Input 
| བོད་ཡིག | e-texts based on the ACIP/ALL Input |
/'phags pa phyag na rdo rje bkra shis gang yin pa/ /bkra shis dam pa des kyang dang 'dir bde legs shog/ rigs gsum gyi bkra shis rdzogs so// //
dkon mchog gsum la phyag 'tshal lo/ /bcom ldan gser mdog ri yi rgyal po 'dra/ /'jig rten gsum mgon 'jam dpal gzhon nu'i sku/ /bde gshegs sku yi bkra shis gang yin pa/ bkra shis dam pa des
ni dang 'dir bde legs shog/ bcom ldan dung mdog ri yi rgyal po 'dra/ /'jig rten gsum mgon spyan ras gzigs kyi dbang/ /bder gshegs ma gsung gi bkra shis gang yin pa/ /bkra shis dam pa des ni deng 'dir bde legs shog/ /bcom ldan
ljang ser ri yi rgyal po 'dra/ /'jig rten gsum mgon phyag na rdo rje ste/ /bder gshegs thugs kyi bkra shis gang yin pa/ bkra shis dam pa des ni dang 'dir bde legs shog/ rigs gsum gyi bkris kyi tshigs su bcad pa rdzogs so// //
ltar ni skron ma bzhugs so/ / //gdod nas ma skyes rnam dag byang chub sems/ /rgyal ba rgya mtsho'i thus dang ye nas mnyam/ /rig dang gti mug sgyu ma'i khyad par las/ /srid dang rnam grol rgyu dang 'bras bur snang/ /dngos po med phyir dngos
por rtogs pa'ang med/ /chos can ma rim gis chos nyid yod ma yin/ /zhes pa zlog phyir rkyan bshad ma gtogs pa/ /chos kyi dang la tshig mas brjod du med/ /snang ba nyid na med pa'i smin rgyus/ /shes ldan rnams mi med pa'i blo mi
'byung/ /chos rnams rang bzhin ma skyes rtogs pa byes/ /mkhas pas skye mar stang par sgro mi 'dogs/ /ji bzhin ma skyes gdong nas zhi ba yi/ /gnyis med spros bral rang rig blo ldan pa/ /brjod med dang ? du yang mi
gnas na/ /dngos dang tha snyad 'dzin par gal? 'gyur/ /bdag med chos sku byang chub snying po bas/ /gzhan nas btsal zhing thob pa ma yin yang/ /rmi lam sad nas gzugs dang bral ba bzhin/ /sgrib spangs byang chub thob ces
rgyal bas gsungs/ /rmi lam skyes bus dug 'thungs ji bzhin du/ /srid rgyu nyon mongs las rnams de ltar shes// rmi lam dug nang sdug bsngal bzod dka' ba/ /skye rgad 'chi 'khor ba'i sdug bsngal yin/ /rmi lam nad sel sman drangs?
'dra ba ni/ /'phags lam rnam thar mang por rig par bya/ /sdug bsngal khad kyis 'byang ba'i skad cig ma// shes rab ting 'dzin khyad par skye ba'i tshul/ /rmi lam nang bsal sos pa'i bde rnyed pa/ /sems kyi rang bzhin
byang chub thob pa'i dpe/ /rmi lam nyid na rgyu 'bras rmi bslu bzhin/ /ma rig gnyid log rnams la de ltar nges/ /rmongs pa'i gnyid sad shes rab ldan pa dang/ /'khor ba rmi lam lta bu'i dbang tsam du//
'phags lam don brtson 'bras bu rig par gsal/ /rang bzhin mi 'gyur thob pa'i rlom sems med/ /mnyam pa'i don nyid blo dang ma mnyam na/ /tshig gi mnyam pas rtog pa'i klung mi bzlog /dmyal
sogs 'khor ba mnyam las ma g.yos kyang/ /sdug bsngal mi bzad srid las 'khyam par snang/ /ye nas rnam dag thob pa med rig nas/ /shes rab thabs kyi rnal 'byor rab brtson zhing//
sku gsung che ba'i yon tan kun bsdus pas/ /mtshan ma'i nyes dang ldan pa ga la yin/ /shes rab mchog gis log rtog sems sbyangs nas/ /ye she tshogs chen rgyal ba chos kyi sku/
dpe byad mtshan gyis ting 'dzin dbang thob nas / bsod nams tshogs chen rgyal ba gzugs kyi sku /rnam smin tshul gyis grub par mi blta zhing / ye shes gzhan nas thob par
mi byed de/ /sku gsum ji bzhin sbyor bas 'bras bu'i mchog /rtsol byas sgrub pa'i dbang gis rgyu yang yin/ rang sems rnal 'byor shes rab ting 'dzin yin/ /sems can
nyid na bde gshegs yul la 'jug/ /dag pa'i zhing du smin par mi byed de/ /snyigs ma lnga nyid bde ldan gnas su bsgom/ shes rab gnas med chags pa'i rdul bral yang/ /snying rje sems can khams
la skyob med / sgyu ma'i mtshan nyid ma 'gags mngon sum te/ mtshan med ro gcig don dam dbyings su rtogs / slob dpon dpal dbyangs kyi mdzad pa lta ba rin po che sgron ma
rdzogs so/ / //bkra shis// mang+gal laM// //sta tha yang dag sgron ma bzhugs so// //dpal ldan thugs kyi dkyil 'khor nyi ma'i 'od stong gis/ /shin
tu 'bar ba'i zer tsam bdag blo mun par byung/ /dbyangs dang tshigs 'das nas mkha' i mtshan nyid las 'das pa'i/ /rang sems skye med zab mo'i don gyis phyogs tsam snang/ /rang gi rtog pa mkhas pas gsungs pa'i
rnam mang ba/ /rtog gi bdag 'dra'i spyod yul brtsam par mi 'os kyang/ /rig pa'i brjod bya rtsam 'di des don mos rnams kyis/ /chos phyir 'brang ba'i blo yis dbyad cing goms par bya/ /bskal pa mang por
rgyal ba rnams la ni/ /dge tsa bskyed cing rang sems sbyangs pa yis/ /rnal 'byor dam pa nges pa'i lung chen la/ /shes rab mchog ldan rig pa'i mos blo gsal/ /rnam par mi rtog don dam rang bzhin
gyis/ /rig pa'i tshul las sems kyis dmigs pa ni/ /lung dang man ngag rig pas thag bcad de/ /chos kyi rang bzhin yang dag yid ches bya/ /ji ltar nam mkha' la ni tha snyad du// ming dang tshig gis
brjod par byed mod kyis/ /mtshan ma med cing spros dang bral ba ste/ /ngo bo nyid kyi sems kyi yul las 'das/ /ji ltar smig rgyu'i phung po snang ba dag /snang ba nyid na nam mkha' i rang bzhin ltar//
de bzhin chos rnams sna tshogs snang ba yang/ /snang ba nyid ma mtshan med nam mkha' bzhin/ /rgyu che rab zab theg mchog yangs pa'i lam/ /don dam spros med spros pa kun las 'das/ /bdag dang chos
kyi dbyings su mnyam pa yi/ /dbu ma'i don can blo yis go bar byas/ /yang dag don dam gcig cang go nas ni/ /yid med la sogs sems kyi yul 'das shing/ /de dang dogs pa'i mdza' ni rang spangs nas/
col ba med pa'i brtson 'grus brtsam par bya/ /chos rnams thams cad ye nas ro gcig phyir/ /sgom pa dang ni bsgom bya'ang dmigs su med/ /sems nyid ye nas chos nyid yin shes na// chos kyi dbyings nyid
gzhan du bsgom mi dgos/ /rmi lam dag gi bde dang sdug bsngal dag/ /sed par gyur na rang bzhin mnyam pa ltar/ /rnam par rtog dang mi rtog gnyis ka yang/ /shes pas rig na rang bzhin yongs kyis mnyam/ /de ltar dus
gsum rnam par dag pa dang/ /rang bzhin nyid las ma 'das shes na ni/ /sgro 'dogs bus pa'i rjes su ma 'brangs na/ /rang bzhin nyid du yod gis bcos mi dgos/ /ji ltar nam mkha' mtshan ma med pa'i phyir/ /
nam mkha' de nyid bsgom par mi 'gyur bzhin/ /ngo bo nyid kyis ma skyes sems kyis ni/ /ma skyes de nyid sgom par ga la 'gyur/ /mi mthun pa dang gnyen po dbyer med don/ /rang gi shes na rtsol ba kun sbyangs te
btang snyoms chen por ma bcos dang bzhag na/ /tha snyad tsam duAng bsgom zhes de la bya/ /skyon dang yon tan gnyis po ma skyes phyir/ /rnam par rtogs pa'i mtshan ma ci byung yang/ /ma bkag rang byung ba 'brangs rang zhi ste//
ma brtsis ma byas rang gi dang gis gsal/ /lta ba yang dag sgron ma rdzogs so// //gnyan A tsarya dpal dbyangs kyis mdzad pa'o// //mang+gal laM/ /gcig zhus//
mdza' i mun sel sgron ma bzhugs so/ / //chos rnams sems kyi 'khrul pa ste/ /sems las ma gtogs tshes rnams med/ /chos su snang ba 'khrul pa'i sems/ /rten 'brel sgyu ma skyo ba med/ /skye ba med ces bstan pa'ang//
dngos por 'dzin pa bzlog phyir te/ /sgyu ma ye nas skye med la/ /skye med gnas gyi snga ma gdags/ /nam mkha' 'di ni med do zhes/ /blun po gang zhig rtog par byed/ /mkhas pa sngon nas yang mi 'dzin/ /med par mi rtog tshig mi
brjod/ /sems las ma gtogs chos med phyir/ /bsgom bya'i chos nyid gung ma med/ /sems kyang ye nas ma skyes na/ /sgom pa po'ang gang la yod/ /brjod pa'i rtsa bas sems nyid do/ /ma skyes dngos gzhi nyid min na//
bsgom dang bsgom du med pa yi/ /tha snyad gang zhig gang la 'jug /'go la sems rgyud gnyis mi 'chad/ /de ni ma skyes rang mi dmigs// de las gzhan pa'i sems med phyir/ /bcos shing gnas pa gang zhig yod/ /
'khrul rtog rkyen dang ldan gyi bar/ /smig rgyu bzhin du sems snang na/ /rang bzhin shes pas btsas su med/ /mi shes smig rgyu bcos pa bzhin/ /mi rtog mtshan med sems rnams kyis/ /mtshan ma med la'ang gnas
mi byed/ /mtshan ma med la mi gnas na/ /mtshan mar gnas pa smos ci dgos/ /bsgrub pa med cing gnas pa med/ /'du byed med pa mkha' 'dra bra/ /'du byed las byung bsam gtan skyon/ /ma lus kun gi dgos
pa med/ /ji ltar rtog med zab mo zhig /blo yi yul du snang zhe na/ /mi rtog zab mo'i nyams myong ba/ /myong ba yin phyir de nyid min/ /lta ba dgum chung mdza' mun sel sgon ma/ /bod kyi paN+Di ta A tsarya gnyan dpal dbyangs kyis
mdzad pa'o/ /mang+ga laM/ //thabs shes sgrol ma bzhugs// //du gsum gyal bas ji ltar thugs chud pa'i/ /chos kyi rang bzhin rig pa'i rnal 'byor pas/ /ma thob thob phyir brtson par mi byed kyang/ /snying rje'i bye brag
thabs kyi spyod pa'ang ston/ /ji ltar mkha' la 'ja' tshon rnam mang yang/ /nam mkha' i dang du ro gcig bye brag med/ /de bzhin rgyal ba'i gzugs sku rnam mang yang/ /ye shes dbyings su ro gcig bye brag med/ /bde gshegs
snying po sems kyi rang bzhin la/ /yul ring dus nas rmongs pa'i sems can rnams/ /bdag tu 'dzin pa'i sems rgyud so sor snang/ /rang bzhin nyid na rgyal ba'i chos skur gcig/ ye shes sgyu mar snang ba'i sangs rgyas dang/ /log
rtog rgyu mar snang ba'i sems can gnyis/ /ye shes log rtog khyad par bsam yas kyang/ /sgyu ma yin phyir rang bzhin yongs kyis mnyam/ /sems can sangs rgyas bden par tshul gcig cing/ /rang gi sems nyid sangs
rgyas yin shes na/ /gzhan nas bsgrub par bya ba ci yang med/ /de lta bas na spang bar bya ba'ang med/ /'di lta bu yi chos kyi tshul rig na/ /ma rig rnams la snying rje yongs kyis skye/ /snying rje skyes nas sgyu ma'i ting
'dzin gyis/ /phan 'dogs thabs kyis spyod pa cir yang ston/ /sangs rgyas rnams kyi dgongs pa ji lta ba/ /sems kyi rang bzhin gnas med de ltar bsgom/ /thugs rje'i 'bad pa rab 'byams ji lta ba/ /rnal 'byor thabs kyi ting 'dzin
de ltar sprul/ /bdag dang bdag gir 'dzin pa med pa'i phyir/ /pha rol phyin drug dmigs med rdzogs par ldan/ /thabs kyi spyod pas gdul bya kun 'dul yang/ /sgyu ma'i blo ldan rlom sems ci yang med/ /ma skyes sems la
sems can med pa'i phyir/ /ngo bo nyid kyi chos sku'i nga rgyal 'chad/ /chos kun sgyu mar mngon sum gsal ba'i phyir/ /ting 'dzin sgyu mas ci 'dul de ltar ston/ /chos sku mnyam nyid rtogs nas 'gro don du/ /bde gshegs
byin rlabs cing yang ston pa ltar/ /bdag nyid chos sku rig pa'i rnal 'byor bas/ /thabs kyi bye brag pa? nas de ltar mdzod/ /thabs dang shes rab ldan pa'i sgron ma rdzogs so// //slob dpon dpal dbyangs kyis mdzad pa'o//
rnal 'byor spyod pa'i lugs des pa'i don la ji bzhin sgom thabs kyi sgron ma bzhugs so/ / //ji bzhin pa yis chos btsan par/ /chos la chos ni mi 'jug ste/ /ji tsam zab pa'i tshig brjod kyang/ /don dang mthun par mi 'gyur ro/ /sems
ni ci la'ang mi gnas dang/ /ci la'ang mi dmigs zhes bya ba/ /sems la gnas dmigs skyon sel ba'i/ /sems 'dzin phra mo de la yod/ /smig rgyu bzhin du sems med na/ /mi gnas mi dmigs byed pa gang/ /nam mkha'
ba'i ? ? mig zhes/ /bsgom pa don dang ldan pa yin/ /de bzhin skyil krung drang 'dug dang/ /lus kyi bcos pa thams cad kyang/ /lus rtog mngon par zhen las byung/ /lus med mkha' la bcos su med/ /sgyu ma bzhin ?
lus shes na/ /drang 'dug skyil drung 'cha' ba med/ spyod lam gsum gyi gnas ba gang/ ched du bya med byed pa'ang med/ lus sems ma skyes bzhi med pa/ /mkha' ltar
bcos pa'i kha na med/ /tshad mar lus sems 'chos byed pa/ /'dzin pa'i phur pa de la yod/ /ji ltar mtshan med nam mkha' ni/ /dmigs dang dmigs med rtsol dang brag/
de bzhin sems nyid nam mkha' yang/ /rang bzhin nyid kyis de lta'o/ /lus la sogs kyang de bzhin te/ /rtsol ba med phyir gang ltar yang/ /gnas pa med de mi gnas na/ /mi
'gal tsam du gyur pa yin/ /rnal 'byor spyod pa'i lugs nges pa'i don la ji bzhin sgom thabs rdzogs so// //
man ngag dgu ma chung/
CLOSE WINDOW