བོད་ཡིག

e-texts based on the ACIP/ALL Input

/ skye 'gro thams cad dge bar byed par gyur cig/ //bkra shis// // dbul chu sgrub pa'i bstan bcos zhes bya ba bzhugs so/ / //rgya gar skad du / ras shA tA sid+d+hi nA ma/ bod skad du/ dngul chu grub pa'i bstan bcos zhes bya ba/ sangs rgyas la phyag 'tshal lo/ /thams cad ? len pa thams cad sbyin/ /zhi ba dpal dang ldan pa'i gzugs/ /pha rol gces par byed pa'i mchog/ longs spyod rnam par grol la 'dud/ /dpal ldan mgon po dbang phyug la'o/ /dngos po dngos po med par grol/ /mthong dang ma mthong med pa yi/ /longs spyod grol ba rnam bar ster/ /dpal gyi dbang phyug phyag 'tshal bstod/ /dri med rang byung dngul chu mchog /las kyi bslang pa ngan par bshad/ /spyod pa gzhan la yon tan bskyed/ /shi ru cha bas nad rnams 'joms/ /mkhas kyi bsgrubs pas bkres pa 'joms/ /bskrams? pas mkha' spyod 'grub pa'i 'gyur/ /lhang tshar byin par stobs kyis ni/ /yon tan brgyad 'gyur thob par 'gyur/ /mu zi dang ni sbyar ba yis/ /yon tan drug 'gyur thob par 'gyur/ /gser dang mnyam por sbyar ba la/ /ma 'gags nam mkha' lam la 'gro/ gsha' che dkar bos mnyam pa gsod/ /las 'di gnyis 'gyur dngul dang sbyor/ /dngul chu'i nyis 'gyur chu dang sbyod/ /de bzhin gser dang sbyar bar bya/ /bzangs ni drug cu rtsa bzhi 'bigs/ /dngul chu ser skyas las rnams byed/ /me dang sbud par 'gyur pa'i tshe/ /chu bur ltar du 'gyur ba dang/ mi g.yo ba ru bstan pa ni/ /lhang ? dang ni sbyar bas so/ /gser dang dngul ni mnyam pa yis/ /las rnams byed par gyur pa yin/ /de nas mnyam pa'i mtshan nyid ni/ /lhang tsher zhu bar gyur pa las/ dngul chu dbang du byas par 'gyur/ /lus ngan pa'i gser mdzod kyi/ /sgo rnams dbye bar 'gyur ba yin/ /dri med gdong can lhang tsher ni/ /me yis 'ching bar byed par 'gyur/ /mu zi bas ni dangs par 'gyur/ /gser gyi nang du chu song zhing/ /gcig tu 'dres shing gang ba ni/ /sa stengs 'di ni rab tu dkon/ /ma sbyangs pa yis mi 'grub ste/ /dmar bor btsos pa ma yin pas/ /rdzas rnams gser du mi byed ste/ /gtsos shing sbyangs pas 'grub pa yin/ /byed pa'ang 'grub par 'gyur ba yon/ /de nas rdzas rnams dpag med brjod/ /mchog tu 'gyur ba rno lcags yin/ /ma rnyed rno lcags gzhan yang yin/ /zangs dang gsha' tsher gan klu/ /sbyangs pa'i zangs gser dngul/ /rdo ltar lcags ni brgyad po las/ /dngul chu bzhugs par bya ba yin// / sbyangs nas las rnams bya ba yin/ /dag cing sbyangs pas bcud du byed/ /mu zi dang ni b+hi ma la/ /ma k+Shi ka dang de bzhin tshal/ /ldong ros de bzhin zha nye drug/ mdung rtse dang ni ba bla dang/ /shes rab can gyis sbyangs par bya/ /shes nas las rnams bya ba yin/ /gser gyi las rnams ba blas byed/ /ser pos dkar po'i las rnams byed/ /lhang tsher dang ni ti tsha yis/ /kang ku sh+ri yis las rnams byed/ /de rnams mtshan ma brjod bya ba/ /sbyangs zhing dug dang bral bar bya/ /rno lcags bzangs zhing dkar ba la/ /rno zhing mchog tu dro bar byed/ /zangs ni mchog tu dmar ba bzang/ /de la rigs ni gsum du gnas/ /bal por skyes pa'i rang bzhin bzang/ /ngan pa las sbyangs mchog tu 'gyur/ /kan rta 'ur du skyes pa ngan/ /bzang ngan 'dres mas las rnams byed/ /sbyangs zhing rjes su sbyangs pa las/ /dngul chu rab tu dmar bar byed/ /ku ni gnag dang dkar ba gnyis/ /rang bzhin mgyogs pa chultar 'du/ /ra gan dri ma che ba mchog/ rang bzhin chu ltar myur du 'ju/ /rang bzhin gnyis pa myur du 'du/ /dkar po pha rol mchog tu grags/ /ser po gser ltar mdangs bzang ba/ /sregs na dri can nag por 'gyur/ /drag tu bskol bas 'ju bar byed/ /rags pa zangs kyi khams las byung/ /bsrags na nag por 'gyur ba yis/ /de ni ring po 'ju par byed/ /gza' tshe dang ni 'das pa las/ /mkhar ba'i khams su byed par 'byung/ /zangs ma'i rang bzhin 'ju bar dka' / /khar bar gan myur du 'ju/ /gser ni brda ngan ser ba la/ /bcang na dkar por 'gyur ba yin/ /bsregs na gur gum mdangs ltar byed/ /nyung pa lci zhing snum par byed/ /drug ni gser gyis mtshan nyid yin/ /dngul ni kun d+ha ltar dkar zhing/ /snum la 'od can rab tu gsal/ /drug cu rtsa bzhi yon tan ni/ /khams rnams kun la rab tu ldan/ /de rnams mde dug? bsdus te bshad/ /sngon du bshad pa'i rjes su ni/ /dang po rna lcags bshad pa la/ /sbyang ba lan bdun bar du'o/ /rno lcags rnon po gnyis la yang/ /gser ni dbug cing brtag par bya/ /ba tsha bcug cing sbyang bar bya/ /gzhan yang dri chu lnga yis spyad/ /ba tsha dri chu gcig tu bsres/ /dag cing sbyangs par byas pa yis/ /skyur pos sbyang zhing rab tu bsreg/ de ltar mang du byas pa las/ /de yi rtsa ba bzung zhing bsreg/ yang ni skyar po bcug cing sbyang/ /de ltar bu yis srim pa yis/ /lcags dang rnon lcags sbyar par bya/ /glang po che'i dus pa btab/ /mthing shing phye ma rnam par blang/ /da'i gcin gyis rnam par bsre/ /lan bdun bar du sbyang bar bya/ /de ltar zas ni sbyangs pa yis/ /blo ldan gser 'gyur mkhan po rnams/ /de ltar zangs ni sbyong ba yin/ /lcags brgyad nang du zangs du mchog/ las rnams thams cad byed par 'gyur/ /de nas yang dag bshang bya ba/ /ra gan sbyar ba'i cho ga bshad/ /se brdar gyis ni phye mar rnad/ /de nas phye mar zhib tu btags/ /ba tsha dang ni dri chu bsreg/ lan bdun bar du scam zhing sreg/ yang ni skyur ba'i khu ba sbyin/ /lan gsum bar du bsreg par bya/ /de ltar dag pas byas pa yis/ /ra gan rnam par sbyad pa yin/ /de nas 'khyar ba sbyar bar bya/ /sngar bzhin zhib tu btags pa la/ /de la ba tsha dri chu sbyin/ /yang dang yang du blug cing bskol/ /lan bdun bar du byangs pa yis/ /yang ni skyur pa'i khu ba bzhug/ cung zad zhi de byin pa bzhu/ /bsregs pas zangs su 'gyur pa yin/ /sngar bshad rim pas zangs kyang sbyad/ /de ltar mkhar ba sbyangs pa yis/ /mchog gi lcags ni sbyangs pa'i thabs/ /zheng sbyad bar bya ba ni/ /de'i byed pa rnams bshad na/ /yung ba phye mar btags pa'am/ /sha ri kha d+ha rnam par bsre/ /mang po bzhug cing bskam par byed/ /de nas zha de byin la rtag /lan bdun bar du sbyangs pas 'dag/ zha de zhu bar gyur pa na/ /'bras bu gsum gyi khu ba sbyin/ /zha de sbyangs pa'i cho ga yis/ /gsha tse dkar po'ang de bzhin sbyang/ /ldong ros kyi ni rang bzhin gyi/ /ma la ta'i khu bas sbam/ /gsha' tshe btags pa'i nang du blugs/ /yang dang yang du skam zhing btags/ /'dzo ti sma ti'i mar khu blugS med na me tog nar dza'i/ /mar khu yis ni rnam par bsre/ /gzhan yang sbyar thabs mang po yis/ /nyes pa thams cad 'joms par byed/ /zha de nag po cung zad bsres/ /dngul gyi rang bzhin dag pa'o/ /'di ltar dri chu lan tsha sbyar/ /rtags shing btags shing lan bdun bkru/ /'dis ni dag cing rgyal bar byed/ /gser gyi sbyad pa brjod par bya/ /mchog tu ba tsha sbyang ba gces/ /sgyur po yis kyang de bzhin du/ /mar dang sprad rtsi rnam bar bsre/ /gser dang sbyar zhing btags par bya/ /las rnams gzhan gyi drug 'gyur sbyang/ /des ni nges par 'grub par 'gyur/ /ji ltar gser gyi las rnams yin/ /de nas lcags kyi bya ba brjod/ /ji ltar dbye ba'i sbyor ba yis/ /paN Di ta han du skyes pa mchog /gser dang dngul yang de na mchog/ rne lcags ji ltar rnyed pa bzung dang po sbyar ba'i cho ga ni/ /phyi nas las rnams brjod par bya/ /'di ltar gseng zil rdo la ni/ /ba tsha dang ni skyur pos sbyad/ /lcags kyi snod du legs par brtags/ /lcags kyi gting du ga'u sa dga' / /mdza' ni ras dang 'jim pas btum/ /bsregs pas dag par 'gyur ba yin/ /phyi mar gyur gyi bar du bsreg /de ltar dag ba'i cho ga ni/ /las rnams kun la bya ba yin/ /mu zi mar gyi mdog can bzang/ /'bring ni mang du rnyed pa blang/ /ngan pa ba glang so dang mtshungs/ /de ltar mu zi rigs bsum? yin/ bri ma '? ni ser mo bzang/ /gsong dang dngul gyi/ ba dog gis/ /rab dad 'bring ni shes par bya/ /shes nas las rnams bya ba yin/ /gser zil rdo ni ser ba la/ /rang bzhin zangs kyi khams yin te/ /rag rdo dang ni gser zil rdo/ /khams dang rang bzhin gcig pa yin/ /sprin gyi kha dog ji bzhin ser/ /me tog dkad bar 'bras bu 'dra ba de ni mchog tu gyur pa yin/ /rigs rnams dag par shes pas sbyang/ /mchog dang bar dang tha ma ste/ /ma k+Shi ka ni gsum du gnang/ /mtshal la rigs ni gnyis yin te/ /mchog ni nyi ma'i 'od ltar gsal/ /gsal 'tshom rab tu dmar ba mchog/ /gnyis ka dngul chu'i khams yin te/ /ldong ros dbye pa'i dri can mchog/ tshul gyi mtshan nyid brjod bya ba/ /slin cing ser ba mchog tu bzang/ /gser gyi sbal rgyab ltar du ser/ /ma rnyed dmar po bzung bar bya// dag pas las rnams bya ba yin/ /smin pa ser po'i khams yin te/ /ba sla mchog tu dkar ba bzang/ /'bring ni rnam par ser ba yin/ /shes nas las la sbyar bar bya/ /las gzhan ser po phal pa'ang bzung/ /lhang tshor nam mkha' i ming gis brjod/ /ser po nag po dkar pa las/ /lhang tsher zhubs las rnams byed/ /rnam par dpyad pas las rnams byed/ /mchog ni ser gyi mdog ltar ser/ /nag po bar pa'i khams yin te/ /gnyis ni gser 'gyur las ma bzung/ /dkar po dag par byas pa yis/ /dngul gyi las kyang 'grub pa yis/ /tsi ta dmar po mchog yin te/ /dmar po'i khams ni sbyin pa min/ /kam kus tra ni cung zad ser/ /thams cad sngon du bshad zin te/ /lcags brgyad pas kyang gong du bshad/ /'dis ni las kyis sbyar ba las/ /lcags rnams sbyar zhing btags pa las/ /bsang cing rjes su 'bigs par byed/ /pa na te'i yul nas rdo rje skyes/ /rang byung lcags dang rdo lcags dang/ /zhing zangs dang ra gan dang/ /'khar ba gser dang de bzhin dngul/ /gsha' tshe dkar pos tshe dkar pos thams cad la/ /bkras shing bsang par bya ba yin/ /gser zil rdo yis lcags 'joms shing/ /dngul dang gsha' tshe mnyam pa yin/ /gser gyi las ni dag pa yin/ /lcags drug rnam par spangs pa la/ /gser gyi las ni 'grub par byed/ /dngul gyis lus ni 'grub par 'gyur/ /zi ma'i khu ba rnam par sbyin/ /skyur po'i khu bas dag bar byed/ /gsha' tshe rnam par btags pa las/ /yang ni zi ma'i bu ba blugs/ /skyu ru ra'i shun pas bsre/ /de ltar bsres shing btags pa la/ /yang ni ga'u yi nang du bsreg/ des ni sha tshe phye mar 'gyur/ /phye ma dang ni bab sla sre/ /ma kyi ka ni rnam par btags/ /btags pa ras kyi phye mas btum/ /bal sran nag po'i khu ba bzhug /me'i dugs kyis rnam par skam/ /ba lci skam pa'i phye ma yis/ /chul bcug cing khu bar bdug/ ba tsha dang ni dri chu bsre/ /rang bzhin lan bdun bar du sbyang/ /skyur ba'i khu bas phyi nas sbyang/ /de nas las rnams bya ba yin/ /de bzhin b+hi ma la yang sbyang/ /sngar bzhin cho ga de nyid nyis/ /sbyang zhing las rnams bya ba yin/ /mu zi'i las rnams bshad bya ba/ /sngar bshad rim ba ci bzhin du/ /dang po rnam par btags par bya/ /lcags kyi snod kyi nang du ni/ /mar khu dang ni rnam par bsre/ /rang bzhin me la sbyang bar bya/ /d+ha tu ra'i khu ba yis/ /lan gsum bsres shing bskams par bya/ / 'tshal ni btags par gyur pa la/ /rma bya'i mkhris pas rnam par sbyang/ /ma rnyed ro mju'i mkhris pa yis/ /ji ltar mtshal ni sbyangs pa bzhin/ /gser ldan sbal rgyab ldong ros dang/ /ba bla dangni skyur po'i rdo/ /rim pas mtshal bzhin sbyong bar bya// sbal rgyab dang ni gaM tu tri/ /lhang tsher dang ni so khri nyid/ /mkhris pa yis ni bya ba yin/ /thams cad lan bdun ba dra? du sbyang/ /rim pa de bzhin bkru bar bya/ /lhang tsher sbyong ba brjod bya ba/ /sngon bshad pa'i rjes bzhin du/ /mchog ni lhang tshor nag po yin/ /gser gyi las rnams 'grub par byed/ /dkar pos dngul gyi las rnams byed/ /dngul chus sbyor zhing 'brigs par byed/ /lhang tsher mdab ma re re dbye/ /lcags kyi snod kyi nang du bzhug/ tang tru lu'i rtsa bas bsre/ /de'i khu ba rnam par gzhug/ ? gyi ni 'dab ma yin / khu ba rnam par gzhug par bya /ras bal gyi ni mdab ma yin/ /khu ba yis kyang rnam par spang/ /nyi ma la ni bdug cing bskam/ /rtags cing sgnon gyi khu bas bzhug/ de tshe lhang tsher phyi mar 'gyur/ /legs par brtags par gyur yis/ /zhabs su rnam par brtag par bya/ /yang ni bkru zhing brtag par bya/ /tig ta'i khu bas rnam par bsre/ /bcug cing lan gsum bar du bsreg/ de ltar sbyangs pa'i cho ga yis/ /lhang tsher gnag dang dkar ba la/ /lhang tsher? ser po mchog yin te/ /gser gyi las la mchog tu bshad/ /dag cing sbyang ba byas pa yis/ /dngul chu dang ni lhang tsher sbyar/ /mu zi gser zil ba bla dang/ /de ltar tshal dang bzhi po la/ /rang bzhin dbang du bya ba brjod/ /las rnams thams cad byed par 'gyur/ /lhang tsher dmar po nag bo yang/ /mdab ma re rer dbye bar bya/ /sngon gyi cho gas dag par bya/ /so khri nya'i mkhris pa sbyin/ /tshal cung zad bsre bar bya/ /ga'u yi nang du bcug la brtums/ /sol ba'i mel rab tu bsreg/ ga'u me'i rang bzhin ltar/ /gyur gyi bar du bsreg bar bya/ /ga'u la dang ldan pa rung/ /tshal byin la srog pa ni/ /ga'u yig kha na ma bcang par/ /lcags kyi rang bzhin ltar du 'du/ /gser gyi las kyi mtshan ma la/ /'di ltar du ni bya bar bshad/ /lhang tsher dkar pos bden bar 'gro/ 'di yis byed pas thams cad shes/ /dngul gyi las la'ang 'di bzhin du/ /gser zil rdo ni dag pa la/ /yang ni skyur pos dag par sbyang/ /lcags sam rdza'i snod du ni/ /skyur po'i phye mas gang bar bya/ /lcags kyi ber gas gsad par bya/ /skyur po'i khu bas rnam par gzhug/ dngul chu yang ni de bzhin te/ /de yis las kyi bya ba yis/ /dngul chu ri lu bya bar 'gyur/ /yang ni skyur po gzhug par bya/ /rdza'i snod kyi nang du ni/ /steng nas rdza'i snod kyis dgab/ /phyi nas 'jim pas byug par bya/ /'dag par byugs pa'i ras kyi dkri/ cung zad chu yang sbyin par bya/ /de rjes 'og nas me yi sbar/ /steng du dngul chu chags par 'gyur/ /steng gi dngul chu rnam par 'gyur/ /steng gi dngul chu rnam par bzung/ /lhag ma'i dngul chu skams par 'gyur/ /'khrul 'khor 'di ni pa ta de gi/ mkhas pas 'di dag btags pa las/ /gser zil rdo ni 'og na gnas/ /tshal dang ni skyur pos bsre/ /ji ltar sbyor ba gzhan la ni/ /ga'u kha med rim pas so/ /gser zil rdo'i gdan la ni/ /bsreg pas 'og tu thob par 'gyur/ /zhag gcig bden par 'grub pa las/ /gser gyi las kyi mtshan ma yi/ /'tshal gyi las rnams brjod bya ba/ /bden par bya pa'i cho ga la/ /thog ma zhib tu brtag par bya/ /skyur bo'i khu ba rnam par sre/ /pa ta ka'i sbyor ba yis/ /bden par dgug cing dbang du bya/ /ji ltar dngul chu dngul bzhin du/ /gser gyi las la 'bigs par 'gyur/ /ba bla'i rang bzhin brjod bya ba/ /bden cing dgug pa'i las rnams brjod/ /thams cad dbab pa'i rim pas dbye/ /ba bla bzang po phye mar brtag/ so khri nya'i 'khris pas sreg/ mkhas pas 'di 'dra shes par 'gyur/ /phyi nas tsha la'i phye mas bsre/ /thams cad gcig tu btag par bya/ /lcags kyi steng du lcags khebs dgab/ /mdab ma chud du dag cing bden/ /de yang phye mar brtag par bya/ /ga'u kha med nang du gzhug/ bskams nas rab tu bsreg par bya/ /the tshom med par bden par 'grub/ /kha dog dkar por mthong bar 'gyur/ /dngul gyi las kyi mtshan ma la/ /dag pa'i cho ga brjod bya ba/ /dngul chu dag cing 'big pa la/ /mi'i yid kyi don rnams ni/ /chos dang las dang don rnams 'grub/ /ji ltar rang gi lus kyi don/ /dngul chu yis ni 'grub par 'gyur/ /mi g.yo ba'i dngul chu mchog/ phal pa rnams la mi sbyin no/ /so phag phye ma sbyar cing brtag/ ka ra dug dang ske tshe dang/ /tsha ba gsum dang sbyar ba yis/ /de bzhi chang gi sa bon dang/ /kham pa'i steng gi dung de dang/ /de ltar rnam par bcu gcig po/ /stobs can ming ni ra gan yin/ /thams cad gcig tu bsre bar bya/ /de rnams kun dang dngul chu bsre/ /bkrus cing dngul chu brtag par bya/ /yang dang yang du rnam par brtag/ zhag gsum gyis ni dag par 'gyur/ /srang brgya tsam du gang par bya/ /de la srang ni lnga bcu bzung/ /de phyed nyi shu rtsa lnga'i srad/ /de tsam sgrub par mi nus na/ /srang gnyis la yang bya ba yin/ /dngul chub cing ba'i cho ga la/ /stobs can sman rnams brjod bya ba/ /tshangs pa yin ni dbyug pa dang/ /de bzhin tshangs pa'i zla ba dang/ /sbrul gyi mig gis ming tsan dang/ /de bzhin ser po nya'i mig/ de bzhin khu byug rtsa ba dang/ /de bzhin man d+hu bar ni dang/ /gzhan yang mdab ma sha yin tshe/ /stobs po che'i sman dang ni/ /me tog ngo tsha can dang ni/ /de rnams mchog tu gces pa'i sman/ /chu ni skem par byed pa'i sman/ /zla ba'i khri sha brjod par bya/ /de ni las rnams thams cad byed/ /'brur po ral pa 'dab ma che/ /dzo ti sma ti sma bo cig/ ha kra ku b+hi 'o mde bzhin rnga mo 'am tsher ma dang/ /rma bya'i gtsug pud 'od dang ldan/ /de bzhin skrong byed dmar po dang/ /klu'i stobs zhes brjod pa yin/ /de rnams dngul gyi las rnams byed/ /lus ngan po mchog tu brjod/ /de rnams chu ni 'ching par byed/ /de ltar brjod pa'i rnam grangs ni/ /chu ni 'ching bar byed pa yin/ /de ltar brjod pa'i sman rnams las/ /ji ltar 'byor pa bsrog par bya/ /mkhas pas blo dang ldan pas bzung/ /dag phyed gang yang skyur po yin/ /rag rdo dang ni rnam par sbyang/ /cung zad tsam gyi me la 'jug?/ dug gi smin par 'gyur ba yin/ /brtag tu brtag cing 'dug par bya/ /nyi ma bdun gyi bar du'o/ /da nas sman dang sbyar zhing brtag/ ji ltar rnyed pa'i man ngag gis/ /skyur pa'i cho ga bya ba yin/ /mar khu yis kyang de bzhin bsgrub mar khu skyur po'i sbyar ba yis/ /nang du dngul chu bzhug par bya/ /de yang me la cung zad bdug/ yang dang yang du bzhug cing bskam/ /de'i steng du brjod bya ba/ /brjod pas bde ba grub par 'gyur/ /'di ltar dal gyis bsgrub bya ba'i/ /sngon gyi cho gas bskam bar bya/ /ma na'i 'ong ba ma chu lha yi shing/ /nir kun dri dang ma ha ras tri/ /dug dang de bzhin sha tri dang/ /g+ha na hi ri de bzhin du/ /tshangs pa'i dbyug pa d+ha tu ra/ /dug dang yungs nag tsi trak/ lce 'bigs la sogs sman rnams las/ /ji ltar rnyed pa bzung bar bya/ /skyur po'i cho gas dal gyis bzung/ /myos byed de bzhin lang ka li/ /gzhan yang kar b+hi ra dkar po dang/ /myos byed dang ni shing bkru dang/ /de rnams nye ba'i dug tu 'dod/ /dug chen lnga yang brjod bya ba/ /sA thu ba dang seng gi ba/ /ka la kub ta ser skya dang/ /sbrang rtsi ser po lta bu'i dug/ rgya mtsho'i tshwa dang se d+ha ba/ /btso tshwa dang ni rgya tshwa dang/ /dri chen tshwa dang rnam pa lnga/ /tshw ala mtshur dang ze tshwa dang/ /de rnams 'gyur byed rnam gsum yin/ /gser zil rdo dang dri med rdo/ /thu thu ka dang dngul chu dang/ /g.yo byed dang ni mtshal dang ni/ /ma sa ka dang bcud len bdun/ /ba bla dang ni ldong ros dang/ /skyur po yis dang mu zi dang/ /sbal rgyab rdo dang ka shi ka/ mdab mas de rnams nye bcud bdun/ /pa la sha dang ka ha yi/ /a pa mar ka hi tsha la/ /pi pi ling ki ldong bu dang/ /ba tsha can gyi shing ste dang/ /gzhan yang 'gyur byed rnam gsum dang/ /ba dang glang chen rnga mo ste/ /de ltar dri chu rnam gsum dang/ /sga dang de bzhin ka sbu ka/ tsi tra ka ni dmar po dang// /yud pa dang ni de bzhin btsong/ /tsa ? dmar po pa tam ka/ ku sum pa dang mdab ma'i dngul/ /de rnams dngul 'chod ba'i sman/ /dmar po'i sde tshan bsdus pa yin/ /mjo ti smra ti'i mar khu dang/ /ra ka ran dza dang a ta shi/ /de ltar khu'i sde tshan gsum/ /dngul chu 'tshed par byed pa yin/ /de bzhin d+he sha'i shing dang ni/ /nyi ma la ni bskam par bya/ /pad+ma'i mdab ma'i khu ba sbyin/ /b+ho ga na'i shing kun dang/ /de bzhin dung gi phye ma dang/ /ba tsha dang ni dri chu'i sde/ /tshwa dang de bzhin nye ba'i tshwa/ /mchog tu gyur pa'i sman sde dang/ /se 'du'i tsha dang skyur po las/ /skyur po'i nang du bar snang las/ /dngul chug tso bor bya ba yin/ /man d+hu ka'i mdab ma la/ /khu ba bcug la btso bar bya/ /dri ma 'grog par byed pa yin/ /'khrul 'khor 'di ni 'bar ba'i me/ /dang pas smin pa'i 'khrul 'khor la/ /lhang tsher blug par bya ba yin// sin d+hu tshe dang mtshal yang sbyin/ /zangs kyi snod du blug par bya/ /bug pa med pa'i 'khrul 'khor la'o/ /shin tu 'jam pa'i 'khrul 'khor gyis/ /nyin re nyin re bzhin du/ /ser skya'i dug dang skyur po sbyin/ /bya rog bdug pa ji bzhin bskam/ /sngon bshad bskam pa'i cho gas sman/ /dngul chu yis ni bcu drug 'gyur/ /btul ba'i lcags rnams gzhug par bya/ /thams cad dngul chu za bar 'gyur/ /phyi na dngul chu dkar po dang/ /thams cad gcig tu bya ba yin/ /rno lcags de bzhi snod bo gzhan/ /mnyer? dang ni dag na sbyin/ /phyi nas dngul chu gzhug par bya/ /zangs dang zha nye rnam par bsre/ /'khar ba dang nir gan rnams/ /dngul chu 'ching ba'i don du'o/ /rno lcags bsad pas dngul chu 'ching/ /sum 'gyur gser gyis dngul chu za/ /res ni dri ma spong bar 'gyur/ /gser zil rdo drab rno lcags gnyis/ /dngul chu skam par 'gyur ba yin/ /dngul chu'i las kyi sbyor ba 'grub/ /phal ba'i gdangs kyang de bzhin du/ /thams cad mnyam par bsres pa las/ /de yi las kyi sbyor ba yis/ /lcags drug las rnams sbyor bar 'gyur/ /gser zil rdo yis las rnams 'grub/ /des ni mchog gi las rnams 'grub/ /rin chen sa bon sbyin par bya/ /des ni byid ba'i gser du 'gyur/ /lan gnyis kyi ni dkar por 'gro/ yang ni rna lcags gsang pa las/ /nyis 'gyur dngul dang sbyar ba yis/ /dngul chu 'grub par 'gyur ba yin/ /gser ltar bskam par 'gyur ba las/ /kun gyi daun rnams 'grub par 'gyur ro/ /sum cu rtsa gnyis 'bigs pa dang/ /lnga bcu brgyad dang lnga brgya stong/ /khri dang 'bum gyi bar du 'bigs/ /las 'di shes pas bcud dang ni/ /bcud kyis len rnams 'grub par byed/ /zla ba gcig tu mang po'i tshad/ /yun rings gson dang stobs chen ster/ /'bum phrag bar du 'tsho bar 'gyur/ /de yis nyis 'gyur zos pa yis/ /lo ni bcu drug lon ltar 'gyur/ /mdzel sogs pa'i nad brgyad 'joms/ /de ltar mang du zos ba las/ /nyi zla skar ma gnas par 'tsho/ /skra dkar gnyer ma thams cad spong/ /yon tan rang bzhin thams cad 'dir ni dngul chu'i bstan bcos las/ don rnams rtogs nas bris pa 'di/ /b+ha li pa yis byas pa yin/ /kun gyi don rnams 'grub par shog/ dngul chu rab tu grub pa'i bstan btsos/ /slob dpon chen po b+ha li pa yis mdzad pa rdzogs sh+yo// //rgya gar gyi ban tri ta sh+rI na ra ain tra b+ha tra dang/ bod kyi lo tsa ba au rgyan ba rin chen dpal gyis ri bo chen po spung tra'i mgul gyi pho brang chen por bsgyur ba'o// // ` grub thob brgya bcu rtsa bzhi'i char lugs yin tshul bzhugs so// // rdo rje sems dpa' la phyag 'tshal lo/

CLOSE WINDOW