བོད་ཡིག

e-texts based on the ACIP/ALL Input

/ //tshigs su bcad pa dgu pa bzhugs so/ /tshigs su bcad pa bdun pa drud pa nyid kyis bsgyur ba/ / rgya gar skad du/ na ba shlo kacad pha rol phyin ma der/ /de rang nyid kyi rnam par gnas/ /spos pa med cing snang ba med/ /kun gzhi med cing rnam rtog med/ /rang bzhin med cing mchog tu phra/ /sgra dang thig le rnam par sdangs/ /sangs rgyas thams cad 'byung ba'i mchog /shes rab pha rol phyin ma yum/ /rang bzhin de yis ma dmigs ni/ /kun mkhyen ye shes spyod yul lo/ /yang dag shes rab pha rol phyin/ /gang zhig sgom par byed 'dod pa/ /tshigs bcad dgu yi don las des/ /bsam par bya ba bsdus pa'o/ /las kyi mthu las yang dag byung/ /skye mched drug gi mtshan nyid med/ /slar yang 'byung pa zhes brjod pa/ /mig yor lta bur brjod pa yin/ /sprul pa'i grong khyer gang de bzhin/ /sprul par rnam par blta bar bya/ /las kyi sprul ba'i 'gro ba yi/ /ngo bo gang yin de bzhin no/ /gang las chos bstan pa yi sgra/ /'ga' zhig thos pa'i spyod yul lo/ /brag cha lta bur thams cad du/ /rab tu rmad byung thos ma thos/ /bsnams dang myangs dang gang yang ni/ /reg pa'i ? la rol pa yis/ /'di dag rmi lam lta bu ste/ /thams cad dmigs pa yod ma yin/ /mi gang sgyu ma'i 'khrul 'khor bzhin/ /tha dad bsam pas byed do'i'i/ /bdag med lus kyi 'khrul 'khor gang/ /bsam pas byed pa de bzhin no/ /sna tshogs nye bar dmigs gang yang/ /skad cig so sor yang dag 'byung/ /'di dag smig sgyu lta bur gang/ /mthong ba nyams pas mtshan nyid bral/ /gzugs brnyan lta bur gzung bar bya/ /thog med sems las kun tu 'byung/ /de rnam pa dang rnam par shes// phan tshun tu ni gzugs brnyan bzhin/ /bsams bas dang ba'i rgyud la gang/ /ye shes dbang po yang dag 'byung/ /lteng ka'i zla ba lta bur gang/ /de bzhin mngon sum yod ma yin/ /rnal 'byor pas kyang ye shes gang/ /de yang nam mkha' i mtshan nyid do/ /de phyir shes dang shes bya gang/ /thams cad nam mkha' i mtshan nyid do/ /rang bzhin rnams la gnas med pa/ /de nyid de ltar bsam par bya/ /byang chub smon pa'i sems las ni/ /ye shes mchog ni 'byung bar 'gyur/ /kun tu rtogs pa thams cad spangs/ /'di de mchog tu shes par bya/ /gang du rnal 'byor pa gnas pa/ /mngon sum kun mkhyen bcom ldan 'gyur/ /tshigs su bcad pa dgu pa zhes bya ba/ /dpal la ba pa'i zhabs kyis mdzad pa rdzogs so// // kha che'i paN+Ti ta chen po su ma na sh+ri dang/ bod kyi lo ts+tsha ba dge slong rin chen grub kyis bsgyur pa'o// //rgya gar skad du/ arya sapta shlo ki kA/ b+ha ga ba tI padz+nyA pA ra mi tA swU tra/ bod skad du/ bcom ldan 'das ma shes rab kyi pha rol tu phyin ma 'phags ma tshigs su bcad pa bdun ma zhes bya ba'i mdo/ /sangs rgyas dang byang chub sems dpa' thams cad la phyag 'tshal lo/ /bcom ldan 'das ma 'phags ma shes rab kyi pha rol tu phyin ma la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad la phyag 'tshal lo/ /byang chub sems dpa' sems dpa' chen po thugs rje chen po can/ 'phags pa kun tu bzang po la phyag 'tshal lo// tadya thA/ aoM dz+nyA pra ti tiswA tI/ a mo g+ha su d+hi nI/ mri hA sa ma n+ta ru ta Turha ni rya tI/ bya ka ra Na pa ri bra ra ni sarba bud+d+ha bo d+hi satwa saM dzu ma nI/ b+ha ga ba te bud+d+ha mA tA/ aoM a ra DI/ a ra DI ka ra DI mahA pra dz+nyA pA ra mi tA swAhA/ /gang dus gcig na rjes su dran par byed pa de bskal pa dpag tu med par lhan cig nye bar bsags pa'i las kyi sgrib pa med pa dang/ sangs rgyas stong gis nye bar bsags pa'i dga' ba thams cad yang dag par bsdus pa dang/ gang 'khor bar bde ba dang ldan par byed par 'gyur ba dang bsgrub? pa brjes nas kyang/ 'khor lo bsgyur ba'i rgyal po stong phrag so sor rnyed bar 'gyur ro/ /'chi ba'i dus kyi tshe/ sangs rgyas stong mthong bar 'gyur ro/ /yongs su dag pa'i sangs rgyas kyi zhing rnams su nye bar 'gro bar 'gyur ro/ nyin lan gsum mtshan lan gsum du nyin re ma lan nyi shu rtsa gcig brjod na/ nyi ma nyi shu rtsa gcig pa la sangs rgyas bcom ldan 'das pad+ma'i gdan la bzhugs pa mthong bar 'gyur ro/ /yongs su dag pa'i sangs rgyas kyi zhing rnams su 'gro bar 'gyur ro/ /sangs rgyas sems dpa' yang dag par brjod pa'i mdo dag pa'o zhes so/ /bcom ldan 'das ma shes rab kyi pha rol tu phyin ma tshigs su bcad pa bdun ma'i mdo rdzogs so// //kha che'i paN+Di ta chen po sum sh+ri dang/ bod kyi lo ts+tsha ba dge slong rin chen grub kyis bsgyur ba'o// //dpal ldan kalA par 'jug pa zhes bya ba yul rnams kyi mchog tu gyur pa sham+b+ha lar 'gro tshul gyi lam yig 'phags pa don yod lcags kyus gsungs pa bzhugs so/ /aoM trI swAhA/ aoM adku sha adku sha a mo g+ha hI swAhA/ rgya gar skad du/ ka lA pa/ a wa ta sa bod skad du/ ka lA par 'jug pa/ 'jig rten dbang phyug la phyag 'tshal lo/ /'gro ba'i mgon po thabs dang ldan/ /de bzhin gshegs la rab btud nas/ /gang gis dga' ba'i gnas thob 'gyur/ /thabs de 'dir ni bshad par bya/ /gzhon nu zur phung lnga pa ni/ /thugs rje ldan pa 'jam pa'i dbyangs/ /rgyal sras stong phrag brgyad dag dang/ /lhan cig tu ni rab gshegs nas/ /dbang chen zhes bya ri bo chen po ni/ /shar dang nub tu chu gter zab mo gnas/ /gang gi phyogs gnyis me tog 'bras bus brgyan/ /rig 'dzin rnams kyis rol pa'i gnas der bzhugs/ /shes bya kun la ma thogs pa'i/ /spyan dang ldan pa 'jig rten dbang?/ /rgyal sras bye ba'i tshogs bcas pa/ /gnas skabs der ni der gshegs nas/ /lha dang lha min 'gyur bo'i dbang/ /lto 'phye'i bdag dang klu yi gtso/ /bskal bzang mthu dang ldan pa yi/ /mi dang mi rnams der 'dus la/ /gang zhig bla na med pa mchog /gzi brjid chen po theg mchog ste/ /bye ba phrag brgya'i chos kyi gtam/ /yang dag sgros nas rab tu bstan/ /b+ha ra ta'i dum bu'i 'dzam gling skyes/ /ko sa la dang yangs pa can/ /lus 'phags me thil dag na/ /bskal bzang gcig cig de dag yod/ /blo gros che ldan lnga brgyas ni/ /de 'dra'i gtam ni yang yang thos/ /gzhan la phan byed rig pa'i blo/ /rmad byung mang po skyas par gyur/ /dka' ba brgya phrag 'bad pa yis/ /dbang chen gyi ni ri la song/ /gzhon nur gyur pa mi snang nas/ /phyar na padmo'i zhabs la btud/ /yang dag mchod nas rab dris pa/ /tshangs la sogs pa'i lhas btud cing/ /'gro ba drug la mnyam par rtse/ /thos nas bdag cag 'dir 'ongs lags/ /gang gi zhabs dkru'i chu mthungs pas/ /bde med bde ba ldan gyur cing/ /'dod pa dang ni thar pa 'grub/ lha yi 'ang lha khyod phyag 'tshal lo/ /gang zag dang ni chos la sogs/ /'ga' yang ma gzigs dmigs su med/ /'on kyang mi zad thugs rje yis/ /kun la skyob mdzad 'di re mtshar/ /'dir 'ongs 'di dag la rtse bas/ /don chen 'ga' zhig zhu 'tshal na/ /phyi ma'i dus 'gar phan pa'i slad/ yang dag gsung pas bshad du gsol/ /ma thongs pa yis dus na ni/ /rigs sngags smra bar khas 'che zhing/ /rgyal ba'i dgongs pa mi shes pa/ /de dag phyin ci log tu blta/ /gang phyir 'di dag yang dag pa'i/ /lam du nges par 'jug 'gyur ba/ /ji ltar phyugs la dbyug pa lha'i thabs de gang las rnyed par 'gyur/ /de nas bcom ldan snying rje che/ /spyan ras gzigs kyis 'di skad gsungs/ /'gro rnams mang la phan 'dod pas/ /'dri ba 'di ni legs so legs/ /dbang chen ri la mchod 'os pa'i/ /gzhon nur gyur pas sngon bshad do/ /don 'di yang ni legs par bstan/ /mnyam med sems can don byed pa'o/ /skye bo 'di la phan byed phyir/ /sngags 'dzin ral pa gcig ma longs/ /snying rje ldan pa don yod pa'i/ /lcags kyu khyod ni mthu chen ldan/ /khyod dag phan tshun sgros pa yis/ /don chen 'di ni smra bar gyis/ /stobs bcu ldan pa'i bstan pa la/ /phyi ma'i dus la don chen 'gyur/ /'jam dpal rjes su 'jug pas ni/ /khyod kyang smra ba'i mthu dang ldan/ /de skad gsungs nas 'jig rten mgon/ /stong pa nyid kyi gnas pas bzhugs// //de nas yang de'i tshe 'phags pa'i gtso bo don yod lcags kyus gsungs pa/ phyi ma'i dus na sna tshogs pa'i/ /blo gros ngan pa skyes pas na/ /lta mo sgyu 'phrul sras kyi bstan/ /shin tu nag pos dri mar byas/ /brjod pa sna tshogs tha dad de/ /skye bo tha dad spyod la sngags/ /de phyir de ltar spyod rnams la/ /dbang po med pas rnam par 'khrugs/ /'jig rten 'das pa'i dngos grub kun/ /nam yang thob pa med de bzhin/ /gzhan yang dka' bas 'grub pa dang/ /dal ba 'ba' zhig bskyed par byed/ /shin tu sgrib byed kyis sgribs pas/ /yi dags sogs kyang lkog gyur na lha rnams smos kyang ci dgos te/ /rtog gi phran tshegs 'jug shes nyid/ /de tsam gyis kyang grub par blta'/ /'phags pa'i skye bo yid kyi lus/ /mthong ba'i spyod yul nam yang ci/ /don mchog 'dod pa'ang rnyed mi 'gyur/ /'di nas byang gi phyogs cha na/ /ka la sha yi ri bo'i dogs/ /grong khyer ka lA ba zhes yod/ /rtag tu bde zhing 'byor pa yin/ /de na rgyal ba'i sras po mang/ /mi bdag gtso bo mchog 'phags te/ /de rnams rtag tu chos dang ldan/ /g.yo rgyu med cing phra ma med/ /rigs dang rigs min dbyer med de/ /gzugs ldan stobs dang ldan pa yin/ skyes bu'i bsgrod pa dpag tshad bcu/ /rta yi nyi shu so ldan gyi/ /lnga bcu'i lam te nyin gcig la'o/ /yams dang nyer 'tsho yongs med de/ /'phrog byed lag na rdo rje sogs/ /nyin rer rtag tu srung bar byed/ /rnam par 'dren pa'i bstan bcos ni/ /phyogs de dag tu rnam par rgyas/ /shes rab pha rol phyin mdo dang/ /mdo sde lang ka'i grong du 'jug /dgongs pa nges par ston pa dang/ /'dus pa chen po'i tshogs kyi ste/ /sgrib pa rnam par sel ba yis/ /mngon du byas pa'i dkon mchog sprin/ /bden pa'i le'u mchog gi rgyud/ /drag shul stobs dang ldan pa ni/ /sor mo'i 'phreng ba'i ched gsungs dang/ /sdong pos rgyan pa la sogs pa/ /thams cad yul de las rab 'byung/ /'od dpag med pa'i 'jig rten dang/ /mngon dga' i bkod pa gsal ba dang/ /rnam snang mdzad pa'i zhing khams ni/ /brgyan gyi bkod par bcas pa dang/ /stug po bkod pa'i mdo sde dang/ /dbang phyug chen pos bshad pa ni/ /gnas gtsang chen po la sogs par/ /rdo rje snying pos bshad de bzhin/ /phal po che yi mdo sde rnams/ /thams cad de na rnam par spyod/ / gang la dpe ni 'bum phrag gis/ /gsal bar byas pa phyi ma'i rgyud/ /de bzhin gshegs rnams snying po'i don/ /phyir mi bzlog pa'i gtam yang yin/ /pha rol phyin pa drug gi mdo/ /stong phrag lnga bcur ldan pa yod/ /rig pa 'dzin pa'i sde snod ni/ /'bum phrag nyi shu der spyod te/ /de dag rjes su 'jug pa yi/ /nges par bstan pa 'bum phrag brgya/ /mkha' dang mnyam pa rgyud kyi rgyal/ /dngos grub nges par bstan pa yi/ /dges ba'i rdo rje chen po dang/ /rjes su rig pa rnal 'byor rgyud/ /bde gshegs kun gyi 'dus pa ni/ stong phrag nyi shu rtsa lnga pa dam pa dang po'i sangs rgyas rgyud/ /sgyu 'phrul dra ba gnyis gnyis pa/ /rgyal ba rgya mtsho rnam dbye ba/ /rnal 'byor rnal 'byor ma rgyud kyis/ /rnam par phye ba brgyad po rnams/ /khri khrag gnyis dang stong phrag ni/ /gcig ste drug brgyas ltag pa'i lo/ /lhag pa'i brgya phrag mang por ni/ /phyogs der mngon sum spyod pa'o/ /phyag na rin chen blo yi bdag /spos kyi glang po ma pham pa/ /bde ldan dbang phyug nam mkha' mdzod/ /rdo rje gzi brjid rdo rje snying/ /gnod sbyin gtso bo la sogs pas /de rnams rjes su 'jug pa yis/ /tshig rnams du ma rnam par phye/ /nan tan chen por gtad pas na/ /ma log don chen 'tshol ba rnams/ /gangs ri'i dbang po der song nas/ /mi dag grub pa rnams la dris/ /gdon mi za bar don grub nyid/ / de nas 'phags ma rdo rje srin mo ral pa gcig mas zhus pa/ /kyai rgyal ba'i sras po ma 'ongs pa'i dus lnga brgya tha ma la/ de bzhin gshegs pa'i rjes su 'jug par 'dod pa rnams kyang/ mu stegs can gyi gsang tshig 'tshol ba la// mngon par mos pas mchog tu gsungs pa'i don las/ /phyir phyogs pa de dag yang dag pa'i lam la bzung pa dang/ /mchog gi skal pa can gang dag rang dang gzhan la phan pa'i dngos grub kyi rgyur grong khyer ka lA bar bgrod ba'i thabs de yang dag bar bstan du gsal lo/ /dge snyen rnam par mi rtog pa ces bya ba dang/ /bzang po sbas pa zhes bya ba la sogs pa lnga brgya po 'di rnams kyi dngos grub mchog gi don dang/ phyi ma'i dus kyi rig pa 'dzin pa'i sde snod la zhugs pa mang po dag gi bde bar 'gyur ba dang/ phan par 'gyur ba dang/ grub pa mchog tu grub pa bla na ma mchis pa'i slad du bshad par gsol/ rab tu bshad par gsol/ legs par bshad du gsol// //don yod lcags kyus gsungs pa/ /sngags rig rnams la phan pa'i phyir/ /khyed rnams legs par mnyon pa dang/ /lnga brgya'i tshogs rnams nga las nyon/ /phyi dus don chen 'dir 'byung ngo/ /'dir sgrub pa po gang zhig legs pa'i lam la gnas pa/ /bla na med pa'i byang chub sems bskyed cing/ /dkyil 'khor du dbang bskur ba/ rig pa'i cho ga shes shing dam tshig la yang dag par gnas pa/ de bzhin gshegs pas bstan pa'i rgyud la mngon du phyogs pa/ gsal ba/ yid gzhungs pa/ shes pa dang ldan pa des/ dang por 'dod pa'i lha mnyes par bya'o/ /de'i 'og tu mngon du gyur pa 'am/ rmi lam du mthong ba yin yang rung te/ 'dod pa'i lha las nan tan du gnang ba thob par gyur na/ /ke la shar 'jug pa'i thabs la rtson par bya'i/ gzhan du na kun nas nyon mongs par 'gyur ro// //rab tu mi gsal bsam gtan dang/ /zlas brjod stobs kyis dman pa dang/ /mtshan ma'i dge bas por? ba gang/ /'dod pa'i go 'phangs grub pa med/ /ngan pa'i lam gyis khengs pa dag /chog tsam gyis grub par lta/ /byis rmongs 'byim? pa'i gong bu la/ /'dzegs nas zla ba 'dzin par 'dod/ /ci ste gnang par gyur na 'phags pa 'jam dpal gyi snying po/ /'bum phrag brgyad zlas shing/ au dum wa ra'i sbyin sreg kyang khri phrag brgyad bya'o/ /bgegs rnams 'joms pa'i don du/ bdud rtsi 'khyil pa'i rig pa 'bum phrag bzlas shing/ sbyin sreg kyang khri phrag gcig go/ stong pa thams cad rab tu 'jig pa'i don du/ /khro bo chen po rab tu mi bzad ba/ /gshin rje mthar byed kyi rig pa 'bum du bzlas shing/ /de nas thog ma nyid du keng shu ka'i sbyin sreg stong phrag gcig 'bul lo/ /de'i 'og tu bA Da'i shing gi stong phrag bcu'o/ /de'i 'og tu ni tsan dan dmar po dang/ a b+hI ra'i khu ba la sogs pa rmad du byung ba'i gtor ma dang sbyin sreg stong phrag bcus mnyes par byas te/ de thams cad du 'dod pa'i don la gsol pa gdab par bya'o/ /sgrub pa po gang zhig cho ga de rnams rtsams shing/ rang nyid dngos grub mchog gi don dang/ lho phyogs kyi skye bo mang po la phan pa dang bde ba'i phyir/ /grong khyer ka lA par 'jug par 'dod pa/ sdig pa med cing g.yo rgyu med pa/ de dag ni/ 'chad par 'gyur ba'i rim pa 'dis/ nges par der phyin par 'gyur gyi/ bar ma dor nyams nyes par mi 'gyur te/ gal te bdag gi tshig 'di rdzun par gyur na/ bdag gis 'tshams med pa lnga byas par 'gyur ro/ /ci te cho ga 'phrul pa 'am/ /sdig/ pa'i sems dang ldan pa dag cig yin na ni/ klu phran nam lto 'phye 'am/ gnod sbyin nam/ 'byung po 'am/ lha gang dag gtum po rnams kyi chad pa thob par 'gyur gyi grub pa ni nam yang ma yin no// //grub pa rnams la dka' ba min/ /'byor ba'i khyad par gzhan dang gzhan/ /sngags dang rlung gi las rnams te/ /rgyud kyi bsgrod pa gzhan yin no/ /shin tu nyams chung 'di mi 'grub/ /sgrub po nus ldan grub 'dod pas/ /ma grub de dag legs thob 'gyur/ /rig pa'i cho ga 'di yis so// //de nas sgrub po des/ gang du de bzhin gshegs pa rnams mngon par rdzogs par byang chub pa'i shing a shwad tha la mchod pa stong gis yang dag par mchod nas/ /lam du 'jug par bya ste/ gling 'di'i nub phyogs kyi rgya mtshor ratna sA ga ra zhes bya ba la/ /ded dpon mchog dang lhan cig bru la zhen pas byang phyogs su bgrod de/ gling si ko d+ha ra zhes bya ba dang/ nor gyi mdzod ces bya ba'i gling du bgrod par bya'o/ /gling de'i nub phyogs ni kla klo'i grong yod de/ /sgrub pa po der 'gro bar mi bya zhing/ /shar gyi phyogs la nye bar brten pa'i grong khyer du zla ba drug gdod par bya'o/ /de na bde bar gshegs pa gser thub kyi mchod rten yod do/ /de la bskor ba stong phrag lnga byas te de bzhin gshegs pa'i yi ge brgya pa 'don par bya'o/ /de ni 'di yin te/ na ma strai ya d+hI kA nAM/ ta thA ga ta nAM/ sarba tra a pra ti ha hA/ bA pti d+harmma tA ba la nI/ aoM a sa ma sa man+ta tanyra?/ a nan+ta bApti shA sa ni/ ha ra ha ra/ sma ra sma ra Na/ bi ga ta rA ba/ bud+d+ha d+harma te sa ra sa ra/ sa ma ba la/ ha sa ha sa/ tra ya tra ya/ ga ga na/ ma hA wa ra lak+Sha Ne/ dzwo la dzwo la mas ga re swAhA/ dad pa stobs zhan de dang des/ /nam yang grub pa yod ma yin/ /cho ga mi smod sngags la min/ /lha dang chos la 'phyas mi gdags/ /nges par 'grub snyam yid brtan dang/ /shin tu dad pa'i shugs stobs kyis/

CLOSE WINDOW