cad la kun tu 'dod chags kyi sems rnam pa thams cad du skye bar mi bya ba dang / khong khro'i'i sems rnam pa thams cad du bskyed par mi bya ba ste/ 'di ltar thams cad mkhyen pa nyid kyi phyir dam bcas pa brtan par bya ba dang / chos 'di dag thos nas nan tan gyis bsgrub par mngon par brtson par bya ba dang / 'od srungs rigs kyi bu dang / rigs kyi bu mo byang chub sems dpa'i theg pa la yang dag par zhugs pa gang zhig chos dag thos ma thag tu nan tan gyis mi sgrub na/ des bla na med pa yang dag par rdzogs pa'i byang chub mngon par rdzogs par 'tshang rgya bar mi nus so// de ci'i phyir zhe na/ 'od srungs nan tan gyis bla na med pa yang dag par rdzogs pa'i byang chub 'thob kyi/ nan tan med pas ni ma yin pa'i phyir ro// 'od srungs gal te nan tan med pa bla na med pa yang dag par rdzogs pa'i byang chub 'thob tu zin na/ ri bong dang byi la'ang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de ci'i phyir zhe na/ 'od srungs gang dag la nan tan med pa de dag bla na med pa yang dag par rdzogs pa'i byang chub tu 'gyur du zin na ni/ 'od srungs sgra'ang bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i phyir te/ sangs rgyas su 'gyur bar bya'o zhes brjod pas sems can dpag tu med pa dag sangs rgyas su 'gyur ba'i rigs so// 'od srungs 'di ltar tha na nyi ma nag gcig spyod pa 'di yang dag par sgrub pa'i sems can dag kyang dkon na/ gang bskal pa 'am/ bskal pa brgya stong du lta ci smos/ de lta bas na sangs rgyas bcom ldan 'das rnams 'byung ba rnyed par dka' 'o/ / 'od srungs 'di lta ste/ dper na stong gsum gyi stong chen po'i 'jig rten gyi khams kyi sems can de dag thams cad kyi nang nas sems can gcig cig bskal pa 'am/ bskal pa brgya 'am/ bskal pa stong ngam/ bskal pa bye ba phrag brgya stong na sangs rgyas su 'gyur ro sangs rgyas su 'gyur ro zhes byang chub kyi phyir smras la/ sems can de ngag gis kyang bskor cing sangs rgyas su 'gyur ro sangs rgyas su 'gyur ro zhes smras na/ rnam grangs 'dis dbugs dbyung ba dang rngub pa rgyun chad par 'gyur gyi/ sems can rnams kyi ngag gi las ni rgyun chad par mi 'gyur ro/ / 'od srungs de lta bu'i ngag gi las tsam gyis ni/ byang chub sems dpa' sems dang po bskyed pa'ang yongs su smin par bya bar sla ba ma yin na/ bla na med pa yang dag par rdzogs pa'i byang chub mngon par rdzogs par 'tshang rgya bar bya ba lta ci smos te/ de dag ni gnas ma yin no// 'od srungs dus de dang tshe de 'byung bar 'gyur te/ yongs su mya ngan las 'das shing / khyod kyang yongs su mya ngan las 'das la/ lha rnams kyang spro ba chung ba'i tshe/ nga'i bsngags pa thos nas/ sems can mang po bla na med pa yang dag par rdzogs pa'i byang chub tu sems skyed par 'gyur te/ de la dge slong gang dag byang chub tu sems skyed par 'gyur ba de dag phal cher chos nyi shu la gnas par 'gyur te/ nyi shu gang zhe na/ dge slong ma dang sten par 'gyur/ kha zas yongs su ma dag pa za bar 'gyur/ kham gyis za ba'i zas la brkam par 'gyur/ dge slong mas yongs su bsgrub pa'i zas za bar 'gyur ro/ / 'od srungs dper na da ltar mang du thos pa'i dge slong dgon pa na gnas sam/ grong na gnas kyang rung ste/ chos yang dag par sdud cing gnas pa de bzhin du/ 'od srungs de'i tshe dge slong dag dgon pa na gnas sam/ grong na gnas kyang rung ste/ dge slong ma rnams dang / lhan cig chos yongs su sdud cing gnas par 'gyur ro// de dag 'dod chags kyi sems shin tu mang du sku'i chos kyi sems ni ma yin no/ / dge slong ma de dag kyang 'dod chags kyi sems shin tu mang du skye'i/ chos kyi sems ni shin tu nyung ngo // 'od srungs ji tsam du byang chub sems dpa'i ming 'di thob nas ngan song gi g.yang sa chen por 'gro ba'i lam rab tu 'dzin par 'gyur ba la ltos/ 'od srungs de ltar na de'i tshe chos kyi mtshan nyid kyis 'du 'dzir 'gyur te/ de dge gcig gis gcig mthong nas 'dod chags kyis yongs su tshig par 'gyur ro/ / mchu bsgyur bas dgos pa go bar byed par 'gyur ro// de nas 'dus nas nye bar gnas pa dang gnas rnams su 'dzin par 'gyur/ de dag thog mar slob dpon la phyag 'tshal bar 'gyur ro// de'i 'og tu sman byed pa gtong bar 'gyur ro// de'i 'og tu ming nas smos par 'gyur ro/ / de'i 'og tu khyim du 'jog par 'gyur ro// yang na lam po che ston par 'gyur/ gnas khang ston par 'gyur/ de dag 'jug pa dang 'byung ba na'ang khyod ci 'dra zhes 'dri bar 'gyur/ de dag phan tshun snag gi gnyen mtshams dang sring mo zhes rjod par 'gyur ro// de dag rgyun mi 'chad par lta bas gnas su 'du bar 'gyur ro// gnas su 'dus nas 'dod chags 'dres par 'gyur ro/ / 'dod chags 'dres nas sprod par 'gyur ro// sprad nas de nyid kyi ming smos par 'gyur te/ de dag ni tshangs par spyod pa ma yin pa'i chos spyod do// gang chos ma yin pa sten pa ni byang chub med par 'gyur/ mtho ris med par 'gyur zhing / mya ngan las 'das pa dang ring ngo // de dag gis de bzhin gshegs pa yongs su btang / de dag gis chos bor de dag gis dge 'dun don du ma gnyer to/ / de dag phyogs gcig tu 'khod nas/ 'dod pa'i rnam par rtog pa la rnam par rtog par 'gyur ro// gnod sems kyi rnam par rtog pa dang / rnam par 'tshe ba'i rnam par rtog pas rnam par 'gyur ro/ / byang chub sems dpa'i lam tshangs pa'i gnas pa bzhi po gang yin pa de dag kyang de dag la med par 'gyur te/ dper na da ltar tshangs pa'i gnas bsgom pa de ltar de'i dus na 'dod pa la rnam par rtog par 'gyur/ gnod sems kyi rnam par rtog pa dang / rnam par 'tshe bas rnam par rtog par 'gyur ro// 'od srungs de ltar de'i dus na skyes bu dam pa ma yin pa gnas par 'gyur/ rku bas gnas pa dang / sgyus gnas par 'gyur ro// 'od srungs de'i dus na ci tsam du mtshams las 'da' bar 'gyur ba la ltos yang mdo sde 'di lta bu 'di dag thos nas smod par 'gyur te/ sngon tshul khrims yongs su dag pa la gnas shing sbyin pa byin nas yid ches pas/ bla na med pa yang dag par rdzogs pa'i byang chub tu sems bskyed kyang / de dag phyis mdo sde 'di lta bu 'di dag thos nas spong bar 'gyur ro// 'od srungs de'i dus na mdo sde 'di lta bu 'di dag thos nas spong bar 'gyur ba'i rtag tsam dang mtshan ma tsam 'di la ltos/ de la mkhas pa tshul khrims yongs su dag pa/ chos 'dzin pa rnams kyis ji ltar mdo sde'i tshig las 'byung ba'i dge slong bstan pa 'di lta bu dag shes par bya/ yongs su spang bar bya ste/ de dag ni chos la dga' ba med do// 'od srungs gzhan yang de'i dus ni/ de dag bdag yongs su bstan pa'i phyir byang chub sems dpa'i spyod pa ston par 'gyur bag med par 'gyur ro/ / bag med par gyur pas rang sangs rgyas dang dgra bcom pa dag pas kyang bdag ches mchog ces brjod par 'gyur te/ de dag gsor mi rung ba bya ba ma yin par lhung ba ste/ log par lhung bar 'gro bar 'gyur ro// 'od srungs gzhan yang de'i dus na las ma yin pa la gnas shing las mi byed pa dag 'byung ngo // de'i dus na byang chub rjod pas tshar sems can du 'dzin cing kun tu zhen to// 'od srungs de ltar na de'i tshe mtshan ma'i gnas su 'gyur ro// 'od srungs gzhan yang de'i dus na kha cig la pha rol tu phyin pa ltar bcos pa shin tu rdzogs par 'gyur/ shin tu 'jug par 'gyur te/ 'di'ang de'i dus na mtshan ma'i gnas su 'gyur ro// 'od srungs gzhan yang de'i dus na yang dag pa ji lta ba bzhin du bshad pa'i mdo sde 'di lta bu 'di dag la shin tu sdang bar 'gyur/ shin tu 'dor bar 'gyur te/ mdo sde 'di lta bu 'di dag gis log par lta ba'i 'du shes su 'gyur ro/ / mi blun po de dag gis ni 'chal pa'i tshul khrims brjod pa 'di dag de ltar rtog par mi 'gyur ro// 'od srungs gzhan yang de'i dus na chom rkun gyi skyon mtha' dag chags par 'gyur te/ de lta bas na de dag las bdag gir bya ba nyid ma mthong ba'i phyir/ sangs rgyas kyi byang chub ma dkrugs so zhes gnod mi bkur bas sangs rgyas kyi byang chub spong bar 'gyur ro/ / 'od srungs gzhan yang de'i dus na dge 'dun gyi rjes su 'gro bar mi 'gyur te/ 'di'ang de'i dus na mtshan ma'i gnas su 'gyur ro// 'od srungs gzhan yang de'i dus na phal cher byas pa mi gzo bar 'gyur/ bsdus par 'gyur ro// ji srid cig tu bslus par 'gyur zhe na/ gang de bzhin gshegs pas de dag gi bsad pa rjod par 'gyur ba de srid du bslus par 'gyur ro/ / phyir zhing tshig gis yongs su slu bas zas mngon par sgrub par 'gyur ro// 'od srungs gzhan yang de'i dus na phal cher byas pa mi gzo bar 'gyur/ so sor thar pa la bsngags par mi 'gyur/ ngag gi las ma bsrungs par 'gyur ro// de dag ngag gi las ma bsrungs pas spyod lam ma bsrungs la/ de dag rung ba ma yin pa'i gnas la gnas shing / rung ba ma yin pa la gnas pa rnams la chos ston par 'gyur te/ de ltar chos 'di la mthar gyis cher 'bad par mi 'gyur ro/ / de ltar mthar gyis bud med dang lhan cig gnas pa shin tu mang bar 'gyur te/ de dag skyes pa rnams spangs nas gtsug lag khang du 'dong zhing / gtsug lag khang du zhugs nas lhan cig 'khod cing sangs rgyas kyi bka' rjod de/ mya ngan las 'das pa ltar bcos pa'i gtam rab tu 'chad par 'gyur ro// 'od srungs chos ni lnga brgya/ kun nas nyon mongs pa'ang lnga brgyar zad na/ de'i tshe mngon par mi brtson pa'i skyes bu gang zag gi chos ma yin pa'i sgo ni mang bar ngas dgongs te/ de'i dus na de dag mi nyung bar rjes su 'jug par 'gyur/ khyim pa dang tshul khrims 'dra bar 'gyur te/ 'od srungs de'i dus na de lta bu dag 'byung bar 'gyur ro// de la don tshol zhing byang chub yongs su tshol bar 'dod pas dge slong ma dang 'dre bar mi bya/ de ltar gnas par mi bya'o// 'dre ba thams cad rnam pa thams cad du spongs la mi 'dre bar bya'o// 'jig rten gyi zang zing thams cad rnam pa thams cad du spangs la bsod snyoms spyad par bya'o/ / gos la sred pa thams cad spangs la phyag dar khrod par bya'o// khang pa brtsegs pa dang gding ba thams cad rnam pa thams cad du spangs la chu 'gram dang mya ngan la brten par bya/ rdo leb dang shing drung du brten par bya'o// na ba'i gsos sman dang yo byad thams cad spangs la bkus te bor ba la brten par bya'o// sems can thams cad sngon snag gi gnyen mtshams su gyur par rig nas byams pa la gnas par bya/ gshe ba dang / brdeg pa dang / yongs su gdung ba rnam pa thams cad du spangs la bzod par bya'o/ / mdza' bshes kyi khyim dang blang ba ster ba'i khyims thams cad spangs la/ las bdag gir bya ba la brten par bya'o// khyim pa dang 'dre bar mi bya'o// des ji skad du bstan pa'i so sor thar pa dang mthun par bya'o/ / 'od srungs gang dag so sor thar pa dang mi mthun par bya bar sems pa de dag ni/ sangs rgyas kyi stobs dang mi 'jigs pa dang mi mthun par bya bar sems pa'o// gang ngag sangs rgyas kyi stobs dang mi 'jigs pa dang mi mthun par bya bar sems pa de dag ni 'das pa dang / ma byon pa dang / da ltar byung ba'i sangs rgyas bcom ldan 'das rnams kyi byang chub dang mi mthun par sems pa ste/ de'i rnam par smin pas ni stong gsum gyi stong chen po'i 'jig rten gyi khams kyi sems can ji snyed pas sems can dmyal ba'i sdug bsngal gyi nor ba myong ba'i tshor ba de dag gis de'i tshor ba de'i brgya'i char yang mi phod/ stong dang / brgya stong dang / bye ba brgya stong dang / grangs dang / cha dang / bgrang ba dang / dpe dang / zla dang / rgyur yang mi phod do// sdug bsngal dang yid mi bde ba 'di lta bu 'di dag yongs su spang bar 'dod pas/ dge slong de dag gi spyod pa 'di lta bu 'di dag dpag tshad stong pas kyang ring du yongs su spang bar bya ste/ bzlas pa'i sgra'ang yongs su spang bar bya na/ lta ba dang mnyan pa lta ci smos te/ de dag yongs su spang bar bya'o// chos gcig kun tu bstan par bya ste/ chos gcig pu gang zhe na/ chos thams cad dngos po med par gyur pa ste/ gang gi tshe bdag kyang de 'dra ba'i tshe chos thams cad la dngos po med pa'i bzod pa dang ldan par 'gyur te/ de mi de lta bu de dag dang sten par mi byed/ snyan par mi byed/ bsnyen bkur mi byed do// des chos gnyis kun tu bsten par bya ste/ gnyis gang zhe na/ chos thams cad la dngos po med pa'i chos nyid yongs su btsal bar bya ba dang / yongs su btsal ba'i sems kyang bskyed par mi bya'o/ / ji lta bur yongs su btsal bar bya zhe na/ ji ltar yongs su btsal ba de gnyis mi dmigs par 'gyur gyur ro// de la mi dmigs pas mi dmigs pa'i sems kyang bskyed par mi bya ste/ de ni log par lta ba yin pas khams gsum pa thams cad dang bral ba'i sems kyis byang chub sems dpa'i spyod pa'i rjes su 'gro bar bya'o// mtshan ma thams cad med pa'i sems kyis byang chub sems dpa'i spyod pa'i rjes su 'gro bar bya'o// de la byang chub sems dpa'i spyod pa ni 'di yin te/ gang 'di de'i dus na bstan pa yin no// gang dngag chos 'di lta bu 'di dag thos nas yongs su spong bas yongs su spong ba de dag gis de bzhin gshegs pa byams pa mnyes par byas nas/ mi mnyes par mi byed/ thugs byung bar mi byed pas// kye ma'o bdag cag bdud kyi zhags pa dag las grol lo// kye ma bdag cag ngan 'gror 'gro ba'i rgyu rnams las grol te/ kye ma bde'o zhes tshig tu smra'o// 'od srungs gang dag de'i dus na mdo sde 'di lta bu 'di dag thos nas mi skrag mi dngang zhing / dngang bar mi 'gyur la/ de la bdag kyang rjes su mthong bar 'gyur zhing gzugs kyi blo yang skye bar 'gyur ba de dag thams cad ni de bzhin/ gshegs pas mkhyen te/ de dag thams cad nga'i chos srungs dag go// 'od srungs 'di lta ste/ dper na khyim bdag phyug po nor che la longs spyod che ba zhig gi bu gang yin pa de dag gis khyim de nas than pa'i rdzas las chu rdza gang tsam mthon na'ang / mthong ma thag tu papha'i rdzas de la 'di ni bdag gi'o snyam du 'du shes skyed de/ dus gzhan zhig na pha'ang shi la longs spyod kyang zad pa'i tshe chu rdza de bdag gi drung du 'jog gam/ gnas gang yang rung bar 'jog pa de bzhin du/ 'od srungs de'i dus na dge slong de dag mdo sde 'di lta bu 'di dag thos nas/ 'di lta bu'o 'du shes yid la byed pa skyed par 'gyur te/ mdo sde 'di dag ni de bzhin gshegs pas gsungs pa/ mdzes pa yid du 'ong bas gsungs pa'o snyam mo// de la dge slong kha cig ni mdo sde 'di lta bu 'di dag thos na spong bar 'gyur ro/ / de la chos 'dzin pa'i dge slong de dag ni 'di snyam du sems par 'gyur te/ mdo sde 'di dag ni de bzhin gshegs pas gsungs pa'o snyam du sems la/ kha cig gis brnyes shing shin tu brnyas par gyur pa de dag ni nyung la/ nyams chung bar gyur pa dag ste/ de dag gis sba ba'i phyir nyin mtshan du 'jog par 'gyur ro// 'od srungs de ltar de bzhin gshegs pa byams pa dang / nga'i chos kyi grong khyer srung bar 'gyur ba tha ma pa de dag ni nyung ste/ de dag ngas da ltar gzigs so// de'i phyir de dag gi gnyen po ni 'di dag ste/ de dag ni sbyin pa chen po yongs su gtong bar 'gyur/ kye gang gi tshe rigs kyi bu de dag gis 'di lta bu 'di dag thos nas/ ji ltar bcas pa'i bya ba bzhin du nan tan gyis sgrub pa de dag ni/ de bzhin gshegs pa byams pa las snying po'i mchog thob par 'gyur te/ de la tshangs par spyad pa spyod cing / yang dag par lta ba'i sems can rnams ni yang chos kyi grong khyer 'di 'dzin par 'gyur ro/ / 'od srungs gang dag gis nga mnyes par ma byas pa'i sems can de ni gcig kyang ngas kun nas ma mthong ste/ de dag ni phyi ma'i tshe lnga brgya pa tha ma la mdo sde 'di lta bu de dag thos na spong bar mi 'gyur gyi/ len par 'gyur/ 'dzin par 'gyur/ klog par 'gyur te/ de ni gnas med pa'o// gang dag gis da ltar mthong ba dang / bsnyen bkur byas pa de dag ni phyi ma'i tshe lnga brgya pa tha ma la mdo sde 'di lta bu 'di dag gnod par 'gyur/ len par 'gyur/ 'dzin par 'gyur te/ de dag la ngas legs so zhes bya ba sbyin ci dgos te/ de dag bdag nyid kyis thams cad mkhyen pa'i ye shes dang ldan pa'i phyir ro// nga rjes su dran nas dga' bar 'gyur te/ kye ma kye ma shAkya thub pa des phan gdagos pa'i dam pas bdag cag la phan btags so zhes tshig de skad smra bar 'gyur ro/ / 'od srungs de lta bas na chos 'di la slobs shig/ 'di la bslabs na ci dang ci 'dod pa de dang de rnyed par dka' bar mi 'gyur ro/ / de skad ces bka' stsal nas bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das bdag gis ci zhig 'tshal bar bgyi/ bcom ldan 'das bdag ni re ba ma mchis te/ bcom ldan 'das bdag ni bla na med pa yang dag par rdzogs pa'i byang chub las yongs su nyams pa lags so/ / bcom ldan 'das bdag gang gi tshe thams cad mkhyen pa'i ye shes dang ldan par gyur pa na shin tu dga' bar 'gyur lags so// bcom ldan 'das bdag bla na med pa yang dag par rdzogs pa'i byang chub la ngo mtshar du 'dzin lags so/ / bcom ldan 'das bdag gis bla na med pa yang dag par rdzogs pa'i byang chub rnyed dka' lags so// de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs nga khyod la mi zer gyi/ khyod la brten nas de dag la spras na/ bla na med pa yang dag par rdzogs pa'i byang chub myur du mngon par rdzogs par 'tshang rgya bar 'gyur ro zhes bya ba the tshom med pa la khyod the tshom za'o/ / 'od srungs gzhan yang sems can gang dag chos la skom pa dang ldan pa dang / chos yongs su tshol ba dang ldan pa de dag thams cad ni/ mthar gyis bla na med pa yang dag par rdzogs pa'i byang chub mngon par rdzogs par sangs rgyas nas/ yongs su tshol ba thams cad yang dag par gzhol ba'i phyir chos ston par 'gyur ro/ / // bam po gnyis pa// // 'od srungs byang chub sems dpas chos bzhi dang ldan bar bya ste/ bzhi gang zhe na/ byang chub sems dpas brtson 'grus brtsam par bya'o// brtson 'grus brtson 'grus shes bya ba gang zhen/ gang gzugs mi tshol/ tshor ba dang / 'du shes dang / 'du byed dang / rnam par shes pa mi tshol gyi/ zag pa med pa'i chos rnams tshol ba'o// de la zag pa med pa'i/ chos rnams gang zhe na/ gang na sa'i khams med pa dang / sa'i khams kun tu brjod pa med pa dang / chu'i khams med pa dang / chu'i khams kun tu brjod pa med pa dang / me'i khams med pa dang / me'i khams kun tu brjod pa med pa dang / rlung gi khams med pa dang / rlung gi khams kun tu brjod pa med pa dang / gang na gang brjod pa de dag thams cad ni btags pa ste/ btags pa'i chos de dag thams cad ni yang dag pa ma yin pa'o// de la byang chub sems dpa' btags pa med pa'i snying po blang bar bya'o// gsol pa/ bcom ldan 'das gal te btags pa'i chos yang dag pa ma lags na/ gang la la 'di skad du gal te btags pa'i chos yang dag pa ma yin na/ gang sangs rgyas shes bya ba'i sgra brjod pa'i btags pa 'di'ang yang dag pa ma yin par mi 'gyur ram zhes mchi bar 'gyur na/ bcom ldan 'das bdag gis de la ci skad bgyi/ bdag ni de bzhin gshegs pa dgra bcom pa yang dag par rdzogs pa'i sangs rgyas la skur pa 'debs par mi 'tshal lo/ / de skad ces gsol pa dang / bcom ldan 'das kyis/ tshe dang ldan pa 'od srungs chen po la 'di skad ces bka' stsal to/ / 'od srungs ma 'ongs pa'i dus na dge slong lus ma bsgoms pa/ sems ma bsgoms pa/ tshul khrims ma bsgoms pa/ shes rab ma bsgoms pa dag 'byung ste/ dag ni don mi shes pa/ khyad du gsod pa/ gnod sems la dpa' ba/ smra ba la dpa' ba dag 'byung ste/ de dag mdo sde 'di lta bu 'di dag len par mi byed/ kun chub par mi byed/ 'dzin par mi byed/ klog par mi byed do// de ci'i phyir zhe na/ de dag 'di ltar gzugs skye ba dang / tshor ba dang / 'du shes dang / 'du byed dang / rnam par shes pa skye bar rtog pa'i phyir ro/ / 'di ltar mdo sde 'di lta bu 'di dag ni btags pa'i chos so// de'i dus na 'byung ba de dag ni ji ltar gzugs skye ba dang / ji ltar tshor ba dang / ji ltar 'du shes dang / ji ltar 'du byed dang / ji ltar rnam par shes pa skye ba de ltar dge slong de dag de'i tshe gnas par 'gyur ro// de'i dus na khyim pa dang / dge slong kha cig 'byung bar 'gyur ba de dag la don dam pas ci zhig bya/ 'od srungs 'di lta ste/ dper na mi dmus long la gser gyi 'phreng ba btags na des mi shes so// 'od srungs de bzhin du de'i dus na dge slong de dag gis mdo sde 'di lta bu 'di dag thos nas/ tshig tu brjod pas kyang 'dzin par mi 'gyur na/ don dam pa'i byed pas 'jug par 'gyur ba lta ci smos/ 'od srungs 'di/ lta ste/ dper na khye'u 'am/ bu mo la la zhig la mi la la zhig gis bsdigs na/ de yun ji srid du mi de'i ming brjod pa thos pa de srid du skrag la dngang zhing dngang bar 'gyur ro// 'od srungs de bzhin du de'i dus na/ dge slong de dag mdo sde 'di lta bu 'di dag gis yang dag pa ji lta ba bzhin du bskul na/ bdag gis bsngags pa ma yin pa shes shing / bdag chos gos kyis dkris par rig nas skrag la dang zhing dngang bar 'gyur ro/ / 'od srungs 'di lta ste/ dper na spre'u byi la'i drung du btags na de la mi phyogs de lta bar mi nus so// 'od srungs de bzhin du de'i dus na dge slong de dag mdo sde 'di lta bu 'di dag thos na rgyab kyis phyogs shing / mdun gyis mi phyogs par 'gyur ro// 'od srungs 'di lta ste/ dper na wa ni khyi las 'bros te/ dur khrod du gzhol/ khung du gzhol/ phug tu gzhol/ 'od srungs de bzhin du de'i dus na dge slong de dag mdo sde 'di lta bu 'di dag thos na wa'i rnam par rgyug pas rgyug par 'gyur ro// de la wa'i rnam par rgyug pa ni 'di yin te/ gang dag tshul khrims 'chal bar 'gyur ba ste/ de dag ni mdo sde 'di lta bu 'di dag thos na song bar 'gyur ro// 'od srungs 'di lta ste/ dper na wa ni dur khrod du gzhol bar 'gyur ro/ / 'od srungs de bzhin du de'i dus na dge slong de dag kyang mdo sde 'di lta bu 'di dag thos na khyim la gzhol bar 'gyur/ 'dod pa la gzhol bar 'gyur/ bud med la gzhol bar 'gyur/ 'thab mo dang mtshang 'dru ba la gzhol bar 'gyur/ 'dus pa la gzhol bar 'gyur/ rtsi sman gyi tha snyad la gzhol bar 'gyur/ rgyal po'i bkrabs par 'gyur zhing / der gnas pa dag ches tshul khrims 'chal par 'gyur te/ de ni de dag gi dur khrod du 'gro ba zhes bshad do// 'od srungs 'di lta ste/ dper na wa ni khung du gzhol lo// 'od srungs de bzhin du de'i dus na dge slong de dag kyang 'chi ba'i dus byas na ngan 'gror gzhol bar 'gyur te/ de ni de dag gi khung du 'gro bar bshad do// 'od srungs 'di lta ste/ dper na wa ni phug tu gzhol lo// 'od srungs de bzhin du de'i dus na dge slong de dag kyang spu gris gtams pa dang / ral gris 'dab ma can gyi tshal gyi sems can dmyal ba chen po rnams dang / gsal shing gi tshal gyi sems can dmyal ba chen po rnams su rgyug cing rnam par rgyug par 'gyur te/ 'di ni de dag gi wa'i 'gro ba zhes bshad do// 'od srungs wa'i chos dang ldan pa'i dge slong ni mdo sde 'di lta bu 'di dag gzung ba 'am/ rtog par byed ni mi nus kyi/ gang smad cing spangs nas de lus zhig ste shi ba'i 'og tu ngan song ngan 'gro log par ltung ba sems can dmyal ba rnams su ltung bar ni byed nus so// 'od srungs dge slong gang 'di skad ces btags pa'i chos yang dag pa ma yin na/ gang de bzhin gshegs pa zhes brjod par gyur pa 'di'ang btags pa ste/ yang dag pa ma yin pa'o zhes zer ba de la/ dge slong mkhas pa rnams kyis 'di skad ces brjod par bya'o// tshe dang ldan pa stong pa nyid dam/ 'on te btags pa'am/ gnas gang gis gnas 'di brjod ces brjod par bya'o/ / de gal te 'di skad du btags pa'o zhes zer na/ de la 'di skad brjod par bya ste/ 'o na ni khyod kyang sangs rgyas su 'gyur ro// de ci'i phyir zhe na/ khyod kyis ming btags pa'ang yod pa'i phyir ro zhes brjod par bya'o/ / de gal te 'di skad du stong pa nyid du zhe na/ de la 'di skad du 'o na ni brjod par mi bya'o// de ci'i phyir zhe na/ stong pa nyid ni brjod du med pa'i phyir te/ des stong pa btags so// stong pa gang yang bdag gam/ bdag gi'am/ sems can gyis stong pa ma yin pa de stong pa'o zhes brjod par bya'o// yang dge slong de la dge slong khyod ci chos thams cad stong par 'dod dam zhes dri bar bya'o/ / de gal te 'di skad du kho bo ni stong pa nyid mi 'dod do zhes zer na/ de la 'di skad du tshe dang ldan pa khyod ni dge sbyong shAkya'i sras las nyams nas yun ring ngo / / de ci'i phyir zhe na/ bcom ldan 'das de ni stong pa nyid gsung ba ste/ bdag tu gsung ba ma yin/ sems can du gsung ba ma yin/ srog tu gsung ba ma yin/ gang zag tu gsung ba ma yin pa'i phyir ro zhes brjod par bya'o// de gal te 'di skad du chos thams cad ni stong pa ste/ kho bo stong pa nyid 'dod do zhes zer na/ de la 'di skad du tshe dang ldan pa chos thams cad kyang stong na de bzhin gshegs pa dgra bcom pa yang dag par rdzogs pa'i sangs rgyas lta ci smos/ tshe dang ldan pa ci mig de bzhin gshegs pa yin nam/ ci rna ba dang / sna dang / lce dang / lus dang / yid de bzhin gshegs pa yin zhes brjod par bya'o// de gal te 'di skad du mig de bzhin gshegs pa yin/ rna ba dang / sna dang / lce dang / lus dang / yid de bzhin gshegs pa yin no zhes zer na/ de la 'di skad du 'o na ni tshe dang ldan pa'ang de bzhin gshegs pa yin no zhes brjod par bya'o// de gal te 'di skad du mig de bzhin gshegs pa ma yin te/ yid kyi bar du de bzhin gshegs pa ma yin no zhes zer na/ de la 'di skad du de ltar na mig ni btags pa ste/ de de bzhin gshegs pa ma yin/ yid kyi bar du btags pa ste/ de de bzhin gshegs pa ma yin no// tshe dang ldan pa de ltar na khyod 'di skad du de bzhin gshegs pa btags pa ma yin no zhes zer na/ gnas der bdag cag gis ci zhig ma thob par gyur ces brjod par bya'o/ / de gal te 'di skad du mig de bzhin gshegs pa ma yin/ de bzhin gshegs pa mig las gzhan pa'ang ma yin/ yid kyi bar du de bzhin gshegs pa ma yin/ de bzhin gshegs pa yid las gzhan pa'ang ma yin no zhes zer na/ de la 'di skad du de bzhin gshegs pas skye mched bcu gnyis gsungs pa ni/ 'di lta ste/ mig gi skye mched dang / gzugs kyi skye mched nas/ yid kyi skye mched dang / chos kyi skye mched de/ tshe dang ldan pa de dag ni sems can nam/ sems can du btags par zad na/ tshe dang ldan pa ci mig de bzhin gshegs pa yin nam/ yid kyi bar du de bzhin gshegs pa yin nom zhes brjod par bya'o// de gal te 'di skad du mig de bzhin gshegs pa yin te/ yid kyi bar du de bzhin gshegs pa yin no zhes zer na/ de la 'di skad du 'o na sems can thams cad kyang sangs rgyas su 'gyur te/ sa thams cad dang / ri thams cad dang / shing thams cad dang / srid par gtogs pa rnams su sangs rgyas su 'gyur ro zhes brjod par bya'o// de gal te 'di skad du mig de bzhin gshegs pa ma yin te// yid kyi bar du de bzhin gsheg pa ma yin no zhes zer na/ de la 'di skad du de bzhin gshegs pas chos dang chos ma yin pa bstan pa ni 'di dag go zhes brjod par bya'o// de gal te 'di skad du gzugs de bzhin gshegs pa ma yin te/ chos kyi bar du de bzhin gshegs pa ma yin no zhes zer na/ tshe dang ldan pa ci chos ma yin pa de bzhin gshegs pa ma yin nam zhes brjod par bya'o// de gal te 'di skad du chos ma yin pa de bzhin gshegs pa'o zhes zer na/ de la 'di skad du 'o na sems can gang dag par mi 'dzin pa dang / mar mi 'dzin pa dang / dge sbyong du mi 'dzin pa dang / bram zer mi 'dzin pa dang / rigs kyi gtso bo mi skyong ba dang / srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma smra ba dang / ngag rtsub po smra ba dang / tshig bkyal pa smra ba dang / brnab sems can dang / gnod sems kyi sems dang ldan pa dang / log par lta ba dag dang / srid par bsdus pa de dag thams cad kyang de bzhin gshegs par 'gyur ro zhes brjod par bya'o/ / de gal te 'di skad du chos ma yin pa de bzhin gshegs pa ma yin no zhes zer na/ de la 'di skad du de'i phyir de bzhin gshegs pa ni chos kyang ma yin/ chos ma yin pa'ang ma yin no// gang chos kyang ma yin/ chos ma yin pa'ang ma yin pa de la btags pa med do// tshe dang ldan pa de ltar na 'di skad du de bzhin gshegs pa btag pa ma yin no zhes zer ram zhes brjod par bya'o/ / 'od srungs de ltar na mi blun po de dag ni dus dus su chos dang mthun pas tshar gcad par bya'o// 'od srungs gang chos dang mthun par nges par 'byung ba 'di la chos dang mthun pas phyir smra nus pa de ni lha dang bcas pa dang / bdud dang bcas pa dang / tshangs pa dang bcas pa'i 'jig rten na ngas ma mthong ste/ gzhan du na khro ba dang / zhe sdang dang / gti mug dang / mi bzod pa dang / rkyen med par smras nas/ chos stong pa la smod cing 'gro bar 'gyur ba ni ma gtogs so// 'od srungs de ltar khyod kyis mdo sde 'di lta bu 'di dag gzung bar bya'o/ / 'od srungs gang dag mdo sde 'di lta bu 'di dag 'dzin par ma 'gyur ba'i dus de yod de/ de dag la ming gsum 'dogs par 'gyur ro// gsum gang zhe na/ 'di lta ste/ chad par smra zhing dngos po med pa dang / phung po med pa dang / rim gro med pa'o// 'od srungs de ltar na de'i tshe mdo sde 'di lta bu 'di dag spong bar 'gyur ro// 'od srungs de'i dus na 'di ltar de bzhin gshegs pa la bsti stang mi byed pa dang / chos la bsti stang mi byed par 'gyur te/ de bzhin gshegs pa dang chos la bsti stang med par byas nas/ dge 'dun gyi ming gi tshogs lhag mar 'gyur ba la ltos/ de dag ni btags pa la brten par 'gyur/ ming la brten par 'gyur te/ de dag sangs rgyas dang chos kyi ming brjod cing gzhan dag la ston kyang / sangs rgyas ji ltar blta bar bya ba ni shes par mi 'gyur ro/ / de dag sangs rgyas dang chos shes tshig tu rjod kyang de bzhin gshegs pas chos bshad pa gang yin pa de ni shes par mi 'gyur ro// de dag skyes bu bzung bzhi dang skyes bu gang zag brgyad rjod par 'gyur zhing / bcom ldan 'das kyi nyan thos kyi ming tsam shes par 'gyur te/ yon tan gang dag gis de'i ming dang de'i don ni rig par mi/ de'i don ni shes par mi 'gyur ro// de dag gos dang zas kyi ched dang / mal stan dang / na ba'i gsos sman dang / yo byad kyi phyir chos spong bar 'gyur ro// de la byang chub sems dpas mdo sde 'di lta bu 'di dag khong du chud par bya ba'i phyir/ brtson 'grus brtsam par bya/ bdag 'jug par byas la gzung bar bya'o// de ci'i phyir zhe na/ de dag phyi ma'i dus na chos kyi grong khyer skyong bar 'gyur ba'i phyir ro// chos bstan pa 'di lta bus bskal pa dgu bcu rtsa gcig stongs par 'gyur ro/ / 'od srungs ngas mngon par shes te/ 'das pa'i dus na bskal pa stong la de bzhin gshegs pa gcig 'jig rten du byung ngo // 'od srungs ngas mngon par shes te/ 'das pa'i dus na de bzhin gshegs pa zhi ba dang ldan pa zhes bya ba byang chub sems dpa' rnams yongs su smin par mdzad pa dang / 'jig rten gyi don gyi phyir bskal pa brgyad khri bzhi stong du bzhugs par gyur to/ / 'od srungs ngas mngon par shes te/ 'das pa'i dus na de bzhin gshegs pa dri ma med pa zhes bya ba bskal pa bye ba phrag nyi shur bzhugs te/ bskal pa bye ba phrag nyi shur byang chub sems dpa'i spyod pa spyad nas gdod bla na med pa yang dag par rdzogs pa'i byang chub mngon par rdzogs par sangs rgyas so// 'od srungs de bzhin gshegs pa sems can rnams la phan gdags pa'i phyir ji tsam du dka' ba mdzad pa la ltos/ 'od srungs bskal pa'i snyigs ma 'di lta bu zad pa'i dus na ngas smad par mi bya'o// 'od srungs tha na sems can gcig gis nga'i chos shes pa dang / thams cad lag na dbyig pa thogs shing / lag na mtshon thogs te/ nga'i gan du rgyug cing 'ong bar mi sems pa de'ang ngo mtshar shin tu che'o/ / de ci'i phyir zhe na/ 'od srungs skyes bu dam pa'i chos ni 'di dag yin te/ 'di lta ste/ 'dus byas thams cad la mngon par 'du mi byed pa shes par dka' ba'i phyir ro// bdag tu/ lta ba 'am/ sems can du lta ba 'am/ srog tu lta ba 'am/ gang zag tu lta ba'am/ 'byung bar lta ba 'am/ phung po la mngon par brten pa 'am/ tshul khrims su lta ba 'am/ sangs rgyas su lta ba 'am/ chos su lta ba 'am/ dge 'dun du lta ba 'am/ mya ngan las 'das par lta ba 'am/ gang la la mya ngan las 'das par lta ba de dag thams cad ni/ de bzhin gshegs pas log par lta bar mkhyen to/ / de ci'i phyir zhe na/ 'od srungs de bzhin gshegs pa ni mya ngan las 'das pa la mi dgongs shing mya ngan las 'das pa mi dmigs pa'i phyir ro// 'od srungs gang dag mya ngan las 'das pa la sems shing dmigs pa de dag thams cad ni de bzhin gshegs pa'i log par lta bar mkhyen to/ / gang dag log par lta ba de dag ni mi shes pa zhes bya'o// gang dag mi shes pa de dag ni smras pa'o/ / gang dag smras pa de dag ni byis pa'o// byis pa gang yin pa de dag la sangs rgyas kyi byang chub kyis ci zhig bya ste/ de dag ni tha na mtho ris su skye ba dang yang ring ngo // 'od srungs ma 'ongs pa'i dus na/ dge slong lo nyi shu 'am/ lo bzhi bcu 'am/ lo lnga bcu 'am/ drug cu 'am/ bdun cu 'am/ brgyad cu 'am/ dgu bcu 'am/ lo brgya thub ste rgabs zil gyis non pa/ chos gos kyis brgyan pa/ mgo bregs pa/ lus bslus pa/ rgas pa/ gnas brtan du chud pa/ gti mug pa/ 'khogs pa/ garba brjid nyams pa/ log par zhugs pa dag 'byung ste/ de dag 'chi ba'i dus kyi tshe/ sdig pa 'dod pas zil gyis non nas/ bsams bzhin du lhong pa'i chos rnams kyis gnas te/ de dag gnas gsum gyi rtogs pa rjod par 'gyur ro// gsum gang zhe na/ 'di lta ste/ yang na spyod lam kun tu ston pas sam/ yang na spyod pa 'dzin pas sam/ yang na mdzub mo bsgreng ba ste/ gnas gsum po 'di dag gis rtogs pa rjod par 'gyur ro// de dag lhag pa'i nga rgyal can du gyur pas 'chi ba'i dus kyi tshe/ 'gyod pa'i sems kyis 'chi ba'i dus byed par 'gyur te/ de dag lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro// 'od srungs de lta bas na khyod mos par bya/ khyod kyi khong du chud par bya ste/ ci nas kyang dge ba'i bshes gnyen dang / don 'dod pa dang / snying brtse ba can du bya zhing / 'di lta ste/ dper na kun tu rgyu rtsa ba can dang 'ching ba pa bzhin du phyis 'gyod par mi bya'o/ / 'od srungs bdag tu lta ba la rab tu 'byung bar nga skabs mi 'byed de/ sems can du lta ba la ma yin/ srog tu lta ba la ma yin zhing / gang zag tu lta ba la rab tu/ 'byung ba'i skabs mi 'byed do// gang dag la skabs ma phye ba de dag bstan pa 'di la rab tu 'byung zhing / rkun ma de dag dad pas byin pa yin pa yongs su spyod de/ yang dag pa'i dge slong tshul khrims dang ldan pa ni ma yin no/ / 'od srungs mis zhag drug gi bar du zan ma zos pa ni bla'i/ bstan pa 'di la rab tu 'byung nas 'di lta ste/ bdag tu lta ba 'am/ sems can dang srog tu lta ba 'am/ gang zag tu lta ba 'am/ mya ngan las 'das pa'i bar du lta bas dad pas byin pa yongs su spyad pa ni de ltar ma yin no// de la byang chub sems dpas bdag tu lta bar mi 'gyur ba dang sems can du lta bar mi 'gyur ba dang / srog tu lta bar mi 'gyur ba dang / gang zag tu lta bar mi 'gyur ba dang / 'byung bar lta bar mi 'gyur ba dang / mya ngan las 'das par lta bar mi 'gyur bar bya zhing / lta ba thams cad spang ba'i phyir chos bstan par brtson 'grus brtsam par bya'o// 'od srungs skyes bu dam pa de lta bu de dag la ngas mdo sde 'di lta bu 'di dag rjes su gtad do// de ci'i phyir zhe na/ 'di ltar de dag ni nga ci 'dra ba de 'dra bar 'gyur bar 'dod pa'i phyir ro// gang dag de 'dra bar 'gyur bar 'dod pa de dag ni nga 'dra ba rnams kyi brdar byas pa'o// gang dag nged kyis brdar bya ba de dag gis nged la bskul bar bya'o/ / de nas de'i tshe bcom ldan 'das kyis tshigs su bcad pa 'di dag bka' stsal to// gang dag spros pa mi mnga' ba// 'jig rten mgon rnams ma gtogs par/ / sems can gnod pas nyen gyur pa// de dag rnams kyi skyabs med do// dman zhing gol ba'i lam zhugs pa// sems can gnod par gyur rnams la// gang gis ngan 'gror 'gro ba yi/ / 'dod chags phyir zhing rab tu 'phel// 'dren pa med cing mgon med pa'i// dgon pa la ni rab tu gnas// gang na bde ba med pa yi// lam de la ni rab tu zhugs// dper na mda' gzhu ma thogs pa'i/ / tshong pa lam du zhugs gyur pa// de ni chom pos bcom nas su// de las nor rnams kun phrogs te// sdug bsngal las byung gang gi nor// rnam par chud gzan byas 'ongs te/ / dngos po gang dang gang gzung ba// de las phyir yang gnod pa 'byung // de bzhin 'di na kha cig kyang // chos kyi bya bas 'ongs pa yang // sngon gyi dge ba dam pa mchog/ nor de spyad nas 'ongs pa yin/ / de dag 'di na mgo bregs bsten// byis pa'i lta ba'i dbang du song // bdag dang srog dang de bzhin du// gang zag 'du shes 'dzin par 'gyur// dge slong gang dag stong nyid smra// gang dag la ni mi brten pa/ / de la sdang ba'i sems bskyed nas// myur du ngan 'gror 'gro bar 'gyur// gnod pa'i sems ni byed par 'gyur// gcig la gcig ni gnod par byed// yod pa ma yin skur pa 'debs/ / de la des ni khrel bar 'gyur// lus kyis gnod cing ngag gis gnod// yid ni shin tu g.yo dang ldan// gang dag phyin ci log lta ba// de dag 'gro ba shin sdig/ sdig pa'i las rnams byas nas su// myur du ngan 'gror 'gro bar 'gyur// sdug bsngal rnams kyis gnod 'gyur la// dpung gnyen med cing skyabs kyang med// ma 'ongs dus na dge slong ngas gnod sems dpa' ba 'byung 'gyur te/ / gang dag byang chub rjes zhugs pa'i// dge slong rnams la gnod par 'gyur// shin tu mi bzad gyur pa dag/ mdo sde 'di 'dra 'di dag spong // shAkya seng ge'i bstan pa la/ / phyir zhing dad par mi 'gyur ro// gcig la gcig ni gnod pa'i sems// shin tu chen po byed par 'gyur// gcig la gcig ni mi snyan pa// phyogs phyogs dag tu sgrog par 'gyur// yod pa ma yin skur 'debs shing // de la de dag khrel bar 'gyur// sdig pa'i bshes gnyen dpung skye zhing // des na nges pa mthu chung 'gyur// dam chos mthu chung byas nas su// sdig pa can dag dpung skyes nas/ / nga sras thugs las skyes pa yis// dge slong de dag 'dong bar 'gyur// phyogs gang du ni 'dod snyam zhing // gang du dge bar 'gyur ba dang // sdig pa rnams las 'grol 'gyur zhes/ / de la snying rje skye bar 'gyur// de phyir de dag mdo sde 'di// de yi tshe ni yid la 'dzin// mtha' 'khob tu ni dga' gyis shes// 'jig rten mgon gyis bka' stsal gyis// tshur shog sangs rgyas bsngags pa yi/ / mtha' 'khob der ni 'dong bar bya// rnam par 'jig pa'i dus bab pa// da ltar nges pa shin tu dkon// de na kha cig 'di skad 'dzer// gang du drang srong chen po des// bla med byang chub brnyes gyur pa/ / der ni myur 'dod tshur shog cig/ de na kha cig 'di skad 'dzer// nges pa 'di ni legs par smras// yul rgyu 'bras bu yod do zhes// 'jig rten mgon gyis bka'/ stsal to// byang chub sa ni yid 'ong ba// der 'dong ba ni ches bla yi// gnod pa'i sems kyis 'dir gtses nas// 'chi 'gyur de lta ma yin zhes// nga yi phyir ni yul rgyu zhing // dge slong de dag 'dong bar 'gyur/ / sangs rgyas bzhugs bzhugs rab bzang ba// gnas ni der yang mthong bar 'gyur// 'chag sa dang ni bzhugs sa dang // rdo leb shing drung stongs gyur pa// der ni dag 'dus nas su/ / yang dang yang du ngu bar 'gyur// 'di ni drang srong che de yi// 'chag sa yongs su spyad pa ste// de yi tshe na der byung ba// sangs rgyas de ni ma mthong ngo // 'di ni drang srong chen po des/ / 'dus byas thams cad mi rtag ces// chos kyi dam pa bstan par mdzad// de yang bdag cag dang ma mthong // mi dang mi ma yin rnams dang // lha dang klu rnams lhags gyur nas// legs par gsungs pas tshim mdzad pa/ / de yang bdag cag stongs par mthong // byang chub snying po dam pa'i mchog/ sangs rgyas sa dang nyer dong ste// de dag der ni tshogs gyur nas// tshul bzhin du @ni sems par 'gyur/ / 'dir ni 'jig rten mgon po des// byang chub bla na med pa brnyes// 'dir ni sdig can dpung bcas pa// wa ni shin tu skrag par mdzad// gang na sangs rgyas gdan yod pa/ / 'di ni sa yi snying po ste// 'das dang gang dag 'byung 'gyur ba// kun gyi gdan yang 'di yin no// 'di nyid du ni dpal chen la// lha mang bye bas bsti stang byas// zhag bdun skyil mo krung gcig gis// shing 'di la ni gzigs par mdzad// der yang bsti stang byas nas su// gang du 'khor lo rab bskor cing // tshangs pa'i 'jig rten go gyur pa// chos bstan par ni 'dong bar 'gyur/ / dge slong dag ni der dong nas// yang dang yang du ngu bar 'gyur// dpa' bo 'dir ni gshegs nas su// de'i tshe lnga sde btul bar mdzad// lnga sdes sangs rgyas mthong nas su// yid mi bde ba skyes gyur to/ / gang yang ldang ba mi bya zhes// 'og khrims de ni bcas par gyur// ston pa thugs rje ldan pa des// srog chags rnams la thugs rje mdzad// 'chi med 'bras bu thob 'gyur ba// dge slong lnga sde rnams la gtams/ / chos kyi 'khor lor phyag 'tshal zhing // yang dang yang du dus byas nas// gang du mya ngan 'das gyur te// mtha' mar sangs rgyas mthong bar 'dong // srog chags kun la phan pa'i phyir/ / 'di ni 'jig rten mgon po des// sku yi tshig ni dbye ba mdzad// 'di ni sangs rgyas mya ngan 'das// shAkya seng ge thub pa che// kye ma sangs rgyas zhes kyang 'dzed// khyod kyi sgra ni thos gyur gyi/ / khyod ni de ring ma mthong ngo // 'dir ni drang srong chen po des// dge slong rab bzang tha ma pa// 'dir ni tham par gyur ces// ye shes kyis ni snga nas mkhyen// kha cig rnam par rgyu zhing 'chi// kha cig legs par gnas shing mchi/ / kha cig rgyu ba byas nas 'chi// de dag kun kyang bde 'gror 'gro// de nas phyi ma'i dus kyi tshe// gang dag tshul khrims rab gnas pa// de dag gi ni bstan pa 'di// shin tu rgya chen 'gag par 'gyur// dge slong gang dag khrims 'chal pa// de dag thams cad mchod par 'gyur// dad pas byin pa de spyad nas// myur du ngan 'gror 'gro bar 'gyur// phyi ma'i dus na'ang shes rab can/ / myur du bde 'gror 'gro 'gyur ba// ci 'dra de tshe 'byung 'gyur ba// dge slong rnams kyi bye brag ltos// don 'jig rten snang byed pa// 'jig rten la ni snying brtse ba// byang chub sems dpa' shes rab che/ / byams pa'i sems kyis phan byed rnams// dga' zhing mgu ba'i sems kyis ni// de dag zhal ta byed par 'gyur// bdag cag sangs rgyas 'gyur bar bya// bdag cag byams pa mnyes par bya/ / srog chags kun gyi mdun du ni// bdag cag ston la bsti stang bya// ji ltar bdag cag bsams pa bzhin// thams cad mkhyen pa lung ston 'gyur// mthu po che ni de dag gi/ don phyir ngas ni bshad par bya// de dag gis ni mngon mthong bzhin// sangs rgyas des ni de dag gzigs// ngas ni 'di dag dbugs dbyung ngo // nga yang 'di 'drar 'gyur bya zhes/ / byang chub yan lag yongs tshol zhing // sangs rgyas kun la phyag 'tshal lo// de na bud med gang dag kyang // byang chub mchog la zhugs gyur pa// de dag kun kyang dbugs dbyung ngo / / de bzhin gshegs pa dpag tu med// bud med mtshan rnams spangs gyur nas// myur du skyes par reg par 'gyur// sangs rgyas byams pa de mthong nas// de dag bsti stangs byed par 'gyur/ / 'dun pa drag po bskyed byas la// bshes gnyen rnams ni bslab byas na// yongs su tshol ba de dag kun// dka' ba med pa rnyed par 'gyur// 'dun pa drag cing khrims ldan dang / / mang du thos par gyur nas su// de tshe sangs rgyas ston pa po// byams pas de dag lung ston 'gyur// de bas don ni thos gyur nas// ngad pa bzang po skyed par 'gyur// sems can kun la phan gdags phyir// sems ni brtan por byed par 'gyur// 'di ni mi gang yongs tshol ba// gnas de ci phyir rnyed mi 'gyur// gang la shes rab brtson 'grus yod// de la byang chub dkon pa med/ / dga' zhing mgu ba'i sems kyis ni// g.yo dang ldan par yong mi bya// byams pa'i sems ni bsgom par bya// bas mtha' dgon par gnas par bya// 'di ni byang chub spyod pa yin// gang ngag 'di las gsogs chos kyis/ / gnas 'di rab tu rjod byed pa// de dag chom rkun drag po che// sems can kun gyis phyag byas so// gang dag bza' dang btung ba dang // rnyed dang bkur sti'i don gyi phyir chos rnams mthun par gzung byas nas/ / phan tshun du ni 'chang bar 'gyur// de dag srog ni mchog min te// de dag srog ni don med do// de ni 'chi zhing 'phongs par 'gyur// des ni ngan song myur du 'gyur/ / chos kyi sgo nas kha cig ni// dge slong min la dge slong ming // so sor thar pa legs gsungs dang // mdo sde bsngags min rjod par 'gyur// gang du rang khrims phun sum tshogs// 'di 'dra ba dag ngas bshad pa/ / dge slong gzugs kyis spong gyur te// de dag la ni bzang 'gro med// gang zhig lhar bcas 'jig rten la// de snyed skur pa btab pa bas// gang gis kun mkhyen ston pa la// bskur btab de ni debs mang // lus kyis kun tu bsdam par bya// ngag gis yang dag bsdam par bya// yid kyis sdang bar mi bsams te// de tshe mya ngan 'das par gyis// 'od srungs de bzhin gshegs pa yongs su mya ngan las 'das shing / sngon gyi rgyal ba la lhag par bya ba byas pa'i dge slong rnams kyang yongs su mya ngan las 'das la/ lhag pa'i bsam pa phun sum tshogs pa'i sems can rnams kyang 'chi ba'i dus byas te/ zad par gyur pa 'byung ba'i dus de yod de/ dam pa'i chos phyi ma la lo lnga brgya pa tha mar gyur pa na/ dge slong brkam pa chags pas zil gyis non pa/ chags pa yang bas zil gyis non pa/ phra ma can/ gtum pa/ brlang ba/ rtsub pa/ khro gnyer mang ba/ chos gsum la gnas pa dag 'byung ste/ gsum gang zhe na/ spang ba'i tha snyad la gnas pa dang / gi spyod pa la gnas pa dang / bud med dang 'dre zhing gnas pa ste/ chos gsum po de dag la gnas par 'gyur ro// chos bzhi las yongs su nyams par 'gyur te/ bzhi gang zhe na/ tshul khrims kyi phung po las yongs su nyams par 'gyur ba dang / bzang 'gror 'gro ba las yongs su nyams par 'gyur ba dang / 'bras bu thob pa las yongs su nyams par 'gyur ba dang / sangs rgyas la yang dag par ji lta ba bzhin du lta ba las yongs su nyams par 'gyur ba'o/ / chos bzhi po de dag dang ldan pa de rnams las skyo bar byed pa'i chos bzhi shin tu shas che bar 'gyur te/ bzhi gang zhe na/ de dag la phrag dog shin tu shas che bar 'gyur ba dang / de dag la khro ba shin tu shas che bar gyur pa dang / de dag la khyim la lhag par chags pa shin tu shas che bar 'gyur ba dang / bdag kyang yongs su spangs te brkam pas zas sogs pa'i gnas kyis bum par 'jog par 'gyur te/ de dag chos gos la zhen nas/ chags pas zil gyis non nas/ za ma tog lta bu'i chos mang du kun spyod par 'gyur/ za ma tog lta bu'i chos yang dag par blangs nas gnas par 'gyur/ gsog dang ya ma brlar 'gyur te/ de dag la dge slong gi chos gnas par mi 'gyur ro// chos 'di lta bu 'di dag thos nas/ gnas bzhi lhag par yongs su tshol bar 'gyur te/ bzhi gang zhe na/ chos spong ba lhag par yongs su tshol bar 'gyur ba dang / ma gnang ba smra bar 'gyur ba dang / bud med 'ba' zhig 'khod pa la chos 'chad par 'gyur ba dang / de dag de lta bu byed cing so sor thar pa spong ba lhag par yongs su tshol bar 'gyur ba ste/ de dag mdo sde 'di lta bu 'di dag thos nas/ de bas kyang cher chos kyis 'phongs par 'gyur ba'i las byed par 'gyur ro// 'od srungs 'di lta ste/ dper na khyi khro bo'i snar mkhris pa bskus na/ 'od srungs 'di ji snyam du sems/ khyi de de bas kyang cher shin tu khro bar 'gyur ram/ gsol pa/ bcom ldan 'das de de lta lags so// bcom ldan 'das kyis bka' stsal pa/ 'od srungs de bzhin du skyes bu dam pa ma yin pa khyi dang 'dra ba 'dre dang 'dra ba de dag 'byung bar 'gyur te/ dge slong mdo sde bsam pa'i gzhi la gnas pa/ chos 'di lta bu 'dzin pa/ chos 'di lta bu ston pa dag gis de dag yang dag par 'dod pa chung ba la bkod cing / 'dod pa chung ba'i bsngags pa smrar bcug na/ de dag gis thos nas mi dga' bar 'gyur/ sgyid lug par yang 'gyur/ zhum par 'gyur/ yongs su gdung bar 'gyur/ khro bas zil gyis non par 'gyur te/ bdag cag dus ma yin pa dang phyogs ma yin par bkod do// bdag cag dus ma yin par bkod par gyur pa las so sor rjes su sbyor ba byas te/ ci byed pa byed par 'gyur zhes smra bar 'gyur/ mdo sde 'di lta bu 'di dag thos nas spong bar 'gyur/ ral gri'i so dang mdung thung lta bu'i khro ba rig par byed par 'gyur/ de dag 'dod pa chung ba'i bsngags pa mi smra bas/ 'di sangs rgyas kyis gsungs pa ma yin no zhes tshig tu smra bar 'gyur te/ de dag 'dod pa chung ba ma yin zhing 'dod pa che ba yongs su 'dzin to// 'od srungs ngas ni rnam grangs du mas 'dod pa chung ba'i bsngags pa gsungs te/ 'tsho ba yongs su dag pas chog shes pa dang / gso sla ba dang / dgang sla ba dang / yo byad bsnyungs pa dag dang / sbyangs pa'i yon tan dang / mdzes pa dang / dgon pa la gnas pa dang / brtson 'grus brtsams pa'i bsngags pa gsungs so// khyed za ma tog lta bu'i chos la kun tu spyod pa mang bar ma byed cig/ de ci'i phyir zhe na/ chos 'di dag ni snying stobs skyed pa yin pa'i phyir te/ khyed g.yo ba ma byed cig/ chos 'di dag ni snying stobs skyed pa yin gyis/ khyed khro ba la gdu bar ma byed cig/ khyed dngos po len par ma byed cig/ byed dngos po med par gyis shig/ khyed mtshan ma'i 'du shes ma byed cig/ khyed gnas med pa dang 'dris pa med par gyis shig/ khyed pa glang dang bong bu sdud par ma byed cig/ khyed le lo'i gnas rnams dang ldan par ma byed cig/ khyed mi dge ba'i chos spang ba dang dge ba'i chos bsgrub pa'i phyir brtson 'grus rtsoms shig/ 'od srungs ngas ni rnam grangs du mas dben pa bsngags te/ dgon pa la gnas pa dang 'du'adzi med pa bsngags so/ / de nas yo byad ma bsrungs pa la gnas pa/ 'dod pa che ba/ sdig pa 'dod pa/ yo byad ma bsrungs pa'i tshul la gnas pa dag gis/ yo byad bsnyungs pa la gnas pa 'di lta bu 'di dag spong bar 'gyur ro/ / 'od srungs 'di lta ste/ dper na dbyar zla 'bring po la mi zhig mar 'thung la/ de'ang shes rab 'chal pa'i rang bzhin can zhig pas skom nas chu tshol te/ des mi zhig la chu bslang pa dang / des 'di skad du/ kye mi khyod mar 'thungs kyis/ chu 'dod par ma byed cig/ shi bar 'gyur ta re zhes smras pa dang / de khro bas zil gyis non nas/ mi de la mi snyan pa rjod cing gshe la/ de'i tshig ma mnyan te/ des chu 'thungs nas 'chi ba'i dus byed pa de bzhin du/ 'od srungs gang dag dmigs pa can gyi rang bzhin can brkam pa/ yon tan ma yin pa la gnas pa'i dge slong dag 'byung bar 'gyur te/ de dag la chos 'di lta bu 'dzin pa'i dge slong dag gis ni 'di ni bya ba'o// 'di ni bya ba ma yin pa'o zhes bskul na/ de dag khro bas zil gyis non nas mi snyan pa rjod pa dang gshe bar 'gyur te/ mdo sde 'di lta bu 'di dag dang / de bzhin gshegs pa'i gdam pa dang rjes su bstan pa spong bar 'gyur ro// 'od srungs de lta bas na de ltar phal cher de bzhin gshegs pa dang rtsod do/ / 'od srungs de bzhin gshegs pa dge slong gi dge 'dun la bslabs pa'i gzhi 'cha' zhing stan gcig par za ba bsngags pa na/ dge slong bzang skyong khro bas zil gyis non nas zla ba gsum na nga'i gan du 'ongs pa la ltos/ 'od srungs nga'i tshangs par spyod pa'i snying po mchog 'di nyid la gnas skabs 'di lta bu 'di byung na/ de bzhin gshegs pa yongs su mya ngan las 'das nas lta ci smos/ dge slong zang zing la chags pa/ lhung bzed la chags pa/ chos gos la chags pa/ na ba'i gsos sman dang yo byad la chags pa/ rmugs pa dang gnyid kyi dbang du song ba dang gnod sems la dpa' ba'i dge slong rnams mdo sde 'di lta bu 'di dag thos na/ de bzhin gshegs pa la'ang bsti stang med par 'gyur na/ dge slong gang dag bya ba la gnas pa rnams la lta ci smos/ 'od srungs gang chos rin po che 'di lta bu 'di nub par 'gyur ba ni ma legs pa'o// shin tu ma legs pa'o// de la rigs kyi bu dang / rigs kyi bu mo don 'dod pa dang pas phyi ma'i dus/ snyigs ma'i dus/ shin tu 'chab pa'i dus/ rigs kyi bu mu ge byung ba'i dus de na/ nga'i bstan pa la mdo sde zab mo 'di lta bu 'di dag thos nas/ rig pa dang ldan pa rnams la brjod par bya'i rig pa dang mi ldan pa rnams la ni ma yin no/ / dad pa rnams la brjod par bya'i/ ma dad pa rnams la ni ma yin no// 'od srungs nga'ang da ltar rig pa dang ldan pa rnams la ni smra'i/ rig pa dang mi ldan pa rnams la ni ma yin no/ / ngang pa rnams la smra'i/ ma dad pa rnams la ni ma yin no// 'od srungs rta dmu rgod ni rta cang shes kyi go cha mi len to// len na'ang de la de yid mi dga' bar 'gyur na/ dung dang 'khar rnga dang / rnga bo che dang / rdza rnga'i sgra bzod pa lta ci smos te/ de ni gnas med do// 'od srungs de bzhin du dge slong tshul khrims 'chal pa'ang skyes bu dam pa'i chos la nam yang bzod par mi 'gyur ro/ / 'od srungs 'di lta ste/ dper na rta dmu rgod de ni 'drog par 'gyur ro// 'od srungs de bzhin du dge slong tshul khrims 'chal pa'ang tha na chos thams cad ni bdag med pa'o zhes tshig gcig smras na de la bdag gi 'du shes can 'jig par 'gyur/ skrag par 'gyur/ rtsod par 'gyur na/ nye bar bstan pa na lta ci smos/ go cha bgos na bdud kyi sde bye ba phrag brgya pham par bya/ ji ltar shin tu rtsod par mi 'gyur ba de ltar pha rol pham par bya'o/ / de dag gi go tshad ni mi shigs pa'i rtsa ba dang / sbyangs pa'i yon tan dang / yo byad bsrungs pa'i rtsa ba dang / ma chags pa'i rtsa ba dang / zhe sdang med pa'i rtsa ba dang / gti mug med pa'i rtsa ba dang / phrag dog med pa'i rtsa ba dang / 'dod pa spong ba'i rtsa ba dang / gcig pu gnas pa'i rtsa ba dang / mi nyal ba'i rtsa ba'o// thams cad kyi thams cad du gnod sems kyi sems bskyed par mi bya/ thams cad kyi thams cad du 'dod chags kyi sems bskyed par mi bya/ gang du'ang re bar mi bya'o// go cha de ni re ba med pa'i rtsa ba zhes bya ste/ go cha de lta bu bgos nas byang chub tu sems bskyed par bya/ gang la'ang mngon par zhen pa med par bya'o// bdag tu 'du shes bskyed par mi bya ste/ sems can du 'du shes mi bskyed/ srog tu 'du shes mi bskyed/ gang zag tu 'du shes mi bskyed/ bud med du 'du shes mi bskyed/ skyes par 'du shes mi bskyed/ sa'i khams su 'du shes mi bskyed/ chu'i khams su 'du shes mi bskyed/ me'i khams su 'du shes mi bskyed/ rlung gi khams su 'du shes mi bskyed/ 'dod pa'i khams su 'du shes mi bskyed/ gzugs kyi khams su 'du shes mi bskyed/ gzugs med pa'i khams su 'du shes mi bskyed/ tshul khrims su 'du shes mi bskyed/ 'chal pa'i tshul khrims su 'du shes mi bskyed/ stong pa nyid du 'du shes bskyed par mi bya/ thams cad la 'du shes bskyed par mi bya ste/ tha na mya ngan las 'das pa'i 'du shes bskyed par mi bya na/ bdag tu 'du shes bskyed pa lta ci smos/ ci'i phyir 'du shes bskyed par mi bya zhe na/ 'di la 'du shes de dag gang yang mi dmigs pa'i phyir ro// 'od srungs gal te 'dod chags yang dag pa yin du zin na/ de'i 'pho ba dang 'gog pa kun tu shes par mi 'gyur ro// 'od srungs 'di ltar 'dod chags ni yul na gnas pa dang / phyogs na gnas par mi gnas te/ brdzun du smra ba ni ma gtogs so// de lta bas na de bzhin gshegs pa ni yang dag pa gsung ba ste/ yang dag pa ji lta ba bzhin du gsung ngo // 'dod chags gang yin pa de ni bdag ma yin te/ de lta bu'i chos de dag ni dge sbyong gi chos rnams so// de la gang mi dmigs pa de dag ni dge sbyong gi chos yin no/ / gang dag gis 'du shes de gzung na/ de dag gis ri rab dang mnyam pa'i gang zag tu 'du shes gzung bar 'gyur te/ de dag ni bstan pa 'phags pa 'di las nyams pa ste/ de dag gi dge sbyong gis chos de dag ci'ang ma bskyed cing / de dag dge sbyong gi chos la gnas pa ma yin te/ rags pa lhur len pa'o// des na skyes bu gti mug pa gti mug gis rgas pa de dag la sus kyang ci'ang brjod par mi bya'o/ / de ci'i phyir zhe na/ 'di ltar de dag gis ci'ang bzung ste/ des na sems can dmyal ba chen po mi bzad par bskal par gnas par 'gyur ba'i skabs yongs su gzung ba'i phyir ro/ / 'od srungs dge slong ko ka li ka dang / dge slong lhas byin dang / dge slong khan Da drab bya dang / dge slong ka ra ta ti sh+ya dang / dge slong rgya mtshos byin la ltos 'od srungs dge slong rta thul dang nab so la ltos/ 'od srungs dge slong skar bzangs nga'i g.yog byed de/ nga'i mdun na smra zhing 'chag pa dang 'dug pa la'ang lta/ rdzu 'phrul gyi stobs kyis steng gi bar snang la 'chag pa la'ang lta/ chos dang mthun pas mu stegs can stong tshar gcod pa la'ang lta la/ de nga la dad par mi byed cing / tshig re re la'ang mthun par mi byed pa la ltos/ gang tshig re re la'ang mthun par mi byed pa de ni ngan par 'gro bar 'gyur ro/ / kye yang sangs rgyas yang dag pa'o zhes tshig tu smra bar 'gyur ba de la ni/ tsan dan gyi phur ma ri rab tsam gyis gtor bar bya/ mngon par gtor bar bya'o/ / stong gsum gyi stong chen po'i 'jig rten gyi khams kyi tshad tsam gyi gdugs byas te steng gi bar snang la gzung bar bya'o// de ci'i phyir zhe na/ 'od srungs 'di ltar sangs rgyas kyi sgra yang dag pa la'ang yid ches par dka' na/ gang dad par gyur nas dad pas rab tu 'byung ba dang / 'dod pa'i yon tan spangs nas ci la'ang mi gnas par bsam gtan byed par 'gyur ba lta ci / smos/ 'od srungs sems can gang dag 'di la ban byung/ dikar bcas pa'i bsgrub pa la slob pa dang / chos bdud rtsi de'ang rtogs pa de dag ni tu ngo mtshar che'o/ / 'od srungs 'di lta ste/ dper na 'dus pa chen por gyur pa'i nang na pags pa'i rnga sgra byung rgyal du 'byung ba/ legs par byas pa/ brjod pa bzhin du byed pa/ sbyin pa sbyin pa rnam par bkra ba dag gcig yod la/ mi zhig gis de mgo la mi lhung bar byas te cher sgrub pa'o zhes smra zhing gos dag gis dkris te khyer ba las/ 'od srungs bltas na sbyin pa ci'ang sbyin par ma gyur nas/ kye yang yod pa ma yin par mthong ste/ 'dor bar byed pa de bzhin du 'od srungs de bzhin gshegs pa'i dpal gyis sbyin pa ci' sbyin par mthong la/ kye yang yod pa ma yin par mthong nas 'dor bar 'gyur ro// 'od srungs bdag tu 'du shes pa las 'dod chags 'byung ngo // gzhan du 'du shes pa las 'dod chagaso 'byung ngo / / 'od srungs su bdag gis 'du shes yongs su shes pa de ni/ 'od srungs mdo sde 'di lta bu 'di dag thos nas mi 'khrug/ de ci'i phyir zhe na/ mi mthun pa las ga bar 'gyur ba'i phyir ro/ / de lta bas na chos 'di lta bu 'di dag thos nas/ de bas kyang shas cher yid byung ba'i sems 'thob bo// gang dag gis de shin tu bzung ba de dag ni log par lta ba'o// gang dag log par lta ba de dag ni yang dag pa 'di lta bus bskul na 'khrug go// de ci'i phyir zhe na/ 'od srungs bdag tu 'du shes pa ni 'khrug par 'gyur ba'i phyir ro// 'od srungs dge slong ngam/ dge slong ma 'am/ dge bsnyen nam/ dge bsnyen ma gang zhig chos 'di lta bu 'di dag thos nas 'khrug gam/ gnod sems bskyed dam/ spong bar byed dam/ de dag ni dge sbyong zhes bya/ yang dge sbyong gi tha snyad bor ba ste/ de dag ni nga'i nyan thos ma yin la/ nga'ang de dag gi ston pa ma yin no// de ci'i phyir zhe na/ 'od srungs brdzun du smra ba dag ni nga'i nyan thos ma yin la/ / ngo'ang brdzun du smra ba dag gi ston pa ma yin pa'i phyir ro// de ci'i phyir zhe na/ de bzhin gshegs pa ni yang dag par gsung ba/ de bzhin gshegs pa ni chos thams cad stong pa'o zhes de skad gsung ba'i phyir ro/ / 'od srungs de bzhin gshegs pas ni bdag gi stobs 'jig par mdzad pa ste/ de dang rtsod do// gang de bzhin gshegs pa dang rtsod pa de ni bdud ces bya'o/ / de bzhin gshegs pas ni bdud kyi ris rab tu dbyung ba dang bsnyen par rdzogs par ma gnang ngo // 'od srungs 'di lta ste/ dper na gang zhig 'di skad du bya ka la ku Ti ka las pa glang glang po che skyes so zhes zer na/ 'od srungs 'di ji snyam du sems/ mi de'i tshig de yid ches par bya ba yin nam/ gsol pa/ bcom ldan 'das de ni ma lags so// bka' stsal pa/ 'od srungs 'di ji snyam du sems/ de mthun pa yin nam/ 'on te mi mthun pa yin/ gsol pa/ bcom ldan 'das de ni mi mthun pa lags so/ / bka' stsal pa/ de bas kyang skyes bu dam pa ma yin pa gang dag bdag tu 'du shes pa dang / sems can du 'du shes pa dang / srog tu 'du shes pa dang / gang zag tu 'du shes pa dang / mya ngan las 'das pa'i 'du shes la gnas te/ nga la ston pa zhes rjod pa de dag ni ches mi mthun no// 'od srungs 'di lta ste/ dper na mi la la zhig 'ongs nas 'di skad du bya 'dab bzangs las bya rog skyes so zhes zer na/ 'od srungs 'di ji snyam du sems/ mi de'i tshig de yid ches par bya ba yin nam/ gsol pa/ bcom ldan 'das de ni ma lags so// bka' stsal pa/ 'od srungs 'di ji snyam du sems/ de mthun pa yin nam/ 'on te mi mthun pa yin/ gsol pa/ bcom ldan 'das mi mthun pa lags so// bka' stsal pa/ de bas kyang skyes bu dam pa ma yin pa gang dag bdag tu 'du shes la gnas pa nas/ mya ngan las 'das pa'i 'du shes kyi bar la gnas nas/ nga la ston pa'o zhes brjod pa de dag ni ches mthun no// 'od srungs 'di lta ste/ dper na mi la la zhig 'di skad du srin bu me khyer gyis ri rab blangs te 'gro'o zhes zer na/ 'od srungs 'di ji snyam du sems/ mi de'i tshig de yid ches par bya ba yin nam/ gsol/ pa/ bcom ldan 'das de ni ma lags so// bka' stsal pa/ 'od srungs 'di ji snyam du sems/ mi de'i tshig de mthun pa yin nam/ 'on te mi mthun pa yin/ gsol pa/ bcom ldan 'das mi mthun pa/ lags so// bka' stsal pa/ de bas kyang skyes bu dam pa ma yin pa gang dag bdag tu 'du shes pa la gnas pa nas/ mya ngan las 'das pa'i bar gyi 'du shes la gnas nas/ nga la ston pa'o/ zhes rjod pa de dag ni ches mi mthun no// 'od srungs 'di lta ste/ dper na rgyal po'i rim gro ba'i mi la la zhig yod la/ sngon ma mthong ba'i mi la la zhig de las bslabs nas/ de dbang phyug gis gzhig tu song ste/ rgyal po'i zham 'bring de dag gi nang du song nas/ ma glengs par 'di skad ces zer te/ rgyal po 'di skad gsung ngo // rgyal po 'di lta bu dag bka' stsal gyis/ de bzhin gyis shig kho bo ni rgyal po 'am/ rgyal po'i blon po de dag ma mthong ba'i mi yin te/ dbang phyug gis gnas kyis 'ongs so zhes de de skad zer/ de de lta bu dag zer zhing de ltar bya'o// kho bo ni srog gi ched du rgyal po 'am/ rgyal po'i blon po chen po de dag gi gan du 'gro'o zhes zer ba bzhin du/ 'od srungs de bzhin bshegs pa'ang stobs rdzogs pa/ rang gi bya ba rdzogs pa dang ldan pa ste/ dper na rgyal pos sa'i dkyil 'khor chen po mthar thug pa med pa bde bar cham du 'beb shing / de la zas sbyar ba dag kyang 'byung ba de bzhin du/ de bzhin gshegs pa'ang dge 'dun mtha' thug pa med pa dang / sangs rgyas kyi zhing mang po cham du 'bebs te/ de la zhal zas sbyar ba dag kyang 'byung ngo // de na sngon ma mthong ba'i mi bdag tu smra ba dang sems can du smra ba nas/ mya ngan las 'das pa'i bar du smra ba dag 'ong zhing / de dag ma bcol bar 'ongs nas 'di skad ces zer te/ de bzhin gshegs pas 'di skad ces bka' stsal to// de bzhin gshegs pas 'di lta bu dag bka' stsal to// 'di ni bya ba'o// 'di ni bya ba ma yin no zhes zer ro/ / de la gang dag gdams ngag dang rjes su bstan pa'i bka' dang mthun par byed pa de dag ni de bzhin gshegs pa'i bka' la mngon par dad cing 'gal bar mi byed do// de dag gis de dag thos nas bdag dang yang sngo/ bu dang chung ma dang yang sngo zhing sbyin par byed/ shin tu mchog dang shin tu gya nom pa sbyin par byed/ shin tu bsti stang byas te sbyin par byed/ dad pas sbyin par byed cing / ji srid du khong du ma chud pa de srid du dad pas sbyin par byed de/ de ltar na yon tan de lta bu dang spyod pa de lta bu dang ldan pa de dag ni sngon ma mthong ba'i mi dang 'dra'o// de dag gis yongs su spyad nas 'du 'jis nyin mtshan 'das par byed do/ / rgyal po'i gtamo brjod pa dang / chom rkun gyi gtam brjod pa dang / bza' ba'i gtam dang / btung ba'i gtam dang / smad 'tshong ma'i gtam dang / bud med kyi gtam dang / smad pa'i gtam rjod par 'gyur/ zla ba spang kis zin pa dang / nyi ma spyang kis zin pa dang / rgyal po 'ong ngo // rgyal po 'gro'o// rgyal po btsun mo'i 'khor gyi nang na 'dug go zhes bya ba dang / khyim gyi gtam rjod par 'gyur/ sdug par 'gro bar bya/ gang na zas ster ba der 'gro bar zhes de lta bu'i gtam rjod par 'gyur ro// zhag gcig gnas pas nyi ma 'das par byas nas gtsug lag khang du 'gro bar 'gyur/ zhag gnyis gan pa dang / zhag gsum gnas pa dang / zhag bzhi gnas pa dang / zhag lnga gnas pa dang / zhag drug gnas pa de dag der gnas pa lta bu'i gtam rjod par 'gyur zhing / de lta bu'i gtam dag rjod par 'gyur/ sman chang sna tshogs kyis gtam gyi rgyud kyis shes bzhin med par gyur pa'i lus dang / kha nas kha chu zag cing myos nas nyal bar 'gyur ro/ / de dag gis der ci byas pa de rmi lam du rmi bar 'gyur/ bdag 'gro ba rmi bar 'gyur/ bdag yon tan ma thob pa sgrub par rmi bar 'gyur ro// de dag sang nas phan tshun/ gtam zer te/ 'di ltar khyod ni mtshan mo song ngo // 'di ltar khyod ni 'dug go// 'di ltar khyod kyis de las thob bo// gang dag gis ma thob pa de dag kyang myur du skyen par myur du song dang legs so zhes phan tshun smra bar 'gyur te/ shis pa'i rmi lam de dag rmis nas/ de dag grong dang / grong khyer dang / grong rdal dang / yul 'khor dang / rgyal po'i pho brang 'khor du 'jug par 'gyur/ gcig la gcig ngom zum gnag pa dang / sdug bsngal ba dang / nye bar gnas pa ma yin pa'i rgyud dang / mnyam par ma gzhag pa'i sems kyis rgod cing dbang po phal par mar la ma bsgrims shing / sems g.yeng ba'i spyod pas de dag khyim du dong nas so so thar pa bor te/ bud med nyi tshe 'khod pa la chos ston par 'gyur/ de dag bdag cag gang las shin tu rnyed par 'gyur snyam nas chos sgrub cing de dag de las rnyed par 'gyur te/ de dag chags shing zhen la mdud pa bor te/ brgyal zhing lhag par chags la/ lhag par chags par gyur nas/ de dag mi 'dod pas ngu zhing 'dong bar 'gyur ro/ / gnas gnyis rab tu ston te/ gnyis gang zhe na/ shin tu bzang zhing shin tu rab tu zhim pa la bsngags par mthong ba dang / kha cig shin tu bzang po ma yin pa la mi snyan pa brjod par 'gyur ba ste/ sbyin pa po rnams la lta ci smos/ de dag yang de ltar 'dus nas gcig la gcig lta zhing ci zhig byin/ sus byin/ ji snyed cig byin/ ji snyed cig spyad ces smra bar 'gyur ro// 'od srungs 'chi ba'i dus ma byas kyi bar du rnal 'byor la mi brtson pa dag gi rnam grangs ni 'di dag go/ / rnal 'byor dang mi ldan pa de dag la gzhan yang shes par bya ste/ 'di lta ste/ chos thams cad spong ba'o// 'od srungs dge slong de dag la snying rje bar bya'o// de ci'i phyir zhe na/ de dag gi rnam par smin pa sdug bsngal bar 'gyur ba'i phyir ro// de nas bcom ldan 'das kyis de'i tshe tshigs su bcad pa 'di dag bka' stsal to/ / 'tsho ba dag gi don gyi phyir// byis pa rgyal po'i bkrabs par 'gyur// khyim dang khyim du rgyu byed cing // rgyal po 'di skad gsung zhes smra// de dag dong nas phra ma zer// khros nas chad pas bcad da re// byis pa'i mthu ni de lta bus// rtag tu 'tsho ba byed par 'gyur// gang gis bskal pa brgya mang du// lag pa rkang pa yongs btang zhing // bya bar dka' ba mang / mdzad pa// sangs rgyas la lta smos ci dgos// nga ni chos kyi rgyal po'i mi// chad pa drag po gcod la dbang // ji ltar bya zhing ci bya zhes// su yang 'dri bar yong mi byed// dge slong rnams la gnas sbyin zhing / / zas dang skom gyi dam pa dang // chos gos mchog tu gang gyur pa// thams cad gus dang bcas pas byin// 'di ltar bdag kyang mi spyod cing // bu la'ang sbyin par mi byed la// sdug bsngal shi thang btsal byas nas/ / gang dag tshul khrims ldan la byin// de la gang dag mi rigs par// spyad nas myur du 'gro byed de// phyogs gcig tu ni 'dus nas su// bde bar gyur tam zhes kyang 'dzer// / rgyal po'i gtam dang chom rkun gtam// gel ba'i gnas kyi gtam dag dang // bza' ba dang ni btung ba'i gtam// de dag 'dus nas smra bar byed// nyi zla spyang kis zin pa dang // rgyal po 'od dang 'gro ba dang / / der ni rgyal bar 'gyur ba dang // der ni pham par 'gyur ba dag/ mi rigs pa rnams brjod pa 'di// yang dang yang du brjod par 'gyur// mal cha bzang pos mal bcas te// mtshan mo thog thag nyal byas nas// de dag na ni ngan pa ste// sbyin pa de yang mchog ma yin// yang dang yang du mi rnyed kyis// gang na bzang ba'i khyim der 'deng // de srid du ni don brtags te// nyal ba byas nas de yi tshe// mi rigs rmongs pa blo ngan pa// dper na bong bu khal khyer bzhin// de dag de na ci bsams bzhin// de tshe rmi lam rmis gyur pa// sad nas kun tu rjod byed de/ / de dag phan tshun smra bar byed// khyod la kyal ka mi byed de// khyod la rmi lam bzang rmis kyis// yid mi bde ba mi skyed par// myur du song la de sgrubs shig/ shin tu sdom pa ci 'dra bar// de dag grong dang yul 'khor 'gro// thams cad ngom zum gnag gyur cing // spre'u dang 'dra bar rnam par 'khyam// de dag khyim du zhugs nas su// so sor thar pa legs bshad pa// sangs rgyas kyi ni mdo bor nas/ / bud med rnams la chos 'chad do// de dag khyim nas 'gro byed cing // gang gis rab tu ngan byin pa// der ni sbyin pa po dang de'i// gnyen bshes gyur pa rnams la spyod// de dag dang yang 'dus gyur nas/ / gcig la gcig ni 'dri byed de// ci rnyed khyod kyis ci zhig zos// ci zhes dris nas de dag smra// de ltar snga ma bzhin sbyar te// lo gcig bzhin du lo brgyar yang // de dag de 'dra'i rtog pa yis// de dag 'tsho ba byed par 'gyur// der ni rtsod pa byas nas su// 'di ni sman du 'gyur ba ste// nad nyung 'gyur ba yin no zhes// me tog gi ni sbrang rtsi sdud// der ni bsgom pa bor nas su/ / khyim pa rnams dang 'du byed pa// de dag la ni sangs rgyas dang // sangs rgyas brgyas kyang ci zhig mdzad// bdag la 'phangs par 'dzin pa dang // bdag tu 'du shes rtag/ spangs la// gang dag ngan 'gror mi 'gro ba'i// rnal 'byor de dag skyed gyur pa// de dag la ni de rab dka'// 'di ltar byis pa blo ngan pa// khyim pa dang ni 'du ba rnams// dam pa'i chos ni spong bar byed/ / gang dag shAkya seng ge yi// nyan thos yang dag spyod yul ba// srog gi don gyi ched du yang // su yang bslab pa 'da' mi nus// khur gyis 'du shes skyed gyur pa// mkhas pa zas la brkam pa med/ / de la mi sdug sgom par byed// de la 'dug cing rnam par sbyong // 'dod pa'i zag pa spang ba'i phyir// 'du shes thams cad rnam par 'jig/ de dag bstan pa 'di la ni// rab tu 'byung bar skabs 'byed do/ / yang dang yang du yongs btsal na// gang la snying po mi dmigs pa// stong pa nyid ni gar brjod pa// chos la mkhas pa mi smod do// gang dag stong nyid tshul mkhas pa// de dag dpa' zhing shes rab che// / bdud dpung bcas par skrag par byed// de dang de dag sbyin pa sbyong // de dag la ni dga' ba med// stong pa nyid dang 'gal mi byed// dpa' bo de dag sangs rgyas sras// rkang gnyis nang na sbyin pa'i gnas blo gros ngan pa mang byung tshe/ / dam pa'i chos nyung gnas par 'gyur// bag yod pas ni tshol ba yis// dge slong des pa nyung bar 'gyur// 'chi ba myur du 'byung 'gyur la// bdag gi yang dag nyid kyi gtam/ / nyin dang mtshan du brjod 'gyur zhes// mkhas pas skyo ba bskyed par bya// rkang gnyis dam pa ma gtogs par// 'jig rten na ni skyabs gzhon med// bslab pa rnams la bdag bslabs la/ / 'chi ba'i dus byed 'gyur bar bya// dgongs te bshad pa 'di lta bu// gang dag mi shes de dag ni// bla na med pa'i sangs rgyas dang // chos la'ang bsti stang mi byed do/ / kye ma dam chos zad gyur te// 'di dag yun ring mi thogs shing // rgyun thung ring por mi thogs kyis// brtson 'grus brtan por brtsam par bya// de skad ces bka' stsal nas// bcom ldan 'das la/ tshe dang ldan pa 'od srungs chen pos 'di skad ces gsol to// bcom ldan 'das gang dag mdo sde 'di lta bu 'di dag thos nas/ yang dag par skyo ba 'di lta bu mi skyed pa de dag ni ngo mtshar to// de skad ces gsol nas/ bcom ldan 'das kyis/ tshe dang ldan pa 'od srungs chen po la 'di skad ces bka' stsal to// 'od srungs chos bzhi dang ldan pa'i sems can rnams skyo ba mi skye ste/ bzhi gang zhe na/ bag med pa mang ba dang / las kyi rnam par smin pa la yid mi ches pa dang / sems can dmyal ba chen po la yid mi ches pa dang / 'di ltar bdag 'chi bar 'gyur bar yid mi ches pa ste/ 'od srungs chos bzhi po de dag dang ldan pa'i sems can rnams skyo ba mi skye'o/ / 'od srungs gzhan yang chos bzhi dang ldan pa'i sems can rnams skyo ba mi skye ste/ bzhi gang zhe na/ 'byung ba chen po bzhon te bar chad med par 'dug par gyur pa dang / mthu stobs dang ldan par gyur pa dang / 'dod pa'i yon tan rnams la rab tu chags par gyur pa dang / gzi brjid la sems pas rnal 'byor ma myong zhing btung ba'i stobs can du gyur pa ste/ 'od srungs chos bzhi po de dag dang ldan pa'i sems can rnams skyo ba mi skye'o// 'od srungs chos bzhi dang ldan pa'i dge slong ni sangs rgyas kyi byang chub spong ste/ bzhi gang zhe na/ des sngon sdig pa'i las byas par gyur pa dang / de'i chos kyis 'phongs par gyur pa dang / de'i mi dge ba'i rnam par smin pa ston pa dang / mkhan po dang slob dpon ni mang pos bsngags pa yin na/ de ni sangs rgyas kyi byang chub spong zhing / de dag gi rjes su bslabs nas spong la thos pa nyung bar gyur pa yin te/ skyon gzhan gyis pha rol ngag la phrag dog tu gyur pas sangs rgyas kyi byang chub spong ba ste/ 'od srungs chos bzhi po de dag dang ldan pa'i dge slong ni sangs rgyas kyi byang chub spong ngo // // bam po gsum pa ste tha ma'o/ / / 'od srungs dge sbyong du byed pa/ bram zer byed pa'i chos gcig ste/ gcig gang zhe na/ chos thams cad la sems mi gnas pa ste/ 'di ni dge sbyong du byed pa dang / bram zer byed pa'i chos gcig go// 'od srungs 'di lta ste/ dper na mi la la zhig ri ka nas dbab tu lhung nas stong pa'i gnas dang / shing stong pa'i gnas dang / nam mkha' stong pa'i 'du shes kyis sa stong par shes te/ de dbugs phyi nang du rgyu bar mi 'gyur ro// 'od srungs de bzhin du chos thams cad la 'dzin te/ mig gis rtags su 'dzin cing / mig gis mtshan mar 'dzin pa ni dge sbyong du byed pa'i chos ma yin/ bram zer byed pa'i chos ma yin no// de bzhin du rna ba dang / sna dang / lce dang / lus dang / yid kyi rtags su 'dzin cing mtshan mar 'dzin pa ni dge sbyong du byed pa'i chos ma yin/ bram zer byed pa'i chos ma yin no// gzugs la mtshan mar 'dzin pa dang / tshor ba dang / 'du shes dang / 'du byed dang / rnam par shes pa la mtshan mar 'dzin pa ni dge sbyong du byed pa'i chos ma yin/ bram zer byed pa'i chos ma yin no// tshul khrims kyis byang chub 'dogs shing / tshul khrims kyis byang chub rlom sems su byed pa dang / thos pa yongs su tshol bas byang chub rlom sems su byed pa dang / ngo tsha shes pa dang khrel yod pas byang chub 'dogs pa dang / 'ong ba dang 'gro bas byang chub rlom sems su byed pa'i chos 'di ni dge sbyong du byed pa'i chos ma yin/ bram zer byed pa'i chos ma yin no// gang rlom sems su byed pa de ni gnod par 'gyur ro// cis gnod par 'gyur zhe na/ 'dod chags kyis gnod par 'gyur ro// zhe sdang gis gnod par 'gyur ro// gti mug gis gnod par 'gyur ro// de la gang mig gis mtshan mar 'dzin pa de ni mtshan ma gadzin pas yid du 'ong ba dang / yid du mi 'ong ba'i gzugs rnams kyis mig la gnod par 'gyur ro// rna ba dang / sna dang / lce dang / lus dang / yid kyang de bzhin te/ yid kyis mtshan mar 'dzin na/ de mtshan mar 'dzin pas yid du 'ong ba dang yid du mi 'ong ba'i chos rnams kyis yid la gnod par 'gyur ro/ / gang la gnod par 'gyur ba de ni sems can dmyal ba dang / dud 'gro'i skye gnas dang / yi dgas kyi yul dang / lha dang mi'i nang du 'phongs par 'gyur ro// gang 'phongs pa de ni rlom sems kyis 'phongs par 'gyur ro// de la rlom sems gang zhe na/ nga'o/ snyam pa ni rlom sems so// nga'i 'o snyam pa ni rlom sems so// bud med do snyam pa ni rlom sems so// skyes pa'o snyam pa ni rlom sems so// sa'o snyam pa ni rlom sems so// chu'o// snyam pa ni rlom sems so// me'o snyam pa ni rlom sems so// rlung ngo snyam pa ni rlom sems so// keng rus su 'du shes pa ni rlom sems so// rnam par zos par 'du shes pa ni rlom sems so/ / rnam par bsngos par 'du shes pa ni rloms sems so// rnam par dmar bar 'du shes pa ni rlom sems so// rnam par 'bu zhugs par 'du shes pa ni rlom sems so// rnam par grol bar 'du shes pa ni rlom sems so/ / rnam par grol ba gang ci'ang rung ba zhig yod do snyam du rlom sems su byed cing / des rnam par grol bar 'gyur ro snyam pa ni rlom sems so// sngon gyi gnas rjes su dran pa rnam pa du ma mngon du bya'o snyam pa ni rlom sems so/ / bdag rjes su dran par bya'o snyam pa ni rlom sems so// shin tu 'das so// shin tu da ltar byung ngo // nga bdag gang yin pa de 'das pa'o/ / nga bdag gang yin pa de da ltar 'byung ba'o snyam pa ni rlom sems so// gang dang gang du 'du shes pa ni rlom sems te/ mya ngan las 'das pa'i bar 'du shes pa ni rlom sems so/ / mya ngan las 'das pa thob par bya'o snyam pa ni rlom sems so// 'od srungs mdor na dmigs pa ni rlom sems so// gang dang gang du 'du shes 'jug na tha na stong pa nyid do snyam pa de thams cad kyang rlom sems te/ dge sbyong du byed pa'i chos ma yin pa dang / bram zer byed pa'i chos ma yin pa thams cad ni rlom sems thams cad do// 'di lta bu 'di dag ni dge slong gi spyod pa ma yin/ bram ze'i spyod pa ma yin no// dge sbyong gi dang bram ze'i chos rnams ni de bzhin gshegs pas gsungs pa ste/ 'od srungs 'di lta ste/ dper nam mkha' 'am/ sa lta bu'o// de ci'i phyir zhe na/ bar snang ni 'di snyam dung bar snang ngo snyam du mi sems pa'i phyir ro// 'od srungs de bzhin du dge sbyong dang bram ze'ang 'di snyam du nga ni dge sbyo ngo / / nga ni bram ze'o snyam du mi sems so// 'od srungs de lta bas na/ gang chos 'di dag la rlom sems su mi byed pa de ni dge sbyong du byed pa'i chos so// bram zer byed pa'i chos so/ / de ci'i phyir dge sbyong du byed pa'i chos dang / bram zer byed pa'i chos shes bya zhe na/ dge sbyong ni de ltar byed pa'ang med/ mi byed pa'ang med de/ de'i phyir dge sbyong du byed pa dang / bram zer byed pa'i chos zhes bya'o// 'od srungs 'di lta ste/ dper na mi la la zhig mtshan mo mun pa mun gnag gi mun par zhugs nas/ lag pa g.yob cing kha gdangs te tshig 'di skad ces 'jig rten la co dri'o/ / 'jig rten la co dra'o zhes smras na/ 'od srungs 'di ji snyam du sems/ mi des gang zhig la tso dri bar 'gyur/ gsol pa/ bcom ldan 'das bdag nyid la co dris lags so/ / de ci'i slad du zhe na/ de na tse dri ba gang yang ma mchis pa'i slad du'o// bka' stsal pa/ 'od srungs de bzhin du/ dge slong yang dgon pa na 'dug gam/ shing drung na du/ gam khang stong na 'dug gas/ bla gab med pa na 'dug kyang rung ste/ mig mi rtag go zhes yid la byed/ rna ba dang / sna dang / lce dang / lus dang / yid mi rtag go zhes yid la byed/ gzugs mi rtag go zhes yid la byed/ / sgra dang / dri dang / ro dang / reg dang / chos rnams mi rtag go zhes yid la byed/ mya ngan las 'das pa thob par bya'o zhes yid la byed cing / bdag rnam par zhi bar bya'o snyam pa 'di lta bu 'di dag ni dge sbyong gi spyod pa ma yin no/ / de ci'i phyir zhe na/ gang mig dmigs nas/ mig dgag pa'i phyir mngon par brtson zhing / mngon par 'du byed pa de ni sdig pa 'dzin par rtog pa'o/ / gang rna ba dang / sna dang / lce dang / lus dang / yid dmigs nas/ yid dgag pa'i phyir mngon par brtson zhing mngon par 'du byed pa de ni gnas gsum dmigs te/ bsgrubs pa yid la byed pa de dag gis gnas gsum la rtog go// gang la mthong bas rtog pa yod pa de la sems rtse gcig pa ga la yod/ 'od srungs sangs rgyas kyi byang chub 'di ni zab ste rtogs par dka' ba'o// tshogs ni nyams su lon par dka' ba'o// 'od srungs sems rtse gcig pa zhes bya ba ji tsam gyis na/ sems rtse gcig pa zhes bya zhe na/ yongs su btsal na chos gcig kyang mi dmigs pa ste/ mig la snying po mi dmigs so// rna ba dang / sna dang / lce dang / lus dang / yid la snying po mi dmigs so// chos thams cad la snying po med par yang mi dmigs so// de ci'i phyir zhe na/ sems kyi rang bzhin skye ba med pa gang yin pa 'di ni de'i rang bzhin yin pa'i phyir ro/ / chos thams cad ni snying po med pa dmigs pa med pa ste/ de dag ni 'das pa'ang rung / ma 'ongs pa'ang rung / da ltar byung ba'ang rung / sems la mi dmigs so/ / mi dmigs pa dang mngon par 'du mi byed pas/ de'i phyir mngon par 'du mi byed pa zhes bya'o// de ci'i phyir zhe na/ don mngon par 'du mi byed pa zhes bya zhe na/ rnying pa dang gsar pa mngon par 'du mi byed de/ de'i phyir mngon par 'du mi byed pa zhes bya'o// de la 'das pa'i sems kyang rnam par ma grol/ ma 'ongs pa'i sems kyang rnam par mi grol/ da ltar byung ba'i sems kyang rnam par mi grol lo/ / gang sems mi dmigs pa de'i phyir sems rtse gcig pa zhes bya ste/ 'di ni sems kyi bgrang ba byas pa'o// 'od srungs ma 'ongs pa'i dus na dge slong dang / dge slong ma dang / dge bsnyen dang / dge bsnyen mar lus khas 'che zhing / dngos po de dang de dag rnam par 'jig par 'dogs pa dag kyang 'byung ste/ de dag phung po lngar 'du shes par 'gyur te/ de bzhin gshegs pas phung po lnga ni rmi lam lta bur gsungs na/ de dag de'i tshe 'di ltar rmi lam zhes bya ba'i tha snyad yod pas/ rmi lam 'di ni yod do// rmi lam 'di ni yod do zhes rmi lam yang dag pa nyid du ston par 'gyur ro/ / gal te rmi lam med du zin na/ bdag cag de la rmi lam gyi 'du shes mi 'byung ngo // de lta bas na rnam par rig pa de yod de/ de bas na bdag cag rmi lam de la rmi lam du 'du shes 'byung ngo / / de bzhin du gang dag nye bar bzung ste/ rmi lam lta bu'o zhes gsungs pa'i phung po lnga po de dag kyang yod do// kye phung po de dag med du zin na/ phung po lnga nye bar bzung ste rmi lam lta bu'o zhes mdzad par mi 'gyur ro zhes zer ro// kye mi blun po de dag ni rmi lams yang dag pa'i 'du shes bskyed par 'gyur te/ de dag 'di lta bu'i mdo sde 'di dag thos nas spong bar 'gyur ro/ / de la dge slong ma gang dag 'byung ba de dag ni/ bslang ba'i khyim mang po dag tu dgra bcom ma yin no zhes sgrog shing / dge slong ma'i gleng gzhi ni/ shes rab sor gnyis pa yin na thob par rjod cing len par 'gyur ro/ / de la dge bsnyen dang / dge bsnyen ma de dag ni tshigs su bcad pa tsam mam/ tshigs su bcad pa'i cha tsam thos nas thos pa sgrogs par 'gyur/ 'od srungs de ltar de'i tshe dge slong gang lo nyi shu 'am sum cur dgon pa'i gnas na mngon par brtson par 'gyur ba de/ sangs rgyas kyi gsung rab kyi ched du dge bsnyen zhag gcig lon pa dang 'grogs par 'gyur te/ 'od srungs stong pa sgrogs par 'gyur ro// de la phan tshun stong pa stong pa zhes chog tu brjod pas yongs su rtogs so// yongs su rtogs so zhes tshig tu smra bar 'gyur ro// de la dge slong gang chos 'di lta bu 'di dag thos nas 'di lta bu dag phan tshun brjod par 'gyur ro// de dag gis de dag thos nas skrag par 'gyur te/ khyim pa 'am/ rab tu byung yang rung tshig 'di skad ces khyim pa rnams dang 'grogs par mi bya ste/ mi 'grogs kyis/ pha zad cig/ 'di ni ston pa'i bka' ma yin no zhes smra bar 'gyur ro/ / de ci'i phyir zhe na/ ji ltar shes pa dang ji ltar rab tu shes pa des phan tshun 'du bar 'gyur zhing / de dag la gang dag gis shin tu zab mo rjod pa de spong bar 'gyur te/ khyim pa dang rab tu byung ba de dag gis de brnyes par 'gyur ba'i phyir ro/ / de ci'i phyir zhe na/ 'od srungs tshangs par spyod pa'i snying po mchog bstan pa na shes par gyur pa'ang nyung na/ de'i tshe nyung ngu de dag/ yongs su mya ngan las 'das shing shin tu nyung ba rnams lung 'bogs pa lta la smos kyang ci dgos/ 'od srungs de ltar na de'i tshe gang yang dag pa ji lta ba bzhin du rtogs shing mi 'gal bar shes pa'i dge slong ni dge slong stong gi dge 'dun gyi nang na'ang gcig kyang de na dkon par 'gyur ro/ / de na gzhan gang dag 'byung ba de dag ni/ skye bo de las mi slob ste/ gang yang dag pa ji lta ba bzhin du rtogs shing mi 'gal bar sbyor ba dang ldan par 'gyur ba'i dge slong ni dge slong nyis stong gi dge 'dun gyi nang na'ang gcig kyang de na dkon par 'gyur ro/ / 'od srungs de ltar na de'i tshe/ khyim pa dang rab tu byung ba dag bstan pa 'di la brnyas par 'gyur ro/ / 'od srungs de'i tshe de'i dus na dge slong gang mi dge ba'i chos spang ba dang / dge ba'i chos bskyed pa'i phyir brtson 'grus brtsams pa dang / nam gyi cha stod dang nam gyi cha smad la mi nyal bar rnal 'byor la brtson pa 'byung bar 'gyur te/ de ni de'i tshe srog la bab par 'gyur/ smad par 'gyur/ yongs su spong bar 'gyur ro// 'od srungs de ltar na de'i tshe chos 'di lta bu rnam par 'jig par 'gyur/ dge slong rnam par 'jig par 'gyur ro// de na mkhas pa zab mo la mos pa/ gos pa med pa la mos pa dag gis de'i tshe gus pa dang bcas par bya/ / zhe sa dang bcas par bya zhing / gcig tu 'dus nas dgon pa la gnas par bya'o// de nas bcom ldan 'das kyis/ de'i tshe tshigs su bcad pa 'di dag bka' stsal to/ / nga yis chos gang legs bshad pa// dam pa'i don dang ldan pa ste// phung po snying po med bstan pa// de dag rmi lam 'dra bar ltos/ / de tshe dge slong de dag ni// rtsod par byed de g.yo zhing 'gyur// phan tshun bye brag yod med de// de dag 'du shes rnyed par 'gyur// dge slong gang gis ci brjod pa/ / de dag rnams kyang de tsam rjod// chos kyi tshul ni de tsam ste// bye brag yod par mi 'gyur ro// khyim pas dge slong smra ba ni// sangs rgyas rnams kyi byang chub 'di// gal te shes na ngo mtshar te/ / khyod kyis 'bras bu dang po thob// khyim pa dge slong sten de dag/ chos mthong yin pa snyam du sems// de yi mdun du sbyin pa rnams// de dag yang yang sbyin par 'gyur/ / dge slong ji ltar bshad pa dag/ de ni de bzhin gzhan du min// bden pa mthong des bdag cag la// bshad pa rnams ni mthun snyam byed// sbyin pa yod de dge slong rnams/ / dam pa'i chos la mi gnas te// de yi tshe na 'byung ba rnams// sangs rgyas byang chub 'jig par byed// de la ma brten nga la brten// nga ni khyod kyi ston pa yin// da ni ji ltar gyur pa bzhin/ / khyod kyis myur du thob par 'gyur// 'di ni gnas kyi dam pa ste// zhi ba yin zhes phan tshun smra// thams cad gcig tu 'dus gyur nas// nga yi bstan pa 'jig byed 'gyur// dper na grong 'joms byed pa yi// chom kun shin tu mi bzad rnams// grong chen rnams dang yul 'khor dang // grong 'dab dag ni rnam par 'jig/ de bzhin dge slong rnams 'byung ba// blo ngan dman zhing shin tu rmongs/ / shes rab chung zhing sdom pa 'chal// srog dang gang zag shin tu rten// nga yis g.yo ba gang bshad pa// der rten 'di la nyams pa ste// de dang de dag dgra bcom smra/ / de kun lhag pa'i nga rgyal can// dge slong dge 'dun mdun dag tu// de dag 'dus par gyur kyang ni// de ni ming du snang bar mdzad// gcig kyang de na shin tu dkon// de'i tshe chos kyi rgyal po yi/ / byang chub rab tu spong bar 'gyur// lha rnams sdug bsngal yi mug cing // yang dang yang du ngu bar 'gyur// chos mchog shAkya seng ge yi// bstan pa 'di ni rab 'jig ces// de na lha gang dad pa rnams// sa la rab tu 'gyel bar 'gyur// kye ma sangs rgyas zhes smra zhing // kye ma legs par bshad pa'i chos// kye ma dge 'dun sbyin pa'i gnas// sangs rgyas thugs skyes sras shes smra/ / chos kyi rgyal pos bstan pa yi// chos ni phyin chad mi thos so// kun tu rmongs shing mun par 'gyur// thub pa 'di ni mya ngan 'das// sa bla'i lha rnams de ma thag/ sgra chen 'di skad sgrogs par 'gyur// sgron ma 'di ni med 'gyur zhes// lha rnams go bar byed par 'gyur// de las 'jig rten lhag med pa'i// sangs rgyas khyed kyis thos zir gyis/ / phyin chad lha dang klu rnams kyang // yid la gcags par gyur ta re// sangs rgyas ji ltar nga 'gyur zhes// bskal pa grangs med gsum du nges// bdag gi dang ni gzhan dag gi/ sdug bsngal thams cad bzod par byas// gang gis srog chags thams cad la// shin tu legs par chos bstan pa// 'jig rten mgon po de yi chos// 'di ni shin tu nub par 'gyur// 'khrug par byed pa 'byung gyur te// shin tu mi bzang sdig byed pa// bdud kyi pho nya drag po'i bdud// 'jig 'dod bka' blo rab mi bde// g.yo byed g.yo can blo gros ngan/ / sgyu dang ldan zhing byis pa dman// khros shing khros nas bla ma dang // rgyal ba'i bstan pa 'jig par byed// sa bla pa las sna thos nas// bla ma'i lha rnams mi dga' 'gyur/ / rgyal po chen po bzhi po yang // de tshe yid mi bde bar 'gyur// lcang lo can gyi pho brang du// gnod sbyin tshogs rnams 'dus gyur nas// thams cad gdong la mchi 'dzag cing // 'jigs su rung ba'i sgra yang 'byin// lha rnams thams cad 'dus gyur nas// nyam thag par ni chong 'don// phan tshun slob par mi byed cing // yid ni shin tu dman par gyur// grong khyer gang dag rab brgyan cing / / rin chen rang bzhin gnas pa rnams// thams cad mi sdug mdog gyur cing // phyag dar phung po 'dra bar 'gyur// grong khyer dam pa de dag tu// skad cig la nga dga' mi 'gyur/ / grong khyer dam pa de dag tu// sngon chad bzhin du dga' mi 'gyur// gang du nga ni btsas gyur pa// der ni lha rnams 'dod byed cing // mthong nas rab tu 'gyel 'gyur te/ / de ltar shin tu mi bzad 'gyur// sa las 'bab par byed 'gyur zhing // der 'dod der ni 'dug par bya// yang dag nyid kyi chos rnams ni// myur du 'jig 'gyur yod ces 'dzer// 'dzam bu gling du babs gyur nas// rnam par 'jig pa mthong bar 'gyur// sangs rgyas sras rnams 'brel 'phongs te// shin tu rnam par 'jig par 'gyur// grong khyer mchog rnams zhag bdun du/ / kha dog gzi byin med par 'gyur// zhag bdun par du lha rnams kyang // yang dang yang du ngu bar 'gyur// kye ma sangs rgyas dpa' chen po// mngon sum mthong bar gang gyur pa/ / mgon po de yang snang ma gyur// bdag mgon de yang mya ngan 'das// mnyan yod gnas par 'gyur ba na// gang dag lhags nas bsnyen bkur ba// de dag sa der gnas nas su/ / yang dang yang du ngu bar 'gyur// 'di ni sangs rgyas gang na yin te// 'phags pa'i bden pa bzhi po dag/ mi mchog gis ni der bshad pa// bdag cag de'i tshe mngon sum mo// 'jig rten dag kyang yang ldongs shing // phan tshun gus par byed mi 'gyur// sdig pa'i las rnams byas nas su// des ni ngan 'gror 'gro bar 'gyur// lha yi gzhal med khang mang rnams// / de yi tshe na stongs par 'gyur// 'dzam bu gling gi sems can rnams// mgon med skyabs kyang med par 'gyur// 'chag sar gyur pa'i gnas 'di dag/ rnam par zhig cing stong par 'gyur/ / chos rgyal mya ngan 'das gyur pas// 'jig rten 'di dag dga' ba med// sum cu rtsa gsum gnas kyi bdag/ lha dbang brgya byin de yi tshe// sdug bsngal gyur cing yi mug nas/ / sgra chen rab tu 'byin par 'gyur// sum cu rtsa gsum lha kun kyang // lag pa bsgrengs shing rab tu ngu// skyed mos tshal du thos gyur nas// de ma thag tu rgyug par 'gyur/ / chos rnams ston pa gang yin pa// 'jig rten mgon dang bral lo zhes// lha rnams rtag tu rgyun du yang // nga ni rjod par byed par 'gyur// lha rnams bdud rtsi mi za zhing // glu yi sgra yang len mi 'gyur// sum cu rtsa gsum lha rnams ni// zla ba drug tu yid mi bde// bstan pa'i bdag po med gyur ces// lha ma yin gyis der thos nas// sum cu gsum gyi lha rnams dang / / 'thab mo byed du 'dong zhes 'dzer// 'dzam bu gling gi rgyal po rnams// sangs rgyas mchod rten byed par 'gyur// de yi tshe ni lha min dang // lha rnams 'thab mo byed par 'gyur/ / de tshe dge slong phal cher yang // ngan 'gro dag tu 'gro bar 'gyur// dge slong ma ni phal cher yang // ngan 'gro dag tu 'gro bar 'gyur// de tshe khyim pa khrims 'chal pa/ dge bsnyen pa 'am khyim gnas pa// de dag gis kyang sgra brjod nas// des na ngan 'gror 'gro bar 'gyur// de'i tshe bud med sdig pa can// de dag 'gro ba'ang sdig can te// de tshe 'jig rten thams cad kyang / / g.yo zhing shin tu 'gul bar 'gyur// la la dag ni grong 'dab rgyug/ la la dag ni ri la rgyug/ rnam par rgyug pa'i sems can rnams// srog ni ring por mi thub 'gyur/ / chom rkun dag kyang mang du byung // dgon pa yang ni 'byung gyur cing // 'bru rnams btab kyang mi gnas te// bye ba dag gis gnod par 'gyur// mu ge byung bar gyur pa na// mi gang 'chi ba'i dus byed pa/ / shi nas yi dgas ngan 'gro ste// de ni sdug bsngal myong bar 'gyur// de tshe phyogs bzhi'i dge 'dun dang // mchod rten la ni gang phul ba// de tshe dge slong de dag gis// phan tshun 'gyed par byed par 'gyur// nga 'das gyur pa'i phyi na ni// sdug bsngal 'di 'dra 'di 'byung gis// myur du rab tu rtsom gyis shig/ des na mngon sum gyur ta re// byis pa thams cad mi shes shing / / byis pa thams cad mkhas ma yin// byis pa de dag las byas nas// ngan 'gror myur du 'gro bar 'gyur// gang las shes rab 'byung 'gyur ba// lung nod pa dang kha ton dga'/ / shes rab bslab pa'i sems can rnams// myur du bde 'gror 'gro bar 'gyur// shes rab rnam par brtags na mdzes// nga ni ci 'dra de ltar slobs// thams cad 'du ba spangs nas/ su// myur du mya ngan 'das par 'gyur// dam pa'i chos ni chung zhig gnas// brtson 'grus brtan par brtsam par gyis// de tsam zhig ni smra bar nus// tshul bzhin bsam par myur du gyis/ / bskal pa 'di ni 'das 'og tu// bskal pa drug cu tham par ni// sangs rgyas sgra grag mi 'gyur na// dga' ba 'di ni ga las 'byung // bkres pas shin tu nyen gyur pas/ / phan tshun dag nas 'dus gyur nas// ma yi sha dang bu yi sha/ de dag za bar byed par 'gyur// de na bu pho skyes pa yang // bag phebs khyim du 'gro mi byed// rang gi khyim du 'dug kyang ni/ / shin tu 'jigs pa skrag par 'gyur// 'khor bar shin tu gnod gyur pa// de dag mthong zhing thos gyur nas// 'dod la su zhig sred pa skyed// 'dod pa'i rtsa ba bud med yin// skye ba'i rtsa ba mi shes pa/ / sdug bsngal rtsa ba phung po ste// de bas sdug bsngal yongs su spongs// sems can gang dag rmongs gyur pa// de dag bud med sten par byed// sems can gang ngag ma rmongs pa/ / myur du mya ngan 'das reg 'gyur// lung 'bog byed ni rnam smin dang // phrad par 'gyur ba yod ma yin// gang gis ngan 'gror 'gro 'gyur ba// zag bcas 'bras bur bcas pa 'di/ / gang dag zag pa med pa'i chos// gsob dang gsog dang stong pa dang // snying po med dang dben pa ste// de dag myur du rtogs par gyis// 'od srungs chos dang po 'di dang ldan pa'i byang chub sems dpa' zag pa med pa'i chos 'dod na/ chos thams cad la sems mi gnas par brtan par bya'o// 'od srungs gzhan yang byang chub sems dpa' ni yongs su sbyang bar bya ba brtan pa yin te/ de la brtan pa ni gang / yongs su sbyang bar bya ba ni gang zhe na/ sems brtan pa yin/ brtson 'grus brtan pa yin no// de la sems brtan pa gang zhe na/ 'od srungs 'di la byang chub sems dpas 'di snyam du gang+gA'i klung gi bye ma ji snyed pa de snyed kyi sangs rgyas la bsnyen bkur byas nas/ phyis byang chub tu sems gcig bskyed la/ de nas yang bskal pa gang+gA'i klung gi bye ma snyed na sangs rgyas gcig 'byung zhing / sems bskyed pa gang+gA'i klung gi bye ma snyed kyis mi lus gcig thob la/ mir skye ba thob pa gang+gA'i klung gi bye ma snyed kyis chos kyi tshig gcig thos shing / des shes rab gsal bar gyur kyang / de bla na med pa yang dag par rdzogs pa'i byang chub la phan par 'gyur ba snyam du sems bskyed par bya'o// de la byang chub sems dpas sems brtan pa 'di lta bu bskyed par bya ste/ sangs rgyas kyi ye shes ci 'dra ba de mnod par bya/ bdag gis bya dka' ba 'di lta bus de btsal bar bya/ bdag gis bya dka' ba 'di lta bus sangs rgyas kyi ye shes de yang dag par bsgrub par bya'o snyam du sems bskyed par bya ste/ 'od srungs byang chub sems dpa' rnams ni sems brtan pa 'di lta bu ma yin/ kye 'od srungs 'di la mi mdzangs pa kha cig ni dpes bshad pa'i don rtogs par gyur pas/ khyod la dpe brjod par bya'o// 'od srungs gal te bya dka' ba'i gnas 'di lta bus byang chub thob ste/ gang gis bskal pa gang+gA'i klung gi bye ma snyed du dbugs 'byung bar mi bya/ dbugs rngub par mi bya bar slob cing / dbugs 'byung bar mi byed/ dbugs rngub par mi byed par bla na med pa yang dag par rdzogs pa'i byang chub mngon par rdzogs par byang chub par byed cing / bskal pa gang+gA'i klung gi bye ma snyed du gnas na'ang / de la byang chub sems dpas mthu bskyed par bya/ spro ba bskyed par bya'i/ bdag gis bla na med pa yang dag par rdzogs pa'i byang chub yongs su gtong bar mi bya'o snyam du sems brtan pa 'di lta bu bskyed par bya ste/ kye 'od srungs byang chub sems dpa' ni sems brtan pa 'di lta bu dang ldan pa yin no/ / 'od srungs byang chub sems dpa' gang la la zhig 'di lta bu'i sems bskyed na/ ci zhig 'dzin ce na/ gnas kyang mi 'dzin/ gnas ma yin pa'ang mi 'dzin to// ji ltar gnas kyang mi 'dzin/ gnas ma yin pa'ang mi 'dzin ce na/ gang bla na med pa yang dag par rdzogs pa'i byang chub tu 'gyur ba'i gnas kyang med la/ de myur du'ang thob pa'o// 'od srungs gang gis stong gsum gyi stong chen po'i 'jig rten gyi khams rin po ches yongs su bkang ste sbyin pa byin pa bas/ gang gis de bzhin gshegs pas gsungs pa'i mdo sde byang chub la yang dag par gzhol ba 'di lta bu 'di dag gi tshul gyi gnas len cing nan tan gyis sgrub na/ de ni de bas ches bsod nams kyi phung po mang du bskyed par 'gyur ro/ / 'od srungs byang chub sems dpa' ni sems brtan pa yin te/ sems brtan pa ni sems kyang mi dmigs te/ des na de zhum par mi 'gyur ro/ / de la yongs su sbyang ba bya ba gang zhe na/ yongs su sbyang ba bya ba ni mang ste/ yongs su sbyang ba bya ba mang ba gang zhe na/ yongs su sbyang ba bya ba mang ba ni/ gang sems bskyed pa gcig kyang rtogs par mi nus pa'o/ / de ci'i phyir zhe na/ chos de dag ni gdags par bya ba ma yin pa'i phyir ro// de la 'di ni yongs su sbyang bar bya ba'i dam pa yin te/ 'di lta ste/ sems brtan pa nyid do// de la 'di skad ces bya ste// 'byung ngam mi 'byung 'gyur zhig gu// bdag ni ci 'drar 'gyur zhig ces// sems med sems kyi 'du shes pa/ / skrag pa chen po 'byung bar 'gyur// de dag rtag tu rnam par rtog/ ji ltar byang chub thob snyam zhing // las mtha' min la gnas gyur nas// rnal 'byor gdams ngag byed par 'gyur/ / 'di dag le lo'i mtshan nyid de// 'di dag byang chub mtshan nyid min// 'dir de the tshom thams cad 'byung // sangs rgyas sam ni nyan thos kyang // sangs rgyas chos rnams rab bzang ba/ / spyod par mi byed mi tshol na// sgra tsam gyis ni bde ba 'di// thob par nus pa ma yin no// rgya chen sgrub par byed pa yi// 'dun dang dad pa 'dir yod kyang / / sems tsam gyis ni dal ba 'di// thob par nus pa ma yin no// 'dir ni bya ba thams cad kyang // chos gcig gis ni byed do zhes// bye brag 'di ni rtogs gyur nas// byang chub byed rgyu spyad par bya// 'od srungs de la chos kyi rnam grangs 'di bshad pa na// rnam grangs de dang ldan na/ byang chub sems dpas sangs rgyas rnams mnyes par yang mi byed la// bdag de bzhin gshegs pa dgra bcom pa yang dag par rdzogs pa'i sangs rgyas su 'gyur ro zhes bdag nyid kyis bdag la lung ston par byed do// 'od srungs 'di la byang chub sems dpa' khyim pa'i yongs su sbyang ba bya ba gang dag byang chub la phan par 'gyur ba gang yin zhe na/ 'od srungs byang chub sems dpa' khyim pa'i yongs su sbyang ba bya ba gang dag byung chub la phan par 'gyur ba ni gsum ste/ gsum gang zhe na/ thams cad mkhyen pa nyid la shin tu 'dun par bya ba dang / sngon gyi byed par mi lhung bar bya ba dang / des bslab pa'i gzhi lnga dang ldan par bya ba ste/ yan lag gsum po de dag dang ldan na/ chos drug sgrub par byed do// drug gang zhe na/ 'phags pa'i gnas thob pa dang / mi blun zhing lug ltar lkug pa ma yin pa dang / 'on pa ma yin zhing rig pa ma yin pa dang / de'i lus rnam par gsal ba mngon par 'grub pa dang / dad pa myur du thob cing chos zab mo dag gis skrag par mi 'gyur ba dang / bsgrim mi dgos par thos pas 'phags shing myur du phyir mi ldog pa thob par 'gyur ba'o// chos drug po 'di dag gi bar du gcod par 'gyur ba'i chos lnga ste/ de la mkhas par bya'o// / lnga gang zhe na/ phra ma mi bya bar dam bcas te mi gnas pa dang / rnam pa thams cad du bslu bar mi bya ba dang / byang chub sems dpas bsam pa phun sum tshogs par bya ba dang / ser sna ni de'i bar du gcod par 'gyur ba dang / 'dod chags la mngon par chags pa ni de'i bar du gcod par 'gyur ba ste/ chos lnga po de dag ni de'i bar du gcod par 'gyur ba'o// gzhan yang nyams su blang ba'i chos gsum ste/ gsum gang zhe na/ rgyun mi 'chad par rab tu 'byung ba'i sems bskyed par bya ba dang / tshul khrims dang ldan pa'i dge sbyong dang bram ze rnams la gus pa dang bcas shing zhe sa dang bcas par bya ba dang / gang dag bcos shing chos ston pa de dag yongs su spang bar bya'o// de ci'i phyir zhe na/ de la byang chub sems dpas bslab par mi bya ba'i/ phyir ro// byang chub sems dpas rtswa'i khur bskur bar mi bya'o// de ci'i phyir zhe na/ gang sogs pa de byang chub kyi lam ma yin pa'i phyir te/ de ni mi shes pas spags nas/ chos de dag yang dag par blangs te mi slob bo/ / 'od srungs gzhan yar byang chub sems dpas chos gsum yang dag par blangs nas bslab par bya ste/ gsum gang zhe na/ des rgyun mi 'chad par sangs rgyas la gzhol bar bya ba dang / lung mnos te kha ton bya ba la mngon par brtson par bya ba dang / des sems can rnams la byams pa'i sems bskyed par bya zhing bsgom par bya ste/ chos gsum po de dag yang dag par blangs nas bslab par bya'o// gzhan yang chos gsum kun tu bsten par bya ste/ gsum gang zhe na/ des khu tshur dang thal lcag gis rdeg pa spang bar bya ba dang / des gzhan la dman par gyur pas smra bar mi bya ba dang / sems can 'jigs pa rnams la mi 'jigs pa sbyin par bya ba ste/ chos gsum po de dag ni kun tu bsten par bya'o/ / 'di la 'di skad ces bya ste// sems can dman pa rnams mi brten// gang dag lta ba mi drang ba// mthong nas ring du spang bya ste/ / sprul gdug gtum pa ji bzhin no// gang dag de dag phyag 'tshal ba// de dag rjes su bslab mi bya// khyi za mthong ba ji lta bar// de dag ring du bsrung bar bya// gang ngag dmigs pa can gyur pa/ / sems can de dag ngan 'gror 'gro// gang dag de dag rjes slob pa// de dag 'gro ba'ang de 'dra'o// rgyal ba'i bstan pa thos gyur nas// stong pa'i chos la ngogs med cing / / dge slong gang dag stong dga' ba// de dag de la gus par byed// de dag las ni thos pa 'phel// de dag shes rab rno bar 'gyur// byang chub la ni/ nyes 'gyur te// sems can kun gyis phyag byas so// myur du gso sbyong byed par 'gyur// lung nod pa la myur du spyod// de yi shes rab shin tu 'phel// chu las ut+pal ji bzhin no/ / myur du gso sbyong byed par 'gyur// chos kyang myur du nyan par byed// de yi shes rab rab tu 'phel// des ni zag pa chad par byed// shes rab che zhing brtson 'grus che/ / gzi brjid che zhing 'jigs pa med// gang dag la ni byed 'dod dang // bdag gi don yang rab tu byed// 'di la khyim pa khu tshur dang // thal lcag rdeg pa spong bar byed// byang chub yan lag yongs su tshol// de ni chos las nyams mi 'gyur// de ni nad kyang nyung bar 'gyur// gzugs kyi mchog kyang ldan par 'gyur// sems can rnams ni dga'/ bar 'gyur// nor la dga' ba med par 'gyur// khyim gyi sa la gnas byed cing // byams pa'i sems ni sgom par byed// ngan 'gro thams cad yongs spangs nas// sum cu rtsa gsum gnas su 'gro/ / lha zhes bya ba'i ming thob cing // 'dod pa can gyi 'dod mos nas// lha yi nang nas shi 'phos kyang // de ni ngan 'gror 'gro mi 'gyur// gang dag rigs btsun grags pa yi/ / mi yi 'jig rten der skye'o// de ni gzugs dang ldan par 'gyur// de la rnam par gtso mi nus// mi 'di chos spyod yin zhes te// lha dang / klu rnams srung bar byed// gnas kyi dam pa mthong 'gyur zhing // srog chags kun kyang dga' bar 'gyur// de ni bde bar nyal byed cing // bde bar phyir yang sad par 'gyur// lha rnams kyis ni bsrungs pa bzhin/ / de la 'jigs pa mi 'byung ngo // rgya chen chos dang ldan rnams kyi// mtshan nyid 'di 'dra 'di dag ste// khyim gyi gnas na gnas rnams kyi// gzhan yang rgya che rab tu mang / / khyim pa byang chub zhugs pa gang // skye bo mang la dge ba dag/ skul bar byed cing dran par byed// skrag rnams mi 'jigs sbyin byed pa// thams cad gzigs pa ma gtogs par// lhagazhan rnams kyis shes ma yin// de dag lom ni drang por 'gyur// kun kyang shes rab ldan par 'gyur// de ni dge ba'i rtsa ba des// ngan 'gro thams cad yongs spangs nas// rig pa gsum po kun dang ldan/ / bslab pa gsum la bslabs pa yin// bsod nams ci 'dra byas pa dang // phyag kyang ci 'dra byas pa bzhin// de ni sems can thams cad kyis// gcig pu phyag byas gyur pa yin/ / gang zhig ston la phyag byas pa// bsod nams ci 'dra byas pa dang // phyag kyang ci 'drar byas pa bzhin// sems can rnams kyi mchog tu 'gyur// khyim gyis la gnas nas su/ / gang zhig byang chub sems bskyed pa// de yi grags chos 'di rnams te// gzhan rnams dag kyang yang nyon cig/ 'od srungs byang chub sems dpa' khyim pas chos gsum dang ldan par bya ste/ gsum gang zhe na/ dge mtshan dang ltas spang bar bya ba dang / khyim pa des bsrel ba mang po spang ba'i phyir gtsang sbrar bya ba dang / des mang du thos pa la mngon par brtson par bya ba ste/ chos gsum po de dang ldan par bya ba'o// gzhan yang des chos gsum yang dag par blangs nas gnas par bya ste/ gsum gang zhe na chos 'chad pa na rgyun chang par mi bya ba dang / chos rjod pa la gsol ba gdab par bya ba dang / des 'bru mar gyi mar me rgyun mi gcad par bya ba ste/ des chos gsum po de dag rgyun mi gcad par bya'o/ / 'od srungs gzhan yang byang chub sems dpa' khyim pas gang dag bud med kyi dngos por 'gyur ba'i chos gsum thams cad kyi thams cad du mi bya ste/ gsum gang zhe na/ chos nyan pa las bzlog par mi bya ba dang / dge slong la lta ba las bzlog par mi bya ba dang / chung ma dge slong la lta ba las bzlog par mi bya/ tha na rang gi chung ma la'ang chos nyan pa'i bar chad mi bya/ yan lag ma yin par gzhugs par mi bya ba ste/ gang skyes pa'i dngos po spangs nas bud med du 'gyur ba'i chos gsum po 'di dag thams cad kyi thams cad du mi bya'o// de la 'di skad ces bya ste/ rab tu dad pas yang dang yang // 'bru mar mar me bud par bya// de las des ni rdul med spyan// sangs rgyas spyan ni 'thob par 'gyur// mig de yis ni mgon po de/ / shes bya thams cad shes par 'gyur// shes bya gang zhig shes min dang // shes bya shes nas shes par 'gyur// 'das pa'i shes bya'i chos rnams dang // da ltar 'byung yang de bzhin te/ / ma 'ongs pa yang brtag mi bya// mtshan nyid gsum du gyur ta re// mtshan nyid gnyis po de dag yod// gsum po rnam par spang byas nas// de dag thams cad don gcig 'gyur/ / mtshan nyid kyis ni mtshan nyid med// dbang po sangs rgyas kyis bshad pa// chos de dbang po ma yin no// gang gis de dag rnam brtags pa// de ni byang chub mchog mi 'gyur/ / sangs rgyas spyan ni rnam sbyangs nas// thams cad mngon sum shes par 'gyur// gang zhig yang dag rab bshad pa'i// lam 'di nyid la byang chub yod// chos rnams de ngag brtan pa med/ / de dag rnam par gzhig pa'ang med// chos rnams thams cad ma bshad des// des na rab tu bshad ces bya// de yi phyir na ston pa ni// khyim pa rnams la chos ston te/ / 'bru mar rnams kyi mar me bus// de tshe mig gis shes par 'gyur// shAkya seng ge'i bstan pa ni// bshad pa'i tshe na rgyun mi gcad// myur du ngan 'gror song nga re// dmus long du yang myur du 'gyur/ / rgyal ba'i bstan pa shod cig ces// yang dang yang du gsol ba gdab// de ni dge ba'i rtsa ba des// 'khor lo dam pa skor bar 'gyur// bar chad byed par mi bya ste/ chos kyi bar chad byas pas na// bud med mi zad chen po dang // long sgur rab sdig gyur ta re// de ni gzugs rnams mi mthong zhing // de ni cung zad mi thos te// skye ba po zhig mun khung du/ / bcug nas 'dug pa ji bzhin no// rlung ma'i phyir ni thag dag can// ber tshing dag ni byas pas na// myur du 'chi ba'i dus byas nas// shin tu sdig can bud med 'gyur// sman ser zhing kham pa dang / / gnag cing blta na mi sdug po// shin tu mi bzad rkang gyol dang // 'on par 'gyur zhing lce med 'gyur// phrag dog can gyi skyes pa ni// 'dod pa'i ched du 'di 'dra'i gnas/ / shin tu mi bzang 'di dag ni// yang dang yang du myur du 'gyur// 'od srungs gzhan yang byang chub sems dpa' khyim pos chos gsum mi bya ste/ gsum gang zhe na/ gzhan gyi sbyin pa la ma bos sam/ thabs med par mar gyi nying khu'ang sbyin par mi bya zhing / gzhan ci'ang rung ste/ sbyin par dka' ba yongs su gtong ba sbyin par mi bya ba dang / / des rab tu 'byung ba'i bar chad mi bya zhing / rab tu ma byung ba'ang rab tu 'byung ba yang dag par 'dzin du 'jug pa dang / de bzhin gshegs pa'i ring bsrel gyi mchod rten gyi zhal ta d+ya zhing / lag dpon du bsgo ba'i gnas su bsgos na'ang de la brten te yo byad du spyad par mi bya ba ste/ byang chub sems dpa' khyim pas chos gsum po de dag mi bya'o// de la 'di skad ces bya ste/ pha rol sbyin pa sbyin pa'i tshe// rigs pa min la sbyin mi bya// sbyin pa skyon chags thams cad ni// skye bo dkon la sbyin mi bya// dad pas der ni song nas su/ / thal mo sbyar te 'dug par bya// sbyin dang sbyin par yang dang yang // yid ni rab tu dga' bar bya// de nyid dge 'dun gnas pa der// spro ba shin tu chung 'gyur na// gang las skye bo spro chung ba// gsol ba btab ste len du gzhug/ btung 'os gsal ba'i btung ba dang // de na gang dag de 'dra ba// de la mi mthun yid kyis su// sems ni gnod par mi bsam mo/ / bu 'am 'on te gnyen gyi rnams// rab tu 'byung bar byed pa ni// de la byang chub sems dpa' yis// bar du gcad par mi bya'o// sems can thams cad bder gyur cig/ thams cad mya ngan 'das reg shog/ bdag gi lhag bsam 'di 'dra la// chos kyi dam pa bshad du gsol// nyes dmigs 'di dag shes nas su// bdag ni dri ma med par bya/ / nyon mongs dri can byas pas na// yun ring mya ngan byed de re/ 'od srungs gzhan yang byang chub sems dpa' khyim pas chos gsum la brtson par mi bya ste/ gsum gang zhe na/ skyes pa btsong bar mi bya ba dang / bud med btsong bar mi bya ba dang / gzhan dag la sman ma yin pa sbyin par mi bya zhing / gang dag de lta bu byed pa de dag la'ang bstan par mi bya'o/ / de la 'di skad ces bya ste/ skyes pa btsong ba spang bar bya// bud meng btsong ba'ang rnam par spang // sman min sbyin par mi bya ste// sbyin par byed pa de dag spang / / lha rnams de la 'phya bar byed// sems can sdug bsngal myong bar 'gyur// phyogs dang phyogs mtshams 'gro byed cing // mya ngan zug rngus gnon par 'gyur// mya ngan rnam pa mang po yis/ / da ni yun ring gnod par 'gyur// mya ngan 'gyur nas 'tsho dus byed// de lta bas na de mi bya// de phyir nyes pa 'di dag dang // gzhan rnams dag kyang ngas shes pas// byang chub sems dpa' rnams kyi phyir/ / phyogs tsam zhig ni brjod pa yin// 'od srungs gzhan yang byang chub sems dpa' khyim pas chos gsum mi bya ste/ gsum gang zhe na/ bud med smad 'tshong ma'i gan du mi 'gro bar bya ba dang / smra sems tha dad par spyod pa'i skyes pa 'am/ bud med bsten par mi bya ba dang / ba glang gsod pa'i gnas su gnas par mi bya ba ste/ byang chub sems dpa' khyim pas chos gsum po de dag mi bya'o/ / de la 'di skad ces bya ste/ 'dod pa spyod pa smad pa'i 'os// smad 'tshong gan du 'gro mi bya// 'dod pa ngan pa sten byed pa/ / myur du rim gro mi byed 'gyur// gzugs bzang gan du 'gro byed pa// de dag la ni smod par 'gyur// myur du nad kyis thebs par 'gyur// des ni de yang 'chi dus byed/ / smra sems tha dad spyod pa yi// skyes pa 'am bud med des mi bsten// gzhan gyi bud med 'phrog byed na// de las dus kyis rab tu sbyor// ba glang gsod par byed pa na/ / rnam pa kun tu der mi 'gro// byang chub sems dpa' rnam dag la// skyob pa ngas ni 'di ma bsngags// nyes pa 'di dag mkhyen pa na// sangs rgyas kyis ni de phyir brjod// rigs pa min la sbyor ba rnams// de dag ched du brjod pa mdzad// sangs rgyas nga yi nyan thos rnams// shes so zhes ni kha cig smra// de dag sangs rgyas spyan snga nas// spyod yul gang na yod par 'dong / / sems can gang dag 'phags gnas shing // myur du mya ngan 'das 'dod pa// de dag don du bshad pa ste// bka' blo mi bde phyir ma bshad// 'od srungs gzhan yang byang chub sems dpa' khyim pas chos gsum dang ldan par bya ste/ gsum gang zhe na/ khyim na gnas pa des srog ni pho nya'i dgongs gnas dang 'dra bar bdag la rnam par brtag par bya ba dang / byin zhing yongs su btang ba'i nor bsags par bsgrub par bya zhing / gang ma byin zhing yongs su ma btang ba de la dpag tshad brgyan yod pa na'ang 'du shes bskyed par mi bya ba dang / des bu dang chung ma'i ched bzhag pa'i blo bskyed par mi bya ba ste/ 'od srungs byang chub sems dpa' khyim pas chos gsum po de dag dang ldan par bya'o// de la 'di skad ces bya ste/ bdag ni myur du 'chi'o zhes// 'chi ba'i 'du shes bsgom par bya// de bas longs spyod bsags pa la// longs spyod las ni snying po blang / / bu dang chung ma'i don gyi phyir// des ni nor rnams bsag mi bya// lus dang longs spyod srog rnams las// snying bu myur du len par byed// byang chub don du 'dun drag bskyed// rgod cing g.yeng ba mi byed do// nor dang chos ni spongs nas su// lus kun la ni gnod par 'gyur// de ni byis pa'i rtsed mo ste// snang ba mthong zhing mi snang mthong // ro myang ba ni dgos pa med/ / chos kyi shugs ni skyob pa yin// rgyun mi 'chad par bshad par bya// chos 'di rtag tu gnas pa yin// mtshungs par ldan rnams phan tshun du// 'phya bar byed pa sdug bsngal yin/ / 'di 'dra ba yi chos 'di dag/ 'od srungs ngas ni rab tu brjod// gang dag mkhas par 'gyur ba dag/ mi de kun ni ngas shes te// de dag shes par rig gyur cing / / bdag la yid 'byung gyur nas ni// de yi tshe na yang dang yang // nga ni mngon du gyur par bya// 'od srungs gzhan yang byang chub sems dpa' khyim pa chos gsum dang ldan na/ blan med pa yang dag par rdzogs pa'i byang chub las phyir mi ldog pa 'thob ste/ gsum gang zhe na/ pha ma ma dad pa dang pa la 'jog par byed/ pha ma tshul khrims 'chal pa tshul khrims la 'jog par byed/ pha ma ser sna can gtong ba la 'jog par byed/ bla na med pa yang dag par rdzogs pa'i byang chub kyi bsngags pa rjod cing / gzhan dag la'ang chos ston par byed pa 'di ni gang gis byang chub sems dpa' khyim pa bla na med pa yang dag par rdzogs pa'i byang chub las phyir mi ldog pa thob pa'i chos dang po'o/ / 'od srungs gzhan yang byang chub sems dpa' khyim pas bkur sti bya bar 'os pa'ang shes/ bkur sti bya ba'i 'os pa ma yin pa'ang shes te/ bkur sti/ bya ba'i 'os dang bkur sti bya ba'i 'os ma yin pa shes nas kyang / gang dag bkur sti bya ba'i 'os de dag la ni bkur sti byed/ gang dag bkur sti bya ba'i 'os ma yin pa de dag la ni bkur sti ma byed kyi/ de dag la byams pa sgom par byed de/ 'od srungs byang chub sems dpa' khyim pa chos gnyis po 'di dang ldan na/ bla na med pa yang dag par rdzogs pa'i byang chub las phyir mi ldog pa 'thob bo/ / 'od srungs gzhan yang byang chub sems dpa' khyim pa de'i longs spyod gang dag sdug bsngal gyis sdug bsngal bar bsgrubs pa de dag nges chud mi gson cing chung mi za bar byed de/ dge sbyong dang bram ze tshul khrims dang ldan pa rnams dang thun mong du spyod pa ma gtogs par su la'ang sbyin par mi byed de/ tshangs pa mtshungs par spyod pa rnams dang bsri ba med par spyod do/ / 'od srungs byang chub sems dpa' khyim pa chos gsum po 'ong dang ldan na/ bla na med pa yang dag par rdzogs pa'i byang chub la phyir mi ldog pa 'thob bo/ / de la 'di skad ces bya ste/ byang chub sems dpa' khyim pa ni// byang chub dam pa tshol ba na// gang gis dam pa rtogs gyur pa'i// shes rab rtsa ba gsum gyis skye/ / pha dang ma ni gang yin pa// blo gros ngan cing ma dad pa// dang la 'dun pa skyed byed cing // chos kyi mchog la sbyor bar byed// 'jungs pa gtong dang tshul khrims la/ / shes rab 'chal pa shes rab sbyor// byang chub dam pa gang yin pa// de la de dag yang dag 'dzud// phyogs bzhi dag tu song nas su// legs bshad btsal ba yongs btsal te/ / gang zhig shes rab 'phel 'gyur ba// chos kyi sbyin pa sbyin par byed// khrims 'tshal khrims la bzhag byas shing // ma dang dad pa 'dzin bcug ste// shes 'chal shes rab 'dzini bcug nas/ / de ni ldog par mi 'gyur ro// shes rab can ngos dge slong mthong // tshul khrims ldan dang mang thos la// bkur sti byed cing sten par byed// song nas / yang dang yang du 'dri// gang gi don du sten pa yi// dge slong de la yang yang 'dri// khyim pa rnams kyi chos de dag/ des ni myur du de mi ldog/ mkhas pa de ni de dag gi/ / thos pa'i gnas kyi khyad par shes// mkhas pa rnams kyis khyad shes nas// de la bdag gis sha yang sbyin// nga yis gang dag brjod byas pa// de dag dad pa'i mtshan nyid de/ / ma dad pas ni de dag gis// byang chub sems 'dun mi nus so// khyad par shes shing yid gzhungs pa// khyad par myur du thob par 'gyur// chos rnam kun gyi khyad par ni/ / de la dkon par mi 'gyur ro// bdag dang pha rol gzhan rnams kyis// khyad par de ltar shes gyur nas// sems dga' mngon du sgrub par byed// de nas de yis shes rab 'phel/ / de yi longs spyod gang yin pa// gang dag des ni kun bsgrubs pa// de dag tshul khrims ldan rnams dang // gcig tu spyad pa snga nas byas// de ni gzhan du mi smra ste/ / de ni log par smra ma yin// gtong dang ldan zhing mthu brtan pa// de ni de bzhin gshegs par 'gyur// tshul khrims bzang zhing 'grogs na bde// dpa' ba byams pa thob gyur ba/ / sbyin pa byin nas snga logs sam// yang na phyi nas dga' bar 'gyur// sbyin bdag dam pa dpa' bo ste// sbyin bdag las ni tshol ba med// thams cad sbyin bdag brtan pa po// de la ma byin yongs med do// gser ram yang na dbyig kyang rung // sngon gyi tshe rabs rnams na byin// chos mchog rnams dang zab ma mchog/ go 'phang yongs su tshol bar byed// gang zhig lhar bcas 'jig rten la// bsti stang byed pa rigs ma yin// gang zag gcig pu gang yin la// chos kyi don phyir bkur sti bya// chos las skyes pa dpa' bos ni// chos kyis chos kyang yongs su tshol// chos ces chos dang yid gzhungs pa// 'jig rten na ni 'dren par 'gyur// 'od srungs gzhan yang byang chubo sems dpa' khyim pa chos gsum dang ldan na/ bla na med pa yang dag par rdzogs pa'i byang chub tu sems bskyed pa las nyan thos kyi theg par yongs su mya ngan las 'das par byed de/ gsum gang zhe na/ 'od srungs 'di la kha cig byang chub tu sems bskyed nas/ sems can dmyal ba rnams kyis 'jigs shing / dud 'gro'i skye gnas dang / gshin rje'i 'jig rten gyis 'jigs te/ byang chub la khur du 'du shes par 'gyur zhing / de gal te dge ba'i rtsa ba yang dag par bsgrubs pa rnams rgyun mi 'chad par yid la mi byed de/ len par mi byed pa de yid kyis zhes 'gras par byed/ de sems kyis zhe 'gras par byed cing / sdug bsngal gyi 'du shes su 'gyur na/ 'od srungs chos dang po de dang ldan pa'i byang chub sems dpa' byang chub las ldog cing / nyan thos kyi theg par yongs su mya ngan las 'da' bar byed do// 'od srungs gzhan yang 'di la kha cig byang chub tu sems bskyed nas/ gang sbyin pa sbyin zhing yongs su dga' ba ma yin pa'i sbyin pa byin te/ byin zhing byin nas kyang 'gyod par 'gyur zhing sa rgyas kyi ye shes la mi gtong na/ 'od srungs chos gnyis pa de dang ldan pa'i byang chub sems dpa' khyim pa ni/ byang chub las ldog cing myur du nyan thos kyi theg par yongs su mya ngan las 'da' bar byed do// 'od srungs gzhan yang 'di la kha cig byang chub tu sems bskyed nas mang du thos pa yongs su btsal ba'i phyir brtson 'grus mi rtsom gyi/ de dge ba'i rtsa ba ngan ngon tsam des myur du yongs su mya ngan las 'da' bar byed na/ 'od srungs chos gsum po de dag dang ldan pa'i byang chub sems dpa' khyim pa byang chub las ldog cing / myur du nyan thos kyi theg par yongs su mya ngan las 'da' bar byed do/ / de la 'di skad ces bya ste/ byang chub ched du 'dun bskyed la// mthun par rjes su mi sgrub na// sangs rgyas theg las ldog 'gyur / nyan thos theg par 'gro bar 'gyur// ma dad pa dang le lo can// ser sna can dang shes rab 'tshal// de dag la ni byang chub med// de dag bar du gcod pa yin// byas pa gzo dang khrims ldan dang / / sbyin la yid ni dga' ba dang // byin nas sems ni tshim gyur pa// de dag byang chub dkon ma yin// sdig pa dag ni sems kyis byed// sems kyis sbyin pa sbyin par byed/ / sems can sems mchog ldan de dag/ 'jig rten mchod rten 'dra bar 'gyur// gang dag chos 'di rnam spangs nas// byang chub tu ni sems btud pa/ / de dag 'jig rten rnams na ni// sbyin gnas bla med sangs rgyas 'gyur// 'od srungs byang chub sems dpa' khyim pa chos gsum dang ldan na byang chub las ldog cing / rang sangs rgyas kyi yongs su mya ngan las 'da' bas yongs su mya ngan las 'da' bar byed de/ gsum gang zhe na/ 'od srungs 'di la kha cig byang chub tu sems bskyed nas chos la ser sna byed de/ 'od srungs chos dang po 'di dang ldan pa'i byang chub sems dpa' khyim pa byang chub las ldog cing / rang sangs rgyas kyi yongs su mya ngan las 'da' bas yongs su mya ngan las 'da' bar byed do/ / 'od srungs gzhan yang 'di la kha cig byang chub tu sems bskyed nas/ dge mtshan dang ltas la chags te/ 'od srungs chos gnyis pa 'di dang ldan pa'i byang chub sems dpa' khyim pa byang chub las ldog cing / rang sangs rgyas kyi yongs su mya ngan las 'da' bas yongs su mya ngan las 'da' bar byed do/ / 'od srungs gzhan yang 'di la kha cig byang chub tu sems bskyed nas/ byang chub kyi yan lag rnams yongs su mi tshol zhing le lo can du 'gyur te/ 'od srungs chos gsum po 'di dag dang ldan pa'i byang chub sems dpa' khyim pa byang chub las ldog cing / rang sangs rgyas kyi mya ngan las 'da' bas yongs su mya ngan las 'da' bar byed do/ / de la 'di skad ces bya ste/ chos la ser sna byed gyur cing // gzhan dag la ni mi ston pa// rkyen gyi byang chub 'thob 'gyur te/ 'di ni byang chub ldog par 'gyur// de ltar 'di gnyis gnod 'gyur te// gnod pa las ni sdug bsngal 'ongs// 'gro 'am nye bar bsten nam zhes// 'di ni byang chub the tshom za// theg pa che la bsam byas nas/ / myur du ltas ni lta bar byed// gang 'dir ston pa mi sten pa// de dag dad pa'i mtshan nyid min// gang dag 'dun pa drag ldan zhing // byang chub brtan par 'dod gnyer ba/ / de dag gzhan la phyag mi 'tshal// 'jig rten mchod rten ma gtogs so// gang dag dad pa 'di 'dra ba// lha gzhan rnyed par mi 'gyur te// des na mchog ni phun sum tshogs// yi lha zhes bya ba yin// byang chub tu ni 'dun bskyed nas// gang zhig gzhan la phyag mi 'tshal// de ni de dang de dag tu// stobs dang gzugs dang ldan par 'gyur// srungs byang chub sems dpa' khyim pa chos gsum dang ldan na/ lus gnag par 'gyur zhing / lus nag por 'gyur te/ gsum gang zhe na/ de bzhin gshegs pa'i mchod rten la mar me bus pa de nas mar me rku ba dang / pha rol dang 'gyed pa na khro ba nye bar ston pa dang / ma dris par smra zhing mi nag po'i mtshang 'dru ba yin te/ 'od srungs byang chub sems dpa' khyim pa chos gsum po de dag dang ldan na lus nag por 'gyur ro/ / de la 'di skad ces bya ste/ mchod rten mar me bus pa la// de yi 'od 'phro med byed na// de yi lus ni gnag gyur te/ dper na la ba nag po bzhin// mi mthong nas ni mtshang 'dra ste// nga ni dkar gyi khyod gnag ces// des ni gzhan la brnyes byas na// nag por 'gyur te mun pa bzhin// ngag ni shin tu bsdam par gyis/ / chung zad 'gyur ba'i las med de// las de ji ltar byas pa bzhin// de ltar de la spyod par 'gyur// 'od srungs byang chub sems dpa' khyim pa chos gsum dang ldan na mgar ba'i khyim du skye bar 'gyur te/ gsum gang zhe na/ 'od srungs 'di la byang chub sems dpa' khyim pa bdag nyid bslab pa'i gzhi lnga dang ldan pa yin la/ nye du lam ring po nas lhags pa de dag la chang ldud pa dang / sems can gzhan dag la chang la mgron du 'bod na/ 'od srungs chos dang po 'di dang ldan pa'i byang chub sems dpa' khyim pa ni mgar ba'i khyim du skye bar 'gyur ro/ / 'od srungs gzhan yang byang chub sems dpa' khyim pa bdag nyid tshangs par spyod pa yin la/ gzhan dag 'khrig pa'i chos la sbyor na/ de las byas shing bsags pa des mgar ba'i khyim du skye bar 'gyur te/ 'od srungs chos gnyis pa 'di dang ldan pa'i byang chub sems dpa' khyim pa mgar ba'i khyim du skye bar 'gyur ro/ / 'od srungs gzhan yang byang chub sems dpa' khyim pa de khyim na bya ba ci'ang rung ba zhig brtsams pa yod la/ de mi chos kyis brel pa zhig 'dug pa de'i gon du song ste bos nas tshur shog/ re zhig kha ton byed pa thong la las rings pa gyis shig ces bsgo na/ de las byas shing bsags pa des mgar ba'i khyim du skye bar 'gyur te/ 'od srungs chos gsum po 'di dag dang ldan pa'i byang chub sems dpa' khyim pa ni mgar ba'i khyim du skye bar 'gyur ro// de la 'di skad ces bya ste/ nye du lhags pa mthong nas su/ / chang la mgron tu 'bod byed cing // myos pa'i btung ba byin pas na// mgar ba mu cor smra bar 'gyur// de ni khab dang mtshon cha dang // bzo yi gnas ni mi byed kyi/ / sa la 'dug pa byas nas su// lag pas sdud pa blangs nas 'bung // bud med dang ni 'du spangs la// gzhan dag la ni 'dod bsngags na// las kyi rnam par smin pa des// mgar ba mu cor smra bar 'gyur// de ni khab dang mtshon cha dang // sdud pa 'bud kyang mi shes la// lag pas tho ba bzung nas su// de ni lcags kyi gar bu rdung // chos ni rnam par spang byas pas/ / de nas mi de shi 'phos nas// mi de rab tu myur bar ni// mgar ba'i khyim der skye bar 'gyur// de ni sdud pa mi mthong zhing // de ni tho ba'ang mi mthong ste// snod rnams thams cad 'joms par byed/ / rnam par smin de de 'dra'o// 'od srungs ngag ni bsrung bar byed// yid kyang shin tu bsdam par bya// mi dge ba yi chos rnams kun// gzhan la brjod par mi bya'o/ / skye ba'i 'khor ba sdug bsngal te// sred pas skye ba 'phel bar 'gyur// de bas brtan pa chos spyod cig/ chos ma yin pa rnam par spongs// 'od srungs byang chub sems dpa' khyim pa chos gsum dang ldan na/ rgyal rigs shing sA la chen po lta bu rnams dang skal ba mnyam par skye bar 'gyur zhing / gzugs bzang ba dang / mdzes pa dang / blta na sdug pa dang / kha dog bzang po rgyas pa mchog dang ldan pa dang / le lo med pa dang / gsal ba dang / shin tu rnam par nges par 'gyur te/ gsum gang zhe na/ 'od srungs 'di la byang chub sems dpa' khyim pas sngon ma mthong ba'i dge sbyong dang bram ze dag mthong na 'di dag ni sbyin gnas so// 'di dag ni mchod par 'os pa'o// 'dra ngag ni phyag bya bar 'os pa'o/ / 'di dag ni bsod nams kyi zhing ngo zhes dga' ba bskyed de/ de dga' bar 'gyur ba'i sems kyis gos dang / zas dang / mal/ cha dang / na ba'i gsos sman dang / yo byad rnams kyis mgron du gnyer te/ 'od srungs chos dang po 'di dang ldan pa'i byang chub sems dpa' khyim pa rgyal rigs shing sA la chen po lta bu dang skal ba mnyam par skye bar 'gyur ro/ / 'od srungs gzhan yang byang chub sems dpa' khyim pa yi dam snying po can la gnas pa yin te/ de yi dam snying po can la gnas pas ji skad smras pa bzhin byed cing brdzun du mi smra ba yin te/ 'od srungs chos gnyis pa 'di dang ldan pa'i byang chub sems dpa' khyim pa rgyal rigs shing sA la chen po lta bu rnams dang skal ba mnyam par skye bar 'gyur ro/ / 'od srungs gzhan yang byang chub sems dpa' khyim pa dge sbyong dang bram ze tshul khrims dang ldan pa de dag la bsnyen bkur byas nas snying po len te/ 'od srungs chos gsum po 'di dang ldan pa'i byang chub sems dpa' khyim pa rgyal rigs shing sA la chen po lta bu rnams dang skal ba mnyam par skye bar 'gyur ro// de la 'di skad ces bya ste/ des ni shes rab rang bzhin can// khrims ldan mang du thos mthong nas// yid bde ba ni bskyed byas te// song nas de dag mgron du gnyer// de dag mgron du gnyer byas nas/ / de ni yang dag ci bzhin byed// de ni gtod rgyun mi gcod cing // de la 'gras par 'gyur ba med// gang gi don du bsnyen bkur ba// snying po de ni len par byed/ / sna tshogs shes pa'i khyad par gyis// rin chen shin tu dkon la yang // gang dag dad pa 'di 'dra zhing // byang chub la yang mngon zhugs pa// de dag ye shes spyod yul ba/ byang chub rnyed par dka' ba med// 'tsho ba mchog gis 'tsho byas nas// longs spyod mchog rnams sdud par byed// chos kyi dam pa yongs su tshol// mya ngan 'das pa mchog la rag rigs mchog rnams su skye bar 'gyur/ / gzugs kyi dam pa mngon par 'grub// chos gos dam pa 'chang bar byed// des ni mya ngan 'das mchog 'thob// mkhas pa'i mi ni 'di 'dra'i chos/ / de dag shes par gyur nas ni// kun tu spyod de thub pa yis// nye bar bstan la gus par byed// mi de sangs rgyas theg pa yis// theg pa mchog gis 'gro bar byed// mya ngan 'das pa bsil ba'i dngos/ / de ni de yi 'bras bu'i mchog/ ci 'dra ba yi las byas pa// rnam par smin pa de 'drar 'gyur// bskal pa bye ba phrag brgyar yang // de ni chung zar 'gyur ba med/ / 'od srungs byang chub sems dpa' khyim pa chos gsum dang ldan na khyim gyi sa la gnas nas/ bla na med pa yang dag par rdzogs pa'i byang chub mngon par rdzogs bar sangs rgyas kyi bar du ji ltar nam du'ang 'dod pa'i yon tan lnga po dag yongs su spyod par mi 'gyur ba de lta bu'i dge ba'i rtsa ba skyed de/ gsum gang zhe na/ 'od srungs 'di la byang chub sems dpa' khyim pa bslab pa'i gzhi lnga dang ldan pa yin te/ de gzhan la'ang 'dod pa bsngags par mi byed cing / bud med dang rgyu ba ma yin gyi/ rang gi don la mngon par brtson pa yin te/ bdag ni bud med dang bsten pas chog gis/ bdag bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po de dag dang phrad par ma gyur cig ces sems kyang skad de/ 'od srungs chos dang po 'di dang ldan pa'i byang chub sems dpa' khyim pa bla na med pa yang dag par rdzogs pa'i byang chub mngon par rdzogs par sangs rgyas kyi bar du nam yang 'dod pa'i yon tan lnga po dag la yongs su mi spyod do/ / 'od srungs gzhan yang byang chub sems dpa' khyim pa 'di lta bu'i mdo sde 'di dag thos nas dad pa skyed cing / dang nas kyang yongs su tshol lo// 'od srungs gzhan yang mdo sde 'di lta bu 'di dag gzung dka' bas yongs su zin par 'gyur te/ 'on kyang lung 'jog par byed/ rtsom par byed do// 'od srungs yang gang zhig chos 'di lta bu 'di dag thos na 'gyod pa'i gnas mtha' dag sel bar 'gyur te/ de dge ba'i rtsa bdes chags pa med pa'i spobs pa dang grol ba'i spobs pa dang ldan par 'gyur/ shi 'phos kyang rung / shi 'phos par ma gyur kyang rung ste/ de bzhin gshegs pa rnams myur du mthong bar 'gyur/ shi 'phos nas kyang mtho ris kyi 'jig rten du 'gro bar 'gyur te/ de bla na med pa yang dag par rdzogs pa'i byang chub dang ring ngo snyam du shes par mi bya ste/ 'od srung c hos gnyis pa 'di dang ldan pa'i byang chub sems dpa' khyim pa bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po dag la mi spyod do/ / 'od srungs gzhan yang byang chub sems dpa' khyim pa dge ba'i rtsa ba thams cad bla na med pa yang dag par rdzogs pa'i byang chub tu yongs su bsngo ste/ de gzugs lo dga' ba ma yin/ sgra la dga' ba ma yin/ dri la dga' ba ma yin/ ro la dga' ba ma yin/ reg la dga' ba ma yin/ longs spyod la dga' ba ma yin/ dbang phyug la dga' ba ma yin/ g.yog 'khor la dga' ba ma yin te/ de 'dus ma byas kyi sems dang / 'dus ma byas kyi rnam par smin par gyur nas/ myur du bla na med pa yang dag par rdzogs pa'i byang chub mngon par rdzogs par 'tshang rgya ste/ bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po dag la yongs su mi spyod de/ 'od srungs chos gsum po 'di dang ldan pa'i byang chub sems dpa' khyim pa bla na med pa yang dag par rdzogs pa'i byang chub mngon par rdzogs par sangs rgyas kyi bar du 'dod pa'i yon tan lnga po dag la mi spyod do/ / de la 'di skad ces bya ste/ khyim pa'i bslab pa'i gzhi lnga po// bsrung ba dag ni legs bsrungs te/ / bud med dang ni 'du ba spong // de la smod cing gshung bar byed// 'di 'dra ba yi chos 'di dag/ yongs su tshol bas ngom pa med// 'gyod pa'i gnas ni gang yin pa/ / de dag de ni myur du sel// dge ba'i chos rnams thams cad kyang // byang chub don du bsngo bar byed// de ni dge ba'i rtsa ba des// 'dod pa'i yon tan myur du spong // rtag tu mang du thos par 'gyur// snying rje yang dag bskyed nas su// srog chags rnams la chos kyang ston// byang chub lam ni yongs su tshol// de bas 'di 'dra rnam thos nas// 'dun pa bzang po bskyed byas shing // 'dod pa bsten par mi bya ste// 'khor lo myur du bskor bar bya// de nas bcom ldan 'das la/ tshe dang ldan pa 'od srungs chen pos 'di skad ces gsol to/ / btsun pa bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ bcom ldan 'das kyis bka' stsal pa/ 'od srungs de'i phyir khyod kyis chos kyi rnam grangs 'di sdom pa gsum bstan pa zhes bya bar zung zhig/ byang chub sems dpa'i bslab pa yongs su brjod pa zhes bya bar yang zung zhig/ chos tham/ cad yang dag par 'du ba zhes bya bar yang zung zhig/ bcom ldan 'das kyis de skad ces bka' stsal nas/ tshe dang ldan pa 'od srungs chen po dang / thams cad dang ldan pa'i 'khor de dang / lha dang / dri za dang / mi dang / lha ma yin du bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa dkon mchog brtsegs pa chen po'i chos kyi rnam grangs le'u stong phrag brgya pa las/ sdom pa gsum bstan pa zhes bya ba le'u dang po rdzogs so// // rgya gar gyi mkhan po dzi na mi tra dang /

CLOSE WINDOW