བོད་ཡིག

e-texts based on the ACIP/ALL Input

bal po rjod gi rgyal po bla ma paN+Di ta bud+ha/ sh+ri dz+nyA na'i zhal snga nas mnyan nas mang du thos pa'i lo tsha/ gnas bdun? dpal nyi ma rgyal mtshan dpal bzang pos bsgyur cing zhus te gtan la phab pa'o// // thub pa chen po drang song gnas ltas kyi rnam pa bstan pa zhes bya ba bzhugs/ / //thub pa chen po drang srong ? ltas kyi rnam pa bstan pa zhes bya ba'i gtsug lag /thams cad mkhyen pa la phyag 'tshal lo/ /gza' skar rig pa'i pha ral/ byin/ thub ba'i tshogs mchog ga rgal/ b+ha gus ris ni phyag 'tshal te/ /thal mo sbyar nas yongs su ?/ /lha yi mig ldan dka' thub che/ /skal ldan rgya mtsho che lta bu/ /shes rab mchog gis rab gtogs pa'i/ /rig pa de ni 'thob par 'chal? yul gyi dngos dang dngos med dang/ /bstan dang 'bras bu grub pa dang/ /mi rnams kyi ni pham rgyal dang/ /sprin gyi kha dog gzugs rnams dang/ /de bzhin nyi ma zla ba dang/ /lha yul par snang sa yi bla /ltas su byung ba'i mtshan ma dang/ /'phral gyi char pa'i mtshan ma dang/ /du sa mtshams chags dang dge mi dge /nyi zla dag gi nye 'khor na/ /skar mda'? ltung dang gnam grums dang/ /dri za yi ni grong khyer dang/ /sa g.yo ba yi 'bras bu dang/ /nyi ma'i gzugs ni 'khyim pa dang/ /de bzhin zla ba ? khyim so brjod pa/ /de dag thams cad ma lus par/ /dka' thub grub pas gsung bar 'os/ /de skad dris nas gzi chen po/ /garga yis ni tshig smras pa/ /b+ha gu ris ni gang dris pa/ /de nyid nyon cig skal ba can/ /mar me lta bu gtsug lag 'de?/ /dgos pa thams cad rig byed pa/ /grags rang gsal dang rnam gsal dang/ /bde sdug nges par rtogs byed pa/ /bram ze gtso dang rgyal po la /drang srong mchog gis bstan par bya/ /nyi ma dang zla ba'i ltas la legs ldan gang gi tshe nyi ma autpal sngon po lta bu'i 'od can/ reg pa na gzi byin du rno ba can/ zla ba ltar bsil ba can nam mkha' i dkyil du song la snang ba de'i cha ni rgyal po 'chi bar 'gyur ro/ /gang gi tshe nyi ma 'char ba dang nub pa kho na'i tshe 'khor lo bzhin du 'khor bar gyur ba de'i tshe ni gdon mi za bar rgyal po 'chi bar 'ong la/ pha rol gyi dmag tshogs rnams kyang 'ong zhing/ /yul rnams kyang 'khrug par yang 'gyur te/ de'i cha yul ni dgon pa bzhin du ri dags kyis gang por 'gyur ro/ /yang gang dag nyi ma gzas zin pa yang med par / 'od med par 'gyur pa de ni de'i tshe rgyal po dag gi nang na rtag tu 'che bar 'gyur ro/ /yang gang gi tshe nyi ma gzas ma zin par nam mkha' la phyed du snang ngam/ nyi ma nyid nam mkha' la g.yo bar gyur tam/ /ba dog ngan pa dang sbya bor gyur na da'i che rgyal po yang 'chi zhing/ skye bo 'chi ba'i lo nyes dang/ chom rkun pa rnams kyi mthur gyur pa 'am/ yang na dbang pos char mi 'bebs par 'gyur ro/ /yang dus mtshams ma yin par nyi ma dang zla ba gzas zin par gyur na de'i tshe mi dag mtshen gyis 'debs/ de bzhin du nad dang 'thab pa dag gis 'chi bar yang 'gyur ro/ /rgyal po yang 'chi zhing mu ge dang mi ngas dag gis mi tshegs chen por 'gyur ro/ /mi rnams kyang nye du phun nu dag dang mi mthun zhing 'thab par 'gyur ro/ /ma'i bu rnams mngal du yang 'chi bar 'gyur ro/ /yang nyi ma 'od zer dang bral zhing me long lta bur snang na de yang des bar rgyal po 'jig par rig par bya'o/ /yang na nyi ma nam mkha' la khrag gi 'od lta bur snang na/ de'i tshe rgyal po rnams dang/ de la brten ba rnams dang/ yul rnams dang/ de bzhin dbang po rnams phan tshun du gsod par 'gyur/ /de'i tshe skye bo thams cad chos dang mi mthun par phyin ci log spyod pa'i ltas yin no/ /gang gi tshe nyi ma 'char pa na gzhu ltar rab tu dgu bar snang zhing sprin dmar dag gis khebs na/ de'i tshe pha rol kyi dmag tshogs dag 'ong bar 'gyur ro/ /gang gi tshe nyi ma 'chang ba na gnyi brnyan dag snang ba de'i tshen 'jigs pa chen po 'ong bar ston to/ /gang gi tshe nyi ma 'char pa dang nub ba kho na'i tshe nyi ma mgo bcad pa lta bu'i sprin gyis khebs pa'i tshe na yul du 'jigs pa chen po 'byung bar rig par bya'o/ /yang nyi ma 'char ba dang nub pa kho na'i tshe nyi ma 'khyims ba dang/ skar mda' lhung ba dang/ sa g.yo bar gyur pa de'i tshe ni rgyal po gsong par 'gyur ro/ /mang gal te nyi ma'i gzugs bu gu can dang/ bum bu dang khrag lta bu'i mdog dang/ nyi ma phyed du gas par snang na mi'i bdag po mdza' dag 'chi ba dang/ nad dang mu ge dang ldan pas skye bo bas pa'i dus su 'gyur ro/ /gang gi tshe nyi ma dang zla ba dag 'khyims shing dkyil 'khor tha dad du chad la rtsub par gyur pa de'i tshe ni the tshom med par dmag 'byung bar 'gyur ra/ /gang du nyi ma dang zla ba dag 'khyims pa dang/ dkyil 'khor mdza' dag ma yin pa dang/ rtsub cing rnam par zhig pa dang/ nyams par gyur pa de'i tshe/ char pa med par 'gyur zhing/ mu ge dang mi ngas dag 'byung bar rig par bya'o/ /gang du nyi ma dang zla ba dag rma bya'i mgrin pa lta bur 'khyims par gyur pa de'i cha ni nges par mu gi 'byung bar ston to/ /gang gi tshe nyi ma sprin gyi kha dog lta bu dang/ dkyil 'khor chung bar gyur pa de'i tshe 'phral du char pa 'phab par 'gyur ro/ /gang gi tshe nyi ma zla ba gza' rnam gsum 'gal bar gyur pa ni zhag gsum tshun chad char 'bab pa dang/ zla ba gsum tshun chad kyis 'jigs pa chen po bdun du 'byung bar rig par bya'o/ /gang gi tshe zla ba'i zur na zla brnyan dag snang bar gyur na zhag gsum tshun chad char ba 'bab pa dang zla ba gcig na 'jigs pa chen po 'byung bar ston to/ /gang gi tshe zla ba 'khyims zhing nang du nub par rab tu snang la gza' rnams kyis kyang zil gyis gnon par gyur cing/ de bzhin du snang ba chung bar gyur ba de'i che ni dmag dpon rnams 'chi bar 'gyur la/ de bzhin du yul yang lo nyes dang mu ge dang/ mings dag kyang 'byung/ rgyal po yang 'chi bar 'gyur ba dang/ tsham rkun pa dag kyang rgyags par 'gyur ba'i ltas su bstan to/ /yang zla ba'i gzugs 'khyims pa na gza' rnams phan tshun du 'thor zhing zhum bar yod gyur pa der ni lus can rnams shin tu dman par 'gyur bar bstan to/ /gang gi zla ba khrag gi mdog lta bu'i kha dog tu gyur ba de'i tshe ni dmag khrag gi 'dam rdza bcam 'byung 'gyur ro/ nyi zla'i ltas bstan pa'i le'u ste dang po'o/ / //gza' skar gyi ltas la drang srong chen po ga rgal legs ldan phyogs kyi skyong ba dag ji ltar gnas pa dang/ gza' dang bskur? dag gi che chung dang/ ji ltar rgyu ba dang/ skar ma dag gang las 'byung zhing ji ltar ltung ba dang/ rnam par rgyu ba dag skyes bu dam pa tshangs pa lta bu 'am gzi brjid can gyis bdag la bstan du gsol zhes nyon mongs pa can ma yin pa'i slob ma b+ha gu ris kun tu dris pa dang/ rig pa'i gnas thams cad kyi pha rol tu phyin pas bshad pa/ phyogs skyong dag ni bzhi ste rang gi? phyogs la yang dag par brten pa dag go /gza' dang rgyu skar thams cad kyi steng na sme bdun dag gnas shing / de dag gi 'og na ni sben pa dag gnas so/ /nyi ma'i dkyil 'khor ni dpag tshad brgyad stong du brjod do/ /zabs ni bcu drug tu brjod do/ /sgra gcan 'dzin ni nyes 'gyur ro/ /snar ma dang gro bzhin dang/ rgyal dang/ mgo dang/ byi zhin dang/ nag pa dang/ sa ri dang/ sa ga dang/ lag dang/ snron dang/ snrubs dang/ nabs so dag ste/ rgyu skar bcu gnyis po 'di dag gi dkyil 'khor ni dpag chang gnyis gnyis so/ /de bzhin du skar ma phra mo gzhan dag gi tshad du rgyang grags tsam mo/ /de tsam gyi grangs ni dung phyur phrag gnyis dang ? phye ba phral brgyad dang/ sa ya grag ldang bshad de rgyu skar gyi dkyil 'khor la gnas bdag yin no/ /rgyu skar me bzhi dang/ nag pa dang/ sa ri dang/ lag dang/ de bzhin du mgo ngang nabs so dang/ dpo rnams ni rlung gi dkyil 'khor yin te/ de dag dbang ba'i dus su gal te sa g.yo ba dang/ ser ba 'bab pa dang/ sgra gcan 'dzin mthong bar gyur pa dang/ skar mnga' dang/ ser ba mi bzang pa 'bab par 'gyur na/ de'i tshe ni rlung gi char mi bzang pa 'bab pa dang/ de'i tsha rlung dmar ma rungs pa ldang zhing/ khang bzang dang/ ba gam dang/ skye shing dang/ khang pa rnams 'gyel bar byed/ mtsho chen po dang/ 'bab chu dang/ rdzing dang/ khron pa rnams ni chu yang ske ? par byed pa ste/ de ltar sngon gyi rig pas rlung las gyur pa'i bye brag tu brjod pa yin no/ /gal te de dag nye bar zhi ba'i rgyu zhag bdun tshun chad chad pa 'bab par gyur na rlung 'khrugs pa las 'byung ba'i gnod pa gzhan dag kyang 'byung bar 'gyur te/ yul ma ru dang/ yul ba li ka dang/ yul ka ci dang/ yul ki pa tsa dang/ yul bar bar dang/ yul spos 'dzin dang bcas pa dag tu yang 'khrug cing phan tshun mi mthun pa dang/ de bzhin du nad dag gis zin pa'i sgra mi snyan pa dang/ lus 'phags dag kyang nyen par 'gyur/ mtshon gyis thebs pa dag kyang 'byung/ rgyal po rnams la yang dmag 'dren par 'gyur zhing/ de bzhin du ma'i mngal yang 'gag pa dang/ sa yang 'bras bu mi skye ba dang/ shing tog dang/ 'bras ba'i shing dag kyang ngan cing nyung ba dang/ dbang bos kyang char chen po mi 'bab pa dang/ phyogs thams cad kyi sa'i mdangs kyang sngo nag tu 'gyur zhing mi gsal ba dang/ rtsub par snang ba dang/ ba lad dang/ ra lus dang/ bya dang ri dags dag kyang 'jigs pa med par yang skrag cing 'drog pa dang/ phyogs bslang cing phan tshun thob par 'gyur ro/ /yang rgyu skar sa ga dang/ smin drug dang/ rgyal dang/ khrums stod dang/ b+ha ga'i lha gang yin pa 'di dang/ mchu dang/ gshin rje'i lha gang yin pa 'di dag dbang pa'i dus su sa g.yos pa 'am/ gnam grum pa byung bar gyur na me'i phyogs kyi dkyil 'khor la bab ba'i shugs kyi gnod pa 'byung bar rig par bya ste/ 'khrigs pa'i rigs las gyur pa'i gnod pas skye dgu shin tu gzir ba dang/ bud med rnams la khrag nang 'byung ba dang/ ba dang ma he zho skam pa dang/ bsod nams bya bar bsams shing bsam pa thams cad kyang grub par mi 'gyur la/ sems can rnams la yams kyi nang 'byung ba dang/ de bzhin du nad dang/ rgyal po las kyang gyur pa 'byung ba dang/ skye dgu rnams kyang phan tshun dga' ba dag byed nas mi mthun par yang 'gyur zhing nyin mtshan du phyogs rnams su gnas me zhi bar yang mi 'gyur/ sprin yang char pa 'bebs par mi 'gyur/ de bzhin du 'dod 'jo dag kyang 'o ma med par 'gyur ba dang/ shing ljon pa 'am rigs dang/ lcug ma dag kyang me tog dang/ 'bras bu nyung ba dang/ chu'i gnas khron pa dang rdzing dang lted ka la sogs pa yang skam par 'gyur zhing /mu ge dang nad kyis nyen pa 'byung ba dang/ chom rkun gyi 'jig rten rnams kyi mthu dang/ ri dags rnams kyang 'dren par 'gyur/ sha sbrang dang/ sbrang bu mchu ring rnams dang/ de bzhin du rigs ngan gyi rigs dag kyang 'phel bar 'gyur te/ de ltar me'i phyogs kyi dkyil 'khor du chos lugs de rnams 'byung bar shes par bya'o/ /khrums smad dang/ chu lha dang/ de bzhin du nam gru dang/ bden bral gyi lha dang/ kag dang de bzhin du lag ni chu'i dkil 'khor yin te/ de ni bstan bcos rig pa rnams kyis brjod pa yin no/ /gal te 'dir sa g.yo ba dang gnam brum pa byung ba dang/ nyi ma dang zla ba yang nye pa'i chags pa dang ldan pa dang/ mjug rings dang/ de bzhin du ltas su 'byung ba gzhan mthong bar gyur na/ chu lha de'i de ni skye rgu rnams la dge ba'i rgyu yin par rnam par rig par bya ste/ der la legs pa dang/ ba 'o ma mang ba nyid du yang shes par bya'o/ /bud med dag kyang dus tshad nas/ tshor ba med par bde bar bca' bar 'gyur ro/ /sa bon ji ltar btab ba bzhin du grub? nas sa yang lo tog gi phreng bcan du 'gyur zhing/ rgyal po rigs pa'i lam gyi rjes su 'brang ba dag kyang mi dge ba med par 'gyur ro/ /bram ze la sogs pa'i rigs bzhi po yang rang gi las rnams la gnas par 'gyur/ skyed kyi 'tsho thams cad kyis kyang rnyed pa'i mchog rnyed par 'gyur zhing/ sa la skye ba rnams kyang 'bras bu dang/ me tog dang 'dab ma dang ldan zhing 'phel bar 'gyur ba dang/ bde ba dang/ lo legs pa dang/ nang med ba dang/ skye rgu rnams la dge bar yang 'gyur ro/ /mon gru dang/ snar ma dang/ snron dang/ de bzhin du lha mtshams dang/ byi bzhin dang/ gro zhin dang/ de bzhin du gzhan yang chu smad ni dbang po chen po'i phyogs kyi dkyil 'khor du rig par bya ste/ thams cad la shin tu phan pa'i rgyu yin zhing skye rgu rnams la bde ba dang/ nad med pa dang/ rgyal po rnams la dge ba rab tu sbyin par byed pa yin no/ /gal te 'dir sa g.yo ba dang/ de bzhin du gnam grum pa la sogs pa byung ba dang/ nyi ma dad zla ba nye ba'i chags pa can du gyur pa dang/ mjug rings mthong bar gyur pa dang/ gzhan yang glo bur du byung ba gzhan ji ltar 'byung ba yang der ni bstan bcos rig pa'i thub pa rnams kyis mi dge ba med par bstan te// lo tog dag shin tu phun sum tshogs pa dang/ lo legs pa dang/ chom rkun med pa dang/ bram ze rnams kyi sbyin sreg dang/ mchod sbyin gyi bya ba thams cad 'grub par 'gyur zhing/ rigs par byed pa'i rgyal po thams cad kyang sa srung bar byed par 'gyur ba dang/ rigs kyang rang gi chos la gzhol zhing/ sems chos la mngon par dga' ba dang/ dus ji lta ba bzhin du char chu 'bab pa dang/ shing rnams me tog dang/ 'bras bu smin par byed pa dang/ skye bo mdza' dag rab tu dga' ba dang/ lhags ba rnams phan tshun dga' bar 'gyur zhing/ sprin rnams don med pa yin te sa gzhi char pa legs par 'bab par 'gyur ba dang/ mi rnams kyi bya ba ji ltar brtsams pa rnams kyang phal cher 'grub par 'gyur zhing/ lus can rnams la yang gnod pa byed pa bya ba rnams dang/ grog sphur rnams dang/ sbrul dang/ byi ba la sogs pa dang/ de bzhin du yams kyi nad rnams dang/ ba? la sogs pa rnams kyang yang dag par 'jig par 'gyur ro/ /rnam pa gzhan du na dbang po chen po'i dkyil 'khor dbang bar gyur na chu dang me dang/ rlung las gyur ba bad kan dang/ mkhris pa las gyur ba'i bad kan rnams dang/ de bzhin du rlung las gyur ba rnams 'byung ste de dag ni gzhan du ma yin no zhes bstan to/ /gza' rnams kyi le'u ste gnyis ba'o/ / //skar mda'i ltas la skar mda''di dag ni de dag gi mtshan ma bstan pa ste/ 'jig rten dag la rtags stan par byed pa'o/ /de dag gang gi tshe/ dbang po rnams dang chu lha dang/ rlung lha dang/ me'i phyogs kyi gzhan dag ni kha dog sna tshogs shing gzugs 'jigs pa dang/ me stag dang bcas shing 'od dang bcas pa dang/ sol ba 'bar ba ltar snang ste/ nam mkha' i nges las char du 'byung bar 'gyur ro/ /gshin rje'i phyogs kyi skar mda' gnag pa dang/ dmar po red red po dang/ rtsub pa 'jigs par byed pa ste/ mi'i rgyal po rnams dang yul rnams la 'jigs pa chen po 'byung bar brjod pa yin na/ /de bzhin du bar snang la 'dug pa dang/ ri dang rgya mtsho la 'dug pa yang yin no/ gang du lha yul dang/ sa steng du lhung zhing bzlog/ phyogs su 'gro bar gyur na yul der zhi ba ma yin par 'gyur ro/ /rgyun phyogs su ni rtag tu zhi bar 'gyur ro/ /de bzhin du de dag ni 'jig rten thams cad du rgyu ba dang/ gzugs 'dod pa 'dzin pa dag yin no/ /gnod par gyur pa'i yul dag tu dmag 'gyed du 'jug par yang byed par 'gyur ro/ /de'i 'og tu rang bzhin gyi dmag kho nas 'jig rten rnams 'chi bar byed par 'gyur ro/ /de dag ltung ba dag rjes su mchan nyid yang dag par rab tu brjod par bya ste/ dkar po 'gro zhing me stag dang bcas pa ni bram ze rnams la 'jigs pa 'dren pa yin no/ /de bzhin du dmar po rnams na rgyal riD rnams la'o/ /ser po na rje'u riD rnams la'o/ /nag po dang sngo ba sangs ni dmang rags rnams la ste shin tu 'jigs pa 'byung bar brjod do/ /de bzhin du skar mda' sngo bsangs dang/ rtsub pa dang/ 'grum pa dang/ dkar po dang/ ser po dang/ /ba dog rnam pa sna tshogs dang/ ma stag dang bcas pa dang/ du ba thul ba dag tu ltung ba der ni rgyal po la gnod par 'gyur ro/ /gang du la lar? phag dang/ spre'u dang/ wa ltar bcos pa dang/ ri dags dang/ bod bu'i gzugs lta bu'i 'od can gyi skar mda' ltung ba der ni rgyal po dang yul 'khar du bcas te 'chi bar 'gyur ba the tshom med do/ /gang rgyu skar dang phrad nas gang mi bdun du grum zhing skar mda' ltung ba der ni da nyid du 'bras bur 'gyur bar rnam par bshad par bya'o/ /gza' dang rgyu skar gang gi ba lang gi lam dang/ rta babs dang/ rgyal mtshan khyim du ltung ba de la ni 'jigs pa chen po 'byung bar brjod pa yin no/ /gang du skar mda' nyi ma mngon du phyogs lhung ba ni shin tu 'jigs par byed par 'gyur ro/ /pa wa sangs la reg par byed pa de ni der rgyal po la 'jigs pa 'byung bar 'gyur ro/ /gang du zla ba'i dkyil 'khor la rig pa mo lce'i 'od dang mnyam pa'i skar mda' lhung ba de ni rgyal tshab gsod par 'gyur ro/ /gal te skar mda'i lha'i bla ma phur bu la gdung bar byed pa der ni mdun na 'don gsod par 'gyur zhing bram ze'i bdag nyid la yang gnod par 'gyur ro/ /gad gi tshe skar mda' gza' lag la ltung bar byed pa dang lha lta bu 'byung der gzhon nu 'chi bar 'gyur zhing/ de'i tshe rgyal po la yang gnod par 'gyur ro/ /gang du skar mda' ltung zhing ? mig dmar la gnod pa byed pa de dang de ni dmag dpon gsod par 'gyur zhing/ mtshon dang me'i 'jigs pa yang 'byung bar 'gyur ro/ /gal te sgar mda''bab pa nyi ma'i bu spen pa la gnod pa byed pa der ni sna bo'i gtso bo dang tshogs kyi spyan dag 'chi bar 'gyur ro/ /gang gis skye ba'i rgyu skar la skar mda' lhung la gal te zhi bar 'gyur bar mi byed na pho de 'chi bar 'gyur ro/ /tri shaM ku dang/ b+hi ri shi dang/ sa ga dang/ sa ri dang/ skar ma khyi phri dang/ sbal po dang ri bya dang/ de bzhin du pramta na d+hi da ya dang/ a ru na dang/ shi shu ma ra dang/ sme'u bdun dang/ de bzhin du dgu chigs kyis khebs shing skar mda' lhung ba der shin tu 'jigs pa chen po 'byung bar 'gyur zhing/ dmag mar bos 'khrug pa dang/ mtshan gyi 'tshe ba 'ang rab tu zad par byed bar 'gyur/ de'i tshe yul 'jigs par byed pa'i chom rkun la sogs pa yang 'byung bar 'gyur ro/ /gang du skar mda' rab tu 'bar bas la thur tu thad kar 'jug pa de'i tshe ni dgra dag gis rgyal po gsod par 'gyur zhing yul 'jig par yang 'gyur ro/ /skar mda' rta'i dbyibs lta bu ni rgyal bo'i dmag la gnod par 'gyur ro/ /ral gri dang/ rtse gsum dang/ kha TwAM ga'i dbyibs lta bu ni yul dang rgyal por bcas pa la gnod par 'gyur ro/ /skar mda' chen po gdugs dang/ rgyal mtshan dang/ shing rta'i rnam pa dag rdag tras la lhung ba ni zhag bdun gyis dmag dang rgyal bor bcas pa la gnod par 'gyur ro/ /gang gi tshe ma la skar mda'i char dang/ rdo'i char chen po bab pa de'i tshe ni dmag stong gis khrag pas 'thung bar 'gyur ro/ /gang gi tshe skar mda' me'i kha dog lta bu gnam grum pa dang bcas te sa steng du lhung ba de'i tshe ni dmag gi stong gi khrag pas 'thung bar 'gyur ro/ gang du glang po che dang/ rta dang/ shing rta'i gzugs lta bu'i 'od dang/ ri lta bu'i rnam pa dag thur du lhung ba na yul dang/ rgyal po dang bcas pa la gnod par 'gyur ro/ /gang gi tshe skar mda' dus tshigs sdam dang kun tu phrad pa du ba lta bu sa la thur du lhung ba de'i tshe ni rgyal po gsod bar 'gyur ro/ /dus tshigs kyi phyi ma la brten pa'i skar mda' me lta bu lhung ba'i tshe ni mchod sbyin byed pa rnams 'chi zhing/ de bzhin du mchod sbyin gyi las rnams 'jig par 'gyur ro/ /gang gi tshe skar mda'i skra chen po sa rab tu rgyug cing/ yul yul dang/ grong grong du lhung ba de'i tshe ni/ rtag tu rgyal po 'chi bar 'gyur ro/ /shar gyi phyogs char kun tu 'byung zhing nyi ma'i lam la brten te nub tu kha bltas shing song nas yul ma rtar phyin te/ grum pa ni lo tag rnams smin na yang lo nyes pa dang/ de bzhin du mi ngas byung bar yang 'gyur zhing/ 'jig rten rnams la rang gi mi mthun pa las gyur pa'i dmag kyang 'byung bar bshad do/ /rgyal po rnams dang khyim khol 'byor pa'i mi rnams kyang 'chi bar 'gyur ro/ /'jig rten la gnod pa byed pa nyes pa rnam pa mang po de lta bu dag 'byung bar 'gyur ro/ /gang du me tog kun de dang/ zla ba dngul kyi kha dog lta bu'i skar mda' lhung ba na/ rgyal po rnams rgyal ba dang/ lo legs pa dang/ bde bar byed par smra bar byed do/ /skar mda' chen po kha dog rab tu 'bar ba shin tu snam pa dngul dang shel gyi 'od 'dra ba ni char pa 'bab par smra bar 'gyur te/ 'di la the tshom med do/ /gang ? mda' chen po du ba dang bcas pa gzugs 'dzin par byed pa me stag dang bcas pa sol ba'i mdog lta bu byung ba de ni rgyal po la 'jigs pa chen po 'byung bar 'gyur ro/ /du ba'i mdog lta bu dang/ che ba dang skar ma ltar dag pa dang/ g.yas g.yon du sa? sor 'gro bar gyur ba dang/ bai DUrya'i mdog lta bu dang/ shel gyi mdog lta bu dang/ gser gyi mdog lta bu dang/ dngul lta bu dang/ zla ba'i 'od zer ltar dkar ba dang/ zho'i 'od dang 'dra ba'i skar mnga' de ni lo legs par 'gyur ro/ /rgyal po la rgyal bar 'gyur ba thub par snga ma rnams kyis rab tu bstan to/ /bai DUrya'i mdog lta bur bstan pa ni char pa 'bab pa brjod do/ /shel lta bur gyur na ni lo legs par 'gyur ro// gser gyi mdog lta bur gyur na ni mes 'khrug par 'gyur ro/ /dmar por gyur na ni dmag 'byung bar brjod do/ /'di skad du gang bstan pa ni zla ba gnyis ma lus par de'i rnam par smin par 'gyur bar brjod do/ /skar mda'i ltas kyi le'u ste gsum pa'o/ / //sbrin dang/ glog dang/ 'ja''od kyi ltas gang gi tshe/ sprin gyi gzugs g.yung drung 'khyil ba lta bu dang/ gdugs dang/ lding kha dang/ shing rta brtsegs pa bkra shis pa dang ldan pa'i dbyibs dang / ri lta bu dag ni skye rgu bde bar byed pa'o/ /de bzhin du dbang po'i mtshon cha'i rnam pa lta bu dag dang/ dbyug pa lta bu dag ni bde bar yang mi byed la/ mu ge yang ston par byed do/ /gang gi tshe dbyar gyi dus su sprin mdung thung dang/ gsal shing/ dpa' rlabs lta bu dag dang/ rgyal mtshan dang/ ba dan lta bu dang/ mtshon cha sna tshogs lta bur snang ba de'i tshe dmag khrag gi 'dam rdzab can mi bzad ba 'byung la/ lo tog kyang chud zos par 'gyur zhing/ chom rkun dag kyang 'phel bar 'gyur ro/ /sprin tha dang du chad pa dang/ shing skam lta bu dang/ gtun shing lta bu dang/ mgo thod lta bu'i dbyibs gang yin pa de dag ni mod la 'jigs pa'i dmag 'ong bar 'gyur ro/ /yang sprin? bya sna tshogs lta bu dang/ rnga mo dang/ bur bu lta bu'i sprin gyi tshogs dag nyi ma shar nas nub pa kho na'i tshe nyi ma'i zur nas 'gro bar gyur na de ni skye bo zad par 'gyur ba'i nad dang/ mtshon cha la sogs pa 'byung bar rig par bya'o/ /yang sprin gyi gzugs 'gog pa can lta bur gyur cing rdul gyi tshogs 'dren par byed pa'i rlung drag po dang bcas pa byung ba ni rgyal po dang/ skye bo phal dag 'chi ba dang/ yul 'khor dang dgon pa na gnas pa dag la gnod par bstan to/ /nam mkha' la sprin med par 'brug zer dang/ 'brug zer la chad med pa'i sprin ni gnod pa 'byung ba'i sprin yin no/ /'od glog dang 'ja' rlung gi ltas la gang gi nyi ma'i drung/ lho phyogs ngos nas glog 'byung bar 'gyur la/ de'i dus su rgyal po'i pho brang dang/ rta babs dang/ glang po che dang/ rta'i bres kyi khang steng dang/ rgyal po'i lam dang/ khrom lam gyi bzhi mdo dang/ grong khyer gyi sgo dang/ shing chen po rnams la thog dang/ ser ba 'bab pa 'am/ skar mda' dag kyang lhung bar 'gyur na der lo gcig tshun chad du 'jig rten kun tu zad par 'gyur bar rig par bya zhing/ yul der rgyal po gzhan 'ong bar yang the tshom med do/ /nyi ma la 'byung ba'i glog de nyid rgyal po'i rta babs dang/ pho brang gi sgor bab na rgyal po dang de la brten pa dag 'chi bar 'gyur ro/ /rta bres dang glang po che'i gres su bab na de'i srung ma nges par 'jigs par 'gyur ro/ /? bar 'ban dmag mi'i gtso bo dag 'chi bar 'gyur ro/ /gang gi tshe me'i phyogs nas glog 'od me lta bu 'byung ba ni nang rnams kyis 'khrug pa dang/ rlung drag po gnod pa 'byung ba'i ltas yin no/ /bden bral gyi phyogs nas glog 'byung bar byed pa de'i tshe ni rlung dal dang 'byung bar byed cing nad kyis 'jig rten zang par yang 'gyur ro/ /gang gi tshe nam mkha' i sprin med par phyogs dag tu rtag tu rtag par glog 'byung bar 'gyur ro/ /der ni rgyal po 'chib dang/ yul 'khor du byas pa 'jig par byed pa'o/ /gang gi tshe glog mu tig gi 'bras bu lta bur mdzes shing snum pa'i 'od can sprin gyis dbus na 'dug pa ni bde ba dang/ lo legs par 'gyur bar bstan to/ /'ja' ltas la gang zhig gi tshe gzhan bdag gis grong khyer bskor ba na 'ja' byung bar gyur na/ grong de nyid 'jigs pa chen po nyer bar gnas par rig par bya'o/ /yang gang dag tu dmag gis grong khyer bskor ba na nyi ma'i dkyil 'jas khebs par gyur na de la ser ba 'jigs pa 'byung ba dang/ dmag tshogs de las kyang gtso bo 'chi bar 'gyur bar ston to/ /gang gi tshe dmag gi g.yul shom zhing go cha gyon pa na 'ja' nyi ma'i dkyil 'khor dang mnyam par gyur ba ni de ni phyogs gnyis ka 'chi ba yin no/ /gang dag tu dmag 'gyed ba'i g.yul du zhugs na mdun nam g.yas nas 'ja''byung ba ni de dag gsod par sbron pa min no/ /dbyar ga 'ja''khyims pa mang ba dang/ sa g.yo ba dang/ zla brnyan dag byung ba de'i tshe pha rol gzhan gyis 'jigs pa dag 'byung bar byed pa'o/ /gang dag tu mtshan mo 'ja' nam mkha' la mngon bar byung na de ni dge ba ma yin te/ pha rol gyi dmag tshogs 'ong ba dang/ yul 'khrug cing rgyal po 'chi ba dang/ yang na rgyal po sma dbab pa la sogs pas ston pas na dbang po mchod pa bde legs su 'gyur ba'i cho ga byas nas yul de nas gzhan du 'gro bar bya'o/ /gang gi tshe mtshan mo nam mkha' la 'ja' kha dog dan cing shin tu che la re mo gsum byung ba de'i tshe ni rgyal po'i dkyil 'khor rnams la myur du 'jigs pa 'byung zhing gzhan gyi dmag tshogs dag gis kyang 'chi bar 'gyur bar ston pa'o/ /gang gi tshe 'phral du nye bar sbrul pa'i 'ja' rtags mthong na de'i grong khyer 'jig pa dang/ yul 'khor 'jig par rig par bya'o/ /'od ltas la gang gi tshe nam mkha' la 'ong kyi rnam pa gdugs dang/ rgyal mtshan dang/ shing rta'i rnam pa dag dang/ 'khor lo dang dung la sogs pa bkra shis kyi mtshan mar byas pa dag dang/ 'od ral gri dang pad+ma'i dbyibs kyi rnam par dag pa byung ba ni rgyal po rnam par rgyal bar 'gyur bar bstan to/ /yang gang du 'od kyi rnam pa mgo thod lta bu dang/ dbyug to dang/ gtun shing da /sgrog rus lta bur snang ba dag gis ni rgyal po dang bcas pa'i yul 'jig par bstan to/ /yang gang du 'od kyi rnam pa mgo thod lta bu dang/ dbyug to dang/ nya dang/ rus sbal 'dra ba dang/ de bzhin du sbal pa dang/ nya phyis dang/ chu srin lta bu dag gis kyang 'jigs pa chen po 'byung bar ston to/ /glog sprin dang/ 'ja' glog dang/ 'ja''od la sogs pa'i ltas kyis le'u ste bzhi pa'o// //phyogs cha brgyad po dag nas 'phrug glog la sogs pa 'byung ba'i ltas la shar phyogs la sogs pa phyogs cha brgyad bo dag nas 'brug glog la sogs pa zer ba las/ dge ngan gyi ltas su lta ba ni sos dang po dbyar zla 'bring po nyal dbang po phyogs kyi nas 'brug zer ba thos shing de nyid du rlung byung/ de'i tshe ni chu chen po char ba 'bab par 'gyur zhing lo legs pa dang/ bde ba dang skye rgu gag dang/ rgyal po la nad med par 'gyur bas sngon gyi bstan bcos rig pa rnams kyis brjod pa yin no/ de bzhin du dbyar zla 'bring po zhes kun la sbyar te/ me'i phyogs nas gal te glog 'byung zhing rlung yang 'byung bar gyur na/ de'i tshe me'i 'jigs pa 'byung zhing lo nyes pa dang/ mi ngas dang de bzhin du chom rkun gyi gnod pa dang/ rgyal po la mi dge ba dang/ nad kyis slong ba nyid du 'gyur ro/ /gshin rje'i phyogs su gal te glog dang rlung dang po byung bar gyur na de'i tshe ni rgyal po dang chom rkun gyi gnod pa dang/ me dag dang/ nad dag gis 'jigs pa dang/ mu ge dang/ mi ngas dang/ mi rnams phan tshun gsod pa dang/ 'jig rten la gnod par byed pa spyang gi dang/ stag las gyur ba dag kyang 'byung bar 'gyur ro/ /bden bral gyi phyogs su gang gi tshe glog dang rlung 'byung zhing 'brug sgra yang grag pa de'i tshe/ char pa chen po 'bab par 'gyur zhing/ sprin dag kyang snang la/ 'brug sgra yang drag na dbang pos char nyung du 'bebs par byed cing lo tog 'byung bar mi 'gyur/ byi ba dang bye ba la sogs pa dag kyang kun nas 'bar bar 'gyur ro/ /chu lha'i phyogs su gang gi tshe glog dang rlung 'byung zhing 'brug sgra grag pa de'i tshe ni char pa chen po 'bab par 'gyur zhing/ lo tog thams cad smin pa dang/ lo legs pa dang/ bde ba dang/ skye rgu rnams la nad med pa nyid dang/ de bzhin du chos kyi blo 'byung bar yang 'gyur ro/ /rlung gi phyogs su gang gi tshe glog dang rlung byung chen pos nyams pa'i char mi 'bab pa dang/ lo tog skye bar yang mi 'gyur/ /rlung nad rnams kyang 'byung zhing de bzhin du mig nad kyang 'byung ba dang 'jig rten la gnod par byed pa thams cad 'byung bar 'gyur ro/ /zhes rnam par bshad par ku be ra'i phyogs nas gang gi tshe glog dang rlung byung ba de'i tshe dbang pos zla ba bzhin du rtag tu char 'bebs shing 'bru la sogs pa lo tog phun sum tshogs pa dang/ me tog dang 'bras bu la sogs pa phun sum tshogs pa dang/ rgyal po rang gi chos kho na la gnas shing chos dang ldan pa dang/ skye rgu thams cad chos la dga' zhing phan tshun phan par 'dod pa la dga' rangs pa dang/ ba dang bzhon gyi rnams kyang 'o ma mang bar 'gyur ro/ /dbang ldan gyi phyogs su dbyar zla 'bring po nya ba'i tshe glog dang/ de bzhin du rlung byung bar gyur cing sbrin sgra byung bar yang gyur pa de'i tshe ni chu'i char chen po 'bab par 'gyur ba dang/ bde ba dang nad med pa dang/ lo legs pa dang/ lo tog phun sum tshogs pa dang/ skye rgu rnams nad med cing phan tshun byams pas rnam par 'brel ba can du 'gyur ba dang/ rgyal po rnam par rgyal ba dang/ de bzhin du yams kyi nad thams cad rab tu zhi bar 'gyur zhing/ sa las skyes pa thams cad kyi me tog dang/ 'bras bu la sogs pa yang 'byung bar 'gyur ro/ /dbyar ka 'brug gi sgra grag tu yang 'byung na sgra brnyan gyis nyams pa'i sgra gnam lnga bu dang bcas pa grag pa der ni lus can rnams la shin tu dman par 'gyur bar bstan pa'o/ /sa ka'i dus su phyogs brgyad nas 'brug glog dang rlung la soD pa ldang ba'i ltas kyi le'u pa'o// //bar snang la byung ba'i ltas gang gi tshe skar mda'i char pa 'bab pa dang/ khrag gi char pa dang/ mar dang/ 'bru mar dang/ zhag gi char pa bab na rgyal po dang bcas pa'i grong khyer 'jig par 'gyur ro/ /khyim gang du sol ba'i char pa 'bab cing/ phub ma dang/ sgra dang 'dres pa'i rdul lhung ba dang/ bye ma'i char bab par gyur ba de myur du 'jig par mngon par shes pa dag gis brjod do/ /gang du 'bru mar gyi chag chag dang/ mar gyi thigs pa lhung zhing/ bod ba la sogs pa yi dags kyis byung ba'i nyes pa rnams 'byung bar gyur na yul 'khor dang grong khyer dang khang pa dang/ de bzhin du ba lang rdzi'i gnas der rab tu 'jig par 'gyur ro/ /yang mchod rten dang/ skye shing dang/ sa'i phyogs dag tu khrag gis chag chag dang sha dang rus pa'i dum bu mgo thong dang skra shad la sogs bas mngon du gang bya de dag tu ni nges par nye 'khor gyi skye bo skal pa zang ba'i ltas su bstan pa yin no/ /rdo'i char pa la gang du rdo bim+ba dang/ au dum bar lta bu dang/ ka pi ta'i 'bras bu dag bab pa der ni 'jigs pa chen po 'byung bar ston to/ /rdo 'bras sa lu'i chog ma 'dra ba dang/ bra go'i rus pa lta bu dag ni lo legs pa dang bde bar 'byung bstan to/ /rdo dkar po rgya shug gi 'bras bu lta bu dang/ ra ru ra'i tshig gu lta bu dag bab pa ni skye rgu rnams bde ba'i rgyur 'gyur ro/ /rdo shel dang/ shel rdo lta bu dang/ me tog kun da dang/ 'o ma ltar snum ba dang/ zla ba'i mdog ltar gsal ba dag na mi rnams bde bar byed ba'o/ /gang gi cha ? ba 'tshub ma dang/ kha chol dang bcas pa dang/ me lta bu dag dang/ rdul dang bcas pa dang/ sa ga bar yang gyur ba der ni rgyal po kun 'khor dang bcas te 'jig par ston to/ /yang bar snang la ser ba bab nas rdo dang mtshon cha lta bu'i rnam pa dag 'byung bar 'gyur na de ni skye bo la ring bo mi thogs par 'jigs pa 'byung bar bstan to/ /gal te ser ba drag tu chu'i nang du bab ba las ni bde ba dang/ lo legs pa dang/ rgyal po rnams rnam par rgyal bar 'gyur te/ 'bras bu zla ba drug na ston par brjod do/ /yang gang gi tshe dbyar ka phyogs rab tu tsha bar gyur la gnam phrum bar gyur na rgyal po dang bcas pa'i skye bo myur du gsang bar byed do/ /nyan par rtag tus phyogs dag tu gnam grum pa'i sgra byung ba der yang yul 'jig pa'i rtags yin te/ rgyal po yang 'chi bar ston pa'o/ /gang lho phyogs su gnam grum sprin dang sgra snyan pa 'byung zhing/ rlung rtsub ba dag langs par gyur pa de ni skye dgu rnams bde bar mi 'gyur bar ston pa'o/ /yangs g.yo ba gnam grum dang bcas par 'byung ba de'i che ni nges par rgyal po 'chi bar 'gyur ro/ /yang sa g.yo ba dang/ gnam grum pa lhan cig tu byung ba'am/ yang skar mnga' chen po phyogs gang dag tu 'gro ba'i phyogs der/ nad dang mu ge las gyur ba nyam thag dang bcas pa'i 'chi ba rgyug par ston pa'o/ /gang du me dang/ khug rna dang/ sprin gyi gnod pa rnams med par rdul gyi khrim gnyer dag gis/ nam mkha' kun tu khebs shing/ nyi ma'i 'od zer yang zil gyis gnon bar byed ba de'i tshen rgyal po rnams nges par 'chi bar 'gyur ba yin no/ /gang du nyin cig bzhin du tshub mas kun tu slang ba'i rdul reng bus nam mkha' dang phyogs thams cad kun tu khebs par gyur pas ni rgyal po 'chi bar 'gyur zhing/ /skye bo rnams kyang 'chi bar 'gyur ro/ /bar snang las sgra chen po 'byung dam sa phyogs 'byung yang rung ste/ gang dag mi snyan pa dang/ mi mthun pa dag gi sgra byung ba de ni phan tshun gsod pa dang/ 'thab ba dang/ mi mthun par gyur ba dag gi rgyur bstan to/ /gang gi cho gzugs mi snang bar srog chags rnam pa tha dad pa'i skra byung na/ sdug bsngal bar drag pa de'i tshe/ rang gi yul 'khor du byas ba'i rgyal po 'chi bar 'gyur /nad dang mu ge dang/ gnod par yang 'gyur zhing/ 'jig rten yang zad par 'gyur de rgyal srid ngan pas kyang brlag pa dang/ bu smad dang yang bral bar 'gyur ro/ /bar snang las byung ba'i ltas kyi le'u ste drug pa'o// //phyi rol 'byung ba chen po'i ltas la gang gi cho shing ljon pa dang/ gel ba dag las dus dang mi ldan bar 'bras bu byung na rgyal po'i yul phyogs su gtogs pa gsod bar 'gyur ro/ /yang gang gi tshe mchod sbyin gyi shing dang/ lha rten byas pa dang/ dag dang bzugs? la sogs ba shing skam po dag las lam skye bar brtsol ba ni rgyal po 'chi ba'i ltas dang/ de bzhin du skye bo? dag 'khrug pa'i ltas su bstan to/ /yang yul dang/ grong dang/ grong khyer gang dag tu shing dang/ shing ljon bdag las me tog dang 'bras bu phyin ci log tu skyes par gyur na de ni bdag po 'chi ba'i rtags yin no/ /gang gi tshe snga dre 'dus su shing dang/ mi'i grib mar shar phyogs su gnas par gyur pa dang/ phyi dro yang mi dang shing gi grib ma nub phyogs su gnas par gyur na rgyal bo 'chi bar 'gyur ro/ /chu zab mo dang khron ba dang/ rdzing dang mtsho la sogs par srog chags chu na rgyu ba rnams gang du bskams pa der ni ring po mi thogs par skye bo 'jigs par 'gyur zhes bstan to/ /rlung med par glo bur du khron pa dang rdzing rnams kyi chu dag kun 'khrug par 'byung ba gang yin pa der ni rgyal po dang/ yul dang yul 'khor la mi dge bar bstan to/ /gang du rlung med par glo bur du grong gi nye 'khor du 'jug ba'i shing ljon pa a shwadtha dang/ ba? ta la sogs pa rtsa ba zug brtsab nas 'gyel bar gyur na bgrong de 'jig par 'gyur ro/ /yang rlung ma langs par yang thog lhung ba dang/ lus mi snang bar tshig mi snyan pa zer pa dang/ sha za mo'i las 'byung ba ni 'phral du rgyal po la 'jigs pa 'ong bar bstan to/ /gal te glo bur du gdugs kyi shing dang/ khri dang khri'u dang/ khang ba'i srog rten gyi shing dang/ de lta bu'i rnam pa dag gi shing rdo chag grums su gyur ba dag ni de dag gi bdag la 'chi bar ston to/ /yang nges par rgyal po 'chi bar 'gyur ba'i tshe ni rlung dri da ba dang/ zas bsungs ba lta bu'i dri dang/ khyi dang/ bya dang/ phyi la dang/ gong bu la sogs pa'i dri dang/ de bzhin du bye ma blta bu'i dri 'byung bar 'gyur ro/ /yang rgyal par chi ba'i cho ni rgyal mchan gyi rtse mo dang/ rta babs dang/ sgo gang dag tu ser ba 'bab cing me mos bar yang me mda' lhung bar 'gyur ro/ /rtsed mo dang rol mo'i sgra mi snyan pa dang mtshon rnam pa sna tshogs mi mdzes bar gyur ba ni yul 'khor dag tu 'jigs pa 'byung ba'i ltas yin no/ /gang du mtshon rnams 'gul ba dang/ ral gri shubs dang bral bar gyur pa dang gzhu ma bdungs par gyur na de ni nges par dmag mi bzad par 'gyur bar ston to/ /gang gi tshe phyogs thams cad du nyin mo 'am/ mtshan mo yang rung ste/ nags kyi me snang bar gyur ba de ni lo nyes pa dang/ skye bo nyes bar 'gyur ro/ /nyin mo 'am yang na mtshan mo yang rung ste nam mkha' sprin gyis kun tu khabs ba na phyogs tsha bar gyur ba de'i tshe ni rgyal po gsod par 'gyur ro/ /gal te dgun ni dro bar gyur la spyid ni drang bar gyur na lus can rnams kyis nyes pa dang 'chi bar 'gyur ro/ /dbang pos kyang char nyung du 'bebs pa dang/ dus 'chol bar yang 'gyur/ 'jigs bar byed ba'i chos rkun rnams kyis kyang lo tog chung gson par 'gyur ro/ /phyi rol 'byung ba chen po dag gi ltas kyi le'u ste bdun ba'o// //srog chags kyi tshig tu smra ba med pa kun gyi ltas la khyi rnams 'dus te kha gyen du bltas nas yang dang yang du ngu bar byed pa de ni yul 'pho bar byed par 'gyur ro/ /yang nyi ma 'char ba 'am nub pa kho na'i tshe khyi dag phyi rol tu kha gyen du bltas te du bar byed na yul rnams 'jig pa'i rgyu yin no/ /yang lha khang dang/ lam po che dang/ rgyal po'i lam dang/ lam gyi bzhi mdor khyi kha gyen du bltas te du bar byed na/ de chom rku? dang/ me'i 'jigs ba 'ong bar ston pa yin no/ /yang khyi dang bya rog rgyal ba'i lam dang lam gyi bzhi mdor ma dus gcig tu 'dus nas gal te sgra chen po 'byin par byed ba dang/ ci dgar 'gro bar byed pa ni pha rol gyi dmag tshogs 'ong ba yin no//gang gi tshe bya dog dang/ bud ba dang/ spang bu rnams ra ba grong khyer gyi sbo dang tha dang/ lam ? bzhi mdor sbrang rtsi tshang du byed bar gyur na glo bur gyi 'jigs pa dang/ rgyal po'i 'jigs pa 'byung bar rig par bya'o/ /de bzhin du dang ra dang khyams kyi mdun dag tu yang de lta bur snang nang bzhin du 'jiD pa 'byung bar rig par bya'o/ /de la glo bur gyi 'jigs ba 'ong zhes bya ba ni pha rol gyi dmag tshogs 'ong ba dang/ me dang chom rkun gyi 'jigs pa dag 'byung bar ston pa yin no/ /yang gang du sreg chags phra mo dag la la rab dang/ grong khyer gyi sgo dang/ yang thog dang/ sgo gang la 'phyang mo nyug cing 'dzeg par snang ba der ni pha rol gyi dmag tshogs kyis ring po mi thogs par grong khyer myur du 'jig par 'gyur ro/ /gang gi tshe khyi dang/ kha dang/ byi la la sogs pa dang/ bya sna tshogs dag dus mtshungs med par 'khrig pa dang ldan ba'i tshe ni rgyal po dang yul rtag tu 'jig par bstan pa yin no/ /de bzhin du mi dang/ rta dang rnga bong dang/ bong bu'i rigs dang/ ba lang mo dang/ bya dang/ ri dags rnams dang/ khyi dang khyi ba dang/ sprul dag dang/ srog chags phra mo gzhan dag gi yang mngal phyin ci log tu gyur ba de ni yul rnams 'khrug pa dang/ rgyal po yang 'chi bar 'gyur ro/ /yang gang du bya dang/ ri dags kyi rigs rnams dang/ khung na nyal ba rams log par 'khrig ba dang ldan par smra ba de ni rgyal po 'chi bar 'gyur ro/ /bya rog gi gshog pa dkar por mthong na mi dge ba yin te/ yul de nas 'gro bar byed do/ /de bzhin du bya rgod la sogs pa'i gshog pa lhung bar mthong ba dang/ lba? ngal mi sos par brgyal bar byed ba de ni yul gyi bdag po rgyal po dag 'chi ba'i ltas su bstan to/ /yang gang gi tshe grong khyer du ? tshogs 'dus nas grong khyer gyi phyi rol tu 'dod pa de ni nges par grong khyer gyi skye bo med par 'gyur ro/ /wa shing steng du 'dug gam/ ra ba dang sgo khang dang/ khyim du 'dug ste sgra chen po 'byin cing shin tu 'jigs bar sbron pa dang/ wa nyi ma la kha bltas te rings thabs su 'dug nas skad grag tu 'byin pa de ni dmag 'byung bar bshad par bya'o/ /shing mthon po 'am khang steng mthon po 'am/ mdzod mang por 'dug ste/ kha nyi ma la bltas nas wa ? drag tu 'byin ba ni mi las gyur ba dang/ rgyal po las gyur ba'i nyes pa 'byung bar byed do/ /khwa 'dus bas sal mchu btsugs te cang mi ? bar skad cig 'dug nas 'dus te gang gi tshe nam mkha' la 'phur pa de'i tshe dmag gis 'tsho ba rnams la shin tu khrag 'byung bar 'gyur ro/ /khwa khwa 'thabs shing skad 'byin pa'i tshogs rtag tu 'brel ba gang yin pa de ni gal te khyim ma ma/ grong khyer ram/ yul 'khor dang/ yul dang ba lang rdzi'o gnas 'jig par 'gyur ba brjod par bya'o/ /khwa sa la mchu'i rtse mo btab ste/ skad mi bzang pa mi gsal ba'ang 'byin pa de rin de'i tshe shin tu 'jigs pa chen po 'byung bar bstan to// shar ba'i bya'i mchu'i rtsemo las gang du sha lhud der/ ni glo bur dang rgyal po las gyur ba'i 'jigs pa chen po 'od bar bstan to/ /gang du ri dwags kha nyi ma la gyin du/ ltas te/ mi dga' zhing mthong bar byed na yul gyi skyo bo sgrungs su zin kyang sems can gzhan dag gis 'jigs par gyur pa der ni rgyal po la brnyas pa mthong bar 'gyur ro/ /gang ru wa nyin bar nyi ma blta zhing yang dang yang du skad drag po 'byin pa dang/ mtshan mo gza' rnams la lta bar byed cing/ brgyal ba'i tsho ni nges par rgyal bo 'chi bar 'gyur ro/ /bya rkod dang bya glags dang/ chu nas skyes ba'i bya dang/ khwa dang/ thi ba dang/ zas su sha za ba gzhan dag rgyal mtshan gyi rtse ma dag dang khang steng du 'dug pa ni tshe zad bar 'gyur bar mngon par shes pa dag gis rab tu brjod do/ /gal te nyi ma phyed ba'i glang po che dang/ ba lang gi gnas rta'i bres su 'ug pa snang la phyugs dag la yang bzhon bar gyur ba ni nges par rgyal pos 'jigs pa 'byung bar bstan to/ /yang gang gi tshe glang po cha'i lag pa'i rtsemos khrag skyug par byed pa dang/ glang bo che mchog gi mche ba chag pa dang/ rta rnams kha ngal bar gyur pa ni rgyal po 'jigs pa 'byung ba'i rgyur bstan to/ /gang du pad+ma'i 'dab ma bting ba dag tu bya rog rnams rtse bar byed cing/ thad la yang bya ka lan ta dang/ ngang pa'i chags dag rtsa bar byed na khyim ma ma grong khyer de 'jig bar 'gyur ro/ /srog chags tshig tu smra ba med pa rnams kyi ltas kyi le'u ste brgyad pa'o// //char ltas la sprin gyi gzugs ri'i rnam pa lta bu dag dang/ phag dang/ chu srin lta bu dag dang/ sbal ba dang/ glang po che'i gzugs lta bu dag dang/ ril ba dang/ bum pa lta bu dag dang/ seng ge dang stag dang glang po che'i bzhin du lha'i sbyin dag gis khebs ba'i nyi ma ni mod la char ba 'bab bar brjod par bya'o/ /ldong ros kyi mdag lta bu dang/ de bzhin du mtshal lta bu dang/ ne tso ltar snang ba'i mdog dang/ nya ba'i sprin dag gis char ba 'bebs par yang bdag par bstan par bya'o/ /pad+ma'i 'dab ma lta bu dang/ de bzhin du rdo spungs ba lta bu'i sprin gyis nyi ma dang zla ba'i gzug khabs bar gyur ba de ni/ de'i tshe phyogs su 'od chen po 'byung bar 'gyur ba'i char pa 'bab par bstan par bya'o/ /gang gi tshe nam mkha' yan lag thams cad sprin gyi thabs bor ? nas gdugs lta bu'i glog 'byung bar byed/ 'brug sgra ring du 'dod dga' 'byung ba de'i tshe ni sa chus shin tu gang bar 'gyur ro/ /yang gang gi tshe sprin ai sha ni'i phyogs dang/ shar dang byang gi phyogs nas byung ste/ ring zhig brtan pa'i sgras 'brug zer ba de'i che yang gcig tu sa chu dang ldan par 'gyur ro/ /yang zla ba yar gyi ngo dang mar gyi ngo yan rung ste gza' thams cad 'byung zhing 'du ba'i sprin de dag ni char 'bab par byed de/ 'di ni sngon gyi lud shes pa dag gis bstan pa yin no/ /gang gi tshe dgun zla 'bring por gyur ba na srin 'dus par ? zhing/ rlung snam pa'i sprin rum nas 'byung ba dag ldang ba de'i tshe ni zla ba drug bar gyur nas dbang pos char pa 'babs par 'gyur ro/ /dgun zla tha chung la sprin brtsegs pa'i sprin rum 'dus pa glog dang bcas pa ni dbyar zla 'bring por yang dag par gyur nas chu mang du rnam par gtod bar 'gyur ro/ /sbyid zla rab la sprin du ma du gyur pas ni dbyar zla tha chung la char pa 'bab par bstan par bya'o/ /gang gi tsha dgun zla tha chung dang bspyid zla 'bring po rnams 'jigs par byed pa ni de'i tshe zla ba drug drug cing de'i tshe char pa mi 'bab par brjod par bya'o/ /gang gi tshe dgun zla tha chung dang/ spyid zla 'bring po rnams la sprin rum can dag tu chu gtong bar mi byed pa de ni dbyar ka char ba de 'bab bar 'gyur ro/ /gang gi tshe byang phyogs dang/ byang shar dang de bzhin du shar dang/ nub dag nas glog 'byung ba ni char pa 'bab par ston pa'o/ /yang phyogs thams cad nas glog kun tu 'byung bar 'gyur ba de'i tsha ni nam mkha' khebs ba'i char ba 'bab par ston pa yin no/ /gang gi tshe glog gi 'od dmar zhing mdza' sngo bar snang ba de'i che ni me'i phyogs nas char ba cung zad 'bab par 'gyur ro/ /gang gi tshe nub phyogs kyi char gyi sprin gyi dbus nas 'ja' snum? pa/ nor bu bai DUrya'i 'od lta bu byung bar gyur cing glog 'gyur ba'i yal ga dang/ rang gi phyogs nas rlung gis bskyod par gyur pa de'i che? ni zhag bdun bdun du char pa 'bab par rig par bya'o/ /gang gi tshe shar ram byed las khab 'bab cing rlung 'byung ba/ phyogs dung kha dang sde bsdongs su byed pa de'i tshe ni chu cher 'bab bar 'gyur ro/ /gang gi che nyi ma shar ba 'am dus chigs kyi chags pa 'byung bar char ba'i thigs ba 'bab pa de'i tshe ni nges par char chen po 'bab par 'gyur ro/ /gal te yang nyi ma shar ba'i tshe sbal pas skad ngan cing snyan pa byung ba de'i tshe char mo che 'bab par 'gyur ro/ /mi gzhan zhig lag na gdugs thogs nas char pa'i mtshan ma bris sam khyim 'gengs bzhin du dris nas de'i tshe rtag tu char 'bab par 'gyur ro/ gos gsher bas kyang dris na char ba rgyu yin te/ de la mod kho nar char du 'bab par 'gyur ba the tshom med do/ /chu'i phyogs su 'dug nas dris kyang rung ste/ char pa 'bab par blta bar bya'o/ /byi la dang/ sre mong dang/ sprul rnams dang/ gang yang gzhan dag tu gnad du gnam pa dag las te mi mthun par rgyug par byed na/ mod la char pa 'bab par ston pa yin no/ byis pa lus 'drim pas byugs pa dang/ mgo me n+tog phreng bas dkris pa gang na 'dug pa der ni 'phral du char pa mngon par 'bab bar byed do/ /lus rdul gyis byugs pa'i byis pa dag rdul gyis rtse bar byed pa dang/ yur ba 'gengs par byed na/ 'phral du char ba 'bab pa'i rgyu yin te/ char pa 'bab pa'i mtshan nyid la mkhas pa rnams kyis de ni 'phral du char pa 'ba' bar bshad pa yin no/ /gang gi che sbrin kyang med/ kha ba yang med par rlung shin tu bsil ba dag 'byung zhing/ lus can brang bar byed pa ni der 'phral du nges par char pa 'bebs par byed pa'i/ /chu nas skyes pa'i bya shing gi yal ga la zhon pa dag nyi mas 'dab ma skam bar byed pa ni char pa 'bab par yang ston pa yin no/ /gang gi tshe shing la gnas pa'i bya 'dab ma skems par byed pa de ni char ba 'bab par byed pa'i rgyu yin par bstan bcos mkhas pa rnams kyis bstan bcos las brjod pa yin no/ /grong gi bye'u khrus byed 'dab ma sprug par byed pa gang yin pa de ni char 'bab pa'i yang dag pa'i shes pa rnams kyis char pa'i rgyu yin bar brjod pa yin no/ /char ltas kyi le'u ste dgu ba'o// // dus tshigs kyi 'od chags pa'i ltas la bram ze rigs ba can gyis dus tshogs kyi 'od chags pa bsgrims te btags nas dus bstan par bya ste / gang gi tshe nang nub tu dus tshigs mdog snum zhing ldong res lta bu'i 'od dam pI bla'i 'od lta bur mthong nas zhag gsum gyi bar du char pa 'bab par ltas shes pa dag gis brjod pa yin no/ /dus tshigs kyi kha dog dud dang/ gur gum dang/ ba lang gi gcin lta bu'i 'od byung ba de dag ni 'phral du char pa 'bab pa'i rgyu yin no/ /dbyar ka dus tshigs gnyi gar yang kha dog snum pa dang/ gur gum lta bu dang/ gnag pa dang/ rang bzhin gyi mtshal gyi 'od lta bu 'byung ba dang/ kha dog khrag gi 'od dang mtshungs ba'i 'od dang/ de bzhin du rgya skyegs kyi khu ba lta bu dang/ de bzhin du zangs ltar dmar bdag gis ni dus tshigs 'jigs par byed par 'gyur ro/ /dus tshigs kha dog rtsub pa dag tu dgag dang mtshan gyis 'debs pa dang/ khrag gi chag chag btab pa'i sa rnams 'byung ba ni shin tu 'jigs bar byed par 'gyur ro dus tshigs chags pa shin tu dmar ba ni nyin gsum du char pa 'bum par bstan to/ /yang na mtshon gyis 'debs pa mtshon gyis 'tsho ba'i skye ba thad bar yang 'gyur ro/ /gang du dus tshigs gnyi gang phyogs su rdo ba'i char pa 'bab pa ni /mkhris ba'i nad la sogs pas lus can 'chi bar 'gyur ro/ /gal te dus tshigs kyi tshigs pa yang dang yang du byis pa ngag dmag 'gyed ba na/ rnam par skrag par 'gyur zhing rab tu rgyug par byed pa der ni yul 'khor 'jig par byad do/ /dus tshigs rang bzhin dang ldan pa'i nyi zla gnyis lhan cig tu 'byung zhing/ /kha? dog gi 'dod? mar ba dang/ rtsub pa ma yin pa ni lo legs pa dang bde ba'i rgyu yin no/ /dus tshigs gnyi ga 'od shin tu gnag cing kun? pa dang 'dra pas snang na de'i tshe dmag dpon rnams 'khrug pa dang/ gsod par yang bstan par bya'o/ /gang du du tshiD kyi rang bzhin grang ba dang/ dro ba dang/ 'jam pa dang/ rtsub pa rnams ni phyin ci log tu gyur ba der ni nad dang/ 'chi ba dang/ rgyal po'i 'jigs pa 'byung ba'am/ yang na nges par bdag po 'chi bar bstan pa yin no/ /de'i nyen kor du chom rkun dang/ sbrul dang srin po rnams kyi dbang du yang 'gyur ro/ /dus tshigs kyi 'od chags pa'i le'u ste bcu pa'o// // dri za'i grong khyer gyi bltas la/ gal te shar phyogs su dri za'i grong khyer byung bar gyur na nub phyogs na 'dug pa'i rgyal po la na mchog tu 'jigs pa 'byung bar bstan pa yin no /gang gi tshe nub phyogs su dri za'i gong khyer snang bar byung na/ de'i tshe na shar phyogs na gnas pa rnams la 'jigs pa chen po 'byung bar brjod par bya'o/ /gang gi tshe byang phyogs su dri za'i grong khyer snang bar gyur na de'i tshe lho phyogs na gnas pa'i rgyal po rnams la 'jigs pa 'byung ngo/ /gang gi tshe lho phyogs su dri za'i grong khyer snang bar gyur na byang phyogs na gnas pa rnams la 'jigs pa 'byung bar brjod pa yin no/ /dri za'i grong khyer chags pa'i le'u ste bcu gcig pa'o// //gal te gang du 'jig rten pa'i lha'i gar gas gar byed pa dang/ rab tu g.yo bar gyur pa dang/ sma bar gyur pa dang/ mig 'chims gang ba dang/ rdul bar gyur pa dang/ gas par gyur pa dang/ dum bur gyur pa dang/ thams cad du zhig par gyur pa la sogs pas ni 'jigs pa rnam pa du ma 'byung bar rig par bya'o/ /de yang gar gyis ni dmag mang po 'byung ngo/ /rab tu g.yo bas zla ba bzhin dmag 'byung ba dang/ zla ba drug gis rgyal po kun tu zad par 'gyur ba dang/ ring po mi thogs par yul 'jigs par 'gyur ro/ /gom pa 'dor bas ni yul por te dong bar 'gyur/ glu len pas ni yul 'khor 'jigs par 'gyur / dum bu las lhung na lus can rnams 'chi bar 'gyur ro/ /rlung la sogs pas phul ba dang/ 'dod pa med par lha'i gzugs kyi mgo dag las me tog gi phreng ba legs par bzhag pa lhung bar gyur pa ni rgyal po dang yul 'khor du bcas te 'chi bar 'gyur ro/ /yang gang du rgyal po rtag tu phan tshun 'khyam par byed pa dang/ 'jigs pa med pa yang 'jigs pas skrag pa dang/ rdeg 'chos pa dang/ rab tu gyur ba dang/ yid mi dga' zhing du bar 'gyur pa dang/ gzugs mi snang bar srog chaD rnam pa tha dad pa dag gi sgra shin tu sdug bsngal bdag thos par byung pa de'i tshe na rang gi yul 'khor dang yul du bcas te rgyal po 'chi bar 'gyur la/ yul 'khor de'i skye bo yang mu ge dang gnod pa dag gis gzir ba dang/ bu smad dang yang bral bar 'gyur ba ston pa yin no/ /gang ? stan pa med par byis pa glu dang spel te/ tshig gi glu len par byed cing/ mi mthun pa'i don brjod pa der ni rgyal po 'chi bar rjod par byed do/ /lha rten dang gzugs 'gyur ba'i ltas kyi la'u ste bcu gnyis pa'o/ / //lam du 'jug pa'i ltas la gang gi tshe rgyal po dang/ blon po dang/ bram za dag lam du 'jug cing 'phags pa na gnam grum pa dang bcas pa'i skar mda''byung ba dang/ ser ba 'bab pa ni de dag mi mthun par brjod pa yin te/ de dag dgos pa yang dag par mi 'grub pa tsam du ma zad kyi lus 'jig par 'gyur ro/ /gang gis dus su nyi ma 'char ba'i ches phyogs dag kun tu 'gro ba na bya rog dang/ dang pa dang/ bya ka lan da ka dang/ khrung khrung dag snang ba der ni dge bar blta'o/ /sprin dang/ 'ja' dang/ de bzhin du glog 'gyur ba dang/ chu sbyin par byed pa'i 'brug mi gsal ba 'byin pa dag ni 'jigs pa gdon par rig par byed pa yin no/ /lam du 'jug pa'i ltas kyi le'u ste bcu gsum pa'o/ / //gong du ltas sna tshogs bstan pa de dag gi 'bras bu 'byung ba'i dus kyi tshad bstan pa gza' skar dag la mig dmar gyi ltas byung ba ni zhag bdun nas 'bras bu 'byung ngo/ /de bzhin du gza' lhag ni zhag bcu tshun chad kyis so/ /phur bu ni lo gcig rnam par smin par 'gyur ro/ /pa wa sangs ni zla ba drug tshun chad kyis smin par 'gyur bar bstan par bya'o/ /gnam grum pa dang sa g.yo ba ni zla ba brgyad du brjod do/ /grong khyer dang / mchod rten dang/ shing dang 'brel ba ni zla ba gcig kho nas smin par 'gyur ro/ /rdo gzeg ma'i char pa 'bab pa dang/ de bzhin sprin sgra 'byung ba dang/ gza' rnams 'khyims pa ni zhag gsum tshun chad kyis smin par bya'o/ /nyi zla'i yang 'phral du 'bras bur 'gyur bar bstan par bya'o/ /'ja' zug pa ni zla ba bcu gnyis su rtog go/ ser ba bab pa las ni zla ba phyed dang gnyis kyis 'bras bur 'gyur ro/ /me med par me 'bar ba lta bur snang pa ni 'bras bu 'phral du 'byung bar mkhas ba dag gis bshad do/ /de bzhin du dbyig 'gyur ba dang/ mngal dag phyin ci log pa dang/ dus ma yin par lo tog 'bras bu chags pa thams cad kyi yang zla ba drug par brjod do/ /sprin med pa'i sgra dag zer ba ni zla ba cig gis so/ /'dza'i ltas lta bu'i zhag gsum tshun chad kyis 'byung ngo/ /zla ba'i dkyil 'khor sngon por gyur pa ni zhag bdun tshun chad kyis 'bras bu 'byung ngo/ /grong dang grong khyer dag dang/ de bzhin du glang po che dang/ rta dang/ ba lang dang/ glang po che la sogs pa'i ltas 'byung ba ni 'bral du 'bras bu 'byung zhes bya'o/ /de bzhin du sngon ma byung ba las glo bur du byung ba rnams dang/ 'jigs su rung ba'i sgra byung ba rnams kyi yang 'bras bu 'phral du 'byung bar brjod do/ /gdugs dang/ rgyal mtshan 'gyel ba dang/ gzhi dang rta babs dang/ khang pa rdeb pa dang/ mjug rings 'char ba'i ni zla ba cig gi 'bras bu 'byung ngo/ /mi rgod dang/ skyin gor dang/ sbrang rtsi'i sbrang bu rnams ni zhag bcu tshun tshar kyis so/ /stag dang/ byi la dang/ wa dang se mo dang/ bya rnams dang/ bar snang las sna sgra byung ba rnams kyi ni 'bras bu 'phral du 'byung ngo/ /yang bya dang grog sbur? dang/ phye ma leb rnams kyi ni zhag bcu tshun chad kyis so/ /yang byi ba dang/ sbrul dang/ de bzhin du sbrang bu mang po'i ltas bstan pa las ni zla ba gcig tu shes par bya'o/ /ri dags kyi rigs rnams dang/ bya dag gi skad byung pa'i ni zla ba gsum gyi 'bras bu 'byin to/ /dus tshigs kyi mtshan mo rnams ni zhag bdun tshun chad kyis so/ /dri za'i grong khyer chags pa ni zla ba gsum gyi 'bras bu 'byung bar bshad do/ /ltas sna tshogs bstan pa'i 'bras bu bstan pa'i le'u ste bcu bzhi pa'o// //gnod pa'i ltas ngan rnams kyi rgyu bstan pa dang/ de dag gi ngo lan gyi cho ga bstan pa yong gis srid pa mi srid pa phyin ci log tu snang ba gang yin pa de dag ni phal cher mi dag pa'i 'bras bu dbus su 'byin par rig par bya'o/ /de ci'i phyir zhe na/ de dag gi rgyu ni 'di ltar nye bar spyod pa mang po la sogs shing bsags pa las 'byung ba'i phyir te/ de dag yang kha cig las ngan pa'i dbang gis yul log par snang bar grub pa yang yod kha cig mi ma yin pa dag gis spran pa'i ched du bstan pa dag yod pas na gang dag mi ston pa ltar snang ba de dag kyang/ 'dir thub pa la'i? mig can de dag gis bstan pa bzhin nges par can du gzung bar bya'/ /gang dag kha cig tu dngos po mi srid pa lta bu zhig tu/ brgya la snang na/ der yon tan zhig na dge zhing bzang ba dang/ phyin ci log gcig na'ang mi dge ba'i don du rig par bya'o/ /de ltar mi dge bar gyur ba'i mtshan ma de dag ni gnyen po so sor brten pa dag gis zlog par 'gyur srid de/ da dag kyang gang zhe na/ bsod nams las rab tu gnas pa'i sems dang ldan pa rnams dang/ rnam par dag pa la brten pa dag dang/ sbyin sreg dang/ bzlas brjod la brtson par bya ba dang/ ser sna bcom pa dang/ lha dang bram ze dag la mchod pa dang/ zhi ba dang rgyas pa'i bzlas brjod dang/ sbyin sreg gi cho ga bya ba dang/ bsam pa dri ma mang pas nor rab tu sbyin pa dag gis mi tshugs shing rnam par 'jig par byed do/ /gal te gnyen po byed pa'i stobs dag gis kun tu zlogs par gyur na yang rgyal po 'chi pa las rab tu bcad de tshe nur/ grong dang/ grong khyer dang/ yul 'khor de dag rgyug cing rnam par 'jig pa yang yun ring du gnas pa tsam du 'gyur bar bstan to/ /thub pa'i tshogs mchog garga la/ ba ra dwa ce gau ta mas/ lha yul bar snang sa zla dang/ gza' skar srog chags rnams kyi ltas/ /sa bdag mi yi rgyal po dang/ grong dang yul 'khor gnas pa la/ gnod par gyur pa'i ltas byung la/ /cho ga gang dang gang dag gis/ /zhu bar 'gyur ba zhus pa las/ /thub pa ga rgas lung bstan pa/ /phan par 'gyur ba'i cho ga gang/ /gau ta mas ni nyan par gyis/ /dang po sbyin pa btang bya ste/ /lha dang bram ze mchog mchod na/ /sbyin sreg bzlas brjod mchod sbyin gyis/ /gtod pa'i do long bya bar bstan/ /de la thog mar ba lang dang/ /dbyig dang gos la sogs pa dag /bram ze rnams la sbyin byin nas/ /so so khyim du rgyal po la/ /gtso bo dag la ci rigs pa dang? dbang sgyur ba ni legs par bya/ /mdun na 'don zhing mnyam bzhag pas/ /zhag bdun smyung ba byas gyur pas/ /lha la gtor ma rab phul te/ au dum+ba ra'i yam shing bsreg/ shing mar la btags pa brgya rtsa brgyad nang par nad par zhing sngags rigs pas sbyin sreg bya'o/ /yang na bram ze gcang ma zas su mar za zhing bza' ba dang bcas pa spangs te/ zhag gsum snyung ba byas pa'i sngags mkhan gyis rig sngags tra ta ri zhes bya ba 'dis a pa marga'i? yam shing bsregs shing mar la btags pa brgya rtsa brgyad sbyin sreg bya'o/ yang rgyal po'i pho brang ngam/ grong khyer ram yul gyi phyir rgyal bo'i mdun na 'don gyis lha la zhag bdun du gtor ma phul la/ mar bre do 'am/ yang na mar bre gang mar la btags pa'i nas bre'u chung gnyis kho nas sbyin sreg bya'o/ /de ltar sbyin sreg gi cho ga zin nas bram ze rnams brgya'am/ de las lhag pa dag la 'o thug slud pa'am/ yang na zhag bdun du chos ston bya'o/ /de'i 'og tu bram ze dag la yon sbyin pa ni gser dang/ dngul dang/ rta dang/ glang dang/ gos rnam pa sna tshogs dag sbyin par bya'o/ /yang na bram ze rnams la glang gcig dang bcu sbyin pa ste/ cho ga 'di ltar byas na ltas las 'byung ba'i gnod pa thams cad zhi zhing zlog par 'gyur ro/ /ltas las gnod par 'gyur ba'i do lon gyi cho ga bstan pa'i le'u ste bco lnga pa'o/ / //thub pa chen po drang srong skar ma'i ltas kyi gtsug lag rma bya las ltas sna tshogs bstan pa zhes bya ba'i ltas ji snyed pa rdzogs so// //Arya bya ka ra Na'i nang nas 'byung ba/ gza' dang rgyu skar gyis rang bzhin bshad ba rgyu skar nyi shu rtsa brgyad ni 'di lta ste/

CLOSE WINDOW