བོད་ཡིག

e-texts based on the ACIP/ALL Input

mtshan med ro cig don dam dbyings su rtogs/ /slob dpon dpal dbyangs kyis mdzad pa/ lta ba rin po che sgron ma rdzogs so/ //'phags pa bzang po sbyod pa'i smon lam bzhugs so/ /rgya gar skad du/ arya bta dra tsarya pra ni d+hA na rA dza/ bod skad du / 'phags pa bzang po spyod pa'i smon lam gyi rgyal po/ /'phags pa 'jam dpal gzhon nur gyur pa la phyag 'tshal lo/ /ji snyed su dag phyogs bcu'i 'jig rten na/ /dus gsum gshegs pa mi yi seng ge kun/ / bdag gis ma lus de dag thams cad la/ /lus dang ngag yid dang bas phyag bgyi'o/ /bzang po sbyod pa'i smon lam stobs dag gis/ /rgyal ba thams cad yid kyi mngon sum du/ /zhing gi rdul snyed lus rdabs tu tud pa yis/ /rgyal ba kun la rab tu phyag 'tshal lo/ /rdul cig steng na rdul snyed sangs rgyas rnams/ /sangs rgyas sras kyi dbus na bzhugs pa dag/ de ltar chos kyi dbyings rnams ma lus pa/ /thams cad rgyal ba dag gis gang bar mos/ /de dag bsngags pa mi bzad rgya mtsho rnams/ /dbyangs kyi yan lag rgya mtsho'i sgra kun gyis/ /rgyal ba kun gyi yon tan rab brjod cing/ /bde bar gshegs pa thams cad bdag gis bstod/ /me tog dam pa phreng ba dam pa dang/ sal snyan rnams dang byug pa gdugs mchog dang/ /mar me mchog dang bdug pa dam pa yis/ /rgyal ba de dag la ni mchod par bgyi/ /na bza' dam pa rnams dang dri mchog dang/ /phye ma'i phur ma ri rab mnyam pa dang/ /bkod pas khyad par 'phags pa'i mchog kun gyis/ /rgyal ba de dag la ni mchod par bgyi/ /mchod pa gang rnams bla mang rgya che ba/ /de dag rgyal ba thams cad la yang mos/ /bzang po spyod la dad pa'i stobs dag gis/ /rgyal ba kun la phyag 'tshal mchod par bgyi/ /'dod chags zhe sdang gti mug dbang gis na/ /lus dang ngag dang de bzhin yid kyis kyang/ /sdig pa bdag gis bgyis pa ci mchis pa/ /de dag thams cad bdag gis so sor bshags/ /phyogs bcu'i rgyal ba kun dang sangs rgyas sras/ /rang rgyal rnams dang slob dang mi slob dang/ /'gro ba kun gyi bsod nams gang la yang/ /de dag kun kyi rjes su bdag yi rang/ /gang rnams phyogs bcu'i 'jig rten sgron ma dag/ byang chub rim par sangs rgyas ma chags brnyes/ /mgon po de dag bdag gis thams cad la/ /'khor lo bla na med pa bskar bar bskul/ /mya ngan 'das ston gang bzhed de dga' / /'gro ba ba kun la phan zhing bde ba'i phyir/ /bskal pa zhing gi rdul snyed bzhugs par yang/ /bdag gis thal mo rab sbyar gsol bar bgyi/ /phyag 'tshal ba dang mchod cing bshags pa dang/ /rjes su yi rang bskul zhing gsol ba yi/ /dge ba cung zad bdag gis ci bsags pa/ /thams cad bdag gis byang chub phyir bsngo'o/ /'das pa'i sangs rgyas rnams dang phyogs bcu yi/ /'jig rten dag na gang bzhugs mchod par gyur/ /gang yang ma byin de dag rab myur bar/ /bsam rdzogs byang chub rim par sangs rgyas sbyon/ /phyogs bcu gang gA'i zhing rnams ji snyed pa/ /de dag rgya cher yongs su dag par gyur/ /byang chub shing dbang drung gshegs rgyal ba dang/ /sangs rgyas sras kyi rab tu gang bar shog phyogs bcu'i sems can gang rnams ji snyed pa/ /de dag rtag tu nad med bde bar gyur/ /'gro ba kun kyi chos kyi don rnams ni/ /mthun par gyur cing re ba'ang 'grub par shog/ /byang chub sbyod pa dag ni bdag spyod cing/ /'gro ba kun tu skye ba dran par gyur/ /tshe rabs kun tu 'chi 'pho skye ba na/ /rtag tu bdag ni rab tu 'byung bar shog/ rgyal ba kun gyi rjes su slob gyur te/ /bzang po spyod pa yongs su rdzogs byed cing/ /chul khrims spyod pa dri med yongs dag par/ /rtag tu mnyams skyon med spyod par shog/ lha yi skad dang klu dang gnod sbyin skad/ /grul bum dag dang mi yi skad rnams dang/ /'gro ba kun gyi sgra rnams ji tsam par/ /thams cad skad du bdag gis chos bstan to/ /des shing pha rol phyin la rab brtson te/ /byang chub sems ni nam yang brjed ma gyur/ /sdig pa gang rnams sgrib par gyur ba dag/ de dag ma lus yongs su byang bar shog/ las dang nyon mongs bdud kyi las rnams las/ /grol shing 'jig rten 'gro ba rnams su yang/ /ji ltar pad+ma chus ma tshigs pa bzhin/ /nyi zla nam mkhar thogs pa med ltar sbyad/ /zhing gi khyon dang phyogs rnams ji tsam par/ /ngan song sdug bsngal rab tu zhi bar byed/ /bde ba dag la 'gro ba kun dgod cing/ /'gro ba thams cad dag las phan par spyad/ /byang chub spyod pa yongs su rdzogs byed cing/ /sems can rnams kyi spyod dang mthun par 'jug/ bzang po spyod ba dag ni rab ston cing/ /ma 'ong bskal pa kun tu spyod par 'gyur/ /bdag gi sbyod dang mthun par gang spyod pa/ /de dag dang ni rtag tu 'grogs par shog/ lus dang ngag rnams dang ni sems kyis kyang/ /spyod pa dag dang smon lam gcig tu spyad/ /bdag la phan par 'dod pa'i grogs po dag/ bzang po spyod pa rab tu ston pa rnams/ /de dag dang yang rtag tu phrad par shog/ de dag bdag gis nam yang yang mi 'byung/ /sangs rgyas sras kyis bskor ba'i mgon po rnams/ /mngon sum rtag tu bdag gi rgyal ba lta/ /ma 'ongs bskal pa kun tu mi skyo bar/ /de dag la yang mchod pa rgya cher bgyi/ /rgyal ba rnams kyi dam pa'i chos 'dzin cing/ /byang chub spyod pa kun tu snang bar byed/ /bzang po spyod pa rnam par spyad ba yang/ /ma 'ongs bskal pa kun tu spyad par bgyi/ /srid pa thams cad du ni 'khor pa na/ /bsod nams me shes dag ni mi zad rnyed/ /thabs dang shes rab ting 'dzin rnam thar dang/ /yon tan kun gyi mi zad mdzod du gyur/ /rdul cig steng na rdul skyed zhing rnams te/ /zhing der bsam gyis mi khyab sangs rgyas rnams/ /sangs rgyas sras kyis dbus na bzhugs pa la/ /byang chub spyad pa spyod cing blta bar bgyi/ /de dag ma lus thams cad phyogs su yang/ /skra tsam khyon la dus gsum tshad snyed? kyi/ /sangs rgyas rgya mtsho zhing rnams rgya mtsho dang/ /bskal pa rgya mtshar spyod cing rab tu 'jug/ gsung gcig yan lag rgya mtsho'i sgra skad kyis/ /rgya ba kun dbyangs yan lag rnam dag pa/ /'gro ba kun gyi bsam pa ? bzhin dbyangs/ /sangs rgyas gsungs la rtag tu 'jug par bgyi/ /dus gsum gshegs pa rgyal ba thams cad dag/ 'khor lo'i tshul rnams rab tu bskor ba yi/ /de dag gi yang gsung dbyangs mi zad la/ /blo yi stobs kyis bdag kyang rab tu 'jug/ ma 'ongs bskal pa thams cad 'jug par yang/ /skad cig gcig gis bdag kyang 'jug par bgyi/ /gang yang bskal pa dus gsum tshad de dag/ skad cig cha shas kyis ni zhugs par spyad/ /dus gsum gshegs pa mi mi yi seng+ge gang/ /de dag skad cig gcig la bdag gis blta/ /rtag tu de dag gi ni spyod yul la/ /sgyu mar gyur ba'i rnam thar stobs kyis 'jug de dag dus gsum dag gi zhing bkod pa/ /de dag rdul gcig steng du mngon par bsgrub// de ltar ma lus phyogs rnams thams cad du/ /rgyal ba dag gi zhing rnams bkod la 'jug/ gang yang ma byon 'jig rten sgron ma rnams/ /de dag rim par 'chad rgya 'khor lo bskor/ /mya ngan 'das ba rab tu zhi mdza' ston/ /mgon po kun gyi drung du bdag mchi'o/ /kun tu myur ba'i rdzu 'phrul stobs rnams dang/ /kun nas sgo yi theg pa'i stobs dag dang/ /kun du yon tan spyod pa'i stobs rnams dang/ /kun du khyab pa byams pa dag gi stobs/ /kun nas dge ba'i bsod nams stobs rnams dang/ /chags pa med par gyur pa'i ye shes stobs/ /shes rab stobs dang ting 'dzin stobs dag gis/ /byang chub stobs rnams yang dag sgrub par byed/ /las kyi stobs rnams yongs su dag byed cing/ /nyon mongs stobs rnams kun tu 'joms par byed/ /bdud kyi stobs rnams stobs med rab byed cing/ /bzang po spyod pa'i stobs ni rdzogs par bgyi/ /zhing rnams rgya mtsho rnam par dag byed cing/ /sems can rgya mtsho dag ni rnam par dgrol/ /chos rnams rgya mtsho rab tu mthong byed cing/ /ye shes rgya mtsho rab tu rtogs par byed/ /spyod pa rgya mtsho rnam par dag byed cing/ /smon lam rgya mtsho rab tu rdzogs par byed/ /sangs rgyas rgya mtsho rab tu mchod byed cing/ /bskal ba rgya mtshor mi skyo spyad par bgyi/ /gang yang dus gsum gshegs pa'i rgyal ba yi/ /byang chub spyod pa'i smon lam bye brag rnams/ /bzang po spyod pas byang chub sangs rgyas nas/ /de kun ma lus bdag gis rdzogs par bgyi/ /rgyal ba kun gyi sras kyi thub pa/ /gang gi ming ni kun tu bzang zhes bya/ /mkhas pa de dang mtshungs pa spyad ba'i phyir/ /dge ba ni? dag thams cad rab tu bsngo/ /lus dang ngag dang yid kyang rnam dag cing/ /spyod ba rnams dag zhing rnams yongs dag dang/ /bsngo ba bzang po mkhas pa ci 'dra bar/ /de 'drar bdag kyang de dang mtshungs par shog/ kun nas dge ba bzang po spyad pa'i phyir/ /'jam dpal gyi ni smon lam spyad par bgyi/ /ma 'ongs bskal pa kun du mi skyo bar/ /de yi bya ba ma lus rdzogs par bgyi/ /spyod pa dag ni tshad yod ma gyur cig/ yon tan rnams kyang tshad bzung med par shog/ spyod pa chad med pa la gnas nas kyang/ /de dag 'phrul pa thams cad 'tshal bar bgyi/ /nam mkha' i mthar thug gyur ba ji tsam par/ /sems can ma lus mdza' yang de bzhin te/ /ji tsam las dang nyon mongs mthar gyur ba/ /bdag gi smon lam mdza' yang de tsam mo/ /gang yang phyogs bcu'i zhing rnams mdza' yas pa/ /rin chen brgyan te rgyal ba rnams la phul/ /lha dang mi yi bde ba mchog rnams kyang/ /zhing gi rdul snyed bskal par phul ba bas/ /gang gis sngo ba'i rgyal po 'di thos nas/ /byang chub mchog gi rjes su rab mos shing/ /lan cig tsam yang dad pa bskyed pa ni/ /bsod nams dam pa'i mchog tu 'di 'gyur ro/ /gang gis bzang spyod smon lam 'di btab pas/ /des ni ngan song thams cad spangs bar 'gyur/ /des ni grogs bo ngan pa spangs pa yin/ /snang ba mdza' yas de yang de yang de myur mthong/ /de dag rnyed pa rab rnyed bde bar 'tsho/ /mi tshe 'dir yang de dag legs bar 'od/ /kun du bzang po de yang ci 'dra bar/ /de dag ring por mi thogs de bzhin 'gyur/ /mtshams med lnga bo dag gi sdig pa rnams/ /gang gis mi shes dbang gis byas pa dag/ de yis bzang po spyod pa 'di brjod na/ /myur du ma lus yongs su byang bar 'gyur/ /ye shes dang ni gzugs dang mchan rnams dang/ /rigs dang kha dog rnams dang ldan par 'gyur/ /bdud dang mu stegs mang pos de mi thub/ /'jig rten gsum po kun na'ang mchod par 'gyur/ /byang chub shing dbang drung du de myur 'gro/ song nas sems can phan phyir der 'dug ste/ /byang chub sangs rgyas 'khor lo rab tu bskor/ /bdud rnams sde dang bcas pa thams cad 'dul/ /gang yang bzang po spyod pa'i smon lam 'di/ /'chad ba dang ni ston tam klog pa yis/ /de yi rnam par smin pa sangs rgyas mkhyen/ /byang chub mchog la som nyis ma byed cig/ 'jam dpal ji ltar mkhyen cing dpa' ba dang/ /kun tu bzang po de yang de bzhin te/ de dag gi ni rjes su bdag slob cing/ /dge ba 'di dag thams cad rab tu bsngo/ /dus gsum gshegs pa rgyal ba thams cad kyis/ /bsngo ba gang la mchog tu bsngags pa des/ /bdag gis dge ba'i rtsa ba 'di kun kyang/ bzang po spyod phyir rab tu bsngo bar bgyi/ /bdag ni 'chi ba'i dus byed gyur ba na/ /sgrib pa thams cad dag ni phyir bsal te/ /mngon sum snang ba mdza' yas de mthong nas/ /bde ba can gyi zhing der rab tu 'gro/ der sor nas ni smon lam 'di dag kyang/ thams cad ma lus mngon sum 'gyur bar shog/ de dag ma lus bdag gis yongs su bskang/ /'jig rten ji srid sems can phan par bgyi/ /rgyal ba'i dkyil 'khor bzang zhing dga' ba der/ /pad+ma dam pa shin tu mdzes las skye// snang ba mdza' yas rgyal ba'i mngon sum du/ /lung bstan pa yang bdag gis der thob shog/ der ni bdag gis lung bstan rab thob nas/ /sprul pa mang po bye ba phrag brgya yis/ /blo yi stobs kyi phyogs bcu rnams su yang/ /sems can rnams la phan pa mang pa bgyi/ /bzang po spyod pa'i smon lam btab pa yis/ /dge ba cung zad bdag gis ci bsags pa/ /des ni 'gro ba'i smon lam dge ba rnams/ /skad cig gcig gis thams cad 'byor bar shog/ bzang po spyod pa'i smon lam bsdos pa yis/ /bsod nams dam ba mdza' yas gang thob des/ /'gro ba sdug bsngal chu bor bying ba rnams 'od dpag med pa'i gnas rab thob par shog/ smon lam rgyal po 'di dag mchog gi gtso/ /mdza' yas 'gro ba kun la phan byed cing/ kun tu bzang pos brgyan pa'i gzhung grub cing/ /ngan song rgyud rnams ma lus stongs par shog/ 'phags pa bzang po sbyod pa'i smon lam gyi rgyal po rdzogs so/ /'phags pa byams pa'i smon lam bzhugs so// //sangs rgyas kun la phyag 'tshal lo/ /drang srong lha mig ldan pa yi/

CLOSE WINDOW