བོད་ཡིག

e-texts based on the ACIP/ALL Input

/ //rgya gar skad du/ maM ga la gA thA/ bod skad du/ bkra shis kyi tshigs su bcad pa/ /dkon mchog gsum la phyag 'tshal lo/ /rmi ngan 'jigs dang sdig pa thams cad 'jig byed pa/ /tshe dang 'byor dang stobs dang bde pa rnam 'phel byed/ /khyed kyi bkra shis thams cad sgrub par byed 'di dag/ rab tu brjod gyis de phyir mi rnams bsgrims te nyon/ /sangs rgyas pad+ma rgyas pa dad pa 'dab 'dra'i sbyan mnga' ba/ gser gyi mdog can 'gro ba'i rtsa lag gcig pu dang/ /chos dang dge 'dun lta dang lha min gyis bstod pa/ /bkra shis rnam par spel phyir rtag tu dran par byed/ /bdud stobs rab tu 'joms pa'i bkra shis gang yin pa/ /rnam snang mdzad dang thams cad skyob dang rnam par gzigs/ /kun tu mchod cing rgyas 'gyur ba gzi brjid mchog/ /bkra shis rnam par spel phyir rtag tu dran par byed/ /pad+ma'i spyan dang shAkya thub pa thub chen dang/ /ye shes dbang phyug skan lags pa dang zla zhal dang/ /'brug gi sgra dang rnga sgra lta bu'i dbyangs snyan pa/ /bkra shis rnam par spel phyir rtag tu dran par byed/ /'od zer rgyal mtshan dang ni gser thub 'od srungs dang/ /mar me mdzad pa shin tu brjid ? shin? ba dang/ /'dren pa gtsug tor can dang 'od tog dpag med 'ong/ /bkra shis rnam par sbel phyir rtag tu dran par byed/ /pad+ma mdzes dang ye shes stobs dang zla 'ong dang/ /nyi ma'i zhel dang dgra las rgyal dang rgyal bstams dang/ /yon tan 'byung gnas dpal gyi gzi brjid 'jig rten gtso/ /bkra shis rnam par spel phyir rtag tu dran par byed/ /mi 'khrugs pa ni rdo rje gdan la bzhugs pa dang/ /'dren pa mchog sbyin rin chen tog tu bcas pa dang/ /rnam par sbel dang lag na rin chen rgyal mtshan mchog/ bkra shis rnam par spel phyir rtag tu dran par shog/ 'jig rten dbang phyug rtag tu rgyal dbang gtsug tor can/ /ston zla dri med lta bur zhal ras mdzes pa dang/ /nam mkha' i snying po dang ni sa yi snying po dag / bkra shis rnam par spel phyir rtag tu dran par byed/ /'jam dpal gtsug phud shin tu mdzes par rab brgyan cing/ /gzhon nu'i gzugs ni gser mdog 'od dang ldan pa dang/ /rtag tu rgyal bar dga' ba lag na rdo rje dpal/ /bkra shis rnam par spel phyir rtag tu dran par byed/ /byams pa shin tu rmad du byung ba'i gzugs mnga' pa/ /lcang lo'i 'khril mnga' mchod rten gtsug tor gnas ba dang/ /kun tu bzang dang nor bzang dang ni sgra gcan 'dzin// bkra shis rnam par spel byir rtag tu dran par byed/ /skul byed ma dang sgrol ma khro gnyer 'gro phan dang/ /de bzhin shes rab la sogs pha rol phyin drug dang/ /rma bya dang ni 'phags ma gzhan gyis mi thub bcas/ /bkra shis rnam par spel phyir rtag tu dran par byed/ /gtsug tor las byung gsang sngags ? 'dzin bcas pa dang/ /phyir ldog ma dang/ /bsil pa'i tshal na rgyal las 'khrungs/ /lha mo ri khrod lo ma can par bcas pa rnams/ /bkra shis rnam par spel phyir rtag tu dran par byed/ /don yod grub dang stod chen rab tu 'joms pa dang/ /glengS? khyer ba ra NA si zhes byar grags pa dang/ /bad sa'i snying po gcig dang gu sha'i kyang ldan pa/ /bkra shis rnam par spel phyir rtag tu dran par byed/ /rdo rje lcags kyu dang ni gtsug 'phyang 'od po che/ /de bzhin bgegs 'joms 'phags pa bdud rtsi thab sbyor dang/ /zla 'od de yang gzhon nu'i gzugs gang ldan pa ni/ /bkra shis rnam par spel phyir rtag tu dran par byed/ /gshin rje gshed po 'jig kun rab tu 'joms mdzad dang/ /pad+ma mthar byed gnod mdzes de bzhin 'khor lo can/ /gzhan gyis mi thub dbyug ldan bsnams par mdzad pa dang/ /bkra shis rnam par spel phyir rtag tu dran par byed/ /'phags pa mi g.yo bgegs rigs rab tu 'joms pa dang/ /phun sum tshogs byed rmugs 'dzin aud dpal mdog can dang/ /glang chen ko rlon stag lpags dag gi rgyan gyur pa/ /bkra shis rnam par spel phyir rtag tu dran par byed/ /'phags pa shA ri'i bu dang mong+ga la 'os srungs dang/ /nor bu 'dzin dang ma 'gags nye bar 'khor dang bcas/ /rab 'byor dang ni lus 'phags ri bo kun dga' o/ /bkra shis rnam par spel phyir rtag tu dran par byed/ /stobs chen bgegs kyi rigs ni rab tu 'joms pa dang/ /'od zer ldan dang cha byad rab tu mdzes pa dang/ /dug sbel sbrul gdug rgyags pa rab tu 'jig byed pa/ /bkra shis rnam par sel phyir rtag tu dran par byed/ /'phrog ma rnam pa sna tshogs g.yo 'gul pa/ /bu pho lnga brgya dag gis brgyan par gyur de dang/ /gnod sbyin bdag po lngas rtsen dang ni pad+ma'i mgo/ /bkra shis rnam par spel phyir rtag tu dran par byed/ /ta la ta la sems can kun la phan mdzad dang/ /rin chen sgron mar grags dang nor gyi rgyun mchog dang/ /gnod sbyin bdag po rnam thos sras po dpal thob pa/ bkra shis rnam par spel phyir rtag tu dran par byed/ /thams cad sgron pa sbyin phod dam pa gzi chen dang/ /byams pa'i stobs ni stong pa'i stobs chen ldan pa dang/ /sprin gyi mdog dang ldan pa'i bu ni gang yin pa/ /bkris rnam par spel phyir rtag tu dran par byed/ /rab tu dga' ba la sogs sa bcu de dag dang/ /dpa' bas phyin pa de dang gtsug na nor bu dang/ /rgyal po dam pa zas gtsang dang ni ka yin/ /bkra shis rnam par spel phyir rtag tu dran par byed/ /lum bi'i tshil ni bud ba mar po phung lding dang me tog 'bras bu rnam pa sna tshogs rnams kyis brgyan/ /rma bya dang ni khu byug po mo sgra 'byin pa/ /bkra shis so rnam par spel phyir rtag tu dran par byed/ /btsun mo sgyu 'phrul dang ni de bzhin gau ta mi/ /shAkya'i bu mo rdzu 'phrul chen mo grags 'dzin dang/ /ne raM? dza na bsod nams ldan pa 'bab chur bcas/ /bkra shis rnam par spel phyir rtag tu dran par byed/ /'jig rten dbang phyug pad+ma bud dang khyus lding dang/ /'jam dpal aud pa la sngon po yid du 'ong ba dang/ /mgon po byams pa yid ni klu shing me tog bsnams/ /bkris rnam par spel phyir rtag tu dran par byed/ /rnam snang mdzad pa lta bu'i 'khor lo dang/ /dpal thob rin chen nor bu 'od dang ldan pa dang/ /mgon po 'od dpag med pa'i pad+ma dam pa mchog/ bkra shis rnam par spel phyir rtag tu dran par byed/ /don yod grub pas legs bsnams mchog dang ni/ /mi bskyo rdo rje nyid dang gzhan yang ni/ /bskyob pa thams cad kyi ni phyag mtshan ma lus pa/ /bkra shis rnam par spel phyir rtag tu dran par byed/ /yid bzhin nor bu 'dod 'jo'i ba dang bcas pa dang/ /dpag bsam gyi ni shing dang bum pa bzang po dang/ /rgyal ba kun gyis nges par bsten pa'i byang chub shing/ /bkris rnam par spel? phyir rtag tu dran par byed/ /lam 'jug dus dang nor dang 'bru rnams bdud pa dang/ /nad bar dus sam yang na zhi ba'i las tshe 'am/ /dga' ston kun na 'dug dang dgos pa sgrub pa na/ /ming mtshan 'di dag mi yid rab tu bsgrims te gdon/ /rgyal ba dag dang rgyal ba'i sras kyi mtshan 'di ma lus pa/ /lha la gus shing nyin gcig bzhin du nad bar sus brjod pa/ /de dag sems can dmyal ba'i dogs dang bral zhing bde ba dang/ /dpal dang ldan zhing nad kun 'jom la nor bar ldan par 'gyur/ /bkra shis kyi tshigs su bcad pa slob dpon 'phags pa klu grub kyis mdzad pa rdzogs so/ / //rgya gar gyi mkhan po dza ni mi tra dang/ /zhu chen gyi lo tsA ba bande ye shes sdes sbyar cing zhus te gtan la phab pa/ /sangs rgyas rabs bdun gyi bkra shis gar?/

CLOSE WINDOW