བོད་ཡིག

e-texts based on the ACIP/ALL Input

bod kyi lo tsA ba chen po shAkya'i dge slong pa tsha ba nyi ma grags kyis bsgyur cing zhus te gtan la phab pa'o// //*/ (bcom ldan 'das la bstod pa sngags 'os bsngags bstod zhes bya ba dri za sde dbyangs kyis mdzad pa bzhugs//) // rgya gar skad du/ bar Na ra ha ba ra Ne b+ha ga ba to/ /bud d+ha sto tra ya shAkya sta ba nA ma/ bod skad du/ sangs rgyas bcom ldan 'das la bstod pa bsngags par 'os pa bsngags pa las bstod par mi nus par bstod pa zhes bya ba/ /dkon mchog gsum la phyag 'tshal lo/ /zhing dang zhing min ma 'tshal te/ /sgra tsam gyi ni rjes 'brangs nas/ /bdag gis nongs te sngon chad ni/ /bsngags min bsngags pa brjod pa gang/ /dag gi 'dam gyis gos pa de/ /thub pa bsod nams 'bab kyi stegs/ / bzhud pa khyod la brten bcas nas/ /rab tu bkru ba 'di brtsam mo/ /'di ni bdag gis mchog tshogs la/ /gti mug ldongs pas nongs bgyis gang// /sdig pa de yi nongs pa dag /sel bar bgyid pa'i bsad byed lags/ /bdag ni mya ngan 'das bar du/ /khyod kyi gsung dang khyod kyi ni/ /yon tan brjod pa gang lags pa'i/ /tshig lam gnyis las nyams ma gyur/ /gtam 'di tsam zhig snying por bas/ /de las gzhan don ma mchis pas/ /smran 'di nyid smra bar shog /yang na bdag ni mi smrar shog / khyod kyi chos ni kho na dang/ /khyod mnyam khyod ni nyid la mnga' / /de slad chos gzhan thams cad ni/ /khyod las khyad du khor ma lags/ /gang te sangs rgyas chos rnams ni/ /bsam pa bgyis na thams cad kyi/ /phul du phyin gyur dngos po gzhan/ /mi gtsang nyid dang 'dra bar gyur/ /khyod 'dra 'ga' yang ma mchis na/ /lhag pa lta zhig smos ci 'tshal/ /khyod pas khyad par cung zad kyis/ /dman pa tsam yang dga' ma mchis/ /'dren pa khyod la gang zhig gis/ /dper brjod dpe ni ma mchis pas/ /dpe yi glags ni spangs pa po/ /dpe med khyod la phyag 'tshal lo/ /sangs rgyas chos ni gzhal yas phyir/ /de las gzhan pa'i gang zag ni/ /rnam grol 'dra ba thob rnams kyang/ /khyod dang khyad par shin tu che/ /sted pa tsam du 'dra slad du/ /su zhig khyad par ma 'tshal nas/ /ba spu'i bu ga stong pa ni/ /chung du nam mkha' dag dang sgrun/ /grangs med pa la su zhig bgrang/ /tshad med pa la su zhig 'jal/ /khyod kyi yon tan grangs dang ni/ /mthu la dpogs pa ma mchis so/ /ji ltar dpag bsam shing gi tshol/ /'byam klas nang du 'khyams pa ltar/ /bdag ni khyod la legs spyod kyis/ /ngoms ma 'tshal te mdza' mi rtogs/ /yon tan rnams kyi yon tan mtsho/ /khyod kyi de bzhin gshegs chos rnams/ /gal te bstan du mchis gyur na/ /nam mkhar yang ni shong mi 'gyur/ /khyod kyi mngon sum bsnyen bkur ba/ /sangs rgyas chos kyi sde dpon po/ /nyan thos kun gyi tog gyur pa/ /zab mo rjes su sgrogs pa la/ /kun mkhyen nyid phyir bcom ldan gyis/ /rmas na ma mtshal zhes gsol pas/ /sangs rgyas chos kyi zab mo nyid/ /bsam 'tshal bar bshad pa lags/ /gal te gtso bo de dag kyang/ /khyod la nus pa rdugs lags na/ /bdag 'dra srid pa mi gtsang ba'i/ / srin bus bsam skabs ga la mchis/ /sA la'i shing chen khyod nyid kyi/ /yon tan yal ga thugs brtse bas/ /btud pa rnams la skye bo 'di/ /cung zad 'ju ba tsam du bas/ /char sprin tshogs ni chen po yis/ /char gyi rgyun rnams phab pa las/ /so ga'i tsha bas gdungs pa yi/ /khungs rtas 'tshal na'ang ci zhig 'tshal/ /ma dros pa yi mtsho las ni/ /chu bo chen po bzhi 'bab kyang/ /de zad bgyid par mi nus na/ /gzhan dga' bab pas smos ci 'tshal/ /rin chen 'byung khungs rnams kyis ni/ /'jig rten rgyas bgyis bas ma 'tshal/ /mgon khyod yon tan brjod pa'ang/ /bdag ni de 'dra kho nar sems/ /bsgribs nas khyod kyi bstan nyid las/ /yon tan me tog rnams btus te/ /rang gi me tog dag gis ni// shing bzhin khyod la me tog gsol/ /rang gi dbyig gis 'byung khungs bzhin/ /rang gi tshon rtsis ri lta bur/ /rang gi dri yis tsandan bzhin/ /rang gi chu yis mtsho lta bur/ /rang las byung ba'i gser nyid kyis/ /gser 'byung ba yi rin chen bzhin/ /khyod bstan nyid las btus pa yi/ /yon tan rnams kyis khyod mchod do/ /nam mkha' i dkyil nas zla 'od thams cad du/ /phros pa ril gyi 'bab 'gyur ma yin la/ /zla 'od sa steng bab pas kha phye na/ /me tog ku mu da tshal mi rgyas min/ /de bzhin yon tan dpag med chu ldan pa/ /rgyal ba'i bsngags pa rgya mtsho mdza' med la/ /de yi phyogs gcig brjod pas dad ldan pa'i/ /skye bo 'ang 'dod pa'i 'bras bur mi ldan min/ /sangs rgyas bsngags pa brjod tshig 'bras bu yod/ /skye ba'i zong brin bder 'gyur gegs med lam/ /tshangs pa'i theg 'gyur dad sogs yon tan gyi/ /rtsa ba'i ser rme de la sogs pa yod/ /dbang po rab tu dad par gzhol gyur cing/ /sangs rgyas bstod pa'i gzhung la brtson pa rnams/ /skad cig re rer chos rgyun 'byung ba gang/ /kun mkhyen min pas cung zad gzung mi nus/ /mthu bdog mi rtag par yang zhugs gyur la/ /dal 'byor 'di yang shin tu dka' ba las/ /gang dag las 'di la ni mi brtson pa/ /de las bslus par gyur pa gzhan ci yod/ sangs rgyas bcom ldan 'das la bstod pa bsngags par 'os pa bsngags pa las bstod par mi nus par bstod pa zhes bya ba ste le'u dang po'o/ / //bcom ldan khyod ni zhal bzhugs tshe/ /bdag ni dad dbang gzhol gyur pa/ gang slad thugs rjes brlan pa yi/ /sangs rgyas spyan gyis gzigs mdzad pa/ /khyod kyi thugs rje de nyid ni/ /yid la mchis pa mngon bgyis nas/ /phyag bgyir 'os pa khyod la bdag /mngon sum bzhin du phyag 'tshal lo/ / kun mkhyen ma lags gang gis kyang/ /kun mkhyen khyod ko ji ltar rtogs/ /bdag nyid tshe rgyas bdag nyid kyis/ /mkhyen pa khyod la phyag 'tshal lo/ /'di lags 'di 'dra'o zhes bgyir khyod/ /bdag 'dra ba'i yul ma lags/ /gang lags gang 'dra 'ang mi sngo ste/ /khyod 'dra ba la phyag 'tshal lo/ /mgon po khyod ni nyid dang 'dra/ /rgyal rnams ci 'dra khyod dang 'dra/ /gang 'dra gzhan 'ga' ang ma mchis pa/ /de 'dra khyod la phyag 'tshal lo/ /ji ltar khyod ni nyid kyis mkhyen/ /ji ltar khyod ni khyod 'dras mkhyen/ /ji ltar khyod gzhan ma 'tshal ba/ /de 'dra khyod la phyag 'tshal lo/ /ji ltar khyod ni bdag nyid kyis/ /thugs rje stobs bcu la sogs kyi/ /yon tan rnams kyis bsgrags mdzad pa/ /de 'dra khyod la phyag 'tshal lo/ /deng nas bzung nas khyod kyi ni/ /yon tan 'byung gnas snying po dag /de nyid las ni mngos btus nas/ /ci nus khyod la phyag 'tshal lo/ /dgra bcom khyod la phyag 'tshal 'dud/ /mchod 'os khyod la phyag 'tshal 'dud/ /rigs pa khyod la phyag 'tshal 'dud/ /khyod la 'dud cing phyag 'tshal lo/ /rdzogs pa'i sangs rgyas rin chen te/ /rin chen chos kyi rang bzhin lags/ /dge 'dun rin chen 'byung gnas te/ /rin chen gsum tshogs khyod la 'dud/ /mchod 'os khyod ni rin chen te/ /thugs kyi dgongs pa'ang rin chen lags/ /dam chos rin chen 'byung gnas te/ /kun nas rin chen khyod la 'dud/ /rin chen kun gyi mchog gyur pas/ /rin chen thams cad zil gyis gnon/ /rin chen kun gyi 'byung gnas pa/ /yang dag rin chen khyod la 'dud/ /phyag 'tshal rin chen thugs khyod la/ /phyag 'tshal rin chen chos khyod la/ /phyag 'tshal thams cad rin chen la/ /srid med bsgom pa goms mdzad pas/ /thub pa kun gyi mchog gyur pa/ /phyag bgyis 'os pa'i dgra bcom pa/ /khyod la gus par phyag 'tshal lo/ /'gal bar bgyis par gang lags pa/ /yang dag mdza' la gnas pa po/ /dge sbyong gi ni mthar phyin pa/ /bla med khyod la phyag 'tshal lo/ /rnam pa thams cad phun tshogs pas/ /mdzes pa gzhan kun zil gnon cing/ /dus rnams kun tu dga' mdzad pa/ /sangs rgyas pad+ma khyod la 'dud/ /kha dog bzang la dri zhim zhing/ /blta na sdug la mi ring ba/ /rdzogs pa'i sangs rgyas pad+ma dkar/ /kha bye khyod la phyag 'tshal lo/ /bde ba'i nying khu rab sbyangs pa/ /bzhed dgur reg pa brnyes pa po/ /skyid par bskrun pa'i dge sbyong ni/ /rab gzhon khyod la phyag 'tshal lo/ /'o brgyal 'bras bu mchis gyur pas/ /mthar phyin mdza' dag brnyes nas ni/ /dam pa gsung bar dam bcas pa'i/ /dge sprod khyod la phyag 'tshal lo/ /tshangs spyod brten cing rig byed dang/ /rig byed kun gyi yan lag mkhyen/ /rig dang zhabs kyis bsangs pa yi/ /tshangs pa khyod la phyag 'tshal lo/ /'phags pa'i chos ni mi 'phrogs shing/ /'phags pa'i 'phrin las phul du byung/ /'jig rten slob dpon bya ba mdzad/ /'phags pa khyod la phyag 'tshal lo/ /thugs ni dka' thub brtul zhugs dag/ yang dag glangs pas gtsang mar mdzad/ /sdig pa thams cad bkrus gyur pa/ /khrus mdzad khyod la phyag 'tshal lo/ /mnga' bdag mchog ni brnyes gyur cing/ /sems can thams cad zil gyis gnon/ /seng ge'i nga ro sgrogs mdzad pa/ /seng ge khyod la phyag 'tshal lo/ /rtogs pa brjod pa'i rjen shul che/ /dam chos spo la brten pa mdzad/ /chos gzhan thams cad 'jig pa po/ /glang chen khyod la phyag 'tshal lo/ /chos nyid shin tu dka' ba'i lam/ /khyod min gzhan gyis mi bzod pa/ /gsal mdzad gshegs pa 'jig rten gyi/ /lam gyur khyod la phyag 'tshal lo/ /des la shin tu dul gyur bzod/ /shugs dang mdog bzang stobs dang ldan/ /yan lag rdzogs pa'i sku mnga' ba/ /cang mkhyen khyod la phyag 'tshal lo/ /phyogs dang 'bab stegs spyod yul mkhyen/ /brtan la gya gyur bzhud mi mnga' / /khyu mchog gnas ni brnyes pa yi/ /khyu mchog khyod la phyag 'tshal lo/ /gdul ba'i thabs ni mdza' dag la/ /mkhas shing le lo mi mnga' ba/ /skyes bu 'dul ba'i kha lo sgyur/ /mchog rab khyod la phyag 'tshal lo/ /gang slad khyod bstan ma mchis na/ /skal ba can yang don ma mchis/ /de slad kun gyi tshangs spyod du/ /gyur pa khyed la phyag 'tshal lo/ /yon tan phun sum ldan pa kun/ /yang dag shin tu yongs rdzogs pas/ /dge ba'i chos la 'dun pa kun/ /rgyun bcad khyod la phyag 'tshal lo/ / nyid kyi don ni yongs rdzogs shing/ /gzhan gyi don la mngon brtson pa/ /dam chos bdud rtsi stsol ba po/ /tshim par mdzad pa khyod la 'dud/ /'jigs pa du mas 'jigs gyur pa/ /pha rol min pa'i mu spangs nas/ /chu bo chen po legs brgal zhing/ /pha rol gshegs pa khyod la 'dud/ /nyon mongs nad ni kun sel cing/ /zug rngu thams cad 'byin mdzad pa/ /rig sngags 'chang ba grub pa po/ /sman pa'i gtso bo khyod la 'dud/ /mchog dang mchog min lam mkhyen cing/ /zhi ba'i phyogs ni ston par mdzad/ /grub dang bde ba bskyed pa yi/ /ded dpon khyod la phyag 'tshal lo/ /rtag tu mun pa sel mdzad cing/ /rtag tu spyan ni 'byed par mdzad/ /rtag tu mi bsnyel chos mnga' ba/ /shin tu bzhengs pa khyod la 'dud/ /dri ma'i 'dam ni nges bkrus pas/ /dam chos dri ma med pa'i chu/ /mchog tu rnam par byang ba po/ /shin tu rnam dag khyod la 'dud/ /sdig dang bsod nams spangs gyur cing/ /stong pa nyid kyi bsgos pa'i bdag /phan dang gnod pa bgyid snyom pa/ /shin tu chags bral khyod la 'dud/ kun nas nyon mongs bag chags kun/ /nges par bsal bas dri med thugs/ /rnam thar sgrib pa mi mnga' ba/ /shin tu rnam grol khyod la 'dud/ /blta bas mi ngoms gzugs mnga' zhing/ /sku ni 'od kyis lha ger mdzes/ /blta bya kun gyi nang na ni/ /blta na sdug mchog khyod la 'dud/ /skyes bu chen po'i mtshon rnams ni/ /dpe byad bzang po'i tshogs bcas pa/ /sum cu rtsa gnyis dang ldan pas/ /blta bar 'os pa khyod la 'dud/ /sangs rgyas chos ni bla med pa/ /mi 'jigs pa dang stobs sogs kyis/ /'gro ba'i nang du sgra bsgrags pa/ /dga' bar 'os pa khyad la 'dud/ /'phags chos dkar po bla med pa/ /goms par bya ba rnams kyis ni/ /sku gnyis po dag bsgos gyur pa/ /bsgom par bya ba khyod la 'dud/ /sku gsung thugs kyi phrin las rnams/ /shin tu rnam par byang gyur pas/ /tshul khrims bsrung ba las 'das pa/ /gtsang sgra dag pa khyod la 'dud/ /nyon mongs pa yi brjod pa spangs/ /zhi ba'i las kyi mdza' la dgongs/ /mi gsung dang du bzhes mdzad pa/ /thub pa zhi ba khyod la 'dud/ /bde ba dang ni sdug bsngal gyis/ /thugs mi 'phrogs la brtan pa'i thugs/ /thams cad zil gnon sems can gyi/ /snying po mchog gyur khyod la 'dud/ /kun la rnam pa thams cad dang/ /rten gyi blo dang dgongs pa dag /legs par gnas phyir mi bsnyel ba'i/ /chos can khyod la phyag 'tshal lo/ /'jig rten 'das kyi yon tan phyug/ 'jig rten zang zing rnam par 'jig/ /'jig rten snang bar mdzad pa po/ /'jig rten mgon po khyod la 'dud/ /bshes dang dgra dang bar mar snyoms/ /sems can kun la phan dgongs pa/ /rjes su brtse bar mdzad pa po/ /thugs rje chen po khyod la 'dud/ /chos kyi 'du shes kun rdzogs pa/ /skyob pa mngon shes chen po mnga' / /byas mkhyen ma byas mkhyen pa po/ /thams cad mkhyen pa khyod la 'dud/ /gla kyi skabs ni kun spangs shing/ /kun nas 'ching ba bcang gyur pa/ /shes rab gsal bar mdzad pa po/ /sred pa bsal ba khyod la 'dud/ /mnyes par bgyi 'os phyag bgyir 'os/ /brgal bar 'os min nongs mi mnga' / /'bad de mchod par bgyis 'os pa/ /rigs pa gsum ldan khyed la 'dud/ /phan pa ma lags sel mkhas shing/ /phan pa bskyed par mngon brtson pa/ /gcig tu brtse bar gzhol ba yi/ /bshes gnyen dam pa khyod la 'dud/ /skye dgu lam log zhugs pa rnams/ / rtag tu dam pa'i lam la ni/ /mngon phyogs mdzad par mngon brtson pa/ /rtsa lag dam pa khyod la 'dud/ /go 'phang mkhyen pa rnams kyi phul/ /khyod kyis go 'phang mchog brnyes nas/ /rkang gnyis rnams kyi mchog gyur pa/ /de las go 'phang 'phags ma mchis/ /go 'phang bla na med brnyes nas/ /sdug bsngal thams cad sel mdzad cing/ /ma chags nyer len mi mnga' ba'i/ /rkang gnyis mchog gyur khyod la 'dud/ /khyod kyi bstan la ma brten par/ /'gas kyang de nyid mi mthong bas/ / 'jig rten long nga lta bu yi/ /mig du gyur pa khyod la 'dud/ /sa steng gdugs ni ma mchis na/ /zhugs mchis mar me 'ang mchis gyur la/ /rgyu skar nor bu zla ba dag /mchis kyang gsal ba rdzogs mi 'gyur/ /snang ba de dang gzhan dang ni/ /de pas khyad par ches 'phags pa/ /mchis kyang khyod ni mi bzhugs na/ /'gro ba snang ba mchis ma lags/ /de ltar 'jig rten ma rig pa'i/ /mun nag thibs pa'i ling tog gis/ /bsgribs pa'i sems ldan smag gyur pa'i/ / sngon par gyur pa khyod la 'dud/ /chos la blo gros ma byang bas/ /phan pa'ang phan par ma 'tshal zhing/ /gnod pa'ang gnod par ma 'tshal la/ /byang ba'ang khyod la brten nas 'gyur/ /byis pa phal cher gnod pa dag /dor bar 'tshal la phan pa spong// phan pa gnyer yang ma 'tshal bas/ /gnod nga so sor bsten par bgyid/ /de dag thabs ni ston mdzad phyir/ /khyod la brten nas gnyis ka yang/ /yang dag ji bzhin rtogs 'gyur bas/ /sman par gyur pa khyod la 'dud/ /gtso khyod gang gi blar gyur pa/ /de yang 'jig rten bla ma lags/ /de slad bla ma rnams kyi yang/ /blar gyur bla ma khyod la 'dud/ /'jig rten mkhas pas mchod pa yang/ /yid ches ngo bo khyod la mchod/ /mchod 'os rnams kyis mchod bya ba/ /mchod 'os dam pa khyod la 'dud/ /bsngags 'os bsngags pa gang lags pa'i/ /skye bo des kyang khyod bsngags te/ /bsngags par 'os pa rnams kyis kyang/ /bsngags par gyur pa khyod la 'dud/ /lha rnams kyang ni khyod la 'dud/ /khyod la drang srong rnams kyang 'dud/ /phyag bgyir 'os pa rnams kyis kyang/ /'dud par bgyi ba khyod la 'dud/ /sems dang bcas pa su zhig ni/ /bsod nams zhing ni dpag med pa/ /'dud 'os khyod la phyag bgyid pas/ /nam zhig na ni ngoms par 'gyur/ /de ltas khyod la phyag 'tshal 'dud/ /'dud par 'os pa khyod la 'dud/ /phyag gi rgyun ni mi 'chad par/ /rtag tu khyod la phyag 'tshal lo/ /rtag tu dam pa'i spyod pa lam dang ldan/ /byas dang ma byas thob pa yang dag rig pa mkhyen/ /mchod pa che mnga' phyag bgyir 'os pa mtshungs med pa/ /'dud bar 'os pa'i dgra bcom khyod la phyag 'tshal lo/ /dpe med yid 'ong sku mnga' khyod la phyag 'tshal lo/ /mchog tu gsung snyan mngon sgrogs khyod la phyag 'tshal lo/ /dri med rnam dag thugs mnga' khyod la phyag 'tshal lo/ /yon tan tshogs bsgoms bdag nyid khyod la phyag 'tshal lo/ /zhing zhes bsam pas sangs rgyas la 'dud pa/ /dri ma med la bkra shis thams cad kyis/ /char yang mi phod mchod sbyin kun gyis min/ /dka' thub brtul zhugs min te khrus kun min/ /thub pa'i dbang po la 'dud pa/ /snyan par grags shing dpal du byed/ /sdig pa thams cad drungs nas 'byin/ /gzi brjid dag kyang rnam par 'phel/ /dgra rnams thams cad sel bar byed/ /'jig rten dag na mi rnams kyi// rgyud ni bde 'gror nges byed cing/ /nges mthar zhi ba'i 'bras bur smin/ /de ltar yon tan mang bsams shing/ /lus kyang 'jigs pa'i ngang bsams na/ /mkhas gang sangs rgyas phyag 'tshal las/ /lus kyi las gzhan spyad par byed/ /'chi bdag sel bar byed pa yi/ /bstan pa 'di ni nub gyur cing/ /kun nas mun pas khebs gyur na/ /gang zhig la ni bkur sti bya/ /de lta bas na mtshungs med pa'i/ /mchod pa bya ba smyur te gyis/ /ma 'ongs pa yi 'jigs pa dag /da lta nyid nas byung zin to/ /sangs rgyas bcom ldan 'das la bstod pa bsngags par 'os pa bsngags pa las phyag 'tshal ba zhes bya ba ste le'u gnyis pa'o// //nyi ma'i gnyen gyur nyi ma yi/ /'od pas shin tu 'od gsal ba/ /phyag bya kun gyi rab dang mchog /phyag 'os phyag bgyis khyod la 'dud/ /stobs chen dpa' bo chen po pa/ /mngon shes che la mthu yang che/ /g.yul dong mda' chen 'phen mdzad pa/ /dga' ston chen po khyod la mchod/ 'jig rten mchod 'os mchod 'os mchog / 'jig rten mchod pas mchod pa po/ /mchong ba'i snod ni bla med pa/ /mchod par 'os pa khyod la mchod/ /mchod dang mkhyen pas rtogs pa brnyes/ /dgongs pa nga rgyal bag mi mnga' / / brjed bos khyod la nga rgyal gyi/ /sems bor nas ni brjed par bgyi/ /gus bgyid ma gus pa la snyoms/ /'jig rten gus pas mchod bgyis pa/ /khyod la bkur stir gzhol ba yi/ /dbang pos gus par bkur sti bgyid/ /khyod dang 'dra ba 'ga' ma mchis/ /lhag pa ma byung 'byung mi 'gyur/ /de slad sems can kun la khyod/ /dgra zin snyoms ba'i mnyam med lags/ /ma 'dris 'phags pa'i gdud las byung/ /sangs rgyas kun dang skal ba mnyam/ /mdog dang shes rab snang ba yis/ phyogs rnams snang bar mdzad de 'khrungs/ /sum cu rtsa gnyis mtshan dang ldan/ /mdom gang 'od kyi 'od zer spro/ /mtshan dang mthun pa'i dpe byad bzang/ /brgyad cus 'bar ba'i gzi brjid can/ /rgyal chen dpal dang ldan pa'i sku/ /kun gyi mdzes pa zil gnon pa/ /'jig rten snang bar mdzad nas ni/ /nyi ma gzhan zhig lta bur bzhugs/ /bcom ldan dus kun rtogs pa'i chos/ /rnam kun 'byung gnas thams cad ni/ /phyag mthil skyu ru ra lta bur/ /khyod kyi thugs ni spyod yul gyur/ /chos rnams g.yo dang mi g.yor bcas/ /gcig dang sna tshogs so so la/ /mkha' la rlung dag rgyu ba bzhin/ /khyod kyi thugs ni thogs mi mnga' / /bya ba mdzad pa khyod kyis ni/ /ji ltar thugs bskyed tsam gyis su/ /khyod la bzhed dgur kun 'grub pa/ /de ltar chos dbyings legs thugs chud/ /dge mthar phyin pa khyod la ni/ /sbyor byung dge ba 'ga' mi mnga' / /khyod ni gang zhig bzhed na yang/ /bzhed pa tsam la rag las so/ /chos rnams kyi ni chos yod dang/ /chos nyid dang ni chos kyi mthu/ /so sor rgyu dang bcas gnas shing/ /rkyen dang 'bras bur bcas pa dang/ /khams dang dbye ba tha dang bcas/ /skye dang 'jig bcas rgyas pa de/ /thams cad so sor rnam kun tu/ /kun mkhyen khyod kyis mkhyen gzhan min/ /khyod la shin tu bsgribs pa 'ang mngon/ /shin tu ring ba'ang nye ba ste/ /shin tu 'dzings pa 'ang sal gyis dag /shin tu mthon po 'ang dma' ba lags/ /shin tu gnag pa'ang snang bar bcas/ /shin tu the tshom gnas kyang nges/ /shes bya shin tu zab mo yang/ /khyod la sa ler gda' ba lags/ /dbang po chen po'i glang chen gyis/ /rked cing gser las bgyis pa ltar/ /chos nyid shin tu zab mos kyang/ /khyod ni 'o brgyal 'gyur ma lags/ /chos kyi nang na chags bral ltar/ /nges 'byin nang na drang po ltar/ /phun tshogs nang na sangs rgyas ltar/ /khyod ni sems can kun gyi mchog /rnam grol nang na mi g.yo ltar/ /rigs pa'i nang na chos nyid ltar/ /shes rab nang na kun mkhyen ltar/ /khyod ni lus can kun gyi mchog /dag pa'i nang na rnam grol ltar/ /de nyid nang na stong pa ltar/ /dka' thub nang na bzod pa ltar/ /khyod ni srog chags kun gyi mchog /gzugs kyi nang na khyod sku ltar/ /sems kyi nang na khyod thugs ltar/ /chos kyi nang na khyod chos ltar/ /khyod ni srog chags kun gyi mchog / sangs rgyas bcom ldan 'das la bstod pa bsngags par 'os pa bsngags pa las/ thams cad mkhyen pa nyid grub pa zhes bya ba ste le'u gsum pa'o// //bde bar gshegs pa khyod gcig pu/ /chos gcig chos kun snang mdzad pa/ /rnam pa thams cad mkhyen pa yis/ /de dang ldan gyi gzhan ma lags/ /khyod 'ba' zhig gi ye shes kyis/ /shes bya mdza' dag khyab lags kyi/ /khyod las gzhan pa thams cad kyi/ /shes bya kho na lhag pa lags// rgyu rkyen 'di las 'bras bu 'di/ /'di las 'di ni ma yin zhes/ /gnas dang gnas min nges pa kun/ /khyod kyis mkhyen gyi gzhan gyis min/ /las chos yang dag blangs pa yi/ /rnam smin dus ni thams cad pa/ /sa kun rtogs pa thams cad ni/ rnam kun khyod mkhyen gzhan gyis min/ /rnal 'byor sa ni ma lus pa/ /kun nas nyon mongs rnam gzhag dang/ /rnam par byang bcas zab mor bcas/ /khyod gcig kho nas thugs su chud/ /dbang po mchog dang mchog min pa/ /chung dang 'bring dang chen po dang/ /cha shas dbye ba mdza' yas pa/ /khyod las gzhan gyis rtogs ma mchis/ /mthun par 'gyur ba gang lags dang/ /mi mthun 'gyur ba gang lags pa/ /mi yi nus pa sna tshogs kun/ /khyod gcig kho nas thugs su chud/ /'jig rten 'di khams sna tshogs te/ /sna tshogs khams nyid mdza' dag ni/ /sna tshogs khams dbye khyod gcig pus/ /mkhyen gyi gzhan gyis ma lags so/ /rgyu dang rkyen ni sna tshogs las/ /sna tshogs mngon par 'grub pa ni/ /kun tu 'gro ba'i lam stobs kyis/ thams cad khyod kyis thugs su chud/ /thog med srid par byung ba dang/ /tha ma med par 'byung gyur gang/ /de la khyod kyis ye shes ni/ /mngon sum bzhin du gzigs pa 'jug /sngon gyi mdza' dang phyi ma'i mthar/ /'jig rten yang dag 'grub pa dang/ /de bzhin nyid mtshams sbyor ba ni/ /mdza' yi bar bzhin khyod kyis gzigs/ /nye 'am yang na ring yang rung/ /ji ltar khyod la mngon sum pa/ /de ltar sgrib pa bag chags dang/ /bcas te khyod kyis spangs pa lags/ /dngos 'di yongs su ma mkhyen cing/ /nyon mongs 'di yi bag chags ni/ /lhag ma lus shes mi bsnyad pa'i/ /go 'phang de ni khyod kyis brnyes/ /khyod kyis bar du gcod gsungs gang/ /nges par de dag bar du gcod/ /khyod kyis lam bstan gang lags pa/ /de gcig kho na nges par 'byin/ de yis bar gcod mi nus she 'am/ /de yis nges 'byin mi 'gyur zhes/ /gzhan gyi klan ka cha shas kyang/ /de la srid pa ma mchis so/ /khyod kyis rgyal bgyi ma rgyal min/ /shes bya mi snad bgyis ma mchis/ /dbang phyug khyod nyid kun mkhyen cing/ kun rgyal lags kyi gzhan ma lags/ /stobs ldan 'jigs mi 'gyur bas khyod/ /mi bsnyengs gang lags rigs lags na/ /mthu mnga' bzhin du 'ga' la yang/ /khyad du mi gsod gang de rmad/ /log pa'i nga rgyal can 'ga' zhig/ dregs dang 'bral ba mdzad pa gang/ /gdul ba yi ni thabs tsam ste/ /des ni stobs snyems yong ma lags/ /'jig rten dag na stobs ldan pas/ /kun las rgyal zhes gang brjod pa/ /de ni gzhan la bstod par bas/ /go 'phang de ni khyod la rdzogs/ /'dren pa khyod la chos mthun par/ /'gas kyang brgal bar nus ma lags/ /klan ka btsal 'os ma lags te/ /nongs mi mnga' ba'i bde ba brnyes/ /nongs mi mnga' bas gang las kyang/ /bzhi ni bsrung bar bgyi mi 'tshal/ /bzhi po yongs su rdzogs slad du/ /khyod la sus kyang glags mi thod/ /kun la mi thogs blo gros can/ /dgongs pa kun tu nye bar gnas/ /kun la thugs rje snyoms pa po/ /thugs ni kun la chags mi mnga' / /shes bya'i rgya mtsho kun rgal ba/ /bag chags thams cad gtan nas spangs/ /bar chad kun gyi khyad par mkhyen/ /nges par 'byin pa kun la mkhas/ /kun gyi bsam pa mkhyen pa po/ /gdul ba thabs kyi pha rol gshegs/ /nyon mongs sna tshogs thams cad kyi/ /gnyen po la yang bsnyengs mi mnga' / /khyod la brten nas smra ba po/ /byis pa shed bye ma gyur gang/ /de ni ma rig mun pa yi/ /tshang tshing mi bzad mthu lags so/ /khyod kyi bka' la brten nas kyang/ /bral bar ma gyur gang lags pa/ /de dang de sgrib ces bgyi ste/ /de dang de sgrib mi zad lags/ /sangs rgyas bcom ldan 'das la bstod pa bsngags par 'os pa bsngags pa las stobs dang mi 'jigs pa la bstod pa zhes bya ba ste le'u bzhi pa'o/ / //ji ltar thub pa khyod kyi bka' / /nyes dmigs brjod ldan thos pa ltar/ /'khor ba'i sdug bsngal mi bzad pa'i/ /me yis kun tu sbar kyang ni/ /'gro ba mi shes go dgos pa/ /de ltar skyo bar 'gyur ma lags/ /de ltar mgon po khyod kyi bka' / /mngon sum pas kyang don gsal rab/ /chos nyid zab mo gting yangs pa/ /bshad pas sa ler gyur lags pas/ /khyod kyi bka' ni snrel zhi yi/ /cho 'phrul dag kyang mdzad pa lags/ /tshig gi mdza' ni mi mthong zhing/ /don gyi ting yang mi dpogs la/ /phan tshun rjes su zhugs pa ni/ /de las ya mtshan che ci mchis/ /smra ba'i dam pa khyod kyi bka' / /rnam grangs du ma nyid mchis shing/ /zlos bu yang ni ma mchis la/ /sbyor ba'i lugs kyang rigs pa lags/ /smra ba'i dam pa khyod kyi bka' / /gnas pa bzhi yi yon tan ldan/ /lung bstan bzhi yi rten gyur kyang/ /don du gnyis su 'gyur ma mchis/ /gnang ba dang ni dgag pa la/ /khyod bka' la lar gcig tu nges/ /la lar nges pa ma lags la/ /phan tshun 'gal ba'ang ma mchis so/ /chos kyi de nyid don slad du/ /rtsod pa med pa'i go 'phang gzhi/ /rigs 'thad yon tan bzang po yis/ /ngan smra thams cad sun 'byin pa/ /gcig tu don dam la gzhol la/ /kun rdzob la yang skyon ma mchis/ /bden pa gnyis dang mi 'gal bas/ /khyod kyi bka' ni rigs pa 'byung/ /nyon mongs med la gcig tu 'jam/ /nyon mongs can la nges brlang yang/ /khyod kyi bka' ni bsnyen pa dang/ /srid pa'i skyon dang ldan ma !lags/ /rnam par byang ba'i rjes mthun la/ /de yi phyogs su lhung mi mnga' / /kun nas nyon mongs dgrar gyur la/ /mi bzod mi mnga' khyod kyi bka' / /smod pa'i tshig ni brgyas gang yang/ / phyar ka btong ba'i skyon ldan min/ /rab tu bsngags pa'i tshig phyung kyang/ /'ga' la'ang rten pa mnga' ma lags/ /bsnan dang dor ba mi mnga' la/ /bsdus dang rgyas pa dang yang ldan/ /brtags shing 'thad par 'gyur lags la/ /dang po nas kyang mi bzad min/ /shin tu snyan gsung chags mi 'gyur/ /mang la snying po ma mchis min/ /sna tshogs pa la don ma 'khrugs/ /bka' ni ngo mtshar mang po lags/ /gsung gi bdag po khyod kyi bka' / /yid 'phrog mdzad pa zhen mi mnga' / / gzi byin can la gnod mi 'gyur/ /khyab la ngan pas rtogs ma lags/ /ba spu dag kyang ldang bgyid cing/ /rdul yang kun tu 'thon par bgyid/ /lus rnams dag ni ston bgyid cing/ /'dar ba dag kyang skyed par bgyid/ /lha yi 'jig rten skyo bgyid cing/ /sgra yang kun tu sgrogs par bgyid/ /sa ni rnal mar gnas pa yang/ /rnam pa drug tu g.yo bar bgyid/ /thog med dus nas goms pa yi/ /lus can rang bzhin bzlog mdzad cing/ rang bzhin 'dris pa ma lags pa/ /gzhan ni snying la 'jog par mdzad/ /rang gi nyes pas mi 'gal la/ /yid ni gdung bar bgyid dang 'dra/ /rigs par zhugs pa mkhas rnams la/ /bdud rtsi'i char pa bab pa bzhin/ /khyod kyi bka' ni thog ma dang/ /bar dang tha mar dge ba dag /thos dang sems dang sgom pa na/ /de sgrub pa la bdud rtsir 'gyur/ /mos pa du ma dang ldan pa/ /mang po 'khod par gyur pa la/ /gsung gcig dka' ni stsal ba las/ /du ma lta bur snang 'gyur te/ /kun gyis 'di ni bdag gi ched/ /khon bo snyam du go ba gang/ /de las ya mtshan che ci mchis/ /de las ngo mtshar che ci mchis/ /chos nyid 'dor bar mi mdzad la/ /'jig rten kun rdzob dang yang mthun/ /rjes su sgrogs par mdzad bzhin du/ /cig shos rnam par bsgom pa'ang mdzad/ / kun nas nyon mongs rnam byang mchis/ /las dang las kyi 'bras bu 'ang mchis/ /de ldan byed du 'jug pa dang/ /byed pa ma mchis khyod kyi bka' / /de ni lha dang mir bcas pa'i/ /'jig rten dag gis sngon thos nas/ /chu yi zla ba g.yo ba bzhin/ /so sor rab tu g.yos par gyur/ /bzang dang ngan pa nyid du ni/ /'byung bar 'gyur ba tha dad pa/ /thams cad rkyen la rag las na/ /byed po ci ga mchis 'gyur ram/ /'ga' la rang dbang nyid mchis na/ /byed por 'gyur na de mi rigs/ /de lta lags pas chos kun la/ /byed po med par khyod kyis gsungs/ /lha dang bcas pa'i 'jig rten la/ /chos 'di stong pa nyid kyi ni/ /seng ge sgra yi rnga brdungs nas/ /mtshams bcad bgyis te gnas pa lags/ /de yis nyi ma'i 'od bzhin du/ /'jig rten snang bar bgyis pas na/ /de las gzhan pa'i tshig kun ni/ /shin tu cir yang ma rung gyur/ /sangs rgyas bcom ldan 'das la bstod pa bsngags par 'os pa bsngags pa las gsung rnam par dag pa la bstod pa zhes bya ba ste/ le'u lnga pa'o/ / //chos rnams thams cad bdag med pa/ /'dus byas thams cad skad cig ma/ /mya ngan 'das zhi zhes bgyi ba/ /mtshan nyid 'di gsum chos kyi rgya/ /smra ba kun gyi yul min pa/ /mi byed khyod kyis bzhag pa mdzad/ ji skad brjod kyang 'jig rten na/ /rang bzhin las ni gang zhig 'da' / /gal 'dzin pa yis shags la ni/ /goms par bgyis kyang su zhig gis/ /me nyid grang ba lta bur ni/ /de nyid gzhan du bgyi bar nus/ /nam mkha' thogs pa med pa la/ /'ga' yis rma phyin 'gyur srid kyi/ /chos kyi phyag rgya 'di la ni/ /chos dang mthun par 'gal ma lags/ /chos nyid de nyid mkhyen khyod kyi/ /dka' la nag po chen po dag /bstan pas 'di ni mchis grags kyi/ /smra ba gzhan la mchis ma lags/ /tha dad lta la brten pa yis/ /'jig rten rnams ni rtsod par ltung/ /khyod ni gcig pus rtsod med pa'i/ /gnas kyi go 'phangs thugs su chud/ /long ba rnams ni rtsod gyur kyang/ /mig can gzugs rnams mthong ba ni/ /ji ltar rtsod par mi 'gyur pa/ /de nyid khyod dang byis pa'i dpe/ /chos bzhin gsung ba khyod la ni/ /'ga' dang lhan cig rtsod mi mnga' / /legs par smra phyir mkhas dang min/ /khyad du gsod phyir mi mkhas min/ /'dod pa rnams ni mi snang gyur/ /lta ba'i dra ba rab tu bcom/ gzhi ma mchis na ci slad khyod/ /gzhi ma mchis pa'i rtsod par 'gyur/ /rgyal thabs brnyes pa khyod lta bu'i/ /brtan pa ci zhig rtsod pa mdzad/ /'od zer stong ldan ro lta bu'i/ /mun dang lhan cig ci zhig 'gyed/ /mkha' la lcag gis 'ju ba bzhin// brtsad pas khyod la rdzi mi 'gyur/ /rlung gis bzlog phyogs gtor ba'i rdul/ /'thor ba nyid la 'bab cing 'go /'jig rten rnams ni brtags par ltung/ /yang dag ji bzhin spyod yul khyod/ /de slad phyin ci log gyur pa/ /mang po rnams dang khyod mi mtshung/ /dper na lcags dang gser bzhin du/ /log par mngon bar zhen rnams dang/ /mngon zhen mi mnga' khyod du ni/ /lhan cig sgrun du ga la mchis/ /byis pa rnams ni ma 'tshal te/ /mgon po phan dang bde bzhed pa/ /do min khyod la bsngo bgyid pa/ /bdag gis bdag nyid brlag par bas/ /bdag gis bdag nyid me 'bar ba'i/ /phreng ba 'khrigs par mi bsngo yi/ /rgyal ba thub pa med pa yi/ /gzi byin can la bsngor mi rung/ /khyod la 'dir brgal dus btab nas/ /khyod kyis slar gzhan dus btab pa/ /brtod pa dam pos btags pa bzhin/ /stan las ldang bar nus ma mchis/ /khyod kyis tshogs par bden smra'i bu'i/ /rgol ba'i mche ba bcag pas na/ /pha rol rgol ba thams cad kyi/ / rwa yang bcag pa nyid du 'gyur/ /pha rol rgol ba kha cig ni/ /khyod dang phrad nas 'dud par bgyid/ /kha cig thag ring slar ldog ste/ /gzhan dag spyan sngar zhum nas mchis/ /kha cig khyod kyis dam pa'i chos/ /bdud rtsi'i rgyun gyi char phab pas/ yang dag sgrub pa phun sum gyis/ /dam pa'i chos la brten par bgyid/ /kye ma mgon po thugs rje'i bdag /kyi hud gti mug nyon mongs ngan/ /kyi hud sred pa rnam par 'phro/ /kyi hud nga rgyal phung bar byed/ /dam chos ma yin 'di gsum gyis/ /skye bo 'di ni kun dkrugs te/ /mi bzad rgyun gyis 'das pa bzhin/ /khyod kyi gzhung dang bral bar bgyid/ /'di yi gzhi yis lta ba dang/ /the tshom la sogs nye nyon mongs/ /so sor lam gyi bar gcod pa/ /kun nas nyon mongs thams cad 'phel/ /ka la ping ka'i skad thos nas/ /khwa yi sgra la chags med ltar/ /khyod kyi chos kyi ro myong na/ /gzhan gyi tshig la chags mi 'gyur/ /gang dag chos la rgyu bshams nas/ /khyod kyi bka' la zhugs gyur ba/ /ngan ngon thos pa de la'ang de/ /rnga mo sbrang rtsi bzhin du 'gyur/ /bden zhing go sla don dang ldan/ /bsam pa dang ni chu 'phrul bcas/ /zad mi shes la 'dor 'dus pa/ /gcig tu mthu ni chen bar ldan/ /snying po mchog ldan ro mchog ldan/ /rnam grangs ldan zhing thabs dang ldan/ /yongs su rdzogs la ma 'dres pa/ /gzi brjid dang ldan grags dang ldan/ /de 'dra'i yon tan dang ldan pa'i/ /khyod gsung thos pa su zhig ni/ /de las bzlog pa gzhan gyi tshig/ rul pa lta bu snom par bgyid/ /sdug bsngal yang rung bde yang rung/ /don dang mi ldan gang yin pa/ /de ni yongs su spang bya zhing/ /bzlog pa bsten par bya bar gsungs/ /'dod dang mi 'dod bsten pa la/ /de ltar phyad par gsungs khyod kyi/ /lam mal thang chad smra ba rnams/ /ji lta bur na rjes 'brang 'gyur/ /spyad pa rnams la khyod kyis ni/ /'di yi ched du bstan pa gang/ /de nyid khyod kyi bka' dang ni/ /gzhan gyi tshig gi mtshams rdzogs pa/ /khyod kyi bka' dang gzhan gyi tshig /ji ltar khyad par che zhugs pa/ /dug dang bdud rtsi de lta min/ /mun dang snang ba'ang ma lags so/ /khyod kyi bka' dang gzhan gyi tshig /ji ltar khyad par rgyang chad pa/ /mtho ris ngan song de lta min/ /zil dngar skus te bor ba'ang min/ /de ni tshig tsam snying po ste/ /'di ni tshig dang tshig don ldan/ /de yis khyod kyi bka' dang ni/ /gzhan gyi tshig gi khyad par bshad/ /bde bar gshegs pa khyod dang ni/ /smra de rnams kyi khyad par gang/ /de nyid khyod kyi bka' dang ni/ /gzhan gyi tshig gi mtho dman lags/ /ji ltar sring dang thar pa'i khyad/ /de ni dpyad du med pa ltar/ /dpa' bo khyod kyi bka' dang ni/ /gzhan tshig khyad kyang de dang 'dra/ /'jug dang ldog pa gang lags dang/ /kun nas nyon mongs rnam byang gang/ /de nyid dpa' bo khyod bka' dang/ /gzhan gyi tshig gi khyad par lags/ /'di ni gcig pu de bzhin nyid/ /de ni bslu chos 'ba' zhig na/ /khyod kyi bka' dang gzhan gyi tshig/ de las khyad zhugs gzhan ci 'tshal/ /'di ni gcig bu dge la de/ /gcig tu bar chad bgyid lags na/ /khyod kyi bka' dang gzhan gyi tshig / de las mi 'dra ci zhig mchis/ /de yis bsgos shing nyer bsgos pa/ /'di yis dag par bgyid 'gyur ba/ /de nyid mgon po khyod bka' dang/ /gzhan gyi tshig gi khyad par lags/ /de kun dam pa ma yin brdol/ /'di gcig legs gsungs de yi slad/ /khyod kyi bka' dang gzhan gyi tshig/ brtsan dang mi brtsan nges pa lags/ /sangs rgyas bcom ldan 'das la bstod pa bsngags par 'os pa bsngags pa las brtsod pa mi mnga' bar bstod pa zhes bya ba ste le'u drug pa'o/ / //'jug pa dang ni ldog pa la/ /'gro 'di'i rang bzhin gang lags dang/ /lha dang bcas pa'i 'jig rten kun/ /so sor gang las me 'da' ba' i/ /lugs mthun lugs dang mi mthun pa/ /tshig bcu gnyis kyi yi ge gnyis/ /de ni dam chos nyi ma yi/ /nyi ma mchod pa'i 'os su bstan/ /de nyid brdzus te skye ba yi/ /srid gcig yan lag ma tshang bas/ /ji bzhin yan lag so so la/ /bzhi ru bsgres pas gsum mchod lags/ /de nyid yan lag tshang ba las/ /yi ge bcu gnyis tshig dag gis/ /bden pa'i lugs su snga ma bzhin/ /bsgres na rab tu 'gro ba lags/ /tshangs pa 'di ni khyod bstan la/ /gang dag ji bzhin bsten bgyid pa/ /bram ze de dag tshangs 'gyur ba'i/ /gsang gsum 'thun pa'i tshangs pa lags/ /tshangs pa'i tshul dang tshangs pa dang/ /tshangs tshul 'bras bu tshangs pa'i don/ /tshangs mchog khyod kyi bstan pa las/ /gzhan la mchis pa ma lags so/ /tshangs pa'i tshul ni ma mchis par/ /'ga' yang bram zer 'gyur ma lags drang bo yi ni lam 'di yang/ /gzhan ni 'ga' la'ang ma mchis so/ /rig dang gzhabs su ldan pa ni/ /tshangs pa lags par bram zes bshad/ /rig pa de dang zhabs de yang/ /khyod kyi bstan las gzhan la min/ /slob dang mi slob rig pa de/ /zhabs ni de thob bgyid pa lags/ /gzhan la chos kyi lam de ni/ /ming yang mchis pa ma lags so/ /gang zhig goms par bgyis pa yis/ /rigs kun bram zer 'gyur bgyid pa/ /bdud rtsi'i sgo ni ring zhig nas/ /bcad pa khyod kyis dbye ba mdzad/ /lta ba ngan dang yid gnyis kyis/ /zin pa bram zer ci zhig 'gyur/ /khyod kyi gzhung lugs ma gtogs par/ /gzhan gyis mdud pa 'di ma chod/ /bram ze tshangs pa'i bu yin te/ /snying dang kha las skyes zhes pa/ /'jig rten gyi ni grags pa de/ /khyod la 'bras bu bcas par 'gyur/ /tshangs khyod tshangs lam khyod la mnga' / /khyod ni bram ze'i khyu mchog ste/ /nye bar 'dren dang ston pa'ang khyod/ /khyod ni dus mchod mdun na 'don/ /khyod kyis legs par bstan pa yi/ /bram ze mi gtsang 'gyur ma lags/ /nye bar drangs pa'i bram ze yang/ /tshangs pa'i tshul las ltung mi 'gyur/ /khyod bstan las gzhan 'ga' la yang/ /bram zer 'gyur ba'i chos ma mchis/ /tshangs pa yi ni mchod pa dang/ /tshangs pa'i lam yang mchis ma lags/ /tshangs pa'i bden pa gsum dang ni/ /tshangs pa'i mtshan nyid rnams gsum dang/ /tshangs pa'i mchog rab gsum dang ni/ /tshangs pa'i rigs kyang mchis ma lags/ /'jig rten legs bshad ji snyed pa/ /thams cad khyod kyi bstan las 'byung/ /skyon med mngon par brjod pa 'di/ /bde gshegs kho na'i ma 'dres pa/ /khyed las gzhan pa gang dag cig /ngag las skyon med gda' ba de/ /thams cad chos kun mkhyen khyod kyi/ /legs par gsungs pa'i bram ze lags/ /srin bus zos pa'i yi ge ltar/ /'di las gzhan pa'i legs bshad gang/ /de ni lcags la gser bzhin du/ /de la 'tsham pa ma lags so/ /e raN Da yi shing khrod du/ /tsadan sa mchog bzhag pa ltar/ /ltag 'og 'gal ba de la de/ /mchis par su zhig yid ches 'gyur/ /gang zhig nim pa'i shing la ni/ /a mra'i 'bras bu smin btags pa/ /de las skyes shes yid ches te/ /gzhan la legs bshad yod sems grang/ /ma la yal ga tsandan bzhin/ /khyod las gzhan la lhar bcas pa'i/ /'jig rten 'di na legs bshad pa'i/ /rin chen 'byung ba ma mchis so/ /sangs rgyas bcom ldan 'das la bstod pa bsngags par 'os pa bsngags pa las tshangs pa dang mthun par gsung bar bstod pa zhes bya ba ste le'u bdun pa'o// //brgya la res 'ga' gang zhig gis/ / mi gsung thugs las chung dgyes pa/ /rang byung bse ru lta bu rnams/ /rnam par 'gying zhing bzhung gyur ba/ /nyams par 'gyur ba'i lam mang bas/ /rtogs par yang na rib dka' ba/ /mya ngan 'das pa'i lam de ni/ /khyod kyis lam chen srol du btod/ /de ni glang bo che rnams ltar/ /dga' mgur gzhon nu dag dang ni/ /stobs dang blo ni sor gnyis pa'i/ /bud med kyis kyang goms par bgyis/ /de ni gzi byin ldan pa'i mchog/ khyod la bsten pa'i cho 'phrul te/ /sangs rgyas kyi ni ma 'dres pa/ / mthu dpag med pa'i gzi byin lags/ /kun nas nyon mongs sbrul dag gis/ /rnam pa du mar zin rnams la/ /khyod ni spyi yi gnyen po yi/ /skyon med 'byung gnas ma 'dres pa/ /'dod chags la sogs 'bags rnams la/ /skyon ni skyon med mdzad khyod kyis/ mi sdug sgom pa la sogs pa'i/ /chos kyang rab tu bstan pa mdzad/ /khyod kyis lam gyi tshogs kyi chos/ /dge ba zag bcas bstan mdzad pas/ /dngos po rnams kyi nang gi ni/ /phan tshun khyad par dag kyang bstan/ /de yang nye ba'i nyon mongs dang/ /'bags phyir spyi yi rnam par bcom/ /dur khrod mgal ba'i yog ba ltar/ /de dag ye shes me la bsregs/ /byang chub pa yi snga rol du/ /'jug pa bde ba'i rgyu chos bstan/ /de nas byang chub brnyes nas ni/ /ldog pa bde ba'i chos kyang bstan/ /sangs rgyas nas kyang dge ba'i chos/ /zag bcas de dag ma bshad min/ /phal cher mya ngan 'das pa yi/ /rgyu mthun nyid du yongs su bsngos/ /khyod kyis gang las 'gro ba dag /ma drangs rgud pa de gang mchis/ /gang dang 'jig rten ma sprad pa'i/ /phun tshogs de yang gang zhig mchis/ /khyod kyis yid gnyis mdud pa bcad/ /lta ba don ba'i tsher ma dkrugs/ /srid pa'i dug gi lcug ma bsregs/ /khro ba'i dug kyang thams cad bcom/ /ma rig pa yi ling tog bsal/ /nga rgyal gyi ni rgyal mtshan bsgyel/ / sems kyi tha ba rnams kyang bcom/ /rnam par 'chid ba rnam par gtubs/ /mdud pa thams cad rnam par bkrol/ /chu bo la ni gzings kyang bcas/ /khyod kyis chu bo rnams kyi gzhi/ /mtsho chen gang lags de yang bskams/ /skyon dang snyigs ma yon po dag / sems la mi mngon 'khras bgyid pa/ /kun nas nyon mongs dug shing gi /rtsa ba khyod kyis drungs nas byung/ /phyin ci log gis 'tshal ba yi/ /ngan pa'i lam ni thams cad bcad/ /'chi med bgrod pa gcig pa yi/ /dpal ldan lam ni drang po phye/ /gzhan dag gdul bar bgyi ba yi/ /skyon brgyad las ni nges drangs nas/ /'dod pa'i yan lag brgyad ldan pa/ /cang shes bzang po'i gnas su bkod/ /kun nas nyon mongs srin 'khrugs pa'i/ /mi gtsang rgyun nas drangs nas kyang/ /nyon mongs min pa'i yan lag can/ /dri med chu la 'phyo ru stsal/ /'chal pa'i tshul khrims skyon bsal nas/ /tshul khrims kyi ni byug pas byugs/ /ngo tsha shes dang khrel yod pa'i/ /dri med dgos kyis dags pa mdzad/ /dam pa'i chos rgyan dkar po ni/ /spa ba dag gis brgyan mdzad nas/ /de dag bsam gtan seng ge'i khri/ /chen po'i rkyen du 'bab la bzhag/ byang chub yan lag me tog ni/ /zag med dri zhim rnams kyis gtor/ /chos kyi dga' ba 'phags pa'i ngos/ /zang zing med pas tshim par mdzad/ /srid pa'i bran ni 'tshe mang ba/ /thog ma med pa las bton nas/ /nyid kyi sras po gtan du ni/ /nyams pa med pa kho nar mdzad/ /gzhan dag ma 'ongs dus na ni/ /rang rgyal ba yi snod du mdzad/ /gzhan dag theg pa chen po yi/ / rgyal chab mchog tu dbang yang bskur/ /chos kun gyi ni tshig mkhyen cing/ /don rnams kun gyi gzhi la mkhas/ /skad kyi dbye ba kun mkhyen cing/ /phyogs rnams kun tu spobs dang ldan/ /nga ni mgon med khyed rnams kyi/ /grogs su gyur pa zhes sgrogs shing/ /thugs rje chen pos 'gro ba ni/ /mdza' dag 'khyud pa bzhin du bzhugs/ /ston pa thugs rje che mnga' ba/ /brtse bar ldan zhing thugs brtser mdzad/ /der brtson le lo mi mnga' ba/ /khyod dang 'dra ba gzhan su mchis/ /khyod ni sems can kun gyi mgon/ /spyi yi rtsa lag bzang po lags/ /mgon du khyed bzhugs ma 'tshal bas/ /de slad skye bo bying bar 'gyur/ /gang zhig yang dag blangs nas ni/ /tha shal bas kyang grogs nus pa/ /grogs byed pa yi chos dag ni/ /khyod las gzhan pa 'gas mi rtogs/ /phyi yi yan lag stobs kun ni/ /khyod kyis yang dag bsgrubs lags te/ /nang gi stobs dag ma tshang bas/ /byis pa rnams ni sdug bsngal bsten/ /'jig rten spyod pa med dang sbyar/ /chos nyid zab pa dang yang sbyar/ /dman la mos pa nyid dang sbyar lam ni ngan pa mang dang sbyar/ /thog med dus nas goms pa yi/ /brel ba ngang gis 'byung dang sbyar/ /bgom pa 'bad pa chen pos kyang/ /thob par dka' ba dang sbyang na/ /'jig rten du ni khyod lta bu/ /chos dkar yang dag blang ba yi/ /dngos po gsal bar ston pa'i rtsa/ /bzang po gal te ma byung na/ /'gro kun mun par 'gyur lags te/ /mi 'dod tshor ba byung ba yis/ /nyam thag 'o dod cher 'bod pa'i/ /ngan song rang bzhin kho nar 'gyur/ /khyod la gang gis 'gro rnam gsum/ /de ni gzhan gyis sgrub par bas/ /khyod ni dgra bshes bar ma la/ /bshes mchog nyid du brtse bar mdzad/ /sangs rgyas bcom ldan 'das la bstod pa bsngags par 'os pa bsngags pa las phan par mdzad par bstod pa zhes bya ba ste le'u brgyad pa'o// //bgo bsha' mdzad pa'i chos nyid ni/ /khyod gcig pu la rdzogs mnga' yi/ /gzhan la phan gdags bgyi ba la/ /skye bo gzhan ni tshogs shing mchis/ /khyod kyi slob ma bsdu ba yi/ /dngos la mkhas par gda' ba gang/ /de yang rdzogs par mi mkhas pas/ /khyod kyi cha shas rjes su 'brang/ /bcom ldan khyod kyi zang zing gi /bgo bsha' srog gi bar lags te/ /dam pa'i chos kyi bgo bsha' ni/ /slob dpon dpe mkhyud bral ba lags/ /khyod ni bgo bsha' bgyi pa'i las/ /bla na med pa'i mdzad pa po/ /phun sum thams cad rdzogs mnga' ba/ /khyod ni btang bar bgyi ba lags/ /'gro ba phal cher mi bzang ba/ /gzhan la gnod pa bgyid par dga' / /khyod ni 'jig rten rang bzhin te/ /rgyun las bzlog pa'i phyogs su 'jug /byas pa gzo gang de dag nyung/ /phan 'dogs bgyi ba 'ga' tsam ste/ /de yang phal che re ba can/ /khyod gcig dag pa'i chos can lags/ /phan btags pa yis khyod mi 'jug /gnod pa bgyis pas ldog ma lags/ /skal ba mchis shes thams cad la/ /khyod ni mnyam pa nyid du 'jug / mtshan mo me tog ku mu da/ /kha 'phye 'gyur zhing pad+ma zum/ /nyin par pad+ma kha 'byed zhing/ /cig shos zum par 'gyur mod kyi/ /'on kyang nyi ma zla ba yi/ /'od la phyogs su lhung ma mchis/ /de nyid khyod kyis byis pa dang/ /mkhas pa dag la bstan pa'i dpe/ gang tshe mgon khyod mdzad pa ni/ /thams cad gzhan don kho nar bas/ /dpag med phan pa mdzad pa po/ /khyod la lan cis lon par 'gyur/ /sems can dar par mi 'gyur ba'i/ /sgrub pa khyod la 'ga' mi mnga' / /khyod kyi dbugs phyung tsam yang ni/ 'gro la phan dang bde ba bskyed/ /sangs rgyas dbugs ni phyung pa'i ngang/ /dri kun zil gyis gnon mdzad pa/ /tshor na zhe 'gras gyur pa yang/ /khyod la dang pa bskyed par bgyid/ /sangs rgyas dbugs kyi ngad bab na/ /bag med pa yi lha rnams kyang/ /lha yi yul yang spangs nas ni/ /'dul ba dag la mngon phyogs 'gyur/ /khyod las dam pa'i chos mnyan pas/ /thams cad tshim par 'gyur ma 'tshal/ /de slad dam pa'i don du na/ /khyod nyid ngoms 'gyur tshim mdzad lags/ /skye dgu rnams la char bzhin du/ /khyod ni mkhas pa kun gyi gsos/ /'di ltar khyod kyi gsos 'gyur gang/ /de dang de ni mchis ma lags/ /dgrongs par 'tshal ba rnams la yang/ /khyod kyi phan dgongs ci 'dra ba/ /de blo ma sbyangs byis pa yis/ /yid ches bgyi bar nus ma lags/ /khyod ni sdang ba rnams la yang/ /legs pa ci 'dra sgrub mdzad pa/ /sa de yid la smon pa'i yang/ /yul las 'das par gyur pa lags/ /la la phan 'dogs mdzad pa yi/ /ro mchog rtogs pa de dag kyang/ /khyod kyi chos kyi bgo skal la/ /spyod par 'gyur pa'i gnyen lags so/ /gal te sems can 'di dag gis/ /khyed mnga' thugs rje'i dgongs pa 'tshal/ /khyod kyi bstan pas 'tsho bzhin du/ /kun tu 'bar ba'i mer yang 'jug /gang slad bdud kyi dgras thebs pas/ /rtogs par mi 'gyur de slad du// khyod kyi bstan las 'gal bgyid pa'i/ /byis pa rnams ni bdag nyid 'gums/ khyod kyi bstan las gzhan phyogs pa/ /g.yang sa chen po'i mun pa dang/ /yongs su gdung ba myong ba rnams/ /kye ma yun ring 'khyams par 'gyur/ /khyod kyi chos la mi phyogs pa'i/ /skye bo gti mug gis ljongs pa/ /srid rtse'i bar du son nas kyang/ /sdug bsngal yang 'byung srid pa sgrub/ /khyod kyi bstan pa'i rjes 'gro ba/ /bsam gtan dngos gzhi ma thob kyang/ /bdud kyi mig ras btsa' bzhin du/ /srid pa dag ni zlog par bgyid/ khyod kyis dang por lta bu yi/ /bdud kyi me tog rgyal mtshan bsnyal/ /de nas nyon mongs bdud kyi ni/ /nga rgyal rgyal mtshan mthon po brtib/ /khyod kyis byang chub ma brnyes par/ /'dod khams dbang phyug las rgyal te/ /byang chub bar chad med lam la/ / khams gsum dbang phyug las rgyal lo/ /dbang phyug khyod nyid 'jig rten 'dir/ /dpa' bo rnams kyi dpa' rab ste/ /nyon mongs dbang gyur skye bo la/ /dpa' ba' i rab tu gang zhig rtsi/ /khyod kyis rang gzhan gnyis ka yi/ /rgyun la nyon mongs sde btsam pas/ /khyod las dpa' mchog gzhan dang ni/ /mi bzad g.yul rgyal gzhan ma mchis/ /sangs rgyas bcom ldan 'das la bstod pa bsngags par 'os pa bsngags pa las lan mi lon par bstod pa zhes bya ba ste le'u dgu pa'o// // spyan gyi yon tan mthon mthing dang/ /dkar gnag gsum po gang lags pa/ /de la gtsor bcas 'jig rten gyi/ /yon tan rnams kyis khyad mi khong/ /spros gong dpal gyis bla na med/ /'og ma dpal mnga' gnyis ka yang/ /'byung dang 'byung ba las gyur pa'i/ /phun sum tshogs pa bla na med/ /de dag 'ga' zhig ma mchis na/ /zla mthun 'ga' yang ma mchis pas/ /gong ma gang gis lhag gnas gyur/ /'og ma'ang gang gi gzhi bor 'gyur/ /khyod kyi sgros ni dpal gyi gnas// phan tshun 'tsham par gyur pa 'di/ /e ma'o legs par zung du 'brel/ /e ma'o 'phrod pa bla na med/ /ston pa'i dus na g.yo 'gyur zhing/ /gsal ba nyid la g.yo mi mnga' / /tshems kyi zla ba shar ba'i dpal/ /nang nas bag tsam gda' 'gyur pa/ /nyid kyi gnas nas 'byung ba'i sgra/ /me tog bzhin du 'grems mdzad cing/ /gzhan gyis nye bar bskyed rnams kyi/ /'gro ba'i lam la phan 'dogs pa/ /zangs zhun 'od 'dra 'di dag gi/ dpal 'bar 'di yi thad na ni/ /byin pa'i 'bras bu mtshams sprin dang/ /autpal dmar mdzes ro dang 'dra/ /khyod kyi sgros ni mdzes bskyod pa/ /gang gis mthong ba de dag gis/ /legs par mig rnyed de dag gis/ /mthong ba'ang 'bras bu mchis pa lags/ /mgon po mu tig phreng bas min/ /kun ta ku mu ta phreng min/ /gang can rtse mo sbrengs pa'i lus/ /zla ba'i 'od kyis bab pas min/ /ston ka'i chu bo sun 'byin pa/ /mkha' 'gro dkar po'i phreng bas min/ /sprin med mkha' la lhag ge ba/ /ston ka'i zla ba tshes bas min/ /dul ba khyod kyis tshems rnams kyi/ /phreng ba 'od gsal dkar 'di la/ /mar me'i 'od kyis nyi 'od bzhin/ /cha shas su yang phod ma lags/ /rdo rje myu gu'i phreng ba la/ /'phags pa'i chos kyi bdud rtsi'i ros/ /brlan pas bsgos pa 'di dang ni/ /'dra bar 'gyur ba'i dngos ci mchis/ /ku mu da zla kun da sogs/ /dkar po'i dper brjod bzhi po dag /khyod kyi tshems phreng byung gyur nas/ /thabs ni shor ba lta dub gda' / /'jig rten du ni 'di byung bas/ /dkar po dang ni mdzes pa yi/ /rdzas rnams thams cad ma lus pa/ /dri ma can dang 'dra bar 'gyur/ /khyod kyi ljags dang sgres par na/ /'di dag thags bzang gnas pa ni/ /rtogs dang zhi ba'i bar dag na/ /rnam par grol ba bzhin du mdzes/ /khyod kyi dpal gyis 'gro ba 'di/ /tshems kyi phreng bas zil mnan par/ /gzigs nas rgyal bar gyur to zhes/ /du mtshon lta bur mche ba sgreng/ /khyod kyi mche ba mnyam pa zlum/ /mdzes shing rtse mo rno dkar ba/ /dpe kun thabs kyis mnan nas ni/ /'bar ba bzhin du gnas pa lags/ /zla ba tshes pa 'jig rten na/ /yon bor gsal gyur gang lags te/ / khyod kyi mche ba mi yo zhing/ /mdzes pa'i lus can rnams kyis bgyis/ /tshes pa'i gnas skabs mche ba yis/ /nya ba zhal ras bzang po yis/ /kham pa 'phral bas 'khyil pas ni/ /'dom gang 'od kyis zil mnan te/ /thub pa zla ba khyod kyi ni/ / gzugs kyi yon tan phun tshogs bas/ /zla ba'i yon tan phun sum kun/ /gnas skabs kun du nyams par bgyi/ /bde bar gshegs pa khyod kyi sku/ /gser gyi pad+ma'i snying po ltar/ /ba spu g.yas 'khyil nyag re ba/ /'jam la dri med gyen du 'khrungs/ /snum la ma 'dzings ma 'khrugs pa/ /ain+d+ra nI la'i rngams lta bur/ /sngon pos rin chen bskyil ba ni/ /phra mo lta bur spras par gda' / /skyes bu glang chen khyod kyi ni/ /glang po che mtshan ma 'dres gang/ /nang dang phyi yi dri ma yis/ / shin tu nye bar ma gos gang/ /khyod kyi yan lag rgyan 'dra gang/ /yan lag mdzes pa de legs te/ /lhad med gser las blugs pa yi/ /khor yug lta bur gnas pa lags/ /rang gi dbyibs ni mdzes pa yi/ /cang shes gtso bo thams cad kyi/ skyes kyi mtshan ma mdzes pa dag / zil gyis mnan te gnas pa gang/ /mgon po tshangs spyod gnas slad dang/ /dbyibs kyang shin tu mdzes slad du/ /khyod kyis spa ba nyid lags shing/ /spa bar bgyi ba min pa'ang lags/ /thugs rjes the tshom can rnams la/ /khyod kyis mtshan ma gzhan tshul gyis/ /sprin mthongs zla ba'i gzugs lta bur/ /shin tu lam mang bstan pa gang/ /ngo tsha shes dang khrel yod ri/ /mi g.yo bskyod pa ltar mdzad nas/ /thugs rje chen po'i mig gis ni/ /blo yi yul du mdzad pa gang/ /dal gyis 'bab pa'i pad+ma ni/ /cung zad kha bye'i za ba'i tshogs/ /mgon po yan lag mdzes khyod kyi/ /mdzes pa de la des mi bskyod/ /dpal ldan zla ba nya ba la/ /'khyil bar gnas pa mchis na yang/ /'on kyang yan lag mchog khyod kyi/ /dpe yi gzhe bor rdzogs mi 'gyur/ /bsod nams brgya phrag rgya chen gyi/ /las kyis sprul pa mdzes lam la/ /de las gzhan pa'i sems pa yis/ /'phangs pas yong yang rjes slabs sam/ /nyid kyi sbubs dang na bza' dang/ /sdom pas shin tu bkab kyang ni/ /mtshan gzhan phun sum tshogs pa yis/ /gsal bar gyur pa lta bu lags/ /yan lag dam pa ldan khyod kyi/ /yan lag mchog gyur de la ni/ /mgos btud yid rab dang ba dang/ /ngag gis kyang ni mchod par bgyi/ /dad par bgyi ba rnams kyi mchog /blta bas mi ngoms khyod la ni/ /gal te khong khro bgyid mchis na/ /mun nag tha shal ngan pa lags/ /sangs rgyas bcom ldan 'das la bstod pa bsngags par 'os pa bsngags pa las sku'i phyogs gcig la bstod pa zhes bya ba ste le'u bcu pa'o/ //sems can rnams kyi mos pa ni/ /khams rnams ji bzhin gnas lags pas/ /re zhig bdag gi bsam pa ni/ /yangs pa'i ljags la rgya cher dang/ /su zhig mgo dang yid dang ni/ /dag gis ljags yangs mchod mi bgyid/ /de ni gsung rab 'di kun gyi/ /yum ste rin chen bskrun pa lags/ /bdag la gtso bo khyod kyi ni/ /mdzad pa bla med thams cad kyi/ /nang na yangs pa'i ljags 'di ni/ /bla na med pa'i phul du gda' / /'gro la bstan pa rab sgrogs pa/ /chos kyi phrin las mdzad slad du/ rgyal po bzhin du mtshan kun gyi/ /nang na gtso bo lags par gnas/ /gzhan gyi the tshom bcad slad du/ /gang zhig zhal nas mngon byung na/ /ston gyi mtshams sprin tshogs lta bur/ /zhal ras zla ba khebs pa lags/ /de ltar yangs shing mdzes pa de/ /tshems kyis gtams pa'i zhal nang du/ /dogs pa med par gnas pa yang/ / de las ya mtshan che ci mchis/ /de ni nges par dpag med pa'i/ /mthu can bzang po de yin ni/ /shin tu 'jam pa nyid dang ni/ /mnyen pa nyid kyi mthu lags so/ /khyod zhal 'brug sgra sgrogs pa na/ /'dzam bu'i chu gser zhun ma ltar/ /zangs bzhu ba yi 'od lta bu/ /glog phreng 'gyur ba lta bur mdzad/ /bslab pa bzang po phun sum gyi/ /rgyal thabs lta bu brnyes nas ni/ /khyod kyi zhal nas bag yangs su/ /gnas gzhan dag tu rol zhing spyod/ /gang gi dri zhim tshor nas 'di/ /me tog bsung ba zhes sgrogs pa/ /gsung gi me tog skyon med pa/ /de dag 'dis ni 'grems par mdzad/ /de nyid slad du rgyal khyod las/ /mchog tu bsnyan pa'i gsung snyan 'byung/ /de yi dri rab zhim pas khyod/ /snyan pa gsung zhes rnam par grags/ /gang gi mthu yis khyod 'dra ba/ /bdud rtsi stsol bar rab grags pa/ /gdams ngag rjes su ston pa de/ /'di nyid la ni rag las so/ /gang gis lhar bcas 'jig rten du/ /chos kyi 'khor lo bskor ba de/ /nyid kyi 'o brgyal mi gzigs pa /dag pa 'di yis bgyis pa lags/ /gang gis rin chen bkram pa ltar/ /legs par bshad pa brgyas bkang nas/ /'jig rten 'di ni snang bgyis pa/ /de ni 'di yi mthu lags so/ /rigs dang spyad par mngon brjod pa /chos kun gsung ba'i 'phags pa ste/ /dpag bsam ljon pa'i lcug ma ltar/ /rin chen sna tshogs 'bras bu stsol/ /ljags yangs med par 'jig rten na/ /kun mkhyen nyid ldan spobs pa ni/ /so so yang dag rig pa yi/ /spobs pa'i khur ni su yis bkur/ /khyod kyis dgongs te de la ni/ /chos ni gang dang gang bshad pa/ /'di ni snyoms las mi mnga' bar/ /me tog bzhin du phreng bar brgyud/ /gal te 'di yis ma bstan na/ /khyed la kun mkhyen mngar sus 'tshal/ /thugs rje chen po mnga' bar sus/ /yon tan gzhan yang mngar sus 'tshal/ /bstan pa dag ni ma mchis na/ /khyod 'dra'i mkhas pa mngon mi 'gyur/ /bstan pa yang ni ljags yangs la/ /gzhung la dngos grub bzhin du brten/ /rnam pa sna tshogs chos gsung zhing/ /rnam pa sna tshogs ro bstar yang/ /'dam rdzab kyis ni nam mkha' bzhin/ /rol chags pas gos mi mnga' / /mi gsung bzhugs pa'i rjes su mthun/ /gsung ba la yang skyon mi mnga' / /mi mthun chos ni gnyis ka la/ /gcig tu yang ni mthun pa lags/ /mi gsung bzhugs na spro mi mdzad/ /ston par mdzad la skyo mi mnga' / /cang mkhyen nyid kyis dge ba ste/ /thams cad la ni snyoms par 'jug/ 'di ltar thams cad gsung spyod pa/ /chos rnams 'ba' zhig bka' stsol ba/ /spyod pa la ni 'jug pa mtshar/ /rigs pa la yang gzhol ba mtshar/ /'byung ba las gyur bsod nams dang/ /chos gsung ba yi rang bzhin gyis/ /sangs rgyas pa yi dri zhim pa/ /gnyis kyis rtag tu bsgos pa lags/ /mig gi spyod yul dag pa dang/ /bsod nams snyan pa'i rang bzhin gyis/ /shin tu rnam par grags pa yi/ /snyan pa gnyis kyi phyogs su grags/ /gang gis skyon kun med pa 'di/ /zhal nas phyung ba mthong gyur ba/ /skye bo de dag mig dang ldan/ /mig de dag kyang dpal dang ldan/ /gang gis de yi gsung snyan pa/ /mngon sum rna ba'i snyim pa yis/ /bdud rtsi'i rgyun dang 'dra 'thungs pa/ /mkhas pa de dag ches dpal ldan/ /sgra rnams brgyan par mdzad pa bzhin/ /sgra yis sa rnams brgyan pa bzhin/ /bshad pa mdzad na khyod kyi zhal/ /shin tu sba bar mdzad pa bzhin/ /'di ni nyid mdzes yon tan gyis/ /thub pa khyod kyi zla zhal ni/ /'jig rten rgyan du gyur pa yang/ /lhag pa'i rgyan du gyur pa gda' / /'dog dang dbyibs dang snyan gsung dang/ /shin tu 'jam pa nyid dang 'thus/ /ljags yangs lta bu gzugs can gyi/ /rdzas ni 'ga' yang ma mthong ngo/ /gal te lha mo dbyangs ldan ma/ /de ni gzugs can 'ga' mchis na/ /skyon kun med pa'i yan lag can/ / ljags yangs 'di ni de lags grang/ yangs pa'i ljags kyis chos kyi rnga/ /kun tu rdung bar zhugs pa'i tshe/ /lha dang mi yi sgra rnams ni/ /thams cad ro bro med par 'gyur/ /ston pa khyod dang ljags 'di dang/ /bla na med pa'i bka' 'di ni/ nyon mongs dug kun 'joms pa yi/ /yan lag gsum ldan sman gyi mchog /sangs rgyas bcom ldan 'das la bstod pa bsngags par 'os pa bsngags pa las ljags la bstod pa zhes bya ba ste le'u bcu gcig pa'o// //khyod dang 'dra ba'i zhing dag ni/ /'jig rten gsum na ma mchis te/ /khyod ni sbyin gnas rnams kyi mchog /gral gtsang mdzad pa'i gtsang ma lags/ /nam mkha' mthar thug ma mchis pa'i/ /chu dang zhang dag ji lta bar/ /khyod la sman gnod bgyid pa yi/ /rnam par smin pa thug ma mchis/ /gang dag khyod la bar mar gnas/ /de yang re zhig tshad med pa'i/ /mun pas bsgos pas ma rung na/ /skye bo log bgyid smos ci 'tshal/ /ji ltar bla med yon gyi gnas/ /khyod la yang dag sgrub bgyid pa/ las gang lags pa de yi ni/ /dar ba'i mthar thug mi mthong la/ /yang dag sgrub pa'i mthar byon pa/ /khyod la log par zhugs pa gang/ /las de rgud pa'i mthar yang ni/ /de bzhin thug pa ma mchis so/ /gang gis rnam pa thams cad du/ /stobs ldan khyod la ma btsas pa/ /rab tu mtshams ni mi zin pa'i/ /ma rabs mi rtag nyid reng na/ /kye ma'o 'khor ba bdag nyid ngan/ /e ma'o mya ngan 'das pa zhi/ /khyod 'dra'i thugs rje'i bdag nyid can/ /mnga' mchis pa'ang de ru gshegs/ /ma 'ongs 'jigs pa rnams kyang gsungs/ /chos kyi tshul yang bshad pa mdzad/ /'khor ni rnam pa bzhi po yang/ /mi 'jigs pa dag thob par mdzad/ /lam bzang 'di ni bsrung slad du/ /blo gros sbyangs pa bgyis gyur pa/ /'od bsrungs che dang kun dga' dang/ /de la sogs pa bskos mod kyis/ /'jig rten gyi ni mig gcig pu/ /dri ma med pa khyod zum na/ /snang ba mchis kyang 'jig rten 'di/ /mun pas khebs dang 'dra ba lags/ /bde bar gshegs pa bde gshegs kyi/ /bka' 'di 'ang mchis la khyod kyi sras/ /sras kyi dam pa slob pa dang/ /mi slob 'di yang mchis mod kyi/ /'gro ba'i mgon khyod mi bzhugs na/ /gza' skar gsal bas mtshan pa yi/ /nam mkha' zla bas stong pa bzhin/ /shin tu brlag gis ma mchis so/ /khyod mi bzhugs na gsung rab 'di/ /klu 'phos pa yi mtsho yi dpal/ /ring po mi thogs 'jig pa ltar/ /mtsham pa'i snying po dang bral bas/ /yon tan gzi yang mi dpa' la/ /cho ga gzhan dang lugs gzhan gyis/ /'phan dang rma yang phyung lags pas/ /lus kyi brjid kyang yal du cha/ /sangs rgyas mnga' dbang bskur ba rnams/ /yongs su mya ngan 'das bsams na/ /srid pa ral gri 'bar 'dra la/ /su zhig 'jigs par mi bgyid lags/ /sangs rgyas bcom ldan 'das la bstod pa bsngags par 'os pa bsngags pa las srid pa las skyo ba bskyed par bstod pa zhes bya ba ste le'u bcu gnyis pa'o/ / //sangs rgyas bcom ldan 'das la bstod pa bsngags par 'os pa bsngags pa zhes bya ba slob dpon mi tra tsi Tas mdzad pa rdzogs so/ / //rgya gar gyi mkhan po sarbA dz+nyA de ba dang/ zhu chen gyi lo tsA ba bande dpal brtsegs rak+Shi tas bsgyur cing zhus te gtan la phab pa// // */ /snyan ngag rtsom la skal chen po/ /khyod la brten nas bdag gi blo/ /dbyar ka yi ni chu bo ltar/ /chung nguAng shin tu 'phel bar 'gyur/ /mi yi rnyed pa rnyed dka' dang/ /lce 'di rnyed par gyur nas ni/ /mgon de'i yon tan sgrogs byed pa'i/ /rang la phan pa su mi byed/ /khyod sku mtshan gyis sbras gyur ba/ /mdzes gyur mig gi bdud rtsi ni/ /sprin med ston ka'i nam mkha' la/ /skar ma'i tshogs kyis spras pa 'dra/ /thub pa gser gyi mdog ldan pa/ /chos gos kyis g.yogs mdzes gyur pa/ /gser gyi ri bo'i rtse mo ni/ /mtshams kyi sprin gyis dkris pa 'dra/ /mgon khyod rgyan gyis ma brgyan yang/ /zhal gyi dkyil 'khor mdangs gang yin/ /zla ba'i dkyil 'khor rgyas gyur pa/ /sprin dang bral la de ma mchis/ /khyod kyi zhal gyi pad+ma dang/ /pad+ma nyi mas kha phye ba/ /bung bas mthong na pad+ma ni/ /the tshom dpyad thag la 'ju 'gyur/ /khyod zhal gser gyi mdog ldan par/ /tshems dkar mdzes par gyur pa ni/ /gser gyi rigs bston ka yi/ /zla zer dri med zhugs pa 'dra/ /mchod 'os khyod kyi phyag g.yas ni/ /'khor lo'i mtshan gyis mdzes gyur pa/ /'khor bas skrag pa'i mi rnams la/ /phyag gis dbugs 'byin mdzad pa lags/ /thub khyod gshegs par gyur pa'i tshe/ /zhabs gnyis dpal gyi pad+ma 'dras/ /sa gzhi 'di ni bris gyur pa/ /pad+ma can gyis ji ltar mdzes/ /khyod ni gshegs stabs mnyam med de/ /glang chen mchog ni myos pa dang/ /dad pa chung mar ldan pa 'am/ /khyu mchog pas kyang brtan par gshegs/ /tshul khrims phung pos sku che zhing/ /ting 'dzin shing gis rnam par brgyan/ /ye shes 'bab chus khyab gyur pa/ / rgyu ba'i gangs can ri bo lags/ /yon tan rgya mtsho khyod gang gi /sus kyi khyod la reg gyur ba/ /lha dang mi yis mchod gyur pa'i/ /'bab stegs su ni de de mdzad/ /khyod kyi gnas ni grub pa'i zhing/ /mthong bas sems dag gyur lags na/ /dag par 'dod pa'i mkhas pa rnams/ /sgra ngan zhing gis ci zhig bya/ /khyod ni pha rol phyin drug dang ldan pas yang dag mdzes gyur pa/ /zla ba rgyas par gyur pa ni/ /smin drug gis ni brgyan pa 'dra/ /gdul bya'i skye bo pad+ma ni/ /gnyid log khyod kyis sad mdzad pa/ nyi ma shar bar gyur pa yis/ /pad+ma kha byer byed pa 'dra/ /nyon mongs dug gis zin gyur la/ /khyod ni ye shes sman stsol ba/ /mche ba'i dug can gyis zin la/ /'gro skyob kyi ni dug gsal mtshungs/ /khyod kyi ye shes nags mi yis/ /lta ba'i dra ba bsregs gyur pa/ /nags me shin tu 'bar ba yis/ /shing gi lcug phran bsregs dang mtshungs/ /ye shes rang bzhin 'bar ba yis/ /thub khyod nyi mas nyon mongs pa'i/ /rang bzhin 'dam ni skems mdzad pa/ /'di ni nyi ma'i 'od dang mtshungs/ khyod kyi gsung gis mi yi sems/ /bya ba ma yin las zlog pa/ /kha lo sgyur chen zhags pa yis/ /ba lang mi 'khrul zlog dang mtshungs/ /gal te re ba khyod gcig pu/ /nyon mongs 'ching ba las grol na/ /'on kyang gzhan dag grol mdzad pas/ /phal cher mchod 'os nyid du 'gyur/ /khyod kyi gsung gi 'od zer gyis/ /nyon mongs kyis gdungs tshim mdzad pa/ /so ga'i tsha bas gdungs pa la/ /mtshan mo'i zla zer ji bzhin no/ /gdul bya'i skye bo chos kyis ni/ /skom gdungs khyod zhal rtog pa ni/ /khug rta skom gyis gdungs pa ni/ /dbyar gyi char sprin tshogs ltar mtshungs/ /khyod gsungs chos kyi sgra yis ni/ /gdul bya kun la dga' mdzad pa/ /snyan pa'i klu yi sgra yis ni/ /ri dags 'gro ba'ang sdod dang mtshungs/ /skyabs 'dod gang dag skyabs 'os pa/ /khyod la skyabs su mi mchi ste/ /mu stegs la ni skyabs 'gro ba/ /skyabs med yun ring sdug bsngal 'gyur/ /brgya byin mig ni stong gis kyang/ /de nyid mthong bar ma gyur gang/ /khyod kyis ye shes spyan gyis de/ /gzigs shing gzhan la'ang/ ston par mdzad/ /bstan bcos des shes rlom pa can/ /rtsid ba smra ba mang po ni/ /khyod kyi gzigs pas zhum gyur cing/ /bung ba lta bur rnam par 'khor/ /khyod kyi gsung ni gcig tsam gyis/ /pha rol char gcod mdzad pa na/ /gzhan dag mi smra'i tshul gnas pa/ /dgun gyi khu byug lta bu lags/ /khyod kyi slob ma bzang po'i shing/ /dge ba'i me tog ches rgyas pa/ /dpyid ka'i shing ni me tog gis/ /brgyan pa lta bur mdzes pa lags/ /thub pa khyod kyi blo gros mangs/ /shes bya'i 'ben ni phug gyur te/ dga' byed grong na gzhu rgyal gyis/ /sngon chad phug par ma gyur to/ /mkhas par rlom pa'i dregs pa can/ /khyod kyi thar lam ma 'tshal bas/ /srid pa'i dgon par 'khyams gyur pa/ /'brog stong dmus long tshogs dang mtshungs/ /las 'bras yod dam med 'gyur zhes/ /'jig rten pa ni the tshom skyes/ /dge ba'i las kyi dbang por ni/ /gyur pa khyod sku 'di lags so/ /yon tan rgya mtsho khyod yon tan/ /mthar thug bdag gis mi rtogs te/ /nam mkha' bai DUrya sngo mdog /bya yis mdza' rtogs mi 'gyur mtshung/ /sangs rgyas bcom ldan 'das la bstod pa bsngags par 'os pa bsngags pa las dpe las bstod pa zhes bya ba ste le'u bcu gsum pa'o/ //sangs rgyas bcom ldan 'das la bstod pa bsngags par 'os pa bsngags pa zhes bya ba slob dpon ma tri tsi Tas mdzad pa rdzogs so/ / //rgya gar gyi mkhan po pad+ma ka ra dang/ lo tsA ba dge slong rin chen bzang pos bsgyur ba'o// (//dkon mchog gsum la bkra shis kyi bstod pa bzhugs//) rgya gar skad du/ tri ratna maM sha la sto tra/ bod skad du/ dkon mchog gsum la bkra shis kyi bstod pa/ dkon mchog gsum la phyag 'tshal lo/ /thub pa rab tu dag pa'i gser zhun mdog 'dra 'dom gang 'od kyi dkyil 'khor can// pad+ma rgyas 'dra'i spyan mnga' zhal ras zla 'dra dbu skra bud pa'i mdog lta bu/ /tshangs pa brgya byin ku be ra dang bdud kyi cod pan pad+ma'i zhabs gtugs pa/ /sangs rgyas nyi ma shin tu dri med dam chos 'od zer 'byung la phyag 'tshal lo/ /shin tu che ba'i sangs rgyas nyi ma rigs pa'i 'od zer 'phro ba de nyid las/ /dam pa'i chos kyi 'od zer gang dag rnam par 'phros pas phyogs kun gsal mdzad cing/ /gang gis 'jig rten rgyun tu gnyid kyis log pa 'di dag yang dag sad mdzad pa/ /gang zhig rtogs pas thub rnams zhi bar gshegs pa'i dam chos de la phyag 'tshal lo/ /de bzhin gshegs pa nyi ma'i 'od zer de dag nyid kyis rgyas mdzad grags pa gang/ /thos pa'i rdzing bu tshul khrims dri zhim byang chub yan lag rnams kyi sdong bu mdzes/ /bsam gtan gzugs med dag gi chu bsil rnam dag mya ngan 'das pa'i snying po bzang/ /sa steng dge 'dun pad+ma'i tshal rgyas dag la gus pas legs par mchod phyag 'tshal/ /dkon mchog gsum la bkra shis kyi bstod pa slob dpon ma ti tsi Tas mdzad pa rdzogs so// // rgya gar gyi mkhan po bi dyA ka ra saM ha pra b+ha dang/ zhu chen gyi lo tsA ba bande dpal brtsegs rak+Shi tas bsgyur cing zhus te gtan la phab pa// // */ (/yang dag par rdzogs pa'i sangs rgyas kyi mtshan pa bstod pa/) /rgya gar skad du/ saM myaksaM bud+d+hA ya ka ta sto traM/ bod skad du/ yang dag par rdzogs pa'i sangs rgyas kyis mtshan la bstod pa/ dkon mchog gsum la phyag 'tshal lo/ /lha dang lha min rnams kyis rgya cher mchod gyur cing/ /bcom ldan mdzes pa yid 'od mdza' yas dang ldan pa'i/ /zas gtsang rigs rnams kyi ni rgyan gyi mchog gyur ba/ /gangs ri lta bur rgya cher mdzes la phyag 'tshal lo/ /gang zhig khu byug bung ba sngon po lta bur 'jam gnag 'khyil zhing mdzes pa'i dbu/ /gser gyi ri ngos tsam pa ka dang ldong ros lta bur dpral ba dri ma med/ /gangs dngul ku mu da dang pad rtsa mu tig zla 'od las lhag mdzod spu dkar/ /btso ma gser gyi kha dog lta bur 'phyang zhing rab tu mdzes pa'i snyan/ /ain+d+ra nI la bud ba sprin nag dang 'dra smin ma dri med 'jam/ /shangs kyi gzengs mtho rab mdzes smin ma rgyas pa lta bur mkhur tshes dmar/ /mchu ni bim pa gzhon zhing 'gram pa seng ge dang 'dra ko ko'i dkyil 'khor mdzes/ /mnyam zhing thags bzang tshems mnga' autpal rgyas pa'i 'dab ltar dkyus ring gnyen pa'i ljags/ /dad pa khu byug ka la bidka lta bur yid du 'ong ba'i gsung/ /lha rnga mchog dang 'brug dang tshangs dbyangs lta bur snyan cing dri ma med pa'i dbyangs/ /zlum rgyas mgur ni dung 'dra yangs shing dkyus ring rgyas pa'i thal gong mtho/ /gser sbyangs dang 'dra gser gyi ri ngos mtshungs shing phrag gong dri ma med/ sum cu gsum dbang glang po'i sna 'dra btso ma gser gyi kha dog lta bu'i phyag / mdzes par 'khyil zhing bkra shis lcags kyo nya dang 'khor lo dag gis phyag mthil mtshan/ /bung ba'i lus dang khu byug mdog 'dra ba spu re re g.yas su 'khyil/ /gser gyi ri rtser pad+ma rA ga'i myu gu mthon pas khyab dang 'dra ba yi/ /mchog gi rab mchog pad+ma rA ga lta bu'i dbus na lte ba g.yas phyogs 'khyil/ /'doms kyi sba pa sbugs nub pus mo'i lha nga'i dkyil 'khor 'bar 'bur med cing mnyam/ /gser gyi chu shing 'dzam bu na da dang ni gser gyi ta la 'dra ba'i brla/ /legs skyes rim gyis phra zhing seng ge dang ni ri dags lta bur rje ngar zlum/ /dad pa'i rgyal po lta bur mnyam la dra bas 'brel zhing rab tu mdzes pa'i zhabs/ /dal zhing brtan la mi g.yo seng ge dang ni glang po'i stobs su mdzes par gshegs/ /ngos dmar mtshams kyi nyi ma dmar bas khyab pa lta bur 'od zer rnam par 'phro/ /gser dang nor bu chu shel lta bur mdzes shing yid du 'ong ba'i sku/ /dri med nyi ma dbang po'i gzhu 'dra bcom ldan g.yas phyogs gshegs pa'i sku/ /rdzu 'phrul rkang ba'i zhabs brtan yang dag brtson 'grus mdzes pa'i snam logs can/ /bcom ldan seng ge lha dbang klu dang mi yi dbang pos mchod byas zhabs/ /bdud kyi bu mo zur mig lta bas gang gi ting 'dzin mi g.yo mi ltar brtan/ /dpa' bo'i mtshon gyis mi bsnyil cod pan gyis btud dbang chen rnams la mgos phyag 'tshal/ /de ltar bcom ldan 'das la bdag gis mngon par bstod pa bgyis pa las/ /bdag gis dge ba gang bsags de yis 'gro kun sangs rgyas myur grub shog / yang dag par rdzogs pa'i sangs rgyas kyi mtshan la bstod pa/ snyan ngag mkhan chen po slob dpon ma ti tsi tras mdzad pa rdzogs so// // */ (/gcig 'phros bstod pa/) /rgya gar skad du/ e kot+ta ri ka sto traM/ bod skad du/ gcig las 'phros pa'i bstod pa/ 'jam dpal gzhon nur gyur pa la phyag 'tshal lo/ /chos gcig la ni mngon dgyes shing/ /rtag tu gcig tu bzhugs pa dang/ /'jig rten rnams kyi mig gcig 'gyur/ /'jig rten gnyen gcig phyag 'tshal lo/ /rkang gnyis rnams kyi mchog gyur cing/ /bden pa gnyis ni rnam par bsgom/ /grogs gnyis pa ni mi mnga' ba/ /gnyis med gsung la phyag 'tshal lo/ /ting 'dzin gsum dang ldan pa dang/ /dkon mchog gsum dang cha mnyam pa/ /sdug bsngal gsum gyi chu las rgal/ /'jig rten gsum sogs phyag 'tshal lo/ /bstan pa rnam pa bzhi po dang/ /bsam gtan bzhi po'i rnam pa can/ /sbyor ba pa dang rnam bral ba/ /bden bzhi mkhyen la phyag 'tshal lo/ /phung po lnga yi chags bral zhing/ /dbang po lnga ni rnam sgom la/ /yan lag lnga dang rnam bral ba/ /'gro lnga gcod la phyag 'tshal lo/ /dbang drug chu bo las brgal cing/ /rgyun drug las ni rnam par gnas/ /pha rol phyin drug yongs su rdzogs/ /mngon shes drug la phyag 'tshal lo/ /byang chub yan lag rin chen bdun/ /'phags pa'i nor bdun gsol ba po/ /yan lag bdun dang rnam bral ba/ /srid bdun gcod la phyag 'tshal lo/ /yan lag brgyad lam las byung ba'i/ /gang zag brgyad ni ston mdzad cing/ /'jig rten chos brgyad spangs pa'o/ /mi khom brgyad 'joms phyag 'tshal lo/ /gnas dgu'i chags las rnam grol zhing/ /khong khro dgu ni rnam spangs la/ /shin tu sbyangs pa dgu brnyes pa/ /sa dgu mkhyen la phyag 'tshal lo/ /'phags pa'i dge 'dun bcu chos can/ /sgrib pa bcu ni gcod par mdzad/ /'phags pa'i gnas bcu la dgyes pa/ /stobs bcu ldan la phyag 'tshal lo/ /de ltar 'phags pa stobs bcu ldan la tshigs gis mchod pa'i phyir/ /bstod pas bdag gis deng ni dge ba gang thob pa/ /des 'dir dmyal dang yi dags dud 'gro'i sdug bsngal gyis khyab pa'i/ /'gro ba srid pa rgya mtsho rnams las rgal ba'i don gyur cig /gcig las 'phros pa'i bstod pa/ /slob dpon ma ti tsi tras mdzad pa rdzogs so// // rgya gar gyi mkhan po d+harma sh+rI bat+ta dang/ lots+tsha ba dge slong rin chen bzang pos bsgyur cing zhus pa// // */ (/bde bar gshegs pa sum cu so lnga'i bstod pa/) /rgya gar skad du/ su ga ta pany+tsa tri ratna nA ma ma la sto traM/ bod skad du/ bde bar gshegs pa sum cu so lnga'i bstod pa/ /mtshan rin po ches spras pa/ dkon mchog gsum la phyag 'tshal lo/ /sangs rgyas gtso la phyag 'tshal lo/ /skyob pa'i chos la phyag 'tshal lo/ /dge 'dun che la phyag 'tshal lo/ /gsum la rtag tu skyabs su mchi/ /sangs rgyas kun gyis gdul dka' ba/ /snyigs ma lnga yi rtsod dus 'dir/ /brtson 'grus brtan pos sangs rgyas pa/ /shAkya thub la phyag 'tshal lo/ /rdo rje'i lta bu'i ting 'dzin gyis/ /snying po byang chub mchog bsnyes pa/ /bdud dpung rdo rje snying po yis/ /rab tu 'joms la phyag 'tshal lo/ /rin chen sku las 'od 'phros pas/ /ngan song sdug bsngal zhi mdzad cing/ /bdud rnams rnam par skrag mdzad pa/ /rin chen 'od 'phro phyag 'tshal lo/ /ji ltar klu chen dpa' bo yis/ /gling rnams char gyis tshim byed ltar/ /stong gsum chos kyi char 'bebs pa/ /klu dbang rgyal la phyag 'tshal lo/ /dpa' bo khyod kyis bstan pa 'dis/ /bdud dang mu stegs skrag mdzad cing/ /gdul bya kun mkhyen 'god mdzad pa/ dpa' bo'i sde la phyag 'tshal lo/ /thugs rjes gzhan don rab bsgoms pas/ /nyid kyi sku srog gtong ba la/ /mgu ba po ltar rab bgyes pa/ /dpal dgyes la yang phyag 'tshal lo/ /mkhas pa rnams la don snang mdzad/ /bar ma'i rgyud rnams smin mdzad cing/ /tha ma'i nyon mongs bsreg mdzad pa/ /rin chen me la phyag 'tshal lo/ /sangs rgyas kun dang skal ba mnyam/ /mchog tu shes rab snang ba yis/ /phyogs rnams snang bar mdzad de 'khrungs/ /rin chen zla 'od phyag 'tshal lo/ /sku ni blta bas mi ngoms shing/ /'dom gang 'od kyis sa le yang/ /gang gis khyod mthong skal ldan pas/ /mthong ba don yod phyag 'tshal lo/ /sku gsung thugs ni rin chen mchog /dri med spros bral sangs rgyas pas/ /'gro kun nyon mongs gdung ba sel/ /rin chen zla ba phyag 'tshal lo/ /dam chos dri ma med pa'i chus/ /thog mar bdag nyid dag mdzad nas/ /gzhan dag mchog tu dag mdzad pa/ /dri med dpal la phyag 'tshal lo/ /bsod nams byas pa'i tshogs dag ni/ sems can kun la yongs bsngo bar/ /thub pa khyod kyis ston mdzad pa/ /dpal sbyin la yang phyag 'tshal lo/ /rigs dang zhabs su ldan pa po/ /tshangs pa lags par bram ze bzhed/ /rig gsang zhabs ldan khyod mnga' ba/ /tshangs pa'i mtshan la phyag 'tshal lo/ tshangs pa'i zhabs bzhir rab sgoms shing/ /tshangs spyod 'bras bu mchog bsnyes pa/ /tshangs pas 'khor lo bskor bar bskul/ /tshangs pa sbyin la phyag 'tshal lo/ /thugs ni dka' thub brtul zhugs dag /yang dag blangs pa gtsang mar mdzad/ / nyon mongs sdig pa 'khru mdzad pa/ /chu yi lha la phyag 'tshal lo/ /'jig rten pa dag bde byed mchod/ /bde byed klu chen ma dros mchod/ /chu lha des kyang khyod mchod pas/ /chu lha'i lha la phyag 'tshal lo/ /'dren pa kun gyi mchog gyur cing// khyod ni mtshungs med rab zhi bas/ /'gro ba kun gyi dpal mdzad pa/ /dpal bzang la yang phyag 'tshal lo/ /khyod la rgol ba'i nyon mongs pa/ /do gal byed pa thams cad kyang/ /tsan dan spangs pa ltar bsil mdzad/ /tsan dan dpal la phyag 'tshal lo/ rgyal ba'i dpal dang gzi brjid ni/ /sus kyang 'gran par mi bzod de/ /mig gis nyi ma'i dkyil 'khor bzhin/ /gzi brjid mdza' yas phyag 'tshal lo/ /thub pa'i 'od zer rab byung bas/ /nga rgyal khengs pa zhi mdzad cing/ /dman rnams spro ba bskyed par mdzad/ /'od dpal la yang phyag 'tshal lo/ /e ma mya ngan 'das la zhi/ /khyod 'dra thugs rje'i bdag nyid can/ /mnga' brnyes pa yang bde gshegs pas/ /mya ngan med dpal la phyag 'tshal/ /sred pa med pa goms mdzad cing/ /'dren pa kun gyi mchog gyur pa/ /stobs chen thams cad zil gnon pas/ /sred med bu la phyag 'tshal lo/ /rnam pa kun gyi mchog ldan pas/ /mdzes pa gzhan kun zil gyis gnon/ /mtshan dang dpe byad rab rgyas pa/ /me tog dpal la phyag 'tshal lo/ /tshangs pa'i dbyangs dang 'od zer gyis/ /'jig rten thams cad khyab mdzad pa/ /tshangs pa'i 'od zer rnam par rol/ /mngon par mkhyen la phyag 'tshal lo/ /'od kyis gang la reg pa yang/ /chags med bde ba rab rgyas pa/ /pad+ma'i 'od zer rnam par rol/ /mngon par mkhyen la phyag 'tshal lo/ /thub pa'i bsod nams 'od zer gyis/ /'gro rnams zang zing tshim mdzad pa/ /khyad par 'phags pa'i nor sbyin pas/ /nor dpal la yang phyag 'tshal lo/ /dran pa rnams la mnga' brnyes pas/ /thog ma med cing rab mkhyen pa/ /gang gis khyod dran 'phongs sel bas/ /dran pa'i dpal la phyag 'tshal lo/ /thub pa chos kyi 'khor lo bskor/ /snyan pa'i ba dan sa gsum grags/ /yon tan grangs med mtshan gyi dpal/ /shin tu yongs grags phyag 'tshal lo/ /stobs dang dbang po mchog brnyes pas/ /nag po'i phyogs rnams pham mdzad de/ /dbang po'i spyis btud dbang po'i tog /rgyal mtshan rgyal la phyag 'tshal lo/ /dngos por grags pa'i rtog ge la/ /phra zhib ye shes rdo rje yis/ /seng ges glang po ji bzhin du/ /shin tu rnam gnon phyag 'tshal lo/ /bdag gzhan nyon mongs sde bcom pas/ /khyed la dpal mchog gzhan man chis/ 'dod pa'i dbang phyug g.yul las rgyal/ / shin tu rnam rgyal phyag 'tshal lo/ /bgrod pa cig pu'i lam chen du/ /'gro kun ded dpon rab mdzad de/ /bdud dang ngan song 'jigs las sgrol/ /rnam par gnon gshegs phyag 'tshal lo/ /thub pa'i rdzu 'phrul rmad byung bas/ /sprul pa bye ba dpag med 'gyed/ /gdul bya kun la snang gyur pas/ /kun snang bkod la phyag 'tshal lo/ /mu stegs thar pa phyir bzlog cing/ /nyan thos zhi ba phyogs gcig la/ /khyod kyis sras mchog rin chen rnams/ /pad+ma ltar smin phyag 'tshal lo/ bsod nams tshogs las rin po che/ /ye shes tshogs rdzogs pad+ma'i gdan/ /sku gsum lhun grub rab tu bzhugs/ /ri dbang rgyal la phyag 'tshal lo/ /bde bar gshegs pa sum cu rtsa lnga'i mtshan/ /rin chen spras pa'i bstod pa 'di brjod pas/ /thub pa'i dbang po'i spyod pa ci 'dra ba/ /bdag gi spyod kyang de dang 'dra bar shog /bde bar gshegs pa sum cu rtsa lnga'i bstod pa mtshan rin po ches smras pa zhes bya ba/ slob dpon ma ti tsi tras mdzad pa rdzogs so// //rgya gar gyi mkhan po su ma ka ra warmma dang/ lots+tsha ba dge slong rin chen bzang pos bsgyur cing zhus te gtan la phab pa'o// // */ (/tshigs su bcad pa brgyad pa'i bstod pa/) /rgya gar skad du/ pa darb+hya aSh+Ta ka sto traM/ /bod skad du/ tshigs su bcad pa brgyad pa'i bstod pa/ 'jam dpal gzhon nur gyur pa la phyag 'tshal lo/ /zla rgyas zhal 'dra khyu mchog 'dra ba'i spyan/ /seng ge'i sgra 'dra glang po'i stabs 'dra zhing/ /ri dbang ltar brtan rgya mtsho 'dra ba'i thugs/ /lha dbang bla ma'i thub dbang phyag 'tshal lo/ /spyan gsum spyan legs pad+ma ltar yangs spyan/ /gnod sbyin klu yi mig 'dras gzigs mdzad cing/ /thar pa thob mdzad spyan ni dkyus ring ba/ /spyan stong gzigs pa khyod la phyag 'tshal lo/ /lha mchog du ma'i yan lag mchog gis btud/ / gtso ma'i gser ltar 'bar sku mchod 'os sku/ /mtshan bzang mdzes pas rnam par brgyan pa'i sku/ /bde gshegs de la spyi bos phyag 'tshal lo/ /blo gros yangs shing gser ltar dri ma med/ /blo gros grags shing mkhas pa'i blo dang ldan/ /sangs rgyas mkha' ltar dri med spyan mnga' ba/ /dpa' bo mi g.yo'i blo mnga' de la 'dud/ /smra ba'i mchog 'gyur snyan pa'i don gsung ba/ /yang dag don gsungs 'dul ba'i don gsung zhing/ /smra ba'i dbang phyug rgol bas mi bskyod gsung/ /bden zhig gsung ba'i rgyal la phyag 'tshal lo/ /gzhan du mi 'dul 'dul ba'i don tu btul/ /nyon mongs spong sogs rnam par dag pas 'dul/ /thub pa tshul spyod chen pos legs 'dul mdzad/ /snyoms shing mdzes pa'i tshems ldan mgon la 'dud/ /bsod nams dpag med bsags pas sku mdzes la/ /'dom gang 'od kyi dkyil 'khor 'bar ba'i sku/ /gser sbyangs btso ma lta bur dri med sku/ /srid las grol sku rgyal la phyag 'tshal lo/ /'khor lo mtshan zhabs rab mchog ldan pa'i zhabs/ /lha dbang spyi bos legs par btud pa'i zhabs/ /zhabs sor dra bas legs brgyan mdzes pa'i zhabs/ /dpal be'u g.yung drung gi ni zhabs la 'dud/ /tshig brgyad pa'i bstod pa dge bsnyen mdza' yas lhas mdzad pa rdzogs so// // */ (/dkon mchog gsum la bstod pa/) /rgya gar skad du/ tri ratna sto tra/ bod skad du/ dkon mchog gsum la bstod pa/ sangs rgyas gtso la phyag 'tshal lo/ /skyob pa chos la phyag 'tshal lo/ /dge 'dun che la phyag 'tshal lo/ /gsum la rtag tu bdag phyag 'tshal/ /tshogs chen gnyis rdzogs mkhyen bzhi sku gsum grub/ /rnam rtog mi mnga' ci yang sa le mkhyen/ /chos sku mkha' 'dra gzugs sku mdzes skur ldan/ /sangs rgyas dpag bsam 'dra la phyag 'tshal lo/ /chos nyid rgyu mthun gsung rab bcu gnyis dang/ /chos la skye 'gag med cing spros la dben/ /de la dmigs te yon tan kun grub pa/ /legs rgyu dam pa'i chos la phyag 'tshal lo/ /nyon mongs sgribs dang shes bya'i sgrib pa dag /gnyen pos rim par bsal nas sangs rgyas sar bzhugs pa/ /sems can don mdzad sangs rgyas zhing sbyong ba'i/ /'phags pa'i dge 'dun che la phyag 'tshal lo/ /dkon mchog gsum la bstod pa/ /slob dpon chen po ma ti tsi tras mdzad pa rdzogs so// // rgya gar skad du/ tri ratna sto stra b+hi ti/ bod skad du/ dkon mchog gsum la bstod pa'i 'grel pa/ bcom ldan 'das 'jam dpal gzhon nur gyur pa la phyag 'tshal lo/ /srid pa gsum gyi bla ma dkon mchog gsum la phyag 'tshal ba la sogs pa ni 'gro ba rnams kyi mngon par 'dod pa'i 'bras bu mdza' dag bskyed pa'i rgyu yin pas na de'i phyir de dag la phyag 'tshal ba/ sangs rgyas gtso la phyag 'tshal lo zhes bya ba la sogs pa gsungs te/ /ma 'dres pa dang mtshungs par ldan pa'i ma rig pa dag ma lus par spangs pa ni sangs pa ste/ gnyid rab tu sangs pa bzhin no/ /yang na nyon mongs pa can ma yin pa'i mi shes pa spangs pas shes bya mdza' dag la blo rgyas pas rgyas pa ste/ pad+ma rab tu rgyas pa lta bu'o/ /de ltar de dag ni spangs pa dang/ /ye shes phun sum tshogs pas bstod pa ste/ nyid kyi don phun sum tshogs pa'o/ /gzhan gyi don phun sum tshogs pa'i dbang du byas te/ gtso zhes smos pa las sa gsum dbang phyug chen por gyur pas na gtso bo ste/ de dag ma lus pa gnon pas lci bar gyur pa ni/ gzugs la la lci bar gyur pa ni srang gi mgo mnon pa lta bu'o/ /des ni thams cad zil gyis mnan nas 'dul zhes bstan par 'gyur ro/ /yang na phyin ci ma log pa'i yon tan rin po che sbyin pas na bla ma ste/ de la phyag 'tshal lo zhes bya ba ni sgo gsum gyis rab tu 'dud pa'o/ /skyob pa chos la phyag 'tshal lo zhes bya ba ni/ 'dis ngan 'gro dang srid par sdug bsngal ba las skyob cing sdug bsngal sel la bde ba sbyin pas na skyob pa zhes bya'o/ /de nyid kyis na chos te rnam par ltung ba las 'dzin pas so/ /de yang gang gis don dam pa'i chos de rtogs nas/ slar ngan song dang 'khor bar mi ltung ba'i phyir ro/ /de rtogs pa'i rgyud pa'i rgyu ni bstan pa'i chos yin la/ dngos kyi rgyu ni lam gyi chos yin pas de dag la'ang btags te 'dzin pa zhes brjod do/ /yang na skyob pa zhes bya bas ni gzhan la phan 'dogs pa phun sum tshogs pa bstan la/ chos zhes bya bas ni rang gi mtshan nyid rnam par dag pa 'dzin pa phun sum tshogs pa bstan to/ /de la phyag 'tshal lo zhes bya ba ni snga ma bzhin no/ /dge 'dun che la phyag 'tshal lo zhes bya ba la/ 'di dag ni lha'i bu'i bdud dag gis kyang ston pa dang lta ba mi phyed pas na dge 'dun te/ de la ston pa mi phyed pa ni shes nas dad pa thob pas so/ /lta ba mi phyed pa ni bdag med pa'i ye shes rnam par dge ba thob pa'i phyir ro/ /de yang nyan thos dang rang rgyal ba dang/ byang chub sems dpa' yang rung ste/ kun tu sbyor ba gsum spangs pa'i 'phags pa rnams ni slob pa dang/ mi slob pa yang rung ste/ dge 'dun no/ /yang dag par rdzogs pa'i sangs rgyas ni shes bya'i sgrib pa mdza' dag kyang spangs la/ /bsod nams kyi tshogs mdza' dag kyang rdzogs pas/ dge 'dun gyi nang du drang bar bya ba ma yin la/ /sa gsum gyi 'gro ba dam pa dang/ slob pa dang mi slob pa thams cad kyis mchod par 'os pas dgra bcom pa chen po zhes bya'o/ /de ltar mi phyed pa ni rang gi don thob pa yin la/ gzhan gyi don thob par byed pa'i phyir na che zhes smos te/ 'di dag gzhan gyi yon sbyong ba che bas na chen po ste/ phul ba dang yongs su longs spyad pa gnyis kyis 'gro ba'i rdzas las byung ba'i bsod nams mchog 'phel ba'i phyir te/ de yang slob pa dang mi slob pa de dag ci rigs par sred pas cha shas lhag ma lus pas zas dang gos la sogs pa la 'dun pa'i 'dod chags phra mo bsgom pas spang bar bya ba yod pa dang/ sngon gyi rnam par smin pa'i 'bras bu phung po lnga 'dzin pa zas la sogs pas da dung gso dgos pas longs spyod kyi/ sangs rgyas dang/ chos ni de ltar ma yin pas so/ /de dag la phyag 'tshal lo zhes bya ba ni snga ma dang 'dra'o/ /gsum la rtag tu bdag phyag 'tshal/ /zhes bya ba ni don go sla'o/ /de ltar phyag 'tshal ba'i rnam par smin pa'i 'bras bu ni sangs rgyas kyi mtshan bzang po thams cad kyi gtso bo spyi gtsug ltar mi mthong ba 'thob pa'o/ /rgyu mthun pa'i 'bras bu ni 'khor bar skyes pa na mgo bo gdugs lta bur 'gyur ba dang/ dkon mchog gsum la phyag 'tshal ba la dga' bar 'gyur ba'o/ /dbang gi 'bras bu ni phyi rol gyi dngos po yid du 'ong ba rnams de'i shes pa'i yul du 'dud pa ltar snang zhing 'gyed pa dang/ gzung du mi rung ba ltar snang bar mi 'gyur ba'o/ /de ltar dkon mchog gsum la bstod pa mdor gsungs pa de dag rab tu gsal bar bstan pas 'gro ba dam pa rnams de bas kyang shas cher dad par byas pa dang/ rang gi tshogs dri ma med pa bsags pa'i phyir/ slob dpon ma ti tsi tra'i zhal snga nas bstod pa rgyas pa gsungs pa/ tshogs chen gnyis rdzogs mkhyen bzhi sku gsum grub/ ces bya ba la sogs pa brjod pa yin te/ 'dis rdzogs par byed pas na tshogs de sbyin pa la sogs pa pha rol tu phyin pa drug go / de bdag nyid chen po ste rang bzhin dpag tu med pa dang/ bskal pa dpag tu med pa dang/ yul dpag tu med pa la sogs pa'o/ /gnyis zhes bya ba ni bsod nams dang ye shes so/ /de yang sbyin pa dang tshul khrims dang bzod pa ni bsod nams te/ bsam gtan dang shes rab ni ye shes so/ /brtson 'grus ni gnyi gar gtogs so zhes 'phags pa dgongs pa nges par 'grel pa las gsungs so/ /de gnyis rdzogs pa ni bskal pa chen po grangs med par dang po sbyor ba'i lam sbyangs shing/ gnyis par sa bdun pa'i bar dang/ gsum par sa bcu pa'i bar sbyangs shing dag par byas pa ni/ rdzogs shing mthar thug pa'o/ /des rgyu khyad par can bsags pa bstan nas/ da ni 'bras bu bstan pa'i phyir mkhyen bzhi zhes bya ba la sogs pa smos te/ /mkhyen pa bzhi ni me long lta bu'i ye shes la sogs pa bzhi 'o/ /de la me long lta bu'i ye shes ni kun bzhi rnam shes gnas gyur pa/ shes bya thams cad la sogs pa med pa mkhyen pa'i ye shes so/ /mnyam pa nyid kyi ye shes ni nyon mongs pa can gyi yid gnas gyur pa/ bdag med pa las bdag med par mkhyen pa'i ye shes so/ /so sor rtog pa'i ye shes ni yid kyi rnam par shes pa gnas gyur pa kun rdzob kyi dngos po ma lus pa pad+ma'i 'dab ma ltar ma 'brel bar mkhyen pa'o/ /bya ba sgrub pa'i ye shes ni sgo lnga rnam par shes pa gnas gyur pa 'gro ba rnams gdul pa'i bya ba gang yin pa ma lus par mdzod mkhyen pa'o/ /de dag bsdus pa ni sku gsum grub ces bya bas bstan te/ de yang bsod nams kyi tshogs chen po'i 'bras bus ni gzugs sku gnyis 'grub la/ /ye shes kyi tshogs chen po'i 'bras bus ni chos kyi sku 'grub bo/ /de la me lta bu'i ye shes ni chos kyi sku ste/ gzung ba dang 'dzin pa las grol la rang bzhin gyis 'od gsal ba tsam gyi ye shes so/ /de'i chos te stobs bcu dang mi 'jigs pa bzhi pa sogs pa ye shes tha dad pa du ma tshogs pas na chos kyi sku zhes bya ba ni/ /ka ya'i sgra tshogs la 'jug pas so/ /ye shes de yang dngos su na longs spyod rdzogs pa'i sku'i thugs gnyis su med pa'i ye shes so/ /so sor rtog pa dang mnyam pa nyid kyi ye shes ni longs spyod rdzogs pa'i sku ste/ de yang sku de'i nang gi ye shes skye mched tha dad pa la rag las pa las grol ba kun rdzob sna tshogs mkhyen pa dang/ bdag med pa la bdag med par mkhyen pa rnam par dag pa'o/ /bya ba sgrub pa'i ye shes ni sprul pa'i sku ste longs spyod rdzogs pa'i sku'i skye mched tha dad pa las skye ba 'od zer gyi rnam par snang bas 'dod pa'i khams la sogs par/ /shAkya thub pa la sogs pa'i skur snang bas gang 'dul bar 'os pa 'dul ba'o/ /de nas 'dir sangs rgyas rnams kyi sku thams cad kyi gzhi ni rnam par smin pa'i sku ste/ de'i me tog pa'i ye shes dang sgo lnga'i ye shes kyi 'od zer gyi snang ba las chos dang sprul pa'i skur bzhag cing de gnyis kyi rten ye shes gnyis dang bcas pa de nyid longs spyod rdzogs pa'i sku zhes brjod do/ /yod ni bsod nams kyi tshogs mdza' yas pa las grub pa'i lus khyad par can dang/ de'i 'od zer gzugs khyad par can snang ba'i gzugs kyi sku gnyis te/ gang mig gi yul du gyur pa de nyid gzugs so/ /rang bzhin gyis 'od gsal ba'i snang ba'i ye shes ni gtso bo ste/ sna tshogs shes pa dang bdag med par shes pa yang ye shes kyi tshogs las byung bar brjod par bya'o/ /de las gzhan pa bdag med pa tsam de ni dam pa'i chos dkon mchog du bzhag gis sangs rgyas su mi bzhag ste/ de ni rgyal ba rnams kyi ye shes kyi yul yin la/ thob par bya ba'i 'bras bur bzhag par bya'o/ /des na rang gi mtshan nyid dang ldan pa'i sku ni gsum kho nar brjod par bya'o/ /nga ni sku gsum po de dag nyid las dpe dang mtshan nyid kyis gsal bar bstan pa'i phyir/ rnam rtog mi mnga' ci yang sa le mkhyen ces bya ba la sogs pa gsungs te/ rnam par rtog pa'i rigs gsum 'am/ bzhi dang bral ba'i phyir rnam rtog mi mnga' ba ste/ gnyis su 'dzin pa mdza' dag drungs nas phyung ba'i ye shes chen po'o/ /de'i phyir mi mnga' zhes bya ba'i dgag pa 'di ni ma yin par dgag pa ste/ rnam par rtog pa'i rigs de dag ni yod pa ma yin la/ des dben pa'i ye shes rang bzhin gyis 'od gsal ba ni mnga' ba'o/ /des na ci'ang ste ci'ang rung rdul phra rab dang ri rab la sogs pa de dag sa le zhes bya ba rab tu gsal bar mkhyen cing ba ste/ ci ltar mkhyen ce na/ sgra spyi'i rnam par rtog pas sgro btags pa dang/ bskur ba btab pa dang/ bral zhing phan tshun mi sgrib pa thogs pa med cing mun pa med la shel dang lhang chor ltar gsal ba'i rnam par dbyer med pa mkhyen te/ de nyid ye shes de'i las yin no/ /de'i dpe bstan pa ni chos sku mkha' 'dra zhes bya ba ste/ 'dus ma byas nam mkha' thogs pa med cing mi sgrib pa ltar me long lta bu'i ye shes kyang shes bya thams cad la thogs pa med cing sgrib pa med la/ dmigs pa dang rnam par yongs su ma chad par snang ba'o zhes bya ba'i don to/ /'dir ye shes lhag ma gsum ni gzugs la sogs pa dang/ gang zag la bdag med pa tsam dang/ 'dul ba'i 'gro ba'i bsam pa dang/ bag la nyal la thogs pa dang/ 'dul ba'i thabs shes pa la yul so sor nges pa'i ye shes yin la/ ye shes 'di ni yul de dag dang bcas pa'i ye shes de dag nyid kyang chos can du gyur pa dang/ de'i chos nyid la rang bzhin gyis 'od gsal ba'i spyi'i mtshan nyid du gyur ba ste/ chos can dang chos nyid du bcas pa mdza' dag mkhyen par gyur pa'o/ /gzugs sku mdzes skur ldan zhes bya ba ni mtshan dang dpe byad rab tu 'bar ba'i longs spyod rdzogs pa dang/ sprul pa'i sku'o/ /sangs rgyas kyi don ni sngar bstan pa bzhin no/ /dpag bsam 'dra zhes bya ba ni sku gsum char gyi dpe ste/ 'gro ba rnams kyis dpag shing bsam pa ltar yid la re ba yongs su rdzogs par byed pas na/ lha'i dpag bsam gyi shing chen po rnam pa bzhi po dang 'dra ba ste/ bsod nams dpag bsam shing khyod ring ga la byung zhes bstod pa lta bu'o/ /de yang sku de dag gsum char yang sngon gyi smon lam gyi sa bon dpag tu med pa 'dzin pa'i rang bzhin du gnas pa sngon ji ltar smon lam btab pa bzhin da lta gdul bya'i don la 'bad pa med par 'byung ba yin la khyad par du gzugs kyi sku ni thogs pa med par byang chub sems dpa' dang/ nyi tshe ba'i gang zag dang/ 'gro ba yongs su smin par byed pa la song bas su yang 'jug go /kha cig na re gzugs sku zhes bya ba ni spyir bstan pa ste/ mdzes skur ldan zhes bya ba ni longs spyod rdzogs pa'i sku'o/ /dpag bsam 'dra zhes bya ba ni sprul pa'i sku'o/ /sangs rgyas zhes bya ba ni sku gsum char gyi dbang du byas pa'o zhes zer ro/ /de lta bu'i sku gsum po de dag la lus zhing gi rdul snyed du mos pa'i sprul te/ phyag 'tshal zhes bya ba ni/ tshig gi don sngar ji lta ba bzhin no/ /chos nyid rgyu mthun gsung rab bcu gnyis dang zhes bya ba ste/ bstan pa'i chos la bstod pa ste/ chos nyid zhes bya ba la chos nyid bdag rnam pa gnyis kyis stong pa nyid do/ /bdag med pa dang/ bdag dang bral ba'i mtshan nyid rang bzhin gyis 'od gsal ba spyi'i mtshan nyid don dam pa'i bden pa'i ngo bo'o/ /de'i rgyu mthun pa ni bstan pa'i chos bdag med pa dang/ /bstan pa'i gsung rab te/ /'dir mthun pa'i rgyu ni rgyu mthun pa ste/ bskyed par rung ba dang thob par nus pa'o/ /de la bskyed par rung ba ni rgyu des phyin ci ma log par yongs su grub pa'i ye shes bskyed pa'o/ /thob par nus pa'i ni ye shes de skyes pas mi 'gyur bar yongs su grub pa de bzhin nyid de thob par nus pa'o/ /de dag ni rab tu phul du byung ba'i gsung yin pas gsung rab ste/ phyi rol pa'i tshig la ni snga ma lta bu'i rung ba dang nus pa med pas rab ma yin no/ /bcu gnyis ni mdo'i sde dang/ dbyangs kyis bsnyad pa dang/ lung du bstan pa dang/ tshigs su bcad pa dang/ ched du brjod pa dang/ gleng gzhi'i dang/ rtogs pa brjod pa dang/ de lta bu byung ba dang/ skyes pa rabs dang/ shin tu rgyas pa dang/ rmad du byung ba dang/ gtan la phab pa'i sde zhes bya ste/ de dag dang po ni ston pa'i zhal nas grog go / de'i 'og tu gang zag gi blo la gnas pa'o/ /de'i 'og tu glegs bam du bris ba'o/ /de yang dang po de la dmigs nas thos pa dang/ shes rab skye zhing de nas sgoms pas chos nyid de thos pas mthun pa'i rgyu brgyud pa nyid du nges pa'o/ /de bas na slob dpon ba su ban dus bshad pa/ ston pa'i zhal nas byung ba skye bo'i mig ni zhi bar mdzad pa bkra shis kyis/ /'byung gnas sems la zhog cig gang phyir 'di ni lus can rnams kyi rna ba'i bdud rtsi de/ nyon mongs pa yi dug kun sel bar mdzad pa yin pas de'i don yang dag bsam par gyis/ rgyu 'di rnams kyis rtag tu gus par sangs rgyas kyi ni gsung dag mnyam pa'i rigs zhes so/ /chos la skye 'gag med cing spros la dben/ de la dmigs te yon tan kun sgrub pa/ zhes bya ba ni don dam pa'i chos la bstod pa ste/ chos la don dam pa'i chos so/ /de la don dam par skye ba dang 'gag pa med cing gzhan yang spros pa ste/ rtag pa dang chad pa dang/ 'ong ba dang 'gro ba dang/ gcig dang tha dad pa'i spros pa de dag las dben pa'o/ /de yang don dam pa'i chos ni bdag med pa'i rang bzhin yin la/ spros pa de dag ni bdag tu 'dzin pa'i dbang gis btags pa tsam du zad pas na bdag tu 'dzin pa log ma thag tu de dag kyang ldog la/ bdag med pa'i ngang la de dag dang po nas kyang med kyi btags pa glo bur bar zad pas so/ /de ltar spros pa dang bral ba bdag med pa la bdag med par shes rab rnam pa gsum gyis dmigs pas/ bdag tu 'dzin pa log pas de ma thag tu 'jig rten las 'das pa'i yon tan 'phags pa'i 'bras bu rnam pa du ma dang/ stobs dang mi 'jigs pa la sogs pa'i yon tan kun grub pas na/ 'phags pa'i gang zag rnams ni 'dus ma byas las rab tu byung ba lta bu'o zhes gsungs pa lta bu'o/ /legs rgyu dam pa'i chos la zhes bya ba ni lam gyi chos kyi bstod pa ste/ de la legs pa ni nges par legs pa ste/ nye bar zhi ba'i bde ba'o/ /de'i rgyu ni skyes par byed pa ste/ des bdag med pa'i ye shes bskyed la nges kyang nges par legs pa de 'thob pas so/ /'dir zad pa dang mi skye ba shes pa'i sngon du rdo rje lta bu'i ting nge 'dzin skyes pa des ni legs rgyu'i mthar thug pa yin la/ des mjug brtul ba mthong ba'i lam gyi bar gyi legs rgyur rigs par bya'o/ /de nyid dam pa ste/ 'phags pa rnams kyis nyams su myong bar gyur pa dang/ ltung ba las bdag tu 'dzin des na dam pa'i chos zhes bya'o/ /de la phyag 'tshal lo zhes bya ba ni snga ma bzhin no/ /nyon mongs sgrib dang shes bya'i sgrib pa dang/ /gnyen pos rim par bsal nas sngar zhugs pa zhes bya ba la sogs pas ni 'phags pa'i dge 'dun la bstod pa ste/ de la sems kun nas nyon mongs par byed pas nyon mongs pa ste/ 'dod chags la sogs pa drug go /de dag nyid sgribs te zad pa dang mi skye ba shes pa'i ye shes la sgrib pa dang mthong ba'i gegs byed pas so/ /shes bya ni chos kyi dbyings kun tu 'gro ba rang bzhin gyis 'od gsal ba'o/ des sgrib pa ni brjod par byed pa sgra'i spyi la yod par 'dzin pa ste/ dngos su gzung ba dang 'dzin pa'i rnam par rtog pa'i rigs ji snyed pa'o/ /sgrib pa de gnyi ga yang rab tu dbye ba mang po dang ldan pas na mang po'i tshig can no/ /gnyen pos zhes bya ba ni bdag med shes pa'i ye shes so/ /rim par bsal nas zhes bya ba ni de dag cig car mi spong gi dang po mthong bas spong la de'i 'og tu sgom pas spang par bya ba spong ba'i phyir ro/ /de las 'bras bu 'thob pa bstan pa/ sar zhugs pa zhes bya ba ste/ sa ni 'jig rten las 'das pa'i sa ste/ brgyad pa dang/ mthong ba dang/ bsrabs pa dang/ 'dod chags dang bral ba'i sa dang byas pa rtogs pa dang/ rang sangs rgyas kyi sa la zhugs pa dang/ yang rab tu dga' ba dang/ bri ma med pa dang/ chos kyi sprin gyi bar la zhugs pa'o/ /'dir bden pa bzhi'i rnam pa bcu drug dag yid la byed pas ye shes kyi skad cig bcu drug gis phra rgyas brgyad cu rtsa brgyad spangs pas mthong ba'i lam la brgyad pa'am/ rab tu dga' ba'i sa pa'o/ /de'i 'og tu tshul de nyid kyis bsgom pas spang bar bya ba bcu spangs pa las ni nyan thos dang/ rang rgyal ba'i lhag ma dag bzhag pa ste/ rnam pa gsum pa'i bar dang/ 'dod pa'i rnam pa drug pa dang/ dgu pa dang/ srid rtse'i dgu pa zad pa las mthong ba dang/ bsrangs pa dang/ 'dod chags dang bral ba dang/ byas pa rtogs pa'i sa pa'o/ /cig car kho nar spang ba dang/ lam rdzogs pa ni bse ru lta bu'i sa pa'o/ /byang chub sems dpa' i sa lhag ma rnams ni pha rol tu phyin pa rnams yongs su rdzogs pa las rnam par bzhag par rig par bya zhing/ de dag nyid nyon mongs pa'i sgrib pa sgom pas spang bar bya ba ni/ rdo rje lta bu'i ting nge 'dzin gyis cig car spong la shes bya'i sgrib pa ni sa re re la yang rim gyis spong ngo/ /la la ni nyon mongs pa'i sgrib pa yang sa re re la rim gyis spong ste/ spong byed ni chos la bdag med pa'i ye shes kyis zhes zer ro/ /de ltar ye shes kyi tshogs la gnas pa bstan nas/ /da ni bsod nams kyi tshogs la gnas pa bstan pa'i phyir/ sems can don mdzad sangs rgyas zhing spyod ba zhes smos te/ sems can rnams kyi don ni dgongs pa ste/ bde ba dang phan pa'o/ /de dag mdzad pa ni bsdu ba'i dngos po dang tshad med pa dang pha rol tu phyin pa dag gis ji ltar nus par byed pa'o/ /sangs rgyas rnams kyi zhing ni snod dang bcud do/ /de dag sbyong ba ni rgyal ba'i yum las gsungs pa ltar te/ sems can gos ngan pa dag mthong na/ bdag gi sangs rgyas kyi zhing der ni sems can rnams lus gos dang rgyan gyis brgyan par gyur cig ces smon lam gdab par bya'o/ /me tog 'bul na bdag gi sangs rgyas kyi zhing der dus thams cad pa'i me tog rab tu rgyas par gyur cig ces smon lam gdab par bya'o zhes bya ba la sogs pa'o/ /mdor na sangs rgyas kyi zhing ni smon lam gyi mthus sbyong bar rig par bya'o/ /'phags pa'i dge 'dun che la zhes bya ba ni sdig pa mi dge ba'i chos las ring du song bas na 'phags pa ste/ dge 'dun ni sngar bshad pa bzhin no/ /che ba ni grangs dang yon tan gyis che ba ste/ grags pa mdza' yas pa dang/ legs par zhugs pa la sogs pa'i yon tan chen po mnga' ba'i phyir ro/ /phyag 'tshal lo zhes bya ba ni bstod pa dang bcas pa'i yul gyi yan lag thams cad rab tu 'dud pa'o/ /de ltar yon tan mdza' dag ma lus pa'i dkon mchog gsum la phyag 'tshal nas/ de dag la skyabs su song na/ ngan song rnams su mi skye bar lha'i nang du skye ste/ gsum pa skyabs su 'gro ba ni chos snang ba'i sgo ste/ ngan 'gro las yang dag par 'da' ba' o zhes gsungs pa dang/ 'di ltar shin tu dad pa'i sems de la yid zhugs pa gzhan du ma yengs pa'i yid gsal bas/ sangs rgyas sam/ chos sam/ dge 'dun la skyabs su song na de 'chi ba'i dus byas na bde 'gro ? ris kyi 'jig rten zur na gnas pa zhes bya ba ni der shin tu dad pa'i sems de skyabs su song ba'i rgyus skye bar 'gyur ro/ /der skyes nas kyang de'i lus gzi brjid dang ldan zhing rang gi lus rang gi 'od kyis brgyan la bde bar gnas par 'gyur ro zhes gsungs pa lta bu'o/ gal te phyag 'tshal ba dang skyabs su song ba'i dge ba de yongs su bsngo ba dang ldan na ni ji ltar bsngos pa'i thar pa'i rgyur 'gyur bar rig par bya'o/ / //de ltar nyes pa kun spangs shing/ /yon tan mdza' yas gtar gyur pa/ /dkon mchog gsum po'i bstod pa'i tshig / cung zad bshad pas dge ba'i tshogs/ /gang rnams de yis 'gro ba rnams/ /sangs rgyas sa la gnas par shog /dkon mchog gsum la bstod pa'i 'grel ba/ slob dpon rgyal ba'i sras kyis mdzad pa rdzogs so// // rgya gar gyi mkhan po dz+nyA na shan+ti dang/ bod kyi lo tsA ba bande dpal gyi lhun po'i sdes bsgyur cing zhus te gtan la phab pa'o// //rgya gar skad du/ tri ratna sto tra/ bod skad du/ dkon mchog gsum gyi bstod pa/ dkon mchog gsum la phyag 'tshal lo/ dmigs med chos kyi sku/ /longs spyod rdzogs pa'i sku/ /cir yang sprul sku la/ /gus pas phyag 'tshal lo/ /rnam dag chos kyi dbyings/ /sgrub pa'i 'phags lam brgyad/ /ston pa'i gsung rab la/ /gus pas phyag 'tshal lo/ /byang chub sems rnams dang/ /dgra bcom dag la sogs/ /rang sangs rgyas rnams la/ /gus pas phyag 'tshal lo/ /dkon mchog gsum gyi bstod pa/ /slob dpon dbyig gnyen gyis mdzad pa rdzogs so// (//brgya lnga bcu pa zhes bya ba bram ze rta dbyangs kyis mdzad pa bzhugs/ /) //rgya gar skad du/ sha ta pany+tsA sha ti ka nA ma sya sto tra/ bod skad du/ brgya lnga bcu pa zhes bya ba'i bstod pa/ dkon mchog gsum la phyag 'tshal lo/ /gang zhig la ni nyes pa kun/ /gtan nas yong ye mi mnga' zhing/ /gang la'ang rnam pa thams cad du/ /yon tan thams cad gnas gyur ba/ /gal te sems shig yod na ni/ /de nyid la ni skyabs 'gro zhing/ /de bstod de ni bkur ba dang/ /de yi bstan la gnas pa'i rigs/ /thams cad mkhyen pa yon tan kun/ /mnga' la de yang nyams mi mnga' / /nyes pa bag chags bcas de yang/ /skyob pa gcig pu la mi mnga' / /bcom ldan 'das kyi sku dang ni/ /gsung dang thugs kyi phrin las la/ /zhe 'gras gyur pa gang gis kyang/ /chos dang ldan par glags mi rnyed/ /rgya mtshor gnya' shing bu ga ru/ /rus sbal mgrin pa chud pa ltar/ /dam chos dga' ston cher bcas pa'i/ /mi nyid bdag gis thob nas ni/ /mi rtag nyid dang rjes 'brel zhing/ /las kyi glags la dogs bcas pa/ /bdag gi lce 'di nyid kyis go /snying po ci phyir blang mi bya/ /de ltar thub pa'i yon tan gyi/ /yul lta grangs med shes mod kyi/ /rang gi don la gus pa yis/ /de yi phyogs gcig bsgrims te brjod/ /gang gi yon tan grangs dag dang/ /mthu la thug pa ma mchis la/ /rmad byung phrin las dpag med can/ /rang byung khyod la phyag 'tshal lo/ /'di snyed bgyi ba'i mdza' med na/ /'di ltar lags zhes ci zhig smos/ /khyod kyi yon tan slad du bdag /bsod nams snyam nas spyi brtol skyes/ /bstod pa gleng bslang ba ste le'u dang po'o// // spyod dam mi spyod snyam pa yi/ /rnam par rtog pa rnam spangs nas/ /'gro ba 'di ni nyam thag ces/ /khyod bdag nyid kyis zhal gyis bzhes/ /khyod ni ma bcol legs mdzad pa/ /khyod ni rgyu med bzhin du byams/ /khyod ni ma drin mdza' bshes te/ /'brel ba med pa'i bsnyen 'dun lags/ /nyid kyi sha yang stsol mdzad na/ /dngos po gzhan lta smos ci 'tshal/ /legs mdzad khyod kyis srog kyang ni/ /slong ba'i skye bo rnams la btad/ /nyid kyi sku dang srog dag gis/ /lus can gshed mas zin rnams kyi/ / lus dang srog kyang khyod kyis ni/ /lan brgya phrag tu blu ba mdzad/ /ngan 'gros bsnyengs slang ma lags la/ /bzhed pa'i 'gro ba'ang sgrub ma lags/ /dgongs pa dag pa 'ba' zhig gis/ /khyod kyis tshul khrims goms par mdzad/ /rtag tu gya gyu rnams spangs shing/ /drang bstan rnams ni rtag bsten pas/ /yongs su dag pa'i las rnams kyis/ /khyod ni gzhi rten gcig pur gyur/ /sdug bsngal mang pos gzir ba na/ /khyed kyis dge ba'i thugs kyis ni/ /nyon mongs rnams la sran btsugs nas/ / skye bo nyon mongs can la brtse/ /khyod kyis gzhan gyi don slad du/ /sku srog btang nas dgyes gyur gang/ /de 'dra srog chags 'gum pa las/ /bsos pa rnams la'ang 'byung ma gyur/ /khyod ni lan 'ga' ma lags par/ /gtubs kyang sdug bsngal mi dgongs par/ /bshed ma bgyid pa'i sems can la'ang/ /gtso bo thugs rjer gyur pa gang/ /khyod kyi thugs ni rin po che/ /rdzogs pa'i byang chub sa bon te/ /dpa' khyod kho nas snying por mkhyen/ /de gzhan skye bos 'o la mi mchis dka' spyad las ni ma bgyis par/ /go 'phang rnyed dka' mi 'thob ces/ /de slad nyid la'ang ma gzigs par/ /khyod kyi brtson 'grus legs par spel/ /khyad par 'phags par bgyi ba la/ /khyod la thang lhod 'ga' ma byung/ /de slad khyod kyi khyad par rnams/ /thog drung rim pa dbyer ma mchis/ /thugs ni thugs rje chen po dang/ /rtag tu rjes su 'brel slad du/ /ting 'dzin 'bras bur bcas pa yi/ /shin tu bde la'ang khyod ma chags/ /gzhan dang thun mong ma lags pa'i bde ba gang de gya nom yang/ /dam pa'i spyod ldan khyod 'dra la/ /gnod par bas kyi sman ma mchis/ /'dres pa las ni legs bshad nyid/ /snying po skyon med nyi tshe zhig /khyod kyis kun bzhes thugs la bzhag /nyes bshad dug bzhin yongs su spangs/ rin chen snying po mkhyen khyod kyis/ /legs bshad srog gis 'jal ba na/ /skye ba de dang de dag tu/ /byang chub slad du dpa' rtsal bstan/ /de slad grangs med gsum dag tu/ /khyod ni de ltar brtson pa na/ /brtson 'grus 'ba' zhig grogs gyur pas/ /go 'phang bla na med pa brnyes/ /rgyu la bstod pa ste le'u gnyis pa'o// //mtho la phrag dog mi mdzad cing/ /dma' la rngan chan mi mdzad la/ /mnyam la 'gran pa mi mnga' bas/ /khyod ni 'jig rten gtso bor gyur/ /khyod ni yon tan rgyu rnams la/ /mngon bgyis 'bras bu rnams la min/ /yang dag sgrub pa de nyid kyis/ /khyod kyi yon tan pha mthar phyin/ /ji ltar khyod kyi zhabs rdul yang/ /bsod nams skye ba mched 'gyur ba/ /de ltar khyod kyis legs spyad pas/ /bdag nyid rab tu bskrun pa mdzad/ /nyes pa nyams smad rtsa nas bton/ /yon tan spel nas rnam par sbyangs/ /gzhung lugs bzang po des na khyod/ /grub mchog lhag par brnyes pa lags/ /ji ltar bdag gi rgyud la de/ / bag chags lhag ma'ang ma lus pa/ /de ltar rnam pa thams cad du/ /nyes pa khyod kyis rab tu bcom/ /ji ltar gzhan la de dag dang/ /'dra ba tsam yang mi gda' ba/ /de ltar khyod kyis bsags bsags nas/ /bdag nyid la ni yon tan bsgrubs/ /'jig rten pa yi dpe dngos kun/ /gegs 'gyid pa dang sgrib pa can/ /re zhig ba dang nyi tshe ba/ /shin tu rnyed par sla ba lags/ /khyod kyi yon tan bla med la/ /gegs bgyid ma mchis rtogs ma mchis/ /brtan pa dang ni rgyun chags pas/ /dpe lta mchis par ga la 'gyur/ /gang tshe khyod kyi dgongs pa'i dgyel/ /gting dang pha rol med brtags na/ /rgya mtsho zab pa nyid kyang ni/ /gnag rjes lta bur se ler gda' / /chos rnams kun gyis mi bskyod pa/ /khyod kyi brtan pa mngon bsams na/ /sa yi brtan pa nyid kyang ni/ / shir sha'i ge sar rtse ltar chung/ /thub pa khyod kyi ye shes kyi/ /snang bas mi shes rab rib dag /'joms pa'i thad na nyi ma yang/ /me khyer tsam duAng mi spyod do/ /khyod kyi gsung thugs mdzad spyod rnams/ /dag pa'i gnan ston zla dang/ /chu dang nam mkha' i dag pa rnams/ /dri ma can ni lta bur gda' / /'jig rten legs pa gang ci'ang rung/ /thams cad bsngos na'ang der bas te/ /nyon mongs 'jig rten chos rnams kyis/ /sangs rgyas chos la khyad mi khor/ /rin chen chos gang brnyes nas khyod/ / mchog tu gyur pa de nyid dang/ /khyod du bsgrun zhing de dag ni/ /khyod dang bsgrun ldom kho nar bas/ /gang la spyi tsam bstun nas ni/ /cung zad brjod par bgyid pa de/ /smra ba po yi rang dga' dang/ /thabs dang gcam bu tsam du bas/ /dpe med pa la bstod pa ste le'u gsum pa'o/ / //khyod ni bdud las rnam rgyal te/ /'gro kun dad par mdzad pa yang/ /bdag gis chos nyid rjes bsams na/ /chen po ltar gang ma mthong ngo/ /sdang bas rgol bar rtsol byed pa/ /mang po'ang gzhon par bya ba ni/ /khyad par gnas la brten pa yi/ /bzod pa'i tshegs su mtshar mi che/ /gang tshe bdud rnams mngon btul ba/ /de yi nub mo kho na la/ /nyon mongs shin tu che spangs pa/ /de nyid rmad du byung ba lags/ /'od zer phreng ba stong ldan pa'i// nyi mas mun bsal gang lags dang/ /dpa' bo khyod kyis mu stegs las/ /rgyal bar mdzad pa ci zhig mtshar/ /'dod chags bral bas chags bcas dang/ /zhe sdang bral bas zhe sdang can/ /gti mug bral bas rmongs pa ste/ gsum pos rtag tu gsum dag btul/ /dam chos rab tu bstod pa dang/ /dam chos ma lags smos mdzad kyang/ /dam pa dag dang tha ma la/ /khyod ni chags dang khro mi mnga' / /dgra bcom pa dang mu stegs la/ /rjes su chags dang khong khro bar/ /khyod kyi thugs ni mi 'gyur na/ /khyod la bstod du ci zhig mchis/ /yon tan rnams la'ang ma chags la/ /yon tan can la'ang bzhed mi mnga' / /kye ma'o khyod kyi thugs stobs ni/ /rab dang yongs su dag pa lags/ /dbang po rnams ni rab dang ba/ /dus rnams rtag tu mi nyams pas/ /khyod thugs rtag tu dang ba dag /mngon sum gyur pa bzhin du gda' / /rang bzhin dam pa legs gsungs dang/ /mdzad spyod bzang bos bsgrags pas na/ /khyod kyi blo gros dgongs pa dag /rnam dag byis pa'i bar la grags/ rmad du byung ba'i bstod pa ste le'u bzhi pa'o/ / //nye bar zhi la yid du 'ong/ /'bar la gnod pa mdzad mi mnga' / /dul la rngom brjid che ba yis/ /sku 'dis su zhig dad mi mdzad/ /khyod kyi sku de gang gis ni/ /lan brgyar mthong dang gang zhig gis/ /dang por mthong ba de gnyis ka /'dra bar mig ni mgu bar mdzad/ /khyod kyi sku ni mdzes pa'i phyir/ /blta bas mi ngoms rang bzhin bas/ /mthong ngo cog ni phyi phyir zhing/ /dga' ba skyed par mdzad pa lags/ /rten gyi yon tan dag dang ni/ /rten pa'i yon tan phan tshun du/ /'tsham pas khyod gyi sku dang ni/ /yon tan phun tshogs mchog dang ldan/ /mtshan dang dpe byad bzang 'bar ba/ /khyod kyi sku las ma gtogs pa/ /de bzhin gshegs pa'i yon tan 'di/ / gzhan gang zhig la legs gnas 'gyur/ /khyod sku rten pa'i yon tan la/ /da dpal che zhes gsung gsung ltar/ /de yi yon tan rnams kyang slar/ /des legs bkod ces gsung ba 'dra/ /sku la bstod pa ste le'u lnga pa'o// // 'gro ba 'di dag thams cad ni/ /khyod med nyon mongs rnams kyis bcings/ /khyod ni 'gro ba'i nyon mongs dag /dgrol slad yun ring thugs rjes bsdams/ /dang por khyod la phyag bgyi 'am/ /'on te gang gis 'khor bar khyod/ /skyon mkhyen yun ring de lta bur/ /bzhugs mdzad thugs rje che la bgyi/ /dben pa'i bde ba spangs gyur khyod/ /mang po'i nang du bzhugs pa gang/ /de khyod thugs rjes dus 'das pa/ /glags shig thod nas bgyis par bas/ /rig pa yis ni mtsho nang nas/ /klu bzhin khyod kyi thugs rje yis/ /dgon pa'i zhi gnas grong gi mthar/ /gdul ba'i don gyi slad du drangs/ /nyer zhi mchog la gnas bzhin du/ /thugs rje gtso dang ldan pas na/ /rol mo mkhan gyi sgyu rtsal yang/ /khyod kyi zhabs kyis 'dor bar mdzad/ / rdzu 'phrul seng ge'i sgra dang ni/ /nyid kyi yon tan brjod pa gang/ /de ni bzhed spyod mi mnga' ba/ /khyod kyi thugs rjes bstan pa lags/ /gzhan gyi don du rab bzang gi /nyid kyi don la brtse med pas/ /mgon po khyod nyid 'ba' zhig la/ /thugs rjes thugs rje mdzad ma gyur/ /'di ltar res 'ga' brtan pas gang/ /gzhan don bsgrub pa mdzad slad du/ /khyod ni lan brgyar phyogs dag tu/ /gtor ma bzhin du btang ba lags/ /de ltar khyod la gnod mdzad kyang/ /nongs pa can du mi rtsibs/ /khyod kyi bzhed pa kho na dang/ /mthun 'jug pa ni legs par gda' / /thugs la bstod pa ste le'u drug pa'o// //tshig bzang ba dang don che dang/ /bden pa dang ni snyan pa dang/ /zab gsal gnyis ka'i don ldan dang/ /bsdus dang spros pa dang ldan pa/ /khyod kyi gsung ni de lta bu/ /khyod kyi dgra bos thos na yang/ /thams cad mkhyen pa lags so zhes/ /su zhig nges pa skye mi 'gyur/ /mang po ril gyi snyan ma lags/ /bcos ma 'ga' tsam snyan pa lags/ /khyod kyi gsung don grub pas kyang/ /thams cad legs gsungs kho na lags/ /khyod kyi gsung ni rnam brtags na/ /gang zhig 'jam dang rtsub pa dang/ /gang yang de gnyis ldan pa dag /thams cad ro gcig nyid du 'gyur/ /e ma'o shin tu yongs dag pa'i// 'phrin las rnam kyang rab tu bzo/ /de yis rin chen gsung rnams kyi/ /snod 'di 'dra ba 'di bgyis so/ /khyod zhal blta na rab sdug pa/ /de las mnyan na snyan pa yi/ /gsung 'di dag ni zla ba las/ /bdud rtsi 'dzag pa bzhin du gda' / /khyod kyi gsung ni 'dod chags kyi/ /rdul rab zhi mdzad char sprin 'dra/ /zhe sdang sbrul ni gdon pa'i phyir/ /nam mkha' lding dang 'dra ba lags/ /yang dang yang du mi shes pa'i/ /rab rib 'joms pas gdugs dang 'dra/ /nga rgyal ri bo mngon 'joms pas/ /brgya byin mtshon cha 'dra ba lags/ /don gzigs pas na mi bslu ba/ /nongs mi mnga' phyir rjes su mthun/ /legs par sbyar bas go sla ste/ /khyod kyi gsung ni legs gsum ldan/ /re zhig dang por khyod kyi gsung/ /nyan pa rnams kyi yid 'phrog mdzad/ /de nas yid la bsam bgyis na/ /rdul dang mun pa dag kyang sel/ /phongs pa rnams kyi dbugs 'byin zhing/ /bag med rnams ni skrag par mdzad/ /bde ba can dag skyo bgyid pas/ /khyod gsung kun dang 'tsham par 'jug /mkhas pa rnams kyi dga' ba bskyed/ /bar ma rnams kyi blo yang spel/ /tha ma'i rab rib rnam 'joms pas/ /gsung 'di skye bo kun la sman/ /lta ba dag las dgar mdzad cing/ /mya ngan 'das par nye bar 'dren/ /nyes pa sel mdzad khyod kyi gsung/ /yon tan rnams kyi char yang 'bebs/ /kun la ma thogs thugs mnga' zhing/ /dgongs pa'ang kun tu nyer gnas pas/ /de slad khyod kyis lung bstan kun/ /thams cad la yang bslu mi mnga' / /gang slad yul min dus min dang/ /snod min rnams su mi 'jug pa/ /de slad khyod gsung don mchis te/ /brtson 'grus legs par brtsams pa bzhin/ /bsung la bstod pa ste le'u bdun pa'o/ //bgrod pa gcig dang thabs bde dang/ /legs par 'brel dang nyes pa med/ /thog ma bar dang mthar dge bas/ /khyod kyi bstan 'dra gzhan la med/ / khyod kyi gzhung lugs de lta bu/ /gcig pu phangs la lta chags pas/ /byis pa gal te smod bgyid na/ /lta dang 'dra ba'i dgra ma mchis/ /gzhan ni 'gro ba'i don slad du/ /sdug bsngal mang bstar gang lags pa/ /de bsams khyod bstan ngan na yang/ /gnas par bgyi ba la thug na/ /phan pa gsung zhing phan mdzad pa/ /khyod kyi bstan pa ci smos te/ /mgo la zhugs ni 'bar bas kyang/ /ci yi slad du sgrub mi bgyid/ /khyod kyi bstan pas rang dbang dang/ /byang chub bde dang zhi ba dang/ /khyod kyi yon tan bsngags pa dang/ /legs pa bzhi po 'di kun 'thob/ /dpa' bo khyod kyi bstan pa 'di/ /mu stegs thams cad skrag mdzad la/ /bdud ni sems khong chud mdzad cing/ /lha dang mi rnams dbugs kyang 'byin/ /'chi bdag bstan pa khams gsum gyi/ /sa chen dag na spyod bgyid pa/ /mi thogs zlog pa ma mchis pa 'ang/ /khyod kyi bstan pas zil gyis gnan/ /khyod kyi bstan pa'i lugs 'tshal ba/ /dga' na bskal par yang gnas la/ /gang du bdud kyis mi brdzi ba/ /der yang dga' mgur rab tu mchi/ /lung go don ni bsam pa dang/ /bsgom dang gus par mnyan pa yi/ /dus gsum cha dbye khyod kyi ni/ /bstan las gzhan la mchis ma lags/ /drang srong skyes mchog khyod kyi bstan/ /de ltar legs pas khyab 'di la/ /ma gus gang lags de las ni/ / sdug bsngal chen po'ang ci zhig mchis/ /bstan pa la bstod pa ste le'u brgyad pa'o// //khyod thos pas ni spro ba skye/ /mthong bas dad pa skye bar 'gyur/ /khyod gsung thos pas dga' 'gyur te/ /bstan pas rnam par srol bar mdzad/ /khyod kyi sras kyis mgu bar 'gyur/ /'phel bas skye dgu rnams kyang dga' / /gshegs pa na ni phan 'dogs mdzad/ /ldog pa na ni rgud par 'gyur/ /bsgrags pas sdig pa 'phrog par mdzad/ /khyod dran pas ni rangs par 'gyur/ /btsal bas blo gros skye 'gyur te/ /yongs su shes pas rnam par bdag /khyod la bsu bas dpal du byed/ /bsten pas blo gros mchog tu 'gyur/ /bsten na 'jigs pa med par mdzad/ /bsnyen bkur bgyis pas bde bar 'gyur/ /tshul khrims phun sum tshogs pas dag / bsam gtan phun sum tshogs pas dang/ /shes rab phun tshogs mi 'khrugs pas/ /khyod ni bsod nams mtsho chen lags/ /khyod sku ltar 'os rin chen te/ /legs gsungs mnyan 'os rin chen lags/ /chos ni sbyang 'os rin chen pas/ / khyod ni rin chen 'byung gnas lags/ /khyod ni chu bos 'das pa'i gling/ /smas pa'o bdag nyid skyob pa ste/ /srid pa'i 'jigs pas nyen pa'i skyabs/ /thar 'tshal rnams kyi 'dren pa lags/ /tshul khrims dag phyir snod kyi mchog /zhing gshin 'bras bu phun sum tshogs/ /srog chags kun la phan mdzad phyir/ /grogs kyi phul yang khyod lags so/ /phan 'dogs mdzad pas mdza' bshes te/ /'grogs na bde phyir snying du sdug /zhi phyir gcig tu yid du 'ong/ /yon tan kun mnga' mchod 'os khyod/ /sdig pa med pas yid dang 'thad/ /sku gsung bzang bas dga' bar mdzad/ /don kun 'grub phyir dpal yangs te/ /yon tan legs rten bkra shis lags/ /smon lam la bstod pa ste le'u dgu pa'o// //khyod ni rtan then bgyid la skul / chom rkun bgyid pa tshar yang gcod/ /gya gyu can rnams rnal du 'god/ /dal bus bgyid la gzhen skul 'debs/ /dul ba rnams ni lam la sbyor/ /dmu rgod rnams la btang snyoms mdzad/ /de slad skyes bu 'dul ba yi/ /kha lo sgyur ba bla med mchog /khyod ni nyan thag rnams la brtse/ /bde bar gnas la phan par bgyes/ /phongs par gnas la thugs rje bas/ /kun la phan par bzhed pa lags/ /khyod ni dgra bo rnams la'ang byams/ /nyams par gyur la phan 'dogs mdzad/ /gtum po rnams la thugs brtse bas// khyod ni ya rabs rmad cig lags/ /phan 'dogs bgyid slad pa ma dag /gal te bla mar 'tshal nag go /khyod ni lhag par phan 'dogs pas/ /bla ma nyid gyur smos ci 'tshal/ /rang gi don la mi lta bas/ /nyid kyi dgra bo ltar gyur cing/ /g.yang sa'i mun na gnas rnams la/ /rab lta bur gyur pa'ang khyod/ /'jig rten gnyis kar sman gdags dang/ /'jig rten las ni 'da' slad du/ /mun par gyur pa'i 'jig rten la/ /khyod kyis shes rab snang bar mdzad/ /yul la nye bar spyod pa na/ /lha ma'i spyod pa tha dad kyang/ /chos kyi longs spyod thun mong bas/ /khyod la dbye ba mi mnga' o/ /bcom ldan khyod kyis skye ba dang/ /na tshod rigs dang yul dang ni/ /dus kyi skyon med chos rnams kyis/ /'di dag kun la sman yon btags/ /khyod kyi nyan thos srid bral zhing/ /ya mtshan 'dzin pa med rnams la'ang/ /lha rnams thal sbyar smon bgyid cing/ /ya mtshan che ba lta bur mchod/ /e ma'o sangs rgyas 'khor ba yi/ /nyid khur gyur pa byung ba brjid/ /des na mi yang lha rnams kyis/ /smon par bya ba nyid du gyur/ /lam la 'jug pa la bstod pa ste le'u bcu pa'o/ / //mnyel dang zhi bde nyams gyur dang/ /skye bo ngan dang 'grogs pa dang/ /mi mthun pa dang mang po yi/ /skyon yang yon tan bzhin dgongs shing/ /'gro ba'i don slad ma chags pa'i/ /thugs kyis brtsod pa mdzad pa gang/ /sangs rgyas rnams kyi sangs rgyas kyi/ /chos nyid bcom ldan de rmad do/ /bshos kyang phal pa gsol mdzad cing/ /res 'ga' bsnyung ba dag kyang mdzad/ /nyam nga'i shul duAng gshegs mdzad cing/ /rang rong can duAng mnal ba mdzad/ /mgon khyod gtso bor gyur lags kyang/ /gdul bya rnams la byams slad du/ /sku ngas rdo dang gcam tshul dang/ /skad dang cha lugs sgyur ba'ang mdzad/ /kun gyis dga' mgur rang don phyir/ /bran bzhin bskor bar bsgrims pa las// mgon khyod rtag tu bdag nyid la/ /mnga' ma mchis pa'ang ma lags/ khyod la gang dang gang du yang/ /ji skad bskul yang mi spong ste/ /nyid kyi sgrub pa bzang po las/ /'da' bar 'gyur pa ma mchis so/ /ji ltar khyod ni gnod bgyid la/ /phan pa lhur mdzad de lta bur/ /skye bo dag ni phan bgyid pa'ang/ /phan pa de ltar lhung mi bgyid/ /khyod ni gnod bgyid dgra bo la/ /phan pa mdzad pa'i bshes lags te/ /rtag tu skyon dag tshol ba la/ /yon tan 'ba' zhig go tshal ba lags/ /khyod ni gang na dug bcas shing/ /zhugs dang bcas par spyan drangs pa/ /dor ni brtser bcas gshegs pa dang/ /khyod la bdud rtsi can du gyur/ /bzod pas mi snyan brjod pa dang/ /'khu bdag ni bde legs kyis/ /mi snyan smra la bden pas te/ /khyod kyis sdang ba byams pas btul thog ma med dus goms pa yi/ /mi yi rang bzhin mang po yang/ /khyod kyis ngan song rnam bzlog nas/ /skad cig nyid la yongs su bsgyur/ /bka' ba mdzad pa la bstod pa ste le'u bcu gcig pa'o/ //rtsub pa dang 'jam bgyis pa dang/ / 'jungs pa rnams ni gtong phod dang/ /gtum pa nges par bgyis pa gang/ /de ni khyod kyi thabs mkhas lags/ /dga' bo'i dbang po nyer zhi dang/ /nga rgyal khengs pa 'dud pa dang/ /sor mo'i phreng ba'ang zhi bgyis na/ /su zhig ngo mtshar bskyed mi bgyid/ / khyod kyi chos kyi 'os tshim pas/ /gser las bgyis pa'i mal spangs nas/ /don mang nyid pa'i gnas mal du/ /stan rnams bsod nams nyal bar bgyid/ /khyod kyis dus dang bsam mkhyen pas/ /res 'ga' zhus na'ang mi gsung la/ /spros gyur gzhan la bstan pa dang/ /drung du gshegs nas bshad pa'ang mdzad/ /dri med gos mtshon bzhin du/ /thog mar sbyin sogs gtam ngag gis/ /sems la spro ba bskyed nas ni/ /phyi nas chos ni bstan pa mdzad/ /'khor ba mi bzad gting nas ni/ /'gro ba nyon mongs drang slad du/ / ? gang zhig ma stsal ba'i/ /thabs dang spyod pa de ma mchis/ /sku yi cha lugs rnam mang dang/ /gsung gis so so'i skad bzhin du/ /gdul bya'i bsam pa tha dad pa/ /de dang der ni khyod kyis mdzad/ /de dag kun kyang dag pa dang/ /mi 'gal ba dang ? ? dang/ /brjid dang lha mi rnams la ni/ /sman 'dogs bkur ba sha stag lags/ /smra dang bgyid ba phal cher ni/ /legs par rdo thog ma lags kyi/ /bden par gsung ba khyod la ni/ /de gnyis gzhan du gda' ba lags/ /bdag nyid dag pa 'ba' zhig bas/ /khyod kyis 'gro ba'i dpal zhing mdzad/ /'di ltar rnam pa 'di 'dra'i zhing/ /'jig rten gsum na mchis ma lags/ /thog med srid pa nyam pa bar/ /snga nas gcig tu nyams pa yi/ /sems can kun la sman slad du/ khyod ni de ltar brtson pa lags/ /mkhas pa la bstod pa ste le'u bcu gnyis pa'o// //gang gis khyod drin lan lon pa'i/ /sgrub de mchis snyam mi bgyid de/ /skye bo gang dag mya ngan 'das/ /de dag gis kyang lan ma lon/ /khyod kyi chos la gnas de dag / rang don kho na bgyid par bas/ /de yi slad du 'o brgyal gang/ /de la lan go ci zhig lon/ /khyod ni sems can gnyid log pa'i/ /rgyud la gzigs pa'i zhugs tse ba/ /bag med gyur pa rnams kyi ni/ /grogs bzang bag dang bcas pa lags/ /khyod kyis nyon mongs gzhom pa bshad/ /bdud kyi g.yo dag bstan pa mdzad/ /'khor ba'i rang bzhin mi bzad brjod/ /'jigs pa med pa'i phyogs kyang bstan/ /phan dgongs thugs rje can gyis ni/ /sems can rnams la bgyi 'tshal ba/ /gang zhig khyod kyis ma 'tshal ba/ /gzhan go ci zhig mchis lags kye/ /gal te chos ni 'di dag dang/ /spo ba zhig tu btub na ni/ /gdon mi 'tshal bar khyod kyis ni/ /lhas byin la brten kun la'ang stsol/ /de slad 'gro la brda' sprod pa/ / 'gro ba'i mgon po khyod kyis ni/ /'di na phan tshun byed pa po/ /med pa skad du nges par gsungs/ /'jig rten rnams la thugs brtse bas/ /yun rings sa steng dam chos bshad/ /'jig rten gsum phan 'dogs nus pa'i/ /slob ma dam pa'ang mang du bskrun/ /mngon du gdul bya'i tshogs kyang ni/ /mdzes bzang yan chad btul lags pas/ /de ko khyod la sems can gyi/ /bu lon lhag ma ci mchis na/ /'di ltar rdo rje'i ting 'dzin gyis/ /sku gdung til 'bru bzhin blags nas/ /'jug tu 'ang khyod kyis shin tu ni/ /dka' spyad yal bar mdor ro/ /gzugs kyi sku dang chos 'di dag /gzhan don kho nar mdzad do zhes/ /'jig rten yid ches dka' 'di la/ /khyod kyis mya ngan 'das pa bstan/ /de slad chos sku ma lus pa/ /sras kyi mchog la gtang mdzad de/ / gzugs sku til 'bru ltar bshig nas/ /khyod ni yongs su mya ngan 'das/ /e ma'o gnas pa e ma'o tshul/ /e ma'o yon tan e ma'o sku/ /sangs rgyas kyi ni tshes rnams la/ /ya mtshan mi che 'ga' ma mchis/ /phan 'dogs mdzad cing blta na sdug / sku gsung phrin las zhi gyur pa/ /khyod la'ang sdang bar rab bgyid pa'i/ /rmongs pa mi bzad pa la gzigs/ /bsod nams rgya mtsho rin chen gter/ /yon tan 'byung gnas chos kyi tshogs/ /khyod la sems can gang 'dud pa/ /de dag la yang phyag 'tshal lags/ /mgon khyod yon tan mi bas kyang/ /bdag gi zho sha bas 'tshal bas/ /des na 'jigs pa mchis slad du/ /glo nga la ni gcags bzhin mchis/ /khyod kyi rang gi ngo bo nyid/ /tshad ma mchis la bsam mi khyab/ /bstan min grangs kyang ma mchis pa/ /khyod bdag nyid kyis mkhyen lags grang/ /mtsho chen chang ni bas par ma gyur kyang/ /skye bo'i gdung ba rab tu zhi bgyid ltar/ /khyod kyi yon tan cha tsam ma sgrags kyang/ /bdag ni mchog tu glo ba dga' zhing mchis/ /bdag gis thub la dad pas spobs skyes pa'i/ /dge ba'i las 'di'i 'bras bu 'khrungs pa yis/ /ngan rtog rlung dmar 'tshubs pas dkrugs pa yi/ /'gro ba'i sems ni rnal du gnas par shog /bu lon med par bstod pa ste le'u bcu gsum pa'o/ // brgya lnga bcu pa'i bstod pa slob dpon mkhas pa chen po bram ze rta dbyangs kyis mdzad pa rdzogs so/ / //rgya gar gyi mkhan po sh+rI sh+rad+d+hA ka ra warmma dang/ lo tsA ba shAkya blo gros kyi bsgyur cing zhus te gtan la phab pa'o// // */ (/brgya lnga bcu pa zhes bya ba'i bstod pa'i 'grel ba 'jugs pa lags//) //rgya gar skad du/ sha ta pany+tsa sha ta nA ma sya sto tra TI ka/ bod skad du/ brgya lnga bcu pa zhes bya ba'i bstod pa'i 'grel pa/ dkon mchog gsum la phyag 'tshal lo/ /spel mar bstod pa phyogs glang pos/ /zab mo nye bar bshad pa ni/ /brgya ni lnga bcu pa yi don/ /rmad byung de las rnam shes nas/ /rgyal ba la ni gus pa yi/ /dga' byed snyan pa'i dge slong gis/ /de yi phyogs la dad pa yi/ /rnam par dbye ba rab tu bya/ /de la 'dir brgya lnga bcu pa'i bstod pa re zhig dang por gleng ba dang/ rgyu dang/ 'bras bu dang/ sman 'dogs pa'i sgo nas bstod pa dang bcu gsum du rab tu bstan pa ni 'di lta ste/ gleng bslang ba'i bstod pa dang/ pha rol tu phyin pa drug gi rgyu thun mong ma yin pa'i phyir gcig du byas nas rgyu la bstod pa'o/ /'bras bu la bstod pa ni dpe med pa la sogs pa'i dbye bas rnam pa gsum ste/ /dpe med pa la bstod pa dang/ rmad du byung ba la bstod pa dang/ sku la bstod pa zhes bya ba'o/ /sman 'dogs pa'i bstod pa ni snying rje la sogs pa'i dbye bas rnam pa brgyad de/ thugs rje la bstod pa dang/ gsung la bstod pa dang/ bstan pa la bstod pa dang/ smon lam la bstod pa dang/ lam la 'jug pa la bstod pa dang/ dka' ba mdzad pa la bstod pa dang/ mkhas par bstod pa dang/ bu lon med pa la bstod pa zhes bya'o/ /de rnams kyi bsdus pa'i tshigs su bcad pa dag ni/ /gleng bslang bstod dang rgyu la ni/ /rnam drug 'bras bu dpe med dang/ /rmad du byung dang de bzhin sku/ /sman 'dogs rnam brgyad de yang ni/ /thugs rje gsung dang bstan pa dang/ /smon lam dang ni lam 'jug dang/ /dka' mdzad nyid dang mkhas pa dang/ /bu lon med dang bcu gsum mo/ /bstod pa bcu gsum po de rnams kyi re re'i bshad pa yongs su rdzogs pa ni phyis bshad par bya'o/ /de la gleng bslang ba zhes pa ni dang por brtsam pa'o/ /gleng bslang ba der don gang dang gang gis bshad pa zhes bya ba bstan pa dang/ rgyu la bstod pa la sogs pa rnams la yang tshigs su bcad pa gang gis don gang bshad pa de yang rab tu bshad par bya'o/ /re zhig gleng bslang pa'i bstod pa'i tshig gi don ni de bzhin gshegs pa la skyabs su 'gro ba la sogs pa'i mchod 'os nyid dang/ de bzhin gshegs pa'i rgyu nyid dang/ de bzhin gshegs pa'i nyes pa ma lus pa zad pa rjes su dpag pa dang/ yon tan ma lus pa mi shes pas kyang bcom ldan 'das la yon tan gyi phyogs gcig tsam gyis bstod pa dang phyag 'tshal ba'i yon tan gyi tshogs tsam bshad pa zhes bya ba'o/ /'dir yang bsdus pa'i tshigs su bcad pa ni/ /ston la skyabs 'gro sogs mchod 'os/ / nyes pa med pa rjes su dpag / yon tan mdza' yas kyang ni chas/ /bstod pa 'dir ni phyag 'tshal phyogs/ /de la gang la'ang rnam pa thams cad du zhes bya ba rgyas par bshad pa'i phyir tshigs su bcad pa gnyis brtsam par bya ste/ gang zhig la ni nyes pa kun/ gtan nas yong ye mi mnga' zhing/ /gang la'ang rnam pa thams cad du/ /yon tan thams cad gnas gyur pa/ /gal te sems shig yod na ni/ /de nyid la ni skyabs 'gro zhing/ /de bstod de ni bkur ba dang/ /de yi bstan la gnas pa'i rigs/ /gang zhig la na nyes pa kun/ /zhes smos pa la/ de nyid la ni skyabs su 'gro ba'i rigs zhes bya ba la sogs pa'i tshig dang sbyar ro/ /gang zhig ces bya ba ni thun mong gi sgra yin yang don gyis sangs rgyas bcom ldan 'das kho na la 'jug go /gang gi phyir nyes pa thams cad zad pa dang yon tan ma lus pa dang ldan pa ni gzhan med pa de'i phyir 'di ltar bshad de thams cad mkhyen la yon tan kun/ /mnga' la de yang nyams mi mnga' / /nyes pa bag chags bcad de yang/ /skyob pa gcig pu la mi mnga' / /zhes bya'o/ /nyes pa zhes bya ba ni 'dod chags la sogs pa ste/ nyes pa byed pa zhes bya ba'i phyir ro/ /yang na lus dang ngag dang yid kyi rgyud la nyes pa byed pa ni snod ma yin par byed pa zhes bya bas na nyes pa'o/ /mi mnga' zhes bya ba ni mi mnga' ba de/ skyon du gyur pa ma brnyes pa'i phyir ro/ yong ye zhes bya ba ni bcom ldan 'das kyi spangs pa phun sum tshogs pas ngo mtshar ba gsal bar byed pa'o/ /yang na tshig kha bskang ba'i phyir tshig gi phrad do/ /gang zhig la nyes pa mi mnga' ba de skyabs su 'gro ba la sogs pa'i mchod 'os pa zhes bya'o/ /phyi rol gyi 'dod chags dang bral ba dang/ /slob pa rnams la nyes pa med pa'i phyir skyabs su 'gro ba la sogs pa'i mchod 'os su thal bar 'gyur zhes pas na/ de gsal bar bya ba'i phyir 'dir bshad de/ thams cad ces bya ba ni ma lus pa zhes bya ba'i don to/ / gal te phyi rol gyi 'dod chags dang bral ba de rnams kyi nyes pa med na yang de bzhin du srid pa'i rtse mo'i nyes pa nges par ma spangs pa'i phyir dang/ slob pa po rnams kyi yang ji lta bar sbyor bas khams gsum dang/ gnyis dang/ gcig gi thob pa'i bsgom pas/ spangs par bya ba rnams ma spangs pa'i phyir ro/ /dgra bcom pa rnams la yang khams gsum gyi nyes pa med na de rnams kyang skyabs su 'gro ba la sogs pa'i mchod 'os su thal bar 'gyur zhes pas na/ /bshad pa/ gtan nas zhes bya ba ni dus thams cad du'o zhes bya ba'o/ /don gang yin zhe na/ gal te dgra bcom pa rnams la yang nyes pa thams cad med mod kyi gtan nas med pa ni ma yin te/ yongs su spangs pa'i dus su yod pa dang/ dgra bcom pa rnams kyis yongs su ma spangs pa'i chos can yin pa'i phyir ro/ /'o na rang sangs rgyas rnams la yang nyes pa thams cad gtan nas med pas de la yang skyabs su 'gro ba la sogs pa'i mchod 'os su thal bar 'gyur ro zhes bya bas na de rnams las kyang khyad par du bya ba'i phyir/ bshad pa/ rnam pa thams cad ces bya ba ni rnam pa thams cad kyis zhes bya ba'i don to/ /gang gi phyir de rnams kyis rnam pa thams cad du 'dod chags la sogs pa spangs par ma gyur te/ /de rnams kyi bag chags ma spangs pa'i phyir ro/ /de bas na de rnams kyang skyabs su 'gro ba la sogs pa'i mchod 'os ma yin no/ /bcom ldan 'das la yang nyes pa thams cad ni gtan nas rnam pa thams cad du mi mnga' o/ /de'i phyir na nyes pa ma lus pa shin tu mi mnga' ba'i slad du/ /bcom ldan kho na la skyabs su 'gro ba la sogs pa'i mchod 'os pa yin no zhes bshad do/ /gang zhig la ni nyes pa kun mi mnga' / /zhes bya ba ni bshad pa'i go rim gyis tshigs su bcad pa 'di ltar gdon na rjes su mthun par mi 'gyur ro zhes pas na/ tshigs su bcad pa dang rjes su mthun pa'i phyir na gtan nas dang/ rnam pa thams cad ces bya ba ni go rim du gdon pa'o/ /phyi rol gyi ri bo la sogs pa'i dngos po rnams la gtan nas rnam pa thams cad du nyes pa med na de rnams la yang skyabs su 'gro ba la sogs pa'i mchod 'os su thal bar 'gyur zhes pas na/ /de dag dgag par bya ba'i phyir bshad pa/ thams cad nas rnam pa thams cad du zhes bya ba ni yon tan ces bya ba dang sbyar ro/ /yang yon tan thams cad gang zhe na/ nyan thos dang thun mong du nyon mongs pa med pa dang/ smon lam gyi ye shes la sogs pa'o/ /thun mong ma yin pa rnams kyang ma 'dres pa dang/ stobs dang/ mi 'jigs pa la sogs pa'o/ /de rnams kyang chung ngu dang/ 'bring la sogs pa'i dbye bas ni ma yin te/ 'on kyang chen po nyid la gnas pa zhes bya bas na/ bshad pa/ rnam pa thams cad ces bya ba ni khyad par thams cad kyis zhes bya ba'i don to/ /khyad par 'phags par bgyi ba la/ /khyod la thang lhod 'ga' ma byung/ /de slad khyod kyi khyad par rnams/ /thog drung rim pa dbyer ma mchis/ /zhes pa gang 'chad par 'gyur ba'o/ /gang la zhes bya ba ni don gyis bcom ldan 'das kho na dang sbyar ro/ /'ang zhes bya ba'i sgra ni khyad par gyi rgyu gsal bar byed pa'o/ /nyes pa ma lus pa zad par gyur pa dang/ yon tan gyi khyad par ma lus pa dang ldan pa'i phyir de nyid la ni skyabs su 'gro ba'i rigs so zhes bya ba ni rgyas pa'o/ /gnas gyur ces bya ba ni yang dag par gnas pa ste/ bzhed pa tsam gyi phyir dang/ mngon du gyur pa'i nus pa yin pa'i phyir ro/ /yon tan ni sngar bshad pa ste/ nyes pa'i gnyen por bgrang zhing goms par byas na zhes bya ba'i phyir ro/ /bshad pa ni 'di yin te/ nyes pa med pa tsam gyis yon tan med pas skyabs mi nus so/ /skyabs kyi don ni skyabs kyi don zhes bya ste grub pa'i mdza' o/ /ri bo la sogs pa de rnams kyang yon tan med pa'o/ /bcom ldan 'das ni nyes pa mi mnga' ba dang/ yon tan dang ldan pa'o/ de bas na de nyid skyabs su 'gro ba la sogs pa'i mchod 'os pa yin gyi ri bo la sogs pa ni ma yin no zhes bya'o/ /de nyid kyi phyir mang po skyabs su 'gro ba ni/ ri bo dag dang nags tshal dang/ /skyed mos tshal dang shing drung dang/ /mi rnams 'jigs pas bsdigs pa yi/ /skyabs 'gro 'di ni mchog ma yin/ /skyabs 'gro 'di ni dam pa min/ /de la skyabs su 'gro bas ni/ /sdug bsngal kun las grol mi 'gyur/ /zhes bcom ldan 'das kyis gsungs pa'o/ /gal te rnam pa thams cad du yon tan gnas par gyur pas bcom ldan 'das nyan thos la sogs pa rnams las khyad du gyur pa'i phyir skyabs su 'gro ba la sogs pa'i mchod 'os pa yin na yang de bzhin du spangs pa phun sum tshogs pas kyang bcom ldan 'das bstod par 'gyur ro/ /zhes bya bas na/ gtan nas rnam pa thams cad du zhes bya ba la sogs pa'i tshigs su bcad pas bshad do/ /de zhes bya ba ni sngar bshad pa'i nyes pa thams cad mi mnga' ba dang yon tan thams cad dang ldan pa yang ngo/ /nyid ces bya ba ni nges par bzung ba'o/ /nges par bzung ba gang yin zhe na/ skyabs su 'gro ba la sogs pa'o/ /de ltar gyur pa las gzhan pa ni skyabs su 'gro ba la sogs pa'i snod ma yin no zhes bya ba'o/ /skyabs 'gro zhing zhes bya ni skyabs khas blangs pa'i phyir ro/ /skyabs kyi don ni zhes sngar bshad de/ /des ni yid kyi las la spro bar byed do/ /de bstod ces bya ba ni yang dag par gyur pa'i yon tan la bstod pa'o/ /'gro ba'i rigs zhes bya ba ni thams cad la sbyar ro/ /des ni ngag gi las la spro bar byed do/ /de ni bkur ba dang zhes bya ba ni thal mo sbyar ba la sogs pas bsnyen bkur bya zhes par dgongs pas so/ /des ni lus kyi las la spro bar byed do/ /de yi bstan la gnas zhes bya ba ni lus dang ngag dang yid dag gis des bkag pa mi spyad pa dang/ rjes su gnang ba sgrub par byed pa'o/ /de lta bus ni bcom ldan 'das kyi bstan pa la gnas par 'gyur te/ des ni sgrub pa la spro bar byed do/ /rigs pa zhes bya ba ni rigs pa las ma 'das pa ste/ rigs pa dang mthun pa zhes bya ba'i don to/ /gal te sems shig yod na ni zhes bya ba ni bdag nyid la phan pa'i sems bzung bar bya ste/ gtso bo yin pa'i phyir ro/ /bdag la phan par sems pas na zhes bya'o/ /gzhan du na phyugs rnams la yang sems yod de/ de rnams kyis ni nyes pa dang yon tan brtag pa'i nus pa dman pas bdag la phan par mi sems pa'o/ /de bas na bdag la phan par sems pa gang yin pa des ni nyes pa thams cad mi mnga' ba dang/ yon tan thams cad dang ldan pa la skyabs su 'gro ba bya ba dang/ de'i bstan pa la gnas par bya'o zhes bstan to/ /de bas na tshigs su bcad pa de gnyis kyis ni ston pa la skyabs su 'gro ba la sogs pa'i mchod 'os bstan to/ /dgongs pa gang gis slob dpon 'di nyid kyis skyabs su 'gro ba la sogs pa'i mchod 'os pa 'di lta bus gsal bar byas so zhes bya ba bshad par bya ste/ 'dir yang slob dpon phyogs kyi glang pos zhar la bstan to/ /kha cig na re skyabs su 'gro ba la sogs pa'i mchod 'os pa mi shes pas 'di skad zer te/ de ring gang la skyabs su mchi/ /ji srid bdag la sems yod na/ /gang gi bstan la gnas pa dang/ /gang bstod gang la bsnyen bkur bgyi/ /zhes bya ba de'i phyir gtan nas rnam pa thams cad du zhes bya ba rgyas par slob dpon gyis bshad do/ /'dir yang 'di ltar 'chad par 'dod pas gang gi phyir 'jigs pa dang bcas pa'i 'jig rten pas skyabs su 'gro ba la sogs pa'i mchod 'os pa tshol bar byed pa rnams gang la 'jigs pa gang gis 'di nyid smras pa zhes bya'o/ /'di nyid spel ma'i spel mar gnas brtan shAkya blo yis bshad pa ni/ 'bar zhing tsha ba'i 'dod chags sogs/ /me yis lus ni bsregs gyur cing/ /skye mched kun la gnod byed pa'i/ /dmyal bar yid ni skrag gyur pas/ /de ring gang la skyabs su mchi/ /zhes pa ni rgyas pa'o/ /bshad pa ni 'di yin te/ 'dod chags la sogs pa'i mes yang dag par gdungs pa'i lus dang ldan pa dbang po kun gnod pa'i dmyal ba las yid skrag nas skyabs su 'gro ba la sogs pa'i mchod 'os pa tshol bar byed pa dag gi dbang du byas nas/ gtan nas rnam pa thams cad du zhes bya ba ni rgyas par bshad do/ /skyabs su 'gro ba la sogs pa'i mchod 'os pa de dang 'dra ba gang yin zhe na/ mngon sum du ma bshad pa de'i phyir 'di bshad par bya ste/ thams cad mkhyen la yon tan kun/ /mnga' la de yang nyams mi mnga' / /nyes pa bag chags bcas de yang/ /skyob pa cig bu la mi mnga' / /nyes pa bag chags bcas de zhes bya ba la/ bag chags dang bcas par 'jug pa zhes bya ba ni bag chags dang bcas pa ste nyes pa'o/ /de la bag chags zhes bya ba gang yin zhe na/ de la gsung rab la mkhas pa kha cig ni ji ltar me tog dang bcas pa'i til rnams kyi dri dang ldan pa'i me tog bsal na yang de dang 'dra ba'i dri gzhan 'byung zhes zer ro/ /yang na ji ltar lu gu rgyud du sbrel ba las grol ba'i skyes bus yun ring por goms pa'i dbang gis sngar gyi 'gro ba dang 'dra bar 'gro ba de bzhin du nyes pa spangs par gyur na yang 'phags pa nyan thos rnams kyi nyes pa'i bud shing bstan pa'i phyir dang/ 'phags pa'i l am gyi me myur ba ma yin pa'i phyir seng ldeng gi bud shing gi dman pa'i mes bsregs pa'i sol ba dang 'dra ba nyes pa dang mtshungs pa sems dang sems las byung ba'i khyad par lung du ma bstan pa rgyud la lhag par gyur pa gang yin pa de ni bag chags zhes bya'o/ /gang gi phyir de bzhin du 'phags pa shA ri'i bu'i chags pa'i bag chags thos pa ni gang gi tshe/ gnas brtan maung+gal gyi bu chen po'i yan lag dang nying lag bram ze rab tu byung ba dbyug pa'i gtsug phud can gyis dbyug pas rdeg cing bu ram gyi shing dang 'dra bar brdungs pa de'i tshe/ rgyal po ma skyes dgras de sman pa dag la gtad de zhag bdun gyis 'di bsos par gyis shig /gzhan du na khyod kyi rnyed pa kun tu dbral bar bya'o/ /zhes pa na/ slob dpon de yang rgan pa'i phyir/ shin tu brdeg pa'i phyir gso bar ma nus pa de'i phyir yongs su mya ngan las 'da' bar 'dod par gyur to/ /de'i yang yongs su mya ngan las 'da' bar 'dod pa'i dgongs pa shes nas thog ma med pa'i/ dus kyi rgyud la bag chags kyi lhag ma dang ldan pa 'phags pa shA ri'i bu dge slong khri khrag bdun gyi 'khor dang bcas pa snga dro yongs su mya ngan las 'das so/ /de'i 'chi ba bzod ma nus pas gnas brtan maung+gal gyi bu chen po dge slong stong phrag bdun cu rtsa drug dang bcas yongs su mya ngan las 'das zhes bya'o/ /chu bo gang gAs kyang de'i nyin la gtsug lag khang khyed bas na gnas brtan pa'i yin d+ha'i bus gzugs 'tshong ma rengs par gyur cig ces chu bo gang gA la smras so/ /de ni tshe snga ma la bram ze yin pas na de ni de'i nga rgyal gyi bag chags so/ /de bas na skye bo'i rtsod pas chu bo gang gA la rmod pa dor ro zhes bya ste/ de'i phyir na de dang 'dra ba'i bag chags dang bcas pa zhes bya'o/ /de bas na nyon mongs pa'i bud shing dman pa'i phyir dang/ 'phags pa'i lam gyi me shin tu rno ba'i phyir mar dang til mar gyi rno ba'i mes bsregs pa'i dngos po dang 'dra ba'i skyon mi mnga' ste/ spangs pa'i phyir ro/ /gang gi yin zhe na/ spyod pa zhes bya bar bshad do/ /ji ltar bdag gi rgyud la de/ /bag chags lhag ma'ang ma lus pa/ /de ltar rnam pa thams cad du/ /nyes pa khyod kyis rab tu bcom zhes de ltar 'chad par 'gyur te/ gang zhig la ni de lta bu'i nyes pa med pa dang/ 'di lta bu'i yon tan mnga' ba de ni skyabs su 'gro ba la sogs pa'i mchod 'os pa thar par 'dod pa rnams kyis khas blangs so/ /de bzhin du yang bcom ldan 'das kyi ni ji ltar bshad pa'i nyes pa mi mnga' ba dang/ yon tan kho na mnga' ba zhes bya'o/ /de yang zhes bya ba ni ji ltar bshad pa'i rnam pa can gyi nyes pa bzung ngo/ /nyes pa zhes bya ba'i don ni bshad zin te/ mi mnga' ba zhes bya ba yang ngo/ /gcig pu zhes bya ba ni nges par 'dzin pa'o/ / gcig kho na yin gyi gnyis pa ni ma yin no/ /gcig gang zhe na/ bshad pa/ skyob pa'i dbang thob pa zhes bya ba'i don to/ /bcom ldan 'das gcig pu chos rnams la skyob pa zhes bya ste/ skyob pa gzhan med do zhes bya bas na/ de ltar gsungs pa'o/ / yang na ta spri khams ni skyong ba'i don te nges par Ni ni'i rkyen can no/ /des na gdul bya'i dus 'das nas nges par skyob par byed pas na skyob pa zhes bshad do/ /chu srin gyi rgya mtshos kyang/ dus ni shin tu 'da' byed la/ /gdul bya'i sems can rnams kyi ni/ /dus las sangs rgyas 'da' mi mdzad/ /ces de bzhin du gsungs pa'o/ /kun shes bya ba ni yon tan dang sbyar ro/ /thams cad mkhyen pa zhes bya ba ni thams cad mkhyen cing thams cad mkhyen par gyur pas na thams cad mkhyen pa ni yon tan ye shes kyi khyad par ro/ /yang na thams cad mkhyen pa zhes bya ba ni drug pa'i mdza' can te skyob pa dang sbyar ro/ /de yang zhes bya ba ni yon tan no/ /nyams mi mnga' zhes bya ba ni mi 'gyur ba'i ngang tshul can no/ /des ni ston pa'i chos nyid mi nyams pa bstan to/ /yang na nyams pa mi mnga' ba ni nyes pa mi mnga' ba skyob pa thams cad mkhyen pa zhes bya'o/ /de'i yon tan la bstod pa brjod pas ni bcom ldan 'das kho na la bstod pa dang sbyar ro/ /de'i phyir na nyes pa bag chags dang bcas pa ma lus pa spangs pa dang/ yon tan thams cad phun sum tshogs pa mnga' ba yang bcom ldan 'das la skyabs su 'gro ba la sogs pa'i mchod 'os pa'i rgyu bshad do/ /bcom ldan 'das la nyes pa bag chags dang bcas pa yang mi mnga' ba zhes ji ltar rtog par 'gyur zhe na/ bshad pa/ 'dir rjes su dpag pa bshad par bya ste/ bcom ldan 'das kyi sku dang ni/ /gsung dang thugs kyi 'phrin las la/ /zhe 'gras gyur pa gang gis kyang/ /chos dang ldan par glags mi rnyed/ /zhe 'gras gyur pas mi rnyed ces bya ba ni rgyas pa'o/ /mi zhes bya ba ni dgag pa bshad pa'o/ /bcom ldan 'das kyi la glags mi rnyed ces bya ba dang 'dir sbyar ro/ /kyang zhes bya ba ni gang gi phyir zhes bya ba'i don la'o/ /gang du mi rnyed ce na/ bshad pa/ sku dang gsung dang thugs kyi phrin las zhes bya ba ni sku dang gsung dang thugs zhes bya ste/ sku gsung thugs so/ /phrin las kyi sgra ni re re dang sbyar ro/ /gang gis mi rnyed ce na/ zhe 'gras pa zhes bya ba ni rgyas pa'o/ /rtogs pa chung ba 'ba' zhig du ma zad kyi 'on kyang skyon tshol ba la gzhol bas kyang zhes bya ba'i don to/ / char dus kyi zla ba bzhi'i bar du bcom ldan 'das kyi thad du 'dug pa phyi ma'i mis skyes bu chen po'i 'tshang btsal bar bya ba'i phyir dang/ tshul bzhin ma yin pa rnams spyad par bya ba'i phyir yang bcom ldan 'das kyi 'dod chags la sogs pa'i nyes pa tsam yang ma mthong ngo zhes bya ba ni mdo'i don no/ /'o na mdzes ma rab tu byung pa la brten pas mu stegs pa gzhan gyis glags rnyed do zhes bya bas na/ bshad pa/ chos dang ldan pa zhes bya ba ni chos kyi sgra ni bden pa la 'jug pa'o/ /des na bshad pa ni 'di yin te/ bden pa dang bcas par 'jug pa gang yin pa des ni glags mi rnyed do/ /gang gis bden pa spangs nas bcom ldan 'das la smod par byed pa de la dgag pa lta ci smos/ de bzhin du de bzhin gshegs pa bltams pas mu stegs pa de rnams rnyed pa dang bkur sti ma rnyed pas mdzes ma rab tu byung ba rang gis bsad nas bcom ldan 'das la mi bsngags pa'i gtam bsgrags pa ni dge sbyong gau ta mas 'di ni bsnyen bskur byed du bcug gnas bsad do/ /zhes bya ba'o/ /de nas mu stegs pa kha cig rnyed pa dang bkur sti rnyed pas ?'phreng bkrol mkhan gyi mu stegs pa gzhan la smras pa/ /mdzes ma khyed cag rang gis bsad na dge sbyong gi ta ma la smod nam zhes pa rgyal po gsal rgyal gyis thos nas yul nas bskrad do/ /de bzhin du tsam tsa dka' thub ma'i mi sngags pa'i dpe brjod par bya'o/ /rnyed pa zhes bya ba ni 'thob pa'o/ /gang gis zhes bya ba ni zhe 'gras pa dang sbyar ro/ /bcom ldan 'das zhes bya ba ni de bzhin gshegs pa la mchod pa'i tshig go /glags zhes bya ba ni skyon tshol ba dang/ /nyes pa 'dzin pa zhes bya ba'i tha tshig go / gal te nyes pa yod na de las byung ba'i sku dang gsung dang thugs kyi 'phrin las kyi tshul dang mi mthun pa'i spyod pa tshol na su zhig gis rnyed par 'gyur ba ste/ de bas na de bzhin gshegs pa la nyes pa mi mnga' o/ /de lta bus ni bcom ldan 'das nyes pa zad pa'i rjes su dpag pa bstan nas/ /bstod pa bya ba'i dgongs pa bshad par bya ste/ /'khor ba thog ma med par lce gcod pa dang/ ngan song bskyed pa la sogs pa dang/ nyon mongs pa dang bcas pa bdag gis bcom ldan 'das la bstod pa ma byas pa gang yin pa de ni bdag bslus pa yin no/ /rgya mtsho gnya' shing bu ga ru zhes bya ba'i rgya che bas tshigs su bcad pa gnyis bshad par bya ste/ rgya mtshor gnya' shing bu ga ru/ /rus sbal mgrin pa chud pa ltar/ /dam chos dga' ston cher bcas pa'i/ /mi nyid bdag gis thob nas ni/ /mi rtag nyid dang rjes 'brel zhing/ /las kyi glags la dogs bcas pa/ /bdag gi lce 'di nyid kyis go /snying po ci phyir blang mi bya/ /bdag gi zhes bya bas ni bdag nyid bstan to/ /thob nas zhe bya ba ni thob pa'o/ /mi nyid ni skye ba'o/ /dam chos dga' ston cher bcas pa zhes bya ba ni mi nyid kyi khyad par ro/ /dam pa'i chos ni dam pa'i chos so/ /yang na mdzes pa'i chos ni dam pa'i chos so/ /gal te chos kyi sgra 'di ni gsung rab dang mya ngan las 'das pa la sogs pa mang po la 'jug pa yang de bzhin du 'dir yang sangs rgyas kyi gsung rab brjod pa'o/ /de bzhin du mdo las chos bstan pa yang nye bar zhi ba dang/ yongs su mya ngan las 'das pa zhes bya ba la sogs pa gsungs pa'o/ /chen po yang yin la dga' ston yang yin lan dga' i ston chen po ste/ mngon par mtho ba dang nges par legs pa dag gi rgyu yin pa'i phyir ro/ /dam chos dga' ston chen po dang 'dra ba ni dga' ston chen po'o/ /dam chos dga' ston chen po dang bcas pa gang yin pa de ni dam chos dga' ston chen po dang bcas pa ste mi nyid thob nas zhes bya ba dang sbyar ro/ /rgya mtsho ni rgya mtsho chen po'o/ /de la gnya' shing ni thong 'dzin pa'i yo byad do/ /de'i bu ga ni bu ga'o/ /de la rus spal gyi mgrin pa ni de ru chud pa'o/ /rgya mtsho gnya' shing bu ga ru/ /rus sbal mgrin pa chud pa ltar ni nyid dpe gang la yod pa de ni rgya mtshor gnya' shing bu ga ru rus sbal mgrin pa chud pa dang 'dra ba'o/ /bcom ldan 'das kyis gsungs pa 'di lta ste/ dge slong dag 'dir sa chen po chu bo gcig dang rgya mtsho gcig du gyur to zhes bya ba rgya che bas gleng gzhi dang yang dag par ldan pa'i mdo sde'o// de la yan lag gi don ni 'di yin te/ ji ltar rgya mtsho chen por zhugs pa rlung gis phan tshun shin tu g.yo ba bu ga gcig dang ldan pa'i gnya' shing gi bu gar lo brgya 'das nas lan cig ldang ba'i rus sbal gyi mgrin pa bya rog dang shing ta la'i 'bras bu'i rigs pas dga' bas 'jug pa de bzhin du ngan song gi rgya mtsho chen por lhung ba'i srog chags mi dge ba'i las kyi lam chen po'i rlung gis bdas pas mi'i 'gro ba la 'jug pa rnyed pa dka' ba zhes bya ba'o/ /de bas na mi nyid rnyed par dka' ba thob nas ci zhig bya zhe na/ smras pa/ mi rtag nyid dang rjes 'brel zhing/ zhes smos pa la/ mi rtag pa zhes bya ba ni 'jig pa'i rgyu'o/ /kha cig na re/ 'jig pa kho na zhes zer ro/ /de dang 'brel pa ni rtag tu mi rtag pa'i rjes su 'gro ba ste/ 'dus byas pa rnams skad cig mas 'jig pa zhes bya ba'i don to/ / bdag gi lce zhes bya ba ni 'chad par 'gyur ro/ /de'i phyir bde ba'i skal ba dang bcas pa'i mi rtag pa nyid bstan nas/ 'tsho ba nyid kyi bdag gi lce'i nye bar 'tshe ba bshad par bya ste/ las kyi glags la dogs bcas pa/ /zhes bya ba ni dge ba dang mi dge ba'i las byed pa'i mi rnams gang yin pa de rnams las dge ba'i las las byung ba ni mi nyid do/ /dge ba'i las de rnams kyi mi dge ba'i las rnams ni glag so/ /de dang dogs pa ni som nyid dang bcas pa ste/ /'tsho ba nyid kyi lce gcod pa dang/ nad la sogs pa rnams zil gyis gnon pa yod pa'i phyir ro/ /snying po glang ni blang ba'o/ /lce'i snying po gang yin zhe na/ de bzhin gshegs pa'i yon tan la yang dag par bstod pa'o/ /de bzhin du yang bshad pa/ dam chos tshig gi snying po ste/ /de las gzhan pa bya rog sgra/ /zhes bya'o/ ci'i phyir zhes bya ba ni mi srid pa la'o/ /yang na ci phyir ni rnam pa gang gis mi bya ba ste bya ba kho na zhes bya ba'i don to/ /'di zhes bya ba ni rang gi rgyud la yod pa'o/ /lce zhes bya ba ni tshig te/ rgyu la 'bras bu nye bar btags pa'i phyir ro/ /lce kho na la tshig ces bshad do// bstod pa brjod pa'i snying po blang ba'i dgos pa bshad nas/ gzhan gyi tshig gi glags slob dpon gyis rtogs pa ste/ yon tan gyi mdza' shes pas de bzhin gshegs pa la bstod pa'i mchod 'os yin gyi/ bcom ldan 'das kyi che ba'i yon tan gyi mdza' mi shes pas ci'i phyir bcom ldan 'das kyi bstod pa la stsol zhe na/ bshad pa/ de ltar thub pa'i yon tan gyi/ /yul lta grangs med shes mod kyi/ /rang gi don la gus pa yis/ /de yi phyogs gcig bsgrims te brjod/ /de ltar yul grangs med pa zhes smos pa la/ de ltar zhes bya ba ni 'di skad ces bya ba'i don to/ /mi nyid rnyed dka' ba sangs rgyas bskyed pas brgyan pa thob nas lce'i snying po ci'i phyir blang bar mi bya zhes rab tu dpyad nas zhes dgongs pa'o/ /yang na de ltar zhes bya ba'i sgra 'di ni rgyu la 'jug pa'o/ /dper na 'di ltar char 'bab pa dang rgyug pa zhes bya'o/ /de bas na 'dir yang de bzhin gshegs pa'i yon tan gyi mdza' mi shes pas bstod pa ni byed na 'phags pa shA ri'i bu yang shes rab can gyi gtso bor gyur pas kyang bcom ldan 'das la bstod pa byed par mi 'gyur ro/ /zhes bya ba rgyu de las zhes bya ba'i don to/ /yul lta grangs med ces bya ba la/ grangs ni yongs su bcad par mi nus pa zhes bya'o/ /de bzhin gshegs pa'i ye shes ni bgrang mi nus te de'i yul ni rang sangs rgyas dang 'phags pa nyan thos kyi ye shes kyi ye shes kyi spyod yul ma yin pa'i phyir ro/ /yon tan shes mod kyi zhes bya ba ni shes nas kyang ngo/ /dus gang gi tshe sangs rgyas bcom ldan 'das kyis 'jig rten las 'das pa'i thugs bskyed par mdzad pa'i dus de'i tshe nyan thos dang rang sangs rgyas rnams kyis kyang bcom ldan 'das kyi thugs sems kyis mi shes so/ /zhes bya ba ni lung ngo/ /yul grangs med pa gang las yod pa de ni yul grangs med pa zhes bya ste/ kun tu 'gro ba'i phyir ro/ /des na bdag gis bstod par ma nus so/ /yon tan grangs med shes mod kyi/ /zhes bya ba de'i don ni bshad zin to/ /de'i phyogs gcig bsgrims te brjod ces smos pa la/ yon tan de rnams kyi phyogs gcig ni cha ste/ de'i bsgrims pa ni bstod pa bya ba'i phyir brtson par bya ba'o/ /de lta bus bcom ldan 'das la cung zad phan par 'gyur ram zhes pa las/ bshad pa/ rang gi don la gus pa ni rang don la brtson pas bcom ldan 'das la bstod pa'o/ /gang gi phyir bstod pa dang smad pa dag gis bcom ldan 'das rjes su chags pa dang khong khro bar mi 'gyur zhes bya ba'o/ /de lta bu'i tshigs su bcad pa gsum po 'dis yon tan gyi mdza' mi shes pas kyang cha tsam gyis rang don la rtsol bas bcom ldan 'das la bstod pa brtsams so zhes bshad pa yin no/ /da ni ston pa la phyag 'tshal ba sngon du 'gro ba'i bstod pa la 'jug pa bshad par bya ste/ gang gi yon tan grangs dag dang/ mthu la thugs ma mchis la/ /rmad byung 'phrin las dpag med can/ /rang byung khyod la phyag 'tshal lo/ /zhes bya ba ni rgyas pa'o/ /rang byung ni gzhan gyis ma bstan par shes bya ma lus par thugs su chud pa'i khyad par dang ldan pas thams cad mkhyen par gyur to zhes bya ba ni rang byung ngo/ /rang byung de la phyag bya ba ni phyag 'tshal ba zhes bya'o/ /khyod ni khyod la'o/ /'tshal ba ni 'tshal lo ba'o/ /rmad byung 'phrin las dpag med can/ /zhes smos pa la/ dpag med ni tshad med pa dang/ shin tu dkon pa dang/ ngo mtshar ba ste/ phrin las ni sku dang gsung dang thugs kyi 'phrin las gang la yod pa de ni rmad byung 'phrin las dpag med can de la phyag 'tshal lo/ /zhes bya ba dang sbyar ro/ /rgyu phun sum tshogs pa la bstod pa bstan pa ni 'phrin las rgyur gyur pa'i phyir ro/ /'bras bu phun sum tshogs pa la yang bstod pa bshad par bya ste/ gang gi yon tan grangs dag dang/ zhes bya ba ni gang gi zhes bya ba dang sbyar ro/ /don gyi dbang gis byed pa'i tshig yongs su 'gyur ro zhes bya bas na khyod la zhes bya ba ni zhi ba'i mdza' can 'dir drug pa'i mdza' can du 'gyur te/ gang gi khyod kyi zhes bya ba'i don to/ /grangs ni gcig la sogs pa'o/ /mthu ni gdul bya'i bya ba la nus pa'o/ /grangs dang mthu de dag gi yon tan ni stobs dang mi 'jigs pa la sogs pa rnams la thug pa ni nges par gzung ba ma mchis pa dang sbyar ro/ /gang gi phyir thug pa ma mchis pa de'i phyir ro/ 'di snyed bgyi ba'i mdza' med na zhes bya ba'i tshigs su bcad pa bshad pa/ 'di snyed bgyi ba'i mdza' med na/ 'di lta lags zhes ci zhig smos/ /khyod kyi yon tan slad du bdag /bsod nams snyam nas spyi bo rtol skyes/ /'di snyed ces bya ba ni tshad 'di dang ldan pa ste/ /brgya 'am stong zhes bya ba de lta bu'i mdza' ni yongs su chad pa'i yon tan rnams te mi mnga' zhes bya ba'i don to/ /de lta bus ni 'bras bu phun sum tshogs pa bshad pa yin no/ /mthu phun sum tshogs pa bstan pa bshad pa ni 'di lta lags zhes ci zhig smos zhes smos pa la/ 'di lta bu ni 'di lta bu'i mthu dang ldan pa khyod kyi yon tan zhes bya ba ste/ ci zhig ni tshig gi skabs kho na ci zhig smos zhes bya ba ste dgongs pa'o/ /khyod ni ji ltar bstod pa la brtson zhes pa la/ bshad pa/ bsod nams snyam nas zhes bya ba ni bsod nams kyi rgyu kho na yin pas na bsod nams so/ /yang na yon tan dag mdzad pas na bsod nams te sdig pa 'joms pa zhes bshad do/ /snyam gyi sgra ni nges par bzung ba la'o/ /yang gi sgra ni don gzhan brjod par 'dod pa la'o/ /bshad pa ni 'di yin te/ khyod kyi yon tan rnams la grangs dang mthu dag gis thugs pa ma mchis mod kyi/ 'on kyang khyod kyi yon tan ni bsod nams yin zhes bdag nges pa skyes pa'o/ /de'i phyir yon tan gyi slad du ni khyod kyi yon tan la brten pas so/ /bdag spyi brtol skyes pa zhes bya ba ni yon tan gyi khyad par ma 'tshal na yang bdag cag rnams la spyi brdol yod de/ rang gi don la gus pas yon tan gyi phyogs gcig la bstod par bya ba'i phyir bstan to/ /de lta bu'i tshigs su bcad pa gnyis po 'dis bcom ldan 'das kyi rgyu dang 'bras bu phun sum tshogs pa la bstod pa rab tu brtsams zhes bshad do/ /bstod pa glang bslang ba'i bshad pa ste le'u dang po'o// //ji ltar bcom ldan 'das rmad du byung ba'i 'phrin las kyis bcom ldan 'das byang chub tu thugs bskyed par 'dzad pa bshad par bya ste/ /spyod dam mi spyod snyam pa yi/ /rnam par rtog pa rnam spangs nas/ /'gro ba 'di ni nyam thag ces/ /khyod bdag nyid kyi zhal gyis bzhes/ /spyod pa ni spyod pa mdzad pa dang/ mi spyod pa ni spyod pa mi mdzad pa'o/ /dam gyi sgra ni rnam par rtog pa zhes bya'o/ / snyam zhes bya ba ni yongs su spangs pa thugs kyis ma mdzad do zhes bya ba'i tha tshig go / rnam par rtog pa ni rnam par rtog pa'o/ /bdag nyid ces bya ba ni bdag nyid do/ /ma zhus pa nyid ni thugs rje'i gzhan dbang du gyur pa'i phyir zhes bya ba ni dgongs pa'o/ /zhal gyis bzhes pa ni 'gro ba zhes 'chang par 'gyur ro/ /yongs su skyab pa'i phyir zhes zhal gyis bzhes te/ byang chub tu thugs bskyed pa'i phyir zhes bya bar dgongs pa'o/ /de bzhin du byang chub sems dpar gyur pa bcom ldan 'das kyis de bzhin gshegs pa'i lam mi mkhyen na/ 'gro ba 'khor ba las bskyab par mi sbyong ngo zhes bya bas na slong ba rnams la lus la sogs pa byin nas smon pa bzhes te/ gtong ba dang shin tu gtong ba 'dis ma 'ongs pa'i 'jig rten 'dren pa med pa las sangs rgyas su gyur nas sems can ma brgal ba rnams bsgral bar bya ba dang/ ma grol ba rnams dgrol bar bya ba dang/ dbugs ma byung ba rnams dbugs dbyung bar bya ba dang/ yongs su mya ngan las ma 'das pa rnams yongs su mya ngan las 'da' bar bya'o zhes pa ni lung ngo/ /khyod ces bya ba ni khyod kyis so/ /de lta bu'i rnam par rtog pa spangs nas ci'i phyir zhal gyis bzhes she na/ gang gi phyir 'gro ba 'di ni nyam thag ces smos pa la/ gang la nyam thag ces bya ba ni nyam thag pa skyob pas na mchod 'os pa ste/ gzir bar smra ba'i gnas so/ /de dran? bshad pa ni 'di yin te/ gang gi phyir 'khor ba'i sdug bsngal la skyabs med pa'i 'gro ba la byang chub sems dpa' thugs rje mdzad pa de yi phyir spyod pa dang mi spyod pa'i rnam par rtog pa spangs nas 'gro ba bskyab pa'i phyir zhal gyis bzhes so/ / 'di ni zhes bya ba ni nye bar bstan pa la'o/ /'gro ba zhes bya ba ni sems can gyi 'jig rten no/ /de bas na/ khyod ni ma bcol legs mdzad pa/ zhes bya ba'i tshigs su bcad pa/ khyod ni ma bcol legs mdzad pa/ /khyod ni rgyu med bzhin du byams/ /khyod ni ma drin mdza' bshes te/ /'brel ba med pa'i gnyen bdun lags/ /ma bcol ba ni ma zhus pa'o/ /legs pa ni chos kyi ngang tshul lo/ /snying rje dang bral ba'i 'jig rten pa sdug bsngal la skyabs pas legs pa'i ngo bo zhus pas kyang byed dam ni ?/ bcom ldan 'das ni ma zhus par yang gong du bshad pa'i tshigs su bcad pa byed kyis legs so zhes bya ba bshad do/ /khyod ni zhes bya ba ni bcom ldan 'das bshad do/ /rang gi bde ba'i don du kha cig kha cig du byams pa ni brtse ba dang ldan pa yin no/ /khyod kyang nyid kyi bde ba'i rgyu gzhan la mi bltos par thugs rje dang ldan pa'i phyir na rgyu med bzhin du byams pa'o/ /dri ni slar yang 'brel ba'i dbang gis byams pa'o/ /drin med pa ni ma drin pa'o/ /de rnams kyi mdza' bshes ni bshes te ma drin mdza' bshes so/ /thugs rje dang ldan pa'i phyir na ma dran pa rnams pa yang drin pa bzhin pas na bshes/ /'brel ba ni gnyen 'dun te pha dang ma'i rigs dang 'brel ba'o/ /de nyid 'jig rten pa'i gnyen 'dun zhes bshad do/ /bcom ldan 'das kyang thugs rje dang ldan pa'i phyir 'brel ba med pa'i gnyen mdun lags te/ rigs kyi 'brel ba med na yang gnyen 'dun zhes bshad do/ /de lta bu'i tshigs su bcad pa gnyis kyis ni bcom ldan 'das kyi thugs rje sngon du song ba'i byang chub tu thugs bskyed pas sems can rjes su bzung ba bshad do/ /rgyu ni dbye ba drug ces bya ba pha rol tu phyin pa drug du bstan te/ de rnams kyis bcom ldan 'das la bstod pa'i phyir ma bcol bar legs par mdzad pa dang rgyu med bzhin du byams pa la sogs pa de ni bshad do/ /ji ltar zhe na/ gang gi phyir sbyin pa'i pha rol tu phyin pa yongs su rdzogs par bya ba'i phyir thugs rangs pa dang spu zing zhes byed pa dang bcas pa de'i phyir nyid kyi sha yang stsol mdzad na zhes pa ni rgyas pa'o/ /nyid kyi sha yang stsol mdzad na/ /dngos po gzhan lta smos ci 'tshal/ /legs mdzad khyod kyis srog kyang ni/ /slong ba'i skye bo rnams la btang/ /de ltar byams ba'i stobs byang chub sems dpar gyur pa'i bcom ldan 'das kyis autpal sngon po dang 'dra ba shin tu rno ba'i ral gris sha bcang cing gnod sbyin rnams la bza' ba'i phyir gtang ngo/ /nor bu gtsug can byang chub sems dpas kyang srin po rnams la btang ngo zhes bya ba ni rtogs pa brjod pa'o/ /dngos po gzhan zhes bya ba ni nor bu dang gser dang dngul la sogs pa rnams so/ /smos ci 'tshal zhes bya ba ni de smos ci 'tshal te/ don gyis go bas dngos po gzhan gyi sbyin pa rtogs par 'gyur zhes dgongs pa'o/ /de ltar rang gi sha kho na btang ba yin nam zhe na/ ma yin zhes bshad pa/ srog kyang ni zhes bya ba ni rgyas pa'o/ /srog ni srog rnams kyis kyang ngo/ /btang zhes bya ba ni mchod par gyur pa'o/ /slong ba'i skye bo rnams ni rnyed pa 'dod pas 'ongs pa'o/ / dper na ri bong du gyur pa'i bcom ldan 'das kyis slong mo pa'i gzugs can gtso ba'i bsam pa dang ldan pa'i brgya byin 'ongs pa des yongs su longs spyod par bya ba'i phyir me'i phung po la bzhag nas zhes pa ni skyes rabs so/ /khyod ni ma bcol las mdzad pa/ zhes bshad pa de nyid la brten nas log mdzad ces bya ba ni bcom ldan 'das la bod pa'o/ /de ltar srog chags rnams kyi longs spyad pa'i phyir sbyin pa bshad nas/ yongs su skyob pa'i sbyin pa bshad par bya ste/ nyid kyi sku dang srog dag gis/ /lus can gshed mas zin rnams kyi/ /lus dang srog kyang khyod kyis ni/ /lan brgya phrag du blu ba mdzad/ /nyid kyi sku zhes smos pa la/ de nyid kyi ni nyid gyi'o/ /sku zhes bya ba ni cha la tshogs pa nye bar 'dogs pas sku'i cha ni sku zhes bshad de/ srog dag gis zhes bya ba ni sku ma lus pa'i tshig blangs pa'i phyir ro/ /sku des ci zhig byas zhe na/ lan brgya phrag du blu bar mdzad ces bshad par 'gyur ro/ /blu ba ni nyos pa'o/ /lan brgya phrag du zhes bya ba ni lan mang du zhes bya ba'i don to/ /ci zhig blus she na/ bshad pa/ blus pa ni bdag nyid la bdag nyid chags pa spangs nas thugs rje'i dbang gis gzhan rnams la bdag la chags pa la brten nas lus kyi cha rnams blu ba mdzad do/ /lus de rnams gang gi yin zhe na/ lus can rnams kyi zhes bshad pa ste/ srog chags rnams kyi zhes bya ba'i don to/ /ji ltar gyur pa yin zhe na/ bshad pa/ gshed mas zin rnams kyi zhes bya ba ni gsod par stsol ba ste gshed ma rnams so/ /zin pa ni de rnams kyis zin pa rnams kyi'o/ /dper na bcom ldan 'das rgyal po dpal gyi sder gyur pa yis thams cad stong pa'i bdag nyid du bsgrigs pas bram ze'i cha byad 'dzin pa'i brgya byin la lus kyi phyed bcad nas rab tu btang ngo zhes bya ba ni rtogs pa brjod pa'o/ /lus blu ba kho na yin nam zhe na/ ma yin zhes bshad pa/ srog dag gis zhes smos pa la/ srog ces bya ba ni rang gi srog rnams kyis so/ /srog gis lus can gshed mas zin rnams kyi/ lan brgya phrag du blu ba mdzad ces bya ba ni thams cad la de ltar sbyar ro/ /ltogs pa'i sdug bsngal gyis non pas rang gi bu bza' bar bya ba'i phyir stsol ba la/ stag mo byang chub sems dpar gyur pa yis gzigs pas de la bdag nyid byin nas stag phrug rnams rang gi srog gis blu ba mdzad do/ /yang rgyal po zhi bar gyur pa yis khra'i cha lugs 'dzin pa'i brgya byin gyis nye bar gtses pa'i phug ron gzigs pas dgrol bar bya ba'i phyir ral gris nyid kyi sha bcad cing bcad cing rab tu btang ste ji srid nyid kyi sku ma lus pa srang la bsgar nas phug ron de blu ba mdzad do zhes bshad do/ /de bzhin du gzhan yang dka' ba mdzad pa'i byang chub sems dpa' i skyes rabs dper bshad par bya'o/ /de lta bu'i tshigs su bcad pa gnyis kyis bcom ldan 'das kyis sbyin pa'i pha rol tu phyin pa la bstod nas slar yang/ /ngan 'gros bsnyengs slad ma lags la/ zhes bya ba'i rgyas pas ni tshul khrims kyi pha rol tu phyin pa la bstod pa bshad par bya ste/ ngan 'gros bsnyengs slad ma lags la/ /bzhed pa'i 'gro ba'ang sgrub ma lags/ /dgongs pa dag pa 'ba' zhig gis/ /khyod kyis tshul khrims goms par mdzad/ /de la dmyal ba dang/ dud 'gro dang/ yi dags ni ngan 'gro ste/ rnam par smin pa mi bzad pa'i phyir ro/ /de nyid 'jigs pa ste/ de las 'jigs pa zhes bya ba'i phyir ngan 'gros bsnyengs pa de'i phyir ro/ /bdag la chags bar gyur pa'i 'jig rten pa yis tshul khrims bsrungs par byed do/ /khyod kyis ngan 'gro'i bsnyengs pas tshul khrims goms par ma mdzad do/ /zhes bshad do zhes bshad par 'gyur zhes bya ba'o/ /lha dang mi rnams kyi bde ba 'dod pa'i skye bos tshul khrims bsrung ba yin no/ /khyod kyis kyang bzhed pa'i 'gro ba'ang sgrub pas tshul khrims goms par ma mdzad do/ /'o na ci'i phyir zhe na/ bshad pa/ dgongs pa dag pa 'ba' zhig gis zhes bya ba ni dge ba la goms pa dang/ sdig pa las grol ba'i rang bzhin gyis dag pa'i thugs kyis zhes bya ba'i don to/ /de bzhin du bdag la chags pa dang bral ba'i phyir dgongs pa yang de yin 'ba' ? bzhig kyang de yin pas na dgongs pa 'ba' zhig go / dgongs pa ni sems dang sems las byung ba'i tshogs so/ /de yi dag pa ni sems can ma lus pa yongs su skyob pa'i phyir dri ma med pa'i ye shes las byung ba bla na med pa'i byang chub te/ nga yis dag pa brnyes pa ni/ /gang zhig byang chub bla na med/ /ces bya ba'i tshigs su bcad pa'i phyed do/ /de yi slad du ni de'i rgyu zhes bya ba'i don to/ /dag pa zhes bya ba ni rgyu'i don la gsum pa sgrub pa ste/ dper na slong bas na gnas pa zhes bya ba ste/ slong ba'i rgyu zhes pas rtog par 'gyur ba de bzhin du 'dir yang bsam pa dag pa'i rgyu yis zhes bya'o/ /tshul khrims zhes bya ba ni bya ba ma yin pa la ldog pa yang dag par len pa'o/ /goms par mdzad ces bya ba ni rang bzhin du mdzad pa'o/ /de ltar dgongs pa phun sum tshogs kyi pha rol tu phyin pa yongs su rdzogs pa bshad nas/ sbyor ba phun sum tshogs pa'i yongs su rdzogs pa bstan par bya ba'i phyir/ rtag tu gya gyu rnam spangs shing zhes bya ba la sogs pa'i tshigs su bcad pa bshad par bya ste/ rtag tu gya gyu rnam spangs shing/ /drang brtan rnams ni rtag bsten pas/ /yongs su dag pa'i las rnams kyis/ /khyod ni gzhi rten gcig bur gyur/ /g.yo las byung ba'i las rnams ni gya gyu'o/ /de dang 'brel pas gang zag kyang gya gyu ba'o/ /de rnams rtag tu spangs pa ni rtag tu yongs su spangs pa zhes dgongs pa'o/ /drang bstan rnams ni dge ba'i las rnams so/ /de la sbyor ba'i gang zag kyang drang brtan rnams so/ /de rnams rtag tu bsten pa ni shin tu bsten pa yis zhes bya ba'i don to/ /rgyu de dag las cir 'gyur zhe na/ smras pa/ yongs su dag pa'i las rnams kyis/ /zhes bya ba la sogs pa la/ las rnams kyis zhes bya ba'i don bshad zin no/ /yongs su dag pa zhes bya ba ni dge ba rnams so/ /gzhi rten cing du gyur ces smos pa la/ gzhi rten ni la mo/ /gcig bu zhes bya ba ni khyod ces bya ba dang sbyar te/ bcom ldan 'das gcig bu'o/ /gzhi'i rten yin pas na de yi dngos po ni gzhi rten gcig pu'o/ /gyur zhes bya ba ni thob pa'i don te/ de'i don ni 'di yin te/ 'jig rten pa las 'dren ma can yin gyi/ khyod kyang rgyu gnyis po 'di yis las dkar po rnams kyi lam cig pu kho nar gyur to/ zhes bya'o/ /de lta bu'i tshigs su bcad pa gnyis po 'di yis tshul khrims kyi pha rol tu phyin pa la yang dag par bstod nas/ bzod pa'i pha rol tu phyin pa la yang dag par bstod pa'i phyir bshad pa/ sdug bsngal mang pos gzir ba na/ /khyod kyis dge ba'i thugs kyis ni/ /nyon mongs rnams la bsran btsugs nas/ /skye bo nyon mongs can la brtse/ /mang pos gzir ba zhes bya ba ni rgyas pa'o/ /gzir ba zhes bya ba ni srog chags rnams la phan pa'i phyir yan lag bcad pa'i sdug bsngal dang ldan pas so/ /mang po zhes bya ba ni lan mang pos khyod kyis zhes bya ba ni bcom ldan 'das kyis so/ /dge ba'i thugs kyi zhes bya ba ni thugs rje'i dbang gis yongs su dag pa'i thugs kyis so/ /ci zhig mdzad ce na/ nyon mongs rnams la bsan btsugs nas zhes smos pa la/ nyon mongs pa rnams ni 'dod chags la sogs pa'o/ /de rnams la bsran btsugs pa zhes bya ba ni mthu gsal bar mdzad pa'o/ /bdag la gnod pa byed pa rnams kyi nyon mongs par yis bcom par bya zhes pa ni yid la byed pa mdzad do zhes bya ba'i don to/ /'o na byang chub sems dpas gshed ma'i rgyud kyi nyon mongs pa bzod pa'i rgyu yin na de'i phyir nyon mongs pa de dag mchod pa'i rigs na ci'i phyir de gzhom par bya ba'i phyir thugs 'khrugs pa yin zhe na/ de ni bden mod kyi 'on kyang nyon mongs pa'i dbang gis dgra rnams bdag dang 'dra ba'i snod la gnod pa byas na nges par sdig pa can du 'gyur ro zhes bya bas na/ dgra bo rnams la thugs rje'i dbang gis nyon mongs pa rnams spangs par bya ba'i phyir thugs 'khrugs so/ /dper na kha cig phan par 'dod pas gdon la bsdigs par byed kyi gdon gyis zin pa la ni ma yin no zhes bya'o/ /de nyid kyi phyir bshad pa/ skye bo nyon mongs can la brtse zhes bya ba la skye bo ni spyan la sogs pa za bar byed pa'i bya rgod la sogs pa'o/ /nyon mongs pa can zhes bya ba ni nyon mongs pa'i dbang du gyur pa'o/ / rgyu de nyid kyi phyir brtse ba ni dgra bo de rnams kyi nyon mongs pa gzhom pa'i slad du thugs bskyed pa'i phyir ro/ /bzod pa'i pha rol tu phyin pa'i rgyu yin na yang gzhan gyi sdug bsngal bskyed pa'i phyir ma mchod pa dang/ nyon mongs pa'i gzhir gyur pa'i skye bo gnod pa byed pa la 'khrug pa mi bskyed pa'i phyir bzod pa mdzad ces bya ba'i tshigs su bcad pa 'dis bshad do/ /bzod pa'i gnas skabs gnyis pa bshad par bya ste/ khyod kyis gzhan gyi don slad du/ sku srog btang nas dgyes gyur gang/ /de 'dra srog chags 'gum pa las/ /bsos pa rnams la'ang byung ma gyur/ /gzhan gyi don gyi slad du sku srog btang nas zhes smos pa la/ gzhan gyi don zhes bya ba ni gzhan la phan pa'i rgyu'i phyir ro/ /btang ba ni btang ba'o/ /sku srog ni srog go /dgyes pa ni khyod la thugs bde bar gang gyur pa'o/ /ji ltar klu gzhon nu dung gi gtsug phud can rim gyis 'ongs shing nye bar gnas pa la nam mkha' lding gis za bar gyur pa gzigs nas de bskyab par bya ba'i phyir byang chub sems dpar gyur pa gzhon nu sprin la zhon gyis nam mkha' lding la bdag nyid btang ngo/ / de bzhin rgyal po zla 'od du gyur pas kyang rang gi mgo byin nas bram ze drag po'i mig ces bya ba la mchod do/ /de 'drar ma gyur ces bya ba ni dgyes pa'o/ /'gum pa las bsos pa rnams zhes bya ba ni sngar 'gum pa las phyi nas bsos pa ste/ snga ma'i lus phyi ma'i dus kyis bsdus pa ni 'jig pa dang skye ba bzhin no/ /srog la re ba med pa rnams kyis ji ltar na srog rnyed pa ni 'gum pa bsos pa zhes bya'o/ /srog chags rnams kyi srog de ltar gyur ba de rnams kyi yang de dang 'dra bar bgyes pa mi srid pa ji ltar gzhan gyi don gyi slad du khyod kyi srog gtong ba zhes bya ba ni bsdus pa'i don to/ /de ltar na gnas skabs 'dir gshed ma rnams kyi sdig pa bskyed pa ma spangs pas gshed ma rnams ni bzod pa bskyed pa'i rgyu yin no zhes bya bas na/ khyod ni bzod pa'i pha rol tu phyin pa 'dod pas nyid kyi srog gis kyang mchod do zhes bya ba'i tshigs su bcad pa 'dis bshad do/ /khyod ni lan 'ga' ma lags par/ /zhes bya ba'i tshigs su bcad pa gnyis kyis ni bzod pa gsum pa'i gnas skabs bshad par bya ste/ khyod ni lan 'ga' ma lags par/ /btubs kyang sdug bsngal mi dgongs par/ /gshed ma bgyid pa'i sems can la'ang/ /gtso bo thugs rjer gyur pa gang/ /khyod kyi thugs rje rin po che/ /rdzogs pa'i byang chub sa bon te/ /dpa' khyod kho nas snying por mkhyen/ /de gzhan skye bos 'ol mi 'chi/ /gang zhes bya ba ni thugs rje zhes bshad pa'o/ /sdug bsngal mi dgongs par zhes bya ba ni nyid kyi gzir ba thugs lam mdzad pa zhes bya ba'i don to/ /btungs pa zhes bya ba ni ral gri la sogs pas zhes drang bar bya'o/ /ji ltar bzod pa smra bar gyur pa nags na gnas pa'i gnas blta bar bya ba'i phyir rgyal po'i btsun mo nye bar 'ongs pa la chos bstan pa dang/ de la phrag dog gis khros pa'i rgyal po rtsod pa 'byin gyis rna ba dang sna dang lag pa dang rkang pa rnams ral gris bcad do/ /yang na sdug bsngal gyis btub so zhes bya ba dang sbyar ro/ /mi dgongs par zhes bya ba ni rang gi srog la zhes drang bar bya'o/ /ji ltar rus sbal du gyur bas rgya mtsho chen por gru zhig pa'i tshong pa rnams 'gram du bsgral ba'i blos rgyab la bskyon nas 'gram du bsgral to/ /de dub pas shin tu gnyid log par gyur pa la grog mas kun tu thos pas gnyid stug po las sang nas grog ma de rnams 'chi ba'i dogs pas cung zad kyang ma g.yos par 'gram de nyid du 'chi ba'i dus byas so zhes bya'o/ /de bzhin du gzhan yang glang po che mche ba drug pa'i skyes rabs dper brjod par bya'o/ /gtubs kyang zhes bya ba ni dum bur byas pa'o/ /lan 'ga' ma lags pa ni lan mang por ro/ /gshed ma bgyid pa'i sems can la'ang zhes bya ba ni gsod par byed pa rnams la'o/ /thugs rje zhes bya ba ni sman par dgongs pa'o/ /thugs rje nyid ni thugs rje ste rigs gzhi la sogs pa bzhin no/ /gyur bzhes bya ba ni gyur to/ /zhes bya ba'i don to/ /gtso bo zhes bya ba ni yon tan thams cad kyi dbang phyug yin pa'i phyir bcom ldan 'das la bod pa'o/ /gnas skabs gsum par gsungs pa de ni bstod pa mdzad pa 'dis shin tu ngo mtshar bar sems so/ /de la ngo mtshar ci zhig yod ce na/ gang gi phyir gnas skabs dang po la nyon mongs pa'i gzhan dbang du gyur pa de nyid bdag la gzir bar byed ces bya ba la bzod pa'o/ /gnyis pa la yang gshed ma de dag bdag la phan pa byed ces bya'o/ /gnas skabs gsum pa 'di la lan mang por gtubs pa 'ba' zhig du ma zad pa la cung zad ma 'khrugs shing bzod pa mdzad pa dang/ gshed ma rnams la'ang nga la gnod pa byas pas ma 'ongs pa na sdug bsngal bsten par ma gyur cig ces bya bas de rnams kyi nyon mongs pa bdag gis gzhom par bya'o/ /zhes pas de rnams la thugs rje'i thugs bskyed par mdzad pas de ltar na 'dir ngo mtshar ba brjod do/ /gang rang gi sdug bsngal mi dgongs par gzhan gyi sdug bsngal zhi bar bya'o zhes rab tu 'jug par mdzad do zhes bshad do/ /de'i phyir bshad pa rdzogs pa'i byang chub sa bon de zhes pa ni rgyas pa'o/ /rdzogs pa'i byang chub ni de bzhin gshegs pa'i rgyud de zad pa dang mi skye ba'i ye shes kyi mtshan nyid do/ / de yi sa bon ni rgyu ste yang dag par rdzogs pa'i byang chub kyi sa bon de'i zhes bya'o/ /rang bzhin ji lta bu yin zhe na/ thugs ni rin po che zhes smos pa la/ thugs nyid rin po che ste/ sems can ma lus pa skyob pa'i phyir dang/ des par nor gyis shin tu dkon pa'i phyir ro/ /de zhes bya ba ni gshed ma pa rnams la thugs rje'i dgongs pa dang yang dag par ldan pa'o/ /khyod ni khyod kyi'o/ /khyod kho na ni gzhan mi yin no/ /dpa' bo zhes bya ba ni de lta bu'i nus pa dang ldan pas bcom ldan 'das la bod pa'o/ /yang na 'gro ba ma lus pa gdon pa la brtson 'grus kyi khyad par dang ldan pa'i phyir ro/ /snying por mkhyen pa zhes bya ba ni yang dag par rdzogs pa'i byang chub kyi sa bon thugs rje'i thugs de'i snying po ste/ shes bya ma lus pa la thogs pa med pa'i de bzhin gshegs pa'i ye shes de snying por mkhyen pa ste khyod kho na dang sbyar ro/ /'ol mi mchi ba ni sbyod yul du ma gyur pa'o/ /de zhes bya ba ni snying po'o/ /gzhan skye bo ni nyan thos dang rang sangs rgyas dang byang chub sems dpa' la sogs pa ste nyan thos la sogs pa'i spyod yul ma yin zhes bsdus pa'o/ /de lta bu'i tshigs su bcad pa gsum po 'di yis bzod pa'i pha rol tu phyin pa la yang dag par bstod nas/ dka' spyad las ni ma bgyis par/ /zhes bya ba'i tshigs su bcad pas bcom ldan 'das kyi brtson 'grus kyi pha rol tu phyin pa la bstod pa ni/ dka' spyad las ni ma bgyis par/ /go 'phang rnyed dka' mi thob ces/ /de slad nyid la'ang ma gzigs par/ /khyod kyis brtson 'grus legs par spel ma bgyis par ni ma bgyis pa kho na'o/ /dka' spyad las ni dka' bas bsgrubs par bya ba'o/ /ji lta bu yin zhe na/ bshad pa/ go 'phang rnyed dka' mi 'thob ces pa ni dka' bas 'thob par 'gyur zhes bya ba'i don to/ /go 'phang zhes bya ba ni sems can thams cad la skyab pa'i phyir na de bzhin gshegs pa'i ye shes te/ gzhan gyi don ma lus pa'i rten yin pa'i phyir ro/ /de ltar dgongs pa bskyed nas ci zhig mdzad ce na/ bshad pa/ de slad nyid la'ang ma gzigs par/ /zhes bya ba ni nyid kyi srog la'ang ma dgongs pa ste/ brtson 'grus ni dge ba'i chos rnams la spro ba'i mtshan nyid can la/ legs par spel ba ni khyad par du 'dren pa zhes bya ba ste dgongs pa'o/ /ji ltar ri dags kyi tshogs kyi gtso bor gyur pa yis rngon pa la brtson pa dpung dang bcas pa'i rgyal po mthong nas rgyab la khur nas chu bo drag po'i pha rol tu ri dags rgal ba mdzad do/ /ri dags kyi tshogs kyi rmig pa rno bas khrag 'dzag pa dang lus ma lus par snang par gyur cing tshigs pa chad pa'i sdug bsngal dang ldan pas kyang ri dags kyi phrug gu gcig ma rgal ba bsgral bar mdzad do zhes bya ba'o/ / de lta bu la sogs pa'i dka' ba spyad pa yang dper bya'o/ /gzhan yang khyad par 'phags par bgyi ba la zhes bya ba ni rgyas par bshad par bya ste/ khyad par 'phags par bgyi ba la/ /khyod la thang lhod 'ga' ma byung/ /de slad khyod kyi khyad par rnams thog drung rim pa dbyer ma mchis/ /skyon rnams bsal ba dang yon tan bsags pa dang sems can gyi don mdzad pa zhes bya ba ni khyad par/ /de rnams kyis 'phags pa ni 'phags par gyur pa'o/ /de la thang lhod ni brtson 'grus kyi nges pa ste/ khyod la 'ga' yang ma byung ba ni ngan 'gror song bas kyang gnas skabs 'ga' yang ma yin no/ /ji ltar 'jig rten pas dung du bstan pa rig nas bsam gtan dang po bskyed pa de nyid kyis bdag nyid bya ba byed par bsam zhing khyad par du 'phags par 'gyur ro zhes khyod de ltar ma mdzad do/ /rgyu de yi phyir na byang chub brnyes shing khyad par du 'phags pa khyod la thugs rje chen po la sogs pa gang yin pa de rnams kyi thog drung ma mchis pa ni chad pa mi mnga' ba zhes bya ba'i don to/ /rnam pa 'dis yon tan thams cad khyad par du 'phags pa'i mthar thug pa kho na zhes bshad do/ /yang na byang chub sems dpa' i gnas skabs su'o/ /rgyu de'i phyir na khyad par du 'phags pa ni sbyin pa dang tshul khrims la sogs pa khyad par du 'phags pa brnyes pa ste/ pha rol tu phyin pa yongs su rdzogs par mdzad do zhes bya ba'i don to/ / de lta bu'i tshigs su bcad pa gnyis kyis brtson 'grus kyi pha rol tu phyin pa la bstod nas/ /bsam gtan gyi pha rol tu phyin pa la bstod pa bshad par bya ste/ thugs ni thugs rje chen po dang/ /rtag tu rjes su 'brel slad du/ /ting 'dzin 'bras bur bcas pa yi/ /shin tu bde ba'ang khyod ma chags/ /shin tu bde la'ang khyod ma chags zhes bya ba la sogs pa smos pa la/ shin tu bde ba zhes bya ba ni sdug bsngal med pa'i phyir ro/ /shin tu bde ba la yang ma chags pa ni sred par khyod ma gyur zhes bya ba dang sbyar ro/ / gang la zhe na/ bshad pa/ ting 'dzin 'bras bu dang bcas pa zhes smos pa la ting nge 'dzin ni bsam gtan dag go /'bras bu dang bcas pa ni 'bras bur bcas pa ste/ snyoms par 'jug pa'i bsam gtan dang/ 'thad pa sgrub pa'i bsam gtan de rnams yang zhes bya ba'i don to/ /rgyu ci'i phyir zhe na/ bshad pa/ rtag tu rjes su 'brel slad du/ /zhes bya ba la sogs pa ni gang gi phyir thugs rje chen po yis sems can la phan pa'i bya ba byang chub sems dpa' yis rtag tu thugs drangs nas bsam gtan gyi bde ba la chags pa'i glags skabs tshol bar mi mdzad do/ /de yi phyir thugs rje chen po de dang rtag tu thugs rjes 'brel bar gyur to zhes bya ba'o/ /ji ltar byang chub sems dpas byang chub ma thob par thugs rje chen pos yun ring du goms par bya bas na snying rje med pa rnams khyad par du gyur pa'i phyir ro/ /rgyu gang gi phyir 'bras bu dang bcas pa la chags par ma gyur pa de yi phyir/ gzhan dang thun mong ma lags pa'i zhes bya ba ni rgyas par bshad par bya ste/ gzhan dang thun mong ma lags pa'i/ /bde ba gang de gya nom yang/ /dam pa'i spyod ldan khyod 'dra la/ /gnod par bas kyi sman ma mchis/ /khyod 'dra zhes bya ba ni khyod dang 'dra ba'o/ /rgyu'i gnas skabs kyi bar du byed pa yin pa'i phyir na byang chub sems dpa' rnams la bshad pa yin no/ /gnod par zhes bya ba ni gnod par byed pa kho na'o/ /sman ma mchis zhes bya ba ni phan pa mi byed pa'o/ /bde ba gang de zhes bya ba ni snyoms par 'jug pa'i bsam gtan dang/ 'thad pa sgrub pa'i bsam gtan dang/ /dben pa las skyes pa'o/ /de ni dam pa ma yin nam zhe na/ ma yin zhes bshad pa/ dam pa zhes bya ba ni shin tu sman pa mdzad pa'i phyir dang/ dus ring por rjes su 'jug pa'i phyir mchog kyang zhes bya ba'i don to/ /dam pa'i spyod ldan zhes smos pa la/ spyod pa ni spyod pa'o/ /de ni de yi rnam pa 'dis dam pa yin no zhes bod pa'o/ /ci'i slad du bde ba de khyod dang 'dra ba la gnod par byed pa zhes pa la bshad pa/ gzhan dang thun mong ma lags pa'i/ /zhes bya ba ni gang gi phyir de ni thun mong ma lags pa ste spyi ma yin pa'o/ /gang dang thun mong ma yin zhe na/ gzhan dag dang zhes bya ba'i don to/ /bshad pa ni 'di yin te/ bcom ldan 'das kyi ting nge 'dzin las byung ba gang yin pa de ni srog chags gzhan rnams kyis rten par mi nus pa'i rgyu des na de la chags pa mi bskyed pa nyams su myong ba dang ldan pa'i ting nge 'dzin las rgyal ba'i phyir bsam gtan gyi pha rol tu phyin pa yongs su rdzogs par gyur to/ /zhes bya ba'o/ /de lta bu'i tshigs su bcad pa gnyis po bsam gtan gyi pha rol tu phyin pa la bstod nas/ 'dres pa las ni legs bshad pa zhes bya ba'i tshigs su bcad pas shes rab kyi pha rol tu phyin pa la bstod pa bshad par bya ste/ 'dres pa las ni legs bshad pa/ snying po skyon med nyi tshe zhig/ khyod kyis kun bzhes thugs la bzhag /nyes bshad dug bzhin yongs su spangs/ /'jig rten 'chad pa bo ni rnam pa gsum ste/ legs par bshad pa dang/ nyes par bshad pa dang/ 'dres pa'i tshig gi dbye ba'i phyir ro/ /de rnams las byang chub sems dpas 'dres pa'i tshig las snying po legs par bshad pa thugs la bzhag pa ni bzung ba'o/ /kha cig la ni dbyangs nye bar bsgyur ba zhes bya ba ni yi ge ta'i rnam pa rigs so zhes bya bar shes nas/ sgra ngan pa yi 'jigs pa yis/ /snying po kho na A tam zhes bya bas ni lung ma yin pa'i gdon pa'o/ /de la la ni 'di yin te/ 'di ni nye bar bsgyur ba ma yin gyi de dang 'dra ba'i tshig phrad do/ /dper na du rna ya zhes bya ba ste/ des na thugs la bzhag pa zhes bya ba ni slob dpon gyis bshad pa mdzes pa yin no/ gang zhig legs par bshad pa 'ba' zhig du smra ba de rnams la byang chub sems dpas skyon med nyi tshe zhig ces bya ba ni legs par bshad pa dang sbyar ro/ /legs par bshad pa dang ma 'dres pa gang yin pa de ni bdud rtsi dang 'dra ba thugs rangs pa yis bzhes pa ni bzhes zhes bya ba'i don to/ /gzhan kha cig ni kha na ma tho ba 'ba' zhig smra ba de rnams las nyes par bshad pa'i tshig dug bzhin du yongs su spangs so/ /de ltar rnam pa gsum po 'dis shes rab kyi pha rol tu phyin pa'i dag pa bstan nas/ de nyid 'phel ba bshad par bya ste/ rin chen snying po mkhyen khyod kyis/ /legs bshad srog gis 'jal ba na/ /skye ba de dang de dag tu/ /byang chub slad du dpa' rtsal bstan/ /rin chen snying po mkhyen khyod kyis/ /zhes bya ba la/ khyod kyis 'jal bya ba dang sbyar ro/ /rin chen snying po mkhyen pa zhes bya ba ni legs par bshad pa kho na rnyed par dka' bas na rin po che ste/ de rnams kyi snying po ni bla na med pa'i byang chub bo/ /de mkhyen pa zhes bya ba ni rin chen snying po mkhyen pa zhes bod pa'o/ /gang gis 'jal ba yin zhe na/ bshad pa/ /dbyig dang gser la sogs pa rnams 'ba' zhig gis ni ma yin gyi/ srog dag gis kyang ngo/ /gang 'jal zhe na/ smras pa/ legs par bshad pa'o/ /dper na legs par bshad pa tshol bar gyur pa'i bcom ldan 'das kyis chos ma gsan pa yis thugs mug par gyur pas gnod sbyin gyi cha lugs 'dzin pa'i brgya byin las/ chos spyod pa ni legs par spyad/ /spyod na de ni spyad mi bya/ /'jig rten 'di dang pha rol tu/ /chos spyod pa ni bde bar nyal/ /zhes bya ba'i tshigs su bcad pa 'di la nyid kyi sku de la bza' ba'i phyir stsal nas blus pa'o/ /ci zhig mdzad ce na/ smras pa/ dpa' rtsal bstan zhes bya ba ni brtson 'grus la dmigs pa mdzad do/ /zhes bya ba'i don to/ /ci'i slad du zhe na/ smras pa/ byang chub slad du ni byang chub kyi rgyur 'gyur ro/ /skye ba dang de dag ni 'gro ba lnga'i 'khor ba thams cad du skye bas so zhes bshad pa'o/ /'dir dom dang ri dags kyi skyes rabs la sogs pa dper bya'o/ /de slad grangs med gsum dag du/ zhes bya bas rgyu la bstod pa nye bar bsdus pa bshad pa/ de slad grangs med gsum dag tu/ /khyod ni de ltar brtson pa na/ /brtson 'grus 'ba' zhig grogs gyur pas/ /go 'phang bla na med pa brnyes/ /de ltar zhes bya ba'i sgra ni de bzhin nyid kyi don nam/ yang na rnam pa la'o/ /des na pha rol tu phyin pa rnams las gzhan dad pa la sogs pa'i dge ba yang gzung ngo/ /grangs med gsum dag tu/ zhes bya ba ni bskal ba chen po grangs med pa gsum gyis so/ /de ltar brtson pa na zhes bya ba ni ji ltar bshad pa'i dka' ba'i spyod pa mdzad pas so/ /brtson 'grus 'ba' zhig grogs gyur pas/ /zhes bya ba la/ brtson 'grus ni brtson 'grus te/ de nyid 'ba' zhig grogs su gyur pa gang la yod pa de ni brtson 'grus 'ba' zhig grogs su gyur ba ste/ glang po dang rta la sogs pa ni ma yin no/ /des na brtson 'grus 'ba' zhig grogs su gyur pa khyod ces bya ba dang sbyar ro/ /ci zhig bya ba zhe na/ smras pa/ go 'phang bla na med pa brnyes pa ni brnyes pa ste mngon du mdzad pa'o/ /go 'phang ni gnas so/ /ji lta bu yin zhe na/ bshad pa/ bla na med pa ni bla na med par khyad par gang la med pa de ni bla na med pa ste de bzhin gshegs pa'i ye shes zhes bya ba'i don to/ /de ltar de ni pha rol tu phyin pa drug gis bcom ldan 'das kyi rgyu la bstod pa zhes bshad do zhes bya ba'o/ /rgyu la bstod pa'i bshad pa ste le'u gnyis pa'o// //da ni rnam pa gsum gyis 'bras bu la bstod pa las re zhig dpe med pa las bstod pa de las kyang rgya gar gis dpe med pa nyid dang/ rnam pa gang gis dang/ gang dang bcas pas dpe med ces bya ba ste/ dbye ba gsum mo/ /de la rgyu gang gis dpe med pa nyid brnyes pa ni/ /mtho la phrag dog mi mdzad cing/ / zhes bya ba'i tshigs su bcad pas de bshad par bya ste/ mthol phrag dog mi mdzad cing/ /dma' la rngan chan mi mdzad la/ /mnyam la 'gran pa mi mnga' bas/ /khyod ni 'jig rten gtso bor gyur/ /'jig rten pa phal che ba thos pa dang tshul khrims la sogs pa'i khyad par dang ldan pa'i gang zag rnams la phrag dog skye ste/ gzhan gyi yon tan bzed mi nus pa zhes bya ba'i don to/ /dma' ba rnams la rngan chan gyi blo dang/ mnyam pa dang bcas pa la 'gran pa ni phan tshun zil gyis gnon pa yin no/ /bcom ldan 'das kyang byang chub sems dpa' i gnas skabs su ma thob rnams la phrag dog ma mdzad de/ yon tan kun tu 'dzin pa'i phyir ro/ /dma' ba la rngan chan ma mdzad pa ni/ de rnams la yang yon tan yang dag par stsal ba'i phyir ro/ /mnyam pa la 'gran pa mi mnga' ba ni nye bar blangs pa'i yon tan rnams bstan par mdzad pa'i phyir ro/ /'gran pas ni bar chad du 'gyur zhes bya ba'o/ /rgyu gsum po de rnams kyis khyod ces bya ba ni bcom ldan 'das 'jig rten gyi gtso bor gyur pa ste/ dpe med pa nyid thob par gyur zhes bya ba'i don to/ /de lta re zhig phrag dog la sogs pa mi mnga' ba'i phyir/ dpe med pa nyid bshad nas/ khyod ni yon tan rgyu rnams la zhes bya ba'i rgyas pas rgyu gzhan bshad par bya ste/ khyod ni yon tan rgyu rnams la/ /mngon dgyes 'bras bu rnams la min/ /yang dag sgrub pa de nyid kyis/ /khyod kyi yon tan pha mthar phyin/ /'jig rten pa rnams ni yon tan rnams kyi 'bras bu rnams la mngon par zhen pa yin gyi de yi rgyu rnams la ni ma yin no/ /bcom ldan 'das ni byang chub sems dpar gyur cing sred pa dang bcas par gyur bas kyang 'bras bu las nyung yang rgyu rnams la mngon par zhen pa ni de rnams tshol ba dang dgongs par bgyis so/ /gang dag gi rgyu yin zhe na/ bshad pa/ yon tan ni bsam gtan dang snyoms par 'jug pa rnams kyi zhes bya ba'i don to/ /min zhes ba ni mngon par zhen pa dang sbyar ro/ /gang la zhe na/ bshad pa/ 'bras bu rnams la zhes bya ba ni bsam gtan dang/ snyoms par 'jug pa'i bde ba rnams la'o/ /yang na rdzu 'phrul la sogs pa rnams la'o/ /de nyid kyis zhes bya ba ni rgyu de dang yon tan rnams kyi rgyu rnams la mngon par zhen pa rnams kyis so/ /khyod ni yon tan pha mthar phyin pa ni de nyid kyis dang sbyar ro/ /rnam pa gang gis zhe na/ bshad pa/ yang dag par bsgrub pa zhes bya ba ni yang dag pa'i lam gyis dang/ gzhan la phan pa'i sgo nas/ zhes bya ba'i don to/ /khyod ces bya ba ni bcom ldan 'das pa'o/ /mthar phyin zhes bya ba ni khyad par ro/ /yon tan ni bsam gtan la sogs pa ste/ phyin pa ni thob pa'o/ /de lta bu'i tshigs su bcad pa gnyis po 'dis byang chub sems dpa' i gnas skabs dang po phrag dog la sogs pa ma mdzad pa dang/ yon tan rnams kyi rnams la mngon par zhen pa dang/ 'bras bu la mngon par zhen pa'i rgyus byang chub brnyes pa'i bcom ldan 'das kyi dpe med pa 'dir bshad do/ /gnas skabs par mar dman pa la mos pa bsal ba bshad pa ste/ gang gi phyir dman pa la mos pa'i byang chub sems dpa' rnams 'di skad smra ste/ nyon mongs pa rnams gnod pa byed pa dang/ thub pa'i dbang po go 'phang dka' bas bsgrub pa dang/ sangs rgyas nyid thob pa'i phyir tshig shes pa gang yin pa de bsal nas sems can la thugs rje'i dbang gis/ ji ltar khyod kyi zhabs rdul yang/ /bsod nams skye ba mched do 'gyur ba/ /de ltar khyod kyis legs spyad pas/ /bdag nyid rab tu bskrun pa mdzod/ /de ltar bdag nyid rab tu bskrun pa mdzad ces smos pa la/ de ltar zhes bya ba ni brtson 'grus la sogs pa'i rnam pa des so/ /rab tu bskrun pa mdzad pa bya ba ni yon tan gyi mdza' brnyes pa ste/ de bzhin gshegs pa'i ye shes thugs su chud pa'i phyir ro/ /khyod kyis ni bcom ldan 'das kyis so/ /legs par spyad pa zhes bya bas ni/ sku dang/ gsung dang/ thugs kyi dge ba'i phrin las gsum gyis so/ /ji ltar zhes bya ba ni rnam pa gang gis so/ /bsod nams skye ba mched 'gyur ba zhes bya ba ni bsod nams ni dge ba'i 'phrin las rnams te/ skye ba ni skye ba'o/ /de mched pa ni rgyas par mdzad pa zhes bya bas na bsod nams skye ba mched pa'o/ /de rnams kyi dngos po ni bsod nams skye ba mched pa ste/ der 'gyur ba'o/ /yang zhes bya ba ni srid pa la'o/ /zhabs rdul zhes bya ba ni zhabs dag gi rdul lo/ /khyod kyi zhabs kyi rdul rnams la yang bkur sti byas na skye bo rnams bsod nams rnyed par 'gyur zhes bya ba'i don te/ gnas skabs bar ma'o/ /gnas skabs phyi ma'i dpe med pa'i rgyu bshad par bya ste/ nyes pa nyams smad rtsa nas bton/ yon tan spel nas rnam par sbyangs/ /gzhung lugs bzang po des na khyod/ /grub mchog lhag par mnyes pa lags/ /nyams smad rtsa nas bton zhes bya ba ni rgyas pa'o/ /nyams smad ces bya ba ni skye ba snga mar srab par mdzad pa ste/ 'jig rten pa'i lam gyis sel ba dang spangs pa'i phyir ro/ /rtsa nas bton zhes bya ba ni skye ba phyi mar 'phags pa'i lam gyis sa bon med par mdzad pa'o/ /de dag gang yin zhe na/ bshad pa/ nyes pa ni 'dod chags la sogs pa'o/ /spel nas zhes bya ba ni skye ba snga mar brtson 'grus la brtson pas khyad par du 'dren pa'o/ /rnam par sbyangs zhes bya bas ni skye ba phyi mar zag pa med pa'i shes rab kyis snyoms par 'jug pa thams cad kyi sgrib pa spangs par bya ba'i phyir ro/ /de dag gang yin zhe na/ bshad pa/ yon tan ni bsam gtan dang snyoms par 'jug pa la sogs pa'o/ /gzhung lugs bzang po des na zhes bya ba ni gzhung lugs bzang po des so/ /de ltar gyur pa gang yin zhe na/ smras pa/ grub mchog lhag par mnyes pa zhes smos pa la/ grub mchog ni bla na med pa'i byang chub te/ gzhan gyi don thams cad gang gis 'grub ces bya ba'i phyir na/ de ni khyod kyis brnyes pa lags zhes bya ba'i don to/ /da ni skabs phyi ma'i dpe med pa'i rgyu bshad par bya ste/ ji ltar bdag gi rgyud la de/ bag chags lhag ma 'ang ma lus pa/ /de ltar rnam pa thams cad du/ /nyes pa khyod kyis rab tu bcom/ /de ltar zhes bya ba ni rnam pa des so/ /rnam pa thams cad du zhes bya ba ni 'bad rtsol thams cad kyis so/ /nyes pa ni 'dod chags la sogs pa rnams so/ /bcom zhes bya ba ni gnyen po'i phyogs bsgoms pas slar yang skye ba dgag pa mdzad ces bya ba'i don to/ /ji ltar zhes bya ba ni skyon rnams kyi'o/ /bdag gi rgyud la zhes bya ba ni bdag gi rgyud la'o/ /bag chags zhes bya ba'i mtshan nyid ni bshad zin to/ /'ang gi sgra ni khyad par la'o/ /nyes pa ma lus pa bcom pa 'ba' zhig du ma zad kyi de rnams kyi bag chags kyang ma lus pa ste/ ma bzhag ces bya ba'i don to/ /de lta bu'i tshigs su bcad pa 'dis nyes pa ma lus pa'i bag chags dang bcas pa 'phags pa nyan thos la sogs pas sems can gyi don ma lus pa byed par mi nus so/ /zhes pas na nyes pa dang bcas pa'i bag chags spangs pa'i phyir dpe med pa nyid bshad nas/ yon tan gyis phongs pas kyang sems can gyi don byed mi nus zhes bya bas na slar yang yon tan phun sum tshogs pa'i dpe med pa nyid/ /ji ltar gzhan la de dag dang zhes bya bas rgyas par bshad par bya ste/ ji ltar gzhan la de dag dang/ /'dra ba tsam yang mi gda' ba/ /de ltar khyod kyis bsags bsags nas/ /bdag nyid la ni yon tan bsgrubs/ /de ltar zhes bya ba ni brtson 'grus la sogs pa des so/ /bsags bsags nas zhes bya ba ni shin tu'i don la kwA'i rkyen can te/ ji ltar zos shing zos shing 'gro ba bzhin bya ba'o/ /bya ptri nya ni 'dzin pa dang rgyas pa'i khams kyi don yongs su bzung nas brtson 'grus kyis shin tu bsags zhes bya ba ste bsdus pa'i don to/ /bdag nyid la zhes bya ba ni nyid kyi rgyud la'o/ /bsgrubs zhes bya ba ni bzhed pa tsam gyi mngon du bzhag par gyur pa'o/ /yon tan ni mi 'jigs pa la sogs pa rnams so/ /'dra ba tsam yang zhes bya ba ni 'dra ba tsam yang ngo/ /de dag dang zhes bya ba ni yon tan rnams kyi'o/ /ji ltar zhes bya ba ni rnam pa gang gis zhes bya ba ste mi gda' ba zhes bya ba dang sbyar ro/ /gzhan la zhes bya ba ni bse ru'i rwa dang 'dra ba'i rang sangs rgyas kyi rgyud la yang mi gda' ba zhes bya ba'i don to/ /de lta bu'i tshigs su bcad pa de rnams kyis rgyu gang gis dpe med pa kho na bshad do/ /rnam pa gang gis dpe med pa nyid ni/ 'jig rten pa'i dpe dngos kun zhes bya ba'i tshigs su bcad pa gnyis kyis bshad par bya ste/ 'jig rten pa yi dpe dngos kun/ /gegs bgyid pa dang sgrib pa can/ /re zhig pa dang nyi tshe ba/ /shin tu rnyed par sla ba lags/ /khyod kyi yon tan bla med la/ /gegs bgyid ma mchis rtogs ma mchis/ /brtan pa dang ni rgyun chags pas/ /dpe lta mchis par ga la 'gyur/ /de la gegs bgyid pa ni zil gyis gnon pa'o/ /sgrib pa ni sgrib pa ste de dag gang la yod pa de ni gegs bgyid pa dang sgrib pa can no/ /dpe'i dngos po zhes bya ba ni 'chad par 'gyur ro/ /'di lta ste dper na re zhig nyi ma dang zla ba la gegs bgyid pa ni sgra gcan la sogs pa dag gis so/ /sgrib pa ni khug rna la sogs pa dag gis so/ /re zhig pa zhes bya ba ni nyin par nyi ma dang mtshan mo zla ba'o/ /des na re zhig pa dpe'i dngos po yin no/ /zhes rtogs par 'gyur ro zhes bya ba'o/ /nyi tshe pa zhes bya ba ni gang gi tshe 'dzam bu'i gling du nyi ma dang zla ba dag yin pa de'i tshe byang gi sgra mi snyan du ni ma yin no/ /rgyu de'i phyir ni shin tu snyed par sla ba zhes bya ba la sogs pa ni shin tu rnyed par sla ba'i khyad par gang la yod pa de ni shin tu rnyed par sla ba'o/ /de gang yin zhe na/ bshad pa/ 'jig rten pa'i dpe'i dngos zhes bya ba ni gang gis dper byas pa de ni dpe ste de nyid dngos po ni rdzas te/ dpe'i dngos po ni nyi ma la sogs pa'o/ /'jig rten pa'i zhes bya ba ni 'jig rten pa la grags pa'o/ /de bzhin du pad+ma dang/ autpa la la sogs pa yang ci rigs par sbyar bar bya'o/ /khyod kyi yon tan ni stobs dang mi 'jigs pa la sogs pa rnams so/ /gegs bgyid ma mchis pa ni gegs bgyid pa dang bral ba ste/ nyon mongs pa dang/ nyon mongs pa ma yin pa'i rmugs pa shin tu mi mnga' ba'i phyir mi mthun pa dang bral ba zhes bya ba'i don to/ /rtogs ma mchis zhes bya ba ni gzhan gyi rgol ba'i mun pas zil gyis gnon par ma gyur pa'o/ /de bzhin du bcom ldan 'das kyis gsungs pa ni yang dag par rdzogs pa'i sangs rgyas su gyur pa ngas chos 'di rnams khong du chud pa ma yin zhes bya bas 'dir nga la su zhig rtsod par byed dam/ dran pa la 'jug gam/ zhes bya ba'i rgyu mtshan yang ma mthong ngo/ /de lta bu'i rgyu mtshan ma mthong ba ngas bde ba thob pa dang/ bsnyengs pa mi mnga' ba thob pa dang/ mi 'jigs pa thob pa yang gnas nas khyu mchog rlabs po che'i gnas su dam bca' ba dang/ tshangs pa'i 'khor lo bskor ba dang/ 'khor gyi nang du seng ge'i sgra yang dag par bsgrags pa zhes bya'o/ /brtan pa zhes bya ba ni re zhig ba ma yin pa ste/ rtag tu yang dag par rjes su 'gro ba'i phyir ro/ /rgyun chags pas zhes bya ba ni shes bya thams cad la gegs bgyid pa ma mchis pa'o/ /de lta bu'i rnam pa 'dis bla na med pa'i mchog gzhan med pa zhes bya ba'i don to/ /khyod kyi dpe lta mchis par ga la 'gyur zhes smos pa la/ ga la ni dpe dang sbyar ro/ /lta zhes bya ba ni don gzhan 'chang bar 'dod pa la'o/ /'gyur ba ni 'gyur zhes bya ba'i don to/ /khyod kyi ni khyod kyi'o/ /'jig rten pa'i dpe gzhan dngos su na don gzhan du 'gyur ba ni med do zhes dgos pa de lta bu'i tshigs su bcad pa gnyis po 'dis nyi ma la gegs 'gyid pa dang ldan zhing/ gegs ma mchis pa la sogs pa'i rnam pas grangs ji lta ba bzhin du de bzhin gshegs pa'i yon tan rnams kyi dpe med pa bshad do/ /nga ni gang dang lhan cig dpe med do kho na bshad par bya ste/ de la re zhig de bzhin gshegs pa'i dgongs pa gang yin pa de'i chos gsum te/ zab pa dang/ brtan pa dang/ gsal ba nyid ces bya ba'o/ /de la zab pa la brten nas bshad par bya ste/ gang tshe khyod kyi dgongs pa'i dkyil/ /gting dang pha rol med brtags na/ /rgya mtsho'i zab pa nyid kyang ni/ /ba lang rjes ltar sa ler gda' / /ba lang rjes ltar zhes bya bas ni nyung ba nyid bshad do/ /rgya mtsho'i zab pa nyid la bltos na ba lang gi rjes dang 'dra bar 'gyur ro/ /ci zhig du 'gyur zhe na/ rgya mtsho'i zab pa nyid ni ba lang rjes ltar sa ler gda' bar 'gyur ro/ /rgya mtsho chen po'i zab pa nyid ces bya ba'i don te gang gi tshe yin zhe na/ bshad pa/ gang tshe khyod kyi dgongs pa'i dkyil zhes bya ba la sogs pa ni gang gi tshe brtags pa zhes bya ba dang sbyar ro/ /gang gi tshe khyod kyi dgongs pa'i dkyel ni dgongs pa'i gting med pa brtags na de'i tshe rgya mtsho'i lta? ba pa nyid ni ba lang gi rjes ltar sa ler gda' bar 'gyur ro/ /rgyu gang gis zhe na/ gang gi khyod kyi dgongs pa'i dkyel gting dang pha rol med pa ste/ gting med pa ni nyan thos chen po la sogs pa rnams kyis kyang yongs su mi shes pa'i phyir ro/ /rgya mtsho'i gting ni lha ma yin gyis kyang rnyed pa'i phyir ro/ /bcom ldan 'das kyi dgongs pa'i dkyel yang pha rol med pa ste/ shes bya ma lus pa spyod yul du gyur pa'i phyir dang rgya mtsho ni tshad yongs su chad pa'i phyir zhes bya ba'o/ /de lta bu'i rnam pa 'dir rgya mtsho chen po'i zab pa bas bcom ldan 'das kyi dgongs pa zab pa tshigs su bcad pa 'dis bshad do/ /nga ni brtan pa'i dpe med pa bshad par bya ste/ chos rnams kun gyi mi bskyod pa/ /khyod kyi brtan pa mngon bsams na/ / sa yi brtan pa nyid kyang ni/ /shir sha'i ge sar rtsa ltar chung/ /zhes bya ba ni shir sha'i las byung ba'i me tog gi 'dab ma'o/ 'dab ma de yi rtse mo ni shir sha'i ge sar gyi rtse mo ltar chung bar 'gyur ro/ /brtan pa ni mi g.yo ba nyid do/ /sa yi zhes bya ba ni sa'i zhes bya ba'i don to/ /rgyu gang gi zhe na/ bshad pa/ chos rnams kun gyis mi bskyod pa/ zhes bya ba ni gang gi phyir khyod kyis thugs brtan pa gang yin pa de ni chos rnams kun gyis mi bskyod pa zhes bya ba'i rigs na byas pa'i byed pa la drug pa'i rkyen can no// ji ltar bcom ldan 'das kyi bstan pa mi skyo ba yin zhe na/ de yi thugs don gyi rang bzhin gyi yul can phyin ci log par smra bas bskyod par mi nus pa'i phyir ro/ /de ltar gsungs pa ni dge slong gang zhig 'di ltar smra ste/ nga la dge sbyong gau ta mas gsungs pa gang yin pa de ni bdag gi smad cing bdag gis gzhan la smra'o zhes bya ba de ni gnas med do zhes bya ba'o/ /de lta bas na mi bskyod pa kho na'o/ /brtan pa mngon par bsams na ni bsam par bya ba bsams nas yi brtan ma shir sha'i ge sar rtse ltar chung pa ste/ lha mo kha cig gis kyang bskyod par nus pa'i phyir ro/ /'di ltar gsungs te/ lha mo dge slong ma rdzu 'phrul chen po dang ldan pa gang yin pa des kyang sa'i 'du shes rgya chung bas sar byin gyis rlob cing/ tshad med pa'i chu'i 'du shes bsams nas g.yo bar byed do zhes bya ba'o/ /de lta bu'i tshigs su bcad pa des sa'i btsan ma las bcom ldan 'das kyi dgongs pa bstan pa'i dpe med pa rab tu bstan to/ /gsal ba nyid kyi dpe med pa bshad par bya ste/ thub pa khyod kyi ye shes kyi/ /snang bas mi shes rab rib dag /'joms pa'i thad nas nyi ma yang/ /me khyer tsam duAng mi spyod do/ /mi shes pa'i rab rib dag 'joms pa'i zhes pa la/ mi shes pa ni ma rig pa'o/ /de nyid rab rib ste/ yang dag pa'i don gyi lta ba bsgribs pa'i phyir ro/ /mi shes pa'i rab rib 'joms pa gang yin zhe na/ ye shes kyi snang ba ste ye shes ni thugs so/ /de nyid snang ba ste/ 'phags pa'i bden pa bzhi yang dag par gsal bar mdzad pa'i phyir ro/ /de yi ye shes kyi snang ba'i yul la zhes 'chad par 'gyur ro/ /khyod kyi ni khyod kyi'o/ /thub pa gsum dang ldan pa'i phyir na thub pa'o/ /ma yi sgra ni spyod pa dgag pa med pa ste/ mi spyod ces bya ba'i don to/ /gang gis mi spyod ce na/ nyi ma ni ma yis so/ /gang du mi spyod ce na/ bshad pa/ ye shes mi snang ba'i yul dang sbyar ro/ /ci zhig mi spyod ce na/ bshad pa/ thad na me khyer tsam du yang zhes pa ni me khyer gang yin pa de ni me khyer ro/ /me khyer ni gsal ba dang ldan pa'i srin bu de'i thad na gsal ba ste/ de'i de 'thad pa'i yul yin no zhes bya ba'o/ /snang ba de tsam yang nyi mas mi nus te/ bden pa'i yul mngon du ma gyur pa'i phyir ro zhes bya ba'o/ /de lta bu'i tshigs su bcad pa des bcom ldan 'das kyi thugs dpe med pa nyi ma'i snang ba bas gsal ba nyid bshad nas/ yon tan gzhan rnams kyi yang dpe med pa bshad par bya ste/ khyod kyi gsung thugs mdzad spyod rnams/ /dag pa'i gan na ston zla dang/ /chu dang nam mkha' i dag pa rnams/ /dri ma can ni lta bur gda' / /dri ma med pa yang dri ma can nyid lta bur snang ste/ dag pa rnams zhes bya ba ni bshad par 'gyur ro/ /gang gi zhe na/ bshad pa/ ston zla dang chu dang nam mkha' i zhes bya ba ni sprin la sogs pa rnams kyis dri ma can du 'gyur srid pa'i phyir ston ka'i sgra ni re re dang sbyar ro/ /ston ka'i zla ba dang chu dang nam mkha' i zhes bya ba ni zlas dbye ba'i snying po can bdun pa de'i skyes bu'i bsdu ba'o/ /gang la bltos nas she na/ bshad pa/ dag pa'i gan na zhes bya ba ni dag pa la bltos na zhes bya ba'i don to/ /de la bcom ldan 'das kyi gsung gi dag pa'i gan na ston ka'i zla ba'i dag pa dang/ thugs kyi dag pa'i gan na ston ka'i nam mkha' i dag pa dang/ spyod pa ni sku yi 'phrin las te/ de'i dag pa'i gan na ston ka'i chu'i dag pa dri ma can nyid ltar gda' ba ste/ yongs su ma dag pa'i lus dang ngag dang yid kyi las las byung ba bag chags dang bcas pa nyon mongs pa ma lus pa'i dri ma dang bral ba'i phyir ro/ /de lta bu'i tshigs su bcad pa des ston ka'i zla ba la sogs pa rnams bcom ldan 'das kyi gsung la sogs pa rnams kyi dpe med pa nyid bshad nas/ dpe med par bstod pa nye bar bsdu bar bya ba'i phyir bshad pa ni/ 'jig rten legs pa gang ci'ang rung/ /thams cad bsngos na'ang der bas te/ /nyon mongs 'jig rten chos rnams kyis/ /sangs rgyas chos la khyad mi khor/ /thams cad bsngos na'ang der bas te/ zhes bya ba la der bas te zhes bya ba ni ba lang rjes ltar sa ler gda' zhes bya ba la sogs pa thams cad bshad zin pa zhes bya ba'o/ /rgya mtsho'i zab pa la sogs pa nye bar bshad pa gang yin pa de ni tshig tsam te/ gzhung 'di nyid kyis don gyis go bas gzhan thams cad kyang dpe ma yin no zhes bsdus nas bshad pa'o/ /thams cad gang yin zhe na/ bshad pa/ 'jig rten legs pa gang ci'ang rung zhes smod pa la gang ci yang rung ba ni pad+ma dang autpal la sogs pa ste/ legs pa ni mdzes shing 'jig rten pa la grags pa gang yin pa de yang khyod kyi dpe ma yin no zhes dgongs pa'o/ /rgyu gang gis she na/ bshad pa/ sangs rgyas chos la khyad mi khor zhes smos pa la/ khyad mi khor zhes bya ba ni khyad par mang po gegs ma mchis pa zhes sngar bshad pa'i phyir ro/ /ci ni gang gi phyir zhes bya ba'i don la'o/ /sangs rgyas chos la zhes bya ba ni stobs dang mi 'jigs pa la sogs pa rnams so/ /'jig rten chos rnams zhes bya ba ni 'jig rten pa la grags pa'i nyi ma la sogs pa'o/ /'dir chos kyi sgra ni dngos po tsam gyi tshig tu khong du chud par bya'o/ /nyon mongs pa zhes bya ba ni gegs bgyid pa dang sgrib pa la sogs pa ji ltar bshad pas 'jig pa dang ldan pa'o/ /bshad pa ni 'di yin te/ gang gi phyir/ nyon mongs 'jig rten chos rnams kyis/ /sangs rgyas chos la khyad mi khor/ /de'i phyir na/ 'jig rten legs pa gang ci'ang rung/ thams cad bsngos na'ang der bas te/ zhes bya ba gang yin pa de yang khyod kyi dpe ma yin no zhes bya ba'o/ /de lta bu'i tshigs su bcad pa 'di rnams kyi 'jig rten pa'i dpe las dpe med pa bshad nas/ bcom ldan 'das kyi 'jig rten las 'das pa'i dbos dpe med pa bshad par bya ste/ rin chen chos gang brnyes nas khyod/ /mchog du gyur pa de nyid dang/ /khyod du bsgrun zhing de dang ni/ /khyod dang bsgrun ldom kho nar bas/ /rin chen chos gang zhes smos pa la/ bla na med pa yang dag par rdzogs pa'i byang chub ni 'dir rin chen chos su 'thad kyi mya ngan las 'das pa ni ma yin te/ nyan thos la sogs pa rnams kyis kyang de thob pa'i phyir ro/ /brnyes nas zhes bya ba ni yang dag par rjes su 'gro ba 'am/ mngon du gyur pas so/ /khyod mchog du gyur pa zhes bya ba ni sems can ma lus pa'i mchog du gyur zhes bya ba'i don to/ /gang zhig sems can rkang med dam/ /rkang gnyis pa 'am/ rkang mangs zhes bya ba gang yin pa'i sems can de rnams las de bzhin gshegs pa dgra bcom pa yang dag par rdzogs pa'i sangs rgyas mchog yin no zhes bya ba ni mdo sde'i tshig yin no/ /de zhes bya ba ni rin chen chos so/ /nyid kyi sgra ni nges par bzung ba ste/ de nyid kyis na gzhan gyi ni ma yin no/ /kho nar bas pa'i sgra ni yongs su dag par brjod pa'o/ /yongs su dag pa'i phyir legs te zhes bya ba ni bcom ldan 'das la bod pa'o/ /sangs rgyas rin po che dang/ chos rin po che dag yongs su dag pa'i phyir bsgrun pa la ni skyon med do dgongs pa'o/ /de nyid kyi phyir na bshad pa/ de dang khyod ni zhes smos pa la de zhes bya ba ni chos rin chen gyi'o/ /dang gi sgra ni bsgrun ldom zhes bya bar rjes su drang ba'i phyir ro/ /khyod ces bya ba ni bcom ldan 'das dang bsgrub pa'i phyir rin chen chos kyi dpe dang de'i khyod ces bya ba dang mdor bsdus pa'o/ /spel ma las kyang slob dpon phyogs kyi glang pos khyad par du bstod de/ yang na de las khyod mtshungs min/ /gang phyir gnyi ga mnyam pa ni/ /tshang ma mkhan gyis brjod par nus/ /de ni sus kyang rtogs mi 'gyur zhes bshad do/ /de yi dgongs pa ni 'di yin te/ /glang dang glang rgod dag la khyad par yod na yang tshad ma la sogs pa spyi'i shes pas dper brjod par bya ste/ glang ji lta ba de bzhin du glang rgod do/ /yang na glang rgod ji lta ba de bzhin du glang zhes bya'o/ /de bzhin du de bzhin gshegs pa dang/ rin chen chos dag gi tshad ma ni gang gis kyang mi shes so/ /de'i phyir khyod kyi rin chen chos ni dpe ma yin gyi/ de'i yang khyod kyi ma yin zhes bya ba'o/ /gal te bcom ldan 'das kyi dpe med na gsung 'di dag ni zla ba las bdud rtsi 'dzag pa bzhin du 'byung zhes bya bas ji ltar dper byas she na/ bshad pa/ gang la spyi tsam bstun nas ni/ /cung zad brjod pa bgyid pa de/ /smra ba pho yi rang dga' dang/ /thabs dang gcam bu tsam du bas/ /rang dga' zhes bya ba ni rang gi 'dod pa ste de ni 'gal ba tsam mo/ /tsam gyi sgras ni dpe med pa zhes bshad do/ /gang yin zhe na/ bshad pa/ gang la spyi tsam bstun nas ni/ /zhes smos pa la/ spyi ni gang gzhan la yang yod pa'o/ /bstun pa ni chos rnams yongs su brtag pa'o/ /cung zad zhes bya ba ni cung zad ces bya ba'i don to/ /bshad pa ni 'di yin te/ /chos gzhan dang spyi yis khyod kyis dpe yid kyis byas pa gang yin pa de ni rang dga' bas na 'gal ba tsam yin te dpe ni ma yin no/ /gang la bstun nas ni zhes bya ba la sogs pa smos pa la/ gang la zhes bya ba ni dngos po gang la spyi dang bstun nas dpe nyid kyi tshig gis brjod par bgyid pa gang yin pa de ni gang zag smra ba po gcam bu tsam du bas pa ste shin tu gcam bu zhes bya ba'i don to/ /de'i phyir na bcom ldan 'das la dpe med do zhes bya ba ste/ dpe med pa la bstod pa'i bshad pa'o/ /dpe med pa la bstod pa'i bshad pa ste le'u gsum mo// //da ni rmad du byung ba la bstod pa/ khyod ni bdud las rnam rgyal te/ /zhes bya ba'i tshigs su bcad pa gnyis kyis bshad par bya ste/ khyod ni bdud las rnam rgyal te/ /'gro kun dad par mdzad pa yang/ /bdag gis chos nyid rjes bsams na/ /chen po ltar gang ma mthong ngo/ /sdang bas rgol bar rtsol byed pa/ /mang po'ang gzhom par bya ba ni/ /khyad par gnas la brten pa yi/ /bzod pa'i che gsum mtshar mi che/ /chen po ltar gang ma mthong ngo zhes bya ba ni rmad du byung ba lags zhes bya ba'i tshigs su bcad pa gsum pa'i mthar bshad par 'gyur ro/ /chen po ma mthong ba ni chung ba'o/ /ltar gyi sgra ni dper ro/ /gang gi sgra ni tshig kha skong pa'o/ /khyod kyi nyan thos gnas brtan nyer sbas kyang bdud las rgyal lo zhes thos nas khyod ni bdud las rgyal ba ni chen po ltar ngo mtshar rmad du byung ba ma mthong ngo zhes bya bar dgongs pa'o/ /chos nyid rjes bsams na zhes bya ba ni chos rnams kyi rang bzhin chos nyid de/ sangs rgyas kyi chos rnams nyung ngu rjes su bsams na zhes bya ba'i don to/ /spyang ki las seng ge rgyal ba zhes mkhas pa rnams ngo mtshar bar mi 'gyur ro/ /bdag nyid kyi nus pa'i rjes su dpag pas kyang 'gro kun dang par zhes bya ba la sogs pa smos pa las? 'gro kun zhes bya ba ni 'chad par 'gyur ro/ /dad par zhes bya ba ni ngo mtshar du gyur pa'o/ /bdud las rgyal zhes bya ba ni bdud las rgyal ba la brten nas so/ /bdud ni 'dod pa'i lha zhes bya ba lha'i bu 'byung po bye ba sum cu rtsa drug gis yongs su bskor ba mda'o che dang/ mdung thud brgya bcom ldan 'das la bsnun par byed cing/ ting nge 'dzin gyi bgegs byed pa'i phyir nye bar gnas pas bgegs phra mo yang byed ma nus zhes bya ba'o/ /khyod de las rgyal ba gang yin pa de ni 'gro ba yis ngo mtshar du rtsi ste/ bdag gis ni ma yin no zhes bya bar dgongs pa'o/ /rgyu ci'i phyir zhe na bshad pa/ rgol ba mang po'ang zhes bya ba ni rgyas pa'o/ /mang po zhes bya ba ni ma lus pa ste/ mthu dang ldan pa zhes bya ba'i don to/ /'ang zhes bya ba'i sgra ni gang gi phyir zhes bya ba'i don to/ /sdang bas rgol bar zhes bya ba ni 'gal ba'i bsam pas so/ /gzhom par bya ba zhes bya ba ni rgyal ba'i phyir ro/ /rtsol byed pa zhes bya ba ni nye bar gnas pa'o/ /bzad pa'i tshegs su mtshar mi che zhes bya ba ni nyan thos kyi gnas skabs la yang bzod pas gzhom par bya ba'i phyir dka' ba byed pa ni ma yin no/ /khyad par gnas la brten pa ni bskal pa grangs med pa gsum gyis dri ma med pa'i bsod nams dang ye shes thob par bya ba'i phyir skye ba phyi ma dang ldan pa'i byang chub sems dpa' ni khyad par gyi gnas so/ /de la brten pa'i bzod pas bdud kyi 'khor dang mngag gzhug pa mi sdug pa rnams las rgyal bar bya ba shin tu sla ba'i phyir na de'i phyir de ni ngo mtshar mi che'o/ /da ni bcom ldan 'das kyi rmad du byung ba gang yin zhe na/ bshad pa/ gang tsha bdud rnams mngon btul ba/ /de yi nub mo kho na la/ /nyon mongs shin tu che spangs pa/ /de nyid rmad du byung ba lags/ /gang tshe bdud rnams mngon btul ba/ /zhes bya ba la sogs pa bshad par 'gyur ro/ /kho na'i sgra ni don gzhan 'chad par 'dod pa'o/ /bdud rnams mngon btul ba zhes bya ba ni gsod pa'i chos la nye bar sbyor bas na lha'i bdud do/ /de sngon btul ba ni de'i 'og tu zhes bya ba'i don to/ /nyon mongs shin tu che spangs pa zhes bya ba la/ nyon mongs pa zhes bya ba ni 'dod chags la sogs pa rnams te/ spangs ba ni nyon mongs pa spangs pa'o/ /de ni nyan thos pas kyang byed ces bya ba'o/ /shin tu che ba zhes bya ba ni khyad par te/ bag chags kyang spangs pa'i phyir ro/ /de yi nub mo kho na la zhes bya ba ni gang gi nub mo la ting nge 'dzin nyams par bya pa'i phyir bdud nye bar gnas pa de nyid rmad du byung ba ste/ rnam par g.yeng ba'i rkyen dang phrad na yang nyon mongs pa shin tu che ba spangs pa gang yin pa de nyid rmad du byung ba yin gyi bdud las rgyal ba ni ma yin no/ /'o na bcom ldan 'das kyi cho 'phrul chen po bstan pas 'od bsrungs rdzogs byed la sogs pa'i mu stegs pa btul ba de yang rmad du byung ba yin na de nyid nges par 'dzin pa ci'i phyir zhe na/ bshad pa/ 'od zer phreng ba stong ldan pa'i/ /nyi mas mun bsal gang lags dang/ /dpa' o khyod kyis mu stegs las/ / rgyal ba mdzad pa ci zhig mtshar/ /mun bsal zhes bya ba la sogs pa smos pa la/ mun pa bsal zhes bya ba la sogs pa smos pa la/ mun pa bsal ba ni mun nag bsal ba'o/ /nyi ma ni nyi ma zhes bya'o/ /ji lta bu yin zhe na/ bshad pa/ 'od zer phreng ba stong ldan pa'i/ /zhes smos pa la 'od zer ni 'od zer rnams so/ /stong yang yin la 'od zer phreng ba yang yin pas na 'od zer phreng ba stong ste/ de gang la yod pa de ni 'od zer phreng ba stong ldan pa'o/ /'od zer gyi phreng ba stong dang ldan pa des mun pa bsal ba ni ngo mtshar ba ma yin no/ /de la yongs su mi rtog pa'i gang zag ngo mtshar bar gyur pa gang yin pa de ni des ngo mtshar zhes sems so/ /khyod kyis mu stegs las rgyal bar mdzad pa ni ngo mtshar ba zhes pa dang sbyar ro/ /dpa' o zhes bya ba ni bod pa'i tshig dang rgyu yang bstan to/ / gang gi phyir brtson 'grus kyi che ba dang ldan pa'i phyir de bas na khyod ni dpa' bo'o/ /mu stegs pa de rnams brtson 'grus dman pa la sogs pa shA radwA ti'i bu la sogs pa nyan thos pa rnams kyis kyang btul ba de bas na khyod kyis de las rgyal bar mdzad pa ni ngo mtshar ba ma yin no/ /'di'i phyir na yang ngo mtshar ba ma yin te/ de'i phyir 'dod chags bral bas chags bcas dang/ zhes bya ba'i rgyas par bshad par bya ste/ 'dod chags bral bas chags bcas dang/ /zhe sdang bral bas zhe sdang can/ /gti mug bral bas rmongs pa ste/ /gsum pos rtag tu gsum dag btul/ /'dod chags dang zhe sdang dang gti mug dang bcas pa'i gang zag gsum 'dod chags dang bral ba dang/ zhe sdang dang bral ba dang/ gti mug dang bral ba'i gang zag gsum gyis rim pa ji lta ba bzhin du rtag tu btul lo// de rnams kyang mu stegs pa ni 'dod chags dang ldan pa yin gyi/ khyod ni rnam par grol ba ste/ de bas na ji ltar khyod kyis mu stegs las rgyal ba ngo mtshar ba ma yin no zhes bya bar ni mdor bsdus pa'i don to/ /'o na bcom ldan 'das kyi ngo mtshar ba ji lta bu yin zhe na/ bshad pa/ dam chos rab tu bstod pa dang/ /dam chos ma lags smod mdzad kyang/ /dam pa dag dang tha ma la/ /khyod ni chags dang khro mi mnga' / /dam chos rab tu bstod pa dang zhes smos pa la/ /bstod pa ni bstod pa'o/ /dam chos ni rnam par bya ba'i phyogs kyi dge ba zhes bya ba'i don to/ /dam chos ma lags pa zhes bya ba ni kun nas nyon mongs pa'i phyogs kyi nyon mongs pa zhes bya ba'i don to/ /smod mdzad ces bya ba ni smod par mdzad pa'o/ /chags dang zhes bya ba ni rjes su chags pa'o/ /khro ba ni khong khro ba'o/ /de dag khyed la mi mnga' ba ni mi mnga' ba zhes bya ba'i don to/ /gang la zhe na/ smras pa/ dam pa dag dang tha ma la/ /zhes bya ba ni dge ba can dang/ mi dge ba can dag la rim pa ji lta ba bzhin du chags pa dang phro ba mi mnga' ba'o/ /'on kyang gzhan la sman par mdzad pa'i phyir bstod pa mdzad pa 'am/ smos pa mdzad pa de gnyi ga yang zhes dgongs pa'o/ /'di yang ngo mtshar ba ste/ gang gi phyir/ dgra bcom pa dang mu stegs la/ /rjes su chags dang khong khro bar/ /khyod kyi thugs ni mi 'gyur na/ /khyod la bstod du ci zhig mchis dgra bcom pa dang mu stegs la zhes bya ba la sogs pa smos pa la/ khyod kyi thugs ni mi 'gyur na zhes bya bas 'chad par 'gyur ro/ /dgra bcom pa zhes bya ba ni nyes pa ma lus par spangs par gyur pa dag la'o/ /mu stegs la zhes bya ba ni rdzogs byed la sogs pa rnams pa'o/ /rjes su chags dang khong khro bar zhes pa ni chos nyid la gnod par byed pa'i mu stegs pa rnams la khong khro bas gang gi thugs ni mi 'gyur ba ste/ de rnams la khong khro bar mi 'gyur ro zhes dgongs pa'o/ /'phags pa kun dga' bo la sogs pa'i dgra bcom pa rnams la gang gi tshe kun dga' bo dgon pa pa/ phyag dang khrod pa/ phug la chags pas 'dod pa la mi bltos bar blta zhes bya ba de ltar khyod kyis yun ring por bzhed pa'i thugs la dgongs pa dgra bcom pa thob pas yongs su rdzogs par byed pa la chags pas thugs ni mi 'gyur ba ste/ de rnams la chags par mi 'gyur ba'o/ /de dang 'dra ba'i rmad du byung ba'i yon tan dang ldan pa khyod la bstod du ci zhig mchis pa ni gzhan dam par bstod pa gang gis te/ bstod pa de ni ma mchis zhes bya ba'i don to/ /rmad du byung ba gzhan yang bshad par bya ste/ yon tan rnams la'ang ma chags la/ /yon tan can la'ang bzhed mi mnga' / /kye ma'o khyod kyi thugs stobs ni/ /rab dang yongs su dag pa lags/ /yon tan rnams la'ang ma chags la zhes smos pa la/ yon tan rnams ni stobs dang mi 'jigs pa la sogs pa rnams la'o/ /byang chub sems dpa' i gnas skabs su yon tan yang rtswa dang 'dra bar mi rtsi ba dang/ de rnams la yang ma chags pa ni chags par ma gyur pa ste/ de rnams 'phel bar bya ba'i phyir ro/ /rgyur gyur pa'i yon tan de rnams kyis sems can rnams yon tan dang ldan par mdzad ces pas na rtsol ba la gnas par ro/ /de rnams la bzhed pa mi mnga' ba ni bsam gtan la sogs pa'i yon tan dang ldan par gyur pa la yang nyon mongs pa can gyi bzhed pa mi mnga' ba'o/ /de'i phyir na kye ma'o rab dang zhes bya ba la/ kye ma'o zhes bya ba ni ngo mtshar ba'o/ /khyod ni khyod kyi'o/ /rab dang zhes bya ba ni sngar bshad pa'i cho gas 'dod chags la sogs rnyog pa dang bral ba'o/ /thugs stobs zhes bya ba ni thugs so/ /yongs su dag pa ni dri ma dang bral ba zhes bya ba'i don to/ /dbang po rnams ni rab dang bzhes bya ba'i tshigs su bcad pas rmad du byung ba 'di yang bshad par bya ste/ dbang po rnams ni rab dang ba/ /dus rnams rtag tu mi nyams pas/ /khyod thugs rtag tu dang pa dag / mngon sum gyur pa bzhin du gda' rten la brten pa nye bar 'dogs pa mig la sogs pa la brten pa'i dbang po de rnams rab dang pa ni dri ma med pa ste/ khro ba la sogs pas byas pa'i bzhin 'gyur ba dang bral ba'i phyir zhes bya ba'o/ /ji ltar skye ba gtsang ba'i bram zes bshad pa ni bcom ldan 'das gau ta ma'i spyan ni rab tu dang pa dang/ zhal gyi mdog dag pa dang/ sku mdog dkar ba gang yin pa de ni dbang po dang ba'i phyir ro/ /dper na kye gau ta ma ji ltar chu bo 'dzam bu'i gser gyi rang bzhin gyi gser gyi ? gser mkhan mkhas pas bdar nas ras dkar po bzhag na/ shin tu sdang ba dang/ 'dres pa dang/ rnam par gsal bar gyur pa de bzhin du bcom ldan 'das gau ta ma'i dbang po dag rab tu dang ba zhes bya ba ni snga ma bzhin no/ /dus rnams rtag tu ma nyams pas zhes bya ba ni rtag tu mi nyams pa'i ngang tshul can te dus thams cad du zhes bya ba'i tha tshig go / thugs zhes bya ba ni thugs so/ /rtag tu dad ba zhes bya ba ni rtag tu dag pa'o/ /mngon sum gyur pa bzhin du zhes bya ba ni thugs dang ba med na dbang po rnams dang bar mi 'gyur ro/ /khong stong nang me gnas pa yi/ /shing las lo ma 'byung mi 'gyur/ /zhes de ltar bshad pa'o/ /de bas na dbang po'i dad? ba las thugs kyi dad pa mtshon par 'gyur ro/ /de yi thugs kyi dang ba gzhan gyi sems ma shes pa mngon sum du ma gyur pa'i phyir bzhin zhes bya ba ni dper ro/ /gzhan rmad du byung ba bshad par bya ste/ rang bzhin dam pa legs gsungs dang/ /mdzad spyod bzang pos sgrags pas na/ /khyod kyi blo gros dgongs pa dag/ rnam dag byis pa'i bar la grags/ / zhes bya ba ni rgyas pa'o/ /byis pa'i bar zhes bya ba ni byis pa rnams las kyang brtsams zhes bya ba'i don to/ /grags zhes bya ba ni rab tu grags pa'o/ /khyod kyi ni khyod kyi'o/ /de gang yin zhe na/ blo gros dgongs pa dag ni mi 'jigs pa la sogs pa'i blo gros te shes rab kyi rang bzhin yin pa'i phyir ro/ /dran pa nye bar gzhag pa gsum ni dgongs pa'o/ /de dag gi rnam par dag pa ni nyon mongs pa'i dri ma dang bral ba'i phyir ro/ /de dag ji ltar byis pa rnams kyi bar la yang grags she na/ smras pa/ gang gi phyir bsgrags pa zhes bya ba ni rtogs shing gsal bar gyur pa'o/ /rang bzhin ni dgongs pa ste /de nyid mi 'jigs pa la sogs pa'i sems dang sems las byung ba'i tshogs so/ /de yi bsgrags pa ni rtags su gyur pa zhes bya ba'i don to/ /legs gsungs mdzad spyod bzang po zhes bya ba la/ legs gsungs ni yongs su dag pa'i gsung gi 'phrin las so/ /mdzad spyod bzang po ni yongs su dag pa'i sku'i 'phrin las so/ /bzhed pa chung ba'i bcom ldan 'das kyis sbas pa'i yon tan rnams kyang de dag gis gsal bar byas zhes bya ba ste/ gsang ba gsal bar byas pa bzhin no/ /de bas na de rnams bsgrags pa yin no/ /de dag kyang thugs dag pa med na rnam par dag par mi 'gyur ro/ /zhes bya bas ni thugs kyi rnam par dag pa gsal bar mdzad do/ /de bas na byis pa'i bar la yang sangs rgyas kyi chos zab mo rab tu grags so/ /de ltar 'jig rten pa yang zer te/ rnam pa rtags dang 'gro ba dang/ /spyod pa dang ni smra ba dang/ /mig dang gdong gi rnam pa yis/ /nang gi yid ni shes par bya zhes bya bas rmad du byung bar bstod pa bshad do/ / rmad du byung ba la bstod pa'i bshad pa ste le'u bzhi pa'o/ //gzugs med pa'i dngos po'i don gyi 'bras bu nyid kyis re zhig bcom ldan 'das la bstod pa bshad do/ /sku la bstod pa la/ sku ni dad pa skyed par mdzad pa dang/ tshim par mdzad pa nyid dang/ rten dang brten pa'i yon tan gyi rjes su mthun pa dang/ sku dang yon tan dag gi phan tshun rten dang brten pas mdzes pas zhes bya ba rnam pa bzhi'o/ /de la re zhig dad pa bskyed par mdzad pa nyid bshad par bya ste/ /nye bar zhi la yid du 'ong/ /'bar la gnod pa mdza' mi mnga' / /dul la rngom brjid che ba yi/ /sku 'dis su zhig dang mi mdzad/ /nye bar zhi la yid du 'ong zhes bya ba ni rgyas pa'o/ /rgod pa spangs pa'i phyir na nye bar zhi ba ste/ sku de zhes bya bas 'chad par 'gyur ro/ / drang srong phyi rol pas sdug bsngal dang bka' thub bzod par nus pa dang 'dra ba'i nye bar zhi ba yang yid du 'ong ba ma yin nam zhe na/ smras pa/ yid du 'ong ba zhes bya ba ni mtshan dang dpe byad kyis spras pa yin pa'i phyir yid du 'ong bar mdzad pa zhes bya ba'i don to/ ? 'don gang ba'i 'od kyis gsal ba'i phyir na 'bar ba'o/ /'bar ba'i phyir nyi ma'i 'od zer dang 'dra bar gnod pa mdzad pa yin nam zhe na/ ma yin zhes bshad pa/ gnod pa mdzad mi mnga' ni gnod pa mdzad mi mnga' ba'i ngang tshul gang la mnga' ba de ni gnod pa mdzad mi mnga' ba ste/ mthong ba dang rjes su mthun pa zhes bya ba'i don to/ /rab tu byung ba dang mthun pa'i spyod lam mnga' ba'i phyir na dul ba ste/ rgod pa mi mnga' ba zhes bya ba'i don to/ /dul ba yin na yang rngom brjid che ba ma yin pa ni 'gal ba yin zhes bshad pa ste/ rngom brjid che ba zhes bya ba ni rngom brjid che ba zhes bya ba'i don to/ /sku zhes bya ba ni sku mdog dang dbyibs kyi bdag nyid do/ /su zhig dad mi mdzad ces bya ba ni su zhig 'dra ba ji lta bu zhe sdang can yang dad pa la gzhol bar mi mdzad dam ste/ skye bo thams cad la dad pa skyed par mdzad pa zhes dgongs pa'o/ /ji lta bu zhe na/ gang gi phyir yul thams cad bsnyen na dang bar mi 'gyur ste/ khyod kyi sku ni /khyod kyi sku de gang gis ni zhes bya ba la sogs pas bshad par bya ste/ khyod kyi sku de gang gis ni/ /lan brgyar mthong dang gang zhig gis// dang por mthong ba de gnyig / 'dra bar mig ni mgu bar mdzad/ /gang zhig mthong zhing lan brgyar mthong ba ni lan mang du zhes bya ba'i don to/ /brgya'i sgra ni mang po kho na ston pa'i phyir ro/ /gang zhig gi sa dang por mthong ba zhes bya ba ni gang zag gang zhig gis de'i sku dang por mthong ba ste sku'i mtshan nyid ni bshad zin to/ /mgu bar mdzad pa ni rangs par mdzad pa'o/ /khyod kyi ni khyod kyi'o/ /mig gi bde ba dang ldan pa'i mig gi rnam par shes pa skye ba'i phyir ro/ /'dra bar zhes bya ni mtshungs par ro/ /de gnyi ga zhes bya ba ni dang por mthong ba 'ba' zhig tu ma zad kyi 'on kyang gnyig yang ste lan brgyar mthong ba dang dang por mthong ba dag gi'o/ /de lta bu'i tshigs su bcad pa gnyis po 'dis skus dad pa bskyed par mdzad pa nyid bshad do/ /rgyu gang gis sku des dad pa bskyed par mdzad pa nyid zhe na / bshad pa/ khyod kyi sku ni mdzes pa'i phyir/ /blta bas mi ngoms rang bzhin pas/ /mthong ngo cog gi phyi phyir zhing/ /dga' ba bskyed par mdzad pa lags/ /khyod kyi sku ni mdzes pa'i phyir/ /zhes bya ba ni rgyal ba'o/ /li tsa ni tshim pa'i khams so/ /tshim bar byed pa zhes bya bas na mdzes pa'o/ /nye bar len pa lud kyi rkyen dang sbyar bar bya'o/ /mdzes pa kho na yin pas na mdzes pa'o/ /bshad pa ni 'di yin te/ mtshan dang dpe byad la sogs pas brgyan pa'i bcom ldan 'das kyi sku la srog chags rnams kyis blta bas ngoms par mi 'gyur pa des na sku de ni mdzes pa zhes bshad do/ /'di ltar thos pa yin te/ rgyal po gzugs can snying pos ri dags kyi grong khyer gyi rgyal po'i sras kyi dang pa bskyed par bya ba'i phyir ras ris la sangs rgyas kyi sku dris nas bskur bar brtsams so/ /de la ri mo mkhan thams cad bcom ldan 'das kyi yan lag dang nying lag mthong bas tshim par ma gyur pas sku bri bar ma nus so zhes pas bcom ldan 'das kyis rgyal po chen po des 'tshal gyis ri mo mkhan ngal bar gyur pas gang gi phyir de bzhin gshegs pa ni bltas pas chog mi shes pa nyid kho nas bris sku la 'od spro bar bya'o zhes bya ba'o/ /de nas bcom ldan 'das kyis bris sku la 'od spro bar mdzad do/ /rgyal po gzugs can snying pos de ri dags kyi bdag po la bskur ro/ /de mthong nas rgyal po shin tu dad pa skyes par gyur nas bris sku de nyid la rten cing 'brel par 'byung ba bris pa bsgoms pas 'phags pa'i bden pa mthong bar gyur nas bcom ldan 'das kyi thad du phyin te rab tu byung nas dgra bcom pa thob par gyur to zhes bya ba'o/ /phyir gyi sgra ni gang gi phyir zhes bya ba'i don to/ /mdzes pa'i rang bzhin pas zhes bya ba ni blta ba dang rjes su mthun pa kho na zhes bya ba'i don to/ /sku ni sku'o/ /mthong ngo cog ni phyi phyir zhing zhes bya ba ni yang dang yang du mthong bar gyur pas dga' ba'i yid la bde ba bskyed par mdzad pa ste/ skyed par mdzad pa lags zhes bya ba'o/ /phyi phyir zhing zhes bya ba ni snga na med pa'i khyad par dang ldan pa'i dga' ba kho na mdzad pa'o/ /gang gi phyir lan brgyar mthong ba dang/ gang zhig gis sngar bshad pa rigs pa yin zhes bya ba'o/ /tshigs su bcad pa 'dis sku blta bas mi ngoms pa bshad do/ /rten gyi rjes su mthun pa nyid bshad par bya ste /rten gyi yon tan dag dang ni/ /rten pa'i yon tan phan tshun du/ /'tshams pas khyod kyi sku dang ni/ /yon tan phun tshogs mchog dang ldan/ /rten gyi yon tan dag dang ni zhes bya ba la sogs pa smos pa la/ rten ni gzugs kyi sku ste/ de yi yon tan ni brtan pa nyid de/ rdo rje'i sku gdung mthong bar ma gyur pa'i phyir ro/ /dbyibs ni shin tu mdzes pa ste shing n+ya gro ta ltar chu zheng gab pa dang/ seng ge'i ro stod dang 'dra ba'i phyir ro/ /'bar ba nyid ni 'od 'dom gang ba dang /mtshan dang dpe byad kyis 'bar bar gyur pa'i phyir ro/ /mdog gser 'dra ba dang khyab 'jug gi stobs phun sum tshogs pa dang 'dra ba rten gyi yon tan dang ldan pa'i sku ni gzugs kyi sku nyid de/ ldan pa zhes 'chad par 'gyur ro/ /rten pa'i yon tan zhes smos pa la/ rten pa ni stobs dang mi 'jigs pa la sogs pa dang ma 'dres pa'i yon tan rnams so/ /rten pa'i yon tan ni de rnams khyad par du gyur pa zhes bya ba'i don to/ /'dir yon tan gyi sgra ni khyad par gyi tshig go /yon tan gyi khyad par ni rnam par dag pa nyid dang/ thogs pa med pa nyid dang/ zil gyis gnon pa nyid dang/ /zab pa zhes bya ba la sogs pa zhes bya ba'o/ /rten pa'i yon tan de rnams kyi mi 'jigs pa la sogs pa'i yon tan de nyid phun sum tshogs pa mchog dang ldan pa ni bdag nyid kyi che ba dang ldan pa'i rgyur gyur pa'i phun sum tshogs pa dang ldan pa ste/ khyod kyi sku dang yon tan zhes bya ba dang sbyar ro/ /phan tshun du mtshams pas zhes bya ba ni rten gyi yon tan phun sum tshogs pa bsten pa'i yon tan dang rjes su mthun pa ni rten no/ /rten pa'i yon tan phun sum tshogs pa rten gyi yon tan dang rjes su mthun pa dang ldan pa ni rten pa zhes bya'o/ /de bya ba'i tshigs su bcad pa 'dis sku'i rten pa'i yon tan rjes su mthun pa kho na bshad do/ /mtshan dang dpe byad bzang 'bar ba/ /zhes bya ba'i tshigs su bcad pa gnyis kyis don de nyid gsal bar bya ba'i phyir bshad par bya ste/ mtshan dang dpe byad bzang 'bar ba/ khyod kyi sku las ma rtogs pa/ /de bzhin gshegs pa'i yon tan 'di/ /gzhan gang zhig la legs gnas 'gyur/ /khyod sku rten pa'i yon tan la/ /nga dpal che zhes gsungs gsungs ltar/ /de yi yon tan rnams kyang slar/ /nges legs bkod ces gsung ba 'dra/ /gzhan gang zhig ni gzhan gang zhig la'o/ /legs gnas ni mdzes par gnas par 'gyur ro zhes bya ba'i don to/ /de rnams kyang mi 'jigs pa la sogs pa rnams so/ /ji lta ba bzhin du gnas pa'i dngos po de bzhin du gshegs pas na de bzhin gshegs pa'o/ /ji ltar sngon yang dag par rdzogs pa'i sangs rgyas gshegs pa ni 'jug pa ste/ de bzhin du 'di yang gzhan la sman pa'i slad du 'jug pa la sogs pas gshegs pa zhes pas na de bzhin gshegs pa'o// y ang na sngon yang dag par rdzogs pa'i sangs rgyas su gshegs pa ni gzhan dag gi tshogs dang chos kyi sku la sogs pa yongs su rdzogs par bya ba'i phyir khyad par gyi ye shes dang ldan par gyur pa de bzhin du 'dir yang gshegs pa zhes bya bas na de bzhin gshegs pa'o/ /de yi yon tan ni de bzhin gshegs pa'i yon tan no/ /khyod kyi sku las ma gtogs pa zhes smos pa la/ khyod kyi sku ni bshad pa gang yin pa de las ma gtogs pa zhes bya ba'i don to/ /khyad par du gyur pa gang yin zhe na/ mtshan dang dpe byad bzang 'bar ba/ zhes bya ba ni mtshan dang dpe byad bzang 'bar ba las ma gtogs pa zhes bya bar dgongs pa'o/ /de la skyes bu chen po'i mtshan rnams ni phyag dang zhabs kyi mthil 'khor lo'i mtshan dang ldan pa dang/ 'od gsal ba dang/ smin mtshams su mdzod sdus rnam par brgyan pa dang/ dbu gtsug tor dang ldan pa zhes bya ba la sogs pa'i mtshan ni mdo las rtogs par bya'o/ /dpe byad bshad par bya ste/ sen mo ha cang mi ring ba dang/ mtho ba dang/ zangs kyi mdog 'dra ba dang snum pa nyid dang/ ser mo zlum pa dang/ rgyas pa dang/ byin gyis phra ba dang/ rtsa mi mngon pa dang/ rtsam mdung pa med pa dang/ /chung ba dang/ phra ba dang/ pad+ma chu shing gi sdong po dang 'dra bar rgyas pa dang/ gshibs pa dang/ mi mnyam pa med pa dang/ byin gyis phra zhing mdzes pa dang/ 'ol ma si'i me tog dang 'dra bar dmar ba dang/ dad pa dang/ snum pa dang/ tsan dan lta bu'i dri dang ldan pa'i khrag ces bya ba la sogs pa ste brgyad cu'o/ /gzhan yang khyod kyi sku ni nga dpal che zhes pa ni rgyas pa'o/ /dpal che ba ni skal ba dang ldan pa'o/ /nga zhes bya ba ni nga'o zhes bya ba de lta bu'o/ /khyod ces bya ba khyod kyi'o/ /sku'i mtshan nyid ni bshad zin to/ /gsungs zhes pa ni gsungs pa'o/ /gsungs pa ni srog chags kyi yul yin pa'i phyir te/ lta zhes pa ni dpe'o/ /rten pa ni sngar bshad pa'i rten pa la'o/ /nged legs bkod ces pa bya ba ni de rnams nged legs bkod ces bya ba'o/ /slar gsung ba ni slar yang gsung pa'o/ /'dra ba'i sgra ni snga ma bzhin du bshad par bya'o/ /de zhes bya ba ni sku'o/ /yon tan ni sngar bshad zin to/ /bshad pa'i don ni 'di yin te/ khyod kyi sku ni rten pa'i yon tan la gsungs pa lta bu ste/ gang nga dpal che ba dang ldan pa yin no zhes bya bas nga la bla na med pa'i yon tan rten pa zhes bya ba'o/ /yon tan de rnams ni slar gsungs pa dang 'dra ba'i sku mtshan dang dpe byad kyis spras pa khyod la yongs su dag pa'i 'phrin las dag gis nged rnams legs par bkod pa zhes bya ba'o/ /de ltar sku dang yon tan dag phan tshun rten dang brten pa nyid kyis gsungs pa bshad de/ sku la bstod pa bshad do/ /sku la bstod pa zhes bya ba'i bshad pa ste le'u lnga ba'o// //sman pa mdzad pa ni dbye ba rnam pa brgyad de re zhig thugs rje la bstod pas ni 'khor ba'i nyes pa mkhyen pa'i bcom ldan 'das kyang thugs rjes yun ring por bzhugs pa dang/ sems can rnams kyi de'i tshe shin tu sdug bsngal zhi bar bya ba'i phyir skye bo mang po'i gnas su bzhugs pa dang/ dgon par mi bzhugs pa dang/ da ltar byung ba'i sdug bsngal bzod spyod pa dang/ bud med kyi spyod pa legs pa dang/ mi legs pa dang 'dra ba'i thugs rje mnga' ba ste tshig gi don bzhi'o/ /de la bcom ldan 'das kyis smon lam la brten pas yongs su mya ngan las 'das kyi bar du bkres pa dang skom pa la sogs pa sdug bsngal bzod spyod pa dang/ 'khor ba'i skye bo gzhan dang 'dra ba dang/ rgyu la khyad par mi mnga' ba bshad par bya ste/ 'gro ba 'di dag thams cad ni/ /khyad med nyon mongs rnams kyis bcings/ /khyod ni 'gro ba'i nyon mongs dag /dgrol slad yun ring thugs rjes bsdams/ /thams cad khyad med ces bya ba la/ thams cad ces bya ba ni khams gsum mo/ /khyad med ces bya ba ni lha rnams nas dmyal ba'i bar du'o/ /khyad med pas na nyon mongs pa rnams kyis bcings pa ni srid pa'i rtse mo'i nges par ma spangs pa'i phyir ro/ /zhes bya bar dgongs pa'o/ / 'khor bar 'gro ba nyon mongs par byed ces pas na nyon mongs pa rnams so/ /de rnams kyis bcings zhes bya ba ni 'khor ba las ma 'das pa'i phyir ro/ /'gro ba 'di zhes bya ba ni sems can gyi 'jig rten 'di'o/ /de ltar na 'jig rten pa nyon mongs pa rnams kyis bcings pas 'khor bar nyon mongs par gyur to/ /khyod ni 'gro ba'i nyon mongs pa dag dgrol slad ces bya ba ni shes rab kyi mtshon chas 'gro ba'i nyon mongs pa'i zhags pa gcod pa'i phyir ro/ /yun rings thugs rjes bsdams zhes bya ba ni smon lam nas brtsams te yongs su mya ngan las 'das kyi bar du'o/ /gang gi phyir de ltar gyur pa de'i phyir na/ dang por khyod la phyag bgyi 'am/ /'on te gang gis 'khor bar khyod/ /skyon med yun ring de lta bur/ /bzhugs mdzad thugs rje che la bgyi/ /dang por khyod la phyag bgyi 'am zhes bya ba la sogs pa smos pa la/ 'am zhes bya ba'i sgra ni dri ba dang the tshom mo/ /dang po ni dang po'o/ /phyag ces bya ba ni phyag bgyi ba'o/ /khyod la ni bcom ldan 'das la'o/ /thugs rje che ba'i mtshan nyid ni bshad zin to/ /'on te yang na zhes bya ba'i don to/ /gang las the tshom 'di yin zhe na/ gang gi phyir 'jig rten pa'i shes pas long ba nyon mongs pa'i zhags pas bcings pas 'khor ba'i sdug bsngal nyams su myong ba zhes bya ba de ni ngo mtshar ba ma yin no/ /'on kyang gang gis zhes bya ba la sogs pa smos pa la/ gang gis ni thugs rje chen pos so/ /de lta bu ni yang dag par gyur pa gsal bar byed pa'i shes rab kyis 'khor ba'i skyon mkhyen pa ste/ 'khor ba ni 'gro ba rigs drug ste/ bzhugs pa ni bzhugs par mdzad pa ste/ 'gro ba rnams kyi nyon mongs pa yun ring por zhi bar bya ba'i phyir ro/ de'i phyir dang por khyod la phyag bgyi lam zhes bya ba la rnam par rtog pa ni 'di yin no/ /yon tan gyi the tshom gsal bar ma gyur na ma ning gi rtags kyi sbyor ba byas zhes rtogs nas dang por khyod la phyag bgyi 'am zhes yongs su gdon to/ /de lta bu'i tshigs su bcad pa gnyis kyis shes rab kyis 'khor ba'i skyon mkhyen kyang thugs rjes yun ring du bzhugs pa zhes bshad do/ /gzhan yang/ dben pa'i bde ba ngang gyur khyod/ /mang po'i nang na bzhugs pa gang/ /de khyod thugs rjes dus 'das pa/ /glags zhig thong nas bgyid par bas/ dben pa'i bde ba dang gyur khyod ces smos pa la/ dben pa ni 'du 'dzi spangs pa'o/ /de las byung ba'i bde ba ni dben pa'i bde ba'o/ /de gyur pa ni rjes su mthun pa gang la yod pa de ni dben pa'i bde ba dang du gyur pa ste/ de ni gdul bya'i skye bo mang pos yongs su bskor ba'o/ /khyod ni khyod kyi'o/ /'das pa ni 'das pa'o/ /de gang yin zhe na/ dus ni mtshan mo dang nyin mo la sogs pa'o/ /glags shig thod pa ni spro ba thob pa'i thugs rjes de mdzad do/ /nyid bzhed pa'i dben pa'i bde ba spangs nas rgyu med pa'i thugs rje'i gzhan dbang gis gzhan la sman pa la rtse gcig pas khyod kyi dus 'das so zhes bya ba ni bsdus pa'i don to/ /gang gi phyir thugs rjes glags skabs rnyed nas 'di mdzad dam zhe na/ bshad pa/ rig pa yis ni mtsho nang nas// klu bzhin khyod kyang thugs rje yis/ /dgon pa zhi gnas grong gi mthar/ /gdul ba'i don gyi slad du grangs/ /dgon pa zhi gnas grong gi mthar zhes bya ba la sogs pa smos pa la/ zhi ba dang rjes su mthun pa'i dgon pa ni zhi ba'o/ /de las grong gi mthar ni grong dang nye bar drangs pa'o/ /khyod ni bcom ldan 'das so/ /kyang ni gang gi phyir zhes bya ba'o/ /klu bzhin zhes bya ba la sogs pa ni ji ltar sbrul gyi mche bas btab pa'i dug gso bar bya ba'i phyir mtsho'i nang na gnas pa'i klu rig pas mtsho'i nang nas drangs pa de bzhin du nyon mongs pa'i sbrul gyis zos pa'i 'gro ba gso bar bya ba'i phyir thugs rje'i rig pas dgon pa zhi ba la dgyes par gyur pa khyod dgon pa nas grong gi mthar drangs so/ /de bas na dben pa'i bde ba dang gyur khyod ces bya ba rgyas pa'i tshigs su bcad pa'i don ni rigs pa'o/ /da lta bu'i tshigs su bcad pa gnyis kyis thugs rje'i dbang gis mang po'i nang na bzhugs pa dang/ dben par mi bzhugs pa zhes bshad do/ /gzhan yang/ nyer zhi mchog la gnas bzhin du/ /thugs rje gtso dang ldan pas na/ /rol mo mkhan gyi sgyu rtsal yang/ /khyod kyi zhabs kyis 'dor bar mdzad/ /nyer zhi mchog la gnas bzhin du/ /zhes smos pa la/ /nyer zhi mchog la gnas zhes bya ba ni nyer zhi mchog la gnas pa'o/ /bzhin gyi sgra ni ngo mtshar ba'i don la'o/ /thugs rje gtso dang ldan pas na/ /zhes smos pa la/ gtso bo ni gtso bo ste/ drang bar byed pa zhes bshad de/ de gang la yod pa de ni gtso bo dang ldan pa'o/ /de'i ngo bo nyid ni thugs rje'i gtso bo dang ldan pa ste/ thugs rjes yin gyi gzhan gyis ni ma yin no/ /de ni thugs rje gtso bo dang ldan pa ni thugs rje gtso bo dang ldan par gyur pa zhes bya ba'i don to/ /khyod kyi zhabs kyis 'dor bar mdzad ces bya ba ni zhabs bskyod par mdzad pa'o/ /ci'i slad du zhe na/ rol mo mkhan gyi sgyu rtsal yang zhes smos pa la/ rol mo mkhan gyi sgyu rtsal dag go /de rnams kyi sgyu rtsal ni gzo'i gnas dag te/ de dag kyang khyod kyi mdzad pa la 'jug par mdzad pa'o/ 'di lta ste/ rol mo mkhan gyi cha lugs bzhes nas lha'i yul du gshegs te/ bcom ldan 'das nyid kyis rgyud mangs brdungs pas rgyud stong phrag 'chad par gyur kyang nam mkha' las yongs su gang ba'i sgra bsgrags pas shin tu dga' ba zhes bya ba'i dri za'i rgyal po rgyud mangs brdungs pa'i bzo bo nga rgyal dang ldan pa rol mo mkhan gyi nga rgyal de las phral nas gdul bar mdzad do zhes bya bar thos so/ /de yang rjes su mthun pa ma yin zhing skye bo gdul bya'i sdug bsngal bzod ma spyod pa'i thugs rjes mdzad do zhes bstan to/ /gzhan yang/ rdzu 'phrul seng ge 'am sgra dang ni/ /nyid kyi yon tan brjod pa gang/ /de ni bzhed spyod mi mnga' ba/ /khyod kyi thugs rjes bstar ba lags/ /rdzu 'phrul seng ge'i sgra dang ni/ /zhes bya ba ni rgyas pa'o/ /rdzu 'phrul ni nam mkha' la 'gro ba dang/ 'bar ba dang/ 'bebs pa dang/ char 'bab pa la sogs pa'i'o/ /seng+ge'i sgra ni 'brug gi sgra dang 'dra ba'o/ /ji ltar gsungs pa ni nga las phyi rol tu gyur pa la ni dge sbyong dam bram ze med de/ gang gis 'khor gyi tshogs 'di rnams kyi nang du seng+ge'i sgra yang dag par sgrogs par byed pa kho na zhes bya ba la sogs pa'o/ /de nyid 'jigs pa med pa'i seng+ge dang 'dra bas sgra sgrogs pas na seng+ge'i sgra'o/ nyid kyi yon tan brjod pa ni nyid la bstod pa'o/ /ji ltar stobs bcu dang ldan pa dang/ de bzhin gshegs pa dgra bcom pa zhes bya ba la sogs pa'o/ /rdzu 'phrul dang seng+ge'i sgra dang/ nyid kyi yon tan brjod pa gang yin pa de ni byis pa'i 'jig rten pa 'dod pas gzhan la rab tu ston par byed pa'o/ /de ni bzhed spyod mi mnga' ba zhes bya ba la sogs pa smos pa la/ de la bzhed pa ni 'dod pa dang sred pa ste/ de nyid yul rnams kyi rgyud spyod par byed pas ni spyod pa'o/ /de mi mnga' ba ni gang gis spangs pa de ni bzhed spyod mi mnga' ba'o/ /de ni khyod kyi thugs rjes bstar ba'o/ /de zhes bya ba ni rdzu 'phrul la sogs pa'o/ /thugs rjes bstar ba ni thugs rje'i rtags so/ /ji ltar ka sha'i rdo la gser bzang ba 'am ngan par yongs su brtag pa de bzhin du sems can rnams kyi da ltar byung ba'i sdug bsngal gzod ma spyod pa'i bcom ldan 'das kyi thugs rje yang rdzu 'phrul la sogs pa'i ka shis rjes su dpag par bya ste/ bzhed pa dang spyod pa mi mnga' ba'i phyir zhes bya ba ni bsdus pa'i don to/ /de lta bu'i tshigs su bcad pa gnyis kyis thugs rje'i dbang gis da ltar byung ba'i sdug bsngal bzod mi spyod pa zhes bshad do/ /legs pa dang mi legs pa'i bud med kyi tshul dang mthun par bshad par bya ste/ gzhan gyi don du rab bzang gi / nyid kyi rten la brtse med bas/ /mgon po khyed nyid 'ba' zhig la/ /thugs rjes thugs rje mdzad ma gyur/ /gzhan gyi don du rab bzang gi zhes bya ba ni rgyas pa'o/ /gzhan gyi don ni gzhan la sman pa mdzad pa'i phyir ro/ /rab tu bzang ba ni mkhas pa'o/ /gi zhes bya ba ni zhal gyis bzhes pa la'o/ /nyid kyi rten la rtse med pas zhes bya ba ni de bzhin gshegs pa de nyid kyi rten te/ de la brtse ba med pa ni rtsub pa dang gzir bar mdzad pa ste/ thugs rjes zhes 'chad par 'gyur ro/ /khyod nyid ni bcom ldan 'das la yin gyi gzhan la ni ma yin no/ /'ba' zhig ni bdag nyid che ba zhes bya ba'i don to/ /mgon po zhes bya ba ni bod pa'o/ /thugs rjes thugs rje mdzad ma gyur zhes bya bas ni de ltar bstan pa yin te/ thugs rjes mdzad pa dang/ rjes su bzung ba mdzad ces pa ni thugs rje'i don dang mthun pa'i mtshan no/ /khyod kyi yul la thugs rje'i don dang mthun pa'i mtshan du ma gyur to/ /de lta bas na nyid kyi rten la brtse ba mi mnga' ba dang/ gzhan la chags pa'i rang bzhin gang yin pa des ni bud med kyi spyod pa mi legs pa bshad do/ /gzhan la chags pa dang/ nyid kyi rten la brtse ba med pa zhes bya bar shes par ji ltar 'gyur zhe na/ smras pa/ 'di ltar res 'ga' brtan pas gang/ /gzhan don bsgrub pa mdzad slad du/ /khyod ni lan brgyar phyogs dag tu/ /gtor ma bzhin du btang pa lags// 'di ltar lan brgyar phyogs ngag du zhes bya ba smos pa la/ 'di ltar zhes bya ba ni ji ltar 'di ni gzhan la chags pa dang/ nyid kyi rtan la brtse ba med pa de ltar bshad pa bya zhes bya ba'i don to/ /gang ni gang gi phyir zhes bya ba'i don to/ /yang na 'di ltar gang zhes bya ba ni 'chad par 'dod pa'i don rab tu ston par byed pa'i tshig phrad ces bya ba'o/ /khyod ni 'chad par 'gyur ba'o/ /lan brgya ni lan mang por ro/ /brtan pa'i phyir brtan pa ni thugs rje nyid du brjod do/ /res 'ga' gtor ma bzhin du zhes bya ba ni ji ltar snying rje med pa dag gis phyugs dum bur byas nas gtor mar btang ba ste/ gnod sbyin la sogs pa rnams dga' bar bya ba'i phyir ro/ /de bzhin du thugs rjes kyang thugs rje mi mnga' ba dang 'dra bar khyod lan brgyar byas nas btang ba lags so zhes 'chad par 'gyur ro/ /ci'i slad du zhe na/ bshad pa/ gzhan don bsgrub par mdzad slad du/ zhes bya bas ni stag phrug la sogs pa rnams kyi bza' ba sgrub pa'i phyir ro/ /khyod ces bya ba ni khyod do byang chub sems dpa' la sbyor ba'i gnas skabs su btang pa lags so gang la zhe na/ phyogs dag tu ni las kyi byed tshig gi mdza' can yin te/ phyogs bzhir btang ba zhes bya ba'i don to/ /gang gi phyir de ltar gyur pa de'i phyir gzhan gyi don rab tu bzang ba ni legs par bshad pa'o/ /de lta bu'i tshigs su bcad pa gnyis kyis bud med kyi spyod pa mi legs pa dang 'dra ba'i spyod pa bshad nas/ bud med kyi spyod pa legs pa de bshad par bya ste/ tha mal ba'i skye bos kyang bud med g.yon can dbang du mi 'gyur te/ 'on kyang brtan pa'i khyad par can gyi byang chub sems dpa' lta smos kyang ci dgos te/ de ltar khyod la gnod mdzad kyang/ /nongs pa tsam du mi brtsi bas/ /khyod kyi bzhed pa kho na dang/ mthun 'jug pa ni legs par gda' / /de ltar khyod la gnod mdzad kyang zhes bya ba ni rgyas pa'o/ /khyod kyi srog pas kyang gzhan gyi srog la gces par dgongs pa'o/ /des na thugs rje 'di ni khyod kyi bzhed pa dang rjes su mthun zhing khyod kyi thugs dang mi 'gal bar 'jug pa ni sems can la sman pa'i slad du 'jug pa'o/ /legs pa ni yin pa'o/ /ji ltar 'di shes par bya zhe na/ bshad pa/ de ltar khyod la gnod mdzad bya ba la sogs pa la/ de ltar zhes bya ba ni snga ma bzhin du bshad par bya'o/ /yang na de ltar zhes bya ba ni lan brgyar bcad nas gtor mar btang ba la sogs pa'i rnam pa des so/ /kyang ni gang gi phyir gyi don to/ /gnod mdzad kyang zhes bya ba ni gzir bar yang mdzad pa'o/ /khyod ni bcom ldan 'das so/ /mi brtsi bas ni legs pa yin gyi bdug pa can ni ma yin no zhes bya ba'i don to/ /gang gi phyir nongs pa can du mi brtsi zhe na/ bud med gdug pa can ni dor ba'i rigs na khyod kyi thugs rje 'di dor bar ma mdzad pas nges par 'di ni nongs pa can du mi brtsi bas nongs par mi mdzad pas/ zhes bya ba'i don to/ /de ltar 'dor dgongs pa dang rjes su mthun pa'i phyir thugs rjes bud med kyi spyod pa legs pa dang 'dra ba tshigs su bcad pa 'dis gsal bar rtogs par bya'o zhes bya ba ste/ thugs rje la bstod pa'i bshad pa'o/ /thugs rje la bstod pa zhes bya ba'i bshad pa ste le'u drug pa'o// // gsung la bstod pa'i dbye ba bcu gcig te/ de la tshigs su bcad pa gang gis tshig gi don gyi dbye ba gang yin pa bshad pa de ni phyis bshad par bya'o/ /de la tshig bzang ba dang don che dang zhes bya ba'i tshigs su bcad pa gnyis te/ tshig bzang ba dang don che dang/ / bden pa dang ni snyan pa dang/ /zab gsal gnyi ga'i don ldan dang/ /bsdus dang spros pa dang ldan pa/ /khyod kyi gsung ni de lta bu/ /khyod kyi dgra bo thos na yang/ /thams cad mkhyen pa legs so zhes/ /su zhig nges pa skye mi 'gyur/ /tshig bzang ba dang zhes bya ba bshad par bya ste/ tshig bzang ba'i gsung gang la yod pa de ni tshig bzang ba ste/ tshig gsal ba zhes bya ba'i don to/ /tshig gsal ba yin na yang sgeg pa'i sdeb sbyor la sogs pa dang 'dra bar don mi che ba ma yin nam zhe na/ smras pa/ don che ba ni mtho ris pa thar pa gsal ba'i phyir ro/ /drang srong ser skya la sogs pa'i tshig kyang de ltar gsal ba yin te/ 'on kyang phyin ci log gi don gsal ba zhes bya bas na de dag las kyang khyad par du bshad par bya ste/ bden pa zhes bya ba ni phyin ci log ma yin zhes bya ba'i don to/ /bden pa ma yin pa phal che ba ni snyan pa yin te/ 'di dag ni bden pa dang snyan pa yang yin te/ gnyan pa'i rigs so zhes bya ba'i don to/ /ji lta ba bzhin du sbyor ba ni chung ngu dang/ 'bring dang/ dbang po rnon po'i gdul bya'i ngo bo'i phyir zab pa dang/ gsal ba dang/ gnyi ga'i don gang la yod pa de ni zab pa dang/ gsal ba dang/ gnyi ga'i don dang ldan pa'o/ /de la rten cing 'brel par 'byung ba'i tshig gi don dang ldan pa ni zab pa ste zab pa'o/ / sbyin pa la sogs pa yang ba'i don dang ldan pa ni gsal ba'i don to/ /rten cing 'brel bar 'byung ba'i tshig gi don la sogs pa ni gnyi ga'i don dang ldan pa'o/ /bsdus pa ni mdor bsdus pa ste/ ji ltar dge slong dag gzugs zhes bya ba'i chos spang bar bya'o zhes bya ba'o/ /spros pa ni rgyas pa'o/ /'di lta ste/ dge slong dag gzugs ni bdag ma yin te/ dge slong dag gzugs bdag yin na gzugs ni gnod pa dang sdug bsngal bar mi 'gyur ro/ /de gnyi ga gang la yod pa de ni bsdus pa dang spros pa dang ldan pa ste/ gdul bya bsdus pa dang spros pa la dga' ba'i dbang du byas pa'i phyir ro/ /su zhig ces bya ba ni mi srid pa'i phyir ro/ /mi 'gyur ni mi 'gyur ba'o/ /thos pa ni thos nas so/ /gsung ni mdo'i sde dang dbyangs kyis bsnyad pa'i sde la sogs pa'o/ /de lta bu ni ji ltar bshad pa'i rnam pa dang ldan pa'o/ /khyod kyi ni khyod kyi'o/ /khyod kyi ni bcom ldan 'das la'o/ /rjes su chags pa dang 'bring 'ba' zhig tu ma zad kyi dgra bos kyang zhes bya ba ni yang gi sgra'i don to/ /thams cad mkhyen pas na thams cad mkhyen pa zhes bya'o/ /nges pa ni nges pa'i rkyen zhes bya'o/ /de lta bu'i tshigs su bcad pa gnyis kyis bcom ldan 'das kyi gsung la thams cad mkhyen pa kho nar gsal ba ni dbye ba dang po'i bshad pa'o/ /gzhan yang/ mang po'i ril gyis snyan ma lags/ /bcos ma 'ga' tsam snyan par bas/ /khyod kyi gsung don grub pas kyang/ /thams cad legs gsungs kho na lags/ /mang po ril gyis snyan ma lags zhes pa ni rgyas pa'o/ /mang po ni phal? ched snyan pa ste/ thos pa dang rjes su mthun pa'o/ /gsung thams cad ces bya ba ni bshad par 'gyur ro/ /bcos pa 'ga' tsam zhes bya ba ni gang zhig 'dod pa'i bde ba'i longs spyod la zhe na de ni de dang rjes su mthun pa'i gsung gis 'dul bar ma nus so/ /bcos pa 'ga' tsam gyi gsung ni snyan pa ma yin zhes bya ba'i don to/ /dper na 'dod pa'i bde ba la chags pa'i srid pa las 'jigs pa bstan par bya ba'i phyir gsungs pa ni/ de ltar 'bar bar gyur pa la/ /rangs dang dga' pa ci zhig yod/ /mun pa'i nang du gnas pa yis/ /sgron ma ji ltar tshol mi byed/ ces bya ba'o/ /gzhan kha cig 'di ltar smra bar byed/ bcos pa'i gsung ni snyan pa ma yin te/ dper na lhas byin la bcom ldan 'das kyis bka' stsal pa/ rmongs pa'i skyes bu sha ri'i bu dang maung+gal gyi bu la yang dge slong gi dge 'dun gtod par mi byed na khyod la gtod pa lta smos kyang ci dgos/ /gang gi phyir shAkya rnams kyi bran mo'i bu am ba Sh+Ta zhes bya ba'i skye bo'i ro'i mchil ma za bar khyod 'gyur ro zhes bya ba'o/ /de bas na mi bzad pa'i bsam pa dang ldan pas gnas par 'os pa'i gdul bya la thugs rjer dgongs pa'i bcom ldan 'das kyis bka' stsal to/ /de'i yang mi snyan pa ma yin pa dang/ rtsub mo ma yin pa ste/ thugs nyon mongs pa dang mi ldan pa'i phyir ro/ /gsung zhes bya ba'i don ni bshad zin to/ /don grub pa ni mtho ris dang thar pa'i don bsgrub par bya ba'i phyir ro/ /kyang gi sgras ni don gzhan ston pa'o/ /thams cad ces bya ba ni snyan pa dang mi snyan pa'o/ /legs par gsungs pa ni legs par gsungs pa'o/ /de lta bu'i tshigs su bcad pa 'dis shAkya rnams kyi tshig snyan pa ste/ dbye ba rnam pa gnyis pa bshad do/ /de nyid bshad par bya ste/ khyod kyi gsung ni rnam brtags na/ /gang zhig 'jam dang rtsub pa dang/ /gang yang de gnyis ldan pa dang/ /thams cad ro gcig nyid du 'gyur/ /gang zhig 'jam pa ni snyan pa'i gsungs zhes 'chad par 'gyur ro/ /ci 'dra ba yin zhe na/ gzhi bstan pa'i mdo las/ ji skad gsungs pa ni 'di ni lus kyi legs par spyad pa dang/ 'di ni lus kyis legs par spyad pa'i rnam par smin pa'i 'bras bu dang/ 'di ni ngag dang yid kyi legs par spyad pa'i rnam par smin pa'i 'bras bu dang/ 'di ni lha dang mi rnams zhes bya ba'o/ /gang zhig rtsub pa zhes bya ba ni rtsub pa dang rjes su mthun pa'o/ /ji lta ba bzhin du mdo de nyid las/ 'di ni lus kyi nyes par spyad pa dang/ 'di ni lus kyi nyes par spyad pa'i rnam par smin pa'i 'bras bu dang/ 'di ni ngag dang yid kyi nyes par spyad pa dang/ 'di ni ngag dang yid kyi nyes par spyad pa'i rnam par smin pa'i 'bras bu dang/ /'di ni dmyal ba dang/ dud 'gro dang/ yi dags dang zhes bya ba'o/ /gang yang de gnyis dang ldan pa zhes bya ba ni gang zhig gsung de gnyis ni 'jam pa dang rtsub pa dag ste/ ldan pa ni ldan pa zhes bya ba'i don to/ /de bzhin du mdo de nyid las/ 'di ni lus kyi legs par spyad pa zhes bya ba snga ma bzhin dang/ de bzhin du 'di ni lus kyi nyes par spyad pa zhes bya ba snga ma bzhin no/ /thams cad ces bya ba ni 'jam pa dang rtsub pa'i dang gnyi ga dang ldan pa'i gsung ro gcig pa nyid ni thar pa gcig gis mdza' brtags pa ni rnam par spyod pa ste/ 'gyur ba ni 'gyur ba'o// khyod kyi ni gsung ngo/ khyod kyi gsung ni rjes su chags pa dang/ khong khro ba med pa'i phyir dang/ thugs rje dang 'brel ba'i phyir rnam par dpyad na thams cad ro gcig par 'gyur te/ legs par spyod pa la gnas pa'i sbyor bas thar pa thob par mdzad pa ste/ bsdus pa'i don to/ /de lta bu'i tshigs su bcad pas gsung thar pa dang ro gcig pa ste/ dbye ba gsum pa bshad do/ /de yi phyir na ngo mtshar bar yid kyis bstod par bya ste/ e ma'o shin tu yongs dag pa'i/ /'phrin las rnams ni rab tu bzo/ /de yis rin chen gsung rnams kyi/ /snod 'di 'dra ba 'di bgyis so/ /e ma'o shin tu yongs su dag pa'i zhes bya ba ni rgyas pa'o/ /kye ma'o zhes bya ba ni ngo mtshar ba'o/ /shin tu yongs dag pa'i/ 'phrin las ni dkar po 'ba' zhig te/ gya gyu ba rtag tu spangs pa'i phyi zhes bya ba la sogs pa'o/ /bzo zhes bya ba ni mkhas pa'o/ /rab tu ni khyad par dang ldan pa zhes bya ba'i don to/ /'phrin las des zhes bya ba ni byed pa'i tshig yongs su gyur pa dang sbyar ro/ /'di zhes bya ba ni dad pa skyes pas mngon sum dang 'dra bar srid par byed de/ rin chen gsung rnams kyi zhes bya ba ni tshig bzang ba dang don che ba la sogs pa'i rnam pas shin tu dkon pa'i phyir gsung rnams ni rin chen no/ /'di 'dra ba ni rnam pa 'di dang 'dra ba ste/ mtshan dang dpe byad kyis brgyan pa'o/ /snod ni rten no/ /bgyis so zhes bya ba ni skyed pa dang nges par bsgrubs pa ste/ rin chen gsung dang rjes su mthun pa zhes dgongs so/ /gsung gi rin chen rnams kyi snod 'di ji lta bu yin zhe na/ bshad pa/ khyod zhal blta na rab sdug pa/ /de las mnyan na snyan pa yi/ /gsung 'di dag ni zla ba las/ /bdud rtsi 'dzag pa bzhin du 'byung/ /khyod zhal blta na rab sdug pa zhes smos pa la/ zhal de las zhes bya ba ni 'chad par 'gyur ro/ /na ni gang gis phyir zhes bya ba'i don to/ /blta na sdug pa zhes bya ba ni blta na sdug pa ste blta bar 'os pa zhes bya ba'i don to/ /'di ni gsung zhes 'chad par 'gyur ro/ /ci 'dra ba yin zhe na/ mnyan na snyan pa'o/ /zhal nam zhal las 'dzag pa ste/ 'dzag pa bzhin du 'byung ba'o/ /khyod kyi gsung gi mtshan nyid ni bshad zin to/ /zla ba las bdud rtsi 'jig pa bzhin du 'byung zhes bya ba la/ zla ba ni bdud rtsi'i rang bzhin zhes 'jig rten la grags pa'o/ /ji ltar de las zhu ba'i rang bzhin gyi bdud rtsi 'dzag pa de bzhin du/ bcom ldan 'das kyi zhal gyi zla ba las don dam pa dang mya ngan las 'das pa thob pa'i phyir na gsung kho na bdud rtsi 'dzag pa bzhin 'byung ngo zhes bstan to/ /de lta bu'i tshigs su bcad pa gnyis kyis gsung dang rjes su mthun pa'i rten pa ste/ dbye ba bzhi pa bshad do/ /gzhan yang/ khyod kyi gsung ni 'dod chags kyi/ /rdul rab zhi mdzad char sprin 'dra/ /zhe sdang sprul ni 'don pa'i phyir/ nam mkha' lding dang 'dra ba lar 'dod chags kyi rdul rab zhi bar mdzad ces smos pa la/ /'dod chags kho na rdul te/ sngo ba thi ba la sogs pa mi sdug pa bstan pas de rab tu zhi bar mdzad pa ni sel bar mdzad pa zhes bya ba'i don to/ /gsung gi don ni bshad zin to/ /khyod ni khyod kyi'o char sprin 'dra zhes bya ba ni char sbyin ma yin pas char sprin dang 'dra bar spyod pas na char sprin dang 'dra ba'o/ /b+h+ri sha la sogs pa'i sgra la kya'i rkyen can te/ de ltar 'chad par 'gyur ba'i sbyor ba la yang shes par bya'o/ /nam mkha' i lding dang 'dra ba zhes smos pa la/ nam mkha' lding ni nam mkha' lding ngo/ /de dang 'dra bar spyod pa ste/ byams pa la sogs pa bstan pas zhe sdang sprul ni gdon pa'i phyir zhes smos pa la/ zhe sdang nyid sbrul te khro ba'i dug 'byin pa'i phyir ro/ /gdon pa'i phyir zhes bya ba ni de la brten nas zhes bya ba'i don to/ /gzhan yang/ yang dang yang du mi shes pa'i/ /rab rib 'joms pas gdugs dang 'dra/ /nga rgyal ri bo mngon 'joms pas/ /brgya byin mtshon cha 'dra ba lags/ /gdugs dang 'dra ba zhes bya ba ni rgyas pa'o/ /gdugs bzhin du spyod pas na gdugs dang 'dra ba'o/ /yang dang yang du zhes bya ba ni slar yang rten cing 'brel par 'byung ba bstan pas sngon gyi mdza' dang/ phyi ma'i mdza' dang/ dbus kyi mdza' gsal ba'i phyir na gdugs dang 'dra ba'i gsung zhes thams cad la drang bar bya'o/ ci zhig mdzad ce na/ bshad pa/ mi shes pa'i rab rib 'joms pas zhes bya ba la/ /mi shes pa ni ma rig par grags pa ste/ yang dag pa'i lta ba la sgrib par byed pa'i rab rib de rnam par sel bar mdzad ces bya ba'i don to/ /brgya byin gyi mtshon cha rdo rje ste/ de dang 'dra bar spyod pa'o/ /nga rgyal ni mtho ba'i mtshan nyid dang chos mthun pa'i phyir na ri bo ste ri bo'o/ /de 'joms pas na brgya byin gyi mtshon cha dang 'dra ba ste/ las bdag gir bya ba kho na dang/ bdag med pa las 'byung ba'i phyir ro/ /las bdag gis bya ba bsams na 'di ltar 'gyur te/ las las rigs dang/ gzugs dang/ lang tsho la sogs pa gzhan rnams kyang yin no/ /'di ni bdag med pa dang/ 'dus byas pa tsam nyon mongs pa'i gzhan dbang du gyur pa'i las las byung bas na rnam gang gis ?/ nga rgyal byed ces bya ba'o/ /de lta bu'i tshigs su bcad pa gnyis kyis 'dod chags dang/ zhe sdang dang/ gti mug dang/ nga rgyal 'joms pa ni gsung yin pas na dbye ba lnga pa bshad do/ /gzhan yang/ don gzigs pas na mi bslu ba/ nongs mi mnga' phyir rjes su mthun/ /legs par sbyar bas go sla ste/ khyod kyi gsung ni legs gsum ldan/ /don gzigs pas ni ma bslu ba zhes bya ba ni rgyas pa'o/ /don gzigs pa gang yod pa de ni don gzigs pa'o/ /gsum zhes bya ba ni 'chad par 'gyur ro/ /de yi rang bzhin ni don gzigs pa'i phyir na mi bslu ba ste/ bden pa zhes bya ba'i don to/ /bcom ldan 'das kyi gsung don ni mi bslu bar mthong ste/ de'i gsung la rjes su 'jug pa rnams kyi mtho ris dang thar pa thob pa'i phyir ro/ /dper na nga yongs su mya ngan las 'das pa'i lo brgya'i 'og tu rgyal po gtum po mya ngan med ces bya ba 'byung bar 'gyur ro/ /des ni nub gcig la chos kyi rgyal po'i mchod rten brgyad khri byed par 'gyur ro zhes bcom ldan 'das kyis gsungs so/ /de bzhin du ma 'ongs pa'i dus su khu ta ka zhes bya ba'i mi rnams kyi mgo bo la gnyer ma lhags par 'gyur ba dang/ bu mo gzhon nu las kyang bu skye bar 'gyur ro zhes bya ba la sogs pa thams cad nye bar dmigs par bya'o zhes bya ba'o/ /yang na don gzigs pa'i gsung ba ni mi bslu ba yin no/ /ma rig pa la sogs pa 'joms pa'i ye shes kyis gang gis don gzigs pa de ni don gzigs pa ste/ de ni bcom ldan 'das kho na'o/ /de yi gsung ni mi bslu ba ste/ don gzigs pa'i phyir ro/ /'dod chags la sogs pas dkrugs pa'i sems dang ldan pa rnams kyi tshig ni rjes su mi mthun pa ste/ bcom ldan 'das kyi ni nongs pa mi mnga' ba'i phyir na/ rjes su mthun pa ste/ drang srong rgyas pa la sogs pa dang 'dra bar snga phyir mi mthun pa ni ma yin no/ /zhes dgongs pa'o/ /go sla zhes bya ba ni gdul bya'i skye bos rtogs par mdzad pa'o/ /legs par sbyar ba zhes bya ba ni ji ltar gdul byas phal ba'i tshig dang/ chos skad dang/ kla klo'i tshig gi dbye bas don shes pa de bzhin du legs par sbyar ba zhes bshad do/ /de yi phyir don gzigs pa dang/ rjes su mthun pa dang/ go sla ba ste legs pa gsum gang la yod pa de ni legs pa gsum dang ldan pa ste/ khyod kyi gsung ngo/ /ni'i sgra ni tshig gi kha bskang pa'o/ /rnam pa gsum po de dag gis yongs su dag pa'i gsung dag gis ston pa nyid du grags pa'i tshigs su bcad pa 'dis dbye ba drug pa bshad do/ /gzhan yang/ re zhig dang por khyod kyi gsung/ /nyan pa rnams kyi yid 'phrog mdzad/ /de nas yid la bsam bgyis na/ /rdul dang mun pa dag kyang sel/ /nyan pa rnams kyi yid 'phrog mdzad ces bya ba la/ yid ni sems dag go /re zhig ces bya ba ni rim pa'i don to/ /nyan po rnams kyi ste/ yan lag lnga dang ldan pa'i dbyangs kyis gzhan du rjes su mi 'brang ba'i phyir yid 'phrog pa mdzad pa'o/ /dang por ni dang por ro/ /gsung ni gsung ngo/ khyod ni khyod kyi zhes bya ba'o/ /nyan pa las phyi ma'i dus su yid la bsam bgyis na zhes bya ba dang sgom pa'i rim pas so/ /rgyud la dri mas gnod pa'i phyir rdul ni nyon mongs pa thams cad do/ /mun pa zhes bya ba ni gti mug go /nyon mongs pa'i rigs ma lus pa ni gti mug sngon du song ba'i phyir gti mug log par bshad do/ /'dod chags ni rdul gyi tshig gis spong ba tsam zhig bstan te/ 'dir ni gsung gcig nas gcig gis nyon mongs pa rtsa ba dang bcas par 'joms pa bshad de/ des ni yid 'phrog par byed pa'i dbye ba bdun pa bshad do/ /gzhan yang/ phongs pa rnams kyi dbugs 'byin cing/ /bag med rnams ni skrag par mdzad/ /bde ba can dag skyo mdzad pas/ /khyod gsung kun dang 'tsham par 'jug /phongs pa rnams kyi dbugs 'byin cing/ /zhes smos pa la phongs pa rnams ni nyon mongs pa thob pa ste/ nyon mongs pa de las nges par 'byung ba bshad pa dbugs 'byin pa zhes bya bas na phongs pa rnams kyi dbugs 'byin pa'o/ /gsung zhes bya ba ni 'chad par 'gyur ba'o/ /dper na nya pa dag gis nya rgyas nya dang rigs mthun pa'i chu srin 'gram du drangs pa shin tu sdug bsngal ba dang ldan pas bcom ldan 'das kyi mthus smras pa ni 'di nas bdag shi 'phos nas sems can dmyal bar skye bar 'gyur ro/ /zhes smras pa de la/ bcom ldan 'das kyis gsungs pa/ nga ni thugs rje ldan rgyal la/ /sems ni legs par dad par gyis/ /dud 'gro'i skye gnas spangs nas ni/ /de nas mtho ris 'gro ba 'gyur/ /zhes bya ba'i tshigs su bcad pa 'dis dbugs dbyung bar mdzad do/ /bcom ldan 'das la sems rab tu dang pas lha rnams kyi nang du skyes pa dang/ bcom ldan 'das kyi thad du phyin pas bden pa mthong bar gyur to zhes bya'o/ /de bzhin du sdug bsngal dang ldan pa'i sbrul gdug pa la sogs pa gzhan rnams kyang dper bshad par bya'o/ /bag med rnams ni skrag par mdzad/ /ces bya ba ni dge ba'i bya ba la rtse gcig pa med pa'i bag med pa dag la sdug bsngal ba bstan pas 'jigs pa gsal bar mdzad pa ste/ ji ltar 'bras bu smin pa na/ /rtag tu ltung ba'i 'jig pa dang ldan/ /de bzhin skyes pa'i mi rnams ni rtag tu 'chi ba'i 'jigs dang ldan/ /zhes bya ba'o/ /nyung ngu la longs spyod pa bstan pa dang/ yang na skye ba dang 'jig par bstan pas phal cher 'dod pa'i bde bas bde ba dang ldan pa rnams kyi skyo bar bgyid pa ni 'dod chags dang bral ba bskyed par mdzad pa'o/ /dper na/ nyung dang sdug bsngal mang por ldan/ /'dod pa mkhas pas rnam shes pas/ /lta yi 'dod pa rnams la yang/ /lhag par dga' bar mi 'gyur ro/ /'dus byas rnams ni mi rtag te/ /skye dang 'jig pa'i chos can pas/ /skyes nas 'jig par 'gyur bas na/ /de rnams myur du zhi na bad/ /zhes bya ba'i tshigs su bcad pa gnyis so/ /de yi kun dang 'tsham pa ni 'tsham pa dang mthun par 'jug pa'i ngang tshul gang la yod pa de ni kun dang 'tsham par 'jug pa ste khyod kyi gsung ngo/ /de lta bu'i tshigs su bcad pa 'dis khyod gsung kun dang 'tsham par 'jug pa'i dbye ba brgyad pa bshad do/ /gzhan yang/ mkhas pa rnams kyi dga' ba skyed/ /bar ma rnams kyi blo yang spel/ /tha ma'i rab rib rnam 'joms pas/ /gsung 'di skye bo kun la sman/ /mkhas pa rnams kyi dga' ba bskyed ces bya ba ni rgyas pa'o/ /mkhas pa ni dbang po rnon po rnams kyi skye/ dga' ba ni yid bde ba skyed pas dga' ba skyed pa ste/ bton pa tsam gyis rtogs pa'i phyir ro/ /gsung zhes bya ba ni 'chad par 'gyur ba'o/ /dper na sngon chu srin las lha'i bur gyur pa de nyid kyis bden pa'i rang bzhin mthong nas tshong bas khe snyed pa dang 'dra bar yid bde ba thob pas 'gro bar gyur to zhes rgyas par gsungs pa'o/ /par ma rnams dbang po bar ma rnams kyi thos pa dang/ bsam pa la goms pa'i sbyor bas bsgom pa'i rang bzhin gyis shes rab nye bar bsdus pa'i phyir blo spel bar mdzad pa'o/ /tha ma ni dbang po dman pa rnams kyi mi shes pa'i rab rib 'joms pas na rab rib 'joms pa ste/ las dang 'bras bu'i 'brel ba nges par bskyed par mdzad pa'i phyir ro/ /de bas na dbang po rnon po dang/ bar ma dang/ tha ma'i skye bo la sman pas na skye bo kun la sman pa ste gsum de nyid bshad pa'o/ /de lta bu'i tshigs su bcad pa 'dis gsung ni skye ba kun la sman pa ste dbye ba dgu pa bshad do/ /slar yang/ lta ba dag las dga' mdzad cing mya ngan 'das par nye bar 'dren/ /nyes pa sel mdzad khyod kyi gsung ngo/ /yon tan rnams kyi char yang 'bebs/ /lta ba dag las dgar mdzad cing zhes smos pa la / dkar ba mdzad pa ni ring du mdzad pa'o/ /gsung zhes bya ba ni 'chad par 'gyur ro/ /lta ba dag ni 'jig tshogs dang mthar 'dzin la sogs pa dag las te/ nyon mongs pa zad par mdzad pa bstan pas mthong ba'i lam 'byung ba'i phyir ro/ /mya ngan las 'das par nye bar 'dren zhes bya ba ni nyon mongs pa zad par mdzad pa bstan pa nyid kyis bsgom pa'i lam bskyed pa'i phyir phung po'i lhag ma dang bcas pa'i mya ngan las 'das par nye bar 'dren par mdzad ces bya ba'i don to/ /nyes pa sel mdzad ces bya ba ni nyon mongs pa spang ba bstan pa nyid kyis mi slob pa'i lam skyed pa'i phyir/ /nyes pa ni khams gsum pa'i ma lus par sel bar mdzad pa ste/ rab tu sel bar mdzad pa ni rab tu sel bar mdzad pa'o/ /dgra bcom pa nyid thob par mdzad pa'i phyir nyon mongs pa med pa dang/ smon lam gyi ye shes la sogs pa'i yon tan rnams kyi char yang 'bebs te/ de bskyed pa'i phyir bstan par mdzad pa'i phyir ro/ /de lta bu'i tshigs su bcad pa 'dis gsung thos pa dang/ bsgom pa dang/ mi slob pa'i lam dang mthun pa ste dbye ba bcu pa bshad do/ /dran pa dang blo dag thogs pa dang ldan pa'i phyir drang srong rgyas pa la sogs pa'i tshig ni brdzun pa yin te/ bcom ldan 'das ni/ kun la ma thogs thugs mnga' zhing zhes bya ba rgyas par bshad par bya ste/ kun la ma thogs thugs mnga' zhing/ /dgongs pa'ang kun tu nyer gnas pas/ /de slad khyod kyi lung bstan kun/ /thams cad la yang bslu mi mnga' / /kun ni shes bya rnams la ste thogs pa mi mnga' ba ni thogs pa mi mnga' ba'o/ /thugs ni shes rab ste/ nyon mongs pa'i sgrib pa dang/ nyon mongs pa dang nyon mongs pa ma yin pa'i mi shes pa spangs pa'i phyir ro/ /khyod kyis zhes bya ba ni 'chad par 'gyur ro/ /kun tu zhes bya ba ni shes bya nyid las te/ nye bar gnas pa ni mnyam par gzhag pa'o/ /dgongs pa ni yul la 'dod pa'o/ /bslu ba ni 'bras bu med pa bshad pa'o/ /bslu ba mi mnga' ba ni mi bslu ba ste 'bras bu dang bcas pa zhes bya bar dgongs pa'o/ /de slad ces bya ba ni rgyu yin pa'i phyir ro/ /kun la thugs dang dgongs pa dag mnyam par gzhag pa'i phyir khyod kyis lung bstan pa kun ni gdams ngag ste/ bslu ba mi mnga' ba zhes bya ba'i don to/ /'di'i phyir yang mi bslu ba ste/ gang slad yul min dus min dang/ /snod min rnams su mi 'jug pa/ /de slad khyod gsung don mchis te/ /brtson 'grus legs par brtsams pa bzhin/ /gang slad yul min dus min dang zhes bya ba la sogs pa smos pa la/ /gang slad ces bya ba ni gang gi phyir ro/ /yul min ni yul kho na la rab tu 'jug pa ste/ gdul bya'i dgos pa'i phyir ro/ /ji ltar cho 'phrul chen po ston pas bzhed pas / rgyal po'i khab nas gnyan yod du gshegs so/ /gang gi phyir dus min pa ni dus kho na la rab tu 'jug pa'o/ /ji ltar yun ring por bcom ldan 'das kyis cho 'phrul chen po ston par mdzad pa zhes bya ba rgyal po gsal rgyal gyis dris pas zhag bdun 'das pa na zhes gsungs pa ste/ dus de tsam gyis gdul bya'i rgyud de yongs su smin par gzigs pa'i phyir ro/ /gang gi phyir snod min ni rdzogs byed la sogs pa snod ma yin pa'o/ /snod ni thar pa'i sa bon dang ldan pa'i snod kho na la 'jug pa'o/ /de rnam ni rgyu des don mchis pa ste khyod kyi gsung ni don dang ldan pa'o/ /sangs rgyas bcom ldan 'das rnams ni 'bras bu don dang bcas pa'i chos ston pa zhes bya ba'o/ /ji lta bu zhe na/ smras pa/ brtson 'grus legs par brtsams pa bzhin zhes bya ba ni bcom ldan 'das kyis gsungs te/ byis pa'i brtson 'grus kyis le lo skye bar 'gyur ro/ /shin tu brtsams ches pas ni rgod par 'gyur ro/ /de ltar mdza' gnyis spangs nas bar ma'i lam gyis brtson 'grus brtsam par bya zhes bya ba'o/ /de ltar yang dag par brtsams pa'i brtson 'grus don dang ldan par 'gyur zhing nges par thar pa nyid du 'gyur ba de bzhin du rgyu de las gsung ni don mchis pa zhes bya ba'o/ /de lta bu'i tshigs su bcad pa gnyis kyis gsung don dang ldan pa'i 'bras bu'i rang bzhin te/ dbye ba bcu gcig pa bshad pa ni gsung la bstod pa'i bshad pa'o/ /gsung la bstod pa'i bshad pa zhes bya ba ste le'u bdun pa'o// //gsung gi don gang yin pa de ni bstan pa yin pas na gsung la bstod pa'i 'og tu bstan pa la bstod pa bshad par bya ste/ bgrod pa gcig dang thabs bde dang/ /legs par 'brel dang nyes pa med/ /thog ma bar dang mthar dge ba/ /khyod kyi bstan 'dra gzhan la med/ /bgred pa gcig dang thabs bde dang zhes bya ba la sogs pa smos pa la/ gang gis bgrod pas na bgrod pa ste bgrod pa ni lam mo/ /gcig kyang yin la bgrod pa yang yin pas na bgrod pa gcig pa ste/ bstan pa zhes 'chad par 'gyur ro/ /lta ba rnam par dag bya'i phyir/ /lam 'di las ni gzhan pa med/ /ces mdo las bshad pa'o/ /lam gcig kho na yin te/ dper na de bzhin gshegs pa'i bstan pa zhes bshad de/ /yang na thar pa gcig pu kho na thob par bya ba'i phyir bgrod pa ni bgrod pa gcig pa'o/ /gcig gis bgrod pa zhes bya ba ni drug pa'i bsdu ba'o/ /shing sha pa'i lo ma dang 'dra ba'i mdo las ji ltar gsungs pa ni chos gang zhig mngon par shes pa dang/ yang dag par byang chub pa dang/ mya ngan las 'das pa'i phyir yang dag par 'jug pa de rnams nyid kyis mkhyen cing mngon par rdzogs par sangs rgyas nas bshad do/ /zhes bya ba'i thabs bde zhes bya ba la thabs ni sbyar ba'o/ /gdungs pa la sogs pa'i dka' ba'i dka' thub dgag pa'i phyir thabs bde ba gang la yod pa de ni thabs bde ba ste/ bde ba dang ldan pas sems mnyam par gzhag par 'gyur ro zhes mdo'i tshig yin pa'i phyir ro/ /ji srid thar pa ma thob pa de srid du lha dang mi rnams kyi 'bras bu legs par 'brel pa'i ngang tshul gang la yod pa de ni legs par 'brel pa dang ldan pa'o/ /nyes pa ni skyon te/ 'dod chags la sogs pa'i nyes pa dang mi ldan pa'i phyir na nyes pa med pa'o/ /thog ma ni thos pa'i dus dang/ bar ma ni bsam pa'i dus dang/ tha ma ni bsgom pa'i dus su/ dge ba ste/ mngon par mtho ba dang/ nges par legs pa'i mtshan nyid dang ldan pa'o/ /nga yi phyir rgyur gyur pa'i phyir thog ma bar dang mthar dge ba ni bstan pa'o/ / khyod kyi 'dra ba gzhan la med pa ni drang srong ser skya dang/ pe lu ka dang/ gcer bu pa la sogs pa rnams kyis bstan pa'o/ /'di la ni rnam pa thams cad du bsten pa'i rigs so/ /de bzhin du yang/ khyod kyi gzhung lugs de lta bu/ /gcig du phangs la lta chags pas/ /byis pa gal te smod bgyid na/ /lta dang 'dra ba'i dgra ma mchis/ /gcig du spangs la zhes bya ba ni rgyas pa'o/ /de lta bu'i bgrod pa gcig pa la sogs pa'i cho gas so/ /gcig tu phangs pa ni 'dod par bya ba'o/ /gcig tu phangs pa khyod kyi gzhung lugs zhes 'chad par gyur ro/ /mu stegs pa ngan pa'i lta ba la chags pa ni lte ba la chags pa ste/ lta ba la chags pa'i rgyur gyur pa des so/ /byis pa ni byis pa kho na'o/ /gzhung lugs ni bstan pa'o/ /gal te zhes bya ba ni ? pa'i ?/ /smod pa ni smod par bgyid pa'o/ /ma mchis pa ni ma mchis pa'o/ /lta ba dang 'dra ba ni lta ba dang 'dra ba'i dgra ste/ lta ba kho na'o/ /de rnams nyid kyi dgra'i mchog te/ gang gis khyod kyi dge ba dang ldan pa'i bstan pa las byis pa de rnams sun 'byin par byed do zhes bya ba ni mdor bsdus pa'o/ /gzhan ni 'gro ba'i don slad du/ /sdug bsngal mang bstar gang lags pa/ /de bsams khyod bstan ngan na yang/ /gnas par bgyis pa la thug na/ /bstar ba ni khyod kyis nyams su myong ba zhes bya ba'i don to/ /gzhan ni khyod kyis bstar ba lags / zhes brjod pa ni khyod kyis bstar ba lags zhes bya ba'i don to/ /sdug bsngal gang zhes bya ba dang sbyar ro/ /don slad du zhes bya ba ni de yi rgyu mtshan gyi phyir ro/ /gang gi yin zhe na/ 'gro ba yi'o/ /sdug bsngal zhes bya ba ni byang chub tu thugs bskyed pa nas mya ngan las 'das pa'i bar dang/ dmyal ba dang/ dud 'gro rnams kyi yang rnam pa du ma'i sdug bsngal mang po de ni sdug bsngal ba'o/ /bsam pa ni dran pa yis so/ /ngan na yang zhes bya ba ni mi mdzes pa la yang ngo/ /yang gi sgra ni mi srid pa yang ste/ shin tu nye bar zhi ba bstan to/ /gnas par bgyi ba la thug na zhes bya ba ni gnas par bya ba'i rigs so/ /khyod kyi bstan pa ni khyod kyis gsungs pa'i cho ga la'o/ /bshad pa ni 'di yin te/ sman par mdzad pa'i phyir khyod kyi bstan pa ngan na yang byas pa gzo bas gnas pa'i rigs so/ /phan pa gsung zhing phan mdzad pa/ /khyod kyi bstan pa ci smos te/ /mgo la zhugs ni 'bar bas kyang/ /ci yi slad du sgrub mi bgyi/ /phan pa mdzad pa ci smos te zhes bya ba smos pa la/ ci smos te/ zhes bya bas ni the tshom med pa bstan te/ phan pa mdzad pa zhes bya ba ni rdzu 'phrul gsal ba dang/ gzhan gyi cha lugs 'dzin pa'i thabs kyis phan pa mdzad pa'o/ /phan pa gsung pa zhes bya ba ni phan pa bstan pa'i ngang tshul dang ldan pa'o/ /bstan pa'i mtshan nyid ni bshad zin to/ /ci'i slad du zhes bya ba ni mi srid pa'i phyir te/ rnam pa gzhan mi srid cing rnam pa gang zhig gis sgrub par mi bgyid pa'o/ /mgo la zhugs ni 'bar bas kyang zhes bya ba ni mgo bo zhugs kyis 'bar bar gyur na yang mgo po tshig pa la gtang snyoms byas pas 'phags pa'i bden pa mthong bas khyod kyi bstan pa 'bras bu dang bcas par bya'o zhes bya ba ni dgongs pa'o/ /'di ltar bcom ldan 'das kyis bka' stsal te/ dge slong dag mgo bo 'bar bar gyur pa la btang snyoms su byas nas 'phags pa'i bden pa bzhi mngon du ma gyur pa mngon du bya ba'i phyir 'dun pa dang brtson 'grus chen po'i chen pos ji srid sbyor ba'i bar du bya ba'i rigs so zhes bya ba'o/ /de lta bu'i tshigs su bcad pa de rnams kyis rgyu gang gis bstan pa la 'jug pa de'i rgyu bshad nas/ bstan pa la 'jug pa'i phan yon bshad par bya ste/ khyod kyi bstan pas rang dbang dang/ /byang chub bde dang zhi ba dang/ /khyod kyi yon tan bsngags pa dang/ /legs pa bzhi po 'di kun thob/ /rang dbang dang byang chub bde dang zhes bya ba ni rgyas pa'o/ /rang dbang ni chos nyid de/ de thob pa zhes bya ba ni 'chad par 'gyur ba'o/ /rang dbang ni rang dbang kho na ste/ gzhan gyi dbang du ma gyur pa zhes bya ba'i don to/ /bstan pa la brten nas sred pa spangs pa'i phyir bran du mi 'gyur ste/ sred pa ni bran gyi rgyu yin no/ /sred pa rtsa nas bcad pa na/ /dngos grub lag mthil thob par 'gyur/ /de la glags skabs med pa na/ /bran nyid mgo la gnas par 'gyur/ /zhes de bzhin du gsungs so/ /byang chub ces bya ba la/ sdug bsngal ma lus pa bcom pa'i phyir byang chub kho na bde ba'o/ /bsngags pa zhes bya ba ni mchod pa'o/ /khyod kyi yon tan la bsngags pa byas pas ni khyod kyi yon tan la bsngags pa'o/ /nga'i nyan thos shes rab dang ldan pa'i nang na shA ri'i bu ni lha'i mig du gyur pas na mchog dang/ rdzu 'phrul dang ldan pa rnams kyi mchog ni dge slong maungal gyi bu zhes bya ba'o/ /de lta bu la sogs pa'i yon tan rnams kyis bstod par bya ba'i phyir zhi ba zhes bya ba ni mya ngan las 'das pa'o/ /thob pa ni thob pa'o/ /ci zhig ce na/ legs pa bzhi po 'di kun te/ rang dbang la sogs pa legs pa bzhi po 'di kun thob par 'gyur ba'o/ /gang las she na/ khyod kyi bstan pa las zhes bya ba'i don to/ /de lta bu'i tshigs su bcad pa 'dis bstan pa la 'jug pa'i phan yon bshad nas/ bstan pas bdud bzhi las rgyal ba bshad par bya ste/ dpa' bo khyod kyi bstan pa 'di/ /mu stegs thams cad skrag mdzad la/ /bdud ni sems khongs chud mdzad cing/ /lha dang mi rnams dbugs kyang 'byin/ /mu stegs thams cad skrag mdzad la/ /zhes bya ba la sogs pa la/ /skrag par mdzad ces pa ni skrag pa'o/ /bstan pa zhes bya ba ni bshad par 'gyur ro/ /nges par legs pa lhag par rtogs par bya ba'i phyir 'jug pa ni mu dang 'dra bas na mu'o/ /de legs par brjod pas na mu stegs ni rdzogs byed la sogs pa'o/ /de dag thams cad skrag par mdzad pa ni bdag med pa nyid ston par mdzad pa'i phyir ro/ /gang gi phyir mu stegs pa de rnams kyi bdag tu lta ba gtong bar mi 'dod pa'i de yi phyir chos kun bdag nyid med pa ste zhes bya ba'i de bzhin gshegs pa'i bstan pas skrag par 'gyur ro/ /bdag tu 'dzin pa las byung ba'i nyon mongs pa thams cad ces bya ba de'i phyir bdag med pa bstan pas nyon mongs pa'i bdud ma lus pa las bstan pa rnam par rgyal bar gyur to zhes bshad pa yin no/ /bdud ni lha'i bu'i bdud do/ /de yi sems khong du chud par mdzad pa ni de yi yul las 'das par bstan pa'i phyir lha yi bu'i bdud las rgyal ba nyid bshad do/ /bden pa bstan pas ngan 'gro'i 'jigs pa ni ma yin pas so/ /lha dang mi rnams dbugs kyang 'byin zhes pa ni mi rnams kyi yang tshe sbyin pa'i thabs yin pa'i phyir phung po'i bdud las bstan pa rgyal ba nyid bshad do/ /khyod kyi 'di zhes bya ba ni ji ltar bshad pa'o/ /dpa' o ni bod pa'o/ /'chi bdag gi bdud las rgyal ba bshad par bya ste/ 'chi bdag bstan pa khams gsum gyi/ /sa chen dag la spyod bgyid pa/ /mi thogs zlog pa ma mchis pa'ang/ /khyod kyi bstan pas zil gyis gnan/ /khams gsum gyi sa chen zhes bya ba la sogs pa ni 'dod pa dang/ gzugs dang/ gzugs med pa ni khams gsum mo/ /de nyid kyi sa chen po ni yul chen po'o/ /de la spyod bgyid pa ni khams gsum gyi sa chen po gang la spyod bgyid pa'o/ /'chi bdag gi bstan pa zhes bya ba ni 'chad par 'gyur ro/ yon tan dang ldan pa rnams la yang mi thogs pa zhes bya ba ni thogs pa med pa'i phyir khyad par ma yin pa dang gsod par byed pa zhes bya ba'i don to/ /zlog pa ma mchis pa ni lcags kyu med pa ste/ zlog mi nus zhes bya ba'i tha tshig go /khyod kyi bstan pas zhes bya ba ni bstan gyi bstan pa'i lam gyis so/ /zil gyis mnan pa ni mthu dang bral bar mdzad pa'o/ /'chi bdag ces bya ba ni 'chi bdag gi'o/ /bstan pa ni rab tu 'jug pa zhes bya ba'i don to/ /de ltar gang las rtogs par 'gyur zhe na/ bshad pa/ khyod kyi bstan pa'i lugs 'tshal ba/ /dga' ni bskal par yang gnas la/ /gang du bdud kyis mi rdzi ba/ /der yang dga' mgu rab tu mchi/ /khyod kyi bstan pa'i lugs 'tshal ba/ zhes bya ba ni khyod kyi bstan pa'i tshul shes pas na khyod kyi bstan pa'i lugs 'tshal ba ste/ rdzu 'phrul gyi rkang pa bsgoms pa'i mthu dang ldan pa zhes bya ba'i don to/ /na ni gang gi phyir zhes bya ba'i don to/ /bskal par yang gnas la zhes bya ba ni lo mang po 'ba' zhig tu ma yin gyi/ bskal par yang gnas te/ de ni yang dag par sring ngo zhes dgongs pa'o/ /gang zhig kha cig gis rdzu 'phrul gyi rkang pa bzhi kun tu bsnyen pa dang/ bsgom pa dang/ phu dud byed 'dod pa de ni bskal par gnas pa'am bskal pa las lhag par gnas pa zhes bya ba ni mdo'i tshig go / rab tu mchi zhes bya ba ni 'gro ba'o/ /der zhes bya ba ni phung po'i lhag ma med par mya ngan las 'das par ro/ /yang gi sgra ni yang gi don to/ /der yang rab tu mchi zhes bya ba'i don to/ / ci'i phyir der rab tu mchi zhe na/ gang gi phyir de nyon mongs pas bcings pa las grol ba'i dga' mgu ni rang dbang ngo/ /gang du zhe na/ phung po'i lhag ma med pa'i mya ngan las 'das pa kho nar ro/ /bdud kyis mi rdzi bzhes bya ba ni yul ma yin pa'o/ / gang gi phyir de lta bu yin pa de'i phyir na/ khams gsum gyi sa chen po zhes bya ba sngar sa chen po zhes bya ba'i snga ma'i tshigs su bcad pa'i don rigs so/ /de lta bu'i tshigs su bcad pa de rnams kyis bdud bzhi las bstan pa rgyal bar mdzad pa kho na bshad do/ /gzhan yang/ lung gi don ni bsam pa dang/ /bsgom dang gus par mnyan pa yi/ /dus gsum cha dbye khyod kyi ni/ /bstan las gzhan la mchis ma lags/ /lung gi don ni bsam pa dang/ zhes bya ba ni rgyas pa'o/ /lung zhes bya ba ni gzhan las thos pa'o/ /don bsam pa zhes bya ba ni rigs pa la dmigs pa'o/ /bsgom pa ni ting nge 'dzin tu bshad do/ /gus par mnyan pa ni rab tu sbyor ba ste/ bsgom pa dang gus par mnyan pa de yi'o/ /dang gi sgra ni lung dang don bsam pa yang ngo/ / dus gsum cha dbye zhes bya ba ni re zhig dang por lung gi dus dang/ de nas de yi don bsam pa'i dus dang/ de nas bsgom pa la sbyor ba'i dus zhes bya ba ni dus gsum gyi cha dbye ba'o/ /gzhan la ma mchis pa ni gang du gzhan las she na/ khyod kyi bstan pa las so/ /sangs rgyas kyi bstan pa kho na la thos pa dang bsam pa dang bsgom pa'i rang bzhin gyis shes rab rnams kyi bstan pa yod de/ gzhan la ni ma yin no zhes bya ba ste/ de lta bu ni tshigs su bcad pa 'dis bshad do// bstan pa rjes su mi sgrub pa'i sdug bsngal gang yin pa de bshad par bya ste/ drang srong skyes mchog khyod kyi bstan/ /de ltar legs par khyab 'di la/ /mi gus gang lags de las ni/ /sdug bsngal chen po'ang ci zhig mchis/ /de ltar legs par khyab 'di la/ /zhes bye ba la sogs pa smos pa la/ de ltar zhes bya ba ni rang dbang la sogs pa'i tshigs su bcad pas bsdus pa'o/ /legs par khyab pa ni phan yon gyi tshogs kyi rgyu yin pa'i phyir ro/ /bstan pa legs par khyab pa ni nges par legs par yang dag par khyab pa zhes bya ba'i don te/ khyod kyi bstan pa de dang sbyar ro/ /drang srong ni dgra bcom pa'o/ /de rnams kyi skyes mchog ni 'dren pa dang gtso bo zhes bod pa'o/ /bstan pa ni sngar bshad zin to/ /mi gus pa ni dad par mi byed pa'o/ /gang zhes bya ba ni gang gi gi don la yongs su spyod pa'o/ /ci zhig ces bya ba ni srid par brjod pa'o/ /sdug bsngal chen po 'ang zhes bya ba ni shin tu rang don nyams pa zhes bya ba'i don to/ /de las zhes bya ba ni mi gus pa las so/ /bshad pa'i don ni 'di yin te/ legs par khyab pa'i rgyu khyod kyi bstan pa la mi gus pa'i phyir phyi rol tu lta ba rnams kyi rang gi don chen po nyams pa 'di nyid yin te/ /gzhan ni ma yin no zhes bstan pa la bstod pa'i bshad pa'o/ /bstan pa la bstod pa zhes bya ba'i bshad pa ste le'u brgyad pa'o/ / //smon lam la bstod pa ni/ bcom ldan 'das kyis sngon smon lam bzhes pa ste/ mthong ngam thos sam dran par gyur pa 'am/ /reg gam brjod pa'i tshig gi nyer 'gro yang/ /rnam pa thams cad 'gro la phan pa ni/ /bde dang ldan pa shin tu byed par shog /ces bya ba'o/ /de yi 'bras bu dang bcas pa bstan par bya ste/ khyod thos pas ni spro ba skye/ mthong bas dad pa skye bar 'gyur/ /khyod gsung thos pas dga' 'gyur ste/ / bstan pas rnam par grol bar bgyi/ /khyod thos pas spro ba skye zhes bya ba la sogs pa smos pa la/ thos pa zhes bya ba ni thos pa ste/ sangs rgyas zhes bya ba'i dbyangs 'di'o/ /spro ba skye ba ni mthong ba las mos pa bskyed par mdzad de/ dper na khyim bdag mgon med zas sbyin gyis sangs rgyas zhes bya ba'i sgra sngon ma thos pa thos pas dga' zhing ba spu ldang bas bstan pa la mos par gyur to/ /de yi phyir bcom ldan 'das thos pa tsam gyis der 'gyur ro zhes bya ba'i smon lam 'bras bu dang bcas pa bstan to/ nye bar phongs pa'i srog chags rnams tshim par mdzad pa la sogs pa'i rang bzhin yin pa'i phyir dad pa skye bar 'gyur ba ni dad pa skye bar mdzad pa ste/ mthong ba ni mngon sum du byed pa'o/ /de ltar mthong bas phan par mdzad par 'gyur ro zhes bya ba'o/ / chos bstan pa'i gsung gis dga' bar 'gyur ba ni nyan pa po dga' ba bskyed par mdzad pa zhes bya ba'i don to/ /de ltar 'phags pa nyan thos kyis yang dag par chos mnyan pas dga' ba skye bar 'gyur ba dang/ sems khugs par 'gyur ba dang/ mya ngan las 'das pa la mngon du phyogs par 'gyur zhes pa ni mdo'i tshig go / rnam par grol bar bgyid pa ni nyon mongs pa'i zhags pa dag las so/ /bstan pas zhes bya ba ni 'phags pa'i lam mo/ /gzhan yang chos bstan pa med na yang/ khyod kyi sras kyis mgu bar 'gyur/ /'phel bas skye dgu rnams kyang dga' / /gshegs pa na ni phan 'dogs mdzad/ /ldog pa na ni rgud par 'gyur/ /khyod kyi sras kyis mgu bar 'gyur/ /zhes bya ba ni rgyas pa'o/ /sras ni ltums nas bltams pa ste/ des mgu bar 'gyur ba ni byang chub sems dpa' skyes zhes bya bas brgya byin la sogs pa rnams mgu ba bskyed pa'i phyir ro/ /yang na byang chub thob pa ni sras te/ des kyang de bzhin du mthar bde ba grub par mdzad pas na mgu bar 'gyur ba ni byang chub sems dpas mchi ba med pa lhag par rtog par gyur to zhes bya bas na brgya byin la sogs pa rnams mgu bar gyur to zhes bya ba'i don to/ /'phel ba ni nyan thos pa mang po ste/ des skye dgu rnams kyang dga' ba ni 'jig rten pa rnams la phun sum tshogs par mdzad pa zhes bya ba'i don to/ /dge slong dag nyan thos gsar bu dag spyod yul la spyod pa na skye bo mang po la phan pa dang/ skye bo mang po la bde ba zhes bya ba la sogs pa ji ltar gsungs pa'o/ /gshegs pa ni bcom ldan 'das gshegs pa ste des phan 'dogs mdzad pa ni phan pa thams cad mdzad pa'o/ /bcom ldan 'das spyod yul gyi grong du gshegs pa na sgang mtho ba dma' bar 'gyur ba dang/ dma' mo mthon por 'gyur ba dang/ long ba rnams kyis mig rnyed par 'gyur ba dang/ 'on pa rnams kyis rna ba dang/ lkugs pa rnams kyis tshig rnyed par gyur to/ /zhes bya ba ni lung ngo/ /ldog pa ni bcom ldan 'das yongs su mya ngan las 'das pa na ste/ de rgud par gyur pa ni skye dgu rnams kyi rang gi don nyams pa'i phyir ro/ /gzhan yang/ / bsgrags pas sdig pa 'phrog par mdzad/ /khyod dran pas ni rangs par 'gyur/ /brtsal bas blo gros skye 'gyur te/ /yongs su shes pas rnam par dag/ bsgrags pas sdig pa 'phrog par mdzad ces bya ba la sogs pa smos pa la/ bsgrags pa na yon tan la bstod pa ste/ des sdig pa 'phrog pas na sdig pa 'phrog par mdzad pa zhes bya ste/ yon tan de lta bu dang ldan pa'i bcom ldan 'das yin pas na brjod pa ni zhar la brjod pa'i phyir ro/ /de lta bu'i gtam la sbyor ba nye bar 'gro ba phan par mdzad pa zhes bya ba ni mthong ba'o/ /dran pa zhes bya ba ni de lta bu'i bcom ldan 'das de bzhin gshegs pa dgra bcom pa yang dag par rdzogs pa'i sangs rgyas zhes bya ba'o/ /khyod ni khyod do/ /rangs pa ni rangs par mdzad pa'o/ /de ltar de bzhin gshegs pa'i rnam pa dran pa'i 'phags pa nyan thos pas don myur bar thob pa dang/ chos myur du thob pa dang/ de bzhin gshegs pa dang ldan pa'i rangs pa thob par 'gyur ro zhes bya ba ni mdo'i tshig go /de ltar rjes su dran pa rtogs pas phan pa mdzad pa zhes bshad do/ /gzhan gnas skabs thams cad la yang ji lta ba bzhin du sbyor bas 'gro ba la phan pa mdzad pa dang/ bcom ldan 'das dang sbyar ro/ /btsal bas zhes bya ba ni ston pa kho na la btsal ba'o/ /ji ltar rab tu byung ba 'phar ba yis/ bram ze'i rigs gtsang ma la smras pa ni 'di lta ste/ glang po'i nags su 'gro ba'i skyes bus glang po'i nags su zhugs pa na nags tshal chen po de ru glang po'i rkang rjes mthong nas kye ma'o glang po che gang gi 'di lta bu'i rkang rjes zhes nges par rtogs par 'gyur ba de bzhin du/ kye mi'i cha lugs dang ldan pa la rkang pa bzhi med de/ gang gi de ltar gyur pa ni bcom ldan 'das de bzhin gshegs pa gau ta ma dgra bcom pa yang dag par rdzogs pa'i sangs rgyas zhes bya ba la sogs pa bram ze'i tshig phrad kyi mdo las gsungs so/ /de bzhin du btsal nas rjes su 'gro ba dang ldog pa dag gis ston pa kho nar nges pa ste/ yongs su shes par bshad de/ shes nas dad pa rnyed pa'i phyir ro/ /rnam par dag pa ni nyon mongs pa'i dri ma 'phrog pa'i phyir ro/ / gzhan yang/ khyod la bsu bas dpal du byed/ /brten pas blo gros mchog tu 'gyur/ /bsten na 'jigs pa med par mdzad/ /bsnyen bkur bgyis pas bde bar 'gyur/ /khyod la bsu ba dang dpal du byed ces bya ba ni rgyas pa'o lha dang mi rnams kyi phun sum tshogs pa mdzad pa'i phyir na dpal du byed pa'o/ /khyod ni khyod la'o/ /bsu ba ni khyod kyi drung du 'gro ba'o/ /nye bar phyin nas chos thos pa'i sbyor bas bsten pa ni kha na ma tho ba dang bcas pa dang/ kha na ma tho ba med pa yongs su shes pa'i phyir blo gros su gyur pas na shes rab bskyed par mdzad pa zhes bya ba'i don to/ /mchog ni khyad par dang ldan pa'o/ /chos thos nas bcom ldan 'das dang chos la skyabs su 'gro ba'i sbyor bas bsten pa ni gus pa'o/ /'jigs pa med par mdzad pa ni ngan song gi 'jigs pa las 'das pa'i phyir ro/ /gang zhig sangs rgyas skyabs 'gro ba/ /de ni ngan 'gror mi 'gro ste zhes tshigs su bcad pa'i tshig go /skyabs su song bas 'phags pa'i lam khong du chud pa ni bsnyen bkur bgyis pa ste/ de lta bus ni de bzhin gshegs pa kun tu bsnyen bkur byas par 'gyur te/ de'i bstan pa bsgrubs pa'i phyir ro/ /bsnyen bkur byas pa des bde bar 'gyur ba ni bde bar 'gyur ba ste/ bde ba ni bde bar bshad do/ /de yang 'dir sdug bsngal ma lus pa nye bar zhi ba'i mtshan nyid mya ngan las 'das pa 'dod pa ste/ bde ba dam pa mya ngan 'das zhes gsungs pa'i phyir ro/ /de mdzad pa'i ngang tshul gang la yod pa de ni bde bar 'gyur ba ste/ mya ngan las 'das pa thob par mdzad ces pa ni dgongs pa'o/ /gzhan yang ji ltar mes gdung ba rnams kyi gdung ba zhi bar byed pa'i phyir mtsho nus pa can du gyur ba de bzhin du/ sdig pas nye bar gdungs pa rnams kyi khyod bsod nams chen po'i rang bzhin gyi mtsho chen po ji lta bu yin zhe na/ bshad pa/ tshul khrims phun sum tshogs pas dag /bsam gtan phun sum tshogs pa dang/ /shes rab phun tshogs mi 'khrugs pas/ /khyod ni bsod nams mtsho chen lags/ /tshul khrims phun sum tshogs pas dag ces smos pa la/ tshul khrims ni sngar bshad zin to/ /de yi phun sum tshogs pa ni khyad par ro/ /tshul khrims phun sum tshogs pa des dag pa ni nyes par spyod pa'i dri ma dang bral ba'i phyir dri ma med pa'i mtsho chen po bzhin no/ /bsam gtan ni dge ba ste/ thugs rtse gcig pa'o/ /de yi phun sum tshogs pa ni dad pa'i khyad par gyi sbyor bas dang ba ste/ 'dod chags la sogs pa'i 'jam gyis ma gos pas na rnyog pa dang bral ba'i mtsho chen po bzhin no/ /shes rab ni chos rnam par 'byed pa'o/ /de'i phun sum tshogs pa ni khyad par ro/ /des mi bskyod pas na mi 'khrugs pas zhes bya ba'i don to/ /de bzhin gshegs pa'i shes rab kyi so sor snang ba mdza' yas pa zhes bya ba ni mdo'i tshig te/ mi 'khrugs pa'i mtsho chen po bzhin no/ /de ltar mtsho chen po dang chos mthun pa'i phyir bsod nams mtsho chen ni bsod nams kyi rang bzhin te/ bsod nams mang ba'i phyir dper na shing gi rang bzhin gyi shing rta bzhin no/ /gzhan yang/ khyod sku bltar 'os rin chen te/ /legs gsungs mnyan 'os rin chen lags/ /chos ni spyad 'os rin chen pas/ /khyod ni rin chen 'byung gnas lags/ /khyod sku bltar 'os rin chen te zhes bya ba la sogs pa la/ sku ni kha tog la sogs pa'o/ /bltar 'os pa ni bltar 'os pa'i nang na rin chen te/ mtshan la sogs pa phun sum tshogs pas na dad par 'os pa nyid kyis phan par mdzad pa'o/ /mnyan 'os na mnyan par 'os pa'o/ /mnyan 'os rnams kyi nang na rin che bas na mnyan 'os rin chen te/ legs par gsungs pa ni phan par mdzad pa'i phyir ro/ /chos ni legs par gsungs pa ste/ de'i don ni bshad zin to/ /de yang dbang po dang stobs dang byang chub kyi yan lag la sogs pa'o/ /de ni spyad 'os rin chen te/ spyad pa ni chos kyi rang bzhin rnam par spyad na rin po che ste/ shin tu phan pa mdzad pa'i phyir ro/ /rgyu de'i phyir khyod yon tan rin chen 'byung gnas lags te/ yon tan ni sku la sogs pa ste/ de nyid rin chen ni de rnams kyi 'byung gnas te/ bskyed pa'i gnas yin pa'o/ /khyod ni khyod do/ /gzhan yang/ khyod ni chu ngos bdas pa'i gling/ /smas pa'i bdag nyid skyob pa ste/ /srid pa'i 'jigs pas nyen pa'i skyabs/ /thar 'tshal rnams kyi 'dren pa lags/ /khyod ni chu bos bdas pa'i gling zhes bya ba ni rgyas pa'o/ /khyod ni bcom ldan 'das so/ /chu bo ni nyon mongs pa dang nye ba'i nyon mongs pa rnams so/ /bdas pa ni thar pa'i lam las ring du bdas pa ste/ lteng rgyas 'od srungs la sogs pa rnams me la yongs su spyod cing tshul khrims dang rtul zhugs mchog tu 'dzin pa'i lta ba'i chu bos bdas pa ni chu bos bdas pa'i gling dang 'dra bas na gling ste/ mya ngan las 'das pa la bkod pa'i phyir ro/ /skyob pa zhes bya ba ni skyob par mdzad pa zhes bya ba'i don to/ /smas pa'i bdag nyid ni sems kyi rang bzhin smras pa gang la yod pa de ni smas pa'i bdag nyid te/ sdig pa byas pa'o/ /de rnams kyi smas pa'i bdag nyid ni sor mo'i phreng ba la sogs pas srog chags brgya stong du ma gsod par byed pa rnams la chos bstan pas dgra bcom pa la bkod pa'i phyir ngan 'gror 'gro ba rnams kyi skyob pa'o/ /skyabs zhes bya ba ni chos bstan pa med na yang khas blangs pa tsam gyis dmyal ba la sogs pa'i srid pa'i 'jigs pas 'jigs pa gang yin pa de rnams srid pa'i 'jigs pa rnams las bskyabs pa'o/ d e ltar yang lha'i bu gzhan kha cig gis phag mo'i mngal du zhag bdun na bdag skye ba shes nas shin tu ngus pas brgya byin gyis bskul bas sangs rgyas la skyabs su song bas dud 'gro'i skye gnas las log cing lha rnams kyi nang du skyes so zhes bya ba ni rtogs pa brjod pa'o/ /thar 'tshal rnams kyi zhes bya ba ni 'khor ba'i btson ra las bdag nyid grol bar 'dod pa rnams kyi'o/ /'dren pa ni de rnams kyi 'dren pa ste/ khyod nyid ni lam mo/ /gzhan yang/ tshul khrims dag phyir snod kyi mchog / zhing gshin 'bras bu phun sum tshogs/ /srog chags kun la phan mdzad phyir/ /grogs kyi phul yang khyod lags so/ /zhing gshin 'bras bu phun sum tshogs zhes bya ba ni rgyas pa'o/ /snod kyi mchog ni srog chags kun la zhes 'chad par 'gyur ro/ /tshul khrims dag pa gang la yod pa de ni tshul khrims dag pa ste de'i dngos pa'o/ /tshul khrims dag pa de'i rgyus shin tu phyag 'tshal ba'i snod kyi mchog go /zhing gshin zhes bya ba ni zhing bzad pa'o/ /'bras bu phun sum tshogs pa ni 'bras bu phun sum tshogs pa zhes bya ba'i don to/ /gang gi phyir khyod la bye ma phul ba yang rgyal po gtum po mya ngan med pa'i 'bras bu'i sa bon du gyur to/ /grogs kyi phul zhes bya ba ni grogs bzad pa'o/ /phan mdzad phyir ni phan par mdzad pa ste/ thar pa'i lam ston par mdzad pa'o/ /srog chags kun la zhes bya ba ni lus can thams cad la'o/ /khyod ni khyod do/ /gang zhig de bzhin gshegs pa'i lam la ma zhugs pa de rnams la yang de bzhin gshegs pa phan par mdzad pa ste/ thams cad la phan par mdzad pa ni ston par mdzad pa'i phyir ro/ gzhan yang/ phan 'dogs mdzad pas mdza' bshes te/ 'grogs na bde phyir snying du sdug /zhi phyir gcig tu yid du 'ong/ /yon tan kun mnga' mchod 'os khyod/ /mdza' bshes khyod ni srog chags kun la zhes bya ba'i rjes su 'jug go /phan 'dogs mdzad ces bya ba ni 'khor ba'i sdug bsngal thugs la dgongs nas sangs rgyas kyi go 'phang brnyes shing thar pa'i lam ston par mdzad pa'i phyir ro/ /'grogs na bde phyir zhes bya ba ni 'khrugs na yang gzhan gyi gnod pa bzod pa tsam ste/ 'jig rten pa la bzod par grags so/ /'grogs na bde ba dang ldan pa'i phyir na 'grogs na bde ba 'ba' zhig du ma zad de/ /'on kyang gnod par byed pa thams cad la bzod pa bstar ba dang/ srog chags rnams la yang phan pa stsol ba ste/ bde bar gnas pa gang yin pa de ni 'grogs na bde ba'o/ /rgyu de'i phyir snying du sdug pa'o/ /sangs rgyas kyi yul snying du sdug pa ni skyes bu rnams kyi yid rtag tu 'phrog pa zhes bya bas na snying du sdug pa'o/ /mtshan la sogs pas brgyan pa'i phyir cig tu/ yid du 'ong ba ni blta bar 'os pa ste/ zhi ba'i phyir lta ba dang rjes su mthun pas na zla ba'i dkyil 'khor bzhin no/ /gcig du zhi ba'i dngos po ni zhi ba ste rgyu de'i phyir ro/ /yon tan kun ni ji skad bshad pa'i rgyur gyur bas so/ /mnga' bas mchod 'os zhes bya ba la/ mnga' ba'i sgra ni bya ba'i khyad par ro/ /mchod 'os zhes bya ba ni mchod par 'os pa ste/ srog chags kun gyis mchod par 'os pa'o/ /gzhan yang/ sdig pa med pas yid dang 'thad/ /sku gsung bzang bas dga' bar mdzad/ /don kun 'grub phyir dpal yangs te/ /yon tan legs rten bkra shis lags/ sdig pa med pas yid dang 'thad pa ces smos pa la/ yid dang 'thad pa ni yid dang 'thad pa'o/ /lags pa ni lags pa'o/ /srog chags kun la zhes bya ba ni rjes su 'jug pa'o/ /sdig pa med pas zhes bya ba ni dam pas smad pa'i lus la sogs pa'i las mi mdzad pa'i phyir ro/ /dga' ba ni dga' ba'o/ /sku dang gsung bzang ba ni dag pa'o/ /nges pa'i tshig so so yang dag par rig pa'i mthar phyin pa'i phyir gsung bzang ba dang/ mtshan la sogs pas brgyan pa'i phyir sku bzang ba ste/ thos pa dang lta ba dang/ rjes su mthun pa zhes bya ba'i don to/ /dpal yangs zhes bya ba ni phun sum tshogs pa'i rgyur bshad do/ /de bas na bcom ldan 'das kho na la dpal yangs so/ /don kun 'grub phyir zhes bya ba don kun ni mtho ris dang thar pa la sogs pa gang las 'grub pa de ni don kun 'grub pa'o/ /de'i dngos po ni don kun 'grub pa ste/ rgyu de'i phyir na dpal yangs so/ /yangs na bltas pa tsam gyis gter lnga brgya gzigs par gyur pa dang/ rgyal po gzhan kun gyis kyang de'i yab zas gtsang ma'i sku skyes kyi rgyu mang du bskur bar gyur to/ /des na de'i yab kyi don thams cad grub pa zhes mtshan btags pa de bas na dpal yangs so/ /bkra shis la legs pa ni bkra shis pa ste/ sdig pa 'joms pa zhes bya ba'i don to/ /gang las she na/ bshad pa/ yon tan legs rten ni yon tan gyi gnas su gyur pa'i phyir ro/ /de lta bus rnam pa thams cad dang/ gnas skabs thams cad dang/ mthong ba dang thos pa la sogs pa'i smon lam 'bras bu dang bcas pas bcom ldan 'das kyi smon lam la bstod pa bshad do/ /smon lam la bstod pa zhes bya ba'i bshad pa ste le'u dgu pa'o// //lam la 'jug pa la bstod pa ni dbye ba bdun te/ de yang bshad pa'i skabs su bstan par bya'o/ /de la/ khyod ni rngan 'then bgyid la bskul zhes bya ba'i tshigs su bcad pa gnyis bshad par bya ste/ khyod ni rngan 'then bgyid la bskul/ /chom rkun bgyid pa tshar yang gcod/ /gya gyu can rnams rnal du 'god/ /dal bus bgyid la gzhan bskul 'debs/ /dul ba rnams ni lam la sbyor/ /dmu rgod rnams la btang snyom mdzad/ /de slad skyes bu 'dul ba yi/ /kha lo bsgyur ba bla med mchog /khyod ni rngan 'then bgyid la bskul ba ni kha lo sgyur ba bla med ces bya bar 'chad par 'gyur ro/ /dper na kha lo sgyur ba'i mchog gis shing rta'i rta dang rngan 'then ni goms pa gcig kyang mi 'gro ba'i ngang tshul can la lcag dbyug gis brdeg pas bskul bar byed pa de bzhin du/ khyod kyang skyes bu 'dul ba le lo'i dbang gis 'khor bar gnas pa la 'khor ba'i sdug bsngal dang/ mya ngan las 'das pa'i yon tan ston pa dang/ zhi gnas bskyed pa'i sbyor bas yongs su bskul ba ste/ mya ngan las 'das pa'i lam la 'dzud par mdzad pa zhes bya ba'i don to/ /ji ltar lam las lam gzhan du shing rta 'dren pa'i rta rnams srab kyis blan nas kha lo sgyur bas tshar gcod pa de bzhin du/ khyod kyang lam ngan par gnas pa'i skyes bu gdul bya rnams chos bstan pa'i srab kyis tshar gcod pa ni lam bzang po la 'dzud par mdzad ces bya bar dgongs pa'o/ /ji ltar gya gyu can rnams ni rta 'khyog par 'gro ba rnams shing rta'i kha lo sgyur bas rnal du 'god cing lam drang po la 'god par byed pa de bzhin du/ khyod kyang g.yo rgyu dang ldan pa'i skye bo gdul bya gang yin pa de rnams rnal du 'god pa ni lam drang po la 'god par mdzad pa'o/ /ji ltar dal bus bgyid pa'i rta rnams la kha lo sgyur pas gzhen bskul 'debs pa de bzhin du/ 'bad rtsol dman pa gang yin pa de rnams la brtson 'grus brtan pas khyod gzhen bskul 'debs so/ /kun dga' bo brtson 'grus la brten nas rta bzang po gang yin pa de rnams kyi kha lo sgyur bas lam du khyad par gyi khur khyer bar bya ba'i phyir lam la sbyor ba dang/ de bzhin du gang gdul bya shA ra dwA ti'i bu la sogs pa de rnams kyang gdul bya'i dgos pa'i khyad par gyi mtshan nyid dang ldan pa'i lam la sbyor ba dang/ de bzhin du shA ri'i bu gnyen yod kyi gnas na gnas pa'i skye bo'i tshogs la dgongs su gsol zhes bya ba de'i bkas 'phags pa shA ri'i bus rgyal byed kyi tshal gyi gnas su mu stegs pa mdun du 'gro ba dang mnyan yod kyi skye bo'i tshogs bden pa mthong ba la sogs par rab tu bkod do/ /zhes ji skad gsungs pa'o/ /de lta bu'i tshig rkang pa gcig dang bcas pa'i tshigs su bcad pas zhi gnas bskyed pa sngon du 'gro bas 'phags pa'i lam la 'dzud pa ste/ dang po'i dbye ba bshad do/ /ji ltar dmu rgod ni rta mi bsrun pa rnams te/ de rnams la kha lo sgyur ba btang snyoms su byed pa de bzhin du khyod kyang byang chub kyi sa bon ma blangs pa'i dmu rgod rnams la btang snyoms mdzad pa ni lam la 'dzud par mi mdzad pa'o/ /gang gi phyir de gdul ba'i skabs la bab pa ste/ thugs rje mi mnga' ba ni ma yin pa'i phyir ro/ /thar pa'i sa bon dang ldan pa'i/ /sems can la ston phyag byin pas/ /ngan song dag dang srid pa las/ /rjes su brtse bas sgrol bar mdzad/ /de lta bu'i tshigs su bcad pa 'dis sa bon dang bral ba/ rnams la dus de srid du btang snyoms mdzad pa ste/ dbye ba gnyis pa'i bshad pa'o/ /gzhan yang/ khyod ni nyams thag rnams la brtsi/ /bde bar gnas la phan par bgyes/ /phongs par gnas la thugs rje bas/ kun la phan par bzheng pa lags/ khyod ni nyam thag rnams la brtse zhes bya ba ni rgyas pa'o/ /nyam thag pa zhes bya ba ni dge ba'i rtsa ba chad par gyur cing nyes pa'i spyod pa byed pa rnams la brtse ba ste/ nyes pa'i spyod pa de las gdon par dgongs pa'o/ /bde bar gnas pa ni dge ba'i rtsa ba 'phel ba rnams la skal ba dang ldan pa yin pa'i phyir phan par dgyes pa ste/ snying po kho na yin pa'i phyir phan pa'i sgras thar pa bshad do/ /de la dgyes zhes bya ba ni bzhed pa ste/ de'i rang bzhi ni phan par dgyes pa ste/ thar pa la dgod par rtsol ba zhes bya ba'i don to/ /dge slong dag soms shig /bag med par ma byed cig ces bya ba'o/ /phongs par gnas la zhes bya ba ni lta bas phongs pa ste/ dge ba'i rtsa ba yang dag par chad par gyur pa'o/ /thugs rje ni phan pa la dmigs pa tsam ste/ skal pa dang mi ldan pa'i phyir 'don pa la brtson pa ni ma yin no/ /kun la phan par bzhed pa ni lhas byin la sogs pa 'gal ba dang/ mgon med zas sbyin la sogs pa rjes su chags pa gang yin pa de dag thams cad la phan par bzhed pa ste/ mtho ris dang thar pa thob pa'i phyir dgongs pa zhes bya ba'o/ /de lta bu'i tshigs su bcad pa 'dis phan pa dang/ phan pa ma yin pa dag dang/ kun la phan par bzhed pa ste/ dbye ba gsum pa'i bshad pa'o/ /gzhan yang/ khyod ni dgra bo rnams la'ang byams */ /nyams par gyur la phan 'dogs mdzad/ /gtum po rnams la thugs brtse bas/ /khyod ni ya rabs rmad cig lags/ /khyod ni dgra bo rnams la'ang byams zhes bya ba la sogs pa smos pa la/ dgra bo rnams ni gnod pa byed pa ste/ ltas byin la sogs pa'o/ /dgra bo de rnams la yang bcom ldan 'das byams pa ni thugs brtse ba'i phyir sdug bsngal las yongs su skyob pa'o/ /de lta bas na gdung ba'i rim gyis non par gyur pa'i lhas byin gyi gdung ba'i rims bcom ldan 'das kyi bden pa'i byin gyis brlabs kyis gsal to zhes bya ba ni lung ngo/ /phan 'dogs mdzad ces bya ba ni bcom ldan 'das gshegs pa'o/ /'ang ni bstan pa la 'dzud pa'o/ /nyams par gyur la zhes bya ba ni nyams pa'i rgyu mtshan la'o/ /nyams par gyur pa ni rmad par bya ba ste/ 'jig rten pa dang 'gal ba'i las spyod pa'i phyir ro/ /'di lta ste gzhon nu nges par gnas pa zhes bya ba gnyan yod kyi grong khyer gyi phyag dar khrod sbyangs pas 'tsho bar gyur pa bcom ldan 'das gshegs nas rab tu dbyung bar mdzad do zhes thos nas mnyan yod kyi skye bo'i tshogs sangs rgyas kyi bstan pa la shin tu ma dad par gyur te/ 'di lta bu'i skye bo ngan pa yang rab tu 'byin par mdzad ces bya ba'o/ /de nas rgyal po gsal rgyal gyis bcom ldan 'das la 'gyod pa bskyed pa'i rgyal byed kyi tshal du phyin par gyur to/ /'phags pa nges par gnas de yang rdo leb gang yang rung ba'i steng du phyag dar khrod kyis gos 'grub cing gnas so/ /bcom ldan 'das kyang khang pa'i yang thog gi sgo bcad nas ting nge 'dzin la snyoms par zhugs par gyur to/ /rgyal pos kyang 'phags pa nges par gnas par ngo ma shes pas smras pa/ 'phags pa bcom ldan 'das la bdag mchis so zhes zhu ba mdzod cig ces smras so/ /'phags pa de yang dgra bcom pa rdzu 'phrul dang ldan pa gzhan gyi sems shes pas rgyal po'i sems shes nas rdo leb de la chu la bye'u bzhin 'dzul bar byas shing gshegs nas bcom ldan 'das ting nge 'dzin las ldang bar mdzad do/ /de nas rgyal po nang du zhugs nas bcom ldan 'das kyi zhabs dag la spyi bos gtugs shing phyag byas nas dang por de lta bu'i rdzu 'phrul chen po dang ldan pa'i dge slong gang yin pa zhes zhus so zhes bya ba'o/ /bcom ldan 'das kyis bka' stsal pa/ don gang gi phyir 'gyod pa bskyed pa'i slad du 'ongs zhes bya ba'o/ /rgyal pos thos nas shin tu dad cing yi rangs par gyur to/ /slar yang de la dad pa bskyed pa'i slad du bcom ldan 'das kyis bka' stsal pa/ bshad pa 'khregs dang 'jam pa ni/ /sman pa yis ni yongs rtogs nas/ /khrus kyi smin ni gter ba ste/ /rigs ni yongs su rtog mi byed/ /de bzhin rgyud ni 'jam pa dang/ /rtsub pa yang ni yongs rtogs nas/ / nyon mongs bkru phyir sman sbyin pa/ /sangs rgyas kyi ni rigs mi bltos/ /gtum po zhes bya ba ni srog chags du ma gsod par byed pa sor mo'i phreng ba dang rtswa can la sogs pa rnams la'o/ /thugs brtse ba ni thugs brtse bas gzhan dbang du gyur pa'o/ /rmad cig lags zhes bya ba ni 'jig rten pa'i chos rnams las 'das pa'i phyir mi shes pa nyid ston pa'o/ /gang gi phyir 'jig rten pa ni 'gal ba la sogs pa rnams la thugs brtse ba la sogs pas 'jug par mi 'gyur ro/ /ya rabs zhes bya ba ni 'phags pa nyid do/ /de lta bu'i tshigs su bcad pa 'dis dgra bo rnams la yang phan par bzhed pa/ dbye ba bzhi pa bshad do/ /gzhan yang/ phan 'dogs bgyid slad pha ma dag /gal te bla mar 'tshal na go /khyod ni lhag par phan 'dogs pas/ /bla ma nyid gyur smos ci 'tshal/ /phan 'dogs bgyid slad pha ma dag/ ces bya ba ni rgyas pa'o/ /pha ma dag ces bya ba ni bla ma nyid dang sbyar ro/ /phan 'dogs bgyid slad ces bya ba ni skyes pa dang gso ba la sogs pas so/ /gal te 'tshal zhes bya ba ni bla ma zhes pa dang sbyar ro/ /smos ci dgos zhes bya ba ni de ni 'gyur ba la smos ci 'tshal pa'o/ /bla ma ni bla ma'o/ /khyod ni khyod la'o/ /lhag par phan 'dogs pa ni nyon mongs pa med pa thar ba'i grong khyer thob par mdzad pa'i phyir yongs su rdzogs pa'i phan 'dogs mdzad ces bya ba'i don to/ /bshad pa ni 'di yin te/ skye ba gcig la phan pa byed pa'i phyir pa dang ma dag nye bas na bla ma dag nyid de/ khyod kyang de ltar lhag par phan 'dogs par mdzad ces bya bas na bla ma nyid du brjod par mi nus so/ /zhes bya ba'o/ /gzhan yang/ rang gi don la mi lta bas/ /nyid kyi dgra bo ltar gyur cing/ /g.yang sa'i mun gnas rnams la/ /ra ba lta bur gyur pa'ang khyod/ /rang gi don la mi lta bas zhes bya ba la sogs pa smos pa la/ rang gi don ni dge ba'i rtsa ba la sogs pa ste/ de la mi lta ba ni sdig pa la chags pa'o/ /nyid kyi dgra bo ltar gyur cing/ /zhes bya ba ni dgra bo dang 'dra ba zhes bya ba'i don to/ /rang gi don la mi lta bas nyid kyi dgra bo ltar gyur pa de rnams la khyod ni bcom ldan 'das so/ /g.yang sa'i mu na gnas pa rnams la zhes bya ba la g.yang sa ni ngan 'gror 'gro ba'o/ /g.yang sa de'i mu na gnas pa'i sdig pa'i las so/ /de la gnas pa ni sor mo'i phreng ba dang dpal sbas la sogs pa gang yin pa de ni g.yang sa'i mu na gnas pa ste/ ngan 'gror 'gro ba'i las byed pa'o/ /de rnams la ra ba lta bur gyur pa ni ji ltar kha cig la g.yang sa'i mu la mngon du gyur pa'i ra bas 'dzin par bya ba'i phyir nus pa dang ldan par gyur pa de bzhin du/ khyod kyang de rnams la bya ba ma yin pa bsal ba'i phyir ra ba lta bur gyur pa zhes bya ba'o/ /gzhan yang/ 'jig rten gnyis kar sman gdags dang/ /'jig rten las ni bzla slad du/ /mun par gyur pa'i 'jig rten la/ /khyod kyis shes rab snang bar mdzad/ /'jig rten gnyi gar sman gdags dang/ /zhes bya ba ni rgyas pa'o/ /'jig rten pa'i sgra ni zag pa dang bcas pa'i dngos po brjod do/ /'jig rten gnyi ga ni 'jig rten gnyi ga ste/ /gzugs dang gzugs med pa dang/ snyoms par 'jug pa dag dang/ 'jig rten pa'i la mo/ /des sman gdags pa ni 'jig rten gnyi gar sman gdags dang ngo/ /gang la sman gdags par mdzad ce na/ dge ba'i rtsa ba yongs su smin pa la zhes rtogs par bya'o/ /yang na 'phags pa'i lam gyis bden pa mthong bas ngan song gi 'jigs pa las 'das pa'i phyir lha dang mi rnams la sman gdags par mdzad pa'o/ /shes rab snang ba mdzad ces bya ba ni 'chad par 'gyur ro/ /'jig rten las ni bzla slad du zhes bya ba ni 'jig rten las bzla ba gang yin pa de ni 'jig rten las bzla ba ste/ 'jig rten las 'das pa'i lam des des ni srid pa'i rtse mo las kyang 'da' ba' i phyir ro/ /de'i slad du ni 'jig rten las 'das pa'i phyir 'jig rten las 'das pa'i lam ste/ skal ba dang ldan pa rnams 'jug pa zhes bya ba ni dgongs pa'o/ /dang gi sgra ni khyod kyis shes rab snang bar mdzad ces pa ste bsdus pa'i don to/ /shes rab kyi snang ba de gzhan gyis kyang byas sam zhe na/ smras pa/ mun par gyur pa'i 'jig rten la zhes smos pa la/ /mun pa ni mi shes pa ste/ de nyid mnga' ba'i phyir mun par gyur pa'i 'jig rten pa rnams so/ /dper na long ba'i 'jig rten pa la sangs rgyas su gyur cig ces bya ba byang chub sems dpar gyur pa khyod kyis smon lam btab pa de yang de bzhin du bsgrubs so/ /mun par gyur pa de rnams la ji ltar yang dag par gyur pa gsal ba'i phyir shes rab kyi snang ba mdzad pa ni bskyed pa ste/ bla na med pa'i ye shes khong du chud par mdzad pa zhes bya ba'i tha tshig go /de lta bu'i tshigs su bcad pa 'dis dge ba'i rtsa ba yongs su smin pa rnams 'jig rten las 'das pa'i lam dag la bkod pa ste/ dbye ba lnga pa'i don bshad do/ /de ltar 'jig rten dang 'jig rten las 'das pa'i lam dag la bkod nas/ yul la nye bar spyod pa na/ /lha mi'i spyod pa tha dad kyi/ /chos kyi longs spyod thun mong bas/ /khyod la dbye ba mi mnga' 'o/ /lha mi'i spyod pa tha dad kyi zhes bya ba la sogs pa smos pa la/ tha dad pa ni dngos po gcig ma yin pa'o/ /nye bar spyod pa na zhes bya ba ni yul la nye bar spyod pa zhes bya ba'o/ /spyod pa ni spyod pa'o/ /ji ltar tha dad ce na/ lha rnams ni lha'i bdud rtsi la za ba'i longs spyod pa'i spyod pa dang ldan pa dang/ gnyis gnyis dang/ 'khyud pa dang/ lag pa bcangs pa dang/ dgod pa dang/ lta bas 'khrig pa spyod pa'i spyod pa dang ldan pa'o/ /mi rnams ni sman pa'i longs spyod kyi spyod pa dang ldan pa zhes bya ba'o/ /de ltar lha dang mi rnams kyi longs spyod kyi spyod pa ni tha dad pa'o/ /chos kyi longs spyod ces bya ba smos pa la/ chos kyi longs spyod ni bden pa mthong ba dang/ zhi ba'i gnas dben pa la sogs pa'o/ /de'i thun mong na 'dri ba kho na ste/ chos kyi longs spyod thun mong ba'i rgyu de las so/ /khyod ni bcom ldan 'das la'o/ /dbye ba mi mnga' o ni 'dra ba nyid thob pa zhes bya ste/ yul la nye bar longs spyod pa dang sbyar ro/ /khyod la brten pas chos kyi longs spyod pa dang 'dra ba'i phyir lha dang mi rnams 'dra ba'i yul la longs spyod pa'i spyod pa dang ldan par gyur to zhes bya ba ni mdor bsdus pa'o/ /de lta bu'i tshigs su bcad pa 'dis lha dang mi rnams lam la 'jug par 'dra ba kho na ste/ dbye ba drug pa'i bshad pa'o/ /chos kyi longs spyod thun mong yin pa'i phyir lha dang mi rnams 'dra ba yin par ji ltar shes she na/ smras pa/ bcom ldan khyod kyis skye ba dang/ /na tshod rigs dang yul dang ni/ /dus kyi skyon med chos rnams kyis/ /'di dag kun la sman yon btags/ /skye ba dang/ na tshod dang/ rigs dang zhes bya ba la sogs pa smos pa/ skye ba dang/ na tshod dang/ rigs dang/ yul dang/ dus te zlas dbye ba'i bsdu ba'o/ /de rnams kyi skyon med pa dang re rer sbyar ro/ /phal che ba'i stong pa ni skyon te yongs su gtong ba'o/ /yongs su gtong pa gang la med pa zhes bya ba de ni skyon med pa ste/ chos rnams kyis sman yon btags zhes bya ba dang sbyar ro/ /skyon med pa ni khyad par la mi bltos pa zhes bya ba'i tha tshig go /skye ba la skyon med pa ni ji ltar lha rnams kyi dang du rnyes pa rnams chos la gzung par bya ba'i phyir chos kyis sman yon btags pa de bzhin du mi rnams kyi nang du skyes pa rnams kyang ngo/ /na tshod la skyon med pa ni rgan po rnams ji lta ba de bzhin du byis pa dang/ gzhon nu dang/ lang tsho dang ldan pa rnams so/ / rigs la skyon med pa ni bram ze rnams ji lta ba de bzhin du rgyal rigs dang/ rje'u rigs dang/ dmangs rigs rnams so/ /yul la skyon med pa ni yul dbus kyi skye bo ji lta ba bzhin du mdza' 'khob kyi skye bo rnams kyang ngo/ /dus la skyon med pa ni ji ltar nya 'am gnam stong ji lta ba de bzhin du tshes gcig go / dang ni gang gi phyir gyi don te/ kun la sman yon btags pa'o/ /sman yon btags pa ni yang dag pa'i dbye bas gtong pa'o/ /chos rnams kyis sman yon btags pa ni chos rnams kyi phan yon btags pa'o 'di dag ni ji ltar bshad pa mdzad pa'o/ /khyad par la mi bltos pas chos rnams kyis kun la phan yon btags pa ste/ gang yang yongs su spong bar ni ma mdzad de/ ji ltar 'jig rten pas/ dmangs rigs la ni dgongs mi bshad/ /lhag ma min zhing spangs pa yang/ /min la chos mi bstan pa dang/ /de la brtul zhugs kyang mi sbyin/ zhes bya ba'o/ /de'i phyir lha dang mi rnams kyi tha dad pa zhes bya ba'i tshigs su bcad pa'i don ni rigs so/ /de ltar chos kyi longs spyod dang ldan pa'i phyir gyur pa rnams la yang/ / khyod kyi nyan thos sred bral zhing/ /ya mtshan 'dzin pa rnams la'ang/ /lha rnams thal sbyar smon bgyid cing/ /ya mtshan che ba lta bur mchod/ /ya mtshan 'dzin pa med rnams la'ang/ /ya mtshan che ba lta bur zhes bya ba ni rgyas pa'o/ /ya mtshan ni ngo mtshar ba ste/ de gang la yod pa de ni ya mtshan 'dzin pa'o/ /ya mtshan 'dzin pa med pa rnams ni nyan thos dang sbyar ro/ /ya mtshan che ba lta bur zhes bya ba la/ ya mtshan che ba lta bu ni ya mtshan che ba lta bu'o/ /lha rnams zhes bya ba ni 'chad par 'gyur ro/ /mi rnams su gyur pa yang de lta bu'i rdzu 'phrul chen po dang ldan par gyur zhes pas lha rnams de ltar ngo mtshar skyes par gyur to/ /thub pa'i dbang po'i gsung rab 'di ni grub pa'i snying po can skye ba la sogs pa la mi bltos pa zhes bya bas na ngo mtshar skyes pa de rnams kyis nyan thos pa la mchod do zhes bya ba ni bsdus pa'i don to/ /smon bgyid cing zhes bya ba ni lha zhes bya ste/ nyan thos pa rnams las kyang kho bo cag 'di lta bur gyur to zhes bya ba'o/ /sred bral zhing zhes bya ba ni bya ba byas pa dang bral ba'i nyan thos pa rnams la mchod pa zhes bya ba ni bsnyen pa'o/ /mchod pa'i bya ba gtso bo yin pa'i phyir dang/ smon bgyid kyi bya ba gtso bor ma gyur pa'i phyir nyan thos sred bral la zhes bya ba ste/ gtso bor gyur pa'i bya ba dang/ sbyor ba'i phyir na las kyi byed tshig ste/ lnga pa'i ni ma yin no/ /thal sbyar zhes bya ba ni thal mo sbyar ba'o/ /dper na rigs ngan par skyes pa 'phags pa nges par gnas pa de nyid rdo leb kyi steng du phyag dar khrod kyi gos 'drub pa la tshangs ris kyi lha mo bdun brgya tshangs ris nas 'ongs nas gus pas bsnyen bkur byed cing bltas nas lha mo gzhan kha cig gis tshigs su bcad pa 'di brjod de/ rgya che ba yi lha mo bdun brgya yis/ /tshangs ris nas ni 'ongs nas gus pa yis/ /cang shes skye ba'i mdza' ni gzigs pa ste/ /des gnas srid mthar son la phyag 'tshal lo/ /zhes bya ba'o/ /nyan thos zhes bya ba ni khyod 'ba' zhig la ma zad kyi nyan thos rnams la yang zhes bya ba ni 'ang gi sgra'i don to/ /de lta bu'i tshigs su bcad pa gnyis po 'dis 'phags pa'i lam skyes pa rnams la khyad par gyi gnas las skyes pas mchod pa ste/ dbye ba bdun pa'i bshad pa'o/ /de ltar rtogs pas ngo mtshar ba'i yid kyis bstod pa byed pas bshad pa ni/ e ma'o sangs rgyas 'khor ba yi/ /nyid gyur pa rgyu sa ra brjid/ /de ni mi dang lha rnams kyis/ /smon par bya ba nyid du gyur/ /e ma'o sangs rgyas 'khor ba yi zhes bya ba ni rgyas pa'o/ /e ma'o zhes bya ba ni ngo mtshar ba ste brjid ces bya ba dang sbyar ro/ /'khor ba ni nye bar len pa'i phung po lnga'o/ /de yi nying khur gyur pa ni snying por bshad de/ mar gyi snying po bzhin du 'khor ba de'i nying khur ro/ /gang gis she na smras pa/ sangs rgyas byung ba ni gzhan gyis bstan mi dgos te/ nyid kyis mi shes pa'i gnyid bcom pa'i phyir sangs rgyas zhes bshad de/ sad pa'i skyes bu bzhin no/ /de'i byung ba ni skye ba ste/ de'i brjid pa ni 'od kyis khyad par ro/ /de ji ltar ngo mtshar che zhe na/ bshad pa/ de na mi yang zhes bya ba la sogs pa la/ mi ni mi'i skye ba ste skye ba dman pa yin pas kyang ngo/ /de na zhes bya ba ni gang zhig sangs rgyas su byung bar gyur ba'o/ /lha rnams ni brgya byin la sogs pa rnams kyis smon par bya ba nyid du gyur te/ smon par bya ba nyid du gyur pa'o/ /de ltar brgya byin gyis smon pa ni kye ma'o/ /bdag gnas 'di nas 'phos nas mi rnams kyi skal ba dang ldan par skyes nas skra dang kha pu bregs nas ji srid srid pa 'di las gzhan du mi len pa zhes bya ba'i bar ni mdo'i tshig go / lam la 'jug pa'i bstod pa bshad pa'o/ /lam la 'jug pa la bstod pa zhes bya ba'i bshad pa ste le'u bcu pa'o// // dka' ba mdzad pa la bstod pa'i dka' ba mdzad pa'i bya ba'i rgyu gang yin pa dang/ gang zhig dka' ba mdzad pa'i bya ba'i rten dang/ ji ltar rang dbang ma yin pa dang/ rnam pa gang gi dka' ba mdzad pa'i bya ba zhes bya ba ste dbye ba bzhi'o/ /de la/ mnyel dang zhi bde nyams gyur dang zhes bya ba'i tshigs su bcad pa gnyis bshad par bya ste/ mnyel dang zhi bde nyams gyur dang/ /skye bo ngan dang 'grogs pa dang/ /mi mthun pa dang mang po yi/ /skyon yang yon tan bzhin dgongs shing/ /'gro ba'i don slad ma chags pa'i/ /thugs kyis brtson pa mdzad pa gang/ /sangs rgyas rnams kyi sangs rgyas kyi/ /chos nyid bcom ldan de rmad do/ /mnyel pa gang yin pa de ni mnyel ba ste/ sdug bsngal dgongs pa'o/ / 'di ltar nga la gzir ba mi bzad pa byung ba dang/ nang stug pos 'chi ba'i mthar gyur pa dang/ /'khor rnam bzhi la chos bstan pas mnyel bar gyur to zhes bstan to/ /zhi ba'i bde ba ni bsam gtan las byung ba'i bde ba'o/ /de nyams par gyur pa ni yongs su gtang ba'o/ /skye bo ngan dang 'grogs pa ni lhas byin dang/ skar bzang dang/ kun khro dang/ ba ra d+hwa dza la sogs pa dang 'grogs pa'o/ /mi mthun pa ni grang ba dang/ rlung dang/ tsha ba la sogs pa'o/ /mang po ni zhi ba'i bde ba dang bral ba'i gdul bya'i skye bos yongs su bskor ba ste/ de lta bu la sogs pa'i skyon rnams phung po'i lhag ma med pa'i mya ngan las 'das pa thob pa dang/ dbang nyid thob bas kyang yon tan bzhin te yon tan bzhin du dgongs pa'o/ /brtson pa mdzad pa ni 'jug pa'o/ /ci rang gi don yin nam zhe na/ ma yin zhes bshad pa/ 'gro ba'i don slad ni sems can la phan pa'i rgyu'o/ /gang zhes bya ba ni gang gis zhes bya ba'i don gyi tshig gi phrad de/ brtson pa'i rgyu gang gis brtson par mdzad pa'o/ /de rmad do zhes bya ba ni yang dag par rdzogs pa'i sangs rgyas so/ /ci 'jig rten pa bzhin du srid pas de bzhin du brtson par mdzad pa yin nam zhe na/ bshad pa/ ma chags pa'i thugs kyis zhes bya ba ni sred pa mi mnga' ba'i thugs kyis te/ sred pa rtsa ba nas ston pa'i phyir ro/ /de rmad do zhes bya ba ni dmigs par mi 'gyur ba ste/ 'jig rten pa shin tu rmad du byung ba yin pa'i phyir kho bo cag 'dra bas bsam par mi nus so zhes bya ba ni dgongs pa'o/ /bcom ldan zhes bya ba ni mchod pa'i tshig go / sangs rgyas rnams kyi ni de bzhin gshegs pa rnams kyi'o/ /sangs rgyas zhes bya ba ni bod pa'o/ /chos nyid ni chos kyi rang bzhin te/ thugs rje chen po zhes bya ba ni dgongs pa'o/ /de lta bu'i tshigs su bcad pa gnyis po 'dis mnyel ba la sogs pa bzod spyod pa'i dka' ba mdzad pa'i rgyu thugs rje chen pos bshad nas/ rten gang gis mnyel ba sku nyams su bstar ba de bshad par bya ste/ bshos kyang phal pa gsol mdzad cing/ /ras 'ga' smyung ba dag kyang mdzad/ /nyam nga'i shul duAng gshegs mdzad cing/ /rang rod can duAng mnol ba mdzad/ /bshos kyang phal ba gsol mdzad cing zhes bya ba la sogs pa smos pa la/ zas ngan pa ni bshos phab pa'o/ /gsol mdzad ni khyod kyis bzhes bya bas 'chad par 'gyur ro/ /dper na grong khyer bsrung byed ces bya bar bram ze'i rgyal po mes byin zhes bya bas bcom ldan 'das zla ba gsum mgron du gnyer ba la bram ze'i yul nas mi mngon pa'i gnas su zhugs pa dang/ de la byang phyogs kyi lam nas tshod pa 'ongs pa de dag las rta chas brnyes nas bcom ldan 'das kyis gsol lo zhes bya ba ni rtogs pa brjod pa'o/ /res 'ga' smyung ba dag kyang mdzad ces bya ba ni dper na sa la zhes bya ba bram ze'i grong gi skye bo rnams bdud kyis zin pa'i phyir bsod snyoms cig kyang rnyed par ma gyur to/ /nyam nga'i shul duAng gshegs mdzad cing zhes bya bas ni dper na rgyal po'i khab kyi bram ze tshong dpon gyis bcom ldan 'das lta ba'i phyir gnyan yod du phyin par gyur to/ /bcom ldan 'das kyis kyang rgyud yongs su smin pa dang ldan par ma gzigs nas rgyal po'i khab du zhabs gshegs so/ /tshong dpon yang rgyal po'i khab du song ngo/ /bcom ldan 'das tsam par gshegs pa nas/ de bzhin du gnas bcas dang/ ba ra NA si dang/ yangs pa can zhes bya ba'i grong khyer chen po drug du gshegs so/ /de nas mthong ma thag tu tshong dpon gyis bden pa mthong bar gyur to/ /rang rod can du 'ang mnal ba mdzad ces bya ba la/ mnal ba ni khyod ces 'chad par 'gyur ro/ /rang bzhin gyi don la ka ta'i rkyen can no/ /ba lang gi rjes gtod pas na rang rod can no/ /ba lang gi rmig pas brdzis pa'i 'dam skams dang rang rod can dang 'dra bar gyur te/ rang rod can de rnams su mnal pa mdzad do/ /ji ltar kau sham bi'i 'brog pa'i bu mo zhig gis grong khyer sngo sangs su rang 'dod pa'i lag can dgon pa ba khyer 'dod pas las gnyen gyi tshogs kyis yongs su bskor ba dang bcas pa lag can gyi gan du dgon par btang ngo/ /dgongs kha'i dus su dgon pa'i sgo bcad pas grong khyer gyi phyi rol tu gnas so/ /lag can gyi grong khyer sngo bsangs mthong bas bden pa mthong bar bya ba'i skal ba dang mi ldan par mkhyen nas bcom ldan 'das kyang dgon pa dang nye bar gshegs te rang rod can gyi sar rtswa'i mal stan la mnal ba mdzad do/ /ba lang rdzi dag gis kyang gcan dgon pa pa la 'di skad ces smras te/ gang zhig rab tu byung bas khyod srin po las grol bar mdzad pa de nyid rang rod can du mnal ba mdzad do zhes lag can gyis thos nas grong khyer sngo bsangs ma bcas par byas pa gzo ba nyid kyis de bzhin gshegs pa'i thang du phyin phyag btsal te zhus pa/ yul 'khor gyi nang du rlung g.yos pa la rang rod can du rtsa'i gdan la bcom ldan 'das mnal ba mdzad dam zhes zhus so/ /bcom ldan 'das kyis bka' stsal pa/ /lag can gzhan 'jig rten pa kha cig bde ba'i slad du nyal bar byed de/ nga ni de rnams las gzhan pa ste/ 'dod chags dang zhe sdang gti mug gi gdung ba mi mnga' ba'i phyir ro/ /'dod chags la sogs pa'i yongs su gdung ba dang ldan pas 'jam pa'i stan la nyal na yang sdug bsngal gyis gnyid log par byed do zhes bya ba'o/ /de ltar de la chos bstan pas khyim bdag lag can gyis ji lta ba bzhin du bden pa mthong bar gyur to/ /zhes bya ba'o/ /mgon khyod gtso bor gyur lags kyang/ /gdul bya rnams la byams slad du/ /sku ngas rngo dang gcam tshul dang/ /skad dang cha lugs bsgyur ba'ang mdzad/ /sku ngas brdo dang gcam tshul ngang zhes bya ba la/ sku ngas rdo? bsnyen bkur ma yin pa'o/ /ji ltar dgon pa pa'i khyim du bcom ldan 'das bzhugs pa dang/ dgon pa pa phyi rol tu byung bar gyur pa de yang 'ongs nas dge sbyong song zhig ces smras pa dang/ bcom ldan 'das gshegs te/ gzhan gyis yongs su bzung ba'i phyir ro/ /dge slong zhugs shig ces smras pa dang/ bcom ldan 'das zhugs te/ dregs pa dang nga rgyal mi mnga' ba zhes bya ba'i phyir ro/ /de ltar sems can rnams dang sku la brten nas mnyel ba mdzad do/ /skad dang cha lugs bsgyur ba'ang mdzad ces bya ba ni sangs rgyas kyi cha lugs spangs nas cha lugs gzhan pa ni dper na legs par 'dod pa'i don du rgyud mangs brdung ba'i cha lugs dang/ rdza mkhan rgad po la sogs pa'i cha lugs kyang ji lta ba bzhin zhes bya ba'o/ /'phags pa'i gsung spangs nas kla klo'i skad shes pa'i 'jig rten skyong ba rnams la chos bstan par mdzad pa'i phyir dab phi da phi zhes bya ba'i skad gzhan no/ /gsung la brten nas mnyel ba ni gsung brten me nyel ba'o/ /de ltar 'dogs mdzad pa'i phyir mgon khyed ces bya ba ni bod pa'o/ / gdul bya kho na ni gdul bya'o/ /de rnams la byams pa ni thugs rje chen po yis te/ de'i slad du ni gdul bya rnams la byams pa'o/ /de ltar 'dir dka' ba mjid pa'i bya ba'i rgyu bshad do/ /gtso bor gyur lags kyang zhes pa ni zhi pa dang phung po'i lhag ma med pa'i mya ngan las 'das pa'i grong khyer la 'jug pa'i gtso bor gyur pas kyang ngo/ /bshos kyang phal ba gsol mdzad cing zhes bya ba la sogs pa'i dka' ba mdzad pa 'ba' zhig du ma zad kyi/ 'on kyang/ kun gyis dga' mgur rang don phyir/ /dran bzhen bskor bar bsgrims pa las/ /mgon khyod rtag tu bdag nyid la/ /mnga' mchis pa yang ma lags so zhes smos pa la/ mnga' mchis pa ni rang dbang nyid do/ /mgon khyod ces bya ba'i don ni bshad zin to/ /rtag tu zhes bya ba ni rtag par te mchis pa yang ma lags zhes bya ba dang sbyar ro/ /bdag nyid ni nyid kyi sku la ji ltar bshad par bya zhe na/ smras pa/ bran bzhin zhes bya ba smos pa la/ tshig gi mchod 'os zhes bya ba ni bran te gzhan dbang du bshad do/ /bzhi ni dpe'o/ / kun gyis zhes bya ba ni srog chags rnams kyis so/ /'ang ni gang gi phyir gyi don to/ /dga' dgur zhes bya ba ni ji ltar 'dod pa'o/ /rang don ni rang gi don gyi phyir ro/ /bskor ba ni bskor ba ste/ skyabs mdzad pa'i phyir ro/ /bshad pa ni 'di yin te/ ji ltar gang zhig bran gang yin pa des rang gi don gyi phyir ji ltar 'dod pas bskor ba de bzhin du khyod kyang kun gyis ji ltar 'dod pas rang gi don gyi phyir bskor ba'o/ /de'i phyir/ mgon khyod rtag tu bdag nyid la/ /mnga' mchis pa yang ma lags so/ /kun gyis dga' mgur rang don phyir zhes bya ba ji ltar shes par bya zhe na/ smras pa/ khyod la gang dang gang du yang/ /ji skad bskul yang mi spong ste/ /nyid kyi sgrub pa bzang po las/ /'da' bar 'gyur ba ma mchis so/ /khyod la gang dang gang du yang zhes bya ba ni rgyas pa'o/ /ji skad ces bya ba ni bram ze 'am dam she can nam dbul po 'am phyug po 'am bde ba 'am sdug bsngal dang ldan pas so/ /gang dang gang du zhes bya ba ni bdun pa'i rgyu mtshan te/ ngan song las gdon par bya ba'i phyir dang/ bde 'gro la dgod par bya ba'i phyir ro/ /ji skad ces bya ba ni zhes dang bral bas so/ /bskul ba zhes bya ba ni zhus pos gnyid kyi sgrub pa zhes bya ba ni nyid kyi sgrub pa'o/ /gang gi dge ba'i bya ba gang yin pa de bzhin du 'jug pa ste/ gzhan gyi gzir ba bsal bar bya ba'i phyir ro/ /dper na dmyal bar 'gro ba'i dgos pa dang ldan pas sngon bde 'byung las phyis lha'i bu la gsungs pa/ /thugs rje ldan pas rgyal bdag la/ /sems ni legs par dad par gyis/ /de ltar gzhan la yang ce rigs par sbyar ro gnas pa la ro gcig pa'i phyir sgrub pa bzang po ste/ de las 'da' bar gyur pa ma mchis pa ni 'da' bar ma gyur ba zhes bya'o/ /de lta bu 'dis ni rang dbang du ma gyur pa bshad do/ /da ni rnam pa gang gis dka' ba mdzad pa de bshad par bya ste/ ji ltar khyod ni gnod bgyid la/ /phan pa lhur mdzad de lta bur/ /skye bo dag ni phan bgyid la'ang/ /phan pa de ltar lhur mi bgyid/ /phan pa lhur mdzad ces bya ba ni bshad zin to/ /gnod bgyid la zhes bya ba ni zas gtsang ma la sogs pa 'ba' zhig la phan par mdzad par ma zad kyi gnod par bgyid pa la gzhol ba lhas byin la sogs pa la yang ngo/ /khyod ni bcom ldan 'das so/ /ji ltar khyod phan ba lhur mdzad pa de bzhin du phan par byed pa'i skye bo la skye ba ma yin no/ /ji ltar lhas byin zhes bya ba ni bcom ldan 'das kyi mched zla ste/ skye ba gzhan du gnod pa bgyid pa'i smon lam btab pa dang/ rtag tu phan pa ma yin pa rtsol ba'o/ /bcom ldan 'das ni rtag tu phan par mdzad pa dang/ phan pa zhes bya ba ni gtsug lag khang ngo/ /gzhan yang/ khyod ni gnod bgyid dgra bo la/ /phan pa mdzad pa'i bshes lags te/ /rtag tu skyon dag tshol ba la/ /yon tan 'ba' zhig tshol ba lags/ /khyod ni gnod bgyid dgra bo la zhes pa la sogs pa smos pa la/ gnod pa ni gnod pa bgyid pa'o/ gnod pa bgyid pa'i dgra bo ni rdzogs byed la sogs pa'i mu stegs pa'i tshogs de dag go / khyod phan pa mdzad pa ni dge ba mdzad pa ste/ de nyid bshes so/ /rtag tu skyon dag tshol bar byed pa gang yin pa de ni rtag tu skyon dag tshol ba ni mi mchog la sogs pa yin la/ yon tan 'ba' zhig tshol ba ni dge ba tshol ba dang ldan pa'o/ /de lta bu'i tshigs su bcad pa 'dis gnod pa bgyid pa la phan pa ltur mdzad pa dang/ phan pa lhur mi bgyid pa tshol ba la phan pa lhur mdzad pa tshol ba dang/ skyon tshol ba dag la yon tan 'ba' zhig tshol ba zhes bya ba'i rnam pa de rnams kyis dka' ba mdzad pa zhes bya ba bshad do/ /gzhan yang/ khyod ni gang na dug bcas shing/ /zhugs dang bcas par spyan drangs pa/ /der ni brtser bcas gshegs pa dang/ khyod la bdud rtsi can du gyur/ /khyod ni gang na dug bcas shing zhes bya ba ni rgyas pa'o/ /gcer bu pa phal la dad pa khyim bdag dpal sbas kyis dug dang bcas pa'i bshos mdun du bzhag nas khyim gyi nang du me'i 'obs kyi steng du rtsa gcal du bkram pa'i steng du song na bcom ldan 'das mer lhung zhing dug dang bcas pa'i zas kyis 'chi bar 'gyur ro zhes bya ba'i bsam pas spyan drangs so/ /bcom ldan 'das kyang de la thugs brtse bas dge slong gi dge 'dun gyi tshogs kyis bskor ba de'i khyim du gshegs nas zhabs bkod pa de ma thag tu me'i 'obs de las pad ma skyes par gyur pa dang/ bshos kyang dug dang bral nas/ bcom ldan 'das dang 'phags pa'i dge 'dun gyi tshogs kyis bzhes so zhes bya ba'o/ /dpal spas chung ma dang bcas pa dang par gyur nas chos bstan pas bden pa mthong bar gyur to/ /zhes bya ba ni rtogs pa brjod pa'i sde'o/ /de nyid las brten nas bshad pa/ gang na spyan drangs pa zhes bya ba la sogs smos pa la/ gang na zhes bya ba ni dpal sbas kyi gnas so/ /spyan drangs pa ni gdugs tshod kyi phyir zhus par gyur pa'o/ /dug dang bcas pa ni dug dang bcas pa ste spyan drangs pa'o/ /de bzhin du zhugs dang bcas pa'o/ /der ni de'i rgyu mtshan te dpal sbas kyi slad du zhes bya ba'i don to/ /gshegs pa zhes bya ba ni yon bdag gis mngon du yang dag par gshegs pa'o/ /ji ltar zhe na/ bshad pa/ brtser bcas ni thugs rje dang bcas pa'o/ /bdud rtsi can ni bdud rtsi can du gyur pa'o/ /bdud rtsi ni 'dir mya ngan las 'das pa thob pa'i lam ste/ mi 'chi ba'i rgyu yin pa'i phyir ro/ /de la me'i gnyen por brtse ba dang bcas pa'i chu mngon du gyur pas gshegs pa dang/ dug gi gnyen por bdud rtsi dang ldan pa yang dag pa'i lam gyis gshegs par gyur to zhes bya ba dang sbyar te/ gshegs pa zhes bya ba ni nye bar sbyor ba gnyis dang sbyar ba'i phyir ro/ /de lta bu'i tshigs su bcad pa 'dis 'gal ba rnams la yang rtag tu phan pa bskyed pas dka' ba mdzad pa bshad do/ /gzhan yang/ bzod pas mi snyan brjod pa dang/ /'khu ba dag ni bde legs kyis/ /mi snyan smra la bden pas te/ /khyod kyi sdang ba byams pas btul/ bzod pas mi snyan brjod pa dang zhes bya ba smos pa la/ mi snyan pa brjod pa ni tshig rtsub po dang ldan pa ste bzod pas btul ba'o/ /ji ltar mi snyan pa brjod pa'i bram ze b+ha ra d+hwa dzas bcom ldan 'das gnyan yod du bsod snyoms la gshegs pa la/ mang du mi snyan pa brjod nas dbu la rdul gyis gtor ba la bcom ldan 'das la ma phyin par bram ze de nyid kyi mgo la babs par gyur to/ /de nas bcom ldan 'das kyis tshigs su bcad pa gsungs pa/ dag pa dang ni skyon rnams med pa dang/ /sdang med mi la nyes gang byed pa ni/ /byis bde nyid la sdig pa bzlog par 'gyur/ /ji ltar phra mo'i rdul gtor mgo la bzhin/ zhes bya ba'o/ /'khu ba dag ni gnod pa byed pa'i bsam pa can la bde legs kyis btul lo/ /dang gi sgras ni bzod pas kyang ngo/ /'khu ba dag ces bya ba ni kha cig tshig mang por zer ba'o/ /legs pa'i sgras don dam pa'i dge ba dang mya ngan las 'das pa 'thad do zhes bshad do/ /de nyid kyis na 'phags pa'i lam mo/ /de nas bde legs kyis ni dpal sbas la sogs pa bden pa mthong bas btul ba dang bzod pas kyang ngo/ /'o na sdang ba byams pas btul zhes 'chad 'gyur na/ sdang ba gang yin pa de nyid 'khu ba sde sdang ba'i don can zhes bya ba khams gdon par brjod pa'i phyir zlos pa'i skyon du 'gyur ro zhe na ma yin te/ dka' ba mdzad pa'i bya ba'i rnam pa mdzad pa'i phyir gnas gcig du bde legs dang bzod pa la sogs pas sdang ba btul lo zhes bstan pa dang/ gnas gzhan du byams pa la sogs pa dka' ba mdzad pa'i gnas skabs su 'di ni smra ba mi rigs so/ /kha cig na re khro ba dag ni bde legs kyis zhes brjod pas na de dag gis zlos pa'i skyon shin tu gsal lo/ /khro ba ni sor phreng can la sogs pa'o/ /mi snyan smra la bden pas te zhes bya ba la mi snyan pa smra ba gang yin zhe na/ mdzes ma rab tu byung ba la brten nas mu stegs pa mi snyan pa smra ba'o/ /de rnams khyod kyis bden pa yis btul ba dang/ dang gi sgras ni bzod pas kyang ngo byams pas ni phan pa'i thugs kyis so/ /sdang ba ni gsod pa la brtson pa ste/ bdud kyi bran dang mngag gzhug pa'o/ /de rnams kyis mda' dang mdung thung bcom ldan 'das la 'phangs pa la byams pa la sbyor ba'i phyir me tog gi char du gyur to zhes bya ba ni lung ngo/ /de lta bas na 'dir byams pa dang bde legs dang bzod pa'i rnam pa de rnams kyis dka' ba mdzad pa bshad do/ /gzhan yang/ thog ma med dus goms pa yi/ /mi yi rang bzhin mang po yang/ /khyod kyis ngan song rnams bzlog nas/ /skad cig nyid la yongs su bsgyur/ /thog ma med dus goms pa'i zhes bya ba la sogs pa smos pa la/ thog ma med dus goms pa ni zhugs pa nyid de/ /thog ma med dus goms pa'o/ /mang po ni rnam pa mang po can no/ /rang bzhin ni sems can rnams kyi 'dod chags dang zhe sdang dang gti mug gi bdag nyid can no// khyod kyis ngan song rnam bzlog nas zhes bya ba la/ ngan song ni ngan 'gro ste/ rnam par bzlog pa ni gang gis bzlog pa de ngan song rnam bzlog pa'o/ /skad cig nyid ces bya ba ni dus nyung ngus so/ /yongs su bsgyur ba ni gzhan du bsgyur ba'o/ /'dod chags kyi spyod pa dang ldan par gyur pa gang yin pa de ni dbang po thul bar gyur ba ste/ dper na 'phags pa dga' bo'i dbang po thul ba bzhin no/ /zhe sdang gi spyod pa dang ldan par gyur ba gang yin pa de ni byams pa la gnas par gyur pa ste/ dper na sor phreng bzhin no/ de ltar yun ring por 'jug pa'i nyon mongs pa rnams dus nyung bas bzlog pas dka' ba mdzad pa bshad pa ste/ dka' ba mdzad pa la bstod pa'i bshad pa'o/ /dka' ba mdzad pa la bstod pa'i bshad pa zhes bya ba ste le'u bcu gcig pa'o// // mkhas pa la bstod pa bshad par bya ste/ de la mkhas pa ni shes rab can dang gzhol ba zhes bya ba'i don to/ /de la skye ba gzhan du skye ba la mkhas pa dang/ tshim pa bskyed pa la mkhas pa dang/ don dang bcas pa'i gsung la mkhas pa dang/ rim par ston pa la mkhas pa dang/ 'don pa'i thabs la mkhas pa ste rgyu dang bcas pa zhes bya bas na dbye ba lnga'o/ /gang gi phyir/ rtsub pa dang 'jom bgyis pa dang/ /'jungs pa rnams ni gtong phod dang/ /gtum po nges par bgyis pa gang/ /de ni khyod kyi thabs mkhas lags/ /ngang 'jam bgyis pa zhes bya ba la/ 'jam pa'i rang bzhin ni 'jam pa ste bde ba'o/ /bgyis pa zhes bya ba ni thob pa'o/ /rtsub pa zhes bya ba ni khro ba can no/ /ji ltar khyim bdag drag po gtum por gyur pa bcom ldan 'das kyis btul bas dang 'jam par gyur pa dang/ de bzhin du rgyal po ma skyes dgra la sogs pa rnams so/ /'jungs pa rnams ni ser sna can no/ /rang gi sgras bgyis pa zhes bya ba ste bsdus pa'i don to/ /gtong phod ces bya ba ni sbyin par byed pa nyid do/ /dper na khyim bdag dpa' bo zhes bya ba ser sna dang ldan pas slongs mo yang mi gter ba de la bcom ldan 'das kyis sbyin pa'i chos bstan pa la brtsams te/ khyim bdag sbyin pa chen po lnga po 'di zhes bya'o/ /sbyin pa gcig kyang nga la dka' na chen po lnga lta smos kyang ci dgos zhes dpa' bos bsams so/ /bcom ldan 'das kyis bka' stsal pa/ srog gcod pa las ldog pa sbyin pa chen po dang ma byin par len pa dang/ ji srid 'bru'i chang dang btsos pa'i chang myos pa'i khu ba bag med pa'i gnas las ldog pa ni sbyin pa chen po zhes bya'o/ /dpa' bos yang dag par bsam te sbyin pa 'di ni sbyin pa yin te/ bang mdzod mi zad pa'i phyir ro/ /zhes bya bas na bkur sti byas nas thos pa brtsams te mngon par dad par gyur pas bcom ldan 'das la na bza' zung zhig dbul bar bsams nas khyim du zhugs te gos kyi sgrom phye nas na bza' zung zhig dbul lam 'di dbul lam gzhan dbul zhes sems pa de'i sems bcom ldan 'das kyis mkhyen nas tshigs su bcad pa gsungs pa/ sbyin pa dang ni rtsod pa mnyam par bshad/ /yon tan de dag skye ngan la mi gnas/ /g.yul 'gyed dus nyid sbyin pa'i dus yin te/ /rgyu bsdus pas ni 'dra ba nyid du 'gyur zhes pa'i gsung thos nas dad pa mang du skyes par gyur pas mang po ri ba'i na bza' zung bcom ldan 'das la phul nas chos mnyan pas bden pa mthong ba dang/ rab tu byung bas dgra bcom par gyur to/ /gtum po zhes bya ba ni g.yo rgyu dang ldan pa'o/ /des pa ni rgyud 'jam par bgyis pa'o/ /de ni zhes bya ba ni bgyis pa zhes bya ba dang sbyar ro/ /thabs mkhas pa ni sbyor ba la mkhas pa zhes bya ba'i don to/ /gzhan yang/ dga' ba'i dbang po nyer zhi dang/ /nga rgyal khengs pa 'dud pa dang/ /sor mo'i phreng ba'ang zhi bgyis na/ /su zhig ngo mtshar skyed mi bgyid/ /dbang po nyer zhi zhes bya ba smos pa la/ dbang po ni mig la sogs pa rnams te/ nyer zhi ni 'dod chags la sogs pa'i yul la mi 'jug pa'o/ /de la dga' bo ni bcom ldan 'das kyi mched zla ste/ 'dod chags kyi shas che ba bcom ldan 'das kyis btul bas dbang po dul ba'i nang na mchog du gyur to/ /su zhig ngo mtshar skyed mi bgyid ces bya ba dang thams cad la sbyar ro/ /nga rgyal khengs pa ni shin tu nga rgyal dang ldan pa'i skye bo pha dang ma dag la yang phyag 'tshal bar mi byed pa bcom ldan 'das kyis rab tu phyung nas dgra bcom pa la bkod do/ /'dun pa ni dam pa dang/ rim gyis rgan pa dang/ rab tu byung ba rgan po rnams la yang dag bar 'dud par gyur to/ /sor mo'i phreng ba gang la yod pa de ni sor mo'i phreng ba'o/ /de nyid rkun po mi'i sor mo'i phreng ba 'dzin pas srog chags gsod par byed pa bcom ldan 'das kyis btul lo/ /sor mo'i phreng ba zhi ba de la su zhig ngo mtshar bskyed par mi byed de/ sangs rgyas kyi bstan pa la dad pa dang ldan pa dang/ dad pa dang mi ldan pa thams cad kyang ngo mtshar bskyed par mdzad do zhes bya ba ni dgongs pa'o/ /de ltar rtsub pa la sogs pa'i rigs can dang 'jam pa la sogs pa'i rigs can du gyur pa zhes bya ba'i tshigs su bcad pa gnyis kyis bcom ldan 'das skye ba gzhan du skye ba la mkhas pa bshad do/ /gzhan yang/ khyod kyi chos kyi ros tshim pas/ /gser las bgyis pa'i mal spangs nas/ /ran mang bting ba'i gnas mal du/ /brtan rnams bsod nyams nyal bar bgyid/ /ran mang bting ba'i gnas mal du zhes bya ba ni rgyas pa'o/ /mang ba ni lus can gyis te/ ran bting ba'i gnas mal zhes bya ba dang sbyar ro/ /gser las bgyis pa zhes bya ba la/ gser ni gser du bshad do/ /de las bgyis pa'i mal ni gser las bgyis pa'i mal te/ gser gyis rnam par spras pa zhes bya ba'i tha tshig go / nyal bar bgyis ces bya ba ni nyal ba'o/ /bsod nyams ni 'dod chags la sogs pa'i yongs su gdung ba med pa'i phyir ro/ /brtan pa rnams zhes bya ba ni shes rab dang ldan pa ste/ 'phags pa'i lam bskyed pa'i phyir ro/ /de ltar bzang ldan dang/ 'od srungs dang/ dga' bo dang/ kun dga' bo dang/ bre bo zas la sogs pa rnams kyis nga rgyal spangs nas bcom ldan 'das kyi bstan pa la rab tu byung bas dgra bcom par gyur to/ /ji ltar de rnams rtsa mang po bting ba'i gnas mal la bsod nyams kyis nyal bar bgyid ce na/ gang gi phyir chos kyi ros tshim pas zhes bya ba ni mya ngan las 'das pa dang/ don dam pa thob pa'i 'phags pa'i lam 'phags pa rnams la tshim pa skyed pa byed pa'i phyir chos kyi don gyi ro ni chos kyi ro'o/ /de yis tshim par gyur pa ste/ tshim pa'i don zhes bya ba la byed pa'i tshig drug pa'o/ /khyed ces bya ba ni khyod kyi'o/ /bzang ldan la sogs pa mang po chos kyi ros tshim pas bsod nyams kyis nyal bar byed de/ zhi ba thob pa'i sems kyis ni/ /nye bar zhi bas bde bar nyal/ /zhes tshigs su bcad pa gsungs so/ /de bzhin du 'dir tshim pa bskyed pa la mkhas par bshad do/ /gzhan yang/ khyod kyis dus dang bsam mkhyen pas/ /res 'ga' zhus na'ang mi gsung la/ /spros gyur gzhan la bstan pa dang/ /drung du gshegs nas mdzad pa'ang mdzad/ / res 'ga' zhus na mi gsungs la zhes bya ba ni gzhon nu'i bu dang rigs mthun pa rab tu byung ba ci gau ta ma bdag yod dam zhes bcom ldan 'das la zhus shing bcom ldan 'das la zhus kyang ma gsungs so/ /rgyu ci'i phyir zhe na/ dus dang bsam mkhyen pas/ zhes bya bas 'chad par 'gyur ro/ /de la dus ni gzhon nu'i bu'i bsam pa yongs su smin par ma dgongs pas bdag med pa bshad pa'i skal ba dang ldan pa 'di ni ma yin no/ /dgongs pas ma gsungs so/ /drung du gshegs nas zhes bya ba ni ma zhus par yang bshad pa mdzad pa ni chos ston pa'o/ /ji ltar ngan spong gi bu'i rdza mkhan gyi khyim du bzhugs pa nas drung du gshegs te/ dge slong pad+ma'i rjes su 'brang ba la thog mar dge ba zhes bya ba la sogs pa'i chos bstan to/ /de'i tshe pad+ma'i rjes su 'brang ba'i bsam pa yongs su smin par mkhyen pa nges so/ /spros gyur tsam bya ba ni gdung ba bskyed nas so/ /gzhan la ni gzhan 'dul ba'i phyir ro/ /ji ltar 'od srungs kyis zhus pas/ gsungs pa ni 'on kyang khyod kyi dri ba gsal ba'i dus ni ma yin no/ /zhes bya ba'o/ /de nas de'i stobs kyis zhus shing mang du zhus pa'i tshe bcom ldan 'das kyis 'od srungs de la spro ba bskyed nas dus gzhan gyi tshe bsam pa yongs su smin par thugs kyis mkhyen nas dris pa de la lan klan par mdzad do/ /thos nas dus gzhan gyi tshe bden pa mthong bar gyur to/ /zhes bya ba ni mdo'i don to/ /dus dang bsam pa mkhyen pas zhes bya ba la/ dus dang bsam pa ni yongs su smin pa 'am yongs su ma smin pa ste/ de mkhyen pas na dus dang bsam pa mkhyen pa'o/ /des na dus dang bsam pa mkhyen pa khyod kyis so/ /de lta bas na 'dir don dang ldan pa la ston mkhas pa bshad de/ /gzhan yang/ dri med gos la tshon bzhin du/ /thog mar sbyin sogs gtam dag gis/ /sems la spro ba bskyed nas ni/ /phyi nas chos ni bstan pa mdzad/ /thog mar sbyin sogs gtam dag gis/ zhes bya ba'i tshigs su bcad pa la/ thog mar zhes bya ba ni dang po'o/ /sbyin sogs gtam dag gis zhes bya la/ sogs kyi sgras ni tshul khrims kyi gtam la sogs pa shes par bya'o/ /sems la spro ba ni sems las su rung ba nyid de/ 'phags pa'i bden pa'i gtam gyi don yongs su shes pa'i nus pa dang ldan pa zhes bya ba'i tha tshig go / dus ni dus phyi ma'o/ /chos ni 'phags pa'i lam zhes dgongs pa'o/ /dri ma med pa gang la yod pa de ni dri med gos te de la'o/ /chos gang yin pa de ni tshon no/ de bzhin du ni dper ro/ /ji ltar tshon gyi las la mkhas pas thal ba la sogs pas dri ma dag par gyur pa'i gos la tshon gyis btsos pa de bzhin du/ khyod kyi sbyin pa'i gtam la sogs pas sems la spro ba bskyed cing go rim gyi gtam la mkhas pas chos bstan pa mdzad do zhes bya ba ni ma lus pa'i don to/ /de bzhin du mdo las gang de sangs rgyas bcom ldan 'das kyis thog ma'i dus su chos kyi gtam mdzad de/ dper na sbyin pa'i gtam dang/ tshul khrims kyi gtam dang/ mtho ris kyi gtam gyi bar du'o/ /dper na gos dag pa dri ma med pa la tshon gyis btsos na yang dag par tshon len par 'gyur ba de bzhin du/ gnas 'jog dang rigs mthun pa'i bram ze mo stan de la gnas nas 'phags pa'i bden pa bzhi mngon du byas so zhes bya ba ste/ dper na sdug bsngal ba dang/ kun 'byung dang/ 'gog pa dang/ lam zhes bya ba'o/ /de lta bas na 'dir rim pas ston pa la mkhas par bshad do/ /gang gi phyir de ltar mdzad pa de yi phyir/ 'khor ba mi bzad gting nas ni/ /'gro ba nyon mongs drang slad du/ /khyod kyis gang gis ma btsal ba'i/ /thabs dang spyod pa de ma mchis/ /zhes bya ba ni rgyas pa'o/ /thabs ni sbyor ba ste/ skal ba dang mi ldan pa drang ba'i phyir thabs mdzad pa'i spyod pa mi nus sam zhe na/ smras pa/ spyod pa zhes bya ba ste/ dang gi sgra ni dang gi sgra'i don to/ /thabs gang gis mi spyod ces bya ba de ni mi mnga' o/ /gang gis sems ma btsal ba ni khyod kyis rtsol ba ma mdzad pa'o/ /de'i don ni 'di yin te/ khyod kyis thabs dang spyod pa rnams btsal bar mdzad do zhes bya ba'o/ /ci'i phyir zhe na/ 'khor ba mi bzad gting nas ni zhes bya ba la sogs pa ni rga ba dang/ na ba dang/ 'chi ba la brten pa'i na 'khor ba mi bzad pa'o/ /thog ma med pa'i dus can yin pa'i phyir zab pas na gting ring ba'o// de las drang ba'i slad du ni mya ngan las 'das par 'dren pa'i phyir ro/ /'gro ba ni 'jig rten pa thams cad do/ /gal te phung po lnga'i rang bzhin gyi 'khor ba las 'gro ba ldog pa ma yin mod yi/ 'on kyang 'chad pa pos dbye ba 'chad par 'dod pas 'khor ba las 'gro ba drang ba'i slad du zhes bya bas bshad pa grub te/ ji ltar nags 'di na seng ldeng dang shing ba la sha yod zhes bya ba'o/ /thams cad kyis rtsol ba mdzad ces pa ji ltar shes she na/ smras pa/ gang gi phyir/ sku yi cha lugs rnam mang dang/ /gsung gis so so'i skad bzhin du/ /'dul ba'i bsam pa tha dad pa/ /de dang der ni khyod kyis mdzad/ /sku'i cha lugs rnam mang zhes smos pa la/ rnam mang zhes bya ba ni rab tu mang po'o/ /sku yi cha lugs rnams ni dbye ba du ma'o/ /gsung ni gsung gis so/ /mdzad ces bya ba ni 'chad par 'gyur ba ste gsungs pa zhes bya ba'i don to/ /cha lugs rnams ni gzhan pa'i cha lugs de mdzad pa zhes bya ba dang sbyar zhing mdzad pa zhes bya ba'i don to/ /'dul ba'i bsam pa ni dgongs pa'o/ /de tha dad pa ni 'dod chags dang zhe sdang la sogs pa'o/ /der ni 'dul ba'i bsam pa tha dad pa'i rgyu yis so/ /de la gnyan yod kyi grong khyer du re zhig khyod gsung rnam pa mang ba ste/ dper na dab phe dab phe zhes bya ba 'jig rten skyong ba'i bsam pa tha dad pa dang/ de las gzhan pa rnams la 'phags pa'i gsung gis so/ /cha lugs rnams kyang mang du mdzad pa ste/ ji ltar dri za shin tu snyam pa nga rgyal bsam pa can du mkhyen pas rol mo mkhan gyi cha lugs dang/ j i ltar gzhan pa rdza mkhan kha cig gis rdza sa'i rdza ma 'khor lo las phab ma thag tu skams par gyur pa de'i phyir nga dang 'dra ba rdza mkhan gyi bzo'i slob dpon med do zhes nga rgyal skyes pa de'i bsam pa bsam pa bcom ldan 'das kyis mkhyen pas rdza mkhan gyi cha lugs su sprul nas 'khor lo kho na las so btang ba dbab pa mdzad do/ /slar yang sangs rgyas kyi cha lugs su mdzad nas nga rgyal dang bral ba de 'dul bar mdzad do/ /zhes bya ba'o/ /tha mal ba'i skad dang cha lugs gzhan pa de rnams la kha cig smod pa ma yin nam zhe na/ smras pa/ de dag kun kyang dag pa dang/ /mi 'gal ba dang mchod 'os dang/ /brjid dang lha mi rnams la ni/ /sman 'dogs bkur ba sha stag lags/ /dag pa dang mi 'gal ba zhes bya ba la sogs pa ni mi dge ba'i rtsa ba bskyed par byed pa mi mnga' ba'i phyir na dag pa'o/ /gzhan la phan pa la sbyor ba'i phyir mi 'gal ba'o/ /gzhan la sman 'dogs pa'i phyir mchod 'os te/ rab tu bsngags par 'os pa zhes bya ba'i don to/ / ma rig pa'i rab rib gdon pa la g.yer ba'i phyir na brjid pa dang ldan pa'o/ /kun zhes bya ba ni sku'i cha lugs rnam pa mang ba dang/ gsung gi cha lugs rnam pa mang ba'o/ /lha dang mi la sman 'dogs pa ni phan par mdzad pa ste/ bden pa mthong bar mdzad pa'i phyir ro/ /sha stag ni lha dang mi rnams kyi phyag bya bar 'os pa'o/ /da ltar byung ba'i dus zhes bya ba ni byed tshig drug pa dang sbyar ro/ /dag pa la sogs pa'i yon tan dang ldan pa ji ltar shes par 'gyur zhe na/ smras pa/ smra dang bgyid pa phal cher ni/ /legs par rdo thog ma lags kyi/ /bden par gsung ba khyod la ni/ /de gnyis gzhan du gda' ba lags/ /smra dang bgyid pa zhes bya ba ni rgyas pa'o/ /dang gi sgra ni gang gi phyir gyi don to/ /gang gi phal che ba dang legs pa ni legs pa ste/ rngo mi thog pa dang/ phal che ba dang/ legs par smra ba yang rngo mi thog pa'o/ /gzhan yang 'jig rten pa kha cig legs par byed pa 'am legs par smra ba ste/ khyod la gzhan du zhes bya ba ni cha lugs rnam pa mang po dang/ gsung rnam pa mang po la sogs pas sngar bshad pa'i sbyor ba la sogs pa rnams kyis legs par gda' ba lags so/ /phyin ci log pa'i gsung mi mnga' ba'i phyir bden pa gsung ba zhes bod pa'o/ /gda' ba zhes bya ba ni gda' ba' o/ / de gnyis zhes bya ba ni sngar bshad pa'o/ /phal che ba dang legs pa ni bgyid pa dang gsung ba'o/ /de'i phyir sku'i cha lugs rnam mang zhes bya ba ni sngar legs par bshad do/ /de lta bu'i tshigs su bcad pa de rnams kyi dag pa'i sku dang gsung gi sgrub pas rgyu dang bcas pa'i drang ba'i thabs la mkhas pa nyid bshad do/ /de ni bya ba med na yang sems can drang ba la mkhas pa bshad par bya ste/ bdag nyid dag pa 'ba' zhig gis/ /khyod kyis 'gro ba'i dpal zhing mdzad/ /'di ltar rnam pa 'di 'dra zhing/ /'jig rten gsum na ma mchis ma lags/ /thog med srid pa nyam nga bar/ /snga nas gcig tu nyams pa yi/ /sems can kun la sman slad du/ /khyod ni de ltar brtson pa lags/ /bdag nyid dag pa 'ba' zhig gis zhes bya ba'i tshigs su bcad pa gnyis te/ bya ba mi mnga' ba'i phyir bdag nyid 'ba' zhig ni thugs kyi dag pa ste/ nyon mongs pa bag chags dang bcas pa'i dri ma ma lus pa spangs pas na bdag nyid dag pa 'ba' zhig des so/ /nyid ces bya ba ni nges par 'dzin pa la'o/ /dpal zhing mdzad ces bya ba ni dag byed du mdzad pa ste/ mtho ris kyi lam la 'god par mdzad pa'i phyir ro/ /'gro ba'i mtshan nyid ni bshad zin to/ /mdzad ces bya ba ni srid pa'i don la ling gi rkyen dang sbyar ro/ /gang las de ltar yin zhe na bshad pa/ 'di ltar rnam pa 'di 'dra zhes bya ba la sogs pa smos pa la/ 'di ltar ni rnam pa 'di 'dra ste/ skyon thams cad mi mnga' ba dang yon tan thams cad dang ldan pa yang sngar bshad do/ /zhing ni 'dir mtho ris dang thar pa'i 'bras bu thob pa'i gnas so/ /'jig rten gsum dag ni khams gsum dag na'o/ /mchis pa ni ma lags pa dang sbyar ro/ de'i phyir na bstod pa dang phyag 'tshal ba byed pas 'gro ba'i dpal zhing du mdzad pa'o/ /thog med srid pa nyam nga bar zhes bya ba la sogs pa smos pa la/ thog med ces bya ba ni khas blangs pa'i tshig phrad do/ /gcig tu nyams pa zhes bya ba ni skye ba dang rga ba dang na ba dang 'chi ba la sogs pa rnams kyis rgyu gzir ba'o/ /skye ba thog ma med pa'i phyir thogs med srid pa nyam nga bar ro/ /srid pa ni 'khor ba ste/ de nyid skye ba dang rga ba dang na ba dang/ 'chi ba dang ldan pa'i phyir nyam nga ba'o/ /sman slad du zhes bya ba ni sdug bsngal thams cad spangs pa'i phyir ro/ /sems can kun la zhes bya ba ni khyad par ma rtogs pa'i lus can rnams la'o/ /sngar bshad pa'i cha lugs dang gsung gzhan la sogs pas bcom ldan 'das khyod kyis yang dag par zhugs pa'o/ /des na shin tu drang ba'i thabs la mkhas pa zhes bya ste/ mkhas pa la bstod pa'i bshad pa'o/ /mkhas pa la bstod pa zhes bya ba'i bshad pa ste/ le'u bcu gnyis pa'o// /bu lon med par bstod pa bshad par bya ste/ bu lon ni nges par bya ba ste/ de bsgrubs pa'i phyir bu lon med pa ste/ de'i rang bzhin ni bu lon med pa'o/ /de la bdud las rgyal ba'i phyir dang/ dam pa'i chos la bkod pa'i phyir dang/ gzugs sku'i dbye ba'i phyir sems can rnams la bu lon med par bshad par bya'o/ de la 'dir re zhig 'dir gleng bslang ba bshad par bya ste/ gang gis khyod drin lan lon pa'i/ /sgrub de mchis snyam mi bgyid de/ /skye bo'ang gang dag mya ngan 'das/ /de dag gis kyang lan ma lon/ /khyod kyi chos la gnas de dag /rang don kho na bgyid par bas/ /de yi slad du 'o rgyal gang/ /de la lan go ci zhig lon/ /sgrub pa zhes bya ba ni sgrub pa ste/ de mchis snyam mi bgyid ces bya ba ni ma mthong ba zhes bya ste/ bstod pa mkhan gyis smras pa'o/ /ji ltar sgrub par 'gyur ba ni sgrub ces bya ba'o/ /drin ni phan pa zhes bya bar dgongs pa'o/ /'o na bde bar gshegs pa'i gsung bskyangs pas mya ngan las 'das pa gang yin pa de ni bcom ldan 'das kyi drin la lan glon pa ma yin nam zhe na/ smras pa/ skye bo 'ang gang dag mya ngan las 'das zhes bya ba la sogs pa smos pa la/ 'ang gi sgra ni bdag nyid kyi che ba bstan to/ /gang dag ces bya ba ni shA radwA ti'i bu la sogs pa'o/ /mya ngan las 'das pa ni nyon mongs pa dang skye ba zad par byed pa'o/ /de dag gis kyang lan ma lon pa ni de dag bu lon chags pa yin te/ lan ma lon pa'i phyir ro/ /de ci'i phyir zhe na/ bshad pa/ khyod kyi chos la gnas de dag /ces bya ba la sogs pa ni gal te khyod kyi chos ni khyod kyi bstan pa la gnas pa yang rang don kho nar nyon mongs pa zad par byed cing de bzhin du gzhan gyi don ni mi byed do/ /'o brgyal gang ni chos bstan pa la sogs pa rnams kyis 'o brgyal ba'o/ /de'i slad du ni gdul bya de rnams kyi don du'o/ /de la lan go ci zhig lon pa ni lan go ci zhig lon pa ste/ lan med pa zhes bya ba ni dgongs pa'o/ /de lta bas na re zhig khyod la de rnams lan mi ldon pa de rnams la khyod ji ltar slar sman pa mdzad ce na/ smras pa/ khyod ni sems can gnyid log pa'i/ /rgyud la gzigs pa'i zhugs rtse ba/ /bag med gyur pa rnams kyis ni/ /grogs bzang bag dang bcas pa lags/ /khyod ni sems can gnyid log pa'i/ /zhugs rtse ba zhes bya ba ni rgyas pa'o/ /khyod ni bcom ldan 'das so/ /ni ni gang gi phyir ro/ /zhugs rtse ba ni mi shes pa'i gnyid las sad pa ste/ gzhan la phan pa sgrub par rtsol ba zhes bya ba'i don to/ /sems can gnyid log pa zhes bya ba ni 'chad par 'gyur/ rmugs pa'i gnyid kyi ye shes kyi spyan bkag pa'i phyir sems can rnams gnyid log pa'o/ /rgyud ni sems can rnams zhes bya ba dang sbyar ro/ /gzigs pa zhes bya ba ni so so la gzigs pa'i zhugs rtse ba'o/ /ji lta ba bzhin du gsungs pa ni nyin lan gsum dang mtshan lan gsum du sangs rgyas kyi spyan gyis gang 'grib pa dang/ gang 'phel ba dang/ gang nyon mongs pa nyam nga pa'i gnod pa dang ldan pa la bdag gis gang sdug bsngal nyam nga ba'i gnod pa dang ldan pa dgrol bar bya zhes sangs rgyas kyi spyan gyis 'jig rten la gzigs par mdzad do zhes bya ba ni rgyas pa'o/ /bag dang bcas pa zhes bya ba ni dge ba'i rtsa ba yongs su smin pa'i dus las ma 'das pa'o/ /bag med pa'i sems can rnams zhes bya ba ni dge ba la mi gnas pa'o/ /rgyu de'i phyir khyod ni grogs bzang bas na grogs te mchog du sman pa zhes bya ba'i tha tshig go / 'di las kyang sman pa ste/ gang gi phyir/ khyod kyis nyon mongs gzhom pa bshad ces bya ba'i tshigs su bcad pa gnyis bshad pa ni/ khyod kyis nyon mongs gzhom pa bshad/ /bdud kyi g.yo dag bstan pa mdzad/ /'khor ba'i rang bzhin mi bzad brjod/ /'jigs pa med pa'i phyogs kyang bstan/ /phan dgongs thugs rje can gyis ni/ /sems can rnams la bgyi 'tshal ba/ /gang zhig khyod kyis ma mdzad pa/ /gzhan go ci zhig mchis lags kye/ /nyon mongs pa ni 'dod chags la sogs pa rnams so/ /gzhom pa ni gnyen por bshad do/ /dge slong dag 'dod chags kyi nad chen po'i mi sdug pa'i sman chen po dang/ yang na mi sdug pa bsgom pa'o/ /zhe sdang gi byams pa dang/ yang na byams pa bsgoms pa'o/ /dge slong dag gti mug gi nad chen po'i rten cing 'brel par 'byung ba so sor rtog pa sman chen po dang/ yang na rten cing 'brel par 'byung ba so sor rtog pa bsgom pa zhes bya ba ni mdo'i tshig go /yang na ci rigs par nyon mongs pa thams cad kyi gnyen po ni mthong ba'i lam dang/ bsgom pa'i lam zhes bshad do/ /de ltar nyon mongs pa'i bdud las rgyal ba bshad nas/ bdud kyi g.yo dag bstan pa mdzad ces bya ba'i tshig gis lha'i bu'i bdud kyi g.yo bstan pas bu lon med pa bshad do/ /bdud kyi g.yo ni snyan pa dang mi snyan pa'i yul bsdus pa de bstan pa ni bstan pa mdzad ces bya ba'i don to/ /ji ltar mdo las gsungs pa ni dge slong rnams 'dir bdud glags skabs lta ba dang/ glags tshol ba dang/ glags skabs la 'jug pas mig gis shes par bya ba gzugs sdug pa dang/ dga' ba dang/ yid du 'ong ba dang/ 'dod pa dang ldan pa dang/ chags pas bltas nas drung du 'dren par byed pa de bzhin du rna bas shes par bya ba'i sgra dang/ snas shes par bya ba'i dri dang/ lces shes par bya ba'i ro dang/ lus kyis shes par bya ba'i reg bya dang/ yid kyis shes par bya ba'i chos te/ drug po rtag par gnas pa la nye bar 'dren par byed do/ /de'i phyir dran pa dang shes bzhin gyi sems kyis kun tu bsrung par bya'o/ /de lta bu'i gzugs mthong ba na yid bde ba dang/ yid mi bde bar mi bya ste/ shes bzhin gyi btang snyoms la gnas par bya'o zhes bya ba la sogs pa'o/ /dper na gnas brtan legs sad sgom pa po 'jigs pa chen po dang ldan pa'i drung du bdud 'ongs pas 'jigs pas de lta bu'i rab tu byed pas bcom ldan 'das la zhus so/ /bcom ldan 'das kyis bka' stsal pa/ sdig pa can gyi bdud de song bas dogs pa med par bsam gtan gyis shig ces bya ba'o/ /slar yang de nags su phyin nas bsgom pa la de bzhin du slar yang bdud der 'ongs so/ /gnas brtan gyis tshigs su bcad pa smras pa/ ji ltar 'dod pa'i gzugs kyis ni/ /nga la bsla bar mi nus so/ /khyod kyi g.yo ni gsal bas na/ /nga yi gan du khyod ni nyams/ /zhes bya ba ste/ de ltar bdud kyi g.yo ngag bstan pa mdzad pa'o/ /'khor ba'i rang bzhin mi bzad brjod ces bya ba ni thams cad don dang mi ldan pa'i 'byung gnas su gyur pa yin no/ /dge slong dag 'khor ba ni thog ma dang tha ma med pa la khyed cag dag gis yun ring por mi bzad pa dang/ dka' ba dang/ yid du mi 'ong ba'i sdug bsngal nyams su myong ba dang/ ma'i mngal du khrag gi thig le nye bar blangs pa dang/ lan mang por dmyal ba dang/ lan mang por dud 'gro dang/ lan mang por yi dags te/ lan mang po ngan 'gror lhung bar gyur to zhes bya ba ni mdo'i tshig go / 'khor ba'i skyon gyis ma gos pa'i phyir 'jigs pa med pa'i phyogs zhes bya ba ni mya ngan las 'das pa ste/ zhi ba mya ngan las 'das pa zhes bya ba mdo las gsungs pa'i phyir ro/ /de bstan zhes bya ba ni bstan zhes bya ba'i don te/ gzhan go ci zhig ma mdzad pa zhes bya ba dang sbyar ro/ /lhag ma med ces bya ba ni dgongs pa'o/ /phan dgongs zhes bya ba ni phan pa dgongs pa gang la mnga' ba de ni phan dgongs te/ gzhan la phan pa dgongs pa yis zhes dgongs pa'o/ /thugs rje can ni thugs rjes mdzad pa'o/ /bgyi 'tshal ba ni bgyi 'tshal ba'o/ /gang zhig bgyi 'tshal ba ma mdzad pa ni mdzad pa ste/ thams cad du gzhan la phan pa mdzad pa zhes bya ba'i don to/ /'o na bcom ldan 'das ni dge ba tshad med pa la mkhas pa yin na ji ltar dge ba ma yin pa lhas byin la sogs pa dang/ dge ba nyam chung ba kho bo cag dang 'dra ba la nyid kyis dge ba stsal nas phan dgongs ma mdzad pa yin zhe na zhes pa de'i phyir/ gal te chos ni 'di dag dang zhes bya ba'i tshigs su bcad pa gnyis slob dpon gyis smras so/ /gal te chos ni 'di dag dang/ /spo ba zhib tu btub na ni/ /gdon mi 'tshal bar khyod kyis ni/ /lhas byin la brten kun la stsal/ /de slad 'gro la brda sprod pa/ /'gro ba'i mgon po khyod kyis ni// 'di la phan tshun byed pa po/ /med pa skad du nges par gsungs/ /spo ba zhib tu btub na ni zhes bya ba'i bsam pas gal ti'i sgra dang sbyar ro/ /spo ba zhib tu btub na ni rgyud gzhan la snyegs pa'o/ /chos ni stobs dang mi 'jigs pa la sogs pa'o/ /btub ces bya ba ni 'gyur ba'o/ /'di dag ni sngar bshad pa'i chos so/ /gdon mi 'tshal bar ni nges par ro/ /lhas byin ni shin tu gnod pa byed pa'o/ /brten ni brtsams nas so/ /kun la stsal ba ni bkod par gyur pa'o/ /gang gi phyir spo ba zhib tu mi btub pa de'i phyir 'gro ba'i mgon po zhes bya ba la sogs pa ste/ rgyu de'i phyir ro/ /de ltar phan par mdzad pa'i phyir 'gro ba'i mgon po zhes bya ba ni bod pa'o/ /'di ni 'khor bar gang zag gzhan byed pa po ma yin te/ rang kho na'i las 'di ni byed ces de skad du gsungs so/ / nges par zhes bya ba ni dgos pa med pa'o/ /'gro ba ni 'jig rten pa thams cad do/ /brda sprod pa zhes bya ba ni dngos su tshigs gis brda sprod pa yin te/ 'on kyang gzhan gyi rgyud la spo ba zhig tu mi btub pas chos rnams kyi don gyis go ba'o// ci'i phyir zhe na 'di na phan tshun byed pa po med pa ste/ gzhan du na ngas khyed cag la rang gi chos spo ba zhig tu btub par 'gyur ro/ /zhes bya ba ni bsdus pa'i don to/ /byang chub sems dpa' i gnas skabs su bcom ldan 'das kyis sems can la sman pa mdzad pa ni pha rol tu phyin pa la bstod par bstan to/ /bde bar gshegs pa'i go 'phangs thob nas bzhugs pa mdzad pa'i bya ba gang yin pa de ni sngar bshad do/ /ma 'ongs pa'i sems can la rjes su brtse bas kyang 'jig rten rnams la thugs brtse bas zhes bya ba'i tshigs su bcad pa gnyis bshad pa ni/ 'jig rten rnams la thugs brtse bas/ yun rings sa steng dam chos bshad/ /'jig rten gsum phan 'dogs nus pa'i/ /slob ma dam pa 'ang mang du bskrun/ /mngon du gdul bya'i tshogs kyang ni/ /mdzes bzang yan chad btul lags pas/ /yun ring zhes smos pa la/ /yun ring zhes bya ba ni tshig phrad kyi don to/ /sa steng ni mi'i 'jig rten pa'o/ /dam chos ni lung gi bdag nyid de yun ring bshad ces bya ba dang sbyar ro/ /gzhan yang gzhan du yun ring por bzhag nas de nyid lha dang mi rnams kyis bzung ba'i bstan pa ni lo lnga stong gi bar du mi nub par gnas so zhes gsungs pa'i phyir ro/ /'jig rten rnams la thugs brtse bas zhes bya ba ni nyid kyi don ma yin te/ 'on kyang ma 'ongs pa'i skye bo rnams la sman pa mdzad par bzhed pa yis so/ /slob ma mang po ni bcom ldan 'das kyi gnas brtan 'od srungs chen po la sogs pa ste/ slob ma mang po de rnams bskrun pa'o/ /ji ltar slar yang de rnams bskrun par mdzad ce na/ de rnams kyi rgyu nyid la 'phags pa'i khams bskrun par mdzad pa'i phyir ro/ /yang na khams rnams ni don ma yin pa'i phyir mang bskrun zhes bya ba ste/ slob ma dam pa dang nges par sbyar ro/ /'jig rten rnams la thugs brtse ba ni bstan pa la gnas par bya ba'i phyir ro/ / ji lta bu zhe na/ 'jig rten gsum phan 'dogs nus pa ste/ 'jig rten gsum ni khams gsum te/ phan 'dogs pa ni mtho ris dang thar pa thob pa'i mtshan nyid la nus pa ni nus pa zhes bya ba'i don to/ /gzhan yang mngon du gdul bya'i tshogs kyang ni zhes bya ba la sogs pa smos pa la/ mngon du btul ba'i tshogs ni mngon du btul ba'i tshogs so/ /btul ba la gnyis te/ nyan thos kyis btul ba dang/ sangs rgyas kyis btul ba'o/ /de la gang bcom ldan 'das nyid kyis btul ba de ni mngon du btul ba'i tshogs so/ /de la bcom ldan 'das kyis mngon du btul ba'i tshogs de ni 'phags pa kun shes kautsDo? n+ya la sogs pa nas mdzes bzang yan chad ces bya ba'o/ /mdzes bzang zhes bya ba ni rab tu byung ba ste/ kun gyi mthar bcom ldan 'das yongs su mya ngan las 'da' ba' i tshe dgra bcom pa nyid du bzhag go / de gang gi mdza' na yod pa de ni mdzes bzang yan chad de/ /de btul ba ni dgra bcom pa la sogs pa'i 'bras bu la rab tu bkod pa'o/ /de dag khyod la sems can gyi/ /bu lon lhag ma ci mchis na/ /'di ltar rdo rje'i ting 'dzin gyis/ /sku gdung til 'bru bzhin blags nas/ /bu lon lhag ma ci mchis na zhes bya ba ni khyad par cung zad kyang med do zhes bya ba ni dgongs pa'o/ /sems can gyi zhes bya ba ni sems can rnams kyi don zhes bya ba ste/ bu lon lhag ma ci mchis dang zhes bya ba dang sbyar ro/ /de lta bus ni 'dir sems can rnams dam pa'i chos la bkod pa'i phyir bu lon med pa bshad do/ /gzugs sku'i dbye bas bu lon med pa bshad par bya ste/ 'di ltar rdo rje'i ting 'dzin gyis zhes bya ba la sogs pas ni khyod kyis yal bar ma bor ro/ /zhes bya ba dang sbyar ro/ /sku ma lus pa phye mar blags pa'i phyir ting nge 'dzin kho na rdo rje ste rdo rje de yis so/ /til 'bru bzhin zhes bya ba ni til 'bru'i cha dang ldan pa'i dbye bas so/ sku gdung ni nyid kyi sku las byung ba'o/ /blags pa ni mtshan dang rgyu'i bya ba la sha dra zhes bya bar 'gyur ro/ /sku gdung blags pas ni dka' spyad yal bar ma bor ba mtshon par bya ste/ ji ltar rtsis mkhan gnas kyis rjes su ston par byed zhes bya'o/ /'jug tuAng khyod kyis shin tu ni/ /dka' spyad yal bar ma bor ro/ /gzugs kyi sku dang chos 'di dag/ gzhan don kho nar mdzad do zhes/ /dka' spyad yal bar ma bor ba ni shin tu gzhan la phan pa mdzad pa'i bya ba'o/ /'jug tuAng zhes bya ba ni smon lam 'ba' zhig la brten par ma zad kyi yongs su mya ngan las 'das pa'i dus kyi snga rol du'o/ /yal bar ma bor ba ni yongs su mya ngan las 'das pa'i dus su yang yal bar ma bor ba'o/ /de lta bas na yongs su mya ngan las 'das pa'i tshe 'jig rten pas sku gdung las gzugs brnyan byas nas nga yongs su mya ngan las 'das na yong mtho ris dang thar bar 'gyur ro zhes bya bas na bcom ldan 'das nyid kyi sku gdung ting nge 'dzin gyi stobs kyis blags so zhes bya ba ni lung ngo/ /yang na dam pa'i chos bzhag pa dang/ sku gdung blags pas bu lon med pa blags par mi 'gyur te/ gzugs kyi sku dang chos 'di dag /gzhan don kho nar mdzad do zhes bya ba la sogs pa smos pa la/ gzhan don ni gzhan gyi dgos pa dag go /kho na zhes bya ba ni nges par 'dzin pa'o/ /chos ni gsung rab bo/ /gzugs kyi sku zhi sku zhes bya ba'o/ /de ltar na/ 'jig rten yid ches dka' 'di la/ /khyod kyis mya ngan 'das pa bstan/ /de slad chos sku ma lus pa/ /sras kyi mchog la gtad mdzad de/ /yid ches dka' ba zhes bya ba ni dad pa med pa'o/ /'di la zhes bya ba ni 'dzam+bu gling ba'i skye bo la'o/ /mya ngan las 'das zhes bya ba ni gnas skabs gzhan 'ba' zhig du ma zad kyi phung po'i lhag ma med par yongs su mya ngan las 'da' ba na yang ngo/ /bstan pa ni bstan pa ste/ khyod kyis zhes bya ba dang sbyar ro/ /gzugs kyi sku dang chos 'di dag/ gzhan don kho nar mdzad do zhes bya ba de nyid bshad par bya ste/ de slad sras kyi mchog la gtad mdzad de/ zhes bya ba ni rgyas pa'o/ /de zhes bya ba ni nye bar bstan pa'o/ /slad ni gang gi phyir gyi don to/ /sras ni 'phags pa kun dga' bo dang/ 'od srungs la sogs pa rnams la'o/ /gtad mdzad ni gtad par mdzad pa ste/ nga yongs su mya ngan las 'das pa na 'od srungs khyod kyi bstan pa'i bya ba gyis shig pa'o/ /yongs su mya ngan las 'das pa na yang dge slong kun dga' bo la khyod kyis bstan pa zung zhig ces bsgo nas yongs su mya ngan las 'da' bar bya'o zhes gsungs so/ /khyod kyi chos kyi sku ni gsung rab ste/ yan lag bcu gnyis kyi dbye ba ma lus pa'o/ /gzugs sku til 'bru ltar bshig nas/ /khyod ni yongs su mya ngan 'das/ /til 'bru lta bu ni til 'bru tsam gyi cha shas kyi dbye bas gzugs sku bshig nas/ /bcom ldan 'das khyod yongs su mya ngan las 'das pa ni phung po'i lhag ma med par yongs su mya ngan las 'das pa brnyes pas so/ /gang gzugs kyi sku dang/ /chos 'di dag ces sngar bshad pa de bshad do/ /bu lon med par bstod pa bshad pa dang/ de bzhin du dbye ba brgyad kyis phan pa mdzad pa yang ste/ bu lon med par stod pa zhes bya ba'i bshad pa ste le'u bcu gsum pa'o// //da ni bstod pa nye bar sdud par 'dod pas rgyu dang 'bras bu dang phan 'dogs pa phun sum tshogs pa slar yang bshad par bya ste/ e ma'o gnas pa e ma'o tshul/ /e ma'o yon tan e ma'o sku/ /sangs rgyas kyi ni chos rnams la/ /ya mtshan mi che 'ga' ma mchis/ /yongs su mya ngan las 'das pa la dbang thob pas kyang gzhan la phan 'dogs pa'i rgyur gnas pa ni gnas pa'o/ /e ma'o zhes bya ba ni ngo mtshar ba zhes bya ba'i don to/ /des ni phan 'dogs pa phun sum tshogs pa bshad do/ /phan 'dogs pa la gnas pa de yang thugs rje chen po'i dgongs pa dang ldan pas yin no zhes bya ba bshad pa/ e ma'o tshul la/ tshul ni spyod pa ste dgongs pa zhes bya ba'i tha tshig go /de ni 'bras bu phun sum tshogs pa bstan to/ /mtshan dang dpe byad kyis brgyan pa yin pa'i phyir na e ma'o sku'o/ /thogs pa med par 'jug pa'i phyir e ma'o/ /yon tan ni stobs dang mi 'jigs pa la sogs pa'o/ /des ni 'bras bu phun sum tshogs pa bstan to/ /yang na bskal pa grangs med pa gsum du 'phel bar gyur pa dang/ tshad med pa'i phyir e ma'o/ /yon tan ni pha rol tu phyin pa la sogs pa'o/ /des ni rgyu phun sum tshogs pa bstan to/ /de yi phyir thams cad kyang ngo mtshar ba zhes bya ba bshad par bya ste/ sangs rgyas kyi ni chos rnams la/ zhes bya ba la sogs pa smos pa la/ ni'i sgra ni khas blangs pa'o/ /sangs rgyas kyi chos rnams ni mi 'jigs pa dang/ thugs rje chen po la sogs pa rnams te ma mchis pa zhes bya ba dang sbyar ro/ /'ga' zhes bya ba ni sangs rgyas kyi chos rnams kyi nang na chos gzhan no/ /de lta bas ngo mtshar ba thams cad kyi yon tan dang ldan pa la/ phan 'dogs mdzad cing blta na sdug /sku gsung 'phrin las zhi gyur pa/ /khyod la'ang sdang bar bgyid pa yi/ /rmongs pa mi bzad pa la gzigs/ /phan 'dogs mdzad cing blta na sdug/ ces bya ba ni rgyas pa'o/ /smon lam yan chad nas yongs su mya ngan las 'das kyi bar du phan 'dogs pa'i ngang tshul gang la yod pa de ni phan 'dogs pa ste/ de la phan 'dogs pa ni khyod ces bya ba dang sbyar ro/ /mtshan gyis brgyan pa yin pa'i phyir blta na sdug pa ni blta na sdug pa'o/ /zhe sdang gi rgyu lus dang ngag gi las bskyed pa nyon mongs pa bag chags dang bcas pa spangs pa'i phyir na sku gsung 'phrin las zhi gyur pa'o/ /de la zhe sdang gi rgyu dang bral pa khyod la sdang bar bgyid pa ni 'dug pa can sdang bar bgyid pa gang yin pa de rnams gti mug mang po dang ldan pa zhes bya ba la sogs pas bshad par bya ste/ rmongs pa mi bzad pa la gzigs zhes bya ba ni 'jig rten pas bskyed pa dang 'dra ba'i tshig phrad de/ bya ba mngon du gyur pa dang che gcig pa la 'jug pa'o/ /rmongs pa zhes bya ba ni ma rig pa'o/ /mi bzad pa zhes bya ba ni ma rungs pa'o/ /de lta bas na re zhig shes rab 'chal ba sdang bar bgyid pa yin te/ shes rab dang ldan pa'i bdag nyid la phan pa ni/ bsod nams rgya mtsho rin chen gter/ /yon tan 'byung gnas chos kyi tshogs/ /khyod la sems can gang 'dud pa/ /de dag la yang phyag 'tshal legs/ /yon tan 'byung gnas chos kyi tshogs zhes bya ba la sogs pa smos pa la/ bsod nams ni dge ba'i las te/ de nyid rgya mtsho dang 'dra bas na tshad med pa'i phyir ro/ /rin chen ni stobs dang mi 'jigs pa la sogs pa rnams te/ gter ni rin po che'i gter te/ mi zad pa'i phyir ro/ /chos ni byams pa dang snying rje la sogs pa rnams te/ nyan thos dang rang sangs rgyas la sogs pa dang thun mong ma yin pa'i chos te/ chos kyi tshogs ni chos kyi tshogs so/ /de ltar byams pa nyid kyis yon tan thams cad kyi 'byung gnas te zhing du gyur pa'o/ /sems can gang zhes bya ba ni srog chags so/ /khyod la zhes bya ba ni khyed dang sbyar ro/ /'dud pa ni 'dud par byed pa'o/ /de dag la yang zhes bya ba ni sems can rnams la'o/ /legs zhes bya ba ni legs par byas pa'o/ /de gang yin zhe na/ smras pa/ phyag 'tshal ba ni srog chags de rnams la phyag 'tshal bar bya ba gang yin pa de ni shin tu legs zhes bya bas ni ston pa la gus pa bstan to/ /nga ni bstod pa rngo mi thog pa bshad par bya ste/ mgon khyod yon tan mi bas kyang/ /bdag gi zho sha bas 'tshal bas/ /des na 'jigs pa mchis slad du/ /glo ba la ni lcags bzhin mchis/ /mgon khyod yon tan mi bas kyang/ /zhes bya ba la sogs pa smos pa la/ /mi bas pa gang yin pa de ni mi bas pa'o/ /khyod ni khyod kyi'o/ /yon tan sngar bshad zin to/ mgon po zhes bya ba ni bod pa'o/ /zho sha ni nus pa ste ye shes kyi zhes bya bar khong du chud par bya'o/ /kyang gi sgra ni don gzhan 'chad par 'gyur ba'o/ /bas 'tshal ba ni gang la bas pa ma mchis pa zhes bya ba'o/ /bdag gi zhes bya ba ni bstod par byed pa yi'o/ /des na bya ba ni rgyu de las so/ /'jigs pa mchis slad du zhes bya ba ni gang gi phyir de bzhin gshegs pa'i yon tan mi bas pa dang bdag gi zho sha bas 'tshal ba'i slad du dang sbyar ro/ /de bzhin gshegs pa'i yon tan dang 'gal ba'i skyon thob cing gnod pa'i lhung ba yin te/ de'i phyir 'jigs pa ni 'jigs pa'i slad du'o/ /glo ba la gcags bzhin mchis zhes bya ba ni bstod par bya ba'i phyir bdag bstod par mi byed pa zhes bya ba drang bar bya'o/ /gcags bzhin zhes bya ba ni mchis pa dang sbyar ro/ /de bzhin gshegs pa'i yon tan rnams kyis tshim pa'i phyir bstod pa mi byed pa ni ma yin gyi/ /'on kyang 'jigs pa mchis pa'i slad du zhes bya ba ste mdor bsdus pa'o/ /gal te de bzhin gshegs pa'i yon tan mi bas pa yin na gang gis bstod par byed nus pa yin zhe na/ smras pa/ khyod kyi rang gi ngo bo nyid/ /tshad ma mchis la bas mi khyab/ /bstan min grangs kyang ma mchis pa/ /khyod bdag nyid kyis mkhyen lags grang/ /bstan min grangs kyang ma mchis pa/ zhes bya ba ni rgyas pa'o/ /tshad ma mchis zhes bya ba ni yongs su gcod mi nus pa ste/ yon tan gyi nus pa gcig kyang rtogs par mi nus pa'i phyir ro/ /gcig la sogs grangs kyis bgrang mi nus pas na grangs kyang ma mchis pa ste/ yon tan mdza' yas pa'i phyir ro/ /sangs rgyas las sems can gzhan gyi yul ma yin pas na bsam gyis mi khyab pa'o/ /bstan pa ni dpe'o/ /bstan min ni dpe med pa zhes bya ba'i don to/ /bdag nyid ni bdag nyid kyis so/ /nyid ces bya ba ni nges par 'dzin pa'o/ /bdag nyid kyis ni nyan thos kyi mchog dang rang rgyal ba rnams kyis ni ma yin no/ /bdag ces bya ba ni rang gi sgra'i rnam grangs so/ /dper na 'jig rten pa kha cig smra ba ni rang gi bdag nyid kyis bdag grong du 'gro bar bya zhes bya ba'o/ /rang gi zhes bya ba ni chos kyi sku'i ngo bo nyid dang gzugs kyi sku'i ngo bo nyid do/ /khyod ces bya ba ni nges par 'dzin pa'o/ /ci zhig nges par 'dzin zhe na/ kha cig 'di skad smra bar byed de/ 'jig rten gyi khams gzhan d u yang shAkya'i sras dang dus mnyam du sangs rgyas bcom ldan 'das su byung de dag phan tshun yon tan rgyas par mkhyen pa zhes bya bas na de dag dgag par bya ba'i phyir nges par 'dzin pa ni bcom ldan 'das shAkya thub pa khyod nyid kyis bdag nyid mkhyen gyi/ gzhan gyis ni rngo mi thog go zhes bya ba'o/ /de ni sangs rgyas bcom ldan 'das snga ma dang phyi ma'i de bzhin gshegs pa gnyis 'jig rten du dus mnyam du 'byung ba de ni gnas dang go skabs med do zhes bya ba de ni mdo'i tshig go /de bas na khyod kho nas bdag nyid mkhyen pa'i mchod 'os yin gyi/ nyan thos la sogs pa'i ni ma yin te/ kho bo cag mi gtsang ba'i srin bu dang 'dra bas lta smos kyang ci dgos zhes bya ba'o/ /de'i phyir na khyod kyi/ mtsho chen chab ni bas par ma gyur kyang/ /skye bo'i gdung ba rab tu zhi bgyid ltar/ /khyod kyi yon tan cha tsam ma bsgrags kyang/ /bdag ni mchog tu glo ba dga' zhing mchis/ /khyod kyi yon tan cha tsam zhes bya ba la/ yon tan rnams kyi cha ni cha ste/ de'i skra tsam gyi rtse mo ste nyung ngu zhes bya ba'i don to/ /de nyid bcom ldan 'das khyod kyi ma bsgrags pa ni ma bstod pa ste/ yon tan thams cad lta ga las so/ /de bzhin du yang mchog ni phan par du'o/ /bdag ni bdag gi'o/ /dga' ba ni rangs pa'o/ /glo ba ni glo ba la mchis pa'o/ / yon tan gyi cha tsam ma bsgrags pas dga' bar ji ltar 'gyur zhe na zhes bya ba'i brgal ba'i lan bshad pa ni bas par ma gyur kyang zhes bya ba la sogs pa smos pa la/ bas par ma gyur zhes bya ba ni bas par ma gyur pa'o/ /mtsho chen chab ni chab po/ / skye bo'i gdung ba rab tu zhi bgyid ltar ni zhi bar 'gyur ba'o/ /ltar ni gang gi phyir ro/ /de bas na tshad med pa'i yon tan gyi mtsho chen po bcom ldan 'das kyi yon tan gyi cha tsam la bstod pas bdag ni mchog tu glo ba dga' zhing mchis zhes pa ste mdor bsdus pa'o/ /da ni bstod pa'i 'bras bu yongs su bsngo ba bshad par bya ste/ bdag gis thub la dad pas spobs skyes pa'i/ /dge ba'i las 'di'i 'bras bu 'khrungs pa yis/ /ngan rtog rlung dmar 'tshubs pas bkrugs pa yi/ /'gro ba'i sems ni rnal du gnas par shog / dge ba'i las 'di'i 'bras bu 'khrungs pa yis zhes bya ba ni rgyas pa'o/ /'bras bu 'khrungs pa ni 'bras bu byung ba yis so/ /'di'i ni brgya lnga bcu pa'i bstod pa las byung ba ste/ dge ba ni ngag gi ngo bo nyid kyi dge ba'i las kyi'o/ /ci 'dra ba zhig ce na/ smras pa/ thub pa la dad pa zhes bya ba la sogs pa ni thub pa la dad pa las byung ba'i spobs pa ni shes rab ste/ de las skyes pa ste byung ba gang yin pa de ni thub la dad pas spobs skyes pa ste/ dge ba'i las de'i 'bras bu 'khrungs pa yis so/ / 'dod chags dang gnod sems la sogs pa ni ngan rtog go / de nyid yul rnams la sems rnam par g.yeng ba'i phyir rlung dmar 'tshubs pa'o/ /de yis 'tshubs pa ni ngan rtog rlung dmar 'tshubs bas dkrugs pa'o/ /'gro ba'i sems ni rnal du gnas par shog ces bya ba ni skye bo thams cad kyi sems dbang du gyur nas dgra bcom par gyur cig ces bya ba ni dgongs pa'o/ /de ltar rgyu dang 'bras bu'i dbye bas brgya lnga bcu pa'i rigs pa'i 'grel pa'o/ /bde gshegs la bstod pa bshad pa yis/ /bdag gis dge ba gang thob pa/ /'gro ba'i sdug bsngal zhi bya'i phyir/ /de las bde gshegs 'gyur bar shog /brgya lnga bcu pa zhes bya ba'i bstod pa'i 'grel pa dge slong dga' byed snyan pas mdzad pa rdzogs so// //rgya gar gyi mkhan po sh+rI sh+rad+d+ha ka ra warmma dang/ lo tsA ba shAkya blo gros kyis bsgyur cing zhus te bstan la phab pa'o// // */ (/gaN+Di'i bstod pa bzhugs//) //rgya gar skad du/ gaN+Di sto trA gA thA/ bod skad du/ gaN+Di'i bstod pa tshigs su bcad pa/ sangs rgyas la phyag 'tshal lo/ /gang zhig sngon du byang chub shing gi drung du nyi ma'i lam nas song cig gA gred gA gred/ /gA gA gred gA ga gA gred g+ha na g+ha g+ha na g+ha gred lus la go chas bcings rnams dang/ /gang zhig g zugs mdzes bud med rnams kyis Dhu Du pa ti Dha DU b+hi:Dhu DU Dhu b+hidgongs rnams dang/ /gang tshe dregs can rnams kyis ta Ti ta ta Ti ta TI tA Ta TA ti zhes rab tu smra ba rnams dang ni/ /kud kud bud bud ku kU tsi ta ku tsi ta ku ha ra tsi ta bran po rnams kyi ngag rnams kyis/ /mi skrag thos pas dri ma kun zhi gang yin thub pa'i dbang po de yis zhi gyur cig / smin ma 'khyog po bskyod dang 'dod dran mnga' yi rol pas rdzi ma mig 'bras 'bebs rnams dang/ /rtsol ba'i lus can ma rnams yal ga rol pas rtse ba'i yan lag can ma rnams dang ni/ /ngo tsha dang bcas zur gyis smra dang yid 'ong snyan 'jam rab tu dga' byed sna tshogs pa'i/ /tshig rnams kyis ni thugs mi 'khrul ba 'dod dran las rgyal gang yin de la phyag 'tshal lo/ /sa gzhi kun tu g.yo dang rno ba'i mda' yi tshogs kyis bar snang la ni gtibs pa yi/ /'bar ba rnams dang khro bo'i mi rnams phyogs dang phyogs su 'bar bas chu tshogs rnams 'khrug dang/ /'phang mdung ral gri 'khor lo sog le rnon po can gyi bdud kyi dpa' o sgra 'byin pa/ /byams pa'i mtshon cha gang gis rab tu zhi zhing mngon rgyal de yis thub dbang khyod kyis srungs/ /rnam par 'phro ba las skyes khro ba rab gsal rnam gtsigs dge ba nges par sgrogs 'jigs pa'i/ /'brug sgrog char sprin dra ba rab gsal glang po'i bum bgyings bcings pa'i mun nag 'thibs pa dang/ /'dod lha'i dpung tshogs 'joms pa'i me 'phro ba dang ral gri'i 'od kyis sna tshogs ma lus gsal/ /me tog mda' can sde rnams gang gis skad cig gis 'joms sangs rgyas khyod kyis srung bar mdzod/ /mdzes pa'i rna ba'i drung gang pad ma'i 'dab ma lta bu'i rdzi ma mig gi 'bras bu ga-yo/ /shin tu chags pas rnam par sgrin ma rab tu rnam rgyas mthun pa dang bcas pa smin rol pa'i/ /mig can bdud kyi lus can ma rnams yongs chags gyur dang mdza' dmar zhi ba min rnams kyis/ /kun tu drang bar ma btub skyon bsal gyur pa'i drang srong mchog de la ni bdag phyag 'tshal/ /gang gi thugs ni 'khrul par ma gyur bdud rnams gsal ba rnam par gtsigs dang dog par bcer dang lce bskyod dang/ dpal gyi rtse mo lag can rnams dang glang po rta yi gdong can dang ni seng+ge stag gi gdong rnams dang/ /rab tu mdzes pa'i 'dod pa'i lha ni rtswa bzhin rtsi ba med pa 'khor bas 'jigs gang gis/ /bsdigs pa bsal ba 'jig rten mgon po thub pa'i dbang po sangs rgyas gang yin khyod kyis bsrungs/ /gang gi blo ni la drugs pa med de sa gzhi chu bo'i klung dang rgya mtsho chu 'dzin rnams dang ni/ /'brug sgrogs rnams dang bdud kyi dpa' o sna tshogs brgya phrag gdong dang drag po'i gzugs can mdza' yas dang/ gang zhig me tog can de rtsa bzhin ma brtsis thams cad mkhyen pa dang ni 'dod chags dang bral ba/ /dpal ldan sangs rgyas dpa' o sdig pa'i 'jig la 'phrog pa rnam 'gyur med pa de yis bsrung bar mdzod/ /bdud rnams phung chen lag na ral gri dgra sta gzhu dang mdung thung lhag par rtse mo rno rnams dang/ /skar mda''bebs dang sreg byed du ma sgra gsang sgrogs pa 'jigs par byed pa 'jigs pa'i sgra rnams kyis/ /gang gi thugs ni mi 'khrug ri bo bzhin du g.yo ba med pa dam pa skyil mo krung bcings pa/ /srid gsum 'jigs pa 'phrog byed sangs rgyas dpa' bo shin tu dpa' ba de la 'dud cing phyag 'tshal lo/ /mthon bor a Ta Ta Ta Tar rgod rab gsal rnon po myur bar bcings pa'i dril bu sgrogs pa dang/ /bsgyings pa dang bcas bgyed pa gtsigs pa ral pa bsgril ba'i sgra can mig yon bran rnams kyis/ /'joms par bya bar ma nus rnon po'i ba Ta ha gsal ge rdungs pas gang gis byang chub tu/ /nga rgyal can rnams la ni bya rgod phung por gsal ba'i pa Ta ha gsal sangs rgyas dpa' bo bder gyur cig /ko kaN DaM rA ma ra Na TaM pra ti b+ha ya ku ha raM bar pa Na Na DaM ra Na Na DaM/ /Dom baN Da ma baN Du Dim baN Da ha Dhu ha ka Dhu haM straing kha la streng kha la strai ma/ /dzam branyi dzim branya dza dza mi brang kha mu kha mu khu khu mAng khulha dang mi yis phyag byas shAkya seng ge khyod kyis srungs/ /gang gis bdud kyi chu 'dzin thogs pa'i lus kyis yongs su bsgyings pa'i nga rgyal mtshan mo grol/ /bdud kyi lus can ma rnams kyi ni gdong gi padmo'i nags dpal mi mthun phyogs gcig pa/ yang dag rdzogs pa'i byang chub zla ba dang ni ston ka'i ku mu da bzhin yongs thob pa/ /de 'dir chos kyi pho nya sgrogs pa chos kyi rgyal po bcom ldan 'das kyi gaN+Di'o/ /gsod pa ma thob tshim med skad cig kyang ni rnam par dpyod pa'i mthar byed 'di la ring po nas/ /der ni sems rnams chud pas dus kun tu ni rgyun mi 'chad par legs par spyod par byed pa yi/ /'dir ni dkon mchog gsum gyi bka' bsgor zhugs pa yang yang srog chags rnams la slob pa gang yin pa/ /'di ni phyogs kyi dkyil 'khor du ni mi dman rab tu grags pa rtsub pa chos kyi gaN+Di'o/ /nyi ma'i dkyil 'khor bzhin du skar ma'i tshogs las rnam rgyal bas/ /'bar te mu stegs skye bo dang ni rgyal ba'i bstan la 'dir/ /sa gzhi'i dkyil 'khor gyi ni rgyan gyi snying po gaN+Di 'di/ /g.yul las rgyal ba'i cang te'u gtum po bzhin du grags pa'o/ /gang yang khyod ni skrag pa ma yin dza mi dza mi Dhu Dhu ma rinya dza De na nA Di nA De/ /Dom ban Dim ban Du Dim ban Da b+ha Da b+hu Dhu Dhu b+haM DhA Di b+hAn nA Di b+haN Da ma/ /raN Di ruN DaM ru ru Na Di ya ra la ba kha kha maM khag.yo ba'i g.yo ba las byung ri bo rab tu bskyod cing ri rab rgyal po ga-yo/ /lha'i tshogs dang gdon gyi 'od zer dang ni klu'i rgyal po ma lus pa rnams skrag pa dang/ /mu stegs rnams kyis gaN+Di gtum po sna tshogs 'jigs par byed pas thos pas skrag pa dang/ /sangs rgyas pa rnams kyi ni zhi ba zhi ba'i rgyur gyur pa bzhir sgra sgrogs dge 'dun la 'dir sgrogs/ /'di ni gtsug lag khang gi rtse mor rab tu sgrogs pa'i gaN+Di ste/ /sprin gyi sgra bzhin byed pa sgra rnams de ring yid du 'ong ba ni ma ltar shin tu gnyen gshin pa yis legs par phyi rol song rnams kyi/ /bu rnams zas dus la ni yongs su 'bod par byed pa'i gaN+Di'o/ /'khor ba'i 'khor lo yongs su 'joms pa mchog tu gyur pa ste/ /sangs rgyas yon tan rin chen thams cad kyis ni klugs pa'i/ /sgra sgrogs byed pa'i lha yi rnga chen dang mnyam sgra chen gyi/ /gaN+Dis sdig pa ma lus rnam par 'joms par byed pa'o/ /'dis ni lha dang lha min lto 'phye chen pos mchod byas pa/ /zhi ba mchog tu nye bar bzhud pa'i de bzhin gshegs pa yi/ /gaN+Di sgra sgrog 'chi ba med pa'i rnga chen dang mnyam sgras/ /mu stegs can gzhan gyi ni snying ni rnam par 'joms pa'o/ /'dir ni gaN+Di 'di sgrogs pa yi mi rnams dang/ /lha dang mi dang lha ma yin rnams 'bod pa ste/ /bzang po rnams kyis bde gshegs gaN+Di 'di nyon cig / lus pa med pa'i dge slong tshogs kyis yongs su bskor/ /glang chen rnams kyis 'jigs pa'i dus tshigs 'khrugs pa'i dus kyi nam mkha' chu 'dzin khyab bzhin gyis/ /'gro ba rnams ni 'joms dang yang ba dang 'jigs pas 'dar ba bzlog par byed pa'i rgyu/ /nye bar zhi ba mu stegs ma lus pa yi nga rgyal de yis shin tu med byed pa/ /thub pa mchog rnams kun gyis chos rnams 'phel ba'i don bzhag pa de'i gaN+Di khyod kyis srungs/ /bsod nams mchog gyur de grub gyur cig 'tsho ba g.yo ba'i 'jig rten pa rnams kyi/ /mtho ris dang ni byang grol rab ster ngan 'gro ster byed sdig par ma gyur cig /'dir ni dbus na 'dug pa'i sbrang ma sgra 'byin lta bur bdag gis smra ba yi/ /bdud dgra'i zhabs kyi chu skyes dag la me tog snyim pas gtor ro khyod kyis srungs/ /brgya byin la sogs lha tshogs rnams kyis shin tu gus pas me tog gtor rnams dang/ /mkha' la sil snyan sgrogs pa rnams kyis yongs gang gus pas me tog gtor rnams dang/ /mtho ris nas ni sa la babs par grags pa yun rings bskral byas gang yin pa/ /snying rje'i gter chen bcom ldan 'das kyis gaN+Di rab gtum de yis 'gro ba srungs/ /yum gyi lhums nas 'thon ba tsam gyis rang gis gom pa bdun du bzhud pa po/ /'khor ba mthar phyung ngag gi tshig ni rab tu brjod pa blo gros mi chung ba/ /gang du skye ba'i dngos por srid pa gsal bar brjod pa rnams su gyur pa yis/ /bde bar gshegs pa'i mun pa dum bur byed pa'i gaN+Di de yis rgyal gyur cig /lhun po mchog gi stong dang rin chen ri bo nor bu'i 'od can kun gyi ngos dang ni/ /ri dbang rgyal po gangs ri'i sdeng dang mi yi yul dang klu yi 'jig rten dag na gnas pa'i/ /'chi med 'dod khams dbang po dang ni gling bzhi'i mi bdag nyi zla lha min dbang po rnams/ /bde gshegs chos kyi gaN+Di thos pas thams cad bde gshegs dgongs pa bzang la 'bod pa'o/ /sa gsum kun na yod pa'i mi sdug rigs mang glang chen dregs pa mang po rnams bzung zhon/ /thams cad mche ba ring po phyir bton rdo rje 'bar ba'i phrang ba'i rtags ni gzung byas nas/ /bsdigs pa'i rigs kun 'ongs pa rdo rje hUM mdzad bla ma mkhas pa'i hUM sgras 'jigs mdzad pas/ /'jig rten kun las rgyal ba byung zhes sgra sgrogs zhabs drung 'dud cing sangs rgyas cod paN brgyan/ /bdud kyi bu mo khri snyan sa le dang 'dra mig ldan nu ma mkhrang zhing rgyas ldan pa/ /ngang pa'i 'gros 'dra bran mo'i steng du bzhon zhing glu len rnga yi tshogs rdung mgyogs 'gro pa/ /rgya mtsho chen po 'phyur ba'i chu bo bzhi ltar rgyun ma 'chad par mang po 'ongs rnams la/ /TuM TuM b+h+raM b+h+raM khyad 'phags sgra rnams rgyun mi mchad par sgrogs byed gaN+Di nyid yin no/ /bdud kyi stobs las rgyal byas 'jigs pa chen po bstan pa byas nas skyon zad pa'i/ /'dir ni de bzhin shin tu mdzes pa'i thams cad mkhyen pa'i go 'phang thob pa gang/ /ma lus yon tan bzang po dang ldan sangs rgyas dag pa'i thugs rje can de yi/ /gaN+Di gtum po sdig 'phrog byed pas mi rnams kyi ni dum bur byed gyur cig /tshangs pa lkugs pa ltar gyur lha ni bla ma'i snyems pa med gyur thams cad 'du/ /'tsho byed blo chung gyur to skal ba dang ldan khyab 'jug ci yang mi smrar song/ /'dir ni gang gi yon tan grags pas lha rnams gang de ngo tshas yan lag khums/ /thub pa'i gaN+Di 'gro ba'i 'jigs pa med pas 'gro rnams ngan 'gro las ni srungs/ /tshangs pa mig stong dbang po khyab 'jug nyi zla srin po gnod sbyin rnams dang ni/ /dri za lto 'phye mi 'am ci dang lha min mi dang bdud ris yi dags dang/ /gang zhig langs pas sa yi gzhi rnams gsar 'od 'bar 'gyur gos ser can de kun/ /thams cad ma lus de bzhin gshegs pa bla mas chos ni nyan du 'bad pa'o/ /gang gis skye bar chung zhing dman pa'i dgongs can mu stegs pa rnams skrag pa 'thob/ /khyad 'phags 'phel ba'i blo can sangs rgyas pa rnams spro ba rab tu 'phel 'thob pa/ /gang 'di'i yon tan rnams 'thob rgya chen po yi skyon ni zad par 'gro ba yi/ /gaN+Di de yis rtag tu rtsod dus srid pa rnams kyi sdig pa zad gyur cig /rnam dag dgongs can gang la chog bzhin du phyag byas mthon po'i 'gro bgrod dang/ /gang gis mi mthun phyogs ni thams cad myur du zad pa ster bar byed pa dang/ /'khrug long gti mug rab rib thub pa'i chos kyi gaN+Di de yis 'joms gyur cig /tshe dang ldan pa rnams kyis srid pa ma lus byung 'jigs pa de ni khyod kyis chom/ /'di thos dge bas sa 'dzin pa yi tshangs sogs sa gzhi'i mthil du myur du lhung/ /sa 'dzin rnams ni 'dar zhing sa gzhi myur du sa yi 'og tu 'gro ba dang/ mu stegs pa rnams 'jigs par byed pa gzhan la phan rtsom dag pa'i bdag nyid can/ /sangs rgyas pa rnams myur du nye bar zhi 'gyur gaN+Di de ni 'du bar mdzod/ /gaN+Di'i bstod pa tshigs su bcad pa slob dpon rta dbyangs kyi mdzad pa rdzogs/ / //mkhas pa chen po rgyal ba'i sde'i zhal snga nas dang/ lo tsA ba btsun pa d+harmmA yon tan gyis bsgyur ba'o// //*/ (/sbel mar bstod pa bzhugs/ /) rgya gar skad du/ mi sh+raka sto tra nA ma/ bod skad du/ spel mar bstod pa zhes bya ba/ thams cad mkhyen pa la phyag 'tshal lo/ /gting mdza' med pa'i 'khor ba yi/ /rgya mtsho'i nang du rnam par gnas/ /'dod chags la sogs mi bzad pa'i/ /chu srin gyis ni lus zos pas/ /de ring gang la skyabs su mchi/ /ji srid bdag la sems yod na/ /gang gi bstan pa gnas pa dang/ /gang bstod gang la bsnyen bkur bgyi/ /gang zhig la ni nyes pa kun/ /gtan nas yong ye mi mnga' zhing/ /gang la'ang rnam pa thams cad du/ / yon tan thams cad gnas gyur pa/ /gzhan gyi gnod pa bsal ba'i phyir/ /gang gi nyes pa zad gyur pa/ /gzhan mngon mtho dang thar pa'i phyir/ /yon tan goms byas bdag gi min/ /gal te sems shig yod na ni/ /de nyid la ni skyabs 'gro zhing/ /de bstod de ni bkur ba dang/ /de yi bstan la gnas pa'i rigs/ /gang zhig nyes de gzhan la gnod/ /de ni yon tan gang gzhan smad/ /nyes pa rang gi nyes bcom pa/ /'tsho ba rang don yon tan no/ /thams cad mkhyen la yon tan kun/ /mnga' la de yang nyams mi mnga' / / nyes pa bag chags bcas de yang/ /skyob pa gcig pu la mi mnga' / /spyod pa la ni mi smod phyir/ /thub pa skyon ni med par grub/ /bde bar grags pa'i chos spangs nas/ /skye bo dkar ba smod pa med/ /bcom ldan 'das kyi sku dang ni/ /gsung dang thugs kyi phrin las la/ / zhe 'gras gyur pa gang gis kyang/ /chos dang ldan par glags mi rnyed/ /che ba'i yon tan cha yis kyang/ /tshig rnyed nges par ma blangs pa/ /gal te ston bstod mi byed na/ /mi khom gnas bzhin bdag bcom 'gyur/ /rgya mtshor gnya' shing bu ga ru/ / rus sbal mgrin pa chud pa ltar/ /dam chos dga' ston cher bcas pa'i/ /mi nyid bdag gis thob nas ni/ /mang du bcad par gyur pa ste/ /mthar yang bskal pa'i skyon gyis gnas/ /lce ni don can ma gyur te/ /gzhan du bdag ni bslus par gyur mi rtag nyid dang rjes 'brang zhing/ /las kyi glags la dogs bcas pa/ /bdag gi lce 'di nyid kyis go /snying po ci phyir blang mi bya/ /yon tan gyi mdza' ma rtogs pas/ /gal te bstod pa mi byed na/ /shA ri'i bu la sogs pas kyang/ /nges par bstod par mi 'gyur ro/ /de ltas thub pa'i yon tan gyis/ /yul lta grangs med shes mod kyi/ /rang gi don la gus pa yis/ /de yi phyogs gcig bsgrims te brjod/ /gang zhig gzhan la slob pa dang/ /dman phyir legs par ma bslabs gang/ /nyes pa zad kyang de slob cing/ /gang phyir don gyis khyod mi slong/ /gang gi yon tan grags dag dang/ /mthu la thug pa ma mchis la/ /rmad byung phrin las dpag med can/ /rang byung khyod la phyag 'tshal lo/ /yon tan grangs kyis mthu yis ni/ /slob la smra bar nus pa dang/ /mdza' can gzhal bar byed nus kyi/ / mi slob pa yi mdun du min/ /'di snyed bgyi ba'i mdza' med na/ /'di ltar legs shes ci zhig smos/ /khyod kyi yon tan slad du bdag /bsod nams snyam nas spyi brtol skyes/ /sangs rgyas bcom ldan 'das la bstod pa dad pa las spobs pa skyes pa zhes bya ba las bstod pa gleng bslang ba zhes bya ba ste le'u dang po'o/ / //bde gnas snying rje med pa ni/ /spyod dam mi spyod rnam mi spyod/ /rang gi bde bas gzhan dbang phyir/ /de nyid dang ni nges par sbyar/ /spyod dam mi spyod snyom pa yi/ /rnam par rtog pa rnam spangs nas/ /'gro ba 'di ni nyam thag ces/ /khyod bdag nyid kyis zhal gyis bzhes/ /snying rje rnam par spangs nas ni/ /gzhan gyis gzhan ni bcol ba byed/ /la lar bdag phan la brtson pas/ /rang gi bde phyir rab tu 'jug /khyod ni ma bcol legs mdzad pa/ /khyod ni rgyu med bzhin du byams/ /khyod ni ma drin mdza' bshes te/ /'brel ba med pa'i gnyen 'dun lags/ /sbyin pa'i pha rol phyin pa'i phyir/ /thugs rjes 'gro ba blangs nas ni/ /slob la dgyes pa 'phel 'gyur ba/ /ba spu du ma ldang dang bcas/ /nyid kyi sha yang stsol mdzad na/ /dngos po gzhan lta smos ci 'tshal/ /legs mdzad khyod kyis srog kyang ni/ /slong ba'i skye bo rnams la btang/ /bdag la bdag nyid spangs nas ni/ /gzhan la bdag nyid blangs bas na/ /rtswa yis rin chen rigs chen ltar/ /dgyes pa mi nyams ldan pa yis/ /nyid kyi sku dang srog dag gis/ /lus can gshed mas zin rnams kyis/ /lus dang srog kyang khyod kyis ni/ /lan brgya phrag tu bslu ba mdzad/ /'jig rten bdag lta'i bsam pa can snying rje'i sems ni med pa ste/ /sdug bsngal 'jigs sam bde 'dod pas/ /tshul khrims kun tu blangs nas srung/ /ngan 'gros bsnyengs slad ma lags la/ /bzhed pa'i 'gro ba'ang sgrub ma lags/ /dgongs pa dag pa 'ba' zhig gis/ /khyod kyis tshul khrims goms par mdzad/ /phyi rol rkyen gyis ma rdzogs dang/ /rang sbyor phun tshogs med pa'i phyir/ /bsam pa rnam par dag pas kyang/ /tshul khrims pha rol dag mi 'gyur/ /rtag tu gya gyu rnam spangs shing/ /drang brtan rnams ni rtag bsten pas/ /yongs su dag pa'i las rnams kyis/ /khyod ni gzhi rten gcig pur gyur/ /bzod pa'i pha rol phyin pa'i rgyu/ /thugs rje'i dbang gis mchod bya yang/ /ma 'ongs sdug bsngal bsnyengs pa yis/ /gzhan nyid rang nyid la nyes pas/ /sdug bsngal mang pos gzir ba ni/ /khyod kyis dga' ba'i thugs kyis ni/ /nyon mongs rnams ni sran btsugs nas/ /skye bo nyon mongs can la brtse/ /gzir bar gyur pa rnams la yang/ /nyes pa rnams ni mi sems pa/ /bzod pa'i pha rol phyin 'dod phyir/ /byas pa nyid ni rjes lta bas/ /khyod kyis gzhan gyis don slad du/ sku srog btang nas dgyes gyur gang/ /de 'dra srog chags 'gum pa las/ /bsos pa rnams la'ang byung ma gyur/ /phan byed mchod pas dga' gyur pa/ /ngo mtshar che ba'i sems mi rtsi/ /mgon po khyod ni dgyes pa gang/ /bdag gis de ni ngo mtshar dgongs/ khyod ni lan 'ga' ma lags par/ /gtubs kyang sdug bsngal mi dgongs par/ /gshed ma bgyid pa'i sems can la'ang/ /gtso bo thugs rjer gyur pa gang/ /gang yang gshed ma nyid kyis ni/ /ral gri nyid kyis bcad byas nas/ /byang chub gnyer bar gzigs nas ni/ /byams pa la ni bzhugs par gyur/ /khyod kyi thugs ni rin po che/ /rdzogs pa'i byang chub sa bon te/ /dpa' khyod kho nas snying por mkhyen/ /de gzhan skye bos 'ol mi mchi/ /de ltar bdag nyid gyur pa yang/ /sems can rtag tu sdug bsngal can/ /ji ltar sangs rgyas chos rnams la/ /so sor brtags nas brtson 'grus bya/ /dka' spyad las ni ma bgyis par/ /go 'phang rnyed dka' mi 'thob ces/ /de slad nyid la'ang ma gzigs par/ /khyod kyis brtson 'grus legs par spel/ /khyad par yon tan rnyed nas ni/ /nyes pa rnam par spangs pa dang/ / sems can don du khur khyer yang/ /thugs ni kun tu mi bsnyel te/ /khyad par 'phags par bgyi ba la/ /khyod la thang lhod 'ga' ma byung/ /de slad khyod kyi khyad par rnams/ /srog drung rim par dbyer ma mchis/ /bsam gtan pha rol phyin pa ni/ /dag pa'i rjes su cis mi mchi/ /lta dang nga rgyal snang med pa/ /gang gi shes rab kyis ni bsal/ /thugs ni thugs rje chen po dang/ /rtag tu rjes su 'brel slad du/ /ting 'dzin 'bras bur bcas pa yi/ /shin tu bde la'ang khyod ma chags/ /kha cig mu stegs pa rnams ni/ /longs spyod kyi ni nges legs 'thad/ /gzhan la gcig tu nyid kyis ni/ /longs spyod dgag pa ma mdzad do/ /gzhan dang thun mongs ma lags pa'i/ /bde ba gang de gya nom yang/ /dam pa'i spyod ldan khyod 'dra la/ /gnod par bas kyis sman ma mchis/ /khyod kyi shes rab mtshul min te/ /dud 'gro du ma rnams la yang/ /gang zhig ye shes rnam dag phyir/ /ji ltar rjes su mchi mi bgyid/ /'dres pa las ni legs bshad pa/ /snying po skyon med nyi tshe zhig /khyed kyis kun bzhes thugs la bzhag/ nyes bshad dug bzhin yongs su spangs/ /legs bshad chen po sku srog gis/ /tshigs su bcad pa'i phyed tsam yang/ /gang zhig shes rab rnam 'phel phyir/ /ji ltar rjes su mchi mi bgyid/ /khyod nyid gcig pus rnam mkhyen mdzad/ /rin chen snying po mkhyen khyod kyis/ /legs bshad srog gis 'jal ba na/ /skye ba de dang de dag tu/ /byang chub slad du dpa' rtsal bstan/ /sems can brtson 'grus 'phags pa ni/ /grangs med par ni gyur pa yang/ /spyod med zha bo rnams kyi gang/ /skye bos thob par mi nus so/ /de slad grangs med gsum dag tu/ / khyod ni de ltar brtson pa na/ /brtson 'grus 'ba' zhig grags gyur pas/ /go 'phang bla na med pa brnyes/ /sangs rgyas bcom ldan 'das la bstod pa dad pa las spobs pa skyed pa zhes bya ba las rgyu'i sgo nas bstod pa zhes bya ba ste le'u gnyis pa'o// // yon tan thams cad cung zad gzigs/ /gsol ba na yang mnal mi mnga' / /nye bar blangs pa brtan mdzad cing/ /khyad par la ni thugs ni chags/ /mtho la phrag dog mi mdzad cing/ /dman la rngan chan mi mdzad la/ /mnyam la 'gran pa ma mchis pas/ /khyod ni 'jig rten gtso bor gyur/ /dka' bas sgrub la nyams mi mnga' / /yun ring du ni mi gnas shing/ /chags bcas kyang ni phal che ba/ /'bras bu las ni shin tu chung/ /khyod ni yon tan rgyu rnams la/ /mngon dgyes 'bras bu rnams la min/ /yang dag sgrub pa de nyid kyis/ /khyod kyi yon tan pha mthar phyin/ /thub dbang nyid ni dka' bas grub/ /de ltar smra ba'i skye bo rnams/ /snying rjes phongs pas mi sems pa/ /brtson 'grus mi g.yo blangs nas ni/ /ji ltar khyod kyi zhabs rdul yang/ /bsod nams skye ba mchod gyur pa/ /de ltar khyod kyis legs spyad pas/ /bdag nyid rab tu bskrun pa mdzad/ /'jig rten pa yi 'phags lam dang/ /brtson 'grus shes rab kyis kyang ni/ /tshe rabs snga ma'i mthar yang ni/ /khyod ni yang dag byung ba yis/ /nyes pa nyam smad rtsa nas bton/ /yon tan spel nas rnam par sbyangs/ /gzhung lugs bzang po des na khyod/ /grub mchog lhag par brnyes pa legs/ /rtag tu ngal zhing mgon med pa/ /slong zhing bde ba ma mchis te/ /sems can rnams la nyams med pa'i/ /nyon mongs mang po spyod mthong nas/ /ji ltar bdag gi rgyud la de/ /bag chags lhag ma'ang ma lus pa/ /de ltar rnam pa thams cad du/ /nyes pa khyod kyis rab tu bcom/ /gzhan gyi phun tshogs bsgrub pa'i phyir/ /khyod ni gtso bor mthong nas ni/ /bdag gi yon tan dman pa'i phyir/ /gzhan min brtson 'grus phrin las can/ /ji ltar gzhan la de dag dang/ /'dra ba tsam yang mi gda' ba/ /de ltar khyod kyis bsags bsags nas/ /bdag nyid la ni yon tan bsgrubs/ /chung dang dman dang 'tsho ba med/ /kha na ma tho chags bcas dang/ /tshim par mi byed legs mdza' med/ /thun mong gsal dang mi ldan te/ /'jig rten pa yi dpe dngos kun/ /gegs bgyid pa dang sgrib pa can/ /re zhig pa dang nyi tshe ba/ /shin tu rnyed par sla ba lags// mang ba dang ni rab kyi rab/ /kun tu mtsho dang dri ma gcod/ /tshim par mdzad dang bde mdza' can/ /thun mong min pa'i snang ba mnga' / /khyod kyi yon tan bla med la/ /gegs bgyis ma mchis rtog ma mchis/ /brtan pa dang ni rgyun chags pas/ /dpe lta mchis par ga la 'gyur/ /nyan thos blo mchog rnams kyis kyang/ /bskal ba rnams kyis ma rtogs pa/ /lha ma yin gyis gting rnyed pa'i/ /khyod kyi dgongs 'dra ga la mchis/ /gang tshe khyod kyi dgongs pa'i dkyil/ /gting dang pha rol med brtags na/ /rgya mtsho zab pa nyid kyang ni/ /gnag rjes lta bur sa ler gda' / /'dod pa'i mdza' la ma chags pas/ /gang zhig kha cig gis skyon min/ /khyod kyi bka' ni brtan bcas pa/ /su zhig gis ni 'jal bar nus/ /chos rnams kun gyis mi bskyod pa/ /khyod kyi brtan pa mngon bsams na/ /sa yi brten pa nyid kyang ni/ /shir sha'i ge sar rtse ltar chung/ /bde ba 'dod pas phyi rol pa/ /nyi ma'i rjes su nyal byed de/ /khyod ni nyi ma dang mtshungs min/ /thun mong gi ni dbye bar brjod// grub pa khyod kyi ye shes kyi/ /snang bas mi shes rab rib dag /'joms pa'i thad na nyi ma yang/ /me khyer tsam du mi spyod do/ /sbyor dang bsam pa dag pa yis/ /sngon yang nyes pa mi mnga' la/ /khyod kyi spyod pa bsam min pas/ /sangs rgyas nyid ni sus bsam nus// khyod kyi gsung thugs mdzad spyod rnams/ /dag pa'i gan na ston zla dang/ /chu dang nam mkha' i dag pa rnams/ /dri ma can nyid lta bur gda' / /gzhal du med pa'i yon tan rnams/ /dpe yi tshul gyis sus gzhal nus/ /khyad par la ni sbyor ba'i phyir/ /tshig tsam yang ni mang po yin/ /'jig rten legs pa gang ci'ang rung/ /thams cad sngon na'ang der bas te/ /nyon mongs 'jig rten chos rnams kyis/ /sangs rgyas chos la khyad mi khor/ /bse ru'i rwa dang 'dra ba gang/ /gang yang khyod kyi rjes 'gro slob/ /grol ba tsam gyis khyod dang mtshungs/ /rmad byung yon tan nyid kyis min/ /rin chen chos gang brnyes nas khyod/ /mchog tu gyur pa de nyid dang/ /khyod du bsgrun zhing de dang ni/ /khyod dang bsgrun ldom kho nar bas/ /yang na de yang khyod mtshungs min/ /gang phyir gnyis ka mnyam pa ni/ /tshad ma mkhan gyis brjod mi nus/ /des ni sus kyang rtogs mi 'gyur/ /gang la spyi tsam bsgrun nas ni/ /cung zad rjod par bgyid pa de/ /smra ba po yi rang dga' dang/ /thabs dang gcam bu tsam du bas/ /sangs rgyas bcom ldan 'das la bstod pa dang pa las spobs pa skyes pa zhes bya ba las dpe med par bstod pa zhes bya ba ste le'u gsum pa'o/ / //'gro las bdud las rnam par rgyal/ /rjes su dpag pas rnam par lhag /khyod kyi nyan thos kyis kyang ni/ mnyam gnas bdud las rgyal bar 'gyur/ /khyod ni bdud las rnam rgyal te/ /'gro kun dad par mdzad pa yang/ /bdag gis chos nyid rjes bsams nas/ /chen po ltar gang ma mthong ngo/ /khyod ni stobs gnas ma yin yang/ /gang gis rgyal bar bya ba'i rigs/ /de yis srid gzhan rgyal ba'i phyir/ /bdud kyi nan dang mngag gzhug rnams/ /sdang bas gol bar rtsol byed pa/ /mang po'ang gzhol bar bya ba ni/ /khyad par gnas la brten pa yi/ /bzod pa'i tshegs su mtshar mi che/ /g.yeng ba'i rkyen dang mjal na yang/ /gzhan la mi bsten pa yis ni/ /'khor ba thog ma med pa ni/ /khyod bdag nyid kyis dgyes par mdzad/ /gang tshe bdud rnams mngon btul ba/ /de yi nub mo kho na la/ /nyon mongs shin tu che spangs pa/ /de nyid rmad du byung ba lags/ /gang gis de ltar bsam min yang/ lhag par nyon mongs las rgyal gyur/ /skye bo gzhan dang thun mong gang/ /mu stegs las rgyal de smos ci/ /'od zer phreng ba stong ldan pa'i/ /nyi mas mun bsal gang lags dang/ /dpa' o khyod kyis mu stegs las/ /rgyal bar mdzad pa ci zhig mtshar/ /chags sdang gti mug bcas pa dang/ /de nyid dang ni 'gro ba srid/ /phra rgyas spangs pa rnams kyis ni/ /rgol ba'i tshe na rnam dpyod yin/ /'dod chags bral bas chags bcas dang/ /zhe sdang bral bas zhe sdang can/ /gti mug bral bas rmongs pa ste/ /gsum pos rtag tu gsum dag btul/ /btang snyoms gnas la gnas pa gang/ /ngo mtshar min zhing dka' ba min/ /'jug pa dang ni ldog pa'i phyir/ /de ni ngo mtshar zhes bya ste/ /dam chos rab tu bstod pa dang/ /dam chos ma lags smod mdzad kyang/ /dam ba dag dang tha ma la/ /khyod ni chags dang khro mi mnga' / /yun ring por ni mngon 'dod pa'i/ /yid la re ba skong ba dang/ /mi rigs pa ni rtsod pa yis/ chos nyid la ni gegs byed la/ /dgra bcom pa dang mu stegs la/ /rjes su chags dang khong khro bar/ khyod kyi thugs ni mi 'gyur ba/ /khyod la bstod du mi zhig mchis/ /gang zhig 'phel ba'i rgya mtshan phyir/ /srog kyang khyod kyis mi dgongs na/ /gzigs pa dang ni gsan pa dang/ /khyod kyis ma gzigs ma gsan bzhin/ /yon tan rnams la'ang ma chags la/ /yon tan can la'ang bzhed mi mnga' / /kye ma'o khyod kyi thugs stobs ni/ /rab dang yongs su dag pa legs/ /phan tshun rjes su 'jug pa'i phyir/ /nges par lus dang sems dag gi/ mya ngan dga' sogs gnas skabs ni/ /re dogs kyis kyang shin tu bsgribs/ /dbang po rnams ni rab dang ba/ /dus rnams rtag tu mi nyams pas/ /khyod thugs rtag tu dang ba dag /mngon sum gyur pa bzhin du gda' / /shin tu nyung ngu 'dod pa yis/ /'bad pa yis ni sbas na yang/ /nyes zad shin tu ma lus pa'i/ /gzhan don gyis ni drangs pas na/ /rang bzhin dam pa legs gsungs dang/ /mdzad spyod bzang pos bsgrags pas na/ /khyod kyi blo gros dgongs pa dag /rnam dag byis pa'i bar la grags/ /sangs rgyas bcom ldan 'das la bstod pa dang pa las spobs pa skyes pa zhes bya ba las rmad du byung bar bstod pa zhes bya ba ste le'u bzhi pa'o/ / //gang gis khyod kyi sku mthong bas/ /sems ni dang bar mi gyur pa/ /de la mig ni med pa ste/ /yang na yod kyang don med pa'o/ /nye bar zhi la yid du 'ong/ /'bar la gnod pa mdzad mi mnga' / /dul la rngom brjid che ba yi/ /sku 'dis su zhig dang mi mdzad/ /gang yang lta dang zhi ba 'am/ /yul ni shin tu rnyed pa na/ /thams cad chags dang bral 'gyur zhing/ /'di ni mthong ba'i nang na mchog /khyod kyi sku de gang gis ni/ /lan brgya mthong dang gang zhig gis/ /dang por mthong ba de gnyis ka /'dra bar mig ni mgu bar mdzad/ /rnam par sdang ba'i sems ldan yang/ /mthong bas ngoms par cis mi 'gyur/ /khyad par la mkhas ma yin yang/ /gang zhig yi dags rnams kyis ni/ /khyod kyi sku ni mdzes pa'i phyir/ /blta bas mi ngoms rang bzhin pas/ /mthong ngo cog ni phyi phyir zhing/ /dga' ba skyed par mdzad pa lags/ /ngub par ma dgongs ngo mtshar te/ /rjes su mthun pa'i don mdzad cing/ /phrin las gsal bar gyur pa na/ /gang gis 'bad pa seng por 'phrul/ /rten gyi yon tan dag dang ni/ /brten pa'i yon tan phan tshun du/ /'tsham pas khyod kyi sku dang ni/ /yon tan phun tshogs mchog dang ldan/ /khyod la yon tan mi mnga' na/ /de bzhin gshegs pa'i sku 'di ni/ /gzhan pa gang zhig pa ni rten/ gzhan mi bas ni rnam par spras/ /mtshan dang dpe byad bzang 'bar ba/ /khyod kyis ? bas ma gtogs pa/ /de bzhin gshegs pa'i yon tan 'di/ /gzhan gang zhig la legs gnas 'gyur/ /phun sum tshogs las lhag pa'i sku/ /gzhan dang mtshungs min thob pa ni/ /rten pa yi ni khyad par gyis/ /phun sum tshogs pa lhag par 'chad/ /khyod sku rten pa'i yon tan la/ /de dpal che zhes gsung gsung ltar/ /de yi yon tan rnams kyang slar/ /nged legs bkod ces gsungs ba 'dra/ /sangs rgyas bcom ldan 'das la bstod pa dad pa las spobs pa skyes pa zhes bya ba las sku la bstod pa zhes bya ba ste le'u lnga pa'o/ / //gsod dang bkres skom grang dro dang/ /mi srun smad pa la sogs mang/ /gsum la ngub pa med bzod cing/ /ngan song gi ni sdug bsngal yang/ /'gro ba 'di dag thams cad ni/ /khyad med nyon mongs rnams kyis bcings/ /khyod ni 'gro ba'i nyon mongs dag /dgril slad yun ring thugs rjes bsdams/ /bcings pa'i rgyu ni nyon mongs pas/ /'gro ba yis ni nyon mongs bzod/ / khyod ni thugs rje yis bcings pas/ /bzod pa gang de ngo mtshar la/ /dang por khyod la phyag bgyi'am/ /'on te gang gis 'khor bar khyod/ /skyon mkhyen yun ring da lta bur/ /bzhugs mdzad thugs rje che la bgyi/ /de ltar sdug bsngal btang snyoms nas/ /dben pa'i gnas su bzhugs par mdzad/ /shin tu gsal bar bya ba'i phyir/ /de ltar gyi yang bzod par mdzad/ /dben pa'i bde ba spangs gyur khyod/ /mang po'i nang du bzhugs pa gang/ /de khyod thugs rje dus 'das pa/ glags shig thod nas bgyis par bas/ /'jig rten spyod pa 'dra ba mang/ /ma 'ongs bde ba la brten nas/ /da ltar byung las gus pa yis/ /sems can rnams la rnam dpyad nas/ /rig pa yis ni mtsho nang nas/ /klu bzhin khyod kyi thugs rje yis/ /dgon pa'i zhing gnas grong gi mthar/ /gdul ba'i don gyi slad du drangs/ /gzhan la chags shing dgongs pa yis/ /thugs rje btsun mos mi bya med/ /yang na khyod ni de chags pas/ /rang dang mthun pas spangs nas gang/ /nyer zhi mchog la gnas bzhin du/ /thugs rje gtso dang ldan pas na/ /rol mo mkhan gyis sgyu rtsal yang/ /khyod kyi zhabs kyis 'dor bar mdzad/ /don dam pa ni ma brnyes pas/ /sngon ni de bzhan dka' spyod min/ /sangs rgyas nyid ni brnyes pa yis/ /zhi gnas bdag nyid spangs nas kyang/ rdzu 'phrul seng ge'i sgra dang ni/ /nyid kyi yon tan brjod pa gang/ /de ni bzhed spyod mi mnga' ba/ /khyod kyi thugs rje bstan pa lags/ /gal te sems can don mdzad 'di/ /sems can yod ni mi 'gyur ba/ /gus pas gzhan du mi 'dra la/ /ji ltar mi bzad ltar brtse med/ /gzhan gyi don du rab bzang gi /nyid kyi don la brtse med pas/ /mgon po khyod nyid 'ba' zhig la/ /thugs rjes thugs rjes mdzad ma gyur/ /yang na khyod nyid dka' ba rnams/ /spyod pa ma nyams des ni mdzad/ /khyod kyis nyid don las lhag par/ /gzhan don rjes su gzigs par mdzad/ /'di ltar res 'ga' bstan pas gang/ /gzhan don grub par mdzad slad du/ /khyod ni lan brgyar phyogs dag tu/ /gtor ma bzhin du btang ba lags/ /gang zhig rjes su mi mthun pa'i rol mo mkhan gyi bze sogs ni/ /ngan pa'i las la'ang drang bar mdzad/ /de nyid de ni mi 'thad do/ /de ltar khyod la gnod mdzad kyang/ /nongs pa can du mi brtsi bas/ /khyod kyi bzhed pa kho na dang/ /mthun 'jug pa ni lags par gda' / /gtong min yod de chags pa min/ /chags pa yod de dngos mi shes/ /kha cig dngos po shes na yang/ /rjes su mthun min gtong ba yang/ /gtong ba min la chags pa yang/ /dngos po shes na rjes su mthun/ /thugs rje de yi spyod legs mang/ /gang gis smra bar byed par nus/ / sangs rgyas bcom ldan 'das la bstod pa dad pa las spobs pa skyes pa zhes bya ba las thugs rje la bstod pa zhes bya ba ste le'u drug pa'o/ / //tshig bzang ba dang don che dang/ /bden pa dang ni snyan pa dang/ /zab gsal gnyis ka'i don ldan dang/ /bsdus dang spros pa dang ldan pa/ /nyon mongs 'joms dang rtsub min dang/ /gsal dang bde blag rtogs pa dang/ /sna tshogs don ni ma 'khrugs dang/ /snying po can dang mang ba yang/ /khyod kyi gsung ni de lta bu/ /khyod kyi dgra bos thos na yang/ thams cad mkhyen pa lags so zhes/ /su zhig nges pa bskyed mi 'gyur/ /rjes su chags dang bar ma dang/ /sdang bas gnod pa byed pa la/ /nyes kun skyug par mdzad pa'i phyir/ /thams cad la ni thugs mnyam mnga' / /mang po ril gyis snyan ma lags// bcos pa 'ga' tsam snyan pa lags/ /khyod kyi gsung ni don grub pas/ /thams cad legs gsung kho na lags/ /mos khams dbang po'i dbye ba yis/ /gang phyir bsam pa sna tshogs pa/ /de bas thabs la mkhas pa yis/ /skyes bu 'dul mchog kha lo sgyur/ /khyod kyi gsung ni rnam brtags na/ /gang zhig 'jam dang rtsub pa dang/ /gang yang de gnyis ldan pa dag /thams cad ro gcig nyid du 'gyur/ /yun ring 'phel bar 'gyur ba ni/ /thugs rje brtson 'grus phun tshogs pas/ /dgongs pa yang dag shes rab kyang/ /thams cad la ni brtson dang ldan/ /e ma'o shin tu yongs dag pa'i/ /phrin las rnams kyang rab tu bzo/ /de yis rin chen gsung rnams kyi/ /snod 'di 'dra ba 'di bgyis so/ /snod kyi skyon dang 'brel bas na// rnam par bdud rtsi 'di 'dra ba'ang/ /ro ni phrogs par gyur pa ste/ /lha yi chu ni rgya mtshor bzhin/ /khyod zhal bstan rab sdug pa/ /de las mnyan na snyan pa yis/ /gsung 'di dag ni zla ba las/ /bdud rtsi 'jig pa bzhin du gda' / /sngo ba thi sogs dbye ba yis/ /mi sdug pa ni bstan pa dang/ /byams pa dang ni snying rje yang/ /spyod pa'i gnyen po'i phyogs kyis ni/ /khyod kyi gsung ni 'dod chags kyi/ /rdul rab zhi mdzad char sprin 'dra/ /zhe sdang sbrul ni gdon pa'i phyir/ /nam mkha' lding dang 'dra ba lags/ /gzhan yang rten cing 'brel 'byung ba'i/ /rnam pa sna tshogs bstan pa yis/ /de bzhin las bdag gir bya ba/ /bdag med pa dang dbyer med pas/ /yang dang yang du mi shes pa'i/ /rab rib 'joms pas gdugs dang 'dra/ /nga rgyal ri bo mngon 'joms pas/ /brgya byin mtshon cha 'dra ba lags/ /gal te 'di ni ma gsungs na/ /bde gshegs dgra bcom sangs rgyas dang/ /de ltar rtogs nyid phun tshogs pa'i/ /khyod kyi bden gsung sus rtogs 'gyur/ /don gzigs pas na mi bslu ba/ /nongs mi mnga' phyir rjes su mthun/ /legs par sbyar bas go sla ste/ /khyod kyi gsung ni legs gsum ldan/ /zab pa dang ni snyan pa dang/ /go sla dang ni legs sbyar dang/ /gdul bya dang ni rjes su mthun/ /gdug pa la yang bden don phyir/ /re zhig dang por khyod kyi gsung/ /nyan pa rnams kyi yang 'phrog mdzad/ /de nas yid la bsams bgyis na/ /rdul dang mun pa dag kyang sel/ /longs spyod nyung du tsam zhig dang/ /skye ba dang ni 'jig pa yang/ /gzhan yang 'gro ba gzhan dbang la/ /nges par 'byung ba ston par mdzad/ /phongs pa rnams kyi dbugs 'byin cing/ /bag med rnams ni skrag par mdzad/ /bde ba can dag skyo bgyid pas/ /khyod gsung kun dang 'tsham par 'jug /yongs smin dbang gis shes rab ni/ /sgom pa'i rang bzhin bskyed mdzad cing/ /de las ldang ba'i dus su ni/ /thos bsam rang bzhin gyis kyang ni/ /mkhas pa rnams ni dga' ba bskyed/ /bar ma rnams kyi blo yang spel/ /tha ma'i rab rib rnam 'joms pas/ /gsung 'di skye bo kun la sman/ /shes rab spyan ni zag pa med/ /dang po bden pa skyed par mdzad/ /de 'og dbang po'i dbye ba yis/ /bsgom pa dang ni mi slob lam/ /lta ba dag la dgar mdzad cing/ /mya ngan 'das par nye bar 'dren/ /nyes pa sel mdzad khyod kyi gsung/ /yon tan rnams kyi char yang 'bebs/ /'dul ba'i thabs la mkhas pa yis/ /sngon dus la rgyus gsung ba'i phyir/ /skal can rnams la don dam pa/ /shin tu ma 'das pa yis kyang/ /kun la ma thogs thugs mnga' zhing/ /dgongs pa'ang kun tu nyer gnas pas/ /de slad khyod kyis lung bstan kun/ /thams cad la yang bslu mi mnga' / /khyod kyi nyan thos mchog rnams kyi/ /rigs dang smin dang mos pa yis/ /mi shes pas ni bsgrib pa'i tshig /khyod ni thugs dgongs ma nyams pas/ /gang slad du min yul min dang/ /snod min rnams su mi 'jug pa/ /de slad khyod gsung don mchis te/ /brtson 'grus legs par brtsams pa bzhin/ /khyod gsung yon tan cha tsam la'ang/ /bdag gis bstod pa nus ma yin/ /gang gis khyod kyang 'dod chung ba'i/ /rab tu gsal bar kun tu 'dren/ /sangs rgyas bcom ldan 'das la bstod pa dad pa las spobs pa skyes pa zhes bya ba las gsung la bstod pa zhes bya ba ste le'u bdun pa'o// //bgrod pa gcig dang thabs bde dang/ /legs par 'brel dang nyes pa med/ /thog ma bar dang mthar dge bas/ /khyod kyi bstan 'dra gzhan la med/ /gzhan rnams kyang ni thar don min/ /dka' bas thob cing bde 'gro min/ /mi rtag phan tshun 'gal ba ste/ /de lam 'bras bu bstan pa'i phyir/ /khyod kyi gzhung lugs de lta bu/ /gcig pu phongs la lta chags pas/ /byis pa gal te smod bgyid na/ /lta dang 'dra ba'i dgra ma mchis/ /byang chub sems ni nyer blangs nas/ /gzhan don la chags thugs mnga' bas/ /khyod bskal bye bar skad cig bzhin/ /dmyal bar yang ni de bzhin bzhugs/ /'gro ba yi ni don slad du/ /sdug bsngal mang ltar gar lags pa/ /de bsams khyod bstan ngan na yang/ /gnas par bgyi ba la thug na/ /nyon mongs bde ba chung byed pa'i/ /mi yi bdag po'i bka' lung gis/ /dmyal ba yi yang las rnams la'ang/ /byas pa gzo bas 'jug par mthong/ /phan pa gsung zhing phan pa mdzad/ /khyod kyi bstan pa ci smos te/ /mgo la zhugs ni 'bar bas kyang/ /ci yi slad du bsgrub mi bgyid/ /zhi gnas ye shes rdzogs pa dang/ /rtogs par gyur nas dad pa dang/ /nyon mongs kun las rnam 'grel phyir/ /byis pa slob dang mkhas rnams kyis/ /khyod kyi bstan pas rang dbang dang/ /byang chub bde dang zhi ba dang/ /khyod kyi yon tan bsngags pa dang/ /legs pa bzhi po 'di kun thob/ /stong pa nyid ni gsung ba dang/ /srid par smon pa mi mnga' dang/ /mtshan ma med pa rnyed mdzad pa/ /gang de chags sdang med pa'i phyir/ /dpa' o khyod kyi bstan pa 'di/ /mu stegs thams cad skrag mdzad la/ /bdud ni sems khong chud mdzad cing/ /lha dang mi rnams dbugs kyang 'byin/ /bdag tu lta bas 'dus byas la/ /smod med mya ngan 'das mi 'thad/ /de slad de yi mi mthun pa/ /'chi bdag gis ni 'tshe bar 'gyur/ /'chi bdag bstan pa khams gsum gyi/ /sa chen dag la spyod bgyid pa/ /mi thogs zlogs pa ma mchis pa'ang/ /khyod kyi bstan pas zil gyis mnan/ /skyes nas nges par 'jig pa'i phyir/ /'on te nyon mongs bzhin 'chi 'phos khyod sras kyis kyang dbang thob phyir/ /de las 'di ni khyad ches 'phags/ /khyod kyi bstan pa'i lugs 'tshal ba/ /dga' na bskal par yang gnas la/ /gang du bdud kyis mi rdzi ba/ /der yang dga' mgur rab tu mchi/ /thabs sogs sgrub la mkhas pa yis/ /shes rab gsum po rnam 'phel phyir/ /gang tshe sems ni nges sbyar dang/ /bzhag dang sdang ba zhes bya 'dis/ /lung gi don ni bsams pa dang/ /bsgoms dang gus par mnyan pa yis/ /dus gsum cha dbye khyod kyi ni/ /bstan las gzhan la mchis ma lags/ /rigs pa lnga phyir ma 'phel zhing/ /bsam bya'i gnas dang bral ba'i phyir/ /mu stegs gzhan gyi mthong bzhin yang/ /lta la srid pa'i gdon gyis dkrugs/ /drang srong skyes mchog khyod kyi bstan/ /de ltar legs pas khyab 'di la/ /ma gus gang lags de las ni/ /sdug bsngal chen po'ang ci zhig mchis/ /sangs rgyas bcom ldan 'das la bstod pa dad pa las spobs pa skyes pa zhes bya ba las bstan pa la bstod pa zhes bya ba ste le'u brgyad pa'o/ / //gang zhig snga mar smon lam mdzad/ /yang na mthong dang thos pa yang/ /'gro ba rnams la smon mdzad pa/ /da ltar yang ni don ldan 'khums/ /khyod thos pas ni spro ba skyed/ /mthong bas dad pa skye bar 'gyur/ /khyod gsung thos pas dga' 'gyur te/ /bstan pas rnam par grol bar mdzad/ /kye ma'o gnas skabs thams cad du/ /skye dgu rnams la sman mdzad pa'i/ /chos bstan pas ni byed pa na/ /gang mthar bde bsgrub pa'i phyir// khyod kyi sras kyis mgu bar 'gyur/ /'phel bas skye dgu rnams kyang dga' / /gshegs pa na ni phan 'dogs mdzad/ /ldog pa na ni 'god pa mdzad/ /gang zhig dad pas brlan sems kyis/ /yon tan dran pa gsal bas kyang/ /gal te khyod ni bde mdzad na/ /de las ngo mtshar ma mchis lags/ /bsgrags pas sdig pa 'phrog par mdzad/ /khyod dran pas ni rangs par 'gyur/ /btsal bas blo gros skye 'gyur te/ /yongs su shes pas rnam par 'dag/ de bzhin skyabs 'gro len pa dang/ /sbyin dang slob pa rjes byed pa'i/ /'jigs 'joms mdzad pa ci ngo mtshar/ /gang zhig chos la mngon 'dod pas/ /khyod la bsu bas dpal du byed/ /bstan pas blo gros mchog tu 'gyur/ /bsten na 'jigs pa med par mdzad/ /bsnyen bkur bgyis pas bde bar 'gyur/ /glags skabs tshol bar byed pas kyang/ /khyod kyi drung du nyer mchis na/ /phyi nas gdung ba dang ldan phyir/ /sman pa bzhin du de bzhin khyod/ /tshul khrims phun sum tshogs pas dag / bsam gtan phun sum tshogs pas dang/ /shes rab phun tshogs mi 'khrugs pas/ /khyod ni bsod nams mtsho chen lags/ /mched 'bru ba la brtson pa ste/ /b+ha ra d+hwa dza la sogs kyang/ /nges legs dang 'dra cis mi 'gyur/ /khyod la de ni ngo mtshar ci/ /khyod sku bltar 'os rin chen te/ /legs gsungs mnyan 'os rin chen lags/ /chos ni spyad 'os rin chen pas/ /khyod ni rin chen 'byung gnas lags/ /'jigs pa mi bzad rnams su yang/ /khyod ni dran pa tsam gyis gang/ /zhi bar gyur pa de la yang/ /mtshar min gang zhig thugs rje'i bdag /khyod ni chu bos bdas pa'i gling/ /smas pa'i bdag nyid skyob pa ste/ /srid pa'i 'jigs pas nyen pa'i skyabs/ / thar 'tshal rnams kyi 'dren pa lags/ /me tog gcig ni rang 'phul bas/ /gang zhig ngan 'gror ltung ma gyur/ /de la dus nges bstan pa la/ /mtshar min khyod sngon 'di 'dra lags/ /tshul khrims dag phyir snod kyi mchog/ zhing gshin 'bras bu phun sum tshogs/ /srog chags kun la phan mdzad phyir/ /grogs kyi phul yang khyod lags so/ /gang zhig gis khyod mthong tsam gyis/ /skyon yon la ni mi mkhas pa/ /dud 'gro dang ni gzhan min 'gyur/ /de la drin sogs mtshar ma lags/ /phan 'dogs mdzad pas mdzad bshes te/ /'grogs na bde phyir snying du sdug/ zhi phyir gcig tu yid du 'ong/ /yon tan kun mnga' mchod 'os khyod/ /gang zhig mthong ba tsam gyis ni/ /ngan song gi ni sdug bsngal yang nye bar zhi ba de la yang/ /gnas min 'jig rten dogs pa can/ /sdig pa med pas yid dang 'thad/ /sku gsung bzang bas dga' bar mdzad/ /don kun grub phyir dpal yangs te/ /yon tan legs rten bkra shis lags/ /sangs rgyas bcom ldan 'das la bstod pa dang pa las spobs pa skyes pa zhes bya ba las smon lam gyi bstod pa zhes bya ba ste le'u dgu pa'o/ / //snga phyir sems gnas bsgrub slad du/ /rmugs la sogs pa zhi ba'i phyir/ /phyi rol g.yeng ba zhi don du/ /nang gi chog shes spangs pa'i phyir/ /khyod ni rngan then bgyid la bskul/ /chom rkun bgyid pa tshar yang gcod/ /gya gyu can rnams rnal du 'god/ /dal bus bgyid la bzhen skul 'debs/ /zhi gnas nges par rdzogs nas ni/ /phyi nas bden la sbyar bar mdzad/ /bsgom pa khyad par mdzad slad du/ /sa bon med par spangs par mdzad/ /dul ba rnams ni lam la sbyar/ /dmu rgod rnams la btang snyoms mdzad/ /de slad skyes bu 'dul ba yi/ / kha lo bsgyur ba bla med mchog / thad du phyin nas khyod mtshang 'bru/ /gang zhig sa bon med par spangs/ /'on kyang de la btang snyoms min/ /phan pa'i dus la gzhes par mdzad/ /khyod ni nyam thag rnams la brtse/ /bde bar gnas la phan par bgyid/ /yongs par gnas la thugs rje bas/ /kun la phan par bzhed pa lags/ /gang zhig bar ma la phan bzhed/ /de ni shin tu ngo mtshar min/ /gang zhig slar yang byas 'joms pa'i/ /gnyen dang grogs rnams la ni bzhin/ /khyod ni dgra bo rnams la'ang byams/ /nyams par gyur la phan 'dogs mdzad/ /gtum po rnams la thugs brtse bas/ /khyod ni ya rabs rmad cig lags/ /skye ba gcig tu phyi rol gyi/ /bza' btung gos la sogs pa yi/ /nyon mongs pa yi dbang gis ni/ /lus tsam la ni phan byed dag / phan 'dogs bgyid slad pha ma dag /gal te bla mar 'tshal na go /khyod ni lhag par phan 'dogs pas/ /bla ma nyid gyur smos ci 'tshal/ /thar pa'i sa bon ji ltar yang/ /de rnams dge ba la btsud nas/ /dus gcig yongs su smin slad du/ /dus ni kun tu 'da' bar mdzad/ /rang gi don la mi lta bas/ /nyid kyi dgra bo ltar gyur cing/ /g.yeng sa'i mun gnas rnams la/ /rab lta bur gyur pa'ang khyod/ /de nas ji ltar snod gyur pa'i/ /yongs su smin par gzigs nas ni/ /slar yang thu ni ma bsnyel zhing/ /sman gdags bsam gtan la brtson lags/ /'jig rten gnyis kar sman gdags slad/ /'jig rten las ni 'da' slad du/ /mun par gyur pa'i 'jig rten la/ /khyod kyis shes rab snang bar mdzad/ /de las tha dad med pa yis/ / rgyu bcas rgyu ni med pa yang/ /'phags pa'i lam la 'god mdzad dang/ /khyod kyis 'jig rten la ston mdzad/ /yul la nye bar spyad pa na/ /lha min spyod pa tha dad kyi/ /khyod kyi longs spyod thun mong bas/ /khyod la dbye ba mi mnga' o/ /gang du rgyu ni med pa la khyod kyis bstan par rab btsud na/ /de la thar pa'i rgyu bcas la/ /mdor bsdus pas na smos ci dgos/ /bcom ldan khyod kyis skye ba dang/ /na tshong rigs dang yul dang ni/ /dus kyi skyon med chos rnams kyis/ /'di dag kun la sman yon btags/ /'di ni dman dang 'od mchog ces/ /khyod kyis bltos pa bsal nas ni/ /de ltar yon tan 'phags 'dren pa/ /'bad pas ji ltar bdag nyid bzhin/ /khyod kyi nyan thos sred bral zhing/ /ya mtshan 'dzin pa med rnams la'ang/ /lha rnams thal sbyar smon bgyid cing/ /ya mtshan che ba lta bur mchod/ /bdag nyid 'jigs pas bde thob pa'i/ /yul dag spangs par gyur nas ni/ /'gran zla bzhin du cig nas cig /mchog tu rjes su 'brang ba byed/ /e ma'o sangs rgyas 'khor ba yi/ /nyid khur gyur pa byung ba brjid/ /des na mi yang lha rnams kyis/ /smon par bya ba nyid du gyur/ /sangs rgyas bcom ldan 'das bla stod pa dad pa las spobs pa skyes pa zhes bya ba las lam 'jug pa la bstod pa zhes bya ba ste/ le'u bcu pa'o// //mnyel dang zhi bde nyams gyur dang/ /skye bo ngan dang 'grogs pa dang/ /mi mthun pa dang mang po yi/ /skyon yang yon tan bzhin dgongs shing/ /gzhan la sman pa mdzad la chags/ /thugs rje yis ni thugs bcings pas/ /bskal pa grangs med gsum gyis ni/ /khyod kyis sdug bsngal mi dgongs so/ /'gro ba'i don slad ma chags pa'i/ /thugs kyis brtson pa mdzad pa gang/ /sangs rgyas rnams kyi sangs rgyas kyi/ /chos nyid bcom ldan de rmad do/ /zhi gnas bde ba ma thob pa/ /sngon mdzad gang de ngo mtshar min/ /khyod kyis zhi gnas thob pa yang/ /spangs pa'i mdzad pa ngo mtshar ro/ /bshos kyang phal pa gsol mdzad cing/ /res 'ga' bsnyung ba dag kyang mdzad/ /nyam nga'i shul duAng gshegs mdzad cing/ /rang rod can duAng mnal ba mdzad/ /slar yang phyag gi bdud rtsi yis/ /gzhan rnams la ni phan pa mdzad/ /de nyid kyis ni mi 'grang pa'i/ /mi srun spyod pas phal pa bzhin/ /mgon khyod gtso bor gyur lags kyang/ /gdul bya rnams la byams slad du/ /sku ngas brdo dang gcam tshul dang/ / skad dang cha lugs sgyur ba'ang mdzad/ /mang po'i rang don mthar thug dang/ /de ni khyod kyi che ba lags/ /de la mngon 'dod don la yang/ /de lta'i sdug bsngal bsdam pa mdzad/ /kun gyis dga' mgur dang don phyir/ /bran bzhin bskos par bsgrims pa lags/ /mgon khyod rtag tu bdag nyid la/ /mnga' ma mchis pa'ang ma lags so/ /lci dang cha lugs yang dgongs pa'ang/ /de tshe khyod la ga la ste/ /gang phyir gzhan ma spangs nas kyang/ /sdug bsngal ldan pa mthar phyin pas/ /khyod la gang dang gang du yang/ /ji skad bskul yang mi spong ste/ /nyid kyi sgrub pa bzang po las/ /'da' bar 'gyur ba ma mchis so/ /pha 'am yang na gzhan legs la/ /byams pa 'am yang na snying rje yis/ /khyod yon phrag dog gis gdungs dang/ /de bzhin rgyu med dgra bo la/ /ji ltar khyod ni gnod bgyid la/ /phan pa lhur mdzad de lta bur/ /skye bo dag ni phan bgyid la'ang/ /phan pa de ltar lhur mi bgyid/ /nyes rtog gdon gyis zos pa ni/ /phyir zhing shin tu mi bzad la/ /mgon po rang sems rjes mthun pas/ /khyod kyis nyes pa mthong ba la/ /khyod ni gnod bgyid dgra bo la/ /phan pa mdzad pa'i bshes lags te/ /rtag tu skyon dag tshol ba la/ /yon tan 'ba' zhig tshol ba'ang lags/ /shin tu dge ba'i spyod ldan pa/ /mgo dang yid dang tshig dag gis/ /khyod ni phyag 'tshal mchod 'os la/ /rtag tu bdag ni phyag 'tshal bstod/ /khyod ni gang na dug bcas shing/ /zhugs dang bcas par spyan drangs pa/ /der ni brtser bcas gshegs pa dang/ /khyod la bdud rtsi can du 'gyur/ / shin tu phan tshun 'gal ba can/ /sems can rnams kyi log rtog pas/ /mi bskyod de la lan 'jug pa'i/ /thugs ldan khyod la phyag 'tshal lo/ /bzod pas mi snyan bzod pa dang/ /'khub dag ni bde legs kyis/ /mi snyan smra la bden pa ste/ /khyod kyis sdang ba byams pas btul/ /dgra rnams la ni 'bang min pas/ /thugs kyis kyang ni rtag tu btul/ /bzlog la yang dag 'jog mdzad pa'i/ /rgyal mchog khyod la phyag 'tshal lo/ /thog ma med dus goms pa yi/ /mi yi rang bzhin mang po yang/ /khyod kyis ngan song rnam bzlog nas/ /skad cig nyid la yongs su bsgyur/ /shin tu bzang min khams tsam yang/ /yun ring gis ni 'phel mdzad pa/ /sman pa'i spyod pa rjes 'jug pa/ /sman mchog khyod la phyag 'tshal lo/ /sangs rgyas bcom ldan 'das la bstod pa dang pa las spobs pa skyes pa zhes bya ba las dka' ba mdzad pa la bstod pa zhes bya ba ste le'u bcu gcig pa'o/ / //rtsub pa dang 'jam bgyis pa dang/ /'jungs pa rnams ni gtod phod dang/ /gtum pa nges par bgyis pa gang/ /de ni khyod kyi thabs mkhas lags/ /rang rig rjes su mi gcod cing/ /dge ba gong du 'dren byed pa/ /skye ba gzhan du mdzad pa'i phyir/ /dge mchog khyod la phyag 'tshal lo/ /dga' bo dbang po nyer zhi dang/ /nga rgyal khengs pa 'dud pa dang/ /sor mo'i phreng ba'ang zhi ba bgyis na/ /su zhig ngo mtshar skye mi bgyid/ /shin tu mchog don mdzad slad du/ /dmu rgod rnams ni bde ba yis/ /shin tu ngo mtshar gyur pa yis/ /'dul mdzad khyod la phyag 'tshal lo/ /khyod kyi chos kyi ros tshim pas/ /gser las bgyis pa'i mal spangs nas/ /ran mang bting ba'i gnas mal du/ /brtan rnams bsod nyams nyal bar bgyid/ /gzhan gyi dbang gis lus tsam ni/ /shin tu tshim dang rjes mthun min/ /gang phyir gzhan gyis tshim byed las/ /tshim mdzad mchog khyod la phyag 'tshal/ /khyod kyis dus dang bsam mkhyen pas/ /res 'ga' nus na'ang mi gsung la/ /spros 'gyur gzhan la bstan pa dang/ /drung du gshegs nas bshad pa'ang mdzad/ /rgyun min mkhas pa ma yin phyir/ /thams cad du ni tshig mi 'grub/ / de ni shin tu spangs mdzad phyir/ /bden gsung khyod la phyag 'tshal lo/ /dri med gos la tshon bzhin du/ /thog mar sbyin sogs gtam dag gis/ /sems la spro ba bskyed nas ni/ /phyi nas chos ni bstan pa mdzad/ /rig dang thabs la mi mkhas pa'i/ / tshig gis sems ni 'gugs mi 'gyur/ /gzhan gyis sems ni bkug mdzad nas/ /'chi med gsol mdzad la phyag 'tshal/ /'khor ba mi bzad gting nas ni/ /'gro ba nyon mongs drang slad du/ /khyod kyis gang zhig ma stsal ba'i/ /thabs dang spyod pa de ma mchis/ /kha cig pha rol 'dod slad du/ /brtson 'grus ldan la thabs mi mkhas/ /thabs mkhas brtson 'grus med pa las/ /'dren mdzad mchog khyod la phyag 'tshal/ /sku yi cha lugs rnam mar dang/ /gsung gis so so'i skad bzhin du/ /gdul ba'i bsam pa tha dad pa/ /de dang der ni khyod kyis mdzad/ /gzhan gyi cha lugs sna tshogs ni/ /don med yang na gzhan gsod phyir/ /don ldan sku ni sna tshogs pa'i/ /don kun mdzad la phyag 'tshal lo/ /de dag kun kyang dag pa dang/ /mi 'gal ba dang mchod 'os dang/ /brjid dang lha mi rnams la ni/ /sman 'dogs bskur ba sha stag lags/ /phyi rol rnams kyi spyod pa ni/ /gzhan gsod pa dang smod pa ste/ /bkra shis gzhan don kun ldan pa'i/ /spyod pa mnga' khyod la phyag 'tshal/ /smra dang bgyid pa phal cher ni/ / legs pa rngo thog ma lags kyi/ /bden par gsung ba khyed la ni/ /de gnyis gzhan du gda' ba lags/ /gzhan gyi spyod pa tshig ni gzhan/ /nyon mongs phal cher 'khrugs pa yang/ /spyod pa dang ni don mthun pa'i/ /legs gsung khyod la phyag 'tshal lo/ / bdag nyid dag pa 'ba' zhig gis/ /khyod kyis 'gro ba'i dpal zhing mdzad/ /'di ltar rnam pa 'di 'dra'i zhing/ /'jig rten gsum na mchis ma lags/ /gal te dbye byed rnams kyi ni/ /'ba' zhig khyod ni snod gyur na/ /de bzhin dpag med dge ldan pa'i/ / sgo 'gyur khyod la phyag 'tshal lo/ /thog med srid pa nyam nga bar/ /snga nas gcig tu nyams pa yi/ /sems can kun la sman slad du/ /khyod ni de ltar brtson pa lags/ /sangs rgyas bcom ldan 'das la bstod pa dad pa las spobs pa skyes pa zhes bya ba la mkhas par bstod pa zhes bya ba ste le'u bcu gnyis pa'o/ / //gang phyir mya ngan gyis nyams pas/ /ston pa rnyed par dka' ba yang/ /slar yang dka' la brtson ldan pa/ /khyod la rtag tu phyag 'tshal lo/ /gang gis khyod drin lan lon pa'i/ /sgrub de mchis snyam mi bgyid/ /skye bo gang dag mya ngan 'das/ /de dag gis kyang lan ma lon/ /rang don byed par bdag mchog cing/ /de ltar gang gis rmad byung gsungs/ /thog mar ma thogs phun sum tshogs/ /ston mdzad khyod la phyag 'tshal lo/ /khyod kyi chos la gnas de dag /rang don kho na bgyid par bas/ /de yi slad du 'o brgyal gang/ /de la lan go ci zhig lon/ /khyod ni sems can gnyid log pas/ /rgyud la gzigs pa'i zhugs che ba/ /bag med gyur pa rnams kyi ni/ / grogs bzang bag dang bcas pa lags/ /gti mug mnal ni bcom pa'i phyir/ /shin tu sad khyod phyag 'tshal lo/ /snod dang snod min sogs dpyod phyir/ /'jig rten mkhyen la slar phyag 'tshal lo/ /khyod kyis nyon mongs gzhom pa bshad/ /bdud kyis g.yo dag bstan pa mdzad/ /'khor ba'i rang bzhin mi bzad brjod/ /'jigs pa med pa'i phyogs kyang bstan/ /gal te gzhan gyi rgyud rnams kyi/ /nyon mongs bdud las rgyal gyur pa/ /bdud kun las rgyal smos ci 'tshal/ /phan dgongs thugs rje can gyis ni/ /sems can rnams la bgyi 'tshal ba/ /gang zhig khyod kyis ma mdzad pa/ /gzhan go ci zhig mchis lags kye/ /mgon khyod grangs dang 'phags pa dang/ /bla ma yan lag gnyen 'dun gyis/ /dgongs pa mdzad pa gang lags pa/ /de phyir kun bdag la phyag 'tshal/ /gal te chos ni 'di dag dang/ /spo ba zhig tu btub na ni/ /gdon mi 'tshal bar khyod kyis ni/ /lhas byin la brten kun la'ang rtsol/ /khyod kyis mdzad par mi spyod gang/ /de ni nges par bgyid mi rigs/ /gnas ma yin las ldog pa dang/ /gnas la zhugs la phyag 'tshal lo/ /'jig rten rnams la thugs brtse bas/ /yun rings sa steng dam chos bshad/ /'jig rten gsum phan 'dogs nus pa'i/ /slob ma dam pa'ang mang du bskrun/ /bskrun nas gdul ba'i khyad par gyis/ /bstan pa rgyas ni btab nas kyang/ /mngon du btul ba'i tshogs kyang ni/ /mdzes bzang yan chad btul lags pas/ /da go khyod la sems can gyi/ /bu lon lhag ma ci mchis na/ /chos kyi sku yis ma lus pa'i/ /'gro ba dag dang ldan khyod kyis/ /slob dpon khu tshur bcing min phyir/ /bu lon lhag ma gzhan ci mchis/ /'di ltar rdo rje'i ting 'dzin gyis/ /sku gdung til 'bru bzhin blags nas/ /mjug tuAng khyod kyis shin tu ni/ /dka' spyad yal bar ma dor ro/ /yang na gzugs sku'i mthar yang ni/ /sems can don mdzad nyid gzigs nas/ /nyid kyi bde la chags mi mnga' / /de las bltos pa dor bar mdzad/ /gzugs kyi sku dang chos 'di dag/ gzhan don kho nar mdzad do zhes/ /'jig rten yid ches dka' 'di la/ /khyod kyis mya ngan 'das pa bstan/ /de ni spyod bzang mthar thug pa'i/ /sems can gzhan don mdzad pa nyid/ /gang zhig thog ma dbus mthar yang/ /khyod kyis ma nyams nyid du 'khums/ /de slad chos sku ma lus pa/ /sras kyi mchog la gtad mdzad do/ /gzugs sku til 'bru ltar bshig nas/ /khyod ni yongs su mya ngan 'das/ /de ltar thog ma dbus mdza' ru/ /chos gzugs sku gnyis bdag nyid kyis/ /sems can don la phan mdzad phyir/ /bu lon mi mnga' la phyag 'tshal/ /e ma'o gnas ba e ma'o tshul/ /e ma'o yon tan e ma'o sku/ /sangs rgyas kyi ni chos rnams la/ /ya mtshan mi che 'ga' ma mchis/ /tshul khrims dang ni bsam gtan rgyu/ /de'i 'bras gzugs dang gzugs med pa'ang/ /gang phyir khyod kyis ma dgongs te/ /de phyir bsam min khyod phyag 'tshal/ /phan 'dogs mdzad cing blta na sdug /sku gsung phrin las zhi gyur pa/ /khyod la'ang sdang bar rab bgyid pa'i/ /rmongs pa mi bzad pa la gzigs/ /khyod la sdang bar byed pa la/ /sman mdzad pa ni bsam mi nus/ /de sman mdzad pa bsam min pas/ /rtag tu khyod la phyag 'tshal lo/ /bsod nams rgya mtshor rin chen gter/ /yon tan 'byung gnas chos kyi tshogs/ /khyod la sems can gang 'dud pa/ /de dag la yang phyag 'tshal lags/ /khyod kyi zhabs rdul gyis brgyan pa'i/ /yul gang de la'ang phyag 'tshal nas/ /dge ba'i bstan pa la mkhas pa'i/ /mtshan gyis brgyan pa smos ci 'tshal/ /mgon khyod yon tan mi bas kyang/ /bdag gi zho sha bas 'tshal bas/ /des na 'jigs pa mchis slad du/ /glo ba la ni gcags shing mchis/ /khyod ni rang sangs rgyas kyis min/ /nyan thos mchog gtso bos ma yin/ /byang chub nye ba'i byang sems kyis/ / rtogs mi 'gyur na gzhan ci smos/ /khyod kyi rang gi ngo bo nyid/ /tshad ma mchis la bsam mi khyab/ /bstan min grangs kyang ma mchis pa/ /khyod bdag nyid kyis mkhyen lags drang/ /bsam min tshogs des phun sum tshogs thob pa/ /gzhan don spyod pa ngo mtshar dge las kyi/ /yon tan cha tsam brjod par bdag rmongs pas/ /rang don dgongs pas mi nus par yang byas/ /mtsho chen chab ni bas par ma gyur kyang/ /skye bo'i gdung ba rab tu zhi bgyid ltar/ /khyod kyi yon tan cha tsam ma sgrogs kyang/ /bdag ni mchog tu glo ba dga' zhing mchis/ /btsun pas mdzad pa'i bstod pa'i drung du ni/ /brjod nyung mdzes pa ma yin ci zhig 'gran/ /'o na'ang bdag ni mi shes pa yis spel/ /skye bo'i rna bar ji ltar 'jug par 'gyur/ /bdag gis thub la dad pas spobs skyes pa'i/ /dge ba'i las 'di'i 'bras bu 'khrungs pas ni/ /ngan rtog rlung dmar tshul mas dkrugs pa yi/ /'gro ba'i sems ni rnal du gnas par shog/ sangs rgyas bcom ldan 'das la bstod pa dang pa las spobs pa skyes pa zhes bya ba las bu lon med par bstod pa zhes bya ba ste le'u bcu gsum pa'o/ / //spel mar bstod pa zhes bya ba slob dpon chen po mi tra tsi Ta dang/ /slob dpon phyogs kyi glang po dag gi zhal snga nas mdzad pa rdzogs so/ / //rgya gar gyi mkhan po ku ma ra ka la sha dang/ zhu chen gyi lo tsA ba dge slong bsod nams bzang pos bsgyur cing zhus te gtan la phab pa'o// // */ (/de bzhin gshegs pa thams cad la bstod pa bzhugs/) /rgya gar skad du/ sarba ta thA ga ta sto traM/ bod skad du/ de bzhin gshegs pa thams cad la bstod pa/ dkon mchog gsum la phyag 'tshal lo/ /bstan pa 'gro ba kun gyis mchod gyur cing/ /gzhan don rdzogs mdzad pa la rnam par mkhas/ /nyon mongs sprul chen kun tu 'byin mdzad pa'i/ /de bzhin gshegs pa kun la phyag 'tshal 'dud/ /zag bcas bag chags thams cad spangs gyur cing/ /don kun de nyid nges par gzigs mdzad pa/ /skye dgu thams cad don la brtson gyur pa/ /de bzhin gshegs pa kun la phyag 'tshal 'dud/ /dam chos rin chen 'byung gnas snod gyur cing/ /lam mchog mya ngan 'das pa ston mdzad la/ /yid la re ba kun tu rdzogs mdzad pa'i/ /de bzhin gshegs pa kun la phyag 'tshal 'dud/ /'jig rten rnams la rjes brtser mngon par gus/ /byams dang thugs rje yongs su bsgos gyur cig /kun don spyod pa yongs su rdzogs mdzad pa'i/ /de bzhin gshegs pa kun la phyag 'tshal 'dud/ /kun don bsam pa yongs su rdzogs mdzad pa'i/ /gdul bya'i pad+ma 'byed pa'i spyan dang ldan/ /rgya chen slob ma dam pa'i yon tan bskyed/ /de bzhin gshegs pa kun la phyag 'tshal 'dud/ /bskal pa mdza' yas tshogs ni bsags gyur cing/ /tshangs dbang lha dbang rnams kyis phyag byas la/ /sku la 'dom gang 'od kyis brgyan gyur ba'i/ /de bzhin gshegs pa kun la phyag 'tshal 'dud/ /nyes pa'i rtsa ba ma lus bcom gyur cing/ /ye shes me yis dri ma'i shing bsregs la/ /shes rab dam pa yongs su rdzogs mdzad pa'i/ /de bzhin gshegs pa kun la phyag 'tshal 'dud/ /nyon mongs bag chags bcas kun rnam bcom zhing/ /grags pa chen po kun tu grags gyur la/ / mtshan mchog sum cu gnyis kyis rnam par brgyan/ /pad+ma lta bu'i spyan ni rab rgyas shing/ /btso ma'i gser gyi phung po 'dra ba yi/ /de bzhin gshegs pa kun la phyag 'tshal 'dud/ /bsod nams rgya chen rmad byung 'di yis ni/ /bdag nyid nyon mongs bag chags bcas 'byin cing/ /'khor ba'i nyon mongs rgya mtsho chen po 'dir/ /nub par gyur pa'i 'gro ba 'don par shog /de bzhin gshegs pa thams cad la bstod pa rdzogs so// // rgya gar skad du/ b+ha ga bAn shAkya mu ne sto tra/ bod skad du/ bcom ldan 'das shAkya thub pa'i bstod pa/ dkon mchog gsum la phyag 'tshal lo/ /'jig rten 'das pa 'jig rten sgron ma mdzad/ /khyod ni 'jig rten don mdzad blo gros bzang/ /snang ba brnyes shing nyon mongs dri bsal ba/ /'jig rten snang mdzad khyod la phyag 'tshal lo/ /sbyin pa dgyes shing stobs bcu'i mchog mnga' ba/ /gdul bya 'dul bzhin gdul bya'i pha rol byon/ /bcom ldan lha dang mi dang klus mchod pa/ /gdul bya'i mthar phyin khyod la phyag 'tshal lo/ /mtshan mchog 'gro ba mang po'i don mdzad cing/ /'dom gang 'od ni gser gyi kha dog 'dra/ /dge ba mtshan gyi dam pa'i gzugs mnga' ba/ /srid gsum mtshungs med khyod la phyag 'tshal lo/ /pha rol gshegs pas gzhan gyi tshogs rdzogs shing/ /pha rol phas rgol tshogs 'joms mi g.yo ba/ /sems can gzhan gyi sems dang spyod la mkhas/ /pha rol tshogs 'joms khyod la phyag 'tshal lo/ /dgra bcom rgyal po nyon gcil dri bsal ba/ 'tsho ba dag cing brtul zhugs tshul khrims gnas/ /lha yi lha mchog dri med dri bral ba/ /thugs rje mchog ldan khyod la phyag 'tshal lo/ /chu bo bzhi rgal bden bzhi'i bka' mchid gsung/ /mig sbyin bdud rtsi chos kyi bka' mchis can/ /mnyam thugs 'gro ba kun la byams pa'i thugs/ /chos la mnyam gnas mi rnams kha lo sgyur/ /yon tan mthar phyin khyod la phyag 'tshal lo/ /snyan pa'i sgra dbyangs rnam par dag dang ldan/ /tshangs pa'i sgra dbyangs lta bur snyan pa'i gsung/ /thams cad dbyangs kyi yan lag gsung tshul rdzogs/ /bden pa snyan gsung khyod la phyag 'tshal lo/ /stong pa mtshan ma med cing smon dang bral/ /zab mo blta dka' shin tu rtogs par dka' / /thar la 'jug par mkhas pa'i blo gros can/ /thar pa'i lam dgyes khyod la phyag 'tshal lo/ /rgyu la brten pa'i mkhas pa blo gros can/ /mdza' gnyis lta ba rtag tu mi mkhas pa/ /las kyi 'bras bu rnam smin kho nar gsung/ /lta ba'i mun bral khyod la phyag 'tshal lo/ /gang nas ma byon gang duAng gshegs ma lags/ /rtag tu dben pa'i chos rnams rab gsung ba/ /smin rgyu sgyu bzhin nga yi mi mnga' ba/ /dge ba'i chos tshul khyod la phyag 'tshal lo/ /skye dang mi skye gang du skye ma lags/ /skye dang 'jig dang gang du mi gsal ba/ /chos kyi gnas nyid ji ltar gnas la gnas/ /gnas dang mi gnas rgyal la phyag 'tshal lo/ /de bzhin kho na de bzhin yang dag gsung/ /rtag tu mi g.yo de bzhin nyid la bzhugs/ /ri rab rdo rje rgyal mtshan 'dra ba'i sku/ /mi g.yo ri rab mtshungs la phyag 'tshal lo/ /bcom ldan 'das shAkya thub pa'i bstod pa slob dpon dkon mchog gsum gyi 'bangs kyis mdzad pa rdzogs so/ / // */ (/yon tan mdza' yas par bstod pa bzhugs/) /rgya gar skad du/ gun a baryan+ta sto traM/ bod skad du/ yon tan mdza' yas par bstod pa/ thams cad mkhyen pa la phyag 'tshal lo/ /rgyal ba'i yon tan mdza' mi 'tshal bas gal te khyod bsngags mi brjod na/ /'ga' yang khyod bstod mi bgyid khyod kyi 'byor pa 'gro bas rtogs ma mchis/ /gang slad 'gro 'dis khyod la bstod pa bgyis kyang nongs pa ma mchis pa/ /de slad don 'dir bdag ni blo gros rab tu chung yang brtson pa lags/ /srid gsum dag la phan brtson blo mnga' ngan song gnas na'ang bsngags par 'os/ /rang don smon pa'i blo gros can ni mya ngan 'das kyang ma lags shes/ /de slad khyod ni 'khor ba'i 'jigs pas mi ldog brtan zhing mi g.yo bas/ /'jig rten skye zhing 'chi bas nyams thag yongs su bskyab par brtson pa lags/ /srid pa'i 'gro ba dag tu sdug bsngal rnams kyis smas pa'i sems can la// bdag gi blo gros rtsub pos sdug bsngal rnam mang de dang de bsgrubs pas/ /de phyir bdag gis de dag rnams la bde ba bskyed phyir bzod bya zhes/ /de slad khyod ni 'gro la zhi ba'i bde ba bskyed slad brtson pa lags/ /sems can gang dag ma rig mdongs pas bsam pa rgud pa'i blo gros can/ /pha dang bur gyur rnams kyis bdag la gnyen snyam byams pas phan btags pa/ /de dag btang nas gcig pu thar par byed pa bdag gi tshul min zhes/ /de slad khyod kyis 'gro ba mgon med des thar bgyid slad smon lam btab/ /sngon chad 'khor bar sdug bsngal kun tu myong gyur tshe na bdag la ni/ /gang dag yun ring ngo shes byams sems ldan pas lan brgyar grogs byas pa/ /bde ba thob tshe de dag bkol nas ji ltar yongs su sbyar bya zhes/ /de slad khyod ni bdud rtsi'ang sems can kun dang thun mongs gsol bar brtson/ /mchog sbyin 'gro bar sems can rnams dang lhan cig longs spyod 'das dgongs nas/ /de dag nges par yongs su mi gtong bas na khyod kyi bstan pa ni/ /ji ltar khyod nyid ne tsor 'khrungs tshe ljon shing gzhon nu legs spyad ba'i/ /ljon shing rgas par gyur kyang yongs su mi gtong de ltar brtson pa lags/ /gang slad 'gro ba mya ngan mi 'das mya ngan khyed 'da' blo ma byung/ /bde gshegs go 'phang brnyes par nus pa ma lags de mi mdzad/ /de slad khyod ni kun mkhyen yon tan gter dag brnyes mdzad slad du brtson/ /stobs bcu'i yon tan bdag gir mdzad pa las gzhan khyod la phra mi mnga' / /gang su la la dag gis bde gshegs go 'phang brnyes pa de dag kyang/ /'di bas shin tu smad pa'i gnas skabs dag tu lhung ba byung ngo zhes/ /de slad khyod kyis nyam dar lhung ba'i tshe yang bdag nyid smad ma mdzad/ /bdag la smod pa mi rung skyes bu dar ba zhum par bgyid pa lags/ /gang slad gal te rang la dag las 'bad pas byang chub thob gyur na/ /sangs rgyas go 'phang rnyed dka' ma lags snyam du khyod kyis blo gros byung/ /de slad khyod kyis nyam pa'i dus suAng kun mkhyen smon lam brtan bzlog pa/ /dman la dga' ba rnams kyi tshig dag khyod kyis khyad du bsad par mdzad/ /nyon mongs chu bo rab 'khrug pa dang ngan 'gro kha dag rtag tu gdangs pa dang/ /so so'i skye bo'i g.yo dang sdig pa'i grogs po rtag par rgyun du gnas pa dang/ /thub rnams rnyed par dka' zhes de ltar sems zhum 'gro ba gtong ba'i rgyu/ /gang lags de nyid khyod kyi thugs rje rtag tu skye ba'i rgyur yang gyur/ /ji ltar 'gro ba rnams la khyod blo shin tu byams pa skye ba ltar/ /'jig rten 'di dag rang la'ang byams pa'i blo gros skye bar mi 'gyur la/ /'jig rten phongs pa'i gnas skabs gyur na bdag nyid dag kyang gtong bar bgyid/ /khyod ni shin tu nyam nga'i dus suAng 'gro ba gtong ba bzhed ma mchis/ /gang zhig skye bo dman dang phongs pa re ba'i bsam ldan mthong na yang/ /brtse med 'bras bu 'dod pas snod gzhan yon tan dag dang ldan tshol ba/ /bsam glag de ni sbyin pa byed kyang slong ba rnams dang mtshungs so zhes/ /de slad khyod ni thugs rjes slong ba rnams la sbyin par bzhed la bzhugs/ /'ba' zhig rang nyid ma dul bzhin du rig par ldan pa'i tshig smra yang/ /rang gi tshig dang 'gal bar spyod pas gzhan dag 'dul bar mi nus zhes/ /khyod kyis dgongs nas de slad 'gro ba mdza' dag thugs la bzhag mdzad nas/ /re zhig bdag nyid ma dul ba nyid dul bar mdzad phyir brtson pa lags/ /gang slad mkhas pa rnams kyi mi dge'i las kyang zhi ba'i bde bar 'gyur mod kyi/ /'on kyang 'phags pas mi dag pa dag kun tu bsten 'os ma yin zhes/ /de slad khyod ni rtag tu rang bzhin yongs su dag pas sdig las log /ngan song 'jigs pas ma lags lha yi bde spyad bzhes pa'i phyir ma lags/ / gang dag 'gro la mi lta bdag nyid zhi bar 'gro bar bgyi slad spyod bgyid pa/ /des kyang ci ste brtson pa ma bsten slad chad bsam rdzogs mi 'gyur na/ /gang gis 'gro ba ma lus bsgral phyir brtson pa brtsams pas ci smos zhes de slad khyod kyis rang gi bde la ma gzigs byang chub slad du brtson/ /khyod kyis 'byor ba chung ba'i tshe yang sbyin par bzhed pa ma spangs la/ /bdog pa chung yang slong ba rnams la zhum mi mnga' ba'i thugs kyis stsal/ /dbang phyug chen po mnga' yang tshul dang 'gal ba'i tha snyad mi mnga' la/ /na tshod lang tshor gyur kyang 'dod pa rnams la thugs ni chags mi mnga' / /khyod kyis thos dang blo gros che ba'i che na'ang bdag bstod ma mdzad la/ /'gro ba yon tan chung ba gzhan rnams kyang ni mthon bor bkur bar gyur/ /yon tan tshogs la gnas tshe nyid kyi spyod pa nyes pa chung nguAng bzang/ /'gro ba dmu rgod rnams la rtsol ba mi mnga' bde bar gnas pas bzhugs/ /khyod kyi thugs ni srid dang nyon mongs skyo bas zhi la bgyes gyur kyang/ /thugs rje nyid kyis mdzad pa'i yon tan skye bo rnams dang rjes su mthun/ /byed pa ma gtogs gzhan gyis 'bras bu mi myong bar mi khyod mkhyen kyang/ /'on kyang sems can rnams kyi 'byor ba bskyed slad bsod nams gtar rnams bdar/ /khyod la shes rab la sogs yon tan gang dag rtag tu mnga' gyur pa/ /de dag khyod kyis 'gro ba dag gi don rnams nyid du nye bar spyad/ /de las khyod kyi bsod nams 'bras bu gzhan du mchis pa ma lags la/ /de dag 'gro ba'i 'byor slad yongs su bsngos kyang don ma mchis ma lags/ /khyod la gzhan la sman pa'i thabs dang bral ba'i dus 'ga' 'ang byung ma gyur/ /thabs chung ma gyur 'bras bu ma mchis ma lags 'bras bu chung ma lags/ /bsod nams chung ngu rtsom pa dag la khyod ni mngon dgyes ma lags la/ /bsod nams chu bo dag gis doms par ma gyur chab kyis rgya mtsho bzhin/ /mtshan mo ston ka'i zla ba nya ba'i mdangs kyis nyams dgar gyur pa dang/ /rdzing bu autpal rgyas pa gnyid bral mig la rdom brjid byed rnams dang/ /ri bo ljon shing me tog rgyas pa brgya yis rtse mo dkrigs rnams kyis/ /gzhan la gcig tu smin khyod kyi blo gros phrogs par rdo mi thog /'jig rten sdug bsngal dag gis smad tshe khyod ni nyid la byams pa yis/ /yul gyi dga' bsten nyams su blang bya min zhes thugs rje'i blos mkhyen nas/ /gling bzhi'i dbang phyug mnga' yang yul rnams kyis ni thugs kyang mi phrogs la/ /khyod kyis gzhan sman lhur bzhes mdzad pas dus dag shin tu 'das par bgyis/ /phyug cing 'byor pa slong ba rnams kyis legs par spyad par ma byas dang/ /dur khrod ljon shing me tog rgyas pa'i ljid kyis g.yur za mtshungs so zhes/ /de slad bsod nams dman pa'i 'byor pa dag la slong rnams mi spyod pas/ /khyod kyi dkor nor slong ba ma mchis pa ni thugs la gcags par gyur/ /gang zhig brtse med srid pas tshong ba bzhin du 'bras bu'i phyir btsal nas/ /de ni 'bras bu yang ni slong ba rnams la sbyin par spro ma mchis/ /gang gi slad du khyod kyi gtong ba rnams dus gzhan la sman gyur pa/ /de slad de yi 'bras buAng slong ba rnams kyis rang gi lags par bzung/ /ri ngos ljon shing 'bras bu smin pa dag tu bya rnams lta bu dang/ /dgon pa'i rdzing bu bskyed shing bzang pos bskor bar ngal rnams ltar/ /'dzem med slong ba dgyes pa khyod la bag phebs 'byor pa 'tshal ba yi/ /slongs mo pa dag kun nas myur bar mngon du lhags na sdod cing mchis/ /dpal 'byor 'bangs dang btsun mo rang gi sha dang srog kyang gtong ba na/ /khyod kyis sras gzhon rab sdug ston zla tshes pa dri med gzugs ldan pa'ang/ /slong ba rnams la gtong bar mdzad la brtson par gyur pa ji lta ba/ /de ltar gtong la goms pa khyod kyi thugs la brtan pa nyid kyang byung/ /gang zhig thos par gyur na'ang 'jig rten 'di la gnod pa skye 'gyur dang/ /gang yang khyod nyid kyis kyang yun ring sku nyams pa zhes par mi spyod pa'i/ /spyod pa de dag khyod la goms pas dus su rang gi ngang nyid gyur/ /de slad yon tan dag ni yongs goms ma bgyis spel bar dka' ba lags/ /ji ltar sman pa gdon gyis zin la gdon rnams bsal bar bgyid slad du/ /brdeg cing tshig rtsub smra ba spyod kyang zin pa nyid la brdeg mi bgyid/ /de ltar khyod kyang nyon mongs nyid la brtse dang bral bas spyod mdzad kyi 'gro ba nyon mongs gyur pa la ni khyod nyid thugs rje mdzad pa lags/ /khyod kyis rtag tu yon tan nor lhag rnams la gus pas bsags pa mdzad// mnyam pa rnams la yon tan goms par bgyi slad byams pa'i thugs kyis spyad/ /dman la thugs rjes brtson pa mchog gis yon tan rnams bskrun te/ /'gro ba rnams la khyod kyis ji ltar rigs par legs par mdzad par zhugs/ /ji ltar ma ma rang lus sna tshogs thabs tshul mang po 'dzin bgyid kyang/ /gzhon nu'i nad bsal ched lags dga' bskyed ma lags lus phyir ma lags pa/ /de ltar khyod kyang brtson pa chen pos yon tan bdag nyid bskrun mdzad pa/ /'gro bas longs spyod ched lags grags dang gzhan dag zil mnan ched ma lags/ /khyod kyi blo gros gzhan la sman pa'i thabs mkhyen mdzad slad zhugs gyur pa/ /'di ltar khyod nyid thugs rjes rnam pa de dag nyid la zhugs lags gda' / /khyod ni brtson 'grus 'phags pas btsal ba che yang mnyel bar ma gyur pa/ /de gsum ngag gis khyod kyis gzhan sman ma bsgrubs cung zad byung ma gyur/ /khyod ni 'bad rtsol chen po can gyi phrin las mnga' bar mi bzhed la/ /spyod pa shin tu rmad du byung ba gcig tu bsam yas 'di yang byung/ /gang slad khyod kyis sems can ma mchis pa 'di thugs su chud gyur kyang/ /'di ltar sems can don gyi slad du grangs med dus suAng srid par bzhugs/ /gang slad shes rab don dam bsten cing snying rje kun rdzob bsten mdzad pa/ /de slad don bzhin dgongs mdzad khyod la sems can mchis pa ma lags kyang/ gang tshe khyod ni stobs bcu bskyed pa'i thugs rje dag dang ldan gyur pa/ /de tshe 'gro ba nyams thag rnams la khyod byams bu la pha byams bzhin/ /'gro ba gtugs dang nyon mongs bas pas byang chub mchog thob ma mchis la/ /nyon mongs phyogs pas rang la sman par bgyid pa'ang thob 'gyur ma lags pas/ /de slad khyod kyis byang chub brnyes slad brtson 'grus brtan pa mdzad pa na/ /nyon mongs nges par ma bsregs ran gyi dum bu bzhin du yang bar mdzad/ /khyod kyi nyon mongs dran dang mkhyen pas bzung bas yon tan sna tshogs 'grub/ /nyon mongs yang bar gyur pa byang chub rgyur yang nye bar 'gyur lags te/ /'di ltar de yis khyod blo shol gol yul can du yang ma bgyis la/ /'gro ba rnams su skye ba brgyud pa'ang yon tan rnams kyi zhing du mdzad/ /'gro ba nyon mongs gyur dang sdug bsngal brgya dag byung bas bcom pa yis/ /rtsol dang bral zhing mgon ma mchis pas gang dang gang du spyod bgyid pa/ /'gro ba de ni nyon mongs dgra thal khyod kyi thugs rjes spyod pa na// srid pa len dang gtong dang gnas pa dag la mnga' dbang mchis pa lags/ /ci yang med pa'i skye mched kyi ni yul can phra rgyas rnam bcom nas/ /de dag spangs pa'i thobs tshul gang lags dam pa'i tshogs la yun ring bshad pa mdzad/ / sa gsum sman pa'i thabs mkhas mnga' ba khyod kyis phyir yang drangs nas ni/ /dud 'gro dag tuAng smon pa mdzad nas skye ba brgya phrag rnams kyang mdzad/ /sngon gyi mi dge'i phrin las rnam par smin par ma nges gang lags par de dag dud 'gro'i 'gro bar gshegs la gzhol ba khyod la mnga' mchis pas/ /khyod kyis rnam smin ched du drangs te thugs la dgongs pa'i don bsgrubs pa/ /drang srong gis bshad gsang sngags zhi bas dug gi shugs dag bzlog pa bzhin/ / khyod kyis rtag tu mi dge'i chos dang g.yul dag sprad par gyur pa na/ /'gro ba dar mdzad mkhas pa khyod kyis 'gro ba de dang der spyod pa'i/ /tshul khrims ma 'bad brtul zhugs ldan pa bzhin du gyur pa ji lta ba/ /de ltar dam pa'i spyod lugs byang chub sgrub pa dag la goms par mdzad/ /ma bzhin res 'ga' ang thugs rje dag dang ma bral mgon ma mchis rnams kyis/ /sdug bsngal de dang de dag bsal slad 'gro ba sdug bsngal can dag tu/ /bsnyengs dang bral bar spyod pa mdzad pa khyod kyi thabs la mkhas pa ni/ /bsgrub par dka' dang brnyes par dka' ba 'ga' yang byung bar ma gyur lags/ /gang slad sna tshogs thabs kyis 'gro ba sdig pa bying 'dul khyod la ni/ /dud 'gro'i 'gro ba dag kyang bde 'gro bzhin du don chen kho nar gyur/ /ngan song dag du 'khrungs na'ang legs par spyod pa nyams pa mi mnga' ba/ /de slad khyod kyi sdig pa'ang yon tan 'gyur bar dge ba nyid dang mtshungs/ /khyod la legs brten kha cig byang chub gsum la blo gros ci rigs zhugs// de bzhin gzhan dag bsam gtan gzugs med dag la go 'phang bzhag pa mdzad/ /kha cig gtong bar zhugs shing nges tshul mchid kyis 'tshal gyur pas/ /khyod kyis 'jig rten dag la sman yon ma btags pa ni 'ga' ma mchis/ / khyod kyis 'jig rten dag na 'gro ba gang rnams nges par thal 'chal ba/ /bde 'gror nye bar drangs shing dge ba yongs su smin pa nyid du mdzad/ /khyod kyis 'gro ba zhi mdzad slad du 'gro ba rnams su spyod pa na/ /drang srong chen po gzhan dag dus bzhin byung bas zhi'ang mdzad pa bzhin/ /gang slad khyod ni 'gro ba'i skye ba bcad dang rdzogs sangs rgyas mdzad ma gtogs par/ /gzhan gyis skye ba zhi bar mi 'gyur snyam du blo gros nges gyur pa/ /de slad byang chub gzhol ba'i thugs mnga' khyod kyis srid rtse man chad kyi/ /lam rnams tshul bzhin ston par mdzad pas dus dag 'das par gyur pa lags/ /gang zhig rtogs par ma gyur pa yis 'jig rten ma rig mdongs gyur la/ /'gro ba sdug bsngal mang por rgyu zhing 'chi bdag mtshams las mi 'da' ba' i/ /'phags lam 'jigs med sngon gyi drang srong che rnams rjes gshegs gang lags pa/ /de ni khyod kyis 'gro ba'i sdug bsngal mthar gtugs slad du nyid kyis mkhyen/ /ji ltar dus mdza' i tshe na nyi ma du mas chab bskams 'jig rten 'di/ /zhugs chen mched pa khros pa lta bus thal ba dag kyang sreg bgyid pa/ /de ltar dregs bral khyod kyi nyon mongs bsrabs par gyur pa'i bag chags kyang/ /ye shes zhugs chen 'bar ba dag gis nges par bsregs par gyur pa lags/ gang dag sa gsum bla ma rnams la nges par gnas par 'tshal bar dag / mun pa chung ngu dang yang lhan cig gnas par 'gal ba gang lags pa'i/ /yon tan mdza' yas de dag mngon par sangs rgyas tshe na dus gcig tu/ /shing la bya rnams gnas 'cha' bzhin du gyur pa khyod kyis gang lags brnyes/ /nyi ma 'od zer gsal ba stong ldan zla ba sprin dang bral gyur pa/ /lhag par dga' bar bgyid pa nam mkha' i dkyil na nges par gnas gyur kyang/ /gang gis khebs pa'i 'gro ba srid pa'i dgon pa thibs por 'khyam bgyid pa'i/ /ma rig mun nag de dag rab tu zhi ba'i thabs tshul khyod kyis bstan/ /sdug bsngal khyab pa 'di yin de rab skye bar 'gyur ba'i kun 'byung 'di/ /de mthar gtugs pa 'di yin te rtogs gyur la gzhol ba'i thabs 'di zhes/ /de ltar tshangs pa khyod kyis dag pa zla 'od gtsang ma dag kyang bstan/ /de dag rtogs bgyid skye ba dman yang tshangs pa'i go 'phangs thob par 'gyur/ /ji srid nyi ma'i snang ba gang lags de ni nub kyi ri dbang gis/ /nyi ma nub par ma bgyis de ni bar la ring rab tu zhi bar bgyid/ /khyod kyis skye shi mthar gtugs bgyi slad thabs tshul bstan pa gang lags pa/ /de ni khyod nyid zhi bar gshegs kyang snying gi mun nag zhi mdzad lags/ /de ltar tshangs pa'i gtso bo lha yi bla mar gyur pa tshangs gter gyis/ /bstod bgyis bstod par 'os pa bde gshegs mngon sum bzhugs bzhin bstod bgyis bas/ /bdag gi bsod nams gter dag bsags pa gang lags de yis 'gro ba rnams/ /drang srong chen po rnams kyis dgongs pa'i legs pa gang lags der gyur cig/ //yon tan mdza' yas par bstod pa slob dpon dkon mchog 'bangs kyis mdzad pa rdzogs so// //rgya gar gyi mkhan po sarba dz+nyA de ba dang/ lo tsA ba bande rin chen mchog gis bsgyur/ zhu chen gyi lo tsA ba bande dpal brtsegs kyis zhus te gtan la phab pa// // */ /rgya gar skad du/ gu Na a ba ryan sto tra TI kA/ bod skad du/ yon tan mdza' yas par bstod pa'i 'grel pa/ 'phags pa 'jam dpal la phyag 'tshal lo/ /rgyal ba'i yon tan mdza' mi 'tshal zhes bya ba gleng bslang ba'i tshigs su bcad pa 'dis ni bsdus pa'i don bzhi bo 'di lta ste/ yon tan yongs su mi shes pa dang/ sgro 'dogs pa med par bya ba dang/ nga rgyal med par bya ba dang/ 'dod pa'i don grub par bya ba rnams bstan to/ /de la dang pos ni yon tan yongs su mi shes pa bstan to/ /gang slad 'gro 'dis khyod la bstod pa bgyis kyang zhes bya ba 'dis ni sgro 'dogs pa med pa nyid do/ /rab tu chung yang zhes bya ba 'dis ni nga rgyal cher ba nyid do/ /don 'dir bdag gi blo gros rab tu chung yang brtson pa lags zhes bya ba 'dis ni 'dod pa'i don bsgrub par bya ba bstan to/ /de la ngan song gnas na'ang zhes bya ba la sogs pa'i tshigs su bcad pa lnga bcus bstod pa rtsom par byed do/ / de la bstod pa ni thun mong ma yin pa'i yon tan brjod par byed pa'o/ /de yang gnas skabs gsum po rgyu'i gnas skabs dang/ 'bras bu'i gnas skabs dang/ sems can gyi don byed pa'i gnas skabs rnams dang ldan pa yin no/ /de la rgyu'i gnas skabs ni sems bskyed pa la sogs pa nas byang chub kyi snying po la 'dug pa'i bar dag yin no/ /'bras bu'i gnas skabs ni yang dag par rdzogs par byang chub pa'i ye shes bskyed pa dang/ skyon dang yon tan thams cad spangs shing brnyes pa'i gnas skabs yin no/ /sems can gyi don bya ba'i gnas skabs ni chos kyi 'khor lo bskor ba la sogs pa bstan pa nas nub pa la thub pa'i bar dag yin no/ /de la rgyu'i gnas skabs ni bsam pa'i gnas skabs dang/ sbyor ba'i gnas skabs dang/ dbang mdzad pa'i gnas skabs rnams so/ /bsam pa'i gnas skabs ni gzhan gyi don la 'jug par 'gyur ba'i smon lam gang yin pa'o/ /de'i nye bar bstan pa yang bzhi ste/ sdug bsngal bskyed pa la so sor rtog pa dang/ phan btags pa la so sor rtog pa dang/ grogs byas pa la so sor rtog pa dang yang dag par longs spyad pa la so sor rtog pa'o/ /byang chub kyi smon lam de'i rgyu yang bzhi ste/ /rigs dang dge bshes snying rje dang/ /sdug bsngal rnams kyis mi ldog pa/ /rgyu bzhi rkyen ni 'di dag gis/ /byang chub sems ni rab tu 'jug ces gsungs pa dag ste/ de ltar na don bcus ni bsam pa bstan to/ /de la ngan song gnas na'ang zhes bya ba 'dis ni gzhan gyi don la 'gyur ba'i smon lam bstan to/ /de'i nye bar rtog pa bzhi ste/ re zhig de la sdug bsngal rnams kyi smras pa'i sems can la zhes bya ba 'di dag ni sdug bsngal bskyed pa la so sor rtog pa'o/ /ma rig mdongs pas zhes bya ba 'di dag ni phan btags pa la so sor rtog pa'o/ /sngon chad 'khor bar zhes bya ba 'di dag ni grogs byas pa la so sor rtog pa'o/ /longs spyad 'das dgongs zhes bya ba 'di dag ni yang dag par longs spyad pa la so sor rtog pa'o/ /gang slad 'gro ba mya ngan ma 'das zhes bya ba 'di dag ni byang chub kyi smon lam yin no/ /de'i rgyu yang rnam pa bzhi ste/ de la re zhig smad pa'i gnas skabs dag tu zhes bya ba 'di dag ni rigs yod pa nyid yin no/ /gang slad gal te rang la rag las zhes bya ba 'di dag ni dge ba'i bshes gnyen la brten pa'o/ /nyon mongs chu bo rab 'khrug ces bya ba 'di dag ni snying rje yin no/ /'jig rten 'di dag rang la'ang zhes bya ba 'di dag ni sdug bsngal gyis mi ldog pa yin te/ /de ltar tshigs su bcad pa bcus don bcu bstan pa yin no/ /bsam pa'i gnas skabs kyi le'u ste dang po'o// //sbyor ba'i gnas skabs zhes bya ba yang pha rol tu phyin pa ston pa ji snyed pa yin no/ /de yang rnam pa gnyis te/ mos pas spyod pa rnams kyi dang/ sa thob pa rnams kyi'o/ /de la re zhig mos pas spyod pa rnams kyi pha rol tu phyin pa ni bcu ste/ 'di ltar sbyin pa dang tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes kyi pha rol tu phyin pa dag go /de la gang zhig skye bo dman dang phongs pa re ba'i bsam ldan mthong na yang zhes bya ba 'di dag gis ni sbyin pa'i pha rol tu phyin pa bstan to/ /rigs par ldan pa'i tshig smra yang zhes bya ba 'di dag gis ni tshul khrims kyi pha rol tu phyin pa bstan to/ /gang slad mkhas pa rnams kyi mi dge ba'i las kyang zhes bya ba 'di dag gis ni mi mthun pa'i phyogs spangs pa'i sgo nas bzod pa'i pha rol tu phyin pa bstan to/ /bdag nyid zhi bar bgyid slad ces bya ba 'di dag gis ni brtson 'grus kyi pha rol tu phyin pa bstan to/ /sbyin par bzhed pa ma spangs zhes bya ba 'di dag gis ni mi mthun pa'i phyogs spangs pa'i sgo nas bsam gtan gyi pha rol tu phyin pa bstan to/ /bdag bstod ma mdzad la zhes bya ba 'di dag gis ni mi mthun pa'i phyogs spangs pa'i sgo nas shes rab kyi pha rol tu phyin pa bstan to/ /srid dang nyon mongs skyo bas zhes bya ba 'di dag dang/ shes rab la sogs yon tan zhes bya ba'i tshigs su bcad pa 'di gnyis kyis brgal ba dang/ lan dang bcas par thabs kyi pha rol tu phyin pa bstan to/ /dus 'ga' dbyung ma gyur zhes bya ba 'di dag gis ni phun sum tshogs pa rdzogs par 'gyur ba'i smon lam gyi pha rol tu phyin pa bstan to/ /mtshan mo ston ka'i zla ba zhes bya ba 'di dag gis ni stobs kyi pha rol tu phyin pa bstan to/ /'jig rten sdug bsngal dag gis smas tshe zhes bya ba 'di dag gis ni ye shes kyi pha rol tu phyin pa bstan to/ /mos pas spyod pa rnams kyi sbyor ba'i gnas skabs te le'u gnyis pa'o// //sa thob pa rnams kyi sbyin pa ni phun sum tshogs pa rdzogs pa bzhi dang ldan pa yin te/ /bsam pa phun sum tshogs pa dang/ / sbyor ba phun sum tshogs pa dang/ /len pa po phun sum tshogs pa dang/ /sbyin par bya ba phun sum tshogs pa'o/ /phyug cing 'byor pa zhes bya ba 'di dag gis ni bsam pa phun sum tshogs pa nyid do/ /sbyin par spro ma mchis zhes bya ba 'di dag gis ni sbyor pa phun sum tshogs pa'o/ /ri ngos ljon shing 'bras bu smin pa dag tu bya rnams lta bu zhes bya ba 'di dag gis ni len pa po phun sum tshogs pa'o// dpal 'byor 'bangs dang btsun mo zhes bya ba 'di dag gis ni sbyin par bya ba phun sum tshogs pa ste/ /sbyin pa'i pha rol tu phyin pa'o/ /'jig rten 'di la gnod pa skye zhes bya ba 'di dag gis ni rang bzhin yongs su dag pa'i tshul khrims kyi pha rol tu phyin pa'o/ /ji ltar sman pa gdon gyis zin la zhes bya pa 'di dag gis ni rnam par rtog pa dang bral ba'i bzod pa'i pha rol tu phyin pa'o/ /khyod kyis rtag tu yon tan nor lhag rnams la gus pas zhes bya ba 'di dag gis ni thabs kyis rgyas pa'i brtson 'grus kyi pha rol tu phyin pa'o/ /ji ltar ma ma rang lus zhes bya ba 'di dag gis ni skye bas stong pa'i bsam gtan gyi pha rol tu phyin pa bstan to/ /khyod kyi blo gros zhes bya ba 'di dag gis ni thabs dang bcas pa'i brtson pas yang dag pa ji lta ba bzhin du thugs su chud pa'i shes rab kyi pha rol tu phyin pa'o/ /phrin las mnga' bar mi bzhed ces bya ba 'di dag dang gang slad shes rab don dam zhes bya ba'i tshigs su bcad pa 'di gnyis kyis ni brgal ba dang lan dang bcas par thabs kyi pha rol tu phyin pa'o/ /de ltar tshigs su bcad pa bcu gcig gis sa thob pa rnams kyi pha rol tu phyin pa bdun bstan pa yin no/ /sa thob pa rnams kyi sbyor ba'i gnas skabs te le'u gsum pa'o// //de la mnga' dbang mdzad pa ni lnga ste/ /nyon mongs pa dang / skye ba dang/ las dang/ thabs dang/ sems can yongs su smin par mdzad pa dag go /de la nyon mongs pas pas byang chub ces bya ba 'di dag gis ni nyon mongs pa la mnga' dbang mdzad pa bstan to/ /dran dang mkhyen pas gzung bas zhes bya ba 'di dag gis ni de'i dgos pa'o/ /'gro ba nyon mongs gyur ces bya ba 'di dag gis ni skye ba la mnga' dbang mdzad pa'o/ /ci yang med pa'i skye mched kyi ni yul can phra rgyas rnams bcom nas zhes bya ba 'di dag ni dgongs pa'o/ /sngon gyi mi dge'i phrin las zhes bya ba 'di dag gis ni las la mnga' dbang mdzad pa'o/ /de bzhin du mi dga' i zhes bya ba 'di dag gis ni de'i dgongs pa'o/ /ma bzhin res 'ga' thugs rje dag dang ma bral zhes bya ba 'di dag gis ni thabs la mnga' dbang mdzad pa'o/ /gang slad sna tshogs thabs kyis zhes bya ba 'di dag gis ni de'i dgos pa'o/ /kha cig byang chub gsum la blo gros ci rigs zhugs zhes bya ba 'di dag gis ni sems can yongs su smin par bya ba la mnga' dbang mdzad pa'o/ /nges par thar 'tshal ba zhes bya ba 'di dag gis de'i dgos pa'o/ /gang slad khyod ni 'gro ba'i skye ba bcad dang zhes bya ba 'di dag gis ni rgyu yongs su rdzogs pa'o/ /mnga' dbang mdzad bstan pa'i rgyu'i gnas skabs bstan pa'i le'u ste bzhi pa'o// // 'jig rten ma rig mdongs gyur la zhes bya ba 'di dag gis ni lam gyi ye shes bskyed pa bstan to/ /nyi ma du mas zhes bya ba 'di dag gis ni nyon mongs pa spangs pa'o/ /lhan cig gnas par 'gal pa zhes bya ba 'di dag gis ni yon tan brnyes pa bstan te/ /'di dag rnams kyis ni skyob pa'i 'bras bu'i gnas skabs kyi bstod pa bstan to/ /'bras bu'i gnas skabs bstan pa'i le'u ste lnga pa'o// //de la nam mkha' i dkyil na zhes bya ba 'di dag gis ni chos kyi 'khor lo bskor ba yang dag pa bstan to/ /sdug bsngal khyab pa 'di yin zhes bya ba 'di dag gis ni chos ston pa'i rang bzhin bstan to/ /ji srid nyi ma'i snang ba zhes bya ba 'di dag gis ni yun du gnas pa yang dag par bstan to/ /de ltar na don gsum dang ldan pas ni sems can gyi don mdzad pa'i gnas skabs bstan pa yin no/ /sems can gyi don mdzad pa'i gnas skabs kyi le'u ste drug pa'o// //tha ma ni yongs su bsngo ba bstan to/ /de ltar rgyu dang 'bras bu dang/ sems can gyi don mdzad pa'i gnas skabs kyi smon lam/ ji srid par yongs su mya ngan las mi 'da' ba yin no/ /yon tan mdza' yas par bstod pa'i 'grel pa/ slob dpon chen po phyogs kyi glang pos mdzad pa rdzogs so/ / //rgya gar gyi mkhan po sarba dz+nyA de ba dang/ lo tsA ba ban de rin chen mchog gis bsgyur ba'o// // */ (/yon tan mdza' yas par bstod pa'i don gyi tshig le'ur byas pa bzhugs so/ /) rgya gar skad du/ gu Na a baryan+ta sto tra ba tu kA ri kA/ bod skad du/ yon tan mdza' yas par bstod pa'i don gyi tshig le'u byas pa/ 'phags pa 'jam dpal la phyag 'tshal lo/ /yon tan mi shes sgro dag dang/ /nga rgyal med dang 'dod don bsgrub/ /tshigs bcad don bzhi ldan pa yis/ /bstod pa'i gleng ni bslang ba bstan/ /rgyu dang 'bras bu gzhan don gyis/ /bstod pa'i don rnams thams cad bsdus/ /de la dang po byang chub rgyu/ /'bras bu sems can don nyid bstan bsam pa sbyor ba dbang mdzad pa'i/ /gnas skabs gsum gyis rgyu bstan to/ /gzhan don byang chub smon lam gyi/ /rang bzhin gyis ni bsam pa ste/ /tshigs bcad lnga dang lnga rnams kyis/ /de'i rgyu bzhi dang bcas pa bstan/ /mi 'dod pa dang 'dod pa dang/ /grogs dang longs spyod byas pas bstan/ /rigs dang dge bshes snying rje dang/ /skyo med bsam pa gnyis kyi rgyu/ /de min de nyid sar gnas pas/ /'dir ni sbyor ba rnam gnyis byas/ /snga ma'i pha rol phyin pa bcu/ /gzhan gyi pha rol phyin pa bdun/ /tshigs bcad drug gis drug rnams ston/ /gnyis kyis gcig yin gsum gyis gzhan/ /dang po'i khyad par bsam pa dang/ /sbyor ba len pa sbyin bya ba'o/ /dang po lnga ni re re yis/ /zag med gzhin gnyis kyis so/ /nyon mongs pa dang skye dang las/ /thabs dang rab tu smin bya ba/ /dbang mdzad lnga ni dgos bcas par/ /gnyis gnyis gnyis gnyis gsum gyis so/ /de la kha cig dngos ma gsungs/ /mi mthun phyogs zad pa la yin/ /'bras bu gsum ste byang chub dang/ /nyes dang yon tan spangs 'byor ba'o/ /gzhan don gsum ste chos bstan dang/ /de mnyam pa dang yun ring gnas/ /tha mas yongs su bsngo ba ste/ /bstod pa'i don ni bsdus pa bstan/ /yon tan mdza' yas par bstod pa'i don gyi tshig le'ur byas pas/ slob dpon chen po phyogs kyi glang pos mdzad pa rdzogs so// //rgya gar gyi mkhan po sarba dz+nya de ba dang/ lo tsA ba bande rin chen mchog gis bsgyur/ zhu chen gyi lo tsA ba bande dpal brtsegs rak+Shi tas zhus nas gtan la phab pa'o/ / //rgya gar skad du/ bud d+ha sya ni bA na sto tra/ bod skad du/ sangs rgyas yongs su mya ngan las 'das pa la bstod pa/ 'jam dpal gzhon nur gyur pa la phyag 'tshal lo// gang zhig ser skya'i gzhir ni shAkya'i rigs su 'khrungs/ /gang gis mnyam dkar byang chub dam pa thugs su chud/ /gang gis ba ra NA sir chos kyi 'khor lo bskor/ /sa la'i tshal du mya ngan 'das gyur de bstod pa/ /kyi hud snying rje ldan mgon rgyal ba'i sdig pa zhi/ /kyi hud sems can mnyen gshin kha lo sgyur bzang mchog /kyi hud ded dpon zhi ba'i las gyur ston pa po/ /kyi hud sdug dang mi sdug thugs snyoms 'jig rten gnyen/ /kyi hud mun nag gis bsgribs mig can 'jig rten spyan/ /kyi hud thub chen gru yis 'jig rten sgrol mdzad pa/ /kyi hud sa la'i tshal du ci phyir mya ngan 'das/ /khyod zhal zla rgyas pad+ma kha phye 'dra ba dang/ /autpal rgyas pa lta bu'i spyan ldan sku nyid kyang/ /gser gyi ri 'dra mtshan rnams rdzogs pa sus mthong 'gyur/ /kyi hud 'od 'dra'i gzugs mchog 'di ma mthong bas sdug bsngal lo/ /sngon tshe rgya che lam gyi rang bzhin gzings bcas te/ /nyid kyi don dang 'gro ba chen po'i gzhan don mdzad/ /srog chags brgya phrag mang po thar dang mtho ris bkod/ /kyi hud mi rtag me chogs dag gis zad mthar gyur/ /dag pa'i rdzing yangs tshul khrims chu yis bsil bar bltams/ /rdzogs pa'i sangs rgyas chos kyi chu srin ngur pas khyab/ /dge slong dam pa gzhan tshogs brgya yis nye bar bsten/ /kyi hud bde 'gro'i 'bab stegs skams la bdag phyag 'tshal/ /spyod pa'i rtsa ba brtan zhing dran pa'i sdong bos mdzes/ /byang chub yan lag me tog kha phye bzod yal ba/ /ngo tsha'i 'dab rgyas bdud rtsi 'bras bus mchog g.yur za/ /kyi hud bde gshegs shing 'gyel gyur la bdag phyag 'tshal/ /rdul med mya ngan 'das pa nam mkha' i ngos legs bzhugs/ /slob ma tshul khrims legs gnas dkyil 'khor skar ma can/ /'phags la ma skyed byed blo mig yid 'ong zla zer can/ /kyi hud bde gshegs zla ba nub la bdag phyag 'tshal/ /gti mug mun nag sel mdzad yon tan 'od zer ldan/ /gdul bya'i tshogs kyi rdzing gi pad+ma kha 'byed cing/ /lta ba drug cu rtsa gnyis dri ma'i 'dam skems mdzad/ /kyi hud bde gshegs nyi ma nub la bdag phyag 'tshal/ /byams mchog sku mnga' 'phags pa'i bden bzhi'i zhabs dang ldan/ /zhi gnas lhag mthong lha yi spyan gnyis dang ldan zhing/ /dad pa rab skyed rnam dag grol ba'i bgros kyis bzhud/ /kyi hud bde gshegs glang chen zhir gshegs bdag phyag 'tshal/ /sems can med pa sgra sgrogs mu stegs ri dags 'joms/ /ngo mtshar ral ba'i tshogs mnga' 'phyang bas sku la brgyan/ /shes rab mche ba rab rno tshul khrims dge ba'i zhabs/ /kyi hud bde gshegs seng ge zhir gshegs pa dag phyag 'tshal/ /sangs rgyas mya ngan yongs 'das khyod la bdag bstod pas/ /bsod nams rgya chen 'bras bu mdza' yas gang bsags pa/ /des ni bdag gis gnas mchog dam pa thob gyur nas/ /khyed 'dra kho nar 'gro la phan pa bgyid gyur cig /sangs rgyas yongs su mya ngan 'das pa la bstod pa slob dpon chen po dpal ldan chos kyi grags pas mdzad pa rdzogs so// // */ (/bshags pa'i bstod pa bzhugs so/) /rgya gar skad du/ de sha na sta ba/ bod skad du/ bshags pa'i bstod pa/ 'jam dpal gzhon nur gyur pa la phyag 'tshal lo/ /sman pa'i rgyal po mnyam med 'gro ba'i bla/ /nyes pa kun bral yon tan 'byung pa'i gnas/ /skyabs khyed nye bar dmag gis nas rtag na ba/ /rang gi nyes par 'gyur brjod bshags par bgyi/ /shin tu rgal dka' chu bo'i rgyun 'dra zhing/ /rtog dang dpyod pa ngan pa'i dpa' rlabs can/ /nyon mongs chu srin 'dzin khris dkrugs pa na/ /bdag gi rang gi sems la'ang zhi ma mchis/ /'dod chags rgya mtsho'i dpa' rlabs cher 'khrugs tshe/ /gal te mi gtsang gzings la brten gyur na/ /der ni bdag yid zhe sdang me yis ni/ /rtswa skams bzhin du nges bsregs nye bar bcom/ /zhe sdang me yi gdung ba zhi bya'i phyir/ /gal te byams pa'i rdzing ni bsgoms gyur kyang/ /der ni skye bo thams cad bder 'dod pa'i/ /chags pa'i 'dam gyis yid ni zin par gyur/ /chags pa'i 'dam gyi dri ma dag bya'i phyir/ /gal te de ni btang snyoms chus 'khru yang/ /der ni 'gro kun nyams thag sel ba yi/ /'jig rten mgon po snying rje'ang rnam par nyams/ /gtso bo gal te snying rje sgom pa na/ /bdag ni mya ngan chen po kun tu skye/ /'di ni zhi phyir gal te dga' bsten na/ /g.yo ba'i sems ni rgod pa nyid du gyur/ /gal te dga' bzhi phyir skye bskyed na/ /de ru sems ni dbang med zhum par gyur/ /gal te brtson pas dman las bstod pa na/ /nga rgyal dgra yi spyod yul dag tu gyur/ /de yi gnyen por thams cad stong nyid sgom/ /der ni gzhan gyi don la brtson med gyur/ /gal te de yi don du kun rdzob bsten/ /der yid nor gyi bsam pa skye bar 'gyur/ /gal te yid ni nor sogs la sbyar na/ /nyes pa kun gyi chang ni dud 'gyur zhing/ /dregs dang rmongs pa'i gnyid kyis myos pas na// mngon 'dod thams cad bcom pa nyid du gyur/ /gang tshe bdag ni sbyin par 'dod na yang/ /ser sna stobs can gyis ni nges par 'dzin/ /gal te de bsal ci ste byin gyur na'ang/ /de tshe yun ring dus su rjes su 'gyod/ /gal te dad pas slar yang dang byas kyang/ /'jig rten gzhan gyi 'bras bur der ltung gyur/ /mi rtag shes pas re ba med byas na/ /rgyu mtshan med pas le los rnam par zhum/ /mgon po 'jig rten sdug bsngal kyis rab gzir/ /sngon tshe'ang gnyen du gyur pa la bltas nas/ /gal te gzhan don spyod par 'dod na yang/ /bdag tu 'du shes pa yis dbang med 'dzin/ /bdag tu lta ba'i rjes su nga rgyal 'brang/ /de ni nga'i zhes yongs su 'dzin par byed/ /der ni nga rgyal dregs dang 'dod sogs kyis/ /khros pa'i dgra bzhin du ni rnam par 'joms/ /gang tshe bdud kyi sde ltar 'jigs pa yi/ /nyon mongs dra ba kun nas bde gyur pa/ /de tshe dus mtshan mi bzad lta bur ni/ /nag po'i phyogs kyi mun pa rnam par 'phel/ /sdig pa brjod bgyi rjes 'gyod brnag dka' zhing/ /skye ba sdug bsngal 'gyur ba mi bzad lags/ / de las lhag pa'i rab gnod ci zhig mchis/ /de lta na yang de la rang nyid spyod/ /gal te sna tshogs sdug bsngal rgyur gyur pa'i/ /gzhan la gnod byed pa las bzlog pa na/ /skye bo ngan pa nyes med dgrar gyur pa/ /ral gri'i so ltar gzug pas de 'khrug byed/ /gang tshe bdag yid bzod byed 'dod na yang/ /de tshe de yi nyes sbyor 'ching bas bsdams/ /de ni bkag cing yongs bsdams drag po yi/ /zhe sdang me yis yongs skems brtse dang bral/ /ji ltar mi bzad lta ba'i dug can dag /nang gnas shing ni mkhas rnams spong bar byed/ /de bzhin khong khro'i spyod pa sbed pa yi/ /bdag gi bsam pa dge ba rnam spong byed/ /nyi ma'i zer gyis bsregs pa'i rdo 'dra zhing/ /yongs su bskams pas dus gyur thal ba 'dra/ /bye ma'i tshogs kyis khyab pa'i lam lta bur/ /bdag gi bsam par chos char don ma mchis/ /rang gi sdug bsngal mi bzad ma dpyad pas/ /gang zhig bdag la phan brtson lta bur ni/ /bzod dang sbyin pas mchog tu phan 'dogs pa/ /'jig rten mgon de'ang bdag gis bzod mi nus/ /sdang bar byed dam 'bros shing 'byol ba'am/ /rab tu g.yeng ngam zlog par byed na yang/ /rgyun mi 'chad par bdag 'dra la slob byed/ /de 'dra 'ang bla ma yin snyam bdag mi sems/ /song ste gsol ba btab kyang rnyed dka' zhing/ /bzod pa'i dus su sman chen mchog gyur pa/ /bzod pa'i ngang tshul gal te mi bzod na/ /bzod pa'i rgyu gzhan bdag la ci zhig mchis/ /nyon mongs srin pos zin pas sems dkrugs shing/ /rims bcas bdag phan la yang brtson med pa'i/ /'jig rten blta bar 'os pa mthong ba na/ /gtso bo bdag sdang nyid skye'i snying rje min/ /skye bo rang gi las 'bras la spyod cing/ /thams cad dbang med 'jig pa yin par shes/ /gzhan dag nyes med par ni brtags gyur kyang/ /rmongs pa'i rab rib dag gi rnam 'phrul gzigs/ /bdag ni nyes pa'i rgya mtsho yin na yang/ /su yi nyes pa'i cha yang bzod mi bgyid/ /bzod pa yon tan phun tshogs gzhan mchis kyang/ /gang phyir mi bzod de 'dir ngo mtshar che/ /dbyar du skye mkha' la ldang ba lta bur ni/ /bdag gi yid la nyon mongs sprin tshogs rnams/ /yang dang yang du 'gro zhing 'ong 'gyur pa/ /ngo tsha rnam spangs le lo can bdag ngan/ /gal te nyon mongs grangs lhags byung gyur na/ /ting 'dzin 'bar bas rgyal bar spro gyur kyang/ /gnyid dang rmugs pa'i rab rib bdo gyur pas/ /mal stan 'dod pa dag kyang rnam par 'phel/ /bdag yid 'dod chags zhags pas dbang med bgyis/ /zhe sdang mes bsregs nga rgyal dag gis bcom/ /nyes pa kun gyi mnga' mdung mtshon cha'i tshogs/ /kun tu gad bas dbang med brgyal bar gyur/ /dran pa rnyed nas bcings shing myur skrag pa/ /rab tu bcom pas rnam par zhum gyur cing/ /g.yo dang sgyu rnams kyis kyang bslus gyur pas/ /dman pa bdud kyi spyod yul dag na 'khyam/ /ji ltar ji ltar zhi gnas la dmigs shing/ /de dang der yid yang yang gtang ba na/ /de dang de las nyon mongs zhags pa ni/ /yul la chags pa'i theg pas dbang med drangs/ /brtson pa bsten na rgod pa 'byung 'gyur zhing/ /de spangs na ni zhum pa skye bar 'gyur/ /'di yi rigs pa'ang mnyam 'jug rnyed dka' na/ /bdag gi sems dkrugs pa ni ji ltar bgyi/ /shes rab la spyod na ni rgod pa 'byung/ /'dzin la brten na zhum pa skye bar 'gyur/ /'di yi zung du 'jug pa rnyed dka' na/ /bdag gi sems dkrugs pa ni ji ltar bgyi/ /'bad pas 'jug na rgod pa 'byung 'gyur zhing/ /de glod na ni zhum pa skye par 'gyur/ /'di yo dbu mar bsgrub pa'ang rnyed dka' na/ /bdag gis sems dkrugs pa ni ji ltar bgyi/ /bsam gtan nags mes yang dang yang du ni/ /nyes pa'i nags tshal bsregs par gyur na yang/ /bdag lta'i rtsa ba brtan po ma bzad pas/ /char gyis brlan bzhin mdun ni rab tu skye/ /gang zhig nyon mongs las 'bras tsam gyi rgyun/ /mthong ba yis kyang de ni ldog 'gyur la/ /sems kyi rgyun kyang spong bar byed mod kyi/ /'gro ba'i don brtson pa las shin tu ring/ /skyob pa chags pa tsam dang rnam bral bas/ /'gro ba kun la bltos pa med gyur pa'i/ /sems kyi rgyu ni rgyu zad mar me bzhin/ /phung po lhag ma zad pa'i mya ngan 'das/ /gang yang 'gro kun nyam thag sel byed pa/ /byang chub sems ni bdud rtsi bcud kyis len/ /byang chub rgyu ru mi rtog sgom pa na/ /de tshe bdag ni rnam rtog kho nar rgyug / rmi lam tshul 'drar 'gro kun gang gis kyang/ /ci yang 'dzin pa nyid du mi byed par/ /bsgoms kyang rtog pa po dang rtogs bya yi/ /rnam rtog dgra yi spyod yul nyid la spyod/ /gtso bo shin tu mi bzad 'tshe ba 'di/ /gzigs la bdag lta lta ba dri med stsol/ bdag ni gces pa gang dang gang rtog pa/ /de dang de nyid dang por rnam par nyams/ /yang na sngon tshe bgyis pa'i bdag gis nyes/ /'di la bcom ldan 'das kyis ci zhig mdzad/ /'jig rten kun gyi mun sel nyi ma yang/ /dmus long dag gi mun nag sel mi bgyid/ /yun ring dus su nad gzhi sten byed cing/ /'dir yang rgyun tu sems ni rnam rmongs pa'i/ /mdze can rkang pa lag pa chad pa la/ /thang 'ga' sman bsten pa yis ci bgyir mchis/ /sems kyi shing ni thog ma med dus can/ nyon mongs kha ba'i khu bas brlan bsgos pa/ /ro zhim dngos por bgyi bar mi nus la/ /yon tan chu yi thigs pas ci ru 'gyur/ /bdag yid nyes pa kun gyi rang bzhin nyid/ /byang chub gser bsgyur rtsir 'gyur ngo mtshar che/ /yon tan de dang de nyid la sbyar na/ /nyes pa'i dngos po nyid du gyur te gnas/ /sman chen nyid du gang dang gang bshad pa/ /de dang de nyid bdag la dug tu gyur/ /rigs pa nyid ni bcung len mchog yin na/ /gal te yid rten med na de yod min/ /gang zhig nyon mongs bdo ba rnam sel cing/ /gang yang nyes gzhan skyed par mi byed pa/ /de ni rigs pa yin zhes bdag sems na/ /ci 'dra yin zhes slar yang nges ma byas/ /bsam pa bag la nyal dang khams bag chags/ /nyes pa'i rgyu yi gnyen po la sbyar ba/ /bsam pa'i man ngag de ni sgom pa na/ /'di ni ring por mi thogs zhi bar 'gyur/ /skyob pa nyes pa kun dang rnam bral zhing/ /chos rnams kun gyi dam pa'i don gzigs pa/ /khyed kyis sna tshogs tshul duAng nges gsungs pas nyon mongs sa bon ma lus sel bar byed/ /khyed sku mdzes pa'i mtshan gyis 'bar gyur pa/ /de yang mdun na bzhugs pa mthong ba dang/ /rna bas btung ba'i bdud rtsi'ang thos gyur pa/ /nyon mongs sa bon ma lus rnam par 'jig /gtso bo khyed la de las rab mchog gyur/ /chos sku'i nyi ma bla na med pa mnga' / /bsams kyang 'gro ba'i spyod yul mi 'gyur ba/ /nyes pa'i rab rib 'joms pa ngo mtshar che/ /thugs mchog gang yang rung ba de yis ni/ /zhi gnas gang yang rung ba der bzhugs nas/ /nyes kun rnam pa kun tu zhi mdzad pa'i/ /bcom ldan gang yin de la phyag 'tshal lo/ /de ltar yon tan bla med la bshags pa'i/ /yang dag bstod pa rnam sbyar dge ba ni/ /zla mdzes ltar dkar bdag gis gang bsags des/ 'gro kun bde ba can du 'gro bar shog / bshags pa'i bstod pa zhes bya ba slob dpon tsan+d+ra go mis mdzad pa rdzogs so// //rgya gar gyi mkhan po bud d+ha ka ra warma dang/ zhu chen gyi lo tsA ba dge slong rin chen bzang pos bsgyur cing zhus te gtan la phab pa'o/ / // */ /rgya gar skad du/ de sha na sta pa brit+ti/ bod skad du/ bshags pa'i bstod pa'i 'grel pa/ 'jam dpal gzhon nur gyur ba la phyag 'tshal lo/ /'di na bstod pa byed pa'i dus su bstod pa rtsom pa rnams sangs rgyas kyi rgyu dang/ /'bras bu dang/ dgos pa mdzad pa'i mtshan nyid kyi gnas skabs rnam pa gsum las brtsams te smra bar byed la/ bstod pa byed pa de yang dad pa dang/ mang du thos pa dang/ nyam nga ba'i gnas skabs thob pa ste/ rnam pa gsum yin no/ /de la 'di ni gtso cher mang du thos pa'i rgyus dgos pa mdzad pa'i gnas skabs la brten te bcom ldan 'das kyi yon tan brjod pa'i sgo nas sdig pa bshags pa'i tshul smra bar 'dod pa'i phyir/ / sman pa'i rgyal po mnyam med 'gro ba'i bla/ /nyes pa kun bral yon tan 'byung ba'i gnas/ /skyabs khyed nye bar dmigs nas rtag na ba/ /rang gi nyes pa'i 'gyur brjod bshags par bgyi zhes bya ba la sogs pa smos pa yin te/ sman pa'i rgyal po zhes bya ba ni sman pa'i gtso bo ste/ nyon mongs pa'i nad kyis gdungs shing ngan 'gror 'gro ba'i sems can rnams gso ba'i rig pa mkhyen pa yin pa'i phyir ro/ /de nyid kyis na mnyam med ces bya ste/ /tshangs pa dang drag po la sogs pa'i nang na 'di dang thabs mnyam pa yod pa ma yin no/ /gzhan yang de nyid ni khams gsum pa rnams la lam gyi dam pa ston par mdzad pa yin pas na 'gro ba'i bla ma'o/ /gal te de lta na nyan thos dang rang sangs rgyas dag kyang 'gro ba'i bla ma yin no zhe na/ de las khyad par du bya ba'i phyir nyes pa kun bral zhes bya ba smos pa yin te/ 'dod chags dang/ zhe sdang dang/ gti mug la sogs pa ni sems kyi rgyun la yang dag pa'i ye shes skye ba'i gegs byed pas na nyes pa zhes bya la/ de dag bag chags dang bcas pa ma lus pa dang bral zhing nges par spangs pa'o/ /nyes pa dang bral ba 'ba' zhig tsam gyis bla mar gyur pa yin nam zhe na/ de'i phyir yon tan 'byung ba'i gnas zhes bya ba la sogs pa smos te/ bslab cing byad par bya ba yin pas na/ yon tan te/ stobs dang/ mi 'jigs pa la sogs pa la byas la/ de rnams kyi 'byung gnas ni skyed pa'i gzhi zhes bya ba'i tha tshig go /rgyu de dag nyid kyis na skyabs su 'os pa yin pa'i phyir skyabs te/ gang la brten nas sdig pa la sogs pa'i mi mthun pa'i phyogs zad par byed cing/ /thun mong ma yin pa'i yon tan gyi bdag nyid che ba mnga' bas sangs rgyas bcom ldan 'das ni skyabs dam pa yin pa'i phyir skyabs zhes bya'o/ khyed ces bya ba mngon sum gyi shes pas dmigs pa'i yul du gyur pa'o/ /nye bar dmigs nas zhes bya ba ni mngon par dad pa'i sems kyis dmigs shing mngon sum du byas nas nyes pa bshags par bgyi'o zhes bya bar sbyar ro/ /ci'i phyir bshags she na/ rtag na ba zhes bya ba smos te/ sems kyi rgyud nyon mongs pa'i nad kyis gdungs shing bdag dang bdag gir 'dzin pa'i mtshan nyid dang ldan pa la bya'i rlung la sogs pa 'khrugs pa la ni mi bya ste/ 'dir gnas skabs ma yin pa'i phyir ro/ /rang gi nyes pa'i 'gyur ba ni rang nyid kyi sems nyon mongs pa'i dbang gis r ang bzhin nyams shing gnas skabs gzhan du 'gyur ba'i tshul gang dag yin pa tshig gis brjod pa'i thal mo sbyar ba la sogs pa lus kyi gus pa'i tshul dang yang ldan pas bshags par bgyi zhing mi bcab par mngon sum du brjod par bgyi'o zhes bya ba'i don to/ /de ltar tshigs su bcad pa dang po 'di ni bdag nyid kyi bya bar brjod par bya ba dang/ 'brel ba dang/ dgos pa dang/ dgos pa'i yang dgos pa ston pa yin te/ /thams cad mkhyen pa nyid yon tan brjod pa'i sgo nas rang gi nyes pa bshags pa ni brjod par bya ba yin la/ bstod pa'i tshig ni brjod pa yin no/ /de dag rgyu 'bras su 'brel ba ni 'brel pa yin no/ /lam shes pa'i sgo nas nyon mongs pa las ldog pa ni dgos pa yin no/ /de la brten te rim gyis sangs rgyas kyi go 'phang nyid 'thob pa ni dgos pa'i yang dgos pa yin no/ /de'i nyes pa'i 'gyur ba de nyid bstan par bya ba'i phyir/ /shin tu rgal dka' chu bo'i rgyun 'dra zhing/ /rtog dang dpyod pa ngan pa'i dpa' rlabs can/ /nyon mongs chu srin 'dzin khris dkrugs pa na/ /bdag gi rang gi sems la'ang zhi ma mchis zhes bya ba la sogs pa smos pa yin te/ kye bcom ldan 'das bdag gi rang gi sems la zhi zhing nyon mongs pa dang bral ba ma mchis so/ /ji ltar med par gyur ce na/ /shin tu rgal dka' chu bo'i rgyun 'dra zhes smos te/ 'dra ba zhes bya ba ni dper bya ba ste/ /ji ltar chu bo'i rgyun drag pos bdas shing g.yengs par gyur pa dag sdug bsngal chen po nyams su myong bar gyur ba yin pa de bzhin du 'khor ba'i gnas su nyon mongs pa'i chu bo'i rgyun bzlog par dka' bas g.yengs par gyur pas na sems la zhi ba dang bde ba ma mchis so zhes bya ba'i don to/ /ci'i phyir zhe na/ rtog dang dpyod pa ngan pa'i dpa' rlab can zhes bya ba smos te/ rtog pas na rtog pa ste sems kyi rgyu ba rtsing pa'o/ /dpyad pas na dpyod pa ste sems zhib pa'i rnam pa'o/ /rtog pa dang dpyod pa yang yin la ngan pa yang yin pas rtog dpyod ngan pa ste nyon mongs pa can no/ /de nyid ni dpa' rlabs te sems gang la nyon mongs pa can gyi rtog pa dang dpyod pa'i rnam pas dkrugs shing g.yengs pa'i gnas yin pa'i phyir dpa' rlabs can te/ de nyid kyis na rgal bar dka' ba yin no/ /gzhan yang ji lta bu zhe na/ nyon mongs chu srin 'dzin khris dkrugs pa na zhes bya ba smos te/ rtog dpyod ngan pa'i dbang gis 'dod chags la sogs pa'i nyon mongs pa bskyed par byed la/ de nyid ni sdug bsngal bskyed cing 'dzin pa dam po'i tshul gyis chos mthun pas na chu srin te rgya mtsho'i srog chags so/ /de rnams kyi tshogs ni mang po'o/ /des dkrugs pa ni khyab cing g.yengs par gyur pa'o/ / rgyu des na ji srid nyon mongs pa can gyi rtog pa ma sangs pa de srid ni rang gi sems zhi zhing dkar po'i chos skye ba'i gzhir mi 'gyur ba'o/ /de yang lan tsha'i chu bo'i mdo las/ /bdag ni nor phrogs rkun po rnams la 'jigs pa yin min te/ de dag gis ni nor bzang 'phrog par byed na de yang yod ma yin/ /yid kyi dge ba'i nor ni legs par rab tu bsags bsags pa/ /bdag gi tha mal rnam rtog dag gis mngon du 'phrog par byed/ /ri khrod dang ni mun khang dag dang nags ni stug po ru/ /nor ni rkun po rnams las 'di ni legs par bsrung nus kyi/ /gang du dge ba'i nor ni 'phags min rtog pa 'di yis ni/ /bcom par ma gyur sa phyogs de ni 'gro na yod ma yin zhes bshad pa yin no/ /de la dang po kho nar bcom ldan 'das kyis 'dod chags dang/ zhe sdang dang/ gti mug dang ldan pa rnams la go rims bzhin mi gtsang ba dang/ /byams pa dang/ rten cing 'brel par 'byung ba ston par mdzad cing/ /tshangs pa'i gnas bzhi gsungs pa dang mi mthun par gyur pa'i gnas skabs su gyur pa bstan par bya ba'i phyir/ /'dod chags rgya mtsho'i dpa' rlabs che 'khrugs tshe/ /gal te mi gtsang gzings la brten gyur na/ /der ni bdag yid zhe sdang me yis ni/ /rtswa skam bzhin du nges bsregs nye bar bcom zhes bya ba la sogs pa smos te/ 'dod chags ni 'dod pa'i 'dod chags dang/ dngos po'i 'dod chags so/ /de nyid ni mang ba dang stobs che ba'i phyir rgya mtsho'o/ /dpa' rlabs ni de dang ldan pa'i rnam par rtog pa du ma ste/ des 'khrugs pa dang g.yo zhing bskyod par gyur pa'o/ /de yang mdo de nyid las ji ltar dang ba'i chu 'bab rgya mtsho ni/ /mi g.yo dpa' rlabs kyis ni rab 'khrug byed/ /de bzhin rtse gcig gyur pa'i sems kyi chu/ /rnam par rtog pas rab tu 'khrug par byed ces bshad pa yin no/ /de ltar gyur pa de'i tshe ci zhig bya ba yin zhe na/ /gnyen po bsten par bya ba yin pas de'i phyir gal te mi gtsang gzings la brten gyur na zhes bya ba smos te/ gal te btsal ba'i phyir mi gtsang ba ste mi sdug pa'i dngos po bsgom zhing 'dod chags kyi rgya mtsho rgal ba'i thabs kyi gzings la brten cing gnas par gyur pa'o/ /gnas skabs der sems ji ltar gnas she na/ der ni bdag yid zhe sdang me yis ni/ /rtswa skam bzhin du nges bsregs nye bar bcom zhes bya ba smos te/ bsgom pa'i gnas skabs der yul yid du mi 'od ba la brten pa'i dbang gis bdag gi yid zhe sdang gi mes rtswa skam po bsregs pa bzhin du yid la gnod par gyur gyi 'dod chags dang bral ba'i sems zhi ba ni rnyed par ma gyur to zhes rang gi nyes pa brjod pa yin no/ /de ltar zhe sdang gis gnod pa la rang gi gnyen po bsten mod ce na/ de'i phyir zhe sdang me yi gdung ba zhi bya'i phyir zhes bya ba la sogs pa smos te/ /zhe sdang ni gzhan la gnod pa'i sems te/ mnar sems kyi rnam pa'o/ /de nyid me ste de las byung ba'i yid mi bde ba'i gdung bas sems kyi rgyud kun nas yongs su sreg pa'o/ /zhi ba ni gnod pa de zhi ba ste sems kyi rgyun de las bzlog pa'o/ /phyir zhes bya ba ni de'i don du'o/ /zhi ba'i phyir ci zhig byed ce na/ gal te byams pa'i rdzing ni bsgoms gyur kyang zhes bya ba smos te/ gal te zhe sdang gi me'i gnyen por sems can thams cad bde bar 'dod pa'i byams pa ste/ mdza' ba'i sems rdzing gi chu ltar bsil ba zhe sdang gi me 'jil bar nus pa bsgoms shing mang du byas par gyur kyang ngo/ /de las ci 'gyur zhe na/ der ni skye bo thams cad ba der 'dod pa'i zhes bya ba smos te/ de ltar bsgom pa'i gnas skabs der skye bo thams cad ces bya ba khams gsum par gtogs pa'i 'gro ba ma lus pa la byams pa'i sems kyis dmigs pa'i bde bar 'dod cing gnod pa dang bral bar dga' ba'i sems so/ /gal te yid 'di de ltar gtong pa na cir 'gyur zhe na/ chags pa'i 'dam gyis yid de zin par gyur ces bya ba smos te/ byams pa'i sems kyis bde bar 'dod pa na rjes su dga' ba'i sems dang 'brel ba'i sred pa'i 'dod chags skye bar 'gyur la/ /de nyid ni sems zhen cing bying ba'i gnas su gyur pas na 'dam ste/ de lta bus yid ni kun nas zin par 'gyur ro/ /'di skad ston te/ mngon par dga' ba dang bcas pa'i byams pa'i sems kyis 'gro ba rnams la chags pa'i kun tu 'dzin pa skye bar 'gyur ba na de nyid ni nyes pa yin no/ de ltar yang ji ltar sgrub par byed ce na/ de'i phyir chags pa'i 'dam gyi dri ma rnam dag phyir zhes bya ba smos te/ /chags pa ni dngos po rnams la mngon par zhen pa'o/ /de nyid ni 'khor ba'i rgyur gyur pas na 'dam lta bu'o/ /de nyid ni dri ma ste rang gi yid bdag dang bdag gir zhen pa'i skyon chags pa'o/ /de lta bu'i dri ma rnam par dag cing sbyang ba'i phyir ci zhig bya zhe na/ gal te de ni btang snyoms chus khru yang zhes bya ba smos te/ 'dam gyi dri ma lta bur chags pa de shes rab kyi blos nyes pa yin par shes par bya la/ 'gro ba thams cad la kun tu bltos pa med cing rjes su chags pa dang khong khro ba dang bral ba'i btang snyoms chu lta bus 'khru zhing dri ma sel bar byed pa na nyes pa cir 'gyur zhe na/ der ni 'gro kun nyams thag sel ba yi/ /'jig rten mgon po snying rje 'ang rnam par nyams zhes bya ba smos te/ kye 'jig rten gyi mgon po de ltar btang snyoms la bzhag pa'i gnas skabs der ni sems can thams cad 'don par byed pas rab tu 'jug pas 'gro ba thams cad kyi sdug bsngal sel bar byed pa'i snying rje chen po 'jig rten gyi mgon dang skyabs su gyur pa de yang rnam par nyams shing med par gyur pa des na bdag byang chub sems dpa' nyid du mi 'gyur ro/ /'on te snying rje de nyid kyang bsam mod ce na/ gtso bo gal te snying rje sgom pa na/ /bdag ni mya ngan chen po kun tu skye zhes bya ba smos te/ gtso bo zhes bya ba ni 'od pa'o/ /gal te skyon de mthong nas snying rje nyid bsgom zhing mngon du byed pa na bdag gi yid la snying rje'i tshul las byung ba'i mya ngan zhes bya ba yid kyi gdung ba chen po kun tu skye bar 'gyur te/ kye ma'o sems can 'di rnams sdug bsngal gyis kun tu nyon mongs par 'gyur ro snyam pa'i mya ngan gyis sems shin tu gdungs par 'gyur ro zhes bya ba'i don to/ /de la ci zhig bya zhe na/ 'di ni zhi phyir gal te dga' bsten na zhes bya ba smos te/ snying rje las byung ba'i gdung ba zhi zhing mnyam par gnas pa'i phyir dga' ba zhes bya ba'i tshangs pa'i gnas la brten cing gnas par gyur na/ /de las cir 'gyur zhe na/ g.yo ba'i sems ni rkod pa nyid du gyur zhes bya ba smos te/ de ltar dga' ba'i dngos po la yid btang ba na yul la g.yo zhing rnam par 'gyur ba'i yid gzengs bstod pa'i dbang gis rgod cing khengs pa nyid du 'gyur gyi rang bzhin zhi bar mi gnas so/ /'on te de nyid zhi bar bya ba'i phyir thabs gzhan zhig la brten mod ce na/ gal te dga' ba zhi phyir skyo skyed na/ de ru sems ni dbang med zhum par 'gyur zhes bya ba smos te/ dga' bas dregs pa'i sems zhi bar bya ba'i phyir skyo ba skyed par byed pa'i dngos po sdug bsngal gyi rnam pa la sogs pa la dmigs nas skyo ba skyed par byed pa na/ gnas skabs de ru ni skyo bar byed pa nyid kyi rgyus sems rang dbang med par zhum zhing dmigs pa la gtod mi nus par rtsol ba zhan pa nyid du 'gyur ro zhes bya ba'i don to/ /de ltar gyur pa na spro bas gzengs bstod na nyes pa cir 'gyur zhe na/ gal te brtson pas dman las bstod pa na/ /nga rgyal dgra yi spyod yul dag tu 'gyur zhes bya ba la sogs pa smos te/ brtson zhing 'bad pa dang ldan pas sems zhum zhing dman pa las dregs pa skye bar byed pa'i tshul gang yang rung bas gzengs bstod par byas na yang nyes par mi 'gyur te/ ci zhig ce na/ nga rgyal gyi dbang du gyur te/ nga rgyal dang lhag pa'i nga rgyal la sogs dgra ltar dge ba'i nor 'joms pa'i spyod yul du 'gyur zhing de'i dbang du 'gyur ba ste/ nga rgyal zhes bya ba'i dgra bo de'i bran du 'gyur ro zhes bya ba'i don to/ / de ltar tshangs pa'i gnas pa bzhi la dmigs pa na sems kyi skyon du gyur pa bstan nas/ de ni nga rgyal gyi gnyen po bsten pa na skyon du 'gyur ba bstan pa'i phyir/ de yi gnyen por thams cad stong nyid sgom zhes bya ba smos te/ nga rgyal zhes bya ba'i dgra bo de bsal ba'i phyir de'i gnyen por gyur pa'i sems kyi 'jug pa thams cad sel ba thams cad stong pa nyid ces bya ba/ rgyu ba dang mi rgyu ba dngos po thams cad rnam par 'jig pa'i stong pa nyid bsgoms pas nga rgyal la sogs pa'i mi mthun pa'i phyogs thams cad ldog par 'gyur ba ni cig gis cig spangs pa'i mtshan nyid mun pa dang snang ba lta bu 'am/ lhan cig mi gnas pa'i mtshan nyid gzugs can gyi rdzas yul bum pa dang snam bu lta bu dang 'dra ba yin pa las/ 'dir gzugs can gyi lhan cig mi gnas pa bsal te stong pa nyid kyi don sgom pa la bya'o/ /de ltar stong nyid kyi don sgom pa na yang cir 'gyur zhe na/ der ni gzhan gyi don la brtson med gyur ces bya ba smos te/ thams cad stong par sgom pa'i gnas skabs der rang dang sems can ma dmigs pa'i phyir 'gro ba gzhan dag smin cing 'gro ba'i don bya ba la brtson zhing 'bad pa med de/ de las ldog par 'gyur ro zhes bya ba'i don to/ /skyon de ltar gyur pas ci zhig dmigs she na/ ci'i phyir/ gal te de yi don du kun rdzob bstan ces bya ba smos te/ stong pa nyid du lta ba'i skyon de bsal ba'i don du kun rdzob ces bya ba yang dag pa'i don mthong ba la sgrib pa dngos po'i chos la brten cing gnas par byed na'o/ /de las kyang skyon ci zhig 'byung zhe na/ der yid nor gyi dam can skye bar 'gyur zhes bya ba smos te/ de ltar dngos po la sems sbyar ba nyo tshong la sogs pa ci nas kyang nor spel zhing sgrub pa'i bsam pa skye bas yid gdung zhing nyon mongs par 'gyur te/ kun rdzob la brten cing sbyin pa la sogs gtong bar 'dod pa na gser dang nor bu la sogs pa nor gyi dngos po du ma dag nye bar gsog pa'i blo skye bar 'gyur ba'i phyir ro/ /gal te de ltar nor gsog pa'i bsam pa bskyed kyang nyes pa ci zhig yod ce na/ gal te yid nor gsog la sbyar na zhes bya ba smos te/ gal te nor la sred pa bskyed nas bsam gtan la sogs pa'i khyad par can gyi sbyor ba spangs nas rang gi yid gser la sogs pa nor gsog cing sdud pa nye bar sbyar zhing snyed pa bskyed na de'i tshe yid phyin ci log gi dbang du gyur pa nyid yin pas/ /nyes pa kun gyi chang ni ldung 'gyur zhing zhes bya ba gzhan gyis brnyas pa na bag med par gyur pa dang/ lus nyon mongs la sogs pa'i nyes pa 'byung la/ nyes pa de nyid kyis ni nor gyis skyob pa'i skyes bu la nyes pa'i rgyur gyur pa chang lta bu de ldung cing skye ba yin no/ /gzhan yang nyes pa ci zhig tu 'gyur zhe na/ dregs dang rmongs pa'i gnyid kyis myos pas na zhes bya ba smos te/ rgyu de dag nyid kyis sems bya ba dang bya ba ma yin pa'i/ dbye ba mi shes pas myos pas byas pa yin no/ /gang gis myos par byas she na/ dregs dang rmongs pa'i gnyid kyis zhes bya ba ste/ ra ro ba'i skyes bu dang 'dra bar dregs shing khengs pa dang rmongs pas blo gros nyams pa dang/ gnyid dang rmugs pa'i dbang du gyur pa ste dregs pas ni rmongs pa yin la/ rmongs pas ni gnyid kyis myos par 'gyur ba'o/ /de dag las kyang nyes pa ci zhig 'byung zhe na/ mngon 'dod thams cad bcom pa nyid du 'gyur zhes bya ba smos te/ mthong ba'i chos dang skye ba gzhan du dam pas bsgrub par bya ba gang dag yin pa 'am/ mngon par mtho ba dang nges par legs pa'i rgyur gyur pa'i mngon par 'dod pa'i don thams cad bcom zhing brlag par 'gyur ro/ /nyid ces bya ba ni nges par gzung ba'o/ /'dir bsdus pa'i don ni 'di yin te/ nor gsog pa sred pa yin la de ni yongs su brnyas par 'gyur ba la sogs pa'i nyes pa rnams kyi rgyu yin no/ /de yang lan tshwa'i chu bo'i mdo las/ 'di de gus pa thams cad dang/ /yon tan rnams ni 'jig byed de/ /gang gis ri rab ltar lci ba'ang shing bal lta bur yang bar byed/ /sred pas dgun gyi dus su ni/ /kha ba can yang grang ba'ang/ /mya ngam dag tu nyi ma'i zer/ /'bar ba dag kyang tshar mi tshor/ /sred pas gting mdza' med pa dang/ /gnod pa du mas nyam nga ba'i/ /rgya mtsho'ang glang rjes tsam nyid du/ / shin tu chung ba nyid du sems zhes gsungs pa yin no/ /de ltar sems mi mnyam pa'i tshul bstan nas/ /nor bsags pa las snying por bya ba'i sbyin pa nyid du yang rjes su mi mthun pa'i sems bstan pa'i phyir/ /gang tshe bdag ni sbyin par 'dod na yang ser sna stobs can gyis ni nges par 'dzin ces bya ba la sogs pa smos te/ dus gang gi tshe dka' bas bsags pa'i nor slong ba rnams la bdag sbyin par bya bar 'dod cing 'gyed par spro ba na yang ser sna stobs can zhes bya ba dngos po la mngon par zhen cing chags par byed pa'i ser sna'i kun tu 'ching ba thog ma med pa'i dus can stobs dang ldan pa dag gis nges par 'dzin cing blo la dam por chags pas gtong ba'i mthu med par byed do/ /de'i tshe ci zhig bya zhe na/ gal te de bsal ci ste byin gyur na'ang de tshe yun ring dus su rjes su 'gyod ces bya ba la sogs pa smos te/ gnyen po'i phyogs bsgom pa'i stobs kyis ser sna de bsal cing spangs nas zhing du gyur pa 'ga' zhig la dngos po 'ga' zhig byin par gyur na yang/ de'i tshe slar yang ser sna'i sred pa las byung ba'i sems kyi gdung bas yun ring por dus su rdzas btang ba rjes su 'gyod par 'gyur ro/ /gal te mos pa brtan pas sems de slar bzlog pa ni yang cir 'gyur zhe na/ gal te dad pas slar yang dang byas kyang zhes bya ba smos te/ dad pa ni sems kyi dad pa ste/ yid ches pa dang yon tan mngon par 'dod pa'i dad pas sems kyi dri ma bsal te dang zhing rnyog pa med par byas kyang 'jig rten gzhan gyi 'bras bur de ltung 'gyur zhes bya ba rdzas btang ba'i 'bras bu yang mngon par zhen cing lan la re ba'i tshul gyis sems de skyon chags par 'gyur ro zhes bya ba'i don to/ /de ltar skyon chags pa na/ mi rtag shes pas re ba med byas na zhes bya ba 'du byed thams cad mi rtag pa zhes smos pa'i ston pa'i bka' dran zhing/ /mi rtag pa'i tshul du ma d ag la brtags nas rdzas la sogs pa rtag pa med de skad cig ma'i tshul yin par shes par bya ba'i gnyen po des lan la re ba'am sbyin pa'i rnam par smin pa las byung ba'i longs spyod la sogs pa la ma chags par byas nas sems kyi rnyog pa de bsal ba na yang rjes su mthun par mi gnas te/ ci zhig gis she na/ rgyu mtshan med pas le los rnam par zhum zhes bya ba rgyu sbyin pa btang ba 'dis 'bras bu longs spyod chen po 'di lta bu zhig 'thob pas na de lta bu'i 'bras bu bsgrub pa'i phyir sbyin pa la sogs pa rgyur gyur pa rnams la 'bad par byed pa yin na/ 'bras bu la re ba med par byas pa'i phyir/ sbyin pa la sogs pa'i chos la rtsol mi 'dod cing le lo'i dbang gis sems rnam par zhum zhing sgyid zhan pa nyid du 'gyur ro zhes bya ba'i tha tshig go /rang gi don la nyams par brjod de bshags pa bstan nas/ gzhan gyi don las kyang nyams par gyur pa bstan pa'i phyir/ mgon po 'jig rten sdug bsngal gyis rab gzir zhes bya ba smos te/ kye mgon po sems can gyi 'jig rten 'di dag 'du byed la sogs pa 'am/ skye ba la sogs pa'i sdug bsngal gsum 'am/ brgyad du grags pa dag gis rab tu gzir cing shin tu nyam thag par byas pa de dag kyang/ /sngon tshe'ang gnyen du gyur pa la bltas nas zhes bya ba 'khor ba'i gnas 'dir skye ba brgyud pa'i tshe gzhan dag tu yang pha ma la sogs pa gnyen du gyur cing bdag dang rjes su 'brel par gyur pa yin par blos bltas shing yid kyis bsams nas so/ /yang zhes bya ba ni da ltar 'ba' zhig tu ma zad pa'o/ /rgyu de las brten nas ci zhig byed ce na/ gal te gzhan don spyod par 'dod na yang zhes bya ba sems can sdug bsngal gyis nyen pa dag gnyen du ma gyur pa med pas de rnams kyi gnod pa gsal ba'i phyir sbyin pa la sogs pas gzhan gyi don bya'i/ byang chub sems dpa' i spyad pa spyod par 'dod cing bya ba de rdzogs par rtsom pa na yang de'i ci zhig tu gyur ce na/ bdag tu 'du shes pa yis dbang med 'dzin ces bya ba smos te/ nye du la sogs pa las bag chags las byung ba'i bdag dang bdag gi 'du shes kyis rang dbang med par 'dzin cing dbang du byed pas bdag med pa la bdag tu lta ba'i phyin ci log tu 'gyur ro zhes bya ba'i don to/ /da ltar bdag tu lta ba la nyes pa ci zhig yod ce na/ bdag tu lta ba'i rjes su nga rgyal 'brang zhes bya ba smos te/ bdag ces bya ba ni yod do zhes bya ba ni bdag tu lta ba ste/ bdag med pa la bdag tu rlom pa gang yin pa de ni nga rgyal yin la/ nga rgyal de ni bdag tu lta ba'i rjes su 'brang ste/ rtag pa dang brtan pa dang bdag yod pa la sogs pa mu stegs pa'i lta ba la zhen par 'gyur ro zhes bya ba'i don to/ /des kyang nyes pa ci zhig skyed ce na/ de ni nga'i zhes yongs su 'dzin par byed ces bya ba smos te/ nga rgyal las byung ba'i ltung ba de yang nga'i zhes bya ba 'am/ bdag gis snyam pa'i yongs su 'dzin pa dam po skye bar byed pa des mchid bar byed do/ /de ltar gyur ba des kyang nyes pa'i tshogs ci zhig skyed ce na/ der ni nga rgyal dregs dang 'dod sogs kyis zhes bya ba smos te/ der ni zhes bya ba ba'i zhes yongs su 'dzin pa skye ba'i gnas skabs de'i tshe na nga rgyal la sogs pa'i nyes pa 'byung ste/ nga rgyal ni nga rgyal dang lhag pa'i nga rgyal la sogs pa'i nyes pa'o/ /dregs pa ni sems rgyas shing gzengs mtho ba'o/ /'dod pa ni 'dod pa ste des chags pa'i yul la sred pa bskyed pa'o/ /sogs pa smos pas ni zhe sdang dang gti mug la sogs pa nyon mongs pa gzhan rnams bsdus la/ de dag gis kyang ci zhig byed ce na/ khros pa'i dgra bzhin du ni rnam par 'joms zhes bya ba smos te/ 'di ltar zhe 'gras par gyur pa'i dgra bo dag shin tu khros pa na srog dang bral bar byed pa la sogs pa'i gnod pa du ma bskyed par byed pa de bzhin du/ nyon mongs pa'i tshogs de dag gis kyang dge ba'i srog 'phrog cing 'gyur ba'i sdug bsngal sna tshogs bskyed par byed do/ /bdag tu lta ba ni nyes pa thams cad kyi gzhi yin pa'i phyir ro/ de yang bdag yod na ni gzhan du 'du shes shing/ /bdag gzhan cha las yongs su 'dzin dang sdang/ /'di gnyis dang ni kun tu 'brel pa can?/ /nyes pa thams cad rab tu skye bar 'gyur zhes slob dpon chos kyi grags pas bshad pa yin no/ /nga rgyal la sogs pa'i nyes pa de dag nyid kyis mi mthun pa'i phyogs bskyed pa'i dpe bstan pa'i phyir/ gang tshe bdud kyi sde ltar 'jigs pa yi/ /nyon mongs dra ba kun nas bdo gyur pa zhes bya ba la sogs pa smos te/ dus gang gi tshe na bdud kyi sde zhes bya ba bdud ni 'dod pa'i khams kyi dbang phyug ste/ de'i sde ni dpung tshogs yin la/ de dag kyang mtshon cha sna tshogs thogs shing rgol ba dang g.yul du 'jug pa'i tshul du ma ston pas shin tu 'jigs su rung ba yin no/ /ltar zhes bya ba ni 'dra ba ste/ nyon mongs pa'i tshogs rnams kyang gnod pa sna tshogs skyed pas 'jigs pa yin pa'i phyir ro/ /nyon mongs pa ni 'dod chags la sogs pa yin la/ dra ba ni de dag gi tshogs mang po la bya ba 'am/ de dag gis kun nas dkris pas bsdams shing 'ching bar byed pa yin la/ de lta bu'i nyon mongs pa de kun nas bdo bar gyur cing yul gyi bag la nyal sang ngar byas te/ nyon mongs pa'i kun nas dkris pa rnam pa thams cad du 'bar bar gyur pa na nyon mongs pa'i tshogs nyid bdud kyi sde yin la/ de lta bu mi bzad pa'i nyon mongs pa'i shugs 'bar bar gyur ba/ de tshe dus mtshan mi bzad lta bur ni zhes bya ba la/ dus zhes bya ba ni gshin rje'i pho nya yod de/ des de gang gi mtshan mo skyes bu'i mgul su zhags pas btags te khyer bar 'dod pa'i mtshan ma de ni dus mtshan zhes bya'o/ /lta bur zhes bya ba ni 'dra ba ste/ nyon mongs pa'i dra ba de ni de dang tshul 'dra ste/ gang gis na shin tu mi bzad pa'i 'jigs pa skyed bar chos mthun pa yin no/ /de lta bur zhes bya ba ni/ nag po'i phyogs kyi mun pa rnam par 'phel zhes bya ba bdud kyi phyogs dkar po'i chos dang mi mthun par gyur pa'i rmongs pa'i mun pa de rnam par 'phel zhing rgyas par gyur pa 'am/ yang na nag po'i phyogs zhes bya ba ni zla ba mar ngo la bya la de'i mun pa smag tu gyur pa'i nang na dgra bo 'ga' zhig gis mtshon cha sna tshogs kyi char phab na shin tu 'jigs pa yin pa dang 'dra bar nyon mongs pa'i phyogs kyi mun pas bsgribs shing dkar po'i chos kyi snang ba dang/ bral ba na/ gnod pa dang sdug bsngal sna tshogs rnam par 'phel bar 'gyur ro zhes bya ba'i don to/ /de ltar dpe'i tshul du ma bstan pas bdag tu lta ba las 'byung ba'i nyon mongs pa'i tshogs rnams shin tu 'jigs su rung bar bstan pa yin la de nyid kyis na zhi bar bya ba'i phyir sdig pa smod pa'i sgo nas 'chags par 'dod pa'i phyir/ sdig pa brjod kyi rjes 'gyod pa mnag dka' zhing zhes bya ba smos te/ kye bcom ldan 'das khyed kyi spyan sngar sdug pa dang mi sdug pa dag gi phyir sdig pa du ma bgyis shing bsags pa'i sdig pa gang yin pa de brjod par bgyi zhing rjes su bsgrag par bgyi'o/ /ji lta bu zhe na/ rjes 'gyod mnag dka' zhing zhes bya ba ste/ gang zhig byas na rjes su 'gyod pa'i sems kyi rgyud sred par nus pa mnag dka' zhing bzod par dka' ba skye ba de ni sdig pa'i rang bzhin yin pa'i phyir ro/ /gzhan yang ji lta bu zhe na/ skye ba sdug bsngal 'gyur ba mi bzad lags zhes bya ba smos te/ skye ba ni 'gro ba lngar lus len pa'o/ /sdug bsngal ni phung po lnga'i bdag nyid can no/ /skye ba sdug bsngal ni skye ba sdug bsngal te de yang dang yang du len cing 'dzin par gyur pa na las dang nyon mongs pa las byung ba'i 'gyur ba'i sdug bsngal bskyed cing nyams su myong bar byed pa de ni mi bzad pa yin te/ shin tu mnag par dka' ba'i lus dang sems kyi sdug bsngal du ma bskyed pa lags so zhes bya'i don to/ /de ltar na de las lhag pa'i rab gnod ci zhig mchis zhes bya ba nyon mongs pa las byung ba'i sdug bsngal de las lhag par ches rab tu gnod par byed pa'i dngos po ci zhig mchis zhes dri ba'i sgo nas/ de las lhag pa'i rab tu gnod pa ni ci'ang ma mchis so zhes nges par gzung ba'o/ /de ltar sdug bsngal mi bzad pa'i rgyu yin par shes nas ni dor ba'i rigs pa las de ltar mi byed kyi/ de ltar na yang de la rang nyid spyod ces bya ba sdug bsngal gyi rgyu yin du zin na yang de'i rgyur gyur ba'i sdig pa de la bdag rang nyid mngon sum du spyod par byed kyi de las ldog par mi bgyid pa de nyon mongs pa'i dbang du gyur pa yin no zhes rang gi nyes pa brjod pa'i sgo nas 'chags pa'o/ /gal te de ltar yin na de las sems bzlog cing spang par rigs pa yin pa las de ltar yang bzod par mi nus par bstan pa'i phyir/ gal te sna tshogs sdug bsngal rgyur gyur pa'i zhes bya ba smos te/ 'di ltar bzod pa ni bde ba thams cad kyi 'byung gnas yin la/ khro ba ni sdug bsngal thams cad kyi gzhir gyur pa yin pas/ gal te sems 'di sna tshogs sdug bsngal rgyur gyur ba'i zhes bya ba 'jig rten 'di dang gzhan gyi sdug bsngal lus dang sems kyi cha las byung ba rnam pa sna tshogs pa'i gzhi dang rgyur gyur pa ni zhe sdang yin te/ de las ni sems can la 'tshe bar byed pa 'byung ba yin pa'i phyir/ gzhan la gnod pa byed pa las bzlog pa na zhes bya ba khong khro ba las byung ba'i rgyus gzhan la gnod cing sdug bsngal bar byed pa las/ khro ba'i nyes pa rnams dran pa'i sgo nas de las sems rjes su bzlog cing gnyen po dran pas bzod pa sten par byed pa na'o/ /de ltar gnas pa'i tshe cir 'gyur zhe na/ skye bo ngan pa nyes med dgrar gyur pa/ /ral gri'i so ltar gdug pas de 'khrug byed ces bya ba smos te/ bzod par mi nus kyi blo 'khrug cing sems kyi rgyun rnyog pa can du byed do/ /gang gis she na/ skye bo ngan pa nyes med dgrar gyur pa/ /ral gri'i so ltar gdug pas zhes bya ba skye bo'i tshogs tshul khrims dang bzod pa la sogs pa dam pa'i spyod pa dang bral ba rang bzhin ngan par gyur pa rnams ni bdag gis gnod pa byas pa'i nyes pa gzhi med par yang rgyu med pa'i dgra bor gyur cing rjes su sdang bar gyur pa rnams kyi spyod pa ral gri'i so ltar gdug cing zhe gcod par byed pas bdag gi sems 'khrug par byed do/ /'on te rang bzhin ngan pa de dag la yang bzod pa bstan cing de la brtse bar bya mod ce na/ gang tshe bdag yid bzod pa byed 'dod na'ang/ /de tshe de yi nyes spyod 'ching bas bsdams zhes bya ba smos te/ dus sam skad cig gang gi tshe bdag gi yang 'khrug par byed pa de las bzlog cing gnyen pos sems dang bar byas te/ b zod pa'i tshul la gnas par byed 'dod na yang de'i tshe rang bzhin ngan pa'i dgra bo de'i rang bzhin ngan zhing gnod pa sna tshogs byed pa'i nye bar spyod pa sna tshogs pa sems kyi 'ching bar gyur pa rnams kyi sems slar yang bsdams shing dam du 'ching bar byed pas zhe sdang gi dbang du 'gro'o zhes bya ba'i don to/ /de ltar na yang de'i nyer spyod btang snyoms su bzhag cing sems glan mod ce na/ de ni bkag cing yongs bsdams drag po yi/ /zhe sdang me yis yongs skems brtse dang bral zhes bya ba la sogs pa smos te/ de'i nye bar spyod pa ngan pa de las byung ba'i zhe sdang gi 'ching ba de nan gyis bkag cing yongs su bsdams pa na mnags drags pa nyid kyi sems kyi rgyun son mi gnas shing khong khro ba'i dbang du gyur la/ des na de las byung ba'i zhe sdang drag po de'i bdag dang gzhan gdung bar byed pas me lta bu yin la/ me de yis 'phags pa chos kyi rlan dang sems bral bar byed pas sems kyi rgyud skems par byed pa yin la/ de lta bu des na sems brtse ba dang bral zhing snying rje med de dam pa'i spyod pa bzod cing dang ba dang bral bar gyur to zhes bya ba'i don to/ /de ltar brtse ba dang bral ba'i sems ni ji ltar gnas she na/ ji ltar mi bzad lta ba'i dug can dag ces bya ba la sogs pa smos te/ ji ltar zhes bya ba dper bya ba ni mi bzad lta ba'i dug can dag ces pa sbrul gang bltas pa tsam gyis gsod par nus shing/ dug can gyi dbugs kyis brgyal bar byed nus pa'o/ /nad gnas shing ni mkhas rnams spong bar byed ces bya ba ni shing gang gi khong stong gi cha na de lta bu'i sbrul gdug pas gnas bcas pa'i shing de ni mkhas pa blo dang ldan pa rnams rgyang ring por mod kho na la spong bar byed do/ /de bzhin khong khro'i spyod pa sbed pa yi/ /bdag gi bsam pa dge ba rnams spong byed ces bya ba ni dpe bshad pa'i don bstan pa ste/ tshul de bzhin du khong khro ba zhes bya ba sbrul gdug pa lta bu'i zhe sdang gi cha las byung ba'i spyod pa gzhan la gnod par byed pa dug lta bu nang na gnas pa'i tshul sbed par byed cing 'chab par byed pa'i bdag gi bsam pa ste/ sems kyi rnam pa shing lta bu ste/ de dge ba rnams zhes bya ba bslab pa gsum la sogs pa mngon par mtho ba dang nges par legs pa'i rgyur gyur pa'i las kyi tshogs rnams kyis spong bar byed cing 'dor bar byed pa 'di skad ston te/ gal te bdag gi sems la mnar sems dang ldan pa'i zhe sdang gi spyod pa sbrul lta bu gnas na de ni snod dug can lta bu yin pas dge ba'i chos rnams mi gnas shing spong bar byed do zhes bya ba'i don to/ /sems la skyon chags pas chos kyi snod du mi 'gyur ba'i tshul gzhan yang bstan pa'i phyir/ nyi ma'i zer gyis zhes bya ba la sogs pa smos te/ bdag gi bsam pa la dam pa'i chos kyi char 'bab pa don ma mchis so zhes bya bar sbyar ro/ /tshul ji ltar zhe na/ nyi ma'i zer gyis bsregs pa'i rdo 'dra zhing zhes bya ba smos te/ so ga'i nyi ma'i 'od zer shin tu tsha shing rno bas bsregs shing gdungs pa'i rdo leb la char 'bab pa dang 'dra ba ste/ 'dra zhing zhes bya ba ni chos mthun pa ste/ ji ltar rdo ba'i ngos la char gyi rgyun 'bab tu zin kyang 'phel pa 'am myu gu skye ba la sogs pa mi snang zhing nang du yang bdas par mi 'gyur gyi phyi rol brlan pa tsam kho nar 'gyur la de yang skad cig tsam na mi snang bar 'gyur ro/ /de bzhin du nyon mongs pa'i tshogs nyi ma'i zer ltar drag pa brgya phrag gis gdungs par gyur pa'i sems la ni chos kyi char pa'i don med do/ /gzhan yang ji lta bu zhe na/ yongs su bskams pas rdul gyur thal ba 'dra zhes bya ba smos te/ ji ltar thal ba'i tshogs nyi ma'i 'od zer gyis yongs su gdungs shing kun nas bskams par byas pa ni rdul du gyur cing shin tu rtsub par gnas par thal ba dang 'dra pa ste/ ji ltar thal ba'i phung po bskams shing rtsub par gyur pa la char 'bab tu zin kyang khyad par du gyur pa'i dngos po mi skye bas don med pa yin la/ 'on te mang du 'bab pas brlan pa tsam du gyur pas dus gzhan na de bzhin du gnas so/ /tshul de 'dra bar bdag gi sems thog ma med pa'i dus can gyi rnam par rtog pa ngan pa'i tshogs kyis bsdams shing rdul can du gyur pa la chos kyi char 'bab pa don med do/ /gzhan yang ji lta bu zhe na/ bye ma'i tshogs kyis khyab pa'i lam lta bu zhes bya ba smros te/ bye ma'i tshogs ni bye ma'i phung po ste mang po zhes bya ba'i don la/ des khyab pa ni kun nas g.yogs shing khebs pa ste/ de lta bu'i phyogs kyi rgyun lam du ni char 'bab pa don med do/ /lta bur zhes bya ba ni dper bya ba ste ji ltar bye ma'i tshogs kyis khyab pa'i lam du char gyi rgyun mang du bab kyang dgos pa byed par mi 'gyur gyi ring po mi thogs par snga ma kho na bzhin du gnas so/ /tshul de bzhin du/ bdag gi /bsam par chos char don ma mchis zhes bya ba bdag gi sems ma rig pa dang sred pa la sogs pa bye ma lta bus khyab pa'i gzhi la yang dag pa'i chos kyi char 'bab pa don med do/ /dpe 'di dag gis ni 'di skad du ston te/ ji ltar zhing sa bzang po dag tu char 'bab pa ni 'bras bu la sogs pa 'bru'i tshogs dang 'bras bu'i tshogs rnams 'phel zhing rgyas par byed pas don yod pa bzhin du/ rdo ba'i rgyab dang thal ba'i tshogs dang bye ma'i lam du ni de lta ma yin no zhes chos mi mthun pa'i dpes bstan pa yin no/ /dpe gsum smos pa ni lung dang/ rtogs pa dang/ don dam pa ste chos rnam pa gsum yod pas de dag brten pa don med pa dang go rims bzhin du sbyar ba 'am/ theg pa gsum gyi chos bstan pa'i snod du ma gyur pa dang go rim bzhin du sbyar ro/ /'di slob dpon gyi dgongs pa ni 'di yin te/ yon tan gyi tshogs mang pos brgyan cing dam pa'i spyod pa dang ldan pa dag gis kyang re zhig bdag la smad pa ni bya ba'i cha yin te/ gal te nye bar ma brtags pa 'am/ mi dge ba'i bshes gnyen gyi dbang gis sdig pa mi dge ba byas pa na de sbyang ba'i thabs ni bdag la smod pa yin pa 'am/ gzhan dag tshul de ltar bstan pa'i sgo nas nyes pa 'chags su 'jug pa ni rnam par sun 'byin pa'i stobs kyis sdig pa dang bral bar gyur te/ sdig pa shin tu mi bzad byas pa yang/ /bdag la rnam par smod pas bas par 'gyur zhes bshad pa yin no/ /tshul 'di ni skabs 'di dang gzhan dag tu yang sbyar bar bya'o/ /bdag la smod pa'i tshul gzhan dag kyang bstan pa ni/ rang gi sdug bsngal zhes bya ba la sogs pa smos pa yin te/ de'i don kyang kye 'jig rten gyi mgon po zhes bcom ldan 'das la bos te/ de yang bdag gis bzod par mi nus te/ khyed kyis bstan par mdzad pa'i lam la gus pa med cing don med par ma zad kyi khyed kyang bdag gis shes shing rten par ma nus so zhes bya ba ni'ang zhes bya ba'i don yin no/ /ci'i phyir zhe na/ rang gi sdug bsngal mi bzad mi dpyad pas zhes bya ba smos te/ /bdag rang nyid kyis nyams su myong ba'i sdug bsngal gyi tshogs drag cing rtsub pa mi bzad cing gnag par dka' ba de sdig pa'i rnam par smin pa las byung ba yin pas blos ma dpyad cing rtogs par ma gyur pas rgyu des na/ gang zhig bdag la phan par brtson lta bur ni zhes pa khyed lta bu gang zhig bdag la phan par brtson zhing gnod pa las bzlog pa'i mdza' gshes lta bur gyur pa 'am lta bu zhes bya ba dper mi drang bar gang zhig bdag la phan par brtson pa nyid ces nges par gzung bar drang du yang rung ste bdag la phan par brtson pa nyid du gyur pa'o/ /gang gis she na/ bzod dang sbyin pas bdag la phan 'dogs pa/ /'jig rten mgon de'ang bdag gis bzod mi nus zhes bya ba smos te/ bzod pa ni bzod pa'i pha rol tu phyin pa'o/ /sbyin pa ni sbyin pa'i pha rol tu phyin pa ste/ 'di gnyis ni gzhan la phan gdags pa'i thabs kyi dam pa yin pas gtsor smos pa yin te/ de dag gis mchog tu phan 'dogs shing dgos pa sgrub par byed pa'i ngang tshul can yin pa las de dag rjes su ston par mdzad pa na/ bdag gis bzod cing bsten par mi nus so zhes bya ba'i don to/ /bdag ci zhig byed cing bzod mi nus she na/ sdang bar byed dam 'bros shing 'byol ba'am zhes bya ba smos te/ sdang bar byed pa ni dgra bor 'du shes pa'o/ /gzhan yang ci zhig byed ce na/ 'bros shing 'byol pa ste/ phan pa'i gdams ngag bstan pa na de mi bzod par gzhan du 'gro ba'o/ /rab tu g.yeng ngam zlog par byed na yang zhes bya ba ni gdams ngag mi len par phan tshun rgyu zhing gnas su sems phyogs par byed pa 'am/ zlog par byed dam zhes bya ba ni gnas na gnas pa nyid na yang slar tshigs gis zlog cing gshe bar byed pa'o/ yang zhes bya ba ni shin tu dka' ba'i tshul te/ 'di ltar gdul dka' ba mi srun pa sems kyi rgyun log par mos pas skal pa med par gyur pa de lta bu la yang ston par mdzad cing/ dam pa'i chos kyi char gyis sbyin par mdzad pas bdag 'dra ba skal pa med cing rang bzhin ngan pa la yang/ rgyun mi 'chad par bdag 'dra ba la slob byed/ de 'dra'ang bla ma yin snyam bdag mi sems zhes bya ba rgyun mi 'chad par slob par mdzad cing rig pa la 'dzud par mdzad cing skal ba can du byed pa'o/ /de 'dra zhes bya ba de lta bu la yang phan pa'i gdams ngag bstan pa'i bla ma yin pa snyam du bdag mi sems te/ ma rig pas blo'i mig ldongs pa'i phyir log par 'dzin par 'gyur ro zhes bya ba'i don to/ /'di skad ston te/ ji ltar dmus long dag gis nyi ma dang zla ba'i rnam pa mi shes pa bzhin du lus dang sems kyi rgyud ma bsgoms pa'i sems can dag gis kyang chos zab mo'i don rtogs shing phan pa'i gdams ngag len par mi nus so/ /de ltar sems kyi skyod gyi 'gyur ba rnam pa sna tshogs smras nas/ da ni rnal ma'i sems kyis yang bcom ldan 'das la gsol ba 'debs pa'i tshul bstan pa'i phyir/ song ste gsol ba btab kyang rnyed dka' zhing zhes bya ba la sogs pa smos te/ song ste zhes bya ba ni phan 'dogs pa'i rgyu 'ga' zhig yod na don du gnyer ba de de'i thad du song nas bsnyen bkur la sogs pas mnyes par byas te/ gsol ba btab par gyur kyang rnyed par dka' zhing thob par dka' ba lta bu yin pa dang/ bzod pa'i dus su sman chen mchog gyur pa/ /bzod pa'i ngang tshul gal te mi bzod na zhes bya ba gang gi tshe khro ba'i dgra bos gtses pa'i sems rma byung ba na sdug bsngal dang du len pa la sogs pa'i thabs kyis gso dgos pa yin la/ des na de'i tshe bsten pa'i sman sems kyi nad gso bas chen por gyur pa thabs gzhan las khyad par 'phags pa mchog tu gyur pa ni bzod pa yin pas bzod pa bsten dgos na bzod pa'i ngang tshul lam rang bzhin te/ gal te ma bzod cing bsten par ma byas na zhe sdang gi nad gso ba'i bzod pa'i rgyu gzhan bdag la ci zhig mchis shes pa bzod pa'i rgyu'i thabs gzhan bdag la ci zhig mchis te ma mchis so zhes bya ba'i don to/ /da ni nyon mongs pa rang dbang med pa nyid du gyur pa bstan pa'i phyir ro/ nyon mongs srin pos zin pas sems dkrugs shing/ rims bcas bdag phan la yang brtson med pa'i/ /'jig rten blta bar 'os pa mthong ba na/ gtso bo bdag sdang nyid skye'i snying rje'i min zhes bya ba smos te/ /gtso bo zhes bos nas bdag gi sems la ni zhe sdang skye'i snying rje nam yang skye bar ma gyur to zhes ston to/ /su zhig la snying rje mi skye zhe na/ 'jig rten la'o/ /ji lta bu zhe na/ nyon mongs srin pos zin pas sems dkrugs shing zhes bya ba smos te/ 'dod chags dang zhe sdang la sogs pa'i nyon mongs pa rnams ni 'jigs shing gnod pa skyed pas srin po lta bu yin la/ des zin cing dbang du byas pas sems kyi rgyud dkrugs shing rang dbang med par byas pa yin la/ /de nyid kyis na rims dang bcas pa yin te/ sems skyon dang bcas shing mi mthun pa'i phyogs kyis myos par gyur pa yin la/ /rgyu des ni bdag la phan par byas pa'i thabs 'jig rten 'di'am gzhan du sdug bsngal med par bya ba'i las kyi rtsom pa la 'jug pa la yang brtson pa med cing yongs su ngor bar byed pa 'am/ yang na nyon mongs pas dkrugs pa'i phyir bdag nyid g.yang sar mchod pa dang/ dug za ba'i sbyor bas rang nyid la gnod pa byed pa'i 'jig rten pa dag ni blta bar 'os pa zhes bya ste/ gang zhig mthong na rjes su brtse ba'i sems skye zhing snying rje'i yul du gyur pa de ni byang chub sems dpa' i spyod pa dang rjes su mthun par 'gyur ba'i rgyu yin pas blta bar rigs pa yin na/ de lta bu mthong ba na yang nyon mongs pa'i stobs che ba nyid kyis zhe sdang nyid skye bar byed kyi snying rje skye ba ni ma yin no/ /da ni rang nyid rigs pa'i tshul la gnas kyang nyon mongs pa'i dbang du gyur pa'i tshul bstan pa'i phyir/ skye bo rang gi las 'bras la spyod cing/ /thams cad dbang med 'jigs pa yin par shes/ /gzhan dag nyes med par ni brtags gyur kyang zhes bya ba smos te/ skye bo zhes bya ba ni las dang nyon mongs pas bskyed pa'i 'gro ba rnams te/ de ni rang gi las 'bras la spyod cing zhes bya ba gang rang gi lus dang ngag dang yid k yis byas pa'i las kyi 'bras bu rnam par smin pa yid du 'ong ba dang yid du mi 'ong ba la spyod pa yin pa'i phyir gzhan gyi rkyen las gyur pa'i sdug bsngal nyams su myong yang de nyid rang nyid kyis spyad pa'i las kyi 'bras bu yin pas gzhan dag gis nyes pa ma yin pa dang/ sems can thams cad kyang rang dbang med par 'jig pa yin zhing skad cig ma'i chos can yin pa'i phyir thams cad mi rtag par yang shes la/ des na rang gi bde sdug bsngal myong ba ni rang nyid las byung bar gzhan dag gis nyes par gyur pa med do/ /rang gi skyon yin par blos brtags shing shes par gyur kyang bzod par ma nus pa ni rang gi sems gti mug cing ma rig pa'i mun pas bsgribs pa yin pas na mi shes pa'i rab rib dag gis rnam par bslus par gyur pa'i rnam par 'phrul pa 'am nus pa ni ngo mtshar che ba yin pas/ rmongs pa rab rib dag gi rnam 'phrul gzigs zhes bya ba smos pa yin no/ /rnam par 'phrul ba de nyid yang bstan pa'i phyir/ bdag ni nyes pa'i rgya mtsho yin na yang/ /su yi nyes pa'i cha yang bzod mi bgyid ces bya ba smos te/ de la re zhig bdag nyid ni lus dang sems kyi rgyud ngan par byed pa'i nyes pa 'dod chags la sogs pa'i nyon mongs pa dang/ de las byung ba'i las mi dge ba rgya mtsho snyed du mang zhing rgya che ba yod pa yin na yang/ gzhan su yang rung ba'i nyes pa'i rnam pa shin tu phra ba'i cha tsam 'am thigs pa tsam yang bzod par mi bgyid cing mnags mi nus pa de ni bdag gi sems ngo mtshar che'o/ /gzhan yang bzod pa yon tan phun sum tshogs gzhan mchis kyang zhes bya ba la/ bzod pa ni khro ba'i gnyen por gyur pa 'ba' zhig tu ma zad kyi gzugs bzang ba la sogs par 'gyur ba'i yon tan phun sum tshogs pa mdza' yas pa dag yod pa 'am/ yang gzhan gyi bzod pa yon tan phun sum tshogs kyang zhes bshad du yang rung ste/ yon tan dang ldan pa gzhan rnams kyis bzod pa dang tshul khrims la bzod pa'i yon tan phun sum tshogs pa dag kyang ngo/ /gang phyir mi bzod de 'dir ngo mtshar che zhes bya ba ni rgyu gang gis bzod pa'i yon tan mdza' yas kyang de'i cha tsam yang rten cing bzod par mi nus pa de ni rmongs pa'i rang bzhin gyi bdag gi sems 'di ngo mtshar te/ rmad du byung ba yin no zhes bya ba'i don to/ /kyang zhes bya ba ni 'gal bar snang ba'i tshul ston pa yin te/ nyes pa'i rgya mtsho yang yin yang nyes pa mi bzod la/ yon tan mdza' yas kyang yon tan mi brten pa ni 'gal ba yin pa'i phyir ro/ /nyes pa de nyid 'byung pa'i tshul bstan pa'i phyir/ dbyar dus mkha' la ldang ba lta bur ni/ /bdag gi yid la nyon mongs sprin tshogs rnams/ /yang dang yang du 'gro zhing 'ong gyur pa/ /ngo tsha rnam spangs le lo can bdag ngan zhes bya ba smos pa yin te/ dbyar gyi dus su n am mkha' la char sprin gyi tshogs 'dus shing ldang bar gyur nas char 'bebs pa lta bur bdag gi yid kyi mkha' la 'dod chags la sogs pa'i nyon mongs pa'i tshogs glo bur du 'byung zhing sprin dang chos mthun pas sprin lta bu'i tshogs te mang po rnams 'byung ba yin la/ ji ltar 'byung zhe na/ yang dang yang du 'gro zhing 'ong gyur pa zhes bya ba'i don to/ /rgyun tu yang dang yang du phan tshun du 'gro zhing slar 'ong ba yin te/ ji ltar sprin dag mkha' la ldang zhing rgyu ba dang chu'i rgyun 'bebs par byed pa de bzhin du bdag gi sems la nyon mongs pa rnams rtag tu 'byung zhing ldang la sdig pa'i char bskyed nas 'babs par byed do/ /de bas na nyon mongs pa de lta bu dang ldan zhing 'byung bar bdag nyid shes bzhin du ngo tsha ba'i chos rnam par spangs nas nyon mongs pa spang ba'i phyir brtson 'grus la mi brten cing le lo'i dbang du gyur pa ni bdag nyid shin tu ngan te smad par bya ba nyid yin no/ /da ni nyon mongs pa bsal ba'i thabs kyi ting nge 'dzin dang mi mthun par gyur pa bstan pa'i phyir/ gal te nyon mongs grangs lhags byung gyur na/ /ting 'dzin 'bar bas rgyal bar spro gyur kyang zhes bya ba la sogs pa smos te/ nyon mongs pa ni 'dod chags la sogs pa'o/ /de nyid ni tshul khrims 'chal ba la sogs pa'i gnod pa'i rgyur 'gyur ba la lus dang sems nyon mongs par byed pa'i tshul gyis grangs lhags drag po lta bu yin te/ ji ltar grang lhags kyis lus rangs pa na rtsol mi nus pa dang 'dra bar nyon mongs pa'i grang bas nyen pa na 'phags pa'i lam la 'jug mi nus pas grang ba dang 'dra la/ de ni ma rig pa'i rgyu las byung bar gyur pa na sems kyi rgyud las bsal dgos na gang gis bsal zhe na/ ting nge 'dzin te gnyen po bsgom pa las sems rtse gcig tu bya bas so/ /khyad par ji lta bus she na/ 'bar bas rgyal bar zhes bya ba ste/ bsam gtan gyi gtsub shing las byung ba'i ye shes kyi me 'bar bas nyon mongs pa'i grang lhags zil gyis gnon cing rgyal bar bya ba ste/ gang gi phyir grang ba'i gnyen po me yin pa dang 'dra bar chos mthun pa'i phyir ro/ /de lta bu bya bar mngon par spro zhing rtsol bar gyur kyang ngo/ /de ltar rtsol ba na nyes pa ci zhig 'byung zhe na/ gnyid dang rmugs pa'i rab rib bdo gyur mal stan 'dod pa dag kyang rnam par 'phel zhes bya ba smos te/ gnyid ni gang gis 'jug pa rang dbang med par sems sdud pa'o/ /rmugs pa ni gang gis sems blong zhing yul legs par 'dzin mi nus pa ste de gnyid ni mi shes pa'i rgyu yin pas na rab rib po/ /de bdo ba ni shugs drag par 'byung bas sems gsal ba zil gyis gnon par nus pa'o/ /rgyu des na ma bstan 'dod pa dag kyang rnam par 'phel zhes bya ba gnyid dang rmugs pa'i shugs kyis ting nge 'dzin gyi yul la gtod par mi nus kyi/ ci nas kyang mal stan bde mo dag la nyal bar 'dod pa'i sems 'byung zhing le lo rnam par 'phel bar 'gyur ro/ /de ltar nyon mongs pa'i gnyen po la brten mi nus pas cir 'gyur zhe na/ bdag yid 'dod chags zhags pas dbang med bgyis zhes bya ba smos te/ bdag gi yid ting nge 'dzin dang bral bas nyon mongs pa'i dbang du gyur pa yin pas 'dod chags zhags pas dbang med bgyis zhes bya ba la/ 'dod chags ni yul la mngon par zhen cing chags pa yin la/ de nyid ni 'ching ba dam po yin pas zhags pa dang 'dra la des sems kyi rgyud rang dbang med par bsdams shing grol ba'i dbang med par byas pas na dbang med bgyis zhes bya ste/ stobs med par byas so zhes bya ba'i don to/ /zhe sdang mes bsregs nga rgyal dag gis bcom zhes bya ba ni sems kyi kun nas mnar sems pa'i mes rang gi rgyud la gnas pa'i 'phags pa'i lam dang rjes su mthun pa'i dge ba rnams bsregs shing zad par byas pa'o/ /nga rgyal dag gis bcom zhes bya ba ni nga rgyal dang che ba'i nga rgyal la sogs pas sems kyi rgyud khengs shing 'phags pa'i nor dang bral bar byas pa'o/ /de dag 'ba' zhig tu zad dam zhe na/ ma yin te/ nyes pa kun gyi mda' mdung mtshon cha yis/ /kun tu gang bas dbang med pa rgyal bar gyur ces bya ba nyes pa yang yin la kun yang yin pas na nyes pa kun gyi ste/ ji skad smos pa'i nyon mongs pa de las gzhan pa'i nyon mongs pa dang nye ba'i nyon mongs pa'i tshogs rnams so/ /nyon mongs pa de dag nyid rno ba'i phyir dang sems kyi rgyud phra rab 'bigs pa'i phyir mda' lta bu yin la/ rags pa'i tshul gyis 'bigs shing gnod pa tshabs che bar bskyed pa'i phyir na mdung lta bu yin te/ de lta bu'i mtshon cha gang yin pa de yis sems kyi rgyud kun tu gang ba ste lus la phog pa'i mtshon cha zug rngur lus pa dang/ phyi rol chod pa dang 'dra bar bag la nyal ba dang/ kun nas dkris pa'i nyon mongs pa'i tshogs kyis sems la khyab pa'i rgyu des na gnyen po'i chos la rtsol ba'i dbang med par shin tu zhum par gyur cing/ /'phags pa'i lam la rtsol mi nus par gyur pa 'am/ brgyal zhing myos pa lta bur gyur to zhes bya ba'i don to/ /nyon mongs pas sems dbang du byas pa'i nyes pa gzhan dag kyang bstan pa'i phyir/ dran pa rnyed nas bcings shing myur skrag la/ rab tu bcom pas rnam par zhum gyur cing/ /g.yo dang sgyu rnams kyis kyang bslus gyur pas/ /dman pa bdud kyi spyod yul dag na 'khyam zhes bya ba smos te/ de ltar nyon mongs pas zil gyis mnan te brgyal ba lta bur gnas pa slar sems kyi gnas skabs rnal du 'dug pa'i dran pa rnyed pa na yang slar nyon mongs pa rnams kyis bcings shing de'i dbang du 'gyur la/ de nyid kyis na myur du skrag par 'gyur te/ sems rnal du 'dug pa'i tshul la ring por mi gnas par nyon mongs pa'i tshogs kyi mtshon cha rnams kyis dkrugs shing skrag par byas la rab tu bcom zhing zil gyis mnan par byas pas sems kyi ting nge 'dzin gyi yul la rtsol mi nus par rnam par zhum par 'gyur zhing nus pa dang bral bar 'gyur la/ de nyid kyis na sems mi mthun pa'i dbang du gyur par g.yo sgyu la sogs pa'i nyon mongs pa rnams kyang 'byung bas des sems bslus shing 'phags pa'i lam stor bar 'gyur la/ des na sems gnyen po'i stobs dang bral te nus pa zhan cing dman pas mi shes pa'i dbang gis bdud kyi spyod yul nyon mongs pa'i tshogs kyi nang na gnas shing yun ring bor don med par 'khyam par 'gyur ro zhes bya ba'i don to/ /de lta bu'i nyon mongs pa de bsal ba'i phyir zhi gnas dang lhag mthong sgom pa yin na yid gtong mi nus par bstan pa'i phyir/ ji lta ji ltar zhi gnas la dmigs shing/ de dag der yid yang yang gtad pa na/ de dang de las nyon mongs zhags pa ni/ /yul la chags pa'i thag pas dbang med drangs zhes bya ba smos te/ tshul ji lta ji ltar zhi gnas zhes bya ba dmigs pa'i yul la rtse gcig pa bsam gtan gyi tshul la gnas shing sems kyis dmigs par byed la/ rtse gcig pa de thob par bya ba'i phyir ting nge 'dzin gyi yul gang yang rung ba de dang der yid yang dang yang du gtong cing rtse gcig pa la slob par byed pa na yang de ltar gnas par mi 'gyur te/ dmigs pa'i yul de dang de las ni gnas su gyur pa'i nyon mongs pa'i zhags pa dam po lta bu 'dod pa'i yul lnga la mngon par chags shing zhen pas sems phyi rol tu ltas par gyur pa'i thag pa lta bus sems kyi rgyun dmigs pa'i yul la nang du gnod pa las rang dbang med par phyir drangs shing g.yeng bar 'gyur ro/ 'di skad ston te/ rnam par rtog pa'i tshul bsal ba'i phyir gang gi tshe zhi gnas kyi stobs kyis sems nang du bsdus te/ shes rab kyis chos rnams rang bzhin gyis dben zhing rtog pa dang bral ba'i yul la gtad pa na yang nyon mongs pa'i tshogs kyis bskyed pas sngon nyams su myong ba'i yul gyi dbang du 'gyur zhing g.yengs par byed do zhes bya ba'i don to/ /de ltar gyur kyang yul la blan pa'i rtsol ba bsten te sems mnyam par bzhag mod ce na/ de ltar gnas par dka' bar bstan pa'i phyir brtson pa bsten na rgod pa 'byung 'gyur zhing zhes bya ba smos te/ brtson pa ni 'dir dge ba'i phyir la mngon par spro bas bsgrims te 'jug pa la bya'i/ /ra ma Na dang/ ba ra ta'i sgrung las byung ba'i si ta dang/ gro ba ta slar dgug pa'i phyir rtsol ba la sogs pa lta bu 'dod chags dang zhe sdang gis kun nas bslang ba las byung ba'i rtsol ba la ni mi bya'o/ /des na 'dir le lo'i gnyen po brtson 'grus kyi sbyor ba la brten cing gnas pa na/ /rtsol bas sems zhi ba las nyams pa'i phyir sems phyi rol tu rgod cing 'phyar ba 'byung bar 'gyur ro/ /de ltar gyur na brtson pa yang spong med ce na/ de spangs na ni zhum pa bskyed par 'gyur/ /'di yi rigs par mnyam 'jug rnyed dka' na/ /bdag gi sems dkrugs pa ni ji ltar bgyi zhes bya ba smos te/ /rgod par 'gyur ba'i nyes pa mthong nas brtson pa de spangs te rtsol ba btang bar gyur na/ sems nang du zhum zhing dmigs pa la gtod pa mi skye bar 'gyur ro/ /de bas na nyon mongs pa dang ldan pa'i sems 'di'i tshul las rgod pa dang zhum pa'i tshul gnyis ka dang bral zhing cha mnyam par gnas pa ni sems rigs par mnyam du 'jug pa yin pa las de ni shin tu rnyed cing thob par dka' ba nyid kyis na/ bdag gi sems mi brtan zhing nyon mongs pa'i tshogs kyis dkrugs pa ji ltar bgyi zhes pa ste gnyi ga ltar yang skyon du 'gyur zhing brtan pa dang bral ba'i de ci zhig la spyod par bgyi zhes bya ba'i don to/ /spang ba dang blang ba'i cha ni shes rab kyis 'grub par 'gyur bas de bsten par bya'o/ /zhe na/ de'i phyir shes rab la spyod na ni rgod pa 'byung/ 'dzin la brten na zhum pa skye bar 'gyur/ /'di na zung du 'jug pa rnyed dka' na zhes bya ba smos te shes rab ni chos rnams kyi spyi dang rang gi mtshan nyid la khyab par ji lta ba bzhin du rnam par spyod pa yin la/ de lta bu de la gzhan zhig spyod par 'gyur na ni rgod pa 'byung bar 'gyur te/ /'di ltar sems zhes bya ba'i yul sna tshogs la rnam par 'phyos pas zhi bar mi nus so/ / gal te de spangs nas sems zhi gnas kyi yul gang yang rung ba la gtang ba'i tshul gyis 'dzin cing nang du sdud pa kho na la brten par 'gyur na ni/ /shes rab dang bral zhing yul rnams las blan pa'i phyir shes rab kyi cha gsal ba dang bral bas sems nang du zhum pa skye bar 'gyur ro/ /de ltar na skyen chags pa 'di'i zung du 'jug pa zhes bya ba zhi gnas dang lhag mthong cha mnyam par gnas pa ni zung du 'jug pa zhes bya ste/ 'di ltar glang gnyis kyi gnya' shing cha mnyam par gnas pas zhing s a shin tu sra ba dag kyang legs par 'byed par nus pa dang 'dra bar gang gi tshe sems zhi gnas dang lhag mthong cha mnyam par gnas pa mar me rlung gis ma bskyod pa ltar gnas pa'i tshe nyon mongs pa'i tshogs spangs pa'i ye shes skye ba yin la las dang po'i sems la zung du 'jug pa de shin tu rnyed dka' zhing de ltar gnas par mi nus la/ de nyid kyis na sems nyon mongs pa'i dbang du gyur pa'i phyir/ /bdag gi sems dkrugs pa ni ji ltar bgyi zhes bya ba smos so/ /bdag gi sems zhi gnas dang lhag mthong dang bral bas rnam par 'jug pa la gnas mi nus pas/ /dkrugs shing g.yengs par gyur pa 'di ltar spyad par bgyi zhing ci zhig bsgrub par bgyi/ /zhes bya ba'i don to/ /don de nyid la rtsol ba kho nas 'jug mod ce na/ 'bad pas 'jug na rgod pa 'byung 'gyur zhing/ /de slong na ni zhum pa skye bar 'gyur zhes bya ba smos te/ /zung du 'jug pa la sogs pa'i tshul du sems de gnas pa'i phyir shin tu 'bad pas bsgrims te 'jug cing rtsol ba na sems de rgod cing g.yeng ba 'byung bar 'gyur bas bcom pas rtsol ba las kyang sems gnas pa mi rnyed la/ de ltar de nyid yin pas de bzlog pa'i phyir 'bad pas 'jug pa'i sems de glod cing rtsol ba btang bar gyur na ni dmigs pa'i yul brjod pa la sogs pa'i skyon gyi sems nang du zhum zhing bying ba skye ba 'byung bar 'gyur bas/ tshul 'di ltar gnas pa las kyang ting nge 'dzin la sems rtse gcig pa'i sems skye bar mi 'gyur ro/ /de bas na 'di yi dbu mar sgrub pa la rnyed dka' na zhes bya ba smos te/ de ltar rgod pa dang zhum pa'i nyes pa dang ldan pa'i sems 'di dbu mar bsgrub pa zhes bya ba zhum rgod kyi mdza' gnyi ga dang bral bas dbu mar bsgrub cing mnyam par gnas pa gang yin pa de 'ang shin du rnyed par dka' ste/ /sems ni rang bzhin gyi gdul dka' ba yin pa'i phyir mi mthun pa'i dbang du gyur pa kho na yin no/ /de'i phyir bdag gi sems ni dkrugs pa ji ltar bgyi zhes bya ba smos te/ sems rang bzhin gyi dag cing 'od gsal ba yin na yang glo bur ba'i nyon mongs pa'i tshogs kyis dkrugs shing rnyog pa can du gyur pas yang dag pa'i don gyi gzugs brnyan 'char zhing mthong bar mi nus na/ ji ltar gnas shing bsgrub par gyi zhes sems nyid kyi nyes pa brjod pa'i sgo nas bshags pa'o/ da ni nyes pa'i rtsa ba ma rig pa las byung ba'i bdag tu 'dzin pa yin par bstan pa'i phyir bsam gtan nags mes yang dang yang du ni zhes bya ba smos te/ bsam gtan zhes bya ba sems mnyam par gzhag pa ste bsam gtan bzhi la sogs pa'o/ /des ni nyon mongs pa'i tshang tshing rnams bsreg cing zad par byed pas na nags la mched par byed pa'i me chen po dang 'dra la/ de lta bu'i me des yang dang yang zhes bya ba skad cig ma re re'i dus dag du'o/ /ci zhig byed ce na nyes pa'i nags tshal bsregs par gyur na yang zhes bya ba smos te/ /'dod chags la sogs pa'i nyes pa ste/ de nyid mang zhing bsreg par bya ba'i gzhir gyur pas nags tshal dang 'dra ba de bsam gtan gyis mes sregs par gyur cing bsal bar gyur kyang/ bdag lta'i rtsa ba brtan po ma zad pas zhes bya ba bdag dang bdag gir 'dzin pa nyon mongs pa skye ba'i gzhir gyur pas rtsa ba lta bu'i thog ma med pa'i dus nas byung bas shin tu brtan pa gang yin pa de yang dag pa'i shes rab kyis zad par ma byas shing drungs nas dbyung bar ma byas par slar yang rab tu skye ba yin no/ /tshul ji ltar zhe na/ char gyis brlan bzhin mdun na rab tu skye zhes bya ba smos te/ ji ltar dbyar gyi tshe rtsa dang shing dag bsreg par gyur kyang g ang zhig rtsa ba tshig cing bton par ma gyur pa de brlan dang phrad pa na slar skye ba dang 'dra bar bdag tu lta ba ni nyes pa kun gyi rtsa ba yin pas de ma spangs na yul gyi rkyen dang ldan pa na nyon mongs pa'i kun tu rgyu ba mdun na gnas pa'i tshul du mngon du skye bar 'gyur ro/ /nyon mongs pa'i rtsa ba de ni gang zag la bdag med par mthong bas kyang sel bar 'gyur pas shes rab kyi cha de tsam gyi chog go zhe na/ gang zhig nyon mongs las 'bras tsam gyi rgyun/ /mthong ba yis kyang de ni ldog 'gyur la zhes bya ba smos te/ nyon mongs pa ni 'dod chags dang zhe sdang la sogs pa'o/ /las ni dge ba dang mi dge ba dang lung du ma bstan pa'i bdag nyid can no/ /'bras bu ni rnam par smin pa'o/ /tsam zhes bya ba dbang phyug la sogs pa las dgar ba ste/ nyon mongs pa dang las kyi 'bras bu nyi tshe tsam yin gyi de las logs shig na byed pa po med do/ /de'i rgyu ni skad cig ma'i rgyun chags su 'byung ba ste/ de mthong zhing rnam par spyod pa'i rnal 'byor pa dran pa dang shes bzhin dang ldan pa'i shes rab kyis mthong ba na yang bdag tu lta ba de ldog par 'gyur te/ rnam par brtags na 'khor ba'i rgyun ni las dang nyon mongs pa 'ba' zhig tsam las 'byung gi de las logs shig na bdag ces bya ba ma grub pa'i phyir ro/ /de l og pa 'ba' zhig tu ma zad kyi sems kyi rgyun kyang spong bar byed mod kyi zhes bya ba 'phags pa nyan thos skad cig ma'i tshul du gnas pa'i sems kyi rgyun sdug bsngal gyi bden pa'i ngo bo rnam par shes pa'i phung po rdzas su brtags pa de de'i gnyen por rnam par shes pa'i stong pa nyid ces bya ba 'gog pa'i bden pa la dmigs pa'i lam gyi bden pa skyes pas mi mthun pa dang gnyen po'i tshul du spong bar byed ce na/ stong pa nyid kyi ngo bor gyur te bdag dang gzhan dmigs pa med pas/ /'gro ba'i don brtson pa las shin tu ring zhes bya ba ste/ gcig tu stong pa'ang yin cig tu mi stong pa'ang ma yin par lta ba'i shes rab khyad par can dang bral ba'i phyir 'khor bar gnas shing sdug bsngal gyis zhum pas gzhan gyi don yongs su rdzogs par byed mi nus pa zhes bya ba'i don to/ /'gro ba'i don las ji ltar na ring ba yin zhe na/ skyob pa chags pa tsam dang rnam bral bas zhes bya ba smos te/ skyob pa zhes bya ba ni 'phags pa'i bden pa bzhi dang ldan pa'i chos kyis rang gi rgyud skyob par byed pa 'am mchod par 'os pa la bya ste 'phags pa dgra bcom pa dag go / de ni chags pa tsam zhes bya ba 'khor bar 'gro ba las rjes su chags pa'i sred pa tsam dang bral zhing de spangs par gyur pas de dang rnam par bral ba yin la gzhan yang 'gro ba kun la bltos pa med gyur pa'i zhes bya ba 'gro ba yang yin la kun kyang yin pas 'gro ba kun te khams gsum par rtogs pa thams cad do/ /de la bltos pa med par gyur pa ni de rnams 'khor ba las gdon cing sdug bsngal las thar par bya ba'i phyir 'jug pa'i bltos pa'i rtsol ba spangs par gyur pa ste rang gi don lhur len pa dag go / de'i sems kyi rgyu ni mya ngan las 'das pa yin no/ /zhes bstan pa'i phyir/ /sems kyi rgyun ni rgyu zad mar me bzhin/ /phung po lhag ma zad pa'i mya ngan 'das zhes bya ba smos te/ de la sems ni rnam par shes pa'i rang bzhin no/ /de'i rgyu ni skad cig ma cig nas cig tu brgyud pa'i tshogs te/ rgyun de ye shes kyi dag cing gnas gyur pa na rgyu zad pa'i mar me bzhin zhes bya ba ji ltar mar me'i rgyu snum zad par gyur pa na mar me 'bar ba med par 'gyur ba de bzhin du/ /rdo rje lta bu'i ting nge 'dzin las byung ba'i ye shes kyis bag chags dang bcas pa'i nyon mongs pa spangs pas mya ngan las bzlas par gyur pa yin la/ de yang lhag ma med pa'i mya ngan las 'das pa ste/ sngon gyi las dang nyon mongs pas skyed pa'i phung po lhag ma tsam gnas pa de yang ye shes kyis mes bsregs te zad cing med par byas nas mya ngan las 'das pa'i dbyings la gnas par 'gyur bas na 'gro ba'i don bya ba dang shin tu ring ngo zhes bya ba'i don to/ /da ni de lta bu'i 'gro ba'i don ni byang chub kyi sems las byung na de dang rang gi rgyud mi mthun par bstan pa'i phyir/ gang yang 'gro kun nyam thag sel byed pa zhes bya ba la sogs pa smos pa yin te/ gang yang zhes bya ba ni byang chub kyi sems so/ /yon tan ji lta bu dang ldan zhe na/ /'gro ba nyams thag ma lus sel byed pa zhes bya ba smos te/ /skye ba bzhis sdus pa'i sems can srid pa'i rtse mo'i bar du gnas pa thams cad kyi sdug bsngal thams cad sdug bsngal gsum gyis gzir cing nyam thag pa ma lus par sel cing med par byed pa yin no/ /de lta bu su zhig yin zhe na/ byang chub sems ni bdud rtsi bcud kyis len zhes bya ba smos pa yin te/ byang chub tu smon pa der 'jug pa'i bdag nyid can gyi byang chub sems so/ /khyab par ji lta bu zhe na/ bdud rtsi bcud kyis len zhes bya ba smos te/ bdud rtsi za ba ni 'chi bas mi tshugs pa dang 'dra bar byang chub kyi sems kyis 'phags pa'i lam gyi srog 'dzin cing go 'phang thams cad thob par byed pas bdud rtsi lta bu yin la/ sman bcud kyis len bsten pas ni skra dkar dang gnyer ma sel cing nad med par byed pa dang 'dra bar byang chub kyi sems kyis bdag dang gzhan gyi rgyud du gtogs pa'i sdug bsngal dang nyon mongs pa 'joms par byed pa yin no/ /de ltar yon tan dang ldan pa nyid kyis na nyams su blangs dgos pa nyid kyi phyir/ /byang chub rgyu ru mi rtog bsgom pa na zhes bya ba smos te/ byang chub ni rnam pa thams cad mkhyen pa'i ye shes te/ de thob par bya ba'i rgyu dang gzhir mi rtog pa bsgom pa na zhes bzung ba dang 'dzin pa rnam par spangs pa'i tshul gyis spros pa med pa'i don yid la bya ba slob na'o/ /gnas skabs der sems de ltar gnas sam zhe na/ ma yin te/ de tshe bdag ni rnam rtog kho nar rgyug ces bya ba spros te/ byang chub kyi sems kyi ye shes chen po bsgrub par bya ba'i phyir slob par byed pa de'i tshe/ de tshe bdag ni rnam rtog kho nar rgyug ces smos te/ las dang po pa yin pa'i phyir bdag gi sems ni rnam par rtog pa kho nar rgyug te/ rnam par rtog pa ni yang dag pa ma yin pa'i kun tu rtog pas bskyed pa'i tshul bzhin ma yin pa'i rnam par rtog pa du ma la rgyu gcig phyogs par 'gyur ro zhes bya ba'i don to/ /kho na zhes bya ba'i sgras ni tshul gzhan las rang dgar ba ste/ des na gzhan gyi yul ma yin pa'i phyir sems kyi gzhi la ni rnam par rtog pa kho na brten gyis gzhan dag ma yin te/ dper na sring bsgrub kho na gzhu thogs pa yin gyi gzhan dag ni ma yin no/ /zhes bya ba bzhin no/ /'dir dris pa de ni mi rigs te/ chu bo rgya mtsho ri bo rnams/ /'di dag sems kyi rnam 'phrul yin zhes bshad pas sems las logs shig na gzhan med pa'i phyir rten dang brten par gdags su mi rung zhe na/ de lta yin mod kyi mdo sde pa'i tshul gyis yul sems gnyi ga grub par 'dod pas 'gal ba med do/ /bsgoms pa la gnas kyang rnam par rtog pa bsal bar nus pa'i tshul gzhan dag bstan par bya ba'i phyir/ /rmi lam tshul 'drar 'gro kun gang gis kyang zhes bya ba smos te/ rmi lam zhes bya ba ni sngon nyams su myong ba'i rgyus med kyang snang du rung ba ste bslu ba nyid do/ /ji ltar na rmi lam na yul gyi bzang mo la sogs pa chags pa'i yul lam/ dgra bo dang sdang ba'i yul med kyang snang ba'o/ /tshul 'dra zhes bya ba ni de dang tshul mthun pa'o/ /ci zhig mthun zhe na/ 'gro ba ste snying po med pa'i 'khor ba'i gnas 'di na gnang ba'i dngos po rnams so/ /ji ltar mthun zhe na/ gang gis kyang/ ci yang 'dzin pa nyid du rnam par rtog pa 'am/ 'dzin pa po gang dag gis kyang yul lam gzung bar bya ba zhes pa'i dngos po phra rags ci yang 'dzin cing len pa nyid du mi byed do/ /dper na rmi lam na yul kyi dngos po sdug pa dang mi sdug pa rnam pa du ma mthong zhing zhen pa'i yul du gyur kyang de ni 'khrul pa'i rang bzhin yin pa'i phyir yang dag par na ci yang yod pa ma yin pa dang 'dra'o/ /bsgoms kyang rtog pa po dang ni rtog bya yi/ /rnam rtog dgra yi spyod yul nyid la spyod ces bya ba ni chos thams cad rmi lam dang 'dra'o zhes thos shing shes pa 'ba' zhig tu ma zad kyi/ /don de yang dang yang du bsgoms shing goms par byas kyang rnam par rtog pa'i dbang du gyur to zhes bya ba ni kyang gi sgra'i don yin no/ /rnam par rtog pa de yang ji lta bu zhe na/ rtog pa po dang zhes bya ba la sogs smos te/ rtog par byed pas na rtog pa po ste 'dzin pa po'i sems so/ /rtogs shing khong du chud par bya ba yin pas na rtogs bya ste/ gzung bar bya ba'i yul rnams so/ /de dag yod pa nyid du rtog pa gang yin pa de ni rtog pa po dang rtogs bya'i rnam rtog ste/ gzung ba dang 'dzin pa'i rnam par rtog pa rnams zhes bya ba'i don to/ /de nyid ni bdag med pa dang rnam par mi rtog pa'i mi mthun pa'i phyogs yin pas na dgra ste/ rnam par rtog pa'i dgra bo de lta bu'i spyod yul te yul du gyur pa nyid la bdag rtag tu spyod cing de'i dbang du gyur pa'am/ des bcom par 'gyur ba ste/ rmi lam ltar rdzun pa rin par shes shing yul las sems blan zhing bsgoms su zin kyang thog ma med pa'i dus can gyi rnam par rtog pa'i tshogs kyis bcom par 'gyur ro/ /zhes bya ba'i don to/ /de ltar rnam par rtog pa bzlog dka' ba dang/ rang gi gnyen po nyam chung ba nyid du shes nas/ bcom ldan 'das nyid la gsol ba gdab par bstan pa'i phyir/ gtso bo shin tu mi bzad 'tshe ba 'di/ /gzigs la bdag la lta ba dri med stsol zhes bya ba smos te/ gtso bo zhes bya ba ni bod pa ste/ chos thams cad la mnga' brnyes pa'am/ nyon mongs pa'i nad rnams gso bar byed pas na gtso bo'o/ /shin tu mi bzad 'tshe ba 'di zhes bya ba ni rang gi sems kyi rgyud la 'dod chags la sogs pa'i nyon mongs pa'i rgyud las byung ba'i gnod pa 'phral dang yun du lus dang sems kyi rgyud gdung bar byed pa drag cing shin tu mi bzad pa mngon sum du gyur pa 'di la gzigs la bdag la lta ba dri med stsol zhes bya ba 'tsho bar gyur ba de dag gi sman du gyur pa'i yang dag pa'i lta ba mi mthun pa dang nyes pa'i dri mas ma gos pa stsol cig ce'o/ /de dag ni rang gi rtsol ba'i stobs kyis bskyed med ce na/ bdag ni gces pa gang dang rtog pa gang/ de dang de nyid dang por rnam par nyams zhes bya ba smos te/ 'di ltar gces shing snying por bya ba'i dngos po tshad med pa'am/ pha rol tu phyin pa rnams dang rjes su mthun pa'i gnyen po'i lam gang dang gar rtog cing dpyod par gnas pa na lam de dang de nyid dang po kho nar rnam par nyams shing 'jigs par 'gyur ro zhes ba ste/ don du na nyon mongs pa'i tshogs gzhom pa'i phyir gnyen po gang la brten kyang de nyams chung ? mi mthun pa'i phyogs kyis zil gyis gnon par 'gyur ro zhes bya ba'i don to/ /skyon rnams bdag nyid kyi nyes pa yin par bstan pa'i phyir/ yang na sngon tshe bgyis pa'i bdag nyid nyes/ 'di la bcom ldan 'das kyis ci zhig mdzad ces bya ba smos te/ yang na 'di ni rang nyid las byung ba'i nyes pa yin pas ci zhig mdzad du mchis zhes sbyar ro/ /gang gi tshe nyes pa byas pa she na/ sngon tshe bgyis pa ste thog ma med pa'i dus nas brgyud pa'i sngon gyi tshe rabs rnams su yang dag pa ma yin pa'i kun tu rtog pas bskyed ba'i phyir phyin ci log gi bag chags su bsags pa'i phyir ro/ /ci zhig ce na/ bdag gi nyes pa 'di lta ste gnyen po la brten cing snying por byas pa la tshol yang log pa'i dbang du gyur pa la sogs pa'i nyes pa'i skyon chags pa 'di la'o/ /bcom ldan 'das ni bdud bzhi bcom pa 'am/ dbang phyug la sogs pa'i yon tan drug dang ldan pa ste sangs rgyas so/ /de lta bu bcom ldan 'das khyod kyis ci zhig mdzad ces bya ba ni bcos dka' ba ste/ nyon mongs kyi dbang du gyur cing bdud kyi spyod yul na byam pa ni rang gi nyes pa yin la/ 'gro ba rnams ni las bdag gir bya ba yin pas rang gis byas pa'i las kyi 'bras bu nyid la spyod kyi/ bde ba dang sdug bsngal gyis byed pa po ni bcom ldan 'das ma yin te/ de'i phyir mdo las kyang/ nga ni zhing yin gyi sa bon ma yin no/ / zhes gsungs pa yin no/ /don de nyid dpes bstan par bya ba'i phyir/ 'jig rten kun gyi mun sel nyi ma yang zhes bya ba smos te/ 'jig rten yang yin la kun kyang yin pa'i phyir 'jig rten kun te/ thams cad la snang ba byed par tshul mthun pas rgyu ba dang mi rgyu ba'i 'jig rten gnyi ga la bya'o/ /de rnams kyi mun pa ni snang ba med pa'i smig du gyur pa ste/ de sel cing 'joms par byed pa gang yin pa de la de skad ces bya'o/ /su zhig ce na/ nyi ma ste 'od zer stong ldan no/ /de lta bu'i yon tan dang ldan pa'i nyi ma yang/ /dmus long dag gi mun nag sel mi bgyid ces pa smus long zhes bya ba skyes ma thag nas long bar gyur ba dag gi mun nag ni sel cing 'joms par mi byed mod kyi/ /de ni nyi ma'i nyes pa ma yin gyi dmus long rang nyid kyi nyes pa las byung ba yin no/ /de bzhin du sangs rgyas bcom ldan 'das chos kyi nyi mas sde snod gsum dang ldan pa'i dam pa'i chos kyi 'od zer gyis 'gro ba'i snying la gnas pa'i mi shes pa'i mun pa 'joms par spyod na yang lta ba log pa la zhen cing shes rab kyi mig dang bral ba rnams kyi nyes pa sel bar mi mdzad pa ni 'gro ba nyid kyi nyes pa yin gyi ston pa'i ni ma yin no/ /de ltar rang gi nyes pa'i rang bzhin smras nas/ gzhan yang 'phags pa'i lam gyi gso bar dka' ba'i tshul bstan pa'i phyir/ /yun ring dus su nang gzhi sten byed cing/ der yang rgyun tu sems ni rnam rmongs pa'i/ /mdze can rkang pa lag pa chad pa la/ /thang 'ga' sman bsten pa yis ci bgyid mchis zhes bya ba smos te/ mdze'i nad gsor mi rung bas zin pa la sman gyis ci bgyir mchis zhes bya bar sbyar ro/ /mdze can ji lta bu she na/ yun ring dus su nang gzhi sten byed cing zhes bya ba ste/ las gang gis mdze skyed par byed pa dkon mchog gi rten gshig pa la sogs pa zas dang spyod lam mi 'phrod pa la sogs pa'i nad gzhi de la yun ring po'i dus su rten cing gnas par byed pa na'ang nad gzhi ste de yang rtag par rgyun tu sems rnam par rmongs pa ste/ de bsal ba'i thabs kyi sbyor ba la thang 'ga' yang gnas par mi byed pa dang/ yang zhes bya ba nad gzhi la brten pa 'ba' zhig tu ma zad kyi de la sems zhen par yang byed pa'o/ /gzhan yang ji lta bu zhe na/ rkang pa lag pa chad pa zhes bya ba ste/ de ltar nad gzhi la gnas shing gso ba ma byas pa'i dbang gis mdzes lus thams cad la khyab ste/ mthar rkang pa dang lag pa dag kyang chad cing 'drul bar 'gyur ba'i mdze can la/ /dus thang 'ga' zhig mdze la phan pa'i sman bsten cing zos kyang de yis gso ba'i don mi byed pas ci bgyir mchis zhes bya ste/ des so nang med par mi 'gyur ro zhes bya ba'i don to/ /de bzhin du rang gi rgyud du gtogs pa'i nyon mongs pa'i nad kyi rgyud ni bdag tu lta ba yin pas lta ba de la dus yun ring por gnas shing mngon par zhen par yang byed la/ de'i gnyen po 'phags pa'i lam yang mi tshol bas gsor mi rung bar gyur pa dag la ni yang dag pa'i lam gyis bya ba mi byed de zhes bya ba'i tha tshig go / yang rang gi nyes pa'i tshul las byung ba'i dpe gzhan dag gis kyang bstan par bya ba'i phyir/ /sems kyi shing ni thog ma med dus can zhes bya ba la sogs pa smos te/ sems ni rnam par shes pa'i tshogs te/ de nyid dpe shing dang 'dra bas na shing ngo/ /dus ji tsam nas byung zhe na/ thog ma med dus can zhes bya ba ste/ thog ma med pa yang yin la dus kyang yin pas thog ma med dus can/ dus can ni nyi ma dang zla ba dang gza' dang skar ma la sogs pas yongs su bcad pa la bya ba la/ de yang 'khor ba la thog ma med pas de skad ces bya'o/ /de lta bu'i dus su shing de gang gis skyed ce na/ nyon mongs kha ba'i khu bas brlan bsgos pa zhes bya ba ste/ nyon mongs pa ni 'dod chags la sogs pa yin la/ de dag nyid ni 'phags pa ma yin zhing ro myangs na gdug la mi zhim pas kha pa'i khu ba ste/ nim pa la sogs pa'i khu ba dang 'dra la/ de lta bu'i khu bas brlan pas bskyed cing 'phel bar bya ba yin la rgyu de nyid kyis ro zhim dngos por bgyi bar mi nus la zhes bya ba ste/ ji ltar shing ro kha ba de chu yang kha pas brlan cing bskyed pa dag ni mngar ba la sogs pa'i rang bzhin du bya bar mi nus pa dang 'dra bas na sems kyi rang bzhin nyon mongs pas bskyed ba yang 'phags pa'i lam gyis bsgyur bar dka' ba'i don to/ /ji tsam zhig gi she na/ yon tan chu yi thigs pas ci ru 'gyur zhes bya ba ste/ shing de lta bu la mngar ba la sogs pa'i yon tan brgyad dang ldan pa'i chu'i thigs pa gcig blugs pas ci ru 'gyur te/ /thams cad ro zhim par mi 'gyur ro/ /de bzhin du sems kyi rang bzhin thog ma med pa'i dus can gyi nyon mongs pas bskyed pa yang dag pa'i lam gyis bsgyur cing bcos par dka' ba dag la ni gnyen po'i chos yon tan gyi chu'i thigs pa tsam gyis nyon mongs pa'i tshogs sbyong zhing 'phags pa'i lam gyi chos skye bar mi 'gyur ro zhes bya ba'i don to/ /yang yid kyi sgo'i nyes pa bstan par bya ba'i phyir/ bdag yid nyes pa kun gyi rang bzhin nyid ces bya ba smos te/ bdag gi yid la nyon mongs pa'i tshogs kyis dkrugs pas spang ba dang blang bar bya ba'i dpyod pa dang bral bas 'di dang gzhan du gnod par 'gyur pa'i nyes pa 'dod chags dang/ zhe sdang la sogs pa'i nyes pa kun gyi rang bzhin nam ngo bo nyid du gnas la/ nyes pa de bsal ba'i gnyen po'i mchog ni byang chub kyi sems yin pa'i phyir/ byang chub gser bsgyur rtsir gyur ngo mtshar che/ /yon tan de dang de nyid la sbyar nas/ /nyes pa'i dngos po nyid du gyur te gnas zhes bya ba ste/ byang chub ni bla na med pa'i ye shes te/ de thob pa'i sems la yang rgyu la 'bras bu btags pa'i tshul gyis byang chub ces bya ste/ de ni gser sgyur rtsi lta bu yin la/ ji ltar gser 'gyur rtsi yis dngul chu gser du snang ba zhes bya bas lcags gser du bsgyur ba dang 'dra bar byang chub kyi sems des 'khor ba'i nyon mongs pa'i sems sbyong zhing/ yang dag pa'i ye shes su sgyur bar byed pas gser 'gyur rtsi lta bu yin te/ thams cad mkhyen pa'i ye shes zhes bya ba'i don to/ /rgyu de nyid kyis na de ni ngo mtshar che ste/ rmad du byung ba yin la/ de lta bu'i byang chub kyi sems kyi yon tan gyi tshogs rnam pa mang po yod pa de dang de nyid la nye bar sbyar zhing/ sems bskyed pa la sogs pas sems kyi rgyud sbyang bar brtsom pa na de yang de dang rjes su mthun par mi 'jug pas nyes pa'i dngos po nyid du gyur te gnas zhes bya ba ste/ 'jig rten dang 'jig rten las 'das pa'i yon tan gnyis kyis brgyan pa'i byang chub kyi sems la sbyar ba na yang nyon mongs pa'i dbang du gyur pas/ lus dang ngag dang yid kyi nyes pa'i dngos po nyid kyi rang bzhin du gyur pa blangs shing nye bar bzung nas gnas te/ skyes bur ro ba'i sems dang 'dra bar yon tan 'dzin mi nus kyi nyes pa'i 'byung gnas kho nar gyur pas gnas par byed do zhes bya ba'i tha tshig go / 'di'i don mdor bsdus pa ni 'di yin te/ 'di ltar lcags la sogs pa yongs su sbyang ba ma byas pa gser 'gyur rtsis bskus kyang rang gi dngos po mi 'dor ba de bzhin du/ yongs su ma sbyangs pa'i sems 'di yang byang chub kyi sems kyi yon tan la sbyor ba yang rang gi nyes pa'i skyon mdor bar mi byed do/ /de ni byang chub gser 'gyur de'i rigs pa nyid bstan pa'i phyir/ sman chen nyid du gang dang gang bshad pa zhes bya ba smos te/ nyon mongs pa'i nad gso bar byed pas na sman chen te/ byams pa la sogs pa'i chos kyi sgo'i gnyen po'i lam du gyur pa gang dang gang bshad cing bstan pa ste/ 'dod chags kyi gnyen po mi gtsang ba dang/ zhe sdang gi gnyen po byams pa dang/ gti mug gi gnyen po rten cing 'brel bar 'byung ba la sogs pa'i lam gang dang gang bshad pa/ de dang de nyid bdag la dug tu 'gyur zhes pa gzhan dag ma yin gyi/ sman gyi dam pa de dang de dag nyid kho na bdag nyid kho na skal ba ngan cir nyon mongs pa'i dbang du gyur pa'i phyir bdag la dug tu 'gyur te/ ji ltar sman sbyor ba nyes pa la sogs pa'i rgyus 'chi ba 'am/ 'chi ba la thugs pa'i nad bskyed pa dang 'dra bar bdag la chos kyi sman de phyin ci log tu 'gyur zhing nyon mongs pa bskyed pas dug du 'gyur zhes bya'o/ /de ltar gnas pa de la ci zhig gis gso zhe na/ rigs pa nyid kyi ni bcud len mchog yin na zhes smos te/ sems kyis rigs pa'i lam btsal ba nyid dam/ bsam gtan dang ting 'dzin la nges par gnas pa nyid dam/ dad pas 'jug cing shes rab kyis dpyod pa nyid la sogs pa'i sgo nas nyon mongs pa spong ba ni rigs pa yin la rigs pa de ni bcom ldan 'das kyis gsungs pa'i dam pa'i chos la brten pa yin par bshad do/ /de ni bcud len mchog yin na zhes bya ba ston pa'i gsung gi rjes su 'jug cing nyams su len pa ni nyon mongs pa'i nad sel cing 'khor ba'i sdug bsngal dang bral ba'i rgyu yin pas bcud len tha mal pa las khyad par du 'phags pas mchog yin no/ /de ltar yin na de gang gis 'thob ce na/ gal te yid rton med na de yod min zhes bya ba smos te/ de yang gal te nyon mongs pa'i dbang du gyur pas/ lam la mngon par dad cing/ nges pa med pa yis brtan pa med na rigs pa de yang yod pa ma yin no/ /zhes bya ba'i don te/ gang gi tshe sangs rgyas nyid sgrub pa la mngon par dad pas 'jug pa las ni grol bar 'gyur te/ mngon par dang na byang chub tu sems skyed la/ de las ni rim gyis grol bar 'gyur ba ni rang bzhin gyi gtan tshigs yin no/ /yang na yid rton pa ni yid bde ba la bya ste/ mnyam par 'jog pa las byung ba'i sems rtse gcig pa'i ting nge 'dzin gyi bde ba dang yid bde ba skye ba gal te nyon mongs pa spong bar nus pa'i rigs pa de yang yod pa ma yin pas nyon mongs pas bcom pa nyid du 'gyur ro da ni rigs pa nyid gang zhig yin pa bstan pa'i phyir/ gang zhig nyon mongs zhes bya ba la sogs pa smos te/ de la rigs pa ni nyon mongs pa spong ba yin pas/ gang zhig nyon mongs bdo ba rnams sel cing/ /gang yang nyes gzhan skyed par mi byed pa/ /de ni rigs pa yin zhes bdag sems na zhes bya ba rigs pa gang dang ldan na 'dod chags dang/ zhe sdang dang/ gti mug la sogs pa'i nyon mongs pa bdo zhing kun tu rgyu ba'i tshul du skyes pa rnams ni de nyid kyi gnyen pos spang ba ni thabs kyi dam pa ma yin te/ gong du bstan pa ltar gyur la/ de bas na nyon mongs pa'i rgyu'i gnyen po'i rtog dpyod ngan pa zhi bar gyur pa yang dag pa'i rtog pa ste/ 'phags pa'i lam de sbyor ba'i lam la mos pa yid la byed pas bsam pa'i man ngag de goms par byas na/ nyon mongs pa'i tshogs ring por mi thogs par de kho na mthong bas zhi bar byed pa yang gang zhig nyon mongs pa'i tshogs kyi nyes pa mngon du rgyu ba las gzhan pa bag la nyal gyi tshul du sems rgyud la gnas pa dang/ gzhan zhar la byung ba'i nyes pa ste/ 'dod chags kyi gnyen por mi sdug pa sgom pa na zhe sdang 'byung ba lta bu skyod cing 'khrugs par mi byed pa'i gnyen po'i lam de ni rigs pa zhes bya ste/ tshad ma dang mi 'gal zhing yang dag pa'i ye shes bskyed pa'i gtan tshigs dang ldan pa yin pas de lta bu ni rigs pa yin no zhes bdag yid la sems shing blos shes mod kyi 'on kyang ci 'dra yin zhes slar yang nges ma byas zhes bya ba rnam par grol ba'i rgyur gyur pa'i rigs pa de'i lam bsgoms pas mngon sum du byas nas ye shes thob par gyur pa ni nges par byas pa yin pas/ de ma thob pa'i phyir ci 'dra yin zhes slar yang nges ma byas zhes pa rigs pa'i lam de bdag gis goms par ma byas so zhes pa ste/ ston pas gsungs pa'i yang dag pa'i lam thos pa dang bsam pa'i shes rab kyis shes par byas mod kyi/ bsgom pa'i shes rab kyis mngon sum du ni ma byas so zhes bstan to/ /byang chub kyi sems kyi 'bras bu bstan nas/ da ni bsgom pa'i 'bras bu bstan pa'i phyir/ bsam dang bag la nyal dang khams bag chags/ /nyes pa'i rgyu yi gnyen po la sbyar nas/ /bsam pa'i man ngag de ni bsgom pa na/ /'dir ni ring por mi thogs zhi bar 'gyur zhes bya ba smos te/ bsam pa ni lhag pa'i bsam pa ste sems so/ /bag la nyal ni 'dod chags la sogs pa'i phra rgyas rnams so/ /khams ni rang bzhin no/ /bag chags ni bsam pa la sogs pa de dag nyid ni bag chags sems la gnas pa ste/ bsam pa dang bag la nyal ba dang khams rnams kyi bag chags las gyur pa'i nyes pa sems la gang dag yod pa ste/ gang gis 'dod chags dang zhe sdang la sogs pa skye bar 'gyur ba'i rgyu bdag tu lta ba la sogs pa gang dag yod pa de'i gnyen po ste/ de dang mi mthun pa'i phyogs su gyur pa bdag med pa'am/ mi gtsang ba la sogs pa la sems sbyar zhing rjes su bsten la/ de yang bsam pa'i man ngag ces bya ba ston pas dbang po rab dang/ 'bring dang tha ma'i rim pa la dgongs nas theg pa'i khyad par ji skad gsungs pa'am/ 'dod chags dang/ zhe sdang dang/ gti mug gi gnyen po so sor ji skad gsungs pa'i don de thos pa dang/ bsam pa'i shes rab kyis nges pa nyid du byas pa'i bsam pa'i man ngag de mngon sum du bya ba'i phyir bsgoms shing goms par byas pas rtse gcig tu byas pa las ni nyon mongs pa'i tshogs de zhi bar 'gyur ro/ /dus ji tsam na 'gyur zhe na/ 'dir ni ring bor mi thogs zhi bar 'gyur zhes bya ba smos te/ gnas skabs 'dir man ngag gi tshul 'di legs par bsgoms shing yid la byas pas ni ring por mi thogs par myur du sems la yod pa'i nyon mongs pa'i tshogs bsal cing zhi bar 'gyur ba ste/ bsgom pa la yang dag par gnas pas zhugs pa dag gi nyon mongs pa dag ni spang dka' ba ma yin no zhes bya ba'i don to/ /da ni bcom ldan 'das kyi gsung nyid bslu ba med pa nyid yin par bstan pa'i phyir/ skyob pa nyes pa kun dang rnam bral zhing zhes bya ba smos te/ skyob pa zhes bya ba ni sems can rnams sdug bsngal las skyob par byed pas skyob pa'o/ /nyes pa zhes bya ba ni 'dod chags la sogs pa'i 'khor ba pa'i chos rnams te/ de thams cad dang bral zhing spangs par 'gyur ba'o/ /gzhan yang ji lta bu zhe na/ chos rnams kun gyi dam pa'i don gzigs pa zhes bya ba smos te/ chos kyang yin la kun kyang yin pas chos rnams kun te/ zag pa dang bcas pa 'am/ zag pa med pa 'am/ rgyu ba 'am mi rgyu ba 'am/ thag nye ba 'am ring ba ste/ chos de rnams kyi dam pa'i don ni thun mong ma yin pa'i don te/ de gzigs pa'i ngang tshul mnga' bas na/ chos rnams kun gyi dam pa'i don gzigs pa zhes bya'o/ /khyed kyis sna tshogs tshul duAng nges gsungs pas zhes bya ba ni dbang po dang mos tshul sna tshogs pas theg pa'i tshul du mar nges par phye ste gsungs pa 'am/ nyon mongs pa'i tshul mdza' yas pas gnyen po'i tshul yang sna tshogs par gsungs pa gang yin pa des ni 'dod chags la sogs pa'i nyon mongs kyi tshogs bag chags dang bcas pa ma lus par spong bar byed pas/ nyon mongs sa bon ma lus sel bar byed ces bya ba ste/ khams gsum pa'i nyon mongs pa thams cad ma lus par sel bar byed do zhes bya ba'i don to/ /de ltar bstan pa'i yon tan bshad nas/ da ni gzugs sku mthong zhing gsung thos pas nyon mongs pa spong ba'i tshul bstan pa'i phyir/ khyed sku mdzes pa'i mtshan gyis 'bar gyur pa/ /de yang mdun na bzhugs pa mthong ba dang zhes bya ba la sogs pa smos te/ bcom ldan 'das khyed kyi gzugs kyi sku mdzes pa yang yin la mtshan kyang yin pas mongs pa'i mtshan te/ dbu gtsug tor dang ldan pa la sogs pa mtshan sum cu rtsa gnyis dang/ dpe byad bzang po brgyad cu dag gis nye bar mtshon par gyur cing/ de nyid kyis na lha ne lha me lha der 'bar bar gyur ba dang/ 'dzam bu chu bo'i gser lta bu'i sku mdog shin tu 'bar bar gyur pa yin la/ de lta bu'i sku de yang mdun na bzhugs pa zhes bya ba dbang po'i mngon sum du mthong bar gyur pa 'am/ yid kyi mngon sum na bzhugs pa lta bur blos mthong zhing mngon sum du byed pa dang/ gzhan yang rna bas btung ba'i bdud rtsi'ang thos gyur pa'i zhes bya ba skyes bu dag gis rna ba gnyis kyis btung bar bya ba yin pas na rna bas btung ba ste/ rna bas gzung ba zhes bya ba'i don to/ /ci zhig ce na/ bdud rtsi'ang thos gyur pa zhes bya ba ste/ 'as zhes bya ba ni bsdu ba ste/ mgon po khyod kyi sku mngon sum du mthong ba'am/ yid kyis mngon du dmigs pas nyon mongs pa sel bar ma zad kyi khyed kyi gsung skyes bu gang gis thos par gyur pa de yang de la bdud rtsir 'gyur te/ ji ltar snyim pas bdud rtsi 'thung bar byed pa dag 'chi bas mi tshugs par 'gyur ba de bzhin du/ mgon po'i gsung gi bdud rtsi rna ba gnyis kyi snying pas 'thung ba'i tshul len par byed la dag ni nyon mongs pa'i dug gis mi tshugs kyis dge ba'i srog gi dbang po mi 'chang pas ngan 'gro 'gro bar mi 'gyur ro/ /nyon mongs sa bon ma lus rnam par 'jig ces bya ba ni de lta bu'i sku mthong ba dang/ gsung thos pa'i skyes bu'i nyon mongs pa khams gsum par 'khor zhing sdug bsngal bskyed par byed pa sa bon dang bcas pa ma lus par mdza' dag rnam par 'jig cing/ rang nyid dengs shing zad par 'gyur ro/ /zhes bya ba'i don to/ /de ltar gzugs kyi sku mthong ba'i yon tan bshad nas/ da ni chos kyi sku mthong ba'i yon tan bstan pa'i phyir/ gtso bo khyed la de las rab mchog gyur ces bya ba la sogs pa smos te/ gtso bo zhes bya ba ni bod pa'o/ /khyed la de las rab mchog gyur ces bya ba ni gzugs kyi sku de las ches phul du byung zhing rab mchog tu gyur la thun mong ma yin pa'i skuAng mnga' o zhes bya bar sbyar ro/ /de gang zhig yin zhe na/ chos sku nyi ma bla na med pa'ang mnga' zhes bya ba ste/ chos kyi sgras ni bcom ldan 'das de chos kyi ngo bo nyid yin pas shin tu phra ba brjod cing bstan pa med pa ji ltar mi snang ba thams cad mkhyen pa nyag gcig gi spyod yul du gyur pa yin par ston to/ /de nyid ni sku ste chos kyang yin la sku yang yin pas chos kyi sku'o zhes 'dzin par mtshams sbyar ro/ /de nyid ni nyi ma dang 'dra bas chos kyi nyi ma ste/ ji ltar nyi mas phyi'i mun pa'i tshogs sel bar byed pa de bzhin du chos kyi dbyings kyi ye shes kyi snang bas ma rig pa'i mun pa mun gnag 'joms par byed pas nyi ma dang chos mthun pa'i phyir ro/ /de nyid kyi phyir bla na med pa ste/ de las lhag pa gzhan med pa'am/ sa 'og ma pa thams cad dang thun mong ma yin pa'i phyir ro/ /de nyid kyis na/ bsams kyang 'gro ba'i spyod yul mi 'gyur ba zhes bya ba smos te/ chos kyi sku'i ngo bo bsam shing bsgoms su zin kyang khams gsum pa'i 'gro ba so so'i skye bo dngos po la mngon par zhen pa rnams kyi spyod yul du mi 'gyur ba yin te/ de'i rang bzhin blos rtogs shing khong du chud par mi 'gyur ba'i phyir ro/ /de ltar yod par ji ltar shes she na/ nyes pa'i rab rib 'joms pa ngo mtshar che zhes bya ba smos te/ gang gi phyir ma rig pa zhes bya ba nyon mongs pa'i gzhi bor gyur pa'i nyes pa'i mun nag gi rab rib 'joms shing sel bar byed pa nyi ma lta bu gang yin pa ni chos sku ste stong pa nyid kyi ye shes yin la/ de ni dngos por ma dmigs shing mig gi spyod yul du ma gyur pa yin yang skyes bu rnams kyi blo'i mun pa sal bar byed pa ni ngo mtshar che ste/ bsam gyis mi khyab pa'i yul yin pa'i phyir rmad du gyur pa yin no/ /de ltar bshags shing bstod pa brtsams pa mjug bsdu ba'i sgo nas bcom ldan 'das kyi yon tan gyi sgo brjod de phyag 'tshal ba bstan pa'i phyir/ thugs mchog gang yang rung ba de yis ni zhes bya ba smos te/ bcom ldan 'das khyed la btud cing phyag 'tshal lo zhes bya bar sbyar ro/ /ci'i phyir phyag 'tshal zhe na/ nyes pa zhi bar mdzad pa'i phyir ro/ /gang gis she na/ thugs mchog gang yang rung ba de yis ni zhes bya ba ste/ gang gis gnyis su med pa'i ye shes nyan thos dang rang sangs rgyas la sogs pa'i yul ma yin pa thugs su chud par mdzad pa'i thugs kyi mchog gang yang rung ba de yis so/ /ci zhig la dmigs she na/ zhi gnas gang yang rung ba der bzhugs nas zhes bya ba smos te/ zhi gnas dang lhag mthong zung du 'jug pa lhun gyis grub pa 'am rdo rje lta bu'i ting nge 'dzin dang/ bsam gtan gyi mchog la zhugs shing rnal 'byor gyi mthar byon pa brnyas pa la bzhugs pa de la phyag 'tshal lo/ /de ci'i phyir zhe na/ nyes kun rnam pa kun tu zhir mdzad pa'i/ /bcom ldan gang yin de la phyag 'tshal lo zhes bya ba smos te 'khor ba'i sdug bsngal bskyed pa'i nyas pa gang yin pa de kun zhi bar mdzad cing sel bar mdzad par spyod pa ni khyed nyid yin te/ de zlog par mdzad do zhes bya ba'i don to/ /ji ltar zhe na/ rnam pa kun zhes bya ba ste/ bag chags dang bcas pa rnam pa thams cad du sel bar mdzad pa'am/ yang na rnam pa kun gyis zhi bar mdzad pa ste/ theg pa'i tshul sna tshogs sam/ rdzu 'phrul dang cho 'phrul la sogs pa'i thabs kyi sgo sna tshogs kyis zhi bar mdzad pa'o/ /de bas na bcom ldan 'das gang yang rung ba de la phyag 'tshal lo zhes bya ba ste/ nyes pa'i tshogs de lta bu zhi bar mdzad pa'i bcom ldan 'das gang yin pa de la lus dang ngag dang yid dang zhing gus pas 'dud cing phyag 'tshal lo zhes bya ba'i don to/ /gang yin de la zhes smos pa ni gang gi phyir khyed kyi ma byin pas khyab par med pa'i tshig tu smos pa yin gyi/ de lta na ni gtso bo la de skad smra ba rigs ma yin no/ /de lta na khyed de lta bu'i yon tan dang ldan pa gang yang rung ba de la bdag phyag 'tshal zhing skyabs su mchi ro zhes bya ba'i don to/ /nga ni bstod pa byas pa las byung ba'i bsod nams gang yin pa de sems can rnams la bsngo ba dang/ byang chub sems dpa' rnams kyi bslab pa yin pas de dang rjes su mthun par bya ba'i phyir/ de ltar yon tan bla med la bshags pa'i zhes bya ba la sogs pa smos te/ de ltar zhes bya ba ni rdzogs pa'o/ /yon tan bla med ni gang la yon tan gyi tshogs thun mong ma yin pa mnga' ba ste ston pa'o/ /de la bshags pa ni rang gis sdig pa dang nyes pa gang dag byas pa de'i spyan sngar brjod pa'o/ /de lta bu'i sgo nas ci zhig byas she na/ yang dag bstod pa rnam sbyar dge ba ni zhes bya ba smos te/ rang gi nyes pa de brjod pa'i bsgo nas bcom ldan 'das la yang dag par bstod pa'i tshig rnam par 'phel zhing legs par sbyar ba las dge ba ste/ bsod nams su byas pa'o/ /ji lta bu zhe na/ zla mdzes ltar dkar bdag gis gang bsags des zhes bya ba smos te/ bsod nams de yang ston ka'i zla ba ltar dkar zhing mdzes pa ste/ nyes pa'i nag nog gis ma 'dres shing yid du 'ong ba'o/ /bdag gis gang bsags zhes bya ba ni bdag nyid kyis bsgrubs shing tshogs yongs su bsdus pa'o/ /zla ba smos pas ni bdag nyid kyi ming zla ba zhes bya bar yang ston to/ /dkar ba smos pas kyang bdag nyid kyi rang bzhin dag par ston to/ /bsod nams de gang du bsngo zhe na/ 'gro kun bde ba can du 'gro bar shog ces bya ba smos te/ bdag gis de ltar bsags pa'i bsod nams des 'gro ba 'di dag thams cad 'jig rten gyi khams bde ba can du 'gro zhing der skye bar shog cig pa'o/ /yang na bla na med pa'i bde ba ni sangs rgyas kyi go 'phang ste/ de dang ldan pa'i gnas thob par gyur cig ces bya ba'i don to/ /blo chen blo gros bzang po yis/ /gsol ba btab pa la brten te/ /sangs rgyas zhi ba bdag gis ni/ /bshags bstod 'grel pa 'di byas so/ /zla ba'i tshig don dbyings che bas/ /bde gshegs spyod pa zab mo 'di/ /bshags nas bstod pa'i tshul la ni/ /brten brtsams srid pa sbyang phyir yin/ /de yi 'grel pa zla zer ltar/ /yid 'ong bdag gis byas pa 'dis/ /'gro ba'i nyon mongs rnam sbyangs nas/ /skyon bral sangs rgyas nyid thob shog /bshags bstod kyi 'grel pa slob dpon sangs rgyas zhi bas mdzad pa rdzogs so/ / //rgya gar gyi mkhan po bud d+ha sh+rI shAn+ti dang/ zhu chen gyi lo tsA dge slong rin chen bzang pos bsgyur cing zhus te btan la phab pa// (//sangs rgyas dbang bskur ba zhes bya ba'i bstod pa bzhugs) rgya gar skad du/ bud d+ha a b+hi She ka nA ma sto tra/ bod skad du/ sangs rgyas dbang bskur ba zhes bya ba'i bstod pa/ thams cad mkhyen pa la phyag 'tshal lo/ /de nas bskal pa grangs med gsum/ /pha rol phyin rnams rdzogs pa yi/ thub pa lha rnams kyi ston pa/ /mtho ris nas ni mi nang gshegs/ /nyi ma'i rigs te zla ba yi/ /sa yi bdag po zas gtsang dang/ /gtso mo sgyu 'phrul lha mo yi/ /mngal du nying mtshams sbyor bar mdzad/ /der ni rin chen khang gnas shing/ /lha yi mchog rnams bstod byed la/ /de la gsung ni mthong po yis/ /dam pa'i chos ni ston par mdzad/ /lha rnams thal mo sbyar byas te/ /dus gsum du ni der lta ba/ /rdul med mu tig phreng ba ni/ /bai DUrya yi snod gnas 'dra/ /bdud rtsi rab sbyin gzugs can te/ /de 'os lha mo mdzes par gyur/ /zla ba shin tu gsal ba 'am/ /mu tig 'o ma'i rgya mtsho 'dra/ /'byung ba rnams kyang dbugs 'byin cing/ /yid la re ba'i don rdzogs mdzad/ /de ni 'dod la stsol ba ste/ /'dod pa thams cad phun tshogs mdzad/ /skyed mos tshal ni lum+bi nir/ /'jig rten gtso mo seng gyur te/ /sa bdag dang ni slas rnams dang/ /mdun na 'don dang lhan cig gnas/ /der ni mya ngan med pa yi/ /yal ga la 'jus brtul zhugs gnas/ /mkha' la lha yi bu mo rnams/ /zla ba dang ni skar tshogs 'dra/ /skar ma rgyal la bab pa na/ /de'i sras rtsib ma'i logs nas ni/ /'gro la phan pa mkhyen pa yi/ /nyi ma shar ba bzhin du byung/ /mtshan mchog yang dag rdzogs pa yi/ gtso bo nyid kyi sku yi 'od/ /'dzam bu'i chu bo'i gser 'dra yis/ /phyogs rnams rab tu snang bar gyur/ /brgya byin ma ma'i cha byad can/ /smin ma bskyod pas bzlog pa mdzad/ /sa la gom bdun bor ba na/ /gter dang pad+mas brgyan par gyur/ / bdag gi skye ba tha ma ni/ /'di yin yang srid yod min zhes/ /snyan pa'i gsung ni bsgrags nas kyang/ /phyogs rnams kun tu gzigs par gyur/ /nyi zla rin chen bum pa las/ /gro grang chu yi rgyun gnyis ni/ /dri ma med pa'i nam mkha' las/ de yi dbu la bab par gyur/ /bde gshegs 'gro ba'i bla ma ni/ /rin chen sna tshogs bkram pa yi/ /seng+ge'i gdan ni mthon po la/ /dgyes pas der ni bzhugs par 'gyur/ /brgya byin gnas kyi chu bo dang/ /'jug ngogs las blangs lha yi chu/ /gser las byas pa'i bum pa yis/ /lha rnams kyis ni dbang bskur bstabs/ /lha yi gos dang phreng ba dang/ /bstod pa la ni brtson pa yi/ /tshogs rnams du ma 'dus pa yis/ /lha yi tshal ni gang bar gyur/ /rnga sgra rnams dang ca co yis/ /mkha' dbyings ma lus khyab par gyur/ /nam mkha' las ni me tog char/ /rgyun mi 'chad par bab par gyur/ /mandar me tog bcal bkram pas/ /gnas gtsang ma yi gnas ltar gyur/ /ga pur tsadan phye ma yis/ /'jig rten mgon la gtor bar gyur/ /ri bo rgya mtshor bcas pa dag /gar mkhan gyi ni gos ltar ga-yo/ /bcud rnams sna tshogs 'dzin pa yis/ /sa dag rnam drug g.yos par gyur/ /bung ba rnams ni sgra sgrogs shing/ /dus rnams kun tu byung ba yi/ / shing rnams rang nyid 'dud pa dang/ /me tog rnams ni 'bor bar gyur/ /blon po rgan dang mdun na 'don/ /bkra shis dag ni 'don par byed/ /sa dang mkha' dang grub pa dang/ /mi 'am ci dang lhan cig spyod/ /nags na gnas pa'i lha rnams dang/ /lha dang grub pa rig 'dzin mi/ /nang gi slas kyi bud med kyang/ /rab tu dga' bas gar yang byed/ /long bas mig dang 'on pas thos/ /lkugs pa rnams ni sgra gsal dang/ /nad pa nad las thar pa dag /skad cig der ni thob par gyur/ /ri dags bya dang sdig sbrul dag /phan tshun 'tshe bar 'dod pa yi/ /sems can thams cad de yi tshe/ /rtsod med 'tshe ba med par gyur/ /de tshe gang yang sdug bsngal dang/ /nyes spyod byung bar ma gyur to/ /'gro ba 'di dag nad med cing/ /bde zhing lo yang legs par gyur/ /de tshe kun tuAng mdun du ni/ /gter rnams der ni byung bar gyur/ /de tshe srid gsum rgyas par ni/ /dga' zhing bde ba dag tu gyur/ /rgyal ba dbang bskur bsod nams gang/ /bsod nams ldan pa'i sems kyis ni/ /nyan par byed pa de dag la/ /phun sum tshogs kun lag mthil gnas/ /tshe dang nad med dbang phyug dang/ /dgra zhi rgyas dang rgyal dang grags/ /rdzogs sangs yon tan sgrogs pa yi/ /dad pa'i mi yis thob par 'gyur/ / sangs rgyas dbang bskur ba zhes bya ba'i bstod pa rdzogs so/ / //lo tsA ba chen po rin chen bzang pos bsgyur cing zhus te gtan la phab pa// //*/ /rgya gar skad du/ sh+rI badzra d+ha ra saM gI ta b+hA ga bAM sto tra/ bod skad du/ bcom ldan 'das la bstod pa dpal rdo rje 'dzin gyi dbyangs/ /dpal rdo rje sems dpa' la phyag 'tshal lo/ /mnyam med mi g.yo mnyam nyid mchog chos can/ /thugs rje'i bdag nyid 'gro ba'i sdug bsngal sel/ /yon tan kun mnyam mdza' med dngos grub rtsol/ /dri med mi g.yo mnyam med mchog rab chos/ /sems can khams la rtag mchog grub stsol ba/ /dngos grub mnyam dang mdza' med dpe bral ba/ /mnyam pa'i dpe nyid nam mkha' la med de/ /yon tan shas phra'i ches kyang mtshungs ma yin/ /rtag tu dri med thugs rje'i shugs las byung/ /smon lam grub pa 'gag med chos nyid can/ /'gro ba'i don sgrub lhur mdzad mdza' yas pa/ /thugs rje'i bdag nyid rtag tu rnam par snang/ / dpag med mi dpogs gnas nyid legs rdzogs pa/ /bde gnas gshegs kyang thugs rje'i spyod mi ga-yo/ /'jig rten gsum la mchog gi grub stsol ba/ /'gag nyid mi 'gyur e ma'o chos nyid bzang/ /mchog stsol sbyin mchog nyid gnas chos nyid brnyes/ /'jig rten gsum rtag dam pa stsol mchog sgrub/ /bde gshegs dus gsum mkhyen sgrib mi mnga' ba/ /kun gyi dam tshig gsum mchog grub bdag stsol/ /bcom ldan 'das la bstod pa dpal rdo rje 'dzin gyi dbyangs rdzogs so/ / //rgya gar gyi mkhan po bidya ka ra pra b+ha dang/ zhu chen gyi lo tsA ba bande dpal brtsegs kyis bsgyur cing/ zhus te gtan la phab pa// //rgya gar skad du/ sh+rI badzra d+ha ra saM gI ta b+ha ga ba ti sto tra TI kA/ bod skad du/ bcom ldan 'das la bstod pa dpal rdo rje 'dzin gyi dbyangs kyi rgya cher bshad pa/ 'jam pa'i mgon po la phyag 'tshal lo/ /gang zhig bstod du blo bzang rnams kyi blo gros dang/ tshig gis 'dod pa'i 'bras ldan 'jug pa mi rnyed pa/ /'phags pa gsung 'jam yon tan nam mkha' mdza' yas shing/ /dag pa lta bu de la rtag tu bdag phyag 'tshal/ /mnyam med mi g.yo mnyam nyid chos mchog can zhes bya ba la sogs pa'i bstod pa ni gtsor gsol ba gdab pa yang yin te/ /'di ltar mjug tu kun gyi dam tshig gsum mchog grub bdag stsol zhes ston to/ /mchog gi dngos grub gsol ba gdab par 'os pa de dag kyang gang zhe na/ gang dag rang yongs su dag pa'i bdag nyid can brtse ba chen po'i dbang du gyur pa/ brtse ba'i 'bras bu gnyis byed pa/ /de'i rjes su mthun pa'i yon tan dang ldan pa rnams yin te/ rnam par ma dag pa'i bdag nyid can rnams ni rang la phan pa'ang bya bar mi nus so/ /yongs su dag pa'i bdag nyid can yin yang snying rje chen po dang bral na gzhan gyi don chen po mtshar cig mi byed ste/ rang rgyal ba dag bzhin no/ /snying rje chen po dang ldan du zin kyang gal te de'i 'bras bu mthun pa'i yon tan dang bral ba nyid kyis nus pa med pa'i phyir brtse ba'i 'bras bu gnod pa sel ba dang/ phan pa sgrub pa mi byed na de'i tshe gsol ba gdab pa'i yul ma yin par gyur te/ sems dang bcas pa rnams ni bdag nyid rdos non pa dbyung ba'i phyir/ 'phye bo dang long ba la sogs pa la gsol ba 'dre bas bar mi byed do/ /de bas na yongs su dag pa'i bdag nyid can nyid shes par bya ba'i phyir/ mnyam med mi g.yo mnyam nyid chos mchog can zhes bya ba 'di gsungs so/ /brtse ba'i dang du gyur ba nyid bstan pa'i phyir/ thugs rje'i bdag nyid ces bya ba 'di gsungs so/ /thugs rje'i 'bras bu gnyis mdzad pa nyid brjod pa'i phyir/ 'gro ba'i sdug bsngal sel zhes bya ba dang/ yon tan kun mnyam mdza' med dngos grub stsol zhes bya ba 'di gsungs so/ /brtse ba'i 'bras bu gnyis dang mthun pa'i yon tan dang ldan pa nyid rab tu bstan pa'i phyir dri med mi g.yo mnyam med mchog rab chos zhes bya ba 'di gsungs te/ 'di ni bsdus pa'i don yin no/ /tshig rnam par dbye ba ni/ de ni mnyam pa med pa'ang yin la mi g.yo ba'ang yin pas mnyam med mi g.yo ba'o/ /de ni mnyam pa med pa dang mi g.yo ba'ang yin la mnyam pa nyid kyang yin pas de skad ces bya ste/ mnyam pa nyid de lta bu de nyid mchog chos yin no/ /de gang dag la yod pa de dag la de skad ces bya ste/ 'dis ni de bzhin gshegs pa rnams kyi de bzhin nyid kyi chos kyi sku nyid bstan to/ /de la mnyam pa med pa ni blo bur gyi dri ma mdza' dag dang bral te rnam par dag pa'i mthar phyin pas dpe med pa'i phyir te/ su dang yang mnyam zhing mtshungs pa med pa 'am/ 'di dang mnyam zhing 'dra ba 'ga' yang med pas na mnyam med do/ /'dis ni de bzhin nyid phyin ci ma log par yongs su dag pa bshad do/ /g.yo ba ni gzhan du 'gyur pa'o/ /g.yo ba med pas ni mi g.yo ba ste/ dus thams cad du gnyis su med pa'i chos nyid shin tu rnam par dag pa las mi 'da' ba zhes bya ba'i don to/ /'dis ni mi 'gyur bas yongs su grub par bshad do/ mnyam pa rnams kyi ngo bo ni mnyam nyid de/ /dngos po 'ga' yang stong pa nyid kyi rang bzhin las mi 'da' o/ /de'i phyir rang bzhin 'dis chos thams cad stong nyid du ro gcig cing mnyam mo/ /'di ni mchog kyang yin la chos kyang yin pas mchog chos te/ /rtog ge dang lung gsal bas shes par bya ba yin pa'i phyir/ de bzhin nyid rigs pa dang ma bral ba yin no/ /de ji lta zhe na/ rig par bya ba dang rig par byed pa'i mtshan nyid dang bral ba nyid 'dzin pa'i phyir te/ de 'dzin pa nyid kyi phyir chos kyang yin no/ /rnam pa gcig tu na mchog chos kyi mchog ste/ de ni rnam par bsgoms na sgrib pa thams cad spong ba'i phun sum tshogs pa'ang 'dren la/ yon tan ma lus pa'i 'byor ba'ang thob par byed do/ /yang stong pa nyid ni sems can tshogs thams cad la'ang khyab na/ ci'i phyir de bzhin gshegs pa rnams kho na'i chos kyi sku zhes bya zhe na/ shin tu rnam par dag pa nyid kyis de dag gi rgyud kho na la gsal ba'i phyir te/ gzhan dag la ni sgrib pas bsgribs te mi gsal bas med par nga 'dra'o/ /gang dag la thugs rje'i bdag nyid ngo bo nyid yod pa de dag ni thugs rje'i bdag nyid can te/ de dag gi de ni bskal pa grangs med pa mi nyung bar rab tu gus par goms pa brgyud pas shin tu ngang du gyur pa yin no/ /'gro ba'i zhes bya ba ni 'jig rten gyi'o/ sdug bsngal ni ci yang rung ste mdor na nye bar len pa'i phung po lnga'i rang bzhin no/ /gang dag la de sel cing 'dor ba'i ngang tshul yod pa de dag la de skad ces bya ste/ de dag gis bstan pa'i bsgoms pas sdug bsngal ma lus par ldog pa'i phyir ro/ mnyam pa ni 'dra ba'i dngos po'o/ /mdza' ni mthar thug pa'o/ /stobs dang byang chub kyi yan lag la sogs pa'i yon tan gang dag yin pa kun la mnyam pa dang mdza' med pa de dag ni mnyam mdza' med pa'o/ /dngos grub ni yongs su grub pa'o/ /gang dag de stsol ba'i ngang tshul yod pa zhes tshig rnam par sbyar te 'gro ba la zhes bya bar sbyar ro/ /de bzhin gshegs pa'i yon tan dpe med cing so sor tshad med cing so sor tshad med pa gang dag yin pa de dag stsol ba zhes bya ba'i tha tshig ste/ de dag gis bstan pa la nan tan byas pas 'gro ba mdza' dag la phan pa bde bar gshegs pa'i go 'phang thob pa'i phyir ro/ /de nyid kyi phyir kha cig ni yon tan kun rdzogs med pa'i dngos grub stsol zhes 'don to/ /kha cig ni yon tan kun mnyam mnyam med dngos grub stsol zhes 'don to/ /'di ni gzhan pa sgrim mi dgos par grub pa nyid du bstan pa'i phyir phan pa bsgrub pa'i mchog bstan par zad de/ mngon par mtho ba'i ngo bo 'khor los sgyur ba nyid la sogs pa phan pa gzhan yang stsol bar mdzad pa nyid do/ /dri med mi g.yo zhes bya ba la sogs pa'i tshig rnams ni khyad par gyi tshig bsdu ba yin te/ gang dag la gzhan la phan pa'i rgyu phun sum tshogs pa so so yang dag par rig pa la sogs pa'i chos de lta bu mnga' ba de dag la de skad ces bya'o/ / de la dri ma med pa ni rnam pa thams cad rnam par dag pa dang ldan pa'i phyir ro/ /mi g.yo ba ni yongs su mi nyams pa'i chos nyid kyis sam/ 'khor ba ji srid par gnas pa'i phyir ro/ /mnyam pa ni snga ma bzhin du dpe med pa nyid kyi phyir ro/ /mchog / gtso bo/ 'jig rten las 'das pa/ sangs rgyas la sogs pa'i chos rnams kyi rab ni mchog rab ste/ ma 'dres pa yin pa'i phyir gtso bo rnams kyi yang gtso bo zhes bshad pa yin no/ /yang na chos kyi dbyings shin tu rnam par dag pa la dmigs pa'i phyir gang dag la yul mchog rab yod pa ste/ de dag ni de rang rig pa'i ngo bo yin no/ /gzhan dag na re mchog ni don du gnyer bar bya ba'o/ /rab ni thams cad bas phul du gyur pa'i phyir ro zhes zer te/ 'dir tshig gi mdo ni de lta bu'i bde bar gshegs pa rnams kyis mchog gi grub pa bdag la stsol cig ces bya ba yin te/ tshigs su bcad pa dang po dang tha ma 'di gnyis kho nar mngon par 'dod pa'i don gyi de kho na nyid thams cad rdzogs pa nyid du bstan to/ /'di las gzhan tshigs su bcad pa gsum ni klan ka ngan pa yongs su spang ba'i ched yin no/ /de la klan ka ngan pa ni 'di yin te/ ji ltar na mnyam pa nyid dang/ so so yang dag par rig pa la sogs pa'i chos rnams mnyam pa med pa yin te/ 'di ltar 'di dag dang mnyam pa nam mkha' rang bzhin gyis yongs su dag pa chad med pa yod pas de nyid kyis 'di dag gi dper byas te/ ji skad du de bzhin gshegs pa'i gsang ba'i mdo las/ su dag sangs rgyas chos rnams la/ /dper byed pa ni ji snyed pa/ /de dag sangs rgyas 'tsham min pas/ /'dren la skur ba 'debs par zad/ /de la gcig pu dper gyur pa/ /sangs rgyas chos dang mnyam pa gang/ /nam mkha' i khams su bstan pa ste/ /de la tshad ni gang na'ang med/ /nam mkha' ji tsam thub pa yi/ /tshul khrims ting 'dzin shes rab dang/ /ye shes rnam grol ye shes gzigs/ /'di yang de tsam kho nar bshad ces gsungs pa lta bu yin no/ /de lta bas na dpe med pa nyid mi 'grub bo zhe na/ de'i phyir mnyam pa'i dpe nyid nam mkha' la med de zhes bya ba la sogs pa 'di gsungs so/ /nam mkha' ni nam mkha' ste de dpe nyid du brjod par 'dod na yang bcom ldan 'das rnams la mnyam pa'i dpe nyid do/ /gang dag mnyam pas dpe yin pa de dag ni mnyam pa'i dpe'o/ /de dag gi ngo bo ni mnyam pa'i dpe nyid do/ /re zhig de yang med na lhag pa'i dpe nyid lta zhig ga la yod/ /dman pa'i dpe nyid ni mi dgag go /nam mkha' ji lta bu zhig ce na/ yon tan shas phra'i chas kyang mtshungs ma yin/ /yon tan gyi shas ni shas chu ngo/ /de'i phra mo ni shin tu phra ba'i cha'o/ /de'i yang cha ni gang phan chad blos kyang dbri bar bya mi nus pa'o/ /sangs rgyas nyid kyi gnas skabs na yod pa'i yon tan thams cad kyi shas ni chi ba dang/ mi zad pa la sogs pa'i yon tan gang yang rung ba 'ga' zhig go /de'i phra mo ni de rtsom par byed pa'i rgyu'i gnas skabs na yod pas bcus bsdus pa'i yon tan no/ /de'i cha ni mos pas spyod pas bsdus pa'i byang chub kyi sems skye ba thams cad do/ /cha de dang yang mtshungs pa ma yin zhing 'dra ba ma yin te/ 'di ni mnyam pa'i dpe nyid med pa'i rgyu yin no/ /ji ltar de dang yang nam mkha' mtshungs pa ma yin zhe na/ 'di ltar sangs rgyas bcom ldan 'das rnams ni sems can khams la rtag mchog grub stsol ba ste/ sems can gyi khams ni tshogs so/ /de la mchog grub pa stsol ba ste/ mchog ni stobs dang byang chub kyi yan lag la sogs pa'i yon tan no/ /de dag gi grub pa ni yongs su grub pa ste gang dag la de skal ba ji lta ba bzhin du stsol ba'i ngang tshul yod pa de dag la de skad ces bya'o/ /sangs rgyas thams cad 'du ba'i rgyud las ni sems can khams la mchog grub gsal sgrub pa zhes 'byung ste/ de la don ni gang dag la sems can gyi khams la skal ba ji lta ba bzhin mchog grub pas gsal zhing khyab pa de sgrub pa'i ngang tshul yod pa zhes bya ba yin no/ /ci'i phyir de dag de lta bu yin zhe na/ 'di ltar de dag ni dngos grub mnyam dang mdza' med pa can yin no/ /de dag la rang gi yon tan yongs su grub pa mnyam pa med pa'i mdza' med pa yod pas gzhan la'ang rang dang mthun pa kho na'i 'bras bu mngon par sgrub par mdzad do/ /de'i phyir de dag ni dpe bral yin no/ /de ni dpes mtshon par bya ba la de la yod pa'i yon tan brjod par 'dod pa dang cha mthun pas rab tu sbyor ba yin te/ ji skad du/ yul dang dus dang bya ba la/ /sogs pas 'gal ba'i dpe yin na/ /mtshon pas bya ba dpe dang ni/ /'dra ba yang yin de dpe yin/ zhes bshad pa lta bu'o/ /'di ni bcom ldan 'das rnams yon tan thams cad mnyam pa dang mdza' med pa'i dngos grub stsol ba nyid kyis dpe med pa nyid du brjod par bzhed pa yin no/ /bcom ldan 'das kyis yon tan ni gal te cha shas dang bcas pa zhig tu gyur na de dag gi cha shas dang cha shas kyis kyang rtag tu sems can gyi khams la mchog gi dngos grub stsol bar 'gyur ba nyid na/ /rgyu dang 'bras bu'i gnas skabs na yod pa yon tan rangs pa'ang/ tshogs pas lta smos kyang ci dgos/ /nam mkha' 'am gzhan yang rung ste tshad med pa yin yang gang gis na bcom ldan 'das kyi dper 'gyur ba de lta bu'i tshes can ma yin gyi/ tshad med pa tsam zhig tu mtshungs pa la dgongs nas mdo las/ de la gcig pu dper gyur pa/ /sangs rgyas chos dang mnyam pa gang/ /nam mkha' i khams su bstan pa ste/ /de la tshad ni gang na'ang med ces nam mkha' dang 'dra ba 'di man chad de skad du gsungs par zad do/ /klan ka ngan pa gzhan yang gal te sa gsum gyi bla ma rnams thugs rje'i bdag nyid can yin na/ /des na ji ltar dri ma med pa'i chos can yin/ /snying rje ni sems can rnams sdug bsngal dang bral bar 'dod pa rnam par rtog pa'i bdag nyid yin pas de dang ldan na skabs med do/ /de nyid kyi phyir 'di ni bde ba 'gog pas na snying rje zhes bya'o/ /rnam par rtog pa yang thams cad rang gi rnam pa la phyi rol gyi ngo bor zhe na nas zhugs pa yin pa'i phyir rang bzhin kho nas phyin ci log pa ste/ ma rig pa yin no zhe na/ de'i phyir 'dir rtag tu dri med thugs rje'i shugs las byung zhes bya ba la sogs pa smos so/ /rtag tu dri med ni rtag tu dri ma med pa ste/ /smon lam grub pa zhes bya bar sbyar ro/ /thugs rje'i shugs ni blang chags pa ste/ bar ma chad par 'byung ba nyid do/ /de las byung ba ni yang dag par byung ba'o/ /smon lam ni byang chub sems dpa' i gnas skabs na yod pa 'gro la phan phyir sangs rgyas 'grub par shog ces yid la smon pa'o/ /de grub pa ni 'bras bu ste thams cad mkhyen pa nyid do/ /de ji lta bu zhig ce na/ mi 'gag chos nyid de/ chos nyid kyi rang bzhin gang la 'gag pa ste rgyun chad med par yod pa de ni mi 'gag pa chos nyid do/ /smon lam grub pa gang la mi 'gag pa'i chos nyid yod pa de la de skad ces bya'o/ /smon lam grub pa de'i 'bras bu ci zhe na/ 'gro ba'i zhes bya ba la sogs pa gsungs so/ /'gro ba'i don ni phan pa ste/ bde 'gro gnyis 'thob pa dang/ 'gro ba'i sdug bsngal thams cad ldog pa'o/ /de bsgrub pa ni 'grub pa'o/ /de lhur mdzad pa ni der gzhol ba'o/ /cing yul dang/ dus kyi mtshams so sor nges pa zhig yin nam zhe na/ ma yin te/ mdza' yas pa'o/ /'gro ba'i don mdzad pa'i yul ni yul dang dus mdza' yas shing ma lus pa yin te/ gang la de yod pa de la de skad ces bya'o/ /gang dag la thugs rje chen po'i bdag ngo bo nyid dam rgyu yod pa de dag la de skad ces bya'o/ /de lta bu de ni rtag tu sprul pa sna tshogs kyi 'od zer gyi dra ba 'gyed pa la sogs pas rnam pa sna tshogs su snang zhing mdzes so/ /rtag tu zhes bya ba ni nye bar mtshon pa ste phyogs thams cad du yang zhes bya bar yang khong du chud par bya'o/ /sangs rgyas thams cad 'du ba las ni bdag nyid chen po'i thugs rje rtag rnam snang zhes 'byung ngo/ / der ni tshig 'di thugs rje'i shugs las byung zhes bya ba 'di nyid kyi 'jug sdud pa yin de/ gang dag la rnam par mi rtog kyang gzhan la phan pa mdzad pa rgyun mi gcod pa nyid kyis bdag nyid tsho ba yod pa de dag la de skad ces bya'o/ /'dir bsdus pa'i don gyi de kho na nyid ni 'di yin te/ byang chub sems dpa' i gnas skabs na yod pa'i snying rje sems can thams cad sdug bsngal las yongs su bskyab par 'dod pa'i ngo bo rnam par rtog pa dang bcas pa gang yin pa de ni rnam par rtog pa'i dra ba ma lus pa dang bral ba rnam pa thams cad mkhyen pa nyid kyi 'phen par byed pa yin no/ /nga bas na rgyu dang 'bras bu mi dbye bar nye bar btags pa'ang/ bdag ces bya ba'i sgra rgyu'i rnam grangs yin pa'i phyir thugs rje'i bdag nyid ces bya'o/ /rnam pa gcig tu na rnam par rtog pa dang bcas pa'i snying rje de nyid bsgom pa mchog gis goms pa dang ldan pas 'bras bu sems can gyi rnam par rtog pa med par 'byung bar 'gyur te/ 'dod pa dang mya ngan la sogs pa goms pa bzhin no/ /de dag gi snying rje de na ni dmigs pa med pa/ phyin ci ma log pas don dam pa pa/ rang gi dang gis 'byung ba/ ngang du 'gyur ba yin pas rje'i bdag nyid ces kyang bya ba la/ de ni de 'phen par byed pa sngon 'byung ba'i chos kyi ming dang mthun par snying rje zhes kyang bya'o/ /gnas skabs de na ni mtshan ma thams cad dang bral ba'i phyir tshig thams cad kyi spyod yul ma yin te/ mi brjod du mi rung ba'ang 'dir 'di skad ces gang zhig rnam par mi rtog kyang yum dang dus thams cad tu med pa thams cad du 'gro ba mdza' dag gi don mdzad cing/ chos kyi 'khor lo bskor ba yid bzhin gyi nor bu rin po che'i rgyal po bas kyang lhag pa'i chos de 'ga' zhig yod do zhes bstan par bya bar zad do/ /'di nyid la klan ka ngan pa ji ltar na 'di smon lam grub pa mi 'gag chos nyid can yin/ ji ltar na mdza' yas pa'i bdag nyid chen po'i thugs rje rtag rnam snang ba yin te/ 'di ltar skyob pa rnams yongs su mya ngan las 'das na 'di thams cad kyang rjes su 'gro ba med par rgyun 'chad do zhe na/ de'i 'gag nyid mi 'gyur zhes bya ba la sogs pa smos so/ /'gag pa ni rgyun chad pa'o/ /'gag pa nyid 'gag nyid do/ /'gyur ba ni 'gro ba ste 'gyur ba zhes bya ba'i don no/ /gang zhig ce na/ thugs rje'i spyod pa ste thugs rje rnam pa gnyis ka'i 'o/ /spyod pa ni spyod pa ste de nyid thams cad mkhyen pa nyid do/ /ci'i phyir mi 'gag ce na/ 'di ltar de ni mi g.yo ba ste/ bcom ldan 'das rnams ni mi gnas pa'i mya ngan las 'das pa yin pa'i phyir 'khor ba ji srid par 'byung ngo zhes bya ba'i don to/ /de lta yin pas de dag ni 'jig rten gyi khams gcig tu mya ngan las 'das pa nye bar bstan nas gzhan du skye ba la sogs pa nye bar ston pa nyid do/ /ji lta bu zhig ce na/ 'jig rten gsum la zhes bya ba ni 'jig rten gsum po la'o/ /mchog ni sangs rgyas kyi chos la sogs pa'o/ /grub pa ni yongs su grub pa ste de stsol ba'o/ /gang dag tu 'gag par mi 'gyur zhe na/ dpag med mi dpog par te/ gang dag la yon tan gyi tshogs dpag tu yongs su dpag tu med cing 'di tsam zhes yongs su chad pa med pa yod pa de dag ni dpag med de sangs rgyas bcom ldan 'das rnams so/ /de dag gis kyang mi dpogs ste/ dpag tu med pa de dag kho na phan tshun 'di dag ni yon tan phun sum tshogs pa 'di tsam dang ldan no zhes bya bar mi dpogs pa de dag tu nam yang rgyun chad par mi 'gyur ro/ /gnas nyid legs rdzogs pa/ bde gnas gshegs kyang/ zhes bya ba ni gnas gang la legs par rdzogs shing mthar phyin pa yod pa de ni legs rdzogs pa ste/ phung po'i lhag ma med pa'i mya ngan las 'das pa nye bar ston pa'i gnas skabs so/ /'dir yang rang gi don nyid kyi rkyen yin no/ /de nyid bde gnas yin te 'di la gzhan la phan pa mdzad pa'i spyod pa yod pas so/ /'di ltar mya ngan las 'das pa nye bar bstan pas ni lus dang de'i longs spyod dag bstan par nga rgyal byed pa rnams kun tu skyo ba bskyed pas btul lo/ /'di ni 'di ltar mya ngan las 'das pa rnams kyang mdzad pa'i rgyun mi 'chad do zhes theg pa chen po'i tshul la ma goms pa rnams la mchog tu ya mtshan bskyed pas de dag gi bsam pa'i ngor e ma'o chos nyid bzang zhes bya ba gsungs so/ /de bzhin gshegs pa rnams kyi chos nyid rang bzhin shin tu rmad du 'byung ba'i phyir bzang po yin no/ /theg pa chen po'i ngang tshul du gyur pa rnams la ni mtshan mi che ste/ mya ngan las 'das pa med pa'i phyir ro/ /la la las ni bde gnas zhes bya ba mi 'byung ste/ der ni sdeb sbyor mi tshang bar 'gyur ro/ /yang na nges pa med pa'i phyir brdar btags pa'i don la mngon par mi bya ste/ ji skad du gdags pa brda rgyus byung ba ste/ de yang smra ba po'i 'dod rgyus byung/ /tha snyad don du byed pa ste/ sdeb sbyor sgra yi cha ming bzhin zhes bshad pa lta bu'o/ /de ni gsol ba gdab pa mchog stsol zhes bya ba la sogs pa gsungs te/ ji ltar 'dod pa'i 'bras bu mchog skal ba ji lta ba bzhin du sems can rnams la stsol bas na mchog stsol lo/ /'di yang gsol ba gdab pa'i rgyu yin te/ rtog pa dang ldan pa rnams ni sbyin pa po dag kho na la slong gi /'byor ba bdog kyang 'jungs pa rnams la ni ma yin no/ /bcom ldan 'das rnams ji ltar 'byor ba dang ldan pa yin zhe na/ sbyin mchog nyid gnas mchog nyid brnyes zhes bya ba gsungs so/ /sbyin pa ni zang zing dang/ mi 'jigs pa dang/ chos sbyin pa'i ngo bo yin pa'i phyir pha rol tu phyin pa thams cad do/ /gang dag la 'khor gsum yongs su dag pas sbyin pa mchog shin tu yongs su dag pa de dag ni sbyin mchog can no/ /de dag gi ngo bo nyid ni sbyin mchog nyid do/ /gang dag la gnas mchog ste dbang phyug gam/ go 'phang ngam/ rtogs pa yod pa de dag ni gnas mchog can te/ sangs rgyas bcom ldan 'das rnams so/ /de dag gi ngo bo ni gnas mchog nyid do/ /de nyid thams cad mkhyen pa nyid de sangs rgyas kyis kun tu 'od yin no/ /sbyin pa mchog nyid kyis gnas kyi mchog nyid kyi ni sbyin mchog nyid gnas mchog nyid do/ /de brnyes pa ni de'i bdag nyid du bsgrubs pas thob pa ste/ ye shes kyi tshogs yongs su dag pa'i rgyus sangs rgyas nyid bsgrubs pa dang ldan pa zhes bya ba'i don to/ /yang na mchog gi sbyin pa sems can rnams la sbyin pas na sbyin pa mchog go /des na rang gi don gyi rkyen yin no/ /des gnas mchog nyid skyes pa ste gnas la phan pa byas pa kho nas go 'phangs de sgrubs pa dang ldan pa'o/ /mchog sbyin zhes spyir smos pas mchog ngan ngon tsam sbyin pa tshangs pa la sogs dang yang mtshungs par shes par 'gyur bas yang 'jig rten gsum rtag dam pa stsol mchog sgrub ces bya bas khyad par du mdzad do/ /'jig rten gsum pa la'o/ /'bras bu mchog sgrub cing grub par mdzad pas na mchog sgrub pa'o/ /dam pa stsol ba sa bcu pa'i dbang phyug rnams kyi nang na mchog bsgrub pa gang yin pa dag ni dam stsol mchog sgrub pa yin no/ /sangs rgyas thams cad 'du ba las ni mchog gi dngos grub stsol zhes 'byung ste/ der ni mchog sangs rgyas kyi chos rnams kyi dngos grub yongs su grub pa de stsol ba zhes rnam par bshad par bya'o/ /bde gshegs ni rab tu zhi bar phyir mi ldog par ma lus par gshegs pa'i phyir ro/ /gang dag la dus gsum la thogs pa mi mnga' ba'i mkhyen pa'i blo mnga' ba de dag la de skad ces bya ste/ 'das pa dang ma 'ongs pa dang da ltar dag la thogs pa med pa'i ye shes gzigs pa zhes bya ba'i don to/ /de'ang ci'i phyir zhe na/ 'di ltar de dag ni sgrib pa mi mnga' ba'o/ /sgrib pa ni chong cing sgrib par byed pa ste/ nyon mongs pa'i sgrib pa dang/ shes bya'i sgrib pa zhes bya ba gang yin pa'o/ /gang dag la de dag spangs pa'i phyir med pa de dag ni sgrib pa mi mnga' ba ste/ 'di ni bde bar gshegs pa'i 'bras bu yin no/ /la la las ni mgon po zhes 'byung gi bde gshegs zhes mi 'byung ngo/ /der ni sdeb sbyor nyams te lan yang snga ma yin no/ /mgon po ni sa gsum gyi che'o/ /kun gyi zhes bya ba ni phyogs bcu mdza' yas pa'i 'jig rten gyi khams na bzhugs pa rnams so/ /dam tshig gsum zhes bya ba dam tshig gsum pa'i rgyud la brtson pa bdag la 'am/ de las gsungs pa'i mchog gi dngos grub bam/ de rtogs pa'i rgyu mtshan bdag la stsol cig pa'o/ /rgyud gang las dam tshig ste nges pa gsum po sangs rgyas dang/ chos dang/ phyir mi ldog pa'i dge 'dun la dang ba'i bdag nyid 'byung ba de ni dam tshig gsum pa'o/ /yang na dam tshig gsum ni don kun grub par bya ba'i phyir/ /byang chub sems yongs mi gtang dang/ /thub pa'i brtul zhugs bsten pa dang/ /de nyid shes pa btsal ba spyad ces bya ba 'di dag yin te/ rgyud 'di nyid las/ gang gi byang chub sems brtan zhing/ /blo gros chags pa med gyur pa/ /de la 'di ni nges 'grub ste/ /the tshom nyid ni mi bya'o/ /zhes gsungs pa lta bu'o/ /'jig rten pa dang/ 'jig rten las 'das pa'i phun sum tshogs pa thams cad kyi mchog ni/ rnam pa thams cad mkhyen pa nyid phun sum tshogs pa'o/ /yang na rig sngags 'chang dang/ 'khor los sgyur ba nyid la sogs pa'i dngos grub thams cad kyi nang na mchog gi dngos grub ste/ de nyid thams cad mkhyen pa nyid do/ /de grub pa ni yongs su grub pa ste mngon sum du byar rung ba nyid du sgrub pa de bdag la myur du stsol cig pa'o/ /gsang sngags bdag pos gsungs pa bstod pa'i rgyal po nyid/ /rnam par phye las bsod nams rgya tshan gang thob des/ /sems can rnams myur 'jam pa'i mchog la brten nas ni/ /bstod pa 'di lta bu'i snod du rab gyur cig / bcom ldan 'das la bstod pa dpal rdo rje 'dzin gyi dbyangs kyi rgya cher bshad pa mang du thos pa'i slob dpon zhi ba 'tsho 'phags pa 'jam pa'i mchog gi zhabs kyi pad+ma'i rdul la brten pas mdzad pa rdzogs so// // rgya gar gyi mkhan po bidyA ka ra pra b+he dang/ zhu chen gyi lo tsA ba bande dpal brtsegs kyis bsgyur cing zhus nas gtan la phab pa// // */ (/de bzhin gshegs pa lnga la bstod pa/) /rgya gar skad du/ pany+tsa ta thA ga ta sta ba/ bod skad du/ de bzhin gshegs pa lnga la bstod pa/ gsung gi mnga' bdag la phyag 'tshal lo/ /'jig rten gsum mgon yon tan mdza' med pha rol phyin/ /'o ma'i mtsho ltar dkar yangs mdzes pa'i sku dang ldan/ /mnyam nyid de bzhin nyid dngos seng ge'i khri la bzhugs/ /thub mchog rnam par snang mdzad de la mgos phyag 'tshal/ /mdangs ldan nor bu mthon ka chen po ltar 'phro ba'i/ /'od kyis phyogs rnams ma lus snang bar mdzad pa po/ /'jig rten gsum na rmad byung glang po'i khri la bzhugs/ /bsnyengs bral sangs rgyas mi bskyod de la rtag phyag 'tshal/ /rin chen dbang bskur 'byor pas 'gro don mdzad la mkhas/ /bsod nams tshogs mnga' ri rgyal mngon sum rgyu 'dra zhing/ /gser gyi rgya mtsho lta bus rta yi gdan la bzhugs/ /thub pa rin chen 'byung ldan de la rtag phyag 'tshal/ /rma bya'i rigs mchog rgya yis mdzes byas snang ba yi/ /'od kyis phyogs kun khebs pas mngon dga' pad+ma ni/ /rang ga'i ri bo ltar mdzes rma bya'i gdan bzhugs pa/ /thub pa dpag med 'od mnga' de la phyag 'tshal lo/ /dam chos 'od zer tshogs kyis mun pa sel mdzad pa'i/ /'od kyi snang bas nam mkha' i cha kun rnam par 'gengs/ /bai DUrya yi mtsho ltar mkha' la bzhugs/ /sangs rgyas don yod grub pa de la phyag 'tshal lo/ /seng ge glang po rta dang rma bya mkha' lding gdan la rdo rje skyil krung bzhugs/ /sku mdog rim bzhin dkar dang sngo dang ser dang dri med dmar dang ljang gyur cing/ /byang chub mchog dang reg mchog sbyin dang ting 'dzin mi 'jigs sbyin pa'i phyag rgyas mtshan/ /rang rigs rin chen cod pan ldan pa'i ye shes lnga yi bdag nyid de la 'dud/ /de bzhin gshegs pa lnga'i bstod pa rdzogs so// //rgya gar gyi mkhan po sh+rad+d+ha kA ra dang/ dge slong rin chen bzang pos bsgyur cing gtan la phab pa/ / //rgya gar skad du/ sapta ta thA ga ta sto traM/ bod skad du/ de bzhin gshegs pa bdun gyi bstod pa/ /'jam dpal gzhon nur gyur pa la phyag 'tshal lo/ /'gro ba'i bla ma lha mi 'jig rten phyir mchod cing/ /thugs rjes gsal zhing gzhan las phan pa'i thar pa ston/ /srid gsum chu chen mthar phyin bde la 'gro bar ston pa po/ /de bzhin gshegs pa rnam par gzigs la phyag 'tshal lo/ /srid pa'i rgya mtsho mdza' dang pha rol med pa 'di/ /'jig rten nub cing 'dug par rab tu gzigs nas kyang/ /phan gdags phyir ni chos rnams rab tu ston pa gang yin pa/ /rgyal ba gtsug tor mnga' ba de la phyag 'tshal lo/ /nyi zla dag las 'das pa'i gzi brjid mnga' ba des/ ye shes dang ni spyod pa'i ngang tshul rnams las kyang/ /rgya mtsho'i 'jing ltar gting dpag nus par mi 'gyur ba'i/ /sangs rgyas thams cad bskyod pa de la phyag 'tshal lo/ /gang gi grags pa zla ba'i 'od zer 'dra ba yis/ /sa steng mdza' dag rab tu brgyan par snang ba dang/ /au duM wa ra'i me tog bzhin du rmad byung ba/ /thub dbang chen po log dad sel la phyag 'tshal lo/ /dri ma med cing rtag tu phan par mdzad pa dang/ /chags pa med pa gang gis dri ma med pa'i thugs/ /rnam par 'phro bas mun pa'i thibs po rab bcom zhing/ /lha yis mchod pa'i gser thub de la phyag 'tshal lo/ /btso ma'i gser gyi phung po'i kha dog 'dra ba yi/ /gzi brjid 'bar ba'i nyi ma stod pas lhag pa mnga' / /skye bo kun gyis phyag byas 'jig rten mchog gyur pa'i/ 'od srungs mtshan gsol gang yin de la phyag 'tshal lo/ /nyi ma'i 'od zer mang pos pad+ma'i tshal 'byed ltar/ /gsung gi 'od zer mang pos 'jig rten sad par mdzad/ /ston pa shAkya thub pa thugs rje'i sgron ma can/ /mya ngan 'das pa gang yin de la phyag 'tshal lo/ /gang gis byang chub skye ba gcig gis thogs gyur cing/ /byams pa zhes bya dga' ldan gnam gyi gnas nas bzhugs/ /sa steng bde bar gshegs par 'gyur ba gang yin pa/ /de la bdag ni snying nas rtag tu phyag 'tshal lo/ /'das pa'i rgyal ba bdun po dag dang phyis gshegs pa/ /brgyad pa byang chub sems dpa' bdag gis bstod pa yis/ /bsod nams mdza' yas dpag med bdag gis gang thob pa/ /des ni sems can rnams kyang skyon chen bral gyur cig /de bzhin gshegs pa bdun gyi bstod pa rdzogs so/ / //rgya gar gyi mkhan po sh+rad+d+ha ka ra dang/ dge slong rin chen bzang pos bsgyur cing gtan la phab pa// //*/ (/de bzhin gshegs pa brgyad la bstod pa bzhugs so/ ) /rgya gar skad du/ aSh+Ta ta thA ga ta sto tra/ bod skad du/ de bzhin gshegs pa brgyad la bstod pa/ de bzhin gshegs pa thams cad la phyag 'tshal lo/ /mtshan gyi me tog rgyas shing dag pa la/ /dpe byad bzang po'i 'bru chags mdzes pa'i sku/ /gang gis mthong thos dran yang dpal gyur pa/ /mtshan gyi rgyal po de la phyag 'tshal lo/ /rin chen zla ba pad+mas rab brgyan cing/ /shes bya kun la mkhas pas mkhyen pa 'phags/ /rgya mtsho lta bur zab pa'i thugs mnga' ba/ /sgra dbyangs rgyal po de la phyag 'tshal lo/ /'dzam bu chu bo'i gser ltar lhang nge ba/ /nyi ma stong pas lhag pa'i gzi brjid 'bar/ /dri med gser gyi mchod sdong lta bu'i sku/ /gser bzang dri med snang la phyag 'tshal lo/ /mya ngan 'das shing bde ba'i mchog brnyes pa/ /'gro ba'i sdug bsngal gdung ba zhi mdzad cing/ /'gro drug mgon dad dpal du gyur pa po/ /mya ngan med mchog dpal la phyag 'tshal lo/ /chos sgra chen pos pha rol rgol ba 'joms/ /rgya mtsho lta bur zab pa'i sku mnga' zhing/ /'gro ba'i dug gsum ma lus sel mdzad pa/ /chos bsgrags rgya mtsho'i dbyangs la phyag 'tshal lo/ /chos kyi blo gros gting dpag dka' ba'i tshul/ /rnam dag chos kyi dbyings las rol mdzad cing/ /shes bya ma lus mngon sum gzigs pa po/ /chos blo mngon par mkhyen la phyag 'tshal lo/ /'gro ba'i nad gso mdzad pa sman pa'i mchog /bai DUrya ltar dang ba'i sku mnga' zhing/ /sku yi 'od kyis 'gro ba sgrol mdzad pa/ /sman pa'i rgyal po de la phyag 'tshal lo/ /thugs rjes kun la snyoms pa'i bcom ldan 'das/ /mtshan tsam thos pas ngan 'gro'i sdug bsngal sel/ /dug gsum nad sel sangs rgyas sman gyi bla/ /bai DUrya yi 'od la phyag 'tshal lo/ nyi ma lta bur ma rig mun pa sel/ /zla ba lta bur nyon mongs gdung ba sel/ dug gsum nad sel sangs rgyas sman gyi bla/ /bai DUrya yi 'od la phyag 'tshal lo/ /lha mi'i ston pa sman pa'i rgyal po ste/ /bcom ldan 'jig rten gsum la skyabs mdzad pa/ /dug gsum nad sel sangs rgyas sman gyi bla/ /bai DUrya yi 'od la phyag 'tshal lo/ /khyod ni 'jig rten gsum gyi sman pa ste/ /'dod chags zhe sdang gti mug rtsad nas gcod/ /sems can thams cad bde la rab tu 'god/ /bai DUrya yi 'od la phyag 'tshal lo/ /ye shes spyan gyis 'gro ba kun la gzigs/ /thugs rje'i spyan gyis 'gro ba kun la khyab/ /dug gsum nad sel sangs rgyas sman gyi bla/ /bai DUrya yi 'od la phyag 'tshal lo/ /rlung dang mkhris pa bad kan 'dus la sogs/ /'byung ba bzhi po 'khrugs par gyur pa la/ /nad kyi gnyen por phyag g.yas a ru ra/ /sman pa'i rgyal po khyod la phyag 'tshal lo/ /sku mdog mthing ga autpal sngon po 'dra/ /phyag g.yon bdud rtsi sman gyi lhung bzed bsnams/ /dug gsum nad sel sangs rgyas sman gyi bla/ /bai DUrya yi 'od la phyag 'tshal lo/ /nyes pa rgya mtsho dag ni gzhir spangs nas/ /yon tan rgya mtsho dag gis pha rol phyin/ /thams cad mkhyen pa lha yi lhar gyur pa/ /bai DUrya yi 'od la phyag 'tshal lo/ /smon lam rgya chen yongs su dag gyur pas/ /yid bzhin nor bu lta bur gzhan don mdzad/ /dug gsum nad sel sangs rgyas sman gyi bla/ /bai DUrya yi 'od la phyag 'tshal lo/ /thabs mkhas thugs rjes shAkya'i rigs 'khrungs zhing/ /gzhan gyis mi thub bdud kyi dpung 'joms pa/ /gser gyi lhun po lta bur mdzes pa'i sku/ /shAkya'i rgyal po de la phyag 'tshal lo/ /de bzhin gshegs pa brgyad la bstod pa slob dpon zhi ba 'tshos mdzad pa rdzogs so// //*/ /rgya gar skad du/ su pra b+ha ta pra b+ha ta sto tra/ bod skad du/ rab tu snga bar nam langs pa'i bstod pa/ 'jig rten gsum gyi mnga' bdag la phyag 'tshal lo/ /lha yi tshogs dang grub pa dri za'i gtso dang sdom brtson dbang rnams kyis/ /bstod tshig sna tshogs dag gis lha yul sa steng rnams su bstod mod kyi/ /bdag kyang ji ltar nub pas 'phags pa rdzogs pa'i sangs rgyas bstod bgyi ste/ /nam mkha' la ni mkha' lding 'phur zhes bung ba rnams ni cis mi 'phur/ /mi mthun phyogs spangs gyur pa lus pa med pa'i skyon ni zad gyur la/ /btso ma gser gyi mdog can pad+ma rgyas pa lta bur yangs pa'i spyan/ /dpal ldan mdzes pa'i 'od kyi dkyil 'khor lha yi tshogs kyis yongs bskor ba'i/ /stobs bcu mnga' ba khyod ni rtag tu rab tu snga bar nam langs pa'o/ /bdud kyi dpung las rnam par rgyal ba nyam nga lam na gcod mdzad pa/ /sa gsum phan par mdzad pa 'khri shing dra ba gsum la dral mdzad pa/ /zhi ba'i bde ba rtsol bar mdzad pa mi shes ri bo 'jig mdzad pa/ /stobs bcu mnga' ba khyod ni rtag tu rab tu snga bar nam langs pa'o/ / //gang zhig lha min mi dang lha rnams kyi yang sngon du bde ba'i gnas thob pa/ /ma lus pa'i sa'i khams su 'jig rten gcig bsdus dbyangs gsang mthon po sgrogs/ shed las skyed pa bsgo byed rang byung pad+ma'i skye gnas can ni gnyid log gyur/ /stobs bcu mnga' ba khyod ni rtag tu rab tu snga bar nam langs pa'o/ /shar gyi ri'i rtse'i ngos la gnas shing dmar po'i 'od kyis gnang non pa/ /mun pa'i tshogs rnams 'joms par byed par skye dgu rnams kyi mig gcig du/ /nyi ma de yang myos pas 'phyin cing rnam pa kun tu gnyid log gyur/ /stobs bcu mnga' ba khyod ni rtag tu rab tu snga bar sad pa'o/ /glang po che ltar dkar bsil bsil ba'i zer can ri bong mtshan/ /mtshan mo'i thig le lta bur mdzes pa kun gyi gtsug gi nor bu gang/ /dman pa'i mdangs dang bral ba nges ni rnam pa kun tu gnyid log gyur/ /stobs bcu mnga' ba khyod ni rtag tu rab tu snga bar sad pa'o/ /rab mchog lag pa bzhi pa bcu drug phyed phyed phyogs kyi gdong pa can/ /bzlas dang nyes pa'i cho ga shes shing nges brjod rig byed 'don pa po/ /dri med pad+ma'i skye gnas tshangs pa de yang rab tu gnyid log gyur/ /stobs bcu mnga' ba khyod ni rtag tu rab tu snga bar sad pa'o/ /gangs kyi ri bo'i rtse la gnas shing sbrul gyis mchod phyir thogs pa 'chang/ /grong khyer sum brtsegs sreg par nus gang stag gi pags pa'i gos gyon pa/ /rtse gsum can dreg ri mchog bu mo dang ni lhan cig gnyid log gyur/ / stobs bcu mnga' ba khyod ni rtag tu rab tu snga bar sad pa'o/ /'bar ba'i rdo rje lag na thogs shing lha min rnams kyis thub dka' ba/ /lha yi gtso bo bde sogs bdag po rmongs pa'i bsam pas rnam par 'khor/ /mtshan mo min dang mtshan mo gnyid log 'dod pa'i 'dam du nges par bying/ /stobs bcu mnga' ba khyod ni rtag tu rab tu snga bar sad pa'o/ /autpal sngon po'i 'dab ma ltar sngo pad+ma ltar dkar yangs pa'i mig /lha min gtso bo thams cad bcom gyur thams cad byed pa sna tshogs gzugs/ / khyab 'jug kyang ni yun ring gnyid log mngal gyi gnas las thar ma gyur/ /stobs bcu mnga' ba khyod ni rtag tu rab tu snga bar nam langs pa'o/ /gang zhig ral pa ser skya'i tshogs bstan dmar po zangs mdog khrag gi mig /phyugs bdag dga' ba'i dus su gcig du chags pa 'joms par nus pa bo/ /'dod pa'i lha yi mda' sreg lus can me lha de yang gnyid log gyur/ /stobs bcu mnga' ba khyod ni rtag tu rab tu snga bar sad pa'o/ /zla ba kha ba ku mu da mtshungs chang mthus mig ni dmar gyur la/ /'dod pa brtan sra sgeg po thong gshol lag na 'dzin par brtson/ /stobs can de ni nam gru'i mgul nas 'khyud cing 'di na nyal bar gyur/ /stobs bcu mnga' ba khyod ni rtag tu rab tu snga bar sad pa'o/ /glang chen gdong can mche ba gtsigs pa rnam pa kun tu 'gegs byed pa/ /'gram pa'i ngos gnyis myos chu rab 'bab nus pa sgra gsang mthon po sgrogs pa yi/ /tshegs kyi bdag po yang ni chang gi btung bas myos par gyur/ /stobs bcu mnga' ba khyod ni rtag tu rab tu snga bar sad pa'o/ zar ma'i me tog ltar sngo gang gi lag pa mchog na mdung thung thogs/ /pad+ma sar ba lta bu'i lus can gdong drug lha min khrung khrung bsad/ /mig gsum ldan pa gzhon nu'i tshul can de yang gnyid 'thug log par gyur/ /stobs bcu mnga' ba khyod ni rtag tu rab tu snga bar sad pa'o/ /zas la rab chags dman lus rtag par rnal 'byor rjes su dga' gyur pa/ /gnod pa sna tshogs rnams dang ldan pa'i yi dags lta bur tshig pa'i lus/ /zla dpung 'gro ba rnam bral gang yin gcer bu de rnams kyang gnyid log / stobs bcu mnga' ba khyod ni rtag tu rab tu snga bar sad pa'o/ /bas mdza' i gnas chen 'di na drang srong ngan spong aM gi ra sogs dang/ /kun tu rgyu sogs gnas 'jog rgyas pa grog mkhar ba dang dga' byed rnams/ /gzhon nu mas skye gnas chags shing rmongs pa de rnams kyang gnyid log / stobs bcu mnga' ba khyod ni rtag tu rab tu snga bar sad pa'o/ /gshin rje chu bdag lus ngan gnod sbyin 'dre dang lto 'phye'i dbang po dang/ /de bzhin 'jig rten skyong gzhan lha yul sa steng nam mkha' la gnas pa/ / gzhon nu ma la rab chags zur gyi lha dang lha min rnams kyang gnyid log gyur/ /stobs bcu mnga' ba khyod ni rtag tu rab tu snga bar sad pa'o/ /srid pa'i rgya mtshor bying gyur gti mug dra bas khebs pa'i lus/ /thub pa ser skya gzegs zan kun tu 'khor zhing blun pa'i bsam pa can/ /zhi ba'i bde ba yongs su nyams pa de rnams kyang ni gnyid log gyur/ /stobs bcu mnga' ba khyod ni rtag tu rab tu snga bar sad pa'o/ /mi shes mtshan mo mun par sregs pa mal cha 'thug gyon cing/ /yul gyi sngas rtan la ni rab 'thug gnyid log gyur pa'i tshe/ /dge dang mi dge'i 'bras bu yongs su 'dre log byed pa na/ /rtag pa nyid du gnyid sad gang yin de la phyag 'tshal lo/ /chu 'gram dag du ba lang rigs brgya rnams kyis chu 'thungs te/ /ngoms nas 'gro bar gyur na'ang tshul bri bar mngon pa med/ /de bzhin thub pa snyan dngags mkhan brgyas yang dag bstod gyur kyang/ /yon tan rgya mtsho legs pa'i gter chen zad par gyur ma yin/ /rab tu nam nangs khyod gcig pu yi ye shes spyan phye gyur bstod pas/ /'jig rten gsum mgon rta bdun 'od kyis 'gro 'di rtag tu snang byas te/ sna tshogs lam thob lam ngan las bzlog 'byor ldan dpal gyis byas pa dag /dgos mod rang dgar bde blag dngos grub rnam pa kun tu spyod gyur cig /yang dag par rdzogs pa'i sangs rgyas la/ /kha che'i rgyal po sh+rI ha ri sha de bas bstod pa rdzogs so// //*/ /rgya gar skad du/ aSh+Ta mahA s+tha na tsai dya banda na ma sta ba/ bod skad du/ gnas chen po brgyad kyi mchod rten la phyag 'tshal ba'i bstod pa/ /'jam dpal gzhon nur gyur pa la phyag 'tshal lo/ /bltams dang byang chub mnyam med chos kyi 'khor lo dge ba bskor/ /mchod rten thog mar 'jig rten gsum mchod dang ldan cho 'phrul chen po dang/ /gangs ri'i kha dog ltar gsal lha las babs pa'i gnas 'di dang/ /gang du bde gshegs mya ngan 'das pa de la spyi bos bdag phyag 'tshal/ /yangs ? ba ra NA se byis pa gsod ri 'jigs rung bcings 'gram dang/ /mnyan yod dang ni byang chub shing drung ku sha'i grong mchog ser skya lum+bi ni/ /kau sham bi dang mdzod 'thug mnyam pa'i grong mchog dga' skyong yul 'khor dang/ /stobs bcu ldan pa'i mchod rten gzhan gang yin pa de la'ang spyis phyag 'tshal/ /kha che dang ni rgya yul kha ba ya mun zhes dang/ /sing ga la dang aau Di sind+hu shing 'phel ba ga mang ba kha ko la/ /bal yul ka ma ru dang bum pa'i klong mchog kan ci bzang po'i yul/ /stobs bcu ldan pa'i gdung bcas gzhan gang yin pa de la'ang spyis phyag 'tshal/ /ti se gangs ri gangs can la gnas manDa ra dang ri rab rtse/ /klu gnas rnam rgyal nor sbyin gnas dang rig 'dzin grub pa'i gnas/ /tshangs dang khyab 'jug gnas dang phyugs bdag nyi ma zla ba'i gnas/ /stobs bcu ldan pa'i mchod rten gzhan gang yin pa de la'ang spyis phyag 'tshal/ /stobs bcu las byung rin chen snying can mchod rten brgyad po gdung bcas bum las grub/ /sol ba de bzhin rin chen mchod rten gangs dang dngul 'dra rab mdzes pa/ /sa 'og sa steng lha yul rtser bzhugs mchod rten ji srid ma lus dang/ /sangs rgyas sku gzugs gang bzhugs de la nyin re bzhin du spyi bos phyag bya'o/ /gnas chen po brgyad kyi mchod rten la phyag 'tshal ba'i bstod pa/ /kha che'i rgyal po sh+rI ha ri sha de bas yum gyi ched du mdzad pa rdzogs so// //rgya gar gyi mkhan po rA dza sh+rI dz+nyA na mi tra dang/ lo tsA ba kha'u brgad yon tan dpal gyis bsgyur ba'o// // */ (/de bzhin gshegs pa'i mtshan brjod bskal bzang rgyan gyi phreng ba zhes bya ba/) rgya gar skad du/ ta thA ga ta nA ma saM gI tI kalpi ka b+ha drA la ka ra mA la nA ma/ bod skad du/ de bzhin gshegs pa'i mtshan brjod bskal bzang rgyan gyi phreng ba zhes bya ba/ /sangs rgyas thams cad la gus pa'i gtsug gis phyag 'tshal lo/ /mdzes snang bskal par rnam par brgyan zhing du/ 'khor los sgyur rgyal yul 'khor srungs sras stong/ /sangs rgyas yon tan mdza' yas rin po che/ /sna tshogs bkod pa'i rgyal pos bskal bzang 'dir/ /rgyal 'gyur lung bstan sangs rgyas stong dag dang/ /rdzus skyes mched gnyis la yang phyag 'tshal nas/ /rgyal kun yul rigs 'od dang yab yum sras/ /rim gro shes rab can mchog rdzu 'phrul can/ /'dus tshad tshe tshad bstan pa gnas pa'i tshad/ /sku gdung mchod rten tshul dang sems bskyed tshul/ /re re 'ang bco lnga bco lngas rgyas gsungs mod/ 'dir ni gus pas mtshan tsam brjod par bya/ /bde gshegs 'khor ba 'jig dang gser thub dang/ /'od srungs shAkya'i skyes mchog byams pa dang/ /seng ge rab gsal thub pa me tog dang/ /me tog gnyis pa rnams la phyag 'tshal lo/ /rgyu skar bzang dang ded dpon lag chen dang/ /stobs chen rgyu skar rgyal po rtsi sman dang/ /snyan pa dang ni tog dang 'od chen dang/ /grol ba'i phung po rnams la phyag 'tshal lo/ /rnam par snang mdzad nyi ma'i snying po dang/ /zla ba 'od 'phro 'od bzang mya ngan med/ /skar rgyal dang ni rab gsal phreng thogs dang/ /yon tan 'od la'ang gus pas phyag 'tshal lo/ /don gzigs dang ni mar me mthu ldan dang/ /sman pa dang ni des pa mdzod spu dang/ /brtan ldan lha yi dpal dang gdul dka' dang/ /yon tan rgyal mtshan rnams la'ang phyag 'tshal lo/ /sgra gcan tshogs ldan tshangs dbyangs tshig brtan dang/ /mi 'gyid 'od mdzad lhun po chen po dang/ /rdo rje dang ni sdom can mi bsnyengs pa/ /rin chen rnams la gus pas phyag 'tshal lo/ /pad can stobs sde me tog 'od gzer dang/ /ye shes dgyes dang gzi chen tshangs pa dang/ /'od dpag med dang klus byin brtan par gshegs/ /don yod mthong ba rnams la phyag 'tshal lo/ /brtson 'grus byin dang bzang skyong dga' bo dang/ /'chi med seng ge rgyal mtshan rgyal ba chos/ /mchog tu dga' ba'i rgyal po kha lo bsgyur/ /dgyes par gshegs pa rnams la phyag 'tshal lo/ /chu lha dang ni yon tan yan lag dang/ /spos kyi glang po rnams gzigs 'brug sgra dang/ /legs sems yid bzang dri med zla ba dang/ /grags chen rnams la gus pas phyag 'tshal lo/ /gtsug na nor bu drag shul seng ge'i stabs/ /ldon pa rnam rgyal can dang shes rab brtsegs/ /legs gnas dang ni blo gros yan lag skyes/ /blo mdza' yas pa rnams la phyag 'tshal lo/ gzugs bzang dang ni mkhyen ldan 'od zer dang/ /brtul zhugs brtan dang bkra shis bden pa'i tog /pad+ma sred med bu dang lag bzang dang/ /ye shes 'byung gnas rnams la phyag 'tshal lo/ /yon tan 'od 'phro tshangs byin rin 'byung gnas/ /lha yi me tog dang ni don legs sems/ /chos kyi dbang phyug blo gros spobs pa brtsegs/ /rdo rje rgyal mtshan phan bzhed phyag 'tshal lo/ /rnam par rol ldan mun bral sgra gcan lha/ /ri bo'i rgyal mtshan tshogs 'od rin chen snying/ /shin tu mthor gshegs skar rgyal ru rings dang/ /yon tan grags pa rnams la phyag 'tshal lo/ /nyi zla nyi 'od skar mkhan seng ge'i tog /dus mkhyen rgyal po dpal snying srid mdza' gzigs/ /glog 'od gser gyi ri bo seng ges byin/ /gzhan gyis mi thub rgyal mtshan phyag 'tshal lo/ /mchog dga' grags pa brtson 'grus brtan grags rdzogs/ /bsnyengs bral mchod 'os lha dang sgron chen dang/ /'jig rten 'od dang spos dri zhim po dang/ / yon tan mchog 'dzin mun bral phyag 'tshal lo/ /seng ge'i 'gram dang rin chen grags skyon zhi/ /bdud rtsi 'chang dang mi'i zla shin tu gzigs/ /rab brgyan nor 'od ri bo brtsegs pa'i tog /chos 'byung don des ldan la'ang phyag 'tshal lo/ /tshe byin rin chen 'byung gnas skye dbang mtshungs/ /stabs kyis gshegs dang blo gnas gdugs mdzes dang/ /gtso bo shin tu 'phags pa dpal seng sgra/ /rnam par rol ldan rnams la phyag 'tshal lo/ /klu 'od me tog ri dang klu dga' dang/ /spos kyi dbang phyug shin tu grags stobs lha/ /yon tan 'phreng rgyan klu'i lag mig brgyan dang/ /legs par sbyangs pa'i blo la'ang phyag 'tshal lo/ /zil gnon mdza' yas spyan dang bden pa gsung/ /nyi ma'i 'od dang des blo mdza' yas gzugs/ /rnam snang rin chen tog dang the tshom spangs/ /'jig rten 'das pa rnams la phyag 'tshal lo/ /don yod rnam par gnon dang tog mdzad dang/ /me tog rgyal mtshan ri dbang rgyal gzi chen/ / don mdzad gzigs dang grags yas rin chen la/ /don mkhyen blo rdzogs rnams la phyag 'tshal lo/ /mya ngan med dang dri bral tshangs lha dang/ /sa dbang me tog spyan dang rnam 'byes sku/ /chos 'od kun gzigs yon tan 'od gsal dang/ /dri med zla ba'i zhal la'ang phyag 'tshal lo/ /rin chen 'od dang rin chen tog dang ni/ /grags pa'i bla ma 'od byed gzi dpag med/ /dus mkhyen seng ge'i sku dang mkhas bla dang/ /rgyal dka' yon tan phung po phyag 'tshal lo/ /zla ba'i tog dang mthu ni thob pa dang/ /mthu rtsal mdza' yas zla ba dri med dang/ /don rnams thams cad gzigs dang ngas 'o dang/ /'byor ldan bsod nams sgron ma phyag 'tshal lo/ /yon tan 'od 'phro blo ni yangs pa dang/ /legs skyes nor lha yid gnyis spong ba dang/ 'dzin pa dpag med mchog sred tshoms med dang/ /mi gnas pa dang der gnas phyag 'tshal lo/ /tshogs chen gtso bo 'gro ba'i 'od zer dang/ /phal chen rgyal bu gzi brjid mdza' yas dang/ /don blo sman pa'i rgyal po tha ba spangs/ / rims nad med dang legs byin phyag 'tshal lo/ /grags byin me tog byin dang skyes bus byin/ /rdo rje'i sde dang phal chen byin pa dang/ /zhi ba'i blo gros spos glang sred med bu/ /nges pa dang ni mi tshugs phyag 'tshal lo/ /nyi zla glog gi tog dang mchod pa dang/ /dpal sbas dang ni ye shes nyi ma dang/ /don grub lhun po brtsegs dang dgra 'dul dang/ /pad+ma dgra bcom grags la phyag 'tshal lo/ /ye shes 'gros dang nyon mongs bral ba dang/ /'dam bu dang ni spos bzang yul 'khor rangs/ /lha grags srid zla gzigs dang zla ba dang/ /sgra gcan rin chen zla la phyag 'tshal lo/ /rin chen rgyal mtshan dang ni bsam gtan dgyes/ /rdzogs ldan rnam rol yon tan rin chen dang/ /dgra bcom grags pa pad ngos mdzod spu ldan/ /spobs grags rdo rje nor bu phyag 'tshal lo/ /tshe dpag med dang nor bu bkod pa dang/ /dbang chen yon tan 'byung gnas lhun po grags/ /'od zer bcu pa ma smad glang po'i 'gros/ /yid zla rin chen zla ba phyag 'tshal lo/ zhi ba rab gsal rgyal po kha lo bsgyur/ /dga' ba'i dbang phyug gtsug na rin po che/ /bsnyengs bral rin chen snying po zla ba'i zhal/ /dri ma med grags zhi brjid phyag 'tshal lo/ /dga' rtog sgra gcan lha dang na tshod bzang/ /lha dga' rin chen phung po mdzes par gshegs/ /seng+ge'i phyogs pa shin tu mthor gshegs dang/ /skye dbang blo gros bzang po phyag 'tshal lo/ /'jig rten 'od dang rin chen gzi brjid dang/ /skal ldan shing rta kun rgyal dga' ba bkod/ /stegs mdzad dang ni spos glang blo 'od 'phro/ /ri bo'i rgyal mtshan spos bzang phyag 'tshal lo/ /chos brtan dang ni gzi brjid drag shul can/ /chos kyi nor bu bzang sbyin bde gshegs zla/ /tshangs pa'i dbyangs dad seng ge zla ba dpal/ /legs skyes thub med tshogs la phyag 'tshal lo/ /grags pa bshes gnyen dang ni bden pa dang/ /dka' thub chen po lhun po'i 'od zer dang/ /yon tan brtsegs pa mchod grags chos grags dang/ /sbyin 'od glog 'byin bden gsung phyag 'tshal lo/ /'tsho byed na tshod bzang po legs tshogs can/ /rnam nges blo gros srid mdza' nor bu'i spos/ /rgyal dgyes seng ge'i 'od zer rnam snang mdzad/ /grags mchog thugs rang gzhung la'ang phyag 'tshal lo/ /nor bu zla ba drag shul 'od zer dang/ /brtul zhugs bung med 'gros mchod nor bu'i tshogs/ /'jig rten bla ma glang seng zla ba dang/ /rin 'od sgra gcan sbed la'ang phyag 'tshal lo/ /yon tan rgya mtsho 'od zer ldan pa dang/ /rab tu zhi stabs 'jig rten bzang po dang/ /mya ngan med pa shugs bcu stobs dgyes dang/ /mthu dpal mthu thob mthu chen phyag 'tshal lo/ /yon tan snying po bden par spyod pa dang/ /dge mchog rgyal po dkar rgyal 'od zer che/ /glog 'od yon tan rgya chen rin po che/ /dpal 'od dang ni bdud 'dul phyag 'tshal lo// go bgos seng ge'i phyag dang me tog bzang/ /rin chen mthon po dang ni rgya mtsho dang/ /sa 'dzin don blo mnga' ba yon tan bsags/ /yon tan tshogs dang rin me phyag 'tshal lo/ /'jig rten 'das dang 'jig rten zla ba dang/ /dbyangs snyan tshangs pa'i tog dang tshogs can gtso/ /seng ge'i stabs dang drag shul byin pa dang/ /chos dbang gzi 'od 'od chen phyag 'tshal lo/ /rin chen grags pa tshogs gsal grags mdza' yas/ /'od zer don ldan lha yi drang srong dang/ /skye dbang dge 'dun brtan dang phyogs bzang dang/ /tog dang yul 'khor me tog phyag 'tshal lo/ /chos kyi blo gros rlung gi shugs ltar gshegs/ /legs bsam grags pa snang ldan lha tshogs dang/ /yon tan srung don blo gros bsnyengs pa med/ / grogs brtan 'od gnas mtshungs la phyag 'tshal lo/ /nor zhabs thar pa'i gzi brjid ngos bzang dang/ /blo yangs kun tu gzi brjid ye shes mchog /tshangs par gnas dang bden pa gsung ba dang/ /blo bzang dang ni stobs byin phyag 'tshal lo/ /seng stabs me tog tog dang shel 'byung gnas/ /me tog byin dang yon tan snying po dang/ /rin chen grags pa grags pa rmad byung dang/ /mi tshugs bsnyengs med nyi 'od phyag 'tshal lo/ /tshangs gshegs lha yi mthu rtsal ye shes dgyes/ /lha bden nor bu'i snying po yon tan grags/ /ye shes dpal dang bcings med brtul zhugs brtan/ /lha yi gzi byin rnams la phyag 'tshal lo/ /tshangs thub dal bzhud brtul zhugs dka' thub dang/ / 'od gzer phung po dang ni gzi brjid che/ /tsam pa ka dang dga' mdzad tshogs can bzang/ /dbang po'i rgyal mtshan dgyes chen phyag 'tshal lo/ /sna ma'i me tog 'od dang tshogs can 'od/ /skrun mdzad mdangs 'gro don legs nges pa dang/ /khyu mchog dang ni lag bzang 'od zer che/ /bsam sbyin bsod nams 'od la'ang phyag 'tshal lo/ /rin chen dbyangs dang rdo rje'i sde dang ni/ /'byor ldan seng ge'i stobs dang dri med spyan/ /'od srungs dang ni blo gsal ye shes 'gros/ /gzi brjid drag shul 'od chen phyag 'tshal lo/ /nyi ma'i 'od dang dri ma med pa'i 'od/ /gzi brjid rnam 'byes khengs med sbrang rtsi'i zhal/ /zla 'od glog 'byin rab zhir gshegs pa dang/ /mi 'khrugs dgra bcom grags la phyag 'tshal lo/ /chos kyi yon tan zhing bzad bkod rgyal po/ /mngon par 'phags dang sbyin sreg 'od 'phro dang/ /pad dpal rin chen bkod dang shin tu bzang/ /rin chen mchog dang thugs gzhungs phyag 'tshal lo/ /rgya mtshos byin dang tshang tog zla ba'i gdugs/ /'od 'phro dri med rgyal po ye shes grags/ /kun rgyal yon tan 'od dang sgra grags dang/ /zla rgyas rnams la gus pas phyag 'tshal lo/ /padmo'i 'od zer brtul zhugs bzang po dang/ /sgron rgyal glog gi 'od dang 'od zer rgyal/ /skar mkhan grags rdzogs pad+ma'i snying po dang/ /rgyal dang spyan mdzes rnams la phyag 'tshal lo/ /rnyog pa med don dang ni drag shul sde/ /bsod nams gzi brjid mthu rtsal thogs med blo/ /sgra can lha dang shes phu kha lo bsgyur/ /skyes mtshungs me tog tog la phyag 'tshal lo/ /sgra gcan 'dzin dang sman chen rgyu skar rgyal/ /sman rgyal bsod nams glang po mchod mdzad dang/ /rnam grags rgyal po nyi ma'i 'od zer dang/ /chos mdzod blo gros bzang po phyag 'tshal lo/ /yon tan dbang mtshungs dang ni rdo rje'i sde/ /shes rab brtsegs pa legs gnas blo dbyangs dang/ /tshangs dbyangs yon tan mchog dang 'brug sgra dang/ /mngon shes tog dang tog 'od phyag 'tshal lo/ /dge ba tshangs pa skyes mchog spyan sdug pa/ /klus byin bden pa'i rtog dang brgyan pa dang/ /zhum pa med pa'i dbyangs dang rin chen 'od/ /dbyangs byin rnams la gus pas phyag 'tshal lo/ /seng ge dang ni 'od zer sna tshogs dang/ /ye shes dpa' bo pad phung me tog rgyal/ /mthu stobs bsod nams phung po gzugs mchog dang/ /skar mkhan zla ba sgron ma phyag 'tshal lo/ /gzi brjid phung po byang chub rgyal po dang/ /ma zad mngon rtogs spyan dang yan lag rgyas/ /yul 'khor shes rab mchog ma gzi tshim mdzad/ /shes byin mgon po 'jam dbyangs phyag 'tshal lo/ /chags pa med pa'i mdzod dang gtso bos byin/ /gtso chen ye shes mthu rtsal 'od 'phro can/ /dbang po dang ni shugs 'chang dkar rgyal dang/ /'od bzang grags pa byin la phyag 'tshal lo/ /gzugs bzang dang ni rgyal po don grub dang/ /seng ge'i sde zhes bya dang nor lha'i bu/ /grags pa rgyal ba rgya chen snying po dang/ /bsod nams 'od zer smrad 'don phyag 'tshal lo/ /sgron ma'i rgyal po dang ni ye shes brtsegs/ /lha mchod sa bdag grol brnyes gtsug gi gser/ /sgra gcan bzang po thub dka' thub gsal dang/ /zla ba'i 'od zer rnams la phyag 'tshal lo/ /gser 'od legs byin lha yi yon tan dbang/ /chos gdugs bsod nams lag dang chags shed dang/ /ye shes gya nom blo gros zhi ba mo/ /gzi byin thams cad rtsi sman phyag 'tshal lo/ /rnam grol tog dang 'od mdzad ye shes rgyal/ /'jigs mdzad chu bo spong dang thogs med grags/ /bden pa'i phung po dbyangs snyan ri dbang mtshungs/ /chos brtsegs rnams la gus pas phyag 'tshal lo/ /thar pa'i gzi brjid legs mdzad rab zhi'i sku/ /yid 'ong gsung dang blo dbyangs chu yi lha/ /'gros mchod seng logs chos kyi mthu rtsal dang/ /bskal bzang rnams la gus pas phyag 'tshal lo/ /mi 'khrugs mdog dang gzi brjid rgyal po dang/ /rtogs mdzad spyan legs don la gnas pa'i blo/ / snang ba'i 'od zer spobs gzi kun dga' grags/ /don yod gshegs dang khro bcom phyag 'tshal lo/ /gzugs mchog legs gshegs rab sbyin grags pa dang/ /'od gtsang lha yi nyi ma shes rab byin/ /mnyam par bzhag pa'i bdag nyid gzi mdangs dang/ /rgyal rigs skal ldan shing rta phyag 'tshal lo/ /gser mchog rnam grol gtsug dang chos ldan dang/ /spos gnas dregs pa spangs dang ye shes mdzod/ /tshangs par gshegs dang tsan dan mya ngan med/ /seng ge'i 'od zer rnams la phyag 'tshal lo/ /yul 'khor rtog dang pad snying gzi mdza' yas/ /lha 'od shes rab me tog mkhas pa dang/ /ye shes 'byor ldan dang ni tshangs pa'i dbyig /phyag na rin chen dbang phyug phyag 'tshal lo/ /rdzogs par gsungs dang mchod gsung mchod 'os dang/ /skar rgyal nyi ma dang ni 'dam las rgal/ /ye shes brnyes dang grub pa rma bya dang/ /chos byin rnams la gus pas phyag 'tshal lo/ /phan par bzhed dang ye shes ldan grags pa/ /'od zer dra ba dang ni rnam par bcom bai DUrya snyid me tog lha rgyal po/ /zla ba dang ni dran 'od phyag 'tshal lo/ /dge 'od yon tan mchog 'od rin chen dpal/ /skyes bu zla ba dgra can bdud rtsi'i 'od/ /'jig rten mchog dang skar 'od zhi ba'i stabs/ /ye shes rgya mtsho rnams la phyag 'tshal lo/ /ri dbang rab zhi yon tan mthu stobs dang/ /lha dbang dang ni dbyangs snyan ngos bzang dang/ /don gnas yon brjid mkhyen ldan zla med dang/ /nga ro dpag med rgyal ba phyag 'tshal lo/ /'od bzang thugs gzhungs don dgongs gti mug bral// dbyangs kyi yan lag khyad 'phags mchog mdzes gshegs/ /zhi don skyon med blo bzang dge ba dang/ /bang mdzod 'od zer bzang po phyag 'tshal lo/ /spobs pa'i mdog dang stegs bzang tshogs dbang dang/ /bsnyangs bral ye shes bzhes pa spobs pa'i rgyan/ blo mchog zla ba rin chen zla 'od dang/ /bsnyengs med rnams la gus pas phyag 'tshal lo/ /gzigs pa che dang tshangs dbyangs dbyangs bzang dang/ /shes rab che stegs blo gros zla med dang/ /rdor 'khregs byang chub blo gros ljon shing bzang/ /gdangs snyan bsod nams stobs la'ang phyag 'tshal lo/ /mthu dpal 'phags pa dgyes dang mthu stobs dang/ /skar ma dgyes dang sprin sgra spyan sdug zhal/ /ye shes bzang ldan 'byor ldan yon tan phung/ /gsal ba rnams la gus pas phyag 'tshal lo/ /chos kyi rgyal mtshan ye shes nga ro dang/ /nam mkha' mchod sin nga ro shes bkod dang/ /yon 'od gzi brjid drang srong dbang blo ldan/ /spobs tshogs mchod sbyin bzang po phyag 'tshal lo/ /zla zhal shin tu gzigs dang rdul bral dang/ /yon tan tshogs dang tog ldan bsod rgyal mtshan/ /yul 'khor spobs pa rin chen rab sbyin dang/ /zla dgyes seng ge'i stobs la 'ang phyag 'tshal lo/ /dbang sgyur rgyal po bdud rtsi gsal ba dang/ /bsam gtan bsnyoms dang 'khrug med dri ma zhi/ /phyogs ma bslad dang mdzes pa zhal bzang dang/ /shugs gnas ye ldan gsung dbang phyag 'tshal lo/ /gzi brjid chen po blo gros zab bdud rtsi/ /chos kyi stobs dang mchod ldan me tog 'ong/ /khams gsum mchod gnas sgra gcan nyi ma'i 'od/ /lhas mchod thar pa'i rgyal mtshan phyag 'tshal lo/ /dge gtsug bdud rtsi'i 'od dang rdo rje dang/ /brtan pa rin chen phung po mdzes gshegs dang/ /nyi ltar gshegs dang dag 'od yon tan gtsug /dpal rdzogs rnams la gus pas phyag 'tshal lo/ /seng ge'i stabs dang gyen 'phags me tog byin/ /'od dgyes pad ma dang ni ye shes dgyes// dkon mdzes gti mug med gnas rma med pa/ /tog gi rgyal mtshan rnams la phyag 'tshal lo/ /bde dgongs gti mug med rgyal cho ga mkhyen/ /dag pa'i rgya mtsho rin chen mnga' mi mnga' / /dga' mdzad rma bya'i nga ro ma zhu dang/ /sring sreng dri ma spangs la'ang phyag 'tshal lo/ /spyod pa'i stobs dang lha mar snyan bsgrags dang/ /rin stabs phyag par bsnams dpal dgra las rgyal/ /'byor grags yul 'khor bzang nga ro me tog 'od/ /seng ge'i nga ro rnams la phyag 'tshal lo/ /zla ba ltar shar 'joms pa'i mchog mi g.yon// phan ldan gshegs dang bsod nams sgron ma'i rgyal/ /dbyangs bskul gau ta ma mdangs kyi stobs/ /blo gnas rang bzhin zla bzang phyag 'tshal lo/ /byang chub yan lag me tog bkra shis dang/ /legs ston ye shes gzi stobs dge ba'i sgron/ /mthu rtsal brtan po lha sgra rab zhi dang/ /nyi zhal thar pa'i brtul zhugs phyag 'tshal lo/ /tshul khrims 'od dang brtul zhugs gnas brtul med/ /snying po 'phags dang mig dman 'phel bar mdzad/ /spos 'od dus mkhyen 'od dang dran pa'i dbang/ /thogs med rgyal mtshan rnams la phyag 'tshal lo/ /byang chub mchog bgrod spyod gsal rin chen dgyes/ /chos dbang lha thams cad pa bshes gnyen tshe/ /gshes gnyen bzang po rab tu zhi ba'i stabs/ /bdud rtsi bdag po lhun 'od phyag 'tshal lo/ / 'phags pas bstod dang snang ldan gzi brjid 'bar/ /snang ba gzigs dang legs spyad rnam par smin/ /legs dgyes mya ngan bral dang rin chen 'od/ /spyod ldan stobs la'ang gus pas phyag 'tshal lo/ /yon tan rgya mtsho rmad byung nga rgyal spong bdud brlag mdzad dang bag chags brgal ba'i stobs/ /mi phyed blo mnga' rgya mtsho dag mdzad dang/ /tshogs can grol rgyal dga' 'od phyag 'tshal lo/ /byang rgyal ye shes rin chen shin tu bsil/ /tshangs rgyal ye shes dgyes dang rdzu 'phrul tog /skye dbang mtshungs dang sa yi dbang phyug dang/ /nyi dgyes dgra can zla ba phyag 'tshal lo/ /me tog 'od dang sman bdag mdangs mnga' dang/ /bsod nams dgyes dang dga' stobs dbyangs snyan dang/ /chos kyi dbang phyug tshangs dbyangs spyod bzang dang/ /'khrul pa med pa'i blo la'ang phyag 'tshal lo/ /dbyangs chen snyan par grags dang tog ldan dang/ /gzi brjid rnam grags 'gro ba'i 'od zer dang/ /ljon pa gti mug rab bzang dpag med dang/ /zla bzang spobs yas tog la phyag 'tshal lo/ /brtul zhugs brtan dang mchod gnas mya ngan brgal/ /dag dgyes 'gro ba'i blo gros dgyes par gshegs/ /zhabs mdzes autpal dul gnas me tog dang/ /spobs pa mdza' yas 'od zer phyag 'tshal lo/ /drang srong gsal ba yon tan brtson 'grus snying/ /lha bdag rin chen mthon po gsal ba dang/ /skal ldan shing rta bsod nams blo gros dang/ /sbyin sreg 'od 'phro gzi phung phyag 'tshal lo/ /seng ge'i stobs dang mi g.yo rab gsal dang/ /'od spyad gu dbyangs dang ni 'khor lo 'dzin/ /dbyig mchog 'jig rten dag dang chos zla dang/ /dge ba mdza' yas grags la phyag 'tshal lo/ /sprin tog shes rab 'gros dang spos bzang dang/ /nam mkha' i dbyings dang lha dang lha rgyal dang/ /nor bu gsal dang nor bzang sgron ma dang/ /rin chen nga ro'i dbyangs la'ang phyag 'tshal lo/ skye dbang rgyal po sgra gcan spod pa dang/ /dge mdzad sang blo rin chen grags pa dang/ /don mdzad mdzad mdza' gzigs dang sred med tog /mdzad spus spobs pa mtshungs med phyag 'tshal lo/ /ye shes rnam 'byed nga ro seng mche ba/ /mdzes gshegs bsod nams sgron ma bkra shis ldan/ /yul 'khor myang med blo gros sems blo ldan/ /chos sgron shin tu gzigs la'ang phyag 'tshal lo/ /shugs 'dor stobs chen shes rab me tog dang/ /brtan pa'i dbyangs dang bde ldan don gsung dang/ /dgyes pa gsal ba seng ge zhal gtsug phud/ /snang mdzad rnams la gus pas phyag 'tshal lo/ /bskal bzang 'dir byung sangs rgyas stong gi mtshan/ /gang gis thos shing gus bcas sdig kun sreg /rgyal ba kun mthong ngan song sdug bsngal spong/ /bzod ldan bde ba mchog brgyud myang 'das thob/ /byang chub sems dpa' mchog dga' rgyal po yi/ /drin gyis legs bsgos kha che paN chen gyis/ /sbyar 'di gzhan las don lngas khyad par 'phags /de ltar nyes tshul sdig kun so sor bshags/ /bdag gis mos blos 'bad pa cher byas pa'i/ /dge ba 'di dang mdza' yas dge ba kun/ /'gro ba kun sbyin kun kyang rgyal ba yis/ /kun tu rjes bzung kun mkhyen myur thob shog /de bzhin gshegs pa'i mtshan brjod bskal bzang rgyan gyi phreng ba zhes bya ba/ rgyal ba'i sras po kha che paN chen gyis sbyar ba rdzogs so// // */ (/sbyor ba bzhi'i lha la bstod pa zhes bya ba/) /rgya gar skad du/ yo ga tsa tu rde wa sto tra nA ma/ bod skad du/ sbyor ba bzhi'i lha la bstod pa zhes bya ba/ bcom ldan 'das ma shes rab kyi pha rol tu phyin pa la phyag 'tshal lo/ /stan mtshon seng ge'i khri steng na/ /sku drang dgongs pa shin tu bzhag /rdo rje skyil krung der bzhugs nas/ /gang du ting 'dzin yongs 'du ba'i/ /ting 'dzin rgyal po zhes bgyi la/ /mnyam par gzhag cing dgongs mkhyen pa'i/ /de bzhengs 'phrul gyi spyan gyis ni/ /sangs rgyas zhing gzigs khyod la 'dud/ /sku gnas nyi shu rtsa gnyis nas 'od zer bye ba khrag khrig ni/ /brgya stong drug cu drug cu ni/ /'byin pa'i sku de la phyag 'tshal/ /mi mjed phyogs bcu'i 'jig rten du/ /'od kyi snang bas khyab byed pa/ /'od des reg pa'i sems can rnams/ /rdzogs pa'i byang chub nges gyur pa'i/ /'gro ba 'dren la phyag 'tshal lo/ /ba spu'i 'od dang rang bzhin 'od/ /mi mdzad phyogs bcu'i 'jig rten du/ /'od kyi snang bas khyab byed pa/ /'od des reg pa'i sems can rnams/ /rdzogs pa'i byang chub nges gyur pa/ /'gro mgon shAkya seng ge 'dud/ /ljags 'od bye ba khrag khrig ni/ /brgya stong rtse las pad 'dab stong/ /de steng bde gshegs thugs mnga' bzhugs/ /phyogs bcu'i zhing du gshegs byon cing/ /pha rol phyin drug chos ston mdzad/ /chos thos sems can byang chub nges/ /'gro mgon sprul pa'i sku la bstod/ /seng ge rnam grol ting 'dzin gyis/ /g.yo ldegs ltas chen bco brgyad kyis/ /mi mjed phyogs bcu'i ngan song kun/ /rgyun chad lha mi'i skal mnyam byas/ /tshe rabs dran zhing sangs rgyas 'dud/ /ngan song skyob la phyag 'tshal 'dud/ /mi mjed phyogs bcu'i 'jig rten khams/ /'od kyis zil mnan lha me ni/ /lhang nger bzhugs pa'i sku la bstod/ /rang bzhin sku brtan lha rnams kyis/ /mchod rdzas mchod de dbu steng du/ /byin gyis me tog khang brtsegs gyur/ /rang 'od mi mjed phyogs bcu'i zhing/ /kun snang sems can mthong nas kyang/ /rang 'dun 'dug ste chos ston snyam/ /sku gcig du mar snang la bstod/ /rang 'od phyogs bcu'i zhing khyab nas/ /sems can ji snyed 'khod pa yis/ /rang 'khor bcas pa snang byed pa'i/ /gser 'od shAkya seng ge 'dud/ /gzungs dang ting 'dzin rab thob pa'i/ /stong nyid mtshan med spyod yul can/ /rdol med pa yi smon lam ldan/ /chos mnyam gzungs dang bzod rab thob/ blo chen sems dpa' phyag 'tshal bstod/ /thog med spobs ldan bstan pa ni/ /zad mi shes shing so so ni/ /yang dag rig pa khong du chud/ /mngon shes chen po rnam par brtse/ /mngon shes ma nyams phyag 'tshal bstod/ /mnyan pos tshig snyan le lo med/ /brtson 'grus lus srog mi lta zhing/ /tshul 'chos kha bsag grags pa med/ /khe dang bkur sti'i sems med pas/ /zang zing med par chos ston pa/ /chos zab bzod pa dam pa rtogs/ /mi 'jigs thob la phyag 'tshal bstod/ /zhum med bdud kyi las las 'das/ /las dang nyon mongs phyir rgol bcom/ /phas kyi rgol bas zil mi non/ /nyan thos rang rgyal rtogs dka' ba/ /las sgrib rgyun chad phyag 'tshal bstod/ /rnam par dbye zhing bstan la mkhas/ /bskal pa grangs med smon lam rtsis/ /bzhin 'dzum thog ma khro gnyer med/ /snyan cing 'jam pa'i tshig dang ldan/ /chos rab rtogs la phyag 'tshal lo/ /pha rol tshigs bcad dbyangs brjod mkhas/ /spobs pa mi chod 'khor mdza' yas/ /zil gyis mnan pa mi 'jigs ldan/ /bskal pa bye ba mdza' yas par/ /bstan pa ye shes 'byung mkhas bstod/ /chos rnams sgyu ma smig rgyu dang/ /chu zla rmi lam sgra brnyan dang/ /mig yor nam mkha' dri za'i grong/ / sprul dang gzugs brnyan khong chud pa'i/ /sems zhum med la phyag 'tshal bstod/ /sems can sems rgyu shes pa phra/ /spyod mkhas khong chud byas la mkhas/ /sdang med bzod rlabs chos mnyam rtogs/ /chos zab ldan zhing gting dpag dka' / /sems chos dbang thob las nyon mongs/ /lta sgrib la sgrol phyag 'tshal bstod/ /rten pa rtogs pa bstan la mkhas/ /rten 'brel tshul mi zad shes zhugs/ /lha dang bag nyal kun sbyor spangs/ /las dang nyon mongs ? mkhas/ /kun ldang bral la phyag 'tshal lo/ /bden pa rab rtogs ye shes mkhas/ /chos rnams sgra brnyan lta bur mos/ /chos bstan tshad med 'jigs dang bral/ /bdag nyid ji ltar khong chud mkhas/ /zhing khams rnams dgongs rmi lam zin/ /grangs med sangs rgyas dran la bstod/ /sangs rgyas 'byung ba nye 'gro mkhas/ /sangs rgyas dpag med gsol btab mkhas/ /sems lta yongs bskyed nyon mongs zhi la mkhas/ /ting 'dzin brgya stong mngon par sgrub/ /rnam rtse ye shes rtogs la bstod/ /bzang spyod rin chen 'gyur la sogs/ /khyed kyi yon tan bskal par ni/ /mdza' yas brjod kyang mi lang ste/ /de sogs sems dpa' i tshogs la bstod/ /dgra bcom zag zad nyon mongs med/ /dbang gyur sems ni rnam par sgrol/ /shes rab shin tu rnam par sgrol/ /cang shes glang chen bya ba byas/ /byed pa byas shing khur bor ba/ /rang gi don ni rab thob pa/ /srid pa kun sbyor yongs su zad/ /yang dag pa yi bka' yis ni/ /sems ni shin tu rnam par grol/ /sems dbang pha rol mchog thob pa'i/ /nyan thos dge slong tshogs la bstod/ /dge bsnyen pha dang dge bsnyen ma/ /chos mthong ba yi tshogs la bstod/ /chos sku'i dkyil 'khor gyi lha la bstod pa/ /smra bsam brjod med shes rab pha rol phyin/ /ma skyes mi 'gag nam mkha' i ngo bo nyid/ /so sor rang rig ye shes spyod yul ba/ /dus gsum rgyal ba'i yum la phyag 'tshal bstod/ /stong pa bco brgyad chos kyi sdong po la/ /pha rol phyin bcu mdzes pa'i rgyan gyis brgyan/ /tshad med bzhi yi lo 'dab rgyas pa la/ / skye 'gag med pa'i 'bras bu so sor smin/ /sa bcu chos kyi sku la phyag 'tshal lo/ /zhing khams thams cad gser gyi sa gzhi la/ /rin chen rnam pa mang po gcal du bkram/ /me tog punDa ri ka char bzhin 'bab/ /yum gyur dge ma khyod la phyag 'tshal bstod/ /gnas med ji ltar nam mkha' bzhin/ /spros pa med cing snang ba med/ /khyod kyi thugs ni nam mkha' 'dra/ /nam mkha' mdza' dang dbus med pa/ /sangs rgyas rnams kyi chos nyid de/ /dus gsum las ni shin tu 'das/ dmigs med chos sku phyag 'tshal bstod/ /bla ma bsu skyel chos snyan bstod/ /gtsug lag mchog rten rjes bsgrubs shing/ /phud byas phyag zhabs 'khor los mtshan/ /'khor mangs khyod la phyag 'tshal bstod/ /yi dam brtan g.yas zhabs gnas te/ /mi g.yo brtan la phyag 'tshal lo/ /bsdu ba bzhi ni goms byas pas/ /phyag dang zhabs gnyis dra bas 'brel/ /myur 'du'i lnga ltas phyag 'tshal lo/ /bza' bca' btung zhim byin rtags su/ /phyag zhabs 'jam zhing gzhon sha chags/ /sku bdun shin tu mtho ba ste/ /btung zhing nyams bde'i snga ltas bstod/ /srog gcod spangs sogs yon tan gyis/ /rtings yangs sku tshe drang ba ste/ /sku che ring ba khyod la bstod/ /dge ba'i tshogs sogs blang byas pas/ /zhabs gong mthe zhing sbu gyen 'khyil/ /mi mnyam chos ltas phyag 'tshal lo/ /rig bzo rim gro gzhan byin sogs/ /e Ne'i byin pa lta bu ste/ /myur 'dzin snga ltas phyag 'tshal lo/ /bdog pa thams cad btang byas pas/ / phyag ni brla steng slebs pa ste/ /dul ba'i lnga ltas phyag 'tshal lo/ /tshangs spyod la sogs yon tan gyis/ /gsang gnas sbubs su nub pa ste/ /bu mang snga ltas phyag 'tshal lo/ /stan sogs gzhal med khang byin pas/ /gser gyi kha tog mdog 'jam pa/ /gnas sogs bzang po thob phyag 'tshal/ /slob dpon la sogs rim gro byas/ /sku rabs g.yas 'khyil mdzod spus brgyan/ /mnyam pa'i snga ltas phyag 'tshal lo/ /mi snyan mi smod yon tan sogs/ /seng+ge'i ro stod spyan zlum mdzes/ /thub med snga ltas phyag 'tshal lo/ /nad pa rnams la sman sogs byin/ /phyag sor rgyas shing ro mchog ldan/ /nad nyung snga ltas can la bstod/ /zam stegs la sogs byas pa yis/ /chu zheng gab cing spyi gtsug ldan/ /mnga' chen mnga' la phyag 'tshal lo/ /yun ring tshig snyan nyams bde smras/ /ljags yangs srab pa tshangs pa'i dbyangs/ /yan lag lnga ldan gsung mnga' bstod/ /yun ring tshig 'khyal spangs pa yi/ /seng+ge'i 'gram pa lta bu ste/ /tshig mnyam snga ltas phyag 'tshal lo/ /rim gro mnyam med 'tsho dag pas/ tshems mnyam shin tu dkar ba ste/ /'khor ba snga nas bsags ltas can/ /bden zhing phra ma med tshig gis/ /tshems thags bzang zhing bzhi bcu tshang/ /'khor ba dbyer mi phyed la bstod/ /ma chags mi ldan blta byas pas/ /ba rdzi spyan gyi dkar nag dbyes/ / kun nas mdzes pa'i snga ltas can/ /sum cu rtsa gnyis mtshan ldan bstod/ /'du dben sen mdog zangs mdog 'dra/ /sems can phan sems sen mdog snum/ /rigs rgyud mtho phyir sen mo mtho/ /sor zlum kha na mtho med/ /dge ba'i tshogs rdzogs sen mo rgyas/ /dge ba rtsa grub sor mo gzhol/ /'tsho bas dben pas rtsa mi mngon/ /nyon mongs mdung grol rtsa mdung med/ /long bu mi mngon dbyen chos mnga' / /mi mnyam sgrol bas zhal mnyam yin/ /seng+ge'i seng+ge'i 'gros bzhung bstod/ /glang po'i glang po'i 'gros bzhung bstod/ /dang pa dang pa'i stabs bzhud bstod/ /khyud mchog khyud mchog 'gros bzhud bstod/ /mthun pa'i lam lnga g.yas phyogs bzhud/ /lta mdzes mdzes par bzhud la bstod/ /thugs g.yo mi mnga' mi g.yo bzhud/ /sku legs yon tan ston pa ste/ /sku sbyangs sdig pa sbyangs pa yin/ /chos ston sku rim gzhol la bstod/ /sku gsung thugs gtsang sku 'jam pa/ /rnam dag sku mnga' sku rnam dag /chos 'dul mdzes pas yo byad rdzogs/ /yon tan yangs bzang sku che mdzes/ /mnyam pa'i thugs mnga' sku mnyam bstod/ /'jam pa'i chos ston sku ni gzhon/ /mi zhum thugs mnga' sku zhum med/ /mi dge spangs pas sku rnam rgyal/ /'byung zad sku 'khregs khyod la bstod/ /yan lag rnams mdzes gzigs pa dag /nga rgyal be'u bcom sogs kyis/ /phyal zlum phyal phyam phyal ma zhom/ /chos zad yang dag bzlog pas ni/ /phyal ni phyal le bzhugs la bstod/ /chos zab thugs chung yon tan rdzogs/ /lte zab lte ba g.yas phyogs 'khyil/ /'khor mdzes la sogs yon tan gyis/ /mdzes gtsang sku la rme ba med/ /yang zhing byams pa'i yon tan sogs/ /phyag 'jam phyag ris zab cing snum/ /bzo dang bslabs pa'i yon tan sogs/ /phyag ris ring zhing zhal mi ring/ /gzugs skyes gzugs brnyan snang la bstod 'jam pa sngon btang yon tan rdzogs/ /ljags 'jam ljags srab ljags dmar ba/ /bsnyengs pa mi mnga' yon tan rdzogs/ /glang chen 'brug sgra nyams che'i gsung/ /srid sbyor 'das sogs yon tan gyis/ /tshems kyi mche ba zlum zhing ni/ /tshems mnyam rim gyis gzhol la bstod/ /shes rab ri la bzhugs sogs kyis/ /shangs mtho shangs gtsang ldan la 'dud/ /gzigs pa rnam dag yon tan rdzogs/ /spyan ring spyan dang rdzi ma sdug /smin 'jam smin ring dkar nag phyed/ /smin snum smin mnyam khyod la bstod/ /chos mchog yangs shing don ldan rdzogs/ /snyan ring snyan 'jam snyan ma nyams/ /phas kyi rgol ba'i bdud sogs kyis/ /dpral yangs dpral ba legs pa grub/ /smon lam shin tu rdzogs rtags su/ /dbu rgyas dbu skra bung ba ltar/ /gnag pa khyed la phyag 'tshal bstod/ /thugs 'jam mi gsung bslang gsung bral/ /bsgom spang bag nyal spangs sogs kyis/ /dbu stug dbu 'jam dbu mi sdug /dri zhim dbu mi rtsub la bstod/ phyag zhabs dpal be'u bkra shis 'khyil/ /dpe byad bzang po brgya bcu yis/ /brgyan pa khyod la phyag tshal bstod/ /sbyor bzhi'i lha la bstod zhes bya ba paN+Di ta chen po ratna kIrtis mdzad pa rdzogs so// // */ (/bdag nyid chen po grags pa rgyal mtshan la bstod pa bzhugs so/ ) /rgya gar skad du/ mahA paN+Di ta ki d+hi d+hA dza stod traM/ bod skad du/ mkhas pa chen po grags pa rgyal mtshan la bstod pa/ 'jam dpal dbyangs la phyag 'tshal lo/ /blo gros rgya mtshor tshig gis me tog snyan tshig ze 'bru rnam par spud pa'i bstod dbyangs kyi/ /phreng ba spel legs ngag gis rab rgyus dri med chun pos gang gi mgul la brgyan gyur pa'i/ /blo gsal stong gis khyed kyi rang bzhin bsngags par gyur mod de lta na yang bdag rmongs pa/ /dad pa'i stobs kyi ji ltar nus bzhin cung zad bstod la mkhas pa rnams kyis bzod par gsol/ /rgyu ma'i phreng ba'i las kyi tshul gyis rmongs gang srid pa'i chu gter du/ /bsod nams gru chags blo gros lus bying bshes gnyen dam pa dor ba yi/ /lus can rnams la byang chub yan lag drug phrag gsum gyi gzhung lugs kyi/ /rlung drag gtsubs pa'i rba rlabs 'thor bas dam pa'i go 'phang pha rol son/ /grub pa dri med dge slong dge 'dun rig pa 'dzin pa'i sdom brtson dang/ /brtul zhugs grub pa blo gros gsal ldan rtog ge'i dbang po'i tshogs rnams kyis/ /khyed kyi zhabs rdul snyog pa med la rnam pa kun tu gdugs slad du/ /gangs can 'di na 'gran zlas dben par mngon du gyur bzhin kho bos 'tshal/ /dam pa khyod kyi legs bshad bsod nams sprin/ /dge ba'i lo tog 'phel ba'i char rgyun can/ /snyan pa'i 'brug sgra zab mo stong sgrogs pas/ /skal ldan blo gros gnyid log rnam par bskul/ /khyod kyi kun chos sgrub gzhung mang 'chad pa dang/ /legs bshad rtsom dang kha don rgya chen dang/ /ting 'dzin dri med 'khor lo mchod pa'i tshul/ /rnam dag lta ba spyod lam dag pa dang/ /gsang sngags rgya mtsho'i tshul la nyer bsten pa/ /khyed kyi kun spyod de dag thams cad la/ /rgol ba gzhan gyis kun nas mi rdzi bas/ /gsang sngags 'dzin pa gzhan la sngon ma mthong/ /rnam pa sna tshogs rin chen rang bzhin dkon mchog gzhal med dpal ldan gtsug lag khang chen dang/ /dga' ston dam pa gsum la grags dang chags bral khyod ni dpal dang 'byor pa las byung rab dge zhing/ thub pa'i sku gzugs gsung rabs dag pa rin chen las bsgrub kun nas mdzad pa rgya che ba/ /khyod mtshungs ma mchis de slad bdag blo spro ba'i chu klung dbyar gyi mtsho bzhin rnam par 'phel/ /bsod nams dri med zla zer zil gnon byams pa'i 'od zer rab 'phros pas/ /nam mkha' i zla ba rnyog can des ni khyod kyi dpal rab ma bzod ste gzugs brnyan tshul gyis rgya mtsho'i kleng du 'jug par 'dod pa nyid snyam du/ /bdag gi blo gros de ltar sems pas mchog tu ngo mtshar skyes par gyur/ /gdung rgyud dri med yon tan rgya che ba/ /blo gros mtshungs med mkhas pas nyer bsten cing/ /gzhan la phan dgongs phongs pa'i bsti gnas sa/ /mdzad pa rgya chen nye bar zhi ba can/ /khyod mtshungs ma mchis de slan dpe bral ba/ /khyed la rnam kun bstod par nus ma lags/ /'on kyang cung zad bstod 'di spro ba dang/ /dge slong mkhas pa byang chub 'od zer gyi/ rjes snang thob nas de las gang snang ba/ /de bzhin 'di ni bdag gis gsal bar sbyar/ /mchog tu rmad byung grags pa rgyal mtshan la/ /mkhas pa bde bar gshegs pa'i dpal dag gis/ /legs par bstod la bsod nams gang yod pa/ /des ni 'gro kun bla ma la gus shog / bdag nyid chen po grags pa rgyal mtshan la bstod pa/ rgya gar gyi mkhan po su ga ta sh+ris sbyar ba rdzogs so// //rgya gar gyi mkhan po de nyid dang/ shAkya'i dge slong kun dga' rgyal mtshan dpal bzang pos bsgyur ba'o// // */ (/bla ma dam pa chos kyi rgyal gyi rgyal po la bstod pa zhes bya ba/) /rgya gar skad du/ sang+gu ru d+harma rA dza sto tra nA ma/ bod skad du/ bla ma dam pa chos kyi rgyal po la bstod pa zhes bya ba/ /dkon mchog gsum la phyag 'tshal lo/ /rab rgyas rta yi dpung gi rba rlabs phreng ba mthong zhing zhags pa ral gri mdung rnon gyis/ /chu la rgyu ba rab mang 'jigs rung rnga chen sgra ldan hor zhes bya ba dus mdza' yi/ /chu gter 'di ni mdza' dag mkhas pa'i bla ma gang gis zur mig rol pas 'jig rten rnams/ /rab mchog zhi slad rgyal ba'i tshul la zhi mdzad chos kyi rgyal po de ni rgyal gyur cig / nub phyogs bod kyi ri la shin tu dri med 'char ba thob cing shar phyogs dag gi yul/ /rim pas mnan pa gang gis rmongs pa pas skyes shin tu rab rgyas mun pa bcom byas nas/ /sems can byang chub grong khyer phyin sdad/ /chos gsung 'khor lor dra bas mtshungs med sangs rgyas lam/ /rab tu gsal mdzad chos kyi rgyal po mchog gi 'od zer phreng ldan de ni rgyal gyur cig /gang gis mdza' dag skye bo rnams la phan pa bgyi slad rgyun tu rab mchog rgyal ba yi/ /khyu mchog sems can dag pas bstan gang rdzogs pa de ni rkang pa bzhi dang gsum ldan la/ /rkang pas sman dang gnyis ldan dag la rkang zung gis rgyu rtsod la rkang gcig lhag ma can/ /gang gis sa la rdzogs ldan bzhin du rgyu mtshan chos kyi rgyal po de ni rgyal gyur cig /gang zhig 'jig rten dag na sa gzhi 'byung po 'dzin byed nyi ma dag kyang 'jig rten na/ /snang ba dag dang ldan par byed cing sprin rnams chad pa 'bebs byed rlung yang rgyun du ga-yo/ /zla ba bdud rtsi'i rgyu ni rnam par spro byed nam mkha' go skabs sbyin la rab tu dpa' / /de bzhin chos kyi rgyal pos zos med snying rje sems can kun la rab tu 'jug par byed/ /bla ma dam pa chos kyi rgyal po la bstod pa/ /rgya gar gyi mkhan po snyan ngag mkhan chen po/ /sh+rI lak+Sh+mI? ka ra yis sbyar ba'o/ /rgya gar gyi mkhan po de nyid dang/ bod kyi lo tsA ba dge slong sde snod 'dzin pa/ /shor ston gyis dpal sa skya'i gtsug lag khang du bsgyur ba'o// // */ (/dus mchod chen po bzhi tshig le'ur byas pa bzhugs/) /rgya gar skad du/ kA la su tsa ma ha tsa tu rkA ri ka/ bod skad du/ dus mchod chen mo bzhi'i tshig le'ur byas pa thams cad mkhyen pa la phyag 'tshal lo/ /rgyal ba'i bstan la zhugs rnams kyis/ / skyabs gsum dag la bskyabs pa dang/ /gzhan yang bsod nams ye shes tshogs/ /rdzogs phyir dus mchod dam bca' o/ /ston pas legs par gsungs pa yis/ /dus mchod bzhi ni 'di yin te/ /cho 'phrul che dang mngon byang chub/ /chos 'khor lha las babs pa'o/ /skar ma chu dang sa ga dang/ /chu bstod tha skar rim bzhin nya/ /me tog au dum wa ra dang/ /bsing ma khug chos spang brgyan rnams/ /rim pa bzhin du kha 'bus te/ /kha da co ga khu byug dang/ /sha ba rim bzhin sgra 'byin te/ /mdor na khyim rtsis dang sbyar na/ /bum glang karka Ta dang srang/ /nyi ma gang ldog rgyal du rtsi/ /phyi tshes gcig nas nya yi bar/ /zla phyed cho 'phrul chen po yin/ /mnyan yod na ni lag len dar/ /bdud btul ba yi dus yin pas/ /cho 'phrul chen po zhes kyang grags/ /mdo sde mdzad pa blun dag las gsungs/ /de nas dgung zhag dgu bcu'i nya/ /nyin zhag 'phrugs gcig rdo rje'i gdan/ /gnas mchog de na dus mchod 'di'i/ /lag len dar bar gsungs pa yin/ /mngon byang chub dang bstam pa ni/ /'dul ba'i gleng gzhi nyid las gsungs/ /mdo sde rgya che rol pa las/ /lhum su zhugs pa zhes bshad do/ /bcu gnyis pa dang chen po las/ /mya ngan 'das pa zhes bshad do/ /de nas zhag ni zhe dgu 'das/ /tshes bzhi'i nyin zhag bden bzhi'i chos/ /wa ra NA ser bskor ba des/ / de na 'di yi mchod pa dar/ /rgya cher rol pa'i mdo dang ni/ /sil bu las ni de ltar gsungs/ /de na bcu phrag bcu yi nya/ /ston 'bring hor zla dgu pa la/ /mchod pa yangs pa can na dar/ /sum cu rtsa gsum gnas nas ni/ /ston pas ? gnas mdzad nas byon/ /mu stegs ston pa btul ba'i phyir/ /cho 'phrul chung ngu zhes kyang bya/ /'di ni mya ngan 'das sil bu dang/ /phran tshegs zhes bya'i lung las gsungs/ ` /de nas phan yon bstan pa ni/ /dus chen bzhi la mchod pa ni// dam bcas mchog byas pa yis/ /phan yon spyi ni dpag med kyang/ /mdor bsdus pa ni 'di lta ste/ /dkon mchog gsum la ma gus dang/ /bla ma grogs po sun phyung dang/ /nad pa pha ma bsnyen mi bkur/ /dad zas za zhing le lo byed/ /rgyun gtor chag dang dbul 'phongs la/ /sbyin pa gtong bar mi byed pa'i/ /las rnams myur du zad nas kyang/ /byang chub thob par the tshom med/ /dus mchod bzhi ni mchog na/ /gzhan yang dge slong sman pa ni/ / brgyad kyi sma yang bsos par 'gyur/ /sdig grogs yul dang nye du dang/ /ma brtags brgyad dang dge slong ma/ /'du 'dzi sha chang bre mo'i gtam/ /de dag la chags dman ma yin/ /bla ma dam tshig nyams pa dang/ / byang chub sems la ngan sems bskyed/ /rnyed phyir chos 'dra ston pa dang/ /sdig la sbyor dang dge 'dun gyis/ /yo byad brkus dang rtsa ltung byung/ /dkon mchog spong dang mtshams med byas/ /bstan la zhugs nas rtsod pa byed/ / mdza' shes sbyugs dang bcu po ni/ /dmyal bar skye bar gsung ba'i lam/ /myur du zad nas kun mkhyen thob/ ` /dus 'dir 'chi ba blu ba dang/ /mi mthun 'dums dang mchod rten brtseg /rnying pa gso dang yi rang bas/ /bsod nams dpag med thob par 'gyur/ ` /dus bzang gzhan yang bstan pa ni/ /bla ma dang ni mdza' bshes dang/ /byang chub sems dpa' gshegs pa'i dus/ /nyi zla sgra gcan gdon gyis zin/ /mu ge sde rtsod yams nad 'byung/ /dus chen bzhi dang bcu gnyis la/ /de bzhin gshegs dang dam pa'i chos/ /byang chub sems dpa' nyan thos kyi/ /rjes su slob pa'i dge slong dang/ /bla ma pha ma lha bzo ba/ /'gro ba'i nad gso sman pa rnams/ /zas skom rin chen sman sogs kyis/ /mchod na skye ba thams cad du/ /gnas dang longs spyod grogs la sogs/ /de dag mchog tu gyur pa thob/ /lha yi bsrungs dang bar chad med/ /sbyin pa gtong zhing tshul khrims ldan/ /snying rje gzhan gyi dbugs 'byin cing/ /nad med 'dod pa chung pa dang/ /gzhan gyis bkur ba'i 'os su byung/ /'tsho ba rnam par ma dag dang/ /dam tshig nyams pa 'byang bar byed/ /dge 'dun byang chub sems dpa' dang/ /gnyen bshes rnams kyis brgyan du gyur/ /gnad gcod sdug bsngal mi 'byung zhing/ /shi 'phos gsum la skyabs su 'gro / tshe rabs kun tu dal 'byor lus/ /thob nas rab tu byung ba dang/ /dge ba'i bshes gnyen bsten byed cing/ /bslab pa gsum dang 'bral mi 'gyur/ /dus chen bzhi dang tha mal pa'i/ /khyad par sil bu myang 'das las/ /sa ya phrag brgya'i 'gyur du gsungs/ /nyi ma gza' yis zin pa'i dus/ /bye ba phrag ni 'bum 'gyur dang/ /zla ba bye ba bdun 'gyur ro/ /dus chen bzhi la nyi zla zin/ /de dag bsod nams khyad par 'phags/ /dus mchod chen po bzhi'i tshig le'ur byas pa kha che'i paN Di ta shAkya sh+rIs mdzad pa rdzogs so// //paN+Di ta de kyi dang sgra bsgyur gyi lo tsA ba byams pa'i dpal gyi bsgyur ba'o// // */ (/dpal shAkya thub pa'i bstod pa bcu pa bzhugs/) /sangs rgyas la phyag 'tshal lo/ /mchog gi byang chub rgyu ni dang por bskyed pa las/ /'gro ba rnam par phan phyir 'chi med thar mdzad de/ /yang dag 'bar ba'i 'od 'phro bdud las rgyal ba can/ /rgyal ba shAkya thub la rab tu phyag bgyi'o/ 1 /thub pa'i rgyal po dam pa gzhan gyi mgon po mchog /gcig tu brtson pas tshangs pa mchog la nges gnas shing/ /so so'i blo can phal rgol lag ldan dbang por ni/ /ri dwags bdag po shAkya thub la phyag bgyi'o/ 2 /thub pa mar me mdzad la sogs las mchog thob pas/ /'bar ba'i rin chen dam pa thor cog la 'chang ba'i/ /'dzin ma'i bdag po tshangs dang rgas med kyis bstod pa/ /sdig spangs shAkya thub pa rab tu phyag bgyi'o/ 3 /thub pa rgya che'i 'od zer rgyan gyi yongs su bskor/ /me chu'i yangs pa dag dang rab rgyas gsal pa'i 'od/ /tshangs pa'i 'jig rten yul la khyab par spro ba can/ shAkya thub la dad bdag rab tu phyag bgyi'o/ 4 /thub pa skyes mchog bden pa mchog tu ston pa po/ /bstan las lha dang lha min mya ngan 'das bgyid pa'i/ /thabs mdzad pa la cho ga bzhin du mkhas pa ste/ / dge 'os shAkya thub la rab tu phyag bgyi'o/ 5 /thub pa'i dbus su mngon dgyes thugs rjes gnas pa ste/ /ting 'dzin mchog gis 'dod dang drag po rnam rmongs shings/ /mchog gi bim pa lta bu'i zhal sgros phul dang ldan/ /dam pa shAkya thub la rab tu phyag bgyi'o/ 6 /thub pa'i chos 'dzin pa las nad dang rims 'phrog cing/ /zhabs zung dag la 'phrog byed gtsug rgyan gyis rab mtshan/ /zung 'jug ting nge 'dzin la rtag tu bzhugs pa yi/ /mchog sbyin shAkya thub la rab tu phyag bgyi'o/ 7 /thub pa seng ge dam pa mi yi seng ge mchog /tshangs pa mi brjed bdag pos mchod gyur gdugs bsgreng zhing/ / nor 'dzin gtso mo'i re ba'i phyag gis mngon btud pa/ /phyag 'os shAkya thub la rab tu phyag bgyi'o/ 8 /thub pa zhi byed rnams kyi gtsug gi bde gshegs te/ /ma lus nyes pa spangs shing yon tan chu yi gter/ / mdza' dag skye bo'i sdug bsngal sel la gter lta bu/ /sdig sel shAkya thub la rab tu phyag bgyi'o/ 9 /thub pa brtson pas 'gro ba'i don sgrub mdzad pa la/ /mkha' lding bdag po'i mgon de lta bur sems can rnams/ /yang dag 'dren zhing pha rol bde bar mdzad pa yi/ /ston pa shAkya thub la rab tu phyag bgyi'o/ 10 /dpal shAkya thub pa'i bstod pa bcu pa zhes bya ba rdzogs so// // 'di ni dpal nags kyi rin po che'i zhabs kyis mdzad pa ste/ /da ri dra pa rgya mtsho'i sdes bsgyur// // */ (/ye ka nA tha'i don 'brel/ /) srid pa gsum gyi bla ma gnas skabs kun tu 'gro ba rnams la phan mdzad pa/ /mkhas shing gsal ba'i blo dang bsam gtan mngon shes thugs bsgom pa/ /stobs bcu mnga' ba rnal 'byor dang ni mkhyen par ldan pa khyod 'dra las gzhan pa/ /lha yul sa la yod min 'jig rten 'dir min rnam thos phu yi gnas na'ang med/ /legs spyad dam pa rmad byung gcig tu mdzes pa mi yi mig la mdzes rnams dang/ /bde bar gshegs pa dri med 'jig rten las 'das dge ba'i gsung dang mtshan rnams kyis/ /nye bar bsags pa'i sku ni gzi brjid 'phreng ba ldan pa khyod dang mtshungs pa ni/ /lha yi pho brang gnas mchog dag na'ang rang? 'byor dang phyogs mtshams dag na'ang med/ /snyan cing mnyen la dag cing ma 'khrugs gsung gis mi dang lha rnams la/ /khyab bdag khyod kyis de nyid bshad pa brtsal te khyod dang mtshungs pa ni/ / mang du 'di ci thub pa gang gis rnam dpyod bcas pas dwogs med par/ /ri dang nags su bcas pa'i nor 'dzin yangs pa kun tu rgyus kyang rnyed ma lags/ /zhi dang dul la dgyes shing yang dag gsung ba lha dbang phyag byas pa/ /rgyags dang zhe sdang ma rig bral zhing yang srid spangs gyur pa/ /gdul bya'i bsams pa ji bzhin 'jam zhing phan pa'i gtam gyis dga' mdzad pa/ /skyes bu khyu mchog khyod dang 'dra ba'i dge spyod chen po gzhan dag ga la zhig / de ltar stobs bcu mnga' ba skar rgyal bstod pa ji bzhin bdag gis kyang/ /nyin dang mtshan du ches char 'bad pa'i blo gros las ni rang gi brtson 'grus kyi/ /mtsho chen pha rol son te khyad kyang pha rol gnon pa rgya che bas/ /'gro ba ma tshang med pa'i skyob pa de bzhin gshegs pa dpa' bo nyid gyur cig / 'di slob dpon phyogs kyi glang po'i zhal snga nas mdzad pa'o/ / // rgya dpo las bod kyi skad du zha lu lo tsa bas bsgyur ba'o/ / // aoM ye d+harmA he tu pra b+ha bA he tun te ShAn+ta thA ga to hya wa data/ te ShAny+tsa yo ni ro d+ha e waM wa dI ma hA sh+ra maN:/ // s arba mang+ga laM [

CLOSE WINDOW