བོད་ཡིག

e-texts based on the ACIP/ALL Input

/ //*/ /rgya gar skad du/ ma g+ha d+hu ta na na ma/ bod skad du/ sprin gyi pho nya zhes bya ba/ yang dag par rdzogs pa'i sangs rgyas gsung gi dbang phyug la phyag 'tshal lo/ /rje bo khros pas shin tu lci ba'i bka' lung dag gis gzi brjid nyams par byas gyur cing/ /gnod sbyin 'ga' zhig li ni rang nyid bag med dbang gyur mdzes ma spong la lo yi bar/ /yid 'ong skyed byed bu mo'i khrus bya bsod nams chu bo rnams dang shin tu rab mdzes pa'i/ rab bzang ljon shing grib ma dang ldan rA ma'i ri bor song la spyod pas gnas par gyis/ /'dod ldan de ni mdzes ma spangs zhing zla ba 'ga' yis ri bo der ni phyin byas pas/ /lag pa phra bar gyur nas gser gyi gdu bu dag ni dpung pa'i bar du rgyu bar byed/ /chu stod zla ba rdzogs pa'i nyin la sprin rnams ri shong ri steng nyal bar gyur pa ni/ /mchog tu rol cing mdzes par gyur pa'i glang chen yin nam snyam du rtog cing mthong bar gyur/ /nor sbyin rgyal po'i rjes 'brang de ltar gnas te mdun du ke ta'i me tog rgyas stobs kyis/ /mang du yid la rab tu gdung ba'i mchi ma yun ring dag tu ci yang byung gyur te/ /mgrin par 'khyud bya dga' ma ring na gnas par gyur pa'i skye bo'i sems la ni/ /chu 'dzin mthong na bde ldan yang ni rnam pa gzhan du gdung ba ci yang 'jug par 'gyur/ /dbyar dus zla ba gnyis pa 'ongs par gyur tshe brtse ldan ma yi ched du srog 'chang ba/ /de la char sprin dag gis rang nyid bde 'am zhes pa'i tshig 'di khyer nas 'jug pa bzhin/ /kuTa je yi chu skyes 'dzum ba rnams kyis de la mchod pa'i ched du dga' byed bzhin/ /mdza' ba mngon du gyur pa'i tshig ni de la legs par 'ongs sam dga' bzhin brjod pa bzhin/ /gang du du ba gzi ldan chu gter myur 'gro rnams kyi char? ba las ni char sprin te/ /gang du mkhas pa'i byed pa rnams dang srog rnams kyis ni legs bshad ched du thob par byed/ /ces pa mchog tu dga' bas gsang ba pa ni de la yongs su mi shes gang gi ni/ /'dod pa'i don du mkhas dang mi mkhas rnams dang sems ldan sems med rnams la zhu bar byed/ /khyod ni rigs mchog dang ldan mchod sbyin brgya pa'i blon po mchog ste 'dod 'jo'i ngo bo nyid/ /sa gsum mdza' dag rig cing bskal bar 'jug pa'i che ba'i chu 'dzin nyid du bdag gis shes/ /des na khyod ni don gnyer nyid la skal ba'i dbang gis dman min 'dod pa thob pa nyid/ /mchod sbyin 'bras med bdag gi ring gnas gnyen mdun dag tu yon tan mchog dbang khyod gshegs mdzod/ /ka ye chu ldan khyod ni shin tu gdungs gyur skabs nyid de phyir bdag gi dga' ma la gtan gyi bdag po ches cher phros pas 'khyams shing bral ba bdag gi phrin ni mdzad du gsol/ /phyi rol skyed tshal mchog gnas 'phrog byed gtsug gi zla ba'i 'od kyis snang byas khang bzang can/ /gsang ba'i bdag po'i lcang lo can zhes bya ba'i gnas su khyod gshegs mdzod/ /khyod ni dri bzhon bzhon pa dang? ldan mkhas lam gshegs pa'i dbang gis lam bgrod mdzes ma rnams/ /bsam pa dga' bar gyur te lan du'i rtse mo rgyab tu byas nas blta zhing gus par byed/ /khyod 'ongs tshe na bral bas mchog tu nyen cing g.yog bzhin gzhan dbang gyur pa bdag 'dra dang gang zhig gzhan yang mdzes ma'i skye bo su zhig gus pa rgya chen byed mi 'gyur/ /dal bu dal bus bskyod pa'i dri bzhon dag gis khyod la rjes mthun zhabs tog byed pa bzhin/ /myos pa'i tsa ta ka 'di 'ang khyod la snyan pa'i bstod pa g.yon nas sgrog pa dang// chu skyar mdzes ma rnams kyang skal bzang mig gis mkha' la khyod mthong phreng bar byas nas bsten/ /nges par mngal ni rab tu 'dzin pa yongs su gsal ba nyid du bya ba brjod par nus/ /bdag gis mdzes ma de yang nyin zhag grangs bzhin bdag po gcig bu yid la 'dri bar ni/ /gdon mi za bar myur du gshegs te bdag ni ma shi ba nyid khyod kyis bstan par mdzod/ /gang phyir 'phral la chu skyes phal cher phreng bas bcings pas lhung ba med par gyur pa bzhin/ /lha mo'i snying gi dga' ba bral las lhung ba 'phral la 'gog cing mdza' bas 'ching bar byed/ /gang zhig khyod kyis 'brug sgra bsgrags pa de ni bskal bzang rna bas thos byas nas/ /mchog tu rgyas pa'i me tog dag gis sa gzhi'i ched du gdugs dag byas par gyur pa nyid/ /khyod ni nam mkha' dag la gshegs tshe dga' ba'i yid kyis mtsho dang gangs can bar la ni/ /pad+ma'i rtsa ba lo ma'i lam rgyags ldan pa'i ngang pa'i rgyal po rnams kyang grogs su 'gyur/ /ra gyu'i bdag po'i zhabs kyis mtshan pa'i ri ngos rnams la skye bo kun gyis phyag byed pa'i/ /tshe ba'i ri bo 'di ni khyod kyi dga' pa'i grogs bzang khyod long 'khyud pa sngon 'gro ba'i/ /mdza' ba bsal byas yun ring 'bral las byung ba'i mchi ma dro ba'ang 'byung ba yongs mthong la/ /khyod dang gang de dus dus dag tu yang dag 'jal 'gyur zhes ni byas nas khams bde mdzod/ /ka ye chu 'dzin re shig khyod ni lam la bgrod pa'i thabs kyi gtam ni mnyan par mdzod/ de yi rjes su bdag gi phrin ni rna ba'i bde skyes khyod kyi rna bas gzung bar mdzod/ /shin tu ngal zhing rab tu rdal tsho ri bo'i rtse la rkang bkod dal bas bsal nas gshegs/ /gang du skom zhing shin tu skom na nyung ngu'i chu dang che ba'i mtsho la'ang btung bar bya/ /ni tsu la ni gsar bas gnas 'di las ni khyod long mkha' la byang du gdong phyogs mdzod/ /phyogs kyi glang po rnams kyi lag pa che bas bcings pa'i lam ni yongs su dor bar gyis/ /ri yi rtse mo phrogs nas dri bzhon 'gro ba'am chu 'dzin langs nas 'gro ba 'am ci zhes the tshom du/ /gyur nas grub pa'i bud med rnams kyis gyen phyogs bltas te 'jigs shing skrag pas rmongs par 'gyur/ /rin chen 'od kyi snang ba bzhin du rab mdzes mchod sbyin brgya pa'i gzhu yi dum bu ni/ /che ba'i grogs mkhar rtse las byung ba de ni mdun du yang dag mthong bar 'gyur/ /khyab 'jug glang rdzi'i tshul gzung rma bya'i spro yi 'ong kyi khyab par gyur pa bzhin/ khyod sku mchog tu mdzes pa mthing nag gang gis/ kun tu khyab par byed pa thob bda''gyur/ /khyod 'ongs tshe na grong khyer na chung dga' zhing chags pa'i mig rnams kyis ni smin ma yi/ /rnam 'gyur mngon par mi shes bzhin du blta zhing 'bru rnams kun ni 'phel bar byed pa'i phyir/ /khyod ni cung zad nub tu bskyod cing gnas bya 'phral la smos kyi rol gyis dga' ba yi/ /gnam chu skugs pa'i zhing la gru char rgyas bya slar yang byad du myur bar ngal gyis gshegs/ /lam du yongs su dal tshe ngos ldan asmra rtsegs pa'i ri rtser gnas bya ste/ khyod kyis nags nang shing skam rnams ni char gyis bran par byas nas legs par mdzod/ /gang phyir che ba'i skye bo dang por legs byas rgyu mtshan thob pa'i grogs bzang la/ /de lta'i bya bas gnas ched ci yang gyur la phyir phyogs ngan pa'i skye bo'ang 'byung ma yin/ /ka ye chu 'dzin khyod ni laM la ngal che sna tshogs brtsegs pa zhes pa'i ri bo ni/ /ngos ldan rtse mo yangs la bsdad nas phan tshun sngon du phyogs pa'i bsnyun ni byed bzhin pas/ /khyod kyang de yi so ka'i ma ni bdud rtsis zhi bya de yang phan pa'i dngos po'i brten du 'gyur/ /chen po rnams la phan btags lan du 'phral la 'bras bu dam pas brlan pa nyid/ /khyod ni g.yo med rtse mor gnas tshe a mra'i nags kyi 'bras bu rgyas par smin pa ni// phyogs kun khyab par bkram par dga' ma'i rnam mdzes lan bu dag dang mtshungs pa bzhin du gyur/ /sa gzhi'i mdzes ma'i na rgyas lhag ma dkar zhing dbus kyi thig le sngon pos mdzes pa bzhin/ /'chi med khyo shugs dag gi ya mtshan nges pa thob pa'i mig gis rab tu lta bar byed/ /de nas ri dags bdag po'i chung ma'i nags kyi khang pa de la yud tsam gnas byas nas/ /de yi pha rol chu la thon nas mchog tu myur bas lam gzhan dag tu gshegs shing bgrod pa na/ /drang srong bu mo'i chu bo 'bigs byed ri yi zhabs ni rtsub pa'i rdol 'og tu 'bab ldan na/ /so gnyis yan lag mchog las dkar tshon gyis legs bris bzhin du khyod kyis mthong bar 'gyur/ /khyod kyis thog mar char pa skyug bya de yi chu ni 'thungs nas bgrod par bya ste phyin nas ni/ /nags kyi glang po myos pa'i ti gta'i ro dang 'dzam+bu'i shing gis chu de'ang myur du 'gengs/ /ka ye sprin stug khyod ni nang gi snying po ldan na dri bzhon dag gis g.yo mi nus/ /gang phyir thams cad stong na yang bar 'gyur zhing yongs su gang na kun kyang lci ba nyid/ /dang por kanda li yi me tog kha 'bus rnams ni shun pas bsgribs pa byung ba dang/ /'dab ma ljang zhing ge sar dkar ser phyed ldan bstan pa rnams kyi chu skyes me tog mthong nas kyang/ /'brog dgon rnams su mes bsregs sa gzhir dri mdzin mnam bya dri bzang mang po byung pa na/ /chu 'dzin dal bus char bskrun khyod la sA raM ga rnam la ni/ stan par byed par 'gyur/ /khyod ni legs par 'ongs tshe snyan pa'i sgra bsgrags dus na grub pa rnams kyis mchod byad cing/ /tsA ta ka rnams chu yi thigs pa bzung nas dga' bas 'thung la lta bar byed bzhin dang/ /chu sgrogs rnams ni phreng bar bsgrigs rnams yongs su bgreng zhing ci zhes nges par blta bzhin dang/ /mchog tu 'dar byas dga' bas dga' ma la ni dam du 'khyud pa rnams ni byed pa yin/ /ka ye grogs po khyod ni bdag gi dga' ba'i don la myur du 'gro snyam yod na yang/ /ka ku b+ha yi dri ldan ri bo ri bo rnams la yun ring thogs par bdag gis shes/ /gtsug pud can gyis 'dren byed mchu dang bcas pas legs par 'ongs sam byas nas yun ring gnas par 'dod/ /de slad khyod ni shin tu myur ba 'gro bar 'gyur ba dag kyang ji ltar yin/ /khyod 'ongs tshe na dad pa rnams ni de nyid cung zad gnas nas 'gro zhing 'bras bu ni/ /yongs su smin pa ljang sngon dang ldan 'dzam+bu'i nags kyis bskor dbus dkar po'i 'od ldan che ba yi/ /nags kyi 'khri shing ke ta'i chu skyes ge sar gsal bar rgyas shing grong dang mchod rten gyis/ /bskor ba'i khang par gtor len tshangs skyes rtsom pa'i grong khyer ta sha zhes pas mchod par 'gyur/ /de yi byang phyogs gzhi la bi d+hi sha zhes mtshon cha rgyal po'i khang tu myur song nas/ /der ni khyod kyis shin tu che ba'i 'bras thob mchog gi go 'phang 'phral la thob 'gyur zhing/ /che ba'i kha zhing dang ldan mdza' nas lhung lhung skad snyan sgrogs dang ro zhim dang ldan pa/ /g.yo ba'i rlabs phreng gdong la smin ma g.yo bzhi bi Ta'i mtshe de'ang skal bzang khyod 'thung 'gyur/ /gang zhig ni tsa zhes grags ri bor khyod 'ongs thob las der ni ngal gso'i ched du gnas/ /ka dam pa yi me tog dga' bas spu long rgyas shing ge sar 'dzum par byed pa bzhin/ /grong khyer rnams ni smad 'tshong ma rnams dga' bar byed pa'i dri bzang dag gis gang ba rnams/ /rdo yi brag phug rnams kyis mchog tu mdzes pa'i lang tsho ma rnams smra ru 'jug pa bzhin/ /ngal sos gyur na bgrod bya gsar skyes rnams kyis me tog ser po'i dra ba mdzes pa rnams/ /chu bo chu ngogs skyes pa rnams ni chu thigs rnams kyis bran pa 'phral du 'ongs 'gyur zhing/ /chu skyes thog ma'i gdong gi 'gram pa'i rdul thig sel la rna ba'i autpal ngal ba dang/ /snyings gyur la ni nyid kyis skad cig bde ba'i grib sil yongs su gnang bar mdzod cig kye/ yang ni byang gi phyogs su bgrod cing gang zhig khyed ni 'khyog po'i lam la zhugs pa'i tshe/ grong khyer audzdza ya na'i rgyal po'i pho brang nang du phyir phyogs min par gnas par mdzod/ /de na grong gi dga' ma rnams kyi rol sgeg zur mig glog gi phreng thag g.yo ba ni/ /skyengs byed mig gis gal te khyod ni ma mthong 'bras bu med cing bslus pa nyid duAng 'gyur// rlabs phreng g.ye ldan snyan par sgrog cing 'dab chags phreng ba'i rkeng rgyan ska rags sil sil can/ /dal gyis dal gyis 'gro zhing lang ling mdzes pa'i skal bzang 'khor lo'i lte ba dang ldan ldan pa/ /ro mchog dang ldan chu bo'i na chung bi rbend+ha ni khyod ni lam na mngon zhugs nas/ /dga' ma rnams kyis mdza' bo rnams la ral sgeg thog mar ston cing rked rgyan 'grol 'dra mthong/ /de rgal sin d+hu'i chu ni lan bu bzhin du las ni rab tu phra bar gyur pa can/ /ngogs su skyes pa'i shing ni rnyings pa'i 'das ma lhung ba rnams kyis khyab par bsgribs pas dkar/ /ka ye skal bzang khyod dang bral bar gnas pas lus kyi gnas skabs 'di 'drar 'gyur/ /gang gi chung ma spangs nas che ba'i gnas skabs mdzad dam khyod mkhyen de ni rjod par byed/ /a wan+ta'i yul thob nas au da ya na'i gtam ni grong gi rgan mos shes pa yod/ /de rjes grong khyer sngar bstan khang bzang yangs shing dpal dang phun tshogs che ldan yangs pa can/ /'dzam gling sa gzhir mtho ris mdzes ldan dum bu bsod nams lhag ma rnams kyis skabs gsum pa'i/ /legs bshad 'bras bur gyur pas nyung shas 'ga' zhig dag ni phrogs nas 'ongs par gyur pa bzhin/ /gang du bzhad rnams myos pa'i gdangs snyan che bar sgrog cing yid 'ong sgra ni gsal bar byed/ /nyi bzhon gyis rgyas chu skyes dri bzang dga' bskyed bska ba'i ro ldan yid du 'ong gyur cing/ /chu thigs kyis bran dri bzhon bud med chags gzir gdung ba 'phrog phyed lus kyis rjes mthun pa// bdag po mchog ni 'dod don gnyer bar byed la snyan par sgrog cing dga' bar byed pa bzhin/ /de yi nor ldan khang pa rnams na lan bu spos kyis bdugs pa'i dri bzang dra ba nas/ /thon pas khyod lus ched 'gyur khyam gyis gtsug pud can ni dga' bas gnyen mthong gar gyis ni/ /mchod 'bul chu skyes dri bzang ldan pa bud med rol sgeg ldan pa'i rkang pa'i mtshon rnams kyis/ /mtshan pa rnams su lam gyis dbus su dub par gyur pa'i rang nyid sdug bsngal bsal bar bya/ /yad? ni srid pa gsum gyi bla ma dpal mgrin gnas su bsod nams ldan khyod bgrod par bya/ /'khor gyi tshogs kyis khyab bdag mgrin 'od mtshungs bzhin zhes ni gus? dang bcas pas lta byed de/ /yid 'ong dri ldan chu la yang tsho ma rnams rol sgeg khrus ni byed pa'i dri ldan zhing/ /autpal ge sar ldan pa'i dri rnams kyis bsgos rlung gis skyed tshal g.yo bar byed pa yod/ /ka ye chu 'dzin nag po chen po'i gnas su bgrod nas nyin zhag gzhan pa'i dus la yang/ /nyin mor byed pa 'dren byed yul du 'ongs par gyur gyi bar du khyod ni gnas par mdzod/ /rtse gsum can la thun mtshams la ni gtor ma rnga chen bsgrags shing bstod dbyangs byed pa bzhin/ /khyod kyis 'brug dbyangs bsgrags tshe ma cher med pa'i 'bras bu thob pas kun gyi de na yang byed/ /de nas rkang pa bkod par gyur tshe 'og bag dag las sil sil snyan pa'i sgra 'byung zhing/ /rol sgeg g.yo ba'i rin chen 'od 'phros lus mdzes pa rnga yab 'dzin pas ngal ba'i lag pa can/ /tshogs kyi mdzes mas na rjes gsar pas gdung la khyod la char thigs thob nas tshim byed pa/ /khyod la spang rtsi byed pa'i phreng ba bzhin du g.yo ba'i zur mig ring ba dag gis blta bar 'gyur/ /phyugs bdag glang chen lpags rlon 'dod bzhin gyon nas gar ni rtsom pa 'phrogs par gyur pa bzhin/ /khyod 'ongs snga dro'i thun mtshams nyid bzhon dmar ba'i 'od kyis dmar ba'i chu skyes 'dzin byed cing/ /rgyab nas mtho ba'i lag pa zlum po'i nags kyi shing chen dag gis brgyangs nas 'dzin cing gnas zhi ba'i char rgyun bab? tshe ri yi sras pos g.yo med mig gis gus pas lta bar byed/ /des na bdag po'i gnas su mchog gi btsun mo rnams ni rab dga' snyeg par byed pa na/ /mtshan mo'i mun pa stug po rnams kyis ma yi bdag po'i lam gyi snang ba 'gog byed pas// khyod kyis glog 'od gser mdog 'od kyis snang bas sa gzhi'i lam ni kun nas bstan par mdzad/ /chu char 'brug dbyangs sgra chen mang po ma byed mdzes ma de rnams skrag cing 'chi bar 'gyur/ /de rnams kyis ni khang bzang phug ngan nyal sa steng gi rgyu phugs 'ga' zhig dag tu ni/ /yun ring 'ongs las dub pa'i rang gi dga' ma glog ma'i don du mtshan mo gnas byas nas/ /nyi ma mthong tshe khyod ni slar yang lhag ma'i lam dag shin tu mgyogs pas bgrod par bya/ /gang phyir snying grogs dag gi don du 'bad pa byas pa nges par bya ba byas pa nyid/ /de yi dus su nyin mor byed pa'i lam ni dor nas de nas myur du 'gro bar bya/ /'od zer rab tu 'phro ba bsgribs na khro ba chud ba min pa khyod la byed par 'gyur/ /mtshan mo bdag po song ba'i bud med mig gis mchim sel la bdag po 'ong ba bzhin/ /pad+ma'i yum gyi chu skyes gdong gi mig chu de yang rab tu sel bar byed par 'gyur/ /rab tu dad ba'i sems bzhin shin tu zab mo dang ldan mtsho yi chu yi nang du ni/ /khyod kyi gzugs brnyan yang ni rang bzhin skal ba bzang po bdag nyid 'char ba thob par 'gyur/ /de slad de yi ku mu ta ni dkar po rnams kyis khyod ni bkur sti bsnyen bkur byed/ /brtag pa don yod bya ba'i ched du g.yo ldan nya rnams gyen du 'phar zhing lta bar byed/ de yi chu gos sngon po'i chu yi dogs kyi dar? 'phrog par byas nas spangs pa na/ /ma 'phrog ces ni shing chen yal ga'i lag pa dag gi dbus su cung zad 'dzin pa bzhin ka ye grogs po chu 'thungs lto 'phyang rdzi na 'gro bar nus pa yang ni ji ltar yin/ /mdzes ma'i mdun sgrom mdzes pa'i bro gar shes na ji ltar 'dor ba'i nus pa yod pa yin/ /khyod ni de pa'i ri la nye bar 'gro tshe dal bu dal bu'i rlung ni ldang 'gyur zhing/ /bsil ba'i rlung gis bsgos pa'i au dum wa ra'i nags kyi 'bras bu 'chad zhing rol rtsed byed/ /khyod kyis char chen phab pas nor 'dzin ma yi dri dang rlangs pa gced? la tshogs pa ni/ /so ldan rnams kyi sna yis rdub ci dbu ga'i nang du bskal bzang glu dbyangs sgrog par byed/ der ni skye mched nyi ma las lhag gzi ldan sreg za las skyes sngon du phyogs pa can/ /gtsug na zla bas rin chen mang gi dmag chogs bsrung ba'i don du bskos ba de ni gnas/ /khyod kyis mkha' yi gangka'i chu las sprin gyi me tog gshar ba mang po rnams kyis ni/ /me tog gru char bdag nyir phab pa rnams kyis gang zhig de ni khrus ni byed par 'gyur/ /gtsug pus ldan de chu 'thungs dga' bas byin nas ri gzung snyan pa'i sgra sgrogs gar dag byed/ /mig zur dkor ba'i zer gyis 'phrog byed gtsug gi zla ba'i 'od kyi zer ni skyengs byed kyang/ /gang gi che ba'i mjug sgro mdongs 'od tshon rtsis bris bzhin mdzes pa lhung pa 'ong gyur pa/ /au ma'i sras ni dga' bar byed pa chu skyes 'dab ma bzhin du rna bar byed pa yod// smyig ma'i chal nas skyes pa'i lha de yang dag mchod nas slar yang lam ni brgal bar mdzod/ /grub pa'i khyo shugs dag gi lag pa'i pi wang chu thigs brlan la 'jigs pas lam ni ster/ /khyod kyis mthong bar 'gyur ba'i sa bdag dga' ba'i lha yis sa po chu gter gzugs 'dzin ni/ /sa yi gzhi la byung zhing lhung ba 'dod 'jo'i bu mos 'ongs nas mchod pa byed par 'gyur/ /khyod kyis de yi rlabs ldan mtsho yi chu 'thungs 'ongs pa'i tshe na thag rings mthu las ni/ /chen po yin yang phra mor dang ni sprang rtsi'i bu yi kha dog bskus par gyur ba dang/ /che ba'i sa la ain+d+ra nI la mu tig do shal dag ni gcig tu bkod pa bzhin/ /mkha' la bgrod ba rnams kyi mig rnams dag gis 'og tu blta zhing nges par mthong bar 'gyur/ /de rnams brgal nas bgrod tshe smin ma 'khri zhing gzhon nur lo pa rnams kyis mdzes pa can/ /dkar nag 'od zer dang ldan rnams kyi rdzi ma ste du bskyod par gyur pa'i mdzes pa dang/ /kunda'i me tog g.yo ba'i rjes 'gro sbrang rtsi byed pa'i dpal gyis mdzes pa bzhin du ni// mdzes ldan da sha zhes bya'i grong khyer na chung mig gis blta 'dod la ni rang lus bstan par mdzod/ /dang por tshangs pa 'jug pa zhes bya'i ljongs la khyod ni bgrod bya 'og tu sgrib bsil bya/ /de nas rgyal rigs bcom pa'i dur ldan ku ru ba yi zhing ni khyod kyis bsten par bya/ /gang du srid sgrub mnga' rnon brgya phrag dag gis rgyal rigs mang po'i mgon po bcad pa ni/ /khyod kyi gru char chen po rab tu mang po phab pas pad+ma rnams ni chad pa bzhin/ /myos par byed pa'i ro ldan dga' ma snar ma'i mig gis mtshan pa'i chang ni spang byas nas/ /rang gi gnyen la dga' bar gyur pas yul las phyir phyogs stobs bzang gang de blta bar bya/ /ka yi zhi ldan sA ra swasti'i chu la mngon par phyogs tshe khyod kyis 'thungs byas nas/ /lus kyi kha dog bag ni nag por 'gyur zhing nang gi bsam pa yang ni dkar ba nyid/ /de nas bgrod pa'i phyin sa ka kha la yi grong yod dza h+nu'i bu mo ri rgyal gyi/ /ngos la bgrod pa dug can rgyal po'i bu ni mtho ris rdo yi them skas bgrod pa bzhin/ /gang gi dbu pa'i phreng ba rnams kyis gau ri'i zhal gyi khro gnyer rnams la rgod pa bzhin/ /bde 'byung skra nas rlabs kyis lag pa dag gis bzung nas zla phyed phrogs par byed pa bzhin/ /khyod ni gal te de yi chu 'thungs bsam na lus phyed snga ma mkha' la 'phyang ba ni/ /lha yi glang po bzhin te chu re'i zhing ni dri med dkar ba'i shel bzhin snang ba nyid/ /chu bo de la khyod kyi grib ma babs pas 'phral la yang dag 'byung 'gyur mdzes pa ni/ /ya mu na yi chu dang gang+gA 'grogs pa'i mdzes pa las 'ongs gyur la gnas ma yin/ /rdo leb steng du ri dags gnas pas ri dags lte ba'i dri bzang 'dzin pa'i rdo ldan zhing/ /gi gA nyid kyi yab gyur khabs dkar pa'i g.yo med? gangs ldan da nyid thob byas nas lam gyi ngal ba rnam par 'dul ba'i ched du de yi rtsa la sleb nas 'dug pa yi/ /mdzes pa mig gsum pa yi bzhon pa dkar ba'i khyu mchog rwa yis 'dam ni blangs pa bzhin/ /de la gal te rlung gis rab bskyod thang shing lag pa kun tu 'thab pa las byung ba'i// me yi dags dang me stag dag gis 'brong gi dga' ma'i spu tshogs mang po sreg byed ni/ /khyod kyis de rnams zhi ba'i ched du chu 'dzin stong phrag mang po'i char ni bya bar 'os/ /gang phyir chen po rnams kyi phun tshogs 'bras bu mang po'i sdug bsngal zhi bar byed pa nyid/ /der ni khyod kyi sgra tsha na bsgrags la ma bzod che ba'i dregs pa kun tu ldan pa'i rkang brgyad pa/ /khyod kyi steng du 'tshed par bya'o snyam nas mtshongs rang gi yan lag kun tu rmas/ /de rnams dag la rab tu bzhad ldan thog ser char ba drag phab mang pos gzhom par mdzod/ /rang bzhin ngan par gnas pa dag gi 'bras med rtsom pa'i 'bad pa rnams ni ci yang min/ /der ni che zhing gsal ba'i rdo la gtsug na zla phyed 'dzin pa'i rkang bkod rjes la ni/ /rtag tu grub pa rnams kyis gtor ma mchod do khyod kyis gus pas phyag dang bskor ba mdzod/ /gang zhig mthong na byed pas byas pa'i sdig pa rnams ni shin tu ring bar 'dor byed cing/ /gus pa 'dzin pa rnams ni de yi 'khor du gnas pa thob byed brtan pa thob par 'gyur/ /dri bzhon rnams kyi khengs par gyur pa'i smyig sbom nang nas snyan pa'i yid 'ong sga 'byung zhing/ /mi 'am ci mo rnams kyis grong khyer gsum rgyal gyur las yang dag dga' bas glu dbyangs sgrog rnga? zlum snyan pa'i sgra bzhin gal te khyod kyis rdo yi gtsug lag khang der sgra brnyan ni/ /bsgrags par gyur na nges par phyug bdag drung? du gsum 'das dbyangs snyan don gyi tshogs pa 'byung/ /gangs kyi ri la nye ba'i thang la rkang pa bskyod tshe de dang de yi khyad par la/ /krauN+tsa'i ri yi lam la rab grags b+h+raM gu'i bdag po'i mda' shugs ngang pa'i sgro can yod/ /de nas nor sbyin phyogs su khyod ni rjes su 'gro che 'khyog por 'gro ba'i mdzes pa ni/ /stobs ldan bslu ba'i ched du khyab 'jug sa 'jal rkang pa sngo bsangs yang dag bkod pa bzhin/ /mgrin? pa chu'i lag pas bskyod bya rings spangs pa dang ldan shel gyi kai la sha yi ri/ /skabs gsum mdzes ma'i me long bstan bya'i steng duAng song ste cung zad gnas par bya/ /gang gi rtse mo shin tu mthib ku mu ta ltar mkha' la khyab par gnas pa ni/ /ming gsum pa yis rab tu rgod pa phyogs bcu dag nas gcig tu sdungs par gyur pa bzhin/ /de yi ri ngos dag la khyad ni 'gro che snum pa'i mig sman dag dang mtshungs pa dang/ /de ni gnyis 'thung so ni 'phral la bcad par byas pa blta bur dkar zhing mdzes pa de/ /mdzes ya'i ri bo la ni g.yo ba med pa'i mig gi blta bya nyid du 'gyur pa dang/ /stobs ldan dkar ba'i dbung pa dag la gos sngon bkod par gyur bzhin 'byung ba dag gis shes/ /der ni bde 'byung sprul gyi gdu bu der nas gau ri'i lag pa 'dzin byed cing/ /gal te yang mi rol rtsed ched du zhabs kyis 'gro bas ril de dag ngal 'gro na/ /khyod bgrod lus ni 'khyog por 'gro zhing nad na gnas pa'i chu chen dag ni spang bya zhing/ /skams par byas nas steng du 'gro ba rnams la rkang pa'i bde nga reg par bya ba mdzod/ /rigs gnas der ni khyod kyis chu rnams skyug par bya dags? nges par nad na med pa na/ /lha yi na chung rnams kyis khyod ni 'khrul 'khor gyis gzur khang bzang nang du 'khyer bar byed/ /ka ye grogs bzang che bas gdungs pa de rnams chad du gal te khyod ni mi gtong na/ /rol sgeg g.yo ba'i mdzes ma de rnams rna bar rtsub pa'i sgra chen bsgrags pas 'jigs par bya/ /chu thigs dag gis bran pa dang ldan dri bzhon gyis bskyong dpag bsam zhing la g.yo bzhin du/ /khyod kyi grib 'ong shel ltar dkar ba'i 'od kyis ri dbang de ni g.yog bra? zhing/ /yid 'ong 'tshe'i? gser gyi chu skyes ge sar ldan de'ang 'thung ba dang/ /sa srungs bu yi gdong ba'i gos ni 'dod cing dga' ba'ang skad cig bya bar mdzod// ka ye 'dod bzhin rgyu byed khyod ni de las rgal tshe lcang lo ldan ma shes par 'gyur/ /slar yang ri de g.yo ldan gaM gA'i chu gos ldan ma'i bdag po bzhin du mi mthong min/ /mtho ba'i gzhal med khang steng char sbyin cha las khyod kyis chu byas skyug byas dus ni/ /gang zhig 'dod ldan ma ni lan bu mu tig dra ba bsgrigs pa'i phreng ba ldan pa bzhin/ /khyod la glog 'od ldan bzhin sgeg pa'i mdzes ma dang ldan dbang po'i gzhu bzhin bkra par ldan/ /snyan pa'i dbyangs ni zab ba bzhin du glu dbyangs dag dang rol mo'i dbyangs snyan rnams dang ldan/ /chu yi snying po can bzhin sa gzhi nor bu'i rang bzhin mtho bzhin rtse me mkha' la reg /da du khyad par de de rnams kyis khyod dang khang bzang tshungs pa'i ched du nus par ldan/ /gang du na chud rnams ni lag par? mdzes shing lan bu'i kunda gzhon nu'i skra ni 'ching/ /gdong gi chu skyes 'dzum zhing dkar ba'i gsar? dpal ni/ gsar pa dag gis mdzes byas shing/ /gtsug bud ka ru bka' i me tog zhags pas bcings pa mdzes shing rna bar autpal can/ /skra mtshams bkra ba'i me tog dag dang ldan pa 'ang khyod ni nye bar 'ongs las skye ba yin/ /gang gi dmar? po'i nor bu dang ldan rin chen 'od kyis khyab pa chu skyes ltar mdzes pa'i/ /yang thog bzhi la gnod sbyin rnams ni mchog gis dga' mdang bcas yang dag gnas byas/ /dpag bsam shing las rab tu 'thungs ba'i dga' ma'i ro ldan chang ni su na tu 'thung byed cing/ /ngal bu rnams kyis rab tu rda rnams la ni brdungs pa khyod kyi 'brug sgra zab pa'i dbyangs snyan bzhin/ /gang du rab bgrod ches char 'dar bas lan bu lhung zhing mAnda ra ba'i me tog ni/ /mtshar bar gyur cing rna ba'i rgyan gyur rab mdzes gser gyi me tog lhung bar gyur pa dang/ /nu rgyas mu tig dra ba mtshar bar gyur cing do shal srad bu chad par gyur pa yis/ /'dod ldan ma rnams mtshan mo lam du 'gro la byung ba 'od ldan shar tshe gsal bar byed/ /gang du chags pas gnod sbyin bud med rnams kyi 'og bag bcings pa 'grol zhing gos dag ni/ /bsal la mdza' bo rnams la 'dod mas 'dar bar gyur cing g.yo ba'i lag pa 'phen pa na/ /mchog tu che ba'i 'od zer dang ldan rin chen mar me mngon du gnas pa mthong byas nas/ /ngo tshas rmongs pa rnams kyi lag pa dag gis phye ma gtor bar gyur pa 'bras med 'gyur/ /gang du chu 'dzin sa steng gnas rnams 'dren byed rtag 'gros gzhal med khang nang ded pa na/ /gang zhig rang gi chu thigs dag gis bkra ba'i ri mo rnams la 'phral du skyon byung nas/ /ngo tshas reg pa bzhin du khyod 'dra dum bu dum bu dag tu 'thon par byed pa ni/ /dra mig rnams kyi nang nas du bzhugs pa thon pa rnams kyi rjes su byed pa bzhin/ /gang du bud med rnams kyi bdag po mchog gi kun nas 'khyud pa rnams ni btang ba na/ /lus ni kun nas gdung bar byed la zla ba chu shel srad bu'i dra ba 'phyang ba can/ /khyod kyis bsgribs pa med cing dkar ba'i zla ba'i 'od rnams bsal bar mthong bar gyur pa na/ /chu thigs 'bab pa kun nas byugs pas zhi bar byed cing mchog tu dga' ba bskyed pa nyid/ /gang du gnod sbyin bdag po'i grogs bzang lha nyid mngon sum nyid du gnas pa shes byas nas/ /'jigs pa mang las yid srubs gzhu ni rkang drug pa yi gzhu rgyud can de dor bas chog /bdag po'i dben la mdzes ma'i smin ma 'khyogs po'i gzhu la zur mig g.yo ba dag gi mda'/ /rol sgeg g.yo ba rtsom par byed pa nyid kyis de yi 'bras bu nges par grub pa nyid/ /de na nor gyi bdag po'i khang bzang las ni byang gi phyogs na bdag gi grong khyer ni/ /mtho ris bdag po'i gzhu dang bdra ba'i rta babs mdzes pas ring nas mtshan par byas pa ste/ /gang gi skyed mos tshal nas manda ra dang ljon shing gzhon nu bdag gi mdzes ma'i bu ltar ni/ /bskyangs pa'i 'phel ba'i me tog chun 'phyang thur du 'phyang ba lag pas thob bya yod// bkod ma bzang mo'i chu ni mar kata'i rdo yi phreng ba bsgrigs pa'i lam skas can/ /'di na mdzes pa'i gser gyi pad+ma rgyas pa rin chen rtsa ldan rnams kyis khyab pa ste/ /gdung ba dang bral ngang pa'i tshogs rnams dag ni gaM gA'i chu la gnas par byas pa'i che/ /khyod nyid yang dag mthong bar gyur kyang nye bar gnas pa'i yid 'ong mtsho las 'gro mi 'gyur/ /ka ye grogs bzang khyod ni glog gi dga' ma g.yo bzhin nye bar mthong bar gyur pa na/ /mtsho de'i ngogs na mdzes pa'i ri bo yid 'ong mchog gi ainda nI la rnams kyis ni/ /rtse mo mdzes par byas pa gser gyi ljon pa rnams kyis bskor ba khyod kyis blta bya ba/ /bdag gi dga' ma dga' byed dang bcas da nyid sems gdungs bdag ni shin tu dran par 'gyur/ /de la ku ru ba ka'i shing gis bskor ba'i yol ga'i khang bzang dang ldan nye ba na/ /mya ngan med shing dmar dang ke sa ra yi shing chen yal 'dab g.yo ba mdzes pa yod/ /gcig la khyod kyi grogs su gyur ma bdag dang bcas pa'i g.yon pa'i rkang pas bsnun 'dod cing/ /gzhan la gdong gi chang 'thungs me tog 'byung ba'i de ni du dga' ma de ni bdag 'dod 'gyur/ /de yi dbus na rab dkar shel gyi gzhi la gser gyi sdong po che zhing mtho par gnas/ /rtsa ba rin chen phreng bas bcings pa rdo rje pha lam che ba min pa 'od 'phro ba/ /gang la khyod kyi grogs bzang mgrid sngon gnas nas nyin phyed song tshe rol sgeg gar byed cing/ /bdag gi mdzes ma rin chen gdu bu 'thab pa'i dbyangs snyan skal bzang mchog tu mdzes pa yod/ /de rnams kyis legs par ma tsha na pa kwa ye lags pa'i thugs 'dzin khyod kyis blta bar bya/ /slo yi mdza' dang nye bdag na dung dang pad+ma'i gzugs bris mthong bar byas pa na/ /da lta bdag dang bral bar gyur pas nges par mdzes pa dman pa nyid du gnas par nges/ /nyi ma nub par gyur pas nges par pad+ma ngang gis mdzes par nyams par gyur pa nyid/ /mdzes ma de ni yongs su bskyang ched myur du gshegs nas glang phrug lus bzhin chung ba yis/ /mdzes pa'i ri bo de yi ngos le gnas nas dang po/ legs bshad snyan pa'i gsung gleng mdzod/ /bdag gi khang nad 'jug tshe ma khyer phreng ba lta bu'i snang ba chung shing chung ba ni/ /mdzes shing rol pa'i g.yo ba'i glog gi mig ni byas nas khyod kyis blta bar bya bar 'os/ /de na bdag gi dga' ma lus pa mdog mdzes gnyis skyes bkra ba'i phra lam chu dag ni/ /bimpa smin pa skyes pa phra zhing 'dren byed g.yo ba'i ri dags mig can lte ba dma'/ /ro skad sbom zhing dal gyis 'gro mkhas 'o ma 'dzin pa dag gi bar dog mchog tu mdzes/ /na chung dag gi yul la byed pa tshangs pas dang po nyid du spros pa nyid du gyur/ /gzhon ma de ni bdag gi srog ni gnyis par shes par mdzod cig dal gyis smra bar bya/ /bdag dang lhan cig spyod la shin tu ring bar gyur te rang mo gcig pur gyur pa bzhin/ /'di la nyin zhag mang po 'ongs pa rnams su yid la bcags pa med pa nyid du 'gyur/ /dgun smad pad+ma can ni kha bas nyams pa bzhin du gzugs gzhan thos par bdag gis shes/ /dga' med? ni nges par mchi ma mang po babs las mig 'bur che ba dag tu gyur/ /steng 'og mchu li pags dag ni shugs ring shin tu dro ba'i dbugs de yis ni dum bur byas/ /gdong ni legs par bkod la lan du 'phyang bas bsgribs las mdza' dag gsal ba min pa ni/ /zla ba'i 'od kyi mdzes pa khyod ni 'ongs pas bsgribs las snang min sman pa 'dzin pa bzhin/ gtor ma byed pa 'am bral bas rdzud par gyur pa bdag 'dra yis kyis rtogs bya 'dri ba 'am/ /snyan pa'i tshig gis smra ba'i ? rig? ni gur gyi nang na gnas pa la/ /kwa ye grogs me rje bo de yi dga' ma dran nam zhes pa'i dri ba byed kyang ni/ /khyod ni mthong bar gyur ba na ni de ni mdun du 'ongs shing dga' bar byed par 'gyur/ /kwa ye grogs bzang dri ma'i gos dang bcas pa'i ngang gi phang bar pi wang bzhag byas nas/ /bdag gi ming nas bod pas mtshan cing 'dod pa'i dbyangs snyan char sgrogs snyan par gyur pa'i tshig / rang gis byas par gyur kyang dbyangs snyan dum bu dum bur bcad nas sems zhing yang yang ni/ /mig chus brlan pa'i rgyud mangs cung zad phyi bar byas nas kyang ni de ni 'ong bar 'gyur/ /bdag ni 'ongs pa'i nyin nas brtsams te nyin zhag dang ni zla ba song ba'i lhag ma rnams/ /sa la rnam par 'god cing sgo yi nang du gangs kyi me tog rnams ni skyar bar byed/ /bdag cag nam ni phrang par 'gyur ram snyam pa snying la sems pa'i rtsom pa mang po byed/ /phal cher bud med rnams ni bdag po dral bas yid kyi las kyis gdung ba mang po nyid/ /nyin mo'i bar la bya ba dang ldan bdag dang bral las de ltar shin tu gdung min yang/ /mtshan mo shin tu ring las khyed kyi grogs mo bya med gdung ba cha bar bdag gis shes/ /legs ma mtshan rings rnams la gnyid bral stan med sa la nyal tshe dri mig nye bar ni gnas nas blta bya bdag gi phrin rnams bzlas pa rnams ni bde ba'i ched du nus pa nyid/ /bral bas lhag par gdungs pas sa yi gzhi la gzhogs gcig bsten te nyal bar gyur pa ni/ /tshes gcig zla ba shar ba cha gcig lhag ma rtsa bar gnas pa'i lus bzhin du ni gyur/ /bdag dang lhan cig gnas tshe 'dod pa'i dga' ma rnams kyis mtshan mo skad cig bzhin du song/ /gang de da ltar bral ba las skyes mchi ma don mo rnams bcas shin tu ring ba nyid/ /khrus kyis bdag cing yangs shing rtsub pa'i skra yi lan bu 'gram pa dag las 'phyang ba rnams/ /dbugs kyi rlung gis sel bar byed pa rnams la mchu yi 'ang ba ma dag ni ngal bar nges/ /gnyid ni 'dod pa med cing bdag dang phrad pa las byung gnyid ni cung zad 'byung 'gyur zhas/ /dga' ma don 'dren byed mchi ma dang bcas shin tu gdungs pas mthong ba 'gog par byed/ /bdag gis bcings pa'i spyi gtsug lan bu bral ba'i nyi ma dang po nyid la dor byas nas/ /lan bu rnams ni gcig gyur reg ba rtsub pa mi bzang 'gram pa dag la gnas pa las/ /sen mo ring ba'i lag pas reg pa'i nyon mongs ldan pas lan cig min par skyur byed ma/ /rje bo khros pa'i bka' lung rdzogs tshe gdung bral gyur ba bdag gis gang de bgrol bar bya/ /mig ni mchi ma mar po rnams kyis gdungs las rdzi ma rnams kyis bkab par byas nas ni/ /zla ba'i rkang pa'i 'od zer bdus brtsi bsil ba rnams ni dra mig nang nas zhugs pa na/ /bkab pa bsal te mngon du 'ongs nas dang por dga' 'gyur ldog pa na ni de bzhin nyid/ /sprin dang bcas pa'i nyin mo sa la gnas pa'i pad+ma rgyas min zum pa ma yin bzhin/ /dga' ma don nyin par mdzad ba'i grogs mo rnams kyis skad cig kyang ni gtong min zhing/ /lus phra ma la gcig ni lta tshe kun gyis rmad byung blta bas 'jug par 'gyur ba nyid/ /mtshan mo skye bo rnams ni nyal bar gyur la mdzes ma gnyid bral kwa ye chu 'dzin khyod/ /dra mig dang ni nye bar gnas nas nyal sar nye bar 'ongs te de ni dga' bar mdzod/ /lan bu gcig gyur reg pa 'gram pa la gnas sen mo mtho ba'i lag pa yis/ /yang dang yang du sel bar byed cing sa yi gzhi yi mal gyi steng du gzhogs gcig ni/ /ltung bar gyur cing de yi mdza' mchi ma rnams ni 'bas pa do shal chad pa dag/ g.yo zhing lhung bar gyur pa bzhin du gnas pa de mthong nyid kyis dal gyis brjod par bya/ /mdzes ma de ni rgyan rnams yang dag bzhag cing lus ni shin tu phra ba 'dzin byed cing/ /gdung ba'i sdug bsngal dag gi mal stan steng na yang dang yang du 'dre ldog byed ba na/ khyod kyang 'phral la chu yi rang bzhin mchi ma 'dzeg pa nyid du 'gyur ba gdon mi za/ /phal cher thams cad nang gi bdag nyid brlan pas snying rje ci yang 'jug par 'gyur ba nyid/ /kwa ye grogs po khyod kyi grogs mo bdag la mdza' ba mang du 'dzin pa bdag gis shes/ /de phyir de ltar gyur pa rnams ni dang por bral la de ni bdag la sems par byed/ /skal bzang nang gi bsams pa dag gis brjod pa nges par brdzun min bden par shes pa ni/ /bdag gis gang gang brjod pa ma lus yun ring min par khyod la mngon sum nyid du 'gyur/ /lan bu rnams kyis mir zur gnyis po g.yo ba 'gog cing mig sman byugs pas gtor ba dang/ nyes par byed pa nam yang med par gyur las smin ma'i rnam 'gyur brjed par gyur na yang/ /khyod ni yongs la ri dags mi gcan 'dren byed stong ni g.yo bar byed par bdag gis shes/ /gang zhig nya yis bskyod las chu skyes g.yo ba'i dpal ni 'dzin par byed pa nyid dang mtshungs/ /de yi bdag gi lag pa'i sen mo'i rjes ni med cing mu tig rnams kyi dra ba ni/ /yun rings nyid nas 'dor bar byas par gyur cing longs spyod nyid kyi rdzogs pa'i mdza' ru ni/ /bdag gi lag pa rnams kyis mnyes pa byas pa med kyang khyod 'ongs skal bzang dbang gis ni/ /de yi chu zhing gsar pa'i sdong po dkar pa'i brla yang g.yon pa g.yo ba nyid ni thob/ /kwa ye chu 'dzin de la de yi dus su gal te bde pa'i gnyid ni thob gyur na/ /de tshe khyod ni thun tshod bar du sgra sgrogs min par lhan cig dag tu gnas par mdzod/ /de yi bdag por gyur pa bdag la dka' tshegs chen pos thob par gyur pa'i rmi lam ni/ /mgrin par lag pa'i 'khri shing dag gis che bar 'khyud pa'i mdud pa 'phral la gtong bar byed/ /rang gi chu yi thigs pa bsil bas bsgos pa'i rlung gis mal ti yi rnams kyi ni/ /shin tu gzhon pa'i me tog bcas pa de ni slang nas kyang ni de yid? thags? dbyung mdzod/ /khyod ni glog gi 'dren byed g.yo ba khyod mdog dang mtshungs so gnas su gnas byas nas/ /khengs ldan ma la 'brug dbyangs tshig ni snyan pa'i brjod pa khyod kyis yang yang brtsom par mdzod/ /kwa ye khyod ldan chu gzhon ming can bdag ni rje yi grogs bzang yin par shes par mdzod/ /de yi phrin san yid la gzung nas khyod kyi drung du nye bar 'ongs par gyur pa nyid/ /bdag gi sgra ni bsgrags tshe lam bgrod dub pa'i tshogs rnams sgo yi nang du 'bros par byed/ /snyen pa'i sgra dbyang rnams kyis bud med lan bu 'grol zhing 'dod pas gzir pa mtshon par byed/ /ces pa de skad bshad tshe dri bzhon bu ni mi thi la yi bu mos mthong ba bzhin/ /de ni dga' ba de'i snying gis khyod la mngon phyogs blta zhing bden pa nyid du 'ang? nges pa nyid/ /kwa ye grogs bzang de nas legs par gnas la gzhan yang nyen 'dod sgra ldan mi rnams ni/ /bdag po'i tshig ni snying grogs bdag gis khyer 'ongs gyur las phrad pa lhag mar lus pa nyid/ /kwa ye tshe ldan bdag gi tshig dang nyid kyis kyang ni de la phan pa'i ched du ni/ /khyod kyi rgyal po mchog ni rgyal po rA ma'i yi gnas na gnas shing 'tsho ba nyid/ /khyod ni spangs par gyur la kwa ye mdzes ma dge 'am 'dri zhes de ltar smra bar mdzod/ /gang phyir skye bo rnams 'byed pa nyams la dang por de 'dra'i dbugs dbyung byed pa nyid/ /lus kyi nang nas shin tu phra bas phra gyur dang ni shin tu gdungs pas gdungs gyur dang/ /mchi ma 'dzag pas mchi ma 'dzag gyur che bar phrad 'dod nyid kyis 'phrad 'dod mchog tu gyur/ /dbugs don shugs rings lhags pas dbugs dron shugs rings mchog tu lhags gyur ring nas 'jug pa can/ /bsod nams chom rkun dag gis lam bkag gyur cing de rnams yid la sem zhing 'jug pa yin/ /grogs mo'i mdun du de yi rna ba la ni khyod kyi gdong ni reg par thob gyur pas/ /khyod kyis gang yang gus pa'i gtam gyis ched du gyur ba'i che ba'i sgra 'di brjod par 'os/ /gang de rna ba'i yul las shin tu gang yang 'das shing mig dag gis ni mthong bya min/ /khyod dang dga' bas phrang 'dod gyur zhes bdag gi kha yi tshig 'di zer zhes smra bar mdzod/ /'khri shing 'ga' la la yan lag mdzes pa 'jigs bcas ri dags mo la mig mdzes g.yo ba mthong/ /'gram pa'i mdzes 'od ri bong can la skra rnams gtsug phud can gyi mjug sgro'i tshogs la mthong/ /smin ma'i rol sgeg mdzes ma rnams ni cha klung rlabs phreng phra mo rnams la rab tu mthong/ /e ma gcig tu tshogs pa dang ldan g.yon mig khyod dang mtshungs pa 'ga' yang yod ma yin/ /char gyis brlan las dri bzang can bzhin khyod kyi gdong 'di mdzes po lus pha ma/ /khyod ni ring gyur bdag ni phra ba'i lus gyur mdal lnga pa yi gdung ba yang yang byin/ /so ka rdzogs pa'i mdza' ru phyogs kun cha ba'i chu 'dzin stug pos bsgribs pas nyi ma yi/ /snang ba rnams ni nyams shing rgyun tu char 'ongs bdag gi zhag gis grangs kyang ji ltar yin/ /khyod ni rdo leb gzhi la khams kyi mtshon rnams kyis ni dga' dang khro bas legs bris te/ /de rnyed rdzogs nas 'dod pa bya ba'i ched du khyod kyi zhabs drung lhung bar gyur pa na/ /tshig lan ma byung bdag la mchi ma? mang po yang byung bas zubs pas mig la khro/ /der yang bdag cag gnyis ni lhan cig 'grogs ba'i skal ba med pa nyid du gyur pa bzhin/ /khyod ni bdag gi rmi lam dag tu 'ongs shing thob pa ci yang mthong bar gyur pa na/ /kho bos dam du 'khyang par bya ba'i ched du nam mkha' dag la lag yugs byas pa ni/ /sa la gnas pa'i nags kyi lha rnams kyis ni nges par ma mthong ma yin mang po ru/ /mu tig brgyus pa bzhin du shing gi yal ga rnams la mchi ma'i dum bu lhung bar gyur/ de wa ra ru'i ljon pa rnams kyi yal ga'i 'dab ma rnams ni 'phral du bcas byas nas/ /de rnams kyi ni 'o ma 'dzags pa'i dri bzang dang ldan lho nas zhugs pa'i dri bzhon rnams/ /gang zhig bdag gis dang por rab tu 'khyud do kwa ye yon tan ldan ma de rnams ni/ /gangs kyi ri la gal te song na khyod kyi lus la reg pa nges par 'gyur ro ce'o/ /thun gsum can mthun ring gyur pa skad cig bzhin du sdud pa ji ltar yin/ /nyin par yang ni gnas skabs kun tu cung zad cung zad gdung ba'ang ji ltar gyur pa yin/ /kwa ye 'dren byed g.yo ba de ltar gyur pas bdag gi sems ni don gnyer skal pa dman par gyur/ /khyod dang bral ba'i gdung ba mang po rnams dang che ba'i sdug bsngal rnams kyis brtan par min par byas/ /bdag ni zhag grangs mang po'i bdag nyid bgrang zhing nang gi bsam pas mi 'chi bar ni shes/ /kwa yi dge legs ldan ma khyod kyang mya ngan mang po shin tu bya ba ma yin te/ /bde ba mdza' gcig ldan pa su yin rtag tu sdug bsngal mdza' gcig pa yang su zhig yin/ /de dag 'khor lo'i rtsibs ni cung zad 'og tu 'gro zhing steng du 'ang rim gyis 'khor ba bzhin/ /khyab 'jug lag 'gro'i gnas na gnyid las langs tshe rje bo khros pa'i bka' lung rdzogs pa nyid/ /de la zla ba bzhi yod de bar mig ni zum par byas nas khyod ni gnas par mdzod/ /phyi nas bdag cag gnyis ni yun ring bral ba las byung 'dod pa'i longs spyod de de thob/ /ston ka'i zla ba rdzogs pa'i mtshan ma rnams la 'dod pa'i longs spyod de dag ldan par 'gyur/ /yang ni brjod pa sngon ni bdag dang khyod ni mal stan gnas na mgrin 'khyud gnyid song pas/ /bdag ni 'phral la rab tu sad par gyur nas ci yang du bar byas par gyur ba ni/ /nang nas rgod pa dang bcas lan cig min par khyod kyis bdag la dri ba brjod pa na/ /kwa ye g.yo ma 'ga' zhig dang yang dag 'byed rmi lam du mthong zhes pa bdag gis khyod la'o/ /de la bdag ni khyod la mtshan ma bzang po sbyin par byed pa yin par rig byas nas/ /kwa ye 'dren byed dkar min skye bo ngan pa'i tshig las bdag la mi gus 'os ma yin/ /gang phyir bral bas gdungs pa longs spyod bral la de rnams mdza' bo'i brjod pa ci zhig yin/ /dngos po rnams ni mthong che mchog tu dga' ba'i ri ni mang ba'i phung po nyid du 'gyur/ /'di rnams kyis ni dang por bral bas gdungs bar gyur pa'i grogs mo de ni dbugs dbyung mdzod/ /mig gsum pa yi khyu mchog lta bur dkar ba'i ke lA sha yi ri las slar ldog bya/ /de la'ang rang gi dge ba'i mtshan? ma khyer 'ongs de dang de ni bdag pa bshad par bya/ /khyod ni kunda'i ge sar g.yo ldan myur 'gro rnams kyis bskul byas myur bar 'ong bar bya/ /kwa ye grogs bzang khyod kyis bdag gis gnyen 'dun dgra tu cung zad gnas pa 'di byas nas/ /slar yang phrin rnams brtan pa khyod las nges par bdag la 'ong bar 'gyur zhes bdag sems so/ /tsuta ka rnams sgra med par yang chu ni sbyin par mdzod ces khyod la zhu par sems/ /gang phyir skye bo rnams la 'dod par gyur pa rnams kyi bya ba'i don nyid lan gyi chog/ /kwa ye chu 'dzin gdung dan bdag gi brjod ba bdag gi sems la don gnyer dga' ba yi/ /tshogs 'di byams par gyur pa 'am rjes su brtse ba'i blos ni 'di rnams kun byas nas/ /khyod kyang 'dod pa'i yul ni thob cing mdzes pa'i cher sprin chogs? 'dzin dpal dang ldan pa dang/ /glog ma dang yang nam yang mi 'bral gyur cig/ de bzhin kun kyang dge zhing shis gyur cig/ snyan dngags mkhan chen po nag mo'i khol gyis mdzad pa'i sprin gyi pho nya rdzogs so// blo gros dang/ snying rje dang/ brtul ba dang/ nges pa dang/ gtong ba la sogs pa'i yon tan phul du zung ba dpag tu med pas spras pa'i dgon chen nam mkha' brtan pa'i bka' lung gis/ kha che'i paN+Di ta snyan mngags mkhan chen po sum na sh+rI dang/ zhu chen gyi lots+tsha ba mang du thos pa'i dge slong byang chung rtse mo dang/ lots+tsha bar gtogs pa lung rig smra ba nam mkha' bzang pos/ dpal sa skya'i gtsug lag khang chen bor bsgyur cing zhus te gtan la phab pa'o/ / //gang gi thugs dgongs rnam par dag pa yis/ /'di la bskul zhing 'thun rkyen bsgrubs pa dang/ /bdag cag 'bad las bsod nams gang bsgrubs pas/ /'khor ba las brgal sku gsum thob par shog/ byang gi bdag po'i gsung bzang las/ /snyan mngags 'di ni bod skad du/ /kha che paN chen dang lhan cig/

CLOSE WINDOW