བོད་ཡིག

e-texts based on the ACIP/ALL Input

'bras bu rnam pa gsum 'thob bo/ /sangs rgyas gtso'i TI kA rgya cher 'grel pa/ bod kyi lo tsA ba zhing ye shes sdes mdzad pa rdzogs so// // chos kyi rnam grangs kyi brjed byad dpal brtsegs rak+Shi tas mdzad pa bzhugs so/ /chos kyi rnam grangs kyi brjed byad zhes bya ba/ 'phags pa'i tshogs ma lus pa la phyag 'tshal de la chos kyi rnam grangs kyi brjed byad zhes bya ba ni mdo sde dang bstan bcos dang/ shes rab 'bum dang/ yo ga tsArya la sogs pa gzhung tha dad pa mang po'i nang nas don 'dus pa'i tshigs 'jebs 'jebs mdo tsam btus te/ chos mang po nyan mi nus pa'i gang zag rnams kyis tshogs chung ngur gsung rab kyi don rtog par bya ba dang/ rang gi lus bzhig pa'i mtshan nyid la mkhas par bya ba'i phyir bstan pa'o/ /de yang gzugs kyi phung po gang zhe na zhes pa la sogs pa smos te/ phung po dang khams dang skye mched kyi mtshan nyid yo ga tsArya las 'byung ba de ston to/ /de yang phung po lnga'i nang nas gzugs kyi phung po gang yin zhes bya ba'i don ston to/ /gzugs gang yin pa ci yang rung ste/ de dag thams cad 'byung ba chen po bzhi dang 'byung ba chen po bzhi dag rgyur byas pa'o zhes bya ba la/ gzugs gang yin pa ci yang rung ste/ de dag thams cad ces bya ba ni gzugs ring po dang thung ngu dang zlum po dang gru bzhi dang/ sngon po dang ser po la sogs pa dang/ 'das pa dang ma 'ongs pa dang da ltar gyi gzugs dang/ nye ba dang/ ring ba dang/ bzang po dang/ ngan pa la sogs pa ji tsam du gzugs su gdags pa thams cad do/ /'byung ba chen po bzhi ni me dang chu dang sa dang rlung bzhi'o/ /'byung ba chen po bzhi dag rgyur byas pa ni 'byung ba de las skyes pa 'am/ de las gyur ces bya ba'i don te/ rgyu de las byung ba'i gzugs rnams te/ mig la sogs pa'i dbang po lnga dang/ dbang po de rnams kyi yul gzugs nas reg bya'i bar du lnga ste bcu dang/ rnam par rig byed ma yin pa'i gzugs te bcu gcig dang 'byung ba chen po bzhi ste/ gzugs kyi phung po la phye na spyir bco lnga yod do/ /gzugs ni rnam pa gsum ste/ bstan du yod la thogs pa dang bcas pa dang/ bstan du med la thogs pa dang bcas pa dang/ bstan du yang med la thogs pa yang med pa dang gsum mo/ /de la 'byung ba chen po bzhi'i mtshan nyid kha dog dang dbyibs la sogs ba ni bstan du yang yod cing thogs pa dang yang bcas pa'o/ /mig la sogs pa'i dbang po lnga dang sgra dang dri dang ro dang reg bya ni bstan du med la thogs pa dang bcas pa'o/ /rnam par rig byed ma yin pa ni bstan du yang med la thogs pa yang med pa ste/ de ni rnam par rig byed kyi gzugs dang bsam gtan bzhi la/ rgyu gzugs can las skyes pa'i phyir gzugs su bzhag ste/ gzugs kyi phung po ni de lta bu'i mtshan nyid do/ /tshor ba'i phung po gang zhe na/ myong ba rnam pa gsum ste zhes smos te/ bde ba dang sdug bsngal dang/ bde ba yang ma yin sdug bsngal ba yang ma yin pa gsum nyams su myong ba ni tshor ba zhes bya'o/ /de la bde ba ni gang 'gags na phrad par 'dod pa'o zhes bya ba ni lus dang sems la dben cing bde ba 'byung na de dang bral bar mi 'dod la bral na yang slar phrad par 'dod pa'o/ /sdug bsngal ni gang byung na bral bar 'dod pa'o zhes bya ba ni lus dang sems la gnod pa zhig byung na/ de dang 'grogs par mi 'dod pas na bral bar 'dod pa'o/ /sdug bsngal ba yang ma yin bde ba yang ma yin pa ni gang byung na gnyis gar 'dod par mi 'gyur ba'o zhes bya ba ni/ lus dang sems la gnod par byed la/ med pas bral bar 'dod pa yang med/ lus dang sems la lhag par bde zhing phan par byed pa yang med pa na 'grogs pa 'am phrad par 'dod pa yang med do/ /gnyi gar 'dod pa med ces bya ba'o/ /'du shes kyi phung po gang zhe na/ yul mtshan mar 'dzin pa rnams pa gsum ste/ chung ngu dang chen po dang tshad med pa'o zhes smos te/ yul ni gzugs dang sgra la sogs pa dmigs par bya ba'i chos rnams so/ /mtshan mar 'dzin pa ni kha dog dang dbyibs kyi bye brag tha dad pa mang po la bya'o/ /chung ngu ni 'dod pa'i khams ngan pa la dmigs pa'o/ /chen po ni bsam gtan dang po nas bzhi pa man chad de gzugs kyi khams la dmigs pa'o/ /tshad med pa ni nam mkha' mdza' yas skye mched nas 'du shes med 'du shes med min man chad de/ gzugs med pa'i khams la dmigs pa dang gsum mo/ / 'du byed kyi phung po gang zhe na/ tshor ba dang 'du shes las gzhan pa sems las byung ba'i chos rnams te/ zhes bya ba ni rgyu dang rkyen mang po tshogs pa las byung ba'i phyir gzugs la sogs pa'i phung por bsdus pa kun la yang 'du byed ces bya mod kyi/ 'dir ni sems las byung ba'i 'du byed rnams la bya ste/ tshor ba dang 'du shes gnyis gong du phung po'i nang du bstan pas de bkol ba'i phyi ma reg pa nas bzung ste/ dpyod pa la thug pa'i bar de dag la bya'o/ /de dag las lnga kun tu 'gro ba gang zhe na zhes smos te/ 'du byed sems dang ldan pa lnga bcu rtsa gcig dang sems dang mi ldan pa bcu bzhi po dag re re nas ston te/ kun tu 'gro ba zhes bya ba ni dge ba dang mi dge ba dang lung du ma bstan pa kun gyi nang du snang zhing 'jug ces bya ba'i tha tshig go / rig pa ni gsum 'dus nas yongs su gcod pa'o/ zhes bya ba ni yul dang dbang po dang rnam par shes pa gsum 'dus pa las yul bde bas? sogs pa ji lta ba de ltar dbang po yang 'gyur ba de rnam par shes pas gcod cing tshor ba skyed par byed pas na reg pa zhes bya'o/ /yid la byed pa ni sems kyi 'jug pa'o zhes bya ba ni dmigs par bya ba'i yul la sems gtor cing mngon tu phyogs par byed pas na sems kyi 'jug pa zhes bya'o/ /tshor ba ni dge ba dang mi dge ba dang lung du ma bstan pa rnams kyi 'bras bu rnam par smin pa myong bar byed pa'o zhes bya ba ni/ las dge ba dang mi dge ba dang lung du ma bstan pa'i 'bras bu bde ba dang sdug bsngal dang gnyis ka ma yin pa gsum nyams su myong bar byed pa'o/ /'du shes ni rnam par shes pa'i don rnams la bye brag 'byed pa'o zhes bya ba ni sgo lnga'i rnam par shes pa'i dmigs pa tha dad pa'i bye brag so sor gsal bar byed cing gcod pa'o/ /sems pa ni yon tan dang nyes pa dang gnyi ga ma yin pa la sems mngon par 'du byed pa yid kyi las so/ /zhes bya ba ni las dge ba ni yon tan zhes bya/ las mi dge ba ni nyes pa zhes bya/ las lung du ma bstan pa ni/ gnyi ga ma yin pa zhes bya ste/ las de gsum la sems pas sems slong zhing gtod pa ni/ dper na rdo khab len gyi khab g.yo bar byed pa bzhin dmigs pa'i yul la 'jug par byed pa'i phyir ro/ /lnga yul so sor nges pa gang zhe na/ 'dun pa ni bsam pa'i dngos po la 'dod pa'o zhes smos te/ kun tu 'gro ba ltar dge ba dang mi dge ba dang lung du ma bstan pa'i gnas kun la mi 'jug gi / rang gi yul gang yin pa de nyi tshe la 'jug pas na/ yul so sor nges pa zhes bya'o/ /dbang po dang/ rnam par shes pa'i yul du gyur pa gang yang rung ba de dag ni bsam pa'i dngos po zhes bya/ de la mngon sum du bya ba'i phyir don du gnyer cing bsgrub pa ni 'dod pa zhes bya ste/ der 'dun pa'i phyir ro/ /mos pa ni nges pa'i dngos po de bzhin du nges par 'dzin pa'o zhes bya ba la nges pa ni mes pa'i yul nyi tshe la bya ste/ ma mos pa'i yul gzhan la mi bya'o/ de yang mngon sum dang ? dpag pa'i sgo mas dpyad de/ mdo sde dang bstan bcos kyi lung la yid ches shing the tshom med pa ni nges par zhes bya'o/ /yang na chos rnams kyi rang dang spyi'i mtshan nyid rtag pa dang bde ba ma yin gyi/ mi rtag pa la sogs par 'dzin pa la nges pa zhes bya'o/ /dran pa ni 'dris pa'i dngos po nyid ma brjod pa ste sems kyis mngon par brjod pa nyid do zhes bya ba la mngon 'phrad cing nyams su myong ste 'grogs 'grogs pa na 'gris pa zhes bya ste/ 'dris pa de lta bu'i dngos po ma brjed pa ste/ dper na tshig tu smra ba dang 'dra bar gsal bar dran pa ni sems kyis mngon par brjod pa zhes bya'o/ /ting nge 'dzin mi rtag pa'i dngos po la sems rtse gcig pa nyid do/ /zhes bya ba la brtag pa'i dngos po ni ma byung ma skyes pa'i don nyid dam bden pa bzhi la gcig cing yang bzhi bzhi ltar shes par bya'o/ /sems rtse gcig pa ni dper na skud pa'i sna bsgrims te khab kyi mig tu gzhugs pa dang 'dra bar bsgoms pa'i yul la sems gzhan du mi g.yeng bar gtod pa ni/ ting nge 'dzin rtse gcig pa zhes bya'o/ /shes rab ni de dag nyid la rab tu rnam par 'byed pa ste/ /rigs pa dang rigs pa ma yin pas bskyed pa dang gzhan pa'o zhes bya ba la shes rab ni rnam pa gsum ste/ mnyan pa dang bsam pa dang bsgoms pa'i shes rab bya ste/ de yang sangs rgyas kyi bstan pa la zhugs pa ni rigs pas bskyed pa'o/ /mu stegs kyi bstan pa la zhugs pa ni rigs pa ma yin pas bskyed pa zhes bya'o/ /de gnyis ?? ma bstan kyang rang bzhin gyis shes nyen che ba ni bzhan pa zhes bya'o/ /de dag nyid la rab tu rnam par 'byed ces bya ba ni gong du smos pa'i ting nge 'dzin gyi yul nyid la ste/ rigs pa'i shes pas ni chos rnams kyis rang dang spyi'i mtshan nyid don dam par skye 'gag med pa dang/ kun rdzob tu sa sra ba dang chu gsher ba la sogs pa'i mtshan nyid ma nor bar gtan la 'bebs so/ /rigs pa ma yin pa'i shes pas ni bdag med pa bdag yod par brtags shing bsgoms te rab skyes par mthong ba la sogs pa lta bu'o/ /gzhan pa'i shes rab ni sus kyang ma bslabs par rang bzhin gyi blo rno zhing las su bya ba dang/ tshig smra ba la sogs pa bya ba thams cad la mkhas pa'i phyir ro/ /bcu gcig dge ba gang zhe na/ dad pa ni las dang 'bras bu dang/ dge ba dang/ dkon mchog la mngon par yid ches pa dang sems dang pa'o/ zhes smos te/ las ni dge ba dang/ mi dge ba dang/ lung du ma bstan pa'o/ /'bras bu ni las des skyes pa ste/ bde ba dang sdug bsngal dang gnyid ga ma yin pa'o/ /bden pa ni bzhi ste sdug bsngal ba dang/ kun 'byung ba dang 'gog pa dang/ lam gyi bden pa te/ de dag yod par yid ches pa dang/ dkon mchog ni gsum ste/ sangs rgyas ni mkhyen pa dang spangs pa phun sum tshogs pa yin no/ /chos ni sdug bsngal thams cad las thar bar byed pa'i le ma yin no/ /dge 'dun ni nyon mongs pa spong ba la zhugs pa bsod nams kyi zhing yin no zhes de dag gi yon tan rig nas sems dang ba ni dang ba zhes bya'o/ /ngo tsha shes pa ni bdag gam chos kyi dbang du byas te kha na ma tho bas 'dzems pa'o/ zhes smos te/ b dag ni dag spyod dam bram ze lta bu rigs btsun pa tshul 'dzin pa yin gyi las ngan pa bya bar mi 'os pa 'di dag ni bdag gis bya ba'i cha ma yin no snyam nas mi byed pa ni bdag gi dbang du byas pa ni las ngan pa sdig pa mi dge ba'i las byas na de'i 'bras bu ngan song rgyud gsum du ltung zhing sdug bsngal sna tshogs su gyur pa na mi rung ngo snyam nas mi byed pa'o/ /kha na ma tho ba ni tshig tu gleng zhing brjod du mi bzod de smra bar yang mi 'os shing smad pa'i gnas te/ de lta bus 'jigs pa ni 'dzems pa zhes bya'o/ /khrel yod pa ni 'jig rten gyi dbang du byas te kho na ma tho bas 'dzem pa'o/ /zhes bya ba ni bdag gis srog bcod pa la sogs pa las bya ba'i cha ma yin pa 'di dag byas na gzhan gyis smad ci spyad de skyon du grags nam yegs snyam du de 'jigs shing mi byed pa ni 'dzem pa zhes bya'o/ /ma chags pa ni chags pa'i gnyen po ste/ yid 'byung zhing mi len pa'o zhes bya ba la chags par bya ba'i yul ni lus dang longs spyod do/ /de dag gis gnyen po ni 'dod chags dang zhe sdang dang gti mug gsum gyi gnyen po mi gtsang ba dang byams pa dang/ rten cing 'brel bar 'byung ba ste/ rim bzhin du re rer sbyar ro/ /yid byung zhing mi len pa ni lus dang longs spyod de dag la spyod cing gnas gnas pa'i mdza' skye ba dang/ rga ba dang/ na ba dang/ 'chi ba la sogs pa'i sdug bsngal sna tshogs 'byung zhing 'phel bar rig nas spong zhing de la mi 'jug pa'o/ /zhe sdang med pa ni zhe sdang gi gnyen po ste byams pa'o zhes smos te/ zhe sdang gi yul ni dgra dang dgu dang mtshon cha dag ste/ de dag gzhig pa dang phung ba dang brlag par bya'o snyam pa ni zhe sdang zhes bya ste/ de lta bu'i bsam pa dang sbyor ba mi byed pa nyid las yang gnyen po zhes bya'o/ /'dir ni sems can thams cad la bu gces pa dang 'dra bar byams pa'i sems yod pa de la zhe sdang mi 'byung bas na gnyen po ste byams pa la zhe sdang med pa zhes bya'o/ /gti mug med pa ni gti mug gi gnyen po ste/ yang dag pa la yang dag par rtog pa'o zhes smos te/ chos rnams la chos dang gang zag dngos po yod par lta zhing/ rtag skyid nga? gtsang phyin ci log tu rtog pa ni rtog pa zhes bya la/ de'i gnyen po ni phyin ci ma log pa'i shes rab brtson 'grus dang ting nge 'dzin dang 'grogs pa des chos dang gang zag la sogs pa yod par rtog pa'i phyin ci log spangs te/ stong pa dang bdag med pa la sogs par shes pa ni yang dag pa la yang dag par rtog pa zhes bya'o/ /brtson 'grus ni ye lo'i gnyen po ste/ dge ba la sems mngon par spro ba'o zhes smos te/ ye lo ni rnam pa gnyis te dman pa la sbyor ba dang/ snyom las so/ /de la srog gcod pa la sogs pa mi dge ba'i las byed pa dag ni 'bad pa chen pos brtson par byed kyang brtson 'grus ma yin gyi/ dman pa la sbyor ba'i le lo zhes bya'o/ /nyal ba dang 'phres pa la sogs pa ni snyom las kyi le lo zhes bya ste/ chos nyan pa dang sems shing bsgom pa la sogs pa mi byed pa'i mtshan nyid do/ /de'i gnyen po ni nyan pa dang sems pa nas sa dang pha rol tu phyin pa la sogs te/ dge ba'i phyogs gang ci sgrub kyang srog lus la mi blta zhing bar chad med par 'bad pa ni dge ba la spro ba'i brtson 'grus so/ /shin tu sbyangs pa ni gnas ngan len gyi gnyen po ste/ lus dang sems las su rung ba'o zhes smos te/ lus nyal zhing 'phros par 'dod pa dang chags tshig mi bde zhing snyom pa dang/ sems zhum rgod dang bying rmugs kyi dbang du song ste/ las su mi rung ba ni gnas ngan len ces bya ste/ des 'khor ba dang ngan song gi gnas su 'gro ba'i phyir ro/ /de'i gnyen po ni lus ngal zhing snyom pa dang skyo zhing dub pa med par yang zhing bde ba dang zhu ma rgod dang bying rgod med de gsal zhing rtse gcig tu 'dug pa ste/ lus dang sems de ltar gyur pa ni las su rung ba dang shin tu sbyangs pa zhes bya'o/ /bag yod pa ni bag med pa'i gnyen po ste/ ma chags pa nas brtson 'grus kyi bar de dag la gnas nas mi dge ba'i chos spong zhing de'i gnyen po dge ba'i chos rnams kyang sgom pa'o zhes smos te/ bag yod pa ni 'dod ma chags pa dang/ zhe mi sdang ba dang/ gti mi mug pa gsum gyis rgyu byas shing brtson 'grus la gnas bcas nas mi dge ba'i chos rnams la sems yan tu mi gtong zhing phyir zlog pa ni mi dge ba spong ba'o/ /dge ba'i chos sgom pa ni mos pas spyod pa dang sa dang po la sogs pa 'jig rten gyi dge ba dang/ 'jig rten las 'das pa'i dge ba de dag ni gnyen po ste de la sems kyi yang yang du 'dris par byed pa ni sgom pa zhes bya'o/ /btang snyoms ni ma chags pa nas brtson 'grus kyi bar de dag nyid la gnas shing sems mnyam pa nyid dang/ sems rnal du 'dug pa nyid dang/ sems lhun gyis grub pa yang thob pa ste/ gang gis nyon mongs pa can gyis chos rnams bsal zhing nyon mongs pa can med par gnas pa'o zhes smos te/ btang snyoms rnam pa gsum las 'dir ni 'du byed kyi btang snyoms te/ de yang gong ma bzhin du ma chags pa la sogs pa gsum ni btang snyoms kyi rgyu'o/ /brtson 'grus ni btang snyoms kyi gnas te/ de la 'das nas btang snyoms kyi thog ma dang bar ma dang/ tha ma gsum 'byung ngo/ /de la thog mar zhum rgod med pa rnyed ma thag pa ni sems mnyam pa nyid ces bya'o/ /de nas zhum rgod de phyi 'byung du dogs bzhin du gnas pa ni sems rnal du 'dug pa zhes bya'o/ /de nas yun ring du bsgoms te goms nas zhums rgod mi 'byung zhing dog pa med par gnas pa ni lhun gyis grub pa zhes bya ste/ btang snyoms kyi rang bzhin de lta bu thob pa'i gang zag ni 'dod chags la sogs pa'i sems skye mi srid de/ de mi 'byung ba ni nyon mongs pa gsal ba zhes bya ste/ de ltar sems dag par bsam gtan la gnas na/ nyon mongs pa med par gnas pa yang de nyid yin no/ /rnam par mi 'tshe ba ni rnam par 'tshe ba'i gnyen po ste snying rje ba'o zhes smos te/ bsod sbyug dang brdegs 'chog la sogs pa sna tshogs byed pa ni rnam par 'tshe ba'o/ /de'i gnyen po ni snying rje ste/ de yod na bdag gis srog lus kyang phangs pa med par sems can gyi phyir gtong na gnod pa mi bya ba lta ci zhig smos te sems can la tho mi mtsham pa'i phyir ro/ / nyon mongs pa drug gang zhe na zhes bya ba ni 'dod chags dang khong khro ba dang/ nga rgyal dang/ ma rig pa dang/ lta ba dang/ the tsom mo/ /'dod chags ni nye bar len pa'i phung po lnga rnams la zhen pa dang lhag par chags pa'o zhes bya ba la/ zag pa dang bcas pa'i gzugs kyis phung po nas tshor ba dang/ 'du shes dang/ 'du byed dang/ rnam par shes pa'i khung po zag pa dang bcas pa'i bar du lnga ni rgyu 'dod pa dang lta ba dang/ tshul khrims dang/ brtul zhugs dang/ bdag tu smra ba nye bar len pa bzhi las byung bas nye bar len pa'i phung po nas btags te/ dper na rtsa las byung ba'i me las rtsa'i me zhes bya ba dang 'dra'o/ /phung po de la da ltar gyis dus na de dang 'bral mi 'phod pa ni zhen pa'o/ /tshe rabs gzhan du phung po lnga len par 'dod pa ni lhag par 'chags pa ste/ dper na gos la snum zhen na 'byung bka' ba bzhin du 'dod pa'i yon tan lnga dang rang gi phung po la chags pa de yang nyan pa dang sems pa dang skyom pa la sogs pa 'bad pa chen pos kyang bral zhing spang bar dka' ba'i phyir ro/ / khong khro ba ni sems can rnams la kun nas mnar sems pa'o zhes bya ba ni dgra la sogs pa pha rol po rnams la brdag cing bsad pa la sogs pa gnod pa sna tshogs bya bar sems pa ste/ rang bzhin gyis sems rtsub cing mnar sems dang ldan pas rtag tu sdug bsngal bar gnas pa'i phyir bde ba la mi rig pa'o/ /nga rgyal gang zhe na rnam pa bdun te las bya ba la nga rgyal rnam pa bdun ni bdun char yang rang gi lus kyi phung po la bdag dang bdag gir blta nas gzhan dag pas bdag khyad zhugs so snyam nas gus pa med cing kun la 'gyid pa'i mtshan nyid do/ /de'i bye brag la nga rgyal ni nyam rtsa la dang byad gzugs dang/ rus rigs dang/ longs spyod la sogs pa chung bas rnams las bltos nas bdag tsho ba yang yin mod kyi/ de nyid la bdag ni tha? gis che'o snyam du sems dpa' o/ /che ba'i nga rgyal ni bdag dang pha rol tu nor la sogs pa kun mtshungs shing 'dra ba yin na de las tshul khrims la sogs pa sna 'ga' zhig gis ni bdag che'o snyam? du sems pa'o/ /nga rgyal las kyang nga rgyal ni bdag rus rigs la sogs pa gzhan pas chung ba yin yang gzhan pas bdag che'o snyam du sems pa'o/ /nga'o snyam pa'i nga rgyal ni nye bar len pa'i phung po la bdag dang bdag gis dngos po med par bdag dang bdag gi dngos po yod do snyam du sems rlom zhing khengs pa'i phyir ro/ /mngon pa'i nga rgyal ni 'phags pa'i go 'phang dang/ bsam gtan gyi khyad par dag bdag gis ma thob par yang sems las su rung ba cung zad tsam yod pa'i rjes su bdag ni 'phags pa'i sa thob po/ /cung zad snyam pa'i nga rgyal ni bdag dang pha rol gnyis 'ban chad pas pha rol che ba yin te/ de ltar mi 'dzin gyi bdag dang cung zad cig che chung yod du zad snyam du sems pa'o/ /log pa'i nga rgyal ni bdag skyon sna tshogs can yin te/ yon tan cung zad kyang med pa yin no/ tshul khrims la sogs pa'i yon tan kun dang ldan no/ snyam du sems khengs shing 'gyid pa'o/ /ma rig pa ni las dang 'bras bu dang bden pa dang dkon mchog rnams mi shes pa ste/ de yang lhan cig skyes pa dang/ kun tu mi brtags pa'o zhes bya ba la las ni dge ba dang/ mi dge ba dang/ /lung du ma bstan pa dang/ 'bras bu ni bde ba dang/ sdug bsngal dang gnyi ga ma yin pa'o/ /bden pa ni sdug bsngal gyi bden pa dang/ kun 'byung dang 'gog pa dang lam gyi bden pa bzhi'o/ /dkon mchog ni sangs rgyas dang chos dang dge 'dun te/ de gsum mo/ /de dag la yon tan med pa dang/ yon tan can yin par mi shes pa ni ma rig pa'o/ /rang bzhin gyis de dag yod pa 'am yon tan can du mi shes pa ni lhan cig skyes pa'i ma rig pa'o/ /gzhan gyis log pa nor par bstan pa'i sgo nas de dag mi shes pa ni kun tu brtags pa'i ma rig pa zhes bya'o/ /lta ba lnga las 'jig tshogs la lta ba ni/ phung po lnga po de dag skad cig re re la 'jig cing rdzas mang po du ma bsags pa'i tshogs yin te/ bdag dang bdag gis dngos po med pa la/ bdag dang bdag gi dngos po yod do bar rtog pa'o/ /mthar 'dzin par lta ba ni/ rtag pa dang chad pa gnyis su lta ba ste/ de yang sprul pags pa rjes pa lta bur 'dod pa dang/ shing zad na me shi ba bzhin du gtan med par 'dod pa'o/ /log par lta ba ni skur pa 'debs pa ste/ las dang 'bras bu dang/ bden pa dang/ dkon mchog dang 'jig rten 'di dang pha rol la sogs pa thams cad med do zhes zer ba'o/ /lta ba mchog tu 'dzin pa ni gong du smos pa'i lta bas rnam pa gsum dang/ lta ba de'i gnas lus kyi phung po rnams la 'di kho na bzang po zhes dam pa dang gtso bor 'dzin te 'di las lhag pa gzhan med do snyam du sems pa'o/ /tshul khrims dang brtul zhugs mchog tu 'dzin pa ni nyes pa lus dang ngag las byung ba bdun spangs pa'i tshul khrims dang/ khyi dang ba lang gi brtul zhugs sam/ skra 'bal zhing 'dreg pa la sogs pa rnams byas pas grol ba dang thar par 'gyur ro/ snyam du sems pa'o/ /the tshom ni bden pa la sogs pa la gang yid gnyis za ba'o zhes bya ba ni las dang 'bras bu dang bden pa dang/ dkon mchog rnams yod pa yin nam ma yin/ yod na yang yon tan can yin nam ma yin snyam du blo gnyis su 'gyur zhing nges pa ma rnyed de dge ba'i phyogs la mi 'jug pa'o/ /nye ba'i nyon mongs pa nyi shu gang zhe na/ khro ba dang khong du 'dzin pa dang/ 'chab pa dang/ tshig pa dang/ phrag dog dang/ ser sna dang/ sgyu dang/ g.yo dang/ rgyags pa dang/ rnam par 'tshe ba dang/ ngo tsha med pa dang/ khrel med po dang/ rmugs pa dang/ rgod pa dang/ ma dad pa dang/ le lo dang/ bag med pa dang/ rjed nges pa dang/ rnam par g.yeng pa dang/ shes bzhin ma yin pa dang nyi shu'o zhes smos te/ 'og nas rims bzhin bshad do/ /de la khro ba ni 'phral du gnod pa byed pa la gnas te/ gang sems kyis kun nas mnar sems pa'o/ zhes bya ba la/ dgra la sogs pa khro ba'i yul 'das pa dang ma 'ongs pa lkog tu gyur pa rnams la mi bya'i/ de ltar mngon sum du gyur pa rnams la ma rungs pa dang/ gnod par bya'o snyam du sems pa ni khro ba dang mnar sems zhes bya'o/ /khong du 'dzin pa ni mdud par 'dzin pa'o zhes bya ba ni bdag dang bdag gis gnyen la sogs pa rang gi 'khor rnams la gnod pa byed pa'i dgra la sogs pa la nam zhig na gnod pa ma byas par mi btang ngo snyam du sems pa'o/ /'chab pa ni bdag gis kha na ma tho ba ma khyud ba'o/ /zhes bya ba ni sdig pa mi dge ba'i las bya bar mi 'os pa rnams byas pa ni kha na ma tho ba zhes bya ste/ dge ba'i bshes gnyen gyis bya ba ma yin pa'i las 'di dag byas pa nyes kyis nyes dmigs 'di dag shog cig ces byas na nga la nyes pa med do zhes 'chags su mi btub pa'i phyir ro/ /'tshig pa ni tshig brlad pos zher 'debs pa nyid do zhes bya ba la/ gzhan gyis skyon dang 'tshang 'dru zhing gtum tshig tu smra ba ni tshig brlad po zhes bya ste/ des gzhan gyis zhe gcod pas na zher 'debs pa zhes bya'o/ /phrag dog ni gzhan gyis phun sum tshogs pa la sems khong nas 'khrug pa'o zhes bya ba ni gzhan gyis rnyed pa dang bkur sti dang/ thos pa dang tshul khrims la sogs pa'i yon tan dag mthong nas de dag la chags pa'i dbang gis zhe sdang skye zhing sems mi bzod pa ni phrag dog ces bya'o/ /ser sna ni sbyin pa dang mi mthun pa ste sems kyi kun 'dzin pa'o/ /zhes bya ba ni 'dod chags kyi shas che bas 'tsho ba'i yo byad rnams la chags shing gtong mi phod pa ste/ dkon mchog dang phangs pa rnams la mchod pa dang sbyin pa la sogs pa byed min? nas pa ni sbyin pa dang mi mthun pa zhes bya/ yo byad mi mkho ba ngan don kun kyang bsdus te/ sogs pa ni sems kun tu 'dzin pa zhes bya'o/ /sgyu ni gzhan bslu pa yang dag pa ma yin pa'i don ston pa'o/ zhes bya ba ni khe dang/ bkur sti dang/ snyed pa 'dod pa'i phyir yon tan med par yang yon tan can ltar tshul 'chos shing mig sgyu byed pa'o/ /g.yo ni bdag gi nyes pa bcas? pa'i thabs bzung ste/ sems gya gyu ba'o zhes bya ba ni snying po dang/ bkur sti 'dod pa'i phyir tshul 'chos pa la sogs pa'i nyes skyon de gzhan gyis ngos zin du dogs nas gtam rlung la bskur zhing tshig dang don gnyi ka brgyud pa ste/ de ni nyes pa bcad pa'i thabs gya gyu zhes bya'o/ /rgyags pa ni bdag gis phun sum tshogs pa la chags pa'i rab tu dga' ba ste/ sems kyis yongs su 'dzin pa'o zhes bya ba la phun sum tshogs pa ni dus rigs dang/ shes nyen dang longs spyod dang/ nyams rtsal dang/ byang bzhin la sogs pa dag go /de la chags pa'i rab tu dga' ba ni phun sum tshogs pa de bdag pa'i rgyus nyams? bde zhing sems dga' ba'o/ /yongs su 'dzin pa ni bdag gi longs spyod la sogs pa la sems yang yang por gyur nas 'di dag kho nas chog go snyam du sems shing dge ba'i phyogs gzhan mi byed pa ste/ rgyags pa yang de nyid la bya'o/ /rnam par 'tshe pa ni sems can rnams la rnam par tho 'tsham pa'o zhes bya ba ni snying rje dang snying brtse ba med pa'i rgyus thal lcags dang khu tshur la sogs pa brdeg cing 'ching ba dang nan dbang la sogs pa nan tur sna tshogs byed pa ni tho 'tsham pa zhes bya'o/ /ngo tsha med pa ni kha na ma tho bas bdag la mi 'dzem pa'o zhes bya ba ni 'dod chags dang zhe sdang dang gti mug gi shas che bas de'i dbang du song ba ni ngo tsha med pa'o// kha na ma tho ba ni sdig pa mi dge ba'i las so/ /bdag la mi 'dzem pa ni bdag rigs kyi bu 'am rab tu byung ba'i dge sbyong yin pas/ 'di lta bu'i las byed pa ni bdag gis cha ma yin no/ snyam du sems pa med par sdig pa'i las la 'jug pa'o/ /khrel med pa ni kha na ma tho bas gzhan la mi 'dzem pa'o zhes bya ba la/ /gzhan la mi 'dzes pa zhes bya ba ni sdig pa mi dge ba'i las bya ba'i cha ma yin pa rnams byed pa'i tshe na/ gzhan gyis chad pa gtugs la sogs te dpya zhing smos pa dang/ khrel bas dogs pa med pa'i phyir ro/ /rmugs pa ni sems las su mi rung ba ste/ blong pa nyid do zhes bya ba ni/ gti mug gi shas che bas nyan ba dang/ sems pa'i dus na sems las su mi rung ste/ shes rab kyi khyad par bsal ba'i sems med pa'i phyir ro/ /rgod pa ni sems bzhi ba'o zhes bya ba ni 'dod chags kyi shas che bas sngon rtse rtse rgod rgod pa la sogs pa sdug pa'i mtshan ma'i rjes su 'brangs te g.yengs nas sgom pa'i dus na zhi gnas kyi bar du gcod pa'i phyir ro/ /ma dang pa ni las dang 'bras bu dang bden pa dang dkon mchog rnam pa yid mi ches pa dang/ sems ma dad pa ni/ dad pa'i mi mthun pa'i phyogs so zhes bya ba la/ las mi dge ba dang lung du ma bstan pa'o/ /'bras bu ni bde ba dang sdug bsngal dang gnyi gar ma yin pa'o/ /bden pa ni sdug bsngal dang kun 'byung dang 'gog pa dang lam gyi bden pa ste gzhi'o/ /dkon mchog ni sangs rgyas dang chos dang dge 'dun gsum mo/ /de dag yod par ni yid mi ches la yon tan yin par ni sems ma dad pa ste/ dad pa med na dge ba'i phyogs la sbyor ba med pa'i phyir ro/ /le lo ni dge ba la sems mngon par mi spro ba ste/ brtson 'grus kyi mi mthun pa'i phyogs so zhes bya ba ni nyan pa dang/ sems pa dang/ sgom pa la sogs pa dge ba'i phyogs rnams la mi 'jug par nyal ba dang gnyis zhing 'phres pa'i bsod nyoms kyi dbang du byed cing/ gti mug gi shas che bas dge ba la mi rtsol ba'i phyir brtson 'grus kyi mi mthun pa dang mi spro ba zhes bya'o/ /bag med pa mi chags pa dang/ zhes snga dang le lo gang yin pa dag gis nyon mongs pa las sems mi srung pa dang/ dge ba mi sgom pa'o zhes bya ba ni 'dod chags dang zhe sdang dang gti mug gsum gyis rgyu byas nas le lo la gnas bcas te de bzhi'i dbang du gyur ba ni bag med pa'o/ /'dod chags la sogs pa chos de bzhi'i rjes su sems yan du btang ste phyir mi ldog pa ni sems mi srung ba'o/ /ma chags pa la sogs pa dge ba'i phyogs la yang dang yang du 'dris par mi byed bas na mi bsgom pa zhes bya'o// brjod ngas pa ni dran pa nyon mongs pa can te/ dge ba la mi gsal pa'o zhes bya ba la/ 'dod chags la sogs pa dang 'dres pa'i dran pa ni nyon mongs pa can no/ /yang dag pa'i man ngag brjed de/ dge ba'i phyogs la dran pa med pas na mi gsal ba dang brjod ngas pa zhes bya'o/ /rnam par g.yeng ba ni 'dod chags dang zhe sdang dang gti mug gi shas kyis 'dod pa'i yon tan lnga po dag la gang sems rnam par 'phro ba'o zhes bya ba la g.yengs pa ni rnam pa drug ste/ rang bzhin gyi g.yeng ba dang/ phyi rol tu g.yeng ba dang/ nang gi g.yeng ba dang/ mtshan ma'i g.yeng ba dang/ gnas ngan len gyis g.yeng ba dang/ yid la byed pa'i g.yeng ba'o/ /de la rang bzhin gyis g.yeng ba ni sgo lnga'i rnam par shes pa rnams te/ de dag rang bzhin gyis kha phyir bltas pas nang du mnyam par 'jog mi nus pa'i phyir ro/ /phyi rol tu g.yeng ba ni mnyam par gzhag pa na ting nge 'dzin gyi yul bor te/ yid kyi rnam par shes pa 'dod pa'i yon tan lnga la 'gro ba'o/ /nang gi rnam par g.yeng ba ni mnyam par bzhag pa na bying ba dang/ rgod pa dang/ ro myang bar byed pa ste/ skyon de gsum gyis ting nge 'dzin med par byed pa'i phyir ro/ /mtshan ma'i g.yeng ba ni thar pa 'dod pa'i bsam pa ni med kyi khe dang grags pa 'dod pa'i phyir ro/ /gzhan dag gis 'di ni bsam gtan pa btsun pa zhig yin no/ /zhes brjod pa'i mtshan ma tsam zhig 'dod pa'i phyir brtson pa ste/ de ni dge pa la brtson du zin kyang don gyi 'bras bu med pa'i phyir ro/ /gnas ngan len gyi g.yeng ba ni rang 'dzin pa dang nga yir 'dzin pa dang/ nga'o snyam du 'dzin pa dang bcas pa yid la byed pa ni gnas ngan len gyi g.yeng ba ste/ de ni snying nas ting nge 'dzin gyis yon tan 'dod kyang bdag ni bsam gtan pa'o snyam pa'i nga rgyal gyi dbang gis bdag la bstan par gzhan la khyad du bsod pa ste/ dngos su na nga rgyal gyi bag chags ma spangs shing rtas pa dang/ de las nga rgyal mngon du gyur pa de gnyis la gnas ngan len ces bya ste/ de dge ba dri ma can du gyur pa'i phyir ro/ /yid la byed pa'i g.yeng ba ni/ theg pa chen po'i rigs can dag 'khor ba'i sdug bsngal gyis skyo zhing mi bzod de/ nyan thos kyi theg pa yid la byed na theg pa chen po las nyams par 'gyur te/ de'i phyir sems rnam par 'phro ba zhes bya'o/ /bshes bzhin ma yin pa ni nyon mongs pa dang mtshungs par ldan pa'i shes rab ste/ de lus dang ngag dang yid kyis spyod pa la mi shes bzhin du 'jug pa'o zhes bya ba ni/ shes rab yod med kyi 'dod chags dang ma rig pa la sogs pa nyon mongs pa rnams dang 'dres pa'i phyir nyon mongs pa dang mtshungs par ldan pa zhes bya ste/ des 'gro ba dang ldog pa dang/ smra ba dang bsam pa la sogs pa thog tu mi 'phebs bzhin du dmu thom du byed pa'i phyir ro/ /bzhi gzhan du yang ngo zhes bya ba ni 'gyod pa dang/ gnyis dang/ rtog pa dang/ dpyod pa ste de ni gong du dge ba dang/ mi dge ba ltar phyogs gcig tu nges pa med dge ba dang mi dge ba dang lung gdu ma bstan pa kun gyi nang du 'gro bas dge ba'i nang du song na mi dge ba las gzhan mi dge pa'i nang du song na dge ba las gzhan du gyur pa'i phyir gzhan du zhes bya'o/ /'gyod pa ni yid la bcags pa'i zhes bya ba ni 'gyod pa med ste dge ba dang mi dge ba dang lung du ma bstan pa rnams las su bya ste/ nyes so zhes 'gyod pa dang/ las su ma byas pa nyes so zhes 'gyod pa ste/ de yang dge ba byas pa nyes so zhes yid la bcags pa ni 'gyod pa mi dge ba'o/ /dge ba ma byas so zhes yid la bcags pa ni 'gyod pa dge ba zhes bya ste/ mi dge ba dang lung du ma bstan pa la yang de bzhin du 'thun 'thun du sbyar ro/ /gnyid ni 'jug pa la rang dbang med par sems sdud pa'o zhes bya ba ni sgo drug gi rnam par shes pa phyi'i yul la dmigs pa ni 'jug pa zhes bya ste/ gnyid kyi rgyu nyam pa chung zhing du ba pa dang/ lus ci zhing mun pa yid la byed de/ rmugs rmugs pa'o 'dug pa'i dbang gis rnam par shes pa yul la 'jug mi nus shing/ lus kyang 'dzin mi nus par nang du 'dus nas bya ba kun shor ba'i mtshan nyid de/ de yang dge ba byed byed pa las nyal te bar chad na mi dge ba'i gnyid do/ /sdig pa byed byed pa las nyal te rgyun chad na dge pa'i gnyid do/ /ri mo dang tshem drub byed byed pa las bar chad de log na lung du ma pa'o/ /yang na rmi lam na dge sdig ci phyed pa rnam pa gsum dang yang sbyar ro/ /rtog pa gang zhe na/ rtog pa ni kun tu tshol pa'i yid kyis rjod pa ste sems pa dang shes rab kyi bye brag gang sems rtsid pa'o zhes bya ba la/ brtsol ba'i don yid kyis rnam par shes pa'i sems la dran pa ni rtog pa dang yid kyis brjod pa zhes bya'o/ /rtog pa de yang 'jig rten dang/ 'jig rten las 'das pa ste/ 'jig rten gyis rtog pa ni sems de sems pa dang 'grogs pa'o/ /'jig rten las 'das pa ni shes rab dang 'grogs pa las 'byung ste/ 'di ci yin zhes btsal nas 'di ni bum pa'o snam bu'o/ zhes rag? rims spyi ci ma zhig 'ol phyogs su shes pa ni sems rtsid pa zhes bya'o/ /dpyod pa gang zhe na so sor rtog pa'i yid kyi brjod pa ste/ de bzhin du gang sems zhib pa'o zhes bya ba la/ gzhan ni gong ma dang 'dra la sems zhi ba pa zhes bya ba ni/ sngar bum pa'o tsam du rtsid par brtags pa de nyid la dpyod de bum pa'i bzang ngan dang chos mi tshos kyis kha dog dang dbyibs zhib tu gtan la 'bebs pa lta bu'o/ /sems dang mi ldan pa'i 'du byed bcu gzhi gang zhe na/ zhes bya ba la/ mi ldan pa'i sgras ni 'du shes med pa dang/ 'gogs pa dang/ brgyal ba dang gnyid stug po la sogs pa'i dus na sems mi rgyu ba la bya'o/ /gzhan yang dge ba byed pa'i dus na mi dge ba'i sems mi 'byung ba dang/ ri mo dang tshe la drub lta bu lung du ma bstan pa byed pa'i yul? na gcig tu dge pa dang/ sdig pa bya ba'i sems mi 'byung ba lta bu yang mi ldan pa zhes bya ste/ gzhan la yang de dang 'dra par sbyar ro/ /de dag kyang gang zhe na/ thob pa dang 'du shes med pa'i snyoms par 'jug pa dang/ 'gog pa'i snyoms par 'jug pa dang/ 'du shes med pa dang/ srog gi dbang po dang/ ris 'thun pa dang/ skye ba dang/ rga ba dang/ gnas pa dang/ mi rtag pa nyid dang/ ming gi tshogs dang/ tshig gi tshogs dang/ yi ge'i tshogs dang/ so so'i skye bo nyid dang/ de lta bu'i cha dang 'thun pa dag go/ thob pa ni rnyed pa dang ldan pa'o zhes bya ba ni las dge ba dang mi dge ba dang/ lung du ma bstan pa'i las gang yang rung ba zhig byas na/ las gang byas pa de'i bag chags sngon med pa las dang po yod par byas pa ni rnyed pa zhes bya/ de phan chad de dang mi 'bral bar 'grogs pa ni ldan pa zhes bya'o/ /'du shes med pa'i snyoms par 'jug pa mi dge rgyas kyi 'dod chags dang bral la/ gong ma ma yin pa 'byung ba'i 'du shes sngon du btang ba'i yid la byed pas sems dang sems las byung pa'i chos bstan pa ma yin pa rnams gang 'gog pa'o zhes bya ba la bsam gtan bzhi pa'i gnas gsum po'i ma thog 'bras bu che ba'i gnas de thob par bya ba'i phyir sgo drug gi rnam par shes pa dang/ de dang 'grogs pa'i 'du shes rnams bkag ste/ gnas pa ni 'du shes med pa'i snyoms par 'jug pa zhes bya'o/ /bsam gtan gsum pa'i skyon ma lus par spangs pa ni dge rgyas kyi 'dod chags dang bral ba zhes bya'o/ /bsam gtan gzhi pa'i skyon spangs pa mthar ma phyin pas na gong ma ma yin pa zhes bya gnas de ni thar pa gtan du mya ngan las 'das pa yin no snyam du sems pa ni 'byung ba'i 'du shes so/ /de thob par bya'o snyam du sems pa ni sngon du btang ba'i yid la byed pa'o/ /sems ni rnam par shes pa drug go/ sems las byung ba ni 'du shes la sogs pa ste/ de dag par 'ga' 'byung bar 'ga' mi 'byung bas brtan pa ma yin pa zhes bya ste/ de dag 'gog pa la bya'o/ /'gog pa'i snyoms par 'jug pa ni ci yang med pa'i skye mched kyi 'dod chags dang bral ba srid pa'i rtse mo las gyen du skyod pa zhi bar gnas pa'i 'du shes sngon du btang pa'i yid la byed pas sems dang sems las byung ba'i chos bstan pa ma yin pa rnams dang/ bstan pa rnams las kyang kha cig 'gog pa gang yin pa'o zhes bya ba ni/ rnam pa bzhis gong ma dang khyad par du dbye ste/ de yang rang bzhin dang/ gang zag dang/ sa dang yid la byed pa'o/ /de la 'du shes med pa ni rnam par shes pa drug 'gog la/ 'gog pas snyoms par zhugs pa ni rnam par shes pa bdun 'gog pas rang bzhin gyis khyad zhugs so/ /gang zag ni phyir mi ldog pa'i 'phags pa yan chad 'jug pa dang/ so so'i skye bos phye'o/ /sa ni ci yang med pa'i skye mched dang/ dge rgyas kyis phye'o/ /yid la byed pa ni gtan du byung ba dang/ re zhig zhi bar gnas so snyam pas khyad zhugs so/ /de la ci yang med pa'i skye mched ni gzugs med pa'i snyoms par 'jug pa'i gnas gsum pa ste/ 'dod chags dang bral ba ni de'i nyon mongs pa dang bral ba'o/ / 'du shes med 'du shes med min gyi nyon mongs pa spong ba la zhugs pa ni srid pa'i rtse mo las gyen du skyod pa zhes bya ba'o/ /de mthar ma phyin par gnas pa ni gtan du mya ngan las 'das pa ma yin yang de dang 'dra bar bde ba yin pas re zhig de la gnas so snyam du sems pa ni zhi bar gnas pa'i 'du shes dang yid la byed pa sngon du btang pa zhes bya'o/ /sems dang sems las byung ba ni gong ma dang 'dra/ bstan pa ni nyon mongs pa'i yid dang de'i 'khor rnams la bya ste/ rnam par shes pa bdun 'gog pa la bya'o/ /'du shes med pa ni 'du shes med pa'i snyoms par 'jug pa'i 'bras bu ste/ 'du shes med pa'i sems can lha rnams kyi nang du skyes pa'i sems dang sems las byung ba'i chos bstan pa ma yin pa rnams gang 'gog pa'o zhes bya ba ni gong du 'du shes med par snyoms par zhugs pa de'i 'bras bu ste/ 'bras bu che ba'i lha rnams kyi phyogs gcig na 'du shes med pa'i lha rnams kyi nang du skye gnas dang po ni 'du shes yod de nas sngon gyi shugs kyi 'du shes je phra je phra ste med par gyur nas bsam gtan khyad par can dang 'dra bar gnas pa ste/ rnam par shes pa drug 'gags pa'o/ /srog gi dbang po ni ris mthun pa rnams su sngon gyi las kyis 'phags pas gang 'du byed rnams kyis gnas pa'i dus nges pa'o zhes bya ba la tshe ring thung ji srid du mi 'chi ba ni srog gi dbang po zhes bya'o/ /lha ni lha nang 'dra ba nas grog spur la sogs pa tha dad pa nang 'dra ba ni ris mthun pa ste/ de dag sngon gyi las dge sdig gi dbang gis skyes nas che'i bye brag lo brgya stong man chad skad cig skad cig yan chad lo zla dang zhag grangs so so'i skal pas ci thub ni 'du byed gnas pa'i dus nges pa zhes bya'o/ /res 'thun pa ni gang sems can rnams kyi lus 'dra ba'o zhes bya ba ni mi dang lha dang dud 'gro la sogs pa lam rgyud lngar skyes pa rnams so sor nang 'dra ba la bya'o/ /skye ba ni lus 'thun par gang 'du byed rnams ma byung ba las byung ba'o zhes bya ba ni lha dang mi la sogs pa sems can gang yang rung ba'i nang du sngon med pa las bzod bya ba ni skye ba'o/ /rga ba ni de ltar de dag gi rgyun gzhan du 'gyur ba'o zhes bya ba ni phung po lnga po de dag dang po mer mer po la sogs pa'i rgyun gzhan dang gzhan du 'gyur ba nas tha ma sgra dkar dang gnyer ma can la sogs pa'i bar du 'gyur ba la bya'o/ /gnas pa ni de ltar de dag gis rgyun rgyud chags pa'o zhes bya ba ni 'du byed kyi phung po de dag byung nas de skad cig ma'i rgyun brgyud pa nam ma shi'i bar du 'dug pa ni gnas pa zhes bya'o/ /mi rtag pa ni de dag gi rgyud rgyun chad pa'o zhes bya ba ni phung po'i skad cig ma'i rgyun chad nas tshe 'phos te phung po zhig pa'o/ /ming gi tshogs ni chos rnams kyi ngo bo nyid kyi tshig bla dags so zhes bya ba ni chos gcig la skad brda tha dad pas ming du btags shing don go bar byed pa ste/ de yang me dang chu zhes bya ba dang/ rgya gar gyi skad kyis agni? dang/ pa ni zhes brjod pa dang/ me ni sreg par byed pa yin/ chu ni gshed par byed pa yin no bar don go ba lta bu'o/ /yang na ming gcig btags pa la yi ger byas na ye ge 'bru mang po du ma tshogs pa de la ming gis tshogs zhes bya'o/ /ngo bo nyid kyi tshig bla dags zhes bya ba la tsha ba dang/ gsher ba la sogs pa rang rang gi bya ba byed nus pa ni ngo bo nyid ces bya me dang chu zhes bya ba la sogs pa ni bla dags su ming bstags pas na tshig bla dags zhes bya ste/ de lta ma yin te ming nyid don yin na ni me zhes brjod pas kha tshig par 'byung ba'i phyir ro/ /tshig gi tshogs ni chos rnams kyi ngo bo nyid bye brag gis tshigs bla dags so zhes bya ba la me dang chu zhes bya ba la sogs par ming du btags pa ni ming gi tshogs zhes bya/ chu de yang mi rtag pa dang sdug bsngal ba dang stong pa dang bdag med pa yin no zhes brjod pa na tshig gi tshogs zhes bya ste/ chos rnams kyis bye brag gi tshigs bla dags kyang de nyid yin te chos thams cad la de bzhin du bsgre zhing sbyar ro/ /yi ge'i tshogs ni yi ge rnams te/ de gnyi ga gsal bar byed pa'i phyir ro !zhes bya ba la/ yi ge thams cad kyi phyi mo a dang ka la sogs pa mang po 'dus pa ni yi ge'i tshogs so/ /chos rnams kyi ngo bo nyid dang/ de'i khyad par dag yi ges ming dang tshig tu btags nas de'i don so sor go bar byed pa ni gsal bar byed pa zhes bya'o/ /so so'i skye bo ni 'phags pa'i chos ma thob pa'o zhes bya ba ni/ 'dod chags la sogs pa'i nyon mongs pa ma spangs shing rang rang gi las kyi dbang gi gnas la dad par skyes pa ni so so'i skye bo zhes bya'o/ /rgyun tu zhugs pa dang sa dang po thob pa yan chad ni 'phags pa zhes bya/ 'phags pa de'i chos ni mthong bas spang ba dang/ bsgom pas spang ba'i sgrib pa rnams spangs pa ste/ de dag ma thob pa'i phyir skye bo zhes bya'o/ /de lta bu'i cha dang mthun pa ni 'jug pa la sogs pa'o zhes bya ba ni 'du byed sems dang mi ldan pa'i cha dang 'thun pa'o/ /sogs pa'i sgra ni 'jug pa nas tshogs pa'i bar du dgu po dag bsdu'o/ /de la 'jug pa ni mi la sogs pa sems can gang yang rung ba'i phung po blangs nas/ skad cig ma'i brang rgyud dang 'bras bu'i tshul rgyun ma chad par 'jug pa la bya ste/ skad cig ma gcig gam phung po'i rgyun chad pa la ni mi bya'o/ /so sor nges pa ni phyi nang gi chos rgyu dang 'bras bu so sor nges pa ste/ phyi'i chos ni rgyu nas 'bras kyi sa bon btab na 'bras bu yang nas 'bras nyid du nges par 'byung gi bra sran du mi 'gyur/ rgyu bra sran gyi sa bon btab na 'bras bu yang de bzhin du 'gyur ro/ /nang gi chos kyang las dge ba las ni 'bras bu yang bde ba/ las mi dge ba las ni 'bras bu yang sdug bsngal du des te gzhan du mi 'gyur ba'o/ /'byor ba ni yon tan gyi rgyu dang 'bras bu 'tsham pa ste/ sbyin pas ni longs spyod 'byor/ tshul khrims kyis kyi mtho ris/ bzod pas ni byang bzhin brtson 'grus kyis ni yon tan rnams 'phel zhing bar mi chad/ bsam gtan gyis ni shes rab/ shes rab kyis ni rigs pa'i gnas lnga la mkhas pa la sogs te/ phun sum tshogs pa kun 'byor to/ /mgyogs pa ni rgyu dang 'bras bu myur du 'byung ba ste/ gong ma'i sbyin pa la sogs pa'i rgyu dang 'bras bu rnams dang yang skad cig ma snga phyi'i rgyu dang 'bras bu myur du 'byung ba'i phyir ro go rims ni rgyu sngar byung la 'bras bu phyis 'byung pa ste/ phyi nang gi chos thams cad kyang rgyu dang 'bras bu mgo mnyam du mi 'byung gi /re re nas rim bzhin 'byung ba'o/ /dus ni rgyu dang 'bras bu rgyun du 'byung ba'i dus te rgyu 'bras byung ste 'gags pa la ni 'das pa'i dus zhes gdags/ rgyu 'bras ma byung ba ni ma 'ongs pa'i dus zhes gdags rgyu 'bras byung ste/ ma 'gags pa la ni da ltar gyis dus zhes gdags so/ /yul ni lho byang shar nub phyogs bcu'i phyogs re re kun na yang phyi nang gi chos rgyu dang 'bras bu'i dngos por skye ba yod pa kun la yul zhes bya'o/ /grangs shes bya ba ni dngos po gcig pu la grangs su bgrang du med kyi/ dngos po tha dad pa mang po la gnyis dang gsum la sogs par grangs su bgrang bas na/ 'du byed rnams ni gcig pu ma yin zhing rnam pa mang po zhes bya ba'i don to/ /tshogs pa zhes bya ba ni phyi nang gi chos rnams skye ba'i rgyu dang rkyen de/ sa bon dang sa chu me rlung ni phyi'o/ /ma rig pa 'du byed gnyis dang khams drug nang gi rgyu dang rkyen te/ de dag 'dus pa ni phyi nang gi chos rnams skyed par byed pas tshogs pa'o/ /rnam par shes pa'i phung po gang zhe na/ dmigs pa rnam par rig pa'o zhes bya ba ni rnam par shes pa brgyad po so so'i yul shes par byed pa'o/ /sems dang yid kyang de yin te/ sna tshogs dang yid rten byed pa'i phyir ro zhes bya ba la/ sems ni sna tshogs zhes bya ba'i don te/ de yang mig dang rna ba la sogs pa nas yid kyi rnam par shes pa'i bar du drug po de dag rang rang gi yul tha dad pa'i chos sna tshogs la 'jug pa'i phyir ro/ /rnam par shes pa snga ma 'gags pa ni yid ces bya ste/ rnam par shes pa phyi ma skyes pa'i rgyu byed pa'i phyir yid rten byed pa zhes bya'o/ /dngos su na sems ni kun gzhi rnam par shes pa zhes bya ste/ de ni 'du byed thams cad kyis sa bon bsags pa'o zhes bya ba ni gong gi rnam par shes pa drug po la sogs zhes bya mod kyi gtan la bab par na sems ni kun bzhi la bya'o/ /ci'i phyir zhe na/ sems kyi sgra ni bsags par 'dren la/ kun gzhi yang skad cig ma re re la las dge ba mi dge ba dang lung du ma bstan pa'i 'du byed thams cad kyi bag chags bsags pa'i phyir ro/ /de yang dmigs pa dang/ rnam pa yongs su ma chad pa'o/ zhes bya ba ni/ kun gzhi rnam par shes pa de yul la la dmigs pa ma yin gyis/ snod dang bcud kyi 'jig rten ma lus pa thams cad la dmigs pa ma chad pa'o/ /kha dog sngon po dang ser po la sogs pa'i bye brag gsal bar mi byed pas rnam par ma chad pa'o/ /len pa'i rnam par shes pa yang de yin te/ lus len pa'i phyir ro zhes bya ba ni tshe phyi mar lus len pa ni bdag rtag pa ma yin gyi sems kyis lus len te/ de yang mngal du khrag dang khu ba 'dzin pa nas de nam ma shi ba'i bar du lus 'dzin pas na len pa'i rnam par shes pa yang de nyid yin zhes smos te/ mig la sogs pa rnam par shes pa drug po dang bdag rtag pa dag ni lus len pa ma yin no zhes bya ba'i don to/ /dngos su na yid kun gzhi rnam par shes pa la dmigs te rtag tu 'khor bzhi dang ldan pa'o/ zhes bya ba ni/ gong du sgo drug gi rnam par shes pa la sems zhes btags mod kyi dngos su na sems ni kun bzhi yin no zhes bya ba dang 'dra bar 'dir yang gong du rnam par shes pa drug po 'gags ma thag pa de la yid ces btags mod kyi dngos su de la mi bya ste/ 'dir ni nyon mongs pa can gyi yid la yid ces bya ste/ de rnam par shes pa yin na dmigs pa med du mi rung bas dmigs pa'i yul kun gzhi'o/ /de sems yin na sems las byung ba ni bdag tu rmongs pa dang/ bdag tu lta ba dang/ bdag tu nga rgyal ba dang/ bdag la chags pa bzhi dang kun tu 'gro ba lnga ste/ sems las byung ba'i 'khor dgu dang ldan no zhes bya'o/ /'jug pa'i rnam par shes pa drug kyang mdo gzhan las 'byung ba bzhin du ci rigs par shes par bya'o zhes bya ba ni mig gis rnam par shes pa nas yid kyi rnam par shes pa'i bar drug ste/ de yang mig gis rnam par shes pa ni mig la rten gzugs la dmigs nas gzugs yongs su shes par byed pas na/ rna ba'i rnam par shes pa la sogs pa kun la yang de bzhin du sbyar te/ yid kyi rnam par shes pa ni yid kyi dbang po la brten nas chos la dmigs shing chos yongs su shes par byed pa'i bar du de ltar shes par bya'o/ /skye mched bcu gnyis gang zhe na zhes bya ba ni mig la sogs pa'i rnam par shes pa drug 'byung zhing skye ba'i rgyu 'am sgo lta bur gyur pas skye mched ces bya ste/ dngos su na mig gi skye mched dang/ gzugs kyi skye mched dang/ rna ba'i skye mched dang/ sgra'i skye mched dang/ sna'i skye mched dang/ dri'i skye mched dang/ lce'i skye mched dang/ ro'i skye mched dang/ lus kyi skye mched dang/ reg pa'i skye mched dang/ yid kyi skye mched dang chos kyi skye mched do zhes smos te/ mig la sogs pa'i dbang po rnams la brten nas yul rnams la dmigs te/ rnam par shes pa drug skye bas na dbang po drug dang/ yul drug la ni skye mched bcu gnyis zhes bya'o/ /de la rnam par shes pa'i phung po gtogs pa rnam par shes pa brgyad ni yid kyi skye mched du bsdu'o/ /so sor brtags te 'gog pa dang so sor brtags pa ma yin pas 'gog pa dang nam mkha' dang de bzhin nyid dang/ tshor ba dang/ 'du shes dang/ 'du byed dang/ rnam par rig byed ma yin pa ste/ chos de brgyad ni chos kyi skye mched du bsdu'o/ /gzhan ni go sma'o/ /khams bco brgyad gang zhe na zhes bya ba ni rten gyi khams drug dang/ dmigs pa'i khams drug dang/ rten pa'i khams drug ste bco brgyad do/ /de la dbang po drug brten ces bya/ yul drug ni dmigs pa zhes bya/ rnam par shes pa drug ni brten pa zhes bya ste/ dngos su na mig gi khams dang/ gzugs kyi khams dang/ mig gi rnam par shes pa'i khams dang/ rna ba'i khams dang/ sgra'i khams dang/ rna ba'i rnam par shes pa'i khams dang/ sna'i khams dang/ dri'i khams dang/ sna'i rnam par shes pa'i khams dang/ lce'i khams dang/ ro'i khams dang/ lce'i rnam par shes pa'i khams dang/ lus kyi khams dang/ reg bya'i khams dang/ lus kyi rnam par shes pa'i khams dang/ yid kyi khams dang/ chos kyi khams dang/ yid kyi rnam par shes pa'i khams so zhes smos te/ gong du bshad pa ltar rim bzhin sbyar ro/ /khams drug gang zhe na/ zhes bya ba ni ming du khams zhes brjod pa'i rnam grangs gzhan dag kyang 'dir bstan te/ de yang sa'i khams ni sa bon brten pa'i bya ba byed do/ /chu'i khams ni sa bon brlan pa'i bya ba byed do/ /me'i khams ni sa bon dro pa'i bya ba byed do/ /rlung gi khams ni sa bon 'bu ba'i bya ba byed do/ /nam mkha' i khams ni sa bon ni sgrib pa'i bya ba byed do/ /dus ni sa bon 'gyur ba'i bya ba byed do/ /chu'i khams ni sa bon brlan pa'i bya ba byed do/ /me'i khams ni sa bon dro ba'i bya ba byed do/ /rlung gi khams ni sa bon 'bu ba'i bya ba byed ba'i sa bon yin no/ /rten cing 'brel bar 'byung ba'i yan lag bcu gnyis gang zhe na zhes bya ba ni nang gi chos rnams ji ltar skye ba'i rgyu dang 'bras bu rnams ston te/ de la mun pa chen po'i phyir ma rig pa'o zhes bya ba ni dper na mun pas? bsgribs nas rdzas kyi dngos po rags pa yang mi mthong ba dang 'dra bar ma rig pas kyang las dang/ las kyi 'bras bu yod pa dang/ bden pa dang dkon mchog yon tan can dang chos rnams kyi mtshan nyid stong pa nyid du mthong bar bya ba la bsgribs te mi mthog? bas na mun pa zhes bya'o/ /mngon par 'du byed pa'i phyir 'du byed rnams so zhes bya ba ni khams gsum du las dge ba dang/ mi dge ba dang lung du ma bstan pa sna tshogs byed pas na 'du byed do/ /rnam par rig pa'i phyir rnam par shes pa'o zhes bya ba ni phyi nang gi chos rnams la gzugs dang sgra la sogs pa yul tha dad pa mig la sogs pa'i rnam par shes pas so sor rig cing shes pas na rnam par shes pa zhes bya'o/ /rtan pa'i phyir ming gzugs so zhes bya ba ni dper na shing gsum rtse spang na mdud khyim du rung ba dang 'dra bar ming gi phung po dang gzugs kyi phung po gnyis kyang gcig kha gcig brten pas na min dang gzugs zhes bya'o/ /skye ba'i sgo'i phyir skye mched drug go zhes bya ba ni sems dang sems las byung ba rnams skye zhing 'byung ba'i rgyu byed pas na sgo zhes bya ste/ dngos su na mig la sogs pa'i dbang po drug ni skye mched ces bya'o/ /reg pa'i phyir reg pa'o/ /zhes bya ba ni yul dang dbang po dang rnam par shes pa gsum 'dus pa la reg pa zhes bya'o// myong ba'i phyir tshor ba'i zhes bya ba ni/ yul dang dbang pos rnam par shes pa gsum 'dus la na yul yid du 'ong ba dang/ yid du mi 'ong ba dang/ gnyi ga ma yin pa gang dang gang la reg pa'i rgyus tshor ba yang bde sdug rnam pa gsum myong pa ni tshor ba zhes bya'o/ /sgom pa'i phyir sred pa'o zhes bya ba ni/ sgom gyis gdungs pa dang 'dra par tshor ba sdug bsngal dang mi 'bral bar 'dod la/ tshor ba bde par ni phrad cing 'gogs par 'dod pas sred pa zhes bya'o/ /legs pa'i phyir len pa'o zhes bya ba ni len pa bzhi ste/ 'dod pa len pa dang/ lta ba len pa dang/ tshul khrims dang brtul zhugs snyems pa len pa dang/ bdag tu smra pa len pa'i phyir len pa zhes bya'o/ /yang srid par skye ba'i phyir srid pa'o zhes bya ba ni khams gsum du skye ba'i phyir te/ de yang skye ba'i rgyu las dang nyon mongs pa'i bag chags rtas nas tshe phyi mar skye ba ni srid pa zhes bya'o/ /phung po 'byung ba'i phyir skye ba'i zhes bya ba ni lam brgyud lngar lha dang mi la sogs pa'i lus kyi phung po sngon med pa las bzod byung ba ni skye ba zhes bya'o/ /phung po smin pa'i phyir rga'o/ zhes bya ba ni shing thog smin nas rnying pa dang 'dra bar sgra dkar dang gnyer ma can du 'gyur ba ni rga ba zhes bya'o/ /'jig pa'i phyir 'chi ba'o zhes bya ba ni lus kyi phung po gnas pa'i dus zad de drod dang rnam par shes pas btang nas zhig pa'i phyir 'chi ba'o/ /skabs yin pas na zhes bya ba ni sdug bsngal 'di dag kyang skye ba dang rga shi'i yan lag tu gtogs shing 'brel pa yin no zhes bya ba'o// mya ngan ni gnyen bshes dang longs spyod kyi yo byad rnams dang bral du dogs pa'i sems gdung pa'o/ /smre sngags 'don pa ni rgyu gang las mya ngan? du gyur pa'i lo rgyus tshig tu smra zhing 'khong ba'o/ /sdug bsngal ni lus nyams shing mi bde ba'o// yid mi bde ba ni sems nyams shing mi bde ba'o/ /'khrug pa ni sngon nyes pa sna tshogs byas pa kun dran nas sems dngos pa'o/ /brjod do zhes bya ba ni rten 'brel gyis 'jug la btags te bshad do zhes bya'o/ /pha rol tu phyin pa bcu gang zhe na zhes bya ba ni khams gsum gyis sdug bsngal rgya mtsho dang 'dra ba 'das nas sa bcu rim gyis 'thob pa byed pa'i phyir pha rol tu phyin pa bcu zhes bya ste/ de yang sbyin pa'i pha rol tu phyin pa ni chos dang zang zing dang mi 'jigs pa? gsum sbyin pa'o/ /de la dam pa'i chos dang 'jig rten gyi bstan dag dang/ gzo dang mthu rtsal rnams kyis gtong zhing phan 'dogs pa ni chos sbyin pa'o/ /zas skom nor rdzas la sogs te mkhar yul rgyal srid man chad dang dran zhing phyugs nor du smad rnams dang/ rang gi sha khrag dang mgo lus la sogs pa phyi nang gi dngos po rnam pa gsum gyis gtong zhing phan dogs pa ni zang zing sbyin pa'o/ /rgyal po dang blon po la sogs par chad pa dang/ dgra dang gcan zan la sogs pa'i 'jigs pa rnams las skyob cing phan 'dogs pa ni mi 'jigs pa sbyin pa ste/ de dag 'khor gsum yongs su dag par spyod pa ni pha rol tu phyin pa zhes bya'o/ /tshul khrims kyi pha rol tu phyin pa ni/ dge ba sdud pa dang/ mi dge ba sdom pa dang/ sems can phyi don byed pa'i tshul khrims rnam pa gsum mo/ /de la dge ba sdus pa ni dam pa'i chos nyan cing sems ba nas sa dang pha rol tu phyin pa la sogs te/ byang chub kyi chos rnams sgrub pa'o/ /mi dge ba sdom pa ni nyan thos kyis khrims bdun te/ dge slong pha ma dang/ dge sbyong pha ma dang/ dge snyen pha ma dang/ bar khrims ma rnams kyis srung ba'o/ /sems can gyi don byed pa ni bu gcig ba ces pa dang 'dra bar sems can thams cad la dbye bkol med par don byed pa ste/ 'khor gsum dag par spyod pa ni 'og man chad kun la yang sbyar ro/ /bzod pa'i pha rol tu phyin pa ni sdug bsngal la ji mi snyen pa dang/ mnod pa la mi mjed pa dang/ chos la des rtog pa'i bzod pa dang gsum mo/ /de la sdug bsngal la ji mi snyam pa ni dge ba byed pa'i dus na/ bkres shing skom pa dang/ grang zhing tsha ba la sogs pa'i gnod pa'i rkyen gang ci byung yang mi gtong ste dge ba'i rgyun mi gcod pa'o/ /gnod pa la mi mjed pa'i phan gtags pa'i sems can la sogs pa gzhan gyis brdegs pa dang bcing ba la sogs pa'i gnod pa sna tshogs byed kyang de la mi khro zhing ngan sems mi 'byung ba'o/ /chos la rtogs pa'i bzod pa ni stong pa dang/ bdag med pa 'am/ skye ba dang 'gag pa med pa'i don zab mo dag bstan na sems mi dangs zhing de la dad pa dang dga' ba skye ba'i phyir bzod pa'i pha rol tu phyin pa zhes bya'o/ /brtson 'grus kyi pha rol tu phyin pa ni cho ga dang dge ba sdud pa dang sems can kyis don byed pa ste/ gsum mo/ / de la dang po sems can thams cad kyis don dang/ bla na med pa'i byang chub bskal pa'i mdza' i bar du bsgrub po zhes dam 'cha' pa ni go cha'i brtson 'grus so/ /chos nyan pa dang/ sems pa dang/ sgom par byed pa rgyun mi gcod pa ni dge ba sdud pa'i brtson 'grus so/ /bsdu ba rnam pa bzhis sems can rnams thabs kyis bsdus te dge ba la 'god pa ni sems can gyi don byed pa'i brtson 'grus zhes bya'o/ /bsam gtan gyi pha rol tu phyin pa ni mthong ba'i chos la bde bar gnas pa dang/ yon tan mngon par sgrub pa dang sems can gyi don byed pas te/ gsum mo/ /de la rnam par mi rtog pa'i ting nge 'dzin dang/ 'gog pa'i snyoms par 'jug pa dag ni mthong ba'i chos la bde bar gnas pa'i bsam gtan yin no// dpa' bar 'gro ba la sogs pa'i ting nge 'dzin gyis sangs rgyas kyi che ba'i yon tan thams cad thob par byed pa ni yon tan mngon par sgrub pa'i bsam gtan no/ /bsam gtan sgrubs pa'i sgo nas mngon par shes pa drug po ?? thob nas lus kyi rdzu 'phrul byas pa'i rgyus sems dga' bar byas shing/ gzhan gyis sems shes pas sems dang 'thun par chos bshad nas mi dge ba las bzlog cing dge ba la 'god pa ni sems can gyi don byed pa'i bsam gtan zhes bya'o/ /shes rab kyi pha rol tu phyin pa ni bdag gi don rtogs pa dang gzhan gyis don rtog pa dang/ rgol ba tshar bcod pa'i shes rab ste gsum mo/ /de yang rig pa'i gnas lnga la mkhas pa ste/ de la nad? rigs pa ni gsung rab yan lag bcu gnyis kyi don la mkhas pas bdag gis don rtogs pa'i shes rab po/ /gso ba rig pa ni phyi'i nang bzhi brgya rtsa bzhi'i sman dbyang la mkhas pa dang/ nang gi nang 'dod chags dang zhe sdang la sogs pa'i gnyen po byams pa dang snying rje la sogs pa ston pa ni/ gso ba rig pa'o/ las su bya ba'i rnam pa thams cad la mkhas pa ni gzo rig pa zhes bya ste/ de sems can blun po rnams kyis mthu rtsal skyed cing bstangs te/ sems can rnams kyi don byas pa la gso ba dang gzo gnyis rig pas ni gzhan gyi don rtogs pa'i shes rab po/ /rgyu rig pa dang sgra rig pa gnyis ni tar ka dang bya ka ra Na'i skad la mkhas pa ste/ de gnyis kyis ni mu stegs la sogs pa sun 'byin pas rgol ba tshar gcod pa'i ces bya'o/ /thabs kyi pha rol tu phyin pa ni/ dge ba'i rtsa ba mang nyung ci bsags pa cung zad yan chad kyang sems can thams cad dang thun mong du byas shing bla na med pa'i byang chub chen por bsngos pas de'i 'bras bu dpag tu med par che zhing zad? mi shes par 'gyur ba'i phyir ro/ /smon lam gyi pha rol tu phyin pa ni bdag che rabs gar skyes kyang byang chub kyi sems dang mi 'bral zhing sems can thams cad kyi don du pha rol tu phyin pa'i spyod pa rgyun mi gcod par gyur cig ces smon lam du btab pa'o/ /stobs kyi pha rol tu phyin pa ni rnam pa gnyis te kun btags pa dang sgom pa'i stobs so/ /de la ting nge 'dzin dang 'grogs pa'i shes rab kyi phyi nang gi chos rnams stong pa dang bdag med par mthong bas de la chags pa mi skye ba ni kun brtags pa'i stobs zhes bya'o/ /brtson 'grus kyis shas che bas shes rab chung yang goms pa'i shugs kyis dge ba'i phyogs 'bad? mi dgos par sgrub pa ni bsgoms pa'i stobs zhes bya ste/ de dag la mi mthun pa'i phyogs ser sna la sogs bas mi tshugs pa'i phyir ro/ /ye shes kyi pha rol tu phyin pa ni chos rnams kyi mtshan nyid stong par thugs su chud bas/ byang chub sems dpa' chen po'i nang du chos kyi longs spyod chen pos longs spyod pa'i phyir ro/ /rgyu dang 'bras bu'i skabs yin pa byang chub sems dpa' i sa bcu gang zhe na/ zhes bya ba ni/ pha rol tu phyin pa ni rgyu yin la/ sa bcu ni 'bras bu yin pas/ 'dab chags su bshad par rigs te? 'brel to zhes bya ba'i tha tshig go/ sa bcu gang zhe na/ zhes bya ba ni/ mgo 'dren pa ste dngos su 'og nas 'byung bar sbyar ro/ /de las dang po ni rab tu dga' ba'o zhes bya ba ni dper na mi dbul po zhig gis nor bu rin po cha zhig rnyed na sngon ma mthong ba'i nor bu mchog tu rin che ba 'di 'dra ba snyed do zhes shin tu dga' ba dang 'dra bar sngon nam yang ma mthong ba'i chos kyi dbyings mngon du mthong ba dang/ bdag dang gzhan gyi don phun sum tshogs par byed nus te/ sbyin pa rdzogs nas dga' ba'i khyad par dpag tu med pa skyes pa'i phyir sa dang po rab tu dga' ba zhes bya'o/ /sa gnyis pa dri ma med pa ste/ dri ma ni 'khor ba'i chos la dga' ba dang/ theg pa chung ngu la dga' ba ste/ de yang mi dge ba byed pa dang snying rje med pa'o/ /dri ma de gnyis sa gnyis pa'i dus na med pas dri ma med pa'o/ /yang na tshul khrims rdzogs te rmi lam na yang tshul khrims ngan pa'i las mi byed pas dri ma med pa zhes bya'o/ /sa gsum pa ni 'od byed pa ste/ bzod pa'i pha rol tu phyin pa rdzogs pas lus dang srog? la yang mi lta? thos pa btsal te bdag dang gzhan gyis mi shes pa gsal zhing shes rab skyes pa ni 'od byed pa zhes bya'o/ /sa bzhi pa ni 'od 'phro ba can te/ brtson 'grus kyi pha rol tu phyin pa rdzogs pas byang chub kyi phyogs bsgoms pa las ye shes me dang 'dra ba?? skyes pas nyon mongs pa rtsi shing lta bus bsregs pa'i phyir 'od 'phro ba can zhes bya'o/ /sa lnga pa ni shin tu sbyang dka' ba ste/ bsam gtan gyi pha rol tu phyin pa rdzogs pas rnam par mi rtogs pa'i ye shes ting nge 'dzin las kyang mi nyams la/ sems can gyis don byed pa yang rgyun mi gcod la gnyis ka mgo mnyam du spyod pa de shin tu dka' bas spyad dka' ba zhes bya'o/ /sa drug pa ni mngon du gyur pa ste/ shes rab kyi pha rol tu phyin pa rdzogs pas brten cing 'brel par 'byung ba skye ba dang 'gag pa med pa'i don mngon du rtogs pas mngon du gyur pa zhes bya'o/ /sa bdun pa ni ring du song ba ste thabs kyi pha rol tu phyin pa rdzogs pas 'bad pa dang rtsol bas 'jug pa'i mtshan ma'i mthar phyin cing mtshan ma dang bral ba'i phyir ring du song ba zhes bya'o/ /sa brgyad pa ni mi g.yo ba ste/ stobs kyi pha rol tu phyin pa rdzogs pas mtshan ma med pa lhun gyis grub ste/ ye shes kyi stobs kyi mtshan ma zil gyis mnon te cung zad kyang mi 'byung bas nas mi g.yo ba zhes bya'o/ /sa dgu pa ni legs pa'i blo gros te/ smon lam gyi pha rol tu phyin pa rdzogs pas chos so so rig pa dang/ don so so rig pa dang/ des pa'i tshig so so rig pa dang/ stobs? pa so so rig pa ste/ /so so yang dag par rig pa bzhi dang ldan pas chos kyi mkhan po chen por gyur ba'i phyir legs pa'i blo gros zhes bya'o/ /sa bcu ba ni chos kyi sprin ces bya ste/ ye shes kyi pha rol tu phyin pa rdzogs pas dper na sprin? chen po las chad? bab? na dgon pa la yang ldan? thog 'khrungs pa dang 'dra bar ye shes dang thugs rje sprin lta bus sems can gyi sems dgon dung lta bu la chos kyi tshar pa phab nas lo tog dge ba 'khrung zhing 'phel pas na chos kyi sprin ces bya'o/ /stod pa bco brgyad gang zhe na zhes bya ba ni stong pa nyid la ni tha dad du dbyer mi rung ste/ du mar bgrang? du med mod kyi sems can rnams kyis dngos po yod par brtags pa'i yul tha dad pa rnams la dngos po med par bstan pa'i sgo nas stong pa'i rnam grangs kyang bco brgyad du phye'o/ /de la nang stong pa nyid ni mig ces bya ba nas yid ces bya pa'i bar dag ste/ mig la sogs pa'i dbang po drug dang de'i rten lus kyi phung po lnga dag ni nang zhes bya ste/ de dag la chos dang gang zag ces bya ba rtag pa ther zug tu gnas pa'i dngos po rdul tsam yang med pa'i phyir nang stong pa nyid ces bya'o/ /de ltar chos gang zag gis dngos po med pa stong pa zhes bya ba ni don dam pa yin par gzhan kun la yang sgre zhing go bar bya'o/ /phyi stong pa nyid ni gzugs zhes bya ba nas chos zhes bya ba'i bar du yul drug ste/ rnam par shes pas ma zin ba blun po'i rang bzhin bems po rtsi shing dang nags tshal la sogs pa 'byung ba chen po bzhi dang dbang po dang rnam par shes pa'i yul rnams ni phyi zhes bya la ste/ de dag la yang dngos po med do zhes bya bar sbyar ro/ /phyi nang stong pa nyid ni skye mched bcu gnyis te/ la la dag 'di snyam du nang dang phyi gnyis la ni dngos po med par bstan na/ 'on kyang phyi nang gnyis ka 'dus pa'i phyir? ni? dngos po zhig yod do snyam du sems na yang dbang po drug dang yul drug de la dmigs shing rten pa rnam par shes pa drug tsam du zad do/ de dag la yang dngos po med pa'i don to/ /stong pa nyid stong pa nyid ni chos thams cad kyi stong pa nyid gang yin pa ste/ la la ngag? 'di snyam du phyi dang nang dang/ phyi nang gsum gyis bsdus pa'i chos thams cad ni dngos po med do stong par bstan na/ 'on kyang chos de dag thams cad stong pa'o zhes tshig tu mi btags pas stong pa zhes bya ba de nyid dngos po zhig tu yod do snyam du sems na yang stong pa'i dngos po lta ga la yod de? med ces bas na stong pa nyid ces bya'o/ /chen po stong pa nyid ni phyogs bcu ste/ lho byang shar nub kyi phyogs ji snyed pa thams cad kyi snod kyi 'jig rten gsum dang bcud kyi 'jig rten rgyud ltar skyes pa mang zhing rgya che ba de dag la dngos po yod par sems na yang de la yang dngos po med do zhes bya'o/ /don dam pa stong pa nyid ni mi rtag mi 'jigs pa'i mtshan nyid de/ chos kyi dbyings dang mya ngan las 'das pa ni don dam pa ste/ de ni rtag pa'i dngos po med pas na mi rtag go/ gtan nas ci yang med pa ma yin pas na mi 'jigs ces bya ste/ de la dngos po yod par rtog na yang yod pa ma yin no zhes bya ba'i don to/ /'dus byas stong pa nyid ni khams gsum ste/ 'dod pa'i khams dang/ gzugs kyi khams dang/ gzugs med pa'i khams gsum ni 'dus byas so/ yang na 'dus byas kyi mtshan nyid bzhi ste/ skye ba dang gnas pa dang mi rtag pa dang 'jig pa bzhi la bya ste/ de dag la dngos po yod par rtog na yang yod pa ma yin te med do zhes bya'o/ /'dus ma byas stong pa nyid ni skye ba med pa dang 'gag pa med pa dang gnas pa las gzhan du 'gyur ba med pa ste/ de ni so sor brtags pas 'gog pa dang/ so sor brtags pa ma yin pas 'gog pa dang gzhag pa mi rnams kyis ni mi rtogs la/ /mig tu song na de nyid kyis/ /mi bde ba dang gnod skyed bzhin/ /byis pa dag ni lag mthil 'dra/ /'du byed sdug bsngal spu mi rtogs/ /mkhas pa rnams ni mig dang 'dra/ /de yis shin tu yid kyang 'byung zhes gsungs te/ byis pa dag ni mnar med pa'i phung po la yang sdug bsngal gyi blo 'byung gi/ 'phags pa dag ni srid pa'i rtse mo la yang sdug bsngal gyi blo 'jug pas de ni 'du byed kyi sdug bsngal gyi khyab par bstan to/ /bskal pa grangs med pa gsum gang zhe na/ mos pas spyod pa'i sa nas sa dang po'i bar du gcig/ sa dang po nas sa brgyad pa'i bar du gcig sa brgyad pa nas sa bcu pa'i bar du gcig go zhes bya ba la/ bskal pa'i dang po ni tshe dpag tu med pa nas bris nas brgyud khrir gyur pa nas bzung ste rim gyis mi'i tshe lo bcu'i bar du mar bril ste/ bar gyi bskal pa gcig go/ de nas yang tshe lo brgyad khrir gyur la slar yang bri ba'i rim gyis tshe lo bcu par gyur pa'i bar de ni yang skye ba dang mar bri ba'i bar gyi bskal pa gnyis pa ste/ de lta bu bco brgyad dang de'i tha ma yang tshe lo bcu nas brgyad khrir yang skye ba'i skal pa gcig dang/ dang po mar 'grib pa'i bskal pa ste/ de lta bur bar gyis bskal pa nyi shur 'jig rten 'chags so/ /nyi shur gnas so/ /nyi shur 'jig go/ nyi shur stongs te/ bar gyi bskal pa brgyad cu la skal pa chen po gcig ces bya ste/ de lta bu bgrang ba'i mdza' las 'das pa ni bskal pa grangs med pa gcig ste/ mos pas spyod pa'i sa dang/ sa brgyad pa man chad dang/ sangs rgyas kyis kun tu 'od man chad du bskal pa de lta bu re re thogs par go rim bzhin du sbyar ro// gang zag gsum gang zhe na/ the tsom can gyi gang zag dang log par shes pa'i gang zag dang mi shes pa'i gang zag go zhes bya ba la/ chos kyi mtshan nyid mi rtag pa dang/ sdug bsngal pa dang/ stong pa dang bdag med pa yin nam 'on te ma yin snyam du sems ma nges pa ni the tsom can gyi gang zag go/ chos rnams rtag pa dang bde ba dang gtsang pa dang/ bdag yod par nges par 'dzin pa ni log par shes pa'i gang zag go/ chos kyi mtshan nyid mi rtag pa dang/ rtag pa la sogs gang gis rgyus kyang mi shes pa ni mi shes pa'i gang zag ces bya'o/ /ma 'dres pa'i nye bar gzhag pa gsum gang zhe na/ gus par nyan pa rnams la sems snyoms pa dang gus par mi nyan pa rnams la/ sems snyoms pa dang gus par nyan pa dang/ gus par mi nyan pa rnams la sems snyoms pa'o zhes bya ba las skye bo dang nyan thos dag la med kyi sangs rgyas nyi tshe la mnga' ni ma 'dres pa'i nye bar gzhag pa zhes bya ste/ de yang slob ma 'khor gus pa dang/ rim gro bskyed de 'grub pa'i chos nyan na yang lhag par dga' ba yang med pas gus par nyan pa rnams la sems pa'o/ /gus pa med cing gyong ste rim dro chud pa dang chos nyan du mi btub na yang/ sems dang zhe sdang mi 'byung bas na gus par mi nyan pa rnams la/ sems snyoms pa'o/ /bar bar gus shing rim gro dang/ chos nyan pa la 'grus/ bar bar mi 'grus te/ rim gro dang chos nyan tu mi btub na/ de la yang gus pa'i tshe dga' ba yang mi skyed/ mi gus pa la khro pa yang mi skyed de bzhin nyid dang nam mkha' ste/ chos de gzhi ni rgyu dang rkyen gang gis kyang ma skyes pas 'dus ma byas zhes bya ste/ de ni 'dus byas kyi chos ltar dang/ dang po skye ba dang tha mar 'gag pa dang bar du gnas pa'i dus na yang bzang ngan dang che drung du 'gyur ba lta bu med pa ste/ de la dngos po yod snyam na yang dngos po med pa ste stong ngo zhes bya'o/ /mdza' las 'das pa stong pa nyid ni mdza' thams cad bral ba ste/ yod pa dang med pa'i mdza' las 'das pa zhes bya ba de la dngos po yod do zhe 'am/ yang na sngon dang da ltar phyi ma'i mdza' la dngos po yod par rtog na de dag la dngos po med do zhes bya'o/ /thog ma dang tha ma med pa stong pa nyid ni dus gsum ste/ de yang 'khor ba'i thog ma zhes bya ba dang tha ma zhes bya ba 'am yang na 'das pa dang ma 'ongs pa dang da ltar gyi dus gsum rnams la dngos po zhig yod do bar rtog na yang/ dngos po med pas stong ngo/ /dor ba med pa stong pa nyid ni/ chos thams cad blang bar bya ba dang spang bar bya ba med pa ste dper na bum pa ni nang du chu sngar blugs pa las chu de po ste bum pa stong par gyur pa dang 'dra bar don dam pa de la yang rdzas kyis dngos po zhig snga na yod yod pa la rdzas de por de med par gyur nas stong par gyur nas stong par gyur pa lta bu la mi bya'i/ don dam pa ni thog ma nyid nas stong pa nyid kyi mtshan nyid yin pas na stong pa nyid la dor ba dang blang ba dang spangs pa med pas na 'ga' zhig de la dngos po yod par rtog na dngos po med do zhes bya ba'o/ /rang bzhin stong pa nyid ni 'dus byas dang 'dus ma byas kyi chos rnams nyan thos dang/ rang sangs rgyas dang byang chub sems dpa' dang/ /de bzhin gshegs pa rnams kyis stong par ma byas pa'i chos gang yin pa ste/ /de yang gzugs nas brtsams te 'dus byas dang 'dus ma byas kyi chos thams cad ye nas stong pa nyid kyis khyab ste/ rang bzhin gyis stong par gnas pa de ni nyan thos la sogs pa 'phags pa rnams kyis brtsal te stong par ched du byas par gyur ni ma yin gyi de nas stong ba nyid du gnas pas na rang bzhin stong pa zhes pa'o/ /chos thams cad stong pa nyid ni phung po dang khams dang skye mched dang khams gsum dang 'dus byas dang 'dus ma byas rnams te/ de yang phung po la sogs pa phyi nang gi chos rnams kyi rang dar spyi'i mtshan nyid la gnyis las 'dir phyi'i mtshan nyid du chos thams cad mi rtag pa dang sdug bsngal ba dang stong pa dang bdag med pa zhes bya ba de la dngos po med pa'am/ yang na don dam par chos thams cad la ngo bo nyid med pa la 'ga' zhig dngos po yod par rtog na de la dngos po med do zhes bya'o/ /rang gi mtshan nyid stong pa nyid ni gzugs ni 'jig pa'i mtshan nyid ces bya ba nas/ rnam par shes pa ni rnam par rig pa'i mtshan nyid ces bya ba'i bar dag ste/ de la yang sa sra ba dang/ chu gsher ba dang/ me tsha ba dang/ rlung yang ba zhes bya ba nas rnam pa thams cad mkhyen pa nyid ni mngon sum gyi mtshan nyid do zhes bya ba'i bar du ste/ mtshan nyid rnam pa gnyis las rang gi mtshan nyid de dag la dngos po yod par rtogs na yang de dag gis dngos po med do zhes bya ba'o/ /mi dmigs pa stong pa nyid ni dus gsum gyis chos rnams te/ de yang phyi nang gi chos rnams 'das pa'i dus dang da ltar dang/ ma 'ongs pa'i dus gang du yang lan 'ga' yang dngos po can du ma gyur te/ dngos por nam yang ma dmigs pas na mi dmigs pa stong pa zhes bya'o/ /dngos po med pa stong pa nyid dang/ ngo bo nyid stong pa nyid dang/ dngos po med pa'i ngo bo nyid stong pa nyid ni chos thams cad rten cing 'brel bar 'byung ba dang gnas pa dang 'gag pa'i phyir ro zhes smos te/ tshig dang po'i don ni gzugs dang sgra la sogs pa'i chos rnams ji ltar da ltar snang ba bzhin du dngos po yang dag par med pas na/ /dngos po med pa stong pa zhes bya'o/ /tshig gnyis pa ni gzugs dang/ sgra la sogs pa'i chos nyid ces bya ste/ chos nyid de la dngos po med pa na ngo bo nyid stong pa zhes bya'o/ /tshig gsum pa ni gong du smos pa ni dngos po med pa stong pa nyid dang ngo bo nyid med pa'i stong pa gnyi ka gcig tu bsdus pa la dngos po yod do snyam du 'ga' zhig rtog na de gnyis 'dus pa la yang dngos po med pas na/ dngos po med pa'i ngo bo nyid stong pa zhes bya'o/ /de ci'i phyir zhe na/ chos thams cad rgyu dang rkyen gzhan dang gzhan tha dad pa mang po gcig la gcig brten te skyes pa ni skad cig re re la skye zhing 'gag pa'i phyir rtag pa'i dngos po yod pa yang ma yin la thams cad nas thams cad du gtan ci yang med pa yang ma yin pas na/ chos thams cad rten cing 'brel par 'byung ba la gnas shing 'gag pa'i phyir ro zhes smos so/ /byang chub kyi phyogs kyi chos rnams ni sa dang gnyen po'i tshul du bzhag ste/ zhes bya ba la/ byang chub ni nyan thos dang rang sangs rgyas dang bla na med pa'i byang chub rnam pa gsum ste/ zad pa dang mi skye ba'i ye shes thob pa la bya'o/ /de'i phyogs kyi chos ni de thob par bya ba rgyu dang thabs lta bu grogs su gyur pa la bya ste/ dngos su 'og nas 'byung ba rnams so/ /sa ni rgyun tu zhugs pa nas sa dang po la sogs pa sa bcu dag go/ gnyen po ni sa de dag gi mi mthun pa'i phyogs ser sna la sogs pa zlog cing spong ba ste/ dgra dang dgra zla lta bu'i tshul la bzhag pa'i don to/ /dran pa nye bar gzhag pa bzhi ni lus dran pa nye bar gzhag pa dang/ tshor ba dran pa nye bar gzhag pa dang/ sems dran pa nye bar gzhag pa dang/ chos dran pa nye bar gzhag pa ste/ de la dran pa ni shes rab ste/ chos kyi mtshan nyid ji lta ba bzhin ma nor bar shes pas lhag mthong dang sbyar zhing nye bar gzhag pa ni ji ltar shes rab kyis bcad pa de nyid rtse gcig tu gzhag pas zhi gnas dang sbyor ro/ /lus ni rnam pa gsum ste/ nang dang phyi dang phyi nang gsum mo/ /de la nang gi lus ni bdag rang gi lus so/ /phyi ni rnam par shes pas ma zin pa rtsi shing la sogs pa snod kyis 'jig rten no/ /phyi nang gi lus ni bdag las ni phyi ci shing sems med pa las na ste/ sems can gzhan gyis lus so/ /de dag las la nang gi lus la rang gi mtshan nyid 'byung ba dang 'byung ba las gyur pa gzhig cing gzhom du rung pa dang spyi'i mtshan nyid mi rtag pa dang/ sdug bsngal ba nas/ spyi bo man chad rkang pa yan chad rnag dang chu ser dang bad kan la sogs pa mi gtsang ba sna tshogs kyi mtshan nyid du brtags te/ phyi nang gi lus kyang de dang 'thun phyi'i lus kyi rang gi mtshan nyid ni rdul phra mo du ma 'dus pa yin la/ spyi'i mtshan nyid ni gong ma dang 'dra bar shes rab kyi gtan la phab na rtse cig tu 'jog pa ni lus dran pa nye bar 'jog pa zhes bya'o/ /tshor ba ni nang gi lus la dmigs nas tshor ba rnam pa gsum byung ba ni nang gi tshor ba zhes bya/ de bzhin du phyi'i lus la dmigs nas byung ba phyi'i tshor ba dang/ phyi nang gi lus la dmigs nas byung ba phyi nang gi tshor ba zhes rnam pa gsum du sbyar ro/ /de yang lus dang sems la sim par byed pa ni tshor ba bde pa'o/ /lus dang sems la gdung bar byed pa ni tshor ba sdug bsngal lo/ /gdung ba dang sim pa gnyis kar mi byed pa ni tshor ma btang snyoms te/ de dag kyang spyi'i mtshan nyid ni gong ma dag dang 'dra la/ rang gi mtshan nyid ni tshor ba gsum char yang sdug bsngal ba'i mtshan nyid de/ tshor ba sdug bsngal la ni sdug bsngal gyi sdug bsngal gyis khyab tshor ba bde ba la ni 'gyur ba'i sdug bsngal gyis khyab/ tshor ba btang snyoms la ni 'du byed kyi sdug bsngal gyis khyab bo zhes btags shing rtse gcig tu 'jog pa ni tshor ba dran pa nye bar 'jog pa'o/ /sems ni nyi shu ste 'dod chags dang bcas pa'i sems nas 'dod chags dang bral ba dang/ zhe sdang dang bcas pa dang/ zhe sdang dang bral ba dang/ gti mug dang bcas pa dang gti mug dang bral? ba dang/ bsdus de'i dang rnam par g.yengs pa'i dang zhum pa'i dang gzeng mthos pa'i dang rgod pa'i dang rgod pa med pa'i dang/ zhi ba'i dang ma zhi ba'i dang/ shin tu mnyam par bzhag pa'i dang/ shin tu mnyam par ma bzhag pa'i dang/ lam shin tu bsgom pa pa'i dang/ lam shin tu bsgoms pa las grol ba dang/ lam shin tu bsgoms pa las grol ba ma yin pa'i sems te nyi shu'o/ /de dag kyang bsdu na rnam pa gnyis te/ dpyod pa'i dus kyi sems dang gnas pa'i dus kyi sems so/ /de la 'dod chags dang bcas pa nas/ gti mug dang bral ba'i bar du sems drug ni spyod pa'i sems zhes bya'o/ /bsdus pa'i sems man chad ni gnas pa'i sems zhes bya'o/ /de la spyod pa ni las su byed pa'o/ /gnas pa ni ting nge 'dzin du 'jog pa'o/ /sems de dag kyang phyi nang rnam pa gsum du sbyar te/ nang gi lus la dmigs pa'i sgo nas sems nyi shu byung ba ni nang gi sems zhes bya'o/ /de bzhin du phyi'i lus dang/ phyi nang gi lus la dmigs pa'i sems rnam pa gsum po thams cad kyang mi rtag pa dang sdug bsngal ba dang stong pa dang bdag med pa'o zhes rtse gcig tu 'jog la ni sems dran pa nye bar gzhag pa zhes bya'o/ /chos ni kun nas nyon mongs pa dang/ rnam par byang ba'i chos te de yang gong ma'i sems nyi shu bo de dag nyon mongs pa dang/ nye ba'i nyon mongs pa rnams dang ldan pa ni kun nas nyon mongs pa zhes bya'o/ /nyon mongs pa de dag spong ba'i gnyen po mi gtsang ba dang byams pa dang rten cing 'brel bar 'byung ba la sogs pa dang ldan pa ni rnam par byang ba zhes bya ste chos de dag la stong pa dang/ bdag med par rtog cing bsgom pa ni chos dran pa nye bar gzhag pa zhes bya'o/ /de dag bsgoms pas phyin ci log bzhi spong ste de yang lus dran ba nye bar gzhag pa mi gtsang bar bsgoms pas btsad bar lta ba spangs so/ /tshor ba dran pa nye bar gzhag ba sdug bsngal bar bsgoms pas bde bar lta ba spangs so/ /sems dran pa nye bar gzhag pa mi brtags par bsgoms pas brtag par lta ba spangs so/ /chos dran pa nye bar gzhag pa bdag med par bsgoms pas bdag yod par lta ba spangs so/ /bden pa bzhi bsgoms zhing rtogs pa yang de dag nyid yin te/ sdug bsngal bden pa dang kun 'byung bden pa dang 'gog pa bden pa dang lam bden pa ste/ /de bzhin dang go rim bzhin du re re sbyar ro/ /yang dag par spong ba bzhi ni sdig pa mi dge ba'i chos ma skyes pa rnams mi skyes pa'i phyir 'dun bskyed do/ /dge ba'i chos ma skyes pa rnams bskyed pa'i phyir 'dun pa bskyed do/ /dge pa'i chos bskyed pa rnams gnas pa dang phyi zhing 'byung ba dang/ nyams par mi 'gyur ba dang yongs su rdzogs par bya ba'i phyir 'dun pa skyed do/ /gong du dran pa nye bar gzhag pa'i skabs su chos dran pa nye bar gzhag ba sgom pa na kun nas nyon mongs pa'i chos ni mi 'thun pa'i phyogs yin la rnam par byang pa'i chos ni gnyen po yin par rtogs nas mi mthun pa spong zhing gnyen po skyed pas byed pa'i brtson 'grus kyi rang bzhin rnam pa gzhi 'byung ba ni yang dag par spong ba zhes bya'o/ /'dod pa'i khams kyi lus kyi las gsum dag gi gzhi dang yid kyis gsum te mi dge ba bcu dang de dag skye ba'i rgyu 'dod chags dang zhe sdang la sogs pa ni bdag dang gzhan la gnod cing rnam par smin pa yang sdug bsngal chen po skyes pas na sdig pa zhes bya/ dge ba dang mi mthun zhing 'phags pa rnams kyis smad pa yin pas na mi dge ba zhes bya ste/ yul de dag la dmigs shing spyod pa'i sgo nas sems kyis rgyud la bag chags bsags pa ni skyes pa zhes bya/ bag chags ma bsags pa ni ma skyes pa ni? ste/ chos de dag sems la da ltar yang ma skyes la phyis kyang mi 'gyur bar bya'o snyam du sems pa dang/ chos de dag sngar sems la skyes pa rnams ni ci nas kyang brgyun bcad cing mngon du mi 'byung bar spong ngo snyam du sems pa de ni 'dun pa zhes bya'o/ /dge ba'i chos ni gong ma la sogs pa ste dge ba bcu dang 'dod ma chags pa dang/ zhe mi sdad ba la sogs pa ste/ de dag ci'i phyir spong ba zhes bya zhe na/ dge ba'i chos de rnams kyis kyang mi mthun pa'i chos rnams spong ba'i phyir yang dag par spong ba zhes bya'o/ /chos de dag sems kyis rgyud la snga na med pa las de bskyed cing mngon sum sgrub po snyam du sems dpa' dang snga na sems kyi rgyud la cung zad yod pa yang 'phel zhing rgyas par bya'o snyam du sems pa ste/ de dag snga na yod pa las mi 'bri ba ni gnas pa'o/ /yang nas yang du mngon sum du bsgrubs pas shas je cher je cher 'phel ba ni phyir zhing 'byung ba'o/ /mi mthun pa'i phyogs sdig pa'i dbang du mi 'gro ba ni nyams par mi 'gyur ba'o/ / mi dge ba spang zhing dge ba bskyed pa de myur du mthar phyin par byed pa ni yongs su rdzogs par bya ba'o/ /de ltar de dag gi phyir 'di dang 'di bya'o snyam pa'i sbyor pa'i sems ni 'dun pa ste/ brtson 'grus skyed pa'i mtshan nyid do/ /rdzu 'phrul gyi rkang pa bzhi ni 'dun pa'i ting nge 'dzin spong ba'i 'du byed ldan pa'i rdzu 'phrul gyi rkang pa dang sems kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ brtson 'grus kyi ting nge 'dzin spong ba'i 'du byed dang ldan pa'i rdzu 'phrul gyi rkang pa dang/ dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa ste/ de la rdzu 'phrul ni lha'i mig dang/ rna ba dang gzhan gyi sems shes pa dang sngon gyi gnas dang 'chi 'pho ba dang skye ba shes pa ste mngon par shes pa lnga la bya/ rkang pa bzhi ni de 'thob pa'i byed pa'i rgyu la bya ste/ kyus kyi ting nge 'dzin bzhi dang sbyar ro/ /sems kyi ting nge 'dzin tu 'jog pa la lhag par dga' zhing mos pa'i dbang gis brtag tu ting nge 'dzin la 'jug pa'i sgo nas sems rtse gcig thob pa ni mos pa'i ting nge 'dzin ces bya ste/ de yang bsam gtan gyis 'bras bu mtho ris dang thar pa'i yon tan dag la 'dod pa'i rang bzhin no/ /ting nge 'dzin la mi mthun pa'i phyogs bsgrib pa lnga yod de/ de yang le lo dad dmigs pa brjed pa dang/ zhum rgod dang 'du mi byed pa dang 'du byed pa'o/ /de la le lo ni dge ba la mi 'jug pa ste/ dang po nyan pa dang sems pa la sbyor ba'i dus na sgrib pa'i phyir nyes pa'o/ /dmigs pa brjod pa ni bsam gtan gyi man ngag mi 'dra bas bsgoms pa'i yul gang yin rtol med de bsam gtan la sbyor ba'i dus na rmongs pa'i phyir nyes pa'o/ /zhum rgod ni sgom pa'i yul la rmugs shing g.yengs te bsam gtan la zhugs pa'i dus na las su mi rung bas nyes pa'o/ /'du mi byed pa ni zhum rgod byung na de spong zhing zhi gnas su mi glon pas na nyes pa'o/ /'du byed phrags pa ni sems mnyam par gnas pa'i dus na de las bskyod cing g.yengs bar byed pas nyes pa ste/ de lnga ni spang bar bya ba yin la de spong ba'i 'du byed ni brgyad de mos pa dang brtsun 'grus dang dad pa dang/ shin tu sbyangs pa dang/ dran pa dang shes bzhin dang sems pa dang btang snyoms rnams so/ /de dag gis nyes pa lnga ji ltar spong zhe na/ 'du byed bzhis ni le lo spong ste ji ltar zhe na/ brtson 'grus kyi gnas dang brten dang mtshan ma dang 'bras bu bstan pa'i sgo nas spong ste/ de yang mos pa yod na brtson 'grus brtsom pa'i phyir mos pa ni brtson 'grus kyi gnas so/ /brtson 'grus nyid ni brten no/ /mos pa skye ba'i rgyu ni dad pa ste dad pa yod na mos pa 'byung bas mtshan ma ste/ mtshan ma dang rgyu ni don gcig go /brtson 'grus brtsams na lus dang sems las su rung bar 'gyur pa'i phyir shin tu sbyangs pa ste de ni brtson 'grus kyi 'bras bu'o/ /de ltar lus dang sems las su rung zhing brtson 'grus kyi dbang thob na le lo'i gnas med pas de'i phyir 'du byed snga ma bzhi ni le lo'i gnyen po yin no/ /nyes pa lhag ma bzhi'i gnyen po ni 'du byed bzhi re dang rim bzhin du sbyar te/ dmigs pa brjod pa'i gnyen po ni dran pa'o/ /zhum rgod byung na gang byung rtog par byed pas zhum rgod kyis gnyan po shes bzhin no/ /mngon par 'du mi byed pa'i gnyen po ni sems pa ste/ zhum rgod byung na sems pas phyir zhig nas su glon par byed pa'i phyir ro/ /'du byed drags pa'i gnyen po ni btang snyoms te nam g.yo bar byed pa na mi g.yo bar bsgoms pa'i phyir spong ba'i 'du byed ces bya'o/ /sems kyis ting nge 'dzin ni tshe rabs snga ma la bsam gtan ma snyoms bsgom pa 'am yang na tshe 'di la snga nas ting nge 'dzin bsgom bsgom pa'i bag chags bsags te yun ring du bsgom pa'i shugs kyis sems rtse gcig thob pa'i phyir ro/ /brtson 'grus kyi ting nge 'dzin ni gang gi tshe sdig pa mi dge ba'i chos spong zhing gnyen po dge ba'i chos rnams skye zhing 'phel bar bya ba rgyun mi gcod par 'bad 'bad pa las sems rtse gcig 'thob pa'i phyir ro/ /dpyod pa'i ting nge 'dzin dge ba'i gshes gnyen las dam pa'i chos mnyan cing bsam pa'i shes rab kyi chos rnams kyi mtshan nyid mi rtag pa dang stong pa la sogs par bshig cing btan la phab cing the tshom med par dpyod pa las sems rtse gcig thob pa la bya'o/ /spong pa'i 'du byed dang ldan pa'i rdzu 'phrul gyi rkang pa ni zhes bya ba ni mos pa'i ting nge 'dzin la sbyar ba bzhin du 'og ma rnams la yang re re zhing de dang 'dra bar kun la sbyar ro/ /dbang po lnga ni dad pa'i dbang po dang brtson 'grus kyi dbang po dang dran pa'i dbang po dang/ ting nge 'dzin gyi dbang po dang/ shes rab kyi dbang po ste/ de la ci'i phyir dbang po zhes bya zhe na/ thar pa'i cha dang 'thun pa'i dge ba'i rtsa ba bskyed pa la dbang byed pas so/ /yang na yid ches pa dang/ dad ba dang 'dod pa ni dad pa ste/ de yod na 'khor ba las 'byung ngo snyam nas brtson 'grus rtsom par 'gyur ro/ /brtson 'grus kyis ni bslab pa gsum sgrub pa la dbang byed de/ dran pa'i dbang pos ni lhag pa'i tshul khrims la dbang byed ting nge 'dzin gyi dbang pos ni lhag pa'i sems la dbang byed/ shes rab kyi dbang pos ni lhag pa'i shes rab la dbang byed pa dang/ yang na gong ma gong ma'i dbang gis 'og ma 'og ma'i skye ba la dbang byed pas na dbang po zhes bya'o/ /de la las dang 'bras bu dang bden pa dang dkon mchog la yid ches shing sems dad ba ni dad pa'i dbang po'o nyan pa dang sems pa dang bsgom pa la sogs pa'i dge ba rgyun mi gcod pa ni brtson 'grus kyi dbang po'o/ /nyan cing bsams pa dang bsgom pa'i don ma brjod cing bsal ba ni/ dran pa'i dbang po'o/ /sems gzugs dang sgra la sogs pa'i yul la g.yeng zhing 'phro ba med pa ni ting nge 'dzin gyis dbang po'o/ /chos rnams kyi rang dang spyi'i mtshan nyid ma nor bar gsal par gtan la 'bebs pa ni shes rab kyi dbang po ste/ de ltar dbang du gyur kyang mi mthun pa'i phyogs dang cung zad 'dre zhing skabs skabs su bar chad byed de/ /stobs kyi dus na ni mi mthun pa'i phyogs ma dad pa dang/ le lo dang/ brjod pa dang/ g.yeng ba dang/ shes bzhin med pa rnams cung zad kyang g.yor mi snang ba'i phyir stobs shes bya ste/ de yang dngos su na dad pa'i stobs dang/ ? /brtson 'grus kyi stobs dang/ dran pa'i stobs dang/ ting nge 'dzin gyis stobs dang/ shes rab kyi stobs so/ /de dag gi rang bzhin ni dbang po lnga dang 'thun la/ khyad par ni mi mthun pa'i phyogs kyis 'dres pa dang ma 'dres pa'i chos dbye ste nges par 'byed pa'i cha dang 'thun pa bzhi yang de dag nyid la gdags te/ snang ba 'thob pa dang/ snang ba mchad pa dang de kho na'i phyogs gcig dang de ma thag pa ste/ chos rnams la ming du btags pa rnams rgyu ma ba tsam du shes pa dang ming gi brjod pa'i don rnams sgyu ma tsam du shes pa'i dus na ni dbang po lnga ste/ snang ba thob pa dang snang ba ma tshad pa gnyis dang sbyar zhing ming du btags pa'i ming rnams steng par shes pa dang/ ming gis brjod pa'i don rnams stong par shes pa'i dus na ni stobs lnga ste/ de kho na'i phyogs gcig dang de ma thag pa gnyis dang sbyar te/ de dag ni mthong ba'i lam la sbyor ba'i dbang dang stobs su gyur pa'i mtshan nyid do/ /byang chub kyi yan lag bdun ni dran pa yang dag byang chub kyi yan lag dang/ chos rnam par 'byed pa yang dag byang chub kyi yan lag dang brtson 'grus yang dag byang chub kyi yan lag dang/ dga' ba yang dag byang chub kyi yan lag dang shin tu sbyangs pa yang dag byang chub kyi yan lag dang/ ting nge 'dzin yang dag byang chub kyi yan lag dang btang snyoms yang dag byang chub kyi yan lag ste/ de dag ni rang bzhin yan lag gnas yan lag /gsum pa nges 'byung yan lag ste/ /bzhi pa phan yon yan lag yin/ rnam gsum nyon mongs med yan lag ces smos te/ byang chub kyi sgra ni chos thams cad stong par khong du chud pa ste/ rnam par mi rtog pa'i ye shes so/ /de yang chos rnam par 'byed pa byang chub kyi yan lag dang sbyar te/ de ni gtso bo yang yin la yan lag kyang yin no/ /gzhan drug po ni de'i grogs su gyur pas na yan lag bdun zhes bya'o/ /dran pa yang dag pa ni chos rnam par 'byed pa'i ye shes kyi gnas kyi yan lag yin te/ dran pa yod na de las shes rab 'byung zhing skye bas gnas zhes bya'o/ /chos rnam par 'byed pa ni mtshan nyid rtogs par byed pas rang bzhin gyi yan lag ste/ ye shes kyi rang bzhin yin pa'i phyir ro/ /brtson 'grus ni nges par 'byung ba'i yan lag ste/ so so'i skye bo'i gnas nas nges par 'byung zhing de las 'da' bar byed pa'i phyir ro/ /dga' ba ni phan yon gyi yan lag ste/ sa dang po mthong pa'i dga' ba des lus dang sems la phan 'dogs shing 'tshim par byed pa'i phyir ro/ /shin tu sbyangs pa dang/ ting nge 'dzin dang btang snyoms gsum ni nyon mongs pa med pa'i yan lag ste/ shin tu sbyangs pa ni nyon mongs pa med pa'i gzhi'o/ /ting nge 'dzin ni nyon mongs pa med pa'i gnas so/ /btang snyoms ni nyon mongs pa med pa'i ngo bo nyid do/ /de ci'i phyir zhe na/ lus dang sems las su rung ba yod na/ 'dod chags dang g.yengs pa la sogs mi 'byung ba'i phyir dang/ sems rtse gcig par bzhag pas mthong bas yang spangs par bya ba'i nyon mongs pa spang pa'i phyir dang/ mthong ba spang ba'i nyon mongs pa spangs ? /de phan chad 'dod chags la sogs pa nyon mongs pa mi 'byung bar sems dag pa'i rgyun nyid du btang snyoms su 'jog pa'i phyir nyon mongs pa med pa'i gzhi dang gnas dang/ ngo bo nyid gsum par go rim bzhin du re rer sbyar la/ gong gi tshig bcad kyi don du bsdu'o/ /'phags pa'i lam yan lag brgyad ni yang dag pa'i lta ba dang/ yang dag pa'i rtog pa dang yang dag pa'i dag dang yang dag pa'i las kyi mdza' dang yang dag pa'i tsho ba dang/ yang dag pa'i rtsol ba dang yang dag pa'i dran pa dang/ yang dag pa'i ting nge 'dzin to zhes bya ba la/ 'phags pa ni mthong ba dang bsgom pas spang pa'i nyon mongs pa 'dod chags la sogs pa thag ring du spangs pa'i phyir ro/ /de'i lam ni 'phags pa de thob par bya ba'i rgyu 'am sgo lta bu ste/ dngos sum shes rab kyi bye brag yan lag brgyad de/ de yang yongs su gcod dang go byad dang/ /rnam gsum gzhan yid ches par byed/ /mi mthun phyogs kyi gnyen por ni/ /lam gyi yan lag de brgyad do zhes smos te/ /yang dag pa'i lta ba nas gnyis pa yan chad kyi rnam par mi rtog pa'i ye shes nges las 'thob pa dag pa 'jig rten pa'i ye shes te/ de chos kyi dbyings la rnam par mi rtog pa'i ye shes kyis 'di ltar mthong ngo snyam du dmigs shing bcod pas na yongs su bcod pa'i yan lag go /yang dag pa'i rtog pa ni chos rnams kyi spyi dang rang gi mtshan nyid ma nor bar btags te/ ji ltar rtogs pa de bzhin du yang dag pa'i dag gis gzhan la chos ston cing 'chad pas na rtog pa dang dag gnyis ni gzhan la go bar byed pa'i yan lag go yang dag pa'i dag ni rgol ba dang the tsom 'dri pa'i lan ma nor bar 'brel pa'i gtam smra bas na 'di ni shes rab rnam par dag pa yin no/ zhes yid ches par byed do/ /yang dag pa'i las kyi mdza' ni srog gcod pa la sogs pa mi dge ba'i las rnams cung zad kyang mi byed par spangs pas 'di ni tshul khrims rnam par dag pa yin no zhes yid ches par byed do/ /yang dag pa'i tsho ba ni yo byad bsnyungs nas zang zing mang po la mthong 'dod mi skyed mi sogs te/ rang gi lus dge ba spyod nus tsam gyis yo byad nyi tshe nam zhig tshol bas na 'di ni tshe de zin par 'tsho zhing yo byad bsnyungs pa yin no zhes yid chos par byed do/ yang dag pa'i dag dang las kyi mdza' dang? ba gsum ni skyon med gzhan yid ches par byed pa'i yan lag go /yang dag pa'i rtsol bas ni bsgom pas snang bar bya ba'i nyon mongs pa 'dod chags la sogs pa'i bag la nyal spong zhing yang dag pa'i dran pas ni nyon mongs pa zhum rgod byung na rtse gcig tu blon zhing bzed bstod de spong la/ yang dag pa'i ting nge 'dzin gyis ni mngon par shes pa drug mi thob pa'i sgrib pa spangs te/ mngon par shes pa thob par byed pas na yang dag pa'i rtsol ba dang/ dran pa dang ting nge 'dzin gsum ni mi mthun pa'i phyogs kyi gnyen po zhes bya ste/ tshigs su bcad pa dang rim bzhin du sbyar ro/ /'phags pa'i bden pa bzhi ni sdug bsngal yongs su shes par bya kun 'byung bar bya/ 'gog pa sngon du bya/ sdug bsngal 'gog par 'gyur ba'i lam bsgom par bya zhes smos te/ de la 'phags pa ni gong du smos pa dang 'dra la/ bden pa bzhi ni sdug bsngal la sogs pa'i chos gzhi po de dag de kho na ltar ma nor bar des so zhes bya ba'i don to/ /de yang sdug bsngal yongs su shes par bya ba ni snod kyi 'jig rten dang bcud kyis 'jig rten sngon gyi las kyi 'bras bu grub zin pa 'di ni spang du mi rung bas de ni mi rtag pa dang sdug bsngal ba dang stong pa dang bdag med par shes par bya'o/ kun 'byung spong bar bya ba ni sngon gyi las dang nyon mongs pa de dag khams gsum rgyud sngar byung zhing sdug bsngal gyi phung po de bskyed pa ste/ rgyu dang kun 'byung ba dang rab tu skye ba dang rkyen dang 'byung ba'i tshul du rig nas lam gyis spang bar bya ba yin par shes pa'o/ /'gog pa mngon du bya ba ni sdug bsngal dang kun 'byung ba gnyi ga spangs pa phung po'i lhag ma dang bcas pa dang phung po lhag ma ma lus pa'i mya ngan las 'das pa ni 'gog pa dang zhi ba dang gya? nom pa dang nges par 'byung ba lta bur shes pa'o/ /sdug bsngal 'gog par 'gyur ba'i lam bsgom par bya ba la/ lam ni byang chub kyi phyogs sam yang na 'phags pa'i lam yan lag brgyad po de dag ste/ de dag gis sdug bsngal dang kun 'byung 'gog cing spong ste/ de yang lam dang rig pa dang sgrub pa dang nges par 'byung bar shes pa ste/ dngos su na gang zag dang chos la bdag med pa btsal te rnyed par byed pa dang so so'i skye bo'i sa nas 'phags pa'i gnas su phyin ? byed pas na lam mo/ /de la rtog pa dang 'dris par byed pa ni bsgom pa zhes bya'o/ /bsam gtan bzhi gang zhe na/ rtog spyod dang dga' ba dang bde ba dang btang snyoms te/ de la bsam gtan bzhi ni gzugs kyis khams kyi gnas bzhir mi mthun pa'i phyogs kyis mi skyod cing sems brtan po dang dbang du gnas pa'i don to/ /de la rtog dpyod ni bsam gtan dang po ste sa 'og ma 'dod pa'i khams kyi 'dod pa'i yon tan lnga po dag la spyod pa ni nad dang shu ba lta bu skyon can yin la gzugs kyi bsam gtan dang po la sogs pa ni zhi ba dang bde ba yin par rtog cing dpyod pa'i sgo nas gong ma'i yon tan thob ste mi mthun pa'i phyogs nyams pa'i dga' ba dang bde ba can te/ dga' ba ni bsam gtan gnyis pa ni/ gnyen po bsgoms pa'i sgo nas ting nge 'dzin gyi khyad par las skyes pa'i dga' ba dang bde ba can no/ /bde ba ni bsam gtan gsum pa ste/ dga' ba yod na de'i zlas mi dga' ba yang 'byung bas dga' ba spong ba zhes 'ga' ba spangs pas de'i zlas me dga' ba yang spangs pa'i btang snyoms can te/ de ni bde ba ma spangs pas bde ba can zhes bya'o/ /btang snyoms ni bsam gtan bzhi pa ste 'og ma'i bde ba yod na de'i zlas sdug bsngal yang 'byung bas bde ba de yang spang ngo zhes bde ba spangs pas de'i zlas dbugs rdub pa dang 'byung ba'i sdug bsngal yang spangs pa'i btang snyoms can te/ bde ba yang spangs sdug bsngal yang spangs pa'i mtshan nyid do/ /tshad med pa bzhi gang zhe na/ byams pa tshad med pa dang/ snying rje tshad med pa dang/ dga' ba tshad med pa dang/ btang snyoms tshad med pa dang/ de la tshad med pa bzhi ni 'jig rten pa dag bu tshe dang gnyen 'khor nye tshe lta bu la byams pa dang/ nyan thos dag sems can nyung tsam zhig gi don byed cing byams pa lta bu ni ma yin gyi/ sems can thams cad bu gcig pa dang 'dra bar byams pa dang snying rje skyed pa'i phyir ro/ /de la byams pa ni sems can thams cad bde ba la dgong pas phan gdags so snyam du sems pa'o/ /snying rje ni sems can thams cad nyon mongs pa dang bral zhing sdug bsngal bsal bas phan gdags so snyam du sems pa'o/ /dga' ba ni sems can rnams la gong ma ltar phan pa dang bde bar don byas pa lags so snyam du sems pa'o/ /btang snyoms ni sems can rnams bde ba dang grol bar byas zin pa rnams la yang grol bar bya mi dgos pas btang snyoms su gzhag pa'o/ /gzugs med pa'i snyoms par 'jug pa bzhi gang zhe na/ nam mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched dang/ yod min med min skye mched de gzugs med pa'i snyoms par 'jug pa bzhi zhes bya ba ni/ gzugs med pa'i khams su ming bzhi po tshor ba dang 'du shes dang/ 'du byed dang rnam par shes pa'i phung po bzhi rang dbang du gnyis bzhir rtse gcig tu 'jug pa ste/ de la nam mkha' mdza' yas skye mched ni chos thams cad so sor bshig na dngos po med de/ nam mkha' tsam du zad la/ nam mkha' de yang mdza' yas so snyam du sems pa ni nam mkha' mdza' yas skye mched ces bya/ rnam shes mdza' yas skye mched ni chos thams cad nam mkha' tsam du zad la/ nam mkha' de yang mdza' yas snyam du dmigs pa'i 'du shes dang 'grogs pa'i rnam par shes pa de yang nam mkha' bzhin du mdza' yas so snyam du mos pa'i ting nge 'dzin ni rnam shes mdza' yas skye mched ces bya/ ci yang med pa'i skye mched ni rnam shes mdza' yas skye mched las langs nas/ rnam par shes pa las pha rol na dmigs par bya ba ci yod ces brtags na gzugs can dang gzugs med pa'i chos cung zad kyang yod par ma mthong nas ci yang med do snyam du mos shing snyoms par zhugs pa ni ci yang med pa'i skye mched ces bya/ yod min med min skye mched ni ci yang med pa'i skye mched las langs nas 'du shes pa 'di ni nad dang shu ba dang zug rngu lta bu'o zhes brtags te/ 'du shes bkag nas je phra je phrar gyur pa dang 'du shes 'di gtan med na yang rmongs par 'gyur te mi rung ngo snyam nas 'du shes shin tu phra ba la gnas te snyoms par zhugs pa ni 'du shes rags pa yod pa yang ma yin la gtan med pa yang ma yin pas/ yod min med min skye mched ces bya'o/ / rnam par thar pa brgyad ni nyon mongs pa'i bcings ma las grol ba'i phyir rnam par thar pa ste brgyad ni 'og nas 'byung ba'i gnas brgyad dang sbyar ro/ /de yang gzugs can gzugs rnams la lta ba ni rnam par thar pa dang po ste bdag rang gi gzugs sngar ma bshig par phyi rol gyi gzugs stong par 'jig cing sun 'byin pa'i ting nge 'dzin ni gzugs can gzugs rnams la lta ba zhes bya la/ rnam par thar pa ni gong du bstan pa dang 'dra bar kun la sbyar ro/ / nang gzugs med par 'du shes pas phyi rol gyi gzugs la lta ba 'di ni rnam par thar pa gnyis pa'o zhes bya ba la bdag rang gi gzugs cha shas kyi stong par bshigs pa ni nang gzugs med par 'du shes pa la zhes bya'o/ phyi? rol gyi gzugs rnams la lta ba ni phyi'i gzugs snam bu dang bum pa la sogs pa stong par sun 'byin pa ste/ gong ma dang 'dra'o/ sdug pa'i rnam par thar pa lus kyis mngon sum du byas te rdzogs par byas nas gnas pa 'di ni rnam par thar pa gsung pa ste/ gong du phyi nang gi chos stong par sun phyung nas 'dod chags la sogs pa nyon mongs pa mi 'byung bar gyur pa de ni gzugs mthong na yang 'dod chags skye 'am mi skye sang pa'i phyir gzugs sdug gu mngon sum du sems kyis lus kyis bsgoms pa ni/ sdug pa'i rnam par thar pa lus kyis mngon sum du byas pa'o/ /de ltar bsgoms kyang 'dod chags la sogs pa nyon mongs pa mi skye par gyur pa ni/ rdzogs par byas nas gnas pa zhes bya'o/ /de rnam pa thams cad du g zugs kyi 'du shes las yang dag par 'das te thogs pa'i 'du shes rnams nub par gyur cing sna tshogs kyis 'du shes rnams yid la mi byed pas nam mkha' mdza' yas so snyam nas nam mkha' mdza' yas skye mched rdzogs par byas te gnas pa 'di ni rnam par thar pa bzhi pa ste/ mig gi rnam par shes pa'i yul gzugs sngon po dang ser po la sogs pa kha dog dang dbyibs thams cad stong par bshig ste/ yul med par rnam par shes pa yang mi 'byung/ rnam par shes pa mi 'byung na de dang 'grogs pa'i 'du shes kyang mi 'byung ba de ni/ rnam pa thams cad du gzugs kyi 'du shes las yang dag par 'das pa zhes bya'o/ /rna ba la sogs pa'i rnam par shes pa'i yul sgra dang dri dang ro dang reg ste/ thogs pa can gyi gzugs rnams stong par bshig ste/ yul mi 'byung bas de la dmigs pa'i rnam par shes pa rnams kyang mi 'byung ba de mi 'byung bas de dang 'grogs pa'i 'du shes kyang mi 'byung ba ni thogs pa'i 'du shes rnams nub par gyur pa zhes bya'o/ /de ltar rnam par shes pa lnga nub ste mi 'byung bas de'i rjes su 'jug ba'i yid kyi rnam par shes pa dang de dang 'grogs pa'i 'du shes kyang mi 'byung ba ni sna tshogs kyi 'du shes yid la mi byed pas zhes bya'o/ / de ltar phyir yul dang yul la rgyu ba'i rnam par shes pa mi 'byung bas na chos thams cad nam mkha' tsam du zad la/ nam mkha' ni mdza' yas so snyam du snyoms par zhugs pa ni nam mkha' mdza' yas so snyam na nam mkha' mdza' yas skye mched rdzogs par byas te gnas pa zhes bya'o/ /de rnams thams cad du nam mkha' mdza' yas skye mched las yang dag par 'das te/ rnam par shes pa mdza' yas so snyam nas rnam shes mdza' yas skye mched rdzogs par bya ste/ gnas pa 'di ni rnam par thar pa lnga pa ste/ chos thams cad nam mkha' tsam du zad la nam mkha' mdza' yas so snyam du snyoms par zhugs pa de la sems bskyed nas nam mkha' mdza' yas par yang ma zad kyi nam mkha' mdza' yas so snyam du dmigs pa'i 'du shes dang 'grogs pa'i rnam par shes par yang nam mkha' bzhin du mdza' yas so snyam du snyoms par zhugs pa de ni rnam pa thams cad du nam mkha' mdza' yas skye mched las yang dag par 'das pa dang/ rnam shes mdza' yas skye mched rdzogs par byas te gnas pa zhes bya'o/ /de rnam pa thams cad du rnam shes mdza' yas skye mched las yang dag par 'das te ci yang med do snyam nas ci yang med pa'i skye mched rdzogs par byas te/ gnas pa 'di ni rnam par thar pa drug pa ste/ rnam shes mdza' yas skye mched las bskyod nas rnam par shes pa las pha rol na dmigs par bya ba ci yod ba rtags nas gzugs can dang gzugs med pa'i chos cung zad kyang yod par ma mthong nas/? ci yang med do snyam pa'i snyoms par zhugs pa ni rnam pa thams cad du rnam shes mdza' yas skye mched de las yang dag par 'das pa dang/ ci yang med pa'i skye mched rdzogs par byas te gnas pa zhes bya'o/ /de rnam pa thams cad du ci yang med p a'i skye mched las yang dag par 'das na 'du shes med 'du shes med min skye mched rdzogs par byas te gnas pa 'di ni rnam par thar pa bdun pa ste ci yang med pa'i skye mched la skyong nas 'du shes 'di ni nad dang shu ba dang zug rngu lta bu s te skyon can yin no zhes bkag nas phra ba je phrar gyur pa dang 'du shes brtan med na yang rmongs par 'gyur te mi rung ngo snyam nas 'du shes shin tu phra mo la gnas te snyoms par zhugs pa ni rnam pa thams cad du ci yang med pa'i skye mched las 'das pa dang/ 'du shes med 'du shes mang min skye mched rdzogs par byas te gnas pa zhes bya'o/ /de rnam pa thams cad du 'du shes med 'du shes med min skye mched las yang dag par 'das te 'du shes dang tshor ba 'gog pa lus kyis mngon sum du byas nas gnas pa 'di ni rnam par thar pa brgyad pa'o/ /zhes bya ba ni 'du shes med 'du shes min skye mched las bskyod pa ni 'gog pa'i snyoms par 'jug pa zhes bya ste/ rnam pa thams cad du 'du shes med 'du shes med min skye mched las yang dag par 'das zhes bya la/ gnas der 'du shes bkag pa dang de'i zlas rnam par shes pa dug dang nyon mongs pa'i yid kyang bkag /tshor ba ni gsum char yang sdug bsngal yin la 'du shes ni nad dang shu ba dang zug rngu lta bu yin no zhes bkag ste/ gnas pa ni 'du shes dang tshor ba 'gog pa lus kyis mngon sum du byas nas gnas pa zhes bya ste/ de ni mthong bas spang bar bya ba'i nyon mongs pa ril gyis spangs te/ bsgom pas spang ba'i nyon mongs pa med? shes kyis spangs pas na rnam par thar pa brgyad ces bya'o/ /mthar gyis gnas pa'i snyoms par 'jug pa dgu ni/ rtog dpyod dang/ dga' ba dang/ bde ba dang/ btang snyoms dang/ de rnam pa thams cad du gzugs kyis 'du shes rnams las yang dag par 'das te thogs pa'i 'du shes rnams nub bar gyur cing sna tshogs kyi 'du shes rnams yid la mi byed pas nam mkha' mdza' yas so snyam nas/ nam mkha' mdza' yas skye mched rdzogs par byas te gnas so/ /de rnam pa thams cad du nam mkha' mdza' yas skye mched las yang dag par 'das te rnam shes mdza' yas so snyam nas rnam shes mdza' yas skye mched rdzog par byas te gnas so/ /de rnam pa thams cad du rnam shes mdza' yas skye mched las yang dag par 'das nas ci yang med do snyam nas ci yang med pa'i skye mched rdzogs par byas te gnas so/ /de rnam pa thams cad du ci yang med pa'i skye mched las yang dag par 'das nas 'du shes med 'du shes med min skye mcher rdzogs par byas te gnas so/ /'gog pa'i snyoms par 'jug pa'o zhes bya ba dag gis tshig gnyer ni gong du rnam par thar pa brgyad dang 'gog pa'i snyoms par 'jug pa bshad pa dang 'thun te gong du blta'o/ /mthar gyis gnas pa'i snyoms par 'jug pa dgu zhes bya ba ni bsam gtan bzhi dang gzugs med pa'i snyoms par 'jug pa bzhi dang 'gog pa'i snyoms par 'jug pa ste/ bsam gtan dang po nas go rim bzhin mthar chags su 'gog pa la thug gi bar du 'jug pa'i phyir ro/ /rnam par thar pa'i sgo gsum ni stong pa nyid kyi rnam par thar pa dang mtshan ma med pa'i rnam par thar pa dang smon pa med pa'i rnam par thar pa ste/ rnam par thar pa ni mya ngan las 'das pa la bya ba'o/ /sgo gsum ni thar ba de thob par byed pa'i rgyu 'am thabs te ting nge 'dzin gsum la bya'o/ /de la chos rnam pa gnyis te/ med pa'i chos dang/ yod pa'i chos so de la kun btags kyi mtshan nyid ni med pa'i chos te/ de sgom pa ni stong pa nyid kyis rnam par thar pa'i sgo zhes bya'o/ /yod pa'i chos kyang rnam pa gnyis te 'dus byas dang 'dus ma byas so/ /de la gzhan gyi dbang gis mtshan nyid ni 'dus byas te/ gzhan dbang 'dus byas de dang ji srid 'grogs pa de srid du sdug bsngal yin no zhes de spong bar byed pa ni smon pa med pa'i rnam par thar pa'i sgo zhes bya ba'o/ /yongs su grub pa'i mtshan nyid ni 'dus ma byas te/ de la sngon po dang ser po la sogs pa kha dog dang dbyibs kyi mtshan mar grub pa med de/ de thob par byed cing bris pa byed pa ni mtshan ma med pa'i rnam par thar pa'o sgo zhes bya'o/ /mngon par shes pa drug pa ni lha'i mig dang/ lha'i rnam dang/ sems kyi rnam grangs shes pa dang/ lus kyi rdzu 'phrul shes pa dang/ sngon gyi gnas rjes su dran pa dang/ zag pa zad pa shes pa ste/ de la thag ring po dang/ dus ring po na gnas shing 'byung ba lkog tu gyur pa'i chos rnams la da ltar mngon sum du drung na 'dug pa dang 'dra bar rtogs shing shes pa ni mngon par shes pa zhes bya ste/ de ltar gyi lus nye bar ji snyed pa dang shi nas gar skyed pa'i gzugs thams cad mthong ba de ni lta'i mig go /sga dang skad dang brda sna tshogs thos shing go ba ni lha'i rna ba'o/ /sems can gyis bsam pa dang bag la nyal shas che chung kun zhes pa'i sems kyi rnam grangs shes pa'o/ /'bar ba dang 'dul ba dang/ mang nyung dang bzang ngan dang chu la 'gro shing se la 'bying ba dag shes pa ni lus kyi rdzu 'phrul shes pa'o/ /da ltar gyis dus nas bzung ste/ tshe rabs snga ma la gnas kyang na gnas/ las ci byed byed pa'i lo rgyus dran pa ni mngon gyis gnas rjes su dran pa'o/ /mthong ba dang bsgom pa las spangs pa'i nyon mongs pa ci yang spangs ci yang ma spangs pa'i rim pa shes bzhin zad pa dang mi skye ba'i ye shes thob par shes pa dag ni zag pa zad pa shes pa'o/ /gzugs kyi sgo bzhi ni bzod pa thob pa'i rgyur gyur pa'i gzungs dang sngags dang chos kyi gzungs dang/ don gyi gzungs te gzungs zhes bya ba ni tshig dang yi ge ji srid du brjod pa'i don gzhan du mi 'gyur bar nges pa 'am/ ji skad du brjod pa de nam du yang mi 'bral bar bzung ba lta bu la bya/ sgo ni de lta bu'o don 'byung ba'i rgyu ste dngos sun ming dang tshig dang yi ge rnams la bya'o/ /bzod pa thob pa'i rgyur gyur pa'i gzungs ni yi ge a mngon du bsgom zhing de la chas bshig ste stong pa nyid du rtogs nas yi ge gzhan la yang de bzhin du gyur pas na chos thams cad yang bsgres te/ stong pa nyid du rtogs pa'i sgo nas dga' ba ni bzod pa thob pa'i rgyur gyur pa'i gzungs zhes bya'o/ /sems can rnams la tshigs su che ring bar gyur cig nad med par gyur cig /lo legs par gyur cig ces bya ba la sogs pa'i tshig brjod na de bzhin du gyur pa ni sngags kyi gzungs zhes bya/ mkhan po dang slob dpon la sogs pa las dam pa'i chos gnyan pa nas ji skad bshad cing thos pa'i tshig thams cad na ma du yang mi brjed par 'dzin pa ni chos kyi gzungs zhes bya'o/ /tshig dang ming gis brjod pa'i don gang dang gang yin pa'i dmigs myur du go zhing mi rjed par 'dzin pa ni don gyi gzungs zhes bya'o/ /de bzhin gshegs pa'i stobs bcu ni ye shes kyi stobs ste/ mkhyen pa'i bye brag sangs rgyas nyid la mda' ba rnam pa bcu ste/ de yang gnas dang gnas ma yin pa mkhyen pa'i stobs ni rgyu dang rgya ma yin pa ste las dang nyon mongs pa ni sems can skyed pa'i rgyu yin par shes la bdag dang byed pa dang dbang phyug la sogs pa ni sems can skyed pa'i rgyu ma yin par mkhyen to/ gzhan yang las dge ba spyad pas mtho ris su skye pa'i gnas yin la/ des ngan song du skye ba'i gnas ma yin pa dang mi dge ba spyad pas ngan song du skye ba ni gnas ma yin la des mtho ris su skye ba'i gnas ma yin pa la sogs pa mkhyen pa la bya'o/ /las dang rnam par smin pa mkhyen pa'i stobs ni/ las bdag gir bya ba ma mkhyen pa'i stobs te/ sbyin pa dang tshul khrims la sogs pa spyad na mtho ris dang longs spyod la sogs pa'i bde ba rnams grub pa dang srog gcod pa la sogs pa sdig pa'i las byas pas ngan song dang sdug bsngal rnams grub bar mkhyen pa la bya'o/ /bsam gtan dang rnam par thar pa dang/ ting nge 'dzin dang snyoms par 'jug pa'i kun nas nyon mongs pa dang/ rnam par byang ba dang/ ldang ba thams cad mkhyen pa'i stobs na/ bsam gtan bzhi dang/ rnam par thar pa brgyad dpa' bar 'gro ba la sogs pa'i ting nge 'dzin dang/ mthar gyis gnas pa'i snyoms par 'jug pa dgu bo rnams te/ de dag la 'jug pa ni mi mthun pa'i phyogs par du gcod cing sgrib pa gang dang gang yin pa rnams ni kun nas nyon mongs pa zhes bya ba'o/ /gnyen po 'phel ba ni rnam par byad pa zhes bya ldang ba ni gtong ba ste de dag gi skyon dang yon tan 'byung 'jug gi thabs kun mkhyen te zhes bya ba'i don to/ dbang po mchog dang mchog ma yin pa mkhyen pa'i stobs ni sems can 'di ni dbang po 'bring po yin 'di ni dbang po brtul po yin no zhes dbang po 'jim pa la mkhas pa'o/ /mos pa sna tshogs mkhyen pa'i stobs ni/ sems can la la theg pa chen po la mos/ la la theg chung ngu la mos/ la la theg pa 'bring po la mos/ la la sbyin pa la/ la la tshul khrims la/ la la bsam gtan la mos shing chos rnams la tha dad par mos pa'i bye brag kun mkhyen pa'o/ /khams sna tshogs mkhyen pa'i stobs ni khams dang rigs dang don cig ste/ theg pa che chung rnam pa gsum gyi rigs dang ma nges pa dang rig med pa lta bu skal pa dang bag chags shas che chung gi bye brag gis rigs lngar dbye ba la mkhas pa la bya'o/ /thams cad du 'gro ba'i lam mkhyen pa'i stobs ni lam rgyud lngar 'khor zhing khams gsum kun tu rgyu ba mkhyen pa 'am/ yang na la ma gang la gnas na mtho ris dang thar pa thob par 'gyur pa'i dmigs pa la mkhas pa'o/ /sngon gyi gnas rjes su dran pa mkhyen pa'i stobs ni bdag tshe rabs snga ma la yul ni 'di la gnas gnas/ /ngon 'di zhes bya pham 'di lta bu zhig las 'di byed byed tshe ni 'di srid cig thub longs spyod ni 'di lta bu zhig spyod spyod ces bya ba'i gtan tshigs la mkhas pa'o/ /'chi 'phongs skye bar mkhyen pa'i stobs ni sems can 'di dag 'di nas shi 'phos nas 'dir skyes te/ de nas kyang shi 'phos nas 'dir skye/ de nas kyang 'dir skye'o zhes bya ba'i dus la mkhas pa'o/ /zag la zad pa mkhyen pa'i stobs ni sems can 'di dag gi zag pa zad do/ /sems can 'di dag mi nyon mongs pa la sogs pa'i zag pa ma zad do zhes bya ba'i bye brag la mkhas pa ste de dag ni stobs bcu zhes bya'o/ /de bzhin gshegs pa'i mi 'jigs pa bzhin bdag gi don phun sum tshogs pa rnyed pa la mi 'jigs pa dang gzhan gyi don phun sum tshogs par mdzad pa la mi 'jigs pa gnyis te/ 'og nas 'byung ba go rim bzhin du sbyar ro/ /de yang chos thams cad mngon par rdzogs par byang chub pa la mi 'jigs pa dang zag pa thams cad zad pa la mi 'jigs pa dang gnyis kyis ni bdag gis don phun sum tshogs pa ste/ de yang ye shes phun sum tshogs pa dang/ spangs pa phun sum tshogs pa'o/ /de la 'dus byas 'dus ma byas kyi chos thams cad ma lus par thugs su chud pas mngon par rdzogs par byang chub pa ste/ la la zhig gis de la chos thams cad thugs su chud pa ma yin no zhes rgol na yang des mi 'jigs pa ni ye shes phun sum tshogs pa yin no/ /sangs rgyas ni rang nyid kyang 'dod chags la sogs pa'i zag pa thams cad zad la gzhan gyis zag pa zad pa kun kyang mkhyen pas gzhan 'ga' zhig gis zag pa ma zad do zhe 'am/ zag pa zad pa mi mkhyen to zhes rgol na des mi 'jigs pas na/ des ni spangs pa phun sum tshogs pa bstan to/ /bar du gcod pa'i chos rnams gzhan du mi 'gyur bas des pa'i lung bstan pa la mi 'jigs pa dang phun sum tshogs pa thams cad thob par 'gyur ba nges par 'byung ba'i lam de bzhin nyid du gyur pa la mi 'jigs pas ni gzhan gyi don phun sum tshogs pa bstan te/ nga yang mi mthun pa'i phyogs spangs pa dang de'i gnyen po bstan pa mi 'jigs pa ste/ de la 'dod pa'i yon tan lnga po dag ni mthar pa mya ngan las 'da' ba' i bar du gcod pa yin no/ /zhes nges par lung bstan na/ la la zhig gis de bar du gcod par mi 'gyur ro zhes rgol yang des mi 'jigs gzhan du mi 'gyur bar nges pa zhes bya ste/ des mi mthun pa'i phyogs spangs pa la/ mi 'jigs par bstan to/ /phun sum tshogs pa thams cad ni ye shes dang spangs pa phun sum tshogs pa ste/ de thob par nges par 'byung ba'i lam ni 'phags pa'i lam gyis sa thob po zhes bstan na de bzhin du nges te/ gzhan 'ga' zhig gis la ma de mi thob po zhes rgol na yang des mi 'jigs pa te/ lam de bzhin du 'gyur pa ni gnyen po bstan pa la mi 'jigs pa zhes bya'o/ /so so yang dag par rig pa bzhi ni chos so so yang dag par rig pa dang/ don so so yang dag par rig pa dang/ nges pa'i tshig so sor yang dag par rig pa dang/ spobs pa so so yang dag par rig pa ste/ de ni chos sna tshogs tha dad pa'i mtshan nyid ma nor bar shes pa'i phyogs bzhi yod pas na so so yang dag par rig pa zhes bya/ chos so so yang dag par rig pa ni sems can bsam pa tha dad pa'i spyod pa brgyad khri bzhi stong dang de'i gnyen po yang thabs sna tshigs su ston pa dang/ mdo sde dag 'chad nam tshams su 'chad de/ spyi don 'di dang 'di yan chad du'o/ /'di dang 'di ston to/ /zhes pa yang 'chad la tshig gnyen yang zhib tu 'chad pa dang/ chos gcig la ming mang po du mar btags pa kun shes shing don dang mi 'gal ba'o/ /de na so so yang dag par rig pa ni ming dang tshig gis brjod cing bstan pa'i don spyi'i mtshan nyid mi rtag pa dang/ sdug bsngal ba dang sdong pa dang/ bdag med pa dang don dam pa'i mtshan nyid skye ba med pa dang 'gag pa med pa dang/ chos kyi dbyings yang dag pa gnyis su med pa'i don rig pa'o/ /nges pa'i tshig so so yang dag par rig pa ni sems can sna tshogs kyis skad dang brda dang smra shes shing tshig gcig gis kyang don rnam pa bcu la sogs pa du mar go ba dang/ tshig 'khrul pa dang brtad pa dang zlos bu dang/ don med pa ma yin te/ 'phags pas bsngags pa'i skye bo dga' bar 'gyur pa'i tshig rnams smra ba'o/ /spobs pa so so yang dag par rig pa ni gzhan las dam pa'i chos mnyan cing the tshom zhu ba dang/ bdag gis kyang chos bshad cing gzhan gyis the tshom bgrol ba la sogs pa snyan cing don dang ldan pa tshangs pa'i dbyangs lta bu myur zhing rgyun ma'i chad la thag thogs med par sma nus pa'o/ /sangs rgyas kyis chos ma 'dres pa bcod rgyad ni 'og nas 'byung ba'i chos bco brgyad po de dag can thos dang rang spangs rgyas de so so'i skye bo rnams la cung zad kyang med la/ sangs rgyas nyid la mda' ba' i phyir sangs rgyas kyi chos ma 'dres pa zhes smos/ /de yang de bzhin gshegs pa la 'khrul pa mi mnga' ba ni nyan thos la sogs pa ni lus dang ngag dang yid kyi sgo nas las su byed pa la 'khrul pa 'byung gi sangs rgyas kyi sku dang gsung dang thugs kyi 'phrin las yongs su dag pa la 'khrul pa mi mnga' o zhes bya'o/ /ca co mi mnga' ba na nyan thos dag nags sdug por lam bor te 'bod pa dang/ grong stong par byed te su yod ces rmed pa pa dang/ sngon ca co la dga' ba'i bag chags ca co la sred pa lta bu 'byung gi sangs rgyas la de lta bu mi mnga' bas na ca co mi mnga' ba zhes bya'o/ /bsnyel ba mi mnga' ba ni nyan thos dag 'phral ? dgongs nas bzod mkhyen pa la 'jug gi sangs rgyas ni mkhyen pa thogs pa dang chags pa med pas bsnyel ba mi mnga' ba zhes bya'o/ /sems mnyam par ma bzhag pa mi mnga' ba mnyan thos dag 'phral la mnyam par 'jog cing ldang gi /sangs rgyas ni 'byung 'jug mi mnga' bar spyod bla ma bzhi'i dus? thams cad sems mnyam par 'jog pas mnyam par ma bzhag pa mi mnga' ba zhes bya'o/ /tha dad pa'i 'du shes mi mnga' ba'i zhes pa bya ba ni/ nyan thos dag 'khor ba dang mya ngan las 'ongs pa dag skyon dang yon tan du lta bas na nyon mongs pa dang rnam par byung ba la sogs pa'i chos rnams la blang dor gyi 'du shes tha dad pa 'byung gi / sangs rgyas kyi thugs rje chen po dang rnam par mi rtag pa'i ye shes stong pa nyid du thugs su chud de 'khor bar stong pa nyid mya ngan? las 'das pa yin pas blang dor lta bu'i 'du shes tha dad pa mi mnga' ba zhes bya'o/ /so sor ma brtags pa'i btang snyoms mi mnga' ba ni/ nyan thos dag sems can la 'dul ba'i skal ba ci yod pa yang so sor ma brtags la de dag gi don yang mi byed par 'dor bas na ma brtags pa'i btang snyoms mnga' sangs rgyas ni sems can 'dul ba'i skal ba ci yod brtags nas bskal pa med pa don byas kyang don du mi 'gyur ba nyi tshe btang snyoms su 'jog gi/ sgal ba can rnams la yal bar btang snyoms su mi 'jog pas so sor ma brtags pa'i btang snyoms mi mnga' ba zhes bya'o/ /'dun pa nyams pa mi mnga' ba ni nyan thos dang bla na med pa'i byang chub dang sems can thams cad kyi don la 'jug pa'i mos ba med de rang gi don dang sems can nyung shas tsam zhig gis don la mos pas 'dun pa nyams kyis sangs rgyas ni bla na med pa dang/ sems can ma lus pa'i don la mos pas 'dun pa nyams pa mi mnga' ba'o/ /brtson 'grus nyams pa mi mnga' ba ni sku dang thugs mnyel ba mi 'byung ste/ sems can gcig 'ba' zhig gi don du yang bskal par bshos mi gsol bar chos ston pa'i phyir ro/ /dran pa nyams pa mi mnga' ba ni sems can thams cad gyi spyad ba dang/ bsam pa dang/ bag la nyal ba dang/ dbang po la sogs pa gnyen po dang/ mi mthun pa'i bye brag gang la gang gis 'dul ba la sogs pa snga nas mkhyen cing dran pa ye shes kyis zin pas nyan thos dag da ltar 'phral la dgongs pa'i mi 'tshal ba'i phyir dran pa nyams pa mi mnga' ba zhes bya'o/ /shes rab nyams pa mi mnga' ba ni sems can gyi spyod pa dang/ chos kyi sgo mo brgyad khri bzhi stong dag mkhyen cing sems can gyi don mi mnga' ? bar so sor dag par rig ba mi zad pas mdzad pa'i phyir shes rab nyams pa mi mnga' ba zhes bya'o/ /ting nge 'dzin nyams ba mi mnga' ba nyan thos dag 'bral la ting nge 'dzin du 'thug pas na ma zhugs pa'i tshe nyams kyi sangs rgyas ni dus thams cad du mi nyams pa 'jog pas na nyams ba mi mnga' ba zhes bya'o/ /rnam par grol ba nyams pa mi mnga' ba ni nyan thos dag ni zhi ba phyogs gcig tu thim zhing nyon mongs pa'i sgrib ba tsam zhig nyi tshe las grol ba ni nyams ba zhes bya'i sangs rgyas ni nyon mongs pa dang shes bya'i sgrib pa ni gnyis ka las grol te/ mi gnas pa'i mya ngan las 'das pa thob ci'i 'khor ba ji srid pa de srid du sems can gyi don mdzad pas na rnam par grol ba ma nyams pa zhes bya'o/ /lus kyi las thams cad ye shes mngon du 'gro z hing ye shes kyi rjes su 'brang ba ni sangs rgyas mngon byang chub sems dpa' mdzad pa'i dus na 'phrin las su mdzad do 'tshal thams cad la dgongs pa snga nas bzhag ste phrin las mdzad pa de lhun gyis grub pas sangs rgyas pa'i dus na 'phrin las su mdzad pa thams cad nyan thos ltar 'phral la dgongs mi 'tshal te/ ci mdzad do cog ye shes kyi snga nas mkhyen bzhin du phrin las mdzad pa'i ye shes sngon du 'gro zhing ye shes kyi rjes su 'grang ba zhes bya'o/ /dag gi las thams cad ye shes mngon du 'gro zhing ye shes kyi rjes su 'brang ba ni sngar ye shes kyis sems can gyi don du gang 'gyur ba gtan la phab nas sems can gyis bsam pa dang 'thun par yan lag drug cu dang ldan pa'i gsung 'byung ba'i phyir ro/ /yid kyi las thams cad ye shes sngon du 'gro zhing ye shes kyi rjes su 'breng ba ni thugs kyi 'phrin las te/ rnam par rtog pa dang spros pa thams cad ye shes kyis sngon du spangs pas don dam pa'i rjes su zhugs 'di chos kyi dbyings yid 'jog pas na ye shes kyi rjes su 'breng ba zhes bya'o/ /'das pa'i dus la ma chags ma thogs pa'i ye shes mthong ba la 'jug pa ni sngon gyis dus bskal pa grangs med pa'i mdun du chos ci 'byung ba dang/ las dge sdig ci spang ba'i lo rgyus thams cad ma 'khrul par mkhyen pa la bya'o/ /ma 'ongs pa'i dus la ma chags ma thogs pa'i ye shes mthong ba la 'jug pa dang/ da ltar byung ba'i dus la ma chags ma thogs pa'i ye shes mthong ba la 'jug pa gnyis kyang gong dang 'dra par sbyar ro/ /ma 'ongs pa'i dus na chos ci dang ci byung ba dang/ da ltar kho na phyogs bcu thams cad na/ chos ci dang ci byung ba thams cad gsal bar mkhyen cing dgongs pas na/ ye shes mthong ba la 'jug pa zhes bya'o/ /dge sbyong gi 'bras bu gang zhe na/ rgyun tu zhugs pa'i 'bras bu dang/ lan cig phyir 'ong ba'i 'bras bu dang/ phyir mi 'ong ba'i 'bras bu dang/ dgra bcom pa'i 'bras bu zhes bya ba la bzod pa dang ye shes bcu drug gis mthong bas spang bar bya ba'i nyon mongs pa brgyad cu rtsa brgyad spangs pa ni rgyun tu zhugs pa'i 'bras bu 'thob pa zhes bya'o/ /'dod khams kyi nyon mongs pa bsgom pas spang bar bya ba bzhi gcig tu bsdus la dgur phye nas/ de'i gnyen po ye shes kyang dgur phye ste/ rim gyis spong bar drug man chad spangs pa ni lan cig phyir 'ong ba'i 'bras bu zhes bya'o/ /dgu po de rim gyis spangs pa ni phyir mi 'ong ba'i 'bras bu zhes bya'o/ /gzugs dang gzugs med pa'i khams ni bsgom pas spang bar bya ba gsum gsum ste drug yod pa yang gcig tu bsdus te/ bsam gtan bzhi dang/ gzugs med pa'i snyoms par 'jug pa bzhi ste/ brgyad la gcig cing yang dgu dgur phye rim gyis spangs nas srid pa'i rtse mor nyon mongs pa chung ngu'i yang chung ngu ye shes chen po'i yang chen po rje lta bus spangs pa'i dus na/ dgra bcom pa'i 'bras bu zhes bya'o/ /lan gsum dang zhe na/ rang byang chub dang/ lam gyi rnam par shes pa nyid dang/ rnam pa thams cad mkhyen pa nyid do zhes bya ba la/ sngon dam pa'i chos mnyam pa'i rgyud da ltar gyis dus lta bur rten cing 'brel par 'byung ba'i chos rang nyid kyi rtogs te/ dge ba'i gshes gnyen la mi bltos par gang zag la bdag med pa rtogs te/ dgra bcom pa thob pa ni rang byang chub ces bya'o/ /bla na med pa'i byang chub tu sems bskyed nas chos dang gang zag gnyis ka la bdag med par zhugs nas sa bcus rim gyis sgrib pa rnam pa gnyis spongs ba ni lam gyis rnam par shes pa zhes bya'o/ /sa bcu rim gyis 'das te sangs rgyas kyi bar ye shes bzhi dang sku gsum lhun gyis grub pa ni rnam pa thams cad mkhyen pa zhes bya'o/ /dkon mchog gsum gang zhe na/ sangs rgyas dkon mchog dang chos dkon mchog dang/ dge 'dun dkon mchog go zhes bya ba la/ ma rig pa'i gnyid las sad de thams cad mkhyen pa'i ye shes ma rnyes pas pad+ma kha phye ba bzhin du bsod nams dang ye shes kyi tshogs rgyas pa ni sangs rgyas dkon mchog ste/ yon tan gyi phul che la 'jig rten na nyung pa'i phyir ro zhes sbyar ro/ /chos ni bshad pa'i chos dang sgrub pa'i chos dang 'bras bu'i chos de/ de la gsung rab yan lag bcu gnyis ni bshad pa'o/ /pha rol tu phyin pa la sogs te byang chub kyi phyogs kyi chos ni sgrub pa'o/ /phung po lhag ma dang bcas pa dang/ phung po lhag ma ma lus pa'i mya ngan las 'das pa ni 'bras bu'i chos shes bya'o/ /dge 'dun ni so so'i skye bo dang slob pa dang mi slob pa ste/ gsal ba dang bzhis bsnyen par rdzogs pa ni so so'i skye bo'o/ /rgyun tu zhugs pa nas dgra bcom pa la zhugs pa'i bar ni slob pa'o/ /dgra bcom pa ni ma slob pa ste de lta bu bzhi yan chad mang po 'dus pa la dge 'dun zhes bya'o/ /sku gsum gang zhe na/ chos kyi sku dang/ longs spyod rdzogs pa'i sku dang/ sprul pa'i sku'o/ /zhes bya ba la chos kyi dbyings dang me long lta bu'i ye shes ni chos kyi sku'o/ /'og min gyi pho brang na byang chub sems dpa' sa bcu pa rnams la chos ston cing mtshan dang dpe byad bzang pos brgyan pa ni longs spyod rdzogs pa'i sku'o/ 'dzam bu'i gling na sangs rgyas shAkya thub pa'i sku ston pa ni sprul pa'i sku'o/ /mtshan nyid gsum ni kun brtags pa'i mtshan nyid dang/ gzhan gyis dbang gi mtshan nyid dang/ yongs su grub pa'i mtshan nyid do zhes bya ba la/ gzugs la sogs pa'i yul drug dang dbang po drug dag chos dang gang zag gi dngos por yod do snyam du 'khrul pa'i rnam par shes pas log par brtags pa rnams ni kun brtags pa'o/ /kun gzhi rnam par shes pa 'khor dang bcas pa ni rgyu dang 'bras bu'i tshul du skad cig ma'i rgyun las 'byung ba ni gzhan dbang ngo/ /stong pa nyid chos kyi dbyings dang rnam par mi rtog pa'i ye shes ni yongs su grub pa'i mtshan nyid ces bya'o/ /theg pa gsum gang zhe na/ nyan thos kyi theg pa dang/ rang sangs rgyas kyi theg pa dang theg pa chen pos mngon par 'byung ba'o zhes bya ba las/ dge ba'i gshes gnyen la bltos nas sdug bsngal gyi bden pa dang/ kun 'byung dang bkog pa dang/ lam gyi bden pa dang/ bzhi la gcig cing rnam pa bzhi bzhi ltar shes pa'i sgo nas gang dag la bdag med par rtogs te/ nyon mongs pa'i sgrib pa spang pa ni nyan thos kyis theg pa'o/ /dge ba'i gshes gnyen la mi rten par rten cing 'brel par 'byung ba lugs bzhin 'byung ba dang/ lugs las bzlag pa'i mtshan nyid rtogs na gang zag la bdag med par rtogs te nyon mongs pa'i sgrib pa spangs pa ni rang sangs rgyas kyi theg pa'o/ /pha rol tu phyin ba bcu dang sa bcu rim gyis sgrub cing chos dang gang zag gnyis ka la bdag med rtogs nas nyon mongs pa dang shes bya'i sgrib pa gnyis ka spong ba ni theg pa chen pos mngon par 'byung ba zhes bya'o/ /de dag gis khyad par lnga gang zhe na/ rigs kyi khyad par dang/ 'jug pa'i khyad par dang/ dus kyi khyad par dang/ byang chub kyi khyad par dang/ rnam par grol ba'i khyad par ro zhes bya ba la/ theg pa gsum gyi nang gi rgya che chung gi bye brag la dge dag gis khyad par lnga zhes bya ste/ de yang sngon bden pa bzhi mnyam pa dang rten cing 'brel par 'byung ba'i yan lag bcu gnyis sa dang/ pha rol tu phyin pa dag mnyan pa'i bag chags tha dad pa yod pa'i rigs kyi khyad par zhes bya/ theg pa chung ngu dang 'bring po ni rang gi don la 'jug theg pa chen po ni bdag dang gzhan gnyis ka'i don byed pa ni 'jug pa'i khyad par zhes bya'o/ /nyan thos ni tshe gsum dang tshe bdun rang sangs rgyas ni bskal pa brgyas dgra bcom pa thob/ theg pa chen po ni bskal pa chen po grangs med pa gsum gyi 'tshang rgya ba dag ni dus kyi khyad par ro/ /theg pa gnyis ni gang zag la bdag med par chung/ theg pa chen po ni chos dang gang zag gnyis ka la bdag med par chud pa ni byang chub kyi khyad par zhes bya/ theg pa gnyis kyis ni zhi ba phyogs gcig pa'i dgra bcom pa thob la/ theg pa chen pos ni mi gnas pa'i mya ngan las 'das pa thob pa dag ni rnam par grol ba'i khyad par zhes bya'o/ /sde snod gsum ni mdo sde bsdus pa dang 'dul bar bsdus pa dang/ ma mor bsdus pa'o/ /zhes bya ba la/ gsung rab bcu gnyis las mdo'i sde dang dbyangs kyis bsnyad pa'i sde dang/ tshigs su bcad pa'i sde dang/ ched du brjod pa'i sde dang/ lung du bstan pa'i sde dang/ shin tu rgyas pa'i sde dang/ rmad du byung ba'i sde dang/ mdun ni mdo sder bsdus pa'o/ /gleng bzhi'i sde dang/ rtogs pa brjod pa'i sde dang/ de lta bu byung ba'i sde dang skyes pa rabs kyi sde bzhi ni 'dul bar bsdus pa'o/ /gtan la bab par bstan pa'i sde ni chos mngon pa ste ma mor bsdus pa'o/ /de yang ci dgos ci zhe na/ bslab pa gsum rdzogs par bya ba'i phyir te/ mdo sde'i nang nas ting nge 'dzin rgya cher ston/ 'dul ba'i nang nas ni sdig pa'i las las ldog ba ston/ ma mo'i nang nas ni chos tha dad pa'i rang dang spyi'i mtshan nyid ston pas na lhag pa'i sems dang/ lhag pa'i tshul khrims dang/ lhag pa'i shes rab gsum dang go rim bzhin du sbyar te rdzogs par byed do zhes bya ba'i don to/ /shes rab rnam pa gsum gang zhe na/ thos pa las byung ba'i shes rab dang/ bsams pa las byung ba'i shes rab dang/ bsgoms pa las byung ba'i shes rab bo zhes bya ba la/ chos khongs su chud pa'i blo rtsir zhing zhib pa ni shes rab rnam pa gsum ste/ de yang ming dang tshig dang yi ge la dmigs pa'i blo ni thos pa las byung ba'i shes rab bo/ /ming dang tshig dang yi ge dang/ de dag gis brjod pa'i don kun la dmigs pa'i blo ni bsam pa las byung ba'i shes rab bo/ /don gcig pu la phyogs gcig tu dmigs pa'i blo ni bsgoms pa las byung ba'i shes rab bo/ /bslab pa gsum gang zhe na/ lhag pa'i tshul khrims dang/ lhag pa'i sems dang/ lhag pa'i shes rab bo zhes bya ba la/ las su bya ba'i mchog nyams su blang ba'i dam pa'i blo gros mig can rnams kyis bya ba'i dmigs ni bslab pa gsum ste/ skye bo phal pa bas mu stegs lhag /mu stegs pha bas nyan thos lhag/ de bas rang sangs rgyas lhag/ rang sangs rgyas pas ni theg pa chen po lhag ste/ nyan thos kyi dge slong dang/ dge tshul dang dge bsnyen pho mo rnam drug dang/ bar khrims rnams ni khrims sde bdun te /de dag dang byang chub sems dpa' i sdom pa gsum ste/ mi dge ba sdom pa dang dge ba sdud pa dang/ sems can gyi don byed pa rnams ni lhag ba'i tshul khrims so/ /theg pa chen po'i ni dpa' bar 'gro ba la sogs pa'i ting nge 'dzin dang nyan thos dag gis mi gcod pa bsgom pa dang/ bsam gtan gzhi dang/ gzugs med pa'i snyoms par 'jug pa dag ni lhag pa'i sems so/ theg pa chen po ni chos dang gang zag gnyis ka la bdag med par mkhyen/ nyan thos dag ni gang zag la bdag med par rig pa ni lhag pa'i shes rab bo/ /dbang po gsum gang zhe na/ yongs su ma shes pa yongs su shes pa'i dbang po dang/ yongs su shes pa'i dbang po dang/ yongs su shes pa rtog pa'i dbang po'o zhes bya ba la/ mthong bas spang bar bya ba'i lam gyi dus na dad pa dang/ brtson 'grus dang/ dran pa dang/ ting nge 'dzin dang shes rab kyi dbang po lnga dang/ bde ba dang/ yid bde ba dang btang snyoms dang/ yid kyi dbang po bzhi ste/ dgu po de dag gis mthong bas spang ba spangs pa na/ sngon mi shes pa kun shes pas yongs su ma shes pa yongs su shes pa'i dbang po zhes bya/ bsgom pas spang ba spong ba'i dus na dbang po dgu pos mi mthun pa dang gnyen po ni phyogs gsal bar bye brag phyed ba ni yongs su shes pa'i dbang po zhes bya/ dgra bcom pa'i dus ni mthong sgom gyi nyon mong pa ma lus par spangs pa'i dbang po dgu ni yongs su shes pa rtogs pa'i dbang po zhes bya'o/ /nyon mongs pa gsum gang zhe na/ nyon mongs pa'i kun nas nyon mongs pa dang/ las kyis kun nas nyon mongs pa dang/ tshe'i kun nas nyon mongs pa'o zhes bya ba la/ rang nyid kyang nyon mongs pa yin la/ rgyu de las skyes pa yang nyon mongs par 'gyur bas na nyon mongs pa gsum ste/ de yang brten 'brel bcu gnyis las ma rig pa dang/ sred pa dang len pa dang gsum ni nyon mongs pa'i kun nas nyon mongs pa'o/ /'du byed dang srid pa gnyis ni las kyi kun nas nyon mongs pa'o/ / rnam par shes pa dang ming dang gzugs dang skye mched drug dang reg pa dang/ tshor ba dang/ skye ba dang rga shi bdun ni tshe kun nas nyon mongs pa ste/ sdug bsngal sna tshogs kyi rgyu dang 'bras bu 'khor ba'o/ /kun rdzob gsum gang zhe na/ kun rdzob kyi kun rdzob dang/ yang dag pa ma yin pa'i kun rdzob dang yang dag pa'i kun rdzob bo/ /de la rgyu ma dang smig rgyu dang mig yor la sogs pa rang rang gi bya ba byed mi nus pa'i mtshan nyid rnams ni kun rdzob kyi kun rdzob bo/ /phyi nang gi rten cing 'brel par 'byung ba'i chos la phyin ci log tu brtags shing bsgrubs te bskyed pa rnams ni yang dag pa ma yin pa'i kun rdzob bo/ /phyi nang gi rten 'brel la yang dag par brtags te dge ba bcu la sogs pas bskyed pa'i rgyu dang 'bras bu dag ni yang dag pa'i kun rdzob bo/ /byang chub sems dpa' i yon tan gyi sgra don gsum gang zhe na/ mos pa dang sbyor ba dang khong du chud pa'o zhes bya ba ni/ byang chub ces bya ba dang sems dpa' zhes bya ba dang sems dpa' chen po zhes bya ba'i sgra gsum dang go rim bzhin du sbyar te/ nges par 'byed pa cha bzhi la gnas pa ni byang chub bcas bya ste mos pa dang sbyar ro/ /sa dang po nas sa bcu pa man chad la gnas pa ni byang chub sems dpa' zhes bya ste/ sbyor ba dang sbyar ro/ /sa bcu gcig pa sangs rgyas kyis sa'i dus na sems dpa' chen po zhes bya ste/ khong du chud pa dang sbyar ro/ /yang na sems can la ston pa dang de dag byang chub la 'god pa dang byang chub tu sems dpa' o zhes bya ba la/ sems can rnams la bla na med pa'i lam ston pas byang chub ste/ sems can la ston pa dang sbyar ro/ /lam la bkod pa de dag 'bras bu thob par byed pas na byang chub sems dpa' ste/ de dag byang chub la 'god pa dang sbyar ro/ /bdag nyid kyang byang chub chen po thob par byed pas na sems dpa' chen po ste/ byang chub sems dpa' dang sbyar te mtshan nyid kyi yon tan dang ldan bar ston pa'o/ /khams gsum gang zhe na/ 'dod ba'i khams dang/ gzugs kyi khams dang gzugs med pa'i khams so zhes bya ba la/ dmyal ba brgyad dang byol song dang yi dags gnyis te bcu dang/ gling gzhi dang 'dod pa'i lha drug dang bcu ste spyir gnas nyi shu ni 'dod pa'i khams so/ /bsam gtan dang po nas bzhi pa'i bar gnas bcu bdun ni gzugs kyi khams so/ /nam mkha' mdza' yas skye mched nas 'du shes yod min med min man chad gnas bzhi ni gzugs med pa'i khams so/ /tshul gsum pa'i rtags gang zhe na/ rjes su dpag pa la yod pa dang/ mthun pa'i phyogs la yod pa dang mi mthun pa'i phyogs la med pa'o zhes bya ba la/ shes bya mngon du ma gyur kyang snol tshul gyi thog tu 'bebs ba ni tshul gsum pa'i rtags zhes bya ste/ de yang me dang chu me snang yang du ba dang chu bya snang ba tsam las me dang chu yod par brtags pa ni rjes su dpag pa la yod pa'o/ /tshang? bang chen po nam yod par brtag pa ni 'thun pa'i phyogs la yod pa ste/ tshang bang dang me yod par 'thun pa'i phyir ro/ /chu'i nang na me med par brtag pa ni mi mthun pa'i phyogs la med pa ste/ gcig la gcig dgra ltar mi mthun pa'i phyir ro/ /sdug bsngal gsum gang zhe na/ sdug bsngal ba'i sdug bsngal dang 'gyur ba'i sdug bsngal dang 'du byed kyi sdug bsngal lo zhes bya ba la/ khams gsum gyi tshor ba rnam pa gsum la sdug bsngal gsum gyis khyab pas na sdug bsngal gsum zhes bya ste/ de yang 'dod pa'i khams kyi sems can rnams la tshor ba gsum char dang yang ldan mod kyi/ sdug bsngal gyi tshor ba shas che bas sdug bsngal ba'i sdug bsngal gyis khyab bo/ /gzugs kyi khams kyi lha rnams ni bsam gtan la gnas pas phal cher tshor ba bde ba dang ldan te/ re zhig bde yang gtan du de mi gnas te/ tshe zad nas gzhan du 'gyur pas na 'gyur ba'i sdug bsngal gyi khyab po/ /gzugs med pa'i khams na ni ming bzhi'i phung po skad cig ma'i rgyun la gnas pas tshor ba btang snyoms dang ldan te/ skye bos sdug bsngal du mi tshor mod kyi 'phags pa rnams kyis sdug bsngal du gzigs te mdo las kyang/ lag mthil spu nyags gcig 'byung ba ni gus par nyan pa dang/ gus par mi nyan pa rnams la sems snyoms pa zhes bya'o/ /gtong ba'i khyad par gsum gang zhe na/ gtong ba ni zang zing spyin ba dang/ bu smad sbyin pa dang srog dang lus sbyin pa'o zhes pa la/ skye bo rnams ni phug cing bdag na yang mi gces pa las bu dang gnyen rtsa tsam nyid tsham la gtong gi/ mi bdog gam yang na bdog kyang ces pa dag gzhan la mi stong gyi/ 'phags pa bdag ni gces pa yang mi bang? par sems can thams cad la gtong la mi bdog na lus dang srog kyang stong bas na gtong pa'i khyad par gsum ste/ 'phral gyi bza' ba dang/ btung ba dang/ yun gyi zong gser dngul dang gas zas gang sbyin pa ni zang zing sbyin pa'o/ /bu dang chung ma dang bran dang 'khor dang las thabs rgyal srid man chad gtong ba ni bu smad sbyin pa'o/ /mgo dang rkang lag dang/ sha khrag dang lus kyi srog man chad gtong ba ni srog dang lus sbyin pa'o/ /chos kyi mdo bzhi gang zhe na/ mi rtag pa dang/ sdug bsngal dang stong pa dang bdag med pa'o/ /zhes bya'o/ /de yang phyi nang gi chos thams cad kyi don tshig 'di bzhir 'dus pas na chos kyi mdo bzhi ste/ de la mtshan nyid gsum dang yang sbyar te/ kun brtags pa'i mtshan nyid ni rtag tu med pas na mi rtag pa'o/ /gzhan gyi dbang gis mtshan nyid ni sdug bsngal thams cad kyi gzhi yin pas na sdug bsngal ba'o/ /yongs su grub pa'i mtshan nyid la ni chos su gdags pa'i dngos po med pa na stong pa'o/ /gang zag tu gdags pa'i dngos po med pas na bdag med pa'o/ /byang chub sems dpa' i mos pas spyod pa'i cha bzhi gang zhe na/ snang ba thob pa dang/ snang ba mched pa dang/ de kho na nyid kyi don la phyogs gcig pa dang/ bar chad med pa'i ting nge 'dzin to zhes bya ba la/ de yang dbang po lnga dang/ stobs lnga bsgoms pa'i dus na gcig tu dge ba'i phyogs la lhag par mos shing gzhol te 'bad rtsol dang bcas pa ni mos pas spyod pa'i cha bzhi ste de la phyi nang gi chos rnams la ming du brtags pa'i ming thams cad sgyu ma tsam du 'du shes pa'i shes rab skyes pa ni snang ba thob pa'o/ /ming de dag gis brjod pa'i don gyi dngos po la sgyu ma tsam du shes pa'i shes rab skyes pa ni snang ba mched pa'o/ /chos rnams kyi ming de dag stong pa nyid du shes pa'i shes rab skyes pa ni de kho na nyid kyi don la phyogs gcig pa'o/ /ming de dag gis brjod pa'i don gyi chos thams cad stong pa nyid du shes pa'i shes rab skyes pa ni de ma thag tu sa dang po gnon pas na bar chad med pa'i ting nge 'dzin ces bya'o/ /nyan thos kyi cha bzhi gang zhe na/ drod dang/ spyi bo dang/ bzod pa dang/ 'jig rten pa'i chos kyis mchog ces bya ba'o zhes bya ba la/ cha bzhi ni gong ma dang 'dra ste/ dbang po dang stobs kyi dus na dge ba la mos shing 'dun pa'o/ /de yang dper na gtsub shing gis me 'byin na me'i snga ltas dro ba dang 'dra bar la nyon mongs pa bsreg pa'i ye shes me dang 'dra ba 'byung bas na drod ces bya/ de nas dge ba'i rtsa ba gnyen po'i phyogs mthu skyes nas mi mthun pa'i dbang du mi 'gro ba'i sar phyin pas na spyi bo zhes bya/ gang zag la bdag med pa'i don stong pa nyid la yid ches nas de la dga' ba skyes pa ni bzod pa zhes bya/ 'di man chad 'jig rten gyis dge ba yin te mthong bsgom kyis nyon mongs pa ma spangs kyang rgyun tu zhugs pa la sogs pa 'phags pa'i sa 'dis mnon te/ 'jig rten pa gzhan las gtso bor gyur pas na 'jig rten pa'i chos kyis mchog ces bya'o/ /ye shes bzhi gang zhe na/ me long lta bu'i ye shes dang/ mnyam pa nyid kyi ye shes dang/ so sor kun tu rtog pa'i ye shes dang/ bya ba bsgrub pa'i ye shes so zhes bya ba la/ chos kyi dbyings rnam par dag la yang go rim bzhin no zhes bya ba la/ so so'i skye bo las sangs rgyas su grub nas rnam par shes pa brgyad gnas gyur ba ni ye shes bzhi ste/ de la kun bzhi rnam par shes pa dri ma dag ste gnas gyur pa ni me long lta bu'i ye shes so/ /nyon mongs pa'i yid bdag tu lta ba'i dri ma dag ste gnas gyur pa ni bdag dang gzhan du mi 'byed de mnyam pas na nyid kyis ye shes so/ /yid kyi rnam par 'dod chags la sogs pa'i dri ma dag ste gnas gyur pa ni so sor kun tu rtog pa'i ye shes so/ /mig la sogs pa sgo lnga'i rnam par shes pa chos sna tshogs la tha dad par rtog pa'i dri ma dag ste gnas gyur pa ni bya ba sgrub pa'i ye shes so/ /gzugs kyis phung po la sogs pa phung po lnga'i rang bzhin stong pa nyid gang yin pa de ni chos kyi dbyings rnam par dag pa ste ye shes dam pa'i yul du bzhag go/ ye shes bzhi'i las gang zhe na/ me long lta bu'i ye shes kyi las dang/ mnyam pa nyid kyi ye shes kyis las dang/ so sor rtog pa'i ye shes kyi las dang/ bya ba sgrub pa'i ye shes kyi las so zhes bya ba la/ yul tha dad par 'jug cing dmigs pas ni ye shes kyi las te/ de yang chos thams cad gnyis su med pa'i don chos kyi dbyings stong pa nyid la dmigs pa ni me long lta bu'i ye shes kyis las so/ /bdag dang gzhan du dbyer med de/ bdag gi don byas ba yang sems can gyi don yin la sems can gyi don byas ba yang bdag gis don yin par dmigs pa ni mnyam pa nyid kyi ye shes kyi las so/ /chos thams cad kyi spyi dang rang gi mtshan nyid phyin ci ma log pa gtan la 'bebs pa ni so sor rtog pa'i ye shes kyi las so/ /sems can gyi don bya ba thams cad thabs sna tshogs kyis sgrub cing sprul ba'i las byed pa ni bya ba sgrub pa'i ye shes kyi las so/ /dgongs pa bzhi gang zhe na/ mnyam pa nyid la dgongs pa dang dus gzhan la dgongs pa dang don gzhan la dgongs pa dang/ gang zag gzhan la dgongs pa'o zhes bya ba ni 'phral du go ba dang/ don du sbyar ba tha dad kyang tshig gcig gis 'gal ba med par ston to/ /thabs de lta bus sems can dag 'dul bar 'gyur ba ni dgongs pa bzhi zhes bya ste/ de yang 'das pa'i sangs rgyas dang shAkya thub pa gnyis chos kyi sku dang/ bsod nams dang ye shes kyi tshogs dang/ sems can gyi don gyi 'phrin las mdzad pa rnams che chung mi mnga' ba'i sgo nas sangs rgyas shAkya thub pas snga ma 'das pa'i sangs rgyas kyang nga nyid yin no zhes gsungs pa ni mnyam pa nyid la dgongs pa'o/ /sangs rgyas 'od dpag med dang spyan ras gzigs dbang phyug la sogs pa sangs rgyas gcig tsam gyis mtshan brjod pa tsam gyis kyang 'tshang rgya bar 'gyur ro zhes gsungs pa yang des 'phul du 'tshang rgya bar min gyi rgyu de tsam las brten te/ bsgrubs na nam zhig 'tshang ba dang/ smon lam btab na de bzhin du 'gyur ro zhes bya ba yang 'phral du mi 'gyur gyi nam zhig na rgyur 'gyur bas na dus gzhan la dgongs pa'o/ /sangs rgyas gang+gA? snyed la bsnyen bkur ma byas na mdo sde 'di thos par mi 'gyur ro zhes bya ba ni 'dir 'phral du mthong ba tsam la mi bya'o/ /byang chub sems dpa' sa dang po thob la bya bas na don gzhan la dgongs ba'o/ /tshul khrims la sogs pa dge ba'i phyogs gang la dad cing nus pa de la bsngags te spyod du gzhug pa dang/ yang na tshul khrims bsrung ba'i tshes chog go snyam du sems pa la dge ba gzhan yang phyed du gzhug pa'i phyir tshul khrims smad la sbyin pa sngag pa la sogs te/ pha rol tu phyin pa kun la sbyor ba ni gang zag gzhan la dgongs pa'o/ /ldem por dgongs pa gang zhe na/ gzhug pa la ldem por dgongs pa dang mtshan nyid la ldem por dgongs pa dang gnyen po la ldem por dgongs pa dang/ bsgyur ba la ldem por dgongs pa'o zhes bya ba ni tshig nges pa ma yin yang drang du rung ba tsam la dgongs nas gzhan dag bkri ba'i thabs su gsungs pa ni ldem por dgongs pa ste/ mu stegs dang/ bdag yod dam med ces 'dri na/ sems can gyi rgyun skad cig ma 'am brdzus te skye ba'i sems can bdag yod pa tsam la brten nas bdag yod do zhes bya ba dang/ nyan thos dag chos kyi dngos po yod dam med ces 'dri na/ phung po dang khams dang skye mched dag yod do zhes skye bo rnams theg pa chen po dang/ bstan pa 'di? la gzung cing mi skrag par bya ba'i phyir bshad pa ni gzhug pa la ldem por dgongs pa'o/ /chos thams cad dngos po yod dam med ces 'dri na/ mtshan nyid gsum la dmigs nas med par 'dod pa la ni kun tu brtags pa'i mtshan nyid la bsam nas med ces bstan te/ yod par 'dod pa ni gzhan dbang dang/ yongs su grub pa'i mtshan nyid gnyis la dgongs nas yod ces bstan pa ni mtshan nyid ldem por dgongs pa'o/ /sems can gyi spyod pa brgyad khri bzhi stong gi gnyen por chos kyi sgom yang brgyad khri bzhi stong gsungs te/ 'dod chags kyi gnyen por mi gtsang ba la sogs pa ni gnyen po la ldem por dgongs pa'o/ /pha bsad ma bsad/ dge 'dun gyi dbyen byas/ dgra bcom pa bsad de bzhin gshegs pa la ngan sems kyis khrag phyung na bla na med pa'i byang chub tu 'tshang rgya'o zhes gsungs pa de dngos su sgra bzhin du bya ba ma yin gyi/ ma rig pa'i dngos po med par shes pa ni ma bsad pa'o/ /zhe sdang gi dngos po med par shes pa ni pha bsad pa'o/ /phung po lnga stong par bshig ste dngos po med pa ni dge 'dun gyi dbyen byas pa'o/ /kun bzhi rnam par shes pa bag chags dang bcas pa dngos po med par shes pa ni dgra bcom pa bsad pa'o/ /chos kyi dbyings stong pa nyid du shes rab kyi rtog pa la de bzhin gshegs pa la khrag phyung ba zhes mi bsgyur ba dang/ yang na snying po med pa la snying por rtog/ phyin ci log la rab gnas shing/ nyon mongs gyis ni nyon mongs na/ byang chub dam pa 'thob par 'gyur zhes gsungs te/ mi g.yeng par bsgom pa dang phyin ci log las bzlog par gnas pa dang/ dka' ba sna tshogs kyi dka' thub spyad pa dang go rim bzhin du sbyar te/ de lta bur spyad na 'tshang rgya'o zhes bya ba'i mi 'gyur ba ni bsgyur ba la ldem por dgongs pa'o/ /rig pa bzhi gang zhe na/ bltos pa'i rigs dang/ bya ba byed pa'i rigs dang/ tshad ma'i rigs dang/ chos nyid kyi rig pa'o zhes bya ba la/ 'jig rten na chos rnams kyis tshul ji ltar srid pa bzhin du 'byung ba ni rigs pa zhes bya ste/ de yang mig gi rnam par shes pa rang? byung mi nus kyi/ mig gi dbang po dang yul gzugs gnyis la bltos nas 'byung bar rigs pa de bzhin du gzhan yang sbyar te/ myu gu ni sa bon la bltos nas 'byung ba ma rig pa la bltos nas 'du byed 'byung ba la sogs pa ni bltos pa'i rig pa'o/ /mig gi rnam par shes pa de byung nas gzugs la blta ba'i bya ba byed kyi sgra la mi nyan pa dang mig gi dbang pos kyang mig gi rnam par shes pa skyed kyi rna ba la sogs pa'i rnam par shes pa gzhan mi skyed de/ de bzhin du kun la sbyar te/ nas kyi sa bon gyis nas nyid skyes kyi bra sran lta bu gzhan mi skyed pa dag ni bya ba byed pa'i rig pa'o/ /mthad ba sgrub pa zhes kyang bya ste/ rjes su dpag pa dang/ mngon sum dang lung gi tshad ma nges par bzhag pa'o/ /de la rjes su dpag pa ni du ba la me shes pa dang chu bya las chu shes pa dag go / mngon sum ni rnam par shes pa drug gis mthong ba dang/ rnal 'byor pa'i sems kyis mthong ba dag go /lung ni mi bslu ba'i tshig sangs rgyas kyi bka' lung zhal nas gsungs pa ste/ de dag ni tshad ma'i rigs pa'o/ /chu thur du 'bab pa dang/ nyi ma shar phyogs nas 'char ba dang/ sa sra ba dang/ chu gsher ba dang/ me tsha ba dang/ rlung yang ba la sogs pa ste stong pa dang bdag med pa lta bu spyi dang rang gi mtshan nyid ye nas de ltar gnas pa dag ni chos nyid kyis rigs pa zhes bya'o/ /mkhyen pa gzhi gang zhe na/ khams mkhyen pa dang rang bzhin mkhyen pa dang bsam pa mkhyen pa dang/ bag la nyal mkhyen pa'o zhes bya ba ste/ de la theg pa che chung rigs tha dad pa gang dang gang yin pa thugs su chud pa ni khams mkhyen pa ste/ khams dang/ rigs dang/ sa bon zhes bya ba kun don gcig go sems can dbang po rnon po dang/ dbang po rtul po dang/ dbang po 'bring po dag gis bye brag thugs su chud pa ni rang bzhin mkhyen pa'o/ /sbyin pa la sogs pa pha rol tu phyin pa drug dang bcu dag la sogs pa gang dang gang la dga' ba thugs su chud pa ni bsam pa mkhyen pa'o/ /dge ba dang mi dge ba'i sa bon dad pa dang brtson 'grus so/ /'dod chags dang zhe sdang la sogs pa'i shas che chung ci yod pa thugs su chud pa ni bag la nyal mkhyen pa'o/ /skye gnas gzhi gang zhe na/ mngal nas skye ba dang/ sgo nga las skye ba dang/ drod gsher las skye ba dang/ brdzus te skye ba zhes bya ba ste/ de la mi dang phyugs lug dang/ gcan zan la sogs pa ni phal cher mngal nas skye'o/ /bya dang nya dang sbal rtsong dang/ rtsang pa la sogs pa ni sgo nga las skye pa'o/ /'bu srin dag ni drod gsher las skye ba'o/ /mtho ris kyis lha rnams dang 'dre srin yi dags dmyal ba dag ni brdzus te skye ba'o/ /mdza' gzhi gang zhe na/ yod pa'i mdza' dang med pa'i mdza' dang yod kyang yod la med kyang med pa'i mdza' dang/ yod pa yang ma yin med pa yang ma yin pa'i mdza' 'o zhes bya ba la/ phyi nang gi chos thams cad ni rdul dang mun pa snying stobs gsum las gyur pa yin pas yod pa yin te/ phyi rol gyi chos la sbyar na yang me tog la sogs pa sdug cing mdzes pa thams cad ni snying stob shas che la/ tsher ma dang dam grog la sogs mi mdzes pa thams cad ni mun pa shas che'o/ /'bru 'bras dang kha zas la sogs pa dag ni rdul las gyur pa'i shas che ba yin te yod do zhes zer ba ni yod kyang yod pa'i mdza' 'o/ /'jig rten rgyang pan pa dag las dang 'bras bu dang tshe snga phyi la sogs pa ci yang med do/ /zhes zer ba ni med pa'i mdza' 'o/ /bdag brtag pa ni yod la yul dang dbang po la sogs pa 'byung ba'i grong khyer ni med do zhes zer ba ni yod kyang yod la med kyang med pa'i mdza' o/ /grangs can dag dper na gser gyis kha dog ni gang yang mi 'gyur te med pa yang yin la/ mgar bas brdungs na dbyibs gzhan dang gzhan du 'gyur bas na yod pa ma yin no/ /de bzhin du bdag rtag pa de yang de dang 'dra'o zhes zer ba ni yod pa yang ma yin med pa yang ma yin pa'i mdza' 'o/ /rton pa gzhi gang zhe na/ don la rton par bya'i tshig 'bru la rton par mi bya'o/ /chos la ston par bya'i gang zag la rton par mi bya'o/ /ye shes la rton par bya'i rnam par shes pa la ston par mi bya'o/ /nges pa'i don gyis mdo sde la ston par bya'i/ /drang pa'i don gyis mdo sde la ston par mi bya'o zhes bya ba la nyams su blang zhing de dang mi 'bral bar rten cing 'dris par byed pa ni ston pa zhes bya ste/ de yang 'jig rten las 'das pa'i chos kyi tshul byang chub kyi phyogs kyi chos rnams nan tan du byed pa'i 'bras bu sems kyi sbyor ba skad cig gis 'khor gsum yongs su dag cing thams cad mkhyen pa'i ye shes mngon du byed pa ni don te/ de la rton par bya'o/ /tshig 'bru ste/ 'jig rten gyi bya ba mang po la 'jug pa dang/ yang na chos kyi sgo mo brgyad khri bzhi stong gi bar du slob cing 'chad pa'i tshig dang yi ge'i rjes su 'brang ba dag ni? don chung ngu yin pas de dag la ni rton par mi bya'o/ /rnam par byang ba dang/ kun nas nyon mongs pa'i chos rgyu dang 'bras bu'i tshul phyin ci ma log cing ma 'dres pa 'am/ don gyi mtshan nyid ma byung ba dang ma skyes pa nges par ston pa'i gang zag ni su ci 'dra yang rung ste/ chos dang mi 'gal na bsten par bya'i/ gang zag ma brtags pa tam ton can chos dang mi 'thun pa'i spyod pa can yin na rgyal po'i bu yang rung ste nye bar mi bsten pa na chos la rton par bya'i/ gang zag la ston par mi bya ba'o/ /chos thams cad kyi mtshan nyid don dam par skye ba dang 'gag pa med pa chos dang gang zag bdag med par mkhyen pa ni ye shes te/ de la rten cing 'dris par byed la/ gzugs dang sgra la sogs pa 'dod pa'i yon tan lnga la sogs rjes su song ba ni rnam par shes pa zhes bya ste/ de la ma chags mi gnas brten par mi byed pa ni ye shes la rton par bya'i/ rnam pa shes pa la rton par mi bya ba'o/ /chos gang bstan pas zab cing rgya che ba'i don khongs su chud par byed pa ni nges pa'i don gyi mdo sde zhes bya ste/ de la rten cing 'dris par byed kyis 'khor bas skye ba dang kun rdzob la 'jug pa la sogs pa ston pa ni drang ba'i don gyi mdo sde de dag la rten cing 'dres par mi byed pa ni nges pa'i don gyi mdo sde la gton par bya'o/ /drang pa'i don gyi mdo sde la ston mi bya'o/ /bsdu ba'i dngos po bzhi gang zhe na/ sbyin pa dang snyan par smra ba dang don spyod pa dang/ don mthun pa'o zhes bya ba la za ba dang bgo ba la sogs pa lus kyi longs su spyod cing bgos pas mgu bar byed pa ni sbyin pa'o/ /sems mgu bar byas kyi 'og tu dam pa'i chos bstan cing bshad de mi dge ba las bzlog cing dge ba la 'jud pa ni snyan par smra ba'o/ /tshig tu smra bar ma zad kyi bdag nyid smra ba dang 'thun par nyams su len pa ni mthong spyod pa'o/ /gzhan la ji skad chos bstan pa de bzhin du bdag nyid kyang de dang mthun par byed la gzhan la yang byed du 'jug ba ni don mthun pa'o/ /'dus ma byas bzhi gang zhe na/ so sor brtags te 'gog pa dang/ so sor brtags pa ma yin pa'i 'gog pa dang/ nam mkha' dang de bzhin nyid do zhes bya ba la/ rgyu dang rkyen gyi mtshan nyid gang gis kyang ma bskyed pas na 'dus ma byas zhes bya ste/ de yang khams gsum pa'i chos 'di dag ni mi rtag pa dang sdug bsngal ba yin no zhes 'dod pa'i yon tan lnga po dag la ma chags mi 'jug pa ste/ de la ma zhugs na bag chags mi sogs shing 'bras bu mi 'byung ba ni so sor brtags te 'gog pa zhes bya'o/ /gzugs lta bu la rtogs cing yengs pa'i dus na sgra dang dri la sogs pa byung yang de dag la ma rtags te 'das pas bag chags mi sogs shing 'bras bu mi 'byung ngo/ /de bzhin du sgra la yengs pa na gzugs la ma brtags pa la sogs pa ni shes rab kyis dpyad pa med pa so sor brtags pa ma yin pa'i 'gog pa zhes bya'o/ /rgyu dang 'bras bu lta bur skye 'byung med la gzhan gyi go 'byed pa ni nam mkha' / chos rnams kyi chos nyid la rgyu dang 'bras bu med pa ni de bzhin nyid ces bya'o/ /lung bstan pa bzhi gang zhe na/ mgo gcig tu lung bstan pa dang/ rnam par phyed ste lung bstan pa dang/ dris nas lung bstan pa dang/ gzhag pa'i lung bstan pa'o zhes bya ba la/ gzhan gyis dris pa'i lan nges par sbyin pa ni lung bstan pa ste/ de yang sems 'di 'chi 'am/ mi 'chi zhes 'dri na sems can du gyur phan chad mi 'chi ba med de 'chi bo zhes bstan pa ni mgo gcig tu lung bstan pa'o/ /sems can 'di dag skye 'am mi skye 'dri na/ nyon mongs pa zad na ni las kyi dbang gis khams gsum du mi skye ba yang yod do/ zhes bstan pa ni rnam par phye ste lung bstan pa'o/ /mi 'di dag mchog yin nam ma yin zhes 'dri na lha la bltos nas sam/ 'dri la bltos nas 'dri zhes dris nas lha la bltos zhes zer na mchog ma yin la 'dre la bltos nas zhes zer na mchog yin no zhes bstan pa ni dris nas lung bstan pa'o/ /sems can la bdag yod dam med zhes 'dri na yod ces bstan du ni rang bzhin grub pa med la/ med ces bstan du ni da ltar mngon sum du snang zhing 'dug pas ci yang mi bstan par bzhag pa ni bzhag pa'i lung bstan pa'o/ /rig pa'i gnas lnga gang zhe na/ nang rig pa dang/ rgyu rig pa dang/ sgra rig pa dang/ gso ba rig pa dang/ bzo rig pa'o zhes bya ba la shes rab kyis shes par bya ba'i yul mdor bsdu na lnga yod pas na rig pa'i gnas lnga'o/ /de yang gsung rab yan lag bcu gnyis shes pa ni nang rig pa'o/ /tarka 'am/ yang na phyi nang gi rten 'brel rgyu dang rkyen gang dang gang la 'bras bu ci dang ci 'byung ba'i rgyu mtshan la mkhas pa ni rgyu rig pa'o/ /bya ka ra Na'i skad la mkhas pa ste/ tshig cig la don rnam pa bcur 'dren pa lta bu dag ni sgra rig pa'o/ /lus kyi nad bzhi brgya rtsa bzhi lta bu'i gnyen po gang la gang phan pa'i sman dpyad la mkhas pa ni gos pa rig pa'o/ /bzo dang 'phongs rtsal la sogs las su bya'o cog thabs sna tshogs la mkhas pa ni bzo rig pa'o/ /bstan bcos las kyang/ rig pa'i gnas lnga dag la brtson par ma byas par/ 'phags mchog gis kyang thams cad mkhyen nyid mi 'gyur te/ de bas gzhan dag tshar gcod rjes su gzung phyir ram/ rang gis shes par bya phyir de la de brtson byed ces 'byung ste/ rgyu dang sgra ni tarka dang bya ka ra na ste/ de gnyis kyis ni rgol ba tshar gced pa dang/ gzo dang sman rigs pas ni gzhan la phan gdags shing rjes su gzung ba dang/ rang gi sems la nyon mongs pa gsal ba'i phyir ni nang rig pa ste/ gsung rab yan lag bcu gnyis la mkhas na shes rab skye ste/ des 'phags par 'gyur ro zhes gsungs so/ /zag pa med pa'i phung po lnga gang zhe na/ tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol pa'i phung po dang/ rnam par grol ba'i ye shes mthong ba'i phung po'o zhes bya ba la/ nyan thos kyi khrims sde bdun dang/ byang chub sems dpa' i sdoms pa rnam pa gsum ni tshul khrims kyi phung po'o/ /dpa' bar 'gro ba la sogs pa'i ting nge 'dzin dang bsam gtan bzhi dang/ snyoms par 'jug pa bzhi la sogs pa ni ting nge 'dzin gyi phung po'o/ /spyi dang rang gi mtshan nyid ma nor bar rtogs shing chos dang gang zag la bdag med par chud pa ni shes rab kyi phung po'o/ /phung po lhag ma dang bcas pa dang/ phung po'i lhag ma ma lus par mya ngan las 'das pa ni rnam par grol ba'i phung po'o/ /theg pa chen po'i ye shes bzhi dang/ nyan thos dang rang sangs rgyas mya ngan las 'das pa thob ma thag tu bya ba ni byas/ tshangs par ni spyad srid pa 'di las gzhan mi shes par sems pa ni rnam par grol ba'i ye shes mthong ba'i phung po'o/ /chos lnga gang zhe na/ ming dang/ mtshan ma dang/ rnam par rtog pa dang/ de bzhin nyid dang/ rnam par mi rtog pa'i ye shes so zhes bya ba la/ chos thams cad mdo 'dir 'dus pas chos lnga'o/ /de yang rnam par shes pa'i spyod yul du mi snang zhing brjod du med kyang ming gis brtags shing mtshon de bstan pa'i phyir ming ngo/ /rnam par shes pa bdun dang kun bzhi rnam par shes pa phan tshun rgyu dang 'bras bu'i tshul du gnas pa ni mtshan ma'o/ /rnam par shes pa brgyad po dag gis chos rnams kyis mtshan nyid sa sra ba dang chu gsher ba la sogs pa rang bzhin dang/ mi rtag pa dang/ sdug bsngal ba la sogs pa'i khyad par du rtog pas na rnam par rtog pa'o/ /chos thams cad dngos por ma grub pa ste/ stong pa nyid yin pas/ chos kyi dbyings ni de bzhin nyid do/ /phyin ci ma log par yongs su grub pa yang dag pa'i ye shes ni rnam par mi rtog pa'i ye shes so/ /mtshams med pa lnga gang zhe na/ ma bsad pa dang/ pha bsad pa dang/ dgra bcom pa bsad pa dang/ dge 'dun gyi dbyen byas pa dang/ de bzhin gshegs pa la ngan sems kyis khrag phyung ba'o zhes bya ba la/ las 'di lnga gang yang rung ba gcig byas na sems can dmyal ba'i gnas su sdug bsngal chen po'i rgyun cung zad kyang bar mi 'chad pa'i gnas su yun ring por skye ste/ thar pa'i skabs med pa ni mtshams med pa zhes bya'o/ /ma bsad pa dang/ pha bsad pa dang/ dgra bcom pa bsad pa ni go bla'o/ /dge 'dun gyi dbye na ni/ dge 'dun sder longs pa lta ba phye ba'o/ /de bzhin gshegs pa la ngan sems kyi khrag phyung ba ni bsad sems kyis khrag phyung ba ste/ der sangs ni sangs rgyas mi bzhugs mod kyi dam pa'i chos 'jig cing spong ba lta bu dang sbyar ro/ /mtshams med pa lnga dang nye ba'i las lnga gang zhe na/ dgra bcom ma sun par byas pa dang/ byang chub sems dpa' nges pa'i sa la gnas pa bsad pa dang/ slob pa bsad pa dang/ dge 'dun 'du ba'i sgo phrogs pa dang mchod rten 'jig pa'o zhes bya ba la/ sems can dmyal ba gzhan pas sdug bsngal che ba yin yang mtshams med pa'i sdug bsngal kho na tsam du tshabs che zhing yun ring ba nyid ma yin pa'i phyir mtshams med pa dang nye ba zhes bya ste/ de'i las ni ma yang yin la dgra bcom pa yang ba thob pa la mi tshangs par spyod pa 'khrig pa'i chos byas na/ dgra bcom ma sun par byas pa'o/ /sa dang po yan chad sa bcu pa man chad la gnas pa'i byang chub sems dpa' i srog bcad pa ni byang chub sems dpa' nges pa'i sa la gnas bsad pa'o/ /rgyun tu zhugs pa nas dgra bcom pa nyid ma thob pa'i gang zag bdun po dag srog bcad pa ni slob pa bsad pa'o/ /dge 'dun spyir mnga' ba'i zhal zas dang/ phyugs nor spyi spungs las gang zag gi skor spyod dam rku 'phrog byed pa ni dge 'dun 'du ba'i sgo phrog pa'o/ /gtsug lag khang dang/ sku gzugs dang cing lta bu ngan sems kyis 'dril zhing gcod pa la sogs ni mchod rten 'jig pa'o/ /snyigs ma lnga gang zhe na/ tshe'i snyigs ma dang/ lta ba'i snyigs ma dang/ nyon mongs pa'i snyigs ma dang/ dus kyi snyigs ma dang/ sems can gyis snyigs ma'o zhes bya ba la/ bzang po gdams pa'i phyin gang ngan pa'i mdza' mar gyur pa de ni snyigs pa zhes bya ste/ de yang tshe lo lo brgyad khri bzhi stong thub pa la sogs pa tshe phyir zhing 'thung ba'i tha ma ste/ tshe lo bcu pa ni tshe'i snyigs ma'o/ /chos dang gang zag la bdag med pa dang las dang las kyi 'bras bu la sogs pa chud mi gson pa'i lta ba las nyams te/ rtags pa dang 'chad pa'i mthar 'dzin pa'i lta ba ni lta ba'i snyigs ma'o/ /chags pa dang sdang ba med pa'i byams pa dang snying rje las nyams te/ 'dod chags dang zhe sdang dang phrag dog dang ser sna la sogs pa lhag par ched ni nyon mongs pa'i snyigs ma'o/ /las 'bras la sogs pa rmo brko mi dgos par brdas ma thag tu nang nub tu rang skye ba dang/ brdeg 'tshog dang 'thab rtsod med ba las nyams te mu ge'i bskal pa dang/ nad kyi bskal pa dang mtshon mcha'i skal pa dag gis gdungs pa ni dus kyi snyigs ma'o/ /mi lus rgyang grags tsam dang/ 'dom gang ba yan chad lta bu'i che bzang ba las nyams shing mi lus khru gang man chad rta rtug la rgu rten bcas pa la sogs te byang bzhin dang/ bsam pa ngan pa dang ldan pa ni sems can gyi snyigs ma'o/ /yam lnga gang zhe na/ tshogs kyi lam dang/ sbyor ba'i lam dang/ mthong ba'i lam dang/ bsgom pa'i lam dang/ mthar phyin pa'i lam mo zhes bya ba la/ so so'i skye bo'i gnas nas 'phags pa'i gnas su phyin par byed pa lnga ni lam lnga ste/ de yang byang chub kyi phyogs kyi chos sum bcu rtsa bdun dang sbyar na/ dang po sems bskyed nas/ dran ga nye bar gzhag pa bzhi dang yang dag par spong ba bzhi dang/ rdzu 'phrul gyi rkang pa bzhi rnams bsgom zhing bsod nams kyis tshogs sogs pa ni tshogs kyi lam mo/ /dbang po lnga dang stobs lnga sgom zhing mos pas spyod pa'i sa la gnas pa ni spyor ba'i lam mo/ /byang chub kyi yan lag bdun bsgom zhing sa dang po thob pa ni mthong ba'i lam mo/ /'phags pa'i lam yan lag brgyad bsgom zhing sa gnyis pa nas sa bcu pa man chad la gnas pa ni sdom pa'i lam mo/ /sangs rgyas kyis kun tu 'od la gnas pa dang/ nyan thos kyi dgra bcom pa thob pa dag ni mthar phyin pa'i lam mo/ /mi dge bcu'i 'bras bu gang zhe na/ srog gcod pa'i rnam par smin pa dang/ rgyu mthun pa'i 'bras bu dang dbang gis 'bras bu'o/ /ma byin par len pa'i rnam par smin pa dang rgyu mthun pa'i 'bras bu dang/ dbang gi 'bras bu'o/ /'dod pas log par g.yem pa'i rnam par smin pa dang/ rgyu mthun pa'i 'bras bu dang/ dbang gis 'bras bu'o/ /brdzun du smra ba'i rnam par smin pa dang/ rgyu mthun pa'i 'bras bu dang/ dbang gi 'bras bu'o/ /phra ma byas pa'i rnam par smin pa dang/ rgyu dang mthun pa'i 'bras bu dang/ dbang gi 'bras bu'o/ /ngag rtsub po'i rnam par smin pa dang/ rgyu mthun pa'i 'bras bu dang/ dbang gi 'bras bu'o/ /tshig 'khyal pa'i rnam par smin pa dang/ rgyu mthun pa'i 'bras bu dang/ dbang gi 'bras bu'o/ /brnab sems kyi rnam par smin pa dang/ rgyu mthun pa'i 'bras bu dang dbang gi 'bras bu'o/ /gnod sems kyi rnam par smin pa dang/ rgyu mthun pa'i 'bras bu dang/ dbang gi 'bras bu'o/ /log par lta pa'i rnam par smin pa dang rgyu mthun pa'i 'bras bu dang dbang gi 'bras bu'o zhes bya ba la/ rnam par smin pa'i 'bras bu'o zhes bya ba ni srog gcod pa nas log par lta ba'i bar bcu car yang ngan song rgyud gsum du skye bar 'dra bar sbyar ro/ /de la srog bcad pas tshe 'thung zhing nad mang ba la gsod 'dod pa ni rgyu dang mthun pa'i 'bras bu'o/ /kha zas mi bsod cing mthu chung ba skye ba'i yul dang phrad ba ni dbang gi 'bras bu'o/ /ma byin par blangs pas dbul por gyur cing rgu 'dod pa ni rgyu mthun pa'i 'bras bu'o/ /kha zas dang log? sad ser la sogs pas 'phrog cing kha dog ngan par skye ba'i yul dang phrad pa ni dbang gi 'bras bu'o/ /'dod pas log par g.yem pas 'phror g.yem la sred cing chung ma byi bo dang thun mong pa ni rgyu dang mthun pa'i 'bras bu'o/ /yul la rdul dang bye ma can du skyes ba ni dbang gi 'bras bu'o/ /brdzun smras pas skud pa 'debs pa mang zhing bdag nyid brdzun dang skur pa la dga' ba ni rgyu dang mthun pa'i 'bras bu'o/ /kha zas dri nga ba skye ba'i yul dang phrad ba ni dbang gi 'bras bu'o/ /phra ma byas pas grogs mi rnyed cing/ mdza' ba dang rtag tu mkhon cing dbye ba ni rgyu mthun pa'i 'bras bu'o/ /yul ngam grog dang thag thug can mi bde bar skye ba ni dbang gi 'bras bu'o/ /ngag rtsub po smras pas rtag tu tshig mi snyam pa dang/ yid mi dga' bar 'gyur ba'i gtam thos pa ni rgyu dang mthun pa'i 'bras bu'o/ /sa gzhi tsha ba can 'bru dang la thog skyer mi rung zhing kha zas dkon pa'i yul du skye ba ni dbang gis 'bras bu'o/ /tshig 'khyal nga smras pas tshig smras sa tseg mi btsun zhing ci smras kyang gzhan gyis mi nyan pa ni rgyu dang 'thun pa'i 'bras bu'o/ /dbyar dgun gyis dus 'gyur zhing dgun la char 'bab pa/ dbyar nyi lhags che zhing char mi 'bab pa lta bu'i yul du skye ba ni dbang gi 'bras bu'o/ /brnab sems che bas mthong ngo cog la 'dod chen byed cing chags pa ni rgyu mthun pa'i 'bras bu'o/ /'bru dang lo thog thams cad phra zhing chud pa'i yul du skye ba ni dbang gi 'bras bu'o/ /gnod sems rang bzhin gyi khrog tum dang zhe sdang che ba ni rgyu mthun pa'i 'bras bu'o/ /'bru dang lo thog kha la tsha zhing dgu ba 'khrung pa'i yul du skye ba ni dbang gis 'bras bu'o/ /log bar lta bas gti mug che ste/ shes rgya dang dran gsal med pa ni rgyu dang 'thun pa'i 'bras bu'o/ /sa bon btab kyang lo tog 'khrung du mi btub la cung zad 'khrungs na yang 'bras bu mi chags shing mi smin pa'i yul du skye ba ni dbang gi 'bras bu'o/ /de ci'i phyir 'bras bu gsum du 'gyur zhe na/ sdug bsngal bar byas pa dang bsad ba dang mdangs med pa bskyes pa'i phyir ro zhes smos te/ srog gcod pa ni dang po nyid du na zhang tsha bar byas pa ni sdug bsngal bar byas ba zhes bya ste/ /'di rgyus sems can dmyal ba la sogs pa gnod pa sna tshogs kyi gnas su skyos pa ni rnam par smin pa'i 'bras bu'o/ /de nas bsad pa ste/ tshe thung bar byas pas tha ma mir skyes na yang tshe 'thung zhing nad mang ba ni rgyu dang 'thun pa'i 'bras bu'o/ /bsad pa'i tsha lus dang sems kyis gzi byin dang mda' byad med par byas pas ni mdangs med par byas pas zhes bya ste/ des kha zas kyis 'bru 'bras ngan cing mi gsod pa dang yul ngan par skye ba ni dbang gi 'bras bu ste/ mi dge ba bcu char yang de bzhin du kun la sbyar ro/ /'jig tshogs la lta ba'i ri bo nyi shu'i ming la/ bdag gzugs yin te bdag po dang 'dra/ bdag tshor ba yin/ bdag 'du shes yin/ bdag 'du byed yin/ bdag rnam par shes pa yin/ zhes bya ba la/ mu stegs pa dag ni lta ba tha dad par phung po lnga dag las gang yang rung ba gcig ni bdag rtag pa yin la/ lhag ma bzhi ni bdag de'i 'khor yin no zhes bdag dang bdag gir 'dod de/ phung po lnga rnams la gcig cir yang rnam pa bzhi bzhir lta ba ni 'jig tshogs la lta ba'i ngo bo nyi shu'i ming zhes bya'o/ /de la gzugs bdag yin te bdag po dang 'dra zhes bya ba ni/ dper na nor gyi bdag po de rang gi nor la ci dgar spyod du dbang ba dang 'dra bar gzugs kyi phung po ni bdag rtag pa yin la/ phung po lhag ma bzhi ni bdag de'i 'khor yin te nor bdag dang nor lha lta bur gnas so zhes zer ba'o/ /de bzhin du 'og ma rnams la yang 'thun par ming spo zhing sbyar ro/ /bdag gzugs dang ldan/ bdag tshor ba dang ldan/ bdag 'du shes dang ldan/ bdag 'du byed dang ldan/ bdag rnam par shes pa dang ldan zhes bya ba ni/ dper na lhas byin brgyan dang ldan no zhes bya ba dang 'dra bar bdag rtag pa de ni gud na yod la gzugs kyi phung po de ni de'i rgyan lta bur gnas phung po lhag ma bzhi ni bdag de'i 'khor lta bur gnas so zhes bya ba ste/ phung po lhag ma bzhi la yang ming spo zhing gong ma bzhin du sbyar ro/ /gzugs bdag gis yin/ tshor ba bdag gis yin/ 'du shes bdag gi yin/ 'du byed bdag gi yin/ rnam par shes pa bdag gi yin zhes bya ba ni dper na la ba lhas byin dbang po zhes bya ba dang 'dra bar bdag de ni gung? na yod la/ gzugs kyi phung po la 'khor du dbang ngo zhes bya ba lta bu ste/ gzhan la yang de bzhin du sbyar ro/ gzugs la bdag gnas/ tshor ba la bdag gnas/ 'du shes la bdag gnas/ 'du byed la bdag gnas/ rnam par shes pa yang bdag gnas zhes bya ba ni dper na gzhod pa'i steng na shing tog gnas ba dang 'dra bar gzugs kyi phung po de la gang brtag pa de gnas so zhes zer ba ste/ de bzhin du 'og ma gzhan la yang mthun par sbyar ro/ /dus phyi mar 'byung ba'i rmi ltas bco brgyad gang zhe na/ glang po che'i mjug ma skar khur la thogs pa dang/ thun pas sgom pa'i mi snyag pa dang/ phye dang mu tig mnyam por brje ba dang/ glang po che be'u ser gyi gnas nas skyed ba dang/ kun dga' ra ba'i me tog dang 'bras bu bdag po las gzhan gyis longs spyod pa dang/ 'thab par mi 'os pa dag sde ris su gcad nas brgyad bkag dang 'thob rtsod byed pa dang/ des? yug gcig bgos ba la bzang btod pa dang/ me tog gi bdag rdog shig bar bskul ba dang/ rje'u gsum gyis bar ma stong bar mthong ba dang/ tsan dan sol bar 'tshod ba dang/ rgan po spyi cer du gnas pa dang/ rtag dang rku ba gnyi gsas za ba dang/ khyi chen po bas chung ngu kha drag pa dang/ ba be'u 'brengs ma thag tu be'u la nu bar 'dod pa dang/ snga dro dar la bab la phyi dro rgas 'khogs bar 'gyur ba dang/ seng ge'i ro de nyid kyis srin bus zos pa dang/ spre'u mang po 'dus nas spre'u gcig rgyal por bstos pa dang/ spre'u'i gcig gis gcig la mi gcing ba skud pa mthod pa'o zhes bya ba ni/ rgyal po kri kri zhes bya ba'i rmi lam du mi'i spyod lam dang/ chos lugs phyis ci 'byung ba rnams snga ltes su byung ste rmis pa'i glang po che'i mjug ma skar khung la thogs pa ni rab tu byung ba rnams khyim nas 'byung dka' ba'i gnas nas byung ste/ zang zing mang po kun gtong zhing 'dor nus na rab tu byung ba'i gnas na lhung bzed dang chos gos sam/ gnas dbang tsam dag la chags shing 'dug ba'i ltas te/ dper na glang po che skar khung du 'dzul ba nas lus chen po ming shod pa'i rigs pa ni shong na mjug ma phra mo ma shong snyi thogs pa dang 'dra'o/ /khron pas skom pa'i mi snyegs pa ni rab tu byung ba rnams chos nyan pa'i phyir slob dpon gyi thang du 'ong ba'i rigs pa las 'ong du mi btub ste nyan pa po'i gan du slob dpon gyis chos 'chad du 'ong na nyan pa po 'byol zhing nyan du mi btub pa'i rtags te/ dper na su skom par khron par song ste mchu mthung ba'i rigs pa las skom pa ni 'bras shing khron pa'i chu ni phyi bzhin snyags pa lta bu'o/ /phye dang mu tig mnyam bor rje ba ni che ba slang ba'i phyir chos ston pa'i rtags dang glang po che bo ser gyi gnas nas bskrod pa ni tshul khrims dang ldan pa tshul khrims 'chal bas gnas nas bskrod pa'i rtags dang/ kun dga' ra ba'i me tog dang 'bras bu bdag po las gzhan gyis longs spyod pa ni dge bdun gyis nor khyim pas longs spyod pa'i rtags dang/ 'thab par mi 'os pa dag sde ris su bcing nas brgyad bkag dang 'thab rtsod byed pa ni de bzhin gshegs pa shAkya thub pa'i bstan pa 'thab rtsod kyis nub par 'gyur ba'i rtags dang/ ras yug gcig bgos pa la bzang ngan gtod pa ni sangs rgyas kyi chos dang 'dul ba ni dkar po'i phyogs gcig pa yin na byis lta ba tha dad pas gzhung tha dad pa bzung ste/ lta ba mang por gyes ba ste/ dper na ras yug gcig la bzang ngan med kyang bzang ngan du mthod ba dang 'dra ro/ /me tog gis bdag rdos shig par bskul ba ni skyes pas bud med gnyer pa'i rigs na mi gnyer gyi/ bud med kyis skyes pa gnyer zhing phar bskul ba ste/ dper na me tog gis dngos po yin na me tog gis rdos zhes bskul ba lta bu'o/ /rjes su gsum gyis bar ma stobs bar mthong ba ni mtho sems mi byed pa med do/ /dbul gyur nas nyen yang ngal te/ de bor nas gzhan dang mdza' bar byed de/ dper na rje'u gsum bcu bcugs? te ltag 'og gnyis na sha dang tshil skol la/ bar na chu skol na sha dang tshil gyi gzar bu nang 'khrul gyi chu bskol bar bzar bu mi 'khrul ba lta bu'o/ /tsan dan sol bar 'tshod ba ni chos mkhan chos 'chad cing ston pa kha cig rnyed pa dang bkur sti'i khe lo dang nye tshel chos 'chad kyi snying rje'i shugs kyis chos 'dod pa kun la bstan cing bsod nams rin po che mi chol ba ste/ dper na tsan dan rin chen por bcod ba'i rigs na rin chen por mi 'chod bar sol ba dang tshod byed pa lta bu'o/ /rgan pa spyi cer du gnas pa ni dam pa'i chos nub pa'i dus na yul dbus nas sngar nub ste/ mdza' 'khob tu mched nas nub pa'i ltas te/ dper na rgan po'i skra spyi bo nas sngar 'byi ba lta bu'o/ / rta kha dang rkub gnyi gas zo ba ni sna la sogs pa'i blon pa la sogs pa bla ma dang 'og ma yan man gnyis ka la rno gzan byed ba ste/ dper na rta kha dang rkub gnyis ka nas rtsa za ba lta bu'o/ /khyi chung du kha drag pa ni rgyal po bas blon po la drag cing skyes pa bas bud med kha drag ste/ blon bo dang bud med kyis kha thabs su 'gre ba'i rtags te/ dper na khyi chen po kha nyen gyi chung ngu kha drag pa lta bu'o/ /ba 'brengs ma thag tu be'u la nu bar 'dod pa ni pha mas bu tsha lta bu khyim phub ste nor pog ma thag tu red la gdog pa khyed la byin pa yin gyi/ da ngad khyed kyis gsos shig ces slar sbyin du re ba'i rtags te/ dper na ba be'u las nu bar 'dod pa lta bu'o/ /snga dro dar la bab la phyi dro 'khogs par gyur pa ni las su brtsam pa gang ci yang rung ba ni dang po nyid du mchil cig bya ba ltar gzhi cher brtsams la/ de ma thag tu skye zhing gtong ba'i rtags te/ dper na snga dro dang la bab pa la zhag 'ga' yang ma lan par phyi dro nyid du rgas pa lta bu'o/ /seng ge'i ro de nyid kyis srin bus zas pa ni dam pa'i chos 'di 'jog pa na phyi rol na gzhan gyi sun dbyung zhing gzhig par mi nus kyis/ dge slong dag nyid kyis 'jig par byed pa'i rtags te/ dper na sang ge'i ro la bya khyi la sogs pa gzhan gang gis kyang bza' ba'i thugs mi thub kyis/ seng ge nyid kyi spu las srin bur gyur te zos pa dang 'dra'o/ /spre'u mang po 'dus nas spre'u gcig rgyal por bkod pa ni dge slong tshul khrims 'chal pa mang po tshogs nas bdag cag dang 'thun pa'i phyogs gcig dpon por bsko bar bya'o zhes sdig can dpon du bkod pa'i rtags so/ / spre'u gcig la gcig gis mi gtsang ba skud pa ni dge slong dag gcig gis gcig la gleng skur ba dang/ g.yo skyon 'dogs par 'gyur ba'i rtags so/ /cho 'phrul gsum gyi ming la rdzu 'phrul gyi cho 'phrul dang/ kun brjod pa'i cho 'phrul dang/ rjes su bstan pa'i cho 'phrul lo zhes bya ba la/ skye bo phal la mi srid pa ston pa dngos su 'og nas 'byung ba dag ni rdzu 'phrul zhes bya'o/ /de la lus kyi sgo nas nam mkha' la 'phur ba dang/ me ltar 'bar ba la sogs te dga' dgu spyir yang sgyur bzhin ston pa ni rdzu 'phrul gyi cho 'phrul zhes bya'o/ /gzhan gyis sems shes pa'i sgo nas nyes dmigs dang legs pa'i yon tan gang yin pa sems dang mthun par ston pa ni kun rjod pa'i cho 'phrul te gdams ngag lta bu'o/ /sems kyi rgyud la nyon mongs pa'i shes gang che ba brtags nas 'dod chags che na ni mi gtsang ba/ zhe sdang chen ni byams pa/ gti mug che na ni rten cing 'brel ba bsgom pa la sogs te/ gnyen po gang yin ston pa ni rjes su bstan pa'i cho 'phrul lo// sbyangs pa'i yon tan bcu gang zhe na/ phyag dar khror pa dang/ chos gos gsum pa dang/ phyid pa can dang/ stan gcig pa dang/ bsod snyoms pa dang/ zas phyis mi len pa dang/ dgon pa pa dang/ shing drung ba dang/ bla gab med pa dang/ dur khrod pa dang/ cog bu pa dang/ gzhi ji bzhin pa'o zhes bya ba la/ 'tsho ba dang/ 'tsho ba'i yo byad dang/ gnas rnams la chags pa'i skyon yin la/ de dag la ma chags pa ni sbyangs pa'i yon tan zhes bya'o/ /de la bzhis ni chos gos la ma chags pa stan/ bar ma gnyis kyis ni 'tsho ba la ma chags pa bstan/ tha ma drug gis ni gnas la ma chags bstan to/ /de la chos gos sar ba dang bzang po la ma chags te/ rnying pa bor ba'i dam dum dang/ lhan pa phyag dar gyi khrod nas bsdus te/ tshem bur byas nas gyon pas na phyag dar khrod pa'o/ /phyag dar khrod nas btsal ba de yang chos gos gsum las lhag par mi tshol ba ni chos gos gsum pa'o/ /lhan pa lta bu ma rnyed na bal kyang bsdus te/ phyid pa'i chos gos gsum tsam 'chang ba ni phyid pa can no/ /bdag rang gi stan cig btsal nas de nam dengs kyi bar du stan gzhan du mi la tshol/ gzhan gyi stan la yang mi 'dug par de la 'dug pa ni stan cig pa'o/ /rgyal po dang blon po la sogs pa yon ba ? dad? pas bzang por sbyar ba la ma chags kyi bsod snyoms ci rnyed pas chog pas 'tsho ba ni bsod snyoms pa'o/ /zas cis 'drangs pa tsam zhig dus cig tu blangs te zhim pa'i bye brag dbye zhing phyir 'dod cing len pa med par za ba ni zas phyis mi len pa'o/ ra ba dang grod rdal la sogs pa 'du 'dzi'i gnas nas rgyang grags gcig phan chad spags te 'dug pa ni dgon pa pa'o/ /dgon pa de nags 'tshal can lta bu zhig na 'dug na shing drung pa'o/ /dgon pa der spra gur dang khang khyim lta bur ma 'bugs? par 'dug par ni bla gang med pa'o/ /dgon pa de mi ro 'dor ba'i gnas shig na 'dug pa ni dur khrod pa'o/ /dgon pa de na mal bde ba bshams shing blo phab ste sa la mi nyal ba ni cog pu pa'o/ /mgon pa de na gnas gar bab tu 'dug cing bde ba mi 'dom par 'dug pa ni gzhi ji bzhin pa'o/ /de bzhin gshegs pa'i spyan mnga' gang zhe na/ sha'i spyan dang lha'i spyan dang/ shes rab kyi spyan dang/ chos kyi spyan dang/ sangs rgyas kyi spyan no zhes bya ba ni/ las dge ba'i rnam par smin pa las gyur ba ste sangs rgyas nyag gcig la mnga' bas de bzhin gshegs pa'i spyan lnga zhes bya stong gsum gyi stod gcig tshun chad kyi gzugs thams cad mthong ba ni sha'i spyan no/ /nam mkha' i khams mthas gtugs pa'i 'jig rten gyi gzugs thams cad mthong pa lha'i spyan no/ /chos la bdag med par thugs su chud pa na shes rab kyi spyan no/ /gang zag la bdag med par thugs su chud pa ni chos kyi spyan no/ /shes rab bya ba'i yul la shes bya thams cad ma lus par thugs su chud pa ni sangs rgyas kyi spyan no/ / byang chub sems dpa' i bsam pa nyi shu rtsa gcig la zhes bya ba ni sgyu gsog dang gzhan la gnod pa med pa'i don te/ de yang slob dpon dang bla ma thams cad la la mi bslu ba'i bsam pa dang zhes bya ba la/ khyi mes 'bogs shing chos 'tshad pa ni slob dpon no/ /khrims dang shes pas rgan pa'i bla ma'o/ /de lta bu la sogs pa gang la yang brdzun sgyu la sogs pa thabs ngan pa rnams srog gi phyir yang mi byed ba ni thams cad la mi bslu ba ste/ de lta bu skye bo su la yang med pas na lhag pa'i bsam pa'o/ /chos mthun pa'i byang chub sems pa la des shing 'grogs na bde ba'i bsam pa dang zhes bya ba la/ byang chub tu sems bskyed de/ tshul khrims ma nos pa thams cad ni/ chos mthun pa'i byang chub sems dpa' o/ /khong nas zhe sdang med cing sems dang pa ni nges pa'o/ /lus kyis rdeg 'tshog mi byed/ dag gis tshig rtsub mi smra ba ni 'grogs na bde ba'i bsam pa'o/ /nyon mongs pa dang nye ba'i nyon mongs pa dang/ bdud kyi las zil gyis gnon pa la rang gi sems kyis dbang bya ba'i bsam pa dang zhes bya ba la 'dod chags dang/ khong khro ba dang/ nga rgyal dang/ ma rig pa dang/ lta ba dang/ the tsom drug ni nyon mongs pa'o/ /khro ba dang/ khon du 'dzin pa dang/ 'chab pa dang/ 'tshig pa dang/ phrag dog dang/ ser sna dang/ rgyu dang/ g.yo dang/ rgyags ba dang/ rnam par 'tshe ba dang/ ngo tsha med pa dang/ khrel med pa dang/ mu rgod dang/ ma dad pa dang/ le lo dang/ bag med pa dang/ brjod des pa dang/ rnam par g.yeng ba dang/ shes bzhin ma yin pa dang/ gnyid dang rtog spyod de nyi shu ni nye ba'i nyon mongs pa'o/ /'dod pa'i yon tan lnga la chags pa dang/ nyan thos kyi zhi ba phyogs gcig pa la dga' ba ni/ gcig tu 'khor ba dang mya ngan las 'das pa la phyogs pas mi gnas pa'i mya ngan las 'das pa theg pa chen po la bar du gcod pas na bdud kyi las zhes bya ste/ de rnams kyi dbang du mi 'gro zhing rang gi sems kyi dbang du byed pa ni zil gyis gnon pa la rang gi sems kyis dbang bya ba'i bsam ba zhes bya'o/ /'du byed thams cad la skyon du mi lta ba'i bsam pa dang/ zhes bya ba la khams gsum gyi chos rnams ni 'du byed ces bya ste/ de dag thams cad rang bzhin gyi stong par thugs su chud pa nyid mya ngan las 'das pa yin gyi/ nyan thos ltang 'khor ba'i skyon sangs te mya ngan las 'das pa gzhan du mi tshol bas na 'du byed la skyon du mi lta ba'i bsam pa zhes bya'o/ /mya ngan las 'das pa la yon tan du mi blta ba'i bsam pa dang zhes bya ba ni/ nyan thos ltar zhi ba phyogs gcig pa'i mya ngan las 'das pa de ni bde ba yin gyi/ der 'jug par bya'o snyam du mi sems pa ni mya ngan las 'das pa la yon tan du mi lta ba'i bsam pa'o/ /byang chub kyi phyogs kyi chos dge ba rnams rtag tu bsgom pa'i bsam pa dang zhes bya ba ni/ bla na med pa'i byang chub thob par bya ba'i grogs dang rgyur gyur ba ni/ byang chub kyi chos dge ba rnams zhes bya ste/ dngos su na dran pa nye bar gzhag pa la sogs te sa bcu dang pha rol tu phyin pa bcu dag skad cig re re la yang rgyun mi 'chad par 'dris par bya'o/ /snyam du sems ba ni rtag tu bsgom pa'i bsam pa zhes bya'o/ /de dag nyid bsgom pa dang 'thun pa'i dben pa'i bsam pa dang zhes bya ba ni/ dge ba de nyams su blangs nas 'du 'dzi dang theg srings te dgon pa'i gnas lta bur 'gro bar sems pa ni bsgom pa dang mthun pa'i dbyen pa'i bsam pa'o/ /'jig rten pa'i zang zing thob pa dang/ rnyed pa dang bkur sti la mi lta ba'i bsam pa dang zhes bya ba la bza' ba dang/ bgo la sogs te lhung bzed dang chos gos dag ni 'jig rten pa'i zang zing thob pa dang rnyed pa'o/ /phyag 'tshal ba dang bsnyen bkur byed pa ni bkur sti ste/ sems can la chos 'chad pa na phan gdags pa'i bsam pas chos 'chad kyi/ zang zing bsgrub pa'i bsam pa med pa'i phyir bkur sti la mi lta ba'i bsam pa zhes bya'o/ /theg pa dman pa spangs te theg pa chen po rtogs par bya ba'i bsam pa dang zhes bya ba la/ bdag rang gi don du zhugs pa nyan thos dang rang sangs rgyas kyi spyod pa la mi 'jug pa ni theg pa dman pa spangs pa'o/ /bdag dang gzhan gnyis kas bla na med pa'i byang chub thob par bya ba'i phyir sa dang pha rol tu phyin pa sgrub pa ni theg pa chen po'i rtog par bya ba'i bsam pa'o/ /sems can thams cad kyis don thams cad bya ba'i bsam pa dang zhes bya ba la/ skye ba rnam pa bzhi las skyes shing lam rgyud drug tu 'khor ba ni sems can thams cad do/ /de dag tshe 'dir dge ba la bkod de tshe phyi mar lha dang mi'i 'bras bu dang/ thar pa thob par bya'o snyam du sems pa ni don thams cad bya ba'i bsam pa zhes bya'o/ /mchog gi bsam pa dang zhes bya ba ni dkon mchog gsum ni lha dang mi thams cad kyi nang na yon tan phul te mchog yin no snyam du sems pa'o/ /tshul khrims kyi bsam pa dang zhes bya ba ni/ byang chub sems dpa' i sdom pa blangs te/ de dang mi 'gal bar bsgrub bo snyam du sems pa'o/ /pha rol tu phyin pa'i bsam pa dang zhes bya ba ni/ sbyin pa la sogs pa pha rol tu phyin pa bcu bsgrub po zhes bya bar sems pa'o/ /de kho na'i don gyis bsam pa dang zhes bya ba ni chos dang gang zag la bdag med pa'i don stong pa nyid kyi mtshan nyid rtogs par bya'o snyam du sems pa'o/ /mthu'i bsam pa dang zhes bya ba ni lha'i mig la sogs pa mngon par shes pa drug thob par bya'o snyam du sems pa'o/ /phan pa'i bsam pa dang zhes bya ba ni sems can rnams tshe 'di la bde bar bya'o snyam du sems pa'o/ /bde ba'i bsam pa ni sems can rnams tshe phyi ma la skyed par bya'o snyam du sems pa'o/ / nges par grol ba'i bsam pa dang zhes bya ba ni/ sems can rnams la phan 'dogs na yang/ tshe 'dir le lan mi re ste/ tshe phyi mar rnam par smin pa la re ba med pa'o/ /brtan pa'i bsam pa dang zhes bya ba ni byang chub tu dang po sems bskyed phyin chad de las blo 'gyur ldog med pa'o/ /mi bslu pa'i bsam pa dang zhes bya ba ni/ bdag dang gzhan la phan par bya ba'i sgor thabs mi 'khrul cing lam mi nor bar shes rgyas mchod pa'o/ /ma dag pa'i bsam pa dang zhes bya ba ni mos pas spyod pa'i sa bsgrub po snyam du sems pa'o/ /dag pa'i bsam pa dang zhes bya ba ni sa dang po nas sa bdun pa man chad bsgrub po snyam du sems pa'o/ /shin tu dag pa'i bsam pa dang zhes bya ba ni sa brgyad pa nas sa bcu man chad bsgrub po snyam du sems pa'o/ /bsdams pa'i bsams pa dang zhes bya ba ni sa brgyad? pa la gnas pa de rtsol ba dang 'bad pa mi 'byung bar lhun gyis grub pas bsdams pa zhes bya ste/ de thob par bya'o snyam du sems pa'o/ /lhan cig skyes pa'i bsam pa dang zhes bya ba ni sa brgyad pa'i dus de na ye shes kyang rnam par mi rtog pa'i rang bzhin du gyur pa'i phyir lhan cig skyes pa zhes bya ste/ de thob par bya'o snyam du sems pa'o/ /bdud gzhi gang zhe na/ phung po'i bdud dang nyon mongs pa'i bdud dang/ lha'i bu'i bdud dang/ 'chi bdag gi bdud do zhes bya ba la/ bla na med pa'i byang chub kyi rgyu dge ba'i rtsa ba srog dang 'dra ba'i bar du gcod pas bdud bzhi'o/ /las dang nyon mongs pas bskyed pa'i phung po 'di grub na rang dbang med par na ba dang rga ba dang/ rgud pa la sogs pa'i rkyen gyis dge ba'i bar chad byed pas na phung po'i bdud do/ /'dod chags dang zhe sdang la sogs pa che ba'i dbang gis dge ba'i bar chad byed pas na nyon mongs pa'i bdud do/ /'dod pa'i khams kyi lha'i bu rnam phrag? dog gi dbang gis dge ba'i bar chad byed pa ni lha'i bu'i bdud do/ /tshe'i 'du byed zhig ste srog dang bral nas dge ba byed pa'i rgyun ? pa ni 'chi bdag gis bdud ces bya'o/ /'dod pa'i khams kyi lha'i gnas kyi rim pa'i ming las bla'i gnam ni sa'i steng na shing drung dang rdo drung la sogs pa na gnas pa'o/ /bar snang gi gnam ni nyi zla dang skar ma la sogs pa nam mkha' la rgyu ba'o/ /rgyal chen bzhi'i ris kyi gnam ni ri rab kyi ngos bzhi'i byang phyogs na ni sku be ra/ shar na yul 'khor srung/ lho na 'phags skyes bo/ /nub na mig mi bzang/ de'i 'khor du gtogs pa rnams ni ris so/ /sum bcu rtsa gsum gyi gnas ni ri rab kyi rtse na lha'i rgyal po phyogs na brgyad brgyad de sum bcu rtsa gnyis/ de rnams spyir rgyal po chen po gcig ste/ sum cu rtsa gsum yod pa la bya'o/ /'thab bral gyi gnam ni sum cu gsum gyi lha ni lha ma yin dang 'thab la/ de dag ni lha ma yin dang 'thab pa dang bral te mi 'thab pas 'thab ba la zhes bya'o/ /dga' ldan gyi gnam ni 'og ma las khyad par du longs spyod che zhing nyams bde ba'i steng du byams pas chos bshad pa'i longs spyod dang ldan pa'i phyir dga' ldan no zhes bya'o/ /'phrul dga' i gnam ni 'dod pa'i longs spyod ci dga' dgur rang gi sprul zhing spyod pa'i phyir ro/ /gzhan 'phrul dbang byed kyi gnam ni 'dod pa'i long spyod ci dga' dgur gzhan gyi sprul cing spyod pa'o/ /bsam gtan gzhi las bsam gtan dang po'i ming ni gzugs kyi khams yan chad na gnas pa ste/ tshangs ris kyi gnas dang tshangs pa'i mdun na 'don pa'i gnam dang tshangs 'khor gyi gnam ste/ de la gong ma tshangs pa chen po'i ris dang g.yog 'khor du skyes pas tshangs ris kyi gnam zhes bya'o/ /tshangs pa chen po la nang nub tu rim gro byed cing 'khor lta bur nye bar skyes te mdun du smra 'don pas na tshangs lha nye phan zhes kyang bya tshangs pa'i mdun na 'don zhes kyang bya'o/ /tshangs pa 'og ma gnyis las khyad par du lus bzang zhing tshe ring la dge ba'i rtsa ba dang mthu mche bas tshangs 'khor zhes bya ste/ tshangs pa chen po zhes kyang zer ro/ /bsam gtan gnyis pa'i ming la/ 'od chung gi gnam dang tshad med 'od dang 'od gsal lo/ /gnas 'dir skyes pa'i lha ni gong ma gnyis pas lus kyi gzi byin dang 'od mdangs chung bas na 'od chung gi gnam mo/ /gnas 'dir skyes pa'i lha ni lus kyi 'od 'di tsam mo zhes tshad gzungs du med pas na tshad med 'od ces bya'o/ /gnas 'dir skyes pa'i lha ni lha gzhan gyis gnas su yang 'od gsal bar byed na 'od gsal zhes bya'o/ /bsam gtan gsum pa'i ming la/ dge chung dang chad med dge dang dge rgyas so/ /gnas 'dir skyes pa'i lha'i bsam gtan gyi bde ba la dge ba zhes bya ste/ gong ma gnyis pas bde ba tshud? pas na dge tshud? zhes bya'o/ /gnas 'dir skyes pa'i bsam gtan gyi bde ba 'di tsam mo zhes tshad gzung du med pas tshad med dge zhes bya'o/ /gnas 'dir skyes pa'i lha rnams ni 'jig rten gyi bsam gtan gyi bde ba ma lus par rdzogs pas dge rgyas zhes bya ste/ de yan chad bsam gtan bzhi pa dag ni bde ba spangs te btang snyoms la gnas pa'i phyir ro/ /bsam gtan bzhi pa la gnas brgyad las so so'i skye bo gsum gyi ming la sprin med dang bsod nams 'phel dang 'bras bu che'o/ /de yang gnas 'dir skyes pa'i lha ni nam mkha' i sprin gyis mchod na gsal ba dang 'dra bar lha gzhan gyi gzhal med khang gis mchod cing sgrib pa med de/ lha de dag rang gi gzhal med khang dang/ lhan cig tu skye zhing 'jig pas na sprin med ces bya'o/ /gnas 'dir skyes pa'i lha ni skye bo rnams kyi bsod nams kyi mchog thob pa'i gnas yin pas na bsod nams 'phel zhes bya'o/ /gnas 'dir skyes pa'i lha rnams ni dge ba'i rtsa ba 'og ma gzhan pas cher bsgrubs pa'i 'bras bu ste/ 'bras bu yang gzhan 'og ma bas che ba'i phyir 'bras bu che'o/ /gnas gtsang ma lnga'i ris kyi ming la/ mi che ba dang/ mi gdungs ba dang/ gya nom snang ba dang/ shin tu mthong ba dang 'od min no/ /de la rnam par snang mdzad la sogs pa 'phags pa rnams gtso bor bzhugs bas na gnas gtsang ma zhes bya'o// de yang gnas gtsang ma'i ris su skyes pa'i nang na yang gong ma gzhan bsod nams chung bas na mi che bzhes bya'o/ /gnas 'di skyes pa ni bsam gtan khyad bar can thob pas nyon mongs pas gdungs bar mi nus pa'i phyir mi gdung ba'o/ /gnas 'dir skyes pas ni bsam gtan la ji ltar sgom yang nyon mongs pas bsgribs shing chod ba med pas na gya nom snang ngo/ /gnas 'dir skyes pa'i lha ni lha gzhan phyi ba ltas na rab tu bde zhing zhi ba'i khyad par can du mthong bas na shin tu mthong zhes bya'o gnas 'di bskyes pa'i lha ni gzugs kyis khams kyi mthar thug la/ de yan chad gzugs can gzhan med de/ kun gyi gong du gyur bas na 'og min zhes bya'o/ /'jig rten gyi chos brgyad gang zhe na/ rnyed pa dang/ ma rnyed pa dang/ bltod pa dang/ ma bstod pa dang/ grags pa dang/ ma grags pa dang/ bde ba dang/ mi bde ba'o/ /de la 'jig rten las 'das pa 'phags pa rnams kyi dgongs pa ni ri rab dang 'dra bar rkyen gang gis kyang mi g.yo mi 'khrags pa yin gyi/ skye bo byis pa chung ngu 'dra ba rnams kyi sems ni 'dod pa'i rlung gi rtsi mchog bzhin du g.yengs te/ phan yon dang nyes dmigs phran tshogs tsam gyis rkyen gyis kyang dga' ba dang mi dga' bar gyur pa'i bye brag la ni 'jig rten gyi chos zhes bya'o/ /de la lhung bzed dam chos/ gos la sogs pa zang zing cung zad thob pas dga' bar gyur pa ni rnyed pa'o/ /zang zing de dag ma thob ste mi dga' ba ni ma rnyed ba'o/ /yon tan mngon sum du brjod pas dga' ba ni bstod pa'o/ /mngon sum du skyon brjod de sems la 'khrug pa ni ma bstod ba'o/ /lkog tu yon tan brjod pa thos te dga' ba ni grags pa'o/ /lkog tu skyon brjod pa thos te mi dga' ba ni ma grags pa'o/ /lus dang sems la dben pa nyams su myong ste/ dga' ba ni bde ba'o/ /lus dang sems la gnod pa myong ste mi dga' ba ni mi bde ba ste/ /chos brgyad po 'di dag gis mi gos par skye bo rnams kyang btang snyoms su gnas par ci nus su bslab bo/ /dgod pa bzhi'i ming la/ theg pa la dgod ba dang/ bden pa la dgod pa dang/ rigs pa la dgod pa dang/ chos la dgod pa'o/ /de la dge ba bcu dang/ bsam gtan dang snyoms par 'jug pa dag ni lha dang ma'i theg pa dang/ bden pa bzhi dang/ rten 'brel bcu gnyis dang/ sa dang pha rol tu phyin pa dag ni 'phags pa'i theg pa ste/ theg pa de dag ston pa ni theg pa la dgod pa'o/ / chos thams cad skye ba dang 'gag ba med pa ni bden pa gcig go/ kun rdzob dang don dam pa ni bden pa gnyis so/ /sdug bsngal dang/ kun 'byung dang/ 'gog pa dang/ lam ni bden pa bzhi ste/ de dag ston pa ni bden pa la dgod ba'o/ /bltos pa'i rigs pa dang/ bya ba byed pa'i rigs pa dang/ 'thad pa sgrub pa'i rigs ba dang/ chos nyid kyi rigs pa ngag ston pa ni rigs pa la dgod pa'o/ /gsung rab bcu gnyis 'jig rten du bzhag ste sde snod gsum du sdud cing ston pa ni chos la dgod pa zhes bya'o/ /nor bdun gyi ming la dad pa'i nor dang/ tshul khrims kyi nor dang/ brtson 'grus kyi nor dang/ khrel yod pa'i nor dang/ thos pa'i nor dang/ gtod ba'i nor dang/ shes pa'i nor ro/ /de la las dang 'bras bu dang bden pa dang dkon mchog yod pa dang yon tan can du yid ches pa ni tshul khrims kyis ste/ dad pa'i nor ro/ /srog gcod pa la sogs pa sdig pa mi dge ba spangs pa ni thar ba dang mtho ris su skye ba'i rgyu ste/ tshul khrims kyi nor ro/ /dam pa'i chos nyan ba dang sems pa dang bsgom pa rgyun mi gcod ba ni bsod nams dang ye shes kyis tshogs 'phel ba'i rgyu ste/ brtson 'grus kyi nor ro/ /sdig pa mi dge ba'i chos la bag byed cing 'dzem pa ni nyes ba mi 'byung ba'i rgyu ste/ khrel yod pa'i nor ro/ /dam pa'i chos la chog par mi 'dzin cing mang du nyan pa ni bsam pa dang bsgom pa'i shes rab 'phel ba'i rgyu ste/ thos pa'i nor ro/ /phyi nang gi dngos po ci bdog pa gzhan la sbyin pa ni longs spyod chen po 'byor pa'i rgyu ste/ gtong ba'i nor ro/ /bsam pa dang bsgom pa'i shes rab kyis chos kyi don rtogs pa ni mya ngan las 'das pa thob pa'i rgyu ste/ shes pa'i nor ro/ /ci'i phyir nor zhe na/ dgos pa thams cad mi 'byor ba med pa'i phyir ro// sems can gyi gnas dgu la lus tha dad cing 'du shes kyang tha dad pa ni bsam gtan dang po thob ma thag tu bkol te bsam gtan dang po pa rnams dang/ 'dod pa'i khams kyis sems can lha man chad ril ni lus kyang 'dra la 'du shes kyang so sor mi 'dra bas/ lus tha dad cing 'du shes kyang tha dad ces bya'o/ /lus tha dad la 'du shes gcig pa ni bsam gtan dang por sngar skyes pa'i tshangs pa rnams ni lus dang kha dog che zhing bzang la tshangs pa phyi ma 'di dag ngas bskyed do snyam la sems/ bsam gtan dang po thob ma thag ba'i tshangs pa ni lus dang kha dog de bas ngan la/ bdag cag ni tshangs pa chen pos bskyed do snyam du sems pas na lus tha dad pa 'du shes gcig pa zhes bya'o/ / lus gcig la 'du shes tha dad pa ni bsam gtan gnyis pa yan chad/ gsum pa man chad la gnas pa'i lha rnams lus i 'dra ste tshar cig la/ 'du shes ni kha cig bde ba la gnas/ kha cig btang snyoms la gnas pas lus gcig la 'du shes tha dad ces bya'o/ /lus gcig la 'du shes kyang gcig pa ni bsam gtan bzhi ba la gnas pa rnams kyis lus ni tshad kyang gcig la/ 'du shes kyang tshor ba btang snyoms ldan ba'i phyir ro/ /nam mkha' mdza' yas skye mched ni/ chos thams cad nam mkha' tsam du zad la nam mkha' ni mdza' yas so snyam du sems pa'o/ /rnam shes mdza' yas skye mched ni chos thams cad nam mkha' ltar mdza' yas pa de la dmigs pa'i rnam par shes pa de yang mdza' yas snyam du sems pa'o/ /ci yang med pa'i skye mched ni chos thams cad nam mkha' ltar mdza' yas la de la dmigs pa'i rnam par shes pa yang mdza' yas na/ de las ma gtogs pa'i chos gzhan ci yod par ma mthong nas ci yang med do snyam sems pa'o/ /'du shes med 'du shes med min gyi sems can ni chos thams cad nam mkha' tsam du zad de ci yang med do snyam du sems pa'i 'du shes de yang nad dang zug rdu lta bu yin pas spang ngo zhes je phra je phrar bkag nas shin tu phra bar gyur pa dang 'du shes gtan med bar gyur na yang mi rung ba snyam nas shin tu cha phra ba de tsam la gnas pa'o/ /rigs lnga la/ nyan thos kyi theg pa'i rigs ni/ bden pa bzhi mnyan cing bsgoms pa'i bag chags rgyud la yod pa'o/ /rang sangs rgyas kyis theg pa'i rigs ni rten cing 'brel par mnyan cing bsgoms pa'i bag chags yod pa'o/ /de bzhin gshegs pa'i theg pa'i rigs kyi sa dang pha rol tu phyin pa gnyan cing bsgoms pa'i bag chags yod pa'o// ma nges pa'i rigs ni theg pa che chung gsum char gyi chos nyan cing bsgoms pa'i bag chags 'dren mar yod pas gcig tu ma nges te/ dge ba'i bshes gnyen gang yang rung ste su snga ba'i phyogs la 'jug pa'o/ /rigs med pa ni theg pa che chung gang gis chos la yang mnyan cing bsgoms pa'i bag chags med pas yun ring bor dge ba dang phrad ba'i bskal pa med de ngan song na 'khyam pa'o/ /lan bzhi la/ mngon par shes par bul la dka' ba'i lam dang/ mngon par shes ba myur la bka' ba' i lam dang/ mngon par shes pa bul la bla ba'i lam dang/ mngon par shes pa myur la bla ba'i lam mo/ /de la bsam gtan dang po la 'jug par byed pa'i mi lcogs pa med pa bsam gtan khyad par can ni lhag mthong gi shas che ste dka' ba dang/ gzugs med pa'i snyoms par 'jug pa bzhi ni zhi gnas kyi shas che ste/ dka' bas de dag la gang zag dbang po brtul po zhugs pa ni mngon par shes pa phul la dka' ba'i lam zhes bya'o/ /mi lcogs med dang bsam gtan khyad par can dang gzugs med par snyoms par 'jug pa bzhi po de la dbang po rnon po zhugs na ni mngon par shes pa myur la dka' ba'i lam zhes bya'o/ /bsam gtan bzhi po de la dbang po rtul po zhugs nan mngon gshes pa bul la bla ba'i lam zhes bya'o/ /gzugs kyi khams kyi bsam gtan bzhi po de ni zhi gnas dang lhag mthong gi cha mnyam pas na de la dbang po rnon po zhugs na ni mngon par shes pa myur la bla ba'i lam zhes bya'o/ /bsung ba med pa bzhi la de bzhin gshegs pa'i sku'i 'phrin las kyis spyod pa yongs su dag pa ste/ sku'i 'phrin las yongs su dag pa med pa ni sku'i 'phrin las 'gro sdod 'dug nyal gang ci mdzad pa yang srog gcod pa la sogs pa'i nyes dmigs cung zad kyang mi 'byung bas gzhan gyis dbyag? shing smad ba'i dgongs pa mi mnga' ba'i phyir ro/ /de bzhin gshegs pa'i gsung gi 'phrin las kyi spyod ba yongs su dag ba ste/ gsung gi 'phrin las yongs su /dag pa med pa ni dag gi nyes pa brdzun la sogs bzhi spangs pas dam pa'i chos 'chad pa la sogs pa ni tshig gi skyon gzhan gyis dbyas su dogs pa cung zad kyang mi mda' ba' o/ de bzhin gshegs pa'i thugs kyi 'phrin las kyi spyod pa yongs su dag pa ste/ thugs kyi 'phrin las yongs su ma dag pa med ba ni yid kyis nyes pa gsum spangs pas dam pa'i chos dang sems can gyi don pa dgongs pas na gzhan gyis tshor du dogs pa'i 'khrul pa mi mda' ba' o/ /de bzhin gshegs pa'i tshor ba yongs su dag pa ste/ 'tsho ba yongs su ma dag pa med pa ni tshul 'chos shing skyu gsog gis 'tsho ba spangs shing shes rab kyis chos bzhin du 'tsho bas na gzhan gyis tshor du dgos shing brtse ba dgongs pa'i skyon mi mnga' ba'i phyir ro/ /byang chub sems dpa' i chos ma 'dres pa bco brgyad la ma bstan pa'i sbyin pa can rnams ma bstan pa'i tshul khrims can rnams ma bstan pa'i bzod ba can rnams ma bstan pa'i brtson 'grus can rnams/ ma bstan pa'i bsam gtan can rnams ma bstan pa'i shes rab bya ba/ so so'i skye bo rnams la ni pha rol tu phyin pa drug gi rang bzhin dang/ yon tan dang/ 'bras bu rnams dge ba'i bshes gnyen gyis bstan cing bskul na sbyin pa la sogs pa'i pha rol tu phyin pa la 'jug gi byang chub sems dpa' rnams ni sngon pha rol tu phyin pa la spyod spyod pa'i bag chags dang goms pa'i shugs yod pas gtan tshigs kyis ma bstan ma bskul kyang sbyin pa la sogs pa la rang bzhin gyis 'jug go zhes bya bar kun la sbyar ro/ /de la sbyin pa'i rang bzhin ni phyi nang gi dngos po gzhan la gtod pa'o/ /yon tan ni bsod nams sogs pa'o/ /'bras bu ni bde 'gro mtho ris dang sangs rgyas thob pa'o/ /tshul khrims kyis rang bzhin ni sdig pa mi dge ba la mi 'jug pa'o/ /yon tan ni bsod nams 'phel ba'o/ /'bras bu ni mya ngan las 'da' ba dang bde 'gror skye ba'o/ /bzod pa'i rang bzhin ni gzhan gyis gnod pa byas kyang sems mi 'khro ba'o/ /yon tan dang 'bras bu ni gong ma dang 'dra ste/ khyad par du cha lugs sdug cing mdzes pa 'khor mang du 'du ba'o/ /brtson 'grus kyi rang bzhin ni mi dge ba spong zhing dge ba bsgrub pa'i rgyun mi gcod pa'o/ /yon tan ni bsod nams dang ye shes kyi tshogs gnyis sogs pa'o/ /'bras bu ni bsam pa thams cad mthar phyin cing sangs rgyas su grub pa'o/ /bsam gtan gyi rang bzhin ni dmigs pa sems rtse gcig pa'o/ /yon tan gyi shes rab dang ye shes kyi tshogs sogs pa'o/ /'bras bu ni tshe rabs thams cad sems pa de zhing lus la nad med pa dang mthar 'tshang rgya ba'o/ /shes rab kyi rang bzhin ni chos rnams kyi rang dang spyi'i mtshan nyid la mkhas ba'o/ /yon tan ni ye shes kyi tshogs pa'o/ /'bras bu ni tshe rabs thams cad bu rigs pa'i gnas thams cad la mkhas shing 'tshang rgya ba'o/ /bsdu ba'i dngos pos sems can rnams sdud pa zhes bya ba la gang zag ser na can ni sbyin pas bsdus te dge ba la 'god/ zhe sdang can ni byams pas bsdus te dge ba la 'god/ nga rgyal can ni sems dang mi 'gal bar don mthun pas bsdus/ le lo can rnams ni las kyi grogs byed te don spyad bas bsdus nas dge ba la 'dzud ba'o/ /yongs su bsngo ba'i chog shes pa ni dge ba phran tshegs chung ngu yan lag kyang sems can thams cad dang thun mong du byas te bla na med pa'i byang chub chen por bsngos pas bsod nams kyi tshogs dpag tu med pa 'phel ba'o/ /thabs mkhas pas sems can thams cad kyi spyod pa'i dbang gis theg pa chog gis 'byung ba ston pa zhes bya ba la snying rje dang shes rab ldan pa ni thabs mkhas pa zhes bya'o/ /theg pa chung ngu dang dus dang bag chags dang bskal ba tha dad ba ni sems can gyi spyod pa'i dbang zhes bya ste/ shes rab kyi skal pa che chung brtags nas yid dang mthun par sngar theg pa gsum la bkod de 'jug tu bla na med pa'i byang chub la 'god pa ni/ theg pa mchog gis byung ba ston pa zhes bya'o/ /theg pa chen po las ma nyams pa ni snying rje dang ldan pas nyan thos kyi theg pa mi spyod de 'khor ba mi gtong la shes rab dang ldan pas 'khor ba na gnas kyang 'khor ba'i nyes pas mi dgos te mi gnas pa'i mya ngan las 'das pa ni theg pa chen po las mnyams ba zhes bya'o/ /'khor ba dang mya ngan las 'das pa'i sgo ston pa ni dga' ldan gyi pho brang nas 'chi 'pho ba dang/ ldums su gshegs cing/ bltam nas gzhon nu rol cing khab nas bzhugs pa'i bar dag ston pa ni 'khor ba'i sgo ston pa'o/ /khab nas 'byung ba dang/ dka' ba spyad de bdud btul cing 'tshang rgya ba dang sku tshe 'das pa ston pa ni mya ngan las 'das pa'i sgo ston pa'o/ /zung dang snel zhi'i rgyud la mkhas pa ni kun rdzob kyi bden pa 'ga' zhig 'tshang ba'am/ yang na don dam pa'i bden pa 'ba' zhig 'chang ba ni snel zhing rgyud la mkhas pa'o/ /don dam pa'i bden pa dang kun rdzob kyi bden pa gnyis ka phrugs su 'chad pa ni zung gi rgyud la mkhas pa'o/ yang na me dang chu gnyis ka 'byin pa'am/ gang yang rung ba gcig lus las 'byin pa'i rdzu 'phrul lta bu nus pa la yang bya'o/ /ye shes sngon du 'gro bas mngon par 'du mi byed cing kha na ma tho ba med par tshe rabs thams cad du mngon par zhugs pa ni/ byang chub kyi sems dpa' rnams lus dang ngag dang yid kyis spyod pa thams cad ye shes sngon du 'gro ste ye shes kyis zin pas sdig pa mi byed cing dge ba la 'jug pa btsal/ mi dgos par 'byung bas mngon par 'du byed pa zhes so bya la/ de ltar kha na ma tho ba'i nyes pa med bzhin du sems can gyi don du 'khor bar skye ba ni tshe rabs thams cad du mngon par zhugs pa zhes bya'o/ /lus dang ngag dang yid kyi mdza' dge ba bcu dang ldan pa ni skye bo gzhan ltar dus 'ga' zhig tu dge ba byas pas chog par 'dzin cing gtong ba lta bu ma yin gyi/ nam sangs rgyas kyi bar du lus dang ngag dang yid gsum gyi dge ba rgyun mi gcod pa ni las kyi mdza' dge ba bcu dang ldan pa zhes bya'o// sdug bsngal gyi phung po thams cad bzod pa'i lus len pas/ sems can gyi khams thams cad yongs su mi gtong pa ni sdug bsngal nyams su len pa dang/ gnod pa la ji mi snyam pa'i gzod pa gnyis las sems can gyi don byed pa ni grang ba dang tsha ba dang/ bkres shing bskom pa dag ni gnod pa byung yang mi stong pa ni sdug bsngal nyams su len pa'i bzod pa'o/ /sems can rnams kyis brdegs pa la sogs pa'i gnod pa byas kyang mi 'khrug cing sems can gyi don byed pa mi gtong pa ni gnod pa la ji mi snyam pa'i bzod pa ste/ bzod pa de gnyis dang ldan pa'i lus dang 'grogs pas dus thams cad du gnod pa byung yang sems can gyi don mi 'dor bas na sdug bsngal gyis phung po thams cad bzod pa'i lus len pas sems can gyi khams thams cad mi gtong pa zhes bya'o/ /'gro ba thams cad mngon par dga' bar ston pa ni byang chub sems dpa' rnams kyi lus dang ngag gi spyod lam thams cad bsod nams dang ye shes kyis tshogs las byung ba yin pas lus mthong yang rung/ smra ba'i tshe thos kyang rung gang gi sgo nas kyang sems can rnams dad pa dang dga' ba skye zhing yid dang mi 'thun pa mi 'byung bas 'gro ba dga' bar ston pa zhes bya p hyis pa dang nyan thos kyi mi bzod pa ji snyed gcig gi nang na yang dge ba mang po rin po che'i shing dpag bsam ltar bstan pa'i thams cad mkhyen pa nyid kyis sems ma nyams pa ni skye bo rnams la shes rab med pas 'dod chags la sogs pa'i nyon mongs pas bcings shing/ skye rga na 'chi la sogs pa'i sdug bsngal gyis rgyun du gtse ba ni byis pa'i mi bzad pa'o/ /nyon mongs pas sangs pa'i shes rab yod na yang snying rje chen po med pas sems can thams cad kyi don btang ste/ bdag 'ba' zhig mya ngan las 'da' ba ni nyan thos kyis mi zad pa ste/ gnyis kyi nang gnas kyang thabs dang shes rab tu ldan pas dge ba mang po 'phel ba'i rgyu bdag dang gzhan gnyis ka'i rgyun mi spyod cing byang chub kyi sems cung zad kyang mi gtong pa ni dge ba mang po rin po che'i dpag bsam gyis shing ltar bstan pa'i thams cad mkhyen pa'i sems ma nyams pa zhes bya'o/ /chos thams cad kyi phabs sbyin pas dbang bskur ba thob par bya ba'i phyir sangs rgyas kyi chos btsal ba bstan pa las mi ldog? pa ni 'jig rten rang 'jig rten las 'das pa dang/ phyi nang gi 'dus byas dang 'dus ma byas kyi chos kyi ji snyed pa thams cad mngon du gyur pas sa bcu pa'i dus na ni phyogs bcu'i de bzhin gshegs pa rnams kyis chos kyi rgyal po'i rgyal tshabs tu dbang bskur ba mdzad pas na sa bcu'i dus na ni chos thams cad kyi thabs sbyin pas dbang bskur ba zhes bya'o/ /de lta bu'i gnas thob par bya ba'i phyir bdag nyid kyang sangs rgyas kyi chos nyan pa la sogs pa'i sgo nas tshal zhing gzhan la bstan cing bshad pa'i rgyun mi gcod pa ni sangs rgyas kyi chos btsal ba bstan pa las mi ldog pa zhes bya'o/ /mchog tu dga' ba sngon du 'gro ba'i chos dgu la zhes bya ba la rnam par grol ba dang rnam par grol ba'i ye shes mthong ba ni mchog tu dga' ba zhes bya'o/ /de'i sngon du 'gro ba ni de thob pa'i rgyu rol pa ste/ lhag pa'i bsam pa gsum bde blag tu srung ba la bya'o/ /de yang dgu ste/ rab tu dga' ba las dag pa skye bo zhes bya ba la/ 'dod chags dang/ zhe sdang gis sems ma bkrugs te lus kyis dge ba gsum bde blag tu srung ba ni rab tu dga' ba zhes bya ste/ dga' ba des rgyu byas nas yid kyi dge ba gsum bde blag tu srung nus pa ni dga' ba skye bo zhes bya'o/ /yid dga' bas lus shin tu sbyangs par 'gyur ro zhes bya ba ni yid dga' ste/ yid byis? dge ba gsum bde blag tu srung nus ni de'i rgyu las lus las su rung ste/ ci zhing mi bde ba med par 'gyur pas yid dga' ba'i lus shin tu spangs par 'gyur sa zhes bya'o/ /lus shin tu sbyangs pas bde ba 'byor bar 'gyur ro zhes bya'o/ /'di yan chad bzhis ni lhag pa'i tshul khrims la gnas par bstan to/ /bde bar gyur pa'i sems mnyam par 'jog go zhes bya ba ni sems las su rung ste bar gyur na de'i rgyu las rgom pa bo'i rgyud la sems rtse gcig pa'i ting nge 'dzin skye bar 'gyur bo zhes bya ba'i don to/ /des ni lhag pa'i sems kyis bslab pa bstan to/ /sems mnyam par bzhag yang dag pa ji lta ba bzhin dur ba ya bar sa'? ji lta ba bzhin du mthong ngo/ /zhes bya ba ni dper na chu klung la sogs pa ma bsnyogs pa bskyod na bzhin gyi gzugs brnyan la sogs pa bsal bar snang de dang 'dra bar sems mnyam par bzhag ste/ rnam par rtog pa'i/ stags na bskyod na lhag mthong dang zhi gnas zung du 'brel te/ bden pa bzhi la sogs pa chos kyi mtshan nyid lcag mthong gis shes shing/ zhi gnas kyi mthong ba phyin ci ma log pa ni gang dag pa ji lta ba bzhin du shes pa dang/ yang dag pa ji lta ba bzhin du mthong ba zhes bya'o/ /yang dag pa ji lta ba bzhin du mthong na skyo bar 'gyur ro zhes bya ba ni bden pa bzhi la sogs pa'i mtshan nyid ma nor bar mthong zhing shes pa'i sgo nas sdug bsngal gyi bden bar gtogs pa 'khor ba'i nyes dmigs mthong nas 'khor bas yid byung ba ni yang dag pa ji lta ba bzhin du mthong na skye bar 'gyur ba'o/ /ba dan dang ma 'di gnyis ni lhag pa'i shes rab kyis bslab par bstan to/ /skyon 'dod chags dang bral ba 'gyur ro zhes bya ba ni de ltar sdug bsngal gyi phung po la skyo bar gyur na sdug bsngal de bskyed par byed pa'i rgyu sun 'byung? gis bden par gtogs pa/ khams gsum gyi nyon mongs pa rnams spobs par byed pas na skyon 'dod chags dang gral bar 'gyur ro zhes bya'o/ /'dod chags dang bral na rnam par grol bar 'gyur ro zhes bya ba ni/ de ltar khams gsum gyi mthong bsgom gyis nyon mongs pa spangs na mya ngan las 'das pa 'gog pa bden pa mngon sum du 'gyur bas na 'dod chags dang bral na rnam par grol bar 'gyur ro zhes bya'o/ /gong ma 'di gnyis kyis ni rnam par ga ba? pa'i 'dus so pa thos par bslan to/ /rnam par grel ba la bdag rnam par grol ba'o snyam pa'i ye shes mthong ba 'byung ngo zhes bya ba ni de ltar mya ngan las 'das pa thob pa'i 'og tu ye shes 'di lta bu skye ste/ sdug bsngal shos par bya ba shis pa'o bya ba yin pa'i de shes par bya mi dgos/ kun 'byung ba spang bar bya ba spangs zin pas de spang mi dgos/ 'gog pa sngon du bya ba mngon du byas zin pas de sngon du bya mi dgos/ lam bsgom par bye ba bsgom zin byas pa bsgoms ma dgos so zhes bya ba'i ye shes bzhi skyes pa ni/ rnam par grol ba la bdag rnam par grol ba'o snyam pa'i ye shes mthong ba 'byung ste/ rnam par grol ba'i ye shes mthong ba'i phung po thob pa zhes bya'o/ /spyir tshig de dag gi zag pa med pa'i phung po lnga thob par bstan to/ /zad par gyi skye mched bcu sang zad par sngon po'i skye mche dang/ zad par ser po'i skye mche dang/ zad par dmar po? skyes mched dang/ zad par dkar po'i skye mched dang/ zad par sa'i skye mched dang/ zad par chu'i skye mched dang/ zad par me'i skye mched dang/ zad par rlung gi skye mched dang/ zad par nam mkha' i skye mched dang/ zad par rnam par shes pa'i skye mched dang/ la la zad par sa'o zhes steng dang 'og dang thad kar gnyis su med cing tshad med par 'du shes su byed/ la la zad par chu dang/ me dang/ rlung dang/ sngon po dang/ ser po dang/ dmar po dang/ dkar po zhes steng dang 'og dang thad kar gnyis su med cing tshad med par 'du shes su byed pa'o zhes bya ba ni bsam gtan gyis sems la dbang thob pa'i rnal 'byor pas ji ltar 'dod pa bzhin du 'byung ba chen po bzhi dang kha dog bzhi ste brgyad/ nam mkha' dang dgu / rnam par shes pa dang bcu po de dag gang yang rung ba gcig la bsams te/ phyogs mtshams bla 'og thams cad me phung du bsgyur ba de bzhin du me'i phung po kho nar 'gyur ro/ /de bzhin du kha dog la sogs bcu char la yang ji ltar bsgyur ba bzhin du 'gyur ba'i rang dbang thob pa ni/ zad par gyi skye mched bcu zhes bya ste/ re re la yang de bzhin du sbyar ro/ /zad par sa'o zhes steng dang 'og dang thad kar gnyis su med cing tshad med par 'du shes su byed ces bya ba ni sa dang chu la sogs pa gang yang rung ba gcig bsgyur ba'i dus na de las gzhan pa'i bye brag tha dad pa med pas gnyis su med ces bya'o/ /sa khyon 'di phan chad dang tshun chad ces bye brag dbyer med pa tshad med ces bya'o/ /thams cad kyang sa sna dag gi gang ngo snyam pa la sogs par gang yang rung ba gcig kho na la dmigs pa ni 'du shes su byed pa zhes bya ste/ gzhan la yang re re zhi de bzhin du sbyar ro/ /mi sdug pa bsgom pa dgu la rnam par bsngos pa'i shes ni mi ro lta bu pags pa'i phyi rol mdog sngon por gyur ba'o/ /rnam par bsnags pa'i 'du shes ni pags pa'i nang ci 'dra ba brtags na rnag dang khrag dang/ chu ser dang/ bad kan dang klad rgyas lta bus gang bar gyur pa'o/ /rnam par 'bus bshig pa'i 'du shes ni nang du sprang ma song nas 'bu zhugs pa'o/ /rnam par bam pa'i 'du shes ni phyi nang thams cad rul ba'o/ /rnam par dmar ba'i 'du shes ni bya khyi dang wa spyang gis rma btong cing nang gi sha khrag la sogs pa phyi rol du snang ba'o/ /rnam par zos pa'i 'du shes ni bya khyi wa spyang la sogs pas zos pa'o/ /rnam par 'thor ba'i 'du shes ni zug bzhi dang rus tshigs so sor gyes pa'o/ /rnam par tshig pa'i 'du shes ni rus pa la sha dang chu bar ri dang bcas pa nyi ma dang lhag pas bskams shing pa dungs pa'o/ /rus gong gis 'du shes ni rus pa dung gi mdog ltar dkar por gyur pa'o/ /de dag ni lus la 'dod chags pa'i gnyen por bstan pa'o/ /dbang po nyi shu rtsa gnyis la/ mig gi dbang po dang/ rna ba'i dbang po dang sna'i dbang po dang/ lce'i dbang po dang/ lus kyi dbang po dang/ yid kyi dbang po dang/ pho'i dbang po dang/ mo'i dbang po dang/ sdug bsngal gyi dbang po dang/ bde ba'i dbang po dang/ yid bde ba'i dbang po dang/ yid mi bde ba'i dbang po dang/ btang snyoms kyi dbang po dang/ dad pa'i dbang po dang/ brtson 'grus kyi dbang po dang/ dran pa'i dbang po dang/ ting nge 'dzin gyi dbang po dang/ shes rab kyi dbang po dang/ mi shes pa kun shes pa'i dbang po dang/ kun shes pa'i dbang po dang/ kun shes pa dang ldan pa'i dbang po dang srog gi dbang po'o/ /nyi shu rtsa gnyis po de dag kyang rnam pa lngar bsdu ste/ sems kyi rten dang/ der rnam par rtog pa dang/ kun nas nyon mongs pa dang/ rnam par byad ba'i tshogs dang/ rnam par byad ba'o de la mig nas yid kyis par drug dang/ srog gi dbang po ni sems kyis rten to/ /skyes pa dang bud med kyi dbang po ni der rnam par rtog pa ste/ skyes pa'o bud med do zhes bzhan gyis de la rtog go /bde ba dang yid bde ba ni 'dod cho gas skyed/ sdug bsngal dang yid mi bde ba zhe sdang skyed/ btang snyoms ni gti mug bskyed pas kun nas nyon mongs pa'o/ /dad pa la sogs pa'i dbang po lnga ni mya ngan las 'das pa'i rgyu byed pas rnam par byad ba'i cho gas so/ /mi shes pa kun shes pa la sogs pa gsum ni rnam par byad ba'o/ /de la mig gi dbang po ni zar ma kha bye ba 'dra'o/ /rna ba ni gro ba bcus pa 'dra'o/ /sna ni mo kha ba gshibs pa 'dra'o/ /lce ni zla ba bkas pa 'dra'o/ lus kyi ni sen mo'i khrab gyon pa 'dra'o/ /yid kyi dbang po ni rnam par shes pa drug 'das ma thag pa'o/ /pho'i ni the bong 'dra'o/ /mo'i ni lnga'i khog pa 'dra'o/ /sdug bsngal gyi ni rnam par shes pa dang dbang por bcas pa'i lus mi bde ba myong ba'o/ /bde ba ni rnam par shes pa dang dbang por bcas pa'i lus la sim pa myong ba'o/ /yid bde ba ni yid kyis rnam par shes pa la dga' ba myong ba'o/ /yid mi bde ba ni yid kyis rnam par shes pa la gdung ba skyes pa'o/ btang snyoms kyis dbang po ni lus dang sems gnyi ka la lhag par bde ba yang ma byung sdug bsngal yang ma skyes pa'o/ /dad pa'i dbang po ni las dang 'bras bu dang bden pa dang dkon mchog la yod pa dang yon tan can yin par yid ches shing sems dang ba'o/ /brtson 'grus kyi dbang po ni nyan pa dang sems pa dang bsgom pa la sogs pa de dge ba'i phyogs rgyun mi gcod pa'o/ /dran pa'i dbang po ni chos kyi mtshan nyid mnyan cing thos pa'i tshig dang don bskal bar yang mi brjed pa'o/ /ting nge 'dzin gyi dbang po ni bsgom pa'i yul la sems rtse gcig tu gnas pa las mi nyams pa'o/ /shes rab kyi dbang po ni chos rnams kyi rang dang ci'i mtshan nyid ma nor bar shes pa'o/ /mi shes pa kun shes pa'i dbang po ni mthong bas spangs pa'i nyon mongs pa spong ba na dad pa'i dbang po nas/ shes rab kyi dbang po'i bar du dbang po lnga dang bde ba'i dbang po dang yid bde ba dang/ btang snyoms dang/ yid kyi dbang po bzhi ste dbang po dgu po de dag gis mthong bas spang ba'i nyon mongs pa spang ba'i sa sngon mi shes pa kun shes par gyur pa'o/ /kun shes pa'i dbang po ni bsgom pas spang ba'i nyon mongs pa spong ba'i dus na dbang po dgu po de dag nyid kyis mi mthun pa dang gnyen po'i phyogs gsal bar bye brag phyed pa'o/ /kun shes pa dang ldan pa'i dbang po ni dgra bcom pa thob pa'i dus na dbang po dgu po de dag nyid mthong bsgom gyi nyon mongs pa ma lus par spangs te zad la ma skye ba'i ye shes dang ldan pa la bya'o/ /srog gi dbang po ni ji srid ma shi'i bar du tshe dang srog 'dzin pa'o/ /bsod nams bya ba'i dngos po li/ sbyin ba las byung ba'i bsod nams bya ba'i dngos po dang/ tshul khrims las byung ba'i bsod nams bya ba'i dngos po dang/ bsgom pa las byung ba'i bsod nams bya ba'i dngos po dang rdzas las byung ba'i bsod nams bya ba'i dngos po'o zhes bya ba ni don du longs spyod phun sum tshogs pa'i rgyu dang/ bde 'gror skye ba'i rgyu dang/ ngan 'gro dang bde 'gro zlog par byed pa'i rgyu phun sum tshogs pa bstan to/ /de la sbyin pa dang rdzas la byung bas gnyis ni longs spyod kyi rgyu'o/ /tshul khrims ni bde 'gro'i rgyu'o/ /bsgom pa ni ngan 'gro dang bde 'gro gnyis las zlog pa'i rgyu'o/ /de la sbyin pa gang gis she na/ sbyin ba'i bdag po des so/ /gang la zhe na phongs pa'i sems can rnams la'o/ /gang sbyin zhe na/ bza' ba dang/ bgob la sogs pa'i yo byad sna sna nas ci 'kho ba rnams sbyin pa ni sbyin pa las byung ba'i bsod nams bya ba'i dngos po zhes bya'o/ /tshul khrims ni gang gis/ gang gis phyir gang bsrung zhe na/ dad pa dang ldan pa'i gang zag gis/ tshe 'dir bdag dang gzhan la mi gnod par bya ba'i phyir bslab pa lnga dang bcu dang/ nyis brgya lnga bcu la sogs pa srung ba ni tshul khrims las byung ba'i bsod nams bya ba'i dngos po zhes bya'o/ /bsgom pa ni gang gis/ gang gis phyir gang bsgom zhe na/ rnal 'byor la dga' ba'i gang zag gis/ nyon mongs pa'i dri ma dag par bya ba'i phyir tshad med pa bzhi dang/ rnam par thar ba'i sgo gsum la sogs pa bsgom pa ni/ bsgom pa las byung ba'i bsod nams bya ba'i dngos po zhes bya'o/ /rdzas las byung ba ni gang gis gang la gang 'phul zhes/ dad pa'i khyim bdag dang/ bram ze la sogs pas dkon mchog gsum la/ gtsug lag khang dang/ gnas khang dang/ bskyed mos tshal dang/ zhal zas dang/ na bza' dang/ sman la sogs pa yo byad sna tshogs phul ba ni/ rdzas las byung ba'i bsod nams bya ba'i dngos po zhes bya'o/ byin gyis brlabs pa bzhi bden pa'i byin gyis brlabs dang/ gtong ba'i byin gyis brlabs dang nye bar zhi ba'i byin gyis brlabs dang/ shes rab gyis byin brlabs so zhes bya ba ni 'phags pa'i lam chos kyi don gang yin pa la gnas pa'i dbang thob 'di thu yod pa ni byin gyis brlabs zhes bya ste/ de la sdug bsngal gyi bden pa shes par bya ba shes par byas zin pa ni bden pa'i byin gyis brlabs so/ /kun 'byung gi bden pa spang bar bya ba spangs zin pa ni gtong ba'i byin gyis brlabs so/ /'gog pa'i bden pa ngag mngon du bya ba sngon du byas zin pa nye bar zhi ba'i byin? gyis brlabs so// lam gyi bden pa bsgom par bya ba bsgoms zin pa ni shes rab kyi byin gyis brlabs so/ /rgyu drug la/ byed rgyu dang/ lhan cig 'byung ba'i rgyu dang/ mtshungs par ldan pa'i rgyu dang/ skal pa mnyam pa'i rgyu dang/ kun tu 'gro ba'i rgyu dang/ rnam par smin pa'i rgyu'o zhes bya ba ni sa cu me rlung lta bu gcig gi nang na yang bzhi tshar tshad par yod de/ gcig gi rgyu gcig gis byas nas phan tshun gcig la gcig brten te/ mgo mnyam du 'byung ba ni dper na mi gcig pus 'jigs par 'gro ni nus kyi/ mi du ma bsdongs te dor na 'jigs pa las gcig gis gcig grogs byas nas thar pa lta bu ni lhan cig 'byung ba'i rgyu zhes bya'o/ /sems dang sems las byung ba rnams yul la 'jug cing gcod pa na gcig pus 'jug cing gcod ma nus kyi/ sems dang sems las byung ba du ma gcig gi rgyu gcig gis phan tshun du grogs byas nas mgo mnyam du 'byung ba ste/ dper na gong ma ni rnams su grogs nyi tshe tsam byas bar zad kyi 'di ni grogs kyang byas la/ 'gro ma nus na yang 'dug mi gnang bar rgyags 'thud kyang byas te/ khrid pa dang 'dra par 'byung ba ni mtshungs par ldan pa'i rgyu zhes bya'o/ /sems dge ba zhig skyes na sems las byung ba yang dge bar skye/ sems mi dge ba zhig byung na sems las byung ba yang mi dge ba 'byung ste/ sems ji ltar skyes pa dang mthun par sems las byang ba yang de lta ba'i byung ba ni sel pa mnyam pa'i rgyu zhes bya'o/ /'dod pa'i khams dang gzugs kyi khams kyi bsam gtan bzhi dang/ gzugs med pa'i snyoms par 'jug pa bzhi ste/ gnas de dgur sngar skyes pa ni phyis nyon mongs pa can gyis chos skye bar 'gyur bas na kun tu 'gro ba'i rgyu zhes bya'o/ /las dge ba'i rgyus mtho ris su skye la las mi dge ba'i rgyus ngan song du skye zhing lus bzang ngan du skye ba ni rnam par smin pa'i rgyu zhes bya'o/ /chos gang ci yang rung ste skye ba la mi sgrib cing gegs mi byed pa ste/ dper na myu gu skye ba la gzhan gyis bgegs mi byed pa'i phyir byed pa'i rgyu zhes brtags so// rkyen bzhi la/ rgyu'i rkyen dang/ bdag po'i rkyen dang/ de ma thag pa'i rkyen dang/ dmigs pa'i rkyen no zhes bya ba la/ kun bzhi rnam par shes pa ni rgyu yang byed rkyen du yang byed pas rgyu rkyen no/ /mig la sogs pa'i dbang po lnga ni rang rang gi rnam par shes pa skyes pa'i bdag po byed pa'i bdag po'i rkyen no/ /yid kyi dbang po 'gags ma thag pa ni yid kyis rnam par shes pa skyed pas de ma thag pa'i rkyen no/ /gzugs dang sgra la sogs pa phyi'i yul drug ni rnam par shes pa'i dmigs pa'i rkyen no/ /'bras bu lnga la/ rgyu mthun pa'i 'bras bu dang/ bdag po'i 'bras bu dang/ skyes bu byed pa'i 'bras bu dang/ rnam par smin pa'i 'bras bu dang/ bral ba'i 'bras bu'o zhes bya ba la/ tshe snga ma la dge ba byed byed na/ tshe 'dir yang dge ba byed 'dod la/ tshe snga ma la sdig pa byed byed nas tshe 'dir yang sdig pa'i las byed 'dod pa ni rgyu mthun pa'i 'bras bu'o/ /tshe rabs snga ma la sdig pa mi dge ba byas pas tshe 'dir yang yul khams ngan par skyes pa dang/ dge ba byas pa yul bzang por skyes te/ yul bzang ngan gyis bdag por skye ba ni bdag po 'bras bu'o/ /zhing la so nam byas pas nas mang du rnyed/ tshod byes pas zod mang du rnyed/ rdzi'u byas pas byugs mang du rnyad pa lta bu byed ba'i 'bras bu'o/ /sbyin pa byas pas phyug por 'gyur ba dang rku 'phrogs byas pas dbul bor 'gyur ba dang/ /bsed rkyen dang brdeg 'tshog byas pas tshe thung zhing nad mang bar 'gyur ba la sogs pa ni rnam par smin pa'i 'bras bu'o/ /'phags pa'i lam bsgoms nas nyon mongs pa ni bral ba'i 'bras bu'o/ /chos yang dag par len pa bzhi la da ltar byung ba la bde la phyi ma la rnam par smin pa sdug bsngal ni tshe snga ma la sogs pa'i shugs kyi ri dags 'tshong du bcug na dka' ba med de skyel cing dga' ba bzhin du tshor nus la/ rgyu des tshe phyi ma la ngan song gsum du skye ba la bya'o/ /da ltar byung ba la sdug bsngal la phyi ma la rnam par smin pa bde ba ni tshe snga ma la goms pa med pas dge ba'i phyogs la dka' thub sna tshogs mi nus shing bka' bzhin du byed de/ sdug bsngal che yang tshe phyi mar mtho ris dang thar pa'i gnas su skye ba la bya'o/ /da ltar byung ba la yang sdug bsngal la phyi ma la rnam par smin pa yang sdug bsngal ba ni tshe snga ma la goms pa med par ri dags 'tshor du bcug pa lta bu nyams kyis mi lcogs te/ 'phral du yang mi nus shing mi bde la tshe phyi mar yang ngan song gsum du skye ba la bya'o/ /da ltar byung ba la yang bde la phyi ma la yang rnam par smin pa bde ba bsam gtan la gnas pa dag da ltar yang lus dang sems bde la/ de'i 'bras bu yang mtho ris dang mya ngan las 'das pa la thob pa la bya'o/ /sdug bsngal brgyad la/ skye ba'i sdug bsngal ni khams gsum du skye ba'i phung po grub na sdug bsngal gsum dang brgyad kyis bzhi lta bur gyur te/ sdug bsngal gyi sdug bsngal dang/ /'gyur ba'i sdug bsngal dang 'du byed kyi sdug bsngal gyi khyab pa'i phyir skye ba'i sdug bsngal zhes bya'o/ /lang tshe gzhon nu mthu rtsal dang stobs dang byad bzhin gyi kha dog dang dbyibs rnams gzhon nu las nyams te skra dkar dang gnyer mas gang zhing brtson 'grus dang blo gros la sogs pa med par gyur pa ni/ rga ba'i sdug bsngal zhes bya'o/ /lus la bad kan dang chu ser ram mdze dang shu ba dang rims kyis btab pa/ bdag gi 'khor gnyen gshes dang nor rdzas la sogs pa la dmigs te sems kyis nang du gdung zhing mya ngan skyes pa dag ni na ba'i sdug bsngal lo/ /las dang tshe zad de drod dang rnam par shes pas lus gtong ba na nye du gnyen gshes sdug pa dang/ nor rdzas bzang po rnams ni bor/ gshin rje thag 'breng dang dbyug lcag thog ba rnams kyis rang dbang med par khrid pa ni 'chi ba'i sdug bsngal lo/ /sems can yang rung sems can ma yin pa nor rdzas kyang rung bdag la mkho zhing gces pa las me dang chu la sogs pa'i sgra dag gis phrog pa/ shi brlag par gyur pa'i sgo nas mya ngan skye zhing sems gdungs pa ni sdug pa dang bral ba'i sdug bsngal lo/ /gnas mi bde ba dang grogs mi srun pa dang/ las mi bde ba'i 'bras bu la sogs pa yid du mi 'ong ba dang 'phrad nas rtag tu lus dang sems las gnod cing zhe sdang skye bar byed pa ni/ mi sdug pa dang phrad pa'i sdug bsngal zhes bya'o/ /gong ma lta bu'i sdug pa rnams dang 'grogs par 'dod na ni 'grogs sa med/ mi sdug pa dang mi phrad par 'dod na ni phrad par gyur pa ni 'dod pa btsal gyis mi rnyed pa'i sdug bsngal zhes bya'o/ /yang na dge ba byed byed ba rnams dge ba 'phel ba dang/ mi dge ba 'grib par 'dod na de ltar ma nus pa la yang bya'o/ /mdor na zhes bya ba'i don ni sdug bsngal brgyad po rnams gsum du sdud de/ skye ba dang/ rga ba dang/ na ba dang/ 'chi ba dang/ mi sdug pa dang phrad pa lnga ni sdug bsngal gyis sdug bsngal lo/ /sdug pa dang bral ba dang 'dod pa btsal gyis mi rnyed pa ni 'gyur ba'i sdug bsngal lo/ /nye bar len pa'i phung po lnga sdug bsngal lo/ /zhes bya ba ni 'du byed kyi sdug bsngal te/ de ltar sdug bsngal gsum gyis tshor ba gsum la khyab la/ tshor ba gsum gyis khams gsum la khyab ste/ khams gsum du skyes pa'i nye bar len pa'i phung po ni sdug bsngal gyis gzhi yin par bstan to/ / ji lta zhe na/ sdug bsngal rnam pa gsum ste/ dang po'i sdug bsngal dang/ bar gyis sdug bsngal dang/ tha ma'i sdug bsngal te gsum mo/ /de la skye ba'i sdug bsngal ni dang po yi'o/ /rga ba la sogs pa phyi ma drug ni bar gyi sdug bsngal lo/ /'chi ba'i sdug bsngal ni tha ma ste/ sdug bsngal thams cad phung po lngas len pa'i phyir mdor na nye bar len pa'i phung po lnga ni sdug bsngal lo zhes bya ba dang sbyar ro/ /mi 'khom pa brgyad la sems can dmyal ba ni sdug bsngal sna tshogs kyis gzir cing dmyal ba'i bsrung mas bsdams pas dge ba bya ba'i rang dbang med de mi 'khom pa'o/ /dud 'gro ni rang bzhin gyis blun zhing brda mi 'phrad pas dge ba bya ba'i mthu med de mi khom pa'o/ /yi dags ni bkres bskom gyi dbang gis 'dod pas dbyen spyos shing mi dang bsten pa'i skal pa med pas dge ba bya ba'i skabs med pas mi khom pa'o/ /lta tshe ring po ni 'du byed med pa'i ting nge 'dzin bsgoms bas 'bras bu che gnam gyi phyogs gcig na sdor dum bzhin gnas te/ 'du shes gtan 'gags pa'i phyir dge ba skal ba med pas mi 'khom pa'o/ /mdza' 'khob kyi mi ni blun zhing brda skad mi 'phrad bas chos kyis don go zhing sgrub pa'i mthu med pas mi khom pa'o/ /dbang po ma tshang ba ni mig dang rna ba la sogs pa med na dge ba'i gshes gnyen gyi gan du 'gro zhing dam pa'i chos mnyan du med pas mi 'khom pa'o/ /log par lta ba ni las dge sdig dang/ tshe snga phyi la sogs pa med par 'dod de/ dge ba'i bshes gnyen sus kyang mi bzlog pas dge ba bya ba'i skal ba med de mi khom pa'o/ /de bzhin gshegs pa rnams ma byung bar skyes pa ni sangs rgyas dang sangs rgyas kyi bstan pa snga ma ni nub/ sangs rgyas kyi phyi ma ni ma byung ba'i skabs su skyes na dge ba'i bshes gnyen med pas dge ba bya ba'i dmigs med pas mi khom pa'o/ /dbang bcu zhes bya ba ni/ sems can gyi dus na rang dbang med par gnod pa bcu dang rgyun tu ldan la/ byang chub sems dpa' ni de'i gnyen po dbang bcu dang ldan pas gnod pa bcu mi 'byung ngo// de yang tshe la dbang ba ni bskal pa brjod du med par g.yung drung du bzhugs shing skye shi dang gtan bral bas 'chi ba'i gnod pa med pa'o/ /yo byad la dbang ba ni 'jig rten gyi khams nam mkha' i dbyings thams cad rgyan gyis brgyan par byin gyis rlom pas dbul ba'i gnod pa mi 'byung ba'o/ /sems la dbang ba ni dpa' bar 'gro ba la sogs pa'i ting nge 'dzin grangs med pa la ye shes kyi 'jug ba'i phyir/ 'dod chags la sogs pa bying rgod kyi nyon mongs pa'i gnod pas mi tshugs pa'o las la dbang ba ni las mi dge ba byas kyang mtho ris su skye la/ dge ba byas kyang ngan song du skye ba lta bur dbang bsgyur bas na nyes par spyad ba'i gnod pa mi 'byung ba'o/ /skye ba la dbang ba ni 'jig rten gyi khams sna tshogs las ma tshogs kyi skye ba kun tu ston te ci dga' skye ba'i phyir ngan song du skyes kyang ngan 'gro'i gnod pa mi 'byung ngo/ /mos pa la dbang ba ni dkon mchog gsum la ngan du smod cing ring du spong la/ chos 'jig pa lta bu chos kyis 'ongs bar 'gyur pa'i las byed pa la 'jig rten gyis khams thams cad sangs rgyas kyi gang bar ston te/ chos ston pa'i dge ba'i gshes gnyen mang po dang phrad bar ston bas na/ mos ba la dbang ba ste/ chos kyis phongs pa'i gnod pa mi 'byung ngo/ /kha cig na re zad par gyi skye mched tho pa'o phyir mos pa la dbang ba'o zhes kyang bshad do/ /smon lam la dbang ba ni dus nam gyi tshe gang yang rung ba na sangs rgyas kyi zhing gar dga' bar mngon par byang chub par kun tu ston par smon lam bstab ste/ de ltar smon lam bzhin du ston pa'i dbang thob pas 'dod pa mi 'grub pa'i gnod pa mi 'byung ngo/ /rdzu 'phrul la dbang ba ni/ sangs rgyas kyi zhing thams cad du 'bar ba dang 'phul ba la sogs pa kun tu ston pas rdzu 'phrul thogs pa med de/ skad cig gis kyang gang yang 'gro ba'i phyir chos kun tu tshol ba la dbang med pa'i gnod pa mi 'byung ngo/ /chos la dbang ba ni 'jig rten dang 'jig rten las 'das pa'i dang 'dus byas dang 'dus ma byas kyi chos ma lus par thugs su chud de/ ji lta bzhed pa bzhin du dbang sgyub bas chos mi la sogs pa gzhan gyis khrel du dogs pa'i gnod pa mi 'byung ngo/ /ye shes la dbang ba ni stobs dang mi 'jigs pa dang/ ma 'dres pa la sogs pa'i yon tan thams cad dang ldan pas gzhan rgol bar dogs pa'i gnod pa mi 'byung ngo/ /dbyibs brgyad la/ thung ngu la bltos nas mdung khyim lta bu ni ring pa'o/ /ring po la bltos nas mda' lta bu thung ngu'o/ /gru bzhi lta bu ni lham pa'o/ /zlum bu lta bu ni dkyil 'khor ro/ /sa gzhi thag thug med pa lta bu ni mnyam pa'o/ sa ? thag thub can lta bu ni mi mnyam pa'o/ /de'u dang bog ri lta bu ni sgang ngo/ /rdzing gi nang lta bu ni gshod do/ /mtshungs pa bzhi gang zhe na/ dus gsum du gshegs pa'i sangs rgyas rnams kyi yon tan mnyam pa lta bu ste/ sangs rgyas zhes bya ba'i yig 'gro mang nyung? med pa ni yi ge mtshungs pa'o/ /gsung gi dbyangs yan lag drug bcu dang ldan zhing tshangs pa'i sgra skad lta bu dang ldan bar 'dra ba ni gsungs mtshungs pa'o/ /chos thams cad skye ba dang 'gag pa med cing bdag med pa rnams gnyis su thugs su chud par 'dra ba ni chos mtshungs pa'o/ /sangs rgyas thams cad kyi chos kyi skur mnyam ste bye brag che chung med pa ni sku mtshungs pa'o/ /bden pa bzhi gcig cing yang gzhi bzhir brtag pa la/ 'gog pa la ni 'gog ba dang zhi ba dang gya nom pa dang nges par 'byung ba'o/ /lam la ni lam dang rig pa dang/ sgrub pa dang/ nges par 'byin pa'o/ /sdug bsngal la ni mi rtag pa dang/ sdug bsngal ba dang/ stong pa dang/ bdag med pa'o/ /kun 'byung la ni rgyu dang kun 'byung ba dang rkyen dang 'byung ba'o/ /de la 'dod chags dang zhe sdang la sogs pa'i nyon mongs pa dang/ srog gcod ba la sogs pa sdig pa mi dge ba'i las rnams spangs te/ mi 'byung ba ni 'gog pa'o/ /las dang nyon mongs pas bskyed pa'i 'bras bu sdug bsngal ci yang mi 'byung ba ni zhi ba'o/ /phyis kyang khams gsum du skye zhing sdug bsngal myong bar mi 'gyur bas na gya nom pa'o/ /khams gsum brtson ra dang 'dra ba nas thar cing mya ngan las 'das pa'i gnas bde bar phyin bas na 'byung ba'o/ /lam gyi so so'i skye bo'i sa nas 'phags pa'i gnas su 'gro bas na lam mo/ /mi rig pa nyon mongs pa spangs pa'i gnyen por gyur pas na rigs pa'o/ /sems phyin ci log spangs te phyin ci ma log par sbyar nas na bsgrub pa'o/ /'khor ba'i nyes pa dang gtan bral zhing mya ngan las 'das pa'i gnas su phyin par byed pa na nges par 'byung ba'o/ /sdug bsngal ni skad cig ma re re las skyes shing 'chi ba'i chos can yin pas na mi rtag pa'o/ /sdug bsngal gsum dang brgyad kyis rgyun mi 'chad par 'tshe bas na/ sdug bsngal ba'o/ /phung po lha'i nang na mu stegs kyi brtags pa'i bdag brtag pa med pas na stong ba'o/ /phung po lnga po nyid kyang mu stegs kyis rtags pa'i bdag brtags ba ma yin pas bdag med pa'o/ /kun 'byung ni 'dod chags dang/ zhe sdang la sogs pa'i nyon mongs pa rnams dang/ de las 'phros ba 'jig rten pa'i las dge sdig rnams ni rgyu'o/ /nyon mongs ba dang las de bdag gis bag chags sems kyi rgyud la sogs te/ khams gsum rgyud lnga'i skye ba'i sa bon du gnas pa ni kun 'byung ba'o/ /phyi ma'i las dge bas ni dge ba'i bag chags rtas/ las mi dge bas ni mi dge ba'i bag chags rtas shing 'bras bu smin par byed pa'i rkyen ces bya'o/ /de ltar rgyu dang rkyon gnyis tshogs te/ dge ba dang mi dge ba'i bag chags so sor brtas nas khams gsum gyi gnas mthon dman du sdug bsngal kyi phung po mngon par bsgrub pa ni 'byung ba zhes bya'o/ /dge slong rnam pa lnga la long sbrang lta bu ni slong ba'i dge slong ngo/ /khyim pa'i ming dge slong zhes brtag ba lta bu ni ming gi dge slong ngo/ khrims ma mnos sam/ yang na mnos kyang khrims ral te med par gnas ba ni nga yang dge slong yin no zhes zer bas/ khas 'ches ba'i dge slong ngo/ /mkhan po dang slob dpon las tshul khrims gtsang mar mnos pa ni gsol ba dang gzhi'i las kyis bsnyen par rdzogs pa'i dge slong ngo/ /rgyun tu zhugs pa nas dgra bcom pa'i bar du gang zag zung bzhi ya brgyad po rnams ni nyon mongs pa dang dral ba'i dge slong ngo/ /sgrib pa lnga ni 'dod chags dang/ gnod sems dang/ rmugs pa dang/ gnyid dang/ 'gyod pa dang/ g.yeng ba dang/ the tshom mo de dag ci la sgrib ce na/ lhag pa'i bslab pa gsum la sgrib ste 'dod pa'i 'dod chags ni 'dod pa'i yon tan gtong mi 'phod ste/ 'phyo g.ye ma dang/ rku 'phrog la sogs pa byed pa yin la gnod sems ni/ khro zhing zhe sdang gtong mi 'phod nas srog gcod cing gzhan la 'ching brdeg la sogs pa'i nyes pa mang po byed pas lhag pa'i tshul khrims la sgrib par byed do/ /rmugs pa ni sems glong ste mi gsal ba yin la gnyis ni/ sems nang du 'dus nas yul la 'jug pa'i rang dbang med par yin zhing/ 'gyod ba ni legs nyes kyis las ci byas so tsog la nyes so/ /bar du 'khrig pa ste/ cham la mi 'phebs pa yin la g.yeng ba ni 'dod pa'i yon tan lnga 'am/ sngon gyi spyod lam dran pa'i rjes su yan par song ste btang snyoms sam rtse gcig tu 'jog mi nus pas lhag pa'i sems la sgrib par byed do/ /the tshom ni zab cing rgya che ba'i chos rnams kyis rang dang spyi'i mtshan nyid tha dad pa ji lta ba bzhin mi rtogs te/ lam kha brag tu byung na gar 'gro mi shes pa dang 'dra bas lhag pa'i shes rab la sgrib par byed de/ de ltar bslab pa gsum la sgrib bo/ /zas bzhi gang zhe na/ kham gyi zas dang/ reg pa'i zas dang/ yid kyi zas dang/ rnam par shes pa'i zas so/ /zhes bya ba la/ 'dod pa'i khams kyi lha dang mi rnams dang/ byol song gi rgyud phyugs la sogs pa rnams las phal cher khams kyi zas kyis 'tsho zhing des srog 'dzin pa kham gyi zas so/ /bya la sogs pa sgo nga'o cog rna mi'i drod kyis reg pas 'tsho ste/ des srog 'dzin pas reg par zas zhes bya'o/ /ru sbal rgya mtsho na 'dug pa'i bu skam la bzhag pa de ma'i sems ji srid bu bu la dran pa de srid du bu'i srog 'dzin pa ni yid kyis zas zhes bya'o/ /lo nyes byung ste ? med nas mas bu rnams lang don gnyer du 'gro ste slar 'ongs dang phye 'di'i zan sprul te sbyin no/ /zhes brid nas thal ba'i thum bu gcig gdung ma la brtags te bzhag nas ma ni thal byung shing song/ bu rnams ni thal ba'i thum po la lta zhing ma 'ongs na zan sbrus te bza' ba'i bsam pa dang ma bral ba'i rgyus yun ring me zhig tu ma shi bar srog 'dzin nus pa lta bu ni rnam par shes pa'i zas zhes bya'o/ /theg pa chen po'i bsam btang bzhi la/ byis pa nyer spyod bsam gtan dang/ don rab 'byor ba'i bsam gtan dang/ de bzhin nying? dmigs bsam gtan dang/ de bzhin gshegs pa'i dge bas bsam gtan zhes bya ba la/ theg pa ni gang zag so sor rang gi shes rab la bya ste/ shes rgya chung zhing gang zag la bdag med pa nyid tshe tsam 'chad pa ni theg pa chung ngu zhes bya la/ 'dir ni chos gang zag rnams gnyis la stong pa nyid du chung ba'i shes rab chen po la theg pa chen po zhes bya'o/ /bsam gtan zhes bya ba ni sems ma g.yeng zhing nyon mongs pa'i dri ma dang ma 'dres par rtse gcig tu gnas pa ni nges pa 'am gtan la bab pa ste/ de lta bu'i rgyu las theg pa che chung shes rab ched ma thams cad 'bras bur 'byung bas na bsam gtan la bab pa'i phyir bsam gtan zhes bya ste/ bzhi ni ming gis smos pa rnams so/ /de yang brtag pa dang/ bde ba dang/ da yod pa dang/ gtsang sbrar lta ba'i kho bo rnams ni byis pa zhes bya ste/ phyin ci log de dag spang pa'i don ni mi rtag pa dang sdug bsngal ba dang stong pa dang mi gtsang ba dag bsgom pa ni byis pa gnyer spyod bsam gtan zhes bya'o/ /mos pa spyod pa'i sar phung po lnga la/ gzugs kyi phung po la dbu ba lta bu dang/ tshor ba la chu bur lta bu dang/ 'du shes la smig rgyu lta bu dang/ 'du byed chu shing lta bu dang/ rnam par shes pa la sgyu ma lta bu 'dzin cing bsgom ba ni don rab 'byed pa'i bsam gtan zhes bya'o/ /sa dang po yan chad sa bcu pa man chad kyi byang chub sems dpa' rnams kyis chos kyi dbyings stong pa'i don sa re re zhing ye shes kyi khyad par gyis rim par bsgom pa ni de bzhin nyid dmigs bsam gtan zhes bya'o/ /shes bya thams cad ma lus par thugs su chud cig nyon mongs pa dang shes bya'i sgrib ma lus par spangs pas ci la yang rnam par mi rtog pa lhun gyis grub ces bdag dang gzhan gyis don ma lus par 'dzin pa ni de bzhin gshegs pa'i dge bsam gtan zhes bya'o/ /chos kyi rnam grangs kyi brjed byad zhes bya ba lo tsA ba chen po/ /dpal brtsegs pa kI ta la sogs pa rnams kyis mdzad pa rdzogs so// // chos kyi rnam grangs kyi brjed byang gi rtsa ba a tsarya dpal brtsegs la sogs pas mdzad pa/

CLOSE WINDOW