བོད་ཡིག

e-texts based on the ACIP/ALL Input

bam po dang po/ rta'i lo la btsan po khri lde srong btsan pho brang skyi'i 'on cang don bzhugs/ stod smad kyi dmag rnying rjed dang rkun chen btus/ gar log gi pho nyas phyag btsal/ blon chen po zhang khri zur ram shags dang/ mang rje lha lod la sogs pas rgya las gnangs mang po bcad de/ rnga rta dang ba lang phal mo che phyag tu phul/ zhang blon man chad so sor bya dga' stsal ba'i lan la/ nyi 'og gi mkhan po A tsArya dzin mi tra dang/ su ren+d+ra bo d+hi dang/ shI len+d+ra bo d+hi dang/ dA na shI la dang/ bo d+hi mi tra dang/ bod kyi mkhan po radna rak+Shi ta dang/ d+harmma tA shI la dang/ lo tsA ba mkhas par chud pa dz+nyan se na dang/ dza ya rak+Shi ta dang/ many+dzu sh+rI warmma dang/ radnen+d+ra shI la la sogs pas theg pa che chung las 'byung ba'i rgya gar gyi skad las bod kyi skad du bsgyur cing ming du btags pa rnams dkar chag tu bris te/ nam du yang gzhung lugs de las mi bsgyur zhing kun gyis bslab tu rung bar gyis shig ces bka' stsal nas/ sngon lha sras yab kyi ring la/ A tsA rya bo d+hi satwa dang/ ye shes dbang po dang/ zhang rgyal nyen nya bzang dang/ blon khri bzher sang shi dang/ lo tsA ba dz+nyA na de ba ko Sha dang/ lce khyi 'brug dang/ bram ze A nanda la sogs pas chos kyi skad bod la ma grags pa la min du btags pa dag cig mchis pa'i nang nas kha cig chos kyi gzhung dang/ byA ka ra Na'i lugs dang mi mthun te/ mi bcos su mi rung ba rnams kyang bcos/ skad kyi ming gces so 'tshal gyis kyang bsnan nas theg pa che chung gi gzhung las ji ltar 'byung ba dang/ gana'i mkhan po chen po nA gardzu na dang/ ba su band+hu la sogs pas ji ltar bshad pa dang/ byA ka ra Na'i sgra'i lugs las ji skad du 'dren pa dang yang bstun te/ 'jal dka' ba rnams kyang tshig so sor phral nas gtan tshigs kyis bshad de gzhung du bris/ skad kyang ba bshad mi 'tshal ba sgra bzhin du bsgyur bar rigs pa rnams kyang sgra btsan par bgyis te ming du btags/ skad kha cig don bzhin du gdags par rigs pa rnams kyang don btsan par bgyis te/ ming du btags nas btsan po'i sbyan sngar bande chen po dpal gyi yon tan dang/ bande chen po ting nge 'dzin la sogs pa yang tshogs te/ rje blon gdan 'dzom pa la zhus nas d+harmma bsgyur ba'i thabs dang/ rgya gar gyi skad la bod kyi skad du ming btags pa rnams gtan la phab ste/ bkas bcad pa/ dam pa'i chos bsgyur ba'i lugs ni don dang yang mi 'gal la bod la yang gar bde bar gyis shig/ d+harmma bsgyur ba la rgya gar gyi skad kyi go rims las mi bsnor bar bod kyi skad du bsgyur na don dang tshig tu 'brel zhing bden ma nor bar bsgyur cig/ bsnor na bde zhing go ba bskyed pa zhig yod na/ tshigs su bcad pa la ni rtsa ba bzhi pa'am drug pa'ang rung ste/ tshigs su bcad pa gcig gi nang na gang bde ba bsnor zhing bsgyur cig/ rkyang pa la ni don gang snyegs pa yan chad kyi tshig dang don gnyis ka la gar bde bar bsnor zhing bsgyur cig/ skad cig la min du mar 'dren pa ni lta 'og dang bstun la gar snyegs pa bzhin du ming thogs shig/ gau ta ma lta bu gau'i sgra las tshig dang/ phyogs dang/ sa dang/ 'od dang/ rdo rje dang/ ba lang dang/ mtho ris la sogs pa rnam pa du mar snyegs pa dang/ kau shi ka lta bu rtswa ku sha? thogs pa dang/ mkhas pa dang/ pad+mal dga' ba dang/ 'ug pa dang/ mdzod ldan la sogs pa'i sgra'i lugs la drangs shing bsgyur na/ sna grangs mang ba zhig tu snyegs la bsgyur ba rnams gcig gi nang du ni sna grangs de kun 'dur yang mi btub ste/ gcig tu chad par byar yang gtan tshigs chen po med pa rnams ni mi bsgyur bar rgya gar skad so na zhog cig/ gar yang drang du rung ba'i tshig cig byung na/ phyogs gcig tu chad par mi bsgyur bar spyir snyegs su rung bar gyis shig/ yul dang sems can dang/ me tog dang/ rtsi shing la sogs pa'i ming bsgyur na yid gol zhing tshig mi bde ba dang/ 'ol spyir bsgyur du rung yang don du de ltar yin nam ma yin gtol med pa rnams la/ mgo la yul zhi 'am/ me tog ces pa la sogs pa gang la bya ba'i ming gcig bla thabs su bsnol la rgya gar skad so na zhog cig/ grangs la rgya gar skad bzhin du bsgyur na dge slong brgya phrag phyed dang bcu gsum zhes 'byung ba la sogs pa ni stong nyis brgya lnga bcu zhes tha mal par bod kyi skad kyi lugs bzhin bsgyur na don dang yang mi 'gal la bod kyi skad la yang bde bas/ grangs bsdom du rung ba rnams bod skad kyi lugs bzhin du thogs shig/ pa ri dang/ sam dang/ au pa lta bu la sogs te/ tshig gi phrad dang rgyan lta bur 'byung ba rnams bsgyur na don dang mthun zhing 'byor pa'i thabs ni/ yongs su zhe 'am yang dag pa zhes 'am/ nye ba zhes sgra bzhin du bsgyur cig/ don lhag par snyegs pa med pa rnams ni tshig gi lhad kyis don bzhin du thogs shig/ rnam grangs su gtogs pa'i tshig rnams ni ma 'dom na ming gang pod skad du spyir du spyir drangs shing tshig tu gar bde bar gdags so/ /'dom na so sor btags pa bzhin du thogs shig/ sangs rgyas dang byang chub sems dpa' dang nyan thos la sogs pa zhes dang ko long gi tshig gi rim pa ni sangs rgyas la/ zhes pa'i tshig tu bsgyur/ gzhan la tshig 'bring po man chad tsam du byas te/ sngon lha sras yab kyi spyan sngar mkhan po dang lotsA ba mkhas pa tshogs pas d+harmma dkon mchog sprin dang/ lang kar gshegs pa bsgyur te/ gtan la phab pa'i lugs bzhin du bsgyur cig/ skad kyi lugs 'di ltar bkas bcad pa las so so nas su yang 'chos shing 'og tu ming gsar du 'dogs su mi gnang gis/ bsgyur ba dang 'chad pa'i gra so so nas skad gsar du ming gdags dgos pa zhig yod na yang/ so so'i gra grar ming 'chad par ma gdags par chos kyi gzhung dang sgra'i lugs las ji skad du 'byung ba'i gtan tshigs dang/ chos la ji skad du gdags pa dpyod de/ /pho brang du bcom ldan 'das kyi ring lugs kyi mdun sa dang/ d+harmma zhu chen 'tshal ba'i grar phul la/ snyan du zhus te bkas bcad nas skad kyi/ dkar chag gi dkyus su bsnan no// / gsang sngags kyi rgyud rnams gzhung gi gsang par bya ba yin te/ snod du ma gyur pa rnams la bshad cing bstan du yang mi rung la/ bar du bsgyur cing spyod du gnad gis kyang/ ldem po dag tu bshad pa mkhrol nas sgra ji bzhin du 'dzin cing log par spyad pa dag kyang 'byung/ sngags kyi rgyud kyi nang nas thu zhing bod skad du bsgyur ba dag kyang byung zhes gdags gyi/ phyin chad gzungs sngags dang rgyud blang nas bka' stsal te/ bsgyur du bcug pa ma gtogs pa/ sngags kyi rgyud dang/ sngags kyi tshig thu zhing bsgyur du mi gnang ngo/ /skad kyi ming sngon gtan la ma phab pa dang ming du ma thogs pa las theg pa che chung gi gzhung dang sgra'i gzhung las 'byung ba dang sbyar te bshad pa'i dang po'o// // sangs rgyas kyi mtshan gang yon tan gyi ming la sogs pa skad dka' ba rnams thog thog bshad pa sangs rgyas kyi mtshan gyi rnam grangs la/ bud+d+hagi gnyid sangs bas na mi gnyid sangs pa bzhin te/ sangs ba la snyegs pa yang rnam pa gcig tu na bud+d+hai rbi kA sha nA ta bud+d+ha bi bud+d+ha pad+ma bata/ blo bye zhing rgyas pas na pad+ma kha bye zhing rgyas pa dang 'dra bar yang bshad de sangs rgyas zhes bya'o/ /tshig gi don spyir na chos thams cad thugs su chud cing ma lus par byang chub pa la bya/ b+ha ga bAn zhes bya ba gcig tu na/ b+ha ga nA ma tsa tu Sh+Ta pa twa dA b+ha ga bAn zhes bya ste/ bdud bzhi bcom pas na bcom? pa la bya/ yang rnam pa gcig tu na b+ha ga ni legs pa rnam pa drug gi ming ste/ gzugs dang/ grags pa dang/ dbang phyug dang/ dpal dang/ shes rab dang/ brtson pa ste/ 'di drug gi spyi la bya/ bAn zhes 'byung ba ni b+ha ga syA stI te b+ha ga bAn zhes ldan par bshad de/ de rnam grangs 'di skad du bya ba las sngar bsgyur ba'i tshig grags pa btsan par bya ste/ bcom ldan 'das zhes bya ba ni mdo sde dag las sangs rgyas kyi yon tan la mtshan 'jig rten las 'das pa'o/ /zhes kyang 'byung bas na/ 'jig rten pa'i b+ha ga bAn las khyad par du 'das zhes blo thabs bsnan te/ bcom ldan 'das zhes btags/ 'jig rten pa'i b+ha ga bAn zhes bya ba ni 'jig rten pa'i gzhung nyid las kyang bcom par mi 'chad de/ legs pa dang ldan pa zhes 'chad pas 'jig rten pa'i b+ha ga bAn ni legs ldan zhes gdags/ ta thA ga ta zhes bya ba ta thA ni de bzhin/ ga ta ni gshegs pa dang byon pa 'am mkhyen pa 'am gsung ba la bya ste/ tshig gi don spyir na sngon gyi sangs rgyas rnams ji ltar gshegs shing phyin pa dang/ chos thams cad kyi rang bzhin de bzhin nyid ji lta ba bzhin mkhyen zhing gsung ba la bya mod kyi sngar grags pa bzhin de bzhin gshegs pa zhes gdags/ arhan zhes bya ba gcig tu na/ bU dza ma ri ha ti arhan ti zhes bya ste/ lha dang mi la sogs ba kun gyis mchod par 'os pas na mchod 'os zhes kyang bya/ yang gcig tu na kleSha? /a ri ha da bAn a ra zhes bya ste/ nyon mongs pa'i dgra bcom pas na dgra bcom pa zhes kyang bya ste/ rnam pa 'di gnyis las 'dir ni don btsan par bya ste dgra bcom pa zhes btags/ samyaksaM bud+d+ha zhes bya ba samyaka ni yang dag pa/ sam ni? sa man+ta 'am/ sam pUr+N+Na ste ma lus pa 'am rdzogs pa/ bud+d+ha ni sangs rgyas la bya ste/ spyir na chos thams cad kyi ngo bo nyid ma nor bar thugs su chud cing mngon par byang chub pa'i mtshan te/ yang dag par rdzogs pa'i sangs rgyas zhes bya/ bidyA tsa ra Na si pan+na zhes bya ba bidyA ni rig pa tsa ra Na ni rkang pa si pan+na ni ldan pa 'am phun sum tshogs pa la bya ste/ bslab pa gsum dang sbyar na lhag pa'i shes rab ni rig pa/ lhag pa'i sems dang lhag pa'i tshul khrims ni rkang pa/ 'phags pa'i lam yan lag brgyad dang sbyar na/ yang dag pa'i lta ba ni rig pa/ lhag ma bdun ni rkang pa ste/ rig pa mig dang 'dra bas mtshon nas rkang pas phyin cing thob par 'gyur bas na rig pa dang zhabs su ldan pa zhes bya/ su ga ta zhes bya ba gcig tu na/ sho b+ha na ga ta su ga ta su rU pa bad ces bya ste/ legs par gshegs pas na legs par gshegs pa ste gzugs legs pa bzhin/ a pu na ra bri tya ga ta su ga ta su naSh+Ta dzwa ra bad ces bya ste/ phyir mi ldog par gshegs pas na legs par gshegs pa ste/ rims nad legs par byang ba bzhin/ yA bad gan+ta pa ga ma nA tra su ga ta su pur+N+Na gta Ta bad ces bya ste/ ji tsam du 'gro bar bya ba ma lus par phyin pas na legs par gshegs pa ste/ bum pa legs par gang ba bzhin no zhes 'byung yang na gcig tu na/ d+harmma skamd+ha las 'byung ba su ga ta ai ti su kha to b+ha ga b+ha na swarga ti a bya thi ta/ d+harmma sa ma rthA ga ta/ ta du tsya? te su ga ta zhes 'byung ste/ bcom ldan 'das bde bar gyur cing mtho ris? kyi bde ba dang ldan la gnod pa mi mnga' zhing gnod pa med pa'i chos dang ldan pas na bde bar gshegs pa 'am bde ba brnyes pa la yang bya ste/ 'dir sngar grags pa dang d+harmma skand+ha las 'byung ba dang sbyar te bde bar gshegs pa zhes btags/ lo ka bid ces bya ba log ni 'jig rten/ bid ni bid dz+nyA na ste de bzhin gshegs pa nyin lan gsum mtshan lan gsum du 'dul ba'i sems can gyi khams la gzigs shing/ skal ba yod pa dang med pa rtogs par mkhyen pas na 'jig rten mkhyen pa zhes bya a nut+ta ra pu ru Sha da mya sA ra thi zhes bya ba/ a nut+ta ra ni bla na med/ du ru Sha da mya sA ra thi ni skyes bu 'dul ba'i kha lo bsgyur ba ste/ sor mo'i phreng ba la sogs pa zhe sdang che ba dang dga' bo la sogs pa 'dod chags che ba dang/ lteng rgyas 'od srungs la sogs pa gti mug che ba'i 'dul ba'i sems can rta rgod dang 'dra ba 'dul dka' ba rnams 'jam pos 'dul ba yang 'jam pos btul/ drag pos 'dul ba yang drag pos btul/ gnyi gas 'dul ba yang gnyi gas btul te/ thabs bzang bzhin bla bas thabs bzhin du btul nas don sgrub pa'i mchog mya ngan las 'das pa la gnas par kha lo bsgyur zhing 'jog pas na skyes bu 'dul ba'i kha lo bsgyur ba bla na med pa zhes bya/ shAsta zhes bya shA su a nu Shi Sh+To zhes bya ste/ spyir tshig don du na ston zhing slob pa la bya/ ta ni tshig gi rkyen du bya bar zad de/ spyir na lha dang mi la sogs pa thams cad kyi ston par gyur pas ston pa zhes bya/ dzi na zhes bya ba dzi ta pA pa ka a ku sha la d+harmma zhes bya ste/ sdig pa dang mi dge ba'i chos las rgyal pas na rgyal ba zhes bya/ tA yi zhes bya ba tA yi ni san+tA nA pA la na yo zhes bya ste/ 'phags pa'i lam thugs su chung pa bstan cing bshad do/ rgyun mi gcod pa dang/ skyob cing skyong ba la bya ste/ pA la skyong ba zhes btags pa zhig kyang gus na yod pa dang ma 'dom par bya ste/ skyob par btags/ mahA ri Shi zhes bya ba mahA ni chen po/ ri Shi ni ri Shi ga to zhes bya ste/ shes pa dang ldan pa la'ang bya/ yang cig tu na/ ri d+hyai ti pri Na d+hA na na? zhes bya ba ste/ smon pa rnams 'byor zhing 'grub pa la'ang bya/ yang gcig tu na kA ya bA ka ma no b+hi ri dzu she te ai ti ri Shi zhes bya ste/ lus dang ngag dang yid drang por gnas shing srong bas na drang srong chen po zhes btags/ aM gi ra sa zhes bya ba thog mar drang srong nyid kyi lus las byung bas na bdag lus skye shes bshad pa dang/ aM gi ras ni nyi ma ste nyi ma'i rigs yin pas na nyi ma'i rgyud ces kyang bshad du rung bar 'dul ba'i dngos po dang/ bshad pa las 'byung la/ mdo sde dag las sku'i kha dog nyi ma bzhin du lham me lhang deng bzhugs pa'i yon tan lta bur yang bshad pas nyi ma'i rgyud ces btags/ de bzhin gshegs pa so so'i mtshan la/ baM shwa b+huka ces bya/ bi shwa ni thams cad/ b+hu dza pA lan a b+hya ba ha ra yo zhes 'byung ste/ longs par kun la spyod pa 'am sems can thams cad skyob pa la bya ste/ skabs 'dir sangs rgyas kyi mtshan yin pas na thams cad skyob ces btags/ kra kuts+tshunda zhes bya ba/ kra ni kra ma ste/ 'khor ba/ kuts+tshunda ni/ taM kungs ya ti zhes bya ste/ 'khor bar 'joms pa 'am sel ba la bya ste/ 'khor ba 'jig ces bya/ yang yi ge kha cig gi nang nas kra kuts+tshunda zhes kyang 'byung ste/ kudsi ta tshando/ a ti kron+ta smA di hi zhes bya ste/ sangs rgyas kyi chos bstan cing bshad pas mi dge ba dang log pa dang pa bsal cing med par byas pa'i mtshan te/ log par dang sel zhes bya/ kA sh+ya ga te zhes bya ba/ kA sh+ya ga te zhes bya ste/ chad pas bcad pa 'am gnod par bya ba'i rig pa yin pA ni pA la ni skyob pa 'am skyong ba'i drang srong gi rigs su skyes pa la bya ste/ chad pas gcad cing gnod par bya ba las skyob pas na gnod skyab ces kyang bya/ yang rnam pa gcig tu na kA sh+ya dI pa to zhes kyang bya ste/ skal ba yod pa'i sems can chos bshad pa'i 'od kyi snang bar bya ba'i rigs pa rnams srung zhing skyob pas na 'ong srungs zhes kyang bya rung ste/ sngan chad ming du btags te grags pa bzhin du 'ong srungs zhes btags/ sangs rgyas kyi yon tan gyi ming la mi mnyam pa dang mnyam pa'i phung po dang/ ye shes dang sku gsum la/ a sa ma sa ma pany+tsa skand+ha zhes bya ba a sa ma ni mi mnyam pa ste/ sngon gyi sangs rgyas rnams la bya/ sa ma ni mnyam pa ste sngon gyi sangs rgyas de dag nyid dang mtshungs par gyur pa la bya/ pany+tsa skand+ha ni phung po lnga ste zag pa med pa'i tshul khrims dang/ ting nge 'dzin dang/ shes rab dang/ rnam par grol ba dang/ rnam par grol ba'i ye shes mthong ba'i phung po ste/ sangs rgyas rnams la mnga' ba'i phung po 'di dag phal pa la med pas na mi mnyam pa dang mnyam pa'i phung po lnga zhes bya/ d+harmma d+hA tu bi shud d+ha zhes bya ba chos kyi dbyings rnam par dag pa yin te/ stobs dang mi 'jigs pa la sogs pa 'phags pa'i chos rnams skye zhing 'byung ba'i rgyu dang dbyings su gyur pas na chos kyi dbyings de bzhin nyid la glo bur gyi nyon mongs pa'i sgrib pa dang/ shes bya'i sgrib pa sprin dang 'dra ba dang zhing byang ste/ nam mkha' i dbyings dag pa dang 'dra bas na chos kyi dbyings rnam par dag pa zhes bya/ a darsha dz+nyA na zhes bya ba me long lta bu'i ye shes yin te chos kyi dbyings rnam par dag pa la dmigs pas gzung ba dang 'dzin pa'i rtog pa thams cad dang bral te kun gzhi rnam par shes pa gnas gyur pas me long phyis pa'i nang du ci yang snang ba bzhin du chos thams cad kyi gzugs brnyan snang ba la bya ste/ me long lta bu'i ye shes zhes bya/ sa ma tA dz+nyA na zhes bya ba thog mas dang po la de kho na nyid mngon par rtogs pa'i tshe/ bdag dang gzhan du mi 'byed cing mnyam pa nyid du rtogs pas gong nas gong du sbyangs pas sangs rgyas kyis la mi gnas pa'i mya ngan las 'das par gyur pa'i tshe nyon mongs pa can gyis yid gnas 'phos te/ ye shes su gyur pa la mnyam pa nyid kyi ye shes zhes bya/ pra tya pek+Sha na dz+nyA na zhes bya ba so sor rtog pa'i ye shes yin te/ yid kyi rnam par shes pa gnas gyur pas gzungs dang ting nge 'dzin dang bsam gtan dang snyoms par 'jug pa thams cad kyi gzhir gyur pa/ shes bya thams cad la thogs pa med pa'i ye shes 'jug pas chos kyi char chen po 'bebs shing the tshom sna tshogs gcod pa dang/ sku baiDUrya la sogs pa rin po che'i mdog tu ston pa'i rgyur gyur pa yin te/ so sor rtog pa'i ye shes zhes bya/ kri tyA nuSh+Tha na dz+nyA na zhes bya ba bya ba grub pa'i ye shes yin te/ mig la sogs pa dbang po lnga'i rnam par shes pa gnas gyur pas 'jig rten gyi khams thams cad du thabs sna tshogs dpag tu med pas sems can mang po'i don mdzad pa'i gzhir gyur pa yin te/ bya ba grub pa'i ye shes zhes bya/ d+harmma kA ya zhes bya ba chos kyi sku yin te/ sangs rgyas kyi sa dang sbyar na chos kyi dbyings rnam par dag pa dang/ me long lta bu'i ye shes ni de bzhin nyid kyi rang bzhin te/ chos kyi sku zhes bya/ sam+b+ho ga kA ya zhes bya ba longs spyod rdzogs pa'i sku yin te/ mnyam pa nyid kyi ye shes dang so sor rtog pa'i ye shes gnyis kyis chos kyi longs spyod dang skyid pa chen po ma lus pa myong bar mdzad pa rnam par snang mdzad kyi sku la bya ste/ longs spyod rdzogs pa'i sku zhes bya/ nirmmA Na kA ya zhes bya ba sbrul pa'i sku yin te/ bya ba grub pa'i ye shes kyis sems can so so cis 'dul ba bzhin du thabs thabs su sku dang gsung dang thugs sprul te/ sna tshogs su ston pa ? bya bas na sprul pa'i sku zhes bya/ de bzhin gshegs pa'i stobs bcu la nga sha ta thA ga ta ba laM zhes bya ba de bzhin gshegs pa'i stobs bcu yin te/ de bzhin gshegs pa'i ye shes sgrib pa med pas shes bya'i dngos po gang la yang thogs pa med de mkhyen pa 'di bcu'i mthu nyan thos la sogs pa gzhan las 'phags pas na de bzhin gshegs pa'i stobs bcu zhes bya/ s+thA nAs+thA na dz+nyA na pa li zhes bya ba gnas dang gnas ma yin pa mkhyen pa'i stobs yin te/ gnas ni legs par spyad pas 'bras bu yid du 'ong ba 'grub pa dang/ nyes par spyad pas 'bras bu yid du mi 'ong ba smin par 'gyur ba la sogs pa la bya/ gnas ma yin pa ni legs par spyad pa'i 'bras bu yid du mi 'ong bar 'gyur ba dang/ nyes par spyad pa'i 'bras bu yid du 'ong bar 'gyur ba la sogs pa la bya ste/ srid pa dang mi srid pa ma nor bar mkhyen pa'i stobs dang ldan pa'i phyir gnas dang gnas ma yin pa mkhyen pa'i stobs zhes bya/ karmma bi pA ka dz+nyA na ba laM zhes bya ba las kyi rnam par smin pa mkhyen pa'i stobs yin te/ bla na med pa'i ye shes kyi 'das pa dang/ ma 'ongs pa dang/ da ltar byung ba'i las yang dag par blangs pa rnams kyi rnam par smin pa las kyi rgyu gang gis gnas gang du 'bras bu smin pa mkhyen pa'i stobs zhes bya/ nA nA d+hi muk+ti dz+nyA na ba laM zhes bya ba mos pa sna tshogs mkhyen pa'i stobs yin te/ zag pa dang bcas pa dang/ zag pa med pa dang khams gsum la dga' zhing mos pa rnam pa sna tshogs mkhyen pas na mos pa sna tshogs mkhyen pa'i stobs zhes bya/ nA nA d+ha tu dz+nyA na ba laM zhes bya ba khams sna tshogs mkhyen pa'i stobs yin te/ khams zhes bya ba ni sngon gyi bag chags kyis grub pa'i bsam pa'i khams dang/ kun nas nyon mongs pa'i khams dang/ rnam par byad pa'i khams la sogs pa la bya ste/ khams tha dad pa mang po'i rang dang spyi'i mtshan nyid ma nor bar thugs su chud pas na khams sna tshogs mkhyen pa'i stobs zhes bya/ ain+d+ri ya pA rA pa rA dz+nyA na ba laM zhes bya ba dbang po mchog dang mchog ma yin pa mkhyen pa'i stobs yin te/ dang pa la sogs pa'i dbang po rab dang/ tha ma'i rim pa dang rnam grangs ma lus par mkhyen pas dbang po mchog dang mchog ma yin pa'i stobs zhes bya/ sarbA tra ga mi ni pra ti pata dz+nyA na ba laM zhes bya ba thams cad du 'gro ba'i laM mkhyen pa'i stobs yin te/ 'gro ba sngar skye ba'i lam dang/ mya ngan las 'das par 'gro ba'i lam la sogs pa lam mo cog chub par mkhyen pas thams cad du 'gro ba'i lam mkhyen pa'i stobs zhes bya/ sarba d+hyA na bi mok+Sha sa ma d+hi sa ma pat+ti saM kle sha bya ba dA na dz+nyA na ba laM zhes bya ba bsam gtan dang rnam par thar pa dang/ ting nge 'dzin dang/ snyoms par 'jug pa'i kun nas nyon mongs pa dang/ rnam par byad ba dang ldan pa thams cad mkhyen pa'i stobs yin te/ bsam gtan dang po la sogs pa bzhi dang/ rnam par thar pa brgyad dang/ stong pa nyid la sogs pa'i ting nge 'dzin mang po dang/ mthar gyis gnas pa'i snyoms par 'jug pa dgu la sogs pa la kun nas nyon mongs pa ni lta ba dang dmigs pa rnam pa sna tshogs kyis nyon mongs par gyur pa la bya/ rnam par byang ba ni 'khor ba la chags pa med pa dang/ mi dmigs pa dang ldan pas rnam par dag pa la bya/ ldan pa ni lcags dang 'thun pa'am mi mthun pa dang thong rgal la sogs pa'i tshul gyis ldang ba mkhyen pa la bya/ pUrba ni bA sA na smri ti dz+nyA na ba laM zhes bya ba sngon gyi gnas rjes su dran pa mkhyen pa'i stobs yin te/ bdag dang sems can thams cad kyi sngon gyi tshe rabs grangs med pa tshun chad gnas gar skyes pa dang/ byang gzugs kyi rnam pa ci 'dra ba dang/ mtshan mo dang rtag ci yod pa dang/ las kyi rgyu cis skyes pa mkhyen pas nas sngon gyi gnas rjes su dran pa mkhyen pa'i stobs zhes bya/ tsyu tyu? pa pat+ti dz+nyA na ba laM zhes bya ba shi 'pho dang skye ba mkhyen pa'i stobs yin te/ lha'i spyan gyis sems can rnams gang nas shi 'phos nas gang du skyes pa ma lus par gzigs pas na shi 'pho dang skye ba mkhyen pa'i stobs zhes bya/ a sh+ra pak+Sha yi dz+nyA na ba laM zhes bya ba zag pa zad pa mkhyen pa'i stobs yin te/ 'dod chags la sogs pa'i nyon mongs pa thams cad bag chags yan chad zad cing byang bar gzigs pas na zag pa zad pa mkhyen pa'i stobs zhes bya'o/ /de bzhin gshegs pa'i mi 'jigs pa bzhi la tsi twa ri ta thA ga ta bai shA ra d+hyaM zhes bya ba de bzhin gshegs pa'i mi 'jigs pa bzhi yin te/ mi 'jigs pa bzhi dang ldan pas de bzhin gshegs pa phal pa mang po'i nang du byon nas khyu mchog gi gnas rlabs po che zhal gyis 'tshe ste/ tshangs pa'i 'khor lo skor zhing yang dag par seng+ge'i sgra sgrogs pas na mi 'jigs pa zhes bya/ de la mngon par byang chub pa la mi 'jigs pa dang/ zag pa zad pa mkhyen pa la mi 'jigs pa gnyis ni sangs rgyas nyid kyis rgyud la mnga' ba'i yon tan yin pas na rang gi don phun sum tshogs pa yin la/ bar du gcod pa'i chos nges par bstan pa dang/ nges par 'byung ba'i lam bstan pa la mi 'jigs pa gnyis ni gzhan la phan par bya ba'i phyir bshad pa yin pas na gzhan gyi don te/ bdag dang bzhan gyi don phun sum tshogs par bstan pa'ang yin no/ /sarba d+harmma b+hi saM bo d+hi bai shA ra d+hya na zhes bya ba chos thams cad mngon par rdzogs par byang chub pa la mi 'jigs pa yin te/ de bzhin gshegs pas chos thams cad phyag mthil du skyu ru ra'i 'bras bu bzhag pa dang 'dra bar thugs su chud de/ mngon par byang chub pa la shes rab bsnyems pas dge spyod dam bram ze 'ang rung/ lha'i mig dang pha rol gyi sems shes pa la sogs pa'i yon tan dang ldan pa lha 'am bdud kyang rung rdzu 'phrul dang ldan zhing mthu tshe? ba'i tshe?? kyang chos dang 'thun pa'i mngon par sangs rgyas pa ma yin par brgal ba'i gzhi dang gtan tshigs med de brgal gyis dogs pa med pas na chos thams cad mngon par rdzogs par byang chub pa la mi 'jigs pa zhes bya ste/ mi 'jigs pa 'og ma gsum gyi mjug kyang 'di dang 'dra bar bshad/ sarbA sh+ra bak+Sha ya dz+nyA na bai shA ra d+hya na zhes bya ba zag pa thams cad zad par mkhyen pa la mi 'jigs pa yin te/ zag pa zhes bya ba ni nyon mongs pa'i ming ste/ 'dod chags la sogs pa'i nyon mongs pa dang ma bral na srid ba'i rtse mo man chad kyang slar 'dzag cing ltung pas na zag pa zhes bya/ nyon mongs pa thams cad spangs te zad par mkhyen pa la zag pa ma zad par sung? dbyung zhing phan? rtags kyis brgal du med de/ mi dogs pas na zag pa thams cad zad par mkhyen pa la mi 'jigs pa zhes bya/ anda rA yi ka d+harmma na n+ya thA twa niShtsi ta bya ka raNa be shA ra d+hya na zhes bya ba bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa yin te/ bar du gcod pa'i chos zhes bya ba med pa dang ngo tsha mi shes pa dang khral med pa la sogs pa 'phags pa'i lam dang/ dge ba'i phyogs kyi bar du gcod pa rnams bar chad kyi chos yin no/ /zhes lung bstan cing bshad pa la thog du ma bab pa med pas na bar du gcod pa'i chos rnams gzhan du mi 'gyur bar nges pa'i lung bstan pa la mi 'jigs pa zhes bya/ sarba saM pa dA ti ga mA yin dyA? Ni ki bra ti pat+ta ta thA twa bai shA ra d+hya na zhes bya ba phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa yin te/ de bzhin gshegs p a'i nyan thos rnams la nges par 'byung ba'i lam mya ngan las 'das pa'i bde ba phun sum tshogs pa thob par 'gyur zhing sdug bsngal mthar 'byin pa bshad pa la nges par 'byung ba'i lam ma yin no zhes dge sbyong ngam? bram? ze sus kyang brgal zhing gzhan du sgyur du med pas na phun sum tshogs pa thams cad thob par 'gyur ba nges par 'byung ba'i lam de bzhin du 'gyur ba la mi 'jigs pa zhes bya/ sangs rgyas kyi ma 'dres pa bco brgyad la aShta da sha pa Ni ka bud+d+ha d+ha dmmA zhes bya ba sangs rgyas kyi chos ma 'dres pa bco brgyad yin te/ chos 'di rnam pa nyan thos dang rang sangs rgyas dang byang chub sems dpa' rnams la yang mi mnga' ste/ phal dang thun mong du gyur pa ma yin la sangs rgyas nyag gcig la yon tan 'di rnams mnga' bas na sangs rgyas kyi chos ma 'dres pa zhes bya/ nAsti ta thA ga ta syas ba? li tra na zhes bya ba de bzhin gshegs pa 'khrul pa mi mnga' ba yin te/ sku dang gsung dang thugs kyi phrin las la/ nor zhing thog tu ma bab pa med pas na de bzhin gshegs pa la 'khrul pa med pa zhes bya/ nA sti ra bi ta na zhes bya ba ca co med pa yin te/ dgra bcom pa kha cig lam nor nas ku co 'don pa dang/ sngon gyi bag chags ma byang bas ca co che zhing tshig la 'khral 'khrul yod pa lta bu ma yin pas ca co med pa zhes bya/ nA ti mu Shi ta smi te ta zhes bya ba bsnyel pa med pa yin te/ dgra bcom pa la ma dgongs pa'i ye shes mi mnga' ste/ bsnyel nas sems can gyi don bya ba la sogs pa shor ba dang/ dus las yol ba lta bu ma yin pas na bsnyel ba med pa zhes bya/ nAstya sa ma hi ha tsit+taM zhes bya ba sems mnyam par ma gzhag pa med pa yin te/ dgra bcom pa dag nam ting nge 'dzin gang la zhugs pa de'i tshe/ ting nge 'dzin de la mnyam par gzhag pa lta bu ma yin gyi/ de bzhin gshegs pas ting nge 'dzin mchog brnyes pas na ting nge 'dzin la zhugs kyang rung ma zhugs kyang rung ste/ mnyam par ma gzhag pa med pas na sems mnyam par ma gzhag pa med pa ces bya/ nAsti nA nA twa saM dz+nyA zhes bya ba /tha dad ?pa'i 'du shes med pa min te dgra bcom pa dag 'khor ba dang mya ngan las 'das pa gnyis la bye brag tu 'dzin cing nyon mongs pa dang rnam par byang ba'i chos la sogs pa la tha dad du 'byed pa lta bu mi mnga' ste/ sems mnyam pa nyid dang chos mnyam pa nyid du gzigs pas na tha dad pa'i 'du shes med pa zhes bya/ nAstya pra ti saM khyA yo pek+Sha zhes bya ba so sor ma brtags pa'i btang snyoms med pa yin te/ dgra bcom pa dag sems can gyi don la ma brtags par yal par 'dod pa lta bu ma yin gyi skal pa yod med dang dus la bab ma bab gzigs nas dus dang sbyor ba ma gtogs par yal bar 'dor ba med pas na so sor ma brtags pa'i btang snyoms med pa zhes bya/ nAsti ts+tshan npa sya hA ni zhes bya ba 'dun pa nyams pa med pa yin te/ dgra bcom pa dag spyod yul dman pas de bzhin gshegs pa'i sa la mos shing 'dun pa med de nyan thos kyi bya ba la mos pa lta bu ma yin gyi sangs rgyas sems can gyi don mdzad pa dang/ dkon mchog gsum gyi gdung mi 'chad par bya ba la sogs pa la rtag tu 'dun par 'jug pas na 'dun pa nyams pa med pa zhes bya/ nAsti pIrya sya hA ni zhes bya ba brtson 'grus nyams pa med pa yin te/ de bzhin gshegs pa sems can gcig gi phyir bskal par chos bshad kyang sku dang gsung dang thugs bsnyel bar mi 'gyur ba dang/ sems can gcig gi phyir yang 'jig rten gyi khams grangs med pa 'das? te gshegs pas na brtson 'grus nyams pa med pa zhes bya/ nAsti smri ti d+hA ni zhes bya ba dran pa nyams pa med pa yin te/ sems can thams cad kyi sems dang spyod pa dang bsam pa dang mos pa la sogs pa sems can 'dul ba'i thabs dang/ sangs rgyas kyi mdzad pa thams cad dang chos thams cad ji ltar gzigs shing dgongs pa la phyis ye shes kyis brtag mi dgos te/ nyams pa med pas na dran pa nyams pa med pa zhes bya/ nAsti sa ma b+harta? ni zhes bya ba ni ting nge 'dzin nyams pa med pa yin te/ chos thams cad kyi de bzhin nyid? mnyam pa nyid la snyoms par 'jug cing de las mi g.yo bar 'dzin pas na ting nge 'dzin nyams pa med pa zhes bya/ nAsti pradz+nya yAd+hA ni zhes bya ba shes rab nyams pa med pa yin te/ sems can thams cad kyi spyod pa mkhyen pa mi zad pa dang/ sems can yongs su smin pa mkhyen pa mi zad pa dang/ so sor yang dag par rig pa la sogs pa mi zad pa mnga' bas na shes rab nyams pa med pa zhes bya/ nAsti bi muk+te d+hA re zhes ba rnam par grol ba nyams pa med pa yin te/ nyon mongs pa'i sgrib pa dang shes bya'i sgrib pa thams cad las grol bas na rnam par grol ba nyams pa med pa zhes bya/ sarba kA yakrmma dz+nyA na pUrbi ga maM dz+nyA na nu pa ri brtI zhes bya ba lus kyi las thams cad ye shes sngon du 'gro zhing ye shes kyi rjes su 'brang ba yin te/ dgra bcom pa kha cig lus kyi las bsams bzhin ma yin par byed de/ 'jig rten gyi yid dang 'gal ba lta bu ma yin gyi/ spyod lam pa zhi po kun gyis kyang sems can 'dul te/ ye shes sngar 'byung ba'i rgyu las byung bas na ye shes sngon du 'gro ba yin ye shes dang lhan cig 'byung zhing ye shes kyi rjes su 'jug pas na ye shes kyi rjes su 'brang ba yin te/ bsdus na lus kyi las thams cad ye shes sngon du 'gro zhing ye shes kyi rjes su 'brang ba zhes bya/ ngag? dang yid kyi skabs su yang ye shes sngon du 'gro zhing ye shes kyi rjes su 'brang ba 'di bzhin du bshad/ sarba wA ka karmma dz+nyA nA nu pUrbang ga mi dz+nyA na a pa ri bart+ti zhes bya ba ngag? gi las thams cad ye shes sngon du 'gro zhing ye shes kyi rjes su 'brang ba yin te/ sems can thams cad kyi don mdzad cing chos bstan pa la don med cing chung za bar mi 'gyur la/ gsung gi yan lag drug cu dang ldan pas na ngag gi las thams cad ye shes sngon du 'gro zhing ye shes kyi rjes su 'brang ba zhes bya/ sarba ma na karmma dz+nyA na pUrbaM ga mi dz+nyA nA nu pa ri brt+ti zhes bya ba yid kyi las thams cad ye shes sngon du 'gro zhing ye shes kyi rjes su 'brang ba yin te/ nyon mongs pa dang spros pa'i bag chags thams cad bral te/ yang dag pa'i mdza' don dam pa'i mtshan nyid dang ma bral bas ni yid kyi las thams cad ye shes sngon du 'gro zhing ye shes kyi rjes su 'brang ba zhes bya/ a tI te d+ha na saM ga ma pra ti ta taM dz+nyA na da ra sha naM pa ri bart+ta te zhes bya ba 'das pa'i dus la ma chags ma thogs pa'i ye shes mthong ba 'jug pa yin te/ dgra bcom pa ltar 'das pa'i dus kyis dngos po ji? la brtags pa sna gcig mkhyen gyi gzhan la thogs shing mi mkhyen pa lta bu yin gyis/ 'das pa'i dus kyi sangs rgyas kyi zhing dang/ sa chu me rlung gi rdul phra mo'i grangs dang sems can gyi bsam pa dang spyod pa la sogs pa ma lus par mnyam par gzhag pa dang/ ma gzhag pa'i dus dang sbyar ba med cing/ ci la yang thags thogs med par thugs su chud pas na 'das pa'i dus la ma chags ma thogs pa'i ye shes mthong ba 'jug pa zhes bya/ ma 'ongs pa dang/ da ltar gyi dus kyi skabs su yang 'di bzhin du sbyar zhing bshad/ so so yang dag par rig pa bzhi'i ming la/ tsa turba? ti si bid? ces bya ba so so yang dag par rig pa bzhi yin te/ chos dang don dang nges pa'i tshig dang spobs pa bzhi la mkhas pas so so yang dag par rig pa bzhi zhes bya/ cho 'phrul gsum la tri Ni pra tI hArta ni zhes bya ba cho 'phrul gsum yin te/ A de sha na prA ti hAryA pha rol gyi snying la ci sems pa mkhyen pas ji sems pa kun brjod pa'i cho 'phrul/ rid+d+hi prA ti dA ryA nam mkha' la gshegs pa dang sku lus mang por sbrul pa la sogs pa rdzu 'phrul gyi cho 'phrul dang/ a nu shA sa ni prA ti hA rya bden pa gnyis kyi sgo nas chos thams cad gtan la bab? par bkrol te/ phan? zhing rjes su 'thun par bshad pas na rjes su bstan pa'i cho 'phrul rnam pa 'di gsum ngo mtshar che bas rmad du byung ba'i sems can mang po dad? cing 'dun par mdzad pas na cho 'phrul gsum zhes bya/ byang chub sems dpa' i sgra bshad pa la bo d+hi satwa zhes bya ba bo d+hi satwa na ye ShAM ste bo d+hi satwa zhes pa bo d+hi ni byang chub satwa ni sems dpa' 'am sems stobs che ba la bya/ bla na med pa'i byang chub sgrub pa la gcig tu btul zhing mi nur bas na byang chub sems dpa' mahA satwa zhes bya ba mahA ni chen po/ satwa ni sems dpa' ste nyan thos dang rang sangs rgyas kyi byang chub tu sems bskyed pa lta bu ma yin gyi/ sems can thams cad bsgral ba'i phyir bla na med pa'i byang chub la zhugs pa na sems dpa' chen po zhes bya/ sangs rgyas dang byang chub sems dpa' dang nyan thos kyi sa'i rim pa'i ming la da sha b+hU mi zhes bya ba sa bcu yin te/ sa gong ma'i yon tan thob par bya pa'i rten du 'gyur zhing/ sa de nyid yon tan gyi gzhi yin pas nas zhes bya/ sa dang po pra mu? di ta zhes bya ba ni don chen po sngon 'dris pa ma yin pa'i 'jig rten las 'das pa'i sems thob pa dang/ byang chub dang nye zhing sems can mang po'i don sgrub pa gzigs nas dga' ba rlabs po che skyebs? rab tu dga' ba zhes bya/ sa gnyis pa bi ma la zhes bya ba ni/ tshul khrims 'chal ba'i ltung ba phra mo yan chad kyang byad bas na dri ma med pa zhes bya sa gsum pa pra b+hA ka ri zhes bya ba ni nyan thos dang rang sangs rgyas kyi sa las 'das pa'i ting nge 'dzin gyi phung po yongs su dag pa ye shes kyi snang ba chen po'i gnas su gyur pa thob pas na 'ong byed ba zhes bya/ sa bzhi pa Artstsi Sh+ma ti zhes bya ba ni/ nyon mongs pa sreg pa byang chub kyi phyogs kyi me'i 'od 'phro ba can zhes bya/ sa lnga pa su du rdzA ya zhes bya ba ni nyan thos dang rang sangs rgyas las 'das pa'i 'phags pa'i bden pa bzhi la sgom zhing 'khor ba dang mya ngan las 'das pa gnyis ka la mi gnas pa'i shes rab yongs su dag par bya ba sbyang zhing sgom pa shin tu dka' bas na/ sa de non par dka' bas na ?? bsgrub? par dka' ba la bya ste shin tu sbyang dka' zhes bya/ sa drug pa a b+hi mu khI zhes bya ba ni shes rab kyi pha rol tu phyin pa la brten nas 'khor ba dang mya ngan las 'das pa gnyis ka la mi gnas shing/ mtshan ma med pa la rang gi rang gis 'jug pa'i ye shes la mang du gnas shing mngon du gzigs pas na mngon du gyur ba zhes bya/ sa bdun pa du ra ga ma zhes bya ba mtshan ma med pa la 'grod pa gcig tu 'gyur ba'i lam dang/ nye zhing ring du phyin pas na ring du song ba zhes bya/ sa brgyad pa a tsa la zhes bya ba ni mchin ma'i 'du shes dang mtshan ma med par rtsol ba'i 'du shes gnyi gas bskyod par mi nus pas mi g.yo ba zhes bya/ sa dgu pa sA d+hu ma ti zhes bya ba ni sa dgu pa la so so yang dag par rig pa brnyes pas na blo gros gzhan las 'phags pa yin te legs pa'i blo gros zhes bya/ sa bcu pa d+harmmA me g+ha zhes bya ba ni gzungs dang ting nge 'dzin kun la yang sbyin dang 'dra bas khyab cing thos pa'i chos nam mkha' dang 'dra ba la sprin bzhin du khyab pas na chos kyi sprin? zhes bya/ sangs rgyas kyis sa man+ta pra b+hA bud+d+ha b+hU mi zhes bya ba ni/ 'od zer mang po bkye bas 'dul ba'i sems can sman par mdzad cing chos kyi snang ba 'od dang 'dra bas thams cad la gsal bar byas pas na sangs rgyas kyis kun tu 'dod? ? bya/ shukla bi darsha na b+hU mi zhes bya ba ni mos bas spyod pa'i sa drod la dang po rnam par byang ba dkar po mthong bas na dkar po rnam par mthong ba'i sa zhes bya/ gau tra b+hU mi zhes bya ba ni dang pa shin tu che ba'i sa 'jig rten gyi chos kyi mchog la chos dang gang zag la bdag med par bzod pa thob pas byang chub gsum thob pa'i rigs dang ldan pas na rigs kyis zhes bya/ aSh+Ta ma ka b+hU mi zhes bya ba ni brgyad pa la bya ste/ dgra bcom pa'i 'bras bu thob pa'i gral dang po nas yas bgrangs na/ rgyun tu zhugs pa la 'jug pa grangs brgyad pa la bab pas na brgyad pa'i sa zhes bya/ darsha na b+hU mi zhes bya ba ni dri sh+yar prek+Sha Na zhes bya ste/ dri sha ni mthong ba/ b+hU mi ni sa ste/ rgyun tu zhugs pa'i 'bras du la gnas pas de kho na nyid brtags par mthong bas na mthong ba'i sa zhes bya/ ta nu b+hU mi zhes bya ba ni lan cig phyir 'ong bas 'dod pa'i khams kyi 'dod chags srab mor byas pas na bsrab pa'i sa zhes bya/ bI tA rA ga b+hU mi zhes bya ba 'dod chags dang bral ba'i sa zhes bya ste/ sa 'di la gnas pas 'dod pa la 'dun pa dang gnod sems spangs pas na 'dod pa'i 'dod chags dang bral ba yin te/ 'dod chags dang bral ba'i sa zhes bya/ kri tA b+hi b+hU mi zhes bya ba ni dgra bcom pa'i sa la bya ste/ kri tA? ni byas pa/ a b+hi ni a b+hi dum shI la zhes bya ste/ bsrung pa'i rang bzhin can yin pas na/ sngar byas te grub pa'i don mi nyams par bsrung ba'i phyir byas pa srung ba'i sa zhes bya ste/ dngos su na dgra bcom pa'i sa la bya mos pas spyod pa'i sa dang nges par 'byed pa'i cha dang 'thun pa'i rim pa'i mdo la a d+hi mu kI tsarya b+hU mi zhes bya ba/ bskal pa grangs med pa gcig gi bar du byang chub sems dpa' chos kyi dbyings la mos pa bsgoms te/ da dung de bzhin nyid ma mthong bas na mos pas spyod pa'i sa zhes bya/ A lo ka la ba d+ha zhes bya ba chos kyi dbyings la mos pas bsgoms pa'i bye brag gis rang dang spyi'i mtshan nyid du brtags pa'i chos thams cad dngos po med de brjod pa tsam du rig la/ chos la nges par rtog pa'i bzod pa'i snang ba dang po thob pas na snang ba thob pa zhes bya/ A lo ka brid d+hi zhes bya ba chos kyi snang ba de nyid rgyas par bya ba'i brtson pa brtan par rtsom pas na snang ba mched pa zhes bya/ ta twa ka de shA nu pra be sha zhes bya ba chos kyi snang ba mched pas phyi rol gyi yul med cing sems tsam du rtogs te/ gzung ba'i g.yeng ba dang bral bas na de kho na'i don gyis phyogs gcig tu zhugs pa zhes bya/ a nan+ta rya sa mA d+hi zhes bya ba dad pa rab kyi sa 'di la 'dzin pa'i g.yeng ba spangs nas 'jig rten las 'das pa'i ye shes rnam par mi rtogs pa de ma thag tu thob par 'gyur bas na bar chad med pa'i ting nge 'dzin zhes bya/ nir be d+ha b+ha gi ya zhes bya ba ni shtsi to b+he d+ha ni b+he d+ha b+ha gi ya zhes bya ste/ ni ni des pa 'am gdon mi za ba be d+ha ni rtog pa 'am/ 'byed pa/ b+hA ga ni cha 'am skal ba/ ai ya ni phan pa 'am 'thun pa lta bu la bya ste/ dngos su na 'phags pa'i sa ni ma thob la/ so so'i skye bo'i sa las ni 'das pa yin te/ 'phags pa'i lam mthong ba dang sgom pa rnam pa gnyis yod pa'i nang nas mthong ba'i lam gyi cha gcig dang nye bas na nges par 'byed pa'i cha dang 'thun pa zhes bya/ auSh+ma ga ta zhes bya ba ni nges par 'byed pa'i cha dang 'thun pa'i tshe 'phags pa'i lam nyon mongs pa'i shing thams cad sregs pa'i me dang 'dra ba'i drod sngar byung bas na dro bar gyur pa zhes bya/ mUrda zhes bya ba ni dge ba'i rtsa ba snga ma mi brtan pa g.yo ba'i rtse mor phyin pas na rtse mo zhes bya/ k+ShAM ti zhes bya ba ni bden pa la bzod pa rab 'bring du mar phye ba'i nang nas bzod pa dang rab dang ldan pa ste/ de las nyams par mi 'gyur zhing/ ngan song du mi ltung bas na bzod pa zhes bya/ lo ki kA gra d+ha rmma zhes bya ba sa 'di 'jig rten pa'i chos kyang yin la sngan chad ma mthong bas 'phags pa'i laM lta bu 'jig rten pa'i chos dang mi mthun pa yang 'jig rten pa'i chos kyi mchog 'dis cha mnyam pa'i rgyu med par thob par nus te/ 'jig rten pa'i chos kyi phul du byung bas na 'jig rten pa'i chos kyi mchog ces bya/ rang sangs rgyas dang nyan thos kyi gang zag gi rim pa'i ming la/ pra tye ka bud+d+ha zhes bya ba e ka barga na ma pra ti bud+d+ha bo d+hi pra tye ka bud+d+ha zhes bya ste/ sems can mang po'i don mi mdzad kyi/ bdag gcig bu byang chub pa dang mya ngan las 'das par sgrub pas na/ rang sangs rgyas zhes bya/ khaDga bi Sha Na kalpa zhes bya ste/ khaDga bi ShA Na du lya twa te khaDga bi Sha Na kalpa zhes bya ste/ rang sangs rgyas bskal ba brgya'i bar du tshogs bsags pas dbang po rnon po phal dang mi 'dre bar bse ru dang 'dra bar gcig tu bzhugs pas na rang sangs rgyas bse ru lta bu zhes bya/ ba rg+ga tsa ri zhes bya ba barg+ga ni sde 'am tshogs sam mang po gcig tu 'dus pa la bya/ tsA ri tsA ra ga tyartha zhes bya ste/ 'gro ba yin pas rang sangs rgyas phal dang thabs cig tu gshegs shing bzhugs pa dang/ spyod pa la bya ste/ tshogs dang spyod pa zhes bya ste/ sh+ra ba ka zhes bya ba gcig tu na sh+ri nwa na tI ti sh+rI ba ka zhes bya ste/ de bzhin gshegs pa las chos kyi lung ma mnos par bdag nyid kyis rtogs par mi nus te/ nyan pa la yang bya yang gcig tu na samyaka dz+nyA na pha lan sh+rA ba bAn tI ti sh+ra ba ka zhes bya ste/ yang dag pa'i shes bas rgyun tu zhugs pa la sogs pa'i 'bras bu thob pa gzhan la sgrog cing thos par byed pas na nyan thos zhes bya/ sro tA pan+na zhes bya ba sro ta ni chu'i rgyun lta bu la bya/ a ban+na ni nang du zhugs pa la bya ste/ spyir na mya ngan las 'das pa'i mchod 'babs pa'i 'phags pa'i lam gyi chu bo'i rgyun tu zhugs pa la bya ste/ rgyun tu zhugs pa zhes bya/ sapta krid b+ha ba ba ra ma zhes bya ba rgyun tu zhugs pas sgom pas spangs ba'i nyon mongs pa ma zad la/ 'bras bu thob pas mi'i nang du lan bdun skye/ lha'i nang du yang lan bdun skye ba la bya ste/ mir skye ba'i srid ba bar ma bdun dang/ lhar skye ba'i srid pa bar ma bdun gyis bsnan na skye ba bdun bzhi nyi shu rtsa brgyad kyi bar du 'khor ba'i nang na zhugs pas na de ltar thogs na srid pa lan bdun pa zhes bya/ ku lan ku la zhes bya ba rgyun tu zhugs pa 'dod pa'i khams kyi nyon mongs pa gsum dang bzhi ba man chad las grol ba/ skye ba gnyis gsum gyi bar du 'khor ba na gnas shing lha dang mi'i rigs bzang por skye ba na rigs nas rigs su skye ba zhes bya/ sa trI tA ga mi zhes bya ba sa kri ta ni lan cig A ga mi ni 'ong ba ste/ tshe 'di nyid la mya ngan las mi 'da' ste/ lan cig slar 'jig rten 'dir skye bas na/ lan cig phyir 'ong ba zhes bya/ e ka bI tsi ka zhes bya ba lan cig phyir 'ong 'ong ba 'dod pa'i khams kyi nyon mongs pa bdun pa dang brgyad pa spangs pa/ skye ba gcig gis mya ngan las 'das pa'i 'bras bu 'am/ phyir mi 'ong ba'i sa thob pa'i bar chod pas na bar chad gcig pa zhes bya/ a na gA mi zhes bya ba tha ma'i skal ba can gyi chos rnam pa lnga spangs pa slar 'dod pa'i khams su mi skye bas phyir mi 'ong ba zhes bya/ an+ta rA ba ri nirbA yI zhes bya ba phyir mi 'ong ba srid pa gcig nas 'phos pa pha rol tu yang ma skyes par srid pa bar ma do'i tshe dgra bcom pa'i 'bras bu mngon du byas nas mya ngan las 'da' bas na bar ma dor yongs su mya ngan las 'da' pa zhes bya/ au po pad+hya pa ri nirbpA yI zhes bya ba phyir mi 'ong ba lam la zhugs shing brtson pa tsho 'phos nas pha rol tu skyes ma thag tu nyon mongs pa thams cad spangs te lhag ma dang bcas pa'i mya ngan las 'das pa mngon du byed pas na skyes nas yongs su mya ngan las 'da' ba zhes bya/ a b+hi saM skA ra pa ri nirbbA yI zhes bya ba phyir mi 'ong bar 'khor ba rgyun mi bcad pa pha rol tu skyes nas brtsan ni brtson la lam ma byang ba'i rtsol ba dang bcas pas mya ngan las 'da' bar byed pas na mngon par 'du byed pa dang bcas pas yongs su mya ngan las 'da' ba zhes bya/ a na b+hi saM skA ra ba ri nirbgA yI zhes bya ba phyir mi 'ong ba lam la brtson zhing 'grus par zhugs pa ma yin gyi nam bsam pa'i rgyud smin pa'i tshe/ dgra bcom pa'i 'bras bu 'thob cing mya ngan las 'da' bas na mngon par 'du byed pa med par yongs su mya ngan las 'da' ba zhes bya/ aurd+hA so rtags bya ba phyir mi 'ong ba thog ma gzhi gar skyes ba de nyid du mya ngan las mi 'da' i steng du lha'i khams su skyes nas gdod mya ngan las 'da' bas na gong du 'pho ba zhes bya/ kA ya sak+Shi zhes bya ba nirbA Na si tra sh+ya ni ro d+ha sa mA pat+ta/ kA yen sA k+Sha ka ra Na kA ya sAk+Shi zhes bya ste phyir mi 'ong ba 'gog pa'i snyoms par 'jug pa mya ngan las 'das pa dang 'dra bar sems dang sems las byung ba 'gegs kyis kyang lus kyis mngon du byed pa zhes bya/ sh+rad+d+hA nu sa ri zhes bya ba/ sh+rad+d+ha zhes bya ba ni dad pa/ a nu sa ri ni rjes su 'brang ba ste bdag nyid kyi shes pas rtogs pa med kyi/ lung las thos pa bzhin du dad pas 'phags pa'i rjes su 'jug pa na dad pas rjes su 'brang ba zhes bya/ d+harmmA nu sa ri zhes bya ba/ d+harmma a nu saM rtu shI lan ya sya zhes bya ste/ dbang po rnen po gzhan gyi drang la mi 'jog cing chos kyi tshul dang 'thun par rigs par sbyor bas chos kyi rjes su 'brang ba zhes bya/ sh+rad+d+hA d+hi muk+ta zhes bya ba sh+rad+d+ha ya mArg+ga ma d+hi muk+ta sh+rad+d+hA/ d+hi muk+ta zhes bya ste dad pas rjes su 'brang ba dbang po rtul pos lam bsgoms nas 'phags pa'i 'bras bu thob pas na dgra bcom pa la zhugs ba man chad gang zag chen po bdun gyi bye brag gi ming ste dad pas mos pa zhes bya/ driSh+Ti prApta zhes bya ba driSh+Ti ni mthong ba/ prApta ni thob pa ste/ dbang po rnon po chos kyi rjes su 'brang bas lam gzigs shing 'phags pa'i 'bras bu thob pas na dgra bcom pa la zhugs pa man chad gang zag chen po bdun gyi bye brag gi ming ste mthong bas thob pa zhes bya/ sa ma ya bi muk+ta zhes bya ba dad pas rjes su 'brang ba'i dgra bcom pa dbang po rtul po dus dang yo byad la sogs pa dang ldan na nyon mongs pa las grol zhing 'bras bu 'thob kyi mi ldan na thar pa thob par mi nus pas na dus kyi rnam par grol ba zhes bya/ a sa ma ya bi muk+ta zhes bya ba dgra bcom pa dbang po rnon po chos kyi rjes su 'brang ba yo byad dang dus la ltos mi dgos par nyon mongs pa spong nus pas na dus dang mi sbyor bar rnam par grol ba zhes bya/ pradz+nyA ya bi muk+ta zhes bya ba pradz+nyA bi muk+ta pradz+nyA bi muk+ta zhes bya ste/ dgra bcom pa 'gog pa'i snyoms par 'jug pa ma sgrub par shes rab kyis zag pa nyi tshe las grol bar byas pas na shes rab kyis rnam par grol ba zhes bya/ au pa ya to b+ha ga bi mugta? zhes bya ba au pa ya ni gnyis ka/ b+ha ga ni cha/ bi muk+ta ni rnam par grol ba ste/ dgra bcom pa nyon mongs pa'i sgrib pa dang/ snyoms par 'jug pa'i sgrib pa gnyis ka las grol bas na gnyi ga'i cha las rnam par grol ba zhes bya/ su pra ti pan+no b+ha ga b+ha ta sh+rA ba ka saM g+ha zhes bya ba sh+ra maN+ya d+ha na nirba Na Na pra ti pan+na zhes bya ste/ dge sbyad gi de na mya ngan las 'das pa la zhugs pas na bcom ldan 'das kyi nyan thos kyi dge 'dun ni legs par zhugs pa zhes bya/ myA ya pra ti pan+na zhes bya ba dran pa nye bar gzhag pa dang drod dang rtse mo la sogs pa'i rigs pa'i rim pas zhugs bas na rigs par zhugs pa zhes bya/ ri dzu pra ti ban+na zhes bya ba ri dzu mA rya marg+ga zhes 'byung ste/ 'phags pa'i lam yan lag brgyad pa ma 'khrugs shing drang la/ de la zhugs pas na dang por zhugs ba zhes bya/ sA mI tsa nyi? pan+na zhes bya ba nyan thos rnams tshul khrims dang lta ba 'thun bas na 'thun par zhugs pa zhes bya/ a nu d+harmmA tsa ri zhes bya ba dge sbyong gi chos ji skad bstan pa bzhin du 'thun par spyod pas na rjes su 'thun pa'i chos la spyod pa zhes bya/ d+harmmA nu d+harmmA pra ti bran zhes bya ba d+hAmmA ni chos te mya ngan las 'das pa la bya/ a nu d+harmmA ni de'i rjes su 'thun pa'i spyod pa'i chos te/ 'phags pa'i lam yan lag brgyad pa yin te/ de la zhugs pas chos kyi rjes su 'thun pa'i chos la zhugs pa zhes bya/ dam pa'i chos kyi ming gi rnam grangs la/ sU tra zhes bya ba Artha su tsi nang sU tra zhes bya ste sangs rgyas kyis bshad pa'ang rung sangs rgyas kyis gnang ste nyan thos kyis bshad pa yang rung/ don mdo tsam du ston zhing smos pas na mdo'i sde zhes bya/ ge yaM zhes bya ba kai gai shabda zhes bya ba/ mdo sdes bshad pa'i don dbyangs kyis brjod pas na dbyangs kyis bsnyad pa zhes bya/ yang rnam pa gcig tu na ga ta byA na ge ya zhes bya ste/ mdo sde las 'byung ba'i tshig nyid gzu bor ma gsungs te drang ba'i don du gsungs pa la/ da dung bshad cing shes par bya ba gzhan yod pas na brtag par bya bar yang dang du ni rung mod kyi dbyangs kyis bsnyad par nye bas na dbyangs kyis bsnyad pa'i sde zhes bya/ bya ka ra Na zhes bya ba byang chub sems dpa' dag nyid thos la sogs pa 'das pa dang/ ma 'ongs pa dang da ltar gyi cir gyur pa dang/ 'gyur ba la sogs pa gzhan gyis mi rtog pa bye brag tu lung ston pas na lung bstan pa'i sde zhes bya/ gA thA zhes bya ba ni tshigs su bcad pa rtsa ba gnyis pa dang/ gsum pa dang bzhi pa dang/ lnga pa dang/ drug par sbyar te bshad pas na tshigs su bcad pa'i sde zhes bya/ au da na zhes bya ba ni au pa tya dA na au dA na zhes bya ste/ gang zag 'ga' zhig gi phyir bshad pa ma yin gyi/ sangs rgyas kyi bstan pa yun ring du bzhag pa'i phyir gzhan gyis ma bskul ma gsol bar ched du brjod cing gsungs pa la ste/ dper na phyi dro'i dus kyi tshe bcom ldan 'das nang du yang dag 'jog la bzhengs te gdan la bzhugs nas dge slong gi dge 'dun rnams la ched du brjod do zhes mdo las gsungs pa lta bu ste ched du brjod pa'i sde zhes bya/ nI da na na zhes bya ba ni mdo sde dbang dul ba la sogs pa thog ma ji las glengs te bshad pa dang/ gzhi 'di dang skabs 'di dang byung ba 'di'i tshe bslab pa bcas pa lta bu la bya ste/ gleng bzhi'i sde zhes bya/ a ba dA na zhes bya ba/ yatA ba ga martha ma n+ya syA dA na na triSh+Ta n+ta bi ste ra sya zhes bya ste/ chos nyan pa rnams kyis go zhing rtogs par bya ba'i phyir sngon btags bar byung ba gzhan las drangs te/ dpe rgyas par bstan pas na rtogs pa brjod pa'i sde zhes bya ba ai ti pri ta kaM zhes bya ba ni ai ti ni e baM sta de lta bu/ pri ta kaM zhes bya ba ni byung ba 'am 'byung 'gyur la bya ste/ sngon byung ba'i gtam bzlas shing bshad pa yin pas na de lta bu byung ba'i sde zhes bya/ dzA ta kaM zhes bya ba ni bcom ldan 'das sngon byang chub sems dpa' i spyad pa spyod pa'i tshe gang dang gang du skyes pa dang/ dka' ba ci dang ci mdzad pa bshad pa yin pas skyes pa'i rabs kyi sde zhes bya/ bai bu lyi zhes bya ba ni bi pu la sya ba bai pu lya zhes bya ste/ shin tu rgyas par bshad pas sam/ mdo sde rgya chen po'i nang nas sa dang pha rol tu phyin pa la sogs pa shin tu rgya che zhing yangs par bshad pa yin pas na/ shin tu rgyas pa'i sde zhes bya/ ang b+hu ta d+harmma zhes bya ba ni sangs rgyas dang byang chub sems dpa' dang nyan thos rnams kyis mkhyen pa dang rdzu 'phrul dang byin gyis brlabs ngo mtshar rmad du byung ba bshad pa yin pa na rmad du byung ba'i chos kyi sde zhes bya/ au ba de sha zhes bya ba ni mdo sde'i don de kho na nyid mthong ba gzhan gyis zhib mor bshad cing gtan la phab pa rjes su 'thun pa'i chos la shad pa'i ma mo lta bu chos mngon pa la bya bas na gtan la phab pa'i sde zhes bya/ prahma tsArya zhes bya ba brahma ni brahmi b+hu ta shi ti b+hu ta zhes bya ste/ tshangs pa 'am bsil bar gyur bas don du na mya ngan 'das pa la bya/ tsArya tsA ra ga to zhes bya ste gang gis thob par 'gyur zhing spyod pa la bya bas na mya ngan las 'da' bar bya ba'i phyir spyod pas na tshangs par spyod pa zhes bya/ A do ka lyA na zhes bya ba A dau ni dang po yin de tshangs bar spyod pa'i dang po la bya/ kalyA ni gser bzang po cir yang bcos shing brdung du rung ba dang 'dra bar yon tan gyi rim pa gong ma kun gyi snod du rung bar 'gyur bas na dge ba la bya ste/ spyir na dang po lhag pa'i tshul khrims dang ldan pas dge ba thams cad kyi gzhir gyur pas na thog mar dge ba zhes bya/ mad+hye ka lyA na zhes bya ba tshangs par spyod pa'i bar ma ni bsam gtan bzhi la sogs pa sems mnyam par gzhag pa'i ming ste/ lhag pa'i sems la bya bas na bar du ge ba zhes bya/ saryA ba sA na ka lyA na zhes bya ba tshangs par spyod pa'i tha ma ni 'phags pa'i ye shes kyis don dam pa'i bden pa rtogs pas na lhag pa'i shes rab la tha mar dge ba zhes bya/ sUrtha na zhes bya be su ni bzang po/ artha ni don de don ma log par bstan pas na don bzang bo zhes bya/ su byany+dza na zhes bya ba su ni bzang po/ byany+dza na ni tshig 'bru ste/ tshangs bar spyod pa bshad pa'i tshig 'bru go zhing brda 'phrad bar bla ste/ brjod pa phun sum tshogs pa'i phyir tshig 'bru bzang po zhes bya/ ke ba laM zhes bya ba a sA d+ha ra Na twa da ke ba laM zhes bya ste/ mu stegs can la sogs pa phal dang thun mong ma yin pa'i phyir ma 'dres pa zhes bya/ pa ri pUr+N+Na zhes bya ba sarba kle sha pra ti pak+Sha twA da pa ri pUr+N+Na zhes bya ste/ srid pa'i rtse mo man chad kyi nyon mongs pa ma lus par rdzogs par spong nus pas na yongs su rdzogs pa zhes bya/ ba ri shud+ha zhes bya ba swa b+hA ba bi muk+tya bi mu kArthad pa ri shud+d+ha zhes bya ste/ 'phags pa'i lam zag pa med pa rang bzhin gyis rnam par grol bas na rnam par grol te gtsang bas na yongs su dag pa zhes bya/ parya ba dA haM zhes bya ba samtA na bi muk+tya bi muk+ta tA ta badya ba dA taM/ zhes bya ste/ zag pa zad pa rnams kyi sems kyi rgyud la 'phags pa'i lam 'byang ste/ gang zag so so'i sems kyi rgyud rnam par grol zhing byang bas na yongs su byang ba zhes bya/ swA khyA to b+ha ga ba to d+harmmA zhes bya ba a pi paN+ya? ti sa ma khyA na swA nya swA khyA ta zhes bya ba sangs rgyas kyi chos phyin ci ma log par bstan pas na bcom ldan 'das kyi chos ni legs par gsungs pa zhes bya/ san driSh+Ta ka zhes bya ba driSh+Ta artha nA da sA na driSh+Ti ka zhes bya ste/ dad pa tsam gyis rtogs pa ma yin gyi yang dag pa'i shes rab kyis yang dag ba ji lta ba bzhin du ma nor bar mthong bas na yang dag par mthong ba zhes bya/ nirdzwa ra zhes bya ba/ kle sha a nu sha ya pra ti ba k+Sha twad nirdzwra zhes bya ste/ nyon mongs pa bag la nyal gyi gnyen po yin pas nyon mongs pa dang/ nye ba'i nyon mongs pa'i rims nad gsal zhing yongs su nyams par mi 'gyur bas na nad med ba zhes bya/ a kA li ka zhes bya ba rnam pa gcig tu na kA la ni ya mA b+hA bA ra a kA li kA zhes bya ste/ skabs gang du yang sgom du rung ste/ dus nges pa med pa'i phyir dus chad pa med pa zhes bya/ yang rnam pa gcig tu na sarba kA la su kha tsa twA da a kA li ka zhes bya ste/ spyod lam bzhi po'i dus kun tu bya bar sla pas dus chad pa med pa zhes bya/ ao pa na pri ka zhes b ya ba a she Sha duai ha pa sh+ye Sh+Ta b+ha zhes bya ste/ chos 'di mthong ba rnams la yod pas mu stegs can dang thun mong ma yin pa'i phyir 'di mthong ba la yod pa zhes bya/ yang rnam pa gcig tu ni/ A tsArya muSh+Ti ra hi ta twA da ai hi pa sh+ye ti pra bA ra Na lo gA da ces bya ste/ slob dpon 'chab pa med pas 'di la ltos shig ces skabs 'byed pa dang ldan pa'i phyir 'di ltos ldan zhes kyang bya ste/ tshig rnam pa gnyis su drang du rung gis kyang sngon ma dang sbyar te/ bshad na bzang zhing tshig kyang bde ste/ 'di mthong ba la yod pa zhes btags/ pra tyA rma be dA nI yo bi dz+nye zhes bya ba a ta rkya dwada pra tyA rma be de bi dz+nye zhes bya ste/ rnam pa gcig tu na rtog ge'i yul ma yin te/ shes rab can rnams kyis rtog par bya ba yin pa dang/ yang rnam pa gcig tu na a na b+hi la bya twA da prAtyA rma be de ni ya zhes bya ste/ brjod du med pa'i phyir rang gis rig par zad pas mkhas pa rnams kyis rig par bya ba zhes bya swA khyA to b+ha ga ba to d+harmma bi na ya sU tra bi de na ta zhes bya ba n+ya ya twA da a pi ba ri tArtha twe na d+harmma kle sha bi na ya zhes bya ste/ bcom ldan 'das kyis legs par gsungs pa'i chos 'dul ba gzhan phyi rol pa dang mi 'dra bar legs par bstan cing go bar byas te/ rig pa dang ldan pas na chos/ nyon mongs pa zhi zhing dul ba byed pas na 'dul ba ste tshig bsdus na bcom ldan 'das kyis legs par gsungs pa'i chos 'dul ba la legs par bstan pa zhes bya/ ne ryA Ni ka sam+bo d+hi gA mi zhes bya ba/ saM b+ho d+hi gA mi twe na neryA Ni ka zhes bya ste/ /tshig 'di gnyis ni 'og mas gong ma bshad ba yin te/ rdzogs pa'i byang chub tu 'gro bar byed pas mya ngan las 'das par nges par 'byung ba'i phyir nges par 'byung ba rdzogs pa'i byang chub tu 'gro bar byed pa zhes bya ba/ a bi na nA bastu pa zhes bya ba ni bcom ldan 'das kyi gsung rab la nyan thos rnams lta ba mi mthun pa med de/ gcig tu 'dus pas ni mi mthun pa med cing 'dus pa dang ldan pa zhes bya/ sa pra ti sha ra na zhes bya ba sa ni bas pa'am yang ba la bya/ pra ti sha ra Na ni skyabs sam dpung gnyen nam rten du rung ba la bya ste/ mu stegs can gyis chos lta bu khungs ngan par 'byin pa ma yin gyi/ de bzhin gshegs pas gsungs pa yin bas na rten pa yod pa zhes bya/ tshin plau? ti ka zhes bya ba tshinda ni chad ba blau ti ka ni pluM ga tau zhes bya ste/ 'gro ba 'am chus ded cing khyer ba lta bu'i tshig yin/ spyir na 'khor bar skye zhing 'pho ba'i rgyu bcad pa la bya ste/ rgyu ba bcad pa zhes bya/ 'jig rten pa'i lha'i ming la/ brahma zhes bya ba/ bri dang ku sha la/ /mA la nirtha te twa da bri ha zhes bya ste dge ba'i rtsa ba chen po las skyes pas chen por yang drang du rung/ yang rnam pa gcig tu na mu stegs can gyi gzhung la tshangs pa ni bden pa'o/ /tshangs pa ni dka' thub bo/ /tshangs pa ni dbang po thub pa'o zhes bya ba'o/ /byA ka re ? las ni brI ha Na da brahma zhes bya ba 'byung ste/ tshe dang byang gzugs dang gnas dang longs spyod la sogs pa 'og ma bas 'phel zhing khyad par du gyur pas 'phel ba 'am rgyas pa zhes drang du yang dud/ yang rnam pa gcig tu na bya khyA muk+ti las brahma b+hU ta shI ti b+hU ta zhes 'byung ste/ 'dod khams kyi nyon mongs pa'i tsha ba dang bral nas bsam gtan dang po'i sar phyin pas nyon mongs pa 'og ma las thar zhing bsil bar gyur pa yin te/ rnam pa 'di snyed du dang du yang rung gis kyang don dang yang sbyar/ sngar grags pa brtson par byas nas tshangs pa zhes brtags/ biSh+Nu zhes bya ba rnam pa gcig tu na bi shlo byA ptau zhes bya ste/ khyab par yang 'dren/ yang rnam pa gcig tu na bi sh+ra pra be sha kun tu 'jug pa la yang bya/ spyir na 'jig rten yod do cog kyang biSh+ya'i rang bzhin yin te/ kun la khyab bar 'jug pas na khyab 'jug ces bya/ ma hi shwa ra zhes bya ba mahA ni chen po a'i shwa ra ni ai sha ai shwa tyA zhes bya ste/ spyir na dbang che zhing phyug brtsan ba la bya/ dngos su na mu stegs can gyi lha gu lang yin te/ dbang phyug chen po zhes bya/ mA ra zhes bya ba mrid Na pra Na tyA ge zhes bya ste/ dge ba'i chos kyi srog dang bral bar byed bdud ces bya/ sha kraM zhes bya ba/ sho kI shak+to shak+tau de ba rA dzA rA ga bra tyA na zhes bya ste/ lha'i srid thub cing lha ma yin las rgyal bar nus pas na srid thub cing nus pa la yang bya/ yang rnam pa gcig tu mchod sbyin rnam pa brgya byas pas lha'i rgyal po'i go 'phang thob pas na brgya byin zhes kyang bya/ tshig 'di gnyis kar yang drang du rung mod kyi/ sngar ming du btags pa btsan bar byas te brgya byin zhes btags/ ain+d+ra zhes bya ba/ ai di ba ra me shwa rye zhes bya ba ste/ ri rab kyi steng na sum cu rtsa gsum pa'i lha'i rgyal po mdzed pas na brgya byin gyis ming gi rnam grangs te dbang po zhes bya/ lo ka pA la/ zhes bya ba lo ka ni ludzya ta ai ti lo ka zhes bya ste/ 'jig rten bA la rak+Sha Na zhes bya ste/ 'jig rten srung zhing skyong ba zhes bya/ ba sh+ra paN zhes bya ba Na sha ra ta sya a pat+tya bai sh+ra ma Na zhes bya ste/ rnam thos kyi bu zhes bya'o/ /d+h+ri ta raSh+ma zhes bya ba ni/ d+hi ta ni srung ba 'am 'dzin pa/ raShhu ni yul 'khor te yul 'khor srung zhes bya/ bi rU DDha ga zhes bya ba bi ni bi she Sha Na ste/ bye brag tu gyur pa 'am 'phags pa la bya/ rU DDha ni ru ha dza nA ma ni zhes bya ba ste skyes pa la bya/ ka ni sang bi dz+nyA yA na kan zhes bya ba/ ming gcig gi mjug la byA ka ra Na'i gzhung gis gas gdags pa yod pas tshig gis rkyen du btags bar zad de/ 'phags skyes po zhes bya/ bi rU pAk+Shi zhes bya ba rnam pa gcig tu na bi rU ba zhes bya ba ni spyan gzhan dang mi 'dra gsum mnga' bas mi mthun pa la bya/ ak+Shi zhes bya ba ni mig la bya ste mig mi 'dra ba 'am/ rnam pa gcig tu na bi rU pa ni klu'i rgyal po yin pas na spyan la gdug pa mnga' ste gzigs so 'tshal la gnod par 'gyur bas mig mi bzang zhes bya/ / //bam po gnyis pa /pha rol tu phyin pa bcu dang/ byang chub kyi phyogs kyi chos sum cu rtsa bdun la sogs pa'i ming la pha rol tu phyin pa bcu la/ da sha pA ra mi tA zhes bya ba da sha na bcu/ pA ra mi tA na pi ra ai ta pa ra ai ta pa ra mi tA zhes bya ba ste sbyin pa dang/ tshul khrims dang/ bzod pa dang/ brtson 'grus dang/ bsam gtan dang/ shes rab dang/ thabs dang/ smon lam dang/ stobs dang/ ye shes dang/ 'di bcu la spyad cing bsgom pa'i mthar phyin te/ phyin ma lus pas na pha rol tu phyin pa bcu zhes bya/ byang chub kyi phyogs kyi chos sum cu rtsa bdun la sogs pa'i ming la sapta triM shad bo d+hi pak+Sha zhes bya ba bo d+hi ra nu gu ru Na twad bo d+hi pak+Sha zhes bya ste/ bo d+hi ni byang chub/ pak+Sha ni de'i rjes su 'thun pa 'am/ phyogs su gyur pa la bya ste/ dran pa nye bar gzhag pa nas 'phags pa'i lam yan lag brgyad pa'i bar sum cu rtsa bdun yod pa 'di byang chub gsum po'i phyogs su gyur bas na byang chub kyi phyogs kyi chos sum cu rtsa bdun zhes/ tsa twa ri smri hyu pas+thA na zhes bya ba padz+nyA yAsmi ti rU pa tiSh+Tha te zhes bya ste/ smri ti dran pa/ au pa ni nye ba/ s+thA na ni bzhag pa la bya/ spyir na lus dang sems dang tshor ba dan chos bzhi'i rang dang spyi'i mtshan nyid shes rab kyis brtags te/ mthong ba rnams dran pas gsal bar 'dzin te/ dran pa shes che bas dran pa nye bar gzhag pa bzhi zhes bya/ tsa twA ri samya kpra ha Na zhes bya ba/ tsa twA ri ni bzhi/ samyaka ni yang dag pa/ praha Na ni spong ba ste/ brtson 'grus kyis dge ba bskyed cing sdig pa mi dge ba'i chos rnams spong bas na yang dag par spong ba bzhi zhes bya/ tsa twA ri ri d+hi pA dang/ zhes bya ba ri d+hi ni rdzu 'phrul pA? da ni rkang pa ste 'dun pa dang sems dang brtson 'grus dang dran pa dang/ ting 'grus dang dpyod pa'i ting nge 'dzin bzhi nam mkha' la 'gro ba la sogs pa'i rdzu 'phrul gyi rten dang rgyur gyur pa'i na rdzu 'phrul gyi rkang pa bzhi zhes bya/ pany+tsendI ya Na zhes bya ba pany+tsa ni lnga/ ain+d+ri ya na ai di pa ra med sharya zhes bya ba dbang che ba la bya bas dad pa dang brtson 'grus dang dran pa dang/ ting nge 'dzin dang shes rab dang 'di lnga'i dbang gis sems las su rung ba'i rgyud la thar pa'i cha dang 'thun pa'i dge ba'i rtsa ba skye bas na dge ba'i rtsa ba skye ba la dbang ba'i phyir dbang po lnga zhes bya/ pany+tsa ba la zhes bya ba pany+tsa ni lnga/ ba la ni stobs te/ dad pa la sogs pa lnga po 'di nyid rgyun ring du bsgoms pas ma dad pa dang/ le lo dang/ dran pa nyams pa dang/ g.yeng ba dang/ shes bzhin ma yin pa dang/ mi mthun pa'i phyogs lnga po 'dis bar chad bya mi nus pas na dad pa la sogs pa'i mthu skyes pa'i phyir stobs lnga zhes bya/ sapta bo d+hya ga zhes bya ba sapta ni bdun/ po d+hi ni byang chub aM ga ni yan lag ste/ dran pa dang/ chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang btang snyoms dang 'di bdun mthong ba'i lam la de kho na nyid byang chub pa'i rgyur gyur pas na/ byang chub yan lag bdun zhes bya/ yang rnam pa gcig tu na bi d+hA Sha las 'byung ba ming du bgrang ba'i grangs kyis rim pa bzhin bshad pa tsam du zad de byang chub gsum du 'grub pa'i nye ba'i rgyu 'di bdun yin pas sgom pa'i lam la byang chub kyi yan lag ces bshad/ AryA ShDaM ga marg+ga zhes bya ba Arya ni 'phags pa/ aShDAM ga ni yan lag brgyad mArg+ga ni lam ste/ yang dag pa'i lta ba dang/ rtog pa dang/ ngag dang/ las kyi mdza' dang/ 'tsho ba dang/ rtsol ba dang/ dran pa dang/ ting nge 'dzin dang/ 'phags pa'i sbom pa'i lam 'di la rgyud kyis dgra bcom pa'i 'bras bu thob pas na 'phags pa'i lam yan lag brgyad pa zhes bya/ yang rnam pa gcig tu na bi b+ha Sha las 'byung ba 'phags pa'i 'bras bu dang de kho na nyid sngon ma mthong ba mthong bar bya ba'i lam yin pas na mthong ba'i lam du bshad tshad med pa bzhi la tse tswa dya pra nA ta zhes ma med pa bzhi yin te/ sems can grangs med dpag tu med pa la byams pa dang snying rje dang dga' ba dang btang snyoms khyab par sgam pas na med pa bzhi zhes bya/ /bsam gtan dang snyoms par 'jug pa la sogs pa'i ming la/ d+hyA na zhes bya ba d+hai tsan+ti yan zhes bya ste/ sems dpa' la bya/ mi rtag pa 'am stong pa la sogs pa lta bu gcig la bsam pa'i gtan pa bcas te/ bsgoms pas na bsam gtan zhes bya/ a na gA mya zhes bya ba nA sya A ga mya zhes bya ste/ bsam gtan dang po la snyoms par 'jug par sems kyis khams gsum gyi nyon mongs pa thams cad spong mi nus pa med pas na mi lcogs pa med pa zhes bya/ d+hya nan+ta zhes bya ba d+hyA na ni bsam gtan an+ta ri bye brag gam khyad par te/ bsam gtan khyad par can ni rtog pa ni med dpyod pa tsam du zad de bye brag tu 'phags pas tshangs pa chen po'i go 'phang 'thob ba'i phyir bsam gtan khyad par can zhes bya/ sa man+ta ka zhes bya ba sa man+tA b+ha ba twad sa man+tA ka zhes bya ste/ sa man+tA ni nye ba/ b+ha ba ni 'byung ba 'am gnas pa lta bu la bya ste/ spyir ni bsam gtan dang gzugs med pa'i snyoms par 'jug pa la mnyam par gzhag pa'i phyir snga nas shom pa'i sems kyis ming ste nyer bsdogs zhes bya/ lau la zhes bya ba/ mU le b+hA ba twAd mau la bya ste mu la rtsa ba 'am/ bzhi 'am dngos/ b+hA ba ni 'byung ba 'am gnas pa ste don dang sbyar/ bsam gtan dang snyoms par 'jug pa dngos la bya bas na dngos gzhi zhes bya/ sa ma pat+tI zhes bya ba sems dang sems las byung ba'i tshogs dmigs pa gcig la 'dul zhing gnyis mnyam par byed pa'i ming snga? snyoms par 'jug pa zhes bya ba/ sA sad+hi zhes bya ba sa mA d+hi yan te a ne na zhes bya ste/ ting nge 'dzin gyi mthus sems dang sems las byung ba'i rgyud dmigs pa gcig la sdud cing mi g.yo bar ting nge 'jog pas na ting nge 'dzin zhes bya/ ni ro d+ha sa ma pat+ti zhes bya ba 'du shes dang tshor ba 'gog cing lus rdo rje la sogs pa cis kyang mi shig par 'byung ba chen po rnams 'thun par sgrub pa la yang bya/ zhi ba la gnas par 'dug pa'i sems kyis tshor ba dang 'du shes 'gog pa la snyoms par 'jug pa la yang bya bas pa na 'gog pa'i snyoms par 'dug pa zhes bya/ a sa ma dz+nyA sa ma pat+tI zhes bya ba 'du shes med pa'i sems kyis snyoms par 'dug pa yin pas na 'du shes med pa'i snyoms par 'jug pa zhes kyang bya/ yang gcig tu snyoms par 'jug pa de 'du shes med pa'i snyoms par 'jug pa zhes bya aSh+To bi mo k+Sha zhes bya ba gzugs can gyis gzugs mthong ngo zhes bya ba la sogs pa mi sdug par sgom pa la sogs pas gzugs las skyo zhing chags pa las grol bar byed pas na rnam par thar pa brgyad ces bya/ aSh+Ta bi b+ha ba yA ta na zhes bya ba nang gzugs su 'du shes pas phyi rol gyi gzugs kha dog bzang po dang/ ngan pa la sogs pa mthong nas gzugs de dag zil gyis mnan te shes par byed pas na zil gyis gnon pa'i skye mched brgyad ces bya/ da sha krit+sna yA ta na zhes bya ba phyogs bcu ma lus par sa la sogs par mos shing yid la byed pa'i bsam gtan gyi ming ste/ zad par gyi skye mched bcu zhes bya/ nA ba nu pU rba bi ha ra sa ma pat+ti zhes bya ba/ bsam gtan bzhi dang/ gzugs med pa'i snyoms par 'jug pa bzhi dang/ 'gog pa'i snyoms par 'jug pa dang dgu la mthar gyis gnas shing 'jug pa'i ming ste/ mthar gyis gnas pa'i snyoms par 'jug pa dgu zhes bya/ rnam par thar pa'i sgo dang gzungs dang mngon par shes pa'i ming la/ trI Ni bi mok+Sha mu kha zhes bya ba rnam par thar pa'i sgo gsum yin te/ stong pa nyid dang/ mtshan ma med pa dang/ smon pa med pa gsum mya ngan las 'da' bar 'gyur zhing 'khor ba las thar pa'i sgo yin pas na rnam par thar pa'i sgo gsum zhes bya/ d+ha ra NI zhes bya ba gzungs yin te/ dran pa dang shes bzhin gyis chos kyi tshig dang don mi brjed par 'dzin pas na gzungs zhes bya/ Sha DA b+hi dz+nyA zhes bya ba mngon par shes pa drug yin te/ a b+hi ni a b+hi ta te mngon pa dz+nyA ni shes pa la bya ste/ lha'i mig dang/ lha'i rna ba dang/ pha rol gyi sems shes pa dang/ sngon gyi gnas rjes su dran pa'i shes pa dang/ rdzu 'phrul gyi bya ba shes par zag pa zad pa shes pa drug mngon sum du mdzad pas mngon par shes pa drug ces bya/ stong pa nyid bco brgyad la/ ad+hyA ma shu n+ya tA zhes bya ba a d+hyArmA ni nad/ shU n+ya tA ni stong pa nyid yin te/ nang gi chos mig dang/ rna ba dang/ sna dang/ lce dang/ las dang/ yid rnams ther zug tu gnas pa 'ang ma yin/ 'jig par 'gyur ba'ang ma yin pa'i phyir don dam par na mig la sogs pa la dngos po med pas na nang stong pa nyid ces bya/ ba hird+hA shU n+ya tA zhes bya ba phyi stong pa nyid ces bya ba yin te/ phyi'i chos gzugs dang sgra dang dri dang ro dang reg dang chos rnams ther zug tu gnas pa'ang ma yin/ 'jig par 'gyur ba'ang ma yin pa'i phyir don dam par na gzugs la sogs pa la dngos po med pas na phyi stong pa nyid ces bya/ a d+hArma? ba hird+hA shU n+ya tA zhes bya ba phyi nang stong pa nyid yin te/ phyi nang gi skye mched bcu gnyis don dam par na gzung ba 'dzin pa gnyis ka med de/ yul dang yul can gyi tshul dang bral bas na phyi nang stong pa nyid ces bya/ shU n+ya tA shU n+ya tA zhes bya ba stong pa nyid stong pa nyid yin te/ chos thams cad kyi stong pa nyid kyis stong pa nyid stong pa ste/ gzhan kyis stong par byar med pas na stong pa nyid stong pa nyid ces bya mahA shU n+ya tA zhes bya ba chen po stong pa nyid yin/ snod kyi 'jig rten sa'i? dkyil 'khor chen po phyogs bcur stong pas na chen po stong pa nyid ces bya/ pa ra mArtha shU n+ya tA zhes bya ba don dam pa stong pa nyid yin te/ don dam pa'i mya ngan las 'das pa la bya/ don dam pa nyid la yang dngos por gzung du rung ba med pas na don dam pa nyid la yang stong pa nyid ces bya/ saM skri ta shU n+ya tA zhes bya ba 'dus byas stong pa nyid yin te/ 'dus byas ni khams gsum du gtogs so cog la bya/ khams gsum du gtog pa yang sgyu ma dang 'dra ste/ skye ba dang gnas pa dang 'gag pa dang 'bral zhing stong pas na 'dus byas stong pa nyid ces bya/ a saM skri ta shU n+ya tA zhes bya ba 'dus ma byas stong pa nyid yin te/ 'dus ma byas ni nam mkha' dang de bzhin nyid dang 'gog pa rnam pa gnyis rgyu dang rkyen gyis grub pa ma yin pa 'dus ma byas 'di bzhi rang bzhin gyis stong pas na 'dus ma byas stong pa nyid ces bya/ a tyAn+ta shU n+ya tA zhes bya ba mdza' las 'das pa stong pa nyid yin te/ rtag pa dang chad pa dang med pa la sogs pa'i mdza' dang bral bas na mdza' las 'das pa stong pa nyid ces bya/ a na ba rA gra shU n+ya tA zhes bya ba thog ma dang tha ma med pa stong pa nyid yin te/ 'khor ba thog ma med pa la dbus kyang stong pas thog ma dang tha ma med pa stong pa nyid ces bya/ a na ba kA ra shU n+ya tA zhes bya ba a ba ta ka ra ni dor ba ste dor ba med pas na a na ba ka ra Na ni dor ba ste dor ba med pas na a na ba ka ra zhes bya ste/ bum pa'i nang du chu blugs pa las/ pho nas sdong par gyur pa lta bu ma yin gyis/ chos thams cad ye nas rang bzhin gyis stong ste/ dor zhing bsal ba med pas na dor ba med pa stong pa nyid ces bya/ pra kri ti shU n+ya tA zhes bya ba rang bzhin gyis stong pa nyid de chos thams cad nyan thos dang rang sangs rgyas dang de bzhin gshegs pas kyang mdzad de/ rang bzhin gyis 'dus byas kyang ma yin/ 'dus ma byas kyang ma yin pas na rang bzhin gyis stong pa nyid ces bya/ sarbba d+harmmA shU n+ya tA zhes bya ba chos thams cad stong pa nyid yin te/ chos thams cad ces bya ba ni phung po dang khams dang skye mched la sogs pa 'dus byas dang 'dus ma byas kyis chos thams cad la bya/ de thams cad stong pas na chos thams cad stong pa nyid ces bya/ spa lak+Sha Na shU n+ya tA zhes bya ba rang gi mtshan nyid stong pa nyid yin te/ rang gi mtshan nyid ni gzugs su rung bas na gzugs/ myong ba'i mtshan nyid pas na tshor ba mtshan mar 'dzin pas na 'du shes zhes bya ba la sogs pa tshos so sor rang gi mtshan nyid kyang brtags pa tsam du zad de yongs su grub pa med pas na/ mtshan nyid stong pa nyid ces bya/ a nu ba lam+b+ha shU n+ya tA zhes bya ba mi dmigs pa stong pa nyid yin te/ 'das pa dang ma 'ongs pa dang da ltar gyi dus gsum du gtogs pa'i rnal 'byor pa dmigs su med pa las yang dngos po gud na med pas na mi dmigs pa stong pa nyid ces bya/ a b+ha ba shU n+ya tA zhes bya ba dngos po med pa stong pa nyid yin te/ dngos po med pa las yang dngos por gzung du rung ba'i rang bzhin pas na dngos po med pa stong pa nyid ces bya/ swa b+hA ba shU n+ya tA zhes bya ba ngo bo nyid stong pa nyid yin te/ 'du 'phrod las byung ba'i chos rnams rang dbang du mi skye ste/ rten cing 'brel te 'byung ba yin pas ngo bo nyid stong pa nyid ces bya/ a b+hA pa swa b+hA ba shU n+ya tA zhes bya ba dngos po med pa ngo bo nyid stong pa nyid yin te/ dngos po med par rtogs pa'i mthong ba dang shes pa'i dngos po med pa'i ngo bo nyid ces bya/ mthong ba dang shes pa 'di gnyis ka yang mthong bas kyang ma byas shes pas kyang ma byas te/ rang bzhin gyis stong pa'i phyir dngos po med pa'i ngo bo nyid stong pa nyid ces bya/ zhi gnas dang lag mthong la sogs pa'i ming la sha ma tha zhes bya ba sha me sti ti sha ma tha zhes bya ste/ sha ma ni zhi ba dang/ tha ni gnas pa ste/ gzugs la sogs pa yul gyis sems g.yeng ba zhi bar byas nas bsam gtan gang sgom pa de la sems rtse gcig tu zhugs pa'i ming yin pas na zhi gnas zhes bya/ pi pa sh+ya na zhes bya ba ba ni bi she Sha ste/ khyad par ram lhag pa/ pa sh+ya na ni mthong ba 'am lta ba la bya/ spyir na shes rab kyis dngos po'i rang bzhin lhag par rtogs pa'i rang bzhin la lhag par rtogs pa'i ming yin pas na lhag mthong zhes bya/ yog zhes bya ba yu dzir yog zhes bya ste/ zhi gnas dang lhag mthong zung du 'brel pa'i bsam gtan gyi ming ste rnal 'byor zhes bya/ yo ni sha ma na skA ra zhes bya ba yo ni ni au pa ya ste thabs sam rgyud la bya/ sha ni sha na sa ti zhes bya ste/ thabs dang tshul de nyid la spyod cing ston pa la bya ste/ spyir na mi sdug pa sgom pas 'dod chags gzhil ba dang/ rten cing 'brel par 'byung ba sgom pas gti mug spangs pa la sogs pa ste/ thabs tshul bzhin du sgom pa'i ming yin pas na tshul bzhin yid la byed pa zhes bya/ 'phags pa'i bden pa bzhi rnam bcu drug tu phye ba la sogs pa'i ming la/ tsa tu Arya satya zhes bya ba tsa tu ni bzhi/ Arya ni 'phags pas satya ni bden pa ste sdug bsngal dang kun 'byung dang 'gog pa dang lam bzhi ji ltar 'phags pa rnams kyis bden par gzigs pa de bzhin du so so'i skye bo phyin ci log dang bcas pas bden par mi mthong bas na 'phags pa'i bden pa bzhi zhes bya/ duba sdug bsngal gyi bden pa ste/ zag pa dang bcas pa'i 'du byed la yid du 'ong ba rnams ni 'gyur ba'i sdug bsngal gyis sdug bsngal bar gyur/ yid du mi 'ong ba rnams ni sdug bsngal gyi sdug bsngal bar gyur la/ de las ma gtogs pa chos gzhan 'du byed kyi sdug bsngal gyis sdug bsngal bar gyur te/ phung po lnga sdug bsngal gsum dang ldan pas na sdug bsngal gyi bden pa zhes bya/ sa mu da ya zhes bya bas mu de tyA smA da kamma kle sha lak+Sha nAd ces 'byung bas na las dang nyon mongs pa'i mtshan nyid de dag las sdug bsngal 'byung ba la bya ste/ de las nyon mongs ba ni srid pa gsum du slar skye zhing 'byung bar 'dod pa'i 'dod chags la sogs pa la bya/ las ni mi dge ba dang dge ba zag pa dang bcas pa la bya ste/ kun 'byung ba zhes bya ste/ ni ro d+ha zhes bya ba ni ro d+hyan+te asmin sarba kle sha ai ti zhes 'byung bas 'gog pa thob pas nyon mongs pa thams cad 'gag pa'i phyir 'gog pa zhes bya/ mArg+ga zhes bya ba mArg+ga yan+ti a na ne ni ro d+ha mi tI zhes 'byung ste/ lam des 'gog pa tshol ba 'am mtshan pa 'am dmigs pa 'am 'thob par 'gyur ba la bya ste/ lam zhes bya/ a ni tya zhes bya ba pra tya yAnd+hi na twad a ni rya zhes 'byung ste/ rkyen la rag las pa'i phyir mi rtag pa ste/ rkyen tshags? na ni 'byung la rkyen dang bral na ni 'gag ste rang dbang med pas na mi rtag ba zhes bya/ dua nAdma zhes bya ba adma zhes bya ba adma triSh+Ti bi pak+She a nAdma zhes 'byung ste/ bdag tu lta ba'i gnyen po yin te/ mu stegs can gyis brtags pa'i bdag dang sems can la sogs pa med pas bdag med pa zhes bya/ te tu zhes bya ba ste he tu bI dza d+harmmA yo ge na zhes 'byung bas sa bon gyi chos kyi tshul gyis phung po lnga'i rgyur gyur pas na rgyu zhes bya/ sa mud ya zhes bya ba pra du rb+ha yo ge na zhes 'byung ba'i tshul gyis kun 'byung ba zhes bya/ bra b+ha pa zhes bya ba sa ma band+ha yo ge na zhes 'byung ste/ 'brel pa'i tshul gyis rgyu yin no/ /zhes 'byung bas rgyu dang 'bras bu 'brel par skye ba'i phyir rab tu skye ba zhes bya/ pra tya ya zhes bya ba a bin shA dA nI tya ne na pra tya ya zhes 'byung bas mngon par grub par byed pa'i don gyi rkyen zhes bya ste/ dper na 'ji? pa dang dbyu gu dang 'khor lo dang srad bu dang chu rnams tshogs pa las bum pa 'grub par 'gyur ba dang 'dra bas na rkyen zhes bya/ ni rod+ha zhes bya ba ni ni ro d+ha sgand+ho pa ra ma ni ro d+ha zhes 'byung ste/ phung po 'jig cing med par 'gyur ba na 'gog pa zhes bya/ shAn+ta zhes bya ba tya gni na rbA ba nAd shAn+ta zhes 'byung ste/ 'dod chags dang zhe sdang dang gti mug gi me rnam pa gsum med par byas pas na zhi ba zhes bya/ pra Ni ta zhes bya ba ni ru pa tra bAd twA na zhes 'byung bas gnod pa med pa'i phyir gya nom pa zhes bya/ nissa ra Na zhes bya ba sarba a bak+Sha la bi yu kA twAd nissa ra Na zhes 'byung bas skyon thams cad dang bral te skyon rnams las byung ba 'am bral bas na nges par 'byung ba zhes bya/ mArg+ga zhes bya ba ga ma nA nwe na na mArg+ga zhes 'byung bas 'gro ba'i don la bya ste/ 'phags pa'i lam du zhugs nas mya ngan las 'das par 'gro bas na lam zhes bya/ n+yA ya zhes bya ba yo ga yuk+ta twAd n+yA ya zhes 'byung bas rigs pa dang ldan par bshad pas lam de 'khrul pa med cing tshad mar gyur bas na rigs pa zhes bya/ pra ti prat+ta zhes bya ba samya ga pra ti padnar thi na pra ti pat+ta zhes 'byung ste/ yang dag par thob par byed pas na sgrub pa zhes bya/ nIryA nya ge? zhes bya ba a tyan+ta sa ma ti kra mAd niryA Ni kA zhes 'byung ste/ shin tu yang dag par 'byung bas slar 'khor bar mi skye ba'i phyir nges par 'byin pa zhes bya/ a nan+tarya mArg+ga zhes bya ba/ an+taryA ni kle shai ran+ta ri du ma shAkya twAd ces bya ste/ nyon mongs pas bar gcod mi nus pas na bar chad med pa zhes bya/ mArg+ga ni lam ste spyir na sgom pa'i lam la gnas pa'i tshe bzod pa nyon mongs pa'i gnyen por gyur pas na nyon mongs pa'i chom rkun dang 'dra ba sgong phyung zhing spangs pa la bya bas na bar chad med pa'i lam zhes btags/ be muk+ti mArg+ga zhes bya ba ni muk+ti ni rnam par grol ba/ mArg+ga ni lam ste sgom pa'i lam la nyon mongs pa dang bral ba'i shes pas rkun po slar mi 'ong bar sgo gcad ba lta bu yin te/ rnam par grol ba'i lam shes bya/ a b+hi sa mA yan+ti ka ku sha la mU la zhes bya ba mthong pa'i lam thob ste/ de kho na nyid rtog pa'i rjes las 'jig rten pa'i dge ba med po 'phal zhing 'byung ba'i ming ste/ mngon par rtogs pa'i 'jug la 'byung ba'i dge ba'i rtsa ba zhes bya/ k+Sha ya dz+nyA na bi ka ku sha la mU la zhes bya ba/ dgra bcom pa'i zad pa shes pa skyes pa'i phral la 'jig rten pa'i dge ba mang po skyes pa'i ming ste/ zad pa'i shes pa'i dge ba'i rtsa ba zhes bya/ sems kyi skad cig bcu drug la dumed ste/ sdug bsngal la chos shes pa'i shes pa'i bzod pa zhes bya/ dukha be sh+ya a nu bashtsA da a ya a pa ga ma zhes 'byung ste/ ji ltar 'dod pa'i khams kyi sdug bsngal la chos shes par bzod pa de bzhin du gzugs dang/ gzugs med pa'i khams kyi chos shes pa la bzod pas na sdug bsngal la rjes su rtogs pa shes pa'i bzod pa zhes bya/ duphung po la yang chos tsam du rjes su rtogs par byed pas na sdug bsngal la rjes su rtogs pa'i shes pa zhes bya ste/ chos shes pa ni 'dod pa'i khams la dmigs te/ sa la lta ba dang 'bral rjes su rtogs pa'i shes pa ni gzugs dang gzugs med pa'i nyon mongs pa'i gnyen po ste/ gnam la yar lta ba dang 'dra bas chos shes pa dang rjes su rtogs pa'i shes pa gnyis gcig gi yul gcig gis mi mthong ste/ kun 'byung ba man chad lhag ma gsum yang 'di bzhin du bshad/ mi shes pa kun shes par byed pa la sogs pa dbang po gsum la A nA dz+nyA tA mA dz+nyA tA sya min+t+ri yan zhes bya ba/ mi shes pa kun shes par byed pa'i dbang po yin te/ mthong ba'i lam gyi yid dang/ bde ba dang yid bde ba dang/ btang snyoms dang/ dad pa dang/ brtson 'grus dang/ dran pa dang/ ting nge 'dzin dang/ shes rab kyi dbang po rnams sngon 'phags pa'i bden pa ma mthong ba mthong bar byed pa kun shes pa'i dbang po mthong ba la dbang byed pas na mi shes pa kun shes par byed pa'i dbang po zhes bya/ Adz+nye n+t+ri yan zhes bya ba kun shes pa'i dbang po yin te/ sgom pa'i lam la kun shes par bya ba'i yul gzhan med kyi bag la nyal lhag ma spang ba'i phyir sgom pa'i lam gyi yid la sogs pa'i dbang po dgus 'phags pa'i lam gyi bden pa nyid kun shes pa yin te/ kun shes pa dang ldan pa'i dbang po thob pa la dbang byed pas na kun shes pa'i dbang po zhes bya/ A dz+nya tA ain+d+ri yan zhes bya ba kun shes pa dang ldan pa'i dbang po yin te/ mi slob pa'i lam la dgra b com pa'i 'bras bu thob nas shes par bya ba thams cad shes te shes pa de dang ldan bas gang gi sems kyis rgyud la yod pa'i yid la sogs pa'i dbang po dgu tshe 'di la bde bar gnas pa dang mya ngan las 'das pa thob par byed pas na kun shes pa dang ldan pa'i dbang po zhes bya/ lam bzhi pa la dubsam gtan dang po la 'jug pa'i sems lta bu lhag mthong gi shas che la zhi gnas dang lhag mthong ya char gyur pas nyon mongs spangs dka' la gang zag dbang po rtul po'i shes pa'i ming ste/ mngon par shes pa bul ba dka' ba'i lam zhes bya/ duprA bi dz+nyA zhes bya ba bsam gtan bzhi las ma gtogs pa gzugs med pa'i snyoms par 'jug pa lta bu lhag mthong med la zhi gnas kyi shas che ba dang/ mi lcogs pa med pa bsam gtan dang po la 'jug pa'i sems lta bu lhag mthong gi shas che la zhi gnas chung ste zhi gnas lhag mthong ya char 'gyur bas nyon mongs pa spang dka' la/ gang zag dbang po rnon po'i shes pa'i ming ste/ mngon par shes pa myur ba dka' ba'i lam zhes bya/ su khA pra ti pad d+hya na d+hyA b+hi dz+nyA zhes bya ba bsam gtan bzhi'i sa la zhi gnas dang lhag mthong zung du 'brel pa bsgoms pas nyon mongs pa spangs shing bsal bla la/ gang zag dbang po rtul po'i shes pa'i ming ste/ mngon par shes pa bul la bla ba'i lam zhes bya/ su kha pra ti pak+Shi pra a b+hi dz+nyA zhes bya ba bsam gtan bzhi pa'i sa la zhi gnas dang lhag mthong zung du 'brel par bsgoms pas nyon mongs pa spang zhing bsal bla la gang zag dbang po rnon po'i shes pa'i ming ste/ mngon par shes pa myur la bla ba'i lam zhes bya/ kun rdzob dang don dam pa'i bden pa la saM bri ti satya zhes bya ba saM bri ya ste a na ya twad twa zhes bya ste/ rnam par rtog pa dang bcas pa'i shes pas dngos po'i de kho na nyid mthong bar bya ba la sgrib pas na yang dag sgrib ces bya/ yang gcig tu na lo ka sam myatyA zhes kyang bya ste/ chos thams cad rang bzhin med cing stong pa las 'jig rten gyi phyin ci log gi dngos po skye zhing 'byung bar mthong ba la sogs pa'ang 'jig rten gyi tha snyad dang grags pa tsam du bden pa ste/ kun gyis shes shing rdzob pa la bya bar dbu ma'i gtsug lag pas bshad/ blo gros mi zad pas bstan pa la sogs pa'i nang nas ji snyed du yi ge dang tshig 'brus bstan pa thams cad ni kun rdzob kyi bden pa'o zhes 'byung ste/ mdo sde dang dbu ma'i gzhung btsan par bya ste/ kun rdzob kyi bden pa btags/ pa ra mArtha satya zhes bya ba pa ra ma ni mchog gam dam pa/ artha ni don nam dgos pa ste/ gcig tu don sgrub cing dgos par bya ba'i mchog tu sdug bsngal thams cad dang bral bar bya ba mya ngan las 'das pa la yang bya/ yang gcig tu na 'jig rten las 'das pa'i ye shes mchog gi dmigs pa'i spyod yul don du gyur pa min la satya ni bden pa ste/ 'phags pa phyin ci log tu med par gzigs pa rnams la mya ngan las 'das pa dang skye ba med pa yang dag par bden pas na don dam pa'i bden pa zhes bya/ lung du bstan pa'i rnam grangs kyis ming la/ e kAM she bya ka ra Na zhes bya ba sems can thams cad 'chi 'am mi 'chi zhes 'dri na/ gcig tu chad par thams cad 'chi'o zhes bya ba yin te/ mgo gcig tu lung bstan pa zhes bya/ pi b+ha dzya byA ka ra Na zhes bya ba sems can thams cad skye ba ma zhes 'dri na/ nyon mongs pa dang bcas pa ni skye la/ nyon mongs pa med pa ni mi skye'o zhes so sor phye ste bstan par bya ba'i ming ste/ rnam par phye ste lung bstan pa zhes bya/ pa ri prits+tsha byA ka ra Na zhes bya ba mi 'di bzad dam ngan zhes 'di na/ gang dang gang sgrun zhes slar dri ste/ lha dang sgrun zhes zer na ni ngan zhes bya/ sems can dmyal ba dang sgrun zhes zer na ni bzad zhes bya ba lta bu/ slar dris nas lan slan pa'i ming ste/ dris nas lung bstan pa zhes bya/ s+tha tya byA ka ra Na zhes bya ba sems can dang phung po gnyis gcig gam tha dad ces 'di na/ sems nyid dngos por med pas mo gsham gyi bu dkar ram sngo zhes brjod du med pa dang 'dra ste/ lung mi bstan pas na gzhag pa'i lung bstan pa zhes bya/ mtshan nyid gsum la pa ri kalpi ta lak+Sha Na zhes bya ba kun brtags pa'i mtshan nyid yin te/ pa ri sa ma tad ces bya ba yongs su 'am kun tu/ kalpi ta ni med pa 'am sgro btags pa lta bu la bya/ spyir na gzung ba dang 'dzin par byas pa'i chos nan gyis brtags pa la bya ste/ kun brtags pa'i mtshan nyid ces bya/ pa ra tan+d+ra lak+Sha Na zhes bya ba gzhan gyi dbang gi mtshan nyid yin te/ pa ra ni gzhan/ ta na tra ni ta na tra ste dza na mya ste zhes bya ste/ gzhan gyi rkyen la rag las shing rang mi 'byung bas rten cing 'brel par 'byung ba'i ming ste/ gzhan gyi dbang gi mtshan nyid ces bya/ pa ri Ni shpan+na lak+Sha Na zhes bya ba yongs su grub pa'i mtshan nyid yin te/ de bzhin nyid dang yang dag pa'i ye shes gnyis mi 'gyur ba dang/ phyin ci ma log pa'i tshul gyis yongs su rdzogs shing grub pas na yongs su grub pa'i mtshan nyid ces bya/ dgongs pa bzhi la tsa twA ro a b+hi pra ya zhes bya ba dgongs pa bzhi yin te/ chos kyi sku dang/ tshogs la sogs pa mnyam pa la dgongs te/ 'das pa'i sangs rgyas da nyid yin zhes bka' stsal pa lta bu mnyam pa nyid la dgongs pa/ de bzhin gshegs pa'i mtshan thos pa tsam gyis bla na med pa yang dag par rdzogs pa'i byang chub mngon par rdzogs par 'tshang rgya'o/ /zhes bya ba lta bu dus gzhan la dgongs pa dang/ sangs rgyas gang ga'i klung gi bye ma snyed la bsnyen bkur byas na/ gdong theg pa chen po'i don khong du chud do zhes bya ba lta bu don gzhan la dgongs pa dang/ gang zag gcig la sngar sbyin pa la sogs pa'i legs pa brjod phyis smad pa lta bu gang zag gi bsam pa la dgongs pa'i ming yin te dgongs pa bzhi zhes bya/ ldem por dgongs pa bzhi la tsa twa yA b+hi sand+hi zhes bya ba ldem por dgongs pa bzhi yin te/ sems can chos la drang ba'i phyir theg pa chung ngu las bdag dang gang zag la sogs pa yod par bshad pa lta bu gzhug pa ldem por dgongs pa dang/ kun brtags pa dngos po med par bshad pa dang/ gzhan gyi dbang rten cing 'brel par bshad pa dang/ yongs su grub pa mi 'gyur ba dang phyin ci log par bshad pa lta bu mtshan nyid la ldem por dgongs pa dang/ sems can gyi spyod pa brgyad khri bzhi stong gi gnyen por chos sna tshogs bshad pa lta bu gnyen po la ldem por dgongs ba dang/ nyon mongs pas gnas na byang chub kyis mchog thob bo zhes 'byung ba lta bu byang chub kyi spyod pa dka' ba la dgongs te nyon mongs ba zhes gsungs pa la sogs pa sgyur ba la ldem por dgongs pa dang/ 'di bzhi ldem bu bzhin du tshig thel gyis mi gdab par bsgyur te bstan pa yin pas ldem por dgongs pa bzhi zhes bya/ a b+hi prA ya dang ma 'dom na a b+hi sand+hi yang dgongs par gdags phung po dang khams dang skye mched la ru pa skand+ha ni rU paN+Dya da rU pi zhes bya ste/ lag pa dang dbyig pa la sogs pas gzugs shing gnod par byar rung bas na gzugs zhes bya/ skand+ha ni dus gsum gyi gzugs bzang ngan che phra yod do cog gcig tu bsdus pa'i ming ste gzugs kyi phung po zhes bya/ be da nA skand+ha zhes bya ba ni a nu b+ha ba lak+Sha Na be da na Na ta mi ka zhes bya ba ste/ bde ba dang sdug bsngal la sogs pa'i tshor ba rnam pa gsum myong ba ma lus par gcig tu bsdus pa'i ming ste tshor ba'i phung po zhes bya/ saM dz+nyA skand+ha ni ni mi ta dz+nyA gra zhes bya ste/ gzugs la sogs pa dag la 'di ni dkar po'o/ /'di ni sngon pa'o/ /'di ni bzang ngo/ /'di ni ngan no zhes mtshan mar 'dzin pa'i dmigs pa'i yul dang/ de ma thag pa'i rkyen la sogs pa'i 'du ba las shes pa 'byung zhing 'di yin no snyam du mtshan mar 'dzin pa la bya bas na snyam shes zhes su yang drang du rung gis kyang ming sngar btags pa bzhin du 'du shes su btags/ saM ska ra skand+ha ni a b+hi saM ska ra lak+Sha Na zhes bya ste/ sems pa la sogs pa'i las kyis 'phangs nas 'du byed phyi ma 'byung zhing mngon par 'du byed pa'i mtshan nyid yin pas na 'du byed kyi phung po zhes bya/ bidz+nyA na skand+ha ni bidz+nyA na zhes bya ba ste/ yul tha dad pa rnam pa sna tshogs shes pa mig la sogs pa'i rnam par shes pa brgyad? bsdus pa'i ming yin pas na rnam par shes pa'i phung po zhes bya/ bi dz+nyA bta? zhes bya ba lus dang ngag gis spyod pa'i tshul gyis dge ba dang mi dge ba dang lung du ma bstan pa snying la ci sems ba gzhan la go bar byed pas na rnam par rig byed ces bya/ a b+hi dz+nyA b+hi zhes bya ba sdom pa dang/ sdom pa ma yin pa dang/ sdom pa yang ma yin sdom pa ma yin pa yang ma yin pa dang/ 'di rnams rnam par rig byed bzhin du gzhan gyis shes shing rtogs par mi rung bas na rnam par rig byed ma yin pa zhes bya/ tsit+tA sa pra yuk+ta zhes bya ba/ sems dang sems las byung ba'i 'dus pa gcig tu rtogs pa rnams mig la sogs pa dbang po'i rten mtshungs pa dang/ gzugs la sogs pa'i dmigs pa mtshungs pa dang/ yul la sog shing 'dzin pa'i tshul gyis rnam pa mtshungs pa dang/ sems dang snga phyi mnyam du 'byung ste/ dus mtshungs pa rnams dang/ sems dang sems las byung ba'i dngos po mang nyung mnyam par 'byung ste/ rdzas mtshungs pa dang/ mtshungs pa 'di lngas sems dang mnyam par ldan pa'i phyir ming ste/ sems dang mtshungs pa'i ldan pa zhes bya/ doShthu lya zhes bya ba du ni sadma pa 'am ngan pa Sh+Tha na ga ti ni bri tau zhes bya ste gnas pa la bya/ la ni a da na ste len pa 'am 'dzin pa'o/ /gcig tu na duSh+Tu ni nyes pa 'am skyon gyi ming la ni gong du bshad pa dang 'dra ste/ spyir na ltung ba dang sgrib pa'i ming ste gnas ngan len du btags/ a nu sha ya zhes bya ba chos mngon pa'i gzhung dang sbyar na 'phags pa'i ye shes ma thob kyi bar du sems can gyis sems kyi rgyud la khyab par gnas kyang brtag dka' ste phra ba dang/ dmigs pa dang mtshungs par ldan pas nyon mongs pa 'phel zhing rgyas par byed pa dang/ rgya mtsho'i bya gnam la 'phur ba'i grib ma la chu srin snyeg pa'i ming sta phra rgyas zhes bya/ mdo sde pa ltar na nyon mongs pa mngon du ma byung ste/ bag chags kyi tshul du nyal ba ni a nu sha ya ste/ bag la nyal zhes bya/ nyon mongs pa mngon du byung ste langs pa'i ming ni pa ri byung tha na zhes bya ste/ kun nas langs pa zhes 'byung bas chos mngon pa'i skabs su ni phra rgyas zhes gdags/ mdo sde pa'i skabs su bag la nyal zhes gdags/ A ya ta na zhes bya ba a yon tan nAn+tI taM A ya nA taM zhes bya ste/ mig dang gzugs la sogs pa'i skye mched kyi sgo nas rnam par shes pa skye zhing 'phel bas na skye mched ces bya/ d+hA tu zhes bya ba d+hA trartha go trarthA zhes bya ste khams dang rigs sam 'byung khungs kun la yang bya mod kyi sngon grags pa bzhin du khams zhes btags/ rten cing 'brel par 'byung ba la pra tI tya sa mutpA da zhes bya ba pra ti ta ni rten pa 'am rkyen du 'gyur ba la bya/ saM ni saM b+ha d+hi ste 'brel pa la bya/ aud pat+ta ni skya ba'i tshig ste phyi nang gi chos rnams rang dbang du mi skye'i rgyu dang rkyen tshogs pa las skye ste snga ma snga ma'i rgyu la rten nas phyi ma phyi ma'i gzhan gyi bar mchod par 'byung bas na rten cing 'brel par 'byung ba zhes bya/ dge ba bcu dang mi dge ba bcu'i las kyi lam la/ da shA ku sha la karmmA? pa tha zhes bya ba mi dge ba bcu la bya ste/ las kyi sems pa yin la sems dpa' yang brnab sems dang gnod sems dang log par lta ba gsum gyi dbang du 'gro zhing mngon par 'du byed pas na las kyis lam ni 'di gsum la bya/ srog gcod pa la sogs pa lus dang ngag gis las rnam pa bdun ni las nyid kyang yin la/ las 'di rnams slong zhing skyed pa'i gzhi sems pa yin yang 'di dag 'di dag la rten cing 'jug pas na mi dge ba bcu'i lam zhes bya/ dge ba bcu yang 'di las bzlog pa yin pas na brnab sems med pa dang/ srog mi gcod pa la sogs pa dang sbyar te bshad/ bsod nams bya ba'i yon tan la/ puN+ya zhes bya ba puN+ya karmma naM shub+he zhes 'byung ste/ dge ba'i las la bya/ yang rnam pa gcig tu na pu na ti pa b+hi kri ka ro ti zhes bya ste/ sdig pa spong zhing gtsang mar byed ba la yang/ dngos su na gzhan la phan zhing bsod bas gsos shing bsnams pa'i ming ste bsod nams su btags/ dA na ma ya puN+ya kri ya bastu zhes bya ba dA na ni nor rdzas la sogs pa sbyin pa la bya/ ma ya ni rang bzhin nam de'i rgyu las byung ba lta bu la bya/ puN+ya ya kri ya bastu ni bsod nams bya ba'i dngos pa zhi yin pa 'am/ dngos po ste sbyin pa las byung ba'i bsod nams bya ba'i dngos po zhes bya/ shI la ma ya puN+ya kri ya bstu zhes bya ba shI la ni tshul khrims te bslabs pa lnga la sogs pa srung ba la bya/ tshig gi mjug gzhan ni sbyin pa'i skabs nas 'byung ba dang 'dra bar bshad de/ tshul khrims las byung ba'i bsod nams bya ba'i dngos po zhes bya/ b+hA ba na ma ya puN+ya kri ya bastu zhes bya ba b+hA ba na ni sgom pa ste/ byams pa la sogs pa tshad med pa dang bsam gtan sgom pa la bya/ tshig gi mjug gzhan ni bsod nams bya ba'i dngos po gong ma gnyis dang 'dra ste bsgoms pa las byung ba'i bsod nams bya ba'i dngos po zhes bya/ guN+ya zhes bya ba gun+yan te a pa syan+te sh+re yorthi pi zhes bya ste legs par 'dod pa rnams kyis sgom zhing spyad pa la bya/ dngos su na stobs dang mi 'jigs pa la sogs pa yon tan gyi ming ste don brtsan par byas nas yon tan tu btags/ dge sbyong dang bram ze dang mu stegs can gyi ming la sh+ra ma Na zhes bya ba sh+ra ma tsA ri sh+ra ma Na zhes bya ste/ sdig pa zhi bar byed pa spyod cing legs pa la sbyor bas na dge sbyong zhes bya/ dngos su 'phags pa rab tu byung ba rnams la bya/ de'i rjes su rab tu byung ba gzhan la yang bya/ /bik+Sha zhes bya ba dge slong pa yin te/ mya ngan las 'das pa'i don slong zhing tshol ba dang/ gsol ba dang bzhi'i las kyis bsnyen par rdzogs la chos dang 'thun par bsod snyoms len pas 'tsho bas na dge slong zhes bya/ au pa si ka zhes bya ba ni bslab pa lnga la sogs pa mnos te/ dgra bcom pa'i 'bras bu dang gnye bar gnas pas dge bsnyen zhes bya/ au pa bA sas+tha ni zhes au pa bA sa ni khrims brgyad mnos te 'phags pa dang nye bar gnas pa'am bsnyen pa la bya/ s+tha ni tas+tha ni tri ste gnas pa la bya bas na bsnyen gnas la gnas pa zhes bya/ au pa sa ma pan+na zhes bya ba au pa ni nye ba/ saM ban+na ni rdzogs pa 'am phun sum tshogs pa lta bu'i ming ste/ mya ngan las 'das pa dang nye bar gsol ba dang/ bzhi'i las kyis dge slong gi khrims gtsang mar mnos pas na bsnyen par rdzogs pa zhes bya/ au pA d+hya zhes bya ba au pe tya d+hI ya ta asmad ces bya ste/ dang po su las khrims nod pa de'i drung du ched du song nas yas rjod pa bzhin du gdon zhing bzlas par byas pas na lud 'bog pa la bya ste/ sngan chad grags pa dang/ don gnyis ka dang sbyar nas mkhan po zhes btags/ A tsArya zhes bya ba A tsArya ste asmin zhes bya ste/ gang las chos dang chog la sogs pa nyan zhing slob pa de bya bas na slob dpon zhes bya/ prahma zhes bya ba bskal pa dang po'i tshe mi kha cig khyim na mi gnas shing dgon pa na chos spyod pa grong nas phyi rol tu yid dga' ba las phyi rol pa zhes tshes mngon pa las bshad/ bram ze'i gzhung las prahma No a pa tya na zhes bya ba 'byung ste/ tshangs pa'i bu zhes bya mod kyi/ sngan chad grags pa brtsan par byas te bram ze so na bzhag /tInwa ka ni tIrthyam bitya te tIrtha ka zhes bya ste/ mtsho'i 'gram nas mtshor 'jug pa'i stegs 'cha' ba dang 'dra bar dka' thub dang rnal 'byor la sogs pa chos sna tshogs spyod cing mya ngan las 'das pa'i tshor 'jug pa'i stegs 'cha' ba na mu stegs can zhes bya/ sngags kyi nad nas 'byung pa'i ming la tan+t+ra zhes bya ba tan+t+ra pra b+hand+hA khyA zhes 'byung ste/ sngags kyi rgyud zhi ba dang rgyas pa la sogs pa rgyan chags par bshad pa'i ming ste/ sngags kyi rgyud ces bya/ man+t+ra zhes bya ba man+te gupti b+haSha Ne zhes 'byung ste/ sngags kyi lha la sogs pa dgug cing gsang ste brjod pa yin pas na gsang sngags zhes bya/ bidyA zhes bya ba ni dA dz+nyA na zhes bya ste/ ma rig pa'i gnyen por gyur pa lha mo'i gzugs su bzhugs pa'i ming ste rig sngags zhes bya/ d+hA ra ni zhes bya ba artha gran+tha d+ha ra ya ti d+ha ra Ni zhes bya ste/ sngags kyi chos kyi don dang tshig mi brjed par 'dzin cing khyad par gyi rim pa 'thob par 'gyur pa'i ming ste/ gzungs sngags zhes bya/ maN+Da la ni sngar ste snying po 'am dbyings sam dkyil la bya/ la ni sA da na ste len pa 'am 'dzin pa lta bu la bya/ kha ra khor yug zlum po'i ming yang maN+Da la zhes bya bas na dkyil 'khor du sngan chad grags pa bzhin so na gzhag shAn+ta ka zhes bya ba gnod pa dang nad la sogs pa zhi bar byed pa'i sngags kyi ming ste zhi ba zhes bya'o/ /bauSh+Ti ka zhes bya ba tshe dang srid dang longs spyod la sogs pa rgyas shing 'phel bar byed pa'i sngags kyi ming yin pas na rgyas pa zhes bya/ ba shI ka ra Na zhes bya ba pha rol gyi sems bsgyur cing bdag ci dga' bar bya ba'i sngags kyi ming ste/ dbang du bya ba zhes bya ba a b+hi tsar zhes bya ba gzhan la gnod cing phung bar byed pa'i sngags kyi ming ste drag shul spyod pa zhes bya/ kalpa zhes bya ba sngags kyi gzhung sngar bshad pa las phyis cho ga rgyas par bshad pa'i ming ste cho ga zhi ba mo zhes bya/ au pa tsa ra zhes bya ba mchod pa'i yo byad kyi skabs su ni yo byad ces gdags/ cho ga dang sgrub pa'i skabs su ni bya ba'i cho ga zhes gdags/ ho ma zhes bya ba hU dA ni zhes bya ba ste sbyin zhing mchod pa la yang bya/ agne ho tran dzu hu yad ces kyang 'byung ste/ lha bo cog la mchod sbyin bya ba'i sgo dang kha mi yin pas na mer bsreg pa'i ming du yang 'dren sbyin sreg ces bya/ sid+d+hi zhes bya ba sngags kyis byang chub kyis man chad 'grub pa dang/ rig sngags 'chang nas nam mkha' la 'gro zhing tshe bskal par thub pa la sogs ji sgrub pa nyid grub pa'i ming ste dngos grub ces bya/ dzam+b+ha na zhes bya ba sngags kyis sems rmongs par byed pa'i ming ste rmugs byed ces bya/ stam+b+ha na zhes bya ba sngags kyis lus khengs shing las byed mi nus pa'i ming ste rengs byed ces bya/ mo ha na zhes bya ba sngags kyis sems blun zhing mi dran par 'gyur ba'i ming ste rmongs byed ces bya/ ao ha na zhes bya ba sngags kyis sems khral khrul khyer bar byed pa'i ming ste 'khrul byed ces bya/ 'dul ba las 'byung ba'i skad kyi ming la shik+Sha pa dang zhes bya ba shik+Sha ni pi byo pA dA nA zhes bya ste/ rig pa 'am shes pa len zhing slob pa la bya/ pA da ni rten nam gzhi'i ming ste tshul khrims la brten nas nyon mongs pa zad par slob cing sbyor bas na bslab pa'i gzhi zhes bya/ shi la zhes bya ba shI la sa mA d+hau zhes 'byung ste/ legs par spyod pa la zhugs shing tshul khrims dam po bsrungs pas mi dge ba spangs pa'i ming la bya/ yang gcig tu na shI tA la trada shI la zhes kyang bya ste/ nyon mongs pa'i gdung ba zhi zhing bsil bar gyur pa'i ming yang yin te/ dngos su na dang tshul gyis mi dge ba mi spyod cing khrims srung ba'i ming ste tshul khrims zhes bya/ saM b+ha ra zhes bya ba lus dang ngag dang/ yid gsum mi dge la mi phyed de/ sdom zhing srung ba'i ming yang yin pas na sdom pa zhes bya/ d+hu ta gu Na zhes bya ba ni d+ho ta gu Na zhes 'byung ba ste/ dgon pa na gnas pa dang bsod snyoms len pa la sogs pa'i yon tan gong nas gong du sbyangs te dag cing gsal bar bya ba'i ming yin pas na sbyangs pa'i yon tan zhes bya/ san le kha zhes bya ba li kha bi le kha na zhes bya ste/ dge sbyong gi yo byad chos gos gsum dang/ lhung bzed la sogs pa ma gtogs par spangs shing/ bya ba'i mgo bsnyungs te mi 'gyur bar lugs gcig tu spyod pa'i ming yin pas na yo byad bsnyungs pa zhes bya/ po Sha d+ha zhes bya ba po Sha ni puSh+Na ste dge ba gso zhing rgyas par byed pa la bya/ d+ha ni d+ha pu ga ti shu d+hau zhes bya ste/ rgyug pa 'am dag par byed pa lta bu la bya spyir na dus drug tu khrims brgyad nod pa dang/ dge slong khrims kyi yan lag las nyams pa rnams gso zhing spyod pa'i ming ste gso sbyong zhes bya/ ba ri sho pa na yi ka zhes bya ba au pa na ya ti sa pra pa ya ti zhes bya ste/ ba ri Sha ni dbyar au pa na yi ka ni phrad par byed pa ste/ dbyar zla 'bring po'i tshes bco lnga la dge 'dun las su bsko ba dang khrims su bya ba dang mal cha bsgo ba la sogs pa bya ba nas tshes bcu drug la dbyar gnas par byin gyis rlob pa'i cho ga byed pa dang sbyor bas na sbyor zhing gnas par dam 'cha' ba' i ming ste/ dbyar sbyor zhes bya/ ba ri Sho pa ga ti zhes bya ba/ ba ri Sha ni dbyar/ au pa ga ti ni khas len pa ste/ gtsug lag khang ngam gnas de nas gud du mi 'phags par gnas par dam 'cha' zhing cho ga bya ba'i ming ste dbyar gnas dam bcas pa zhes bya/ pra ba ra Na zhes bya ba pra muk+ta ba ra Na zhes bya ste/ dbyar gnas par dam 'cha' ba' i tshe thos pa dang mthong ba dang dogs pa rgol zhing rtsod du mi gnas pa las skabs phye bas na dgag dbye zhes bya/ ka thi nAsta ra zhes bya ba ka thi na ni sra ba ste chos gos mi 'khum par brkyang ba'i gtan pa dang 'dra bar chos gos sum phrugs cig la byin gyis brlabs/ dge 'dun dbyar gnas par dam bcas pa rnams kyi chos gos zla ba lnga'i bar du lhag pa dang/ bral ba dang kha zas snga dro yang dang yang za ba dang/ so sor 'dus shing za ba la sogs pa ltung bar mi 'gyur bar brtan par thub cing bag brkyang pa'i ming ste sra brkyang zhes bya'o// asta ra ni chos 'gram pa 'am bting ba dang 'dra bar kun la khyab pa'i ming ste bting ba la bya/ bsdus na sra brkyang bting bar btags/ gnod sbyin la sogs pa'i ming la yak+Sha zhes bya ba byA ka ra Na las yak+Sha pU dza ya na zhes 'byung ste/ kun gyis mchod cing sbyin pa la bya/ tshig gzhan du drangs na ya ka tsing k+Shi na nan+tha di yak+Sha zhes bya ste/ ya ka tsing ni su yang rung ba la bya/ k+Shi na nA n+tA tI ni gnod par byed pa la bya ste/ gnyis ka'i don dang sbyor nas gnod sbyin du btags/ rA ba Na zhes bya ba ru ni sha pa ta yin la/ ra ba Na sya pad tyan ra ba Na zhes bya ste/ skad sgrog cing 'byin pa'i bu yin pas na sgra sgrogs kyi bu zhes bya/ rAk+Sha sa zhes bya ba rA pa Na dang/ bi b+hi sha na la sogs pa mi la gnod par byed pa'i srin po la bya bas na/ srin po zhes bya/ pi sha tsa zhes bya ba pi shA tsa maSh+Ta tI ti pi shA tsa zhes bya ste/ yi dags smad rims mi sha la sogs rjen par za bas na sha za zhes bya/ ka Ta pu ta na zhes bya ba gdon gyi ming ste/ ka Ta ni lus pu ta ni rul par byed pa yin pas na lus srul po zhes bya/ skand+ha zhes bya ba skand+ha ga ti sho sh+ra yo zhes bya ste/ mahA de ba'i sras kA ba ti ka'i mtshan gyi skabs su ni phyin 'gro /gdon gyi skabs su ni skem byed ces bya/ aun mA da zhes bya ba sems mi dran zhing myos par byed pa'i gdon yin pas smyo byed ces bya/ ts+tsha ya zhes bya ba grib mes mi dag la gnod pa dang/ gdon gyi mi'i grib ma gnon zhing gnod par byed pas na grib gnon zhes bya/ a pa smar zhes bya ba dran pa nyams shing brgyal bar byed pa'i gdon gyi ming ste brjed byed ces bya/ ao sta ra ga zhes bya ba au ra sits+tsha da ne zhes bshad de nya ba la brang nas gnon zhing gnod par byed pas na gnon po zhes btags/ pany+tsi ka zhes bya ba bu lnga brgya dang 'grogs te rtse ba dang/ tshe lo lngas rtse ba'i ming ste lngas rtse na zhes bya/ TA ki nI zhes bya ba ri bi ha ya si ga to zhes bya ste/ sngags grub nam mkha' la 'gro ba la sogs pa rdzu 'phrul thob pa'i ming ste/ mkha' 'gro ma zhes bya/ be tA Da zhes bya ba mi shi ba'i ro'i nang du gdon zhugs te gnod par byed pas na ro langs zhes bya/ mu stegs can gyis bdag tu brjod pa'i rnam grangs la/ ad ma ni pa ra ma sma la zhes bya ste/ bdag ces bya ba lus gtso bo'i phung po 'di bor nas phung po gzhan len cing dngos po rtag la phung po 'dor ba ni sprul gyi pags pa brjes pa dang 'dra bar 'dod te/ da dang nga yir 'dzin pa'i gzhi yin pas na bdag ces bya/ satwa ni mu stegs can gyis bdag tu brtags pa'i bye brag yin te sems la bdag yin par 'dzin cing/ sems kyi rgyud la mi 'chad par 'dod pas sems can zhes bya/ dzI ba ni ji srid du srog ces bya ba'i bdag de lus la gnas/ lus shi nas rdza bcag pa'i be'u dang 'dra bar byung ste 'gro bas na srog 'dzin pa'i ming ste srog ces bya/ dzan+tu dza ya ta ai ti dzan+tu zhes bya ste/ bdag tshe rabs kun tu skye zhing 'byung bas na skye ba zhes bya/ bo Sha ni lus dang 'gro ba'i rgyud bdag 'dis gsos shing bskyed de/ yod par byas pas na gso ba zhes bya/ pu ru Sha ni skyes bu'i mgo stong yod pa zhig rig byed kyi smang 'don zhing brjod pa zhig yod pa skad 'byung ba dang/ skyes bu rtsa la dang ldan pa zhig kho na yod par 'dod pa la bya bas na skyes bu zhes bya/ bud go la ni pu na pu nar ga ti shu li ya ta ai ti zhes bya ste/ yang dang yang lha dang mi la sogs pa'i rgyud du skye zhing sbyor bas na yang sbyor ba zhes kyang bya/ putya ste gal te tsam pa bud ga la zhes kyang bya ste/ skyes nas dar gyis bar du ni gang/ dar yol nas shi'i bar du ni zag pa la yang bya ste/ tshig 'di gnyis kar drang du rung gis kyang sngan chad ming du btags te grags pa bzhin du bzhag nas gang zag ces btags/ ma nu dza ni ma nor dzA tad twAd ces bya ste/ skye dgu'i bdag po shed ces bya ba las byung bas na shed las skyes zhes bya/ ma na pa ti ma nor pad tyaM zhes bya ste mu stegs can gyi gzhung gis skye dgu'i bdag po 'jig rten thams cad skyed pa las byung ba la bya/ bod la yang shed kyis kyang bskal/ shes kyis tshe bskal te byed pa'i mkhan po shed kyis byas pa skad du 'byung bas na shing bur btags/ kA ra ka ni mu stegs kyi gzhung las skye ba dang 'jig pa la sogs pa thams cad bdag rtags pas byas par 'dod pas na byed pa po zhes bya/ kar pa ri ka ni bdag ces bya ba rtag pa des dge ba dang mi dge ba'i las kun byod du 'dzud pas na byed du 'jug pa po zhes bya ba be da ka ni las dge ba dang mi dge ba'i 'bras bu myong bar byed pas na tshor ba po zhes bya dza na ka ni bdag go tsa bor gyur te dbang po dang yul du phrad pa las shes par 'gyur ba bshad pas na shes pa po zhes bya/ pa sh+ya ka ni gzugs la sogs pa'i phyi rol gyi yul thams cad mthong ba yang bdag ces bya ba'i mthu yin pas na mthong ba po zhes bya/ audthA pa ka ni phung po slong zhing skyed pas slong ba po zhes bya/ sa mudthA pa ka zhes bya ba sa nI sa man+ta ste kun shes bya/ audthA ba ka ni tshig lhag tu smos pa dang sbyar te phung po dang skye mched la sogs pa kun skyed pas na kun nas slong pa po zhes bya? dud 'gro'i rgyud la tirya ka tsa zhes bya ba tirya ka tsa auny+tsa tI ti tiryany+tsa zhes bya ste/ mi ltar 'greng ste 'gro ba ma yin pa phyugs kyis khams su gtogs pa dud de 'gro bas na dud 'gro zhes bya/ ga ru Da zhes bya ba khyung gi ming ste nam mkha' lding tA rak+Sha khyung/ su par+Ni 'dab bzangs/ ga ru Da 'dab chags zhes bya/ 'di rnams ma 'dam na thams cad nam mkha' lding du gdags/ kin+na ra zhes bya ba dud 'gro rdzu 'phrul can gyi ming ste byad gzugs mi dang yud kyis 'dra bas na mi 'am ci zhes bya/ ma ho ra ga zhes bya ba mahA ni chen po/ au ra ga ni ltos 'gro ba la bya ste/ klu 'brug gi khams su gtogs pa ste/ sprul chen po yin pas na lto 'phye chen po zhes bya/ bA su kaM zhes bya ba bA su ka bad tyana bA su ka zhes bya ste/ klu'i rgyal po nor rgyas kyi bu zhes bya/ tA la ha ka ka zhes bya ba rta rin po che sngo skya'i ming ste/ sbyin gyi shugs ltar mgyogs pas na sprin gyi shugs can zhes bya/ e rA bA ti zhes bya ba ai ra ni sa/ a ba ti ni srung ba de'i bu yin pas na glang pos srung gi bu zhes bya/ gling bzhi dang 'jig rten bshad pa/ pArba bi de ha zhes bya ba pUrba ni shar phyogs la bya/ bi ni bi shi sta ste bye brag tu 'phags pa dang bzang po/ de ha ni lus 'phags te/ lus 'phags par bzang ba la ming du btags pas na shar gyi lus 'phags zhes bya/ 'dzam+bu dwi pa zhes bya ba 'dzam+bu ni lho phyogs kyi gling 'di'i byang phyogs kyi rgya mtsho'i 'gram na shing chen po 'dzam+bu zhes bya ba shing tog rdzam tsam chags pa'i 'bras bu chu'i nang du lhung ba rnams 'dzam+bu chu bo'i gser du 'gyur ba zhig yod de/ de la mtshan mar btsugs te ming du btags pas na 'dzam+bu'i gling zhes btags/ a ba ra go dA ni ya zhes bya ba a ba ra ni nub phyogs/ go ni ba glang dA ni sbyin zhing spyod pa de/ de la ba lang lhag par mang zhing spyod pa las ming du btags te nub kyi ba lang spyod ces bya/ aut+ta ku ru ni aut+ta ra ni byang phyogs/ ku ni kung si ta ste ngan pa/ ru ni ra ba ste sgra/ byang phyogs kyi gling de na mi'i skad du smra ba med de skad don pas brda' byed pa la yang bya/ yang sngon gyi mkhan po kha cig gis bshad pa las byang phyogs kyi gling gi mi lo steng thub pa/ skyid cing bde ba las 'chi kar sgra mi snyan pa 'byung ste dus 'da' bo zhes kyang 'chad de/ spyir gnyis ka dang sbyar na 'thun te/ byang gi sgra mi snyan du btags/ lo ka zhes bya ba lu dzya ta ai ti zhes bya ste/ sems can la sogs pa 'chi zhing mi rtag la 'jig pa'i gzhi yin pas na 'jig rten zhes bya/ yul dang mtho ris kyi shing gi ming la sh+ra ba sti zhes bya ba drang srong mnyan pa zhes bya ba dang/ drang srong yod ba zhes bya ba gnyis kyi grong khyer 'di dang po btsugs pa yin pas mnyan yod ces bya/ ni ri ti di sha zhes bya ba ni rga ti ri ta zhes bya ste/ ni ni bral bra/ ri ta ni bden pa ste srin po'i rgyal po bden bral zhes bya/ lho nub kyi phyogs mtshams na gnas pa'i phyogs skyong gi ming ste/ bden bral gyi phyogs zhes bya/ bA ri yA ko bi dA ra zhes bya ba'i sgra las drangs na pa ri yA tra ni pa ri ta sa man+ta yA tra ste lha'i spos kyi shing bzang po'i drung du lta thams cad 'dus te rdzi phyogs su ni dpag tshad brgya'i bar du dri zhim po'i ngang ldang rdzi phyogs ma yin logs su ni dpag tshad lnga bcu'i bar du dri zhim po'i ngang ldang ba'i shing gi ming ste yongs 'du zhes bya/ go pi dA ni ku bi dA ra ya ba zhes bya ste/ spos kyi shing chen po yal ga mang zhing sdong po che bas sa chen po brtol te 'byung ba dang 'dra bas sa brtol zhes bya ste/ bsdus pas shing yongs 'du sa brtol zhes bya/ 'dod pa'i khams kyi gnas kyi ming la/ b+hau ma zhes bya ba b+hau mo b+hau ma zhes bya ste/ sa la brten pa'i lha dang gnod sbyin gyi ming ste sa bla zhes bya/ at+ta rik+Sha bA si zhes bya ba an+ta rik+Sha ni bar snang la bya/ ba sa gnas pa la bya ste/ nyi zla la sogs pa rgyal po chen po bzhi'i ris su gtogs pa kha cig nam mkha' la rgyu ba ltar snang bas na bar snang la gnas pa zhes bya/ tsa tur ma hA rA dz+nyA yi ka zhes bya ba tsa tur ni bzhi/ ma hA rA dza ni rgyal po chen po kA ya na tshogs pa 'am gnas sam ris la bya/ ai ka ni tshig gong ma'i rkyen du sbyar ba yin te/ spyir na ris de la spyod cing gnas pa la bya ste/ rgyal po chen po bzhi'i ris su gtogs pa lag na gzhong thogs dang/ phreng thogs dang/ rtag tu myos dang/ rgyal po chen po bzhi'i 'khor dang/ 'di bzhi la bya ste tshig spyir bsdus na rgyal chen bzhi'i ris shes bya/ tra ya sting sha zhes bya ba tra ya ni gsum/ string sha ni sum cu ste/ 'jig rten gyi gtsug lag las ni mtho ris ri rab kyi steng na lha'i gtso bo sum cu rtsa gsum bzhugs te/ drag po bcu gcig dang/ nyi ma bcu gnyis dang/ nor lha brgyad dang tha skar gyi bu gnyis dang/ sum cu rtsa gsum bzhugs pas na sum cu rtsa gsum pa zhes bya/ chos mngon pa las ni sum cu rtsa gsum pa'i lha'i gnas na g.yas g.yon gnyis kyi gral du nye ba'i dbang po bcu drug bcu drug seng ge'i khri la bzhugs pa dang/ gud na lha'i dbang po brgya byin seng ge'i khri la bzhugs te spyir na lha'i gtso bo sum cu rtsa gsum bzhugs pa las btags te zhes 'byung sgra bzhin du sum cu rtsa gsum pa zhes bya/ yA ma zhes bya ba a su ra bi bad b+ha ya ya ta a pa ya ta zhes bya ba ste/ sum cu rtsa gsum pa'i ris man chad ni lha ma yin gyi 'thab ba'i 'jigs pa dang ma bral la/ 'di yan chad ni lha ma yin dang 'thab pa'i 'jigs pa las 'das te bral nas 'thab bral zhes btags te/ bsod nams kyis phyin pa dang mel tshe thun re re la skobs shing skul ba'i skad 'byung ba dang/ sngon mtshe ma dang zur ma btags ba ni yi ge gzhung dang sbyar na gtan tshigs mi che bar 'gyur te/ mi ba can par byas so/ /tu Shi ta zhes bya ba tu Sha ni pri to zhes bya ba dga' ba ai ta ni prapta ste 'thob pa 'am ldan pa ste chos kyi dga' ba dang bde ba lhag par che bas na dga' ldan zhes bya/ ni rma Na ra te zhes bya ba swa yan nirma yA ka man pa ri b+hun dza ta zhes bya ste/ rang gi gzugs dang sgra dang dri dang ro dang reg bya rnams ci dga' bar sprul nas 'dod pa'i yon tan rnams la spyod pas na 'phrul dga' zhes bya/ pa re nirma te ba shabti zhes bya ba pa ra nirma tAn bto gra na ba brta yi tuM shI la zhes bya ste/ gzhan gyi 'dod pa'i longs spyod sprul pa rnams la phan tshun spyod par dbag byed pas na gzhan 'phrul byed ces bya/ bsam gtan dang po'i sa'i ming la/ prahma kA yi ka zhes bya ba/ brahma ni tshangs pa kA yi ka ni ris su gtogs pa ste/ 'dod pa'i khams las thar nas bsam gtan dang po'i sar phyin pa'i ming yin te/ tshangs ris zhes bya/ brahma pu ro hi ta zhes bya/ brahma ni re d+he yi te zhes bya ste/ tshangs pa chen po'i mdun du rtag tu 'dug la tshig 'don zhing smra bas na tshangs pa mdun na 'don zhes bya/ brahma ba ri shA tya zhes bya ba brahma Na pa ri tsA ra ka zhes bya ste/ lha'i ris de'i tshangs pa rnams tshangs pa chen po'i khams dang zha ma 'phrid du gtogs pa'i phyir tshangs 'khor zhes bya/ mahA brahma zhes bya ba tshe dang byad gzugs dang mdog la sogs pa tshangs pa phal dang mi 'dra bar 'phags la/ mi mdzed kyi 'jig rten gyi bdag po mdzad pas na tshangs pa chen po zhes bya/ bsam gtan gnyis pa'i sA'i ming pa/ pa rIt+ta b+ha zhes bya ba pa rIt+ta e shi a b+ha swa b+hu mi baik+Shu ti zhes bya ste/ ris 'di na gnas pa 'di bsam gtan gnyis pa'i sa la gnas rim pa gsum yod pa'i tha ma yin te/ gong ma gnyis pas 'od chung ba'i phyir 'od chung zhes bya/ a pra ma na b+ha ba zhes bya ba nA b+ha pra mA Na be shan shAkya ma pra ma tu na zhes bya ste/ lha de dag gi 'od sa 'og ma bas tshad gzung bar mi nus pa'i phyir tshad med 'od ces bya/ a b+hA swa ra zhes bya ba a b+ha sa ni 'od/ wa ra? ni 'od byed pa 'am gsal bar byed pa lta bu'i tshig gi rkyen te lha'i gnas kyi 'od kyis gnas kun tu rgyas par snang bar gyur pas na 'od gsal zhes bya/ bsam gtan gsum pa'i sa'i ming la/ pa rIt+ta shu b+ha zhes bya ba pa rIt+ta ni chung ngu shu bta dge ba ste/ bsam gtan gsum pa'i yid kyi sa'i bde ba la dge ba zhes bya/ bsam gtan gsum pa'i sa la gnas rim pa gsum yod pa'i tha ma yin te/ sa gong ma gsum pas dge ba chung ba'i phyir dge chung zhes bya/ a bra mA Na shu b+ha zhes bya ba lha'i gnas der skyes pa de dag gi bde bas 'og ma bas tshad? gzung du med pa'i phyir/ tshad med dge zhes bya/ shu b+ha krid+ha zhes bya ba lha de dag gi dge ba las lhag pa lha'i ris man chad gzhan la med pas dge rgyas zhes bya/ bsam gtan bzhi ba'i sa'i ming la a na b+h+ra ga zhes bya ba b+h+ra ga ni sprin te/ sprin lta bu med pas na a na b+h+ra ga zhes bya ste/ sprin 'khrigs pa dang 'dra bar 'dab chags pa med de/ gnal med khang dang bcas par skye zhing 'chi 'pho la/ de yan chad kyang gnam gyi rim pa sprin ltar 'gebs pa med pas sprin mod ces bya/ pu n+ya pra bas zhes bya ba pu n+ya ni bsod nams/ pra bas ni skyes pa 'am 'byung ba la bya ste/ mi g.yo ba'i bsod nams las lha de dag skyes pas na bsod nams skyes zhes bya/ bri had pha la zhes bya ba gnas yod pa'i so so'i skye bo thams cad kyis bsod nams kyis 'bras bu'i mchog skye bas na 'bras bu tshe zhes bya/ gnas gtsang ma'i lha'i ming la/ shud+ha bA sa zhes bya ba 'phags pa'i lam gyis chus sems kyi nyon mongs pa'i dri ma bkrus pas phyir mi 'ong ba la sogs pa sems can dag la sha stag gnas te so so'i skye bo dang ma 'dres pas na gnas gtsang ma zhes bya/ a mri bri ha zhes bya ba gnas gtsang ma ris lnga yod pa'i nang na tha ma yin pas na mi che ba zhes bya/ a tA pa zhes bya ba lha'i ris 'dir skyes pa rnams bsam pa dge ba'i phyir sa 'og mar skyes pa rnams kyis zil mi gnon pa dang/ sa gong ma ma thob kyang mi dga' ba med pa dang/ nyon mongs pa'i gdung ba chen po med pas mi gdung ba zhes bya ba dang/ su tri sha zhes bya ba lha'i ris 'dir skyes pa rnams rab tu zhi ba'i khyad par dang ldan pa'i phyir mig sngar mdzas shing bzang pas na gya nom snang zhes bya/ su darsha na zhes bya ba lha'i ris 'dir skyes pa rnams zag pa dang bcas pa dang zag pa med pa'i ting nge 'dzin spel mar bsgoms pa'i sgrib pa lhag ma cung zad cig lus su zad de/ mthong ba shin tu rnam par dag cing mthong bas na bzang ba'i phyir shin tu mthong ba zhes bya/ a ka niSh+Tha zhes bya ba a ni ma yin pa/ ka niSh+Tha ni 'og ma la bya/ spyir na gzugs kyi khams kyi dang po ste/ gong na gzhan med pas 'og min zhes bya yang mdo sde kha cig gi nang nas a g+ha niSh+Tha zhes 'byung ste/ a g+ha ni rdul phra ma bsags pa/ niSh+Tha ni mthar thug pa ste/ gzugs kyi khams kyi ya thog yin pas bsags pa'i mdza' zhes kyang bya ste skabs dang sbyar zhing gdags/ ma hA ma he shwa ra yA twa na zhes bya ba 'og min gyi phyogs kyi gnas zhig na byang chub sems dpa' dbang phyug chen po'i nang na rnam par snang mdzad chen po bzhugs te chos kyi longs spyod rdzogs par brtan zhing myong bar gyur pa'i gnas yin pas na dbang phyug chen po'i gnas zhes bya/ gzugs med pa'i sa'i ming la A kA shA?? ma zhes bya ba snyoms par 'jug pa la sbyor ba'i dus na gzugs kyi 'du shes las 'das te/ nam mkha' mdza' yas so snyom pa'i 'du shes 'byung bas nam mkha' mdza' yas A ya ta ni skye ba'i gnas yin pas skye mched de/ bsdus na nam mkha' mdza' yas skye mched ces bya ste/ rnam shes mdza' yas skye mched dang/ ci yang med pa'i skye mched dang/ 'du shes med 'du shes med man gyi skye mched kyang 'di bzhin bshad/ mngon par mthong ba dang nges par legs pa la sogs pa'i ming la a b+hyud ya zhes bya ba lha dang mi la sogs pa'i go 'phang mthon po dang/ dbang thang thob pa'i ming ste mngon par mtho ba zhes bya/ ni sh+ri ya zhes bya ba thar pa mya ngan las 'das pa'i ming ste/ sgra dang sbyar na nges par legs pa zhes bya/ a ba barga ya thar pa'i ming ste/ nyon mongs pa dang nye ba'i nyon mongs pa thams cad byung zhing bsal ba la bya bas na byang grol zhes bya/ ao pad+hi she Sha nirba na zhes bya pa/ dgra bcom pa lta bu khams gsum gyi nyon mongs pa thams cad spangs nas/ phung po can ma bar ba'i ming ste/ phung po lhag ma dang bcas pa'i mya ngan las 'das pa zhes bya/ ni ru pa d+hi she Sha nirba Na zhes bya ba nyon mongs pa thams cad spangs la/ phung po lnga'i sdug bsngal gyi ma yang zhi bar byed pa'i ming ste/ phung po lhag ma med pa'i mya ngan las 'das pa zhes bya/ pra ti sang khyA ni re d+ha zhes bya ba shes rab kyis 'phags pa'i bden pa bzhi so sor btags nas nyon mongs pa 'gags pa'i mya ngan las 'das pa thob par 'gyur ba'i ming ste/ so sor brtags pas 'gogs pa zhes bya/ a pra ti sang? khyA ni ro d+ha zhes bya ba rkyen ma tshang bas 'gog gi brtags pas mi 'gog pa ste/ dper na gzugs gcig la mig gi rnam par shes pa lhag par zhen cing dmigs pa'i skyes bu gzugs gzhan la dmigs pa'i ming yig gi rnam par shes pa dang/ rna ba'i rnam par shes pa la sogs pa de dang dus gcig tu 'byung ba'i yul dmigs su de ma thag pa'i rkyen med pas mi dmigs pa 'das zin pa la ni dmigs su mi rung bas na sems dang sems las byung ba ma 'ongs pa rnams skye ba la gtan gyi gegs su gyur pa'i ming ste/ so sor brtags pa ma yin pas 'gog pa zhes bya/ saM skra ta zhes bya ba sa marya ma b+hu ya he tu bra tya yai trita zhes bya ba rgyu dang rkyen sna tshogs shing 'dus pas byas pa'i chos thams cad kyis ming yin te/ 'dus byas zhes bya/ a saM skri ta zhes bya ba nam mkha' la sogs pa rgyu dang rkyen las ma byung ba'i ming ste 'dus ma byas zhes bya/ sA pra ba zhes bya ba sa ha A sra be na bard+ha ta zhes bya ba ste/ srid ba'i rtse mo man chad mtshams med pa'i sems can dmyal ba yan chad rma'i sgo drug nas 'dod chags la sogs pa'i nyon mongs pa 'byung ba'i ming ste zag pa dang bcas pa zhes bya/ a na sra ba zhes bya ba 'dus ma byas gsum dang lam gyi bden pa nyon mongs pa med pas na zag pa med pa zhes bya/ sa nan+ta tya ya zhes bya ba san+ni sa ma shtsa sau b+ho d+ha tu par tyen zhes bya ste/ rnam par shes pa snga ma rgyur gyur ba dang/ phyi ma 'bras bur gyur pa gnyis shes pa'i rang bzhin du 'brang bas na mtshungs pa zhes bya/ a nan+ta ra ni rgyu dang 'bras bu gnyis gzhan gyis bar du mchod pa zhes bya/ pra tya ma ni rkyen yin te bar chad med par mtshungs pa'i rkyen zhes 'chad pa yang yin te/ dngos su na sems dang sems las byung ba skad cig pa gzhan gyis bar mchod par sngar byung ba'i ming ste/ sngan chad de ma thag par btags pa yang mi 'gal bas de ma thag pa'i rkyen zhes bya/ ra sA ya na zhes bya ba'i sgra las drangs na/ ra sA ni bcud dam nying khu lta bu la bya/ a ya na na ni a ya pa ya ga tau las drangs te thob pa 'am len pa la bya ste/ spyir na 'phrul gyi sman gyi ming ste/ sman bzang po'i mthu dang bcud kyis tshe lo grangs mang por thub pa dang/ gzhon zhing nad med bar 'gyur ba len cing 'thob par byed pa yin te/ sman bcud kyi len zhes bya/ tsa Nu ra zhes bya ba'i sgra las drangs na/ tsa Na ni tsan shwa Na a dA na zhes bya ste/ pha rol gyi stobs dang mthu len zhing 'phrogs pas na stobs la bya/ au ra ni au a grA khyA ya zhes bya ste/ mchog gam dam pa la bya bas na stobs mchog ces bya/ nA rA ya na zhes bya ba na ra sya pat+tya na nA rA ya Na zhes bya ste/ yab sred med kyi sras yin pas na sred med kyi bu zhes bya/ tan+t+ra ku la dza ta zhes bya ba nor dang khyim dang bu dang chung ma la sogs pa la chags pas sems phan tshun du g.yeng ba'i phyir thags 'khrugs pa lta bu zhes bya/ gu bA gun+dzi ka b+hU ta zhes bya ba sred pa dang ldan pa'i rtog pa mang du byed pas dgrol dka' ba'i phyir dru gu 'dzings pa lta bu zhes bya/ mun+dza bal ba dzA dzA ta zhes bya ba nor dang khyim la sogs pa yongs su 'dzin pa la chags pas sdug bsngal mang po'i gnas su gyur ba'i phyir rtswa 'di gnyis dang 'dra bar rno zhing rtsub bas na rtswa mun+dza dang bral badza lta bur gyur pa zhes bya/ a dza ba dza bi sam pan+ta zhes bya ba a dza ba nya ni 'ong ge dza bi ni 'gro gsam pan+na ni gyur pa 'am ma zhugs pa yin te/ 'gro ba lnga kun tu 'khor zhing rgyu ba la bya bas na 'ong ba dang 'gro bar gyur pa zhes btags/ pany+tsa ka ShA ya zhes bya ba snyigs ma lnga yin te/ sngon las sems can rnams tsha? dang lta ba la sogs pa nyams shing bri ste/ sman gyi nying khu bskus pa'i tshigs ma dang 'dra bar tshe dang sems can dang dus ni dman par gyur te/ nyon mongs pa dang lta ba la sogs pa'i shas ni phyir zhing skyes pas na snyigs ma lnga zhes bya/ ma hA butba ta bye brag tu rtogs byed chen po/ /ma d+hya byu tpata bye brag tu rtogs byed 'bring ngo/ /ku lya byutba ta bye brag tu rtogs byed chung ngu brtsa b+hyutpa ta skad bye brag tu bshad pa 'di ni 'bring po'o/ /chen po'i dka' ba'i gnas dang sgra'i gzhung dang sbyar te bshad pa'i pany+dzi ksha mad+hya byutpa ta yin no/ /pho brang 'od can rdor bod dang rgya gar gyi mkhan po thams cad kyis chos skad gtan la phab ste/ rje blon mol nas reg zid du mdzad pa skad gsar gyi ming sngon ma thogs pa dang/ gtan la ma phab ba la mkhas pa rnams tshogs te ming du btags shing gtan la phab ste/ lha btsan po/ bri lde srong btsan gyis bskul nas bkas bcad de mi bcos par bzhag pa rdzogs so// //bas bcad pa bla dpe bzhin bris pa gzhan gyis kyang de bzhin du zur ma bcos so/ /sgra sbyor bam po gnyis pa'o/// // sum cu pa slob dpon a nus mdzad pa bzhugs so/

CLOSE WINDOW