Input 
| བོད་ཡིག | e-texts based on the ACIP/ALL Input |
/ //rgya gar skad du/ sha ta gA thA/ bod skad du tshigs su bcad pa brgya pa/ dkon mchog gsum la phyag 'tshal lo/ /rig pa gzhon nu'i
dus na slobs/ /ba ni dgun gyi dus su gsos/ /zhing ni ser dang ldan la rmos/ /'di gsum 'bras bu smin pa'i rgyu/ /mkhas pas rig pa rnam kun tu/ /lang mtsho yol yang bslab bya ste/ /gal te 'dir 'bras ma smin yang/ /skye ba gzhan du
rnyed par sla/ /yon tan dag la 'bang bya yi/ /'gying tshul bstan pas ci zhig bya/ /'o ma med pa'i ba dag ni/ /dril bu brtags kyang nyor mi 'gyur/ /yon tan ldan pa yon tan la dga' zhing/ /yon tan med
pa yon tan la mi dga' / /nags kyi bung ba mtsho yis pad+mar dga' / /sbal ba lhan cig gnas kyang de lta min/ /yon tan ldan la phyug po kon/ /phyug po la yang yon tan dkon/ /yul ljongs dpag
tu med mod kyi/ /rin po che dag skye ba dkon/ /'gro ba dpag tu med mod kyi/ /ba ma rnyed pa shin tu dkon/ /dam pa ring na gnas gyur kyang/ /pho nya yon tan nyid byed de/ /ke ta ka yi dri yis
ni/ /bung ba rang bzhin phor ba bzhin/ /krgyal po yon tan ldan pa gnyis/ /mnyam zhing 'gran pa ma yin ta/ /rgyal po rang gi yul na 'khur/ /yon tan ldan pa kun tu 'khur/ /dus kyi yun thung rig pa'i rnam pa mang/ /gang zhig ces pa de ni bsten par gyis/ yul ni shin tu
dus ring gnas kyang nges pa kho nar 'gro bar 'gyur/ /'bral la khyad par ci zhig yod na 'gro bar rang nyid spong mi byed/ /dbang med 'bral las yid la yongs su gdung ba mdza' yas skyed par byed/ /'di dag rang gis spangs na zhi ba'i bde ba mdza' yas 'byung bar 'gyur/ /dam pa min
dang lhan cig gnas gyur kyang/ /chu dang pad+ma bzhin du ma dres mi 'gyur/ /dam pa thag ring dag na gnas gyur kyang/ /zla ba ku mu da ltar dga' bar byed/ /'du 'dzi kun tu spang bar bya/ /dam pa dag dang 'grogs par brtsom /rang
kyi 'jigs pa med pa ni/ /nyin gcig lo brgya bas kyang mchog 'dod pa kun tu spang bar bya/ /gal te de spong ma nus na/ /thar pa dag la 'dod par gyis/ /de nyid de yi sman yin no/ /skar ma chen po mang du shar gyur cing/ /sa yi rgyan gyur zla ba shar na yang//
gang tshe nyi ma nub na mchan mor gyur/ /nyi ma ma gtogs shar nub phyogs mi phyed/ /gang zhig shar nub gyur na yang/ /nyi ma med na gzi can med/ /nyi ma shar ba mchog yin gyi/ /gzhan dag shar ba ci zhig dgos/ /me tog gi ni mgo lcogs bzhin/ /dam pa'i
'gro ba gnyis yin te/ /'jig rten kun gyi spyi bkur 'am/ /nags nyid du ni dnges par bya/ /mi bsrun skye bo'i khung nas byung ba yi/ /tshigs ngan sbrul gyis skye bo dam ba zin/ /sbrul de zhi bar byed pa'i gnyen por yang/ /shes rab bzod pa'i sman dag
bsten par bya/ /brtan rnams sdug bsngal myong gyur kyang/ /yid ni zhum par mi byed de/ /zla ba sgra gcan khar zhugs kyang/ /'char bar ci ga mi byed dam/ /sems can rnams la gang gi sems/ /snying rjes brlan par gyur pa dang/ /thar dang ye shes
de yin gyi/ /ral pa thal ba chos gos min/ /nags bsreg pa yi me la ni/ /rlung langs grogs su 'gyur ba yin/ /de nyid med par gsod byed pa'i/ /nyams chung ba las shes yod min/ /gzhan gyis gzhan du bsgrags na ni/ /med pa'ang yon tan can du
'gyur/ /rang nyid yon tan smra byed na/ /brgya byin yin yang brtson mi 'gyur/ /gang zhig rig ldan khengs pa dang/ /nor yod ser sna ldan pa dag/ de ni lha yis smod 'dor ste/ /chu las me ni byung dang mtshungs/ /gang zhig yid dang rjes mthun pa/ /ring na gnas kyang nye ba
yin/ /gang zhig yid dang mi mthun pa/ /gam na gnas kying ring ba yin/ /gzhan gyi 'byor ba dam pa mthong nas ni/ /gang zhig sems 'khrug pa ni skye 'gyur ba/ /don de cung zad rnyed mi 'gyur gyi/ /'gro des rang gi bsod nams 'joms par byed/ /chags pa dang 'dra'i
dri ma 'gro na med/ /phrag dog dang 'dra'i gnod pa gzhan yod min/ /slong ba dang 'dra'i mdza' bo yod min te/ /gtong ba dang mnyam gnyen ni 'gro na med/ /bkres pa dang 'dra'i lus kyi zug gzar med/ /sems las dang mchungs lus kyi skem byed med/ /yon
tan lta bu'i rgyan ni yod min la/ /bzod pa dang mnyam lus gyi go cha med/ /skye bo ser sna can la nor yod ci zhig bya/ /g.yo sgyu phrag dog can gyi shes kyis ci zhig bya/ /pha rol gnon byed yon tan mar ldan ci zhig bya/ /phongs dus rgyab tu phyogs pa'i mdza'
bos ci zhig bya/ /rnam pa kun tu rang phan spyang bya yi/ /'khor mang nang du smas pas ci zhig bya/ /skye bo thams cad yongs su mgu 'gyur ba/ /de 'dra'i thabs ni gang na'ang yod ma yin/ /gnas skabs dang ni mthun par bya/ /bden dang brdzun dang byams ldang dag /
bdag gzhan nus dang sbyar nas spyod/ /gang yin de shes mdzangs pa yin/ /ji srid 'tsho bar bsod kyang ni/ /dgra bo zad bar mi 'gyur gyi/ /rang gi khro bo nyid bsad na/ /des ni dgra rnams kun bsad yin/ /mi sun skye bo gdul bar bya/ /yon tan can ni kun tu bkur/ /drang
po'i spyod pas dkor mdzod dgang/ /rang gi yul 'khor bskyang bar bya/ /ji srid las ni mthong ba dang/ /ji srid rkang pa brtan pa dang/ /ji srid shes rab mnyams pa/ /de srid rang gi phan pa gyis/ /rgyal po byi bo byed pa dang/ /da yi blun po mi mkhas pas/ /nor
bsags ba lta gal te/ /'bad pa chen pos srog bsrungs shig /gang na zhal te byed pa mang/ /kun kyang mkhas par nga rgyal che/ /thams cad gtso po byed 'dod pa/ /de yi tshogs ni 'jig par 'gyur/ /gang na byis pas mdzod pa byed/ /byi las ?
ni brlungs? ba dang/ /bya rog phyag tshang byed pa yi/ /de yi dngos de smos ci dgos/ /kun dga' ra ba'i phreng brgyad bzhin/ /me tog rgyas pa batA? bya yi/ /ji ltar sol ba mkhan bzhin du/ /rtsa nas bcad par mi bya'o/ /grog ma bar sa dang sbrangS
rtsi dang/ bla ba tshes pa yang gyi to/ /rgyal po'i nor dang sprang po'i nor/ /cung zad cung zad bsags pas 'phel/ /ti ti ra ni zil pa yi/ /thigs pa tsam gyis srog 'dzin byed/ /bslangs pas thob par mi 'gyur na/ /brgya byin la yang mi bslang ngo/ /rma bya so ba'i?
tshangs gdungs kyang ni/ /mkha' dkyil char gyi rgyun lar sla yi/ /rdzing bu rnyog ma can gyi chu dman? la/ /dregs pas bstong pa'i mgrin pa ma 'dud cig /stobs ldan seng ge ri dags sha za phrag 'thung yang/ /lo gcig khyud kor la ni 'khrig pa
lan gcig spyod/ /bong bu rdul tsam za ba'ang 'dod pa rtag tu spyod/ /de gnyis gang gi rgyus bskyed khyod kyi nga la smos/ /nags kyi glang bo rtswa lo za yang stobs dang ldan/ /sbrul ni zas su rlung zar gyur kyang rbeg pa med/ /drang srong rtsa ba 'bras bu tsam gyis dus
'da' byed/ /de bas khrel 'dzem chog shes kho na 'byor ba'i mchog /gang zhig yi gi mchog gis brgyan pa'i kha ni gang yin pa// /de ni yid 'ong pad+ma rab gsang rgyas pa lta bur mdzes/ /yi ge med par gyur pa'i kha ni gang yin pa/ /de ni kham ni
sa yi bu ga dag dang mtshungs/ /bong bu phyugs la nor bu mu tig ci/ /dud 'gro phag la kha? zlas zhim po ci/ /long la snang ngang 'on pa dag la slu/ /glen pa dgal chos kyis ci zhig bya/ /ka tan+ta shes sgra mkhan dang/ /gces sgrub shes pa'i
sman pa dang/ /dbyug pa thogs pa'i ral ka ba/ /de gsum 'jig rten bzhad gad sa'o/ /bdag la byin zer dman pa'i tshig /mi sbyin zer ba dman bas dman/ /'di khyer zer ba mchog gi tshig /mi 'khyer ba zer de bas mchog /gnod spangs phan pa
bsten pa yi/ /sbyor gang yang rung ba yis/ /lus ni shin tu bsrungs bya yis/ /nor la sred pas ci zhig bya/ /'byor pa yod kyang gtor med na/ /nye bar 'tsho bas ci zhig bya/ /ki shu ka yi 'bras bu ni/ /chags kyang ? bas ci byar yod/ /'dod pas gdungs la khrel
med ngo tsha med/ /bkres pas gdungs na stobs med mdangs kyang med/ /nad kyis gdungs na gnyid med bde pa med/ /lam gyis dub na 'jigs dang brtson pa med/ /grogs po nor la brkam pa spang/ /? ma log g.yem che ba spang/ /rgyal
po chos ni na spyod pa spang/ /blun po rab gsum dbyen smra spang/ /yul ngan 'tsho ba nganpa spang/ /shes gnyen ngan pa spang bar bya/ /ba khur dka' gso spyad mi shes pa/ /de lta bu yi sman pa spang/ /phan dang mi phan dpyod pa'i blo med cing/ /thos
dang bsam dang bsgom pa rnam spangs te/ /lto ba 'gongs ba tsam zhig gtsor 'dzin pa/ /skyes bu de blo phyugs dang khyad ci yod/ /chu yis bum pa phyed bkang ba/ /rab tu 'bad pas bzung byas te/ /spyi bor bdag gis khur ba bzhin/ /skye bo ngan pa bkur
na khro/ /rang bzhin ngan pa'i mi rnams dang/ /srang gi mtshan nyid shin tu mtshungs/ /cung zad tsam gyis mtho 'gyur la/ /cung zad tsam gyis dma' bar 'gyur/ /tsan dan gla rtsi ga bur gyis byugs kyang/ /sgog skya'i dri ni
rang bzhin mi 'dor ltar/ /legs pa'i gzhung lugs bzang por rab bslabs kyang/ /rang bzhin ngan pa'i mtshan nyid 'dor mi srid/ /ji ltar rig pas brgyan gyur kyang/ /skye bo ngan pa yongs su spang/ /sbrul gdugs nor bus brgyan gyur
kyang/ /ci ste 'jigs pa mi bskyed dam/ /ngan pa ji ltar nyam chung ba/ /de srid bar du rang bzhin bzang/ /ston ka yi ni chu bo dag /skyes bu kun gyis brgal bar sla/ /yon tan tshul spyod rang bzhin gsal ba yis/ /skye bo ngan pa bcos su ga la rung/ /
tsha zhi 'drod che rtsub pas bsgrubs pa yi/ /bad kan nad bzhin rab tu 'phel bar 'gyur/ /mi bsrun skye po mgus bran/ /ma rdul rta dang chung ma ngan/ /brdungs na gnyen par 'gyur ba ste/ /'di dag legs bya'i snod ma yin//
rgya mtsho char bab don med do/ /'grangs la zan byin don mod do/ /phyug la nor byin don mod/ /dman la legs byas don med do/ /dam pa'i bu yi gdong la pad+ma yod/ /smad 'tshong bu yi slad nas dug lo skyes/ /ji lta ji ltar log par spyod par byed/
de lta da ltar go 'phang 'da' bar 'gyur/ /sprin gyi grib ma skye bo ngan dang mdza' / /rje bo ngan dang bdag po dman la brten/ /zil pa'i chu dang rtsa las 'bar ba'i me/ /drug po 'di dag chu yi chu bur mtshungs/ /sha skam dang ni bud med rgan/ /chang gsar
zhen tshigs ma thag / nyin phyed gnyid dang nam phyed zas/ /'di drug 'phral du srog 'phrog pa'o/ /mar sar 'bras chan 'o mar bcas/ /sha gsar bud med gzhon nu dang/ /shing gi grib ma chu dron khrus/ /'di drug 'phral du stobs skyed do//
sdug pa dang bral rang mis brnyas pa dang/ /bu lon mang zhing ngan pa dag la brten/ /dbul por gyur nas mdze 'os ring du spangs/ /'di lnga me med par ni bsreg pa'o/ /bogs med tshong dang stobs ldan dag la tshe/ /slong zhing 'gying la nor med 'dod la dga' //
na chud sdug la tshig rtsub smra byed pa/ /'di lnga log par spyod pa'i skyes bu'o/ /gang zhig chos ni sbyin byed dang/ /mi 'jigs sbyin dang kha zas sbyin/ /lus skyed pa dang gdams ngag sbyin/ /'di lnga phan 'dogs byed pa'o/ /rab tu byung nas slar log dang/ /bud med
khyo gsum mthong ba dang/ /tsa sbyad snyi las shor ba ste/ /'di gsum g.yon can shes par bya/ /sman dang kha zas ma zhu dang/ /rgyal po brdzun du smra ba dang/ /rigs ldan sdig pa spyod pa ste/ /'di gsum shin tu mi rigs pa'o/ /gzhan las chol zhing zas zhim
'dod/ /slang mos 'tsho zhing khengs pa che/ /bstan bcos mi shes brtson par 'dod/ /'di gsum 'jig rten gzhad gad rgyu/ /rgyal po smra ba lan cig pa dang/ /bu mo gtong ba lan gcig dang/ /'phags pa mthong ba lan cig ste/ /'di gsum 'jig rten lan reg/
dka' thub lus ni cho ba dang/ /mdzes ma gcig pur nyal ba dang/ /dpa' bo rma mtshan med pa ste/ /'di gsum yid mi ches pa'i rgyu/ /rgyal po byi g.yem byed pa dang/ /bram ze gzhan la 'tsho ba dang/ /dge spyod rtsod 'jo byed pa ste/ /'di gsum 'jig rten smad pa'i gnas /
mkhas pa nga rgyal med pa dang/ /dpa' bo nye bar zhi ba dang/ /phyug po gtong ba'i sgo phye ba/ /'di gsum 'jig rten bstod pa'i gnas/ /brtse ldan phan 'dogs ngoms pa med/ /gdug can 'tshe bas ngoms pa med/ /byis pa 'dod pas mi ngoms te/ /'di gsum 'jing
rten ngoms med pa'o/ /nor phyir yid ni gdungs pa dang/ /khyim na chung ma log par spyod/ /bslus dang brnyas ba byas pa rnams/ /blo dang ldan pas smra mi bya/ /mkha' la skar mkhan dag gis rtsis byas na/ /zla ba dang ni skar ma'i lam rnams shes/ /khyim na chung
ma log g.yem byed pa dang/ /sna tshogs ngan spyod de ni mthong ma gyur/ /de nyid shes na slob dpon ci/ /nang dang bral la sman pas ci/ /chu bo brgal la gru bas ci/ /chags bral mdzes mas ci zhag bya/ /lha dang bram ze dam ba dag /bden ba yis ni dga' bar 'gyur/ /mkhas pa
tshig zab smra bas dga' / /phal pa zas dang skom gyis dga' / /ri bo kun na rin chen med/ /nags tshal kun na tsan dan med/ /nya rnams kun la mu tig med/ /dam pa kun la yod ma yin/ /dang pa chu skyar tshogs na mdzes ma yin/ /cang shes bong bu'i tshogs
na ma ngos ma yin/ /seng ge wa yi tshogs na mdzes ma yin/ /mkhas pa blun po'i chogs na mdzes ma yin/ /khu byug tshul ni sgra snyan yin/ /mkhas pa'i tshul ni rig pa yin/ /bud mong tshul ni khrel yod yin/ /dka' thub tshul ni bzod pa yin/ /mthu
chen bcos su mi rung la/ /bzod pa byar yang ci zhig yod/ /zhi ba dul bar spyod pa la/ /bzod pa bya ba ci zhig dgos/ /phan med gnyen ni gzhan yin te/ /pha rol yin yang gang phan gnyen/ /lhan cig
skyes pa'i nang soD dang/ /gangs can ri bo'i sman bzhin no/ /mthu che ba dang 'grogs gyur na/ mthon po nyid du su mi 'gyur/ /me tog phreng dang 'brel pa yis/ /srang bu mgo la 'ching bar byed/ /drang zhing bden par smra ba la/ /slu byed mkhas pa yin nam ci/ /phang? bar
brten te nyal pa'i mi/ /gsod pa de ci dpa' bo 'am/ /gzhon nu'i dus na pha ma'i dbang gyur zhing/ /lang tshe'i dus na bud med dbang gyur te/ /rgan po'i dus na bu yi dbang gyur bas/ /blun po nam yang rang dbang yod me yin/ /ji srid 'dod chen ma gyur ba/ /de srid yon
tan de nyid yin/ /'dod chen 'di la zhugs gyur na/ /yon tan btsun par ga la 'gyur/ /skye bo phal cher rang gi ni/ /tshad mas gzhan dag 'jal bar byed/ drang srong gis ni yi dags mthong/ /'di ni dka' thub ba zhes zer/ /skye bo ngan pas sun phyung na/ /dam
ba la yang yid mi ches/ /phyis pa 'o mas kha chi ge na/ /zho la phu yis 'debs shing 'thung/ /zo chun bzor ni sbyar gyur na/ /bud med kyi yang dbang du 'gyur/ /dang bo rtsom ba gang yin ba/ de ni de mtshar che ba yin/ /gang zhig chen po'i sbyir bkur ga/ /de
nyid dman bas tswa snyam sems/ /mkhas pas phyag byas mchod rten ni/ /khwa yis stan du byed pa yin/ /ke ta ka yi 'bras bu ni/ /chu rnams dang bar byed mod kyi/ /de yi ming cam brjod ba yis/ /chu rdul dang bar mi phyed do/ dam pa dang por khas 'chi mi byed
la/ /gal te dka' bas khas ni blangs gyur na/ /rdo la ri mo bris pa ji lta bar/ /khas blangs de ni nges par sgrub par byed/ /dman pas gang tshe nor ni cung zad rnyed/ /'gro ba gzhan la brnyas pa'i nga rgyal ldan/ /dam pa nor gyi 'byor pa thob gyur kyang/ /sA lu smin pa
bzhin du shin tu dud/ /shes rab dang 'dra'i mig med de/ /rmongs pa dang mnyam mun pa med/ /nad dang 'dra pa'i dgra med de/ 'chi bdag dang mnyam 'jigs pa med/ /de bas shin tu mi bzang pa'i/ /'chi ba nges par 'byung 'gyur gyis/ /'dod pa rnams las sems bzlog la/ /dam pa'i
chos la dga' bar gyis/ /yon tan ldan la rig pa yon tan 'gyur/ /yon tan med la de nyid skyon du 'gyur/ /chu bo'i chu ni shin tu dri med pa'ang/ /rgya mtshor byin na btung du mi rung 'gyur/ bye brag phyed pa'i blo ldan yang/ /bya ba gos
gyis bsrub bar bya/ /de la nyes dmigs mi 'byung ste/ /byung na'ang de yis slar spong byed/ brtan zhing 'jam la tshig nyung gang yin pa/ /de la mi yis shin tu byag bya ste/ /nyi ma sprin stug nang nas byung ba yi/ /'od zer shin tu tsha bar 'gyur ba bzhin//
na tshod gzhon yang nye bar zhi la dga' / /mkhas par gyur kyang shes pa'i nga rgyal med/ /gzi brjid che yang bzod cing des pa yis/ /dgra las rgyal byed de ni rnyed par dka' / /phyug po kla klo rnaMs la'ang yod/ /dbar bo dud 'gro rnaMs la'ang yod/ /sna tshoD ngan ldan gtams smra ba'i/ /dam
ba dag ni shin tu dkon/ /'byor pa g.yo zhing lang 'tsho myur du 'jig /srog ni gshin rje'i so yi bar na gnas/ /'dir bde don gnyor pha rol yal bar 'dor/ /de ni g.yang sa'i mthar gnas phor ba bzhin/ /gang zhig nyon mongs nad bcas pa/ /do sman dam chos
mi bsten par/ /yul la bag kyang spyod pa ni/ /srid pa'i lam las 'byung mi 'gyur/ /gal te 'gro ba 'di dag gis/ /'chi bdag spyi bor gnas mthong na/ /zas kyang yid du mi 'ong na/ /bya ba gzhan lta ci zhig smos/ /bya ba zin nam ma zin zhes/ /'chi bdag skyod par
mi 'gyur bas/ /sang gi bya ba de ring ste/ /phyi dro'i bya ba snga gro'o/ /'jig rtan 'tsho ba brtan ma yin/ /nor ngang lang 'tsho brtan ma yin no/ /bu dang chung ma brtan min te/ /chos dang bden dang phan pa brtan/ rgyan po yun ring gson na rung/ /dang gpo sa myur du shing yang rung/
rdon? pa shi ? gson mi rung/ /dam ba shi'am gson bar rung/ tshigs su bcad pa brgyad pa zhes bya ba/ /slob dpon mchog sred kyis mdzad pa rdzogs so// //rgya gar gyi mkhan po bi nA ya tsan+d+ra dang/ /bod
kyi lots+tsha ba dge slong chos kyi shes rab kyis bsgyur zhing zhus te gtan la phab pa'o/ / //rgya gar skad du/ b+hi ma la pra shod tra ra ratna ma ma le nA ma
bod skad du/
CLOSE WINDOW