བོད་ཡིག

e-texts based on the ACIP/ALL Input

/ rgya gar skad du/ Arya pradz+nyA pa ra mi ta ma hA pa ri prits+tsha nA ma/ bod skad du/ 'phags pa shes rab kyi pha rol tu phyin pa tshigs su bcad pa chen po zhes bya ba// sangs rgyas dang byang chub sems dpa' thams cad la phyag 'tshal lo/ / /rtogs pa'i nyi zlas ma rig log rtog bcom/ /thugs rje'i dbang gis 'gro rnams smin grol mdzad/ /don gnyis mthar phyin smra ba'i seng ge la/ /lus dag yid gsum dang bas phyag 'tshal lo/ /brjod bya'i snying po rtsa ba bral ba yi/ /gnyis med shes rab pha rol phyin 'di la/ /rtag chad dmigs pa'i mdza' las grol bar ni/ /ci nus par ni 'gro la phan phyir bshad/ / bca' gzhi gsum gyis bka' yi thog tu bzhag / bcos slad med pa'i rig pa ngos bzung ngo/ /'khor 'das gnyis kyi rtsa bar gyur pa'i sems de la rgyu rkyen gang yang ma grub pas/ skye med gcig chod rang bzhin stong pa nyid/ de ltar rtogs na sdong po rtsa bcad bzhin/ /rtogs pa'i yal ga nam yang skye mi 'gyur/ /dngos dang dngos med blo la snang ba yi/ /rgya che'i mchod pas bla ma dkon mchog mchod/ /phyag dang mchod pa phul nas ni/ /gus pas skyabs 'gro sems bskyed blangs/ /srod gcod la sogs mi dge bcu/ /bdag spong gzhan yang de la bskul/ /srog gcod spong ba de dag gis/ /mthun 'gyur legs par brjod par bya/ /mi dge bcu po spangs tsam gyis// lam mchog rnyed par ga la 'gyur/ /pha rol phyin pa drug las ni/ /bdag spyod gzhan yang de la bskul/ /pha rol phyin pa drug po yi/ /mthun 'gyur legs par brjod par bya/ /pha rol phyin pa drug la sogs/ /dge bcu la sbyar gyur kyang/ rlom sems skyes na de las bzlog /gnyis med pha rol phyin pa'i don/ /dge sdig blang dor de dgos kyis/ /mdza' dang bral bar ma rtogs na/ /'dus byas dge ba byas gyur kyang/ /tshe 'di nyid la grol mi 'gyur/ /des na 'dus byas 'dus ma byas/ /dkar dang nag po'i chos rnams kun/ /rdul tsam dmigs par mi bya'o/ /'on kyang thams la ma brten pa'o/ /shes rab mngon du mi 'gyur te// /so nam sngon du ma song ba'i// lo thog mi 'byung ba dang mtshungs/ /shes rab pha rol phyin pa yi/ /don la nges par ma spyad na/ /sbyin dang tshul khrims bzod pa dang/ /brtson 'grus bsam gtan spyad gyur kyang/ /long ba sna gzhug stong ba bzhin/ /lam rgyus rnyed par ga la 'gyur/ /gzhan nas mi 'tshol dang la yod/ /lhan cig skyes pa'i ye shes ni/ /dngos dang mtshan mar ma grub pa'i/ /rang bzhin 'od gsal chen po'i don/ /yid la byed pa kun dang bral/ /dran rtog rang bzhin gyis sangs pa'i/ /sangs rgyas rjes su dran par sgom/ /phyi nang lha 'dre 'khor dang bcas/ /snang dang stong pa la sogs pa/ /gnyis snang bral na sangs rgyas yin/ /dgongs pa ma nor ma bcos pa'o/ /dper na nam mkha' i dbyings dang mtshungs/ / thabs kyi mchog tu gyur pa ni/ /dbyings dang rig pa bsre ba'o/ /dbyings rig 'dres pa'i dus dag tu/ /dngos dang mtshan ma dgag sgrub dang/ /dmigs par 'dzin pa rang sangs te/ /gzung 'dzin gnyis dang bral ba yi/ /chos nyid don la gnas pa'o/ /de ltar lus sems ma bcos par/ /nam mkha' stong pas gang khyab pa/ /rig pa so mas khyab par ni/ /rgyu bskyed khyab gang la chen por bzhag /de tshe rig pa gzhi rtsa dang bral bar nyams su myong ba ni/ dbang po lnga dang phyi rol yul/ /rig pa gang la yang mi gnas so/ /g.yang khang dur khrod gnyan sa dang/ /grong dang grong khyer chen po dang/ /phug dang phyugs gnas dag tu ni/ /gnyis su med par bsgom par bya/ /bla mas bstan pa'i skye med don/ /spyod lam rnam bzhir nyams su blang/ /de ltar nyams su len pa la/ /pha rol phyin pa'i byin rlabs dang/ /chos rnams stong par rtog pa des/ /bar chad 'byung bar mi 'gyur te/ /stong pa nyid kyi stong nyid las/ /glags rnyed par yang ga la 'gyur/ /chos nyid stong pa'i don rtogs nas/ /rtags sam 'bras bu phyi rol na/ /sgo lnga'i yul du gzugs dang sgra/ /dri ro reg bya ma lus pa /stong pa nyid du rab gsal te/ /nang du nyon mongs dag po dang/ /gzung 'dzin phra mo skyes gyur kyang/ /rang snang rang grol rtsis las 'das/ /de ltar rtogs na chos nyid la/ /gnas shar grol bar 'gyur ba ste/ /gser gling dag tu phyin dang mtshungs/ /skyes bu'i srog rtsa chad gyur na// mig la sogs pa'i dbang po yi/ /sgo lnga ched du dgag mi dgos/ /de bzhin sems nyid rtsad chod na/ /chos rnams stong par rtogs par 'gyur/ /sems nyid rtsa ba gcod pa dang/ /nyon mongs dug la gcod pa dang/ /lta mdza' sgom pa'i 'gyu byed gcod/ /spyod pa'i nyam pa re dogs dang/ /shes pa'i snyems byed gcod pa'i phyir/ /nges pa'i tshig tu gcod ces bya/ /mngon zhen chags sdang thog bcad bdud/ /de la ji ltar spyod zhe na/ /nyams tshad rab 'bring tha ma yi/ /dran med ngang la bzhag pa dang/ /de la gtad de sgom pa dang/ /brtag cing dbyad de gtan la dbab/ /dper na nags chal 'thug po la/ /stobs dang ldan pa'i skyes bu dang/ /rta re rnon po ji bzhin no/ / lha 'dre'i cho 'phrul snyam byed ni/ /thog med gung ces bya ba ste/ /gnyan thog gnyan dbab sha thog tu/ /me tsha a na tshugs su bzhag /dkon mchog gsum la skyabs su 'gro /skad chen thib 'og dbang du bzhugs/ /lha 'dre gnyis la nyi ring spangs/ /gnyan tshan mdza' la gtad par bya/ /gcod kyi chod tshad nyam da bral/ /tshad chad cho 'phrul rang zhi ba/ /ldog tshad bkrag cing da dangs nas bros /mi ldog sgo ldan lta bu ni/ /bkrag cing da dangs yang ni mi 'bros so/ /log non gzer bu lta bu ni/ /btung de de la nan tan bskyed/ /de ni man ngag dam pa'o/ /gnyis med pha rol phyin bsgoms pas /'jig rten lha 'dre ma bzod nas/ /cho 'phrul rnam pa sna tshogs pa/ /dngos dang rmi lam gzi byin sogs/ /de dag kun la nyams len gyis/ /gnyis su med pa'i don la bzhag /'bring gis de la gtad de sgom/ /thams cad la brtag dbyad bya/ /de rjes rig pa bro brten dang/ /bral ba'i nams ni skye bar 'gyur/ /gnyan sang phyin la lha 'dre i/ /gzi byin byung na bem rig phral/ /des kyang zhi bar ma gyur na/ /lus 'di bems pos rdo 'dra/ /de la gnod par mi 'gyur ro/ /sems ni dngos med nam mkha' 'dra/ /de la su gnod su la gnod/ /de ltar bsamS te chos nyid la/ /nyam pa bag tsha med par bzhag /lha 'dres rang lus bems po 'di/ /khyer nas song ba snyam byed kyang/ /sngar gyis las mi g.yo bas/ /gang la'ang nya pa mi bya'o/ /rnam par rtog pa gang skyes bdud/ /de ni rang gi sems las byung/ /sems la byung sa gnas sa dang/ /'gro sa grub pa rdul tsam med/ /grol nas sangs rgyas 'byung mi srid/ /'khrul pas 'khor bar 'khyams mi srid/ /dge sdig las kun rnam par dag /ye dag ye grol ye sangs rgyas/ /sdig la mi 'dzem gol sa yin/ /grub pa'i mthar zhen sgrib pa yin/ /gnyis med rang grol gnas lugs yin/ /chos nyid dang la skyabs 'gro dang/ /sems bskyed gsol ba gdab par bya/ /ngang la bar chang byung ba na/ /gnyan sar phyin la gnyis med sgom/ /sems can gzhan la phan 'dogs na/ /snying rje sngos du 'gro ba yis/ /bdag dang nad pa gdon dang nang/ /thams cad stong par shes byas la/ /phyag bya ba bya zhing stong par sgom/ / des kyang zhi bar ma gyur na/ /gnyan sar skabs 'gro sems bskyed bya/ /lan gsum bar du mdza' bral sgom/ /maN+Dal bcas la shing bu dang/ /rdel bu'i byin rlabs byas la skur/ /steng gi lha rnams dam la thogs/ /'og gi klu rnams zil gyis gnon/ /klu la las ni gang bcol 'grub/ /lha rnams rang sa nas grogs byed/ /klu rnams ma lus bran du khol/ /bla ma yi dam DA ki dang/ /chos skyong rnams kyis bu ltar 'tsho/ /thogs bcas bdud las chod pa yis/ /snang ba dgrar ni ldang mi 'gyur/ /thogs med bdud las chod pa yis/ /gnod sbyin pho mo dam la thogs/ /nyon mongs dgra las rgyal bar 'gyur// de la sogs pa'i phan yon ni/ /dpag tu med pa 'byung bar 'gyur/ /skye med gcig chod bkod pa'i dge ba nges/ /'gro ba kun gyis yum gyi don rtogs shog /shes rab kyi pha rol tu phyin pa tshigs su bcad pa chen mo zhes bya ba/ 'phags pa Arya de bas mdzad pa rdzogs so// paN+Di ta chen po mi pham mgon pos sgra rang 'gyur du mdzad pa'o// // byang chub sems dpa' i spyod pa la 'jug pa'i bshad pa ngo bos mdzad pa'o/

CLOSE WINDOW