བོད་ཡིག

e-texts based on the ACIP/ALL Input

/yar lungs pa grags pa rgyal mtshan gyis/ /bal yul yi bu'i grong khyer du bsgyur ro/ // */ (/'chi med mdzod kyi rgya cher 'grel ba 'dod 'jo'i ba mo zhes bya ba bzhugs so//) //rgya gar skad du/ a ma ra Sha TI ka kA ma d+he nu nA ma/ bod skad du/ 'chi ba med pa'i mdzod kyi rgya cher 'grel pa 'dod 'jo'i ba mo zhes bya ba/ bcom ldan 'das gsung gi dbang phyug la phyag 'tshal lo/ /sa yi mchog dang chen po thob/ /thams cad mkhyen pa'i dpag bsam shing/ /bdud rtsi rdzu 'phrul yal 'dab rgyas/ /khyod la me tog 'bras bur shog/ gang gA'i chu bo rab 'bab bzhin/ /gang zhig brtse bas lan gsum 'gro/ dpal gyi rgya mtsho bdud rtsi'i gter/ /srid ba'i zla phyed bdag phyag 'tshal/ /srid pa'i rgya mtshor yum gyur sgrol pa'i dge gru ni/ /snying rje'i dpag bsam ljon shing dag las grub gyur pa/ /rab dang sems kyi dad pas skye ba rab bskyod nas/ /pha rol byin gyur mngon 'dod rin chen thob par shog /sbrang mas me tog rtsi blangs thigs pa rab bsags ltar/ /gang zhig blo gros bzang po'i btung ba 'jo zhing ster/ /snyan ngag gcig nyid kun gyi gtsug gi me tog bzhin/ /dpal ldan 'chi med gsung de rnam par rgyal gyur cig/ mthas rgyud de mngon brjod chu gter rin chen gyi/ /snyan ngag ngo shal phreng bas khar mdzod rnam brgyan pa/ /dpal ldan tsan+d+re go mis sbyar gyur phul byung mod/ /de ni mngon par rab bsgrub bya ba dag gis brtsams/ /de nas gzhan la phan pa rjes su ston pas sdig pa rab tu zhi ba dang/ bsod nams kyi tshogs phun sum tshogs pa bsags pa'i phyir/ /bcom ldan 'das kun tu bzang po la 'dir mchod par brjod nas/ /gang gi zhes bya ba la sogs pa la mkhyen pa ni/ /yul gyi dngos po mdza' dag yongs su shes pa'o/ /brtse ba ni/ sdug bsngal las yang dag par bsgral bar 'dod pa'o/ /de gnyis kyi rgya mtsho lta bu ste/ rgya mtsho ni sangs rgyas bcom ldan 'das de'i mkhyen pa dang brtse ba'i rgya mtsho'o/ /'dir rgya mtsho'i sgras gting med de la sogs pa'i yon tan mtshungs pa nye bar 'jal ba'o/ /mkhyen pa dang brtse bas byas pa dang/ de ni gting med pa zhes bya ba la sogs pa byed pa po mang po'i bsdu ba'o/ /bya ba ni ma 'ongs pa'i don yin pas 'dir dgos pa med do/ /mkhyen pa dang brtse ba dag ni rgya mtsho zhes bshad de/ byed pa po sgrub pa ste/ de'i tshig mi mngon pa'am/ /drug pa 'grel pa'i bsdu pa'o/ /mkhyen pa dang brtse ba dag gis rgya mtsho lta bu ste/ /rgya mtsho ni gzhi yangs pa'o/ /gting mdza' med pa ni/ gzhan gyis mi rtogs pa ste/ gang gi mkhyen pa dang brtse ba'i pha rol zab mo yongs su spyod mi nus pa'o/ /bcom ldan 'das de ni thugs rje'i dkyil 'khor mdza' dag la mkhyen pa dang brtse bas khyab pas gang zhig sdug bsngal gyi rgya mtsho gting mdza' med pa ni/ skyabs med pa'i 'gro ba rnams mngon par khyab cing gang ba de la gang gis mthar thug par sgrol nus pa de bzhin du gyur pa yin pa de ni sdig pa dang bral nyid 'dod chags la sogs pa'i nyes pa rnams spangs pa'o/ /byams pa dang bzod pa dang nye bar zhi ba la sogs pa'i yon tan no/ /dpal dang bdud rtsi dang bcas phyir zhes te/ tshad med pa'i ched du 'jug pa bzhin du bzhi pa'i don te/ /rang gi yi ge ni phan tshun du bsdu ba'i tshig go/ dpal ni phun sum tshogs pa'o/ /bdud rtsi ni thar pa dang mya ngan las 'das pa'o/ /mchog gi snying rje la sogs pa yon tan phun sum tshogs pa de lta bu ni/ gzhan la phan pa dang bde ba phun sum tshogs pa rnams ral zad pa med de snyel ba mi mda' ba' o/ /khyad par du byung ba don dam pa sgrub pa ni blo dang ldan pa'o/ /bsten par bya ba ni dpal dang bdud rtsi'i phyir ro/ /'dir mkhyen pa dang brtse ba la sogs pa'i rgya mtshos sems can rnams la rgyu med par mchog tu mnyes shing phan pa'i rang bzhin can de lta bus ni bcom ldan 'das bde bar gshegs pa nye bar mtshon te/ rtags kyi rab tu gsal ba zhes pa ni/ snyan ngag gi yon tan te/ dbyangs can gyi mgul rgyan gyi snyan ngag gi rgyan las/ /gang zhig don gang rab gsal dang/ rab mdzes de yi mngon brjod de/ dper na 'dir shar gyur pas rgya grol pad+ma shar gyur ri bo dang/ nags tshal phreng pa manda ra ba'i me tog gzhon nu ltar/ /dur ba lhan cig mi gnas rab tu rtsom zhing gnyis gnyis gnyen/ /spre'u rab tu khros pas mkhur tshos 'gram pa zangs mdog bzhin/ /zhes bshad do/ /'dir mun pa bsam pas dur pa'i mya ngan bsal te dur pa pho mo lhan cig mi gnas pa yin pa/ /de la sogs pa bsal nas nyi ma'i mtshan nyid ma bshad kyang nyi ma nye bar mtshon pa bzhin no/ /bsod nams dang ye shes kyi tshogs bsags pa las thar pa dang mya ngan las 'das pa ste/ rang dang gzhan gyi don phun sum tshogs pa'o/ /tshigs su bcad pa gcig gis mchod par brjod nas/ de nas bstan chos gang zhig la brten pa yang skyes bu rnams don grub pa'i phyed du gsungs pas/ de la mtho ris la sogs pa'i ming rnams dang/ pho mo la sogs pa'i rtags rnams bshad par bya ste/ rgyud gzhan rnams las bsdus nas ni zhes pa ni/ sngon gyi slob dpon rnams kyi rjes su 'brangs pa'o/ /'dir ci'i phyir bshad ce na/ rgyud gzhan rnams las bsdus pa'i phyir te/ /de la phan tshun du rgyud rnams dang/ skabs gsum gyi mngon brjod kyi bstan chos autpa la la sogs pa dang/ bya Di dang/ mchog sred/ tsan+d+ra go mi dang/ nA ma na la sogs pa'i ming dang rtags kyi bstan bcos rnams kyi bsdu ba'i tshogs pa rnams 'dir brjod pa ste/ de'i phyir na yongs su rdzogs pa'o/ /gal te rgyud gzhan rnams las bsdus nas 'dir brjod pa yin na mang por 'gyur ro zhe na/ mi 'gyur te sde tshan gyi khyad par gyis tshogs yongs su la sogs pa'i tshig phrad rnams spangs nas slar yang rjod byed nyung shes su bsdus pa'i gzhung gis bshad do/ /brjod bya sde tshan du bsdebs pas skabs kyi bstan chos kyi ming rnams bde blag du rtogs pa'i phyir ro/ /mtshungs pa rnams bsdus pa'i phyir na sde tshan te/ rigs dang yon tan dang bya ba dang ngo bo rnams mtshungs pa'i phyir ro/ /slar yang mdor bsdus dgos pa ni/ autpa la la sogs pa la bsdu ba med pa dang/ ming gi 'phreng ba la sogs pa la rtags med pa dang/ rgyud kyi rab tu dbye ba la sogs pa la ming med pa dang/ 'chi ba med pa'i 'phreng ba la sogs pa yongs su ma rdzogs pa dang/ bo sta li ta la sogs pa la sde tshan gyi stong pa zhes ste/ de rnams las khyad par du gyur pas 'bras bu dang bcas pa'i phyir ro/ /ci ste ming rnams kyi rtags dang brjod bya la slar yang ming don ni du brjod na ni gzhan rnams la yongs su rdzogs pa dgag pa'i phyir dang/ de bzhin du yang ming ji snyed pa'i tshig dang/ de snyed kyi rtags kyi tshig rnams su byas na ni mangs par thal bar 'gyur bas 'dir bshad pa/ skyes po mo ma ning la zhes pa ni/ pho'i rtags can dang/ mo'i rtags can dang/ ma ning gi rtags can dang gsum ste/ de shes par bya ba'i gzhi'o/ /shes byed ni phal cher gzugs kyi dbye ba ste/ de yang ming rnams dang/ ming gi khyad par rnams dang/ pha rol gyi ming shes pas ming thams cad pa'i sgra yang rab tu dbye ba gzhan du 'gyur ro/ /de la gzugs kyi dbye ba ni dper na/ ki mi da ki ra kha sgo na nra kA sa la pad+ma/ laM mA laM/ dza la mi ti zhes so/ /ming gi khyad par gyi 'gyur ba ni dper na/ gaN+Dau ka so lau ta ta sar ha nu/ pha rol gyi ming bos pas ming thams cad gyur pa ni/ dper na kut+tuzhig ste/ dper na/ a sha yug shi b+hA nu/ ka ra b+hi yartriSh+Na pa daM/ gzugs kyi dbye ba med pa'i phyir mtho'i rtags kyi nges par bya'o/ /de'i khyad par sgrub ces pa ni/ pho mo ma ning de'i khyad par nye bar len pas 'grig pho mo ma ning du shes pa ni/ gang la gzugs kyi dbye bas nges pa'i rtags med pa dang/ lhan cig spyod pas nges pa'i rtags kyang med pa'i mngon par 'dod pa dpag tu med pa rnams de bzhin du rtags kyi khyad par gyis te/ dper na/ paN+Da rimmany+dza rimo dang 'byung khungs yin no/ /bi Da skaM skyes bu dang ma ning ngo/ /dbye ba bshad pa'i phyir na tha dad pa'i bsdu ba dang/ gcig gis lhag par ma bsdus so/ /bsdu ba zhes pa ni tshig la bsdu ba dang/ rtags gcig la bsdu ba'o/ /ci ste rig 'dzin chu skyes gnod sbyin dang/ srin po dra za mi'am ci/ zhes pa la sogs pa bsdu ba bshad pa ma yin zhe na/ yongs su grags pa las gzhan pa'i bsdu ba ma byas pa'o/ /'dir ni rtags bkag pa dang/ go rim spangs pa ma bshad pa ni/ rtags kyi bsdu ba ma byas shing/ go rim las gzhan pa yang ma bshad do/ /de ltar khyad par sgrub pa gzugs kyi dbye ba la sogs pa byas na gzhung chen ches par gyur pas de yongs su dor nas bshad pa yin gyi rim pa sgangs nas ma bsdus so/ /'dir ni mtho ris dang nam mkha' dang phyogs dang dus la sogs pa ji lta ba'i go rim byis de dang 'brel pa'i lta ba la sogs pa'i don rang rang gi 'brel pa lhan cig pa rnams ji ltar gtso bo'i rang gzugs kyi brjod bya'i don rtogs pa'i phyir te/ de la gang gi rnam grangs rnams dang 'brel ba rnams dang/ ming rnams de'i brjod pa'i gnas skabs kyis gang dang gang la brten pa dang de dang de'i go rim bstan pas/ gcig gnyis dang mdo ba'i tshig rnams bde blag tu stong ba ste/ rang bzhin ji lta ba bzhin du rtogs par 'gyur ro/ /gsum gyi rtags la gsum zhes bya ba ni/ pho mo mo ning gsum gyi rtags dang ldan pa las/ trilTa zhes 'byung ste gsum zhes bya ste/ dper na/ Ta TaM taM Shu zhes bya ste/ ta DaM ni 'gram la/ ta Shu ni gsum mo/ /pho mo dag sbyor ba ni 'khrig pa'o/ /de gnyis zhes bya ste/ 'dir yang rtags gnyis dang ldan pa la gnyis zhes bya ste/ dper na/ a sha ni d+hA yo zhes bya ste/ a sha ni zhes bya ni gnam lcags la/ d+ha yo ni gnyis so/ /rtags bkag lhag ma'i don la zhes pa ni/ ma'i rtags kyis shes par byed de/ dper na/ nad+hi po la sti yAM zhes bya ste/ dI bo ni gling ngo/ /asti yaM ma yin pa'o/ /de bzhin du mo'i rtags bkag pas lhag ma pho dang ma ning du shes par bya'o/ /de bzhin du pho'i rtags la sogs pa bkag pa yang ngo/ /da ni gzhung nyung dus rtogs pa'i don bshad pa/ stu mdza' a tha sngon cha min zhes pa ni/ stu mdza' tshig dang a tha la sogs pa'i ming dang rtags kyi tshig rnams sngon ma'i tshig 'phrol mi sbyor zhing don gzhan phyi ma gcig ston pa'o/ /dper na sho b+hA kIn+ta g+hU tiShtsha pa ra ba sh+yA ya tu ni ha ra/ pra le ya ba hi kA tsa la tha hi mA la tha don gzhan ston pas/ hi mA nI hi ma saM ha ri/ zhes pa ni kha ba'i phung po'o/ /de ltar na bstan bcos rnam par bzhag pa'i nges tshig mdor bstan nas/ da ni mtho ris zhes bya ba la sogs pa rnams kyi bstan bcos rtsam bar mdzad de/ 'dir bstan bcos kyi brjod bya ni sa gsum mo/ /de la dang po gtso bo dang mtho ris rnams brjod par bya ste/ lha rnams de dang de la brten pa'i phyir ro/ /ji ltar de'i khyad par gtso bo'i brjod bya ni/ sangs rgyas dang tshangs pa dang khyab 'jug dang dag po rnams brjod par bya'o/ /lha'i dbang po ni brjod pa nyid te/ de yang dang po phyogs zhes de'i go rims nges pa'i phyogs kyi rjes su/ shar dang ma la sogs pa lus ngan gyi mthar thug pa'i phyogs kyi bdag po rnams go rim nges pa'i phyir ro/ /steng gi phyogs nam la'i bdag po ni zla ba yang yin te/ rgyu skar rgyal po'o/ /de'i go rim nges pas gza' dang skar ma'i bdag po ni nyi ma yang yin no/ /de'i 'og tu zhar las byung ba snga dro la sogs pa dus kyi go rim gyis bskal pa brjod pa dang 'jig pa'i bskal ba dang shar ba dag kyang bshad do/ /de la chos la sogs pa'i byed pa po ma mthong ba'i bdag lha du 'gro ba thams cad kyi byed pa po ni thams cad mkhyen pa dbang phyug chen po'o/ /grangs can gyi 'dod pas skyes bu longs spyod par byed pa'i so gsum po 'dir rang bzhin spyi gtso bos bskyed cing chos la sogs pa'i byed pa po 'dod/ de nas lus dang ble dang yul dang dbang po'i mtshan nyid la sogs pa dang/ yul rnam par spyod pa byed pa dang sgra'i go rim nges pa'i glu dang/ de'i zhar las byung ba'i sil snyan dang/ gar zhes pa rnams kyang dang po'i sde tshan la yongs su rdzogs pa zhar la thob par 'gyur ro/ /sa 'og gi bdag po la sogs pa rnams kyang dang po'i skabs su bshad do/ /phyogs kyi go rim nges par 'byung ba'i phyir ro/ /gnyis pa sa'i sde mtshan gyi go rim la grong khyer dang grong gi go rim nges pa'i grong rdal dang/ sha ba ri'i gnas grong gi bye brag ste/ de yang ri dang nags la brten pa'o/ /de'i rjes su ri dang nags la gnas pa'i seng ge la sogs pa gzhan mdza' dag kyang de'i zhar la thob pa'o/ /mi spyi rnams dang de'i khyad par bram ze dang rgyal rigs dang rje rigs dang dmangs rigs rnams kyang bshad do/ /sde tshan gsum pa sngon du gsungs pa'i skabs gnyis po la brten nas de bzhin du bshad de/ /de dang 'brel ba'i bde ba la sogs pa dang/ las la sogs pa bya ba byed pa rnams dang/ do na dpag tu med pa'i tshig rnams kyang bshad/ bsten bcos kyi don gyi cha shas mdor bsdus pa'i go rim brjod nas/ lha gnas zhes pa nas bzhi gsum pa zhes pa'i bar du lha'i gnas kyi ming ngo/ /lha'i gnas kyi swa zhes 'byung ste/ mtho ris dang lhan cig spyod pa'i rtags kyis pho'i rtags can no/ /mi zad ces pa ni/ tshig 'dis rtags kyi grangs su byas pa rnams la zad med ste sna tshogs pa'i rtags su 'gyur ro/ /phyogs gcig tu chad pa ni zad pa'o/ /skyo med ces pa ni mi dga' ba med pa'o sum rtse ni lha'i gtso bo tshangs pa dang/ khyab mjug dang/ dbang phyug sum rtse pa'i gnas so/ /skabs gsum ni lha rnams la skye ba ni yod de/ lo nyi shu rtsa bzhi lon pa lta bu skye'o/ /gzhon nu dang dar la bab pa dang/ rgas pa la sogs pa ni med do/ /yang gnas pa dang 'chi ba ni yod do/ /des na skabs gsum gnas so/ /lha'i 'jig rten dang/ rol pa'i gnas dang/ mkha' zhes bya bas kyang lha'i yul du go'o/ /gnyis mo zhes pa ni/ rol pa'i gnas dang/ mkha' gnyis mo'i rtogs can no/ /ma ning bzhi gsum pa mi de nyid ma ning gi rtags can no/ /bzhi gsum pa ni skabs gsum mo/ /gzhan rnams ni pho'i rtags can no/ /de rnams kyis lha'i yul lam gnas kyi ming gi rnam grangs so/ /de na gnas pa'i lha spyi tsam gyi rnam grangs ni/ 'chi med ces pa nas/ lha nyid ming zhes pa'i tshigs su bcad pa gsum gyis so/ /'chi ba med pa ni/ dus ring ba la bya'o/ /rgas med ni lha la de med do/ /skabs gsum lha ni/ skye ba gnas pa 'chi ba gsum yod do/ /rnam par sad pa ni gnyid med pa ste/ rtag tu sad pa'o/ /bcud ldan zhes pa ni lha dang lha ma yin rnams kyis rgya mtsho bsrubs te/ lik+Sh+ma byung ba khyab 'jug gis khyar/ zla ba phyed pa byung ba dbang phyug gi spyi bo'i rgyan du byas/ dug bum pa gang byung ba dbang phyug gi mgrin par bzhag pas mgrin pa sngon por song/ /chang bum pa gang byung ba de lha rnams kyi khyer bas su ra su ra zhes grags/ chang? ngam mtsho'i bcud dam/ bdud rtsir yang rung ngo/ /tshig bzang ba ni lha'i tshig rnams 'jam zhing mnyen pa'o/ /yid bzang ni yid la bsams pa tsam gyis dgos 'dod 'grub pa'o/ /sum rtse'i gnas na gnas pas sum rtse'o/ /dbang ldan pa zhes kyang bya'o/ /mtho ris kyi don dang ldan pas mtho ris gnas so/ /mi sbyin ni/ drang srong kA sh+yA pa zhes pa'i chung ma la di ti zhes pa lha rnams kyi dang po'i mdo? a di ti ni mi sbyin ni/ ma'i ming las dpes na btags so/ /mkha' spyod ba yang ngo// legs bris ni lha rnams kyi mgrin pa dang lag pa dang rkang pa rnams la bkra shis kyi ri mos mtshan pas legs par bris so/ /mi sbyin dga' ni/ ma dga' bar byed pa'o/ /a di'i bu ni sgra'i sgrub tshul lo/ /ri yig ni lha'i ma'i ming ste skabs gsum gyi lha mo las byung ba'o/ /gnyis med pas rmi lam med do/ /mi 'chi ba ni sgra'i sgrub tshul lo/ /bdud rtsi las longs spyod pas bdud rtsi zas so/ /me'i zhal ni me lha la sbyin sreg byas pa lha'i zhal du 'gro'o/ mchod sbyin za ba zhes kyang bya'o/ /dag gi mda' can ni lha rnams kyi gang smos pa de grub pas dag gi mda' can no/ /lha ma yin dang g.yul 'gyed pa'i phyir na lha min dgra'o/ /tshogs bzang pa ni thams cad legs pa'i phyir na tshogs bzang ngo/ /lha rnams nyid mi yang na pho'i rtags so/ /lha mo nyid ces pa ni rtags dang ldan pa'o/ /de rnams thams cad lha spyi tsam gyi ming ngo/ /nyi ma sna tshogs zhes bya ba la sogs pa ni tshogs pa'i lha ste/ 'dus par gyur pa'i lha rnams so/ /de ni lha rnams 'dus pa'i bye brag tu bshad pa'i tshogs kyi lha rnams kyi sgras brjod pa'i phyir ro/ /de la nyi ma bcu gnyis sogs/ sna tshogs lha rnams bcu gnyis zhes/ nor gyi lha rnams brgyad du grags/ /dga' ldan de bzhin sum cu drug/ 'od gsal drug cu rtsa bzhi dang/ rlung zhes bya ba bzhi bcu dgu/ de bzhin nyis brgya nyi shu'o/ /bsgrub bya zhes bya bcu gnyis grags/ /drag po bcu gcig shes par bya/ /'di rnams tshogs kyi lha rnams te/ de la sogs pa rang ming ngo/ /de la nyi ma bcu gnyis ni/ dbang po byed pa lam pa dang/ char 'bebs bstod byed sngon min 'phags/ /mig gzugs khyab 'jug 'od can dang/ chu bdag ba shes gnyen zhes bya'o/ /nor dang sems pa mchog sbyin dang/ gsal dus 'dod khur mig dang ni/ skyes bu dang ni g.yon dngos so/ /de rnams sna tshogs lha ru grags/ /chu dang brtan pa zla ba dang/ 'dzin byed rlung dang me dang ni/ nam langs 'od byed ces bya ba/ /brgyad po nor gyi lha zhes bya/ /shes dang yid rjes khyab 'jug dang/ shed bra mi yi bu dang ni/ /de bzhin du ni dka' thub gter/ /dad pa dang ni chos dang grags/ /nyin mtshan mnyam byed legs skyes te/ grub pa'i lha rnams bcu gnyis grags/ /ma skyes rkang gcig 'phel dang bstod/ /drag po dang ni brtsom 'grub ldan/ /'phrog byed de nas de byung dang/ /spyan gsum gzhan las rgyal ba dang/ /dbang ldan dang ni sa gsum pa/ /drag po bcu gcig shes par bya/ /lhag pa rnams ni lung las shes par bya ste/ 'dir ni mangs pas 'jigs pas ma bris so/ /rig 'dzin zhes pa ni mig sman dang sngags la sogs pa'i rig pa 'dzin pa'o/ /rnam grangs ni/ ra b+ha sa'i mdzod las/ rig pa 'dzin dang 'dod gzugs dang/ mkha' spyod bden dpal las mtsho'o/ /zhes pa'o/ /chu skyes ni lha rnams kyi btsun mo ste/ lha'i smad 'tshong ma aurba shi la sogs pa'o/ /gnod sbyin ni mchod sbyin te lha rnams kyi mchod pa byed mkhan no/ /srin po ni 'jigs su rung ba la sogs pa'o/ /dri za ni lha'i klu mkhan ste gand+harbA zhes pa glu la yang 'jug ste/ de ni? sgra ngan spangs dang dbyangs 'dem zhes bya ba la sogs pa'o/ /mi 'am ci ni mi'i lus po la rta'i gdong ba can la sogs pa glu dbyangs kyis rtse ba'o/ /sha za ni sems can gyi bye brag sha rjen pa za ba lus ngan pa'i rjes su spyod pa'o/ /gsang ba ni gter 'dzin pa ste/ gsang ba nor bu bzang po la sogs pa lus ngan po'i rjes su spyod pa'o/ /grub pa ni chung ngu la sogs pa'i yon tan brgyad dang ldan pa'o/ /'byung po ni 'gig skad chen po smra ba ste sha za'i rab tu dbye bas kha 'og tu lta ba dang/ kha steng du lta ba la sogs pa'o/ /de rnams lha'i sgras brjod par bya ste/ de rnams dang po lha las skyes pa 'byung ba'i phyir ro/ /yang na lha rnams bzhin du skye gnas las ma skyes pa'i phyir ro/ /tshigs su bcad pa gcig gis lha ma yin rnams kyi ming ngo/ /sbyin skyes ni ma di ti zhes pa'i phu'o/ /rgya mtsho bsrubs pa las byung ba'i su ra lha rnams kyis khyer nas lha ma yin rnams kyis ma thob pas a su ra zhes bya ba ste/ don ni bcu dang mi ldan pa'o/ /gzhu skyes ni/ da nu dza zhes 'byung ste/ gzhu skyes zhes bya'o/ /sbyin 'byung zhes kyang bya ste/ sgra'i sgrub tshul lo/ /de rnams mi'i ming las grangs te/ drang srong dak+Sha zhes pa la bu mo bcu gsum yod pa las/ di ti zhes pa ni lha ma yin rnams kyi dang po'i ma'o/ /dbang po'i sgra zhes kyang bya'o/ /pa sangs slob ma ni lha ma yin gyi bla ma gza' pa sangs so/ /sngon gyi lha ni lha'i gnas lha ma yin rnams kyi yin pa la/ de las lha rnams kyis phrogs nas/ lha ma yin rnams ri rab kyi rmad na mar skyod zhes grag go/ lta rnams smod ni/ lha la ngan smras brjod pa'o/ /de rnams lha ma yin spyi tsam gyi ming ngo/ /tshigs su bcad pa gnyis kyis rdzogs pa'i sangs rgyas ci tsam gyi mtshan no/ /bde gshegs ni/ ye shes kyis legs par gshegs pa la sogs pa'o/ /sangs rgyas ni shes bya mdza' dag khong du chud pa la sogs pa'o/ /thams cad mkhyen pa ni ji lta ba dang ji snyed pa'i ye shes dang ldan pa'o/ chos kyi rgyal po ni chos kyi 'khor lo rab tu bskor bas chos kyi rgyal po'o/ /de bzhin gshegs pa ni ji ltar byon pa de bzhin du gshegs pa ni de bzhin gshegs pa'o/ /kun tu bzang po ni bsod nams dang ye shes kyi tshogs kyi mchog tu gyur pa'o/ /bcom ldan 'das ni dbang phyug la sogs pa drug dang ldan pa'o/ /bdud 'dul ba ni nyon mongs pa la sogs pa bzhi 'dul ba'o/ /'jig rten rgyal ba po ni 'dod pa dang gzugs dang gzugs med pa la byams pa'o/ /mngon shes drug ldan ni/ /lha yi spyan dang rna ba dang/ /gzhan sems shes dang sngon gnas dran/ /zag pa zad shes rdzu 'phrul shes/ zhes so stobs bcu pa ni/ gnas dang gnas ma yin mkhyen pa la sogs pa ste/ lung rnams las shes par bya ste/ 'dir gzhung mangs pa'i 'jigs pas ma bshad do/ /gnyis med gsung ni/ mdza' gnyis dang bral bar gsung ba'o/ /rnam par 'dren pa ni sems can rnams 'dul zhing phan pa'i chos gsungs pa'o/ /thub pa'i dbang po ni thub pa rnams kyi rgyal po'o/ /dpal stug ni dpe byad bzang po brgyad cu dang/ rin po che'i mtshan sum cu rtsa gnyis kyis mtshon pa'i mtshan nyid ni dpal lo/ /sdug pa ni tshogs pa'o/ /ston pa ni sems can 'dul zhing chos ston pa'o/ /thub pa ni rnam pa thams cad kyi chos mdza' dag gsung ba'o/ /sangs rgyas kyi yon tan dpag tu med pa rnams ni lung las shes par bya ste/ 'di rnams sangs rgyas spyi tsam gyi rnam grangs so/ /tshigs su bcad pa gcig gis rdzogs pa'i sangs rgyas shAkya thub pa'i mtshan no/ /shAkya'i rigs su 'khrungs pa'i phyir na shAkya thub pa zhes bya ba la sogs pa ste/ shAkya ni bu ram shing pa'i rigs las byung ba'i rgyal po ka tsa na zhes bya ba'i bu phas nags su skrad pas/ sngags der thub ba ser skya zhes bya ba la brten nas de na shing shAkya zhes pa'i drung na gnas te/ ser skya'i slob mar gyur te rig pa dang ldan no/ /de ni shAkya zhes grags so/ /shAkya'i seng ge ni gtso bo'o/ /don rnams grub ces pa ni/ 'di 'khrungs pa'i dus su rin po che'i gter dpag tu med pa byung zhing/ thams cad kyi don rnams grub pas don grub ces grags so/ /zas gtsang sras ne skyon dang ma 'dres pa'i kha zas la spyod pa ste de'i sras so/ /gau tam ni thub pa ser skya'i rigs su skyes pa'o/ /de'i slob ma ni shAkya gau ta ma ste/ go tra ni rigs la/ auta ma ni mchog go/ des na bla ma'i rigs dang ldan pa zhes kyang bya'o/ /zas gter 'jigs skyob rigs sbyin dang/ /skyed byed bag gter lnga bo pha/ zhes grangs can pa'i gzhung las so/ /nyi ma'i gnyen dang/ lha mo sgyu 'phrul sras rnams te/ rgyas par ni lung las shes par bya'o/ /tshigs su bcad pa gnyis kyi tshangs pa'o/ /'di la lus khyad par du 'phags pa ste/ gang zag gi lus tshad med pa'i tshad yin pa'i phyir ro/ /bri ha ta zhes pa'i khams las / brahma zhes 'byung ste/ de ni tshangs pa zhes btags te/ de'i lus kyi tshad khyab 'jug gi steng nas bltas/ 'og mar dbang phyug gis bltas kyang ma mthong zhes grag go /bdag skyes zhes pa ni las kyi rlung gis ma phangs pa'o/ /lha las rgan pa ni lha rnams kyi che shos yin pa'i phyir ro/ /gnas rnams kyi mchog la gnas so/ /'jig rten gyi dang po'i pha rnams kyis skyed pas mes pho'o/ /gser kyi mngal ni/ dran pa'i gzhung las/ khyab 'jug rang byung bcom ldan gyis/ /skye dgu sna tshogs sgrub don pas/ der ni chu rnams bskyed byas nas/ de las sa bon rab tu 'phangs/ /gser gyi mdog rab mdzes pa yi/ /sgo nga chu las rab byung ste/ /de las mchod sbyin rab byung ba/ /tshangs pa rang byung rnam par grags/ /gser gyi mdog can de nyid la/ /bcom ldan de ni lo gcig nas/ /sgo nga dum bu gnyis gyur pas/ /steng dang 'og tu de las chags/ zhes so/ /des na steng dang 'og gi 'jig rten no/ /des na gser gyi mngal lo/ /'jig rten dbang gi gtso bo'o/ /rang byung zhes kyang bya'o/ /gdong bzhi ni tshangs pas theg le mchog ma zhes pa'i bu mo zhig sprul pas/ /de la rang yid cags ste bu mo phyogs bzhir song ba la bltas bas/ gdong pa bzhi byung ngo/ /steng gi phyogs su song ba la bltas pas steng gi gdod pa dang lnga byung ngo/ /dbang phyug gis nam mkha' nas bltas pas mthong nas der ngo tsha ba'i tshad las la steng gi gdod pa bcad de/ des gdong pa bzhi par grags so/ /byed pa po zhes kyang grags so/ /khyab mjug gi lte ba'i pad+ma las skyes so zhes kyang 'byung bas pad+ma'i skye gnas so// nyes can ni/ rang gis sprul ba'i bu mo la chags pas na/ steng gi gdod pa'ang bcad pas nyes can no/ /sna tshogs sgrub byed de ni khams gsum thams cad kyi byed 'phor 'dod do/ /pad+ma'i gdan zhes kyang bya'o/ /'byin byed ni/ 'gro ba thams cad de las byung bar 'dod do/ /skye dgu'i bdag po ni/ skye 'gro thams cad kyi gtso bo'o/ /rig byed pa zhes kyang bya'o/ /rnam byed ni khams gsum gyi sgrub pa la'o/ /sna tshogs byed ni lha tshangs pas bskal ba chags pa'i dus su skye bo gzhan yang bdag gis bskyed par bya'o bsams pa las byung ba'o/ /de rnams kyis tshangs pa'i ming rnams so/ /phyed dang bcas pa'i tshigs su bcad pa bzhis khyab 'jug go /khyab 'jug ces pa ni 'gro ba mdza' dag de yis khyab cing bcings pa'i phyir na khyab 'jug go /nag po ni kha dog gi yon tan sbyor bas nag po'o/ /mi'i bu mo zhes pa ni lam sna brten pa de lam thams cad kyi byed pa por 'dod pas mi'i bu mo'o/ /a shwat+tha thos ni baSh+Ti ra'i shing drung na gnas par thos so/ /rtul mo'i bu ni khyab 'jug gi ma'i ming gis te pi kun tha zhes pa las skyes so/ /dbang po'i dbang phyug ni dbang po lnga rnams kyi bdag po'o/ /me tog lto ni lha mo grags ma zhes pa khyab 'jug gi chung ma'o/ /des me tog gi phreng ba mgo la 'jog par 'dod pa la ma bsleb par lto bar gzhag go /des mtshon pa ste me tog lto can no/ /sgra can gsod ni/ lha ma yin sgra can zhes pa khyab 'jug gi gsod zhes grag go /skyes bu sbrang rtsi zhes pa'i rigs las rgyud nas byung bas sbrang rtsi'i bu zhes grag go /skye bo rnams rang gis bsad cing bdag nyid kyis 'don pa'i phyir na bdag skyes so/ /sbyin sgra ni lha ma yin sbyin byed de yis bsad pas na sbyin dgra'o/ /pad dkar mig ni khyab 'jug gi drag po mchod pa'i phyir pad+ma dkar po stong gis gtor ma'i gzugs byas la/ drag pos gcig spas pa la 'dis rang gi mig gcig phyung te/ pad+ma dkar po'i gnas su bzhag pas/ des na pad+ma dkar po'i mig ces grags so/ /mkha' lding rgyal po'i mtshan ni/ bya khyung gi rgyal mtshan no/ /glang rdzi ni/ ba lang skyong ba'i rigs su gyur pa na char chen po bab pas 'dis ri bo bteg nas bsrungs pas/ de'i 'og tu bram ze rnams kyi ba lang skyong ba'i dpon du brkos so/ /mi 'dzag ces pa ni khyab 'jug gi go 'phang thob nas mi ltung pa'o/ /gos ser can ni de'i gos ser po'o/ /rwa gzhu can ni shAM gi zhes bya ste/ khyab mjug kho na'i gzhu'i ming ste/ bdag po nye bar mtshon pa'o/ /sna tshogs sde ni 'gro ba mdza' dag khyab 'jug gi byas pa'i phyir sna tshogs sde'o/ /'gro ba 'joms pa ni rgya mtsho'i nang na gnas pa'i lha ma yin 'dis bsad pas ngan 'gro 'joms pa'o/ /yang na 'dis bskal pa 'jig pa'i dus su 'gro ba mthag 'dis chad ces gzhan dag 'dod do/ /steng gi dbang po ni/ sa gzhi'i steng gi bdag po zhes 'jig rten na grags so/ /lha'i dbang pos kyang bdag gi steng na gnas pa'i dbang phyug ni steng? gi dbang po'o zhes grags so/ /dbang gzhan skyes ni/ lha'i dbang po'i nu bo ste/ lha rnams kyis dgra zhes lha ma yin rnams bsad pas dbang po gzhan skyes so zhes grags so/ /lag pa ni bzhi'o/ /'khor lo'i phyag ni g.yas dang po na 'khor lo'o/ /pad+ma'i lte ba ni khyab 'jug gi lte ba'o/ /de rnams nye bar spyod pas mtshon pa'o/ /sprang rtsi'i sgra ni lha ma yin sbrang rtsi'i dgra'o/ /gnas gang dang gang du gnas pa kyang khyab 'jug gis khyab pas 'dug gnas lha'o// gom gsum gnon zhes pa ni/ lha ma yin gyi dbang po stobs ldan la khyab 'jug gis mi'u thung ngu byas te/ sa gzhi gom pa ngo blangs pas/ gsum yang khyer zer bas lus bskyed de ri rab dang rgya mtsho'i mthil la rkang pa gnyis bzhag nas/ gcig gis med pas stobs ldan gyi mgo la bzhag go / des na gom pa gsum gnon zhes so/ /lha mo dga' skyes ni khyab 'jug gi ma'i ming gis rtags so/ /dpa' bo'i rgyud ni khyab mjug gi mes po'i rgyud la dpa' bo zhes bya ba byung bas de'i rgyud pa'o/ /dpal gyi bdag po zhes kyang bya'o/ /skyes bu mchog ni bdag min te/ des na skyes bu mchog ces bya'o/ /me tog 'phreng ldan zhes kyang bya'o/ /stobs ldan 'joms zhes kyang bya'o/ /mkhar bzhi dgra ni lha ma yin mkhar ba zhes pa rkang pa gnyis nas 'thon te bgas nas bsang ngo/ /'og dbang skyes ni tshangs pa sgo nga las skyes shing/ dbang phyug rang byung la/ khyab 'jug ni 'og gi dbang po las skyes pa ste mngal skyes so/ /kun 'gengs ni 'gro ba thams cad la des khyab cing gang ba'i phyir na kun 'gengs so/ /lha ma yin 'joms pa ni lha me yin ko Ta zhes pa bsang pas na lha ma yin 'joms so/ /rdeb ces pa ni lha ma yin rnams brag la rdeb cing gsod pa'o/ /dpal gyi pe 'us mtshan zhes pa ni snying ga na spu'i bye brag dpal gyi be'u'i dbyibs su byas pa zhig yod pas de'i rtags mtshan las dpal bas mtshan pa zhes bya'o/ /de rnams kyis khyab 'jug gis ming gi rnam grangs so/ /nor lha ni rin po che la brtse ba'o/ /de'i bu khyab 'jug go /an rka'i rnga can ni rol ma'i bzo khyad phul du byung ba shes pa ste/ khyab 'jug gi pha'i ming ngo/ /tshigs su bcad pa gnyis kyis stobs bzang ste khyab 'jug gi pho bo yin no/ /stobs bzang ni stobs phul du byung ba yod pa'o/ /lha ma yin rab 'phyang bsad pas rab 'chang gsod do/ /stobs lha ni gsal stobs phul du/ byung ba mnga' zhing lha yang yin pas stobs lha'o// mi 'dzag ces pa ni khyab 'jug ste de'i sngon du skyes pas na mi 'dzeg sngon skyes zhes bya'o/ /nam gru ni chung ma'o/ /de zla ba dang skar ma nam gru 'dzom pa'i dus su skyes pas nam gru zhes bya'o/ /dga' byed ni gzugs phun sum tshogs pas dga' bar byed pa'o/ /'dod skyong ni sgreg pa la sogs pa'o/ /gshol ni rmod byed do/ /gos sngon can zhes kyang bya'o/ /snar ma ni no ba lha'i chung ma'o/ /de'i bu yin pas snar ma'i bu'o/ /tA la dang/ ba tun shing dang/ gshol dang 'di rnams 'dzin byed kyi ming bdags pa'o/ /legs 'gyur dgra ba bkug nas gsod pa'o/ /thong ba'i lag ces gshol len gsum smos pa na sga'i sgrub tshul gyi sgo nas bstan pa'o/ /klu ni kA yin di zhes 'byung ste chu bo ya mu na'i klu'o/ /de gshol gyi mtshon chas bsgral nas bsad do zhes grag/ go/ stobs ldan zhes pa dang de rnams kyis stobs ldan gyi ming ngo/ /myos byed ces pa nas tshangs spong zhes pa'i bar gyis khyab 'jug gi bu 'dod pa'i ming ngo/ /myos byed na 'dod pas myos par byed pa'i phyir na myos byed do/ /yid srubs ni sems ga? yod par byed pa'o/ /gsong byed ces pa ni 'dod pa'i gnas skabs bcu pa sogs pa ste chags pa'i dbang gis 'chi bar byed do/ /kun gyis zlog par dka' ba'i phyir na rab stobs so/ /nya yi rtogs ces bya ba ni chu srin gyi rtags can de thams cad zad par byed do// tshangs btso ma ne tshangs pas yang rang gi sprul pa'i bu mo la chags par bshad do/ /skyems pha ni thams cad 'dod pa la dga' bar byed pa'o/ /lus med ni dbang phyug gangs can la lha mo go rim mchod pa byed cing dka' thub la gnas pa na/ lha rnams the tshom du gyur te/ gau ri dang lhan cig tu dka' thub byed pa bden nam zhes zer nas 'dod pa'i lta ba ltar btang ba dang/ 'dod pa'i lha'i mda' lnga rim gyis 'phangs pas/ dang po dang gnyis pa la rtags pa tsam yang ma byung/ gsum pa dang bzhi pa la rtog ba tsam du gyur te/ /lnga pa 'og pa dang gau ri dang gnas pas dka' thub zhig go /de'i skad cig phyi ma la 'gyod nas ces nyes snyam du bsams pas 'dod ltas nyes par shes nas mig gsum nas me phyung ste 'dod lta bsregs so/ /de nas 'dod pa gtan nas med na skye ba len med pas lus mang pa'i sems can du byas nas so/ /'dod pa ni sbyor ba la sogs pa'i 'dod pa'o/ /mda' lnga ni myos byed kyi mnga' dang/ sred byed dang/ yang dag rmong byed dang/ skem byed dang/ 'chi byer kyi mnga' zhes bya ste/ 'di rnams 'dod pa'i mda' lnga'o/ /rang gi yid la dran pa'i phyir na dran pa'o/ /sdom pa'i dgra ni lha ma yin sdom pa zhes pa 'dis bsad pas de'i phyir na sdom pa'i dgra'o/ yang na 'dod chags la sogs pas dbang po lnga bsod pa'i phyir na sdom pa'i dga' o/ /rang gi yid las pho mo sbyor ba la sogs pa 'byung ba'i phyir na yid las skyes so/ /me tog mnga' can ni phyi'i lus la rma med par snying la 'bugs pa'o/ /rang las ma skyes pa'o/ /'dod pas 'phan pas me tog zhu'o/ /dga' ma ni 'dod lha'i chung ma'o/ /des na bdag po'o/ / dga' rab dbang phyug ces kyang bya'o/ /chu srin rgyal mtshan zhes kyang bya'o/ /bdag las byung ba ni gzhan ma yin pa'o/ /tshangs spong ni dka' thub rgyang du 'phen pa'o/ /ai ni 'dod pa ste mtshams sbyar nas 'grel pas gsal bar byed do/ /de rnams kyis 'dod pa'i/ rnam grangs so/ /ming gsum de'i bu'o/ /'gro ba'i tog ni khams gsum thams cad de'i 'od zer gyi khyab pa las 'gro ba'i tog go /chang/ au kha ni lha ma yin mda' zhes pa'i bu mo'o/ /bdag po ni 'dod lha'i bu'o/ /de rnams ni 'dod lha'i bu'o/ /mtshon byed ces pa nas/ 'grog byed yum zhes pa'i bar gyis khyab 'jug gi chung ma'o/ /mtshon byed ces pa ni thams cad 'dis mtshon pa ste ston pa'o/ /pad+ma'i gnas can dang/ pad+ma can dang/ chu rgyan ni ka ma la ste/ pad+ma'o/ /dpal mo dang 'phrog byed yum zhes ste/ /de rnams la k+Sh+mi Shi? ming ngo/ /dud dang 'khor lo dang be tson dang/ ral gri dang/ nor bu rnams ji lta ba'i rim pas lnga skyes zhes bya ba la sogs pa'i lha ma yin lnga skyes zhes bya ba/ ti mi nya'i gzugs kyi nub phyogs rgya mtsho'i nang na gnas la/ de'i rus pa las skyes pa'i phyir lnga skyes zhes bya'o/ /dpal mo'i bdag po ni khyab 'jug go /dad pa can rnams kyis de blag tu mthong pa'i phyir na leg mthong ngo/ /khyab 'jug gi dbang phyug pa ni sa'i nang du zhugs pas sa rnams dga' bar byed bsas? mos so/ /ral gri na dga' byed do/ /sa? rnams rten byed ni 'phrog byed do/ /de yis ka b bzhin du mi g.yo zhing brtan par byed pa'o/ /nor bu ni snying ga'i steng na yod pa'i nor bu'o/ /de rnams khyab mjug gi rtags so/ tshigs su bcad pa gcig gis bya khyung gi ming ngo/ /'dab bzang zhes pa ni/ gshog pi mchog dang ldan pa'o/ /dug 'joms ni gdam ste dug yin la/ ha ni lnga ste 'joms pa'o/ /dug can sprul rnams za bas dug 'joms so/ /skar mig bu ni/ drang song trik+Sha'i bu'o/ /'dul skyes ni/ ma 'dul byed pa ste/ de yang 'dul byed ma dang bkra shis ma zhes pa gnyis kyi rgyal po zhig gi chung ma byas pa na/ lan cig gi tshe nyi ma'i shing rta mthong bas 'du byed ma dkar mo zhes smra'o/ /bkra shis ma ni nag po zhes smra/ de gnyis kyis rgyal bya ste gang bden pas rgyal po'o// btsun mo byed par byas/ mi bden pas g.yog mo byed par byas nas blta ba re byas so/ /de nas klu zhig yod pa la dkra shis mas bsnyen bkur byas ste/ khyod kyis nyi ma'i shing rta nag por mthong bar gyis shig de ltar ma byas na kho bo g.yog mo byed gos bar yod do byas pas des khas blangs so/ /nyi ma'i shing rta nag por mthong nas 'dul byed mas g.yog byas so/ /shin tu sdug bsngal par gyur pa na/ drang srong tik+Sha sa sgo nga gsum byin te/ 'di la byin gyis phan par 'gyur gyis zhag bdun ma rtol zhig zer ro/ /de rings te nyi ma gsum na gcig rtol ba dang/ klog tu gyur te nam mkha' la song ngo/ /yang drug pa la gcig rtol pas skar ma skya rengs su song ngo/ /bdun pa la gcig rtol pas bya khyung du song ste/ me la phyag byas nas/ khyod la bya ba gang dgos pa bdag gis bya'o zhes zer ro/ /klu yis nyes pas klu rnams med pa gyis shig ces smras so/ /de nas klu thams cad bya khyung gris za bar byed do/ /mkha' 'gro'i dbang phyug ces kyang bya'o/ /khyab 'jug shing rta ni bya tri tri'i sgo nga rgya mtsho'i 'gra ma na yod pa la rlabs kyis mtsho nang du song ngo/ /der rgya mtsho zad par 'dod pas gshogs chur bcug cing ston pa dang/ drang srong zhig na re dud 'gro ni mthu tshung ba zer bas bya khyung de na yod pa khros nas 'dab ma phyed kyis rgya mtsho bkag phyed nam mkha' la phyar ba na/ de na gnas pa'i klu rnams skrag te phyag btsal nas de ma thag tu bton/ de nas lha rnams shin tu skrag par gyur pa na/ khyab 'jug gis shin tu ring pa'i drang srong zhig tu sprul nas/ de'i drung du phyin pa na de yang brtse ba skyes nas gnas so/ /de la khyod kyis bdag gi bya ba don chen po zhig yod pa la/ de khyod kyis sgrubs shig ces smras so/ /de bdag gis bya'o zhes khas blangs so/ /de'i tshe snal bcug nas 'gyur ba med par byas so/ /de nas khyod kyis bdag lha'i yul du khyer zhig ces smras so/ /'dir ni khyab 'jug gi gzhon par gyur pas smras so/ /klu mthar byed ni rlag par byed po'o/ /gser gyi 'dab ma ni gshog pa gser gyi mdog lta bu'o/ /ltos 'gro bzang ba ni sprul rnams za ba'o/ /de rnams bya khyung gi ming ngo/ /dbang ldan nas brtsam te phyogs lha rnams bshad par bya'o/ /tshigs su bcad pa phyed dang bdun gyis dbang phyug gi ming gi rnam grangs so/ /bde 'byung zhes pa ni mchog tu dga' ba'i gzugs yod pa'i phyir na bde 'byung ngo/ /phyugs bdag ni ri dags dang ra la sogs pa thag pas btags bzhin du des kyang 'joms byed la sogs pa 'khor rnams la gtang pa 'am bdag po'o/ /zhi ba ni li ka'i rtags te mchog gi gzugs dang ldan pa'o/ /de'i mtshon cha ni mdung ngo/ /dbang phyug chen po ni gong na rgyal po gzhan med pa'o/ /gsod byed ni bskal pa 'jig pa'i dus na des thams cad 'jigs pa'o/ /dbang ldan ni byang shar kyi phyogs skyong ngo/ /bde byed ni dpal gyi mtshan nyid kyi dga' ba'o/ /gtsug na zla ba'i ni rgya mtsho bsrubs pa las byung ba'i zla ba'i rgyan no/ / 'byung po'i bdag po ni/ 'joms byed la sogs pa 'byung po rnams kyi dbang po'o/ /dgra sta'i dum bu ni g.yul gyi dus su dbang phyug gi dgra sta kha chag go zhes grag go /ri dbang ni ko la sha'i bdag po'o/ /ri smod ni 'joms byed la sogs pa'i 'khor rnams ri bo gangs ldan la nye bar spyod pa'i phyir/ /sprul pas ri'i gzugs chung ngur byas so/ /tshim byed ni snying stobs kyi yon tan rdzogs par gyur pas thams cad dga' bar byed pa'o/ /'chi ba las rgyal ba ni/ drang srong dkar po zhes pa 'chi rtags byung ba la dbang phyug gis byin gyis rlabs pa'i gzhung 'chi ba las rgyal bklags pas/ 'chi rtags las rgyal bas 'chi ba las rgyal lo/ /gzig gos can ni de'i lpags pa'i gos so/ /skyo med gzhu ni/ pi nA ke zhes 'byung ste dbyug kho na'i gzhu'i ming ngo/ /'joms byed ni dbyug gi 'khor lo'o/ /drag shul ni/ khros pa'i dus su nga'i steng na su yang med snyam pa'o/ /ral can ni ka bard+hi zhes 'byung ste dbyug kho na'i skra'i ming ngo/ /dpal gyi mgrin ni rgya mtsho bsrubs pa las byung ba'i dug nag po bum pa gang byung ba bzhag na sems can 'chi bar byed cing/ lto bar sod na 'tshig par byed pas dbyug gi mgrin par bzhag go /de'i stobs kyis baiDUrya'i mdog lta bu ste/ shin tu legs pas na dpal gyi mgrin no/ /mgul nag ces kyang bya'o/ /thod pa 'phyang ba yang ngo/ /g.yon phyogs lha ni chags can zur gyis lta bas mdzes par zhin du 'jig rten la 'das pa las gnas pas 'jig rten las phyir logs pa'i/ shin tu legs pa'i phyir ro/ /b+ha chen po ni lha rnams kyis kyang mchod pa'i phyir ro/ /sna tshogs mig ni bi tu bak+Sha zhes 'byung ste/ mig g.yas pa nyi ma/ g.yon pa zla ba/ dbus me'i mig go /mig gsum pa zhes kyang bya'o/ /me'i khu ba ni gzhon nu smin drug gi skabs su bshad par bya'o/ /kun mkhyen dang/ ral ba'i khur tshen zhes kyang bya'o/ /tshangs pas sbyin sreg byas pas me'i nang du dpral ba nas rdul lhung bas me sngon po dang dmar por song ngo/ /de las dbyug skyes pas sngo dmar can zhes bya'o/ /'phrog pa ni mun pa'i yon tan gyis 'gro ba thams cad 'joms pa'o/ /dran pa ni 'dod pa'i lha mo'o/ /de mig nas me phyung nas bsregs pas dran 'joms so/ /'joms byed ni bskal pa 'jig pa'i dus na 'gro ba thams cad kyang 'joms par byed do/ /gang gA 'dzin ni mtho ris kyi gnas thams cad bskal pa 'jig pa'i mes bsregs pa'i dus su lha mo gang gA lhung nas byung pa nam mkha' la ral pa skyang nas ral pa'i steng du bzung ngo/ /de nas gang gA 'dzin du grags so/ /sgra'i sgrub tshul gyis mig gsum po 'dir yang smos so/ /grong khyer gsum mthar byed ni lha ma yin gyi grong khyer sum rtsegs mda'i mas bsregs pas sum mdza' byed do lha ma yin long ba bsad pas long ba'i dga' o/ /khyu mchog rgyal mtshan ni glang gi rgyal mtshan no/ /mchod sbyin 'joms ni/ au ma'i pha? drang srong gsal ba zhes bya bas mchod sbyin byed pa'i phyir lha thams cad gdan drangs pa la/ dbang phyug gcir bur gnas pas ngo tsha snyam ste ma bos so/ /der dbang phyug khros te bas dor? zhes grag go /nam mkha' i skra can ni nam mkha' la ral pa skyed pa'o/ /srid pa ni rdul gyi yon tan rdzogs pa las khams gsum po 'byung ba de'i phyir srid pa'o/ /'jigs byed ni 'jigs byed chen po'i gzugs su byas nas khams gsum po rnams 'jigs par byed pa'o/ /gnas byed ni bskal pa'i yang byed pa por 'dod do/ /du byed ni dyu tra te tshangs pas dbyug skye ba yin du bcug pas de nas dbang phyug du'o/ /de nas du byed du grags so/ /au ma'i bdag ni/ dbyug na re da gangs ldan la dka' thub la 'gro zhes smras pas/ au ma ma rangs te/ au zhes smras pas au ma ru grags so/ /de'i da dag po dbang phyug go /de rnams kyis dbang phyug gi ming ngo/? /chus yang gang dag byed na dbang phyag kho na'i ral pa la bya ste ka bard+hi zhes 'byung ngo/ /ral pa bcings pa zhes kyang bya'o/ /skyo med khyab ces pa ni dbang phyug gi gzhu'o/ /des ni lha ma yin gyi grong khyer sum rtsegs la mnga' phangs pas mes bsregs so/ /de'i du bas skyo med kyi gnas khyab pas na'o/ /de'i 'khor 'joms byed sogs te/ dbyug gi mi mthun phyogs 'di rnams kyis 'joms pa ste/ gtum po dang/ dga' byed dbyug dang/ nag po chen po dang/ b+h+ri gi ri ti la sogs pa rnams so/ /tshangs ma la sogs pa ma mo rnams zhes pa ni/ lha ma yin ha tang dang dbyug 'thab pa na/ de'i dus su dbyug gi rdul sa la ltungs pas tshangs ma la sogs pa ma mo bdun du gyur te/ de yang 'di lta ste/ tshangs ma dang khyab 'jug ma dang/ dbang mo dang/ phag mo dang/ lus ngan mo dang/ drag mo dang/ gzhon nu ma skyes rnams so/ /khyab bdag ni phun sum tshogs pa rnams kyi bdag po'o/ /rnam grangs ni khyab byed do/ /chung ngu la sogs brgyad ni dbang phyug gi yon tan brgyad ste/ chung ngu dang/ yang ba dang/ thob pa dang/ rab tu 'dod pa dang/ mchod pa bya ba dang/ dbang ba dang/ mi dbang ba dang/ 'dod pa sbyin pa la dbang ba ste/ rab tu dbye ba brgyad do/ /tshigs su bcad pa byed dang gnyis kyis dbu ma'i ming ngo/ /dka' thub zlog pas dka' zlog go / dbyug gi dka' thub la ma rangs pa'i tshig brjod pas au ma'o/ /kA tya zhes pa'i bu mo yin pas/ kA tya bu mo'o/ /ser skyem? ni dbyug dka' thub la zhugs pa na ser skya ma lyo? dang lhan cig tu mi gnas pa'i dka' thub byed do zer nas dbyad zla ra bal phyogs bzhi nas me bzhi dang steng nas nyi ma dang lngas gdungs pa na/ der dbyug 'ongs te sa 'og nas gang+gA bton te me zhi bar byas so/ /der nag mor song pas nag mo zhes smras pa na/ slar khros te sdug bsngal byas pas khog ser skyar song ngo zhes zer ro/ /gangs ldan pu ni gangs ri'i lha'i bu mo yin pas gangs ldan bu'o/ /dbang mo dang/ zhi ma dang/ sreng ma dang/ brag mo dang/ gsod ma rnams ni/ bdag po'i ming las sgres te/ mo'i rtags can no/ /kun la bkra shis ma ni/ ster ba 'am de'i rang bzhin no/ /ri skyes ni ri'i bu mo'o/ rdzod na gnas ni bgrod dka' ba'i ril dka' thub la gnas pa'o/ /lo ma med ces pa ni lo ma skam bo la yang ma reg pa'i rtul zhugs yod pa'o/ /tshim byed ma zhes kyang bya'o/ /gtum mo dang 'gro ba'i ma zhes kyang bya ste/ au ma'i ming gi rnam grangs so/ /tshigs bcad pa gcig gis log 'dren gyi rnam grangs so/ /bgegs rnams kyi gtso bo yin pa'i phyir na log 'dren no/ /bgegs rnams kyi rgyal po yin pa'i phyir na de'i rgyal po'o/ /mi gnyis ni dbyug la chung ma gnyis ste/ gcig ni gang gA'o/ /de la bu gcig skyes pa ma au mas bltar phyin te bu ston zhes smras pas/ bu la mgo med zhes zer te ston du ma 'dod do/ /au ma khros te/ mgo med par gyur rig ces smras pas/ des bur bltas ba na mgo med par song 'dug ste/ slar au ma la zhus pas/ mgo byed du bstan pa'i mgo snyed cig gis go chod dang/ sbyor dang bu'i mgor 'gyur zer nas/ der mi'i mgo ma rnyed nas glang po che'i ro zhig dang 'phrad nas de'a? mgo bcad nas sbyar bas glang po'i mgor song ngo/ /de nas au mas bsas pas ma gnyis pa'o/ /tshigs kyi rang bdag po ni gtum po la sogs 'joms byed kyi sa tshogs rnams kyi bdag po'o/ /mche ba gcig pa ni/ au ma'i bu smin drug sa btses pas smin drug gis mche ba la 'tshangs pas phyag go /de nas smin drug 'das pa na ma'i drung du bros? te/ man de byis ba? la bsam pa med bas de ltar byed zer ro/ /'o na cher song ba dang bsad kyis zer bas/ ji srid khyod kyi dbus mor ma bsleb kyi bar du ma bsad cig zer ro/ /de nas smin drug dus rtag tu gzhon nur gnas so/ /ha la gnas he ram pa zhes 'byung ste/ can ni dbyug gi ming ngo/ /de'i drung du gnas pa'o zhes 'byung ngo/ /lto ba 'phyang dang glang po'i gdong zhes kyang bya ste/ de rnams kyis tshogs bdag gi ming ngo/ /tshigs su bcad pa gnyis kyis smin drug gi ming ngo/ /smin drug bu ni nu ma snun pa'i ma'o/ /sde chen po ni dmaD? gis dpung dang ldan pa'o/ /skem byed ni lha ma yin gyi stobs skem pa'o/ /gdong pa ni drug go /ri skyes ni au ma ste/ de dag dga' bar byed pa'o/ /sde dpon ni lha'i dmag dpon no/ /sped byed ni lha'i dmag dpung rnams bsrung ba'o/ /me skyes ni lha chen po au ma skoms pa'i dus su me na re sa bon rnams au ma'i mngal du song na bu shin tu thung par 'gyur bas ma btang zer bas sa la pho ba dang/ au mas khyod kyi mngal du gyur cig ces smod pa dang/ de'i mngal du song ba dang shin tu sdug bsngal bar gyur nas lha mo gang+gA'i drung du phyin nas de'i mngal du btsol lo/ /nges smyug ma'i tshal du phyin nas skyes pas smyug ma'i tshal du skyes so/ /me'i mngal du song bas me skyes so/ /dbang phyug la ma'i sa bon zhes kyang de nas grags so/ /skar ma smin drug gi nu ma snun nas bsos so/ /mdung skyes ni smin drug la ma drug yod pas mang po yang yin la/ ma drug yang nges bshad do/ /sgrol byed ni lha ma yin tar ste de bsad pas na 'dul ba'o/ /gtsug phud can ni smra bya ste/ de'i bzhon pa'o/ /sa gya skyes ni skad mas gnang? zla ba lhan gcig pa'i dus su skyes pa'o/ /de ni mtshan bya ni mdung thung ngo/ /gzhon nu ni tshangs pas rtag tu byin te/ skem byed ces pa'i sngon gyi rabs las/ de ni lta'i bur gyur te/ stobs chen sbyor ba dang ldan pas/ byis pa bzhin du rtag tu mdzes/ 'di ni chos kyi sras yin te/ /bcu drug la lon byis pa ltar/ ji srid dus su bcu drug lo/ /bcu drug lo dang ldan pa la/ /'dir ni ga? zhes bshad do/ /zhes so/ /khrung khrung 'joms ni/ lha ma yin khrung khrung zhes pa bsad ba ste/ di chung ma na re gdong drug gis bas ngo zhes zer ro/ /cher skyes na tshogs bdag gis gsod pas gzhon nur gnas so zhes kyang 'byung ngo/ /de rnams kyis dbang phyug gi bu skem byed kyi ming ngo/ /dbang po zhes phan sa ri skyes ldan zhes pa'i bar gyis rgya byin gyi ming ngo/ /dbang po ni lha rnams kyi rgyal po yin pas de'i phyir na dbang phyug dam pa'o/ /lha ldan ni de na yod pas ldan pa'o/ /lha thams cad des mchod pa'i phyir na mchod byed do/ /bya ba stobs ni mdza' dag la khyab pa'i stobs yod pas so/ /lha ma yin smin pa bsad pas smin pa 'joms so/ /rgan la nyan ni/ rgya byin la drang srong gi 'khor stong yod de/ rgan pa ni de rnams rig pas rgan pa'o/ /de rnams kyi gang bgo ba bzhin du nyan? no/ /shim brjod nyin brgya byin la rgyal par gyur cig 'tsho bar gyur cig la sogs pa'i drang srong rnams kyi shis pa brjod pa'o/ /lha ma yin gang bo bos nas bsad pas gang po 'bod ces so/ /grong 'joms ni lha ma yin gyi ? rnams 'dis bcom pa'o/ /rgyal byed ni gzhan rnams kyis mi thub pa'o/ /nus ldan zhes kyang bya'o/ legs bris ni lha ste de rnams kyi gtso bo'o/ /mchod sbyin brgya pa ni mu stegs pa rnams kyis mchod sbyin brgya byas na lha'i dbang po 'thob cing/ /dbang pa sngon ? chod sbyin brgya byas pas de las grogs mtho ris kyi bdag po'o/ /sa mdza' dag skyed ba'i phyir legs skyong ngo/ /ri 'joms zhes pa ni/ ri rab sngon gyi dus na 'gro 'dug byed pa na skye bo mang po 'joms pa bas? brgya byin gyi rdo rje snun nas ri'i rkang pa bcad pas chun chang 'gro ma shes so/ /min zhes pa'i ri ni bros nas rgya mtsho'i nang na yod do zhes grag go/ / rdo rje'i mtshon cha dang/ dbyig ni rin po che la sogs pa'i nor dang ldan no/ /lha ma yin 'phel ba brgya byin gyis bsad pas 'phel ba 'joms so/ /char 'bebs ni brgya byin gyi sprin gyi glang po ches rgya mtsho brtabs nas nam mkha' las char 'bebs so/ /gnas kyi bdag po ni/ khang pa la sogs pa'i gzhi rnams kyi bdag po brgya byin te/ de rtsig pa'i tshe na brgya byin la blangs na byin gyis rlob cing ster bar 'gyur ro zhes so/ /lha rnams kyi bdag po'o/ /lha ma yin stobs ldan dang/ 'phel ba dang/ rmugs byed dang/ 'grol med ces pa rnams bsad pas na dgra'o/ /legs brjod ma ni brgya byin gyi chung ma ste/ dbyangs shin tu snyan pa'o/ /des na legs brjod bdag go /'phrog byed rta ni brgya byin kho na'i rta te/ ha ri zhes 'byung ngo/ /mtho rim gyi rgyal po'o/ /lha ma yin grol med 'dis bsad pas na 'joms pa'o/ /yang dag du zhes bya ba yin gyi/ ma ti zhes pa brgya byin gyis bu thams cad bsad pas ma dga' ste/ drang srong 'od srungs zhes pa la zhabs rtog mang du byas pas de na re khyod ci 'dod zer bas brgya byin thub pa'i bu zhig 'dod zer/ des chu thigs pa gcig byin te mngal du bzung ngo/ /de brgya byin gyis thos nas da lta nyid du med par bya'o zer nas de'i mngal du zhugs nas dum bu bdun du byas kyang ma shi bar dus so/ de re re yang bdan bdun du bya mo/ /de nas rlung gi lha bzhi bcu rtsa dgu rnams su skyes so/ /der ma na ra shin tu du bo zhes zer ro/ /de'i phyir ni du byed do zhes zer ro/ /bzod dkas rengs ni drang srong lus shin tu bzod par dka' bas zhing rgan pa gcig yod pa la/ de la tha skar la bu gnyis yod pa'i lha'i sman pa zhes bya bas de bsos pas shin tu gzhon par gyur pas/ de dga' nas ci 'dod ces smras so/ /sbyin sreg byas pa'i shing thog blang zer te phyi rol pa rnams kyis byin gyi go 'phang thob par 'dod do/ /de gter bar bzas pa dang/ brgya byin khros te bsod pa'i phyir rdo rje steng du phyir ba na brgya byin gyi lag pa rengs so/ /de'i phyir na bzod dkas rengs zhes bya'o/ /gzhan snyems bzod ni pha rol gyi nga rgyal dang khengs pa rnams brgya byin gyis bzod par nus so/ /sprin la zhon ni glang po che sa srungs sprin gzugs can te/ rta yi bdag po mtshon pa'o/ /kun 'joms ni pha rol gyi stobs thams cad brgya byin gyis 'joms so/ /mig stong ni drang srong gau ta ma'i chung ma/ /e ha legs zhes pa shin tu sdug cing yid du 'ong ba zhig yod pa la shing gi khong gsed du sbas pas de ma dga' nas/ nga 'di tshun chad song zhig 'di phan chad ma 'gro shig ces zer ro/ /de drang srong gzhan du song ba'i shul du brgya byin de dang lhan cig gnas so/ /de drang srong 'ongs pa dang 'dom nas/ di'i mngal du zhugs so/ /der su 'ong zhes dris pa na su yang ma 'ongs so zhes zer ro/ /de drang srong gis shes te/ bdag gis smod pa'i mes bsreg par bya'o zhes smras pas/ de 'jigs nas phyir phyung ngo/ /der khyod lha'i dbang po yin pas bsad par mi bya'i lus ni mo mtshan stong du gyur cig ces so/ /de nas lus mo mtshan stong du song ngo/ /slar bzod par gsol bas mig stong du byas so/ /de nas mig stong pa'o/ /yang na 'khor drang srong stong po'i bka' nyan pas kyang mig stong pa ste/ rig pa can ni mig dang 'dra ba'i phyir ro/ /ri skyes ni lha ste de dang ldan cig pa'o/ /de rnams kyi lha'i dbang po'i ming ngo/ /de'i chud ma ni lha ma yin gyi bu mo su lo ma zhes pa las skyes pa'o/ /legs brjod ma ni sgra dbyangs shin tu snyam pa'o/ /de dbang po'i btsun mo yin pas dbang mo'o/ /grong khyer ni 'chi med ldan zhes bya'o/ /yang rta ni mthong nyan zhes kyang bya'o/ /kha lo pa ni de'i bu ste shing rta 'dren pa'o/ /de'i ma ni yid sgrub ma sta bsams pa bzhin des sgrub bo/ /sgyod? mos tshal ni dga' ba'i tshal zhes bya'o/ /khang bzangs rnam par rgyal byed ces pa ni ba dan can zhes bshad do/ /yang rgyal byed ces pa ni/ dbang po'i bu'o/ /smin 'joms ni dbang po ste des na smin 'joms bu'o/ /dbang po'i gzhon pa ni sprin gyi glang po zhes so/ /mtsho skyes zhes pa ni e ra ba ta zhes pa'i mtsho las skyes pa'o/ /sa srungs kyi bu ni phyogs rnams las sa srungs brgyad kyi bdag po'o/ /chu 'dzin ni sprin te de'i glang po zhes kyang bya'o/ /de rnams sa srungs kyi rnam grangs so/ /tshigs su bcad pa gcig gis dbang po'i rdo rje'i bshad do/ /sgra sgrogs zhes pa ni/ rdo rje 'bab pa la dgra 'byung ba'i phyir ro/ /rdo rje ni gang gis kyang mi 'jig pa'i phyir ro/ /pra dza Shi'i khams las 'byung bas 'gro ldan zhes kyang bya'o/ /mo ma yin pa ni mo'i rtags ma yin pa'o/ /lhag ma pho dang ma ning ngo/ /lag ldan ni ku li sha zhes 'byung bas ku li ni lag pa ste/ dbang po'i lag na ldan pas lag ldan no zhes kyang go/ /'bigs byed ni ci la yang thogs pa med par mjoms shing 'jigs pas 'bigs byed do/ /thog ni dbang po'i rdo rje zhes grags so/ /rtse mo brgya pa ni/ zur sum brgya yod pa'o/ /sgra can rdo rje 'bab pa na thog sgra 'byung ba'i phyir na sgra can no/ /gang gis kyang mi 'jigs pa'i phyir na bde ba'o/ /gnam lcags zhes kyang grag go /za byed ni dngos po thams cad 'joms pas na za byed do/ /gnyis dag ni pho mo gnyis kyi rtags dang ldan pa'o/ /de rnams brgya byin gyi rdo rje te gzhan du 'ang nges go bar bya'o/ /mkha' theg mkha' gnas zhes pa ni khang bzangs dang bcas pa nam mkha' la rgyu zhing 'dug pa'o/ /mo ma yin pa ri mo'i rtag can ma yin pa'o/ /lha'i drang srong mi byin la sogs pa ni drang srong chen po mi byin dang/ rgyas pa la sogs pa dbang po'i 'khor stong gnas pa'o/ /chos bzang lha'i mdun sa ni lha rnams 'du ba'i khang pa'o/ /lha rnams kyi btung ba ni bdud rtsi ste 'chi bdud kyi sman zin pa'i phyir na bdud rtsi'o/ /bde 'thung zhes pa lus tshim zhing tshe dpag tu med pa 'am/ bdud rtsi btung bas 'chi ba med pa'i phyir na bdud rtsi zhes bya'o/ /lha'i chu ni ngal gyis 'bab pa dang/ mtho ris kyi klung dang/ nam mkha' i gang+gA dang/ bcud ldan ri zhes bya ste ri rab kyi steng nas 'bab pa'o/ /lhun po dang/ ri rab dang/ gser gyi ri dang/ rin chen brtsegs pa dang/ lha'i gnas zhes kyang bya ste/ ri rab kyi ming ngo/ /mand+ha ra ba zhes pa ni yid dga' bar byed pa'i shing ngo/ /rgya mtsho skyes ni pA ri zhes pa rgya mtsho'i ming ste/ de la skyes pas rgya mtsho skyes so/ /legs khyab ni yang dag par spos kyi ngang dang ldan pas khyab pa'o/ /dpag bsam shing ni yang dag pa'i bsam pa las skyes shing ljon pa'i rang bzhin yin pas dpag bsam shing zhes so/ /'phrog byed ni ha ri zhes 'byung ste dbang po'o/ /tsandan ni tshim byed ces bya ste dbang po bde bar byed pa'o/ /skyes bu'i zhes pa ni yang dag pa'i rtags can no/ /'di ni rnams ni lha'i ljon shing zhes bya ste/ dgos 'dod thams cad 'byung ba'o/ /tshangs pa'i gzhon nu zhes pa ni/ tshangs pa'i bu yin pas tshangs pa'i gzhon nu'o// rnam byed kyang tshangs pa ste de'i cha nas rnam 'byed bu'o/ /'dir mtho ris kyi sman pa'i cha nas smos pa'o/ /ma rta'i bu ni/ nyi ma'i chung ma nyi ma'i 'od zer ma bzod nas rta'i gzugs su byas te byang gi sgra mi snyan du dka' thub byed cing gnas so/ /nyi mas de ru phyin pa na de'i drung du 'gro 'dod pas rta'i gzugs su byas nas de'i drung du song ngo/ /der zhon bas zas pa na phol gyi skyes bu byung snyam ste gdong phyir logs pa dang sna'i bu ga gnyis su sa bon dag song ngo/ /de las bu gnyis skyes zhes bya'o/ /tha skar ni skar ma tha skar dang zla ba 'jom pa'i dus su skyes pas tha skar skyes zhes bya'o/ /kun byed ces kyang bya ste/ nad gso ba'i phyir kun 'byed pa'o/ /gnyis ga yang ma rta yin pa dang/ tha skar skyes yin pa dang/ kun 'byed kyang gnyis ka'o/ /des na gnyis dag ces so/ /chu skyes zhes pa ni a ba sa ra zhes bya ste yid 'phrog pa'o/ /yang na a pa ni chu ste de las skyes pas chu skyes so/ /mo dang mang po zhes pa ni mo'i rtags yin pa dang/ mang po'i tshogs yin pa'o/ /'di rnams mtho ris kyi smad 'tshong ma ste dbang mo che zhes bya ba la sogs pa'o/ /'di lta ste/ klog gi 'od can ma dang/ til mchog dang/ pad dkar ma dang/ lag bzangs ma dang/ dga' ba'i shing rta ma dang/ rab tu myos byed ma dang/ me na ka dang sgra 'dres ma dang/ legs brgyan ma dang/ mun ja skyes dang/ a la mu sha dang/ chu shing brla can ma dang/ skad legs ma zhes bya ba la sogs pa'o/ /lha rnams kyi klu mkhan dri bza' yin te/ hA hA hU hU zhes 'byung ste/ hA ni sngon skad la bya'o/ /yang hA ni spangs pa la bya'o/ /des na sgra ngan spangs pa zhes bya ba'o/ /hA na glu dbyangs so/ /yang hU ni 'doms pa la yang rkyen gyis 'gyur ro/ /de dag la sogs pa dri za glu mkhan te gand+harba zhes pa glu la yang bya'o/ /zas su dri za bas dri za zhes kyang rung ngo/ de rnams kyis dbang po'i 'khor dang bcas pa brjod nas 'khyog 'gro zhes bya ba la sogs pa tshigs su bcad pa bzhis me'i ming ngo/ /agni zhes pa 'khyogs 'gro zhes bya'o/ /me ni drang srong bai shwa na ra zhes pa las skyes pa ste/ ma zhes grags so/ /gang du skyes kyang sreg rgyu zhig snyed pa'i phyir na rnyed za'o/ /byin za ni rtsa bsregs kyang 'tshig pa'i phyir byin za'o/ /dngos po gang bsregs kyang 'tshig pa'i phyir na nor las rgyal lo/ /chu'i skye gnas ni/ kalpa chags pa'i dus su rgya mtsho chen po'i nang nas skyes pa'i phyir na chu'i skye gnas zhes bya'o/ /'bar ba can dang/ skyes thob dang/ lus bsregs pas mi skyod pa dang/ shing las 'phel ba dang/ skem par byed pa dang/ me'i shul nag por 'gro bas lam nag dang/ 'bar ba'i skra can dang/ snga dro sad ces pa ni sngon dang po la sbyin sreg la sogs pa byed pa snga dro sad do/ /rten tshad za pa dang/ 'od zer chen po can dang/ chung ngur byed pa dang/ smin par byed pa dang/ 'tsho byed ces ba ni lus kyi srog 'dzin pa'o/ /rta dmar can zhes pa ni rgya mtsho'i steng gi ma 'od de/ rlung gi grogs po dang/ gtsug phud can dang/ rtsa zan dang/ gser gyi thig la ni dbus ma'i smod pas dbang phyug chen po'i thig le ltar chags pa'o/ /sregs rdzas za ni yam shing la sogs pa des za ba'o/ /sreg byed dang phan tshun gyi thob byed ni/ me la bsregs pa rnams kyis lha dang mtshun gyi thob bo zhes grag go /'od 'dun ni me la 'od bdun yid par bshad de/ de yang nag po dang/ 'jig byed pa dang/ yid mgyog pa dang/ du mdog can dang/ me stag can dang/ su ti ta dang/ sna tshogs mdog can zhes bya'o/ /nyer zhi ni tsher ma la sogs pa des sreg pa'o/ /mya ngan byed ni/ khang khyim dang nor rdzas la sogs pa nges tshig nas mya ngan byed pa'o/ /chu 'khris na bskal pa 'jig pa'i dus su mes rgya mtsho chen po yang skem pa'i phyir na mkhris pa'i nad dang 'dra bar bstan no/ /dag par byed pa ni/ brang skyes ni/ drang srong aurba zhes pa skye gnas las ma skyes pa'i bu zhig 'dod bas/ brang gi steng du bsrubs pa de las drod 'bar nas bu zhig skyes so/ /de ni rta god ma'i gzugs kyi rgya mtsho la gnas so/ /de brang skyes kyang yin la/ de las me skyes pas rgod ma skyes zhes bya'o/ /lha mchod ces ba ni/ me la mchod sbyin byas shing phul na des lha mchod par byed ces so// gnyis zhes pa ni pho mo gnyis kyi rtags can no/ /'di rnams ni me lce'i ming ste/ 'bar ma me lce/ yal me/ 'bar me'o/ /nyal ldan ni me nyal ba bzhin du snang bas so/ /mo yin pa ni mo'i rtags can dang/ mthong bas lhan cig spyod pa'i stobs kyis gzhan de rnams kyang mo'i rtags can no/ /yang me stag dang/ me skar ni rtags gsum mo/ /yongs su gdung ba dang/ tshangs pa can gnyis ni me las skyes pa'o/ /mnyam zhes pa ni don 'dra ba dang/ rtags mtshungs pa'o/ /tshigs su bcad pa phyed dang gnyis kyis gshin rje'i phyogs so// chos kyi rgyal po zhes pa ni nyes pa ji lta ba bzhin du chad ba gcod pas chos kyi rgyal po'o/ /pha gshin rje ni ba mes shi ba rnams so/ /de rnams kyi lha ka n+ya dang/ byis pa dang/ na la dang/ zla ba dang/ gso byed dang/ chos kyi rgyal po dang/ 'chi byed rnams te de rnams kyi gtso bo yin pas bdag po'o/ /mtshungs 'jug ni dgra dang gnyen med pa la chad pas gcod pa'o/ /gshin gyi rgyal po ni shi ba rnams kyi rje'o/ /skye bo thams cad 'chi bar byed pas mthar byed do/ /chu bo chen po ya mu na'i spun zla'o zhes grag go / zhi byed ni des srog chags thams cad med par byed pa'o/ /gshin rje pho nya 'chi byed la sogs pas ci bya zhes smra bas ste/ de rnams kyi rgyal po'o/ /gshin po rnams dang ldan dang rje'o/ /grangs can ni chos dang chos ma yin pa rnams kyi grangs bzung nas chad bas gcod pa'o/ /dbang phyug 'dzin ni dbang phyug nag po dge sdig pa sogs pa'i grangs yig can 'dzin pa'o/ /mtshun ni pha mes la sogs pa shi ba rnams te/ de rnams kyi lha ni gshin rje ste/ de la chod pa byas pas gshin rje rnams kyis cha shas thob pa'o/ /'di ni nyi ma la skyes so zhes 'byung ngo/ /mdza' can ni/ skye bo kun gyi mthar de gnas pa'o/ /de rnams kyi lho phyogs gshin rje'i ming ngo/ /tshigs su bcad pa phyed dang gnyis kyis bden bral srin po'i ming ngo/ /srin po ni lho nub kyi phyogs skyong ngo/ /mi'i ro za ba dang/ sha rjen pa za ba dang/ sha za dang/ khrag 'thung dang/ mi'i khrag la sogs pa rjen pa ma btsos par za ba srin bo'o/ /phyogs kun tu rgyu bas kun tu rgyu'o/ /bya byed nam la byed pas mtshan mo rgyu dang/ nam la spyod pa'o/ /sna tshogs mdog ni lus khra bo'o/ /gsod bdag skyes ni pha gsod bdag ces pa la skyes pa'o/ /'gro ba mdza' dag 'dzin cing gsod pas 'gro 'dzin no/ /bsod nams skyes ni skal ba tshang ba ste/ dper na gdugs pa can gyi gza' mig dmar la bkra shis zhes pa 'am/ bud med kun gyi khyo ngan pa dang 'phrad ba la nga bsod nams bsags pas khyod 'dra ba'i khyo rnyed pa zhes smra ba dang mtshungs pa'o/ /bden bral zhes pa la skyes pas bden bu zhes bya'o/ /rjes 'jug ni skye bo mdza' dag gi rjes su 'gro zhing glags tshol ba'o/ /bsrung ba po ni/ skye bo rnams nges 'jigs nas sngags dang rdzas la sogs pa'i srung ba byed pa'o/ /des na yul can gyis yul mtshon pa'o/ /de rnams kyis srin po'i ming ngo/ /tshigs su bcad pa gcig gis chu bdag gi phyogs so/ /sems shin tu zab bas sems mchog / mchog sbyin ni lha rnams kyang de la mchog rnams slong pa'o/ /rtag tu rdzu 'phrul gyi zhags pa 'dzin pas zhags pa can no/ /chu la gnas pa'i skye bo mdza' dag gi bdag po'o/ /chu bdag ces kyang bya'o/ /de rnams kyis nub kyi phyogs skyong gi ming ngo/ /da nub byang gi phyogs skyong rlung brjod par bya ste/ dbugs 'byin pa ni rlung ngo/ /drang srong la sogs pa'i rig byed dang ldan pas na reg ldan no/ /ma mos 'phel ni tshangs ma la sogs pa ma mo bdun yod pa'i gnas nas 'phel lo/ /zhes 'byung ngo/ /rlung du grub nas mi spyod pas rtag tu 'gro'o/ /rta spre ni dkar po dang dmar po dang ser po gsum dang ldan pa'i mdog go/ dbugs 'byin pa zhes pa nas rab 'joms zhes pa'i bar gyis rlung spyi tsam gyi ming ste de rnams go sla'o/ /lus gnas pa'i rlung ni snying ga na srog rlung ngo/ /'og sgo na thur sel/ /lte ba la mnyam gnas so/ /mgrin ba la gyen rgyu'o/ /lus thams cad la khyab byed kyi rlung zhes ba gnas so/ /srog gi rlung ni srog 'dzin 'jug byed do/ /thur sel ni bshang lci dang khu ba rnams thur du sel bar byed do/ /mnyam pa gnas ni zas smin par byed pa'o/ /gyin rgyus tshig gi smra ba la sogs pa byed do/ /khyab byed ni lus kyi srog khrag 'byung ba dang/ rdul 'byung ba dang/ mig 'byed 'dzum la sogs pa byed pa de/ /rang rang gi bya ba byed do/ /de rnams lus kyi rlung ngo/ /skye 'gro zhes pa nas shugs ldan zhes pa'i bar gyis ming lnga ni bang rgyug pa'i ming ngo/ /de nas zhes pa ni a tha'i yi don no/ /myur ba dang/ mgyogs pa dang/ la gor dang/ skyen pa dang/ yud tsam dang/ cig car dang/ mi thogs pa dang/ des ma thag dang/ skad cig pa dang/ mi 'god ba dang/ ngar tsam zhes pa 'di rnams kyis myur ba'i spyi tsam bstan no/ /kun tu zhes pa nas de la'ang? min zhes bya ba'i bar gyis rtag tu 'am/ /rgyun tu ba'i med do/ /de nas phul phyin zhes pa nas brten pos kyang zhes pa'i bar gyis shin tu ba'i don te/ yang dang yang du bya ba'i don to/ /sems med pa'i myur ba la sogs pa ni ma ning gi rtags can no/ /sems yod pa'i myur ba la sogs pa ni rtags gsum gang 'gyur ro/ /mgyogs la sogs pa thams cad kyang rlung du bsdus nas bshad do tshigs su bcad pa gnyis kyis lus ngan po byang phyogs kyi phyogs skyong bshad do/ /lus ngan po zhes pa ni/ rkang pa gsum dang mche ba brgyad dang ldan pas shin tu 'jigs shing mi sdug pa'o/ /mig gsum pa ni dbyug chen po ste des dka' thub brtul zhugs spyad pa bzhin du lus ngan pos kyang dka' thub brtul spyod pas mig gsum pa 'ongs te/ bdag dang dka' thub mtshungs pas 'o skol gnyis grogs po yin no zhes zer ro/ /de nas mig gsum grogs zhes rtags so/ /gnod sbyin mdza' dag gi rgyal po'o// gsang dbang ni gter thams cad kyi bdag po'o/ /mi'i chos can ni bya byed dang kun spyod mi dang mthun pa'o/ /nor rnams kun tu bsrung zhing yang ster bas nor byin pa'o/ /rgyal po ni gnod sbyin la yang 'jug ste/ de rnams kyi rgyal po'o/ /gter gyi bdag po dang/ mi 'am ci'i bdag po zhes kyang bya'o/ /drang srong rnam thos zhes pa'i bu yin pas rnam thos sras so/ /'di'i mes pho ni drang srong 'od yang so/ /des na 'od yangs tsha ba'o/ /mi la zhon ni dbyug gis ling ga 'degs pa'i mi gcig byin no/ /de nas mi la zho na zhes grags so/ /mig skya zhes pa ni/ rnam thos kyis gau ra shin tu gzugs bzang ba mthong nas de la chags shing bltas pas de'i 'od kyis phyir cing chud zos pas/ drag pa na re/ de ltar ma byed cig ces zer nas/ mig dmar skyar yod par byas so/ /e ya'i rgyud ni drang srong 'od yangs kyi chung ma e la bi la zhes pa ste de'i tsha bo'o/ /dpal ster ni longs spyod rnams sbyin par byed pa'o/ /bsod nams skye bo ni srin po ste de rnams kyi rgyal pa'o/ /de rnams kyis rnam thos sras kyi ming ngo/ /sna tshogs shing rta de yi tshal/ zhes pa ni de'i skyed mos tshal ste/ dri za'i rgyal po sna tshogs shing rta zhes pas byas pa'o/ de'i bu dpal mos mtshan pa'am phun sum tshogs pas rgyan pa'o/ /brtse ba'i gnas dang grong khyer ni mkha' gnas me tog gi brgyan pa can shes bya ste nam mkha' la rgyu zhing 'dug pa'o/ /de rnams dri zas byas pa'o/ /mi 'am ci ni cung zad mi 'dra ba'o/ ci'i skyes bu ni mi yang ma yin pa'o/ /rta'i gdong pa can zhes pa ni 'ga' zhig pho'i rta'i gdong pa can dang/ 'ga' zhig mo'i rta'i gdong pa can la lus pa rta'i dbyibs can no/ /'ga' zhig de la bzlog pa'o/ /'gro ba la thogs pa med pas 'gro mgyogs so/ /de rnams lus ngan po'i 'khor/ /gter zhes pa ni mi mdzad pa'i don gyi phung po chen po'o/ /mdzad ces kyang bya'o/ /de'i rab tu dbye ba ni dgu'o/ 'di rta ste/ pad+ma can dang/ dang can dang/ pad+ma chen po dang/ chu srin dang/ ru sbal can dang/ rnga can dang/ dga' ba can dang/ sngon po dang/ 'byin byed ces bya'o/ /de rnams kyis rnam thos sras kyi mthar thug pa'i phyogs skyong yan lag dang bcas pa bshad pa'o/ de ni steng gi phyogs nam mkha' i rnam grangs so/ /lha rnams rtse ba'i gnas yin pas lha rtsen no/ /rol pa'i gnas zhes kyang bya'o/ /gnyid po mo zhes pa ni mo'i rtags can no/ /nam mkha' gang du 'ang mi 'gro ba'i phyir na 'gro med do/ /dngos dang dngos med mdza' dag la khyab pas kun khyab bo/ /me tog la sogs pa skye ba'i sgo 'byed pas rgyal byed do/ /sgra sgregs ni sgra nam mkha' i yon tan no/ /mkha' dang/ bar snang dang/ yang kun 'gro ni 'gro ba'i 'byed pa'o/ /nam mkha' la mdza' med pa'i phyir na mdza' med do/ lha rnams gyu ba'i phyir na lha lam mo/ /gnam dang/ mi g.yo ba dang/ kun tu khyab pa'i phyir na khyab 'jug gi gnas so/ /dngos po mdza' dag la nam mkhas sgo 'byed pas mthong ba'i phyir na kun gsal lo/ /thogs pa med pas nam grol lo/ /skyes bu 'am/ zhes pa ni pho'i rtags can no/ /de rnams nam mkha' i ming ngo/ /phyogs dang zhes pa la sogs pa ni phyogs spyi tsam gyi ming ngo/ /phyogs zhes pa ni gang du yang ma lhung ba'o/ /nyi ma la sogs pa'i rgyu skar rnams shar ba na/ shar nub la sogs pa'i phyogs rnams 'byung bas nyi ston no/ /phyogs kyi sgo nas ston pas gsal ba'i gnas so/ /yul mdza' dag la khyab pas kun khyab po/ /phyogs gang la sems gtang pa de la chags pa'i phyir 'phrog byed do/ /snga dro la sogs pa ni phyogs kyi bye brag ste/ nyi ma snga dro shar bas shar phyogs so/ /gung gis lho phyogs/ phyi dro nub phyogs so/ /nyi ma'i 'gro tshul gyis shar dang/ lho dang/ nub go nyi ma nam mkha' la nub nas song bzhin mthong bas byang las steng gi phyogs zhes bya'o/ /phyogs rnams gsum pa nyid du 'gyur zhes ba ni pho mo la sogs pa'i rtags gsum pa'o/ /dbang po la sogs pa'i phyogs skyong rnams kyi shar la sogs pa'i phyogs rnams shes par bya ste bdag po yin pa'i phyir ro/ /phyogs bzhi mtshams bzhin bsrung ba'i glang po brgyad gnas pa ni 'di lta ste/ dbang po'i phyogs na mtsho skyes zhes bya ba sa srungs kyi bu'o/ /me'i phyogs ni pad+ma dkar po can zhes bya'o/ /gshin rje'i phyogs na g.yon phyogs pa zhes bya ste/ shin tu mdzes pa'i ming ngo/ /bden bral nas mos so/ /chu bdag na gsal byed de/ /rlung na me tog pa'o/ /lus ngan du sa kun la grags pa'o/ /dbang ldan du cha mdzes can zhes bya ste/ 'di rnams phyogs kyi glang po brgyad do/ /de rnams kyi chung ma glang mo brgyad de/ shar phyogs nas glang mo chu 'dzin ma la sogs pa rim ba bzhin du gnas so/ /phyogs min zhes pa ni mtshams kyi ming ngo/ /ma ning mi zad pa ni ma ning gi rtags 'dzin cing mi zad pa'o/ /phyogs gnyis gnyis kyi dbus su gnas pas phyogs dbus so/ /de gsum gyi mtshams su bcad pas phyogs mtshams/ de rnams phyogs mtshams kyi ming ngo/ /nang dang phyi'i rol min pa ni 'khor yug gi nang ngo/ /khor yug gi nang mu khyud kyi lcags ri'i rgyan/ /chu 'dzin zhes pa nas sprin gyi phreng ba zhes pa'i bar du sprin gyi ming ngo/ /chu 'dzin ni chu'i rdul phrag khrigs pa'o/ /char 'byung bas chu 'phebs dang/ 'brug 'byung bas sgra sgrogs dang/ sprin 'khrigs na skye bo dga' ba'i phyir na dga' byed dang/ du ba'i skye gnas ni du ba 'khrigs pa las sprin 'gyur te dper na dngul chu bzhin no/ /sprin gyi rgyu ni chu dang rlung dang du ba'o/ /chu skyar gnas ni bya chu skyar ni rtag tu sprin dang lhan cig gnas pas chu skyar gnas so/ /sprin gyi breng? ba zhes kyang bya ste/ de rnams sprin gyi ming ngo/ /sprin skyes zhes pa nas sgra can nyid zhes pa'i bar du 'brug gi ming ngo/ /sogs khongs nas sgra sgrogs dang sgra 'byin no la sogs pa'o// bde 'byung zhes pa nas stong med zhes pa'i bar du glog gi ming ngo/ /bde 'byung gi glog 'khyug pa na skye bo skrag pas bde 'byung ngo/ /thog gi sgra dang/ rdo rje'i sgra ni thog dang bcas pa'i 'brug gi ming ngo/ /sprin gyi 'od zer dang chu 'dzin skyes ni gnam lcags kyi ming ste/ sprin phan tshun du 'thabs pa las 'byung ngo/ /'ga' zhig col yang thogs pa med cing khang khyim la thug kyang rjes med do/ /yang 'gal zhig ni ri bo dang khang khyim la sogs pa yang 'jigs par byed do/ /me yin yang rgya mtsho la sogs pa'i chu bo chen po rnams kyis mi nyams pa'o/ /de yang chang gis nyams par byed do/ /dbang po'i mtshon cha dang/ brgya byin gyi gzhu ni 'ja' tshon gyi ming ngo/ /drang 'khyog ni dgye rgu med pas drang po'o/ /phyogs gcig rgur bas 'khyog pa'o/ /char pa dang zhod ces bya ste char spyi tsam gyi ming ngo/ /yang de'i gegs ni lha la sogs pa 'ga' zhig gis char mi 'bebs par byed pa'o/ /mtshungs pa ni rtags mtshungs pa'o/ /rgyun 'dab la sogs pa rnams ni char drag pa'i ming ngo/ /char rdul la sogs pa gsum ni char pa'i zer ma'i ming ngo/ /rdo rje'i char pa dang/ ser ba gnyis ni ser pa'i ming ngo/ /sprin 'khrigs nyin mo dan byed/ gnam 'thibs po'i ming ngo/ /mun pa zhes pa nas khebs pa zhes pa'i bar gyis mi mngon par byas pa spyi tsam gyi ming ngo/ /tshigs su bcad pa gnyis kyis zla ba'i ming ngo/ /ga pur kha dog dang yon tan mtshungs pa'o/ /ku mud gnyen ni zla ba shar ba na ku mu nga kha 'byed pa'o/ /rtsi'i dbang po ni 'bras bu la sogs pa sa las skyes pa rnams kyi dbang po'o/ /mtsho skyes ni rgya mtsho bsgrubs pa las byung ba'o/ /ri dags mtshan ni byang chub sems dpa' ri bong du skyes pa'i rabs las shes/ /chags byed ni zla ba shar ba na chags pa 'phel lo/ /zhes zer ro/ /gnyis skyes ni bram ze ste? pha ma bram ze las skyes pa dang/ bram ze'i brtul zhugs blangs pas brtul zhugs las skyes pa gnyis so/ /brtul zhugs ma slangs na pha ma bram ze yin kyang bram ze mi thog go/ des na gnyis skyes rgyal po zhes kyang bya ste/ de ltar/ rgyu skar gza' dang bram ze dang/ sman dang mchod sbyin mtshan mo rnams/ de rnams kun gyi rgyal po ru/ /zla ba bram ze rnams kyis bskos/ zhes 'byung ngo/ /'chi ba med pa'i mdzod kyi 'grel pa 'dod 'jo'i pa mo zhes bya ba/ slob dpon rab 'byor zla bas mdzad pa las/ bstod kyi cha cung zad bsdus nas bsgyur ba rdzogs so// //rgya gar gyi mkhan po kIrti tsan+d+ra dang/ /yar lungs pa grags pa rgyal mtshan gyis/ bal yul yam bu'i grong khyer du bsgyur ba'o/ /da dung phyi mo dag par brtsal te btug par bya'o// // !/ (/tshig gi rgyan gyi bstan bcos snyan dngags me long bzhugs so/ /) rgya gar skad du/

CLOSE WINDOW