བོད་ཡིག

e-texts based on the ACIP/ALL Input

mdo sde nas 'byung ba dang yang sbyar te/ bshad pa brda phrad sla bar rjed byang du byas pa rdzogs so// //lta ba'i khyad par mkhan po ye shes sdes mdzad pa bzhugs so/ /phyi rol gyi don yod par smra ba la sogs pa'i lta ba'i bye brag dang/ theg pa gsum dang/ sku gsum la sogs pa/ mkhan po dag las thos pa dang/ gsung rab mdo sde dang/ bstan bcos las byung ba'i don mdo tsam zhig brjed byang du byas pa/ A tsarya nA gA rdzu nas dbu ma'i kA ri ka ri mdzad pa'i 'grel pa shes rab sgron ma zhes bya ba dang/ dbu ma'i snying po zhes bya ba mdzad pa dang/ bar gyi mkhan po shaM ta rak+Shi ta zhes bya bas/ A tsarya a sa dags rnam par shes pa tsam du bshad pa'i bstan bcos rnal 'byor spyod pa mdzad pa la brten te/ kun rdzob tu de'i lugs dang 'thun par rnam par shes pa tsam du bsgrubs la/ don dam par rnam par shes pa yang rang bzhin med par bshad pa'i dbu ma'i bstan bcos dbu ma'i rgyan zhes bya ba zhig mdzad de/ dbu ma'i bstan bcos lugs cung zad mi mthun pa gnyis byung bas/ A tsarya b+ha byas mdzad pa la ni mdo sde ba'i dbu ma zhes btags/ A tsarya shAn+ta ra k+Shi tas mdzad pa la ni rnal 'byor spyod pa'i dbu ma zhes btags so/ /A tsarya nA gA rdzu na dang/ A rya de bas mdzad pa ni 'phags pa shes rab kyi pha rol tu phyin pa la sogs pa las 'byung ba bzhin du gal te gzugs la sogs la ri bong gi rwa bzhin du med la/ rnam par shes pa nyid de ltar snang ba yin na ni 'di dag thog ma med pa nyid nas med pa nyid yin pas/ gzugs su 'khrul pa'i gzhi med pa'i phyir/ de'i dbang gi rnam par shes pa de ltar snang zhes bya yang mi rung ngo/ /yang gcig tu na/ gzhi med par sems nyid de ltar snang ri bong gi rwa dang mo gsham gi bu la sogs pa yang snang bar 'gyur ba'i rigs so/ /ci ste yul med pa'i gtan tshigs su dngos po rags ba rdul du bshig la rdul yang phyogs cha yod de mi 'grub pas/ sems tsam mo zhes bya ba na ni/ 'o na lha rnam par shes pa'i skad cig ma yang spyi'i mtshan nyid bshad pas yul yod do/ /spyir dngos po rnams rten cing 'brel par 'byung ba yin pas/ rkun rdzob tu ni sgyu ma dang 'dra ba tsam du skye ba yod la/ don dam par ni bdag dang gzhan dang gnyi ga dang/ rgyu med pa las kyang skyer mi rung ste/ rang bzhin med do/ /zhes bshad pas dbu ma gnyi ga yang de la brten to/ /de la rnal 'byor spyod pa'i dbu ma'i lugs ni kun rdzob tu ni rnam par shes pa tsam du smra ba dang 'thun te/ rnam par shes pas yul shes pa yang yul nyid rnam par shes pa'i rang bzhin yin pas/ 'brel pa yod pa'i phyir rang rig pas shes par rung gi yul gzhan yin par 'dod na ni shes pa dang 'brel pa med pas rig par mi rung ngo/ /phyi rol gyi rten cing 'brel par 'byung ba snang ba yang/ dper na rmi lam na mthong ba rnams yul med kyi sems nyid mthong ba dang 'dra ste/ langkar gshegs pa las phyi rol gzugs ni yod ma yin/ bdag gis sems ni phyi rol snang zhes gsungs pa lta bu'o/ /don dam par ni sems de yang gcig dang/ du ma'i ngo bo nyid bral ba'i gtan tshigs kyis bshig na yod par mi 'grub ste/ ji lta zhe na/ yul nyid rnam par shes pa'i rang bzhin yin no/ yang na ni yul tha dad pa rnam pa mang po bzhin du sems kyang du mar 'gyur ro/ /yang na ni sems bzhin du yul yang sna tshogs su mi 'gyur ro/ de lta bas na sems tsam la brten nas/ phyi rol gyi yul med par shes par bya'o/ /dbu ma'i tshul 'di la brten nas/ sems de yang bdag med par rtogs par bya ste/ 'phags pa 'jig rten las 'das pa'i le'u las kyang/ kye rgyal ba'i sras khams gsum ni sems tsam ste/ dus gsum yang sems tsam du rtogs shing/ sems de yang ? dang dbus med par rtogs so zhes 'byung ba lta bu'o/ /langkar gshegs pa las kyang sems tsam la ni brten nas su/ phyi rol don la mi rtag go /de bzhin nyid la gnas nas su/ /sems tsam las kyang zla bar bya/ /sems tsam las ni bzlas nas su/ snang ba med las bzla? bar bya/ /snang med gnas pa'i rnal 'byor pa/ /de yi theg pa chen po mthong zhes gsungs te/ de lta bas na dbu ma'i tshul 'di don med pa'i nyes par 'gyur ba'i phyir ro/ /de ltar gang gi phyir dngos po skye ba mi 'thad pa de'i phyir skye ba mi srid de/ skye ba brjod pa ni tha snyad btags par tsam du zad do/ rnam par shes pa tsam du smra bas/ phyi rol gyi yul med kyi sems nyid don du snang zhes bya ba yang mi rung ste/ ji ltar zhen yul nyid rnam par shes pa'i rang bzhin yin pas/ yul yang shes pa can du 'gyur ro/ /yang na ni shes pa nyid gzugs yin pas sems kyang shes pa med par 'gyur ro/ /yang na ni yul rnam pa mang po sna tshogs yod pa bzhin du sems kyang sna tshogs du mar 'gyur ro/ /yang na ni sems bzhin du yul yang sna tshogs su mi 'gyur ro/ /yang na ni sems kyang gzugs can du 'gyur ro/ /yang na ni gzugs kyang sems bzhin du ltar mi snang bar 'gyur ro/ /rnam pa gcig tu yul med kyi sems nyid yul du snang na ni gzugs dang kha dog gi rnam pa ji lta bu bsams pa dang ji ltar 'dod pa de bzhin du thams cad yul nyid du 'byung zhing snang ba'i rigs so/ /yang rnam pa gcig tu na gzugs rdul du bshig ste/ rdul phra rab kyang cha shas kyis bshig na med pa bzhin du sems kyang med par 'gyur te/ de ltar sems nyid yul du snang zhes byar mi rung ngo/ /thog ma med pa nas gzugs su rtog rtog pa'i bag chags smin pas/ de ltar snang ngo zhes byar yang yul yang med na de lta rtog par mi 'byung bas de'i bag chags kyang yod par mi 'gyur ro/ /'phags pa sa bcu pa las khams gsum pa sems tsam mo zhes 'byung ba ni byed pa po dang zla ba po dgag pa ste/ mdo sde nyid las de ltar rten cing 'brel bar 'byung bas rnam pa bcu rab tu rtog cing bdag med pa dang srog med pa dang/ gang zag med pa dang/ ngo bo nyid kyis stong pa dang/ rang bzhin gyis byed pa po dang/ tshor ba po med par rab tu rtog pa'i tshe/ stong pa nyid kyi rnam par thad pa'i sgo skyes pa yin zhes gsungs pa'i phyir ro/ /'phags pa langkar gshegs pa la sogs pa las/ phyi rol gyi don med kyi sems de ltar snang ngo zhes 'byung ba yang dngos po don dam par yod par 'dod pa dgag pa dang/ sems tsam du bshad pas 'dul ba la phan gdags pa'i phyir rten cing 'brel par 'byung ba'i don rang bzhin gyis dngos por grub pa med pa la lag pa'i rnam par rtog pas/ dngos por sgro btags pa la dgongs nas de skad du gsungs pa yin no zhes 'chad do/ /A tsarya ka ma la shI las dbu ma'i bstan bcos dbu ma snang ba zhes bya ba mdzod? pa las ni dbu ma 'di gnyis kun rdzob tu cung zad mi mthun yang don dam bar phyi nang gi dngos po thams cad rang bzhin med par 'dod du 'dra bas na 'gal ba med do zhes 'byung ngo/ theg pa gsum ni nyan thos kyi theg pa dang/ rang sangs rgyas kyi theg pa dang/ theg pa chen po'o/ /theg pa zhes bya ba ni gzhon pa dang 'dra ste/ des theg cing so so'i gnas su son bar byed pas theg pa'o/ /zam pa dang gru dang gzings dang 'dra ste/ des bteg cing brtan nas/ 'khor ba'i chu bo'i pha rol tu phyin pas na yang theg pa'o/ /de la nyan thos kyi theg pa ni bden pa bzhi'i sgo nas 'jug ste/ thag pa dang bcas pa'i 'bras bu'i bar len pa'i phung po lnga ni sdug bsngal sna tshogs kyi gzhi yin pas/ blta sla ba'i phyir theg mar sdug bsngal gyi bden pa rtogs so/ /de nas sdug bsngal gyi rgyu brtags na las dang nyon mongs pa las byung bar rig ste/ kun 'byung ba'i bden pa rtogs so/ /de nas las dang nyon mongs pa spangs ste/ phung po lnga dang bral ba ni bde ba yin par rig ste/ 'gog pa'i bden pa rtogs so/ /'gogs pa'i bden pa rtog/ /de nas 'gog pa thob par bya ba'i thabs ni yang dag pa'i lta ba la sogs pa 'phags pa'i lam yin par rig ste/ lam gyi bden pa rtogs so/ /de ltar zag pa dang bcas pa dang/ zag pa med pa yang rgyu dang 'bras bu tsam du zad de/ byed pa dang za ba po'i bdag med par mthong bas/ gang zag la bdag med par rtogs so/ /'khor ba ni sdug bsngal mi bzad pa yin zhing/ mya ngan las 'das pa ni zhi ba dang bde bar rigs la/ de gnyis las gcig spang zhing gcig thob par bya bar du dbang rtogs pas/ sdug bsngal gyis khong dangs shing mi bzad do/ /'khor bas skyo zhing yid byung ba dang/ snying rje shin tu chung ste/ pha rol tu byin pa la sogs dge ba spyod pa yang/ sems can mang po'i don gyi phyir ma yin gyi/ bdag gcig pu'i don du spyod cing/ bdag nyid mya ngan las 'das pa'i bde ba sgrub pa dang/ mngon par rtogs pa thob pa'i dus na yang/ dge ba'i bshes gnyen lam bltos par bdag nyid kyis bden pa bzhi'i de kho na nyid rtogs par mi nus te/ dbang po rtul pas theg pa dman pa zhes bya'o/ /nyan thos zhes bya ba ni dge ba'i bshes gnyen las nyan cing gzhan la yang sgrogs te/ thos par byed pas na nyan thos zhes bya'o/ rang sangs rgyas kyi theg pa ni rten cing 'brel par 'byung ba yan lag bcu gnyis pa'i sgo nas 'jug ste/ 'khor ba'i nyes dmigs rga shi mthong nas/ ci las byung zhes brtags na de'i rgyu skye ba yin par rig la/ de bzhin du rtsad bcad na gong nas gong du ma rig pa la thug gi bar du rgyu dang 'bras bu'i tshul du rtogs nas rten cing 'brel par 'byung ba tsam du zad de/ bdag gam bdag gi zhes bya ba med pas/ gang zag la bdag med par mthong zhing snga phyi tsha shes kyis bshig na yod par mi 'grub ste/ 'thun par skyon du 'gyur bas yul med la sems yod par mi rung ste/ de gnyis ni bya ni tha snyad brtags par zad kyi/ dngos su ni de lta ma yin te/ bcom ldan 'das kyis kyang/ phyi'i rten cing 'brel bar 'byung ba dang nang gi rten cing 'brel par 'byung ba phye ste gsungs pas/ sems dang yul gnyi ga don dam par yod par mngon no/ /mdo dag las yul med kyi sems nyid yul du snang ngo zhes 'byung ba ni yul rnam pa thams cad du dgag pa ma yin gyi dngos po mi rtag pa dang/ rdul mang po 'dus pa la 'khrul ba'i rtog pas rtag pa dang/ ril por 'dzin pa bzlog pa'i gnyen por gsungs pa yin no zhes 'chad do/ /rnam par shes pa cham du smra ba ni gzugs la sogs pa phyi rol gyi don med kyi rnam par shes pa nyid ltar snang du zad de/ 'jig rten na grags pa dang/ bstan bcos las 'byung ba'i bdag tu brjod pa sna tshogs dang/ chos sna tshogs nye bar 'dogs pa 'byung ba ni rnam par shes pa gyur pa yin te/ de dag dngos su yod pa la 'dogs pa ma yin gyi thog ma yin gyi thog ma med pa'i dus nas bdag la sogs pa dang gzugs la sogs pa chos su rnam par rtog rtog pa'i bag chags kun gzhi rnam par shes pa la yod pa rtas pas/ kun gzhi'i rnam par shes pa de las bdag dang chos su snang ngo snyam du rnam par rtog pa 'byung bas yul med do/ /ji lta zhe na/ dngos po gong bur snang ba ni rdul phra mo 'dus pa yin la/ gong bur rtsom pa'i rdul phra mo ni phyogs drug gi cha yod pas/ rdul phra mor mi 'grub pa'i phyir yul med par mngon te/ dper na rab rib can gyis nam mkha' la skra shas 'dzings pa la sogs pa mthong ba bzhin no/ /sa bcu pa'i mdo las kyang/ kye rgyal ba'i sras khams gsum 'di ni sems tsam zhes 'byung/ stug po bkod pa las kyang/ sems ni rnam pa gnyis dngos su/ /gzung dang 'dzin par snang ba ste/ /bum pa snam bu la sogs pa'i/ /yul ni gang yang yod ma yin/ zhes gsungs langkar gshegs pa las// phyi'i dngos po med par yang/ /sems ni rnam pa gnyis su snang/ /zhes bya ba la sogs pa 'byung bas/ phyi'i don yod pa ma yin gyi rnam par shes pa nyid de ltar snang ngo/ /rnam par shes pa ni rten cing 'brel par 'byung ba ste/ rgyun gyi rtag pa yin par don dam par yang yod de/ gnas gyur pa'i dus na yang gzung ba dang 'dzin pa las dben pa gnyis su med pa'i ye shes phyin ci ma log par yongs su grub pa yod do zhes 'chad do/ /dbu ma rnam gnyis kyi tshul ji lta bu zhe na/ sngon gyi dbu ma'i mkhan po A tsarya nA gA rdzu na dang/ Arya de bas dbu ma'i bstan bcos mdzad par zad de/ rnam pa gnyis su phye ba yang med/ de'i 'og tu A tsa byas sad ga dang/ bas? band+hus rnam par shes pa tsam du smra ba'i bstan bcos mdzad/ phyi rol gyi yul med kyi rnam par shes pa nyid yul du snang bar bsgrubs shing/ rnam par shes pa dag pa gnyis su med pa ni don dam par yang yod par bshad pa la phyis dbu ma'i mkhan po b+ha bya zhes bya ba/ A tsarya nA gA rdzu na'i lugs kyi man ngag yod pas dngos su grub rnyed pa zhig bzhugs pas/ rnam par shes pa tsam du smra ba sun phyung ste/ theg pa chung ngu pa/ phyi rol gyi don yod par smra ba ni phyi rol gyi don zhes bya ba ni 'byung ba chen po bzhi dang/ de las gyur pa'i gzugs la sogs pa yin te/ de dag ni mngon sum gyi tshad mas kyang yod par grub la/ phung po lnga las kyang gzugs kyi phung po dang khams dang/ skye mched las kyang dbang po gzugs can dang/ de dag gi yul rnams ni 'byung ba chen po bzhi dang/ de las gyur pa yin te/ bcom ldan 'das kyis kyang phung po dang/ khams dang/ skye mched yod do zhes gsungs shing/ 'byung ba chen po la sogs pa'i rang dang ma rig pa ni dgag tu rung la/ de 'gags na rga shi'i bar du 'gags par mthong/ rten cing 'brel bar 'byung ba lugs dang 'thun pa dang/ lugs dang 'thun pa kun nas nyon mongs pa rnam par byang ba'i phyogs rtogs pas/ 'khor ba'i sdug bsngal gyis skyo zhing yid byung ste/ rnam par byang ba la mngon sum du phyogs nas/ bdag 'ba' zhig byang chub pa dang/ mya ngan las 'das par bya ba'i phyir pha rol tu phyin pa la sogs pa/ dge ba spyod cing snying rje chung ste/ sems can mang po'i don mi byed par sangs rgyas kyi theg pa zhes bya la/ rang sangs rgyas ni 'phags pa bi b+ha sha na lung bstan pa'i mdo las/ rten cing 'brel par 'byung ba zab mo mthong ba dang/ chos dbyings mdza' dad dbus med pa rtogs so zhes gsungs pa dang yo ga tsarya'i TI ka las gzugs kyi phung po la chos la bdag med par rtogs so zhes 'byung ba dang/ mngon par rtogs pa 'thob pa'i dus na yang slob dpon la mi bltos par bdag nyid kyis chos nyid rtogs par nus te/ dbang po rno ba nyan thos las khyad par du 'phags so/ /theg pa chen po ni don dam par dngos po thams cad rang bzhin med par rig cing/ 'khor ba dang mya ngan las 'das pa gnyis su med par rtogs pa dang kun rdzob tu dngos po sgyu ma tsam du dmigs pas/ shes rab dang snying rje chen po dang ldan te/ 'khor ba yang mi spong/ mya ngan las 'das pa yang mi len par sems can thams cad kyi don du pha rol tu phyin pa bcu la spyod cing/ bdag dang gzhan gyi don phun sum tshogs par bsgrub pa ste/ mdor na byang chub sems dpa' sa bcu 'bras bu sangs rgyas kyis dang bcas pa ni theg pa chen po zhes bya'o/ /theg pa chen po ni nyan thos dang rang sangs rgyas kyi theg pa las/ chen po rnam pa bdun gyi khyad par du 'phags pa ste/ chen po rnam pa bdun ni dmigs pa dang/ bsgrub pa dang ye shes dang brtson 'grus dang thabs dang yang dag par 'grub pa dang/ las chen po'o/ /de la dmigs pa chen po ni shes rab kyi pha rol tu phyin pa 'bum dang/ dkon mchog brtsegs pa chen po 'bum dang/ 'dus pa chen po 'bum la sogs pa theg pa chen po'i mdo sde mdza' yas pa/ byang chub sems dpa' i lam bshad pa'i chos la dmigs pa'o/ /bsgrub pa chen po ni bdag dang gzhan gyi don thams cad sgrub pa'o/ /ye shes chen po gang zag dang chos la bdag med par rtogs pa'o/ /brtson 'grus chen po ni bskal pa chen po grangs med pa gsum du bya dka' ba rnam pa mang po la sbyor ba'o/ /thabs la mkhas pa chen po ni 'khor ba dang mya ngan las 'das pa chen po la mi gnas pa'o/ /yang dag par 'grub pa chen po ni stobs bcu dang/ mi 'jigs pa bzhi dang/ sangs rgyas kyi chos ma 'dres pa bco brgyad la sogs pa yon tan dpag tu med par 'grub bo/ /las chen po ni 'khor ba ji srid dang de srid du sangs rgyas kyi phrin las thams cad sgrub cing mdzad pa'o/ /theg pa gsum du yang gsungs pa gcig ces kyang gsungs pa gang ba don ci las dgongs shes na 'dul ba'i dbang gi phyir mos pa'i rkyen tsam du dbang po'i rim pa dang sbyar nas theg pa gsum du bshad de/ theg pa gnyis ni nyan thos dang rang sangs rgyas 'khor bas skyo zhing sdug bsngal mi bzod pas/ de myur du zhi bar bya ba'i phyir rings thabs bsti ba'i gnas tsam du zad de/ gtan tu mya ngan las 'das pa'i gnas ma yin pas/ 'bras bu thob nas sangs rgyas kyis bskul te/ chos la bdag med par rtogs par mdzad cing/ byang chub kyi spyod pa la spyod du bcug nas/ des bsgrubs nas bla na med pa'i byang chub tu mngon par rdzogs par 'tshab rgya ste/ tha mar theg pa chen por 'du bas langkar gshegs pa'i mdo las nyan thos zag pa med pa'i dbyings la gnas pa de bzhin gshegs pa'i 'od zer gyis bskul te/ theg pa chen po las sdug cing theg pa gcig tu bshad pa dang/ dam pa'i chos pad+ma dkar po'i mdo las/ nyan thos mang po sangs rgyas su 'grub par lung bstan cing/ theg pa gcig tu bshad pa la sogs pa'i tshul gyis theg pa gsum du med de gcig tu zad do/ /mdo sde gzhan las rigs lnga dang sbyar te/ theg pa gsum du bshad pa'i rigs lnga mar rigs yod gis de ltar des te/ gtan du yod pa ni ma yin gyi 'phrin las kyi dus la bltos te sngar phye bar zad do/ /mdo kha cig las zhib phyogs gcig pa'i nyan thos ni de bzhin gshegs pa mang pos bskul kyang 'tshang rgya ba'i skal med do zhes 'byung ba yang bden pa bzhi la nges pa rnyed nas/ dgra bcom pa'i 'bras bu ma thob pa'i bar du bsgyur du mi rung ba la bya'o/ /mdo kha cig las dgra bcom pa ni sa bon tshig pa dang 'dra zhes 'byung ba dang/ mchid bu byi dor byas kyang rin po che bai DUrya mi 'gyur ba'i dben? nyan thos sangs rgyas su mi 'grub pa skad 'byung ba yang/ ? thog ma nas theg pa chen po la 'jug par bya zhing/ don chung ngu nyid las su 'gyur ba theg pa dman pa la mi 'jug par dga' ba'i phyir smad pa yin no/ /tshul 'di ltar mi 'dod na ni 'phags pa ting nge 'dzin gyi rgyal po la sogs pa mdo sde mang po las sems can thams cad ni de bzhin gshegs pa'i snying po can yin no zhes 'byung ba dang/ sems can thams cad sangs rgyas su 'gyur te/ snod ma yin pa gang yang med do zhes 'byung ba la sogs pa dang/ 'gal bar 'gyur ba nas/ theg pa gnyis kyang tha mar theg pa chen por 'dus te/ tha mar theg pa gcig tu 'du bar mngon no/ /ye shes bzhi ni me long lta bu'i ye shes dang/ mnyam pa nyid kyi ye shes dang/ so sor rtog pa'i ye shes dang/ bya ba sgrub pa'i ye shes so/ /de la me long lta bu'i ye shes ni chos kyi dbyings rnam par dag pa dang/ byams pa chen po dang/ snying rje chen po dang ldan pa/ sangs rgyas kyis mi gnas pa'i mya ngan las 'das pa la zhugs pa/ gzugs dang kha dog dang sku sna tshogs kun tu ston pa'i bzhir gyur pa'o/ /so sor rtog pa'i ye shes ni yid kyi rnam par shes pa gnas gyur pas/ gzugs dang/ ting nge 'dzin dang bsam gtan dang/ snyoms par 'jug pa thams cad kyi gzhir gyur cig shes bya thams cad la thogs pa med pa'i ye shes 'jug pas/ chos kyi char chen po 'debs shing/ the tshom sna tshogs gcod pa dang/ mtshams med pa las? dmigs pas/ rtog pa thams cad dang bral te/ gzhi rnam par shes pa gnas gyur pa/ bsnyel ba mi mnga' ba ma lus pa la dmigs pa/ me long phyis pa'i nang du gzugs brnyan ci yang 'byung zhing snang ba bzhin du de yang ye shes dang chos thams cad kyi gzugs brnyan 'byung ba'i gzhi yin pas/ me long lta bu'i ye shes zhes bya'o/ /mnyam pa nyid kyi ye shes ni byang chub sems dpa' i sa dang po la chos thams cad ro gcig pa'i de bzhin nyid mngon par rtogs pa'i dus na/ bdag dang gzhan du mi byed cing mnyam pa nyid du rtogs pa'i thob pa gang yin pa de nyid la dmigs shing gong nas gong du sbyangs pas/ nyon mongs pa can gyi yid gyur te/ shel dang baiDUrya la sogs pa'i kha dog gi sku ston pa'i rgyur gyur pa'o/ /bya ba sgrub pa'i ye shes ni mig la sogs pa'i dbang po lnga'i rnam par shes pa gnas 'gyur pas/ 'jig rten gyi khams thams cad du 'dul ba'i sems can gyi bsam pa dang/ mos ba ji lta ba bzhin du thabs sna tshogs dpag tu med pas/ yongs su smin par bya ba dang/ rnam par grol bar bya ba sgrub pa'i gzhir gyur pa'o/ /sku gsum ni chos kyi sku dang/ longs spyod rdzogs pa'i sku dang/ sprul pa'i sku'o/ /de la chos kyi sku ni rnam par rtog pa'i ye shes kyi rang bzhin/ gzugs can ma yin pa/ shes bya thams cad du khyab pa/ sangs rgyas kyi che ba nyid ting nge 'dzin la sogs pa yon tan thams cad kyi 'byung gnas de bzhin nyid dang/ kun gzhi rnam par shes pa rnam par dag pa la bya'o/ /de ltar ni ci mngon zhe na 'phags pa gser 'od dam pa'i mdo las sgrib pa thams cad dang bral zhing/ dge pa'i chos thams cad rdzogs pa'i phyir/ de kho na nyid dang yang dag pa'i ye shes ni chos kyi sku zhes gsungs so/ /'phags pa sangs rgyas sa'i DI ka las kyang chos kyi dbyings rnam par dag pa dang/ me long lta bu'i ye shes ni chos kyi sku'o zhes bshad de/ chos kyi dbyings rnam par dag pa ni chos rnams kyi de bzhin nyid dri ma med pa yin la me long lta bu'i ye shes ni de bzhin nyid la dmigs pa rnam par mi rtog pa yin pas/ 'di gnyis ni chos kyi sku'o/ /tha snyad du tha dad pa skad du bya yang/ dngos su ni mi dmigs par bya ba dang/ dmigs par byed par dbyer med de/ de skad du dbus dang mdza' rnam par 'byed pa'i TIkA dang/ mdo sde rgyan gyi TI kA las kyang bshad do/ /sku de ting nge 'dzin la sogs dang ldan par ni 'phags pa gser 'od dam pa dang/ sangs rgyas kyi sa'i mdo las rgyas par bshad do/ /mdo sde rgyan las me long lta bu'i ye shes de long spyod rdzogs pa'i sangs rgyas kyang de bzhin no zhes 'byung ba ni de'i rgyur gyur ba tsam la bya ste/ de nyid las ye shes thams cad kyi 'byung gnas yin no zhes kyang bshad pa/ de'i TIkA las de'i rgyur gyur pa'i phyir ro zhes bshad do/ / 'phags pa gser 'od dam pa'i mdo las kyang kun gzhi rnam par shes pa gnas gyur pa ni chos kyi sku zhes gsungs so/ /'phags dung phreng gyi mdo las kyang/ de bzhin gshegs pa'i snying po gsal bar ma gyur pa'i tshe ni kun gzhi zhes bya'o/ /gsal bar gyur pa de'i tshe ni chos sku zhes bya'o zhes gsungs so/ /'phags pa dgongs pa nges par 'grel pa'i mdo las kyang de bzhin gshegs pa rnams kyi chos kyi sku'i mtshan nyid ni sa bcu dang pha rol tu phyin pa bcu shin tu bsgoms pa'i nges par 'byung bas/ gnas gyur ba yang dag par grub pa'o zhes gsungs te/ kun gzhi rnam par shes pa gnas gyur pa la bya'o/ /don bsdus pa zhes bya ba'i bstan bcos las kyang chos sku zhes bya ba la chos ni thog ma med pa nas rigs su gyur pa de bzhin gshegs pa'i snying po la bya ste/ sems can thams cad kyi rang bzhin no/ /de ni yang dag pa ma yin pas bsgribs pas dri ma can du gyur te/ gang gi tshe sbyor ba sngon du btang nas/ 'khrul pa dang brel pa de'i tshe rang bzhin du 'gyur ro/ /rang bzhin du gyur pa de ni chos kyi sku zhes bshad do/ /longs spyod rdzogs pa'i sku ni byang chub sems dpa' i 'khor gyi dkyil 'khor na/ chos kyi longs spyod chen po ma lus par myong ba mdzad pa/ rnam par snang mdzad la sogs pa'i sku ste/ mtshan dang dpe byad bzang po thams cad dang ldan pa'o/ /'phags pa sangs rgyas kyi sa'i TIka las mnyam pa nyid kyi ye shes dang so sor rtog pa'i ye shes su bshad do/ /de yang rung bar ci mngon zhe na 'phags pa gser 'od dam pa'i mdo las nyon mongs pa can gyi yid gnas gyur bzhi long spyod rdzogs pa'i sku zhes gsungs te/ de mnyam pa nyid kyi ye shes yin no/ /'phags pa sangs rgyas kyis las kyang/ de bzhin gshegs pa rnams kyi so sor rtog pa'i ye shes la/ sangs rgyas dang byang chub sems dpa' i mthu dang ldan pa'i chos rgya chen po ston pa dag snang ngo zhes gsungs so/ /'phags pa rdo rje ri rab kyi zom las kyang longs spyod rdzogs pa'i sku ni bsod nams chen po'i rgyu 'thun pa zhes gsungs pas/ de ni ye shes gnyis dang ldan pa'i gzugs kyi sku'o/ /sprul pa'i sku ni shAkya thub pa'i sku la sogs pa sprul pa gang gis sems can rnams kyi don mdzad pa ste/ de ni bya ba bsgrub pa'i ye shes so/ /de cis mngon zhe na/ 'phags pa gser 'od dam pa'i mdo las kyang 'jug pa'i rnam par shes pa gnas gyur pa ni sprul pa'i sku'o zhes gsungs pa/ 'phags pa sangs rgyas kyi sa'i TIkA las kyang bya ba bsgrub pa'i sku yin no zhes bshad do/ /'phags pa sangs kyi sa'i mdo las kyang bya ba bsgrub pa'i ye shes ni lus sprul pa'i las byung ba des/ de bzhin gshegs pa rnams sems can las dang bzo'i gnas thams cad kyis rgyags dregs ba rnams la/ las dang bzo'i gnas thams cad nye bar brtan te/ zil gyis mnan nas thabs mkhas pa des kyang bstan pa la 'dzud de/ de yongs su smin par byed/ rnam par grol bar byed do zhes sku dang gsung dang thugs kyi sprul pa rgya cher bka' stsal to/ /de la sku sprul pa ni rnam pa gsum ste/ bdag gi lus dang 'brel pa dang/ gzhan gyi lus dang 'brel ba dang ma 'brel pa'o/ /de la bdag gi lus dang 'brel pa ni bdag nyid 'khor los sgyur ro ba la sogs pa'i gzugs kun tu ston pa'o/ /gzhan gyi lus dang 'brel pa ni bdud la sogs pa sangs rgyas la sogs pa'i gzugs kun tu ston pa'o/ /ma 'brel pa ni sa la sogs pa rin po che sna bdun du kun tu ston pa dang/ sangs rgyas kyi sku gzugs dpag tu med pa kun tu ston pa la sogs pa'o/ /gsung sprul pa yang rnam pa gsum ste/ bdag gi lus dang 'brel pa ni tshangs pa'i dbyangs kyi 'jig rten gyi khams mdza' yes bar go bar mdzad pa'o/ /gzhan gyi lus dang 'brel pa ni gang gis nyan thos la sogs pa yang/ sangs rgyas kyi gsung gi theg pa chen po'i chos ston pa'o/ /ma 'brel pa ni nam mkha' la sogs pa la chos bstan pa'i sgra 'byung zhes bya ba la sogs pa'o/ /thugs sprul pa ni bdag dang gzhan gnyis te/ bdag chos thams cad thugs su chud pa dang/ gzhan yang sems de bzhin du bsgyur ba ste/ des na shes rab chung ngu dag kyang chos zab mo khong du chud pa dang/ dran pa nyams pa yang dran pa thob ces bya ba la sogs pa dang/ sbyar ro zhes bshad do/ /sku gnyis la rtogs pa mnga' 'am mi mnga' zhe na/ de gnyis te chos kyi sku rnam par rtog pa mi mnga' ba las byung bas rtog pa mi mnga' o/ /de ltar ci mngon zhe na/ 'phags pa gser 'od dam pa'i mdo las kyang rtog pa yod pa 'dri mod kyi de bzhin nyid la ni rtog pa med do/ /gsum du bgrang ba yod med kyi dngos po ni gsum du med do zhes gsungs so/ /mdo sde du ma las kyang de bzhin gshegs pa ni rtag tu mnyam par bzhag pa'o zhes bka' stsal to/ /de bzhin gshegs pa la dag pa 'jig rten pa'i ye shes mnga' 'am mi mnga' thams cad mkhyen pas dngos po rnams kyi rang gi mtshan nyid mkhyen tam/ spyi'i mtshan nyid mkhyen/ rtog pa dang bcas pas mkhyen tam/ rnam par mi rtog par mkhyen ce na/ rnam par mi rtog bzhin du rang dang spyi'i mtshan nyid thams cad mkhyen te/ sngon byang chub sems dpa' mdzad cing sgrib pa ma byad/ lhun gyi ma grub dbang bsam gyis mi khyab pa ma rnyed pa'i tshe/ mnyam par bzhag pa'i dus na ni rnam par mi rtog pa'i ye shes kyis dngos po thams cad kyis spyi'i mtshan nyid stong pa nyid du gzigs la/ de la gzhengs nas rjes las thob pa dag pa 'jig rten pa'i ye shes kyis sgyu ma tsam du rang gi mtshan nyid mkhyen pa de gong nas gong du sbyangs pas/ rtog pa bsal te sgrib pa byang chub pa'i 'bras bu sangs rgyas kyis la ltan gyis grub ste/ mnyam par 'jog pa dang/ bzhengs pa mi mnga' bar shes bya ji snyed pa de thams cad dus gcig tu mngon du gyur te/ rnam par rtog pa mi mnga' bas rang gi mtshan nyid sgyu ma tsam du mkhyen kyang dngos por mi dmigs mtshan mar mi 'dzin pa'i phyir/ gzung ba 'di 'dzin pa'i skyon du 'gyur ba yang med de/ sangs rgyas phal po che'i mdo las kyang/ /sangs rgyas bcom ldan 'das rnams kyi dgongs pa ni chags pa mi mnga' ste/ bskal pa bye ba khrag khrig brgya stong brjod du med pa'i yang brjod du med par yongs su sbyangs pa'o/ /'jig rten gyi khams thams cad ma lus par yul du gyur pa'o/ /chos kyi dbyings ma lus pa thams cad yul du gyur ba'o/ /dus gsum thams cad la dgongs pa gcig gis chags pa med par mkhyen cing thugs su chud pa'i yul dang ldan pa'o zhes bya ba la sogs pa rgya cher gsungs so 'phags pa chos thams cad yang dag par sdud pa'i mdo las kyang/ dper na sgyu ma'i mkhan po zhig/ sprul pa thar bar bya phyir brtson/ /des ni snga nas de shes pas/ /sprul pa de la chags pa med/ /srid gsum sprul pa 'dra ba ni/ /rdzogs pa'i byang chub mkhas pas shes/ /'gro ba'i ched du go dgos te/ /'gro ba de ltar snga nas shes zhes gsungs so/ /de bas na sangs rgyas kyi sa la dag pa 'jig rten pa'i ye shes mnga' bar mi 'gyur ro/ /de ltar rnam par mi rtog pa las/ sku dang gsung dang thugs sprul pa ji ltar 'byung zhe na/ sngon thugs rje chen po'i dbang gis sems can ma lus pa'i don mdzad par thugs dam bcas shing smon lam chen po btab nas/ thabs dang shes rab bsgoms pa mthar phyin te/ chos kyi sku rnam par dag pa lhun gyis grub nas dbang dang ting nge 'dzin dang mthu dang byin gyis brlabs dang shugs bsam gyis mi khyab pa brnyes pas/ sprul pa thams cad kyang/ rnam par rtog pa mi mnga' bar/ gdul bya yid bzhin du lhun gyis grub par 'byung ste/ dper na yid bzhin gyi nor bu rin po che dang/ dpag bsam gyi shing ni 'di dang 'di dbyung zhing sems can la phan gdags so snyam du mi sems mod kyi/ 'on kyang mthu chen po dang ldan pa de las sems can skal pa can gyi bsam pa dang 'thun par ci 'dod pa 'byung zhing phan 'dogs so de bzhin du de bzhin gshegs pa yang 'di ltar sprul lo/ /'di skad bshad do/ /'di lta bur bcos so/ /'di ltar phan 'dogs so snyam du mi dgongs mod kyi/ chos sku dbang dang mthu chen po la sogs par bsam gyis mi khyab pa dang ldan pa de las/ sems can skal ba ci yod pa dang 'thun par sku mthong ba dang/ gsung thos pa dang/ dran pa rnyed par 'gyur ba la sogs pa'i sku sprul pa sna tshogs yid bzhin du 'byung zhing phan 'dogs so/ /'phags pa dgongs pa nges par 'grel ba'i mdo las gsungs pa bcom ldan 'das de bzhin gshegs pa rnams kyi chos kyi sku mngon par 'du byed pa dang bral na/ ji ltar mngon par 'du byed pa ma mchis par sems 'byung bar 'gyur/ 'jam dpal sngon thabs dang shes rab bsgoms pa'i mngon par 'du byed pa'i phyir 'jam dpal 'di lta ste dper na/ sems med par gnyid kyi log pa'i tshe/ phyir sang par mngon par 'du bya ba med kyang/ sngon gyi mngon par 'du byed kyi dbang gis sang par 'gyur ba yod do/ /'gog pa la snyoms par 'jug pa yang ldang bar mngon par 'du byed pa med mod kyi sngon gyi 'du byed kyi dbang gis ldang bar yang yod do/ /de bzhin du de bzhin gshegs pa'i sems byung ba yang sngon gyi thabs dang shes rab sgoms pa'i mngon par 'du byed pa las shes par bya'o/ zhes gsungs so/ /'phags pa gser 'od dam?? mdo las kyang/ rigs kyi bu dper na nyi ma dang zla ba la yang rnam par rtog pa med/ chu dang me long la yang rnam par rtog pa med/ 'od snang ba la yang rnam par rtog pa med mod kyi/ gsum 'dus pa las gzugs brnyan 'byung ngo/ /de bzhin du yang dag pa'i mdza' dang/ yang dag pa'i ye shes la yang rnam par rtog pa med mod kyi smon lam gyi dbang dang sems can gyi mthu las/ longs spyod rdzogs pa'i sku dang sprul pa'i sku 'byung ngo zhes gsungs so/ /de skad du 'phags pa de bzhin gshegs pa'i gsang pa'i mdo las kyang/ de bzhin gshegs pa'i ye shes kyi rgyun rnams ni sgrib pa mi mnga' zhing lhun gyis grub la/ mngon par 'du mdzad pa mi mnga' bar gnas so/ /sems can gyi spyod pa thams cad la yang gzigs so/ /sems can thams cad kyi kun nas nyon mongs pa dang/ rnam par byang bar yang rab tu mkhyen to/ /de'i stobs bcu dang mi 'jigs pa bzhi dang/ sangs rgyas kyi chos ma 'dres pa bco brgyad mkhyen pa yang bsnyel ba mi mnga' ste/ de bzhin gshegs pa'i chos de dag ni lhun gyis grub cing/ bsgrib pa mi mnga' ba mngon par 'du mdzad pa mi mnga' bar 'jug go/ de bzhin gshegs pa ni sems dang yid dang rnam par shes pa dang yang bral la/ ting nge 'dzin gyi gnas kyang mi 'dor ro/ /sangs rgyas kyi mdzad pa thams cad kyang mdzad la/ de'i chos thams cad la chags pa mi mnga' ba'i ye shes kyis gang du yang mi chags so/ /zhi ba'i blo gros 'di lta ste/ dper na de bzhin gshegs pas sprul pa'i de bzhin gshegs pa gnyis pa gang yin pa de la ni sems kyang mi mnga' yid kyang mi mnga' rnam par shes pa yang mi mnga' sku'i 'du byed kyang mi mnga' gsungs gi 'du byed kyang mi mnga' / thugs kyi 'du byed kyang mi mnga' med kyi/ 'di lta ste sangs rgyas kyi mthu nyid kyi sangs rgyas kyi mdzad pa thams cad kyang mdzad do/ /zhi ba'i blo gros de bzhin du de bzhin gshegs pa yang sprul pa dang mtshungs par mnyam mo/ /sprul pa'i chos nyid kyis rnam par mi rtog go/ de la sku'i rtsom pa dang/ gsung gi rtsom pa dang/ thugs kyi rtsom pa yang mi snang la/ sangs rgyas kyi mdzad pa thams cad kyang mdzad/ de yang lhun gyis grub cing/ bsgrib pa mi mnga' la/ mngon par 'du mdzad pa mi mnga' bas mdzad do/ /de ci'i phyir zhe na/ zhi ba'i blo gros de bzhin gshegs pas sprul pa'i rang bzhin gyi mtshan nyid du chos thams cad mngon par rdzogs par sangs rgyas te/ mngon par rdzogs par sangs rgyas nas sems can la thugs brtse bas de bzhin du bstan to/ /zhi ba'i blo gros 'di yang de bzhin gshegs pa'i thugs kyi gsang ba ste/ mnyam par bzhag pa'i gnas kyang mi 'dod la/ sems can thams cad la rnam par rig par yang mdzad pas/ thugs bsam gyis mi khyab pa nyid do zhes gsungs so/ /sku gsum rtag gam mi rtag ce na/ chos kyi sku ni mdo sde dang bstan bcos las kyang rtag par bshad de/ de bzhin gshegs pa byung yang rung ma byung yang rung chos rnams kyi chos nyid ni gnas pa nyid do zhes 'byung ngo/ /de lta na mu stegs can gyi bdag rtag par 'dod pa dang 'dra bar mi 'gyur ma zhe na/ de dang mi 'dra ste rtag pa ni de bzhin nyid la bya na/ de na dngos por gzung du med pas/ de nyid kyang bdag ma yin la de la gang zag gi dngos po dang/ chos kyi dngos po'i bdag kyang med pas de ltar mi 'dra'o/ /de lta bas na de ni don du na rtag pa yang ma yin mi rtag pa yang ma yin no/ /de ltar ci mgo zhe na/ 'phags pa langkar gshegs pa'i mdo las/ de bzhin gshegs pa ni rtag pa yang ma yin te/ rtag tu zin na ni rgyur 'gyur ro/ /blo gros chen po mu stegs byed pa thams cad kyi rgyu ni ma byas pa rtag pa ste/ de bas na ma byas pa rtag pa'i phyir/ de bzhin gshegs pa ni rtag pa yang ma yin no/ /mi rtag na ni byas pa'i rtag par 'gyur zhes rgya cher agsungs so/ /'phags pa gser 'od dam pa'i mdo las kyang/ rigs kyi bu sku gsum ni rtag pa'i rnam grangs yod pas rtag pa zhes kyang bya/ mi rtag pa'i rnam grangs yod pas mi rtag pa zhes bya ba ste/ sprul pa'i sku ni thabs mkhas pas gnas thams cad du rkyen ji lta ba bzhin du rgyun mi 'chad par chos kyi 'khor lo bskor ba'i phyir brtag pa'o/ /de rtsa ba ma yin pa'i phyir spyod pa chen po phun sum tshogs pa mngon du mi 'byung bas mi rtag pa zhes bya'o/ longs spyod pa'i sku ni rgyun mi 'chad de/ sangs rgyas thams cad kyi ma 'dres pa'i chos 'dzin cing sdud pa'i phyir/ sems can mi zad pas na spyod pa mi zad de/ de bas ni rtag pa'o/ /de rtsa ba ma yin pa'i phyir spyod pa chen po phun sum tshogs pa mi 'byung bas mi rtag pa'o/ /chos kyi sku ni 'dus byas gyi chos ma yin zhing mtshan ma tha dad pa med la rtsa ba dang gzhi yin pas rtag pa'o/ /rigs kyi bu rnam par mi rtog pa'i ye shes las gung na 'phags pa'i ye shes med de/ yang dag pa'i mdza' i chos dang bral na/ 'phags pa'i spyod yul med do/ /yang dag pa rnam pa gnyis ni gcig pa 'ang ma yin tha dad pa 'ang ma yin no/ /de'i phyir chos kyi sku ni shes rab rnam par dag pa dang/ spyod yul rnam par dag pas/ rnam par dag pa phun sum tshogs pa zhes bya'o/ /chos kyi sku la brten nas/ ting nge 'dzin chen po bsam gyis mi khyab pa mngon du snang bar 'gyur ro/ /ye shes chen po thams cad kyang snang bar 'gyur te/ de lta bas sku gnyis kyang ting nge 'dzin dang shes rab la rten nas mngon du snang bar 'gyur ro/ /chos kyi sku ni bdag gi ngo bo nyid la rten pas rtag pa zhes bya'o/ /bdag ces bya'o/ /ting nge 'dzin chen po la rten pas bde ba zhes bya'o/ /ye shes chen po la brten nas rnam par dag pa zhes bya'o/ /de'i phyir na de bzhin gshegs pa ni rtag par bzhugs pa mnga' mdzad pa bde zhing skyid pa rnam par dag pa'o zhes gsungs te/ sems can las dang nyon mongs pas 'dus byas pa'i phyir mi rtag pa rang dbang med pa sdug bsngal ba rnam par ma dag pa'i gnyen por de skad ces bka' stsal te/ /yang mdo sde de nyid las de lta bu'i chos kyi sku ting nge 'dzin dang shes rab dang ldan pa ni mtshan ma thams cad las 'das pa/ mtshan ma la mi chags pa rnam par mi rtog pa/ rtag pa'ang ma yin mi rtag pa'ang ma yin pa ste de ni dbu ma'i lam mo zhes gsungs so/ /'phags pa langkar gshegs pa'i mdo las kyang/ ji srid du tshig gi rnam par rtog pa 'jug pa de srid du bstag pa dang/ mi rtag pa'i nyes par 'gyur ro/ /blo gros chen po rnam par rtog pa'i blo zad pas/ byis pa rnams kyi rtag pa dang mi rtag par lta ba ldog ste/ dben pa'i blo zad pa'i phyir ni ma yin no zhes gsungs te/ de lta bas na bsam gyis mi khyab cing/ tshig gis brjod du med do/ /theg pa chen po bsdus pa dang/ mdo sde rgyan las sku gsum char rtag ste/ chos kyi sku ni mi 'gyur bas/ ngo bo nyid kyis rtag pa'o/ /longs spyod rdzogs pa'i sku ni chos kyi longs spyod rgyun mi 'chad pas/ mi nyams pa'i rtag pa'o/ /sprul pa'i sku ni yang dang yang 'byung bas rgyun gyi rtag pa'o/ /rnam pa gcig tu na sku gnyis ni chos kyi sku rtag pa la brten pas rtag pa'o zhes bshad pa'ang don du na gong ma bzhin du sbyar bar 'gyur ro/ /mdo kha cig las rtag ces bshad na'ang yid ches bgyis shig mi rtag ces bshad na yang yid ches par gyis shig / yod ces bshad na yang yid ches par gyis shig /med ces bshad na yang yid ches par gyis shing/ /rtag pa'ang ma yin mi rtag pa yang ma yin/ yod pa yang ma yin/ med pa yang ma yin zhes bshad na yid ches par gyis shig /ces 'byung ba yang sgra tsam gyi phyir 'brang ste/ de ltar gzung ba yang ma yin gyi/ dgongs pa'i don rtogs par byas la/ de ltar gzung ba yin no/ /rnam par shes par brgyad ni mig gi rnam par shes pa dang/ rna ba'i rnam par shes pa dang/ sna'i rnam par shes pa dang/ lce'i rnam par shes pa dang lus kyi rnam par shes pa dang/ yid kyi rnam par shes pa dang/ nyon mongs can gyi yid dang/ kun gzhi rnam par shes pa'o/ /de la mig gi rnam par shes pa ni mig dang gzugs la brten nas 'byung ste/ sngon po tsam du yul gyi mtshan nyid shes pa yin gyi/ 'di ni sngon po'i zhes rtog pa dang 'dres pa ni ma yin no/ /rna ba dang sna dang lce dang lus kyi rnam par shes pa lnga tshul 'di dang 'dra'o/ /'di dag ni rang bzhin gyi phyi rol gyi yul la dmigs pa ste/ de bzhin nyid la nam yang mi dmigs pas/ gcig tu zad pa dang bcas pa'o/ yid kyi rnam par shes pa ni yid dang chos la rten nas 'byung ste/ yid ni rnam par shes pa gang yang rung 'gags mthag pa'o/ /chos ni 'dus byas pa dang 'dus ma byas pa dang/ zag pa dang bcas pa dang/ zag pa med pa thams cad du yid kyi rnam par shes pa'i yul ni chos thams cad/ /de'i phyir yid kyi rnam par shes pa ni zag pa dang bcas pa yang yin la/ zag pa med pa yang yin no/ /'jug pa'i rnam par shes pa drug po 'di dag ni dge ba dang mi dge ba dang lung du ma bstan pa gsum char du 'gyur te/ sems las byung ba dge ba la sogs pa gang dang ldan pa bzhin du 'gyur ro/ /'di dag ni sems las bya ba kun tu 'gro ba dang/ yul so sor nges pa dang/ dge ba dang/ nyon mongs pa dang/ nye ba'i nyon mongs pa dang/ tshor ba 'di gsum char dang ldan no/ /de dag ni dge ba dang mi dge ba'i 'bras bu myong bar 'gyur ba'i rnam par smin par 'gyur ba dang/ rang gi rgyun mi 'chad pa'i sa bon rnam par smin pa'i bag chags dang rgyu 'thun pa'i bag chags dang rnams gnyis kun gzhi rnam par shes pa la sogs so/ yul la 'jug pa 'di dag ni bstan pa ma yin pa ste/ 'du shes med pa dang/ 'du shes med pa'i snyoms par 'jug pa dang/ 'gog pa'i snyoms par 'jug pa dang/ nga rgyal ba dang/ gnyid stug pos non pa na ldog go /nyon mongs pa can gyi yid ni dbang po dang yul gzhan la rten nas 'byung ba ma yin gyi/ kun gzhi rnam par shes pa nyid la brten te/ kun gzhi rnam par shes pa nyid la dmigs nas 'byung/ /ji ltar de lta brten te 'byung zhe na/ kun gzhi ni de'i sa bon gyi gnas yin te/ ji ltar nyon mongs pa can gyi bag chags de la gnas pas na/ de la brten te 'byung ngo/ /ji ltar de ltar de la dmigs shes na/ 'di ltar nyon mongs pa can gyi yid ni 'jigs tshogs la lta ba la sogs pa dang ldan te de'i phyir de dang de'i snyam pa'i rnam pas kun gzhi rnam par shes pa nyid la dgag? so/ /'di ni sems las byung ba'i chos kun tu 'gro ba lnga dang/ bsgribs pa lung du ma bstan pa'i nyon mongs pa bzhi dang rtag tu ldan no/ /tshor ba gsum las ni tshor ba btang snyoms dang ldan no/ /nyon mongs pa bzhi ni bdag tu lta ba dang/ bdag tu rmongs pa dang bdag tu nga rgyal dang/ bdag tu chags pa ste/ 'di bzhis pa sgribs pa ni nyon mongs pa can no/ /bsgribs pa'i rnam par shes pa ni mi dge ba rnams dang ldan mi srid do/ /de bas na nyon mongs can gyi yid ni mi dge ba rnams dang mi ldan pas rnam par smin pa 'phen mi nus pa dang/ ngar 'dzin pa'i tshul gyis nga sbyin pa byed do/ /nga srog gcod pa byed do/ /da ri mo 'dri'o snyam pa la sogs pa dge ba dang mi dge ba dang/ lung du ma bstan pa byed pa'i gnas skabs su 'ang 'byung ba lung du ma bstan pa'o/ /'di ni dgra bcom pa dang/ 'jig rten las 'das pa'i lam thob pa dang/ 'gog pa'i snyoms par 'jug pa la gnas pa'i dus ma rtogs par dus thams cad du 'byung ngo/ /nyon mongs pa can gyi yid dang lung du ma bstan pa rnams kyi ni rgyu 'thun pa'i bag chags gcig bu sogs so/ /kun gzhi rnam par shes pa ni dge ba dang mi dge ba dang lung du ma bstan pa'i chos thams cad kyi sa bon gyi gzhi yin pas kun gzhi'o/ /rnam pa gcig tu na de la chos thams cad 'bras bu'i dngos por 'jug cing 'brel pa'am/ de chos thams cad la rgyu'i dngos por 'jug cing 'brel bas na kun gzhi'o/ shes pa'i rang bzhin yin pas na rnam par shes pa'o/ /kun gzhi ni ming gcig tu na sems zhes kyang bya ste/ dge ba dang mi dge ba dang lung du ma bstan pa'i bag chags sog pa'i phyir ro/ /yang gcig tu ni len pa'i rnam par shes pa zhes kyang bya ste/ sems can gyi ris gang dang gang du gang dang gang gi lus mngon par 'grub cing skye ba na/ lus bcas pa'i dbang po gzugs can nye bar len pa dang/ ming nye bar len pa'i phyir nye bar len pa zhes bya ste/ 'dod pa dang gzugs yod pa'i khams na ni gnyi ga len to/ /gzugs med pa'i khams de ni ming bzhi 'ba' zhig len no/ /len pa'i rnam par shes pa yod par lung dang rig pas mngon te lung ni dgongs pa nges par 'grel ba las len pa'i rnam par shes pa zab cing phra/ sa bon thams cad chu bo bzhin du 'bab/ /bdag tu rtog par gyur na mi rung zhes/ /'di ni byis pa rnams la ngas ma bstan/ ces gsungs pa dang/ theg pa chen po'i chos mngon pa las/ thog ma med pa dus kyi dbyings/ /chos rnams kun gyi gnas yin te/ de yod pas na 'gro kun dang/ /mya ngan 'das pa'ang thob par 'gyur zhes gsungs pa yin/ /rigs pa ni kun gzhi rnam par shes pa med na ('khor bar mi rung ste/ 'khor bar 'gyur ba'i sa bon bag chags kyi) gzhi med par 'khor bar mi rung ngo/ /nyon mongs pa yang spang par kun gzhi med na mi rung ste/ 'jug pa'i rnam par shes pa nyid la mi mthun pa'i phyogs dang/ gnyen po gnyis dus gcig tu 'byung du mi rung bas nyon mongs pa mngon du gyur pa yang zhes byar ni rnal 'byor pa lam la snyoms par zhugs pa'i tshe nyon mongs pa mngon du 'gyur mi srid sa bon gyi gnas skabs kyi tshe na spang zhes byar ni gang na nyon mongs pa'i sa bon gnas pa de gnyen pos spang dgos na/ gnyen po ma gtags par sa bon gyi gnas gzhan med pas de spang du yang mi rung ngo/ /de lta bas na kun gzhi rnam par shes pa med na nyon mongs pa spang du mi rung bas/ 'khor ba las ldog pa mya ngan las 'das pa yang thob par mi 'gyur ro/ /rnam pa gcig tu na kun gzhi med zin na/ 'du shes med pa'i snyoms par 'jug pa dang 'du shes med pa dang/ 'gog pa'i snyoms par 'jug pa'i dus na 'jug pa'i rnam par shes pa thams cad 'gags te med pas/ de las langs pa'i tshe tsa las brten nas 'byung zhes bya ste/ de lta bas na kun gzhi rnam par shes pa yod par mngon no/ /de sems las byung ba du zhig dang ldan tsa na/ kun tu 'gro ba lnga dang ldan no/ /tshor ba gsum gyi nang nas ni tshor ba btang snyoms dang ldan te/ kun gzhi rnam par shes pa ni lung ma bstan pa yin la/ tshor ba gnyis ni 'dod chags zhe sdang gi rgyu yin te/ rnam par smin pa bskyed nus pas kun gzhi dang/ ldan du mi rung ngo/ /de la bde ba'i tshor ba ni las dge ba rnams kyi rnam par smin pa yin/ sdug bsngal gyi tshor ba ni mi dge ba rnams kyi rnam par smin pa yin/ tsho ba btang snyoms ni dge ba dang mi dge ba gnyi ga'i rnam par smin pa zhes 'byung bas/ las dge ba dang mi dge ba'i rnam par smin pa kun gzhi rnam par shes pa dang ldan pa'i tshor ba btang snyoms nyid rnam par smin pa yin te/ gnyis ni rnam par smin pa las byung ba'i phyir rnam par smin pa zhes btags so/ /kun gzhi dmigs pa dang rnam par gcod pa ni phra ste mi mngon pas/ gzhan gyis mi rtogs pa'i phyir dmigs pa yongs su mchad pa dang rnam pa yongs su ma chad pa zhes bya ste/ dper na nyi ma'i 'od kyi snang ba byung na zla ba dang skar ma'i 'od yod bzhin du mi mngon pa ltar rnam par rtog pa rags pa'i dbang gis phra ba mi rtogs so/ /nyon mongs pa can gyi yid kyi sa'i nyon mongs pa bzhis ma bsgribs la/ rnam par smin pa'i rang bzhin te rnam par smin pa de las rnam par smin pa gzhan mi 'byung/ dge ba dang mi dge ba zhes lung du bstan du med par phyir ma bsgribs la lung du ma bstan pa zhes bya'o/ /bden pa gnyis ni kun rdzob kyi bden pa dang don dam pa'i bden pa'o/ /de la kun rdzob kyi bden pa ni rnam par rtog pa dang bcas pa'i shes pas/ chos rnams kyi de kho na nyid mthong bar bya ba mi rtog te/ sgrib pas yang dag sgrib ces kyang bya/ rnam pa gcig tu na chos thams cad rang bzhin med cing stong pa las/ phyin ci log gi dngos po skye zhing 'byung bar mthong ba la sogs pa 'jig rten gyi tha snyad dang grags pa tsam du bden pa ste/ kun gyis shes pa la bya bar dbu ma'i bstan bcos las kyang bshad do/ /blo gros mi zad pas bstan pa la sogs pa'i nang nas kyang ji snyed du tshig 'bru dang yi ges bstan pa thams cad ni kun rdzob kyi bden pa'o zhes 'byung ste/ mdor na dngos po rnams pa rtag mi bzod de rang bzhin med kyang 'phral du bya ba byed nus par snang ngo/ /de tsam du bden pas kun rdzob kyi bden pa zhes bya'o/ /don dam pa'i bden pa ni chos rnams kyi chos nyid mi skye mi 'gags pa ste/ de don kyang yin la dam pa yang yin pas don dam pa'o/ /rnam pa gcig tu na dam pa'i don du bshad do// dngos po med par rtog pa'i ye shes dam pa'i yul yin pas dam pa'i don te/ 'phags pa chos kyi de kho na nyid gzigs pa rnams la de ltar bden pas na/ don dam pa'i bden pa zhes bya'o/ /bdag med pa rnam pa gnyis ni gang zag la bdag med pa dang chos la bdag med pa'o/ /de la gang zag la bdag med pa ji lta bu zhe na/ gang zag ces bya ba ni blo gros ngan pa log par rtog pa rnams kyis/ lus kyi khong du byed pa'i skyes bu bdag ces bya ba/ byed pa po dang zab po rtag pa gcig pu zhig yod par brtags nas/ sems can dang srog dang gang zag la sogs pa'i sgrar 'dogs te/ bdag rtag pa gcig bu zhig yod pas/ las gang gis byas pa'i 'bras bu yang des myong ngo/ /gang bcings pa nges 'grol lo/ /gang gis sngon/ mthong ba des so sor ngo shes so/ /gang gis bzhag pa des dran no/ /gal te bdag rtag pa med de skad cig ma yin du zin na/ byed pa yang gzhan za ba yang gzhan pas gzhan gyis byas la gzhan gyis myong bar 'gyur zhing/ gzhan bcings la gzhan grol ba la sogs pa'i nyes par 'gyur te/ de lta bas na bdag rtag pa gcig pu zhig yod par 'dod do/ /de ni ji ltar mi rung ste/ rtag pa ni mi 'gyur bas byed pa po dang zab po chos mi mthun pa gnyis su 'gyur mi srid do/ rtag pa gcig pu yin pas gang gi bcings pa de nyid gos lo zhes byar yang gong ma lta bu'i skyon yod kyi steng du sems can thams cad ni mi rtag dang mngon sum du snang la rtag pa gcig pu ni sus kyang mthong bas mngon sum yang 'gal lo/ /ngo shes pa de bzhin du sbyar ro/ /de lta bas na gang zag ces bya ba phung po lnga dang tha dad pa'i rtag pa gcig pu med pas gang zag la bdag med pa zhes bya'o/ /ci ste bdag rtag pa gcig pu de kho na phung po lnga las gzhan ma yin na ni phung po bzhin du skad cig par 'gyur ro/ /yang na phung po yang bdag bzhin du rtag par 'gyur ro/ /phung po bzhin du tha dad mar 'gyur bas gcig pu mi rung ba'i skyon du yang 'gyur te/ de ltar na gang zag la bdag med do chos la bdag med pa ji lta bu zhe na chos zhes bya ba ni phung po dang khams dang skye mched rnams te/ de dag kyang mdor bsdu na 'dus byas dang 'dus ma byas dang/ gzugs yod pa dang/ gzugs med pa'o/ /'di rnams kyang gcig dang du ma'i rang bzhin du ma grub pas rang bzhin med pa ste/ ji lta zhe na gzugs rnams dngos po gcig tu gyur na ni gcig pu la cha med pa'i phyir/ mthong ba dang ma mthong ba dang zin pa dang ma zin pa dang/ g.yogs pa dang ma g.yogs pa dang sogs pa'i bye brag kyang med cing/ gom pa gcig gis kyang phyogs thams cad du son pa'i rigs so/ /ci ste cha shas yang bar 'dod na ni cha shes kyi bshig na/ dngos po gcig tu mi 'grub po/ /rdul phra mo cha med pa yod ces bya bar yang/ ji tsam du rdul yod pa de tsam du lus yod do/ rang gi yul du gzhan 'gyur ba'i go mi 'byed pas cha shas yod gcig tu mi 'grub po/ /gcig mi 'grub na de bsams pa'i du ma yang med de/ /de ltar de gnyis kyi rang bzhin dang bral bas dngos po med do/ /gzugs med pa sems dang sems kyis byung ba rnams kyang gcig na ni rang bzhin mi 'gyur bas/ dge ba dang mi dge ba la sogs pa rnam pa mang po yang 'gyur du yang mi rung la/ skad cig la thams cad kyang skad cig gcig par 'gyur te/ dus gsum thams cad kyang skad cig gcig tu zad par 'gyur ro/ /ci ste cha yod par 'dod na ni skad cig gi chos bshig na don dam par dngos por mi 'grub ste/ de ltar gcig tu mi rung ngo/ /gcig ma grub pas du mar yang mi 'grub ste/ de gnyi ga'i rang bzhin dang bral bas dngos po med do/ /rnam pa gcig tu na 'dus byas thams cad ni rten cing 'brel par 'byung ba yin te/ gang dag bdag nyid grub pa med kyi rgyu dang rkyen la bltos nas 'byung ba de dag ni sgyu ma lta bu yin pas rang bzhin med do/ /'dus ma byas nam mkha' la sogs pa la yang dngos po yod pa zhig yin na ni gcig dang du ma'i rang bzhin du 'gyur bas skyon bzlog par dka' bar 'gyur ro/ /de bas na chos thams cad gcig dang du ma'i rang bzhin du ma grub ste/ dngos po med pas chos la bdag med pa zhes bya'o/ /mtshan nyid gsum ni kun tu brtags pa'i mtshan nyid dang/ gzhan gyi dbang gi mtshan nyid dang/ yongs su grub pa'i mtshan nyid do/ /de la kun brtags pa'i mtshan nyid ni ngo bo nyid dam/ bye brag tu ming gi brdar brtags pa ste/ rten cing 'brel par 'byung ba rang bzhin med pa sgyu ma tsam du snang ba la/ dngos po sna tshogs su mngon par zhen nas/ gzung ba dang 'dzin pa dang bcas pa'i chos nan gyis btas pa rnams so/ /de la ngo bo nyid ni gzugs tshor ba 'du shes 'du byed rnam par shes pa zhes bya ba la sogs pa'o/ /bye brag ni gzugs rtag go/ gzugs mi rtag go/ gzugs kun nas nyon mongs pa'o/ /gzugs rnam par byang ba'o zhes bya ba la sogs pa'o/ /gzhan gyi dbang gi mtshan nyid ni rang mi 'byung gi rgyu dang rkyen gzhan gyi dbang gis 'byung bas rten cing 'brel par 'byung ba'i chos rnams te/ phyi nang gi rten cing 'brel par 'byung ba thams cad la bya mod kyi/ dngos su na sems dang sems las byung ba'i chos snga ma snga ma la brten te phyi ma phyi ma 'byung ba la bya'o/ /yongs su grub pa'i mtshan nyid ni de bzhin nyid dang mya ngan las 'das pa nyid dang lam mo/ /de la de bzhin nyid ni chos rnams kyi chos nyid 'dus ma byas pa gzung ba dang 'dzin pa dang bral ba ste/ lam gyi dmigs pa'o/ /mya ngan las 'das pa ni shin tu dri ma med pa'i de bzhin nyid gnas gyur pa'i mtshan nyid de/ kun gzhi rnam par shes pa rnam par dag nas skye ba dang 'jig pa dang bral ba 'dus byas kyi gnod pa med pa ste/ lam gyis thob par bya ba'o/ /'di gnyis ni 'dus ma byas pa ste/ mi 'gyur ba'i phyir 'gyur ba med par yongs su grub pa zhes bya'o/ /lam ni 'dus byas te de yang dag par rtog pa'i phyir phyin ci ma log par yongs su grub pa zhes bya'o/ /mdor na yongs su grub pa'i mtshan nyid ni chos rnams kyi de bzhin nyid de/ byang chub sems dpa' rnams kyis/ brtson 'grus kyi stobs dang/ yang dag par tshul bzhin yid la byed pa'i stobs kyis rtogs par 'gyur zhing de rtogs pa goms par byas pa yang dag par grub pas kyang/ bla na med pa yang dag par rdzogs pa'i byang chub tu yang dag par 'grub pa'o/ /rten cing 'brel par 'byung ba ni rgyu dang bcas/ /rkyen dang bcas pa la bya ste/ rgyu med rkyen med pa ni ma yin no/ /de yang rnam pa gnyis te/ phyi dang nang gi'o/ /phyi'i rten cing 'brel par 'byung ba la yang rnam pa gnyis te/ rgyu dang 'brel pa dang rkyen dang 'brel pa'o/ /de la rgyu dang 'brel pa ni sa bon las myu gu 'byung ba nas/ me tog las 'bras bu 'byung ba'i bar du'o/ /rkyen dang 'brel pa ni khams drug 'dus pa las 'bras bu 'byung ba ste/ sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ dus kyi khams so/ /nang gi rten cing 'brel par 'byung ba la yang rnam pa gnyis te/ lugs su 'byung ba na? lugs su mi 'byung ba'o/ /lugs su 'byung ba yang rnam pa gnyis te/ rgyu dang 'brel pa dang/ rkyen dang 'brel pa'o/ /de la rgyu dang 'brel pa ni 'di yod pas 'di 'byung 'di skyes pa'i phyir 'di lta ba ste/ 'di lta ste ma rig pa'i rkyen gyis 'du byed rnam zhes bya ba nas/ skye ba'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung ste/ 'di ltar sdug bsngal gyi phung po 'ba' zhig pa 'di 'byung bar 'gyur ba'i bar du'o/ /de la ma rig pa ni las legs nyes dang/ de'i 'bras bu mi shes pa dang/ yang dag pa'i don mi shes pa'o/ /'du byed ni las legs nyes byed pa'o/ /rnam par shes pa ni las bsgos pa'i kun gzhi rnam par shes pa skye bar thog mar mtshams sbyor ba'o/ /ming dang gzugs ni phung po lngar gyur pa'o/ /skye mched drug ni dbang po rnams 'dod pa'o/ /reg pa ni gsum 'dus pa'i yongs su gcod pa'o/ /tshor ba ni reg pa las byung ba rnam pa gsum myong ba'o/ /sred pa ni tshor ba la zhen cing mi doms pa'o/ /len pa ni srid pas g.yen spyos nas 'dzin cing yongs su mi gtong ba'o/ /srid pa ni len pa las byung ba'i las zag pa dang bcas pa'o/ /skye ba ni srid pa dang 'thun pa'i 'bras bu 'grub pa'o/ /rga shi ni phung po smon pa dang phung po 'jig pa'o/ /mya ngan ni mi dga' ba'o/ /smro sngags 'don pa ni mya ngan las byung ba'i tshig tu smra ba'o/ /sdug bsngal ba ni lus la gnod pa'o/ /'ba' zhig po ni bdag gi med pa'o/ /bcu gnyis po 'di dag ni bya ba gnyis gnyis su nye bar gnas te ma rig pa ni sems can smongs par yang byed do/ /'du byed mngon par 'grub pa'i rgyu yang 'byin to// 'du byed ni ma 'ongs pa'i rnam pa ba smin pa mngon par 'grub par yang byed do/ /rnam par shes pa mngon par 'grub pa'i rgyu yang 'byin to/ /rnam par shes pa ni sing? pa'i nying mtshams sbyar ro/ /ming dang gzugs mngon par 'grub pa'i rgyu 'byin to/ /ming dang gzugs ni phan tshun ston par yang byed do/ /skye mched drug mngon bar 'grub pa'i rgyu yang 'byin to/ /skye mched drug ni rang gi yul rnam par phye ba yang ston to/ /rig pa mngon par 'grub pa'i rgyu yang 'byin to/ /rig pa ni dmigs pa la rig par yang byed do/ /tshor ba mngon par 'grub pa'i rgyu yang 'byin to/ /tshor ba ni yid du 'ong ba dang/ yid du mi 'ong ba dang gnyi ga ma yin pa myong bar yang byed do/ /sred pa mngon par 'grub ba'i rgyu yang 'byin to/ /sred pa ni chags par 'gyur ba'i dngos po la mngon par chags par yang byed do/ /len pa mngon par 'grub pa'i rgyu yang 'byin to/ /len pa ni kun nas nyon mongs pas 'ching bar yang byed do/ /srid pa mngon par 'grub pa'i rgyu yang 'byin to/ /srid pa ni srid pa'i rgyud gzhan du gnas par yang byed do/ /skye ba mngon par 'grub pa'i rgyu yang 'byin to/ /skye ba ni phung po 'byung bar yang byed do/ /dga' ba mngon par 'grub pa'i rgyu yang 'byin to/ /rga ba ni dbang po yongs su 'gyur bar yang byed do/ /'chi ba mngon par 'grub pa'i rgyu yang 'byin to/ /'chi ba ni 'du byed 'jig par yang byed do/ /yongs su ma shes pa rgyun mi 'chad pa'i rgyu yang 'byin to/ /tshes bcu gnyis po 'di dag ni yan lag lngar 'gyur te/ dang po gsum ni 'phen pa'i yan lag go /de'i 'og ma bzhi ni 'phangs pa'i yan lag go/ de'i 'og ma gsum ni mngon par sgrub pa'i yan lag go/ de skye ba ni mngon par sgrub pa'i yan lag go rga shi ni nyes dmigs kyi yan lag go / ji ltar 'phen ce na/ ma rig pa yod pas legs nyes byed cing las kyi rnam par shes pa la brgya chags bsgos nas/ de gsum gyis ni ming skye ba 'phangs par 'gyur ro/ /de nas sred pa dang len pa dang srid pas las de bskul nas/ tshe mngon par 'grub par 'gyur ro/ /de nas lang tsho dang srog 'phangs pa 'jig pas nyes dmigs su 'gyur ro/ /yang 'di dag ni las dang nyon mongs pa dang/ tshe dang gsum 'gyur te/ ma rig pa dang sred pa dang len pa ni nyon mongs pa'o/ /'du byed dang srid pa ni las so/ /lhag ma bdun ni tshe ste sdug bsngal zhes kyang bya'o/ /gsum las gnyis 'byung gnyis las bdun 'byung 'dun las kyang gsum 'byung ste/ thog ma dang tha ma med cing nges pa med par yang 'khor ro/ /yang de dag rab gsum du dbye ste/ dang po gnyis ni 'das pa'o/ /bar ma brgyad ni da ltar bya'o/ /tha ma gnyis ma 'ongs pa'o/ /de la ma rig pa dang 'du byed ni 'das pa'i nyon mongs pa dang las te da ltar gyi rgyur gyur pa'o/ /rnam par shes pa dang ming dang gzugs dang skye mched drug dang/ reg pa dang tshor ba ni de ltar gyi 'bras bu'o/ /srid pa dang len pa dang srid pa ni da ltar gyi nyon mongs pa dang las te/ ma 'ongs pa'i rgyur 'gyur ba'o/ /skye ba dang rga shi ni ma 'ongs pa'i 'bras bu'o/ /rkyen dang 'brel ba ni khams drug 'dus pa las phung po 'grub pa ste/ sa'i khams dang/ chu'i khams dang/ me'i khams dang/ rlung gi khams dang/ nam mkha' i khams dang/ rnam par shes pa'i khams so/ /de la sa'i khams ni lus kyi sra ba'o/ /chu'i khams ni lus sdud pa dang gsher ba'o/ /me'i khams ni lus kyi drod do/ /rlung gi khams ni lus kyi g.yo ba'o/ /nam mkha' i khams ni lus kyi nang sbubs yod pa'o/ /rnam par shes pa'i khams ni rnam par shes pa lnga dang/ yid kyi rnam par shes pa zag pa dang bcas pa'o/ /rten cing 'brel par 'byung ba bstan pas ni mu stegs can rgyu med ba las 'byung bar 'dod pa dang/ mi mthun pa'i rgyu las 'byung bar 'dod pa sel te/ rgyu yod pa las 'byung zhing rtag pa ma yin pa dang/ chad par ma yin pa dang/ 'pho bar ma yin pa dang/ rgyu chung ngu las 'bras bu chen po 'byung ba dang/ de dang 'dra ba'i rgyu du 'byung bar ston te/ /ji ltar rtag pa ma yin zhe na/ 'chi ba'i char gtogs pa'i phung po rnams 'gag la/ skye ba'i char gtogs pa'i phung po rnams 'byung bar 'gyur ro/ /ji ltar chad pa ma yin zhe na/ tha ma 'chi ba'i char gtogs pa'i phung po 'gag la/ de nyid kyi tshe skye ba'i char gtogs pa'i phung po srad mda'i 'thon dman bzhin du 'byung ba'i phyir ro/ /ji ltar 'pho ba ma yin zhe na/ sems can gyi ris kyi 'dra bar shi 'phos la gzhan du skye ba'i phyir ro/ /ji ltar rgyu chad du las 'bras bu chen po 'byung zhe na/ las chung ngu byas pa las 'bras bu chen po'i rnam par smin pa myong ba'i phyir ro/ /ji ltar de dang 'dra ba'i rgyud 'byung zhe na/ ji ltar myong bar 'gyur ba'i las byas pa da ltar myong bar 'gyur ba'i rnam par smin pa myong ba'i phyir ro/ /lugs su mi 'byung ba ni 'di 'gags pas 'di 'gag pa ste/ 'di ltar ma rig pa 'gags pas 'du byed 'gag ces bya ba nas/ skye ba 'gags pas rga shi la sogs pa 'gag pa'i bar du'o/ / ma rig pa 'gags pas ci yang med par 'gyur ba'ang ma yin/ rten cing 'brel par 'byung bar mi 'gyur ba'ang ma yin gyi/ kun nas nyon mongs pa'i phyogs 'gags nas/ rnam par byang ba'i phyogs su 'gyur te/ dper na sman bcud kyis lan bya ba zos na/ tshe thung ba dang nang rnams med par gyur nas/ tshe ring ba dang nad med pa skyed par 'gyur ba bzhin du/ ma rig pa 'gags te rig pa byung nas/ nyan thos dang rang sangs rgyas kyi 'bras bu grub pa dang/ rig pa las byung ba'i bsod nams dang/ ye shes kyi tshogs chen po skod ba'i bye brag gis byang chub sems dpa' i sa nas sar 'phar ba dang/ sangs rgyas kyi sa la tshogs yongs su rdzogs te/ bsgrub pa thams cad mthar phyin nas /yon tan phun sum tshogs pa mdza' dag brnyes te/ 'khor ba'i mdza' ji tsam par 'gro ba ma lus pa'i don lhun gyis grub par mdzad cing/ mi gnas pa'i mya ngan las 'das pa la zhugs pa yin no rdzogs so// //lta ba'i khyad par mkhan po ye shes sngon mdzad pa'o/ / //sangs rgyas gtso bo'i rgya cher 'grel gzhang ye shes sdes mdzad pa bzhugs so/ /sangs rgyas gtso la phyag 'tshal lo/ /skyob pa'i chos la phyag 'tshal lo/ /dge 'dun tshe la phyag 'tshal lo/ /gsum la rtag tu phyag 'tshal lo/ /sangs rgyas la don rnam pa lngas bstan te/

CLOSE WINDOW