བོད་ཡིག

e-texts based on the ACIP/ALL Input

/bden pa'i tshig 'dis kun tu bde legs su gyur cig/ rig sngags kyi rgyal mo rma bya chen mo las gsungs pa'i smon lam dang/ /bden tshig rdzogs so// //dge zhing legs par gyur cig/ rgya gar skad du/ /me gA la gA thA/ khong skad du /bkri shis kyi tshigs su bcad pa/ /dkon mchog gsum la phyag 'tshal lo/ /phun sum tshogs pa mnga' ba gser gyi ri po 'dra/ /'jig rten gsum gyi mgon po dri ma gsum spangs ba sangs rgyas pad+ma rgyas pa'i 'dab 'dra'i spyan mnga' ba/ /bkra shis des ni skye dgu zhi byed dang po'o/ /de yis nyer bar stan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /de ni 'jig rten dge ba'i bkra shis gnyis pa'o/ /dge 'dun dam pa chos ldan thos pa'i bkra shis phyug/ mi dang lha dang lha ma yin gyi mchod pa'i gnas/ /tshogs kyis mchog rab do tsha shes dang dpal gyi gzhi/ /de ni 'jig rten dag ba'i bkra shis gsum pa'o/ /sems can kun la phan phyir byang chub mnga' ba bo/ /don rnams thams cad 'grub par brtul ba yongs ldan pa/ /tshogs kyi lam dgyes thub pa'i bkris gang byung ba/ /bkra shis des ni skye dag rnams la zhi byed shog/ 'gro la phan phyir de bzhin gshegs pa dga' ldan lha'i/ /gzhal med khang gi snying po nas ni 'dir gshegs te/ /dbang bcas lha yi bskor pa'i bkris gang 'byung ba/ /bkris des ni skye dgu rnams la zhi byed shog/ lo ma me tog 'od 'bar nyams dga' lum ba'i tshal/ /lha mang dag gis bsten par mgon po bstams pa la/ /srid pa mthar phyin pa yi bkra shis gang byung ba/ /bkra shis des ni skye dgu rnams la zhi byed shog/ grong khyer ser skya'i gnas nas rgyal po'i pho brang du/ /lhums nas bstams pa ston pa bde gshegs zas gtsang sras/ /myur bskrun bdud rtsi'i chus gtor ba yi bkra shis gang/ /bkra shis des ni skye dgu rnams la ni zhi byed shog/ grong khyer dam pa ser skya'i gnas zhes bya bar ni/ /rmad du grags ba che ba'i lha yi mngon bstod de/ /bsam yas dge sgrub bsod nams phung po'i bkra shis gang/ /bkra shis des ni skye dgu rnams la zhi byed shog/ gyis shing nam phyed grong khyer mchog nas mngon byung ste/ /dka' thub tshal du mngon par gshegs shing tshangs la sogs/ /lha yi tshogs kyi yongs su bskor ba'i bkra shis gang/ /bkris des ni skye dgu rnams la zhi byed shog/ rab tu 'od 'bar gser dang 'dra ba'i sku mnga' zhing/ /kheDUrya ltar sngo ba'i rtsa ba ting ster bzhugs te/ /skyil mo krung bcas mi g.yo mchog gi bkra shis gang/ /bkra shis des ni skye dgu rnams la zhi byed shog/ chu bo'i 'gram na rtsa shi'i phreng gis yongs bskor pa/ /shin tu rmad du byung ba'i sred pa sel mdzad pa/ /klu yi rgyal pos phyag byos pa yi bkra shis bar/ /bkra shis des ni skye dgu rnams la zhi byed shog/ shing rgyal drung gshegs byams pa'i stobs kyis bdud kyi phyogs/ /mang po btul ste sa ster dang ni nam mkha' la/ /bcom ldan bkra shis rnam pa sna tshogs gang 'byung ba/ /bkris des ni skye dgu rnams la zhi byed shog/ sdug bsngal mdza' dag gzhig phyir rdo rje'i gdan bzhugs te/ /nam gyi tho rangs bdud bzhi po dag rnams btul ba/ /ston pa bde bar gshegs pa'i bkra shis gang yin pa/ /bkra shis des ni skye dgu rnams la zhi byed shog/ /grong khyer ba ran ser drang srong mchog / bzhugs nas chos kyi 'khor lo mchog bsten ba yi bkra shis gang/ /lha yul dang 'dir shin tu rmad du byung gyur pa/ /bkris des ni skye dgu rnams la zhi byed shog/ bkris gang zhig phan byed dam pa gang byed pa// bsod nams bya byed 'phags pa'i skye bos mngon bstod pa/ /bcom ldan shAkya thub pa'i seng+ges gang gsungs pa/ /bkra shis des ni skye dgu rnams la zhi byed shog/ mu stegs byed pa rnams kyi nga rgyal gzhom pa dang/ /'grol bde ba bskyed phyir chos ? dam pa dag/ te bar ston pa'i rgyal ba'i bkris gang yin pa/ /bkra shis des ni skye dgu rnams la zhi byed shog/ 'gro la phan phyir mtho ris nas ni 'dir gshegs te/ /tshangs pa la sogs lha tshogs lag na rnga yab gdugs/ /sna tshogs thogs pas yongs su bskor pa'i bkra shis gang/ /bkra shis des ni skye dgu rnams la zhi byed shog /de bzhin gshegs pa zhi ba mchog tu nyer gshegs pa/ /mnar dpa' i me tog mang pos mngon mchod pa/ /lha mchog rnams kyis mngon par bstod pa'i bkra shis gang/ /bkra shis des ni skye dgu rnams la zhi byed shog/ lha dbang klu dar mi yis dbang pos phyag byas pa/ /mkha' lding gnod sbyin dri ba'i dbang pos mchod gyur pa/ /de bzhin gshegs pa'i stobs bcu ldan pa'i bkra shis gang/ /bkra shis des ni skye dgu rnams la zhi byed shog/ dkon mchog gsum dang mdzad pa bcu gnyis kyi bkra shis kyi tshigs su bcang pa slob dpon 'phags pa klu sgrub kyis mdzad pa rdzogs so// //rgya gar gyi ma/ bar po ji na mi tra dang/ /zhu chen gyi lo tsA ba bande ye shes sdes sgyur cing zhus te gtan la phab pa'o// //rgya gar skad du/ ra rna stri gA thA/ bod skad du/ dkon mchog gsum gyi bkra shis kyi tshigs su bcad pa/ /dkon mchog gsum la phyag 'tshal lo/

CLOSE WINDOW