བོད་ཡིག

e-texts based on the ACIP/ALL Input

lo tsA ba 'gro dge slong shes rab grags kyis bsgyur ba'o// //dbang mdor bstan pa'i dka' 'grel rin chen grub kyis bsgyur ba bzhugs// //!/ /rgya gar skad du/ she kod+de sha pany+dzi ka /bod skad du/ dbang mdor bstan pa'i dka' 'grel/ dpal dang po mchog gi sangs rgyas la phyag 'tshal lo/ /dang po'i sangs rgyas srid gsum mgon gcig chos dang bcas/ /rdzogs pa'i byang chub sems dpa' i dge 'dun la btud nas/ /dpal ldan bla ma'i zhabs kyis mdzad pa'i man ngag las/ /dbang la sogs pa mdor bstan tshig ni rgyas pa bya/ /de nas phyag na rdo rje'i sprul pa'i sku rgyal po zla ba bzang pos/ /dang po mchog gi sangs rgyas kyi rgyud kyi rgyal por dbang gi don bcom ldan 'das la zhus pa zla ba bzangs pos gsol pa/ zhes pa'o/ /kye ston pa dbang ni rnam bdun ni chu la sogs pa nas rjes su gnang ba'i mthar thug pa'o/ /gzhan rnams gsum ni bum pa la sogs pa nas shes rab ye shes kyi mthar thug pa'o/ /de bzhin bla na med ces pa ni phyag rgya chen mo'i ye shes kyi mtshan nyid do/ 'jig rten 'jig rten 'das grub phyir ces pa ni 'jig rten pa'i dngos grub 'og min gyi gnas kyi mthar thug pa dang 'jig rten las 'das pa sangs rgyas nyid dang phyag rgya chen po mi 'gyur ba'i ye shes te/ de rnams kyi don mdor bsdus par ni bdag la gsungs shes pa'o/ /nyon cig ces bya ba la sogs pa nas/ /mdor bstan pa ji srid rdzogs pa ni bcom ldan 'das kyis gsungs so/ /mchog dang zhes pa phyag rgya chen po mi 'gyur ba'i ye shes so/ /rtsa ni g.yon pa dang g.yas pa dang dbus ma'i rtsa rnams so/ /kun spyod ni g.yon pa dang g.yas pa dang dbus ma'i sbubs rnams su 'gro ba dang 'ong ba'o/ /de dag rtsa'i kun sbyong ngo/ /rtsol ba zhes pa ni srog rtsol te mdor bsdus pa de rnams khyod la bshad par bya'o/ /da ni mdor bsdus pa la sogs pa'i rab tu dbye ba gsungs pa/ mdor bsdus rnam gsum ni rgyud thams cad la'o/ /de bzhin du rgyas par bshad pa gsum du 'gyur ro/ /de dag mdor bsdus pa dang rgyas par bshad pa dag gi rab tu dbye ba gsungs pa/ rab tu mdor bstan mdor bstan che ge ni mdor bstan pa'i rab tu dbye ba'o/ rab tu rgyas par bshad pa gzhan zhes pa ni rgyas bshad chen po bsdu pa'o/ /'di dag kyang rgyas bshad kyi rab tu dbye ba 'di rnams kyi rnam pa gzhan gsungs pa/ mdor bstan 'di nyid ces bya ba la sogs pa ste/ gang kho na mdor bstan pa de kho na rgyas par bshad pa ste/ de yang rgyud kyi bsdus pa brjod pa yin no/ /'dir ni rgyas par bshad pa'i sgras bsdus pa'i rgyud chen po brjod par bya ste/ mdor bstan pa ni rgyud chen po las gzhan du 'gyu ba dang/ de gal te sdud par byed pa pos so sor byas pa'i de'i tshe rgyud chung bar 'gyur ro/ /ji ltar mtshan nyid mngon par brjod pa'i phyir// nges par rtogs pa rgyud chung bar mngon par brjod do/ /rab tu mdor bstan dang zhes pa'i dang gi yi ge rab tu 'i sgra bsdus pas rab tu rgyas bshad du brjod do/ /gnyis po 'di dag rim pa ji lta bar dka' 'grel chung ba dang dka' 'brel chen po'o/ /de yang tshig tsam 'joms kyi don thams cad gsal ba ma yin no/ /gang zhig 'brel bshad thams cad bsdus don te zhes pa bshad par bya ste/ mdor bstan che dang zhes pa la rang gi sgras chen po'i sgras sdus pa rgyas bshad chen por brjod de/ gnyis po 'di dag grangs ji lta ba bzhin du rgya cher 'grel chung ba dang rgya cher 'grel chen por brjod do/ /de ltar zhes pa bshad pa'i rim pas so/ /mdza' drug rnams kyis ni rnam pa drug gi bsdus pa'i rgyud chung ba dang chen po la sogs pa rnams/ /dag pa ni yongs su dag pa'o/ /dang po'i sangs rgyas dus kyi 'khor lor mngon par brjod byed 'gyur zhes 'chad pa dang sbrel lo/ /de bzhin du rdo rje rnal 'byor rnam bzhi zhes pa rnam par dag pa dang sngags dang dbyibs kyi mtshan nyid do/ /byang chub rnam bzhi zhes pa skad cig gcig gis mngon par rdzogs par byang chub pa dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid do/ /phung po'i gzugs dang tshor ba dang/ 'du shes dang 'du byed dang rnam shes dang ye shes kyi mtshan nyid do/ /khams dang zhes pa ni/ sa dang chu dang me dang rlung dang nam mkha' dang chos kyi khams kyi mtshan nyid do/ /skye mched ni yul dang yul can gyi dngos po bcu gnyis te/ gzugs dang sgra dang dri dang ro dang reg bya dang chos kyi khams kyi mtshan nyid do/ /rigs drug rnams ni mig dang rna ba dang sna dang lce dang lus dang yid kyi mtshan nyid do/ /bden gnyis ni 'jig rten pa dang 'jig rten las 'das pa dag go lus ngag yid ni dag byed pa/ /mngon par dbang bskur gnyis gnyis zhes pa te/ /chu dang cod pan dag gos lus ngag par byed do/ /dar dpyangs dang rdo rje dril bu dag gi ngag dag go /brtul zhugs chen po dang/ ming dag gi yid dag go / rjes gnang gi ye shes dag pa yin no/ /gzhan zhes pa dag la gzhan te/ de ni khams la sogs pa dag par byed pa'o/ /des na chu yis shes bya ba la sogs pa nas/ rdo rje dril bu mi 'gyur che zhes pa ste/ rdo rje mi 'gyur ba chen po dag go / dril bus sangs rgyas gsung gi rgyun mi 'chad do/ /de nyid ni nyi zla gcig tu de dag dag pa ste/ dbus mar rab tu zhugs pa'i mtshan nyid do/ /bum pa la sogs pa'i dbang gi dkyil 'khor bzhengs nas mthar yang sbyin par bya'o/ /gang zhig nu ma'i yan lag la reg pa las bde ba thob pa ni rnyed pa'o/ /skyob pa thams cad bskyed mdzad ma zhes pa skyob pa ni de bzhin gshegs pa lnga po rnams te sgrib pa med pa nyid kyis bskyed mdzad ma'o/ /shes rab ni bla'o/ /de'i gzugs ni bzung ba dang 'dzin pa'i rnam pa dang bral ba/ sgyu ma dang rmi lam gyi snang ba'i mtshan nyid do/ /des na de nyid gsungs pa/ yod dang med las rnam par 'das shes so/ /med pa'i zhes bya ba la sogs pa la 'dir ni dmigs pa rnam pa gnyis te/ mngon sum sngon du 'gro bar gyur pa dang/ rjes dpag sngon du 'gro ba can no/ /de la gang mngon sum ston du 'gro ba de ni rtog pa'i dri ma ma lus pa dang rnam par bral ba'i lam bla ma dam pa'i man ngag las byung ba de kho na nyid kyis sbyor ba las/ nam mkha' la skar ma bzhin du/ longs spyod rdzogs pa'i sku du ma sha'i spyan gyis bzung ba'o/ /dbang po ni sha'i spyan gyis rnal 'byor ba las dang po ba sna tshogs pa mngon par shes pa las gzhan gyis mthong ngo/ /de nas lha'i spyan gyis te/ mngon par shes pa'i skabs kyi dbang las so/ /de nas sangs rgyas kyi spyan gyis te/ 'dod chags dang bral ba'i skabs kyi dbang las so/ /de nas shes rab kyi spyan gyis te/ byang chub sems dpa' i skabs kyi dbang las so/ /de nas ye shes kyi spyan gyis te/ yang dag par rdzogs pa'i sangs rgyas kyi skabs kyi dbang las te/ nye bar 'dzin pa thams cad las rnam par grol ba'o/ /de ltar na de bzhin gshegs pa'i sha la sogs pa'i spyan lnga rnams kyis stong pa nyid so sor mthong bar brjod do/ /rjes dpag la sngon du 'gro ba can gyis dmigs pa ni de kho na nyid la rtog pa ri mo la sogs pa nye bar blta ba ni/ rnal 'byor pa gsang bu rnams kyi stong pa nyid kyi lam la 'jug pa'i don du'o/ /de'i phyir med pa'i gzugs rmi lam la sogs pa dang mtshungs pa bsgom pa'o/ /dmigs pa de rnal 'byor pa rnams kyis bsgom pa ni rtog par mi 'gyur te rtog pa med pa'i rgyu las nye bar byung ba'i phyir ro/ /des na de nyid dngos po ni dngos po'i rang bzhin no/ /dngos med ni nye bar brjod pa thams cad dang bral ba'i mtshan nyid do/ /sems la med pa ni gang gi phyir so sor gsal ba'i yid gzhom du med cing brjod par mi nus pa ste/ rdul phran tshogs pa'i dngos po 'dzin pa med de/ gzugs brnyan bzhin no/ /des na de nyid dpe yis bstan pa/ bral zhes pa la sogs pa ste bra'i sgras sems can gyi don du mngon par brjod de/ me long ni me long ngo/ /dngos med las skyes ni/ rdul phra rabs kyi tshogs pa dang bral ba bu mos mthong ngo/ /pra la 'jug pa'i rgyud las gsungs pa/ me long ral gri mthe bong dang/ /sgron ma zla ba nyi ma dang/ /chu dang thabs dang mig rnams la/ /pra 'bebs pa ni brgyad du brjod/ ces so/ /de bzhin du 'das pa dang ma 'ongs pa'i chos rab tu ma bsam pa mkha' la ste/ stong pa las rnam pa thams cad dang ldan pa'i gzugs de kho na nyid kyi rnal 'byor pa/ rnam par rtog pa dang bral ba'i lam thob pas mthong ngo/ /'di pra phab dang mtshungs par yid gang dang gang gi dngos por min pa pra phab pa'i mtshan nyid do/ /de dngos yod min zhes pa de dag dngos por 'gyur ba ma yin no/ /gal te 'dir gsungs pa/ dngos po stong pa'i don mthong phyir/ zhes pa dngos po ni rdul phra rab tshogs pa'i bdag nyid do/ /stong pa ni rnam par bral bar gyur ba'o/ /de yang de dag gi don yang so sor gsal ba'i mtshan nyid do/ /de'i mthong phyir ni rnam par rtog pa med pas mngon sum du dmigs pa'i phyir ro/ /dngos po ni rdul phran tshogs pa'i bdag nyid do/ /de med pa'i don ni so sor gsal ba'i mtshan nyid du yod par gsungs te/ dper na rmi lam sgyu ma mig 'phrul mtshungs so/ /'di nyid kyi don gsungs pa/ med pa las ni zhes pa la sogs pa'o// //yid bzhin nor ltar zhes pa la sogs pas rtog pa dang 'khrul pa med pa ye shes su gsungs so/ /gal te de la dmigs pa med par brjod na 'gro ba'i don byed dam zhe na/ yul gyis bskyed pa ma yin no/ /zhes gsungs pa/ ma mthong ba'i zhes pa la sogs pa ste sgrub pa po ni pra phab la zhugs pas so/ /yod pa'i gzugs mthong ba zhes pa yang ma yin no/ /zhes gsungs pa/ gal te zhes pa la sogs pa'o/ med pa'i gzugs mthong ba zhes bya ba yang ma yin no/ zhes gsungs pa/ 'on te zhes bya ba la sogs pa'o/ /gzhan gyi mig gis mthong ba yang ma yin no/ /zhes gsungs pa/ mi mthong zhes pa la sogs pa'o/ /de lta mo kyi rang gi mig gis mthong zhes na/ gsungs pa/ bdag gi mig gis shes bya ba la sogs pa'o/ /gzhon nu ma dang mtshungs pa ni yid do/ /skye ba med pa ni ma skyes pa'o/ /de dang de'i bu ni ji ltar skyes pa bzhin no/ /zhes bya ba'i don to// //srog rtsol gsungs pa/ gzugs mthong zhes bya ba la sogs pa ste/ ji ltar rmi lam dang sgyu ma dang mtshungs pa'i gzugs mthong bar gyur bas so/ /de'i 'og tu ni de ma thag bar ro/ /srog rtsol ni dgang ba dang bum pa can dang rdul mdza' can no/ /rgyun mi 'chad par te bar chad med par bya'o/ /zhi zhen gsungs pa steng dang zhes bya ba la sogs pa ste/ steng gi rtsa gsum ni lus dang ngag dang yid kyi chos can no/ /de bzhin du 'og kyang ngo/ /de la g.yon du zla ba'i rtsa ni lus kyi chos can no/ /g.yas su nyi ma'i rtsa ni ngag gi chos can no/ /dbus su sgra gcan gyi rtsa ni yid kyi chos can/ /bshang ba'i rtsa ni lus kyi chos can no/ /gcin gyi rtsa ni ngag gi chos can no// khu pa'i rtsa ni yid kyi chos can no/ /zla ba'i rtsa ni chu'i rang bzhin no/ /nyi ma'i rtsa ni me'i rang bzhin no/ /sgra gcan gyi rtsa ni stong pa'i rang bzhin no/ /bshang ba'i rtsa ni sa'i rang bzhin no/ /gcin gyi rtsa ni rlung gi rang bzhin no/ /khu ba'i rtsa ni ye shes kyi rang bzhin no/ /de nyid gsungs pa zla ba zhes pa la sogs pa'o/ /srog dang thur sel rim pa yis shes bya ba ni/ srog ni zla ba dang nyi ma dang mun can ma'o/ /thung sel yang lhags ma rnams so/ /'di rnams kyi rigs drug brtag pa gsungs pa/ zla ba zhes pa la sogs pa la/ /zla ba chu'i khams ni thabs kyi khu ba'i khams te skur 'gyur ro/ /nyin mor byed pa me'i khams ni/ shes rab ma'i rdul gyi khams te gsung du 'gyur ro/ /de bzhin du 'chang bar 'gyur ba'i shes rab dang thabs dag don 'di kho na'o/ /gtso bo ni khu ba'i khams so/ /thabs dang shes rab sku dngos kyis/ /shes bya ba ni rigs mi mtshungs pa dang 'khyud pa yis/ /shes rab kyi sku'i dngos po ni thabs su 'gyur te bde ba'i dus su sems de'i rnam par 'byung ba'i phyir ro/ /de bzhin du thabs kyi sku'i dngos po shes rab du yang ngo/ /'chi ltas ni dus ma yin par 'chi ba'i mtshan nyid do/ /lhag pa'i rlung gi 'gyur te steng 'og tu yang ngo/ /lus shes bya ba la sogs pa gsungs pa/ lus ngag rtsal ni ji ltar rigs par la la nA dang ra sa nO/ /gang gi tshe 'og tu bshang ba'i rtsa 'gags par gyur pa de'i tshe steng du g.yon pa'i rtsal 'chi ltas su 'gyur ro/ /gang gi tshe gcin gyi rtsa 'gags par gyur pa de'i tshe de'i steng du g.yas kyi rtsa la 'chi ltas su 'gyur ro/ /de dag kyang zhib tu bshad par bya ste/ mun can ma sa bon 'bab ma 'chi ltas med dam zhe na/ mun can sa bon 'bab pa las/ rlung ni skyed pa ni mngal nas skye ba dang/ 'chi ba gnas pa yi ni rang gnas pa'o/ /de nyid gsungs pa/ skye dang zhes bya ba la sogs pa'o/ /dus sbyor 'byung ba'i mngon mtshams su zhes pa g.yon pa'i dus sbyor dang g.yas pa'i dus sbyor dang 'pho ba'i mtshams su dbus ma yis ni mnyam par 'bab po/ dbugs 'byung ba dang rngubs du zhen/ gsungs pa/ lnga bcu rtsa drug ces pa la sogs pa'o/ /nyin dang mtshan mo la zhes pa nyin mo dang tshan mo'i 'pho ba bcu gnyis la bdun cu rtsa lngas lhag pa'i drug brgya'i dbugs dbus mar 'bab po/ /g.yon pa dang g.yas pa'i rtsa rnams la bdun bcu rtsa lngas lhag pa'i drug brgya'i dbugs kyis dman pa'i gang la stong phrag nyi shu rtsa gcig dang drug brgya lhag pa de dag tu 'bab po/ /phyogs gsum dang lo gsum ni lo brgya gang ba la dbus mar 'bab po/ /g.yas pa ste g.yas pa dang g.yon pa ni steng du srog rim pa bzhin du zla ba dang nyi ma'i ming can no/ /la la nA ni lug dang/ ser skya ni gzhan te ra sa nA'o/ /chu dang me'i rang bzhin te/ zhes pa sngar bzhin du rim pa bzhin du pad+ma 'dzin pa dang rin po che 'dzin par bzhed do/ /'od dpag med dang rin po che 'byung ldan lhag pa'i lha'o/ /'og tu zhes pa thur sel du'o/ /dbus ma'i rtsa dang zhes pa la sogs pas dri chen dang dri chu 'bab pa ste/ gong du mun pa'i rtsa gnyis kyi kun tu spyod pa'i rang bzhin gsungs pa'i don 'di lta ste/ gang zhig steng du g.yon pa'i rtsa yin pa de'i 'og tu dbus su dri chen gyi rtsar 'gyur ro/ /steng du g.yas pa gang yin pa de/ 'og tu g.yon pa'i dri chu 'bab pa'o/ /de dag rim pa bzhin/ 'khor lo 'dzin pa dang/ ral gri 'dzin par bzhed do/ /rnam par snang mdzad dang don yod grub pa'i rang bzhin no/ /gang zhig steng du dbus ma yin pa de 'og tu g.yas pa sa bon 'bab pa'o/ /de dag kyang stong pa dang/ ye shes kyi rang bzhin te mi bskyod pa dang rdo rje sems dpa' lhag pa'i lha'o/ /lte ba'i rgya skyes la/ sa'i yon tan lnga ste dri dang gzugs dang ro dang reg bya dang sgra'i mtshan nyid do/ /snying kha'i chu skyes la chu'i yon tan bzhi ste/ gzugs dang ro dang reg bya dang sgra'i mtshan nyid do/ /mgrin pa'i chu skyes la me'i yon tan gsum ste/ ro dang reg bya dang sgra'i mtshan nyid do/ /dpral ba'i chu skyes la rlung gi yon tan gnyis te/ reg bya dang sgra'i mtshan nyid do/ /gtsug tor kyi chu skyes la stong pa'i yon tan gcig te sgra tsam me/ /de rnams gzung nas sdud pa'i rim pas kun 'dar mar gshegs so/ /bskyed pa yis ni stong pa la sogs pas sa ste lte ba'i dkyil 'khor la 'jug go /'og tu lte gsang nor bu'i pad+ma la ste/ dung can ma la lus ngag sems ni 'bab ma ste ni snying stobs dang rdul dang mun pa'i dbye bas yon tan gsum dang gnyis dang gcig gi bdag nyid do/ /sdud pa'i rim pas gshegs pa'o/ /bskyed pa yis byon pa'o/ /'di ni dung can ma'o/ /bud med bde ba yis te 'khrig pa na sa bon 'bab po/ /dus su ste rdul 'byung ba na khrag 'bab po/ /srog dang thur sel gyi rtsa dag thabs dang shes rab kyi sku yi dngos por gsungs pa/ steng du zhes bya ba la sogs pa ste/ steng du srog la g.yas dang g.yon pa ni g.yas pa dang g.yon pa dag ste shes rab dang thabs kyi sku'i dngos po'o/ /'og tu ni thung sel du'o/ /steng dang 'og tu rdul dang sa bon 'bab pa'o/ /gang zhig 'og tu bud med rnams kyi nam mkha' i gdong las sa bon 'bab pa de nyid gang gi tshe rdul 'bab pa de'i tshe gtum mor 'gyur ro/ /de'i dus nyid du yang zla mtshan gyi dus de bud med rnams kyi steng gi rtsa g.yung mor 'gyur ro/ /de'i phyir gnyis po ji ltar yang bud med dag la skyes pa'i rag pa med pa'o/ /skyes pa'i zla mtshan gyi dus dang sa bon 'byung ba'i dus su de nyid g.yung mo kun 'dar mar 'gyur ro/ sna'i sbubs g.yon pa dang g.yas pa'i dkyil 'khor 'char ba gsungs pa/ rnam shes la sogs pa ni nam mkha' la sogs pa skye ba'i rim pas so/ /sa 'og ni sdud pa'i rim pa'o/ /dbus su ni dbu ma'i lam du'o/ /drug pa ni ye shes kyi dkyil 'khor te/ nam mkha' la sogs pa'i dkyil 'khor lnga las/ dkyil 'khor re re'i rkang pa dang bcas pa'i bcu gcig gi dbugs rnams bzung nas rkang pa dang bcas pa'i bcu gcig gi dbugs lnga bcu rtsa drug gi bdag nyid kyi dbugs 'bab pa'o/ 'di rnams kyi g.yon dang g.yas pa dang dbus ma'i rtsa rnams kyi nyin mo dang mtshan mo la rim pa bzhin te lte ba'i pad+ma 'dab ma bcu gnyis kyi bdag nyid la dkyil 'khor drug cu ste/ dus sbyor g.yon pa la mi mnyam pa lug la sogs pa'o/ /dus sbyor g.yas pa la mnyam pa khyu mchog la sogs pa'o/ /de la g.yas su khyu mchog gi dus sbyor la gang gi tshe rlung la 'bab pa de'i tshe/ rtsa ba ste sna'i sbubs kyi 'og gi cha la sa'i dkyil 'khor dbyu gu gcig rgyu'o/ /de bzhin du de nyid kyi g.yon gyi cha la chu'i dkyil 'khor ro/ /g.yas te g.yas kyi cha la me'i dkyil 'khor ro/ /steng gi cha la rlung gi dkyil 'khor ro/ / dbus su stong pa'i dkyil 'khor te/ de ltar sna'i bug pa gnyis pa'i dkyil 'khor re re la dbyu gu 'bab pa ste dbyu gu lnga po rnams kyi dkyil 'khor lnga 'bab po zhes pa'i don to/ /sa sogs shes pa yang nye bar mtshon pa tsam ste nam mkha' la sogs pa yang bzung ngo// rtsa gcig nas dbugs du 'bab ce na/ gsungs pa/ rtsa nas shes bya ba la sogs pa ste/ rim pas shes bya ba ni sa la sogs pa dang/ nam mkha' la sogs pas so/ /lnga yi bsgyur bas stong dang brgyad brgya'i dbugs rnams su 'gyur ro/ /de rnams kyang rtsa lnga po la 'bab pa'o/ /stong dang brgyad brgya'i dbugs rnams kyang 'pho ba bcu gnyis kyis bsgyur bas nyin mo dang mtshan mo la drug pa rgyas lhag pa'i stong phrag nyi shu rtsa gcig gi dbugs su 'gyur ro/ /de nyid gsungs pa/ drug cu zhes pa la sogs pa'o/ /g.yon gyi rtsa la dus sbyor 'char ba gsungs pa/ 'dab ma'i dbus dang zhes pa ste/ gang gi tshe g.yon pa'i rtsal lug la sogs pa sna sbug gi dbus su stong pa'i dkyil 'khor la 'bab pa de'i tshe/ nang du 'dab ma'i dbus su 'bab po zhes mtshon par bya'o/ /de nas shar ces pa steng du rlung gi dkyil 'khor ro/ /g.yas su me'i dkyil 'khor ro/ /g.yon du chu'i dkyil 'khor ro/ /nub tu zhes pa 'og gi cha las sa'i dkyil 'khor ro/ /rim pas shes bya ba ni nam mkha' la sogs pa'i rim pas so/ /mkha' sogs te zhes pa la sogs pas sngar brjod pa nyid gsal bar byed pa'o/ /dkyil 'khor lnga po rnams kyi phan tshun thabs shes rab kyi dbye ba gsungs pa/ nub ces pa 'og gi dkyil 'khor ro/ shar du zhes pa steng gi dkyil 'khor du rim pa bzhin du sa stengs dang/ rlung ste 'di dag phan tshun thabs dang shes rab tu 'gyur ba gsungs pa/ mthe bong zhes pa la sogs pa ste mthe bong sa'i rang bzhin no/ /ming med ni rlung gi rang bzhin te/ 'di dag phan tshun thabs dang shes rab nyid de/ bzung ba dang 'dzin pa'i ngo bos so/ /de ltar na rigs gzhan dag khyud pas 'bras bu 'byung gi rang gi rigs dang 'khyud pas ma yin te/ rang la rang gi bya ba 'gal ba'i phyir ro/ /sa'i khams las byung ba ni lus kyi dbang po yin la/ rlung gi khams las byung ba'i yul reg bya 'dzin no/ /res na gsungs pa mthe bong dang ni ming med dag /ces pa la sogs pa'o/ /de bzhin du g.yas dang g.yon gyi me dang chu thabs shes rab du 'gyur ba gsungs pa/ g.yas dang zhes pa la sogs pa ste/ 'dir yang me'i khams las skyes pa ni yul ro dang chu'i khams/ /las byung ba'i ro 'dzin gyis dbang po 'dzin no/ /de'i phyir 'dzub mo dang gung mo dag ral grir 'gyur bas su mtshe ba'i phyag rgya ni zla ba phyed pa'i tshul lo/ /gri gug ces pa gri gug gi phyag rgya ni mthe'u chung ngo/ /stong pa ste stong pa'i dkyil 'khor dang mi 'gyur ba steng 'og tu phan tshun thabs dang shes rab bo/ / dkyil 'khor bcu po yang dag sbyor/ /zhes pa g.yon pa dang g.yas pa nas 'bab pa'i dkyil 'khor bcu po rnams yang dag par sbyor ba ni gcig nyid du 'gyur te dbu mar 'bab pa'o/ /de'i phyir sor mo rnams ni ste/ sa la sogs pa'i rang bzhin can rnams thal mo sbyar ba spyi bor ni/ mgo bor byas pa rdo rje rtse gcig par 'gyur ro/ /'dis de dag nye bar mtshon par bya'o/ /dbus mar 'bab pa'i sbyor ba 'dzag pa med pa'i bde bas byang chub kyi sems steng nas 'bab pa rdo rje'i rtse mor bya'o/ /de kho na gri gug dang bcas pa ste/ mi shes pa bcod pa'i rang bzhin yin pa'i phyir ro/ /phung po ni rnam par shes pa la sogs pa rnams so/ /khams ni sa la sogs pa rnams so/ /rdo rje gsum ni sku dang gsung dang thugs rnams so/ /'di rnams dbus mar song na gcig nyid du song ba bden pa'o/ / //'chi ltas kyi mtshan nyid gsungs pa/ g.yon pa zhes pa la sogs pa ste/ g.yon pa 'am g.yas pa la rim pa bzhin du/ rlung lhag pa zhag gcig dang/ de bzhin du zhag lnga gang gi tshe 'bab pa de'i tshe lo gsum gyi 'chi bar lta'o/ /'di dag gi bar du g.yas pa'i rtsa'i 'chi ltas de rnyed pa bstan te/ lnga zhes bya ba la sogs pa ste/ nyi ma lnga rgyu na/ lo gsum gyis 'chi zhing snying stobs zad par byed la lo gcig tu mi rgyu'o/ /slar yang lo phyi ma la rdul zad par bya ba'i don du nyi ma bcu rgyu'o/ /slar yang mi rgyu'o/ /slar yang lo phyi ma la mun pa zad pa'i don du nyi ma bco lnga la rgyu'o/ /nyi ma nyi shu rgyu na tshe zla ba drug go /nyi ma nyi shu rtsa lnga rgyu na tshe zla ba gsum mo/ /'dir ni nyi ma zla ba'i yon tan sgra dang reg bya dang ro dang gzugs dang dri rnams bzung nas 'chi ltas kyi nyi ma rnams bstan te/ khyim lnga pa ji srid par lnga mtshan lnga po des 'phel lo/ /de nas khyim drug pa dang bdun pa la gcig gis lhag pa'i rim pas 'phel lo/ /zhes pa'o/ /khyim bdun pa la rgyas pa'i dus te/ gang du srog 'phel ba med par gang gis kyang bya bar mi nus te/ khu ba'i khams la 'chi ltas kyi rlung zhugs pa'i phyir ro/ /de nas rgyas pa'i dus las khu ba'i khams zad pa'i don du 'dab ma brgyad pa la sogs pa la rim pas nyi ma sum cu rtsa gsum rgyu'o// 'dir khyim bcu gnyis kyi 'khor lo la ma rig pa la sogs pa'i yan lag bcu gnyis kyi rang bzhin mu 'byung gnyis sa la sogs pa la bris nas/ /mu khyud dang po la shar la sogs par chu srin la sogs pa dang skye ba'i khyim la sogs par 'chi ltas kyi nyi ma dang/ tshe'i lhag ma lo dang zla ba dang nyi ma'i dbye bas dgod pa gsungs pa/ gsum gnyis shes bya ba la sogs pa'o/ /mnyam pa ni lo'o/ /zla ba ni drug dang gsum dang zung dang zla ba rnams so/ /nyi ma ni tshes dang phyogs dang lnga dang yon tan dang/ gnyis dang gcig gis de bzhin du lus can rnams kyi tshe 'gro bar 'gyur ro/ /mu khyud gnyis pa la yang mdor bstan pa tsam gyis rjes su rtog pa'i phyir du nyi ma mdor ba brjod par byas te/ shar ni skye ba'i khyim gyi 'dab ma'o/ /lo las brgyad cu lhag pa'i stong phrag gi nyi ma'i bdag nyid las sum cu rtsa lnga lhag pa'i sum brgya'i nyi ma'i tshogs 'dor ba'o/ /de nas 'dab ma de stong par byas nas 'dab ma gnyis pa la nyi ma lhag pa'i tshogs bzung nas/ srog nus par rab tu 'jug ste/ de yang rgyu ba'i nyi ma dang bcas pa bzhi bcu rtsa lnga lhag pa'i sum brgya'i nyi ma 'dor ro/ /de nas gnyis pa stongs par byas te nyi ma lhag ma rnams gzung nas gsum la 'jug ste/ der yang/ rgyu ba'i nyi ma dang bcas pa bdun cus lhag pa'i nyi ma brgya 'dor ro/ /gsum pa stong par byas te/ nyi ma lhag ma rnams gzung nas/ bzhi pa la 'jug ste/ der yang 'phel ba'i nyi ma dang bcas pa nyi ma brgyad cu rtsa gnyis 'dor ro/ /de'i 'dab ma stongs par byas te nyi ma lhag ma rnams gzung nas lnga pa la 'jug ste/ der yang 'phel ba'i nyi ma dang bcas pa nyi ma lnga bcu rtsa bdun 'dor ro/ /de nas drug par nyi ma lhag ma rnams bzung nas 'jug ste/ der yang 'phel ba'i nyi ma dang bcas pa nyi ma nyi shu rtsa brgyad 'dor ro/ /de nas drug pa stongs par byas te/ bdun pa la 'jug ste/ deng yang 'phel ba'i nyi ma dang bcas pa nyi ma nyi shu rtsa bdun gyi tshogs 'dor ro/ /bdun pa stongs par byas te/ nyi ma'i tshogs lhag ma sum cu rtsa drug bzung nas brgyad pa la 'jug ste/ der yang nyi ma bco lnga 'dor ro/ /brgyad pa stongs par byas te/ nyi ma lhag ma nyi shu rtsa gcig gzung nas dgu pa la 'jug ste/ der yang nyi ma bcu 'dor ro/ /lhag ma nyi ma bcu gcig gzung bas dgu pa stongs par byas te/ bcu pa la 'jug ste/ bcu pa la nyi ma lnga dor to/ /lhag ma nyi ma drug bzung nas nyi ma gsum 'dor ro/ /de nas bcu gcig pa stong par byas te/ nyi ma lhag ma gsum bzung nas bcu gnyis pa 'jug ste/ der nyi ma gnyis 'dor ro/ /nyi ma lhag ma gcig gzung nas lte ba la 'jug go /der brgyad bcu lhag pa'i stong gi grangs kyi nyi ma'i dbus ma'i lo gsum gyi nyin zhag gi srog gi nus pa khyim bcu gnyis kyi 'khor lo 'dor ba'o/ /de nas rnam par shes pa yang 'dor te/ dbugs kyi 'khor lo las rnam shes dang srog gi rlung gis lhan cig 'gro ba gzhan du 'pho ba'o/ /g.yon pa'i rtsa'i 'chi ltas bstan par byas te/ rtsa ba nas ni zhes pa la sogs pa ste/ rtsa ba nas ni zhes pa srog gi skye ba'i khyim gyi nyi ma las re res lhag pa ni zla ba 'byung ba ste 'pho ba'i dus kyi zla ba'i phyogs kyi dbye ba la sogs pas so/ /'dir yang sngar bzhin du khyim bcu gnyis kyi 'khor lo bris nas/ mu khyud dang pa la 'chi ltas kyi nyi ma dang/ mu khyud gnyis pa la tshe'i zla ba sum cu rtsa drug po bzhag par bya'o/ /de nas zla ba gcig mi rgyu ste/ 'chi ltas kyi nyi ma 'phel lo/ /zla ba gnyis pa'i mthar zla ba gsum pa la 'jug pa la/ de nyid kyi 'dab mar nyi ma gnyis rgyu'o/ /de nas zla ba gsum pa la ni rgyu'o/ /zla ba bzhi pa'i mthar zla ba lnga pa la 'jug pa na nyi ma gsum rgyu'o/ /de nas zla ba drug pa la mi rgyu'o/ /de ltar zla ba drug gis 'chi ltas kyi nyi ma gsum po rnams te bar gyi nyi ma gsum rnams/ /mthar g.yas ba dbus ma'i 'chi ltas kyi chos can rnams so/ /de ltar zla ba sum cu rtsa drug rnams las 'chi ltas kyi nyi ma dang bcas pa'i 'tsho ba'i zla ba drug song ngo/ /de nas 'dab ma der srog gi rlung mi rgyu'o/ /de ltar nyin mo dang mtshan mo la 'pho ba bcu gcig tu 'gyur zhing khri phrag gnyis dang brgyad brgya phrag gnyis kyi dbugs kyis so/ /'dab ma yongs su 'dor ba yin gyi/ dbugs kyi 'khor lo ni dman pa med do/ /de nas 'dab ma gnyis pa la zla ba bdun pa dang brgyad pa dang dgu pa la grangs bzhin du/ nyi ma bzhi dang lnga dang drug rnams rgyu'o/ /de nas zla ba sum cu las khyim phyi ma'i 'tsho ba'i zla ba gsum song ngo/ /de nas zla ba nyi shu rtsa bdun bzung nas 'dab ma gsum pa la kun tu sbyor ro// 'dab ma bcu la 'pho ba bcus nyin mo dang mtshan mor 'gyur ro/ /zla ba so so la rim pa ji lta bar nyi ma bdun dang brgyad dang dgu rnams rgyu'o/ /zla ba nyi shu rtsa bdun rnams las zla ba gsum chad par 'gyur ro/ /de ltar sngar gsungs pa'i rnams la khyim gyi 'dab ma gsum dor te/ 'dab ma dgu po rnams la 'pho bar byed do/ /de ltar nyi ma bcu dang/ /nyi ma bcu gcig dang nyi ma bcu gnyis rgyu'o/ /'dab ma bzhi ba dor te 'tsho ba'i zla ba nyi shu rtsa bzhi las zla ba gsum chad par 'gyur ro/ /de ltar nyi ma bcu gsum dang nyi ma bcu bzhi dang nyi ma bco lnga la'o/ /de nas 'dab ma lnga pa dor te/ 'dab ma bdun rnams la 'pho bar byed do/ /zla ba nyi shu rtsa gcig las zla ba gsum chad par 'gyur ro/ /de bzhin du nyi ma bcu drug dang bcu bdun dang bco brgyad rnams zla ba so so la rim pa ji lta bar rgyu'o/ /'dab ma drug dor te 'dab ma drug rnams su 'pho bar byed do/ /zla ba bco brgyad las 'tsho ba'i zla ba gsum chad do/ /nyin zhag cig gi dman pa nyi shu dang/ nyi shu rtsa gcig rnams zla ba so so la rgyu ste/ khyim bdun pa dor nas khyim lnga rnams su 'pho bar byed do/ /zla ba bco lnga las 'tsho ba'i zla ba gsum chad do/ /de ltar nyin zhag nyi shu rtsa gnyis dang nyi shu rtsa gsum dang nyi shu rtsa bzhi rnam la rim pa bzhin du rgyu ste/ 'dab ma brgyad pa spangs te 'dab ma bzhi po rnams su 'pho bar byed do/ /zla ba bcu gnyis las 'tsho ba'i zla ba gsum chad de/ /de ltar nyin zhag nyi shu rtsa lnga dang/ nyi shu rtsa drug dang/ nyi shu rtsa bdun rnams gang gi tshe rgyu ba de'i tshe 'dab ma dgu pa dor te/ 'dab ma gsum po rnams su 'pho bar byed do/ /zla ba dgu po rnams las 'tsho ba'i zla ba gsum chad do/ /de bzhin nyin zhag nyi shu rtsa brgyad dang/ nyi shu rtsa dgu dang sum cu rnams gang gi tshe rgyu ba de'i tshe 'dab ma bcu pa dor ro/ 'dab ma gnyis su 'pho bar byed do/ /zla ba drug las 'tsho ba'i zla ba gsum mo nyin zhag sum cu rtsa gcig dang sum cu rtsa gnyis dang sum cu rtsa gsum rnams gang gi tshe rgyu ba de'i tshe 'dab ma bcu pa dor te/ 'dab ma bcu gcig par 'pho bar byed do/ /zla ba gsum las 'tsho ba'i nyin zhag dgu bcu rnams kyis chad par 'gyur ro/ /de nas sngar gyi 'dab mar mi rgyu ba nyin zhag gsum las 'dab ma bcu gnyis par nyin zhag gnyis rgyu'o/ /de nas 'dab ma bcu gnyis pa dor te/ de nas lte ba la nyi ma gcig rgyu ste/ ji srid du srog gi dbugs kyi 'khor lo rnam par chad par gyur gyi bar du'o/ /de ltar g.yon pa'i 'chi ltas kyi rnal 'byor pa ma yin pa rnams 'chi bar 'gyur ro/ /dbus mar rgyu ba gsungs pa/ dbus ma zhes pa la sogs pa ste/ dus su 'chi ba ni lo brgya rdzogs pa la dbu mar rgyu ba ste/ mnyam dang mi mnyam nyin zhag gis ni/ khyu mchog la sogs pa dang lug la sogs pa mi la skyes pas dkyil 'khor sa la sogs pa rnams so/ /phyogs gnyis rnam par mnyam pa'i phyir ni/ /gang g.yas dang g.yon pa'i phyogs gnyis so/ /gzhan du zhes pa la sogs pa ni go bla'o/ /'chi ba bslu ba'i don du gsungs pa/ 'chi ltas mtshan nyid ces pa la sogs te/ srog ni ste srog gi rlung dpral bar gzhug par bya'o/ /kun spangs go 'phangs ni dbu mar rgyu ba nyid do/ /gzhan du zhes pa gal te zla ba dang nyi mar 'gro ba 'gog pa dang/ rdo rje bslang ba med na de'i tshe kun spangs ma'i lam du srog gi rlung mi 'jug go /'og tu yang thur sel gyi rlung dung can mar mi 'jug go /de ltas cir 'gyur zhe na gsungs pa/ de ma zhugs na 'chi ba yin te/ srog dang thur sel gyi rlung de dag kun spangs dang/ dung can mar ma zhugs na 'chi ba kho na'o// //dga' ba rnams kyi dbye ba gsungs pa/ khu ba zhes pa la sogs pa ste/ gtsug tor nas zhes pa ni de'i skabs nas so/ /mdzod spu'i pad+ma du ni smin ma'i dbus su khu ba 'ongs pa dga' ba ste dang po'o/ /de nas mgrin pa dang snying khar mchog tu dga' ba ste/ gnyis pa'o/ /de nas rnam par dga' ba ni rtse ba dang dam du 'khyud pa dang shing yig dang/ mgrin pa'i kU dza na la sogs pa'i mtshan nyid lte ba dang gsad bar byang chub kyi sems song ba sna tshogs pa'i dga' ba ste gsum pa'o// gsang ba nas rdo rje nor bu'i mthar thug par byang chub kyi sems 'dzag pa med pa ni lhan cig skyes pa'i dga' ba ste bzhi pa'o/ /de yang rab tu mi gnas mya ngan 'das te/ rab tu mi gnas pa ni chags pa dang chags pa dang bral ba'i dngos po med pa'i phyir ro/ /'khor ba pa'i chags pa zad pa'i phyir chags pa chen po ste/ lus med rdo rje ni mi 'gyur ba'o/ /mda' bdag ni khams gsum gyi khyab bdag ste/ thams cad de'i go 'phangs 'dod pa dang mngon par 'dod pa'i phyir ro/ /slar yang mya ngan las 'das pa dang/ rab tu gnas pa gang zhe na gsungs pa/ chags bral las gang zhes pa la sogs pa ni go bla'o/ /de nyid rgyas par gsungs pa/ sa bon nyid zla ba ste/ bdud rtsi yin pa'i phyir te de gtsug tor du shar ro/ /dpral bar gang ba'o/ /dga' ba dang po la sogs pa'i dbye bas/ /dkar po'i tshes gcig dang gnyis dang gsum dang bzhi dang lnga'i mtshan nyid do/ /mdor bstan pa tsam gyis rjes su brjod pa'i phyir ro/ /mgrin pa dang snying khar drug pa dang bdun pa dang brgyad pa dang dgu pa dang/ bcu pa zhes pa ste gang ba gzhan no/ /lte ba dang gsang bar bcu gcig pa dang bcu gnyis pa dang bcu gsum pa dang bcu bzhi pa dang bco lnga pa zhes pa ste/ gang ba gsum pa'o/ /'dir dga' ba'i sogs pas dbye bas gang ba gsum du 'gyur te/ gsang bar byang chub kyi sems song bas khyad par gyi dga' ba'i dga' ba las gang cha bcu drug pa de ni rdo rje nor bu'i pad+ma'i rtse mor song bar gyur pa'o/ /de nas gyen du nag po'i tshes gcig 'ongs nas chags bral la 'jug pa'i dus te 'pho ba'i dus su 'gyur ro/ /de nas chags pa dang bral bas nyi ma mdzod spu'i gnas su 'gro'o/ /nyi ma de'i cha ni bcu drug pa gtsug tor gyi pad+mar song bas na 'dir ni zla ba zad par brjod do/ /nyi ma rdul gyi rang bzhin gyis sgrib par byed pa'i phyir ro/ /des na 'dod chags bde bas chags pa dang bral bar 'gyur ro/ /de'i phyir de spang bar bya'o/ /'chi ba na ni 'chi ba'i dus su'o/ /lus can thams cad ni lha dang lha ma yin dang mi rnams so/ /zla ba'i bdud rtsi ni byang chub kyi sems so/ /thur du ni khu ba'i lam du 'gro'o/ /nyi ma nyid rdul te rdul ni chos nyid kyi steng du 'gro'o/ /sgra gcan dang rnam shes ni ma rig pa'i srog dang/ kun gzhi rnam shes so/ /srid pa'i mtshan nyid de ni bde ba dang sdug bsngal la sogs pa'i las kyi mtshan nyid du 'gyur ro/ /gang gi phyir de lta yin pa de bas te rgyu'i phyir zla ba'i bdud rtsi ste khu ba'i khams steng du ste gyen du 'gro bar bya ba ni man ngag las so/ /'og tu 'ang nyi ma'i rdul 'gro ba dang/ sgra gcan gyi mtshan nyid kyi rnam par shes pa mi 'gyur ba'i bde bar 'gro bar bya'o zhes pa'o/ /de dag kyang bcom ldan 'das kyis kyang kun tu spyod par 'gyur ro/ /zhes pa blta bar bya ste/ mdzod spu'i zhes pa la sogs pa ste/ zla ba'i bdud rtsi ni khu ba'i khams so// nye ba ni gang ba nyid de sangs rgyas rnams kyi mdzod spu'i chu skyes su 'gyur ro/ /nyi ma'i rdul ni gnam stong la gsang bar 'gyur ro/ /de dag ni zla ba dang nyi ma ste cha ni rim pa bzhin gtsug tor dang rdo rje nor bu ste sangs rgyas rnams kyi sa'o/ /mtshan yang dag par brjod pa las de gsungs pa/ sa yi dkyil 'khor bzhi yi khyon/ /rkang pa ya gcig mthil gyis gnon/ /rkang 'thebs sen mo'i khyon gyis kyang/ /tshangs pa'i sgo nga'i rtse nas gnon zhes so/ /rdo rje'i tshig ni ye shes kyi tshig go /phyin ci log ni gnas pa zhes pa'i don te/ /mi gnas pa ni slar yang ji lta bu yin zhe na gsungs pa mi gnas shes pa la sogs pa ste/ khams rnams ni sa la sogs pa rnams so/ /phyin ci log tu 'gyur ba ni/ sgrib pa med pa nyid du 'gyur ba'o/ /gzhan du khams rnams dbye ba med do/ /mgo bo las 'bab pa rnams kyi sku dang gsung dang thugs dang/ ye shes kyi thig le rnams gyen du rim pas gang bar gyur pa'i sku bzhi'i rnam par dag pa gsungs pa/ nor bur zhes pa la sogs pa ste/ bde chen zhes pa rdo rje nor bu'i rtse mo las so/ /phyin ci log gis gang sku'i thi le de tu rya zad pa nyid dag pa'i sku ste de yang rdo rje'i rtse mor gnas pa'o/ /de'i phyir nor bur thugs te gnyid 'thug po zad pa'o/ /gsang bar gsung ste rmi lam zad pa'o/ /lte bar sku ste sad pa'i gnas skabs zad pa'o/ /de dag kyang chos dang longs spyod rdzogs pa dang sprul pa'i sku ste dag pa'i sku las spro bar byed do/ /'og tu thabs gyur zhes pa 'og tu rdo rje'i rtse mo las gang zhig sku rnams spro bar byed pa de ni thabs su 'gyur ro/ /shes rab ni slar yang steng du 'gyur ro/ /de dag bstan par bya ste/ dpral bar zhes pa la sogs te/ 'di'i shes rab kyi sku rdo rje ni dpral bar ste sngar bzhin du phyin ci log gis so/ /de bzhin du mgrin pa dang/ snying kha dang/ lte ba'i 'dam skyes la rim pa bzhin du gsung thugs dang ye shes rdo rje rnams te/ des sprul pa la sogs pa rnams spro bar byed ces pa'o/ /mi 'gyur ba'i bde ba spel ba'i don du gsungs pa/ las kyi zhes pa la sogs pa'o/ /'di snyam du 'phel ba ni thams cad du 'phel bar 'gyur ram zhe na gsungs pa/ 'phel ba med par 'gyur zhes pa'o/ /'di ltar gang 'phel ba nges/ nges par zad par 'gyur gyis gzhan du na rtag pa nyid du thal bar 'gyur ro/ /rtag pa'i don ma yin na yang gang zhig yod pa gang gis/ de'i rtag pa nyid yongs su brtag par bya ste/ chos thams cad skye ba dang 'gag pa'i chos can nyid kyi phyir ro/ /de lta mod kyi skye ba 'gag pa kho na de'i rang bzhin du 'gyur ba la skyon ci yod ces bsam par gyur na gsungs pa/ chos rnams rang bzhin med par ni zhes pa/ chos rnams kyi gang gi rang bzhin dngos po med pa'i zad pa 'byung ba gang yin pa de sgyu ma bzhin no/ /de kho na 'byung ba rnams zad par mi 'gyur zhing skye ba med ces pa'o/ /ldan pa dang bral ba tsam nyid kyi phyir ro/ /mthun pa la sogs pa bsgom pa gsungs pa/ rang gi shes rab ces pa la sogs te/ rang gi shes rab ma rnam pa gsum gyi mtshan nyid kyis sems la 'khyud pas pad+ma ste gsang bar song ba ni nor bu'i pad+ma der zla ba song ba mthun pa'i gzugs kyi mthun pa bsgom pa'o/ /de kho na la nor bur gang gi tshe mi mthun par gyur pa de'i tshe mi 'gyur ba bsgom pa'o/ /lus dag sems kyi rtsa ba rnams la ni g.yon pa dang g.yas pa dang dbus ma'i rtsa rnams la lus dag sems ni bsgom par bya zhes pa'o/ /gang gi tshe bla ma dam pa'i man ngag gis smig rgyu la sogs pa'i lam du zhugs pa de'i tshe rtsa gsum yongs su dag par 'gyur ro/ /de rnams legs par yongs su dag pa na/ gal te lus kyi rtsa rnams su srog rgyu ba de ltar du yang srog rtsol bya'o/ /de ni sku bsgom pa'o/ /de bzhin du gsung gi rtsar gsung bsgom par bya'o/ /thugs kyi rtsar dbus mar thugs bsgom par bya'o/ /zhes pa'o/ /gang gi tshe du gcan ma la ste/ khu ba'i rtsa la ye shes bsgom pa ni mi 'gyur ba bsgom pa ste/ gyur te de'i tshe bsdus pa ni gcig nyid du gyur pa'o/ /rdo rje gsum ni rtsa gsum rnams so/ /thig le bzhi'i bcing ba gsungs pa/ shes rab ces bya ba la sogs te/ shes rab chags pas zhu zhes pa gtum mo/ /'bar bas zhu ba'o/ /mgo bo des dpral ba las rdzogs pa'i go 'phang ste/ gsang ba gnas su don dam pas ni bcing bar bya zhes pa ni srog 'gyur ba med pa'i bde bas bcings pa'o/ /bag chags ni sgrib pa'o/ /de gsal bas ni spangs pa gang yin pa ste/ de rdzogs pa yin gyis zla ba ni chad pa yang med cing de'i rdzogs pa yang med do/ /de bzhin du rim pas ye shes 'char ba ni rgyu mthun pa la sogs pa'i dbye bas pa rnams kyis 'chang ba la sogs pas steng du gtsug tor du brjod par 'gyur ro/ /nyon mongs pa zhes bya ba ni sgrib pa rnams yin la/ bcom pa ste spangs pa ni rdzogs pa yin la ye shes ni chad pa med cing de la rdzogs pa yang med do zhes pa'o/ /dbus su ri bong gi mtshan ni de'i dbus su ri bong gi mtshan pa'o/ /des na nya la ri bong can mi gnas te tshes gcig la zhugs pa'i dus su zad par 'gyur ba'i phyir ro/ /de bzhin du sems pa mi 'gyur ba'i bde ba mi gnas te 'khor ba'i bag chags 'gyur ba'i bde ba'i mtshan nyid kyis de 'khyud pa'i phyir ro/ /'gro ba rnams kyi chags pa dang chags bral la rdzogs pa gnas pa yin no zhes gsungs pa/ skye dang zhes pa la sogs pa'o/ /skad cig gcig gi rdzogs sangs rgyas nas gang gi tshe rdzogs pa la ni ste/ gsang ba'i pad+ma la mi g.yo ba'i sems su 'gyur ba de'i tshe/ de dag sems kyi rdo rje rdo rje nor bu rgyu 'thun pas skad cig ma thams cad rdzogs pa ni dbugs khri phrag gnyis dang brgyad brgya gnyis kyi mtshan nyid do/ /de bzhin du 'di'i sems dkar po'i phyogs chags pa la mi gnas so/ /dkar po min pa'i phyogs bral duAng mi 'gro'o/ /de nyid kyis ni phyogs gnyis po'i dbus su gnas te rdzogs par gshegs pa gnyis su med pa rab tu mi gnas pa'o/ /mtshan yang dag par brjod par de gsungs pa/ skad cig gcig gis rdzogs sangs rgyas skad cig thams cad mngon par rtogs shes pa dang/ cha med cha las 'das pa ste/ bsam gtan bzhi pa'i rtse mo 'chang zhes so/ /'khor ba pa'i rim pas gsungs pa/ gtsug tor zhes pa la sogs pa ste/ de'i byang chub kyi sems de gtsug tor las 'byung ba rdo rje nor bur rdzogs par 'gyur ro/ /dga' bral chags pas cha bcom pa ni cha bsags pa de/ rdo rje'i rtse mo la lhung bar 'gyur ro/ /de nas bcom pa ste chags bral gyi rdzogs pa nyid slar yang de bzhin du 'byung ste/ slar yang nor bur rdzogs par 'gyur ro/ /chags bral bcas pas cha bcom pa yin gyi/ lus can rnams kyi ye shes bcom pa ni ma yin zhes pa'o/ /ye shes bcom na 'chi ba kho na'o/ /rdzogs pa'i sgra yi don gsungs pa/ 'di zhes bya ba byang chub kyi sems bde ba chen po'i rang bzhin te/ de rdzogs pa'i sgras brjod do/ /bde ba chen po'i rang bzhin rnam par bstan pa las gzhan ma dngos po'i mdza' ni yul dang yul can gyi mtshan nyid bskyed dang sdud pa'i byed pa po ni skye ba dang 'gags pa'i mtshan nyid do/ /de nyid gsal bar bya ste/ srid nas shes bya ba la sogs pa ste/ rang phyogs gnyis la ni dkar po dang/ nag po dag go /bsgrod pa gnyis la byang dang lho dag go /'di ni zhes pa byang chub kyi sems so/ /g.yo ba med par rdzogs pa ni/ /gsang ba'i pad+ma'i steng du sa rnams kyis yongs su rdzogs pa'o/ /nyi khri zhes pa la sogs pa ste don rnam par bshad pa ni/ phyogs gnyis ni g.yon pa dang g.yas pa'i/ /lug dang khyu mchog la sogs pa khyim bcu gnyis kyi mtshan nyid do/ /mnan pa ste 'gags pa ni/ /bden don rnam pa bcu gnyis ldan te/ sa bcu gnyis thob pa'o/ /rnam pa bcu drug mi 'gyur pa ni 'khor ba pa'i cha bcu drug zad ba'o/ /gnyis su med pa'i mchog ni/ /las kyi rlung 'gro ba dang bral zhing rtog pa med pa'o/ /don gcig gnyis su med pa'i chos ni/ de dag don gcig pa ste/ phyogs gnyis med pa'i phyir ro/ /chags bral dang po chags pa che/ /zhes pa ni dbang gi skad cig bzhi pa'o/ /mtshan yang dag par brjod pa las/ de dag gsungs pa/ chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas 'gro ba'i chos 'dzin pa zhes so/ /ma 'dres pa ni rnyog pa med pa ste/ /phyogs gnyis med pa'i phyir ro/ /bzung ba'i sems dang 'dzin pa'i sems gcig tu blta bar bya'o/ /ji ltar zhes pa nye bar bstan pa ste/ chu klung gi chu rnams rgya mtshor rab tu zhugs na der mnyam pa nyid du 'gyur ro/ / de bzhin du dngos po'i tshogs 'di ni/ zhes pa brtan pa dang g.yo ba'i bdag nyid rnams mi 'gyur ba ste rnam pa kun ldan gyi gzugs su mnyam pa ste/ mtshungs pa'i mi 'gyur bar 'gyur ro/ /de nyid slar yang dpe yis mtshungs pa/ khams kyi tshogs 'di ni lcags la sogs pa rnams ro yis dngul chu'i zos pas ji ltar ro nyid du 'gyur te/ de dag mtshungs par 'gyur ro/ /ji ltar yang rung ste go dra ba la sogs pas/ sa la sogs pa'i khams kyis tshogs zos pas sa bon gyi rang bzhin nyid du 'gyur ro/ /de yang 'bras bu'i dus su ste/ 'bru skye ba'i dus su nga rgyal med pa ste kun brjod pa dang bral bar 'gyur ro/ /de ltar dngos po'i tshogs kyang ni ste/ brtan pa dang g.yo ba'i bdag nyid can rnams mchog tu mi 'gyur bas/ zos na ste rnam pa thams cad pa'i gzugs sgrib pa med par byas na/ mchog tu mi 'gyur nyid du 'gyur/ /rnam pa thams cad pa'i rang bzhin 'dzin par 'gyur ro/ /zhes pa'i don to/ /dug gi dpes bde bas khyab pa nyid gsungs pa/ mche ba zhes pa la sogs pa ste/ rdzogs pa'i gnas skabs na khyab pa nyid 'gyur ba'i dug nad pas so'i rtse mo mche ba'i shul du tshor ba sdug bsngal du mi rig ste/ gzhan duAng ste lus kyi gnas 'ga' zhig du rig pa yang ma yin no/ /yul gzugs la sogs pa rnams dbang po'i sgo mig la sogs pa rnams kyi tshor ba'ang ma yin no/ /de bzhin du sems ni rdzogs pa'i cha gyur na ste/ khyab pa nyid du gyur pas rnal 'byor pa'i dam pa'i bde ba rdo rje nor bur myong ba min zhing/ gzhan du min te yul rnam dbang po'i sgo rnams kyis ma yin zhes pa'o/ /'khor lo sdom par gsungs pa/ kun du phyag dang zhabs la sogs/ /kun du dbu dang spyan dang zhal/ /kun du thos ldan 'jig rten na/ /thams cad khyab ste rnam par bzhugs shes so/ / phyogs gcig tu gnas pa'ang ba spu'i khung bu dang tshigs kyi mthar thug par gnon to zhes pa'o/ /bcud dang lcags kyi dpes gsungs pa/ ji ltar zhes pa la sogs pa ste/ phyogs gcig na ni rdo rje nor bu'o/ /'dod chags mes gdungs na ni/ /gtum mo 'bar bas gdungs na'o/ /bag chags ni chags pa la sogs pa'i mtshan nyid do/ /ji ltar rdo la nor bu chen pos reg cing gdungs pas de 'od gsal bar 'gyur ro/ /de bzhin du mi 'gyur ba'i bde bas reg pa las bde ba nyid du 'gyur par rnam par nges so/ /don dam pa ni dam pa'i bden pa'i ye shes kyi dngos po ste/ rang bzhin ni rtog par yang smos ci dgos so/ /rtag par bya ba dang sems la kun tu 'bigs pa ni blo bur ba'i dri mas g.yogs pa la yin gyi/ de kho nar ma yin no zhes pa'i don to/ /blo bur ba'i dri ma 'di ni sems la mdo// de nas sems la skye ba la phyis skye na de dag don med do/ /zhes gsungs pa/ sems kyi gnas skabs las yun ring por te phyi skye bar ma yin no/ /zhes pa'i don to/ /de nas sems ma gtogs pa la skye na/ de'i don gsungs pa/ sems la ma gtogs skye ba 'ang min zhes so/ /ci sems la mi zad pa nyid kyi gnas sam zhe na/ gsungs pa/ sems la zad med gnas pa med/ ces so/ /gal te zhes pa la sogs pas/ de kho na nyid rnam par dpyod pa ste/ tshigs su gcad pa gnyis ni go blo'o/ /'dir zangs ma'i dpes khong du chud bya ste/ 'dir gal te zangs ma la dri ma blo bur byung ba yin na de'i tshe slar zangs ma dri ma dang bral bar 'gyur ro/ /gang yang yun ring po'i dri ma phyis zangs ma las 'byung na/ de'i tshe de'i dri ma gang du ci las 'byung bar 'gyur/ de nas zangs ma gtogs pa la skye na/ de'i tshe nam mkha' i me tog las kyang skye bar 'gyur ro/ /de nas zangs ma la mi zang ba nyid kyi gnas na/ de'i tshe grub pa'i bcud kyis kyang gzhan du bsgyur bar mi nus so/ /de'i phyir 'di dag thams cad rig par mi 'gyur ro/ /de'i phyir 'di ni 'dor don bden pa ste zangs ma dang lhan cig tu skyes pa'i dri ma 'di yang bcud kyi sbyor ba nyams par 'gyur te/ sngar yang med la phyis kyang med cing/ de dag dang bral ba 'ang ma yin zhes pa'o/ /de bzhin du sems kyang blta bar bya ste/ de bzhin zhes pa la sogs pa'o/ /blo bur ba'i sgra ji ltar khong du chud par bya/ zhe na brjod par bya ste/ kun nas kun tu 'gro ba'i dang tshul ni blo bur pa'o/ /dag gi dpe las 'das pa nyid mi 'gyur ba gsungs pa/ smra mi nus shes pa la sogs pa ste/ lang 'tsho ma'i bde ba thob pa ni dang kho nas rig go /ting nge 'dzin bral ba yis ni stong pa nyid kyis ting nge 'dzin dang bral bas so/ /bde ba min pa'i rgyu'o/ /'pho ba nyid 'khor ba'i rgyu'o/ /zhes so sor rtog par bya ste/ 'pho ba zhes pa la sogs pa ste/ de ltar bshad pa'i rim pas so/ /sems can rnams ni chags bral byung ba yis so/ /gzhan du zhes pa ni/ gal te de rnams chags pa dang bral bar gyur pa ma yin na/ de'i tshe rnam pa gzhan gyis de rnams kyi srid pa ste 'khor ba med do/ /de bas shes pa rgyud de nyid kyi phyir zhes pa'i don to/ /ngag gang zhig ces pa 'pho ba'i bde ba rnam par spangs pas so/ /'dod can zhes bya ba la sogs pas mi 'gyur ba'i bde ba la 'bar bar gsungs pa/ sdug bsngal ni chags pa dang bral ba'i mtshan nyid do/ /rten ni byang chub kyi sems te 'pho ba thob par gyur pa las rten byed ni bde ba'i rang bzhin no/ /bde ba'i rang bzhin gyis byang chub kyi sems chags bral nyid du 'gyur ro/ /de'i phyir 'pho ba'i bde ba spang bar bya zhes gsungs pa dang sbrel lo/ /dri ma dang bral ba'i gnas skabs gsungs pa/ mi 'gyur zhes pa la sogs pa ste/ mi 'gyur ba las skyes pa'i sku/ /mdzod spu'i 'khor lo ste/ smin ma'i dbus su son pa las/ A li kA li g.yon pa dang g.yas pa ste/ mnyam par sbyor ba ni mtshungs par dbus mar rgyu ba nyid dang hUM gi yi ge la sogs pas dbus mar rab 'bab gdan du mi 'dod do/ /de dag kyang mchog tu mi 'gyur ba'i ye shes grub par slob dpon pad+ma dkar po'i zhabs kyi rab tu spros pa'i phyir na 'dir rgyas par mi bya'o/ /de ni kun rdzob tu rgyu dang 'bras bu'i ngo bo nyid gsungs pa/ gzungs shes bya ba la sogs pa ste stong pa ste nam mkha' las byung ba'i gzugs rnam pa thams cad pa'i mtshan nyid ni rgyu ste byed pa'o/ /mi 'gyur ba'i gzugs las skyes pa gang yin pa'i bde ba de 'bras bu'o/ /'bras bu de 'dzag pa med pa'i bde bas rgyu ste gzugs kyi mtshan nyid la rgyas gdab pa ni yang dag par 'brel pa'o/ /rgyu yis te de lta bu byung bas rgyas gdab pa ni 'dzag pa med pa'i bde ba chen po la'o/ /stong pa nyid dang snying rje de gnyis kyi mtshan nyid gsungs pa/ stong nyid ces pa la sogs pa ste stong pa nyid kyi gzugs 'dzin pa'i sems ni rgyu'o/ /'bras bu ni snying rje mi 'gyur ba 'dzin pa'o/ /stong pa nyid dang snying rje 'di dag dbyer med pa gcig tu gyur pa nyid ni/ byang chub kyi sems de 'pho ba med par brjod do/ /gzhan du na las dang ye shes kyi phyag rgya las skyes pa ni 'gyur zhing zag pa'i mtshan nyid ni ma yin no/ /de dag kyang chad pa dang 'khor ba dang bral lo zhes gsungs pa/ mya ngan 'das dang zhes pa la sogs te/ mya ngan las 'das pa ste gsog gi rang bzhin dang bral ba'i gzugs so/ /'khor ba ste 'gyur ba'i bde ba'i mtshan nyid las 'das pa zag pa med pa'i bde ba chen po mi 'gyur ba'o/ /de nyid ni mi 'gyur ba dang gzugs dag gi sbyor ba gnyis med gzhan ni phul du byung ba'o/ /de nyid gsungs pa/ rtag dang chad las nges par grol/ /zhes so/ de dag nyid rab tu dbye ba gzhan gyis rab tu gsal bar bya ste/ gzugs ni rnam pa thams cad pa'i rang gi sems kyi snang ba la dngos po med pa ste chad pa min no/ /ci'i phyir na dngos med las byung mtshan nyid phyir ro/ /mi 'gyur ba ste 'dzag pa med pa'i bde ba la dngos po med de ci'i phyir/ dngos po las byung ba'i mtshan nyid kyi phyir ro/ /so sor snang ba'i yid kyi rang bzhin gyi gzugs las byung ba nyid kyi phyir ro zhes pa'i don to/ /'di dag dngos po dang dngos po med pa'i mtshan nyid dag yang dag par sbyor ba ste/ mtshungs pa ni rdo rje'i rnal 'byor te de yang gnyis su med pa mi 'gyur ba'o zhes so/ /des na de nyid gzugs dang gzugs min zhes pa la sogs pas bshad par bya ste/ pra phab pa la ni me long la dmigs pa'i yid kyi lus ni gzugs kyi mtshan nyid ma yin te/ rdul phra rabs kyi rdzas tshogs pa med pa'i phyir ro/ /gzugs med pa'i mtshan nyid ma yin te/ nye bar dmigs pa'i yid gzhom du med pa nyid kyi phyir ro/ /de'i phyir gzugs ni srid par te 'khor bar 'gro ba ma yin no/ /'gyur ba med pa ni mya ngan las 'das pa ste/ chad par 'gro ba ma yin no/ /phan tshun 'khyud pa zhi ba ste/ dbang po'i rnam 'gyur med cing rnam 'gyur dang bral ba'i phyir ro/ /'di nyid ma ning gi go 'phang du brjod do/ /mchog ni phul du byung ba ste 'gro ba ma lus pa dang thun mong ma yin pa'i phyir ro/ /dper na zla ba la zla ba'i bsil ba'i 'od zer gyi 'khyud la zla bas kyang bsil ba'i 'od zer la 'khyud do/ /'di dag tha dad pa nyid kyang ma yin pa de bzhin du gzugs dang mi 'gyur ba dag kyang de bzhin du blta bar bya'o/ /don dam par 'bras bu rgyu yis byas pa min par gsungs pa/ shes rab ces bya ba la sogs pa ste/ shes rab ni rnam pa thams cad khong du chud pa'i rang bzhin no/ /rgyu las ni 'dra ba las ma skyes pa ni ma byung ba'o/ /gang yang shes rab rgyu las 'bras bu 'byung ni shes rab las skyes pa zhes mngon par brjod de/ de dag de dag kyang rgyu skyes min zhes bya ba shes rab kyi rgyu las skyes sspar ni mi 'gyur te/ ci'i phyir na shes rab rgyu las ma skyes pa'i phyir ro/ /de bzhin du gal te de srid du rgyu las skyes pa shes rab tu 'gyur na de'i tshe de dag 'byung yang 'bras bu shes rab bskyed pa zhes rjes su 'byung ngo/ /de dag mo sham bu mo'i sbyor ba yis/ /rmi lam bde bar 'gyur ba ltar/ /zhes pa la sogs pas bshad par bya'o/ /de phyir ni rgyu de'i phyir ro/ /gang 'gyur ba med pa'i ye shes de ni shes rab ye shes te rgyu las ma skyes pa'o/ /de'i phyir yang/ 'bras bu dang ni rgyu yis ni/ /phan tshun rgyu yi btab pa zhes gang gsungs pa de dag tu 'gyur ba min no/ /ci'i phyir zhe na gsungs pa/ rgyu dang zhes gsungs te/ gang phyir rgyu dang 'bras bu kun/ /de ni rten cing 'brel bar 'byung/ /ye shes ni rten cing 'brel bar 'byung ba ma yin yang/ /de'i yul can yin pa nyid kyi phyir ro/ /de'i phyir phan tshun rgyas btab pa'i gzugs ni/ ma skyes pa dang ma 'gags pa'o/ /chad pa'i rang bzhin la mya ngan las 'das pa zhes bya ste/ /rdzas dang bral ba rnam pa kun nas so/ /shes rab ni sngar gsungs pa'o/ /skyes pa gang mchog tu 'gyur pa med pa de rgyu dang 'bras bu las rnam par grol ba'o/ /phan tshun rgyu yis btab pa med/ ces pa'o/ /shes pa'i rnam pa las ldog pa'i phyi rol las srid pa ma yin pa'i phyin rang gi sems kho na khams gsum pa'i rnam pa de dag tu dmigs so/ /shes gsungs pa/ ma skyes pa dang zhes pa la sogs pa ste/ phyi yi shes byas 'byed pa'i phyir ni phyi yi shes bya tha dad du byed pa'o/ /gal te thabs dang shes rab tha dad med do zhes brjod pa de yang dam pa'i don du med do zhes gsungs pa/ thabs min shes rab kyang min te/ /tha dad du gyur pa'i phung por yod na/ gang gi de dbyer med pa'i byang chub kyi sems su 'gyur te/ de'i gnas skabs rnam par ma shes pa'i phyir ro/ /lhan skyes shes bya ba yang lhag pa'i shes rab dang lhan cig tu skyes ba nyid du brjod par bya'o/ /kun nas kun tu yongs su rdzogs pa ni dri ma dang bral ba'i phyir ro/ /sgrib pa thams cad ni 'dod chags la sogs pa rnams dang bral ba'o/ /gos pa med ni lag pa la sogs pas reg pa med pa'i phyir ro/ /bzung ba dang 'dzin pa spangs pa'i phyir yul dang dbang po spangs pa'o/ /thams cad la khyab pa'i phyir kun du'o/ /rnam pa thams cad shes pa'i phyir yang dag kun la gnas so/ /'di rnams sgyu ma lta bu yin pa'i phyir mi chod mi shig spangs pa'o/ /skye ba med cing 'gag pa med pa'i phyir rang byung ngo/ /don chen ni 'gro ba'i don byed pa'i phyir ro/ /mchog tu mi 'gyur ba ni dbang po las 'das pa'i phyir ro/ /'dod chags chen po ni lus med rdo rje nyid kyi phyir ro/ /de'i phyir de nyid sems dpa' chen po ste sems can thams cad dga' bar mdzad pa'i phyir ro ste/ shes rab med na 'dod chags chen po med pa'i phyir ro/ /nyon mongs zad mdzad ni g.yon pa dang g.yas pa ste/ dgra? che ba ni de dag dbyer med pa nyid kyi phyir ro/ /des na de nyid zhe sdang chen po'o/ /srid pa gsum ni 'dod pa dang gzugs dang gzugs med pa ste/ gcig pa ni ra mnyam pa nyid do/ /de bzhin du re shig ye shes kyi rang bzhin bshad nas ye shes can gyi rang bzhin rnam par bshad pa'i phyir gsungs pa/ mchog tu zhes pa la sogs pa'o/ /shes rab ni blo'o/ /khams gsum pa la khyab pa'i ye shes nyid ni mi 'gyur ba'o/ /de rnams dang bcas pa ni gzugs la sogs pa'i chos rnams thams cad do/ /phung po dang khams dang skye mched kyi dbye bas rigs drug yongs su dag pa'i don gsungs pa/ rnam pa drug po zhes pa la sogs pa ste/ 'gyur pa med pa nyid ye shes te mi 'gyur ye shes dang/ tshor ba dang rnam shes dang gzugs dang 'du byed dang 'du shes so/ /phung po de rnams kyi rim pa ji lta bar/ khams dang skye mched rnams kyi rigs de rnams so zhes gsungs so/ /ye shes bya ba la sogs pa'o/ /khro bo'i rgyal po ni dus kyi 'khor lo'o/ /rigs drug po ni yongs su dag pas gdong drug go /yid la sogs pa rnams yongs su dag pa'i phyir mig drug go /sgra la sogs pa rnams yongs su dag pa'i phyir lag drug go /zla ba zhes pa ni rgyal po zla ba bzang po la 'brong pa'o/ /'di nyid ni dbang gi sgrub pa ste mchog tu mi 'gyur sgrub pa'i thabs bshad pa'o/ /mdor bsdus ni yang dag par bsdus pa'o/ /mchog tu mi 'gyur sgrub pa ni gzhan sgrub pa ma yin no zhes pa'i don to/ /de yang rtsa dang rigs su yang dag ldan te/ rtog pa med pa'i lha'i rigs dang yang dag par ldan no zhes pa'o/ /yang dag bla ma'i nges pa'i dbang las dbang bskur nye bar bstan pa'i bka' 'grol lam gyis tshul/ /yang dag lam la gnas pa rnams kyis mtshungs med go 'phangs rtogs byed rmongs pa'i phung po 'joms/ /'di ni bdag gis byas las thob pa gang de'i legs byas byang chub sa bon ma lus pa/ /de ni 'jig rten bde gshegs go 'phangs rtogs shing nyi zla 'gags pa'i lam du 'jug par shog /gal te bka' 'grel bya ba yang/ /mngon shes med pas ma yin nyid/ de lta'ang bdag gi 'di dran nas/ /bris la bdag la nyes pa med/ /dbang mdor bstan pa'i bka' 'grel rdzogs so// //'di'i gzhung tshad shlo ka sum brgya drug cu'o/ /skad gnyis smra ba thar lo'i bka' drin dang/ rdo rje rgyal mtshan bla mas rab bskul nas/ bu ston kha ches gus pa'i blo yi bsgyur/ /nyes pa'i tshogs rnams mkhas rnams bzod par mdzod/ /rgya dpe gnyis la gtugs nas dag par bdog/ //` //dpal dus kyi 'khor lo'i dbang gi rab tu byed pa'i 'grel pa rdo rje'i tshig 'byed ces bya ba bzhugs so/ / rgya gar skad du/

CLOSE WINDOW