བོད་ཡིག

e-texts based on the ACIP/ALL Input

/sgo ni cha'i kha dog ste/ /ri mo lnga sogs kha dog phyug /ji ltar mdzes par rab tu brtag /mtshon dgye ba'o/ /de ltar cho ga sna tshogs bris pa'i/ /gzhal yas khang mchog lha yi gnas/ /cho ga mthong bas dang por ni/ /ji skad bshad bzhin rdzogs par bya/ /tshogs rnams kun gyis rnam rgyas shing/ /bde ba thams cad ster ba'o/ /snying po'i dpal ldan khrag 'thung sogs/ /'khor lo gsum bdag nyid can sprul/ /mkha' spyod sa spyod ces bya dang/ /sa 'og sogs dang mi 'am ci/ khwa'i gdong sogs brgyad po ni/ /rang gi stan la bzhugs par dgod/ /ri'i rtse dang ge sar dang/ /sna tshogs pad+ma a li dang/ /ka li ausma'i bzhi pa dang/ /thig le sga yang yang dag 'byung/ /he ru ka dpal rgyal po che/ /shes rab yan lag gnyis med 'dus/ /zhal bzhi zhal de spyan gsum mnga' / /mgo yi dum bus rnam par brgyan/ /ljang dang de bzhin dmar dang gser/ /phyag ni bcu gnyis yang dag ldan/ /g.yas brkyang ba yis gdan la bzhugs/ /ral pa'i thor tshugs dar dpyangs can/ /phyag gnyis dag gis de bzhin 'khyud/ /gzhan gnyis glang chen pags pa ste/ /dgra sta rtse gsum gri gug dang/ /da ma ru ni phyag g.yas na/ /kha TwAM ga dang de bzhin du/ /thod ba khrag gis bkang ba dang/ /phyag na zhags pa dag dang rol/ /bdud ni bzhi las rnam rgyal ba/ /phyag g.yon dag nas bsnams par bshad/ /yi dags chen po kun khyab pa'o/ /ba dan gnas pa'i phag mo ni/ /sku mdog dmar zhing cher 'bar ma/ /phyag gis 'khyud par mdzad pa la/ /gdug pa bdud sogs khrag 'chang zhing/ /zhal nas khrag gis rgyun 'dzag la/ /khrag chen gyis byugs sku yan lag /chags dang bcas shing skra grol ma/ /thod pa'i 'phreng bas bcings pa yin/ ha ha zhes bshad spyan gsum sku/ /dum bu dang ni mgo bos brgyan/ /g.yas na sdigs mdzub rdo rje ste/ /bdud sogs kun la sogs gdug par ldan/ /mkha' 'gro ma ni ma ma ki /lho'i 'dab ma gnon na bzhugs/ /phyag bzhi skra ni grol ba la/ /rtse bran lnga yis rnam brgyan pa/ /phyag rgya lnga sogs sku la mnga' / /spyan gsum khro bos hUM mdzad cing/ /sku mdog sngo la 'jigs pa che/ /gad mo rgyad mdzad gtsigs pa ste/ /spyan gsum can la hUM mdzad pa/ / kha TwAM ga ste thod pa bsnams/ /rnal 'byor mtshon cha g.yas dag nas/ /phyag bzhi pas ni rnam par brgyan/ /g.yon nas bskor ba'i pad+ma la/ /la ma zhes bya sgrol mdzad mo/ /sku mdog ljang khu 'jigs pa che/ /ha ha zhes bzhad gtsigs pa tshe/ /rtse bran lngas ni brgyan pa ste/ /dbu skra grol zhing 'jigs mdzad pa/ /spyan gsum pa la hUM mdzad cing/ /kha TwAM ga ste thod pa bsnams/ /rnal 'byor mtshon dang Da ma ru/ /phyag bzhi pas ni rnam par brgyan/ /kha b+ha ro ha gos dkar mo/ /byang gi 'dab ma gnon pas bzhugs/ /sku mdog dmar mo shas cher 'bar/ /phyag bzhi 'jigs pa'i hUM mdzad pa/ /dbu skra grol zhing 'bar ba la/ /rtse bran lngas ni rnam par rgyan/ /rnal 'byor snod dang kha TwAM ga / rnal 'byor mtshon dang ra ma ru/ /phyag rgya lngas ni rnam par brgyan/ /spyan gsum 'og pa? dag gis pa ?byin/ /nub kyi 'dab mar? gzugs can ma/ /spyan de wa ba'i bdag nyid can/ /sku mdog ser zhing shes ched 'bar/ /ha? zhes bzhad? 'jigs pa ste/ /skra grol kha TwAM ga dang sdod/ /phyag bzhi dag gis rnam par brgyan/ /spyan gsum hUM gis 'jigs pa ste/ /rtse bar lngas ni rnam par brgyan/ /phyag rgya lnga sogs sgyu? la mnga' / /rnal 'byor na chen dang Da ma ru/ /chu dang me dang rlung dang ni// sa'i khams dag nyid yin no/ /grub pa'i rnal 'byor ma bzhi pa'o/ /phyi dang nang ma yang dag bzhugs/ /'tshams? kyi cha'i pad+ma la/ /ma dang de bzhin pha dag dang/ /rgyal po dang mi rgyal rigs gnyis/ /thod pa'i snod ni mchod byed pa/ /gnyis med ye shes rnal 'byor ma/ /phul sogs pa yang dag drangs/ /bkug ste 'khor lo'i nang du gzhag /rnal 'byor rig pas rtog par mchod/ /de la dpal skyes rnal 'byor ma'i/ /'khor lo'i gnas ni bshad par? bya/ /bu zhes bya ba ni pu li ra ma la ya ste/ thod pa'i dum bu dang rab tu gtum mo'o/ /dza zhes bya ba ni 'a dzA? lan d+ha ra? ste/ keng rus chen po dang gtum mig can ma'o/ /au zhes bya ba ni au rgyan re keng rus dang 'od ldan ma'o/ /a zhes bya ni ar bu ta ste/ mche ba rnam par gtsigs pa dang sna chen ma'o/ /de dag ni gnas so/ /g+ho zhes bya ba ni go d+ha ba rya ste/ /lha'i sgra dang dpa' bo'i blo gros ma'o/ /ru zhes bya ba ni rA mi shA rA ste/ 'od dpag med dang/ mig 'thung ma'o/ /b+he zhes bya ba ni d+he ba'i ko ti ste/ rdo rje'i 'od dang lang ka'i dbang phyug ma'o/ /mA zhes bya ba ni ma la ba ste/ /rdo rje'i sku dang shing grib ma'o/ /de dag ni nye ba'i gnas yin te/ thugs kyi 'khor lo ste/ nam mkha' la rgyu ba yin no/ /ka zhes bya ba ni ka ma ru ste/ myu gu can de nas bsrungs ma'o/ /ao zhes bya ba ni ao da ste/ rdo rje ral pa can dang 'jigs byed chen mo'o/ /de dag ni zhing ngo/ /tri zhes bya ba ni tri sha ku ne ste/ dpa' bo chen po dang rlung gi phugs can ma'o/ /ko zhes bya ba ni ko sa la ste/ rdo rje hUM mdzad dang chang 'thung ma'o/ /de dag ni nye pa'i zhing ngo/ /ka zhes bya ba ni ka ling ka ste/ rab tu bzang po dang ljang lha mo'o/ /la zhes bya ba ni lam pa ka ste/ rdo rje bzang po dang shin tu bzang mo'o/ /de dag ni tshan d+ho ha'o/ /ka zhes bya ba ni kan tsi ste/ 'jigs byed chen po dang rta sna ma'o/ /he zhes bya ba ni he ma la ya ste/ mig mi bzang dang bya gdong ma'o/ /de dag ni nye ba'i tshan d+ho ha yin la/ gsung gi 'khor lo ste/ sa la rgyu ba yin no/ /pre zhes bya ba ni pre ta pu rI ste/ stobs po che dang 'khor lo'i shugs can ma'o/ /grI zhes bya ba ni grI ha de ba te ste/ rin chen rdo rje dang dum skyes ma'o/ /de dag ni 'du ba can zhes bya'o/ /sO zhes bya ba ni sau rasta ste/ rta mgrin dang shon ti ni'o/ /su zhes bya ba ni su bar na ti pa ste/ nam mkha' i snying po dang 'khor lo'i go cha ma'o/ /de dag ni nye ba'i 'du ba can no/ /na zhes bya ba ni na ga ra ste/ dpal he ru ka dang shin tu dpa' ma'o/ /si zhes bya ba ni sin 'du ste/ pad+ma gar gyi dbang phyug dang stobs chen ma'o/ /de dag ni dur khrod do/ /ma zhes bya ba ni ma ru ste/ rnam par snang mdzad dang 'khor lo sgyur ma'o/ /ku zhes zhes bya ba ni ku lu ta ste/ rdo rje sems dpa' dang/ brtson 'grus chen mo'o/ /de dag ni nye ba'i dur khrod do/ /sku'i 'khor lo ste/ sa 'og na gnas pa'i yin no/ /sgo rnams su ni/ khwa gdong ma dang/ 'ug gdong ma dang/ khyi gdong ma dang/ phag gdong ma'o/ /'tshams rnams su ni/ gshin rje brtan ma dang/ gshin rje pho nya ma dang/ gshin rje mche ba ma dang/ gshin rje 'joms ma'o// grub pa'i dpa' bo rnal 'byor ma/ /phyogs kun tu ni rnam par gnas/ /pha rol phyin bcu dag pa ste/ /sa bcu la ni rnam par bzhugs/ /he ru ka dpal rgyal po che/ /phyi dang nang nas yang dag bzhugs/ /de la sogs pa mdza' yas mchog /byang chub sems dpa' du ma'o/ /dkyil 'khor du lha rnams dgod pa'o/ /mkha' 'gro ma la sogs pa dang/ /sgo srung brgyad po ma gtogs pa/ /'khor lo gsum la thod pa yi/ /dum bu la sogs pa rnams la ni/ phyag gnyis pa/ zhal gcig pa/ ral pa dang/ thor tshugs dang/ dar? gyis brgyan pa/ phyag rgya lnga dang/ dbu'i nor bu dang ldan pa/ 'og pag gis brgyan pa/ spyan gsum pa la/ phyag gnyis kyis 'khyud pa/ rdo rje dang/ dril bu bsnams pa/ lha mo la gzigs shing/ ma mchu 'dzin no/ /rab tu gtum mo la sogs pa'i lha mo rnams ni/ rang gi bdag po'i sku mdog dang ldan pa/ zhal gcig pa/ phyag gnyis pa ste/ dbu skra grol bas rnam par brgyan/ /thod pa dang ni 'khyud pa dang/ /gri gug dang ni sdigs mdzub can/ /spyan gsum hUM ni 'jigs par mdzad/ /'og pag dum bus rnam par brgyan/ /mkha' 'gro ma sogs thams cad kyang/ /g.yon nas bskor bar sngon 'gro bas/ /rgyu dang mi rgyu'i 'jig rten gsum/ /'gro kun g.yon las byung pa yin/ /dkar min dkar dang dmar po ni/ /mdza' ma mchog dang bar ma ste/ /thams cad ci bzhin dgod pa'o/ /bla ma'i rims kyi bka' drin gyis/ /khwa gdong la sogs brgyad po ni/ /mkha' 'gro la sogs dbye bas so/ /zhabs kyis ro la gnon pa dang/ /sna tshogs gzugs can bzhi po yin/ /rnal 'byor ma brgyad de dag kun/ /khro bo rnam rgyal sogs sprul yin/ /rdo rjes mtshan pa'i kha TwAM ga /pad+ma'i snod can lnga po ste/ /g.yas pas mtshon cha 'phyar ba ni/ /gdug pa thams cad nges gnon pa'o/ /dpal ldan he ru ka sogs kun/ /g.yon gyis 'khyud cing nu ma 'dzin/ /lha rnams kun gyi sku mdog dang phyag mtshan no/ /na d+ha gzugs sogs sngon 'gro bas/ /byang chub yan lag so bdun bya/ /gos dang phyag rgya lnga la sogs/ /shes rab yan lag phur bu 'dra/ /a li ka li zhes brjod nas/ /rgyu sogs stong pa sngon 'gro bas/ /'jug pa sgra la sogs pa nas/ /ji srid srub pa'i sbyor ldan pas/ /bde ba'i stan la 'bad pa yis/ /shes rab yan lag stan gyi steng/ /mgul rgyan gtsug phud dbu rgyan dang/ /rna rgyan tshangs pa'i skud pa dang/ /mgul par brgyan cing mgo po'i phreng/ /'og pag dang ni rkang gdub dang/ /ral pa'i cod pan dar dang ni/ /bcos ma'i sku la sogs pas brgyan/ /pad+ma rdor bcas kha TwAM ga /Da ma ru sgra hUM sgrogs shing/ /dpa' bo rnal 'byor ma kun gyi/ /go cha gsum gyis brgyan pa yin/ /he ru ka dpal rgyal po che/ /rang gi bdag nyid gcig tu byas/ /sems can kun la rjes brtse ba'i/ /blo ldan bum pa mngon par bzlas/ /de nyid mtshan nyid gsungs pa'i/ /bum pa mchog ni bcu dag du/ /chu dang 'o ma yang dag bsres/ /chu klung 'bab chus bum pa dgang/ /dri dang me tog sna tshogs pas/ / dbugs 'byung mchog dang bar ma dang/ /dri'i chus ni yang dag byugs/ /kha ni 'dab mas yang dag brgyan/ /sangs rgyas kun gyi mkha' 'gro ma/ /cho ga bzhin du mngon par bzlas/ /mgul ba gos kyis rnams dkris shing/ /rgyan ni mdzes pa'i rnam par brgyan/ /me tog me tog 'phreng gis dkris/ /brgyad po dag ni sgo ru dgod/ /bum pa rgyu ba dbus su'o/ /ma dang de bzhin pha dag dang/ /rgyal po rgyal rigs gnyis yang ste/ /rdo rje chus ni rab tu dag /kha dog lnga pa'i gos kyis ni/ /brgyan cing mgul par dkri bar bya/ /sna tshogs pad+mas kha dgab cing/ /rang 'byung me tog dag gis mchod/ /lha'i sgo'i logs su ni/ /ri mo'i dbus su gzhag par bya/ /bla re dag ni bre bya zhing/ /sna tshogs pa'i gos kyang bre/ /rgyal mtshan gdugs sogs dar rnams kyis/ /gnas dang gnas su brgyan par bya/ /bum pa bzhag sogs mchod pa ni/ /ji skad bshad pa bzhin du bya/ /rin chen gser gyis mdzes par ni/ /dkyil 'khor kun tu gtor bar bya/ /spos snod dag ni brgyad po dang/ /mar me mchod sdong de mnyam bya/ /til mar chen po de spar la/ /spos ni lnga po sngon 'gro ba'o/ /sna tshogs me tog 'phyang ba dang/ /sna tshogs 'chang dang khur ba kun/ /sna tshogs rol mos rab dga' zhing/ /sna tshogs kha zas ston mo dang/ /sna tshogs rnal 'byor ma dang ni/ /dri bzang me tog sna tshogs ldan/ /sna tshogs pa'i glu len cing/ /sna tshogs gar gyis gar bzang byed/ /bkra shis sgra ni thams cad pa'i/ /dga' ston khrag 'thung dpal 'byung ba'i/ / spyod dang grol bar 'dod pa'i/ /rnal 'byor ma'i lam gyis ni/ /sgo bzhi dag tu rnal 'byor pa/ /dpa' bo'i lus dang gnyis med pa sten/ /mtshon chen sogs pa'i gos dag gam/ /dar la sogs pa dar gyis brgyan/ /phyag rgya lnga la sogs pa'i lus/ /rtse bran lngas ni rnam par brgyan/ /rdo rje dril bu yang dag 'khyud/ /rang stan dag tu kha sbyar ba/ /'tshogs kyi gtso bo bdag po kun/ /'khor lo sgyur ba'i rnam rol yin/ /sngar bshad rgyan gyis brgyan pa dang/ /stan dang gnas ni rnam mdzes pa/ /dpal ldan rdo rje dril bu 'chang/ /'khyud cing nu ma 'tshir ba dang/ /snying ka mgo bo spyi gtsug dang/ /mig sogs go cha gsum gyis brgyan/ /rdo rje sems sogs 'dod pa'i/ /rnal 'byor chen po gnyis med gnas/ / byang chub yan lag sum cu bdun/ /byas shing go bgos rab mnyam gzhag /de ltar go bgos bdag nyid ni/ /sum cu gsum pas kyang mi shis/ /dkyil 'khor lha mo dpa' bo rnams/ /ji lta ba bzhin mchod pa'i las/ rang gi 'khor lo bsgom bsgrub par/ /ye shes 'khor lo rnam par bsgom/ /bdag nyid las sbyar byas pa yis/ /dam tshig thams cad la gzhug bya/ /sngar bstan pa'i phyag rgya yis/ /gyen du pheM gi sgra bsgrags la/ /mchog dang bar ma'i rnal 'byor ma / 'jig rten khams la sogs pa dgug /rang gi sku mdog phyag dang dbyibs/ /sngar bshad pa'i rgyan dang ldan/ /rang gi phyag mtshan rgyan bcas pa/ /ral pa thor tshugs cod pan can/ /dam tshig 'khor lor zhugs nas ni/ /gnyis med ye shes bsgom par bya/ /he ru ka dpal la sogs kun/ /g.yas brkyang ba yis gdan la bzhugs/ /ye shes 'khor lor spyan drangs pa'o/ /he ru ka dpal sogs 'khor lo yi/ /lha rnams phyi dang nang gis mchod/ lha'i grangs bzhin blo ldan pas/ /mdzes pa'i gos kyang dbul bar bya/ /'khor lo sgyur ba dpa' bo ni/ /rang 'byung me tog gis mchod cing/ /gdong ni dag par bkru bar bya/ /lho phyogs sgo nas lag pas so/ /gnyis med ye shes sngags kyis ni/ /mngon par bzlas la byin gyis brlab/ /sangs rgyas kun gyi mkha' 'gro ma/ /khyad par du ni mngon par bzla/ /rnal 'byor ma'i sgo dang sgor/ /ji srid brgya rtsa brgyad par bzla/ /sngags pas lha'i grangs bzhin ni/ /a li ka li zhes smra zhing/ /byin gyis brlabs la yang dag mchod/ /dkyil 'khor lha rnams mnyes par bya/ /dkyil 'khor gyi mnyes par bya'o/ /bya ba'i mchod pa'i khyad par ni/ /rgyal byed snying stobs can gyis lugs/ /ko shig kya dang rtsom pa ste/ / gar dang gar gyi lan kun bya/ /chags bcas tshul gyis sbyor ba yis/ /bag ma'i rnam par sgeg pa yis/ /rol bcas gom pa 'deg pa'i/ /gom stabs brgyad kyis gar bya'o/ /sgeg sogs bya ba kun dang ni/ /'khyud cing nu ma 'tshir ba dang/ bya ba'i mchod pa'i khyad par gyis/ /dpa' bo rnal 'byor ma mnyes bya/ /nang gi bdag nyid sbyin sreg gis/ /skye bo dam pa kun 'dus bya/ /he ru ka dpal rgyal po che/ /mdza' bo thams cad yang dag 'dus/ /zhi ba'i btung bas dngos grub ni/ / rtag pa'i dam pa'i gnas ni 'grub/ /chang dang rgun chang sogs kun la/ /bza' dang btung sogs zhim po dang/ /nya dang sha ni khyad par du/ /sngags dang ldan pas sbyin sreg bya/ /aoM badzra ko me shwa re sarba b+ha k+ShaM bi sho d+ha yA/ bu hye ? Na? hUM swAhA/ mngon par sngags shing byin gyis brlabs pa'o/ /lte ba'i ni sbyin sreg me/ /pad+ma'i 'dab ma brgyad pa ru/ /dpa' bo'i dbang sogs sum cu bdun/ /pad+ma'i lte ba ge ser la/ /ji bzhin las kyi rjes mthun par/ /bdag nyid lha'i dngos byas la/ /cho gas sbyin sreg kun byas na/ /brtag mi dgos par 'dir 'grub 'gyur/ /bza' ba 'am yang na btung ba dag /brtul zhugs can gyis ci za bar/ /mchog dang bar ma'i dbugs 'byung sogs/ /bsams la thams cad la? tu brtag / bdag nyid lha ni gzhan dag lha/ /bdag nyid lha ni dam pa yin/ /bdag gi gzugs kyi rang bzhin kun/ /gzugs brnyan la sogs shes par bya/ /bdag nyid sangs rgyas thams cad dang/ /dpa' bo kun gyis gnas yin te/ de bas 'bad pa thams cad kyis/ /bdag nyid he ru ka dpal mchod/ /de ltar 'bad par thams cad kyis/ /dge ba yongs su tshim par bya/ /la sogs gang zhig brtsams pa ni/ /'grub 'gyur 'di la the tshom med/ /dkyil 'khor gyi las kyi nang gi sbyin sreg go / drug cu la sogs bza' bcas pa'i/ /zan dron sha dang nya sha dang/ /bar ma mchog dang lnga po yi/ /gtor ma 'bad de dbul bar bya/ /thod pa'i nang du legs bzhag ste/ /dang po phyag rgya spyan drangs te/ /gyen du pheM gi sgra sgrogs shing/ /mig dang gdong dang yan lag bsgyur/ /bkug la dpa' bo rnal 'byor ma/ /sngags kyis yang dag mchod par bya/ /rdo rje thal mo gyen du dbye/ /reg par gyur nas 'byung bar 'gyur/ / dpa' bo rdo rje rnal 'byor ma/ /ji bzhin las la sbyar bar bya/ /mtshan mo skra grol gcer bu yis/ /brtul zhugs can gyis gtor ma sbyin/ /he ru ka dpal rnal 'byor bdag /des na rnal 'byor ma rnams mnyes/ /gtor ma'i cho ga'o/ /pha rol phyin pa phyag rgya drug / byang chub sum cu rtsa bdun nyid/ /gnas la sogs pa sa bcu dang/ /che mchog lha'i bdag nyid dang/ /go bgos pa'i bdag nyid can/ /dbang bskur ba'i dam pa'o/ /dag dang ma dag 'dres ma ste/ /sgrub pa po ni gsum du gnas/ /mnyes byed rnam par dag pa dang/ /gsal byed yon tan ldan ba'i mi/ /de ltar phyi dang nang gi sbyin sreg dang/ /gtor ma'i bya ba dang/ mchod pa'i yo byad mdza' dag gi cho ga yongs su bsngos pa'i rnal 'byor pa/ slob ma ma lus pa'i tshogs kyi bdag po mngon du byas la/ 'di skad ces brjod par bya'o/ /gong ma gong ma'i sdom pa ni/ /bu khyod kyis ni bsrung bya ste/ /grol ba'i rgyu ni de las gzhan/ /thabs ni ci yang yod ma yin/ /gnyis med gnyis med rnal 'byor bdag / byang chub shes rab yan lag sprul/ /ma dang de bzhin pha dag dang/ /rgyal po dang ni rgyal rigs gnyis/ /thod pa der ni legs bzhag la/ /slob ma'i sdig pa 'jig byed pa'o/ /slob dpon kun mkhyen yig bdun gyis/ /slob ma'i khar ni yang dag gtor/ /bu tshur zhes ni brjod bya zhing/ /go cha che la sogs pas bsrung/ /rdo rje sems sogs pas go bskon/ /dar dag kyang ni bcing bar bya/ /sems can dman dang mchog gi ni/ /slob ma la sogs yid shes bya/ /blo dang ldan pas dngos kun gyis/ /dang por slob dpon mnyes par bya/ /slob ma yongs su brtag pa'o/ /de nas slob ma sogs bya ba/ /lag pas lag pa bzung nas ni/ /a'oM sh+ri he ru kA A bir ma he/ bidya rA dzA d+hA ma he swAhA/ zhes bya ba 'dis dpa' bo bskul bar bya'o/ /sangs rgyas kun gyi rang bzhin sku/ /slob dpon la ni skyabs su mchi/ /dpa' bo rnal 'byor ma 'khor lo/ /rnal 'byor gnas la bdag phyag 'tshal/ /slob ma'i gsol ba'o/ /don dam smra ba'i seng ge rnal 'byor zhes bya ba/ nyon mongs gcod pa'i don la shin tu mkhas gyur pa/ /sred pa'i nyes brgya skye ba nyon mongs bcom mdzad pa/ /rnal 'byor don dam rgyal po de nyid grub par mdzod/ /de bzhin gshegs pa kun gyi gnas/ /he ru ka dpal grong khyer mchog / snying po'i dkyil 'khor 'di ru ni/ /bdag gis slob mas gzhug par bgyi/ /de nas lho phyogs kyi sgor mngon par phyogs par bsdad la/ a'oM na ma ste hUM/ na ma he hUM/ na mo na ma hUM swAhA/ zhes bya ba sku gsung thugs kyi sgo nas lan gsum phyag bya ba sngon du 'gro bas/ a'oM sarba bI rA yo gi bye pu dzo pAs+tha nA ad mA nan ni tyata yA maM/ sarba ta tha ga ta pi ra yo gi ni ar ma d+hA ki n+ya? a d+hi shTa swAM mAM/ zhes bya bas lus thams cad kyis phyag byed du gzhug go / de nas g.yon phyogs su thal mo de nyid snying kar sbyor du bcug la/ shar phyogs kyi sgo nas/ a'oM sarba bi ra yo gi bye phu dza a b+hi she ka ya ad ma na ma ni tya ta yA mi/ sarba ha tha ga ta bi ra yO gi ni ad ma la ma tya a b+hi du maM/ de nas byang phyogs su thal mo de nyid dpral bar bzhag la phyag byed du gzhug go / a'oM sarba bI ra yo gi ni byai su dzA ba ra tA na yA/ ad man ma nitya ta yA mi/ sarba ta tha ga ta bi rA yO gi ni ad ma/ khan d+ha rO na tya pra bar ta yA maM/ de nas nub phyogs kyi sgor thal mo de mgor bzhag la/ phyag byed du gzhug go /a'oM sarba birA yO gi byai su dza gar ma ka ra nA yA/ ad ma nam nitya ta yA mi/ sarba ta tha ga ta bI rA yO gi ni ad ma ru pa ni/ Arya kar ma ku ru maM/ phyag bzhi pa'o/ /de nas lhor ni phyogs byas te/ /slob ma lag pas bzung nas ni/ /bde mchog sdom par gsungs pa bzhin/ /cho gas thams cad sbyin par bya/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs yin 'ong/ /sdom pa brtan par gyur pa'o/ /rdo rje dril bu phyag rgya yang/ /blo chen khyod kyis gzung bar bya/ /byang chub sems gang de rdo rje/ /shes rab dril bu zhes grags so/ /slob dpon khyod kyis bzung bya ste/ /bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par bshad/ /rin chen rigs la rtag tu ni/ /nyin re zhing ni lan drug du/ /chos dang zang zing mi 'jigs byams/ /sbyin par rnam bzhi rab tu sbyin/ /phyi nang gsang ba'i theg pa gsum/ /dam pa'i chos kyang ma lus gzung/ /'di ni pad+ma'i rigs dag pa'i/ /dam tshig yid du 'ong ba'o/ /las kyi rigs mchog chen po la/ /sdom pa thams cad ldan pa ni/ /yang dag nyid du gzung bar bya/ /mchod pa'i las kyang ci nus bya/ /sdom pa'o/ /deng khyod dpa' bo dang rnal 'byor ma thams cad kyi rigs su zhugs kyi/ ngas khyod la dpal he ru ka'i ye shes bskyed bar bya ste/ ye shes gang gis khyod de bzhin gshegs pa thams cad dang/ dpa' bo dang rnal 'byor ma thams cad kyi dngos grub kyang thob par 'gyur na/ dngos grub gzhan lta ci zhig smos/ khyod kyi dkyil 'khor ma mthong ba'i mdun du/ smra bar mi bya ste/ dam tshig nyams par gyur ta re/ he ru ka dpal deng khyod kyi/ /snying la yang dag bzhugs pa ni/ /gal te tshul 'di smras na ni/ /de ma thag tu dral te gshegs/ /de nas dam tshig glud pa ni/ /ga pur tsan dan ldan pa dang/ /bde ba'i stan thog chur bcas pa/ /sangs rgyas kun gyi mkha' 'gro mas/ /slob ma blo gros brtan pa la/ /blangs te rgyun gyis de la sbyin/ /thod pa legs par gzhag nas ni/ /gzi mdangs bcas par 'di skad brjod/ /'di ni khyod kyi dmyal ba'i chu/ /dam tshig 'das na sreg par byed/ /dam tshig bsrung na dngos grub ni/ /rdo rje bdud rtsi chu 'dis 'thung/ /a'oM pan tsa a mi to tha tha tha hUM/ de nas brtsams te khyod kyis dpal he ru ka nga nyid yin gyis/ ngas gang 'di bsgos shig ces bsgo ba de khyod kyis bya'o/ /khyod kyis nga la brnyas par ma byed cig / khyod mi bde ba ma spangs par dus byas nas dmyal bar ltung bar gyur ta re/ de nas dpa' bo dang rnal 'byor ma tham cad kyis byin gyis rlobs shig /dpal he ru ka'i ye shes bdag la dbab par mdzod cig /ces smrar gzhug go / thang chu lnga dang legs sbyar ba/ /bskus shing gos ni legs brtungs dang/ /byi la'i rtug pa nyid dang ni/ /gu gul lhan cig sbyar nas ni/ /pad+ma'i snod du bzhag nas ni/ /yi dags me yis gdung bar bya/ /gnyis med gnyis su med sngags kyis/ /bsgyings bcas 'dug ste gzir ldan pa/ /sngar bshad rgyan dang ldan pa dang/ /de bzhin go cha bgos nas ni/ /'khor lo kun gyi dpa' bo dang/ /rnal 'byor ma rnams de snying gzhug /g.yas brkyang ba yis gnas pa la/ /gnyis med sngags ni brjod nas ni/ /bdug pa de dang gsang sngags kyis/ /skad cig de nyid dag la'ang 'jug /a'oM tiSh+Ta ma ha kro d+ha a be sha hUM/ a'oM sh+ri he ru kA bId ma he bIdya rA dzi ya d+hi ma he swAhA/ zhes bya ba 'dis dpa' bo bskul bar bya'o/ / de nas lag pa bzung ba yis/ /mig phye nas ni blta bar bya/ /he ru ka dpal deng khyod kyi/ /mig 'byed par ni brtson par mdzad/ /a'oM badzra ne tra pa sa ha ra pa ta laM h+ri/ /dkyil 'khor bzang po 'di la ltos/ /da ni dang ba rab tu bskyed/ /khyod/ ni rnal 'byor ma rigs skyes/ /sngags dang phyag rgyas byin gyis brlab/ /'gro ba phun sum tshogs kun dang/ /dngos grub phun tshogs khyod mngon 'gyur/ /dam tshig thams cad bskyang ba dang/ /gsang sngags la yang brtson par gyis/ /gang/ du me tog lhung 'gyur ba/ /de'i gnas sogs bstan par bya/ /slob ma gzhug pa'o/ /sna tshogs pad+ma'i lte ba bzhugs/ /gnyis med gnyis med pa na gnas/ /brtan g.yog kun gyi bdag nyid can/ /spyod dang grol bar rab brtson pa/ / kun mkhyen kun mdzad gtso bo ste/ /dpa' bo che la bu khyod ltos/ /mkha' 'gro ma sogs rnal 'byor ma/ /grub pa'i rnal 'byor ma lnga po/ /thod pa'i dum pu la sogs kun/ /sems dang sems las byung las sprul/ /'khor lo mkha' la spyod pas bskor/ /rab gtum ma sogs yang dag 'khyud/ /gnyis po thugs kyi sprul pa yin/ /myu gu can la sogs pa kun/ /rnal 'byor ma brgyad gnyis su med/ /gsung ni rnam dag ngo bo yin/ /mi'i 'jig rten du dag tu khyab/ / stobs po che sogs par gnas pa/ /grub pa sa 'og gnas pa yin/ /sku'i sprul par bshad pa ste/ /chags pa kun gyi rjes su chags/ /he ru ka dpal sogs 'khor lo/ /g.yon pas 'khyud cing nu ma 'tshir/ /sku gsum zhes bya ba'i sprul pa ste/ /'bring dang mchog dang tha ma'o/ /khwa la sogs pa brgyad po ni/ /gzugs ni rgyu yis yang dag bstan/ /khro bo rnam rgyal la sogs brgyad/ /byang chub sum cu rtsa bdun sprul/ /mkha' spyod sa spyod zhes bya gang/ /sa 'og ngag gis ma mi ste/ /bzhi po mchod pa bzhi yin te/ /lha'i de nyid mtshon pa yin/ /dkyil 'khor gyi de kho na nyid do/ /de nas slob ma bla ma'i/ /zhabs la dad pas phyag 'tshal te/ /thal sbyar yon dang tshig bshad kyis/ /dbang bskur don du gsol bar gdab// he ru ka dpal dbang bskur ba/ /'gro ba skyob phyir gzi brjid can/ /ci ltar yon tan 'byung gnas stsal/ /de bzhin bdag la deng gsol cig /dpa' bo chen po mi ldog pa'i/ /dbang bskur ba ni bdag la stsol/ /sems can kun gyi don bgyid phyir/ /bdag nyid rtag tu slob dpon 'gyur/ /'jug pa'i lho'i sgo phyogs su/ /he ru ka dpal bdag nyid sems/ /thams cad cho ga bzhin sbyin zhing/ /dkyil 'khor lus la chung par bya/ /phyag rgya lnga la sogs pa'i lus/ /seng ge'i khri sogs la bzhag pa/ /pad+ma 'dab brgyad steng du ste/ /slob ma gnyis med sbyor ldan par/ /sna tshogs snan la bzhag nas ni/ /gnyis med ye shes sems ldan gyis/ /me tog dbang bskur la sogs pa/ /thams cad cho ga bzhin sbyin phyir/ /dkyil 'khor lus nad chud par bya/ /phyag rgya lnga la sogs pa'i lus/ /he ru ka dpal ngo bor sprul/ /spyod dang brtul zhugs bstan pa dang/ /de bzhin gnyis med tshangs spyod do/ /steng du gdugs dkar bkab nas ni/ /dpa' bo rnal 'byor ma tshor/ kyis/ /bkra shis sgra yis gang ba yis/ /glu len rol mo snyan pa yin/ /he ru ka dpal ngo bor sprul/ /rab tu 'bad de mchod par bya/ /dbang bskur bar gsol ba gdab pa'o/ /rnal 'byor pa yis yungs ker ni/ /cho ga bzhin du mngon bzlas pas/ gsang sngags brjod cing brtan bya ste/ /he ru ka dpal sogs gnyis med/ /bslad nas dkyil 'khor thams cad ni/ /bkra shis dag gi glu len cing/ /gnyis med ye shes gzigs pa rnams/ /thams cad cho ga bzhin dbang bskur/ /yang na sngar gyi cho ga yis/ /rnam rgyal bum pa gdeg par bya/ /'dab ma'i rtse mo can bslangs nas/ /snga ma bzhin du dbang bskur zhing/ /gsang sngags nyi shu gnyis pa dang/ /sngar bsnyen pa'i sngags kyis ni// he ru ka dpal rnal 'byor che/ /brtag mi dgos par 'grub par 'gyur/ /yang na bum pa med gyur na/ /'khor lo kun gyi lha rnams ni/ /gnyis su med pa'i ye shes can/ /nam mkha' i khams ni thams cad gang/ /sngon mdzad brtse ba'i shugs kyis ni/ /dgyes pa chen po legs byon te/ /he ru ka dpal la sogs pa/ /bsgoms nas thams cad dbang bskur ro/ /bkra shis glu'i rnam pa/ chang dang sha yi dga' ston gyis/ /rnal 'byor ma kun dpa' bo rnams/ /gnyis med ye shes dag gis sprul/ /ci ltar me tog dor byas nas/ /lha'i rigs ni mtshon byas pa'i/ /me tog lhung ba blangs nas ni/ /slob ma'i mgo la bcing bar bya/ /'dab ma'i rtse mo lag gnyis kyis/ /sngags pas bteg pa'i bum pa yis/ /lus nang gtogs pa'i dkyil 'khor ni/ /cho ga bzhin du kun dbang bskur/ /de 'og rnam rgyal bum pa dang/ /dril bu sgra bsgrags glu yis ni/ /dpa' bo rnal 'byor ma tshogs kun/ /bsgoms la thams cad dbang bskur ro/ / chu'i dbang bskur sbyin bya ste/ /sdig pa thams cad bkru bar bya/ /de nas rdo rje rgya gram mgor/ /ral pa'i thor gtsugs kyis brgyan pa/ /sangs rgyas kun gyis bsngags pa yis/ /dar dpyangs dbang bskur sbyin par bya/ /a'oM sarba pu twad d+ha ki nI yI badzra wa ra na nI ye hUM hUM phaT/ zhes brjod la/ 'khor lo thams cad kyis dpa' bo la sogs pa sngags brjod kyis bskul ba'o/ /lag du mtshan ma'i de nyid dang/ /mtshan ma'i dbang bskur sbyin par bya/ /he ru ka dpal dbang bskur bas/ /de ring khyod ni dbang bskur te/ /'di ni sangs rgyas thams cad de/ /rab tu grub phyir rdo rje long/ /de nas 'dir rang gi mtshan ma'i dbang bskur ba sbyin par bya ste/ a'oM sh+ri he ru ka a d+hi pa ti twaM/ a bi Shiny+tsA ma tiSh+Ta bI ra sa yA twaM/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje bsnyems tshul bdag po'i bdag /rdo rje'o/ /'di ni rnal 'byor ma kun gyi/ /shes rab dbyangs kyi rjes 'gro bshad/ /khyod kyis kyang ni rtag tu 'chang/ /byang chub mchog tu rgyal ba bzhed/ /srid pa ngo bo nyid kyis dag /ngo bo nyid kyis srid bral bya/ /rang bzhin dag pa'i sems dpa' mchog /srid pa dag par byed par 'gyur/ /dril bu'o/ /rdo rje dril bu yang dag 'khyud/ /g.yon bsnyems pa dang mchu 'dzin pa'o/ /gnyis med gnyis med rnal 'byor bdag /phyag rgya chen por byin gyis brlab/ /nyi shu rtsa gnyis sngags kyis ni/ /sngags kyi dbang bskur sbyin par bya/ /a'oM sh+ri he ru ka a d+hi pa d+hi twAm/ A dI Shiny+tsa mi/ / sh+ri he ru ka na ma a b+hi She ka ta/ zhes bya ba dang/ ming gi dbang bskur ba'o/ /'di des sangs rgyas thams cad kyi/ /he ru ka dpal phyag na gnas/ /khyod kyis kyang ni rtag tu 'chang/ /haM ru ka dpal brtul zhugs brtan/ /a'oM sarba ta tha ga ta sid+d+hi badzra sa ma ye tiSh+Ta e Sha twaM d+ha ra ya mi hUM hi hi hi hi ho/ /rdo rje brtul zhugs so/ /kha TwAM Da ma ru bdud rtsi/ /khrag 'thung dpal lus kha TwAM ga /rnal 'byor ma ni Da ma ru/ /rdo rje kha TwAM rdo rje bcas/ /dril bu sil sil sgra sgrogs shing/ /mchod phyir thogs dang rnal 'byor bdag / kha TwAM ga dang rnal 'byor snod/ /dpa' bo chen pos blang bar gyis/ /dbang bskur ba bdun no/ /de nas brtsams te rdzogs sangs rgyas/ /rnal 'byor ma dang dpa' tshogs dang/ /shes rab thabs kyis bsnyems chen gyis/ /gar mchod bde ba'i dga' ston gyis/ /gar ro/ /sgeg dang bcas pas 'phreng ba 'phyang/ /sangs rgyas kun sogs rnal 'byor ma/ /des ni 'bral bar mi 'gyur te/ /'phreng ba nyid brgyan yin no/ /'phreng ba'o/ / lus can rnams la dam chos kyi/ /khyod kyis glu ni blang bar bya/ /de nas rnal 'byor ma de dang/ /myur du bde ba myong bar 'gyur/ /glu'o/ /khyod kyis rgyal la dril bu phul la/ /tshul khrims ting 'dzin shes rab dang/ /rnam grol ye shes mthong ba'i// byang chub lus can rnams la bsgo/ /dri'o/ /rdzogs sangs rgyas la spos gtul la/ /brtul zhugs bzang po legs tshims kyis/ /lus can bde gshegs cha lugs su/ /ye shes kyis ni tshim par 'gyur/ /spos so/ /chos kyi mig ni legs sbar la/ /pad+ma gar dbang rang nyid de/ /sems can ma rig mdongs byas pa/ /ye shes sgron mas snang bar gyis/ /mar me'o/ /ji ltar mig mkhan rgyal po yis/ /'jig rten rab rib bsal ba ltar/ /bu khyod kyis ni mi shes pa'i/ /rab rib rgyal ba rnams kyis bsal/ /a'oM badzra ge tra ya a pa ha ra sa ta/ laM h+ribo med cing gnas med par/ /de ltar chos 'di shes kyis la/ /sems can don ni mnyam med byos/ /'on kyang rnal 'byor ma sras skyes/ /me long ngo/ /sems can kun la phan pa'i phyir/ /'jig rten kun tu thams cad du/ /bya ba'i spyod tshul gsang ba yi/ /chos kyi 'khor lo bskor bar gyis/ /'khor lo'o/ /khyod kyis the tshom dogs med pa/ /yid gnyis med pa'i sems kyis ni/ /chos kyis dung ni bla med par/ /dri med kun tu dgang bar gyis/ /dung ngo/ /zhi dang rgyas dang dbang dang dgug / sdang bar byed dang gnod sogs dang/ /gsod dang bskrad pa thams cad de/ /las de rnams dang ni bsgrub par gyis/ /ral gri mig sman sa 'og dang/ /mchil lham de bzhin ri lu ste/ /rnal 'byor pa'i dngos grub ni/ /gang 'dod pa de bsgrub par gyis/ /gnang ba'o/ /nang par sngar langs sems bdag nyid/ /ma lus lus ni byas nas su/ /btung dang bza' la sogs pa'i/ /sdom pa'i mtshan nyid bsrung ba'o/ /lus dang srog la ltos med par/ /dam tshig dang ni sdom pa bsrung/ /nyin dang mtshan mo lan gsum du/ /nyin re zhing ni bzla bar bya/ /gang tshe nyams na rnal 'byor pa/ /kha na ma tho sbom por 'gyur/ /dgun zla 'bring po nas brtsams te/ /zla ba re re bsrung ba bya/ /gnyis med gnyis med 'khor lor gnas/ /tshes bcu la ni de rab mchod/ /chang dang sha sogs gang ci yang rung/ /dpa' bo rnal 'byor ma'i tshogs/ /thams cad gnyis med paM na gnas/ /he ru ka dpal rab tu mchod/ /theg pa dman la 'dod mi bya/ /sems can la yang rgyab mi phyogs/ / 'khor ba dag kyang yongs mi spong/ /rtag tu mya ngan 'das dga' min/ /dpa' bo rnal 'byor ma kun la/ /khyod kyis brnyas par mi bya'o/ /phyag rgya bzhin pa mtshon cha dang/ /mtshan ma bgom par mi bya'o/ /dam tshigs rab bsrungs bsod nams kyis/ /tshe 'di nyid la 'grub par 'gyur/ /bud med thams cad mthong ba na/ /g.yon nas lan gsum bskor bya zhing/ /spyi bo phyag ni byas nas kyang/ /lan gsum bar du gsol ba gdab/ /bdag nyid ma khyod bu yin te/ /ji srid byang chub 'byung bar du/ /byang chub yan lag nu ma nas/ /byung ba'i rang gi nu mas skyongs/ /gnyis med ye shes spyod pa'i tshul/ /bslab pa blangs pa kun 'gro bas/ /na d+ha la sogs sngon 'gro ba'i/ /tshangs par spyod pa shin tu bsrung/ /dam tshig de la rtag gnas te/ /de sngon 'gro ba'i spas pa'i yid/ /spyod dang grol ba'i gnas 'dod pa'i/ /yid la 'dod pa kun 'grub 'gyur/ gtso bos ji ltar bka' stsal pa/ /de ltar bdag ni bgyid par 'tshal/ /bsrung ba'i dam tshig go / 'dir dbang bskur ba'i slob ma ni/ /lag nas bzung ste gzi bcas pas/ /gnyis med ye shes bla med pa/ /ma lus don ni kun brjod bya/ /gnyis med ye shes sems ldan la/ /mi bya ba ni ci yang med/ /tshangs par spyod la rtag gnod la/ / 'dod pa lnga ni spyad par gyis/ /gnyis med la gnas zas la ni/ /rdo rje sems dpa' la sogs brda'/ /gnyis med pa dang thogs med pa/ /dam tshig spyod pa'i spyod pa bya/ /mi mo dbang phyug legs spyad cing/ /tshangs spyod bsam gtan de bzhin no/ /'khro ba med pa'i rgyud spyad pa/ /bsgrub pa pos ni yongs su bsrung/ /rtag tu bsgom pa la gnas nas/ /yul kun la ni rnam 'gying ba'i/ /gnyis med grub pa'i rnal 'byor ma/ /ci srid srog ni gnas pa'i bar/ /bu khyod kyis ni bsgrub par bya/ /'dod pa'i yon tan thams cad la/ /ci dga' bar ni bsten par bya/ /he ru ka dpal rnal 'byor che/ /bsams nas thams cad rab tu brtag /bdag nyid sangs rgyas thams cad dang/ /rnal 'byor ma rnams kun gyis gnas// de bas 'bad pa thams cad kyis/ /he ru ka dpal bdag mchod do/ /'dod chags bral bar lta bu'i sdig /khams gsum na ni gzhan med de/ /de bas 'dod la chags bral bar/ /khyod kyis nam yang mi bya'o/ /bza' bar bya ba'i dam tshig go / g.yon pa yis ni tshogs mdza' / /g.yas kyis mi 'jigs stsol mdzad pa'i/ /he ru ka dpal rnal 'byor che/ /'khor lo thams cad rnam par gnas/ /da he ru ka dpal lung ston bzhin/ /mgrin gcig tu ni de dag kun/ /'di nang ngas khyod lung bstan te/ /khrag 'thung dpal zhes de bzhin gshegs/ /srid pa mchod du dag bya'i phyir/ /sred pa'i ngan song rnams las bton/ /sh+rI he ru kA nA ma ta tha ga tI si d+hi sa ma ya stwaM/ b+hur bu bA swAhA/ gang la don yod grub pa'i phyag rgya chen po mthon 'phags 'dis/ /mchog du gnas gsang chen du gnas pa las/ cho gas mgrin gcig tu/ rgyal ba rnams kyis lung ston par mdzad do/ /lung ston mthon 'phags so/ /khams gsum rgyal ba'i rgyal srid che/ /rgyal po bdag por brtan pa dang/ / de ring bdud las rnam rgyal zhing/ /pho brang mchog tu zhugs pa yis/ /deng ni sangs rgyas nyid thob par/ /khyed rnams 'dir ni the tshom med/ /dbang bskur ba tsam 'di yis ni/ /slob ma yon tan bdag por 'gyur/ /brtan g.yon kun gyi dam tshig gi/ slob dpon nyid duAng bde blag 'gyur/ /dbugs 'byung ba'o/ /yon gyi mchog ni dbul bya ste/ /glang po rta dang shing rta nor/ /nor bu byu ru mu tig sogs/ /phyag byas nas ni dbul bar bya/ /dir nas brtsams te bdag bran du/ /khyed la bdag ni phul ba lags/ /slob mar rang nyid bsgyur btsongs pa'i/ /chang gis kyang ni mchod par bya/ /slob ma gus pa med pa yis/ /dngos grub ring bar the tshom med/ /dngos po kun gyis slob ma yis/ /dang por yon ni bya ba yin/ /gal te lha ni mnyes 'dod na/ / 'bad de bla ma mnyes par bya/ /dpa' bo ji bzhin rig de bzhin/ /rig ma ci bzhin bla ma bzhin/ /dpa' bo rig dang bla ma la/ /mchod pa'i 'bras bu mnyam par yi/ /slob dpon gyi yon dbul ba yin no/ /de nas shes rab ma 'dir ni rnyed pa gang/ / me tog ldan zhing shin tu bslabs/ /shin tu gtsang ba'i sa phyogs su/ /khams lnga dag dang yang dag ldan/ /phye mar byas te de dag kun/ /rdo rje la ni byug par bya/ /dga' ba la sogs bzhi po dang/ /'khor lo gsum bdag rnal 'byor ldan/ /'dod chags che la 'byung ba'i mgon/ /chags pa kun gyis rjes chags pa/ /pad+ma'i snod du legs bzhag ste/ /rnal 'byor mas ni 'di skad smra'o/ /bram ze rgyal rigs rje'u rigs dang/ /dmangs rigs mthar gnas bud med kun/ /gus pas rtag tu rab mchod dang/ /gnyis med 'khyud dang tsum pa na/ /dpa' bo khyod ni spror gyur (gseng ba'i dbang) tam /smros shig dpa' bo bde ba che/ /ci gsung dam tshig bsten par ni/ /lha mo bdag gis byed par nus/ /pad+ma rgyas par byas nas ni/ /skra bshig gos kyang sral byas nas/ /me tog tshur ldan dpa' bo yis/ /rnal 'byor ma'i rdo rje sbyin/ /deng nas brtsams te bu khyod ni/ /brtul zhugs bzang pos 'gro don gyis/ /bram ze rgyal rigs rje'u rigs dang/ /dmangs rigs mthar skyes mtshan nyid can/ /ba ga pad+ma btsum pa na/ /bdud rtsi rnams ni bsgrub par bya/ /rnal 'byor ma yi rkang g.yon ni/ /lung bsgo bas ni spyi bor gzhag /rdo rje rnal 'byor ma dpa' mo/ /gnyis med ye shes sems ldan pas/ /dpa' po las byung byang chub sems/ /rgyun gyis dbang ni bskur ba yin/ /'di ni byang chub 'grub rnal 'byor/ /khams lnga bcud kyi bdag nyid can/ /he ru ka dpal bdag sbyor ba/ /yang dag bde la myong bar gyis/ /gnyis med ye shes dbang skur ni/ gsang ba kun la sogs par bshad/ /'di dag thams cad gsang ba che/ /dbang bskur ba ni mchog gis gnas/ /yon dang dad pa sngon 'gro bas/ /der ni phyag rgya gtad par bya/ /bla na med pa'i dbang bskur ba'o/ /de nas skad (mchod pa) cig bshad pa'i/ /tshogs sbyin sreg las bya zhing/ /rnal 'byor ma la gtor ma sbyin/ /mkha' 'gro ma ni mchog 'grub 'gyur/ /sangs rgyas zhing sogs dag bya'i phyir/ /khyad par du ni sbyin la spyad/ /dmangs rigs stong phrag gnyis dag kyang/ /bram ze gtsang ma gcig dang 'dra/ /bram ze stong phrag gnyis dag ni/ /dge slong gcig la rab tu sbyar/ /dge slong stong phrag gnyis dag ni/ /rdul med pa ni gcig dang mnyam/ /rdul med stong phrag gnyis dag ni/ /ye shes ldan pa gcig la sbyar/ /ye shes ldan pa stong phrag gnyis/ /slob dpon gcig dang mnyam par mchod/ /de ltar sbyin pa'i zhing shes nas/ /blo dang ldan pas rtag tu sbyin/ /rnal 'byor rtsa ba'i chos la ni/ /zhing bzang po la sa bon gdab/ / mtshams med pa dang sdig ngan yang/ /tshon rtsi mthong bas grol bar 'gyur/ /'dir dbang bskur ba tsam gyis ni/ /gtsang ma'i gnas su skye bar 'gyur/ /sbyin bdag bzang po rnal 'byor pa/ /rims kyis myur du byang chub thob/ /me tog chu'i dbang bskur dang/ /cod pan rdo rje bdag po dang/ /ming dang brtul zhugs rjes gnang dang/ /bka' dang mthon 'phags nyid dang ni/ /spyod pa'i brtul zhugs bstan pa'i/ /gsang ba phyag rgya gtad pa ste/ /dbang bskur 'di dag thob pa ni/ /sangs rgyas kun gyis rab tu mchod/ /dbang bskur ba bcu bzhi pa'o/ /g.yas dang g.yon gyi logs su ni/ /bskor la de nas 'jug pa dang/ /longs spyod rdzogs par bzung nas ni/ /gnyis med ye shes ngal bso'o/ /tshon la sogs pa dngos po kun/ / nang bar tho rangs bsdu bar bya/ /bsdus nas gser gyis bum sogs/ /bcug nas chu bo chen por dor/ /bum pa thams cad bsdus nas ni/ /don bzhin du ni dga' ston bya/ /de nas rdzas lnga la sogs dang/ /sbyar bsres pa ni byug par bya/ / sngar gyi rdzas kyi lhag ma la sogs/ /gnyis med ye shes sbyin sreg bya/ /tsha'o sdug dang rigs mthun bcas/ /skye bo dam pa gnyis med dang/ /bkra shis glu'i rnam pa dang/ /rdo rje dril bu rol par bya/ /srid pa gsum 'bar sku ni rjes chags 'dul bar ldan/ /'od zer sngon po stong ldan nyi ma brgya stong ldan/ /rnam mang sku dang cha lugs rjes chags sems dpar ldan/ /he ru ka dpal sngags pa lhan cig gar byed do/ /ha ha hu hu huM/ sems can kun la phan byed pa'i/ / dkyil 'khor cho ga byas pa las/ /bsod nams thob pa de yis ni/ /'gro ba he ru kar gyur cig /bcom ldan 'das dpal bde mchog 'khor lo'i dkyil 'khor gyi cho ga /slob dpon nag po'i zhal snga nas mdzad pa yin no// // rgya gar gyi mkhan po d+harma sh+rI b+ha dra dang/ zhu chen gyi lots+tsha ba dge slong rin chen bzang pos bsgyur ba/ slad nas pan Ti ta su ma ti kir ti'i zhal snga nas/ bod kyi lots+tsha ba arya mar pa chos kyi dbang phyug gis zhu chen bgyis pa// // */ (/dpal bde mchog 'khor lo'i sbyin sreg gi cho ga bzhugs/) //*/ /rgya gar skad du/ sh+rI tsakra sam+ba ra ho ma bid+hi/ bod skad du/ dpal bde mchog 'khor lo'i sbyin sreg gi cho ga/ bcom ldan 'das dpal rdo rje mkha' 'gro la phyag 'tshal lo/

CLOSE WINDOW