བོད་ཡིག

e-texts based on the ACIP/ALL Input

/ //lta rin sgron ma bzhugs so/ /gnod nas ma skyes rnam dag byang chub sems/ /rgyal ba rgya mtsho'i thugs dang ye nas mnyam/ /rig dang gti mug sgyu ma'i khyad par las/ /srid dang rnam grol rgyu dang 'bras bur snang/ /dngos po med phyir dngos por rtog pa'ang med/ /chos can mi dmigs chos nyid yod ma yin/ /zhen pa bzlog phyir rkyen bshad ma gtogs pa/ /chos kyi dang la tshig med brjod du med/ snang ba nyid na med pa'i dmig rgyu la/ /shes ldan rnams ni med pa'i blo mi 'byung/ /chos rnams rang bzhin ma skyes rtogs pa yi/ /mkhas pas skye med stong par sgro mi 'dogs/ /ji bzhin ma skyes gdod nas zhi ba yi/ /gnyis med spros bral rang rig blo ldan pa/ /brjod med dang tsam du yang mi gnas na/ /dngos dang tha snyad 'dzin par ga la 'gyur/ /bdag med chos sku byang chub snying po bas/ /gzhan nas btsal zhing thob pa ma yin yang/ /rmi lam sad nas gzugs dang bral ba bzhin/ /sgrib spangs byang chub thob ces rgyal bas gsungs/ /rmi lam skyes bus dug 'thungs gri bzhin du/ /srid rgyu nyon mongs las rnams de ltar shes/ /rmi lam dug nad sdug bsngal bzod dka' ba/ skye rgas na 'chi 'khor ba'i sdug bsngal yin/ /rmi lam nad sel sman dang 'dra ba ni/ /'phags lam rnam thar mang por rig par bya/ /sdug bsngal khang kyis 'byang ba'i skad cig ma/ /shes rab ting 'dzin khyad par skye ba'i tshul/ rmi lam nad bsal sos pa'i bde snyed pa/ /sems kyi rang bzhin byang chub thob pa'i dpe/ /rmi lam nyid na rgyu 'bras mi bslu bzhin/ /ma rig gnyid log rnams la de ltar nges/ /rmongs pa'i gnyid sad shes rab ldan pa dang/ /'khor ba rmi lam lta du'i dbang tsam du/ /'phags lam don brtson 'bras bu rag par gsal/ /rang bzhin mi 'gyur thob pa'i brlom sems med/ mnyam pa'i don nyid blo dang ma mnyam na/ /tshig gi mnyam pas rtog pa'i klung mi bzlogs/ /dmyal sogs 'khor pa mnyam las ma g.yos kyang/ /sdug bsngal mi zad srid las 'byam?/ /ye nas rnam dag thob la med rig nas shes rab thabs kyi rnal 'byor rab brtson zhing/ /sku gsung che ba'i yon tan kun bsdus bas/ /mtshan ma'i nyes dang ldan pa ga la yin/ /shes par mchog gis log rtog sems sbyangs nas/ /ye shes tshogs chen rgyal ba chos kyi sku/ dpe byad mtshan kyis rting 'dzin dbang thob nas/ /bsod nams tshogs chen rgyal ba gzugs kyi sku/ /rnam smin tshul gyis grub par mi lta zhing/ /ye shes gzhan nas thob par mi byed de/ sku gsum ji bzhin sbyor bas 'bras bu'i mchog/ brtsal byas bsgrub pa'i dbang gi rgyu yang yin/ /rang sems rnal 'byor shes rab ting 'dzin yin/ /sems can nyid na bde gshegs yul la 'jug/ dag pa'i zhing du smon par mi byed te/ /snyigs ma lnga nyid bde ldan gnas su bsgom/ /shes rab gnas med chags pa'i rdul bral yang/ /snying rje sems can khams la skyob med/ /sgyu ma'i mtshan nyid ma 'gags mngon sum te/ mtshan med ro cig don dam dbyings su rtogs/ /slob dpon dpal dbyangs kyis mdzad pa/ lta ba rin po che sgron ma rdzogs so/ //'phags pa bzang po sbyod pa'i smon lam bzhugs so/ /rgya gar skad du/ arya bta dra tsarya pra ni d+hA na rA dza/ bod skad du /

CLOSE WINDOW