བོད་ཡིག

e-texts based on the ACIP/ALL Input

/ //slob dpon klu sgrub kyis bshad pa sman a ba'i cho ga/ sman a ba 'di ni lus kyi rus pa chag pa dang/ rkang lag gi rus pa chag pa dang/ 'phres pa dang/ kha bye ba dang/ tshigs 'bur ba dang/ smad te rma chen po byung ba dang/ rlung dang/ bad kan dang/ mkhris pa dang/ dreg nad dang/ da rgan dang/ ro smad man chad 'jas pa dang/ na ste mi bden yang nad kyi ngos ma zin te cin gtol med pa dang/ mi gnad sna tshogs pa dang/ rgas sra bar bya ba dang/ ro tsa par bya ba la sogs pa'i dpyad/ lta chen po gu lam gis gu lam gi btsun mo zhes bshad de/ a ba yin no/ /a ba gtang ba'i chos grangs 'dam pa ni/ tshes bdun dang/ brgyad dang/ bcu gsum la bzang ngo/ /skar ma 'dam pa ni ba ru Na'i dus la bab pa'i chu lha ste/ bdud rtsi dang 'byor ba'i skar ma la bzang ste sman btang ngo/ /sman btang ba'i thabs ni nad cin yang rung ste/ dang por sbrang rtsi las sbyar te btang/ de'i 'og tu zhun mar la sbyar te btang/ de'i 'og tu 'bru mar la sbyar te btang ngo/ /sbrang rtsi la sogs pa sna re re 'dra ste/ zhag bdun bdun sbyar zhing 'phul te 'tshal lo/ /phan pa'i sna grangs ni/ lus kyi rus pa chag pa dang/ rkang lag chag grums byung ngo cog dang/ lus la rma byung ngo cog dang/ snying na ba dang/ rtsi ba logs na ba dang/ ro stong gzer ba dang/ glo na ba dang/ rus pa chag go cog la lhag par phan no/ /rlung las gyur ba'i nad brgyad cu snyed yod pa dang/ mkhris pa las gyur ba'i nad kyi rnam grangs nyi shu dang/ bad kan gyi nad nyi shu rtsa bzhi ste/ spyir nad brgya nyi shu rtsa bzhi yod pa ril 'byad ngo/ /dreg nad dang/ grang nad dang/ tsha grang 'dres pa las gyur ba'i nad dang/ mdor na nad ci yang rung ste/ sman a ba btang na nad do cog 'byad do zhes lha chen po tshangs pa dang/ gu lam gis bshad ba las thos so/ /mig rab tib yod pa dang/ yid tog pa dang/ spris g.yogs pa dang/ ldongs pa dang/ mig g.ya' ba dang/ na ba dang/ mi gnad yod do cog dang/ mgul ba man chad na ba dang/ sna nad dang/ rna ba mi gsang ba dang/ klad pa mi bde ba dang/ mchin nad dang/ snying nad dang/ ro stod mi bde ba dang/ 'di rnams la 'bras bu gsum las sna gcig kyang zho re re/ lcags phye zho gsum lcags dog gi nad du chab can rtse gsum las bsgral te gang lus pa dang/ btsags ba chu dron 'jam tsam gyi nad du smad a ba zhib du btags pa zho gsum btab ste/ 'jam tsam la nub mo nyal gar 'tshal lo/ /dgongs 'tshal mi 'tshal na/ dro 'tshal ba'i rjes la 'tshal lo/ /sman 'di nyin zhag nyi shu tsam btang na/ ldongs pa yang mig gis mthong bar 'gyur ro/ /yang sbyor ba rnam gcig la/ 'bras bu gsum las sna gcig kyang zho re re/ lcags phye zho gsum/ bu mar sreng gnyis/ chab can rtse gsum gyi nad du bskol te/ do ni du/ gang ni lus pa dang/ btsags te dro 'jam tsam gyi nang du a ba btags pa zho gsum btab la nyal gar 'tshal lo/ /dgongs 'tshal mi 'tshal ba lta zhig na/ dro 'tshal ba'i rjes la 'tshal lo/ /'di bzhin du zhag bzhi bcu rtsa lnga'i bar du 'tshal ma/ mig phyung ba ma gtogs pa/ dmus long dang mdongs pa yang mthong bar 'gyur ro// lo bcu drug pa gzhon nu'i tshad du 'gyur ro/ /a ba phye ma mar ldan pa/ rus pa chags pas nub gsum du/ 'thungs na de yi rus pa ni/ /rdo rje lta bur sra bar 'gyur/ /a ba tsho gsum de bzhin/ /tsha dag nye shing rtsa ba yis/ /drug skam rus pa na? ba dang/ /lud ba de bzhin dbugs mi bde/ /snying na ba dang sha tshod la/ /de rnams cha ni mnyam byas te/ /phye mar byas nas nub gsum du/ /chu dron lhan cig myur du btung/ /'bras bu gsum ni 'o ma dang/ /mkhas bas de bzhin bskol byas nas/ /mar ni sum cha gcig dang ldan/ /de bzhin a ba bzhin cha gcig/ zas zos 'og tu nub gsum du/ /'thungs nas 'u sha gsum dang bza' / /gyen du za ba'i nad las rgyal/ /rab rib rdzi bor mig ser dang/ /chad rnying gsan pa mtshor bcas dang/ /mi gi nad ni thams cad dang/ /gzhan yang de bzhin klad nad dang/ /lto nad dang ni snying nad dang/ /de bzhin yan lag chag pa dang/ /zhag gsum du ni rab sbyar na/ /long pa dag ni mthong bar 'gyur/ /a ba so ma ra dza dang/ /ra yi'o mar skol te btung/ /'thungs na rlung ltar mgyogs par 'gyur/ /a ba phye ma mar sar dang/ /kha ra de bzhin pi pi ling/ /gzhad gnad ni thams cad la/ /'di las drag pa gang yang med/ /glang po ba lang khyu mchog dang/ /ra dang lug dang mi rnams la/ /a ba mar dang 'o ma dang/ /'thungs na de dag shis 'gyur te/ /sha chod rul pa chag pa dang/ /skem dang snying nad mgo 'khor dang/ /thams cad nad las rnam par grol// gang gi lus ni skem pa dang/ /gang zhig sha bkrar gyur ba dang/ /gang gi lus ni 'jig pa dang/ /gal te su bnar gyur cing/ /gso dka' ba yi nad la phan/ /a ba dang ni nye shing dang/ /so ma ra dza de bzhin te/ /sbrang rtsi pi pi ling de bzhin te/ /mar dang 'o mar lhan cig btung/ /zhag bdun bar du spyad par bya/ /'dod chags rnam par spangs byas te/ /zhag bdun par du sbyar ba yis/ /de ni rlung dang khrag las rgyal/ /de bzhin nad rnams kun las rgyal/ /slob dpon klu sgrub kyis mdzad pa sman a ba'i chog rdzogs so/ / //*// yan lag brgyad pa'i snying bo bsdus ba slob dpon pha gol gyis mdzad bzhugs so// //rgya gar skad du/ aShDAM ga h+ri da ya saM hit+ta nA ma/ bod skad du/ yan lag brgyad pa'i snying po bsdus pa zhes bya ba/ bcom ldan 'das de bzhin gshegs pa sman gyi bla bai DUrya 'od kyi rgyal po la phyag 'phyag 'tshal lo/

CLOSE WINDOW