Input 
| བོད་ཡིག | e-texts based on the ACIP/ALL Input |
bod kyi lo ts+tsha ba dge slong rin chen grub kyis bsgyur ba'o// //dpal ldan kalA par 'jug pa zhes bya ba yul rnams kyi mchog tu gyur pa sham+b+ha lar 'gro tshul gyi lam yig 'phags pa don yod lcags kyus gsungs pa bzhugs so/ /aoM trI swAhA/ aoM adku sha adku sha a mo g+ha hI swAhA/ rgya gar skad du/ ka lA pa/ a wa ta
sa bod skad du/ ka lA par 'jug pa/ 'jig rten dbang phyug la phyag 'tshal lo/ /'gro ba'i mgon po thabs dang ldan/ /de bzhin gshegs la rab btud nas/ /gang gis dga' ba'i gnas thob 'gyur/ /thabs de 'dir ni bshad par bya/ /gzhon nu zur phung lnga pa ni/ /thugs rje
ldan pa 'jam pa'i dbyangs/ /rgyal sras stong phrag brgyad dag dang/ /lhan cig tu ni rab gshegs nas/ /dbang chen zhes bya ri bo chen po ni/ /shar dang nub tu chu gter zab mo gnas/ /gang gi phyogs gnyis me tog 'bras bus brgyan/ /rig 'dzin rnams kyis rol pa'i gnas der
bzhugs/ /shes bya kun la ma thogs pa'i/ /spyan dang ldan pa 'jig rten dbang?/ /rgyal sras bye ba'i tshogs bcas pa/ /gnas skabs der ni der gshegs nas/ /lha dang lha min 'gyur bo'i dbang/ /lto 'phye'i bdag dang klu yi gtso/ /bskal bzang mthu dang ldan pa yi/ /mi dang mi
rnams der 'dus la/ /gang zhig bla na med pa mchog /gzi brjid chen po theg mchog ste/ /bye ba phrag brgya'i chos kyi gtam/ /yang dag sgros nas rab tu bstan/ /b+ha ra ta'i dum bu'i 'dzam gling skyes/ /ko sa la dang yangs pa can/ /lus 'phags me thil dag na/ /bskal
bzang gcig cig de dag yod/ /blo gros che ldan lnga brgyas ni/ /de 'dra'i gtam ni yang yang thos/ /gzhan la phan byed rig pa'i blo/ /rmad byung mang po skyas par gyur/ /dka' ba brgya phrag 'bad pa yis/ /dbang chen gyi ni ri la song/ /gzhon nur gyur pa mi snang nas/ /phyar
na padmo'i zhabs la btud/ /yang dag mchod nas rab dris pa/ /tshangs la sogs pa'i lhas btud cing/ /'gro ba drug la mnyam par rtse/ /thos nas bdag cag 'dir 'ongs lags/ /gang gi zhabs dkru'i chu mthungs pas/ /bde med bde ba ldan gyur cing/ /'dod pa dang ni thar pa
'grub/ lha yi 'ang lha khyod phyag 'tshal lo/ /gang zag dang ni chos la sogs/ /'ga' yang ma gzigs dmigs su med/ /'on kyang mi zad thugs rje yis/ /kun la skyob mdzad 'di re mtshar/ /'dir 'ongs 'di dag la rtse bas/ /don chen 'ga' zhig zhu 'tshal na/ /phyi ma'i dus 'gar phan pa'i
slad/ yang dag gsung pas bshad du gsol/ /ma thongs pa yis dus na ni/ /rigs sngags smra bar khas 'che zhing/ /rgyal ba'i dgongs pa mi shes pa/ /de dag phyin ci log tu blta/ /gang phyir 'di dag yang dag pa'i/ /lam du nges par 'jug 'gyur ba/ /ji ltar phyugs la dbyug pa lha'i
thabs de gang las rnyed par 'gyur/ /de nas bcom ldan snying rje che/ /spyan ras gzigs kyis 'di skad gsungs/ /'gro rnams mang la phan 'dod pas/ /'dri ba 'di ni legs so legs/ /dbang chen ri la mchod 'os pa'i/ /gzhon nur gyur pas sngon bshad do/ /don 'di yang ni legs
par bstan/ /mnyam med sems can don byed pa'o/ /skye bo 'di la phan byed phyir/ /sngags 'dzin ral pa gcig ma longs/ /snying rje ldan pa don yod pa'i/ /lcags kyu khyod ni mthu chen ldan/ /khyod dag phan tshun sgros pa yis/ /don chen 'di ni smra bar gyis/ /stobs bcu ldan
pa'i bstan pa la/ /phyi ma'i dus la don chen 'gyur/ /'jam dpal rjes su 'jug pas ni/ /khyod kyang smra ba'i mthu dang ldan/ /de skad gsungs nas 'jig rten mgon/ /stong pa nyid kyi gnas pas bzhugs// //de nas yang de'i tshe 'phags pa'i gtso bo don yod
lcags kyus gsungs pa/ phyi ma'i dus na sna tshogs pa'i/ /blo gros ngan pa skyes pas na/ /lta mo sgyu 'phrul sras kyi bstan/ /shin tu nag pos dri mar byas/ /brjod pa sna tshogs tha dad de/ /skye bo tha dad spyod la sngags/ /de phyir de ltar spyod rnams la/ /dbang po med pas rnam par
'khrugs/ /'jig rten 'das pa'i dngos grub kun/ /nam yang thob pa med de bzhin/ /gzhan yang dka' bas 'grub pa dang/ /dal ba 'ba' zhig bskyed par byed/ /shin tu sgrib byed kyis sgribs pas/ /yi dags sogs kyang lkog gyur na
lha rnams smos kyang ci dgos te/ /rtog gi phran tshegs 'jug shes nyid/ /de tsam gyis kyang grub par blta'/ /'phags pa'i skye bo yid kyi lus/ /mthong ba'i spyod yul nam yang ci/ /don mchog 'dod pa'ang rnyed mi 'gyur/ /'di nas byang gi phyogs cha na/ /ka la
sha yi ri bo'i dogs/ /grong khyer ka lA ba zhes yod/ /rtag tu bde zhing 'byor pa yin/ /de na rgyal ba'i sras po mang/ /mi bdag gtso bo mchog 'phags te/ /de rnams rtag tu chos dang ldan/ /g.yo rgyu med cing phra ma med/ /rigs dang rigs
min dbyer med de/ /gzugs ldan stobs dang ldan pa yin/ skyes bu'i bsgrod pa dpag tshad bcu/ /rta yi nyi shu so ldan gyi/ /lnga bcu'i lam te nyin gcig la'o/ /yams dang nyer 'tsho yongs med de/ /'phrog byed
lag na rdo rje sogs/ /nyin rer rtag tu srung bar byed/ /rnam par 'dren pa'i bstan bcos ni/ /phyogs de dag tu rnam par rgyas/ /shes rab pha rol phyin mdo dang/ /mdo sde lang ka'i grong du 'jug /dgongs pa nges par
ston pa dang/ /'dus pa chen po'i tshogs kyi ste/ /sgrib pa rnam par sel ba yis/ /mngon du byas pa'i dkon mchog sprin/ /bden pa'i le'u mchog gi rgyud/ /drag shul stobs dang ldan pa ni/ /sor mo'i
'phreng ba'i ched gsungs dang/ /sdong pos rgyan pa la sogs pa/ /thams cad yul de las rab 'byung/ /'od dpag med pa'i 'jig rten dang/ /mngon dga' i bkod pa gsal ba dang/ /rnam snang mdzad pa'i zhing
khams ni/ /brgyan gyi bkod par bcas pa dang/ /stug po bkod pa'i mdo sde dang/ /dbang phyug chen pos bshad pa ni/ /gnas gtsang chen po la sogs par/ /rdo rje snying pos bshad de bzhin/ /phal po che yi mdo sde rnams/ /thams cad de na rnam par spyod/ /
gang la dpe ni 'bum phrag gis/ /gsal bar byas pa phyi ma'i rgyud/ /de bzhin gshegs rnams snying po'i don/ /phyir mi bzlog pa'i gtam yang yin/ /pha rol phyin pa drug gi mdo/ /stong phrag lnga bcur ldan pa yod/ /rig pa 'dzin pa'i sde snod ni/ /'bum
phrag nyi shu der spyod te/ /de dag rjes su 'jug pa yi/ /nges par bstan pa 'bum phrag brgya/ /mkha' dang mnyam pa rgyud kyi rgyal/ /dngos grub nges par bstan pa yi/ /dges ba'i rdo rje chen po dang/ /rjes su rig pa rnal 'byor rgyud/ /bde gshegs kun gyi 'dus pa ni/ stong phrag nyi shu rtsa lnga pa
dam pa dang po'i sangs rgyas rgyud/ /sgyu 'phrul dra ba gnyis gnyis pa/ /rgyal ba rgya mtsho rnam dbye ba/ /rnal 'byor rnal 'byor ma rgyud kyis/ /rnam par phye ba brgyad po rnams/ /khri khrag gnyis dang stong phrag ni/ /gcig ste drug brgyas ltag pa'i lo/ /lhag
pa'i brgya phrag mang por ni/ /phyogs der mngon sum spyod pa'o/ /phyag na rin chen blo yi bdag /spos kyi glang po ma pham pa/ /bde ldan dbang phyug nam mkha' mdzod/ /rdo rje gzi brjid rdo rje snying/ /gnod sbyin gtso bo la sogs pas /de
rnams rjes su 'jug pa yis/ /tshig rnams du ma rnam par phye/ /nan tan chen por gtad pas na/ /ma log don chen 'tshol ba rnams/ /gangs ri'i dbang po der song nas/ /mi dag grub pa rnams la dris/ /gdon mi za bar don grub nyid/ /
de nas 'phags ma rdo rje srin mo ral pa gcig mas zhus pa/ /kyai rgyal ba'i sras po ma 'ongs pa'i dus lnga brgya tha ma la/ de bzhin gshegs pa'i rjes su 'jug par 'dod pa rnams kyang/ mu stegs can gyi gsang tshig 'tshol ba la//
mngon par mos pas mchog tu gsungs pa'i don las/ /phyir phyogs pa de dag yang dag pa'i lam la bzung pa dang/ /mchog gi skal pa can gang dag rang dang gzhan la phan pa'i dngos grub kyi rgyur grong khyer ka lA bar
bgrod ba'i thabs de yang dag bar bstan du gsal lo/ /dge snyen rnam par mi rtog pa ces bya ba dang/ /bzang po sbas pa zhes bya ba la sogs pa lnga brgya po 'di rnams kyi dngos grub mchog gi don dang/ phyi ma'i dus kyi rig pa 'dzin pa'i sde snod la zhugs
pa mang po dag gi bde bar 'gyur ba dang/ phan par 'gyur ba dang/ grub pa mchog tu grub pa bla na ma mchis pa'i slad du bshad par gsol/ rab tu bshad par gsol/ legs par bshad du gsol// //don yod lcags kyus
gsungs pa/ /sngags rig rnams la phan pa'i phyir/ /khyed rnams legs par mnyon pa dang/ /lnga brgya'i tshogs rnams nga las nyon/ /phyi dus don chen 'dir 'byung ngo/ /'dir sgrub pa po gang zhig legs pa'i lam la gnas pa/ /bla na med
pa'i byang chub sems bskyed cing/ /dkyil 'khor du dbang bskur ba/ rig pa'i cho ga shes shing dam tshig la yang dag par gnas pa/ de bzhin gshegs pas bstan pa'i rgyud la mngon du phyogs pa/ gsal ba/ yid gzhungs pa/ shes
pa dang ldan pa des/ dang por 'dod pa'i lha mnyes par bya'o/ /de'i 'og tu mngon du gyur pa 'am/ rmi lam du mthong ba yin yang rung te/ 'dod pa'i lha las nan tan du gnang ba thob par gyur na/ /ke la shar 'jug pa'i thabs
la rtson par bya'i/ gzhan du na kun nas nyon mongs par 'gyur ro// //rab tu mi gsal bsam gtan dang/ /zlas brjod stobs kyis dman pa dang/ /mtshan ma'i dge bas por? ba gang/ /'dod pa'i go 'phangs
grub pa med/ /ngan pa'i lam gyis khengs pa dag /chog tsam gyis grub par lta/ /byis rmongs 'byim? pa'i gong bu la/ /'dzegs nas zla ba 'dzin par 'dod/ /ci ste gnang par gyur na 'phags pa 'jam dpal gyi snying po/ /'bum phrag brgyad zlas
shing/ au dum wa ra'i sbyin sreg kyang khri phrag brgyad bya'o/ /bgegs rnams 'joms pa'i don du/ bdud rtsi 'khyil pa'i rig pa 'bum phrag bzlas shing/ sbyin sreg kyang khri phrag gcig go/ stong pa thams cad rab tu 'jig
pa'i don du/ /khro bo chen po rab tu mi bzad ba/ /gshin rje mthar byed kyi rig pa 'bum du bzlas shing/ /de nas thog ma nyid du keng shu ka'i sbyin sreg stong phrag gcig 'bul lo/ /de'i 'og tu bA Da'i shing gi stong phrag bcu'o/ /de'i
'og tu ni tsan dan dmar po dang/ a b+hI ra'i khu ba la sogs pa rmad du byung ba'i gtor ma dang sbyin sreg stong phrag bcus mnyes par byas te/ de thams cad du 'dod pa'i don la gsol pa gdab par bya'o/ /sgrub pa po gang zhig
cho ga de rnams rtsams shing/ rang nyid dngos grub mchog gi don dang/ lho phyogs kyi skye bo mang po la phan pa dang bde ba'i phyir/ /grong khyer ka lA par 'jug par 'dod pa/ sdig pa med cing g.yo rgyu med pa/ de dag ni/ 'chad par
'gyur ba'i rim pa 'dis/ nges par der phyin par 'gyur gyi/ bar ma dor nyams nyes par mi 'gyur te/ gal te bdag gi tshig 'di rdzun par gyur na/ bdag gis 'tshams med pa lnga byas par 'gyur ro/ /ci te cho ga 'phrul pa
'am/ /sdig/ pa'i sems dang ldan pa dag cig yin na ni/ klu phran nam lto 'phye 'am/ gnod sbyin nam/ 'byung po 'am/ lha gang dag gtum po rnams kyi chad pa thob par 'gyur gyi grub pa ni nam yang ma yin no// //grub pa rnams
la dka' ba min/ /'byor ba'i khyad par gzhan dang gzhan/ /sngags dang rlung gi las rnams te/ /rgyud kyi bsgrod pa gzhan yin no/ /shin tu nyams chung 'di mi 'grub/ /sgrub po nus ldan grub 'dod pas/ /ma grub de dag legs
thob 'gyur/ /rig pa'i cho ga 'di yis so// //de nas sgrub po des/ gang du de bzhin gshegs pa rnams mngon par rdzogs par byang chub pa'i shing a shwad tha la mchod pa stong gis yang dag par mchod
nas/ /lam du 'jug par bya ste/ gling 'di'i nub phyogs kyi rgya mtshor ratna sA ga ra zhes bya ba la/ /ded dpon mchog dang lhan cig bru la zhen pas byang phyogs su bgrod de/ gling si ko d+ha ra zhes bya ba dang/ nor gyi
mdzod ces bya ba'i gling du bgrod par bya'o/ /gling de'i nub phyogs ni kla klo'i grong yod de/ /sgrub pa po der 'gro bar mi bya zhing/ /shar gyi phyogs la nye bar brten pa'i grong khyer du zla ba drug gdod par bya'o/ /de na bde
bar gshegs pa gser thub kyi mchod rten yod do/ /de la bskor ba stong phrag lnga byas te de bzhin gshegs pa'i yi ge brgya pa 'don par bya'o/ /de ni 'di yin te/ na ma strai ya d+hI kA nAM/ ta thA ga ta nAM/ sarba tra a
pra ti ha hA/ bA pti d+harmma tA ba la nI/ aoM a sa ma sa man+ta tanyra?/ a nan+ta bApti shA sa ni/ ha ra ha ra/ sma ra sma ra Na/ bi ga ta rA ba/ bud+d+ha d+harma te sa ra sa ra/ sa ma ba la/ ha sa ha sa/ tra ya tra ya/ ga ga na/ ma hA wa ra lak+Sha Ne/
dzwo la dzwo la mas ga re swAhA/ dad pa stobs zhan de dang des/ /nam yang grub pa yod ma yin/ /cho ga mi smod sngags la min/ /lha dang chos la 'phyas mi gdags/ /nges par 'grub snyam yid brtan dang/ /shin tu dad
pa'i shugs stobs kyis/ /'byor pa dang ni grol ba ste/ /dge chos 'dzoms la nam yang min// //de nas sgrub pa po de grub bgrod pas b+ha ra ta'i dum bu 'di nyid du 'ong bar bya ste/ gzhan du na nor gyi mdzod ces bya ba'i gling de nyid
las bang gi phyogs la nye bar bsten pa'i/ gling gzhan dang yul mdza' gzhan mang po dag ni legs par spyod pa ma yin pa'i phyir/ sgrub pa po kun tu 'khyams par 'gyur ro/ /de la gling 'di ni chu klung sngon po zhes bya ba'i mtsho dang
'bab chu dag dang shar nub tu thang mnyam pa yin te/ de'i phyir dbang po'i phyogs bor nas/ sgrub pa po dbang ldan gyi phyogs su 'gro'o/ /phreng khyer dug ma dang/ rA sa ri dang/ ka Ta kI la dang/ ma d+ha wA na d+ha la sogs pa/ byang phyogs nas byang
phyogs su zla ba dgu tu sgrod par bya ste/ de dag gi pha rol mchu bo chen po/ sa tru zhes bya ba dang/ ka kA ri zhes bya ba gangs kyi ri yod de de dag las kyang rgal bar bya'o/ /yul 'khor de rnams na gnas pa'i mi rnams ni/ drang po'i rang
bzhin can gyi phyir/ bgrod par dka' ba ma yin zhing 'jig pa yang med de/ /ri de las tu dza na ya zhes bya ba'i sman ro mchog tu mdar ba dang/ tI la ka zhes bya ba shin tu kha ba te de dag kyang 'o ma ltar 'dzag ba dag yod do//
gang gi me tog nyi ma 'char ka'i mdangs ltar rab tu dmar ba/ de'i 'dab ma yang dgra sta'i so lta bu/ tsher ma rnon po can/ lto ngos su mngon du phyogs pa'i grag las byung ba de ni tu dza na yang yin no/ /dam grog dag gi
ngos la/ /'phyar zhing 'phyang ba ma he mo'i nu ma lta bu'i me tog dkar po dang ldan pa ni/ tI la ka'/ de dag gi phyogs bzhir/ rdo rje srin po stobs po che'i rigs sngags lan bdun bzlas bzhin du/ shing ba ta la'i phung
bus btab nas/ de dag gi ba thag dbyung bar bya'o/ /zhag bdun du de dag yongs su skams par byas nas/ brag gi phug par bdud rtsi thal sbyor bzlas pas srung zhing sba par bya'o/ /phyogs de na tsag kha dog lnga po dag yong te/
dkar po dang ser po dang dmar po dang nag po dang ljang khu dag go / de dag blangs nas gangs kyi chu bos khrus byas nas rdo leb dkar po'i gzhi la lha mo 'od zer can ma'i sku gzugs bri bar bya ste/ mdog gser gtso
ma lta bu/ ka ra bI ra'i me tog ltar dmar ba'i spyan gsum pa/ g.yas kyi zhal dmar po g.yon gyi zhal ni phag gi gdod nag po rab tu khros pa/ dar sngon po'i gi sha 'phyar ba/ nam mkha' i phyag rgya cung zad gsal bar
byed pas/ lha dang lha ma yin dang phyugs rnams dbang du byed pa/ phyag dang po gnyis kyis me tog gi mnga' dang gzhu 'gengs pa/ bar ma gnyis kyis khab dang skud pa dang mya ngan med pa rnam pa/ tha ma gnyis kyis
thod pa dang kha TwaM ga lte ba'i dkyil 'khor gyi g.yas g.yon du 'dzin pa/ phag gi steng na sdang ba dang gdug pa thams cad yongs su gnon pa/ 'di lta bu bris nas cho ga ji lta bas/ mchod pa dang bzlas pa bya'o/ /de la sngags ni
'di yin te/ /na mo ratna ta yA ya/ ta dya thA aoM ba tA la bi dA la/ bi ra la bi ra ha mu khA sarba duSh+nAn khra? duSh+TAn/ band+ha band+ha mu khaM swAhA/ ces pa 'dis a sho ka'i shing dang/ me tog dmar po brgya phrag lngas sbyin sreg bya'o/ /snying po'i
sngags 'di yang khri phrag bzlas pa bya ste/ aoM badzra be ta lI tsUM phaT/ tshangs par spyod la legs gnas pa/ snying rjes sgrub pa legs pa ste/ /gdug la gdug pa nges sbyor ba/ /rtag tu byams pa'i yid kyis so/ /gang gang
'dul la de dang de/ /sngags pas rab sbyor de de'o/ /nyon mongs spyod las nam yang min/ /nang gi bdag nyid dul bas so/ /de'i 'og tu bdud rtsi 'dzag pa'i sman de dag btags te/ gangs kyi ba men ngag gi 'o ma d+hung ba la yongs su bskol
nas/ /bcom ldan 'das ma'i spyan sngar bzhag par bya'o/ /snying po'i mthar/ bdud rtsi thig pa sgrubs shig ces spel pas/ lan stong du bzlas par byas nas/ lha mo la yang dag par mchod de dngos grub blangs nas/ sman btung bar
bya'o/ /phyi nas sku gzugs de yang byang phyogs la bltas de gzhag la/ me tog dang 'bras bu sna tshogs pas sba bar bya'o/ /des ni bkres pa dang/ skom pa dang/ ngal ba dang/ dub pa med de/ lha mo'i mthu las bar du gcod? ba
thams cad kyang bdag gis dbang du byed par 'gyur ro/ /de nas byang phyogs su ltas nas nyin zhag nyi shu rtsa gcig tu 'gro bar bya ste/ lam de la ni rtsa yang med/ shing gel ba yang med/ chu yang med do/ /de'i pha rol na
chags? thug po dag yod de/ sprul dang stag la sogs pa gnas pa'i 'brog dgon pa'i lam la nyi ma bcu gnyis 'gro bar bya'o/ /de'i pha rol na ri'i rgyal po gand+ha ra zhes bya ba yod de/ dpangs su ni dpag tshad nyi shu'o/ /ri de ni sman rnam pa
sna tshogs kyis gang ba yin no/ /de na ni seng ge bshog pa can dag gnas te/ /nyi ma re rer yang srog chags mang po dag gsod par byed do/ /der ri dags kyis khyad par zhig lus sgyur ba zhes bya ba yod do/ /
de lus kyi cha byad rnam pa sna tshogs par bsgyur ba yin te/ /seng ge des bsad pa'i khrag las/ /rdo leb nag po la/ srin mo man? de ha zhes bya ba/ rnam par gtsigs shing 'jigs su rung ba'i lus ce na/ /kha
dog dmar ba mi'i lpags pas smad dkris shing/ lag pa g.yon pa na ral gri 'dzin pa/ g.yas pa na ni ba lang gi lpags pa gsar pa'i nang du sha khrag dang snying gis gang ba 'dzin cing za ba bris te/ snod
dag tu sha dang khrag gi gtor ma bshams par bya'o/ /bdag nyid gshin rje mthar byed mi bzad pa dbyug pa dang zhags pa thogs pa ma he la gnas par byas nas/ aoM h+rImande ha ra k+Sha sI/ A gats+tsha a gats+tsha h+ristobs kyis gzir bar bya'o/ /des kyang sgrub pa po ci 'dod ces smra bar 'gyur ro/ /kye srin mo bdag sems can thams cad la phan par 'dod pa dang bde bar 'dod pas/ grong khyer ka lA par 'gro'i/ yul stong pa 'di
rnams su kha zas 'byor bar gyis shig / nges kyang de bzhin du bya'o/ /de nas de mi snang bar 'gyur te/ shing ar dzu na'i rtsa ba na/ rab tu chags pa/ me tog kun da ltar kha dog dkar ba'i bcud ro sbrang rtsi 'dra ba dag/
nub ma dang nub mo gnas pa'i sa dag dog la ster bar 'gyur ro/ /de nas byang ngos su gangs can chen po zhes bya ba'i ri yod de/ /dpag tshad brgya phrag gsum gyi 'khor yug can/ de ni gnod sbyin rnams dang/
dka' thub can rnams dang/ grub pa rnams dang/ mi 'am ci dag gis yongs su gang pa yin no/ /ci te sgrub pa po pha rol gnon pa'i 'phrul dang ldan pa yin na ni/ der song nas dga' bar bya/ rtsi bar bya/
longs spyod dag kyang bya ste/ de nas mthar gyis de dag gi phrag pa la thogs nas/ grong khyer ka lA par yud kyis phyin par 'gyur ro/ /ci lte pha rol gnon pa'i snyobs de med na ni der 'gro bar mi bya ste/ rlung gi phyogs kyi lam chen po rab
tu gsal ba la nye bar brten te myur bar 'gro bar bya'o/ / //srid gsum gnas kyi rgyud rnams ni/ bsod nams chung yang 'grub par bla/ tshangs 'joms de yi grogs kyang ste/ che ba'i che ba'ang rnyed
ma yin/ /rtag tu dge ba'i stobs dang ldan/ /bag med don gyi de nyid rig /byang chub sems ni yang dag bskyed/ /mchog gi rig sngags de yis 'jug?/ //gangs ri de las shar dang nub tu chu bo rab tu 'bab pa/ sa'i
gzhi la lu ma chen po stong phrag brgyad cu dang yongs su 'dres te/ mtsho ltar snang zhing rgyu ba yang mi mngon pa/ kha dog dkar por snang ba yod de/ de la 'di ni chu bo sI ta zhes bya'o/ /chu rlung 'di ni kyus su dpag tshad stong phrag
phyed dang gsum pa/ shar dang nub tu rgya mtsho dug can pa la yongs su 'jug pa/ zheng du ni dpag tshad tsam mo/ /chu 'di ni shin tu grang ba yin te/ dmyal ba'i 'gro ba ma gtogs pa/ bya dang nya dang chu srin la sogs pa srog
chags 'ga' yang? med do/ /chu bo de'i tshur 'gram na zangs kyi mdog ces bya ba'i ri/ phug pa stong dang ldan pa dag yod de/ shin ri Sha ka dang/ ku lu ma ka dang/ ta ma ru dang/ de ba da tu dang/ shug pas yongs su gang ba
yin no/ /ri de la ni srin mo glog 'gyu ma zhes bya ba gnas te/ de'i cho ga yang snga ma dang mtshungs pa las/ lag na ni brtun shing 'dzin pa/ glang po che'i lus la za ba/ char sprin gyi mdog can te/ gnya? dang/ ta ri dang
nags kyi ba lang dang/ glang po che'i khrag rnams kyis bri bar bya zhing/ gtor ma yang de dag rnams nyid do/ /bdag gi rnal 'byor ni khro bo gshin rje gshed po/ /zhag drug pa dus mdza' i sprin dang
mtshungs ba/ zhabs drug pa/ phyag bcu gnyis pa/ ral gri dang dgra sta dang/ gri gug dang/ ga da dang/ 'khor lo dang/ tri shul rnams g.yas na 'dzin ba'o/ /gshin rje'i dbyug pa dang/ dus kyi zhags pa
dang/ kha twa ga dang/ lcags kyu dang/ /thod pa khrag gis gang ba dang/ sdig mdzub rnams ni g.yon pa na'o/ /rnam pa 'di lta bu las sngags ni 'di yin te/ aoM sarba duSh+TAn staM b+ha ya hUM/ na di wa rA thA ra Ni ku
mA ra kri Da tA bi Ne band+ha band+ha sa ma ya ma nu sa ma phaT phaT swAhA/ ces pa'o/ /piyu? rud? tsa la tsa la/ pra tsa la pra tsa la/ piyu? rud dzi hwa/ sa ha sra mu kha sa ha sra ba ha we/ ra ra ra ra rak+Sha si b+hyoni srin mo'i sngags so/ /de la sgrub pa pos lam bston cig ces brjod par bya ste/ des kyang chu bo sI ta la lam ston par 'gyur to/ /chu klung de'i rab tu grang bas ni/ sa'i steng gi gangs dang rlung po'i
reg pa thams cad kyang zil gyis gnon pa'i phyir/ dgun zla 'bring po la yang chab brom chags pa med na/ srin mo 'di'i? rdzu 'phrul gyis/ dbyar zla ba dang po la yang chab brom shin tu brtan par chags nas/ /
sgrub pa po 'jigs pa med pa nyid kyis chu bo'i pha rol tu 'gro bar 'gyur ro/ /chu bo 'di ni b+ha ra ta'i dum bu zhes bya ba/ glang? 'di'i byed kyi dbus la gyu? ba yin te/ lho dang byang du yul chen po dgu bcu rtsa drug dang
dgu bcu rtsa drug dag gnas pa yin mod kyi/ 'on kyang shar nub tu ni byang phyogs lhag par yangs pa yin no/ /chu bo de'i pha rol na/ shing ke ta ka dang/ bai la dang/ ka b+hi ta dang/ pa tu sha dang/ ba dang dad?/ ka pi ta dang/
a ra dzu na dang/ ta la'i nags tshal dag yod de/ der zla ba gcig tu ngal bso bar bya/ /rtsa ba dang 'bras bu dag kyang bza' bar bya ste/ /gang 'di'i rtsa ba dang 'bras bu dang lo ma dang me tog dag ni bcud dang ldan pa dang mthu dang
ldan pa dag yin no/ /dar lha mo bskul byed ma'i rig pa sangs rgyas bye ba phrag bdun gyi byin gyis rlabs pa/ yi ge dgu pa'i bzung sngags stong phrag lnga bzlas pas/ sgrub pa po rang gi yan lag las/ khrag nag po nag
par lcang ba dag zag par 'gyur ro/ /ci ste rmi lam du de ltar gyur na yang rung ste/ lus mad med cing stobs dang ldn pa dang/ shin tu yang bar 'gyur ro// //dam tshig rnam
par spangs? dang bla ma smod/ /dus min 'chi dang dmyal ba brgyad par 'gro/ /dkyil 'khor ma mthong dbang bskur dman pa yang/ /rig sngags sbyor ba nam yang grub ba med/ /khengs zhing nga rgyal khro la mi bden pa/ /dngos
grub thob ces rgyal ba mi gsung ste/ /mi rtag sdug bsngal stong pa'i don sems pa/ /mi de dag ni myur 'grub 'phags rnams gsung/ /rigs dang gzugs dang nor dang dbang phyug dang/ /chos dang rig pa sngags kyis
myos pa spang/ /rmi lam gzugs snyan dri za'i grong khyer bzhin/ /byed po bya ba dang ni las rnams mthong/ /ma chags dul dang yang dag gnyen pa'i sems/ /mchod dang sbyin pa bzod dang brtson 'grus bskyed/
bdag dang bdag gir spong la mngon dga' ba/ /de dag dngos grub mchog la reg par 'gyur// //yang de nas nags tshal de las khaTU dza'i 'bras bu gser gyi mdog dang mnyam pa dag blangs
te/ lam rgyags su 'khur bar bya'o/ /'dir ni sgrub pa po rang nyid kyis ji tsam len nus pa de 'khur bar bya yi/ /nam yang lcid kyis non par mi 'gyur bas/ /mi theg par dogs pa mi bya'o/ /nags
de nyid dang bar 'tshams med par gangs kyi ri chung ngu chung ngu dag gral du sgrigs pas shar nub gyis rgya mtsho'i bar khyab pa yin no/ /de dag las chu 'bab pa thams cad kyang lho phyogs kyi ngos su
'bab pa yin pas/ de dag tu chu mang po can no/ /ri de dag las rgal nas byang phyogs su dpag tshad lnga bcu tshun chad na ni mthur tu rung ba'i chu med pa yin no/ /'on kyang sgrub pa po de lus stobs dang ldan pa
dar yang ba'i phyir/ /zhag bdun du thad chen po de'i pha rol tu phyin par 'gyur la/ khaTU? dza'i 'bras bu de zos pas/ bkres pa yang med/ skoms pa yang med do/ /thad de 'das pa na/ sngon mang du khyer
du zin yang rung ste/ 'bras bu de yang zad par 'gyur ro/ /de'i nub kyi mtshams na/ ri bo shin tu dkar ba nags tshal yid du 'ong ba du mas mdzes pa zhig/ rgyang ring mo nas mthong bar 'gyur mod kyi/
sgrub pa po der 'gro bar mi bya'o/ /de ci'i phyir zhe na ni srin mo zangs kyi mchu can lnga brgya dag gnas te/ lha ma yin gyi pho nya mo de dag gis sgrub pa po la 'tshe bar byed pa'i phyir ro/ /de lta bas na byang phyogs
drang bo'i lam po che bzung nas 'gro bar bya'o/ /nyi ma gcig gis ri bo ke ta ra zhes bya bar phyin par 'gyur ro/ /de yang kha dog nag cing ngan pa/ 'jigs pa bskyed par byed pa/ ka ba btsugs pa lta bu dpag tshad bcu'i spangs dang
ldan pa yod do/ /ri de'i nang ni gser dngul 'ba' zhig gis gang ba yin te/ de'i phyogs bzhin ni pad+ma dang autpa gla'i mtsho/ dang ba dang tsakra ba ka dang/ ka raN+Da la sogs pa/ chu la rgyu pa'i 'dab chags gzugs dang kha dog
mdzes pa skad snyen pas gang ba dag yod do/ /ri de la 'jig rten skyong ba 'phags skyes po/ /dus dus su dga' zhing rtse bar byed pa yin te/ lha min gyi lang tshe ma dag dang/ gdug cing gtum pa'i klu rnams kyi bu mo
stug gu ma stong snyed kyis mchod par byed do/ /de'i 'khor du rtogs pa'i yi dags mthu che zhing/ rdzu 'phrul che ba mang po dag kyang yod de/ der sgrub pa po de ci te 'byor bar gyur na ni/ rtsa ba dang 'bras bu rnams dang
na ri ka la'i 'bras bu dang/ sha dang nya sha dag gi gtor ma rnam pa sna tshogs pa dag bya'o/ /ci te 'byor par ma gyur na thams cad yid kyis bya'o/ /de la sngags ni 'di yin te/ aoM bi bi bi bi bi ru d+ha ka/ sa pa ri lA
r o b+hyaci dang/ lha min dang srin po dang/ yi dags dang/ sha za dang/ mkha' 'gro ma rnams kyi gnod pas mi tshugs par 'gyur ro// //'ga' zhig rnam thar gsum gnas gzhan ni rtse ba'i
bdag nyid dpa' po dang/ byin rlabs rim pa phan tshun rgyu dang 'bras bur mkhas pas rig par bya/ 'dod pa'i dpung 'joms de las dag pa'i lam te grub pa rjes su 'jug/ mun pa nyams dang dga' pa'i rgyu
las rab bde ci phyir thob ma yin/ / //de nas sgrub pa po byang phyogs su song na/ mi ring pa na me na ko zhes pa'i ri chen po yod de/ de ni tsam pa ka dang karko la dang/ ma ra ka dang/ ke tu ka dang/ kimpa ka dang/
nA ga puShpa dang/ tsan dan sa mchog rnams kyi nags kyis bskor ba/ ri de'i khrod na srin po'i bu mo rta'i gdong pa can dang/ lha min mo dag dang/ klu phran gyi bu mo dag gar dang dbyangs dang rol mo sna
tshogs pas rtag tu rtse bar byed pa dag yin te/ der sgrub pa po bud med de dag la chags par yang mi bya glu dang rol mo de dag la dga' bar yang mi bya ste/ gzhan du na bsod snyoms dag blangs te 'gro bar
bya'o/ /de'i pha rol na chu bo chen po shar nas nub tu 'bab cing/ rba klong 'khrugs pa shin tu bgrong bar dka' ba yod te/ chu klung de'i ming ni sa twa lo ta na zhes bya'o/ /de la ni nya rnams kha dog sna tshogs pa dang/
gdong rnam pa sna tshogs pa dag yod te/ stag dang/ seng ge dang/ gung dang/ ba lang dang/ spre'u dang/ ne tso dang/ /pra? dang/ ma'i gdong la sogs pa'o/ /chu klung de'i skabs 'ga' na ni/ rdo las skyes pa'i n+ya gro
d+ha'i gdong po yal gas phan tshun gyi 'gram du khyab pa dag yod de/ shing de la brten nas sgrub pa po 'gro bar bya'o/ /yang na ni nya'i stobs kyis 'gro bar bya ste/ phyogs de dang nye ba na/ lo hi? ta zhes bya
ba'i ri dmar po chung ngu mang po dag yod de/ de dag la ni sa lu dmar po dang/ mung ga dang/ man Du ba dag ma smos par skye ba yin te/ de las blangs nas zan du btsos te/ phyogs phyogs su shing las sbrang rtsi mang po ltung ba dag
kyang blangs shing/ de dag bsres te nam mkha' i mdzod ces bya ba 'phags pa'i sngags kyis yang dag par spel zhing spyangs la/ sngags 'dis nya'i tshogs rnams la gtor mar sbyin no/ /aoM maM maM maM maM maM mata sya rA dza/
mar sya ga Na sa hi ta b+huny+dza ho btak+kha ho/ sarba mata sya da wa tA ai maM ba liM grih+Na grih+Na ka ra ka ra ki ri ki ri ku ru ku ru ma ra ma ra mi ri mi ri mu ru mu ru/ ma ma kA tyaM sya d+ha ya/ sarba bud+d+ha a dz+nye ba ya ti swA hA/ de ltar lan lnga
brgyar gtor ma sbyin cing/ 'dod pa'i lha la gsol ba gdab par bya'o/ /der nya rnams kyi rgyal po sgrub pa po'i mdun du 'ongs pa la/ sgrub pa pos smras pa/ kye nya'i rgyal po/ sems can thams cad la phan pa'i don dang/ bde
ba'i don bu? kho bo ni grong khyer ka lA par 'gro yi/ chu po'i pha rol tu bsgral bar mdzod cig/ gnas 'di la ni de bzhin gshegs pa rnams dbang po'o zhes brjod par bya'o/ /de nas nye'i rgyal po des sgrub pa po de rgyab tu khur
nas chu bo'i pha rol tu 'gro bar 'gyur ro/ /ka ka ra'i gangs kyi byang phyogs nas chu bo 'di'i bar gyi lam gang yin pa de dag na ni/ /mi'i 'gro ba gnas pa med de/ gang mi ma yin pa'i 'gro ba dang/ gnod sbyin gtum
po mi bzang pa dag gnas pa yin no/ /'on kyang lam 'di dag gi shar dang nub tu dpag tshad lnga brgyas bcad pa'i pha rol na ni/ grong dang grong khyer dang grong nga la dag kyang yod mod kyi/ lam de dag nas song na ni/ lo brgya?
phrag gis kyang grong khyer ka lA par phyin par mi 'gyur te kun tu 'khor bar 'gyur ro/ /chu klung sI ti'i byang phyogs de'i bar mtshams thams cad ni ri kha ba can mang pos kun tu gang ba yin no//
'on kyang gangs kyi ri bar bcad pa ni med do/ /de nas chu klung de yongs su rgal ba'i byang phyogs na ni/ 'dzam bu'i gling gi byang phyogs kyi grong khyer rnams yod de/ yul dang grong dang grong khyer dang grong rdal dag
gi gang pa/ rab tu 'byor pa dang bde ba dang lo legs pa yin no// //gang la snying rje'i bdag po ni/ /mig gsum gzugs kyis gnas pa te/ /de yi gnas kyis mtshan pas na/ /sham+b+ha la zhes rab tu
grags/ /gang la sham+b+ha las mtshan pa/ /seng ges mtshan pa'i rgyal mtshan ni/ /seng ge'i rgyal mtshan rab grags ltar/ /sham+b+ha'i yul zhes de la brjod/ /gang na kla klo med pa dang/ /bden smra brdzun pa ma yin dang
mun pa'i stobs ni nyams gyur la/ /snying stobs yon tan rgyas pa yin// //chu bo de dang kai la sha'i bar gyi yul ni rnam pa mang po ste/ /nya zhes bya ba'i yul dpag tshad nyi shu'o/ /bu la ni do zhes bya ba yang
dpag tshad nyi shu'o/ /b+ha nga sya na zhes bya ba dpag tshad brgya'o/ /tsI na zhes bya ba dpag tshad stong ste dbus kyi cha la'o/ /dar do zhes bya ba dpag tshad brgya'o/ /ku ru zhes bya ba yang dpag tshad brgya'o/ /b+ha de ka zhes bya ba
dpag tshad lnga bcu'o/ /de dag gi pha rol na/ gand+har zhes bya ba dpag tshad nyi shu'o/ /kA sha zhes bya ba dpag tshad nyi shu'o/ /b+ha tra zhes bya ba dpag tshad nyis brgya'o/ /mahA tsI na zhes bya ba dpag tshad stong ste dbus
kyi cha la'o/ /d+ha ra d+hau zhes bya ba dpag tshad brgya te ri'i ngos la gnas pa'o/ /bri gi ka zhes bya ba dpag tshad nyis brgya'o/ /de dag gi yang pha rol na/ ma hi Sha ka zhes bya ba dpag tshad nyis brgya'o/ /ma hi la ko zhes bya ba dpag
tshad stong te dbus kyi cha la'o/ /barba ra zhes bya ba dpag tshad nyis brgya'o/ /pu tA pha la zhes bya ba dpag tshad lnga brgya'o/ /de dag gi pha rol na/ /ka Du ka zhes bya ba dpag tshad lnga bcu'o/ /bA ra zhes bya ba dpag tshad
lnga brgya te dbus kyi cha la'o/ /kompa ji zhes bya ba dpag tshad brgya'o/ /de dag gi shar dang nub kyi cha dag la yang/ /yul 'khor dang grong khyer gzhan dag kyang yod do// //de dag chu ni mang po dang/ /mtsho
dang mtsho bran du mas brgyan/ /gangs kyi ri dang ri po bzang/ /sman ljongs nyams dga' du ma dang/ /nags dang kun dga' yid 'ong dang/ /sman rnams dag gi gang ba yin/ /rgyal po'i pho brang sna tshogs dang/ /tshod 'dus
dang ni tshong khang dang/ /zong rnams rnam pa sna tshogs dang/ /yo byad rab tu rgyas pa yod/ /de na 'jigs pa 'ga' yang med/ /nyams dar gyur pa yod ma yin/ /'on kyang de la mi lta ste/ /srid pas sgrub po'i
gags byed do/ /grong khyer mchog ni ka la ba/ /'ba' zhig bsams te 'gro bar bya/ /rgya yul rgya yul chen po dang/ /ba yi la ko kha ra rnams/ /byang nas byang du bgrod bya ste/ /lam de shin tu ring ba yin/ /stong
phrag mang po de dag kyang/ /sngags kyi shugs 'chad de yis ni/ /zhag bdun zla ba phyed la sogs/ /zla drug las gzhan lhag pas min/ /de rnams las kyang rab rgal na/ /'byung khungs rnam pa sna tshogs yod/ /
kha cig la ni dug gi rgyun/ /khyad par khyad par ldan pa babs/ /gsar gyi rdul brtsegs ri bo dang/ /de bzhin dngul dang zangs kyi sde/ /kha cig lcags dang a b+ha dang/ /rang gi b+had ga de bzhin no//
de dag sa 'di 'thug po dang/ /bye ma rdo bas g.yogs pa yin/ /gseg ma rnam pa sna tshogs dag/ kha cig rin chen du mas khyab/ /yul de dag gis phyogs na/ /rtsa dang ljon shing rnam par spangs/ /nor bu
ji bAn+ti dang ni/ /byu ru rnam ba du ma skyes/ /gser las 'chi bar byed pa'i chu/ /smyo bar byed pa dngul las te/ /gzhan ni spu dang lpags pa ltung/ /kha cig du ma'i nad rnams so/ /'byung khungs dag nas dpag tshod
gsum/ /'das na dri dral chu nyid de/ /sgrub po sngags kyi mthu yis ni/ /de kun yon tan byed pa las so/ /gser gyi tshe ni ring po ste/ /dngul gyi de bzhin mdangs bzangs ba/ /lhag ma gang rnams de rnams kyi/ /nad kun
'jigs par byad pa yin/ / //yang de dag rgal ba'i pha rol na/ /ri lnga ba zhes bya ba/ rin po che du mas brgyan pa/ /shing a dra dang/ swa? la/ shalma li dang/ sA la dang/ tam
la dang/ da shA ma dang/ niSha kla ra dang/ a mra dang/ ka ra bI ra dang/ shi lin dang/ ba ku la dang/ gand+ha mod dang/ ma do d+ha ma la sogs pa ljon shing gi rigs brgya phrag du mas gang ba yin no/ /ri de la ni
ni sad? ma ci dang/ mi 'am ci ma dag/ 'dod pa'i yon tan sna tshogs kyis rtse bar byed cing/ /rtag tu dga' bas gnas pa yin no/ /de rnams kyi sgrub pa po la 'drid par byed pa'i phyir/ /rab tu snyan pa'i glu dang
rol mo byed pa dag kyang yod/ sdig pa'i phyir 'jigs pa'i sgra 'byin pa 'am/ gzugs sna tshogs su bsgyur ba dag kyang yod/ rab tu skyo ba re byed pa'i phyir/ dud mo la sogs pa sna tshogs pa sbyor bar yang byed do/ /de dag la
sgrub pa po chags par mi bya/ 'jigs par mi bya/ skyo bar mi bya/ ste/ gzhan du na stong pa nyid kyi gnas pas/ zil gyis gnan te 'gro bar bya'o/ /gal te rnam pa de lta bu las gzhan pas 'gro na ni/ sgrub pa po la sdug
bsngal chen po ster ro/ /de nas ri bo de yang 'das pa na b+ho na dang las su dA b+ho na dang/ sra b+ho na zhes bya ba'i yul chung ngu dag yod do/ /de dag na ni rdo rje mkha' 'gro ma dag mi'i bu mo rdzu 'phrul can gyi rnam par gnas so//
der sgrub pa pos zhag bdun du gnas par bya zhing/ gsol ba gdab par bya'o/ /de nas de rnams kyis smras ba/ kye sgrub pa khyod la ci zhig dgos/ /sgrub ba pos smras pa/ bdag grong khyer ka lA bar myur du
bsgrod par mdzad cig / de nas mi mo rdzu 'dul dang ldan pa gcig cig gis/ sgrub pa po brag pa la thogs te/ dpag tshad bzhi yis mtho ba'i gangs kyi ri bo chen po dang/ gangs khrod kyi lam dpag tshad brgya phrag
lhag pa yang/ chu tshod gcig gis mngon par bsgrod nas/ ri bo tsan+d+ra ka la zhes bya ba shing hi na ta la dang/ ma tA la dang/ ko la ka dang/ sind+hu rba ra dang/ na gu mal dang 'kadwanda da pad so ma lard+ha? dang/
sa ma na dang/ ni bu la da dang/ bi du rma dang/ tin bu la sogs pa sna tshogs pas yongs su gang ba/ sman ljongs shin tu nyams dga' ba dang bcas pa der phyin par ba gyur pa'o// //
sgeg pa'i gzugs la'ang dga' min te/ /cha byad 'jigs la'ang de bzhin no/ /rdo rje'i mig dang ldan de dag/ /dge bar spyod la dges bar grags/ /de dang sdig ldan rnams la yang/ /snying rje ldan rnams
mnyam par byams/ /sgrub po rang nyid sdig pa ni/ /zad pas bde bar snang ba yin// //ri bo de ni sham+b+ha la'i yul mdza' yin te/ phyogs de na 'phags ma b+h+ri ku TI thor tshugs gcig ma bzhugs so/ /
de la me tog kun da dang/ ku sum+b+ha'i me tog gis sbyin sreg stong phrag brgyad phul nas/ /dngos grub kyi don du gsol ba btab te 'gro bar bya'o/ /de las gangs kyi puN+Ta rI ka gcig dag blangs te/ aoM shwa ta shwe ta
shwe ta dzA TI ni sh+ru ti smri ti bi dza ya/ b+h+riM swAhA/ zhes pa'i rig pa lnga stong du bzlas nas/ spyi bor bcings pa tsam gyis gnon sbyin gtum po mdza' dag dbang du byed pa dang/ thams cad la 'jug pa'i shes rab thogs pa med
pa skye bar 'gyur ro/ /de nas byang phyogs su song te/ me g+ha ke ru zhes bya ba'i yul lo/ /de'i yang pha rol na sA la dang/ ta la'i nags chen po dag yod de/ nags dang grong khyer de dag gi gzhi la dpag tshad brgyas
yongs su bcad pa yin no/ /de dag gi yang byang phyogs su song ba na/ shu ni ka ra Na zhes bya ba'i yul dang/ bi bi dza la zhes bya ba/ kha di ra dang tsan dan gyi nags chen po dag yod de/ /de yang bsgrod par bya ba
dpag tshad brgya pa yin no/ /de'i pha rol tu ljongs chen po sam su kha zhes bya yod de/ gang 'dzam bu gling na yod pa'i shing gi rigs/ gang yin pa de thams cad yul de na yod de/ ma lus shing lus pa med
pas brgyan pa'o/ /de'i pha rol na kun tu dga' ba zhes bya ba'i nags yod de/ de yang 'das pa'i pha rol na grong khyer ka lA pa yod do/ /der sgrub pa pos byang chub sems dpa' sems dpa' chen po mi bdag gi rnam pa 'dzin pa
de las/ chos nyan pa thob par bya ba'i phyir/ pho brang chen pa ka lA pa de'i phyogs bzhi kun nas phyag 'tshal bar bya/ /gdug spos kyang btul bar bya/ /me tog dag kyang gtor bar bya/ /bskor ba dag kyang bya ste/ yang na
ni zhag gcig/ yang na ni zhag bdun/ yang ni ni zla ba phyed/ yang na ni zla ba gcig go /de ltar sgrub pa po nyid kyi ji lta ji ltar sdig pa zad pa/ gyur ba de lta de ltar/ mi bdag byang chub sems dpa' i bka'
yis gnang ba byin te/ gang gi zhabs kyi pad+ma'i drung du 'khrid par byed do/ /gang gi che sems dpa' chen po mthong ba de'i tshe/ sems shin tu mnyam par bzhag pa dang/ g.yo ba med pa dang/ dang ba'i sems
kyis dbyug pa 'gyel pa ltar/ yan lag brgyad dang ldan pa rab tu 'dud pas/ lan brgya stong du mar phyag bya'o/ /rin po che 'am me tog dag kyang gtor bar bya'o/ /gal te de sgrib pa bshes chung ba zhig yin
na ni/ de'i zhabs la mgo bos btugs pa tsam gyis 'dod pa'i dngos grub thob par 'gyur ro/ /rnam pa gzhan ni byang chub sems dpa' de'i bka' las 'dod pa'i dngos grub tu 'gyur la/ /de bzhin du gzhan
yang/ /dngos grub phra mo dag? dang/ shes pa dag kyang thob par 'gyur ro/ /ci te 'dzam bu'i gling gi lho phyogs su skye bo mang po la phan pa dang bde ba'i don du nges par bsams pa yin na ni/ de'i thabs gang yin
ba de yang dri bar bya zhing/ des ji skad bstan pa bzhin du/ sgrubs na de kho na bzhin du 'grub par 'gyur ro/ /de nas sgrub pa pos yul gyi mchog dang mchog de dag blta bar bya/ /de
bzhin gshegs pas gsungs pa'i glegs bam dag kyang mngon du bya/ gtsug lag khang rnam pa sna tshogs pa dang/ mchod rten rnam pa du ma de dag la yang phyag 'tshal bar bya/ smon lam dag
kyang gdab par bya'o/ / /yul de zlum por mnyam pa te/ /gangs dang ldan pas bskor ba yin/ /'byung po yi ni phyogs cha na/ /dpag tshad lnga bcur 'phags pa ni
mchog dang grags pa rab ldan pa/ 'byung po'i dbang po mgrin sngon gyi/ /rtag tu brten cing dge ba'i sa/ /ri dbang kai la sha zhes bya'o/ /sna tshogs rig pa sman gyi las/ /sgyu rtsal dbye ba gzhan dang gzhan//
bzo rnams du ma mdza' yas pa/ /nyin dang nyin la rtag tu spyod/ /pho brang mchog ni ka lA pa/ /rin chen sna tshogs las sgrubs shing/ /gru bzhi lham pa'i gzhi la gnas/ /lha yi bzo bos byas
pa te/ /grong khyer de yi g.yas ngos na/ /tsan dan a kar nags kyis khyab/ /dangs shing gsal ba yid 'ong ba'i/ /yid kyi mtsho dag yod pa yin/ /gang zhig yul de'i dbus na ni/ /de bshad
de dag gnas pa'o/ /nags rnams dang ni ljongs dag gi /'phreng ba rim pa gsum gyis mdzes/ /grong rdal nyi shu rtsa brgyad dang/ /yul phran du mas rnam par brgyan/ /phyogs mtshams
kyi ni lam dag na/ /rtse mo brgyad dang brtsegs pa yang/ /de rnams la ni go dgos pa'i/ /srung ba po ni 'bum phrag yod/ /gangs dang ri bo de dag la/ /glang chen spos kyi glang po dang/ /mche ba drug pa mu tig can/
nags tshal ri dags du mas mdzes/ /gdong lnga pa dang rkang brgyad pa/ /glang po'i gdong dang bya tshogs dang/ /'dab chags skyes bu'i lus can yod/ /dbus las rgyab kyi phyogs cha na/ /rgyang grags
tshad kyi ri bo bzang/ /mtshar du mngar ba bcu yin te/ /bzang skyong lhun po rtse 'dzin dang/ /sa yis snying po gtsug phud 'dzin/ /ha lA ha la sgrol mdzad pa/ /lcang lo'i bdag po skra can ma/ /don dam
yang dag 'phags de bzhin/ /bcu pa ma rgyal ba las rgyal/ /de dag rnams kyis brten pa te/ /bye ba phrag brgya'i chos kyi gnas/ /rtag tu byang chub sems dpa' ni/ /stong phrag bcu bcus sten nga?
yin/ /kai la sha yi 'gram dogs na/ /mkha' khams rdo rje rnams par gnas/ /stong phrag brgyad kyi sman rnams dang/ /mthu ldan srog chags du ma dang/ /me tog 'bras bu'i khyad par kun/ /de na rtag
tu spyod ba yin/ /mu tig zla ba chu shel dang/ /dmar po ain+t+ra nI la dang/ /mar ta ka dang g.yas su 'khyil/ /puShpa ra ga byu ru'i ste/ /asma garb+ha gser la sogs/ /khams
rnams sna tshogs mdza' yas yod/ /dngul chu'i khyad par mang pos gang/ /pa ru sha ka baiDurya/ /de na snyed par dka' min te/ /kha zas ro/ /bcud sna tshogs pa/ /de dag
mi 'byung gang yang med/ /sna tshogs gos kyi khyad par ni/ /bsam pa ji bzhin bgo byad te/ /dge min las kyi lam bcu po/ /rtag tu spyod pa'i skye bo nyung/ /phal cher dge la gnas pa yin/ /
theg pa gsum gyi lam gnas pa'i/ /drang srong dpag tu med pas brten/ /thams cad lha yi skad du smra/ /de na gnas pa'i mi rnams ni/ /tshe ni lo brgya las mi thung/ /dus min 'chi ba nyung pa yin/ /rtag tu
'dod la dga' bar spyod/ /'on kyang dge ba las mi nyams/ /chos dang 'dod pa de bzhin gzhan/ /nor dang thar pa'i don ces pa/ /rdzogs ldan bzhin du rab spyod te/ /'di mtshungs gzhan ni yod ma yin/ /
rgyal po'i bu ni gang btses par/ /nor bu rin chen 'od 'gyur la/ /zhag bdun 'od bzang 'phro 'gyur ba/ /de ni byang chub sems dpar shes/ /gang gis sngon chad ma mthong ba'i/ /me tog rab tu rgyas pa che/ /
khyim du mngon par skyes gyur pa/ /de ni lha yis yan lag ma'o/ /mi bdag yan lag mar bcas pa/ /rgas pa med cing na med ste/ /'jam po'i khrims kyis rtag tu mtsho/ /'khor los sgyur dang mtshungs
pa yin/ /rtag tu byang chub sems dpa' dang/ /drang srong sngags kyi spyod pa can/ /yang dag rig pa nyid ston gyi/ /rtog ges bgrod med de ming tsam/ /las rnams rnams pa sna tshogs dang/
grub pa brgyad la sogs rnams dang/ /gang gzhan dngos grub sna tshogs dag /der ni mngon sum rnyed dka' min/ /zla ba re rer sgrub pa po/ /'di de 'dod pa'i dngos grub ces/ /chos kyi 'ga'
ba'i gtam chen pos/ /rtag tu ngo mtshar dga' ba yin/ /chags bral byed dang dga' ba dang/ /spyod pa gcig tu dge ba'i blos/ /dag pa'i sems ni gnyen gshin pa/ /sbyin dang bzod dang dul ba dang/ /mi mtshe
ba dang rtse gcig dang/ /rig dang shes dang legs par thos/ /bsam gtan zlas dang mchod de bzhin/ /yang dag de nyid sgrom pa'o/ /de skad gsungs pas 'dus pa de/ /thams cad rjes su yi rang 'gyur/ /
skal bzang ldan pa lnga brgya pos/ /yang yang 'dud cing bskor ba byas/ /de nas rtse ldan 'jig rten mgon/ /rab tu gzhad cing legs so legs/ /skye bo mang po grol don du/ /don yod lcags kyus 'di
bshad do/ /'khor rnams kyis ni 'di bzung nas/ /rtag tu bcad zhing chub par gyis/ /blo gros ldan pa lnga brgya po/ /ting nge 'dzin gyi shugs thob nas/ /grong khyer drug tu yud kyis song/ /theg mchog chos
ni rab bshad nas/ /rim pa'i cho ga 'di nyid kyis/ /grong khyer ka lA par song ngo/ /de las brgya phrag bzhi rnams kyis/ /'dod pa'i dngos grub chen po thob/ /gang ming rnam par mi rtog pa/ /de sogs lhag
ma gang yin de/ /zab dang rgya che'i tshul rtogs nas/ /grong khyer drug tu slar yang 'ongs /don yod zhags pa'i mdo sde ni/ /stong phrag lnga bcu cig pa dang/ /rig pa mchog gi 'bum sde sogs/ /gzhan
yang rig sngags sna tshogs dang/ /ral pa gcig ma'i cho ga dang/ /'jam pa'i rdo rje'i rtog pa ni/ /stong phrag nyi shu lnga pa ste/ /cho ga du ma rgyas par byas// //gang zhig ka lA par 'jug
ba'i/ /thabs 'di bris pa'i bsod nams kyis/ /'gro ba drug tu 'khor ba rnams/ /'jam pa'i dbyangs dang mtshungs gyur cig/ ces pa dpal ldan
ka lA bar 'jug pa zhes bya ba/ theg pa chen po'i thabs chos kyi rnam grangs ji snyed pa rdzogs so// //rgyal khams pa tA ra nA thabs bal
po'i dpe las bsgyur ba te/
CLOSE WINDOW