བོད་ཡིག

e-texts based on the ACIP/ALL Input

mkhas pa chen po gnas brtan ye shes dpal bshes gnyen gyis mdzad pa'o// //rgya gar skad du/ brit+ta mA lA stod ti/ bod skad du/ sdeb sbyor gyi phreng ba'i bstod pa/ 'jam dpa' i mgon po la phyag 'tshal lo/ /gzhan don bsgrub slad dag gi dbang po yi/ /spyod tshul mnyam dang phyed mnyam mi mnyam pa/ zhes pa rnam pa gsum ni bsdus pa ste/ /rgyas pa las ni mdza' yas rab bstan to/ /gang du rab tu nges pa'i dbyibs grags shing/ /thub mchog rnams kyi mtshan ni yang dag brjod/ /ji ltar rnam mang rnam par bkod pa yis/ /sdeb sbyor tshig kyang mchog tu spros par gyur/ /so so'i gzugs ni mthong ba dag las kyang/ /mdza' dag rim las lci dang yang ba rnams/ /blo ldan rnams kyis rnam par bgrang bar nus/ /'dir ni gzhan dag rjes su sbyar bas ci/ /legs byas zhal las mngon par 'khrungs gyur pa/ /tshig rnams dag gi rang gi rgyan gcig pu/ /de ni gus pas rnam par bsams pa na/ /khyed kyis 'khrul ba 'joms par nus gyur cig /blo/ dbyangs/ dpal/ rnams/ rang nyid/ gcig bu'i/ sa gang/ rnam mdzes/ rtag tu yang/ lha dang lha/ min sogs su/ rab skyes pa/ de yi yon tan/ dag la smon zhing/ yang dag bsten pas/ dri ma dang bral/ gcig min srid par ni/ goms pas rnam 'phel ba/ rtogs pa'i khyad par dag / legs 'chang rnams kyis bsten/ /'dun pa gA ya tri bzhin/ /dam pas dang por bsgrags pa/ /gang la sna tshogs dag gi /dge legs mchog byung 'byung ba/ /phyag na autpal sngon po/ /ston pa rol sgeg gnas kyi/ /sku ni rked pa phra ldan/ /'di yis rgyal bar gyur cig /bcom ldan dang bar mdzad cig /khyod yid gcig pu la skyabs/ /skye bo lun po 'di la/ /cung zad rnam par gzigs mdzod/ /nyi ma'i 'od zer mi zad pa/ /so ka lhag pa dang bcas bzhin/ /bde bar gshegs pa'i bstan pa ni/ /khyod nyid thob nas rab tu 'bar/ /rgyal ba rnams kyi gzhon nu dag /gzhon nu yi ni ral pa nyid/ /'dzin yang khyod kyi sku dag ni/ /nges pa kho nar sgeg pa nyid/ /gang zhig rjes su dran pas kyang/ /skye bo'i tshogs rnams dag gi gzugs// dmar pa'i dngos dang bral 'gyur zhing/ /gyen du 'gro dang ldan par 'gyur/ /gang gi yon tan bstod pa rgyas las/ /grogs brtang rjes su bsngags pa dag la/ /mchog gi gnas su rab 'khrungs rnams kyis/ /mkhas pa gcig bu rab tu sgrogs byed// gang zhig 'jigs rung gti mug bas/ /blo yi mig ni nges par bkag pa'i/ /skye bo dag gi mnyam du gsal ba byed/ /rin chen dbyig pa bzhin du gyur to/ /ma lus 'dren pa de nyid nged kyi/ /'gro ba gsum las phul du byung ba/ /thub pa'i dbang po'i phun tshogs dag la/ /'phro ba dang ldan 'jal byed nyid do/ /mi bzang nyon mongs gdung ba 'joms nus/ /rdzogs pa'i sangs rgyas rnams kyi rigs la/ /khyod kyi mdzes ldan 'di yi rgyan 'dzin/ /chu 'dzin dag la glog phreng ji bzhin/ /'gro ba khye'ur gyur pa rnams ni/ /lugs dag klog tu 'jug pa bzhin du/ /mtshan ma'i dbyug pa 'dzin mdzad khyod kyi/ /bla ma dam pa'i spyod pa mdzes so/ /'gro ba gsum la rang gi lugs ni/ /gsal bar byed cing rgyu chen blo ldan/ /khyod kyi phyag mthil g.yo ba dag ni/ / yal 'dab gang dag dang mtshungs par byed do/ /lhag pa'i dbang phyug khyod kyi gsung ni/ /bkra ba'i tshig dang ldan pas thams cad/ /de nyid ro la dus mnyam nyid du/ /rtogs pa dang bcas 'dzin pa 'char ro/ /gang la khyod kyi ngur mig dag kyang ni/ /skad cig rnam gnas mtshan ma thob gyur pa/ /de nyid gcig pus 'byor pa rgya che la/ /go 'phang bkod pa rab tu thob par byed/ /khyod spyan nyid dang yongs su 'dris pa la/ /skye bo'i tshogs 'di legs ldan nyid du ni/ /nye bar gyur ba rgyun du gshol gyi gdong/ /bkod bar gyur pa'i sa gzhi bzhin du mdzes/ /mchog sbyin de yis yongs su smin pa yi/ /de nyid skyed byed 'di la gang gi phyir/ /khyod kyi gsung gi sa bon btab pa na/ /zhi ba'i gzugs kyi 'bras bu smin par byed/ /nges par dbang po khyod kyi spyod la dag/ 'dir ni rab tu rtogs par ya yis nus/ /mun pa ldan pa'i dus su chu la ni/ /lag 'gro phrug gu dag gi bsgrod pa bzhin/ /'on kyang dbang po khyod grags thos pa las/ /skyes pa'i kun dga' brtan 'joms dag gis ni/ /rang gi nus pa rtogs pas bkod pa yi// 'jig rten kha'i rgyan ni spel bar byed/ /rig dang zhabs rnams dag ni pha rol thob cing/ /dpal gyi gnas gyur khyod sku rol sgeg mkhas pa/ /sangs rgyas sras po'i 'phreng ba dag ni mdzes te/ /chu skyes dag la ar bind+ha ji bzhin/ /rab tu grags pa'i rigs ni 'char byed ri bo/ /shes rab snang ba thabs kyi shing rta la gnas/ /blun po rnam par 'joms nus 'jig rten gsum gyi/ /pad+ma can gyi nye ma khyod la bdud do/ /sangs rgyas rnams rnams mngon par 'byung ba'i sa ni/ /mgon po khyod kyi 'byor pa mchog tu mdzes te/ /ri yi khyad par dag gi rtse mo'i sa ni/ /gser ldan rin chen myu gus mdzes pa bzhin no/ /ma lus mkhas pa'i tshig ni kun dga' ldan pas/ /mgon po 'jig rten gsal por mdzad pa khyod kyi/ /rnam rgyal sgra ni rgyas par byed cing rgyu ste/ /ji ltar kun tu sgrogs par byed med pa bzhin/ /rgol ba'i tshogs kyi rab mgo bo'i chu skyes/ /blo ldan dpal gyi gnas gyur khyod gsung 'jig rten/ /yon tan sbrang chang sbyor bas myos pas mkhas pa/ /rnams kyang myos par byed cing rnam par rol lo/ /rgyal ba kun gyis 'khor los sgyur ba rnams kyi/ /rigs kyi rgyan gyur khyod la gsal ba nyid du/ /gzhon nu nyid ces bya bar 'dod pa de ni/ /rma bya'i 'gros la dman pa nyid 'gyur bzhin no/ /dag cing rnam mdzes yan lag so so dag tu/ /rab gsal rang gi mdzes pa phun sum tshogs pas/ /sna tshogs rin chen 'od zer phreng ldan/ /khyod kyi rgyan phreng zil gyis mnan par gyur to/ /smra ba po bdag de nyid tshul 'chad sgrub la/ /khyod kyi lag g.yon phan tshun phrad pa dag las/ /sgra snyan sgrogs par byed cing gcu bu dag ni/ g.yo ba dag gis 'gro rnams bsrung bar gyur cig/ khyod kyi gzugs dang yon tan tshogs dang grags pa dag/ phul byung ldan 'di ma lus yang dag mthong gyur nas/ /rang gi yul la dag 'bral rnam par 'dzin byed cing/ /gsum bsngags dag la 'gro ba dman pa nye bar gyur/ /gtso bo khyod kyi sku ni kun nas bzang ldan pa/ /mi chung brtse ba dag gi khu ba lta bu yi/ /mdzes pa'i rgyun ni dpe med rab tu 'phro ba dag/ su yi dga' bdag ni skyed par byed ma yin/ /ston ka'i bdud rtsi'i zer gyis 'od zer phreng ba dang/ /kha ba dang mtshungs dri ma dang bral dkar ba yi/ /mu teg phreng ba zlum po 'di ni khyod thugs la/ /yon tan tshogs pa bzhin du khyod la rnam par mdzes/ /ring du rgyas pa'i dri bzang dag la chags gyur cing/ /legs par 'ongs pa bung ba'i tshogs ni sgrogs byed pas/ /yid bzang dag las yid bzang ldan ba dza tri yi/ /grags pa rnam par rgyal ba bzhin du sgrogs byed cing/ /dri bzang rab gsal sbrang rtsi'i gter ni lhag gyur pa/ /bzhi mnyam dag gi phye ma 'dzin pa bzhin du ni/ /'dab mar bde nyal bung ba'i rtse dga' yongs ma rdzogs/ /khyod kyi chu skyes sngon po'i dpal 'di rnam par mdzes/ /gang gis yun ring dag tu mig 'dzum bral bar ni/ /'di 'thung byed pa mig gi tshogs pa thob gyur ba/ /khyod kyi gzugs kyi bcud len goms par gyur pas na/ /nor lha kho na mang du mchod par bya ba'i mchog/ rin chen zur phung tshogs btud rab tu dga' ldan zhing/ /lag pas thal mo sbyar byas skal ldan rnams kyis ni/ /gus pas yun ring dag tu bya ba gzhan bral bar/ /khyod kyi zhabs gnyis 'di ni nye bar bsten gyur te/ /blo yi dbang po khyod kyi zhabs kyi pad+ma dag/ nye bar bsten pa gal te rab gu grub gyur na/ /dbang po'i 'byor pa dag gi tshangs dag gi dpal gyis ci/ /de dag las kyang khyad 'phags phun sum tshogs pas ci/ /khyod bsten dag las phyi rol phyogs rnams dbang med du/ /drag po'i las dang nyon mongs dag gis nges par ni/ /skye ba bgrod dka' 'di la nyams pa thob byed de/ /chu gter dbus su rlung dang rlabs kyi gru gzings bzhin/ /shin tu mdza' bral srid pa dag gi bar du ni/ /skyon med ring du mthong ba'i yid can rnams dag gi / khyod ni yongs bsten yid kyi shing rta 'byar gyur pa/ /sems kyi rgyud ci'ang rnam par 'phro ba yin/ /khyod kyi zur mig gzigs ba yis kyang bsod nams skyabs/ /'phags pa'i bden pa'i bdud rtsi dag ni myur thob cing/ /rnam par 'phrul pa bzhi 'chad dag la dga' ba ni/ /shes rab rab tu rgyas ldan ci yang 'byung bar 'gyur/ /gdung ba gcod byed stod pa'i tshogs rnams dag gi gnas/ /shin tu dam pa'i yid 'phrog khyod kyi grags pa ni/ /sdug bsngal zla ba'i zla 'od brlan ldan tsan dan lhor/ dkar ba dag gis phyogs bcu shin tu brgyan par gyur/ /rtse mo du mas mtho zhing mngon par 'phags gyur pa/ /spang dka' sems can lta ba khyod la bsten pa las/ /rim gyis rab tu nyams par 'gyur te mi bzad pa'i/ /dbang po'i rdo rjes bstan bcom de yi gzugs bzhin no/ /rnam rgyas chos kyi mnga' bdag dngos grub legs ldan pa/ /rab mtho seng ge'i khri la yang dag bzhugs pa khyod/ /zhi ba'i bdag po nye dbang rdo rje'i mtshon byed po/ /zhi ba 'dod pa rnams kyis nye bar bsten par gyur/ /de ma thag tu rab brjod mtshan nyid 'gyur gyur pa/ /khyod kyi zhabs dag mnyan 'os bgrod pa spros pa yang/ /gang dag rnams kyi mig gi spyod yul du gyur pa/ /de dag la lha rnams nye ba'i ris te bsngags par 'os// //rab 'dod bdag nyid yon tan thams cad rjes su 'phrog byed/ /gzhan dag yod par gyur kyang the tshom med par khyod ni/ /gzhan dang thun mong min pa'i blo gros dag gi bdag po lus dag las rgyal ba rigs la gnas par gsung ngo/ /byis pa'i dbyibs can mdzes shing rnam par bkra ba'i rgyan ldan/ /gser gyi mdog can mi 'khrugs cod pan dag dang bcas shing/ /thub dbang rigs kyi rgyan ni 'byung ba dag gi dpal gyur/ /ngag gi dbang phyug la ni ngag blo lus kyis 'dud do/ /tshig bzang rnams kyi tshig ni shin tu mang po yis kyang/ /lhag pa'i mgon po khyod kyi yon tan pha rol ma phyin/ /bdag gi stod pa rab tu nyung ba 'dir yang/ /rang nyid dga' ba tsam bskyed skal ba bzang po nyid do/ /dbyangs can dbang po khyod la dbyangs can yon tan rab 'bar/ //gsal ldan ma lus rgyan rnams dag gis bsngags par 'od ldan/ /bsod nams ston pa'i zhal gyi chu skyes las ni 'byung rnyed// dam pa'i yon tan phreng ldan rang nyid nye bar bsten to/ /mda' lnga pa yi mda' de dag ni bcom pa dag dang/ /zhe sdang ma dag gang zhig rmongs pa'i blun pa nges spel/ /mgon po 'jig rten gsum po rjes 'dzin gyis 'brel gzugs can/ /khyod nyid kyis ni sna tshogs kun tu legs par thob gyur/ /shin tu bstan las yon tan tshogs kyi rin chen bkra bas/ /nang gi yongs su gang bas chu yi phung po'i lugs dang/ /kun nas nyon mongs me rab zhi byed dam chos chu yi/ /char rgyun dag gis chu 'dzin phreng ba'i rol pa 'dzin/ /khyod kyi mdun dag tu ni mchog dang dam par rab 'bod/ /spobs pa dag dang bral ba'i phyir la smra ba po rnams/ /myur ba dang ni bul bar brjod pa'i tshig rnams dag kyang/ /lkugs pa'i gnas skabs dag ni rnyed slar mang du bzhed do/ /'gro ba gsum po dag kyang gtsang ma nyid du byed cing/ /bsil zer ldan pa'i zer ltar rab tu dkar ba'i 'od can/ /grags pa dag ni yun ring khyod las 'byung ste/ /lha yi ri rtse las kyang dal gyis 'bab pa dag go /brtse ba dag gi rang gnas khyod kyi grags pa 'di yis/ /mkhas pa dag gi snying ni shin tu 'phrog par bgyid de/ /phyogs phyogs dag tu kun da'i 'khri shing kun nas rab tu/ /rgyas pa'i me tog tshogs ni bsags pa dag gi bzhin no/ /chos dbyings gsung gyi dbang phyug dag gi ral pa 'dzin cing/ /sangs rgyas mang po bya ba sprul pa la ni mkhas gyur/ /brtse ba'i chu gter mdzes pa'i tshogs pa nye bar 'dzin pa/ /su zhig 'di ni 'gro ba rnams kyi sdig pa 'joms so/ /mkha' yi rlabs ldan dag gi g.yo ba'i rlabs kyi 'od ni/ /'od zer tshogs la rab tu rnam par reg par gyur pa bzhin du/ /ya mu na yi chu yi dba' rlabs lta bur bsngo ba/ /khyod kyi ral gyi skabs gzhan dag tu rnam rol/ /zhes pa 'di ni mkhas pa chen po stag sde ba seng ge rgyal mtshan gyi sras kyi thu bo/ /phyi dang nang gi gzhung lugs rgya mtsho'i pha rol tu son pa/ /de dus na 'gran zla dang bral ba'i mkhas pa chen po skad gnyis smra ba rnams kyi gtsug gi nor bu shong ston rdo rje rgyal mtshan gyi zhal snga nas bsgyur ro// //? //sid+d+hi rastu/ mgon po rang gi gzugs kyi bdag po khyod kyi gzugs ni/ /yid 'phrog do shal phreng bas dga' bos 'di 'dra gang na/ /shin tu gdul dka' i sems can zhi ba'i ched du 'phro ba'i/ /'jigs rung rgyan cha lag 'gro rab tu thob pa'ang gang na/ /dbang po bar mtshams med pa'i mu tig rnams kyi tshogs kyis/ /brgyan pa khyod kyi sku 'di rab mdzes mal+lI kA'i/ /dus su bsten pa me tog phreng ba gsar ba/ /ldan pa lta bur su yi snying ni 'phrog par mi byed/ /mgon po kwa ye gal te khyod kyi mdzes pa bdud rtsi'i/ /chu gter rlabs chen byas par ngal ba mchog tu ston na/ /'gro ba'i mig ni mdzes par rtogs par byed par/ /'dod pa dag dang ldan par 'gro bar byed do/ /mchog sbyin srid las 'das par bdag gi yan lag rnams ni/ /gdon mi 'tshal bar gsal ba kho nar dga' dang bral/ /bsten par 'byung mod khyod gyi gsung gi bdud rtsi'i btung ba'i/ /snod gyur rna bzung sbyar ba 'di dga' ba'i rgyu'o/ /mthu stobs mnyam pa med pa gang zhig khyod la bsten yang/ /zhi ba'i bdud rtsi'i bdud rnams la ni dga' dang bral ba/ /blun po g.yengs pa'i blo can bdag lta bu yi skye bo/ /mi 'byung/ 'gyur ba'i rab mchog gcig po 'di ni khyod la slong ngo/ /lus 'dzin rnams kyi mig gi dga' ston sgrub la zla ba/ /khyod kyi drin gyis dge ba yang dag rgyas pa'i dbang las/ /skye bo mkhas rnams srid pa zhig pa rnams kyi lam ni/ /dbye ba brgyad dang ldan par bde blag kho nar 'gro'o/ /ngag gi rgyal po khyod kyi zhabs la brten pa'i blo yi/ /snying po thob pa'i skal ldan rnams ni 'gro ba kun tuAng/ /bde dang sdug bsngal khyad par 'phags la sogs pa'i rgyu ni/ /skyes pa rnams kyis dran pa nyams par 'gyur ba med do/ /khyod kyi zhabs dag yongs su bsten par 'os pa rnams kyi/ /ma lus dri ma'i tshogs dang bral bas gsal ba'i ngang tshul can/ /rab tu rgyas pa'i yon tan dag gis che ba'i blo gros dag /phun tshogs rang bzhin bde ba ci yang 'gro bar skyed par byed// dag par byas pa'i gser ldan mdzes pa'i sku can mchog tu sgeg / gsal ba'i gsung gi dang mo rnams kyis bsten bya rgyal ba yi/ /yid mtshor pad sdong ldan pa gcig por ngang pa snyan sgrogs te/ /'jam pa'i dbyangs zhes grags pas 'dir ni khyod la bsrung gyur cig/ mgon po bzod par dka' ba'i nyon mongs 'di gsum rnams la ni/ /rnam par gcod pa phra mo dag kyang gal te bya dka' bar/ /gsal bar 'gyur na 'jig rten gsum po 'dir ni mig dang yid/ /dga' byed sku 'di 'dra ba thob pa nges par gang na zhig/ che ba'i 'od zer 'phro ba'i rin chen tshogs rnams 'dzin pa yi/ /chu yi gter du chu rnams rnam par gsal bar byas nas ni/ /gal te gal ta bar bya bar 'gyur na khyod lta bu rnams kyi/ /sku la mdzes pa'i rgyun ni rab mdzes 'di lta bu 'di yang/ /mgon po zab mo'i sgra dbyangs mthon po rnams kyis khyod la gang/ /yid 'ong bdud rtsi'i rgyun rnams 'bebs byed dga' dang skal bzang dag /spro byed spyod tshul shin tu yid 'ong dbyar gyi chu 'dzin gyi/ /rjes su gsal bar 'gro ste de nyid rma bya myos byed kyang/ /dpyid zla bzhin du khyod la 'gro ba gsum po rab dga' ba/ /bla med skyed byed autpal shing gi yal ga mig gi ni/ /mdzes pa'i me tog gis mthong sbrang rtsis myos pa bung ba yis/ /sgra rnams 'jam pa'i dbyangs byed tshul can 'di yis rgyal gyur cig / khyad par 'phags pa'i yon tan kun gyis dga' ba mchog rab thob pa'i/ /shes ldan sbrang rtsi'i brtul zhugs rnams kyis nye bar bsgrags par bya ba/ /rgyal ba'i lugs kyi rgyan du gyur pa khyod kyi spyod tshul kho na/ dpyid kyi thig le tsu ta gsar pa min nam snyam mo/ /gdong pa bskyogs pas gdong phyogs ri dags bdag po'i rgyab la bcings pa/ /thugs rje shin tu mchog tu gyur cing mngon par mtho ba'i rtsa ba/ rab tu mdzes pa nyid kyis gser dang kha ba'i rkang pa bzung ba/ /smra ba'i rigs kyi lha nyid la ni dal bu min par phyag 'tshal/ /spros pa mdza' dag rab tu zhi bar gyur dang sgrib pa med pas/ /rab tu rgyas pa'i blo dang ting nge 'dzin gyi bdud rtsi bsten pa/ /khyed kyi thub pa'i spyod tshul mi phan 'joms pa'i rnam par gnon pas/ /gzhan gyis mi thub pa yi srid pa gsum rnams 'dul bar byed do/ /rab tu 'jigs su rung ba'i yul can rnams kyi brtse ba med pa'i/ /spyod pas rab tu zhi ba bsgrub pa'i ched du 'ga' zhig tu yang/ /thugs rje khyod kyi phyag gi yongs 'joms phreng ba shin tu 'jigs rung/ /rnam pa sna tshogs mtshon cha sgrogs par byed rnams rnam par rol lo/ /mchog sbyin dge legs longs spyod dang ni yul la chags pa bral ba/ /'khrul pa med dang bdud rab 'joms dang srid gsum la phan phun sum/ /tshogs pa'i go 'phang thob dka' mi 'phrogs mngon par 'dod pa rnams kyi/ /de yang khyed la gus pa las ste lam gzhan gnod pa med do/ /gal te dbang po rnams ni bsdams pas 'ga' zhig dag tu gus pa/ / g.yo ba med pa'i blo can khyod kyi cha shas ci yang bsgom na/ /skye bo 'di la ring por mi thogs chu gter ska rags dag gis/ /brgyan pa'i nor 'dzin 'di ni rang nyid nges par 'dam par byed do/ /khyod kyi 'dun sar 'chi med bud med rnams ni nges par spang byas kyang/ /mdzes pa 'dod pa bzhin du rdul gyis gang bas rnam rol spu long rnams/ /mchog tu thon pa rnams kyi nu ma gas shing ska rags ches cher bcings pa yi/ /stobs can ches cher 'dar ba'i 'dad lha'i rnam par bsgyings pa 'dzin par byed/ /gang gi yan lag rnams kyis dpe yod min pa'i dga' bos bsten pa yis/ /mchog tu rgya che'i gzugs gzhan ma lus rnams la dga' bar 'phrog par byed/ /sku lus nyams pa med pa dbang po'i mda' bstan rnam par 'dul ba yi/ /gzhi yi mchog rab sna tshogs 'od zer phreng ba ldan 'di rgyal gyur cig /rgyal ba'i khur bu zhal gyis mches pa khyod kyi 'dun sar dga' ba yis/ /ting ting lcags dang ma 'brel med par bsgrags pa'i sgra snyan phra mo yis/ /rnam par bsres pa'i rgyud ma bskyod pa mdzes pa'i lnga pa lta bu dag /rang gi che ba 'dod pa'i tshul can sgra dbyangs sred pa 'chad par byed/ /mgon po 'gro ba pham par byed pa'i glang po g.yo med byed pa yi/ /lcag sgrog dra ba lta bu'i dpung rgyan ngag gis brgyan par byas gyur cing/ /ngan 'gro'i lam gyi sgo gtan chen po rab dregs yid srub 'joms byed pa/ /bde bar gshegs pa'i dga' ba khyod kyi phyag gi ljon shing rgyal gyur cig /bdag po khyod kyi mchog las rnam par rgyal bas yang dag bsags pa yi/ /grags pa'i dpal ni srid pa'i spyi bor che ba'i yon tan phun tshogs pa/ /'byung bar byed pa dri ma mdza' dag rnam par bral bas gtsang ba yi/ /rjes su ston ka'i ri bong can gyi cha shas dag gis 'gro bar byed/ /dri bzang dag la gsal bar 'dus pa'i sbrang rtsir byed pa'i na chung rnams/ /'khor ba bzod pa bde bar gshegs pa sngon po'i bde ba 'phel byed pa'i/ /phreng ba ro yi khu ba ldan pa 'chi med bdag po'i bud med kyis/ /rnam par bkod pa 'di ni khyod kyi spyi bor rnam par rol par byed/ /gang phyir brtse las 'das blo can la sdom brtson min pa'i go 'phang bgrod/ /'gro ba gzhan la phan pa'i mkhas pa rnams ni rab tu rgyas par mdzad/ /ces te khyed kyi yon tan kha pa bsags pa'i mdzes pa yis/ /nam mkha' rang gi nor bu nyi ma nye bar bcom pa can ni skyed par byed/ /shin tu dga' bar mdzad pa'i gsung can rgyun chad med par gsar pa dang/ /gsar par bstod pa sdom brtson legs par bsdams pa mchog rnams dag gis ni/ /yon tan bgrang bya min pa khyod kyi yon tan tshogs kyi tshad rnams ni/ /chu gter rnams kyi nor bu'i tshogs kyis ji ltar yang dag 'jal bar byed/ /thugs rje shin tu che ba byis pa'i blo can rnams kyis bkod pa'i skye bo/ /mdza' dag rnam mang rnams kyi sna tshogs blo yi rol pa'i byed/ rnams kyis/ /g.yo ba med pas brtan pa ma lus 'gro ba la rung langs spyod rnams kyi/ /sa gzhi lta bu khyod kyi sku lus 'di yis 'dir ni rgyal bar gyur cig /blun pa'i blo can rnams kyi ngor ni thugs rje yang dag lhag cing lci ba/ /dge las byung ba yang dag tshogs pa phyag gi mthil du autpal bsnams pa/ /rgyal ba'i rigs kyi sa yi khor yug rnams ni khyod kyi khur bus bkur bar/ /dka' ba min zhes 'di ni blo gros chung ngu rnams kyang sgrogs par byed do/ /mgon po nam mkha' i bar du bkram pa'i chang gi dri bzangs bsnams pas/ gsang mthor smra ba myos shing sgrogs pa'i lag ldan tshogs rnams 'joms par byed cing/ /sgrogs la 'bad pas sprin las rgyal ba glang chen dbang po'i rnam par rol pa/ /rgya che ba ni sna tshogs nags kyi nang 'di rnams su 'dzin par mdzad do/ /'gro la phan pa bsgrub par bya ba'i blo yis go cha bcings pa khyod la/ /yongs gdung phra mo gang na'ang ci zhig kwa ye dam bca' nyams pa med pa/ /gang phyir bdud kyi chung ma'i skye bo'i lag pa dag ni 'dod par 'os pa'i/ /'gram pa'i gzhi la 'khur rtsi gsar pa 'god par byed pa le lo kho na'o/ /dpe med dga' bas gzugs can mya ngan rnam par bsal ba'i rgyal ba'i tshogs rnams/ gzigs pa khyod kyi gzhon nu'i rol pa gser bzang gi ni stag gi sen mo'i/ /ri mo bris shing rab mdzes zur phung lnga rnams rnam par bkod par byas pa/ /'di yis 'jig rten skyod pa brgyad po rnams ni lhag par dga' bar mdzad do/ /ji ltar 'dir ni khyod kho na la mchog gi nyams kyi khyad par rab 'dod pa'i/ /'byor pa ma lus bde ba'i yal ga'i rtse mo ldan pa yang dag 'byung 'gyur pa/ de ltar bdag gi yon tan rnams kyis shin tu khyab pa lta bur 'gro rnams kyi/ /ci zhig ltar gyur cig ces khyod kyi 'dun sa dal bus 'dir ni yongs smin gyur/ /'chi med ri bo'i lto ba lta bur brang gi gzhi ni rnam par yangs pa can/ /zhabs kyi yal ga'i 'od zer thang la skyes pa'i pad+ma'i nags kyi gzugs brnyan te/ /snang bar byed pa brgya phrag rnams las lhag par gsal ba'i gzi yis brgyan byas pa/ /mthar byed dregs pa 'joms byed srid gsum mgon po'i sa rnams 'dzin pa rgyal gyur cig /rnam par rmongs pa rgya che'i mun pa'i tshogs kyis nges par bcings pa rnams kyis ni/ /khyod zhabs pad+ma dag la brten pa'i dga' ston bde la gal te mi gus na/ /sa 'og phug pa rgya che srid pa dog pa rnams su gnas pa don med cing/ /yun ring bdud rnams kyi ni bcom mo/ /gzhon nu rgyal ba'i rigs kyi nyi ma kyi/ /bdag po phyogs su ljed pa'i brtse ba brten pa'i sdom brtson rigs kyi khyod la ni/ /mchog tu 'dus pa rnams kyis che ni shin tu g.yo ba 'di rnams bskul ba ni/ /brgya phrag rnams su nye bar bsgrub pa'i 'bras bu chen po lta bur rnam byas te/ chu skyes 'dab ma ltung ba'i chu ni rgyan du rung ba'i dngos por gyur pa bzhin/ /mchog sbyin khyod kyi yon tan rnam par rgyas dang 'dris pas dag par byas pa yi/ /ngag gi 'byor ba can ni sbrang rtsi'i rang bzhin snyan tshig gzhi dang dga' ldan pa'i/ mchod sbyin ldan dang rna ba'i bdud rtsir mngon par mchod pa'i gzhir gyur nges brjod kyi/ /bum pa can gyi zhal ni zhal bzang byed po de gcig pu yis kun tu thob/ /dbang po srid pa gsum gyi dga' ba rab ster rgyal ba'i brtson 'grus dpyid la ni/ /lhan cig byed pa 'phro ba nyid kyis mchod par gyur pa khyod kyi bya ba yis/ /gsung rab snye ma rnams las zag pa zhi ba bdud rtsi'i btung ba'i dga' ba yis/ /sdom brtson rkang drug pa dang mkhas pa snyan par sgrogs pa'i khu byug gso bar byed/ /smra ba mang po'i gnyis 'thung 'joms mdzad bde bar gshegs pa'i thugs kyis 'dzin gyi/ /phug pa zab pa'i khang pa ldan pa srid pa gsum gyi nags kyi lhag pa yi/ /dbang po 'ga' zhig tu yang khyod kyi 'jigs pas bdud kyi gtum po'i dpung chen ni/ /rtsed mo'i ri'i rgya mtshor bltams pa ri dags mo ltar ring du 'bros par byed/ /mgon po rnam par gnon par grags pa gdul bar dka' ba rnams ni gdul ba'i/ /ched du 'ga' zhig tu yang thugs rje'i shugs las gang gi zhabs kyi rtse mo yis/ /nyan par 'dod pa 'jigs byed du ba'i sgra las gcig tu 'jug byed 'jig rten gsum/ /dman yang mnan 'di thim dang myur du rang gnas min par 'gro phyed sku 'dzin byed/ /dge ba'i 'bras bu lta bu'i bum pa bzang po rnams 'dzin gtso bo dpag bsam shing gi/ mdzes pa phun sum tshogs par gang gyur de nyid spyi bor bla ma gcig gis bskyed de/ bshad par mdzad pas g.yob pa'i phyag gi phyag skyes rnams kyis mchog tu gsal ba dpung pa yin/ /yal ga 'di ni me tog rgyas pa'i khri shing rlung gis g.yo ba lta bur snang ngo/ /ma lus sangs rgyas rigs kyi rnyog pa med pa'i cha shas gter gyi spyod tshul 'di rnams/ /gal te snying la kun nas bskrun na grang ba chen po'i do shal nyams par 'gyur te/ /gal te lce yis 'dod par byas na sprin gyi snying po'i grags pa ci zhig /gal te rna ba gang bar byas par gyur na nor bu'i rna rgyan nges par bcom lags/ /bsod nams tshogs rnams nye bar bsags pa mnyam pa med pa'i bdag nyid chen po khyod kyi/ /zhabs gdon nor bu'i rang bzhin dag gi stegs ni bde sogs lag pa'i mthil gyi bde ba/ /ster ba'i bsten bkur byed pa rnams kyis mtshim gyur pa bzhin dang mchod sbyin brgya pa/ /'dud pa na ni mgo las ta mA la'i / /lo ma thob te rang nyid gsal lo/ /gzhan gyi don la gnas pa shin tu brtan ldan rnams kyi dbang po sna tshogs thugs rje yi/ /sgo nas 'dus pa'i sna tshogs 'dod ldan nyams kyi gnas gyur gson cig bdag gis rigs lags so// bla ma 'bigs sdig pa rnam par bsgyings pa kun nas mun par byed pa rnams/ 'phrog byed dag byed rnams kyi dag byed gnas skabs de ni skad cig tsam yang sgrub par mdzod/ /rgyal ba mchog gi rigs kyi chu gter 'phel la bdud rtsi'i 'od can shes rab mdzes ma dang/ /'grogs la yid srub gtan la mi gus 'jigs rung 'khrul pa'i mtshan mo yongs su 'dul ba la/ /nyi ma'i brtul zhugs 'dzin pa sna tshogs nyon mongs ri dags yang dag 'dzems pa sgrub pa la/ / stag gi rnam par rtsen pa'i dpal ni khyed rnams dag la bsrung bar byed gyur cig / dri med ston kha'i zla ba'i 'od kyis yongs bskor zla ba'i gzugs las ma lus dga' bar bya la/ /rin thang med pa'i 'dzum pa'i nor ldan zhal can drag po'i gdon rnams gdul ba thugs rje nyid las/ /'bad mdzad khyod kyi khams gsum rnam par rgyal ba'i gnas skabs nang gi skrag pa'i myu gu lta bur/ /lus skyes lang long gyur pa'i lha yi thub pa'i tshogs rnams dag gis mthong nas nyams par gyur to/ /'jigs pas nyams pa'i gzhan pa rnam dag shin tu ring bar bral zhing brtan pa'i ched du 'ongs pa'i/ /'chi med rnams kyi gus pa lji ba khyad 'phags yid ni gsal bar byed la rgyu dang 'dra ba/ /shugs stobs mkha' ltar dpag tu med pa dus mdza' i sprin gyi sgra las lhag pa'i seng ge'i sgra na/ /bdud rnams yongs su nyams par byas pa khyod kyi seng+ge'i rnam par rol pa 'gro la gyur cig /tshogs rnams la khyab ston kha'i nam mkha' i dkyil ltar shin tu dag pa'i blo yis lhag par bsten pa/ / bzod dka' i gdung pas 'khrugs pa'i dpag med sems can khams kyi dbang gyur thugs rje dam pas phyug pa/ /yang dag skye dang mya ngan 'das la rtag tu mi gnas gsung ldan rnams kyi mchog tu gyur pa/ /spyod tshul 'di 'dra ba ni ming tsam gyis kyang gzhan gyi grub par mngon par 'gro ba ma lags/ /drag por gdung pas rnam par bzhu ba'i lcag gi zer dang 'dra ba'i mig zur sdom pa'i skad cig la/ /sna tshogs yang dag spro ba dbang gyur phyogs bzhi'i dbang phyug rang bzhin gyis mthor skyes pa'i bdag nyid ni/ /rnam par 'phrul pa'i spros pa rgyas pa rgyas pa spro byed mnga' lnga pa ni 'joms byed rnams dang mdzes ma yi/ /skye bo bcu yi bdag nyid kyis kyang rab tu 'dod bya'i ngo mtshar dpal ni ci yang rgyas par byed/ /ma rig mngon par brtsom pa khyod la mchod par 'dod pa'i rig 'dzin bu mo dri bzang gis bkug pa'i/ /bud ba'i tshogs rnams dga' bas bsgrogs shing mchog tu rol pa'i me tog phrang ba 'dzin ma mdzes pa yi/ /'od zer spro ma rnams kyis nam mkha' kun khyab pa ni mig gi zur mig mdzes pa bstan pa yis/ /rab rgyas kun nga'i tshogs kyis rab dkrigs bzhin dang rdul zags yan lag brlan pas yang yang bkrus pa bzhin/ dbang po bcom ldan bla mar gus pa nyid dag tshig gis rtogs bya min pa yon tan rgya mtsho gang zhig / srid pa'i lam du 'gro ba'i skye bo khyod kyi mtshan gyi rang bzhin glu dbyangs rtag tu len pa 'dis ni/ /gzugs dang skye dang spyod tshul dang ni rnam par 'byor dang rnam gnon khyad 'phags phun sum tshogs mthar/ /sgrogs pa'i grags pa dri ma med pa ston kha'i zla ltar mchog tu rab mdzes nges par bde blag sgrub bo/ /ngag gi dbang phyug mchog sbyin khyod la nor gyi yul la dga' dang bral bar gtor ma mdza' gcig nyer bsgrubs pa'i/ /blo gros bzang pos bdud rtsi'i rgyan gyis bkrus par gyur cing steng du 'khor la rab cher myos pa glu len pa'i/ /sprang rtsi byed pa'i tshogs ldan dga' ba'i rol pa'i gnas gcig thub pa'i yid ni rnam par 'gyur bar byed pa yang/ /stobs yod pa'i longs spyod dpal ldan nyid kyis rtsen pa mtho ris rnams su nges par nyams su myong bar byed/ /stobs rnams kyi gter khyod nyid gcig pu skyabs byas min ni? chang gi lci ba'i 'gram pas bsgrags pa yi rab mtho ba yi/ /sprin dag pham byed glang chen dbang po'i tshogs kyi dri ma can gyur rno byas mdza' dag mtshon cha'i 'od zer dag / 'phro ba'i gos dag bcings pa'i rkang thang tshogs can rab mchog shing rta zhon pa'i dmag mi bzang ldan yid 'phrog pa'i ngal gso dang ni rab tu 'jug ba dang dbang du 'gro ba rta mchog rnams kyi rol pa'i can dpung sten par byed/ /mkhas pa rnams kyis sal bzhugs pa'i dbang po dga' ba'i gnas gyur rab mchog rgya mtsho rab sbyin bsten par mdzad pa/ /brjod pa rnams su mdza' yi go 'phang can khyod the tshom so sor bcom pa gang zhig rgyun du dran par byed na/ /na chod kyis rol blon po can gyi lnga pa'i dbyangs dag sgrub par byed pa'i ngal gsos dga' bar byas la/ /bsil zer can gyi gdong can mdzes ma de yi dbang du gyur pa 'di ni bdag dpal dang lhan cig gyur ro/ /sna tshogs pa la phan pa kun nas chags pa gcig pur bzod pa'i nang gi rgyu'i byed pa lhag pa'i bdag po kwa yi/ /'di na gang zhig nor gyi gnas ltar mchog rab khyod mtshan 'dzin par byed pa de yi mngon du lha yi gnas kyi mtsho'o/ /phyogs kyi glang po bying ba'i 'gram pa dag las 'phos par gyur pa'i chang gi dri bzang rab tu bsgos pa'i rol pa can/ /bzhad dang ngang pa khrung khrung rkang pas mtshan cing gser gyi pad+ma'i nags mthor pad? ba'i tshogs rnams sgra sgro can yang 'grub/ /mun pa 'joms par mdzad pa bdud kyi dgra bo sdig pa bcom pa rgyal ba'i sras kyis la rgyan gyur dga' bar mdzad pas/ /shugs stobs 'dus pa'i rol sgeg dpal can srid pa zhig pa rnams kyi gsung gi lugs dag skyed byed pha rol gnon pa/ /mchog sbyin khyod la 'bras ldan bsnyen bkur brtsams pa blo bzangs rnams su rnam par gsal ba rgyas ba longs spyod la chags pas kyang/ /'di na mchog tu mi bzad yul gyi lus 'dzin lag 'gro'i rnam par bsgyings pa rang 'dod bzhin du rnam par 'dul bar byed do/ /rab tu gsal bar rgyun chad med par dpag med bdud rtsi'i bdud kyi ma ltar yan lag rnams ni kun nas rgyas par byed pa yi/ /so sor kun tu blta ba yang dag sgrub byed gsar pa'i 'dod 'byung nyams kyi gnas gyur mtshungs ba med pa mi mnyam dpal can/ /gang zhig dpa' ba spyod pa rnam pa sna tshogs legs byas sgrub pa gzhan pa rnams kyis rnyed par sla min khyod la bsten pa yi/ /shing gis 'bras bu rgyud ba ma lus 'jig byed ces bya de 'dir brtson pa'i bdag nyid can gyis yang dag nyams su myong ngo/ /g.yo bar gyur pa'i zhabs kyis btsir ba'i ri yi dbang po la ldan sa 'og rgan gyur gyen du 'phyod pa'i klu skyong gis bstod pa/ nges par lhung bzhin pa yi phyag dbyig tshogs kyi char pa drag po rab tu ldan pa'i chu 'dzin rab tu drag po'i rlung gis ni/ /mchog tu rol pa ngal ba zhi ba rgyas byed lta bu gang la 'jigs pa'i dus su dogs pas 'jig rten gsum po skrag par 'gyur ba/ /thugs rje bzang pos rtsen cing 'phro ba khyod kyi pad+ma gar gyis dbang phyug rnam pa'i rol par 'khrungs pas rgyal gyur cig / mchog sbyin gzhan la phan pa dag dpag med dam pa'i bu lon mchog can rkang pa so sor mngon par 'phel las dag par 'khrungs shing 'gyur ba med la/ /mdza' yi ngo bor son pa'i rna gsum ting 'dzin rnams yang dag rtogs pa'i dbang las 'phags mchog rab tu mang po rab tu dgyes pa rnams kyis/ /rab tu sgrogs mdzad gang la rjes su dga' bas ca co yang dag sgrogs pas mi ngoms sems ldan lha rnams kyis dkrol sil snyan rgya mtsho'i sprul lha'i/ /char sprin rol pa'i sgra yi 'byung gnas rab mtho dung la sogs rnams ngal bar mi bgro khyod kyi mthu stobs mchog gis 'dir ni rgyal byed gyur cig /rab tu rgyas pa'i gsar gyi pad+ma'i skal bzang brten pa'i sku can rten byed rnams la mun par nyi ma'i dngos po sbyin mdzad pa/ /sa gsum zhi ba sgrub pa'i ched du mya ngan 'das pa bzlog mdzad ta ma la'i dbyibs can srid pa'i dgra la gus thob kyi/ /mgon po stobs bcu pa yi sras kyi tshogs kyi mchog gyur nges par 'khrugs pa'i sdug bsngal 'joms mdzad khyod la de ltar bstod pa yis/ /gang zhig rab bsags dge ba'i phung po chen po de la skye bo'i tshogs pa mdza' dag la yang 'byor ba de nyid 'byung gyur cig /bdag kyang khyod kyis zhabs pad mngon par mnyes par byed pa'i dbang gyur blo yis nang gi mun pa yang dag nges par 'gags pa skyes pa/ mdza' dag dngos po'i phung po la khyab 'dris pa rmi lam sgyu ma'i rang bzhin gnyis su med pa'i de nyid yang dag rtogs pa/ b rtse med rnams la brtse pa'i stobs dang mi bzlog brtson 'grus skyes dang rnam pa sna tshogs bya ba brtsams pas bdud rnams bub byed spyad tshul srid pa gsum la mchog tu phan pa gcig pu'i bya ba can ni skye bo gcig ma grol ba ji srid du yang spyad par bgyi'o/ /rab rgyas thang gi chu skyes bkram dang mtshungs pa 'dzin pa'i zhabs gdan mthar ni lha dang klu dang lha min dbang po'i gtsug gi nor bu'i 'od zer tshogs kyi mdzes pa ngal gso/ /bzod dka' mchog tu che ba'i sdug bsngal mes nyams nus pa 'khrugs pa'i 'jig rten gsum po mya ngan bral bar byas la ngal dang ngal gso med pa'i spyod pa rmad byung gter gyur/ /rdzogs pa'i sangs rgyas rnams kyi rigs rgyud dag pa'i rgyan du rab gsal grags brgyas pas phyogs kyi khong dag khyab pa gzhon nu dag gi dbang phyug bzlog par dka' ba bdud kyi/ /dpa' bo'i dmag dpung kun gyi spra ba 'jigs par byed la mngon par dga' dang ldan pa'i mnyam med nus pa bkod pas shin tu rab gdung byed pa shar 'dis rgyal bar gyur cig / stobs ldan rdo rje btsun mo mchog gi yan lag rnams su yongs su bskyod pas rnam par rol mdzad gsog gso ba tshogs las 'gro ba rgyal ba'i go cha/ /sgyu mar bcas shing zhag bcas khrag dang chang gi btud pas rnam par myos pas ma bsdams rnam 'gyur gang rkyangs cher rgad lha dang lha min ma lus skrag mdzad/ /thugs brtse ba dang shin tu sbyor ba ngo mtshar rang bzhin dpe zla med pa'i drag po'i sku can gnyis med rgya mtsho chen por nges par zhugs pa/ /yon tan dag pa'i gzhir gyur rgya cher gar gyi nyams dgu rnams dang ldan pa rol pa'i spyod tshul can gyur thugs rje'i stobs la mngon par phyag 'tshal/ /zhes pa bya dka' i bye brag bri ta ma lta'i bstod par mnyam pa'i brit+ta rnams so/ /thugs rje'i dbang gis 'jug pa'i tshul can khyod kyi sku/ /shar ka min pa'i ri bong can gyi 'od can phyed/ /phyed ni nyi ma shar ka'i gzugs brnyan 'dzin pa 'dis/ /su yi yid ni 'dzin par mi bgyid lags/ /myur bar de nyid bdud rtsi'i bcud kyi tshim pa'i khyad par dang/ /mdza' dag kun tu bsgrubs pa'i dngos grub dbang las kyang ni/ /khyod kyi zhabs dag nyams su myong ba'i gro gros med par/ /'byung bya min mo sdig pa 'joms pa rigs pa kwa ye/ /gtso bo 'gro la phan pa gal te khyod kyis ni/ /gzigs pa bdud rtsi'i ro yi rgyan dang ngo shal mdzes pas/ /khyab par byas pas dkar la mtho ba de rnams kyis/ /lus 'gyur na ni mkhas pa rnams kyi lhag pa ci 'dod/ /zhal gyi dpal ni rgyas par gyur pa mchog 'di thugs rje/ /chen po'i blo can gnyug ma'i blo gros dpal gyi bcud rnams dang/ /yang dag ldan zhing g.yo ba'i mchu yi 'dab ma can ni/ /shin tu yid 'phrog gser gyi chu skyes rgyas 'dod bzhin du snang/ /khyod kyi zhal bzang gzhan 'di autpal bsnams pa'i/ /mdzes pa rnams ni yang dag bsags pa bzhin du snang zhing/ /zhal ras gzhan pa ku mu ta yi dpal gyis ni/ /yang dag bskyed pa bzhin te 'di 'dras yid 'phrog mdzad do/ /'gro ba gsum las rgyal ba'i dang can khyod kyis ni/ /rol pa 'di'ang byis pa'i rol pa'o gang phyir la lar/ /don sgrub pa ni thams cad bskyod phyir khyod kyis ni/ /spyod pa'i tshul 'di e ma phyed mnyam pa ru mthong ngo/ /skad cig gcig la stobs kyis 'jig rten gsum gyi/ /rtse mo kun nas gnon pa khyod kyi zhal mthong nas/ /kun gyi dag ni rang gi bran mo bzhin du/ /khyod la snyan par smra bar ci ltar mi 'gyur lags/ /khyod kyi thugs rje gal te shugs ldan mi 'gyur/ /na ni rang gi ngang gis 'byung ba'i zhi ba'i lam/ /bsal nas blo ldan gyis kyang rtogs par dga' ba'i/ /spyod pa shin tu ngo mtshar brgya yis ci zhig lags/ /kun las khyad par 'phags pa'i gzi brjid kyi gnas/ /yan lag kun khyab mtshon sla mtshan gyi dpal ldan zhing/ /bzang po rnam par gsal ba khyod sku kun gyis/ /dran par gyur pas kyang ni bzang po rgyas par mdzad/ /gzhan don mchog tu don gnyer rnams kyis khyod sku kun nas 'phro zhing mngon par dga' bos 'od zer gyi/ /rang bzhin rdo rjes pad+ma ral gri nor bu 'khor lo rnams kyi rtog dang ldan par rnam par snang/ /sems skams tsam gyis dngos po bsten pa'i snying rje la ni phun tshogs gzhan dang gzhan min don 'di 'dra ba ga la 'byung/ /de 'di khyod kyi dbyibs kyis dor te de phyir cha shas/ sgra las ldan pa'i rkyen dang bud med rtags kyis brjod pa'o/ /'char bzhin pa yi skya rengs rnams kyi 'od zer tshogs kyis yongs su bskor ba'i/ /gser gyi rang bzhin dri ma dang bral kha pa'i 'od las nges rgyal ba/ /'gro ba ma lus mngon par dga' bar byed la mkhas shing shin tu mdzes pa/ /khyod kyi sku lus 'di yis rgyal bar gyur cig shin tu byung ba kye/ /srid pa gsum gyis rtogs par dka' ba 'ang zhabs la yongs su rgyu pa can gyi rnal 'byor lci ba bcom ldan bde bar gshegs pa dkar po ma yin pa'i/ /gzugs brnyan dang mtshungs dri ma rnam par bral ba'i nor bu nges par bsags pas spras phyir legs par yongs su 'byor pa'i yon tan rnams kyi gnas/ /rang gi tshul lugs rjod par byed pa'i sgra ni zhum par gcod pa yang dag rjes su byed la ro can lta bu'i lha yi me tog dri bzang po/ /yongs su byugs pa'i dri bzang gis/ 'dus bung pa'i tshogs kyi 'phungs gter khyod kyi gtsug gi phud kyis rgyal bar gyur cig rtogs pa'i chu gter kye/ yang dag dar ba'i phyogs la 'dod pa nye bar bab pa rnams la yang dag dar bar byed pa rnam pa sna tshogs mngon par rjod byed cing/ /rab tu zhi ba'i bde ba'i ro la ro myong blo can rnams la dpe zla med pa'i zhi ba'i bde ba'i lam brjod byed la lhur len chen po can/ /dpag tu med pa'i legs par byas pa'i 'bras bu blo can rnams la nges par drang zhing gya gyu'i blo can rnams la phul du ni/ /dbyung du med pa'i 'khyogs po'i tshig can khyod kyi gsung gi rgyal bar gyur cig / lhag pa'i bdag po rgyal ba'i tshul gyi 'dren byed bdud rtsi'i khang ba kye/ /gang zhig khyod la bstod cing khyod kyi yon tan rnams/ /kun nas bshad pa 'di zhes mngon par rlom byed pa/ /de ni nges par 'khur ba gang ba'i chu ldan pas/ /bdag gis chu gter nges par 'thungs so zhes pa nyid/ /'on kyang dran pa'i dgra bo ma lus rnams kyis kyang/ /brjod bya nyid ni brjod mi spyod pa mgon khyod kyis/ /yon tan rnams la don med mngon pa'i nga rgyal gyis/ brjod pa 'di ni phyin ci log pa snga ma can/ /zhes pa 'jug tshul phreng ba phyed mnyam pa yi brit+ta rnams so/ /yon tan rgya mtsho skabs gzhan rnams su/ /rgya mtsho ma skems brgyad po zhabs kyis te por btsir las rjes su 'phel ba rnams kyi sor mo'i khong bu gang ba min zhing bzod bya min pa/ /zhabs can mi mnyam pa ni rkang pa bzhi po gong ma can gyi thugs rje'i dgongs pa thob byed/ /ces pas nges par bsgrags pa'i rang bzhin/ mi bzang zhabs kyi bkod pa bya zhing yang pa dang ni lci ba'i nges pa 'dzin la gal te khyod kyis nges par mngon par smre sngags/ /tshig sgrub pa la rjes su gdung bar mi gyur pa ni 'jigs par 'gyur ba min pa su yin/ /ma rungs skye bo 'dul bar byed cing rnam par gtsigs pa'i sku lus mdzad pa khyod kyis/ /me tog kha 'bus 'di ni grong gsum 'phrog pa'i cod pan nor bu 'dra dang/ /shin tu yun ring phan pa'i blo gros nges par mdzad pa'i gdong bu'i myu gu bzhin du snang ngo/ /khyod kyi spyan gyis cung zad gtad pa'i pha rol pa rab tu/ /stobs ldan mngon par phyogs pas me chen stug po 'jigs su rung ba yi/ /dra ba rab tu rgyas pa'i nam mkha' i mthil du bar mtshams med pa 'dzin par byed cing gshin rje yang ni rab tu zhi bar mdzad do/ /'di ni kho na sdig pa drag po'i drug gi phung po/ /mdza' dag rab tu zhi bar byas slar yang skye bo 'jam po'i rjes su yang dang/ /yang du mngon par gsar pa'i bde ba nyams pa med pa'i gter dag 'dren par byed cing/ /nges par gyur pa'i bdud rtsi'i rgyun lags/ /dbang po sku lus chu gter phung po glog gis/ /mchog tu 'bar zhing chu yi khur gyis ljing la/ /'jigs rung 'brug sgra che ldan thugs rje lci yang gis/ /'gro pa rgyun du mchog tu 'phags pa 'di yis rgyal gyur cig / 'di nyid phyir na shin du bya ba dka' ba yi/ /rnam par rol pa brgyan rnams rgyas par mdzad pa/ /khyod kyis gsal bar grags pa'i dri bzang nyid kyis/ /rmad du byung ba 'di yis 'jig rten ma lus tshim par mdzad/ /khro gnyer gzigs stangs can gyi tshems rnams la ni/ /rnam par 'gyur rnams ci yang rnam par 'dzin pa/ /khyod kyi sku lus rgyal bar gyur cing 'on kyang gang zhig /mi bzad 'di 'dra ba yis 'jig rten pa rnams 'dul bar mdzad la/ /ri yi bya skyibs 'jigs pa rmad byung de 'dra ba yang/ /'gro la mi phan gzhom pa'i phyed du kun du mnyam du ni/ /khyod kyis dal bur gshegs pa rol pa dang/ /bcas la 'ang phul du dbyung du med pa'i mgyogs ldan rlung gi rjes 'gro min/ /gzhan yang bcom ldan 'das kyi khyu mchog rlabs po che'i/ /gnas ni mtshungs pa med pa dag par snang ba'i khyad par can/ /'dzin pa khyod ni rten du thob pa de/ /de phyir gzhan pa mi mnyam rnams kyi mgo bor rkang pa nges par 'jog / bsam pa gcig pa phun sum tshogs pas khyod mnyes byas nas/ /dge ba dri ma med pa 'phel bzhin pa zhes gang yod pa/ de las 'jig rten ma lus 'di rnams shin tu spyod tshul khyad par rnams kyis/ /khyod kyis mngon par dgongs pa'i go 'phang chen por mchog tu 'gro bar gyur cig / gzhan yang nges par 'dod bya dri ma med pas/ /dge ba 'di ni slar yang rab tu bsags par byas pas/ /lus dang ldan pa mdza' dag rnams kyi srid pa yi/ / mtshan mo las byung mun pa'i phung po rnam par gyur cig / gzhan yang stobs ldan shes rab rab dkar/ /kun nas 'khyud pas lus med rtse nas/ /'di ru gzings chen po la mdzes pa bsags pa'i rang bzhin lta bu'i lus ni/ /phul du dbyung du med pa'i snying rje can 'bab byed cing nyams su myong 'gyur/ /khyod la sna tshogs 'jug tshul rnams kyis de ltar bsngags pas/ /dge ba zla ba'i 'od zer dri med bsags pa gang yin/ /de las 'jig rten mya ngan las ni yongs grol ba// bde ba chen pos khyab pa'i rtse mo grogs mchog 'byung 'gyur/ /'phags pa 'jam pa'i dbyangs kyi bstod pa bya dka' ba'i khyad par 'jug tshul gyi phreng ba mkhas pa chen po gnas brtan ye shes dpal bshes gnyen gyis mdzad pa rdzogs so/ / //shu b+haM 'di yi yi ge bcu gnyis pa'i tshigs bcad bcu gcig pa ya mu na yar bcad/ shong ston lots+tsha ba chen po rdo rje rgyal mtshan gyis bsgyur te 'phro la las pa las shong ston de nyid kyi rgyud pa'i slob ma dbang lots+tsha pa dge slong dpal ldan blo gros brtan pas/ /slob dpon shAkya rak+Shi ta yis mdzad pa'i 'grel ba la brten nas/ yongs su rdzogs par bsgyur cing zhus te gtan la phab pa'o// // ` /

CLOSE WINDOW