བོད་ཡིག

e-texts based on the ACIP/ALL Input

badzra ts+tshe di kA yA pradz+nyA pAr mi tA yA/ bya khya no pa ni band+ha na kA ri kA/ bod skad du/ shes rab kyi pha rol tu phyin pa rdo rje gcod pa bshad pa/ bshad sbyar gyi tshig le'ur byas pa/ 'phags pa 'jam dpal gzhon nur gyur pa la phyag 'tshal lo/ /phan gdags pa yi dam pa ni/ /lus dang 'khor bcas shes par bya/ /thob dang ma thob mi nyams pa/ /yongs su gtad pa'i dam pa yin/ /sems la phan pa'i bsam pa ni/ /rgya chen mchog dang gtan du dang/ /phyin ci ma log gnas pa ste/ /theg pa 'di la yon tan rdzogs/ /zang zing mi 'jigs chos kyi ni/ /sbyin pa pha rol phyin drug ste/ /gcig dang gnyis dang gsum gyis ni/ /lam de 'dir ni mi gnas yin/ /lus dang lan du phan 'dogs dang/ /rnam par smin la chags pa med/ /mi 'jug pa dang gzhan dag tu/ /'jug pa yongs su spang phyir ro/ /'khor du rab tu 'dzin pa des/ /mtshan ma las ni sems bzlog dang/ /phyir zhing the tshom skye ba las/ /sems ni bzlog par byed pa yin/ /'dus byas nyid du kun brtags pas/ /'byor pa'i 'thob pa bzlog par mdzad/ /mtshan nyid gsum ni 'gyur ba'i phyir/ de med pa ni de bzhin gshegs/ /dus na tshe na rgyu dang 'bras/ /bcas par zab par bstan pa ni/ /byang chub sems dpa' gsum ldan pa/ /yod pa'i phyir na don med min/ /sngan chad sangs rgyas gzhan dag la/ /bslab pa'i sgo nas bsnyen bkur byas/ /dge ba dag kyang bskyed pa'i phyir/ /khrims ldan yon tan ldan par bstan/ /gang zag chos dang bcas rnams kyi/ /'du shes spangs phyir shes rab ldan/ /don brgyad yod pa'i bye brag gis/ / 'du shes rnams la brgyad du 'gyur/ /dngos po so so rgyun gyis 'jug/ ji srid 'tsho yi bar du gnas/ /phyir yang 'gro bar sbyor bas na/ /bdag tu 'du shes rnam bzhir 'gyur/ /kun med phyir dang med pa ni/ /yod pa'i phyir dang brjod med phyir/ /brjod pa'i sbyor ba yod pas na/ /chos kyi 'du shes rnam bzhir 'gyur/ /de dag mos pa'i dbang gis na/ /dad pas yang dag 'du shes so/ /sgra bzhin 'dzin pa ma yin dang/ /yang dag bstan pa 'dzin phyir ro/ /sangs rgyas 'bras bus dpog med mdzad/ /smon nas shes pas thugs su chud/ /rnyed dang bkur sti 'dod pa rnams/ /de skad smra ba bzlog pa'i phyir/ /khong du chud pa chos rnams la/ /mi gnas phyir dang mthun pa'i phyir/ /gzings dang 'dra bar yongs su blang/ /de phyir chos kyi dgongs par bzhed/ /sprul pa yin pas sangs rgyas min/ /chos kyang bshad pa med pa yin/ /bstan kyang gnyis su gzung du med/ /tshig lam mtshan nyid min brjod med/ /de 'dzin pa dang bstan pa ni/ /bsod nams sdud phyir don med min/ / bsod nams byang chub ston min dang/ /gnyis ni rtog pa yin phyir ro/ /ngo bo nyid 'thob rgyu yin pas/ /de las gzhan pa skye ba yin/ /sangs rgyas chos rnams ma 'dres phyir/ /mchog yin pas na bsod nams bsgrubs/ /rang gi 'bras bu gzung med phyir/ /gzung du med cing brjod du med/ /sgrib pa gnyis las nges grol phyir/ /rab 'byor 'di la sgrib gnyis med/ /mar me mdzad las sangs rgyas kyis/ /rtogs pa tshig gis blangs pa med/ /de yi phyir na rtogs pa la/ /gzung du med dang brjod med grub/ /ye shes rgyu mthun rnam rig rtsam/ /yin pas zhing du 'dzin pa med/ /lus med phyir dang mchog gi phyir/ /bkod pa med pa bkod par bzhed/ /rdzogs bar longs spyod ri rab ltar/ /rgyal por 'dzin pa yongs mi mnga' / /zag bcas nyid du de med dang/ /'dus byas nyid du med phyir ro/ /mang ba'i bye brag bstan phyir dang/ /khyad par dag kyang bsgrub pa'i phyir/ /snga ma dang ni phyi ma yis/ /bsod nams dpe ni yang bstan to/ /rnam gnyis snod du 'gyur ba dang/ /rgyu mthun yin pas che ba dang/ /kun nas nyon mongs rgyur 'gyur dang/ /dma' bas zil gyis gnon phyir ro/ /de yi 'bras mchog sdug bsngal phyir/ /rnyed dka' i phyir dang mchog phyir dang/ /shes bya'i pha rol phyin med phyir/ /gzhan dang thun mong ma yin phyir/ /shin tu zab pa'i rang bzhin phyir/ /mdo sde gzhan las khyad zhugs phyir/ /rgyu ni dag cing phal chen phyir/ /bsod nams las ni bsod nams 'phags/ /'di ltar dka' ba spyod pa la/ /ci mi snyam pa dge phyir dang/ /de yi yon tan tshad med pas/ /mchog gi don du brjod pa yin/ /bdag tu 'dzin dang gnod sems kyi/ /'du shes med phyir sdug bsngal med/ /spyod pa sdug bsngal 'bras bu can/ /snying rje yod phyir bde dang ldan/ /de phyir sems ni mi btang bar/ /sgrub la 'bad cing bstan par bya/ /bzod pa'i pha rol phyin thob dang/ /de la sbyor las byung ba nyid/ /rgyu yi tshul gyis bsgrub pa ni/ /sems can don du shes par bya/ /sems can dngos po mtshan ma ni/ /yongs su spong bar shes par bya/ /de dngos ming dang phung po yin/ /sangs rgyas yang dag gzigs ldan pas/ /rgyal ba de yi 'du shes dang/ /bral ba'i phyir na de gnyis med/ /'bras bu la ni mi gnas lam/ /de yi 'bras bu 'thob rgyu yin/ /sangs rgyas yang dag gsung ba'i phyir/ /de yang rnam bzhir shes par bya/ /dam bcas theg pa dman pa dang/ /theg pa chen po ston pa dang/ /lung bstan thams cad bstan pa rnams/ /slu bar byed pa min phyir ro/ /des thob min zhing mthun pa'i phyir/ /bden pa med cing rdzun med bzhed/ /sgra bzhin du ni zhen pa yi/ /gnyen po nyid du bstan pa yin de bzhin nyid ni rtag tu yang/ /kun la yod bzhin mi 'thob pa/ /gnas dang bcas pas ma shes phyir/ /gcig shes kyis ni shes phyir 'thob/ /mi shes pa ni mun pa 'dra/ /shes pa snang ba 'dra bar bzhed/ /gnyen po dang ni mi mthun phyogs/ /thob dang nyams par 'gyur phyir ro/ /chos la sgrub pa ji lta bus/ /bsod nams ci 'dra 'thob pa dang/ /las ni gang dang ldan pa de/ /sgrub pa yin te de brjod do/ /yi ge rnam gsum ste/ /chos 'dzin pa dang rgyas thos la/ /don ni gzhan la bdag nyid kyis/ /mnyan dang bsam las chub par 'gyur/ /'di ni bdag smin byed gzhan ni/ /sems can yongs su smin byed yin/ dngos dang dus ni che ba'i phyir/ /bsod nams las ni bsod nams 'phags/ /spyod yul min? 'du? ma 'dres dang/ /de bzhin che ba nyid la brten/ /thos ba rnyed par dka' ba dang/ /khams kyang rgyas byed bla na med/ /dam pa'i chos ni 'dzin pa dang/ /gnas kyang snod du bya ba dang/ /sgrib pa rnams kyang bdag pa dang// mngon par shes pa myur ba dang/ 'jig rten 'byor ba sna tshogs kyi/ /rnam smin shin tu che ba ste/ /'di dag chos la sgrub ba yi/ /las rnams yin par rab tu bstan/ /sgrub pa so so bdag rang la/ /byang chub sems dpar rtog pa yin/ /mi gnas sems ni gang yin pa'i/ /sems kyi sgrub pa yin par bstan/ /phyi nas kyang ni lung bstan phyir/ /mar me mdzad las sbyang mchog min/ /byang chub de yi spyod dang 'dra/ /byas ba'i mtshan nyid kyis mi bden/ /de'i mtshan med pa'i mtshan nyid kyis/ /rdzun pa med ces yongs su bstan/ /de phyir chos rnams sangs rgyas chos/ /thams cad dngos med rab mtshan nyid/ /sangs rgyas chos kyi skur bzhed de/ /mi de dang ni 'dra ba yin/ /sku ni sgrib pa med dang ldan/ /thams cad du ni 'gro ba dang/ /yon tan che ba nyid kyi phyir na/ de nyid sku ni che ba yin/ /med ba'i lus ni yod pas na/ /de ni med ba'i lus zhes bya/ /chos kyi dbyings lam mkhas pa/ / sems can mya ngan 'da' ba dang/ /zhing rnams dag par bya bar sems/ /nges na phyin ci log pa yin/ /sems can byang chub sems dpa' yi/ /chos rnams su zhig bdag med par/ /blos mos 'phags min 'phags pa'ang rung/ /de ni blo dang ldan zhes brjod/ /chos rnams la ni mi dmigs kyang/ /sangs rgyas rnams la spyad med min/ /de la'ang rnam pa lnga yod do/ /nor ba'i don tu gzigs pa'i phyir/ /nor ba'i rnam rig sna tshogs pa/ /dran pa nye bar bzhag med phyir/ /de yi rgyun ni gzhi med de/ /de yi phyir na nor zhes bya/ /bsod nams ye shes gzhi yin phyir/ /nor pa ma yin shes par bya/ /de lta bas na bsod nams phyir/ /dpe ni bzlas te bstan par mdzad/ /dpe byang bzang po zhes bya ba/ /chos kyi skur sgrub pa ma yin te/ /mtshan rnams phun tshogs pa'ang min/ /de phyir sku de'i sku min bzhed/ /chos kyi sku las dbyer med phyir/ /gnyis po de bzhin gshegs med min/ /phun sum tshogs zhes yang brjod pas/ /de phyir gnyis po med las yod/ /sangs rgyas bzhin du bstan med phyir/ /bstan pa rnam pa gnyis las brtags/ /chos kyi dbyings las dbyer med pas/ /bstan pa'ang rang gi mtshan nyid med/ /ston dang bshad bya zab pa la/ /dad med pa ni ma yin te/ /de dag 'phags min 'phags ldan phyir/ /sems can med min sems can min/ /chos rnams rdul tsam med phyir dang/ /chos kyi dbyings la skye med dang/ /dag pa mnyan phyir rang mtshan phyir/ /thabs kyang bla na med pa'i phyir/ /byang chub bla med shes par bya/ /zag dang bcas pa chos min phyir/ /dge ba'i chos rnams ma yin no/ /de phyir de nyid dge ba'i chos/ /bstan pa lung du ma bstan kyang/ /thos par mi 'gyur bzhed ma yin/ /de phyir rin chen chos gcig ni/ /rin chen mdza' yas las kyang 'phags/ /grangs dang mthu dang rigs rnams dang/ /'brel ba dag gi khyad par ni/ /brtags kyang 'jig rten thams cad na/ /dpe byar rung ba mi rnyed ngo/ /chos kyi dbyings ni mnyam pa dang/ /phung po mi bcas chos dbyings las/ /phyi rol ma gyur de yi phyir/ /rgyal bas sems can bkrol ba med/ /dgrol bya'i sems can 'dzin na ni/ /de la chos su 'dzin 'gyur te/ /bdag tu 'dzin dang nyes pa mtshungs/ /gzung du med pas 'dzin par bzhed/ /gang phyir 'khor lo sgyur ba yang/ /de bzhin gshegs pas bkol 'gyur phyir/ /de bzhin gzhegs pa chos kyi sku/ /gzugs kyi sku las brtag pa min// mtshan ni rnam par smin pa yi/ /bsod nams phun sum tshogs pa las/ /chos sku 'thob par mi bzhed do/ /thabs dang mtshan nyid mi 'dra'i phyir/ /chos sku de bzhin nyid yin te/ rnam shes spyod yul yin pa'i phyir/ /gzugs dang de ni sgra tsam las/ /skye bo sangs rgyas mi rtogs so/ /bsod nams chung zad 'gyur ba med/ /de yi 'bras buAng 'chad mi 'gyur/ /dpe ni dri med thob pas na/ /bzod pa thob kyang chad mi 'gyur/ /de lta bas na bsod nams phyir/ / dpe bstan pa ni yang mdzad do/ /bsod nams des ni rnam smin med/ /de phyir 'dzin bcas log 'dzin min/ /de dag gi ni bsod nams de'i/ /'bras bu sprul dang sems can gdul/ /sangs rgyas rnams kyi 'phrin las de// lhun gyis grub par phyogs na mdzad/ /sprul pa rnams kyis bzhud lags so/ /rtag tu mi g.yo sangs rgyas rnams/ /de dag chos kyi dbyings gnas pa/ /gcig dang tha dad ma yin bzhed/ /khams rdul phye mar bya ba ni/ /de ni de yin pa yin no/ /'di la phye mar bya ba ni/ /nyon mongs zad pa'i dpe yin no/ /tshogs min ril po ma yin pas/ /du ma nyid kyi dpe yin no/ /de la 'dus par gnas pa ni/ /tha dad ma yin dpe yin no/ /tha snyad tsam du ma shes phyir/ /byis pa gzhan du log par 'dzin/ /bdag dang chos gnyis med pa'i phyir/ /de bas byang chub thob mi 'gyur/ /de phyir don med nor brtags las/ /lta ba med dang lta bar 'gyur/ /de gnyis sgrib pa phra ba ste/ /de ltar shes pas spong bar 'gyur/ /de yang ye shes rnam gnyis dang/ /ting nge 'dzin gyi spang par bstan/ /sangs rgyas rnams kyi sprul rnams kyis /bshad pa'i bsod nams zad mi 'gyur/ /de bzhin gshegs rnams ston pa ni/ /yin? sprul pa yin no zhes/ /bdag nyid ston par mi mdzad phyir/ /bstan pa de ni legs pa yin/ /de bzhin gshegs pa'i mya ngan 'das/ /'du byed ma yin gzhan pa min/ /'dir ni yang dag shes pa yis/ / /'dus byas rnam pa dgur brtag phyir/ /lta dang mtshan ma rnam shes dang/ /gnas dang lus dang longs spyod dang/ /'das pa dang ni da ltar dang/ /ma 'ongs brtag par bya ba yin/ /mtshan nyid dang ni log pa dang/ /'jug pa rnams ni brdag pa las/ 'du byed rnams gyi gzhi dag la// dbang byed dri ma med pa 'thob// shes rab kyi pha rol tu phyin pa rdo rje gcod pa bshad pa'i bshad skyar gyi tshig le'ur byas pa rdzogs so// // 'dus byas dang 'dus ma byas rnam par nges pa zhes bya ba'i bstan bcos bzhugs so/

CLOSE WINDOW