བོད་ཡིག

e-texts based on the ACIP/ALL Input

bsdom pas tshegs par stong brgya brgyad cu yod do// // */ (/dpal 'khor lo bde mchog gi sgrub thabs rin po che gtsug gi nor bu grub chen la babs mdzad pa bzhugs//) // */ /rgya gar skad du/ b+ha ga bA na sh+rI tsakra saM par sya sAd+ha ni ratna tsU Da ma Ni nA ma/ bod skad du/ bcom ldan 'das dpal 'khor lo bde mchog gi sgrub thabs rin po che gtsug gi nor bu zhes bya ba/ bcom ldan 'das dpal rdo rje mkha' 'gro la phyag 'tshal lo/ /yi dags gdan la gar gyis bzhugs shing zhal bzhi bai DUrya pad gser margad spyan gsum byu ru bcag 'dra'i zhal gcig phyag gnyis thod khrag cang te'u bsnams pa'i rdo rje rnal 'byor ma/ zhabs gnyis mnyam 'khril zhal sbyar sku la rtsa ba'i phyag gnyis dril bu rdo rje la sogs 'khyud cing tha ma gnyis kyis glang chen thal kar ko rlon mi lpags khrag gis klong 'khril brgyangs pa mnabs/ /lhag ma g.yon pa'i phyag rnams kyis ni rim pa bzhin du mdzes pa'i 'khar gsil thod pa khrag bkar rdo rje zhag pa tshangs pa chen po mgo bsnams 'od zer rab tu 'bar ba legs par bsnams/ /de bzhin g.yas rnams 'khor lo rtsibs bcu mdung rtse gsum pa lcags kyu cang te bsnams pa rgyal chen sh+rI he ru ka bde mchog 'khor lo bcom ldan brlabs kyis 'gro kun rtag tu rgyal gyur cig / dpal ldan bla ma rje btsun dang ni dar rjes bcom ldan 'das sgyu ma dang/ /chu zla sogs mtshungs rdo rje mkha' 'gro ma la'ang gus pas phyag 'tshal te/ /bla ma chen po slob ma mkhas pa'i gus pa drin gsol gdab pa yis/ /de yi sgrub thabs myur du dga' ba rgyas byed gsal bar bshad par bya/ /de la dang po rnal 'byor pa dang pa dang thos pa la sogs pas chos thams cad sgyu ma lta bu dang nam mkha' lta bur yongs su shes pa/ snying rje dang ldan ba/ sbyin pa dang byams pa la sogs goms par byas la/ 'jig rten gyi chos brgyad kyis ma gos pa/ bla ma rje btsun yang dag par mnyes par bya ba sngon du song bas/ dpal bde mchog gis rgyud las gsungs pa'i cho ga bzhin du dkyil 'khor du zhugs pa rim pa bzhin du dbang bskur zhing rjes su gnang ba dang dam tshig thob pa/ bla ma dang 'dod pa'i lha la tha mi dad par 'dzin pa'i blo can/ spyod pa dang brtul zhugs dang ldan pa/ dur khrod la sogs pa yid dang rjes su mthun pa'i gnas su/ sna tshogs rdo rje'i stan la legs par 'dug pas bdud rtsi'i ri lu la yi ge gsum bzlas pas kha dag pa la sogs pa byas nas sems can thams cad la phan pa dang bde ba'i phyir bdag dpal rdo rje he ru ka nyid du gyur par bya'o snyoms pa'i bsam pa brtan pas/ rang gi snying gar raM las byung ba'i nyi ma'i dkyil 'khor gyi steng du rang gi lha'i sa bon 'od zer kha dog rnam pa lnga pa/ kun nas rab tu 'phro ba bsag par bya'o/ /de'i 'od zer gyi snang bas rang gi lus kyi nang nas ba spu'i rtse mo'i bar khyab par byas pas bdag nyid 'dod pa'i lha'i ngo bor gyur par nga rgyal bya zhing/ de las 'od zer gyi tshogs ba spu'i bu gnas 'phros pas/ dpal bde mchog 'khor lo rigs drug gang 'dod pa'i dkyil 'khor 'khor lo lha bcu bzhi pa'i bdag nyid spro ba dang bsdu ba'i sku/ rin po che sna tshogs pa las grub pa'i khang pa rtseg ma dang bcas pa dur khrod brgyad kyis bskor ba/ shar phyogs kyi dur khrod dbang po'i mdun na bla ma seng ge'i khri rin po che sna tshogs pas spras pa'i steng na gser gyi pad+ma kha bye ba la rdo rje sems dpa' ltar 'gying bag du rgyan thams cad kyis brgyan nas bzhugs pa snang bar gyur pa gsal bar bltas la/ de nas rang gi lus du ma sna tshogs par sprul la/ bdag bla ma rdo rje 'chang chen po la phyag 'tshal lo/ /bdag bcom ldan 'das dpal 'khor lo bde mchog gi lha tshogs la phyag 'tshal lo/ /bdag sangs rgyas dang byang chub sems dpa' thams cad la phyag 'tshal lo/ /sems can thams cad rdzogs pa'i byang chub myur du thob par bya ba'i phyir lus 'di dag dbul bar bgyi'o zhes bya'o/ /de nas de dag la rang gi snying ga'i sa bon las byung ba'i pi wang ma la sogs pa'i mchod pa'i lha mo bcu drug dang/ ma tang gI la sogs pa bzhi'i tshogs kyis phyi dang gsang ba'i mchod pa rnams kyis yang dag par mchod par bya ste/ pi wang gling bu rdza rnga rnga chen ma// sngon mo ser mo dmar mo ljang gu rnams/ /dang po'i phyag gnyis rang rtags phyag mtshan can/ /de dag mdza' gnyis rdo rje dril bu 'dzin/ /bzhad ma sgeg mo glu ma gar ma rnams/ /dmar skya sngon mo ser mo ljang gu ste/ /dang po'i phyag gnyis rang rang rtags mtshan ldan/ /g.yon mdza' thod pa kha TwAM cang te'u g.yas/ /me tog bdug pa snang gsal dri chab ma/ /dkar mo mthing dmar dmar ser dkar mo rnams/ /g.yon gnyis thod pa kha TwAM g.yas dang po /rang ming rjes mthun gnyis pa cang te'u 'dzin/ /gzugs ma ro ma reg ma tshes ma rnams/ /dkar mo dmar mo ljang gu dmar mo ste/ /g.yon g.yas mdza' 'di rnams ni gong dang mtshungs/ /g.yas kyi dang po rang min mthun rtags can/ /kun kyang zhal gcig phyag bzhi ma la sgeg / lang tsho gzhon pa rol cing 'gying bag can/ /rin chen rgyan ldan dar gyis rab tu mdzes/ /dpag med rang sngags brjod cing mgon sogs rje/ /aoM A:badzra bI Ne hUM/ aoM A:badzra baM se hUM/ aoM A:badzra mu ra dze hUM/ aoM A:badzra mu kuN+De hUM/ aoM A:badzra hA sye hUM/ aoM A:badzra la sye hUM/ aoM AdI paM hUM/ aoM A:badzra gand+he hUM/ aoM A:badzra pU be hUM/ aoM A:badzra A darshe hUM/ aoM A:badzra rA sye hUM/ aoM A:badzra sbarshe hUM/ aoM A:badzra d+harme hUM zhes bya'o/ /ma tad Dom pi ra dza puk+ka si/ /'og nas 'chad bzhin rang rang zhal sogs ldan/ /dus pa'i rgyan can thod pa bdud rtsis bkang/ /brjod pa med par dren pa 'khor bcas mchod/ /rje btsun nyid phyag rgya dang snyoms par zhugs pas mchog tu dga' ba dam pa'i bde ba chen pos dgyes pa de kho na nyid kyi mchod pa yang bya'o/ /de nas de dag gis spyan sngar sdig pa bshags pa la sogs pa 'di ltar bya ste/ bdag gi sdig pa thams cad bla ma dang sangs rgyas dang byang chub sems dpa' thams cad kyi spyan sngar so sor bshags shing slan chad kyang sdom par bgyid lags so/ /sangs rgyas dang byang chub sems dpa' dang 'phags pa so so'i skye bo'i dge ba thams cad la rjes su yi rang ngo/ /bdag gi dge ba thams cad bla na med pa yang dag par rdzogs pa'i byang chub tu bsngo bar bgyi'o/ /bdag byang chub kyi bar du de bzhin gshegs pa thams cad bsdus pa'i ngo bo dpal 'khor lo bde mchog sangs rgyas la skyabs su mchi'o/ /des bstan pa'i gsang sngag dang phyag rgya la sog pa'i ngo bo chos la skyabs su mchi'o/ /de'i dkyil 'khor gyi 'khor lo la gnas pa'i rnal 'byor ma'i tshogs dge 'dun la skyabs su mchi'o/ /sems can tham cad kyi sgrib pa thams cad bsal ba'i phyir/ nam mkha' i mthas gtugs pa'i sangs rgyas tham cad kyis chos kyi 'khor lo bskor bar bskul lo/ /rgyal ba mya ngan las 'da' bar bzhed pa rnams 'gro ba kun la phan pa dang bde ba'i don du bskal pa zhing gi rdul snyed du bzhugs par gsol ba 'debs so/ /sems can thams cad la phan pa dang bde ba dang mchog tu mthar phyin pa'i mya ngan las 'das pa sangs rgyas kyi byang chub la dgod pa'i slang du bdag bla na med pa yang dag par rdzogs pa'i byang chub tu sems bskyed par bgyi'o/ /bdag bla na med pa'i byang chub kyi bar du rdo rje'i theg pa la brten par bgyi'o/ /zhes bya ba ste/ de rnams kyis byin gyis rlabs par bsam zhing/ aoM badzra satwa sa ma ya ma nu pA la ya/ badzra satwa dwe no pa tiSh+Thi dri Dho me b+ha ba/ su to Sh+yo me b+ha ba/ su po Sh+yo mai b+ha ba/ a nu rak+to me b+ha ba/ sarba sid+d+hiM me pra yats+tsha/ sarba karma su tsaM me t sit+taM sh+re yabar bya'o/ /de nas sems can thams cad lha'i bde ba la nye bar sbyar ba'i rnam par byams pa dang/ sdug bsngal ba dang sdug bsngal gyi rgyu dang bral bar bya ba'i rnam pa snying rje dang/ lha'i bde ba dang 'khor ba ji srid bar mi 'bral bar bya ba'i rnam par dga' ba dang/ nyon mongs pa dang nye ba'i nyon mongs pa'i gnyen po lam la nye bar sbyar ba bya ba'i rnam pa btang snyoms bsgom par bya'o/ /de nas chos thams cad ngo bo nyid med pa yang dag pa ma yin pa'i kun tu rtog pa tsam sgyu ma lta bu'o zhes nges par byas la/ aoM swa b+hA ba shud+d+ha:sarba d+harmA:swa b+hA ba shud+d+ho haM/ zhes brjod do/ /sa bon gyi ni brtan g.yo sbyangs/ /thig le sngags kyi dmigs pa med/ /aoM shU n+ya tA dz+nyA na badzra swa b+hA ba At+ma ko haM/ chos thams cad ni rab tu gnas pa med pa rang bzhin gyis 'od gsal bston ka'i nyi ma gung gi nam mkha' dri ma med pa lta bur snang ba med pa'o/ /de nas stong pa nyid kyi rang bzhin las der yi ge e yongs su gyur pa las chos 'byung gi gzugs ston ka'i ri bong can ltar dkar ba/ rdo rje chang chen po'i ngo bo/ sna tshogs pa'i ngo mtshar chen po'i 'od zer gyi cho gas mngon par 'byung ba/ 'od 'phro ba steng yangs pa zur gsum/ nang stong pa/ de'i dbus su yi ge hUM gi bdag nyid zhal gcig phyag gnyis pa'i he ru ka'i gzugs su mngon par sprul la/ shar phyogs phugs dang mi mthun dang/ /lugs mthun g.yon mdzub se gol gtogs /aoM suM b+ha ni suM b+ha huM hUM phaT/ aoM grih+na grih+na huM hUM phaT/ aoM grih+na pa ya grih+na pa ya huM hUM phaT/ aoM A na ya ho b+ha ga bAn badzra huM hUM/ ces sngags rkang pa re re brjod pa'i tshe/ sngags de dang de kha dog dmar po 'bar ba yig 'bru che ba phyogs dang de dang der kha nas 'bros pas/ sngags de dang de las 'bros pa'i lha mo khwa gdong ma la sogs pa zhal gcig phyag gnyis ma kha dog dmar mo cher 'bar g.yas brkyang goms pas nyi ma'i gdan/ /phyag rgya lngas brgyan gtum pa rab tu che zhing gzugs rags pa /phyag g.yon lte ba man chad zur gsum stod ni rab 'dra thogs/ /g.yas pa tho ba can rnams rang rang phyogs su spro bar bya/ /de dag gis ni bgegs rnams shin tu thag ring bskrad par bsam/ /de nas sngags de dag las grub pa'i rdo rje'i ra ba gru bzhi pa rab tu 'bar ba/ rgyar sgrub pa pos ji tsam mngon par 'dod pa bsams la /aoM badzra pra kA ra hUM baM hUM zhes bya ba'i sngags kyis byin gyis brlab pa'o/ /de nas rdo rje ra ba las/ /'od zer rab tu 'bar ba'i chags/ /'phros pas dbus su yi ge hUM/ /las grub sna tshogs rdo rje bsam/ /de las sna tshogs rdo rje'i rang bzhin gyis sar byas la/ /aoM me di ni badzri b+ha ba badzra band+ha hUM/ zhes byin gyis brlab po/ /de bzhin dus dan ra ba las 'od 'phros par gyur to/ /gung las bla bre'o/ / bla bre las mda'i dra ba phyi rol tu steng dang legs kun khyab par bsam zhing de dang de dag tu aoM badzra pany+tsa ra hUM paM hUM/ aoM badzra ba dA na hUM khaM hUM/ aoM badzra sa ra dzA la trAM saM trAM/ zhes bya bas byin gyis brlab bo/ /khwa gdong ma la sogs pa brgyad ni phyi rol tu/ /kha bltas 'khor pa rnams kyi mdun du hUM/ /nag po brgyad bltas de dag yongs gyur las/ /dong po kha khyer phan tshun phrad brgyad bsam/ /de las khwa gdong la sogs pa'i 'od zer 'bar ba'i tshogs rnams kyis bgegs rnams dong du chug cing/ gdong gi pha rol nas kyang bgegs bros pa rnams 'od zer 'bar ba lcags kyu'i rnam pas drangs shing/ dong du bcug pa dang/ khwa gdong ma la sogs pa dong gi drung na 'khod pa rnams la bdag nyid khro bo'i lta ba dang bcas pas/ aoM g+ha:g+ha:g+hA ta ya g+hA ta ya sarba duSh+Ta na hUM hUM phaT/ kI la ya kI la ya sarba pA paM hUM hUM phaT/ hUM hUM hUM badzra kI la ya badzra d+ha ra Adz+nyA pa ya ti sarba big+h+naM ka ya bA k+tsit+ta badzra kI la ya hUM phaT ces bya ba brjod de phur pa tshugs shog par bka' bsgo bas bgegs rnams kyi spyi bor phur pa btsugs pa dang/ aoM badzra mung+ga ra badzra kI la ya A ko Ta ya hUM phaT/ ces brjod pa de dag gi rdo rje thobs 'phur pa brdungs te bgegs rnams / la phur pa btab pas bgegs rnams kyis bde ba thob par byas nas/ khwa gdong ma la sogs pa 'od zer 'bar ba'i tshogs su gyur te mda'i dra ba la thim ma thag tu chu la chu brdabs pa'i tshul du slar phyir 'phros pa las/ rdo rje'i ra ba zlum por gyur par bsams la/ aoM badzra prA kA ra hUM ces bya bas byin gyis brlabs pa'o/ /de bzhin du de las 'od 'phros pas pad+ma'i ra ba/ de las 'khor lo'i ra ba/ de nas rdo rje me 'bar ba steng dang logs kun tu khyab pa g.yon bskor du 'khyil cing 'bar bar bsams te/ de bzhin du aoM pad+ma prA kA ra hUM/ aoM badzra dzwa la a na yArka hUM hUM hUM zhes so so'i sngags kyis byin gyis brlab la bag nyid skad cig gis mi snang bar gyur par bsam mo/ /de ltar tshangs pa stong gis kyang mi tshugs pa'i gnas der rten dang brten pa'i dkyil 'khor sgyu ma lta bur bsam par bya ste/ yi ge yaM las rang dag byung/ /rlung gi dkyil 'khor gzhur snang ngo/ /'od zer sngon po 'khrug cing 'khrug /ba dan gyis mtshan bsam par bya/ /de steng raM yig pas byung ba/ /me yi dkyil 'khor kha dog dmar/ /gru gsum 'bar phreng gis mtshan pa/ /'od zer dmar po 'khrug cing 'khrug /de lteng baM yig las byung ba/ /chu yi dkyil 'khor zlum zhing dkar/ / bum pas mtshan ba 'od zer gyi/ /phreng ba dkar pos 'khrug cing 'khrug /de steng laM yi las byung ba/ /sa yi dkyil 'khor ser po ste/ /gru bzhi rdo rje yig mtshan pa/ /'od zer ser po 'khrug cing 'khrug /de steng suM yig las byung ba/ /lhun po rin chen bzhi rang bzhin / /gru bzhi rtse nam brgyad kyis mdzes/ / /gzi brjid bzang po mchog gi mchog /de steng paM las par chen po/ /sna tshogs 'dab brgyad 'od zer 'bar/ /de steng hUM yis las sna tshogs/ /rdo rje shar lho nub byang dbus/ /dkar ser dmar ljang mthing rtse gsum/ /'od zer sna tshogs 'bar zhing 'bar/ /de'i stegs bur yi ge 'bruM dkar po las byung ba'i khang pa rtsegs ma sangs rgyas kyi zhing yongs su dag pa thams cad bsdus pa'i ngo bo thar pa chen po'i pho brang rnam par snang mdzad kyi rang bzhin/ rin po che sna tshogs pa las grub pa/ gru bzhi pa la sgo bzhi pa/ /rta babs bzhi yis rnam par brgyan/ /ka ba brgyad kyis nye bar mdzes/ /rtsig pa lnga dang yang dag ldan/ /stegs bu bzhis bskor brgyad gnyis kyis/ /mchod pa'i lha mo mchod 'brel 'gying/ /do shal do byed dang me tog /nyi zla me long rnga yab dang/ /rdo rje srad bu bla res mdzes/ /'od la sangs rgyas rgya mtsho 'phro/ /ba dan rtse mo g.yo ba bkra ba'i/ /dril bu phyogs kyi sgo nas 'khrol/ /dur khrod brgyad kyis yongs su bskor/ /rdo rje ra ba 'od chen 'bar/ /de'i dbus su sna tshogs pa'i 'dab ma can gyi pad+ma rab tu rgyas pa ste/ /de'i lte ba la 'jigs byed chen mo dang dus mtshan mo brtsegs pa'i snying gar nyi ma'i dkyil 'khor/ phyogs kyi 'dab ma rnams ro'i snying gar zla ba'i gdan dang ldan pa/ mtshams bzhir zla la bum steng du/ /bdud rtsis sbkang ba'i thod pa bzhi/ /phyogs bral dang sgo rnams su yang/ /ro'i snying gar zla ba'i gdan/ /de nas dus mtshan mo'i snying ga'i nyi ma'i dkyil 'khor la a la sogs pa'i dbyangs kyi yi ge bcu drug nyis 'gyur las zla ba'i dkyil 'khor me lta bu'i ye shes kyi ngo bo/ de'i steng du ka la sogs pa'i gsal byed sum cu rtsa bzhi Da Dha da d+ha ya la bsnan pa bzhi bcu gnyis 'gyur yongs su gyur pa las nyi ma'i dkyil 'khor mnyam pa nyid kyi ye shes/ der yi ge hUM dngul chu lta bu yongs su gyur pa las rdo rje rtse lnga pa dkar po rab tu 'bar ba lte bar yi ge hUM gis mtshan pa so sor rtog pa'i ye shes/ de bas de bzhin gshegs pa mdza' yas pa rnal 'byor ma'i tshogs kyi rnam par snang ba 'bros pas 'gro ba ma lus pa'i don byas nas/ de dag bsdu ba'i sbyor bas sa bon la bcug pas de thams cad gcig tu 'gyur ba ni bya ba grub pa'i ye shes so/ /de nas de las bdag nyid rang gi rig ma dang bcas shing dkyil 'khor gyi 'khor lo dang bcas par grub pa ni chos kyi dbyings shin tu rnam par dag pa'i ngo bo ste/ de yang 'di ltar/ sngo zhing drag shul rnam 'gyur drag /'jigs pa dag kyang 'jigs par mdzad/ /mche ba ngag kyang gtsigs pa'o/ /gtsug na zla ba phyed pa la/ /sna tshogs rdo rje ral pas brgyan/ /thod pa'i phreng bas rnam par klubs/ /rgyan rnams thams cad yongs rdzogs shing/ /sdang ba thams cad 'dul mdzad pa/ /nyi ma'i dkyil 'khor gdan la ni/ /phyed krung byas pas shin tu gnas/ /sred dang rmongs dang phrag dog gyur/ /kA la rA tri 'og tu mnan/ /spyan gsum zhal bzhi mgrin pa bzhi/ /mkha' ltar sngo dang ser dang dmar/ /steng gi zhal ni ljang gu ste/ /phag mo dang ni gnyis med dga' / /dril bu rdo rje snyoms 'jug cing/ /'khar gsil snod zhags mgo bo dang/ /chos kyi 'khor lo mdung rtse gsum/ /rdo rje lcags kyu rnge chung ste/ /khrag gi rba klong 'khyil pa yi/ /glang chen ko rlon gos su gyon/ /phyag gnyis na ni chos gos so/ /mi lpags snam bu gnyis kyis 'phyar/ /lang tsho gzhon pa 'gying bag can/ /sum cu rtsa gnyis mtshan 'char zhing/ /dpe byad bzang po brgyad cus brgyan/ /gar dgu yi ni nyams dang ldan/ /stag gi pags pa'i na bza' mnabs/ /phyag rgya drug gis rab tu brgyan/ /mgo phreng do shal chen po can/ /steng na gdugs dkar legs par 'dzin/ /phag mo mdog dmar gcer bu la/ /spyan gsum sgra ni grol ba'o/ /sgeg cing nu ma 'bur la 'khrad/ /rgyan rnams thams cad rab 'bar ba/ /g.yon pa ro yi lhung bzed de/ /g.yas pa rnge chung chos dbyangs sgrogs/ /byin pa gnyis ni mnyam 'khyud cing/ /snying rjes dga' ba'i bde ba che/ /thugs kar shes rab rab gyur nyid/ /sna tshogs pad+ma nyi rdor hUM/ / de'i rjes la mgo bo dang mgrin pa dang snying gar zla ba dang nyi ma'i steng du/ aoM A:hUM dkar po dang dmar po dang sngon po'i 'od 'phros bsams la/ de nas lte bar sprul pa'i 'khor lo'i nang du 'dab ma brgyad kyi phyi rol 'dab ma lnga bcu rtsa drug pa kha dog sna tshogs pa'i lte ba la yi ge aM kha dog sna tshogs pa mgo gyen du bstan pa/ snying ga chos kyi 'khor lo 'dab ma brgyad pa kha dog sngon po lte ba la yi ge hUM kha dog sngon po mgo thur du bstan pa/ mgrin pa longs spyod kyi 'khor lo 'dab ma dbus na bzhi phyi rol na bcu gnyis pa kha dog dmar po lte ba'i yi ge aoM dmar po mgo gyen du bstan pa/ spyi bor bde ba chen po'i 'khor lo 'dab ma sum cu rtsa gnyis pa kha dog sngon po lte ba la yi ge haM kha dog dkar po mgo bo thur du bstan pa/ 'khor lo de dag thams cad kyang yi ge dang bcas shing 'od shin tu gsal ba bsgom mo/ /shar la sogs pa'i 'dab ma la/ ma tang gI dang Dom bi nI/ /ra dza kI dang puk+ka sI/ /ser dang sngo dang dmar dung kha/ /'khar gsil dang ni lhung bzed dang/ /rnge chung dang ni gri gug 'dzin/ /ba d+ha kI sa ha tsa rI/ /b+hu d+hi tsa rI sha ba rI/ /skya bo dang ni dmar ba dang/ /ljang gu dang ni dkar po ste/ /thod pa dang ni 'khar gsil dang/ /gri gug dang ni rnge chung 'dzin/ /lugs su 'byung dang lugs las bzlog / bzhad dang zhi dang snying rje dang/ /sgeg dang rngam dang mi sdug pa/ /drag shul khro bo nyams dang ldan/ /sgo bzhir khro bo dgod bya ba/ /he ru ka'i 'od ma dang/ /rdo rje gtum po dang rdo rje/ /srin mo rdo rje 'jigs byed ma/ / drag cing gdul dka' kun gsol ma/ /thal kar mdog dang ljang gu dang/ /dmar dang sngo ba drag shul 'jigs/ /lang tsho gzhon pa nu ma rgyas/ /lhung bzed kha TwAM khar gsil g.yon/ /chos kyi 'khor lo rnge chung g.yas/ /phrag pa'i steng na chos gos te/ /kun kyang zhal gcig phyag bzhim/ /rgyan rnams kun gyis rnam par klubs/ /ro steng zla ba'i dkyil 'khor la/ /skyil krung phyed pa'i gar gyis gnas/ /skra grol gcer bu rgyan lnga 'chang/ /bcom ldan rdo rje rnal 'byor ma/ /thabs dang shes rab ngo bo nyid/ /snying rje chen po stong pa nyid/ /tha mi dad pa'i bdag nyid do/ /bsod snyoms pa dang chos gos gsum/ /phyis mi len dang cog pu ba/ /stan gcig pa dang bla gab med/ /shing drung ba dang bas mdza' gnas/ / dur khrod pa dang phyag dar khrod/ /phying ba pa dang gzhi ji bzhin/ /sbyangs pa'i yon tan bcu gnyis te/ /de rnams rnal 'byor ma rnams dag /mdo yi sde dang dbyangs kyis bsnyad/ /lung du bstan dang tshigs su bcad/ /ched du brjod dang gleng gzhi dang/ /rtogs pa brjod dang da ltar 'byung/ /skyes pa rabs dang shin tu rgyas/ /rmad du byung dang gtan la phab/ /gsung rab yan lag bcu gnyis kyang/ /rnal 'byor ma yi ngo bo nyid/ /de nas hUM gi 'od zer gyis/ /dam tshig gi 'khor lo dang 'dra ba'i ye shes sems dpa' dang/ dbang bskur ba'i de bzhin gshegs pa dang/ phyi dang gsang ba'i mchod pa byed pa'i lha mo rnams spyan drangs te/ de dag dang lhan cig tu 'ongs pa'i bgegs zhal rnams kyis hUM zhes brjod pas bskrad nas/ snying ka'i sa bon gyi 'od zer las byung ba'i mchod yon aoM arg+haM pra tIts+tsha swAhA/ zhes bya bas phul la/ dza:hUM baM ho:zhes bya ba dgug pa dang gzhug pa dang/ bcing ba dang mnyes par byas nas/ de bzhin gshegs pa thams cad bdag la dbang bskur du gsol zhes gsol ba btab pa dang/ de bzhin gshegs pa rnams rin po che'i bum pa bdud rtsi lnga'i khu bas gang bas aoM sarba ta thA ga ta a b+hi She ka sa ma ya sh+ri ye hUM zhes gsung zhing dbang bskur ba dang chu'i lhag ma las dbul rigs kyi bdag pos rgyas gdab par bya ste/ de nas bcom ldan 'das kyi dbu la rdo rje sems dpa' rdo rje rnal 'byor ma la mi bskyod pa'o/ /ma tang gi la sogs pa bzhi la rim pa bzhin du/ rtag pa don grub 'od dpag med dang rin chen 'byung/ /ba d+he kI la sogs pa la ni rtag pa dang/ rin chen dbang dang 'od dpag med dang don yod grub/ he ru ka b+ha la sogs pa la yang ma tang gi la sogs pa la rtag pa la sogs pa yin no/ /de nas pi wang ma la sogs pa dang/ ma tang gi la sogs pa dang/ ma tang gi la sogs pa shin tu mdzes shing yid 'phrog pa rnams kyis yang dag par mchod par bya'o/ /de nas lha mo de dag gis legs par bstod pa byas nas/ lha mo de rnams rang rang gi gnas su yud kyis gshegs par bsam mo/ /de'i rjes la yi ge hUM las gsang ba'i rdo rje dkar po byA las nor bu dmar po byA ser pos bu ga bkag pa/ yi ge A las phyag rgya'i pad+ma dmar po 'dab ma gsum pa byA las ze 'bru dkar po dyA ser pos bu ga bkag par bsams la/ lte ba la sogs pa la snying po la sogs pa yang bkod nas/ aoM sh+rI mahA su kha badzra he he ru ru kaM A:hUM hUM phaT swAhA zhes bya bas dga' ba tsam zhig lhan cig skyes pa'i dga' ba dam pa'i bde bas bdag dang dkyil 'khor bar bcas pa rjes su mnyes par bya'o/ /phyi rol shin tu dga' ba'i bya ba la'ang/ pad+ma rdo rje byin rlabs 'di dag bya/ /mdun du yi ge yaM las rlung dkyil 'khor/ /gzhur snad sngon po mdza' gnyis ba dan ldan/ /de steng yi ge raM las me'i dkyil 'khor/ /zur gsum nyid la dmar po 'bar bas mtshan/ /de steng a las pad+ma'i snod/ /dum bu gcig pa nang dmar po/ /de'i nang du shar nas brtsams te dbus kyi bar du aoM khaM AM trAM hUM/ dkar po dang ljang gu dang dmar po dang ser po dang mthing ka rnams las byung ba'i bsam pa'i sman dang sha chen po dang/ byang chub kyi sems dang rang byung gi me tog dang/ rdo rje'i chu rnams la slar yi ge de dag nyid kyis mtshan pa dang/ me dang bden bral rlung dang dbang ldan gyis phyogs su lAM mAM pAM tAM dkar dang sngo dang dmar dang ljang/ ba lang khyi dang glang po che dang/ rta'i sgron ma dang/ sa bon de dag nyid kyis byin gyis brlabs pa'o/ /de nas rlung gis me sbar bas/ /de dag thams cad khu bar gyur pa/ nyi ma'i dkyil 'khor ltar dmar por 'bar ba snang ba de'i steng du yi ge hUM dkar po yongs su gyur pa las kha TwAM ga dkar po mgo thur du bstan pa byang chub kyi sems kyi rang bzhin der lhung bas/ bdud rtsi de shin tu mdog dkar po bsil ba'i rnam par gyur par blta'o/ /de nas A li dang kA li thog mar aoM dang mdza' mar hUM hUM phaT dang bcas pa brjod pas/ yi ge de dag nyid kha dog sna tshogs pa bdud rtsi'i steng du gnas par bltas la/ slar yang yi ge de dag nyid aoM A:hUM zhes pa'i yi ge gsum dkar po dang dmar po dang mthing ka'i kha dog can gong nas gong du gnas par gyur bar bltas te/ de dag las 'od zer gyi tshogs dpag tu med pa 'phros pas phyogs bcu'i nam mkha' i mthas gtugs pa'i de bzhin gshegs pa thams cad kyi thugs ka'i sa bon gyi cha las/ ye shes kyi bdud rtsi bkug ste yi ge gsum la bsdus pa dang/ yi ge gsum yang rim pa bzhin du bdud rtsir lhung bas/ de dag ro gcig tu gyur pa'i bdud rtsi'i mchog tu bltas nas/ yi ge gsum gyis lan gsum byin gyis brlabs la/ bcom ldan 'das dang rnal 'byor ma rnams kyi lce la yi ge hUM las byung rdo rje rtse gsum pa/ /dkar po nas 'bru tsam bkod de/ /de yi 'od kyi spu gus drangs/ /bdud rtsi gsol bas mchog tshim blta/ /rig sngags bzlas brjod pas 'grub par 'gyur ro/ /zhes gsungs pa'i phyir bzlas brjod bya ste/ de ni rdo rje'i bzlas pa dang/ bzlas brjod bya ba'i gsang sngags kyi yi ge gang dag yin pa rnams/ rang gi thugs ka'i sa bon las 'og nas byung ba rang gi rdo rje'i rtse mo nas phyag rgya'i b+ha gar bton nas/ yang lha mo'i zhal nas rang gi zhal du zhugs pa rang gi sa bon la zhugs par blta zhing/ zhal thams cad dang rnal 'byor ma thams cad kyis kyang sngags zlos par bsgom par bya ste/ khro bo'i bzlas pa yang bya'o/ /rim pa 'dis bzlas brjod kyi nyes pa dang bral bar sems mnyam par bzhag pas ji srid skyo bar ma gyur gyi bar du bzlas brjod bya'o/ /de la bzlas brjod kyi sngags ni 'di dag yin te/ aoM sh+rI badzra he he ru ru ke huM hUM phaT DA nI dzA la sam+ba raM swAhA/ aoM h+ri:ha ha huM hUM phaT/ lha'i snying po dang nye ba'i snying po'o/ /aoM sarba bud+d+ha DA ki nI ye badzra bar+N+Na nI ye huM hUM phaT swAhA/ aoM badzra bai ro tsa nI ye huM hUM phaT swAhA/ lha mo'i snying po dang nye ba'i snying po'o/ /aoM mA taM gi huM hUM phaT/ aoM Dom+bi nI huM hUM phaT/ aoM rA dza kI huM hUM phaT/ aoM puk+ka sI huM hUM phaT/ aoM ba d+ha kI huM hUM phaT/ aoM sa ha tsa rI huM hUM phaT/ aoM pu d+hi tsa rI huM hUM phaT/ aoM sha ba rI huM hUM phaT/ aoM he ru ka b+ha huM hUM phaT/ aoM badzra tsaN+Da lI huM hUM phaT/ aoM badzra rAk+Sha sI huM hUM phaT/ aoM badzra b+hai ra bI huM hUM phaT/ dpa' bo'i sngags so/ /aoM na mo b+ha ga wa te wa re sha ya/ mahA kalpA gni saM ni b+hA ya/ dza TA ma ku Tatko TA ya/ daMSh+TA ka rA lo gra b+hI Sha Na mu khA ya/ sa ha sra d+hu dza b+hA su rA ya/ pa ra shu pA sho dya ta shU la kha TwAM ga d+hA ri Ne/ byA g+h+ra tri nam+ba ra d+ha rA ya/ mahA d+humprA nd+ha ka ra wa pu nA ya/ ka ra ka ra ku ru ku ru/ band+ha band+ha/ tra sa ya tra sa ya/ k+Sho b+ha ya k+Sho b+ha ya/ hoM hoM/ h+ra:h+ra:pheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sa ru d+hi rAn+t+ra mA lA ba laM baM ne/ grih+na grih+na/ sapta pA tA la ga ta b+hu dzaM gaM sarba bA tardza ya tardza ya/ A kaDDhya A kaDDhya h+riM h+riM/ dz+nyauM dz+nyauM/ k+Sh+nAM k+Sh+nAM/ hAM hAM/ hIM hIM/ hUM hUM/ ki li ki li/ si li si li/ hi li hi li/ d+hi li d+hi li/ hUM hUM phaT/ phreng ba'i sngags so/ /aoM sh+rI tsit+ta DA ko b+h+ra ka a khaM huM hUM phaT/ DA ki nI dzA la sam+ba raM swAhA/ aoM sh+rI bA ka DA ka A ro li ka DA ki nI dzA la saM ba raM huM hUM phaT swAhA/ aoM sh+rI kA ya DA ki nI dzA la saM pa raM ru lu b+h+ruM huM hUM phaT swAhA/ aoM sh+rI ratna DA kA ya DA kA aoM A:hUM DA ki nI dzA la saM pa raM huM hUM phaT swAhA/ aoM sh+rI karma DA ka a khaM hUM Da ki nI dzA la saM pa raM huM hUM phaT swAhA/ gtso bo lnga'i sngags so/ /gang tshe bzlas pas skyo bar gyur pa na/ /sa bon 'od kyis shes rab bdag po dang/ /'khor lo pa dang khang pa brtsegs ma rnams/ /snang bar byas te 'od gyur rim bzhin bsdu/ /hUM de yongs su gyur las bdag nyid ni/ /zhal gcig phyag gnyis g.yas brkyang gom pas gnas/ /lang tsho gzhon pa 'gying bag mtshan dang ldan/ /phyag rgya drug ldan dril bu rdo rje 'chang/ /de nas yongs su bsngo ba dang smon lam gdab pa dang/ yi ge brgya pa brjod pa yang/ byas la lha'i nga rgyal gyis gnas par bya'o/ /gung dang phyi dro'i thun mtshams su/ /bsam gtan khang par snyan bder 'dug /bdag nyid 'od zer du gyur pa/ /hUM du byas te yongs gyur las/ /bcom ldan 'khor lo bde mchog gi / dkyil 'khor 'khor lo lha bcu bzhi/ /khang rtsegs rin chen tshogs las grub/ /dur khrod brgyad bskor gsal dmigs nas/ /dbang bskur ba la sogs pa cho ga thams cad bya'o/ /thun tha mal ni sngar bstan pa'i cho ga thams cad spyad la/ bzlas brjod kyi rjes la hUM gi 'od zer gyis thams cad 'od du gyur pa bdag la bsdus la/ bdag dang phag mo yang 'od du gyur snying ga'i shes rab rab gyur yab yum la/ de yang snying ga'i nyi ma dang bcas pa'i hUM la bsdu zhing/ nyi ma dang a'u dang ha dang zla tshes dang/ thig le dang nA da'i bar du bsdus la nA da yang dmigs pa med par byas la nyal lo/ /nang par gyi dus su rdo rje rnal 'byor ma'i glus bskul bas sad par mos par byas la/ cho ga thams cad nyi ma snga ma bzhin du bya'o/ /hUM sngon rdo rje las byung ba/ /thugs kyi 'khor lo bde mchog ni/ /dbang bskur bdag po mi bskyod rgya/ /gzhan ma rnams ni sngar bzhin du/ /aoM dmar pad+ma las byung ba/ /gsung gi 'khor lo bde mchog ni/ /dmar po g.yon sngo pad+ma bsnams/ / dbang bdag 'od rgya gzhan sngar bzhin/ /khaM ljang sna tshogs rdo rje las byung ba/ /'phrin las 'khor lo bde mchog ni/ /ljang gu steng sngo sna tshogs bsnams/ /dbang bdag don brgya gzhan sngar bzhin/ /de ltar gus pa dang bcas pas rgyun mi 'chad par bsgoms pas sems brtan par gyur pa dang/ rdzogs pa'i rim pa'i ting nge 'dzin bsgom par bya'o/ /rnal 'byor chen po ngal bso ba/ /A li kA li mdun bsams nas/ /zla ba'i dkyil 'khor las rdzogs pa/ /lte ba'i dbus su gnas pa bsgom/ de'i dbus su gnas pa yi/ /yi ge dam pa'i gnas bsgom bya/ /sku gsung thugs kyi rdo rje can/ /lha yi gzugs su bsgom par bya/ /de ni gzugs las 'das gyur pa/ /sems nyid du yang bsgom mi bya/ /bsam bya min par bsam de yang/ /sems nyid du ni mtshon pa min/ /de yang bsam bya min bsam bya/ /de las gzugs ni thob par 'gyur/ /dang po ri dags sred bzhin snang ba ste/ /mtshan ma gnyis pa dud ka'i rnam pa can/ /gsum pa srin bu me khyer dang 'dra ba/ /bzhi pa sgron me 'bar ba lta bu gsal/ /mtshan ma lnga pa rnam par ma brtags par/ /sprin bral nam mkha' lta bur snang ba yin/ /de lta bu yi mtshan ma thob nas ni/ /phyag rgya chen po thob par gyur pa yin/ /sh+rI ni gnyis med ye shes la/ /he ni rgya sogs stong pa nyid/ /ru ni rtog pa dang bral ba/ /ka ni gang na'ang mi gnas pa'o/ /sems ni ngal bso rnal 'byor pa/ /mya ngan 'das pa bstan ma min/ /rnal 'byor ba rnams 'pho tshe dpal/ /khrag 'thung dpal sogs rnal 'byor ma/ /me tog sna tshogs lag na thogs/ /rgyal mtshan ba dan sna tshogs dang/ /rol mo'i sgra ni sna tshogs dang/ /glu yi mchod pa sna tshogs kyis/ /mkha' spyod gnas su khrid par byed/ /'chi ba zhes 'di rnam rtog yin/ /de ltar rje btsun he ru ka'i/ /sgrub thabs gsal bar byas pa las/ /dge ba thob pa gang yin des/ /'gro kun rdo rje 'dzin gyur cig /bcom ldan 'das dpal 'khor lo bde mchog gi sgrub thabs/ rin po che gtsug gi nor bu zhes bya ba/ slob dpon chen po la pa ba'i zhal snga nas kyis mdzad pa rdzogs so/ / //rgya gar gyi paN+Di ta chen po su ma ti kIrti dang/ bod kyi lots+tsha ba mkhas pa chen po mang ba chos kyi dbang phyug gis bsgyur cing zhus te gtan la phab pa/ //*/ (/dpal bde mchog gi dkyil 'khor bzhugs//) //*/ /rgya gar skad du/ sh+rI tsakra sam+ba ra maN+Da lo bi ka ra tan+t+ra dI pe dyo ta nA ma/ bod skad du/ dpal 'khor lo bde mchog gi dkyil 'khor gyi cho ga rin po che rab tu gsal po'i sgron ma zhes bya ba/

CLOSE WINDOW