Input 
| བོད་ཡིག | e-texts based on the ACIP/ALL Input |
bal yul yam bu'i grong khyer du bsgyur ba'o/ /da dung phyi mo dag par brtsal te btug par bya'o// // !/ (/tshig gi rgyan gyi bstan bcos snyan dngags me long bzhugs so/ /)
rgya gar skad du/ ka byA ngarsha/ bod skad du/ snyan dngags kyi me long/ 'jam dpal gzhon nur gyur pa la phyag 'tshal lo/ /gdong bzhi gdong gi pad tshal gyi/ dad pa'i bu mo thams cad dkar/ /dbyangs can ma ni kho bo yi/ /yid la ring
du gnas par mdzod/ /bstan bcos snga ma rnams bsdus shing/ /sbyor ba rnams kyang nyer mtshon te/ /ji ltar nus bzhin bdag gis ni/ /snyan dngags dag gi mtshan nyid bya/ /'di na kun tu lhag ma ni/ /mchog gi rjes su bstan pa yi/ /tshig rnams nyid kyi dran gyis
ni/ /'jig rten lugs la 'jug par byed/ /gal te sgras bod snang ba yi/ /'khor bar gsal bar ma byas na/ /'jig rten gsum po mdza' dag 'di/ /smag rum mun pa nyid du 'gyur/ /sngon gyi rgyal po grags pa'i gzugs/ /ngag gi rang bzhin me long thob/ /de
dag nye bar mi gnas kyang/ /rang nyid nyams pa med la ltos/ /mkhas pas yang dag rab sbyar ba'i/ /gau gau 'dod pa 'jo bar dran/ /de nyid nyes par sbyar ba slad/ /sbyor ba po ni go nyid brjod/ /de phyir snyan dngags dag la skyon/ /chung bar gyur kyang ci zhig ltar/ /btang snyoms mi bya lus mdzes
kyang/ /skyon gcig gis ni skal ngan 'gyur/ /skye bo bstan bcos mi shes pas/ /yon tan skyon dag ji ltar dbye/ /gzugs kyi dbye ba dmigs pa'i skabs long bdag la yod dam ci/ /de phyir mkhas pas skye dgu rnams/ /rnam par bskyed la mngon bltas nas/ /rnam bkra lam ldan tshig
rnams kyi/ /bya ba'i cho ga nges par sbyar/ /de dag gis ni snyan dngags kyi/ /lus dang rgyan yang rab tu bstan/ /lus ni re shig 'dod pa yi/ /don gyi rnam bcad tshig gi phreng/ /de'ang tshigs bcad lhug pa dang/ /sbel ma rnams gsum nyid du
gnas/ /tshigs bcad rkang bzhi de la yang/ /brit+ta dzA ti zhes rnam gnyis/ /de yi spros pa mdza' dag ni/ /sdeb sbyor gzhung du nges par bstan/ /rig de snyan dngags rgya mtsho ni/ /zab mo rgal 'dod rnams kyi gru/ /grol ba dang ni rigs dang mdzod/ /'dus pa zhes pa de 'dra
yis/ /tshigs bcad rgya che sa rgas bcings/ /cha shas rang bzhin phyir ma brjod/ /sargas bcings pa snyan dngags che/ /de yi mtshan nyid brjod par bya/ /shis brjod phyag bya dngos po ni/ /nges par bstan pa'ang de yi sgo/ /sngon byung gtam las gyur pa'am/ /cig
shos legs pa la brten pa/ /sde bzhi 'bras bu'i dbang gyur dang/ /mkhas shing yid 'ong 'dren pa dang/ /grong khyer rgya mtsho ri dang dus/ /nyi zla 'char ba'i sngags ba dang/ /skyed tshal chu yi rol rtsed dang/ /chang 'thung dga' ba'i dga' ston dang/ /slu ba dang ni bag ma
dang/ gzhon nu skye dang 'phel ba dang/ /gros dang pho nya bgrod pa dang/ /g.yul dang 'dren pa dar bas kyang/ /brgyan par gyur cing mdor bsdus min/ /nyams dang 'gyur ba dag gis gtams/ /sarga shin tu rgya che min/ /mnyan 'os brit+ta legs mtshams sbyar/ /kun
du sarga dag gi mdza' / /tha dad ldan pas 'jig rten mdzes/ /snyan dngags dam pa'i rgyan ldan ni/ /bskal pa'i bar du gnas par 'gyur/ /gang zhig yan lag 'gas dman yang/ /gal te sbyar rnams phun tshogs kyis/ /de rig mgu bar byed pa na/ /'dir ni snyan
dngags skyo ma yin/ /thog mar 'dren pa yon tan gyis/ /nye bar bkod nas de yis ni/ /dgra la gnod pa byed ces ba'i/ lam 'di rang bzhin mdzes pa yin/ /rigs dang brtson 'grus thos sogs kyis/ dgra po dag kyang sngags byas nas/ /de las rgyal phyir 'dren? pa ni//
khyad 'phags brjod la bdag dga' skyed/ /rkang pa med pa'i tshig rgyun ni/ /lhug pa rjod pa dag dang gtam/ /zhes pa de yi rab dbye gnyis/ /de la 'dren pa nyid kyis ni/ /brjod par bya ba brjod pa lo/ /gzhan ni 'dren pa'ang gzhan gyis kyang/ /rang gi yon tan bsgrags skyon 'dir
yang dag don bsngags phyir yod min/ /'on kyang nges pa ma mthong ste/ /der yang gzhan gyis brjod pa'i phyir/ /gzhan gyis brjod dam rang gis zhes/ /dbye ba'i rgyu ni ci zhig 'dra/ /gal te sgo dang gzhan sgo dang/ /yid brtan ldan nyid brjod pa ni/ /tha dad pa yi rtags yin na/ /zhar gyi
gtam rnams dag la yang/ /'phags pa sogs bzhin sgo dang ni/ /gzhan gyi sgo dag cis mi 'jug/ laM b+ha sogs saM A shwA sa'i/ /dbye ba mthong yang de las ci/ /de phyir gtam dang brjod pa zhes/ /ming gnyis dag gis rigs gcig mtshan/ /lhag ma brjod pa'i rigs rnams
kyang/ 'di nyid nang du 'dus par 'gyur/ /bu mo 'phrog dang g.yul dang ni/ /bslu dang ngar ba la sogs pa/ /sargas bcings pa mtshungs pa nyid/ /de dag khyad byed yon tan min/ /snyan dngags mkhan gyis bsam byas rtags/ /gzhan du yang ni skyon mi 'gyur/ /dod don grub
la sgo ru ni/ /mkhas pa rnams la ces mi 'gyur/ /spel ma zlos gar la sogs te/ /de dag rnams ni gzhan na rgyas/ /lhug pa tshigs bcad rang bzhin gang/ /tsam bu zhes par mngon par brjod/ /gang gis rang bzhin de dag kyang/ /legs sbyar de bzhin rang bzhin dang/ /zur chag
'dren ma zhes pa ste/ /rnam pa bzhi ru mkhas pas gsungs/ /legs sbyar zhes pa lha yi ni/ /skad du drang srong chen pos gsungs/ /de skyes de mtshungs yul can zhes/ /du ma rang bzhin dag gi rim/ /yul 'khor chen po la brtan skad/ /legs sbyar rin chen dag gi mtsho/ /se rus bcings
sogs rang bzhin gang/ /rang bzhin mchog tu gyur par rig/ so sor sa na gau Da dang/ lA DI gzhan yang de 'dra'i skad/ /rang bzhin nyid ces bya ba yis/ /tha snyad rnams la nye ba 'gyur/ /ba lang rdzi la sogs pa'i tshig/ snyan dngags la zur cha gces gnas/ /bstan bcos rnams la legs sbyar
las/ gzhan ba zur chag nyid du brjod/ /legs sbyar sargas bcings la sogs/ /rang bzhin skand+ha ka sogs gang/ /zur? chag ao sa ra sogs te/ /zlog sar la sogs 'dres ba'o/ /gtam sogs skad ni thad dang/ /leg sbyar gyis
kyang bcings ba ste/ /rmad byung don chen rgya che'i gtam/ /'byung bo'i skad kyis rang bzhin brtod/ /sgeg? dang rol dang stabs la sogs/ blta ba'i don yin cig shos kyang/ /mnyan bar bya ba nyid ces pa/ /'di yang lugs gnyis dag tu brjod/ /phan tshun dbye ba phra mo can
tshig gi lam ni du ma yod/ /de la bai da rgyu dang ni/ /gau Da bar khyad gsal ba brjod/ /sbyar bar ba dang mnyam nyid dang/ /snyen dang shin tu gzhon pa dang/ /don gsal ba dang rgya che nyid/ /brjid dang mdzes dang ting nge 'dzin/ yon tan 'di bcu baida rb+ha'i/ /lam gyi srog tu bshad pa yin//
'di dag phal cher bzlog bas ni/ /gau Da'i lam dag mtshon pa yin/ /sbyar ba lhod pas ma reg pa'o/ /srog chung yi ge shas che ba/ /lhong? pa mA lA tO mA lA/ /lo lA li ka li lA bzhin/ /gau Da ba yis rjes brid blos/ de 'dod mA la tI dA ma/ /laM g+hi taM b+ha ma raiyis sbyor lci byed/ /rab dang ldan pa grags don can/ /zla ba'i mtshan ma autpal gyi/ /'od kyi mdzes pa rgyan zhes gra/ rtogs pa'i skal bzang ldan pa'i tshig/ nges tshig yod phyir gau Ta/ shin tu grags pa min yang 'dod/ /shin tu dkar min chu la skyes/ /de 'dras mtshan pa 'od dkar?
bzhin/ /mnyam pa sbyor ba mi mnyam bral/ /de ni 'dam rtsub bar ma ste/ /sbyor ba 'jam rtsub bar ma yi/ /yi ge bkod pa'i skye gnas can/ /khu byug ca co sgrag byed cing/ /nyar ma rab 'thor dang zhing dang/ /chu rgyun chu thigs kyis bran pa'i/ /ma la ya rlung bdag la 'od/ /tsan dan gyis bgos dri?
ldang zhing/ /'jam pa ma la ya yi rlung/ /bdag gi brtan 'gog dga' ma ni/ /mchog gi kha yi rlung dang 'gran/ /zhes pa mi mnyam ma brtags par/ /don gyi rgyan dang tshogs dga' / kha? ldog? nas shar phyogs pa dag la/ /snyan dngags lam 'di byung bar gyur/ /snyan pa nyams ldan tshig dang
ni/ dngos po la yang rnams gnas pa/ /sbrang rtsi spyod pa sbrang rtsis bzhin/ /gang gi blo ldan dga' byed pa'o/ /sgra ni gar dang ci yis kyang/ /gang zhig mtshungs par nyams myong ba/ /de yi gzugs sogs tshig nye ba/ /rjes su khrid bcas nyams dang ldan/ /gang tshe tshangs pa dga'
ba yi/ /rgyal po 'di yis dpal thob 'gyur/ /de nas bzung ste chos kyi ni/ /dga' ston 'jig rten 'dir byung/ /zhes 'di gau Da mi 'dod/ /de dag rjes su khrid la dga' / phal cher rjes su khrid pas kyang/ /bai darb+ha ni 'di nyid 'dod/ /rkang ba rnams dang tshig rnams la/ /yi ge bskor ba rjes su khrid//
snga ma'i nyams myong 'du byed ni/ /rtogs byed gal te mi rig? nyid/ sten mtshan dbus rgyan zla ba ni/ kunda'i phon par 'khrul ba la/ /mtshan ma an+d+ri nI la mtshungs/ /bung ba'i dpal ni yang dag 'dzin/ /mdzes ma mkha' la zla ba yi/ /dkyil 'khor mdzes pa bdag gi yin/ /yid srubs kyis
mnan pa rtse med du/ /'joms par brtson pa 'di la ltos/ /zhes ba shin tu mi ring bar/ /thos pa dag ni rjes khrid 'dod/ /dga' ma bzhin gyi chu skyes dang/ /mtshungs pa zla ba zhes mi 'dod/ /bdag gi lus dang khro ba phra/ /'dod pa rtsul? cing mdza' bo ngan/ /khengs ba nyams shing chags pa
rgyas/ /rmongs pa skyes te srog rnams song/ /zhes sogs sbyor ba rtsub pa dang/ /lhod ba yang ni ster bar byed/ /de phyir de lta'i rjes khrid ni/ /lho phyogs pa dag mi sbyor ro/ /bskor ba kho na tshogs pa yi/ spyod yul zung dang ldan par rig/ de'ang gcig tu snyan pa min/ /de phyir phyi? nas brtan
par bya/ /nges par rtan? rnams kun la yang/ /don gyi nyams dag sbyin par byed/ /de lta na yang grong pa nyid/ /min pas khur 'di phal cher 'dzin/ /'dod ldan bdag la gzhon ma/ /khyod ni ji ltar 'dod mi byed/ /ces 'di grong pa'i don bdag nyid/ /nyams dang bral ba kho na nus/ /g.yon mig /
'dod pa gtum pa ni/ nges par bdag la brtsa ba med/ /khyod la khro med dga' zhes pa/ /grong ba'i don min ro dang ldan/ /sgra la'ang grong pa nyid yod de/ /de ni legs pa'o gcig shos grags/ /dga' ba'i dga' ston brjod pa la/ /ji ltar la yig la sogs bzhin/ tshig gi mtshams sbyor gyis
zhugs dang/ /slar yang dag don dag gis kyang/ /nges par rtogs byed grong ba ste/ /ya b+haba gi nI/ /zhes sogs kun tu khas len nyid/ /de ltar snyan pa rnam par phye/ /shin tu bzhon pa bshad par bya/ /rtsub min yi ge mang ba 'dir/ /shin tu bzhon pa nyid du 'dod/ /gang phyir thams cad mnyen pa ni/ /sbyor ba lhod pa'i/ skyon du bshad/ /sprin gyi phreng ba ldan
dus su/ /snyan par sgrog pa'i mgrin ldan pa/ /rma bya yi ni mjug ma dag /zlum por byas nas gar byed do/ /zhes pa don rgyas nyid ma yin/ /rgyan yang de 'dra yod min te/ /shin tu bzhon pa nyid kyis te/ /dam pa rnams kyi kha na gnas/ /gsal phyir gzhan dag phal cher ni/ /rjod par dka'
bdag kyang sbyor/ /n+yak+Shas rgyal rigs rnams kyi phyogs/ /skad cig gis ni nyams par byas/ /don gsal don brtag mi dgos nyid/ /'brog byed kyis ni sa gzhi dag /rmig pas bcad pa'i klu khrag gis/ dmar ba chu yi gter las byung/ /phag pa chen po dag gis sa/
chu gter dmar po dag las byung/ /zhes pa 'di nyid bstan pa ni/ /brang 'gro'i khrag gis brtag dgos nyid/ /lam ni gnyis ka dag la yang/ /rtogs pa'i skal bzang mi ldan zhing/ /sgra dang rigs pa las dgongs pa/ /'di 'dra ba la cher bzhed ma yin/ /gang du 'ga' zhig brjod
pa la/ /khyad 'phags ldan pa'i yon tan rtogs/ /de ni rgya cher brjod des/ /snyan dngags lam ni mgon dang bcas/ /slong ba rnams kyi bkren pa'i mig /lan cig khyod gdong la lhung ga /lha gcig gnas skabs de yis slar/ /gzhan gyi gdong la lta ma yin/ /zhes pa nyid kyi dag 'di? la//
gtod ba khyad 'phags legs pa mtshon/ /lam 'di nyid kyis gzhan dag kyang/ /rigs pa mtshungs pa dpag par bya/ /bsngags pas 'os pa'i khyad par dang/ /ldan ba rgya cher 'ga' zhig 'dod/ /rol ba'i chu skyes rtse dga' i mtsho/ /gser gyi rgyan la sogs par bzhin/ brjid pa tshig
rdu dmar po nyid/ /'di ni lhag bdag gi gsos/ /tshigs bcad la yang lho phyogs pa/ /min pa 'di nyid gcig pu bzhed/ /de la lci dang yang ba rnams/ /mang ba nyung ba nyid spel bas/ /mtho dma' yi ni rnam pa de/ /brjod pa la sogs rnams la blta/ /nub kyi ri mgor lhung ba yi/ /mdza' dag nyi
'od mal stan can/ /mkhrigs pa'i nu mal gnas pa'i/ /gos dmar mdzos bzhin chu ldan ma/ /zhes pa brjid dang ldan pa'i tshig /tshig bcad la yang shar ba sbyor/ /gzhan dag 'khrul min mdzes pa yi/ /tshig rnams brjod par 'dod de dper/ /chu 'dzin nges kyi phang na gnas//
mtshams kyi nyi 'od gas dang ldan/ chu ldan ma yis su yi yid/ /'dod pas gzir bar byed mi 'gyur/ /mdzes pa 'jig rten don dag las/ /ma 'das 'gro kun la mdzes pa'o/ /de yang btam gyis mngon brjod dang/ /bsngags pa la sogs rnams la'ang sbyar/ /dka' thub phung po khyod
'dra yi/ /zhabs kyi rdul ni gtsang ma rnams/ /yang dag btab pa gang yin pa/ /de dag kho na nges par khyim/ /skyon med lus can khyod kyi ni/ /lag pa'i 'khri shing bar dag tu/ /nu ma rab rgyas 'di dag gi /go skabs snyad par 'gyur ma yin/ /zhes pa khyad par brjod pa yi/ /legs sbyar de dag
srid pa nyid/ /'jig rten lugs kyi rjes su ni/ /'jug pa thams cad mdzes par 'gyur/ /'jig rten 'das bzhin brjod 'dod kyis/ /don gang shin tu bkod gyur pa/ /de yis mkhas pa shin tu ni/ /tshim 'gyur cig shos ma yin dper/ /dang nas bzung nas bdag gi khyim/ /lha yi khyim bzhin
bsnyen par 'os/ /khyod kyi zhabs rdul lhung ba yis/ /nyis bdag ni ma lus dkrus/ /khyod kyi nu ma 'di lta bu/ /rnam par rgyas par 'gyur ba 'di/ /nges par ma brtags byed po yis/ nam mkha' dag ni chung ngur sprul/ /'di ni ha cang brjod pa 'di/ gau Da la mdzes par brjod/ mjug pa snga ma gzhan
gyi ni/ lam la snying po nyid bshad/ /gzhan gyi chos de las gzhan la/ /'jig rten lugs kyi rjes 'brang bas/ /gang du yang dag 'dzin byed pa/ /ting nge 'dzin du brjod dper/ ku mu don? mig 'dzum zhing/ /pad+ma dag kyang mig 'byed ces/ /mig gi bya ba bkod pa las/ /de yi rjod byed sgra dang thob//
niSh+Thu ta dang aud+gIr+Na/ /skyug sogs phal par 'jig rten pa/ /shin tu mdzes te gzhan du ni/ /grong pa nyid kyi nus pa bsten/ /pad+mas nyi zer skyugs pa dag /'thungs nas rdul dmar skyugs pa yi/ /kha yi dag byed zer ma dag /shin tu skyug par byed pa bzhin//
zhes pa mdzes te mi mdzes pa/ /chung ma skyug par byed ces pa'o/ /cig car nyid du chos du ma/ /bkod pa dag kyang 'dod de dper/ /lci ba'i mngal khur gyis dal zhing/ /'khun par byed pa sprin gyi phreng/ /'di dag g.yo med steng gi ni/ /phang pa dag tu yang dag nyal/ /grogs mo'i phang par
nyal ba dang/ /'khun dang lci ba nyid dang ngal/ /zhes pa 'dir ni mngal ldan ma'i/ /chos mang po rnams gzhan du bstan/ /ting 'dzin zhes pa'i yon tan gang/ /'di ni snyan dngags bdog kun te/ snyan dngags mkhan po don mthun gyi/ /tshogs kyang 'di nyid rjes su 'brang/ /de ltar
rang bzhin brtags pa las/ /lam ni 'di gnyis rnam par phye/ /de dag dbye ba snyan dngags mkhan/ /so so la gnas brjod mi nus/ /bur shing 'o ma bur sogs kyi/ /mngar ba nyid ni khyad par che/ /de lta mod kyi de brjod par/ /dbyangs can rnams kyang nus ma yin/ /rang bzhin
gyis grub spobs pa dang/ /mang du thos pa dri ming dang/ /mngon par sbyor ba mi dman pa/ /snyan dngags phun sum tshogs pa'i rgyu/ /gal te sngon gyi bag chags yon tan gyi/ /rjes 'grel spobs pa rmad byung med pa la'ang/ /thos dang 'bad pa dag gis dag bsten na/ /ji zhig
ltar yang nges par rjes 'dzin byed/ /de phyir grags 'dod rnams kyis rtag tu ni/ /snyoms las med par rim pas dbyangs can bsten/ /snyan dngags chung ngu la yang ngal byas mi/ /mkhas pa'i mdun sa dag tu 'dug la dbang/ /snyan dngags me long las lam rnam par phye ba'i
rnam par bcad pa ste dang po'o/ / //snyan dngags mdzes par byed pa yi/ /chos rnams rgyan zhes rab tu brjod/ /de ni da lta'ang rnam rtog ste/ /de dag ma lus sus chad 'gyur/ /'on kyang rnam rtog sa bon ni/ /sngon gyi slob dpon rnams kyis bstan/ /de nyid rab tu
legs sbyar phyir/ /yongs su ngal 'di bdag gi'o/ /lam ni rnam par dbye don du/ /rgyan 'ga' zhig ni sngar yang bstan/ /thun mong rgyan gyi tshogs rnams ni/ /rigs gzhan rab tu bstan par bya/ /rang bzhin brjod dang dpe dang ni/ /gzugs can gsal byed bskor ba dang/ /'gog
dang don gzhan bkod pa dang/ /ldog pa can dang srid pa dang/ /bsdus dang phul byung rab brtags dang/ /rgyu dang phra mo cha dang rim/ /dga' dang nyams ldan gzi brjid can/ /rnam grangs brjod dang kun du phan/ /rgya che bsnyon dor sbyar ba dang/ /khyad par mtshungs par sbyor ba dang
'gal dang skabs min bstod pa dang/ /zol bstod nges par bstan pa dang/ /lhan cig brjod dang yongs brjes smon/ /rab spel de nas dgongs pa can/ /'di dag tshig rnams dag gi ni/ /rgyan du sngon gyi mkhas pas bstan/ /dngos po rnams kyi rang bzhin dang/ /gnas
skabs sna tshogs mngon gsal byed/ /de ni rang bzhin brjod pa dang/ /rigs zhes dang po'i rgyan yin dper/ /mchu ni dmar zhing gug pa dang/ /gshog pa ljang zhing mnyen pa dang/ /mgrin pa kha dog gsum phreng can/ /ne tso 'di dag tshig 'jam ldan/ /mgrin pa'i nad nas snyan sgrog cing/ /mig ni
kun tu 'phrul pa yi/ /phug ron rtse 'dod dga' ma la/ /yongs su bskor nas mchu dag sbyor/ /dga' ma yi ni reg pa 'dir/ /lus la spu long rgyas pa dang/ /yid ni bde bar byed pa dang/ /mig dag zum par byed cing 'jug /mgrin sngon lag na thod pa ni/ /gnas pa zla ba'i cod pan dang/ /stsum? zhing dmar
ba'i ral pa can/ /khyu mchog rgyal mtshan 'khrungs par 'gyur/ /rigs dang bya ba yon tan rdzas/ /rang bzhin brjod pa 'di 'dra 'di/ /bstan bcos rnams la rgyal srid nyid/ /snyan dngags la'ang 'di 'dod do/ /ji ltar ci zhig ltar mtshungs par/ /gsal bar gang du rtogs byed pa/ /de ni dpe zhes bya ste de'i/ /spros pa 'di ni
rab bshad bya/ /mdzes ma khyod kyi lag mthol ni/ /chu skyes bzhin du kun tu dmar/ /zhes pa chos dpe dngos su ni/ /mtshungs pa'i chos dag bstan phyir ro/ /khyod kyi gdong ni pad+ma bzhin/ /mig dang autpal sngon po bzhin/ zhes pa chos gcig rtogs byed pa/ /de ni dngos po'i dpe nyid do/ /khyod kyi gdong bzhin pad+ma ni/ /rnam par rgyas par gyur zhes pa//
de ni grags pa bzlog pa'i phyir/ /bzlog pa'i dpe zhes bya bar 'dod/ /khyod kyi zhal bzhin chu skyes te/ /chu skyes bzhin du khyod kyi zhal/ /zhes pa phan tshun khyad 'phags ni/ /brjod par byed 'di phan tshun dpe/ /khyod zhal pad+ma nyid dang
mtshungs/ /gzhan ni 'ga' zhig dang yang min/ /zhes pa mtshungs pa gzhan bzlog phyir/ /'di ni nges pa nyid kyi dpe/ /re zhig khyod gdong pad+ma yi/ /rjes 'gro gzhan yang de 'dra ba/ /gal te yod na de byed 'gyur/ /zhes pa 'di ni des med dpe/ /khyod gdong mdzes
pa kho na yis/ /zla ba'i rjes su 'gro min te/ /dga' bskyed las kyis kyang zhes pa/ /'di 'dra bsdus pa'i dpe yang yod/ /khyod kyi zhal ni khyod nyid la/ /mthong zhing zla ba mkha' la mthong/ /'di nyid kho na tha dad de/ /gzhan med ces 'di phul byung dpe/ /de
yi bzhin dpal da nyid la/ /yod ces zla ba snyems mi dgos/ /pad+ma la yang de yod phyir/ /zhes pa 'di ni rab brtags dpe/ /smin legs gal te pad+ma 'ga' / /rnam par 'phrul pa'i mig ldan na/ /khyod kyi bzhin kyi dpal 'dzin te/ /zhes pa
'di ni rmad byung dpe/ /lus phra khyod gdong ri bong can/ /zhes brtags khyod gdong bsam pa yis/ /zla ba yi yang rjes su bsnyags/ /zhes 'di rmongs pa'i dpe ru bshad/ /pad nad bung pa 'khor ram ci/ /khyod gdong la mig g.yo 'am ci/ /bdag gi
sems ni rnam par g.yo/ /zhes pa 'di ni the tshom dpe/ /zla ba skyengs byed mdzes pa 'di/ /zla bas tshar gcod pad+ma min/ /de phyir khyed kyi gdong nyid do/ /zhes pa 'di ni nges pa'i dpe/ /bsil zer can gyi dgra zla dang/ /dpal dang ldan dang dri bzang gis/ /khyod kyi gdong
ni chu skyes bzhin/ /zhes pa sbyar ba'i dpe ru bshad/ /mtshungs pa'i sgra yis brjod bya'i phyir/ /mnyam nyid dpe ste ji ltar na/ /skyed tshal phreng 'di bu mo bzhin/ /mdzes ldan sA la kA na na/ /pad+ma rdul mang zla ba mdzad/ /de dag las ni khyod kyi bzhin/ /mtshungs pa
la'ang khyad par bcas/ /zhes pa smad pa'i dpe ru 'dod/ /pad+mas tshangs pa'ang mchog tu bskyed/ /zla ba bde 'byung gtsug gis 'dzin/ /de dag khyod gdong mtshungs zhes pa/ /de ni bsngags pa'i dper brjod do/ /yon tan ldan rnams skyon gyur yang/ /zla ba khyod gdong
mtshungs zhes pa/ /brjod 'dod bdag gi yid la yod/ /ces pa brjod 'dod dpe zhes rig /'dab brgya pa dang ston zla dang/ /khyod kyi bzhin dang gsum po ni/ /phan tshun rnam pa 'gal zhes pa/ /de ni 'gal ba'i dper brjod do/ /dri ma ldan zhing blun gyur pa//
zla ba la ni khyod gdong dang/ /'gran pa'i nus pa nam yang med/ /ces pa dgag pa'i dpe nyid do/ /khyod gdong ri dags mig gis mtshan/ /zla ba ri dags nyid kyis mtshan/ /de lta na yang 'di mtshungs nyid/ /khyad 'phags min zhes mdzes pa'i dpe/ /'di ni bzhin
nyid pad+ma min/ /de dag bung ba ma yin mig /ces pa rnam gsal mtshungs pa las/ /de ni de nyid brjod pa'i dpe/ /zla ba pad+ma dag gi ni/ /mdzes pa las 'das khyod kyi gdong/ /bdag rang nyid dang mtshungs par gyur/ /zhes pa thun mong min pa'i dpe/ /pad+ma mdzes
pa'i snying po kun/ /'ga' zhig dag tu bsdus pa bzhin/ /khyod zhal rnam par mdzes zhes pa/ /de ni byung min dpe zhes rig /zla ba'i gzugs la dug bzhin dang/ /tsan dan dag las me bzhin du/ /zhal 'di las ni rtsub mo'i tshig /ces pa srid pa min/
pa'i dpe/ /tsandan chu dang zla ba'i zer/ /zla shel sogs bzhin khyod kyi ni/ /reg pa bsil zhes khyad par dag /gsal bar byed pa mang ba'i dpe/ /lus phra khyod kyi bzhin ras ni/ /zla ba'i dkyil 'khor las bton bzhin/ /pad+ma'i nang nas phyung ba bzhin//
zhes pa 'di ni rnam 'gyur dpe/ /nyi ma la ni 'od kyis bzhin/ /nyi ma 'od bzhin nyi ma yin/ /nyin bzhin nyin gyis mkha' la bzhin/ /rnam par gnon pas khyod la dpal/ /'dzin zhes de ni phreng ba'i dpe/ /gang yang dag don nyid kyis ni/ /gal te dag
don nyer 'jal na/ /ngag don dpe ste bzhin sgra ni/ /gcig dang du mas de rnam gnyis/ /khyod gdong mig ni mi bstan zhing/ /so yi 'od zer rab gsal ba/ /'dab skyes bud ba g.yo ldan ni/ /ge sar dag ni gsal bzhin mdzes//
pad+ma can bzhin lus phra ma/ /pad+ma bzhin du de yi gdong/ /sprang rtsi spyod pas bzhin du ni/ /bdag gis 'thungs shing 'thungs shing rtses/ /dngos po 'ga' zhig nyer bkod nas/ /de yi chos mthun rab bkod pa/ /mnyam pa nyid du rtogs pa can/ /zla ba dngos po'i dpe
yin dper/ /rgyal po rnams ni skyes gyur kyang/ /da lta 'ang khyod 'dra gcig kyang med/ /yongs 'du dag la rkang 'thung ni/ /gnyis pa nges par yod pa min/ /lhag pas dman pa bya ba yin/ /cho ga gcig la rab bsdus nas/ /gang smras de ni mtshungs pa dag /
sbyor ba'i dpe ru bshad de dper/ /bu lo ma dgra mtho ris dang/ /khyod ni sa srungs mel tse byed/ /de yis dregs ldan lha min dang/ /khyod kyi mi yi bdag po 'joms/ /rgyal po mdzes pas zla ba dang/ /gzi byin gyis ni nyi ma dang/ /bstan pas rgya mtsho'i rjes su byed/ /
ces pa 'di ni rgyur dper dran/ /blo ldan mi dgyes med gang la/ /nges par dpe yi skyon dag ni/ /tha dad tshig dang rtags la med/ /dman dang lhag pa nyid la'ang med/ /ma ning 'di 'gro bud med bzhin/ /bud med 'di smra skyes pa bzhin/ /bdag gi grogs 'di srog rnams
bzhin/ /rig pa rnams sgrub nor bzhin no/ /sa gzhi skyong ba khyod bzhin du/ /lha yi rgyal po rnam par mdzes/ /tsha zer can gyi nus pa la/ /mi bdag gzi yis 'god par nus/ /zhes pa de lta bu la sogs/ /skal bzang nam yang gtod min nyid/ /sbyor ba 'gal la
dag rig rnams/ /mi dgyes pa yod ji ltar na/ /dang mo bzhin du zla ba dkar/ /mtsho rnams bzhin du mkha' dri med/ /khyi bzhin dpa' bo rje la gus/ /nyi ma bzhin du me khyer gsal/ /'di 'dra spangs te mkhas rnams kyis/ /rgyu yang 'dir ni bsam par byos/ /bzhin
ltar lta bu ji ltar sgra/ /mthun mtshungs san ni b+ha dang mnyam/ /sang+gA? sha dang nI kA sha /gzugs mtshungs pra ti ru pakamtshungs sa ma saM mi tA:/ /mtshan nyid 'thun 'dra a b+ha dang/ /mthun phyogs dper byas dpe dang rtogs/ /de shI ya dang de sh+ya sogs/ /pra khya pra ti nI d+hI dang/ /rigs mthun mnyam byas sgra dag dang/ /gang yang dman min don can tshig /ri bong mtshan ma'i gdong can sogs/ /'bru
mang po yi tshig sdud dang/ /'gran dang rgyal dang sdang ba dang/ /'khu dang mi mthun sgrogs pa dang/ /'thab pa dad ni brnyas pa dang/ /sma 'bebs byed dang smod pa dang/ /tso 'dri ba dang 'gog pa dang/ /rgod dang phrag dog mi bzod dang/ /de yi skal bzang 'phrog byed dang/ /de yi
mdzes pa zum byed dang/ /de dang 'gran la tshar gcod dang/ /de dang mtshungs las lhag par 'dzegs/ /de yi rjes su rkang 'jog dang/ /de yi nus pa las 'jug dang/ /de yi rjes 'gro rjes su 'chi/ /de yi dang tshul de 'gog dang/ /de yi rjes su byed ces pa'i/ /sgra rnams mtshungs pa gsal
byed min/ /tha dad snang min gyur pa yi/ /dpe nyid ngo bo can 'dod dper/ /dpung pa 'khri shing lag pa ni/ /pad+ma rkang pa yal 'dabs so/ /lag pa 'khri shing sor mo rnams/ /yal 'dab sen mo'i 'od zer ni/ /me tog tu gyur dbyid kyi dpal/ /khyod ni ded la mngon sum rgyu/ /zhes pa 'di ni
ma bsdus te/ /snga ma bsdus pa'i gzugs can no/ /bzhin zla 'dzum pa zla 'od ni/ /gzugs can bsdus shing ma bsdus pa'o/ /sor mo dmar ba'i 'dab phreng dang/ /sen mo'i 'od kyi ge sar can/ /khyod kyi zhabs kyi 'dam skyes ni/ /sa skyod rnams kyi spyi bor 'dzin/ /sor mo
sogs la 'dab sogs dang/ /rkang pa pad+ma nyid byas nas/ /de 'os gnas su rnam bkod phyir/ /'di ni mdza' dag gzugs can nyid/ /gtum mo glo bur nyid du ni/ /khyod gdong chu yi yal 'dab g.yo/ /rdul gyi chu yi thigs pa yi/ /dog pa mu tig 'od can 'dzin/ /'dir ni
rdul chu dog par byas/ /mchu yang yal 'dab nyid byas kyi/ /gdong ni rnam pa gzhan la byas/ /de phyir cha shas gzugs can no/ /gdong pa'i 'dam skyes smin 'khog cing/ /rdul gyi chu ni zags pa dang/ /mig ni kun tu dmar ba 'di/ /myos pa'i gnas
skabs gsal bar byed/ /'dir ni gdong pa'i cha shas dag /rnam 'gyur ma byed gdong pa nyid/ /pad+mar bkod byas des na 'di/ /cha shas can gyi gzugs can no/ /mdzes ma myos pa'i mkhur tshos dmar/ /mig gi autpal dmar po can/ /khyod kyi gdong gis skye bo ni/ /'di
yang dmar ba'i rang bzhin byas/ /'di ni yan lag gcig gzugs can/ /de ltar 'di ni gnyis sogs kyi/ /yan lag rnams kyang rtog par byed/ /ldan dang mi ldan tha dad byed/ /gdong 'di 'dzum pa'i me tog 'bar/ /g.yo ba'i mig gi bud ba can/ /zhes pa me tog
bud ba dag / 'grogs pas ldan pa'i gzugs can no/ /gdong 'di 'dzum gsher zla 'od dang/ /snum pa'i mig gi autpal can/ /zla 'od autpal mi ldan pas/ /ldan min zhes pa'i gzugs can no/ /yan lag can dang yan lag rnams/ /gzugs byas gzugs
byas ma byas la/ /brten pas mi mnyam pa zhes pa'i/ /gzugs can mdzes pa yin te dper/ /myos pas khur tshos rab dmar zhing/ /smin ma'i khri shing gar byed pa/ /khyod gdong zla ba yid srubs kyi/ /'jig rten gsum po gzhon par nus/ /'phrog byed rkang pa dza
hU? yi/ /bu mo'i chu gos rtse la btags/ /lha min dogs med lha dga' ba'i/ /dga' ston rgyal mtshan rgyal gyur cig /gang zhig tog gi khyad par gyi/ /tshogs kyi gzugs ni 'di 'dra ba/ /de yi rkang pa la bkod 'di/ /khyad par dang bcas gzugs can no/ /pad+ma
rnams ni mig 'dzum zhing/ /nam mkha' la yang mi 'gro ba/ /khyod gdong zla bas bdag gi ni/ /srog rnams 'phrog pa nyid du 'bad/ /zla ba'i bya ba bya min dang/ gzhan gyi bya ba bya ba 'dir/ /yang dag bstan te de yi phyir/ /'gal ba zhes pa'i gzugs can no//
khyod ni zab? pas rgya mtsho ste/ /brling ba nyid kyis ri bo yin/ /'jig rten rnams la 'dod pa ni/ /ster phyir dpag bsam rkang 'thung ngo/ /'dir ni zab pa la sogs pa'i/ /rgyu rnams dag gi rgya mtsho ri/ /dpag bsag shing yang byed pas na/ /'di ni rgyu yi gzugs can no/ /grogs
mo khyod kyi gdong par 'di/ /dad pa'i rgyal pos nyer spyad 'os/ /dri zhim bud pas don gnyer 'os/ /zhes pa sbyar ba'i gzugs can no/ /gtso bo dang ni phal pa la/ /chos mthun chos mi mthun mthong bas/ /dpe dang ldog pa can zhes pa'i/ /gzugs can rnam pa gnyis 'dod
dper/ /myos pas kun tu dmar ba yis/ /bkag pa bzhin gyi zla ba ni/ /shar ka'i dmar ba phun tshogs pa'i/ /zla ba la ni rab tu 'gran/ /lha rnams kyis ni zla ba dang/ /bdag gis khyod gdong zla ba 'thung/ /'di ni gang ba ma yin yang/ /'di ni rtag tu dkyil 'khor rdzogs/
mdzes ma khyod gdong zla ba ni/ /'di ltar gzhan dag gdung byed pas/ /zla ba nyid du brjod min zhes pas/ /de ni smad pa'i gzugs can no/ /gtum mo khyod gdong zla bas kyang/ /brtse ba med par bdag sreg pa/ /bdag gi skal pa nyid kyi skyon/ /zhes 'di mnyam 'jog gzugs
can no/ /khyod gdong 'dam skyes dor 'dir/ /smin ma'i khri shing gar mkhan ma/ /rol sgeg gar byed ces pa ni/ /yid 'ong gzugs can gyi gzugs can/ /'di ni gdong min 'di pad+ma/ /'di dag mig min bud ba'o/ /'di rnams ge sar nyid yin 'di/ /khyod kyi so yi 'od
zer min/ /gdong la sogs pa nyid bzlog te/ /pad+ma la sogs gzugs byas pas/ /yon tan khyad 'phags gsal byed pa/ /de nyid bsnyon dor gzugs can no/ /gzugs can dpe yi rnam rtog rnams/ /mdza' yod ma yin de yi phyir/ /blo ldan rnams kyis phyogs tsam
bstan/ /ma brjod rjes su dpag par bya/ /rigs dang bya ba yon tan dang/ /rdzas tshig gcig na gnas pa yis/ /gal te dag kun la phan na/ /de ni gsal byed du brjod dper/ /lho yi rlung gis khri shing gi /'dab ma snying pa lhags par byed/ /dud pa'i lus can rnams
kyi yang/ /khengs pa gsar du 'joms par nus/ /rgyu'o chu gter bzhi ngogs kyi/ /skyed mos tshal du so can te/ /khor yug ri bo'i khongs su yang/ /khyod kyi yon tan kun da'i 'od/ /sngo bsangs nyid do phyogs rnams ni/ /dbyar skyes sprin gyi
phreng ba yis/ /sa yang rtswa sngon sar pa ni/ /shin tu gzhon pa'i phreng bas so/ /khyab 'jug rnam gnon la gnas pas/ /dA nu'i bu yi 'byor pa dag /gang du btang zhing lha rnams kyis/ /phun tshogs gang na gnas pa blangs/ /zhes pa dang po'i gsal byed bstan/ /de
bzhin bar dang mdza' yi yang/ /ngag dag? bdag gis bstan par bya/ /de dag 'ga' zhig 'di lta ste/ /gar byed ni tsul? pang? du/ /glu yang len no 'jug sgro can/ /dga' bas rgyas pa'i mig dag kyang/ /chu 'dzin la ni gtod par byed/ /dri bzhon dal bus 'gyur
byed de/ /zla ba dag kyang me ru 'gyur/ /tsandan byug pa lhung ba yang/ /mtshon lhung 'khyams pa rnams la'o/ /chu 'dzin gyi ni rab gtor chu/ /khyim gyi gtsug phud ldan pa'i tshogs/ /glog gi thag pa g.yo ba yang/ /me tog gzhu can dag gi dpung/ /khyod
kyis autpal rna ba la/ /'dod pa'i mda' ni mda' stan la/ /ngas kyang sems ni 'chi ba la/ /gsum po 'di ni mnyam du byas/ /dkar phyogs kyis ni 'od dkar can/ /'phel byed de yis mnga' lnga pa/ /des kyang chags pa chags pas kyang/ /na chung
dga' ba'i dga' ston dpal/ /zhes pa dang po'i gsal byed na'ang/ /snga ma snga ma la bltos pa'i/ /dag gi phreng ba rab sbyar phyir/ /de ni phreng ba'i gsal byed 'dod/ /rlung gis gtsubs pa'i chu thigs can/ /sprin gyis lus med dag gi ni/ /a zhen cing
dreg pa le pa 'phel bar byed/ /rdul gyi dag ni sel bar byed/ /'dir ni sprin gyi tshig dag dang/ /a ba le pa'i tshig dag gis/ /bya ba 'gal ba sbyar ba de/ /'gal ba'i don gyi gsal byed do/ /chu 'dzin dag gi phreng ba 'dis/ /phyogs rnams kyi ni
go skabs phrogs/ /skar ma yi ni tshogs rnams gzung/ /ding yang bdag gi srog rnams len/ /gang phyir chu 'dzin phreng ba yi/ /bya ba gcig nyid gsal byer 'dir/ /du ma'i sgra yis nyer blangs pa/ /de phyir don gcig gsal byed do/ /dri yi bzhon pa yid 'ong
mthong/ /sngo bsangs ta ma la yi 'od/ /sprin ni mkha' la rgyu byed de/ /glang chen 'di dag sa la'o/ /'dir ni chos dag tha dad min/ /sprin dang glang po rnams dag kyang/ /rgyu ba nyid kyis 'brel ba'i phyir/ /sbyar ba'i don gyi gsal byed do/ /rnam pa 'di nyid kho na yis
gsal byed la ni rnam rtog pa/ /lhag ma rnams kyang rjes 'gro yis/ /mkhas pa rnams kyis rtogs par bya/ /gsal byed kyi ni gnas nyid do/ /don bskor dang ni tshig skor dang/ /gnyi ga bskor ba zhes pa yi/ /rgyan gsum po dag 'dod de dper/ /ka daM pa
ni rnam par rgyas/ /ku Ta dzotga margyal nas de ring khyod/ /btsun mo rnams dang rtse bar byed/ /khyod kyi dgra ste mtho ris song/ /lha mo rnams dang rtsa bar byed/ /dgag pa brjod pa 'gog pa ste/ /dus gsum la bltos rnam pa gsum/ /de nas de yang dgag bya yi/ /dbye ba mdza' yas phyir mdza'
yas/ /lus med kyis ni me tog gi /mnga' lngas kun las rgyal bar gyur/ /zhes pa mi srid yang na ni/ /dngos po'i nus pa rnam par bkra/ /zhes pa 'dir ni rgyu stobs kyis/ /lus med rgyal bar mi rigs blo/ /de ltar gyur bkag gang gi phyir/ /'di 'dra
de ni byung ba 'gog / snyan sgrog ma dag ci yi phyir/ /rna ba la ni autpal 'jug /las 'di la ni mig zur dag /yongs rdzogs min par sems sam ci/ /'ga' zhig dkar min autpa la/ /rnam par byed la mdza' bo yis/ /de ltar bstod pas 'gog byed pa//
'di ni mngon gyur 'gog pa'o/ /jo bo bden par smra'o bdag /gzhan dang tsumpa nas 'phos pa/ /rgya skyegs kyis dmar mig gis ni/ /khyod kyis mthong bar 'gyur ma lags/ /sngar nyid shin tu khengs ldan mas/ /rnam zhig 'di yi gnod pa
dag / 'byung ba de ltar 'gog byed pa/ /'di ni 'byung 'gyur 'gog pa'o/ /lus phra khyod kyi yan lag rnams/ /'jam pa nyid du gnas pa brdzun/ /gal te bden par 'jam pa na/ /glo bur du bdag ci la gdung/ /gang phyir de ltar 'dod ldan gyi//
de dang 'gal ba'i chos kyi 'dir/ /bud med lus ni 'jam pa dag /'gog pa 'di ni chos 'gog pa'o/ /de ni mdzes sam ma yin zhes/ /rnam dbye 'di ni ci las skyes/ /der ni 'od tsam g.yo ba nyid/ /mthong bar gyur te rten ma yin/ /gang
'dir gzugs can ma ngo mtshar/ /brjod par 'dod pas 'od ces pa'i/ /chos ni khas blangs chos can dag /'gog 'di chos can 'gog pa'o/ /khyod kyi mig dag dmar gyur cing/ /mchu yi yal 'dab g.yo ba dang/ /smin ma 'khyog ste de lta
na 'ang/ /nyes pa med pa bdag mi 'jig /gang phyir mdza' bo mkhas pa yis/ /'jigs pa yi ni rgyu yi gtso/ /rang gi nyes pa 'gog byed pa/ /'di dag 'dir ni rgyu 'gog pa'o/ /mdza' bo dag ni ring na gnas/ /chu 'dzin bgrong lan 'di ni 'ongs//
ni tsu la yang rgyas pa mthong/ /bdag shi min pa 'di ni ci/ /de gyu chu 'dzin bgrod pa ni/ /mi bzang pa dag nyer bkod nas/ /'bras bu 'chi ba bzlog pa'i phyir/ /de ni 'bras bu 'gog pa'o/ /gal te gshegs na gshegs par mdzod/ /khyod kyi bgrod pas
bdag la ni/ gdung ba yun ring 'byung mi 'gyur/ /'di la khyod ni dogs mi 'tshal/ /zhes pas 'chi ba gsal byed pas/ /rjes gnang nyid kyi sgo nas ni/ /mdza' bo'i bgrod pa 'gog byed pa/ /de ni rjes gnang 'gog pa'o/ /nor ni mang po rnyed 'gyur zhing/ /lam phu yang ni bde
zhing dge bdag srog la yang the tshom med/ /'on kyang mdza' bo 'gro mi bya/ /mdza' bo 'gro bar sbyor ba yi/ /rgyu rnams dag ni rab bshad nas/ /dbang nyid kyis ni de 'gog pa/ /'di 'dra dbang gis 'gog pa'o/ /bdag ni gson re stobs dang ldan/ /nor gyis bsam pa
stobs ldan min/ /mdza' bo gshegs sam bzhugs lags sam/ /rang gi gnas skabs smos pa lags/ /gang phyir 'di ni chags ldan mas/ /mdza' bo'i bgrod pa 'gog byed cing/ /ma gus bzhin du tshig sbyar ba/ /'di ni ma gus pas 'gog pa'o/ /
mdza' bo gal te gshegs na bzhud/ /khyod kyi lam ni shis gyur cig /gang du khyod ni gshegs pa der/ /bdag kyang skye ba nyid gyur cig /de ltar shes brjod lam gyis gang/ /rang gi gnas skabs gsal byed mas/ /mdza' bo'i bgrod pa 'gog byed pa/ /
'di ni shis brjod kyis 'gog pa'o/ /gal te khyod 'gro bden nyid na/ /khyod kyis gzhan yang 'ga' zhig tshol/ /bdag ni glags tshol 'chi ba yis/ /de ring nyid du 'gog par 'gyur/ /gang phyir mdza' ba'i dbang gyur mas/ /mdza' bo'i bgrod pa 'gog byed pa//
tshig rtsub yi ge sngon 'gro can/ /'di ni rtsub mos 'gog pa'o/ /gal te gshegs na myur du bzhud/ /phyi nas gnyen 'dun 'khrugs pa'i khas/ /bsgrags pa'i tshong 'gro ba yi/ /bgegs gyur khyod kyi rna bar 'ong/ /gang phyir 'dir ni shin tu ni/ /chags ma
grogs nyid byed pa yis/ /mdza' bo'i bgrod pa 'gog pa 'di/ /grogs nyid kyis ni 'gog pa'o/ /bzhud ces khyod dgyes brjod 'dod de/ /bdag nyid dga' bar byed pa'i tshig /ma gshegs zhes pa kha nas ni/ /byung bar gyur la bdag ci byed/ /mi 'dod
dngos la 'bad byas pa'i/ /'bras bu phyin ci log skyes pas/ /don med nye bar bstan pa'i phyir/ /de ni 'bad pas 'gog pa'o/ /skad cig lta ba'i gegs byed pa'i/ /rdzi ma bskyod pa la khro ba/ /khyod kyi mdza' bo 'gro bo smras/ /bdag ni de yi 'dod pa 'dod//
gang phyir mdza' bo'i gzhan dbang ma/ /de yid bgrod pa 'gog byed pa'i/ /don 'di nye bar gsal byed phyir/ /'di ni gzhan dbang 'gog pa'o/ /mgon po 'bral ba bzod par bgyi/ /gang gis mig bgos bdag la ni/ /'dod pas bsnun du mi
mthong ba'i/ /mthong min mig sman bdag la stsol/ /'tsho ba'i thabs ni dka' ba dag /nye bar bkod nas bdag po ni/ /'gro ba 'gog par byed pa'i phyir/ /'di 'dra thabs kyi 'gog par brjod/ /jo bo khyod kyi zhal nas tshig /bdag 'gro zhes pa nges par 'byung//
mdza' bo dman pa khyod kyis de/ ma'i? phyin na yang bdag la ci/ /mdza' ba rgyas pas ma bsdams pa'i/ /bdag nyid khro bas mdza' bo yi/ /'gro bar tsom pa bzlog pa dang/ /'di ni khro bas 'gog pa'o/ /ma bsnos bu mos rna ba la/ /ma byas chang la ma btab par/ /khyod kyi
dgra yi rdzing nyid du/ /autpal sngon po zegs par gyur/ /mya ngan bcas bzhin autpa la/ /de 'os las ni bzlog byas nas/ /mya ngan 'os pa'i skabs ston phyir/ /'di ni mya ngan gyis 'gog pa'o/ /don ni 'ga' yang tshogs ma byas/ /rigs pa 'ga' yang ma bsgrubs
shing/ /dka' thub 'ga' yang ma bsags par/ /ne tshod mdza' dag song bar gyur/ /gang gi phyir 'dir ni tshe song bas/ /don sgrub la sogs log pa ni/ /'gyod pa gtso bor ston byed pa/ /'di ni 'gyod pas 'gog pa'o/ /ci 'di ston gyi chu 'dzin nam/ /yang na dad? pa'i
tshogs sam ci/ /sgra ni skad gdub kyi 'dra ba/ /thos pas de ni chu 'dzin min/ /chos ni dad pa la yod cing/ /sprin gyi rigs la ma rag pas/ /gang zhig the tshom zlog byed pa/ 'di ni the tshom 'geg pa'o/ /bdud rtsi'i bdag nyid pad+ma la/ /sdang zhing snun pa'i dkar 'bras can/ /
khyod gdong zla ba 'di yod bzhin/ /zla ba gzhan gyis ci zhig bya/ /phal pa'i zla ba la brten pa/ de mtshungs yon tan bstan byas nas/ /gtso bo'i zla ba 'gog byed pa/ /rnam pa de ltar sbyar bas 'gog /thams cad mnan yang khyod kyi ni/ /rnam gnon tshim pa med pa mtshar//
yang na bsrag za 'bar ba la/ /tshim pa dag ni nam zhig mthong/ /gang phyir 'dir ni don gzhan dag /de yis chos mtshungs bstan byas nas/ /yang mtshan rtsom pa 'gog byed pa/ /'di ni don gzhan 'gog pa'o/ /sbyin pa po zhes nam yang ni/ /mi dbang khyod la ma bstod de/ /gang phyir
slong bas khyod kyi nor/ /rang gi nyid du bsams nas len/ /zhes pa la sogs 'gog pa yi/ /rgyu 'gog pa zhes bshad pa ste/ /phyogs 'di nyid kyis rnam par rtog/ /gzhan rnams dag kyang dpag par nus/ /gang zhig dngos dga' rab bkod nas/ /de yi sgrub byed nus pa can/ /dngos po
gzhan dag 'god pa de/ /don gzhan bgod par shes par bya/ /kun khyab khyad par la gnas dang/ /sbyar ba can dang 'gal ba can/ /mi 'os byed dang 'os pa'i bdag /'os dang mi 'os bzlog pa'o/ /'di yi dbye ba de lta sogs/ /sbyor ba rnams la rab tu mtshon/ /'di rnams rang bzhin
gsal bya'i phyir/ /dper brjod phreng ba bstan par bya/ /legs ldan 'gro ba rnams kyi mig /nyi ma dang ni zla ba yang/ /nub par 'gyur ba nyid la ltos/ /nges pa la ni su yis 'gongs/ /chu 'dzin 'di dag lus can gyi/ /yongs su gdong pa 'phrog par byed/ /bdag thob min
nam chen po rnams/ /gzhan gyi sdug bsngal zhi slad du'o/ /ma la ya yi rlung gi ni/ /'jig rten dga' ba skyed par byed/ /dA k+Shi n+ya ni phun tshogs pa/ /kun gyi snying sdug ma yin nam/ /mtshan mor byed 'di dri ma dang/ /ldan yang 'gro ba dga' ba bskyed/ /gnyis skyes dbang po
skyon ldan yang/ /gzhan dag rjes su 'dzin par nus/ /sbrang rtsi 'thungs pa'i mgrin snyan las/ /byung ba bud ba'i sgra dag kyang/ rna bar rtsub pa nyid 'gyur ba/ /'dod ldan rnams kyi sdig 'di 'dra/ /chu skyes 'dab ma'i mal stan 'dis/ /bdag gi lus ni gdung bar byed//
sreg pa'i bdag nyid sreg za dang/ /'dra bas rigs pa ma yin nam/ /bsil zer can gyis nyams byed mod/ dpyid kyi bdag ni ci la gdung/ /dri ma can gyis spyod pa'i las/ /dag pas mi 'os pa yin nam/ /ku mud ldan yang sreg byed na/ /pad+ma'i 'byung gnas cis mi byed de//
zla bas bzung rnams rtsub pa ma/ nyi mas bzung ba 'jam mi 'gyur/ /sgras zin pa 'am rtogs pa yis/ /dngos po gnyis ni mtshungs gyur pa/ /der ni g.yo ba brjod pa gang/ /der ni bzlog pa can zhes brjod/ /brten dang che ba'i bdag nyid dang/ /lA ba N+ya sogs
yon tan gyis/ /khyod dang rgya mtsho mtshungs tha dad/ /khyod lus 'di 'dra nyid kyis so/ /gcig la gnas pa'i chos kyis ni/ /gnyi ga la gnas tha dad dag /rtogs pa'i yul du gyur pa'i phyir/ /'di ni gcig gi ldog pa can/ /chu yi phung po dag dang khyod/ /mtshams las
mi 'da' zab pa ste/ /'di ni mig sman dang mtshungs la/ /khyod ni gser gyi 'od can no/ /gang phyir 'di ni gnyi ga yi/ /'byed byed yon tan nag po dang/ /ser po gnyis gas tha dad bstan/ /'di ni gnyi ga'i sdog pa can/ /khyod dang rgya mtsho du nA ro/ /sems can chen
po brjid dang bcas/ /'di yis khyed gnyis tha dad de/ /de ni chung bdag khyed mkhas so/ /'di ni sbyar ba'i tshul ldan phyir/ /sbyar ba can zhes bzung bar mdzod/ /'gog pa can dang gtan tshigs can/ /gnyis po de yang bstan par bya/ /lugs dang ldan zhing brtan pa dang//
rin chen 'byung gnas yin mod kyang/ /dri ma ldan pa chu srin gnas/ /khyod kyi 'gran zlar gyur ma yin/ /ri gling rgya mtshor bcas pa yi/ /sa ni mdza' dga' 'dzin mod kyang/ /lag 'gro rnams kyi rjer gyur phyir/ /lhag ma can ni khyod pas dam na/ /sgra dag 'jug par
mtshungs pa yi/ /lhog pa can ni 'di 'dra ste/ /rtogs par gyur ba mtshungs pa yang/ /yod pa de ni rjes su sgrub/ /khyod kyi gdong dang pad+ma ste/ /'di gnyis kyi ni khyad par yang/ /pad+ma chu las skyes pa dang/ /khyod gdong khyod la brten pa'o/ /ri dags mig la smin
sgeg dang/ /myos pa'i dmar bas reg pa med/ /khyod kyi mig ni gnyis po 'di/ /yon tan de dag nyid kyis brgyan/ /snga mar dbye ba tsam zhig brjod/ /'dir ni lhag pa nyid bstan to/ /slar yang mtshungs pa'i ldog pa can/ /gzhan dag rab tu bstan par bya/ /
khyod kyi gdong dang pad+ma dang/ rgyas shing dri bzang ldan pa ste/ /pad+ma la ni bur ba 'khor/ /khyod kyi gdong la mig rab g.yo/ /zla ba 'di ni mkha' i brgyan/ /ngang pa 'di ni chu yi rgyan/ /mkha' 'di rgyu skar phreng ba can/ /chu 'di ku mud rgyas pa can/ /'dir ni zla ba dad pa dag/ dkar ba nyid sogs
rtogs pa dang/ /mkha' dang chu ni dag par yang/ /rtogs byar mtshungs pa'i dbye ba byas/ /snga ma la ni sgra ldan mtshungs/ /gnyis ka yang ni tha dad byed/ /bud ba meg la sogs pa mtshungs so/ /de phyir mtshungs pa'i ldog pa can/ /rin chen snang bas mi 'phrogs shing/ /nyi ma'i 'od
kyis mi ldog pa/ /lang tsho las byung na chung gi /mun pas lta ba 'gog par byed/ /mun pa'i rigs las mun pa 'di/ /lta ba 'gog pa nyid kyis mtshungs/ /gzhan dag gis ni tha dad bstan/ /'di ni rigs mthun ldog pa can/ /rab tu zags pa'i rgyu bzlog nas/ /gang zhig rgyu gzhan
cung zad dam/ /gang du gang gis ngo bo nyid/ /ston pa de ni srid pa can/ /ma 'thungs myos pa'i kA dam pa/ /ma phyis dri ma med pa'i mkha' / /drungs par ma byas dang ba'i chu/ /'gro ba'i yid ni 'phyog par gyur/ /sman ma bskus par dkar min mig/ /mnan pa min par smin mang ma'/ /tshon ma
bsgos par dmar ni/ /mdzes ma khyod kyi chu 'di'o/ /gang zhig ma 'thungs la sogs skyes/ /myos pa nyid sogs rgyu gzhan can/ /rgyu med dag kyang brjod 'dod pa/ /de la 'dir ni 'gal ba med/ /bgos pa min par kha dri zhim/ /bcos pa min par lus po mdzes/ /rgyu med dag tu zla ba dgra/ /rgyu
mtshan med par de dag grogs/ /bgos pa med tshig gis 'dir/ /rgyu ni dngos su rab bzlog cing/ /dri zhim nyid srogs 'bras bu brjod/ /de phyir de ni srid pa can/ /dngos po 'ga' zhig nyer bkod nas/ /de dang mtshungs pa'i dngos po gzhan/ /bsdus pa'i tshul gyis brjod byed
pa/ /de ni bsdus pa brjod par 'dod/ /byung ba ji ltar 'dod pa bzhin/ /pad+ma rgyas la sbrang rtsi 'thungs/ /dri zhim rgyas pa ma yin yang/ /me tog kha ma bye sbyor ltos/ /chags ldan bud med dar ma la/ /dga' ba'i rtse dga' bcings pa dag/ bu mo 'ga' zhig dag la 'dir/ /'dir la 'phel
ba ston par byed/ /khyad par can tsam tha dad cing/ /khyad par rnam pa mtshungs pa'ang yod/ /khyad par tha dad tha dad min/ /'di ni gzhan pa dag kyang yod/ /rtsa brtan 'bras bu'i khur gyis ni/ /slong rnams rtag tu rgyas par byed/ /grib ma snun pa'i
ljon pa che/ /'di ni bdag gi yang dag thob/ /yal ga'i khyon ni mi chung zhing/ me tog 'bras bu phun sum tshogs/ /dam pa'i grib bsil brtan ldan ba'i/ /shing 'di skal bas bdag gis rnyed/ /gnyi ga la yang skyes bu 'ga' / /ljon ba nyid kyis nye bar bsngags
ches rnams thams cad snga ma la/ /thun mong gzhan la rnam pa gnyis/ /sprul ngan 'grogs pa dang bral zhing/ /rang bzhin gyis ni mngar ba'i nang/ /kye ma chu yi gter 'di ni/ /dus kyis yongs su skam par gyur/ /rgya mtsho la ni dam tshungs pa/ /skyes bu'i ldog
pa gsal byed cing/ /snga ma'i chos ni bzlog pa'i phyir/ /'di ni sngon med bsdus par brjod/ /khyad par gyi ni brjod 'dod gang/ /'jig rten mtshams las brgal gyur pa/ /phul du byung bas brjod pa 'di/ /rgyan gyi dam pa yin te dper/ /mal+li kA ya phreng tshogs
can/ /lus kun khyab pa'i tsandan gshar/ /dkar ba'i gos can sngon 'gro ma/ /zla ba'i 'od ni mtshon ma yin/ /zla ba'i 'od ni lhag pa nyid/ /khyad 'phags ldan brjod de bzhin du/ /the tshom phul byung la sogs kyang/ /gsal byed cung zad bstan par bya/ /dga'
ma khyod kyi nu ma dang/ /dbyi yi bar na skeng pa ni/ /yod dam med ces bdag gi ni/ /the tshom da dung bzlog ma gyur/ /ni taM ba ni khyod la ni/ /rked pa yod ces nges par nus/ /'o ma 'dzin pa'i khur gnas pa/ /rnam pa gzhan du srid pa min/ /khyod kyi grags pa'i phung
po ni/ /dpag nus min yang 'dir shong ba/ /sa skyong srid pa gsum gyi ni/ /khongs ngag e ma shin tu yangs/ /rgyan ni gzhan pa rnams kyi yang/ /ngag gi dbang pos mchod gyur pa/ /phul byung zhes ni brjod pa 'di/ /gcig pu nyid ni dpung gnyen brjod/ /
sems ldan dag gam cig shos kyi/ /rnam pa gzhan du gnas pa'i tshul/ /gang du rnam gzhan rab rtog pa/ /nga ni rab rtog du rig dper/ /ti gung nyi mas gdungs pa yi/ /glang po dag ni mtshor 'jug pa/ /nyi ma'i phyogs gyur pad+ma rnams/ /gzhom par 'dod pa yin nam snyam//
khras dang btung dang bang rtsa dag / bza' phyir lag ldan chur 'jug pa/ /de ni khon lan glan phyir zhes/ /snyan ngags mkhan gyis rab brtags brjod/ /'di ni bdag gi ring ba dag/ 'gog byed rna ba'i rgyan zhes te/ /khyod kyi mig gi rna ba yi/ /autpal dag las 'gongs pa
'dra/ /mig zur char ni ltang gyur pa/ /mig gi 'od kyi autpa la/ /reg gam min yang snyan ngag mkhan/ /de ltar rab tu brtags te brjod/ /mun pa lus la 'byug go bzhin/ /mkha' ni mig sman char 'bebs bzhin/ /zhes 'di yang ngo rab rtog pa'i/ /mtshan nyid ldan
pa shin tu mang/ /'dir ni gzhan gyi sgra yis 'ga' / /ting ba'i mdza' yis dpe ma yin/ /zhes pa yid ches su 'das nas/ /dpe nyid du ni 'khrul pa bskyed/ /dpe dang dper bya nyid dag ni/ /mtshungs pa'i chos la bltos pas na/ /'byug go dang ni mun pa'i?/ /chos 'di
mthong bar gyur ci/ /gal te 'byug pa nyid 'dod na/ /'jug go ces pa gzhan pa ci/ /de nyid chos dang chos can yang/ /zhes pa ma bsnyos 'chad ma yin/ /gal te byed po dpe yin na/ /bya tshig la 'di dbang bral 'gyur/ /rang gi bya sgrub mi nus pa/ /gzhan gyi
bltos byar mi 'gyur ro/ /gang gi 'byug go 'di dang ni/ /mun pa mtshungs zhes smra na yang/ /lus la zhes pa ma 'bral to/ /de yang yon tan mtshungs par blta/ /dper na khyod gdong zla ba bzhin/ /zhes pas mdzes pa rtogs 'gyur te/ /de bzhin 'byug pa 'di la
ni/ /'byug pa las gzhan rtogs ma yin/ /de phyir 'byug pa 'di dang ni/ /mun pa byed po lus kyang las/ /nye bar sbyar don skyes bu yis/ /de ltar rab brtags zhes 'dod bya/ /snyam dang dogs dang nges dang 'dra/ /min nam zhes pa la sogs pa'i//
sgra yis rab brtags gsal bar byed/ /bzhin 'di sgra yang de 'dra ba'o/ /rgyu dang phra mo cha dag ni/ /tshig rnams dag ni rgyan gyi mchog/ rgyu ni byed po shes byed de/ /de dag rnam pa du ma dper/ /ma la ya yi rlung dag ni/ /reg cing tsandan ljon
pa sar pa yi/ /yal 'dab skyong par byed pa 'di/ /kun gyi dga' ba skyed par byed/ /dga' ba skyed par 'os pa yi/ /rang bzhin nye bar sbyar ba 'dir/ /rgyan nyid du ni rab bstan te/ /ldog pa la yang de dang mtshungs/ /ma la ya yi chu rgyun la/ /reg cing tsandan
nags bskyod nas/ /rlung 'di 'gron pa rnams dag ni/ /nyams par bya phyir nye bar gnas/ /de ltar gyur pa'i rlung gis ni/ /'bral ba'i rim las byung gyur pa/ /skye bo yid 'ong ma sred la/ /nyams pa sgrub par byed par nus/ /'grub par byed dang rnam 'gyur la/ /
de nyid ltos rgyu nyid de/ /'thob bya'i las la phal cher ni/ /bya ba la ltos sgra nyid do/ /'grub par byed pa'i rgyu dag ni/ /bstan te lhag ma gnyis po ni/ /dper brjod gnyis ni bkod byas nas/ /shes par byed pa bstan par bya/ /lo 'dab gsar
'khrungs nags tshal dang/ /dam skyes rab tu rgyas pa'i rdzing/ /zla ba rgyas pa 'dod pa yis/ /'gron po lta ba'i dug tu byas/ /khengs pa goms par bya'o zhes/ /grogs mo mdza' ba'i gnas bkod la/ /bu mo smin 'khyog mig yon gyi/ /mchu ni g.yo
zhing lta bar byed/ /nyi ma nub gyur zla ba mdzes/ /'dab chags rnams ni gnas su song/ /zhes pa 'di yang dus kyi skabs/ /go bar byed pa legs pa nyid/ /grogs mo khyod yid 'dod gzir ba/ /zla ba'i zer gyis mi bzlog cing/ /tsandan chu yis mi bzod
ba'i/ /lus kyi drod kyi rtogs par bzla/ /zhes pa'i sbyor ba rnams la ni/ /yid 'ong shes byed rgyu dag mtshon/ /dngos med rgyu ni yid 'phrog pa/ /'ga' zhig rab tu bstan par bya/ /rigs pa dag ni ma goms dang/ /blo ldan rnams dang ma 'grogs dang
dbang po dag ni ma bsdams pas/ /mi rnams rab tu gdung par 'gyur/ /'dod pa'i btam gyis nyos pa song/ /lang tsho yi ni rims dag nyams/ /rmongs pa zad cing sred pa 'phos/ /bsod nams gnas la yi dag byas/ /nags tshal 'di dag khyim ma yin/ /chu klung 'di
dag bud med min/ /ri dags 'di dag bu tsha min/ /de phyir bdag ni yid dga' 'o/ /shin tu ma brtags spyod pa ni/ /'phags pa rnams la yod ma yin/ /de phyir de dag rnams kyi ni/ /phun tshogs thams cad rtag tu 'phel/ /skyed tshal sahA kA ra rnams/ /snye ma ma
'khrungs pa min na/ /'gron po rnams kyi med ni/ /til bcas khyor chu sbyin byar 'gyur/ /yod dang med pa'i rang bzhin gyi/ /'bras bu bskyed pa dag la 'dir/ /sngar med la sogs rang bzhin gyis/ /dngos po yi ni rgyu nyid do/ /ring 'bras de dang lhan cig skyes/ /de
bzhin 'bras ma thag skyes dang/ /rig min rigs pa byed ces pa/ /mtshar pa'i rgyu rnams grangs med do/ /'di dag sbyor ba'i lam rnams la/ /btags pa'i tshul la brten pa ni/ /shin tu mdzes pa dag mthong ste/ /de yi dper brjod ji ltar na/ /lus can khyod
mig zur zhes pa/ /rgyal byed lus skyes dag gi mtshon/ /gang de gzhan la rab 'phangs pa/ /de yis bdag gi yid kyang bcom/ /skyes bu lus skyes kyis myos pa'i/ /rnam 'phrul sna tshogs lhan cig nyid/ /bud med rnams la bu mo ni/ /yongs su nub pa'i na tshod skyes//
phyi nas 'od zer phar 'phros pas/ /zla ba yi ni dkyil 'khor shar/ /sngar nyid ri dags mig can gyi/ /chags pa'i rgya mtsho rgyas par gyur/ /lha gcig khyod kyi zhabs gnyis pa/ /dmar pa nyi gzhon gyis reg pas/ /rgyal po rnams kyi lag pa yi/ /pad+ma zum par byed
pa ci/ /khyod kyi zhabs sen zla ba yi/ /'od zer kun da dri med rnams/ /sa skyong rnams kyi lag pa yi/ /pad+ma zum par byed la dbang/ /zhes pa rgyu yi rnam rtog gi/ lugs ni 'di 'dra dag tu bstan/ /zur dang rnam pas mtshon pa'i don/ /phra phyir phra mo zhes pa bshad//
nam zhig 'u cag 'grogs 'gyur zhes/ /tshogs su brjod par ma bzod pa'i/ /mdza' bo reg nas bud med kyis/ /rtse dga' i pad+ma zum par byas/ /lus skyes dag gis gzir ba yi/ /mdza' bo dbugs dbyung 'dod pa yis/ /pad+ma
zum par byas pa las/ /'dir ni mtshan mo 'grogs par bstan/ /glu yi mdun sar khyod la mig/ gtad pa de gdong chu skyes la/ /chags pa rgyas par gsal ba yi/ /mdzes pa 'ga' zhig byung bar gyur/ /'dir yang rang bzhin ma brjod par//
dga' ba'i dga' ston 'dod pa dag/ nges par gnas pa nyid gyur pa/ /phra ma nyid las brgal ma yin/ cha ni cha yis dngos po yi/ /rang bzhin nges par gsal ba bsgrib/ /dper brjod nyid kyis 'di yi ni/ /rang bzhin nges par gsal bar bya/ /rgyal
ba'i bu mo la chags pa dang/ /slu long rgyas pas srung ba pos/ /rig par 'gyur la e ma mtshar/ /bsil ba'i rlung ldan yin par shes/ /ji ltar bu mo mthong nyid na/ /bdag la dga' ba'i mchi ma byung/ /rlung gis btsugs pa me tog gi rdul gyis
bdag mig sun phyung ngo/ /zhes pa la sogs skabs su ni/ /rgyan 'di shin tu mdzes pa ste/ /kha cig cha las smad pa 'am/ bstod pa byas pa cha zhes brjod/ /gang yid g.yul gyi dga' ston la/ /'dod ba'i dga' las kyang ma chags/ /gzi ldan
lang tsho yon tan can/ /rgyal 'di khyod kyi bdag por 'os/ /brtson 'grus khyad 'phags bstod pa 'dir/ /smad pa nyid de longs spyod la/ /rgyun tu spyod 'dod bu mo yi/ /bsam pa dag ni bzlog par nus/ /gnod pa rab zhil nyid kyi phyir/ /gang gis
snyan par smra ba bslabs/ /skye bo 'di ni brtse med g.yo/ /grogs mo de yis bdag la ci/ /skye bo grogs mos rab bstan khengs/ /chags phyir byed par ma nus nas/ /skyon ltar snang bas yon tan gang/ /snyan par smra ba nyid kyang bstan/ /dngos po rab tu
bstan pa rnams/ /rim pa bzhin du rjes ston pa/ /grangs dang rim pa bzhin zhes pa/ /grangs bzhin zhes pa rab tu brjod/ /khrus la tshur ni rab zhugs ma/ /khyod kyi 'dzum mig gdong mdzes ni/ /ku mud autpal pad+ma yi/ /brkus par nges so gzugs can ma/ /dga' ba mchog tu dga'
bar bstod/ /nyams ldan yid 'ong nyams dang ldan/ /gzi brjid nga rgyal skyes pa ste/ /de gsum khyad 'phags dag dang ldan/ /go bandi khyod khyim 'ongs la/ /ding bdag dga' ba skyes pa gang/ /dga' ba 'di ni slar yang khyod/ /dus kyi 'ongs nas 'byung bar 'gyur/ /de 'dra'i dga'
ba be du ngas/ /gzhan las min zhes rigs par smras/ /de las gus pa tsam gyis ni/ /rab bstan 'phrog byed shin tu bgyes/ /zla ba nyi ma rlung sa mkha' / /sbyin sreg byed pa'i me dang chu/ /zhes pa'i gzugs rnams bar rab bzlas nas/ /lha khyod lta bar ded kyis ci/ /mngon sum
byas ba'i lha la ni/ /rgyal po rgyal po'i go cha yis/ /dga' ba rab tu gsal byas gang/ /de yang dga' bar rjes rtogs bya// //shi 'o zhes ba pha rol tu/ /gang dang 'grogs phyir bdag 'chi 'dod/ /a bin+ta de bdag gis ni/ /skye 'di nyid la thob ci ltar/ /dga'
ba nyid ni sngar bstan nye/ /ngo bo che ba nyid ldan pas/ /dga' ba sgog pa nyid 'gyur 'di'o/ /de phyir 'di ni nyams ldan tshig/ gang gis nag mo bdag mdun nas/ /skra nas bzung ste drangs gyur ba/ /bstan dga' sdig can thob pa 'di/ /skad cig 'tsho bar 'gyur ral ci/ /zhes
pa 'jigs sde dgra dag la/ /lta ba'i khro ba mchog gi mthar/ /'jebs pa drag po bdag nyid gyur/ /'di ni ro dang ldan pa'i tshig/ mtshor bcas sa las ma rgyal zhing/ /rnam mang mchod sbyin ma byas la/ /slong la nor rnams ma byin par/ /sa skyong du bdag ci ltar 'gyur/ zhes
pa spro ba khyad 'phags bdag/ dpa' bo'i nyams kyi bdag nyid gnas/ /nyams ldan nyid du gnas pa la/ /tshig 'di dag ni dbang ba yin/ /lus 'jam gang la pad+ma yi/ /mal stan dag kyang rtsub byed ma/ /lha mo de ni ro khang dag/ bsreg za ldan par ji ltar nyams/ /zhes pa snying rje 'os
rgyas pa/ /rgyan nyid du ni rab tu bshad/ /de bzhin gzhan yang dam pa dang/ /bzhad gang rmad byang 'jigs rung ngo/ /rgyu mas brgyan pa'i srin po rnams/ /mgro? med ro dang lhan cig tu/ /lag pa sbyar bas khyod dgra'i khra/ 'thungs shing 'thungs shing gar
byed do/ /grogs mo me tog ma rnying ma/ /khyod kyi nu ma'i ngos la ni/ /sen rjes sar pa chags pa di/ /stod g.yogs dag gis sgrib par mdzod/ /dga' tshal ljon pa 'di rnams kyi/ /'dab ma gsar pa gos bzang dang/ /me tog do shal la sogs brgyan/ /a la 'dab khang
bar gyur ba mtshar/ /de rtsom mo dag la me gnas pa/ /brgya byin gyi ni rdo rje gang/ /'di ni dran na lha min gyi/ /bud med mngal ni lhung byed pa/ /snyan la klong pa nyid min skyes/ /brjod bya yi ni nyams dag bstan/ /'dir ni nyams brgyad dbang byas te/ /tshig rnams nyams dang ldan
par bshad/ /bdag ni gnod pa byed po zhes/ /khyod kyi snying la 'jigs ma byed/ /bdag gi ral gri phyir phyogs rnams/ /nam yang 'joms par 'dod ma yin/ /zhes pa skyes bu dregs ldan 'gas/ /g.yul du gzhan ni bkag byas nas/ /gtong ba de lta bu la sogs//
gzi brjid ldan par shes par bya/ / //'dod na dngos su ma brjod par/ /de nyid 'grub par bya ba'i phyir/ /rnam ba gzhan dag brjod pa gang/ /de ni rnam grangs brjod par 'dod/ /sa hAkA ra'i snye ma ni/ /gzhan gyi so 'di za bar byed/ /de ni bdag gis bzlog par bgyi/ /khyed
gnyis rang dgar 'dug par mdzod/ /grogs mo skyes phran phrang byas nas/ /de dag dus sar dga' ba yi/ /dga' ston sgrub tu gzhug 'dod pas/ /'ga' zhig de nas song bar gyur/ /bya ba 'ga' zhig rtsom pa la/ /skal pa yi ni stobs las kyang/ /de yi sgrub byed phun
tshogs gang/ /de ni kun tu phan par brjod/ /khengs pa gzhom phyir de yi ni/ /rkang pa dag la phyag 'tshal ba/ /bdag la phan phyir dga' ba yi/ /'brug gi sgra ni grag par gyur/ /bsam pa 'am ni 'byor ba yi/ /chen po nyid ni bla med gang/ /de ni rgya chen zhes pa yi/ /rgyan
du mkhas pa rnams kyis brjod/ rlab Na yi mgo gcod pa'i/ /bya ba'i khur yang bzod pa gang/ /ra g+hu'i bu des bla ma yi/ /bka' las 'da' bar nus ma gyur/ /rin chen rtsig pa la 'phos? pa'i/ /gzugs brnyan brgya yis bskor gyur pa/ /langka'i dbang phyug de kho na/ /any+dza na bus dka' bas shes/ /snga mar
bsam pa'i bdag nyid che/ /'dir ni mngon par 'byor pa brling/ /rgya che gnyis po 'di dag kyang/ /gsal bar rab tu mtshon pa yin/ /bsnyon pa dag ni bsnyon byas nas/ /don gzhan cung zad ston ba ste/ /'dod pa dag ni mnga' lnga pa/ /ma yin sgro ldan stong phrag yod/ /tsandan zla 'od
de la du yi/ /lho phyogs dri yi bzhon pa 'di/ /ma yi rang bzhin sgro ba ste/ /gzhan gyi dor ni bsil zhes grags/ /'dod ldan gyis zhi gzhan la de/ /bsil bar khas blangs bdag nyid la/ /tsha ba nyid du rab bstan phyir/ /'di ni yul la bsnyon pa'o/ /bdud rtsi zag pa'i 'od zer can/ /zla ba zhes bar
bdag cag 'dod/ /don gyi bdag nyid 'di ni gzhan/ /dug zag zer dang ldan pa nyid/ /ces pa zla ba'i zla ba nyid/ /bzlog nas don gzhan bdag nyid ni/ /'dod pas gzir bas brjod pa'i phyir/ /'di ni rang bzhin bsnyon par 'dod/ /dpe yi bsnyon pa sngar nyid du/ /dpe rnams la ni rab bstan to//
de yis bston pa'i dbye ba rnams/ /mtshon bya dag la rgya cher mtshon// //sbyar ba gzugs gcig ldan pa'i tshig/ du ma'i don can yin par 'dod/ /de tshig tha dad min pa dang/ /tha dad tshig mda' rnam pa gnyis/ /'char ba la gnas mdzes pa can/ /dkyil 'khor la chags
rgyal po 'di/ /'jam pa'i dbya yis 'jig rten gyi/ /yid ni rab tu 'phrog par byed/ /rgyal rigs lam lnga mi gnas pa/ /rgyal po skyon gyi 'byung gnas dang/ /bsdongs nas skyon mang dag gis bdag/ dga' med 'di ltar cis ma mnar/ /rgyu skar lam la gnas pa dang/ /mtshan
mor byed pa dang bsdongs nas/ /srod la yis ni bdag 'di ltar/ /dga' ba med par cis ma mnar/ /ang? k+Sha ta rgyal rigs na dgag ba yin pas dpe dang gzugs can 'gog pa dang/ /ldog ba can sogs spyod yul can/ /sbyar ba gong du bstan zin te/ /gzhan pa 'ga' zhig bstan
par bya/ /'ga' zhig bya ba tha dad min/ /gzhan pa bya ba 'gal min yod/ /'gal ba'i las can dag kyang gzhan/ /sbyar ba nges pa can yang yod/ /nges pa 'gog pa'i gzugs brjod dang/ /'gal min 'gal ba can yang ste/ /de
dag rnams kyi rang bzhin ni/ /dper brjod dag la gsal bar 'gyur/ /'khyog cing yid 'ong rang bzhin can/ /chags pa gsal bar ston byed ma/ /bdzes mas bskul ba'i mig dang ni/ /pho nya mos kyang mdza' bo 'gugs/ /yid 'ong chags pa 'brel bar
byed/ /'jam zhing myos pa'i gdangs snyan cing/ /khu byug sgra ni thos byas ste/ /dkar min mig can dag la 'khyung/ /chu ma dang sbyar 'phel ba yi/ /dmar ba rab tu ston byed cing/ /tsha zer can ni nub gyur te/ /lus skyes dag ni rnam par rgyal/ /ral gri nyid
la nis trid sha/ gzhu nyid la ni 'khyog po nyid/ /mi dbang 'di yi mArga Na/ /mda' rnams nyid la gnas pa yin/ /khyod kyis bsrungs la 'tsher ma ni/ /pad+ma'i yu ba nyid la'o/ /'on kyang chags can 'khrig pa la/ /'khyung par gyur pa rnams la'ang mthong
sa 'dzin ka Ta ka mang zhing/ /gzi brjid ldan pa nges par dar/ /mkhas pa skye rgyu'i bdag byung ste/ /rje bo nus pa 'dzin yang de/ /nyams med yin kyang chos spyod min/ /rgyal po yin yang zad mi shes/ /bde byed yin yang lag 'gro med/ /shes so
lha yang mkhas bral min/ /khyad par rab tu bstan pa'i phyir/ /yon tan rigs dang bya ba sogs/ /gang zhig ma tshang nyid ston pa/ /de ni khyad par brjod par 'dod/ /me tog gzhu can dag gi mtshon/ /rtsub ma yin rno 'ang min/ /de lta na yang 'di yis ni/
sa gsum rnams las rgyal bar 'gyur/ /'di dag lha yi bu mo min/ /dri za'i rigs las byung ba'ang min/ /de lta mod kyi tshangs pa'i yang/ /dka' thub gzhom pa sgrub par nus/ /khro gnyer dag ni ma bsdus shing/ /so yi g.yogs kyang ma bskyod la//
mig kyang dmar por ma gyur par/ /dag yi rigs ni nyams par byas/ /shing rta med cing glang po'ang med/ /rta med rkang thang med par yang/ /zur mig nyid kyis bud med rnams/ /'gro ba gsum po dag las rgyal/ /shing rta 'khor lo gcig pa dang/ /kha lo ba nyams
rta mi mnyam/ /de lta na yang gzi brjid can/ /nyi mas 'gro ba gsum po mnan/ /gzi byin can zhes khyad par las/ /'di ni rgyu yi khyad par brjod/ /rim pa 'di yis gzhan gyi ni/ /dbye ba rnams kyang brtag par bya/ /brjod 'dod yon tan khyad 'phags dang/ /mtshungs par
byas nas 'gal zhig ni/ /stod smad la sogs bsgrags pa gang/ /de ni mtshungs par sbyor bar bshad/ /gshin rje lus ngan chu lha dang/ /mig stong pa dang khyod nyid kyang/ /'jig rten skyong ba zhes pa'i sgra/ /yul gzhan med pa rnam par 'dzin/ /ri dags mig dang
'grogs pa dang/ /glog gi rtse dga' dag dang ni/ /sprin gyi rtsom pa'ang rang bzhin gyis/ /skad cig gnyis par mi gnas so/ /khyad par sgrub byed slad du ni/ /gang du dngos po 'gal ba rnams/ /yang dag 'grogs par rab bstan pa/ /de ni 'gal bar bshad de dper/ /dad pa'i
rgyal po rnam dag gi/ myos pa'i gdangs snyan ca co 'phel/ /rma bya rnams kyi sgra dag ni/ /yid 'ong nyid dang bral ba nyams/ /dbyar skyes chu 'dzin dag gis ni/ /nam mkha' yul ngan lta bur spyod/ /chags pa yis kyang 'gro ba yi/ /yid ni kun tu chags par 'gyur/ /rked pa pra zhing ro smad sbom
mchu dmar mig ni dkar pa min/ /lte ba dma' zhing nu ma mtho/ /bud med lus kyis su ma bcom/ /pad rtsa'i lag pa chu shing brla/ /pad+ma'i gdong dang autpal mig/ khyod kyi gzugs kyis bdag cag rnams/ /gdung nus min nam lus can ma/ /skyes tshal rlung gis rab
bskyod pa/ /tsu ta tsa mra ka yi rdul/ /reg pa min yang 'gron po yi/ /mig la mchim rab zag byed/ /snyan par sgrogs na khyod kyi mig/ nag dkar rjes su dmar ba yang/ /rna ba dag la brten pa ni/ /su yi yid brtan nyid du 'gyur/ /de ltar rgyan 'di rnam pa ni/ /du ma
nyid du rab tu rtogs bya/ /skabs min 'dod pa bstong pa ni/ /skabs su ma bab bstod pa yi/ /gzhan mi bsten pa'i ri dags rnams/ /'bad med rnyed pa sla ba'i nor/ /chu dang rtswa yi myug sogs kyis/ /nags rnams su ni bde bar 'tsho//
rgyal po'i rjes 'brang nyon mongs pas/ /yid 'byung yid dang ldan pas ni/ /skabs su ma bab nyid du 'dir/ /ri dags spyod tshul 'di dag bsngags/ /gal te smad pa bzhin bstod nas/ /skyon ltar snang ba'i yon tan nyid/ /gang du nye bar thob gyur pa/ /'di
na zol gyis bstod par bshad/ /rA ma dka' thub pa yis kyang/ /'byung po 'dzin pa 'di las rgyan/ /de nyid rgyal po khyod kyis kyang/ /'di la khyod ni rgyags ma mdzad/ /sngon gyi skyes bu las bcad nas/ /dpal ni khyod kyi yongs spyod pa/ /rgyal po bu ram shing
pa'i rgyud/ /khyod kyi 'di ni rigs ma tsi/ /khyod kyi btsun mo sa gzhi ni/ /lag 'gro longs spyod dag la chags/ /ci slang khyod kyi da rgyal ni/ /mchog gi mdza' ru 'dzegs par gyur/ /de ltar nye bar mtshon pa las/ /sbyar ba can dang gzhan dag gi/
zol gyis bstod pa'i rnam pa ni/ /rab tu rgya che ba mdza' dang bral/ /gal te don gzhan 'jug pa yi/ /de dang mtshungs pa'i 'bras bu 'ga' / /mchog gam mchog mi ston byed pa/ /de ni nges par bstan pa yin/ /nyi ma 'char pa nyid kyis ni/ /phun
tshogs rnams kyi 'bras bu dang/ /grogs po rjes 'dzin bstan pa'i phyir/ /pad+ma rnams la dpal? ster byed/ /zla ba'i grer? gyis reg pa na/ /'phral la rgyal po dang 'gral? rnams/ /phan? pa'i mthar 'gyur bsal byed cing/ /mun pa'i phreng ba
nub bar 'gyur/ /yon tan las rnams lhan cig gi/ dngos po brjod pa lhan cig brjod/ /don rnams bsnal? ba gang yin pa/ /yongs rjes yin te de dgra? dper?/ /da ni mtshan mo 'di dag rnams/ /bdag gi dbugs dang lhan cig ring/ /zla ba'i rgyan ldan pa rnams
kyang/ /bdag lus nyid dang lhan cig skya/ /'gron po rnams kyi rmongs pa dang/ /lhan cig tsu ta'i dog pa rgyas?/ /de dag dbugs rnams dang mnyam du/ /ma la ya yi rlung dag 'bag/ khu byug sgrogs pa'i skal bzang dang/ /nags kyi rlung ni dri bzang dang/ /dpyid nyin skye bo'i kun
dga' dang/ /lhan cig dag tu 'phel bar 'gyur/ /de ltar lhan cig brjod pa yi/ /dper brjod 'ga' zhig 'dir bas te/ /yongs su brjes pa'i rang bzhin yang/ /nges par bstan pa cung zad bya/ /so spyad rnams la mtshon bsnun pa/ /ster byed khyod kyi lag pa yis/
de dag grags pa ku mud dkar/ /yun ring dag tu bsgrub pa phrogs/ /mngon par 'dod pa'i dngos po la/ /smon pa shis pa zhes bya dper/ /ngag yid spyod yul ma yin pa'i/ /snang ba dam pas khyed la srungs/ /rjes 'gro med dang the tshom can/ /dag ni dpe rnams nyid la bstan/ /dpe
yi gzugs can dag kyang ni/ /gzugs can rnams la nges par bsgrags/ /rab rtog cha shas 'di yang ni/ /rab rtog dag gi dbye ba nyid/ /tha dad rgyan rnams bsres pa ni/ /spel ma dag tu brjod pa ste/ /yan lag yan lag can dngos kyi/ /skabs dang thams cad stobs
mtshungs nyid/ /ces pa'i lugs gnyis spel ma yi/ /rgyan dag la ni mtshon par bya/ /mdzes ma khyod kyi bzhin gyi dpal/ /pad+ma dag gis 'gog par byed/ /mdzod dang yu ba phun tshogs pa/ /'di la bya dka' ci zhig yod/ /rang bzhin brjod dang 'khyog brjod ces/ /dag gi
rang bzhin tha dad gnyis/ /'khyog por brjod pa thams cad la/ /phal cher sbyar bas dpal rgyal byed/ /snyan ngag mkhan bsam dgongs pa ste/ /snyan dngags grub par gang gnas pa/ /rgyun gyi yul yod yon tan can/ /de ni dgongs pa can zhes brjod/ /dngos po yi ni
tshogs rnams kun/ /phan tshun phan par byed pa nyid/ /don dang bral ba'i khyad par rnams/ /ma byas gnas su bsngags pa dang/ /brjod rim stobs las dngos po rnams/ /zas mo dag kyang gsal ba ste/ /de kun dgongs pa'i dbang gyur phyir/ /de dag dgongs pa can
zhes rigs/ /gang yang mtshams sbyor yan lag dang/ /'jug pa'i yan lag mtshan nyid sogs/ /lung gzhan dag tu brjod 'di yang/ /rgyan nyid du ni bdag cag 'dod/ /rgya che mdza' yas rab bsdus tshad du gyur pa yi/ /rgyan rnams dag gi lam
'di nyid ni rnam par phye/ /rjod pa'i yul las 'das par yongs su gnas pa yi/ /khyad par rnams ni goms pa nyid kyi dbye ba nus/ /snyan dngags kyi me long las don gyi rgyan gyi yongs su bcad pa ste gnyis pa'o/ / //bar mchod dang bar chod dag/ yi ge tshogs pa
bskor ba ni / /zung ldan de yang rkang pa yi/ /dang po bar mdza' spyod yul can/ /gcig nyis gsum bzhi rkang pa yi/ /zung ldan rnams kyi rnam rtog ni/ /thog ma bar mdza' bar dang mdza' / /bar dang thog ma thog mdza' kun/ /yang dag dbye ba las skyes ba/ /de rnams
dbye ba shin tu mang/ /de la bya sla bya dka' yang/ /'ga' zhig dag ni bstan par bya/ /grogs mo mdzad po'i skye bo la/ /khengs pa 'di dang bgrogs ma byed/ /bslus pa'i mgrin pa nas 'khyud pa'i/ /de nyid ngo tsha ldan par gyis/ /dad pa rnams kyi dregs 'dzems? pa//
sprin gyi sgra yis myos byed ni/ /dga' ma dang bcas bud med kyi/ /khengs bral yid la 'jug par byed/ chu gter bzhi yi ska rags can/ /sa yi lag dpya 'dzin la mkhas/ /khyod nyid thob nas da lta ni/ /skye dgu rgyal po bzang ldan gyur/ /rkang thang shing rta glang po dang/ /rta dang
bral ba khyod kyi dgra/ /'ga' zhig nags dang gzhan dag ni/ /lha rnams dag gi gnas su song/ /chu skyes gdong ldan mig gnyis kyi/ /rnam 'phrul yid 'ong 'di la ni/ /dpyid? gyi bud ba'i rnam 'phrul gyi/ /tso 'dri byed ba ci yin smos/ /'dod pa g.yul du dpa' ba yi/ /glang po
'am gzung dka' rta med kyis/ /gang phyir bdag cag mthar byas pa/ /de phyir khyod kyi rnam gnon char/ /g.yul du rno bas mdzes pa yi/ /mi bdag khyod 'dras nor 'dzin ni/ /rgyal bar gyur te nor rgyun gyis/ /tshim pa dag kyang thob par 'gyur/ /sa hA kA ra'i me tog
gsar/ /bdag yid mchog tu sred ldan byed/ /bu byug myos pa dag gi sgra/ /yid du 'ong ba 'dis kyang ngo/ /khyod la dmigs pa'i re ba dag/ ma bral 'di la de 'dra yi/ /gnas skabs lus ni 'jig byed pas/ /bud med 'dzeg nus ji ltar min/ /yal 'dab gsar pas mdzes pa yi/ /ljon pas
drangs pa'i gzhon nu rnams/ /pad+mar mngon phyogs bung ba yi/ /mig nas bzung ste 'gugs par byed/ /myos pa'i bzhad ni rab 'jug pa/ /rdzing gi chu la dkar ba yi/ /dang mo 'di yi ca co yis/ /bdag ni mthar byed zas su byed/ /dri bral zla ba'i cha dag dang/ /lhan cig ma la ya yi?
rlung/ /bdag dga' mi byed 'dod pa ni/ /mi zad dug gi rjes su 'gro/ /bdag bsten mi 'dod khengs pa can/ /do shal dang ldan 'phrog byed ma/ /lus med khyod kyi dong ba nyid/ /bdag 'gro bde bas phra mor mdzod/ /khyod kyi gdong gis bdag las rgyal/ /chu yi rgyun gyur bung pa can//
'dab ldan pad+ma gtam med las/ /ji ltar mi rgyal bdag dga' ma/ /nyi ma'i 'od kyis dmar gyur pa'i/ /tshu lha mo bzhin pA Ta la/ /dmar ba'i gos can dri bzang gnas/ /bdag gi dga' ma dga' bar byas/ /de ltar rkang pa'i thog ma yi/ /zung ldan rnam rtog bar chad med/ /da ni
bar du chod pa de'i/ /rnam rtog 'ga' yang bstan par bya/ /sa hA kA ra las 'khrungs nyid/ /yid 'ong dri bzang ldan pa yi/ /dbyid kyi e na'i mig can gyis/ /khengs pa sgra yi lhag mar byed/ /dga' ma'i lag pa shin tu dmar/ /rgyud mangs la bsnun rnam 'phrul dang/ /phrag
dog ldan par dgra po la'ang/ /rna ba'i autpal gyis bsnun byed/ /rlung gis gar bsgyur sprin gyi phreng/ /mdza' dag chu ni rnam par 'thor/ /de rjes mjug ma rab bslang ba'i/ /mjug sgro ldan ma gar dag byed/ /'dor ldan ma dag khyod kyi yid/ /khengs rtsod rang nyid nyams
gyur te/ /nI pa'i ka li ka mthong nas/ /gnas skabs ci lo reg 'gyur ram/ /rtse dga' i ri la zla shel gyi/ /thang 'di la ni rab 'dzegs na/ /mdongs mdza' sgeg cing rab mdzes pa'i/ /gtsug phud can 'di gar byed do/ /gang zhig sprul mchog steng gnas shing/ /phag
pas phyung pa'i sa 'di ni/ /rgyal po'i tshogs las rab blangs nas/ da lta khyod kyi lag pas bzung/ /g.yul du dgra yi glang po rnams/ /byed kyi lag pa mthar byed kyis/ /bsnun pas khrag ni rab zags pa/ /thun mtshams dag gi
sprin bzhin snang/ /rlung gis ri yi shing phreng bzhin/ /gzhan gyi sde ni dpa' bos bcom/ /mdza' ni ga sheng mong ba bzhin/ /rdul gyis nam mkha' khyab par gyur/ /legs ldan chu 'dzin gsar pa'i 'od?/ /lha min dag gis rigs nyams phyed/ /myos
ldan glang po mchog bcom pa/ /khyab 'jug des khyod rtag tu srungs/ /khyed kyi mgo skra bung ba 'dra/ /gdong ni pad+mar phrag dog byed/ /dpal gyis bzhin du rab myos la/ /khyod kyi su zhig ci mi byed/ /rgya che rin chen rgyan dang ldan/ /myos pas mig 'khor dza g+ha na/ /chung ba min pas
mdza' bo ni/ /dga' ba ldan pa bya bar bzod/ gzhan gsos rnams kyis bsgrags pa dang/ /khyod kyi brjod pa'i sgra dang ni/ /lho yi phyogs kyi rlung gis kyang/ /bdag yid phrogs so pho nya mo/ /rked pa phra zhing rdul zags pas/ /gdong gi zla ba rab mdzes pa'i/ /bud med chang
gis ngo tsha bcom/ /skyes pa'i lus la 'jig par byed/ /de ltar bar tshod zung ldan gyi/ /rab tu dbye ba 'di yang bstan/ /bar chod ma chod bdag nyid kyi/ /rnam rtog kyang yod 'di lta ste/ /kA li ka 'phyang yal ga can/ /sA la blta bar nges mi nus/ /ba ku lar
chags bung ba dang/ /grogs mos pad+ma can yang min/ /sprin nag chen po ldan pa'i dus/ /snang dang rgyu skar kun mi mtshan/ /gsang mthor dga' ba sog byed pa/ /dus 'dra blta bar su yis nus/ thun gsum dbang gyur ring ba yi/ /mtshan mo yis ni bdag 'chir 'gro//
gang la bdag po srog gzir 'gro/ /de ni blo med bdag gis bcom/ /zhes rkang dang po zung ldan gyi/ /rnam rtog lug ni 'di 'dra ste/ /'di ltar kho na zung ldan gyi/ /rnam rtog gzhan pa rnams kyang ngo/ /spros pas 'jigs phyir dbye ba ni/ /mdza' dag brjod par
mi 'dod de/ /de la bya dkar mngon 'dod nyid/ /'ga' zhig yang ni bstan par bya/ /bstan rgyas dbang po rab bsdams pa/ /khyod ni sdom rtson phyir mi nyams/ /rgyu med gyur kyang khyod kyi bde// /'jig par mi 'gyur de snyed slang/ /rgyal po mdun sar sa yi lha
rnams dag gi zhal/ /chang gis ma bcom nor gyis mdzes pas rab bstod pa'i/ /khyod kyi yon tan rab gsal chags bdag skye dgu la/ /phung po nyid gyur lha rnams su ni mi 'gro min/ /dam pa'i spyod la bag med khyod kyi dga' ma gang/ /dga'
pa'i dga' ston dga' pa'i khyed par gyis myos ma/ /de yis 'dir ni 'od ldan rgyan rnams bzung bar 'os/ /bdag la mdzes ldan nyid kyis 'bras bu 'ga' yang med/ /mgon po khyod ltas mdung pa'i ro ni mi mkhyen te/ /dman pa nyid dang
mchog nyid dag ni nges par 'gal/ /gang zhig dman pa rnams kyis khyod la mgos mdud cing/ /de dag kho na dman pa'i ro des mchog tu rgyu// /rol pa'i mdzum dkar ngag dang 'jam por smra ba dang/ /chung ngu'i lta ba dang ni lci ba'i
'gro ba dang/ /rnam par rgyas pa'i dza g+ha na dag ston pas des/ /bsnun pa des na bdag ni 'tshe bas dman par gyur/ /dpal mo ldan mo shong khyab bdag brtan ldan gang gis bdag nyid ni/ /'chi med lam dang mnyam pa'i tshad ldan rab
'dud pa'i/ /'gro ba rgyas byed la 'gro bas mchod par ldan tshad med ming can ni/ /mtshungs med khangs ldan sa 'dal zhes/ khyab 'jug gi ming ngo/ sos bzhi gcig du rtags gnas bya thob pa de la phyag mdzod/ /? nam mkha' dang gus cir
bcud la zhugs te la phan thogs? pas brang gis dga' byed cing/ kun gyi rang bzhin yin pas/ gang dang yang snying por ? zhes pa gyur pa'i bcud mang rab tu 'dzin/ gzhad kyi rjes mcha? lham yin gyi dbang po stobs ldan slus nas 'ching ba'i dus su sa gzhi goms pas 'dal bas
mtshungs sgra ldan 'og bag can/ /des ni bcud len snying po min par rig/ brtan rgyas tshul dang tshul min brtag pa 'di yis ni/ /tshul med dge ba thob la long rnams rnam par thul/ /bzhon pas mi 'gro rgyal ba'i theg 'gro dag gis gang/ /tshul mthob de
thob pa dag la brten pa bskyed/ /mtshungs med lci ba'i mtshon ldan g.yul du sa skyes ni/ /rgyal mtshan la gnas dpa' bo bya yi sgro yis bros/ /nyi ma bzhin du drag po'i 'phrog byed 'di mdun du /'jigs rung g.yul la dgra ni lug dang mtshungs par rig/ mtshan mo tshad med
thun ldan dpal med tshad med cing/ /mdza' ni bgrod bya min pas zang nang la brten nam/ /cha yi rang bzhin nang can 'bral ba'i nang kyis gzir/ /skal ldan ma 'di snying rje'i rang bzhin 'bral med mdzod/ /blo lang la med khyod kyi mnyam nyid bzlog pa nyid/ /ma yin bla med rjes su mi
mthun rjes su 'gro ma yin/ /gdung med khyod kyis thob pa mchog gi rjes su mthun pa nyid/ /dga' med 'dod med rnams kyi bzhed pa dag las rgyal/ /dus kyi dus kyi mgrin nag po nag nag po nyid dag 'dzin/ /snyan sgrog dag gi sgrog byed bung tshogs sprin nag dus ltar nag/ dus kyis
bzung min dus cha'i gtso bo chu 'dzin gyis mdzes su/ /dka' bas 'tsho ba'i bud med lan bu'i phrad bas mgo nag bsten/ /rkang pa gnyis kyis mdza' thog ni/ /rab sbyar zung ldan gnas skabs 'di/ /brjod pa'i khongs su 'dus mod kyang/ /rang dbang nyid kyis 'dir bshad do/ /myos pas
chags pa nye bar gnas kyang bud med des/ /bdag nyid ma sbyar bdag gi sdig pas khro ba yi/ /ro dang sbyar te lus med dag gis gdungs gyur kyang/ /bdag ni 'di snyed gdung ba'i slad du ma bsdad do/ /phyed bzlas yang dag sbyar ba yin/ 'di la dbye ba gsum du 'dod/ rkang pa zlas pa
'ang du ma yi/ /bdag nyid de dag dpes gsal bya/ /skyes bu gtan gang spang bya ste/ /khengs pa rab spangs snying stobs can/ /khyed kyi mchog tu 'bad pa yi/ /yid brtan bya'o smod brtson nam/ /khyod kyi bgrod pa khyab bdag gzi byin gyis/ /yang yang rab sbyar mdzes pa med pa yi//
mi rnams tshul dang nga rgyal nyams byas nas/ /bcom zhing kyem byas bzos rnam par zhig /sgra yis sprin bgrod dbyar skyes rma bya yi/ /tshogs rnams mdzes pa nyid du nye bar gyur/ /rlung gi tshogs sdug bral ba chur sgrogs kyi/ /tshogs kyi sgra dngos bral ba nyid du gyur/ /'tsho ba'i dbang phyug
dud pa'i brang la kho ma ni/ /dman zhing khengs pa nges par bsgrub pa'i dbang gyur ma/ /brtse ba spangs pa'i bdag nyid yid kyi 'o ma 'dzin/ /gnyis po nye bar gtad nas kun tu ma 'khyud do/ /lha rnams 'dun pa stobs med khyab bdag gnas par ni/ /khyod kyi yon tan yang rtsa dri ma med pas
'dzegs/ /de ni phyi nas grong bzang rnams kyi phun sum tshogs/ /brgyan pa'i bud med dag dang rnam par rtse zhing spyod/ /snyan smra lus skyed dud dang nu gnyis sam/ khyod las gzhan ba su zhig ma bcom de yi phyir/ /'byung po lus ldan skyon las grol ba khyod la sogs/ /bgrang ba la ni ming
med nye bar 'gro ba ma yin/ /khyod kyi dmag dpung khyab 'jug lta bu go bgos pa/ /mtshon rnon ldan pa dpa' bo dag gis phyogs rnams su/ /grags pa dang ni rdul dag rgyas byed g.yul gyis ni/ /dgra rigs lus bral gzi med rgyags la nyams par byed/ /dran ldan bdag las phan pa'i
tshig gcig mnyan par mdzod/ /khyod kyi lag pa dpal dang lhan cig lag 'gro yis/ /sa yi dkyil 'khor rnam 'dzin de phyir sa gzhi 'dzin/ /rang lag rig nas rgyags pa rgyas par yongs ma byed/ /'dod pa'i me gang khengs pas rab sgrubs pa/ /skad cig dang mnyam rgyas
des pad+ma'i mig/ ngo med khyod kyi bde ba de dag ni/ /kun nas nyams pa nyid du cis mi byed/ /ma dung khyod ni 'jig rten bdag gyur tshe/ /mthu yis mthu ldan rin chen mang 'dud byed/ /de phyir sar pa'i ltung ldan mchod sbyin ni/ /nges pa nyid du chang par ma gyur to/ /dpung gi glang po rnams ni
gzhan dang gzhan/ /stobs ldan sgra sgrogs rab tu rgyud pa yis/ /thang las rdul bsgrubs nam mkha' 'gog byed cing/ /g.yul gyi stobs bzlog mchog tu gzhan la rgyug/ khyod lta mnyam par ma gzhag srid par ni/ /rnam gnyis mi mnyam phan pa med kyi tshig /leg par
gyur pa sgrub byed mi mnyam pa/ /sgrul? bgrod mtshungs la mi dang ngo tsha med/ /dgra yi mdzes nyams rgyal po'i sde yis btud/ /au mas phan zhing dpal med min zla can/ /sde ldan mi btung rdul gyi min rje bo/ /skyes mchog mchod thob gyur pa/
go bgos mi mdzes min/ /de ltar rkang pa lhan cig dang/ gnyis dang gsum yang bzlas pa bstan/ /tshigs bcad gnyis ni don ldan pa/ /tshigs bcad bzlas pa yin te dper/ /zlum zhing rgyas pa'i dpung pa can/ /grogs min rab tu 'joms byed pa/ /rnam 'dren
khyod kyis bsten pa yi/ /mi mtshungs sa 'di 'jigs pa mang/ /'dren pa dag dang bral gyur cing/ /lag pa sreg khang nye gyur pa/ /rang grogs kyis btang dgra yis ni/ /mtshungs med sa 'di mngon par bsten/ /rkang bzhi rnam pa gcig pa gang/ /zung ldan chen por
brjod pa yin/ /de la'ang bzlas pa mthong ste de/ /zung ldan bya ba gzhan yin no/ /mnyam med dpal ldan mtshungs med mo/ /khengs ldan ngal ba dag dang ni/ /khengs pa mnyam ldan tshul min dag /dor ba'i tshang 'dris 'grogs par mdzod/ /'dzin ma 'dzin pa'i
rnam 'dzin 'dzin ma spyod rnams kyi/ /lag pa rnam gnon mi dman 'phral la dgra 'joms ma/ /myur ba dang ldan mchod pa'i khur 'di bsten pa yis/ /sa gzhi dag ni rim pas bsrung bar bzod pa yin/ /rkang phyed tshigs bcad spyod yul can/ /lugs
las bzlog pas bskar ba ni/ /zung ldan lugs las bzlog pa'i phyir/ /lugs las bzlog pa zhes par bshad/ /gang la 'dod? byas phra mo nyid/ /de ni bdag gis thob mdza' ? bo re re 'dod med pa byed med lha/ /bstad pa thob khyod 'gra gyur cig /nA da ldan bdag
rang gi blo/ /myos min 'dod pa 'ga' yang med/ /dul ba 'joms pa'i 'dod pa yi/ /rang dbang gdung ba dag kyang med/ /yid 'gro bdud sbyong? lcags mi dman/ /gang zhig dbang gyur skye bo 'joms/ /gang la bdag song yid 'ong brgya'i/ /dbang gyur de la byon
zhes smras/ /ston 'di yis ni gzir gyur cing/ /gtan 'di shes ba 'di yis ni/ /nyin ma'i nad kun mthob min/ /mya ngan bral slad khengs mi byed/ /gal te phyed kyi yi ge rnams/ /gcig gis bar tshed gzugs gcig nyid/ /de nyid bya dga' i de nyid rig/ ba lang gcin zhes smra ste/
dper/ /chang 'dra'i mig ldan zur mig gi/ mtshon can 'dod pa 'di rgyal te/ /gal te bdag kyang ldog bzad na/ /'dod pa la ni thal mo sbyar/ /gal te tshigs bcad phyed 'khor na/ /phyed du 'khor ba zhes par brjod/ /gal te kun tu 'khor ba na/ /kun du bzang po zhes par
'dod/ /mdung yang byung khyad par phyir/ /sde ni khengs ldan ma yin min/ /'jigs las dpag med nad med ma'am/ /bdag cag sdig pa'i rang bzhin no/ /zla dang lhan cig nad ring min/ /dga' ma bdud kyi rgyar ma ltung/ /bgrod bzlog sgra med stobs ldan ma/
skam rtse rnam de 'chi slad du'o/ /dbyangs dang gnas dang yi ge rnams/ /nges pa dang 'di bya dka' la/ /bzhi la sogs pa rab bstan 'di/ /gzhan ni bya sla dag tu 'dod/ /rig byed rnam thar tshig smras pas/ /glu dang bgegs 'jigs dga' ba yis/ /longs
spyod na? da? dang dga' ba dang rmongs/ /dge ba'i yul du sems 'dod gzung/ /sa las rnam rgyal lugs ni sgrub byed pa'i/ /brtul zhugs la dga' mchog rtogs rgyal po ku ru pas/ /g.yul du rang gi dgra yi rigs rnams ni/ /mche bar bkag cing
lce bar 'dar bar byas/ /dpal gzi ngo che grags dang/ /blo lugs tshig dang dga' dag khyod la 'phel ba gnyis? gang/ /'di gnyis lha dbang la med/ /? dang nad rim cis min gang/ /dga' ma bdud kyi rgyal ma ltung/ /bgrod bzlog dgra med dpal
nad ma/ /stobs ldan rgyu gnas 'chi smad du'o/ /'dren byed kun dga' skyed byed pa/ /rgyu skar tshogs rnams dag gi gnas/ /sprin med mkhar la lus can ma/ /lhan cig mig ni sbyin par mdzod/ /mu? sdug khyod gdong lan bu yi/ /'khri shing bung ba ltar sngo
zhing/ /'dren byed pad+ma'i gzugs brnyan can/ /zla ltar mdzes pas su ma bcom/ /rtag tu sdig med kun dga' mchog /lus dud dag dang 'grogs la chags/ /btsun mo lus med kyis dgongs te/ /'jigs pa du mas reg pa
gyur/ /ha ha mi 'grogs mkha' 'gros mtshan/ /ri 'gro dbang 'khyog ldan ma chags/ /'khyog sgrogs gang+gA'i chur 'jug sdig /bya rog 'joms pa mtho ris 'gro/ /kye kye sgra sgrog ru ru'i brang/ /'joms sdig ba ri ri cher 'gro/ /nga can ma 'ong bdag gi can/ /bya rog
rma bya'i sgra sgyur ci/ /lha rnams dga' bar byed pa'i lha/ /rig byed la smod 'gog pa pos/ /lha min dga' byed bcom pa na/ /sgra yis mtho ris gang bar gyur/ /mkhas pa lha dang lha min la/ /'gro stobs ldan pa byin legs can/ /chang gi ro ldan bshol
'dzin de/ /bzhad kyi sgra ldan mtsho ru song/ /'di yis bdag cag rnams kyi bzhin/ /bzhin gyis nges bar ma bcom min/ /bdag sgrog dman med dang sbyor zhing/ /rje bo skyes min sdig med min/ /de ltar bya dka' i lam la yang/ /rim pa cung zad kun tu bstan
gab tshig dag gi rnam pa yi/ /lugs kyang rab tu bstan par bya/ /rtsed mo'i 'dud sar bzhad gang dang/ /de shes tshogs su gsang smra dang/ /pha rol kun tu rmongs byad la/ /gab tshig dag ni nyer mkho ldan/ /tshig mtshams sbyar bas don sbas pa/ /kun tu tshogs
ba zhes par brjod/ /gzhan la grags pa'i sgra dag gis/ /gang du slu ba slu byed nyid/ /sbyor ba shin tu 'khrugs pa yis/ /rmongs byed rim pa bral ba ste/ /gang la don rtogs dka' ba yi/ /tshig phreng ri ni rab bcom yin/ /phal pa'i don bkod tshig dag
gis/ /sdebs pa dag ni mthun ba'i gzugs/ /mtshan nyid yod tsam nges tshig dang/ /ldan pa'i tshig ni rtsub mo'o/ /gang du grangs kyi kun rmongs par/ /byed pa grangs nyid ces bya ste/ /gang du dag don rnam pa gzhan/ /snang ba de ni rab brtags nyid/
gang du ming la sna tshogs don/ /brtags te ming du 'dus pa nyid/ /tshig ni chos mtshungs pa reg pas/ /don gzhan bsgribs pa bsgrib pa'o/ /sgra yis rnam grangs bkod pa yis/ /bsgrub pa dag ni mthun pa'i sgra/ /gang zhig dngos su don bstan yang/ /rmongs ched de ni
rmongs zhes bya/ /gang la sbyor phreng bdag nyid kyi/ /ming can de ni yongs su 'phrog /gang du rten ni rab sbas te/ /brten pa gsal byas gcig bsgrims pa'o/ /gang du gnyi ga spos gyur pa/ /de ni gnyi ga sgribs pa yin/ /gang zhig mtshan nyid sna tshogs 'dres/
de ni yongs su 'dres zhes bya/ /'di dag gab tshig bcu drug ste/ /sngon gyi slob dpon rnams kyis bstan/ /gab tshig ngan pa gzhan dag kyang/ /bcu bzhi de dag rnams kyis brjod/ /ngan pa mtshan nyid med gang de/ /skyon ni yongs bgrangs bya min par/ /rig
nas slar yang bdag cag gis/ /legs pa kho na brjod par bya/ /mA yA'gyur/ /'chi med bud med co 'dri ma/ /mi mo spyad pas de lta min/ /yu bar 'o byed pad can gyi/ /dang pa tsher ma rtsub mo can/ /bzhin la sgra snyan sgrig byed cing/ /lus ni mngar bar byed cing mchus/ /bu mo khyod kyi rkang mdzes la/ /rkang gdub rgyas pa
sgra snyan sgrogs/ /mngon sum nyid du gyur ba 'dir/ /bdag gi srog ni bstan ma yin/ /gang gi yal 'dab la/ /me tog dog pa snum pa can/ /'khri shing yal 'dab lnga pa ni/ /skyed mos tshal 'dir bdag gis mthong/ /chang ma rnams ni chang khang
du/ /sa yi 'od kyis dzi gar 'khyam/ /de ni myos par gyur de rnams/ /chang ba ltar? rdzing bur bying ba bzhin/ /sna ldan dbus ni gsal byed bzhis/ /yongs su rnam par brgyan pa yi/ /grong khyer 'ga' yong gang zhig na/ /mi bdag mdog brgyad
ming can yod/ /tshig rnams rab tu 'khrul pa dang/ /mgo bo dung cing mig dman pa/ /'dug kyang 'dar ldan bdag la ni/ /rgan mo rjes su mi brtse'am/ /mig mi brtan mas ldan 'ga' / /dang po rA dza zhes pa sgrogs/ /sa nA ta na yang ste 'di/
rgyal po ma yin khyab 'jug min/ /rdzas bral mi ni btang byas nas/ /nor ldan rnams can bgrod pa gang/ /sna tshogs thabs rgyas 'jig rten 'gugs/ /bzug dka' smad 'tshong ma yin no/ /khyod kyis min ming mthun gang/ /rab gyur sgra min can las rgyal/ /de yi
ding bdag mchog tu ni/ /sred ldan byed do snyan sgrogs ma/ /'dod ldan dag ni mal stan la/ /khro bas phyir bzlog nyal bar 'gyur/ /chags las de bzhin nyid nyal te/ /dal bu yis ni kha dag sbyar/ khya rgyal zas skyes dgra yis ni/ /bla ma'i 'od kyis bcom skye bo//
kha 'joms grogs min 'dzin pa yis/ /khyab pa'i mkha' la mngon par dga' / /nam yang mtshon dang bud med kyi/ /nu ma'i dkyil 'khor la ma reg/ mi ma yin pa 'ga' zhig gi/ lag 'di 'bras med yin no lo/ /su zhig gang dang 'grogs pa yis/ /bya
ba thams cad nye bar ni/ /thob cing zas kyi dus rtag tu/ /gal te mthong na 'dor bar byed/ ha ya ga dza g+ha Ta can/ /sde 'di gal te ma rgyal na/ /mA tri ka med nged kyi bu/ /'di ni yi ge shes kyang blan/ /de ni ming du 'dus pa bsres/ /bslus pa yis ni gzugs
dang ldan/ /de bzhin nyid du gzhan gyi yang/ /'dres pa'i rim pa shes par bya/ /don nyams don bral don gcig pa/ /the tshom can dang rim pa nyams/ /sgra dman gcod mtshams nyams pa dang/ /sdeb sbyor nyams dang mtshams sbyor bral/ /yul dus sgya rtsal 'jig
rten dang/ /lung rigs dag dang 'gal ba ste/ /skyon bcu de dag snyan dngags la/ /snyan dngags mkhan gyis spang bar bya/ /dam bca' gtan tshig dpe nyams pa/ /skyon nam ma yin zhes pa 'di/ /phal cher dpyad pa dka' ba nyid/ /sbyar ba de yi 'bras bus ci/ /tshogs
pa'i don gyis stong pa gang/ /de ni don nyams zhes par 'dod/ /myos pa bsnyon pa byis pa yi/ /brjod las gzhan la de skyon no/ /'di ni rgya mtsho 'thung byed de/ /bdag ni de ring rga bas gzir/ /sprin 'di rab tu sgrog pa ste/ /'phrog byed sa bsrung dag la dga' / /'di sems rnal
du mi gnas pa'i/ /mngon par brjod la smad min ste/ /gzhan du de lta bu la sogs/ /snyan dngags mkhan po su zhig sbyor/ /dag gcig gam na rab sbyar la/ /snga ma phyi ma gzhan 'joms pa/ /'gal ba'i don can nyid kyi skyon/ /don bral zhes pa rab tu brjod/ /dgra
rigs mdza' dag 'joms pa dang/ /sna tshogs khur 'di rgyal gyur cig/ 'byung po kun la brtse ba can/ /khyod la dgra ni su yang med/ /mngon par chags ldan sems la ni/ /skabs de 'ga' zhig yod pa na/ /gang la 'gal pa'i don can gyi/ /tshig kyang mngon
par 'dod par 'gyur/ /gzhan gyi bud med la sred pa/ /'phags pa dag gis ga la rigs/ /de yi so sgrib g.yo ba dag /bdag ni nam zhig 'thung 'gyur ram/ /don nyid dam ni sgra la yang/ /khyad par med pa sngar brjod pa/ /gal te slar yang rab bsgrags pa//
de ni don gcig par 'dod dper/ /sred pa srid byed bu mo rnams/ /de yi lan bu'i 'od zer can/ /chu 'dzin glog dang ldan pa ni/ /zab mo sgra sgrogs 'di dag go/ rjes su brtse sogs khyad par las/ /gal te 'ga' zhig brjod 'dod na/ /yang brjod la yang skyon med de/ /'di ni rgyun du
rigs pa yin/ /'dod pa skabs min 'khon pa yis/ /bud med mchog de bcom par gyur/ /yan lag kun mdzes bcom par gyur/ /'jam par sgrogs ma bcom par gyur/ /nges pa'i don du rab sbyar ba'i/ /tshig rnams kyis na gal te na/ /the tshom skyed par byed na 'di
the tshom can zhes rab tu bshad/ /re 'dod dga' ba blta ba yi/ /ro la mig g.yo grogs mo dag/ rgyang ni 'dug pa'i ma ma 'dis/ /'di 'dra blta bar bzod ma yin/ /'di 'dra the tshom slad nyid du/ /gal te 'ga' zhig du sbyar na/ /'di ni rgyan nyid du gyur gyi/ /de la skyon med
'di lta ste/ ma smad de ni lus min skyes/ /'jigs bas gzir cing rtsub mo yi/ /dus gnyis kyis ni gzung ba mthong/ /bdag cag khyod la re ba med/ /'dod pas gzir ram tsha bas gdungs/ /zhes pa nges med byed pa'i tshig/
rtse 'joms skyes bu 'khrug par ni/ /bya phyir pho nya mos smras so/ /mdor bstan rjes su mthun par don/ /gal te rjes bstan ma byas na/ /rim pa nyams par mngon brjod pa'i/ /skyon du de ni bshad de dper/ /'gro ba rnams kyi gnas pa dang/ /sbrul
dang 'jig rgyu ma skyes pa/ /bde 'byung sred med chu skyes kyi/ /skye gnas can gyi khyed rnams srungs/ /'brel ba nges par shes pa'i rgyur/ /gang yang gal te 'bad byas na/ /rim pa 'das kyang skyon med par/ /mkhas pa rnams ni smra ste dper/ /gnyen
gtong ba dang lus gtor dang/ /yul gtong zhes pa gsum po la/ /dang po tha ma nyon mongs ri/ /bar pa skad cig gdung ba'o/ /mtshon bya mtshan nyid lam ma mtshon/ /tshig sbyor mchog min 'dod pa ni/ /sgra nyams yin te mchog rnams dag /'dod pa nyid ni
skyon ma yin/ /sa gzhi rgya mtsho'i ske rags can/ /rgyal chen khyod la dpung bas srungs/ /zhes pa shes 'dod med pas na/ /tshig 'di la ni nyams yod min/ /lho yi ri las nyer btung pa'i/ /rlung gis tsu ta'i rkang 'thung ni/ /yal 'dab rol
bar bskyod pa yi/ /myu gu mdzes dang ldan par byed/ /ces sogs bstan bcos bdag nyid che/ /lha la g.yel ba'i sems ldan pa/ /sgra nyams bzhin du snang mod kyi/ /skal bzang nyid ni gtor ma yin/ /tshigs bcad rnams la nges pa'i
gnas/ /tshig gi gcod mtshams gcod mtshams rig/ /de nyams gcod mtshams nyams pa ste/ /nyan pa dga' min bskyed pa dper/ /bud med rnams kyis yang dag brjod pa'i cho ga ro nyams med la 'dir/ /mchog rnams dang
grogs mi dbang nyi ma'i rigs 'di lta byed ces sog skyen/ /bya dang bya min ma tshang med la lung nyod kyis ni lta byed cing/ /mi bdag 'di yi dbang gyur sa 'dzin zhes pa de ltar sbyor ba yod/ /ji ltar tshig mdza' phyis pa la/ /lhag ma tshig nyid du nges pa/ /de bzhin mtshams sbyor rnam
'gyur mdza' / /tshig nyid ces ni brjod pa yin/ /de lta na yang rna bar tsub/ /snyan dngags mkhan rnams mi sbyor te/ /rgyal po de yi rgyal mtshan can/ /tog gi chu 'dzin bskul zhes 'di'o/ /gang du yi ge chad lhag dang/ /lci yang ji lta bzhin mi gnas/ /de ni sdebs sbyor
nyams pa ste/ /skyon 'di shin tu smad pa'o/ /zla ba'i 'od zer rab gsil bas/ /reg ces yi ge nyung ba nyid/ /sa ha ka rI lo 'dab gsar/ /snum zhes yi ge lhag pa'o/ /'dod pas mda' rnon ri dags mig can la/ /rnam par 'phangs zhes lji ba ji bzhin min/ /mdzes
pa'i mig can dag la myos byed kyi/ /mda' rnon lhung zhes yang ba ji bzhin min/ /bsdus ba brjod par mi 'dod ces/ /tshig la mtshams sbyor med pa gang/ /yang phyis la sogs rgyu med ba?/ /de ni mtshams sbyor bral zhes bstan/ /mkha' dang bdag gi yid la yang/ /rlung ni dal
bu rgyu ba yis/ /bud med 'gyan pa'i dkyil 'khor la/ /rdul gyi chu rgyas sel bar byed/ /mtshan mo 'di la zhes 'di 'dra/ /mkhas pas nyams par rig mi byed/ /ri nags yul 'khor la sogs yul/ /nyin mtshan dus drug la sogs dus/ /'dod pa'i nor la brtan pa yi/ /
gar dang glu sogs sgyu rtsal te/ /'byung po rgyu dang mi rgyu ba'i/ /'jug pa 'jig rten ming can no/ /rigs pa gtan tshigs rig bdag nyid/ /thos bcas gsungs pa lung nyid de/ /snyan dngags mkhan po bag med las/ /de der ji ltar grags pa bzhin/ /min par gal te rab zhugs na//
'di ni yul sogs 'gal zhes brjod/ /ga bur rkang la reg pa yi/ /ma la ya rlung dri bzangs can/ /ka ling+ga yi nags skyes pa'i/ /glang po dag ni ri dags rigs/ /tso la kA de ri degs sa/ /a ka ru ni nag pos sngo/ /zhes pa yul dang 'gal ba yi/ /tshig gi 'jug pa 'di
'dra ste/ /pad+ma can ni mtshen mo rgyas/ /nyin par ku mud ldan pa gsal/ /dpyid ni ni tsu la rab rgyas/ /so ka dag ni sprin gyis gtibs/ /dad pa'i sgra ni dbyar nyan 'os/ /ston ni rma bya myos pa ste/ /dgun stong nyi ma dri ma med/ /dgun ni tsandan
bsngags par 'os/ /zhes pa 'di 'dra dus dang ni/ /'gal pa'i lugs dag bstan pa yin/ /sgyu rtsal dag dang 'gal ba'i lam/ /cung zad bstan par bya ste dper/ /dpa' ba sgeg pa dag gi dngos/ /brtan pa khro dang ya mtshan no/ /dbyangs bdun rdzogs pa 'di dag
ni/ /tha dad lam du rab tu 'jug /'di ltar sgyu rtsal drug cu bzhir/ /'gal ba legs par rtogs par bya/ /sgyu rtsal yongs su bcad pa la/ /de yi rang bzhin gsal bar 'gyur/ /glang po dag ni ral pa g.ye/ /rta ya rwa ni rno ba yin/ /e raN+Da 'di snying po lci/ /seng ldeng ljon pa
snying po med/ /ces pa 'di ni 'jig rten pa/ /nyid dang 'gal ba kun gyis smad/ /rigs pa zhes bya gtan tshigs kyi/ /rigs pa dang 'gal bstan par bya/ /bde gshegs 'dus byas 'jig par ni/ /gsung pa bden mod de lta na 'ang/ /tsa ko ra yi mig can de/ /bdag gi
snying la da dung gnas/ /ser skyas gnas la yod pa nyid/ /rab tu skye bar nye bar brjod/ /med pa nyid ni bdag cag gis/ /rab tu skye bar gang phyir mthong/ /rigs pa dag dang 'gal ba yi/ /lugs 'di kun tu blta bar bya/ /de nas lung dang 'gal ba yi/ /'jug pa dag ni
bstan par bya/ /me ni bzhag pa ma yin yang/ /bu skyes bram ze ma nyams pa'i/ /spyod pas brgyan pa 'di dag ni/ /be shwa na ri mchod sbyin byed/ /de ni cho ga ma byas kyang/ /bla ma dag las rig byed bklags/ /rang bzhin dag pa'i shel dag ni/ /'du byed gzhan la ltos pa med//
'gal ba mdza' dag 'di la yang/ /res 'ga' snyan dngags mkhan mkhas pas/ /skyon gyis grangs las rab bzlas na/ /yon tan lam ni rnam par 'dzin/ /rgyal po de yi mthu yis ni/ /de yi skyed tshal lha rnams kyi/ /ljon pa yal 'dab gos
dmar dang/ /ldan pa dag ni gnas su gyur/ /rgyal po 'jigs pa gsal byed pa/ /ka dampa yi rdul dang 'grogs/ /'dab bdun las 'khrubs skyod byed cing/ /drag po yi ni rlung dag rgyu/ /khyogs kyi rab bskul skrag pa yi/ /skye bo bud med las brjod glu/ /stobs mi mnyam pas
'dod ldan gyi/ /chags pa dag ni 'phel bar byed/ /zla ba'i 'od zer las bsil na/ /bsreg bya 'dzin par 'dod ldan ni/ /bud med dang bral nyon mongs kyi/ /'khrugs pa 'di yis rtsi bar byed/ /gzhan bya yin yang gzhal bya min/ /cha ldan yin yang cha ldan min/ /gcig nyid
yin yang gcig nyid min/ /sna tshogs gzugs khyod la phyag 'tshal/ /skya bser bu lnga dag gi ni/ /chung ma lnga len bu mo ste/ /dag pa rnams kyi mchog tu gyur/ /'di 'dra lha yi sgrub byed do/ /sgra don rgyan gyis bkra ba dang/ /bya sla bya dka' dag dang lam/ /snyan dngags dag ni
yon tan skyon/ /de ltar mdor bsdus rab tu bstan/ /sgrub byed bstan pa'i lam 'dis skyon dang yon tan dag/ rab tu rtogs pa'i blo can skal bzang dbang gyur pa'i/ /tshig dang mngon par 'grogs byas chad mig ma dag dang/ /lang tsho can bzhin dga' dang grags pa thob par
gyur/ / //snyan dngags kyi me long las bya dka' i rnam par bcad ba ste gsum pa'o// //snyan dngags kyi me long/ /slob dpon dbyug pa can gyis mdzad pa rdzogs so// //phul du byung ba'i yon tan dpag tu med pas spras ba/ /bla ma dam pa chos kyi rgyal po rin po che ba dang/ /dpon
chen shAkya bzang po'i bka' lung gis/ /rgya gar gyi mkhan po snyan dngags mkhan chen po sh+ri lak+Sh+mi ka ra dang/ /bod kyi lots+tsha ba dge slong shong ston gyis/ dpal ldan sa skya'i gtsug lag khang chen por legs par bsgyur ba'o/ /slar yang shong ston de nyid kyi bka' drin
gyis legs par sbyar ba la brda sprod pa'i tshul rig pa dbang lots+tsha ba dpal ldan blo 'gros brtan pas/ slob dpon chen po ratna sh+rI yis mdzad pa'i 'grel pa dang mthun par 'gyur bcas su rung ba rnams bsgyur te/ zhus chen cung zad g.yar khral du 'tshal ba'o/
sdeb sbyor rin chen 'byung gnas bzhugs so/ / // ` rjes bsngags la/ 'dra mtshungs/ gzhan dpag/ rkang bkra/ glog phreng/ bram ze'i bya dang lnga 'dir bshad do/ /dgu pa priha tI la gshol gdong dang lag 'gro /khyi'u'i bu gnyis so/ /bcu pa phreng ldan la/ dag pa'i snang ba/ 'khar rnga/ rma bya'i 'gros/ gser ldan/ myos ma dang lnga'o/ /bcu gcig pa gsum bsngags la/ nyer 'khod/ dbang po rdo rje
rgya gar skad du/
CLOSE WINDOW