བོད་ཡིག

e-texts based on the ACIP/ALL Input

/de rnams kyis ni gnas brgyad pa bstan pa zhes pa 'am/ sgra'i rnam par dbye ba bstan pa shes par 'gyur te bshad zin to/ /su pan+ta rdzogs so// //yon tan bkod pa zhes bya ba bzhugs so// //bka' yang dag pa'i tshad ma las mdo btus pa bcom ldan 'das yang dag par gsungs pa la phyag 'tshal lo/ /yang dag rdzogs par sangs rgyas 'jig rten mkhyen/ /dngos po 'di dag ci 'dra de bzhin gsung/ /bdud kyi stobs bcom mchod pa'i gnas su 'os// bde gshegs rig pa gsum dang rkang par ldan/ /'dul 'os kha lo bsgyur pa bla na med/ /sangs rgyas bcom ldan 'das la phyag 'tshal te/ /lha mi mkhan po khyod kyi mthus bstad pas/ /skye bo yang dag bka' yi snod du bsgrub// bcom ldan spyan ras dbang ba 'jig rten mgon/ /thugs rje che la gus par phyag 'tshal te/ /'gro ba thams cad yang dag lta lam du/ /rigs pas tshul bzhin gzung pa sgrub par bya/ /bcom ldan mi pham rgyal tsha ba thams cad gsal// byams mchog gting la gus par phyag 'tshal te/ /pha rol rgal bar sgra ba thams cad kyis/ /pham par byas med phyogs nyid bsgrub par bya/ /bcom ldan nam mkha' i snying po skyon mi chags/ /mdza' yas blo la gus par phyag 'tshal te// ro gcig chos kyi nam mkha' go phye zhing/ /stong nyid chos kyi mtshan bstan bsgrub par bya/ /bcom ldan kun tu bzang po sras kyi gtso/ /rgya mtsho'i spyod la gus pas phyag 'tshal te/ /dag? pas khyab pa'i gtsug lag bzang brjod pa/ /'jig rten kun la phan 'dogs legs par bsgrub/ /bcom ldan 'jigs 'jog phyag na rdo rje bsnams/ /dpa' brtsan gtso la gus par phyag 'tshal te/ /lta ba ngan pas bsnyems pa'i brag chen kun/ /rnam par gzhom pa'i thabs 'di sgrub par bya// bcom ldan 'jam dpal bla med dpal gyi bdag / dge bshes gtso la gus par phyag 'tshal te/ /rang dga' 'dod ris gdams ngag len spong zhing/ /dpal ldan lung nyid 'dzin par bsgyur ba bsgrub/ /bcom ldan sgrib pa'i shugs drag bzod dka' gnon/ /rgyal sras mchog la gus par phyag 'tshal te/ /'gro ba yang dag mthong la sgrib po tsog /ma lus bzhin du mnan pa bsgrub par bya/ /bcom ldan sa yi snying po 'byung gnas mchog /gzungs rab brtan la gus par phyag 'tshal te/ /theg pa gcig gi rin chen sa lta bus/ /'gro ba ma lus yang dag bkur ba bsgrub/ /khams gsum rnam rgyal dpa' bas mgon mdzad pa/ /brjid kyi 'dul la gus par phyag 'tshal te/ /srid pa gsum gyi log lta thams cad las/ /rnam par rgyal ba nges par bsgrub par bya/ /'phags pa mi g.yo g.yo ba kun mi brten/ /ri rab mthu bas brtan la phyag 'tshal te/ /bdud dang phas kyi rgol ba'i 'jig rten gyis/ /nam yang sus kyang mi g.yos bsgrub par bya/ /za 'orya b+hik+Shu theg pa chen po pa yul khag sa ra na ra skyes pa dar ma shAn+ti g+ho Sha zhes bya ba 'jig rten gyi/ A tsarya bo d+hi satwa zhes btags pa gsung rab thams cad la mkhas shing/ tshul khrims dang shes rab tu ldan pas mi 'phrogs pas brtson 'grus la zhugs pa zhig bdag gi dge ba'i bshes gnyen du gyur pa las thos pa/ dper na mi zhig smra ba yang med spyod pa yang med na de'i tshod gzung du yang mi rig ste/ smra ba dang spyod ba yod na yon tan dang ldan pa'am/ nyes pa dang ldan pa yang gdod bye brag dbyer rung/ mthu ci yod pa yang shes par nus pa bzhin du sangs rgyas bcom ldan 'das dang 'jig rten gyi lha rnams kyang bdag gis mngon sum du ni ma mthong mos kyi de dag gis smras pa dang/ spyod pa so so'i gtsug lag las byung ba mthong na bde bar gshegs pa'i bstan pa ni gzhan gang dang yang mi 'dra bar bzang la rgya che ba nyid du bdag gis khong du chud do/ /sangs rgyas kyi bstan pa la 'di skad du bstod pa yang bdag gi sbor? byams pa'i phyir snying du sdug ste/ bstod pa yang ma yin/ 'jig rten gyi lha dag gi gtsug lag la bsngags par mi smra ba yang de dag gis bdag la gnod pa byas pa'i phyir zhe sdang ba yang ma yin te/ rigs pas brtags na de ltar khyad zhugs kyi sems can la srog spang du mi rang ba dang 'dra bar dam ba'i chos kyang bzung zhing bcad bar bya'o/ /'jig rten gyi lha dang mi la yon tan dang mthu yod pa kun kyang yun ring po'i dus nas dkon mchog gsum la bsnyon bkur byas ba'i dge ba'i rtsa ba las ma byung ba med de/ gtsug lag go cog gi snying po ni sangs rgyas kyi chos so zhes bya ba la sogs pa rnam pa du mar gsungs pa'i rjes su bsams te brtags na/ A tsarya bo d+he satwa gsung ba med de/ de bzhin gshegs pa bstan pa yan lag bcu gnyis dang ldan pa'i gsung rab ni yid bzhin gyi nor bu dang mtshungs so/ /so so'i bsam pa rdzogs par 'gyur bas na gang 'jig rten las 'das pa'i phun sum tshogs pa 'dod kyang rung/ 'jig rten gyi phun sum tshogs pa 'dod kyang rung/ sgra dang yi ge'i 'bru la mkhas pa 'dod kyang rung/ chos thams cad kyi mtshan nyid tshang ma dang sbyar zhing rtogs par bya ba la sogs te/ gang 'dod kyang rung/ de bzhin gshegs pa'i bstan pa la mnyan pa dang bsam pa dang goms par bya ba las 'da' ba med do/ /sangs rgyas bcom ldan 'das kyi gsung rab lta bu zab cing rgya che ste/ zad mi shes pa la bdag 'dra ba'i shes pa rgya chung zhing rmongs pas dgongs pa'i don gis khob tu bshad pa ni rgya mtsho chen po la bya gag gi rtsol gyis gcod par rtsol ba dang 'dra ste mi nus bar mngon pa la bdag gi chod mi 'dzim par ci'i phyir bshad ce na/ 'jig rten na tshang mar byed pa rnams dang/ 'phags pa dgongs pa 'bres pa'i mdo las rig pa bzhi 'byung ba mthong na/ bshad ba 'di dag 'dri bar yang mi sems pa zhig ste/ 'jig rten dag yang dag pa'i tshang ma rin po che 'di lta bu mi spyod par sangs rgyas la sogs pa mu stegs can rnams bdag bdag ge rang bzos/ 'jig rten slu zhing tshad mar ston pa'i lugs mthong nas /gsung rab kyi tshad ma bcabs na dkon mchog gsum la snying rings pa dang/ sems can la 'khyas par gyur te de'i phyir mi bzod pa ni mig tu gra ma'i dum bu song ba dang 'dra bar rtag tu nyam pa nas mkhas pa dag la bskul ba'i rkyen tsam du 'dri bris so/ /chos so cog gi dbar bgyid rigs pa'i rnam pa smos pa 'jig rten na rgyal po dag bdag gi rigs su ci 'dod pa dag gi dbang gi 'grub pa bzhin pu chos so tseg la bdag gi phyogs su bzung ba yang ji ltar 'dod pa'i rigs pa'i dbang gis 'grub ste/ chos thams cad kyi rgyal po lta bur rigs pa zhes bya ba chos kyi rjes su gsungs pa'i rigs bzhi brjod do/ /de gang yin zhe na/ 'phags pa dgongs pa nges bar 'grel ba'i mdo las gsungs pa/ rigs pa de yang rnam ba bzhi shes stos ba'i rigs pa dang/ bya ba byad pa'i rigs pa dang/ gtan tshigs sgrub pa'i rigs pa dang/ chos nyid kyi rigs pa bzhi zhes gsungs so/ /rigs pa bzhi yi phyogs tsam zhig mdor brjod na/ ltos pa'i rigs pa zhes bya ba ni chos dang 'bras bu'i rigs pa brjod pa yin te/ 'du byed rnams gang dang gang la tha snyad du gdags pa dang/ gang dang gang gi 'bras bu skye ba yod pa dang de'i rgyu dang rkyen la bltos lar bstan pa'o/ /bya ba byed pa'i rigs pa zhes bya ba ni las dang rgyu'i sgo nas brjod pa yin te/ gang dang gang gi bya ba de dang de la byed pa dang gang dang gang gi rgyu dang rkyen du nges pa ni de dang de'i 'bras bu'i bya ba byed par bstan pa'o/ /gtan tshigs sgrub pa'i rigs pa zhes bya ba ni kun tu 'gro ba yin te/ gang dang gang sgrub pa'i tshang ma'i mtshan nyid bstan pa'o/ chos nyid kyi rigs pa zhes bya ba ni chos rnams kyi rang bzhin gyi sgo nas brjod pa yin te/ chos rnams la kun rdzob kyi bden pa dang/ don dam pa'i bden pa gang dang gang gi rang bzhin yod pa de dang de bstan pa'o/ /rigs 'di bzhi'i mtshan nyid la log pa dang/ yang dag pa'i bye brag gtan la dbab pa'i gtan tshigs sgrub pa'i rigs pa shes par bya'o/ /bltos pa'i rigs pa'i mtshan nyid yi?/ nga la bltos pa'i rigs pa ni 'du bang? rnams bskyed pa'i phyir rjes su tha snyad gdags pa'i phyir gang rgyur gyur pa dang/ rkyen du gyur pa de dag ni ltos pa'i rigs pa'o zhes gsungs pa bshad do/ /'du byed skye ba dang tha snyad gdags pa la rang dbang med de/ rgyu dang rkyen du nges pa tshogs pa la bsdod pa ni bltos pa'i rigs pa zhes bya'o/ /'du byed ces bya ba ni rnam pa gnyis te/ phyi dang nang gi tshogs so/ /de la gdags nas chos kyi bar gyi khams drug ni phyi'i chos so/ /dbang po dang rnam par shes pa'i khams rnams ni nang gi chos so/ /skyes pa zhes bya ba ni gang ma skyes pa gdod ma skyes pa'o/ /rjes su tha snyad gdags pa zhes bya ba ni dngos po rnams la bye brag gi rnam pa tshig tu brjod pa'o/ /de dag kyang 'dra ba la bltos te mi 'dra ba'i cha yod pa dang/ mi 'dra ba la bltos te 'dra ba'i cha yod pa dang gnyis su 'gyur te/ 'dra ba la bltos pa gang zhe na/ nas la sogs pa'i 'bras bu skye ba nas la sogs pa so so'i sa bon la bltos pa'o/ /de'i nang nas kyang rkyen gang dang brad pa pa'i bye brag tu 'gyur ba ni ma du lung ga'i sa bon la rgya skyegs kyis bskus te bskyed na de rgyal ba'i 'bras bu nang phyi rtsa lag dmar por 'gyur te/ ma du lung ga'i rang bzhin yang ma nyams la rgya skyigs kyi kha dog kyang yod bzhin du smin pa ni 'dra bral bltos pa'o/ /ma bu lung ga'i sa bon rgya skyegs kyis bskus pa smin pa'i tshe na phyi rtsa lag 'ba' zhig dmar te/ sa bon dmar por ma gyur pa ni mi 'dra ba'i cha yod pa'o/ /'bru lhag lhag tsam du brdos te sa bon du btab pa ni myu gu nas snye me'i bar du skyes ya 'bras bur smin pa'i dus na brdos pa'i rkyen gyis mig long bar gyur pa lta bu sa bon gyi mthu nyams pas smin pa'i tshe 'ang 'bru mar reng pa ni 'thun pa bltos pa'o/ /de'i tshe 'bru yongs su ma smin pa ni mi 'dra ba'i cha yod pa'o/ /sa bon dag kyang rung ste zhing las skyes pa las la la ma rgyal bar brdas pa dang snye ma ba cig las kyang 'bras bu la la ni grung/ snye ma la bye brag med kyang 'bras bu la bye brag tu gyur pa yang sa bon cis btab pa'i rang bzhin ma gyur pa ni 'dra ba bltos pa'o/ /rgyal ba dang ma rgyal ba'i tshul mi 'dra ba dang/ grung po'i nang na shun pa yang yod pa ni mi 'dra ba'i cha yod pa yin te/ 'di lta bu dag na phyir la gyis chos su shes par bya'o/ /gzhan la bde ba dang sdug bsngal bar byas pa'i las kyi 'bras bu yang bde ba dang sdug bsngal ba'i smin pa myong ba la de'i nang nas kyang rkyen gang phrad pa de'i bye brag tu 'gyur ba ni/ 'phags pa lam rnam pa de 'byed pa'i mdo? las 'byung ba 'dod chags las byung ba'i ngang tshul ngan bzhi las kyis ngan song du skyes te/ rma bya la sogs pa spu sdog cing 'tshed bar 'gyur ro zhes bya ba lta bu sar tshul ngan pa spyad pa'i sdig gis ngan song duAng skyes la/ 'dod chags dang ldan pa'i sems la byams pa yod pas spu sdog cing 'tshed ba yang gyur ba ni 'dra ba la ldos pa'o/ /'dod chags gzugs med pa las kha dog gi bye brag tu gyur pa dang/ mis tshul khrims bshig ste byar skyes skyes ba ni mi 'dra ba'i cha yod pa'o/ /'phags pa shes rab kyi pha rol tu phyin pa stong phrag brgya pa las kun tu gnas pa'i sbyin pa byin pa dang/ tshul khrims bsrangs pa la sogs pa ni 'jig rten gyi pha rol tu phyir ba zhes bya ste/ 'jig rten las mi 'gul mi g.yo mi 'phag go zhes 'byung ba lta bu sbyin ba la sogs pa dge ba byas pa'i bsod nams kyis 'jig rten gyi phun sum tshogs pa 'ang smin la 'jig rten las 'da' ba' i don du ma bsdos pas 'jig rten las 'da' ba' i 'bras bur ma gyur pa ni 'dra ba la bltos pa'o/ /sbyin pa lta bu gzhan la byas pa bdag gi longs spyod du 'gyur la/ ser sna byas te bdag la bcangs na dbul por 'gyur ba ni mi 'dra pa'i cha yod pa'o/ /'phags pa dam pa'i chos dran pa nye bar gzhag pa las 'byung ba dge ba'i las shig byas kyang las kyi rgyab dge ba dang mi dge ba ci byas pa de'i smin pa so sor myong bar 'gyur ba dang/ 'dul ba las 'byung ba sems dang ldan pa las kyang/ yan lag tshang ba dang ma tshang ba las pham pa dang/ spom po la sogs pa'i rim par 'gyur te/ mi dge ba'i sdig yod kyang 'bras bu'i bye brag mi mthun par 'gyur ba ni 'dra ba la bltos pa'o/ /des pha rol la bde bar gyur pa dang/ sdug bsngal du gyur pa'i myong ba la bye brag med kyang bdag la dge ba dang sdig pa'i smin pa mi 'dra bar gyur pa ni mi 'dra ba'i cha yod pa'o/ /mi 'dra ba'i bltos pa gang zhe na/ rwa las smyug mar 'gyur ba ni mi 'dra ba la bltos pa'o/ /rwa dang smig ma yang bshan zhing rno ba dang sbu gu can du skye bar 'dra ba ni 'dra ba'i cha yod pa'o lci ba las autpa la skye ba ni mi 'dra ba la bltos pa'o/ /ldam ldum gyi rigs su 'thun pa ni 'dra ba'i cha yod pa'o/ /'brog gi rko mo'i khyag pa la nyi ma bab pa'i 'od dang/ rtsar 'phrad pa las me 'byung ba ni mi 'dra ba las bltos pa'o/ /nyi ma'i rang bzhin dro ba las rkyen byas pa ni 'dra ba'i cha yod pa'o/ /myu gu skye ba ni zhing dang chu la sogs pa 'byung ba chen po bzhis rkyen byas pa las skyes te/ kha dog dang dbyibs mi 'dra ba ni mi 'dra ba la bltos pa'o/ /de dag 'byung ba chen po bzhi'i rang bzhin du mtshungs pa ni 'dra ba'i cha yod pa'o/ /sgyu ma mkhan gyis rtsa dang shing dang gyo mo la sogs pa bsdus pa las sems can gyi gzugs dang spyod par snang ba yang shing rtsi la spyod pa med pa ni mi 'dra ba la bltos pa'o/ /sgyu ma mkhan nyid dang sngags kyi lha'ang sems can yin pas rkyen byas pa ni 'dra ba'i cha yod pa'o/ /yul gyis khams tha dad pa las yul la lar ni sa bon rme'ur btab kyang thog gnyis sum tsam nas 'tsho bar yul la lar ni sa bon so btab kyang de'i tshul gyis rme'ur 'gyur ba dang/ skyur rtsi'i sa bon bskyed pa las kyang ci khag tu 'gyur /ci khag las skyur rtsir 'gyur ba ni mi 'dra ba la bltos pa'o/ /rme'u dang song ba yang nas su rigs gcig pa dang/ skyur rtsi dang ci khag kyang shing gi nang na rigs 'thun pa ni 'dra ba'i cha yod pa'o/ /zhing gi bye brag ma yin par sa gcig la btso ma'i sa bon btab pa las kha cig me tog chags la 'bras bu med par 'gyur ba ni mi 'dra ba la bltos pa'o/ /gso ma'i rang bzhin du 'dra ba ni 'dra ba'i cha yod pa yin te/ de dag ni phyi rol gyi chos su shes par bya'o/ /'phags pa'i ye shes zag pa med pa ni zag pa dang bcas pa'i chos tshul bzhin yid la bya ba las skyes te/ zag pa med pa dang zag par bcas pa chos mi 'dra ba ni mi 'dra ba la bltos pa'o/ /de dag dge bar 'dra ba ni 'dra ba'i cha yod pa'o/ /srid pa'i rtse mo'i sems dang sems las byung ba'i tshogs las bar chad med par 'gog pa'i snyoms par 'jug pa sems dang mi ldan pa'i 'du byed 'byung ba dang 'gog pa'i snyoms par 'jug pa las kyang sems dang sems las byung ba skye ba dang/ rnam par grol ba'i sems las ma grol ba'i sems 'byung ba dang 'dod chags kyi sems las zhe sdang gi sems 'byung ba dang/ dge ba'i sems las mi dge ba'i sems 'byung ba dang/ 'dod pa na spyod pa'i sems las gzugs na spyod pa'i sems 'byung ba dang/ gzugs na spyod pa'i sems las gzugs med pa na spyod pa'i sems 'byung ba dang/ 'di lta bu la sogs pa ni mi 'dra ba bltos pa'o/ /srid pa'i rtse mo'i sems dang sems las byung ba'i tshogs shin tu phra ba ni 'chad par 'gyur ba'i rgyu yin te/ 'dra pa'i cha yod pa'o/ /'gog pa'i snyoms par 'jug pa las sems dang sems las byung pa'i skye ba yang nam 'gog pa'i snyoms par zhugs pa'i tshe na yang las kyi mtshan nyid bkag ste rigs kyi mtshan nyid ma bkag pas shes pa'i rang bzhin gyi rgyu las/ las kyi rang bzhin sems dang sems las byung ba skye ba ni 'dra ba'i cha yod pa'o/ /rnam par grol ba'i sems las ma grol ba'i sems 'byung ba yang rnam par shes pa'i mtshan nyid du rang bzhin gcig pa dang/ dge ba'i sems las mi dge ba'i sems 'byung ba yang sems kyi rang bzhin du 'dra ba dang/ 'dod pa na spyod pa'i sems las gzugs na spyod pa'i sems 'byung ba la sogs pa yang nyon mongs dang bcas pa'i rgyu las 'byung bar 'dra ba ni 'dra ba'i cha yod pa yin te/ 'di dag ni nang gi chos su shes par bya'o/ /phyi logs kyis chos dang nang gi chos de dag gcig gi dpe gcig gi bya bar 'dod na yang rim pa bzhin du ci rig par sbyar ro/ /de ltar 'dra ba dang mi 'dra ba la ltos shig skye bar 'phags pa chos dam pa dran pa nye bar gzhag pa las kyang 'byung ste/ 'dra ba las 'dra ba skye bar dang mi 'dra bar skye ba dang 'dra ba las 'dra ba nyid ma yin pa skye ba dang/ shas kyis 'dra ba las shes kyis 'dra ba skye ba dang rnam pa bzhi'o/ /de la ji ltar na 'dra ba 'dra ba rnams kyi rgyu 'dra ba yin zhe na/ dper na 'bru'i rgyu las 'bru nyid du 'byung ba lta bu ste/ de bzhin du nang gi dge ba'i las 'dra na lha dang mi'i nang du 'bras bu 'dra ba nyid du dmigs pa ni mdza' dang po'o/ /mi 'dra ba rnams kyi rgyu mi 'dra bar 'gyur ba ni dper na 'o ma dngar po las zho skyur po 'byung ba lta bu ste/ de bzhin du nang gi sa la yang 'jig rten 'di'i kun nas nyon mongs pa'i dga' ba dang 'dod pa byas pa'i sgra dang/ reg dang/ ro dang/ gzugs dang/ dri rnams kyis byas pa las zho skyur bor gyur ba bzhin du sems can dmyal ba dang/ byol song dang yi dags kyi nang du mi 'dod pa dang/ mi bzad pa dang/ yid mi 'ong ba'i 'bras bu rnam par smin pa dmigs pa ni mdza' gnyis pa'o/ /'dra ba nyid ma yin pa'i rgyu 'dra bar 'gyur ba ni dper na rams dang bab la sbyar bas kha dog mi 'dra ba zhes bya ba 'byung ba lta bu ste/ de bzhin du nang gi las kyi 'bras bu rnam par smin pa la yang las dang 'bras bur mi 'dra ba dang/ 'bras bu dang las su mi 'dra ba ste/ dper na mchod sbyin pa log par lta ba rnams mtho ris 'dod pa'i phyir phyug gsod pa dag sems can dmyal bar 'gro ba lta bu ste mdza' gsum pa'o/ /shas kyis 'dra ba rnams kyis rgyus shas kyis 'dra bar 'gyur ba ni skud ba dkar po phra mo las snam bu dkar po spom po nyid du 'gyur pa yin te/ phra spom la mi 'dra ba yod pa'o/ /de bzhin du mi dge ba'i las phra mo bsags pa sems can dmyal ba chen por skye ba'i las byed pa ni mdza' bzhi pa'o zhes gsungs pa yin no/ /'dra ba'i rjes su tha snyad gdags pa gang zhe na/ 'di dag ni ming dang 'khor 'dra bas na 'dra'o zhe 'am/ rtags dang las 'dab? na 'dra'o zhe 'am/ rang bzhin dang chos 'dra bas na 'dra'o zhes bya ba la sogs pa ni 'dra ba'i rjes su tha snyad gdags pa'o/ /mi 'dra ba'i rjes su tha snyad gdags pa gang zhe na/ nam mkha' ltar thogs pa med cing gzung du mi rung ba ma yin te/ thogs pa dang bcas pa la gzhig tu rung bas na gzugs yin no zhes bya ba dang/ gzugs kyi mtshan nyid las zlog pa lta bu yin pas na nam mkha' o zhes bya ba dang thung ngu nas lhag pa na ring ngo/ /ring por ma slebs pas na thung ngo zhes bya ba dang/ yongs su ma dag pa ltar skyon dang/ bcas pa ma yin pas na yongs su dag pa'o/ /yongs su dag pa'i yon tan lta bu med pa nas yongs su ma dag pa'o zhes bya ba dang/ 'di lta bu dag ni mi 'dra ba'i rjes su tha snyad gdags pa'o/ /'dra ba dang mi 'dra ba las rjes su tha snyad gdags pa gsung rab dag las kyang 'byung ste/ 'phags pa stug po bkod ba'i mdo las ri bong gi rwa med par rtogs pa yang glang gi rwa yid par rtogs pa'i zla las byung ngo zhes bya ba dang/ 'phags pa 'jam dpal gyi sangs rgyas kyi zhing bkod pa'i rgyan gyi med las kyang de bzhin gshegs pa 'od zer rtag tu yon tan bkod pa'i rgyal po'i sangs rgyas kyi zhing gi yon tan brgyan pa phun sum tshogs pa dang/ de bzhin gshegs pa kun tu gzugs kyi sangs rgyas kyi zhing gi yon tan bkod pa phun sum tshogs pa mtshungs par 'gyur te/ lhag chad mang ngo zhes gsungs pa yin no/ /'du byed de dag bskyed pa dang rjes su tha snyad gdags pa'i rgyu dang rkyen gang zhe na/ skyed pa'i rgyu ni drug rkyen ni bzhi ste chos mngon pa las dbyung? ba de la rgyu ni rab tu ldan pa'i rgyu dang lhan cig 'byung ba'i rgyu dang/ cha mnyam pa'i rgyu dang/ kun tu 'gro ba'i rgyu dang/ rnam par smin pa'i rgyu dang byed pa'i rgyu dang drug go/ rkyen ni rgyu'i rkyen dang/ de ma thag pa'i rkyen dang dmigs pa'i rkyen dang/ bdag po'i rkyen dang bzhi'o/ /de la rgyu'i rkyen ni rgyu lnga rnams so/ /de ma thag pa'i rkyen ni dgra bcom pa'i sems dang sems las byung ba tha ma ma gtogs pa sems dang sems las byung ba skyes pa ni thams cad do/ /dmigs pa'i rkyen ni chos thams cad do/ /bdag po'i rkyen ni byed pa'i rgyu'o/ /de la rjes su tha snyad gdags pa'i rgyu dang rkyen ni chos mngon pa las 'byung ba'i ming mang po la sogs pa yin te/ de la ming gi tshogs ni brda 'dus pa'o/ /tshig gi tshogs ni dag 'dus pa'o/ /'bru'i tshogs ni yi ge 'dus pa'o/ /bltos pa'i rigs pa'i mtshan nyid kyi le'u ste dang po'o// //bya ba byed pa'i rigs pa'i mtshan nyid la/ gang chos rnams kyi 'thob pa'i phyir ram/ greg pa'i phyir ram skyes nas? kyang las su bya ba'i phyir rgyur gyur pa dang/ rkyen du gyur pa de dag ni bya ba byed pa'i rigs pa'o zhes gsungs pa bshad do/ /de la 'thob pa ni rnyed pa dang ldan pa la bya ste/ de yang sa bon tsam du rgyu 'thob pa dang/ 'bras bu'i ngo bo 'thob? pa dang gnyis so/ /sa bon tsam du rgyu 'thob pa gang zhe na/ 'phags pa'i sa dang 'bras bu thob pa'i dge ba'i rtsa ba dang/ lha dang mi'i bde ba 'thob par 'gyur ba'i bsod nams byas pa dang/ ngan 'gro'i sdug bsngal myong bar 'gyur ba'i sdig pa byas pa dang/ lung du ma bstan pa'i rgyu 'thun pa dang/ de dag gi sa bon lta bu bag chags dang ldan pa'o/ /'bras bu'i ngo bo 'thob pa gang zhe na/ de dag gi 'bras bu mngon du rnyed pa yin te/ mya ngan las 'das pa dang/ sa dang 'bras bu mngon du 'thob pa dang/ bsod nams kyi 'bras bu 'thob pa 'am/ sdig pa'i 'bras bu myong ba'o/ /greg pa ni gang gi dngos por red pa las kyang don gyi mdza' yongs su rdzogs par byed pa yin te/ dper na myu gu las sdong? po 'am/ /'bras bur smin pa'i bar du de la gnod pa bsrung zhing phan pa sdu'i nan tan gyi rdzogs par byed pa'o/ /myu gu de la ji lta ba bzhin du 'jig rten gyi chos mgo byung ba'i rnams mthar phyin par sgrub pa dang 'phags pa'i sa thob bas gong nas gong ma'i sa yongs su greg par byed pa la sogs pa'o/ /skyes nas kyang las su bya ba ni dngos por red ba de dag ji srid du rgyun yod pa de srid du bya ba byed pa yod de/ dper na shing lcug ma la sogs par skyed phyin chad lcug ma ni bcing ba'i las byed sdong bo ni ka ba'i las byed/ me tog gis rgyan gyi las byed /lo ma ni dkri ba'i las byed/ 'bras bu ni 'brangs pa'i las byed pa dang/ 'phags pa'i chos la bdag gi sa'i bye brag gi sems can la phan 'dogs pa'ang thabs kyi tha dad ba nas so so'i lam la gzhog pa la sogs pa chos gang gi rgyur nges pa de'i 'bras bu so sor bskyed pa dang/ dbang po drug shes pa dang bcas pa yul du nges pa la 'jug pa dang/ bya la sogs pa ni 'phur/ nyal sogs pa ni rkyal/ skyus la sogs pa ni rgyug ba dang 'di lta bu'i tshul gyis dngos po so so'i mthu yod pas gang la gang rigs pa'i bya ba byed pa yin no/ /de dag gi rgyur gyur pa dang/ rkyen du gyur pa zhes bya ba ni gang byed pa'i yan lag tu gtogs pa dang bzhir gyur pa yin te/ rgyu drug dang rkyen bzhi gong du smos pa rnams yin no/ /bya ba byed pa'i rigs pa'i mtshan nyid kyi le'u ste gnyis pa'o// /gtan tshigs sgrub pa'i rigs pa'i mtshan nyid nyid la dam bcas shing bstan te/ smras pa'i don sgrub pa dang yang dag par shes par bya ba'i phyir rgyur gyur pa dang rkyen du gyur pa de ni gtan tshigs sgrub pa'i rigs pa'o zhes gsungs pa bshad do/ /de la dam bca' ba zhes bya ba ni ji skad du smras pa de bzhin du 'bras bu dang bcas par khas blangs pa'o/ /'bras bu gang zhe na/ gang gis yal gzugs 'khra bar bya ba yin te/ ji ltar dam bcas ma grub na pha? logs kyi lha skyabs su 'gro ba dang/ de'i bstan pa la rab tu 'byung zhing tshul khrims bsrung ba dang/ bsam gtan la mnyam par bzhag pa dang shes rab bsgom pa'o/ /'di lta bu la sogs pa sems can gyi don tu 'gyur bas yal gzugs 'khra bar bya ba'i lha khang gzhig pa dang yul gru dbrog pa dang srog gi bar chad dang/ lus kyi stug bstul du 'gyur ba la sogs pa sdig to mi dge ba'i yal gzugs mi bca' o/ /yal gzugs 'khra ba med par bcan na yang 'gran gtor can khas rgya ba dang 'dra bar 'gyur gyis ci rigs par yal gzugs 'khra bar bya'o/ /yal gzugs 'khras pa de la pham rgyal dang gnyis kar mi 'gyur ba'i bye brag tu bya ba ni yon yod pa dang khrin can dang/ bar ma do ba dang/ gsum du shes par bya'o/ /de gang zhe na/ mtshan nyid kyis yongs su dag pa'i tshad mas grub na yon yod pa zhes bya ste/ rgyal po/ mtshan nyid kyis yongs su dag pa'i tshad mas sun byung ba khrin can zhes bya ste pham pa'o/ /mtshan nyid bzhi 'am lngas yongs su ma dag pa'i tshad mas grub ces zer yang rung/ sun phyung zhes zer yang rung tshad ma dang ma sbyar bar che ge mo zhig gi phyir ro zhe 'am/ gang che ge mo zhig du 'gyur ro zhe 'am 'di lta bu la sogs te tshigs rkyang ba smras pa ni bar ma do pa zhes bya ste/ grub pa sun phyin pa gnyis ka la ma gtogs kyi slar bskyar ba'i gtan tshigs shig yod na mtshan nyid kyis yongs su dag pa'i tshang ma dang sbyar zhing gtan la dbab po/ /phyogs re re 'dzin pa gnyis ka la bskyar ba'i gtan tshigs med na kha tsam du dor ro/ /bstan pa ni khong du ma chud pa rnams la khong du gzhug pa yin te/ gtan la phab pa'i yan lag rnam pa bdun dang ldan par bstan pa'o/ /bdun gang zhe na/ gleng bslad ba dang 'thun pa dang mi mthun pa 'am/ 'gal ba dang grub pa'i mdza' rdzogs par bya ba dang/ mtshan nyid gsum gyi don dang 'dra ba dang/ lung bstan pa dang/ rtags yod ba'o/ /de la gleng bslad ba ni phas mi 'dra ba la yang tshul bskul ba yin te/ pha rol gyi tshul rtogs nas nyan thos kyi theg pa 'am/ theg pa chen po'i phyogs gang 'os pa gcig las gleng ba'i gzhi bca' ba'o// 'thun pa dang mi mthun pa gang zhe na/ gang las gleng bsrang ba'i gzhir bcas pa de dang mu stegs can gang la bstan pa de'i gtsug lag tu 'thun par bsgrub cing grub pa'i mdza' 'gro ba las 'byung ba bzhin du bstan pa 'am/ gzhan du chos bzang ngan gyi khyad zhugs pa dang/ rgya che chung mi 'dra bar bstan pa yin te/ de gnyis las gang bstan na dad? pa skye zhing yang dag pa'i lam rtogs par 'gyur ba gcig gis bstan pa'o/ /grub pa'i mdza' rdzogs pa gang zhe na/ so so'i phyogs bzung ste/ yang dag pa gang yin pa'i yul bstod na grub pa'i mdza' phyogs 'ga' tsam gyis mi rtsad par btsug las 'byung ba'i mdo che che thog thag tu bskrun te/ brtsad kyi ro snyin drag gam smra ba de mi bde 'am/ tshig dor mi dor tsam gyi yus su mi 'byung ngo/ de ste la la zhig ngo gang drag dang smra gang bde dang/ sgra la gang mkhas kyis brgya zhing rtsod na ni 'jig rten gyi 'dran thor can khas brgya par zad de don med kyis yal gzugs mi 'khra bar ci dgra rtsod cig/ gtsug lag gi mdo bskrun pa de yang gang zhe na/ chos so cog gi thog ma'i mdza' dang mdza' ma'i mdza' i lo rgyus dang/ sems can dang snod kyi 'jig rten gyi khams kyi rim pa dang rnam grangs dang/ 'khor ba na gnas pa'i rgyu ci las byung thar bar bya ba'i lam gang yin 'khor ba na gnas pa'i nyes ba ci yod/ thar? par gyur pa'i yon tan cis 'phags lung las 'byung ba'i tshig 'gal ba 'dra bzhig yod na gang yang mi spang bar gnyis ka 'thun par sgrub pa dang/ 'di rnams bskrun ba'o/ /mtshan nyid gsum gyi don dang ldan pa gang zhe na/ kun brtags pa dang gzhan gyi dbang dang yongs su grub pa'o/ /de la kun brtags pa ni 'jig rten gyi tha snyad do/ /gzhan gyi dbang ni kun rdzob kyi bden pa'o/ /yongs su grub pa ni don dam pa'i bden pa'o// de la sangs rgyas pa'i lta bar mtshungs nang phyogs re re bzung ste rtsod na/ mtshan nyid gang gi phyogs su bzung ba de'i grub pa ni mdza' dang 'thun par sgrub pa'o/ /pha logs kyi phyogs la sun dbyung ba yang bdag gis phyogs su bzung ba'i mdza' dang 'thun pas sun dbyung ngo/ /de las grub pa'i mdza' gzhan gyi phyogs kyis bdag gi phyogs mi 'grub pa lta ci smos kyi/ grub pa'i mdza' gzhan gyi lta ba sun phyung du zin kyang bdag gi lta ba'i nang du bsdur mi nus so/ /de bas na sun dbyung ba yang bdag gi lta ba'i grub pa'i mdza' dang 'thun pas sun dbyung ste/ kun rtags pa'i mtshan nyid kyi phyogs ltar grub na yang gzhan gyi dbang ngam yongs su grub pa'i mtshan nyid ltar mi brjod do/ /lhag mi gnyis kyang de bzhin du rtsi rigs par bya'o/ mu stags can dang brtsad na ni bden pa gnyis gang ltar grub kyang sangs rgyas ba'i lta ba'i nang du bsdud? rung la/ 'dus byas kyi chos thams cad la'ang mtshan nyid gsum yod kyis/ mtshan nyid gsum char dang ldan pa'i lta bar khas blangs te/ de dag gi tshul gyi ci rigs par sgrub cing sun dbyung bar bstan pa'o/ /drang ba gang zhe na/ 'phags pa lang kar gshegs pa'i mdo la sogs pa las 'byung ba lta ba'i sgro 'dogs pa dang phri ba med pa'o/ /sgro 'dogs pa dang phri ba gang zhe na/ sgro 'dogs pa de yang rnam pa bzhi ste/ med pa'i mtshan nyid la sgro 'dogs pa dang/ med pa'i lta bar sgro 'dogs pa dang/ med pa'i rgyur sgro 'dogs pa dang/ med pa'i dngos por sgro 'dogs pa'o/ /phri ba de'ang rnam pa bzhi ste yod pa'i mtshan nyid las phri ba dang/ yod pa'i lta ba phri ba dang yod pa'i rgyu phri ba dang/ yod pa'i dngos po las phri ba'o/ /de dag kyang gang zhe na/ med pa'i mtshan nyid la sgro 'dogs pa ni phung po dang khams dang skye mched la ril po dang rtag pa dang/ ji ltar snang ba de bzhin nyid las gzhan ma yin par zhen pa'o/ /med pa'i lta bar sgro 'dogs pa ni phung po dang khams dang skye mched de dag nyid la bdag dang sems can dang/ srog dang/ gso ba dang skyes bu dang/ gang zag tu lta ba ngan par zhen pa'o/ /med pa'i rgyur sgro 'dogs pa ni sngon rgyu las ma skyes pa'i rnam par shes pa phyis sgyu ma lta bur sngon ma byung zhing med pa las gzugs dang snang ba'i rgyu dran pa sngon du 'jug pas 'byung zhing med pa las byung nas kyang yang 'jig par 'dzin pa'o/ /med pa'i dngos por sgra 'dogs pa ni nam mkha' dang 'gog pa dang mya ngan las 'das pa ma byas pa dngos po med par zhen pa'o/ /phri ba gang zhe na chos rnams kyi mtshan nyid gsum po la sgro 'dogs pa rnam pa bzhi lta bus sgro btags nas de dag gi mtshan nyid dam lta ba 'am rgyu 'am dngos po yang dag pa ji lta ba las phri ba yin no/ /lung bstan pa gang zhe na/ phas 'dri ba la lan gdab pa yin te/ mgo gcig tu lung bstan pa'o/ /rnam par phye ste lung bstan pa dang/ phyir 'dri ba dang/ mi bstan pa dang bzhi'o/ /de gang zhe na/ mgo gcig tu lung bstan pa ni/ chos bdag med pa de gang la med ces 'dri na chos thams cad la bdag med par mtshungs so zhes bya ba dang/ don dam par na mdza' gnyis spangs pa'i chos gang yin zhes 'dri na/ chos thams cad do zhes bya ba dang/ thams cad mkhyen pa dus gsum gyi nang na dus gang gi chos mkhyen ces 'dri na dus thams cad kyi chos so cog mkhyen to zhes bya ba dang/ sems can thams cad 'chi 'am mi 'chi zhes 'dri na 'chi'o zhes bya ba la sogs te/ thun mong gi chos las phyogs gcig tshul du 'dri ba la mgo gcig tu lung ston to/ /rnam par phye ste lung bstan pa ni chos thams cad rtag gam mi rtag ces 'dri na/ 'dus byas kyi chos ni mi rtag/ 'dus ma byas kyi chos ni rtag go zhes bya ba dang/ byang chub gsum la bye brag med dam zhes 'dri na/ rnam par grol pa la ni bye brag med de/ chos kyi skus bye brag yod do zhes bya ba dang/ sems can thams cad skye 'am mi skye zhes 'dri na nyon mongs pa dang bcas pa ni skye'o/ /nyon mongs pa med pa ni ji ltar nyon mongs pa dang bcas pa skye ba'i tshul gyis mi skye'o zhes bya ba dang/ 'di lta bu la sogs te so so'i mtshan nyid las spyi'i mtshan nyid du 'dri ba la rnam par phye ste bstan to/ /phyir bris te lung bstan pa ni zla mi smos par bzang khyad ji tsam zhe 'am/ ngan khyad ji tsam zhes 'dri na/ gang btang bskrun ces 'dri ba dang/ de bzhin gshegs pa'i mtshan thos pa'i sems can thams cad bla na med pa'i byang chub las phyir ldog gam mi ldog ces 'dri na/ shing gi sa bon zhig sa bon gyi nyes pa thams cad med na/ rkyen rnams su ldan pa dang mi ldan pa las myu gu nas rdzogs pa'i bar du ji ltar 'gyur zhes phyir dri ba dang/ srog chags chad bar bcug ste/ gson po 'am shi ba zhes 'dri ba la khyod bdag la dbang yod na/ gang ltar bya zhes dri ba la sogs pa nyes pa klan ka tshol ba la sku sa gzhar bar phyir dris te bstan to/ /lung mi bstan pa ni gnyis su med pa dang/ brjod du med pa'i mtshan nyid ci 'dra zhes 'dri na/ ji ltar 'phags pa dri ma med par grags pa bzhin du mi smra ba rdang/ bdag ces bya ba rtag gam mi rtag ces 'dri na/ bdag nyid kyang med pas na/ rtag pa dang mi rtag pa brjod du med de lan mi glan pa dang dag ngan pa 'am/ rtsub po zhig zer na chos dpyad pa la ma gtogs te lan mi glan pa yin no/ /lung mi bstan pa ni mkhan po'i dpe mkhyud bya ba ma yin gyis tshul gyis go par rung ste/ bstan mi dgos pa dang bstan kyang khong du mi chud pa dang/ bstan na te pha rol gyi sems bsrung ba dang/ de rnams kyi phyir mi bstan mod kyi dus gzhan du snod dang sbyar zhing bstan pa yang yod do/ /rtags yod pa gang zhe na/ yang na mi las bla mar gyur pas gtsug lag tu gyur ston to chog smon pa'i tshig lta bur 'ol ma chags par smra ba ni gang yang mi 'byung ste/ gang gi dngos po med pa las yod par 'dzin to/ /chog kyang de ma yin pa'i dngos po gzhan cig dang nor to/ /yod pa las med par lta'o/ /chog kyang bar du gcod pa'i sgrib pa gcig gis bsgribs pas med par smra'o/ /chog gang yang rung de'i mtshan nyid las gzhan du ston te/ /chog kyang de dang 'dra bar snang ba 'ga' zhig las nor bar gyur to/ /de lta bas na dngos po med pa las yod par 'dzin pa bzlog par bya na yang thams cad kyi thams cad du med do zhes mi bya bar yod par 'dod pa de rkyen gang las gyur ba'i dngos po gzhan yod par bsgrubs la de'i gtan tshigs kyis bstan to/ /yod pa las med par lta ba bzlog par bya na yod pa'i gtan tshigs 'ba' zhig gi sgrub kyi de mngon sum dmigs par bya ba la bar du gcod pa 'dis bsgribs so zhes byas la dngos po gang yod pa dang/ sgrib pa gang yin pa bcas pa'i gtan tshigs kyis sgrub cing bstan to/ /mtshan gyi gzhi yod pa dang/ med pa la mi rtsod par mtshan nyid la rtsod pa zhig yod na yang/ pha logs smra ba'i mtshan nyid ma yin pa 'ba' zhig tu mi sgrub par mtshan nyid ji ltar 'dod pa dang/ de 'dra bar snang ba'i mtshan nyid gzhan gang dang/ nor pa'i gtan tshigs dang bcas pas bstan par bya'o/ /de dag kyang gang zhe na/ bdag med pa bstan par bya na/ yod mi phung po lnga las log shig na bdag ces bya ba med mod kyi thog ma med pa nas bdag tu rtog pa'i bag chags kyi bskyed pa nyon mongs pa'i yid ces bya bas kun gzhi rnam par shes pa zhes bya bas chos thams cad kyi sa bon chang ba dngos por snang ngo cho ga'i rgyu 'phyin pa de la bdag tu brtags nas de nyid yul la mi gcod pa'i phyir/ rnam par zhes pa'i rang bzhin yin par na rtogs nas bdag ces bya ba rtag pa khyab pa gcig bu zhig yod par 'dod pa'i ni 'di yin no zhes bya ba la sogs pa'o/ /'jig rten pha rol dang las kyi 'bras bu yod par bstan na yod ni/ de dag med na 'jig rten 'di yod par yang mi 'gyur/ las byed pa yang ni 'byung mod kyi tshe snga ma mi dran phyi ma mi shes pa dang/ skyid sdug 'bral du myong ba las gang gi rgyu las byung ba mi dmigs pa ni sgrib pas bsgribs pas lan no zhes bya ste/ sgrib pa'i rnam pa gang la dmigs pas sgrib par byed pa bstan pa la sogs pa'o/ /'dus byas kyi chos rnams la skad cig mang mi 'dod de/ rtog go zhes smra ba la yang chos de dag rtag ba zhig yin na no bzhig tu yang mi rung ste/ 'jig par yang mi dmigs pa'i rigs na/ zhig par dmigs pa las ni mi rtag par yang mngon te/ so so'i skye bos ni brgyad bsrings na me 'bar ba 'am chu 'bab pa'i rgyun la yang rtag par mthong ba dang 'dra bar phyin ci log bzhi la goms pas bsgribs pa'i dbang gis 'dra ba'i rgyun la rtag pa lta bur nor bas mthong du zad do zhes bya ba la sems? pa yin te/ re rnams gang la yang tshad ma'i mtshan nyid dang sbyar zhing ci rigs su bstan to smras pa zhes bya ba khong du gzhug pa de dag Atsa rya a sa gas smra ba'i rgyan rnam pa lngar bstan pa lta bu'i tshul gyis tshig tu brjod cing bstan pa'o/ /smra ba'i rgyan gang zhe na/ rnam pa lngar shes par bya ste/ bdag dang gzhan gyi gtsug lag shes pa dang tshig 'bru dang ldan pa dang/ 'jigs pa dang brtan pa dang nges pa'o/ /don zhes bya ba ni dam bcas pa la sogs pa gsum po de dag don to/ /sgrub pa zhes bya ba/ ni ji ltar 'dod de rigs pa'i gtan tshigs du mas nan tan du sgrub pa'o/ /yang dag par shes par bya ba ni pha logs go bar bya ba yang ji ltar ma log pa yang dag pa'i don nyid go bar bya'o/ /de'i rgyur gyur pa dang/ rkyen du gyur pa ni gtan tshigs kyis sgrub pa'i rigs pa zhes bya ba yin te/ de yang mtshan nyid rdzogs pa'i tshad mas gang la gang rigs pa'i yul la ji ltar 'dod pa bzhin du sgrub pa'o/ /gtan tshigs sgrub pa'i rigs pa de yang rnam pa gnyis te/ yongs su dag pa dang ma dag pa'o/ /de la yongs su dag pa'i mtshan nyid ni lnga'o/ /yongs su ma dag pa'i mtshan nyid ni bdun no/ /yongs su dag pa'i mtshan nyid lnga rnams gang zhe na/ de mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid dang/ shin tu rnam par dag pa'i lung bstan la bab par bstan pa'i mtshan nyid do zhes gsungs so/ /'di ni tshad ma yongs su dag pa dang/ ma dag pa'i bye brag bstan pa yin te/ gtan tshigs zhib tu ni 'og nas 'byung ngo/ /'jig rten na sems can gyi don byed ces zer ba dang/ rang gi mthu sems pa dag dam bcas shing ston te/ smras pa'i don 'grub pa dang/ yang dag par shes par byed 'dod pa yang mang na/ de kun gyi bsam pa bzhin du 'grub bam zhes bya na/ de ltar gcig tu des pa med de/ 'grub pa yang yod mi 'grub pa yang yod do/ /de ci las gyur ce na/ gtan tshigs kyis sgrub pa la de'i rgyu dang rkyen du rtogs pa'i mtshan nyid yongs su dag pa dang/ ma dag pa las gyur te/ yongs su dag pa'i mtshan nyid dang ldan pa'i gtan tshigs kyis ni don ma log par rtogs te 'grub par rung/ yongs su ma dag pa'i mtshan nyid dang ldan pa'i gtan tshigs kyis ni don ma log par rtogs te 'grub par rung/ yongs su ma dag pa'i mtshan nyid dang ldan pa'i gtan tshigs kyis ni/ don la log par 'dzin te/ 'grub tu mi rung ngo/ /de lta bas ni mtshan nyid kyi yon tan dang bye brag shes pa ni bdag kyang yang dag pa'i lta ba la gnas shing gzhan yang yang dag pa'i lta ba la 'jog ste/ sdig pa'i grogs po'i lag tu mi ltung bas? shes bzhin tshor bzhin du spyod do/ /mtshan nyid kyi yon tan dang bye brag mi shes pa ni bdag kyang log par lta ba la gnas shing gzhan yang log par lta ba la 'jug ste/ dge ba'i bshes gnyen gyis bstan kyang mi go bar mos bzhin du spyod do// gtan tshigs sgrub pa yan lag gi le'u ste gsum pa'o/ / //mngon sum yongs su dag pa'i mtshan nyid la de la 'du byed thams cad mi rtag pa nyid dang/ 'du byed thams cad sdug bsngal ba nyid dang chos thams cad bdag med pa nyid du gang 'jig rten na mngon sum du dmigs pa'i mtshan nyid do zhes gsungs pa'i mtshan nyid du bshad do/ /mngon sum zhes bya ba ni rkyen bzhes bskyed pa'i rnam par shes pa'i sgrib pa dag gis ma bsgribs yul la mngon du dmigs pa yin te/ da ltar byung ba'i rnam par shes pa lnga po dag dang/ des drangs pa'i yid kyi rnam par shes pa dang bcas pas dus gcig spyod yul gcig tu da ltar byung ba'i thad kar bab pa la dmigs nas/ yul de so so'i rang gis rig pa ni mngon sum gyi mtshan nyid ces bya'o/ /yid kyi rnam par shes pa 'ba' zhig gis chos kyi khams la dmigs pa 'ang chos la dmigs pa'i mngon sum zhes bya'o/ /mig la sogs pa'i rnam par shes pa dang/ yid kyi rnam par shes pa dang bcas te yul so sor nges pa la 'dug pa gcig dang mnyam du 'jug gam lnga char dang mnyam du 'jug ce na/ yod ni gang dang yang mnyam du 'jug mod kyi dus cig tu 'jug pa ni rnam par shes pa lnga po las yul gyi rkyen gyi mthu 'am yid la byed pa'i mthu gang che bas bskyed pa'i rnam par shes pa dang/ yid kyi rnam par shes pa gnyis mnyam du 'jug ste/ lnga char dang dus gcig tu mi 'jug go /lhag ma rnams dang yang rim gyis mnyam du 'jug ste/ mgal me skor ba la gdub bur snang ba bzhin du mgyogs pas dbang po gzugs can gyis rnam par shes pa kun dang dus cig tu so so'i yul la 'dug pa 'dra bar yang snang ngo/ /rkyen bzhi ni bskyed pa'i rnam par shes pa zhes bya ba'i rkyen bzhi'i tshul chos mngon pa las 'byung ba/ mig gi rnam par shes pa'i rkyen bzhi ste/ rgyu'i rkyen dang/ de ma thag pa'i rkyen dang/ dmigs pa'i rkyen dang/ bdag po'i rkyen to/ /rgyu'i rkyen gang zhe na/ lhan cig 'byung ba dang rab tu ldan pa'i chos rnams so/ /de'i de ma thag pa'i rkyen gang zhe na/ sems dang sems las byung ba'i chos gang rnams kyi 'og tu bar chad med par mig gi rnam par shes pa de de ma thag tu skyes pa 'am skye ba'o/ /de'i dmigs pa'i rkyen gang zhe na/ gzugs so/ /de'i bdag po'i rkyen gang zhe na/ bdag nyid ma gtogs pa'i chos thams cad do/ /mig gi rnam par shes pa la ji lta ba bzhin du rna ba dang sna dang lce dang lus dang yid kyi rnam par shes pa 'ang de dang 'dra'o/ /rnam par shes pa skye ba'i tshul ni yang mdo nyid la gsungs pa'i de la yangs pa'i blo gros len pa'i rnam par shes pa de la brten cing gnas nas rnam par shes pa'i tshogs drug 'di lta ste/ mig gi rnam par shes pa dang rna ba dang sna dang lce dang lus dang yid kyi rnam par shes pa 'byung bar 'gyur ro/ /de la rnam par shes pa dang bcas pa'i mig dang gzugs rnams la brten cing mig gi rnam par shes pa skye bar 'gyur te/ mig gi rnam par shes pa de dang lhan cig rjes su 'jug pa dus gcig la spyod yul 'thun pa rnam par rtog pa yid kyi rnam par shes pa 'byung ngo/ /de la yangs pa'i blo gros rnam par shes pa dang bcas pa'i rna ba dang sna dang lce dang rnam par shes pa dang bcas pa'i lus dang reg bya rnams la brten cing lus kyi rnam par shes pa skye bar 'gyur te/ lus kyi rnam par shes pa de dang lhan cig tu rjes su 'jug pa dus gcig pa spyod yul 'thun pa rnam par rtog pa'i yid kyi rnam par shes pa 'byung ngo gal te mig gi rnam par shes pa cig thang cig byung na/ rnam par rtog pa'i yid kyi rnam par shes pa mig gi rnam par shes pa dang spyod yul 'thun pa cig kyang thang cig 'byung ngo/ /gal te thang cig tu gnyis sam/ gsum mam/ bzhi 'am/ rnam par shes pa'i tshogs lnga rnams thang cig 'byung bar 'gyur na yang rnam par rtog pa'i yid kyi rnam par shes pa'i tshogs lnga dang spyod yul 'thun pa cig 'byung ngo// 'di lta ste yangs pa'i blo gros chu'i klung chen po 'bab pa la rlabs cig 'byung ba nas mang por 'byung ba'i rkyen nye bar gnas na mang por 'byung ba dang/ me long gi dkyil 'khor la gzugs brnyan cig 'byung ba nas/ gzugs brnyan mang po 'byung ba'i rkyen nye bar gnas na mang po yang 'byung mod kyi chu'i rgyun kyang mi 'chad/ me long gi dkyil 'khor de gzugs brnyan gyi rang bzhin du 'gyur ba yang ma yin/ yongs su zad par yang mi mngon zhes gsungs so/ /mdo 'di las len pa'i rnam par shes pa zhes 'byung ba 'di ni kun gzhi rnam par shes pa la bya'o/ /dgongs pa nges par 'grel pa'i yangs pa'i blo gros kyi le'u las kun gzhi rnam par shes pa la brten cing rnam par shes pa'i tshogs drug skye bar gsungs pa'i don 'di ni 'phags pa lang kar gshegs pa'i mdo las kyang bshad de/ de la gsungs pa'i blo gros mig gi rnam par shes pa ni rgyu bzhi dag gis 'byung ngo/ /bzhi gang zhe na/ 'di lta ste/ rang gi sems snang ba la 'dzin pa la khong du ma chud pa dang/ thog ma med pa'i dus nas spros pa'i gnas ngan len gyi gzugs kyi bag chags la mngon par zhen pa dang/ rnam par shes pa'i rang bzhin gyi ngo bo nyid dang/ gzugs rnam pa sna tshogs kyi mtshan nyid la ngo mtshar du 'dzin pa yin te/ blo gros chen po rgyu bzhi po 'di dag gis kun gzhi rnam par shes pa chu'i klung lta bu las mig gi rnam par shes pa'i rlabs 'byung ngo/ /mig gi rnam par shes pa ji lta ba bzhin du dbang po thams cad kyi rdul phra rab dang spu'i khong bu rnams la yang de bzhin te/ me long la cha gcig dang rim gyis yul gyi gzugs snang ba dang/ rgya mtsho la rlung gis btab pa bzhin du yul gyi rlung dang/ sems kyi rgya mtsho'i rlabs rgyu'i bya ba rgyun ma chad pa'i mtshan nyid gcig pa dang tha dad pa las rnam par grol ba las dang rigs kyis mtshan nyid dang/ shin tu 'bral ba'i rang bzhin ngo bo nyid khong du mi chud pa rnam par shes pa'i chogs lnga 'jug go / rnam par shes pa'i tshogs lnga po de dag dang lhan cig tu rgyu dang yul bye brag 'byed pa'i mtshan nyid yongs su chud par byed pa zhes bya ba yid kyi rnam par shes ba de dag gi rgyu las byung ba'i bdag nyid rab tu 'jug ste/ de dag dang de'ang bdag ni lhan cig tu phan tshun rgyur gyur cing rang gi sems snang ba'i rnam par rtogs pa la mngon par zhen pas zhugs pa'o snyam du mi sems te 'on kyang phan tshun tha mi dad ba'i mtshan nyid du lhan cig tu ma yin pa'i yul bye brag 'byed pa la 'jug go zhes gsungs so/ /'phags pa lang kar gshegs pa'i mdo las mig gi rnam par shes pa la sogs pa'i rgyu bzhi 'byung ba ni dngos po rnams kyi rgyu gtan la phab par bstan pa'o/ /de la rang gi snang ba la 'dzin par khong du ma chud pa ni dmigs pa'o/ /zhes gsungs pas na/ gzugs la sogs pa dmigs pa'i rkyen la bya'o/ /thog ma med pa'i dus nas spros pa gnas ngan len gyi gzugs kyi bag chags la mngon par zhen pa ni rkyen to zhes gsungs pas na/ mig la sogs pa bdag po'i rkyen la bya'o/ /rnam par shes pa'i ngo bo nyid ces bya ba ni sems dang sems las byung ba'i rkyen gzhan gyis bar du mchod pa yin te/ 'di ni de ma thag pa'i rkyen to/ /gzugs rnam pa sna tshogs kyi mtshan nyid la ngo mtshar du 'dzin pa ni lhan cig tu byung ba dang rab tu ldan pa'i chos rnams yin te/ 'di ni rgyu'i rkyen to/ /mig la ji lta ba bzhin du rnam par shes pa gzhan gyi rkyen bzhi yang gong du smos pa bzhin no/ /de ni nang nas gzugs zhes 'byung ba rnams ni rnam par shes pa so so'i rkyen bzhin du sgra dang dri dang ro dang reg dang chos zhes gang la gang rig par sbyar ro/ /dbang po thams cad kyi rdul phra rab dang spu'i khung po rnams la yang zhes bya ba ni mig gi dbang po go snyod kyi me tog 'dra ba zhes bya ba nas lus kyi dbang po khrab 'dra ba zhes bya ba ni bar gyis gzugs dang ba rnams yin te/ spu'i khung bu nas rnam par shes pa skye ba la bya'o/ /kun gzhi rnam par shes pa las 'byung ba ni me long dang chu'i dpe dang 'dra bar bstan pa'o/ /gcig pa dang tha dad pa las rnam par grol ba zhes bya ba ni 'jug pa'i rnam par shes pa dang/ kun gzhi rnam par shes pa gcig pa dang/ tha dad pa ma yin par 'dzin pa'i gong bu dang rdul phra mo'i dpos bstan pa lta bu yin no/ /las kyi mtshan nyid ni yul la 'dzin pa'o// rigs kyi mtshan nyid ni shes pa'o/ /'brel pa'i rang bzhin zhes bya ba yang 'di dag 'brel pa la bya'o/ /ngo bo nyid khong du chud pa zhes bya ba ni gang la mi rig pa'o/ /rnam par shes pa'i tshogs lnga zhes bya ba ni mig nas lus kyi bar gyi rnam par shes pa lnga la bya'o/ /rgyu dang yul bye brag 'byed pa'i mtshan nyid khong du chud pa zhes bya ba la rgyu ni byed pa'i rgyu la sogs pa drug go /yul ni gzugs la sogs pa drug go /de dag gi bye brag yid kyi rnam par shes pas khong du chud par nus par na khong du chud par byed pa zhes bya'o/ /de dag gis las byung ba'i bdag nyid 'jug ces bya ba ni rnam par shes pa lnga nyon mongs pa'i yid du gyur pa las yid kyi rnam par shes pa skye bar bstan pa'o/ /de dag dang de'ang bdag cag lhan cig rgyur gyur pa la sogs par mi sems pa ni dngos po thams cad sems tsam du ma rig pa dang/ rnam par shes pa lngas rgyud pa'i rkyen byas te/ yid kyi rnam par shes pa skye ba dang/ rnam par shes pa gzhan gyi myong ba yid kyi rnam par shes pas kun gzhi rnam par shes pa la bag chags kyis rgyas par byas shing rnam par shes pa gzhan skye ba lta bur/ rnam par shes pa gcig gi rgyur gcig gyur par khong du mi chud pa la bya'o/ /'on k yang tha mi dad pa'i mtshan nyid du 'jug go zhes bya ba la sogs pa ni rnam par shes pa lnga dang yid kyi rnam par shes pa de dag yul la mnyam du zhugs pa na shes pa gnyis kas kyang yul gyi mtshan nyid ji lta ba bzhin du tha mi dad par dmigs pa la bya'o/ sgrib pas ma bsgribs zhes bya ba'i sgrib pa de dag gang zhe na/ 'phags pa phung po gsum pa las 'byung ga las kyi sgrib pa 'am chos kyi sgrib pa 'am nyon mongs pa'i sgrib pa 'am/ lta ba'i sgrib pa 'am/ mi shes pa'i sgrib pa 'am/ rnam par smin pa'i sgrib pa 'am/ chos kyi phangs par 'gyur ba'i sgrib pa 'am/ nyan thos dang rang sangs rgyas kyi theg pa dang ldan pa'i sgrib pa 'am/ theg pa chen po la sun 'byin pa'i sgrib pa 'am/ sdig pa'i grogs pos nyon mongs pa'i sgrib pa 'am/ byang chub sems dpa' kun tu bzang po'i spyod pa'i smon lam yongs su rdzogs par bya ba la sgrib pa dang chod pa ste/ sgrib pa'i las byas shing bsags pa gang gis bsgribs shing kun nas langs nas sems can dmyal bar 'gro ba 'am/ byol song gi skye gnas su 'gro bar 'gyur ba 'am/ lha dbul por 'gyur ba 'am/ sangs rgyas kyi lta ba yongs su mi 'dzin pa 'am/ chos nyan pa yongs su mi len pa 'am/ de bzhin gshegs pa'i chos rin po che mi shes par 'gyur ba 'am byang chub sems dpa' dang grogs po mi thob par 'gyur ba 'am/ yang dag pa'i dge ba'i bshes gnyen gyis yongs su bzung ba mi 'thob pa 'am dge ba'i rtsa ba chung za ba yongs su 'dzin par 'gyur ba 'am/ byang chub kyi sems stor bar 'gyur ba 'am/ pha rol tu phyin pa'i lam mi nyan pa 'am bdud sdig to can dag gis mnar bar 'gyur ba 'am sangs rgyas kyi chos ring du byed pa 'am/ dge ba'i rtsa ba rtsom pa'i sbyor ba thams cad las ldog pa'am/ dge ba'i gshes gnyen la 'khu bar 'gyur ba 'am/ brtsam pa yongs su dag pa khong du chud par mi 'gyur ba 'am/ dran pa mi nyams pa thob pa 'am/ chos lta ba khong du mi chud pa 'am/ sangs rgyas kyi rnam par sprul pa la mi mos pa 'am/ sangs rgyas kyi chos rnams la sam nyi za ba 'am/ ting nge 'dzin gyi sgo khong du mi chud pa 'am sa nas sar gnas pa mi 'thob pa 'am/ byang chub sems dpa' dang 'grogs pa mi 'thob pa 'am/ pha rol tu phyin pa yongs su bskang ba dang/ byas pa bsrung ba khong du mi chud pa 'am/ smon lam chen po las nur ba'am/ spyod pa yongs su dag pa khong du mi chud pa 'am/ gzungs kyi rgyan gyi snang ba mi mthob bar 'gyur ba dang/ spobs pa'i rgyan gyi snang ba khong du mi chud pa dang/ byang chub sems dpa' kun tu bzang po'i spyod pa'i smon lam 'dris par bya ba khong du mi chud pa dang chos mnyam pa nyid mi rtogs pa dang/ bsod nams mnyam pa nyid mi skyed pa dang/ ye shes mnyam pa nyid khong du mi chud pa dang/ 'khor ba'i chos rnams kyis kun tu gzhom par 'gyur pa'i sgrib pa de lta bu la sogs pa ste/ grangs med pa brgya stong phrag bcu po byang chub sems dpa' i spyod pa dang yon tan gyi chos dang/ nan tan thams cad la kun tu rgyab kyis phyogs par 'gyur ba'i 'gebs pa zhes gsungs pa yin te/ las kyi sgrib pa zhes bya ba nas sdig pa'i grogs pos nyon mongs pa'i sgrib pa zhes bya ba'i bar du rnam pa bcur gsungs pa ni sgrib par byed pa'o/ /de dag gis sgrib par bya ba gang zhe na/ mdor bstan pa ni/ kun tu bzang po'i smon lam yongs su rdzogs par bya ba la sgrib pa dang/ chos ba zhes gsungs pa yin no/ /de la yang bye brag tu bstan pa ni sems can dmyal bar 'gro bar 'gyur pa zhes bya ba nas/ 'khor ba'i chos kyis kun gzhom par 'gyur pa zhes bya ba'i bar gyi sum cu rtsa gsum la sogs par gsungs pa rnams so/ /sgrib pa de dag gis ma bsgribs pa'i mngon sum de'ang rnam pa gsum ste/ kun brtags pa'i mngon sum dang/ gzhan gyi dbang gi mngon sum dang/ yongs su rdzogs pa'i mngon sum mo/ /de la sgyu ma'i skyes bu dang sa sha stag la sogs te/ ji ltar bsgams pa bzhin du dmigs pa ni kun brtags pa'i mngon sum mo/ /'du byed thams cad mi rtag pa la sogs pa yul gyi dngos po'i tshul bzhin dmigs pa ni gzhan gyi dbang gi mngon sum mo/ /chos nyid kyi rigs pa bden pa bcu lta bur dmigs pa ni yongs su rdzogs pa'i mngon sum mo/ /de las 'jig rten gyi mngon sum ni kun rtags pa dang/ gzhan gyi dbang dang gnyis su dmigs te/ gzhan gyi dbang du mngon sum gyi mi rtag pa la sogs par dmigs pa de gang zhe na/ gang 'du byed du gtogs pa thams cad kyi 'dra pa dang mi 'dra ba rgyun tu skye ba la phyi ma skyes nas snga ma 'gag par dmigs pa dang/ 'dra ba dang mi 'dra ba'i bya ba phyi ma byed cig snga ma gtong bar dmigs de dag so so rang gi rig pa ni mngon sum gyi mtshan nyid do/ /kun brtags pa sgyu ma la sogs par dmigs pa gang zhe na/ sgyu ma'i skyes bu zhig mthong na skyes pa'i bye brag ji lta ba bzhin du dmigs pa dang/ mig ser gyi nad kyis btab pas dung ser por dmigs pa dang/ rab rib can gyis zla ba tshes pa la gnyis su mthong ba dang/ rna nad kyis btab pas rlung dang chur ba'i sgra rtag tu thos pa dang/ 'di lta bu dag ni so so rang gis rigs pa'i mngon sum gyi mtshan nyid do/ /rnal 'byor ba la sogs pas bsgoms te/ keng rus la sogs par mthong ba dang/ sa sha stag la sogs par mthong ba dang/ bdag mthe bo tsam du mthong ba dang 'di lta bu la sogs par dmigs pa so sor rang gis rig pa'i mngon sum gyi mtshan nyid do/ /'di dag mngon sum du dmigs pa'i mtshan nyid yin te/ mngon sum gyi tshad mar bya ba ni ma yin no/ /mngon sum yongs su dag pa'i mtshan nyid kyi le'u ste bzhi pa'o/ //rjes su dpag pa yongs su dag pa'i mtshan nyid la/ 'du byed thams cad skad cig ma nyid dang 'jig rten pha rol po yod pa dang dge ba dang mi dge ba'i las rnam par chud mi za ba gang de la gnas pa'i mi rtag pa rags pa mngon sum du dmigs pa dang/ gang sems can sna tshogs la gnas pa mngon sum du dmigs pa dang/ gang sems can bde ba dang sdug bsngal ba dge ba dang mi dge ba la gnas pa mngon sum du dmigs pa yin te/ gang gis mngon sum du ma gyur pa la rjes su dpag par bya ba yin no/ /'di dang tshul 'di lta bu dag ni de la gnas pa'i mngon sum du dmigs pa'i mtshan nyid do zhes gsungs pa'i mtshan nyid bshad do/ /de la gnas pa'i mngon sum gyis dmigs pa'i rjes su dpag par bya ba de'i rang bzhin lkog na 'dug ste/ mngon sum gyis ma dmigs kyang de la gnas pa'i rtags sam/ las sam/ chos sam/ rgyuAm/ 'bras bu 'am/ de rnams kyi nang nas gang mngon sum gyis dmigs pa'i rjes 'jug pa'i blos rjes su dpag ste/ de'i gnas dang rang bzhin gshegs par bya'o/ /la la zhig gnas dang rang bzhin ni mngon sum gyis dmigs su yod la/ rtags la sogs pa de la gnas pa mngon sum gyis ma dmigs na gnas dang rang bzhin gyis rjes su dpags te/ rtags la sogs pa de la gnas par shes par bya ba dang/ de ltar byung ba mngon sum gyis dmigs su yod la/ 'das pa dang ma 'ongs pa shes par bya ba yod do/ /rjes su dpag go cog ni gang mngon sum gyis dmigs pa de'i rjes su 'jug pa'i blos de dang 'brel pa'i dngos po mngon sum gyis ma dmigs pa la rjes su dpag cing shes par bya'o/ /gang gis mngon sum du ma gyur pa la rjes su dpag pa yin no zhes bya ba la gang gis zhes bya ba ni sgrib pa dang bcas pa'i skyes bu la bya'o/ /mngon sum du ma gyur pa ni sgrib pas bsgribs pa la bya'o/ /rjes su dpag pa ni lkog na 'dug pa'i yul rtogs par 'dod cing 'jal ba la bya ste/ de la 'du byed thams cad kyi skad cig ma nyid mi rtag par rags pa dmigs pa'i rjes su dpag pas shes par bya ba la 'du byed rnams gnyen po dang bcas pa rkyen gyi 'jig pa dang mi 'dra ba'i rgyun phyi ma byung zhing snga ma 'das te 'gag pa 'am/ zla ba 'am/ zhag lon la mngon par 'gyur ba la yang chu chod dang/ se gol brdabs pa tsam gyis bar dus su 'gyur bar snang ba las nad de bas kyang myur ba skad cig par yod par dpag pa ni chos dang rgyu'i dpag pa'i mtshan nyid do/ /'du byed rnams skad cig pa'i rgyun tu gnas te/ tshe 'di la rgyun yod pa bzhin du tshe rabs gzhan la yang rgyun 'byung bar 'gyur bas 'jig rten pha rol kyang yod de sems can sna tshogs la gnas pa dmigs pa'i rjes su dpag pas shes par bya ba la 'jog na mi la sogs pa 'greng ste 'gro ba dang phyug la sogs te dus de 'gro ba dang sprul la sogs te 'phye zhing 'gro ba dang/ bya la sogs pa nam mkha' lag lding ba dang/ nya la sogs pa chu na 'phyo ba dang de 'dra ba'i tshul gyis mi mthun pa rnam pa sna tshogs ma bslabs par yang shes te rtsol ba dang/ la la'i gnas ci la 'cha' la la'i zas su ci za/ la la'i yon tan du ci la yod/ la la'i skyon du ci chags te/ sna tshogs kyi spyod pa mi 'dra ba la sogs pa dang/ skam la gnas pa ni chu'i gting du 'dug par mi bzod/ chu la 'dug pa ni skam la gnas par mi bzod grangs pas ni khungs mi thub/ dros pas ni grang mo mi thub pa la sogs pa rang gi chos ma yin pa byed mi nus pa de'i nang nas kyang la la ni bslabs na lobs pa dang/ bsgoms na goms su rung ba yang yod/ la la ni bslabs kyang mi lobs la bsgoms kyang goms su mi rung ba yang yod pa dang/ ba glang dang rta la sogs pa mi las nyams rtsal che la bad? mgyogs pa yang mis bkol du rung ba dang/ 'dzi ba dang shig la sogs pa mi bas chung yang mi la za ba dang/ skye gnas bzhi nas skye ba'i tshul mi mthun pa dang/ 'di 'dra ba la sogs pa sems can sna tshogs pa la sogs pa gnas pa mngon sum gyis dmigs su yod pa las na/ 'jig rten gzhan du yang de'i tshul gyis 'gro bar dpag pa ni rgyu dang las dang chos kyi rjes su dpag pa'i mtshan nyid do/ /de ltar 'jig rten pha rol yod cing sems can rnams 'khor ba na gnas par gyur na skyid pa dang sdug pa la sogs pa'i bye brag yod pa yang tshe snga ma'i las kyi rgyu las byung ste/ sems can gyi bde ba dang sdug bsngal ba dge ba dang mi dge ba'i las spyod pa la gnas shing 'byung bar dmigs nas 'jig rten gzhan du bde ba dang sdug bsngal gyi smin pa myong ba yang dge ba dang mi dge ba la gnas pa 'di'i tshul gyis las kyi smin pa chung mi za bar dpag pa ni chos dang rgyu'i rjes su dpag pa'i mtshan nyid do/ /'di dag ni rjes su dpag pa'i mtshan nyid yin te/ rjes su dpag pa'i tshad mar bya ba ni ma yin no/ /rjes su dpag pa yongs su dag pa'i le'u ste lnga pa'o/ / //rang gi rigs kyi dpe dang sbyar ba'i mtshan nyid la nang dang phyi'i 'du byed rnams kyi 'jig pa dang/ skye bar dmigs pa'i 'jig rten thams cad la grags pas nye bar sbyar ba dang skye ba la sogs pa'i sdug bsngal dmigs pas nye bar sbyar ba dang/ rang dbang med par dmigs pas nye bar sbyar ba dang/ phyi rol gyi phun sum tshogs pa dang rgyud pa nye bar dmigs pa 'jig rten thams cad la grags pa nye bar sbyar ba 'di dang/ rnam pa 'di lta bu dag ni rang gi rigs kyi dpe nye bar sbyar ba'i mtshan nyid du shes par bya'o/ /zhes gsungs pa de'i mtshan nyid bshad do/ /so so'i skye bo rnams la thub pa dag gis gtsug lag tu bstan pa ni/ gang 'jig rten la ma grub pa sgrub cing khong du ma chud pa khong du gzhug pa'i phyir ston pas na/ mngon sum gyis dmigs pa yang rung/ rjes su dpag par shes par bya ba yang rung the tshom sel ba'i grogs su rang gi rigs kyi dpes bstan par bya'o/ /'di las nang dang phyi'i 'du byed rnams 'jig pa dang/ skye ba zhes bya ba nas rang dbang med pa zhes bya ba'i bar gyis gsum po ni mi rtag pa dang/ sdug bsngal ba dang/ bdag med pa la bya ste/ de gsum la dpe nye bar sbyar bar kyang chos 'di gsum bsgrub par bya'o/ /skad cig pa yang mi rtag pa'i don du 'gyur te skye ba dang 'jig pa dpes bstan pa'i nang du 'dus par shes par bya'o/ /phyi rol gyi phun sum tshogs pa dang rgud pa dpes bstan pa ni 'jig rten pha rol yod pa dang/ las kyi 'bras bu chud mi za ba bsgrub pa'o/ /dpe'i mtshan nyid ni gcig ste/ 'jig rten la mngon sum du sgrub pa'o/ /de gang zhe na/ bden par smra ba'i thos pa dang mi ldan pa rnams 'du byed rnams kyi mi rtag pa mngon sum gyis dmigs kyang 'dra ba'i rgyun cig gis cig sdud pas bsdus te rtag pa'i mtshan nyid du lta ba dag mi rtag par dpes bstan pa las 'dus byas kyi chos ni gzhig tu rung ba'i rang bzhin can yin te/ 'jig pa'i gnyen pos gzhig par 'gyur ba ni/ bla brlan gnyen po me la chu bab pa yin no zhes bya ba ni me dang 'dus byas su yang rigs cig la chu blags na me 'gag par dmigs shing 'jig rten dag me gsod na/ chu tshol ba 'am me mar ram/ sgron ma la rlung gis btab pa 'am/ dbugs kyis bus na me lce 'gag pa bzhin no/ /zhes bya ba'i me dang/ rlung mngon sum gyis dmigs pa ni 'jig rten la mngon sum gyis grub pa zhes bya'o/ /me'i rgyun rang 'gag pa la yang me lce 'gags nas mdab ma las thal ba dang/ sol bar 'gyur blta'o mi 'dra ba'i rgyun phyi ma byung zhing snga ma 'jig pa mngon sum gyis dmigs pa yang 'jig rten la mngon sum gyis grub pa zhes bya'o/ /mi rtag pa rags pa la skad cig pa phra mo'i cha yod pa'i dpe ni/ snam bu la skud pa'i cha yod pa yang snal mar 'dzag pa dang 'dra'o zhes bya ba 'am/ 'jim pa'i gong bu la rdul gyi cha yod pa yang rdul phra rab tu 'jig pa dang 'dra'o zhes bya ba'i 'jim pa dang rdul mngon sum gyi dmigs pa ni 'jig rten la mngon sum gyis grub pa zhes bya'o/ /rtag par snang ba de mi rtag pa'i? rgyun yin par bstan pa ni chu'i rgyun la dang ba dang/ rnyog pa'i bye brag tu gyur pa'i tshe snga phyi tha dad par mngon pa las na/ dang ba'i rgyun tu 'bab pa yang snga phyi tha dad pa bzhin no zhes bya ba 'am/ me lci dang blo la yang mi 'dra ba'i rgyun snga phyir byung ba'i tshe tha dad par mngon pa las na/ 'dra ba'i rgyun tu gnas pa yang snga phyi tha dad do zhes bya ba'i 'dra ba dang mngon sum gyis dmigs pa ni 'jig rten la mngon sum gyis grub pa zhes bya'o/ /ril pa chus bkang ba'i spyi po thur du bstan na/ thigs pa phyi ma'i gdong la snga mi bsdod pa dang 'dra'o zhes bya ba 'am/ nam 'bras bur gyur pa ni me tog ltung ba bzhin no zhes bya ba'i snga ma dang phyi ma mngon sum gyis dmigs pa ni 'jig rten gyi la mngon sum gyis grub pa zhes bya ster gzhan la yang 'di dag gi tshul gyis ci rigs par sbyar ro/ /'du byed rnams la bde bar 'dzin pa dag sdug bsngal yin dpes bstan na/ skye ba dang na ba la sogs pa'i chos yod pa bzhin no zhes bya ba 'am/ tshor ba thams cad rang bzhin gyi sdug bsngal ba yin pas na phrag pa la khur bkal ba g.yas g.yon du spos pa dang 'dra ste/ bde ba de yang sdug bsngal lo zhes bya ba 'am spyod lam bzhi las gag kyang rung ring du gnas na/ sdug bsngal ba dang 'dra'o zhes bya'o/ /chos thams cad bdag med par dpes bstan pa la 'dus byas kyi chos ni rkyen 'dus pas grub ste/ shing rta sbyar ba dang 'dra'o zhes bya ba 'am/ khang pa phug pa dang 'dra'o zhes bya ba dang 'dus ma byas kyi chos ni de'i rang bzhin las bdag ces bya ba gud na med de nam mkha' la ri bong gi ra med pa bzhin no zhes bya ba'o/ /'jig rten pha rol yod pa dang las kyi 'bras bu chung mi zo bar bstan pa'i dpe ni 'phags bzang skyong gis dris pa'i mdo las 'byung ba'i rnam pa bzhin no/ /de la sogs pa sde snod gsum gyi nang nas dpe'i rnam pa 'byung ba'i tshul gyis mtshan nyid dang 'thun par gang la gang rigs par bstan to/ /rang gi rigs kyi dpe'i mtshan nyid kyi le'u ste drug pa'o// //yongs su grags pa yongs su dag pa'i mtshan nyid la gang 'di de mngon sum dmigs pa'i mtshan nyid dang/ de la gnas pa mngon sum du dmigs pa'i mtshan nyid dang/ rang gi rigs kyi dpe nye bar sbyar ba'i mtshan nyid ni/ de 'grub par bya ba la gcig tu nges pa'i phyir yongs su greg pa'i mtshan nyid du shes par bya'o zhes gsungs pa de'i mtshan nyid bshad do/ /yongs su greg pa zhes bya ba ni chos rnams la mngon sum du dmigs pa dang/ rjes su dpag par rig pa dang/ rang gi rigs kyang dpe nye bar bsgyur ba dang/ gsum tshogs na 'grub pa la gcig tu nges pa 'di ni yongs su greg pa'i mtshan nyid ces bya ste/ mngon sum la sogs pa gsum so sor smos pa ni mtshan nyid kyi bye brag go/ yongs su greg pa gcig tu 'brang ba ni grub pa'i don gyis gcig go /de gsum ldan don la nges par byas pa ni dper na/ sngon gyi greg pa zhig thos te the tsom du gyur pa la de ltar sum mthong zhes bya ba ni mngon sum dang 'dra/ de yin par ci mngon zhes bya ba ni rjes su dpag pa dang 'dra/ de dang 'dra ba gzhan gang la srid ces bya ba ni rang gi rigs kyi dpe dang 'dra ste/ de gsum 'thun yid ces bya ba bzhin no/ /sems can ni ma rig pa dang rgyal dang the tshom la sogs pa dang bcas pas na/ mi las bla mar gyur pa dang 'jig rten las 'das pa'i ye shes kyi spyod yul bstan pa la ma rig pa'i dbang gis ni don log par 'dzin par 'gyur/ nga rgyal gyi dbang gis ni goms pa la ngan dus byed pas 'byung / the tshom gyi dbang gis ni yang dag par bstan pa la yid mi chas pa 'byung bas na/ yongs su greg pa'i mtshan nyid gyis gtan la dbab pa yang de ltar dgos so/ /yongs su greg pa'i le'u ste bdun pa'o// //shin tu rnam par dag pa'i lung bstan la dbab par bstan pa'i mtshan nyid la gang thams cad mkhyen pas bshad pa 'di lta ste/ mya ngan las 'das pa ni zhi ba'o zhes bya ba 'di dang/ rnam pa 'di lta bu dag ni shin tu rnam par dag pa'i lung gtan la dbab par bstan pa'i mtshan nyid du shes par bya'o/ /de bas na mtshan nyid la bo 'di dag gis rigs pas brtag pa yongs su dag pa ste/ yongs su dag pa'i phyir bstan par bya'o zhes gsungs pa de'i mtshan nyid bshad do/ /thams cad mkhyen pas bshad pa'i chos ni yan lag bcu gnyis dang ldan pa'i gsung rag rnams yin te/ de thams cad gyi don ni mya ngan las 'das pa nyid las gzhan du mi gsung pas na/ mya ngan las 'das pa ni zhi ba zhes bya'o/ /mya ngan las 'das pa de yang theg pa chen po dang/ nyan thos kyi theg pa'i tshul gyis rnam ba gnyis su 'gyur ro/ /de gang zhe na/ chos thams cad thog ma nas zhi bas na rang bzhin gyis mya ngan las 'das par khong du chud de/ chos gag kyang mya ngan las 'dar med pas/ mi gnas pa'i mya ngan las 'da' ba dang sdug bsngal gyis skyo bar dmigs par sdug bsngal la zhi ba'i mya ngan las 'ba' ? ba dang/ gnyis kyis zhi bar ston pa'o/ /rnam pa 'di lta bu dag ces bya ba ni chos rnams de bzhin nyid bdun la sogs pa'o/ /de yang gang zhe na mdo 'di las gsungs pa byung ba'i de bzhin nyid ni/ gang 'du byed rnams kyis thog ma dang tha ma med pa'o/ /mtshan nyid ni de bzhin nyid ni gang chos rnams kyi gang zag la bdag med pa dang chos la bdag med pa'o/ /rnam par rig pa'i de bzhin nyid ni gang 'du byed rnam par rig pa tsam mo/ /gnas pa'i de bzhin nyid ni gang bas sdug bsngal gyi bden pa bshad pa'o/ /log pa'i nan tan gyi de bzhin nyid ni gang ngas kun 'byung ba'i bden pa bshad pa'o/ /rnam par dag pa'i de bzhin nyid ni ngas gang 'gog pa'i bden pa bshad pa'o/ /yang dag pa'i nan tan gyi de bzhin nyid ni gang ngas la ma gyis bden pa bshad pa bstan pa'o/ /zhes gsungs de dag bshad par bya ste/ de bzhin nyid bdun po de yang theg pa chen po dang/ nyan thos kyi theg pa'i tshul gyis gcig cing yang grub pa'i mdza' gnyis gnyis 'gyur ro/ /de gang zhe na/ 'du byed kyi thog ma med pa'ang/ 'khor ba'i thog ma dang tha ma med pa dang/ 'du byed kyi thog ma dang tha ma'i dmigs su med pa gnyis so/ /bdag med pa yang ji ltar mu stegs can gyis brtags pa'i bdag ces bya ba med pa dang chos so cog kyang sgyu ma dang 'dra ste bdag med pa dang gnyis so/ /'du byed rnam par rig pa tsam mo zhes bya ba yang 'du byed thams cad la dbang byed pas sems pa yin pa dang/ 'du byed thams cad ni sems kyis brtags btsam las gzhan med pa dang gnyis so/ /sdug bsngal gyi bden pa yang phung po lnga sdug bsngal gsum dang brgyad kyis gtso bor mthong nas 'khor bas skyo ba dang/ 'du byed sdug bsngal bar mthong bas sems can thams cad la snying rje chen po skye ba dang gnyis so/ /kun 'byung ba'i bden pa yang nyon mongs pa ni phung po phyi ma'i rgyur 'gyur par rtog pa dang de nyid kyi rang bzhin yongs su dag par rtog pa dang gnyis so/ /'gog pa'i bden pa yang dmigs pa can gyi 'gog pa'i bden pa dang mi dmigs pa'i 'gog pa'o/ /lam gyi bden pa yang 'phags pa'i lam yan lag brgyad pa dang/ pha rol tu phyin pa bcu po yin te/ de ltar rnam pa gnyis su gyur pa ni bkri ba'i don dang nges pa'i don gyi bye brag tu shes par gyis shig/ yod ni mi las bla mar gyur pa'i gtsug lag dpyad pa la tshig tha snyad kyi grub pa 'ba' zhig gi kha dor du mi rung ste/ lung las 'byung ba dang/ 'thun par bsgrub dgos pas na/ sgrub pa dang bsgrub par bya ba kun kyang lung dang sbyar ro/ /lung gi mtshan nyid ni chos kyi phyag rgya rnam par thar pa'i sgo stong pa nyid dang/ mtshan ma med pa dang/ smon pa med pas ston pas btab pa yin no/ /ci'i phyir lung shin tu rnam par dag pa yin zhe na/ dus gsum gyi sangs rgyas thams cad kyang chos 'thun par ston pas na lung zhes bya'o/ /chos kyis tshad mar byas pa'i mtshan nyid dang ldan la rang bzo'i lhang ma zhugs pas na shin tu rnam par dag pa zhes bya'o/ /chos de dag 'jig rten du ji ltar zhe na/ de bzhin gshegs pa dgra bcom pa yang dag par rdzogs pa'i sangs rgyas mkhyen pa nyid dang/ rkang par ldan pa bde b ar gshegs pa 'jig rten rig pa skyes bu 'dul ba'i kha lo sgyur ba bla na med pa lha dang mi'i ston pa sangs rgyas bcom ldan 'das zhes bya ba 'jig rten du byung ba nges chos thams cad ji ltar mngon par thugs su chud pa de bzhin du gzhan la yang ston pa des gsungs so/ /de'i rgyu nas che ba'i bar du gang zhe na/ de bzhin gshegs pa skye ba srid pa bstan pa las 'byung ba de bzhin gshegs pa 'byung ba ni rgyu gcig gis ma yin/ byed pa gcig gis skye bar 'gyur ba ma yin/ tshad med grangs med pa brgya stong gi rim pa yongs su rdzogs par byas shing rab tu skye ba rnam pa bcu'i tshul gyis 'byung ngo/ bcu gang zhe na/ lhag pa'i bsam pa tshad med pa dang/ byams pa chen po dang/ snying rje chen po tshad med pa dang/ tshad med par spyod pa'i smon lam la sogs pa tshad med pa bcu las 'gyur ro zhes rgyas par gsungs pa 'di ni/ rgyu'i mtshan nyid bstan pa'o/ /'phags pa sangs rgyas kyi sa las 'byung ba chos kyi dbyings rnam par dag pa dang/ me long lta bu'i ye shes dang mnyam pa nyid kyi ye shes dang/ bya ba nan tan gyi ye shes dang/ so sor kun tu rtog pa'i ye shes dang/ 'di lngas chos thams cad la gzung ba dang/ 'dzin pa med par thams cad kyang mkhyen la skal ba yod pa'i sems can kun kyang so so'i bsams ba bzhin du grub par mdzad pa 'di ni sa'i mtshan nyid bstan pa'o/ /dgongs pa nges par 'grel pa'i mdo las 'byung ba thams cad mkhyen pa'i mtshan nyid ni rnam pa lnga ste/ su gang 'jig rten du thams cad mkhyen par sgra rnam par grags shing 'byung ba dang/ skyes bu chen po'i mtshan sum cu rtsa gnyis dang ldan pa dang/ stobs bcus sems can kun gyi the tshom gcod pa dang/ mi 'jigs pa'i chos bstan pa bzhi dag gis bshad pa la pha rol rgol ba thams cad kyis brgal du med cing brtsad du med pa dang/ su'i chos 'dul ba la 'phags pa'i lam yan lag brgyad snang zhing dge sbyong bzhi snang ba yin te/ de ltar 'byung ba dang mtshan dang the tshom gcod pa dang/ brgal du med cing brtsad du med pa dang/ dge sbyong dmigs pas thams cad mkhyen pa'i mtshan nyid ltar shes par bya'o/ /zhes gsungs pa 'di ni 'bras bu'i mtshan nyid bstan pa'o/ /thams cad mkhyen pas ci zhig mkhyen ce na/ 'phags pa'i rin po che'i sprin la sogs pa'i mdo las 'byung ba thams cad mkhyen pa'i tshe ba ni mi chags pa'i bsam gtan pas ting nge 'dzin gyi spyod yul gyi mdza' dang kun gyi mdza' mi rnyed do zhes bya ba dang/ de bzhin gshegs pa'i tshad med pa'i gzugs kyi sku mngon par bsgrub pa dang/ 'phrul gyi spyan gyi yul tshad med pa dang/ 'phrul gyi snyan gyi yul tshad med pa dang tshad med pa'i ye shes kyi skad cig thang cig yud tsam zhig la mdza' med pa'i gzugs mdza' med pa'i sgra gsan mdza' med pa'i chos mkhyen te/ dus gsum char la yang thogs pa med do zhes bya'o/ /skyes bu chen po'i mtshan sum cu rtsa gnyis gang zhe na/ 'phags pa rgya cher rol pa'i mdo las byung ba dbu ma gtsug tor yod pa dang dbu mthon mthing la g.yas su 'khyil ba dang/ dpral ba mnyam la che ba dang/ smin mtshams kyi mdzod spu dang spyan mthon mthing la ba'i rdzi ma 'dra ba dang/ so bzhi bcu thags bzang ba dang/ mche ba dkar ba dang/ 'gram pa seng ge 'dra ba dang/ lce che zhing srab ba dang/ ro stong seng ge 'dra ba dang/ shing n+ya gro d+ha ltar chu zhing gab pa dang/ spu khung bu re re nas skyes pa dang/ pho mtshan mi snang bar nub pa dang brla gang zhing rlum? pa dang/ byin pa ri dags kyi rgyal po e Ne ya 'dra ba dang/ zhabs kyi ting pa tsha ba dang zhabs dang/ phyag 'jam zhing gnyen po dang/ zhabs dang phyag gis ra mo'i bar dra bas 'bres pa dang/ zhabs phyag gi sor mo ring ba dang/ zhabs kyi stang mtho ba dang/ ro bro ba'i mchog dang/ dpung mgo zlum pa dang/ bdun mtho ba dang/ lgags pa srab la gser gyi kha dog 'dra ba dang/ ma btung par phyag bus mo'i lha de la rag pa dang/ zhabs rab tu gnas pa dang zhabs dang phyag gi mthil na 'khor lo'i mtshan yod pa dang/ tshangs pa'i dbyangs dang 'di dag ni skyes bu chen po'i mtshan sum cu rtsa gnyis yin te/ de bzhin gshegs pa'i sku la 'byung ngo/ /de la de bzhin gshegs pa'i stobs bcu gang zhe na/ 'phags pa byang chub sems dpa' i sde snod la sogs pa las 'byung ba/ gnas dang gnas ma yin pa shes pa'i stobs dang 'das pa dang ma 'ongs pa dang/ da ltar byung ba'i las kyi rgyu rnam par smin pa 'dzin pa shes pa'i stobs dang/ mos pa sna tshogs shes pa'i stobs dang khams sna tshogs shes pa'i stobs dang/ dbang po mchog tha ma shes pa'i stobs dang/ thams cad du 'gro ba'i lam shes pa'i stobs dang/ bsam gtan dang rnam par thar pa dang/ ting nge 'dzin dang/ rnam par 'jog pa dang/ nyon mongs pa dang/ rnam par byang ba dang ldan pa'i shes pa'i stobs dang/ sngon gyis gnas dran pa shes pa'i stobs dang/ shi 'pho dang skye ba shes pa'i stobs dang/ zag pa zad par shes pa'i stobs so/ /de la mi 'jigs pa bzhi gang zhe na/ 'di lta ste/ chos thams cad mngon par byang chub la la mi 'jigs pa dang/ zag pa zad pa thams cad par shes pa la mi 'jigs pa dang/ bar chad kyi chos rnams gzhan ma yin par gdon mi za lung bstan pa la mi 'jigs pa dang/ phun sum tshogs pa thams cad thob par bya ba'i phyir 'byung ba'i lam de kho na la mi 'jigs pa'o/ /'phags pa'i lam yan lag brgyad pa gang zhe na/ yang dag pa'i lta ba dang/ yang dag pa'i rtog pa dang/ yang dag pa'i las kyi mdza' dang/ yang dag pa'i dag dang/ yang dag pa'i 'tsho ba dang yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin to/ /dge sbyong bzhi gang zhe na/ lam ston pa dang/ lam rgyal ba dang/ lam la gnas pa dang/ lam sun 'byin pa'o/ /thams cad mkhyen pa de'i bdag dang gzhan gyi don la yun ring po nas/ ye shes dang bsod nams kyi tshogs bsags pa ma lus par rdzogs pas na/ dge ba thams cad mnga' ba ni/ sa chen po bzhin no/ /de la gzhan gyi rkyen gyi rkyen las 'gyur ba ni sa las skye bo chog la thabs mi shes pas spyad na ni rtsi yang dug tu 'gyur zas kyang nad du 'gyur/ thabs shes pas spyad na ni dug kyang rtsir rung/ zas kyang srog gi gzungs byed pa bzhin no/ /chos co cog ma lus par mkhyen kyang sems gyis brtags pa tsam du thugs su chud bas na de'i nyes pas mi gos pa ni gzugs kyi rnam pa dang/ nam mkha' 'ang 'grogs kyang nam mkha' la chags pa med pa bzhin no/ /sems can rnams sgrib pa las ma grol ba'i phyir thugs rje dang bcas pa'i smon lam gyis mnyam pa med pa dang/ mnyam pa'i phung po lnga'i sku mi gtong ste/ mdza' mar ba'i mthar 'dzin kyang shes rab yongs su dag pa las byung bas na/ phal gyi phung po dang khyad zhugs pa ni shin tu dag pa'i shel dang rdo ba gnyis sra ba'i rang bzhin du 'dra yang/ shel ni chos nyid kyi gsal bas rdo rje ltar gzhan la sgrib pa bzhin no/ /khams gsum na spyod par snang yang ting nge 'dzin gyi mthu las gyur pas na/ rtog pa mi 'byung bar sna tshogs spyod pa ni me long la gzugs brnyan snang ba bzhin no/ /de lta ste rnam par dag pa'i lung ston pa yang thams cad mkhyen pa nyid do/ /thams cad mkhyen pa'i mtshan nyid 'di lta bu yin par yang rnam par dag pa'i lung las 'byung ngo/ /de ltar thams cad mi mkhyen pa dang lung gnyis gcig las gcig shes par rung gci la zhugs pa'i mthus shes par gyur zhe na/ chos kyi tshul la zhugs pa'i mthus shes par 'gyur ro/ /de gang zhe na/ 'phags pa chos kun 'gro ba'i mdo las 'byung ba/ rigs kyi bu byang chub sems dpas chos kyi tshul 'jug pa bcus sangs rgyas khong du chud par bya'o/ /bcu gang zhe na/ 'di lta ste rgyu 'dra ba'i sangs rgyas dang/ rnam par smin pa las byung pa'i sangs rgyas dang/ ting nge 'dzin gyi sangs rgyas dang/ smon lam gyi sangs rgyas dang/ sems kyi sangs rgyas dang/ ngo bo nyid kyi sangs rgyas dang/ longs spyod rdzogs pa'i sangs rgyas dang/ sprul pa'i sangs rgyas dang/ brtags pa'i sangs rgyas dang/ mdun du bzhag pa'i sangs rgyas so zhes de dag gi bye brag bshad pa dang/ rgyas par gsungs so/ /de la mdun du bzhag pa'i sangs rgyas zhes bya ba ni sku gzugs byas pa yin/ brtags pa'i sangs rgyas pa zhes bya ba ni slob dpon dang mkhan po yin te/ mdun du bzhag pa'i sangs rgyas mngon sum du dmigs pas btags pa'i sangs rgyas kyi mig la yid ches shing bsnyen bkur byed par 'gyur/ btags pa'i sangs rgyas la bsnyen bkur byas pas sku sprul pa'i sangs rgyas la yid ches par 'gyur/ sprul pa'i sangs rgyas la yid ches pas longs spyod rdzogs pa'i sangs rgyas kyi tshul khong du chud par 'gyur/ longs spyod rdzogs pa'i sangs rgyas kyi tshul khong du chud pas ngo bo nyid kyi sangs rgyas khong du chud par 'gyur/ ngo bo nyid kyi sangs rgyas khong du chud ngas smon lam gyi sangs rgyas khong du chud par 'gyur/ smon lam gyi sangs rgyas khong du chud pas ting nge 'dzin gyi sangs rgyas khong du chud par 'gyur/ ting nge 'dzin gyi sangs rgyas khong du chud pas sems kyi sangs rgyas khong du chud par 'gyur sems kyi sangs rgyas khong du chud pas rnam par smin pa las 'byung ba'i sangs rgyas kyi byin gyi rlabs khong du chud par 'gyur ro/ /rnam par smin pa las 'byung ba'i sangs rgyas kyi byin gyi rlabs khong du chud pas rgyu 'dra ba'i sangs rgyas khong du chud de de thams cad mkhyen pa'i mtshan nyid dang/ lung gi mtshan nyid gcig la gcig bltos nas de gnyis ga khong du chud par 'gyur ro/ /shin tu rnam par dag pa'i lung gi mtshan nyid kyi le'u ste brgyad pa'o// //tshad ma'i grangs dang mtshan nyid kyi bka' thang la/ gtan tshigs sgrub pa'i rigs pa de yang/ de ltar mngon sum gyi tshad ma dang/ rjes su dpag pa'i tshad ma dang/ yid ches pa'i lung gi tshad ma dang/ mtshan nyid lngas yongs su dag pa'o zhes gsungs te/ tshad ma 'dis dag ci'i phyir gsungs shes lta 'og spun te sbyar na 'jig rten na gsum gyi sems can dag tshad ma ma yin par tshad mar ston cing tshad mar mi rung ba la tshad mar 'dzin par byung ba dang/ 'byung bar 'gyur ba mkhyen nas/ log par lta ba'i dra ba brtsal ba'i phyir tshad ma 'di gsungs pa yin no/ /tshad ma zhes bya ba ni ring thung la song la sogs pas gzhal ba dang/ mang nyung la bre la sogs pas gzhal ba dang/ lci yang la srad la sogs pas gzhal ba lta bu yin te/ tshad ma ni mngon sum dang rjes su dpag pa dang yid ched pa'i lung dang gsum mo/ /tshad ma gsum bya ba ni dngos po bsgribs pa dang/ ma bsgribs pa dang de dag las kyang shin tu bsgribs pa'i chos dang gsum yod pas tshad ma yang gsum du gsungs so/ /de lta bas na mngon sum gyi tshad ma dang rjes su dpag pa'i tshad ma dang/ yid ches pa'i lung gi tshad ma yang zhes bya'o/ /tshad ma de dag gi mtshan nyid ni de gcig kyang lnga lngar shes par bya ste/ yongs su dag pa'i mtshan nyid lnga zhes gsungs pa rnams yin no/ /de lta bas na mtshan nyid lngas yongs su dag go zhes gsungs so/ /ji ltar yongs su dag ce na/ mngon sum ni rjes su dpag pas nor tam/ ma nor gtan la dbab/ rjes su dpag pa ni mngon sum du myong bas don la nges par gzhog ste/ mngon sum dang rjes su dpag pa de gnyis la the tshom yod pa ni rang gi rigs kyis dpes bsal bar byed do/ /de gsum tshogs na 'grub pa la gcig tu nges pas yongs su greg pa yin te/ 'jig rten gyi tshad ma'i grangs su chud do/ /lung gis ni mi las bla mar gyur pa'i chos yod par mi shes pa des mtshon cing ston/ mtshan nyid 'di lngas yongs su dag par 'gyur ro/ /yod ni 'jig rten gyi chos kyang rung 'jig rten las 'das pa'i chos kyang rung/ gang la don rtog par byed do chog ni yongs su dag pa'i mtshan nyid rdzogs pas rtogs par 'gyur te/ 'jig rten las 'das pa'i chos dang/ shes par dka' ba rnams la ni mtshan nyid lnga po re re dang mthar gyis sbyar zhing brtag dgos pas mtshan nyid kyi bye brag gsal bar mngon no/ /'jig rten gyi chos dang shes par bla ba rnams ni mtshan nyid bzhi po tshad mas rtogs par byed mos kyi de dag gi gzhal bya yang 'dris pa'i shas che ste/ lan du mar bslab mi dgos pas mtshan nyid kyi bye brag kyang myur zhing phra ste/ bsal bar mi mngon bzhin du 'byung ngo/ /tshad ma'i grangs dang mtshan nyid kyi bka' thang gi le'u ste dgu pa'o// //bka' thang gis mngon sum gyis tshad mar bya la/ de la mngon sum gyi tshad ma gang zhe na/ ma bsgribs pa'i lus la mngon sum gyis mngon sum du drangs ba'i steng du nye ba'i rjes su dpag pa la sogs pa mtshan nyid lngas yongs su dag par byas pa yin no/ /de gang zhe na/ mig la sogs pa'i rnam p ar shes pa lnga po las gcig dang des drangs pa'i yid kyi rnam par shes pa dang gnyis kyi bdag bdag gi yul la rnam pa ci yod pa so so rang gi rig par gyur ba mngon sum gyi mtshan nyid dang mngon sum du dmigs pa de dag gi rtags la sogs par bcas pa mngon sum gyis rjes su dpags nas rtogs par khong du chud pa nye ba'i rjes su dpag pa'i mtshan nyid dang/ de dang rigs gcig pa gzhan la yang 'di 'dra bar yod pa 'jig rten la sgrub pa rang gi rigs kyi dpe'i mtshan nyid dang/ de gsum 'thun pas sgrub par gyur pa yongs su sreg pa'i mtshan nyid dang/ thams cad mkhyen pas gsungs par nges pa'i mtshan nyid dang ldan pa'i lung las chos rnams kyi mtshan nyid ji skad du 'byung ba lung gi mtshan nyid dang sbyar ro/ /yid kyi rnam par shes pa 'ba' zhig gis/ chos kyi khams la sogs pa rang gi yul la mngon sum du dmigs pa mtshan nyid lnga dang sbyar ba yang de bzhin no/ /mngon sum gyi tshad ma mtshan nyid lngas yongs su dag pas mi rtag pa la sogs pa la g zhal zhing sgrub pa ni sngar bshad pa bzhin du gang 'du byed du rtogs pa thams cad kyi 'dra ba dang mi 'dra ba'i rgyun phyi ma skyes nas snga ma 'gag par dmigs pa dang 'dra ba dang mi 'dra ba'i bya ba phyi ma med cing snga ma gtong bar dmigs pa de dag so sor rang gi rigs pa ni mngon sum gyi mtshan nyid do/ /de la 'dra ba dang mi 'dra ba'i rgyun gzhan dang gzhan byung ba'i tshe snga ma 'gag pa'i phyir mi rtag pa nyid du rtogs par khong du chud pa ni nye ba'i rjes su dpag pa'i mtshan nyid do/ /'du byed rnams ni rtag pa'i mtshan nyid dang ldan pa'i nang nas kyang mi rtag par mngon par me'i rgyun la me lce 'gags nas mdag ma las thal ba dang sol bar 'gyur ba bzhin no zhes bya ba'i dpes bstan te/ byin gyis srid pa dang sbyar zhing mi rtag par sgrub pa rang gi rigs kyi dpe'i mtshan nyid do// mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa/ khong du chud pa ni nye ba'i rjes su dpag pa'i mtshan nyid do/ /'du byed thams cad mi rtag go zhes 'byung ba ni lung gi mtshan nyid do/ /de ltar na mtshan nyid lngas yongs su dag pa'i mngon sum gyis mi rtag par yongs su grub pa'o/ /'du byed thams cad sdug bsngal bar dmigs pa la skye ba la sogs pa'i gnod pa nyams kyis tshor te/ so so rang gis rig pa ni mngon sum gyi mtshan nyid do/ /sdug bsngal myong ba dag mi bzod pa lta bu'i tshul las bltas te/ 'bras bu las sdug bsngal ba nyid du dpags te/ khong du chud pa ni nye ba'i rjes su dpag pa'i mtshan nyid do/ /'du byed rnams sdug bsngal gyi mtshan nyid dang ldan pa'i nang nas kyang sdug bsngal bar mngon pa skye ba dang/ na ba la sogs pa'i chos yod pa bzhin no zhes bya ba 'am spyod lam bzhi las gag kyang rung ring du gnas na sdug bsngal dang 'dra'o zhes bya ba'i dpes bstan te/ byin gyis srid pa dang sbyar ba ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa sde snod gsum pa'i lung las 'du byed rnams cad sdug bsngal zhes 'byung ba ni lung gi mtshan nyid do/ /de ltar mtshan nyid lngas yongs su dag pa'i mngon sum gyis sdug bsngal bar grub pa'o/ /chos thams cad bdag med pa la 'di skad bdag gi mtshan nyid smra ba ltar rtag pa gcig pu khyad par ma dmigs pa na/ bdag med par so so rang gis rig pa ni mngon sum gyi mtshan nyid do/ /phung po lnga la bdag gi mtshan nyid dang 'brel ba'i rtags la sogs pa rnam pa drug go/ gang yang mi dmigs pas bdag med pa nyid du rtogs par khong du chud pa ni nye ba'i rjes su dpag pa'i mtshan nyid do/ /'du byed rnams bdag med pa'i nang nas kyang rang dbang med par mngon pa bum pa la sogs pa rkyen la sdod pa dang 'dra'o zhes bya ba 'am/ shing rta sbyar ba dang 'dra'o zhes bya ba'i dpes bstan cing/ bdag yod pa mi srid pa dang sbyar ba ni rang gi rigs kyi ngo bo'i mtshan nyid do/ /mtshan nyid de gsum tshogs pas 'grub la la gcig tu nges pa ni yongs su greg pa'i tshan pa'i mtshan nyid do/ /gang thams cad mkhyen pas gsungs pa'i lung las chos thams cad bdag med do zhes 'byung ba'i lung gi mtshan nyid de/ de ltar na mtshan nyid lngas yongs su dag pa'i mngon sum gyis bdag med par grub pa'o/ /de ci'i phyir mngon sum gyis tshad ma zhe na/ bsgribs pa med de/ dmigs pas mngon sum mo/ /mtshan nyid mi 'gal bas gtan la phebs bas na tshad ma'o/ /gzhan yang sgyu ma'i skyes bu zhig mthong na/ skyes bu'i bye brag ji lta ba bzhin du dmigs pa dang/ mig ser gyi nad gyis btab pa dung la ser por dmigs pa dang/ rab rib can gyis zla ba tshes pa la gnyis su mthong ba dang rna nang kyis btab pas rlung dang/ chu rba'i sgra rtag tu thos pa dang 'di lta bu dag ni so so rang gi rig pa yin te/ mngon sum gyi mtshan nyid do/ /rtags la sogs pa drug po'i nang na gang las rtogs par gyur pa de'i phyir sgyu ma yin par shes pa 'am/ mig ser gyi nad kyis btab pa dang/ rab rib kyi skyon zhugs pa dang/ rna bar rlung zhugs pa la sogs pa'i rkyen gyis de ma yin pa la de 'dra bar snang ba nyid du rtogs par khong du chud pa ni nye ba'i rjes su dpag pa'i mtshan nyid do/ /rkyen gyis dbang gis gzhan gzhan du snang bar 'gyur ba'i nang na shes par sla ba smig rgyu la chu ltar snang ba rang d+ha d+hu ra zos na ri lung ser por snang ba dang/ mig dar gyis g.yogs te bltas na/ zla ba gnyis gsum yan chad du mthong ba dang/ brag cha'i sgra byung na/ smra ba yod pa dang 'dra bar grag pa dang/ 'di lta bu'i tshul la sogs pa rang gi mtshan nyid ma yin pa'ang rgyan las gzhan dang gzhan du dmigs pa/ srid pa ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la/ gcig tu nges pa ni yongs su greg pa'i mtshan nyid do/ /de ltar na mtshan nyid bzhis yongs su dag pa'i/ mngon sum gyis sgyu ma la sogs pa nyid du shes par grub po/ /de ci'i phyir zhe na/ gang la gang rigs pa'i rkyen dang/ phrad pa de dang de ma bsgribs te mthong bas na mngon sum mo/ /rang bzhin rtog par khong du chud de/ rkyen gyis bsgyur ba'i phyir mi 'khur? bas na tshad ma'o/ /yang gzhan du rnal 'byor pas bsgoms te/ rus pa dkar po la sogs par mthong ba dang/ chad par sa la sogs par mthong ba dang/ bdag mthe bo tsam du mthong ba dang/ 'di lta bu la sogs par dmigs pa ni mngon sum gyi mtshan nyid do/ /de'i tshe sngon ma bsgoms pa na 'di dag med pa las bsgoms pa'i mthus byung ba tsam du rtogs par khong du chud pa ni nye ba'i rjes su dpag pa'i mtshan nyid do/ /sngon sbrul dang sdig sbrul dag gis dngangs pa'i mig sngar thag pa'i dum bu dang/ sol ba'i grugs ma 'am gzhan dag las kyang sbrul lam sdig sbrul lta bur mthong zhing dngangs pa 'byung ba yang srid pa ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa sde snod gsum pa'i lung las chos thams cad sems tsam zhes bya ba dang sems ni chos thams cad la dbang byed do zhes 'byung ba ni lung gi mtshan nyid de/ de ltar na mtshan nyid lngas yongs su dag pa'i mngon sum gyis bsgoms pa las byung bar grub pa'o/ /de ci'i phyir zhe na/ sems kyi brtags pa yongs su smin pa nyid mthong ba na mngon sum mo/ /dngos po med pa la sems kyis brtags pa tsam du rtogs par khong du chud pa ni yongs su dag pa'o/ /bka' thang gi mngon sum tshad mar bya ba'i le'u ste bcu pa'o// //bka' thang gi rjes su dpag pa tshad mar bya ba de la rjes su dpag pa'i tshad ma gang zhe na/ bsgribs pa'i yul de la gnas pa mngon sum du dmigs pa'i rjes su dpag pas sngon du drangs pa'i steng du mngon sum du myong ba la sogs pa mtshan nyid lngas yongs su dag par byas pa yin te/ de gang zhe na/ rtags la sogs pa de la gnas pa mngon sum gyis dmigs pa'i rjes su 'jug pa'i blos de dang 'brel pa'i dngos po mngon sum gyi mi dmigs pa la/ rjes su dpag cing shes par bya ba rjes su dpag pa'i mtshan nyid dang/ rtags la sogs pa de la gnas pa mngon sum du dmigs pa zhig yod na/ de yong gis ci la gnas pa sngon bdag gis mngon sum du dmigs te dran yang rung gzhan gyis mngon sum du dmigs pa'i tshig gcig nas gcig tu brgyud pa las shes par 'gyur ba nye ba'i mngon sum gyis mtshan nyid dang de dang rigs gcig pa gzhan yang 'di 'dra ba yod par 'jig rten la grub pa rang gi rigs kyi dpe'i mtshan nyid dang/ mtshan nyid dang mtshan nyid de gsum mthun pas 'grub du rung ste/ sgrub pa la gcig tu nges par 'gyur bas na yongs su gregs pa'i mtshan nyid dang thams cad mkhyen pas gsungs par nges pa'i mtshan nyid dang ldan pa'i lung las chos rnams kyi mtshan nyid ji skad du 'byung ba lung gi mtshan nyid dang sbyar ba'o/ /rjes su dpag pa tshad ma mtshan nyid lngas yongs su dag pas skad cig la sogs pa la gzhal zhing sgrub pa ni/ rjes su dpag pa'i mtshan nyid kyi le'u las lnga bshad pa bzhin no/ /'du byed rnams kyi rkyen gyis 'jig pa dang mi 'dra ba'i rgyun phyi ma byung zhing 'gag pa la de bas kyang myur ba skad cig pa yod par dpag pa ni chos dang rgyu'i rjes su dpag pa'i mtshan nyid do/ /skad cig pa phra mo la mi rtag pa rags pa nas te/ 'du byed thams cad skad cig ma nyid du 'phags pa rnams kyis mngon sum gyis dmigs zhes bya ba ni nye ba'i mngon sum gyis mtshan nyid do/ /nang dang phyi'i 'du byed la sems kyi rgyud gzhan dang gzhan du 'gyur pa'i mgyogs pa dang/ me lce 'bar ba'am sa gzug po la chu 'bab pa'i rgyun mgyogs pa dmigs pa dang 'dra'o/ /zhes bya ba ni rang gi rigs kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid do/ /thams cad mkhyen pas gsungs pa sde snod gsum pa'i lung las skad cig pa re re la yang skye ba la sogs pa 'dus byas kyi mtshan nyid bzhi dang/ nye ba'i mtshan nyid bzhi po skye ba ni skyed par byed/ gnas pa'i ni 'dug par byed rga ba ni rnying par byed/ ma rtag pa ni 'jig par byed pa la sogs pa gtan tshigs rgyas par 'byung ba ni/ yid ches pa'i lang?? gi mtshan nyid do/ /da ltar na mtshan nyid lnga dang ldan pa'i rjes su dpag pa'i tshad mas 'du byed thams cad skad cig mar sgrub po sems can sna tshogs las sna tshogs la gnas pa mngon sum gyi dmigs su yod pa las na/ 'jig rten gzhan du yang de'i tshul gyis 'gro bar dpag pa ni rgyu dang las dang chos kyi rjes su dpag pa'i mtshan nyid do/ /so so'i skye ba rnams tshe'i 'du byed zad cing 'jig rten pha rol tu skye ba 'phags pa rnams kyi mngon sum gyis dmigs zhes bya ba ni nye ba'i mngon sum gyis mtshan nyid do/ /'phags pa bzang skyed gis dris pa'i mdo las 'jig rten pha rol tu 'gro zhes bya ba 'ang gzugs med pa'i phung po rnam par shes par 'gro ste/ dper na rlung gi khams gzugs ltar mi snang pa ldang zhing 'gro ba me tog la sogs pa dri zhim pa dang lus po la sogs pa dri nga? ba gang dang phrad pa de'i dri khyer te mnar bar 'gyur ba rlung de'i gzugs kyang mi dmigs/ dri de'i gzugs kyang mi dmigs mod kyi rlung gi rgyun kyang mi 'chad la dri da? ba dang zhim po so so'i ro las kyang ma gyur par mnam par gyur pa dang 'dra ste/ rnam par shes pa dang las gnyis ka la yang gzugs med mod kyi/ gang gi rnam par smin pa ni de 'bras bu mngon pa dang 'dra ste/ gzhan du na las gang byas pa'i rgyus 'jig rten pha rol tu gzugs kyi rnam par skye ba ni me long gi nang du da? zugs? gang du bstan pa'i gzugs brnyan 'byung ba dang/ 'jim pa la rgyu ci 'dra bas btab? sra'i? 'bur snar ba dang 'dra bar skre bo zhes bya ba ni rang gi rigs kyi dpe'i mtshan nyid do/ /mtshan nyid de gsum tshogs pas? 'grub? pa la gcig tu nges pa ni yongs su greg pa'i mtshan nyid do/ /gang thams cad mkhyen pas gsungs pa'i sde snod gsum pa'i lung las sems can 'chi gar rdul 'byung ba la sogs pa btags las gnas gar skye ba bshad pa dang/ 'jig rten pha rol gyi mngal la sogs par skye ba na 'du shes ci 'dra ba dang bcas te/ 'jug pa la sogs pa'i gtan tshig rgyas par 'byung ba ni yid ches pa'i lung gi mtshan nyid do/ /de ltar mtshan nyid lnga dang ldan pa'i rjes su dpag pa'i tshad mas 'jig rten pha rol yod par sgrub po/ /bde ba dang sdug bsngal gyi smin pa myong ba yang dge ba'i las la gnas pa 'di'i tshul gyis las kyi smin pa chung mi za bar dpag pa'i chos dang rgyu'i rjes su dpag pa'i mtshan nyid do/ /las dang 'bras bu'i rnam par smin pa 'phags pa rnams kyis mngon sum du dmigs zhes bya ba ni nye ba'i mngon sum gyi mtshan nyid do/ /dge? ba byed pa'i rnams ni bdag kyang 'tsho? ba dgos med pa las gzhan gyis kyang bya dga' sbyin pa la sogs pa phan 'dogs pa'i bde pa myong/ mi dge ba byed pa rnams ni bdag kyang 'tshe zhing 'jig la/ gzhan gyis kyang chad pas bcad pa la sogs pa gnod par bya ba'i sdug bsngal myong ba dang/ tshod pa tshod sbyor pa la brtson pa ni rkam rdzas kyi yo byad phun sum tshogs pa dang/ yul ba zhing rmad pa la brtson pa ni nas 'bras kyi yo byad phun sum tshogs pa dang/ 'phrog? pa phyugs 'tsho ba la brtson pa ni sha dang phyugs kyi phun sum tshogs par 'gyur ba dang 'di lta bu la sogs te/ gang la nan tan gyis brtson pa de'i yo byad phun sum tshogs pa ni dge ba la brtson pa'i bsod nams phun sum tshogs pa dang 'dra'o/ /gang 'chi skyed? che la gzungs mi rub pa ni brkam rdzas kyis rgyud pa dang/ gang dgos? la ngan cing chang dang tsha ba ni nas 'bras kyis rgyud pa dang/ gang 'tsho skyong la zhen cing phyugs la mig tsha ba ni rkang 'gros kyis phongs par 'gyur ba dang/ log pa'i sbyor ba byed pa de'i yo byad kyis phongs pa dang 'dra'o/ /zhes bya ba ni rang gi rigs? kyi dpe'i mtshan nyid do/ /mtshan nyid de gsum tshogs pas 'grub pa la gcig tu nges pa ni yongs su gregs pa'i mtshan nyid do/ /thams cad mkhyen pas gsungs pa sde snod gsum pa'i lung? las/ las gang byas pa las smin pa ci 'dra ba'i 'bras bu myong ba la sogs pa'i gtan tshig rgyas par 'byung ba ni lung gi mtshan nyid do/ /de ltar na mtshan nyid lngas las kyi 'bras bu chud mi za bar sgrub po/ /mtshan nyid de rnams nang mi 'gal bar bsgrub pa ni rjes su dpag pa yongs su dag pa'i tshad ma'o/ da ci'i phyir zhe na/ sgrib pas bsgribs pa la dpog pas na rjes su dpag pa'o/ /mtshan nyid kyis yongs su dag pa ste ma nges pa'i skyon med pas na yongs su dag pa'i tshad ma'o/ /bka' thang gi rjes su dpag pa'i tshad mar bya ba'i le'u ste bcu gcig pa'o// // yid ches pa'i lung gi tshad ma la yid ches pa'i lung gi tshad ma gang zhe na/ shin tu bsgribs pa'i chos la mtshan nyid 'di 'dra ba zhig yod do zhes yid ches pa'i lung las 'byung bas sngon du drangs pa'i steng du nye ba'i mngon sum la sogs pa mtshan nyid lngas yongs su dag par byas pa yin no/ /de gang zhe na/ rnam par thar pa'i sgo gsum ni/ chos kyi phyag rgya yin pas stong pa nyid dang/ mtshan ma med pa dang/ smon pa med pa ston pa dang/ bcas pa las 'byung ba yid ches pa'i lung gi mtshan nyid dang/ lung las gang bstan pa'i dngos po de yang 'phags pa dag gis mngon dus byas te/ mngon sum du dmigs nas so so rang gis rigs par lung las 'byung ba'i nye ba'i mngon sum gyis mtshan nyid dang so so'i skye bo dag gis blos brtag cing dpyad na yang 'thad par bzung du rung ste/ nye ba'i rjes su dpag pa'i mtshan nyid dang/ nyan thos kyis theg pa'i sder gtogs pa gzhan yang mthun/ theg pa chen por khas len pa yang theg pa chen po'i sder gtogs pa gzhan dang mthun pa rang gi rigs gyi dpe'i mtshan nyid dang/ mtshan nyid de gsum tshogs pas 'grub pa la gcig tu nges pa ni yongs su greg pa'i mtshan nyid dang sbyar ba'o/ /shin tu bsgribs pa'i chos de dag gang zhe na/ mya ngan las 'das pa dang de bzhin nyid dang sangs rgyas kyi zhing tha dad pa'i yon tan dang? 'jig rten gyi khams sna tshogs dang 'di lta bu la sogs nas 'bras bu'i bar gyis rnam pa drug po gang yang mngon sum gyi ma dmigs te/ shin tu bsgribs pa rnams yin no/ /mtshan nyid lnga dang ldan pa'i lung gis tshad mas shin tu bsgribs pa'i yul la gzhal? zhing sgrub? pa ni dper bya na/ mya ngan las 'das pa ni zhib ste/ sdug bsngal thams cad dang bral ba mtshan ma kun las 'das pa'o zhes rnam par thar pa'i sgo gsum ston pa can las 'byung ba ni lung gi mtshan nyid do/ /thams cad mkhyen pas mya ngan las 'das pa mngon sum du gzigs te bstan par lung las 'byung ba ni nye ba'i mngon sum gyi mtshan nyid do/ rigs pa dang sbyar te dpyad na/ 'phral gyi sdug bsngal ni rgyu spangs pas bsal du rung chos thams cad ni rang bzhin med de ji ltar sgom du yang rung ba las nas sdug bsngal dang mtshan ma thams cad zhi ba'i mya ngan las 'das pa zhig kyang yod par 'thad pa ni nye ba'i rjes su dpag pa'i mtshan nyid do/ /'phags pa dgongs pa nges par 'grel pa'i mdo las mya ngan las 'das pa'i mtshan nyid 'di 'dra bar 'byung ba bzhin du 'phags pa byang chub sems dpa' i sde snod la sogs pa theg pa chen po'i sder gtogs pa gzhan las kyang mya ngan las 'das pa sdug bsngal dang mtshan ma thams cad zhi ba'o/ /zhes 'byung ba ni rang gi rigs kyi dpe'i mtshan nyid do/ /mtshan nyid gsum tshogs na 'grub pa la gcig tu nges pa ni yongs su greg pa'i mtshan nyid do/ /de ltar mtshan nyid lnga dang ldan pa'i lung gi tshad mas mya ngan las 'das pa zhi pa'i mtshan nyid du bsgrub pa'o/ /yid ces pa'i tshad ma'i lung gi le'u ste bcu gnyis pa'o// // yongs su ma dag pa'i gtan tshigs la/ de la yongs su ma dag pa'i mtshan nyid bdun gang zhe na/ de las gzhan dang mthun par dmigs pa'i mtshan nyid dang/ de las gzhan dang mi mthun par dmigs pa'i mtshan nyid dang/ thams cad mthun par dmigs pa'i mtshan nyid dang/ thams cad mi mthun par dmigs pa'i mtshan nyid dang/ rang bzhin gyi rigs dang mthun pa'i dpe nye bar sbyar ba'i mtshan nyid dang/ yongs su ma greg pa'i mtshan nyid dang/ lung rnam par ma dag pa bstan pa'i mtshan nyid do zhes gsungs pa de dag gi bye brag bshad do/ /de las gzhan dang mthun par dmigs pa zhes bya ba ni rnam pa gnyis te/ yongs su dag pa'i mtshan nyid lnga pa ma yin pa'i tshad ma gzhan dang mthun par dmigs pa dang/ 'dus byas kyi yul gyi mtshan nyid mi rtag pa la sogs pa gzhan du dmigs te/ phyin ci log bzhir lta bas 'dus ma byas kyi mtshan nyid dang mthun par dmigs la sogs pa'o/ /de las gzhan dang mi mthun par dmigs pa zhes bya ba'i de las gzhan ni snga ma bzhin no/ /mi mthun par dmigs pa ni rnam pa gnyis te/ tshad ma gzhan dang mi mthun pa dang/ yul gyi mtshan nyid gzhan dang mi mthun par dmigs pa yin te/ mngon sum 'ba' zhig tshad mar byed cing 'phral du ltar mi snang ba'i yul 'jig rten pha rol med par lta ba la sogs pa byed pa po dang/ tshad pa bor lta ba rnams so/ /thams cad mthun par dmigs pa ni yongs su ma dag pa'i mngon sum yin no/ /thams cad mi mthun par dmigs pa ni yongs su ma dag pa'i rjes su dpag pa yin no/ /gzhan gyi rigs dang mthun pa'i dpe ni/ logs pa'i sbyor bas dpe ston pa'o/ /yongs su ma dag pa'i greg pa ni grub pa'i mtshan nyid log pa'o/ /lung rnam par ma dag pa ni thams cad mkhyen pa ma yin pas bstan pa ni lung ngo/ /de la chos thams cad ni yid kyi rnam par shes pas rnam par shes par bya ba nyid do zhes bya ba 'di ni thams cad mthun par dmigs pa'i mtshan nyid do zhes gsungs pa de ji ltar yongs su ma dag pa'i mngon sum yin zhe na/ shes par bya ba nyid do zhes 'byung ba'i sgras ni mngon sum gyi don yin no/ /chos thams cad yid kyi rnam par shes pa'i yul lo zhes bya ba'i phyir dbang po gzugs can gyi rnam par shes pa lngas/ ma drangs pa'i yid kyi rnam par shes pa yang phyi rol gyi yul thams cad la mngon sum gyis dmigs pa nyid du 'dzin pa dang/ 'das pa dang ma 'ongs pa dang lkog na 'dug pa la sogs pa dran pas bag chags la dmigs pa'i yul yang mngon sum du dmigs pa dang 'dra bar 'dzin pa lta bu yid kyi rnam par shes pa 'ba' zhig mngon sum gyi tshad mar 'dod pa yin te/ thams cad mthun par dmigs pas na yongs su ma dag pa'o/ /gzhan yang yid kyi rnam par shes pa ni dus thams cad du rtog pa gsum dang ldan pa'i rang bzhin can la rtog pa phra mo mi gsal bas yi gol zhing mi rtog pa'i mngon sum du 'dod pa 'byung ba de ni rnam par shes pa drug car mtshan nyid 'dra bar 'dzin pas thams cad mthun par dmigs par 'gyur te/ mtshan nyid kyis yongs su ma dag pa yin no/ /de'i tshul las drangs te 'di'i nang du gtogs par rtsi ba ni chos thams cad kyang rtags dang rang bzhin la sogs pa drug pos la la ni mthun la la ni mi mthun pa la thams cad mtshungs par dmigs pa yin te/ dper na 'gro ba rnams la sems yod pa bzhin du shing dang rtswa dang sman la sogs pa la yang sems yod do zhes zer ba dang/ sa rdo dang kha zas dang chang la sogs pa rkyen tshogs pa la 'byung ba bzhin du 'gro ba dag gi rnam par shes pa yang 'byung ba chen po bzhi 'dus pa las gyur te 'jig rten gzhan du 'gro ba med zhes zer ba'o/ /dka' thub dang rtul shugs kyi tshul la gnas so cog kyang thar pa'i lam du mtshungs so zhes zer ba dang/ chos gang la sgrib pa yod pa dang sgrib pa med pa thams cad la yang mngon sum 'ba' zhig gis dmigs par 'dod de/ mngon sum gyis mi dmigs so cog med par lta ba dang/ 'di lta bu dag ni thams cad mthun par dmigs pa yin no/ /gang yang rtags dang rang bzhin dang las dang chos dang rgyu dang/ 'bras bu mi mthun pa gang yang rung ba gcig gi mi mthun pas phan nges par mi mthun zhes bya ba 'di ni rnam pa thams cad mi mthun par dmigs pa'i mtshan nyid do zhes gsungs pa de ji ltar yongs su ma dag pa'i rjes su dpag pa yin zhe na/ rtags la sogs pa drug po cig gis mi mthun ba de las de'i rnam pa gzhan yang nges par mi mthun no zhes dpog pas na rjes su dpag pas ni rjes su dpag pa yin te/ rnam pa kha cig gis mi mthun pa yang rnam pa kha cig gis mthun pa yod pa la/ thams cad kyi thams cad du mi mthun par dpag pa ni mtshan nyid kyis yongs su ma dag ste/ yongs su ma dag pa'i rjes su dpag pa zhes bya'o/ /de la rtags gang zhe na/ gang mngon sum gyis mi dmigs pa de la gnas par nges pa'i chos gzhan no/ /rang bzhin gang zhe na/ rang gi mtshan nyid do/ /las gang zhe na/ des bya ba'o/ /chos gang zhe na tshul lo/ /rgyu gang zhe na de bskyed pa'o/ /'bras bu gang zhe na des bskyed par bya'o// de dag gi bye brag dpes? bstan pa sa'i rtags ni gang/ gnas pa bstan par snang ba'o/ /rang bzhin ni sba? ba'o/ /las ni 'dzin pa'o/ /chos ni brtseg tu rung ba'o/ /rgyu ni sra bar rnam par rtog pa'o/ /'bras bu ni 'byung ba las 'gyur ba'o/ /dbyar gyi chu'i rtag ni chu skyar ro/ rang bzhin ni gsher ba'o/ /las ni bsdu pa'o/ /chos ni 'bying ba'o/ /rgyu ni sems can gyi gsheng ba rnam par rtog pa'o/ /'bras bu ni snum pa dang mnyan par gyur pa'o/ /me'i rtags ni du ba'o/ /rang bzhin ni dro ba'o/ /las ni 'tshad? par byed pa'o/ /chos ni 'bar ba'o rgyu ni sems can gyi tsha ba nam par rtog pa'o 'bras bu ni chos par 'gyur ba'o/ /rlung gi rtags ni rdul dang sgra'o/ /rang bzhin ni g.yo ba'o/ /las ni bskyod pa'o/ /chos ni mi gnas pa'o/ /rgyu ni sems can gyi g.yo ba rnam par rtog pa'o/ /'bras bu ni g.yos par gyur pa'o/ /sdong po ni shing bya dang de'i tshang ngo/ /rang bzhin ni bshan pa'o/ /las ni ston pa'o/ /chos ni bzhod? du rung ba'o/ /rgyu ni rang gi sa bon no/ /'bras bu ni rang gi shing tog go/ sems can gyi rtags ni smra ba dang g.yo ba'o/ /rang bzhin ni rnam par shes pa'o/ las ni phan pa 'am/ gnod pa'am gnyis ka ma yin pa'o/ /chos ni 'tsho ba la brten pa'o/ /rgyu ni dge ba dang mi dge ba dang mi g.yo ba'i las so/ /'bras bu ni bde ba dang sdug bsngal dang/ bde ba dang sdug bsngal ba ma yin pa'o/ /sems can las bye brag tu bya na so so'i skye bo'i rtags ni rtse ba dang ca? co'o?/ /rang bzhin ni zag pa dang bcas pa'i rnam par shes pa'o/ /las ni rang gi rigs kyi don gnyer ba'o/ /chos ni 'jig rten gyi chos brgyad kyi dbang du gyur pa'o/ /rgyu ni las dang nyon mongs pa'o/ /'bras bu ni che'o/ /byang chub sems dpa' i rtags ni lag brkyang zhing sbyin pa dang brtan pa'o/ /rang bzhin ni snying rje dang byams par ldan pa'i ye shes so/ /las ni sems can la phan 'dogs pa'o/ /chos ni dul zhing chos kyi dbang gyur pa'o/ /rgyu ni dge ba ba'i? bshes gnyen chos dam pa stan? pa'o/ /'bras bu ni sangs rgyas bcom ldan 'das so/ /de la gcig gis mi mthun pas thams cad mi mthun par dmigs pa gang zhe na/ mi dang byol song gnyis blo la sogs pa'i tshul mi 'dra ste/ mi la ni 'jig rten pha rol yod kyi byol song la ni 'jig rten pha rol med do zhes zer ba dang/ 'jig rten pha rol yod na yang rigs mthun mthun du 'khor gyi mi las byol song las mir skye bar mi 'gyur ro zhes zer ba yin te/ phyogs gcig mi mthun pas thams cad mi mthun par dmigs su mi rung ba ni dper na dgun gyi tshe nang par lu ma las rlangs pa 'byung ba dag chu gzhan las khyag pa snang ba gnyis rtags mi mthun la rtags can gyi rang bzhin tshur? mtshungs pa dang skyes pa rang gi tshul du 'dug pa dang/ skyes ba mo char zhugs pa la sogs pa rtags mi mthun te/ zhes? pa'i rang bzhin du mtshungs pa yang yod pas na rtags mi mthun pa zhes phan tshun nges par mi mthun pa'i nang du gzhug tu de ltar mi rung ngo/ /me gang na 'bar ba'i rtags su du ba byung ba dang char gang du 'bab pa'i rtags na bun byung ba gnyis rgyang ma nas 'dul? bar 'dra la rtags can gyi rang bzhin me dang chu yin pas mi mtshungs pas dang skyes pa rang gi tshul du 'dug pa dang/ bud med pho char zhugs pa gnyid rtags can gyi rang bzhin skyes pa dang/ bud med yin te mi mthun la rtags kyi tshul mthun pa la sogs pa yang yod/ mar 'khyag par bya ba na chu grang mo'i nang du gzhug pa dang chu drang mo'i nang du bcug pas kyang bu ram zhu bar 'gyur ba gnyis ni 'khyag pa dang 'ju ba'i chos mi 'dra ste/ chur gzhug pa'i las 'dra ba dang sbyin gyis sbyar ba skam na tsha ba 'dug pa dang rgya skyegs bzhu bar bye na yang tsha bas bdug pa lta bu la sogs pa/ tsha ba la bdug pa'i las 'dra la skam pa dang zhu ba'i chos mi mthun pa la sogs pa yang yod/ chu la gru 'dor ba dang zam pa 'dogs pa gnyis kyi chos mi mthun la chu rgal ba'i las byed par mthun pa dang/ phyugs la zhon pa dang/ shing rtar 'jug pa gnyis kyis chos mi mthun la/ lam bgrod par byed pa las mthun pa la sogs pa yang yod/ a ru ra la sogs pa'i sman 'thungs pa dang/ bal bu la sogs pa'i sman 'thungs pa gnyis kas nad sos pa ni sman tha dad de/ rgyu mi mthun la bde ba thob pa'i 'bras bu mtshungs pa/ 'bru dang/ sha dang tshod ma la sogs pa'i zas tha dad ba zos pas 'drangs par 'gyur ba zas kyi rnam pa mi mthun la 'drangs par mthun pa la sogs pa yang yod/ bkres pa las zas sna gcig zos pa gnyis gcig ni 'drangs te bde bar gyur pa dang/ gcig ni na ste mi bde bar gyur pa gnyis bza' rgyu mthun la bde ba dang na ba'i bye brag tu gyur pas 'bras bu mi mthun pa dang/ ga pur dang tsan dan lta bu grang ba'i nad kyis btab pa dang/ cha ba'i nad kyis btab pa gnyis ga la btang ste/ tsha ba ni sos grang ba ni na bar gyur pa/ sman gyi rgyu mtshungs te/ sos pa dang na bar gyur pa 'bras bu mi mthun pa la sogs pa yang yod de/ de 'dra ba'i tshul gyis mthun pa'i cha yang yod/ mi mthun pa'i cha yang yod pa la rnam pa thams cad mi mthun par dpag tu de ltar mi rung ngo/ /yang de las gzhan dang mthun pa dmigs pa'i mtshan nyid dpe dang bcas pa la thams cad mi mthun pa dmigs pa'i mtshan nyid yod pa'i phyir de 'grub par bya ba la gcig tu ma nges pas na de yongs su ma greg pa'i mtshan nyid ces bya'o/ /zhes gsungs pa de'i mtshan nyid bshad do// de las gzhan dang mthun pa dmigs pa zhes bya ba ni sngar bshad pa bzhin te tshad ma mtshan nyid lnga pa las gzhan dang mthun pa dang/ yul gyi mtshan nyid ji lta ba las gzhan du dmigs pa'o/ /dpe dang bcas pa zhes bya ba la sogs pas bshad pa ni mi man sa ki'i mngon sum nir 'dra te la sogs pa'i tshad ma dang mthun te/ mngon sum ni dang po lta ba'i shes pa dngos po 'ba' zhig las skyes pa byis pa dang/ lkug pa'i rnam par shes pa dang 'dra ba'o/ /zhes bya ba yang mtshan nyid gzhan mi 'dod pas dus la la zhig tu sdong dum la mir dmigs pa yang 'byung ste/ nye ba'i rjes su dpag pas brtags te/ rtogs pa ni nye ba'i rjes su dpag pa gnyen por 'gyur ba rtags la sogs pa mi mthun pa yod pa dang/ brti ka'i tshul gsum pa'i rjes su dpag pa ni pe'i shi sha ka'i rjes su dpag pa'i mtshan nyid dpag par bya ba dang/ 'brel par grub pa de dang ldan pa la yod pa de med pa'i rtags kyis rjes su dpag zhes zer ba dang mthun te/ de la yang khyab par ston pas mi mthun par yod pa dang/ sang kya dang brti ka pa la sogs pa'i bdag dang gzhan gyi rjes su dpag pa zhes bya ba yang ne'i ya yi ka'i tshad ma dang mthun pa rtags du ba la sogs pa mthong pa'i rjes su dpag tu zad de mtshan nyid gzhan dang mi sbyor bas du ba mthong ba la/ na bun lta bu 'dra ba gzhan dang nor ba yang 'byung ste char gang na 'bab pa na me yod par dpog pa lta bu rang bzhin la sogs pa mi mthun pa yod pa dang/ brti ka pa'i mi dmigs pa'i gtan tshigs ni mi man sa ke'i dngos po med pa'i tshad ma dang mthun te/ phyogs kyi bye brag la la zhig na bum pa dmigs pa'i mtshan nyid du gyur pa las mi dmigs pa'i phyir bum pa med par spyod po'i yul du 'grub ste/ ri bong gi rwa la sogs pa gzhan med pa'i yul du grub pa bzhin no zhes bya ba yang bum pa med pa'i thad bu mngon sum du gyur pa las bum pa med pa zhes bya ba yang logs shig na med pas bsgrub pa dang/ sgrub par byed pa gnyis su dbyer med rang bzhin mi mthun pa yod pa dang/ tsa ra ka'i rigs pa'i tshad ma 'di yod na/ 'di yod pa las de las byung bar sgrub po zhes bya ba yang/ ne'i ya yi ka'i rjes su dpag pa las snga ma can zhes bya ba dang mthun par yang rigs pa dang sbyar zhing nad kyi gzhi ci las gyur pa brtag gang? ni rlung dang mkhris pa la sogs pa lus kyi nad na yod pa ltar mi snang ste/ de dag las bying bar nges pa med pas 'grub pa la ma nges pa dang/ mi man sa ka'i don gyis go ba'i tshad ma la me tsha bar rigs nas sreg nus par yang don gyis shes so zhes bya ba ni yo ga tsa ra bu ma'i rang bzhin gyi rjes su dpag pa dang mthun pa de yang mis sreg par byed pa ma mthong na dro ba tsam gyis tshig par mi nus te/ dro ba tsam gyis tshig par mi 'gyur bas sgrub pa la ma nges pa dang/ mi man sa ka'i dngos po med pa'i tshad ma la/ tshad ma lnga log pa dang de ma yin pas gzhan shes pa dang/ bdag shes pa las grol ba'o zhes bya ba ni mi dmigs pa'i tshad ma dang mthun te/ de yang dngos po yod de cog la bsgrub pa'i tshad ma yin pas tshad ma med kyang dngos po med par ma 'gyur te/ med par ma nges pa dang/ de ma nges gzhan dmigs pa las dngos po med par sgrub pa yang yid kyi rnam par shes pa'i mngon sum gyi med par dmigs su zad de tshad ma gzhan ma 'gyur ba dang/ bdag shes pa las grol ba zhes bya ba yang tshad ma ni 'jig rten kun gyis kyang gzhal du rung bar bya dgos na/ bdag ces bya ba nyid yod par ma grub pas na gzhal zhing sgrub du 'ang mi rung ste/ 'grub pa las ma nges pa dang/ ne'i ya yi ka'i nye bar 'jal ba'i tshad ma ni man sa ki'i tshad ma dang mthun te/ ba men sngon ma mthong ba'i mi la/ ba men ba lang dang 'dra'o zhes bstan na de gnyis 'dra bar shes pa'o zhes bya ba yang ba men la nog dang lkog shal la sogs pa med de/ 'dra ba'i dpe yang mi rung la gzhan gyis bstan pa'i tshigs las shes par zad pas lung gi tshad mar 'gal te tshad ma'i rang bzhin mi mthun pa yod pa dang 'du byed thams cad mi rtag pa dang/ bdag med pa la sogs pa'i rang bzhin yin pa las skye ba'i rgyun la 'dus ma byas rtag pa dang mthun pa dang/ bdag yod pa la sogs par dmigs te/ dper na dngos po dag de nyid yin par ngo shes pa las na rtag par mngon te/ brag dang rdo rje bzhin no zhes zer ba la skye bo'i rgyun chad pa lta bu mi mthun pa yod pa dang de nyid yod par 'dzin pa yang chu 'bab pa dang/ rtsi shing la sogs pa brdas nas slar skyes pa lta bu mi rtag pa la yang de nyid yin par 'dzin pa yod de 'grub pa la gcig tu ma nges pa dang/ bdag ni khyab pa yin te yon tan thams cad na snang ba'i phyir nam mkha' dang 'dra'o/ /zhes bya ba la bdag mngon sum pa na spun te/ mngon sum gyi mtshan nyid bzhi dang sbyar na la las ni khyab par dmigs/ la las ni yungs 'bru dang mthe bo dang rdul phra mo tsam du dmigs zhes zar? ba nad 'gal bas mngon sum gyis sun phyung ba la sogs te 'grub pa la gcig tu ma nges pa rnams so/ /yang de las gzhan dang mi mthun par dmigs pa'i mtshan nyid dpe dang bcas pa la thams cad mthun par dmigs pa'i mtshan nyid yod pa'i phyir 'grub par ba la gcig tu ma nges pas na de ni yongs su ma greg pa'i mtshan nyid ces bya'o/ /yongs su ma gregs pa'i phyir rigs pas brtags pa yongs su ma dag pa yin te/ yongs su ma dag pa'i phyir brten par mi bya'o zhes gsungs pa de'i mtshan nyid bshad do// de las gzhan dang mi mthun par dmigs pa ni sngar bshad pa bzhin te/ tshang ma'i grangs dang mtshan nyid gzhan gang dang yang dang mthun par dmigs pa dang/ yul gzhan gang dang yang mi mthun par dmigs pa'o/ /de dag dpe dang bcas? pa zhes bya ba la sogs pa ni/ lo ka ya ta pa dag mngon sum gcig pu tshad mar byed cing rnam par shes pa ni 'byung ba chen po bzhi las skyes te/ chad la ra ro ba yod par nus pa dang 'dra'o/ /'jig rten ni dbang po'i spyod yul du gyur pa tsam zhig yod du zad de/ lus zhig ste rdul du gyur nas gzhan du 'khor ba med do zhes zer ba ni/ tshad ma dang lta ba gzhan gang dang yang mi mthun te/ de la yid kyi rnam par shes pa mngon sum gyis brtags na rnam par shes pa 'byung ba chen po bzhi po las logs shig na/ yod par yang dmigs la 'jig rten gyi lha dang rnal 'byor ba rnams kyis kyang 'jig rten gzhan du 'pho bar dmigs te rnam par shes pa 'byung ba chen po las skye ba dang/ lus zhig nas med par gyur par ma dmigs te/ 'grub pa la gcig tu ma nges pa dang/ 'phags pa mya ngan las 'das pa chen po'i mdo las bram ze rgyu med par smra ba dag 'di skad ces zer te/ chos thams cad rang bzhin gyi yod du rgyu dang rkyen las byung ba ma yin pa ni/ dper na tshad ma'i rtse mo rang bzhin gyis rno ba la sogs pa dang 'dra'o zhes zer ba la chos thams cad so so'i rkyen du nges pa las 'byung bar snang ste/ dper na shing sdod po la mda' dang mdung gi rang bzhin med kyang bzo bo'i rkyen gyis mda' dang mdung du byar rung bstan du rang bzhin gyis grub pa ma yin par sun phyung ba la sogs par rgya cher gsungs pa yang/ chos thams cad rang bzhin gyis yod par smra ba dpe dang bcas pa ni tshad ma lta pa gzhan gang dang yang mi mthun pas na/ de las gzhan dang mi mthun par dmigs pa yin te/ de yang sdong po la mda' mdung gi rang bzhin med pa las bzo'i rkyen gyis byas pa rang bzhin gyis yod par ma dmigs te/ 'grub pa la ma nges pa dang dngos po snga ma 'gags pa'i rgyun mthong nas phyin chad med pa dang/ chad par lta ba la yang skye ba'i rgyun rtag pa yod pas chad pa mi 'grub pa dang/ par? ? g.yon chen mar ma ne/ g.yon mi gzod pas gtsug lag kun dang mi mthun pa gcig bya ba'i phyir gtsug lag kun nas drangs te/ byas pa lta bu ched du mi mthun par sbyar sbyar na/ gtsug lag gzhan gyis grub pa'i mdza' yod pa dang gyur te/ ma grub pa la sogs pa'o/ /de lta lung shin tu rnam par dag pa'i mtshan nyid ni rang bzhin gyis ma dag pa'i mtshan nyid ni rang bzhin gyis ma dag par shes par bya'o zhes gsungs pa de'i mtshan nyid bshad do/ /de gang zhe na/ lung ston pa'i ye shes rnam par ma dag pas des bstan pa'i lung rnam par ma dag pa'i phyir rang bzhin gyis ma dag go / de'i ye shes rnam par ma dag pa'i mtshan nyid gang zhe na/ sgrib ma spangs pa'i phyir shes rab yongs su ma dag pas thabs kyis 'ching ba dang/ thabs la mi mkhas pas 'chal pa'i shes rab tu 'gyur ba dang/ rgyu chung zhing mdza' dang bcas pa'o/ /de'i lung rnam par ma dag pa'i mtshan nyid gang zhe na/ don dam pa'i bden par yang rang bzhin yod par ston pa yin te/ rang bzhin yod pa las kyang bye brag tu phyin ci log bzhi'i mtshan nyid dang ldan pas 'du byed kyi mtshan nyid chos rnams la rtag go zhe 'am/ bde'o zhe 'am bdag yod do zhe 'am gtsang ngo zhes bya ba'o/ /gtsug lag de 'dra bar ston pa'i ye shes rnam par ma dag ste thams cad mkhyen pa ma yin par yang lung gi mtshan nyid las shes so/ /de'i lung rnam par ma dag pa yin dang? yang de'i ye shes sgrib pa dang bcas par gyur pa las shes so/ /rnam par ma dag pa'i lung de dag ni 'phags pa rin po che dpa' la skar mkhan gyi gtsug lag sun phyung ba dang/ 'phags ba chos dam pa dran pa nye bar gzhag pa las bram ze dag gi ston par byung? ba yon tan dang ba la sogs pa'i phyir rdzun smras na mi 'chags so zhes bya ba la sogs pa sangs rgyas ba las phyi rol tu gyur pa mdza' dag gi lung shin tu rnam par ma dag pa'i mtshan nyid do/ /yongs su ma dag pa'i le'u ste bcu? gsum pa'o/ / //chos nyid kyi rigs pa'i mtshan nyid la/ de la de bzhin gshegs pa rnams skyes kyang rung ma skyes kyang rung ste chos nyid dang chos gnas pa'i dbyings 'dug pa de ni/ chos nyid kyi rigs pa'o zhes gsungs pa'o zhes bye brag bshad do/ /chos nyid kyi rigs par lta ba gang la chos rnams kyi bden pa zhes bya ba chos nyid kyi rigs pa yang yin te/ rnam pa bcur shes par bya'o/ /de gang zhe na 'phags pa chos kun 'gro ba'i rgyu mdo las 'byung ba de la byang chub sems dpa' rnams kyi bden pa bcu gang zhe na/ 'di lta ste kun rdzob kyi bden pa dang/ don dam pa'i bden pa dang/ mtshan nyid kyi bden pa dang/ rnam par dbye ba'i bden pa dang/ nges par rtog pa'i bden pa dang/ dngos po'i bden pa dang/ nus pa'i bden pa dang/ zad pa dang mi skye ba shes pa'i gdan pa dang/ lam la 'jug pa shas pa'i bden pa dang/ de bzhin gshegs pa'i ye shes kun 'byung ba'i bden pa ste/ 'di dag ni bden pa bcu'o de la kun rdzob kyi bden pa ni tshad dang 'brel pa yongs su chad pa kun tu tha snyad gdags pa'i phyi gzhan gyi rkyen gyi dbang gis stan pa kun rdzob rgya chen po ma yin pa 'di kun rdzob kyi bden pa'o/ /de la don dam pa'i bden pa ni zab pa stong pa nyid dang/ rab tu ldan pa yul yongs su ma chad pa gzhan gyi rkyen gyis ma yin pa mnyam pa mi mnyam pa med pa/ ma 'khrug brtsod pa med dpa' i mtshan nyid dang/ chos thams cad de bzhin nyid 'di ni don dam pa'i bden pa'o/ /de la mtshan nyid kyi bden pa ni/ gnod pa'i mtshan nyid ni sdug bsngal ba/ rgyu'i mtshan nyid ni kun 'byung gzhi ba'i mtshan nyid ni 'gog pa/ /'byung ba'i mtshan nyid ni lam ste/ 'di ni mtshan nyid kyi bden pa zhes bya'o/ /gzhan yang chos thams cad bdag med pa'i mtshan nyid du shes nas skyon med pa la 'jug ste/ mtshan nyid las gyur pa'i skyon med pa ni mtshan nyid kyi bden pa zhes bya'o/ /de bzhin du chos thams cad rang bzhin gyis zhi ba'i mtshan nyid dang/ rang bzhin gyis dben pa'i mtshan nyid dang/ rang bzhin gyis stong pa'i mtshan nyid dang/ rang bzhin gyis mi skye mi 'gag pa'i mtshan nyid du shes nas skyon med pa la 'jug ste/ mtshan nyid las gyur pa'i skyon med pa na mtshan nyid kyi bden pa zhes bya'o/ /de la rnam par dbye ba'i bden pa ni chos thams cad mtshan nyid gcig pa las gzhan gyi dbang gis rnam par nges te bstan pa'o/ /mtshan nyid cig ces bya ba ni stong pa nyid kyi mtshan nyid do/ /chos thams cad mtshan ma med pa smon pa med pa mngon par 'du mi byed pa ma skyes pa ma byung pa ma 'gags pa 'di ni stong pa nyid de'i rnam par dbye ba ste/ rnam par dbye ba de dag thams cad kyang stong pa nyid kyi mtshan nyid do/ /de ltar stong pa nyid la slu bar mi byed pa de'i phyir rnam par dbye ba'i bden pa zhes bya ste/ /'di ni rnam par dbye ba'i bden pa zhes bya'o/ /de la nges par rtog pa'i bden pa gang zhe na/ 'phral zhing nges par rtog pa ste/ nges par sems pa shes pa mthong pa khong du chud pa mngon par rtogs pa'i shes pa shes bya ba la mi slu ba ste/ de'i phyir nges par rtog pa'i bden pa zhes bya'o/ /de la dngos po'i bden pa ni dngos po shes pa ste/ dngos po de dag ni phung po dang/ khams dang skye mched rnams so/ /phung po dang khams dang skye mched de dag rten cing 'brel par 'byung ba dang/ stong pa dang dngos po med par shes ste/ de ltar shes nas skyon med pa la 'jug pa'i phyir dngos po'i bden pa zhes bya'o/ /de la nus pa'i bden pa ni ye shes dang/ spong ba de dang lam des nyon mongs pa spong bar byed pa dang/ stobs dang mi 'jigs pa dang/ sangs rgyas kyi chos ma 'dres pa khong du chud pa dang/ de bzhin gshegs pa thams cad kyi dbang po khong du chud par nus pa ste/ de'i phyir nus pa'i bden ba zhes bya'o/ /de la zad pa dang mi skyes pa'i shes pa'i bden pa ni 'dus byas thams cad zad pa can du ston te/ zad pa de yang mi zad la zad pa med do gal te zad pa la zad pa yod du zin na 'gog pa yang zad par 'gyur te/ de'i phyir zag pa zad par mi 'gyur ro/ /gang zad par mi 'gyur ro/ /gang zad par mi 'gyur ba de mi skye ste 'di ni zad pa dang mi skye ba shes pa'i bden pa zhes bya'o/ /de la lam la 'jug pa'i bden pa gang zhe na/ ye shes lam bsod nams dang ye shes kyi tshogs bsags pa gang gis chos thams cad ma skyes ma 'gags par shes pa des 'jug cing 'dzud pa ste/ de'i phyir lam la 'jug pa'i shes pa bden pa zhes bya'o/ /de la de bzhin gshegs pa'i ye shes kun 'byung ba'i bden pa gang zhe na/ chos kyi sprin gyi sa dang de bzhin gshegs pa'i sa'i bar de bzhin gshegs pa'i ye shes kun 'byung ba'i bden pa ste/ de bstan pa'i lam gyis mngon par rtogs pa'o/ /'di dag ni byang chub sems dpa' rnams kyi bden pa bcu 'o zhes gsungs so/ /gzhan du na de las kyang mdor bsdus na/ bden pa gnyis su shes par bya ste/ 'phags pa bden pa nyid la 'jug pa'i mdo las bden pa gnyis kyi bye brag rnam pa du ma zhig tu rgyas par gsungs pa bzhin no/ /don dam pa'i bden pa zhes bya ba la 'dod pa mi mthun pa dag yod do/ /chos rnams so so'i mtshan nyid gang dang gang la ji lta ji lta bur dmigs shing don dam pa zhes smras pa la/ shes rab dpal ldan pa'i blos gnyen po byang zhing rigs par smra bas sun dbyung du rung na don dam pa'i bden pa zhes kyang mi bya'o/ /de lta bas na don zab pa dgongs pa nges par 'grel pa'i byang chub sems dpas bshad pa'i le'u las 'byung ba 'dus byas dang 'dus ma byas shes bya ba ston pas btags pa'i tshig 'di ni kun rtog pa las byung ba yin te tha snyad du brjod pa'o/ /de ni kun tu rtog pa sna tshogs kyi tha snyad du brjod pa shin tu yongs su grub pa'i phyir 'dus ma byas pa ma yin no zhes bya ba la sogs pa rgyas par gsungs pa bzhin te/ ji snyed du gnyis par brjod do cog ni kun tu rtog pa las byung ba dang tha snyad kyi brjod pa tsam du zad de/ rang gi mtshan nyid kyis grub pa ma yin pas na gnyis su med pa'o/ /chos gang la skye bar 'dod do cog kyang skye bar 'dod do cog kyang skye ba nyid du mi 'grub ste/ 'phags pa ma dros pa klu'i rgyal pos dris pa'i mdo las 'byung ba chos thams cad med pa dang yod pa las bral zhing rkyen gyi kha na las par rjes su mthong ste/ chos de dag gang yang rgyu med pa las skye bar mthong nas gang rgyu'i kha nas las pa de ni rkyen gyi kha na las pa'o/ /gang rkyen gyi kha na las pa de ni ma skyes pa'o/ /gang ma skyes pa de ni stong pa'o zhes bya ba la sogs par rgyas par gsungs pa bzhin te/ skye'o cog rkyen gyis mi skye ba med la de'i rkyen rnams kyang rkyen la bsdod pas na rang la skye ba'i mthu med par mngon no/ /gang skye bar snang ba de nyid mi skye ba'i rang bzhin can zhig yin na ni skyes pa'i rang bzhin med pas rkyen du mas bstangs kyang skye bar mi 'gyur ba'i rigs na skye bar snang ngo/ /de nyid la skye ba'i rang bzhin yod na ni rkyen dang ma phrad par yang skye ba'i rigs na rkyen la sdod par yang snang ngo/ /skye ba'i rang bzhin yang yod la skyen dang yang phrad de gnyis ka ldan pa las skye zhes bya bar yang de dag so sor skye bar ma grub na 'dus byas kyang skye bar mi rung ngo/ /gang skye ba de rkyen rnams la snga nas yod na ni gzod bskyed kyang mi dgos te rkyen gyis byas pa yang don med par 'gyur ro/ /rkyen rnams la med na ni gzhan zhig gud nas 'ongs par gzhug dgongs pas rkyen gyis bskyed par yang ma grub ste/ 'phags pa nA ga rdzu nas chos kyi snying po dge bar ji skad bshad pa bzhin no/ /de bzhin gshegs pas yan lag bcu gnyis dang ldan pa'i gsung rab las kun rdzob kyi bden pa bstan pa yang rung/ 'jig rten gyi tha snyad du bstan pa yang rung/ bkri pa'i don du gsungs pa yang rung/ chos kyi sgo rnam pa mang pos bstan to cog kyang don dam pa'i bden pa la gzhug pa'i sgo yin par shes par bya'o/ /de lta bas na 'phags pa gzungs kyi dbang phyug rgyal pos zhus pa'i mdo las kyang don tha dad pa'i gtam gyi phyir sangs rgyas mi 'byung gi chos kyi dbyings ro gcig cing sgrib pa med pa sems can thams cad kyi go skabs dang ldan pa mngon par rdzogs par sangs rgyas nas/ sems can rnams de khong du chud par bya ba'i phyir/ chos kyi 'khor lo rab tu bskor te/ 'di lta ste phyir mi ldog pa'i 'khor lo'i zhes gsungs pas don dam pa'i bden pa dang/ kun rdzob kyi bden pa la sogs pa'i tshul gyis thams cad kyi mtshan nyid 'di dag lta bur yin par ni de ltar shes te/ des na de'i phyir chos nyid kyi rigs pa zhes bya'o/ /chos nyid kyi rigs pa'i le'u ste bcu bzhi pa'o// //tshad ma'i yon tan bkod pa bka' yang dag pa'i tshad ma rnam pa thams cad dang ldan pa'i yon tan ni 'jig rten 'di dang/ 'jig rten pha rol gnyis ka'i don du 'gyur ba du ma zhig yod ba las mdor bsdus na rnam pa gsum ste/ /yongs su dag pa'i yon tan rdzogs pa yin/ yongs su dag pa'i skyon gyis ma gos pa yin/ phan yon gyi legs pa dang ldan pa yin no/ /de la yongs su dag pa'i yon tan rdzogs pa gang zhe na rnam pa lngar shes par bya ste/ tshad ma yongs su dag pas 'grub pa la gcig tu nges ba dang/ gzhal bya phun sum tshogs pas 'jig rten las 'das pa'i chos chub pa dang/ sgrub pa yan lag yongs su rdzogs pa dang/ lta ba rnam par dag ba dang/ tshad ma'i bye brag rab tu shes par 'gyur ba lnga'o/ /de la tshad ma yongs su dag pa ni mngon sum la sogs pa'i tshad ma gsum po re re la yang mtshan nyid lnga lnga dang sbyar ba gcig gis gcig sbyangs te/ gtan la phab pas na 'grub pa la gcig tu nges par 'gyur ba yin no/ /gzhal bya phun sum tshogs pa ni du ba las me yod par dpag pa lta bu phyugs rdzi yan chad kyis shes pa las gzhal ba ma yin gyis thams cad mkhyen pa dang/ 'jig rten pha rol la sogs te mi las bla mar gyur pa'i chos dang/ ma'i chos kyang smos pas na gzhal bya'i yul chub par bstan pa yin no/ /sgrub pa'i lan lag yongs su rdzogs pa ni 'bras bu yod par dam bca' ba dang/ gtan la dbab pa'i yan lag bdun gyis tshul gyis bcas nas/ snod dang sbyar te smra ba'i rgyan las 'byung ba dang ldan par ston pas na/ tshig dang don du bcas pa'i rnam pa dang ldan no/ /lta ba rnam par dag pa ni chos rnams la tshad ma yongs su dag pas gzhal te/ yang dag pa ji lta ba bzhin du rtogs pas na/ bdag nyid kyang yang dag pa'i lta ba la gnas shing gzhan yang dag pa'i lta ba la 'jog pa yin no/ /tshad ma'i bye brag shes pas ni 'jig rten dang 'jig rten las 'das pa'i tshad ma thams cad kyang/ bka' yang dag pa'i tshad ma bshad pa'i nang du 'dus te tshad ma yongs su dag pa dang/ ma dag pa bye brag khong du chud par 'gyur ba yin no/ /yongs su ma dag pa'i skyon gyis ma gos pa gang zhe na/ rnam pa gsum du shes par bya ste/ 'gal ba med pa yin ma nges pa med pa yin/ so so'i skye bo'i nor ba med pa yin no/ /de la 'gal ba med pa ni chos gang la yang rtags dang 'bras bu'i bar gyi rnam pa drug po dmigs kyis phye bas na 'gal ba med pa rnam pa gnyis te mthun par dmigs pa la mi mthun pa'i mtshan nyid kyis 'gal ba med pa yin/ mi mthun par dmigs pa la mthun pa'i mtshan nyid kyis 'gal ba med pa yin no/ /de la ma nges pa yang rnam pa gnyis te/ yul gyi bye brag mi rtogs shing lung du mi rtog pa'i mtshan nyid med pa yin/ srid pa tsam zhes the tshom skye bar sgrub pa med pa yin no/ /de la so so'i skye bo'i nor ba med pa yang rnam pa gnyis te/ bdag gi rtog pa 'dir ris su bris pa med pa yin/ gzhan gyi dring la 'jog cing zag pa la brten pa med pa yin no/ /phan yon gyi legs pa dang ldan pa gang zhe na rnam pa gnyis te/ thams cad mkhyen pas gsungs pa bzhin du bris te chos la bstan pas de bzhin gshegs pa'i byin gyis byin tu brlab shing bsgrubs pa la mthu chen po yin/ dpal gyi zhal nas gsungs pa nang gcig gi bkrol te/ lhan ma zhugs ba'i gsung rab nyid yin pas gang gis bklags pa dang thos pa dang/ bsams pa tsam gyis kyang sdig pa 'byang zhing bsod nams 'phel ba yin no/ /de ltar bka' yang dag pa'i tshad ma 'di yon tan gsum dang ldan pas tshogs kyi rgyur 'gyur ro/ /de gang zhe na/ yongs su dag pa'i mtshan nyid rdzogs shing yongs su ma dag pa'i skyon med pas ni ye shes kyi tshogs kyi rgyur 'gyur ro/ /phan yon gyi legs pa dang ldan pas ni bsod nams kyi rgyur 'gyur te/ 'jig rten 'di dang 'jig rten pha rol gyi don du byas pa yang de gnyis su 'dus so/ /de ltar tshogs gnyis yongs su 'grengs pa'i yon tan brjod pas na tshad ma'i yon tan bkod par rtags so/ /tshad ma'i yon tan bkod pa'i le'u ste bco lnga pa'o// //yon tan bkod pa rdzogs so// // */ /shing snying 'grel pa sngags su 'grel pa bzhugs/

CLOSE WINDOW