བོད་ཡིག

e-texts based on the ACIP/ALL Input

/ ` 'phags pa 'jam dpal rnon po la phyag 'tshal lo/ /slob dpon blo gros mi zad pa la 'jam dpal gyis bshad pa/ rkyen gyi stobs kyis lte ba 'khor/ /de'i dbang gis rtsibs dag gcod/ /mtshon cha shing rta'i 'khor lo bzhin/ /'khor bas 'khor lo dag tu bshad/ /'bring la bcu gcig rab la gsum/ /tha ma sum cu rtsa drug ste /bcu dgu pa ni lam gyi dngos/ /lam dang 'bras bu gcig yin ste/ /dgag bya bcad pa rnam pa gsum/ /'khor dang mya ngan 'das 'khor ni/ /rigs kyi bu khyod shes par byos/ ` //tshig de rnams la brten nas slob dpon gyis spyod pa la 'jug pa 'khor lo lta bu'i lam bya bar gsungs so/ /de las dang po ste/ 'khor dang mya ngan 'das 'kho ni/ /bya ba de bshad pas 'khor ba'i 'khor lo dang/ mya ngan las 'das pa'i 'khor lo'o/ /de la 'khor ba'i 'khor lo ni rten cing 'brel bar 'byung ba lugs su 'jug pa ?/ / ma rig pa dang 'du byed nas tha ma rga shi dang mya ngan dang smre sngags 'don pa la thug pa'i bar ro/ /mya ngan las 'das pa'i 'khor lo ni mgon po byams pa'i zhal snga nas/ gang gis srid pa ji srid par// 'gro la phan pa sna tshogs dang/ /mnyam du mdzad pa'i sku de ni/ thub pa'i sprul sku rgyun mi 'chad/ /ces gsungs bas na/ la lar sku skye ba bltams pa dang/ la lar gzhon nu rol rtsed pa dang/ la lar mngon par sangs rgyas pa dang/ la lar sku mya ngan las 'das pa la sogs pas 'gro ba'i don byed pa'o/ /'o na mya ngan las 'das pa'i 'khor lo de ltar 'khor ba des las ci byed zhe na/ mgon po byams pa'i zhal snga nas/ de bzhin 'di'i las kyang ni/ /'khor ba srid du mi 'chang 'dod/ /'gro rnams zhi ba'i las dang ni/ /bsdu rnam bzhi la 'god pa dang/ /ces pa la sogs pa gsungs so/ /'o na 'khor ba'i 'khor lo las mya ngan las 'das pa'i gnas su bgrod na thabs gang gis bzhin/ 'bring la bcu gcig rab la gsum/ /tha ma sum cu rtsa drug ste/ /bcu dgu pa ni lam gyi dngos/ /zhes bya'o/ /'o na lam dngos bcu dgu po de gang yin ni/ 'khor lo lta bu'i lam bya ba rang gang gis gtan la 'bebs na/ lam dang 'bras bu gcig yin te/ /dgag bya bcad pa rnam pa gsum/ /zhes gsungs so/ /'o na 'khor lo lta bu'i lam bya ba dang dpe gang gis mtshon zhe na/ rkyen gyi stobs kyis lte ba 'khor/ /de'i dbang gis rtsibs dag gcod/ /mtshon cha shing rta'i 'khor lo bzhin/ /'khor bas 'khor lo dag tu bshad/ /zhes gsungs so/ /dper na shing rta'i 'khor lo'i 'khrul thag srog shing la btags nas phyugs sam mi la sogs pas 'then pas 'khor lo 'khor/ 'khor lo 'khor bas sa phyogs gang du bgrod par bya ba thams cad kyis gcod par byed do/ /dpe de bzhin du 'khor lo'i srog? shing dang 'dra ba rten gyi gang zag yin/ 'khor lo'i srog shing la thag pa btags nas 'then pa dang 'dra ba rkyen dge ba'i bshes gnyen yin/ 'khor lo'i rtsibs rnams 'khor nas sa phyogs thams cad gcod cing bgrod pa dang 'dra ba byang chub sems dpa' i spyod pa la 'jug pa le'u bcu po bsam pa dang lhag pa'i bsam pa la sogs pa rang 'khor bas lam gong nas gong du bgrod par byed pa'o/ /yang mtshon cha'i 'khor lo'i srog shing la thag pa btags nas 'then pas mtshon cha'i 'khor lo 'khor bas dngos po thams cad gcad par byed pa'o/ /dpe de bzhin du 'khor lo'i srog shing dang 'dra ba rten gyi gang zag yin/ 'khrul thag 'then pa dang 'dra ba rkyen dge ba'i bshes gnyen yin/ mtshon cha'i 'khor lo 'khor ba dang 'dra ba spyod 'jug gi le'u bcu po de bsam pa dang lhag pa'i bsam pa la sogs par 'khor ba yin/ mtshon cha'i 'khor lo 'khor bas dngos po thams cad ma lus par gcod pa dang 'dra bar nyon mongs pa spang bya ma lus pa spong ba yin no/ /de ltar rkyen gyi stobs kyis lte ba 'khor bya ba rkyen 'khrul thag gis 'khor lo'i srog shing 'then pa'o/ /lte ba 'khor byas pas srog shing 'khor ba'o/ /de'i dbang gis rtsibs dag gcod byas pas srog shing 'khor bas rtsibs 'khor ba'o/ /de ni 'khor lo lta bu'i lam bya ba'i skra 'jug bshad pa yin no/ /'di ba'i smad kyis mang du smon pa dang brjod bya nyung bas sngon du bshad bcu dgu po de las bzlog te phyi nas so lam dang 'bras bu gcig yin te/ ces gsungs pa ni/ gang zag log par rtog pa can gyi bsam pa la byang chub sems dpa' i spyod pa la 'jug pa 'dis/ nyan thos sam rang rgyal lam/ lha dang mi tsam las 'bras bu bla na med pa'i byang chub 'byin mi nus snyam pa la/ 'am theg pa gsum lam dang 'bras tha dad gcig ston pa yin snyam pa/ de'i log par rtog pa dgag pa'i phyir/ lam dang bras bu gcig yin te ces/ 'khor lo lan gcig bskor bas lam 'bras bu dang bcas pa gcig ston pa yin te/ gtso bo'i don gyi dbang du byas nas/ rigs dang po rten mgon po byams pa lta bu gcig la ston pa shAkya thub pa lta bus chos bshad pas gdul bya'i rigs smin par byas/ de nas byang chub sems kyi phan yon le'u bshad pas rigs gong nas gong du 'phel bas bsam pa phun sum tshogs par gyur/ sdig pa bshags pa'i le'u rgyud la len pas bsam pa de'ang sbyangs pa'i stobs kyis gong nas gong du gzhan don du lhag pa'i bsam pa 'phel lo/ /byang chub kyi sems gzung pa'i le'u bshad pas kha 'og tu lus tshud par bya ba'i phyir dang/ lhag pa'i bsam pa mi nyams shing mthar phyin par bya ba'i phyir smon lam 'debs/ bag yod kyi le'u bshad pas smon lam ji ltar btab pa bzhin du lus ngag yid gsum gyi go cha 'god/ shes bzhin gyi le'u bshad pas go che ji ltar bgos pa ltar lus ngag yid gsum mtshungs par ldan pas spyod pa la 'jug / bzod pa'i le'u bshad pas zhugs pa brtan pa nyid kyis bzod pa thob par byed/ brtson 'grus kyi le'u bshad pas bzod pa dang ldan pa'i brtson 'grus kyis gong nas gong du yang dag par 'grub par byed/ bsam gtan gyi le'u bshad pas sgrub pa nyid kyis pha rol tu phyin pa'i don rtags pa la rgyu tshogs dang ldan/ shes rab kyi le'u bshad pas chogs dang ldan pa'i shes rab kyi pha rol tu phyin pa mngon sum du 'gyur te/ gang 'gyur na 'bras bu de mngon du 'gyur ba'o/ /ste don dam blo'i sprod yul min pas chos sku dang kun rdzob yul du gyur pa gzugs sku gnyis so/ bsngo ba'i le'u bshad pas de ltar chos nyid mngon du gyur pa des gzhan gyi don lhun grub tu 'bad pa dang rtsol pa med par yid bzhin gyi nor bu rin po che 'am/ bum pa bzang po'i dngos grub bzhin du gzhan don 'byung ba'o/ /smon lam gyi le'u bshad? pa/ des ni 'khor lo lan gcig 'khor bas lam 'bras bu dang bcas pa bstan pa rdzogs so/ / ` // dgag bya bcad pa rnam pa gsum ces pa/ yang gang zag log par rtog pa can g yi bsam pa la 'bras bu de ltar thob kyang lo ga dang lo ga las 'das pa'i sa'i go rims dang sa mtshams med pas sa de'i mngon du gyur pa mi shes so snyam pa la/ de'i log par rtog pa dgag pa'i phyir 'khor lo lan gnyis bskor ba'i dus su/ 'khor lo dang pos ni log pa'i sa bcu thob pa'i go rims dang sa mtshams bstan/ 'khor lo gnyis pa bskor bas ni lo ga las 'das pa'i sa bcu thob pa'i go rims dang sa mchams bstan pas/ de'i log par rtog pa bkag cing bsal ba yin no// /de las log pa'i sa bcu'i thob lugs bshad pa ni/ gang la skye na/ rten gyi gang zag las dang po pa de la bsam pa skye ste// gang la brtan nas skye na/ phan yon gyi le'u thos pas der rigs de sa ji skad bya ba skye ba/ rigs kyi sa zhes bya ba rigs nges theg pa gsum car gyi rigs byed pa'i nus pa dang ldan pa la bya'o/ /gang la skye ma de nas rten gyi gang zag da la lhag pa'i bsam pa skye ste/ gang gis skye ma sdig pa bshegs pa'i le'u thos pas so/ /sa ji skad bya ba skye na lhag pa'i bsam pa skyes pas rtsom zhing sdom pa'i sa zhes pa ni sems bskyed pa dang sdom pa nod nus pa de la bya'o/ /de la rten gyi gang zag des smon lam 'debs te/ byang chub kyi sems gzung ba'i le'u jos pas so/ /thos pa'i sa zhes bya ba ni theg pa gsum gyi chos la thos bsam byed pa'i/ nus pa dang ldan par 'byung ba'o/ /de la rten gyi gang zag des go cha 'god de/ bag yod pa'i le'u thos pas so/ /zhi gnas dang lhag mthong gis zhes bya ba skye ste/ rnam par rtog pa'i gzugs brnyan gzugs sgra dri ro las kyang 'byung la/ rnam par rtog pa ma yin pa'i gzugs brnyan chos nyid spros pa dang bral ba yin par shes pa yang dang yang du sems pa'o/ /de gnyis su skye ba'i shes pa 'byung ba la bya'o/ /de nas rten gyi gang zag de la 'jug pa'i bsam pa skye ste/ shes bzhin gyi le'u thos pa'i sgo nas so/ /phyir phyogs pa las gzhan du gyur pa'i sa zhes bya ba theg pa chen po'i rigs nges pa'i gang zag tu 'gyur ba'o/ /de nas gang zag de la bzod pa'i bsam pa skye ste/ bzod pa'i le'u thos pa'i sgo nas mtshan ma rags pa'i 'byung ba'i sa zhes bya ba 'dzin rtog dang po zhes bya ba mig gzugs la 'dzin pa dang/ rna ba sgra la 'dzin pa la sogs pa'i rnam par rtog pa dang bral te shas chung bar byas nas phal cher yul la 'phro ba las bzlog cing thub pa la bya'o/ /de nas rten gyi gang zag de la yang dag par 'grub pa'i bsam pa skye ste/ brtson 'grus kyi le'u thos pa'i sgo nas so/ /mtshan ma phra ba'i sa zhes bya ba 'dzin pa'i rnam par rtog pa mig gzugs la 'dzin pa dang/ rna ba sgra 'dzin pa la sogs pa gtan spangs shing zad par byas pa de mnyam par bzhag pa'i dus su'o/ /de nas rten gyi gang zag de tshogs kyi bsam pa skyo ste/ bsam gtan le'u thos pas so/ /mtshan ma med par mngon par 'du mi byed pa'i sa zhes bya ba phyi gzung ba'i yul du rnam par rtog pa dang/ nang 'dzin pa'i sems su rnam par rtog pa gnyis mnyam par bzhag pa'i dus su gtan nas spangs pa la bya'o/ /de nas rten gyi gang zag de 'bras bu'i gnas skabs su 'gyur te/ shes rab le'u thob pa'i sgo nas so/ /sems can gyi don la mngon par 'du mi byed pa'i sa zhes bya ba mnyam par bzhag pa'i sgo nas stong pa nyid shas che bas rjes thob sems can la dmigs pa shas chung ba'o/ /de nas rten gyi gang zag gzhan don can du 'gyur te/ smon lam gyi le'u thos pas so/ /ting nge 'dzin la dbang ba'i sa zhes bya ba mnyam gzhag stong pa nyid la goms par byas nas de nas rjes las thob pa'i dus su 'khor ba'i sems can la dmigs nas/ don dam par ni chos thams cad stong zhing bdag med pa de ltar yin pa la/ kun rdzob sgyu ma tsam du 'khor ba'i sems can rnams kyis 'khrul pa'i stobs kyis da ltar dmyal ba la sogs pa na du kha bas de rnams du kha de rnams dang bral bar 'dod pa'i byams pa dang/ dmyal ba'i tsha grang la sogs pa la dmigs pa'i snying rje skye ba'o/ /de ltar byams pa snying rje mtshungs par ldan pa skyes nas 'khor ba pa rnams la snying rje lhun grub tu skye ste/ de'i dus su gzhan don byed pa la 'bad rtsol bya mi dgos par lhun grub tu 'byung pa'o/ /de ltar sems smad bcu po des lo ga pa'i sa bcur 'gro ba'i rim pa'o/ de ni lo ga las 'das pa'i sa bcur 'gro ba'i rim pa bshad na dang po ste/ rten gyi gang zag gi rigs de ni ji skad bya ba'i rigs yin na/ 'bras bu dang mthun pa'i rigs 'di ni sa gnyis pa dri ma med pa la seng ge rnam par 'gyings pa'i ting nge 'dzin gyis rjes thob zag pa dang bcas pa dang/ mnyam gzhag zag pa med pa tha mi dad sgrub pa'i rigs so/ /'o na sa dang po byas pa la/ spyir na lam bzhi ste/ thar pa'i cha dang mthun pa'i lam dang/ nges par 'byed pa'i cha dang mthun pa'i lam dang/ slob pa phyir mi ldog pa'i lam dang/ mi slob pa mthar phyin pa'i lam mo/ /de las thang pa'i cha dang mthun pa'i lam ni tshogs kyi lam chung 'bring che gsum mo/ /de la tshogs lam sbyir slob pa phyir mi ldog pa bdun man chad mi slob phyir mi ldog 'bras bu'i sa gsum yin te 'dir slob pa sa bcu pa mi slob sangs rgyas sa la chung du'i dus su dran pa nye bar bzhag pa bzhi/ tshogs? lam 'bring gi dus su yang dag par spong tshogs lam bzhi po de'i rang dang spyi'i mchan nyid shes rab kyis rtogs te mthong ba rnams dran pas gsal bar 'dzin te dran pa shas che bas dran nyer bzhi'o/ /ba bzhi/ byas ches tshogs la ma chen po'i dus su rdzu 'phrul gyi rkang pa bzhi'o/ /de las rgyas par bshad na tshogs lam chung du'i dus su dran pa nye bar bzhag pa bzhi rgyud la ji ltar skye zhe na/ lus dran pa nye bar bzhag pa zhes bya ba mu stegs pa lus 'di gtsang bar 'dzin pa yin pa las/ de las bzlog nas mi gtsang ba'i rdzas sum cu rtsa gnyis su go ba'o/ /tshor ba dran pa nye bar bzhag pa zhes bya ba mu stegs pa tshor ba bde bar shes shing zhen pa las/ de las bzlog nas tshor ba bde ba dang du kha dang btang snyoms gsum du rtogs pa gsum po de nyid kyang mi rtag par shes shing go ba'o/ /chos dran pa nye bar bzhag pa zhes bya ba/ mu stegs pas dngos po'i chos thams cad rtag par lta ba la/ de las bzlog nas dngos po'i chos thams cad sgyu ma lta bur shes shing go ba'o/ /sems dran pa nye bar bzhag pa zhes bya ba/ mu stegs pas sems rtag pa brtan pa mi 'gyur par lta ba la/ de las bzlog nas sems dus gsum du shes pa ste/ dus gsum du shes pas 'das pa'i sems ni 'gags shing zhig/ ma 'ongs pa'i sems ni ma skyes/ da ltar ba'i sems 'jig pa la phyogs par shes pas mi rtag cing mi brtan par shes shing go ba'o/ /de ni tshogs la ma chung du'i dus su blo skye lugs so/ /'di rnams kyang dran pa nyer gzhag shes rab steng ces pas ngo bo shes rab tu gcos? kyang grogs kyi sgo nas bzhir phye de bzhin du yang dag smos pa brtson 'grus/ rdzu 'phrul rkang pas mi taM? ces/ ` da ni tshogs la ma 'bring gi blo skye lugs ni/ yang dag par spong ba bzhi rgyud la skye ste/ yang dag par spong ba bzhi ni dge ba'i chos ma skyes pa bskyed pa dang/ dge ba'i chos skyes pa rnams yang dag par srung ba dang/ mi dge ba'i chos skyes pa rnams yang dag par spong ba dang/ mi dge ba'i chos ma skyes pa rnams mi skyed par srung ba'o/ /de nyid rgyas par bshad na/ dge ba'i chos ma skyes pa bskyed pa tshogs gsog pa'o/ /dge ba'i chos skyes pa rnams yang dag par srung ba ni bslab bya la nan tan du byed pa'o/ /mi dge ba'i chos skyes pa rnams yang dag par spong ba ni sdig pa spyod ba'i thabs yan lag bdun pa la sogs pa'o/ /mi dge ba'i chos ma skyes pa ni skyed pa ni sdom pa bsrung ba'o/ /de ni tshogs lam 'bring po'i rgyud la skye bar 'gyur ba'o/ /` de nas tshogs lam chen po'i dus su ni rdzu 'phrul gyi rkang pa bzhi rgyud la skye bar 'gyur ba'o/ /rdzu 'phrul gyi rkang pa bzhi gang zhe na/ 'dun pa'i rdzu 'phrul gyi rkang pa dang/ brtson 'grus kyi rdzu 'phrul gyi rkang pa dang/ sems kyi rdzu 'phrul gyi rkang pa dang/ spyod pa'i rdzu 'phrul gyi rkang pa'o/ /de nyid rgyas par bshad pa las/ 'dun pa'i rdzu 'phrul gyi rkang pa zhes bya ba ni/ ting nge 'dzin 'dod pa'i dad pa lhag par che ba'o/ /brtson 'grus kyi rdzu 'phrul gi rkang pa zhes bya ba ni/ ting nge 'dzin skye ba'i grogs sbyor ba gzhan gyis bar mchod par skye ba'o/ / sems kyi rdzu 'phrul gyi rkang pa zhes bya rkang pa la brten nas 'gro 'ong byed pa ltar ma ma til? brten nas rdzu 'phrul 'ong bas so ces/ ba ni/ brtson 'grus kyis grogs byas nas sgrub pas sems las su rung bar byas pa'o/ /dpyod pa'i rdzu 'phrul gyi rkang pa zhes bya ba ni/ rtog pa dang dpyod pa'i sgo nas bsam gtan bzhi rgyud la skye ba'o/ /bsam gtan bzhi nyid rgyud la ji ltar skye zhe na/ 'dod pa'i khams kyi mnyam par ma bzhag pa'i sems 'di nyid kyis bsam gtan dang po bsgom pa'i dus su rtog dpyod kyis 'dod ba'i nyes dmigs shes nas spangs bas/ shes pa rtse gcig tu bzhag pas rtogs pa 'byung ste/ rtse gcig tu bzhag pa'i shes pa 'di bying nas 'dug gam/ rgod nas bdun gam snyam du rtog pa 'byung pa'o/ /de nas dpyod pa 'byung ste/ bying ba'i bye brag gnyid dang rmugs pa la sogs pas byed dam/ rgod pa'i bye brag gzugs sgra dri ro la sogs par 'phros sam snyam pa'i dpyod pa 'byung ba'o/ /de nas de ltar rtog dpyod du skye ba'i shes pa de nyid kyang bkag nas dbang po drug gi sgo bkag nas yul drug la rgyu ba bcad nas sgom pa'i shes pa rtse gcig pa de'i nang du dga' ba dang bde ba gnyis skye ste/ lus bde ba ldang ba yang pa dang zo mdog ba de ba la sogs pa dang/ sems dga' ba sngar nyams su ma myong ba rnams myong bar 'gyur te/ nyams su myong ba de'ang sems can gyi khams la mas kyis bcal na rnam par mi rtog pa dang 'brar rung ba rtog bcas kyi shes pa rags pa rnams 'gags nas mi rtog pa'i yid bde ba skye ba'o/ /de ltar bsam gtan dang po la rtse gcig pa dang gcig/ rtog pa dang gnyis/ dpyod pa dang gsum/ dga' ba dang bzhi/ bde ba dang lnga skye bar 'gyur ro/ /chos de lnga de ltar skyes kyang bsam gtan dang po'i bde ba de rtog dpyod sngon du song nas skyes pas na 'di man chad mes 'jig pa'i rgyu mtshan yang ? bsam gtan dang po ni me lta bu'i bsam gtan zhes bya'o/ /de nas bsam gtan gnyis pa sgom pa'i dus su bsam gtan dang po'i rtog dpyod gnyis por la shes pa rtse gcig pa'i nang du dga' tha dad bde ba dang nang rab tu dang ba zhes bya ba dga' ba dang bde ba de gsal la mi rtog pa'i rang bzhin du skye ba'o/ /de ltar bsam gtan gnyis pa la dga' pa dang bde ba dang rtse gcig pa dang nang rab tu dang ba chos bzhi'i ngo bor yongs su rdzogs par 'gyur ro/ /de ltar dga' ba dang bde ba dang rab tu dang ba'i bdag nyid kyis chu ma rnyogs pa bzhin du gsal la mi rtog par skye bas na/ 'di man chad chus 'jig co'o? bsam gtan gnyis pa nid+ga' bde chu lta bu'i bsam gtan zhes bya'o/ /de nas bsam gtan gsum pa sgom pa'i dus na/ bsam gtan gnyis pa sgom pa'i dga' ba dang bde ba de yang nad dang shu ba dang zug rdu? lta bur bltas te spangs nas shes pa rtse gcig pa de'i nang du/ nang rab tu dang ba gsal ba mi rtog pa nges zag pa dang bcas pa'i bsam gtan bya ba skye ste/ dngos po 'dus byas kyi chos 'di thams cad dkar po la sogs pa'i kha dog gam/ gru bzhi la sogs pa'i dbyings sam/ mdro na gzung bar bya ba yul gyi char gtogs pa dang/ der 'dzin gyi shes pa 'dzin char gtogs pa thams cad mnyam pa nyid du shes pa btang snyoms su skye ba ni zag bcas kyi btang snyoms so/ /de ltar zag bcas kyi btang snyoms skye ba'i dus su nang rab tu dang ba shes rab kyi cha des zag pa dang bcas pa'i chos thams cad skad cig yul tsam gyis g.yo 'gul rlung lta bu'i shes rab des mnyam pa nyid du btang snyoms su byas pas na/ kbsam gtan gsum pa ni g.yo 'gul rlung lta bu'i bsam gtan zhes bya'o/ /rlung gis 'jig/ de nas bsam gtan bzhi pa sgom pa'i dus su rtse gcig tu gnas pa dang/ nang rab tu dang ba'i shes rab des bsam gtan gsum pa'i zag pa dang bcas pa'i chos thams cad 'bad rtsol du ma gcig dang bcas bas btang snyoms su byas pa yin la/ bsam gtan bzhi pa'i dus 'dir 'dus ma byas kyi btang snyoms bya ba skye ste/ bsam gtan gsum pa bzhin du dmigs par bya ba'i yul dang 'bad rtsal med par ming dang tshig dang yi ge la sogs pa'i rnam par rtog pa gang yang mi skye ste/ thams cad mnyam zhing mi g.yo pa'i rnam rtog thams cad nub pa'i btang snyoms brtan zhing mi 'gyur ba/ du ba la sags gang gis kyang mi lto/ bsam gtan la gnad pa'i tshong ba gang gis kyang bskyod pa 'am sgul par mi nus pa/ ston ka'i nam mkha' i dkyil lta bur rtogs pa 'byung bas na/ bsam gtan bzhi pa ni 'gyur med nam mkha' lta bu'i bsam gtan zhes bya'o/ /'di nas 'byung bas mi 'jig ces/ bsam gtan bzhi po de dpyod pa'i rdzu 'phrul gyi rkang pa las skye bar 'gyur ro/ /de rnams ni tshogs lam chen po la gnas ba'i rgyud la skye bar 'gyur ro/ / de ltar tshogs lam mthar phyin pa des sbyor ba'i lam nges par 'byed pa'i cha bzhi rgyud la skye bar 'gyur te/ nges par 'byed pa'i cha bzhi gang zhe na/ drong dang/ rtse mo dang/ bzod pa dang/ lo ga chos kyi mchog go / de rnams rim par rgyud la ji ltar skye zhe na/ dper na me 'byin pa'i dus su gtsu ba shing gis gtsubs pas dang por dro ba 'byung/ de nas du ba 'byung/ de nas me skar 'byung/ de nas me chen po 'byung/ dpe de bzhin du khams gang ma'i sems kyi/ chos kyi dbyings spros pa dang bral ba la dmigs kyi na bsgoms pas dro ba dang 'dra ba'i drod snang ba thob pa'i ting nge 'dzin/ 'thob/ drod thob nas chos kyi dbyings der shes pa spros bral du res gtad gtub res gtang du mi gtub mi brtan pas na/ dper na shing gi rtse mo g.yo ba dang 'dra bas na rtse mo snang ba mched pa'i ting nge 'dzin skye bar 'gyur ro/ /g.yo ba'i dus de nyid du bsnan cing bsgoms pas snga ma bas bcod pa brtan pa na/ me skar dang 'dra ba'i bzod pa de kho na nyid kyi phyogs gcig la mi skrag pa thob par 'gyur ra/ /me cher bus na bsreg pa la sogs pa byed pa dang 'dra bar lo ga chos kyi mchog de ma thag pa'i sa ma ti?/ sngar skye ma myong ba'i chos nyid rgyud la skyes bas dpa' bar 'gro ba'i ting nge 'dzin dang/ rin chen phyag rgya dang/ dbung bkod pa la sogs pa'i ting nge 'dzin thob par 'gyur ra/ /de la nges par 'byed pa'i cha bzhi'i dus su chos gang dang gang rnams rgyud la skye zhe na/ drod kyi dus su dbang po lnga'i gzugs brnyan/ rtse mo'i dus su dbang po lnga yongs su rdzogs par 'gyur/ bzod ba'i dus su stobs lnga'i gzugs brnyan/ chos mchog gi dus su stobs lnga phongs su rdzogs par 'gyur ba'o// de nyid rgyas par bshad pa/ de la drod kyi dus su dbang po lnga'i gzugs brnyan ji ltar rdzogs par 'gyur zhe na/ de las dang dkon mchog la shes pa gtad pa'i dus su cur de yid yangs pa'i dus su yid mi ches pa'o/ dad pa'i dbang po dang/ nan tan du go cha bshes na brtson 'grus yong ma bgos na med pa'o/ brtson 'grus kyi dbang po dang/ dran pa'i dbang po dang/ 'dris pa'i dngos po bsams na dran ma bsams na mi dran pa'o/ ting nge 'dzin gyi dbang po dang/ mnyam par bzhag na rtse gcig tu gnas ma bzhag na mi gnas pa/ shes rab kyi dbang po ste/ chos rnam par 'byed nges med pas/ de lnga'i gzugs brnyan du rdzogs par 'gyur ba'o/ /'di lnga'i dbang gis sems las su rung ba'i rgyud la thar cha'i dge rtsa skye ba la dbang bas dbang po zhes bya'o/ rtse mo'i dus su dbang po lnga yongs su rdzogs par 'gyur ro/ /de la dad pa'i dbang po zhes pa ni/ las dang/ dkon mchog la dus dang gnas skabs thams cad du yid ches pa'o/ /brtson 'grus kyi dbang po zhes bya ba ni/ bsgrub bya myur du sgrub pa la rkyen le lo/ gang gis kyang bar du mi chod pa'o/ /dran pa'i dbang po zhes pa ni/ 'dris pa'i dngos po byang chub sems dpa' i bslab bya thams cad mi brjed par dran pa'o/ / ting nge 'dzin gyi dbang po zhes bya ba ni/ ched du byas rung ma byas rung shes pa rtse gcig tu bslab pa'o/ /shes rab kyi dbang po zhes bya ba ni/ ting nge 'dzin las byung pa'i gzugs brnyan bstan du med pa thogs pa med pa dpag tu med pa rgyud la skye bar 'gyur ba'o/ /bzod pa'i dus su stobs lnga'i gzugs brnyan rdzogs par 'gyur zhes pa/ dad pa'i stobs zhes bya ba ni/ yid mi ches pa'i rgyu lta ba dang the tshom bye brag dpag tu med pa yod pa la/ de rnams res 'joms nus res mi nus mi brtan pa'o/ /brtson 'grus kyi stobs zhes bya ba ni/ le lo/ dad pa la sogs pa 'di rnams yun ring du bsgoms bsam dad pa la sogs pas bar du bcad mi nus pas dad pa la sogs pa'i stobs bskyed paS na dang snyom las rnams res 'joms nus res mi nus pa'o/ /dran pa'i stobs zhes bya ba ni/ rjed ngas pa rnams res 'joms nus res mi nus pa'o/ /ting nge 'dzin gyi stobs zhes bya ba ni/ rnam par/ dad pa'i stobs ces bsogs so// g.yeng ba rnams res 'joms nus res mi nus ba'o/ /shes rab kyi stobs zhes bya ba ni/ gti mug gam ma rig pa'i mun pa rnams res 'joms nus res mi nus pa'o/ /chos mchog gi dus su stobs lnga yongs su rdzogs par 'gyur zhes bya ba ni/ dad pa'i stobs zhes bya ba ni/ dad pa med pa dang yid mi ches pa rnams rnam pa thams cad du choms shing spong nus de bzhin du lnga ka res 'jog med par spong nus pa'o/ /de ltar nges par 'byed pa'i cha bzhi la gnas pa'i rten gyi gang zag la chos de rnams skye bar 'gyur ro/ ` /de ltar lo ga chos mchog gi dus su chos lnga po de rgyud la skyes shing rdzogs pa'i dus su/ de ltar nges par 'byed pa'i cha bzhi'i sgom lam yin tsa na sgom lam gyis de ltar sgoms pas dpa' ba 'gro ba'i ting nge 'dzin la sogs pa skye par 'gyur zhing mthong ba'i lam skye ste/ sangs rgyas kyi thugs rnam par mi rtog pa rgyud la skye zhing mthong bar 'gyur ro/ / de ltar rab tu dga' ba'i sa skyes pas na/ sa dang po rab tu dga' ba zhes bya'o/ /de nyid spyod pa la 'jug pa dang sbyar na/ rigs de dang 'dra ba gcig la da res rten gyi gang zag zhes bya'o/ /de la phan yon gyi le'u rgyud la goms par byas thob pas/ gtso bo'i don gyi dbang du byas na bsam pa zhes bya ba 'byung la/ sa'i dbang du byas nas dang po rab tu dga' pa zhes bya'o/ /ci'i phyir sa dang po rab tu dga' ba yin na/ lo ga pa'i sgom lam gyis bsgoms pas/ mthong lam du chos nyid kyi dga' ba shas che bas na sa dang po rab tu dga' ba zhes bya'o/ /de nas rten gyi gang zag des sdig pa bshags pa'i le'u'i don rgyud la goms par byas pas gtso bo'i don gyi dbang du byas na gzhan don lhun grub byed nus pas na 'am 'chal tshul lhag par sbyor nus pas na lhag pa'i bsam pa zhes bya ba 'byung la/ sa'i dbang du byas na gnyis pa dri ma med pa zhes bya'o/ /ci'i phyir gnyis pa dri ma med pa yin na/ sa gnyis pa la shi la 'chal pa'i dri ma med pa'i phyir nas gnyis pa dri ma med pa zhes bya'o/ /de nas rten gyi gang zag nges byang chub kyi sems gzung ba'i le'u rgyud la goms par byas bas gtso bo'i don gyi dbang du byas na sngon smon lam btab pa bzhin de lta byed nus pas/ smon lam zhes bya/ sa'i dbang du byas na gsum pa 'od byed pa zhes bya'o/ /ci'i phyir sa gsum pa 'du byed pa zhes bya zhe na/ sa gsum pa'i dus su lus brgyar sprul nas zhing khams brgyar chos nyan cing thos bsam gyi don byed pas na sa gsum pa 'od byed pa zhes bya'o/ /de nas rten gyi gang zag des byang chub kyi sems gzung ba'i le'u rgyud la goms par byas pas gtso bo'i don gyi dbang du byas na go cha zhes bya/ sa'i dbang du byas na sa bzhi pa 'od 'phro ba zhes bya'o/ /ci'i phyir sa bzhi pa 'od 'phro ba zhes bya zhe na/ sgom sgrub kyi ye shes kyis 'od 'phro ba'i phyir na sa bzhi pa 'od 'phro ba zhes bya'o de nas rten gyi gang zag bag yod kyis gzhan don go 'god pas des shes bzhin gyi le'u rgyud la goms par byas pas gtso bo'i don gyi dbang du byas na 'jug pa zhes bya/ sa'i dbang du byas nas lta pa sbyang dka' ba zhes bya'o/ / ci'i phyir sa lnga pa sbyang dka' ba zhes bya zhe na/ sa lnga pa la snang ba dang stong pa zung du 'jug pa las snyoms par 'jug dka' bas na sa lnga pa sbyang lus ngag yid gsum mtshungs par 'jug pa'i spyod pa byed nus pas/ dka' ba zhes bya'o/ /de nas rten gyi gang zag des bzod pa'i le'u rgyud la goms par bsgoms pas gtso bo'i don gyi dbang du byas na du kha thams cad bzod pas bzod pa zhes bya/ sa'i dbang du byas nas drug pa mngon du gyur pa zhes bya'o/ / ci'i phyir sa drug pa mngon du gyur pa yin na/ sa drug pa la shes rab shas che ba yin pas mtshan ma rags pa med? pas byung bas na sa drug pa mngon du gyur pa zhes bya'o/ /de nas rten gyi gang zag des brtson 'grus kyi le'u rgyud la goms par bsgoms pas gtso bo'i don gyi dbang du byas na yang dag par 'grub pa zhes bya/ sa'i dbang du byas na sa bzhi dang rten 'brel lugs 'byung lugs ldog gnyis mngon du gyur/ bdun pa mtshan ma las ring du song ba zhes bya ba'o?/ / ci'i phyir sa bdun pa mtshan ma las ring du song ba zhes brtson 'grus mgo la me shor ba dang 'dra ba yod pas na/ bya zhe na/ sa bdun pa la mtshan ma rags pa rnams nub nas phra mo las mi 'byung bas mtshan ma las ring du song bas nas bdun pa mtshan mas? las ring du song ba zhes bya'o/ /de nas rten gyi gang zag des bsam gtan gyi le'u rgyud la goms par bsgom pas gtso bo'i don gyi dbang du byas na tshogs zhes bya/ sa'i dbang du byas na sa brgyad pa la zag pa med pa las mi g.yo ba zhes bya'o/ / ci'i phyir sa brgyad pa la zag pa med pa la mi g.yo zhes 'i? don/ bya zhe na/ sa brgyad pa la mchan ma thams cad nub nas chos nyid sa brgyad pa 'grub pa'i tshogs yin pas/ mngon sum du grub pas na sa brgyad pa zag pa med pa las mi g.yo ba zhes bya'o/ /de nas rten gyi gang zag nges shes rab kyi le'u rgyud la goms par bsgoms pas gtso bo'i don gyi dbang du byas na 'bras bu zhes bya/ sa'i dbang du byas na sa dgu pa gzungs dang spobs pa'i sa zhes bya'o/ /ba? 'byung la/ ci'i phyir dgu pa la gzungs dang spobs pa'i sa zhes bya zhe na/ sa dgu pa la skal pa ji lta ba bzhin du sems can gyi don don dam rtogs shin khang du chud pas/ byed pa dang/ sangs rgyas kyi ye shes thams cad sgrub par byed pas gzungs dang spobs pa'i sa zhes bya'o/ /de nas rten gyi gang zag des smon lam gyi le'u'i don rgyud la goms par bsgoms pas gtso bo'i don gyi dbang du byas na gzhan don zhes bya/ sa'i dbang du byas nas bcu pa chos kyi sprin zhes bya'o/ /ci'i phyir sa ba 'byung la/ bcu pa chos kyi sprin zhes bya zhe na/ de ltar gzungs dang spobs pa mthar bdag 'dzin spangs gzhan don 'ba' zhig gtsor byas pas/ phyin pa de las dpe sprin las char 'byung ba bzhin du/ chos kyi sprin las 'phrin las gyi char 'bab pas na sa bcu pa chos kyi sprin zhes bya'o/ /des ni lo ga las 'das pa'i sa bcu dang sbyar te bshad pa'o// // ` yang gang zag log par rtog pa can gyi bsam pa la/ 'o na nyon mongs pa rnams kyi gnyen por ji ltar 'gyur zhe na/ de'i don bshad pa rigs 'di ni tshogs lam chung du'i rigs can gcig gis bsgrubs na/ rten gyi gang zag des phan yon gyi le'u rtogs pas bsam pa skye/ de ltar bsam pa skyes pas so so'i skye bo gcig la gcig gis phrag dog dang gshe ba'i gnyen por 'gyur/ bsam pa de lam gyi dbang du byas na tshogs lam chung du'i gnas skabs na skye ba'o/ /de nas rten gyi gang zag des sdig pa bshags pa'i le'u rtogs shing goms pas ltag pa'i bsam pa skye/ de ltar lhag pa'i bsam pa skyes pas theg pa chen po'i log pa'i lam nyan rang la sogs pa'i lam sgrub pa pa'i gnyen por 'gyur te/ lam 'og ma ni shes nas spong bar byed la/ theg chen gyi lam shes nas sgrub par byed par 'gyur ro/ /ltag pa'i bsam pa de lam gyi dbang du byas na// di'ang tshogs lam chung ngu'i gnas skabs su skye'o/ /de nas rten gyi gang zag nges byang chub kyi sems bzung ba'i le'u go zhing rtogs pas/ smon lam rgya chen po 'debs shing smon par 'gyur ro/ /de ltar smon lam rgya chen po 'debs shing smon pa nges/ ma 'ongs pa'ang smon lam 'debs na/ da ltar gyi bya ba rgyu thos pa dang bsam pa rdzogs pa dang rjed pa thams cad gsal btab nas byed phar 'gyur te de ltar gnyen por 'gyur ba'o/ /de la lam gyi dbang du byas na de'ang tshogs lam chung du'i gnas skabs na yod do/ /de nas rten gyi gang zag des bag yod kyi le'u go zhing rtogs pas go cha chen po'i blo skye ste/ des nyon mongs pa bag la nyal gyi gnyen por 'gyur te/ tshe rabs thog ma med pa nas mngon par zhen pa'i bdag dang sems can mnyam par shes nas bdag gzhan gnyis ka'i don du go cha chen po 'god par 'gyur pa'o/ /de'ang lam gyi dbang du byas na tshogs lam chung ngu'i gnas skabs na yod pa'o/ /de nas rten gyi gang zag des shes bzhin gyi le'u go zhing rtogs pas 'jug pa'i blo skye ste/ de ni theg pa dman pa'i blo skye ba'i gnyen por 'gyur te/ theg chung las blo log nas theg chen gyi phyogs su gtso bor sems 'jug/ sems zhugs pa dang grogs dran pa dang shes bzhin kyang zhugs pas theg pa dman par mi ltung nges pa'o/ /de'ang lam gyi dbang du byas na tshogs lam chung ngu na yod do/ /de nas rten gyi gang zag des bzod pa'i le'u rtogs shing goms pas bzod pa thob te/ bzod pa thob pas mtshan ma rags pa la mngon par 'chal pa'i gnyen por 'gyur te/ mtshan ma rags pa gzugs sgra dri ro la sogs pa la brten pa'i khro ba dang/ khon du 'dzin pa la sogs pa'i gnyen por du kha dang du len pa'i bzod pa dang/ gnod pa byedpa la ji mi snyam pa'i bzod pa dang/ chos la nges par sems pa'i bzod pa gsum skye bar 'gyur ro/ /de lam gyi dbang du byas na chogs lam 'bring na yod do/ /de nas rten gyi gang zag des brtson 'grus kyi le'u go zhing rtogs pas yang dag par 'grub pa'i bsam pa skye ste/ mtshan ma phra mo tsam duAng mi rtog pa'i gnyen por 'gyur te/ yang dag par 'grub pa ni brtson 'grus yin pas bzod pa dang ldan pa'i brtson 'grus kyis nyon mongs pa'i mngon 'gyur spong bar 'gyur ro/ /de'ang lam gyi dbang du byas na tshogs lam 'bring ngo/ /de nas rten gyi gang zag des bsam gtan gyi le'u go zhing rtogs pas tshogs kyi bsam pa skye ste/ tshogs zhes pa ni bzod pa dang brtson 'grus kyis bsags pa'i dge ba'i rtsa ba thams cad bsam gtan gyi nang du sdud pa la bya ste/ dngos su na tshogs bsam gtan la bya'o/ /tshogs des mtshan ma med pa 'ba' zhig la 'chol ba'i gnyen po 'gyur te/ stong pa 'ba' zhig la 'chol ba'i rten gyi gang zag yod de/ des mi 'ong bya ba'i brdar bzod pa dang zhing brtson 'grus kyi g.yabs pa'i shi li'i pa ra la sogs pa dang/ bsam gtan du bsgoms pa'i chos thams cad stong zhing bdag med par byas pa dang/ de ltar byas pas thabs shes rab zung du 'brel par yod dgos par bston pas/ stong pa nyid 'ba' zhig bsgoms pas mi 'ong bar bstan pa'o/ /de lam gyi dbang du byas na tshogs lam chen po na yod do/ /de nas rten gyi gang zag des shes rab kyi le'u go zhing rtogs pas 'bras bu'i bsam pa skye ste/ 'bras bu zhes bya ba ni don dam pa'i bden pa ste/ sems can gyi don tsam duAng mi rtog pa'i gnyen por 'gyur ste/ ji ltar 'gyur na/ byang chub sems dpa' i spyod pa thams cad gzhan don yin pa las/ don dam pa'i bden pa bshad pas 'o na byang chub sems dpa' i spyod pa gzhan don yang med dam snyam pa la/ de'i gnyen por bdag gzhan gnyis ga zhes bya bar grub pa med pas na rtog pa thams cad las 'das par don dam pa'i bden pas bstan pa'o/ /des lam gyi dbang du byas na tshogs lam chen po'o/ /de nas rten gyi gang zag des smon lam gyi le'u go zhing rtogs pas gzhan don gyi bsam pa skye ste/ chos nyid sgros pa dang bral ba la rtog pa med bzhin du dpag bsam gyi shing dang/ nor bu rin po che dang/ mkha' lding gi rten bzhin du gzhan don lhun grub tu 'byung ba'o/ /des ni chad par lta ba'i gnyen po ste/ byang chub sems dpa' i spyod pa rnams don med du mi 'gyur te/ rang gzhan gnyis ka'i don du 'gyur ba'o/ /de lam gyi dbang du byas na tshogs lam chen po na yod pa'o /des ni spyod 'jug 'di nyon mongs pa'i gnyen por 'gyur lugs don gyi phyogs 'ga' tsam bstan nas dgag bya rnam bcad kyi dbang du byas na'o/ /de rnams kyis log par rtog pa phyogs 'ga' dgag pa'i phyir dgag bya rnam bcad du bshad pa/ bla ma gser gling pa'i dgongs pa phyin ci ma log par ti paM ka ra sh+rI dz+nyA nas bkod pa rdzogs so/ / //'phags pa 'jam dpal rnon po la phyag 'tshal lo/ /spyod pa la 'jug pa 'khor lo lta bu'i lam lan bcu dgur 'khor ba'i sgo nas lam rgyud la ji ltar bskyed?/ pa'i rim pa dag bshad par bya ste/

CLOSE WINDOW