བོད་ཡིག

e-texts based on the ACIP/ALL Input

bi ma la pra b+hA nA ma mU la tan+t+ra nu sA ri NI dwA da sha sA ha sri ka la g+hu kA la tsakra tan+t+ra rA dza TI kA/ bod skad du/ bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba/ dpal dus kyi 'khor lo la phyag 'tshal lo/ /stong nyid snying rje'i bdag nyid can/ / srid gsum skye dang 'jigs pa med/ /shes dang shes bya gcig pa'i sku/ /dpal ldan dus 'khor la phyag 'tshal/ / rnam par bcas kyang rnam med bcom ldan 'das ma shes rab ma ste de yis 'khyud/ /skye 'jig spangs pa'i 'gyur med bde ba dang ldan bzhad pa la sogs bde ba spangs/ /sangs rgyas rnams kyi skye mdzad sku gsum dag dang ldan zhing dus gsum yang dag rig / kun mkhyen mchog gi dang po'i sangs rgyas bcom ldan gnyis med de nyid la phyag 'tshal/ /sangs rgyas seng ge'i khrir bzhugs rdo rje'i rnal 'byor rnam par dag pa srid pa gsum gyis mchod/ /de nyid gcig pu sku yi rab tu dbye bas rnam pa bcu drug srid med srid par gnas/ /shes dang shes bya gcig gyur rgyal ba mchog gi dam tshig yan lag rnam pa bcu gnyis kyi/ /bden don byang chub sems ni rgyal po'i rdo rje'i tshig gyur dus kyi 'khor lo la phyag 'tshal/ /kun mkhyen ye shes sku ni rgyal ba'i bdag po'i lhan cig skyes dang de bzhin chos kyi sku/ /longs spyod rdzogs dang sprul pa'i sku yang nyin byed sku dang pad+ma'i 'dab ma rgyas pa'i spyan/ /rnam par thar dang sku gsung thugs chags srid 'das 'byor pa rnal 'byor dag pa shes rab dang/ /thabs ni gnyis med gang zhig lha mi lha min gyis bstod dang po'i sangs rgyas de la 'dud/ /ye shes stong nyid ye shes kyis/ /legs dag rnam dag 'gyur ba med/ /sems ni mtshan med ye shes kyis/ /legs dag gnyis med tshes bdag nyid/ /ngag ni smon med ye shes kyis/ /dag pa gsang sngags mi bzad sgra/ /de bzhin mngon par 'dus ma byas/ /ye shes kyis dag dri ma med/ /shes rab thabs kyis bdag nyid sbyor/ /dbyibs sku rdzu 'phrul bgrod pa can/ /de bzhin gshegs pa rdo rje sems/ /byang chub sems dpa' sems dpa' che/ /dam tshig sems dpa' gsung ba gang/ /dngos dang dngos med zad pa'i gtso/ /thog mdza' med cing zhi ba yi/ /byang chub sems de la phyag 'tshal/ /sprul pa yi ni sku gsung thugs/ / ye shes gcig sbyor sdom pa dang/ /longs spyod rdzogs pa'i sku gsung thugs/ /ye shes gcig sbyor sdom pa dang/ /dpal ldan chos kyi sku gsung thugs/ /ye shes gcig sbyor sdom pa dang/ /lhan cig skyes pa'i sku gsung thugs/ /ye shes gcig sbyor sdom pa ni/ /sad rmi gnyid stug bzhi pa yi/ /dbang po gnyis skyes bde min zhing/ / ye shes sems dang ngag dang lus/ /gnas gzhir yang dag mi gnas te/ /las kyi phyag rgya yongs dor zhing/ /ye shes phyag rgya rnam par spangs/ /phyag rgya che las yang dag skyes/ /lhan skyes gzhan dang 'grogs pa min/ /rnam rtog sgom pa las 'das pa/ phyag rgya chen po mi 'gyur bde/ /gzung dang 'dzin pa dbyibs dag dang/ /rtog dang brjod pa rnam par spangs/ /dri za'i grong khyer rnam pa dang/ /pra phab pa yi rang bzhin can/ /thabs dang shes rab bdag nyid sbyar/ /e baM yi ge de la 'dud/ /phra rab rdul gyis chos nyid 'das/ /pra phab pa yi rang bzhin can/ /rnam pa kun gyi mchog ldan ma/ /phyag rgya chen mo de la 'dud/ /sangs rgyas kun gyi skyed mdzad ma/ /skye ba dang ni 'jig pa spangs/ /kun tu bzang po'i spyod pa can/ /sna tshogs yum de la phyag 'tshal/ /A li kA li snyoms 'jug dang/ /hUM phaT yi ge sogs spangs kyang/ /'gyur ba med las 'khrungs pa'i sku/ /dus kyi 'khor lo de la 'dud/ /kun mkhyen ye shes sku zhes pa/ /khyab bdag nyi ma lta bu'i sku/ /pad+ma'i 'dab ma rgyas pa'i spyan/ /de nyid bcu drug dbye ba las/ /sku bzhi'i bdag nyid sangs rgyas ni/ /rdo rje seng ge'i gdan bzhugs pa/ /lha dang lha min gyis bstod sngon/ /zla bzang gis gsol de la 'dud/ /dag dang ye shes gcig sbyor rgyal ba mchog gi dam tshig thugs dang chos ni gcig tu sbyor/ /gsung dang longs spyod rdzogs pa gcig sbyor srid gsum gyis mchod sku dang sprul pa rnal 'byor te/ /shes dang shes bya gnyis med srid 'das 'byor pa 'di ni rdo rje sems dpa' rnam pa bzhi/ /rdo rje'i rnal 'byor thabs dang shes rab bdag nyid lha mi lha min gyis bstod de la 'dud/ /zhabs gcig rdo rje nor bur rdul dang nyi ma dang/ /gnyis pa gtsug tor khu ba ri bong can la ni/ /rtag tu mi chod dbyer med 'dod par bkod gyur pa/ /'jig rten gsum gyis mchod pa'i gtso la spyi bos 'dud/ /rlung me chu dang sa yi dkyil 'khor lhun po pad+ma dang/ /zla nyid dus me'i steng du dbang phyug dang ni bdud kyi mgor/ /zhabs ni srid pa'i yum gyi zhabs dang lhan cig bkod gyur pa/ /lha yi dbang pos btud pa'i gtso la spyi bos phyag 'tshal te/ /de ltar rdo rje'i rnal 'byor gang zhig dpag med bde gshegs rnams kyi rten cing bstan pa dang/ /byang chub sems dpa' rdo rje mchog 'dzin gsang sngags rig pa kun gyis yang dag brjod gyur pa'i/ /'gyur med mchog gi bde ba rnal 'byor de ni dus kyi 'khor lor blun po bdag brjod 'dod/ /mkha' la myur 'gro mkha' 'gro'i bdag po 'gro ste 'dabs chags gzhan pa 'gro ba min nam ci/ /gang du rang gi lus la srid pa mdza' dag sngags bcas pa/ /gsal bar a li thig le 'dzin pa'i rgyal ba'i dbang pos gsungs/ /chu gter chen po der ni rgyal ba'i slad du rab zhugs pa/ /de la gal te pha rol bdag phyin rgyal ba'i mthu yin no/ /gang phyir gsang bdag la gsung mchog gi dang po'i sangs rgyas las/ /stobs bcu pa yis bsdus pa'i rgyud ni sngon du lung bstan pa/ /de phyir dus kyi 'khor lo bsdus pa'i rgyud 'di ka lA phar/ /'jam dpal gyis ni thub pa mdza' dag rnams la nges par bstan/ /'grel bshad stong phrag drug cu pa/ / zla ba bzang pos bris pa gang/ /theg pa kun don gsal byed de/ /pad+ma dkar po bdag gis ni/ /rtsa ba'i rgyud kyi rjes 'jug cing/ /gzhung ni stong phrag bcu gnyis te/ /rdo rje'i tshig 'byed dang bcas pa/ /bsdus pa'i rgyud la bri bar bya/ /rgyal bas gsungs pa'i cho gas dbang mchog blangs nas rgyud 'di 'am ni bsdus pa yis/ /rgyud rgyal ma lus thos nas yang dag ye shes lam la gnas pa'i rnal 'byor pas/ /khengs dang longs spyod 'byor pa du ma btang nas sems ni bla mar gtang bya ste/ /sangs rgyas nyid kyi slad du gtso bo'i 'grel bshad gzhan phan spyod pa mnyan par bya/ /mngon shes med gang dpal ldan rdo rje theg pa la gnas brtan bcos du ma yis/ /rnam rtog chos kyi snying dang mkhas pa nyid kyi dregs ldan 'grel bshad chen po dag /byed pa de ni glang chen long ba myos bzhin dgra yis rgyu ni brgyal ba'i slad/ /gang gnas de yis rang gi rgyud ni nyams byed 'di ni rtag tu bdud kyi gnyen/ /mkhas pa'i mngon pa'i nga rgyal dang ldan rgyal bdag gsung ni mi shes dang tshul rtag longs pas/ /theg mchog 'grel bshad byas te long ba bzhan dag lhung du bcus nas dmyal bar rab 'jug pa/ /'gyod pa dang ni srog gcod la sogs mi dge'i las la bud med bde bas sems drangs shing/ /dpal ldan shes rab bde nyams rdo rje'i tshig bcom phyi yi longs spyod dag gis zil mnan pa'o/ /ston pa nyid kyis rgyal bdag bde ster rdo rje theg par gang zhig lung bstan mdza' dag ni/ /'grel bshad dag dang bsdu ba mdzad pa rdo rje mchog 'dzin bdag 'dra'i byang chub sems dpa' ste/ /de dag 'dir ni lha dang lag 'gro mi rnams smin pa'i don du sangs rgyas mthu smra la/ /gang dag mngon shes lnga med de dag bdag cag rgyal dbang yin zhes bden pa min par smra/ /ma 'ongs dus na rtag tu rtog ge la sogs bstan bcos la gtad sna tshogs bla/ /sangs rgyas pa yang gzhan gyi rtog ge dang phrad dbang gis log pa 'byung 'gyur te/ /rtog ge la gtad de yis 'dod pa'i yul la lam ni ston par byed pa gang/ /de dag nyid kyi blo ngan skyon ni 'joms byed 'grel bshad bdag gis bri bar bya/ /chags bral med pa'i 'dod chags mdza' yas chu la zhe sdang sbrul dang chu srin dkrigs/ /gti mug klong ni rab mang 'gro 'ong nor dang dpal la brkam pa'i rba rlabs can/ /'gyod sogs bsod pa la sogs las kyi rta gdong 'khor mo sgra drag srid pa yi/ /chu gter la ni dpal ldan rdo rje theg pa'i 'grel bshad rtag tu mnyan pa ste/ /shes rab rlung gi dar gyis myur 'gro myang 'das pha rol don gnyer chen po rnams/ /dam pa'i bde bas myur du rgal bar byed slad de ni lam gyi 'dren ma dang/ /nyon mongs bdud tshogs 'joms pa mkhas pa'i yang dag ye shes yid bzhin nor bu ste/ 'jig rten gsum gyi bdag po nyid ster 'di ni kun tu ston par byed pa'o/ /gang zhig phung po la sogs sgrib pa rab bcom yul ni pra phab brgyad lta bu/ /kun mkhyen bde ster de nyid gcig pu rdo rje 'dzin pa'i phyag rgya chen mo ste/ /de bor sangs rgyas nyid slad nor la chags shing 'khyogs pa'i snying ldan brtags ma dang/ /gang gi sten byed rnam brtags blo can de yis de yang 'pho ba thob par byed/ /'dod chags nyams las sdig ste gang phyir shin tu sdug ma las ni zhe sdang skye/ /sdang las gti mug 'di las rang gi rdo rje lhung las sems ni rtag smongs te/ /mchog min ma lus bza' dang btung ba la sogs yul gzhan dag la rab tu 'jug /de yi sems la co 'dris bde ba nyams shing skye ba drug tu 'khor bar 'gyur/ /kun mkhyen lam don gnyer ba rtsams la sgra dang sgra min rnam dpyad chen po med/ /sna tshogs yul skad ngan pa yis kyang chen po rnams kyi lam la rtag tu 'jug /sems can rnams kyi mos pa'i sems kyi dbang gis thams cad mkhyen pa'i gsung gzhan la/ /lung ston dag la lha klus bkod pa'i sgra sogs rtsod pa don gnyer rnams kyi gzhan/ /yul gyi skad dang zur chag sgra las kyang rnal 'byor ldan pas don ni 'dzin byed de/ /chu la 'o ma nges par zhugs pa ste/ /dad pas rab tu phyung nas 'thung bar byed/ /don dam de nyid yul la rtag tu ni/ /chen po rnam dag tshig la ston pa min/ /yul gyi ming rnams kyis ni don shes la/ /bstan bcos sgra dag gis ni ci zhig bya/ /gang zhig zur chag sgra dang sgrar gyur pas/ /brjod pa de nyid ye shes ma yin zhing/ /gang zhig 'gro ba dag la nyi tshe ba/ /de ni thams cad mkhyen pa'i gsung ma yin/ /mchog tu mi 'gyur bzhi pa de nyid ni/ /sangs rgyas rnams kyi shes rab ye shes te/ /gang zhig de ni slar yang de bzhin 'di/ /rang gi phyag rgya chen mor rgyal bas gsungs/ /shes rab 'grog la gang gis dkar po zab/ /de'i bde ba ci yis 'phel bar 'gyur/ /dpyid dang 'grogs la me tog ma rgyas pa/ /lhung ba tsu ta'i 'bras bu ci yis 'byung/ /gang gi 'gyur med ma thob sdug bsngal can/ /de ni 'gyur ba dang bcas bde ba tshol/ /thams cad chu ni tshol byed tsA ta ka /skom par gyur kyang sa la gnas pa min/ /'khor ba yi ni bde ba mi rtag pa/ /'thob pa min yang rmongs chen tshol bar byed/ /yang dag rgyal srid bde ba thob pa yang/ /thar pa'i don du mkhas pas 'dor bar byed/ /ji ltar lo yi mtshams su rgya lam na/ /ri dags zas can 'khrig pa'i bde ba tshol/ /rdo yi bye ma dag gi kha zas can/ /phug ron rnams ni rtag tu byed pa ste/ /lan cig rtag tu khu ba lhung ba'i phyir/ /gnyis ka la yang mchog gi bde ba med/ /de bzhin dka' thub can dang 'od ldan la/ /rmi lam sad pa dag las mdzag phyir ro/ /ji ltar gnyid log la yang sprul gyi ni/ /sa btab mi 'tsho de bzhin dka' thub pa/ /khu ba sdud pa med phyir stobs med ma'i/ /skye gnas de yis nyams bar byed pa'o/ /ji ltar rdo dreg skud pa'i gos dag ni/ /me yi sregs pa nyid kyi dag 'gyur ba/ /de bzhin skyes bu rnams kyi dam pa yi/ /sems ni shes rab ye shes dag gis so/ /ji ltar dngul chu me yi reg pa las/ /'bros par byed kyi g.yo ba med mi 'gyur/ /de bzhin thabs dang bral ba'i khu ba ni/ /rtag tu skye gnas reg pa dag las so/ /ji ltar g.yo ba de yang smon sogs kyi/ /stobs kyi me dang yang dag phrad bas 'ching/ /de bzhin khu ba shin tu rnal 'byor gyis/ /shes rab dag dang yang dag phrad pas so/ /ji ltar me ni shing la rtags nas kyang/ /bcad dang dbye ba'i thabs kyi mi mthong ste/ /gtsubs shing gtsubs stan lag pas bsrubs pa las/ /de la gnas pa dag kyang mthong gyur pa/ /de bzhin sems kyi 'od gsal rtog pa yi/ /sgom pa'i thabs rnams dag gis mi mthong ste/ /de nyid du 'di rkyang ma dag dang ni/ /ro ma gcig tu sbyor bas mthong bar 'gyur/ /sna tshogs rnam rtog la sogs lam gyis ni/ /de nyid de bzhin gshegs pas gang gsungs pa/ /bcu drug bzhi yis rab tu dbye ba can/ /lam dang bral ba 'thob pa ma yin no/ /bskyed pa'i rim par gsungs pa'i hUM dang ni/ /phaT yig la sogs rtog pa dang bral ba/ /rdzogs pa'i rim pa'i rnal 'byor de nyid de/ / de nyid kyi ni sgrub thabs gzhan yid min/ /du ba la sogs mtshan ma dag dang ni/ /srog rtsol dag gis dbu mar 'phab pa dang/ /rig ma'i rtul zhugs dag gis rdo rje ni/ /ltung min de bzhin steng du zhu ba ste/ /lam 'di dag gis sangs rgyas rnams kyi ni/ /bde ba mchog tu 'gyur ba med pa zhes/ /mngon par brjod pa 'am pho nya mo kun gyi/ /lhan cig skyes pa rnal 'byor pas thob 'gyur/ /gzugs la sogs par rdog pa dkyil 'khor gyi 'khor lo bsgom pa goms par gyur pas ni/ /grub pa 'jig rten pa dag 'grub 'gyur te 'dod pa'i dngos grub chen po ga la zhig / gang zhig sems can rnams la brtse ba yis/ /gzhan don dge la rtag tu brtson pa yis/ /slob ma dag pa rnams la lam dag ni/ /bla ma dam pa'i drin las 'byung ba yin/ /lam bzang rin chen 'di ni bag med kyi/ /sems can gzhan pa dag la byin pa na/ /rang khyim dgon pa dag tu rab zhugs la/ /yul ngan chom rkun rnams kyis 'phrog par byed/ /the tshom 'gyod pa dag dang gnyid dang ni/ /le lo rgod pa'i chom rkun rnams kyis kyang/ /gnyen 'dun thibs po'i nang du zhugs pa yi/ /lam bzang rin chen dag ni 'phrog par byed/ /srog gcod ma byin gzhan gyi bud med dang/ /rdzun dang tshig rtsub dag dang phra ma dang/ /'khyal par gyur pa'i tshig dang brnab sems dang/ /gnod sems lta ba ngan pa'i chom rkun dang/ /yod pa'i sdig dang nye bar sdig pa dang/ / gsod khu dbang po mngon par zhen pa ste/ /chom rkun lnga pa lnga po 'di dag gis/ /rin po che yi rtag tu 'phrog par byed/ /shin tu bza' dang btung ba sna tshogs dang/ /longs spyod du ma'i chom rkun de dag gis/ /brtson 'grus ldan du zin kyang bag med cing/ /rgyal bar gyur pa nyid la 'phrog par byed/ rang nyid kyis ni yongs su ma brtags par/ /rin thang chen por gyur pa yin ma yin/ /shes par bya phyir g.yon can gzhan la ston/ /de yi tshig gis rin chen 'dod par byed/ /gang dag rin chen bzang po rig pa rnams/ /rin chen chen po yongs su rtog du bzhugs/ /de dag rnams kyi rnam dag tshig gis ni/ /rang gi rin chen rnam par shes par bya/ /rdzogs sangs rgyas dang byang chub sems rnams dang/ /pha dang ma dang bu mo srid mo dang/ /bu dang spun zla 'dod pa'i chung ma yi/ /gzugs rnams dag gis bdud ni gegs byed do/ /de phyir bla ma dam pas gnang ba yi/ /lam bzang rin chen dag ni slob ma yis/ /chom rkun rtsa lag yongs su btang byas te/ /'bad pas shin tu legs par sba bar bya/ /dpa' bo'i rim pa dag byin brlab pa yi/ /rim pa dag kyang thar pa'i lam ma yin/ /shin tu rnam dag rim pa gcig po ni/ /thar pa'i slad du sangs rgyas rnams kyis bstan/ /mtshams med lnga po dag ni byas pa rnams/ /dbang don bde ba nyid ni gang zhig gis/ /thabs dang shes rab bdag nyid rgyud dag la/ /rgyal ba'i dbang pos yang dag bzung bar 'gyur/ /dpa' bo'i rim pa phyi rol la min te/ /lus la srog zad nyid la 'di gsungs so/ /bdag byin brlab pa dag ni stong pa la/ /khams gsum po ni mthong bar gyur pa'i mtshan/ /'khor ba'i snying po med de zad gyur pa/ /de las skyes pa'i sangs rgyas nyid 'bras te/ /chu shing gi ni 'bras bu smin pa dag /chu shing nyams pas yang dag 'byung ba bzhin/ /sdig pa dang ni shing srin sems can rnams/ /gang las byung ba de dag de nyams byed/ /de bzhin rnal 'byor dag gis sems de ni/ /sgyu ma rnam par nyams par byed pa yin/ /gnyis med g.yo ba med dang rig med dang/ /'dod dang mchog tu mi 'gyur 'dod chags che/ /dngos dang dngos po med pa med pa dang/ /ye shes dang ni sems dpa' kun tu bzang/ /nyon mongs med dang nyon mongs chen po dang/ /lhan skyes dpal ldan byang sems thig le 'dzin/ /dpal ldan dus kyi 'khor lo rdo rje dang/ /thabs dang shes rab bdag nyid rnal 'byor ro/ /snying rje dang ni stong nyid sku/ /dus ni kun rdzob gzugs can ma/ /stong nyid 'khor lo zhes brjod de/ /dus kyi 'khor lo gnyis med 'dod/ /'di yi dpal ni myur thob slad/ /rtag tu rnal 'byor ma rnams zhabs/ /rnal 'byor gang zhig bsgom pa de'i/ /bgegs ni rtag tu nyams par 'gyur/ /dgra dang seng ge glang chen dbang po me dang ltos 'gro'i bdag dang chom rkun zhags pas 'ching/ /chu gter 'khrug dang sha za 'chi ba'i 'jigs byed nad dang dbang po'i nye bar 'tshe ba dang/ /dbul dang bud med dang bral mi bdag 'khrugs pa'i 'jigs dang rdo rje ltung dang nor nyams rnams/ /gang zhig rnal 'byor ma rnams zhabs ni gsal bar dran byed de la rab tu nyams par 'gyur/ /glang chen shing rta rta dang rab tu mang ba'i mi mchog thams cad lus la go bgos shing/ /lag la mdung dang 'khor lo ral gri mda' gzhu dgra rnams kyis ni g.yul du 'joms byed pa/ /'chi ster drag po'i gzugs can phyogs dang mtshams son dgra ste thams cad rang gi mtshon gyis ni/ /bcom ldan rgyal ba'i grags pa gang zhig rnal 'byor ma rnams zhabs dran byed pas kun nas 'thob/ /kun nas seng ge'i sgra sgrogs shin tu rnam par 'gyur ba'i gzhi ldan mche ba rnon po gtsigs/ /rnga ma g.yo zhing sder mo gug la brtan pas glang chen myos pa'i glad pa rab tu 'gems/ /rab khros nyi ma 'char ka'i mig can ro 'dzin ral gri g.yo ba'i gsod 'dod ral pa can/ /gang gis rnal 'byor ma rnams zhabs dag 'jigs 'brog dran pa de la ring du 'gro bar 'gyur/ /mdog sngo mig ni ser skya 'gram pa gnyis po myos pa'i chu bo rab tu mang bas gang/ rnam mang ljon pa mchog rnams rtsad nas 'byin cing rab tu grugs byed 'brug bzhin sgra dag sgrogs/ /lag pas bcing ba byas nas so yi rtse mo dag gis 'byed byed rab mchog glang po'i bdag /gang gis rnal 'byor ma rnams zhabs dag 'jigs 'phrog dran pa de yi lus ni gtong bar byed/ /kun nas me lce rab 'bar phyogs dang mtshams su du ba kun gyis mun pa chen po gtibs/ /grong dang dgon pa dus cig sreg cing skar mda' ltung ba bzhin du me stag spro bar byed/ / sems can rnams la dus kun du ni pA chi ga'i 'jigs byed phyogs kun khyab par gyur pa'i me/ /gang gi rnal 'byor ma rnams khabs dag 'jigs 'phrog dran pa de la bsil pa nyid du 'gyur/ /khros shing mig sman sngon po'i mdog dang 'khyog por bgrod pa'i lus can drag po'i phugs sgra sgrogs/ /mche ba 'khyog po lce gnyis dad ldan 'chi ba'i 'jigs byed rlung gi gzugs can rab tu gtum/ /drag po'i mig dang ge dang ka gsal byas yang dag phrad pa za par byed pa'i gdengs can dbang// gang gis rnal 'byor ma rnams zhabs dag 'jigs 'phrogs dran pa de la rab tu nyams par 'gyur/ /sdang ba'i sems ldan lag pa'i mthil na gzhu dang rna ba'i bar du mnga' bkad mdung dang ni/ /'khor lo ral gri lag thogs phyogs dang mtshams su gnas pas dam pa'i lam gyi sa bkag nas/ /dgon par lam 'gron skye bo rgyu ba dang phrad 'joms byed drag po'i mig can chom rkun pa/ /gang gi rnal 'byor ma rnams zhabs dag 'jigs 'phrog dran pa de la ring ba nyid du 'gyur/ /lag pa dag ni zhags pas bcings shing rkang pa'i pad+ma zung ni lcags sgrog dag gis gtams/ /dge ba'i chu dang bral bas lce dang mgrin pa chu skams lus po skem zhing bgres pas bzing/ /nyin mtshan dus su rje bo khros pa'i bka' yis kun du srung ma rnams kyis srung byed pa/ /gang gi rnal 'byor ma rnams zhabs dag 'jigs 'phrog dran pa de yang de las grol bar 'gyur/ /chu gter gzhon pa la zhon mdza' yas drag po'i rlung gi chu yi gter ni 'khrug byed cing/ /kun tu 'khod bar byed la chu gter chom rkun chu srin nya yi rigs kyis bkag gyur te/ /me yi til mar gdug pas 'phangs pa me yi char chen kun nas rgyun du 'bab pa la/ /gang gis rnal 'byor ma rnams zhabs dag 'jigs 'phrog bran pa de yang na las pha rol 'gro/ phaT ces 'jigs rung sgra sgrogs kha nas me 'bar lag na gri gug dang ni thod pa thogs/ ro langs gdug pa'i sems ldan phyogs bcu'i dkyil 'khor dag la yang dag gnas shing 'jigs par byed/ bkres pas gzir te sha dag za zhing mi khrag la dga' lus skams gos dang bral ba dus de gang gi rnal 'byor ma rnams zhabs dag 'jig 'phrog dran pa de la srung bar byed par 'gyur/ /nyin bzhin 'khun zhing sor mo'i rtse mo zlum po nyams te sna dang mchu dang rna ba nyams/ /gdong dang mgrin pa rkang lag dag gi rma rnams las ni rnag rul mang po drag dang tu? lag / rul pa'i dri pa'i mthu las gnyen pa shes tshogs kyi shi ba'i lus bzhin yongs su btang gyur pa/ /gang zhig rnal 'byor ma rnams zhabs bzang dran byed nas kyis btang zhing 'dod dang ldan par 'gyur/ /'bar bcas mche gnon gdengs can 'brog bya sha ba d+ha dang stag dang glang chen gdod ldan zhing/ /lag na 'khor lo ral gri mda' dang rtse gsum lcags kyu rdo rje thogs pas phyogs kun tu/ /byang chub bsam gtan gcig gzhol mchog bde la gnas sgrub pa po bsdigs dang dpo'i pho nya gang/ /de dag rnal 'byor dbang phyug ma zhabs gang gis rang yid la byed de la nyams par 'gyur/ /dbyar ni nags nas grong gi bar du 'dam rdzab kyis gang lam dag la yang khur khyer zhing/ /dgun ni gos dang bral bas kha ba'i lam du bgrod cing yul gzhan dag tu 'ang 'gro bar byed/ /so ga chu med 'jigs bcas mya ngan lam du nyi ma'i 'od zer gyis gdungs dbul po gang/ /rnal 'byor ma rnams zhabs bzang sgom byed sdug bsngal de dag gis btang 'dod dang ldan par 'gyur/ /mchan khung mig dang rna ba sna dang kha lus brjod pa dag las mi bzang dri 'byung zhing/ /bud med kun dang bral bas dus kun tu ni dga' ba'i bde ba dang bral skal ngan te/ /mi dge 'bras bu'i dbang gis rtag tu bud med sdang bar gyur pa gang la de dag kun/ /rnal 'byor ma rnams zhabs ni bde ba mchog sbyin bsgoms pas bskal bzang kha dog gzugs can 'gyur/ /'khus phyir g.yog 'khor dang la mi dbang 'khrugs te 'jigs pa'i gshin rje lta bur mdza' cig tu/ /gsod pa la zhen 'chi ba'i 'jigs pa byed pa'i sde rnams yang dag myur du sku la byed pa/ /rnal 'byor ma rnams zhabs ni 'jig rten gsum po kun gyi mgon dag rang yid la bsgoms pas/ /de dag rnams kyis de yang rab tu zhi zhing 'dod pa thams cad sbyin pas mchog sbyin 'gyur/ /gang dag 'ga' zhig tu ni nam mkha' las rdo rje rab ltung bud med 'grogs las rtag par yang/ /skye dang skye ba gzhan slad 'chi dang rgyal dang chags bral slar yang byed pas rnal 'byor ma'i/ /dpal ldan las dang ye shes mchog gi chu skyes la gnas rdo rje'i zhabs dag bsgoms pa yis/ /de dag rnams kyi de yang rab zhi 'chil nyid 'gyur slar yang skye ba ldan pa min/ /gang dag nyin dang mtshan mor bud med 'grogs la rnam par chags pas nor kun nyams 'gyur zhing/ /skye ba gzhan gyi bag chags bgos pa'i sems las de ni slar yang mang po rab 'byung bas/ /shes rab rnal 'byor ma rnams dag gi mi mnyam mnyam pa'i zhabs ni sna tshogs gzugs can gang/ /rgyal ba mchog gis mchod cing bstod pa bsgoms pas de ni nor kun nyams par mi 'gyur ro/ /ser skya lug dang kun 'dar ma ste nyi zla sgra gcan lam gsum bgrod rnams rnal 'byor ma/ /dngos dang dngos med rab nyams mnyam bgrod zhabs de dag ni de dag rnams kyi ye shes sku/ /de yi lhan skyes bde ba'i go 'phang 'gyur med cig 'di de dag de nyid gang gis dran/ /de yi skye ba 'di la ma lus 'jigs 'phrog 'dir brjod 'bras bu myur du 'byung bar 'gyur/ /dpal ldan rnal 'byor ma rnams dag gis rdo rje nor bu'i khyim ni gnas te der 'jug lam/ /nyon mongs med cing bdud nyams sngon du rgyal bas gsungs pa'i bstod pa bdag gis 'dir brjod do/ / skyes bu gang dag bdud kyis grogs kyis rtag tu mi bden mun par song zhing lam nyams pa/ /de dag rnams kyis lam 'di thob nas rdo rje nor bu'i khyim dang ring min 'ong gyur cig /ngu ba la sogs lam gyi lhan skyes pa'i bde ba'i go 'phang bsgoms nas de ni dus 'khor lo/ /sum cu rtsa gnyis mtshan gyi yan lag 'gro ba'i bla ma chos kyi 'khor lo 'di la gnas/ /lha gnas mgo yi gtsug gi nor bu'i 'od zer tshogs kyi zhabs kyi pad+ma la gtugs shing/ /dam pa'i lam ni ston byed nyin mor byed pa bzhin du mun pa thams cad 'joms par 'gyur/ /lha klu mi dang lha min dbang po'i cod pan dag gis zhabs pad la gtugs gang/ /yang dag ye shes nyin byed 'gro ba gsum gyi dpal ldan chos kyi 'khor lor gnas/ /bdud dang nyon mongs ri dwags rab gtum gsod byed dpal ldan shAkya seng ge de'i/ /rtag tu 'grol brtse dang de yi shes rab kyis bskul 'grel bshad bdag gis bris/ /kA yig las ni sgyu zhi ba/ /la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /dus ni 'gyur med bde ye shes/ /thabs dang snying rje'i bdag nyid de/ /'khor lo shes bya'i rnam 'gro dpal/ /shes rab stong nyid bdag nyid do/ /'di ni dpal ldan dus 'khor lo/ /rdo rje rnal 'byor thams cad nas/ /bden pa gnyis la gnas pa 'di/ /mngon par brjod pa'i rjod byed 'gyur/ /bde bar gshegs pas lung bstan cing/ /'jam dpal gyis ni skul gyur pa/ /'jig rten mgon po bdag gis ni/ /rgyud 'di'i 'grel bshad bri bar bya/ /byis pa mkhas pa rmongs rnams la/ /rgyud kyi gsad pa'i gsal byed de/ /ma yi bu la phan pa bzhin/ /lus can thams cad bde don du'o/ /rdo rje sems dpa' lam mchog ni/ /gang gi rnal 'byor pas rig byed/ /de phyir dri ma med pa'i 'od/ /'grel bshad 'di ni myur du dri/ /bsdus pa'i rgyud kyi rgyal bo dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od ces bya ba las bdud dang bgegs mdza' dag nyams par byed pa/ mchog gi 'dod pa'i lha dang/ dam pa'i lam nges pa'i mdor bsdus chen po ste dang po'o/ / //'dir dang por re zhig rtsa ba'i rgyud kyi rjes su 'brangs te brjod bya dang brjod byed dang 'brel pa la sogs pa dang bsdus pa'i rgyud la sogs pa lung bstan pa brjod par bya ste / phyi nas bsdus pa'i rgyud la dgos pa dang/ dgos pa'i dgos pa la sogs pa yang ngo/ /'di la dang por re zhig brjod bya dang rjod byed dang 'brel pa dang/ dgos pa dang dgos pa'i dgos pa rnams mngon par gzigs nas/ gdul bya'i skye bo nges pa dang bral ba rnams la rang gi sems kyi bsam pas skye ba 'di la sangs rgyas nyid kyi 'bras bu rab tu ster ba/ bde ba chen po'i gnas mchog gi dang po'i sangs rgyas rdo rje dbyings kyi dkyil 'khor chen por rdo rje seng ge'i khri la bzhugs pa sangs rgyas dang byang chub sems dpa' dang khro bo'i rgyal po dang lha dang klu dang lha dang lha mo'i tshogs kyis yongs su bskor ba/ khams gsum pas zhabs kyi padmo la phyag byas pa/ khams gsum gyi 'khor lo sgyur ba/ mchog gi dang po'i sangs rgyas rigs med pa/ bcom ldan 'das dpal dus kyi 'khor lo la/ zla ba bzang pos gsol ba btab par gyur pa yis/ mchog gi dang po'i sangs rgyas stong phrag bcu gnyis pa/ rigs med pa rgyud kyi rgyal po dus kyi 'khor lo/ rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa/ rgyud thams cad kyi rdo rje'i tshig mngon du gyur pa/ sangs rgyas rin chen za ma gtog kha 'byed pa/ 'jig rten dang 'jig rten las 'das pa'i bden pa la brten pa/ rdzogs pa'i byang chub pa rnam pa bzhi dang rdo rje rnam pa bzhi yongs su dag pa/ sku bzhi dang/ rigs drug dang/ bden pa bcu gnyis dang/ de kho na nyid bcu drug dang/ stong pa nyid bcu drug dang/ snying rje bcu drug gi bdag nyid kyis brjod par bya ba rjod par byed pa/ dbang skur ba 'jig rten pa'i bcu dang/ 'jig rten las 'das pa'i bcu gcig pa rab tu gsal bar byed pa las kyi phyag rgya dang/ ye shes kyi phyag rgya dang/ phyag rgya chen mo dang/ 'jig rten dang 'jig rten las 'das pa'i dngos grub rab tu gsal bar byed pa/ 'jig rten gyi khams dang/ nang dang/ mngon par dbang bskur ba dang/ sgrub thabs dang ye shes de/ le'u lnga'i bdag nyid dang/ brtag pa lnga'i bdag nyid ni/ mi la sogs pa'i sems can mdza' dag gis yang dag par rdzogs pa'i sangs rgyas nyid thob par bya ba'i phyir yang dag par bstan to/ /de las bsdus pa'i rgyud yang dag par sdud par byed pa la 'jam dpal dang/ ma 'ongs pa'i dus su tshangs pa'i drang srong rnams gdul bar bya ba'i don du 'grel bshad byed pa la bdag dang/ rgyud ston pa'i don du gshin rje mthar byed la sogs pa gzhan rnams dang/ sham b+ha la'i yul la sogs pa grong khyer bye ba phrag dgu bcu rtsa drug na gnas pa'i sems can thams cad dam pa'i lam thob pa la de bzhin gshegs pas lung bstan to/ /'dir rdul phra rab 'dus pa sngon du 'gro ba ni 'jig rten gyi khams so/ /'jig rten gyi khams sngon du 'gro ba ni sems can rnams so/ /sems can sngon du 'gro ba ni 'jig rten dang 'jig rten las 'das pa'i mngon par dbang bskur ba'o/ /mngon par dbang bskur ba sngon du 'gro ba ni bsod nams kyi tshogs dkyil 'khor gyi 'khor lo bsgoms pa goms pas 'og min gyi srid pa'i mthar thug pa 'jig rten pa'i dngos grub bsgrub pa'o/ /'jig rten pa'i dngos grub sngon du 'gro ba ni/ bsod nams dang ye shes kyi tshogs dag dang skye ba snga ma'i stong pa nyid dang snying rje kun rdzob dang dmigs pa med pa'i bag chags kyi stobs kyis rdul phra rab 'dus pa las 'das shing/ dkyil 'khor la sogs pa rnam par rtog pa'i sgom pa dang bral ba phyag rgya chen po'i ye shes kyi dngos grub sgrub pa'o/ /de bas na dang por 'jig rten gyi khams kyi rtog pa'o/ /de nas nang gi brtag pa'o/ de nas dbang bskur ba'i brtag pa'o/ /de nas 'jig rten pa'i dngos grub bsgrub pa'i brtag pa'o/ /de nas mchog tu mi 'gyur ba'i ye shes bsgrub pa'i brtag pa ste/ de ltar na rim pa ji lta ba bzhin rgyud kyi rgyal po ni brtag pa lnga'am le'u lnga'i bdag nyid do// 'dir thabs dang shes rab kyi bdag nyid rdo rje'i rnal 'byor dang po'i sangs rgyas rigs med pa bcom ldan 'das dus kyi 'khor lo ni brjod par bya'o/ /de yang le'u lnga po 'di'i ngo bo nyid kyi gnas te/ dang por re zhig 'jig rten gyi khams kyi le'u la/ /thams cad mkhyen pa zhes pa la sogs pa ston pa po'i ngo bo nyid kyis gnas pa dang/ gnas brtan pa'i ngo bo nyid kyis gnas pa dang/ 'khor chen po phun sum tshogs pa'i ngo bo nyid kyis gnas pa dang/ gsol ba 'debs pa po'i ngo bo nyid kyis gnas pa dang/ rdo rje'i rnal 'byor brjod par bya ba dang/ rjod par byed pa dang/ dgos pa'i dgos pa la sogs pa zhus pa'i ngo bo nyid kyis gnas pa dang/ stong pa chen po yi ge lnga la sogs pa dang sna tshogs 'byung ba dang dkyil 'khor dang dbang bskur ba gsol ba 'debs pa'i ngo bo nyid kyis gnas pa dang/ ston pa po'i lam gyi ngo bo nyid kyis gnas pa dang/ 'jig rten gyi khams dang/ gza' dang/ rgyu skar dang/ sems can dang sngags dang srog la sogs pa 'byung ba dang sdud pa'i ngo bo nyid kyis gnas pa dang/ rlung la sogs pa'i dkyil 'khor dang rgya mtsho dang gling dang ri'i grangs kyi ngo bo nyid kyis gnas pa dang/ srid pa sum cu rtsa gcig gi ngo bo nyid kyis gnas pa dang/ 'khor lo sgyur ba chen po 'byung ba'i ngo bo nyid kyis gnas pa dang/ shin tu phra ba'i dbugs la sogs pa nyin mo'i tshad la sogs pa'i ngo bo nyid kyis gnas pa dang/ 'jam dpal lung bstan pa'i ngo bo nyid kyis gnas pa dang/ grub pa'i mdza' dang/ byed pa'i skar rtsis kyis ngo bo nyid kyis gnas pa dang/ dbu ma'i rtsa'i dbugs rnams las gza'i rkang pa dang/ rgyu skar gyi rkang pa skye ba'i ngo bo nyid kyis gnas pa dang/ khyim bcu gnyis kyi gnas pas sa 'khor ba'i ngo bo nyid kyis gnas pa dang/ dbyangs 'char ba la sogs pa'i ngo bo nyid kyis gnas pa dang/ sgra gcan la sogs pa sa'i stobs kyi ngo bo nyid kyis gnas pa dang/ rjod 'choms pa dang bsrung ba'i 'khrul 'khor gyi ngo bo nyid kyis gnas pa dang/ 'khor los sgyur bas dum bu bcu gnyis su 'khor ba'i ngo bo nyid kyis gnas pa dang/ kla klo'i chos bcom nas sangs rgyas kyi chos rab tu 'jog pa'i ngo bo nyid kyis gnas pa dang/ sems can mdza' dag la 'jig rten dang 'jig rten las 'das pa'i dngos grub kyi lam 'das pa'i dngos grub lam sbyin pa'i ngo bo nyid kyis gnas pa dang/ 'jam dpal dang/ 'jig rten dbang phyug sngon bdun dang phyi rgyab mar ston pa po'i ngo bo nyid kyis gnas pa dang/ 'khor lo sgyur ba chen po la sogs pa rigs ldan gyi mthar thug par mi rnams mchog gi tshe'i ngo bo nyid kyis gnas pa zhes bya ba ni 'jig rten gyi khams kyi le'u la'o// //de nas nang gi le'u la/ dang por mngal 'dzin pa dang sdud pa'i ngo bo nyid kyis gnas pa dang/ rdul dang khu ba dang kun gzhi rnam par shes pa yang dag par sbyor ba'i ngo bo nyid kyis gnas pa dang/ zla ba so so re re zhing mngal 'byung ba'i ngo bo nyid kyis gnas pa dang/ nya la sogs pa gnas skabs bcu'i ngo bo nyid kyis gnas pa dang/ sku bzhi dang rdo rje dag pa'i ngo bo nyid kyis gnas pa dang/ rdzogs pa'i byang chub bzhis mngal 'byung ba'i ngo bo nyid kyis gnas pa dang/ dbugs drug brgya lhag pa'i stong phrag nyi shu rtsa gcig dang/ rtsa stong phrag bdun cu rtsa gnyis dang/ tshigs kyi gnas sum brgya drug cu dang/ khams drug dang/ ro drug dang/ dbang po drug dang/ yul drug dang/ las kyi dbang po drug dang/ yul drug dang/ rnam par shes pa drug dang/ 'du byed drug dang/ tshor ba drug dang/ 'du shes drug dang/ gzugs drug dang/ ye shes drug dang/ 'khor lo drug dang/ dkyil 'khor drug steng dang 'og gi ngo bo nyid kyis gnas pa dang/ lte ba'i chu skyes la sogs pa'i 'dab ma dang/ sna bug dag la g.yon dang g.yas kyi dkyil 'khor phung po lnga dang khams lnga 'bab pa'i ngo bo nyid kyis gnas pa dang/ dbu ma la rgyud mdza' dag 'byung ba'i ngo bo nyid kyis gnas pa dang/ srog la sogs pa rlung gi bya ba'i ngo bo nyid kyis gnas pa dang/ khams rnams las lha'i mtshan ma 'byung ba'i ngo bo nyid kyis gnas pa dang/ nyi ma dang zla ba dang me'i 'chi ltas kyi ngo bo nyid kyis gnas pa dang/ las kyi rnam par smin pas 'gro ba drug tu skye ba'i ngo bo nyid kyis gnas pa dang/ rtsa la sogs pa gza' rkang pa 'chad pa'i ngo bo nyid kyis gnas pa dang/ dbu mar zhugs pa'i dga' ba la sogs pa rnams kyi 'chi ltas kyi 'chi ba slu ba'i ngo bo nyid kyis gnas pa dang/ phyi rol 'jig rten pa'i bya ba sgrub pa'i ngo bo nyid kyis gnas pa dang/ lta ba thams cad rjes su dpag pas yongs su brtag pa'i ngo bo nyid kyis gnas pa dang/ sems can sna tshogs kyi 'dod pa dang rjes su mthun par chos rab tu bzhag pa'i ngo bo nyid kyi gnas pa zhes bya ba ni nang gi le'u la'o// //de nas dbang gi le'u la/ dang por bla ma yongs su brtag pa'i ngo bo nyid kyis gnas pa dang/ mchog dang 'bring dang tha ma'i slob ma yongs su brtags te bsdu ba'i ngo bo nyid kyis gnas pa dang/ las rab 'byams bsgrub pa la grong la sogs pa'i phyogs kyi cha dang/ sa la sogs pa'i mtshan nyid kyi ngo bo nyid kyi gnas pa dang/ thabs khung dang/ sbyin sreg gi rdzas dang/ bgrang 'phreng dang/ gdan dang/ phur bu dang/ bum pa dang/ rdul tshon dang/ thig skud dang/ 'khrul 'khor dgod pa'i mtshan nyid kyi ngo bo nyid kyis gnas pa dang/ sa yongs su bzung ba dang/ dkyil 'khor bri ba dang/ de nyid bcu yongs su shes pa'i ngo bo nyid kyis gnas pa dang 'jig rten pa dang 'jig rten pa las 'das pa'i dbang sbyin pa'i ngo bo nyid kyis gnas pa dang/ thams cad rab tu gnas pa'i ting nge 'dzin gyi ngo bo nyid kyis gnas pa dang/ dam tshig gi 'khor lo 'dus pa dang/ dam tshig gi mchod pa'i ngo bo nyid kyis gnas pa dang/ rigs gsum cu rtsa drug gi lha mo'i phyag rgya dang/ lta stangs dang mtshan dang dam tshig gi brda dang rigs la sogs pa'i ngo bo nyid kyis gnas pa dang/ dkyil 'khor gyi 'khor lo gshegs su gsol ba'i ngo bo nyid kyis gnas pa dang/ chu bo chen po la sogs pa dang rang rang gi khyim du rdul tshon dang tshogs kyi 'khor lo gshegs su gsol te/ mchod pa'i ngo bo nyid kyis gnas pa dang/ dpal ldan bla ma dbul ba thams cad kyis mnyes pa'i ngo bo nyid kyis gnas pa zhes bya ba ni dbang gi le'u la'o// //de nas sgrub thabs kyi le'u la/ dang por srung ba'i 'khor lo la sogs pa dang/ gdod dag pa dang/ rang gi snying ga'i zla ba'i sa bon gyi 'od zer rnams las de bzhin gshegs pa spro ba'i ngo bo nyid kyis gnas pa dang/ bla na med pa'i mchod pa dang/ sdig pa bshags pa dang/ bsod nams la rjes su yi rang ba dang/ skyabs su 'gro ba gsum dang/ bdag nyid dbul ba dang/ byang chub tu sems bskyed pa dang/ lam bsten pa dang/ stong pa nyid la dmigs pa la sogs pa'i ngo bo nyid kyis gnas pa dang/ bskyed pa'i rim pa la dkyil 'khor rgyal mchog dang las rgyal mchog dang/ thig le'i rnal 'byor dang phra mo'i rnal 'byor la sogs pa'i sgrub thabs kyi ngo bo nyid kyis gnas pa dang/ phyi rol 'jig rten pa'i dngos grub kyi sgrub thabs kyi ngo bo nyid kyis gnas pa dang/ mchod sbyin la sogs pa dang rig byed kyi mdza' gsang ba'i de kho na nyid kyi ye shes dang yan lag drug gi sbyor ba la sogs pa'i sgrub thabs kyi ngo bo nyid kyis gnas pa dang/ sbyin pa la sogs pa bsod nams kyi tshogs kyi ngo bo nyid kyis gnas pa dang/ mngon sum dang lkog du gyur pa'i sems bsgom pa'i ngo bo nyid kyis gnas pa zhes bya ba ni sgrub thabs kyi le'u la'o// //de nas ye shes kyi le'u la/ dang por lus kyi rus pa la sogs pa'i khams rnam par dag pa'i dkyil 'khor gyi ngo bo nyid kyis gnas pa dang/ sku dang gsung dang thugs dang rigs drug gi lha'i ngo bo nyid kyis gnas pa dang/ a la sogs pa dang ka la sogs pa sngags kyi rigs drug gi ngo bo nyid kyis gnas pa dang/ thabs dang shes rab kyi rgyud sum cu rtsa drug gi ngo bo nyid kyis gnas pa dang/ thabs dang shes rab dang bya ba dang rnal 'byor rjes su rig pa dang sdom pa chen po dang 'khor los sgyur ba drug spro ba'i ngo bo nyid kyis gnas pa dang dbang bzhi pa mchog tu mi 'gyur ba phyag rgya chen po'i ye shes kyi dngos grub kyi sgrub thabs kyi ngo bo nyid kyis gnas pa dang/ ye shes kyi dkyil 'khor spro ba'i ngo bo nyid kyis gnas pa dang/ byang chub kyi sems bsten pa'i sgrub thabs kyi ngo bo nyid kyis gnas pa dang/ shes pa dang shes bya rnam pa kun gyi bdag nyid phyag rgya chen po'i dngos grub kyi ngo bo nyid kyis gnas pa dang/ lus dang ngag dang sems kyi bya ba thams cad brtag pa'i ngo bo nyid kyis gnas pa dang/ chos kyi phung po stong phrag brgyad cu rtsa bzhi bstan pa'i ngo bo nyid kyis gnas pa dang/ sangs rgyas gyi zhing bsdu ba'i ngo bo nyid kyis gnas pa dang/ nam mkha' i khams la ri rab kyi rdul phra rab dang mnyam pa'i byang chub sems dpa' sems dpa' chen po rnams dang thabs cig tu bzhugs pa'i ngo bo nyid kyis gnas pa dang/ sangs rgyas kyi zhing 'byung ba'i ngo bo nyid kyis gnas pa dang/ sangs rgyas kyi zhing rdo rjer byin gyis brlabs pa'i ngo bo nyid kyis gnas pa dang/ mos pa sna tshogs pa'i sems can gyi bsam pa'i dbang gis chos bstan pa'i ngo bo nyid kyis gnas pa dang bcud dang bcud len pa la sogs pa lus kyi dngos grub kyi sgrub thabs kyi ngo bo nyid kyis gnas pa dang/ mchog tu mi 'gyur ba'i bde bas sems can thams cad kyi don mdzad pa'i ngo bo nyid kyis gnas pa dang/ chos yang dag par bsdu ba dang/ rtsis kyi ming bsdu ba'i ngo bo nyid kyis gnas pa dang/ yi ge lnga dang yi ge drug gi stong pa chen po dang thig le stong pa la bstod pa'i ngo bo nyid kyis gnas pa zhes bya ba ni ye shes kyi le'u la'o/ / //des na rim pa 'dis gsungs pa'i phyir le'u lnga'i ngo bo nyid kyis gnas pa'i bcom ldan 'das dus kyi 'khor lo ni 'dir brjod par bya'o/ /'dir ston par byed pa'i le'u'i tshogs rgyud kyi rgyal po ni rjod par byed pa'o/ /brjod bya rjod byed 'di dag phan tshun brjod bya rjod byed kyis mtshan nyid ni 'brel ba ste/ brjod par bya ba ni bcom ldan 'das dus kyi 'khor lo le'u lnga'i ngo bo nyid kyis zhugs pa yin la/ rjod par byed pa ni dus ni 'khor lo rjod par byed pa le'u lnga'i bdag nyid do/ /yang dang po'i sangs rgyas bcom ldan 'das ni brjod par bya ba yin la/ rjod par byed pa ni dang po'i sangs rgyas rjod par byed pa'o/ /zhes bya ba brjod bya rjod byed kyi mtshan nyid ni brjod bya rjod byed kyi 'brel ba'o/ /de nas dkyil 'khor du zhugs pa las 'jig rten pa'i dbang sbyin pas bsod nams kyi tshogs kyi don byed pa ni dgos pa'o/ /shes rab chen po 'jig rten las 'das pa'i dbang bzhi pa sbyin pas rigs med pa phyag rgya chen po'i dngos grub thob pa la/ bsod nams dang ye shes kyi tshogs kyi don byed pa ni dgos pa'i dgos pa ste/ brjod bya la sogs pa'i mtshan nyid 'di dag nyid mngon par gzigs nas/ gdul bya'i skye bo des pa dang bral ba rnams la rang gi sems kyi bsam pas shes bya ba la/ nges pa ni nyan thos pa'i mchog gi sdom pa 'dod pa lnga la nye bar longs spyod pa dang bral ba'i tshul khrims kyi sdom pa ste de dang bral ba ni nges pa dang bral ba'o/ /de dag gi rang gi sems kyi bsam pa ni 'dod pa lnga la nye bar longs spyod par 'dod pa'o/ /de bzhin du dbang po gnyis kyis bde ba chen po 'dod pa ni nges pa dang bral ba rnams kyi rang gi sems kyi bsam pa ste/ rang gi sems kyi bsam pa 'dis skye ba 'di la sangs rgyas nyid kyi/ 'bras bu rab tu ster ba zhes bya ba ni skye ba 'di'i mi'i skye ba la sangs rgyas nyid kyi 'bras bu rab tu ster ba rgyud kyi rgyal po'o/ /lha la sogs pa 'gro ba lnga'i skye ba la ni ma yin no/ /de ci'i phyir zhe na/ las kyi ma yin par skyes pa'i phyir ro/ / 'dir lha la sogs pa rnams la yang mi'i skye ba thob nas sangs rgyas nyid kyi 'bras bu rab tu gter bar 'gyur ro zhes bya ba ni bcom ldan 'das kyis nges pa'o/ /bsod nams dang ye shes kyi tshogs dag dang khams drug gi bdag nyid can skyes bu chen po'i gang zag la'o/ /zhes pa ste/ rnam pa gzhan du las ngan pa dang ldan pa'i mi'i skye ba 'di la sangs rgyas nyid kyi 'bras bu rab tu ster ba ni ma yin no/ /zhes bya ba de bzhin gshegs pa'i nges pa'o/ /cis te sngags kyi theg pa 'dir sangs rgyas bcom ldan 'das kyis gsungs pa ni 'di lta ste/ gdol ba smyig ma mkhan sogs dang/ /mtshams med lnga rnams ni byed pa rnams/ /sngags kyi spyod pa rjes spyad na/ /skye 'di nyid la sangs rgyas 'gyur/ zhes pa yin no zhe na/ bcom ldan 'das kyi gsung 'di ni bden te/ skye ba 'di la sngar mtshams med pa lnga la sogs pa mi gzad pa'i las gang byas pa de dag sngags kyi theg pa 'dir phyag rgya chen po mi 'gyur ba'i bde ba'i ting nge 'dzin gyis bcom nas/ mi dge ba glo bur ba bzhan mi 'jug par bya ba'i phyir/ /rdo rje chos 'byung gi khang par bdud bzhi dang bgegs kyi dgra 'jug pa'i sgo rnams la/ byams pa dang snying rje dang dga' ba dang/ btang snyoms la sogs pa dang byang chub kyi phyogs kyi sgo glegs bcug nas/ /de nyid du rdo rje sems dpa' dang phyag rgya chen po dang/ lhan cig tu bsgrubs te mtshams med pa lnga byed pa po rnams kyang skye ba 'di la sangs rgyas nyid kyi 'bras bu thob par 'gyur ro zhes pa ni de bzhin gshegs pa bzhed kyi/ sngags kyi theg par zhugs pa'i rjes la mtshams med pa lnga la sogs pa mi bzad pa'i las byed pa rnams kyang skye ba 'di la sangs rgyas nyid kyi 'bras bu thob par 'gyur ro zhes bya ba ni de bzhin gshegs pa yang dag par bzhed pa ma yin no/ /'dir theg pa gsum ga la yang bcom ldan 'das kyi gsung ni thog mar dge ba/ bar du dge ba/ tha mar dge ba zhes bcom ldan 'das kyis gsungs pa'i phyir/ sngags kyi theg pa la zhugs pa'i rjes la sdig pa byas dang sangs rgyas nyid kyi 'bras bu thob par 'gyur ro zhes pa ni de bzhin gshegs pa'i nges pa ma yin no/ /'o na sngags kyi theg pa 'dir rnal 'byor pa rnams kyis sha bza' bar bcom ldan 'das kyis gsungs la/ de nyid kyang rtag tu srog bcad pa las 'byung ste/ srog gcad pa med par ni 'ga' zhig gi tshe srid do/ /gal te za ba po med na gsod pa po yang mi 'byung ngo/ /de'i phyir za ba po dang gsod pa po dag srog gcod par 'gyur ro/ /'dir yang nyi ma so sor sngags pas dam tshig bzhi bya'o/ zhes pa ni de bzhin gshegs pas nges pa'o zhe na/ de ni bden te/ rgyu gang gi phyir mtshan ma dang kha na ma tho ba dang bcas pas srog gcod par 'gyur ba/ rgyu de'i phyir rnal 'byor ba rnams kyi mtshan ma med pa dang kha na ma tho ba med pa go ku la sogs pa bza' bar bcom ldan 'das kyis gsungs so/ /'dir yul gang na 'jig rten pa rnams kyis gang bza' ba ma yin pa dang/ gang gtsod ba ma yin pa go ku la sogs pa rang gi las kyis shi ba dang/ g.yul du las ngan pa 'am rang gi skyon gyi chom rkun la sogs pas gsang ba de dag thams cad rnal 'byor bas bza' bar de bzhin gshegs pas gsungs so/ /rdzas kyis nyos pa ni ma yin zhing pa med la sogs pa dang mchod sbyin la sogs pa'i bya ba la gsang ba yang ma yin te/ mtshan ma dang bcas pa'i sha bza' o zhes ni de bzhin gshegs pas ma gsungs so/ /yang gang zhig nyi ma so sor dam tshig bya ba de ni kha na ma tho ba med pa'i go ku la sogs pa lnga lnga dang/ rnam par snang mdzad la sogs pa lnga'i ri lu yungs kar kyi tshad tsam nyi ma so sor dam tshig bsten pa'i don du bya'o/ /rtag par kha na ma tho ba med pa'i chang dang bud med ni bsgom pa'i slad du rmongs pa med pa'i chos kyis gsungs so/ /rtsa ba'i rgyud las kyang bcom ldan 'das kyis gsungs pa 'di lta ste/ lha dang rang 'jigs pha mes dang/ /'dod grub don dang btsong phyir yang/ /gdul ka sdig pa byed rnams kyis/ /gnod byed min pa'i sems can bsad/ /de yi sha de nyo ba dang// za 'dod kha na ma tho bcas/ /ma blangs snod du lhung gyur pa/ /de nyid kha na ma tho med/ /srog chags cig gi sha dag ni/ /mang po rnams kyis thos pa mchog /srog chags du ma'i sha dag ni/ /yid skyes gcig gis zos pa min/ /snying rje skyed de de nyid las/ /rnam par mi rtog sems kyis ni/ /rnal 'byor ldan pas bza' bya ba/ /kha na ma tho med gzhan min/ /rigs su 'dzin pa gzhom pa'i phyir/ /rtag tu bza' dang btung ba dang/ /rigs min mngon bgrod rdo rje can/ /de nyid gzigs pa dag gis gsungs/ zhes pa'o/ /de ltar gsungs pa'i rim pas nges pa dang bral ba rnams la sangs rgyas nyid kyi 'bras bu rab tu ster ba ni rgyud kyi rgyal po'o/ /sangs rgyas nyid ni thams cad mkhyen pa nyid dang/ rnam pa thams cad mkhyen pa nyid dang/ lam gyi rnam pa mkhyen pa nyid dang/ stobs bcu dang mi 'jigs pa la sogs pa'i yon tan rnam par 'byor pa ste/ de ster ba ni sangs rgyas nyid kyi 'bras bu rab tu ster ba'o/ /bde ba chen po'i gnas zhes pa ni/ bde ba chen po'i gnas chos kyi dbyings nam mkha' i mtshan nyid can/ dog ba med pa'i chos 'byung 'jig rten gyi dpe las 'das pa kun tu bzang po bde ba chen po bde ba chen po'i gnas so/ /mchog gi dang po'i sangs rgyas rdo rje dbyings gyi dkyil 'khor chen por zhes pa ni/ rigs med pa shes pa dang shes bya gcig tu 'dres par gyur cing/ gcad du med la dbyer med pa/ rnam pa thams cad du dbyings kyi mtshan nyid me long gi pra phab pa dang mtshungs pa ste/ rdo rje dbyings kyi dkyil 'khor chen po der ro/ / rdo rje seng ge'i khri la bzhugs pa ni/ rdo rje seng ge'i khri zla ba dang/ nyi ma dang me'i dkyil bcad du med cing dbyer med pa 'am/ e'i yi ge nam mkha' i khams ni rdo rje seng ge'i khri'o/ /de la bzhugs pa ni rdo rje seng ge'i khri la bzhugs pa sku dang gsung dang thugs dang ye shes kyi bdag nyid waM yig ste/ rdo rje seng ge'i khri la bzhugs pa de yis so/ /sangs rgyas dang byang chub sems dpa' dang khro bo'i rgyal po dang lha dang klu dang lha dang lha mo'i tshogs kyis yongs su bskor ba zhes pa/ sangs rgyas ni mi bskyod pa la sogs pa'o/ /byang chub sems dpa' ni kun tu bzang po la sogs pa'o/ /khro bo'i rgyal po ni gtsug tor la sogs pa'o/ /lha ni dbang phyug la sogs pa'o/ /klu ni mdza' yas la sogs pa'o/ /lha mo ni rdo rje dbyings ni dbang phyug ma la sogs pa dang/ chos kyi dbyings ma la sogs pa dang/ shin tu sngon mo la sogs pa dang/ tsar tsI ka la sogs pa dang/ gau rI la sogs pa dang/ khyi gdod ma la sogs pa ste/ de dag gi 'dus pa ni tshogs so/ /de yis yongs su bskor ba ni/ lha dang lha mo'i tshogs kyis yongs su bskor ba ste/ lha dang lha mo'i tshogs kyis yongs su bskor ba yis so/ /khams gsum pas zhabs kyi pad+ma la phyag byas pa zhes pa la/ khams gsum pa ni 'dod pa dang gzugs dang gzugs med pa ste/ de dag gi gang gi zhabs kyi pad+ma la phyag byas pa de ni khams gsum pas zhabs kyi pad+ma la phyag byas pa ste/ khams gsum pas zhabs kyi pad+ma la phyag byas pa de yis so/ /khams gsum pa'i 'khor los sgyur ba zhes pa ni/ gang gi chos kyi 'khor lo khams gsum du gcig car rab tu 'khor ba de ni khams gsum pa'i 'khor los sgyur ba ste/ khams gsum pa'i 'khor los sgyur ba de yis so/ /mchog gi dang po'i sangs rgyas zhes pa la/ mchog gi dang po'i sangs rgyas ni skad cig gcig dang rnam pa lnga dang rnam pa nyi shu dang sgyu 'phrul dra bas mngon par rdzogs par byang chub pa'i mtshan nyid 'gyur ba med pa'i bde ba ni mchog yin la/ de yis dang por sangs rgyas pa ni mchog gi dang po'i sangs rgyas te/ mchog gi dang po'i sangs rgyas de yis so/ /rigs med pa zhes pa la/ rigs ni shes rab dang thabs kyis bdag nyid gzung ba dang 'dzin pa'i mtshan nyid kyis chos te/ rigs de gang gis spangs pa de ni rigs med pa ste/ rigs med pa de yis so/ /bcom ldan 'das dus kyi 'khor lo zhes pa la/ bcom ldan ni bdud dang nyon mongs pa bcom pa'i phyir bcom pa dang/ dbang phyug la sogs pa thams cad mkhyen pa'i yon tan gyi tshogs te/ bcom pa de 'di la ldan pa'i phyir bcom ldan no/ /dus ni mchog tu mi 'gyur ba'i bde ba chen po'i mtshan nyid de/ de yis gang gi lus phung po dang khams la sogs pa sgrib pa med pa'i 'khor lor bskyed pa de ni dus kyi 'khor lo'o/ /gzhan yang yi ge so so re re ste/ kA yig gis ni rgyu zhi ba/ /la yig 'di la thim pa nyid/ /tsa yig gis ni g.yo ba'i sems/ /kra yig rim pa bcings las so/ /rim pa ni lus la sogs pa'i thig le rnams 'pho ba yin la/ de lhan cig skyes pa'i bde bas bcings pa ni kA la tsakra ste/ bcom ldan 'das dus kyi 'khor lo de yis so/ /zla ba bzang pos gsol ba btab par gyur pa yis zhes pa ni/ 'di ni zla ba yang yin la bzang po yang yin pa'i phyir zla ba bzang po ste/ de bzhin gshegs pa thams cad kyi nyan pa por gyur ba rdo rje zla ba dri ma med pa'i 'od do/ /sems can thams cad kyi skad tha dad pa gang gis de bzhin gshegs pas chos gsungs pa rnams yang dag par sdud par byed pa'i phyir de bzhin gshegs pa thams cad kyi nyan pa por gyur pa'i gsang ba'i bdag po ste/ gsang ba ni nyan thos dang rang sangs rgyas kyi theg pa dag las mchog tu gyur pa rdo rje'i theg pa'o/ /de'i yang dag par sdud pa po yin pas na bdag po ste/ gsang ba'i bdag po'o/ /de bzhin du phyi rol du ni 'jig rten gyi bden pas gsang ba'i sgra gnod sbyin rnams te/ de dag gi bdag po ni gsang ba'i bdag po'o/ /ro ldan na gnas pa ni phyi rol du ro'i sgras srog nyams pa shi ba'i tshogs so/ /de 'di la yod pa'i phyir ro/ /ldan te dur khrod kyi sa'o/ /de nas gnod sbyin chen po sems can rnams la rnam par tho 'tsham zhing bgegs du ma byed pa po dag yod la/ de dag gsod par byed pa po ni ro ldan na gnas pa ste/ nags kyi ri dags kyi bdag po zhes pa bzhin du ro ldan na gnas pa gnod sbyin chen po rnams kyi bdag po'o/ /nang du ni ro zhes pa/ dbugs 'byung ba dang 'jug pa sum stong drug brgyas dman pa'i nyi khri chig stong drug brgya rnams 'gog pa'o/ /de 'di la yod pa ni chos kyi sprin gyi sa ste/ de la gnas pa ni ro ldan na gnas pa'o/ /bdud dang nyon mongs pa dang shes bya dang snyoms 'jug gi sgrib pa'i gnod sbyin rnams gsod par byed pa ni gnod sbyin gyi bdag po ste/ de bzhin gshegs pas chos kyi seng+ge'i sgra dang sems can so so'i sgra dag gis bstan pa'i chos rnams rab tu ston par byed pa po sprul pa'i sku phyag na rdo rje zla ba bzang pos gsol ba btab par gyur pa de yis so/ /mchog gi dang po'i sangs rgyas shes pa ni/ brjod bya mchog gi dang po'i sangs rgyas rjod par byed pa'i phyir te/ brjod bya 'di rjod par byed pa'i ngo bo nyid kyis gnas pa'i phyir mchog gi dang po'i sangs rgyas so/ /dus kyi 'khor ni brjod bya dus kyi 'khor lo brjod par byed pa'i phyir dus kyi 'khor lo'i rjod par byed do/ /stong phrag bcu gnyis pa zhes pa ni/ stong phrag brgyad cu rtsa bzhi lhag pa'i 'bum phrag gsum gyi yi ge'i tshogs te/ yi ge sum cu rtsa gnyis pa rjes su bsngags pa stong phrag bcu gnyis yod pa ni stong phrag bcu gnyis pa'o/ /rigs med pa zhes pa ni/ brjod bya rigs med pa brjod par byed pa'i phyir ro/ /'dir rigs ni shes rab kyi phyogs dang thabs kyi phyogs te/ phyogs spangs pa gang gi phyir rigs de med pa'i rgyud de ni rigs med pa shes rab dang/ thabs kyi bdag nyid can rnal 'byor gyi rgyud ces rgyal bas gnyis su med par gsungs so/ /brjod par bya ba thabs dang shes rab kyi bdag nyid can gyi rgyud kyi rgyal po 'di la thabs dang shes rab kyi phyogs tha dad na/ thabs dang shes rab kyi bdag nyid can gyi brjod par bya ba med par 'gyur ro/ /thabs dang shes rab kyi bdag nyid can gyi brjod par bya ba med na/ gnyis su med pa'i ye shes med par 'gyur ro/ /gnyis su med pa'i ye shes med na sangs rgyas nyid kyang med par 'gyur ro/ /sangs rgyas nyid med na 'khor ba pa'o/ /'dir rjod par byed pa dang brjod par bya ba'i 'brel pa med par thabs kyi ming can rnal 'byor gyi rgyud la thabs dang shes rab kyi bdag nyid gnyis su med pa dang rnal 'byor brjod bya rjod byed kyi mtshan nyid du mi 'gyur ro/ /rnal 'byor gyi sgra ni thabs kyi don rjod par byed pa 'am/ shes rab kyi don rjod par byed pa yang ma yin te/ rnal 'byor gyi sgra ni thabs dang shes rab kyi don rjod par byed pa'o/ /de bzhin du yang gsungs pa/ rnal 'byor thabs kyi lus dang ni/ /shes rab gcig pu dag gi min/ / thabs dang shes rab snyoms 'jug pa/ /de bzhin gshegs pas rnal 'byor gsungs zhes so/ /de'i phyir rgyud gang la thabs dang shes rab kyi bdag nyid kyi brjod par bya ba yang pa'i rgyud de ni don dam par shes rab kyi rgyud kyang ma yin la/ thabs kyi rgyud kyang ma yin no/ /'jig rten gyi kun rdzob tu me long lta bu'i ye shes la sogs pa'i dbye bas phung po dang khams rnam par dag pa las thabs dang shes rab kyi phyogs su dbang po brtul pa'i sems can gyi bsam pa'i dbang gis de bzhin gshegs pas gsungs so/ /de bzhin du rnal 'byor ma'i ming can la yang ngo/ /'dir 'di la rnal 'byor gyi dang tshul yod pa'i phyir rnal 'byor pa'o/ /de bzhin du rnal 'byor ma yang ngo/ /de'i phyir gzhan la bltos pa nyid las rnal 'byor gyi rgyud dang rnal 'byor ma'i rgyud du yang 'gyur ro/ /des na don dam pa'i bden pas thabs dang shes rab kyi bdag nyid can rnal 'byor gyi rgyud rigs med pa dus kyi 'khor lo'o/ /rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa zhes pa ni dang po'i sangs rgyas mngon par brjod pa nyid kyi phyir ro/ /'dir ji ltar mtshan yang dag par brjod pa 'das pa dang ma 'ongs pa dang da ltar byung ba'i de bzhin gshegs pa rnams kyis gsungs pa dang gsung bar 'gyur ba dang/ gsungs pa de bzhin du dang po'i sangs rgyas kyang ngo/ /dang po'i sgras ni thog ma dang tha ma med pa'i don to/ /thog ma med pa'i dus su thog ma med pa'i sangs rgyas kyis bstan pa dang ston par 'gyur ba dang/ ston pa ste de bzhin gshegs pa mar me mdzad dang/ shAkya thub pa 'ba' zhig gis gsungs pa ni ma yin no/ /'dir phyag na rdo rjes/ 'das pa'i sangs rgyas rnams kyis gsungs/ /ma 'ongs rnams kyang gsung 'gyur la/ /da ltar byung ba rdzogs sangs rgyas/ /yang yang gsungs pa gang yin dang/ /rgyud chen sgyu 'phrul dra ba 'dir/ /rdo rje 'chang chen gsang sngags 'chang/ /dpag med dgyes pa rnam dag gis/ /gang yang yang dag glur blangs pa/ zhes gsungs so/ /mtshan yang dag par brjod pa gsol ba 'debs pa'i tshig 'di'i phyir de bzhin gshegs pa thams cad kyis sngags kyi theg pa gsungs pa yin no/ /'dir 'dus pa las/ de bzhin gshegs pa mar me mdzad nas shAkya thub pa'i bar du de bzhin gshegs pa gang gis kyang sngags kyi theg pa ma gsungs so/ zhes pa gang yin pa de ni/ de'i tshe de'i dus na zhes pa ste/ 'phags pa'i yul du chos ston pa'i dus na/ rigs bzhi'i mngon pa'i nga rgyal dang ldan zhing skal ba med pa'i sems can rnams kyi bsam pa'i dbang gis 'phags pa'i yul du 'khor rnams la ma bstan te/ dus gzhan du yul gzhan gyi 'jig rten gyi khams kyi 'khor la yang ma bstan pa ni ma yin no/ /de bzhin gshegs pa'i gsung 'di'i phyir/ de bzhin gshegs pa thams cad theg pa gsum ston par byed pa po yin no/ /rnam pa gzhan du na thams cad mkhyen pa nyid du mi 'gyur te/ /rdo rje'i theg pa ston par byed pa po nyid ma yin pa'i phyir ro/ /de'i phyir sems can gyi bsam pa'i dbang gis/ de bzhin gshegs pa thams cad theg pa gsum ston par byed pa po dang/ chos kyi phung po brgyad khri bzhi stong ston par byed pa po yin no/ /de'i phyir rdo rje 'dzin pa'i ye shes kyi sku mngon du gyur pa'i mtshan yang dag par brjod pas 'khyud pa'o// //rgyud kyi rgyal po thams cad kyi rdo rje'i tshig mngon du gyur pa zhes pa ni/ rdo rje theg pa 'dir sems can gyi bsam pa'i dbang gis/ rgyud kyi rgyal po thams cad la rdo rje'i tshig tu sbas te/ bzhi pa de yang de bzhin no/ /zhes de bzhin gshegs pas gsungs pa'i phyir ro/ /bzhi pa ni gsum pa ma yin te bzhi pa zhes gsungs pa'i phyir ro de yang de bzhin no zhes gsungs pa'i phyir shes rab ye shes de nyid bzhi par 'gyur ro/ /bcom ldan 'das kyis gsung 'di'i phyir rdo rje'i tshig tu sbas pa yin no/ /rgyud kyis rgyal po thams cad la rdo rje'i tshig rab tu gsal ba ma yin zhing/ bla ma rgyud pa'i rim pas rtogs par bya ba yin to/ /rgyud ni/ rgyud gzhan dag gis rtogs par bya zhes de bzhin gshegs pas gsungs pa'i phyir ro/ /sngags kyi tshul 'di la rdo rje'i tshig rnam pa gnyis te/ gcig ni 'jig rten pa'i kun rdzob yin la gnyis pa ni don dam pa'o/ /de dag las 'jig rten kun rdzob gyi rdo rje'i tshig ni gsod pa la sogs pa'i las la dam tshig grub pa ster bar byed pa'o/ /don dam pa'i bden pa'i rdo rje'i tshig ni bzhi pa de yang de bzhin te phyag rgya chen po'i dngos grub kyi 'bras bu ster bar byed pa'o/ /dang po'i sangs rgyas 'di la rdo rje'i tshig de dag nyid rab tu gsal bar bstan pa dang bshad pa dang rab tu bshad pa bdag gis bcom ldan 'das kyis gsal bar mdzad do/ /'di nyid bsgrub pa la phyag rgya chen po bsgom pa du ba la sogs pa mtshan ma'i lam rab tu gsal bar mdzad de/ stong par rtse gcig yid byas te/ nyi ma gcig ni yongs su brtag ces pas so/ /bcom ldan 'das kyi gsung 'di'i phyir/ mchog gi dang po'i sangs rgyas la rdo rje'i tshig phyag rgya chen po bsgom pa'i lam du ba la sogs pa rab tu gsal ba yin gyi/ bla ma rgyud pa'i rim pas 'ongs pa ma yin la/ bla ma'i bka' yis byin gyis brlabs pa yang ma yin no/ /lam 'di la yang nyin dang mtshan mor yid ches pa yod de/ nyi ma cig ni yongs su brtag ces bcom ldan 'das kyis gsungs pa'i phyir ro/ /'dir du ba la sogs pa'i mtshan ma bor nas gzhan sngags la sogs pa'i sgrub thabs nyi ma gcig gis rnal 'byor pas yongs su brtag par bya ba ma yin no/ /mtshan ma yang rnam pa gsum ste/ dang po'i mtshan ma dang/ bar ma'i mtshan ma dang/ tha ma'i mtshan ma'o/ /dang po'i mtshan ma ni du ba la sogs pa'i lam dang/ sbyor ba yan lag drug gi sku rdzogs pa'i 'gyur ba med pa skad cig thob pa'o/ /bar ma'i mtshan ma ni mchog tu mi 'gyur ba'i skad cig brgya phrag bco brgyad kyis sa dang po thob pa dang/ mngon par shes pa lnga dang/ ma mthong ba'i don yang dag par mthong ba dang/ 'jig rten pa'i dngos grub thob pa'o/ /tha ma'i mtshan ma ni sangs rgyas nyid dang/ rdo rje 'chang nyid de/ mchog tu mi 'gyur ba'i skad cig drug brgya lhag pa'i stong phrag nyi shu rtsa gcig gis sa bcu gnyis pa thob nas phyag rgya chen po'i dngos grub thob pa'o/ /rdo rje'i tshig la sogs pa mtshan ma sngon du 'gro ba can 'di dag rab tu gsal bar rgyud kyi rgyal po mchog gi dang po'i sangs rgyas las bcom ldan 'das kyis gsungs so/ /de'i phyir rgyud ni rgyud gzhan tshol ba rnams la rgyud kyi rgyal po thams cad kyi rdo rje'i tshig mngon du gyur pa'o/ /sangs rgyas rin chen za ma tog kha 'byed pa zhes pa la/ sangs rgyas rin chen ni mchog tu mi 'gyur ba'i bde ba yin la/ za ma tog ni rdo rje dang pad+ma ste sangs rgyas rin chen za ma tog go /de nyid rgyud kyi rgyal po gang gis kha 'byed pa de ni sangs rgyas rin chen za ma tog kha 'byed pa'o/ /'jig rten dang 'jig rten las 'das pa'i bden pa la brten pa zhes pa la/ 'jig rten pa'i bden pa ni dkyil 'khor gyi 'khor lo rnam par rtog pa bsgom pa bskyed pa'i rim pas 'jig rten pa'i dngos grub sgrub par byed pa'o/ /'jig rten las 'das pa'i bden pa ni du ba la sogs pa'i mtshan ma dang rnam par mi rtog pa'i sems rdzogs pa'i rim pas phyag rgya chen po'i dngos grub sgrub par byed pa'o/ /rdzogs pa'i rim pa ni lhan cig skyes pa rnam par mi rtog pa ste/ rnam pa thams cad du zhal dang phyag dang kha dog dang dbyibs kyi rtog pa dang bral ba'o/ /bden pa 'di dag la bden pa ni 'jig rten dang 'jig rten las 'das pa'i bden pa la bsten pa ste lam gnyis ka ston pa'i phyir ro/ /mngon par rdzogs par byang chub pa bzhi dang rdo rje bzhis yongs su dag pa zhes pa ni skad cig gcig gis mngon par rdzogs par byang chub pa dang/ rnam pa lngas mngon par rdzogs par byang chub pa dang/ rnam pa nyi shus mngon par rdzogs par byang chub pa dang/ sgyu 'phrul dra bas mngon par rdzogs par byang chub pa ste/ 'di rnams kyis yongs su dag pa ni mngal skyes skyed pa'i rim pa dang du ba la sogs pa sku rdzogs pa'i rim pas so/ /de ltar mngon par rdzogs par byang chub pa bzhis yongs su dag pa'o/ /sku bzhi dang/ rigs drug dang/ bden pa bcu gnyis dang/ de kho na nyid bcu drug dang/ stong pa nyid bcu drug dang/ snying rje bcu drug dang/ 'jig rten dang 'jig rten las 'das pa'i dbang dang/ las dang ye shes dang phyag rgya chen mo'i dngos grub kyi lam rab tu gsal bar byed pa zhes pa la/ sku bzhi ni dag pa dang/ chos dang longs spyod rdzogs pa dang/ sprul pa rnams mngal skyes rnams kyi bzhi pa dang/ shin tu gnyid log pa dang/ rmi lam dang sad pa'i gnas skabs kyi mtshan nyid can te/ de dag kyang sangs rgyas rnams kyi sgrib pa dang bral ba'o/ /rigs drug ni mi 'gyur pa'i bde ba ye shes kyi khams dang/ rnam par shes pa nam mkha' i khams dang/ 'du byed rlung gi khams dang/ tshor ba me'i khams dang/ 'du shes chu'i khams dang/ gzugs sa'i khams te/ mngal skyes rnams kyi rigs drug sgrib pa dang bcas pa yin la/ sangs rgyas rnams kyi sgrib pa dang bral ba'o/ /bden pa bcu gnyis ni/ ma rig pa dang/ 'du byed dang/ rnam par shes pa dang/ ming dang gzugs dang/ skye mched drug dang/ reg pa dang/ tshor ba dang/ sred pa dang/ len pa dang/ srid pa dang/ skye ba dang/ rga shi ste/ mngal skyes rnams kyi bden pa bcu gnyis ni sgrib pa dang bcas pa yin la/ sangs rgyas rnams kyi sgrib pa dang bral ba'o/ /'pho ba bcu gnyis kyi srog gi dbye bas srog gi rlung rgyu ba'i phyir mngal nas skyes pa rnams kyi sgrib pa dang bcas pa'o/ /yan lag bcu gnyis 'gags pa'i phyir sangs rgyas rnams kyi ni sgrib pa dang bral ba'o/ /de kho na nyid bcu drug ni/ sprul pa'i sku dang/ sprul pa'i gsung dang/ sprul pa'i thugs dang/ sprul pa'i ye shes dang/ longs spyod rdzogs pa'i sku dang/ longs spyod rdzogs pa'i gsung dang/ longs spyod rdzogs pa'i thugs dang/ longs spyod rdzogs pa'i ye shes dang/ chos kyi sku dang/ chos kyi gsung dang/ chos kyi thugs dang/ chos kyi ye shes dang/ lhan cig skyes pa'i sku dang/ lhan cig skyes pa'i gsung dang/ lhan cig skyes pa'i thugs dang/ lhan cig skyes pa'i ye shes te/ dga' ba dang/ mchog dga' dang/ khyad par gyi dga' ba dang/ lhan cig skyes pa'i dbye bas de kho na nyid bcu drug mngal skyes rnams kyi ni sgrib pa dang bcas la yin te/ cu drug phyed phyed thig le 'dor ba'i phyir ro/ /sangs rgyas rnams kyi ni sgrib pa dang bral ba yin te/ bcu drug phyed phyed thig le 'dzin pa nyid kyi phyir ro/ /stong pa nyid bcu drug ces pa ni/ nag po'i phyogs dang nyi ma dang shes rab bo/ /snying rje bcu drug ces pa ni/ dkar po'i phyogs dang/ zla ba dang thabs so/ /stong pa nyid la dbye ba gsum ste stong pa nyid dang/ chen po stong pa nyid dang/ don dam pa stong pa nyid do/ /de la stong pa nyid ni phung po lnga stong pa nyid de nag po'i tshes gcig la sogs pa tshes lnga'o/ /chen po stong pa nyid ni khams lnga stong pa nyid de/ drug pa la sogs pa tshes lnga'o/ /don dam pa stong pa nyid ni dbang po lnga stong pa nyid de bcu gcig pa la sogs pa tshes lnga'o/ /des na gnam stong gi mthar thug pa tshes bco lnga ni stong pa nyid bco lnga'o/ /gnam stong gi mdza' dang dkar po'i tshes gcig gi dang po'i dbus su bcu drug pa rnam pa thams cad stong pa nyid do/ /de bzhin du snying rje rnam pa gsum ste/ sems can la dmigs pa dang/ chos la dmigs pa dang dmigs pa med pa'o/ /de la sems can la dmigs pa ni dkar po'i tshes gcig la sogs pa tshes lnga'o/ /chos la dmigs pa ni drug pa la sogs pa'i tshes lnga'o/ /dmigs pa med pa ni bcu gcig la sogs pa tshes lnga ste/ nya'i mthar thug pa'o/ /nya'i mdza' dang nag po'i tshes gcig 'jug pa'i dang po'i dbus su snying rje bcu dgu pa'o/ /'di dag gcig pa nyid ni stong pa nyid ni bcu drug dang/ snying rje bcu drug gi bdag nyid brjod par bya ba ste/ de'i rjod par byed pa'o/ / 'jig rten dang 'jig rten las 'das pa'i mngon par dbang bskur ba zhes pa la/ re zhig 'jig rten pa ni/ chu dang cod pan dang/ dar dpyangs dang/ rdo rje dril bu dang/ brtul zhugs chen po dang/ ming dang/ rjes su gnang ba dang/ bum pa dang/ gsang ba dang/ shes rab ye shes te/ mngal nas skyes pa rnams kyis 'jig rten kun rdzob kyi dbang bcu ni lus dang ngag dang sems dang ye shes dang/ khams dang phung po dang/ skye mched dang las kyi dbang po la sogs pa yongs su dag par bya'o/ /'jig rten las 'das pa bcu gcig pa ni/ bzhi pa de yang de bzhin no zhes pa'i nges pas/ phyag rgya chen po mchog tu mi 'gyur ba'i ye shes kyi mtshan nyid bla ma'i zhal las lus dang ngag la sogs pa sgrib pa med pa nyid kyis sbyong bar byed pa'o/ /las dang ye shes dang phyag rgya chen po'i dngos grub ces pa la/ las kyi phyag rgya ni nu ma dang skar ldan pa'o/ /ye shes kyi phyag rgya ni rang gi sems kyis yongs su brtags pa'o/ /phyag rgya chen mo ni rnam par rtog pa dang bral ba pra phab pa'i rang bzhin can no/ /'di rnams kyi dngos grub ni rnam pa gsum ste/ 'dod pa na spyod pa ni las kyi phyag rgya'i dngos grub po/ /gzugs kyi srid pa'i dngos po'i mtshan nyid ni ye shes kyi phyag rgya'i dngos grub po/ /dngos po dang dngos po med pa dang bral ba rnams kun gyi mchog dang ldan pa ni phyag rgya chen mo'i dngos grub po/ /sku bzhi la sogs pa 'di dag gi 'jig rten dang 'ji rten las 'das pa'i lam rab tu gsal bar byed pa ni mchog gi dang po'i sangs rgyas so/ /de ltar brjod pa'i rim pas 'jig rten gyi khams dang/ nad dang/ dbang dang/ sgrub thabs dang/ ye shes te le'u lnga'i bdag nyid dam brtag pa lnga'i bdag nyid mi la sogs pa'i sems can mdza' dag gis yang dag par rdzogs pa'i sangs rgyas nyid thob pa'i phyir yang dag par bstan to/ /zhes pa ni yang dag pa'i rnam pa ste rdo rje'i tshig tu sbas pa'i rnam pas ni ma yin no/ /mchog gi dang po'i sangs rgyas 'di las bsdus pa'i rgyud yang dag par sdud par byed pa la 'jam dpal dang/ ma 'ongs pa'i dus su tshangs pa'i drang srong rnams gdul bar bya ba'i don du 'grel bshad byed pa la bdag dang/ rgyud ston par byed pa la gshin rje mthar byed la sogs pa rnams dang/ sham+b+ha la'i yul la sogs pa grong khyer bye ba phrag dgu bcu rtsa drug na gnas pa'i sems can thams cad theg pa chen po'i lam thob pa la de bzhin gshegs pas lung bstan to/ /zhes pa ni mchog gi dang po'i sangs rgyas stong phrag bcu gnyis pa 'di las bsdus pa'i rgyud yang dag par sdud par byed pa la 'jam dpal de bzhin gshegs pas lung bstan to/ /ma 'ongs pa'i dus su grong khyer kA la par gnas pa'i tshangs pa'i drang srong bye ba phrag phyed dang bzhi rnams gdul bar bya ba'i don du bsdus pa'i rgyud kyi 'grel bshad byed pa la 'jig rten dbang phyug bdag kyang lung bstan la/ gzhan khro bo'i rgyal po dang/ byang chub sems dpa' nyi shu rtsa gsum po dag kyang ngo/ /grong khyer bye ba phrag dgu cu rtsa drug na gnas pa'i sems can thams cad sprul pa'i sku bsdus pa'i rgyud ston par byed pa pos theg pa chen po'i lam thob par byed pa lung bstan to/ /theg pa chen po'i lam ni 'jam dpal gyi rdo rje'i rigs kyi bum pa dang/ gsang ba dang/ shes rab ye shes kyi dbang bskur ba ste/ de thob par byed pa la ni theg pa chen po'i lam thob par byed pa la'o/ /bum pa dang gsang ba dang/ ye shes kyi dbang bskur ba 'di las rigs thams cad rigs gcig tu 'gyur ro/ /rigs de 'di la yod pa'i phyir rigs ldan no/ /de'i rigs ni rigs ldan gyi rigs te/ sngags pa mdza' dag rdo rje'i rigs kyi dbang bskur ba'i phyir ro/ /zhes bya ba nges pa'i don to/ /de ltar 'jam dpal grags pa ni/ rigs ldan du lung bstan cing/ / grags pa 'di'i rigs la 'jig rten dbang phyug bdag rigs ldan gnyis par lung bstan to/ /de bzhin du rim pa ji lta ba gshin rje mthar byed la sogs pa'i khro bo bcu dang/ sa'i snying po la sogs pa'i byang chub sems dpa' bcu gsum po rnams te gshin rje mthar byed la sogs pa khro bo'i rgyal po de dag gi bar bar du byang chub sems dpa' bcu gsum po rnams lung bstan pa/ sprul pa'i sku yi grong khyer bye ba phrag dgu bcu rtsa drug na gnas pa rnams kyi rgyal por gyur pa/ sems can mdza' dag la de bzhin gshegs pa'i chos rab tu ston par mdzad pa/ kla klo la sogs pa'i chos ngan pa 'joms par mdzad pa/ skyes bu chen po'i mtshan sum cu rtsa gnyis dang dpe byad brgyad cu dang ldan pa mngon par shes pa lnga la sogs pa dbang phyug gi yon tan yongs su rdzogs pa'o/ /de'i phyir mchog gi dang po'i sangs rgyas 'di las bsdus pa'i rgyud yang dag par (sdud par) byed pa la 'jam dpal dang/ 'grel bshad byed pa la bdag dang/ chos ston pa la gshin rje mthar byed la sogs pa rnams lung bstan to/ /bsdus pa'i rgyud kyi r gyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las brjod bya dang rjod byed dang 'brel pa dang dgos pa dang dgos pa'i dgos pa mngon par gzigs nas bcom ldan 'das kyi brgyud bstan pa'i mdor bsdus te gnyis pa'o/ / //da ni 'dir ston pa po dang gsol ba 'debs pa po'i 'brel pa yang brjod par bya'o/ /gal te na snga ma dang phyi mar rgyud kyi 'grel bshad ma thos pa'i tshig 'byung bar 'gyur te/ rdo rje'i theg pa 'di la ro ldan na/ /gnas pa'i gnod sbyin gyi bdag po chen po byang chub sems dpa' chen po phyag na rdo rje de bzhin gshegs pa la gsol ba 'debs pa dang yang dag par sdud par byed pa po ma yin nam/ ji ltar sham+b+ha la'i yul ka lA pa'i grong gi bdag po nyi ma'i 'od kyi lha mo rnam par rgyal ma'i mngal nas byung ba rgyal po zla ba bzang po gsol ba 'debs pa por 'gyur/ rgyud gzhan 'ga' zhig tu yang ma thos shing lung bstan pa med pa'i phyir phan tshun ston pa po dang gsol ba 'debs pa po 'grel pa 'gal lo zhe na/ de'i phyir brjod par bya ste/ 'dir sngags kyi theg pa la mngal nas byung ba de bzhin gshegs pa la gsol ba 'debs pa por mi 'gyur ro zhes gang 'ga' zhig gis brjod pa de ni ma yin te/ gang gi phyir bcom ldan das kyang mngal nas byung ba nyid yin pa'i phyir ro/ /sngags kyi theg pa 'di la gal te mngal nas byung ba de bzhin gshegs pa la gsol ba 'debs pa po dang/ sdud pa por mi 'gyur na/ de'i tshe shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas bltams pa shAkya thub pa thams cad mkhyen pa ston pa por mi 'gyur te/ mngal nas byung ba nyid yin pa'i phyir ro/ /yang 'ga' zhig gis smras pa/ des sngar bdud bcom pa byas shing byang chub bskyed de/ de nas thams cad mkhyen pa chos ston par byed pa por gyur to/ /mya ngan las 'das pa'i rjes la yang mngal du 'jug pa med do zhes pa'i tshig las ni/ shin tu 'gal ba ste/ /rang ma grub par gzhan gyi sgrub byed ma yin pa'i phyir ro/ /'dir dang por sangs rgyas nyid med na lha dang mi dang lha ma yin gyi nang nas gang gis kyang bdud 'joms par mi byed do/ /dang por mngon par rdzogs par sangs rgyas par yang mi byed de/ sgrib pa thams cad med pa yin pa'i phyir ro/ /cig car yang mi byed de/ gang gi tshe bdud yod pa de'i tshe sangs rgyas nyid ma yin te/ sems sgrib pa dang bcas pa'i phyir ro/ /gang gi tshe sangs rgyas nyid yin pa de'i tshe bdud med de sems sgrib pa dang bral ba'i phyir ro zhes pa las gzhan pa ci yod/ /las kyi sa 'dir sangs rgyas bcom ldan 'das ma gtogs pa bud med kyi mngal nas skyes pa gzhan ni skyes bu chen po'i mtshan sum cu rtsa gnyis dang/ dpe byad brgyad cu dang/ mdzod spu sum cu rtsa gnyis su yongs su 'khyil ba dang/ mngon par shes pa drug dang ldan pa ma yin no/ /de'i phyir bdud ces bya ba ni sems can rnams kyi 'khor ba'i sems kyi bag chags kyi dri ma'o/ /sangs rgyas nyid ces bya ba 'di 'khor ba'i bag chags dang bral ba'i sems so/ /de ltar yang bcom ldan 'das kyis shes rab kyi pha rol tu phyin pa las/ sems gang zhig yod pa'i sems de ni sems ma yin no/ zhes pa rang bzhin gyis 'od gsal bar gsungs te/ de nyid ni 'khor ba'i bag chags dang bral ba'o/ /de'i phyir bdud ni dri ma dang bcas pa'i sems yin la/ sangs rgyas nyid ni dri ma med pa'i sems yin no/ /'dir phyi rol tu sangs rgyas kyis bdud bcom pa gang yin pa de ni rmi lam bzhin du sems can rnams kyi rang gi sems kyi snang pa yin no/ /don dam par de bzhin gshegs pa'i thugs ni le'u lnga par rgyas par brjod par bya'o/ /'dir sems can gyi don du sangs rgyas dang byang chub sems dpa' rnams 'khor bar 'jug pa ni 'khor ba pa rnams kyi brjod par bya ba ma yin no/ /'jig rten dbang phyug bdag sems can gyi don la dmyal bar zhugs pa'i dus su gshin rje'i pho nya rnams dang/ gshin rje'i rgyal pos bstod pa brjod pa/ gang zhig srid pa'i 'ching ba rnams las grol yang sems can don du srid pa 'dzin/ /de ni stong pa'i don dag ston mdzad dus las las kyi 'bras bu gtong ma yin/ /sems kyi dri ma yang dag ye shes mes bsregs rtag tu yang dag brtse bas brlan/ /mdzad spyod brtag min sems can don la dge ba'i sangs rgyas de la bdag cag 'dud/ ces pa'o/ /de'i phyir sems can gyi don gyi dor sangs rgyas dang byang chub sems dpa' rnams mngal du 'jug pa 'am dmyal bar gshegs pa ni byis pa'i skye bo rnams kyis rnam par brtag par mi nus so/ /pha rol tu phyin pa bcu sgrubs pa sa bcu'i dbang phyug dbang bcu thob pa'i byang chub sems dpa' gcig gis kyang stong gsum gyi stong chen po'i 'jig rten gyi khams su sprul pa'i sku du ma dag gis byang chub sems dpa' i gdul bya rnams la byang chub sems dpa' i chos ston par byed de/ byang chub sems dpa' chen po de du ma ni ma yin no/ /de bzhin du sngon gyi smon lam gyi stobs kyis bsod nams dang ye shes kyi tshogs yongs su rdzogs shing/ mi 'jigs pa la sogs pa'i dbang phyug gi yon tan thams cad phun sum tshogs pa'i sangs rgyas bcom ldan 'das ni sangs rgyas kyi zhing stong gsum gyi stong chen po'i 'jig rten gyi khams rnams su sgyu ma'i sprul pa'i sku sgrib pa dang bral ba mdza' yas pa mdza' yas pa dag gis sems can mdza' yas pa mdza' yas pa dag gis skad mdza' yas pa dang/ / mdza' yas pa dag gi gsol ba 'debs pa po sna tshogs kyis gsol ba btab pa na/ sems can thams cad kyi skad la rab tu 'jug pa thams cad mkhyen pa'i skad kyis 'jig rten dang 'jig rten las 'das pa'i chos ston par mdzad de/ thams cad mkhyen pa de du ma ni ma yin no/ /dper na sgyu ma'i skyes bu chen po 'ga' zhig gis sgyu ma'i gzugs du ma sprul te/ de'i sprul pa'i gzugs de dag gis shing rnams rtsa ba nas 'byin par byed cing/ ri'i rtse mo yang skyod par byed pa la/ lha chen po'i gzugs lta bu dang khyab 'jug lta bus lha byin la sogs pa 'ching bar byed de/ sgyu ma'i skyes bu chen po de du ma ni ma yin no/ /de bzhin du sangs rgyas dang byang chub sems dpa' rnams kyi sgyu ma'i sprul pa'i sku dag gis srid pa gsum du sems can gyi don mdzad pa'o/ /des na sems can thams cad la 'jig rten dang 'jig rten las 'das pa'i chos bstan pa'i phyir sangs rgyas bcom ldan 'das sngar sa bcu gnyis kyi dbang phyug tu gyur pa/ mkhas pa sgyu 'phrul chen po 'chang ba sgyu 'phrul chen po'i mig 'phrul dang ldan pa/ 'phags pa'i yul lum bi ni shAkya'i rigs mi'i dbang po zas gtsang ma'i lha mo sgyu 'phrul chen mo'i lhums nas bltams pa ni gzhon nu don grub yin la/ sa bcu'i dbang phyug phyag na rdo rje yang sham b+ha la'i yul ka lA pa'i grong du nyi ma'i 'od kyi lha mo rnam par rgyal ma'i mngal nas 'khrungs pa zla ba bzang po'o/ /sangs rgyas bcom ldan 'das ni sangs rgyas kyi zhing du 'jig rten dang 'jig rten las 'das pa'i chos bstan pa'i don du sa bcu gnyis mngon sum du mdzad nas shAkya thub par gyur to/ /byang chub sems dpa' phyag na rdo rje ni chu bo shI ta'i byang phyogs grong bye ba phrag dgu bcu rtsa drug na gnas pa'i gdul bya rnams rgyud kyi rgyal po mchog gi dang po'i sangs rgyas kyis yang dag par rdzogs pa'i sangs rgyas kyi lam thob par bya ba'i phyir rgyal po zla ba bzang po gyur to/ /sangs rgyas dang byang chub sems dpa' 'di gnyis sprul pa'i sku 'am longs spyod rdzogs pa'i sku dag gis ston pa po dang gsol ba 'debs pa por 'brel pa yin te/ snga ma dang phyi ma 'gal ba med pa'i phyir ro/ /phyag na rdo rje'i sprul pa'i sku rgyal po zla ba bzang po des sems can thams cad kyis 'jig rten dang 'jig rten las 'das pa'i dngos grub bsgrub pa'i don du de bzhin gshegs pa la gsol ba btab po/ /de bzhin gshegs pas kyang chu bo shI ta'i byang phyogs sham+b+ha la la sogs pa'i yul rnams kyi grong khyer bye ba phrag dgu bcu rtsa drug na gnas pa rnams kyi sems rnam par dag ba/ skal ba dang ldan pa nyid du gnas pa gzigs nas rdo rje'i tshig kha ma phye ba med pa rdo rje'i tshig rab tu gsal bar byed pa mchog gi dang po'i sangs rgyas stong phrag bcu gnyis pa yang dag par bstan to/ /ma 'ongs pa'i dus su tshangs pa'i drang srong bye ba phrag phye dang bzhi dang grong bye ba phrag dgu bcu rtsa drug na gnas pa rnams yongs su smin par gzigs nas rgyud kyi rgyal po stong phrag bcu gnyis pa 'di las bsdus pa'i rgyud byed pa dang/ rtsa ba'i rgyud kyi rgyal po ston par byed pa dang/ rdo rje'i rigs kyi dbang bcu rabs rigs thams cad rigs gcig tu byed pa la 'jam dpal grags pa rigs ldan du de bzhin gshegs pas lung bstan to/ /'grel bshad byed pa po pad+ma dkar po dag kyang rigs ldan gnyis par lung bstan to/ /de'i 'og tu bdag gi phyi nas gshin rje mthar byed la sogs pa rnams lung bstan to/ /'dir bcom ldan 'das kyis/ lo 'di nas ni drug brgya'i los/ /drang srong rnams ni smin don du/ /'jam dbyangs mi bdag grags pa ni/ /sham b+ha la zhes bya bar 'byung/ /'di yi sgrol ma lha mo che/ /sras ni pad 'dzin 'jig rten dbang bdag gi shAkya'i rigs rgyud las/ /byung ba zla bzangs khyod rigs la'o/ /smra mkhas rdo rje'i rigs dang ldan/ /grags pas rdo rje'i rigs la ni/ /rigs bzhi rigs gcig byas gang de/ /rigs ldan tshangs pa'i rigs kyi min/ /'di skad bdag gis thos pa 'dis/ /drang srongs rnams la chos bstan na/ gzhan las thos phyir kun mkhyen min/ /zhes pa'i rtsod pa 'byung bar 'gyur/ /rnam par gang dang gang dag gis/ /sems can rnams ni yongs smin byed/ /rnam pa de dang de dag gis/ /chos ni bstan par bya ba yin/ /sgra dang sgra nyams dag gis chos/ /rnal 'byor pa ni 'bad pas 'dzin/ /yul gyi sgra yis don rnyed pa/ /de la bstan bcos sgra yis ci/ /ji ltar sa la rin chen ming/ /dbye ba tha dad tha dad ni/ /yul dang yul gyi dbang gis brjod/ /rin chen dbye ba 'gar yang med/ /de bzhin bdag gis dag pa'i chos/ /sdud par byed pa sna tshogs kyis/ /sems can bsam pa'i dbang gis ming/ /sna tshogs tha dad tha dad brjod/ /des na snying po don bsdus 'di/ /thams cad mkhyen sogs bdag 'dod do/ /phreng 'dzin tshigs bcad sum cu ni/ /lhag pa'i phyogs brgya le'u lngas/ /dpal ldan rgyud dag rdzogs par ni/ /smra ba'i rgyal pos ston 'gyur te/ /sdud par byed pa po yang 'di/ /'grel bshad byed pa pad dkar 'dzin/ /rgyud 'dir drang srong rigs sogs la/ /sangs rgyas lam ni gsal byed pa/ /zla ba lha dbang gzi brjid can/ /zla bas byin dang lha dbang phyug /sna tshogs gzugs dang lha dbang ldan/ /grags pa pad dkar rim pas so/ /'das pa'i gyal po nyi ma'i 'od/ /de ni bgegs sgra'i sprul pa'i ste/ /phyag na rdo rje zla bzang khyod/ /sa snying gshin rje mthar byed dang/ /sgrib pa thams cad rnam sel dang/ /rmugs byed khengs byed rim pa ste/ /nam mkha' i snying po 'jam dbyangs dang/ /'ji rten mgon po go rims bzhin/ /gshin rje gshed sogs khro bo bcu/ /bde bar byang chub sems dpa' gzhan/ /bcu gsum de dag rim pa yis/ /rigs ldan rigs las 'byung bar 'gyur/ /grags pa rigs ldan rigs kyang ste/ /de nas rigs ldan pad+ma dkar/ /bzang po'i rigs ldan gsum pa ste/ /de bzhin bzhi pa rnam rgyal lo/ /bshes gnyen bzang po phyag dmar dang/ /bdun pa khyab 'jug sbas pa'o/ /nyi ma grags dang shin tu bzang/ /rgya mtsho rnam rgyal rgyal dka' dang/ /rigs ldan nyi ma bcu gnyis pa/ /sna tshogs gzugs dang zla ba'i 'od/ /mdza' yas dang ni sa skyong dang/ /dpal skyong seng ge rnam bar gnon/ /stobs po che dang ma 'gags pa/ /mi yi seng ge dbang phyug che/ /mdza' yas rnam rgyal rigs ldan dang/ /grags pa rigs ldan de nas slar/ /de sras 'khor lo chen po can/ /rigs ldan drag po 'byung 'gyur te/ /smra mkhas rta mchog ting 'dzin gyis/ /kla klo'i chos ni mthar byed pa'o/ /nyi ma'i shing rta la sogs kyi/ /smra mkhas ston pa 'byung 'gyur gang/ / de yis zla bzang rtsa rgyud la/ /khyod ni sdud par byed pa ste/ /'dir ni sems can yongs smin byed/ /khyod nyid 'grel bshad byed pa'o/ /'jam pa'i rdo rje bsdus rgyud la/ /'grel bshad byed pa pad 'dzin rang zhes gsungs so/ /rtsa ba'i rgyud las ji ltar gsungs pa'i rim pas byang chub sems dpa' dang khro bo'i rgyal po lung bstan pa rnams grong bye ba phrag dgu bcu rtsa drug gi 'khor los sgyur ba sngags kyi tshul ston par byed pa por de bzhin gshegs pas lung stan to/ /de bzhin gshegs pa'i nges pa de'i phyir rtsa ba'i rgyud kyi rgyal po stong phrag bcu gnyis pa dang 'grel bshad stong phrag drug cu pa yang sham b+ha la la sogs pa'i yul gyi skad gzhan gyis gleg bam la bris nas rgyal po zla ba bzang pos grong bye ba phrag dgu bcu rtsa drug na gnas pa rnams la rab tu bstan to/ /de dag nyid de la mos pa rnams kyis mnyan cing klags te/ rang gi sems la bzung nas gzhan dag la yang rgya cher rab tu bstan to/ rgyud bstan pa'i dus de nas lo gnyis pa la sems can rnams kyi dngos grub kyi rgyu'i slad du dkyil 'khor gyi 'khor lo dang rdzu 'phrul bstan nas sprul pa'i sku yis gang nas byon pa de nyid du longs spyod rdzogs pa'i sku yis gshegs so/ /de nas lha dbang gis lo brgya'i bar du rgyud ston pa mdzad do/ de bzhin du gzi brjid can dang/ zla bas byin dang/ lha'i dbang phyug dang/ sna tshogs gzugs dang/ lha'i dbang ldan gyis kyang ngo/ /nam mkha' i snying po'i sprul pa'i sku lha'i dbang ldan 'di'i lha mo sna tshogs yum gyis mngal du 'jam dpal rgyal po grags par gyur te/ byang chub sems dpa' i seng ge'i khri de la lo brgya'i bar du chos bstan to/ /de nas lo brgya rdzogs pa'i rjes la de bzhin gshegs pas lung bstan pa'i byin gyis brlabs kyi stobs kyis drang srong rnams yongs su smin pa'i dus su gzigs shing/ mngon par shes pa lnga'i stobs kyis yang dag pa'i lam thob par mkhyen nas nges pa ster bar bzhed pa'i rgyal po grags pas thams cad bos bar gyur to/ /ka lA pa'i grong gi lho phyogs na ma la ya'i skyed mos tshal gyi rgyar dpag tshad bcu gnyis pa ka lA ba'i grong dang mnyam pa'o/ /de'i shar phyogs na nye ba'i yid kyis mtsho rgyar dpag tshad bcu gnyis pa'o/ /nub phyogs na pad+ma dkar po'i mtsho tshad de dang 'dra ba'o/ /mtsho de gnyis kyi bar na ma la ya'i skyed mos chal lo/ /ma la ya'i skyed mos tshal gyi dbus na rgyal po zla ba bzang pos mdzad pa/ bcom ldan 'das dus kyi 'khor lo'i dkyil 'khor gyi 'khor lo ste/ /rin po che lnga'i rang bzhin lha dang lha mo'i bdag nyid yongs su grub pa gru bzhi pa/ rgyar khru bzhi brgya yod pa/ phyi rol du sku'i dkyil 'khor gru bzhi pa/ sgo bzhi pa/ rta babs bzhi dang dur khrod brgyad kyi brgyan pa/ rab lngas bskor ba/ phyi rol du sa la sogs pa'i dkyil 'khor bzhi dang rdo rje phreng bas brgyan pa ste/ rdo rje phreng ba'i mthar thug pa'i rgyar ni khru brgyad brgya pa'o/ /sku'i dkyil 'khor gyi phyed kyi tshad dbus su gru bzhi pa ni gsung gi dkyil 'khor te/ gru bzhi pa/ sgo bzhi pa/ rta babs bzhis brgyan pa/ ra ba lngas bskor ba'o/ /gsung gi dkyil 'khor gyi phyed kyi tshad ni thugs kyi dkyil 'khor te/ gru bzhi pa/ sgo bzhi pa/ rta babs bzhis brgyan pa/ ra ba gsum gyis bskor ba'o/ /de'i phyed kyis ye shes kyi 'khor lo ste/ ka ba bcu drug gis nye bar mdzes pa'o/ /de'i phyed kyi padmo 'dab ma brgyad pa ste/ pad+ma'i sum cha ni lte ba'o/ /de ltar sku dang gsung dang thugs kyi dkyil 'khor rnams mtshan nyid thams cad yongs su rdzogs pa/ do shal dang do shal byed pa dang yang dag par ldan pa/ rin po che'i snam bu dang/ kha khyer dang/ ba ku li dang bcas pa/ me long dang zla ba phyed pa dang/ dril bus rnam par mdzes pa'o/ /dkyil 'khor gsum gyi bdag nyid kyi dkyil 'khor gyis khang pa der/ dpo'i zla ba'i nya la nyi ma'i shing rta la sogs pa tshangs pa'i drang srong bye ba phrag phyed dang bzhi la rgyal po grags pas nges pa byin pa ni/ /kye nyi ma'i shing rta la sogs pa'i tshangs pa'i drang srong rnams bdag gi tshig thams cad mkhyen pa'i phun sum tshogs pa byed pa nyon cig / nag pa'i zla ba'i nya 'di la rigs byed kyi gzhung gi nges pa skyong bar byed pa khyed rnams la bdag gis bstan pa sbyin par bya'o/ /de bas na khyed kyis yul sna tshogs pa gzhan gyi rigs dang ldan pa'i bram ze gang yin pa de dag tha dad du byas te bdag la bstan par bya'o/ /tshig de'i yul sna tshogs kyis spyod pa thod par bya ba dang/ ba lang gi sha dang/ ma he'i sha za ba dang/ chang 'thung ba dang/ ma la sogs pa len pa'i yul gyi tha snyad phan tshun 'gal ba dag gis rnam par dpyad pa na de dag thams cad kyang lhung bar 'gyur ro/ /de ltar de dag 'gal bar gzigs nas rgyal po grags pas gsungs pa/ 'dir bdag gis bcom ldan 'das dus kyi 'khor lo'i dkyil 'khor gyi khang pa 'dir gzhug par bya zhing/ khyed rnams la 'jig rten dang 'jig rten las 'das pa'i dbang sbyin par bya'o/ /gzhan yang bdag gis bkas khyed rnams kyis rdo rje'i rigs dang lhan cig tu bza' ba dang btung ba dang bag ma blangs pa'i 'brel ba dag kyang bya'o/ / ci ste khyed rnams bdag gi bka' mi byed pa de lta na/ bdag gi grong bye ba phrag dgu bcu rtsa drug por la gang dang gang du khyed cag mos pa der khyed rnams song zhig /rnam pa gzhan du na lo brgyad brgya 'das pa'i rjes la khyed kyi bu dang tsha'o la sogs pas kla klo'i chos dar bar byas nas/ sham b+ha la la sogs pa'i yul chen po dgu bcu rtsa drug tu kla klo'i chos ston par byed par 'gyur ro/ /kla klo'i lha bi Shi mi la la'i sngags kyis phyugs kyi ske gri gug gis bcad de/ de nas lha'i sngags kyis bsad pa'i phyugs de rnams kyi sha za bar byed cing/ /rang gi las kyis shi ba rnams kyi sha za bar mi byed par 'gyur ro/ /chos de yang khyed la tshang ma ste/ mchod sbyin don du phyugs bdag spros/ zhes pa'i gzhung gi tshig las so/ /kla klo'i chos dang rig byed kyi chos dag la khyad par med de/ srog gcod par byed pa'i phyir ro/ /de'i phyir khyed kyi rigs kyi bu dang tsha bo la sogs pa rnams kyi kla klo de dag gi gzi byin dang/ g.yul du bdud kyi lha 'jug pa yang mthong nas ma 'ongs pa'i dus lo brgyad brgya 'das pa na kla klor 'gyur ro/ / de dag kla klor gyur pa na grong bye ba phrag dgu bcu rtsa drug na gnas pa'i rigs bzhi la sogs pa thams cad kyang kla klor 'gyur te/ skye bo chen po gang nas bgrong pa de ni lam mo zhes tshangs pa'i drang srong gis smras pa'i phyir ro/ /'dir kla klo'i chos dang rigs byed kyi chos la yang lha dang pha mes kyi don du srog gcad par byas pa yin la/ rgyal rigs kyi chos la yang ngo/ /lha dang pha mes tshim byas nas/ /sha zos skyon gyi cha yod min zhes dang/ de bzhin du/ gang zhig gdug la gdug spyod pa/ / de la skyon ni ma mthong ngo/ zhes bram zes smras pa'i phyir ro/ /de ltar rig byed kyi chos tshang mar byas nas kla klo'i chos yongs su 'dzin par 'gyur te/ rgyu des na ma 'ongs pa na kla klo'i chos mi 'jug par bya ba'i phyir khyed rnams la bdag gis nges pa byin no/ /de bas na khyed rnams kyi bdag gi bka' bzhin bya'o zhes so/ /rgyal po grags pa'i gsung chad pa dang/ bcas pa'i bka' de skad brjod pa 'dis mgor thog lhung ba bzhin gyur pa'i tshangs pa'i drang srong rnams kyis nyi ma'i shing rta la smras pa/ kye nyi ma'i shing rta khyod kyi mi'i dbang po grags pa la bdag cag ni rigs byed las bshad pa rigs kyi chos dor nas rdo rje'i rigs kyi dbang bskur ba'i chos la mi 'jug ste/ de bas bdag cag khyod kyi bka' yis shI ta dang/ kha ba can gyi lho/ lang ka'i gling gi byang/ 'phags pa'i yul du 'gro ba mchog go zhes zhu ba mdzod cig ces so/ /tshangs pa'i drang srong de dag gis tshig gis nyi ma'i shing rtas mi'i dbang po grags pa la/ kye rgyal po chen po mchog gi rgyal po/ dbang phyug dam pa/ skyes bu chen po'i mtshan sum cu rtsa gnyis dang/ dpe byad brgyad cu'i yan lag yongs su rdzogs pa/ dpal shAkya'i rigs kyi thig le mchog gi thugs rje can/ /rang rang gi rigs kyi chos la zhugs pa rnams la thugs rje mdzod cig/ ci ste bdag cag gis gdon mi za bar khyod kyi bka' bzhin bya ba yin pa de lta na/ bdag cag rdo rje'i rigs kyi dbang bskur la 'jug par mi bgyi ste/ khyod kyi bka' yis chu bo shI ta'i lho/ kha ba can dang lang ka'i gling gi bar/ 'phags pa'i yul du 'gro ba mchog go zhes zhus so/ /de nas nyi ma'i shing rta'i tshig gis/ rgyal po grags pas/ khyed rnam sham b+ha la'i yul nas myur du byung la song zhig/ gang gis chu bo shI ta'i byang phyogs grong bye ba phrag dgu cu rtsa drug na gnas pa'i sems can thams cad srog gcod pa la sogs pa mi dge ba'i lam yongs su btad nas bcom ldan 'das dus kyi 'khor lo'i byin brlabs kyis yang dag pa'i ye shes kyi lam 'thob par 'gyur ro zhes smras so/ /rgyal po grags pa'i bka' de yis/ ka lA pa'i grong nas nges par gyur ba'i tshangs pa'i drang srong de dag thams cad nyi ma bcu pa la nags tshal gyi nang du rab tu zhugs so/ /nags tshal gyi nang du rab tu zhugs pa de dag thams cad rgyal po grags pas mngon par shes pa lnga'i stobs kyis mkhyen te/ ji ltar tshangs pa'i drang srong 'di dag 'phags pa'i yul du song na grong bye ba phrag dgu bcu rtsa drug na gnas pa'i sems can thams cad mi gzad ba'i sems dang ldan par 'gyur te/ 'dir rgyu gang zhig rdo rje'i theg par gsungs pa yang dag pa'i ye shes kyi lam ma yin pa'i rgyu de yis drang srong thar pa don du gnyer ba 'di dag thams cad dpal rgyal po grags pa'i 'jigs pas rang gi gnas yongs su btang ste/ rang gi gnyen bshes gzung nas 'phags pa'i yul du song ngo zhes rgyal rigs la sogs pa'i skye bo rnams sems dpar byed cing bskal ba ngan par 'gyur te/ zab pa dang rgya che ba'i chos kyi snod la sems legs pa dang mi ldan pa'i phyir ro/ /de ltar sems can thams cad kyi rang gi sems kyi bsam pa mkhyen nas/ mi'i dbang po grags pas khyab 'jug dang tshangs pa dang/ drag po'i rigs thams cad rmongs par byed pa zhes bya ba'i ting nge 'dzin la snyoms par zhugs so/ /ting nge 'dzin dang lha yi byin gyis brlabs kyi drang srong de dag thams cad nags tshal de nyid du rmongs par gyur pa dang/ nags tshal de na gnas pa'i ri khrod pa la sogs pa rnams kyis drang srong thams cad bcings nas slar yang dkyil 'khor gyi khang pa de nyid du khyer 'ongs te/ mi'i dbang po grags pa'i zhabs kyi drung du dor ba dang rab tu sad de/ /mi'i dbang po grags pa dang/ dkyil 'khor gyi khang pa de nyid dang ma la ya'i skyed mos tshal mthong bar gyur to/ /de mthong ba na ya mtshan thob nas/ e ma'o 'di ni ngo mtshar che ste/ bdag cag rab tu sad par nags tshal chen po nas dkyil 'khor gyi khang ba chen por su yis khyer te/ 'ongs shes pa'i tshig 'di smras so/ /tshangs pa'i drang srong rnams kyis tshig de lta bu 'di rgyal po grags pa'i blon po sprul pa'i sku rgya mtsho'i blo gros kyis thos nas smras pa/ kye nyi ma'i shing rta la sogs pa tshangs pa'i drang srong rnams ya mtshan par ma byed cig /rgyal po grags pa 'di ni phyogs cig pa ma yin te/ khyed rnams rjes su gzung ba'i don du sangs rgyas kyi byin gyis brlabs kyis byung ba'i byang chub sems dpa' chen po zhig go / de'i phyir 'di'i zhabs la skyabs su song la/ rgyud kyi rgyal po dang po'i sangs rgyas la 'jig rten dang 'jig rten las 'das pa'i dngos grub bsgrub pa'i lam dbang bskur bar gsol ba thob cig ces so/ /de nas rgya mtsho'i blo gros kyi tshig de dang/ sangs rgyas kyi byin gyis brlabs kyi nyi ma'i shing rta la sogs pa'i tshangs pa'i drang srong rnams rab tu sad de tshig 'di smras pa/ legs so legs so rgya mtsho'i blo gros khyod kyi tshig gang gis bdag cag gi sems rab tu sad par gyur to/ /de'i phyir da ni dkon mchog gsum la skyabs su song ste/ sems can mdza' dag gis skye ba 'di nyid la yang dag par rdzogs pa'i sangs rgyas thob par bya ba'i slad du rgyud kyi rgyal po dus kyi 'khor lo la 'jig rten dang 'jig rten las 'das pa'i dngos grub sgrub pa'i lam dbang bskur bar gsol ba gdab par bgyi'o zhes so/ /de skad smras nas drang srong de rnams kyis tshangs pa'i rigs kyi rgyal po nyi ma'i shing rta la bos te/ kye nyi ma'i shing rta khyod ni rig byed la sogs pa'i bstan bcos kyi glegs bam gcig tu/ 'jig rten dang 'jig rten las 'das pa'i bstan bcos thams cad kyi gzhal bya 'dzin pa'i thugs can no/ /des na bdag cag gis gsol ba 'debs pa'i tshig rgyal po grags pa la gsol ba gdab par byos shig/ bdag cag kyang maN+Dal sngon du 'gro ba can gyis skyabs su song ste/ thams cad kyis gsol ba gdab par bgyi'o/ /de nas tshangs pa'i drang srong gi tshig des nyi ma'i shing rtas rin chen gser gyi rang bzhin me tog rnams kyi maN+Dal byas nas/ mi'i dbang po grags pa'i zhabs kyi drung du rin po che'i me tog gi snyim pa gtor te/ pus mo gnyis sa la gtsugs shing lag pa gnyis spyi bor son pas tshangs pa'i drang srong rnams dang thabs cig tu grags pa'i zhabs la phyag 'tshal nas/ pus mo g.yas pa'i lha ngas la btsugs shing thal mo sbyar ba dpral bar bkod de mi'i dbang po grags pa la gsol ba btab pa/ bcom ldan 'das gong du mtshams med pa lnga byed pa po rnams kyang skye ba 'di nyid la sangs rgyas nyid thob par lung ston cing bcom ldan 'das rdo rje 'dzin pa'i mchog tu mi 'gyur ba'i bde bas yang dag par bsdus pa'i phyag rgya chen po thob pa lung ston pa/ rgyud kyi rgyal po dang po'i sangs rgyas bstan du gsol/ de bzhin gshegs pas r gyal po zla ba bzang po la bstan pa'i dang po'i sangs rgyas stong phrag bcu gnyis pa gang yin pa de nyid gzhung nyung ngu yis dang po'i sangs rgyas rgyud kyi rgyal po bsdus pa 'di yang dag par bsdu ba mdzad nas tshangs pa'i drang srong rnams la ston pas bstan du gsol zhes so/ /de nas nyi ma'i shing rtas gsol ba btab pa gsan nas/ tshangs pa'i drang srong rnams kyis mos pa'i sems kyi dbang gi phyir/ de bzhin gshegs pa'i byin gyis brlabs kyi stobs kyis bsdus pa yang dag par mdzad pa po nyid kyis phreng ba 'dzin pa'i tshigs su bcad pa thams cad mkhyen pa ston pa po la sogs pa yang dag sdud par byed pa dag gis rgyud kyi rgyal po ston par mdzad do/ /sgra bzang po smra ba de dag rnams kyis sgra bzang po la zhen pa spang ba'i slad du don la rton pa nyid la bsten te/ tshigs su bcad tshigs su bcad pa kha cig tu zur chag gi sgra dang/ tshigs su bcad pa kha cig tu gcod mtshams nyams pa dang/ kha cig tu rnam dbye med pa'i tshig dang/ kha cig tu dbyangs dang gsal byed phyis pa dang/ tshigs bcad kha cig tu ring po la thung ngu dang/ thung ngu la yang ring po dang/ kha cig tu lnga pa'i don la bdun pa dang/ bzhi pa'i don la drug pa dang/ kha cig tu gzhan gyi tshig can gyi dbyings la bdag nyid kyi tshig dang/ bdag nyid kyi tshig can la gzhan gyi tshig dang/ kha cig tu gcig gis tshig la mang po'i tshig dang/ mang po'i tshig la gcig gi tshig dang/ kha cig tu pho'i rtags la ma ning gi rtags dang/ ma ning gi rtags la pho'i rtags dang/ kha cig tu rkan las byung ba sha yig la so dang spyi bo las byung ba dang kha cig tu spyi bo las byung ba la so dang rkan las byung ba dang/ kha cig tu so las byung ba la rkan dang spyi bo las byung ba ste/ de lta bu gzhan yang rgyud ston pa'i man ngag gi rjes su 'brang bar bya ba'o/ /de bzhin du rtsa ba'i rgyud las bcom ldan 'das kyis/ zla bzang sangs rgyas thams cad dang/ /bla ma rnams kyi slob ma yis/ /chung ma bu mo bu sdug dang/ /rtag tu 'dod pa'i dngos po dngul/ /dri ni sa la 'byung ba ste/ /chu la gzugs dang me la ro/ /rlung reg 'gyur ba me la sgra/ /nam mkha' che la chos kyi dbyings/ / dri dang spos sogs mar me dang/ /bza' dang btung sogs gos rnams kyis/ /rtag tu phyag rgya mchod byas te/ /dam pa'i bu yis bla mar dbu la zhes gsungs te/ de lta bu la sogs pa'i sgra zur chag gzhan yang rnal 'byor pas lung klags pa las rtogs par bya'o/ /de bzhin du 'grel bshad la yang sgra bzang po'i mngon pa'i nga rgyal nyams par bya ba'i slad du bdag gi don la ston pa nyid la rten bri bar bya ste/ rnam pa gang dang gang gis rigs dang rig pa dang sgra bzang po'i mngon pa'i nga rgyal zad par 'gyur ba'i rnam pa de dang des don la rten pa nyid la brten te yul gyi skad gzhan dang sgra'i bstan bcos kyi skad gzhan gyis sangs rgyas dang byang chub sems dpa' rnams thar pa'i don du chos ston to/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyis rjes su 'jug pa stong phrag bcu gnyis pa dri ma med pa'i 'od las/ ston pa po dang gsol ba 'debs pa po dang rtsa ba'i rgyud dang bsdus pa'i rgyud kyi 'grel pa'i mdor bsdus te gsum pa'o// // da ni 'jam dpal gyi sprul pa mi'i dbang po grags pa dang/ nyi ma'i shing rta'i ston pa po dang gsol ba 'debs pa po la sogs pa'i glel pa la sogs pas rgyud kyi rgyal po rnam par rgyas par bya ste/ 'dir dpal ldan dus kyi 'khor lo chen po'i dkyil 'khor gyi khang pa'i shar gyi sgo dang nye bar/ nor bu rin po che'i khyams chen por rin po che'i seng ge'i khri chen po la bzhugs pa/ lha dang lha ma yin dang klu'i sprul pa'i sku/ rgyal po'i rigs chen po dgu bcu rtsa drug tu skyes pa/ rin po che'i cod pan chen po bcings pa grong bye ba bye ba'i bdag po rnams kyis zhabs kyi pad+ma la phyag byas pa/ de bzhin gshegs pa thams cad kyi shes rab kyi sku/ nyi ma'i shing rtas gsol ba btab pa'i/ mi'i dbang po grags pas nyi ma'i shing rta la 'di gsungs so/ /nyi ma'i shing rta khyod t shangs pa'i drang srong gi rigs la sogs pa sems can thams cad kyis yang dag par rdzogs pa'i sangs rgyas kyis lam thob par bya ba'i slad du rgyud kyi rgyal po mchog gi dang po'i sangs rgyas dam pa'i dngos po nyan par 'dod cing yang dag par brtson pa gang yin pa de ni legs so legs so/ /khyod kyi 'di legs pa de bas na rgyud kyi rgyal po mchog gi dang po'i sangs rgyas dam pa'i dngos po 'jig rten dang 'jig rten las 'das pa'i dngos grub sgrub par byed pa dus kyi 'khor lo'i rnal 'byor khyod kyis dris ba de thams cad bdag gis bstan par bya'o/ /sdud par byed pa po rgyal po grags pa bdag gis de bzhin gshegs pa'i byin gyis brlabs kyi stobs kyis yang dag par rdzogs pa'i sangs rgyas zla ba bzang po ston pa po dang gsol ba 'debs pa po 'brel pas phreng ba 'dzin pa'i sdeb sbyor gyis yang dag par bsdus te/ rgyud gyi rgyal po chen po las phyung ba sngon du lung bstan pa'i bsdus pa'i rgyud kyi rgyal po dam pa'i dngos po shes rab dang thabs kyi bdag nyid kyi rnal 'byor khyod kyis kyang rtse gcig pa'i yid kyis nyon cig ces so/ /de nas bcom ldan 'das 'jam dpal gyis sprul pa'i sku mi'i dbang po grags pas mchog gi dang po'i sangs rgyas las de bzhin gshegs pas lung bstan pa ston pa po la sogs pa yang dag par sdud pa'i tshigs su bcad pa dang po gsungs pa/ thams cad mkhyen pa ye shes sku dang nyin mor byed pa'i sku ste pad+ma'i 'dab ma rgyas pa'i spyan/ /sangs rgyas seng ge'i khri la bzhugs pa lha mchog rnams kyis bdud la rgyal po zla ba bzang po yis/ /mgo bos rab tu phyag 'tshal lag pa'i pad+ma sbyar ba yan lag mchog la bzhag nas zhus pa ni/ /rnal 'byor dpal ldan dus 'khor ka phreng ldan pa'i a 'dus la ste mi rnams grol ba'i don du'o/ /rgyud kyi rgyal po 'dir ston pa po la sogs pa rnams bsdu ba'i don du tshigs su bcad pa dang po 'di bcom ldan 'das kyis yang dag par gsungs so/ /'dir ston pa po la sogs pa rnams ni/ ston pa po dang/ gnas dang/ 'khor chen po dang/ gsol ba 'debs pa po dang/ chos bstan pa dang dgos pa dang dgos pa'i dgos pa'o/ /'di rnams la re zhig ston pa po bsdu ba ni/ thams cad mkhyen pa ye shes sku dang nyin mor byed pa'i sku ste pad+ma'i 'dab ma rgyas pa'i spyan/ /sangs rgyas zhes pa'i yi ge nyi shu rtsa gsum po 'dis bcom ldan 'das kyis ston pa po bsdu ba mdzad do/ /seng ge'i khri la bzhugs zhes pa'i yi ge lnga po 'dis gnas bsdu ba mdzad do/ /pa lha mchog rnams kyis bdud la zhes pa'i yi ge bdun po 'dis 'khor chen po bsdu ba mdzad do/ /rgyal po zla ba bzang po yis/ /mgo bos rab tu phyag 'tshal lag pa'i pad+ma sbyar ba yan lag mchog la bzhag nas zhus pa ni zhes pa'i yi ge nyi shu rtsa brgyad po 'dis gsol ba 'debs pa de bsdu ba mdzad do/ /rnal 'byor dpal ldan dus 'khor ka 'phreng ldan pa'i a 'dus la ste zhes pa'i yi ge bcu bzhi po 'dis chos bstan pa bsdu ba mdzad do/ mi rnams grol ba'i don du'o/ /zhes pa'i yi ge bdun po 'dis dgos pa dang dgos pa'i dgos pa bsdu ba mdzad de/ de ltar na yi ge brgyad cu rtsa bzhi po 'di rnams kyi rim pa ji lta ba bzhin ston pa po dang gnas dang 'khor chen po dang gsol ba 'debs pa po dang chos bstan pa dang dgos pa dang dgos pa'i dgos pa rnams de bzhin gshegs pas lung bstan pa'i bcom ldan 'das 'jam dpal rtsa ba'i rgyud kyi rgyal po las phung ste/ bsdu ba mdzad do/ /rgyud kyi rgyal po thams cad du 'di skad bdag gis thos pa zhes bya ba la sogs pas bcom ldan 'das rdo rje 'dzin pa bzhugs pa'i gnas nges par bstan pa de bzhin gshegs pas gsungs pa ma yin nam/ ji ltar rgyud kyi rgyal po 'di thams cad mkhyen pa zhes pa la sogs pas 'di skad bdag gis la sogs pa dang bral bar sangs rgyas bcom ldan 'das kyis yang dag par bstan pa yin/ 'di skad bdag gis thos pa la sogs pas bzhugs pa'i gnas nges par bstan pa med pa'i phyir/ rgyud kyi rgyal po 'di sangs rgyas bcom ldan 'das kyis gsungs pa ma yin no zhes ming dang tshig la ston pa la brten pa 'ga' zhig gi tshig 'dir 'byung bar 'gyur te/ de'i phyir brjod par 'dir ma 'ongs pa'i dus na byis pa'i skye bo ming dang tshig la ston pa la brten pa dag gis rgyud kyi rgyal po thams cad du 'di skad bdag gis thos pa zhes pa la sogs pas bcom ldan 'das rdo rje 'dzin pa bzhugs pa'i gnas nges par bstan par de bzhin gshegs pas gsungs par gang brjod pa de ni ma yin te/ gang gi phyir chos ston pa po/ /don la ston pa la brten pa nyid kyi phyir dang/ sdud par byed pa po rnams kyang yul sna tshogs kyi skad gzhan gyis yang dag par sdud par byed pa'i phyir ro/ /'dir gal te 'di skad bdag gis thos pa zhes pa la sogs pa legs par sbyar ba'i tshig mgrin pa dang rkan la sogs pa'i 'bad rtsol gyis bskyed pa nyi tshe bas de bzhin gshegs pa chos ston par byed pa de ltar na chos kyi phung po brgyad khri bzhi stong dus du mar yang de bzhin gshegs pas bstan pa dang sdud pa pos kyang bri bar mi nus te/ nyi tshe ba legs par sbyar ba'i tshig gcig pu yin pa'i phyir ro/ /'dir sprul pa'i sku mdza' yas pa med pa'i phyir mdza' yas pa med pa'i phyir mdza' yas pa mdza' yas pa'i 'jig rten gyi khams rnams su mdza' yas pa mdza' yas pa'i sems can rnams kyi sgra dag gis cig car chos ston pa yang med par 'gyur ro/ /chos kyi phung po brgyad khri bzhi stong ston par byed pa med pa'i phyir thams cad mkhyen pa ma yin par 'gyur te de ltar yang ma yin no/ /'dir sangs rgyas tshad med pa dang/ chos tshad med pa dang/ dge 'dun tshad med par de bzhin gshegs pas gsungs pa 'di'i phyir/ ston pa po thams cad mkhyen pa gcig ma yin no/ /thams cad mkhyen pa'i skad sems can thams cad kyi skad kyis don ston par byed pa gcig ma yin no/ /bzhugs pa'i gnas nges par bstan pa gcig ma yin no/ /de bzhin gshegs pa'i gsol ba 'debs pa po nyan thos kyi dge 'dun gcig ma yin gyi/ 'dir sems can rnams kyi mos pa sna tshogs kyi dbang gis thams cad mkhyen pa du ma dang thams cad mkhyen pa'i skad du ma dang bzhugs pa'i gnas du ma dang gsol ba 'debs pa po du ma dang/ chos bstan pa du ma yin no/ /de'i phyir de bzhin gshegs pas 'di skad bdag gis thos pa zhes pa la sogs pa mgrin pa dang/ rkan la sogs pa'i 'bad rtsol gyis bskyed pa lha'i skad cig bus rgyud thams cad bstan pa ma yin no/ /'dir dang po re zhig nyan thos kyis tshul sde snod gsum la sogs pa la ma ga d+ha'i skad kyis chos ston pa ni 'di lta ste/ ai tya pi so b+ha ga bA samya ksaM bud+d+ho bidzdzA tsa ra Na saM pa nadu chu bo shI ta'i byang tsam pa ka'i yul du grong bye ba'i skad kyis chos ston pa ni 'di lta ste/ a ka ruSha khuSh+Nu ka ga gaN ku/ ('di ltar yang de ni bcom ldan 'das yang dag par rdzogs pa'i sangs rgyas rigs pa dang zhabs su ldan pa/ bde bar gshegs pa 'jig rten rig pa/ bla na med pa/) dziNa ma ka bi dzi ri Ta ku/ du du ru pa ka zhes pa la sogs pas chos bstan to/ /de bzhin du ru ma ka ma'i byang sur ma'i yul du grong bye ba'i skad kyis chos (zer ba 'dul) ston pa ni 'di lta ste/ a ka ma ya sad/ ba la da dad ta bi raT/ mi ni kA ku Ta ba ra dang/ dzi gi ti pa ra data/ ces pa la sogs pas chos bstan to/ /de ltar de bzhin gshegs pa yul du ma'i yul gyi skad kyis theg pa gsum ston par byed pa'i phyir/ 'di skad bdag gis thos pa la sogs pa legs par sbyar ba'i skad cig pus ma yin no/ /des na sdud par byed pa po rnams kyi legs par sbyar ba'i skad kyis bris pa'i rgyud kyi rgyal po rnams kyi rgyal po rnams la yang kha cig tu ni 'di skad bdag gis thos pa zhes pa la sogs pa bzhugs pa'i gnas nges par bstan te/ kha cig tu ni ma yin no/ /dang por re zhig dpal 'dus pa stong phrag nyi shu lnga pa dang/ sgyu 'phrul dra ba stong phrag bcu drug pa zhes pa la sogs rgyud kyi rgyal po du mar ni 'di skad bdag gis thos pa zhes pa la sogs pas bzhugs pa'i gnas nges par bstan to/ /la lar ni ma yin te/ dang por re zhig mchog gi dang po'i sangs rgyas stong phrag bcu gnyis pa dang/ rnal 'byor rjes su rig pa stong phrag sum cu rtsa drug pa dang/ mngon par brjod pa 'bum pa chen po las te/ de bzhin du rgyud kyi rgyal po du ma rnams la yang ngo/ /rtsa ba'i rgyud kyi rgyal po rnams la ji lta ba de bzhin du de nas phyung ba'i sdus pa'i rgyud rnams la yang kha cig tu ni 'di skad bdag gis thos pa zhes pa la sogs pas bstan la/ kha cig tu ni ma yin no/ /'dir dpal 'dus par bcom ldan 'das kyis/ 'di skad bdag gis thos pa dus cig na/ bcom ldan 'das de bzhin gshegs pa thams cad kyi sku dang gsung dang thugs rdo rje btsun mo'i b+ha ga la bzhugs te/ zhes gnas nges par bstan pas gsungs so/ /de bzhin du sgyu 'phrul dra ba las/ 'di skad bdag gis thos pa zhes pa la sogs pas bzhugs pa'i gnas nges par bstan to/ /de bzhin du rtsa ba'i rgyud dang bsdus pa'i rgyud kyi rgyal po gzhan rnams la yang bzhugs pa'i gnas nges par bstan to/ /'dir mchog gi dang po'i sangs rgyas las bcom ldan 'das kyis thams cad mkhyen pa ye shes sku/ nyi ma'i sku gang mi bzad pa/ /dpal ldan pad 'dab rgyas pa'i spyan/ /sangs rgyas seng ge'i khrir bzhugs pa/ /sku gsung thugs dang chags pa yis/ /sku gsung thugs kyi dkyil 'khor la// sku gsung thugs dang chags pa'i bdag rdo rje sems dpa' lhag pa'i lha/ /mi phyed rdo rje'i rnal 'byor 'di/ /dus kyi 'khor lo mi 'gyur ba de/ /sangs rgyas thog ma tha ma med/ /dang po'i sangs rgyas rigs med pa// kun nas rdo rje skal bzang nyid/ /kun nas sna tshogs sdom pa sde// bden don rnam pa bcu gnyis dang/ /de nyid rnam pa bcu drug 'dzin/ /zhes pa la sogs pa mchog gi dang po'i sangs rgyas las bzhugs pa'i gnas nges par bstan pa gsungs so/ /de bzhin du rnal 'byor rjes su rig pa stong phrag sum cu rtsa drug pa las bcom ldan 'das kyis/ rdo rje mkha' 'gro'i pad+mar gnas/ /lhag pa'i lha ni gcig po 'di/ /lhan skyes dga' ba'i gzugs kyis ni/ /srid gsum bdag nyid dag la gnas/ /zhes pa la sogs pas rnal 'byor rjes su rig pa las bzhugs pa'i gnas nges par bstan pa gsungs so/ /de bzhin du mngon par brjod pa 'bum pa las bcom ldan 'das kyis/ pho nya kun gyi gsang ba la/ /sems dpa' kun gyis bdag nyid gnas/ /sems dpa' pho nya kun rang bzhin/ /rdo rje sems dpa' i bde ba che zhes pa la sogs pas bzhugs pa'i gnas nges par bstan pa gsungs te/ de yang bla ma'i man ngag las rtogs par bya'o/ /de bzhin du gsol ba 'debs pa po ni dpal 'dus pa las/ de nas phyag na rdo rje de bcom ldan 'das rdo rje 'dzin pas byin gyis brlab par gyur pas 'di skad ces gsol to/ /rgyud kyi rgyal po chen po rgyud thams cad kyis bla na med pa/ sangs rgyas thams cad kyi dpal 'dus pa sangs rgyas thams cad mngon par brjod pa bcom ldan 'das kyis bstan du gsol/ zhes pa de lta bu la sogs pas phyag na rdo rjes gsol ba btab bo/ /de bzhin du sgyu 'phrul dra ba la phyag na rdo rje gsol ba 'debs pa po ste/ mtshan yang dag par brjod pa las rab tu grags so/ /'dir mchog gi dang po'i sangs rgyas la gsol ba 'debs pa po ni/ sems can nyon mongs gzhil ba'i slad/ /sku gsung thugs kyi sbyor ba yis/ /bcom ldan 'das kyis bskul gyur pas/ ston pa'i zhabs kyis pad+ma gnyis/ /rin chen me tog rnams kyis mchod/ /slar yang snyim pa rin chen bcas/ /pus mo gnyis ni sar btsugs shing/ /spyi bo yis kyang phyag 'tshal te/ /de nas pus mo g.yas pa yi/ /lha nga sa la btsugs nas ni/ /dpral bar thal mo sbyar byas te/ /mi bdag gsol ba 'debs par byed/ /rgyud rnams kun gyis bla na med/ /dang po'i sangs rgyas rtag tu ni/ /dngos grub phun tshogs mtshan nyid can/ /A li kA li legs ldan dpal/ /dus 'khor 'di la rnal 'byor ni/ /skad cig gcig mngon rdzogs sangs rgyas/ /skad cig bzhi yi rnam dbye can/ /de nyid bcu drug dbye ba yis/ /tha dad thig le bzhi 'dzin pa/ /stong dang ye shes thig le dang/ /mchog dang rdo rje 'dzin pa che/ /stong pa chen po yi ge lnga/ /thig le stong pa yi ge drug/ phyi dang lus dang gzhan la yang/ /sangs rgyas lha dang lha min nyid/ /de bzhin rang bzhin rnams la ni/ /skyes bu nyi shu lnga pa gzhan/ /lus la sna tshogs chad dang gang/ /'jig rten gsum po 'byung ba'i rgyu/ /lha dang lha min longs spyod pa/ /ji bzhin gsal bar 'di dag kun/ /ma lus ston pas bshad du gsol/ zhes pa de lta bu la sogs pas mchog gi dang po'i sangs rgyas la rgyal po zla ba bzang pos gsol ba btab bo/ /de bzhin du rnal 'byor rjes su rig pa'i rgyud las sna tshogs gzugs can mas/ dpal ldan sna tshogs gzugs can mas/ /rdo rje 'jigs byed la btud zhus/ /rnal 'byor rje su rigs pa'i rgyud/ /rdo rje sems dpa' i mchog bde ci zhes pa la sogs pas rnal 'byor rjes su rig pa la gsol ba gdeb pa gsungs so/ /de bzhin du mngon par brjod pa 'bum pa la rdo rje phag mos srid gsum bdag nyid he ru kar/ /rdo rje phag mos phyag 'tshal te/ /mngon par brjod pa 'bum pa'i rgyud/ /rdo rje sems dpa' i mchog bde ci/ zhes pa la sogs pas mngon par brjod pa 'bum pa la gsol ba gdab pa gsungs so/ /de bzhin du rgyud kyi rgyal po gzhan rnams la yang gsol ba 'debs pa rnal 'byor pas shes par bya'o/ /bcom ldan 'das mdza' yas pa'i chos ston pa po nyid yin pa 'di'i phyir/ 'di skad bdag gis thos pa zhes pa la sogs pas rgyud kyi rgyal po thams cad du bzhugs pa'i gnas nges par bstan ces sangs rgyas pa rnams kyis brjod par mi bya'o/ /sems can thams cad kyi skad kyi rang bzhin thams cad mkhyen pa'i skad med par legs par sbyar ba'i skad nyi tshe ba cig pu 'di yis yin na/ sangs rgyas kyang nyi tshe bar 'gyur ro/ /'phags pa'i yul 'dir sgra smra ba po mu stegs pa mkhas pa'i mngon pa'i nga rgyal dang ldan pa rnams mthong nas/ ji l tar bram ze dang khyab 'jug pa dang zhi ba pa la sogs pa rnams kyi 'dod pa'i lha tshangs pa dang khyab 'jug pa dang drag po la sogs pa rnams legs par sbyar ba smra ba po yin pa de bzhin du bdag cag gi 'dod pa'i lha sangs rgyas dang byang chub sems dpa' rnams legs par sbyar pa smra ba po yin no/ /zhes pa ni sangs rgyas pa byis pa'i blo can rnams kyi bsam pa ste/ 'dir sangs rgyas dang byang chub sems dpa' de dag thams cad mkhyen pa'i skad med par legs par sbyar ba'i skad nyi tshe ba 'di yis ma yin te/ sems can thams cad kyi skad kyis chos ston par byed pa po dang/ yang dag par sdud par byed pa po yin no/ /de'i phyir sangs rgyas dang byang chub sems dpa' rnams ni lha'i skye ba dang 'brel ba'i nyi tshe bas ma yin te/ sems can sna tshogs kyis skad kyis chos ston pa po yin pa'i phyir ro/ /sngags kyis tshul 'di la e waM nyid ming ma yin te/ dngos po cig la yang ming du ma'o/ /ming mang po nyid kyi phyir ming cig kho na gtso bo ma yin te/ ming thams cad kyis dngos po gcig go bar byed pa'i phyir ro/ /dper na bud med dang mi mo dang na chung ma rnams las bud med gcig pu gtso bo'i ming ma yin te/ thams cad kyis nu ma dang skrar ldan pa'i dngos po go bar byed pa'i phyir ro/ /de bzhin du e yig dang/ gsang ba dang/ pad+ma dang/ chos 'byung dang/ nam mkha' i khams dang/ bde ba chen po'i gnas dang/ seng+ge'i khri dang/ b+ha ga dang/ gsang ba'i ming rnams kyi nang nas e yig gcig po gtso bo'i ming ma yin te/ thams cad kyis rnam pa thams cad pa'i stong pa nyid go bar byed pa'i phyir ro/ / de bzhin du waM yig dang/ bde ba chen po dang/ chags pa chen po dang/ lhan cig skyes pa dang/ mchog tu mi 'gyur ba dang/ thig le dang/ de nyid dang/ ye shes dang/ rnam par dag pa'i sems kyi ming rnams kyi nang nas waM yig gcig bu gtso bo'i ming ma yin te/ thams cad kyis phyag rgya chen po lhan cig skyes pa'i dga' ba 'gyur ba med pa'i bde ba go bar byed pa'i phyir ro/ /de bzhin du e yig dang/ waM yig dag gis rnam pa thams cad kyi mchog dang ldan pa'i stong pa nyid dang/ chos thams cad la dmigs pa med pa'i snying rje dbyer med pa'i byang chub kyi sems kyi dngos po dog par byed pa'i phyir/ e waM gi yi ge dang/ rdo rje sems dpa' dang/ byang chub kyi sems dang/ dus kyi 'khor lo dang/ dang po'i sangs rgyas dang shes rab dang thabs kyi bdag nyid dang/ rnal 'byor dang shes rab dang shes bya'i bdag nyid dang/ gnyis su med pa dang/ thog ma dang tha ma med pa dang/ zhi ba dang/ 'dus pa dang/ sdom pa ste/ de lta bu la sogs pa'i ming du ma rnams kyis rnal 'byor pas shes rab dang thabs kyi bdag nyid gnyis su med pa'i rnal 'byor rigs med pa rtogs par bya'o/ /'dir 'dus pa la sogs pa'i rgyud kyi rgyal po la rgyal gyi dang por e yig dang waM yig bcom ldan 'das kyis nges pa'i tshig gi tshul gyis nges par bstan cing sdud par byed pa po rnams kyis kyang rgyud kyi dang por bris pa gang yin pa de ni lha rnams lha'i skad kyis yongs su smin par bya ba'i slad du'o/ /de'i phyir 'dus pa la sogs pa'i rgyud kyi rgyal po la yi ge gnyis po 'di dbye bar ni mi 'dod de/ yi ge gnyis po 'di bcom ldan 'das kyis rkan la sogs pas ma gsungs pa yang ma yin la/ sdud par byed pa po rnams kyis ma thos par bris par yang ma yin no/ /de'i phyir yi ge gnyis pa 'di'i nges pa'i don brjod par bya ste/ dang por a yig nam mkha' i khams dang gsang ba'i pad+ma'o/ /de'i 'og tu rnam par gcad pa nyi ma dang rdul lo/ /de'i 'og tu a yig sgra gcan dang rnam par shes pa bde bas byin gyis brlabs pa'o/ /de'i 'og tu rjes su nga ro zla ba dang khu ba'o/ /a yig nam mkha' i khams dang sgra gcan rnam shes 'di gnyis kyi bar du rnam par bcad pa nyi ma dang rdul ni au nyes 'thob ste/ de'i phyir rnam par bcad pa nyi ma dang rdul au nyid thob par gyur pa na don dam pa'i bden pa las yon tan med do/ /yon tan med pa'i phyir ya nar bsgyur bar 'gyur te/ phyi ma'i a yig sgra gcan dang/ rnam par shes pa dang lhan cig wa nyid do/ /rjes su nga ro zla ba dang khu ba dang yang dag par sbyar te/ de'i phyir waM yig go /de bzhin du dang po'i a yig nam mkha' i khams dang gsang ba'i pad+ma ni bdun pa'i mdza' can te/ a yig pha rol gyi ai yig dang lhan cig yon tan dang ldan par 'gyur te/ de'i phyir e yig go /e yig nam mkha' i khams rten 'di'i dbus su waM yig rnams par bcad pa dang/ a yig dang rjes su nga ro dang/ nyi ma dang sgra gcan dang zla ba dang rdul dang kun gzhi rnam par shes pa dang khu ba'i bdag nyid rten pa yin par phyi dang lus dang gzhan la yang rtogs par bya'o/ /'dir rtsa ba'i rgyud las bcom ldan 'das kyis gsungs pa/ e yig mkha' khams dbus su ni/ /sangs rgyas kun gyi bde ba len/ /waM yig rdo rje sems dpa' 'di/ /sku gsung thugs kyi rnal 'byor las/ /thig le zla ba khu ba sku/ /rnam par gcad pas rdul nyi gsung/ /a yig mun can thugs rab brjod/ /mkha' khams e la rnam par gnas/ /sku gsung thugs kyi rnal 'byor gyis/ /sku gsung thugs kyi dkyil 'khor la/ / sku gsung thugs dang chags pa yis/ /srid gsum bdag nyid dag la gnas zhes so/ /rgyud 'di lha rnams yongs su smin par bya ba dang yang dag par rdzogs pa'i sangs rgyas nyid thob par bya ba'i slad du de bzhin gshegs pas 'dus pa la sogs pa'i rgyud kyi rgyal po rnams su 'di skad bdag gis thos pa zhes pa la sogs pas bzhugs pa'i gnas nges par bstan pa gsungs so/ /dngos po gang zhig dpal 'dus pa la sogs par e waM zhes pa'i ming 'dis brjod pa'i dngos po de nyid mngon par brjod pa 'bum pa la sogs pa'i rgyud kyi rgyal po rnams su gsang ba zhes pa la sogs pas de bzhin gshegs pas bstan to/ /de yang bla ma'i man ngag las rgyud dang rgyud gzhan du dgongs pa'i skad kyis rtogs par bya'o/ /'dir rtsa ba'i rgyud las bcom ldan 'das kyis gsungs pa/ dgongs pa'i skad dang de bzhin min/ /ji bzhin sgra dang de bzhin min/ /drang ba'i don dang nges don te/ /rgyud 'di mdza' drug mtshan nyid do/ /bcom ldan 'das kyis gsung 'di'i phyir ming gcig ni gtso bo ma yin no/ /sngags kyi theg pa 'di la yid ches pa rnam pa gsum bcom ldan 'das kyis gsungs te/ /dang por re zhig rgyud las yid ches pa dang/ /de nas bla ma las yid ches pa dang/ de nas bdag nyid las yid ches pa ste/ yid ches pa 'di gsum gyis yang dag par rdzogs pa'i sangs rgyas kyi lam yongs su dag par 'gyur ro/ /rnam pa gzhan du yid ches pa gsum med par lam gang bla mas slob ma la bstan pa ni yang dag par rdzogs pa'i sangs rgyas nyid kyi 'bras bu ster ba byed pa por mi 'gyur te/ slob ma'i dad pa dman pa nyid kyi phyir/ kun rdzob kyi bden pas 'jig rten pa'i 'bras bur 'gyur ro/ /'dir rgyud dang rgyud gzhan du bcom ldan 'das kyi dam bca' ba mdzad de/ rnam par rtog pa dang bral ba'i sems su byas nas nyi ma gcig mtshan ma yongs su brtags par bya'o/ /gal te rgyud nas gsungs pa'i cho ga dang/ bla ma'i man ngag gi slob ma yid ches par ma gyur ba de lta na bcom ldan 'das rdzun gsung bar 'gyur ro/ /ci ste bla ma'i rgyud nas gsungs pa'i cho gas slob ma la lam ster ba por ma gyur ba de lta na bcom ldan 'das kyis dam bca' ba brdzun du mi 'gyur te/ bla mas lam yongs su mi shes pa'i phyir dang/ phyin ci log dang rnam par ma dag pa'i lam bsgom pa ston par byed pa nyid kyi phyir ro/ / 'dir du ba la sogs pa'i mtshan ma bor nas gzhan dkyil 'khor gyi 'khor lo bsgrub pa'i mtshan ma nyi ma gcig yongs su brtag par bya ba ma yin par bcom ldan 'das kyis gsungs so/ /'dir rigs gsum gyi bdag nyid kyi rgyud kyi rgyal po sku dang gsung dang thugs kyi bdag nyid can zhal gsum pa brjod par bya ba'o/ /rigs bzhi'i bdag nyid la sku dang gsung dang thugs dang ye shes kyi bdag nyid can zhal bzhi pa brjod par bya ba'o/ /rang bzhin gyi rigs gcig dang lhan cig rigs bzhi bdag nyid can gyi rgyud dang/ brjod par bya bar 'gyur ro/ /de bzhin du rigs lnga'i bdag nyid rang bzhin gyi rigs gcig dang/ lhan cig rigs drug gi bdag nyid du 'gyur ro/ /'dir rigs bzhi'i bdag nyid kyi rgyud la rigs bzhi'i bdag nyid brjod par bya ba ste/ nyi ma dang/ zla ba dang/ sgra gcan dang/ dus me dang/ rdul dang/ khu ba dang sems dang ye shes gcig tu sbyor ba'o/ /'dir mtshan yang dag par brjod pa'i so sor rtog pa'i ye shes la bstod pa las/ tshigs su bcad pa sum cu rtsa gsum pa la sogs pa gsum gyi rdo rje'i rnal 'byor gsal bar de bzhin gshegs pas gsungs pa 'di lta ste/ rdo rje nyi ma snang pa ste/ rdo rje zla ba dri med 'od/ /chags bral dang po chags pa che/ /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sangs rgyas brjod pa'i chos 'dzin pa/ /dpal ldan sangs rgyas pad+ma skyes/ /kun mkhyen ye shes mdzod 'dzin pa/ /rgyal po sgyu 'phrul sna tshogs 'chang/ /che ba sangs rgyas rig sngags 'dzin/ /rdo rje rnon po ral gri che/ /'gyur med mchog ste rnam par dag ces so/ /bcom ldan 'das kyi gsung 'di'i phyir rigs bzhi'i bdag nyid brjod par bya ste/ rdo rje sems dpa' rnam par dag pa dang chos dang sngags dang dbyibs kyi bdag nyid can bcom ldan 'das dus kyi 'khor lo'o/ /de ltar phung po dang khams kyi dbye bas rigs lnga'i bdag nyid de/ de bzhin du sgyu 'phrul dra ba las bcom ldan 'das kyis gsungs pa/ gdong lnga zur phud lnga dang ldan/ /zur phud lnga pa me tog thod/ /mgo zlum brtul shugs chen po 'chang/ /tshangs par spyad pa'i brtul zhugs mchog ces so/ /de bzhin du phung po dang khams kyi dbye bas rigs drug gi bdag nyid brjod par bya ba dang/ de bzhin du zhal gyis dbye bas rigs brgya'i bdag nyid kyang bcom ldan 'das kyis chos kyis dbyings rnam par dag pa'i mdza' i tshigs su bcad pa'i rkang pa dang/ lhan cig me long lta bu'i ye shes la bstod pa'i tshigs su bcad pa dang po gsungs pa/ 'di lta ste/ rdo rje 'jigs byed 'jigs par byed/ /khro bo'i rgyal po gdong drug 'jigs/ /mig drug lag drug stobs dang ldan/ /keng rus mche ba gtsigs pa po/ /ha la ha la gdong rgya pa zhes so/ /bcom ldan 'das kyi gsung 'di'i phyir/ rgyud dang rgyud gzhan dag tu brjod par bya ba ni/ zhal gsum pa dang/ zhal bzhi pa dang/ zhal lnga pa dang/ zhal drug pa dang/ zhal brgya par rtogs par bya'o/ /'dir 'dus pa la sogs par gnas gang zhig bcom ldan 'das kyi e yig gis gsungs pa'i gnas de nyid mngon par brjod pa 'bum pa la sogs par gsang ba la sogs pa'i sgra yis bcom ldan 'das kyis gsungs so/ /brjod par bya ba rdo rje sems dpa' gang zhig waM yig gis gsungs pa de nyid bde ba chen po'i sgra yis gsungs so/ /de ltar gsungs pa'i rim pas rigs bzhi'i bdag nyid dang/ rigs drug gi bdag nyid can mchog gi dang po'i sangs rgyas la/ rigs bzhi'i bdag nyid dang/ rigs drug gi bdag nyid brjod par bya ba yin no/ /thams cad mkhyen pa zhes pa la sogs pa'i yi ge nyi shu rtsa gsum gyis bcom ldan 'das kyis bstan pa ni/ stong pa nyid dang snying rje dbyer med pa byang chub kyi sems bde ba chen po'o/ /'dir seng ge'i khri yi sgra yis nam mkha' i khams rnam pa thams cad pa ste/ seng ge'i khri de la bzhugs pa ni/ seng ge'i khri la bzhugs pa'o/ /sangs rgyas zhes pa ni rdo rje sems dpa' o/ /rnal 'byor zhes pa ni don chen po mchog tu mi 'gyur ba'o/ /rnal 'byor 'di mtshan yang dag par brjod pa'i rdo rje dbyings kyi dkyil 'khor chen po la bstod pa las tshigs su bcad pa bcu bzhis yang dag par brjod pa/ 'di ltar sangs rgyas bcom ldan 'das/ /rdzogs pa'i sangs rgyas a las byung/ /a ni yig 'bru kun gyi mchog /don chen yi ge dam pa yin/ /srog chen po ni skye ba med/ /tshig tu brjod pa spangs pa te/ /brjod pa kun gyi rgyu yi mchog /tshig kun rab tu gsal bar byed/ ces pa la sogs pa nas/ /mgon po rigs mchog chen po ste/ /bla ma gsang sngags che ba'i mchog /theg pa chen po'i tshul la gnas/ /theg pa chen po'i tshul gyi mchog /ces pa'i mthar thug pas rgyud kyi rgyal po thams cad la brjod par bya ba 'di chung ngu dang 'bring dang chen po'i sems can gyi bsam pa'i dbang gis bcom ldan 'das kyis yang dag par brjod do/ /de bzhin du stong pa ye shes pa la sogs pa yi ge'i bcu bzhis rigs drug gi bdag nyid brjod par bya ba de nyid mtshan yang dag par brjod pa'i bya ba grub pa'i ye shes la bstod pa las kyang tshigs su bcad pa gnyis pas yang dag par bsdus te gsungs pa 'di lta ste/ gsang sngags don kun bskyed pa po/ /thig le chen po yi ge med/ /stod pa chen po yi ge lnga/ /thig le stong pa yi ge drug /ces so/ /de nas ming mdza' yas pa dag gis chos ston par byed pa nyid kyi phyir/ 'di skad bdag gis thos pa zhes pa la sogs pas bstan pa'i rgyud kyi rgyal po ni de bzhin gshegs pas gsungs pa yin la/ gsang ba pa zhes pa la sogs pa dang/ thams cad mkhyen pa zhes pa la sogs pas bstan pa ni de bzhin gshegs pas gsungs pa ma yin no/ /zhes bya ba sangs rgyas pa rnams kyis brjod par mi bya ste/ rang gi grub pa'i mdza' dang/ gzhan gyi grub pa'i mdza' la skyon 'dzin na rtsa ba'i ltung ba drug par 'gyur ro/ /de'i phyir rgyud gzhan la snga ma dang phyi ma'i 'brel pa shes nas yon tan dang skyon rtogs par bya'o/ /rnam pa gzhan du na gdug pa'i slob dpon de bzhin gshegs pa'i snying po las phyi rol tu gyur pa yul dang/ dbang po'i nye bar longs spyod pa la chags shing rdzun du smra ba rnams ma mthong ba'i skyon gzung ba las mnar med par 'gro bar 'gyur ro/ /de ltar brjod pa'i rim pa lung dang rigs pa dam pas snga ma dang phyi ma'i 'gal pa thams cad mkhyen pa zhes pa la sogs pas rgyud kyi rgyal po mchog gi dang po'i sangs rgyas bcom ldan 'das kyis yang dag par bstan to/ /'dir 'ga' zhig la thams cad mkhyen pa gang yin pa de nyid sangs rgyas bcom ldan 'das ma yin nam/ ming gnyis kyis dngos po gcig go bar byed pa'i phyir ro/ /sangs rgyas zhes pa zlos pa'i tshig 'di bcom ldan 'das kyis ci'i don du gsungs shes pa'i bsam pa 'byung bar 'gyur te/ de'i phyir brjod par bya'o/ /'dir thams cad mkhyen pa gang yin pa de nyid sangs rgyas bcom ldan 'das zhes pa'i tshig 'di ni bden te/ 'on kyang khyab 'jug dang drag po la sogs pa gzhan yang byis pa'i skye bo rnams kyis thams cad mkhyen pa nyid du yongs su brtags pas/ de dag gi thams cad mkhyen pa nyid gsal bar bya ba'i slad du thams cad mkhyen pa sangs rgyas bcom ldan 'das zhes gsungs te/ khams gsum pa 'di ni khyab 'jug dang drag po la sogs pa rnams kyi nang na gang zhig chos thams cad sems can thams cad kyi skad kyis ston par byed pa po thams cad mkhyen pa gzhan ni med do/ /'dir de dag gi nang na chos thams cad sems can thams cad kyis skad kyis ston par byed pa po'i thams cad mkhyen pa ci'i phyir med ce na/ brjod par bya ste/ khyab 'jug dang drag po la sogs pa rnams 'gro ba drug gi 'khor ba 'di'i lha'i skye bar skyes pa nyid kyi phyir dang/ sangs rgyas bcom ldan 'das 'khor ba'i pha rol gyi mthar rnam par gnas pa nyid kyi phyir ro/ /'dir de bzhin gshegs pas mtshan yang dag par brjod pa'i chos kyi dbyings shin tu rnam par dag pa la bstod pa las tshigs su bcad pa bcu gsum pas gsungs pa 'di lta ste/ 'khor ba'i pha rol mthar son pa/ /bya ba byas pa skam sar gnas/ /shes pa 'ba' zhig nges gsal ba/ /shes rab mtshon chas rnams 'joms pa zhes so/ /de'i phyir thams cad mkhyen pa sangs rgyas bcom ldan 'das te sangs rgyas zhes pa zlos pa'i tshig tu mi 'gyur ro/ /thams cad mkhyen pa gang yin pa de nyid ye shes kyi sku ma yin nam/ bcom ldan 'das kyi ye shes sku zhes zlos pa ci'i don du gsungs she na/ de nyid brjod par bya ste/ 'dir thams cad mkhyen pa gang yin pa de nyid ye shes sku zhes pa de ni bden te/ 'on kyang sangs rgyas gzhan nyan thos dang rang sangs rgyas kyi yang yod bas/ de dag gi yang dag par rdzogs pa'i sangs rgyas nyid gsal bar bya ba'i slad du thams cad mkhyen pa ye shes sku/ /yang dag par rdzogs pa'i sangs rgyas bcom ldan 'das ye shes sku zhes bcom ldan 'das kyis zlos pa gsungs so/ /'dir nyan thos dang/ rang sangs rgyas kyi nang na ye shes sku/ yang dag par rdzogs pa'i sangs rgyas su gyur pa ni 'ga' yang med do/ /'dir ci'i phyir nyan thos dang rang sangs rgyas rnams kyi nang na yang dag par rdzogs pa'i sangs rgyas su gyur pa 'ga' yang med ce na/ brjod par bya ste/ 'dir nyan thos dang rang sangs rgyas rnams ni lhag ma dang bcas pa'i mya ngan las 'das pa la gnas pa'i phyir dang/ yang dag par rdzogs pa'i sangs rgyas lhag ma thams cad las rnam par grol ba'i phyir ro/ /de ltar yang bcom ldan 'das kyis mtshan yang dag par brjod pa'i so sor rtog pa'i ye shes la bstod pa las tshigs su bcad pa bcu gcig pas gsungs pa/ 'di lta ste/ lhag ma kun las rnam grol zhing/ /nam mkha' i lam la rab gnas pa/ /yid bzhin nor bu chen po 'chang/ /khyab bdag rin chen kun gyi mchog ces so/ /de'i phyir thams cad mkhyen pa'i ye shes sku/ yang dag par rdzogs pa'i sangs rgyas bcom ldan 'das ye shes sku zhes bcom ldan 'das kyis zlos pa gsungs so/ /gang ye shes sku yin pa de nyid mi shes pa'i mun pa 'joms par byed pa'i phyir nyin mor byed pa'i sku ma yin nam/ bcom ldan 'das kyis nyin mor byed pa'i sku zhes bzlos pa ci'i don du gsungs zhes 'ga' zhig smra bar 'gyur ba de'i phyir brjod par bya ste/ 'dir gang ye shes sku yin pa de nyid mi shes pa'i mun pa 'joms par byed pa'i phyir nyin mor byed pa'i sku'o/ /zhes pa'i tshig 'di ni bden te/ 'on kyang sangs rgyas pa gzhan rnam par shes par smra ba yang yod pas/ de dag gi rnam par shes pa'i chos nyid gsal bar bya ba'i slad du/ ye shes kyi sku nyin mor byed pa'i sku rnam par shes pa'i chos nyid las 'das pa yang dag par rdzogs pa'i sangs rgyas zhes nyin mor byed pa'i sku zlos pa gsungs so/ /'dir rnam par shes par smra ba rnams kyi nang na ye shes kyi sku nyin mor byed pa'i sku yang dag par rdzogs pa'i sangs rgyas su 'gyur ba ni 'ga' yang med do/ /'dir ci'i phyir rnam par shes pa smra ba rnams kyi nang na ye shes kyi sku nyin mor byed pa'i sku yang dag par rdzogs pa'i sangs rgyas su gyur pa 'ga' yang med ce na/ brjod par bya ste/ 'dir rnam par shes par smra ba rnams rnam par shes pa'i chos la gnas pa'i phyir dang/ yang dag par rdzogs pa'i sangs rgyas rnam par shes pa'i chos nyid las 'das pa'i nyid phyir ro/ /de ltar yang de bzhin gshegs pas mtshan yang dag par brjod pa'i so sor rtog pa'i ye shes la bstod pa las tshigs su bcad pa nyi shu rtsa gsum pas gsungs pa 'di lta ste/ rnam par shes pa'i chos nyid 'das/ /ye shes gnyis med tshul 'chang ba/ /rnam par rtog med lhun gyis grub/ /dus gsum sangs rgyas sku 'chang ba zhes so/ /de'i phyir ye shes sku nyin mor byed pa'i sku yang dag par rdzogs pa'i sangs rgyas zhes bcom ldan 'das kyis zlos pa gsungs so/ /'dir 'ga' zhig la rgyud gyi brjod par bya ba ye shes kyi sku gang yin pa de ni gzugs can ma yin la/ pad+ma'i 'dab ma rgyas pa'i spyan gang yin pa de ni gzugs can ma yin nam/ ci'i don du pad+ma'i 'dab ma rgyas pa'i spyan/ /zhes bcom ldan 'das kyis gsungs shes pa'i bsam pa 'byung bar 'gyur ba de'i phyir brjod par bya ste/ 'dir byis pa'i skye bo dag gis pad+ma'i 'dab ma rgyas pa'i spyan rgyud kyi brjod par bya ba gzugs can du brjod pa gang yin pa de ni ma yin te/ 'dir nges pa'i don du pad+ma'i sgra yis nam mkha' i khams brjod do/ /pad+ma nam mkha' i khams de la pad+ma'i 'dab ma rnams bzhin du rigs brgya ring ba'i ngo bo nyid kyis gnas pa ni sems can bstan pa'i chos rnams nyi tshe ba ste/ sems can thams cad la phan par byed pa ma yin no/ /mi'i yul 'dir legs par sbyar ba'i skad nyi tshe ba yin pa'i rgyu gang gis mos ba sna tshogs pa'i sems can rnams la sna tshogs pa'i skad kyi 'jig rten dang 'jig rten las 'das pa'i chos bstan par bya bar mi nus pa des na mi'i yul 'dir rje'u rigs dang/ dmangs rigs la sogs pa skye gnas dman par skyes pa rnams kyis rig byed bklag pa dang/ rab tu byung ba dbyig pa 'dzin pa yang mi bya'o zhes/ rje'u rigs dang dmangs rigs la sogs pa dgag pa byas so/ /sgra gcig pu legs par rab tu sbyar bas mtho ris su 'dod pa 'jo'o/ /zhes pa ni log pa'i nga rgyal gyi zil gyis non pa rnams kyis bsam pa ste/ thams cad mkhyen pa'i skad med pa'i phyir ro/ /mi'i 'jig rten 'dir gal te dmangs rigs la sogs pa'i mi thams cad kyis rig byed dang klu dang grub pa'i mdza' dang rtog ge dang/ bstan bcos la sogs pa rig par gyur pa de lta na bram ze rnams la su zhig gus par byed par 'gyur te/ rig pa dang chos dang ye shes thun mong bar yongs su shes pa'i phyir dang/ khyim pa 'khor longs spyod la chags pa thams cad dang bram ze rnams yon tan khyad par med pa'i phyir ro zhes bya bar shes nas/ rdzas la chags pa'i drang srong gdug pa rnams kyi klu dang grub pa'i mdza' dang sngon gyi rabs la sogs pa'i chos rnams legs par sbyar ba'i skad kyis glegs bam la bris shing/ rig byed kyang kha ton gyis klags par bya'o/ zhes pa'i nges pa byas pa ni thams cad shes par mi ston pa'i bsam pas byis pa'i skye bo rnams rmongs pa chen po skyed par byed pa ste/ 'dir sngon gyi dus na rig byed dang/ klu dang grub pa'i mdza' dang/ sngon gyi rabs kyi chos rnams glegs bam la bris par ma gyur ba na/ sdom brtson rnams kyis kha la gnas so/ /de nas snyigs ma lnga'i dus kyis dbang gis shes rab dman pa nyid kyi phyir sdom brtson rnams kyi glegs bam la bris so zhes so/ /'dir khyab 'jug dang drag po la sogs pa rnams kyi bstan pa'i chos nyi tshe ba sems can thams cad la gtse ba dang bral ba/ 'khor ba'i sdug bsngal ster bar byed pa/ log pa'i nga rgyal bskyed par byed pa/ rigs su smra ba mngon par khengs par byed pa dag la sangs rgyas pa rnams kyis rjes su yi rang bar mi bya'o// khams gsum po 'dir thams cad mkhyen pa'i thams cad mkhyen pa'i skad kyis bstan pa'i chos gang yin pa'i sdud par byed pa po dag gi sems can sna tshogs pa'i skad kyis glegs bam la bris/ rig byed la mos pa 'jig rten pa'i don ston par byed pa/ theg pa gsum gyi don ston par byed pa/ 'jig rten kun rdzob kyi bden pa dang/ don dam pa'i bden pas bstan pa ni sems can thams cad kyis nyan pa dang/ brjod pa'i slad du yang ste/ de la mos pa'i sems can rnams kyis thams cad mkhyen pas bstan pa'i chos kyi phung po brgyad khri bzhi stong 'jig rten dang 'jig rten las 'das pa'i don ston par byed pa de dag nyan par byed/ klog par byed/ 'don par byed/ 'chang bar byed/ gzhan dag la yang rgya cher yang dag par rab tu ston par byed/ rab tu gnas par byed/ me tog sna tshogs dang/ spos sna tshogs dang/ dri sna tshogs dang/ phye ma sna tshogs dang/ gos sna tshogs dang/ me long sna tshogs dang/ dril bu sna tshogs dang/ ba dan sna tshogs dang/ rnga yab sna tshogs dang gdugs sna tshogs dang/ bla bre sna tshogs dang/ mu tig gi do shal sna tshogs dang/ mar me sna tshogs dang/ rin po che'i brgyan sna tshogs kyi mchod par byed de/ mchod pa byas nas de dag la yan lag lngas phyag 'tshal bar byed do/ /de ltar thams cad mkhyen pas bstan pa'i chos gzhan la phan par byed pa de dag ni mos pa'i dbang gi gzhan la phan par byed pa'i slad du de dag de bzhin gshegs pas rigs dang rigs ma yin pa'i dbang gis 'ga' zhig la yang bsgrub pa dang bkag pa med de/ da lta yang nub par ma gyur to/ /re zhig yul gyi khyad par gzhan lta zhog gi /de bzhin gshegs pa mngon par rdzogs par sangs rgyas pa 'phags pa'i yul 'dir/ bcom ldan 'das yongs su mya ngan las 'das par gyur pa na/ sdud par byed pa po dag gis theg pa gsum glegs bam la bris te/ de bzhin gshegs pa'i nges pa sde snod gsum ma ga d+ha'i skad kyis so/ /mdo sde ni sin d+hu'i skad kyis so/ /pha rol tu phyin pa'i tshul dang/ sngags kyi tshul ni legs par sbyar ba'i skad kyis so/ /rgyud dang rgyud gzhan ni legs par sbyar ba'i skad dang/ tha mal pa'i skad dang/ zur chag gi skad dang/ legs par sbyar ba ma yin pa ri khrod pa la sogs pa kla klo'i skad kyis te/ de lta bu la sogs pa thams cad mkhyen pas bstan pa'i chos rnams sdud par byed pa po dag gis bris so/ /de bzhin du bod kyi yul du theg pa gsum bod kyi skad kyis bris te/ rgya nag tu rgya nag gi skad kyis so/ /rgya nag chen por rgya nag chen po'i skad kyis so/ /pA ra si ka'i yul du pA ra si ka'i skad kyis so/ /chu bo shI ta'i byang du tsam pa ka'i yul gyi skad dang/ spre'u'i yul gyi skad dang/ gser zhes bya ba'i yul gyi skad kyis so/ /de bzhin du chu bo sngon po'i byang du rug ma zhes bya ba'i yul gyi skad dang/ su raM ma'i yul gyi skad kyis so/ /de ltar grong bye ba bye ba'i bdag nyid yul dgu bcu rtsa drug rnams su yul dgu bcu rtsa drug gi skad kyis bris so/ /de bzhin du dum bu bcu gnyis dang/ mtho ris dang mi yul dang sa 'og rnams su sems can sna tshogs kyi skad kyis sdud par byed pa po dag gis theg pa gsum bri ste/ nyan thos rnams kyis nyan thos kyi theg pa dang/ rang sangs rgyas rnams kyis rang sangs rgyas kyi theg pa dang/ byang chub sems dpa' rnams kyis theg pa chen po pha rol tu phyin pa dang/ theg pa chen po gsang sngags rgyu dang 'bras bu'i bdag nyid de/ sdud par byed pa po sna tshogs kyis sems can rnams gdul bar bya ba'i don du'o/ /sdud par byed pa sna tshogs kyis yul sna tshogs kyi skad kyis bris pa'i lung dang rigs pa 'dis rnam par dpyad pa nas sangs rgyas bcom ldan 'das thams cad mkhyen pa thams cad mkhyen pa'i skad kyis chos ston pa po yin gyi/ khyab 'jug dang drag po la sogs pa gzhan ni ma yin no/ /ci ste khyab 'jug dang drag po la sogs pa rnams kyi nang na yon tan 'di dag yongs su rdzogs pa 'ga' zhig yod na de yang bdag cag gis rnam pa thams cad du phyag bya ba dang/ mchod par bya ba dang/ bkur bar bya ba yin no/ /mkhas rnams yon tan la gus te/ /sangs rgyas dbang phyug sogs la min/ /yon tan med la'ang gus pa gang/ /de blun mi dge'i las las skyes/ /sems can rnams la phan pa'i chos/ /tha mal rnams kyang ston par byed/ /mkhas pa bdag gis dga' mi dges/ /sems can rnams la 'tshe ba ston/ /ma yang srin mo'i 'jig rten na/ /rang gi bu la bza' bar sems/ /gang zhig bu la brtse med pa/ /de la skye bo gzhan lta ci/ /mchod sbyin la sogs chos kyi rgyu/ /gang la pha ma gsod par ni/ /rang don lhur len bram zes brjod/ /de la gzhan ni ci zhig gtam/ /de'i phyir mchog gi dang po'i sangs rgyas la thams cad mkhyen pa sangs rgyas bcom ldan 'das sems can thams cad la thugs brtse ba can thams cad mkhyen pa skad thams cad kyis ston pa po yin la/ de bzhin du sa bcu'i dbang phyug phyag na rdo rje zla ba bzang po ni gsol ba 'debs pa po dang sdud pa po yin par rab tu grags so/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ thams cad mkhyen pa zhes pa la sogs pas/ rgyud kyi rgyal po ston pa po dang gsol ba 'debs pa po bsgrub pa'i mdor bsdus te bzhi pa'o/ / //da ni rdo rje'i rnal 'byor bsdu pa brjod pa/ rnal 'byor dpal ldan dus 'khor zhes pa la sogs pa ste/ sngags kyi tshul 'di la 'jig rten dang 'jig las 'das pa'i bden pa la yang dag par brten nas/ sangs rgyas bcom ldan 'das kyis rgyud dang rgyud gzhan dag tu don rnam pa gnyis nges par bstan te/ gcig ni 'jig rten kun rdzob kyi yin la/ gnyis pa ni don dam pas so/ /de la gang 'jig rten kun rdzob kyis bstan pa de ni drang ba'i don yin la/ gang don dam pas bstan pa de ni nges pa'i don to/ /don rnams gnyis po 'di slob ma rnams kyis bla ma'i man ngag las khong du chud par bya'o/ /de bzhin du rgyud dang rgyud gzhan thams cad la brjod par bya ba rnam pa gnyis te/ gcig ni 'jig rten kun rdzob yin la/ /gnyis pa ni don dam pas so/ /gang 'jig rten kun rdzob kyi yin pa de ni kha dog dang phyag dang mtshan ma dang dbyibs kyi mtshan nyid can no/ /gang don dam pa'i bden pas yin pa de ni kha dog dang phyag dang mtshan ma dang dbyibs dang bral ba'o/ /'di dag las gang 'jig rten pa'i kun rdzob kyi bstan pa de ni phyi dang nang la 'jig rten pa'i dngos grub sgrub pa'i slad du rang gi sems kyi yongs su brtags pa'i chos 'jig rten pa'i dngos grub kyi 'bras bu ster bar byed pa'o/ /gang don dam pa'i bden pas bstan pa de ni 'jig rten las 'das pa rnam pa thams cad kyi mchog dang ldan pa phyag rgya chen po'i dngos grub bsgrub pa'i slad du rang gi sems kyis yongs su brtags pa'i chos dang bral ba/ gzhon nu ma rnams kyis me long la sogs pa la pra phab pa bzhin du rnal 'byor pa rnams kyis rang gi sems kyi 'od gsal mngon sum du nam mkha' la snang ba 'bod pa'i don gyi 'bras bu ste/ 'bras bu ni 'gyur ba med pa'i bde ba'i ye shes kyi sems so/ /sems 'di nyid gcig pa nyid ni shes rab dang thabs kyis bdag nyid rdo rje'i rnal 'byor don chen po mchog tu mi 'gyur ba dang po'i sangs rgyas ris med pa dus kyi 'khor lo bcom ldan 'das rdo rje sems dpar rgyud gzhan thams cad du rab tu grags so/ /bcom ldan 'das de nyid rgyu'i mtshan nyid pha rol tu phyin pa'i tshul yin shes rab kyi pha rol tu phyin pa las ngo bo nyid kyis sku zhes gsungs so/ /de bzhin du mngon par rtogs pa'i rgyan gyis tshig le'u byas pa las/ mdzad pa dang bzhir nges par byams pas gsungs pa/ ngo bo nyid longs rdzogs bcas dang/ /de bzhin gzhan pa'i sprul pa ni/ /chos sku mdzad par bcas pa ste/ /rnam pa bzhir ni yang dag brjod ces so/ /bcom ldan 'das de nyid 'bras bu'i mtshan nyid sngags kyi tshul la lhan cig skyes pa'i dga' ba dang/ lhan cig skyes pa'i sku zhes gsungs te/ gzung ba dang 'dzin pa spangs pa/ rnam par shes pa'i chos nyid las 'das pa/ srid pa yang mya ngan las 'das pa la rab tu mi gnas pa/ sangs rgyas rnams kyis 'dus pa dang/ lha mo rnams kyis sdom pa yang/ ye shes kyi sku 'di dang lhan cig ro mnyam pa nyid do/ /zhes pa nges pa'i don to/ /'dir rnal 'byor pa rnams kyi phyogs su 'dzin pa thams cad mnyam par bya ba'i slad du/ rdo rje'i rnal 'byor ris med pa/ rtag pa dang chang pa spangs pa/ 'jig rten pa'i dpe las 'das pa/ yod pa dang med pa'i blo yongs su spangs pa/ gzhon nu ma'i me long la pra phab pa bzhin rang gi sems kyis ma brtags pa/ mngon sum du mthong ba/ yid ches pa'i don can rnam pa thams cad pa/ nam mkha' las byung ba/ kun tu bzang po/ /dbang po thams cad pa/ sems can thams cad kyi bdag nyid du gnas pa/ lhan cig skyes pa'i dga' ba/ gtan tshigs dang dpe spangs pa 'di'i dper dngos po dang dngos po med pa gcig nyid 'gyur te/ chos mi mthun pa'i phyir ro/ /dper na 'jig rten pa'i dpe/ bum pa dang chos mi mthun pa'i phyir nam mkha' i me tog ni med pa thams cad kyis med do/ /de bzhin du nam mkha' i me tog dang chos mi mthun pa'i phyir bum pa ni dngos po thams cad kyi yod do/ /zhes 'di gnyis phan tshun chos mi mthun pa'i phyir dper 'gyur ro/ /de bzhin du chad pa dang chos mi mthun pa'i phyir srid pa ni dngos po thams cad kyis yod de/ /srid pa dang chos mi mthun pa'i phyir chad pa ni med pa thams cad kyis med do/ /chad pa'i sgras ni mya ngan las 'das pa dngos po med pa'i mtshan nyid do/ /de bzhin du 'jig rten las 'das pas dper bum pa dang nam mkha' i me tog 'di gnyis gcig pa nyid du 'gyur te chos mi mthun pa'i phyir ro/ /bum pa dang nam mkha' i me tog 'di dag 'jig rten pa'i kun rdzob tu gcig pa nyid med de/ phan tshun 'gal ba'i phyir ro/ /gang gis gang yod pa de ni med par mi 'gyur zhing/ gang med pa de ni yod par mi 'gyur te/ dngos po dang dngos po med pa'i rang bzhin las so/ /gang gis yod pa'i mtshan nyid kyi sems su 'gyur ba des med pa'i mtshan nyid du mi 'gyur ro/ /gang gis med pa'i mtshan nyid kyi sems su 'gyur ba des yod pa'i mtshan nyid du mi 'gyur te/ 'gal ba'i phyir ro/ /'dir yang stong pa nyid dang snying rje'i bdag nyid kyi gzugs rnam par dag pa'i sems gzhon nu ma'i pra phab pa lta bu'i gzugs kyi mtshan nyid ma yin te rdul phra rab med pa'i phyir ro/ /gzugs med pa'i mtshan nyid ma yin te/ stong pa la yod pa'i phyir ro/ /de'i phyir kun rdzob stong pa nyid kyi gzugs can dang stong pa nyid kun rdzob kyi gzugs can te 'jig rten pa'i dpe las 'das pa nyid kyi phyir/ sems gang yod pa'i sems de ni sems med pa/ rtag pa dang chad pa'i chos kyi mtshan nyid dang bral ba stong pa nyid dang snying rje dbyer med pa'o/ /don dam pa'i bden pas gnyi ga'i sems dag chos mi mthun pa'i phyir yod pa dang/ med pa las 'das pa'i dngos po dang dngos po med pa zad pa rdo rje'i rnal 'byor gnyis su med pa ste/ de bzhin gshegs pa'i gsung ris med pa nyid kyi phyir ro/ /'dir rtsa ba'i rgyud las bcom ldan 'das kyis gsungs pa/ yod dang med las rnam par 'das/ /gnyis med dngos dang dngos med zad/ /stong nyid snying rje dbyer med pa/ /rdo rje'i rnal 'byor bde ba che/ /phra rab rdul gyi chos nyid 'das/ /stong pa'i chos ni rnam par spangs/ /rtag dang chad las rnam par grol/ /rdo rje'i rnal 'byor ris med pa/ zhes so de bzhin du rgyud gzhan dag tu yang de bzhin gshegs pas rdo rje'i rnal 'byor phyag rgya chen po'i dngos grub ster bar byed pa po gsungs so/ /rdo rje'i rnal 'byor rnam par dag pa skad cig gcig gis mngon par rdzogs par sangs rgyas pa/ dam pa'i don chen po mchog tu mi 'gyur ba lhan cig skyes pa'i dga' ba 'di ni/ 'dod pa'i srid pa la mi gnas gzugs kyi srid pa la mi gnas/ gzugs med pa'i srid pa la mi gnas/ 'dod pa'i mya ngan las 'das pa la mi gnas gzugs kyi mya ngan las 'das pa la mi gnas/ gzugs med pa'i mya ngan las 'das pa la mi gnas te/ srid pa dang mya ngan las 'das pa la mi gnas pa nyid kyi phyir ro/ /gnyi ga la yang mi gnas pa ste/ phan tshun 'gal ba'i phyir ro/ /srid pa dang mya ngan las 'das pa ni gcig pa nyid ma yin te/ grib ma dang nyi ma bzhin no/ /dper na me ni gtsub stan la ni gnas/ gtsub shing la mi gnas/ skyes bu'i lag pa'i rtsol ba la mi gnas pa de bzhin du rdo rje'i rnal 'byor yang phyi dang nang dang gzhan thams cad la rnal 'byor pas rtogs par bya'o/ /'dir skad cig gcig gis mngon par rdzogs par byang chub pa zhes bya ba ni mchog tu mi 'gyur bde ba chen po'i skad cig ste/ skad cig gcig la mngon par rdzogs par sangs rgyas pa 'di ni dbugs kyi grangs kyi mdza' ji srid par skad cig thams cad rnam par bsgom pa po yin no/ /de nas rdzogs pa'i skad cig de la mngon par rdzogs par sangs rgyas pa ste/ yang dag par rdzogs pa'i sangs rgyas so/ /'dir rdzogs pa'i skad cig gang la de bzhin gshegs pa thams cad mngon par rdzogs par sangs rgyas pa'i skad cig de nas chos thams cad skye ba med pa gnas pa med pa 'jig pa med pa ste/ /ris med pa'i phyir ro/ /'dir skad cig gang la chos rnams skye bar 'gyur ba'i skad cig de la gnas pa dang 'jig pa med do/ /'dir skad cig gang la gnas par 'gyur ba'i skad cig de la 'jig pa dang skye ba med do/ /'dir skad cig gang la chos thams cad 'jig par 'gyur pa'i skad cig de la skye ba dang gnas pa med do/ /de ltar ni rim pa ji lta ba bzhin chos thams cad skad cig skye ba dang/ skad cig gnas pa dang/ skad cig 'jig par mi 'gyur ro/ /cig car yang mi srid de/ chos thams cad dus gcig tu yod pa la skyo ba dang gnas pa dang/ 'jig pa'i skad cig rnams gcig pa nyid ma yin no/ /ci ste rim pa ji ltar bar skye ba'i skad cig las gnas pa'i skad cig dang/ gnas pa'i skad cig las 'jig pa'i skad cig dang 'jig pa'i skad cig las skye ba'i skad cig 'byung ngo/ /zhe na 'di nyid don dam pa'i rigs pas mi 'thad de/ 'dir skad cig snga ma 'gags pa las skad cig gzhan mi 'byung zhing de bzhin du 'gags pa las kyang mi 'byung ngo/ /dper na sa bon ma nyams pa las myu gu mi 'byung zhing nyams pa las kyang mi 'byung ba bzhin no/ /de ltar na don dam par yod pa'i dngos po med pa'i phyir skad cig gcig med de gcig dang du ma 'gal ba'i phyir ro/ /'dir skad cig thams cad rnam par sgom pa po skad cig gcig la mngon par rdzogs par sangs rgyas shes pa gang yin pa de ni/ mchog tu mi 'gyur ba'i bde ba'i skad cig drug brgya lhag pa'i stong phrag nyi shu rtsa gcig bsgom pa po dang por mchog tu mi 'gyur pa'i bde ba'i skad cig gis mngon par rdzogs par sangs rgyas te/ de'i rjes la sangs rgyas rnams kyi rnal 'byor skad cig thams cad med pa/ gcig dang du ma dang bral ba/ mchog gi gnyis su med pa ste/ don dam par yod pa dang/ med pa dang bral ba nyid kyi phyir ro/ ji srid du 'jig rten pa'i sems yod pa de srid du chos rnams gcig dang du mas rnam par dpyod de skad cig ma'i sems snang ba'i phyir ro/ /gang gi tshe sems skad cig gi chos dang bral ba de'i tshe rang bzhin med pa zhes brjod do/ /de'i phyir rang bzhin med pa'i phyogs na bcom ldan 'das kyis phyogs med par gsungs so/ /phyogs zhes bya ba ni/ dngos po dang/ dngos po med pa dang/ yod pa dang/ med pa dang/ yin pa dang ma yin pa dang/ gcig dang/ gcig ma yin pa dang/ rtag pa dang chad pa dang/ srid pa dang/ mya ngan las 'das pa dang/ gzugs dang/ gzugs ma yin pa dang/ sgra dang sgra ma yin pa dang/ skad cig dang/ skad cig ma yin pa dang/ chags pa dang/ chags pa ma yin pa dang/ zhe sdang dang/ zhe sdang ma yin pa dang/ gti mug dang/ gti mug ma yin pa zhes pa/ de lta bu la sogs pa rnams ni phyogs te/ phan tshun ltos pa dang bcas pa nyid kyi phyir ro/ /phyogs 'di dang bral ba ni sangs rgyas rnams kyis mi gnas pa'i mya ngan las 'das pa rang bzhin med pa ste/ skad cig gcig dang du ma dang bral ba'i ye shes ni rgyal ba rnams kyi de kho na nyid ces gsungs so/ /de nyid sems can rnams kyi rang gi sems kyi bsam pa'i dbang gi rnam pa bcu drug tu yang so sor snang ste/ dga' ba dang/ mchog dga' dang/ khyad par gyi dga' ba dang/ lhan cig skyes pa'i dbye bas rnam pa bzhi ste/ de nas sku'i dga' ba dang/ gsung gi dga' ba dang/ thugs kyi dga' ba dang/ ye shes kyi dga' ba dang/ de bzhin du sku'i mchog gi dga' ba dang/ gsung gi mchog gi dga' ba dang/ thugs kyi mchog gi dga' ba dang/ ye shes kyi mchog gi dga' ba dang/ de bzhin du sku'i khyad par gyi dga' ba dang/ gsung gi khyad par gyi dga' ba dang/ thugs kyi khyad par gyi dga' ba dang/ ye shes kyi khyad par gyi dga' ba dang/ de bzhin du sku'i lhan cig skyes pa'i dga' ba dang/ gsung gi lhan cig skyes pa'i dga' ba dang/ thugs kyi lhan cig skyes pa'i dga' ba dang/ ye shes kyi lhan cig skyes pa'i dga' ba ste/ de lta bu'i de nyid rnam pa bcu drug gang gi tshe/ rnal 'byor pas rig pa de'i tshe de nyid rnam pa bcu drug rig ces bcom ldan 'das kyis gsungs so/ /de nyid kho na la lhan cig skyes pa'i sku zhes brjod de/ de'i 'og tu chos kyi sku dang/ de'i 'og tu longs spyod rdzogs pa'i sku dang/ de'i 'og tu sprul pa'i sku'o/ /de bzhin du lhan cig skyes pa'i gsung dang lhan cig skyes pa'i thugs dang/ lhan cig skyes pa'i ye shes dang de bzhin du chos kyi gsung dang/ chos kyi thugs dang/ chos kyi ye shes dang/ longs spyod rdzogs pa'i gsung dang/ longs spyod rdzogs pa'i thugs dang/ longs spyod rdzogs pa'i ye shes dang/ sprul pa'i gsung dang/ sprul pa'i thugs dang/ sprul pa'i ye shes te de ltar de nyid rnam pa bcu drug tu sems can thams cad kyi sems kyi lhag par mos pa'i dbang gis rab tu snang ste/ de nyid lhan cig skyes pa'i sku/ stong pa nyid kyi rnam par thar pas rnam par dag pa/ ye shes rdo rje thams cad mkhyen pa/ shes rab dang thabs kyi bdag nyid rnam par dag pa'i rnal 'byor zhes brjod do/ /de nyid chos kyi sku mtshan ma med pa'i rnam par thar pas rnam par dag pa thugs rdo rje/ ye shes sku/ shes rab dang thabs kyi bdag nyid chos kyi bdag nyid kyi rnal 'byor zhes brjod do/ /de nyid longs spyod rdzogs pa'i sku smon pa med pa'i rnam par thar pas rnam par dag pa/ gsung rdo rje nyin mor byed pa'i sku/ shes rab dang thabs kyis bdag nyid sngags kyi rnal 'byor zhes brjod do// de nyid sprul pa'i sku mngon par 'dus ma byas pa'i rnam par thar pas rnam par dag pa/ sku rdo rje pad+ma'i 'dab ma rgyas pa'i spyan/ shes rab dang thabs kyi bdag nyid dbyibs kyi rnal 'byor zhes brjod de/ de lta bu'i rdo rje'i rnal 'byor rnam pa bzhi po 'di sangs rgyas la phyag na rdo rjes zhus so/ /stong pa nyid kyi rnam par thar pas rnam par dag pa/ ye shes rdo rje/ shes rab dang thabs kyi bdag nyid lhan cig skyes pa'i sku thams cad mkhyen pa nyid thob pa ni thams cad mkhyen pa ste/ thams cad gzigs pa nyid kyi phyir ro/ /mtshan ma med pa'i rnam par thar pas rnam par dag pa/ thugs rdo rje shes rab dang thabs kyi bdag nyid/ chos kyi sku lam gyi rnam pa thams cad mkhyen pa nyid thob pa ni ye shes sku ste mchog tu mi 'gyur ba'i bde bas gnas pa nyid kyi phyir/ smon pa med pa'i rnam par thar pas rnam par dag pa/ gsung rdo rje shes rab dang thabs kyi bdag nyid longs spyod rdzogs pa'i sku lam mkhyen pa nyid thob pa ni nyin mor byed pa'i sku ste/ mdza' yas pa mdza' yas pa'i sems can gyi skad kyi cig car 'jig rten dang 'jig rten las 'das pa'i chos ston pa po nyid yin pa'i phyir ro/ /mngon par 'dus ma byas pa'i rnam par thar pas rnam par dag pa sku rdo rje/ shes rab dang thabs kyi bdag nyid sprul pa'i sku/ rnam pa thams cad mkhyen pa nyid thob pa ni pad+ma 'dab ma rgyas pa'i spyan te/ mdza' yas pa mdza' yas pa'i sprul pa'i sku dag gis cig car rnam par thams cad kyi sku'i bkod pa'i rdzu 'phrul spro ba'i phyir ro/ /de bzhin du skad cig gcig gis mngon par rdzogs par sangs rgyas pa ni ye shes rdo rje ste/ don thams cad gzigs pa'o/ /rnam pa lngas mngon par rdzogs par sangs rgyas pa ni thugs rdo rje mchog tu mi 'gyur pa'i bde ba'o/ /rnam pa nyi shus mngon par rdzogs par sangs rgyas pa ni gsung rdo rje ste bden pa'i don rnam pa bcu gnyis pa sems can thams cad kyi skad kyis/ chos ston pa po'o/ /sgyu 'phrul dra bas mngon par rdzogs par sangs rgyas pa ni sku rdo rje ste de nyid rnam pa bcu drug rig pa mdza' yas pa'i sgyu 'phrul dra ba dag gis spros pa'i sku'o/ 'dir sems kyi rdo rje rnam pa bzhi rnam par dag pa ni sku bzhi'i mtshan nyid du 'gyur te/ zlog par dkar ba'i 'dod chags kyi dri mas kun nas bsgos pa b+ha ga dang dbang po'i bdag nyid bzhi pa'i sems kyi dngos po med pa'i sems ni ngo bo nyid kyi sku ste thams cad mkhyen pa zhes pa'o/ /mun pas zil gyis mnan pa shin tu gnyid log pa'i sems kyi dngos po med pa'i sems ni chos kyi sku ste ye shes sku zhes pa'o/ /srog gis bskyed pa yod pa dang med pa'i rmi lam gyi sems kyi dngos po med pa'i sems ni longs spyod rdzogs pa'i sku ste nyin mor byed pa'i sku zhes pa'o/ /rnam par rtog pa du ma'i dngos po'i 'du shes sad pa'i sems kyi dngos po med pa'i sems ni sprul pa'i sku ste pad+ma'i 'dab ma rgyas pa'i spyan zhes pa'o/ /rdo rje'i rnal 'byor 'di ye shes kyi le'ur rgya cher brjod par bya ste/ 'jig rten khams kyi le'u 'dir ni mdor stan pa tsam zhig bstan to/ /de ltar ye shes dang thugs dang gsung dang sku'i bdag nyid kyi rnal 'byor zhus te dpal ldan dus 'khor rgyud kyi rgyal po la'o/ /ji ltar gyur pa la zhe na/ ka phreng ldan pa'i a 'dus la ste/ ka phrang ldan pa'i a 'dus zhes pa ka'i phreng ba ni ka phreng ste ka yig la sogs pa/ gsal byed kyi phreng ba'o/ /ka yig gsal byed thams cad kyi gtso bor rigs par bya ste/ dang por bstan pa 'am rdul gyi ngo bo nyid yin pa'i phyir ro/ /de bzhin du a'i 'dus pa ste/ a 'dus te/ dbyangs kyi tshogs pa zhes brjod do/ /'dir ka'i phreng ba ni/ ka kha ga g+ha nga/ tsa tsha dza d+ha nya/ Ta Tha Da Dha Na/ pa pha ba b+ha ma/ ta tha da d+ha na/ sanypa Sha shath+ka zhes pa ni ka'i phreng ba ste gsal byed kyi phreng ba'o/ /'dir a'i 'dus pa ni/ a A ai a'i ri rI au a'u li lI/ aoM aa 'dus 'di la ka phreng dang ldan pa'i phyir ka phreng dang ldan pa ste/ ka phreng ldan pa'i a 'dus dus kyi 'khor lo'i rjod par byed pa a la sogs dang ka la sogs pa shes rab dang thabs kyi bdag nyid rnal 'byor gyi rgyud dang po'i sangs rgyas rigs med pa de la/ dus kyi 'khor lo'i brjod par bya ba rdo rje'i rnal 'byor rgyud kyi ngo bo nyid kyis gnas pa'i dang po'i sangs rgyas ni zla ba bzang po zhus shes pa chos bstan pa bsdus pa'o/ /da ni dgos pa dang dgos pa'i dgos pa bsdu ba brjod pa/ mi rnams grol ba'i don du'o/ /zhes pa ste/ mi rnams dgrol ba'i don ni dang po re zhig dkyil 'khor du 'jug pa la sogs pas sems can gyi don byed pa ni dgos pa ste/ bsod nams kyi tshogs dang dkyil 'khor gyi 'khor lo'i gzugs sgom pa'i stobs dang byin gyis brlab pa sgom pa'i stobs dang/ dpa' bo'i rim pa dang byin gyis brlab pa'i rim pas 'jig rten pa'i dngos grub sgrub pa yang dgos pa'o/ /de nas gong nas gong du dgos pa'i yang dgos pa ni dgos pa'i dgos pa ste/ 'dir nam mkha' i khams la rnam par rtog pa med pa'i sems dang du ba la sogs pa'i mtshan mas phyag rgya chen po rnam pa kun sna tshogs pa'i ngo bo nyid kyi sgom pa mchog tu mi 'gyur ba'i bde ba'i ?sgyur thabs dang/ bsod nams dang ye shes kyi tshogs dag gis mi rnams kyi skye ba 'di la sangs rgyas nyid dang rdo rje 'dzin pa nyid de/ dgos pa dang dgos pa'i dgos pa bsdus pa'o/ /mchog gi dang po'i sangs rgyas kyi rnal 'byor 'di ni 'das pa'i sangs rgyas rnams kyi bstan to/ /da ltar byung ba rnams kyi ston to/ /ma 'ongs pa rnams kyi ston par 'gyur te/ 'das pa dang da ltar byung ba dang ma 'ongs pa'i dus dang/ 'das pa dang/ da ltar byung ba dang/ ma 'ongs pa'i tshe'i 'khor rnams kyis so/ /mdza' yas pa mdza' yas pa'i sangs rgyas kyi zhing rnams su mdza' yas pa mdza' yas pa'i sems can rnams la/ mdza' yas pa mdza' yas pa'i de bzhin gshegs pa rnams kyis sangs rgyas nyid kyi slad du yang dag par bstan te/ /ston to/ /ston par 'gyur ro/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las ston pa po la sogs pa bsdus pa'i mdor bsdus te lnga pa'o/ / //da ni nyi ma'i shing rtas gsol ba btab par gyur pa/ bcom ldan 'das 'jam dpal gyi sprul pa'i sku ma'i dbang po grags pas/ mchog gi dang po'i sangs rgyas las de bzhin gshegs pas lung bstan pa zla ba bzang pos gsol ba 'debs pa tshigs su bcad pa gnyis pas gsungs pa/ stong pa ye shes kyang ste thig le mchog mchog rdo rje 'dzin pa sangs rgyas lha dang lha min yang/ /phyi dang lus dang gzhan la yang ste rang bzhin rnams la skyes bu nyi shu lnga pa'i bdag nyid dang/ /lus la sna tshogs tshad dang srid pa gsum gyi bkod pa lha dang lha min rnams kyi longs spyod dang/ /dkyil 'khor dang ni dbang ste 'di dag skabs gsum pa dang mi'i bla mas yang dag bshad du gsol/ /'dir gsol ba 'debs pa'i tshigs su bcad pa ni stong pa chen po yi ge lnga dang thig le stong pa yi ge drug dang/ rigs drug la sogs pa'i don bsdus par bcom ldan 'das kyis gsungs te/ de'i phyir 'di bdag gis dgrol bar bya'o/ /'dir dang por gsol ba 'debs pa'i tshigs su bcad pa stong pa zhes pa la sogs pa rgyud kyi sbas pa'i don rab tu gsal bar byas na 'chad par 'gyur pa byis pa'i blo can rnams kyis rtogs ba'i bar 'gyur ro/ /des na dang por 'grel bshad las mdor bsdus pas brjod par bya'o/ /'dir stong pa zhes pa la sogs pa'i ming rnams kyis mthong ba dang ma mthong ba'i dngos po nyi tshe ba'i dbang po'i spyod yul ma yin pa dang/ nyi tshe ba'i dbang po'i spyod yul rnams rab tu ston to/ /med pa dang yod pa dang/ dngos po ma yin pa dang dngos po yin pa thams cad la yang ming sngon du 'gro bas tha snyad byed de nam mkha' i me tog la sogs pa dang bum pa la sogs pa bzhin no/ /'dir nam mkha' i me tog gi ming gis bstan pa'i dngos po med pa ni dngos po ma yin no/ /de bzhin du bum pa'i ming gis bstan pa'i dngos po med pa'i mtshan nyid ma yin te/ rang gi ming gis brjod pa'i phyir ro/ /de bzhin du rgyud dang rgyud gzhan rnams su/ bstan bcos kyi ming dang/ yul gyi ming dang/ sngags kyi yi ge'i ming dang/ yi ge re re'i ming rnams kyi dngos po gang dag de bzhin gshegs pas nges par bstan cing sdud par byed pa po rnams kyis kyang bris pa de dag thams cad rnal 'byor pa rnams kyis drang ba'i don dang nges pa'i don gyi rtogs par bya'o/ /'dir gcig dang dngos po med pa la yang ming sna tshogs te/ de'i phyir dngos po gcig la yang ming sna tshogs kyis bstan pa la rnal 'byor pa rnams kyi ming gi rnam par rtogs par mi bya ste/ bla ma dam pas nye bar bstan pa gser bzhin yongs su brtags pa ni don la ston pa la brten pa nyid kyi phyir ro/ /'dir stong pa ye shes kyang ste thig le mchog mchog rdo rje 'dzin pa zhes pa'i yi ge bcu bzhi po 'dis stong pa zhes pa la sogs pa'i ming rnams kyi khams drug gi skyes bu chen po'i gang zag bsdus pa/ 'di lta ste/ ye shes kyi phung po dang/ rnam par shes pa'i phung po dang ye shes kyi khams dang/ nam mkha' i khams dang/ yid dang/ rna ba dang/ sgra dang/ chos kyi dbyings dang/ mchog gi dbang po dang/ b+ha ga dang/ dri chu 'dzag pa dang/ khu ba 'pho ba ste/ 'di rnams sgrib pa dang bral ba nyid dang ro mnyam pa nyid dang/ gcig tu 'dres par gyur pa nyid la stong pa zhes brjod do/ /thams cad dngos po med pa ni ma yin te/ rnal 'byor pas rang rig pa nyid kyi phyir ro/ /de nyid ni rgyal ba rnams kyis gzhom du med par gsungs te/ gzhom du med pa 'di'i ming gi mtshan ma ni lho dang byang dang shar dang nub kyi dbus su gri gug gi rnam pa ri mo tsam brjod du med pa ste/ stong pa chen po'i yi ge dang po'o/ /de'i 'og tu ye shes kyang zhes pa ste/ 'dir kyang yig ni sdud pa'i don du bstan te/ sdud pa'i don go bar byed pa'i phyir ro/ /ye shes zhes pa'i ming 'dis stong pa gsum pa zhes pa rtogs par bya ba 'di lta ste/ tshor ba'i phung po dang/ me'i khams dang/ mig dang ro dang/ lag pa dang/ 'gro ba ste/ 'di rnams sgrib pa med pa nyid dang ro mnyam pa nyid dang gcig tu 'dres bar gyur pa nyid ni ye shes te/ stong pa chen po yi ge gsum pa'o/ /'di'i ming gi mtshan ma ni/ dbus ma gzhom du med pa'i mtshan ma'i lho ru thig le gnyis te brjod du med pa'o/ /thig le zhes pa'i ming 'dis stong pa bzhi pa rtogs par bya ste/ snga ma'i kyang yig ge'i phyir ro/ /'di lta ste/ 'du shes kyi phung po dang/ chu'i khams dang/ lce dang gzugs dang/ rkang pa dang len pa ste/ 'di rnams sgrib pa med pa nyid dang/ ro mnyam pa nyid dang/ gcig tu 'dres par gyur pa nyid ni thig le ste/ stong pa chen po yi ge bzhi pa'o/ /'di'i ming gi mtshan ma ni dbus kyi mtshan ma'i byang du thig le gcig ste brjod du med pa'o/ /mchog mchog rdo rje 'dzin pa zhes pa ni mchog dang mchog dang rdo rje 'dzin pa ni/ mchog mchog rdo rje 'dzin pa ste/ gcig zlas dbye ba'i phyir ro/ /sngar gyi kyang yig las gsum po 'di stong pa'i ming du 'gyur ro/ /mchog dang po'i ming gis stong pa gnyis pa zhes brjod pa/ 'di lta ste/ 'du byed gyi phung po dang/ rlung gi khams dang/ sna dang/ reg bya dang/ ngag gi dbang po dang/ bshang ba 'dzag pa ste/ 'di rnams sgrib pa dang bral ba nyid dang/ ro mnyam pa nyid dang gcig tu 'dres par gyur pa nyid ni mchog ste stong pa yi ge gnyis pa'o/ /'di'i ming gi mtshan ma ni dbus ma gzhom du med pa'i shar du dbyig pa'i rnam pa ri mo tsam brjod du med pa'o/ /mchog gnyis pa'i ming gis stong pa lnga pa zhes brjod pa 'di lta ste/ gzugs kyi phung po dang/ sa'i khams dang/ lus kyi dbang po dang/ dri dang/ bshang lam dang brjod pa ste/ 'di rnams sgrib pa med pa nyid dang/ ro mnyam pa nyid dang/ gcig tu 'dres par gyur pa nyid ni mchog ste/ stong pa yi ge lnga pa'o/ /'di'i ming gi mtshan ma ni dbus ma gzhom du med pa'i nub tu thong ba'i rnam pa brjod du med pa'o/ /de ltar brjod pa'i rim pas gcig tu 'dres par gyur pa lnga ni stong pa chen po yi ge lnga pa wa yig rdo rje sems dpa' bde ba chen po rdo rje brjod do/ /'dir dbyangs kyi ming can brjod du med pa'i yi ge lnga ni 'di lta ste/ dbus su a yig stong pa gri gug gi rnam pa'o/ /lhor ri yig stong pa thig le gnyis so/ /byang du au yig stong pa thig le gcig go /shar du e yig stong pa dbyug pa'i rnam pa'o/ /nub du li yig stong pa thong pa'i rnam pa ste/ de bzhin du yon tan dang 'phel ba dang ya Nar bsgyur ba'i rnam par 'gyur ba rnams shes par bya'o/ /de ltar waM yig stong pa yi ge lnga pa/ dmigs pa med pa'i snying rje'i bdag nyid/ rdul phra rab kyi chos nyid las 'das pa/ pra phab pa'i rang bzhin dang mtshungs pa rnal 'byor pas rtogs par bya'o/ /'dir ye shes dang rnam par shes pa'i phung po la sogs pa'i dbyangs rnams ni/ 'di lta ste/ ye shes kyi phung po aM/ rnam par shes pa'i phung po a ye shes kyi khams/ adang bral ba ste/ gri gug gi rnam pa'i ming gi mtshan mas rtogs par bya'o/ /'du byed kyi phung po ai/ rlung gi khams a'i/ sna ba'i dbang po e/ reg bya ai/ ngag gi dbang po ya/ bshang ba 'dzag pa yA/ 'di dag sgrib pa dang bral ba shar du dbyug pa'i rnam pa'i mtshan mas rtogs par bya'o/ /tshor ba'i phung po ri/ me'i khams rI/ mig gi dbang po ar/ ro Ar/ lag pa'i dbang po ra/ 'gro ba rA/ 'di dag sgrib pa dang bral ba lhor thig le gnyis kyi mtshan mas rtogs par bya'o/ /'du shes kyi phung po au/ chu'i khams a'u/ lce'i dbang po ao/ yul gzugs aau/ rkang pa'i dbang po wa/ len pa wA/ 'di dag sgrib pa dang bral ba dbus kyi mtshan ma'i byang du thig le'i mtshan mas rtogs par bya'o/ /gzugs kyi phung po li/ sa'i khams lI/ lus kyi dbang po al/ yul dri Al/ bshang lam gyi dbang po la/ brjod pa lA/ 'di dag sgrib pa dang bral ba nub tu thong pa'i rnam pa'i mtshan mas rtogs par bya'o/ / 'di dag ni sum cu rtsa drug gi dbye bas tha dad pa dbyangs dang yon tan dang 'phel ba dang/ ya Nar bsgyur ba'i rnam par 'gyur ba'o/ /gang du phung po rnams sum cu rtsa drug gi dbye bas tha dad par gyur pa der phung po'i gnas su ro drug bzung bar bya ste/ sgyur ba dang bska ba dang kha ba dang tsha ba dang mngar ba dang lan tshwa rnams so/ /aoM a ai ri au li zhes pa ro drug ste/ lhag ma ni brjod pa'i cho gas so/ /stong pa chen po yi ge lnga/ sum cu rtsa drug gi bdag nyid de rgyal ba rnams kyi rdo rjer brjod de/ de 'dzin pa'i phyir rdo rje 'dzin pa'o/ /thig le stong pa yi ge drug ni/ e yig chos 'byung rnam pa thams cad pa'i stong pa nyid kyi gzugs so/ /'di lta ste/ rnam par shes pa'i phung po dang nam mkha' i khams dang rna ba dang chos kyi dbyings dang b+ha ga dang/ khu ba 'pho ste/ 'di rnams sgrib pa dang bral ba rnam pa thams cad pa'i stong pa nyid do/ /dbus ma gzhom du med pa'i steng du 'di'i ming gi mtshan ma ka sde'i bdag nyid ka yig gsal byed brjod du med pa ste/ thig le stong pa dang po'o/ /'du byed kyi phung po dang rlung gi khams dang sna dang reg bya dang ngag dang bshang ba 'dzag pa ste/ 'di rnams sgrib pa dang bral ba rnam pa thams cad pa'i stong pa nyid do/ /shar gyi mtshan ma'i shar du 'di yis ming gi mtshan ma tsa sde'i bdag nyid tsa yig gsal byed brjod du med pa ste thig le stong pa gnyis pa'o/ /tshor ba'i phung po dang me'i khams dang/ mig dang ro dang lag pa dang 'gro ba ste/ 'di rnams sgrib pa dang bral ba rnam pa thams cad pa'i stong pa nyid do/ /lho'i mtshan ma'i lhor 'di'i ming gi mtshan ma Ta sde'i bdag nyid Ta yig gsal byed brjod du med pa ste/ thig le stong pa gsum pa'o/ /'du shes kyi phung po dang chu'i khams dang/ lce dang gzugs dang/ rkang pa'i dbang po dang ldan pa ste/ 'di rnams sgrib pa dang bral ba rnam pa thams cad pa'i stong pa nyid do/ /byang gi mtshan ma'i byang du 'di'i ming gi mtshan ma pa sde'i bdag nyid pa yig gsal byed brjod du med pa ste thig le stong pa bzhi pa'o/ /gzugs kyi phung po dang/ sa'i khams dang lus kyi dbang po dang/ dri dang bshang lam dang brjod pa ste/ 'di rnams sgrib pa dang bral ba rnam pa thams cad pa'i stong pa nyid do/ /nub gyi mtshan ma'i nub tu 'di'i ming gi mtshan ma te sde'i bdag nyid te yig gsal byed brjod du med pa ste thig le ston pa lnga pa'o/ /ye shes kyi phung po dang/ ye shes kyi khams dang/ yid dang sgra dang mchog gi dbang po dang/ dri chu 'dzag pa ste 'di rnams bral ba dang bral ba rnam pa thams cad pa'i stong pa nyid do/ / dbus ma gzhom du med pa'i mtshan ma'i 'og tu 'di'i ming gi mtshan ma sa sde'i bdag nyid sa yig gsal byed brjod du med pa ste/ thig le stong pa drug pa'o/ /de ltar na thig le stong pa yi ge drug ni chos 'byung rdo rje 'dzin pa e yig ste/ stong pa nyid dmigs pa dang bcas pa pra phab pa'i rang bzhin can no/ /'dir phung po dang khams la sogs pa'i gsal byed rnams ni// //ka kha ga g+ha nga/ tsa tsha dza dzha nya/ Ta Tha Da Dha Na/ pa pha ba b+ha ma/ ta tha da d+ha na/ sanypa Sha shath+ka/ ta ya ra wa la k+Sha zhes pa ste/ dbyangs dang gsal byed 'di adag gi yang thung ngu deng ring po'i dbye bas phung po dang khams la sogs pa'i dbye ba shes par bya'o/ /lus kyi dbye bas phung po dang dbang po ni dbyangs dang gsal byed thung ngu'i chos rnams yin la/ khams dang yul ni dbyangs dang gsal byed ring po'i chos rnams so/ /ro drug dang khams kyi rnam par 'byung ba'i dbye bas khams sum cu rtsa drug tu 'gyur ba dang/ phung po drug dbang po drug gi dbye bas phung po sum cu rtsa drug tu 'gyur ba 'di lta ste/ ro drug dang/ khams drug dang/ dbang po drug dang/ yul drug dang/ las kyi dbang po drug dang/ las kyi dbang po'i yul drug ni ro drug dang khams kyi rnam par 'gyur ba'o/ /rna ba'i rnam par shes pa la sogs pa rnam par shes pa drug dang/ de bzhin du 'du byed drug dang/ tshor ba drug dang/ 'du shes drug dang/ gzugs kyi phung po drug dang/ ye shes kyi phung po drug ni phung po'i rnam par 'gyur ba'o/ /'chad par 'gyur bar rgya cher brjod par bya ste/ le'u dang po 'dir ni mdor sdus pa tsam zhig nye bar bstan to/ /'dir stong pa chen po yi ge lnga ni dbyangs kyi tshogs te khu ba dang zla ba zhes brjod do/ /thig le stong pa yi ge drug ni gsal byed kyi tshogs te rdul dang nyi ma zhes brjod do/ /'dir khu ba dang zla ba ni waM yig ste rdo rje'o/ /rdul dang nyi ma ni e yig ste pad+ma'o/ /rdo rje dang pad+ma 'di gnyis gcig pa nyid ni rdo rje sems dpa' ste/ rdo rje ni mchog gi bde ba dang ye shes dang khu pa'o/ /sems dpa' ni rnam pa thams cad pa dang shes rab kyi gzugs dang/ shes bya dang/ nyi ma dang/ ye shes dang rnam par shes pas byin gyis brlabs pa dang/ sgrib pa dang brel ba dang/ gcig tu 'dres par gyur pa dang/ de nyid dang 'gro ba'i don byed pa po yin no/ /sku dang gsung dang thugs dang ye shes gcig tu sbyor ba 'di nyid zhal bzhi'i rgyur 'gyur te/ ye shes ni nub kyi zhal ser po'o/ /rnam par shes pa ni shar gyi zhal nag po'o/ /zla ba dang sku ni byang gi zhal dkar po'o/ /nyi ma dang gsung ni lho'i zhal dmar po'o/ /zla ba dang nyi ma 'di dag ni gtso bo dang/ phal pa'i dbye bas khams drug drug tu rtogs par bya ste/ de dag kyang sa dang chu dang me dang rlung dang ro dang ro chen po'i cha shas so/ /'di rnams la khu ba las byung ba gsum dang/ byung ba ma yin pa gsum ste/ chu'i khams dang/ rlung gi khams dang ro'i khams te/ khams 'di dag ni khu ba las byung ba'o/ /ro'i khams ni nam mkha' i khams kyi ming ngo/ /rdul las byung ba gsum dang byung ba ma yin pa gsum ste/ sa'i khams dang/ me'i khams dang ro chen po'i khams te/ khams 'di dag ni rdul las byung ba'o/ /'dir ro chen po 'di ye shes kyi khams kyi ming ngo/ /khams lhag ma dag ni khu ba dang rdul las byung ba'o/ /de ltar zla ba dang nyi ma dag las byung ba'i khams gsum po rnams ni rim pa ji lta ba bzhin du mngal nas skyes pa rnams kyi lus dang ngag dang sems su 'gyur te/ zla ba'i khams rnams thabs kyi lus dang ngag dang sems dang nyi ma'i khams rnams shes rab kyi lus dang ngag dang sems te khu ba dang rdul las byung ba'i rgyu'i phyir ro/ /khams 'di dag ni dbang po drug la sogs pa rnams kyi rigs drug go / de bzhin du sku dang gsung dang thugs kyi rigs ni ngo bo nyid kyi rigs dang/ lhan cig rigs bzhir 'gyur ro/ /sku gsum sku bzhir 'gyur ro/ /gnas skabs gsum gnas skabs bzhir 'gyur ro/ /de bzhin du khams lnga'i rigs ni ye shes kyi khams dang/ lhan cig rigs drug tu 'gyur ro/ /de bzhin du mngal nas skyes pa rnams kyi phung po lnga'i rigs ni ye shes kyi phung po dang lhan cig rigs drug tu 'gyur ro/ /bu mo la lo bcu gnyis dang/ skyes pa la lo bcu drug gis te/ bu mo la rdul gyi dus ji srid par rigs gsum dang rigs lngar rig par bya'o/ /skyes pa la khu ba 'pho ba'i dus ji srid par rigs gsum dang rigs par bya'o/ /ye shes kyi khams byung ba'i dus nas 'chi ba'i bar du gnyi ga la rigs bzhi dang rigs drug go / de bzhin du rtsa ba'i rgyud las bcom ldan 'das kyis gsungs pa/ rigs gsum dang rigs lnga nyid rang bzhin gcig dang rigs brgya'o zhes so/ /da ni rigs kyi rigs can brjod pa/ sangs rgyas zhes pa la sogs pa'o/ /'dir sangs rgyas ni ye shes dang rnam par shes pa la sogs pa phung po drug go /lha dang lha min yang zhes pa'i yang yig gis byang chub sems dpa' yid kyis dbang po la sogs pa drug dang de bzhin du khams drug dang/ yul drug dang/ de bzhin du khro bo drug las kyi dbang po drug dang/ khro bo'i lha mo drug /las kyi dbang po bya ba drug go /lha ni lag pa dang rkang pa'i tshigs bcu gnyis la 'chad par 'gyur ba rnams te/ de bzhin du rnal 'byor ma tsar tsi kA la sogs pa brgyad do/ /lha min ni klu'i rgyal po rnams dang/ lha mo khyi gdong ma la sogs pa rnams so/ /da ni mu stegs pa rnams 'jug par bya ba'i phyir rang bzhin dang skyes bu brjod par de bzhin du bcom ldan 'das kyi rgyud gzhan las gsungs pa/ sgyu 'phrul chen mo drag chen mo/ /'byung dang sdud par byed pa mo/ /rang nyid byed po rang 'phrog po/ /rang nyid rgyal po rang gtso bo/ /zhes pa brdzun pa ste/ don dam par byed pa po dang 'phrog pa po med do/ /mu stegs byed rnams kyi yongs su brtag pa'i chos rang bzhin dang skyes bu la sogs pa gzhan yang ngo/ /'dir mu stegs pa rnams kyi rang bzhin nyi shu rtsa bzhi'i bdag nyid dang skyes bu nyi shu rtsa lnga pa'o/ /de la rtsa ba'i rang bzhin ni rnam par 'gyur ba ma yin te/ sems can rnams kyi bzhi pa'i gnas skabs skyed par byed pa/ nam mkha' i khams so/ /chen po la sogs pa bdun ni rang bzhin dang rnam par 'gyur ba ste/ sa dang chu dang me dang rlung dang yid dang blo dang nga rgyal lo/ /rnam pa bcu drug ni rnam par 'gyur ba ste/ dbang po lnga dang/ yul lnga dang/ las kyi dbang po lnga dang/ mchog gi dbang po ste/ rang bzhin dang rnam par 'gyur ba/ nyi shu rtsa bzhi'o/ 'dir skyes bu 'di khyab byed nyid yin pa'i phyir/ rang bzhin yang ma yin pa rnam par 'gyur ba yang ma yin te/ ngo bo nyid dang bral ba'o/ /phyi dang lus dang gzhan la yang nyi shu rtsa lnga'i bdag nyid grub ste/ phyi rol tu khams lnga dang/ sgra gcan dang nyi ma dang zla ba zhes pa ni rang bzhin brgyad do/ /bkra shis la sogs pa gza' lnga ni dbang po lnga dang yul lnga dang/ sa la sogs pa rnams kyi ro drug ni rnam par 'gyur ba bcu drug ste/ kha cig ni dbang po la sogs pa rnams dang 'tsho ba'i lus drug ces so/ /de bzhin du lus la sna tshogs tshad ni nang gi le'ur brjod par bya'o/ /srid pa gsum gyi bkod pa zhes pa la/ 'dir phyi rol tu srid pa gsum ni 'jig rten gyi khams yin la/ nang du mi'i lus kyi khams so/ / de'i bkod pa 'chad par 'gyur pa'i rim pas bshad du gsol/ zhes bya ba'i nges pa'o/ /lha dang lha min rnams kyi longs spyod dang/ zhes pa ni/ 'dir lha rnams nyin mo longs spyod la/ lha ma yin rnams mtshan mo longs spyod de/ de bzhin du byang du bgrod ba dang/ lhor bgrod pa'o/ /dkyil 'khor dang ni dbang ste skabs gsum pa dang mi'i bla mas 'di dag yang dag bshad du gsol zhes pa la/ 'dir 'jig rten gyi bden pas tshon dang thig gdab pas rdul tshon gyi dkyil 'khor dang/ don dam pa'i bden pas nam mkha' i khams la thig gdab pa dang bral zhing tshon dgye ba dang bral ba/ kha dog dang phyag dang dbyibs dang gzugs kyi lha rnam par rtog pas bsgom pa'i sems dang bral ba rnam pa thams cad pa me long gi pra phab pa lta bu bshad du gsol zhes pa'o/ /de bzhin du 'jig rten pa'i dbang ni chu dang cod pan dang dar dbyangs dang rdo rje dril bu dang brtul zhugs chen po dang ming dang rjes su gnang ba ste bdun no/ /de bzhin du gong ma ni bum pa dang gsang ba dang shes rab ye shes so/ /'jig rten las 'das pa'i dbang bcu gcig pa ni bzhi pa ste/ thams cad yang dag par bshad du gsol/ de ci'i phyir zhe na/ 'phags pa'i yul 'dir ma 'ongs pa'i dus na rdo rje slob dpon rdzas la brkam pa dag 'byung bar 'gyur te/ phyug po rdzas kyi mngon par khengs pa rnams kyi khyim du song nas rdzas kyi don du chos 'tshong bar byed par 'gyur ba dang/ rdzas la chags pas skal ba dang mi ldan pa rnams la 'jig rten las 'das pa'i dbang ster par 'gyur ba dang/ dang po rgyal po la sogs pa'i sngag gzhug pa/ phyi nas bla mar 'gyur ba dang/ rdzas kyi dman pa mi dge ba bcu'i las kyi lam yongs su btang zhing sems can skal ba dang ldan par gyur pa gzhan rnams la yang 'jig rten las 'das pa'i dbang mi ster par 'gyur ba dang/ de dag rnams la nyon mongs pa skyed par 'gyur ba dang/ rdzas kyi dbang gis gdug pa'i sems can rnams la rdo rje'i tshig rab tu gsal bar byed par 'gyur ba dang/ gzhan yang rdo rje'i tshig mi shes pa phan tshun rtsod par byed par 'gyur ba dang/ mkhas pa'i mngon pa'i nga rgyal gyis rgyud kyi don mi shes pa rnams kyang rgyud kyi 'grel bshad byed par 'gyur ba dang/ bdud kyi rigs rnams sems can rnams kyi bla mar gyur nas rdo rje'i tshig phyin ci log tu ston par 'gyur ba dang/ sangs rgyas kyi ye shes dbang po gnyis las skyes pa'i bar byis pa'i blo can rnams la ston par 'gyur ba dang/ gsum pa shes rab ye shes de nyid bzhi pa ste/ de yang de bzhin no/ /zhes pa'i sgra rgyu dang 'bras bu dbye ba med pas bcom ldan 'das kyis gsungs so/ /zhes gsum pa'i ye shes sangs rgyas kyi shes su smra bar 'gyur ba dang/ 'phags pa'i yul gang du mkhas pa'i mngon pa'i nga rgyal gyis glegs bam mthong nas dbang bskur med par rdo rje theg pa ston pa po byed par 'gyur ba de'i phyir/ de ltar ma 'ongs pa'i dus kyi gdug pa'i slob dpon rnams kyi 'jug pa gzegs nas sangs rgyas bcom ldan 'das kyi rgyud dang rgyud gzhan thams cad du bzhi pa shes rab ye shes kyi dbang gsal por ma mdzad de/ rtsa ba'i rgyud dang bsdus pa'i rgyud rnams su bzhi pa shes rab ye shes dang phyag rgya chen po bsgom pa du ba la sogs pa'i lam shin tu sbas shing rtsa ba'i rgyud 'ga' zhig la rab tu gsol lo/ /rtsa ba'i rgyud mchog gi dang po'i sangs rgyas 'di dag bsdus pa'i rgyud la yang bzhi pa shes rab ye shes rab tu gsal zhing phyag rgya chen po sgom pa du ba la sogs pa'i lam yang rab tu gsal ba rdo rje slob dpon rgyud pa'i rim pas 'ongs pa ma yin pa ste/ dper na sngags kyi lha dang/ phyi rol gyi dngos grub bsgrub pa'i thabs dang dpa' bo'i rim pa dang/ rang byin gyis brlab pa'i rim pa yang bla ma brgyud pa'i rim pas 'ongs pa ma yin pa bzhin no/ /rnam par dag pa'i rim pa phyag rgya chen po'i dngos grub ster bar byed pa po mchog gi dang po'i sangs rgyas la rab tu gsal bar glegs bam du bris te/ chu bo shI ta'i byang du sems can skal ba dang ldan pa rnams kyi sems kyi lhag par mos pa mkhyen nas bcom ldan 'das kyis bstan cing phyag na rdo rjes glegs bam la bris so/ /mtshan yang dag par brjod pa tshad mar byas nas sems can rnams the tshom med par 'gyur ba gang yin pa nges na sngags kyi theg pa'i sngags kyi tshul thams cad kyi nges pa'i don mtshan yang dag par brjod pa las/ bcom ldan 'das kyis phyag na rdo rje la yang dag par bstan to/ /de'i phyir gang gis mchog gi dang po'i sangs rgyas mi shes pa de yis mtshan yang dag par brjod pa mi shes so/ /gang gis mtshan yang dag par brjod pa mi shes pa des rdo rje 'dzin pa'i ye shes kyi sku mi shes so/ /gang gis rdo rje 'dzin pa'i ye shes kyi sku mi shes pa des sngags kyi theg pa mi shes so/ /gang gis sngags kyi theg pa mi shes pa de dag thams cad ni 'khor pa pa ste/ bcom ldan 'das rdo rje 'dzin pa'i lam dang bral ba'o/ /de lta bas na mchog gi dang po'i sangs rgyas ni bla ma dam pa rnams kyis bstan par bya zhing/ thar pa'i don du gnyer ba'i slob ma dam pa rnams kyis mnyan par bya'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las dkyil 'khor dang dbang la sogs pa'i bsdus pa'i mdor bsdus te drug pa'o/ / //da ni sdud par byed po 'jam dpal gyis zla ba bzang po khyod la bdag mgu zhes pa la sogs pa'i tshigs su bcad pa gsum pas mchog gi dang po'i sangs rgyas las bcom ldan 'das kyi lan gyi tshig yang dag par bsdus pa de nyid bdag gis dgrol bar bya'o/ /zla ba bzang po khyod la bdag mgu zhes pa la zla ba bzang po ni bod pa ste/ kye zla ba bzang po khyod la bdag mgu'o/ /gang las ci'i phyir zhe na/ gang zhig khyod kyi dris pa dus kyi 'khor lo'i rnal 'byor 'di ni rab mchog lha dang mi la sogs pa rnams kyis shes pa ma yin pas/ de'i phyir bdag mgu'o/ /'dir rab mchog lha rnams ni rgyal chen bzhi'i ris la sogs pa nas 'du shes med 'du shes med min skye mched kyi mthar nye bar son pa rnams so/ /mi ni 'khor los sgyur ba la sogs pa'o/ /srin po ni bden bral la sogs pa'o/ /lha min ni gzhan gyis mi thub pa la sogs pa'o/ /klu ni mdza' yas la sogs pa'o/ /chags bral ni 'phags pa kun dga' bo la sogs pa'o/ /thub mchog ni drang srong me sbyin la sogs pa ste/ 'di dag gi rigs rnams kyis so/ /rab mchog lha dang mi la sogs pa 'di rnams kyi shes pa ma yin pa dus kyi 'khor lo'i rnal 'byor mya ngan las 'das pa la sogs 'dzin ma'i thar thug ces pa gang gis dang po mya ngan las 'das pa ye shes kyi khams dang mdza' 'dzin ma sa ste/ dbus su ma brjod pa nyid las nam mkha' dang rlung dang me dang chu'i khams so/ /nam mkha' la sogs pa'i khams 'di dag ni khyab par bya ba ste/ khyab par byed pa ni ye shes kyi khams so/ de ltar khyab par bya ba dang khyab par byed pa'i 'brel pas rnal 'byor te/ de bzhin du bcom ldan 'das kyis gsungs pa/ sa dang chu dang de bzhin me/ /rlung dang nam mkha' i khams dang ni/ /rnam shes khams drug par brjod pa/ /skyes bu chen po'i gang zag go /zhes so/ /tshig gi bgrod pa dang bcas shes pa la/ tshig ni rnam pa gnyis te/ A li kA li'i bdag nyid can no/ /de dag gi bgrod pa ni tshig gi bgrod pa ste/ mgrin pa dang rkan dang spyi bo dang mchu dang sa'i gnas rnams las dbyangs dang gsal byed rnams brjod pa'o/ /bgrod pa de dang bcas pa ni sngags kyi brda yis rab tu brjod pa'o/ /'dir sngags kyi brda' ni rnam pa gnyis te/ gcig ni bsngags kyi brda yin la/ gnyis pa ni de kho na nyid kyi brda'o/ /de la sngags kyi brda ni rab tu brjod pa ste/ 'jig rten pa'o/ de kho na nyid ni dam pa'i don can tshig tu brjod pa spangs pa'o/ /gang du rab tu brjod pa'i brda' yin par der/ aoM Abcu drug pa las bcom ldan 'das kyis gsungs pa/ 'di ltar sangs rgyas bcom ldan 'das/ /rdzogs pa'i sangs rgyas a las byung/ /a ni yig 'bru kun gyi mchog /don chen yi ge dam pa yin/ /srog chen po ste skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ ces pa dang/ yang de nyid kyi ting nge 'dzin dra ba'i le'u las/ gsang sngags skye gnas yi ge med/ /gsang sngags chen po rigs gsum pa/ /stong pa chen po yi ge lnga/ /thig le stong pa yi ge drug ces so/ /de kho na nyid dam pa'i don can gyi gsang sngags kyi theg pa las bcom ldan 'das kyis gsungs pa/ 'di ltar mya ngan las 'das pa ye shes kyi khams gzhom du med cing brjod du med pa ste/ brjod du med pa'i dbyangs dang gsal byed kyi mtshan nyid can no zhes so/ /nam mkha' i khams la sogs pa'i sngags kyi brda rab tu brjod pa'i mtshan nyid can mgrin pa la sogs pa nas brjod pa'i chos bcom ldan 'das kyis gsungs te/ 'dir a ku ha/ rnam par bcad pa ni mgrin pa las so/ /ai tsu ya sha ni rkan las so/ /ri tru rA Sha ni spyi bo las so/ /au pu wa nypa ni mchu las so/ /li tu la sa ni so las so/ / de bzhin du gnas gnyis pa dang/ gnas gsum pa dang/ gnas bzhi pa dang/ gnas lnga pa'i sngags te/ brtsegs pa'i rnams kyang rab tu brjod pa'i brdas rig par bya'o/ /ming gi rang bzhin can de dag thams cad kyang 'jig rten pa'i dngos grub sgrub pa'i slad du/ ming can gyi dngos po rnams go bar byed pa'o/ /de kho na nyid kyi brda tshig tu brjod pa spangs pa dam pa'i don can las kyi phyag rgya dang ye shes kyi phyag rgya'i dngos grub spangs pa ni phyag rgya chen po'i dngos grub sgrub pa'i slad du bcom ldan 'das kyi rgyud kyis rgyal po thams cad las nges par bstan to/ /sbyor ba 'di mdza' dag ni lus dbus su ste/ dkyil 'khor dag dang dbang ni 'chad par 'gyur ba'i rim pas sems can thams cad kyis sgrib pa med pa'i gnas thob par bya ba'i slad du/ bdag gis bshad par bya yis mi'i bdag po bzang po nyon cig ces pa ste/ bcom ldan 'das kyi lan gyi tshig bsdus pa'i mdor bstan pa'o/ /da ni bcom ldan 'das kyis 'jig rten gyi khams bsdus pa/ sdud par byed pa po 'jam dpal gyis mchog gi dang po'i sangs rgyas las/ dus kyis stong pa rnams las shes pa la sogs pa tshigs su bcad pa bzhi pas bstan pa bdag gi dgrol bar bya'o/ /sngags kyi tshul 'di la/ sngags pa ni/ (theg pa gsum gyi des ? pa//) theg pa gcig gi 'bras bur gnas par bcom ldan 'das kyis gsungs te/ gang theg pa gsum gyi dgongs pa mi shes pa de ni dus las thams cad mkhyen pa'i lam las nyams par 'gyur ro/ /sngags kyi theg pa la ldem por dgongs pa'i skad gzhan mi shes pas srog gcod pa la sogs pa dang/ tshogs khang dang gtsug lag khang gi rdzas la nye bar longs spyod pa byas pa dang/ rtag pa dang chad pa'i phyogs bzung bas phyi rol gyi yul nye bar longs spyod pa la chags par gyur nas/ slob dpon gyi chas kyi dkon mchog gsum la co dris nas dmyal bar 'gro bar 'gyur ro/ /'dir 'jig rten pha rol dang 'jig rten 'di'i don du sems can rnams kyis mnyes par bya ba'i rgan po bzhi ste/ de dag las ye shes kyi rgan pa ni/ mngon par shes pa thob pa dang/ rab tu dga' ba la sogs pa'i sa thob pa'i rdo rje slob dpon dge slong ngam/ khyim pa mchod par 'os pa dge slong bcu dang mnyam par bcom ldan 'das kyis gsungs pa'o/ /de med na dka' thub kyis rgan pa ni ngur smrig 'dzin pa ste/ ngur smrig 'dzin pa rnams las lo dang/ sngags pa rnams las dbang gis rgan pa/ khyim pa'i slob dpon rnams kyi rtag tu phyag bya ba ste/ dka' thub kyi rgan pa'i phyir dang/ khyim pa rnams la mngon par shes pa med phyir ro/ /thos pas rgan pa ni/ mkhas pa mchod par 'os pa/ bstan pa gsal bar byed pa/ phas kyi rgol ba bdud kyi rigs rnams 'dul bar byed pa ste/ 'di dag ni 'jig rten pha rol gyi don du sems can rnams kyi mnyes par bya ba'o/ /nor gyis rgan pa ni rgyal po ste/ 'jig rten 'di'i longs spyod don du gnyer ba rnams kyis mnyes par bya ba'o/ /de lta rgan po bzhi ni sems can rnams kyis mnyes par bya ba'o/ /de'i phyir theg pa gsum shes pa bo ni dka' thub kyis rgan pa ste/ khyim pa la ni ji srid dka' thub par ma gyur par nyan thos kyi theg pa las so sor thar pa mnyan pa'i skabs med do/ /de'i phyir khyim pa ni mngon shes dang/ ldan pa ma gtogs pa rgan por mi 'gyur zhing/ khyim pa rab tu byung ba dang bral ba sna tshogs khang dang gtsug lag khang la nye bar longs spyod pa yang bcom ldan 'das kyi theg pa gang du yang ma gsungs so/ /de bas na theg pa gsum yongs su shes par bya ba'i slad du dang por bye brag tu smra ba'i gzhung la brten nas/ rdul phra rab 'dus pa'i bdag nyid kyi 'jig rten gyi khams yod cing/ de bzhin du khur khur ba'i gang zag yod de/ rtag pa 'am mi rtag par bdag mi smra'o/ /zhes bcom ldan 'das kyis gsungs pa'i phyir ro/ /'jig rten gyi khams 'byung ba dang/ 'gag pa dang chags pa dang/ 'jig pa'i dus kyang rig par bya'o/ /des na chags pa ni 'byung ba'i dus kyi dbang gis/ stong pa rnams las shes pa la stong pa rnams ni 'jig rten pa'i tha snyad kyis mig la sogs pa'i dbang po rnams kyi spyod yul ma yin pa rdul phra rab kyi ngo bos rnam par gnas pa/ sa dang chu dang me dang rlung dang ro'i rdzas yon tan lnga dang bzhi dang gsum dang gnyis dang gcig gi rang bzhin rnams dang/ yon tan drug pa chos kyi dbyings thams cad du khyab par byed pa ni stong pa rnams so/ /stong pa rdul phra rab de rnams las 'byung ba'i dus kyi dbang gis/ rlung zhes bya ba ni rdul phra rab de rnams kyi nang nas dang por re zhig rlung gi rdul phra rab rnams phan tshun 'byar bar 'gyur ro/ /'byar ba de lus yang zhing g.yo ba nyid du bgrod pa ni rlung zhes brjod do/ /de bzhin du me'i rdul phra rab rnams kun tu 'byar bar gyur pa rlung dang ldan pa'i glog ni me zhes brjod do/ / de bzhin du chu'i rdul phra rab rnams 'dus pa kun tu 'byar bar gyur pa rlung dang me dang ldan pa'i char ni chu zhes brjod do/ /de bzhin du sa'i rdul phra rab kun tu 'byar ba nam mkha' la dbang po'i gzhung snang ba ni 'dzin ma zhes brjod do/ /ro'i rdul phra rab rnams ni thams cad du khyab par byed pa ste/ de ltar stong ba lnga rnams las rlung dang 'bar byed chu dang 'dzin ma rnams su 'gyur ro/ /yang dag par 'dzin pa dang bsgrub pa dang dbyibs kyi rlung gi mthu las/ gling dang ri bo rgya mtsho dang/ zhes pa la/ gling ni bdun no/ /ri bo ni bdun no/ /rgya mtsho ni bdun no/ /rgyu skar dang ni nyi zla skar ma gza'i tshogs dang drang srong zhes pa la/ rgyu dang skar ni nyi shu rtsa bdun dang de'i 'brel pa mdza' yas pa'o/ /nyi zla ni zlum po'i rnam pa'o/ /skar ma gza'i tshogs shes pa ni de bzhin nyid du skar ma'i rnam pa can bkra shis la sogs pa rnams so/ /drang srong ni skar ma bdun no/ /lha dang 'byung po klu rnams dang zhes pa la/ lha ni rgyal chen bzhi'i ris la sogs pa'o/ /'byung po ni gzhan gyis mi thub pa dang yi dags la sogs pa'i klu ni mdza' yas la sogs pa'o/ /dud 'gro'i skye gnas rnam pa bzhi dang zhes pa/ sgo nga las skyes pa ni nam mkha' lding la sogs pa ste/ rlung gi skye gnas so/ /mngal nas skyes pa ni glang po'i dbang po la sogs pa ste mi'i skye gnas so/ /drod gsher las skyes pa ni srin po dang phye ma leb dang grog sbur la sogs pa ste chu'i skye gnas so/ /brdzus te skyes pa ni ljon pa la sogs pa ste sa'i skye gnas so/ /de bzhin du brdzus te skyes pa chen po ni ro'i skye gnas so/ /sna tshogs sa dang 'og tu zhes pa la/ sa zhes pa ni lung gi tshig go /sna tshogs kyang de yin la sa yang de yin pa'i phyir sna tshogs sa ste/ gling bdun gyi rang bzhin dang dum bu bcu gnyis kyi rang bzhin no/ /de'i 'og ni sna tshogs sa'i 'og ste/ /klu'i srid pa dang dmyal ba'i srid pa bdun no/ /sna tshogs sa de la mi rnams dang/ 'og dmyal ba'i srid par dmyal ba rnams te/ yang yig ni bsdu ba'i don to/ /stong pa'i dbus su yang dag 'byung ste chu la lan tshwa dang ni sgo nga'i dbus su sgo nga skyes bzhin/ zhes pa ni 'dir bstan pa rnams bskyed pa la lan tshwa dang/ g.yo ba rnams bskyed pa la sgo nga dper 'gyur te/ dang zhes pa ni sdud pa'o/ /dper na nyi ma'i 'od kyi sbyor ba las lan tshwa'i chu'i rdul phra rab rnams lan tshwa sra ba nyid du 'gyur ba de bzhin du lhun po la sogs pa brtan pa rnams so/ /dper na khu ba zhu ba'i rdul phra rab rnams sgo nga'i dbus su gdong ba'i lus la sogs pa'i cha shas nyid du 'gyur pa de bzhin du g.yo ba sems can rnams rig par bya'o/ /'jigs rten gyi khams 'di'i 'byung ba ni le'u lnga par rgyas par brjod par bya'o/ /'jig rten gyi khams bsdus pa'i mdor bsdus chen po'o/ /da ni 'jam dpal gyi lus dang zhes pa la sogs pa snga ma'i rim pas bstan pa rdo rje'i lus bsdus pa'i tshigs su bcad pa lnga pa bdag gis dgrol bar bya ste/ lus zhes pa ni zla ba sgrib pa dang bral ba'o/ /ye shes shes pa ni nyi ma sgrib pa dang bral ba'o/ /nam mkha' zhes pa ni nam mkha' i khams sgrib pa dang bral ba ste/ de bzhin du rlung gi khams dang/ me'i khams dang/ chu'i khams dang/ sa'i khams so/ /brtan pa zhes pa ni lnga'i bdag nyid brtan pa'i khams sgrib pa dang bral ba'o/ /g.yo ba zhes pa ni khams drug gi bdag nyid kyi gang zag gi khams sgrib ba dang bral ba'o/ /lha ni mthong ba skyed min dag ces pa ni lha yang de yin la mthong ba skyed min yang yin pa de ni lha ni mthong ba skyed min te/ gzugs med pa'i srid pa rnam par shes pa'i nga rgyal tsam dang ldan pa/ nam mkha' mdza' yas skye mched la sogs pa rnam pa bzhi'o/ /de ltar lus la sogs pa rdo rje ye shes kyi rten srid pa rnam pa bcur de bzhin gshegs pas gsungs pa rdo rje'i lus la sngags kyi skye gnas thig le la sogs pa 'byung bar 'gyur ro/ /mi'i bdag po ni bod pa'o/ /'dir sngags kyi skye gnas ni zla ba las thig le dang/ nyi ma las rnam par bcad pa/ nam mkha' i khams las a dang/ rlung gi khams las ai dang/ me'i khams las ri dang/ chu'i khams las au dang/ sa'i khams las li dang/ brtan pa'i khams las gsal byed ma dang/ g.yo ba'i khams las gsal byed k+Sha dang/ gzugs med pa'i khams las gsal byed ha yig ste/ sngags kyi tshig 'di dag g.yon bskor gyi dgod par bya'o/ /de ltar gsal byed snga ma gsal byed phyi ma'i steng du 'gro'o/ /li yig la sogs pa rnams ni/ ai ka ni a tsa la ya Na'o zhes pas ya Nar bskyar te mdza' i a yig gis yang dag par sbyar ro/ /rnam par bcad pa zla ba phyed pa'i rnam pa'o/ /thig le zlum po'o/ /ye shes rtse mo'i rnam pa'o/ /yon tan dang 'phel ba la sogs pa'i sngags rnams kyi sngags kyi skye gnas ni 'di ste/ h a k+Sha ma li au ri ai ayig chu'i dkyil 'khor ro/ /de'i steng du la yig sI dkyil 'khor ro/ /de'i steng du ma yig lhun po rnam pa lnga'o/ /de'i steng du k+Sha yig pad+ma'i tshul gyis g.yo ba'i tshogs so/ /de'i steng du gzugs med pa'i tshogs ha yig go / ha yig las rnam par bcad pa nyi ma dang/ thig le zla ba dang nA da rdo rje'i mtshan ma rtse cig po ste/ de ltar rdo rje'i lus dang 'jig rten gyi khams dang dkyil 'khor gyi rnam pa ni 'chad par 'gyur pas bshad par bya'o/ /de ltar sngags kyi skye gnas 'byung bar 'gyur zhing/ slar yang 'di nyid du grol te/ zhes pa ni slar yang sdud pa'i dus su 'di nyid la grol ba ste/ thim par 'gyur zhes pa'o/ /de ltar gang gis yang dag rig pa zhes pa ni de ltar brjod pa'i rim pas sgrib pa dang bral ba 'dis rdo rje'i lus gang su zhig gis rig pa'o/ /de ni phyugs min zhes pa phyugs te mi shes pa'o/ /sems kyi kun tu rtog pa dag las grol zhes pa la/ kun tu rtog pa ni dkyil 'khor du brtags pa'i chos te de las grol ba ni sems kyi kun tu rtog pa dag las grol ba'o/ /rnam pa bcu po 'di mdor bsdus pa chos kyi dbyings shin tu rnam par dag pa stod pa las de bzhin gshegs pas gsungs pa 'di lta ste/ rnam pa bcu po'i don bcu'i don/ /thub dbang stobs bcu khyab pa'i bdag /kun gyi don ni ma lus byed/ /rnam bcu dbang ldan che ba po/ /thog ma med pa spros med bdag /de bzhin nyid bdag dag pa'i bdag /bden par smra zhing tshig mi 'gyur/ /ji skad smras pa de bzhin byed/ /gnyis med gnyis su med par gsungs/ /yang dag mdza' la rnam par gnas/ /bdag med seng ge'i sgra dang ldan/ /mu stegs ri dwags ngan 'jigs byed/ ces so/ /rdo rje'i lus bsdus pa'i mdor bsdus so/ /da ni sgra gcan 'byung ba bsdus pa'i tshigs bcad drug pa g.yon gyi yan lag ces pa la sogs pa bdag gis dgrol bar bya ste/ g.yon gyi yan lag tu ni dkar po 'bar ba zhes pa la sngar brjod pa'i gzhom du med pa dbus na gnas pa 'khyog po khyed kyi mtshan ma'i ming can gyi g.yon gyi lag tu thig le gcig ste/ de yang dkar po 'bar ba zhes pa ye shes dkar po'i 'od zer ro/ /'gro ba'i bdud rtsi'i cha ni cha shas nyid do/ /g.yas su dmar po'i mdog ces pa ni/ gzhom du med pa de'i g.yas su rnam par bcad pa'i mtshan ma'i ming can dmar po 'bar ba ye shes dmar po'i 'od zer ro/ /de dag gi phyi rol g.yon dang g.yas su yang grangs ji lta bar sgra gcan dang dus med par 'gyur ro/ /de nas zla ba nyi mar 'gyur ro/ /de bzhin du gza' lag pa dang bkra shis dang/ pa sangs dang phur bu dang/ mjug rings dang spen pa dang char dang glog dang chu dang me ste/ zung bdun po 'jig rten la ni 'jig rten gyi khams la gnas pa ste/ de nyid ni nges pa'i don to/ /'di rnams la sngags kyi tshig ni grangs ji lta ba bzhin g.yon dang g.yas su/ aM apa dang bral ba dkar po dang dmar po'i ye shes kyi 'od zer gyi rang bzhin gzhom du med pa'i g.yon dang g.yas la gnas pa ni gzhom du med pa'i yan lag yin gyi gzhan ma yin no/ /rgyab tu ser po yang zhes pa la/ yang yig gis ni ye shes ser po'i 'od zer ro zhes pa'i don to/ /gzhom du med pa'i rgyab tu thong ba'i rnam pa'i mtshan ma'i ming can no/ /de'i phyi rol nub tu rnam pa dang bcas pa'i ser po 'bar ba'o/ /de nas skar ma phra mo dang skar ma bon po'o/ /de bzhin du lha'i gzhu'o/ /sa ni rnam pa gnyis te/ sa dang rdo ba'i gzugs so/ /de ltar ser po 'bar ba de ni rnam pa bzhi dang rnam pa gnyis su 'gyur ro/ /srog ces bya ba gcig pu'i rlung ni rnam bcur 'gyur te spyi bor rtsa ba dag dang mdun du'o/ / zhes pa ni gzhom du med pa de'i steng du 'od zer ljang gu ste phyi rol tu stod pa'i sa bon las byung ba srog gi rlung ngo/ /'og tu 'od zer sngon po phyi rol tu ye shes kyi sa bon las byung ba thur du sel ba'i rlung ngo/ /mdun du 'od zer nag po ste/ phyi rol tu mnyam nas shes bya ba'i rlung ngo/ /de nas gyen du rgyu ba dang/ /de bzhin du khyab byed dang/ klu dang/ rus sbal dang rtsangs pa dang/ lhas byin dang/ nor las rgyal ba ste rlung bcu'o/ /'di dag las 'og dang steng du zung gcig ste/ shar dang nub tu ni rlung dang sa zung bdun no/ /nor las rgyal ba ni ma ning ste/ shi ba'i lus yongs su mi gtong ba'i phyir ro/ /'di rnams la sngags kyi tshig ni steng dang/ 'og tu nya dA'o/ /shar dang nub tu grangs ji lta bas/ a A/ ai lI// a'i lI/ e al/ ai Al/ ya la/ yA lA k+Sha zhes pa zung bdun ni shar dang nub tu'o/ /steng 'og zung cig ni mun pa'i mthar ro/ /zung bdun po rnams ni thun 'tshams bzhi'i dbye bas gza' bdun po rnams kyi lhag pa'i lha'o/ /gza' nyi ma la mtshan phyed nas shar nas 'char ba la a/ lho nas 'char ba la apa sangs la ya ra la wa/ spen pa la yA rA lA wA/ zhes pa rim pa ji lta ba bzhin gza' bdun po rnams kyi sa bon no/ /dbus kyi rdo rje'i steng du sa bon zhes pa ni/ steng dang 'og dang shar dang lho dang nub dang byang gi sa bon rnams kyi dbus kyi gzhon nu med pa gri gug gi rnam pa rdo rje'o/ /de'i steng gi sa bon rjes su nga ro ste/ g.yon gyi yan lag la gang gnas pa de steng du 'gyur ro/ /rang gi nus pa yon tan tshogs dang bcas pa 'og tu gnas/ zhes pa ni rjes su nga ro'i nus pa rnam par bcad pa'o/ /de'i yon tan ni 'od zer dmar po yin la/ de dang bcas pa'i nus pa ni yon tan tshogs dang bcas pa ste/ rjes su nga ro'i 'og tu zla ba phyed pa ni rnam par gnas pa'o/ /rang gi nus pa zhes pas ma gsungs pa nyid la shar dang nub kyi mtshan ma ni gzhom du med pa'i rkang pa dang mgo bo la'o/ /de ltar na stong pa chen po yi ge lnga ni rdo rje sems dpa' i yul la waM yig ste/ rdo rje yan lag med pa'i sgrub pa la haM yig go /de'i phyi rol du thig le stong pa yi ge drug ni waM yig gi phyogs la brten e yig ces brjod cing haM yig gi phyogs la skye gnas k+Sha yig ste rdo rje dang pad+ma yang ngo/ /kun tu ye shes dang ni stong pa zhes pa la/ ye shes kyi sgras gzhom du med pa'i steng gi rnam par bcad pa zla ba phyed pa'i rnam pa ste/ kun tu zhes pa ni phyi rol gyi yi ge thams cad la 'gyur ro/ /stong pa ni thams cad la thig le'o/ /zhi ba gnas dang bcas pa dngos po kun gyi rnam par grol zhes pa la/ zhi ba ni gzhom du med pa'o/ /de'i gnas ni shar dang nub kyi mtshan ma ste/ de dang bcas pa'i zhi ba dngos po kun gyi rnam par grol ba'o/ /de nyid kun tu ste phyi rol gyi yi ge'i chos thams cad la rkang pa dang mgor rlung dang sa dag grangs ji lta ba bzhin no/ /mgo'i steng du cha dang cha'i steng du thig le dang/ thig le'i steng du nA da gzhom du med pa brjod pa'o/ /'di'i sngags kyi tshig rnams ni/ /eM waM k+ShaM haM aM aM/ aM AM/ aoM a'iM/ raM rIM/ liM lIM/ auM a'uM/ eM aiM a raM A raM/ a laM A laM/ aoM aauM/ haM hAM/ yaM yAM/ raM rAM/ leM lAM/ waM wAM k+ShaM/ de ltar khyab par bya ba sngags kyi tshig thams cad la stong pa chen po yi ge lnga khyab par byed pa por rig par bya'o/ /'di'i mdor bsdus pa rgyud kyi rgyal po sgyu 'phrul dra ba las bcom ldan 'das kyis gsungs pa 'di lta ste/ rgyal po sgyu 'phrul sna tshogs 'chang/ /che ba sangs rgyas rig sngags 'dzin/ /rdo rje rnon po ral gri che/ /yi ge mchog ni rnam par dag /ces dang de bzhin du/ cha med kun 'gro khyab pa po/ /phra mo sa bon zag pa med/ /rdul med rdul phral dri ma med/ nyes pa spangs pa skyon med pa/ zhes so/ /sgra gcan la sogs pa 'byung ba bsdus pa'i mdor bsdus so/ /da ni a sogs sum cu zhes pa la sogs pas/ zla ba'i cha 'phel ba dang 'grib pa dang nyi ma'i bgrod pas mtshan mo dang nyin mo 'phel ba dang 'grib pa la sogs pa sdud pa'i tshigs bcad brgyad pa bdag gis dgrol bar bya'o/ /a sogs sum cu'i dbyangs gang ha ya ra wa lar ldan de dag zla ba'i cha dang zhes pa ni/ a yig dang po yin pa'i ai yig la sogs pa gang yin pa de dag kyang a la sogs pa ste/ ha ya ra wa lar ldan thung ngu dang ring po dang yon tan dang 'phel ba'o/ /ha la sogs pa ya Nar sgyur ba thung ngu dang ring po'i dbye bas sum cur 'gyur ro/ /zla ba'i cha 'phel ba dang 'grib pa'i rgyur gyur pa de dag kyang tshes gcig la sogs pa lnga'i dbye ba gsum du 'gyur ro/ /dga' ba la sogs pa'i dbye bas/ dga' ba rnam pa gsum dang/ bzang po rnam pa gsum dang/ rgyal ba rnam pa gsum dang/ stong pa rnam pa gsum dang/ rdzogs pa rnam pa gsum ste mun pa dang rdul dang snying stobs kyi dbye ba dang/ chung ngu dang 'bring dar chen po'i dbye bas so/ /'phel ba'i cha bco lnga dkar po'i phyogs la nam mkha' la sogs pa'i khams kyi ngo bos gnas pa rnam pa gsum mo/ /'dir tshes gcig a/ gnyis pa ai/ gsum pa ri/ bzhi pa au/ lnga pa li/ dga' ba dang/ bzang po dang rgyal ba dang stong pa dang rdzogs pa ni/ nam mkha' dang rlung dang/ me dang chu dang sa'i khams rnams grangs ji lta ba bzhin te/ mun pa gsal ba dang po chung ngu'i tshad do/ de nas rim pa gnyis pa la yon tan gyi dbye bas/ drug pa a/ bdun pa e/ brgyad pa ar/ dgu pa ao/ bcu pa al/ dga' ba dang/ bzang po dang rgyal ba dang stong pa dang/ rdzogs pa ni nam mkha' dang rlung dang/ me dang chu dang sa'i khams rnams te/ dang po'i sde tshan gyi mun pa gsal ba dang po chung ngu'i tshad gang yin pa de 'bring po'i tshad du gyur pa dang/ rdul gsal ba chung ngu'i tshad do/ /de nas sde mtshan gsum pa ha la sogs pa ya Nar bsgyur ba rnams te/ bcu gcig pa ha/ bcu gnyis pa ya/ bcu gsum pa ra/ bcu bzhi pa wa/ zla ba nya ba la/ dga' ba dang bzang po dang rgyal ba dang/ stong pa dang rdzogs pa ni nam mkha' dang rlung dang me dang chu dang sa'i khams rnams te/ gnyis pa'i sde tshan gyi rdul 'bring po'i tshad dang/ dang po'i sde tshan gyi mun pa gsal ba chung ngu'i tshad ni chen po'i tshad do/ /'di'i dbye ba rnam pa lnga ste/ snying stobs kyi dbye bas bcu gcig pa la dang po'i tshes gcig gi cha chen po'i tshad bu mo'o/ /bcu gnyis pa la gzhon nu ma'o/ / bcu gsum pa la lang tsho ma'o/ /bcu bzhi pa la rgan mo'o/ /bco lnga pa la yongs su smin par 'gyur ba'o/ /de ltar tshes gcig gi cha bco lnga pa la yongs su smin par gyur pa ni rdzogs pa zhes mngon par brjod de/ de ltar dkar po'i phyogs la zla ba'i cha 'phel ba bco lnga'i dbye bas tha dad do/ /de'i mdza' nag po'i tshes gcig gi dang po la mun pa 'jug pa'i dus ni bcu drug pa'i cha zhes brjod de/ de'i mthar dkar po'i tshes gcig gi cha nag po'i tshes gcig gi mun pa la 'jug par 'gyur te/ dkar po'i cha gnyis pa yongs su smin par 'gyur ro/ /de nas gnyis pa la yang gnyis pa'i mun pa la 'jug par 'gyur/ /gsum pa yongs su smin par 'gyur ro/ /de bzhin du de yang nag po'i gsum pa la 'jug par 'gyur te/ de bzhin du bzhi pa la sogs pa cha bco lnga pa'i mthar thug pa yongs su smin pa rnams mun pa la 'jug par 'gyur ro/ /de nas gnam stong gi mthar cha dang po 'char ba'i mtshams dang cha bcu drug pa'i dang po'i cha la sgra gcan 'jug par 'gyur ro/ /de ltar gzas 'dzin pa rnam pa gnyis te/ nya la cha rdzogs pa'i mthar zla ba sgra gcan gyis 'dzin zhing/ gnam stong la cha dang po 'char ba'i thog mar ro/ /'dir nag po'i phyogs las la sogs pa sdud pa'i rim pas mun pa 'jug ste/ de'i phyir spro ba'i rim pas shar ba rnams mdzad do/ /nag po'i tshes gcig sa'i mun pa la dkar po'i tshes gcig nam mkha' i khams kyi cha zhugs te/ mun pas sgrib par 'gyur ro/ / gnyis pa rlung gi cha chu'i mun pas sgrib par 'gyur ro/ /gsum pa me'i cha me'i mun pas sgrib par 'gyur ro/ /bzhi pa chu'i cha rlung gi mun pas sgrib par 'gyur ro/ /lnga pa sa'i cha nam mkha' i khams kyi mun pas sgrib par 'gyur te/ de ltar dang po'i sde tshan la mun pa 'jug pa chung ngu'i tshad du 'gyur ro/ /de nas gnyis pa'i sde tshan la yang mun pas sgrib pa'i bya ba brjod pa'i rim pa ste/ sde tshan gnyis pa de la sde tshan dang po'i mun pa chung ngu'i tshad ni gnyis pa 'bring po'i tshad do/ / de bzhin du gsum pa'i sde tshan la yang mun pas sgrib par bya ste/ sde tshan de la chung ngu'i tshad gnyis pa'i sde tshan la 'bring po'i tshad ni gsum pa chen po'i tshad do/ /de la chen po'i tshad kyi dbye bas rnam pa lnga ste/ mun pa chen po'i tshad kyi dbye ba bcu gcig pa la byis pa'o/ /bcu gnyis pa la gzhon nu'o/ /bcu gsum pa lang tsho'o/ /bcu bzhi pa la rgan po'o/ /gnam stong la yongs su smin par 'gyur ro/ /de bzhin du gnyis pa'i sde tshan la 'bring po'i tshad dang gsum pa'i sde tshan la mun pa chung ngu'i tshad kyi'o/ /de nas dkar po'i tshes gcig 'ongs pa na sa'i khams kyi mtshan nyid kyi mun pa smin pa sel bar 'gyur ro/ /gnyis pa la chu'i mun pa'o/ /gsum pa la me'i mun pa'o/ /bzhi pa rlung gi mun pa'o/ /lnga pa la nam mkha' i khams kyi mun pa'o/ /de ltar cha dang po chung ngu'i tshad sa rdzogs pa ni smin par 'gyur ro/ /gnyis pa ni rgan mo'o/ /gsum pa lang tsho ma'o/ /bzhi pa gzhon nu ma'o/ /lnga pa bu mo ste drug pa la sogs pa nub par gyur pa rnams gnas so// de ltar chung ngu'i sde tshan la cha chung ngu smin yang ji srid nag po'i phyogs la gsum pa chen po tshad smin par ma gyur par mun pa 'jug par mi 'gyur ro/ /so so'i bco lnga'i cha 'di dag nub par gyur pa rnams nyi ma bcu drug pa la 'char ro/ /shar ba rnams nyi ma bcu drug pa la nub par 'gyur ro/ /de ltar a sogs sum cu'i dbyangs ni zla ba'i cha'i ming ste/ dkar po'i cha rnams dang mun pa zhugs pa nye bar btags pas nag po'i ming can rnams so/ /dkar po'i dang nag po'i tshes gcig la sogs pa 'di rnams kyi dbyangs kyi sngags kyi tshig rnams ni/ aM aM riM auM laM/ aoM eM raM aoM laM/ haM yaM raM waM laM/ lAphyogs la zla ba thig les brgyan pa cha bco lnga'i bdag nyid do/ /nag po'i phyogs la nyi ma rnam par bcad pas brgyan pa/ zla ba'i cha bco lnga sgrib par byed pa'o/ /thung ngu ni zla ba'o/ /ring po ni nyi ma'o/ /de bzhin du yon tan ni zla ba'o/ /'phel ba ni nyi ma ste/ ha la sogs pa ni snga ma bzhin no/ /nyin byed kyang ka la sogs pa'i sde rnams dbyangs dang bcas pa nyin zhag stong drug me'i tshad kyi spyod par byed/ ces pa ni/ 'dir ka yig sde pa gang dag gi dang po yin pa de ni ka yig la sogs pa'i sde ste/ sde zhes pa ni yi ge lnga'i tshogs so/ /nam mkha' la sogs pa dang/ sa la sogs pa'i dbye bas lngar klog ste/ dbyangs kyi sogs ni thams cad du nam mkha' la sogs pa'i dbye bas klog go / 'dir so sor sdud pa shes pa ni/ gsal byed klag pa thams cad la 'dir gsal byed dag pa sum cu ste/ ya yig la sogs pa gzhan du ka yig la sogs pa gsal byed klag par ma bsdus shing/ a la sogs pa dbyangs kyi sde tshan du klags pa rnams ni dbyangs kyi rnam par 'gyur ba'o/ /'di lta ste/ a ai ri au li ka a e ar ao al tsa/ ha ya ra wa la Ta ces dang/ de'i 'og tu/ nga nya Na ma nan/ g+ha dzha Dha b+ha d+had+ha/ ga dza Da ba dang/ kha tsha Tha pha thatha/ ka tsa Ta pa tata/ th+ka sha Sha wa sas/ zhes pa ste/ dang po dang mdza' klags pa las so/ /ya yig la sogs pa ni ka yig la sogs pa'i sde pa'i nang du mi 'gyur te/ rab tu brjod pas dbyangs kyi chos can nyid yin pa'i phyir ro/ /de'i phyir gsal byed kyi bdag nyid ni sum cu ste/ ka la sogs pa sde pa drug go /ka tsa Ta ba ta sa rnams ni nam mkha' dang rlung dang me dang chu dang sa dang ye shes kyi khams kyi rang bzhin te/ mgrin pa dang/ rkan dang/ spyi bo dang/ mchu dang/ so las brjod pa'i dbang gis so/ /drug pa so sor brjod pa la khams lnga'i bdag nyid do/ /ka la sogs pa'i sde pa de rnams dbyangs dang bcas pa ste/ dbyangs ni a la sogs pa thung ngu lnga dang ring po lnga ste/ bsres pa ni bcur 'gyur ro/ / thung ngu'i mthar rjes su nga ro ni dbyangs drug pa'o/ /ring po'i mthar rnam par bcad pa ni dbyangs drug pa'o/ /de dag kyang dbyangs dang gsal byed mtshungs par ldan pas brjod par bya ste/ dbyangs de dag dang ldan pa ni dbyangs dang bcas pa'o/ /nyin zhag stong drug me'i tshad kyis spyod par byed/ ces pa ni nyin zhag sum brgya drug cu ste/ stong drug me'i tshad de dag gis zla ba bcu gnyis dang bgrod pa gnyis su yang 'gyur ro/ /lho dang byang gi bgrod pa so so la nyin zhag brgya brgyad cu 'gyur ro/ /'pho ba'i zla ba'i dbye bas kar ka Ta la sogs pa lhor bgrod pa la nam mkha' la sogs pa'i spro ba'i rim pas dbyangs thung ngu drug dang bcas pa'i sde pa drug nyi mas zla ba drug gi spyod do/ /de nas byang du bgrod pa la sogs pa'i dbye bas dbyangs rings po dang bcas pa'i sde pa drug zla ba drug gis brjod do/ /gang du dbyangs thung ngu dang bcas pa spyod pa der mtshan mo 'phel bar 'gyur ro/ /gang du dbyangs ring po dang bcas pa spyod pa der nyin mo 'phel bar 'gyur ro/ /'dir lhor bgod pa ni zla ba'o/ /byang du bgrod pa ni nyi ma'o/ /gsal byed gcig ni zla ba'o/ /gsal byed gnyis rtsegs pa ni nyi ma'o/ /gsal byed gsum brtsegs pa ni sgra gcan no/ /de bzhin du dbyangs thung ngu ni zla ba'o/ /ring po ni nyi ma'o/ /shin tu ring po ni sgra gcan no// zhes pa ni thams cad du yin no/ /de ltar sgra gcan gyi shin tu ring po nyid la mun pa rnam pa gsum ste/ chung ngu dang 'bring dang chen po'i bdag nyid do/ /'dir ka? Ta'i 'pho ba'i nyin zhag la spro ba'i dbye bas ka sde'i nga yig a yig dang bcas pa nyi mas spyod do/ gnyis pa la ngi/ gsum pa la ngri/ bzhi ba la ngu/ lnga pa ngli/ drug pa la ngaM/ de bzhin du nyin zhag bdun pa dang por byas nas nyin zhag bcu gnyis pa'i mthar g+ha yig spyod de/ /ji ltar sa yig rnam par spyod pa bzhin no/ /de bzhin du nyin zhag bco brgyad kyi mthar thugs ga yig dbyangs dang bcas pa spyod do/ /nyin zhag nyi shu rtsa bzhi pa'i bar du kha yig spyod do/ /de bzhin du nyin zhag sum cu pa'i bar du ka yig dbyangs dang bcas pa spyod do/ /stong pa'i nyin zhag 'ga' zhig la gzhom du med pa'o/ /de bzhin du seng ge'i 'pho ba'i zla bo'i nyin zhag sum cu po rnams kyi nya yig la sogs pa dbyangs dang bcas pa rnams spyod do/ /bu mo'i 'pho ba'i nyin zhag rnams kyis Na yig la sogs pa dbyangs dang bcas pa rnams spyod do/ /srang gi 'pho ba'i nyin zhag rnams kyi ma yig la sogs pa dbyangs dang bcas pa rnams spyod do/ /sdig pa'i 'pho ba'i nyin zhag rnams kyi na yig la sogs pa dbyangs dang bcas pa rnams spyod do/ /gzhu'i 'pho ba'i nyin zhag rnams kyi th+ka la sogs pa dbyangs dang bcas pa rnams spyod do/ /de ltar na lhor bgrod pa la zla ba drug gi nyin zhag rnams kyis sde pa drug dbyangs dang bcas pa grangs brgya brgyad cu rnams zla ba'i rang bzhin mtshan mo 'phel ba'i dbye bas spyod do/ /de nas byang du bgrod pa'i dbye ba ni sa yig la sogs pa lugs las bzlog pas brjod de/ chu srin la sogs pa 'pho ba'i zla ba'i nyin zhag gi dbye bas sde pa drug dbyangs dang bcas pa ni/ sdud pa'i rim pas dbyangs ring po bcas pa'i yi ge rnams nyi mas spyod do/ /'dir chu srin gyi 'pho ba'i nyin zhag la ssAnyin zhag drug pa gzhan rnams kyis/ /wwAlug dang glang dang 'khrig ba'i 'pho ba'i nyin zhag rnams kyi ta sde dang pa sde dang/ Ta sde dang/ tsa sde dang ka sde rnams dbyangs dang bcas pa nyin zhag brgya brgyad cus spyod do/ /ka ra ka Ta'i 'pho ba'i bar du nyin mo 'phel ba yin la/ nyin mo 'phel ba ni nyi ma ste/ sdud pa'i ngo bos rig par bya'o/ /'dir mtshan mo dang nyin mo 'phel ba'i rang bzhin gyi yi ge rnams 'di lta ste/ mtshan mo 'phel ba/ nga ngi ngri ngu ngli ngaM/ g+ha g+hi g+h+ri g+hu g+hli g+haM/ ga gi gri gu gli gaM/ kha khi khri khu khli khaM/ ka ki kri ku kli kaM/ zhes pa ni kar ka Ta'i 'phel ba'o/ /nya nyi nyri nyu nyli nyaM/ dzha dzhi dzh+ri dzhu dzhli dzhaM/ dza dzi dzri dzu dzli dzaM/ tsha tshi tsh+ri tshu tshli tshaM/ tsa tsi tsri tsu tsli tsaM/ zhes pa ni seng ge'i 'phel ba'o/ /Na Ni Nri Nu Nli NaM/ Dha Dhi d+h+ri Dhu Dhli DhaM/ Da Di Dri Du Dli DaM/ Tha Thi Th+ri Thu Thli ThaM/ Ta Ti Tri Tu Tli TaM/ zhes pa ni bu mo'i 'phel ba'o/ /ma mi mri mu mli maM/ b+ha b+hi b+h+ri b+hu b+hli b+haM/ ba bi bri bu bli baM/ pha phi phri phu phli phaM/ pa pi pri pu pli paM/ zhes pa ni srang gi 'phel ba'o/ / na ni nri nu nli naM/ d+ha d+hi d+h+ri d+hu d+hli d+haM/ da di dri du dli daM/ tha thi th+ri thu thli thaM/ ta ti tri tu tli taM/ zhes pa ni sdig pa'i 'phel ba'o/ /th+ka th+ki th+kri th+ku th+kli th+kaM/ sha shi sh+ri shu shli shaM/ Sha Shi Sh+ri Shu Shli ShaM/ wa wi wri wu wli waM/ sa si sri su sli saM/ zhes pa ni gzhu'i 'pho ba la ste/ zla ba drug gi nyin zhag rnams kyis mtshan mo 'phel zhing nyin mo mdzad do/ /de nas chu srin la sogs pa la nyin mo 'phel ba ni/ /ssAssrI ssI ssA/ wwAd+h+d+hU d+h+d+h+rI d+h+d+hI d+h+d+hA/ n+nAT hThAg +gApa la dbyangs thung ngu dang ldan pa'i gsal byed de/ gnyi ga zla ba'i cha'i mtshan nyid do/ /byang du bgrod pa la gsal byed gnyis brtsegs pa dbyangs ring po dang ldan pa ste/ gnyi ga nyi ma'i mtshan nyid yin no/ /gsal byed gcig dbyangs ring po dang ldan pa ni zla ba dang nyi ma'i bdag nyid du 'gyur ro/ /de bzhin du gsal byed gnyis brtsegs pa dbyangs thung ngu dang ldan pa ni nyi ma dang zla ba'i bdag nyid du 'gyur ro/ /de bzhin du dbyangs dang gsal byed kyi dbye bas zla ba rnam pa gnyis dang nyi ma rnam pa gnyis so/ /de bzhin du yon tan dang 'phel ba dang ldan pa'i gsal byed rnams rig par bya'o/ /zhes pa ni bgrod pa'i dbye bas nyi ma'i rkang pa'i dbyangs kyi dbye bas dang/ dbyangs kyi dbye ba gzhan nam mkha' la sogs pa dkyil 'khor lnga 'bab pa sum brgya drug cu'i dbye bas tha dad pa ni 'chad par 'gyur bar bshad par bya'o/ /'di'i mdor bsdus pa rgyud kyi rgyal po sgyu 'phrul dra ba las/ sangs rgyas kun gyi thugs chen po/ /sangs rgyas kun gyi thugs la gnas/ /sangs rgyas kun gyi sku chen po/ /sangs rgyas kun gyi gsung yang yin/ /rdo rje nyi ma snang ba che/ /rdo rje zla ba dri med 'od/ /chags bral la sogs chags pa che/ /kha dog sna tshogs 'bar ba'i 'od/ /ces bcom ldan 'das kyis gsungs so/ /'dir dkar po'i phyogs la lnga pa dang/ bcu pa dang nyin chags pa'o/ /nag po'i phyogs la lnga pa dang bcu pa dang gnam stong ni chags bral lo/ /'di gnyis kyi dbus rdzogs pa gsum gyi 'jug dga' bral gyi mthar/ stong pa chen po yi ge lnga/ gcig tu 'dres par gyur pa'i rnal 'byor ni de bzhin gshegs pa rnams kyi thugs te/ de'i phyir sangs rgyas kun gyi thugs chen po ni zla ba cha bcu drug pa'i mthar stong pa chen po'o/ /sangs rgyas kun gyi thugs la gnas ni gnam stong gi mdza' cha dang po 'char ba'i mtshams nyi ma mun pa bcu drug pa'i mthar thig le stong pa yi ge drug go / de bzhin du sangs rgyas kun gyi sku che ba ni/ stong pa chen po'o/ /sangs rgyas kun gyi gsung yang yin ni thig le stong pa'o/ /rdo rje nyi ma snang ba che ni thig le stong pa yi ge drug go /rdo rje zla ba dri med 'od ni stong pa chen po yi ge lnga'o/ /shes rab dang thabs kyi chos ni 'chad par 'gyur ba las rgya cher brjod par bya ste/ gsang sngags skye gnas yi ge med/ /gsang sngags chen po rigs gsum pa/ yang rgya cher ro/ /da ni nyin zhag so so'i mtshan mo dang nyin mo'i chu tshod gsungs pa/ ha sogs dbyangs rnams dag kyang chu tshod ces pa ste/ ha la sogs pa de dag dbyangs kyang yin pas na/ ha sogs dbyangs rnams so/ /kyang yig gis gzhan gsal byed do/ / de dag dbyangs bcu gnyis dang bcas pa ni dbyangs drug cur 'gyur ro/ /de la mtshan mo 'phel ba la dbyangs thung ngu dang ldan pa'i dbyangs sum cu'i bdag nyid nyi ma phyed nas mtshan phyed kyi bar du 'gyur ro/ /nyin mo 'phel ba la dbyangs ring po dang ldan pa sum cu mtshan phyed nas nyi ma phyed kyi bar du 'gyur ro/ /de ltar nyin zhag so so la mtshan mo dang nyin mo 'phel bar rig par bya'o/ /'dir sngags kyi tshig rnams ni mtshan mo 'phel ba la spro ba'i rim pa dang/ nyin mo 'phel ba la sdud pa'i rim pas 'di lta ste/ ha hi h+ri hu hli haM/ ya yi yri yu yli yaM/ ra ri rri ru rli raM/ wa wi wri wu wli waM/ la li lri lu l+li laM/ zhes pa mtshan mo ste bsam pa'i dbye bas shes rab dang/ lus kyi dbye bas thabs so/ / l +lAkyi bsam pa las byung ba nyid kyi phyir shes rab dang thabs kyi lus las byung ba nyid kyi phyir thabs so/ /de bzhin du rdul dang nyi ma ni thabs kyi bsam pa las byung ba nyid kyi phyir thabs dang/ shes rab kyi lus las byung ba nyid kyi phyir shes rab ste/ de ltar thams cad du rjes su rtogs par bya'o/ /nga ni brtan pa dang g.yo ba khams gsum pa'i sngags gsungs pa/ lha min gdengs can 'byung po'i skye gnas dag kyang sngags zhes pa/ zhes pa ste/ lha ni 'dod pa dang gzugs dang gzugs med pa ste/ lha ma yin yang de'i nang du 'dus so/ /mi dang gdengs can ni rab tu grags pa ste/ rgyal po dang mdza' yas la sogs pa'o/ /'byung po'i skye gnas ni sngar brjod pa rnam pa bzhi'o/ /brtan pa'i skye gnas ni lhun po dang shing la sogs pa ste/ de dag thams cad sngags kyi ming gis ming can du byas pa'i sngags su 'gyur ro/ /khams gsum po 'dir gang gis ming gang yin pa de bsgrub pa'i slad du sngags kyis brdar 'gyur te/ dang po'i yi ge ni ye shes kyi sa bon du 'gyur zhing/ /ming mdza' dag ni bzlas ba'i sngags su 'gyur ro/ /don sna tshogs bsgrub pa'i slad du sems can mdza' yas pa'i ming gis dbye bas sngags mdza' yas par khong du chud par bya'o/ /dper na dge ba dang mi dge ba'i 'bras bu'i don du ming gi yi ge dang pos khyim dang/ ming gi yi ge thams cad kyis kyang dbyangs dman pa dang/ lhag pa g.yul 'gyed pa'o/ /de bzhin du dang po'i yi ge dang ming thams cad kyis kyang bsgom pa dang bzlas pa'i bya ba 'grub ste/ rten cing 'brel par 'byung ba la 'khrul pa med cing/ nor bu dang sngags dang sman rnams kyi mthu rang gi sems yongs su gyur pa las byung ba ni bsam gyis mi khyab bo/ /a sogs ka sogs ldan pa dag las shes pa la/ a sogs ni a yig la sogs pa ste dbyangs kyi tshogs so/ /ka sogs ldan pa ni ka yig la sogs pa gsal byed dang ldan pa dag las so/ /de ltar ni brjod pa'i rim pa 'dis so/ /khams gsum dag ni 'dod pa dang gzugs dang gzugs med pa'i khams te/ nges par bskyed par 'gyur ro/ /mi'i bdag ces pa ni bod pa'o/ /zla ba'i cha la sogs pa dang/ sna tshogs pa'i sngags bsdus pa'i mdor bsdus so/ /da ni dbyangs ni zhes pa la sogs pas dbyangs rnams kyi skye ba'i gnas la sogs pa bsdus pa'i tshigs su bcad pa dgu pa bdag gis dgrol bar bya'o/ / dbyangs ni ka tsa Ta pa tar ldan th+ka la sogs pa yang dag sbyar ba rnams kyi skye ba'i gnas zhes pa la/ 'dir dbyangs ni sngar brjod pa'i a yig la sogs pa rnams te/ a ai ri au li lnga'o/ /'di rnams kyi skye ba'i gnas rnam pa lnga grangs ji lta ba bzhin no/ /dbyangs ji ltar gyur pa rnams kyi zhe na/ ka tsa Ta pa tar ldan pa dang th+ka la sogs pa yang dag sbyar ba rnams kyi zhes pa ste/ grangs ji lta ba bzhin ka yig la sogs pa'i sde pa dang sbyar ba dang/ th+ka la sogs pa rnams kyi yi ge so so dang sbyar ba ni th+ka sha Sha wa sa dang yang dag par sbyar ba rnams kyi ste/ sogs pa smos pa'i phyir ha ya ra wa la dang ldan pa rnams kyi'o/ /de ltar yang a ku ha rnam par bcad pa ni mgrin pa las byung ba'o/ / ai tsu ya sha ni rkan las byung ba'o/ /ri Tu ra Sha ni spyi bo las byung ba'o/ /au pu wa wa ni mchu las byung ba'o/ /li du la sa ni so las byung ba'o zhes skye ba'i gnas gsungs so/ /mgrin rkan steng gi cha ji ltar gyur pa zhe na/ mkha' rlung bsreg bya las skyes pa'i gnas so/ /mchu dang so ni chu dang sa dag gi skye ba'i gnas su a yig la sogs pa rnams grangs ji lta ba bzhin du skye ba ste/ skye ba zhes pa ni gnas de dag tu brjod pa rnams kyi sgra'i don rtogs pa'o/ /'dir sngags kyi bzlas pa'i cho ga bsgrub pa'i don du skye ba'i gnas rig par bya ste/ gzhan ni bsgom pa'i gnas kyi don du lus kyi 'khor lo'i dbye bas brjod pa/ a sogs rnams ni gtsug tor 'khor lo snying mgrin mgo bo lte ba'i 'khor lo dag la rim pa ste/ zhes pa la sogs shes pa a yig la sogs pa dbyangs rnams kyi grangs bzhin du nam mkha' la sogs pa'i rigs kyi dbye bas grangs bzhin du gtsug tor la sogs pa'i 'khor lo rnams bsgom pa'i don du skye ba'i gnas su rig par bya'o/ /'dir a ku ha rnam par bcad pa ni gtsug tor gyi 'khor lo la bsgom par bya'o/ /ai tsu ya sha ni snying ga'i 'khor lo la'o/ /ri Tu ra Sha ni mgrin pa'i 'khor lo la'o/ /au pu wa wa th+ka ni dpral bar 'khor lo la'o/ /li tu la sa ni lte ba'i 'khor lo la bsgom par bya'o/ /sna tshogs ni kha dog sna tshogs ljang gu ste gtsug tor gyi 'khor lo la'o/ /gnag pa ni snying ga'i 'khor lo'o/ /dmar ba ni mgrin pa'i 'khor lo'o/ /ri bong can gyi mdog ni dpral ba'i 'khor lo'o/ / gser 'dra ni lte ba'i 'khor lo'o/ /phung po khams kyi lhag pa'i lha dang ldan pa la'o/ /zhes pa ni grangs ji lta ba bzhin du rnam par shes pa'i phung po dang nam mkha' i khams kyi lhag pa'i lha dang ldan pa gtsug tor gyi 'khor lo'o/ /'du byed dang rlung gi khams kyi lhag pa'i lha dang ldan pa snying ga'i 'khor lo'o/ /de bzhin du tshor ba dang me'i khams kyi lhag pa'i lha dang ldan pa mgrin pa'i 'khor lo'o/ /'du shes dang chu'i khams kyi lhag pa'i lha dang ldan pa dpral ba'i 'khor lo'o/ /gzugs dang sa'i khams kyi lhag pa'i lha dang ldan pa lte ba'i 'khor lo ste/ de ltar phung po khams kyi lhag pa'i lha dang ldan pa la'o/ /'chad par 'gyur ba la yan lag dgod par la sogs pa rig par bya'o/ / dbyangs rnams kyi skye pa'i gnas nges par bstan pa'o/ /dpal mchog gi dang po'i sangs rgyas las bsdus pa'i rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las/ 'jig rten gyi khams bsdus pa'i mdor bsdus te bdun pa'o/ / //da ni bcom ldan 'das kyis sems can gyi bsam pa'i dbang gis 'jig rten gyi khams kyi tshad gsungs pa/ sdud par mdzad pa po 'jam dpal gyi tshigs su bcad pa bcu pa la sogs pa mchog gi dang po'i sangs rgyas las bsdus pa rlung gi mdza' nas lhung po'i mtshams zhes pa la sogs pa de nyid bdag gis dgrol bar bya'o/ /rlung gi mdza' nas lhun po'i mtshams su dmyal ba gdeng can grong khyer la ni dpag tshad 'bum phrag gnyis zhes pa la/ 'dir 'jig rten gyi kun rdzob tu mos pa sna tshogs pa'i sems can gyi bsam pa'i dbang gis 'jig rten gyi khams kyi tshad sems can rnams la gsungs shing rab tu gnang ngo/ /don dam par ni 'jig rten gyi khams la tshad dang dpangs med de/ sems can rnams kyi bsod nams dang sdig pa'i dbang gis so/ /'dir phug khru lnga pa'i tshad gang du 'dod chags dang bral ba 'am/ byang chub sems dpa' gnas pa'i phug der/ bsod nams dang ye shes bsten pa de'i mthu dang rdzu 'phrul gyi stobs kyi 'khor los sgyur ba de dang bcas pa 'ongs shing rab tu 'jug / de sus kyang ma bskyed cing/ phug der bzhugs pa'i 'khor los sgyur ba'i sde yang dog pa nyid ma yin no/ /don dam par 'jig rten gyi khams kyi tshad kyang de bzhin du rig par bya'o/ /'dir 'jig rten gyi khams kyi tshad gang yin pa de ni/ ji ltar phyi rol de bzhin lus zhes gsungs pa'i phyir/ 'jig rten gyi khams kyi tshad 'jig rten gyi khams kyi dkyil 'khor gyi don dang/ lus kyi tshad lus kyi dkyil 'khor gyi don du ste/ lus ni dkyil 'khor zhes brjod do/ /zhes gsungs pa'i phyir ro/ /ji ltar phyi rol tu 'jig rten pa'i tshad kyis lhun po'i spangs dpag tshad 'bum yin pa de bzhin du lus kyi sgal tshigs kyi dpangs khru gang ste/ khru'i tshad des lus ni khru bzhi'o/ /lhun po dpag tshad 'bum gyi tshad kyi 'jig rten gyi khams 'bum phrag bzhi'o/ /rnam pa gzhan du na ji ltar phyi rol de bzhin lus su mi 'gyur te/ mi mnyam pa'i phyir ro/ /de ltar 'jig rten gyi khams kyi tshad kun rdzob tu ji lta ba de ltar 'gyur du chug mod/ 'dir bsreg bcad ces pa la sogs pa bcom ldan 'das kyis dam bca' ba ni ma yin te/ 'on kyang dam bcas pa ni bsod nams dang ye shes kyi tshogs kyi yul la yin no/ / gang gi phyir 'jig rten gyi khams la yul la mdzad kyi 'dod pa dang/ rig byed kyi grub pa'i mdza' i bsam pas rnam pa sna tshogs pa dang/ tshangs pa'i yul sa gcig ni dpag tshad bye ba'i khyon no/ /zhes rdzun du smra ba'i phyir nyi ma'i shing rta la sogs pa yongs su smin par bya ba'i slad du tshangs pa'i yul sa'i tshad de rnam par gzhom pa'i don du gza' dang rtsis dang khyim gyi 'khor lo dang ldan pa'i 'jig rten gyi khams kyi tshad rab tu bkod do/ /de'i phyir tshad 'di la sangs rgyas pa'i 'thad mthong nas 'khrul pa 'di mi bya ste/ ji ltar bcom ldan 'das kyis 'jig rten gyi khams kyi tshad 'bum phrag sum cu so drug lhag pa dang/ ji ltar 'jig rten gyi khams dpag tshad 'bum phrag bzhi'i tshad du gsungs/ 'dir bcom ldan 'das rdzun gsungs pa po yin nam ci zhes pa/ 'ga' zhig 'dor bar gyur na de'i tshig mkhas pa rnams kyis khas blang bar mi bya ste/ sems can gyi bsam pa'i dbang gis so/ /de bzhin du yang sems can mos pa sna tshogs pa/ /grub mdza' sna tshogs rig pa po/ /sna tshogs lam la rab gnas pa/ /shes pa'i nga rgyal khengs pa can/ /de dag rang gzhan grub mdza' la/ /ji srid rig pa ma bstan pa/ /de srid khengs pa can de dag /kun mkhyen gyi yang dbang mi 'gyur/ /sems can phan las mi bden pa/ /bsod nams tshogs kyi rgyu yin te/ /gzhan la gnod las bden pa ni/ /mnar med la sogs rab tu ster/ /stong pa po min yi dags kyis/ /khyim ni gnas ni rir mthong ste/ /sdig pa byed pa bdag gi khyim/ /khab rtse ri yi rnam par ro/ /sa 'og dngos grub thob gyur cing/ /lha mo rnams kyi grong 'gro ba/ /grub pa rnams kyi rab brtan sa/ /kun nas bug pa bcas par mthong zhes gsungs so/ /de'i phyir 'jig rten gyi khams kyi tshad/ bcom ldan 'das kyis gsungs pa ni/ sems can rnams kyi rang gi sems kyi bag chags kyi dbang gis rab tu gnang ba ste/ de bzhin gshegs pas mngon par zhen pas 'jig rten gyi khams gzigs nas bzung ba dang 'dzin pa'i ngo bos dngos po'i tshad gsungs pa ni 'ga' yang med do/ /de ltar thams cad yongs su mkhyen nas drang srong rnams yongs su smin par bya ba'i don du 'jig rten gyi tshad dang lus kyi tshad dkyil 'khor gyi don du bcom ldan 'das kyis gsungs so/ /'dir rlung gi mdza' nas lhun po'i mtshams su zhes pa ni/ sa dang chu dang me'i dkyil 'khor rnams kyi 'og na rlung gi dkyil 'khor nam mkha' i khams la rnam par gnas te/ rlung gi mdza' de nas lhun po'i bar du dmyal ba'i gnas bdun dang brgyad pa ni gdengs can gyi grong khyer te/ dmyal ba gdengs can grong khyer la ni dpag tshad 'bum phrag gnyis yin no/ /'dir rlung gi dkyil 'khor stong phrag lnga bcur 'gyur te/ drag po'i rlung chen po dang/ mun pa chen po de la dmyal ba'i gnas gnyis steng 'og tu dpag tshad stong phrag nyi shu rtsa lnga rtsa lnga'i cha ste/ rgya'i tshad ni sa'i dkyil 'khor gyi tshad do/ /de bzhin du me'i dkyil 'khor la dmyal ba'i gnas gnyis te/ me'i dmyal ba gcig dang/ de'i steng dus mi bzang ba'i dmyal ba'o/ /de bzhin du chu'i dkyil 'khor la dmyal ba gnyis te/ 'dam gyi chu 'dam dang chu yang dag par ldan pa dang/ bye ma'i chu bye ma dang chu yang dag par ldan pa ste drang ba chen po'o/ /sa'i dkyil 'khor la gseg ma chu'i dmyal ba dpag tshad stong phrag nyi shu rtsa lnga'o/ /de'i steng du gdengs can gyi grong khyer steng 'og tu dpag tshad stong phrag nyi shu rtsa lnga'o/ /de nyid la tshad rnam pa gnyis te/ phyed ni lha ma yin gyi gnas yin la/ phyed ni klu'i 'jig rten gyi gnas so/ /de bzhin du lus la rkang pa'i mthil nas rked pa'i khru gnyis te/ khru gnyis po de nyid cha brgyad du byas nas cha re re la rim pa bzhin du dmyal ba dang gdengs can gyi grong khyer rnams rig par bya'o/ /lhun po'i tshad ni 'bum phrag gcig ste/ sa'i dkyil 'khor de nas lhun po'i tshad ni steng 'og tu dpag tshad 'bum phrag gcig ste/ lus la rked pa nas mgrin pa'i 'og gi bar du khru gang ngo/ /de nyid du gza'i tshogs rnams 'khor te/ gza'i tshogs kyi gnas de nas stong phrag dag ni nyi shu lnga lhun po'i mgrin pa ste/ lus la sor drug go /de nas gdong la lnga bcu lhun po'i gdong mgrin pa nas dpral ba'i mdza' i bar du ste/ lus la sor bcu gnyis so/ /de nas brtan pa'i go 'phang g.yo med gtsug tor ni stong phrag nyi shu lnga ste/ lus la dpral bar mdza' nas gtsug tor gyi gnas kyi bar du sor drug gi tshad do/ /de'i phyir stong pa gcig pur srid pa gsum bral yon tan med cing de nyid kyis dman pa'o zhes pa ni/ 'og rlung gi dkyil 'khor dang steng gtsug tor de'i phyi rol stong pa gcig pu ste/ rdul phra rab so so'i ngo bo'i khams lnga pa stong pa gcig pu'o/ /nam mkha' ni ma yin te thams cad du khyab par byed pa'i phyir stong pa gcig pur rtogs par mi bya'o/ /de ltar 'jig rten gyi khams kyi tshad 'bum phrag bzhi ste/ lus la khru bzhi'o/ /khru yang sor nyi shu rtsa bzhi'i bdag nyid do/ /da ni 'dir zheng gi tshad gsungs pa/ rlung gi mdza' nas rlung gi mtshams la 'bum phrag bzhi ste/ rlung nas rlung gi mdza' shar nas nub kyi rlung gi dkyil 'khor gyi mdza' i bar dang/ de bzhin du lho nas byang gi mdza' i bar ro/ /brtan mi 'dzin pa'i gzhi la gling dang ri dang rgya mtsho rnams zhes pa ni/ de nas rlung gi dkyil 'khor gyi dbus su me'i dkyil 'khor zlum po'i rnam pa dang/ de bzhin du me'i dkyil 'khor gyi dbus su chu'i dkyil 'khor dang/ chu'i dkyil 'khor gyi dbus su sa'i dkyil 'khor ro/ /de nyid ni brtan pa 'dzin ma'i gzhi ste/ de la gling drug dang/ bcu gcig dang/ rgya mtsho drug go/ /bdun pa chu'i dkyil 'khor dang bcas pas rgya mtsho bdun dang/ bdun pa 'dzam bu'i gling dang bcas pas gling bdun dang/ rdo rje'i ri dang bcas pas ri bdun no/ /rdo rje'i ri ni rta gdong gi me ste/ lan tshwa'i rgya mtsho chu'i dkyil 'khor gyi mdza' 'og dang tham ka'i tshal gnas so/ /sa 'dzam bu'i gling chen po'i mthar phyogs thams cad dang 'og tu lan tshwa'i rgya mtsho rnam par gnas so/ /lan tshwa'i rgya mtsho'i mdza' nas lan tshwa'i rgya mtsho'i mthar 'bum phrag bzhi'i phyed de/ bzhi phyed 'bum phrag gnyis te zhes pa/ lhun po'i dbus nas g.yas g.yon du lan tshwa'i rgya mtsho'i dkyil 'khor gyi mthar 'bum phrag gnyis te/ g.yas su 'bum phrag gcig dang/ g.yon du 'bum phrag gcig ste/ de bzhin du shar dang nub dang rlung dang me dang bden bral dang dbang ldan du'o/ /lan tshwa'i chu'i dkyil 'khor de las g.yas dang g.yon du me dang rlung gi dkyil 'khor 'bum phrag gnyis su 'gyur ro/ /g.yas su 'bum phrag gcig dang/ g.yon du 'bum phrag gcig ste/ phyogs thams cad du de bzhin no/ /dbus na lhun po gang gi steng du khyim gyi 'khor lo skar bcas nyin dang mtshan mor 'khor ba ste/ zhes pa ni dbus na lhun po'o/ /de ci 'dra ba zhig ce na/ gang gi steng na khyim gyi 'khor lo rtsibs bcu gnyis pa skar ma'i phur po mdza' yas pa dang bcas pa'i skar bcas nyin dang mtshan mor 'khor ba'o/ /'dir tshig 'di la rig pa ci zhig yod/ gang gi ci? brjod par bya ba lhun po gzhan yang yod dam ci zhe na/ brjod pa/ 'dir mandal yang lhun po'i ming gis smos pa des na manda ra las tha dad du bya ba'i tshig 'di rigs so/ /cha drug la ni 'bum phrag gnyis gnyis zhes pa ni 'dir brjod pa'i rim pas 'og dang steng dang shar dang nub dang lho dang byang gi cha drug la sa'i dkyil 'khor gyi dbus nas 'bum phrag gnyis gnyis so/ /srid gsum mdza' dag ni/ mtho ris dang mi yul dang sa 'og ste/ srid gsum mdza' dag dus kyi sbyor ba dag las rab tu skyes/ zhes pa/ chags pa skye bo'i dus kyi dbang gis yang dag par 'dzin pa dang/ srubs pa dang dbyibs kyi rlung gi dus kyi sbyor ba dag las sems can rnams kyi dge ba dang mi dge ba'i las kyi 'bras bu la nye bar longs spyod pa'i don du skyes so/ /da ni 'dir khor yug gi tshad brjod pa/ 'jig rten gyi khams kun nas khor yug gi thad ka'i tshad kyi sum 'gyur du yang 'gyur ba ste/ zhes pa ni/ 'dir 'jig rten gyi khams thams cad la thad ka'i tshad kyi sum 'gyur khor yug gi tshad du 'gyur te/ lhun po la sogs pa nas rlung gi dkyil 'khor gyi mthar thug pa gling dang ri dang rgya mtsho la sogs pa thams cad kyi'o/ /sa'i khor yug 'bum phrag gsum dang zhes pa la/ sa yi ni sa'i dkyil 'khor gyi thad ka'i tshad 'bum phrag gcig ste/ khor yug gi tshad 'bum phrag sum du 'gyur ro/ /de bzhin du chu me rlung rnams kyis zhes pa ni/ chu dang me dang rlung gi dkyil 'khor rnams kyi rang rang gi dkyil 'khor gyi mdza' nas rang rang gi dkyil 'khor gyi mdza' i bar du thad ka'i tshad ni 'bum phrag gnyis dang/ 'bum phrag gsum dang 'bum phrag bzhi ste/ khor yug gi tshad ni drug dgu nyi ma rig pas so/ /zhes pa ste/ chu'i dkyil 'khor la 'bum phrag drug dang me'i dkyil 'khor la 'bum phrag dgu dang rlung gi dkyil 'khor la nyi ma ste/ 'bum phrag bcu gnyis su rim pas rig par bya'o/ /mi'i dbang po phyi rol srid pa gsum gyi gnas la dpag tshad 'bum phrag gcig nyid gang yin pa/ de ni sa yi steng gi gnas su lus la rang rang dag gi tshad kyi yang dag khru gang ngo/ /zhes pa ni sngar rjod pa'i rim pas phyi rol tu 'jig rten gyi khams la dpag tshad 'bum phrag gcig gang yin pa de nyid rang gi lus la rang gi khru yi khru gang gi tshad du 'gyur ro/ /da ni phra rab ces pa la sogs pas rdul phra rab la sogs pa rnams kyi dpag tshad brjod de/ phra rab brgyad rnams bdag gis phra mo 'di dag cig ces pa ni/ phra rab rdul phra rab brgyad phreng bar gnas pa dag gis phra mo gcig ste phra mo gcig gi tshad du 'gyur ro/ / phra mo 'di brgyad rnams kyis mi rnams kyi skra'i rtse mor 'gyur ro/ /skra'i rtse mo 'di brgyad phreng bar gnas pas ske tshe'i tshad do/ /de rnams kyis shig gi tshad do/ /de rnams kyi nas kyi tshad do/ /ltos 'gro na shes pa ni de brgyad kyi sor du 'gyur ro/ / sor ni nyi ma ni/ zung gi zhes pa nyi ma ni bcu gnyis yin la/ zung rnam pa gnyis kyi nyi shu rtsa bzhi ste/ sor mo nyi shu rtsa bzhi phreng bar gnas pas khru'i tshad du 'gyur ro/ /de bzhi yis gzhur 'gyur te/ 'dir ni stong phrag gnyis kyi gzhu yis rgyang grags dag tu 'gyur ro/ /de bzhi yis dpag tshad du 'gyur ro/ /dpag tshad de yis lha yul la lha rnams kyi tshad dang/ sa la mi rnams kyi tshad dang/ nam mkha' la nyi ma dang zla ba la sogs pa 'khor ba'i don du tshad yin no/ /da ni gzugs med pa'i srid pa la sogs pa sum cu rtsa gcig gsungs pa/ dang por chos bzangs bskal pa zhes pa ste/ dang por ni thog mar ro/ /chos bzangs kyi sgras ni gzugs med pa'i srid pa zhes brjod do/ /bskal ba zhes pa ni gang du lta rnams tshe bskal par gnas pa'o/ /gnas de ni chos bzangs bskal pa zhes pa ste/ mtho ris kyi sa'o/ /zung ni zung dang ldan pa dag ste/ zhes pa la/ zung ni gnyis yin la/ de dag zung dang ldan pa ni bzhi ste/ zung ni zung dang ldan pa dag ste// zhes pa/ gzugs med pa'i srid pa'i gnas rnam pa bzhi zhes pa'i don to/ /bskal pa chen po gcig dang bskal pa gnyis dang gsum dang/ bzhi'i tshe'o zhes dgongs so/ /ri rab kyi gtsug tor gyi 'og skra'i gnas te zad par stong pa rnam pa bzhi bsgom pa rnams kyi'o/ /de bzhin du tshangs pa'i bskal pa zung ni zung dang ldan pa dag dpral ba'i gnas te/ zad par rlung rnam pa bzhi bsgom pa rnams kyi'o/ /de bzhin du tshangs pa 'jig rten las 'das pa zung ni zung dang ldan pa dag sna'i gnas te zad par me rnam pa bzhi bsgoms pa rnams kyi'o/ /de bzhin du dpal gyi bskal pa zung gi zung dang ldan pa dag sna'i 'og ko sko'i mthar te zad par chu rnam pa bzhi sgom pa rnams kyi'o/ /de bzhin du dkar po'i bskal pa zung ni zung dang ldan pa dag mgrin pa'i gnas te zad par sa rnam pa bzhi sgoms pa rnams kyi'o/ /de ltar na gzugs can rnams kyi bskal pa bcu drug ste/ bskal pa bcu drug nas brtsams nas bskal ba re'i bar gyi tshe'o/ /mgrin pa'i 'og de nas brtsams nas 'og rlung gi dkyil 'khor gyi mdza' i bar du 'dod pa'i srid pa bcu gcig ste/ shin tu dbang gyur gnas nas 'dod pa bcu gcig go zhes gsungs te/ 'dod pa bcu gcig gis dbye bas tha dad do/ /zhes pa'i don to/ /gzugs med dag ni a sogs bzhi po ha 'khrig bral ba rnams te/ zhes pa ni 'dir gzugs med pa la sogs pa rnams kyi sa bon gyi yi ge ni a yig la sogs pa'i dbyangs bzhi ste/ de dag kyang ha yig gnyis dang bral ba'o/ /'di ni stong pa drug tu dogs pa med pa'i tshig go / ai la sogs pa bcu drug gzugs zhes pa ni 'dir dbyangs bcu drug po gang dag gis dang po e yig yin pa de dag ni ai la sogs pa zhes brjod de/ ai la sogs pa bcu drug ni gzugs rnams so/ /ha sogs la mdza' yang ni 'dod pa rnam bcur rab tu gsal te zhes pa ni dbyangs bcu'i rnam par 'gyur pa/ /gang dag gi dang po can yig yin la/ /mdza' yig yin pa de dag ni ha sogs la mdza' skye 'dod pa rnam pa bcur 'gyur ro/ /rab tu gsal te lung las gsungs pa yod pa'o/ /gsal byed gcig pa ka sa'o zhes pa ni/ gsal byed ka yig la sogs pa mdza' dag so sor brjod pas yang dag par bsdus pa ni yi ge gcig pa ka sar 'gyur te/ /ka dang sa rtsegs pa kA yig ga zhes pa'i don to/ de yang 'dod pa'i srid pa bcu gcig pa'o/ /srid pa sum cu rtsa gcig dag gis 'dir ni srid pa gsum du 'gyur zhes pa ni/ a yig la sogs pa srid pa sum cu rtsa gcig po 'di dag gi srid pa gsum ste/ 'dod pa'i srid pa dang gzugs kyi srid pa dang gzugs med pa'i srid par 'gyur ro/ /'dir srid pa sum cu rtsa gcig ces pa ni gzugs med pa la sogs pa ste/ 'du shes med 'du shes med min skye mched du nye bar 'gro ba dang/ ci yang med pa'i skye mched du nye bar 'gro ba dang/ rnam shes mdza' yas skye mched du nye bar 'gro ba dang/ ci nam mkha' mdza' yas skye mched du nye bar 'gro ba dang zhes bya ba ni gzugs med pa bzhi'o/ /'og min la sogs pa gzugs bcu drug ste/ 'og min dang/ shin tu mthong pa dang/ mi gdung ba dang mi che ba dang/ 'bras bu che ba dang/ bsod nams skyes dang/ sprin med dang/ dge rgyas dang/ tshad med dge ba dang/ dge chung dang/ 'od gsal dang/ tshad med 'od dang/ 'od chung dang/ tshangs chen dang tshangs pa 'dun na 'don dang/ tshangs ris zhes bya ba ni gzugs bcu drug go /gzhan 'phrul dbang byed la sogs pa 'dod pa bcu gcig ste/ gzhan 'phrul dbang byed dang/ 'phrul dga' dang dga' ldan dang/ 'thab bral dang/ gsum cu rtsa gsum dang/ rgyal chen bzhi'i ris zhes bya ba ni 'dod pa na spyod pa'i lha drug ste/ bskal pa chung ngu drug dang/ lnga dang bzhi dang gsum dang gnyis dang/ gcig gis bskal pa'i tshe dang ldan pa'o/ /'dir de'i nang du 'dus pa'i lha ma yin dang/ mi dang dud 'gro dang/ yi dags dang/ dmyal ba zhes bya ba ni 'dod pa'i srid pa lnga ste/ de ltar na srid pa sum cu rtsa gcig go /gzugs med pa la sogs pa 'di rnams kyi ming gi sngags a yig la sogs pa rnams brjod pa'i rim pas grangs bzhin no/ /'di lta ste/ a A aoM Azad par chu'o/ /li lI al Al zhes pa ni zad par sa ste/ tshul khrims kyi stobs dang/ zad par rlung la sogs pa'i ting nge 'dzin gyi stobs kyis 'og min la sogs pa gzugs bcu drug tu 'gyur ro/ /ha hA ya yA ra rA zhes pa 'dod pa na spyod pa drug tu sbyin pa'i stobs dang sngags bzlas pa'i stobs kyi 'gyur ro/ /wa wA zhes pa ni lha ma yin dang/ mi ste sbyin pa'i stobs kyis lha ma yin dang/ dge ba dang mi dge ba'i las kyis stobs kyi mi 'gyur ro/ /la lA zhes pa ni dud 'gro dang yi dags te/ sdig pa chung ngus dud 'gro dang/ sdig pa 'bring gis yi dags so/ /k+Sha yig gis dmyal ba ste/ sdig pa chen por 'gyur ro/ /klu'i 'jig rten dang por bsod nams kyi stobs dang/ dmyal ba'i gnas dang por sdig pa'i stobs kyis bskal bar chung ngu'i tshe'o/ /dmyal ba'i gnas gnyis pa dang gsum par bskal pa bar ma'i tshe'o/ /dmyal ba'i gnas bzhi pa dang lnga par bskal pa mchog gi tshe'o/ /dmyal ba'i gnas drug pa dang bdun par bskal pa chen po'i tshe'o/ /brgyad par 'jig rten gyi khams nye bar sdud pa'i tshe ste/ de ltar srid pa gsum cu rtsa gcig gis srid pa gsum mo zhes pa'i don to/ /khams kyi dbye bas ni khams gsum mo/ /srid gsum ma lus ni mtho ris dang mi yul dang sa 'og go /'di yang sku dang gsung dang thugs kyi rdo rje gsum du 'gyur te/ a sogs ka sogs rab tu dbye ba las shes par bya'o/ /bskal pa chung ngu'i tshad ni mchu dang/ zheng la dpag tshad gcig pa'i dong ste/ de yang skra'i rtse mo rnams kyis yongs su bkang ba las/ lo brgya ni skra'i rtse mo re re phyung bas gang gi tshe stong par gyur pa de'i tshe bskal pa chung ngu'i nyin zhag gcig go /nyin zhag de sum cu'i tshad kyi zla ba'o/ /zla ba bcu gnyis kyis lo'o/ /lo brgya la bskal pa zhes brjod do/ /de bzhin du de'i sde ni bskal pa bar ma ste/ bskal pa bar ma'i sde yis mchog gi bskal pa'o/ /de ltar sems can rnams sdig pa'i dbang gis bskal pa'i grangs du mar dmyal ba la sogs pa'i sdug bsngal bar 'gyur ro/ /lha rnams bsod nams kyi dbang gis bskal pa du mar mtho ris la sogs pa'i bde bar 'gyur ro/ /da ni klu'i gnas la sogs pa rnams kyi ming gsungs te/ ming de la rtsod pa med do/ /rin chen snang nas gseg ma'i chu ni dmyal bar nges par brjod de zhes pa ni/ 'dir gnas gang na rin po che rnams kyis/ snang ba'i gnas de ni rin chen snang ste/ lha ma yin dang klu'i 'jig rten de nas 'og tu dpag tshad stong phrag nyi shu rtsa lnga'i tshad de/ rin chen snang de nas gseg ma'i chu ni dmyal bar nges par brjod de/ bshad pa'i don to/ /bye ma'i chu zhes bya ba ni gnyis pa'o/ /'dam gyi chu ni gsum pa ste/ grang ba'i dmyal ba gnyis so/ /de'i 'og tu mi bzad pa'i du ba ni bzhi pa'o/ /me ni lnga pa ste tsha ba'i dmyal ba gnyis so/ /de nas 'og tu mun pa ni drug pa'o/ /ngu 'bod mun pa chen po ni bdun pa ste/ drag po'i rlung gi dmyal ba gnyis so/ /rdo rje me lce dang bcas pa brgyad pa ni dang yig gis te/ rdo rje khab rtse'i sa'i cha rtag tu rab tu 'bar ba'o/ /dmyal ba chen po brgyad po rnams ni sa 'og gi'o/ /lan tshwa chang dang chu dang 'o ma zho dang mar dang sbrang rtsi'i rgya mtsho bdun te zhes pa'i lan tshwa ni sa'i dkyil 'khor gyi phyi rol na'o/ /chang la sogs pa ni sa'i steng na'o/ /ri bo ni bdun te 'od sngon man dar ri ni Sha Ta dang nor bu'i 'od zer dro Na bsil ri rdo rje'o/ /zhes pa'i rdo rje ni lan tshwa'i rgya mtsho'i phyi rol na'o/ /kha ba can la sogs pa'i ri rgyud so so ni chang la sogs pa'i rgya mtsho so so'i phyi rol na chu'i phreng ba 'ching ba bzhin no/ /gling ni zla ba 'od dkar dag dang rab mchog ku sha dang ni mi 'am ci dang khrung khrung dang/ /drag po yang ni longs spyod sa ste bdun pa 'dzam bu mi rnams gnas pa dag ni las kyis/ bdun pa 'dzam bu'i gling chen po zlum po'i rnam pa zheng du dpag tshad 'bum phrag gcig dang khor yug tu 'bum phrag gsum yod pa gang du mi rnams gnas pa de ni las kyi sa dang/ drug ni longs spyod kyi sar rig par bya'o/ /'dzam bu gling ni lan tshwa'i rgya mtsho'i dogs na ste/ lhag ma ni chang la sogs pa'i dogs na'o/ /da ni 'dzam bu'i gling chen po la gling bzhi rnams gsungs pa/ shar du rlung ni shin tu zlum po zhes pa ni shar du rlung gi dkyil 'khor gyi rang bzhin gyi shin tu zlum po ste zla ba nya ba'i rnam pa'o/ /lho ru me'i dkyil 'khor gyi rang bzhin gyis gru gsum mo/ /byang du chu'i dkyil 'khor gyi rang bzhin gyis zlum po phyed pa'o/ /nub kyi sa'i dkyil 'khor gyi rang bzhin gyis gru bzhi ste/ chu'i gter gyis zur zhes so/ /dbus su lhun po stod pa'i dkyil 'khor gyi rang bzhin gyis thig le rnam pa'o/ / rdo rje mchog gi rang bzhin dkyil 'khor rnams kyi dbus su'o/ /zhes pa ni shar dang lho dang byang dang nub kyi dkyil 'khor rnams kyi dbus su lhun po'o/ /sa'i steng du dpag tshad stong phrag rnams ni ri dang klu dang gza' dang phyogs rnams dag tu 'gyur ro/ /dkyil 'khor bzhi po 'di rnams kyi dpag tshad kyi tshad ni grangs bzhin du sa'i steng du ri zhes pa stong phrag bdun no/ /klu zhes pa stong phrag brgyad do/ /gza' zhes pa stong phrag dgu'o/ /phyogs zhes pa stong phrag bcu ste/ gling bzhi rnams kyi dpag tshad rim pa bzhin no/ /'dir gang zhig shar zlum po phyed dang nub gru bzhi yin pa de'i phyir rang gi lus rang bzhin gyi mdun dang rgyab rlung dang sa'i rang bzhin dang/ g.yon dang g.yas kyi lus ni chu dang me'i rang bzhin no/ /de'i phyir dkyil 'khor bzhi'i rnam pa gling gzhi rnams kyi mtshan nyid do/ /da ni lhun po la sogs pa rnams kyi rgya'i tshad gsungs pa/ lhun po yi ni steng gi rgya shar dang nub dang byang dang lho'i cha'i bar du stong phrag lnga bcu'o/ /sa gzhi dag gi gnas la rgyar stong phrag bcu drug go / stong phrag gcig ni khor yug dag gi yang dag pa'i zhed do/ /rwa ni lnga po rnam dag steng dang sa gzhi dag gi gnas la ni phyir son pa'o/ /phyogs kun tu ni khor yug kyang ngo/ /de'i phyi rol gling dang ri bo dag dang zhes pa ni khor yug de'i phyi rol rwa bzhi khong skyibs kyi gnas su gling drug dang mtsho drug dang ri drug ste/ de rnams las kha ba'i ri dang rwa mnyam pa'o/ /bdun pa ni 'dzam bu'i gling ste/ de'i phyi rol na lan tshwa'i chu gter gyi dkyil 'khor dang/ thams cad nas me'i dkyil 'khor dang/ rlung gi dkyil 'khor ro/ /chu gter drug po thams cad kyang zla ba zla ba gcig gi dman pa'i stong phrag re re ste zhes pa ni rgya mtsho drug ste/ rgya mtsho so so la bcu gcig lhag pa'i rgya yis dman pa'i stong phrag drug tu 'gyur ro/ /zhes pa'i don to/ /de bzhin du gling rnams drug dang ri rgyud mchog rnams drug nyid de/ gling dang ri rab rgya mtsho bco brgyad po 'di rnams tshad mnyam mo/ /de nyid zhib mor ni stong phrag bcu drug las bco brgyad kyis thob pa'i chas gsal bar 'gyur ro/ /zla ba zla ba gcig dman pa zhes pa ni rtsed ge'i tshad mdor bsdus te brjod pa'o/ /'dir lhun po'i 'og gi cha la tshangs pa'i gnas nas phyogs thams cad du dpag tshad stong phrag brgyad dang khor yug cig go / dpag tshad stong phrag dgu'i phyi rol dpag tshad stong phrag bcu drug gi bar du gling drug la sogs pa rnams gnas so/ /de'i phyir stong phrag bcu drug las bco brgyad kyis thob pa'i chas tshang gsal bar 'gyur ro/ /de'i phyi rol lhun po'i phyogs brgyad du stong phrag nyi shu rtsa lnga ni 'dzam bu'i gling chen po'i yangs pa ste/ zlum po'i rnam pa'o/ /de'i phyi rol phyogs thams cad du lan tshwa'i chu gter 'bum phrag phyed kyi tshad du 'gyur ro/ /srid pa gsum po 'dzin pa yi ni tha ma dag gi me'i dkyil 'khor dang rlung gi dkyil 'khor gyi tshad dag de bzhin no/ /de ltar na lhun po'i tshangs pa'i gnas nas phyogs thams cad dpag tshad 'bum phrag gnyis gnyis su 'gyur te/ lus la brang gi phyed ni sa'i dkyil 'khor ro/ /dpung pa ni chu'i dkyil 'khor ro/ /nye ba'i dpung pa ni me'i dkyil 'khor ro/ /nor bu 'ching ba nas lag pa'i mthar ni rlung gi dkyil 'khor to/ /de ltar na 'jig rten gyi khams kyi tshad do/ /da ni tshangs pa'i gnas dus kyi 'khor lo zhes pa la sogs pa dus kyi 'khor lo dang lha dang klu dang gnas dang nye ba'i gnas la sogs pa rnams kyi gnas gsungs te/ phyi rol tu tshangs pa'i gnas dang/ lus la gtsug tor gyi nor bu la dus kyi 'khor lo ste/ de nyid ni rgyal ba mchog gnas yang dag bstod pa ste/ sangs rgyas thams cad dang bcas pa 'dus shing gcig tu 'dres par gyur pa dang/ lha'i tshogs byang chub sems dpa' dang tshangs pa la sogs pa rnams kyi yang dag par bstod pa'o/ /lhun po la ni tshig mda' tshangs pa la sogs pa rnams kyi tshogs so/ /sa gzhi'i 'og na gnas pa klu rnams dag ni rigs lnga'i tshogs so/ /dpal ldan lhun po'i phyogs rnams kun tu ste/ phyogs brgyad du/ sa yi dkyil 'khor la sogs gnas rnams kun dang nye ba'i gnas zhes pa la gnas ni phyogs bzhir rlung dang me dang chu dang sa'i rang bzhin gyis gnas pa/ shar gyi lus 'phags dang/ 'dzam bu'i gling chung ngu dang/ byang gi sgra mi snyan dang/ nub kyi ba lang spyod do/ /nye ba'i gnas ni rang bzhin de nyid kyi phyogs mtshams rnams su ste/ me dang bden bral dang/ dbang ldan dang/ rlung gi phyogs su'o/ /de bzhin du zhing dang nye ba'i zhing ni rgya mtsho'i phyed la'o/ /bdun pa dang nye ba'i bdun pa ni rgya mtsho'i phyed gzhan la'o/ /'dus pa can dang nye ba'i 'dus pa can ni me'i dkyil 'khor gyi phyed la'o/ /khang pa dang nye ba'i khang pa ni mi phyed gzhan la'o/ /dur khrod dang nye ba'i dur khrod ni rlung gi dkyil 'khor gyi phyed la'o/ /dur khrod chen po brgyad ni dkyil 'khor gyi mdza' la ste/ de ltar gnas la sogs pa rnams sa bcu gnyis su rig par bya ste/ lus la yang sa bcu gnyis ni lag pa dang rkang pa dag gi tshig bcu gnyis so/ /da ni phyogs skyong rnams kyi gnas gsungs pa/ shar du brgya byin zhes pa ste/ shar du brgya byin ni lhun po'i steng gi shar phyogs su brgya byin no/ /mer ni me lha'o/ /gshin rje'i phyogs su gshin rje'o/ /bden bral du srin po'o/ /nub phyogs su chu lha'o/ /rlung du rlung lha'o/ /nor sbyin du gnod sbyin no/ /'phrog byed kyi phyogs su drag po'o/ /steng gi char tshangs pa'o/ /'og tu khyab 'jug go /brgya byin la sogs pa 'di dag mtshon ldan 'khor gyi skye bo dang bcas rang rang phyogs ni srung zhing skyong ba ste/ de dag rnams kyi dbus su dus kyi 'khor lo rgyal ba rnams kyi skyed mdzad gzhom du med pa rdo rje'i sku ste phyogs skyong rnams kyi gtso bo zhes bya ba'i don to/ /da ni sa dum bu bcu gnyis la 'khor lo bsgyur ba chen po 'khor ba gsungs pa/ lhun po'i rgyab kyi phyogs zhes pa la sogs pa ste/ lhun po'i rgyab kyi phyogs rnams su ni sa gzhi dag la lha min kla klo rnams kyi rgyal bar dka' ba 'khor ro/ /sa'i dum bu gang du de bzhin gshegs pa'i chos ni rnam par nyams shing de dag las bzlog pa'i chos 'jug pa'i sa gzhi der 'khor lo can 'khor te/ /rtsod dus la chos min rab tu 'jug pa de nyid rtsod dus 'jug pa zhes pa'i don to/ /chos ma yin pa'i bdag nyid de nyid rtsod pa'i dus so/ /dum bu gang dang gang du kla klo'i chos zhugs pa'i dum bu de dang de nyid du rab tu gyur pas bgrod par byed pa ni rab tu bgrod par byed pa'o/ /kla klo rnams dang kyang yig gis lha min la sogs pa rnams kyang g.yul du bcom ste rang gi chos la kla klo la sogs pa de dag dgod par byas nas mdun du rnam par rgyu'o rdzogs ldan sum ldan nyis ldan dag dang rtsod dus gzhan ni dus kyi sbyor ba dag gis 'byung bar 'gyur zhes pa ni/ 'dir rdzogs ldan la sogs pa dus bzhi gzhan te/ rdzogs ldan chen po la sogs pa ma yin no zhes pa'i don to/ /dus bzhi 'di ni dus kyi sbyor bas 'byung bar 'gyur te/ dus ni khyim gyi 'khor lo rtsibs bcu gnyis pa'o/ /de'i sbyor ba ni dus kyi sbyor ba ste/ mtshams bzhi'i dbye bas 'byung bar 'gyur ro/ /dum bu gang du stobs ldan 'khor lo can de rab tu zhugs pa der ni rdzogs ldan du bgrod de/ rdzogs ldan dus zhes bya ba ni yang dag par rdzogs pa'i sangs rgyas kyi chos bgrod do/ /zhes pa'i don to/ /rgyal po'i rgyab tu sum ldan zhes pa ni rgyal po'i rgyab tu rdzogs ldan gyi mthar chos kyi rkang pa gcig med pa dang/ gsum ldan gyi mthar rkang pa gnyis med pa ni gsum ldan du 'gyur ro/ /rtsod pa'i dus kyang rgyal po'i mdun dag tu ste/ bskal pa'i mthar chos kyi rkang pa bzhi med pa'o/ /gnyis kyi bar du gnyis ldan no zhes pa ni/ rtsod dus dang gsum ldan gnyis ldan gyi bar du chos kyi rkang pa gsum med pa'i gnyis ldan no/ /dus bzhi po rnams dag gis lo'i tshad ni stong phrag nyi shu rtsa gcig ro brgya dag dang bcas pa ste/ ro brgya zhes pa drug brgya lhag pa'i stong phrag nyi shu rtsa gcig gis tshad der 'gyur ro/ /re re dag gi chad ni dus dang mda' yis bsgyur ba zhes pa la dus ni bzhi'o/ /mda' ni lnga ste/ lnga bcu rtsa bzhi po de dag gis bsgyur ba ni dus dang mda' yis bsgyur ba'o/ /mi rnams dag gis lo brgya gang yin pa'o/ /zhes pa lo brgya bsgyur ba bzhi brgya lhag pa'i stong phrag lngar 'gyur te/ dus so so'i tshad mnyam mo/ /da ni mi'i lus skyes la sogs pa rnams kyi dbugs kyi tshad gsungs pa/ phra dbugs zhes pa la sogs pa ste/ phra zhes pa ni mi'i dbugs 'jug pa dang 'byung ba cig drug brgya lhag pa'i stong phrag nyi shu rtsa gcig tu gyur pa'i cha gcig ni phra mo'i dbugs te/ dbugs de drug ni lus skyes srin po'i rigs la sogs pa'i chu srang gcig go /chu srang drug cu ni chu tshod do/ /chu tshod drug cu ni nyin zhag ste/ nyin zhag ces bya ba ni lus skyes la sogs pa rnams kyi dbugs 'jug pa dang 'byung ba drug brgya lhag pa'i stong phrag nyi shu rtsa gcig gis drangs so/ /dbugs de dag 'das pas mi rnams kyi rang gi nyin zhag go / d+h+ru rnams kyi 'byung po yi dags rnams kyi rang gi nyin zhag ste/ d+h+ru zhes pa ni mi'i dbugs sum cu 'gyur gyi dbugs te/ nag po'i phyogs nyin mo dang dkar po'i phyogs mtshan mo ni yi dags pa mes la sogs pa rnams kyi rang gi nyin zhag go / chu tshod ces pa ni mi rnams kyi dbugs sum brgya drug cu ste lha rnams kyi dbugs gcig go /nyin zhag ces pa ni mi rnams kyi dbugs drug brgya lhag pa'i stong phrag nyi shu rtsa gcig ste lha min rnams kyi dbugs gcig go / d+h+ru zhes pa ni mi rnams kyi lo ste/ nus pa'i dbugs gcig go /nus pa zhes pa ni 'og min pa'i skye ba'o/ /dus bzhi zhes pa ni mi rnams kyi lo'i tshogs drug brgya lhag pa'i stong phrag nyi shu rtsa gcig ste/ gtso bo'i dbugs gcig go / gtso bo zhes pa ni 'du shes med 'du shes med min skye mched du nye bar 'gro ba'i skye ba'o/ /phra dbugs d+h+ru dang chu tshod nyin zhag d+h+ru dang dus bzhi dag ni stong phrag nyi shu gcig dang drug brgya rnams ni rim pas lus skyes phra dang mi dang 'byung po dang lha dang lha min rnams dang ni/ nus dang gtso bo'i nyin zhag gcig gi tshad de de ltar sngar brjod pa'i ram pas lus skyes la sogs pa 'di rnams kyi rang rang gi dbugs drug brgya lhag pa'i stong phrag nyi shu rtsa gcig gis nyin zhag du 'gyur ro/ /tshad 'di dag las nus pa'i tshad ni 'og min gyi lha'i tshad de sa gzhi dag la 'khor lo can gyi dus bzhi nus pa'i tshad du 'jug ces so/ /dum bu dum bur zhi ba'i go 'phang 'khor lo can bgrod/ dum bu so sor sangs rgyas kyi chos rab tu bskor nas zhi ba'i go 'phang bde ba chen po'i gnas bgrod do/ /nyin zhag gcig la nyi ma bcu gnyis so/ /dum bu so so re rer 'khor lo sgyur ba chos rab tu ston pa po yang so so re re ste/ nyin zhag gcig 'khor los sgyur ba bcu gnyis su 'gyur ro/ /nus pa'i dbugs dang mi rnams kyi lo brgya phrag bco brgyad bco brgyad kyi re re bgrod de/ de ltar na chos kyi nyin mor byed pa bsod nams dang ye shes kyi lam rab tu ston pa'i nyi ma bcu gnyis so/ /phyi rol tu lo la phyi bcu gnyis kyi dbye bas nyi ma bcu gnyis su 'gyur ro/ /da ni phra mo la sogs pa rnams kyi dbugs kyi dbye bas nyin zhag so so la dus kyi dbye ba gsungs pa/ phyogs zhes pa la sogs pa ste/ 'dir lus skyes la sogs pa rnams kyi nyin zhag so so la/ phyogs nyi shu rtsa bzhi dang zla ba mdza' dag ces pa zla ba bcu gnyis dang/ dus drug dang dus bzhi dang/ me dus zhes pa dus gsum dang/ bgrod pa gnyis te/ rgyal po lo ni mdza' dag ces pa ni 'di mdza' dag lo'i dbye bar shes par bya'o/ /de bzhin du rjes su nyin zhag ni nyin zhag sum brgya drug cu'o/ /dus sbyor chu tshod dag dang chu yi srang rnams te/ dus sbyor ni sum brgya nyi shu lhag pa'i stong phrag bzhi'o/ /chu tshod ni drug brgya lhag pa'i stong phrag nyi shu rtsa gcig gi grangs so/ /chu srang ni stong phrag dgu bcu rtsa drug lhag pa'i 'bum phrag bcu gnyis so/ /'di rnams de ltar bgrod pa/ lus skyes la sogs pa rnams kyi nyin zhag so so la lo'i yan lag 'di dag dbugs kyi dbye bas bgrod do/ /de la dbugs dgu brgyas phyogs su 'gyur te/ phyogs nyi shu rtsa bzhis nyin zhag dang lor 'gyur ro/ /dbugs stong brgyad brgyas zla ba ste/ zla ba bcu gnyis kyi nyin zhag dang lor 'gyur ro/ /dbugs sum stong drug brgyas dus te/ dus drug gis nyin zhag dang lor 'gyur ro/ /dbugs lnga stong bzhi brgyas dus su 'gyur te/ dus bzhi yis nyin zhag dang lor 'gyur ro/ /dbugs bdun stong nyis brgyas dus gcig tu 'gyur te/ dus gsum gyi nyin zhag dang lor 'gyur ro/ /dbugs khri brgyad brgyas bgrod par 'gyur te/ bgrod pa gnyis kyis nyin zhag dang lor 'gyur te/ de ltar na lus skyes la sogs pa rnams kyi rang rang gi tshad kyi dbugs nyi khri chig stong drug brgyas/ /so so'i nyin zhag dang lor 'gyur ro/ de bzhin du dbugs drug cus nyin mtshan du 'gyur te/ nyin mtshan sum brgya drug cus nyin zhag dang lor 'gyur ro/ /dbugs lngas dus sbyor du 'gyur te/ dus sbyor bzhi stong sum brgya nyi shus nyin zhag dang lor 'gyur ro/ /dbugs gcig gi chu tshod du 'gyur ro/ /dbugs gcig gis drug cu'i chas chu srang du 'gyur ro/ /dbugs sum brgya drug cu'i chas dbugs su 'gyur te/ chu tshod nyi khri chig stong drug brgyas nyin zhag dang lor 'gyur te/ /chu srang stong phrag dgu bcu rtsa drug lhag pa'i 'bum phrag bcu gnyis kyis nyin zhag dang lor 'gyur ro/ /dbugs stong phrag bdun cu rtsa drug lhag pa'i 'bum phrag bdun cu rtsa bdun gyi nyin zhag dang lor 'gyur ro/ /de bzhin du dbugs 'bum phrag bdun cu rtsa drug lhag pa'i bye ba phrag bdun cu rtsa bdun gyis nyin zhag brgyad dang lo brgyar 'gyur ro/ /mchog gi tshe 'di ni las kyi dbang gis rang rang gi tshad las lhag pa dang/ dman par 'gyur ro/ /rnal 'byor pa rnams kyi rnal 'byor gyis stobs dang/ dka' thub pa rnams kyi ting nge 'dzin gyi stobs kyi lhag par 'gyur te/ dbugs gcig chu tshod du 'gyur ro/ /sems can sdig pa can rnams kyi sdig pa'i stobs kyis dman par 'gyur ro/ /'di lung dang rigs pa ngan bas nges pa ni med de/ 'on kyang rig byed dag las skyes bu tshe lo brgya pa dbang po brgya pa zhes brjod do/ /'dir mi rnams kyi mchog gi tshe lo brgya'o zhes pa'i tshig 'di ni spros pa ste/ rdzogs ldan gyi dus kyi mi rnams kyi tshe 'phel ba'i dbang gis so/ /'dir nges pa'i don du skyes bu'i sgras nyin zhag so so dang lo so so brjod de/ nyin zhag brgya dang lo brgyas nang nas phyi la'o/ /slar yang dbugs kyi 'khor gzhan la 'jug pa'i phyir skyes bu tshe lo brgya pa dbang po brgya pa zhes so/ /de ltar nang du nyin zhag brgya phrag gnyis kyis dus bzhi rnams su 'gyur te/ dbugs stong phrag nyi shu lhag pa'i 'bum phrag bzhi bcu rtsa gsum gyis so/ /phyi rol tu ni lo rnams kyis so/ /de ltar 'khor lo gnyi ga yongs su 'khor bas skyes bu gnyi ga'i tshe zla ba gnyis dang/ dus gcig go /g.yon dang g.yas kyi dkyil 'khor bcu ste/ lo stong phrag sum cu rtsa gnyis lhag pa'i 'bum phrag bzhis dkyil 'khor gcig tu srog rab tu 'bab po/ /de bzhin du dkyil 'khor lnga la gza' thams cad rang rang gi skye ba'i gnas stong pa la 'jug go / de nas yang rgyu ba gzhan la 'jug pas skyes bu gzhan dbu ma las nges par 'byung zhes pa ste/ 'chad par 'gyur ba la brjod par bya'o/ /dpal mchog gi dang po'i sangs rgyas las bsdus pa'i rgyud kyi rgyal po dpal dus kyi 'khor lo'i 'grel bshad stong phrag bcu gnyis pa dri ma med pa'i 'od las/ 'jig rten gyi khams kyi tshad bsdus pa'i mdor bsdus te brgyad pa'o/ da ni lo 'di nas ni zhes pa la sogs pas sham+b+ha la'i yul du 'jam dpal 'byung ba dang/ kla klo'i chos byung nas skar rtsis kyi grub pa'i mdza' rnam par nyams pa dang nyung ngu'i byed pa rab tu 'jug par de bzhin gshegs pas lung bstan pa bdag gis dgrol bar bya'o/ /lo 'di nas ni drug brgya'i lo yis gsal bar mi bdag grags pa sham+b+ha la zhes bya bar 'byung zhes pa la lo 'di zhes pa ni de bzhin gshegs pas chos bstan pa'i lo ste/ lo de nas lo drug brgya na chu bo shI ta'i byang sham+b+ha la zhes bya ba'i yul du grags pa zhes pa ni lung gi brjod pa ste/ 'jam dpal grags pa chen po gsal bar 'byung zhes pa sprul pa'i sku 'dzin par mdzad par 'gyur zhes pa'i don to/ /de nas klu'i lo brgya rnams kyis shes pa ni grags pa mya ngan las 'das pa de nas klu zhes pa lo brgyad brgya na nges par zhes pa ni gdon mi za bar/ ma kha'i yul du kla klo'i chos dag rab tu 'jug par 'gyur te/ chu bo shI ta'i lho phyogs ma kha'i yul grong bye bas rnam par brgyan par kla klo stag gzig rnams kyi lha ma yin gyi chos rab tu 'jug par 'gyur ro/ /kla klo de'i dus su 'dzin ma la ni nyung ngu'i byed pa gsal bar mi rnams dag gis rig par bya'o/ /grub pa'i mdza' rnam par nyams pa zhes pa ni/ tshangs pa dang/ nyi ma dang gcer bu pa dang/ skra can gyi grub pa'i mdza' ste/ 'di gzhi rnam par nyams pa ni grub pa'i mdza' rnams rnam par nyams pa'o/ /mdza' dag sa gzhi la ni zhes pa la/ mdza' dag ni gang du mu stegs pa'i grub pa'i mdza' zhugs pa de mdza' dag go sa bzhi ni chu bo shI ta'i lho stengs bzhi dor ro/ /sham+b+ha la la sogs pa'i yul rnams su sangs rgyas pa'i grub pa'i mdza' rnam par nyams pa ni ma yin no/ /dus kyi sbyor ba la 'byung 'gyur zhes pa la dus kyi sbyor ba ni kla klo'i chos te de yis grub pa'i mdza' rnams la sbyor ba la ni dus kyi sbyor ba las 'byung bar 'gyur ro/ /dus kyi sbyor ba la zhes pa ni lnga pa'i don la bdun pa'o grub pa'i mdza' rnam par nyams pa de'i phyir nyung ngu'i byed pa gsal zhes pa ni ma yi la du'i tshig ste/ don dam par ni mu stegs pa rnams kyi nyung ngu'i byed pa la sogs pa gsal ba ma yin no/ /gang gi phyir grub pa'i mdza' rnams rnam par nyams zhes pa'i tshig zur gyi phyir ro/ /gal te byed pa la sogs pa gsal ba yin pa de lta na grub pa'i mdza' rnams rnam par nyams pa med de/ byed pa las kyang gza' grub pa'i phyir ro/ /byang du bgrod pa'i nyin zhag la grib mas yongs su brtags pas byed pa gzhan la yang nyi ma dag pa ma mthong ngo/ /byang du bgrod pa la grib ma dag pa med na nyi ma'i longs spyod ma dag go /nyi ma'i longs spyod ma dag pas zla ba'i longs spyod ma dag ste/ de bzhin du bkris la sogs pa rnams kyang nyi ma'i longs spyod la sbyangs par gyur na/ nyi ma'i longs spyod ma dag pa nyid kyi phyir de dag gi longs spyod kyang ma dag go /de ltar gza'i longs spyod ma dag pa nyid kyi phyir mu stegs pa rnams kyi gza'i 'bras bu skyes rabs la sogs pa rnams don med do/ /'dir grub pa'i mdza' la gza' rnams kyis bgrod pa bud med dang byis pa rnams kyis bsgrub par bya ba yin na byis pa'i skye bo la sogs pa de dag rnams kyis gza' myur du shes par 'gyur ro/ /des na phrag dog gi cha las skyes pa'i mu stegs gdug pa rnams kyis gal te bud med dang byis pa la sogs pa thams cad kyis gza'i rgyu ba shes par gyur pa de lta na/ bdag cag la su zhig gus pa byed par 'gyur/ de'i phyir grub pa'i mdza' sbas te rgyud kyi byed pa la sogs pa bya'o/ /zhes gros byas nas/ grub pa'i mdza' rnams sba ba byas shing/ brgyud kyi byed pa la sogs pa la gsal bar bya ste/ gang gis byis pa'i skye bo rnams kyis mi bzad par mthong nas ring du 'bros par byed cing skar rtsis kyi ming mi byed par 'gyur ba rgyud la nyin zhag gi tshogs kyi phung po du ma dang/ byed pa la yang dal ba dang myur ba la sogs pa'i las bzhi'i spros pa byas so/ /de ltar dus kyi dbang gis byed pa la nges pa mi gsal te/ mi gsal ba nyid kyi phyir nyi ma'i longs spyod mi dag go /nyi ma'i longs spyod ma dag pas gza' thams cad kyi longs spyod ma dag par 'gyur ro/ /'dir gdug pa'i mu stegs rnams kyis gzhan dag gis mi shes par bya ba'i don du byed pa la sogs pa bkod pa gang yin pa de nyid dus kyi dbang gis de dag gis yongs su mi shes par 'gyur te/ gzhan la gnod pa byas pa'i phyir ro/ /de'i phyir gzhan la gnod pa byed pa ni thams cad du 'gal ba yin no/ /'dir nyin zhag so so la gza' rnams kyi longs spyod bgrod pa ni 'chad par 'gyur ba la brjod par bya'o/ /da ni re zhig nyung ngu'i byed pa gsungs pa/ me mkha' rgya mtsho rnams zhes pa'o/ /rgyud kyi rgyal po 'di la nges pa 'di mi rtag pa ste/ lo drug cu'i mdza' slar yang nges pa 'gog pa'i phyir ro/ /'dir byed pa la nges pa ni de bzhin gshegs pa'i dus nas lo drug brgya na 'jam dpal gyi dus so/ /de nas lo brgyad brgya ni kla klo'i dus so/ /kla klo'i dus de nas brgyad cu rtsa gnyis lhag pa'i brgya yis dman pa ni rgyal dka' gang gis nyung ngu'i byed pa rnam par sbyong ba'i rigs ldan rgyal dka' i dus so/ /dus de nyid ni byed pa la nges par 'gyur te/ kla klo'i lo las so/ /rab byung la sogs 'das pa zhes pa ni lo drug cu po gang dag gis dang po rab byung yin pa de dag gi dang por 'byung la sogs pa de dag las so sor da ltar ba'i lo'i snga ma'i lo ni rab byung la sogs 'das pa'o/ /de dag gsum lhag pa'i bzhi brgya'i phung po la bsres pa ni kla klo'i lor rab tu grub par 'gyur lo gcig dang por byas nas/ lo drug cu ji snyed pa de snyed ni rab byung la sogs 'das pa rnams bsres su 'gyur ro/ /lo de nyid ni byed pa gzhan thams cad la rab tu grags pa yin te/ gza' nyi ma bzhin no/ /gsum lhag pa'i bzhi brgya'i lo yi phung po la de yis bsres pa ni kla klo'i lor rab tu grub ste/ kla klo ni sbrang rtsi'i blo gros te/ rahma Na'i 'jug pa kla klo'i chos ston pa po kla klo stag gzig rnams kyi bla ma dang rje ba'o/ /kla klo dbang po'i lo ni lag pa gdengs can zla bas dman pa/ brgyad cu rtsa gnyis lhag pa'i rgya yis dman pa ni lag pa gdengs can zla bas dman pa ste/ sham+b+ha la'i yul du rigs ldan rgyal dka' i dus kyi lo'o/ /de nyid ni nyung ngu'i byed pa la lo'i tshogs so/ /lhag ma dag kyang nyi mas bsgyur/ /brgyad cu rtsa gnyis lhag pa'i brgya yis dman pa'i lhag ma lo'i tshogs de nyid zla ba'i tshogs kyi don du nyi mas bsgyur ba ni bcu gnyis kyis bsgras pa ste/ zla ba'i tshogs su 'gyur ro/ /nag pa la sogs zla ba sres te zhes pa ni zla ba'i tshogs de nyid la da ltar gyi zla ba'i don du nag pa la sogs pa'i da ltar ba'i zla ba rnams kyis bsres pa'o/ /'og tu dus kyis bsgyur ba zhes pa ni/ 'og dang steng gi phung po la zla ba'i tshogs de nyid de/ 'og gi phung po zla ba'i tshogs byas nas lhag pa'i zla ba bzung ba'i don du dus kyis bsgyur ba ni bzhi yis bsgres pa yin no/ /mkha' me zla bas rnam par dbye bas ni/ 'dir zla ba phyed dang bcas pa'i sum cu rtsa gnyis na lhag pa'i zla bar 'gyur te/ gnam stong la nyi ma'i 'pho ba med pa'i phyir ro/ /des na longs spyod par mi 'gyur ro/ /de'i phyir phung po bzhi yis bsgyur ba ni cha'i phung por 'gyur ro/ /cha'i phung po bzhi yis bsgyur bar gyur pa na/ rgyu med pa na rgyu can yang mi 'byung ngo/ zhes pa'i rigs pas bgo bar bya ba'i phung po bzhi yis bsgyur bar 'gyur ro/ /de'i phyir bgo bar bya ba'i phung po la cha'i phung pos rnyed pa ni 'bras bur 'gyur te/ rnyed pa steng du bsres pa rnyed pa'i lhag pa'i zla ba'i tshogs de nyid stong gi phung po'i zla ba'i tshogs la bsres pa dag ni mi'i bdag po zla ba'i tshogs pa rnam par dag par 'gyur te/ da ltar gyi zla ba la tshes sum cu'i rtsis kyi don du'o/ /da ni zla ba'i nges pa gsungs pa/ zla ba gnas gsum gyur pa'i dbus ma'i phung po dag la gang gnas lag pa rtse mo can gyis sgyur zhes pa ste/ 'dir zla ba dag pa gnas gsum du byas nas/ gang zhig dbus ma'i phung po la gnas pa'i zla ba de dag zla ba so so'i gza'i chu tshod kyi don du lag pa rtse mo can gyis bsgyur ba ni sum cu rtsa gnyis kyis bsgyur ba yin no/ /rtsa ba dag la drug gi chas rnyed ces pa ni/ rtsa ba'i phung po la drug gi chas rnyed pa dbus ma'i phung po la bu lon du 'gyur ro/ /des dbus ma'i phung po la sbyang bar bya ste/ bu lon yin pa'i phyir ro/ /steng 'og dag la mig dang sum cu'i nor ni bsres pa gsal bya ste/ nges pa 'di ni mig dmar la sogs pa nub par byed pa la 'ongs pa ste/ des na nyi ma la sogs pa 'char bar byed pa'i don du steng gi phung por gza' gnyis nor du 'gyur ro/ /'og gi phung por chu tshod sum cu nor du 'gyur ro/ /de'i phyir steng dang 'og la grangs bzhin du mig dang sum cu bsre'o/ /drug cu'i cha dag gis rnyed pa rtsa ba'i chu tshod kyi phung po la drug cu'i chas rnyed pa ni gza'i tshogs su 'gyur te/ lhag ma ni gza'i longs spyod la chu tshod kyi phung por 'gyur ro/ /steng du rab skyes drug cu'i chas rnyed pa'i gza'i tshogs de nyid steng gi gza'i phung po la rab tu bsres pa yin no/ /thub pa mchog rnams dag gis te bdun gyis bcad pa ste/ rnam par phye bar gyur pa'i lhag ma de ni gza'i nyid do/ /zla ba'i nges pa la bza' ni steng du dgod par bya zhing/ gza'i 'og tu chu tshod kyi tshogs so/ /da ni gza'i rkang pa rnams gsungs pa/ gnas gnyis nyi zla bsres pa zhes pa ste/ gnas gnyis la zla ba'i tshogs de nyid nyi zla bsres pa ni brgya rtsa bcu gnyis bsres pa ste/ nyi zla zhes pa ni byed pa la ltos pa yin gyi/ grub pa'i mdza' la ltos pa ni ma yin no/ /dus dang nyi mas thob pa/ 'og gi zla ba'i tshogs la brgya nyi shu rtsa drug gis thob pa ste/ rnyed pa ni steng gi phung por nor du 'gyur ro/ /steng gi phung po la sbyin par bya ste/ zla bas so so la tshogs gnyis kyi don du dang po lag pas bsgyur la phyi nas sbyin par bya'o/ /'byung ba sres pa mdza' dag ces bya ba ni byed pa la ltos pa'o/ /dus dang nyi mas cha thob pa ni grub pa'i mdza' ste/ gang gi phyir zla ba brgya nyi shu rtsa drug na tshogs kyi gnas su tshogs gcig lhag par 'gyur ba'i zla ba'i rkang pa'i dbang gis so/ /brgyad dang gnyis kyis phye ba tshogs zhes pa ni nyi shu rtsa brgyad kyi phye bas tshogs su 'gyur ro/ /gza' bdun gyi rkang pa yin pa'i phyir nyi shu rtsa brgyad kyi char 'gyur ro/ /cha de yis thob pa ni zla ba so so'i gza'i rkang par 'gyur te/ gza'i chu tshod kyi 'og tu'o/ /dus dang nyi mas cha thob pa'i lhag ma ni tshogs kyi cha shas su 'gyur te/ tshogs kyi 'og tu bzhag par bya'o/ /da ni nyi ma'i skar ma'i nges pa gsungs pa/ gnas gsum dbus ma dag ni dbang phyug gis bsgyur zhes pa ste/ zla ba dag pa de dag steng dang dbus dang 'og gi gnas gsum du 'gyur ro/ /gang zhig dbus ma la gnas pa'i zla ba de dag dbang phyug gis bsgyur te bcu gcig gis bsgyur ro/ /bcu gcig gis bsgyur ba ni byed pa la ltos pa yin gyi grub pa'i mdza' la ltos pa ma yin no/ /'og ma dgu dang yon tan rnams kyi cha thob par/ gnyis bsres zhes pa ni 'og gi phung po la dgu dang yon tan rnams kyi ste/ sum cu rtsa dgu rnams kyis che thob pa'o/ /gnyis sres zhes pa ni byed pa la ltos pas bsres pa'o/ /dman pa'i dbus ma ni dbus kyi phung po la dman pa ste bu lon no zhes pa'i don to/ /chu tshod dag gis thob par nor te zhes pa ni dbus ma'i phung po las chu tshod dag gis te drug cus thob pa'i rnyed pa ni skar ma'i tshogs te steng gi phung po la nor du 'gyur ro/ /drug cu'i cha'i lhag ma ni skar ma'i chu tshod du 'gyur ro/ /nor de nyid steng gi phung por gnyis kyis ni/ bsgyur nas sbyin pa skar mas bgos pa ste/ nyi shu rtsa bdun gyis bgos pa'i lhag ma'o/ /mi bdag ni bod pa ste/ phyi ma'i skar ma la sogs longs spyod dag tu 'gyur ro/ /'dir steng du skar ma'i tshogs rab 'og tu skar ma'i chu tshod kyi tshogs so/ /slar yang ma dag pa las kyang ma dag pa'i zla ba'i nges pa byis pa rnams kyis rab tu rtogs par bya ba'i don du bkod pa gza' la gza' ni rab sbyin gza'i gnas su gza' gcig sbyin par bya'o/ /mi bdag nyis 'gyur chu tshod rnams te/ mi bdag ces pa ni drug cu ste mi bdag nyis 'gyur chu tshod ni chu tshod sum cu rtsa gnyis chu tshod kyi gnas su sbyin par bya'o// 'og tu tshogs dag la yang gnyis zhes pa ni chu tshod kyi 'og tshogs kyi gnas su gnyis sbyin par bya bar 'gyur ro/ /skar ma'i gnas su skar mar gnyis dang/ chu tshod drag po skar ma'i chu tshod kyi gnas su drag po zhes pa chu tshod bcu gcig sbyin par bya ba'i phyir don du rab tu gsal te/ nyi ma'i longs spyod dag la rab tu sbyin zhes pa ni skar ma la sogs pa'o/ /de'i phyir zla ba'i nges par 'gyur te/ slar yang zla ba zla ba dag la rab tu sbyin par gsungs/ zla ba'i nges pa byed pa la ltos pa'i dbang gis zla ba so so la rab tu sbyin par bya'o/ /zhes bcom ldan 'das kyis ma 'ongs pa nyid lung bstan to/ /nga ni zla ba'i 'os pa las tshes la sogs pa'i rtsis gsungs pa/ tshes rnams sbyin dang dor dang slar yang sbyin pa dag ni gza' dang chu tshod rkang pa rnams su ste zhes pa ste/ 'dir zla ba so so'i nges pa la dkar po'i tshes gcig la sogs pa tshes gcig nas brtsams nas sum cu pa gnas stong gi bar ji snyed pa de snyed kyi tshes rnams/ sbyin dang dor dang slar yang sbyin zhes pa ni gza'i gnas su sbyin te/ nyin zhig so so'i gza'i don du'o/ /chu tshod kyi gnas su dor te zla ba'i chas chu tshod re dman pa'i phyir ro/ /tshogs kyi gnas su slar yang sbyin te zla ba'i rkang pa rnams kyi nor dang bu lon yongs su dag par bya ba'i phyir ro/ /tshogs kyi cha la chu gter zla bas mnyam dang mi mnyam thob pa dag la sbyin dor rkang pa'i don zhes pa ni/ tshogs kyi gnas su tshogs la chu gter zla ba ste/ bcu bzhi'i chas mnyam pa thob pas rkang pa'i don nor du 'gyur ro/ /mi mnyam pa thob pas rkang pa'i don bu lon du 'gyur ro/ /'dir mnyam pa'i cha ni gnyis thob pa 'am/ bzhi thob pa ste/ ma thob pa yang mnyam pa'o/ /mi mnyam pa'i cha ni gcig thob pa 'am gsum thob pa'o/ /de las lhag pa'i cha ni med de/ tshes sum cu dang bcas pa'i tshogs nyi shu rtsa bdun ni lnga bcu rtsa bdun las lhag par mi 'gyur ro/ /de las cha bcu bzhis rnam par phye ba ni bzhir 'gyur ro/ /mnyam pa dang mi mnyam pa'i cha des rkang pa'i don sbyin pa 'am dor bar rig par bya'o/ /rkang pa'i don zhes pa ni zla ba'i rkang pa rnams te/ gnas bcu bzhir steng dang 'og gi rkang pa bdun bdun bzlog pa sa la sogs pa'i yon tan gyi dbye bas tha dad pa rnams so/ /rkang pa'i don de dag kyang sbyin pa 'am dor bar 'gyur ro/ /stong la stong pa rnam dag ces pa ni bcu bzhi'i cha'i lhag ma gal te stong par gyur na de'i tshe/ rkang pa'i don yang stong pa ste/ sbyin pa dang dor ba med do/ /zhes pa ni byed pa la rigs pa'o/ /bcu gsum zla ba'i rkang par lnga ste zhes pa ni/ lhag ma rkang pa bcu gsum pa'am rkang pa gcig pa mthong na chu tshod lnga nor ngam bu lon du 'gyur ro/ /de bzhin du mig dang nyi ma dag la phyogs zhes pa ni lhag ma rkang pa gnyis pa 'am bcu gnyis pa la chu tshod bcu sbyin pa 'am dor bar 'gyur ro/ /bcu gcig pa dang me la zhes pa gsum pa la tshes zhes bya ste/ zhes pa bco lngar 'gyur ro/ /rkang pa bcu pa dang chu gter zhes pa cha'i lhag ma rkang pa bzhi pa mthong na nyi shur gcig gis dman par 'gyur ro/ /lnga dang bug pa ro nyi shu rtsa gnyis zhes pa lnga pa dang dgu pa la 'gyur ro/ /dus zhes pa drug dang nor zhes pa rkang pa brgyad pa la rgyal ba ste nyi shu rtsa bzhir 'gyur ro/ /cha'i lhag ma rkang pa bdun pa mthong na chu tshod nyi shu rtsa lnga mnyam pa la sbyin pa dang mi mnyam pa la dor bar 'gyur te/ zla ba'i cha 'phel ba dang 'grib pa'i dbang gis so/ /de la nyi ma'i rab tu dbye bas gsal byas nyi ma'i rkang pa dag ni sbyin dang dor bar 'gyur/ chos kyi longs spyod de la nyi ma'i rkang pa rnams nyi ma'i rab tu dbye bas 'gyur te/ nyi ma'i bu lon ni de la bu lon no/ /nyi ma'i nor ni de la nor nyid do/ /zhes pa ni nyi ma'i rab tu dbye ba'o/ /'dir zla ba'i rkang pa rnams ni/ 'byung dang 'byung ba mda' dang rig byed me lag ri bong can ni snga ma'i cha dang gzhan la yang zhes pa ste/ 'byung dang zhes pa lnga'o/ /slar yang 'byung ba zhes pa de'i 'og tu lnga'o/ /mda' zhes pa de'i 'og tu lnga'o/ /rig byed ces pa de'i 'og tu bzhi'o/ /me zhes pa de'i 'og tu gsum mo/ /lag pa zhes pa de'i 'og tu gnyis so/ /ri bong can zhes pa de'i 'og tu rkang pa gcig ste/ de ltar gnas bdun po dag tu rkang pa rnams so/ /gzhan gnas bdun po rnams su gcig la sogs pa lugs las bzlog pa ste/ gnas bcu bzhi po rnams su rkang pa lnga'i bar du'o/ /de ltar gnas bcu bzhi po rnams su zla ba'i rkang pa rnams dgod par 'gyur ro/ /tshogs kyi cha la chu gtar zla bas mnyam dang mi mnyam thob la rgyu ba rnams ni sbyin dang dor zhes pa ni/ 'dir yang cha bcu bzhi'i lhag ma mthong bar gyur pa na mnyam par thob pa la/ rgyu ba lnga la sogs pa rnams sbyin no/ /mi mnyam par thob pa la dor ro zhes pa ste/ cha bcu bzhi'i lhag ma gcig mthong na chu tshod lnga bzung bar bya'o/ /gnyis pa la gnyis pa'i gnas na gnas pa dang lhan cig bcu'o/ /gsum pa la gsum pa'i gnas na gnas pa dang lhan cig bco lnga'o/ /bzhi pa la bzhi pa'i gnas na gnas pa bzhi dang lhan cig nyi shur gcig gis dman pa'o/ /lnga pa la lnga pa'i gnas na gnas pa gsum dang lhan cig nyi shur rtsa gnyis so/ /drug pa la drug pa'i gnas na gnas pa gnyis dang lhan cig nyi shu rtsa bzhi'o/ /bdun pa la bdun pa'i gnas na gnas pa gcig dang lhan cig nyi shu rtsa lnga'o/ de nas zla ba'i rkang pa 'phel ba zlog ste/ brgyad pa mthong ba'i gyur pa na rkang pa brgyad pa snga ma bdun dang bcas pa rnams dor te/ gzhan ma spyad pa'i rkang pa drug po rnams tshogs gcig tu byas nas chu tshod nyi shu rtsa bzhi sbyin pa'am dor bar 'gyur ro/ /dgu pa la rkang pa lnga po rnams kyi chu tshod nyi shu rtsa gnyis so/ /bcu pa la rkang pa bzhi po rnams kyi nyi shur gcig gis ma tshang ba'o/ /bcu gcig pa la rkang pa gsum po rnams kyi bco lnga'o/ /bcu gnyis pa la rkang pa gnyis pho dag gi bcu'o/ /bcu gsum pa la rkang pa gcig gi lnga'o/ /bcu bzhi pa la stong pa'o zhes pa ni grub pa'i mdza' i nges pa'o/ /rgyu zhing yod pas lhag ma bsgyur ba las ni dus dang nyi mas cha thob dag kyang de bzhin no zhes pa la/ 'dir rgyu zhing yod pa zhes pa ni tshogs kyi 'og nas gnas pa'i tshogs kyi cha shas dus dang nyi mas cha thob pa'i lhag ma rnams rgyu zhing yod pa ste/ tshogs las bcu bzhi'i cha yi lhag ma rgyu ba'i rkang pa gang yin pa de'i sngon ma ni rgyu zhing yod pa'i rkang pa ste tshogs kyi cha shas rnams yod pa'i rkang par 'gyur ro/ /der gza' rab tu zhugs te de'i phyir sbyin pa dang dor ba'i don du de gzung bar bya'o/ /rkang pa de yis lhag ma tshogs kyi cha shas bsgyur te/ de las brgya nyi shu rtsa drug gis cha thob pa yang de bzhin du sbyin te/ thams cad sngar gyi rkang pa'i chu tshod kyi tshogs pa'i lta ba de bzhin no/ /de nyid la nyi ma'i rab tu dbye bas sngar bzhin du nyi ma'i rkang pa rnams sbyin pa'am dor bar 'gyur ro zhes pa ni grub pa'i mdza' o/ /da ni nyin zhag so so'i nyi ma'i longs spyod gsungs pa/ gang zhig rig byed rnams kyis tshes bsgyur gsal bar nor te/ de'i sum cha dag gis sres pa'o zhes pa la/ rig byed rnams kyis tshe bsgyur ba ni bsgres pa ste/ rigs byed rnams kyis tshes bsgyur ba ni nyi ma'i chu tshod kyi gnas su gsal bar nor du 'gyur ro/ /bsgyur ba'i tshes grangs de'i sum cha dag gis bsres pa ni nor te chu tshod kyi gnas su sbyin par bya'o// dus kyi rgyu skar rkang pa gsum bcas bu lon dag ste nyi ma'i longs spyod dbus nas sbyang bar bya zhes pa ni/ 'dir nyi ma'i rkang pa rnam par dag par bya ba'i don du gang gis nyi ma'i longs spyod nyin zhag so so la rgyu ba'i chu tshod dang chu srang la sogs pa rnams shes par byed pa nyi ma'i skye ba'i khyim spyad par bya'o/ /rnam pa gzhan du na byed pa la nyi ma'i nyin zhag so so dag pa med do/ /de'i phyir tha skar la sogs pa skar ma'i longs spyod las rgyu skar drug dang rkang pa gsum bcas zhes pa chu tshod bzhi bcu rtsa lnga ste/ nyi ma'i rkang pa dag par bya ba'i phyir lug la sogs pa'i khyim gsum yongs su spang par 'gyur zhing kar ka Ta skyes pa'i khyim du 'gyur ro/ /de'i phyir dus kyi rgyu skar rkang pa gsum bcas pu lon dag ste nyi ma'i longs spyod dbus nas sbyang bar bya'o/ /longs spyod ni skar ma la sogs pa'i longs spyod de/ nyi ma'i longs spyod tha dang du byas la// longs spyod de'i dbus nas skar ma'i gnas nas skar ma ma sbyang bar bya zhing/ /chu tshod kyi gnas nas chu tshod sbyang bar bya'o/ /bya la lhag ma mig dmar ji bzhin zhes pa ni 'dir bya ba lhag ma rnams mig dmar gyi ji lta ba de bzhin du nyi ma'i yang shes par bya'o/ /'on kyang mig dmar gyi rgyu ba'i rkang pa rnams tha dad do/ /nyi ma yi ni/ ro dus ri bong can rnams dal ba'i las la rkang pa ste/ ro zhes pa drug go /dus zhes pa de'i 'og tu bzhi'o/ /ri bong can zhes pa de'i 'og tu gcig ste/ khyim gsum la phyed snga ma'o/ /phyed phyi ma ni lugs las bzlog pa ste/ khyim bzhi pa la gcig go /khyim lnga pa la bzhi'o/ /khyim drug pa la drug ste/ khyim 'di dag gi las ni / dal ba'i las so/ /dal ba'i las 'di la kar ka Ta la sogs pa'i khyim drug po rnams su drug pa 'di dag rkang par 'gyur ro/ /gzhan ni mig dmar la brjod par bya'o/ /longs spyod kyi ni chu tshod bsgyur nas mda' dang yon tan zla bas cha thob longs spyod dang bcas pa/ bgrod pa 'gro ba'i dbang gis nyi ma la ni sbyin dang don te gzhan du dag pa yod ma yin te zhes pa'i tshig 'di ni nges pa'i don te/ ji ltar bkra shis la rgyu ba'i rkang pas chu tshod bsgyur te/ de las mda' dang yon tan zla bas zhes pa khyim gcig gi chu tshod kyi tshogs te brgya sum cu rtsa lnga'o/ /me de yis thob pa ni chu tshod kyi gnas su nor du 'gyur ro/ /bgrod pa 'gro ba'i dbang gis bu lon du yang 'gyur te/ bgrod pa 'gro ba'i dbang gis chu srin la sogs pa la nor dang kar ka Ta la sogs pa la bu lon du 'gyur ro/ /gzhan du byed pa la brjod pa'i cho gas ni nyin zhag so so dag pa med do/ /'dir byed pa la brjod pa'i cho ga gsungs pa/ nyi ma la ni ? ro zhes pa ste/ kar ka Ta la bu lon ni phyogs dang po la dus zhes pa chu tshod gsum dang kar ka Ta'i phyogs gnyis pa la ro zhes pa drug go / de bzhin du seng ge la sprul zhes pa brgyad dang bcu'o/ /de bzhin du bu mo la 'phrog byed de bcu gcig dang slar yang 'phrog byed bcu gcig go/ de nas srang la drag po zhes pa bcu gcig dang phyogs zhes pa bcu'o/ /de bzhin du sdig pa la klu zhes pa brgyad dang drug go /de nas gzhul me zhes pa gsum dang nam mkha' zhes pa stong pa bgrod pa'i mthar ro/ /de bzhin du chu srin la sogs pa la nor ro/ zhes pa ni byed pa las te thams cad du grub pa'i mdza' la ni dgongs pa ma yin no/ /de ltar na zla ba 'pho ba'i dbye ba dag las phyogs kyi dbye bas zla ba drug ni nyin mor byed pas spyod do/ /da ni zla ba'i longs spyod gsungs pa/ nyi ma la byin zhes pa ste nyi ma'i longs spyod la tshes grangs byin nas 'og tu ro yis bsgyur la zhes pa ni tshes grangs de dag 'og tu drug gis bsgyur ba'o/ /gza'i longs spyod bsres pa dag ces pa ni/ gza'i longs spyod chu tshod la sogs pa rnams bsres pa dag chu tshod kyi gnas nas dman par gyur pa ni ri bong mtshan ma'i longs spyod du 'gyur ro/ /nyi zla bsres pa sbyor ba'o/ /nyi ma dang zla ba'i longs spyod bsres pa dag sbyor bar 'gyur ro/ /byed pa dag ni tshes la mig gis bsgyur ba zla bral gang zhig ces pa ni mig ste/ gnyis kyis tshes grangs rnams bsgyur ba las gcig dang bral ba bdun gyi lhag ma ni byed par 'gyur te/ gza'i longs spyod ni gza'i longs spyod du 'gyur ro/ /'dir yan lag lnga ni gza' dang tshes dang rgyu skar dang sbyor ba dang byed pa'o/ /de la gza' ni/ nyi ma dang zla ba dang/ mig dmar dang/ gza' lag dang/ phur bu dang/ pa bsangs dang/ spen pa ste bdun no/ /ches ni tshes gcig la sogs pa bco lnga'o/ /rgyu skar ni mdza' skar dang/ pra nye dang/ smin drug dang/ snar ma dang/ mgo dang/ lag dang/ nabs sa dang/ rgyal dang skag dang/ mchu dang/ gre dang/ dbo dang/ me bzhi dang/ nag pa dang/ sa ri dang/ sa ga dang/ lha mtshams dang/ snron dang/ snubs dang/ chu stod dang/ chu smad dang/ gro zhin dang/ mon gre dang/ mon gru dang/ khrums stod dang/ khrums smad dang/ nam gru ste/ nyi shu rtsa bdun no/ /de bzhin du sbyor ba ni sel ba dang/ mdza' po dang/ tshe dang ldan pa dang/ skal bzangs pa dang/ bzang po dang/ shin tu skrangs dang/ las bzangs dang/ 'dzin pa dang/ zug rngu dang/ skrangs pa dang/ 'bel ba dang/ nges pa dang/ kun 'joms dang/ dga' ba dang/ rdo rje dang/ grub pa dang/ shin tu ltung dang/ mchog can dang/ yongs 'joms dang/ zhi ba dang/ grub pa dang/ bsgrub bya dang/ dge ba dang/ dkar po dang/ /tshangs pa dang/ dbang po dang/ khon 'dzin zhes pa ste sbyor ba nyi shu rtsa bdun no/ /dkar po'i tshes gcig gis phyed phyi ma la byed pa dang po pa paM mo/ /gnyis pa'i phyed snga ma dang phyi ma la/ gA la baM dang/ kaM lau baM mo/ gsum pa'i phyed snga ma dang phyi ma la tai ti laM dang/ ga ra dzaM mo/ bzhi pa'i phyed snga ma dang/ phyi ma la bi na dzaM dang biSh+Ti'o/ de bzhin du lnga pa lab baM dang/ bA la baM mo/ drug pa la kau la baM dang/ tai ti laM mo/ bdun pa la ga ra dzaM dang/ ba ni dzaM mo/ brgyad pa'i phyed snga ma la biSh+Ti'o/ /brgyad pa'i phyed la phyi ma la dzaM mo/ /dgu pa'i phyed snga ma dang/ phyi ma la bA la baM ngaM//? kau la baM maM/ /bcu pa'i phyed snga ma dang/ phyi ma la tai ti laM dang/ ga ra dzaM mo/ /bcu gcig pa'i phyed snga ma dang phyi ma la ba ni dza dang biSh+Ti'o/ /slar yang bcu gnyis pa'i phyed snga ma dang/ phyi ma la ba bA dang/ bA la baM mo/ bcu gsum pa la kau la baM dang/ tai ti laM mo/ /bcu bzhi pa la ga ra dzaM dang/ ba ni dzaM mo/ /zla ba nya ba'i phyed snga ma la biSh+Ti'o/ /phyed phyi ma la ba baM mo/ /nag po'i tshes gcig gi phyed snga ma dang phyi ma la bA wa waM dang/ kau la baM mo/ /gnyis pa'i phyed snga ma dang phyi ma la tai ti laM dang/ gar dzaM mo/ /gsum pa'i phyed snga ma phyi ma la ba ni dza dang biSh+Ti'o/ /de bzhin du bzhi pa la baM dang/ bA la baM mo/ /lnga pa la ko la baM dang/ tai te li mo/ drug pa la ga ro dzaM dang/ kha ni dzaM mo/ /bdun pa'i phyed snga ma la biSh+Ti'o/ /phyed phyi ma bA baM mo/ /brgyad pa la bA la baM dang/ kau la baM mo/ /dgu pa la tai ti laM dang ga ra dzaM mo/ /bcu pa'i phyed snga ma dang/ phyi ma la ni dzaM dang biSh+Ti'o/ /de bzhin du bcu gcig pa la ba baM dang bA la baM mo/ /bcu gnyis pa la kau la baM dang tai ti laM mo/ /bcu gsum pa la ga ra dzaM dang ba ni dzaM mo/ /bcu bzhi'i phyed snga ma la biSh+Ti ste/ byed pa bdun yongs su longs spyod do/ /de nas nag po'i bcu bzhi'i phyed phyi ma la sha ku ni'o/ /gnam stong gi phyed snga ma la rkang bzhi'o/ /phyed phyi ma la klu'o dkar po'i tshes gcig gi phyed snga ma la kaM stu g+h+na 'o/ /phyed phyi ma la slar yang ba baM mo/ /de ltar na byed pa bcu gcig ste yan lag lnga'i rim pa'o/ /tha skar dang/ pra nye dang smin drug gi rkang pa gcig ni lug go /de bzhin du rkang pa dgu dgu ni lug la sogs pa'i khyim bcu gnyis por rig par bya'o/ /mig dmar dang/ pa bsangs dang/ gza' lag dang/ zla ba dang/ nyi ma dang/ gza' lhag pa dang/ pa bsangs dang/ sa skyes dang/ bla ma dang/ spen pa dang/ nyi ma'i bu dang/ lha'i bla ma ste/ 'di dag grangs bzhin du lug la sogs pa'i khyim rnams la zhing bdag go /da ni mu stegs pa rnams kyis khyim gzung ba'i don du ming gi yi ge brtags pa brjod par bya ste/ 'dir skyes rabs kyi dkyil 'khor dbyangs dang gsal byed yongs su ma shes pa'i phyir drang srong rnams kyis ming gi yi ge brtags nas bkod pa 'di lta ste/ a ai au e ni smin drug go /ao wA wi wu ni snar ma'o/ /we wo kA ki ni mgo'o/ /ku g+ha pa tsha na lig go /ke ko hA hi ni naM so'o/ /hu he ho DA ni rgyal lo/ /Di Du De Do ni skag go /mA mi mu me mchu'o/ /mo TA Ti Tu ni gre'o/ /Te To pA pi ni dpe'o/ /pu Sha Na Tha ni me bzhi'o/ /be bo rA ri ni nag pa'o/ /ru re ro tA ni sa ri'o/ /ti tu te to ni sa ga'o/ /nA ni nu ne ni lha mtshams so/ /no ya yi yu ni snron no/ /ye yo b+hA b+hi ni snrubs so/ /b+hu d+ha pha d+ha ni chu stod do/ /b+he b+ho dzA dzi ni chu smad do/ /dzu dze dzo khA ni gro zhin no/ /khi khu khe kho ni byi bzhin no/ /gA ge gu ge ni mon ge'o/ /go sa si su shA shi shu ni mon gru'o/ /she sho da di ni khrums stod do/ /du Sha sha sa ni khrums smad do/ /de do tsA tsi ni nam gru'o/ /tsu tse tso la ni tha skar ro/ /li lu le lo ni bra nye'o/ /zhes bya ba ni khyim bcu gnyis kyi ming gi dbye ba'i yi ge rnams te/ yi ge 'di dag gis sems can rnams kyi khyim shes par bya zhing nges dge ba dang mi dge ba'i 'bras bu shes par bya'o/ /zhes bya ba ni mu stegs pa rnams kyi bsam pa rigs pas stong pa'o/ /don dam par dge ba dang/ mi dge ba ni rang gi las kyi dbang gis yin te/ de ltar yang gza' tshes rgyu skar sbyor ba dang/ /byed pa nyid dang dus sbyor dang/ /gdug pa'i gza' ste 'di dag ni/ /bsod nams byed pa rnams la dge /skad cig gcig la skyes rnams kyi/ /skyes rabs tha dang tha dang 'bras/ /rang rang las la nyer spyod pas/ /de rnams 'bras bu gcig pa min// g.yul dang nags bsregs pa dang ni/ /nya bas rgya ni bcings pa la/ /gang gis lus can mang po rnams/ /cig car du ni 'chi bar 'gyur/ /lus can rnams kyis bsod nams kyis/ /tshe stobs brtson 'grus rdzu 'phrul dang/ /skal bzang gzugs nyid sdig pas ni/ /tshe zad brtson 'grus rdzu 'phrul nyams zhes gsungs so/ /yan lag lnga'i byed pa mdor bsdus pa'o/ /da ni byed pa la lo'i 'pho ba'i des pa gsungs pa/ dag pa'i lo la klu bsres zhes pa ste/ /dag pa'i lo ni byed pa'i lo'o/ /klu bsres ni brgyad bsres pa'o/ /mkha' dang nam mkha' chu gter gyis bsgyur zhes pa ni bzhi brgyas bsgyur ba yin no/ /klu bsres rnams kyis sbyangs pa dag /ces pa ni byed pa'i lo brgyad bsres pa rnams kyis sbyangs pa ste dman par byas pa'o/ /ri zla me yis rab tu phye ste/ zhes pa ni sum brgya bcu bdun gyis phye ba gzar 'gyur ro/ /nam mkha' ros bsgyur zhes pa ni slar yang cha'i lhag ma chu tshod kyi don du drug cus bsgyur te/ ri la sogs pas phye ba ni chu tshod du 'gyur ro/ /gnyis dang sum cu'i gza' dang/ chu tshod nges pa 'dir ldan/ zhes pa 'di ni mig dmar la sogs pa'i nges pa bas nyi ma la sogs pa'i byed pa'i don to/ /gza'i gnas su gnyis sbyin zhing chu tshod kyi gnas su sum cu ste/ drug cu'i chos thob pa ni gzar 'gyur ro/ /lhag ma ni gza'i chu tshod du 'gyur ro/ /gza'i gnas su bdun gyi cha'i lhag ma gza' ste/ zla ba dag la lo'i 'pho bar 'gyur ro/ zhes pa ni rigs pa'o/ /da ni lo'i nges pa la lug la sogs pa'i 'pho ba la snon par byed pa la snon byed bcu gnyis gsungs pa/ lug sogs rnams kyi snon byed dag la gza' dang chu tshod ces pa ste/ gza'i gnas dang chu tshod kyi gnas su gza' dang chu tshod rim par yongs bkor bcu gnyis 'di dag ste/ zla ba ri 'byung zhes pa la/ zla ba ni gza'i gnas su gcig go / ri 'byung zhes pa ni chu tshod kyi gnas su lnga bcu rtsa bdun no/ /'dir lo'i nges pa dang bcas pas gza'i gnas su gza' gang byung ba'i gza' de yis lug gis 'pho bar 'gyur te/ chu tshod kyi gnas su chu tshod gang byung ba'i chu de rnams kyi so zhes bya ba ni byed pa'i rigs pa'o/ /rigs byed dang zhes pa gnyis kyi tshig ni sdeb sbyor gyi dbang gis te/ rig byed ni gza'i gnas su bzhi'o/ /yon tan mda' ste zhes pa ni chu tshod kyi gnas su lnga cu rtsa gsum ste glang gi 'pho ba la'o/ /ri bong can zhes pa gza'i gnas su gcig go / ri zla zhes pa chu tshod kyi gnas su bcu bdun te/ gsum pa la zhes pa ni 'khrig pa'i 'pho ba la'o/ /rig byed ces pa ni gza'i gnas su bzhi'o/ /me 'byung zhes pa ni chu tshod kyi gnas su lnga bcu rtsa gsum ste/ kar ka Ta'i 'pho ba la'o/ /zla ba zhes pa gza' la gcig go /mig dang lag pa zhes pa chu tshod kyi gnas su nyi shu rtsa gnyis te seng ge la'o/ /dus zhes pa gza'i gnas su bzhi'o/ /rig byed mig ces pa chu tshod kyi gnas su nyi shu rtsa bzhi ste/ drug pa dag la'o/ zhes pa bu mo'i 'pho ba la'o/ /gza' la drug dang zla ba mnga' zhes pa chu tshod kyi gnas su lnga bcu rtsa gcig srang gi 'pho ba la'o/ /zla ba zhes pa gza' la gcig go /ri dus zhes pa chu tshod kyi gnas su bzhi bcu rtsa bdun te sdig pa'i 'pho ba'o/ / me zhes pa gza'i gnas su gsum mo/ /drug zla zhes pa chu tshod kyi gnas su bcu drug ste/ gzhu'i 'pho ba'o/ /rig byed ces pa gza'i gnas su bzhi'o/ /ri dang 'jig rten zhes pa chu tshod kyi gnas su sum cu rtsa bdun te chu srin gyi 'pho pa la'o/ /gza'i gnas su drug go / rig byed stong pa dag ces pa chu tshod kyi gnas su bzhi ste bum pa'i 'pho ba la'o/ /stong pa zhes pa gza'i gnas su ci yang sbyin par mi bya ba'o/ /mig mda' zhes pa chu tshod kyi gnas su lnga bcu rtsa gnyis te nyi ma'i go 'phang nya'i khyim la sbyin par bya bar 'gyur ro zhes pa ni byed pa la 'pho ba'i longs spyod du shes par bya'o/ /grub pa'i mdza' la ni 'di 'pho ba'i longs spyod du mi 'gyur te/ gang zhig rig byed rnams kyis tshes bsgyur gsal bar nor te/ /de'i sum cha dag gi bsres pa'o// zhes pa 'dis zla ba'i nang du chu tshod gcig med do/ /spros pa yis kyang gnas gsum dbu ma dbang phyug gis sgyur zhes pa 'di yis yang nyams pa so so nas nyi ma'i longs spyod gsal bar 'gyur ro/ /lo gcig gis bar du nyi ma'i dkyil 'khor gyi nyin zhag gi cha ma gtogs par nyin zhag so so'i longs spyod dag par 'gyur ro/ /slar yang lo gzhan la 'pho ba'i nges pa gzhan du 'gyur/ /da nas nag pa'i zla ba nas slar yang nag pa'i zla ba'i bar lo so so tsam nyi ma'i longs spyod dag go/ de'i phyir byed pa'i lo gzhan la ltos nas des zla ba gcig gi / nges pa cung zad dag go /de nas nyi ma'i nyin zhag gi longs spyod nyin zhag so so la dbugs bzhi dang chu srang gsum med pas ma dag ste/ longs spyod kyi dbang gis byang du bgrod pa nas byang du bgrod pa'i bar la nyin zhag lnga 'chad par 'gyur ro/ /zla ba so so la chu tshod nyi shu rtsa lnga 'chad par 'gyur ro/ /byed pa 'pho ba'i dus nas byed pa 'pho ba'i dus kyi zla ba so so la chu tshod nyi shu rtsa lnga lhag ste lo'i mtshams su gza' lnga lhag go / 'dir chad ba dang lhag pa ji ltar shes na byang du bgrod pa'i zla ba dang po la nyi ma bcu'i bar du thur ma'i grib mas yongs su brtag par bya ste/ /nyin zhag gang nas brtsams te thur ma'i grib ma byad nas lag par gyur pa de ni/ gza' de dang tshes de dang sbyong ba de dang byed pa des nyi ma 'pho ba'i nyin zhag go / nyin zhag de la nyi ma'i longs spyod skar ma'i gnas su nyi shu dang chu tshod kyi gnas su bco lnga zhes pa'i rtsa ba'i nges pa'o/ /nges pa de la nyin zhag so sor nyi ma'i dkyil 'khor gyi nyin zhag rnams kyis thob pa rab tu bsres te/ de nas sngar brjod pa'i cho gas nyi ma'i rkang pa rnams sbyang bar bya'o/ /rtsa ba'i rgyud las nyi ma'i dkyil 'khor gyi nyin zhag dang/ chu tshod dang chu srang dang dbugs dang khyim gyi 'khor lo longs spyod pa'i mthar gsungs pa 'di lta ste/ lo gcig mkha' dus mes bsgyur te/ /gnas gnyis 'og ma gnyis kyis bsgyur/ /drug cu rtsa lngas bgos thob pa/ /stong gi phung po nor du sbyin/ /slar yang lhag ma drug cus bsgyur/ /cha thob de yi 'og tu yang/ /slar yang lhag ma drug cus bsgyur/ /cha thob de las kyang 'og ste/ /slar yang lhag ma drug gis bsgyur/ /drug cu rtsa lngas bgos thob pa/ /dbugs kyi tshegs te mi yi bdag /de yi yang ni 'og tu bzhag /nyin zhag chu tshod chu srang rnams/ /dbugs su byas nas rnam gsum slad/ /'og la ri mkha' ris thob pa/ /dbus kyi phung po nor du sbyin/ /de la drug cu rtsa bzhis thob/ /steng gi phung por bu lon dbrog /lhag ma 'dir ni nyin zhag dang/ /chu tshod chu srang dag dang dbugs/ /'di dag 'khor lo longs spyod pas/ /nyi ma'i dkyil 'khor du 'gyur ro/ /nyin gcig rgyu skar gyis bsgyur gang/ /chu tshod drug cus de bzhin te/ /nyi ma'i dkyil 'khor longs spyod kyis/ /thob pa zhag ra'i chu tshod do/ /slar yang drug cus bsgyur chu srang/ /drug gis bsgyur las dbugs su 'gyur/ /longs spyod 'di ni nyi ma yi/ /rgyu skar chu tshod sogs la sbyar/ /'gros nas nyin zhag so sor slar/ /bgrod par 'gyur gyi bar du sbyin/ /brjod pa'i las kyi cho ga yis/ /nyi ma'i rkang pa sbyang bar bya/ /gzhan du byed pa'i lam gyis ni/ /nyi ma rtag tu dag pa med/ /nyi ma'i longs spyod ma dag na/ /'di la sbyangs pa'i mig dmar sogs/ /rtsa ba nyams pa'i ljon pa bzhin/ /'dir ni gsal ba nyid mi 'gyur/ /khyim gyi 'khor lo longs spyod pas/ /zla ba'i dkyil 'khor bshad bya la/ /'khor lo'i chu tshod nyi chu tshod zla ba re longs spyod bsres pa dag / sum cu'i chas thob zla longs spyod/ /nyin zhag so so'i chu tshod 'gyur/ /zla bas nyin zhag chu tshod dang/ /chu srang dbugs ni gang dag gis/ /'khor lo'i chu tshod mthar spyod pa/ /de ni de yi dkyil 'khor 'gyur/ /nyin zhag stong phrag drug dang ni/ /dgu brgya sgra gcan dkyil 'khor te/ /mig dmar la sogs dkyil 'khor ni/ /rang rang rgyu ba las rab grub/ /nyin cig rgyu skar rnams kyis bsgyur/ /dkyil 'khor gyi ni rnam par dbye/ /thob pa dag ni skar mar 'gyur/ /lhag ma slar yang drug cus bsgyur/ /dkyil 'khor cha yi chu tshod do/ /de bzhin chu srang dbugs dag kyang/ /dkyil 'khor cha thob gza' rnams kyis/ /nyin zhag so sor mi yi bdag /de nyid byin pa byas nas ni/ /bza' yis rgyu bas gza' sbyang bya/ /gang tshe gza' yis longs spyod dag / de tshe zla ba'i cha 'char la/ /bgrod pa'i ri mo la gnas pa/ zla ba'i longs spyod kyis shes bya/ /bgrod pas nyi ma spyad byas te/ /longs spyod cha gcig la gnas pa'i/ /zla ba nyi mas spyad par bya/ /zla bas mig dmar la sogs so/ /tshig mtshams dkar po nag po la/ /tshes grangs gnyi ga'i dbus su ni/ zla ba nyi ma rnam 'joms pa/ /sgra gcan 'jug pa'i tshes grangs so/ /de ltar thams cad yongs shes nas/ /grub mdza' i longs spyod rnam pa gzhan/ /rnam gzhan nyung ngu'i byed la sogs/ /'di las ma dag rnam par spangs/ zhes so/ /de ltar brjod pa'i rim pas rgyud kyi rgyal po mchog gi dang po'i sangs rgyas las grub pa'i mdza' i mtshan nyid gsungs so/ /bsdus pa'i rgyud kyi rgyal pa la grub pa'i mdza' rnams rnam par nyams shes pa'i tshig gis bsdus te rgyud las gsal por ma mdzad do/ /de ci'i phyir zhe na/ 'dir mu stegs pa rnams kyis bsdus pa'i rgyud kyi rgyal po mthong ste/ nyi ma'i longs spyod rnam par dag pa mthong nas bdag cag gi byed pa la yang nyi ma'i longs spyod rnam par dag pa yod do/ /zhes rang gi byed pa'i nang du 'bri bar 'gyur te/ rgyu des na 'grel bshad la ltos nas gsal por ma mdzad do/ /da ni nyin mo dang mtshan mo 'phel ba dang 'grib pa gsungs pa/ zla drug 'phel ba dang 'grib pa zhes pa ste/ grangs bzhin du 'phel ba dang 'grib pa gnyis su 'gyur ro/ /nyin dang mtshan mo dag kyang zhes pa ni nyin mo dang mtshan mo dag go /nyi ma rab tu rgyu bas so zhes pa ni nyi ma byang du rgyu ba dang ltor rgyu bas ni nyi ma rab tu rgyu bas so/ /chu gter srog dang chu srang me ni nyin zhag so so'i dus su 'phel 'grib bgrod pa'i yan lag gis tshad 'di ni kai la sha'i byang gi cha kha ba can gyi bar du ste/ nyin zhag so so la dbugs bzhi dang chu srang gsum bgrod pa'i yan lag gis 'phel zhing 'grib bo/ /bgrod pa'i yan lag ni phyed dang bcas pa'i brgyad cu rtsa gnyis lhag pa'i nyin zhag brgya ste/ bgrod pa'i yan lag nyin zhag de rnams kyis lho phyogs su mtshan mo 'phel bar 'gyur te byang du nyin mo'o/ /kai la sha'i lho phyogs la ni 'chad par 'gyur ba las brjod par bya'o/ /tshad 'di la lhor bgrod pa'i 'pho ba'i nyin zhag la chu tshod sum cu rtsa drug gis nyin mor 'gyur zhing nyi shu rtsa bzhis mtshan mor 'gyur ro/ /de bzhin du byang du bgrod pa la mtshan mo dang nyin ma'i tshad bzlog pas shes par bya'o/ /da ni sgra gcan rgyu skar la longs spyod pa gsungs pa/ zla ba zhes pa ste zla ba ni byed pa'i zla ba'o/ /mig dang nyi ma bsres pa zhes pa ni byed pa la ltos pa yin gyi grub pa'i mdza' la ltos pa ma yin no/ /mig dang nyi ma zhes pa brgya nyi shu rtsa gnyis bsres pa'o/ /mig gis rnam bsgyur zhes pa ni phyogs kyi phung po'i don du gnyis kyis bsgyur ba'o/ /zla ba'i tshogs la gcig bsres te zhes pa ni nya'i longs spyod kyi don du phyogs gcig bsres pa dang/ gnam stong gi longs spyod bya don du phyogs gnyis bsres pa phyogs kyi phung po re 'gyur ro/ /mkha' dus chu yis rab phye zhes pa ni sgra gcan gyi phyogs kyi longs spyod kyi don du phyogs kyi 'khor lo phyogs bzhi'i brgya drug cus bgo ste/ mkha' dus chu des rab tu phye ba'i lhag ma'i phyogs gang yin pa de dag thub pa lag pas bsgyur bar 'gyur ro/ /skar ma'i longs spyod kyi don du mkha' sogs cha yis skar ma'o/ /zhes pa ni stong pa la sogs pa bzhi brgya drug cu'i cha thob pa skar mar 'gyur ro/ /slar yang lhag ma ni lhag ma drug cus bsgyur ba gang yin pa las cha de nyid kyis thob pa chu tshod du 'gyur ro/ /de bzhin du drug cus bsgyur ba las cha de nyid kyis chu srang du 'gyur ro/ /drug gis bsgyur ba las cha de nyid kyis dbugs su 'gyur ro/ /thob pas dman pa'i 'khor lo gdong 'dir mkha' dus chu yis thob pa'i skar ma la sogs pa gang yin pa de dag gi 'khor lo skar ma nyi shu rtsa bdun gyis bdag nyid la dman par byas pa'i 'khor lo ni gdong du 'gyur te/ tha skar la sogs pas gdong gi skar ma'i longs spyod du 'gyur ro/ /mun can ni sgra gcan te/ 'di la mun pa yod pa'i phyir mun can no/ /mun can de'i mjug ma dag kyang rgyu skar phyed bsres pa'o/ zhes pa la rgyu skar phyed ni skar ma phyed dang bcas pa'i bcu gsum ste/ de dag gdong gi longs spyod la bsres pa ni mjug ma zhes pa mjug ma'i longs spyod du 'gyur ro/ /da ni bkra shis la sogs pa rnams rgyu skar la longs spyod pa'i don du nyin zhag gi tshogs gsungs pa/ zla ba zhes pa byed pa'i zla ba'o/ /nyin zhag gi phung po'i don du sum cus bsgyur bas de dag nyin zhag tu 'gyur ro/ /nyin zhag de dag de ltar ba'i zla ba'i nyin zhag so so dang bcas pa gnas gsum du 'gyur ro/ /'og gi phung po las ri mkha' ris zhes pa bdun brgya bdun gyi cha thob pa dbu ma'i phung por rnam par bsre'o/ /dbu ma'i phung po de las kyang chu gter ro drug cu bzhis cha thob pas dman pa mi gsal nyin zhag go / kha cig tu nyin zhag so so'i gza' lhag pas gsal ba'i don du gza' cig dman par 'gyur ro/ /de'i phyir gsal ba'i nyin zhag gi tshogs su 'gyur ro/ / da ni bkra shis gsungs te/ ri dus gcig gis bsres pa zhes pa ni byed pa la ltos pa yin gyis/ grub pa'i mdza' la ltos pa ma yin no/ /brgya drug cu rtsa bdun gyis bsres pa ni ri dus gcig gis bsres pa'o/ /gsal ba'i nyin zhag tshogs te ri klu dus kyis bgos pa yi nyin zhag gi tshogs de yang mig dmar gyi dkyil 'khor nyin zhag drug brgya brgyad cu rtsa bdun gyis bgos pa ni ri klu dus kyis bgos pa'o/ /'di las mig dmar gyi yongs su bskor ba shes nas lhag ma skar mas bsgyur zhes pa nyi shu rtsa bdun gyis bsgyur ba las slar yang ri klu dus rnams kyis thob pa ni skar mar 'gyur ro/ /nam mkha' ro drug cu yis bsgyur ba las kyang ri la sogs pa rnams kyis thob pa ni chu tshod de mig dmar gyi longs spyod la thob par 'gyur ro/ /chu srang la sogs pa ni/ sngar brjod pa'i cho gas so/ /'dir gza' thams cad kyi longs spyod kyi gnas rnam pa lngar 'gyur te/ khyim gyi gnas dang/ skar ma'i gnas dang/ chu tshod kyi gnas dang/ chu srang gi gnas dang/ dbugs kyi gnas rnams 'og nas 'og tu 'gyur ro/ dbugs kyi gnas su dbugs drug las lhag pa mi gnas te/ drug gi chas thob pa ni chu srang la gzhug go /chu srang ni drug cu las lhag par mi gnas te/ drug cu'i chas thob pa ni chu tshod kyi phung por gzhug go /chu tshod rnams kyang de bzhin du rgyu skar gyi phung por gzhug go / skar ma ni las gnyis la phyed dang bcas pa'i bcu gsum pas lhag par mi gnas shing khyim drug tu gnas so zhes bya ba ni nges pa'o/ /da ni mig dmar dag las gsungs pa/ mig dmar la ni phyed bcas dgu sbyangs zhes pa ste/ 'dir mig dmar gyi skar ma la sogs pa'i longs spyod tha dad du byas te/ mig dmar gyi longs spyod gcig la skye ba'i rkang pa bzung ba'i don du skar ma dgu sbyad par bya'o/ /byed bcas shes pa ni chu tshod kyi gnas nas spyad par bya'o/ /tha skar la sogs pa'i skar ma'i longs spyod la gal te bu lon lhag na 'khor lo bsres la rnam par sbyang zhes pa ni/ 'dir skar ma'i longs spyod tha skar la sogs pa la gdon mi za bar bu lon sbyang bar bya ste/ gal te bu lon gyi phung po lhag pa dang bcas shing longs spyod kyi phung po dman par gyur na de'i tshe 'khor lo bsres pa rnam par sbyang ngo/ /'khor lo'i skar ma nyi shu rtsa bdun gyi tshogs te/ de dag bsres la bu lon rnam par sbyang ngo zhes pa'i don to/ /'khor lo phyed ni dor bar bya ste zhes pa ni 'dir gal te/ sbyangs pa'i lhag ma 'khor lo phyed du gyur na de'i tshe dor bar bya ste/ phyed pas lhag par gyur na'ang 'dir lhag ma gang yin pa phyed pas lhag par 'gyur na'o/ /dor ba'i lhag ma de ni rim pa min par 'gyur ro/ /gza' thams cad kyi dal ba'i las la rim pa min pas nor du 'gyur te/ rim pas ni bu lon no/ /skar ma drug cus bsgyur te chu tshod dag dang rab tu ldan par gyur pa zhes pa ni chu tshod kyi tshogs kyi don du rgyu skar gyi tshogs drug cus bsgyur bar gyur pa la 'og na gnas pa'i chu tshod kyi tshogs steng du ldan par 'gyur ro/ /'byung me zla bas bgo khyim gyi rkang pa'i don du chu tshod kyi phung po la brgya sum cu rtsa lngas bgo ste/ gang thob pa de khyim gyi rkang par 'gyur ro/ /dal ba'i las dag la yang nor dang bu lon dag ni rim pa min dang rim pas so/ /grangs bzhin du rig par bya'o/ /'dir khyim rgyu ba'i rkang pa ni de nyid ces pa skye ba nas khyim dang po la nyi shu rtsa lnga'o/ /gnyis pa la bco brgyad do/ /gsum pa la ri zhes pa bdun te/ khyim snga ma gsum la'o/ /de nas 'khor lo phyed kyi phyed gzhan la ni khyim bzhi pa la bdun no/ /lnga pa la bco brgyad do/ /drug pa la nyi shu rtsa lnga'o/ /rab tu gsal bar ro rkang 'khor lo phyed la steng 'og tu ste zhes pa'o/ /longs spyod kyi ni chu tshod bsgyur las zhes pa ni/ chu tshod kyi tshogs las brgya sum cu rtsa lnga'i chas thob pa ni khyim gyi longs spyod du 'gyur te/ de nyid rkang pa drug gi nang nas rkang ba'o/ /de nas gnyis pa ni longs spyod pa'i phyir longs spyod de/ longs spyod lhag ma des chu tshod lhag ma bsgyur ba las/ mda' dang yon tan zla bas 'khor lo phyed las cha thob bo/ /longs spyod kyi chu tshod sgyur ba'i phung po las brgya sum cu rtsa lnga'i chas thob pa ni snga ma phyed la gzung byar 'dod de rkang pa'i dbang gis zhes pa ni gza'i phyed phyi mar ma bgrod kyi bar du'o/ /de'i 'og tu de bzhin phyi ma phyed la dor byar 'gyur zhes pa ni longs spyod de nyid phyed phyi ma la dor byar 'gyur ro/ /zos pa tshogs gcig byas nas zhes pa ni snga ma phyed la gnas pa la gza' rnams kyi khyim gyi dbang gis rkang pa zos pa gang yin pa de dag tshogs gcig tu byas pa dang/ phyi ma phyed la snga ma dang phyi ma zos pa dor nas ma zos pa tshogs gcig tu byas te/ gza'i bgrod pa'i dbang gis sbyin dang/ dor ba dag kyang chu tshod la'o zhes pa la/ gza' rnams kyis bgrod pa ni rim pa min pa dang rim pa ste/ de'i dbang gis sbyin pa dang/ dor ba ni rim pa min pa'i dbang gis sbyin pa dang/ rim pa'i dbang gis dor ba'o/ /chu tshod la'o zhes pa ni chu tshod kyi phung po dang gza'i longs spyod skar ma'i phung po la'o/ zhes bya ba ni bkra shis la sogs pa rnams kyi dal ba'i las thams cad la nges pa ste/ khyim gyi las kyi cho ga skye ba'i rgyu ba dag pa'o/ /da ni myur ba'i las kyi cho ga gsungs pa/ de nas nyi mar sa skyes rnam par sbyang ste bla ma nyi skyes dag kyang myur ba'i las la'o/ zhes pa ste/ de nas ni de ma thag nyid la'o slar yang khyim gyi las kyis rnam par dag pa'i gza'i longs spyod la sbyang bar bya'o/ /nyi mar sa skye rnam par sbyang ste zhes pa ni dal ba'i longs spyod nyi rkang dang bral ba las te gza'i longs spyod tha dad du byas nas so/ /de nas zhes pa ste bla ma la yang sbyang bar bya zhing nyi skyes spen pa yang sbyang bar bya ste/ kyang gi sgras mig dmar ji lta ba bzhin du'o/ /gang la zhe na/ myur ba'i las la'o/ /de bzhin du zla skyes te zla skyes kyi longs spyod las gza' lhag gi longs spyod kyi don du nyi mas sbyang bar bya'o/ /dkar po la yang ste/ dkar po'i longs spyod las kyang dkar po'i longs spyod kyi don du nyi mas sbyang bar bya'o/ /'dir gza' mthon po yis gza' dma' mo la rnam par sbyang ngo/ /zhes pa ni nges pa ste/ de nas zla skyes dang dkar po la yang nyi mas sbyang bar bya'o/ /myur ba'i las la nges par rim pas nor du 'gyur zhes pa ni/ 'dir myur ba'i las te/ 'dir myur ba'i bya ba la rim pas nor du 'gyur ro/ /nges par zhes pa gdon mi za bar ro/ /rim pa min pas bu lon du 'gyur ro/ /gza' mthon po'i longs spyod dag pa'i lhag ma las 'khor lo phyed yongs su dor te sbyangs pa'i lhag ma ni 'dir rkang pa'o/ /gza' mthon po'i longs spyod rnam par dag pa'i lhag ma'i skar ma ni gza' rnams kyi nyin zhag gi longs spyod kyi dbang gis rgyu ba'i skar mar 'gyur ro/ /de nyid gza' rgyu ba'i rkang pa ste chu tshod du ma'i bdag nyid can no/ /gza' rgyu rkang pa'i chu tshod de dag rnams kyi lhag ma'i chu tshod bsgyur drug cu'i cha yis thob pa gza' rgyu rkang pa dag las gzung bya dang ni 'phrog bya de bzhin nyid ces pa ni snga ma bzhin du phyed snga ma la gzung bar bya ba dang/ phyed phyi ma la dbrog par bya ba'o/ /zlos pa dag ni tshogs gcig byas nas gza' yi bgrod pa'i dbang gis sbyin dang dor ba mdza' dag ste/ zhes pa ni 'dir myur ba'i las la rim pas sbyin pa dang rim pa min pas dor ba ste/ phyed snga ma la zos pa'i tshogs dang/ phyed phyi ma la ma zos pa'i tshogs ni snga ma bzhin no/ /sa skyes la ni rkang pa rgyal ba sogs te zhes pa la/ rgyal ba ni nyi shu rtsa bzhi'o/ /de dag kyang dang po la gnas pa ste/ ma nu'i gnas nas bcu bzhi la gnas pa'i rkang pa bcu bzhi po gang dag gis gnas dang po la'o/ /sa skyes la sogs pa ni rkang pa rgyal ba sogs te rab gsal ma nu'i gnas rgyu skar gyi gnas bcu bzhi la mdza' dag gzhag par bya ste/ de ltar gza' rnams thams cad kyi ni rim pas yongs su rtsi ba rig par bya'o mi'i dbang po zhes so/ /zla skyes te zla skyes kyi longs spyod dang dkar po las nyi mas rnam par dag pa ni zla ba'i bu gza' lag tu 'gyur zhing/ dkar po las rnam par dag par gyur pa ni dkar por 'gyur te/ zla skyes dang dkar po'i longs spyod las so/ /bkra shis rnam par dag pa'o/ /da ni gza' lag gsungs pa/ stong dang nam mkha' zla bas bsgyur ba'i mdza' dag nyin zhag tshogs la zhes pa ste/ sngar rnam par dag pa'i nyin zhag gi tshogs mdza' dag brgya yis bsgyur ba ni stong dang nam mkha' zla bas bsgyur ba'o/ /me dang nyi ma ri yis dman zhes pa ni brgya yis bsgyur pa'i nyin zhag gi tshogs de nyid bdun stong brgya nyi shu rtsa gsum gyis dman pa'o/ /ri nas bug pa ri dang klu yis bgo ste/ zhes pa la/ ri nas bdun nas te/ bug pa'i rang klu zhes pa ni brgyad stong bdun brgya dgu bcu rtsa bdun te/ rang gi rkang pa'i dkyil 'khor gyi nyin zhag ri nas bug pa ri dang klu de dag gis bgo ste/ rnam par dbye'o/ /slar yang lhag ma skar ma la sogs dbye bas bsgyur zhes pa ni/ dkyil 'khor gyi nyin zhag gi cha'i lhag ma'i nyin zhag gi tshogs slar yang bsgyur te/ skar ma la sogs dbye ba nyi shu rtsa bdun gyis bsgyur ro/ /sogs pa'i sgra slar yang dkyil 'khor gyi cha'i lhag ma drug cus bsgyur te/ de bzhin du chu srang rnams kyi bsgyur zhing dbugs drug gis bsgyur ro/ /rab brjod dkyil 'khor gyi nyin zhag gi cha yis thob pa ni skar mar 'gyur ro/ /slar yang chu tshod kyi gnas su chu tshod dang/ de bzhin du chu srang dang dbugs ni tshob pa'o/ /zla skyes longs spyod de rkang pa'i longs spyod dag tu 'gyur ro/ /zla skyes dor te nyi ma'i dbus nas mi bdag bzang po mi bdag skar ma phyed kyang yang dag spang zhes pa ni ri la sogs pa'i dkyil 'khor gyis thob pa zla skyes kyi longs spyod gang yin pa de dag myur ba'i las la rnam par dag pa'i don du dor te/ de nas nyi ma'i dbus nas kye mi bdag bzang po mi bdag ste/ bcu drug dang skar ma phyed kyang zhes pa chu tshod sum cu nyi ma'i chu tshod kyi longs spyod las so/ /ci ste bu lon dag par ma gyur na/ de'i tshe rgyu skar gyi 'khor lo rab tu bsres nas bu lon rnam par sbyang bar bya'o/ /zhes bya ba ni snga ma'i nges pa las so/ /lhag ma'i bya ba nor dang bu lon dal dang myur ba'i las kyang mig dmar ji lta bzhin du 'gyur zhes pa ni go bla'o/ /zla skyes rkang pa dal ba'i las la bcu rim ste/ zhes pa la zla skyes ni gza' lag ste/ dal ba'i las la ni khyim gyi las la/ snga ma dang phyi ma'i gnas drug la khyim gyi gnas dang po la bcu'o/ /khyim gyi gnas gnyis pa la ri zhes pa bdun no/ /khyim gyi gnas gsum pa la me zhes pa gsum sto/ phyed snga ma la'o/ /de nas phyed phyi ma la khyim gyi gnas bzhi pa gsum mo/ /khyim gyi gnas lnga pa la bdun no/ /khyim gyi gnas drug pa la bcu ste/ bcu ri me ni dal ba'i las la rkang pa'o/ /myur ba'i las te rgyu skar gyi las la mi bdag la sogs ni bcu drug la sogs pa ste gnas bcu bzhi la rkang pa bcu bzhir 'gyur ro/ /de dag kyang 'chad par 'gyur ba la brjod par bya'o/ /gza' lag yongs su dag pa'o/ /da ni phur bu gsungs pa/ nyin zhag tshogs ni mkha' mkha' ro dang mig gis dman pa byas nas zhes pa ste/ nyin zhag tshogs ni sngar gyi nyin zhag gi tshogs te brgya phrag nyi shu rtsa drug gis dman pa byas nas so/ /mkha' mkha' ro dang mig gis dman zhes pa ni byed pa la ltos pa yin gyi/ grub pa'i mdza' la ltos pa ma yin no/ /so me chu gter dag gis bgo zhes pa ni bzhi stong sum brgya sum cu rtsa gnyis kyis bgo ba'o/ /lhag ma ni bgos pa'i lhag ma ste/ skar mas bsnun pa ni nyi shu rtsa bdun gyis bsgyur ba las dkyil 'khor gyi chas skar mar 'gyur ro slar yang sngar brjod pa'i rim pas bla ma'i longs spyod la yang chu tshod la sogs bar 'gyur ro/ /rgyu skar nyi ma sbyang ste zhes pa ni phur bu'i longs spyod 'di las skar ma bcu gnyis sbyang bar bya ste/ bya ba lhag ma ni mig dmar bzhin no/ /'phrog byed dgu dang rtse mo can ni dal ba'i las la rkang pa'o/ /zhes pa ni sngar bzhin du khyim gyi gnas drug la ste 'phrog byed ces pa bcu gcig go /de nas dgu'o/ /de nas rtse mo can zhes pa gsum ste/ de bzhin du phyed phyi ma la yang lugs las bzlog pas so/ /slar yang myur ba'i las dag la rkang pa rab gsal ma nu'i gnas te/ gnas bcu bzhi la phyogs rkang la sogs de dag go zhes pa la/ phyogs zhes pa bcu la sogs pa ste/ rgyu skar rgyu ba'i rkang pa ni 'chad par 'gyur ba las brjod par bya'o/ /phur bu dag go /da ni pa sangs gsungs pa/ nyin zhag mkha' dang zla bas bsgyur zhes pa ste/ bcu yis nyin zhag gi tshogs bsgyur nas/ chu gter nor gyis dman pa zhes pa brgyad cu rtsa bzhis dman par byas te/ ri dang rgyal ba mig gis bgo zhes pa ni rkang pa'i dkyil 'khor gyi nyin zhag nyis stong nyis brgya bzhi bcu rtsa bdun gyis te/ myur ba'i rkang pa dag pa'i don du'o/ /lhag ma skar mas bsgyur ba las kyang skar ma'i longs spyod slar yang chu tshod kyi longs spyod mig dmar bzhin te/ de bzhin du chu srang la sogs pa'i longs spyod ni myur ba'i las la ste pa sangs kyi yin no/ /pa sangs kyi dal ba'i las la yang/ rgyu skar dus ni zhes pa rgyu skar drug go /nyi ma la sbyang zhes pa nyi ma'i longs spyod la ste/ thams cad du lnga pa'i don la bdun par rig par bya'o/ /mnga' dus ri bong can ni dal ba'i las la rkang pa ste/ zhes pa ni snga ma bzhin du khyim gyi gnas drug la mnga' zhes pa lnga'o/ /dus shes pa bzhi'o/ /ri bong can zhes pa gcig ste/ phyed snga ma la'o/ /de bzhin du phyed phyi ma la lugs las bzlog pas so/ /myur la ste myur ba'i las la de nyid la sogs dbye bas zhes pa ni nyi shu rtsa lnga la sogs pa'i dbye ba ste/ de nyid la sogs dbye bas shes so/ /rab gsal ma nu'o gnas dag la ste/ zhes pa rgyu skar gyi rkang pa'i gnas bcu bzhi la'o/ /sbyin dor mig dmar bzhin zhes pa ni bkra shis la ji lta ba de bzhin du rgyu ba'i rkang pa sbyin pa dang dor bar yang 'gyur ro/ /pa sangs dag pa'o/ /da ni spen pa gsungs pa mkha' mig klu dang rig byed kyi dman gsal ba'i nyin zhag tshogs ni zhes pa ste/ sngar gyi nyin zhag gi tshogs gsal pa la bzhi stong brgyad brgya nyi shus dman pa ste/ dman pa zhes pa ni byed pa la ltos pa yin gyi/ grub pa'i mdza' la ltos pa ma yin no/ /drug ro ri mkha' zla ba yis bgo zhing zhes pa ni dkyil 'khor gyi nyin zhag khri bdun brgya drug cu rtsa drug gi bgo ba'o/ /lhag ma skar mas bsgyur ba las dkyil 'khor gyi nyin zhag gi chas thob pa ni skar mar 'gyur te/ de bzhin du chu srang la sogs pa'i longs spyod du 'gyur ro/ /spen pa yi ni dor bya dag kyang bco brgyad do/ /zhes pa ni spen pa'i longs spyod la rgyu skar bco brgyad dor bar bya bar 'gyur ro/ /bu lon lhag na 'khor lo byin nas sbyang bar bya bar 'gyur ro/ /zhes bya ba ni snga ma'i nges pa ste skye ba'i skar ma rgyu ba'i don du'o/ /'di'i dal ba'i las la/ rkang pa nyi shu rtsa gnyis tshes dus zhes pa ni khyim gyi gnas drug la rkang pa rnams te/ khyim dang po la nyi shu rtsa gnyis so/ /de nas tshes zhes pa bco lnga'o/ /de nas dus zhes pa drug go /de bzhin du phyed phyi ma la yang shes par bya ste/ rab gsal ro'i gnas la'o/ /zhes gsungs pa'i phyir ro/ /myur ba'i las la ro la sogs zhes pa ni myur te/ rgyu skar gyi las la gnas bcu bzhir rol sogs ni drug la sogs pa'i rkang pa rnams sbyin pa dang dor ba'o/ /de dag kyang 'chad par 'gyur ba la brjod par bya ste/ gza'i rkang pa'i tshogs la rnam pa thams cad do/ /spen pa dag pa'o/ /da ni rgyu ba'i mtshan nyid gsungs pa/ myur dal rgyu ba dag kyang rim pas rkang pa bgrod pa la ste zhes pa ni myur ba'i las la nyi ma'i dkyil 'khor las shar ba'i gza'i rkang pa bcu bzhi'i chu tshod snga ma longs spyod pa ni myur bar rgyu ba zhes brjod do/ /rim pa yis rkang pa bgrod bar byed pa'i phyir rim pas rkang pa bgrod pa la ste phyed phyi ma la gang zhig longs spyod pa de ni dal bar rgyu ba zhes brjod do/ /'khyog po nyid ni rim min gyi zhes pa ni/ de nas 'khor lo phyed yongs su dor ba la gza'i rim pa min par 'gyur ro/ /rim pa min pa de yang 'khyog por rgyu ba zhes brjod de phyed snga ma la'o/ /phyed phyi mar yang nyi ma 'gro ba'i dbang gis gza' rnams kyi ni 'byung ba yang zhes pa 'byung bar rgyu ba zhes brjod de 'khyog po yongs su btang ba las so/ /'dir shar nas rim par bgrod pa phyed snga ma'i bar du nor 'phel lo/ /de nas phyed phyi ma la 'khor lo phyed kyi bar du nor 'grib bo/ /de nas 'khor lo phyed yongs su dor nas rim pa min pas phyed snga ma la bu lon 'phel lo/ /phyed phyi ma la nyi ma'i rgyu skar la rab tu zhugs kyi bar du bu lon 'grib bo/ /de nas nub ste slar yang 'char ba ni rim pa de nyid kyi rig par bya'o/ /sum cu rtsa bdun lag pas bsgyur ba'i zla ba rnams kyis mjug rings dag ni myur dang khyog por 'gyur/ / zhes pa ni 'dir 'jug rings mdor brtan pa'i rkang pa 'di ni 'chad par 'gyur ba la rgya cher brjod par bya'o/ /gza'i skabs so/ /de ni gza' rnams kyi 'char ba dang nub pa'i dus gsungs pa/ gang dag su zhig nyi ma'i longs spyod la ni rab zhugs gza' de dag kyang nges par nub par 'gyur zhes pa ste nyi ma'i dkyil 'khor gyi 'od zer gyis mi mthong ba'i phyir nub par gyur pa zhes brjod kyi gza' rnam pa thams cad du med pa ni ma yin no/ /nyi ma btang nas 'char bar 'gyur te zhes pa ni nub par gyur pa'i gza' de nyid kyi rang gi rgyu ba'i dbang gis nyi ma btang bar gyur ba na 'char bar 'gyur te/ nyi ma'i 'od zer gyi yongs su btang ba'i phyir ro/ /de'i lam yang bgrod pa 'gro ba'i rnam par dbye bas so/ /zhes pa ni 'char ba'i gza' de'i lam yang bgrod la 'gro ba'i rnam par dbye bas so/ /bgrod pa dag gi rnam par dbye ba ste/ me'i dkyil 'khor nas kai la sha'i byang du gangs can gyi bar dang gangs can nas lhong me'i dkyil 'khor gyi bar du phyed dang bcas pa'i nyin zhag brgya brgyad cu rtsa gnyis kyi rnam par dbye ba ste/ de yis nyi ma'i bgrod pa 'gro ba'i rnam par dbye ba'o/ /nyi ma 'gro ba'i rnam par dbye ba des 'char ba'i gza' de dag gi lam du yang 'gyur ro/ /g.yon pa'i lam la gnas pa gang yin de ni nyi ma 'gro ba'i dbang gis g.yon nas 'gro ba ste/ zhes pa ni/ 'dir g.yon gyi lam la gnas pa ni zhi ba'i gza' zla skyes la sogs pa rnams te/ gza' lag dang/ pa sangs dang/ mjug rings rnams ni g.yon gyi yan lag tu yang dag par byung ba'i phyir ro/ /nyi ma'i dkyil 'khor la nub pa'i dus su yang g.yon gyi yan lag nas rab tu 'jug cing/ 'chang ba yang g.yon gyi yan lag nas so/ /de'i phyir g.yon pa'i lam la gnas pa'i gza' gang yin pa de ni drag po'i gza' rnams kyi g.yon nas 'gro ste/ nyi ma'i ji lta ba bzhin no/ /g.yas la gnas pa dag ni g.yas kyi zhes pa la 'dir g.yas la gnas pa ni gang zhig g.yas kyi lam nas nyi ma'i dkyil 'khor la nub par 'gyur ba ste/ bkra shis dang phur bu dang spen pa'o/ /drag po ni zhi pa'i gza' rnams kyi g.yas nas 'gro ste/ g.yas kyi yan lag tu yang dag par byung pa'i phyir ro/ /'dir mjug rings ni g.yon gyi yan lag tu yang dag par byung ba'i phyir lus kyi dbye bas zhi ba'o/ /phur bu ni g.yas kyi yan lag tu yang dag par byung ba'i phyir lus kyi dbye bas drag po'o/ /de bzhin du slar yang gsal bar 'dir ni phan tshun 'thab ste dgra yin phyir zhes pa ni zhi bar dang drag po gza' lag dang bkra shis dag dang phur bu dang pa sangs dag dang/ spen pa dang mjug rings 'di dag phan tshun 'thab par 'gyur te dgra nyid yin pa'i phyir ro/ /rang gi zhing la yang dag par gnas rnams gal te de la dgra dag gyur na nges par 'thab pa'o/ /zhes pa ni mig dmar gyi rang gi zhing lug gi khyim dang sdig pa'i khyim ste zhing de la mig dmar yang dag par gnas pa de'i tshe gal te zhing de la gza' lag longs spyod par gyur na de'i tshe nges par 'thab bo/ /de bzhin du gza' lag gi zhing 'khrig pa dang/ bu mor gal te mig dmar rgyu ba'i dbang gi longs spyod par gyur pa de lta na 'thab bo/ /de bzhin du phur bu'i zhing rgyu dang nya la gal te pa sangs rgyur na de'i tshe phur bu dang pa sangs 'thab po/ /de bzhin du pa sangs kyi zhing glang dang srang la yang ngo/ /de bzhin du spen pa'i zhing chu srin dang bum pa la gal te mjug rings gyur na de'i tshe 'thab bo/ /de bzhin du ri bong can gyi zhing kar ka Ta la gal te spen pa gyur na de'i tshe 'jug rings dang lhan cig rtsod de/ mjug rings g.yon gyi yan lag tu skyes pa'i phyir ro/ /skar ma la ste gzhan la 'thab pa min par zhes pa ni 'dir slar yang gza' rnams kyi skye ba'i skar ma la ltos nas skar ma la'o/ /rang gi zhing gi khyim 'ba' zhig la 'thab pa ma yin te/ skye ba'i skar ma la yang dgra dag 'thab par 'gyur te/ pa sangs skar ma nabs so la'o/ /bkra shis skar ma mchu la'o/ /phur bu skar ma me bzhi la'o/ /gza' lag skar ma lha mtshams la'o/ /spen pa skar ma snubs la'o/ /mjug rings skar ma chu smad la'o/ /zla skyes dang bkra shis dag rang rang gi skar ma la 'thab ste/ de bzhin du pa sangs dang phur bu dag dang spen pa dang mjug rings dag go / rang rang gi skar ma ma gtogs pa skar ma 'am zhing gzhan la 'thab pa min par 'gyur bar nges pa ni gdon mi za ba'o/ /skar ma gzhan la phan tshun mtshungs pa dag tu ldan par 'gyur ro/ /de bzhin du zla ba'i rwa mtho ba dang/ gal te nyi ma yi ni g.yon du zla ba zhugs par gyur cing 'byung ba yang ni g.yon pa yis yin par gyur na de'i tshe byang gi rwa ni mtho bar 'gyur te/ kha cig tu ni bgrod pa'i dbang gis lho ru ste lhor bgrod pa la'o/ /mu ge dang char mi 'bab pa la sogs pa'i rgyu las yin gyi ngo bo nyid kyis ni ma yin no/ /da ni sgra gcan rab tu 'jug pa gsungs te/ tshigs mtshams su ni nya'i mtshams su ste yang yig gis gnam stong gi mtshams su yang ngo/ /sgra gcan gdong dang zla ba mnyam par 'gro ste mngon du phyogs par 'dzin pa kho nar 'gyur ro/ /'dir mngon du phyogs pa ni shar tu 'dzin pa'o/ /de nyid sgra gcan 'khor ba'i dbang gis zhes par bya ste/ byed pa gzhan thams cad la rab tu grags pa'i phyir 'dir bcom ldan 'das 'jam dpal gyis 'bad pa ma mdzad do/ /g.yon du rgyu ba dag la g.yas min du ste/ zhes pa ni/ g.yon du sgra gcan 'khor ba la g.yas min g.yon du zla ba 'dzin par 'gyur ro/ /nyi ma'i bgrod pa'i dbang gis g.yas la g.yas pa'i char zhes pa ni/ nyi ma'i longs spyod las byung ba zla ba'i bgrod pa'i dbang gis te nyi ma'i bgrod pa'i dbang gis shes so/ /g.yas la ste g.yas su 'khor ba la g.yas su zla ba 'dzin par 'gyur ro/ /de ltar sgra gcan gyis ni phyogs mtshams su 'dzin ri bong 'dzin pa zhes pa ni/ de ltar brjod pa'i rim pas 'khor ba'i dbang gis ri bong 'dzin pa sgra gcan gyi phyogs su mtshams su 'dzin no/ /'byung ba dag ni rgyab tu yang/ shar la sogs pa 'khor nas 'byung ba dag ni nub tu 'khor bas rgyab tu 'dzin no/ /rtsa ba'i rgyud dam gzhan gyi byed pa gzhan la yang sgra gcan 'khor ba la sogs pa shes par bya'o/ /da ni rgyu skar gyi go la gsungs pa/ /tha skar la sogs nag pa phyed du nyin dang mtshan mo mnyam pa'i dbus su go la'i ri mo'o/ /tha skar la sogs pa nag pa phyed dang nag pa phyed la sogs pa nam gru'i mthar lug dang srang la sogs pa nyin mtshan mnyam pa la dbus su nyin mtshan mnyam pa'i go la'i ri mo ste/ nyi ma 'char ba dang nub pa'i rgyu las chu tshod sum cu sum cu'i bdag nyid can du 'gyur ro/ /go la de nyid ni rgyu skar gyi dbye bas 'gyur te/ rgyu skar g.yas dang g.yas min dag la nges par srid pa'i gnas su khyim gyi dbye bas yang dag gnas zhes pa ni/ las kyi sa 'dir mi shes pa'i dbang gis go la'i gdong pa rnam pa sna tshogs gnas la sogs pa'i dbye ba tha dad pas brjod do/ /'dir go la la gza' brgyad po dag gi myur ba dang dal bar 'gro ba'i dbye bas khyim longs spyod pa ni mnyam ste/ dper na so pa 'chag pa la ba lang ka ba las ring du 'khor ba gang yin pa de ni mgyogs par 'gro zhing gom pa mang po dag gis bskor bar byed la/ ka ba la nye bar 'khor ba gang yin pa de ni nges par 'gro zhing goms pa nyung ngus skor bar byed de/ de bzhin du gza' rnams kyang rig par bya'o/ /zhes grag go/ 'jig rten pa'i 'dod pa dang po rig pas rnam par spyad de 'dir rang rang gi grub pa'i mdza' i bsam pa'i dbang gis rtsis kyi tha snyad med cing 'dod pa gcig tu mi 'gyur ro/ /de nyid kyi phyir rnam par spyad par bya ste/ 'dir go la nyi mas las myur ba dang dal bar 'gro ba'i gza' gang yin pa de dag ci steng nas steng dang 'og nas 'gro tu gnas sam/ 'on te g.yon gyi cha dor g.yas kyi char gnas rnam pa gnyi ga yang 'gal te/ gal te nyi ma las 'og rang steng du rnam par gnas na/ de'i tshe myur ba dang ral ba dag phrad par mi 'gyur te/ rang gi gnas yongs su mi gtong ba'i phyir ro/ /ci ste pha rol gyi grub pa'i mdza' i smra ba bos smras pa/ 'og na gnas pa'i sems can rnams kyi 'og nas steng gi gza'/ phrad cing mnyam par mi mthong ste/ 'og gi gza' yis steng gi gza' bsgribs pa ni mnyam pa nyid do/ zhe na/ 'di la brjod pa/ 'dir mnyam pa nyid ni nyi ma gung gi dus la ste/ 'char ba dang nub pa'i dus la ni ma yin no/ /'char ba'i dus su gnas tha dad pa'i mthu las sems can rnams kyi 'og dang steng du gza' rnams blta bar bya bar 'gyur ro/ /de bzhin du nub pa'i dus su yang ste de ltar yang ma yin no/ /de bzhin du g.yas dang g.yon la gnas pa rnams kyang nyi ma dang lhan cig phrad pa med de rang gi gnas yongs su mi gtong ba'i phyir ro/ /de ltar na gza' rnams nyi ma'i dkyil 'khor la nub pa dang/ 'char ba yang med par 'gyur ro/ /de'i phyir don dam par gza' rnams kyi gnas gzhan pa med do/ /byis pa rnams kun tu rmongs pa skyed par byed pa'i tshig rigs pa dang bral ba 'di dag kyang skye bo ye shes pa rnams kyis bkod pa ste/ 'dir gnas dang po la zla ba dang/ gnyis pa la gza' lag dang/ gsum pa la pa sangs dang bzhi pa la nyi ma dang/ lnga pa la sa skyes dang/ drug pa la phur bu dang/ bdun pa la sgra gcan dang/ brgyad pa la spen pa gnas so zhes bya ba ni srid pa'o/ /'dir khyim gyi 'khor lo la gza' thams cad byang du 'gro ba dang lhor 'gro ba yod de/ dper na nyi ma'i rgyu skar longs spyod pa'i dbang dang khyim drug longs spyod ba'i dbang gis sbyin no/ /byang du 'gro ba dang lhor 'gro ba'i nyi ma dang phrad pa la gza''ga' zhig nyi ma'i steng du 'gro ba dang/ 'ga' zhig 'og tu 'gro ba yang med do/ /'dir khyim gyi 'khor lo la dal bar 'gro ba'i dbang gis gza''ga' zhig nyi ma'i rgyab nas 'ong ngo/ /shar bar gyur pa na zla ba ni mdun nas 'gro ste myur bar bgrod pa'i dbang gis so/ /gza' lag dang pa sangs ni rkang pa'i dbang gis res 'ga' mdun dang res 'ga' rgyab tu shar nas bgod do/ /'di dag gis bgrod pa yongs su shes par bya ba'i don du khyim gyi 'go la gsungs te/ rgyu skar g.yas su gnas bcu bzhi dang g.yas min du gnas bcu bzhi dag la khyim gyi dbye bas yang dag gnas zhes pa ni khyim rnams kyi dbye ba dang rkang pa dang bcas pa'i rgyu skar gnyis te/ khyim so so'i khyim gyi dbye ba de dag gis byang du go la'i ri mo'i dbus su tha skar la sogs pa nag pa phyed kyi bar phyed dang bcas pa'i rgyu skar bcu gsum mo/ /lho ru yang go la'i ri mo'i dbus su nag pa phyed la sogs pa nam gru'i mdza' byed dang bcas pa'i rgyu skar bcu gsum mo// gzhu'i rnam pa'i dus khyim dag la go la'i dbus nas lhor ni me'i dkyil 'khor la gnas shing zhes pa ni gzhu'i rnam pa'i khyim drug la go la nyin mtshan mnyam pa'i ri mo'i dbus gnas rgyu skar gyi 'khor lo phyed kyi rgyu skar gyi 'khor lo lhor gnas so/ / byang du de ni gsil ba'i ri ste pad 'dab bzang po bzhin du shar du lug dang srang sogs la'o zhes pa ni/ lhor khyim drug la so sor rgyu skar gyi 'khor lo phyed gnas pa ji lta ba bzhin du go la'i ri po la'i dbus nas byang du khyim so so'i dbye bas khyim drug la gnas so/ /shar du lug dang srang sogs te bu mo'i mthar thug pa la gnas shing/ /de bzhin du srang la sogs pa nya'i mthar thug pa la gnas so/ /'dir shar gyi phyed du lug go /dbang ldan du glang ngo/ /byang gi phyed du 'khrig pa'o/ /slar yang byang gi phyed du kar ka Ta'o/ /rlung du seng+ge'o/ /nub kyi phyed du bu mo'o/ /slar yang nub kyi phyed du srang ngo/ /bden bral du sdig pa'o/ /lho'i phyed du gzhu'o/ slar yang lho'i phyed du chu srin no/ /me ru bum pa'o/ /shar gyi phyed du nya'o/ /zhes pa ni go la la khyim dgod pa'o 'dir lug shar ba na chu srin nub po/ /glang shar ba na sdig pa nub ste/ de ltar thams cad du nyin mtshan gyi shar ba'i khyim nas khyim bdun pa ni nub par rig par bya'o/ /da ni 'jig rten spyi'i lugs kyi go la'i rgya gsungs pa/ me nas bsil ba'i ri yi mtshams su dpag tshad stong phrag mkha' dang nam mkha' sa 'dang mnga' ri'o/ /zhes pa ste/ 'dir lho me'i dkyil 'khor nas byang kha ba can chen po'i mtshams su go la'i tshad dpag tshad stong phrag bdun cu rtsa lnga'o/ /de bzhin du shar dang/ nub 'khor ba nas te/ gsal bar le'u lnga pa las brjod par bya'o/ /dbus su 'khor lo phyed kyi ri mo zhes pa ni khyim gyi 'khor lo'i dbus su nyin mtshan mnyam pa'i ri mo ste/ dpag tshad stong phrag bdun cu rtsa lnga'i dbus su phyed dang bcas pa'i stong phrag sum cu rtsa bdun gyi mthar 'gyur ro/ /de la bgrod pa ni dbus su 'khor lo phyed kyi ri mo nyi ma'i bgrod pa dag kyang zhes pa ste/ byang gi sgra las gza' thams cad kyi 'khor lo phyed kyi dbus kyi ri mo bgrod pa ni rang rang gi mnyam pa las mtshan mo gcig yin gyi/ dus thams cad du ni ma yin no/ /phyi nas g.yas dang g.yas min dag tu rgyu ste zhes pa ni phyi nas mnyam pa'i dus kyi nyin zhag las lhor bgrod pa la lhor rgyu'o/ /byang du bgrod pa la byang du rgyu'o/ /g.yas dang g.yas min dag ni srang la sogs pa dang lug la sogs pa'o/ /nyin dang mtshan mo rgyu skar dbye bas/ rim pa yis lam rnams mkha' klu zla ba zhes pa ni lam rnams kyi grangs brgya brgyad cu ste/ 'dor zhing nyin dang mtshan mo dag kyang ji srid bgrod pa dag gi mthar zhes pa ni byang du bgrod pa nas lhor bgrod pa'i bar dang/ lhor bgrod pa nas byang du bgrod pa'i bar du'o/ /nyi ma ri bong can gyi nyin mtshan chu tshod drug cu dag las 'grib pa dang 'phel ba drug chas so/ /zhes pa ni/ 'dir drug chas 'grib par 'gyur zhing 'phel bar 'gyur te/ chu tshod drug cu'i drug cha chu tshod bcus chu srin 'khrig pa'i mthar thug pa'i bar du mtshan mo 'grib cing nyin mo 'phel lo/ /kar ka Ta nas gzhu'i mthar thug pa'i bar du nyin mo 'grib cing mtshan mo 'phel te/ nges par nyi ma ri bong can ni 'grib dang 'phel zhes pa drug chas so/ /'dir shel? sha'i dum bu la grib mas nges pa ni 'phags pa'i yul du ma yin te/ 'phags pa'i yul du byang du bgrod pa nas lhor bgrod pa'i mdza' dang lhor bgrod pa nas byang du bgrod pa'i mthar grib me'i nges pa'i dbang gis bcu'i chas 'grib cing 'phel lo// de bzhin du bde dang mi? dang rgya nag la sogs pa'i yul rnams su dgu cha dang brgyad cha dang bdun cha dag gis sham+b+ha la'i yul la thug pa'i bar du grib ma'i dbang gis 'grib cing 'phel bar rig par bya'o/ /da ni steng du nyi ma 'khor ba'i dbang gis dum bu bcu gnyis la sa'i go la gsungs pa/ gang phyir ri la skye bo rnams kyi nyin mtshan mnyam par 'gyur te/ lug nyi srang gi nyi ma la'o/ zhes pa ste/ sa'i dum bu gang du lug gi nyi ma la dpyid phyed kyi nyin mtshan mnyam par 'gyur na/ srang gi nyi ma la ston phyed du 'gyur ro/ /de'i phyir de bzhin du lug gi nyi ma la ston phyed du 'gyur na srang gi nyi ma la dpyid kyi dus phyed kyi nyin mtshan mnyam par 'gyur ro/ /de bzhin phan tshun ltos pa las gang gi phyir sa'i dum bu dang po las ri zhes pa sa'i dum bu bdun pa la ste lhun po'i lho nas byang dang byang nas lhor sa'i dum bu bdun pa la nyin mtshan mnyam par 'gyur ro/ /de'i phyir gnyis brgyad dum bu dag la nges par glang la gnas dang sdig pa la gnas de bzhin no/ /zhes pa ni 'dir ji ltar sngar brjod pa la lhun po'i lho dang/ byang gi sa'i dum bur lug gi nyi ma dang srang gi nyi ma la nyin mtshan mnyam par 'gyur ba de bzhin du cung zad bden bral gyi zur du gnas pa dang dbang ldan gyi zur byad kyi tshe ro gnas pa la yang/ nges pa zhes pa gdon mi za bar/ nyi ma glang la gnas pa dang sdig pa la gnas pa la de bzhin du dpyid phyed dang ston phyed nyin mtshan mnyam par 'gyur ro/ /de bzhin du bug pa zhes bya dgu pa dang me grangs te gsum pa'i sa'i dum bor bden bral gyi zur gyi phyed gzhan la gnas pa dang/ dbang ldan gyi zur gyi phyed la gnas par nyin mtshan mnyam par 'gyur te/ nyi ma'i 'khrig pa la gnas pa dang gzhu la gnas pa dpyid phyed dang ston phyed du 'gyur ro/ /phyogs kyi tshad bcu pa dang bzhi pa dag la ni lhun po'i shar gyi sa'i dum bu dang nub kyi sa'i dum bur nyin mtshan mnyam par 'gyur te/ nyi ma kar ka Ta la gnas pa dag dang chu srin la gnas pa la dpyid phyed dang ston phyed du 'gyur ro/ /lnga pa la gnas pa dang bcu gcig pa la yang bdun gyi sa'i dum bur nyin mtshan mnyam par 'gyur te/ dpyid phyed dang ston phyed du 'gyur ro/ /seng+ge bum par rab tu zhugs par gyur pa na ste/ nyi ma lnga pa rlung gi zur gyi phyed la gnas pa dang bcu gcig pa me'i zur gyi phyed la gnas pa la nyin mtshan mnyam par 'gyur te/ dpyid phyed dang ston phyed du 'gyur ro/ /bcu gnyis ro'i sar ni zhes pa bcu gnyis pa me'i zur gyi phyed gzhan la gnas pa dang ro rlung gi zur gyi phyed gzhan la gnas pa la ste/ sa zhes pa lung gi tshig go /nyi ma nya la gnas pa dang bu mo la gnas pa la nyin mtshan mnyam pa gnyis su 'gyur te dpyid phyed dang ston phyed du 'gyur ro/ /de ltar sa bcu gnyis su khyim bcu gnyis kyi dbang gis nyi ma 'char ba dang nub pa'i rnam par dbye bas zla ba bcu gnyis dang dus drug tu 'gyur ro/ /da ni nyi ma'i khyim 'khor ba'i dbang gis sa dum bu bcu gnyis su byang du bgrod pa bcu gnyis dang lhor bgrod pa bcu gnyis gsungs pa/ 'dir ni g.yon bgrod du 'gyur zhes pa ste/ 'dir ni zhes pa lhun po'i lho'i sa'i dum bur ro/ /de ci'i phyir zhe na/ lho 'dzam bu'i gling chung ngur de bzhin gshegs pas chos bstan pa'i dbang gis so/ /de'i phyir lho'i sa'i dum bur g.yon bgrod ces pa byang du bgrod pa ste nyi ma chu srin la gnas pa la'o/ /de bzhin du bum par nyi mas sa'i dum bu gnyis pa la'o/ /nya la dum bu gsum par ro/ /mi rnams ni bgrod pa dag kyang lug gi nyi mas bzhi par ste/ nub kyi sa'i dum bu ni bzhi pa'o/ /'byung ba zhes bya lnga par nyi ma glang la gnas par gyur pas so/ /'khrig par nyi ma gnas pas sa drug pa la byang du bgrod par 'gyur ro/ /bdun pa lhun po'i byang du yang/ nyi ma kar ka Ta la gnas pas byang du bgrod par 'gyur seng ge la gnas pas sa'i dum bu brgyad par 'gyur ro/ /bu mo la nyi ma gnas pas bug pa ste sa'i dum bu dgu par ro/ /srang gi nyi mas sa'i dum bu bcu par 'gyur ro/ /sdig par nyi ma yis drag po'i dum bu bcu gcig pa la'o/ /gzhu la gnas pa dum bu bcu gnyis par 'gyur te/ mi rnams bgrod pa dag kyang zhes pa ste/ khyim bcu gnyis kyi dbye bas rtsibs bcu gnyis kyi sa la gnas pa'i 'jig rten rnams kyi byang du bgrod pa'o/ /de bzhin lhor bgrod du 'gyur/ de ltar brjod pa'i rim pas lhor bgrod pa ste/ nyi ma bgrod pa'i dbang gis kar ka Ta sogs khyim rnams dag la 'gyur ro/ /lhun po'i lho'i 'dzam bu'i gling chung ngu'i sa'i dum bu 'dir kar ka Tar nyi ma gnas pas lhor bgrod par 'gyur ro/ /de bzhin du g.yas skor gyis te/ gnyis par seng ge'i nyi mas so/ /gsum par bu mo'i nyi mas so/ /bzhi par srang gi nyi ma ste/ lhun po'i nub tu ste lhor bgrod par 'gyur ro/ /lnga pa la sdig pa'i nyi mas so/ /drug pa la gzhu'i nyi mas so/ /bdun pa la chu srin gyi nyi ma ste/ lhun po'i byang du'o/ /brgyad pa la bum pa'i nyi mas so/ /dgu pa la nya'i nyi mas so/ /bcu pa la lug gi nyi mas so/ /bcu gcig pa la glang gi nyi mas so/ /sa'i dum bu bcu gnyis pa la 'khrig pa'i nyi ma ste/ khyim bcu gnyis kyi dbye bas 'jig rten rnams kyi lhor bgrod par 'gyur ro/ /de ni sa'i dkyil 'khor la nyi ma steng du 'gro ba'i tshang gsungs pa/ steng du drug dang klu yis grangs zhes pa ste/ 'dir bdun pa sa'i dkyil 'khor las steng du dpag tshad stong phrag brgyad cu rtsa drug gi grangs ni nyi ma'i gdung byed dag kyang byang du bgrod pa dag gi mthar te/ lhor bgrod pa'i dang po la'o/ /rang rang gi dum bur kar ka Ta la sogs pa'i rang rang gi lhor bgrod pa'i 'pho ba'i nyin zhag la 'gyur te/ dum bu bcu gnyis po rnams la rim pa bzhin no/ / de nas g.yas phyogs su yang dag par 'gyur te/ mi yi bdag po stong phrag dag ni drag po'i grangs zhes pa ni lhor bgrod pa'i 'pho ba'i nyin zhag de nas g.yas su bgrod pa la byang du bgrod pa'i bar du stong phrag bcu gcig zad par 'gyur te/ nyi ma'i gdung bar byed pa ni steng du stong phrag bcu rtsa lngar rig par bya'o/ /stong phrag brgyad cu rtsa gcig mda' ni ste/ lnga brgya dang bral bar gyur pa dbus na go la'i ri mor 'gyur te dpag tshad kyi tshad do/ /go la'i ri mo de las gang zhig nyi ma'i 'phel ba dang 'grib par 'gyur ba de ni mkha' mkha' mda' dang mda' zhes pa dpag tshad lnga rgya lhag pa'i stong phrag lnga ste/ ri mo la byang dang lhor nyi ma'i gdung bar byed pa steng du rang rang gi dum bu rang rang gi khyim du longs spyod pa'i dbang gis rig par bya'o/ /da ni dum bu bcu gnyis la lho dang byang du nyin zhag so sor nyi ma thad dkar 'gro ba gsungs pa/ lan tshwa'i rgya mtsho 'gongs nas nyin mor byed pa dag ni lho ru me yi bar du 'gro bar byed ces pa ste/ 'dir rtsibs bcu gnyis kyi sa la dum bu so so re rer khyim gyi dbang gis lan tshwa'i rgya mtsho 'gongs nas lhor bgrod pa la gnas pa'i nyi ma me'i dkyil 'khor gyi dang po'i bar rgya mtsho'i mdza' i mtshams su 'gro bar byed do/ /me'i dkyil 'khor gyi mtshams de nas kai la sha'i byang du 'gro ste gangs kyi ri la byang gi lam du yang byang bgrod pa la gnas pa'i nyi ma lho bgrod kyi dang po'i nyin zhag gi bar du'o/ /mda' rnams chos kyi bsgyur ba zhes pa la mda' rnams zhes pa lnga'o/ /tshes zhes pa bco lnga ste/ bco lnga po de dag gi bsgyur ba ni mda' rnams tshes kyi bsgyur ba zhes pa ste/ bdun cu rtsa lngar 'gyur ro/ /dpag tshad kyi grangs stong phrag bdun cu rtsa lnga po phyogs kyi bgrod pa dag la nyin mor byed pas 'gro bar byed de/ gangs can nas me'i bar dang me nas gangs can gyi bar dpag tshad stong phrag bdun cu rtsa lnga'i ni lho bgrod la sogs pa'i phyogs kyi cha'o/ /phyogs kyi cha de zla ba drug gi rim pa bzhin byang du bgrod pa dang lhor bgrod pa dag la bgrod do/ /phyed bcas mig klu las thob nyin dang nyin la 'dor ba zhes pa ni phyed dang bcas pa'i brgya brgyad cu rtsa gnyis kyis cha thob pa ni stong phrag bdun cu rtsa lnga las nyin zhag so sor dpag tshad rnams kyi phyogs cha nyi mas 'dor ro/ /de ltar bgrod pa gnyi ga'i longs spyod kyi nyi ma'i khyim gyi 'khor lo dkyil 'khor gyi nyin zhag gi grangs ni drug cu rtsa lnga lhag pa'i sum brgyar 'gyur ro/ /de ltar dum bu bcu gnyis su nyi ma thad kar bgrod pa rig par bya'o/ /da ni dum bu bcu gnyis su 'khor ba'i dbang gis nyi ma khyim so so la gnas pa'i zla ba bcu gnyis kyi dbye bas gsungs pa/ khyim gcig la ni nyi ma gnas pas mdza' dag dus kyi tshogs dang zla ba dang ni phyogs rnams byed ces pa ste/ 'dir lug la sogs pa'i khyim gang yang rung ba gcig la nyi ma gnas pas dum bu bcu gnyis su dus drug dang zla ba bcu gnyis dang phyogs nyi shu rtsa bzhi byed de/ khyim gyi 'khor lo 'khor ba'i dbang gis so/ /'dir lhun po'i phyogs kyi cha thams cad du khyim gyi 'khor lo 'khor ba'i dbang gis me la reg pa gang yin pa de ni bdun pa'i phyogs thob pa na lhun po'i rwa la reg cing gangs kyi ri'i steng du 'gro'o/ zhes pa'i rigs pas ? khyim so sor gnas pa'i dus kyi tshogs la sogs pa mdza' dag ste thams cad rig par bya'o/ /dum bu dum bu dag tu zla bar 'gyur te sa gzhi bcu gnyis rtsibs rnams la ni rim pas so/ /zhes ba ni 'dir sa gzhi rtsibs bcu gnyis pa la dum bu dang/ dag tu zla ba so sor 'gyur ro/ /nyi ma khyim gcig la gnas pa'i rnam pa gang gis yin pa de ltar brjod par bya ste/ 'dir khyim gcig nges par bstan pas khyim thams cad rig par bya'o/ /lhun po'i lho 'dzam bu'i gling chung ngu 'dir lug la sogs pa'i khyim rnams dang/ dpyid la sogs pa'i dus rnams dang/ nag pa la sogs pa'i zla ba rnams dang/ de bzhin du phyogs rnams thams cad rab tu grags so/ /de'i phyir lug gi khyim de la nyi ma gnas pas dum bu bcu gnyis su dus kyi tshogs la sogs pas thams cad byed pa ji lta ba de bzhin du brjod par bya ste/ lhun po'i lho'i dum bu 'dir lug la nyi ma gnas pas dpyid kyi dus su sa ga'i zla ba byed do/ /me'i zur gyi phyed dum bu gnyis pa la snron gyi zla ba byed do/ /de bzhin du me'i zur gyi phyed gzhan gyi dum bu gsum pa la chu stod kyi zla ba byed do/ /de bzhin du bzhi pa lhun po'i shar gyi dum bu la shar lus 'phags por gro bzhin gyi zla ba byed do/ /lnga pa dbang ldan gyi phyed dum por khrus kyi zla ba phyed do/ /dbang ldan gyi zur gyi phyed gzhan la dum bu drug par tha skar gyi zla ba byed do/ /lhun po'i byang dum bu bdun par smin drug gi zla ba byed do/ /rlung gi zur gyi phyed la dum bu brgyad par mgo'i zla ba byed do/ /rlung gi zur gyi phyed gzhan la dum bu dgu par rgyal gyi zla ba byed do/ /lhun po'i nub tu dum bu bcu par mchu'i zla ba byed do/ /bden bral gyi zur gyi phyed kyi dum bu la dbo'i zla ba byed do/ /bden bral gyi zur gyi phyed gzhan gyi dum bu la nag pa'i zla ba byed do/ /de bzhin du zla ba gnyis kyi dum bu gnyis su dus su 'gyur ro/ /dum bu so sor dkar po dang nag pa'i phyogs kyi dbye bas phyogs gnyis su 'gyur te/ de ltar na dus drug dang zla ba bcu gnyis dang/ phyogs nyi shu rtsa bzhi po rnams dum bu bcu gnyis la 'khor lo'i rnam pas 'khor bas shes par bya'o/ /lho'i dum bu 'dir khyim bcu gnyis kyi dbang gis 'pho ba la zla ba gang zhig gyur pa de ni 'pho ba gzhan la g.yas bskor gyi bden bral gyi zur du 'gro'o/ /bden bral gyi zur phyed na gnas pa ni zur phyed gzhan du 'gro'o/ zur phyed gzhan na gnas pa ni lhun po'i nub ba lang spyod du 'gro'o/ /nub ba lang spyod na gnas pa ni rlung gi zur phyed du 'gro'o/ /rlung gi zur phyed na gnas pa ni zur phyed gzhan du 'gro'o/ /zur phyed gzhan na gnas pa ni byang sgra mi snyan du 'gro'o/ /byang sgra mi snyan na gnas pa ni dbang ldan gyi zur phyed du 'gro'o/ / de na gnas pa ni zur phyed du 'gro'o/ /zur phyed gzhan na gnas pa ni shar lus 'phags por 'gro'o/ /shar lus 'phags po na gnas pa ni me'i zur gyi phyed kyi dum bur 'gro'o/ /phyed snga ma na gnas pa ni zur phyed gzhan du 'gro'o/ /zur phyed gzhan na gnas pa ni lho 'dzam bu'i gling du 'gro ste/ de ltar zla ba bcu gnyis po rnams 'pho ba so so'i dbang gis dum bu bcu gnyis po rnams su yang dag par rgyu bar shes par bya'o/ /tshad gang dum bu gang du nyin mo'i dbang gis yin pa de ni bdun pa dag tu mtshan mo la 'gyur ro/ /'dir byang du bgrod pa'i 'pho ba la lho'i dum bur nyin mo'i tshad nyams pa dang/ mtshan mo'i tshad 'phel ba de nyid byang sgra mi snyan du ste/ sa'i dum bu bdun dang nyi ma shar ba'i dbang dang lhor mtshan mo 'phel ba'i dbang gis so/ /de'i tshad kyang gzhan du ma yin te/ lho 'dzam bu'i gling du 'char ba'i dbang gis dang bdun par mtshan mo nyams pa'i dbang gis de nas lho la 'gyur ro/ /de ltar thams cad du dum bu so so la rig par bya'o/ /lam phyed 'bum phrag gsum po dag la nyi ma'i mdun du nyin mo dang ni rgyab tu mtshan mo'o/ /zhes pa ni 'dir zlum po'i tshad 'bum phrag drug ste/ nyi ma bgrod pa'i dbang gis lam phyed la 'bum phrag gsum ni nyin mo zhes pa shar ba nas nub pa'i bar ro/ /nub pa nas 'char ba'i bar ni na mtshan mo ste 'bum phrag gsum mo/ /de ltar nyin mtshan la rig par bya'o/ /da ni dum bu bcu gnyis la gnas pa rnams kyi lhun po'i gnas pa gsungs pa ri'i rgyal po dag na skye bo thams cad kyi yang byang nas gnas par 'gyur ro/ /mi yi bdag ces pa ste/ 'dir ri'i rgyal po lhun po ni dum bu bcu gnyis la gnas pa'i skye bo rnams kyi byang du 'gyur ro/ /nyi ma 'char ba shar du 'gyur te/ zhes pa ni lhun po'i dum bu thams cad la gnas pa kun gyi gang nas nyi ma 'char ba de ni shar gyi phyogs su 'gyur te/ lho'i 'dzam+bu gling la gnas pa rnams kyi shar lus 'phags po shar gyi phyogs so/ /nub ba lang spyod pa rnams kyi lho 'dzam bu'i gling shar gyi phyogs so/ /byang sgra mi snyan na gnas pa rnams kyi nub ba lang spyod shar gyi phyogs so/ /shar lus 'phags po na gnas pa rnams kyi byang sgra mi snyan shar gyi phyogs te nyi ma 'khor zhing 'char ba'i dbang gis so/ /de bzhin du zur na gnas pa brgyad po rnams la yang shes par bya ste/ dum bu so so dbyu gu lnga lnga'i bar gyi nyi ma 'char bar 'gyur ro/ /ri dang mnyam pa bgrod pa dag dang zhes pa ni dum bu so so ri dang mnyam pa lhun po la mngon du phyogs par nyi ma bgrod pa ni byang dang lho dag go /de ni nub ba nub/ de bzhin du dum bu bcu gnyis su ji ltar 'char ba shar yin pa de bzhin du de nub pa ni nub tu rig par bya'o/ /dus ni gsum ste snga dro dang nyin gung dang phyi 'phred do/ /mthun mtshams ni bzhi ste mtshan phyed kyi mthun mtshams dang/ snga dro'i thun mtshams dang/ nyin gung gi thun mtshams dang/ phyi 'phred kyi thun mtshams so/ /thun tshod ni brgyad de nyin mo la bzhi dang mtshan mo la bzhi'o/ /nyin dang mtshan mo dus kun tu ni yang dag rgyu ba rnams/ de ltar dus la sogs pa rnams nyin mtshan dus thams cad du yang dag par rgyu ba ni/ dum bu nas dum bur lhun po'i phyogs rnams su 'khor ro/ /rab gsal nyi ma'i sa la zhes pa ni rtsibs bcu gnyis pa'i sa la'o/ /dus sbyor dbye bas phye bar gyur pa zhes pa la/ dus sbyor ni bcu gnyis te/ de dag gi dbye bas phye bar gyur ba'i dus la sogs pa rnams 'khor te/ dus ni dus sbyor bzhi bzhis 'khor ro/ /thun mtshams so so ni dus sbyor gsum gyi 'khor ro/ /thun tshod so so ni dus sbyor phyed dang gnyis kyi 'khor ro/ /de bzhin du dus sbyor so so ni dbyu gu lngas 'khor ro/ /thun tshod phyed ni thun tshod phyed kyis 'khor ro/ /yud tsam ni thun tshod phyed kyi phyed kyis 'khor ro/ /chu tshod ni chu srang drug cus 'khor ro/ /chu srang so so ni dbugs drug gis 'khor te/ de ltar na nyin mtshan du lus can rnams kyi dbugs kyi dbye ba dang dus sbyor gyi dbye bas dus rnams 'khor zhing bgrod do/ /da ni lhun po'i phyogs thams cad du nyi ma 'khor ba'i tshad gsungs pa/ chu tshod dus la dpag tshad stong phrag drug ni rkang pa dang bcas nyin mor byed pa 'gro ba ste/ zhes pa ste/ chu tshod dus la zhes pa ni dbugs sum brgya drug cu'i grangs kyi dus la'o/ /drug ni rkang pa dang bcas pa ni dpag tshad nyis rgya lnga bcu lhag pa'i stong phrag drug ste/ khyim la gnas pa'i nyin mor byed pa 'di nam mkha' la 'gro ba'o/ /de'i phyir 'khor ba'i shugs 'di ni khyim gyi yin gyi/ khyim gyi gzhi la gnas pa'i nyi ma yi ni ma yin no/ /'dir khyim gyi 'khor lo ni g.yas skor gyis 'khor te/ gza' rnams ni khyim dag la g.yas min gyi rgyu'o/ /ji ltar khyim gyi 'khor lo 'khor ba de bzhin du sgra gcan yang nub tu mngon par phyogs nas ri rab la g.yas skor byed cing yang dag par rgyu'o/ /shar du phyogs pa'i gza' rnams ni lhun po la g.yas min du skor ba byed cing khyim gyi 'khor lo la yang dag par bgrod par byed do/ /de ltar na don dam pa'i rigs pas sgra gcan ni bsod nams dang ldan pa yin zhing/ nyi ma la sogs pa rnams ni gdug pa ste/ sdig pa'i gsang brjod do/ /drug cu la ni me 'bum dag dang zhes pa ni chu tshod drug cu'i dus kyi yum la ste/ dbugs drug brgya lhag pa'i stong phrag nyi shu rtsa gcig gi dus la'o/ /me 'bum ste 'bum phrag gsum dang lnga dang ri bo'i stong phrag ces pa ni stong phrag bdun cu rtsa lnga'i dpag tshad kyi grangs 'khor te/ nyin dang mtshan mo dag tu zhes pa ni nyin mtshan du'o/ /nyin dang mtshan mor go la phyed la mkha' me chu tshod bgrod de zhes pa ni 'dir nyin mtshan mnyam pa'i 'pho ba nyin zhag la sngar brjod pa'i go la'i ri mo las/ mkha' me ste sum cu'i chu tshod nyi mas nyin mo bgrod cing sum cu'i chu tshod mtshan mo bgrod de nyin mtshan mnyam mo/ /zhes pa'i don to/ go la dag la g.yas dang ni g.yas min dag tu 'grib pa'i 'phel ba lnga ste zhes ni go la'i phyed de las g.yas dang g.yas min dag tu ste/ g.yas su zla ba gsum gyi mtshan mo chu tshod lnga 'phel lo/ /g.yas min du zla ba gsum gyis nyin mo chu tshod lnga 'phel lo/ /'dir mtshan mo 'phel bas nyin mo 'grib pa dang nyin mo 'phel pas mtshan mo 'grib par shes par bya'o/ /nyin zhag so sor de ni dbugs zung chu srang gsum zhes pa ni/ 'dir g.yas dang g.yas min dag tu zla ba gsum rnams kyi nyin zhag so so la nyin mo dang mtshan mo/ 'phel ba 'am 'grib pa ni dbugs gnyis dang chu srang gsum mo/ /tshad 'di ni kai la sha'i dum bu la yin gyi/ 'phags pa'i yul la sogs pa la ma yin no/ /'phags pa'i yul du yang nyin mtshan so so la chu srang gnyis 'phel ba 'am 'grib par rig par bya ste/ zla ba gsum gyi nyin mtshan mnyam pa'i dbus nyin mtshan gyi tshad sum cur mtshungs pa las bgrod pa'i dbang gis chu tshod gsum 'phel ba 'am 'grib par rig par bya'o/ /da ni kai la shing dum bu'i dbye bas dus sbyor bcu gnyis 'char ba'i dus gsungs pa/ lug gi dus sbyor la ni chu srang du 'gyur/ zhes pa ste/ 'dir lug gi dus sbyor la dang po shar ba nas dus sbyor phyi ma 'char ba'i bar gyi dus la chu srang gi tshogs mkha' dgu lhag ste zhes pa dgu bcu lhag pa'i nyis brgyar 'gyur ro/ /'di las drug cu'i chas chu tshod bzhi dang chu srang lnga bcu ni lug gi dus sbyor 'char ba'i dus so/ zhes pa ni kai la sha'i yul du nges pa'o/ /mkha' dus mig ni glang la 'gyur zhes pa ni de bzhin du glang gi dus sbyor 'char ba'i dus la chu srang gi tshogs nyis brgya drug cu ste/ chu tshod bzhi dang chu srang nyi shu 'char ba'i dus so/ /zung dag la yang mkha' mkha' gnyis te zhes pa ni zung ste/ 'khrig pa 'char ba'i dus chu srang gi tshogs gnyis brgya ste/ chu tshod gsum dang chu srang nyi shu'o/ /mda' ro'i chu tshod du 'gyur zhes pa ni mnga' ste chu tshod lnga ni ku li ra ste/ kar ka Ta'i dus sbyor 'char ba'i dus so/ /de nas ro zhes pa chu tshod drug ni seng ge'i dus sbyor 'char ba'i dus so/ /bu mo la ni phyed bcas drug ste zhes pa ni bu mo'i dus sbyor 'char ba'i dus su chu tshod drug dang chu srang sum cu ste/ phyed bcas drug tu 'gyur ro/ /srang sogs rim pa min pas de bzhin thams cad 'gyur zhes pa ni dus sbyor drug gi dus kyi mtshams 'di nas srang la sogs pa'i dus sbyor phyi ma drug la rim pa min pa'i de bzhin te cho ga 'di thams cad de ma lus par 'gyur ro zhes pa ni nges pa'o/ /'dir dus sbyor 'char ba'i dus ni srang la chu tshod drug dang chu srang sum cu'o/ /sdig pa la drug go /gzhu la lnga'o/ /chu srin la chu tshod gsum dang chu srang nyi shu'o/ /bum pa la chu tshod bzhi dang chu srang nyi shu'o/ /nya la chu tshod bzhi dang chu srang lnga bcu'o/ /zhes pa ni kai la sha'i yul du nges pa'o/ /dus sbyor drug gi de nub gang phyir 'char ba dag kyang de bzhin zhes pa ni gang gi phyir 'char pa yang dus sbyor drug gi yin pa de'i phyir de ni nub par 'gyur ro/ /nyi ma'i rgyu skar dbye bas so zhes pa ni phyed dang bcas pa'i rgyu skar bcu gsum gyi mthar nub pa ste/ de bzhin du de 'char ba ni phyed dang bcas pa'i rgyu skar bcu gsum gyi mthar ro/ /nyin mtshan gyi dbye bas dus sbyor drug dang skar ma phyed dang bcas pa'i bcu gsum gyis nyin mo'i dus su 'gyur ro/ /dus sbyor drug dang skar ma phyed dang bcas pa'i bcu gsum gyi mtshan mo'i dus su 'gyur ro/ /dus sbyor 'char ba'i dus kyi dbang gi nyin mo dang mtshan mo dman par rang lhag par 'gyur te/ nyi ma yang dag par rgyu ba'i dbang gis so/ /da ni lus la dbu ma'i lo brgya'i nyin zhag dang dbugs la sogs pa gsungs pa/ stong phrag nyi shu rtsa gcig ces pa la sogs pa ste/ stong phrag nyi shu rtsa gcig ni stong phrag gcig lhag pa'i khri phrag gnyis so/ /ro brgya ldan pa dag ces pa ni drug brgya dang ldan pa'o/ /so yi cha yis nges par phyung gyur pa zhes pa ni phung po de las sum cu rtsa gnyis kyi cha dag gis nges par phyung ba'o/ /lus la ni lus la ste dbugs lhag gang dag nyin zhag so so'i dus sbyor gyi 'pho ba bcu gnyis kyis dus su 'byung ba ri dang dus rnams dag gis grangs bdun cu rtsa lnga lhag pa'i drug brgya'i grangs so/ /stong phrag sum cu rtsa drug dag gis bsgyur ba rnams kyang lo brgya'i tshad du rab tu grags pa ste/ dbugs de dag lo brgya'i nyin zhag stong phrag sum cu rtsa drug gis bsgyur ba de dag ni lo brgya'i dbugs kyi ched du 'gyur ro/ /'dir nyin zhag so so la rtsa gsum gyi dbugs brgya phrag bcu drug lhag pa'i khri phrag gnyis kyi grangs la lo brgya'i nyin zhag gis bsgyur ba ni 'bum phrag bdun cu rtsa drug lhag pa'i bye ba phrag bdun cu rtsa bdun du 'gyur ro/ /de dag las sum cu rtsa gnyis kyi chas thob pa 'bum phrag bzhi bcu rtsa gsum lhag pa'i bye ba phrag gnyis kyi grangs ni de ma a ba d+hu tI'i dbugs su 'gyur ro/ /lhag ma 'bum phrag sum cu rtsa gsum lhag pa'i bye ba phrag bdun cu rtsa lnga ni la la nA dang ra sa nA dag gi dkyil 'khor lnga las 'bab ste cha mnyam par gyur ba las g.yon dang g.yas nas/ phyed la la nA nas 'bab cing phyed ra sa nA nas 'bab ste lo brgya'i mtshams kyi'o/ /stong dus me yis rab tu phye ba dag ni chu tshod du 'gyur zhes pa ni dbugs kyi phung po de las sum brgya drug cus rab tu phye ba'i rnyed ba ni chu tshod kyi phung por 'gyur ro/ /drug cu'i cha yis nyin zhag kyang zhes pa ni chu tshod kyi phung po de las drug cu'i chas thob pa ni nyin zhag gis tshogs su 'gyur te/ stong phrag sum cu rtsa drug las dbu ma'i nyi shu rtsa lnga lhag pa'i brgya phrag bcu gcig gis grangs so/ /lhag ma'i nyin zhag gi tshogs brgya phrag bzhi bcu rtsa brgyad dang bdun cu rtsa lnga lhag pa'i khri phrag gsum ni la la nA dang ra sa nA dag gi lo brgya'i mtshams kyi yin par rig par bya'o/ /da ni gza' brgyad kyi lo brgya'i tshad 'khor lo phyed dang bcas pa la longs spyod pa'i phyir gcig tu bsdus pa nyid kyi dus kyi 'khor lo dang bral bar gsungs pa/ zla ba'i phyogs zhes pa la sogs pa ste/ zla ba'i phyogs te zhes pa ni zla ba'i phyogs gcig dbyu gu sum cu'i bdag nyid kyi mtshan mor 'gyur te/ khyim gyi 'khor lo phyed la nye bar longs spyod pa'i phyir ro/ /nyi ma'i bgrod ba zhes pa ni nyi ma'i bgrod pa nyid nyin mtshan phyed du 'gyur te 'khor lo phyed la nye bar longs spyod pa'i phyir ro/ /sa skyes zla ba dgu rnams dag gi mtshan ma'o zhes pa ni byed pa brjod par 'dod pas so/ /de bzhin du bla ma'i lo drug tu 'gyur ro/ /nyi ma'i ji lta ba de bzhin du ba sangs kyi yang bgrod pa ste zla skyes gza' lag gi yang bgrod pa'o/ /tshes zhes bya ba'i lo ni ste lo bco lnga ni spen pa'i'o/ /mun can sgra gcan gyis ni lo dgu nyin mtshan phyed du 'gyur te/ rgyu skar phyed kyi 'khor lo nye bar longs spyod pa'i phyir ro/ /de dag thams cad gcig tu bsdus pa ni nor gyis bsgyur ba'i dus kyi lo zhes pa lo sum cu rtsa gnyis dang phyed bcas zla ba gsum du 'gyur te/ sems can rnams kyi snying stobs kyi yon tan gyi dbye bas so/ /phyed dang bcas pa'i nyin zhag grangs dag la phyed dang bcas pa'i rgyu skar gyi 'khor lo la nye bar longs spyod pa'i phyir snying stobs dang rdul dang min pa'i dbye bas lo brgyar 'gyur te/ dus kyi 'khor los dman no/ /zhes pa ni lo gsum dang phyogs gsum gyi dman pa ste gza' brgyad po rnams kyi gcig tu sdud pa las phyed dang bcas pa'i zla ba bcu lhag pa'i lo dgu bcu rtsa drug gis tshogs su 'gyur ro/ /'dir srog ni snying stobs la 'bab ces pa ni phyed dang bcas pa'i zla ba gsum lhag pa'i lo sum cu rtsa gnyis kyi bar du sems can rnams kyi srog ni snying stobs la ste snying stobs kyi yon tan gyi 'bab po/ /de'i 'og tu rdul gyi bar du tshad de nyid kyis so/ / de'i 'og tu mun pa la yang rim pa de nyid kyis so/ /lha mi lag 'gro rnams kyi rang rang gi lo brgya'i tshad las snying stobs dang rdul dang mun pa rnams kyi mdza' i mtshams de nas lnga pa nyid du 'gyur ro/ /zla ba phyed bcas mtshan mo dag gi shes pa ni dus kyi 'khor lo'i phyogs gsum gyis te/ kyang zhes pas sngar gyi lo gsum gyis so/ /'dir 'khor ba pa rnam pa lnga pa nyid 'chi bar 'gyur te/ skyes bu tshe lo brgya pa dbang po brgya pa zhes pa'i tshig 'jig rten pa'i tha snyad las so/ /don dam par rigs pas ni nges pa med de/ sems can rnams kyi rang rang gi las kyi dbang gis skye ba dang 'gag par sangs rgyas pa rnams kyis rtogs par bya'o/ /skyes bu tshe lo brgya pa dbang po brgya pa zhes pa ni dgongs pa'i skad de/ skyes bu ni phyi rol tu dus bzhi'i bdag nyid kyi khri phrag gnyis lhag pa'i 'bum phrag bzhi bcu rtsa gsum gyi dbugs kyi mtshan nyid do/ /nang du ni dbugs kyi tshad de nyid kyi dus bzhi'i bdag nyid de/ gang gi dus su gza' thams cad kyi rgyu ba stong pa la 'jug par 'gyur ba'o/ /zhes pa ni don dam pa'i rigs pa'o/ /sems can rnams kyi dge ba dang mi dge ba'i dbang gis kyang tshe dman pa dang lhag par 'gyur zhing tshe lo brgya pa zhes bya ba'i nges pa med de bzhin gshegs pa'i gsung gi phyir ro/ /bgrangs ni shin tu nges pa 'di dag rgyud kyi rgyal po dus kyi 'khor lor rab tu grags pa yin no/ /mi'i dbang zhes pa ni phyag na rdo rje zla ba bzang po la bod pa'o/ /da ni dbu ma a ba d+hA ti'i drug cu cha'i chu tshod rnams gza' lnga rgyu skar la 'char ba'i rkang pa'i chu tshod kyi tshogs su gsungs pa/ ma bcad ces pa la sogs pa ste/ ma bcad dus kyi 'khor lo ni lo gsum dang phyogs gsum gyi nyin zhag ma bcad pa ste/ nyi shu rtsa lnga lhag pa'i brgya phrag bcu gcig gi bgrod pa dag la bu lon dgu ni mngal gyi zla ba dgu'i bu lon chu tshod dgu ni bsres par gyur pa mdza' dag rnams te/ chu tshod kyi tshogs sum cu rtsa bzhi lhag pa'i brgya phrag bcu gcig gi grangs rnams ni bkra shis la sogs gza' ni lnga po rnams kyi myur ba'i las te skar ma'i las dag la yang rkang pa'i chu tshod du 'gyur ro/ /sa skyes la ni rig byed dus me zhes pa de dag las bkra shis la chu tshod kyi tshogs drug cu rtsa bzhi lhag pa'i sum brgya'i grangs su 'gyur ro/ /srid pa'i gnas rnams dag la zhes pa ni/ rkang pa'i gnas bcu bzhi la ste/ skar ma phyed dang bcas pa'i bcu gsum longs spyod pa'i phyir ro/ /rgyu ba'i dbye ba yis shes pa ni nyi shu rtsa bzhi la sogs pa'i dbye bas so/ /snga phyi phyed la mtshungs par byed snga ma la rgyu skar gyi rkang pa'i dbang gis brgya brgyad cu rtsa gnyis dang/ phyed phyi ma la brgya brgyad cu rtsa gnyis te rgyu skar rnams kyi phyed phyed yin pa'i phyir ro/ /bu lon nor gyi bgrod pa dag las zhes pa ni rim pas so/ /bu lon gyi bgrod pa dang rim pas nor gyi bgrod pa rnams la gnas kyi dbye bas nges par sbyar te nyi ma'i dkyil 'khor las shar ba'i skar ma ni gnas dang po'o/ /gnas kyi dbye ba de las gzhan dang gnas bcu bzhi ste/ gnas kyi dbye ba de dag gi chu tshod de dag nges par sbyar ro/ /dang por rgyal dbang grangs te rgyu skar dang po spyod pa'i gnas la nyi shu rtsa bzhi'o/ /me dang mig ni rnam gsum dag tu rab tu 'gyur/ dang po'i gnas nas gnyis pa dang gsum pa dang bzhi pa la nyi shu rtsa gsum du 'gyur te/ rnam gsum zhes so/ /gnas gnyis dag la gcig dang mig ste/ gnas bzhi pa de nas lnga pa dang drug pa'i gnas la nyi shu rtsa gcig ste/ gnas gnyis zhes so/ /bco brgyad tshes dang drag po gnas drug po de nas bdun pa dang brgyad pa dang dgu pa'i gnas rnams la grangs bzhin du bco brgyad dang tshes zhes pa bco lnga dang drag po zhes pa bcu gcig go / me dang rtsa bar drag po dang/ gnas dgu pa de nas gnas bcu pa la me zhes pa rkang pa gsum mo/ /de nas rtsa bar phyed phyi ma ste phyed phyi ma la gnas bcu gcig par drag po ste bcu gcig go /sum cu rtsa brgyad brgyad cu dag dang/ bcu gnyis pa la sum cu rtsa brgyad do/ /bcu gsum pa la brgyad cu'o/ /brtan pa srid pa'i gnas zhes pa la gnas bcu bzhi la 'dir ni gsum bcas lnga bcu'o/ /zhes pa la gsum dang bcas pa'i lnga bcu ni gsum bcas lnga bcu ste/ lnga bcu rtsa gsum ni gnas bcu bzhi pa 'di la nges pa'o/ /rgyu skar gyi 'khor lo phyed po de yis nyi ma rnam dag gyur pa'i rjes la rim pa min pas bu lon du 'gyur ro/ /rim pas nor du 'gyur ro/ /mig dmar la sogs pa'i skar ma'i longs spyod la bu lon dor bar bya zhing nor sbyin par bya'o/ /rig byed dag dang bug pa zla ba'i grangs ni gza' lag myur ba'i las la chu tshod dag tu 'gyur zhes pa ni/ 'dir gza' lag gi chu tshod kyi tshogs brgya dgu bcu rtsa bzhi'o/ /bkra shis kyi rang gi chu tshod kyi tshogs rnams gnas bcu bzhi la ji lta ba de bzhin du gza' lag gi yang rtogs par bya ste/ myur ba'i las zhes pa rgyu skar gyi las la'o/ /gnas gnyis la ni bcu drug ces pa ni gnas dang po la bcu drug ste/ gnas gnyis pa la yang bcu drug go /gzhan la tshes dang ma nu myos byed ces pa ni/ gsum pa la bco lnga'o/ /bzhi pa la bcu bzhi'o/ /lnga pa la bcu gsum mo/ /drag po ri dang dbang po mkha' o/ drug pa la bcu gcig go /bdun pa la bdun no/ /brgyad pa la lnga'o/ /dgu pa la stong pa'o/ /rtsa ba dag las rig byed drag po dang ni zhes pa ni/ gnas dgu pa de nas rtsa bar phyed phyi ma ste gnas bcu pa la bzhi'o/ /bcu gcig pa la bcu gcig go /bcu gnyis pa la nyi shu'o/ /bcu gsum pa la nyi shu rtsa brgyad do/ /bcu bzhi pa la yang sum cu rtsa bzhi gzhag par bya ste/ de ltar na go rims ji lta ba bzhin du gza' lag gi chu tshod rnams rgyu ba'i dbye bas yang dag par gnas par rig par bya'o/ /chu gter nam mkha' dag dang zla ba'i grangs brgya rtsa bzhi ni bla ma'i chu tshod kyi tshogs te rgyu ba'i dbye bas rnam par phye ba dag gnas bcu bzhi la 'gyur pa ni chu tshod kyi tshogs de las gnas gnyis dag la phyogs kyi tshad dang/ gnas dang po la bcu ste/ gnyis pa la yang bcu'o/ /dgu nor dus zhes pa ni gsum pa la dgu'o/ /bzhi pa la brgyad do/ /lnga pa la drug go /drug pa la zla ba dag dang zhes pa ni drug la drug/ bdun pa la gnyis so/ /brgyad pa la gcig go /rtsa bar ni phyed phyi ma la me drug bug pa dang ni drag pos zhes pa ni dgu pa la gsum mo/ /bcu pa la drug go /bcu gcig pa la dgu'o/ /bcu gnyis pa la bcu gcig go /mi bdag thub pa rnams te zhes pa ni bcu gsum pa la bcu drug go / gnas bcu bzhi pa la bcu bdun no/ /rgyu ba thams cad rim pas so/ /zhes pa ni/ de ltar gza' thams cad kyi rkang pa'i chu tshod rnams thams cad go rim ji lta bas rig par bya'o/ /myur zhes pa ni myur ba'i rgyu ba ste/ gza' shar ba'i phyed snga ma la'o/ /dal ba la yang phyed phyi ma la'o/ /'khyog po ni rim pa min pas phyed snga ma la'o/ /yang yig gis 'byung ba ni rim pa min pa'i phyed phyi ma la'o/ /gza'i tshogs ni nges pa nyi ma'i dbye ba dag gis te/ nyi ma las rnam par dag pa'i dbye bas rgyu bar byed do/ /drug dang zla ba chu gter grangs zhes pa ni bzhi brgya bcu drug gi tshogs te/ 'di dag ni pa sangs te dkar po'i gnas bcu bzhi la 'gyur ro/ de las chu tshod rnams gnas gsum dag la nyi shu lnga ste zhes pa ni/ dang po'i gnas la nyi shu lnga ste/ gnyis pa dang gsum pa la yang ngo/ /gnyis ni rgyal ba zhes dang bzhi pa la nyi shu rtsa bzhi ste lnga pa la yang de bzhin no/ /lag mig rnam par gnyis zhes pa ni drug pa la nyi shu rtsa gnyis te/ bdun pa la yang ngo/ / skyon dang tshes dang brgyad de zhes pa ni brgyad pa la bco brgyad do/ /dgu pa la bco lnga'o/ /bcu pa la brgyad do/ /de nas rtsa bar byed phyi ma la drug dang nam mkha' yon tan dag dang zhes pa ni bcu gcig pa la drug go /bcu gnyis pa la sum cu'o/ /bcu gsum pa la gcig gis dman pa'i brgya'o/ /mthar bcu bzhi pa la me dang ri'i grangs zhes pa bdun cu rtsa gsum mo/ /bstan pa srid pa'i gnas la ste gnas bcu bzhi pa la pa sangs kyi rgyu ba rim pas rtogs par bya'o/ /nyi ma'i bu la drug dang 'byung ba'i grangs/ spen pa'i gnas bcu bzhi la chu tshod lnga bcu rtsa drug tu 'gyur ro/ /de las drug dang 'byung ba dag dang 'byung ba rig byed ces pa ni gnas dang po la drug go /gnyis pa la lnga ste/ gsum pa la yang ngo/ /bzhi pa la bzhi'o chu gter mig dang zhes pa ni lnga pa la bzhi'o/ /drug pa la gnyis so/ /bdun pa la zung zhes pa gnyis so/ /brgyad pa la stong pa'o/ /de nas rtsa bar phyed phyi ma la phyogs dang rig byed dag dang 'byung ba zhes pa ni dgu pa la gnyis so/ /bcu pa la bzhi'o/ /bcu gcig pa la lnga'o/ /ro dang nor dang rtse mo can zhes pa ni bcu gnyis pa la drug go / bcu gsum pa la brgyad do/ /bcu bzhi pa la chu tshod gsum ste/ spen pa'i gnas bcu bzhi la rim pas bzhag par bya'o/ /de ltar gza' rnams kyi rgyu ba mdza' dag dus kyi 'khor lo dag la shin tu nges par 'gyur zhes pa ni dbu ma'i lo brgya'i dbugs kyi 'khor lo la dus kyi 'khor lo zhes bya ste/ gza' rnams 'char ba'i rgyu ba'i chu tshod kyi longs spyod do/ /da ni dal ba'i bya ba las skye ba'i khyim gyi chu tshod dal ba'i rkang pa rnams gsungs pa/ sum cu rtsa drug ces pa la sogs te/ sum cu rtsa drug phyed bcas zla ba ni lo gsum gyi zla ba sum cu rtsa drug dang/ phyogs gsum las phyogs gcig bzung ba ste/ nges par zhes pa gdon mi za bar ro/ /nor gyis bsgyur ba dag ces pa la/ sgra dang reg dang gzugs dang ro dang dri dang snying stobs dang rdul dang mun pa ni yon tan brgyad de/ yon tan brgyad po 'di dag gis bsgyur ba dag gi gza' lnga po rnams kyis dal ba'i bya ba la rkang par 'gyur ro/ /mig bu la mig gis grangs ni khyim gyis chu tshod nyis brgya dgu cu rtsa gnyis kyi grangs su 'gyur ro/ /de las rab tu gsal bar bkra shis la sogs pa rnams kyis gnas drug gi phyed snga ma dang phyed phyi ma la rim pa dang rim pa min pas shes par bya'o/ /de nyid bco brgyad ri dags bstan pas yi bu yi phyi ma phyed dang snga ma'i cha la ste/ de bzhin du phyogs ri me ni gza' lag gi'o/ /de bzhin dbang phyug dgu me bla ma'i lnga cha dang gzhan gyi cha la yang ngo/ /de bzhin du dkar po'i mnga' dang chu gter zla ba'o/ /de bzhin du spen pa'i yang mig bcas mig dang nyin zhag dus su 'gyur te/ rim pa 'di ni sngar brjod pa yin no/ /de ltar dus kyi 'khor lo'i zla ba'i yongs su longs spyod pa brgyad kyis bsgyur ba las drug cu'i cha shas ni khyim gyi rkang pa'i chu tshod du rig par bya'o/ /da ni zla ba zhes pa la sogs pas bkra shis la sogs pa gza' lnga rnams kyi khyim gsum yongs su longs spyod pa las lo gsum gyi nyin zhag dang mtshungs pa'i chu tshod yongs su longs spyod par gsungs pa/ zla ba la ni sa skyes longs spyod chu tshod dgu bcu dag ste/ zhes pa ni 'jig rten las grags pa ste/ rang gi ngo bos ni dkyil 'khor gyi cha yis thob pa'i chu tshod rnams su 'gyur ro/ /zla bar yang phyed dang bcas pa'i nyin zhag sum cus 'gyur ro/ /grub pa'i mdza' yis tshad phur bu dang spen pa'i longs spyod dang lhan cig nyi ma la rnam par spyod par gsum po rnams kyi chu tshod dgu bcur 'gyur ro/ /zhes pa ni grub pa'i mdza' o/ /lnga dang 'jig rten zla ba'i grangs pa sangs kyi ste/ mi rigs so zhe na/ grub pa'i mdza' tshad ma yin pa'i phyir ro/ /gang gis phyir nyi ma'i longs spyod kyi pa sangs la rnam par sbyangs pa las pa sangs su 'gyur ba de na pa sangs kyi zla ba'i longs spyod kyi chu tshod kyi tshogs na brgya sum cu so lnga ste/ gza' lag gi yang de bzhin no/ /de dag gcig tu bsdus pa mkha' ro bsreg za ste lnga po rnams kyi chu tshod kyi tshogs sum brgya drug cur 'gyur ro/ /'di dag zla ba gsum gyi lo'i nyin zhag bu lon chu tshod de chu tshod stong brgyad cu'o/ /longs spyod 'di ni gsum gyi'o/ zhes pa ni 'jam dpal gyi tshig zur gyis grub pa'i mdza' gsungs pa'o/ /zla bar bla ma'i longs spyod du 'gyur zhes pa sogs pa grub pa'i mdza' i tshigs su bcad pa 'di ni 'jig rten gyi grags pa nyams par bya ba'i don du tshig zung gyis don gsungs pa'o/ /'dir phyogs gsum po gang yin pa de dag ni mjug rings 'char ba'i longs spyod dang 'brel bar gza' lnga rnams kyi rtsa ba'i sgrub pa'i mdza' las gsungs so/ /de'i phyir de dag phur bu dang spen pa'i longs spyod la sbyin par mi bya'o/ /da ni sgra gcan gyi longs spyod las mjug rings kyi longs spyod gsungs pa/ zla gcig ces pa la sogs pa ste/ 'dir sngar gyi dal ba'i bya ba la zla ba phyed dang bcas pa'i sum cu rtsa drug gi lhag ma'i zla ba gang zhig gza' rnams kyis ma spyad pa'i zla ba de nyid yon tan brgyad kyis bsgyur te/ de las drug cu'i chas chu tshod brgyad bzung bar bya'o/ /de dag las chu tshod phyed dang bcas pa'i bdun ni sgra gcan gyi longs spyod de/ 'di nyid la zhes pa ni nyi ma'i zla ba'i tshad la'o/ /sgra gcan zla ba'i longs spyod nyi ma dang bcas zla ba'i rkang pa zhes pa ni nyi ma'i snying stobs dang rdul dang mun pa ste rkang pa gsum mo/ /zla ba'i dri dang ro dang gzugs dang reg dang sgra'i yon tan te rkang pa lnga'o/ /rkang pa brgyad po 'di dag ni sgra gcan gyi chu tshod phyed dang bcas pa'i bdun gyi rang bzhin no/ /lhag ma chu tshod phyed ni mun pa med pa'i rang bzhin te/ des dman pa ni chu tshod phyed kyi rnam par dman pa'i nyi ma'i bgrod pa dang po la gsum/ chu srin gyi 'pho ba'i phyogs dang po la chu tshod gsum ste/ snying stobs dang rdul dang mun pa'i bdag nyid nor gyi longs spyod do/ /de bzhin du kar ka Ta'i phyogs dang po la bu lon gyi longs spyod do/ /zla ba myos byed nyin zhag dag la zhes pa ni/ tshogs kyi gnas su bcu bzhi'i cha'i lhag ma nyin zhag dang po ste/ rkang pa dang po 'am bcu gsum pa la zla ba'i chu tshod lnga ste/ yon tan lnga'i bdag nyid du 'gyur ro/ /gang zhig ma spyad phyed kyi chu tshod ces pa ni sgra gcan gyis ma spyad pa'o/ /dus kyi nyin zhag dus la ste/ nyin zhag drug cu rtsa bzhi la/ /de ni cha dman zla ba ste/ /zla ba'i cha nyams pa'o zhes pa'i don to/ /de ni nyi ma'i lhag par 'gyur te/ nyi ma'i chu tshod gnyis su gyur nas nyin zhag so sor lhag ste/ dus kyis bsgyur ba rig byed rnams kyis tshes grangs bsgyur zhes pa la sogs pas so/ /gang zhig zla ba'i nang du nyin zhag du gyur pa de nyid ni lhag par 'gyur te/ nyi ma'i zla ba ste/ 'pho ba'i zla ba la nyin zhag gcig lhag pa de nyid dbu ma'i yan lag tu rig par bya'o/ /sgra gcan zla ba'i longs spyod mig gi rnam par bsgyur te zhes pa ni sgra gcan gyis dus kyi longs spyod chu tshod bco lnga la/ phyogs kyi longs spyod dag gis bgos pa las te/ rkang pa yis dman pa'i bzhi yis thob pa dag ni mjug rings kyi chu tshod bzhi ste nyin zhag so so'i dus su'o/ /slar yang sgra gcan gyi zla ba'i longs spyod las/ chu srang bdun dang phyed phrogs te/ chu srang bdun dang dbugs gsum po 'di dag yon tan gsum gyis bsgyur ba ni phyed dang bcas pa'i chu srang nyi shu rtsa gnyis su 'gyur te byed pa brjod par 'dod pas so/ /rang gi ngo bos ni gang zhig phyed dang bcas pa'i gsum gyis te/ gang du nyi mas nyin zhag so so la chu tshod bzhi dang chu srang nyi shu rtsa drug longs spyod pa'o/ /nyi ma'i longs spyod dag la sbyang bar bya/ nyi ma'i longs spyod nyin zhag so so la chu tshod bzhi dang chu srang nyi shu po 'di ni byed pa brjod par 'dod pa'i 'o/ /grub pa'i mdza' la ni chu srang drug lhag go /nyi ma'i longs spyod de las sbyang bar bya ste/ sbyangs pa'i lhag ma ni rkang par 'gyur ro/ /mjug rings nyi ma dag dang lhan cig rnam par rgyu ste/ myur bar rgyu ba la mdun nas rim pa dang/ 'khyog por rgyu ba la rgyab nas rim pa min pas rkang pa spyod do/ /rgyu bar chu srang phyed bcas gnyis spyod nyin dang nyin la nyi ma'i longs spyod dag las rim pas sam rim pa min pas so/ /rang gi zla ba sum cu drug gi de rgyu chu tshod dag kyang 'jig rten gyi ni tshes grangs bsgyur/ gsum gyi bco lnga bsgyur ba ni bzhi bcu rtsa lnga'o/ /phyed bcas zla bar chu tshod gnyis ni nyin zhag so sor 'char te/ lo gsum gyi mthar chu srang gi longs spyod rnams yongs su btang nas phyogs gsum gyi bar du nyin zhag so sor chu tshod gnyis longs spyod de myur ba la mdun dang/ 'khyog po la rgyab tu'o/ /de ltar phyed bcas zla ba'i bar du de 'char te/ 'on kyang zla ba gcig ni du ba med pa'o/ /de nas mdza' i phyogs gcig du ba dang bcas pa'o/ /des na sems can rnams la du ba mjug rings rab tu gsal te 'gro ba dang 'ong ba'i dbye bas zla ba gcig tu 'gyur ro/ /du ba btang na skabs bzhin rab tu gnang bar 'gyur ro/ /slar yang dpal dus kyi 'khor lor lo gsum gyi longs spyod la rab 'jug de ni gang tshe lo yis longs spyod la zhugs pa de'i tshe mthong ba min par 'gyur ro/ /de'i 'char ba'i cha dag shes par gyur na ste/ de ltar mjug rings de yi 'char ba'i cha dag shes par gyur na/ de yi 'char pa mdza' yas pa'i dus kyang shes par 'gyur ro/ /da ni dus kyi 'khor lor lo gsum gyi nyin zhag de nyid nyi shu rtsa lngas sgyur zhing bgrod pa'i nyin zhag gis dman pa la dgu bsres pa rnams gza' rnams kyi dkyil 'khor du gsungs pa/ lo'i nyin zhag ces pa la sogs pa ste/ lo'i nyin zhag ni stong phrag gcig dang brgyad cu'o/ /de nyid lnga yis bsgyur te/ slar yang mnga' zhes pa lnga yis bsnun pa ni bsgyur zhes pa'i don to/ /de ltar dum bur bsgyur ba ni nyi shu rtsa lnga sgyur bar 'gyur ro/ bgrod pa'i nyin zhag ni brgya brgyad cu ste des dman pa'o/ /bgrod pa gcig la gza' rnams longs spyod pa'i dbang gis bgrod pa gcig gis nyin zhag rnams kyis dman par 'gyur ro/ /bug pa bsres pa rnams ni bug ra zhes pa dgu ste/ de dag gis bsres pa rnams ni rang rang gi bgrod pa'i dbang gis gza' lnga po rnams kyi nyin zhag gi dkyil 'khor du 'gyur ro/ /gcig tu bsdus pa las drug stong brgyad brgya nyi shu rtsa dgu lhag pa'i khri phrag gnyis te/ de las sa skyes pa ni ri klu drug ces pa drug brgya brgyad cu rtsa bdun gyi nyin zhag gi tshogs su 'gyur ro/ /ri bug ri klu ste zla skyes la stong phrag brgyad dang bdun brgya dgu bcu rtsa bdun du 'gyur ro/ /lha yi bla ma dag la so me rig byed de bzhi stong sum brgya sum cu rtsa gnyis su 'gyur ro/ /pa sangs la ri dang rgyal ba mig ces pa nyis stong brgya bzhi bcu rtsa bdun du 'gyur ro/ /nyi ma'i bu la drug drug ri dang nam mkha' gcig ces pa khri phrag gcig dang bdun brgya drug cu rtsa drug gi nyin zhag gi tshogs ni dkyil 'khor du 'gyur ro/ /sa skyes la ni ri dus gcig kyang zhes pa la sogs pa tshigs su bcad pa gnyis kyis bar ni 'grel bshad las sngar brjod zin to/ /da ni gza' rnams kyi skye ba dag par bya ba'i don du rgyu skar gyi tshogs gsungs pa/ zla ba drug gi zla ba'i longs spyod ces pa ni de'i steng du dag pa ste/ grub pa'i mdza' la'o/ /'on kyang sems can gyis bsam pa'i dbang gis byed pa la ltos pa'o/ /mjug rings 'char ba la yang phyogs gsum gyi nyin zhag gi rgyu ba'i rkang pa bsgyur ba ni chu srang gi tshogs phyed dang bcas pa'i brgya bcu gnyis su 'gyur te/ de nyid mjug rings shar ba nas nyin zhag so so la 'gyur ro zhes pa ni bya bar rig par bya'o/ /gang zhig phyed kyi chu tshod rgyu skar gyi bu lon gyi gnas nas thob pa zhes pa ni sems can rnams smin par bya ba'i slad du ma'i lam du'i tshig go / da ni gza' rnams kyi rgya ba'i stobs gsungs pa/ zla skyes zhes pa la sogs pa ste zla skyes gza' lag dang blon po phur bu ni myur ba ste/ myur bar rgyu ba phyed snga ma la shar bar gyur pa na stobs dang ldan par 'gyur ro// sa skyes dang mjug rings ni sa skyes mjug rings te/ 'khyog po la zhes pa dkyil 'khor byed yongs su btang nas rim pa min pa la longs spyod pa te stobs dang ldan par 'gyur ro/ /dman pa spen pa dang pa sangs ni dal ba la ste/ rim pa'i phyir phyi ma la stobs dang ldan no/ /rang bzhin yon tan dbang gis zhes pa ni khams kyi yon tan gyi dbang gis so/ /rgyu ba lhag ma la ste rgyu ba gsum la sa skyes la sogs pa rnams stobs med do/ /myur la shar du kha phyogs 'gyur te/ gza' thams cad myur bar rgyu ba phyed snga ma la shar du kha phyogs par 'gyur ro/ /slar yang de dag 'khyog por rgyu ba la rab tu zhugs par gyur pa na gzhan du mngon par phyogs te nub tu mngon par phyogs so/ /dal bar rim pa'i phyed phyi ma la lho ru bzhin phyogs par 'gyur ro/ /rang bgrod yon tan dbang gi 'byung ba la yang ste/ rim pa min pa'i phyed phyi ma la byang du gdong phyogs bar 'gyur te/ tshig 'di ni dbyangs 'char ba la sa'i stobs kyi don du'o/ /da ni nyi ma dang zla ba'i rkang pa gsungs pa/ zla ba nyin zhag sum cu gang dag chu gter gyis bsgyur zhes pa bzhi yis bsgyur ba de dag / mkha' mig zla ba zla ba'i rkang pa ste/ nyin zhag bdun gyi bar du zla ba'i cha 'phel ba'i don du rkang pa brgya nyi shur 'gyur te 'chad par 'gyur ba la brjod par bya'o/ /khyim ni bcu gnyis po rnams bzhi yis bsgyur ba brgyad dang rig byed dag kyang zla ba drug gi bar du nyi ma'i rkang par 'gyur ro/ /de yang 'chad par 'gyur ba la brjod par bya ste/ 'dir ni mdor bsdus pa tsam gyis rkang pa 'di dag gi nges pa'o/ /de'i nang du 'grib dang 'phel ba dag kyang bgrod pa 'gro ba'i dbang gis rim min rim pa ste 'khor lo phyed phyed dag la mdza' dag nor dang dus kyi grangs rnams te/ bzhi bcu rtsa brgyad kyi grangs rnams byed pa brjod par 'dod pa la rig par bya'o/ /da ni zla ba'i dkyil 'khor la sgra gcan 'jug pa'i mtshan nyid gsungs pa/ tshig mtshams zhes pa la sogs pa ste/ tshig mtshams ni nya'i mdza' 'am gnam stong gi mthar ro/ /ri bong can gyi dkyil 'khor dag la sgra gcan rab tu 'jug ste/ dkyil 'khor yang dkyil 'khor gyi sgras ni 'dir chu tshod drug cu'i bdag nyid rgyu skar gcig gi longs spyod de/ de yang thams cad 'dzin pa'i dbang gis khyim bcu gnyis kyi bdag nyid dang cha drug cu'i bdag nyid du rig par bya'o/ /rnam dag gyur na thams cad 'dzin te gal te sgra gcan gyi longs spyod kyis zla ba'i longs spyod kyis yongs su dag na de'i tshe chu tshod drug cu'i mthar thug par thams cad 'dzin no/ /longs spyod phyed dag par gyur na phyed 'dzin no/ /ri bong can gyi rgyu ba'i dbang gis dkyil 'khor chu tshod drug cu ste zla ba'i cha bcu drug gi bdag nyid do/ /de bzhin du ri bong can gyi rgyu ba'i dbang gis chu tshod dag ni ji snyed yod pa ste/ dgra gcan gyi longs spyod la rab tu zhugs pa de snyed ni cha gcig gi bzhi cha'i bar du gza' dang 'grogs pa shes par bya'o/ /sgra gcan 'khor ba la sogs 'di dag grub pa'i mdza' las phyi rol zhes pa'i don du rgya cher rig par bya'o/ /rgyud 'dir ni bsdus pa'i slad du 'jam dpal gyis gsal por ma bstan te/ 'dir ni gang zhig nad la nye bar 'khor ba de nyid mdor bsdus pas brjod do/ /de bzhin du gza''thab pa la sogs pa mdza' dag grub pa'i mdza' las shes par bya'o/ /rgyud 'dir ni skar rtsis kyi yul gza''thab pa la sogs pa grub pa'i mdza' la ltos so/ /nang du ni gza''thab pa brjod par 'dod pa med do/ zhes pa bcom ldan 'das kyi nges pa ste/ phyi rol/ tu zla ba 'dzin pa byung bar gyur pa na nang du sems can rnams kyi khu ba 'dzin par 'gyur ba ma yin zhing nyi ma 'dzin pas rdul 'dzin par 'gyur ro/ /zhes pa'i nges pa yang thams cad du med do/ /de'i phyir sangs rgyas pa rnams kyis phyi rol yongs su shes pa'i don du tshangs pa dang nyi ma dang gcer bu ba dang skra can gyi grub pa'i mdza' rnams shes par bya'o/ zhes pa ni bcom ldan 'das kyis nges pa'o/ /de ni gza' thams cad kyi rgyu ba dus bzhi'i mthar stong pa la 'jug pa gsungs pa/ mi rnams kyi ni zhes pa la sogs pa ste/ mi rnams kyi lo brgya gang yin pa de dag /gza' rnams dag gi lo yi longs spyod kyis ni bsgyur bar bya zhes pa ni/ dus kyi 'khor lo dang bcas pa'i gza' rnams kyis nyin zhag phyed dang gnyis kyi lo brgya longs spyod do/ /nyin zhag gsum gyi nyis brgya'o/ /nyin zhag sum cus stong phrag gnyis so/ /nyin zhag sum brgya drug cus lo stong phrag nyi shu rtsa bzhi longs spyod par 'gyur te/ de yis lo brgya bsgyur pa'o/ /gnas gnyis phyogs kyi chas thob ba bcu'i cha'i thob steng gi dung? go dag la bu lon sbyang bar 'gyur te/ lhag ma 'bum phrag nyi shu gcig dang zhes pa ni 'bum phrag nyi shu rtsa gcig dang/ khri phrag drug gi lo grangs gang dag rnams ni dus kyi phyed la 'gyur ro/ /dus kyi phyed kyi mdza' la rkang pa lnga ste rdzogs ldan gyi rkang pa bzhi dang gsum gyi rkang pa gcig go / dus kyi phyed ni nam mkha' dang rlung dang me dang chu dang sa'i dkyil 'khor gyi bdag nyid de/ rim pa bzhin du gtso bo'i rtsa g.yon pa la srog yang dag par rgyu ba'o/ /slar yang phung po gnyis kyi shes pa slar yang gnyis pa'i phung po rkang pa ldan bdag nyid kyis te/ de la gsum ldan gyi rkang pa gnyis dang/ gnyis ldan gyi rkang pa gnyis dang/ rtsod ldan gyi rkang pa gcig ste/ sa dang chu dang me dang rlung dang stong pa'i bdag nyid ni go rim ji lta ba bzhin du gtso bo'i rtsa g.yas pa nas srog yang dag par rgyu ba'i dkyil 'khor lnga'i bdag nyid do/ /de ltar na rtsa gnyi ga'i dkyil 'khor gyi lo'i phung po gnyis kyi dus bzhi po rnams kyi lo'i grangs te/ mi rnams kyi lo khri phrag gnyis lhag pa'i 'bum phrag bzhi brgya rtsa gsum ste/ gtso bo'i dus sbyor gnyis g.yon dang g.yas kyi rtsa'i dkyil 'khor yang dag par rgyu ba las so/ /'dir dus so so rnams kyi tshad ni/ stong pa stong pa nam mkha' klu dang lag pa grub pa ri bong can rnams zhes pa ni la stong phrag nyi shu rtsa brgyad lhag pa'i 'bum phrag bcu bdun rdzogs ldan gyi dus kyi tshad de/ dkyil 'khor bzhi rkang pa nye bar longs spyod pa'i phyir ro/ /sum ldan la ni nam mkha' mkha' stong ro dang dgu dang nyin byed ces pa stong phrag dgu bcu rtsa drug lhag pa'i 'bum phrag bcu gnyis kyi lo'i grangs su rab tu grags so/ /stong pa stong pa mkha' dang rig byed ro dang lag 'gro zhes pa ni stong phrag drug cu rtsa bzhi lhag pa'i 'bum phrag brgyad de/ gnyis ldan lor ni yang dag par 'gyur ro/ /stong pa nam mkha' mkha' mig yon tan chu gtor rnams zhes pa ni/ stong phrag sum cu rtsa gnyis lhag pa'i 'bum phrag bzhi rnams kyi lo yi grangs ni rtsod pa'i dus la 'gyur ro/ /de ltar na sum ldan gyi rkang pa gsum dang/ nyis ldan gyi gnyis dang/ rtsod ldan gyi rkang pa gcig go / dkyil 'khor gsum dang gnyis dang gcig gi bdag nyid de dkyil 'khor so so ni rtsod ldan gyi dus kyi lo'i tshad do/ /lo ni 'di dag rnams kyi dus kyi mdza' ru gza' tshogs rgyu ba khyim ni stong pa dag la gnas zhes pa la/ lo ni sngar brjod pa 'di dag rnams kyi dus kyi mdza' du ste/ dus bzhi'i mdza' i mthar gza' tshogs rgyud nam gru'i mthar khyim ni stong pa dag la gnas so/ /slar yang tha skar la sogs pa'i rgyu skar dag gza' rnams kyi longs spyod du 'gyur ro/ /rab byung zhes par 'gyur ba ji lta ba de bzhin du nag pa'i zla ba la sogs par yang 'gyur ro/ /gza' dang sbyor ba tshes dang byed pa rnams kyang de bzhin dang po dag ste de yi dus su ni/ gza' nyi ma dang sbyor ba sel ba dang tshes dkar po'i phyogs kyi tshes gcig dang/ byed pa pa baM zhes pa dang po dag ste/ de'i dus su lha rnams dag dang lha min kla klo rnams kyi 'khrug pa drag pos gzhi'i gnas dA ga dA rnams su 'byung bar 'gyur te/ de nas rdzogs ldan gyi dus 'jug par 'gyur ro/ /da ni tshes la sogs pa gza' yi longs spyod thams cad stong pa la gnas pa na slar yang nges pa 'byung ba gsungs pa/ de nas rgyu skar rnams kyi nyin zhag gcig ni sgyur bar 'gyur te/ chu tshod drug cu rnams kyis kyang/ gza' rnams kyi ni dkyil 'khor dag gis nges par cha ni rab tu thob par gyur pa longs spyod 'gyur/ zla ba rdzogs na nges par 'gyur te slar yang gza' dang chu tshod kyi ni gnas rnams dag tu 'gyur ro/ rgyu skar la ni nyi ma'i longs spyod du 'gyur/ zla ba gcig las sbyangs pa nyin zhag dag ni tshogs zhes so/ /da ni dus kyi 'khor lo'i lo dang phyogs las zla ba'i nges pa gsungs pa/ sde pa drug ni nyi ma'i dbyangs bcas zhes pa la/ sde pa drug ni ka tsa Ta pa ta sa rnams ni gsal byed kyi mtshan nyid yi ge sum cu'o// dbyangs bcu gnyis dang bcas pas sum brgya drug cur 'gyur te/ yi ge rnams thung ngu dang ring po'i dbyangs kyis che bas so/ /a A/ ai a'i/ ri rI/ au a'u/ li lI/ aM agnyis kyi dbye bas tha dad par 'gyur ro/ /des na gsal byed sum cu pa rnams bcu gnyis kyi dbye bas tha dad pa dag ni sum brgya drug cu ste/ slar yang ka yig la sogs pa de dag yon tan gzhan gyis phye ba dang/ ya Na ra bsgyur bas phye ba dag ste/ nges par yon tan gyis bsgyur yon tan ni/ a'u e ar ao al aoM/ 'phel ba ni/ A ai Ar aau A la azhag ka yig la sogs pa de dag stong brgyad cur 'gyur ro/ /a sogs thung ngu nyin zhag ces bya bco lnga ste/ sum 'gyur ri bong can cha thung ngu dang ring po dang shin tu ring po'i dbye bas phyed bcas zla ba phyogs gsum du zla ba la 'gyur ro/ /de la a ai ri au li a e ar ao al/ ha ya ra wa la/ lA wA rA yA hA/ al aau ar ai a/ lI a'u rI a'i A/ AM a'iM rI a'uM lIM/ AM aiM A raM aauM A laM/ hAM yAM rAM wAM lAM zhes pa ni phyogs gsum gyi dbyangs so/ /chu tshod ha sogs rnams su 'gyur te/ dus sbyor bcu gnyis kyi dbye bas drug cu'i grangs so/ /sngar brjod pa'i tshogs nyi ma phyed nas mtshan phyed kyi bar du thung ngu rnams so/ /mtshan phyod nas nyi ma phyed kyi bar du ring po sum cu'o/ /dpal ldan stong pa gzhom med la sogs lnga po gang yin pa de dag snying stobs dang/ rdul dang mun pa'i dbye bas sa de ba dang rmi lam dang shin tu gnyid log pa'i rang bzhin gyis de dag ni sgra gcan te srog gi rlung gis dus sbyor gsum du 'gyur ro zhes bya ba ni nges pa'o/ / 'byung ba nyi ma zla ba'i grangs ni slar yang lo gsum dang phyogs gsum gyi nyin zhag ste nyi shu rtsa lnga lhag pa'i brgya phrag bcu gcig tu 'gyur ro/ /kye mi'i bdag po zhes pa ste/ phyed bcas zla ba zhes pa ni phyogs gsum mo/ /phyed dang bcas pa'i zla ba dor nas shes pa ni de las phyed dang bcas pa'i zla ba dor bas gzhan ni stong brgyad cur 'gyur ro/ /de nas lhag ma thub mchog bdun rnams kyis bcad pa'i thob pa dag ni bsdus pa'i dus kyi 'khor lor 'gyur ro/ /de nyid zla ba'i nges pa la gza' gcig dang/ chu tshod sum cu rtsa gnyis dang/ tshogs gnyis rab tu bsres nas tshes gcig dang rgyu ba'i rkang pa lnga'o/ /'khor lo dag la rnam par phye ba dag ni gzar 'gyur ro/ /lha mo drug cus rnams kyis te chu tshod drug cu rnams kyis so/ /zhes pa'i don to/ /lha mo sum cu rtsa gnyis kyi chu tshod rnams kyi zla ba'i nges pa la chu tshod kyi gnas su sum cu rtsa gnyis so/ /thub pa nor gyis bsgyur ba lnga bcu rtsa drug gi lha mo rnams kyis tshogs kyis gnas su tshogs gnyis su 'gyur ro/ /sbyin dor sbyin pa dag ni lha mo gcig tu 'gyur zhing/ rkang pa lnga ni lha mo lngar 'gyur te/ lnga po gcig der bcas pa'i drug gis so/ /zla ba'i phyogs gsum nyin zhag rnams ni nyin zhag bzhi bcu rtsa lnga ste/ sum 'gyur snying stobs dang rdul dang kun pa'i bdag nyid kyang nyi ma'i longs spyod la ni rab tu grags so/ /drug cus phye ba'i skar ma gnyis dang/ zhes pa chu tshod brgya nyi shus rgyu skar gyi nges pa la gnyis su 'gyur ro/ /nyi ma'i nyin zhag dang po la bzhi yis bsgyur ba'i chu tshod bzhi la sogs pa dang ldan pa'i dbang phyug chu tshod de chu tshod bcu gcig chu tshod kyi gnas su 'gyur ro/ zhes pa ni thams cad du nges pa'o/ /dpal ldan dus kyi 'khor lo gza' yis tshogs dang bcas pa 'di dag ces pa la sogs pa brjod pa'i rim pas phyi dang lus la dbyer med par bsdu ba dag ni spro ba'i slad du srid pa gsum 'dod pa dang gzugs dang gzugs med pa ste/ gnas der ro/ /nyi ma zhes pa ni kye nyi na'i shing rta bsdus pa'i rgyud yang dag par 'ching pa la gsol ba 'debs so zhes 'jam dpal gyi bod pa'o/ /dus kyi gzugs ni srog gi gzugs kyis so/ /shes rab thabs kyi rab dbye ni nyin mo dang mtshan mo'i dbye ba dang/ zla ba dang nyi ma'i dbye ba la sogs pas so/ /mnyam pa dang mi mnyam rigs ni mnyam pa ring po dang/ mi mnyam pa thung ngu dang/ myur 'khyog la sogs pa'i rgyu bas so/ /chags bral dang ni thub mchog rigs dang tshangs dang drag po la sogs lha rnams kyi ni shes pa ma yin zhes pa ni/ de ltar sngar brjod pa'i tshogs tshangs pa la sogs pa 'di dag gis shes pa ma yin pa bcom ldan 'das dus kyi 'khor lo kun rdzob kyi tshul gyis rnam par gnas pa/ khyab par bya ba bstan pa dang g.yo ba'i dngos po thams cad la khyab par byed pa/ ji ltar yang dag par rdzogs pa'i sangs rgyas bcom ldan 'das thams cad mkhyen pa 'jig rten dang 'jig rten las 'das pa'i kun r dzob dang don dam pa'i ngo bo nyid kyis phyag na rdo rjes zla ba bzang po la rab tu bstan pa bzhin du mi'i dbang po 'jam dpal grags pa bdag gis kyang nyi ma'i shing rta khyod la bcom ldan 'das dus kyi 'khor lo de nyid na dor bsdus pas rab tu bstan to/ /dpal ldan dang po'i sangs rgyas las phyung pa bsdus pa'i rgyud kyi rgyal po dus kyi 'khor lo'i 'grel bshad stong phrag bcu gnyis pa dri ma med pa'i 'od las/ skar rtsis shes pa'i cho ga'i mdor bsdus chen po ste dgu pa'o// // da ni dbyangs 'char ba gsungs pa/ a sogs zhes pa la sogs pa'o/ /dbyangs gang dag gi dang po a yig yin pa de dag ni a sogs lnga ste/ a ai ri au li zhes pa rang byung gi tshig go /a ai au Na/ ri li ka zhes pa ni so sor brjod pa gzung ba'i phyir ro/ /e ao tsa zhes pa ni klags pa'i phyir te/ e yig dang au yig dag gi yon tan sbyang ba'i yi ge dag go /ri ka'i aN las ra la dag go zhes pa'i mdo'i phyir ri li dag ni ma ning du mi 'gyur te/ ri yig li yig dag kyang yon tan dang ldan pas ai yig la sogs pa rnams dang khyad par med do/ /de'i phyir a ai au e ao zhes pa ni byis pa rnams la 'jig rten tu grags pa'o/ /yon tan ya Nar bskyed pa'i phyir a ai au Na ri li ka ces par rigs te/ ai ka ni a tsa la? ya Na'o zhes pa'i khyad par gyi phyir dang ni a ka la ring po'o/ /zhes pa'i shes par byed pa'i phyir ro/ /dang por dbyangs lnga gang yin pa de dag rang byung du lung bstan pas mnyam pa'i ngo bo ste/ de dag kyang nam mkha' la sogs pa'i rang bzhin gyi dbang gis grangs bzhin du 'jam dpal gyi rang gi lung ston pa las bris pa/ a ai ri au li ka ces pa ste/ nam mkha' dang rlung dang me dang chu dang sa'i rang bzhin rim pa bzhin no/ /de bzhin du a e ar ao al tsa dang de bzhin du ha ya ra wa sogs? 'jam dpal gyis nges par bstan te/ yon tan dang ya Nar bsgyur ba las rang rang gis rang bzhin gyi ngo bo nyid la brten pa'i phyir ro/ /dbyangs lnga po de dag dang po'i tshes grangs dbang gis zhes pa ni dang po'i tshes grangs lnga ni mun pa'i dbye ba ste/ dkar po'i tshes gcig dang/ gnyis pa dang gsum pa dang bzhi pa dang lnga pa'o/ /de dag gi dbang gis ni dang po'i tshes grangs dbang gis te dga' ba la sogs pa rnams lnga po dang ldan par gyur pa ste/ dbyangs lnga po rnams kyi dbang po'i tshes ni dga' pa'o gnyis pa ni bzang po'o/ /gsum pa ni rgyal ba'o/ /bzhi pa ni stong pa'o/ /lnga pa ni rdzogs pa'o/ /de bzhin du drug pa la sogs pa dang de bzhin du bcu gcig pa la sogs pa'o/ /dga' ba la sogs ldan pa 'di la de dag 'dir ni 'char bar byed de/ gal te de la sa skyes pa sogs gza' dag ma gyur na'o/ /zhes pa dga' ba la sa skyes dang/ bzang po gza' lag dang/ rgyal ba la phung bu dang/ stong pa la pa sangs dang/ rdzogs pa la spen pa ste/ dga' ba la sogs pa 'di dag la gal te sa skyes la sogs pa'i gza' dag? ma gyur na de'i tshe 'char bar 'gyur ro/ /rnam pa gzhan du na mi shis pa 'char te/ kye mi'i bdag po sa skyes mi shis shar bar gyur cing dga' ba la gal te slar yang smin drug dag dang ldan pa nyid du gyur pa'i dga' pa'i tshes de la gal te g.yul las nad du gyur ni mi rnams dag ni 'chi bar 'gyur te dang po'i dbyangs kyi'o zhes pa thog ma nam mkha' i dbyangs kyi zhes pa'i don te/ skyes pa 'am bud med gang gi ming gi dang po a yig yin pa de'o/ /de bzhin du bzang po dang gza' lag gal te rgyu skar mchur gyur na de'i tshe gnyis pa ai yig gi dbyangs kyi ming can 'chi bar 'gyur ro/ /de bzhin du rgyal ba dang phur bu la gal te skag tu gyur na de'i tshe gsum pa ri yig gi dbyangs kyi ming can 'chi bar 'gyur ro/ /de bzhin du stong pa dang pa sangs la gal te mon grur gyur na de'i tshe/ /bzhi pa au yig gi dbyangs kyi ming can 'chi bar 'gyur ro/ /de bzhin du rdzogs pa dang spen pa la gal te pra nyer gyur na de'i tshe/ lnga pa li yig gi dbyangs kyi ming can 'chi bar 'gyur ro/ /de ltar dbyangs 'char ba rnams la yang rgyu skar dang gza'i dbang gis 'chi ba'i sbyor bar 'gyur ro/ /de bzhin du gza' nyi ma dag la dga' ba 'char ba rnams kyi g.yul du rmar 'gyur te/ gzir ba rnams nyon mongs par 'gyur ro/ /de bzhin du gza' zla ba la ni bzang po 'char ba rnams kyi yang shes par bya'o/ /bden par 'char ba lnga po rnams kyi ste a yig la sogs pa rang rang gi tshes la shar ba rnams kyi 'bras bu mang por 'chi ba'i sbyor bas dman pa dag la 'gyur ro/ /nad dang g.yul dang g.yul du bgrod pa dang bag ma len pa'i dus dag tu dge ba dang mi dge ba'i 'bras bu de nyid mtshan mas shes par bya'o/ /de ltar rgyu skar gza' sngar brjod pa'i rim pa ste/ dbyangs tshogs tshes rnams dag ni de nyid lnga'i rab tu dbye ba yis zhes pa ni/ slar yang dbyangs rnams 'char bar 'di nyid phyogs dang zla ba dang bgrod pa dang po dang lo drug cu la yang 'gyur ba ste/ 'dir nag pa la sogs pa nas 'char ba ni/ nag pa la sogs pa'i zla ba gnyis la nyin zhag drug cu ste/ de dag la nyin zhag bcu gnyis kyi rim pa bzhin du a yig la sogs pa rnams 'char bar 'gyur te/ nag pa'i dkar po'i tshes gcig la sogs pa ji srid par zla ba gnyis pa'i yang dkar po'i tshes gcig go /de ltar na lo zla dus kyi dbye bas dbyangs lnga po rnams lan drug yongs su 'khor bar 'gyur ro/ /phyogs la 'char ba'i yul la yang nyin zhag bcu gnyis kyi phyogs kyi dbye ba'o/ /de bzhin du lo'i nyin zhag sum brgya drug cu la bdun cu rtsa gnyis kyi a yig sogs pa rnams rim pas 'char bar shes par bya ste/ de nyid ni nag pa la sogs pa dkar po'i tshes gcig la sogs pa'i zla ba'i dbye ba'o/ /de bzhin du rab byung la sogs pa'i lo drug cu la dbyangs lnga po rnams rim pa bzhin du dbyangs re re zla ba drug gi 'char te nyi shu rtsa bzhi yongs su bskor bas slar yang sngar gyi cho ga'i zhes pa ni bgrod pa la 'char ba'o/ /rab byung la sogs pa'i lo bcu gnyis la 'char ba ni/ rab byung la sogs pa rnams de bzhin du yongs su bskor ba ste/ lo la sogs pa rnams shes par bya'o/ /de ltar dbyangs ni lnga po rnams 'dir ni 'char bar 'gyur te/ de ni slar yang nub pa'o zhes pa ni/ 'dir phyogs kyi dbye ba la nyin zhag bcu gnyis ni dga' ba ste/ de bzhin du bzang po la sogs pa'o/ /zla ba'i dbye ba la nyin zhag bdun cu rtsa gnyis ni dga' ba ste/ de bzhin du bzang po la sogs pa yang ngo/ /bgrod pa'i dbye ba la bgrod pa ni dga' ba ste/ de bzhin du bzang po la sogs pa'o/ /lo'i dbye ba la lo bcu gnyis ni dga' ba ste/ de bzhin du bzang po la sogs pa'o/ /dang po las ni dbyangs dang po rnams byis pa ste/ rang tshes yon tan dbang gis zhes pa/ nam mkha' dang rlung dang/ me dang chu dang sa'i yon tan gyi dbang gis dang sgra dang reg dang ro dang gzugs dang dri'i yon tan gyi dbang gis te grangs bzhin no/ /'dir dga' ba la a yig 'char pa'o/ /bzang po la ai yig go /rgyal ba la ri yig go /stong pa la au yig go /rdzogs pa la li yig go /de bzhin du rang rang gi 'char ba'i nyin zhag las nyin zhag gnyis pa la dpal ldan gzhon nu yang ste/ bzang po a yig gzhon nu'o/ /rgyal ba la a yig go/ stong pa la ri yig go /rdzogs pa la au yig go /dga' ba la li yig go /dad ba'? rgan po rim pas me dang chu gter nyin zhag la ste zhes pa ni/ rang gi nyin zhag las me zhes pa nyin zhag gsum pa la dar la bab par 'gyur te/ rgyal ba a yig dang la bab pa'o/ /stong pa la ai yig go /rdzogs pa la ri yig go /dga' ba la au yig go bzang po la li yig go /rgan po chu gter zhes pa ni rang gi tshes las nyin zhag bzhi pa la ste/ 'dir stong pa la a yig rgan po'o/ /rdzogs pa la ai yig go /dga' ba la ri yig go /bzang po la au yig go /rgyal ba la li yig go /lnga pa la ni nub par 'gyur zhes pa ni/ rdzogs pa la a yig nub par gyur pa'o/ /dga' ba la ai yig go / bzang po la ri yig go /rgyal ba la au yig go /stong la li yig go /zhes pa ste/ dbyangs rnams kyi 'char pa la sogs pa rnam pa lnga'i dbye ba shes par bya'o/ /a sogs dbyangs lnga gang dag nges par yon tan gyis bsgyur zhes pa ni snying stobs dang rdul dang mun pa'i yon tan gyis bsgyur bas bco lngar 'gyur ro/ /de rnams slar yang rnam gnyis sum cu nyid de/ a ai ri au li/ a e ar ao al/ ha yar wa la zhes pa dga' ba la sogs pa sum 'gyur te dkar po'i phyogs la'o/ /de bzhin du lA wA rA yAhA/ A la aau Ad ai A lI a'u rI a'i A zhes pa ni dga' ba la sogs pa ste/ nag po'i phyogs la'o/ /de ltar na phyogs gnyi ga la tshes sum cu rnam grangs bzhin no/ /ka sogs sde pa'i yi ge rnams la rang bzhin yon tan dbang gis dbyangs de dag mdza' dag sbyar bar bya ste/ thung ngu rnams ni 'dir yang dkar po'i phyogs la 'char bar 'gyur te/ de nyid lnga'i dbye ba yis zhes pa ni/ 'dir gsal byed gang zhig dbyangs thung ngus brjod pa de ni dkar po'i phyogs la 'char ro/ /ring po rnams ni nag po'i phyogs la ste/ de bzhin du gang zhig dbyangs ring pos brjod pa'i gsal byed ring po de ni nag po'i phyogs la 'char ro/ /'dir gsal byed kyi yul las nyi ma 'pho ba'i phyogs su rig par bya ste spro ba dang bsdu ba'i sbyor bas so/ /nyi shu rtsa bdun skar de la zhes pa rgyu skar gyi tshogs nyi shu rtsa bdun te/ de dag las rkang pa dang bcas pa'i rgyu skar gnyis kyis nyi ma'i dus sbyor bcu gnyis so/ /gsal bar mda' zhes pa ni de dag chu tshod lnga lnga'i bdag nyid kyi cha dgu'o/ /'di dag rnams kyang rang bzhin gsum ste/ g.yo ba lug la sogs pa dang/ brtan pa glang la sogs pa dang/ mnyam pa gnyis kyi rang bzhin 'khrig pa la sogs pa'o/ /lug dang kar ka Ta dang srang dang chu srin ni g.yo ba bzhi'o/ /glang dang seng ge dang sdig pa dang bum pa ni brtan pa'o/ /'khrig pa dang bu mo dang gzhu dang/ nyin gnyis kyi rang bzhin no/ /de ltar de dag rtag pa nyid du 'char te nyin mtshan la bcu gnyis so/ /'dir 'dri ba'i dus su g.yo ba rnams kyis bya ba myur du 'gyur ro/ /brtan pa rnams kyis brtan pa'o/ /gnyis kyi rang bzhin rnams kyi bya ba 'bring po'o/ /de la yud tsam sum cu rnams dang zhes pa dus sbyor gyis tshogs de la yud tsam sum cu'o/ /nyin zhag dus thun brgyad kyi bdag nyid la chu tshod dag kyang drug cu kho nar 'gyur ro// dang por te thog ma sum cu'i dbyangs rnams 'dir ni 'chad par 'gyur ba nyid de yud ci yud tsam dag la lo zla ba'i dbus su chos kyi cha la zhes pa ni/ tshes grangs gcig yud tsam sum cu'i char byas nas yud tsam re re'i cha la ste/ tshes gcig la a yig la sogs pa'o/ /gnyis pa la ai yig la sogs pa'o/ /gsum pa la ri yig la sogs pa'o/ /bzhi pa la au yig la sogs pa'o/ /lnga pa la li yig la sogs pa'o/ /drug pa la yon tan gyi a yig la sogs pa'o/ /bdun pa la e yig la sogs pa'o/ /brgyad pa la ar yig la sogs pa'o/ /dgu pa la ao yig la sogs pa'o/ /bcu pa la al yig la sogs pa'o/ /bcu gcig pa la ha yig la sogs pa'o/ /bcu gnyis pa la ya yig la sogs pa'o/ /bcu gsum pa la ra yig la sogs pa'o/ /bcu bzhi pa la wa yig la sogs pa'o/ /nya la la yig la sogs pa ste/ dbyangs sum cu rnams spro ba'i rim pas dkar po'i phyogs kyi tshes grangs so so la sum cu'i dbye bas 'char ro/ /de nas nag po'i phyogs kyi tshes gcig gi tshes dga' ba la dbyangs sum cu po rnams sdud pa'i rim pas 'char ro/ /de la tshes gcig la la sogs pa'o/ /gnyis pa la wa yig la sogs pa ste/ de bzhin du thams cad do/ /zla ba'i dbus su tshes kyi cha la 'char ba brjod de dag nub pa dag kyang de nyid la'o/ /zhes pa zla ba la ste/ 'dir dbyangs yig gang dkar po'i tshes gcig la sogs pa la shar ba de dag nag po'i tshes gcig la sogs pa la nub pa'o/ /stong pa rlung me chu dang sa rnams dag /al sogs pa dbyangs ni lnga po rnams kyi rigs zhes pa ni/ /sngar brjod pa'i rim pas nam mkha' la sogs pa rnams ni a yig la sogs pa rnams kyi rigs so/ /sgra gcan la sogs pa'i gza' rnams ni grangs bzhin du thung ngu dang ring po rnams kyi lhag pa'i d+ha ste/ sgra gcan dang dus me a yig thung dang ring po dag gi'o/ /zla ba dang nyi ma ni ai yig dag gi'o/ /gza' lag dang sa skyes ni ri yig dag gi'o/ /pa sangs dang bla ma ni au yig dag gi'o/ /mjug rings dang spen pa ni li yig dag gi ste/ 'dir ji ltar rigs par lhag pa'i lha'o/ /de bzhin du dus sbyor bcu gnyis las dus sbyor so so de dag la nyin dang mtshan mo'i dbang gis chu tshod rnams ni bsgrub par bya ste/ da ltar gyi dus sbyor ba la cha lnga pa'o/ /de'i dbus su dbyangs gang byung ba'i gza' zhes bya ba stobs ldan de yis dkyil 'khor bsgrub par bya/ /mi mnyam pa dang mnyam pa'i dus sbyor gyi dbye bas stong pa la sogs pa dang sa la sogs bsgrub par bya'o/ /g.yon pa dag la thung ngu'i dbyangs rnams 'dir ni 'char te/ g.yon pa mi mnyam pa'i dus sbyor la dbyangs dang gsal byed thung ngu rnams 'char bar 'gyur ro/ /g.yas pas mnyam pa'i dus sbyor nas gzhan ring pos brjod pa'i gsal byed rnams su 'gyur ro/ /de bzhin du g.yon la stong pa la sogs pa nyid dkyil 'khor lnga'o/ /sgra gcan la sogs pa gcig gis bar du tshod pa'i gza' yi tshogs te/ sgra gcan la sogs mdza' dag ces pa ni/ sgra gcan dang gza' lag dang zla ba dang pa sangs dang mjug rings so/ /g.yas pa lho'i dus skyob pa de nyid 'dzin ma la sogs dkyil 'khor lnga'i dbye ba'o/ /gza'i tshogs ni nges pa nyi ma'i bu la sogs pa zhes pa ni spen pa dang phur bu dang bkra shis dang nyi ma dang dus me'o/ /'dir mnyam pa'i dus sbyor chu srin la chu tshod lnga na grangs bzhin du a yig la sogs pa'i dbyangs rnams dang yon tan 'phel ba rnams kyis dbyangs ring pos brjod pa'i gsal byed rnams 'char ro/ /de la chu tshod dang po sa'i dkyil 'khor la kA'o/ /gnyis pa chu yi dkyil 'khor lo kA'o/ /gsum pa me'i dkyil 'khor la gA'o/ /bzhi pa rlung gi dkyil 'khor la g+hA'o/ /lnga pa stong pa'i dkyil 'khor la dA ste/ de ltar na kA la sogs pa'i gsal byed a yig la sogs pas brjod pa dag ni chu srin gyi dkyil 'khor lnga la rim pa bzhin du 'char ro/ /de bzhin du bum pa'i stong pa la sogs pa'i dkyil 'khor lnga la dbyangs thung ngus brjod pa'i nga la sogs pa rnams lugs las ldog pas rig par bya ste/ de la chu tshod dang po nam mkha' i dkyil 'khor la nga'o/ /gnyis pa la g+ha'o/ gsum pa la ga'o/ /bzhi pa la kha'o lnga pa la sa'i dkyil 'khor la ka 'char ro/ /de bzhin du nya la tsA tshA dzA dzhA hA'o/ /lug gis dkyil 'khor lnga rnams la nya dzha dza tsha tsa'o/ /de bzhin du gleng li TA ThA DA DhA NA'o/ /'khrig pa'i dkyil 'khor lnga la Na Dha Da Tha Ta'o/ /de bzhin du kar ka Ta la phA phA bA b+hA ma'o/ /seng ge'i dkyil 'khor lnga la ma b+ha ba pha ba'o/ /bu mo la tA thA dA d+hA nA'o/ /srang gi dkyil 'khor lnga la na d+ha da tha ta'o/ /de bzhin du sdig pa la sA wA ShA shArkA'o?/ gzhu'i dkyil 'khor lnga la rka sha Sha ? ma ste/ chu tshod 'char ba la gsal byed rnams ni lhag pa'i lha'o/ /'dir gsal byed brjod pa'i dbyangs ni gsal byed kyi yi ge'i dbyangs su 'gyur zhing/ dbyangs ni srog gi dbyangs su 'gyur ro/ /srog gi dbyangs de yang zla ba'i cha la thung ngu dang ring po'i dbye ba dang yud tsam gyi dbye ba sngar brjod pas shes par bya'o/ /gsal byed 'char ba ni dus sbyor gyi chu tshod kyi dbye bas shes par bya'o/ /'dir g.yul du srog gi dbyangs nub par gyur na 'chi zhing/ yi ge'i dbyangs nub par gyur na rma ste/ nad pa rnams ni 'chi ba dang nyon mongs pa'o/ /de bzhin du gang la ming gi yi ge dang po gsal byed med pa de la dbyangs nyid srog gi dbyangs te/ cig shos ni yi ge'i dbyangs so/ /de ltar na nang la g.yon dang g.yas kyi sna bug nas dkyil 'khor dbab pa'i dbye bas gsal byed 'char bar shes par bya'o/ /phyi rol tu yang dus kyi chu tshod ces pa ni de las dus can 'char ba'i chu tshod kyi phyi rol gyi gza' gnas dang mnyam pa'o/ /gza'i gnas ni dkyil 'khor te de dang mnyam pa'i dbyangs bcas gsal byed dang bcas pa dag ni bsgrub par bya ste dge ba dang mi dge ba yongs su shes pa'i don du'o/ /de ni dris na zhes pa la sogs pas dris pa las dge ba dang mi dge ba'i 'bras bu gsungs pa/ dris par gyur na g.yul gyi dus su rab tu 'chi bar 'gyur te stong pa la ni dus dag shar bar gyur pa na'o/ /g.yas kyi rtsar stong pa'i dkyil 'khor la dus me shar bar gyur pa na g.yul gyi slad du gang zhig dang por 'bod par byed na rgyal po 'am mi bdag de ni rab tu 'chi bar 'gyur ro/ /de bzhin du rlung du ste rlung gi dkyil 'khor du nyi ma shar ba la/ 'pham par 'gyur ro/ /me'i dkyil 'khor las skyes shar bar gyur pa la rma'o/ /chu'i dkyil 'khor la bla ma shar ba la shar ba la ni 'bum par 'gyur ro/ /sa la spen pa shar ba la g.yul du 'thab bar mi 'gyur ro/ /zhes pa ni 'dri ba'i nges pa'o/ /de bzhin du na dpal ni stong pa'i dkyil 'khor la sogs pa la grangs bzhin du 'chi ba dang nyon mongs pa dang rma dang 'dre ba dang/ mnyam pa nyid du 'gyur te/ 'dri byed kyis dris par gyur pa na nad pa rnams la 'gyur ro zhes pa'o/ /g.yul du dgra ni nges par rab tu nyams/ 'dir sngar brjod pa'i g.yul du dgra ni nges par rab tu nyams par gyur te g.yon gyi rtsar sgra gcan stong pa'i dkyil 'khor la shar na'o/ /yang yig ni tshig kha bskang ba'i don to/ /rlung ste rlung gi dkyil 'khor la zla ba shar ba na 'pham par 'gyur ro// zla skyes me la shar ba dag la pho nyas dris pa na dgra'i rma yang ngo/ /chu'i dkyil 'khor la pa sangs shar ba la don rnyed par 'gyur ro/ /sa la mjug rings shar ba dag la dang por brjod pa'i dgra yang dbang du 'gyur te g.yul gyi yul la'o/ /de bzhin bgrod ba bag ma dag la g.yon gyi lam la gza' rnams kyi ni mang ba'i 'bras bur te dri ba byas par 'gyur na'o/ /zhes pa ste/ 'dri ba'i dus su sna las 'char ba'i nges pa'o/ /da ni dris pa'i dbyangs gsungs pa/ pho nyas zhes pa la sogs pa ste/ pho nyas brjod pa'i dbyangs rnams gang dag nges par bcu yis bsgyur te zhes pa g.yon dang g.yas kyi dkyil 'khor rnams kyis bsgyur ba'o/ /khyim kyi 'khor lo bcu gnyis dag gis bsre'o/ /slar yang de dag 'byung bas bsnun pa ni lnga yis bsgyur ba'o/ /nye ba'i skye bo dang ldan mtshan ma mkhan po ma gtogs pa'i nye ba'i skye bo dang ldan pa'o/ /bdun gyi cha yi lhag ma ni gza'i cha yi lhag ma ste/ zla ba ste gza' gcig la gnas pa dang/ me ste gza' gsum pa dang/ mda' ste gza' lnga po dang ri bo ste/ gza' bdun pa la lhag ma la gnas par gyur na mi rnams la grub pa yod pa ma yin te/ nyi ma dang bkra shis dang phur bu dang spen pa ste mi mnyam pa rnams la'o/ /mig ste gza' gnyis pa dang/ rig byed de/ gza' bzhi pa dang/ ro ste drug pa la bya ba grub par 'gyur te/ shin tu mnyam pa'i gnas su gyur pa zla ba dang gza' lag dang pa sangs rnams la lhag ma gnas par gyur na'o zhes pa ste dris pa'i dbyangs kyi nges pa'o/ /da ni lo la sogs pa'i khyad par las khyad par gsungs pa/ lo dang zhes pa la sogs pa ste/ lo ste lo drug cu dang/ zla ba bcu gnyis dang/ phyogs nyi shu rtsa bzhi dang/ nyin dang mtshan mo'i dus nyin mtshan dang thun brgyad ni dus sbyor bcu gnyis kyi dbus su rab tu zhugs pa ste/ de dag la dge ba dang mi dge ba'i 'bras bu'i slad du dus sbyor dbus su rab tu zhugs shing dus sbyor gyi 'bras bu la nub par 'gyur ba ste/ 'di dag gi stobs dus sbyor rgyu ba las gzhan pa med do zhes pa'o/ /dus sbyor gcig ni lnga yi dbye bas gza' tshogs dang ldan dbyangs dang bcas pa'i de nyid tha dad du 'gyur te/ sngar brjod pa'i cho gas so/ /de nyid gcig ni dbugs rnams drug cus mngon lhag yon tan brgya ste sum brgya'i dus kyi chu tshod de chu tshod kyi dkyil 'khor dag la gnas/ / chu tshod kyi cha shas chu srang gi cha shas te dbus drug rnams so/ /mi'i dbang zhes pa ni bong ba ste/ khyad par las khyad par dbugs kyi stobs nges pa'o/ /da ni dbugs 'byung ba dang 'jug pa'i dbus su mi dge ba dang dge ba'i 'bras bu gsungs pa/ dbugs 'byung ba dang 'jug pa dag gis dbus su grangs bzhin du mi dge ba dang dge ba'i 'bras bu ste/ 'dri ba'i dus su dbugs 'byung ba ste lte ba nas srog gi phyir 'byung ba mi dge ba'i 'bras bur 'gyur ro/ /'dri ba'i dus du dbugs 'jug pa ste/ phyi rol nas lte bar srog rab tu 'jug par gyur na dge ba'i 'bras bur 'gyur ro/ /de nyid ni gang zhig rnal 'byor ldan pas shes par byed de gzhan rnams kyi ni ma yin no/ /lha zhes skar rtsis pa rnams kyis kyang dus kyi chu tshod shes par byed de/ nyin zhig 'das pa'i dbang gis nyi ma zla ba bsgrubs nas te/ mi mnyam pa dang mnyam pa'i dus sbyor g.yon dang g.yas kyi dkyil 'khor gyi chu tshod phyi rol la bsgrubs nas so/ /da ltar byung ba shes pa min par te de ltar sngar brjod pa dag da ltar byung ba'i dus su shes par 'gyur ba ma yin par/ dge dang mi dge'i 'bras bu 'jig rten 'dir ni gang brjod pa/ de ni long ba yin kyang long ba bzung nas glang chen seng ges gtams pa'i thibs por rab tu mjug ces pa ste/ dge ba dang mi dge ba ston pa'i 'bras bu'i nges pa'o/ /da ni dus sbyor gyi sbyor ba gsungs pa/ phra mo zhes pa la sogs pa ste/ phra mo'i rnal 'byor mi shes pa la zhes pa ni sngar brjod pa'i phra mo'i rnal 'byor dbugs 'byung ba dang 'jug pa'i sbyor ba mi shes par gyur pa la/ 'jig rten gyi tha snyad kyis gza'i stobs dang bcas pa'i dus sbyor gyi sbyor ba ni/ 'char ba'i dus sbyor dang 'char ba las bdun pa'i dus sbyor la gal te dus kyi me yod na/ de'i tshe dge ba'i bya ba don du gnyer ba rnams 'chi bar 'gyur ro/ /gal te nyi ma yod na de'i tshe nad kyis thebs par 'gyur ro/ /gal te sa skyes yod na rma 'byung bar 'gyur ro/ /gal te spen pa yod na de'i tshe nor trnam par nyams par 'gyur te/ de ltar na skye ba'i dus sbyor te/ 'char ba'i dus sbyor dang bdun pa de la gza' rnams kyi 'di dag thams cad byed pa gang yin pa de'i phyir de dag spang bar bya ste gsal bar bdag gi tshig gi dus sbyor gzhan ni sngags pas rab tu sbyin par bya'o/ /'dir 'char ba'i dus sbyor dge 'dun pa la gal te sgra gcan yod na de'i tshe/ dgra nyams par 'gyur ro/ /gal te zla skyes yod na de'i tshe/ rang nyid rgyas par 'gyur ro/ /gal te zla skyes yod na de'i tshe/ g.yul du rnam par rgyal bar 'gyur ro/ /gal te pa sangs yod na de'i tshe dga' ba dang bcas te bud med dang bcas pa'i nor dag thob par 'gyur ro/ /gal te yang dag dus sbyor thams cad kyis te/ gal te slar yang dus sbyor bcu gnyis po zhi ba'i gza' dang bcas par gyur na dge bar 'gyur ro/ /slar yang gal te rang lus g.yon gyi rtsa la gyur pa na/ nges par don ni thams cad 'grub ste mdza' dag sa yi steng du dag pa'i gza' dang tshes la'o/ /'dir dag pa'i gza' ni/ rgyu skar me bzhi dang nyi ma'o/ /rgyal dang bla ma'o/ /lha mtshams dang gza' lag go /snar ma dang spen pa'o/ /gro zhin dang zla ba'o/ / tha skar dang bkra shes so/ /nam gru dang pa sangs te/ grub pa'i sbyor ba ste/ 'dir mi dge ba ston ni lha mtshams dang nyi ma'o/ /smin drug dang zla ba'o/ /mon gru dang sa skyes so/ /tha skar dang gza' lag go /mgo dang bla ma'o/ /snar ma dang pa sangs so// me bzhi dang spen pa ste/ 'di dag ni 'chi ba'i sbyor ba'o/ /sreg pa'i chos rnams spangs nas gza' thams cad dang chos thams cad dag pa ste/ biSh+Ti'i longs spyod ni spang bar bya'o/ /'dir sreg pa'i tshes rnams ni nyi ma dang bcu gnyis pa bsreg pa'o/ / zla ba dang bcu gcig pa'o/ /bkra shis dang bcu pa'o/ /gza' lag dang gsum pa'o/ /phur bu dang drug pa'o/ /pa sangs dang gnyis pa'o/ /spen pa dang bdun pa ste/ tshes grangs 'di dag dge ba'i bya la spang bar bya'o/ /mi dge ba'i bya ba la ni gdug pa'i gza' dang chos la sogs pa thams cad bzung bar bya'o/ /'dir shin tu ltung dang yongs 'joms dang kho na 'dzin spangs pa'i sbyor ba thams cad ni dge ba'i bya ba la shis pa ste/ de bzhin du sel ba la chu tshod gsum spang bar bya'o/ / ? ? ? spang bar bya'o/ /skrangs pa dang shin tu skrangs pa la drug go /kun 'joms dang rdo rje la dgu'o zhes pa ni sbyor ba ma dag pa'o/ /de bzhin du dag pa'i gza' dang tshes la'o/ /zhes pa'i 'jig rten pa'i tha snyad kyis gza' la sogs pa yongs su dag pa ste/ de don dam par sems can rnams kyis sngar bsgrubs pa'i las kyis dge ba dang mi dge ba'i 'bras bur 'gyur ro zhes pa ni de bzhin gshegs pa'i nges pa'o/ /da ni 'jig rten gyi tha snyad kyi skar ma la sogs pa'i stobs gsungs pa/ rgyu skar zhes pa la sogs pa ste/ rgyu skar rnams ni cha gsum byas nas zhes pa ni rgyu skar nyi shu rtsa bdun po 'di dag cha gsum ste/ dgu dang dgu dang dgu yis so/ /dgu pa de dag so so la nad pa 'am/ g.yul dang 'thab mo dag gis skyes pa'i rgyu skar rnams ni dgu dgu las dang po ste/ thog mar 'gyur ro/ /de nas gcig gis bar du chod pa'i skar ma ni mi mnyam pa'i gnas de la gal te gdug pa nyi ma dang bkra shis dang/ spen pa dang dus me rnams ni zla ba dag dang lhan cig tu gyur na/ de'i tshe nang pa rnams sam g.yul du 'thab mo rnams ni 'chi ba nyid de/ mnyam pa'i gnas la rgyal ba'o/ /zhes pa ni skar ma'i stobs kyi nges pa'o/ /da ni gdengs can gyi 'khor lo gsungs pa/ tha skar zhes pa la sogs pa ste/ tha skar la sogs pa rgyu skar nyi shu rtsa bdun rnams kyi rtsa gsum sbrul yang spras par gyur pa rgyu skar nam gru nyid kyi bar du ste sdig zla zhes pa sdig pa'i gza' dang zla ba ni sdig zla ste/ nang pa 'am 'thab mo ba'i skyes pa'i rgyu skar gal te rtsa gcig dag la gyur na de'i tshe mi rnams dag ni rnam par nyams te 'chi bar 'gyur ro/ zhes pa rtsa gsum pa gdengs can gyi 'khor lo'i nges pa'o/ /rtsa gsum la smin drug la sogs pa gcig gis bar du chod pa dang de bzhin du rtsa gsum la lag la sogs pa rgyu skar gsum gyi bar du chong pa rnams la zla ba gnas na gang thog mar g.yul gyi sar zhugs pa de rnam par rgyal bar 'gyur ro/ /rtsa'i phyi rol gyi rgyu skar gsum po rnams la zla ba gnas na gang phyi nas zhugs pa de rnam par rgyal par 'gyur ro zhes pa ni gdings can gyi 'khor lo gsum pa'i nges pa'o/ /tshe'i gnas skabs kyi 'bras bu gsungs pa/ drug dang tshes dang zhes pa la sogs pa ste/ 'dir rtsibs brgyad pa'i 'khor lo byas la/ de nas shar nas dbang ldan gyi bar du nyi ma la sogs pa'i gza' rnams kyi longs spyod brgya rtsa brgyad dged par bya ste/ shar gyi rtsibs la drug go /mer tshes zhes pa bco lnga'o/ /gshin rjer brgyad do/ /bden bral du ri zla zhes pa bcu bdun no/ /chu ru bcu'o/ /rlung du bcu dgu zhes pa gcig gis ma tshang ba'i nyi shu'o/ /byang du nyi ma zhes pa bcu gnyis so/ /dbang ldan du nyi shu gcig ste/ nyi mas drug longs spyod do/ /zla ba bco lnga'o/ /mig dmar gyis lo brgyad spyod do/ /gza' lag gi bcu bdun spyod do/ /nyi skyes kyi bcu spyod do/ /bla mas te phur bus bcu dgu spyod do/ /lag 'gro zhes pa sgra gcan te lo bcu gnyis spyod do/ /dkar po ste pa sangs kyis lo nyi shu rtsa gcig spyod do/ /de ltar na lo brgya rtsa brgyad grangs bzhin du nyi ma la sogs pa rnams kyi ste/ de dag rim pas spyod ces so/ /slar yang de dang nang gi gnas skabs la zhes pa ste/ /'dir rags pa'i gnas skabs la drag po rnams kyi zhi ba min pa byed de/ nyi ma dang bkra shis dang spen pa dang sgra gcan rnams kyis so/ /zhi ba rnams kyi zhi ba byed de/ zla ba dang gza' lag dang phur bu dang pa sangs kyi zhes grag go 'dir lo drug la sogs pa gnas skabs gcig la lnga slar yang nang gi gnas skabs rnam pa brgyad du 'gyur ro/ /de dang nang gi gnas skabs la yang de las sde pa brgyad po rnams kyi yi ge dag gi zhes pa la/ 'dir ? smre pa'i yi ge rnams ni rnam pa gnyis te/ gcig ni 'jig rten la grags pa'i brjod pas yin la gzhan ni rang byung gis brjod pas so/ /'dir 'jig rten pa'i brjod pas a'i sde pa ni a ai au e ao ste/ a ai ri li ka zhes pa ni rigs pa'o/ /ka'i zla ba ni ka kha ga g+ha nga ste/ de bzhin du tsa'i sde pa dang/ Ta'i sde pa dang/ ta'i sde pa dang/ pha'i sde pa dang/ ya'i sde pa ya ra la wa dang/ sha'i sde pa sha Sha sa ha zhes pa ni 'jig rten pa'i brjod pas so/ /ha ya wa ra la Na/ nya ma da Na na ma nga Na na ma / d+ha ? g+ha Dha d+ha Sha/ dza ba ga Da da sha /kha pha tsha Tha tha tsa Ta ta ba/ ka pa ya sha Sha sa ra zhes pa la sogs pa ni nam mkha' la sogs pa'i rigs pa'o/ /'di nyid la nam mkha' la sogs pas sde pa'i yi ge rnams yongs su dag pa med de/ bde byed ? ? pa'i phyir ro/ /'dir yang a ai ri au li zhes pa ni nyi ma'i rags pa'i gnas skabs lo drug dang nang gi gnas skabs la rnam pa brgyad la longs spyod do/ /de bzhin du ha ya wa ra la na zhes pa ni zla ba'i lo bco lnga dang nang gi gnas skabs la'o/ /da g+ha ga kha ka ni bkra shis kyi lo brgyad dang/ nang gi gnas skabs la'o/ /nya dzha dza tsha tsa ni gza' lag gi lo bcu bdun dang nang gi gnas skabs la'o/ /Na Dha Da Tha Ta Ni spen pa bcu dang nang gi gnas skabs la'o/ /ma b+ha ba pha gcig pa ni phur bu'i lo bcu dgu dang nang gi gnas skabs la'o/ /na d+ha da tha ta ni sgra gcan gyi lo bcu gnyis dang nang gi gnas skabs la'o/ /th+ka sha Sha wa sa ni dkar po'i lo nyi shu rtsa gcig dang nang gi gnas skabs la rnam pa brgyad longs spyod de/ de bzhin du sde ba'i rang bzhin ni nyi ma dang zla ba dang nam mkha' dang rlung dang me dang chu dang sa dang ye shes kyi khams kyi rang bzhin te rim pa bzhin du yi ge lnga lnga'i bdag nyid kyi sde pa brgyad pa rnams so/ /gang du e ao Ar al Al yod pa der rtsa ba'i rang bzhin bzung bar bya'o/ /de ltar sde pa brgyad kyi yi ge lnga rnams las nyi ma la sogs pa rnams lo drug la sogs pa rnams la dbyangs kyis yud tsam dang gsal byed kyis dkyil 'khor longs spyod de/ lngar rnam par phye ba las so/ /cha brgyad kyi lo drug la sogs pa rnams kyi nang gi gnas skabs la'o zhes pa ni gnas skabs kyi 'khor lo'i nges pa'o/ /gza'i longs spyod so so'i dang po'i cha la tshe'i gnas skabs kyi bdag po ste/ de nas gzhan bdun po go rims bzhin no zhes pa ni/ tshe'i gnas skabs kyi nges pa'o/ /da ni rten cing 'brel par 'byung ba gsungs pa/ rgyal zhes pa la sogs pa ste/ rgyal gyi zla bar zhes pa rgyal 'das shing/ mchu 'jug pa'i nyin zhag la ma rig pa'o/ /'dir chu srin la sogs pa'i khyim kyi 'khor lo rtsibs bcu gnyis pa'o/ /de la dang po'i rtsibs la chu srin te/ der nyi ma son pa la'o/ /bum par nyi ma chu la yang/ yang yig gis mchu'i mdza' 'di nyid du dbo 'jug pa'i nyin zhag la 'du byed do/ /de bzhin du dpo'i mdza' nag po'i dang po nyi'i nyin zhag la rnam par shes pa'o/ /de bzhin du nag pa'i mdza' sa ga'i dang po lug gi nyin zhag la ming dang gzugs so/ /de bzhin du sa ga'i mdza' snon gyi dang po glang gi nyin zhag la skye mched drug go /de bzhin du snron gyi mdza' chu stod kyi dang po 'khrig pa'i 'pho ba'i nyin zhag la reg pa'o/ /de bzhin du chu stod kyi mdza' gro zhin gyi dang po kar ka Ta'i 'pho ba'i nyin zhag la tshor ba'o/ /de bzhin du gro bzhin gyi mdza' khrums kyi dang po seng ge'i 'pho ba'i nyin zhag la sred pa'o/ / de bzhin du khrums kyi mdza' tha skad gyi dang po bu mo'i 'pho ba'i nyin zhag la len pa'o/ /de bzhin du tha skar gyi mdza' smin drug gi dang po srang gi 'pho ba'i nyin zhag la srid pa'o/ /de bzhin du smin drug gi mdza' mgo'i dang po'i sdig pa'i 'pho ba'i nyin zhag la skye ba'o/ /de bzhin du mgo'i mdza' rgyal gyi dang po gzhu'i 'pho ba'i nyin zhag la rga shi ste/ rtsibs bcu gnyis po rnams la rim pa bzhin yan lag bcu gnyis po rnams shes par bya'o/ /nyi ma'i dbye ba dang zla ba'i dbye ba ni rgyal gyi tshes gcig la sogs pas thams cad du rab tu grags so/ /gnyi ga'i bgrod pa'i dbang gis zhes pa ni 'pho ba'i bgrod pa'i dbang dang zla ba'i phyogs dang tshes kyi bgrod pa'i dbang gis te/ yan lag bcu gnyis po rnams so/ /rgyal dang mchu'i mtshams su chu srin dag la nyi ma gnas pa'i gza' de la ni ma rig pa'o/ /nyin zhag de nas nyin zhag gnyis pa la rga shi'o/ /gza' gsum pa la skye ba'o/ /bzhi pa la srid pa'o/ /lnga pa la len pa'o/ /drug pa la sred pa'o/ /bdun pa la tshor ba'o/ /brgyad pa la reg pa'o// dgu pa la skye mched drug go / bcu pa la ming dang gzugs so/ /bcu gcig pa la rnam par shes pa'o/ /bcu gnyis pa la 'du byed do/ /gza' gsum pa la ji lta ba de bzhin du bcu gsum pa la skye ba'o/ /bcu bzhi pa la srid pa'o/ /bco lnga pa la len pa'o/ /nges 'ga' gza' bcu drug la yang sred pa'o/ /nyi ma'i bgrod pa'i dbye bas yan lag rnams te/ 'pho ba'i phyogs 'ga' zhig gza' bcu drug tu 'gyur ro zhes pa ste/ g.yas kyi rtsa la chu srin gyi dus sbyor mnyam pa'i dbang gis so/ /de bzhin du chu dang dpo'i mtshams su bum par nyi ma son pa'i gza' de la 'du byed do/ /gnyis pa la rnam par shes pa'o/ /gsum pa la ming dang gzugs so/ /bzhi pa la skye mched drug go/ lnga pa la reg pa'o/ /drug pa la tshor ba'o/ /bdun pa la sred pa'o/ /brgyad pa la len pa'o/ /dgu pa la srid pa'o/ /bcu pa la skye ba'o/ /bcu gcig pa la rga shi'o/ /bcu gnyis pa la ma rig pa ste/ g.yon gyi char bum pa'i dus sbyor mi mnyam pa'i dbang gis spro ba'i rim pas so/ /'dir gsum pa la ji lta ba de bzhin du bcu gsum pa la ming dang gzugs so/ /bcu bzhi pa la skye mched drug go /bco lnga pa la reg pa'o/ /kha cig tu bcu drug pa la tshor ba'o/ /de ltar thams cad du nyi ma dang/ zla ba'i rgyu ba mnyam pa dang mi mnyam pa'i dbye bas shes par bya ste/ gnyi ga'i phyogs kyi 'pho ba las gza'i dbye bas so/ /'dir mi rig pa la sogs pa'i yan lag mi mnyam pa ni zhi ba'i bya ba kun la dge ba ste/ ma rig pa dang/ rnam par shes pa dang/ skye mched drug dang tshor ba dang len pa dang/ skye ba ni mi mnyam pa'i yan lag go / gang zhig 'du byed la sogs pa mnyam pa ni zhi ba'i bya ba la mi dge ba ste/ 'du byed dang ming dang gzugs dang/ reg pa dang/ sred pa dang/ srid pa dang/ rga shi ni mnyam pa ste/ mnyam pa ni drag po'i las la shis par 'gyur ro/ /de bzhin du rgyal gyi zla ba'i dkar po'i phyogs kyi tshes gcig la ma rig pa'o/ /gnyis pa la 'du byed de/ spro ba'i rim pas so/ /nag po'i tshes gcig lam rig pa'o/ /gnyis pa la rga shi ste/ de ltar nye bar sdud pa'i rim pas chos bcu gnyis po rnams la yan lag bcu gnyis so/ /rgyal gyi zla ba la dkar po dang nag po'i phyogs kyi dbye bas ma rig pa la sogs pa'i yan lag rnams ji lta ba de bzhin du/ mchu la dkar po dang nag po'i phyogs kyi dbye bas 'du byed la sogs pa rnams spro ba dang bsdu ba'i dbye bas rtogs par bya'o/ /de bzhin du dpo la sogs pa'i dkar po dang nag po'i phyogs rnams la rnam par shes pa la sogs pa ste/ yan lag bcu gnyis rnams so sor 'gyur ro/ /'dir 'jig rten pa'i tha snyad kyi skar rtsis shes pa la ji lta ba de bzhin du mngon par shes pa dang bral ba rnams kyis shes par bya'o/ zhes pa ni rten cing 'brel par 'byung bar nges pa ste/ des na rgyas par ma gsungs so/ /da ni sa'i stobs gsungs pa/ nyi ma shes pa la sogs pa ste/ 'dir sa'i dkyil 'khor phyogs brgyad kyi bdag nyid dang/ khyim gyi 'khor lo la gza'i 'khor lo 'khor ba shed nas/ sa'i phyogs brgyad po de dag la gang du nyi ma mig dmar mjug ring spen pa thams cad g.yas te/ g.yas sam rgyab tu yang dag gnas pas dgra ni 'chi bar byed de/ dgra rnams kyi mdun dang g.yon du gnas pas 'chi bar byed do/ /g.yon dang mdun du zhi ba'i rang bzhin gza' tshogs mdza' dag yul gyi sar ni de bzhin kho na dgra ni 'chi bar byed de/ zla ba dang gza' lag dang pa sangs dang/ bla ma ni zhi ba'i rang bzhin gza' tshogs te/ dgra rnams kyi g.yas dang rgyab ni gnas na dgra ni 'chi bar byed do zhes pa nges pa'o/ /de bzhin du 'chad par 'gyur ba'i rnal 'byor ma dang/ biSh+Ti drag ba rlung dang bcas pa g.yas dang rgyab tu bde ba sbyin pa ste/ dgra rnams kyi g.yon dang mdun du gnas pas 'chi bar byed par 'gyur ro/ /mnyam dang mi mnyam gyur ba ste drag po phyed dgra rnams kyi g.yas dang rgyab tu yin la drag po phyed ni ma yin zhing/ zhi ba phyed g.yon dang mdun du yin la zhi ba phyed ni ma yin pa de'i tshe gnyi ga'i dpung ni 'joms par 'gyur te/ gnyi ga'i dpung rnams 'chi bar 'gyur ro zhes pa ni nges pa'o/ /da ni tshangs ma la sogs pa rnal 'byor ma rnams kyi stobs gsungs pa/ tshangs ma zhes pa la sogs pa ste/ 'dir dkar po'i phyogs sam/ nag po'i phyogs kyi tshes gcig la brgya byin du tshangs ma'o/ /gnyis pa la gnod sbyin du drag mo'o/ /gsum pa la me'i mtshams su gzhon nu ma'o/ bzhi pa bla de na bral du khyab 'jug ma'o/ /lnga pa la gshin rjer phag mo'o/ /drug pa la chur dbang mo'o// bdun pa la rlung du tsA muN Da'o/ /brgyad pa la dbang ldan du dpal mo chen mo ste/ nor gyi tshes las zhes pa brgyad kyi tshes la'o/ /dang po ni tshes gcig la sogs pa'o/ /dgu pa la zhes pa ni slar yang dgu pa la brgya byin tu tshangs ma'o/ /bcu pa la gnod sbyin du drag mo'o/ /bcu gcig pa la mer gzhon nu ma'o/ /bcu gnyis pa la bden bral du khyab mjug ma'o/ /bcu gsum pa la gshin rjer phag mo'o/ /bcu bzhi pa la chur dbang mo'o/ /bco lnga pa la nya 'am gnam stong gi tshes phyed la tsA muN+Da dang tshes phyed la dpal mo chen mo'o/ /zhes pa ni rigs pa'o/ /de ltar phyogs brgyad po 'di dag tu rnal 'byor ma de dag 'char bar byed do/ /slar yang tshes gcig la sogs pa'i tshes rnams la phyed snga ma brgyad du dbye zhing/ phyed phyi ma brgyad du dbye ste/ de ltar na tshes de dag brgyad gnyis kyi dbye ba rnams la 'char bar shes par bya'o/ /de dag rnams kyi rang rang gi tshes la brgyad cha dang po longs spyod pa ni tshes kyi bdag mo ste/ phyi nas ji ltar brjod pa'i rim pas bdun po longs spyod pa ni bdun po rnams so zhes pa ni rigs pa'o/ /de bzhin du tshes kyi phyed phyi ma la yang shes par bya'o zhes pa ni rnal 'byor ma'i 'khor lo 'char ba'i nges pa'o/ /da ni biSh+Ti'i stobs gsungs pa/ biSh+Ti rnams ni dkar po'i phyogs kyi bzhi pa dang brgyad pa dang bcu pa cig pa dang nya la 'char ba ste/ rim pa bzhin du brgya byin dang/ gshin rje dang nub dang byang du'o/ /nag po'i phyogs kyi gsum pa dang bdun pa dang bcu pa dang bcu bzhi pa la 'char ste/ rim pa bzhin du me dang bden bral dang rlung dang dbang ldan du'o/ zhes pa ni biSh+Ti 'char ba'i nges pa ste/ 'di dag gi bya ba ni sngar nyid du gsungs so/ /da ni drag po'i stobs gsungs pa/ drag po shar nas te/ shar gyi phyogs nas gzhan phyed chu'i bar du 'gro ste/ nyin zhag dbang gi bar du pho ba rgyu ba'i dbang gis so// byang du zhes pa ni g.yon bskor gyis so/ /byang gi nyi ma la zhes pa ni byang bgrod la gnas pa la ste/ chu srin dang bum pa'i phyed la shar du'o/ /bum pa'i phyed dang nya la dbang ldan du'o/ /lug dang glang gi phyed la byang du'o/ /glang gi phyed dang 'khrig pa la rlung du'o/ /de'i 'og tu chu nas me ldan zhes pa ni nyi ma lhor bgrod pa la drag po lhor 'gro ste/ kar ka Ta dang seng ge'i phyed la chu ru'o/ /seng ge'i phyed dang bu mo la bden bral du'o/ /srang dang sdig pa'i phyed la gshin rjer ro/ /sdig pa'i phyed dang gzhu la me ru'o/ /zhes pa ni drag po 'char ba'i nges pa'o/ zhes pa la sogs pa zla ba'i drag po dang/ phyogs kyi drag po dang/ nyin zhag gi drag po dang/ dus kyi drag po dang/ rnam pa drug ni don med pa ste/ des na ma gsungs so/ /da ni thun phyed pa'i sgra gcan gyi stobs gsungs te/ 'dir gza' bdun po rnams las nyi ma 'char ba la shar nas te shar gyi phyogs kyi cha nas thun phyed kyi mjug tu rlung du rab tu 'jug go /de nas thun phyed gzhan gyi mthar lho ru 'gro bar byed do/ /slar yang thun phyed gzhan gyi mthar dbang ldan du 'gro'o/ /de nas thun phyed gzhan gyi mthar chu ru 'gro'o/ /de nas thun phyed gzhan gyi mthar mer ro/ /de nas thun phyed gzhan gyi mthar gnod sbyin du'o/ /de nas thun phyed gzhan gyi mthar bden bral du 'jug go /zhes pa ni phyogs brgyad po rnams la nyi ma 'char pa nas nyi ma nub pa'i bar du nges pa ste/ de bzhin du mtshan mo la shes par bya'o/ /dpal ldan rtsa ba'i sgra gcan dor nas rlung dag las kyang 'di ni rnam par rgyal bar 'gyur te/ mtshan ma'i 'thab mo 'thab mo pa gnyis kyi 'thab mo dang 'khrug pa dag la yang rtsa ba'i sgra gcan gyis ni dgra'i stobs 'joms te/ zla ba la sogs pa'i sgra gcan rnams kyi nang na de dang mtshungs pa'i sgra gcan gzhan yod pa min no/ /zhes pa ni nges pa'o/ /da ni mtshan ma'i 'thab mo la 'thab mo pa'i stobs gsungs pa/ dbyangs dman 'thab mo pa ni mnyam pa'i g.yul mtshan ma'i 'thab mo dang mi mnyam pa'i g.yul gnyi ga'i dpung gi 'khrug pa la ste/ mnyam dang mi mnyam g.yul la lhag pa dag gi ste/ dbyangs kyi yi ge lhag pa'i ming gis 'joms par byed pa ste/ dbyangs thung ngu dbyangs ring pos 'joms par byed do/ /dbyangs ring po ni dbyangs shin tu ring pos 'joms par byed do/ /slar yang mtshan ma gzhan ni dbugs la gnyis kyi ming gang snying la rab tu 'jug na de ni 'khrug pa dag las rgyal bar 'gyur/ gang gi ming dbugs phyir mthon pa la yin pa/ de ni 'chi bar 'gyur ro/ /sbyor ba gzhan ni pho nyas brjod pa dang po'i ming de rnam par rgyal bar 'gyur te/ phyis kyis ming ni 'pham par 'gyur zhes pa ni nges pa'o/ /'du ba shes pa ni rgyal mtshan dang/ du ba dang/ seng ge dang/ khyi dang glang dang bong bu dang/ glang po che dang/ bya rog ces pa'i 'du ba rnams so/ /kha dog ni ljang gu dang dkar po dang/ dmar po dang nag po ste/ de bzhin du bram ze dang/ rgyal rigs dang/ rje rigs dang/ dmangs rigs so/ /dbyangs la sogs pa ni yi ge'i tshogs nyis 'gyur dang/ dbyangs kyi tshogs bzhi 'gyur bdun gyi cha'i lhag ma ni 'bras bu ste/ dbyangs la sogs pa 'di dag dang/ dbang phyug gis spong ba'i brjod pa gzhan mnyam pa dang mi mnyam par gyur pa rnams kyis kyang 'bras med ston pa nyid do/ /gang gi phyir mngon par shes pa lnga med pa'i phyir ro/ /'jig rten gyi tha snyad thams cad kyis byis pa rnams kun tu rmongs pa skyed par byed pa'i tshig rang gi las kyi 'bras bu la longs spyod pa dang bral ba ni gza' la sogs pa'i 'bras bu'i zol gyis drang srong rnams kyis brdzun gyi bkod pa byas pa'i/ /dbang phyug gi tshes la gnas pa rnams kyis dbyangs 'chang ba'i bkod pa bya ste/ dbang phyug gis gsungs so/ zhes pa'i rdzun gyi tshig gi 'jig rten rnams rab tu bslu bar byed do/ /spros pa 'di ni rgya cher mchog tu mi 'gyur ba'i ye shes grub pa las brjod par bya ste/ 'dir ni chog go /da ni rtsa ba'i sgra gcan gyi stobs gsungs pa/ dus zhes pa la sogs pa ste/ 'dir sa la rgya skar byas nas zhes pa ni/ rgyu skar nyi shu rtsa brgyad po rnams te/ rgyu skar gang la nyi ma yod pa'i rgyu skar de shar gyis skar ma bdun po rnams kyi dbus su yin zhing/ g.yas dang g.yas min du rgyu skar gsum gsum ste/ thub pa zhes pa bdun ni shar du'o dus kyi bsgyur ba ni shar du ji lta ba de bzhin du byang dang nub dang gshin rjer do/ /'khor lo 'khor bar byed pa ni g.yas skor gyis te/ sgyu skar dgod pa ni g.yon skor gyis so/ /nyin mtshan gyi rgyu skar nyi shu rtsa brgyad po rnams so sor 'char ba la longs spyod do/ /'dir 'khor ba'i dbang gis rgyu skar gang la dus de sgra gcan gyi mjug mar gyur pa dang mun can du gyur pa yang rab gyur ces pa ste/ 'thab mo'i sa la mi bdag rnams kyis g.yas su dus dang gal te g.yas min du mun can sgra gcan gyi gdong du gyur pa na de'i che g.yul du lha yi mgon po dag ni 'phrog byed drag po dang bcas mi rnams kyis kyang 'joms par 'gyur ro/ /lta ba ltung bas gdong dang mjug ma'i sgra gcan gnyis po de dag la yang g.yul du dgra'i sde rnams dag ni 'phral du nges par ltung ste lto'i dbus su rgyal bar 'gyur ro/ /'dir gal te shar du gdong ba dang nub du mjug ma yod na/ de'i tshe lhor lta ba dang byang du lto ba'o/ /gang gi tshe me la gdong pa yod na de'i tshe rlung du mjug ma dang bden bral du lta ba dang dbang ldan du lto ba'o/ /gang gi tshe lhor gdong pa yod pa de'i tshe byang du mjug ma dang chu lta ba dang shar du lto ba'o/ /gang gi tshe bden bral du gdong pa yod pa de'i tshe dbang ldan du mjug ma dang rlung du lta ba dang mer lto ba'o/ /gang gi tshe chur gdong ba yod pa de'i tshe shar du mjug ma dang byang du lta ba dang lhor lto ba'o/ /gang gi tshe rlung du gdong pa yod pa de'i tshe/ mer mjug ma dang dbang ldan du lta ba dang bden bral du lta ba'o/ /gang gi tshe byang du gdong ba yod pa de'i tshe lhor mjug ma dang shar du lta ba nub tu lto ba'o/ /gang gi tshe dbang ldan du gdong pa yod pa de'i tshe bden bral du mjug ma dang mer lta ba dang rlung du lto ba'o/ /de ltar sgra gcan dus la gnas pa rnams te gdong la gnas pa dang mjug ma la gnas pa rnams ni 'chi bar 'gyur ro dpung rnams mnyam du ltung bar 'gyur ba ni lta ba'i cha la gnas pa rnams te/ 'dir lta ba'i cha ni lta ba la gnas pa'i rgyu skar bcu gnyis rnams kyi g.yas dang g.yon nas gsum pa'i cha rgyu skar bzhi ni sgra gcan gyi yin la/ bzhi ni dus kyi ste/ brang 'gro 'gro ba'i dbang gis der ni sde rnams bcom par 'gyur ro/ /lta ba'i cha ni spangs pa rnams ni lto la gnas pa'i rgyu skar bcu gnyis rnams kyi gsum pa'i cha ni ltor zhugs pa ste/ rgyu skar bzhi g.yas dang bzhi g.yas min du'o/ /'dir lta ba'i cha la gnas pa rnams lho'i char zhugs pa rnams la mngon par phyogs par 'gyur te/ de rnams dang lhan cig 'thab po/ /de ltar dpal ldan rtsa ba'i skra gcan bla ma'i gsung la gnas pa dus kyi 'khor lor shes par bya ste/ bla ma'i gsung ni sangs rgyas kyi gsung ngo/ /rgyu de'i phyir dpal ldan rtsa ba'i sgra gcan srid gsum rnam rgyal te/ 'khyog po zhes pa ni gza' drag po'o/ /lha min zhes pa ni rnal 'byor ma drug cu te/ 'khyog po drag po lha min de dag gi nang na rnam par rgyal ba'o// g.yul gyi dus su sa'i dkyil 'khor la gnas shes par bya ste/ gzhan du dgra ni nyams pa med/ de ltar brjod pa'i rim pas sgra gcan shes par bya'o/ /zhes pa ni nges pa'o/ /'dir rnal 'byor ma la sogs pa'i stobs thams cad btang nas rgyal rigs rnams kyi sgra gcan 'di gcig bu gzung bar bya ste/ gang gis nyi ma zla ba za zhing/ skabs gsum pa rnams 'jig par byed la/ drag po'i gzugs can mig sman gyi mdog ste/ sa la gang zhig nyin mtshan gyis shar dang nub dang lho dang byang gi phyogs kyi cha ste phyogs brgyad po rnams su 'khor ba de nyid gzung bar bya'o/ /zhes pa ni/ g.yul gyi stobs la nges pa'o/ /de ni gdug pa'i dgra'i rjod gzhom pa'i dus su 'khrul 'khor rnams gsungs pa/ g.yul du zhes pa la sogs pa ste/ g.yul du pham pa'i dgra bo dag ni gal te 'phral la mkhar gyi nang du zhugs par gyur pa na/ de'i tshe phyi rol tu 'khrul 'khor bya ste/ 'khrul 'khor de dag gis 'phangs pa rgyun chad med par ltung ba'i rdo dang me mda' rab tu 'bab pa dang/ ral gri la sogs gcod pa'i 'khrul 'khor dag gi rang gi khyim bsrung ba byas nas sa gzhi'i gnas la rdo rje'i gur dang cog ni dbye ba dag gis kyang de'i rdzong ni phye mar byas te/ nyin zhag nyung zad dag gis gdug pa de ni bsgrub par bya/ zhes pa ni rigs pa'o/ /'dir thang gi ra ba'i rdzong la rdo'i 'khrul 'khor gyi mtshan nyid gsungs pa/ ka ba bzhi zhes pa la sogs pa ste/ ka ba bzhi ni brgyad gnyis khru ldan zhes pa ni khru bcu drug pa gru bzhi pa zheng du sor bcu drug pa ste 'khrul 'khor rab gyi'o/ /'bring gi ka ba ni khru bcu bzhi pa ste/ zheng du sor bcu bzhi pa'o/ /tha ma'i ka ba ni khru bcu gnyis pa ste/ zheng du sor bcu gnyis pa'o/ /de dag kyang gnas brgyad du phug bar gyur pa ste/ mnyam dang mi mnyam gnas nas so/ /mnyam pa ni shar dang nub kyi mdza' ste/ mi mnyam pa ni lho dang byang gi mdza' o/ /gnas brgyad po de dag tu phug par gyur pa ste/ bug pa'i tshad ni gsum gyi cha'o/ /de dag tha dad pa rnams ni mdun du rdang bu bzhi dang g.yas su bzhi dang/ g.yon du bzhi dang/ rgyab tu 'og gi char gcig gis so/ /rgyab kyi ka ba dag la bug pa lnga nyid de/ mdun gyi ka ba dag la ni brgyad do/ /'khrul 'khor gyi tshad ni rtsa bar khru bcu ste steng du khru lnga'o/ /sgyogs mnga' ni ka ba rnams las khru gnyis kyi dman pa'o/ /ao log bcu'i tshad ni khru drug pa ste/ ao log bcu'i g.yon dang g.yas su ba glang gi mjug ma'i rnam pa'o/ /dbus kyi zlum por phyed bcas khru gnyis dag go /ngos gnyi gar sor nyi shu'o/ /rtse mo'i bum pa dag la sor sum cu'o/ /zlum po 'di'i dbus su bug pa sor bcu bzhi pa zheng du sor bdun pa'o/ /ao log bcu'i bug pa der sgyogs mnga' khru gang dor nas khru bcu gsum pa rnams ba lang gi mjug ma'i rnam par byas te/ sgyogs mnga' de de'i bug par rab tu gzhug go /lcags kyi gzer gyi rgyab kyi char gzer gyi 'deb ste brtan par 'gyur ro/ /sgyogs mnga' mgo bo khru gang gi tshad la sum cha'i bar du bug pa gnyis so/ /bug pa de dag tu a long gnyis te/ zlum skor du sor drug cu pa/ lcags kyi dbyug gu zlum po'i rgyar sor drug pa'o/ /re re la thag pa lnga bcu gdags par bya ste/ mgo bor a long dag la zhes so/ /sgyogs mda'i mthar gnya' non zlum po sor bcu gnyis pa'o/ /sgyogs mnga' i rtse mor mdzub mo dang bcas pa bcu gcig ste/ gzer gnyis kyi sgyogs mda' dang bcas pa dang lce dang bcas pa la gdab/ /lce'i rtse mor mdzub mor shes par bya ste/ sor drug ni lce'i mnya' mnon gyi tshad yin la de'i bug par sgyogs mda'i mnya' non gyi bar du bcug par 'gyur ro/ /sgyogs mnga' i mdzub mo 'di la 'ur mthil thag pa dang bcas pa la khru gsum pa ste/ 'dir pags pa'i 'ur mthil sor nyi shu rtsa bzhi pa dbus kyi zheng la sor bcu gnyis pa/ g.yas dang g.yas min du ba lang gi mjug ma'i rnam pa'o/ /ngos gnyis kar srad bu'i rang bzhin gyi thag pa gnyis te/ phyed dang bcas pa'i khru gnyis lhag pa'o/ /'ur mthil de'i nang du rdog rab tu bcug ste/ stobs ldan 'then byed rnams kyi thag pa rnams 'then par gyur pa dag btang ba ni 'phral la myur du nam mkhar 'gro ste/ song nas 'phral la nges par ltung zhing khang steng la sogs par ba'am/ lam srang dag tu mdza' dag phye mar byas nas rdo ba'i sa'i 'og tu 'gro ste rdo rje 'bab pa ji lta ba nyid bzhin no/ /'khrul 'khor de'i mdzub mo zla ba phyed pa'i rnam pa ni sa gzhi'i gnas su tshangs pa'i ri mo mdzub mo'i 'og dang mnyam par 'gyur ro/ /de'i ngos gnyis su mtho re re'i bar gyis brdo ba btang ba'i gnas brgyad du 'gyur ro/ /lag pa gnyi ga'i khu tshur bcings pa las ni btang bar bya ba yin te/ gtong pa'i dus su rda ba sa la reg par 'gyur ro/ /mnyam pa'i rkang pa ni rkang pa g.yas pa 'khrul 'khor gyi nang du zhugs pa ste/ mi mnyam pa'i rkang pa ni rkang pa g.yon pa zhugs pa'o/ /rang 'dod rdo ba ltung ste rnam gsum bgrang pa'i dbang gis ni g.yon dang g.yas dang dbus kyi bgrod pa'i dbang gis te/ rdzong ni rnam par gzhom pa'i don du'o/ zhes pa thang gi rdzong dbye ba'i nges pa'o/ /gang zhig bsnun pas glang chen zhes pa la sogs pa ni ga bla'o/ /da ni chu'i rdzong blang ba'i slad du chu'i 'khrul 'khor gyi mtshan nyid gsungs pa/ ka ba zhes pa la sogs pa ste/ 'dir chu'i 'khrul 'khor gyi don du shing sboms su sor drug pa khru bcu bzhi'o/ /glang po che'i 'khrul 'khor la sar nyi shu rtsa bzhi'o/ /rta'i 'khrul 'khor la sor nyi shu'o/ /mi'i 'khrul 'khor la sor bcu drug go / khru bcu gnyis kyi bar bar na gnas pa'i ka ba drug po dag gis gnyi ga'i nang ni mnyam pa lhag chad med pa nyid do/ /snying po re re'i khru bcu gnyis so/ /'og gi nang dang steng gi nang la khru ni zung gi bar dag la ste/ khru gnyis kyi bar ka ba drug dang nang gnyis kyi snying po re rer 'gyur ro zhes pa ni nges pa'o/ /so so'i re mig kun la spang las dag gi g.yogs pa ste/ 'dir ngos gnyis gar dpung pa rnams ?dus shing spang leb so so'i ngos gzhan la 'og dang steng gi spang leb kyi rtse mo bsrungs nas dbus su ngos gcig brus te/ spang leb las sor mo gcig spang leb kyi dbus su bcug la/ ji ltar chu 'jug par mi 'gyur bar bsdam par bya'o/ /de bzhin du 'og dang steng dang shar dang nub dang byang dang lho thams cad du bya'o/ /glang po che rnams kyi snying po ni spangs su khru gsum mo/ /rta rnams kyi ni phyed dang bcas pa'i khru gnyis so/ /mi rnams kyi ni khru gnyis so/ /pags pa spra tshil gos rnams kyi shes pa ni/ spang leb so so'i mtshams kyi gnas de rnams su pags pa zhu ba dang pra tshil gos rnams su steng du rgya yis gdab par bya'o/ /ji ltar snying po'i dbus su rlabs kyi chu mi 'jug par chu gnyis kyi dpangs ni mgrin pa'i gnas su snying po'i dbus su 'jug pa'i slad du bya'o/ /snying po dman pa dang 'bring dang mchog gi dbye ba 'di rnams kyi 'khrul 'khor du mar 'gyur ro/ /dus shes pa snying po drug gi 'khrul 'khor du 'gyur te/ brgyad kyis sam/ skyon te bco brgyad kyis sam/ sum 'gyur nyin byed de sum cu rtsa drug gis sam/ nyis 'gyur te snying po de'i nyis 'gyur dag gis 'khrul 'khor du 'gyur ro/ /rgya mtsho chen po rgal ba'i slad du snying po stong phrag gi mthar thug pa'o/ /'dir phyi rol chu dpung pa bzhi rnams la ste/ snying po so sor shar dang nub kyi dpung pa dag dang nang gnyis kyi lus la byang dang lhor g.yas dang g.yas min dag la'o/ /dpung pa bzhi po de rnams dang/ ka pa'i shing dpung pa phung ba'i bug pa'i bug pa nas phyung ba rkyang dpung pa'i sum cha dang ldan pa rnams la spang leb khru gsum pa rtse mo gnyis phug pas snying po thams cad phan tshun bsdam par bya ste snying po'i grwa bzhir ro/ /lhag ma snang ba'i gnas rnams su skye ba rnams rgyu bar byed do/ /skye ba rgyu ba'i gnas rnams spangs nas stong pa ma shar dang nub kun nas rgya yis btab pa'o/ /'khrul 'khor thams cad kyi rgyab tu skye ba 'dzin pa drug ste/ de bzhin du bcu gnyis dang sum cu dang brgyad mthar thug pa'o/ /skye ba 'dzin pa de rnams kyis mdun nas dpung pa gnyis ka mnyam pa 'khrul 'khor rlung la 'khrul 'khor dang rjes su mthun pas steng gi mthar thug par 'gyur ro/ /yang na rlung rjes su mthun par shes nas ka ba'i khung ngur rab tu btsugs pa'i g.yo ba'i rlung gi dar rnams kyis ni ste rlung dar rnams kyi ni ste rlung dar rnams kyis 'khrul 'khor de rlung gis skyod pa ste/ de la zhon pa rang gi sde ni chu yi rdzong ngag nyams pa'i don du chu yi gter la 'gro / gling bzung ba'i don du'o zhes pa rigs pa ste/ gdug pa rnams 'dul ba'i don du'o zhes pa chu'i dkyil 'khor gyi mtshan nyid do/ /da ni ri'i rdzong bshig pa'i don du me'i 'bru mar 'phen pa la rlung gi dkyil 'khor gsungs pa/ chu gter zhes pa la sogs pa ste/ 'dir spang leb gru bzhi pa khru bzhi pa'i stegs bu'i dbus su ka ba khru gsum pa brgyad zlum por sor bcu gnyis pa'o/ /g.yon dang g.yas dang rgyab dang mdun gyi zur rnams su lcags kyi phur pa a long dang bcas pa'o/ /a long de rnams la thag pa rnams kyis ka ba'i mgo bcing bar bya'o/ /'khrul 'khor gyi cha gnyis steng dang 'og gi mthar thug par sra ba'i gos rnams kyis g.yog par bya'o/ /'dir zung du rgyal mtshan rnams ni bru lnga pa ste/ rgyar khru gang ba'o/ /'og dang g.yon dang g.yas kyi zur gyi a long la khru gnyis kyi bar du thag pa gsum mo/ /der gcig tu sdom pas ri'i rdzong gi dpangs kyi tshad dang mtshungs pa'o/ /thag pa des rgyab nas mi rnams dag gis drangs shings las thag pas steng du 'gro ste/ 'khrul 'khor de ni rlung gis rab tu bskyod par gyur pa nges par brag rdzong bshig pa'i don du mkha' la 'gro ba ste/ de'i steng du 'khrul 'khor dang me'i 'bru mar dang me dang bcas pa'i skyes bu zhig bzhug par bya'o/ /mi nges rlung gi 'khrul 'khor de nas mi'i 'bru mar 'phangs pas dgra'i dpung dang rdzong ni thams cad kun nas bsreg par byed ces pa ste/ nges par ri'i rdzong gzhom pa'i nges pa'o/ /gri gug gi 'khrul 'khor ni mngon sum du ma thob pas rtogs par bya ste/ tshigs su bcad pas kyang gsal bar gsungs so/ /de bzhin du rtse mo 'byed pa yang rlung gi 'khrul 'khor yang rab tu gsal bar byas shing tshigs su bcad pa yang gsal te/ 'dir 'grel bshad kyi rnam par bshad pa med do/ / de bzhin du rdo rje'i gur la'ang rnam par bshad pa med do/ /de ni g.yul du glang po che go cha dang bcas pa'i 'bugs pa'i slad du lcags mda'i 'khrul 'khor gsungs te/ mchur sor drug pa lcags mnga' i tshad kyi wa byas nas/ de'i 'og dang steng dang g.yas dang g.yon gyi char lcags kyi dbyug pa sor drug pa gru bzhi pa'i rtse mor rgyas btab pa'i bug pa la lcags kyi phur pa rnams kyis mtshams gnyis dang dbu ma la rgyud dang bcas pa'i gzhu ni g.yo ba med par gtags byas nas/ slar yang stegs bu de'i rgyab kyi char g.yas dang gcig shos su lcags kyi phur ba gru bzhi pa gnyis so/ /lcags kyi dbyug pa'i rtse mor phur ba'i bug par 'khrul shing gi rtse mo gnyis po gzhug par bya'o/ /'khrul shing gi dbugs su sor mo rnams te drug gam/ lnga 'am/ bzhi 'am/ gsum mam/ gnyis so/ /'og tu lcags kyi dbyug pa'i rtse mor phur bu'i a long g.yo ba dang bcas pa la bzhug par bya'o/ /steng du rgyud rnams sor mo'i rtse mor bcing bar bya'o/ /sor mo'i rtse mo de la so so'i mtshams su lcags mda' dang rgyud rnams so/ /rgyud des mang zhing mnyam pa'i mnga' 'am lcags mda' rnon po rnams g.yul gyi dus su 'phangs pas go cha dang bcas glang chen lus po phug nas rab tu 'gro bar 'gyur/ zhes pa ni lcags mda'i 'khrul 'khor gyi nges pa'o/ /da ni rgyal po'i pho brang bsrung ba'i slad du/ sa 'og gi ral gri'i 'khrul 'khor gsungs pa/ ka ba gnyis zhes pa ste/ 'dir ka ba gru bzhi pa rgyar sor bcu gnyis kyi tshad khru bzhi pa gnyis te/ khru gnyis ni brkos pa'i 'og tu sa la nub cing/ khru gnyis ni brkos pa'i nang du gnas pa dag go /de la brkos pa'i gnas nas steng du khru phyed dang gnyis dor te/ de nas g.yon dang g.yas kyi ka ba'i bug pa la rdang bu bzhug par bya'o/ /steng du sor drug dor nas thag pa rnams kyis bkri bar bya ste zlum po g.yo ba'i don du'o/ /thag pa de dag gi dbus kyi zlum po'i dbus su ral gri'i 'chang zungs bcug pa ste/ dang por zlum po bskor ba du ma rnams kyis bskor te zlum po'i dbus su ral gri'i chad zung bcug pa rtse mo'i char gzer gyis btab pa'o/ /de bzhin du mdun nas ka ba gnyis pa lugs las bzlog pas skor ba ste/ ral gri'i rtse mo'i gnas pa'i phyag rgya'i rtse mo la thag pas mnan pa'o/ /ral gri'i 'chang zungs kyi rtse mo'i 'khrul shing gi cha la/ 'khrul shing sor drug pa'i chad do/ /de nas ral gri 'byung ba spangs nas spang leb rnams kyis bskos pa'i steng du g.yog par bya'o/ /gang gis bskul bar gyur pa la 'thon par 'gyur te/ lcags las byas pa'i chung ngu'o/ /zla ba zhes pa ni gsang ba'i skad do/ /dbus zhes pa ni spros pa ste/ 'dir ral gri'i chang zungs kyi rtse mor 'khrul shing gi steng du spang leb sbyin par bya'o/ /spang leb de la gang gi rkang pa gzhag pa de ni ral gri'i gcod par byed do/ /zhes pa rang bzhin du shes par bya'o/ /ral gri'i 'khrul 'khor gyi nges pa zhes pa ste/ ral gri'i 'khrul 'khor gyi mtshan nyid nges pa'o/ /de ltar g.yul gyi dus su/ mkhar gyi sgo'i mdza' dang mi'i bdag po'i khang par rtag tu rtsa ba'i sgo'i lam spangs nas 'khrul 'khor du ma rnams te/ 'khrul 'khor kho na mtshon cha'o/ /zhes pa sa 'og gi ral gri'i 'khrul 'khor gyi nges pa'o/ /da ni rgyal rigs 'thab pa la shing rta'i mtshan nyid gsungs pa/ srog shing steng du zhes pa la sogs pa ste/ 'dir shing rta'i don du dang po srog shing brtan po bya'o/ /rta rnams kyi shing rta'i 'khor lo'i ched mi phyed dang bcas pa'i khru gnyis so/ /srog shing ni bzhi 'gyur cung zad lhag pa dang bcas pa ste/ tshad de nyid kyi gru bzhi dang zlum po'o/ /de nas srog shing gi /steng du gdan te phyogs brgyad dang/ dbus su 'khor lo'i tshad las dgu cha'i re mig dgu'i bdag nyid do/ /de nyid ni nyi ma'i lag pas zhes pa rgyar sor drug pa'i lag pa bcu gnyis kyis te shar dang nub kyi drug dang lho dang byang gi drug gis gdan du 'gyur ro/ /srog shing rgyar sor bcu bzhi pa ste/ de cha gsum du byas nas dbus kyi cha spangs te rtse mo gnyis kyi gnas su bug pa bya'o/ /bug pa de dag tu 'khor lo'i rtsibs bcug nas srog shing dang lhan cig gzer gdab par bya'o/ /'khor lo'i mu khyud la lcags kyi khrul shing g.yo ba med pa ste/ bzhi dbugs pa zlum po la bcug pas 'khor lo dang bcas pa 'khor ba'o/ /de nas gdan de'i zur bzhi rnams su rgyar gnas kyi lag pa dang chur nyis 'gyur gyi ka ba bzhi ste/ de rnams kyang rdang bug rnams kyis phyogs bzhi rnams su phye ba dang 'og dang steng du phye ba'o/ / mnyam pa'i shing rta ni mnyam pa'i rta rnams kyis bskyod pa'o/ /mi mnyam pa'i shing rta ni mi mnyam pa'i rta rnams kyis bskyod pa'o/ /gnyis dang bzhi dang drug ni mnyam pa'i rta rnams so/ /gsum pa dang lnga dang bdun ni mi mnyam pa'i rta rnams so// mi mnyam pa'i shing rta ni gnas las mnyam pa'i phyed kyis tshad kyis so/ /steng gi cha byed dag la 'thab mo pa'i sa steng zhes pa ni steng gi ka ba rnams kyi cha gcig gnas kyi tshang dor nas cha byed la gnas kyi steng du 'thab mo pa'i sa'o/ /gnas kyi phyed kyi ched du 'gyur te/ mnyam pa dang mi mnyam 'dren byed rta 'am glang po rnams kyi dpangs kyi 'gyur ro/ /rgyar sor brgyad dang chur gnas kyis nyis 'gyur te rdang bu rnams dang lhan cig gzer btab pa'o/ /de nas gnas kyi cha'i 'og dang/ steng du mtshan ma'i phyed kyis sar 'gyur te/ sor mo bzhi'i steng du'o/ /sa de la me po zhal rgyal mtshan la sogs bkod pa ste/ sogs pa'i sgra yis rda yab dang bla re dang/ dril bu la sogs pa'o/ /'thab mo'i sa dang mtshan ma'i sa dag gi dbus su 'thab mo'i don du phyogs bzhi rnams su rab tu gsal ba'o/ /gcig phyed cha gnyis dag ste zhes pa ni rtsa ba'i gnas kyi 'og tu 'thab mo pa'i sa la cha gcig go /rab tu gsal bar cha phyed dang mtshan ma dag pa ste/ 'di dag ni cha gnyis so/ /zla ba lag pa rtse mo can rnams zhes pa ni ka ba'i rdang bu rnams kyi rtsa ba'i gnas kyi steng du 'dren pa'i gnas la sor bzhi pa rnams kyi cha gcig go / de nas ka ba rnams kyis 'thab mo pa 'thab pa'i gnas la sor bzhi pa rnams kyi cha gnyis so/ /de nas ka ba rnams kyi steng du sor bzhi pa rnams kyi cha gsum ste/ de'i steng du rgyal mtshan la sogs pa rnams kyi mtshan ma'i sa'o/ /zlum po phyed bcas gcig gi cha la gnas dang steng du sngar brjod pa rnams so/ /phyed dang bcas pa'i cha las zlum po'o/ /dga' ba'i dbye ba dag la zhes pa ni/ dga' ba'i shing rta'i dbye ba la pad+ma'i shing rta'i sa gru bzhir 'gyur ro/ /de ltar gsungs pa'i rim bas rten dang bcas pa'i 'khor lo'i tshad ni rta'i shing rta la phyed dang bcas pa'i khrur 'gyur ro/ /glang po'i shing rta la rta'i tshad las tshad rnam pa gnyis su 'gyur ro/ /'khor lo dang/ gnas dang/ rdang bu dang/ mtshan ma la sogs pa rnams kyi'o zhes pa nges pa'o/ /'dir lha rnams kyi ni pad+ma'i rigs kyi shing rta zlum por 'gyur ro/ /lha'i bu yis bkod pa zhes pa sring sgrub kyi shing rta ni dga' ba'i rigs te gru bzhi'o/ /mi gzhan rnams kyi yang shing rta'i bkod pa ni gru bzhi ste/ rgyal rigs rnams kyi'o/ /brgyad dang chu gter srog shing 'khor lo rnams kyi rnam gsum 'dir ni shing rta chen po phyogs dang mnyam zhes pa ni/ 'dir srog shing bzhi dang 'khor lo brgyad kyi g.yul du phyir mi bzlog pa'i shing rta chen por 'gyur ro/ /'og dang steng du srog shing dag dang 'khor lo bzhi yis shing rta phyed du 'gyur ro/ /de'i phyir brgyad ces pa ni 'khor lo'o/ /chu gter zhes pa ni srog shing bzhi'o/ /de ltar rnam gsum zhes pa ste/ 'khor lo bzhi dang de bzhin du gnyis so/ /de bzhin du srog shing ngo/ /shing rta ni shing rta'i phyed dang mnyam pa ste/ mtshungs pa'o/ /nyi ma'i shing rta mchog ni 'khor lo gcig pa zhes pa ni 'khor lo gcig gis lha rnams kyi shing rtar 'gyur te/ de bzhin du nyi ma la 'gyur ro/ /mi mnyam pa zhes pa la sogs pa ni go sla'o/ /srog shing gcig dang 'khor lo gnyis kyis mnyam pa'i shing rta ste/ gnya' shing gi rgyab bcom par 'gyur ro/ /zhes pa ni shing rta'i mtshan nyid nges pa'o da ni lha rnams kyi gzhal yas khang ngam/ mi bdag rnams kyi ltad mo la skyod pa'i khyim gyi mtshan nyid gsungs pa/ drug ces pa la sogs pa ste/ 'dir ka ba khru nyi shu pa rgya ra sor nyi shu pa/ bzhi ste 'di rnams kyi mdza' bzhir bug pa mnyam pa rnams su 'gyur te/ bug pa'i mdza' gcig ni khru drug gi cha la'o/ /gnyis pa ni khru lnga pa'i cha la'o/ /de la gsum pa ni khru bzhi'i cha la 'gyur ro/ /bzhi pa ni khru gsum gyi cha la 'gyur ro/ /'og dang steng du khru re re'i dor nas bug pa'i mdza' mngon du phyogs par 'gyur ro/ /rtsa ba'i chu sa la khru bcu gsum du 'gyur ro/ /rtsa ba'i cha las steng du sa la phyed gyi cha khru phyed dang bdun du 'gyur te/ rtseg ma so so'i dbang gis rtseg ma'i sa la 'gyur ro/ /tshogs kyi gzhal yas khang la rdang bu bzhi bzhi'i steng du sar 'gyur ro/ /de bzhin du sa la mi bdag rnams kyis rtsegs ma rnam pa gsum gyi dbang gis yul gyi ltad mo dang dga' ston rnams la yang ngo/ /dang po'i rtseg ma la ka ba'i phyi rol gyi bug pa las phyi rol tu byung ba'i rdang bu'i steng du spang leb rnams kyi thams cad du 'khor ba ni khru gsum gyis 'khor ba'o/ /gnyis pa'i rtseg ma la phyogs thams cad du khru gcig 'khor ba'o/ /lha'i gzhal yas khang dang bgrod pa'i khyim gyis mtshan nyid nges pa'o/ /da ni dpyid kyi dga' ston gyi slad du 'khor lo'i phyogs kyi mtshan nyid gsungs pa/ 'khor lo'i steng du zhes pa la sogs pa ste/ 'dir sngar gyi shing rta bzhin du 'khor lo brgyad dang rtsa ba'i gnas so/ /de'i steng du glang po che'i shing rta'i ka ba'i khyon gyis ka pa bzhi'o/ /gzhal yas khang bzhin du rtseg pa rnam pa gsum gyi bdag nyid kyis phyogs su 'gyur ro/ /rdang bu bzhi bzhi'i steng du brgyad gnyis brgyad dang de nas phyed de zhes pa ni rtseg ma dang po la phyogs bzhi rnams su phyogs bcu drug tu 'gyur ro/ /gnyis pa la brgyad do/ /gsum pa la bzhi'o/ /rtseg ma dang po la phyogs te lag pa bcu rdang bu'i steng na gnas shing g.yas dang g.yon dang shar dang nub na gnas pa rnams kyi phyogs so/ /gnyis pa la dus te drug gis 'gyur ro/ /gsum pa la bzhi yis so/ /phyogs rnams kyi lag pa rten nyid sa gsum la zhes pa ste/ lag pa gnyis gnyis la 'khrul shing re re bug pa bzhi la bcug pa'o/ /'khrul shing re re la bu mo rnams kyi gdan bzhi bzhir 'gyur te/ nang dang phyi rol dag tu gnas pa 'og dang steng du son cing phyogs brgyad du ni 'khyogs pa rnams shes pa ni 'khor lo'i 'khyogs kyi mtshan nyid nges pa'o/ / //da ni ldum ra la sogs pa bcu pa'i don du chu'i 'khrul 'khor gyi mtshan nyid gsungs pa ste/ zhes pa la sogs pa ste/ steng dang 'og dang g.yon dang g.yas su 'khrul 'khor khyog po sbubs kyi rnam pa'o/ /dbus su bug pa dang bcas pa'i dbu ma khru bzhi pa ni rtsa ba'i 'khrul 'khor ro/ /de'i sbubs kyi rtse mo la bum pa'i kha'i mgrin pa'i sbubs kyi rtse mo bcug par gyur pa'o/ /'og tu bum pa la bug pa ni sbubs kyi bug pa'i tshad do/ /'khrul 'khor gyi rgyab tu sbubs kyi rtse mor sbubs gzhan chu'i nang du bzhug par bya'o/ /de nas bum pa'i bug pa dang chur son pa'i sbubs kyi bug pa 'am/ sbubs kyi bug par mdun nas rgyas gdab par bya'o/ /de nas ji srid 'khrul 'khor chus gang bar gyur gyi bar du rtsa ba'i 'khrul 'khor gyi dbus kyi bug pa nas chu bzhug par bya'o/ /de nas chu'i nang gi bug pa 'am/ bum pa'i bug pa dang sbubs kyi bug pas cig car mtsho las bum par chu 'dren par byed do/ /chu de nyid skyed mos tshal lam ldum rar 'gro ste mnyam pa'i sa la gang du drangs pa der ni 'gro bar 'gyur zhes pa chu bcu pa'i 'khrul 'khor gyi mtshan nyid kyis nges pa'o/ /da ni 'jam dpal gyis nyi ma'i shing rta la nges pa sbyin pa gsungs pa/ rang mchog ces pa la sogs pa ste/ 'dir gdug pa can rnams bsgrub pa'i don du dang po'i sangs rgyas su ni srid gsum bla ma shAkya seng ge phyag na rdo rje'i sprul pa'i sku zla ba bzang po la dbyangs 'char ba dang 'khrul 'khor gyi mtshan nyid thams cad mngon du gsungs pa/ gang yin pa de'i nang nas te dbyings 'char pa dang 'khrul 'khor brjod pa de'i nang nas 'dir ni de ring sham+b+ha la zhes bya ba'i yul 'dir nyi ma'i shing rta khyod la 'jam dpal mi'i dbang po grags pa bdag gis gsal bar bstan to/ /rang gnas bsrung ba'i don du 'di dag mdza' dag gyis shig zhe sdang chags pas min no nyi ma kyi zhes pa ste/ nyi ma'i shing rta'i nges pa ji lta ba de bzhin du dus kyi 'khor lor yongs su shes pa dang ldan pa gzhan rnams kyi 'ang bcom ldan 'das kyi nges pa'o/ /mchog gi dang po'i sangs rgyas las bsdus pa'i rgyud kyi rgyal po dus kyi 'khor lo'i 'grel bshad stong phrag bcu gnyis pa dri ma med pa'i 'od las dbyangs 'char ba dang 'khrul 'khor gyi cho ga nges pa'i mdor bsdus chen po ste bcu pa'o/ / //da ni 'khor los sgyur ba chen pos kla klo'i chos 'joms pa dang/ sangs rgyas kyi chos rab tu 'jog pa nyid la sogs pa go bla ste/ des na 'grel bshad du ma brjod do/ /'jig rten khams kyi le'u'i 'grel bshad rdzogs so/ / //(dpal dus kyi 'khor lo'i rgyud kyi nang gi le'u'i 'grel bshad bzhugs so//) */ /dpal dus kyi 'khor lo la phyag 'tshal lo/ /gang zhig chen po'i mi rnams smin par bya ba'i don du mngal ni 'dzin pa 'di mdzad cing/ srid pa'i 'ching las nges par grol yang srog chags rnams kyi lam gyi slad du srid pa ste/ /sna tshogs skyes rabs phreng ba yon tan dang ldan sems can don gnyer rnams kyis mthong gyur pa/ /dang po'i sangs rgyas rdzu 'phrul che ldan spyod pa dag ste skyob pa de la phyag 'tshal lo/ /shAkya seng ge de bzhin gshegs/ /dpal ldan rdo rje sems dpa' la/ /btud de pad+ma dkar po dpal/ /'jam dpal gyis ni bskul gyur cing/ /bde bar gshegs pas lung bstan pa/ /'gro la snying rje'i bdag nyid can/ /'jig rten mgon po bdag gis ni/ /nang gi le'u'i 'grel bshad bri/ /'dir dpral dus kyi 'khor lo'i dkyil 'khor gyi khang pa'i shar sgo'i mthar dpal ldan rin po che'i khang bzang chen por rin po che'i seng ge'i khri la bzhugs pa/ nyi ma'i shing rtas gsol ba btab par gyur pa/ bcom ldan 'das 'jam dpal gyi sprul pa'i sku/ mi'i dbang po grags pas nang gi le'u bstan pa'i don du mchog gi dang po'i sangs rgyas las/ bcom ldan 'das shAkya thub pa la zla ba bzang pos gsol ba btab pa tshigs su bcad pa dang pos gsungs pa 'di lta ste/ mi shes sna tshogs tshad ni gang dag rgyal ba bskyed mdzad khyod kyis bstan pa rnams kyang bdag gis te/ /slar yang bdag ni nyan par 'tshal lo srid pa gsum po mdza' dag lus kyi dbus su ji ltar lags/ /zla ba bzang po'i tshig dag gsan nas bde bar gshegs pas legs zhes bya ba byin nas rab gsungs pa/ sems can rnams ni thar pa'i slad du mchog gi thugs rjes sna tshogs tshad rnams dag kyang lus la'o/ /'dir nang gi le'u mi shes zhes pa la sogs pas gsol ba 'debs pa po dang/ ston pa po bsdus pa'i tshigs su bcad pa/ yang dag par sdud par mdzad pa po 'jam dpal gyis bsdus pa'i rgyud las bstan pa ni bdag gis dgrol bar bya'o/ /'dir lus kyis dbus su sna tshogs tshad ni mi shes te rgyal ba skyed mdzad ces pa ni/ rdo rje sems dpa' shAkya thub pa/ sgrib pa med pa'i phung po rnams skyed par mdzad pa ni rgyal ba skyed mdzad yin pas/ de la bod pa ste/ kye rgyal ba bskyed par mdzad khyod kyis phyi rol tu sna tshogs tshad ni gang dag bstan pa de dag lus la mi shes so/ /de'i phyir slar yang bdag nyan par 'tshal lo/ /srid pa gsum po mdza' dag lus kyi dbus su ji ltar te rnam pa gang gis 'gyur zhes pa'o/ /de nas zla ba bzang po'i gsol ba 'debs pa'i tshig dag gsan nas bde bar gshegs pas zla ba bzang po la legs zhes bya ba byin nas/ rab tu 'gyur bas gsungs pa/ sems can rnams ni thar pa'i slad du mchog gi thugs rje sna tshogs tshad rnams dag kyang lus la'o/ kyang yi gis rgyud gzhan thams cad kyang lus la gsungs so/ /le'u gnyis pa bstan pa'i slad du gsol ba 'debs pa po dang ston pa po bsdus pa'i mdor bsdus so/ /bstan pa'i tshigs su bcad pa gsungs pa/ sa zhes pa la sogs pa'o/ /'dir lus kyi nang du sa la sogs pa mdza' dag rang rang gi yi ges shes par bya ste/ so las byung ba'i yi ge rnams kyis shes par bya'o/ /mchu las byung ba rnams kyi chu'o/ /spyi bo las byung ba rnams kyis me'o/ /rkan las byung rnams kyis rlung ste/ sa dang chu me rlung rnams so/ /rdo rje ste glog ni slar yang spyi bo las byung ba rnams kyis so/ /lha'i gzhu ste 'ja' tshon ni so las byung ba rnams kyis so/ /rlung bcu po rnams ni rkan las byung ba rnams kyis so/ /khyim gyi 'khor lo ni a la sogs pa dang/ ka la sogs pa mdza' dag gis so/ /zla ba ni thig le so/ /nyi ma ni rnam par bcas pas so/ /sgra gcan ni dbyangs med pa'i gsal byed kyis so/ /lhun po ni ming gi yi ges so/ /gdengs can rnams kyi gnas ni aoM yig gis so/ /mi yi gnas te mi yis 'jig rten ni A yig gis so/ /lha'i gnas te mtho ris ni hUM yig gis so/ /'khyogs po bkra shis la sogs pa'i gza' rnams ni g.yas dang g.yon gyi sa bon yi ge sngar brjod pa rnams kyis so/ /'pho ba sde pa bcu gnyis dbye ba rnams kyis te/ zla ba yang de bzhin no/ /phyogs ni sde pa drug phyed kyi dbye ba rnams kyis so/ /nyin dang mtshan mo tshes rnams ni ka la sogs pa dbyangs dang bcas pa sngar brjod pa rnams kyis te mdza' dag lus kyi dbus su rnal 'byor pas shes par bya'o/ /rnam gsum khyab bdag bgrod pa rnal 'byor pa yis stong pa'i dbye bas so/ /sngar brjod cha'i rim pas bcom ldan 'das rdo rje sems dpa' 'dod pa dang gzugs dang gzugs med pa'i rang bzhin rnam pa gsum ste/ bde ba chen pos thams cad kyis bdag nyid la gnas pa'i phyir ro/ /de yang stong pa'i dbye bas so/ /zhes pa ni byang chub kyi sems kyi thig le bzhi'i dbye bas shes par bya'o/ /lus la sna tshogs bsdus pa'i mdor bsdus kyi nges pa'o/ /da ni mi'i lus skyed pa la sgyu dang 'bras bu'i tshogs la bsdus pa'i tshigs su bcad pa gsum la gsungs pa/ lus zhes pa la sogs pa ste/ lus bde la ni khams kyi tshogs zhes pa ni/ spu dang pags pa dang khrag dang sha dang rus pa dang rkang la sogs pa'i khams kyi tshogs su 'gyur te/ mdza' dag ro drug zos shing 'thungs pa dag las shes pa ni/ lan tshwa dang mngar ba dang/ tsha ba dang kha ba dang bskal ba dang skyur ba ni ro drug ste/ 'di dag zos shing 'thungs pa'i dbang gis khams kyi chogs su 'gyur ro/ /ro drug rnams kyang 'byung ba las te zhes pa ni/ ro drug tu yang sa dang chu dang me dang rlung dang ro rnams las 'gyur ro/ /'byung ba'i tshogs kyang nam mkha' i khams la'o/ /zhes pa ni sa dang chu dang me dang rlung dang ro'i tshogs ni nam mkha' i khams sngar brjod pa'i rdul phra rab kyi chos la 'gyur ro/ /stong pa la ni ye shes rnam par bsres pa zhes pa ni/ 'dir lus la khyab par bya ba dang khyab par byed pa'i 'brel pa kun rdzob kyi nges par gnas pa gang yin pa sems can thams cad kyi lus la rnam par shes pa'o/ /de nyid ni stong pa ste stong pa nyid kyi gzugs la bsgoms pa'i stobs kyi 'dzin par byed pa'i sems gzung bar bya ba sems kyi snang ba la rnam par bsres pa ni ro mnyam 'gyur med rtag par yang 'gyur te/ 'dir rtag pa ni sgrib pa med par brjod do/ /de ltar 'byung ba la gnas zhi ba bde ba chen po rnam gsum srid pa la gnas rang gi lus la rnal 'byor pa rnams kyis rig par bya'o/ /'dir nang gi le'u la tshigs su bcad pa 'di ni 'dor bsdus pas rnam par phye ste/ 'chad par 'gyur ba'i ye shes kyi le'ur mchog tu mi 'gyur pa'i ye shes gyur pa las rgyas par brjod par bya'o/ /lus bskyed pa la rgyu dang 'bras bu tshogs pa'i nges pa'o/ /mngal 'dzin pa la sogs pa gsungs pa/ sa bon zhes pa la sogs pa ste/ 'dir dbang po gnyis kyi sbyor ba las gsal ba'i pad+mar lhung ba'i khu ba dang b+ha ga'i khrag gang yin pa de ni sa bon zhes brjod do/ /sa bon de ni 'dzin mas 'dzin te/ gsang ba'i pad+ma la sa'i khams gang yod pa de yis so zhes pa'i don to/ /pad+ma gnas pa zhes pa ni gsang ba'i pad+mar gnas pa'o/ /gsang ba'i pad+ma de las chu yis sdud do/ /phyi nas ni me yis smin par byed cing zhes pa ni/ chu yis rab tu bsdus pa'i sa bon 'di me yis rab tu smin par byed do/ /ro dang ro ni za bar byed do/ /zhes pa ni ro drug po ma yis zos pa dang 'thungs pa gang yin pa'i ro dang ro de dag ma yis za bar byed do/ /sa bon 'di'i 'phel ba rlung gis byed do/ /nam mkha' stong pa dag kyang 'phel ba'i sngon du go skabs sbyin par byed do/ /mi'i bdag po zhes pa ni bod pa'o/ /dus las de ltar 'grub pa ste/ de ltar rim pa de dag gis nya la sogs pa grub ste mngal rdzogs par 'gyur ro/ /lha'i gnas skabs rnams byed do/ zhes pa la du ba la sogs pa lha'i gnas skabs bcu po de dag byed pa ni mngal dang byis pa dang gzhon nu ma la sogs pa'i gnas skabs bcu po rnams te btsa' bar 'gyur ba'i dus dang byis pa la sogs dus rtag tu yang ngo/ /zhes pa ni/ mngal 'dzin pa'i nges pa'o/ /sa bon gyi rang gi khams kyi bya ba gsungs pa/ sa bon dag gi zhes pa la sogs pa ste/ 'dir sa bon khu ba dang khrag gis gang yin pa des gsang ba'i pad+ma la gnas pa'i ro drug po rnams zos nas lus bskyed pa la gsal bar lci zhing sra ba nyid byed do/ /chu ni de bzhin gshegs pa nyid byed do/ /me ni zos pa'i ro rnams smin par byed do/ /rab mchog rnam pa bcu'i rlung srog la sogs pa dag ni sa bon ? 'phel bar phyed de/ 'phel ba dag la slar yang nam mkha' nyid ni go skabs sbyin byed dus las de ltar sngar brjod pa'i cho gas bskyed pa ste/ sna tshogs dngos po du ma dag gis lus bcas sgra dang yid dang zhes pa ni/ /lus dang ngag dang sems so/ /nus pa rnams ni du ba la sogs pa yi/ lus dang ngag dang sems kyi chos can rnams spro bar byed do zhes pa ni sa bon gyi khams kyi bya ba brjod pa'o/ /gsang ba zhes pa la sogs pas nang gi sems rdo rje 'dzin pa khyab 'jug gi gnas skabs bcu gsungs te/ 'dir gsang ba'i pad+mar khrag gi nang du gang tshe lhung ba'i byang chub sa bon zhes pa ni khu ba ste/ srog dang bcas pa ni kun gzhi rnam par shes pa dang bcas pa dang gang gi tshe gsang ba'i pad+mar lhung ba de'i tshe/ gnas skabs bcu'i mtshan nyid du 'gyur ro/ /de rnams las mngal gyi nang du nya dang rus sbal dang phag gi gnas skabs gsum du 'gyur ro/ /de bzhin du btsa' ba' i dus su gcig ste mi'i seng ge'i gnas skabs so/ /byis pa'i dus dag tu yang rnam pa gnyis te/ so skye ba'i bar ni mi'u thung gi gnas skabs so/ /so skyes nas so lhung ba'i bar ni dgra sta rA ma'i gnas skabs so/ /gzhon nu lang tsho dag la gzhan zhes pa ni so lhung ba nas lo bcu drug gi bar du rgyas pa dang po rA ma'i gnas skabs so/ /de bzhin du lo bcu drug nas skra dkar skyes pa'i bar ni rgyas pa gzhan nag po'i gnas skabs so/ /skra dkar skyes pa nas 'chi ba'i nyin zhag gi bar ni sangs rgyas kyi gnas so/ /'chi ba'i nyin zhag la 'byung ba thams cad gcig tu 'dres par gyur pa nyid kyi phyir lus la rigs ldan gyi gnas skabs su 'gyur te/ rgan pa nyid la zhi ba gcig ste mngal skyes rnams kyi srid pa 'chi ba nyid ni tha ma'o zhes so/ /gnas skabs bcu'i nges pa'o/ /nya zhes pa la sogs pas nang la sems rdo rje 'dzin pa khyab 'jug gi bya ba gsungs te/ 'dir ta'i dngos po la byang chub kyi sems rdo rje 'dzin pa khyab 'jug ni nya'i rnam par 'gyur te/ nyin zhag 'ga' ni dus kyi nyin zhag gi bar du'o/ /de nas rus sbal gyi dngos po la ni rus sbal gyi dngos por 'gyur te/ yang yig gi dus su gzhan gyi bar du'o/ /phag pa'i dngos po la byang chub kyi sems khyab 'jug de'i skye mched nyi ma ste skye mched bcu gnyis 'byung bar 'gyur te/ gsum pa'i dus kyi nyin zhag gi bar du'o/ /de bzhin du zla ba bdun pa nas skye ba'i zhag gi bar du mi'i seng ge'i dngos po la rab tu skye bar 'gyur te/ lag pa dag gi skye gnas rnam par 'byed pa'i phyir ro/ /mi'u thung gi dngos po la ni sngar brjod pa'i byis pa'i dngos por 'gyur ro/ /dgra sta rA ma la yang mi bdag gnyis te/ sum cu rtsa gnyis kyi so rnams 'byung bar 'gyur ro/ /rA ma'i dngos po la ni ltung bar 'gyur ro/ /byang chub kyi sems khyab 'jug de nyid nag po'i dngos po la ni gsal bar sgyu dag byed ces pa sgyu ma byed par 'gyur ro/ /sangs rgyas kyi dngos po la yang zhi ba dang/ sems can rnams la brtul zhugs nges par byed do/ /rigs ldan la ni 'chi bar 'gyur rigs ldan gyi dngos po la sngar brjod pa'i cho gas 'chi bar 'gyur ro/ /zhes pa ni 'jug pa bcu'o/ /'dir phyi rol tu nya la sogs pa'i lo rgyus tshangs ma'i drang srong gdug pa rnams kyis byis pa rnams slu ba'i slad du bkod pa gang yin pa de ni dmyal ba thob pa'i rgyu ste/ 'chad par 'gyur ba mchog tu mi 'gyur ba'i ye shes grub pa las rgyas par brjod par bya'o/ /khu ba zhes pa la sogs pas mi'i mngal na gnas pa'i khu ba dang rdul ngag gis rnam par 'gyur ba mngal gzung ba nas brtsams te/ btsa' ba' i mthar thug pa gsungs so/ /'dir skye ba'i lus la mdzod drug tu 'gyur te/ khu ba la rkang du 'gyur ba dang/ rus par 'gyur pa dang/ rgyus pa ste chu rgyus rnams su 'gyur ba'o/ /rdul las pags pa dang khrag tu 'gyur pa dang/ shar 'gyur ba ste/ gang gi phyir brjod pa'i sa bon gyis rab tu bskyed pa'i phyir ro/ /'dir mngal du zla ba gcig gi bar du khrag dang sa bon bdud rtsi lnga'i ror gyur pa'i rab tu skye'o/ /phyi nas sa bon myu gu zhes pa ni/ de nas zla ba'i mjug tu byang chub kyi sems myu gur gyur pa'i snying ga'i go skabs rnam pa bcu'i rtsa srog la sogs pa'i rlung rnams kyi rten du 'gyur te/ de dag kyang shin tu phra ba ste skra'i tshad do/ /lte ba la ste lte ba'i phyogs su brgyad pa brgyad dbyug gu drug cu rtsa bzhi rgyu bar bya bar 'gyur ro/ /ma gsungs kyang khyim gyi 'pho ba bcu gnyis kyi dbang gi drug cu rtsa bzhi po rnams kyi rten du gyur pa'i rtsa shin tu phra ba bcu gnyis su 'gyur te/ de bzhin du lte ba'i rtsa lngar brjod pa de dag thams cad ni shin tu phra ba'o/ /rkang lag gdong gi gnas kyi rgyu'i slad du gyen du brjod par byed pa ste/ rkang lag gdong gi gnas rnams su bskyod pa'i mthu de las zla ba gnyis pa rdzogs par gyur pa'i rjes la 'dir ni rkang lag gdong gi mtshon pa cung zad do/ /'dir dang po nya'i gnas skabs kyi nyin zhag 'das par gyur pa na rus spal gyi gnas skabs la gdong dang rkang pa dang lag pa'i gnas rnams su 'bur po lngar 'gyur ro/ /lag pa rkang pa mgrin pa dag gi mgo bo mnyam par 'gyur te rus spal lo/ /phra mo rtsa gzhan rnams ni zla ba bzhi pa rdzogs par gyur pa na rkang lag gdong dang mgrin pa dag gi phyogs su rkang pa dang lag pa rnams kyi tshigs drug dang gdong gi mgrin pa la lhan cig skyes pa dang longs spyod rdzogs pa'i rtsa shin tu phra ba rnams su 'gyur te/ rus spal gyi gnas skabs so/ /zla ba lnga pa la ni phag gi dngos po la sha dang khrag dang rus pa mkha' ro bsreg za zhes pa ni/ rus pa sum brgya drug cu ste/ tshigs rnams kyang de snyed do/ /zla ba drug pa la yang ste/ yang yig phag pa'i dngos po la sha dang khrag tu 'gyur ro/ /tshor bar 'gyur te bde ba dang sdug bsngal yang rig go / mngon par shes pa'i stobs kyis sngon gyi gnas rjes su dran par yang 'gyur te/ rang gi sems kyi chags pa dang bral bar byed do/ /srid pa'i sdug bsngal la smod par byed do/ /sangs rgyas kyi lam la bsngags par byed do/ /de nas smin ma dang skra dang spu dang bug pa mig la sogs pa rnams kyang phag gi dngos po la thub pa mchog la ste zla ba bdun pa rdzogs par gyur pa na/ skye mched rnams yongs su rdzogs par 'gyur ro/ /'dir mngal gyi zla ba'i mjug tu nyin zhag so so'i dus la stong pa/ stong pa mig gi grangs te/ nyis brgya'i grangs kyi rtsa rnams su nyin zhag so so la 'gyur ro/ /de nas sum brgya drug cu'i gnad rnams dang rus pa rnams te/ de'i nang du rkang du 'gyur ro/ /ro 'dzin ni lce ste lce yis dbang po bskyed pa'i slad du'o/ /sngar gyi mig la sogs pa rnams sra pa nyid du 'gyur ro/ /ro 'dzin skyes pa'i dus de nas 'dir gci ba bshang ba ni zla ba brgyad pa dag la yang phag gi dngos po la 'gyur ro/ /de nas bug pa zhes pa ste zla ba dgu pa rdzogs par gyur pa 'am/ kha cig tu bcu pa dang bcu gcig pa dang/ bcu gnyis pa la phag gi dngos po'i mjug tu sdug bsngal drag por gyur te/ btsa' ba' i dus su skye gnas kyis ni bcing ba dag gi ste mi'i seng ge'i dngos po la mngal nas skye ba dag gi'o zhes pa ni/ mngal nas skyes pa'i nges pa'o/ / 'phags pa'i bden pa bzhi las 'khor ba pa rnams kyi sdug bsngal gyi bden pa gsungs pa/ mngal zhes pa la sogs pa ste/ 'dir pha ma re zhig 'bar ba pa mngal na gnas pa rnams kyi mngal na gnas pa'i sdug bsngal bum par 'tshed pa dang mtshungs par 'gyur ro/ /btsa' ba' i dus su tho ba'i 'khrul 'khor gyis btsir ba bzhin no/ /byis pa'i dngos po la yang bshad bzang phag pa bzhin no/ /gzhon nu dang ni lang tsho dag la yang bud med dang bral ba'i sdug bsngal dang nor dang 'byor pa nyams pa'i sdug bsngal te de med pa'i phyir ro/ /rgan po nyid la yang rga shi'i sdug bsngal lo/ /slar yang shi ba'i mthar 'gro ba drug tu 'jigs ster du 'bod la sogs te/ sogs pas yi dwags dang dud 'gro'i 'gro bar sdug bsngal drag por 'gyur te/ dge ba bcu yongs su bor ba dang sdig pa'i dbang gis so/ /de ltar sgyu mas rmongs par byas pa'i mdza' dag 'gro ba ni sdug bsngal dag las sdug bsngal 'dzin par byed/ 'dir 'khor ba'i sgyu ma ngar 'dzin pa dang nga yir 'dzin pa'i bdag nyid can gyis rmongs par byas pa ni dmyal ba dang yi dags dang dud 'gro'i sdug bsngal dag las sdug bsngal 'dzin par byed do/ /lam gyi bden pa gsungs pa/ 'khor ba zhes pa la sogs pa ste/ 'gro ba drug gi bdag nyid kyi 'khor ba 'dir mi nyid du ni 'byung ba dag kyang 'ga' zhig tu ste/ /de bas mu stegs pa'i sbyin pa la sogs pas chos rnams la mi rnams kyis chos kyis blo ni thos 'ga' na 'byung ngo/ /de bas sangs rgyas la ni rjes chags rgya lam na dge ba'i dbang gris 'gyur zhing sbyin pa la sogs pa la rjes su chags pa yang ngo/ /de bas kyang dge ba'i dbang gis dang po'i theg pa nyan thos dang rang sangs rgyas kyi theg pa la rab tu 'jug par 'gyur ba'o/ /de bas dpal ldan rdo rje theg pa la 'jug pa ste/ rdo rje ni mi phyed pa dang mi tshang pa chen po yin la/ de nyid theg pa yin pa ni rdo rje theg pa ste/ sngags kyi tshul dang pha rol tu phyin pa'i tshul 'bras bu dang rgyu'i bdag nyid gcig tu 'dres par gyur ba'o/ /de la 'jug pa ni rdo rje theg pa la 'jug pa'o/ /de bas bsgom pa la ni blo gros ma lus brgya lam dag na mjug ste/ gang zhig sems dmigs ma dang bcas pa'i stong pa nyid dang dmigs pa med pa'i snying rje'i bdag nyid la'o/ /bsod nams dang ye shes kyi dbang gis bsgom pa de la sangs rgyas nyid 'dod par 'gyur ba'o/ /de ltar mchog gi bde ba'i go 'phang dag la 'jug par e ma shin du dka' ste/ 'khor ba'i bde ba mngon par 'dod pa'i 'khor ba pa rnams la ring ba las kyang shin tu ring ngo/ /mngal du zhes pa la sogs pas kun 'byung gi bden pa gsungs te/ 'dir dang por 'jig rten kun rdzob kyi rnam par dag pa'i sku la sogs pa mngal nas skyes pa'i lus la yang dag par blta bar bya ste/ phyi nas de nyid kyi chos kyis sangs rgyas bcom ldan 'das kyis shin tu rnam par dag pa'i sku la sogs pa rnams rnal 'byor pa rnams kyi rig par bya'o/ /'dir ma'i mngal du ji srid gnas pa de srid du mngon par shes pa lnga dang ldan pa ni lus can rnams kyi yang dag par dag pa'i skur 'gyur ro/ /de nas btsa' ba' i dus nas brtsams te ji srid so skye ba de srid ni chos kyi skur 'gyur ro/ /so skyes pa des nas ji srid so rab tu lhung bar 'gyur ba de srid ni rgyal ba byang chub kyi sems rdo rje'i longs spyod rdzogs pa'i sku ste/ mi yis bdag po zhes pa ni bod pa'o/ /so lhung ba de nas sprul pa'i sku'i rab tu gsal zhing nges par 'chi ba'i mtshams te mi rnams dag gi ni mngal nas skyes pa rnams kyi'o/ /mngal dang phyi rol dag tu slar yang sku'i tshogs 'di ni rnam pa bzhi ru 'gyur te/ 'dir ye shes kyi dbye bas mngal dang rnam par shes pa drug gi dbye bas phyi rol tu ste/ ye shes rnam shes dbye bas shes so/ /'dir re zhig mngal du rnam shes ni kun gzhi rnam par shes pa ste/ bde ba dam pa'i ye shes so/ /zla ba nyi ma dag ni khu ba dang rdul lo/ /kyang pad+mar gnas pa ni mngal rdzogs par bya ba'i don du gsum po gcig tu gyur pa ma'i pad+ma la gnas pa'o/ / da ni mngal du dag pa'i skur bcom ldan 'das kyis gsungs te/ ma dang pha dang kun gzhi rnam par shes pa'i bde ba'i gnas skabs gcig yin pa'i phyir ro/ /khams dang phung po rnams rab tu 'byung ba rnam pa bcu po gang yin pa de ni rgyal ba byang chub kyi sems rdo rje'i chos kyi sku'o/ /de nas yon tan dbang gis te nyin zhag gi dbang gis nang gi rna ba la sogs pa'i dbang po rnams dang sgra la sogs pa'i yul rnams skyes par gyur pa na longs spyod rdzogs pa'i skur 'gyur ro/ /de nas skra la sogs pa skyes te sogs pas ba spu dang bshang ba dang gci ba grub cing rab tu btsa' ba' i dus su skye gnas nas 'byung ba ni mngal du sprul pa'i skur gsungs so/ /de nas phyi rol gyi sku bzhi ni skye bar gyur pa na dbugs kyi dang por gang zhig dbu ma'i rtsa la rab tu 'byung bar 'gyur ba yon tan med pa de ni gsung rdo rje'i yul la yang dag par dag pa'i sku'o/ /dag pa'i sku de nyid ni rkang pa dang bcas pa'i dbugs lnga bcu rtsa drug gi tshogs ji srid pa de srid dbu ma las rab tu 'bab pa'i phyir ro/ / de nas srog yang dag par rgyu ba'i dbang gis so ni rab 'byung gang zhig tshig ni gsal min dag kyang gang de 'du shes pa'i mtshan nyid de ni gsung rdo rje'i yul la chos kyi sku'o/ /de nas gnyis skyes rnams ni ltung ba ste so rnams ltung bar 'gyur ba'i lo brgyad kyi mthar thug pa ni longs spyod rdzogs pa'i sku ste/ tshig yongs su gsal ba'i phyir ro/ /so rnams dag las te lhung ba las 'chi ba'i mthar thug pa ni phyi rol tu sprul pa'i skur 'gyur ro/ /'dir mngal du lus kyi dbye bas sku'i dbye ba rnam pa bzhi ste/ phyi rol tu srog rgyu ba'i dbye bas sku'i dbye ba rnam pa bzhi'o/ /ye shes dang rnam par shes pa ni nang dang phyi rol tu yang lus dang srog dag gi grogs so/ /'dir lus kyi dbye ba ni sa bon dang 'brel ba can te/ dag gi dbye ba ni khrag dang 'brel pa can no/ / de bzhin du khyab par bya ba dang khyab par byed par 'grel pa'i sems kyi dbye bas sku yi dbye ba rnam pa bzhi dang/ sa dag la sogs pa'i ye shes kyi dbye bas sku yi dbye ba rnam pa bzhi ste/ dga' ba la sogs pa rnam pa bzhi'i rang bzhin gyis so/ / lus dang phyi rol la lhan cig skyes pa la sogs pa'i sku 'byung ba'i nges pa'o/ /mngal du zhes pa la sogs pas sku dang gsung dang thugs dang ye shes 'byung ba gsungs te/ 'dir ma'i mngal du ye shes ni lhan cig skyes pa'i dga' ba'o/ /rnam shes bsreg pa ni kun gzhi rnam par shes pa bsres pa'o/ /nyi ma ri bong can dang bcas pa ni rdul dang khu ba dag dang bcas pa'o/ /ye shes rdo rje la sogs kun ni lhan cig skyes pa'i dga' ba la sogs par 'gyur ro/ /mngal na gnas pa dag ni sku yi rdo rje la sogs pa rim pa yis kyang stobs dang ldan par 'gyur ro/ /'dir dang por mngal du skye ba'i mtshams kyi bar du dpal ldan sku'i rdo rjer 'gyur te/ lus kyi cha shas yongs su rdzogs pa'o zhes pa'i don to/ /de nas skyes pa na gsung rdo rje srog yang dag par rgyu ba ste/ srog 'byung ba'o/ /de nas so sum cu rtsa gnyis rab tu skye bar gyur pa na thugs 'du shes 'dzin pa por 'gyur te/ nyid ces pa ni mdza' gcig tu nges pa'o/ zhes pa'i don to/ /slar yang so lhung nas so sum cu rtsa gnyis rab tu skyes par gyur pa na khu ba 'pho ba'i gnas skabs kyi mtshan nyid lhan cig skyes pa'i dga' ba'i mtshan nyid de/ bud med rnams kyi lo bcu gnyis kyi mtshams dang skyes pa rnams kyi lo bcu drug gi mtshams su rig par bya'o/ /sku dang gsung dang thugs dang ye shes rdzogs pa brjod pa'i phyir ro/ /rten dang brten pa'i 'brel pa gsungs pa/ sa zhes pa la sogs pa ste/ sa yi snying po dag ni srog za mer 'gyur ro/ /de'i rigs can ni ma yin te/ sa'i yon tan gyi rang bzhin med pa'i phyir ro/ /'dzin ma dang rlung dag ni nam mkha' i snying po stong pa'i dbus na gnas pa'o/ /de'i rigs las skyes pa ni ma yin te nam mkha' i yon tan med pa'i phyir ro/ /de bzhin du rlung gi snying po dang sa'i snying po dag ni chu yin no/ /rlung gi snying po de nyid ni rang bzhin med pa rjes su mthun pa'i gzugs kyi gnas pa ste/ gang dang gang du rlung yang dag par rgyu ba de dang der de dang lhan cig 'gro'o/ /sa'i nang na gnas pa gang yin pa de ni rang bzhin te sa la rko ba byed pa ni gsher ba'i ngo bor mthong ngo/ /'dir slar yang nam mkha' ni sa la sogs pa thams cad kyi rten te/ sa la sogs pa'i byung ba rnams ni rten pa'o/ /'dir rten dang brten pa ni rim pa bzhin du 'gyur te/ sa'i rten ni chu ste phyi rol tu sa'i dkyil 'khor gyi rten chu'i dkyil 'khor yin pa ji lta ba de bzhin du lus la yang ngo/ /'bar byed dag kyang ste me'i dkyil 'khor ni chu'i zhes pa chu'i dkyil 'khor gyi rten no/ /rlung zhes pa rlung gi dkyil 'khor ni dag par byed pa me'i dkyil 'khor dag gi'o/ /rlung gi zhes pa rlung gi dkyil 'khor gyi rten ni stong pa ste nam mkha' o/ /de ltar na stong pa ni sa la sogs pa 'byung ba thams cad kyi rten du 'gyur ro/ /tshogs pa'i rten dang brten gsungs pa/ phung po zhes pa la sogs pa ste/ 'dir lus la phung po lnga po rnams kyi rten ni 'byung ba rnams te sa la sogs pa'i 'byung ba'i tshogs su 'gyur ro/ /de ci'i phyir zhe na/ 'dir sa la sogs pa'i rang bzhin med na ma rig pa la sogs pa'i rkyen med par 'gyur ro/ /ma rig pa dang 'du byed dang rnam par shes pa'i rkyen med na gzugs la sogs pa'i phung po med de/ gang gi phyir 'byung ba bzhi'i bdag nyid kyi gzugs dang/ khams drug gi bdag nyid kyi skyes bu chen po'i gang zag yod pa de'i phyir phung po'i rten ni 'byung ba rnams su 'gyur ro/ /lus mchog la 'byung ba'i tshogs kyi rten ni rtsa stong phrag bdun cu rtsa gnyis kyi grangs rnams su 'gyur ro/ /rtsa de dag rnams kyi yang rten ni srog gi rlung ste/ 'du byed pa'i rgyu yin pa'i phyir ro/ /de yang rnam pa bcu ste 'chad par 'gyur ba las brjod par bya'o/ /srog gi rlung rnams dag gi rten ni sems yin no/ /sems de ni ste de nyid gnyis kyi rang bzhin gyi sems su 'gyur ro/ /yon tan dbang gi shes pa snying stobs dang rdul gyis dbang gis ni/ rang bzhin can sad pa dang rmi lam gyis mtshan nyid do/ /mun pa'i yon tan gyi dbang gis rang bzhin med pa shin tu gnyid log pa'i mtshan nyid dbang po med par 'gyur ro/ /rang bzhin can dang rang bzhin med pa de dag gi yang rten ni gtso bo ste 'khor ba pa rnams kyi bde ba dang sdug bsngal gyi gnas skabs 'dzin pa'o/ /de yang bde ba dang sdug bsngal dag dang bral ba ni srid pa gsum gyi gtud cing gzhom med kun tu 'gro ba gang yin pa de yin te/ bde sdug sel ba mthar gyur pa zhes so/ /dri zhes pa la sogs pas khams rnams bskyed par bya ba dang skyed par byed pa'i 'brel pa gsungs te/ 'dir phyi rol lam nang du dri ni 'dzin ma dag las 'byung bar 'gyur te/ gtso bos so/ /phal pas ni ro la sogs pa rnams kyang ngo/ /ro rnam pa drug ni yang zhes pa srid pa'i don te/ rtse mo can me'i khams las te/ gang gi phyir yongs su smin par byed pa'i rgyu yin pa de'i phyir me las ro 'byung bar 'gyur te/ gzugs kyi khams ni chu las so/ /'dir myu gu la sogs pa rnams skye ba la sogs pa ni kha dog sna tshogs dang dbyibs sna tshogs su chu las 'gyur te/ gtso bos so/ /phal pas ni ro la sogs pa rnams kyang 'byung ngo/ /de bzhin du rlung ste rlung gi khams las reg pa 'byung bar 'gyur ro/ /zhi ba ste ye shes kyi khams las sgra dang zhes pa sgra 'byung ngo/ /chos kyi khams te byang chub kyi sems kyi khams ni nam mkha' ste lnga'i bdag nyid kyi ro'i khams gsal bar byed pa las 'byung bar 'gyur te bde ba'i gnas skabs las so/ /da ni gzung ba dang 'dzin pa'i 'brel pa gsungs te/ 'dir gzhan gyi rigs pa 'khyud pas bya ba 'grub par 'gyur te/ rang gi rigs la 'khyud pa ni bdag nyid la rang gi bya ba 'gal ba'i phyir ro/ / de'i phyir gzhan gyi rigs la 'khyud pa ni lus bskyed pa'i rgyur 'gyur ro/ /de ni stong pa zhes pa stong pa'i rigs las byung ba'i rna ba'i dbang pos ni ye shes kyi khams las byung ba'i sgra 'dzin par byed do/ /nges par rgyal ba bskyed mdzad ces pa ni gdon mi za bar ye shes kyi khams las byung ba'i yid kyi dbang pos nam mkha' i khams las byung ba'i yul chos kyi khams 'dzin par byed do/ /rlung dag ni zhes pa bskyed par bya ba dang/ skyed par byed par dbyer med pa nyid kyi ste/ rlung las byung ba'i sna'i dbang pos sa'i khams las byung ba'i yul dri 'dzin par byed do/ /me yang zhes pa ni me'i khams las byung ba mig gi dbang pos chu'i khams las skyes pa'i yul gzugs 'dzin par byed do/ /chu'i khams las byung ba lce'i dbang pos me'i khams las skyes pa'i yul ro 'dzin par byed do/ /'dzin ma zhes pa sa'i khams las byung ba'i lus kyi dbang pos rlung gi khams las byung po'i yul reg bya 'dzin par byed de/ yul dang yul can rnams kyi gzung ba dang 'dzin pa'i mtshan nyid nges pa'o/ /'jig rten kun rdzob kyi gzugs la sogs pa'i phung po rnams khams so so la grub par gsungs pa/ grub pa zhes pa la sogs pa ste/ 'dir khams dang phung po rnams gcig nyid du grub par gsungs so/ / 'dir gzugs ni 'dzin ma la gtso bos grub ste/ 'du shes la sogs pa rnams ni phal pas grub pa'o/ /srid pa gsum gyi gnas su ste khams gsum gyi yul du yin gyi/ mya ngan las 'das pa'i chos la ni ma yin no/ /yang yig las chu la ni 'du shes grub par 'gyur te/ 'dir 'du shes zhes bya ba ni dbyangs kyi chos zla ba dang khu ba dang chu'i rang bzhin te/ chu'i rang bzhin nyid kyi phyir chu la 'du shes grub par 'gyur ro zhes pa ni nges pa'o/ /me la ngos pa nyid du tshor ba zhes pa la 'dir me'i rang bzhin ni nyi ma dang rdul dang kA li ste/ nyi ma dang rdul dang kA li'i rang bzhin ni tshor ba'o/ /de'i phyir me la tshor ba gtso bos grub par 'gyur te/ lhag ma rnams ni phel pas rab tu 'gyur ro/ /rlung la 'du byed kyi phung po grub ste/ de bzhin du 'dir rlung gi lus dang ngag dang sems yang dag par g.yo bar byed pa/ 'du byed skyed par byed pa ste/ des na rlung gi rang bzhin ni 'du byed du grub bo/ /de bzhin du rnam shes ye shes bsres pa ste/ ye shes dang bcas pa ni rim pa bzhin du nam mkha' dang bcas rdo rje dag la ste/ nam mkha' la rna ba'i rnam par shes pa la sogs pa'i mtshan nyid rnam par shes pa grub po/ /rdo rje ste ye shes kyi khams la byang chub kyi sems 'pho ba'i mthar bde ba'i skad cig gi bdag nyid kyi ye shes grub po/ /'dir khams drug gi bdag nyid can skyes pa chen po'i gang zag gi lus la/ ci'i phyir khams dang phung po la sogs pa thams cad du 'gyur zhe na gsungs pa/ rdul dang byang chub sems sogs sbyor bas so/ /'dir lus la khams dang phung po la sogs pa gang yin pa de thams cad ni rdul dang lung dang kun gzhi rnam par shes pa'i bde ba'i skad cig gi gnas skabs sbyor ba las 'gyur ro/ /rna ba la sogs pa'i 'dzin pa rnams sgra la sogs pa'i yul 'dzin par byed pa nyid kyi de'i rang bzhin nyid du gsungs pa/ rna ba zhes pa la sogs pa ste/ 'dir lus kyi chos la rna ba ni stong pa'i mtshan nyid 'dzin par byed pa nyid kyi gzung ba'i yul 'dzin pas ni rdo rje'i rang bzhin te sgra yi rang bzhin no/ /'dir 'dzin pa'i chos ni lus kyi dbye bas gsungs te/ gzung ba'i chos ni bsam pa'i dbye bas so// de'i phyir gzung bar bya ba'i rang bzhin gyis bskyed par bya ba dang skyed par byed pa'i rang bzhin rnam par shes par bya'o/ /mi'i bdag po zhes pa ni bod pa'o/ /sems te yid ni nam mkha' dag gi rang bzhin zhes pa chos kyi khams kyi rang bzhin de yul chos kyi khams 'dzin pa nyid kyi phyir ro/ /sna ni sa'i rang bzhin zhes pa dri'i rang bzhin te dri 'dzin pa'i phyir ro/ /de bzhin kho na lce ni me'i rang bzhin nyid du 'gyur/ snga ma bzhin du me la skyes pa ro'i rang bzhin te ro 'dzin pa nyid kyi phyir ro/ /mig ni chu'i rang bzhin dag ste chu las skyes pa'i gzugs 'dzin pa'i phyir ro/ /srid pa gsum gyi gnas su ste mya ngan las 'das pa la ni ma yin no/ /lus kyang rlung gi rang bzhin no zhes pa'i lus kyi dbang pos yul reg bya rlung las skyes pa 'dzin pa'i phyir ro// de ltar brjod pa'i rim pas rna ba la sogs thams cad 'gyur te/ yon tan dbang gis zhes pa ni sgra dang chos kyi khams dang dri dang ro dang gzugs dang reg bya'i dbang gis so/ /rna ba dang yid dang sna dang lce dang mig dang lus te dbang po'i drug gi khams 'di dag ni ye shes rnam shes sbyor ba las shes par bya'o/ /khams drug gis dbang gis ser sna la sogs pa sems kyi rnam par 'gyur ba drug gsungs pa ser sna zhes pa la sogs pa ste/ 'dir lus la sems kyi ser sna ni ye shes khams la zhes pa lnga pa'i don la bdun pa ste/ ye shes kyi khams kyi dbang gis sems can rnams kyi ser sna'i sems so zhes pa'i don to/ /nam mkha' la ni zhe sdang rdo rje'o zhes pa ni nam mkha' i khams kyi dbang gis sems can rnams kyi zhe sdang gi sems so// de bzhin du rlung gi khams kyis dbang gis phrag dog gis sems so/ /me'i khams kyi dbang gis chags pa'i sems te/ de nyid thub pas rab tu gsal bar mdzad do/ /de bzhin nyid du chu'i khams kyi dbang gis nga rgyal gyi sems so/ /sa'i khams kyis dbang gis gti mug gi sems te/ rang bzhin ni ye shes la sogs pa'i khams kyi chos so/ /de'i yon tan ni rang bzhin rnams te/ de'i rang bzhin gyis dbang gis 'khor ba pa rnams kyi sems la ser sna la sogs par 'gyur ro/ /khams kyi dbang gis las kyi dbang po rnams gsungs pa/ dag ces pa la sogs pa ste/ 'dir dag gi dbang po ni rlung gi khams las 'gyur ro/ /lag pa'i dbang po ni me'i khams las so/ /rkang pa'i dbang po ni chu yi khams las so/ /bshang lam gyi dbang po ni sa'i khams las so/ /ma brjod pa nyid las gsang ba'i dbang po ni nam mkha' i khams las so/ /lo bcu drug gi mthar mchog gi dbang po ni ye shes kyi khams las 'gyur ro zhes pa ni las kyi dbang po drug gi nges pa'o/ /thur sel zhes pa la sogs pa khams drug las thur sel la sogs pa'i rlung rnams gsungs te/ 'dir lus la thur sel gyi rlung ni ye shes kyi khams la 'gyur ro/ /'dir yang lnga pa'i don la bdun pa'o/ /de yang bshad pa dang gcig dang khu ba 'dren par byed pa las rnam gsum zhes par 'gyur ro/ /srog gi rlung ni stong pa la ste nam mkha' i khams las so/ /yang yig gis de yang rnam pa gsum ste g.yon dang g.yas dang dbu ma'i rtsar rab tu 'bab pa las so/ /rlung gi dbus su ste rlung gi khams kyi rang bzhin la mnyam gnas su 'gyur ro/ rtse mo can te me'i khams la slar yang gyen rgyu'o/ /chu la ste chu'i khams la khyab byed do/ /sa la zhes pa sa'i khams la klu'o/ /de nas te de ma thag tu/ rus sbal la sogs pa bzhi po rnams te/ rlung gi khams las rus sbal du 'gyur ro/ /me'i khams las rtsangs pa'o/ /chu'i khams las lha sbyin no/ /sa'i khams las nor las rgyal ba'o/ /lo bcu drug gi mthar nam mkha' i khams las dga' ba'i rlung ngo/ /ye shes kyi khams las lhan cig skyes pa'i dga' ba'i rlung ngo/ /gtsug tor zhes pa la sogs pas khams kyi dbang gis lus kyi lag pa la sogs pa'i tshigs la 'khor lo la sogs pa rnams gsungs te/ 'dir nam mkha' i khams las gtsug tor gyi pad+ma 'am 'khor lor 'gyur te/ 'dab ma'i grangs ni 'chad par 'gyur pa las brjod par bya'o/ /lha dang mi rnams kyi ni ye shes kyi khams las kyang gsang bar 'gyur te/ gsang ba'i pad+ma'o/ zhes pa'i don to/ /snying gi pad+ma rlung gi khams las 'gyur ro/ /rab gsal rtse mo can las mgrin pa'i 'khor lor 'gyur ro/ /gsal bar ni nges pa'o/ /chu'i khams las smin ma'i nang gi pad+ma'o/ /nor ni nor te drug cu rtsa bzhi'i 'dab ldan lte ba'i pad+ma ni sa'i khams las 'gyur ro/ /tshigs drug ces pa ni mang po'i tshig la gcig gis tshig go /rkang pa lag pa dag gi ste/ rkang pa g.yon pa'i gsum ni sa'i khams kyi snying stobs dang rdul dang mun pa'i yon tan rnams kyi dbye ba las 'gyur te/ ma hi zhes pa thung ngu ni sa'i rnam grangs so/ /rkang pa g.yas pa'i gsum ni chu'i khams kyi yon tan gsum gyi dbye ba las so/ /lag pa g.yon pa'i gsum ni me'i yon tan gsum gyi dbye ba las so/ /lag pa g.yas pa gsum ni rlung gi yon tan gsum gyi dbye ba las te/ rlung rnams dag la gsum gyi grangs zhes so/ /'khor lo bcu gnyis ni 'chad par 'gyur ba las brjod par bya'o/ / 'khor lo bco brgyad kyis nges pa'o/ /da ni sa zhes pa la sogs khams kyi dbang gi sor mo 'byung ba gsungs te/ 'dir lag pa dang rkang pa dag gi mthe bo la sogs pa mthe'u chung gi mthar thug pa rnams g.yon pa dang g.yas pa la yang khams lnga yon tan gsum gyi rang bzhin gyis tshigs gsum gyi bdag nyid de/ /de la sa'i khams kyi dbang gis mthe bong du 'gyur te/ sa'i khams kyi yon tan gsum gyi dbang gis mthe bong gi tshigs gsum mo/ /de bzhin du chu'i khams kyi rang bzhin gyi mdzub mo'o/ /de bzhin du me'i khams kyi rang bzhin gyi gung mo'o/ /de bzhin du rlung gi khams kyi rang bzhin gyis ming med do/ /nam mkha' i khams kyi rang bzhin gyis mthe'u chung ngo/ /lag pa g.yon pa la ji lta ba de bzhin du g.yas pa la yang ngo// de bzhin du rkang pa dag la yang shes par bya'o/ /lag pa gnyis dang rkang pa gnyis la bcu ni gsum gyis bsgyur ba ste sum cu'i tshigs kyi gzugs dang ldan pa mdza' dag ste/ de dag thams cad sen mo'i mthar thug yang dag gzung ba'o/ /so rnams gsungs te/ 'dir gal te dang por byis pa la steng du so gnyis su gyur na/ de'i tshe so g.yas pa sa'i rang bzhin te/ g.yon pa chu'i rang bzhin no/ /de nas 'og tu gyur pa na de'i tshe g.yas pa me'i rang bzhin dang g.yon pa rlung gi rang bzhin no/ /de bzhin du slar yang steng du me dang rlung gi rang bzhin dag go / 'og tu sa dang chu'i rang bzhin dag go /slar yang 'og tu rlung dang me'i rang bzhin dag go /slar yang steng dgu dang chu'i rang bzhin dag ste/ de ltar lugs dang mthun pa dang lugs las zlog pas steng dang/ 'og tu khams bzhi'i rang bzhin gyis so sum cu rtsa gnyis po dag rig par bya'o/ /gang gi tshe 'khyogs po'i che ba yin pa de'i tshe nam mkha' i khams so/ /de bzhin du spu dang skra rnams khams kyi dbye bas shes par bya ba dag ni gzhan gang spu'i mthar ni lug mchog la 'gyur de dang de ni de bzhin du yang khams lnga las rig par bya ste/ lus kyi dben pa bye ba phrag phyed dang bcas pa'i gsum gyi dbye ba ji snyed pa khams kyi rnam par 'gyur ba ste/ rdul dang khu ba'i dbang gis khams kyi rnam par 'gyur ba'o/ /kun 'byung gi bden pa ni lus kyi dben pa'o zhes bcom ldan 'das kyis gsungs so/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ lus dang ngag dang sems 'byung ba dang/ sdug bsngal dang lam dang kun 'byung dang 'gog pa'i bden pa nges pa'i mdor bsdus chen po ste dang po'o// //da ni gsang ba zhes pa la sogs pas brten dang brten pa'i tshogs pa gsungs te/ 'dir lus la 'khor lo drug ni rten du gyur pa ste/ sku bzhi ni rten pa'o/ /de dag las lhan skyes pa'i sku ni pad+ma gsum la rang bzhin dang rang bzhin med pa'i dbye bas so/ /de'i phyir gsang ba'i pad+ma dang/ gtsug tor gyi pad+ma dang/ lte ba'i pad+ma la rnam par dag pa'i sku lhag pa'i lha ste/ rang bzhin med pa ma brtags pa dang/ rang bzhin pra phab pa lta bu'o/ /snying gar ni chos kyi sku'o/ /mgrin pa'i chu skyes la yang sku'i dbye bas longs spyod rdzogs pa'i sku lhag pa'i lha'o/ /thig le la zhes pa spyi bo'i chu skyes dag pa'i 'khor lo la sprul pa'i sku lhag pa'i lha'o/ /sku'i dbye bas lte ba sprul pa'i 'khor lo sprul pa'i sku lhag pa'i lha'o zhes pa ni sku'i dbye ba'i pa'o/ /yon tan dbang gis zhes pa ni 'khor lo rnams kyi yon tan te/ lhan cig skyes pa'i sku'i rten gyi yon tan ye shes dang nam mkha' dang sa'o/ /chos kyi sku'i rten gyi yon tan rlung la'o/ /longs spyod rdzogs pa'i sku'i rten gyi yon tan me'o/ /sprul pa'i sku'i rten gyi yon tan chu ste rten dang brten pa'i dngos po'o/ /brjod pa'i rim pas snying ga'i 'khor lo mgrin pa'i 'khor lo spyi bo'i pad+ma tshos dang longs spyod rdzogs dang dag pa'o zhes so lte ba zhes pa la sogs pas lus kyi rten gyi dbye bas rigs drug gsungs te/ 'dir lus kyi 'khor lo drug la khams drug gi dbang gis rigs drug tu 'gyur te/ grangs bzhin du yum gyi rigs gsum ste/ gtso bo zhes pa yab kyi rigs kyang ngo/ /lte bar sa'i 'khor lo la 'khor lo'i rigs su 'gyur ro/ /mgrin par me'i pad+ma la rin chen gyi rigs su 'gyur ro/ /gsang bar ye shes kyi pad+ma gri gug gi rigs su 'gyur te/ grangs bzhin du yum gyi sku dang gsung dang thugs so/ /de bzhin du spyi bor chu'i pad+ma'i rigs su 'gyur ro/ /snying gar rlung gi pad+ma la ral gri'i rigs su 'gyur ro/ /de bzhin du gtsug tor dbus su nam mkha' i khams kyi pad+ma la rdo rje'i rigs su 'gyur te/ gtso bo'i sku dang gsung dang thugs so/ /rim pa bzhin rdul dang khu ba dag gi rigs su 'gyur te/ sa la sogs pa'i khams las skyes pa'i rnam par 'gyur ba rnams kyi go rims ji lta bas so/ /de dag ces pa la sogs pas de dag nyid rlung dang rtsa'i dbye bas gsungs te/ 'dir srog dang thur sel gyi rtsa gsum gyi dbye bas rtsa gsum gyi ming gi mtshan nyid du 'gyur ro/ /thur sel gyi bshad pa'i rtsa ni 'khor lo'i rigs so/ /srog gi nyi ma'i rtsa ni rin chen gyi rigs so/ /thur sel gyi khu ba'i rtsa ni gri phug gi rigs so zhes pa ni/ yul gyi rigs gsum ste sku dang gsung dang thugs so/ /de bzhin du srog gi zla ba'i rtsa ni pad+ma'i rigs so/ /thur sel gyi gci ba'i rtsa ni ral gri'i rigs so/ /srog gi dbu ma'i sgra gcan gyi rtsa ni rdo rje'i rigs te gtso bo'i sku dang gsung dang thugs so/ zhes pa ni rigs drug gi nges pa'o/ /lus zhes pa la sogs pas lus dang bsam pa rab tu 'jug pa dang khams kyi kha dog gsungs te/ /'dir lus la khams rnams phan tshun gzung ba dang 'dzin pa'i dbye bar 'gyur ro/ /de la tshogs pa'i dbang gis 'dzin pa'i khams gang yin pa de ni lus kyi ming du 'gyur ro/ /tshogs pa'i dbang gis bzung ba gang yin pa de ni khams pa'i ming du 'gyur ro/ /gzung ba dang 'dzin pa dag gcig pa nyid ni phan tshun ro mnyam pa nyid do/ /de'i phyir lus la bsam pa rab tu zhugs pa nam mkha' i bzhin du ro mnyam bsam pa'i dbus su lus ngag kyang/ rnal 'byor ldan pas shes bya rang bzhin yon tan dbang gi khams kyi kha dog la sogs pa dbye ba ste zhes so/ /'dir lus kyi dbang po la sogs pa rnams dang dri la sogs pa'i yul rnams kyi rang bzhin ni sa la sogs pa khams rnams kha dog bzhir 'gyur ro/ /'dir lus kyi dbye bas lus kyi dbang po dang/ yul dri dang bshang lam gyi dbang po dang brjod pa rnams sa'i lus kyi rang bzhin gyi kha dog ser po dang/ bsam pa'i dbang gis rlung gi rang bzhin las kha dog nag po'o/ /de bzhin du sna'i dbang po dang/ reg dang dag gi dbang po dang bshad pa 'dzag pa rnams lus kyi dbye bas rlung gi rang bzhin kha dog nag po dang/ sa'i bsam pa'i dbye bas ser po'o/ /mig gi dbang po dang ro dang lag pa'i dbang po dang 'gro ba rnams lus kyi dbang gi me'i rang bzhin kha dog dmar por 'gyur zhing bsam pa'i dbang gis chu'i rang bzhin dkar por 'gyur ro/ /de bzhin du lce'i dbang po dang kha dog gi gzugs dang/ rkang pa'i dbang po dang/ len pa rnams dang/ lus kyi dbye bas chu'i rang bzhin kha dog dkar por 'gyur zhing/ bsam pa'i dbang gis me'i rang bzhin kha dog dmar por 'gyur ro/ /sa rlung me dang chu la'o/ zhes pa ste sa'i rang bzhin dang rlung gi rang bzhin dang me'i rang bzhin dang chu'i rang bzhin la kha dog rig par bya'o/ de bzhin du rna ba'i dbang po dang yul chos kyi dbyings dang b+ha ga'i dbang po dang khu ba 'pho ba ste/ 'di dag ni lus kyi dbye bas nam mkha' i rang bzhin kha dog ljang khu dang/ bsam pa'i dbye bas ye shes kyi rang bzhin sngon po'o/ /de bzhin du yid kyi dbang po dang sgra dang mchog gi dbang po dang gci ba 'dzag pa ste/ 'di dag ni lus kyi dbye bas ye shes kyi khams kyi rang bzhin kha dog sngon po dang/ bsam pa'i dbye bas nam mkha' i rang bzhin ljang gu'o/ /de'i phyir ye shes nam mkha' la yang sngon po ljang gur 'gyur te/ lus dang bsam pa'i rab tu dbye bas so zhes so/ /lus dang bsam pa'i rang bzhin nges pa'o/ /rus pa dang sha la sogs pa'i khams rnams shes rab thabs kyi 'khyung pa gsungs pa/ shes rab ces pa la sogs pa ste/ 'dir lus la rus pa'i khams ni shes rab ste/ sha'i khams ni thabs so/ /sa dang 'du byed dag de dag ni phan tshun yang dag par ldan pa ste/ sra ba nyid gang yin pa de ni sa'i khams so zhes pa'i shes par byed pa las rus pa dang sha ni shes rab dang thabs so/ /de bzhin du shes rab dang thabs ni chu dang bcas pa'i khrag ste/ chu'i khams dang lhan cig tu tshor ba'i phung po'o/ /de bzhin du me dag dang zhes pa tsha ba nyid dang bci ba zhes pa ni 'du shes te/ 'di dag ni shes rab dang thabs so/ /khu ba'i khams 'du shes kyi phung po ma yin nam/ ji ltar gci ba zhes brjod ce na/ 'dir lus la 'du shes gang yin pa de ni byis pa skyes pa tsam gyis te/ gci ba 'dzag pa las so/ /bde ba chen po ye shes gang yin pa de ni lo bcu drug gi mtshams su 'gyur te sa bon 'pho ba'i chos las so/ /de'i phyir gci ba ni 'du shes kyi chos dang/ khu ba ni ye shes kyi chos so zhes pa'i khyad par las gci ba ni 'du shes kyi phung po'o/ /de bzhin du rlung dang bshang ba shes rab dang thabs te rlung gi khams dang gzugs kyi phung po'o/ /stong pa zhes pa rdul gyi khams dang khu ba zhes pa rnams par shes pa'i khams ni shes rab dang thabs te/ mchog gi lus la dpal ldan dul dang byang chub kyi sems nyid dag tu 'gyur ro/ /de bzhin du rna ba sgra sogs gzhan rnams shes pa ni/ sgra ni shes rab po/ /rna ba ni thabs so/ /dri ni shes rab bo/ /sna ni thabs so// gzugs ni shes rab bo/ /mig ni thabs so/ /ro ni shes rab bo/ /lce ni thabs so/ /reg bya ni shes rab bo/ /lus ni thabs so/ /chos kyi dbyings ni shes rab bo/ /yid ni thabs so/ /bshang ba 'dzag pa ni shes rab bo/ /bshang lam ni thabs so/ / 'gro ba ni shes rab bo/ /rkang pa ni thabs so/ /len pa ni shes rab bo/ /lag pa ni thabs so/ /brjod pa ni shes rab bo/ /ngag gi dbang po ni thabs so/ /gci ba'i bya ba ni shes rab bo/ /b+ha ga 'am rtags ni thabs so/ /khu ba 'dzag pa ni shes rab bo/ /dung can ma'i dbang po'i thabs so/ /rang gi rgyal ba'i rigs kyi dbang gis ngag gi rang bzhin la sogs kyang zhes pa ni las kyi dbang po la sogs pa'o/ /de ltar brjod pa'i rim pas lha mo sa la sogs pa rnams sangs rgyas dang bcas te/ rnam par snang mdzad la sogs pa dang lhan cig pa'i yul dang yul can ni 'chad par 'gyur ba'i dkyil 'khor dag las brjod par bya'o/ /phan tshun shes rab dang thabs kyis 'khyud pa'i cho ga'i nges pa'o/ /da ni rtsa rnams zhes pa la sogs pa zla ba dang nyi ma khu ba dang rdul gyi bya ba gsungs te/ 'dir lus la mngal gyi zla ba gcig gis rjes la nyin zhag so so rtsa brgya phrag gnyis su 'gyur te/ zla ba'i nang du nyin zhag sum cus stong phrag drug gi grangs su 'gyur ro/ /zla ba bcu gnyis kyis mtshams su nyin zhag sum brgya drug cu rnams kyis stong phrag bdun cu rtsa gnyis kyi grangs su 'gyur te/ rtsa rnams stong phrag drug ni nyin mor byed pas bsgyur ba ste/ bcu gnyis kyi bsgyur ba'o/ /mngal gyi dbus dag tu yang 'phel ba ni byas nas yang yig gis phyi rol tu yang ste zla ba bcu gnyis kyi mdza' i bar du'o/ /mngal bzung ba'i zla gcig por nas lo rdzogs par gyur pa na 'phel ba gtong ste/ ri bong 'dzin pa ni yang yig gis zla ba bcu gsum na ste/ nyi ma dag kyang 'phel bar byed do/ zhes pa ni/ de nas zla ba dang khu ba'i rtsa'i khams kyi grangs yongs su chad par gyur pa na lo bcu gnyis kyi bar du rdul gyi khams 'phel bar byed do/ /kyang yig gis khu ba'i khams kyang 'phel bar byed do/ /lo ni bcu gnyis dag na nyin byed khams ni 'phel ba gtong ste/ rang gi lus po dag la'o/ zhes pa bud med rnams kyi rdul byung ba'i bar du nyi ma 'phel ba ste/ kyang yig gi bsdus pa las skyes pa rnams kyi lo bcu drug gi mtshams khu ba byung ba'i bar du'o/ /de bzhin du rtsa ni 'chad pa dag kyang rab tu skyes par gyur pa nas nyin zhag so so rim pas zung gi grangs su 'gyur zhes pa ni 'chang par 'gyur ba las rgya cher brjod par bya'o/ /rtsa dang khams 'phel ba'i nges pa'o/ /da ni dpal ldan 'byung ba zhes pa la sogs pas nam mkha' la sogs pa'i de nyid rnams gsungs te/ 'dir byis pa'i lus la dpal ldan 'byung ba lnga dang dbang po lnga ni nam mkha' la sogs pa dang rna ba la sogs pa ste/ gcig tu bcur 'gyur ro/ /de bzhin du las kyi dbang po lnga po rnams dang/ de tsam zhes pa ni sgra de tsam la sogs pa ste/ de tsam lnga ru brjod pa rnams so/ /yon tan bcas pa dag kyang yid dang zhes pa ni snying stobs dang rdul dang mun pa dang bcas pa'i yid de/ de bzhin du blo dang ngar 'dzin dang mchog gi rang bzhin yang ngo/ /'di dag ni de nyid rnams te nyi shu rtsa bzhi'o lus dang phyi rol srid pa gsum gyi gnas su 'di ni longs spyod de gtso bo dag gi'o/ /ji ltar gyur pa'i zhe na/ phung po lnga'i bdag nyid dang 'jig rten gyi kun rdzob kyi rnam gsum srid pa la gnas bdag gis las ni bsags pa dag gis longs spyod du 'gyur ro/ rang bzhin nyi shu rtsa bzhi'i bdag nyid ni 'dzin par byed pa'i chos can skyes bu'i bzung bar bya ba'i chos can gyi rang bzhin no/ /rang gi ngo bo can yang gzung bya'i chos dang bral ba'i rang bzhin gzhan te/ rang bzhin gyi 'od gsal bar yod pa'o/ zhes pa ni rang bzhin dang skyes bu'i nges pa'o/ /da ni sa zhes pa la sogs pas lus la sa la sogs pa rnams kyi mtshan nyid gsungs te/ 'dir lus la sa ni sra ba'o/ /chu ni gsher ba'o/ /me yang tsha ba nyid do/ /gang gi phyir bskum pa brkyang bar byed pa'i rlung ni yang ba nyid do/ /bug pa ni stong pa'o/ /brtan pa'i rus pa ste/ rgyab kyi tshigs pa'i rus pa'i spyi nas rtsams nas phrag pa'i mthar thug pa ni 'chi med ri bo mchog ces pa lhun po'o/ /phyi rol tu char pa gang yin pa de lus la 'dir ni bdud rtsi ste/ lce dang lce chung dag las ste'u ka 'dzag pa'o/ /rdo rje ni snying la sgra ste sgyu ma rnams 'khrol ba gang yin pa'o/ /gzhu ste 'ja' tshon ni bshang ba dag go /phyi rol tu chu srang drug cu'i bdag nyid kyi chu tshod gang yin pa de ni lus la dbugs dang dbugs 'byung zung dag go zhes pa ste/ srog gi rlung 'byung ba dang 'jug pa zung ni chu tshod do/ /zung 'di rnams dgu brgya nyis 'gyur zhes pa brgya phrag bco brgyad rnams kyis 'pho ba gcig tu 'gyur ro/ /phyi rol tu 'pho ba ni nyin zhag sum cu'i zla ba ste/ nang du ni dkyil 'khor lnga 'bab pa'i rtsa lnga rnams so/ /skar rtsis pa ni nyi ma la sogs pa'i gza' rnams so/ /de dag bug pa'i dbye bas bcur 'gyur te 'dir bshad lam gyi bug pa ni zla ba'o/ /gci ba'i bug pa ni nyi ma'o/ /khu ba'i bug pa ni dus kyi me'o/ /kha'i bug pa ni sgra gcan no/ /mig g.yas pa'i bug pa ni bkra shis so/ /mig g.yon pa'i bug pa ni gza' lag go /sna g.yas pa'i bug pa ni phur bu'o/ /sna g.yon pa'i bug pa ni pa sangs so/ /rna ba g.yas pa'i bug pa ni spen pa'o/ /rna ba g.yon pa'i bug pa ni mjug rings so/ /slar yang bkra shis la sogs pa 'di rnams kyi dbang po drug gi dbye ba ni 'chad par 'gyur ba'i le'u lnga pa las brjod par bya'o/ /sa la sogs pa'i nges pa'o/ /da ni rgyu skar zhes pa la sogs pas/ rgyu skar la sogs pa gsungs te/ thur ma bdun pa'i 'khor lo'i dbye bas byi bzhin dang bcas pa ni rgyu skar nyi shu rtsa brgyad do/ /thur ma'i rgyu skar rnams kyi zur bzhir dbyu gu'i rgyu skar bzhi ste/ de ltar na sum cu'i rtsa gnyis so/ /rim pa dang rim pa ma yin par rgyu ba'i dbye bas rgyu skar bcu bzhi ni so rnams kyi steng gi 'khor lo la ste/ bcu bzhi ni 'og gi 'khor lo la gnas so/ /'khor lo phyed kyi dbye bas so/ /rnams kyi dbye ba steng dang 'og tu 'gyur te/ rgyu skar dag ni so yi phreng ba'o/ /rjes su nyin zhag chu tshod de rnams ni tshigs kyi dbye bar 'gyur zhes pa ni/ nyin zhag so sor chu tshod drug cu lo'i rjes su nyin zhag gi dbugs kyi grangs su 'gyur ro/ /chu tshod de ni nyin zhag sum brgya drug cur 'gyur te/ de dag kyang tshigs sum brgya drug cur 'gyur ro zhes pa tshigs kyi dbye ba'o/ /rtsa rnams chu bo zhes pa ni 'dir phyi rol tu 'jig rten gyi khams la rgya mtshor 'gro ba'i chu bo stong phrag bdun cu rtsa gnyis te/ nang du ni ro 'bab pa'i rtsa stong phrag bdun cu rtsa gnyis su 'gyur ro/ /rgyu ma sprin te/ rgyu ma zhes pa ni rnam dbye med pa'i tshig go / rgyun ni sprin du 'gyur te/ ro 'bab pa'i phyir dang/ sgra sgrogs pa'i mtshan nyid kyi phyir ro/ /ri bong can gyi cha gzhan khams rnams gnyis kyi rang bzhin no/ /'dir cha rnam pa gnyis te/ spu la sogs pa'i khams kyi rnam par 'gyur pas gcig dang/ khu ba 'pho ba'i chos kyis gzhan no/ /'di dag las slar yang spu la sogs pa'i khams kyi rnam par 'gyur bas gnas pa gang yin pa de yang rnam pa gnyis te/ ri bong can gyi cha gzhan zhes so/ /'dir spu phra mo dang sbom po ni tshes gcig dang gnyis pa'o/ /de bzhin du pags pa ni gsum pa dang bzhi pa'o/ /de bzhin du khrag ni lnga pa drug pa'o/ /de bzhin du sha ni bdun pa dang brgyad pa'o/ /de bzhin du rtsa ni dgu pa dang bcu pa'o/ /de bzhin du rus pa ni bcu gcig pa dang bcu gnyis pa'o/ /de bzhin du rkang pa ni bcu gsum pa dang bcu bzhi pa'o/ /de bzhin du khu ba ni bco lnga pa dang bcu drug pa ste/ tsha ni khams rnams gnyis kyi rang bzhin no zhes pa'i nges pa'o/ /nga ni spu dang zhes pa la sogs pas 'byung po'i skyes gnas gsungs te/ 'dir 'jig rten gyi khams su 'byung po'i skyes gnas rnam pa bzhi ste/ 'dir phyi rol tu sa'i skye nas brtan pa ni nang du spu rnams so/ /phyi rol tu rlung gi skyes gnas sgong skyes ni/ nang du shig rnams so/ /phyi rol tu chu'i skye gnas srin bu'i rigs la sogs pa drod gshir las skyes pa ni lus la yang srin bu'i rigs la sogs pa'o/ /phyi rol du mngal nas skyes ba khu ba las byung ba ni nang du khu ba nyid do/ /ma brjod pa nyid las phyi rol tu nam mkha' i khams ro'i gzugs rdzus te skyes pa rnams ni nang du phra mo'i gzugs srog chags phra mo rnams te/ 'byung po'i skyes gnas rnam pa bzhi'o/ /dga' ba la sogs mthe bong tshigs rnams zhes pa ni/ 'dir phyi rol tu tshes gcig la sogs pa tshes lnga lnga ni dga' ba la sogs par brjod de/ de dag kyang dkar po dang nag po'i phyogs kyi dbye bas mthe'u chung dang mthe bong la sogs pa tshigs gsum gsum gyi rang bzhin gyis so/ /nam mkha' la sogs pa'i khams kyi dbye bas lag pa g.yon pa'i sor mo'i tshig rnams dga' ba la sogs par 'gyur ro/ /lag pa g.yas pa'i sor mo'i tshigs rnams la sogs pa'i dbye bas te/ rgan po mthe bong gi tshigs la sogs pa'i dbye bas bco lnga'o/ /de bzhin du rkang pa'i sor mo'i tshigs rnams zla ba gnyis pa'i tshes kyis dbye bas shes par bya'o/ /de ltar na dus so so'i dbye bas lo la yongs su 'khor ba drug tu 'gyur te/ dus drug gis so zhes pa ni dga' ba la sogs mthe bong tshigs rnams shes pa'i nges pa'o/ /spyi bo'i pad+ma lte ba'i pad+ma dag kyang nus pa'o/ zhes pa ni sngar brjod pa'i cho gas lhan cig skyes pa'i skur 'gyur ro/ /zhes pa ste/ nus pa'i nges pa'o/ /da ni tshangs pa'i g.yul sa zhes pa la sogs pas mtho ris la sogs pa gsungs te/ 'dir lus la tshangs pa'i yul sa gtsug tor nas mgrin pa'i mthar thug pa ni mtho ris kyi 'jig rten du 'gyur ro/ /lag mchog dag ni mi yul gyi 'jig rten du 'gyur ro/ /rkang pa dag ni sa 'og gi 'jig rten du 'gyur ro/ /chu gter rnams dang gling rnams ni chu gter gling ste ri bo rnams kyang bdun rnams grangs bzhin du lus la rgya mtsho bdun po ni gsher ba'i khams rnams te/ de dag las lan tshwa'i rgya mtsho ni bci ba'o/ /chang gi rgya mtsho ni rdul lo/ chu'i rgya mtsho ni stu ka'o/ /'o ma'i rgya mtsho ni bud med rnams kyi'o/ /ma dang skyes pa rnams kyi bad kan gyi khams so/ /zho'i rgya mtsho ni mgo'i glad pa'o/ /mar gyi rgya mtsho ni zhag go /sbrang gi rgya mtsho ni khu ba'o/ /de bzhin du gling rnams te/ 'dzam bu'i gling rtsibs bcu gnyis pa ni lag pa dang rkang pa'i dum bu bcu gnyis la'o/ /drag po ni sha'o/ /khrung khrung ni mchin pa'o/ /mi 'am ci ni snying ngo/ /ku sha ni tshil bu'o/ /'od dkar ni rgyu ma'o/ /zla ba ni rtsa ste 'jam pa'i khams rnams so/ /ri bo zhes pa la rdo rje'i la ri ni rkang pa dang lag pa'i sen mo rnams so/ /gsil ba'i ri ni lag pa'i rus pa'o/ /dro Na ni nye ba'i dpung pa'i rus pa'o/ /nor bu'i 'od ni dpung pa'i rus pa'o/ /miSh+Ta ni rkang pa'i rus pa'o/ /manda'i ri ni byin pa'i rus pa'o/ /'od sngon ni brla'i rus pa'o/ /zhes pa ni ri bdun po sra ba'i khams rnams te/ brgyad pa lhun po ni lus kyi rgal tshigs spyi nas brtsams nas phrag pa'i mthar thug par nges pa ste/ gsher 'jam sra ba gsum gyi rang bzhin khams so/ /me rlung dkyil 'khor zhes pa la me'i dkyil 'khor ni khrag go /rlung gi dkyil 'khor ni dag pa'o/ rgyal po zhes pa ni bod pa'o/ /skra rnams grub pa mdza' dag srid pa gsum gyi gnas su du ma'i dbye ba dag gis grub pa'o zhes pa ni 'dir phyi rol tu 'jig rten gyi khams la grub pa rnam pa gsum ste/ mkha' la spyod pa dang/ sa la spyod pa dang/ sa 'og na gnas pa'o/ /de dag la mkha' la spyod pa ni mgo las skyes pa rnams so/ /sa la spyod pa ni mtshan khung du skyes pa rnams so/ /sa 'og na gnas pa ni/ b+ha ga dang rtags las skyes pa'o/ /ma brjod pa nyid las spu rnams ni 'byung po'i rigs bye ba phrag phyed dang bcas pa'i gsum gyi mtshan nyid do zhes pa ni mtho ris la sogs pa'i nges pa'o da ni snying zhes pa la sogs pas me gsum gsungs te/ 'dir lus la lho'i me dang khyim bdag gi me dang/ bsreg bya za ba'i me'o/ zhes pa ni nges pa ste/ gsum po grangs bzhin du/ snying ga'i pad+ma gzhu'i rnam pa la rdo rje ste glog gi me'o/ /mgrin pa'i pad+ma zlum po la khyim bdag gi nyi ma'i me'o/ /lte ba'i thabs khung gru bzhi pa la bsreg bya za ba'i sha za'i me'o zhes pa ni rab 'phro rim pa yis/ /nyin bzhin sreg byed chu gter zur gyi thab khung dag la yang zhes pa'i nges pa'o/ /de dag gong na me gzhan dri med 'od zer 'phro ba ye shes gzugs ni mun pa dag gi mthar gsang ba'i pad+ma dang/ dpral ba'i pad+ma la mi chod pa ste/ gnas gang zhig nyi ma glog gi mi gdung ri bong 'dzin pa gza' dang skar ma la sogs med pa na ste sogs pas ni sha za'i me ste bzhi pa bden pa'i me ye shes kyi gzugs so zhes pa ni me gsum gyi nges pa'o/ /da ni gza' zhes pa la sogs pas gza'i chu tshod la sogs pa gsungs te/ 'dir phyi rol du gza' bdun te brgyad pa ni rigs ldan gyi longs spyod do// brgyad po de dag ni lus kyi snying ga'i pad+ma'i 'dab ma brgyad po rnams la 'gyur te/ shar gyi 'dab ma la nyi ma'o/ /mer zla ba'o/ /lho ru bkra shis so/ /bden bral du gza' lag go /chur phur bu'o/ /rlung du pa sangs so/ /lus ngan du spen pa'o/ /dbang ldan du rigs ldan gyi longs spyod la spen pa ste/ longs spyod byed gzhan la ni sgra gcan no/ /rab tu gsal byas chu tshod drug cu lte ba'i pad+ma la ste/ chu tshod stong pa'i 'dab ma bzhi'o/ /lhag ma 'dab ma drug cu ni dkyil 'khor drug cu 'bab pa'i chu tshod rnams te/ gza' so so la drug cu'i grangs so/ /smin ma'i dbus su 'dab ma bcu drug rnams la 'dab ma gnyis ni stong pa 'bab po/ /'dab ma bcu bzhi pa la 'byung dang 'byung ba mnga' zhes pa la sogs pas zla ba'i rkang pa bcu bzhi rnams so/ /de la dang po'i 'dab ma la 'byung ba zhes pa chu tshod lnga'i bdag nyid kyi rkang pa ste/ de bzhin du gnyis pa dang gsum pa la'o/ /'dab ma bzhi pa la rig byed ces pa chu tshod bzhi'i bdag nyid do/ /lnga pa la rtse mo can te rkang pa chu tshod gsum mo/ /'dab ma drug pa la lag pa zhes pa chu tshod gnyis kyis bdag nyid kyi rkang pa'o/ /'dab ma bdun pa la ri bong can zhes pa chu tshod gcig gi bdag nyid kyi rkang pa bdun pa'o/ /de bzhin du lugs las zlog pas brgyad pa la chu tshod gcig gi rkang pa'o/ /dgu pa la chu tshod gnyis kyi bdag nyid do/ /bcu pa la chu tshod gsum gyi bdag nyid do/ /bcu gcig pa la chu tshod bzhi'i bdag nyid do/ /bcu gnyis pa la chu tshod lnga'i bdag nyid do/ /bcu gsum pa dang bcu bzhi pa la yang de ltar shes par bya ste/ zla ba'i rkang pa mnu'i grangs su 'gyur ro mi bdag ces pa ni bod pa'o/ /longs spyod 'khor lo ste mgrin pa'i 'khor lor 'dab ma sum cu rtsa gnyis la 'dab ma bzhi ni stong pa'o/ /gzhan 'dab ma nyi shu rtsa brgyad po rnams la ji bzhin dang bcas pa'i rgyu skar nyi shu rtsa brgyad po rnams su 'gyur ro/ /de dag ni shar gyi thur ma bdun gyi dbu ma la dbu ma gang yin pa nam gru'i mthar g.yon bskor gyis te/ gnyis pa la tha skar ro/ /gsum pa la dra nye'o/ /bzhi pa la smin drug go /de nas dbyug gu rgyu skar te thur ma ni 'dab ma bdun pa'i ming can gyi rtsa'o/ /de nas byang gi thur ma bdun po rnams la g.yon bskor gyis te thur ma dang po la snang ma'o/ /gnyis pa la mgo'o/ /gsum pa la lag go /bzhi pa la nabs so'o/ /lnga pa la rgyal lo/ /drug pa la skag go /bdun pa la mchu'o/ /de nas gzhan la yang de bzhin du rigs par bya'o/ /slar yang lte ba'i pad+ma rgyu skar rnams kyi chu tshod drug cur rig par bya'o/ /chu tshod kyi chu srang ni drug cu ste/ drug cu rnams brgya phrag sum cu rtsa drug ni gsal bar mdza' dag lus la lag pa rkang pa la sogs dag ni tshigs la'o/ /zhes pa ni 'chad par 'gyur ba las rgyas par brjod par bya'o/ /gza' la sogs pa'i nges pa'o/ /da ni lte ba zhes pa la sogs pa'i nges pa'o/ /da ni lte ba zhes pa la sogs pas srog gi nus pa lte ba la sogs pa'i 'khor lo 'khor ba gsungs te/ 'dir phyi rol tu nyi ma khyim bcu gnyis po rnams la/ lo'i 'pho ba'i dbye bas 'khor ba ji lta ba de bzhin du/ nang du srog gi nus pa yang khyim bcu gnyis pa la nyin zhag so sor 'pho ba bcu gnyis kyi dbye bas 'khor ro/ /lte ba'i chu skyes nyi ma'i 'dab ma dag la 'khor te mchog gi cha srog gi nus pa 'di 'pho ba'i rim pas khyim bcu gnyis kyi 'dab ma rnams la srog zung dgu brgya nyis 'gyur dag gi 'pho bar 'gyur te zhes pa ni 'dir ji ltar phyi rol tu dbyu gu brgya phrag bco brgyad kyis nyi ma'i 'pho ba gcig tu 'gyur ba de bzhin du dbugs brgya phrag bco brgyad kyis srog gi nus pa phang ba ma re rer 'pho bar 'gyur ro/ /de yang dus sbyor kar ka Ta nas mi'i dbang/ 'dir phyi rol tu nyi ma'i skye ba'i khyim ni kar ka Ta'o/ /de bzhin du skyes ba thams cad kyis dus sbyor gang du skyes bar gyur pa'i khyim de ni kar ka Ta'i ming can du rig par bya ste/ srog gi skye ba gnas par bya zhes pa'i rig pas so/ /dus sbyor kar ka Ta nas mi yi dbang zhes pa ni bod pa'o/ /phyi rol tu dus sbyor gang la nyi ma gnas pas 'char ba'i dus nas nyin dang mtshan mor 'khor ba de la de ni rig par bya ste/ thur ma bdun gyi dbye bas so/ /dus sbyor tshad ni shes par bya/ /phyi rol tu nyi ma'i 'pho ba chad pa dang lhag pa nyin zhag rnams kyis rig par bya ba ji lta ba de bzhin du/ nang du chad pa dang lhag pa ni dbugs rnams kyi rig par bya'o/ /nyi ma'i chu tshod kyi dbye bas lus la dbugs kyi nges pa'o/ /srog gi nor dang bu lon mnyam pa ste/ kar ka Ta la sogs pa la nyi ma'i rkang pas bu lon dang chu srin la sogs la nor ro/ /skar rtsis kyis cho gas mnyam pa ni 'pho ba so so'i nyin zhag ste rkang pa dang bcas pa'i dbyu gu lnga bcu rtsa drug gi bdag nyid ni phyi rol tu'o/ /nang du mnyam pa ni dbugs kyi bdag nyid de/ dus sbyor so so'i 'pho ba'i dbye bas so zhes pa ni 'pho ba bcu gnyis 'khor ba'o/ /da ni re re zhes pa la sogs pas pad+ma'i 'dab ma so so la dkyil 'khor rab tu 'bab pa gsungs te/ 'dir phyi rol tu nyi ma'i 'pho ba re re la nyin zhag sum cus dkyil 'khor lnga longs spyod cing/ nyin zhag drug gi dbyu gu sum brgya drug cus dkyil 'khor gcig longs spyod do/ /de bzhin du nang du dbugs brgya phrag bco brgyad kyi dkyil 'khor lnga longs spyod cing dbugs sum brgya drug cus dkyil 'khor gcig longs spyod par 'gyur ba ni nges pa'o/ /'dir 'pho ba so so'i 'dab ma la gnas lngar 'gyur te/ 'dab ma'i nub dang byang dang lho dang shar dang dbus so/ /de la pad+ma'i 'dab ma so so re re la 'bab par 'gyur te/ nub tu 'dzin ma'i dkyil 'khor ro/ /'dab ma'i byang du chu'i dkyil 'khor 'bab po/ /lhor me'i dkyil 'khor 'bab po/ /slar yang shar du rlung gi dkyil 'khor rab tu 'bab po/ /'dab ma'i dbus dag tu yang stong pa'i dkyil 'khor 'bab ste/ so sor dbugs sum brgya drug cu ni srog gi nus pa'o/ /de ltar dbye ba lnga yis 'pho ba so sor 'gyur ro// dkyil 'khor 'di dag la dbugs sum brgya drug cu'i dbus nas rkang pa dang bcas pa'i dbugs bcu gcig bcu gcig gzung nas dus sbyor 'char ba'i mtshams su mnyam par rab tu 'bab ste/ dman pa'i dbugs ni drug cu zhes pa ni rkang pa gsum dang bcas pa'i dbugs gsum gyi dman pa'i dbugs rkang pa dang bcas pa'i lnga bcu rtsa drug 'bab bo/ /de ltar 'pho ba'i dbye ba rnams ni nang du dus sbyor bcu gnyis kyi mtshams kyi bar du dbye bas 'gyur ro zhes pa ni 'pho ba'i nges pa'o/ /nga ni stong pa zhes pa la sogs pa dkyil 'khor lnga'i lhag pa'i lha gsungs te/ 'dir phyi rol tu nyi ma ni lug la sogs pa mi mnyam pa'i dus sbyor la stong pa'i dkyil 'khor la sogs pa/ longs spyod cing glang la sogs pa mnyam pa'i dus sbyor la sa'i dkyil 'khor la sogs pa longs spyod do/ / de bzhin du nang du stong pa la sogs de nyid lnga zhes pa ni stong pa dang rlung dang me dang sa'i dkyil 'khor rnams nges par byang du ste/ sna bug g.yon par rab tu 'bab po/ /sa la sogs pa zhes pa ni sa dang chu dang me dang rlung dang stong pa'i dkyil 'khor rnams g.yas kyi sna'i bug par 'bab po/ /g.yon dang g.yas kyi dkyil 'khor bcu po 'di dag la grangs bzhin du g.yon par stong pa'i dkyil 'khor rab tu 'bab pa'i dus su sgra gcan ni lhag pa'i lha'o/ /g.yas par dus kyi me'o/ /g.yon par rlung gi dkyil 'khor la zla ba'o/ /g.yas pa la nyi ma'o/ /g.yon par me'i dkyil 'khor la gza' lag go /g.yas pa la bkra shis so/ /g.yon par chu'i dkyil 'khor la pa sangs so/ /g.yas pa la phur bu'o/ /g.yon pa'i sa'i dkyil 'khor la mjug rings so/ /g.yas pa la spen pa'o/ /de ltar nam mkha' la sogs pa'i dkyil 'khor rnams la bdag po zhing can bcur 'gyur ro/ /de bzhin du zla ba drug la zla ba dbang phyug tu 'gyur te/ lug dang 'khrig pa dang seng ge dang srang dang gzhu dang bum pa'i khyim g.yon gyi rtsal zla ba zhes pa khu ba'i khams dbang phyug ste/ byang dag bu'o/ /lho ru glang dang kar ka Ta dang bu mo dang sdig pa dang chu srin dang nya'i khyim la nyi ma ste/ rdul gyi khams dbang phyug tu 'gyur ro/ /mi bdag ces pa ni bod pa'o/ dkyil 'khor gyi bdag po'i nges pa'o/ /da ni de zhes pa la sogs pas srog la sogs pa'i rlung rnams gsungs te/ 'dir lte ba'i 'khor lo ni snying po 'dab ma bzhi'i bdag nyid do/ /de'i phyi rol tu 'dab ma brgyad kyi bdag nyid do/ /de'i phyi rol tu 'dab ma bcu gnyis kyi bdag nyid do/ /de'i phyi rol tu 'dab ma drug cu rtsa bzhi'i bdag nyid de/ 'dab ma'i sgra yis dbugs kyi chos can gyi rtsa rnams gzung ngo/ /lte ba'i 'khor lo de steng ste sor mo phyed dang bcas pa'i bcu gnyis kyi steng snying ga'i phyogs su rtsa'i 'khor lo rtsibs brgyad pa rtsa brgyad kyi bdag nyid yang dag par gnas so/ /de rnams la srog la sogs pa'i rlung gi tshogs so/ /pad+ma nor gyi 'dab ma dag la zla ba nyi ma me rnams te me zhes pa ni sgra gcan no/ /g.yon du zla ba'i rtsa ni ri bong mtshan ma 'bab ste kha dog dkar po'o g.yas su kha dog dmar po ste nyi ma'i rtsa 'bab bo/ /'dab ma brgyad kyi dbus su dus kyi me'i gzugs sgra gcan gyi rtsa 'dab bo/ /mnyam pa dag la dus sbyor 'char ba'i mtshams su rkang pa dang bcas pa'i dbugs lnga bcu rtsa drug go /snying ga'i chu skyes rtsibs brgyad pa 'di la thun tshod 'pho ba'i rtsa rnams rig par bya'o/ /sna'i bug par dkyil 'khor lnga 'bab par byed pa ni 'di rnams su 'gyur ro/ /rtsa dang rtsa la dbugs 'byung ba dang 'jug pa brgya phrag nyi shu rtsa bdun gyi srog yang dag par rgyu bar 'gyur te/ dbyu gu phyed dang bcas pa'i bdun gyis so/ /de la srog ni steng du 'bab bo/ /thur sel ni lte ba'i 'og tu 'bab bo/ /mnyam nas ni shar gyi 'dab ma'i rtsa snar ma la lhag pa'i lha'o/ /gyen rgyu ni me'i 'dab mar rtsa lag ldan gyi lce la'o/ /khyab byed ni lho'i 'dab mar rtsa dmar ser la'o// klu ni bden bral gyi 'dab mar rtsa rgyal la'o/ /rus spal ni nub pad+ma mar rtsa rgyal pa'o/ /rtsa ngas pa ni rlung gi 'dab mar rtsa a lam bu Sha la'o/ /lhas byin ni byang gi 'dab mar rtsa ai Da la'o/ /nor las rgyal ba ni dbang ldan gyi 'dab ma la rtsa ku ha la'o// srog ni rtsa su shumna la'o/ /thur sel ni phyogs kyi grangs dung can ma gang gis byang chub kyi sems zag par byed pa de la lhag pa'i lha'o/ /zhes pa de ltar rlung rnam pa bcu ni rtsa'i 'khor lo la las kyi dbye bas yang dag par chos so/ srog la sogs pa 'di dag thams cad rtsa stong phrag bdun cu rtsa gnyis po rnams la khyab pa ste/ 'on kyang gnas brgyad la skye ba brgyad do/ /dung can mdza' yang ai Da la sogs rang gi snying ga'i pad+ma rtsa'i 'khor lo mdza' dag go /zhes pa/ mnyam gnas la sogs pa rnams kyi skye ba'i gnas te/ snying ga'i 'khor lo'i nges pa'o/ /da ni srog ces pa la sogs pa'i srog la sogs pa'i bya ba gsungs te/ 'dir lus la srog gi ste stobs byed do/ /nyi ma zla ba'i lam na gnas par gyur pa na ste/ nyi ma'i lam ni dmar ser ram ra sa nA'o/ /zla ba'i lam ni ai Da 'am la la nA ste de'i lam la gnas pa'o/ /kyang ni tshig phrad kyi don to/ /bza' dang btung ba ma lus pa ni ro drug zos pa dang/ chu la sogs pa 'thungs pa ste/ de dag ma lus pa thur sel gyi rlung gis 'og tu 'dren te zhes pa ni lung ngo/ /mdza' dag ro mnyam ste mtshungs pa'i ro'i bar du lus la mnyam nas zhes bya ba'i rlung gi 'thob par byed de/ khams bdun ro mnyam par byed do/ /zhes pa'i don to/ /lus la gyen rgyu zhes bya ba'i rlung gis g.yo bar byed do/ /kha dang lag pa rkang pa rnams kyi klu dang zlos gar byed de/ lus 'di la gyen rgyu de nyid kyis kha yi glu la sogs pa dang rgod pa dang smra ba la sogs par byed do/ /lag pa rkang pa rnams kyi zlos gar dang 'gro ba la sogs pa byed do/ / khyab byed kyis ni nad dag byed de rang bzhin yon tan dbang gis zhes pa ni chu'i rang bzhin gyi dbang gis te/ ji ltar lus ni 'jig rten pa de ltar nyid du nad byed do/ /klu yang bsgrags pa byed pa nyid de/ gsal bar lag pa rkang pa bskum pa dag ni rus sbal rlung gis so/ /de ni zhes pa khro ba dang g.yeng ba mdza' dag rtsangs pa'i rlung gis byed do/ /glal ba dag kyang lhan byin gyis byed do/ /lus ni lnga pa nyid du gyur pa nor las rgyal ba'i rlung gis gtong bar mi byed do/ /mi'i bdag po zhes pa ni 'ong pa'o/ / rlung gcig nor las rgyal ba'o zhes so/ /de ltar brjod pa'i rim pas srog la sogs pa'i rlung rnams thams cad de rlung rnams kyi rang bzhin gyis gnas yon tan dag ni stong par mi byed de/ nam mkha' la sogs pa'i rang bzhin gyis yon tan rnams so/ /srog la sogs pa'i bya ba nges pa'o/ /da ni dmar ser zhes pa la sogs pas rtsa'i ming mu stegs byed kyi ming rnams kyis gsungs te/ dmar ser phra mo dag kyang ai Da la sogs ni ai Da la sogs pa rtsa gsum mo/ /rnam gsum lam bgrod ces pa la zla ba'i lam la bgrod pa ni ai Da'o/ /nyi ma'i lam la bgrod pa ni dmar ser ro/ /sgra gcan gyi lam la bgrod pa ni su shun ma'o/ /snar ma ni bzhi pa'o/ /lag ldan lce ni lnga pa'o/ /rgyal ni drug pa'o/ /ri yang rgyal ba zhes pa bdun pa'o/ /a loM bu Sha ni nor dang zhes pa brgyad pa'o/ /ku hA ni dgu pa'o/ /phyogs kyi grangs ni dud can mas gang ste/ bcu pa dung can mas byang chub kyi sems bde ba'i mthar zag par byed pa'o/ /dpal ldan rtsa'i 'khor lo 'di ni rnam pa mang por 'gyur te/ tshigs kyi dbye ba du ma so zhes pa ni 'dir lus la tshigs kyi dbye ba'i grangs sum brgya drug cu ste/ tshigs kyi dbye ba de dag gis rtsa'i 'khor lo'i dbye ba sum brgya drug cur 'gyur zhing/ srog la sogs pa'i rlung gi bya ba'i dbye ba yang de bzhin du shes par bya'o zhes pa ni rtsa'i 'khor lo'i nges pa'o/ /da ni dbang po zhes pa la sogs pas rtsa'i 'khor lo de nyid la dbang po la sogs pa'i byin gyis brlabs pa gsungs te/ 'dir dbang po'i 'dab ma la thun tshod gcig gi bar du srog gi nus pas dbang po'i rang bzhin bsten to/ /me'i 'dab ma la me'i rang bzhin no/ /gshin rje'i 'dab ma la gshin rje'i rang bzhin no/ /bden bral gyi 'dab ma la bden bral gyi rang bzhin no/ /chu'i 'dab ma la chu'i rang bzhin no/ /rlung gi 'dab ma la rlung gi rang bzhin no/ /nor sbyin gyi 'dab ma la nor sbyin gyi rang bzhin no/ /dbang ldan gyi 'dab mo la dbang ldan gyi rang bzhin te/ de ltar 'dab ma brgyad po rnams la srog gi nus pa de'i rang bzhin bsten zhing 'khor bar byed do/ /dbang po la sogs pa'i rang bzhin gyi nges pa'o/ /da ni mgrin pa'i 'khor lo gsungs te/ 'dir snying ka'i pad+ma'i steng du sor mo phyed dang bcas pa'i bcu gnyis kyi mdza' mgrin pa'i 'khor lo la gza'i tshogs dang bcas pa'i rgyu skar 'khor lo yang dag gnas te/ dbyu gu'i skar ma bzhi dang gtso bo'i rgyu skar nyi shu rtsa brgyad de 'di rnams kyis 'dab ma sum cu rtsa gnyis pa'o/ /dbyu gu'i rgyu skar bzhi dor nas 'dab ma nyi shu rtsa brgyad po rnams la nyin mtshan gyi srog yang dag par rgyu ste/ dbyu gu drug cu las cha yis thob pa ni 'dab ma so so la srog yang dag par rgyu'o/ /tshangs pa'i g.yul sa dpal ldan dpral pa dag nas dbyangs kyi yongs su bskor ba'i thig le dkar po zag / mgrin pa'i pad+ma de'i yang steng du sor mo phyed dang bcas pa'i bcu gnyis kyi mthar dpral ba'i pad+ma 'dab ma bcu drug pa la 'dab ma gnyis dor nas 'dab ma bcu bzhi po rnams la nyin mtshan gyis srog yang dag par rgyu ste/ dbyu gu drug cu las bcu'i cha thob pas 'dab ma so so 'dor ro/ /thig le dang rnam par bcad pa ni lte ba la rig par bya ste/ zla ba'i rkang pa rgyu'o/ /slar yang lte ba'i 'khor lo rtsa drug cu rtsa bzhi ni 'jig ma la sogs pa'i ming rnams so/ /snying gar brgyad ni ai Da la sogs pa'i ming rnams kyis so/ /mgrin par tha skar la sogs pa'i ming dang/ stong pa bzhi'i ming rnams kyis so/ /dpral ba'i rtsa rnams la tshes gcig la sogs pa'i ming rnams kyis so/ /gtsug tor pa thun mtshams bzhi'i dbye bas de nyid bzhi'i ming rnams kyis so/ /mgrin pa dang dpral pa'i pad+ma 'dab ma 'di rnams la nang du gyur pa ni 'khor lo 'dab ma brgyad par rig par bya'o/ /de bzhin du lte ba dang snying ga dang mgrin pa dang dpral ba la 'khor lo rtsibs brgyad pa ni sa dang chu dang me dang rlung gi rang bzhin no/ /gtsug tor la 'dab ma bzhi pa ni stong pa'i rang bzhin no/ /lte bar 'dab ma bzhi pa ni ye shes kyi khams kyi rang bzhin no/ / gsang bar 'dab ma sum cu rtsa gnyis pa ste phyi rol gyi 'dab ma bcu drug rnams dbyangs kyi rtsa'o/ /nad du 'dab ma bcu la phung po dang khams kyi rtsa'o/ /de las nang gi 'dab ma rnams la stong pa drug gi rtsa'o/ /de ltar na 'khor lo drug pa rnams kyi grangs bzhin ni lnga bcu rtsa drug lhag pa'i brgya phrag gcig ste/ 'chad par 'gyur ba'i 'khor lo drug po rnams brjod par bya'o/ /'khor lo drug gi nges pa'o/ /da ni rtsa ba zhes pa la sogs pas sna bug gnyis las dkyil 'khor lnga rab tu 'bab pa gsungs te/ 'di sna bug g.yon pa dang g.yas pa dag la rtsa ba ste 'og gi char sa'i dkyil 'khor 'bab bo/ /sna bug g.yon pa dang g.yas pa dag la g.yon du chu 'bab po/ /dbus kyi re khA la mngon par phyogs pa'i sna'i bug pa gnyis te/ thams cad kyi byang na lhun po'o zhes pa'i shes par byed pa las so/ /g.yas su sreg za'i dkyil 'khor dag ni rab tu 'bab ste/ g.yas dang byang gnyis ka'i phyi rol gyi sna'i bug pa'i cha'o/ /sna bug gnyis ka'i steng du rlung gi dkyil 'khor 'bab bo/ /sna bug gnyis kyi dbus su nam mkha' ste sa dang chu dang me dang rlung gi dkyil 'khor gyi dbus su nam mkha' i dkyil 'khor 'bab ste g.yon gyi dus sbyor rgyu ba la g.yon dang g.yas kyi dus sbyor rgyu ba la g.yas nas dkyil 'khor rab tu 'bab po/ /slar yang sna bug gnyis la gcig car du mnyam pa ye shes kyi dkyil 'khor 'bab ste/ srog gi nus pa'o/ /'di dag rnams ni dbugs te zhes pa ni lte ba dang snying ga dang mgrin pa dang/ dpral ba dang gtsug tor dang sna bug gi dkyil 'khor rnams dbyu gu dang khyim dang thun tshod dang rgyu skar dang tshes grangs dang mtshams kyi dkyil 'khor gyi dbye ba dag gi 'bugs par byed do/ /nus pa ni srog gi nus pa 'gro ste mchog gi gnas ni dmigs pa med pa'o/ /bcu gnyis mdza' ni sor bcu gnyis kyi mdza' o/ /cha'i mdza' ni sor bcu drug gi mthar ro/ /'dir sa'i dkyil 'khor rab tu 'bab ba'i rlung ni sna bug nas sor bcu gnyis kyi mthar 'gro ste de nas ldog go / chu'i dkyil 'khor gyi rlung ni sor bcu gsum 'gro ste de nas ldog go /me'i dkyil 'khor gyi rlung ni sor bcu bzhi 'gro ste de nas ldog go /rlung gi dkyil 'khor gyi rlung ni sor bco lnga 'gro ste/ de nas ldog go /stong pa'i dkyil 'khor gyi rlung ni sor bcu drug 'gro ste de nas ldog go /ye shes kyi dkyil 'khor gyi rlung sa'i dkyil 'khor gyi mthar de dag gi dbus su rab tu zhugs pa ni sna bug gnyis nas sor bcu gnyis 'bab po/ /nam mkha' i mthar dbu mar zhugs pa ni sor bcu drug 'bab po/ /'dir gang gi tshe phyi rol tu 'phel bar gyur pa de'i tshe nang du thung ngur 'gyur ro/ /gang gi tshe bcu drug la sogs pa las phyi rol tu thung ngur 'gyur ba de'i tshe rlung gi rtsa'i dbang gi lte bar sor mo bzhi 'phel bar 'gyur te srog gi nus pa 'bab pa'i nges pa'o/ /da ni zhing zhes pa la sogs pas zhing la sogs pa rnams gsungs te/ 'di ltar lus kyi dpung pa'i tshigs gnyis la zhing gnyis so/ /brla'i tshigs gnyis la nye ba'i zhing ngo/ /nye ba'i dpung ba'i tshigs gnyis la tshan do ha gnyis so/ /pus mo'i tshigs gnyis la nye ba'i tshan do ha'o/ /lag pa'i tshigs gnyis la 'dus pa'o/ /rkang pa'i tshigs gnyis la nye ba'i 'dus pa'o/ /lag pa'i mthil gnyis la dur khrod gnyis so/ /rkang pa'i mthil gnyis la nye ba'i dur khrod gnyis so/ /lag pa gnyis kyi sor mo la dur khrod chen po bzhi'o/ /rkang pa gnyis kyi sor mo la nye ba'i dur khrod chen po bzhi ste/ zhing la sogs pa'i nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'ong las kun 'byung gi bden pa la sogs pa'i mdor bsdus chen po ste/ gnyis pa'o// //da ni 'khor lo can zhes pa la sogs pas 'khor los sgyur pa dang/ kla klo'i 'khrug pa rang gi lus la gsungs te/ 'dir rang gi lus la ni mi'i lus la'o/ /phyi rol tu le'u dang po las gsungs pa'i 'khor lo can gang yin pa de ni lus rdo rje can te thugs rdo rje'o/ /zhes pa'i don to/ /lha mchog bdag po dbang phyug la sogs bcu gnyis rnams gang yin pa de dag ni yan lag bcu gnyis 'gog pa rnams so/ /rigs ldan gang yin pa de ni lus la yang dag pa'i ye shes te/ ni zhes pa ni rgyu de las so/ /phyi rol tu glang po rta dang shing rta mngag gzhug pa gang yin pa de dag lus la 'phags pa'i tshad med pa bzhi rnams so/ /phyi rol tu drag po gang yin pa de ni lus la rang rgyal gyi ye shes kyi ming can no/ /phyi rol tu ha nu mAn gang yin pa de ni nyan thos kyi ye shes te/ rang gi lus la 'khor lo can 'khor dang bcas pa dang rigs ldan su 'gyur ro/ /de bzhin du phyi rol tu gdug pa kla klo'i dbang po gang yin pa de ni lus la sdig pa'i sems so/ /phyi rol tu byed pa'i blo gros sdug bsngal sbyin byed gang yin pa de ni lus la mi dge ba'i lam mo/ /phyi rol tu rta la gnas pa gang yin pa de ni lus la ma rig pa 'jug pa'o/ /phyi rol tu lha min dpung glang po dang rta dang shing rta dang rkang thang rnams gang yin pa de ni lus la bdud kyi phyogs rnam pa bzhi'o/ /phyi rol tu de'i g.yul la kla klo rnams sdud pa de ni rang gi lus la srid pa'i 'jig pa sogs pa'o/ /phyi rol tu 'khor lo can chen po dang rigs ldan gyi dpal ldan rgyal ba gang yin pa de ni rang gi lus la thar ba'i lam snyed pa'o/ /phyi rol tu kai la shar 'khor lo chen po'i chos kyi sbyin pa gang yin pa de ni rang gi lus la sring ba'i 'jigs pa 'phrog pa'o/ /phyi rol tu rdzas kyi gang ba'i sa gzhi gang yin pa ni lus la khams kyi tshogs pa rnam par dag pa'o/ /phyi rol tu 'khor lo can gyi sras tshangs pa dang lnga'i dbang por gyur pa rgyab kyi dum bu gcig tu chos ston par byed pa des mdun te mdun gyi dum bu kla klo'i chos zad pa don du gnyer ba gang yin pa/ 'jam dpal de dang 'jig rten mgon po srid pa gsum la rnam par rgyal ba de ni rang gi lus la dpal ldan rdul dang byang chub kyi sems bde ba ster ba 'am/ smon pa'i sems dang 'jig pa'i sems so/ /rgyab kyi dum bur tshangs pa la sogs pa'i rigs rnam pa sna tshogs gang yin pa de dag ni rang gi lus la du ma'i sangs rgyas rnam par dag ba phung po dang khams dang skye mched rnams kyi rang bzhin no/ /de ltar kla klo'i dbang po'i 'khrug par 'gyur te nges par lus can rnams kyi lus kyi dbus su'o/ /sgyu ma'i gzugs kyang phyi rol tu ni nges par ma kha'i yul du kla klo 'khrug ste/ 'khrug pa min zhes pa ste/ 'di ni rgyas par 'chang par 'gyur ba'i le'u lnga par mchog tu mi 'gyur ba'i ye shes grub pa las brjod par bya'o/ /da ni dus kyi lo zhes pa la sogs pa dbu ma'i phyogs gsum dang lo gsum gyi dbye ba dag gis rigs gsum la sogs pas 'dus pa la sogs pa gsungs te/ 'dir dus kyi lo ni rtsa dbu ma'i lo'o/ /me grangs ni gsum gyi grangs so/ /ko'i/ nyen zhag tshogs kyis bsgyur ba ni nyin zhag sum brgya drug cus bsgyur bar gyur pa ste/ nyin zhag gi tshogs stong brgyad cur 'gyur ro/ /lo gsum po de nyid rigs gsum ste sku dang gsung dang thugs kyi rigs so/ /lo'i dbye bas snying stobs dang rdul dang mun pa'i rang bzhin no/ /nyin zhag gi tshogs de las bgrod pa'i brgya brgyad cu'i chas thob pa ni rigs drug tu 'gyur ro/ /slar yang nyin zhag gi tshogs de las zla ba'i dbye ba ste sum cu'i chas thob pa ni rigs sum cu rtsa drug tu 'gyur te ro yis bsgyur pa'i ro zhes pa drug gis sgyur ba'i drug ni/ sum cu rtsa drug ste rnal 'byor ma rnams kyis rigs so/ /de bzhin du thabs rnal 'byor pa rnams kyi'o/ /nyin zhag gi tshogs stong brgyad cu po de las gza' yis bcad pas thob pa ni/ dbu gsal nges par dus kyi 'khor lo'i dkyil 'khor ba'i lha rnams te lnga bcu rtsa bzhi lhag pa'i brgya phrag gcig go / lhag ma shes rab dang thabs zung gcig ste/ de ltar na lnga bcu rtsa drug lhag pa'i brgya phrag gcig ni dus kyi 'khor lo ste bdun gyi cha'i lhag ma ni rigs ldan gyi gnas kyi lhag pa'i lha'o/ /lha dang lha mo'i 'khor lo dang rigs ldan gyi mtshan nyid do/ /slar yang sngar gyi nyin zhag gis tshogs stong brgyad cu po de las phyogs kyis bcas pa mngon par brjod pa zhes pa ni bco lnga'i cha yis thob pa'i lha dang lha mo rnams kyis mngon par brjod par 'gyur te/ dus kyi 'khor lo'i bdag po zung dang lhan cig bdun cu rtsa gnyis ni lha dang lha me'i mtshan nyid de zhes pa ni lo gsum gyi dbye bas rnal 'byor ma'i rgyud kyi nges pa'o/ /'jig rten gyi gun rdzob kyi rigs gsum dang/ rigs drug dang/ rigs sum cu rtsa drug ni rnal 'byor ma'i rgyud de/ rnal 'byor ma'i rgyud kyi nges pa'o/ /da ni sgyu 'phrul dra ba zhes pa la sogs pas/ bya ba'i rnal 'byor dang rnal 'byor gyi rgyud rnam pa gsum dang drug gi dbye bas gsungs te/ 'dir dbu ma'i phyogs gsum gyi nyin zhag ni nyin zhag bzhi bcu rtsa lnga ste/ nyin zhag so so la dus sbyor bcu gnyis kyi dbye bas bcu gnyis kyi bsgyur ba ni nyin zhag gi yan lag bzhi bcu lhag pa'i lnga brgya'i grangs su 'gyur ro/ /nyin zhag gi yan lag bzhi bcu lhag pa'i lnga brgya po de las tha dad du byas pa ni sgyu 'phrul dra ba rnam pa gsum du yang 'gyur te/ bug pa rig byed ces pa lha zung bzhi bcu rtsa dgus gcig tu 'gyur ro/ /slar yang 'byung ba rgya mtshos 'gyur zhes pa ni lha zung bzhi bcu rtsa lnga gnyis par 'gyur ro/ /me dang chu gter gyis lha zung bzhi bcu rtsa gsum gyis gzhan du'o/ /nyin zhag gi yan lag 'di las tha dad du byas pa rnams ni gsum gyi dbye bas sum cu rtsa bdun lhag pa'i brgya'i grangs su 'gyur ro/ /lha dang lha mo rnams ni nyes 'gyur te bdun cu rtsa bzhi lhag pa'i nyis brgya yi grangs su 'gyur zhes pa ni sgyu 'phrul dra ba'i nges pa ste/ 'di'i spros pa'i don ni le'u lnga pa las brjod par bya'o/ /zhes pa ni sgyu 'phrul dra ba bya ba'i rnal 'byor gyi rgyud kyi nges pa'o/ /da ni 'dus pa rnam pa drug gi dbye bas gsungs te/ tha dad du byas pa'i lhag ma'i nyin zhag gi yan lag de las dpal ldan 'dus pa dus kyi dbye ba ni zhes pa ste/ de nyid ces bya zhes pa ni nyin zhag gi yan lag de las tha dad du byas pa'i lha zung nyi shu rtsa lngas nyi shu rtsa lnga'i bdag nyid du 'gyur ro/ /lha bcu dgu tha dad byas pas nyi shu rtsa lnga po 'di las drug gis dman pa gzhan bcu dgu'i bdag nyid du 'gyur ro/ /nyi shu rtsa lnga'i bdag nyid dang bcu dgu'i bdag nyid de dag gi phyed kyi dbye bas rnam par phye ba ni dbye ba gzhan du yang 'gyur te/ nyi shu rtsa lnga'i phyed ni phyed dang bcas pa'i bcu gnyis so/ /bcu dgu phyed ni phyed dang bcas pa'i dgu ste/ 'di las phyed ni phyed dang bcas pa'i bcu gnyis la 'jug go /de la gcig ni dgu'i bdag nyid kyi 'dus pa'o/ /gzhan ni bcu gsum gyi bdag nyid do/ / slar yang bsras ba ni 'dus pa'i dbye ba gzhan gnyis su 'gyur te/ bcu gsum zhes pa ni bcu dang gsum mo/ /bcu dgu zhes pa ni nyi shur gcig gis ma chang ba ste/ bcu gsum dang bcu dgu po 'di dag gis kyang lha bzung sum cu rtsa gnyis kyi 'dus par 'gyur ro/ /bug pa ste dgu dang de nyid dang bcas te nyi shu rtsa lnga dang bcas pa ni lha zung sum cu rtsa bzhi 'dus pa gnyis par 'gyur te/ de ltar 'dus pa drug gi dbye ba tha dad do/ /rgyud kyi rgyal po drug po 'di dag la lha zung gi grangs sum cu rtsa gnyis lhag pa'i brgyar 'gyur ro/ /nyis 'gyur ni lha dang lha mo'i grangs te drug cu rtsa bzhi lhag pa'i brgya phrag gnyis so/ /de ltar na 'dus pa dang sgyu 'phrul dra ba'i rgyud kyi rgyal po dgu po rnams la bdag po zung dang bcas pa bzhi bcu lhag pa'i lnga brgya'i nyin zhag gi yan lag gi grangs kyi lha dang lha mor 'gyur ro/ /rgyud 'di rnams la phung po dang khams dang skye mched dang zla ba dang nyi ma'i rkang pa rdzogs pa'i dbye bas tha dad pa ni mngal du ji lta ba de bzhin du le'u lnga pa las gdan gyi dbye bas brjod pa'o/ /zhes pa ni rnal 'byor gyi rgyud kyi nges pa'o/ /'dir mngal nas skyes pa'i phung po dang khams rdzogs pa ni dgu'i bdag nyid kyi 'dus pa'o/ /de bzhin du phung po dang khams dang lhan cig skyes pa dang chos dang longs spyod rdzogs pa'i dang sbrul ba'i 'khor lo rdzogs pa ni bcu gsum gyi bdag nyid do/ /de bzhin du phung po dang khams dang 'khor lo dang yul rdzogs pa ni bcu dgu'i bdag nyid do/ /de bzhin du phung po dang khams dang 'khor lo dang yul dang mig la sogs pa drug rdzogs pa ni nyi shu rtsa lnga'i bdag nyid do/ /de bzhin du phung po dang khams dang 'khor lo dang yul dang dbang po dang las kyi dbang po dang gsang ba dang gtsug tor gyi pad+ma rdzogs pa ni sum cu rtsa gnyis kyi bdag nyid do/ /de bzhin du phung po dang khams dang 'khor lo drug dang yul dang dbang po dang las kyi dbang po dang/ mchog gi dbang po dang dga' ba rdzogs pa ni sum cu rtsa bzhi'i bdag nyid kyi 'dus pa'o/ /mngal bzung nas lo bcu drug gi mtshams kyi bar du byis pa rnams rnam pa drug tu 'byung ba ni 'dus pa'i nges pa ste/ le'u lnga pa las rgyas par brjod par bya'o/ /de bzhin du sgyu 'phrul dra ba la phung po dang khams dgu dang/ spu la sogs pa'i khams brgyad dang skye mched bcu gnyis 'khor lo bzhi dang bcas pa dang rlung dang mkhris pa dang bad kan dang 'dus pa'i khams dang bcas pa'i las kyi dbang po drug ni bzhi bcu rtsa gsum gyi bdag nyid kyi sgyu 'phrul dra ba'o/ /gtsug tor dang gsang ba'i pad+ma dang bcas pa ni bzhi bcu rtsa lnga'i bdag nyid do/ /'dod chags dang zhe sdang dang gti mug dang nga rgyal dang bcas pa ni bzhi bcu rtsa dgu'i bdag nyid do zhes pa ni sgyu 'phrul dra ba'i nges pa ste/ le'u lnga pa las rgyas par brjod par bya'o/ /rnal 'byor ma dang rnal 'byor gyi rgyud 'byung ba'i nges pa'o/ /da ni phyi dang nang gi phyag rgya gsungs te/ 'dir thams cad rgyu yis 'bras bu la rgyas gdab par bya ste/ 'bras bus kyang rgyu la rgyas gdab par bya'o/ /rdul gyi chos can nyid kyi phyir nyi ma ni shes rab ste rgyu'o/ /khu ba'i chos can nyid kyi phyir zla ba ni thabs te 'bras bu'o/ /gzhan la ltos pa las khu ba'i chos can nyid kyi phyir zla ba ni shes rab ste rgyu'o/ /rdul gyi chos can nyid kyi phyir nyi ma ni thabs te 'bras bu'o/ /de ltar thams cad du stong pa nyid ni shes rab ste rgyu'o/ /snying rje ni thabs te 'bras bu'o/ /'dir gang zhig zla ba'i cha shas nyin zhag gi tshogs bzhi bcu rtsa lnga ste/ de dag las gza'i cha yis thob pa nyin zhag drug ni rdo rje can gyi phyag rgya drug tu 'gyur te/ 'khor lo dang/ rna cha dang mgul rgyan dang gdu bu dang ska rags dang/ thal ba dang/ mchod phyir thogs te/ dus kyi 'khor lo'i phyi rol gyi phyag rgya'o/ /gzhan pa'i nyin zhag tshogs te lhag ma gsum gyi grangs ni nang du rdo rje can gyi sku gsung thugs kyi phyag rgya ste/ phyi dang nang du phyag rgya dgur rig par bya'o/ /shes rab sku zhes pa ni shes rab kyi rgyud dang thabs kyi rgyud la dus sbyor gsum rnams ni snying stobs dang rdul dang mun pa'i bdag nyid de sku dang gsung dang thugs kyi mtshan nyid do/ /rnal 'byor ma dang rnal 'byor gyi rgyud las phyag rgya rab tu gsal bar byas pa'i nges pa'o/ /da ni nus ma zhes pa la sogs pas dus kyi 'khor lo'i lha dang lha mo'i grangs gsungs te/ 'dir 'khor lo drug gi rtsa sna tshogs pa'i rang bzhin rnams lha'i tshogs so/ /nus pa khro bo rnams ni rim pas bcu ru rab tu 'gyur te zhes pa la pha rol tu phyin pa bcu ni nus ma bcu dang gtsug tor la sogs pa'i khro bo bcu ste so sor bcu'o/ /lnga ni sangs rgyas lha mo rnams zhes pa ni mi bskyod pa la sogs pa'i sangs rgyas lnga dang/ rdo rje dbyings kyi dbang phyug ma la sogs pa'i lha mo lnga ste so sor lnga'o/ /gzugs sogs mig la sogs pa drug ste zhes pa ni gzugs kyi rdo rje la sogs pa drug dang sa'i snying po la sogs pa drug ste/ de bzhin du so sor drug go /slar yang lha'i tshogs ni drug gnyis so/ /zhes pa ni dbang po la sogs pa bcu gnyis kyi grangs so/ /rnal 'byor ma dang klu dang gtum mo brgyad ces pa ni/ tsar tsi ka la sogs pa brgyad dang/ mdza' yas la sogs pa brgyad dang/ khyi gdong ma la sogs pa brgyad de/ lha'i tshogs 'di dag mdza' dag ni sgrub thabs kyi le'u las so sor ming gi dbye bas brjod par bya'o/ /srid par zhes pa ni phyi rol dang nang du'o/ /slar yang 'di dag thams cad shes rab dang thabs kyi dbye bas nyis 'gyur te/ 'di dag dpal ldan dus kyi 'khor lo bzhi lhag brgya ste/ de'i phyed kyang lha lnga bcu rtsa gnyis kyi bdag nyid do/ /de ltar nyi ma dang zla ba'i dbye bas te/ slar yang de dag gcig nyid kyis lha lnga bcu rtsa drug lhag pa'i brgya phrag gcig gi bdag nyid kyi dus kyi 'khor lor rig par bya'o/ /pad+ma'i lte ba la gnas pa'i lha tshogs kyi nges pa'o/ /da ni tsar tsik la sogs pa pad+ma'i 'dab ma'i lha mo rnams gsungs te/ nyi ma'i cha la sa te sum cu rtsa gnyis kyis chas dbugs kyi 'khor lo las nyin zhag so sor chu tshod gnyis thob pa gang yin pa de ni zla ba'i dbus su chu tshod drug cur 'gyur te/ rigs ldan gyi rang bzhin no/ /de dag rnal 'byor ma ste dus sbyor bsres pa zhes pa la/ dus sbyor ni thun mtshams bzhi ste/ de dag rigs ldan la bsres pa ni drug cu rtsa bzhir 'gyur ro/ /de dag kyang shes rab dang thabs kyi dbye bas gnyis kyis bsgyur ba ni nyi shu rtsa brgyad lhag pa'i brgya'i grangs su 'gyur ro/ /slar yang nyi ma'i cha las nyin zhag rab phye ste nyin zhag sum brgya drug cus rab tu phye ba ni nag pa la sogs pa'i tshes kyi mtshan nyid kyi lha'i tshogs te/ de nyid sgeg mo la sogs pa bcu gnyis dang bcas pa nyis 'gyur dag kyang nyi shu lhag pa'i bdun rgya yis grangs kyi lha yi tshogs su 'gyur ro/ /mdza' dag bsdus par gyur pa zhes pa ni lha mo 'di dag mngon brjod rnams dang bcas pa ste lha bdun cu rtsa gnyis dang bcas pa phyag rgya drug dang lhan cig pa ni nyi ma'i nyin zhag sum cur lo gsum gyi nyin zhag gi grangs stong brgyad cu'o/ /rnal 'byor ma'i rgyud la lo gsum gyi nyin zhag gi tshogs kyi lha dang lha mo rigs par bya bar dgongs pa ste/ de ltar na nyi ma lo'i rab tu dbye bar 'gyur ro/ /ri bong 'dzin pa la sgyu 'phrul dra ba dang 'dus pa rnam pa dgu po mdza' dag phyogs kyi dbye ba ste/ lha'i tshogs bzhi bcu lhag pa'i lnga brgya rnams kyis so/ /de ltar nyi ma dang zla ba'i lha'i tshogs gcig tu gyur pa rnams kyis kyang dang po'i sangs rgyas su 'gyur ro/ / dang po'i sangs rgyas de la mkha' lag mi bdag rnams te/ nyi shu lhag pa'i brgya phrag bcu drug gi grangs so/ /lha dang lha mo de dag rnams kyi shes rab thabs dag mtshan mo nyin mo zhes pa ni grangs bzhin du shes rab mtshan mo'i cha dang thabs nyin mo'i cha'o/ /mnyam pa'i cha ste nyin phyed nas mtshan phyed dang mtshan phyed nas nyin phyed la rgyu skar phye dang bcas pa'i bcu gsum gyis te/ dbyug gu 'am chu tshod bcu lhag pa'i brgyad brgya rnams kyi mtshan mo'i cha'o/ /de bzhin du nyin mo'i cha ste/ dpal ldan rgyu skar gyi dkyil 'khor dang po'i sangs rgyas la lha'i tshogs rgyu skar gyi chu tshod kyi grangs kyi bdag nyid du bcom ldan 'das kyis gsungs so/ /phyi rol tu skar ma'i chu tshod rnams gza' thams cad kyi longs spyod yin pa ji lta ba de bzhin du nang du sku dang gsung dang thugs dang ye shes ni dbang po drug gi chos rnams kyi'o/ /gang gis rang gi lus la shes gyur pa ste/ de ltar brjod pa'i rim pas shes rab dang thabs kyi bdag nyid dang po'i sangs rgyas gang gis rang gi lus la nyin mtshan dus thun mtshams dang/ thun tshog la sogs dbye ba dang zla ba 'pho ba'i dbye ba bcu gnyis rnams kyis shes par gyur pa'i rnal 'byor pa de ni dpal ldan 'jam pa'i rdo rje srid pa'i 'jigs 'joms sangs rgyas skye ba 'di nyid dag la'o/ /zhes pa ni bsdus pa'i rgyud dang rtsa ba'i rgyud kyi lha 'byung ba'i nges pa'o/ /da ni sum cu zhes pa la sogs pas mchog gi dang po'i sangs rgyas 'di las bsdus pa'i rgyud 'byung ba gsungs te/ 'dir mchog gi dang po'i sangs rgyas nyi shu lhag pa'i brgya phrag bcu drug las sum cu'i cha yis thob pa ni lha lnga bcu rtsa bzhir 'gyur ro/ /slar yang gsum gyi sgyur pa ste sku dang gsung dang thugs kyi sgyur ba ni drug cu rtsa gnyis lhag pa'i brgyar 'gyur ro/ /de rnams las dkyil 'khor gyi lha ni lnga bcu rtsa bzhi lhag pa'i brgya'i grangs te/ dkyil 'khor gyi bco ba thabs dang shes rab zung zhig dang/ phyi rol gyi phyag rgya drug go /bcu'i chas mchog gi dang po'i sangs rgyas las dus kyi 'khor lo 'byung ba ste/ ai Da la sogs pa dung can ma'i mdza' i rtsa'i dbye bas so/ /phyi rol tu drang ba'i don to/ /bsdus pa'i dus kyi 'khor lo'i rgyud kyi nges pa'o/ /da ni 'khor lo dag gi rtsa rnams de bzhin nyid ces pa la sogs pas dus kyi 'khor lo'i rtsa rnams gsungs te/ 'dir lus la rigs gsum gyi rtsa gsum ni lte ba dang gsang ba dang rdo rje nor bur lus dang ngag dang sems kyi thig le 'dzin pa rnams so/ /de bzhin du rigs drug gi rtsa rnams ni la la nA dang/ ra sa nA dang/ a ba d+hu tI dang bshang ba dang gci ba dang khu ba 'bab pa rnams so/ /de bzhin du rigs sum cu rtsa drug gi rtsa rnams ni gtsug tor la sogs pa 'khor lo drug gi rtsa drug dang/ /sgra 'dzin pa gnyis dang/ reg 'dzin pa gnyis dang/ gzugs 'dzin pa gnyis dang/ ro 'dzin pa gnyis dang/ dri 'dzin pa gnyis po 'di dag ni rtsa bcu'o/ /lte ba'i 'khor lo'i nang dang/ gzhan gyi zlum po rnams la 'pho ba bcu gnyis kyi rtsa rnams dang/ thun tshod brgyud kyi rtsa rnams so/ /de ltar thams cad rigs sum cu rtsa drug gi gtso bor 'gyur te/ ro'i rang bzhin can drug dang/ khams kyi rang bzhin can drug dang/ dbang po'i rang bzhin can drug dang/ yul gyi rang bzhin can drug dang/ las kyi dbang po'i rang bzhin can drug dang/ las kyi dbang po'i yul gyi rang bzhin can drug go /de bzhin du gzugs 'jug par byed pa drug dang/ tshor ba 'jug par byed pa drug dang/ 'du shes 'jug par byed pa drug dang/ 'du byed 'jug par byed pa drug dang/ rnam par shes pa 'jug par byed pa drug dang/ ye shes 'jug par byed pa drug ste/ rigs sum cu rtsa drug gi rtsa rnams kyang rten dang rten pa'i 'brel pas bdun cu rtsa gnyis so zhes shes par bya'o/ /de bzhin du dus kyi 'khor lo'i rtsa rnams gsungs pa/ gtsug tor la ni chu gter zhes pa ni 'dab ma bzhi'i gzugs can bzhi ste/ thun mtshams bzhi 'jug par byed pa rnams so/ /snying gar brgyad de zhes pa ni rtsa snang ma la sogs pa mnyam gnas la sogs pa rnams kyi rten du gyur pa rnams te nyin zhag so sor thun gyi dbye bas bzang brgyad rgyu bar byed pa rnams so/ /'dir 'og dang steng gi rtsa gnyis kyi rten pa ni rlung ngo/ /spyi bor mi bdag ces pa ni tshes bcu drug 'jug par byed pa rnams so/ mgrin pa la yang so'i grangs shes pa ni mgrin pa'i 'khor lo la rgyu skar nyi shu rtsa brgyad dang dbyu gu'i skar ma bzhi 'jug pa byed pa sum cu rtsa gnyis so/ /lte bar te lte ba'i pad+ma la khyim gyi rtsa'i phyi rol du chu tshod kyi rtsa brgyad ni brgyad kyis bsgyur ba rtsa drug cu rtsa bzhi ste/ dkyil 'khor drug cu 'bab par byed pa dang/ stong pa bzhi 'bab par byed pa ste/ dbyu gu drug cu rtsa bzhi 'bab par byed pa'o/ /nyis 'gyur me bdag ces pa ni sum cu rtsa gnyis te gsang ba'i dbus su gsang ba'i pad+ma'i rtsa khu ba la sogs pa'i khams sum cu'i rtsa gnyis 'jug par byed pa rnams so/ /'di rnams las rtsa drug ni 'khor lo 'gog par 'gyur ro/ /bcu yis yul 'gog par 'gyur te/ de rnams ni 'dus pa'i rang bzhin no/ /slar yang de dag gnyis 'gyur ni bad kan gyi cha ste/ nyi shu'o// // slar yang nyis 'gyur ni mkhris pa'i cha ste/ bzhi bcur 'gyur ro/ /slar yang de dag rlung gi cha brgyad cur 'gyur te/ de ltar 'khor lo drug po rnams la rtsa lnga bcu rtsa drug lhag pa'i brgya rnam par gnas pa ni dus kyi 'khor lo'i rtsar rtogs par bya'o/ /'di dag nges par 'chi ba ster byed bla ma'i nges pa'i dbang gis tshes dang nad med kyang ste/ 'khor lo drug la dus kyi rtsa brjod pa rnams bla ma'i man ngag gis bsgoms par gyur na 'chi ba'i 'jig pa 'phrog ste/ rnal 'byor pa rnams kyi 'di la ngo tshar med do/ /gtsug tor la ni chu gter te bzhi'o/ /dpral bar rgya mtshos bsnun pa'i dus rnams zhes pa bcu drug ste/ rtsa nyi shu po 'di dag ni bad kan gyi khams rab tu 'khrug pa'o/ /mgrin par so dang zhes pa ni rtsa gsum cu rtsa gnyis so/ /snying ga'i chu skyes dag la mig gis bsgyur ba'i dus rnams zhes pa ni rtsa brgyad de bzhi bcu po 'di dag ni mkhris pa'i khams rab tu 'khrug pa'o/ /lte ba dang gsang ba dag la grangs bzhin du chu gter drug cu zhes pa ni drug cu rtsa bzhi'o/ /mi bdag dag kyang ste gsang ba'i pad+ma'i phyi rol yongs su bskor ba la rtsa bcu drug go / rtsa brgyad cu po 'di dag ni rlung gi khams rab tu 'khrug pa'o/ /gsang bar gzhan ni phyogs dang zhes pa ni nang gi yongs su bskor ba la rtsa bcu'o/ /gzhan drug kyang snying po'i yongs su bskor ba la'o/ /grangs bzhin du 'dus pa dag ste/ zhes pa ni 'dus pa rab tu 'khrug pa'o/ /'gog pa'o zhes pa ni 'khor lo drug 'gog pa'i rang bzhin no/ /de ltar na lnga bcu rtsa drug lhag pa'i brgya ni dus kyi 'khor lo'i rtsa lha dang lha mo'i rang bzhin gyis gnas pa byis pa rnams la 'chi ba ster bar byed pa ste/ rigs drug gi rtsa dang lhan cig drug cu rtsa gnyis lhag pa'i brgya'i dus kyi 'khor lo drug gi rtsa'i bdag nyid can sgoms par gyur pa ni rnal 'byor pa rnams la bde ba ster bar byed pa'o/ /slar yang rtsa drug bcu rtsa gnyis lhag pa'i brgya po de dag gi rtsa so so la rlung bcu rab tu rgyu ba dang phung po dang khams bcu'i rang bzhin gyi rnam pa bcur 'gyur ro/ /de ltar thams cad bcus bsgyur ba ni nyi shu lhag pa'i brgya phrag bcu drug gi grangs su 'gyur te/ rgyu skar nyi shu rtsa bdun gyi chu tshod 'bab pa rnams so/ /de bzhin du dpal ldan rgyu skar gyi dkyil 'khor mchog gi dang po'i sangs rgyas la shes rab dang thabs kyi 'di snyed kyi lha'o/ /rgyu skar gyi dkyil 'khor rgyas pa 'di las 'jig rten gyi kun rdzob kyi bad kan la sogs pa'i khams 'bab pa'i lha rnams 'jig rten pa'i dngos grub sgrub pa 'am rang gi lus bsgrub pa'i slad du 'jam dpal gyis phyung ba ni 'khor lo drug gi gtso mo rnams so/ /dus kyi 'khor lo'i rtsa sdom pa'i nges pa'o/ /da ni drug ces pa la sogs pas rigs drug gi rtsa bsrung ba gsungs te/ 'dir lus la gang zhig rtsa drug gi 'khor lo 'gog par brjod pa rnam pa gsum gyi lam la gnas pa ni steng du zla ba dang nyi ma dang sgra gcan te/ g.yon dang g.yas dang dbu ma'i lam la gnas pa dang/ 'og tu zla ba dang nyi ma dang me'i dbye bas bshang ba dang gci ba dang khu ba'i lam la gnas pa'o/ /da ni rnal 'byor bas lus la bsrung bar bya'o/ /gang gis she na bla ma'i nges pa'i dbang gis zhes pa la bla ma'i nges pa ni sbyor ba yan lag drug ste nges par 'chi ba las bsrung bar bya'o/ /gang zhig srog chags rnams la 'chi ba ster ba ni drug po 'di rnams la srog zhugs pa'o/ /drug la gal te srog ni rang zhugs gyur na de tshe mi rnams kyi ni dus thams cad du 'chi ba 'joms par nges te mdza' gcig tu'o/ /drug po 'di dag gi nang nas phra mo ni dbu ma a ba d+hU tI ste/ phra mo de la srog ma zhugs par gyur na rnal 'byor pa rnams kyi 'chi ba'i yul ni gang du gcod par byed de/ nges par 'chi ba'i yul gcod par mi byed do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ nang du 'khor los bsgyur ba dang/ kla klo'i 'khrug pa dang dus kyi 'khor lo'i rigs kyi rgyud dang rtsa'i rigs 'byung ba'i mdor bsdus chen po ste gsum pa'o/ / //da ni srog ces pa la sogs pas lus can rnams kyi dus ma yin par 'chi ba'i mtshan nyid gsungs te/ 'dir lus la lte ba'i 'khor lo rtsibs bcu gnyis pa'i khyim gyi 'khor lo ste/ lug la sogs pa mi mnyam pa'i dus sbyor gyi bdag nyid gcig gis bar du chod pa dang/ de bzhin du glang la sogs pa mnyam pa'i dus sbyor gyi bdag nyid gcig gis bar du chod pa'i 'dab ma ste/ de'i phyir sna bug la srog yang dag par rgyu ba ni lug la sogs pa mi mnyam pa'i dus sbyor drug la g.yon du 'gyur ro/ /glang la sogs pa'i mnyam pa'i dus sbyor rnams la sna bug g.yas su srog yang dag par rgyu bar 'gyur te/ dbyu gu lnga lngas 'pho ba bcu gnyis rnams nyin zhag so sor 'gyur ro/ /de ltar nyin mtshan gyi dbyu gu drug cus 'pho ba bcu gnyis te/ drug ni g.yon gyi sna bug la'o/ /drug ni g.yas kyi sna bug la'o/ /dbu ma la bcu gnyis rab tu 'jug pa rnams su'o/ /lus la nad dang bral ba rnams khams mnyam pa nyid do/ /nad kyi zil gyis mnan pa rnams ni rlung dang mkhris pa dang bad kan gyi khams mi mnyam pa nyid do/ /mi mnyam pa de las srog mi mnyam pa ste/ des na rtsa gcig ste/ g.yon pa nyin dang mtshan mor gal te 'bab na de'i tshe 'tsho ba dag ni dus kyi lo ste/ dbu ma'i lo brgya rdzogs pa'i mtshan nyid ni/ mi rnams kyi 'tsho ba'i grangs su 'gyur ro/ /gal te phyogs gcig rnam par ma chad par 'bab na de'i tshe phyed dang bcas pa'i lo ni tsher 'gyur te de nas 'chi bar 'gyur ro gal te zla ba gcig tu rnam par ma chad de bar chad med par rtsa g.yon par 'bab na de'i tshe 'tsho ba zla ba gsum du 'gyur ro/ /de ltar rnal 'byor pa ni rang lus dag la zla bgrod 'chi ba dus kyi 'khor lor shes par bya ste/ zhes pa ni 'chi ltas kyis yul la dus kyi 'khor lo rtsibs bcu gnyis pa'i khyim gyi 'khor lo ste/ de nyid sa la bris nas 'dab ma dang po la 'chi ltas kyi nyin zhag gcig dang/ tshe'i zla ba sum cu rtsa drug dgod par bya'o/ /de nas zla ba gcig mi 'bab bo/ /'chi ltas kyi nyin zhag 'phel ba ni zla ba gnyis pa'i mthar zla ba gsum pa 'jug pa na g.yon pa'i rtsa de nyid kyi 'dab ma la nyin zhag gnyis 'bab bo/ /de nas zla ba gsum pa ni mi 'bab po/ /de nas zla ba bzhi pa'i mthar zla ba lnga pa la 'jug pa na g.yon pa'i rtsar nyin zhag gsum du 'bab po/ /zla ba lnga pa de nas zla ba drug pa la mi 'bab bo/ /de ltar na zla ba drug gi 'chi ltas kyi nyin zhag gsum ste/ bar gyi nyin zhag gsum ni mthar g.yas dang g.yon gyi 'chi ltas kyi chos can no/ /'chi ltas zhes bya ba ni dus ma yin par 'chi ba ste/ 'chi ltas min pa ni lo brgya'i mtshams su 'chi ba'o/ /de ltar na 'chi ltas kyi nyin zhag dang bcas pa 'tshe ba'i zla ba sum cu rtsa drug las zla ba drug song ste/ de nas 'dab ma de la srog gi rlung yang dag par rgyu ba med do/ /'pho ba bcu gcig dang dbugs 'byung ba dang/ 'jug pa drug brgya lhag pa'i stong phrag nyi shu rtsa gcig gis nyin mtshan du 'gyur te/ 'dir khyim gyi 'dab ma yongs su dor yang dbugs kyi 'khor lo ni dman pa med do/ /de nas 'dab ma gnyis pa la nyin zhag bzhi pa dang nyin zhag lnga pa dang nyin zhag drug pa ni zla ba bdun pa dang brgyad pa dang dgu pa la grangs bzhin du 'bab ste/ 'tsho ba'i zla ba'i tshogs sum cu po de las zla ba gsum song ngo/ /de nas zla ba nyi shu rtsa bdun bzung nas 'dab ma gsum pa la srog yang dag par rgyu'o/ /'dab ma gnyis spangs shing 'pho ba bcu yis nyin mtshan byed de/ 'dab ma bcu la srog yang dag par 'pho'o/ /zla ba nyi shu rtsa bdun las slar yang zla ba so so la nyin zhag bdun g.yon gyi rtsar 'bab ste/ nyin zhag brgyad dang nyin zhag dgu 'bab po/ /de nas zla ba nyi shu rtsa bdun las zla ba gzhan gsum gyis dman par 'gyur ro/ /de bzhin du sngar brjod pa'i cho gas khyim gyi 'dab ma gsum pa dor te/ 'dab ma dgu la srog yang dag par byed do/ /de bzhin du nyin zhag bcu dang/ nyin zhag bcu gcig dang/ nyin zhag bcu gnyis g.yon gyi rtsar 'bab bo/ /de nas 'dab ma bzhi pa dor te 'tsho ba'i zla ba nyi shu rtsa bzhi las zla ba gsum gyi dman par 'gyur ro/ /de bzhin du nyin zhag gsum de nyin zhag bdun dang nyin zhag bco lnga ste/ de nas 'dab ma lnga po dor te/ 'dab ma bdun la 'pho bar byed do/ /zla ba nyi shu rtsa gcig las zla ba gsum gyi dman par 'gyur ro/ /de bzhin du nyin zhag drug dang/ nyin zhag bcu bdun dang/ nyin zhag bco brgyad zla ba so sor rim pa bzhin du 'bab po/ /de nas 'dab ma drug pa dor te/ 'dab ma drug las 'pho bar byed cing 'tsho ba'i zla ba bco brgyad las zla ba gsum gyis dman par 'gyur ro/ /de bzhin du nyin zhag bcu dgu dang/ nyin zhag nyi shu dang/ nyin zhag nyi shu rtsa gcig 'bab bo/ /de nas khyim gyi 'dab ma bdun pa dor te/ khyim gyi 'dab ma lnga la nyin mtshan gyi srog 'pho bar byed do/ /de nas 'tsho ba'i zla ba bco lnga las zla ba gsum gyis dman par 'gyur ro/ /de bzhin du nyin zhag nyi shu rtsa gnyis dang/ nyin zhag nyi shu rtsa gsum dang/ nyin zhag nyi shu rtsa bzhi'i bar chad med par gang gi tshe 'bab pa de'i tshe 'dab ma brgyad pa dor te/ 'dab ma bzhis 'pho bar byed do/ /'tsho ba'i zla ba bcu gnyis las zla ba gsum gyi dman par 'gyur ro/ /de bzhin du nyin zhag nyi shu rtsa lnga dang/ nyin zhag nyi shu rtsa drug dang/ nyin zhag nyi shu rtsa bdun gang gi tshe/ 'bab pa de'i tshe 'dab ma dgu pa dor te/ 'dab ma gsum la 'pho bar byed do/ /'tsho ba'i zla ba dgu pa las zla ba gsum gyi dman par 'gyur ro/ /de bzhin du nyin zhag nyi shu rtsa brgyad dang/ nyin zhag nyi shu rtsa dgu dang/ nyin zhag sum cu gang gi tshe 'bab pa de'i tshe/ 'dab ma bcu pa dor te/ 'dab ma gnyis la 'pho bar byed do/ /'tsho ba'i zla ba dgu pa las zla ba gsum gyi dman par 'gyur ro/ /de bzhin du nyin zhag sum cu rtsa gcig dang/ nyin zhag sum cu rtsa gnyis dang/ nyin zhag sum cu rtsa gsum gang gi tshe 'bab pa de'i tshe 'dab ma bcu gcig pa dor te 'dab ma gcig la 'pho bar byed do/ /'tsho ba'i zla ba gsum las nyin zhag dgu bcus dman par 'gyur ro/ /de nas sngar gyi 'dab ma la ma bab pa'i nyin zhag gsum po ni 'dab ma bcu gnyis la nyin zhag gnyis 'bab po/ de nas 'dab ma bcu gnyis pa 'dor ro/ /de nas lte ba la nyin zhag gcig 'bab ste/ srog gi 'khor lo'i dbugs chad par 'gyur ba'i bar du'o/ /de nas rtsa g.yon pa'i 'chi ltas kyis gang dag rnal 'byor pa ma yin pa'i mi rnams 'chi bar 'gyur ro/ /g.yon pa'i rtsa zla ba'i 'chi ltas kyi nges pa'o/ /snying stobs dang rdul dang mun pa'i dbye bas zla ba so sor 'chi ltas kyi nyin zhag re re lhag pas 'phel lo/ /'dir khyim gyi 'khor lo dgod pa ni khyim gyi 'khor lo rim pa gnyis pa byas nas rim pa dang po la 'chi ltas kyi nyin zhag rnams dang rim pa phyi ma la 'chi ltas kyi nyin zhag gi lhag ma'i tshe'i zla ba rnams so/ /de la 'khor lo'i rtsibs dang po la 'chi ltas kyi nyin zhag gsum dang zla ba sum cu'o/ /rtsibs gnyis pa la 'chi ltas kyi nyin zhag drug dang lhag ma tshe'i zla ba nyi shu rtsa bdun no/ /de bzhin du rtsibs gsum pa la 'chi ltas kyi nyin zhag dgu dang de bzhin zla ba nyi shu rtsa bzhi'o/ /bzhi pa la nyin zhag bcu gnyis dang zla ba nyi shu rtsa gcig go /lnga pa la nyin zhag bco lnga dang zla ba bco brgyad do/ /drug pa la nyin zhag bco brgyad dang zla ba bco lnga'o/ /bdun pa la nyin zhag nyi shu rtsa gcig dang zla ba bcu gnyis so/ /brgyad pa la nyin zhag nyi shu rtsa bzhi dang zla ba dgu'o/ /dgu pa la nyin zhag nyi shu rtsa bdun dang zla ba drug go /bcu pa la nyin zhag sum cu dang zla ba gsum mo/ /'khor lo'i rtsibs bcu gcig pa la 'chi ltas kyi nyin zhag sum cu rtsa gsum dang mjug tu zla ba gsum zad pa'o/ /de nas khyim gyi 'khor lo'i rtsibs dang po la sngar ma rgyus pa'i nyin zhag gsum po gang yin pa de'i nyin zhag gnyis de 'dab ma bcu gnyis pa la g.yas kyi rtsa zad pa'i don du g.yas kyi rtsa la 'bab bo/ /nyin zhag gcig ni dbugs kyi 'khor lo zad pa'i don du'o dbu ma a ba d+hU tI la 'bab po/ /de nas zla ba'i 'chi ltas kyi g.yon gyi rtsa la srog 'gro ste/ zla ba'i 'chi ltas kyi nges pa'o/ da ni snga nas zhes pa la sogs pas rtsa g.yas pa la nyi ma'i 'chi ltas gsungs te/ 'dir lus la zla bas nyi ma'i yon tan snying stobs dang rdul dang mun pa rnams bzung nas 'chi ltas kyi nyin zhag nges par bstan te/ nyi mas zla ba'i yon tan sgra dang reg pa dang gzugs dang/ ro dang dri rnams bzung nas 'chi ltas kyi nyin zhag nges par bstan to/ /khyim lnga'i bar du lnga lhag pa ste lnga pa lnga yis so/ /de nas khyim gnyis ni gcig lhag pas so/ /de nas rtsa ba nas brtsams nas nyin zhag sum cu rtsa gsum gyi bar du rgyu ste/ nyin zhag bco lngas khyim brgyad pa 'dor ro/ /bcu yis khyim dgu pa 'dor ro/ /lnga yis khyim bcu pa 'dor ro/ /gsum gyis khyim bcu gcig pa 'dor te/ de ltar na nyin zhag sum cu rtsa gsum du g.yas kyi rtsa srog rgyu'o/ /de nas khyim bcu gnyis pa la g.yon gyi rtsa'i khams zad pa'i don du'o/ /g.yon gyi rtsa las nyin zhag gnyis so/ /dbugs kyi 'khor lo zad pa'i don du dbu ma'i rtsa la nyin zhag gcig ste/ de nas 'chi bar 'gyur ro// 'di lta ste/ mtshams kyi nyin zhag lnga nas nyin zhag nyi shu rtsa lnga'i bar du nyin zhag bgrod pa skye ba lnga ni 'phel ba dag gis skye ba ste/ nyin zhag lnga dang/ bcu dang bco lnga dang nyi shu dang nyi shu rtsa lnga rnams te/ /skyes pa nas khyim lnga rnams la'o/ /de nas re re lhag pas/ khyim drug pa dang bdun pa la rim pa bzhin du snying stobs dang rdul zad pa'i don du nyin zhag nyi shu rtsa drug dang nyi shu rtsa bdun no/ /de nas dus ni rdzogs par gyur na bcu ni gsum gyis bsgyur ba dag /khyim brgyad pa dang dgu pa dang bcu pa la srog rgyu'o/ /de nas bcu gcig pa la gsum lhag pa'i zla bar 'gyur ba ji srid pa nyid do/ /lo rnams ni 'chi ltas kyi nyin zhag gi lhag ma'i lo ste/ khyim gyi 'khor lo skye ba'i khyim la sogs pa'i khyim bcu gnyis po rnams la'o/ /gsum mig zla ba ste skye ba'i khyim la 'chi ltas kyi nyin zhag gi lhag ma lo gsum mo/ /gnyis pa la lo gnyis so/ /gsum pa la lo gcig ste/ 'chi ltas kyi nyin zhag gi lhag ma 'tsho ba'i lo rnams so/ /de nas drug gsum zung dang zla ba gang zhes pa ni/ khyim bzhi pa la zla ba drug po de dag rnams so/ /lnga pa la zla ba gsum mo/ /drug pa la zla ba gnyis so/ /bdun pa la 'chi ltas kyi nyin zhag gi lhag ma 'tsho ba'i zla ba gcig go /skye ba'i gnas de nas bdun pa'i gnas ni rdzogs pa'o/ /mngal nas skyes pa rnams kyi bzung ba'i zla ba ni chu srin no/ /de nas bdun pa ni srog skye pa'i zla ba ste/ kar ka Ta'o/ /zla ba'i rtsa 'phel ba yongs su btang ba'i phyir khyim bcu gnyis pa'i mthar slar yang chu srin du 'gyur te/ mngal bzung ba nas zla ba bcu gsum pa'o/ /de'i phyir kar ka Ta ni srog gi skye ba'i gnas te nyi ma kho na'i ma yin no/ /de nas 'char te/ skye ba de nas chu srin 'char ba ste/ khyim bdun pa 'char ba ni nyi ma nub pa zhes bya ba rdzogs pa'i dus so/ /rdzogs pa'i dus de nas srog phyir mi ldog par 'gyur te/ lha dang lha ma yin dang mi rnams kyi lus la brtan par bya mi nus so/ /mtshan mo'i cha la zla ba'i dus shes pa la/ zla ba 'char ba zhes bya ba'i khu ba'i khams la 'chi ba 'jug pa'o/ /'chi ba 'char ba yin gyi khu ba'i khams ni ma yin te/ 'chi ltas kyi rlung zhugs pa'i phyir ro/ /rdzogs pa'i dus de nas khu ba zad ba'i don du/ rtsa g.yas pa la srog nyin zhag sum cu rtsa gsum rgyu'o/ /de nas rtsa g.yon pa la nyin zhag gnyis dang/ rtsa dbu ma nyin zhag gcig ste/ 'tsho ba'i nyin zhag lhag ma ni tshes zhes pa bco lnga dang phyogs zhes pa bcu dang mda' zhes pa lnga dang/ yon tan zhes pa gsum dang/ gnyis zhes pa gnyis dang nyin zhag gcig ste/ nyi ma'i 'chi ltas la bshad pa gcig gi nges pa'o/ /da ni rang gi gnas nas zhes pa la sogs pas bshad pa gnyis pa gsungs te/ 'dir lus kyi lte ba'i pad+ma la rtsa bcu gnyis kyi bdag nyid can khyim gyi 'khor lo'o/ /de la skye ba'i gnas ni khyim dang po'i rtsa ste mngal nas skyes pa'i byis pa'i dus sbyor gang yin pa de nyid glang la sogs pa mnyam pa'i rtsa'i rang bzhin can no/ /rang gi gnas de nas mchog gi cha srog gi nus pa yis khyim gyi 'khor lo ste rtsa'i 'khor lo rtsibs bcu gnyis pa dkyil 'khor drug cu'i bdag nyid can 'dor te/ nyams dang lhag ma mtshungs pa yis zhes pa la/ nyams pa ni rgyu ba'i nyin zhag rnams te/ lnga dang bcu dang bco lnga dang nyi shu dang nyi shu rtsa lnga dang nyi shu rtsa drug dang nyi shu rtsa bdun ni nyams pa'o/ /lhag ma ni lo gsum dang/ lo gnyis dang/ lo gcig dang/ zla ba drug dang/ zla ba gsum dang zla ba gnyis dang zla ba gcig ni nyams pa'i lhag ma ste/ nyams pa'i lhag ma de dag rnams kyi 'dab ma dang po la sogs pa nas ji srid rtsa'i 'dab ma bdun pa'i bar de srid du rim pas lo dang zla ba ste/ lo gsum mig ri bong can gyi rtsa gsum 'dor ro/ /zla ba drug gsum zung dang zla ba rnams kyi rtsa bdun 'dor ro/ /zhag gis kyang rdzogs pa nas ni lhag ma mtshungs pa'i zhes pa la/ rdzogs pa'i dus ni skye ba'i gnas kyi mtshams bdun pa ste/ nyi ma dang rdul nub pa'i dus so/ /rdzogs pa'i dus de nas srog gi nus pa rgyu ba'i tshe'i nyin zhag mtshungs pa rnams kyis khyim kyi rtsa yongs su 'dor te/ tshes nyin zhag bco lnga dang/ phyogs nyin zhag bcu dang/ mda' nyin zhag lnga dang/ yon tan zhes pa ni nyin zhag gsum ste/ nyin zhag sum cu rtsa gsum po 'di rnams kyis/ rtsa brgyad pa dang dgu pa dang/ bcu pa dang khyim gyi rtsa bcu gcig pa dkyi 'khor lnga 'bab par byed pa ni nyi ma'i rab tu rgyu bas mdor te rtsa g.yas pa gcig bu nas 'dab pas so/ /bcu gnyis pa ni rtsa g.yon pa la nyin zhag gnyis dang dbu ma la nyin zhag gcig gis te/ lte bar rab tu zhugs pas so/ /de ltar rdzogs pa nas nyin zhag sum cu rtsa drug gi nyin mor byed pa'i 'chi ltas kyi sbyor bas mi rnams 'chi bar 'gyur ro/ /bshad pa gnyis pa'i nges pa'o/ /da ni sngon du zhes pa la sogs pas 'dab ma bcu gnyis la lo gsum gyi nyin zhag 'dor ba gsungs te/ 'dir khyim gyi 'khor lo la skye ba'i dus sbyor gyi rtsa ni sngon zhes brjod de/ skye ba'i dus sbyor gyi 'dab ma de la lo gsum gyi nyin zhag gi tshogs stong brgyad cu'i nang nas mda' dang me dang 'jig rten zhes pa nyin zhag gi tshogs sum cu rtsa lnga lhag pa'i sum rgya 'dor bar byed do/ /de nas 'dab ma de stong par byas te lhag ma'i nyin zhag gi tshogs bzung nas srog gi nus ma 'dab ma gnyis pa la 'jug go /nyin zhag gi tshogs de las rgyu ba dang bcas pa'i ste/ snga ma las 'dab ma phyi mar rgyu ba'i nyin zhag bcu dang lhan cig tu mda' dus rtse mo can zhes pa nyin zhag gi tshogs bzhi bcu rtsa lnga lhag pa'i sum brgya 'dab ma gnyis pa la 'dor ro/ /de nas lhag ma bzung nas 'dab ma gsum pa la 'jug ste/ gnyis pa stong par 'gyur ro/ /slar yang de nyid la rgyu ba'i nyin zhag bco lnga dang lhan cig nyin zhag bdun cu lhag pa'i brgya 'dab ma gsum pa la 'dor ro/ /lhag ma bzung nas bzhi pa la 'jug ste/ gsum pa stong par 'gyur ro/ /de nas rgyu ba'i nyin zhag nyi shu dang lhan cig mig sprul zhes pa nyin zhag gi tshogs brgyad cu rtsa gnyis 'dab ma bzhi pa la 'dor ro/ /lhag ma zung nas lnga pa la 'jug ste/ bzhi pa stong par 'gyur ro/ /slar rgyu ba'i nyin zhag nyi shu rtsa lnga dang lhan cig re re mda' ste/ nyin zhag gi tshogs la lnga bcu rtsa bdun 'dor ro/ /lhag ma bzung nas drug pa la 'jug ste lnga pa stong par 'gyur ro/ /slar rgyu ba'i nyin zhag nyi shu rtsa drug dang lhan cig nyin zhag gi tshogs nyi shu rtsa brgyad 'dor ro/ /de nas bdag ma bdun pa la 'jug ste/ drug pa stong par 'gyur ro/ /de nas bdun pa la rgyu ba'i nyin zhag gi tshogs nyi shu rtsa bdun 'dor ro/ /lhag ma nyin zhag gi tshogs sum cu rtsa drug 'byung nas 'dab ma brgyad par 'jug ste bdun pa stong par 'gyur ro/ /de nas brgyad pa la nyin zhag bco lnga 'dor ro/ /lhag ma nyin zhag nyi shu rtsa gcig bzung nas dgu pa la 'jug ste/ brgyad pa stong par 'gyur ro/ /de nas dgu pa la nyin zhag bcu 'dor ro/ /lhag ma nyin zhag bcu gcig bzung nas bcu pa la 'jug ste/ dgu pa stong par 'gyur ro/ /de nas bcu pa la nyin zhag lnga 'dor ro/ /lhag ma nyin zhag drug bzung nas bcu gcig pa la 'jug ste/ bcu pa stong par 'gyur ro/ /de la nyin zhag gsum 'dor ro/ /lhag ma nyin zhag gsum bzung nas bcu gnyis pa la 'jug ste/ bcu gcig pa stong par 'gyur ro/ /de la nyin zhag gnyis 'dor ro/ /lhag ma nyin zhag gcig bzung nas lte ba la 'jug ste khyim gyi 'dab ma bcu gnyis pa'i rtsa stong par 'gyur ro/ /de ltar nyi ma'i dbu ma'i lo gsum gyi nyin zhag stong brgyad cu'i grangs rnams kyi srog gi nus pas khyim gyi 'khor lo rtsibs bcu gnyis pa 'dor ro/ /de yang lte ba la nyin zhag gcig dbu mar 'bab ste/ de nas dbugs kyi 'khor lo btang nas rnam par shes pa srog gi rlung dang lhan cig 'gro ba drug po gzhan du 'pho bar byed do/ /nyi ma'i 'chi ltas kyi nges pa'o/ /'dir dgong pa ni sngar gyi dgong pa bzhin du rim pa gnyis la lo'i dbye ba dang nyin zhag 'dor ba'i dbye ba ste/ rim pa snga ma la 'chi ltas kyi nyin zhag dgong cing rim pa phyi ma la lhag ma tshe'i nyin zhag dgod do/ /'khor lo gnyis pa la nyin zhag 'dor ba dgod cing snga ma'i 'dab ma rnams la rim pas stong pa dgod de/ /g.yas pa'i rtsa mnyam pa'i dus sbyor las skyes pa rnams la nyi ma'i 'chi ltas te/ mi mnyam pa'i dus sbyor las skyes pa tshe thung pa rnams la zla ba'i 'chi ltas so/ /nyi ma'i 'chi ltas kyi nges pa'o/ /da ni nyi ma'i dbu ma'i 'chi ltas kyi dus kyi lo rim pra lo brgya'i mtshams su byis pa'i skye bo mu stegs pa rnams kyi brjod pa sems can rnams rmongs pa bskyed par byed pa gang yin pa de'i dgag pa brjod par bya'o/ /'dir mu stegs pa rnams brjod par grags te/ rtsa g.yas pa la chu tshod lnga rab tu rgyu bas tshe lo brgya'o/ /chu tshod drug rab tu rgyu bas tshe lo dgu bcu'o/ /chu tshod bdun rab tu rgyu bas tshe lo brgyad cu'o/ /chu tshod brgyad rab tu rgyu bas tshe lo lnga bcu'o/ /chu tshod dgu rab tu rgyu bas tshe lo sum cu'o/ /chu tshod bcu rab tu rgyu bas tshe lo nyi shu rtsa drug go /chu tshod bco lnga rab tu rgyu bas tshe lo bcu bzhi'o/ /chu tshod sum cu rab tu rgyu bas tshe lo bcu gnyis so/ /nyin mtshan rab tu rgyu bas tshe lo bcu'o/ /nyin zhag gnyis rab tu rgyu bas tshe lo brgyad do/ /nyin zhag gsum rab tu rgyu bas tshe lo drug go /nyin zhag bzhi rab tu rgyu bas tshe lo lnga'o/ /de nas nyin zhag lnga rab tu rgyu bas tshe lo gsum mo zhes pa ni mu stegs pa rnams kyi g.yas kyi lam la chu tshod dang/ dbugs kyis nges pa'o/ /de nyid ni thams cad mkhyen pas gsungs pa'i rigs pas rnam par dbyar na mi 'thad de/ 'dir mi rnams kyi 'chi ltas med pa la g.yon dang g.yas kyi rtsal lnga ste/ mnyam pa dang mi mnyam pa'i dus sbyor rnams la dbyu gu sngar srog gi rlung 'bab bo/ /skyes bu tshe lo brgya pa'i srog ni g.yon dang g.yas pa dag la lo bdun du bgrod pa'i dbye bas dbugs 'phel lo de nas lo drug cu rnams ni bgrod pa 'phel ba'i dbye bas chu srang 'phel lo/ /de nas lo sum cu rnams ni zla ba gsum gyi dbye bas chu tshod 'phel lo/ /de nas lo gsum dang phyogs gsum ni nyin zhag gi dbye bas 'phel lo/ zhes pa ni dus 'phel ba'i rigs pa'o/ /rig pa 'di las mngal nas skyes pa'i byis pa gang zhig dus ma yin par 'chi bar 'gyur la/ lo gsum mam lo lnga 'am lo bcu gnyis sam/ nyi shu la sogs pas 'chi ba de la chu tshod lnga'i steng du chu tshod drug dang/ bdun pa la sogs pa rab tu rgyu ba'i rim pas ni don med pa ste/ mngal nas skyes pa nas lo gsum 'chi ba'i mtshams yin pa'i phyir ro/ /'dir gal te skyes pa'i zla ba gcig gi rjes su 'chi bar 'gyur na/ de'i tshe skyes pa'i nyin zhag nas brtsams te/ srog gi rlung rdzogs pa'i dus nas tshes phyogs mnga' dang yon tan la sogs pa rgyu'o/ /de bzhin du mngal nas skyes pa nas zla ba gnyis kyi mdza' dang zla ba gsum gyi mdza' dang/ zla ba bzhi'i mdza' dang/ zla ba drug gi mdza' dang/ lo'i mdza' dang/ lo gnyis kyi mdza' dang/ lo gsum gyi mthar 'chi ba ni nyin zhag sum cu rtsa gsum rgyu ba nas g.yas kyi rtsa la sgra la sogs pa'i yon tan lnga zad pa'i dbye bas nyin zhag lnga rgyu ba dang/ g.yon gyi rtsa la snying stobs la sogs pa'i yon tan gsum zad pa'i dbye bas nyin zhag gcig gi bar du lugs las bzlog pas so/ /de bzhin du lte ba la srog rab tu zhugs pa las mngal nas skyes pa'i nyin mtshan dang po la yang 'chi bar shes par bya'o/ /de bzhin du 'dab ma bcu gnyis pa la srog 'char ba las nyin zhag gsum pa la 'chi ba'o/ /de bzhin du 'dab ma bcu gcig pa la srog 'char ba las nyin zhag drug pa la'o/ /de bzhin du khyim gyi 'dab ma bcu pa la srog 'char ba las nyin zhag bcu gcig pa la'o/ /de bzhin du khyim gyi 'dab ma dgu pa la srog 'char ba las nyin zhag nyi shu rtsa gcig pa la'o/ / de bzhin du rim pas khyim gyi 'dab ma brgyad pa la srog 'char ba las nyin zhag sum cu rtsa drug la'o/ /de bzhin du khyim gyi 'dab ma bdun pa la srog 'char ba las zla ba gnyis na'o/ /de bzhin du 'dab ma drug pa la srog 'char ba las zla ba gsum na'o/ /de bzhin du lnga pa la srog 'char ba las zla ba bzhi na'o/ /de bzhin du 'dab ma bzhi pa la nyin zhag nyi shur srog 'char ba las zla ba drug na'o/ /de bzhin du phyogs dang bcas pa gsum pa la srog 'char ba las lo gcig na'o/ / nyin zhag bcu gnyis pa srog 'char ba las lo gnyis na'o/ /dang po la srog 'char ba las lo gsum na'o/ /lo bzhi pa la nyin zhag ni rigs pa ma yin no/ /mngal nas skyes pa nas lo brgya'i mtshams kyi bar du'o/ /'di ni nyi ma'i 'chi ltas kyi nges pa ste/ nyi ma'i ji lta ba de bzhin du snying stobs la sogs pa yon tan gsum gyi dbye bas mngal nas skyes pa las zla ba'i 'chi ltas kyi nges pa'o/ /de bzhin du dus phyi ma'i steng gi rna ba las dbang phyug gis smras pa/ ji ltar g.yon pa de bzhin ga-yas/ /de bzhin nyid du dbu ma yang/ lo gsum mdza' ni 'chi ba ster/ zhes pa ste/ gzhan gyi grub pa'i mdza' la yang la lar nges pa yod do/ /zla ba dang nyi ma'i 'chi ltas kyi nges pa'o/ /'di ltar mngal nas skyes pa rnams kyi las las nyin zhag gcig nas brtsams te/ lo gsum gyi mthar nyin zhag so so la 'chi ba'i dbye bas stong brgyad cu'i dbye ba tha dad pa'i byis pa'i 'chi ba gang yin pa de ni zla ba'i lam mam nyi ma'i lam 'di la nges pa med do/ /'on kyang rtsa las dbugs rab tu rgyu ba'i 'chi ltas kyi nyin zhag rnams kyi srog gi grangs shes par byed do/ /de'i phyir 'chi ltas kyi 'khor lo ni 'chi ba'i 'khor lo ste/ khyim gyi 'khor lo'i rtsa rnams las srog gi dkyil 'khor lnga rgyu ba go rims kyi yongs su 'dor ba'o/ /de nas lte ba la rab tu zhugs pa'i nyin zhag de la 'chi'o/ zhes pa ni rigs pa'o/ /nyi ma'i dbu ma rab tu rgyu bas lo brgya'i mtshams su lo gsum gyi dus kyi mtshan nyid 'di ni yongs su brtags pa'i sems can thams cad kyi 'chi bar bcom ldan 'das kyis gsungs so zhes zer ro/ /de nyid ni zla ba'i phyogs gsum gyi chos kyi zla ba'i 'chi ltas su mi 'gyur te/ 'dir gang zhig zla ba'i chos kyi 'chi ltas kyis 'chi bar mi 'gyur ba des na byis pa mi mkhas pa rnams kyis rab tu brtags pa'o/ /g.yon pa'i rtsa la zla ba'i chos las 'chi ltas kyi 'chi ba ji ltar med/ g.yas pa la nyi ma rab tu rgyu ba las 'chi bltas kyis 'chi bar thams cad mkhyen pas gsungs so/ zhes pa ni mi shes pa rnams kyi tshig go /'dir lo gsum gyis lhag pa'i lha ni nyi ma'i sgras srog gi rlung ste/ phyogs gsum gyi bdag po ni zla ba'i sgras thur sel gyi rlung ngo/ /'dir ai Da dang dmar ser dang su shu mAn rnams kyi bdag po ni srog dang nyi ma ste lte ba las steng du rab tu rgyu ba'i phyir ro/ /bshang ba dang gci ba dang khu ba'i rtsa rnams kyi bdag po ni thur sel te lte ba las 'og tu rab tu rgyu ba'i phyir ro/ /de ltar na zla ba la 'og tu yon tan gsum dang/ nyi ma la steng du dkyil 'khor dang yul lnga'i yon tan lnga'o/ /des na 'og dang steng gi rtsa dag la yon tan gsum gyi dbye bas g.yon pa la zla ba'i 'chi ltas dang yon tan lnga'i dbye bas g.yas pa la nyi ma'i 'chi ltas so/ /zla ba dang nyi ma'i 'chi ltas kyi nges pa'o/ /da ni dus kyi lo zhes pa la sogs pas dbu ma yongs su rdzogs pa'i dus su 'chi ba'i mtshan nyid gsungs te/ 'dir skyes pa dang bud med rnams kyi lus la snying stobs dang rdul dang mun pa'i dbye bas srog rab tu rgyu ste/ phyed dang bcas pa'i zla ba bcu lhag pa'i lo dgu bcu rtsa drug gi bar du g.yon dang g.yas la dkyil 'khor lnga 'bab po/ /lo gsum dang phyogs gsum gyi bar ni dbu ma'i dus te tshe lo brgya pa'i mi rnams kyi nges pa'o/ /de la g.yon pa dang g.yos pa dang dbu ma'i rtsa gsum ni snying stobs dang rdul dang mun pa'i rang bzhin can te/ 'di rnams las 'chi ba ni mun pa'i rtsa las rgyu ba'i grangs srog dang thur sel gyi rang bzhin gyis bzung nas/ g.yon pa dang g.yas pa la mi mnyam pa'i nyin zhag gis rgyu ste/ dus kyi lo ste lo gsum dang phyogs gsum gyi bar du/ nyin zhag bgrod pa'i dbang gis shes pa la/ nyin zhag ni nyi shu rtsa lnga lhag pa'i brgya phrag bcu gcig ste/ de dag gi bgrod pa'i dbang gis ji srid srog zad par 'gyur ba de srid du 'pho zhing rgyu bar byed pa ste/ zla ba zhes pa ste g.yon pa'i lam dang nyi ma'i lam g.yas pa la mi mnyam pa mnyam pa'i nyin zhag re re 'phel bas rim pas so/ / zhes pa ni gal te lug la sogs pa mi mnyam pa'i dus sbyor las skyes par gyur na g.yon pa'i rtsa la nyin zhag gcig rgyu'o/ /gal te glang la sogs pa mnyam pa'i dus sbyor la skyes par gyur na g.yas pa la nyin zhag gnyis rgyu'o/ /de nas slar yang 'pho ba'i dbye ba ni mnyam mnyam pa'i nyin zhag rnams kyi g.yon pa la rgyu ba'i mjug dang g.yas pa la rgyu ba'i mjug tu rgyu ba'i nyin zhag gi tshad kyis byed pa ni/ bcu gnyis rtsibs kyi khyim gyis 'khor lo la rim pas dkyil 'khor lnga yongs su dor ba'i slad du ste/ g.yon gyi rtsa la nam mkha' la sogs pa'i dkyil 'khor zad pa'i don du 'pho bar byed cing/ g.yas kyi rtsa las la sogs pa'i dkyil 'khor zad pa'i don du 'pho bar byed do/ /'dir g.yon pa la nyin zhag lnga rgyu ba dang 'pho ba'i nyin zhag rnams kyis lug la sogs pa mi mnyam pa'i 'dab ma drug po rnams la stong pa'i dkyil 'khor rab tu 'bab pa'i srog gi rlung gis 'dor ro/ /g.yas pa la nyin zhag drug rgyu ba dang 'pho ba'i nyin zhag drug rnams kyis glang la sogs pa mnyam pa'i dus sbyor drug po rnams la sa'i dkyil 'khor rab tu 'bab ba srog gi 'dor ro/ /de bzhin du g.yon pa'i rtsa la nyin zhag bcu gcig gis rlung gi dkyil 'khor 'dor ro/ /g.yas pa la nyin zhag bcu gnyis kyi chu'i dkyil 'khor 'dor ro/ /de bzhin du g.yon pa'i 'dab ma la nyin zhag bcu bdun gyis me'i dkyil 'khor 'dor ro/ /g.yas pa'i 'dab ma la nyin zhag bco brgyad kyis me'i dkyil 'khor 'dor ro/ /slar yang g.yon pa'i 'dab ma la nyin zhag nyi shu rtsa gsum gyis chu'i dkyil 'khor 'dor ro/ /g.yas pa'i 'dab ma la nyin zhag nyi shu rtsa bzhis rlung gi dkyil 'khor 'dor ro/ /slar yang g.yon pa'i 'dab ma drug la nyin zhag nyi shu rtsa dgus sa'i dkyil 'khor la 'dor ro/ /g.yas pa la nyin zhag sum cus nam mkha' i dkyil 'khor 'dor te/ de ltar mi mnyam pa dang mnyam pa'i nyin zhag rnams g.yon pa dang g.yas pa la rgyu ba dang nyin zhag sum cu po rnams kyi 'pho ba'i nyin zhag sum cus dus sbyor bcu gnyis kyi rtsa'i 'dab ma rnams la dkyil 'khor lnga yongs su 'dor ro/ /de nas g.yon pa'i rtsa mi mnyam pa'i 'dab ma rnams la rgyu ba'i nyin zhag sum cu rtsa gcig 'pho ba'i nyin zhag sum cu rtsa gcig gis kyang snying stobs kyi khams zad do/ /g.yas pa'i rtsa la nyin zhag sum cu rtsa gnyis rgyu ba dang/ 'pho ba'i nyin zhag sum cu rtsa gnyis kyis kyang rdul gyi khams zad do/ /de nas mi mnyam pa'i 'dab ma la rgyu ba'i nyin zhag sum cu rtsa gsum dang/ 'pho ba'i nyin zhag sum cu rtsa gsum gyi mun pa'i khams zad de/ de ltar bad kan gyi rtsa zad pa ni snying stobs kyi khams dang mkhris pa'i rtsa zad pa ni rdul gyi khams dang rlung gi rtsa zad pa ni mun pa'i khams zhes brjod de rgyu ba'i nyin zhag sum cu rtsa gsum dang 'pho ba'i nyin zhag sum cu rtsa gsum gyis so/ /khyim gnyi ga'i nyin zhag bsdus pa'i nyin zhag gsum gyi dman pa'i lo gsum dang phyogs gsum gyi nyin zhag nyi shu rtsa gnyis lhag pa'i brgyad phrag bcu gcig tu 'gyur ro/ /dkyil 'khor lnga dang snying stobs dang rdul dang mun pa'i rtsa gcod pa ni srog gi rlung gi gnas yongs su 'dor ba ste/ de ltar phyed dang bcas pa'i zla ba dang ji srid lo gsum gyi nyin zhag rnams srog rgyu bas so/ /de nas gzhan ni sum cu dag dang ste mngal bzung ba'i zla ba'i nyin zhag gi tshogs nyin zhag sum cu'i bdag nyid dang 'tsho ba dag gi mtshan mo gsum gyi bar du'o/ /g.yas pa'i rtsa la rgyu zhing 'pho ba thams cad med pas nyin zhag sum cu rtsa gsum gyi bar du phung po dang khams rnams rnam par gcod pa ste/ 'dir gzugs la sogs pa'i phung po lnga dang sa la sogs pa'i khams lnga dang/ lus kyi dbang po la sogs pa'i dbang po lnga dang dri la sogs pa'i yul lnga dang/ bshang lam la sogs pa'i las kyi dbang po lnga dang/ smra ba la sogs pa'i las kyi dbang po'i yul lnga ste/ 'di dag rnams nyin zhag sum cu rtsa gsum gyi gcod cing phan tshun yang dag par sbyor ba med par 'gyur ro/ /de nas dbugs kyi 'khor lo zad pa'i don du nyin zhag gcig dbu ma la 'jug go/ phung po drug po dang/ khams drug pa dang dbang po drug pa dang/ yul drug pa dang/ las kyi dbang po'i yul drug pa dang/ khu ba 'pho ba ni 'chi ba'i mthar 'gyur te/ phung po dang khams dang skye mched rnam par gcod pa'i nges pa'o/ /da ni dbugs zhes pa la sogs pas skyes par gyur pa rnams kyi 'chi ba'i dbugs rgyu ba gsungs te/ lo dgu bcu rtsa bdun gyi mtshams su chu tshod kyi 'khor lo rgyu ste/ de nyid nyin zhag gcig tu 'gyur ro/ /de nas g.yon pa dang g.yas pa'i rtsa la nyin zhag gi rang bzhin gyi nyin zhag gi 'khor lo sngar brjod pa'i rim pas rgyu ste/ de'i phyir nyin zhag bgrod pa'i dbang las dus kyi lo dang phyogs kyis kyang zhes pa ste/ lo gsum dang kyang yig gis phyogs gsum dang gzhan nyin zhag sum cus kyang ngo/ /'dir 'chi ba'i nyin zhag rgyu ba'i grangs ni/ /dus kyi 'khor lo dag las phyed bcas sum cu gnyis kyis bgos pa'i zhes pa ste/ nyi shu rtsa lnga lhag pa'i brgya phrag bcu gcig las thob pa'i nyin zhag gi tshogs ni lte ba'i mthar thug par rig par bya'o/ /'dir phyed dang bcas pa'i sum cu rtsa gnyis kyis thob par rgyu ba'i nyin zhag sum cu rtsa bzhi dang chu tshod sum cu rtsa drug dang/ chu srang lnga bcu rtsa lnga dang/ phyed dang bcas pa'i dbugs gnyis te/ 'di dag las nyin zhag gcig ni lte ba la'o/ /lhag ma ni g.yon dang g.yas pa'i 'chi ltas su rig par bya'o/ /nyin zhag so sor rgyu ba ni chu tshod lhag par 'gyur te/ mdza' i rgyu ba ni g.yas pa'i rtsa la'o/ /dus kyi 'chi ba'i nges pa'o/ /da ni phyogs shes pa la sogs pas lte ba'i 'khor lo la sogs pa'i rtsa ma chad pa gsungs te/ 'dir lte ba la khyim gyi rtsa bcu gnyis dang/ dkyil 'khor drug cu 'bab par byed pa drug cu ste/ dgu yis mnun pa'i lag 'gro zhes pa brgyad la dgu yis bsnun pa ni bdun cu rtsa gnyis su 'gyur ro/ /dgu yis bsnun pa'i lag 'gro ste lta ba'i 'khor lo 'di las phyogs dang phyogs la rtsa ni gcod par byed do/ /'dir phyogs ni nyin zhag bco brgyad kyi rig par bya ste/ /phyogs de'i lo gsum la g.yon gyi stong pa la sogs pa'i dkyil 'khor 'bab par byed pa'i rtsa sum cu 'dor zhing g.yas kyi sa la sogs pa'i dkyil 'khor 'bab par byed pa sum cu 'dor ro/ /de ltar sum cu sum cu ste/ phyogs drug cus srog gi rlung gis yongs su 'dor ro/ /thams cad du dkyil 'khor gyi rtsa rnams las lo gsum gyi phyogs rnams kyis drug gi cha shas yongs su dor nas dkyil 'khor lnga 'bab par byed pa 'dor ro/ /las kyi 'khor lo bya ba zhes pa'i tshigs las nyin zhag rtse mo can gyi rtsa ni re re 'dor zhes pa la 'dir lus la las kyi 'khor lo ni lag pa dag gi tshigs drug dang/ rkang pa dag gi tshigs drug po rnams la zla ba bcu gnyis kyi dbye ba las bcu gnyis kyi dbye bas tha dad pa'i 'khor lo bcu gnyis kyi bdag nyid do/ / tshigs kyi 'khor lo so so la rtsa sum cu ste/ tshigs bcu gnyis po rnams la rtsa sum brgya drug cu'o/ /de rnams las g.yas pa'i phag pa dang dpung pa'i tshigs la chu srin gyi tshes gangs sum cu'i dbye bas sum cu'o/ /g.yon pa'i phrag pa dang dpung pa'i tshigs la dpo'i zla ba'i tshes grangs sum cu'i dbye bas rtse gsum cu'o/ /de bzhin du g.yas pa'i nye ba'i dpung pa'i tshigs la nag pa'i zla ba'i rtsa rnams so/ /g.yon pa'i nye ba'i dpung pa'i tshigs la sa ga'i zla ba'i rtsa rnams so/ /g.yas pa'i lag pa dang nye ba'i dpung pa'i tshigs la snron gyi zla ba'i rtsa rnams so/ /g.yon pa'i lag pa dang nye ba'i dpung pa'i tshogs la mchu'i zla ba'i tshes grangs sum cu'i dbye bas rtsa sum cu ste/ lag pa dag gi tshigs drug gis las kyis 'khor lo rnam pa drug la rtsa brgyad cu lhag pa'i brgya'o/ /de nas g.yas pa'i brla dang dpyi'i tshigs la gro bzhin gyi zla ba'i tshes bcu'i dbye bas rtsa sum cu'o/ /g.yon pa'i brla dang dpyi'i tshigs la khrums kyi zla ba'i rtsa sum cu'o/ /de bzhin du g.yas pa'i brla dang byin pa'i tshigs la tha skar gyi zla ba'i rtsa sum cu'o/ /g.yon pa'i brla dang byin pa'i tshigs la smin drug gi zla ba'i rtsa sum cu'o/ /g.yas pa'i rkang pa dang byin pa'i tshigs la mgo'i zla ba'i rtsa sum cu'o/ /g.yon pa'i rkang pa dang byin pa'i tshigs la rgyal gyi zla ba'i tshes sum cu'i rang bzhin gyi rtsa sum cu ste/ de ltar rkang pa dag gi tshig drug gi las kyi 'khor lo la rtsa brgyad cu lhag pa'i brgya'o/ /las kyi dbang po'i bya ba 'jug pa'i dang por gyur pa'i phyir las kyi 'khor lo'o/ /rtsa 'di dag las nyin zhag rtse mo can gyis te/ so sor nyin zhag gsum gsum gyi rgyu ba las/ lo gsum gyi nyin zhag brgyad chu lhag pa'i stong gi grangs 'di rnams kyis rtsa sum brgya drug cu srog gi rlung gi 'dor ro/ /bya ba zhes pa'i zhes pa ni len pa dang 'gro ba la sogs pa'i bya ba byed pa'i phyir bya ba zhes pa ste/ lag pa dang rkang pa'i sor mo'i tshigs drug cu rnams la rtsa drug gi bdag nyid kyi 'khor lo ste/ sa dang chu dang me dang rlung dang stong pa dang ye shes kyi rtsa'i rang bzhin gyi bdag nyid can no/ /tshigs so so la gnas pa ni rtsa drug gi bdag nyid de/ tshigs drug cu po rnams la sum brgya drug cu'o/ /de dag las rtsa so so ni nyin zhag gsum gsum gyis yongs su 'dor te/ /las kyi 'khor lo la ji lta bzhin no/ /gang gi tshe g.yas pa'i lag pa dang nye ba'i dpung pa'i tshigs la rtsa sum cur 'dor ba de'i tshe/ lag pa g.yas kyi sor mo lnga'i ste ba rnams su rtsa drug drug 'dor te/ de ltar zla ba'i nyin zhag tshes rnams kyi sor mo lta bo rnams la rtsa sum cu 'dor ro/ /g.yon pa la de bzhin du rig par bya'o/ /gang gi tshe g.yas pa'i dpung pa dang nye ba'i dpung pa'i tshigs la 'dor ba de'i tshe/ sor mo'i tshigs dbu ma'i mtshams rnams la rtsa sum cu 'dor ro/ /g.yon pa la yang de bzhin no/ /gang gi tshe g.yas pa'i phrag pa dang dpung pa'i tshigs gis la 'dor ba de'i tshe sor mo'i 'og gi tshigs kyi mtshams rnams la nyin zhag dgu bcus rtsa sum cu 'dor ro/ /g.yon pa la yang de bzhin du shes par bya'o/ /gang gi tshe g.yas pa'i rkang pa dang byin pa'i tshigs la rtsa sum cu 'dor ba de'i tshe rkang pa g.yas pa'i sor mo'i steng gi tshigs kyi mtshams rnams la nyin zhag dgu bcu rtsa gsum cu 'dor ro/ /g.yon pa la yang de bzhin no/ /gang gi tshe g.yas pa'i byin pa dang brla'i tshigs la 'dor ba de'i tshe sor mo'i dbu ma'i tshigs kyi mtshams rnams la rtsa sum cu 'dor ro/ /rkang pa g.yon pa la yang de bzhin du shes par bya'o/ /gang gi tshe g.yas pa'i dpyi dang brla'i tshigs la 'dor ba de'i rkang pa'i sor mo'i 'og gi tshigs kyi mtshams la rtsa sum cu 'dor ro/ /g.yon pa la yang de bzhin du shes par bya'o/ /da ni rtsa rnams kyi lhag pa'i lha'i yi ge brjod par bya ste/ 'dir g.yon pa'i phrag ba dang dpung pa'i tshigs la nam mkha' la sogs pa'i dbyangs thung ngus phye ba'i ka ste lugs las bzlog pas so/ /de bzhin du g.yas pa'i phrag pa dang dpung pa'i tshigs la ye shes la sogs pa'i dbyangs ring pos phye ba'i ka ste'o/ /g.yon pa'i dpung ba dang nye ba'i dpung pa'i tshigs la nam mkha' la sogs pa'i dbyangs thung ngus phye ba'i rtsa sde'o/ g.yas pa la ye shes la sogs pa'i dbyangs ring po drug gis bya ba'o/ /g.yon pa'i lag pa dang nye ba'i dpung pa'i tshigs la nam mkha' la sogs pa'i dbyangs drug gis phye ba'i Ta sde'o/ /g.yas pa la ye shes la sogs pa'i dbyangs kyi phye ba'o/ /de ltar byang du bgrod pa la zla ba drug go /de nas lho la g.yas pa'i dpyi dang brla'i tshigs la ye shes la sogs pa'i dbyangs ring po drug gis phye ba'i pa sde'o/ /g.yon pa la nam mkha' la sogs pa'i dbyangs thung ngus phye ba'o/ /de bzhin du g.yas pa'i byin pa dang brla'i tshigs la ye shes la sogs pa'i dbyangs drug gis phye ba'i ta sde'o/ /g.yon pa la nam mkha' la sogs pa'i dbyangs thung ngus phye ba'o/ /de bzhin du g.yas pa'i rkang pa dang/ byin pa'i tshogs la ye shes la sogs pa'i dbyangs ring po drug gis phye ba'i sa sde'o/ /g.yon pa la nam mkha' la sogs pa'i dbyangs thung ngus phye ba ste/ nam mkha' i bsal byed la sogs pa lugs las bzlog pas so/ /de ltar ring po dang thung ngu'i dbye bas ste ba so so la yi ge sum cu'i bdag nyid ni las kyi 'khor lo'i 'khor lo bcu gnyis kyi rtsibs sum cu po rnams la'o/ /de nas bya ba'i 'khor lo'i g.yas pa'i mthe bong la sogs pa'i tshigs so so la ka yig la sogs pa'i gsal byed so so shes la sogs pa'i dbyangs ring po drug gis phye ba ste/ mthe bong gi 'og gi tshigs kyi mtshams kyi rtsa drug gi bdag nyid la ye shes la sogs pa'i dbyangs kyis phye ba'i gsal byed ka yig go /mdzub mo'i tshigs la kha yig go / gung mo'i tshigs la ga yig go /ming med kyi tshigs la g+ha yig go /mthe'u chung gi tshigs la ye shes la sogs pa'i dbyangs ring po drug gis phye ba'i nga yig go /g.yon pa'i mthe'u chung gi 'og gi tshigs kyi mtshams la nam mkha' la sogs pa'i dbyangs thung ngus phye ba'i nga yig go / ming med kyis tshigs la g+ha yig go /gung mo'i tshigs la ga yig go /mdzub mo'i tshigs la kha yig go /mthe bo'i tshig la nam mkha' la sogs pa'i dbyangs thung ngu drug gis phye ba'i ka yig go / de bzhin du g.yas pa'i mthe bong la sogs pa'i tshigs kyi phreng ba gnyis pa la dbyangs ring po'i phye ba'i tsa sde'o/ /g.yon pa la dbyangs thung ngus phye ba'o/ /de bzhin du g.yas pa'i tshigs kyi phreng ba gsum pa la dbyangs rings pos phya ba'i Ta sde'o/ /g.yon pa la dbyangs thung ngus phye ba'o/ /de bzhin du g.yas pa'i rkang pa'i sor mo'i tshigs rnams la dbyangs ring pos phye ba'i pa sde'o/ /g.yon pa la dbyangs thung ngus phye ba'o/ /g.yas pa'i tshigs dbu ma rnams la dbyangs ring pos phye ba'i ta sde'o/ /g.yon pa la nam mkha' la sogs pa'i dbyangs thung ngus phye ba'o/ /g.yas pa'i steng gi tshigs kyi mtshams rnams la dbyangs ring pos phye ba'i sa sde'o/ /g.yon pa'i sor mo'i tshigs kyi mtshams rnams la nam mkha' i la sogs pa'i dbyangs drug gis phye ba'i lugs las bzlog pas so zhes pa ni lo dang po la ste/ gnyis pa la yon tan dang 'phel bas phye ba dang/ gsum pa la ya Nar bsgyur ba la sogs pas phye ba'i sde pa drug go /'di ni rgyas par 'chad par 'gyur ba las brjod par bya ste/ 'dir ma spros so/ /mgrin pa dag las rgyu skar rtsa ni nyin dang nyin la zla ba'i nang du rim pas 'dor ba ste/ zhes pa ni/ mgrin pa'i 'khor lo la yang rgyu skar nyi shu rtsa brgyad kyi rtsa de dag dbyangs kyi bdag nyid kyi nyin zhag nyi shu rtsa brgyad kyis 'dor ro/ /thig ler gnas pa ste dpral bar gnas pa zla ba'i rkang pa rtsa bcu bzhi'i bdag nyid ni dbyangs shin du ring po'i bcu bzhi'i nyin zhag bcu bzhis phyogs kyi nang du 'dor ro/ /gza'i rtsa ni yul dang snying stobs la sogs pa'i yon tan gyi nyin zhag brgyad kyis 'dor ro/ /gsang bar gnas pa gsal byed sum cu'i bdag nyid kyi rtsa rnams ni dus kyi 'chi bas 'dor te/ rtsa gcod pa'i nges pa'o/ /de ni sde pa zhes pa la sogs pas las kyi 'khor lo la rtsA rnams nyi ma'i rang bzhin gyis srog gi rim pa ma yin pas gcod pa sde ba'i ming rnams kyis gsungs te/ 'dir las kyi 'khor lo rtsibs bcu gnyis pa la rkang pa dang lag pa'i tshigs bcu gnyis po rnams la so sor rtsa sum cu'i bdag nyid kyi 'khor lo'o/ /mchu'i zla ba la sogs pa'i tshes sum cu'i lhag pa'i lha dang ldan pa'i 'khor lo bcu gnyis po de dag las g.yas pa'i lag pa dang rkang pa'i tshigs drug la rnam par gcad pa la sogs pa dbyangs ring po drug gi phye ba'i ka la sogs pa'i sde pa drug gsal byed kyi chos kyi sdud par rim pas so/ / d e bzhin du g.yon pa'i lag pa dang rkang pa dag gi tshigs kyi 'khor lo drug la nam mkha' la sogs pa'i dbyangs thung ngu'i dbye bas phye ba'i sde pa drug nam mkha' la sogs pa'i gsal byed kyi chos kyis bskyed pa'i rim pa ste so sor sdud pa'i brjod pa nga yig la sogs pas so/ /sde pa dbyangs dang bcas pa de dag rnams las nyin mor byed pa srog gi rlung 'chi ba dang lhan cig khyim gyi dbye bas bgrod par rgyu ba ste/ zhes pa bgrod pa la ni dang po byang du bgrod pa ste chu srin la sogs pa dang mchu'i zla ba la sogs pa'o/ /bgrod pa de nyid du lag pa g.yas pa dang g.yon pa'i tshigs kyi 'khor lo drug po rnams la rgyu'o/ /de bzhin du bya ba'i 'khor lo la lag pa'i sor mor tshigs kyi mtshams kyi 'khor lo rtsa drug gi bdag nyid can sum cu pa rnams kyi sor mo'i tshigs kyi 'khor lo so sor re la ka la sogs pa'i gsal byed rnams te lag pa g.yas pa'i sor mo'i tshigs kyi mtshams kyi 'khor lo rnams la dbyangs ring po drug gis phye ba rnams sdud pa'i rim pas rgyu'o/ /g.yon pa la nam mkha' la sogs pa'i gsal byed nam mkha' la sogs pa'i dbyangs kyis phye ba rnams bskyed pa'i rim pas so/ /de bzhin du lhor bgrod pa la las zhes bya ba rkang pa gnyis kyis tshigs kyi 'khor lo drug po rnams dang bya ba zhes bya ba sor mo'i tshigs rnams la'o/ /'dir mchu'i zla ba dang chu srin gyi 'pho ba la tshes kyi dbye bas zla ba dang 'pho ba'i gza'i dbye bas nyi ma rgyu bar shes par bya'o/ /gang du nyi ma 'phel ba der zla ba 'grib bo/ /gang du zla ba 'phel ba der nyi ma 'grib bo/ /de ltar chu srin la sogs pa la nyi ma 'phel te/ g.yas kyi phrag pa dang dpung pa'i tshigs kyi 'khor lo chu srin gyi rtsa sum cu'i bdag nyid rnams la ka la sogs pa dbyangs ring pos phye ba sum cu rnams ming gi chos can dang srog gi chos can gyi lhag pa'i lha'o/ /rtsa dang po la k+kAdu tshigs gsum gsum po thams cad la yi ge rnams rim pa bzhin no/ /'di lta ste/ k+kA:k+klI k+kU k+krI k+kI k+kA/ zhes pa ni dang po'i rtsa drug dang/ de bzhin bya ba'i 'khor lo'i mthe bong g.yas pa'i 'og gi tshigs kyis rtsa drug po rnams la'o/ /de bzhin du/ kh+khApa'i rtsa drug dang/ bya ba'i 'khor lo'i gung mo'i 'og gi tshigs kyi mtshams kyi rtsa drug la'o/ /de bzhin du/ g+h+g+hAkyi mtshams kyi rtsa drug la'o/ /de bzhin du/ d+hAdrug gi sa la sogs pa'i dkyil 'khor nyi mas 'dor te/ nyin zhag sum cus dkyil 'khor lnga 'dor ro/ /de nas g.yon pa'i rtsar bum pa la yang dag par 'pho'o/ /der las kyi 'khor lo dang bya ba'i 'khor lo la yang nam mkha' la sogs pa'i rim pas ka sde'o/ / 'dir dang po'i zla ba dang bum pa'i 'pho ba g.yon pa'i phrag pa dang dpung ba'i tshigs kyi las kyi 'khor lo'i rtsa sum cu po rnams la nam mkha' i dkyil 'khor la sogs pas nga yig la sogs pa'i gsal byed nam mkha' la sogs pa'i dbyangs thung ngus phye ba rnams so/ / 'di lta ste/ da ngi ngI ngu ngI daM/ zhes pa ni nam mkha' la sogs pa dkyil 'khor drug gi mtshan nyid kyi dang po'i rtsa drug dang bya ba'i 'khor lo'i g.yon pa'i mthe'u chugn gi tshigs kyi mtshams kyi rtsa drug la'o/ /de bzhin du/ g+ha g+hi g+h+ri g+hu g+hli g+haM zhes pa ni las kyi 'khor lo'i gnyis pa rlung gi dkyil 'khor gyi rang bzhin gyi rtsa drug dang/ bya ba'i 'khor lo'i ming med kyi 'og gi tshigs kyi mtshams kyi rtsa drug la'o/ /de bzhin du/ ga gi gri gu gli gaM/ zhes pa ni las kyi 'khor lo'i gsum pa me'i dkyil 'khor gyi rtsa drug dang/ bya ba'i 'khor lo'i gung mo'i 'og gi tshigs kyi mtshams kyi rtsa drug la'o/ /de bzhin du/ kha khi khri khu khli khaM zhes pa ni las kyi 'khor lo'i bzhi pa chu'i dkyil 'khor gyi rtsa drug la bya ba'i 'khor lo'i mdzub mo'i 'og gi mtshams kyi tshigs drug la'o/ /de bzhin du/ ka ki kri ka kli kaM/ zhes pa ni las kyi 'khor lo'i lnga pa sa'i dkyil 'khor gyi rtsa drug dang/ bya ba'i 'khor lo'i mthe bong 'og gi dang po'i tshigs kyi mtshams kyi rtsa drug la ka yig gi dbyangs drug ste/ de ltar dus gcig la g.yas pa dang g.yon pa la sdud pa dang/ skyed pa'i dbye bas chu srin dang bum pa dag gi ka la sogs pa'i dbyangs drug cu'o/ /de nas srtsa sde'i dbyangs dang bcas pa rnams nya dang lug gi dbye bas las kyi 'khor lo'i g.yas pa'i dpung pa dang/ nye ba'i dpung pa'i tshigs la rgyu ste/ bya ba'i 'khor lo'i rtsa sum cu po nyin zhag drug gi dbye bas sa la sogs pa'i dkyil 'khor rnams la tsa sde dbyangs dang bcas pa rnams sdud pa'i rim pas rgyu'o/ /'di lta ste/ tstsAtstsI tstsA zhes pa ni sa la'o/ /tshtshAzhes pa ni nam mkha' la ste las kyi 'khor lo la dbyangs sum cu'o/ /bya ba'i 'khor lo la yang g.yas pa'i mthe bong gi dbu ma'i tshigs nas mthe'u chung gi dbu ma'i tshigs nas mthe'u chung gi dbu ma'i tshigs kyi bar tshigs lnga'i rtsa drug drug po rnams la tsa la sogs pa'i yi ge sum cu rnams sdud pa'i rim pas shes par bya'o/ / de bzhin du las kyi 'khor lo la g.yon pa'i dpung ba dang nye ba'i dpung ba'i tshigs kyi rtsa sum cu dang/ bya ba'i 'khor lo la yang mthe'u chung gi sor mo'i dbu ma'i tshigs nas mthe bong gi dbu ma'i tshigs kyi bar tshigs lnga'i drug drug po rnams la nya la sogs pa'i yi ge sum cur 'gyur ro/ /'di lta ste/ nya nyi nyri nyu nyli nya zhes pa nam mkha' i dkyil 'khor la'o/ /dzha dzhi dzh+ri dzhu dzhli dzhaM/ zhes pa ni rlung la'o/ /dza dzi dzri dzu dzli dzaM zhes pa ni me la'o/ /tsha tshi tsh+ri tshu tshli tshaM zhes pa ni chu la'o/ tsa tsi tsri tsu tsli tsaM zhes pa ni sa la'o/ /de ltar dpyid kyi dus su khyim gyi dbye bas tsa sde rnams rgyu'o/ /de nas las kyi 'khor lo la g.yas pa'i lag pa dang nye ba'i dpung ba'i tshigs kyi rtsa sum cu po rnams dang/ bya ba'i 'khor lo la g.yas pa'i mthe bong gi steng gi tshigs la sogs pa'i lnga po'i rtsa drug drug la Ta sde rnams glang gi dbye bas sdud pa'i rim pa'i rgyu'o/ /'di lta ste/ TTAD DAl as kyi 'khor lo la g.yon pa'i lag pa dang nye ba'i dpung ba'i tshigs kyi rtsa sum cu po rnams dang bya ba'i 'khor lo la lag pa g.yon pa'i mthe'u chung gi steng gi tshigs kyi bar du tshigs mtshams lnga'i rtsa drug drug la nam mkha' la sogs pa'i dkyil 'khor gyi rim pa Na yig la sogs pa'i yi ge rnams so/ /'di lta ste/ Na Ni Nri Nu Nli NaM/ zhes pa ni nam mkha' la'o/ /Dha Dhi Dh+ri Dhu Dhli DhaM/ zhes pa ni rlung la'o/ /Da Di Dri Du Dli DaM/ zhes pa ni me la'o/ /Tha Thi Th+ri Thu Thli ThaM/ zhes pa ni chu la'o/ /Ta Ti Tri Tu Tli TaM/ zhes pa ni sa la ste glang dang 'khrig pa'i khyim gyi dbye bas so ka'i dus su rgyu ste/ de ltar byang du bgrod pa la yi ge brgya brgyad cu rnams ni nyin mor byed pa khyim gyis dbye bas bgrod par rgyu ba ste zhes pa'o/ /phyi nas re re lhag pas nyin dang nyin la ldog par 'gyur zhes pa ni phyi nas lhor bgrod pa la zla ba'i thur sel gyi rlung la 'chi ba rgyu'o/ /nyi ma zlog par 'gyur te/ dman par 'gyur ro/ /zla ba'i mtshan mo 'phel bar 'gyur te/ gang 'phel ba de'i rgyu ba rnams la 'chi ba rgyu'o zhes pa'i rigs pas so/ /lag pa'i sor mo'i steng gi tshigs nas ji srid g.yas pa'i phrag pa dang/ dpung pa'i tshigs kyi rtsa dang po'i mthar thug par nyi ma ldog par 'gyur ro/ /'dir lhor bgrod pa la zla ba rgyu ba ni las kyi 'khor lo la g.yas pa'i dpyi dang brla'i tshigs kyi rtsa sum cu po rnams dang/ bya ba'i 'khor lo la g.yas pa'i mthe bong gi tshigs nas mthe'u chung gi tshigs kyi mdza' i bar du sor mo'i tshigs lnga po rnams kyi rtsa drug drug la pa sde'i yi ge sum cu rnam kar ka Ta'i dbye bas bsdus pa'i rim pas rgyu ste/ lo gsum gyi bdag po'o/ /'di lta ste/ p+pApa ni me la'o/ /b+hb+hAdbye bas so/ /de nas g.yon pa'i dpyi dang brla'i tshigs nam mkha' la sogs pa'i dkyil 'khor gyi dbye bas spro ba'i rim pa ste/ yi ge sum cu rnams lugs las bzlog pas so/ /'di lta ste/ ma mi mri mu mli maM/ zhes pa ni nam mkha' la'o/ /b+ha b+hi b+h+ri b+hu b+hli b+haM zhes pa ni rlung la'o/ /ba bi bri bu bli baM zhes pa ni me'o/ /pha phi phri phu phli phaM zhes pa ni chu la'o/ /pa pi pri pu pli paM zhes pa ni sa la ste/ seng ge'i 'pho ba'i dbye bas khrums kyi zla ba rgyu'o/ /de ltar dpyar gyi dus su zla ba rgyu zhing/ nyi ma zlog par 'gyur ro/ /de nas las kyi 'khor lo la g.yas pa'i brla dang byin pa'i tshigs dang bya ba'i 'khor lo la rkang pa'i mthe bong gi dbu ma'i tshigs nas mthe'u chung gi dbu ma'i tshigs kyi mthar tshigs lnga po rnams kyi rtsa drug drug la ta sde rgyu ste/ de rnams yi gsum cu ni khyim sdud pa'i dbye bas so/ /'di lta ste t+tAn+nlI n+nU n+nrI n+nI n+nA zhes pa ni nam mkha' la ste/ de ltar bu mo'i dbye bas zla ba rgyu'o/ /de nas las kyi 'khor lo la g.yon pa'i brla dang/ byin pa'i tshigs dang bya ba'i 'khor lo la rkang pa g.yon pa'i mthe'u chung gi dbu ma'i tshigs nas mthe bong gi dbu ma'i tshigs kyi mthar tshigs lnga po rnams kyi rtsa drug drug la'o/ /'di lta ste/ na ni nri nu Nli naM zhes pa ni nam mkha' la'o/ /de bzhin du d+ha d+hi d+h+ri d+hu d+hli d+haM/ zhes pa ni rlung la'o/ /de bzhin du da di dri du dli dam zhes pa ni me la'o/ /tha thi th+ri thu thli thaM zhes pa ni chu la'o/ /ta ti tri tu tli taM zhes pa ni sa la'o/ /de ltar srang gi dbye bas g.yon pa la skyed pa'i rim pas zla ba rgyu zhing nyi ma ldog par 'gyur te ston gyi dus su'o/ /de nas las kyi 'khor lo la g.yas pa'i rkang pa'i byin pa'i tshigs kyi rtsa sum cu dang/ b ya ba'i 'khor lo la g.yas pa'i mthe bo'i steng gi tshigs nas mthe'u chung gi steng gi tshigs kyi bar du tshigs lnga po rnams kyi rtsa drug drug la sdig pa'i dbye bas sdud pa'i rim pas sa sde'i yi ge sum cu dbyangs dang bcas pa rnams zla bas lhor rgyu ste/ nyi ma ldog par 'gyur ro/ /'di lta ste/ ssAS h+ShAd e ltar yi ge sum cu rnams sdig pa'i dbye bas so de nas las kyi 'khor lo g.yon pa'i rkang pa dang byin pa'i tshigs kyi rtsa sum cu dang bya ba'i 'khor lo la mthe'u chung gi sor mo'i steng gi tshigs nas mthe bo'i steng gi tshigs kyi bar du tshigs kyi mtshams lnga po rnams kyi rtsa drug drug la skyed pa'i rim pas yi ge sum cu rnams zla ba sa rgyu'o/ /nyi ma ni lag pa g.yon pa la phung po dang khams rnams ldog par 'gyur te/ gzhu'i khyim gyi dbye bas so/ /'di lta ste/ th+ka th+ki th+kri th+ku th+kli th+kaM/ zhes pa ni nam mkha' la'o/ /de bzhin du/ sha shi sh+ri shu shli shaM zhes pa ni rlung la'o/ /Sha Shi Sh+ri Shu Shli ShaM zhes pa ni me'o/ /wa wi wri wu wli waM zhes pa ni chu la'o/ /de bzhin sa si sri su sli saM/ zhes pa ni sa la ste/ de ltar yi ge sum cu ni gzhu'i dbye bas so/ /de nas dgun smad kyis dus nas brtsams nas zla ba rgyu ba med de/ slar yang chu srin la sogs pa la nyi ma 'phel lo/ /lo dang po la snying stobs kyi yon tan gyi dbye bas nyi ma dang zla ba dang bcas pa'i dus rgyu'o/ /de nas lo gnyis pa la rdul gyi dbye bas dang 'phel ba'i dbyangs kyi ka la sogs pa'i yi ge sum cu rnams las kyi 'khor lo'i rtsa sum cu dang/ bya ba'i 'khor lo la sngar bzhin du rig par bya'o/ /chu srin la sdud pa'i rim pas 'di lta ste/ k+kAg+gau g+gAr g+gai g+gA zhes me la'o/ /g+h+g+hAnyi ma rgyu'o/ /rkang pa g.yas pa la chu srin gyi dbye bas zla ba ldog go /de bzhin du bum pa'i dbye bas bskyed pa'i rim pas yon tan dang bcas pa rnams lag pa g.yon pa'i tshigs la rgyu'o/ /'di lta ste/ nga nge ngar ngo ngal ngaM zhes pa ni nam mkha' la'o/ /g+ha g+he g+har g+ho g+hal g+haM zhes pa ni rlung la'o/ /ga ge gar go gal gaM zhes pa ni me la'o/ /kha khe khar kho khal khaM zhes pa ni chu la'o/ /ka ke kar ko kal kaM zhes pa ni sa la ste/ g.yon pa la bum pa'i dbye bas bskyed pa'i rim pas so/ /de bzhin du dpyid kyi dus su nya dang lug dag la grangs bzhin du tsa sde'i yi ge'i sum cu sum cu sdud pa dang skyed pa'i rim pas g.yas pa dang g.yon pa'i tshigs kyi rtsa rnams la'o/ /de bzhin du sos kar dus su Ta sde'i yi ge rnams so/ /de nas nyi ma ldog cing zla ba rgyu'o/ /dbyar gyi dus su kar ka Ta dang seng ge la g.yas pa dang g.yon pa'i rkang pa'i tshigs kyi rtsa sum cu po rnams la snga ma bzhin du 'phel ba dang yon tan dang bcas pa'i yi ge sum cu po rnams las bsde'i yi ge rnams rgyu'o/ /ston la 'phel ba dang yon tan dang ldan pa'i te sde'i yi ge rnams dang zla ba rgyu'o/ /dgun stod la sde'i yi ge rnams sdud pa dang skyed pa'i rim pas so/ /de ltar lo gnyis pa la dbyangs sum brgya drug cu dang zla ba dang nyi ma dag rgyu'o/ /de nas lo gsum pa la mun pa'i dbye bas ka la sogs pa'i sde pa dbyangs dang bcas pa rnams las nyi ma dang lhan cig tu rgyu'o/ /'dir ya Nar bsgyur ba rnams ni dbyangs zhes brjod de/ de dag dang lhan cig yi ge sum cu sum cu rnams mun pa'i yul gyi dus rgyu ste/ snga ma bzhin du lag pa dang rkang pa'i tshigs rnams kyi las kyi 'khor lo dang bya ba'i 'khor lo la yang sdud pa dang skyed pa'i dbye bas so/ /k+khAzhes pa ni nam mkha' la ste de ltar g.yas pa la nyi ma rgyu'o/ /de nas g.yon pa la bskyang pa'i rim pa ste/ d+ha dya dra dwa dla d+haM/ zhes pa ni nam mkha' la'o/ /de bzhin du/ g+hha g+hya g+h+ra g+hwa g+hla g+hhaM/ zhes pa ni rlung la'o/ /g+ha gya gra gwa gla g+haM/ zhes pa ni me la'o/ /khha khya khra khwa khla khhaM/ zhes pa ni chu la'o/ /kha kla kra kwa kla khaM/ zhes pa na sa la ste/ de ltar dgun smad kyi dus su g.yon pa la bskyed pa'i rim pas dbyangs sum cu pa rnams nyi mas rgyu'o/ /de bzhin du dpyid la tsa sde'o/ /sos ka la Ta sde'o/ /de nas tshigs drug las nyi ma ldog par 'gyur dang pa'i tshigs la zla ba rgyu ba ste sngar bzhin dbyar gyi dus su ba sde dang/ ston la ta sde dang dgun stod la sa rnams sdud pa'i dbye ba dang skyed pa'i dbye bas so/ /de ltar lo gsum pa la yang dbyangs sum brgya drug cu nyin mor byed pas rgyu'o/ /de dag la dus kyi lo naM ji srid pa nyin zhag stong brgyad cu nyid zad par rig par bya'o/ /lo gsum gyi rtsa dang yi ge gcod pa'i nges pa'o/ /de nas lo ni 'chad par gyur na phyogs kyi nang du dbyangs thung ngu dang ring po dang shin tu ring po bzhi bcu rtsa lnga'i chos kyi dbyangs kyi nyin zhag dbang gis te nyin zhag bzhi bcu rtsa lnga'i dbang gis nyi ma'i dbye bas nyi ma dang zla ba'i 'chi ba rgyu ste/ mgrin pa la nyin zhag nyi shu rtsa brgyad dang/ dpral ba la nyin zhag bcu bzhi sngar brjod pa rnams dang/ gsang bar bcu pa gsum zhes pa ni nyin zhag sum cu'o/ /de nas mgrin pa la nyin zhag bzhi dang/ dpral ba la nyin zhag gnyis dang 'tsho ba'i mtshan mo gsum mo/ /'dir dbyangs gcod pa la tshes gzhan chu tshod lnga bcu rtsa drug gi bdag nyid gzung bar bya'o/ /de ltar tshes bzhi bcu rtsa lnga ni dbyangs kyi chos can te gsum ni stong pa'i chos can no/ /gsal byed kyi chos la yang de bzhin du nyin zhag gnyis so/ /'di dag las nyin zhag brgyad ni snying ga'i pad+ma la rgyu ste/ de nas rlung bcu po rnams yang dag par 'dus te/ lte ba la nyin dang mtshan mo'i dus su dbugs ni 'byung ba dang 'jug pa'i 'khor lo nyams pa'i bar du 'tsho ba dag ni mtshan mo gcig tu 'gyur ro/ /de nas las kyi dbang gis rnam par shes pa gzhan du 'pho ba ni srog chags tshe lo brgya pa rnams dbu ma'i 'chi bar gyur na nges pa ste/ rtsa gcod pa'i nges pa'o/ /da ni lte ba zhes pa la sogs pas sprul pa'i 'khor lo la sogs pa rnams la nyin zhag drug gi mtshams su 'chi ba las lhag ma'i rtsa rlung bcu rgyu bar byed pa rnams gsungs te/ 'dir lta ba'i 'khor lo la phyi rol gyi dkyil 'khor 'bab pa'i rtsa zad pa yongs su dor ba las lo gsum gyi steng du phyogs gsum rgyus pa dang gsal byed rtsams rgyus pa na nyin zhag drug gi bar du khyim bcu gnyis kyi rtsa stong pa'i dkyil 'khor dang sa'i dkyil 'khor gyi bdag nyid can ni dbugs rgyu bas nges par gnas te nyi ma zhes so/ /de bzhin du mgrin pa la yud tsam drug 'bab par byed de/ /ro dang zhes so/ /zla ba'i thun phyed 'bab par byed pa gsum ste ma zhes so/ /snying ga'i pad+ma la thun tshod 'bab par byed pa phyed dang bcas pa'i rtsa ste rang gi snying ga'i pad+mar phyed dang bcas pa'i rtsa ni de bzhin nyid du lhag dang bcas pa'o zhes so/ lag pa'i rkang pa'i tshigs la zhes pa ni las kyi 'khor lo dang/ bya ba'i 'khor lo'i tshigs la rtsa sum brgya drug cu'i nang nas so/ /tshes kyis bsgyur ba'i dus rnams zhes pa ni rlung bcu 'bab par byed pa'i rtsa drug cu'o/ /tshigs bcu gnyis po rnams kyi tshigs so so la rtsa lnga lnga ni rlung rgyu bar byed pa ste/ lhag ma ni dus kyi 'chi ba'i rlung mun pa chen po'i chos so/ /bya ba'i 'khor lo'i tshigs drug cu po rnams la rtsa re re ni rlung bcu 'bab par byed pa ste/ lnga lnga ni dus kyi 'chi ba chen po'i rlung 'bab par byed pa'o/ /de ltar nyin zhag drug gi bar du ste/ de nas nyin zhag drug gi dbang po dang yul gyi rtsa zad par byas nas/ mthar ni ste 'chi ba'i nyin zhag la kun tu phra mo dbu ma a pa d+hu tI 'bab po/ /zla ba dang nyi ma bshang ba dang gci ba 'bab par byed pa dor nas mun pa chen po'i dus kyi rlung 'chi ba'i mthar 'bab ste/ ji srid dbugs kyi 'khor lo zad par 'gyur ba'i bar du'o/ /zhes pa ni nges pa'o/ /nyin zhag snying gi chu skyes yang dag gtong bar byed ces pa ni/ de ltar nyi ma dang zla ba rgyu ba'i rtsa gsal byed dang las dang bya ba'i 'khor lo'i lhag ma'i rtsa dang dbugs chang pa ni dus kyi 'chi ba'i nges par bcom ldan 'das kyis gsungs so/ /da ni sum cu drug ces pa la sogs pas zla ba dang nyi ma'i rgyu ba zad par dus 'phel ba gsungs te/ lo brgya la nyin zhag gi tshogs byas na nyin zhag stong phrag sum cu rtsa drug tu 'gyur te/ d+hu zhes pa ni lo'i ming ngo/ /sum cu rtsa drug gi stong phrag d+hu brgya'i nyin tshogs de rnams dag gi dus kyi rtsa ni rgyu ba ste/ zhes pa rtsa rnams la 'chi ba 'jug ste/ stong phrag bdun cu rtsa gnyis po rnams la 'chi ba'i rlung 'jug go /dkyil 'khor lnga'i rlung gi drug cu'i cha shas der bkod nas rim pas las rgyu bar byed do/ /dus kyi rtsa dang rlung gang rgyu zhes na nyin mtshan dus la nyi ma zla bas rang rang rgyu ba dag gis gang gang rdzogs par mi nus pa ste rgyu skar gyi rgyu ba nyi mas mi nus pa dang/ tshes kyi rgyu ba zla bas mi nus pa'o/ /nyi ma'i nyin zhag ces pa nyin zhag bcu gnyis ni nyi ma'i rgyu ba la yang bu lon du 'gyur ro/ /de nas nyin zhag drug ni zla ba'i rgyu ba la'o/ /'dir zla ba so so la nyin zhag sum cu nyi mas khyim re mig rgyu zhing tshes la zla bas dbyug gu drug cu mi rgyu'o/ /de'i phyir rgyu skar nyin zhag rab tu dbye bas 'chi ba'i nyi zla rgyu ba stong pa'i zla ba dag la ste/ gang du de dag la nus pa med pa de ni zla ba sum cu rtsa gnyis kyi mthar stong pa'i zla ba ste/ de yang rtsa drug cu rtsa bzhi'i bdag nyid de/ /rtsa drug cu rtsa bzhi po de dag la stong pa'i rlung rgyu ste/ lte ba'i pad+ma la rtsa stong phrag bdun cu rtsa gnyis po rnams kyi nang nas nyin zhag so sor rtsa gnyis rgyu'o/ /spyi'i rigs pa'i nges pa'o/ /da ni srog ces pa la sogs pas nyin zhag so sor dbugs kyi dbye bas rgyu ba gsungs te/ 'dir drug brgya lhag nga'i stong phrag nyi shu rtsa gcig gi nang nas gang zhig ye shes kyi dkyil 'khor 'bab par 'gyur ba de ni lus la lhag pa'i dbugs zhes brjod do/ /rab gsal mtshams su ste dus sbyor gnyis ka'i dbus so rig byed rkang chad kyi dman drug cu zhes pa rkang pa dang bcas pa'i lnga bcu rtsa drug go / 'pho ba bcu gnyis kyi dbye ba dag gis de dag thams cad bdun cu rtsa lngas lhag pa'i drug brgyar gyur nas nyin zhag so so'i dus su rtsa ni zung dag nges par 'joms zhes pa ni lung gi tshig ste/ 'jams so zhes pa ni rang bzhin no/ /rtsa zung 'di ni g.yon pa dang g.yas pa la ste/ rtsa stong phrag bdun cu rtsa gnyis kyi nang nas rtsa zung zhig 'joms shing dkyil 'khor lnga'i rlung yang dag bar rgyu ba rnam par nyams par 'gyur ro/ /lhag ma dbugs bzhi cu rtsa lnga gnas so/ /yang dang yang du lo'i dbus su ste de ltar nyin zhag so sor rtsa zung dag 'joms par byed pas lo'i nang du lo'i nyin zhag sum brgya drug cus nyi zla rgyu ba dag las te/ g.yas pa dang g.yon pa'i dkyil 'khor yang dag par rgyu ba las stong pa mig dang de yi grangs zhes pa nyi shu lhag pa'i bdun brgya'o/ /de ltar lo brgya'i nyin zhag stong phrag sum cu rtsa drug dag gi dus bgrod de/ lha mi rnams kyi rang gi tshe dkyil 'khor lnga 'bab par byed pa'i rtsa stong phrag bdun cu rtsa gnyis zla ba dang nyi ma'i rgyu ba la'o/ /rang rang tshad sngar brjod pa'i phra mo lus skyes 'byung po lha la sogs pa'i nyin zhag rnams kyis sa zhes pa ste/ rtsa gcod pa'i nges pa'o/ /da ni zos dang zhes pa la sogs pas dus kyi rtsa'i rang bzhin gsungs te/ 'dir lus la dus kyi rtsal ste dbu ma rab tu 'bab pa'i dus su gal te zos par gyur tam/ nang du gyur tam mi rnams la nges 'ga' bsdun par gyur na de'i tshe bzhi de yis ni 'phral la myur bar rtsa'i 'khor lo drug po dag la dus mun pa chen po'i rlung ni rab tu 'jug par 'gyur ro/ /de rab tu zhugs par gyur na yang 'khor lo drug pa rnams la rtsa lnga bcu rtsa drug lhag pa'i rgyal po 'di 'gog ste nyi ma ri bong can gyi bgrod ba g.yas pa dang cig shos kyi rtsa la bcad nas mdza' dag dbu mar phra mo la ni brten pa ste/ a ba d+hU tI'i rtsa la brten pa gang zhig 'tsho ba srog gi rlung de 'phrog pa ni mi bdag srog chags rnams kyi 'tsho ba'o/ /zhes pa ste dus kyi rtsa'i nges pa'o/ /da ni snying ga'i pad+ma zhes pa la sogs pas chos kyi 'khor lo la sogs pa la zla ba'i rkang pa rnams gsungs te/ 'dir zla ba'i rkang pa'i dbye ba bcu bzhi'i cha mnyam pa dang mi mnyam par bgrod pas chos rnams la 'phel ba 'am 'grib pa de ni nyin zhag bdun pa la ste tshe bdun pa la yul lnga'i yon tan byis pa dang gzhon nu la sogs pa'i dbye bas 'phel ba 'am 'grib pa ni nyin zhag bdun pa la rkang pa nyi shu lhag pa'i brgya rdzogs te ldog par 'gyur ro/ /'dir nyi shu lhag pa'i brgya cha brjod par bya ste/ 'dir bcu bzhi'i cha'i lhag ma rkang pa gcig mthong na nyin zhag gi cha de'i chu tshod drug cu'i cha shas rnams kyi nang nas chu tshod lnga'i cha shas ni cha'i nor la lhag par 'gyur ro/ /nag po 'am dkar po'i bu lon gyi gnas su dman par 'gyur ro/ /nyin zhag gnyis pa la gnyis pa'i cha shas lnga ste dang po'i gzhan nu nyid kyis nyis 'gyur du shes par bya'o/ /de bzhin du nyin zhag gsum pa la gsum pa'i cha shas lnga'o/ /gnyis pa'i bcu'o/ /dang po'i lang tsho'i dbye bas bco lnga'o/ /de bzhin du byis pa'i rab tu dbye bas bzhi pa'i cha shas lnga'o/ /gsum pa'i bcu'o/ /gnyis pa'i bco lnga dang dang po'i lang tsho'i dbye bas bcu dgu'o/ /de bzhin du nyin zhag lnga ba la lnga ba'i cha shas lnga'o/ /bzhi pa'i bcu'o/ /gsum pa'i bco lnga'o/ /gnyis pa'i bcu dgu'o/ /dang po'i rgan po'i dbye bas nyi shu rtsa gnyis so/ /de bzhin du nyin zhag drug pa la drug pa'i cha shas lnga'o/ /lnga pa'i bcu'o/ /bzhi pa'i bco lnga'o/ /gsum pa'i bcu dgu'o/ /gnyis pa'i nyi shu rtsa gnyis so/ /dang po'i shin tu rgan pa'i dbye bas nyi shu rtsa bzhi'o/ /de ltar nyin zhag bdun pa la bdun pa'i cha shas lnga'o/ /drug pa'i bcu'o lnga pa'i bco lnga'o/ /bzhi pa'i bcu dgu'o/ /gsum pa'i nyi shu rtsa gnyis so/ /gnyis pa'i nyi shu rtsa bzhi'o/ /dang po'i smin pa'i gnas skabs kyi dbye bas nyin zhag bdun pa la cha shas nyi shu rtsa lnga rkang pa'i dbang gis nor rim bu lon du 'gyur ro/ /de ltar byis pa la sogs pa'i rim pa thams cad kyi tshad shes par bya'o/ /de ltar tshes bdun rnams kyi rkang pa'i cha shas bzung nas snying ga'i pad+ma la sogs pa rnams kyi 'dab ma nyi shu lhag pa'i brgya po rnams la ri bong mtshan ma rgyu zhing de nas slar yang ldog go / ri bong can gyi rkang pa ni rang gi rkang pa zhes pa'i don to/ /snying gar 'dab ma brgyad la cha brgyad do/ /dpral bar 'dab ma bcu drug la cha bcu drug go /longs spyod du 'dab ma sum cu rtsa gnyis la cha sum cu rtsa gnyis so/ / lte ba'i pad+mar 'dab ma drug cu rtsa bzhi la cha drug cu rtsa bzhi ste/ de ltar cha shas nyi shu lhag pa'i brgya phrag gcig bcad nas/ zla ba'i cha'i 'grib pa 'am 'phel ba ldog go /snying ga'i pad+ma dang dpral bar 'byung ba phyogs dang nyin zhag ces bya ba rgyu ste/ longs spyod dang lte bar yang dgu ldan bcu dang drag po bzung dang rgyal ba zhes bya dang de nyid ces bya'o/ /zhag bdun dag nas slar yang ri bong mtshan ma gang 'dir rim pa min pas 'dor/ dang po'i cha'i cha shas nyi shu rtsa lnga yongs su smin par gyur pa gang yin pa de ni nyin zhag brgyad pa la lte bar lhag pa'i lhar 'gyur ro/ /slar yang zla ba nya ba la lte ba dang snying ga dang mgrin pa dang dpral ba rnams la rdzogs par byed do/ /thig le'i gnas su thig le dag la rdzogs par byas nas zhes pa ni lte ba de nas slar yang rim pas min pas 'dab ma drug cu rtsa bzhi po rnams la cha drug cu rtsa bzhi'o/ /snying gar cha brgyad do/ /mgrin par cha sum cu rtsa gnyis so/ /dpral bar cha bcu drug go /de ltar nyin zhag bcu bzhis rkang pa rnams rdzogs par 'gyur ro/ /de la rdzogs par byas nas snying gar rab 'jug dkar po'i phyogs la ste nor gyi phyogs la rim pas so/ /slar yang nag po dag la de bzhin te/ bu lon gyi phyogs la rim pa snga ma bzhin du rim pa min pas rlung dang sa dang chu dang me'i pad+ma'i 'dab ma rnams la sdud pa ste/ snying gar nag po'i rkang pa rnams kyi bu lon rdzogs par gyur gyi bar du'o/ /zhes pa ni rkang pa'i nges pa'o/ /'dir pad+ma rnams ni snying gar rtsibs brgyad pa nag po'o/ /spyi bor rtsibs bcu drug pa dkar po'o/ /mgrin par rtsibs sum cu rtsa gnyis pa dmar po'o/ /gzhan ni de'i nyis 'gyur de lte ba la rtsibs drug cu rtsa bzhi pa ser po'o/ /pad+ma'i 'dab ma'i nges pa'o/ /da ni brgyad pa gnyis zhes pa la sogs pa tshigs bzhi'i gnas gsungs te/ 'dir snying ga'i pad+ma la sogs pa rlung dang me dang chu'i dang/ sa'i khams kyi rang bzhin rnams kyi lte ba'i ge sar gyi rtse mo rnams la dbyangs kyi dbye bas zla ba rgyu'o/ /a sogs sum cu'i dbyangs gang ha yar wa lar ldan thig le dpal ldan rnam par bcud pa yis phye pa drug cur 'gyur te/ zhes pa ni 'dir sngar brjod pa'i thung ngu lnga dang/ yon tan gyi ngo bo lnga dang/ ya Nar bsgyur ba thung ngu ste/ bco lnga po 'di dag thig les phye ba'i sum cur 'gyur ro/ /ring po dang 'phel bar gnas pa dang ha la sogs pa bco lnga rnam par bcad pas phye ba ni sum cu ste/ de ltar na drug cur 'gyur ro/ /de dag dus dang mi bdag nor dang so rnams ge sar rtse mo la'o/ /zhes pa ni 'dir zla bas snying ga'i pad+ma la gnam stod du byas nas phyed snga ma dang phyed phyi ma'i cha dbye bas tshes lnga bco lngas dbyangs sum cu po rnams rgyu'o/ /'dir snying ga'i pad+ma'i ge sar gyi rtse mor dkar po'i phyogs kyi tshes gcig gi phyed snga ma la a/ phyed phyi ma la aM/ gnyis pa'i phyed snga ma la aM/ phyed phyi ma la aM zhes pa ste/ lte ba spangs nas snying gar dus shes pa bzhi'o/ /de nas mgrin pa'i pad+ma'i ge sar gyi rtse mor gsum pa'i phyed snga ma dang phyi ma la/ ri riM/ de bzhin du bzhi pa la au auM/ de bzhin du lnga pa la li liM/ drug pa la a aM/ bdun pa la e aoM/ brgyad pa la ge sar gyi rtse mor phyed snga ma la a ra/ phyed phyi ma la lte bar a raM zhes pa dang/ dgu pa la ao aoM/ bcu pa la a la a laM/ zhes pa ni mgrin pa'i pad+ma'i ge sar gyi rtse mo la spyod do/ /de nas dpral ba'i pad+ma'i ge sar gyi rtse mor bcu gcig pa'i phyed snga ma dang phyi ma la ha haM/ bcu gnyis pa'i phyed phyed snga ma dang phyi ma la ya yaM/ bcu gsum pa la ra raM/ bcu bzhi pa la wa waM/ nya'i phyed snga ma la ge sar gyi rtse mor la zhes pa dang/ phyed phyi mar lte bar laM zhes pa ste/ spyi bor zla ba rdzogs pa bskyed pa'i rim pas rlung dang me dang chu'i pad+ma'i lte ba rnams la spyod do/ /de nas sa'i pad+ma'i lte ba rnams su nag po'i phyogs la sdud pa'i rim pas ring po rnam par gcad pa dang bcas pa rnams spyod do/ /'di lta ste/ nag po'i tshes gcig gi phyed snga ma la lAhA:hA/ drug pa la A la A la/ bdun pa la aau:aau/ brgyad pa la A ra/ A ra/ dgu pa la ai:ai/ bcu pa la A:a'a/ bcu gcig pa la lI:lI/ bcu gnyis pa la a'u a'u/ bcu gsum pa la rI:rI/ bcu bzhi pa la A a'i/ bco lnga pa la A:a'a/ 'di ltar lte ba la stong pa gnyis te/ 'di dag gi lte ba la dbyangs dang rnam par bcad pa med do/ /slar yang snying ga'i pad+ma'i gnam stong gi mthar tshes gcig la sogs pa rnams snying ga'i pad+ma'i ge sar gyi rtse mo la'o/ /dkar po dang nag po rdzogs pa'i nges pa'o/ /mgrin pa'i pad+ma'i ge sar gyi rtse mo dang/ lte ba la dkar po'i brgyad pa'o/ /lte ba'i pad+ma'i ge sar gyi rtse mo dang lte ba la nag po'i brgyad pa'o/ /snying gar nag po'i rdzogs pa'o/ /spyi bor rdzogs pa'i mdza' o/ /snying gar zhes pa ba ni gnam stong gi mthar tshes gcig 'jug pa'i dus zhes pa ste nges pa'o/ /da ni/ thig le zhes pa la sogs pas nyi ma'i gsal byed kyi longs spyod gsungs te/ 'dir ka la sogs pa'i sde pa rnams thig le'i rnam pa dang rnam par bcad pa bzhi yis phye bar gyur pa na yi ge nyi shu lhag par brgyad 'gyur te/ de nyin ni pad 'dab mchog nyi shu lhag pa'i brgya phrag gcig la'o/ /thun gyi bgrod pa'i dbang gis nyi ma rgyu zhing nyams par byed de sdud pa dang skyed pa'i dbye bas so/ /'dir thun gyi bgrod pa ni thun mtshams bzhi ste de dag gi bgrod pa'i dbang gis ni thun gyi bgrod pa'i dbang gis so/ /'dir snying ga'i pad+ma la gnam stong gi mthar ro/ /tshes gcig la sogs pa la 'dab ma drug cu rtsa bzhis las 'dab ma bzhi ni stong pa'o/ /de rnams la tshes gcig gi ssA:ssA wwAd u gnyis pa la Sh+ShApa'o/ /brgyad pa la mmAb cu gsum pa la nynyArnams la nyi mas sa la sogs pa'i sde pa'i yi ge rnams longs spyod nas ldog cing spyi bor rang gi rgyu bas zla ba 'jug ste/ de'i phyir nyi mas spyad pa'i pad+ma rnams la zla ba 'od zhing/ zla bas spyad pa'i pad+ma rnams la nyi ma 'gro'o/ /nag po'i phyogs la nyi ma skyed pa'i rim pa ste/ zla ba sdud pa'i rim pas so/ /'dir thams cad du gang gi tshe zla ba skyed pas rgyu ba de'i tshe nyi ma sdud pas so/ /gang gi tshe nyi ma skyed pas yin pa de'i tshe zla ba sdud pas so zhes pa ni thams cad du nges pa'o/ /da ni dpral ba'i pad+ma la sogs pa'i 'dab ma rnams la nyi mas ngal sogs pa'i sde pa'i yi ge rnams rim pa min pas spyod de nag po'i tshes gcig la dpral ba'i 'dab mo bzhi po rnams su nga daM b+ha g+haM spyod do/ /gnyis pa la ga gaM kha khaM/ gsum pa la ka kaM nya nyaM/ bzhi pa la dzha dzhaM dza dzaM/ de nas mgrin pa'i pad+ma'i 'dab ma rnams su lnga pa la tsha tshaM tsa tsaM/ drug pa la Na NaM Dha DhaM/ bdun pa la Da DaM Tha ThaM/ brgyad pa la Ta TaM ma maM/ dgu pa la b+ha b+haM ba baM/ bcu pa la pha phaM pa paM/ bcu gcig pa la na naM d+ha d+haM/ bcu gnyis pa la da daM tha thaM/ bcu gsum pa la ta taM th+ka th+kaM/ snying ga'i pad+ma'i 'dab ma rnams su bcu bzhi pa la sha shaM Sha ShaM zhes pa ste/ de nas gnam stong la lte ba dang ge sar gyi rtse mor wa waM sa saM/ snying ga'i gnam stong gi mthar gzhom du med pa ste/ thig le stong pa yi ge drug ces dang/ stong pa chen po yi ge lnga zhes pa ste/ zla ba dang nyi ma'i nges pa'o/ /da ni phyogs la zla ba zhes pa la sogs pas zla ba dang nyi ma'i nor dang bu lon gsungs te/ 'dir tshes kyi nges pa la nyin zhag so sor sbyin dang dor dang slar yang sbyin zhes gsungs pa'i phyir/ gza'i gnas su chu tshod drug bcu'i bdag nyid kyi cha sbyin no/ /de'i bu lon gyi rgyur chu tshod kyi gnas su chu tshod kyis dman pa'o/ /de'i phyir rigs pa'i tshad kyi nyin zhag so sor chu tshod gcig gi dman pa'i cha dang phra mo'i tshad kyi rkang pa dang bcas pa'i chu srang lnga cu rtsa drug go /de ci'i phyir zhe na gang gi phyir nyin zhag gi tshigs la drug cu rtsa bzhi'i chas thob pa du lon du 'gyur ba de'i phyir nyin zhag so sor rkang pa dang bcas pa'i chu srang lnga bcu rtsa drug ste/ nyin zhag drug cu rtsa bzhis nyin zhag gcig dman pa ni cha zad pa'o zhes pa'i don to/ /nyi ma'i nyin zhag gnyis so/ /de ltar phyogs la zla ba rang gi rgyu ba nyin zhag ces bya ba'i rkang pa dag kyang bu lon dag tu byed/ chu tshod bco lnga zhes bya ste/ rkang pa zhes pa ni tshes kyi bzhi cha zhes bya'o/ /kyang yig las rkang pa dang bcas pa'i chu srang lnga bcu rtsa drug gi dman pa'o/ /slar yang ste nyin zhag so sor nyams pa zla ba gnyis kyi ste nyin drug drug cu rtsa bzhi gzhan pa dag kyang nyin zhag bu lon du 'gyur ro/ /slar yang lo'i sbyor ba dag las 'phel ba ni rdzogs pa'i lo la nyin zhag drug tu 'gyur te/ snga brjod pa'i cho gas dman pa'o/ /gzhan yang de bzhin 'chi bdag gi mtshams su 'phel/ 'chi ba'i mtshams ni lo brgya ste/ 'chi ba'i mtshams de las bu lon nyin zhag gi tshogs phyed dang bcas pa'i drug cu rtsa gnyis lhag pa'i lnga brgya 'phel lo/ /rgyal po de ltar nyi ma'i nyis 'gyur 'di ni lo'i dbang gis 'chi ba'i mtshams su 'phel te/ nyin zhag gi tshogs nyi shu rtsa lnga lhag pa'i brgya phrag bcu gcig 'chi ba'i mtshams su 'phel lo/ /bu lon gyi nges pa'o/ /da ni dbugs drug ces pa la sogs pas dbugs la sogs pa'i dbye bas lo'i grangs gsungs te/ 'dir mi rnams kyi lus la dbugs 'jug pa dang 'byung ba drug gis chu srang gcig tu 'gyur te/ de yang chu srang du brjod do/ /chu srang de drug cu yis chu tshod gcig tu 'gyur te/ dbyug gu gcig gis bdag nyid can no/ /chu tshod de dag drug cu ni nyin zhag ste nyin mnan du 'gyur ro/ /gsum gyis bsgyur ba bcu ste/ sum cu'i nyin zhag de dag gi zla ba gcig go /chu srin la sogs pa'i zla ba de dag drug gis bgrod pa gcig tu 'gyur ro/ /bgrod pa de nyid gnyis kyis bsgyur ba ni lo gcig tu rab tu grags so/ skyes bu rnams kyi tshe lo brgya po 'di las bu lon bgrod par yon pa ni mun pa'i rtsa'i bgrod par son pa'o/ /dus ni 'chi ba ste/ de'i rtsa'i dbang gis ni a ba d+hu ti'i grangs kyi chos kyis so/ /zhes pa ste dus kyi rtsa'i nges pa'o/ /da ni 'jig rten gsum na zhes pa la sogs pas dbang phyug la sogs pa rnams dman pa nyid du gsungs te/ 'dir 'jig rten gsum na lha dang lag 'gro mi rnams kyi nang na gang zhig rang gi lus la zla ba nyi ma dag rdzogs par nus pa'i rnal 'byor ldan pa med do/ /de rgyu gang las she na gang gi phyir zla bas rang gi rgyu bas lo'i mtshams su nyin zhag gi tshogs sum rgya drug cu rgyu ba ma yin zhing/ srid par te lus la lo'i nang du rim pas te sngar brjod pa'i cho ga dag gi nyi mas kyang ni rgyu skar thams cad de nyi shu rtsa bdun rgyu ba mun pa de'i phyir ro/ /lo so so nas lo so sor bu lon dag gis de ni srid pa ste lus za'o/ /dus kyi 'khor lo dpa' bo gcig pu skye ba dang 'jig pa'i rgyur gyur pa ste/ 'khor ba pa rnams kyi dus kyi 'khor lo dpa' bo gcig pu'o/ de'i phyir rnal 'byor pas zla ba dang nyi ma rdzogs par bya ste/ byang chub kyi sems dang rdul gyi chos srog dang thur sel dag rdzogs par byas nas de bsgrub par bya'o/ /zhes pa ni sangs rgyas bcom ldan 'das kyis nges pa'o/ /da ni chad pa zhes pa la sogs pas 'chi ltas kyi dbang gis gci ba la sogs pa'i khams kyi rnam par 'gyur ba'i mtshan nyid gsungs te/ 'dir lus la tshad pa gal te g.yon pa 'am g.yas pa'i rtsa gcig srog rab tu 'bab pa dang bral ba yin na mi'i bdag po zhes pa ni bod pa ste/ zla ba drug gi mtshams su gci ba dag ni skyur ba nyid du 'gyur ro/ /de tsam rnams ni nyin zhag lnga nas mchog gi cha srog gi nus pa chen po yis 'dor te/ rim pa bzhin nyin zhag so sor gong bu 'chad pa'i dus su'o/ /nyin zhag drug gi mtshams su yul sgra rna ba la 'dor te/ rna ba la zhes pa ni lung gi tshigs las lnga pa'i don las bdun pa'o/ /nyin zhag lnga'i mtshams su ro yang nges par kha las te/ lce las 'dor ro/ /nyin zhag bzhi'i mtshams su mig 'bras mig gis dbus nas so/ /nyin zhag gsum gyi mtshams su dri ni sna las so/ /nyin zhag gnyis kyi mtshams su mi rnams dag gi lag pa rkang pa'i lus la dro ba'i dngos po ste reg pa'i rang bzhin no/ /mdza' i nyin zhag la chos kyi dbyings khu ba 'pho ba dang dbugs kyi 'khor lo yang 'dor ro/ /nyin zhag drug gi nang du 'chi ba'i mtshan nyid gzhan yang gsungs te/ 'dir lus la 'chi ba rab tu zhugs par gyur na rang gi lus la sna'i rtse mo 'phyang ba glang po che'i sna'i rnam par mthong ba dang/ rang gi spyi bor lag pa gzhag pa de'i rang bzhin dag tu mthong ba ste phra mor mthong ba min pa dang de bzhin du lag pa gnyi ga'i mthil la rgya skyegs mtshon gyi rab tu byugs kyang lag mthil gyi bsags pa la dmar po nyid du byed pa ma yin pa dang/ nyi ma kha dog nag por mthong ba dang yongs su gyur pa'i ri bong 'dzin pa ste/ nya'i zla ba yongs su rdzogs pa ser por mthong ba ni nyin zhag drug gi mtshams su'o/ /de nas nyin zhag gang la gcin dang lus kyang gsil bar gyur pa'i nyin zhag de la 'chi ba nyid de mi'i bdag po/ zhes pa ni bod pa'o/ /nyin zhag drug gi mtshams su 'chi ba'i mtshan ma gzhan yang gsungs te/ 'dir dus ma yin pa'i 'chi bas non pa'i lce 'og tu nag thig ste/ so'i ri mo nag por rab tu 'gyur ro/ /de bzhin du mig la tshangs pa'i ri mo shin tu phra mo skra'i tshad tsam gyi ri mo ste nag po dang dmar po'i dkyil 'khor 'byed par byed par 'gyur ro/ /dbugs ni zla ba nyi ma'i lam du 'phro ba dang/ mkhur tshos gnyis po bskyod pa dang/ de bzhin nyid du nu ma'i steng ni mchan khung du zhugs te/ nu ma'i steng gi rtsa dag mtshan khung du zhugs par gyur pa dang gza'i tshogs rnams mdza' dag mi mthong ste/ me stag dag dang bcas par mthong ba dang/ de'i mgrin pa lus dang bcas pa ste lag pa dang rkang pa dang bcas pa rengs shing sems med pa dang 'khor ba yang ste 'di dag ni lus la 'chi ba'i mtshan nyid du 'gyur bar 'dor de bsrungs pa yin no/ /gzhan yang lus sam phyi rol la grib ma'i skyes bu la sogs pa cung zad phyin ci log tu mthong ba de thams cad 'chi ba'i mtshan nyid du rnal 'byor pas rig par bya'o/ /de shes nas sbyin pa la sogs pa byas te/ gal te bsod nams kyi stobs kyi 'tsho ba de lta na yang mdzes shing ci ste/ 'chi bar 'gyur ba de lta na yang gang byin pa de'i 'bras bu rjes su spyod do/ /de'i phyir phyogs gnyi ga la yang bde bar gshegs pa bde ba don du gnyer ba rnams kyis sbyin pa byin par bya'o/ zhes pa ni bcom ldan 'das kyi nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ 'chi ltas kyi 'chi ba'i mtshan nyid dang rtsa 'chad pa'i mdor bsdus chen po ste/ bzhi pa'o// //da ni skye ba dang ni zhes pa la sogs pas 'jig rten gyi kun rdzob kyi bskyed pa dang sdud pa'i mtshan nyid byed pa po gsungs te/ 'khor ba 'dir 'pho ba'i skad cig gang yin pa des sems can rnams kyi skye ba byed de/ mngal du kun bzhi rnam par shes pa rdul dang khu ba dang yang dag par ldan pa'i chos can no/ /de nas de yis mngal nas btsa' ba' i dus byed cing/ byis pa dang gzhon nu la sogs pa'i gzugs byed de lus bskyed pa'o/ /'pho ba'i skad cig de nyid 'jig rten dag tu ste mtho ris dang mi yul dang sa 'og tu slar yang sdud par byed pa dus kyi 'khor lo can te nyi ma min/ nyi ma rdul dang zla ba khu ba dus kyi 'khor lo med pa sde/ kun gzhi rnam par shes pa med pas mi byed do/ /zhes pa'i don to/ /'dir rdul dang khu ba'i chos can nyi ma dang zla bas ci'i phyir mi byed ce na/ 'dir thams cad du me dang nyi ma dang zla ba'i bdag nyid ni 'gro ba'o/ zhes pa rab tu grags pa'i phyir gsungs so/ /'dir gang gi phyir zla ba nyi ma la sogs lha rnams 'byung ba dang bcas mtshan mo'i cha la bcom ldan de yis zos shes pa ste/ 'khor ba 'dir mtshan mo'i cha ni zla ba ste bskyed pa'o/ / nyin mo'i cha ni nyi ma sde sdud pa'o/ /'dir mtshan mo'i cha la ste skyed pa'i dus su kun gzhi rnam par shes pa'i mtshan nyid nges ma'i mngal du zla ba khu ba dang nyi ma rdul dang sogs pa'i sgras bshang ba dang gci ba dang 'byung ba dang bcas sa dang chu dang me dang rlung dang nam mkha' i khams dang bcas pa rnams rdul dang khu ba'i rten du gnas pa'i lus dang ngag dang sems rdzogs pa'i don du zos te/ zla ba ste khu ba ni dbang phyug go /nyi ma ni rdul ni rtag tu zhi ba'o/ rkang ni drag po'o gci ba ni khyab 'jug go/ / bshang ba ni tshangs pa'o/ /zla ba nyi ma la sogs lha rnams mchan mo'i cha la ste skyed pa'i dus su zos so/ /slar yang ste yang mdza' yas lus la dngos po sna tshogs kyis bzung bar gyur ba na rnam par 'phrul pa de dag rnams gtor bar byed de/ nges par nyin mo'i dus su zhes pa sdud pa'i dus su gtong zhes pa'i don to/ /skyed pa'i rgyur ni ste slar yang gzhan skyed pa'i rgyu ru gtong bar byed do/ /rim pas te lte pa dang snying ga dang mgrin pa dang dpral ba dang gtsug tor gyi gnas rnams su sa la sogs pa'i khams yongs su gtong ba'i rim pas so/ /kun rdzob kyi byed pa po'i nges pa'o/ /da ni sgra la sogs pa zhes pa la sogs pas 'jig rten kun rdzob kyi las dang byed pa la sogs pa gsungs te/ 'dir lus grub par gyur pa na sgra dang reg bya dang/ gzugs dang ro dang dri dang chos kyi dbyings te drug po rnams ni las su 'gyur ro/ /dbang po drug po dag kyang ste rna ba dang lus dang mig dang lce dang sna dang yid de drug po ni byed pa'o/ /khyim bcu gnyis kyi dbye bas lo dang zla ba dang zla ba'i cha'i dbye bas phyogs nyi shu rtsa bzhi dang nyin dang mtshan mo ste/ nyin mtshan dang tshes bco lnga dang zla ba nyi ma dag kyang ste 'di dag mdza' dag ni byed pa'o/ /byed pa po ni kun gzhi rnam par shes pa'i mtshan nyid khu ba 'pho ba'i skad cig lhan cig skyas pa'i dga' ba ste 'jig rten kun rdzob kyis so/ /'pho ba'i skad cig la sogs pa byed pa po dang byed pa dang las 'di dag sdud pa'i byed pa po gzhan du 'dir 'gyur te/ gang gi phyir bskyed pa'i byed pa po ma yin no/ / de'i phyir mkha' khyab mkha' i rdo rje can te yul dang rnam bral yon tan med la rang bzhin med pa'o/ /zhes pa lhan cig skyes pa'i sku ste cha med kun 'gro khyab pa po zhes pa'o/ /de'i phyir bskyed pa dang sdud pa'i byed pa po dang mya ngan las 'das pa'i mtshan nyid kyang med do zhes pa'i don to/ /byed pa po zad pa'i nges pa'o/ /da ni dri dang zhes pa la sogs pas tshogs pa la sogs pa gsungs te/ 'khor ba 'dir tshogs pa las skye ba ste tshes gcig las ni ma yin no/ /'dir tshogs pa ni de dang kha dog dang ni ro dang reg pa zhes dang 'dzin ma dang ni chu dang me dang rlung zhes pa gzugs can brgyad po 'di dag rnams ni mdza' dag yul gyi tshogs pa dag ste gcig ni gtso bor zhes pa ste/ gzugs can brgyad po 'di dag las yon tan gcig gtso bor 'gyur zhing lhag ma phal par 'gyur ro zhes pa ni sngar brjod zin to/ /sgra dang stong pa dang ni chos kyi dbyings dang yid kyang mi'i bdag po gzugs med du 'gyur ro/ /zhes pa mi gzugs med bzhi po rnams te/ 'dir stong pa'i sgra yis khu ba'i khams brjod do/ 'jig rten gsum po mdza' dag 'di ni spo ba dag dang sdud par 'gyur te lus kyi mthu las so/ /zhes pa 'pho ba'i skad cig gi mthu las so zhes pa'i don to/ /tshogs pa'i nges pa'o/ /da ni bdag nyid 'ching ste zhes pa la sogs pas 'khor ba'i 'ching ba gsungs te/ 'dir lus la phung po'i ngar 'dzin pa tsam ni 'khor ba ste bdag nyid kyis bdag nyid 'ching ngo/ /rang bzhin la gnas yon tan rnam rtog rnams kyi shes pa la/ rang bzhin ni phung po dang khams dang skye mched kyi tshogs pa ste de la gnas p a'i yon tan skye ba dang 'gag pa'i mtshan nyid dri la sogs pa rnams dang 'khor ba'i sems kyi dngos po dang dngos po med pa'i rnam par rtog pa'i mtshan nyid rnams te rang bzhin la gnas yon tan rnam rtog de dag rnams kyi bdag nyid 'ching bar byed de/ rang gi lus las byung ba'i skud pa rnams kyi bdag nyid 'ching bar byed pa dar gyi srin bu ji bzhin nyid do/ /bdag nyid bdag gis nges par slar yang rnam par rtog pa med pa'i yid dag las ni gtong bar byed ces pa ni slar yang bdag de rang bzhin la gnas yon tan rnam rtog rnams kyi btang ba ni rnam par rtog pa med par 'gyur ro/ /rnam par rtog pa med pa'i yid de las bdag nyid 'khor ba'i sdug bsngal las gtong bar byed do/ /de phyir rgyal po rang las rang bzhin yon tan la gnas sdug bsngal dang ni bde ba byed pa ste/ rang bzhin rnam par bral ba ste/ khams bco brgyad dang bral ba su zhig byed po ci zhig byed de mi byed do/ /zhes pa'i don to/ /mi shes 'jig rten log pa'i bdag nyid kyi byed pa po yongs su brtags pas rmongs par byed do/ /las kyi 'ching bar nges pa'o da ni sa zhes pa la sogs pas sa la sogs pa rnam par brgyad kyi rang bzhin gsungs te/ 'dir lus la dang por 'khor ba'i sems kyi rang bzhin rnam pa brgyad de sa dang chu dang me dang rlung dang nam mkha' dang yid dang blo dang ngar 'dzin pa'i bdag nyid dang rnam pa brgyad do/ /'di dag kyang rnam pa brgyad do/ /'di dag kyang rnam pa gsum ste/ rags dang phra mo gzhan yang rnam gsum yon tan la gnas te/ snying stobs dang rdul dang mun pa'i yon tan rnams la gnas pa ni yon tan la gnas pa'o/ /yi ge thig le la sogs pa'i dbye ba yi rags pa rags pa'i dbang po rnams la gnas te blun po'i bag chags 'dzin par byed pa'i sems kyi sad pa'i gnas skabs kyis chos can ni rags pa ste sad pa'i dngos po 'dzin par byed pa'i phyir ro/ /phra mo'i sems kyi phra mo ni rmi lam gyi gnas skabs kyi chos can te/ yid kyi rang bzhin gyi dbang po rnams kyis sgyu ma lta bu'i dngos po 'dzin par byed pa'i phyir ro/ /phra mo gzhan yang dbang po thams cad 'gog pa'i mtshan nyid shin tu gnyid log pa'i gnas skabs kyi chos can ni gzhan pa ltar med pa zhes brjod pa dang gcig tu gyur pa la sogs pa'i mtshan nyid de dngos po thams cad yongs su btang ba'i phyir ro/ /de ltar rnam pa gsum ni snying stobs dang rdul dang mun pa'i dbye bas sad pa dang/ rmi lam dang shin tu gnyid log pa'i rang bzhin no/ /rags pa ni nyin mo'i mtshan nyid do/ /phra mo ni thun mtshams kyi mtshan nyid do/ /gzhan ni mtshan mo chen mo'i mtshan nyid do/ /yang yig las gzhan bzhi pa'i rang bzhin ye shes kyi sku ste/ de ni khu ba 'pho ba'i dus su ye shes kyi sems te bzhi pa'i sems kyi bzhi pa'i gnas skabs kyi chos can te sems can rnams skye ba dang 'gog pa'i rgyur gyur pa gang yin pa de'i phyir ye shes kyi sku'o/ /de yang rang bzhin rnam 'gyur med pa'i 'tsho ba 'byung ba ste srog chen po 'byung ba chos kyi dbyings kyi rang bzhin no/ /'byung ba min zhes pa ni 'byung ba sa dang chu dang me dang rlung dang khu ba ni ma yin no/ /zhes pa'i don to/ /de ltar 'khor ba'i sems kyi rang bzhin gyi sad pa la sogs pa'i dbye bas rnam pa bzhir nges pa'o/ /da ni a sogs shes pa la sogs pa bzhi pa la sogs pa rnams kyi ming gi chos gsungs te/ 'khor ba 'dir rig par bya ba dang rigs par byed pa bdag gi ming don rab tu go byed pa ste/ de yang brjod par bya ba dang rjod par byed pa'i mtshan nyid kyi gnas so/ /de la ye shes kyi rang bzhin las a sogs stong pa lnga ni gzhom du med pa'i a la sogs pa ste/ gzhom du med pa'i dbus su a yig stong pa'o/ /shar du e yig stong pa'o/ /lhor ri yig stong pa'o/ /byang du au yig stong pa'o/ /nub du li yig stong pa'o/ /zhes pa ste a sogs stong pa lnga ni rang bzhin te rnam par 'gyur ba min no/ /dpal ldan cha dang thig le nA da dang/ dus dang/ sems dang blo ste zhes pa la/ cha ste nyi ma dang thig le ste zla ba dang/ nA da ste sgra gcan dang dus te dus me dang sems dang blo dang/ rang bzhin dag kyang shin tu gnyid log pa'i gnas skabs kyi chos can no/ /gzhan pa'i dbyangs ni rlung la sogs pa'o/ /sogs pa'i sgras nam mkha' la sogs pa ste/ a ai ri au li/ a e ar ao al/ ha ya ra wa la rnams so/ /de bzhin du ring po ste rmi lam gyi rang bzhin no/ /rags pa sde pa'i yi ge dbyangs bcu gnyis dang bcas pa sum brgya drug cu rnams ni sad pa'i rang bzhin no/ / bcu drug gzhan ni rnam 'gyur rags pa'o/ zhes pa ste/ yi ge so so re re'i dbyangs bco lngas bzung ba gsal byed dang bcas pa ni rnam par 'gyur ba bcu drug go /thams cad du khams lnga dang las kyi dbang po lnga dang yul lnga ni rnam par 'gyur ba ste/ yid dang lhan cig bcu drug go / sa la sogs pa 'di dag gi dbus su rdo rje can ni rang bzhin min cing rnam 'gyur min te khyab byed rang bzhin med pa'o/ /gang gi phyir 'khor ba'i bag chags las grol bas sems kyi chos yin pa de'i phyir gang sems yod pa'i sems de ni sems ma yin no/ /zhes 'khor ba'i sems dang/ bral ba mya ngan las 'das pa'i sems gzhan yod pa ni rdo rje can gyi ming gis bcom ldan 'das kyis gsungs so/ /rang bzhin rnam pa bzhi'i nges pa'o/ /da ni 'khor bar zhes pa la sogs pas sems can rnams rang gi las kyi 'bras bu la nye bar spyod pa gsungs te/ 'khor ba 'dir sems can bde ba 'am sdug bsngal ba 'am bde ba dang sdug bsngal ba rang bzhin yon tan la gnas pa ni sngar brjod pa'i yon tan la gnas pa ste/ rang gi byas pa'o/ /zhes pa'i don to/ /las las skyes pa de ni zab ste/ rang gis byas pa'i las kyis bskyed pa ni las las skyed pa de longs spyod do zhes pa'i don to/ /de nyid ni 'dir lus dang ngag dang sems kyi dbang gi rnam pa gsum te/ rigs pa dang phra mo dang zhi ba'o/ /gzhan yang rnam pa gsum ste/ khyad par gyi las dang/ las dang las ma yin pa'o/ /de dag las gang zhig bdag ni byed pa pa'o/ zhes pa'i sems bskyed pa de ni khyad par gyi las kyi ming can no/ /gang zhig byed pa po gzhan pa phyugs bdag gam gzhan yod pa'i sems bskyed pa de ni las kyi ming can no/ /byed pa po bdag gam gzhan pa min te/ rang bzhin rnam par bral ba phung po la sogs pa'i tshogs pa dang bral ba gang zhig sems bskyed pa de ni las ma yin pa'i ming can no// de ltar bdag dang gzhan byed dbang por 'dzin pa dang bral bar shes pa gang yin pa de'i las ni byed pa pos byas pa ma yin zhing byed pa po ni rgyur gyur pa ma yin no/ /las las skyes pa ni tshegs pa'i dbang gis te/ ji ltar sa la'i sa bon las sa li 'grub pa de bzhin du dge ba'i las las dge ba'i las kyi 'bras bu 'grub bo/ /ji ltar ko dra ba'i sa bon las ko dra ba 'grub pa de bzhin du mi dge ba'i las las mi dge ba'i las kyi 'bras bu 'grub ste/ rang las ma yin zhing gzhan las kyang ma yin no/ /zhes 'chad par 'gyur ba las brjod par bya'o/ /las kyi 'bras bu nges pa'o/ /da ni de phyir zhes pa la sogs pas byed pa po med par 'bras bu dang bcas pa'i las gsungs te/ 'khor ba 'dir byed pa po 'ga' yang srog chags rnams kyi bde ba dang sdug bsngal dag ni mi sbyin mi 'phrog ste/ gang gi phyir rnam pa gsum po gang byas sngon gyi las rang gi byas pa ni 'bras bu rab tu sbyin par 'gyur ba de'i phyir byed pa po 'ga' yang mi sbyin zhing mi 'phrog go zhes pa'i don to/ /skye dang sdud pa'i byed pa po 'di ster zhing de ni 'phrog pa rmongs pa rnams kyi blo gros te/ ci'i phyir zhe na/ gang zhig rang gi lus la dpag med dge ba 'phrog par byed pa'i bug pa rang gi dbang po dag gi mthong ba ma yin te/ rang gi dbang po phyi rol tu yul drug la 'jug cing nang du zag pa med pa'i bde ba dang bral ba rnams kyis so/ /rang gi las kyi 'bras bu nye bar longs spyod pa'i nges pa'o/ /da ni 'dod pa zhes pa la sogs pas 'dod pa la sogs pa'i byed pa po phan tshun dngos po yang dag par sbyor ba gsungs te/ 'dir 'gro ba sems can rnams kyi rang gi yid la 'dod pa'i nus pa gang yin pa de ni dngos po rnams gsal bar byed pa de yid 'jug par byed do/ /bya ba ni dngos po rnams la 'jug par byed do/ /ye shes nus pa ni dngos po ro mnyam rgyur ni don la nye bar dmigs par byed de/ don nges par ni ye shes nges pa zhes pa'i don to/ /slar yang stong pa ste sngar gyi ye shes gtong ba dag ni bzhi pa srid gsum gyis btud gnyis med kyi nges par rim pas byed do zhes pa ni yid kyi nus pa bzhi'o/ /bzhi pa de dag gi nang nas gang zhig rnam par dag pa'i sems kyi bdag nyid rdo rje can ni gsal ba dang 'jug pa dang/ ro mnyam rgyud don la nye bar dmigs pa cung zad mi za zhing/ ye shes gtong ba'i gtong ba min pa nyid do zhes pa ste/ 'dod pa la sogs pa'i nges pa'o/ /da ni bdag ces pa la sogs pas bde ba dang sdug bsngal rab tu sbyin par byed pa po gsungs te 'khor bar bdag ni byed po sdug bsngal dang bde ba dag rab tu sbyin pa por mi'i bdag po der 'gyur ba min srid pa gsum gyi gnas na bde ba dang sdug bsngal rab tu sbyin pa po 'ga' yang yod pa ma yin te/ sems kyi nus pa rnam par spangs nas so/ /'dir sems kyi nus pa ni sad pa dang rmi lam dang shin tu gnyid log pa dang bzhi pa'i mtshan nyid de/ de dag gi gtso bo ni bzhi pa skye ba dang 'gog pa'i chos can gyi gnas skabs te/ sems kyi nus pa de rnam par spangs nas bdag ni byed po bde dang sdug bsngal rab tu sbyin pa po gzhan 'ga' yang med do zhes pa'o/ /sems can rnams kyi khu ba 'pho ba spangs nas bcings pa dang grol ba gzhan 'ga' yang yod pa ma yin te/ 'khor ba'i sems spangs nas so zhes pa'i don to/ mya ngan las 'das pa'i sems 'khor ba las 'das pa lus thams cad la gnas pa ni gang gis kyang ma bcings ma dkrol ba'o/ /nam mkha' i bum pa'i dbus nas chu ni len par byed pa ni yang 'gro ba min pa ji lta ba/ mkha' khyab mkha' i rdo rje can zhes pa ste/ stong pa la sogs pa'i rnam par thar pas rnam par dag pa'i sems ni mkha' i rdo rje can no/ /yul dang rnam bral zhes pa yon tan med pa ste/ de tsam la sogs pa dang snying stobs dang rdul dang mun pa dang bral ba ste/ sad pa dang rmi lam dang shin tu gnyid log pa dang bzhi pa dang bral ba zhes pa'i don te rang bzhin med pa lus kyi dbus dag tu yang de bzhin no/ /rtag pa dngos po dang/ chad pa dngos po med pa ste/ de dag gang la med pa de ni rdo rje can te rnam par dag pa'i sems so/ zhes pa'i don to/ /'khor ba dang mya ngan las 'das pa'i sems nges pa'o/ /da ni de ltar zhes pa la sogs pas las smra ba gsungs te/ de ltar brjod pa'i rim pas las yod par smra ba po dang/ byed pa po med par smra ba po dang/ bdag med par smra ba bor 'gyur te/ bcom ldan 'das rnam par dag pa'i sems kyi bdag nyid yod min med min yod med min/ /gnyi ga'i bdag nyid min pa 'ang min/ /khams gsum gyi ston pa gcig pu de ni byed po min te/ kun mkhyen dang po'i sangs rgyas thams cad mkhyen pa nyid dang/ rnam pa thams cad mkhyen pa nyid dang/ lam mkhyen pa nyid dang lam gyi rnam pa mkhyen pa nyid thob pa/ srid gsum gyi btud dus kyi 'khor lo can zag pa med pa'i bde ba rnam pa thams cad pa'i chos can te 'khor lo can khyab 'jug ni ma yin no/ /ci'i phyir zhe na/ gang las tshangs pa khyab 'jug drag po dag kyang gang gi zhabs kyi chu skyes drung du lhag par skyabs 'gro gdus kyi 'khor lo de la phyag 'tshal lo/ zhes pa ni 'jam dpal bdag ste/ rgyal ba mchog skyed yon tan med cing rnam rtog med pa ni sngar brjod pa'i mtshan nyid do/ /stong pa nyid smra pa po'i nges pa'o/ /da ni zhi ba zhes pa la sogs pas 'chi ba'i mthar bsam pa'i dbang gis skye ba gsungs te/ 'khor ba 'dir sems can rnams kyi rang gi las kyi dbang gis/ snying stobs kyi yon tan la sogs pa'i bsam pa ste bsam pa de las skye ba'o/ /'dir 'chi ba'i dus su dge ba'i las kyi dbang gis zhi ba'i bsam par 'gyur te snying stobs kyi yon tan gyi bdag nyid do/ /bsam pa de skyes par gyur na shi ba'i mthar lha nyid du 'gyur ro/ /mi'i bdag po zhes pa ni zla ba bzang po la bong pa'o/ /mi dge ba'i dbang gis bsam pa drag por 'gyur te/ mun pa'i yon tan gyi bdag nyid do/ /mun pa'i bsam pa de la dmyal ba nyid du 'gyur ro/ /mi dge ba 'bring po'i dbang gis rdul gyi bsam pa ste/ rdul gyi bsam pa der gyur na shi ba'i mthar dud 'gro nyid du 'gyur ro/ /rab mchog sa'i steng du mi nyid dag kyang 'dres pa ste dge ba dang mi dge ba 'dres pa la mi nyid du 'gyur te/ 'byung po nyid ni rnam pa gsum ste rdul dang mun pa dag ni snying stobs phan tshun 'dres pa la'o/ /'dir snying stobs lhag pa la yi dags mchog go / rdul lhag pa la 'bring po'o/ /mun pa lhag pa la tha ma'o/ /lha ma yin rnams ni lha'i nang du 'dus pa nyid do/ /de bzhin du mi rnams ni snying stobs lhag pa la bde ba dang ldan pa'o/ /rdul lhag pa la bde ba dang sdug bsngal dang ldan pa'o// mun pa lhag pa la rtag tu sdug bsngal dang ldan pa'o/ /de bzhin du mtho ris la sogs pa thams cad du yang sems can rnams kyi rang gi las kyi dbang gis las kyi 'bras bu rnam par smin pa dpag tu med par 'gyur ro/ /de'i phyir 'chi ba'i dus su yid kyi bsam pa gang zhig dran par gyur pa de ni skye ba yang dag skye zhes pa ste/ bsam pa skye ba'i nges pa'o/ /da ni lha nyid ces pa la sogs pas lha la sogs pa'i dbye ba gsungs te 'dir lha'i mchog gi gnas mtho ris su lha nyid brgyad kyi dbye ba dag gi 'gyur te/ zad par sa dang zad par chu dang zad par me dang/ zad par rlung dang/ zad par stong pa dang/ zad par zla ba dang zad par nyi ma dang zad par sgra gcan zhes bya ba bsgoms pa dang sbyin pa la sogs pa'i bsod nams kyi stobs dang mi dge ba bcu yongs su spangs pa ste lha nyid brgyad kyi dbye ba dag gi 'gyur ro/ /mi nyid gcig ni ji lta ba khams drug gi bdag nyid do/ /dud 'gro dag kyang chu gter rnam pa ste khams drug gi bdag nyid can rnam pa bzhi'o/ /dmyal bar 'gro bar dmyal ba nyid ni de bzhin gcig ste khams drug gi bag chags las byung ba rmi lam dang mtshungs pa'o/ /lha ma yin nyid ni lha'i nang du 'dus so/ /yi dags nyid ni dmyal ba'i nang du 'dus te/ sdug bsngal la nye bar longs spyod pa'i phyir ro/ /skye ba brgyad dang gcig dang bzhi dang gcig ste gnas bcu bzhi po 'di rnams su ro'i 'gro bar zhes pa 'gro ba drug tu skye bo kun gzhi rnam par shes pa'i chos can 'khor te/ las kyi zhags pas nges par bcings pa dag skye ba 'bum phrag du mas las kyi zhag pa las grol pa min zhing/ thar pa mchog gi bde ba'i go 'phang du 'gro ba min no/ /sems can gyi bsam pa'i dbang gis lha la sogs pa'i dbye bas nges pa'o/ /da ni phung po zhes pa la sogs pas 'ching ba'i rgyu gsungs te/ 'gro ba drug gi 'khor ba 'dir 'tsho ba ste/ srog kun gzhi rnam par shes pa'i chos can bcings te 'khor ro/ /gang gis she na phung po ste 'byung ba dang/ khams drug dang/ dbang po dang rnam gsum srid pa 'jigs pa yul drug dang de tsam dang/ las kyi dbang po lnga dang las kyi skyon dge ba dang mi dge ba dang yon dang bcas pa yid dang blo dang ngar 'dzin la sogs te/ sogs pa'i sgras srog gi nus pa'i rtsa ba'i rang bzhin no/ /'di dag gi bcings 'tsho ba dag ni ro'i 'gro bar 'khor te/ phra mo'i dngos po dag gi slar de slar yang 'pho ba'i dga' bas so/ /'ching ba phra mo dang rags pa'i dngos po ste/ sad pa dang rmi lam dang shin gnyid log pa dang bzhi pa'i mtshan nyid do/ /dngos po 'di dag gtad na mi zad mchog gi gnas su rab tu 'gro ste/ gang du son na slar yang skye ldan 'khor ba par 'gyur ba min no/ /'khor ba'i bag chags kyi ma rig pa'i nges pa'o/ /da ni yan lag dang bcas zhes pa la sogs pas 'di yi gnyen po rig pa gsungs te/ 'khor ba 'dir 'jig rten gyi tha snyad la rig pa gang yin pa de ni don dam pa de kho na nyid kyi yul la rig pa ma yin no/ /dang por yan lag dang bcas rig byed de yan lag drug dang bcas pa'o/ /yan lag rnams kyang mdo dang/ dbyangs kyis snyad pa dang lung ston pa dang/ sdeb sbyor dang/ nges tshig dang/ skar rtsis te/ 'di dag dang bcas pa'o/ /zhes pa'i don to/ /de yang dran pa'i gzhung dang bcas pa ste/ dran pa ni shed phul? sogs pa'i gzhung rnams so/ /de rnams dang bcas pa ste yang dag par ldan pa'o/ /rtog ge ni 'jig rten pa'i dngos po rab tu 'jal ba'i bstan bcos rnams so/ /grub pa'i mdza' ni 'jig rten pa'i dngos grub sgrub par byed pa dkyil 'khor gyi 'khor lo la sogs pa rnam par rtog pa bsgom pa'i chos can te de rnams dang ldan pa zhes pa khyad par du byas pa'o/ /de bzhin du 'jig rten du snyan ngag mkhan po rgyas pa me la sogs de rnams kyis byas pa'i bstan bcos gzhan yang rig pa min zhes pa ste/ rgyas pa'i snyan ngag b+ha ra ta dang/ me'i snyan ngag bsgoms pa'i chos dang/ sogs pa'i sgras grog mkhar gyi snyan ngag rA ma ya Na dang mArkaN Da ya'i snyan ngag sngon rabs kyi chos la sogs pa rnams bzung ste/ snyan dngags mkhan 'di dag gis byas pa ni rig pa ma yin no/ /'o na rigs pa gang yin zhe na smras pa/ rigs pa zhes pa rnam par mi rtog pa nang gi rig pa ste rnam pa thams cad dang ldan pa'i stong pa nyid do/ /gzhan yang 'gyur med kyang rig pa ste/ dmigs pa med pa zag pa med pa'i bde ba'i bdag nyid can no/ /rig pa ni rgyu dang 'bras bu'i bdag nyid can rgyu dang 'bras bu gcig tu 'dres par gyur pa ste/ me'i 'od dang bsreg par byed pa gcig tu 'dres par gyur ba bzhin no/ /'jig rten 'di ni 'das pa dang da ltar byung ba'i thub pa'i chos kyi 'khor lo la gnas pa rnams kyi rab tu gsungs pa nyid de/ de'i rang bzhin ci zhe na/ gsungs pa gang du 'jig rten gsum po mdza' dag ces pa ste/ bde ba'i skad cig gang las skyes pa'i dus su 'jig rten gsum po mdza' dag tu 'gyur ba'o/ /slar yang gang du thim pa ste/ 'chi ba'i dus su skad cig gang la dngos po'i tshogs pa thim pa'o/ /'gyur ba'i skad cig la skad cig de nyid zag pa med pa'i bde ba 'gyur ba med pa brjod de/ gang la chos kyi 'khor lo bskor ba'i don du sangs rgyas 'byung ba dang/ gang du yongs su mya ngan las 'das pa chen po'o/ /kye mi'i bdag po zhes pa ste rig pa'i nges pa'o/ /da ni rnal 'byor zhes pa la sogs pas sngon gyi rnal 'byor goms pa'i stobs gsungs te/ mi'i 'jig rten 'dir gal te rnal 'byor pa rig pa'i rnal 'byor goms par byed pa dag rnal 'byor ma thob rab tu g.yo pa'i yid kyi res 'ga' shi bar gyur pa na/ dpal ldan mi'i 'jig rten du ni rab mchog thub pa'i rigs te sangs rgyas dang byang chub sems dpa' i rigs su rnal 'byor ni stong pa dang snying rje dbyer med pa/ rnam par dag pa'i de kho na nyid dang rnam par dag pa'i sems so/ / de dang ldan pa'i phyir rnal 'byor dang ldan pa ste rnal 'byor yongs su rdzogs pa ni ma yin no/ /slar yang sngon gyi gnas pa de yis/ kun tu 'dzin par 'gyur te/ thob par 'gyur ro/ /ye shes rnal 'byor ni de kho na nyid kyi rnal 'byor te/ yangs pa zhes pa ni nyi tshe ba ma yin pa ste/ rnam pa thams cad pa'o zhes dgongs pa'o/ /ye shes thob ste yongs su rdzogs na mi zad mchog gi gnas su rab 'gro zhes pa la/ gang la zad pa med pa ni mi zad mchog gi gnas so zhes rnam par sbyar ro/ /de ltar gyur pa zhe na gsungs pa gang du slar yang skye ba ldan pa ste 'byung ba dang ldan pa min pa de ni sangs rgyas thams cad kyi mchog gi gnas so/ /da ni ye shes shes pa la sogs pas sangs rgyas pa rnams dang lha min rnams dang kla klo rnams kyi ye shes skye ba'i dus gsungs te/ 'dir des par rnal 'byor goms pa rnam pa gsum ste/ sangs rgyas pa'i dang/ lha min gyi dang/ 'byung po'i'o/ /de la sangs rgyas pa'i rnal 'byor ni stong pa nyid dang snying rje'i bdag nyid do/ /lha min gyis ni brtags pa'i chos so/ /'byung po yi ni rnam pa gnyis te/ rtag pa'i ngo bo dang/ tshad pa'i ngo bo'o/ /de bzhin du rnal 'byor de goms pa la dga' ba nyid las/ de nyid gang la yod pa'i rnal 'byor pa rnam pa gsum mo/ /de rnams las nyin mo'i cha la sangs rgyas pa'i rnal 'byor pa rnams kyi ye shes skye'o/ /mtshan mo'i cha la lha min gyi rnal 'byor pa rnams kyi'o/ /thun mtshams bzhi spangs pa'i dus su 'byung po'i rnal 'byor pa rnams kyi ye shes skye'o/ /'dir dus kyi cha ni/ ye shes skye ste/ rgyal ba rnams kyi nyi ma nyin mo'i dus su mtshan mo phyed dang mtshan mo'i mthar lha min rnams kyi zla pa mtshan mo'i dus su nyi ma phyed dang nyin mo dag gi mjug tu'o/ /'byung po rnams kyi yang ma brjod pa nyid las thun mtshams langs pa'i dus su'o/ /'dir mtshan mo phyed dam snga dro'i thun mtshams la sangs rgyas pa rnams kyi ye shes lhag par gnas par 'gyur ro/ /nyi ma phyed dam nub par gyur pa'i thun mtshams la lha min rnams kyi ye shes lhag par gnas par 'gyur ro/ /gzhan thun bzhi'i thun mtshams la 'byung po rnams kyi ste/ nyin mo'i cha la rtag pa'i ye shes lhag par gnas shing mtshan mo'i cha la chad pa'i ye shes lhag par gnas so/ /sangs rgyas pa dang lha min 'di dag gi grangs bzhin du sangs rgyas pa rnams kyi yang dag ye shes su 'gyur ro/ /de'i chos dang 'gal ba rnams nyams ni lha min rnams kyir 'gyur ro// yang dag ye shes ni nyin mo'i snang ba bzhin du thams cad mthong ba'o/ /rnam nyams ye shes ni mtshan mo'i snang ba bzhin du sems can rnams kyi 'chi ba dang 'tsho ba cung zad mthong ba'o/ /ji ltar shes she na/ de'i phyir gsungs pa/ chos ston pa las so zhes pa ste 'dir yang dag ye shes rnams nyams dag la tshigs ni legs sbyar tha mal dag du rab tu 'gyur ba ste/ zhes pa ni yang dag ye shes skyes pa rnams kyi legs par sbyar ba'i dag sgra thams cad kyi bdag nyid do/ /rnam nyams ye shes skyes pa rnams kyi tha mal gyi dag tu 'gyur te/ ston par byed pa po rnams kyi yul gcig gi skad kyi khyad par gyis so/ /sangs rgyas pa rnams kyi ye shes ni sems can thams cad la snying rje'i bdag nyid can zhi ba'i las ston par byed pa po'o/ /lha min rnams kyi ye shes ni sha bza' ba'i slad du dud 'gro sems can la gnod pa byed pa drag po'i las ston par byed pa po'o/ /srid pa gsum gyi gnas su sangs rgyas pa rnams kyi ye shes ni skyes bu nyid kyi las ston par byed do/ /lha min rnams kyi ye shes ni sa la tha mal gyi las ston par byed do/ /'byung po rnams kyi ni sa la rnam par 'dres pa'i las ston par byed do/ /ye shes ston par byed pa'i nges pa'o/ /de ni nyi ma gung zhes pa la sogs pas sangs rgyas pa dang lha min dag gi za ba'i dus gsungs te/ 'dir nyin zhag so so la nyi ma gung nas brtsams nas mtshan mo phyed kyi bar du nyin mo'i dus so/ /mtshan mo phyed nas brtsams nas nyi ma gung gi mthar thug pa ni mtshan mo'i dus so/ /nyin mo dang mtshan mo'i dus de la rang rang gi dus kyi phyed phyi ma ni grangs bzhin du sangs rgyas pa dang kla klo de dag gi dka' thub pa rnams kyi za ba'i dus te/ khyim pa rnams kyi ma yin no/ /zhes pa ste nges pa'o/ /sangs rgyas pa dang lha min dag gi bza' ba dang btung ba yang grangs bzhin du sangs rgyas pa rnams kyi zan khyad par du 'phags pa ste/ kla klo rnams kyi ba glang gi sha dang bcas pa'o/ /btung ba ni grangs bzhin du sangs rgyas pa rnams kyi rnam mang bcud ster zhim pa ste/ kla klo rnams kyi btung ba ni bya gag la sogs pa'i sgo nga'i khu ba'o/ /btung ba ni grangs bzhin du sangs rgyas pa rnams kyi gos dmar po ste/ kla klo rnams kyi ni dkar po'o/ /dka' thub pa rnams kyi ste/ khyim pa rnams kyi ni des pa med do/ /de bzhin du shi ba'i mthar gnas ni grangs bzhin du nyi ma zla ba'i bgrod pa bzhin du zhes pa sto/ nyi ma steng du bgrod cing zla ba 'og tu bgrod do/ /de dag gi bgrod pa bzhin du mtho ris kyi gnas nyi ma'i bgrod pa ni sangs rgyas rnams kyi ste/ zla ba'i bgrod pa bzhin du sa thog gi gnas ni lha min rnams kyi'o/ /de bzhin du rtsa ba'i rgyud kyi dbang mdor bstan pa las bcom ldan 'das kyis gsungs pa/ lus can thams cad shi ba na/ /zla ba bdud rtsi'i 'og tu 'gro/ /steng du nyi ma rdul sgra gcan/ /rnam shes dngos po'i mtshan nyid do/ /de bzhin du chos ni grangs bzhin du sangs rgyas pa rnams kyi 'tshe ba med pa'o/ /kla klo rnams kyi ni 'tshe ba ste yang yig las 'byung po rnams kyi'o/ /bla ma'i nges pa'i dbang gis bsgom pa'i dus dang 'dod pa'i lha la bstod pa'i dus su grangs bzhin du sangs rgyas pa rnams la rdo rje'i gdan sngags shing kla klo rnams la lha min gyo gdan sngags so/ /yang yig las gzhan ni thun mong ba ste/ de ni mi sgrub cing mi 'gog go /'dir lha min gyi gdan ni sa'i ngos la pus mo g.yon gyi steng du pus mo g.yas brkyang zhing rkang pa g.yon gyi steng du rkang pa g.yas pa'o/ /yang yig las 'og tu ste/ rkang pa g.yas kyi steng du'o/ /rkang pa'i mthil du yang yang yig las rgyab tu dbyi bzhag pa'o/ /rdo rje'i gdan la sogs pa ni 'chad par 'gyur ba las brjod par bya'o/ /sangs rgyas pa dang lha min gyi bya ba nges pa'o/ /'byung po rnams kyi las 'dren mar sngar gsungs pa de yang tshigs su bcad pas gsal bar gsungs pa/ 'di lta ste/ 'byung po rnams kyi las ni 'dren mar rab tu 'gyur te/ tshigs kyang 'dres pa sha za dag gi'o/ /chos ni 'tshe mang 'tshe ldan bla ma'i nges pa'i dbang gis srog gcod la sogs skyon dag la/ mchod sbyin la sogs don du rab tu 'jug sogs pa'i sgras g.yul gyi don du 'tshe ba la rab tu 'jug go /dka' thub kyi 'bras bu'i don du ldog pa ste/ mi 'tshe ba la rab tu 'jug par 'gyur te/ mi'i bdag po res 'ga' dag ni ldog pa 'am zhes so/ /bza' ba btung ba dag kyang 'dres pa nyi zla'i bgrod pa dag las lam ni 'dren ma gzhan du'o/ /zhes pa 'byung po rnams kyi lam ni thams cad kun tu 'dres par rig par bya'o/ /'byung po rnams kyi bya ba'i nges pa'o/ /da ni 'od zer zhes pa la sogs pas lam brjod par 'dod pa gsungs te/ 'dir lam ni rnam pa gsum/ 'od zer gyi lam dang/ du ba'i lam dang/ rnam par 'dres pa'i lam mo/ /'di dag las 'od zer lam ni nyi ma'i snang ba dkar po nyin mo bgrod pa byed ste/ nyin mo 'phel ba'i mtshan nyid dang lo phyed ni phyi rol tu ste/ nang du chu srin la sogs pa dus sbyor drug gi bdag nyid can te/ shar ba nas nub pa zhes pa'i ming can no/ /du ba'i lam ni zla ba'i snang ba mtshan mo dag dang dkar min bgrod pa 'di ni lto ste/ du ba'i lam dag la kar ka Ta la sogs pa lhor bgrod pa'i zla ba drug ste/ gang du mtshan mo 'phel ba de lhor bgrod pa'o/ /nub par gyur pa nas shar ba'i bar ni nges pa'o/ /'dir 'od zer lha rnams mtho ris su ste mtho ris su 'gro ba'i lam mo/ /dkar mon bgrod pa lha min rnams kyi klu'i 'jig rten du 'gro ba'i du ba'i lam mo/ /kun du 'gres pa nyin mo dang mtshan mo'i chos can ni mi'i 'jig rten 'gro ba la ste/ yi dags dang dud 'gro dang mi rnams skyed pa la rab tu gsal bar byas so/ / zhes pa ni lam gyis nges pa ste/ skye pa snga ma'i bag chags kyi skyed pa'i snying stobs dang mun ba dang rdul gyi yon tan gyi rang bzhin gyis so/ /da ni gang zhig gang gi dbus su zhes pa la sogs pa sangs rgyas pa'i nyan thos dang lha min dang 'byung po'i las la dga' ba'i sems can rnams kyi bag chags 'dzin pa gsungs te/ 'khor ba 'dir skye ba'i las kyi bag chags kyi stobs kyi lha dang lha min dang 'byung po'i bya ba la rjes su chags pa gang zhig gang gi dbus su rab tu zhugs par gyur te/ rtul zhugs nges pa la dga' las kyi zhags pas nges bcings pa/ zhes pa chos de'i bya ba rnams kyis bcings pa'o/ /de'i dbus su rang rang bsam pas mi bdag ni bod pa ste/ de'i rigs de lha dang lha min dang 'byung po'i rigs su 'dzin pa dag gi shes pa dag ni de'i dngos po'i 'dzin pa ste/ de yis lha dang lha min dang 'byung po'i rigs su skye bar 'gyur ro/ /snying stobs dang mun pa dang rdul gyi ngar 'dzin gyis te/ sngar brjod pa'i cho gas so/ /ji srid sems kyi rang bzhin dag ni rnam gsum srid pa'i dbang gis shes pa ni/ 'dod pa dang gzugs dang gzugs med pa'i srid pa'i bag chags kyi dbang gis te/ tshor ba bde dang sdug bsngal 'khor ba bar gyur pa/ de srid du 'khor ba sdug bsngal gyi mtshan nyid du sems kyang 'khyam ste mi'i bdag po mtho ris mi yul dag dang 'og tu yang zhes pa lha dang mi dang dmyal ba la sogs pa 'gro ba drug po rnams su kun gzhi rnam par shes pa 'khyam mo/ zhes pa ste/ bag chags 'dzin pa'i nges pa'o/ /de'i phyir bag chags rnam pa gsum las 'das pa na/ 'khor ba'i pha rol mthar son pa/ /bya ba byas pa skams sar gnas/ /ye shes kyi sku/ bcom ldan 'das yang dag par rdzogs pa'i sangs rgyas lha dang lha ma yin dang/ klu la sogs pa rnams kyi zhabs kyi pad+ma la phyag byas pa dus kyi 'khor lo'o zhes pa ni bag chags spangs pa'i nges pa'o/ /da ni ka sogs zhes pa la sogs pas mngal du gsal byed dang dbyangs skye bar gyur pa ji lta ba de bzhin du 'chi ba'i mtshan nyid gsungs te/ 'dir mngal 'dzin pa'i dus su rdul ni gsal byed sum cu'i bdag nyid dang khu ba ni dbyangs sum cu'i bdag nyid de/ 'di dag kun gzhi rnam par shes pas byin gyis brlabs pa ni yang dag par sbyor ro/ /'dir mngal du skye ba'i phyogs dang po la ka yig la sogs pa'i gsal byed sum cu po rnams dbyangs thung ngus byin gyis brlabs pa dang/ phyogs phyi ma la dbyangs ring pos byin gyis brlabs pa ste/ gsal byed kyi phyogs gnyis po 'di ni 'chi ba las rab tu gsal bar 'gyur ro/ /de bzhin du dkar po'i phyogs la khu ba'i nam mkha' i khams rdul rab tu 'jug ste/ nag po'i phyogs la sa'i khams rab tu 'jug go /de bzhin du 'byung ba dang mi 'byung ba dag la rdul gyis dang nam mkha' i khams dag khu ba'i khams la rab tu 'jug go /de bzhin du zla ba gnyis pa'i phyogs dang po la e yig gis byin gyis brlabs pa'i gsal byed rnams te rdul la rlung gi khams rab tu 'jug go / phyogs phyi ma la au yig gis byin gyis brlabs pa rnams te/ chu'i khams 'jug go /gsum pa'i phyogs dang po la me'i khams 'jug pa'i slad du rI yig gi byin gyis brlabs pa rnams so/ /phyogs phyi ma la me'i khams 'jug pa'i slad du rI yig gi byin gyis brlabs pa rnams so/ /zla ba bzhi pa'i phyogs dang po la chu'i khams 'jug pa'i slad du au yig gis byin gyis brlabs pa rnams so/ /phyogs phyi ma la rlung gi khams 'jug pa'i slad du ai yig gis byin gyis brlabs pa rnams so/ /zla ba lnga pa'i phyogs dang po la sa'i khams 'jug pa'i slad du li yig gi byin gyis brlabs pa rnams so/ /phyogs phyi ma la nam mkha' i khams 'jug pa'i slad du A yig ring pas byin gyis brlabs pa rnams te/ skyed pa dang sdud pa'i dbye bas nam mkha' la sogs pa dang sa la sogs pa khu ba dang rdul dag phan tshun du 'jug go /de nas dbang po dang las kyi dbang po byin gyis brlab pa'i don du yon tan dang 'phel ba dang hal sogs pa thung ngu dang ring po rnams gsal byed rnams la 'jug par byed de/ zla ba drug pa'i phyogs dang po'i phyed la a/ phyogs dang dang po'i phyed phyi ma la ha/ phyogs phyi ma'i phyed la al/ phyogs phyi ma'i phyed phyi ma la lA/ de bzhin du bdun pa la e ya aau wA/ brgyad pa la ar ra ar rA/ dgu pa la ao wa ai yA/ bcu pa la al la AhA/ zhes pa gsal byed sum cu po rnams la 'jug go /mngal gyi zla ba'i rjes la zla ba bcu gnyis phung po dang khams dang skye mched la sogs pa rnams 'grub bo/ /khu ba dang rdul yang dag par sbyor bas phung po dang khams dang skyed mched la sogs pa rnams spo ste skyed pa dang sdud pa'i rim pas so/ /de bzhin du zla ba bcu gcig pa la thig les byin gyis brlabs pa sum cu dang/ zla ba bcu gnyis pa la rnam par bcad bas byin gyis brlabs pa rnams su 'gyur ro/ /de nas zla ba'i khams khu ba'i khams kyi rtsa dang rkang dang rus pa rnams bskyed pa yongs su chad de/ shes rab kyi lo bcu gnyis dang thabs kyi lo bcu drug la nyi ma rdul 'phel ba byed do// de nas ye shes kyi khams smin te/ shes rab kyi rdul smin cing thabs kyi khu ba smin no/ /de nas snga ma bzhin du shes rab kyi gzhan lo bcu gnyis dang thabs kyi gzhan lo bcu drug tu sa'i khams smin no/ /mtshams 'di nas snying stobs kyi cha dbu mar 'gyur ro/ /slar yang shes rab kyi gzhan lo bco brgyad du chu'i khams smin te/ thabs kyi byed dang bcas pa'i nyin zhag nyi shu rtsa gnyis dang/ zla ba gcig lhag pa'i lo bcu drug tu snga ma bzhin du chu'i khams smin no/ /shes rab kyi me smin pa ni snga ma bzhin te/ thabs kyi yang snga ma bzhin no/ /de bzhin du rlung gi khams smin pa dang nam mkha' i khams smin pa ste/ snying stobs dang rdul dang mun pa'i dbye bas lo dgu bcu rtsa drug dang phyed dang bcas pa'i zla ba bcus khams thams cad smin no/ /de nas dbu ma'i rtsa lo dang phyogs dang nyin zhag gi tshad gsal byed sum cu'i tshad de nyin zhag gi tshogs lnga bcu rtsa lhag pa'i brgya phrag bcu gcig gis dus rab tu rgyu ste za bar byed do/ /ka sogs sde rnams dbyangs dang bcas pa sngar b rjod pa dag kyang yon tan gyis bsgyur nyin zhag stong brgyad cur gyur pa dang gang yang phyogs gsum dag gi dbyangs thung ngu dang ring po dang shin tu ring po bzhi bcu rtsa lnga dang nges par sum cu'i gsal byed de dag rnams la rnam gsum bgrod pa'i dbang gis shes pa g.yon dang g.yas dang dbu ma'i bgrod pa'i dbang gi 'chi ba rgyu'o/ /de bzhin du bkra shis la sogs pa gza' lnga'i rkang pa sum cu rtsa bzhi'i lhag pa'i brgya phrag bcu gcig sngar brjod pa rnams dang nyi ma ri bong can gyi rkang pa ro dang dus dang ri bong can te/ rkang pa bcu gcig gi bdag nyid dang/ sgra gcan mjug rings rkang pa ste/ sgra gcan gyi rkang pa ni phyed dang bcas pa'i bdun gyi bdag nyid de zla ba yongs su bcad pa'i bdag nyid do/ /mjug rings 'char ba'i rkang pa ni nyin zhag so sor chu tshod gnyis kyi bdag nyid do/ /rkang pa chu tshod kyi bdag nyid 'di dag ni lo gsum dang phyogs gsum dang/ gsal byed sum cu'i nyin zhag gi grangs te de dag nyid la 'chi ba rgyu'o/ /de bzhin du sum cu rtsa gnyis lo dang phyogs kyang yon tan gyis bsgyur zla ba nyi ma me yis phye ba'o/ zhes pa ni snying stobs dang rdul dang mun pas phye ba ste/ lo dgu bcu rtsa drug dang gzhan phyed dang bcas pa'i zla ba bcu'i phyogs rnams so/ /g.yon dang g.yas kyi rtsa'i phyogs lo brgya'i phyogs rnams kyi nang nas lo gsum gyi ni phyogs rnams dag ste bdun cu rtsa gnyis dang ri bong can gyi yon tan te phyogs gsum dang dus kyi me'i phyogs gnyis dag ste/ de ltar phyogs bdun cu rtsa bdun lo brgya las ni ste/ lo brgya'i phyogs gyi phung po brgya phrag nyi shu rtsa bzhi'i grangs las dman par gyur pa'o/ /lhag ma'i phyogs ni nyi zla dag gi ste g.yas dang g.yon gyi'o/ /'jig rten mig dang me mig grangs zhes pa nyi shu rtsa gsum lhag pa'i brgya phrag nyi shu rtsa gsum mo/ de bzhin du nyin mtshan dus rnams gtso bo dag gi dman pa mdza' dag ste/ lo brgya'i stong phrag sum cu rtsa drug go /gtso bos dman pa ni lo gsum dang phyogs gsum dang gsal byed kyi zla bas dman pa'o/ /g.yon dang g.yas la 'chi bas zos pa'o/ /gsal byed la sogs sde pa dbyangs rnams dag ni nyi ma zla ba'i bgrod pa'i dbang gi 'chi bas zos te/ 'chi ltas nas brtsams nas dbu ma'i dus su zos so/ /de bzhin du phyed bcas 'khor lo'i chu tshod phyed bcas 'khor lo ni khyim bco brgyad kyi grangs te sum cu rtsa lnga lhag pa'i brgya yis bsgyur ba sum cu lhag pa'i brgya phrag nyi shu rtsa bzhi ni chu tshod kyi grangs so/ /ri bong can gyi rkang pa ni rim pa dang rim pa ma yin pa'i dbye bas 'byung ba dang 'byung ba mda' dang rig byed la sogs pa brgya'i grangs te/ de dag dang bral ba ni ri bong can gyi rkang pa dang bral ba'o/ /gza'i chu tshod ni bdun te nges dman pa mdza' dag ni nyi shu rtsa gsum lhag pa'i brgya phrag nyi shu rtsa gsum gyi grangs so/ /shes rab thabs kyi rab tu dbye ba dag gi ste sdud pa dang skyed pa'i dbye bas nyin mtshan dus kyi de dag rnams kyang 'chi bas zos so/ /de ltar sde pa dbyangs bcas dbyangs kyi tshogs dang bcas pa gsal byed rnam nyid dag dang rkang pa ni dman dang bar ma dus 'chi ba zla ba nyi ma'i 'chi ba dang ni gsal byed lhag pa'i lha la'o/ zhes pa ni dman pa zla ba'i 'chi ltas kyi 'chi ba dang/ bar ma nyi ma'i 'chi ltas kyi 'chi ba dang/ gsal byed lhag pa'i lha dbu ma'i dus su 'chi ba'i 'chi ba la ste/ sngar brjod pa'i nges pa'o/ /de nas sum cu rtsa gnyis dang nyin zhag gcig kyang zhes pa nyin zhag sum cu rtsa gsum mo/ /ri bong can bcas nyi ma'i bgrod la ste/ g.yon pa'i bgrod pa dang bcas pa'i g.yas pa'i bgrod pa la rtsa ni gcod pa de thun mong ba'o/ /dus kyi 'chi ba la ni slar lnga ste yang sum cu mtshan mo gsum gyi shes pa nyin zhag sum cu rtsa gsum gyi rdo rje'i dang bcas te lus dang ngag dang sems dang bcas pa'i phung po khams dang dbang po la sogs 'dor ro/ /de nas zla ba nyi ma'i rtsa la la la nA dang/ ra sa nA dag dag dang dung can ma a ba d+hU tIr srog gi rlung dag nyin gcig rab 'jug ste/ sa dang chu dang sreg za rlung dang nam mkha' i khams ni rnam par 'chang ba ji srid nyid du'o/ /'dir 'chi ba'i nyin zhag la dbu mar srog rab tu zhugs te dus kyi rlung gi mnan par gyur pa na lte bar sa'i khams yon tan lnga'i rang bzhin 'dor te/ de nas sa'i khams rnam par 'chad par 'gyur ro/ /snying khar chu'i khams yon tan bzhi'i rang bzhin 'dor te chu'i khams rnam par 'chad par 'gyur ro/ / mgron par me'i khams yon tan gsum gyi rang bzhin 'dor te/ de nas me'i khams rnam par 'chad par 'gyur ro/ /dpral bar rlung gi khams yon tan gnyis kyi rang bzhin 'dor te/ de nas rlung gi khams rnam par chad par 'gyur ro/ /gtsug tor du nam mkha' i khams yon tan gcig gi rang bzhin 'dor te/ de nas stong pa'i khams rnam par 'chang ngo zhes pa ni steng du srog gi khams yongs su 'dor ba'o/ /'og tu lte bar lus kyi thig le'i chos thur sel 'dor te/ de nas sad pa'i gnas skabs zad bar 'gyur ro/ /gsad par ngag gi thig le'i chos 'dor te/ de nas rmi lam gyi gnas skabs 'chad par 'gyur ro/ /nor bu sems kyi thig le'i chos 'dor te/ de nas shin tu gnyid log pa'i gnas skabs chad par 'gyur ro/ /de bzhin steng du yang rdul gyi khams kyi thig le rnams srog gi 'dor te/ de nas lus dang ngag dang sems ni rnam par chad par 'gyur ro/ /'pho ba'i dus su drug pa ye shes kyi khams 'dor ro/ /yan lag thams cad la khu ba 'og tu 'dor zhing rdul steng du 'dor te bzhi pa'i gnas skabs rnam par 'chang par 'gyur ro/ /de ltar mngal nas skyes pa rnams 'chi ba'i dus nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'ong las/ 'jig rten kun rdzob kyi skye ba dang 'gog pa'i rgyur gyur pa skad cig gi mtshan nyid dus kyi 'khor lo nges pa'i mdor bsdus chen po ste/ lnga pa'o// //da ni 'jig rten dang 'jig rten las 'das pa'i dngos grub kyi rgyur lus srung ba'i man ngag gsungs pa/ dang por zhes pa la sogs pa ste 'khor ba 'dir sems can rnams kyi lus la srog dang thur sel sdud pa'i rim pas 'byung bar 'gyur zhing bskyed pa'i rim pas rab tu 'jug pa ji lta ba de bzhin du rtsa ba'i rgyud kyi dbang mdor bstan pa las bcom ldan 'das kyis gsungs pa/ lte ba'i pad+ma snying mgrin dang/ /dpral ba gtsug tor 'dam skyes la/ /sa chu me rlung stong pa rnams/ /sdud pas rab tu 'bab pa ni/ /'byung 'gyur de ni 'jug pa dag/ skyed pas 'jug ste sa la'o/ /de bzhin du thur sel gyi nus pa ni/ lte gsang nor bu'i chu skyes la/ /lus ngag sems ni 'bab pa dag/ 'byung ba dang ni 'jug pa de/ /sdud dang skyed pa'i rang bzhin can zhes so/ /rgyu de'i phyir dang por mdza' dag rgyal ba'i lus te/ phung po lnga la sogs pa'i lus ni dngos grub rgyu ru sngags pa dag gi yang dag bsrung bar bya ste/ lus med na ni dngos grub med cing skye ba 'di la mchog gi bde ba ste/ zag pa med pa'i bde ba thob par 'gyur ba'ang med/ de phyir lus kyi don gyi rgyur ni ste/ lus kyi don zhes pa ni byang chub kyi sems te/ de srung ba'i rgyur ni nyin zhag so so'i dus su rtsa'i sbyor ba sgom par bya/ /la la nA dang ra sa nA dag gi sbyor ba ni rtsa'i sbyor ba ste/ srog gi rlung dbu mar bsgom par bya ste/ bshang ba dang gci ba'i rtsa'i sbyor ba thur sel ni dung can mar mo/ /nyin dang mtshan mo'i dus su dus sbyor bcu gnyis su rtsa'i sbyor ba 'di bsgom par bya'o/ /'di sgoms pas lus 'grub ste/ lus 'grub par gyur na gzhan pa'i dngos grub 'jig rten pa mngag gzhug nyid du rab tu 'gyur ro zhes pa ste/ 'jig rten pa'i dngos grub sgrub pa'i nges pa'o/ /da ni stong pa zhes pa la sogs pas 'jig rten las 'das pa'i dngos grub bsgrub pa'i lam gsungs te/ 'dir stong pa la ni du ba sogs lam bla ma'i nges pa'i dbang gis shes pa 'chad par 'gyur ba'i rim pas/ gzugs brnyan mtshams su bsgom par bya/ /gzugs brnyan ni rnam pa thams cad pa'i gzugs brnyan de'i mthar thug par bsam mo/ /mtshams de nas rtsa'i 'khor lo rnams su srog dang thur sel rlung ni bstan pa dag kyang byed pa ste/ lte ba'i 'khor lo la rnal 'byor pas so/ /phyi nas zla ba nges par 'gog pa ni gza' bzhin zhes pa sgra gcan bzhin du phyed de byang chub sems ni rnal 'byor pa yis so/ /srog dang thur sel dang phan yang dag par sbyor ba ni rnal 'byor te de gang la yod pa ni rnal 'byor pa'o/ /byang chub sems ni 'pho ba'i skad cig go /'gog pa ni nye bar zhi ba ste/ rgyu mthun la sogs pa 'gyur ba med par byed do/ /de nas gang z hig cung zad 'dod pa dag ces pa ni rgyu mthun pa de la rnam par smin pa dang skyes bu byed pa dang dri ma med pa gang cung zad brjod par bya ba ma yin pa 'dod pa ni nyin zhag 'ga' yis skye ba 'di las thob par 'gyur nyin zhag 'ga' ni lo gsum dang phyogs gsum gyi dus kyi 'khor lo'i nyin zhag rnams te de dag gis so/ /stong pa la sogs pa'i rnam par thar pas sbyangs pa'i phung po 'di dag gi phyag rgya chen po'i dngos grub thob par 'gyur ro/ /phyag rgya chen po'i dngos grub sgrub pa'i lam gyi nges pa'o/ /da ni nyi ma zhes pa la sogs pas dus ma yin pa'i 'chi ba slu ba gsungs te/ 'dir gang gi tshe rnal 'byor pas dus ma yin pa'i 'chi ba'i mtshan nyid mthong ba de'i nyi ma zla ba 'gog pa ni g.yon pa dang g.yas pa'i rtsa 'gog pa'o/ /mnyam dang mi mnyam bgrod pa la ste zhes pa ni sdud pa dang skyed pa'i bgrod pa la'o/ /dbu ma me la zhes pa ni sgra gcan dus me dbu ma'i rtsa la rab tu zhugs par bya'o/ /srog dang thur sel gnyis po dag kyang nyin zhag dang po song na ste/ dbu ma me rab tu 'bab pa nyin zhag gcig song bar gyur na rnal 'byor pa rnams kyi dus min 'chi ba slu bar 'gyur ro/ /srog gi gang bar byas nas te/ dkyil 'khor lnga 'bab pa dbu ma'i sbyor ba'i srog gi lag pa dang bcas pa'i rkang pa'i sor me'i tshigs dang sem mo'i mthar gang bar byas nas gtsug tor la sogs pa'i 'khor lo drug la sangs rgyas lha mo 'jigs med lag pa'i pad+ma rnal 'byor pas bsgom par bya ste/ 'chad par 'gyur ba'i rim pas so/ /dus ma yin par 'chi ba slu ba'i nges pa'o/ /da ni thur sel zhes pa la sogs pas rlung nad la sogs pa zhi bar byed pa gsungs te/ 'dir lus la lte ba dang gsang ba na sngar brjod pa rlung gi skyon byed pa rtsa brgyad cu ste/ de dag khams mnyam pa nyid byed pa'i slad du thur sel skum na 'dod pa zhes pa bde byed par 'gyur te sngags pa rnams kyi rlung gi nad gzer ba la sogs pa ma lus dag la'o/ /de bzhin du dpral ba dang gtsug tor la bad kan gyi skyon byed pa'i rtsa nyi shu ste/ de dag khams mnyam pa nyid byed pa'i slad du srog sel? 'dod par 'gyur ro/ /bad kan la 'gyur zhes pa ni bad kan gyi nad skyed par gyur pa na rnal 'byor pas srog bgag par bya'o/ /slar yang de dag gtong ba mkhris pa dag gi skyon la'o zhes pa ni mkhris pa'i nyes pa skyes par gyur pa na/ srog dang thur sel de dag phyi rol du btang bar bya ste/ 'chad par 'gyur ba'i rim pas phyi rol gyi rlung shI ta zhes pas bzung nas lce chung la lce bkod cing stu ma la sogs pa'i bdud rtsi btung bar bya ste/ mkhris pa'i nad mdza' dag la'o/ /rtsa ni mgrin pa dang snying ga la mkhris sa'i skyon byed pa bzhi bcu ste/ de dag khams mnyam pa nyid byed pa'i slad du sbyor ba de bya'o/ /steng dang 'og ni yang dag 'gog pa bde ba byed par 'gyur te 'dus pa dag dang rims la yang/ zhes pa ni 'dir gsang ba la zhus? pa byed pa'i rtsa bcu ste/ de dag khams mnyam pa nyid byed pa'i slad du steng dang 'og srog dang thur sel dag 'gog pa 'dod de rims la yang 'dod do/ /rgyu de'i phyir zhe na/ gang zhig lte ba'i steng du srog gi rlung 'bab pa de las mdza' dag nad 'phrog ste/ lte ba'i rtsa bar thur sel 'bab pas lte ba'i 'og tu nad mdza' dag 'phrog ste/ gzhan dag kyang ngo zhes pa'o/ /rlung la sogs pa'i nad nye bar zhi ba'i nges pa'o/ /da ni bskum ste zhes pa la sogs pas lto ba'i nad nye bar zhi bar cho ga'i man ngag gsungs te/ 'dir gang gi tshe lto bar dmu chu la sogs par gyur na/ de'i tshe bskum ste thur sel rlung ni 'og tu rnam pa gsum gyi lam du bgrod pa dag ces pa bshang ba dang gci ba dang khu ba'i lam du bgrod pa dag srog nyid steng nas kyang bskum par bya ste zla ba dang nyi ma dang me'i lam du bgrod pa'o/ /ji srid de dang yang dag phrad de/ me ni zhes pa lto ba'i me stobs dang ldan zhing lus kun la ni khyab par rab 'gyur ba/ 'di ni dmu chu skran dang gzhang 'brum nad rnams dag kyang ste/ chu'i lto ba la sogs pa rnams zla ba'i spyod ba 'joms pa ste/ dbugs lung dang ni glo dang rnam pa gsum gyi dug rtan? pa dang g.yo ba dang bcos ma dang mig gi nad la sogs pa ste/ mgo bo'i nad kyang 'joms so/ /lto ba'i nad nye bar zhi ba'i nges pa'o/ /da ni mchan khung zhes pa la sogs pas 'chi ltas slu ba'i slad du rtsa ba'i 'ching ba'i bcing ba gsungs te/ 'dir gang gi tshe rnal 'byor pas dbu mar nyin mtshan du srog gnas par ma nus na de'i tshe brjod pa'i bcing ba 'di yis g.yon pa'i 'chi ltas la/ g.yas par srog rgyu bar byed cing g.yas pa'i 'chi ltas la g.yon par rgyu bar byed de zla ba phyed dang zla ba gcig gi bar du'o/ /mchan khung g.yas dang g.yas min las ni nu ma dag kyang stobs ldan mnan te/ srog ni bkag pa las/ nu ma g.yas pa mnan pas g.yon pa'i rtsar 'bab cing/ mchan khung g.yon dus mnan pas g.yas pa'i rtsar 'bab bo/ /de ltar zla ba phyed kyi kyang ni 'chi ster 'chi ltas 'phrog ste/ rnal 'byor ldan pa'i rnal 'byor pa yis so/ /zhes pa la rnal 'byor ni dgang ba dang dbyung ba dang dag gcig pa bum ba can te/ de dang ldan pa ni rnal 'byor ldan pa'o/ /'phrog pa ni sel bar byed do/ /zhes pa ste dus ma yin pa'i 'chi ba slu ba'i nges pa'o/ /da ni rgyab kyi zug rngu 'joms par byed pa gsungs pa rdo rje skyil krung du gnas rkang pa zhes pa ste rdo rje skyil krung ni brla g.yas pa'i steng du rkang pa g.yon pa dang/ brla g.yon pa'i steng du rkang pa g.yas pa ste/ rkang pa de dag rgyab tu gnas pa'i dpung pa rdo rje bcings pa'i lag pa g.yon gyis rkang pa g.yon pa bzung zhing g.yas kyi rkang pa g.yas pa'i/ rkang pa de dag bzung ba lag pa'i pad+ma dag ni rgyab kyi zug rngu 'joms par byed do/ /steng du rkang pa dang 'og tu mgo bo lus la bad kan nad rnams mdza' dag 'phrog par byed do/ zhes pa'o srog 'gog pa las nyin zhag 'ga' zhig gis ni rab 'khru gci ba'i nad dag nges par 'joms par byed tho rangs ming med dag gis chu dang bral ba'i khar ni ste ma bkrus par so'i phreng ba dag la rab tu sngar ba ni mig rnams dag gi mig sman du 'gyur te/ mig gi nad 'phrog par 'gyur ro/ /tho rangs chu yis gtor ba dag kyang mig ni nad 'phrog par 'gyur ro/ /gan rkyal nyal nas lte ba lag pa g.yon pas gzung ba gang yin pa de ni lte lag pa'i pad+mas bzung ba dag ni ma zhu ba'i zug rngu 'joms pa ste/ srog rtsol dang bcas pas so/ /'bras rnams byung ba la ni ste/ 'bras dang skrang 'bur la sogs pa byung ba'i dus su mar dang bcas pa'i tshwa dang gos kyis bcings pa yi bdugs na 'phel ba 'joms par byed pa nyid do/ /de nas arka'i 'o ma byugs pas kyang ngo ste/ 'bras la sogs pa byung ba la'o/ /zhes pa ste nges pa'o/ /'ga' zhig tshe na so srin zug rngu bcas gyur na/ /de'i tshe stag ldan gyi ni sa bon du ba spubs la sogs pa dag gi bzung na srin bu la sogs 'joms te/ stag ldan zhes pa kaN+Da kA ri'o/ /nad spyi nye bar zhi ba'i nges pa'o/ /da ni lo zhes pa la sogs pas mdze nad nye bar zhi ba'i slad du cho ga gsungs so/ /'di ni rnal 'byor chen po ste/ sngon du du ba la sogs pa'i mtshan ma dang srog rtsol gyi mi 'gyur ba'i bde ba'i skad cig bsgrubs pa'o/ /phyag rgya dang rab tu 'dus pa la byang chub kyi sems lhung du bcug nas phyag rgya dang sbyor bas lhung ba'i byang chub kyi sems bde ba dang bcas pa de nyid srog dang thur sel dag gi 'gog pa las/ lo phyed kyi ni sngags pa rnams kyi mchog gi lus la dkar ba'i mdze 'phrog de las gzhan lta ci/ gal te mdze ma sol na de'i tshe phyag rgya lo bcu drug ma bsten par bya ste/ rnal 'byor pas nyin zhag so so sha'i bza' ba dang/ chang gi btung ba dang/ zla ba drug gi nang du de'i skye gnas su srubs pa la byang chub kyi sems ltung ba rnam par bzung bar gyur na mdze'i nad 'phrog ste/ bum pa can gyis sbyor bas so/ /de bzhin gshegs pa'i gsung 'di la the tshom med do/ /mdze 'phrog 'bab zhig ma yin te/ gzhan yang bdun cu'i lo'i rga ba skra dkar bcas pa dag kyang phyag rgya dang 'dus pa dag la byang chub kyi sems lhung ba lo gnyis rab tu rdzogs nas nges par 'phrog go / sbyor ba 'di nyid kyi rnal 'byor pa rnams kyi nyin zhag 'ga' yis te dus kyi 'khor lo'i lo gsum dang phyogs gsum gyi nyin zhag rnams kyi lam dang sems ni rab tu 'grogs pa dag las de steng zhes pa dga' ba rnam par nyams pa'i steng du phyag rgya'i dngos grub tu 'gyur ro/ /mdze nye bar zhi ba'i nges pa'o/ /da ni srog stsol gyi nges pa gsungs te/ 'dir sngags pas lus la srog rtsol bum pa can bya ste/ snying ga de bzhin mgo bo dag ni ji srid me yis gdung par 'gyur ba ste/ snying ga sregs shing mgo bo yang gdung bar 'gyur ba de'i srid du'o/ /de las steng du mi bya'o/ zhes pa nges pa'o/ /gal te de las steng dag tu ni byed na bzang po'i/ pad+mar rgyal bar 'gyur te zhes pa lte ba'i pad+mar srog rgyal bar 'gyur ro/ /ma bsdams par ram stobs dag gis gtsug tor phug cing phung po dag dang khams rnams rnam par spangs nas 'chi ba nyid du 'gro bar 'gyur ba gang yin pa de'i phyir phyag rgya 'grogs pa rab nyams skyes bu rnams kyi skye ba 'di nyid la ni srog rtsol bde 'bras ster ba med do/ /srog stsol gyi nges pa'o/ /da ni phyag rgya zhes pa la sogs pas rnal 'byor pa rnams kyi phyag rgya dang myang ba dang kha zas dang rgyu ba'i nges pa gsungs te/ 'dir bcom ldan 'das kyis phyag rgya gsungs pa ni bsgom pa'i don du rnal 'byor gyi phyag rgya gsungs pa ste/ chags pa zad pa'i don te rgyur nyin mtshan du bud med dang rol bar gsungs pa ni ma yin no/ /de bzhin du chang gi btung ba ni cung zad kha tshim par byed pa ste/ bum pa la sogs pa bzhin du ma yin te/ myos byed ni rnal 'byor gyi dbang po rnams la thar pa ster bar byed par mi 'gyur ro/ /de bzhin du kha zas byed pa ni 'dir kha zas thams cad bde ba'i don to/ gang cung zad kha zas thams cad shin tu chung ba bde bar 'gyur te de'i phyir nyin zhag so so'i dus su ma zhu'i rgyur mi bya'o/ zhes pa ni kha zas kyi nges pa'o/ /dag? ldan spyod pa ste rnal 'byor spyod pa dngos grub sgyur zhes pa dngos grub kyi rgyur te de'i phyir mtshan mo dur khrod gnas dang nye ba'i gnas la sogs par 'khyam par dag rtsed mo'i don du ni ma yin no/ /zhes pa'i don te/ rnal 'byor gyi spyod pa'i nges pa'o/ /da ni kun sangs? kyi rnal 'byor pa'i sman gsungs te/ 'dir gang gi che rnal 'byor ba'i kha na bar gyur na de'i tshe mi skyed pa cung zad dro bar byas te/ khar bzung na kha'i nad zhi bar byed par 'gyur ro/ /so'i zug rngu nyid kyi yang zhes pa ste yang yig las so srin gyi yang ngo/ /gang gi tshe mgo bo na bar gyur na de'i tshe tho rangs mi skyong ba rngub pa byas na rnal 'byor pa rnams kyi mgo yi nad 'phrog ste/ de bzhin nyid du chu ni rdubs pas so/ /gang gi tshe rna ba na bar gyur pa de'i tshe gcin dro bar byas pa rna bar rab tu blugs pa dang mig gi nad la grang mor byas pa mig tu rab tu blugs pa grangs bzhin du gnyi ga'i nad 'phrog ste/ gcin ni dro dang grang mo zhes so/ /'byung pos gzir la shes pa 'byung po yi dags la sogs pas gzung ba la tsha ba gsum dang bcas pa mi skyong ba rngub na bde ba ster te/ zos pa nyid la yang zhes pa sbrul gyis zos pa yang bde ba ster bar 'gyur ro/ /kha'i nad la sogs pa nye bar zhi bar nges pa'o/ /da ni bshang ba zhes pa la sogs pas tshe 'phel ba'i don du bdud rtsi lnga'i sbyor ba gsungs te/ 'dir ji ltar phyi rol de bzhin lus zhes gsungs pa'i phyir/ phyi rol gyi rdzas lnga dang nang gi rdzas lnga gcig tu byas pa ni bdud rtsi lnga'i sbyor ba ste/ bdud rtsi lnga po de zos pas rnal 'byor pa rnams la tshe ster bar 'gyur ro/ /phyi rol tu bshang ba'i sgras rnam par snang mdzad stobs ldan stobs kyi zhag ste mu zer brjod do/ nang du ni bshang ba nyid de 'di dag cha mnyam pa'o/ /gcin ni phyi rol tu khyab 'jug gi mi bdag ste b+h+rir ga rA dzA'i khu ba'o/ /nang du ni gcin nyid do/ /khrag ni phyi rol tu lhang tsher ro/ /nang du ni bud med kyi me tog ste cha mnyam pa'o/ /khu ba ni phyi rol du dngul chu'o/ /nang du ni khu ba nyid de 'di dag cha mnyam pa'o/ /ma'i sha ni phyi rol tu 'bras bu gsum mo/ /nang du ni rkang ste/ 'di dag kyang cha mnyam pa'o/ /de ltar bshad pa cha gcig dang/ sha rkang pas dman pa'i cha dang/ khrag cha phyed dang bu ba rkang pa gcig ste/ 'di rnams gcig tu byas nas gcin gyis lan bdun gyi bar du bsgo bar bya ste/ yang dang yang du nyi ma la skams nas so/ /de nas nyin zhag so sor zho gnyis tsam gyi mar dang sbrang rtsi dang bcas pa zos na zla ba drug gi mtshams su tshe ster bar 'gyur te/ lo ma dang skyur ba dang til mar dang lan tshwa dang bud med dang sbyor ba spangs pa las so/ /zhes pa ni bdud rtsi lnga'i nges pa'o/ /da ni bsam gtan bcas par zhes pa la sogs pas me tog rngub pa gsungs te/ 'dir bsam gtan ni dbu mar srog rab tu gzhug pa ste/ bsam gtan dang bcas pa ni bsam gtan bcas pa'o/ /me tog ni bud med kyi rdul lo/ /phyi rol du ni skra'i rgyal po b+h+rid ga rA dza ste/ de'i khu ba bud med kyi me tog dang mnyam pa'o/ /bsam gtan bcas par me tog rdubs na bsam gtan bcas pa rnams kyi skra dkar dang bcas rga ba dang ni lus skyes rnams kyang zla ba drug gi mtshams su 'phrog ste/ rngub pa'i nges pa'o/ /da ni sgron ma lnga gsungs te/ ba lang dang khyi dang so ldan dang rta dang mi rnams kyi sha sbrang bu'i skyugs pa ngag dang bsres pa ste sbrang rtsi dang bsres pa'o/ /sgron ma lngas zos pas mdza' dag nad ni 'phrog par 'gyur ro/ /sbrang bu skyugs pa gzhan ni sbrang chang ste/ de dang bcas pa mdza' dag nad ni 'phrog par 'gyur ro/ /zhes pa nges pa'o/ /bud med me tog khu ba dag dang bsres pa ni sngar brjod pa'i phyi dang nang gi bdag nyid de lo gcig zos na rga ba nges par sel bar byed do/ /zhes pa ni sngar brjod pa'i nges pa'o/ / da ni rlung la sogs pa nye bar zhi ba gsungs te/ rlung 'joms lan tshwa skyur ba dag tu rab tu 'gyur te mngar dang bska ba'i rdzas dag ni mkhris pa'i dgra'o/ /bad kan 'joms pa kun dang tshwa ba gsum dang bcas pa ste/ sman rnams sam ni khu ba 'am zhes pa zos pa dang 'thungs pas so/ /bad kan 'joms pa ra'i 'o ma tsha ba gsum bcas dag ste/ ma he'i 'o ma sha dkar dang bcas pa mkhris pa'i dgra'o/ /rlung 'joms dag kyang rnga mo'i 'o ma rgyam tshwa dang bcas pa ste/ rnam gsum nad 'phrog pa'i 'o ma grangs bzhin rgyam tshwa la sogs pa dang ldan pa ni rlung dang mkhris pa dang bad kan 'joms pa'o/ /de bzhin mar zhes pa ba'i mar ni rims dang bral ba rnams kyi rnam pa gsum gyi nad zhi bar byed do/ zhes pa nges pa'o/ da ni kha la sogs pa'i nad nye bar zhi pa'i don to bskol ba'i til mar la sogs pa gsungs pa/ dzA ti zhes pa la sogs pa ste/ 'dir thams cad du chu ni rdzas kyi brgyad 'gyur ro/ /dzA ti'i 'dab ma'i brgyad 'gyur gyi chu rkang pa'i lhag mar dzA ti bskol ba'i chu cung zad dro bas kha nad zhi bar byed par 'gyur te/ so yi zug rngu nyid kyang ngo/ /til mar ni til gyi mar ro/ /dngos po'i chu ni ra'i gcin te/ de dang mnyam pa bskol ba'i til mar lhag mal tsha ba gsum dang lam tshwa rkang pa dang bcas pa'i cha shas chos? pa'i mjug tu rab tu sbyin te/ de rna bar rab tu blugs pas rna ba yi ni nad dag 'joms so/ /de bzhin du mar ni ba lang gi mar te/ 'o ma brgyad 'gyur dang bskol ba'i mjug tu klu nag ge sar dang dmar po gur gum ste/ de dag rkang pa'i shas sbyin no/ /mar 'di rdubs pas sna'i nad dag 'joms pa nyid do/ /karko TI ste banda kar ko TI dang lam ga li dang/ ain dri ni ain+d+ra bA ru NI ste/ tig tA dang/ bong bu'i chur bcas te bung bu'i chu dang bcas pa byugs pas 'bras kyi phreng ba 'phrog go/ zhes pa ste nges pa'o/ /mdor bsdus pa ste/ rgyas par gso ba'i bstan bcos las shes par bya'o/ /da ni lag pa zhes pa la sogs pas rdo rje'i tsher ma nye bar zhi bar byed pa gsungs te/ 'dir gang gi tshe sdig pa'i nad kyi nye bar 'tshe ba byung na de'i tshe dang por tsha ba skye bar 'gyur zhing lag pa dang rkang pa'i tshigs rnams gdung bar 'gyur te/ mgo bo yang gdung bar 'gyur ro/ /mtshan nyid 'di shes nas ting nge 'dzin la dmigs par bya'o/ /de la 'di ni cho ga ste/ bug pa med pa'i khyim du tsha ba skyes pa rab tu zhugs nas lag pa gnyis po dag ni brla'i mthar thug par rab tu 'byang par bya zhing/ rkang pa'i pad+ma mnyam pa dag byas te/ srog gi rlung ni 'gog pa bum pa can bya'o/ /ji srid lus ni sa la rab tu lhung bar ma gyur pa de srid du ste tsha ba'i nad kyi sa la rab tu ltung bar 'gyur ro/ /de nam ma lhung ba'i bar du yang dang yang du srog srol bya'o/ /zhes pa ni nges pa'o/ /ji srid tsha ba dag ni grol bar yang ma gyur pa de srid du bya ste/ tsha ba grol bar gyur na mi bya'o/ /zhes pa'i nges pa'o/ /yang dang yang du ting nge 'dzin la gnas pas 'chi ba'i 'jig pa byed pa'i tsher ma can ni nges par 'joms te/ snying ga'i pad+mar zla ba'i gzugs can dri med ri bong can mtshungs sna tshogs yum ni bsgom pas so/ /zhes pa ni srog stsol gyi zla ba'i dkyil 'khor la rdo rje pad+ma'i gdan la bzhugs pa zhal gcig pa phyag gnyis pa ste pad+ma dang mchog sbyin gyi phyag go zhes pa ni sdig pa'i nad nye bar zhi ba'i nges pa'o/ /da ni sdig pa'i nad nye bar zhi ba'i don du sman gsungs te/ 'dir gang gi tshe sdig pa'i nad kyi mtshan ma tsha ba skyes pa dang lag pa dang rkang pa'i tshig rnams gdung bar gyur na/ de'i che sran chung btags nas chu grangs mo yis tsha bas rnam par bsnun pa'i mi rnams la byin na tsher ma 'joms par byed do/ /de bzhin du tsha ba'i mthar ni zhes pa nyin zhag gsum pa la tsher ma 'thon pa'i dus su sdig pa'i nad kyi shi ba'i thod pa ste/ ma rnyed na ji ltar rnyed pa mdar nas mi skyong ba sres pa'i skyed pa'i thod pa skyes pa dang/ bud med kyi thod pa bud med kyi 'thungs shing ma rnyed na ji ltar rnyed pa 'thungs pas 'jig par byed pa 'am/ tsher ma can 'phrog ste/ tsha ba'i mthar thod pa ji ltar rnyed pas so/ /zhes pa ni nges pa'o/ /'di sran chung la sogs pa la mngon par sngags pa'i slad du sngags su 'gyur ro/ /de yang dang por aoM yig ste/ sngags kyang chu me rlung rnams dag gi sngon du aoM yig ces pas thog mar aoM yig go chu zhes pa ni pa sde'i yi ge'i gnyis pa chu'i khams te pha'o/ /me zhes pa 'og tu ra'o/ /steng du e yig ste/ chu me rlung 'di dag rnams gcig pa nyid na phrem ste/ rjes su nga ro nam mkha' thams cad la khyab pa nyid kyi phyir ro/ /badzra snga ma kaN+Da ka rnams kyi ming ngo/ /de nyid kyi ni bsrung bar bya ste/ sran chung la sogs pa la lan bdun mngon par bsngags pa ji lta ba de bzhin nyid kyi bsrung ba ste/ mgo mgrin snying ga lte ba gsang ba dang sogs pa'i sgras gtsug tor te/ gnas drag po 'od rnams su thun gsum du bsrung bar bya'o/ /zhes pa'i nges pa'o/ /'dir s ngags ni aoM phreM bi shwa mA talas bdag dang gzhan srung ba la dran par bya'o/ /zhes pa ni bcom ldan 'das kyi nges pa'o/ /sngags 'dis lan bdun mngon par sngags pa'i sran chung chu grang mos btags pa btung bar sbyin zhing/ tsha bas shi ba'i thong pa mi bskyod pas btags pa sbyin no/ /'byung pos zin pa la tsha ba gsum dang bcas pa mi bskyod pas btags nas sbyin te/ sdig pa'i nad nye bar zhi ba'i nges pa'o/ /da ni mnyam pa zhes pa la sogs pas nyi ma'i gdung ba zhi ba'i nges pa mdzad de/ 'dir gang gi tshe so ka lam du nyi ma'i 'od zer gyi bsregs par gyur pa de'i tshe mnyam pa d+ha dri zhes pa skyu ru ra'i 'bras bu'i phye ma dang d+hA n+ya zhes pa ku stuM bu ru ste de dang mnyam ba'o/ /gzhan yang de bzhin te n+ti rA'i 'dab ma'i phye ma zhes pa band+hu li'i 'dab ma'i phye ma mnyam pa'o/ /de ltar thams cad cha mnyam pa'o/ /de ltar thams cad cha mnyam par byas nas nyi zla reg pa zhes pa nyi ma zla ba'i 'od zer gyis reg pa'i chu ni nges par dri ma dang dral ba zhes pa nya lcibs la sogs pa'i dri ma dang bral ba la rkang pa'i lhag mar bskol bar bya zhes pa ni rdzas kyi brgyad 'gyur gyi chu blugs nas ji srid khu ba rkang pa gcig tu gyur pa de srid du rdzas gsum po bskol bar bya'o/ /bskol ba'i yul 'di la srang gi tshad ma yin te/ thams cad du bre yi tshad do/ /zhes pa ni nges pa'o/ /de ni khu ba rkang pa'i cha shas tsam dkar dang bsres pa gzhan pa'i nyin zhag nas btung ste/ de ltar rim pa 'dis zhag gsum du tho rangs kyi dus su'o/ /sos ka nyi ma'i 'od zer dag gi bsregs pa 'chi ster 'phrog ster 'phrog ste/ khams bdun song ba dag kyang ngo/ /zhes pa spu dang pags pa la sogs pa song ba ste/ kyang yig gi gzhan yang ngo zhes pa ste/ nges pa'o/ /da ni gser la nyi ma zhes pa la sogs pa bcud len gzhan gsungs te/ 'dir lus la phyi rol gyi bcud len don du gnyer ba gang su zhig gis grub pa'i bcud len bcud len 'bring po 'di bya'o/ /'di'i cho ga gsungs pa 'di/ gser la ste rnam par dag pa'i gser la nyi ma zhes pa ? khab len lcags dang phaT las skyes zhes pa lhang cher gyi lcags dang lcags zhes pa rnon po ste/ so sor mnyam pa'i cha bzung ba 'di dag rnams kyi cha dang gser mnyam pa'o/ /mA k+Sha'i ka'i phye ma rab tu btab pa kha phye ba'i kong bur rlung drag pos bud par bya ste/ ji srid du gser gnas pa'o/ /de nyid ni sa bon te/ sa bon de phyed kyi shes pa/ gser srang gnyis kyi dngul chu srang bzhi'o/ /dri dag dang bral ba zhes pa ni lan bdun gyi bar du sbyang ba byas pa ste/ dgongs pas srang ni drug tu bya'o/ /de nas pa'i dar ba mar dang bral ba drag po'i rtse mo can gyi shes pa mi bzad pa'i me yis bsad nas /bsad pa de ras kyis brtsags te/ snyigs ma dor nas shin du dangs pa'i dangs ma bzung bar bya'o/ /dangs ma de nyid khab len gyi snod du gser gyi gong bu dang lhan cig bskol bar bya ste/ ji srid byed kyi tshad du gyur ba'o/ /de nas rab tu blangs te /dag pa'i ka ra srang brgyad ces pa la/ de ni rgyal po la sogs pa ma yin pa rnams kyis zas yongs su 'ju ba'i dbang gis dgu la sogs pa dang bdun la sogs pa yang ngo/ /'pho ba ris kyi phye ma ka re'i drug cu rtsa bzhi'i cha yang de la bsre bar bya'o/ /de nyid thams cad dus su bza' bar bya ste/ kha zas rnams spangs bgrod pa ji srid nyid du'o/ /zla ba drug gi lha yis lus te skra dkar gnyer ma dang 'bral 'di yis 'chi med nyid du 'gyur/ /'dir btung ba la tAM bu la bza' ba sgrub ste stwaM bu la'i snyigs ma dor nas so/ /de ni thams cad dus su bza' bar bya zhes pa ni dpas ma de nyid cho ga des bza' bar bya ste/ gser gyi gong bus rnam par dman pa longs spyod par bya'o/ /'on kyang ji srid gong bu yod pa de srid de dang lhan cig tu ste/ phyi nas de dang bral ba dus thams cad du'o/ /zhes pa ni bcud len gyi nges pa'o/ /da ni sngar brjod ces pa la sogs pas zan la sogs pa la nye bar longs spyod pa'i don du gser phyed ldan gsungs te/ sngar brjod sa bon rgyal po mnyam pa dag ste gzhan yang dngul chu la ni blugs pa phyed tsam mo/ /lan tshwa sgyur po dag gi mnyes nas rnam pa mang po'i sman gyis tri srid gcig nyid du 'gyur ba zhes pa'o/ /de nas mkhris pa skyur los mu zi la sogs dang dar da dang shi la dag kyang zhes pa ni 'dir dngul chu gnas pa'i don du rdzas rnam pa gsum ni dngul chu dang mtshungs pa ste/ dngul chu dang lhan cig mkhris pa dang skyur gyis mnyes par bya ste/ ba lang gi mkhris pa 'am/ nya'i mkhris pa'o/ /'bras bu skyur mo ji ltar rnyed pa ba'i dza pU ra la sogs pa'o/ /mu zi dang/ da ra dang/ shI lA dang/ tA lA ka dang/ sha sha ka dang/ kA k+Sha'i dang/ kA shI sa dang/ tud thA ka dang/ he ma gi ri ka ste/ mu zi la sogs pa 'di dag ni nye ba'i dngul chu gnyis te/ dngul chu chen po gcig dang/ gsum ni dngul chur mtshungs pa'o/ /de yi dngul gyi 'dab ma byug pa nyin zhag gsum thabs kyi 'og tu gzhag pa ni gser nyid du 'gyur te thabs kyi me yis smin pa dag go / phyed dang ldan pa de gser gyis so/ zhes pa ste/ gser phyed can gyi nges pa'o/ /da ni rnon po zhes pa la sogs pas me tog bya ba gsungs so/ /'dir me tog gi sgra yis dram gzugs can gyi rdzas brjod de/ rnon po dngul gyi bkang zhing brdungs pa'o/ /'di ni de'i 'dab ma dag pa ste/ rnon po dang/ nam mkha' las skyes zhes pa lhang tsher de nyid dang/ a la zhes pa tA la ka dang/ lan tshwa zhes pa rgyam tshwa dang/ ya rak+ShA ra dang sa rdza ra sa ste/ rnon po la sogs pa rim pa yis 'phel ba zhes pa ni cha gcig dang gnyis dang gsum dang bzhi dang lnga dang drug gi bar du'o/ /de dag thams cad gcig tu byas pa nyi ma ste zangs nyis 'gyur dag la ro mnyam byed pas/ dang po kong bu kha bsngams par bsreg ste/ de nas kong bu kha phye bar nyi ma'i lhag mar gyur gyi bar du bsreg par bya'o/ /slar yang lan tshwa ste TaM ga na'i lan tshwas dag par 'gyur ro/ /de bzhin pa las byung ba la sogs kyis bram 'jam par 'gyur zhes pa las/ ba las byung ba ni ba'i dar ba'o/ /sogs pas ni arga'i rtsa ba dang/ badzra ka na ka'i rtsa ba dang/ e raN+Da'i rtsa ba dang/ k+Sha'i ra kany+tsu ka'i rtsa ba rnams btags nas zhag bdun gyi bar du mnan par bya'o/ /de nas ji srid gnyen bar gyur gyi bar du dar ba de las bkru bar bya'o/ /de nyid dngul la sum cha byin zhing bkang ba 'am/ bsnun pa dag kyang dag pa'i me tog nyid du 'gyur te/ me tog gi 'dab ma'i nges pa'o/ /da ni sangs rgyas dang byang chub sems dpa' rnams mchod pa'i don du dri dang spos la sogs pa'i le tshe sbyar ba gsungs pa/ e la zhes pa la sogs pa ste/ 'dir dri'i bstan bcos las gsungs pa'i cho gas sbyangs pa'i rdzas rnams re mig nyi shu rtsa lnga'i bdag nyid can gyi le tshe sbyar ba la dgod par bya ste/ re mig dang po la e la'o/ /gnyis pa la ga bur ro/ /gsum pa la phreng ba zhes pa pri ka'i me tog go /bzhi pa la g.yo ba zhes pa sihla ki phye ma'o/ /lnga pa la g+ha na zhes pa bla sgang ngo/ /drug pa la 'bras bu can te/ pri yang ku'i me tog go bdun pa la bya rog ste/ a ka ru nag po'o/ brgyad pa la ri skyes te shai lai ya'o/ /dgu pa la kak+ko la'o/ /bcu pa la sid ha mu tra'o/ /bcu gcig pa autpal te ru rta'o/ /bcu gnyis pa la 'bras bu ste dzA thI pha la'o/ /bcu gsum pa la ri dags skyes te gla rtsi'o/ /bcu bzhi pa la dmar ba ste/ gur gum mo/ /bco lnga pa la dai dya ste mu rA'o/ /bcu drug pa la pU ti ste/ pu tra ke sha'o/ /bcu bdun pa la klu ste nA ga ge sar gyi me tog go /bco brgyad pa la bsil ba ste tsan dan no/ /bcu dgu pa la ra na ste au shI ra ka'o/ /nyi shu pa la 'dab ma ste/ ta ma la'i 'dab ma'o nyi shu rtsa gcig pa la la ste maM sa /nyi shu rtsa gnyis pa chu ste/ bA la ka'o/ /nyi shu rtsa gsum pa la 'khris shing gla rtsi'o/ /nyi shu rtsa bzhi pa la nam mkha' ste b+he ruN+Da baSh+Ti'o/ /nyi shu rtsa lnga pa la 'khyog po ste ba Ni DA ta ka'i me tog go /de ltar 'di dag ni rdzas rnams te/ ji ltar 'dod pa bzhin le tshe sbyar ba las phyung ba'i rdzas lnga pa 'di dag gis bzang po'i dri mdzod cig ces pa ni nges pa'o/ /ri dags ri bong can sogs zhes pa ni gla rtsi dang ga bur dang bcas pa'i gdug pa dag gis smin par bya'o/ /me tog dri bzang po rnams kyis bsgo bar bya'o/ /chad la sogs pas so/ /zhes pa ni ga bur dang gla rtsi dang dzA tI pha la dang bcas pa 'chang bar 'gyur ba'i chang thams cad kyis dbug par bya'o/ /zhes pa ni rdzas dgod pa'i nges pa'o/ /da ni le tshe sbyar ba la bkod pa'i rdzas rnams kyi cha gsungs pa/ mig ces pa la sogs pa ste/ 'dir re mig dang po la bkod pa'i rdzas ni mig ces pa cha gnyis so/ /gnyis pa la zla zhes pa cha gcig go /gsum pa la me zhes pa gsum mo/ /bzhi pa la rgya mtsho zhes pa bzhi'o/ /lnga pa la mda' zhes pa lnga'o/ /drug pa la yon tan zhes pa gsum mo/ / bdun pa la chu gter zhes pa bzhi'o/ /brgyad pa la mda' zhes pa lnga'o/ /dgu pa la lag pa zhes pa gnyis so/ /bcu pa la zla ba zhes pa gcig go /bcu gcig pa la mda' zhes pa lnga'o/ /bcu gnyis pa la mig ces pa gnyis so/ bcu gsum pa la zla zhes pa gcig go / bcu bzhi pa la me zhes gsum mo/ /bco lnga pa la chu gter zhes pa bzhi'o/ /bcu drug pa la zla ba zhes pa gcig go /bcu bdun pa la dus zhes pa gsum mo/ /bco brgyad pa la dus zhes pa bzhi'o/ /bcu dgu pa la mda' zhes pa lnga'o/ /nyi shu pa la mig ces pa gnyis so/ /nyi shu rtsa gcig pa la chu gter zhes pa bzhi'o/ /nyi shu rtsa gnyis pa la mda' zhes pa lnga'o/ /nyi shu rtsa gsum pa la mig ces pa gnyis so/ / nyi shu rtsa bzhi pa la zla ba zhes pa gcig go / nyi shu rtsa lnga pa la 'jig rten zhes pa gsum mo/ /de ltar brjod pa'i rim pas e la la sogs pa cha shas grangs rnams rim pas yongs su bkod pa re mig lnga lnga dag la ste/ rdzas lnga ni le tshe sbyar ba'i gong khyer la gnas te/ grong khyer zhes pa ni re mig go /dag pa'i rdzas kyi cha shas nyin zhag ces bya zhes pa bco lnga'i cha shas te/ gcig dang gnyis dang gsum dang bzhi dang lnga gcig tu gyur pa/ de dag gi drir 'gyur ro zhes pa ni dri'i le tshe sbyar ba las rdzas kyi cha shas nges pa'o/ /da ni spos kyi le tshe sbyar ba gsungs dzA tI zhes pa la sogs pa ste 'dir sngar bkod pa'i le tshe sbyar ba'i rdzas rnams kyi nang na dzA tI la sogs pa'i rdzas lnga phyung ste/ de rnams kyi gnas su rim pa bzhin gzhan lnga sbyin par bya'o/ /de la dzA tI zhes pa dzA tI pha la ste sogs pa las gnyis pa ni e la'o/ /gsum pa ni 'khri shing gla rtsi'o/ /bzhi pa ni 'dab ma ste ta ma la'i 'dab ma'o/ /lnga pa ni ka la sha ste/ kak+ko la'o/ / 'di rnams kyi grong du ste re mig tu rim pas dgod par bya ba ni/ dzA tI pha la'i re mig tu rgya skyes so/ /e la'i re mig tu rgya skyes so/ /e la'i re mig tu sa rdzar sa'o/ /'khri shing gi re mig tu 'o ma zhes pa shI bA sa'o/ /'dab ma'i re mig tu pu ra zhes pa gu gul lo/ /kak+ko la'i re mig tu si ta zhes pa tu ru ka'o/ /de ltar bdug pa'i bya ba rnams la 'dug pa ni rdzas lnga bo sngar brjod pa'i cha shas dag gi bya'o/ zhes pa ste nges pa'o/ /ga bur ka ra dang bcas pa ste/ gang du ka ra yin pa der ka ra dang lhan cig sbrang rtsi sbyin par bya'o/ /sen mo dag ni me'i cha shas kyis lhan cig pa ste de ltar cha bco brgyad kyi yan lag drug gi spos su 'gyur ro/ /kA pU ra dang ka ra dang sbrang tsi dang gla rtsi dang bcas pa ni yan lag bcu pa la ste/ bdug spos kyi le tshe sbyar ba la rdzas kyi nges pa'o/ /da ni spos kyi reng bu gsungs pa/ de dag ces pa la sogs pa ste/ 'dir bdug pa'i le tshe sbyar ba las gsungs pa'i spos kyi sbyor ba sbrang rtsi dang bral ba dri'i chu kar cung zad bsres pa dang sbyar ba des spos kyi reng bu nA rA tsa'i rnam pa bya ste/ gos la sogs pa bdug pa dang dam pa'i chos dang sku gzugs la sogs pa'i don du'o/ zhes pa ste nges pa'o/ /da ni khrus kyi le tshe sbyor ba gsungs pa lte ba dang po zhes pa la sogs pa ste/ 'dir sngar brjod pa'i dri yi le tshe sbyar ba la bkod pa'i rdzas rnams kyi nang nas lte ba la sogs pa'i rdzas lnga phyung ste/ de dag gi re mig rnams la grangs bzhin du khrus kyi le tshe sbyar ba la gzhan dag sbyin par bya'o/ /de la lte ba'i re mig la gran thi paN+Na dgod par bya'o/ /sid ha mu dra'i re mig la stag gi sen mo'o/ /ri bong can gyi grong du ha re Nu'o/ /mkha' i grong du ha ta zhes pa ka tso ri ka'o/ /gzhan yang de bzhin te ji ltar spos kyi bya ba la dung zhes pa sen mo de cha gsum mo/ /de ltar shun pa dag gi cha gsum sbyin par bya'o/ /khrus kyi sbyor ba la khrus kyi rdzas rnams kyis nang nas de ltar bco brgyad la rdzas drug gi khrus su 'gyur ro/ /khrus kyi le tshe sbyar ba la rdzas kyi nges pa'o/ /da ni dril phyis kyi le tshe sbyar ba gsungs te/ 'dir khrus kyi le tshe sbyar ba la gsungs pa'i rdzas rnams kyi nang nas shun pa bzhin du rdzas lnga po rnams cha gsum byin par bya ste/ d+hA n+ya zhes pa ku stuM bu ru dang mU d+hI zhes pa ma ru ba ka dang/ brgya yis mtshan dang zhes pa me tog brgya pa dang/ dam zhes pa dam ka dang/ ma du ri ste lnga po 'di rnams cha gsum mo/ /de ltar cha bco brgyad kyis dril phyis su 'gyur te/ dril phyis kyi rdzas kyi nges pa'o/ /da ni smin pa'i til mar gyi don du til mar gyi re mig sbyar ba gsungs pa/ sngar zhes pa la sogs pa ste/ 'dir sngar brjod pa dri'i le tshe sbyar ba'i rdzas kyi tshogs ma zlog pa chu skyes zhes pa sen mo ste chu skyes bzhin du lus dang zhes pa shun pa dang gran thi par+Na dag kyang ste de dag cha gsum byin nas dri'i le tshe sbyor ba'i rdzas lnga dang bcas pa rdzas bdun gyi cha bco brgyad kyis 'chad par 'gyur ba'i rim pas til mar smin par bya ste/ dri sna tshogs kyi til mar du 'gyur ro/ /til mar gyi le tshe sbyar ba'i rdzas nges pa'o/ /de bzhin du phye ma la sogs pa ste/ phye ma dag gi yul la gran thi de bzhin zhes pa ni sen mo bzhin du rdzas lnga po rnams la gran thi par+Na sbyin par bya'o/ /lus dang ha ta btung ba bsgo ba la sbyin par bya bar 'gyur te/ kha bsgo ba la yang ngo/ /shun pa po la gran thi dung zhes pa la rdzas bzhi'i cha gsum ni 'bras bu'i smin pa dang/ 'dab ma sbyar ba'i smin pa dang dang pa'i smin pa dang sogs pa las khyogs kyi smin pa 'chad par 'gyur ba la sbyin par bya'o/ /de ltar brjod pa'i rim pas rab dbye sum cu dag gi dri la sogs pa'i sbyor ba sum cu legs spras rnam mang dri dang spos la sogs pa'i sbyor ba dang khrus dang dril phyis la sogs pa rnams dri don du gnyer ba rnams kyi bya'o/ /rdzas ji ltar gyur pas she na rnam par dag cing 'bras pu sbyar bas smin dang bsgos pa dang ni phug pa dag gis 'dod par gyur pas so zhes pa ste/ rdzas bsdus pa'i nges pa'o/ /da ni dri sdug pas smin pa gsungs pa dang dper brgyad cha zhes pa la sogs pa'o/ /'dir dri'i sbyor ba la 'dab ma rnam pa gsum ste/ tha ma dang 'bring dang mchog go /de la tha ma ni gla sgaM dang/ shai lai ya dang/ au shI ra dang/ bA la ka dang/ ka bid tha dang/ bil ba dang mU ra dang/ maM si zhes pa sta rdzas 'di dag ni tha ma'o/ /'di dag gis dbang gis ni 'dab ma'i dbang gis so/ /dang por bska ba ste/ a ru ra'i phye ma bu ram gyis spyar ba'i bdug par 'gyur te/ de 'dab ma'i brgyad chas dang por nyin zhag gcig bdug par bya'o/ /de nas nyin zhag gnyis me tog bsgo ba byas nas nyin zhag gsum pa la 'bring po'i 'dab ma bsre bar bya'o/ /de nas de'i nyis 'gyur dag ni drag po'i spos zhes pa ni snga ma dang phyi ma de mi nyis 'gyur dag ni drag po'i spos zhes pa ste/ rgya skyegs dang sa rdzar sa dang sh+rI bA sa dang/ gu gul dang kun tu ru ka ste/ lnga po 'di dag bu ram gyi sbyar bas drag po'i spos su 'gyur ro/ /bka' ba' i nyis 'gyur sbyin par bya ste/ 'dab ma'i rkang pa'i cha shas so/ /'dir 'bring po'i 'dab ma ni/ me tog gi sde dang/ tsandan dang/ a ka ru dang 'bras bu'i sde dang/ sen mo dang/ shun pa'i sde dang/ khu ba'i sde ste/ de ltar nyin zhag gnyis drag po'i bdug pas 'dug par bya ste/ /gcig gis bar du chod pa'i nyin zhag gnyis me tog gi bsgo bar bya'o/ /phyi nas rdzas kyi tshad kyi bu ram dag kyang bdug pa dang lhan cig sos ka nges par bsreg par bya'o/ /de nas sos ka'i sbyor ba dag las 'phel te/ dbyar rdzas kyi nyis 'gyur dang dgun sum 'gyur sbyin par bya'o/ /de nas bu ram tshig par gyur pa na dung zhes pa sen mo rkang pa'i cha shas bu ram dang lhan cig sngar brjod pa'i cho gas nyin zhag gnyis nges par bsreg par bya'o/ /de nas sbrang rtsi dang dkar po ste/ sha ka ra dag kyang rdzas mnyam pa bong bu'i bdug pa dang lhan cig nges par bsreg ste/ bdug pa ni kham bu'i dang po dang mjug tu 'ba' zhig pa nges par bsreg go / de bzhin du bur ma yang nyin zhag so sor kham bu gsum bsregs nas ngal bso bar bya'o/ /nyin zhag so sor rdzas kyi brgyad cha'i spos nges par bsreg par bya'o/ /rnam pa gzhan du dman pa yis ni ma smin par 'gyur zhing lhag pa yis dri tshig par 'gyur te/ ma smin na skyur bar 'gyur ro/ zhes pa ni nges pa'o zhes pa ni gong bu'i 'dug pa ste/ le tshe sbyar ba las brjod pa'i ga bur dang bcas shing drag po'i rdzas spangs pa/ rdzas lnga sbrang rtsi dang bu ram gyis sbyar bas gong bu'i bdug pa ste/ de nyid dung gi tshad de zhes pa ni rdzas kyi rkang pa cha shas nges par bsreg go /de la pru tra ke sha dang dzA ti phA la dang/ ga bur dang/ lte ba dang/ gzhan le tshe sbyar ba las brjod pa mchog gi 'dab ma byin nas/ ma la ya ni tsandan no/ /yang pa zhes pa ni a ka ru'o/ /g.yo ba zhes pa ni sihla ka'o/ /zla ba zhes pa ni ga bur te/ de dang ldan pa ni rdzas gsum mo/ /de bzhin no zhes pa ni gong bu'i bdug pa dang mtshungs par sbrang rtsi dang sha kar dang bcas pa nges par bsreg par bya'o/ /'dir bu ram ni gong bu'i phu ram ste/ khu ba sngon du 'gro ba can ni ma yin no/ /zhes pa ni nges pa'o/ /de nas smin pa'i dri zhes nas te/ smin pa mnyes pa 'di yi dri yis gal te lag pa'i mthil dmar por gyur na de'i tshe yongs su smin pa'o/ /ci ste ma smin na ji srid smin par ma gyur pa de srid du dkar po'i bdug pa bsreg par mi bya'o/ /smin pa'i dri 'di ni me tog bzang po tsam pa ka la sogs pa dri zhim po rnams kyi nyin zhag 'ga' zhig ste phyogs kyi phyed dam phyogs gcig gi bar du 'dug pa'i skyon spong ste/ de nas 'dod par 'gyur ro/ /de nas dbug pa brgya'i cha shas 'bras bu gsum zhes pa ni dzA tI pha la dang/ kak+ko la dang/ yang na kak+ko la'i gnas su e la dang/ 'khri shing gla rtsi'o/ /zla ba zhes pa ni ga pur ro/ /ma da zhes pa ni gla rtsi ste/ 'di dag cha mnyam par byas nas rgya'i cha shas kyis dri yi 'bugs pa bya'o/ /chang dang bcas pas shes pa ni 'chad par 'gyur ba'i myos pa'i chang dang lhan cig 'bugs pa brgya'i cha shas sbyin par bya'o/ /chang ni 'bugs pa'i brgyad 'gyur ro/ /'bugs pa'i nges pa'o/ /da ni gri rnams bslang ba'i don du chang gsungs pa/ shing gru zhes pa la sogs pa ste/ 'dir dri'i bstan bcos las gsungs pa'i cho gas rgya cher gang du chang la sogs pa smin pa ci 'dra ba de ni dri'i bstan bcos de nyid las shes par bya ste/ 'dir mang mdor bsdus pas brjod do/ /shi gru'i chu zhes pa ni shi gru'i khu ba dang/ tshA ga mu tra dang/ me tog bcud ces pa sbrang rtsi ste/ de dang mnyam pa ni tshad mtshungs pa'o/ /me tog las skyes mthar zhes pa ni sbrang rtsi'i mthar thug par me yis bskol bar bya'o/ /de nas blangs te nA ri ke la la sogs par blugs nas so ba'i phung po'i dbus su zla ba gcig dmin par 'gyur ro/ /ri dags dang mnyam chang dang lte ba 'bigs pa'o/ zhes pa ni me yis smin pa'i mjug tu lte ba zhes pa gla rtsi dang ma gsungs kyang ga bur dang 'bras bu gsum ste/ des brgya'i cha shas 'bugs ba byin nas so ba de la bzhag par bya'o/ /de nas de yis dri dbugs pa sngar brjod par bya'o/ zhes pa ni nges pa'o/ /dri bstan bcos thams cad las bdug pa smin pa la 'dug pa'i 'khrul 'khor rnam pa gsum ni mnyam pa dang DA ma ru'i rnam pa dang/ steng kham por gyi dbyibs can te/ dbus su sor mo gnyis kyi bug pa can sor mo drug pa ni tha ma ste/ bska ba dang drag po'i bdug don tu'o/ /'bring po ni sor mo brgyad pa'i spangs te/ sen mo dang bu ram dang/ gong bu'i spos kyi don du'o/ /mchog ni sor mo bcu pa ste bsil ba'i spos kyi don du'o/ /'khrul 'khor 'di'i 'og tu bye ma dang bcas pa'i gyo mo sgyed bu'i steng du byin nas tsha ba'i bye ma la bdug pa 'dzin pa byin te/ de'i steng du 'khrul 'khor ro/ /'khrul 'khor gyi steng du dri'i rdzas song phyed kyi spangs su rab tu byugs pa'i 'jim pa'i thod pa ste/ rdzas shin tu chung ba la nA ri ka la byin nas bdug pa nges par bsreg par bya ste/ dbyug gu gcig dang dbyu gu phyed du bdug pa'i tshang shes nas so/ /de nas thod pa blangs te/ spang leb kyi steng du gis byin nas gang gis du ba mi 'gro ba kha 'og tu phyogs par bzhag par bya'o/ /smin pa'i dus su yang thod pa dang 'khrul 'khor gyi bar du gsher ba'i gos kyi bkri bar bya'o/ zhes pa ni bdug pas smin pa'i nges pa'o/ /'bras bus smin pa ni pI dzA pu ra'i nang gi 'bras bu phyung nas/ pags pa yongs su sgyur ba'i nang du dri'i rdzas rab tu bzhug par bya'o/ /phyi rol du shing shun gyis bkris nas 'jim pas sor gcig gi dpangs su byug par bya'o/ /phyi nas ba lang gi gci ba'i me yis kha sbyor bas smin par bya ste/ ji srid byug pa me'i mdog tu gyur pa'i bar du'o/ /de las lhag ma ni dri nyams par 'gyur ro/ /de nas me las phyung ste gsil par gyur pa'i dri ni lte ba la sogs pa rnams kyi sngar brjod pa'i cho gas dbugs par bya ste/ 'bras bus smin pa'i nges pa'o/ /'dab ma sbyar ba'i smin pa la yang ke ta ki'i 'dab ma rnams kyis snod byas nas nang du dri'i rdzas bzhug par bya ste/ lhag ma ni 'bras bu smin pa bzhin no/ /dang ba'i smin pa la gser ram dngul gyi bum pa'i nang la dri'i rdzas dpangs sor gcig gis byugs pa/ zangs kyi snod dri'i chus phyed yongs su bkang ba la brkyal bar byed cing bskol ba nyams su myong ba ste/ ngang pa bzhin rkyal bar byed pa'i ngang pa'i smin pa zhes pa'o/ /dbug pa la sogs pa ni sngar bzhin no/ /ngang pa'i smin pa'i nges pa'o/ /ngang pa'i smin pa dang zhes bya ba gsungs pa'i phyir phyogs kyi smin pa la sogs pa brjod par bya ste/ 'dir dri'i bstan bcos las brjod pa'i rdzas rnam pa dgu'i nang nas dman pa'i 'dab ma rnams dag pa'i slad du las rnam pa brgyad de bkru ba dang/ dugs dang/ mnye ba dang/ brdung ba dang/ spang ba dang/ bdug pa dang/ bsgo ba dang/ dbug pa'o/ /de la bkru ba ni rtsabs mos so/ /dugs ni khyogs kyi smin pas so/ /mnye ba ni dri yi chu yis so/ /brdung ba ni bu ram gyi chu la sogs pas so/ /spang ba ni shi gru dang chag mu dra la sogs pas so/ /bdug pa ni bska ba dang drag po dag gis so/ /bsgo pa ni ke ta kI la sogs pa'i me tog rnams kyis so/ /dbug pa ni lta ba la sogs pa'i rdzas rnams kyis so/ /bla rgang la sogs pa dman pa'i 'dab ma rnams dang me tog gi tshogs bkru ba dang bso ba la sogs pa bya ste/ brdung pa spangs nas so/ /de bzhin du shun pa'i tshogs dang 'bring po'i 'dab ma rnams dang rtsa ba'i tshogs dang shing gi tshogs dang 'dab ma'i tshogs dang 'tsho ba'i tshogs la'o/ /sen mo ni brdung ba'o/ /pu tra ke sha ni sbyar ba'i smin pa'o/ /lhag ma ni me tog gi tshogs bzhin no/ / 'bras bu'i tshogs dang/ khu ba'i tshogs dang zhu ba'i rdzas kyi tshogs la las ci yang mi bya'o/ /brjod pa'i rdzas 'di rnams phye mar byas nas snod kyi khar gos kyi steng du phye ma sbyin no/ /snod dri'i chus phyed gang ba sgyed bu'i steng du bzhag nas rlabs pa'i dugs kyi dugs bya ste/ ji srid phye ma rlon par gyur gyi bar du'o/ /de nas blangs te mnye ba la sogs pa bya'o/ /de bzhin du pu tra ke sha'i yang phyogs kyi dugs dang sen mo'i dugs kyi gnas su ba lang gi gci ba dang 'jim pas bskol ba dang brdung ba'o/ /bska ba'i chu yi bran ba ste/ lhag ma ni snga ma bzhin no/ /smin pa rnam pa lnga'i nges pa'o/ /lhag ma ni dri don du gnyer ba rnams kyi dri'i bstan bcos las shes par bya'o/ /da ni dri la sogs pa rnams kyi gsang ba gsungs pa/ gsang ba zhes pa la sogs pa ste/ 'dir dri la sogs pa rnams gsil ba'i spos kyi smin pa'i dus su gsang ba ni dri la pU ti sbyin par bya'o/ /ra sa sen mo g.yo ba'i zhes pa ni gsang ba ste/ 'dir spos kyi smin pa la sgyur bar gyur ba'i dri rnams la spos sbyin par bya ste/ spos kyi sbyor ba byas nas so/ /spos kyi sbyor ba zhes pa ni spos kyi smin pa'i yul la gan d+ha ra sa dang/ sen mo dang sihla ka bu raM gyi sbyangs nas nyin zhag gcig gam nyin zhag gnyis te ji srid sgyur ba nyid 'dor ba'o/ /de nas gong bu la sogs pa sbyin par bya'o/ /zhes pa ni nges pa'o/ /ci ste smin pa drag pos dri tshig par gyur na/ mtshan mo ri bong mtshan pa'i 'od zer gyis dri la reg par bya'o/ /de med na ji srid tshig pa'i skyon nye bar zhi bar gyur gyi bar du chu'i 'gram du gzhag par bya'o/ /dri rnams rnam par nyams pa'i rgyu brjod par bya ste/ 'dir ma dag pa dang dag pa'i rdzas rnams gcig pa nyid ni rnam par nyams pa'i rgyu'o/ /de bzhin du 'bru mar dang rlan dang bcas pa'i gnas dang sog ma dang 'gyur byed kyi rdzas dang/ gshang gci dang/ byi ba yi reg pa dang/ shin tu dro ba'i gnas so/ /de bzhin gsil ba zhes ba tsandan dang/ tu ru ska dang gu ru dang ri bong can ni gsang ba ste/ pu tra ke shA'i mjug tu gsil ba la sogs pa'i spos sbyin par bya'o/ zhes pa ste smin pa'i mthar nges pa'o/ /bsgo ba'i bya bar me tog gsang ba ste/ ji srid spos kyi skyon nye bar zhi bar gyur par ro/ /'bugs pa la zhes pa 'bugs pa'i yul la ga bur dang gla rtsi dang 'bras bu gsum dang ma da'i chang zhes pa gla rtsi'i chang gsang ba ste/ ji srid me tog bsgo ba'i skyon nye bar zhi bar gyur bar ro/ zhes pa ste dri'i sbyor ba'i nges pa'o/ /yang dag khrus sbyor la zhes pa ni khrus kyi yul la gdon mi za bar ro/ /gsang ba zhes pa ni sbyin par bya ste/ khrus kyi rdzas kyi tshogs kyi nang du shun pa gran thi par+N+Na nags su rgyu ba dang bcas shes pa ni pu tra ke sha dang bcas pa ste/ cha gsum cha bco lnga'i dbus su sbyin par bya'o zhes pa ni nges pa'o/ / dril phyis kyi sbyor ba la gran thi paN+Na sbyin par bya ste/ cha ni khrus la ji lta ba de bzhin no/ /dri'i le tshe sbyar ba'i cho ga gsungs pa'o/ /da ni lte ba'i gtso bo'i dri gsungs pa/ chu skyes dag la zhes pa la sogs pa ste/ 'dir gang gi tshe rdzas gcig gis dri'i rgyal po bya bar 'dod na/ de'i tshe chu skyes dag pa zhes pa ni sen mo'o/ /de nyid ni spyir rnam pa bzhi ste/ glang po che'i rna ba dang/ rta'i rmig pa dang/ autpa la'i 'dab ma dang/ ba da ra'i 'dab ma'o/ /de rnams la dri'i sbyor ba la glang po che'i rna ba dang rta'i rmig pa sbyin par bya'o/ /spos kyi sbyor ba la ba dar dang autpa la'i 'dab ma'o/ /'dir yang ba da ra'i 'dab ma mchog ste/ de med na autpa la'i 'dab ma la sogs pa bzung bar bya'o/ /dag pa ni dri'i bstan bcos las brjod pa'i cho gas bskol ba dang brdung ba dang/ bu ram dang bska ba'i chu yis bran pa dang/ phye mar byas pa dang/ 'bras bu gsum la sogs pa byug pa dang bsgos pa'i phyir dag pa'o/ /de nyid gzhan pa'i rdzas kyi dman zhing mngar bdag dang zhes pa ni chad ste de dang rnam par bral ba'o/ /dri yis chu yi rtags shes pa ni 'dir dri'i chu'i don du shin cu dang pa'i chu blangs nas e la dang/ shun pa dang mAM sI dang bA la ka dang tsandan rnams zho gnyis thum por bcings te chu bre brgyad la bzhugs par bya'o/ /de nas rkang pa'i lhag mar bskol bar bya ste/ ji srid dri'i chu gyur par ro/ /de yis dri gzhan yang brtag par bya'o/ /zhes pa ni nges pa'o/ /spos kyi smin pa zhes pa ni sen mo dag pa btags pa de nyid bdug pas smin pa'i cho gas spos kyis smin pa'o/ /bskal pa drag po sbrang rtsi dang bcas lag skyes dag gi kham bu rim pas 'phel zhes pa la/ sbrang rtsi dang ka ra dang bcas pa bska ba'i kham bu gcig ste/ nyin zhag dang po la'o/ /kham bu'i thog ma tha mar sbrang rtsi dag dang dkar po nges par bsreg ste dang po spos las so zhes pa'i nges pa las dang por sbrang rtsi dang sha ka ra'o/ /bar du bska ba'i spos kyis kham bu sbyin par byin par bya'o/ /slar yang kham bu'i mjug tu sbrang rtsi dang ka ra nges par bsreg par bya'o nyin zhag gnyis pa la me tog bsgo bar bya'o/ /de ltar gcig gis bar du chod pa'o/ /drag po'i spos kyis kham bu gnyis nyin zhag gnyis la nges par bsreg go /sen mo'i kham bu gsum nyin zhag gsum gyis so/ /de nas kham bu gnyis ni ka ra bsres pa dag ste/ zhes pa ni ma la ya'i kham bu gnyis nyin zhag gnyis la'o/ /g.yo ba'i gcig ste lcags dang ga bur dag gi yang ngo/ /kham bu'i thog ma dang tha mar sbrang rtsi dang sha ka ra sngar bzhin no/ /de ltar gcig gis bar du chod pas nyin zhag nyi shu rtsa bzhi'i spos kyis smin par 'gyur ro/ /de nas nyin zhag bcus me tog bzang po rnams kyi bsgo bar byas nas te/ ji srid spos kyi skyon nye bar zhi bar gyur pa'i bar du'o/ /dri yis chu yi bsreg pa dag ces pa ni sngar gyi cho gas nyin zhag so sor dri yis chu yi bskol bar bya'o/ /chu grang mo sbyin par mi bya ste/ chu grang mos sgyur bar 'gyur ro dri yi chu de yis bsres pa'i dri byas nas 'jim pa'i thod pa 'dzag pa min pa/ phyi rol nas spra tshil dang gos kyis bcings te/ brtan pa kha bcad la/ de nyid ni gzhan shin tu che ba'i snod kyi rdza mar ro// yang nas 'og tu ste de med na'o/ /snod der bcug la steng nas bye ma sbyin par bya ste/ ji srid snod kyi mgrin pa'i mthar thug pa gang bar gyur gyi bar du'o/ /bye mas gang ba'i snod de la thun mong ba'i chu nyi mas dros pa sbyin no/ /snod de nyid nyi ma'i 'od las zla ba drug gi bar du bzhag par bya'o/ /de ltar zla ba drug gi nye bar sbyor bas smin par 'gyur te/ chu la gnas pa lte ba'i gtso bo'i dri zhes pa ni dri'i rgyal po'i nges pa'o/ /da ni dri'i til mar gyi don dang me tog gi til mar gyi slad du til dag pa gsungs pa/ til zhes pa la sogs pa ste/ 'dir til yongs su smin pa gsar pa rnams yang dag par bzung bar bya'o/ /'dab ma bskol ba'i chu dag dang zhes pa la 'dab ma ni a mra'i 'dab ma'o/ /de bzhin du 'dzam bu dang ka bid tha dang ma stu lung ga dang/ bil ba rnams kyi ste shing lnga'i 'dab ma'o/ /de dag bskol ba'i chu ni 'dab ma'i chu ste nges mnyes nas til rnams kyi sbun pa gsal ba ni dag pa dang po'o/ /de nas dra ba'i 'khrul 'khor gyi steng du gos byin nas de'i steng du til rnams snod gzhan gyis byibs nas 'dug par bya ste/ dag pa gnyis pa'o/ /byug pa la sogs rnams kyi shes pa ni 'bras bu gsum dri yis chus btags pa'i byug pa sbyin par bya'o/ /sogs pas ni nyi ma'i 'od kyis bskam par bya'o/ /de ltar til rnams dag byas nas/ phyi nas dzA ti la sogs me tog rnams kyi nyin zhag 'ga' zhig ste/ phyogs sam nyin zhag bcu bar chad med par bsgo bar bya'o/ /ji srid dgos pa rnams dgos pa'i me tog gi dri 'dzin pa'i bar du ste/ de ni 'dod par bsgos pa yin no/ /de nas til btsir ba'i 'khrul 'khor gyis til mar blangs nas mi'i bdag po zhes pa ni bod pa'o/ /mkhas pas 'ching bu'i snod du bzhag par bya ste/ til mar de ni khrus sam yan lag byugs pa dag la myos byed me tog til mar nyid ni smin pa min par 'gyur zhes pa'o/ /ci ste smin pa'i til mar byed par 'dod na de'i tshe til mar de nyid dri bzang po'i chu dang mnyam pa bskol bar bya ste/ ji srid til mar gyi dbu ba 'dor gyi bar du'o/ /de nas 'bogs pa'i dus su dri'i rdzas brgyad cha'i dri'i chus btags pa sbyin par bya'o/ /phyi nas dbog par bya ste/ ji srid grangs par gyur gyi bar du'o/ /de nas gla rtsi la sogs pa'i 'bugs pa byin nas mching bu'i snod du bzhag par bya'o/ /de nyid ma da'i chang rkang pa'i cha shas kyis bsres nas rgya skyegs kyi snod du nyi ma'i 'od kyi zhag bdun gdungs nas gla rtsi'i til mar du 'gyur ro/ /'od ma'i dong par smin pa ni nyi ma'i smin par 'gyur te/ de ltar byug pa la sogs pa ni 'od ma'i dong par smin cing lte ba la sogs pas phug pa mchog gi byug par 'gyur ro/ /de ltar cho ga sna tshogs pa dri'i bstan bcos las gsungs pa'i dri la sogs pa'i sbyor ba bya ste/ 'dir ni bcom ldan 'das kyis mdor bsdus pa gsungs so/ /dri'i rigs pa nges pa'o/ /da ni sbrum ma rnams btsa' ba' i don du thams cad nas sum cu rtsa bzhi'i 'khrul 'khor gsungs pa/ sa 'dzin zhes pa la sogs pa ste/ 'dir gang gi tshe sbrum ma rnams btsa' ba' i dus su phyi rol gyi pho nya mo'i skyon gyis mngal rengs par gyur na de'i tshe 'khrul 'khor 'di tshad kyi rgyab tu bri bar bya ste/ tshad ces pa ni bre'o/ /de'i rgyab tu re mig bcu drug byas nas re mig dang po la sa 'dzin bdun no/ /gnyis pa la nyi ma ste bcu gnyis so/ /gsum pa la zla ba ste/ cig go /bzhi pa la ma nu ste bcu bzhi'o/ /lnga pa la mig ste gnyis so/ /drug pa la 'dod pa ste bcu gsum mo/ /bdun pa la nor te brgyad do/ /brgyad pa la drag po ste bcu gcig go / dgu pa la rgyal po ste bcu drug go / bcu pa la me zhes pa gsum mo/ /bcu gcig pa la phyogs zhes pa bcu'o/ /bcu gnyis pa la 'byung ba zhes pa lnga'o/ /bcu gsum pa la bug pa zhes pa dgu'o/ /bcu bzhi pa la dus zhes pa drug go / bco lnga pa la tshes zhes pa bco lnga'o/ /bcu drug pa la chu gter dag ces pa ni bzhi ste mdza' i re mig bcu drug pa la gzhag par bya'o/ /re mig bzhi la gnas pa'i ang ka 'di rnams kyi grangs gcig tu bsdus pa ni chu'i gter dang rtse mo can zhes sum cu rtsa bzhi'o/ /thams cad du dpal ldan 'khor lo mdza' dag ni tshad kyi rgyab tu bris nas 'khrul 'khor 'di rab tu btsa' bar 'gyur ba'i dus su sbrum ma rnams la bstan par bya zhes pa ste/ mngal bgrod pa'i nges pa'o/ /da ni mngal la sogs pa byis pa'i rgyud gsungs pa/ rnal 'byor ma rnams shes pa la sogs pa ste/ 'dir sa'i steng du rab gsal rnal 'byor ma drug cu rtsa bzhi gang yin pa de dag ni brgyad pa brgyad kyi ma mor rab tu grags so/ /de dag gi nang na mngal zhes pa sum 'gyur dgu zhes pa ni nyi shu rtsa bdun no/ /nyin zhag ces bya ba bcu'o/ /bcu gcig zla ba zhes bya ba'o/ /gzhan ni lnga pa gsum zhes bco lnga ni lo zhes bya ste/ drug cu rtsa gsum po de dag byis pa 'dzin te mdza' dag sa'i steng du'o/ /mngal du zug rngu dang ni rab tu btsa' ba' i dus su skye gnas la yang zug zer byed pa nyid ces pa ni/ 'dir mngal zhes bya ba rnams kyi nang nas bco lnga ni mngal bzung ba'i nyin zhag nas rtsams te nyin zhag bco lnga'i bar du mngal du zug rngu rab tu byed do/ /de nas dgu ni zla ba dgu yis bar du'o/ /rab tu btsa' ba' i dus su gcig go /nu ma'i 'o ma 'phrog pa gnyis te mngal zhes bya ba rnams kyi nges pa'o/ /skyes pa rnams la byis pa'i rgyud du 'gyur te nyin zhag dbang dang zla ba lo yis rab dbye las/ zhes pa la 'dir byis pa'i rgyud ces pa ni ma mo yis gzir ba rnams kyi byis pa gso ba'o/ /de la nyin zhag ces bya ba rnams la 'chad par 'gyur ba'i gtor ma sbyin par bya ste/ byis pa skyes pa rnams skyes pa'i nyin zhag nas brtsams te nyin zhag bcu'i bar du rang rang gi nyin zhag la gzir bar byed pa rnams la'o/ /zla ba re re'i dbang gis bcu gcig po rnams la zla ba bcu gcig gi bar du'o/ / de nas bco lnga po rnams la lo bco lnga'i bar du'o/ /de'i steng du byis pa gzhon nu nyid med de/ lo bcu drug la khu ba 'dzag pa'i phyir ro/ zhes pa ni nges pa'o/ /da ni ma rungs pa lnga gsungs pa/ ma rungs pa zhes pa la sogs pa ste/ 'dir sa'i steng du dga' ba la sogs pa'i tshes kyi dbye bas tshes lnga po rnams kyi mtshams su gzhon nu rnams te/ nam mkha' la sogs pa'i rang bzhin yon tan dbang gi tshigs mtshams dag la yang dag gnas so/ /de dag rang gi tshes la 'jigs 'gyur byis pa 'dzin par byed do/ /thams cad thun mong gi gtor mas byis pa nges par gtong bar mi byed do/ /rgyal po zhes pa ni bod pa'o/ /de dag zhi ba'i don du 'dir ni rnam mang dkyil 'khor khrus dang sbyin bsreg gi bya ba 'chad par 'gyur ba dag tu rab tu 'gyur zhes pa ni ma rungs pa'i nges pa'o/ /da ni mngal zhes bya ba rnams kyi gzir ba'i sbrum ma rnams kyi sman gsungs pa ru rta zhes pa la sogs pa ste/ 'dir gang gi tshe sbrum ma rnams kyi mngal na bar gyur na de'i tshe sman ni du rta dang au shI ra dang kA re ru dang/ ta ka rA'i rtsa ba dang/ autpa la'i rtsa ba dang/ pad+ma ge sar te/ rdzas 'di dag gsil ba'i chu yongs su dangs pas btags shing rdo rje yis ni bsngags pa dag kyang zhes pa la/ aoM A:hUM a mu kA ya garb+ha shu laM ha ra ha ra swAhA/ zhes pa ni bsngags te/ 'dis mngon par bsngags nas mngal gyi zug rngu la rab sbyin zhes pa ste nges pa'o/ /de bzhin du mngal ni rangs na na ku la'i sbu brgyad dang tsug phud can gyi ste rma bya'i mjug ma bzung nas bsil ba'i chus btags te/ mngon par bsngags nas snga ma bzhin du sbyin par bya'o/ /'o ma phrogs pa rnams 'o ma'i shing gis 'og tu khrus bya'o/ /ba'i 'o mas gang ba'i kham phor bdun dang 'o ma'i zan gyi gtor ma sbyin par bya'o/ zhes pa ni mngal zhes bya ba rnams kyi nges pa'o/ /da ni 'o ma zhes pa la sogs pas nyin zhag ma rnams kyi cho ga gsungs te/ 'dir nyin zhag bcu'i nang du bzung ba'i byis pa zhi ba'i don du 'o ma dang mar dang thug pa dang zan dang zho dang bu ram dang/ bcas pa'i gtor ma nyin zhag ma rnams dag la sbyin par bya ste/ khrus dang spos ni 'chad par 'gyur ro/ /nyin zhag ma rnams kyi mtshan mo gsum du gtor ma'i nges pa'o/ /da ni smin pa zhes pa la sogs pas zla ba zhes bya ba rnams kyi cho ga gsungs te/ 'dir zhag bcu'i rjes la zla ba'o/ /de nas zla ba bcu gcig gi bar du zla bar skyes pa rnams zhi ba'i don du ma mo rnams la gtor ma sbyin par bya'o/ /smin pa'i zas lnga tha dad ces pa ni mar gyi smin pa ste/ pU ri ka dang/ g+h+ri ha pU ra dang/ so ma li dang/ se ba li dang/ pa Ta ka zhes pa ste/ lnga tha dad pa'o/ /zas gzhan zho dang bu ram dang bcas pa po li ka dang/ mo da ka dag kyang ngo/ /dri zhes pa tsan dan dang/ dri bzang po'i me tog dang/ til gyi til mar ram/ mar gyi mar me dang bkru ba dag kyang 'dab ma rnams kyis shes pa ni a shwadtha la sogs pa'i shing 'o ma can lnga'i 'dab ma rnams kyi ste/ cung zad bskol ba'i chu dro ba dang bcas pas byis pa la khrus byas te/ zhag lnga'i bar du thams cad bya'o/ /khrus kyi mjug tu byis pa la bdug par sbyin par bya ste/ ba lang gi so dang/ lug gi rwa dang/ ri dwags kyi sbu dang/ mi'i sen mo dang/ skra dang sbrul gyi shun pa ste/ 'di dag gcig tu byas nas drag po'i sol bas spos so/ /lha'i gtor ma la ni sngar brjod pa'i dri dang spos la sogs pa sbyin par bya'o/ /phyogs bzhi dang grong gi dbus su'o/ zhes pa nges pa ste/ byis pa zla skyes rnams ni rgyas pa'i don du mdza' dag brjod pa rnams kyang gtor ma dag la'o/ /da ni bza' ba lnga zhes pa la sogs pas lo can ma rnams kyi cho ga gsungs te/ 'dir zla ba bcu'i steng du zla ba gnyis ni 'dir lor bzung bar bya'o/ /de nas lo bco lnga'i bar du lor skyes pa ma mos bzhir ba rnams zhi ba'i don du lo can ma rnams la gtor ma sbyin par bya'o/ /bza' ba lnga zhes pa ni yung ba la sogs pa rnams kyi zan ser po dang dkar po dang dmar po dang nag po dang ljang gur byas te/ /'di dag ni bza' ba lnga'o/ /bca' ba lnga zhes pa ni smin pa'i zas sngar brjod pa'o/ /chu la rgyu ba nya sha dang sha dang/ dri la sogs pa sngar brjod pa dang chang dang/ sngar brjod pa'i spos la sogs pa ste/ thams cad smig ma'i snod du gzhag nas mar me dang bcas pa'i gtor mas lan gsum byas par bya'o/ /phyogs zhes pa nyin zhag bcur phyogs bcu'i char te/ dbang po nas dbang ldan gyi mthar thug pa dang 'og dang steng du gtor ma ste grong khyer gyi dbus dang lam gyi bzhi mdor sbyin par bya'o/ /byis pa lor ni skyes pa rnams dag rab tu gsal ba sa la rgyas pa'i slad du mi'i dbang zhes pa ni bong pa'o/ /lo can ma rnams mchod pa'i nges pa'o/ /de ltar mngal nas lo ni lnga pa gsum zhes pa ni lo bco lnga'i mthar thug par rnal 'byor ma drug cu rtsa gsum po rnams nges par mchod par bya'o/ /gzhan du na byis pa rnams zhi ba la sogs par mi 'gyur ro/ /zhes pa ni rnal 'byor ma rnams mchod pa'i nges pa'o/ /da ni ma mos bzung ba rnams kyi skyon gyi mtshan nyid gsungs pa yan lag ces pa la sogs pa ste/ 'dir gang gi tshe byis pa ma mos bzung bar gyur na de'i tshe de'i yan lag skyong bar 'gyur ba dang/ mig na bar 'gyur ba dang/ kha dang lag pa dag dang rkang pa dag ni kha dang lag pa rkang pa ste/ ser po nyid du yang 'gyur ba dang/ gcin ni kha dog ser por 'gyur ba dang/ tsha ba skye bar 'gyur ba dang skyug par 'gyur ba dang/ skam pa dang rgyal bar 'gyur te/ ma mo'i skyon gyi mtshan ma 'di dag rnams shes par gyur nas byis pa de dag dang yang gi sgras gdug pa'i gdon gyis bzung ba rnams la dkyil 'khor dang sbyin bsreg la sogs pa bya'o/ /rnam pa gzhan du gtor ma byin na ni gtong bar mi 'gyur te/ rang bzhin yon tan dbang gi 'byung ba las skyes ma mo sngar brjod pa dag gi shes pa ste/ gso ba'i mtshan nyid do/ /da ni drug cu rtsa bzhi ma rigs ldan mas bzung ba'i 'chi ba'i mtshan nyid gsungs pa/ gang gi zhes pa la sogs pa ste/ 'dir drug cu rtsa bzhi ma rigs ldan ma ni mngal dang nyin zhag dang zla ba dang lo'i mtshams su rnal 'byor ma thams cad kyi mtshams so so la khyab par byed pa'i ngo bos gnas pa'o/ /de bzung ba'i byis pa'i yan lag thams cad dkar por 'gyur ba dang 'brum pa shin tu phra mo yungs dkar dang ke tshe tsam du 'gyur ba dang/ mgrin pa lus dang bcas pa 'khyog por 'gyur ba'i kha 'am gsang ba 'am bshang lam dag la khrag zags par 'gyur ba ste/ 'di 'dra ba'i mtshan nyid mthong nas yul de la mchod pa bya ba min te/ gal te byed na de'i tshe sngags pa rmongs pa rnams chags pa las chung ba nyid du 'gyur ro/ /ci'i phyir zhe na/ gang gi phyir de ni 'chi bar 'gyur te nges par lha dang mi dang lag 'gro rnams kyis srung bar nus pa min pa'i phyir ro/ /'chi ba'i mtshan ma'i nges pa'o/ /da ni dkyil 'khor la mchod pa byas pas bde ba byed pa gsungs pa/ klu zhes pa la sogs pa ste/ 'dir klu la sogs pa rnams kyis gzir ba rnams ni klu la sogs pa rnams 'chad par 'gyur ba'i dkyil 'khor la mchod pa byas pas bde ba byed par 'gyur ro/ /'di dag gi mtshan nyid du ma 'byung po'i rgyud las brjod pa/ shes par bya ba dag ni 'di nyid du 'chad par 'gyur ba'i phyag rgya bcings pa las ji snyed gcig go /da ni ma rungs pa rnams mchod pa'i don du dkyil 'khor dang dkyil 'khor gyi gnas gsungs pa ma rungs pa rnams zhes pa la sogs pa ste/ 'dir ma rungs pa rnams mchod pa'i don du dkyil 'khor ni grong gi phyi rol tu 'gyur ro/ /de nyid du shing gcig gi gnas dang dur khrod dang ni lha mchog khang pa dag gam ste lha khang stong pa dang/ chu bo 'dus pa rnams su'o/ /khru gang dag gam gnyis dang bzhi zhes pa ni 'dir 'byor pa dang rjes su 'tsham par dkyil 'khor khru gcig pa 'am khru gnyis pa 'am khru bzhi pa nas brtsams te/ khru stong pa ji srid pa de srid du slob dpon gyis bri bar bya'o/ /dgu dang bcu gsum mi bdag ces pa ni/ 'dir lha dgu rnams kyi dkyil 'khor gyi tshad ni khru gcig go /bcu gsum rnams kyi khru gnyis/ /mi bdag ces pa bcu drug rnams kyi khru bzhi'o/ /zhes pa nas brtsams te/ nyi shu lhag pa'i brgya phrag bcu drug rnams kyi khru stong gi mthar thug par dri bar bya ste/ 'byor pas so/ /'dir dkyil 'khor thams cad kyi dbus su rtsibs brgyad pa'i 'khor lo 'am pad+mar 'gyur te/ dkyil 'khor gyi phyed kyi cha shas so/ /sgo ni dkyil 'khor gyi 'khor lo'i brgyad cha'o/ /sgo'i phyed kyi kha khyer dang do shal gyi sa'o/ /kha khyer gyi khyed kyi rtsig pa'i ri kha lnga dang rin chen snam bu'o/ /sgo'i tshad kyi sgo khyud dang logs dang 'gram mo/ /rta bab ni sgo las sum 'gyur ro/ /zhes pa ste/ dkyil 'khor gyi mtshan nyid nges pa'o/ /da ni zhi ba'i thabs gsungs pa/ zlum po zhes pa la sogs pa ste/ 'dir 'chad par 'gyur ba'i thab khur rnams kyi nang nas zhi ba la zlum po'i thab bzung bar bya ste/ de nyid cha gsum zhes pa ni rgyar mtho gnyis dang zabs su mtho gcig go pad+ma dkar po'i rang bzhin zhes pa ni/ snying po nang du rdul tshon dkar pos pad+ma dang/ kha khyer gyi steng du pad+ma'i phreng ba dang/ phyi rol gyi 'og tu pad+ma'i phreng ba dang/ phyi rol gyi 'og tu pad+ma'i 'dab ma rnams te/ de ltar dkar po'i tshon rnams dag gi bkang pa'o/ /de nas pad+ma dkar po'i lte ba dang 'dab ma rnams la tshon lnga dag gi lha rnams kyi mtshan ma bya ste/ rang phyogs rigs kyi dbang gis ni de bzhin gshegs pa lnga'i rigs kyi dbang gis so/ /rdo rje dbus dang zhes pa ni 'dir 'chad par 'gyur ba las las thams cad la rdo rje 'am zhes gsungs pa'i phyir/ pad+ma'i lte ba la rdo rje sngon po ste rnam par shes pa'i phung po'o/ /shar gyi 'dab ma la ral gri nag por 'gyur te rigs kyi dbang gis 'du byed do/ /lhor rin chen dmar po ste tshor ba'o/ /g.yon te byang gi 'dab ma la pad+ma dkar po 'dab ma brgyad pa ste 'du shes so/ /nub tu 'khor lo'i mtshan ma ser po ste/ gzugs kyi phung po'o/ /me'i 'dab ma la gri gug nag po ste rlung ngo/ /pad+ma'i 'dab ma la gnas lha min zur du ste/ bden bral du lcags kyu dmar po ste me'o/ /rlung du rdo rje zhags pa ser po ste sa'o/ /drag po'i 'dab ma dag la ste dbang ldan du rtse gsum dkar po ste chu'i khams so/ /dbus kyi rdo rje ni rnam par shes pa dang lhan cig nam mkha' i khams so/ shar gyi sgor ral gri nag po ste khro bo phrag dog rdo rje'o/ /lho'i sgor rdo rje dbyig ba dmar po ste khro bo 'dod chags rdo rje'o/ /chu ru ste nub kyi sgor be con ser po ste/ khro bo gti mug rdo rje'o/ /byang gi sgor tho ba dkar po ste/ khro bo nga rgyal rdo rje'o/ /dbus su rdo rje sngon po ni khro bo'i rgyal po zhe sdang rdo rje'o/ /sems kyi zhes pa la sogs pa nas/ don du 'di dag mdzod ces pa'i mthar thug pa ni go bla'o/ /da ni gdon gyis gzir ba rnams kyi khrus kyi cho ga gsungs pa/ bum pa zhes pa la sogs pa ste/ 'dir dkyil 'khor gyi phyogs rnams su bum pa brgyad ni 'chad par 'gyur ba'i mtshan nyid dang ldan pa/ rin chen dang bcas te rin po che lnga dang bcas pa/ 'chad par 'gyur ba'i sman la sogs pa dang ldan pa'o/ /'dab ma zhes pa ni 'o ma'i shing gi yal 'dab po/ /pad+ma'i kha ste de dag gis so/ /de bzhin du so ma btang ba'i kham phor ni/ bdun gyi shes pa ni kham phor bdun gyis so/ /chu dang bdud rtsi lnga la sogs pas zhes pa ni de dag dang bcas pa ste/ chu dang 'o ma dang zho dang mar dang sbrang rtsi dang bu ram shing gi khu ba dang dri'i chu ste/ 'di dag gis gang pa'i kham phor bdun gyis rim pa bzhin du bkru bar bya'o/ /de nas bum pa brgyad dang rgyal ba dang rnam par rgyal ba'i bum pa dag gis te slar yang gi sgra las so/ / yungs kar sogs kyis nges par bya ba ces pa ste/ dang por ba'i rnam lnga'i gong bu rnams kyis so/ /de nas 'bar ba'i rtsa'i thab rnams dang/ yungs kar la sogs pa dang/ zan gyi gong bu rnams kyi ste/ 'di dag gis byas par bya'o/ /de nas dri la sogs pa rnams kyis mchod pa dang/ de bzhin du dkyil 'khor rab tu gnas pa byas nas dkyil 'khor du gzhug par bya'o/ /der dbang bskur byin nas te dkyil 'khor gyi bum pa'i chu yis chu la sogs pa'i dbang bskur ba byin nas/ de nas zhi ba'i bsreg bya sbyin bsreg bya'o/ /'o ma zhes pa la sogs pa ni go bla'o/ /gzhan gang zhig ma brjod pa de thams cad ni dbang gi le'u las brjod pa'i cho gas slob dpon gyis bya'o zhes pa ni nges pa'o/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyis rjes su 'jug pa stong phrag bcu gnyis pa dri ma med pa'i 'od las/ bcud len la sogs pa dang byis pa'i rgyud kyi mdor bsdus chen po ste drug pa'o// // dus kyi 'khor lo bde ba che/ /'gro ba'i mgon la phyag 'tshal te/ /rang gzhan lta ba dag la gzhung/ /cung zad gsungs pa rnams rgyas bya/ /da ni mchog gi dang po'i sangs rgyas las 'jam dpal gyis bsdus pa rang dang gzhan gyi lta ba'i 'dod pa'i rnam par bzhag pa gsungs pa bdag med ces pa la sogs pa ste/ 'dir 'jig rten gyi kun rdzob kyis rnam par dpyad na/ 'jig rten gyi dngos grub kyi slad du lta ba thams cad kyi grub pa'i mdza' mtshungs so/ /'di lta ste/ dngos po gang dang gang gis ni/ /mi rnams yid ni yang dag sbyar/ /des de'i rang bzhin nyid 'gyur te/ sna tshogs gzugs kyi nor bu bzhin/ zhes pa ste/ dngos po'i rnam pa brtag par mtshungs so/ /de bzhin du khams dang dbang po la sogs pa rnam par dpyod pa yang mtshungs so/ /tha snyad can byed pa po dang byed pa la sogs pa yang mtshungs te/ sangs rgyas pa dang mu stegs pa dag la bye brag med do/ /stong pa nyid kyi de kho na la ni bye brag yod de/ de yang bdag med ces pa la sogs pa'o/ /bdag med ni rnam pa gnyis te/ gang zag gi bdag med dang/ chos kyi bdag med pa'o/ /las kyi rnam smin ni rnam pa gsum ste/ lus dang ngag dang yid kyi'o/ /srid pa gsum zhes pa ni 'dod pa dang gzugs dang gzugs med pa'o/ /dus kyi 'gro ba zhes pa ni dmyal ba dang/ yi dags dang dud 'gro dang mi dang/ lha ma yin dang/ lha rnams kyi 'gro ba ste 'gro ba drug go /yan lag bcu gnyis rten cing 'brel par 'byung ba ste/ de las dngos su yang dag 'byung ba ni 'gro ba drug po rnams so/ /rig byed bden pa zhes bya ba ni 'phags pa'i bden pa bzhi ste/ sdug bsngal dang/ kun 'byung dang/ lam dang 'gog pa'i mtshan nyid do/ /gnyis kyis bsgyur ba'i dgu zhes pa bco brgyad ni ma 'dres sangs rgyas chos rnams te 'chad par 'gyur ba las brjod par bya'o/ /phung po lnga zhes pa ni gzugs la sogs pa'o/ /sku gsum zhes pa ni chos kyi sku la sogs pa'o/ /lhan cig skyes pa'i sku ni bzhi pa'o/ /de bzhin nyid du blun pa ma yin stong pa nyid ni rnam pa thams cad kyi mchog dang ldan pa pra phab pa lta bu'o/ /bdag med la sogs pa 'di dag gang du zhes pa theg pa gsum du ston pa pos brjod pa de ni rab tu gsal zhing nges par rdo rje can gyi bstan pa ste/ sangs rgyas pa'i lta ba'i dbang gis sems can gyi bsam pas so/ zhes pa ni de bzhin gshegs pa'i dgongs pa nges pa'o/ /da ni tshangs pa dang khyab 'jug gi 'dod pa gsungs pa/ gang du zhes pa la sogs pa ste/ 'dir gzhung gang du rig byed rang byung ste ma byas pa nam mkha' lta bu dang/ kha dang lag pa rkang pa sogs kyang skye bo'i skye gnas te zhes pa/ tshangs pa'i khams ni bram ze'i skye gnas dang/ lag pa rgyal rigs kyi skye gnas dang/ sogs pa'i sgras brla gnyis ni rje rigs kyi skye gnas dang/ rkang pa dag ni dmangs rigs kyi skye gnas dang/ a shwa me d+hA dag las gzhan pa mchog gi chos med ces pa ni 'dir mtho ris sgrub par byed pa la a shwa me d+hA'i mchod sbyin las gzhan pa mchog gi chos yod pa ma yin no/ /zhes pa de ni tshangs pa'i bstan par 'gyur ro/ zhes pa la sogs pa ni tshangs pa'i 'dod pa nges pa'o/ /'dir de'i nang du 'dus pa klu'i chos khyab 'jug gi 'dod pa ni 'di lta ste/ byed pa po yod pa dang/ bdag yod pa dang/ dge ba dang mi dge ba'i las yod pa dang/ dus yod pa dang/ sa la sogs pa'i rang bzhin yod pa dang/ snying stobs la sogs pa'i yon tan yod pa dang/ stong pa nyid ni nyams pa'i chos nyid yod de gcig tu gyur ba la sogs pas mi mthong ba'i phyir ro/ zhes brjod pa dang/ byed po dge ba dang mi dge bas byas pa'i 'bras bu ster bar byed pa'i rgyu yod do/ zhes pa ni rab tu gsal zhing nges par bstan pa de dus kyi 'khor lo 'dir khyab 'jug dag gi'o/ zhes pa ni khyab 'jug pa'i 'dod pa nges pa'o/ /da ni dbang phyug gi 'dod pa gsungs pa/ lam drug ces pa la sogs pa ste/ 'dir sngar brjod pa'i khyab 'jug gi 'dod pa dang lhan cig lam drug la sogs pa'o/ /ci'i phyir zhe na/ lha gsum po ni gzugs gcig ste/ tshangs pa khyab 'jug dbang phyug che zhes pa'i tshig las so/ /byed pa po dang/ bdag dang/ las dang/ dus dang/ rang bzhin dang/ yon tan dang/ stong pa nyid zhig pa'i chos ni mya ngan las 'das pa ste/ mdza' i gnas skabs las so/ /'di dag dang lhan cig lam drug la sogs pa rnams rig par bya'o/ zhes pa ni nges pa'o/ /'dir lus la lam drug rnams zhes pa ni yul drug pa rnams la 'jug par byed pa'o/ /de nyid lnga dang zhes pa ni nam mkha' la sogs pa'i khams kyi tshogs so/ /mchog gi go 'phangs zhes pa ni drug pa ye shes kyi khams so/ /ma lus pa zhes pa ni khams thams cad gcig tu 'dres par gyur pa'o/ /yang yig las gzhan no/ /sngags kyi lus zhes pa ni/ A li kA li'i bdag nyid can te/ sngags kyi de nyid do/ /rig ces pa ni dga' ba la sogs pa 'dod pa'i de kho na nyid do/ /bdag ces pa ni bdag gi de kho na nyid rtog pa'o/ /dam pa'i zhi ba nyid ces pa ni zhi ba'i de nyid de thams cad du khyab pa'o/ /gzugs spangs pa de'i rnam gsum gnas na gnas pa ni gong bu la gnas pa dang tshigs la gnas pa dang gzugs la gnas pa ste/ lus dang ngag dang sems kyi rnam par rtag pa'i chos can no/ /rnam gsum gnas na gnas pa de'i sbyor dang zhes pa ni skye ba'i dus su lam drug la sogs pa 'di dag rnams sbyor ba ste/ 'dus pa dang/ 'chi ba'i dus su gtong ba'i dngos te/ de rnams rnam par 'bral lo zhes pa'i don to/ /thig le'i dbye ba zhi ba nyid dang zhes pa ni 'dir khu ba thig le'i dbye ba ste/ 'dzag pa'i bde ba'i gnas skabs kyi mtshan nyid de nyid zhi ba nyid do/ /mdza' dag lus la gnas pa zhes pa ni rgyu ba dang mi rgyu ba la khyab pa'o/ /bcu gnyis mdud pa'i dbye ba ste zhes pa ni/ 'dir srog chags rnams kyi lus la gnas pa'i khyim bcu gnyis po rnams mdud pa'i sgras gsungs te/ khyim bcu gnyis po 'di rnams kyi dbye ba ni lo dang bgrod pa dang/ dus gsum dang/ dus bzhi dang/ dus drug dang/ zla ba dang/ phyogs dang/ nyin zhag dang/ chu tshod dang/ chu srang dang/ dbugs te/ 'di dag thams cad grub pa'i mdza' gang du rab tu gyur pa de ni nges par zhi ba ba'i bstan pa'o/ /zhes pa ni zhi ba pa'i 'dod pa nges pa'o/ /da ni 'jig rten rgyang pan pa'i 'dod pa gsungs pa/ dbang phyug ces pa la sogs pa ste/ 'dir lus can la dbang phyug med pa dang/ byed pa po med pa dang/ las kyi rnam smin dag kyang med pa dang/ yon tan yul rnams shes pa ni yon tan snying stobs la sogs pa dang/ yul dri la sogs pa'o/ /'byung tshogs zhes pa ni sa la sogs pa ste/ de dag longs spyod pa'o/ /'byung ba'i tshogs de med pa na ste shi ba'i mthar las kyi 'bras bu med do/ /a ru ra dang bu ram la sogs pa yang dag par sbyor ba las chang gi nus pa bzhin 'byung ba rnams yang dag par sbyor ba'i nus pa ste/ de med pa na 'jig rten pha rol gyi lus 'ga' yang yod pa ma yin no/ zhes pa ni gsal bar lha'i bla ma phur bu'i bstan pa rig par bya'o/ /'jig rten rgyang pan ba'i 'dod pa nges pa'o/ /nga ni kla klo stag gzig rnams kyi 'dod pa gsungs pa/ byed po zhes pa la sogs pa ste/ 'dir byed po rahma Nas rgyu ba g.yo ba dang mi rgyu ba brtan pa'i dngos po mdza' dag bskyed cing/ stag gzig rnams kyi zhes pa kla klo gos dkar po can rnams kyi thar pa dag gi rgyu/ rahma Na :de mnyes pa las nges par mi rnams mtho ris dang ma mnyes pa las dmyal bar 'gyur ro/ zhes pa de ni rahma Na'i bstan pa ste/ bya ba ni sngar brjod pa'o/ /stag gzig gi 'dod pa nges pa'o/ /da ni zad byed pa rnams kyi 'dod pa gsungs pa/ dus gsum zhes pa la sogs pa ste/ 'dir zad byed pa'i grub pa'i mdza' smra ba la rdzas dang rnam grangs dag gi rtag pa dang ni mi rtag pa'i tha snyad du 'gyur ro/ /de la dus gsum nyid dang zhes pa ni 'das pa dang/ ma 'ongs pa dang da ltar byung ba'o/ /rdzas ni drug ste zhes pa ni srog dang/ gang zag dang/ dus dang/ nam mkha' dang/ bsod nams dang/ sdig pa'o/ /'di dag gi nang nas srog dang dus dang nam mkha' ni rtag pa'o tshig dgus bsgrub dang zhes pa ni/ srog dang srog ma yin pa dang/ zag pa dang sdom pa dang/ spangs pa dang/ bcings pa dang/ thar ba dang/ 'gro ba dang/ 'ong ba'o/ /srog ni drug gi lus la cha shas so/ /shes pa ni sa'i lus la cha shas dang/ chu'i lus la cha shas dang/ me'i lus la cha shas/ rlung gi lus la cha shas dang/ nags kyi bdag po'i lus la cha shas dang/ 'bru'i lus la cha shas so/ zhes pa ste/ lus drug la srog rnams kyi cha shas so/ /gzhan ni yod pa'i lus lnga zhes pa ni kha zas can gyi lus dang/ 'od kyi lus dang/ rang bzhin can gyi lus dang/ brdzus skyes kyi lus dang mdza' i lus so/ /zhes pa ni srog rnams kyi'o/ /brtul zhugs sdom pa 'gro dang ye shes spyod pa dag gi dbye ba rnams kyi zhes pa la/ zad byed pa rnams brtul zhugs ni lnga ste/ dang po 'tshe ba med pa dang/ gnyis pa bden par smra ba dang/ gsum pa byin pa len pa dang/ bzhi pa tshangs par spyod pa dang/ lnga pa yongs su bzung ba thams cad yongs su gtong ba'o/ /sdom pa ni lnga ste/ spyod lam gyi sdom pa dang/ skad kyi sdom pa dang/ yongs su tshol ba'i sdom pa dang/ blangs pa mi 'dor ba'i sdom pa dang/ nye bar rab tu gnas pa'i sdom pa'o/ /'gro ba'i dbye ba ni lnga ste/ dmyal ba dang dud 'gro dang/ mi dang lha dang/ thar pa'i 'gro ba'o/ /ye shes kyi dbye ba ni lnga ste/ blo gros dang/ thos pa dang/ mtshams dang/ yid kyi yongs su tshol ba dang/ mo'i ye shes so/ /spyod tpa'i dbye ba ni bcu gsum ste/ brtul zhugs kyi dbye ba lnga dang/ sdom pa'i dbye ba lnga dang/ lus kyi gsang ba dang/ ngag gi gsang ba dang/ sems kyi gsang ba'o/ /zhes pa 'di dag ni mchod 'os pa rnams kyi thar pa'i lam du rab tu brjod do/ /srog ni lus kyi tshad de dpag tu med pa'i srid pa dag gi rtag pa'i srog gi thar pa'o/ /grub pa'i mdza' gang du thar pa'i tshad ni 'jig rten gsum gyi steng du gdugs kyi rnam pa dpag tshad 'bum phrag bzhi bcu rtsa lnga par nges par brjod pa de ni rgyal ba rnams kyi bstan pa'o zhes pa ni zas byed pa'i 'dod pa'i nges pa'o/ /da ni mu stegs pa rnams kyi 'dod pa rigs pas rnam par dpyad nas sun dbyung ba gsungs pa/ rigs byed ces pa la sogs pa ste/ 'dir rig pas rnam par dpyad na rig byed ni rang byung ma yin no/ / ci'i phyir zhe na/ smras pa/ rig byed kyi sbras don brjod par byed pa nyid kyi phyir ro/ /'dir sgras gang zhig don gyi rjod byed yin pa de ni mgrin pa dang rkan la sogs pa'i rtsol bas bskyed pa/ gang yin pa de'i phyir rang byung ma yin par grub bo/ /ci ste 'di ni rig byed kyi sgra ma yin te gzhan nyid do/ /'di ni rna ba'i bug pa'i nang du sgra'i don thams cad gcig tu 'dres par gyur cing rtag pa de'i mngon par gsal bar byed pa'o/ /zhes grub po zhe na/ de'i phyir smras pa/ 'dir gal te rig byed sgra'i don thams cad dang gcig tu 'dres par gyur pa de nyid kyi gnas shing rtag pa yin na de'i tshe bum pa zhes brjod par gyur pa na rna ba'i bug pa'i nang du ca cor rtogs par bya bar 'gyur te/ de ltar yang ma yin no/ /de'i phyir rtag pa'i sgra gzhan khyab par byed pa yod pa'i dam bca' ba 'di ni don med pa'o/ /don ni tha dad med na/ gal te sgra dang don dag gcig nyid pa de lta na me'i sgra dag brjod pa dag gi rang gi kha cis mi sreg /de'i phyir rig byed ni rtag pa nyid ma yin zhing don dang lhan cig gcig nyid ma yin no/ zhes grub ste/ gzhan pa ci 'dir gang gi tshe kla klo rnams kyi rigs byed kyi chos kyis bsgribs par gyur pa na rig byed med par gyur pa de'i tshe tshangs pa'i gdong bzhi dag gi sngon ni rig byed sgra dag gis kyang don ni rab tu gsal bar bya ste/ dbang po phyugs su gyur ces pa la sogs pa'i klog gis so/ /zhes zer pa thos so de'i phyir don gzhan dang rig byed gzhan zhes grub bo/ de'i phyir ston pa po tshangs pa yod de rig pa'i yul dang ma 'ongs don dang 'das pa dag la ston pa po grub ste/ gyur zhes pa'i klog las so/ /khas klog pa las byas par 'grub bo/ /de'i phyir rig byed nam mkha' mtshungs min 'dir ni gnas kyi dbye ba dag las kha yis rab brjod byas pa'o// zhes pa ni nges pa'o/ /rig pas gnyis skyes kha yis klags pa nyi tshe ba ste/ kun tu 'gro ba gzhan rnams klog pa'o/ /gang phyir dmangs la sogs pa'i rigs ni kun 'gro min pa'i rig byed 'di dag klog dang 'bri ba min/ de phyir shes ldan mkhas par gyur pa'i mi rnams dag la rig byed dag ni tshad mar mi 'gyur ro/ zhes pa ni mdor bsdus pas rig byed byas par grub pa ste/ rgya cher tshad ma'i bstan bcos las shes par bya'o/ zhes bya ba 'jam dpal gyis nges pa'o/ /da ni bram ze la sogs pa rnams kyi skye gnas sngar brjod pa sun dbyung ba brjod par bya ste/ 'dir tshangs pa'i khams ni bram ze rnams kyi skye gnas te de las skyes pa'i phyir ro/ /zhes grag go /de bzhin du dpung pa ni rgyal rigs rnams kyi skye gnas so/ /sogs pa'i sgras brla gnyis ni rje rigs rnams kyi skye gnas so/ /rkang pa gnyis ni dmangs rigs rnams kyi skye gnas te de ltar rigs bzhi'o/ /rigs bzhi po 'di dag gi mdza' ni rigs lnga pa ste/ gdol pa de dag rnams kyi skye gnas gang yin ni re zhig bram ze rnams kyis mi shes so/ zhes pa las gzhan pa ci 'dir tshangs pa'i kha las bram ze rnams skyes pa ni bden par grag go /de'i phyir bdag gis dri bar bya'o/ /bram ze mo rnams kyang de las skyes par gyur tam ci gal te gyur na de'i tshe sring mor 'gyur te/ skye gnas gcig las skyes pa nyid kyi phyir ro/ /de bzhin du rgyal rigs la sogs pa rnams kyang ngo/ /de'i phyir sring mo dang lhan cig bag ma ji ltar byed/ ci ste byed na de'i tshe kla klo'i chos la zhugs so/ /kla klo'i chos la zhugs na rigs nyams te/ rigs nyams pa las dmyal bar 'gyur ro/ /zhes pa ni rigs pa'o/ /gzhan yang rnam par dpyad par bya ste/ 'dir gal te skye dgu rnams gcig gis bskyed pa yin na/ de'i tshe rigs bzhir ji ltar 'gyur dper na pha gcig gi bu bzhi bzhin te/ de dag ni rigs so so so so ma yin no/ /de bzhin du rigs rnams kyang ngo/ /ci ste tshangs pa'i kha la sogs pa'i dbye bas tha dad na/ de'i tshe de nyid rigs pas mi 'thad de/ ji ltar au dum ba ra'i 'bras bu rtsa ba dang rked pa dang/ rtse mo las skyes pa rnams tha dad med pa de bzhin du skye dgu rnams kyang ngo/ /gzhan yang dkar po dang dmar po dang ser po dang/ nag po'i kha dog dbye bas tha dad pa ni ma mthong ngo/ /de bzhin du khams dang dbang po dang/ bde ba dang sdug bsngal dang rigs pa dang lung la sogs pas dbye ba ma mthong ba gang yin pa de'i phyir rigs nges pa med pa'o/ zhes grub bo/ de bzhin du a shwa me d+hA la sogs pa'i mchod sbyin 'bras bu shu kas sun phyung ba 'di lta ste/ mchod sdong bcad cing phyugs bsad de/ khrag 'dam byas nas mtho ris su/ gal te 'gro ba de lta na/ dmyal bar gang gis 'gro bar 'gyur/ zhes pa shu ka'i tshigs rab tu grags so/ /de'i phyir rig byed rang 'byung ma yin zhing/ kha la sogs pa skye bo'i skye gnas dang a shA me d+ha las gzhan pa mchog gi chos med pa ma yin te/ tshangs pa'i 'dod pa thams cad rnam par dpyad na don med pa'i rab tu smra ba'o/ /khyab 'jug pa'i 'dod pa ni dbang phyug dang lhan cig sun dbyung bar bya'o/ /da ni dbang phyug gi 'dod pa sun dbyung ba gsungs pa/ gal te zhes pa la sogs pa ste/ 'dir gal te thams cad byed po dbang phyug yod par gyur na/ de'i tshe las longs spyod pa po yang gzhan ma yin te ji ltar gzhan gyi khur ba zos pas gzhan skom pas 'chi bar 'gyur de ltar yang ma yin no/ /gang gis byed pa de ni byed pa po ste/ gang bya ba de ni las so/ /las bya ba de'i 'bras bu longs spyod pa po ni las byed pa pho'o/ /las med na byed pa po mi 'grub ste/ dper na bum pa byed pa'i phyir bum pa mkhan no/ /de bzhin du gang gis las byed pa de ni byed pa po zhes rigs so/ /smras pa dbang phyug rang dbang du las kyi byed pa po min te/ rab tu sbyor ba po yin no/ /zhe na smras pa/ 'dir gal te las byed pa po ma yin na de'i tshe/ kun nas thams cad byed pa po zhes pa don med par 'gyur ro/ /'dir gal te byed pa pa bskul bar gyur pa na las byed na/ de'i tshe byed pa po gzhan dbang med do/ /gang gi gzhan dbang nyid du gyur pa des 'gal ba'i las byas par gyur na rab tu sbyor ba pos ji ltar tshar gcod par byed/ rang dbang nyid med par rang dbang nyid du dbang phyug gi khyab pa'o/ /de ltar byed par smra ba rnams la las kyi 'bras bu med par grub ste/ de ltar yang ma yin no/ /de'i phyir dge ba dang mi dge'i 'bras ster byed po dbang phyug 'ga' yang med de/ srog chags las ni dor nas so/ zhes pa ste/ byed pa po med pa rang gi las kyi 'bras bu la nye bar longs spyod pa grub po/ /da ni rang dbang gi byed po gzhan la ltos pa nyid du gsungs pa/ sa zhes pa la sogs pa ste/ 'dir ni gal te mkha' la ste/ nam mkha' las la sogs pa'i rdul phran rnams byed po'i dang por yod pa min no/ /de'i tshe rdzas dag med pa la zhi sna tshogs mi byed de/ yul dang rnam par bral ba cha med pa las thams cad byed po ji ltar yod/ /yul dang rnam par bral ba byed po 'di yis bsgrub byed kyi tshad ma mngon sum dang lkog tu gyur pa med pa gang yin pa de'i phyir ? yang dag sbyor ba nyid las rgyu ba dang mi rgyu ba sna tshogs thams cad du 'gyur gyi byed pa po'i 'dod pas ma yin las kyi gzugs shes pa ni rigs pa ste/ byed po'i 'dod pa dgag pa'o/ /da ni rten cing 'brel bar 'byung ba gsungs pa/ yang dag sbyor ba las zhes pa la sogs pa ste/ 'dir dngos po thams cad kyi yang dag par sbyor ba las 'byung ba ni 'di thob nas 'di 'byung bar 'gyur ba ste/ yang dag sbyor ba las zhes pa ni zla ba'i 'od zer dang yang dag par sbyor ba las chu shel las chu ru 'gyur ro/ /kyang yig gi me shel las mer 'gyur ro/ /me long las dngos po yang dag par sbyor ba las dngos po gzugs brnyan du 'gyur ro/ /gzhan gyi sgyur bzos pa'i yang dag par sbyor ba las gzhan gyi lce 'dzag par 'gyur te/ skyur ba'i rgyu las so/ /khron pa la sogs pa rang gi sgra yis yang dag par sbyor ba las sgra brnyan du 'gyur ro/ /dag pa'i sa bon las sa dang chu la sogs pa'i yang dag pa'i sbyor ba las myu gur 'gyur ro/ / khab len las zhes pa ni/ khab len gyi rdo yis yang dag par sbyor ba las lcags kyi thur ma g.yo bar 'gyur ro/ /'dod pas dngos po 'di dag la dngos por 'gyur ba ci yang min no/ /'o na ci zhe na/ dngos po rnams kyi nus pa ste/ 'di ni srid pa gsum gyi gnas su su zhig gis kyang sprul pa min no/ zhes pa ste/ rten cing 'brel par 'byung ba grub pa'o/ /'dir smras pa/ gang gi phyir rgyu med na 'bras bur mi 'gyur ba de'i phyir rgyu yod do/ /de nas dbang phyug la sogs pa grub po zhe na/ smras pa/ 'dir rgyu la 'bras bur 'gyur ba gang yin pa de ci 'bras bu yod pa'am/ med pa yin/ rgyu ba yod pa ni 'bras bur mi 'gyur ro/ /bum pa yod pa'i sa la sogs pa ni rgyur gyur bar mi 'gyur te yod? pa'i phyir ro/ /med pa ni 'bras bur mi 'gyur te/ med pa'i phyi rus sbal gyi spu bzhin no/ /de bzhin du snam bu'i snal ma la sogs pa rnams rgyur gyur par mi 'gyur ro/ /gnyi ga'i bdag nyid ni 'bras bur mi 'gyur te/ phan tshun 'gal ba'i phyir ro/ / gang yod pa ni med pa ma yin zhing/ gang med pa de ni yod pa ma yin te 'gal ba'i phyir ro/ /de'i phyir rgyu la 'bras bu yod pa dang 'bras bu med pa dang/ 'bras bu yod pa dang med par mi 'gyur ro/ /zhes 'grub po/ /smras pa 'dir rgyu bkag pas 'bras bu yang bkag par 'gyur ro/ /gnyi ga bkag pa'i phyir thams cad med par grub po zhe na smras pa/ 'dir thams cad med pa ma yin te/ gzhan la ltos pa'i phyir ro/ /'dir rgyu la rgyu nyid gang yin pa de ni 'bras bu la ltos nas yongs su brtags pa ste/ 'bras bu yang rgyu la ltos nas so/ /de ltar gzhan la ltos pa'i phyir/ gnyi ga yang rgyu nyid du thal bar 'gyur ro/ /gnyi ga rgyu yin pa nyid kyi phyir 'bras bu med de/ de med na rgyu med do/ rgyu ni 'bras bu la ltos pa'i phyir des pa med pa nyid du thal bar 'gyur te/ nges pa med pa nyid yin pa de'i phyir sgyu ma yin pa nyid du thal bar 'gyur ro/ /de'i phyir dbang phyug la sogs pa'i rgyu thams cad nges pa med pa nyid dang rgyu ma yin pa nyid du grub po/ /smras pa/ rgyu dang 'bras bu na ltos pa can du grub pa ma yin te/ rgyu gang yin pa de ni rgyu nyid dang/ /'bras bu gang yin pa de ni 'bras bu nyid du grub po zhe na/ smras pa/ 'dir khyod kyi 'dod pa las 'grub cing/ bdag gi las ma yin bzhi shin tu mi bzang pa'o/ /gal te khyod kyi 'dod pa las grub na/ de'i tshe bdag gi yang 'dod pa las khyod kyi yod pa gang yin pa de ni bdag gi med par grub ste/ rigs pa rnam par spangs pa'i phyir ro/ smras pa/ yid ches lung las dam tshig 'di/ /dam tshig ma grub dam tshig ces/ /brjod pa dag ni mi 'thob ste/ /bstan bcos rig pa rnams kyis gsungs zhes pa dang/ 'ga' zhig gi tshe rigs pa brjod pa smras pa/ 'dir nye bar len pa'i rgyu las/ thams cad 'byung ba med pa'i phyir/ nus pa'i rgyu nus pa can las 'bras bu yod pa grub po zhe na/ smras pa/ 'dir khyed kyi bstan tshigs ni don med do/ / ji ltar gal te khyod kyi phyogs sgrub par byed pa'i mtshan nyid thob pa de'i tshe/ bdag gi phyogs kyang bsgrub par 'gyur zhing/ ci ste khyod kyi phyogs sun 'byin pa'i mtshan nyid thob pa de'i tshe/ bdag gi phyogs kyang sun 'byin par 'gyur te/ dper na me 'di ni gnyis ka sreg par byed kyi gcig ma yin pa bzhin no/ /'dir dper na sgra smra ba po rnams kyi dam bca' ba ni sgra rtag pa'o/ /gtan tshigs gang zhe na/ lus can ma yin pa'i phyir ro/ /dpe gang zhe na/ nam mkha' bzhin no/ /gang gi phyir ji ltar nam mkha' lus can ma yin pa nyid kyis rtag pa de bzhin du sgra yang yin no/ /de'i phyir sgra rtag par grub po zhe na/ smras pa/ 'di ni dam bca' pa ma yin te/ gzhan yang smra bar 'gyur ba sgra mi rtag go / gtan tshig gang zhe na/ byas pa'i phyir ro/ /dpe gang zhe na/ bum pa bzhin no/ /gang gi phyir ji ltar bum pa sa dang ??/ 'khor lo dang/ skud pa dang/ skyes bu'i rtsol bas byas pa de bzhin du sgra yang mgrin pa dang rkan la sogs pa'i rtsol bas bskyed pa de'i phyir sgra mi rtag par grub po/ /de nas zol gyi gtan tshigs tsam las 'bras bu bsgrub? par mi 'gyur ro/ /gang gi ji lta ba de bzhin du brjod na de ni tshad med? 'gyur gyi/ zol? gyi gtan tshigs las ma yin no/ /de ltar gtan tshigs don med do/ /gzhan yang bsgrub bya rnams kyi dam bca' ba dang 'gal bas gtan tshigs ni sgrub byed du mi 'gyur ro/ /'dir gang gi dus na dam bca' ba yod pa de'i dus na gtan tshigs med do/ /gang gi dus na gtan tshigs yod pa de'i dus na dam bca' med do/ /des na dam bca' med pa'i gtan tshigs 'di gang gi yin te/ gcig car ba'i chos can ma yin pa'i phyir ro/ /gang gis dus na pra yig yod pa de'i dus su ti yig dang dz+nyA yig med do/ /de bzhin du pa yig dang ra yig dang a yig ste/ pra yig gis ji lta ba bzhin du yi ge yi ge yi'o/ ma skyes pa 'am shi ba'i pu yis bya ba byed par mi nus te/ de bzhin du gtan tshigs kyis kyang ngo/ /de'i phyir rgyu la brten nas 'bras bur mi 'gyur te/ rgyu med pa las grub pa'i phyir ro/ /rgyu med pa las zhes pa ni rgyu dang byed pa zhes pa don gzhan ma yin no/ /de ltar rgyu las 'bras bur mi 'gyur te/ rgyu med pa las kyang 'bras bur mi 'gyur ro/ /de'i phyir 'bras bu ni rang las ma yin/ gzhan las ma yin/ gnyis ka las ma yin/ rgyu med pa can yang ma yin no zhes grub ste/ byed pa po dang byed pa rtag pa sun dbyung ba'o/ /da ni bdag sun dbyung ba gsungs pa/ gal te zhes pa la sogs pa ste// 'dir gal te bdag ni kun tu 'gro ma gnyen dang bral ba'i sdug bsngal ji ltar nyams su myong bar 'gyur zhes pa ni 'dir gal te bdag thams cad du 'gro ba de gcig pur gyur na/ de la gnyen dang bral ba'i sdug bsngal du mi 'gyur zhing/ sems can gcig gi sdug bsngal gyis sems can thams cad sdug bsngal par 'gyur te/ bdag thams cad du 'gro ba yin pa'i phyir ro/ /ci ste bdag tu ma yin na de'i tshe bdag tu ma rnams thams cad du 'gro ba nyid med do/ /gal te 'dir ni brtag par gyur na 'dod pa'i mda' yis bsnun pa'i gnas skabs nyid du cis rab 'gyur zhes pa ni/ 'dir rtag pa gang yin pa de la gnas skabs gzhan med de/ rnam par 'gyur ba dang brel ba'i phyir ro/ /de'i phyir 'dod pa'i mda' yi bsnun pas 'dod pa'i gnas skabs rnam pa bcu po 'dir ji ltar 'gyur/ de'i phyir bdag ni mi brtag par rtogs par bya ste/ rnam 'gyur dang yang dag par ldan pa'i phyir ro/ /gal te bya ba dang bcas gyur na gnyid log dus su 'di ni rmongs pa nyid du ji ltar 'gro zhes pa ni/ 'dir sad pa'i dus su sad pa'i gnas skabs kyi mtshan nyid kyi bya ba dang bcas shing dang yig las rtag pa yang yin na/ de'i tshe gnyid log pa'i dus su bya ba dang bral ba rmongs pa nyid du ji ltar 'gro /de ltar nges par mdza' gcig tu rnam par dpyad na bdag 'di ni kun tu 'gro bar 'gyur ba ma yin zhing/ khyab bdag gtso bo rtag pa yang ma yin la/ bya ba dang bcas pa yang ma yin no/ /zhes grub po/ /da ni sangs rgyas bcom ldan 'das kyi gsung rab gsungs pa bdag med ces pa la sogs pa ste/ 'dir rten cing 'brel bar 'byung ba'i chos rnams ni/ 'gog pa las skye ba dang skye ba las 'gog pa'o/ /de ltar 'gog pa'i chos rnams la bdag med de/ bdag gi ba med pa'i phyir ro/ /skye ba'i chos rnams la 'byung ba yod de/ slar yang skye ba 'dzin par byed pa'i phyir ro/ /'di dag ni kha don la sogs pa'i dpe yis grub ste/ 'chad par 'gyur ba las brjod par bya'o/ /dge dang mi dge'i 'bras bu yod de zhes pa ni skye ba'i chos rnams la dge ba dang mi dge'i 'bras bu yod pa'o/ /'gog pa'i chos rnams la med pas na byed pa po yis rnam par dman te/ byed pa po dang bral ba'o zhes pa'i don to/ /'gog pa'i chos kyi tshogs 'go ba po med do/ /ma lus pa ni mdza' dag go / thar pa'i slad du 'gro ba yod de/ gzhan dag gi gzhan ni de'i rang bzhin zhes pa la sogs pa gsungs pa'i phyir ro/ /'ching ba yod de bcings pa med ces pa ni 'dir skye ba'i chos rnams la 'ching ba yod do/ /'gog pa'i chos rnams la bcings pa med do/ /dngos po dngos med dag kyang yod de skad cig rnam bral rang bzhin med pa dag gi srid pa yod ces pa ni/ 'dir dngos po dang dngos po med pa gcig tu 'dres par gyur pa rang bzhin med cing rdzas kyi rnam par rtog pa dang bral ba pra phab dang mtshungs pa/ skad cig rnam bral te skye ba dang 'jig pa dang bral ba'i dngos po ni sangs rgyas rnams kyi chos kyi 'khor lo bskor ba'i don du yod do/ /'di dag bdag gi ste/ gdon thams cad las rnam par grol ba'i tshig gang yin pa de ni/ lha dang gdengs can rnams kyi gdon bcas tshig gis 'joms mi 'gyur/ 'dir dper na gdon gyis bzung ba'i gyad gyis gdon las grol ba'i gyad gzhom par mi nus so/ /de bzhin du rnam par rtog pa'i gdon gyis gzung ba'i rnam par rtog pa'i gdon las grol ba gzhom par mi nus so/ /bdag med pa la sogs pa grub pa'o/ /'dir ni mdor bsdus pas gsungs pa ste/ rgyas par lung rgya chen po las shes par bya'o/ /zhes pa ni des pa'o/ /da ni bye brag smra ba dang/ mdo sde pa dang/ rnal 'byor spyod pa'i 'dod pa sun dbyung ba gsungs pa/ gang zhig de nyid ces pa la sogs pa ste/ 'dir mu stegs sangs rgyas pa gang dag phyogs yongs su 'dzin no/ /rang gi phyogs 'dzin pa des/ gzhan gyi phyogs kyang 'dzin par byed par 'gyur te/ byis pa'i blo can de dag rnams kyi de'i chos kyis sam chos mi mthun pas so/ /'dir bye brag smra ba gang zhig de nyid gang zag ces bya lus la gnas par smra ba de ni rang bzhin gyis nyams zhes pa ni te/ 'dir gal te gang zag gi nang na 'dus pa skye ba'i cha shas can gyi gang zag yod na/ de'i tshe rang bzhin brjod par bya'o/ /ci shes pa'i rang bzhin nam/ mi shes pa'i rang bzhin/ gal te shes pa'i rang bzhin yin pa de lta na mi rtag ste/ 'dir bum pa'i shes pa 'gags pa na snam bu'i shes pa 'byung bar 'gyur ro/ /de'i phyir mi brtag go /ci ste mi shes pa'i rang bzhin yin na de'i tshe mi shes pa la bde ba dang sdug bsngal la sogs pa'i rigs med do/ /des na bye brag smra ba de ni de'i rang bzhin rnam par dpyad na nyams so/ /'dir khur khur ba'i gang zag yod de brtag par yang bdag mi smra zhing mi rtag par yang bdag mi smra'o/ zhes pa bcom ldan 'das kyi gsung gang yin pa de ni ye shes kyi le'u las rgya cher brjod par bya'o/ /kun rdzob dag gi don ni smra ba po yang don dam ma rig med pa dag tu 'dod pa'o/ /'dir kun rdzob kyi sngon po la sogs pa'i don 'dzin pa'i don smra ba po ni nyams so/ /ji ltar zhe na/ don pa ye shes kyi sku ma rig ste/ mo gsham gyi bu bzhin du med pa dag tu 'dod pas so/ /de bzhin du smras pa/ nam mkha' dang ni 'gog pa gnyis/ /'dus ma byas gsum rtag pa ste/ /'dus byas thams cad skad cig ma/ /bdag gis stong zhing byed po med/ /dbang skyes blo ni rnam med kyi/ /phra rab bsags pa dngos su rig /kha che'i gzhung gi chu gter gyi/ /bye brag smra ba'i gzhun 'dod 'gyur/ /shes pa rnam bcad skyed byed ni/ /dbang po'i spyod yul snang ba min/ /nam mkha' mo gsham bu dang mtshungs/ /bgegs pa dag ni nam mkha' bzhin/ /'du byed bems po yong ma yin/ /dus gsum rjes 'gro dag kyang med/ /thogs pa med pa'i gzugs yod min/ /zhes pa mdo sde pa yis rig /ces so/ /des na thogs pa med pa'i gzugs dus gsum rig par byed pa po gal te mar me brnal ba dang 'dra bar mtshungs pa yin na/ de'i tshe thogs pa med pa'i gzugs med pa'i phyir thams cad mkhyen par mi 'gyur ro/ /sku bzhi ma gtogs par nyi tshe ba'i sku yis sangs rgyas nyid du mi 'gyur ro/ /'dir thogs pa med pa'i sku dang bral ba'i sangs rgyas ni rnam pa thams cad pa'i rdzu 'phrul ston par mi 'gyur ro/ /thams cad kyi skad kyi gsung du mi 'gyur ro/ /gzhan gyi sems mkhyen par yang mi 'gyur ro/ /lha'i mig la sogs pa thams cad 'bras bu med par 'gyur ro/ /zhes pa ni mdo sde pa'i 'dzin pa'i skyon no/ /da ni rnal 'byor spyod pa rnams kyi 'dzin pa'i skyon gsungs pa/ srid gsum mdza' dag rnam par shes pa nyid du smra ba po yang rnam par shes pa 'dod par byed ces pa ste/ smras pa/ yan lag can zhes bya ba med/ phra rab rdul rnams yod pa min/ /rmi lam nyams su myong ba bzhin/ /dmigs pa med par rab tu snang/ /gzung dang 'dzin pa rnam grol pa'i/ /rnam par shes pa don dam yod/ /ces pa rnal 'byor spyod pa'i gzhung/ /rgya mtsho'i pha rol phyin rnams sgrogs/ /de phyir gcig dang du ma'i rang bzhin gyi rnam par shes pa rnam par dpyad pas bral ba'i phyir rnam par shes par smra ba po nyams so/ /'dir khams gsum pa ni rnam par shes pa tsam mo/ /gal te rnam par shes pa las gzhan phyi rol gyi dngos po'i rang gzugs med na de'i tshe/ 'dzin pa mig gi rnam par shes pa la phyi rol gyi gzugs ji ltar bzung ba'i rang bzhin gyis rab tu snang smras pa/ ma rig pa'i bag chags kyi dbang gis so zhe na/ smras pa/ ci ma rig pa 'di khams gsum pa'i mtshan nyid can ma yin nam/ gal te ma rig pa khams gsum pa'i mtshan nyid can ma yin na/ de'i tshe 'khor ba las 'das pa'i mtshan nyid du 'gyur ro/ /de ltar na 'di shes rab kyi pha rol tu phyin pa ste/ de ltar yang ma yin no/ /de'i phyir ma rig pa 'di ni 'khor ba'i bag chags so 'khor ba yang srid pa gsum gyi mtshan nyid de srid pa gsum ni khams gsum mo/ /de yang rnam par shes pa tsam ste/ de ltar ma rig pa rnam par shes pa tsam dang/ rnam par shes pa tsam de'i bdag nyid yin na/ de'i bdag nyid yin pa'i phyir ma rig pa dang bral ba med de/ rnam par shes pa ni ma rig pa tsam yin pa'i phyir ro/ /ci ste khams gsum pa rnam par shes pa tsam ma yin na/ de'i tshe dam bca' ba nyams te/ khams gsum pa tsam du ma grub po/ /da ni skad cig 'jig pa dang skye ba'i skyon gsungs pa/ 'dir chos rnams skad cig ma gcig la 'jig pa dang skye bar 'gyur ba gang yin pa de ci gnas pa med par ram/ gal te gnas pa med par 'jig pa dang skye bar 'gyur na/ de'i tshe ri bong gi rwa la yang 'gyur ro/ /ci ste skyes pa la gnas shing/ gnas pa las 'jig ste/ zhig pa las skye ba de ltar na/ gnas pa dang/ 'jig pa dang/ skye ba rnams gcig nyid med de mtshan nyid tha dad pas rtogs par bya'o/ /'dir gang gi dus na gnas pa yod pa de'i dus na skye ba dang 'jig pa med do/ /gang gi dus na 'jig pa yod pa de'i dus na skye ba dang gnas pa med pa'o/ /gang gi dus na skye ba yod pa de'i dus na gnas pa dang 'jig pa med do/ /dus zhes pa ni skad gcig go /gal te dus gcig la yin na skye ba dang rga ba dang/ 'chi ba rnams gcig pa nyid do zhes pa las gzhan pa ci/ 'dir gang du skad cig gcig la chos kyi skye ba dang/ 'jig pa de ci/ chos snga ma 'gags pa las sam/ 'on te ma 'gag pa'i chos la chos phyi ma skye/ gal te 'gags pa'i chos las skye na de'i tshe/ 'gags pa'i mar me las mar me gzhan skye'o/ /ci ste ma 'gags pa las skye na/ de'i tshe 'gags pa'i mar me las mar me skye ba bzhin du de las gzhan skye'o/ /de ltar skyes pa las skye bas na mar me'i phreng ba bzhin du rnam par shes pa'i phreng bar 'gyur ro/ /de'i phyir rnam par shes pa snga ma ma 'gags pa las gzhan skye ba brjod par mi nus te 'gags pa las kyang ngo/ /'dres pa las kyang ma yin te/ de dag phan tshun 'gal bas gcig pa nyid med do/ /de'i phyir dbu ma pas smras pa/ rnam par shes pa don dam yod/ /de yang mkhas rnams mi 'dod de/ /gcig dang du ma'i rang bzhin dang/ /bral bas nam mkha' i pad+ma bzhin/ /yod min med min yod med min/ /gnyi ga'i bdag nyid min pa'ang min/ /mdza' bzhi rnam par grol ba yis/ /de nyid dbu ma pa yis rig /ces so/ /gang zhig phyogs nyams de ni ma nyams par 'gyur ro// de gang zhe na/ gang zhig snying rje stong nyid gnyis su med pa smra bo ste/ 'dir gang gi snying rje dmigs pa med cing rnam par rtog pa dang bral ba dang/ stong pa nyid rnam pa thams cad kyi mchog dang ldan pa dus gsum yongs su shes pa'i slad du dus gsum du 'jug pa'o/ zhes pa ni sangs rgyas pa'i grub pa'i mdza' nges pa'o/ /da ni snga ma'i las nye bar longs spyod pa dang/ da ltar gyi la sogs pa la dgag pa gsungs pa/ skye bo zhes pa la sogs pa ste/ 'dir gang dag gi 'dod pa las/ sngar byas pa'i las rnams skye bo longs spyod cing skye ba 'di la bya ba rnams ni skye ba gzhan la'o/ /zhes so/ /gal te de lta yin na/ de'i tshe las ni 'jig par mi 'gyur te/ mi rnams skye dang skye ba gzhan dag gi las kyi 'bras bu nye bar longs spyod pa'i phyir ro/ /de ltar na dpag med srid pa dag gis 'khor ba las 'byung bar 'gyur ba med cing/ thar par 'jug pa med pa nyid du 'gyur ro 'di dag stag gzig rnams kyang nges par 'dod par 'gyur te/ 'on kyang gzhan pa'i rigs kyis rab tu dman pa'o/ /zhes pa la/ kla klo stag gzig rnams kyi 'dod pa ni/ mi shi ba dag /mtho ris sam dmyal bar mi'i lus 'dis bde ba 'am/ sdug bsngal longs spyod de/ rahma Na'i nges pas so/ zhes pa'o/ /de'i gzhan pa'i rigs kyis rab tu dman pa'o zhes te nges pa'o/ /da ni tshu rol mdzes pa'i 'dod pa sun dbyung ba gsungs pa/ gal te 'byung ba zhes pa la sogs pa ste/ 'dir gal te sngar brjod pa sa la sogs pa'i byung ba rnams gcig tu gyur pas/ a ru ra dang/ bu ram dang/ d+hA ta ki yang dag par sbyor ba las chang gi nus pa bzhin du/ mi rnams kyi dbang po dang bcas pa'i sems 'grub na/ de'i tshes la sogs pa gcig tu gyur pa'i shing rnams la 'byung ba yang dag par sbyor ba las dbang po dang bcas pa'i sems su ci'i phyir mi 'gyur/ ci ste bstan pa 'di rnams la skye bo'i nus pa med do zhe na/ de'i tshe 'byung ba yang dag par sbyor ba'i nus pa zhes pa mchog tu brdzun no/ /de'i phyir tshu rol mdzes pa'i tshig 'di dag ni mi rnams dag la bde ba'i 'bras bu ster min lam nyams so/ zhes pa ste/ 'jig rten rgyang pan pa sun dbyung ba'i nges pa'o/ /da ni zad byed pa'i 'dod pa sun dbyung ba gsungs pa/ srog ces pa la sogs pa ste/ 'dir gal te zar byed pa'i grub pa'i mdza' las srog ni rtag pa ste/ de yang lus kyi tshad do zhes grub bo zhe na/ de'i tshe lus kyi cha shas lag pa dang/ rkang pa la sogs pa bcad par gyur na nyams par 'gyur ma ci bcad pa'i lus kyi cha shas med pa'i phyir ro/ /brtag pa dag ni lus kyi mthu las phra mo bzung ba las phra mor 'gyur zhing lus sbom por bzung ba las sbom por yang ni rab tu 'gyur ram ci zhes pa'o/ /'dir gang zhig brtag pa de ni rnam par 'gyur ba can ma yin la/ gang zhig rnam par 'gyur ba can de ni brtag pa ma yin no zhe na/ smras pa/ rdzas dang rnam grangs dag la rtag pa dang mi rtag pa zhes brjod par 'gyur/ /smras pa/ ji ltar gser dang rna brgyan dag rtags dang/ mi brtag pa de bzhin du rdzas dang rnam grangs dag la srog gi rdzas brtag pa dang/ rnam par 'gyur ba mi rtag pa zhes kyang brjod par 'gyur ro/ /de bzhin du grub pa'i mdza' smras pa/ la lar srog gi stobs ldan zhing/ /la lar las ni stobs ldan 'gyur/ /de ltar srog dang las dag la/ /khon na mngon du bcings pa'o/ zhes pa ste/ tshigs su bcad pa 'di'i don smras pa ni/ la lar zhes pa thar pa'i yul la srog ni stobs dang ldan te/ ye shes 'ba' zhig gi stobs kyis so/ /la lar te 'gro ba bzhi'i 'khor ba'i yul la las stobs dang ldan te/ mi shes pa'i stobs kyis so/ /de ltar srog dang las dag la yang kho ni sngon thog ma med pa'i dus su bcings pa'o zhes grub bo/ /de ltar rdzas skye ba dang/ 'jig pa'i bdag nyid ni rang gi yon tan dang ldan pa'i phyir te/ rnam pa gzhin du 'grub pa med do/ zhes pa ni grub pa'i mdza' o zhe na/ smras pa/ rdzas dang rnam grangs dag gcig nyid dam gzhan nyid/ 'dir gal te gcig nyid yin na de'i tshe rdzas dang rnam grangs dag la dbye ba med do/ /ci ste gzhan nyid yin na de'i tshe rdzas med par rnam grangs su 'gyur te/ skud pa med pa'i snam bu mthong bar 'gyur ba de ltar yang ma yin no/ /de bzhin du rigs dang gsal ba dag la yang brtag pa dang/ mi rtag pa yang dag par sbyor ba'i skyon no/ 'dir rtag pa dang mi rtag pa dag gcig pa nyid ni med de/ phan tshun 'gal ba'i phyir te/ mi 'dra ba dang 'dra ba dgra bzhin no/ /de bzhin du 'khor ba'i las las grol ba gang zhig 'jig rten steng na gnas pa bde ba dag gi gnas su 'gro zhes pa ste/ 'dir zad byed pa'i grub pa'i mdza' la srid pa gsum ni gcig nyid gnyis pa med do/ /des na srid pa gsum po 'di ni thog ma dang tha ma med cing/ skye ba dang 'jig pa dang bral ba thams cad rdo rje'i rang bzhin te/ nam yang 'jig par mi 'gyur ro/ /gal te srid pa 'di 'jig par 'gyur na/ de'i tshe gzhan srid pa gsum med pa'i phyir/ srog chags thams cad gang du gnas par 'gyur/ rgyu des na 'di ni rtag pa ste srog kyang brtag pa'o/ /'khor ba las grol bar gyur na thar pa dpag tshad 'bum phrag bzhi bcu rtsa lnga pa bde ba'i gnas gang zag dang bral bar 'gro'o/ zhes pa grub bo zhe na/ smras pa/ 'dir 'jig rten gsum yang phra rab dag gis bskyed pa yin gyis/ phra rab med pa ma yin la yang yig las thar pa yang ngo/ /de lta na ji ltar rtag par 'gyur te/ gang zhig phra rab dag gis bkod pa ni rtag tu zhes pa dus kun tu rtag pa ste/ bstan pa yang mi 'gyur te/ sdud pa'i dus kyi dbang gis 'jig par 'gyur ro/ /de 'jig pa las grub pa rnams kyang 'jig pa 'byung bar 'gyur ro/ zhes pa grub pa ni rigs pa las te gzhan pa ci 'dir sngar brjod pa'i srog gi lus kyi cha shas drug po rnams kyi nang nas nags kyi bdag po rnams kyi srog ste/ ci nags kyi bdag po so so lus gcig gi bde ba 'am sdug bsngal las kyi dbang gis nyams su myong bar 'gyur ma/ ci ste du mas yin/ smras pa srog gcig gis gang zag gcig 'dzin te/ gang gi mthu yis nags kyi bdag po rnams dang 'bru la sogs pa rnams la srog ces pa'i ming ngo/ /gal te srog med na de'i tshe rkang 'thung zhes pa ji ltar grub/ srog med pa'i shing skam la sogs pa rnams ni chu 'thungs nas me tog la sogs pa dus su byed par mi 'gyur ro zhes grub bo zhe na/ smras pa 'dir gal te gang zag so so la srog so so re re yod na/ de'i tshe bur shing gi dbyig pa dum bu dum bur byas pa las dum bu du mar 'gyur te/ de dag gi nang nas dum bu gcig ni rtag tu srog dang bcas pa ste/ las kyi dbang gis bskums nas rab tu zhugs pa'o/ /'ga' zhig ni de yongs su btang ba'o/ /rig pas rnam par dpyad na de ltar yang mi 'thad de/ ci'i phyir zhe na/ gang gi phyir slar yang de dag sa la gcugs na dum bu so so la myu gu la sogs pa mthong ba de'i phyir/ nags kyi bdag po rnams kyi myu gu la sogs pa rnams kyis nus pa ni dngos po'i rang bzhin no zhes grub bo zhes pa ni zad byed pa sun dbyung ba'i nges pa'o/ /rgya che du mar tshad ma'i bstan bcos du ma dang dbu ma pas mu stegs pa rnams kyi grub pa'i mdza' sun dbyung bar bya ste/ gang zhig kun rdzob baM don dam pa sangs rgyas kyis gsung dang mtshungs pa de ni sun dbyung bar mi bya'o/ zhes pa ni dus kyi 'khor lo dang sangs rgyas bcom ldan 'das kyi nges pa'o/ zhes pa la sogs ye shes slad du dus kyi 'khor los sa la bstan pa rab tu gsal bar mdzad pa/ /'jam dang sra dang gzhan pa'i bag chags stobs kyis skyes bu rnams kyi sems kyi rjes su 'brangs pa ste/ /sems ni nges par dngos po'i mtshon gyis nye bar gzhag pa ngag las shel bzhin tshon ldan nyid 'gyur ba/ gang yin de phyir rang gzhan rigs su gyur pa'i chos ni 'ga' yang rnal 'byor pa yi sun mi dbyung/ chos ni sems can phan pa yul dang rnam par bral ba dag ste chos min dag kyang gnod pa'o// 'tshe ba rig byed tshang ma can ni bde ba'i 'bras bu mi ster dus kun tu ni sdug bsngal ster/ /dam pa'i byams ldan rmongs pa'i tshigs las mchog gi bde ba byed cing sems can bde la rjes su chags/ /de phyir sems can don ni gcig pu dag dang mi bdag yid kyi rang bzhin med pa bsgom par gyis/ /lha mi'i bla ma nga ni mtho ris 'jig rten dag tu dbang po sa steng du ni 'khor los sgyur/ /sa 'og dag tu klu'i rgyal po gdengs can rigs kyi btung dang kun tu 'gro dang mchog nga ste/ ye shes sangs rgyas thub dbang 'gyur med mchog dang khyab bdag rnal 'byor rnams kyi rdo rje rnal 'byor dang/ rig byed aoM gyi yi ge gtsang ma dag ste rgyal po dngos po kun gyi bdag la skyabs su song zhes pa ni skyabs kyi nges pa'o/ /da ni nyi ma'i shing rtas phyag byas pa khyod ni ma dang khyod ni pha pa ste khyod ni 'gro ba'i bla ma khyod ni gnyen dang grogs bzang yang/ /khyod ni mgon po khyod ni byed po phan dang sdig 'phrog khyod ni go 'phang phun sum tshogs pa yang/ /khyod ni 'ba' zhig gnas pa dang khyod ni yon tan mchog gi gnas te skyon rnams bcom pa khyod nyid do/ /khyod ni dman pa rnams kyi mgon dang yid bzhin nor bu rgyal ba'i dbang po khyod la bdag skyabs mchi/ /zhes te/ nyi ma'i shing rtas bla ma'i phyag gis bcom ldan 'das 'jam dpal la stod nas zhabs gnyis po spyi bor byas te slar yang rang gi stan la 'khod do/ /bsdus pa'i rgyud kyi rgyal po dus kyi 'khor lo'i 'grel bshad rtsa ba'i rgyud kyi rjes su 'jug pa stong phrag bcu gnyis pa dri ma med pa'i 'od las/ rang dang gzhan gyi lta ba rig pas rnam par dpyad pa'i mdor bsdus chen po ste/ bdun pa'o// // nang gi le'u'i 'grel bshad rdzogs so/

CLOSE WINDOW