བོད་ཡིག

e-texts based on the ACIP/ALL Input

/khams rab tu dbye ba'i sgo nas/ /sems gnas par bya ba'i thabs cung zad bris ba rdzogs so// //gang gis rlung 'di dbang gyur pas/ /mi rtog ye shes skyes gyur cing/ /'od zer sna tshogs ston mdzad pa/ /de la phyag 'tshal 'jug thabs bri/ /sdom dang/ rtags dang phan yon shes bya dang/ /tshogs dang sgom dang tshod gzung dang/ /bskyed rim gnas chad brtan pa'i thabs/ /skyed dbyu? grangs mthar phyin dang gcig / de la rtags ni 'dir rnam par rtog pa shes che ba'i rtags gzung ste/ /de yang gang zhe na/ 'di lta ste/ dbang po 'gyur ba dang/ /dbang po g.yo ba dang/ /dbang po mi brtan pa dang/ dbang po 'khrub ba dang/ lus kyi las kyi mdza' brtad pa dang/ gang gi las kyi mdza' brtan pa dang/ 'bral par dga' ba dang/ yid dbyung bar dka' ba dang/ /spros pa 'dod pa dang/ spros pa la dga' ba dang/ nom nur med pa dang/ the tshom med pa dang/ 'dun pa dang ldan pa dang/ brtul zhugs mi brtan pa dang/ brtul zhugs ma nges pa dang/ /las kyi mdza' mi brten pa dang/ las kyi mdza' ma yangs pa dang/ /dgos pa mang ba dang/ brjed ngas pa dang/ dben pa la mi dga' ba dang/ rnam par g.yeng ba mang ba dang/ 'jig rten gyi sna tshogs dag la 'dun pa'i 'dod chags rjes su 'jug pa dang/ mkhas pa dang le lo med pa dang/ sgrub phod pa'o/ /zhes gsungs pa'o/ /phan yon ni/ dbugs bgrang ba 'dis rnam par rtog pa myur du zhi nas zhi gnas tshogs med par 'thob po/ /de nas lhag mthong yang dka' ba med pa skye ste/ zhi gnas dang lhag mthong zung du 'brel pas mi rtog pa'i ye shes kyang myur du skye bar gsungs so/ /yon tan khyad par can ma thob kyi bar du yang rtag tu na btung ba dang/ tshe ring bar yang 'gyur te/ de skad du/ nad par langs nas stong phrag gcig /rtag tu bgrang ba byas na ni/ nang kun las ni rnam grol zhing/ /zla gnyis gnas kyi bar du 'tshe// zhes gsungs so/ /shes par bya ba ni ngo bo gyen du rgyu pa'i rlung dang/ grangs kyi dbye ba ni gnyis te/ nang du rdub pa dang phyir 'byung ba'o/ /mtshan nyid rdub pa'i mtshan nyid dang/ /'byung ba'i mtshan nyid do/ /rdub pa la gnyis te/ rdub pa dang bar rdub pa'o/ /'byung ba la yang gnyis te/ 'gyur ba dang/ bar du 'gyur ba'o/ /des pa'i tshig ni rlung zhes bya/ dbugs zhes bya lus kyi 'du byed ces bya/ 'gro ba dang 'ong ba zhes bya'o/ /rgyu ni sngon gyi las kyis 'phangs pa dang/ lte ba'i phyogs nas kha 'am sna'i bar du spubs yod pa dang/ rten ni lus 'ba' zhig la yang ma brten/ /sems 'ba' zhig la yang/ mi brten/ gnyis ka kho na la yang mi brten te/ 'du shes med pa'i snyoms par 'jug pa dang/ 'du shes med pa dang/ gzugs med pa'i snyoms par 'jug pa bzhi dang/ bsam gtan bzhi pa'i snyoms par 'jug pa dang/ nur nur bo dang med med po la sogs pa mngal na gnas pa'i sems can la sogs pa la yang yod par thal bar 'gyur te/ de bas na gnyis ka kha cig la yod do/ /sa ni rags pa rgyu ba'i sa dang/ phra ba rgyu ba'i sa'o/ /de la rags pa'i ni lte ba nas kha'am sna'i bar du spubs yod pa yin no/ /phra ba'i ni ba spu'i khung bu la sogs pa'o/ /bgrong pa ni gnyis te/ rdub pa'i bgrong pa ni thur du'o/ /'byung ba'i bgrong pa ni gyen du'o/ /shes par bya ba bsdus pa'i sdom ni/ ngo ba grangs kyi dbye ba dang/ mtshan nyid nges tshig rgyu dang ni/ /gang la brten dang de bzhin sa/ /bgrong dang brgyad de tha ma yin/ /tshegs ni tshul khrims rnam par dag pa la sogs pa gzhan du blta'o/ /'dir 'phral la bya ba cung zad tsam zhig shes par bya ste/ thog mar sems kyi 'di snyam du sgrub pa snying por bya ba la sems gnas pa gcig med na/ bsgrub par dka' bas sems gnas gcig sgrub par bya'o/ /snyam du sems bskyed par bya'o/ /de nas khams rang gi rlung gi shas che ba'am/ chung shes par bya ba'am/ /gzhan la dri ba byas la/ khams dang 'phrod pa'i kha zas dang btun pas khams gso bar bya'o/ /de'i bar du chos dang mthun pa'i bya ba yang nyung bar bya ba yin na mi mthun pa lta ci smos/ /lus ngag gi nyes pa cung zad kyang mi 'byung bar bya zhing/ sems kyi 'dod pa la 'dun pa la sogs pa'i rnam par rtog pa cung zad kyang mi bskyed do/ /sos ngal bar byas la dge ba'i sems kyis gnas par bya/ mi nus na lung du ma bstan pa'i sems kyi ngal gso'o/ /de ltar byas pas rgyud kyi nus pa brtas nas bags kyis 'dug mi tshugs par dge ba la 'jug 'dod tsam na bzod pa bsgom mo/ /de la bsgom pa gang zhe na/ dbang po snon pos bsgom pa dang/ rtul pos bsgom pa'o/ /de la snon pos ni mi bgrang bar dbugs kyi 'gro lugs la gtad nas bsgom gyi grang bar mi byed do/ /rtul pos ni bgrang zhing bsgom mo/ re zhig rtson pos kyang bgrang pas sbyang ba la bslabs na legs te/ de ci'i phyir zhe na/ khams tshod gzung sla bas myur du sems gnas pa'i phyir ro/ /de bas na gnyis kas bgrang ba la sems gtan par bya'o/ /'di ltar stan bde ba'i steng du skyil mo krung bcas lus drang por bsrungs? pa? yang? tsam zhig bsdad do/ /de nas dbugs snyoms pa dang/ kha nas 'byung ba tshor bar bya ste/ kha'i sgo nas cir gyis gzung nas rab tu bsgrims la lcags mgar gyis spud pa 'am/ gser mgar gyi shing spud bzhin du drang gser gyi lte ba'i thad ka'i nang logs su phyin par byas la/ yud tsam bsdad nas gcig ces bsams la yang gyen du log gis bzlog ste/ dkar lang gis kha'i sgo nas sor bzhi tsam du ci gsal du bsam zhing yud tsam zhig bsdad do/ gnyis bsam zhing/ yang 'ud kyi 'then la/ dkar nang gyi lte ba'i nang logs su phyin par byas la bgrang zhing ci nas kyang tsher bar bya zhing dran pa dang ma bral bar bya'o/ /khams kyi tshod gzung ba ni spyir khams rab dang 'bring dang tha ma gsum yod kyang dge sbyong gzhan la rab tu 'jug la/ sdom pa la ha cang mi nus pa yang snang bas khams rab kyis kyang thun thung du nas bsgom par bya'o/ /de bas na gsum kas kyang slob lugs gcig par bya'o/ /mtshan mo btang snyoms su bzhag ste/ gnyis ji tsam gyis khams brtag pa de tsam log cing gang lo/ /nyin par zhar la tshod gzung zhing bsgom/ /de la sbyor ba ha cang ltod na le lo dang ldan pa'i sems rmugs pa dang/ gnyid kyis kun nas dkris pa dang/ sems phyi rol tu rnam par g.yeng bar byed do/ /sbyor ba ha cang drags na lus la gnad pa 'am/ sems la gnod pa bskyed par byed do/ /de la ji ltar na lus la gnod pa skyed ce na/ mthu kar por te/ dbugs rdub pa dang/ dbugs 'byung ba dag gis gnod par gyur ba'i lus la rlung mi mnyam pa zag? 'jug? par 'gyur zhing de dag gis dang po kho nar de'i yan lag dang nying lag de dang de dag la khyab par byed de de dag ni khyab byed ces bya'o/ /rlung khyab byed de dag rnam par 'phel na/ nad ces bya ba dag tu 'gyur zhing de dag gis de'i yan lag dang nying lag de dag la nad skyed par byed de/ de ni lus la gnod pa zhes bya'o/ /ji ltar na sems la gnod pa skyed par byed ce na/ de'i sems rnam par g.yeng bar byed pa 'am/ yid kyi bde ba dang 'khrug pa rab tu mang po dag gis zil gyis non par byed de/ /de ltar na sems la gnod pa skyed par byed pa yin no/ /'o na tshod ji ltar gzung zhe na/ 'di ltar dang po'i nyin par snga dro thun gcig la rkyang pa bzhi bsgom mo/ /phyi 'phred kyi thun gcig la yang rkyang ba bzhi bsgom mo/ /de'i phyir de nyin par snga dro thun gnyis bsgom mo/ /rkyang pa drug drug go /phyi dro thun gnyis la yang rkyang ba drug drug go /nyi ma gsum pa la snga dro phyi dra thun gnyis gnyis la rkyang pa brgyad brgyad do/ /nyi ma bzhi pa la snga dro phyi rag thun gsum gsum la dbugs rkyang pa bcu bcu bsgom mo/ /de nas nyi ma lnga pa la snga dro thun bzhi phyi red thun gsum ste/ bdun la zung bcu bcu'o/ /de'i bar du khams zhar la dpyad cing bsgoms pas na tsha phran tshegs byung na yang 'phral la zhi bar bya ste/ na tsha phran tshegs la sran bskyed cing mi bsgom mo/ /de nas khams mi bde ba med na nyi ma re la thun re bsnan cing bsgom mo/ /dbugs kyi grangs ni sems gnas pa ma thob kyi bar du bcu bcu las mang ba ma bsgom mo/ /yang gnyid chung ba 'am ma bde ba phran tshegs byung na thun re dbri zhing bsgom mo/ /mi bsgom pa'i bar du ngal gso ba snyoms par bya zhing 'dugs gcig tu bstung mar thun gnyis la sogs pa mi bsgom mo/ /nyin par gnyid mi log /spyod lam thams cad du bag kyi ngal bar bya'o/ /skye ba'i rim pa ni bzhi ste/ de la dang po ni shes pa sgrims kyang dbugs nang du rdug pa ni mar 'grol mi 'dod pa snyam byed cing gtug pa snyam byed la ri dran pas mi zin pa snyam byed pa dang/ yang 'byung ba yang phran pas ma tshor bar yar byung nas 'gro ba dang/ grangs kyang brjed rkyen pa dang/ dran pas dbugs gzung dka' bar 'od do/ /gnyis pa ni thun phal cher grangs mi brjed pa dang/ nang du rdub pa yang rugs pa med par grangs zang zang 'gro zhing ga yang 'byung ba yang dran pa dang mnyam por 'byung ste/ dper na rta la bag tsam chags pa dang 'dra ste/ dran pas bag tsam zin pa yin no/ /gsum pa ni grangs mi brjed pa dang/ nang du rdub pa'i thog la grang sil gyis song bar tshor ba dang/ yar ma bzlog gi bar du ma gi na grang sing de 'dug par tshor ba dang/ yar byung ba'i thog la kha'i sgo nas par 'byung ba'i che chung yang 'them pa snyam pa dang/ bde ba yang thun stong thun smad la bag re 'ong ngo/ /bzhi pa ni rdubs pa'i thog la lus kyang byid ba snyam byed cing tshor ba snga na nyams su myong ba gcig gis blo bur du lus thams cad khyab par 'ong ngo/ /yang na 'byung ba'i thog la kha'i sgo nas par dkar nang gyis byung nas lus bags kyi yar bteg pa snyam byed cing tshor ba bde bas lus thams cad la khyab cing sems kyang shin tu dga' ba dang/ dran pas dbugs de shin tu zin te/ dper na rta la chags pa'i mi rang gar 'dod par rta gtong ba de bzhin du nang du rdub pa dang phyir 'byung ba la yang rang dbang du 'gyur ro/ /gnas pa'i tshad ni khyad par bzhi ste/ grangs kyi khyad par bde ba de 'byung ba'i rjes la nyes brgya nas brgya bzhi yan chad bgrangs kyang dang pa bzhin du bde ba dang/ rtsol ba'i khyad par glong kyang dbugs de dran pas mi tshor ba dang/ bde ba'i khyad par sems ma btang gi bar du lus thams cad la khyab cing langs nas kyang cung zad bde ba dang/ dga' ba'i sems rang zhugs kyi kyi rgod 'tshor ba dang/ 'bral mi 'phod pa dang/ 'di nges par gnas pa yin no snyam nas chos la dang ba dang/ dad pa'i shas chen po skye ba dang/ langs pa'i mod la yang sems yeng yeng por mi 'ong ba dang/ gang zag gzhan la yang bsgoms na ci ma rung snyam pa'i sems 'byung ngo/ /gzhan yang rgyu yang rung gnas kyang rung ste/ nang nye bar zhi ba'i 'du shes dang/ zhi gnas kyi 'du shes dang/ zhi gnas kyi 'du shes mang du snang la/ spros pa'i 'du shes med pa dang/ rnam par rtog pa'i kun nas dkris pa dang/ mthun pa'i chos rnams la sems mi 'jug go /brtan par bya ba'i thabs ni khams kyi tshod las dpag ste/ khams bde na ni thun gyi grangs nyung bar byas la bgrang ba'i grangs mang bas yun ring bar bya zhing nyi ma kha cig tu bsgoms la ngal gso'o/ /khams gzhan na ni nyi ma gcig tsam bsgoms la ngal gso'o/ /'o na tshe de gang gis gzung zhe na/ lus ngal ba 'am/ shugs 'byung ba 'am/ bsgom tsam na snga ba 'am/ mgo bags kyis lci ba 'am/ lus 'dar ba 'am/ nub mo gnyid mi khugs pa 'am/ sems sang sang por 'dug pa 'am/ mdor na khams mi bde ba'i mtshan ma bag tsam byung ma thag tu ngal gso'o/ /de ma byung na rtag par yang bsgom par bya ste/ bstan par bya ba ni sems pa'i bar der khams bden bsgom pas phyis brtan par 'gyur ro/ /mi bden ngal gso brtan par 'gyur ba yin no/ /skyed dbyung ba'i tshad ni sngar brtan par byas nas zhag par ngal bsos par byas la/ phyis srong tho rangs thun re bsgom/ nyin par thun bzhi bzhi lnga lnga bsgom mo/ /dbugs kyi grangs ni brgya man chad nas bzhi bcu yan chad bgrang ngo/ /zla ba kha cig rgyang de ha cang mi drag par bsgom mo/ /chos dang mi 'gal ba'i bya ba phran tshegs kyang bya/ long med na yang srong dang tho rang tsam bsgom mo/ /de nas dang po'i slob lugs bzhin du khams dang 'phrod pa'i kha zas dang/ grogs mthun pa dang/ gnas bde ba dang/ bya ba mang po spangs pa la sogs pa byas la/ zhag bcu tsam du nyi ma re la thun chur re re tsam las mi bsgom par ngal gso'o/ /lus kyi nus brtas su gzhug / mtshan mo bsgom/ dge sbyor gzhan la yang bag tsam las mi bya/ de nas nus pa brtas pa dang/ mtshan po 'am nyin par khams gang bde ba gcig la brten nas bskyed dbyung ngo/ /de yang nyin par legs te/ nyi ma dang po la thun gsum la grangs brgya brgya bsgom/ de nas nyi ma bcu'i bar du thun gsum gsum las mi mang bar bsgom mo/ /dbugs kyi grangs ni nyin re la brgya brgya ma mdung la bsgom mo/ /khang der tho na zas za'i bar du yang mi dang mi phrad do/ /yang nyi chung ba'i yang na che phran tshegs byung na ngal gso'o/ /ngal bsod pa 'am/ mi bde ba med na sngon ma bzhin du bya'o/ /grangs kyi mthar phyin pa gang zhe na/ grangs stong gi bar du sems rnam par g.yeng bar mi 'gyur zhing brjod pa med pa rang gi ngang gis 'jug cing mngon par dga' ba dang bcas pas 'jug na de tsam gyis bgrang ba'i sa las 'das pa yin no/ /de nas mi bgrang bar dbugs kyi 'gro lugs la gtad de/ sna nas 'byung ba la gtad cing lugs su sna g.yas pa nas 'gro ba dang/ g.yon pa nas 'gro ba la gtad pa 'am/ g.yas nas phyung ba la g.yon du rdub pa la sogs pa bya zhing mi bgrang par bsgom mo/ /de nas lhag mthong bskyed par bya'o/ /las tshul bsam gyis mi khyab kyang/ bdag pas blo zhan mi srid de/ 'on kyang don du mi gnyer bas/ mkhas pa'i gdams ngag ma thos la/ 'phan srid bsams nas bris pa lags/ /rab rib can gyi gzugs bltas nas/ /gzhan la 'di zhes ston 'dra bas/ /mkhas pa rnams las bzod par gsol/ /dbugs bgrang ba'i sgo nas sems gnas par bya ba'i thabs cung zad bris pa rdzogs so/ / //'dzam bu chu bo'i gser 'dras kha dog bskus/ /bde gshegs 'gro ba'i gnyen gcig rab mdzes la/ yon tan dran pa'i dang ba sngon 'gro bas/

CLOSE WINDOW