བོད་ཡིག

e-texts based on the ACIP/ALL Input

/ //rgya gar skad du/ wa tsa na mu kha yu d+ho pa manA ma prit+ti/ bod skad du/ smra ba'i sgo mtshon cha lta bu zhes bya ba'i 'grel pa/ smra ba'i mchog thams cad mkhyen pa la phyag 'tshal lo/ /'dir bstan bcos rtsom par bzhen pas/ bar chad spang bar bya ba dang/ ya rabs kyi tshul dang mthun pa'i phyir/ dang por phyag btsal zhing/ dgos pa khong du chud par bya ba'i phyir/ gang zhig bshad par bya bar dam bcas nas/ bstan bcos kyi gzhung nyid legs par bstan pa dang/ bstan bcos brtsams pa yang don chen por 'gyur bar bya ba'i phyir/ dge ba'i rtsa ba bsngo ba dang bcas pa ston par mdzad do/ /de la 'di'i gzhung nyid kyang yi ge'i tshogs dang/ ming gi tshogs dang/ tshig gi tshogs rnams ston te/ de dag gi yan lag ji skad du/ bstan pa rnams kyang mdor bsdu na/ de dag gi rgyu dang/ rang gi ngo bo dang/ ldan tshad dang/ nges pa'i tshig dang/ dbye ba rnams kyi ston to/ /de la re zhig 'dir phyag btsal ba bstan pa'i phyir/ smra mchog gtso la phyag btsal nas/ zhes bya ba smos te/ dge sbyong dang/ bram ze dang/ lha dang/ bdud la sogs pa rig pa dang ldan par smra ba rnams kyi gtso bo ni sangs rgyas te de la phyag btsal nas bshad par bya zhes bstan to/ /gang gi phyir zhe na/ smra ba'i yan lag rdzogs don du/ /zhes bya ba la sogs pas dam bcas pa dag bstan par mdzad pa las/ 'dir dgos pa ni/ smra ba'i rgyu rkyen ma lus pa rdzogs par bya ba'i don du'o zhes so/ /gang zhig ce na/ ngag gi 'du byed gang de'i/ /tshogs pa zhes bya ba smos te/ ngag gi bya ba ni 'du byed yin te/ de'i tshogs pa ni rgyu rkyen no/ /de bdag gi bshad par bya/ zhes bya ba yin no/ /da ni gzhung nyid bstan pa las/ /dang por yi ge bstan te/ /de yang spyi dang khyad par gyi gnas las byed pa dang phrad pas sgra ji ltar 'byung ba bstan pa'i phyir khog pa mgrin pa rkan dang lce/ /sna dang spyi bo so dar mchu/ /spyi dang re re'i cha dag las/ /phra dang cung zad phrad pa dang/ /dog pa dang ni yangs pa nas/ /drang po bsgreng dang bkug pa dang/ /bstod pa dang ni smad pa dang/ /bsgrims dang klod pa'i nga ro 'byung/ /zhes bya ba smos te/ de la spyi dang zhes bya ba ni gnas 'di rnams spyi'i cha nas 'byung ba zhes bya ba ste/ dper na pi wang gi sgra khog pa dang/ lpags pa dang/ rgyud dang lag rten la sogs pa thams cad las sgra 'byung ste/ de bzhin gnas 'di rnams kyi spyi tshogs pa nas yi ge rnams kyi sgra 'byung ngo/ /re re'i cha dag ces bya ba dang/ dper na pi wang gi sgra de dag pho sgra pho rgyud las 'byung/ mo sgra mo rgyud las ma 'byung ba bzhin/ gnas 'di dag so so las yi ge so so'i sgra shes cher 'byung ste/ 'di dag zhib tu ni 'og nas 'chad pa'i skabs su rig par bya'o/ /phrad dang cung zad phrad pa dang dog pa dang ni yangs pa nas/ /zhes bya ba 'di bzhi ni byed pa'i rkyen yin te/ dper na pi wang gi sgra las mtheb mo dang gzhu rgyud kyi bskyod pa'i tshe sgra bye brag tu 'gyur ba ltar gnas 'di rnams su phrad pa la sogs pa'i rkyen gyi sgra bye brag tu 'gyur te/ 'di yang zhib tu 'og nas rig par bya'o/ /de dag las sgra ji lta bu zhig 'byung zhe na/ drang po bsgreng dang bkug pa dang zhes bya ba la sogs pa smos te/ 'di ni gnas dang byed pa phrad pa las dbyangs kyi rtsa ba bdun 'byung bar ston te/ drang po la sogs pa'i dag 'di bdun ni dag gi 'du byed kyi rtsa ba yin te/ de la drang po ni a'o/ /bsgreng ba ni e'o/ /bgug pa ni ai'o/ /bstod pa ni a'o/ /smad pa ni au'o// bsgrims pa ni ri'o/ /glod ba ni li'o/ /de la nga ro bdun ni dag thams cad kyi mtshan nyid yin te/ rang bzhin gyi yi ge yin no/ /ka la sogs pa brjed pa'i yig 'bru thams cad kyang 'di las 'byung ngo/ /de yang a ai au gsum ni rtsa ba'o/ /lhag ma ni phan tshun sbyar ba'o/ /ji ltar zhe na/ a dang ai sbyar ba ni ai yin no/ /a dang au sbyar ba ni ao yin no/ /ai nyid po sgrims shing tsheg drag dang sbyar ba ri yin no/ /ai nyid glod de 'dren pa'i don ni li yin te/ de'i phyir phan tshun sbyar ba'o/ /ka la sogs pa brjod pa'i yig 'bru rnams la yang/ rtsa ba dang phan tshun sbyar ba yod de/ ya ni ai dang a sbyar ba'o/ /wa ni au dang a sbyar ba'o/ /nga dang la ni gong du bstan pa nyid do/ /sha Sha sa gsum ni ra dang mthun te tsheg ? dang sbyar ba'o/ /nga nya Na na ma 'di lnga ni sna dang ldan pa ste/ ai zhes bya bas 'dus so/ /de na re zhig rtsa ba'i yi ge nyi shu rtsa lnga yin no/ /de dag la yang ga la sogs pa gsum pa rtsams ni/ ga la sogs pa dang po dang po rnams dang a ldan pa yin no/ /g+ha la sogs ba bzhi pa rnams ni ga la sogs pa gsum pa rnams la ha dang ldan pa yin te/ de nas rtsa ba'i yi ge bcu gcig go /kha la sogs pa gnyis pa rnams kyang ka la sogs pa'i sgra'i cha dang/ khong nas 'byung ba'i sgra'i cha yod pa ste/ de ltar na rtsa ba'i yi ge ni a ka tsa Ta ta pa ha 'di rnams yin no/ /de dag gi tsa ba yang a yin no/ /de'i phyir a ni yi ge thams cad kyi phyi mo yin no/ /da ni rtsa ba bdun las dbyangs kyi yi ge bcu drug tu 'gyur bar bstan ba'i phyir/ drug po bkug dang smad pa dang/ /bsgribs pa dang ni glod pa dang/ grwar dang tswang gis phye ba dang zhes bya ba la sogs pa smos te/ 'di ltar a ai au ri li 'di lnga la gwar zhes bya ba ring po dang tswang zhes bya ba thung ngu gnyis gnyis su phye bas dbyangs kyi yi ge bcur 'gyur te/ 'di ltar/ a A/ ai a'i/ au a'u/ ri rI/ li lI'o/ /gzhan yang/ bsgreng dang bsgreng ste bkug pa dang/ /bstod dang bstod de smad pa dang/ /sna ldan rnam par bcad pa yis/ /nga ro bcu drug ngag tu 'dod/ /ces bya bas dbyangs kyi yi ge bcu drug tu 'gyur te/ 'di ltar bsgreng pa ni e'o/ /bsgreng te bkug pa ni ai'o/ /bstod pa ni ao'o/ /bstod de smad pa ni aau'o/ /sna dang ldan pa ni aM yin no/ /rnam par bcad pa ni a'di ltar dbyangs kyi yi ge bcu drug tu 'gyur ro/ /da ni dbyangs kyi rtsa ba de dag re re la yang gsal byed bco brgyad dang bcu gnyis su 'gyur ba ston te/ de las dang por gsal byed bco brgyad du 'gyur ba bstan pa'i phyir/ nga ro dag gi gsal byed ni/ drang po bkug dang smad pa la/ 'dren pa ring thung gsum yod de/ /de lang che 'bring rna pa gsum/ /de dgu sna ldan bco brgyad do/ /zhes bya ba smos te/ dbyangs kyi yi ge rnams kyi gsal byed ni drang po a dang/ bkug pa ai dang/ smad pa au dang gsum la sgre'i 'dren pa gsum gsum yod de/ /'di ltar ha sa zhes bya ba thung ngu ste tha mal pa dang/ dIrg+ha zhes bya ba ring po ste/ gnyis kyi yun du brjod pa dang/ pU ha zhes bya ba shin tu ring po ste/ gsum gyi yun du brjod pa'o/ /de re re la yang che 'bring gsum gsum ste/ au dAt+ta zhes bya ba chen po ste/ yi ge gnyis kyi sgra can can/ a nu dAt+ta zhes bya ba chung ngu ste phyed pa dang/ swa ri ta zhes bya ba bar ma ste yi ge phyi mo gcig pa yin te/ de ltar dgur 'gyur ro/ /de la yang aing zhes bya ba'i sgra sna dang ldan pa dang zhes bya ba dang/ sna dang mi ldan par phye bas/ 'di ltar bco brgyad brgyad du 'gyur ro/ /da ni gsal byed bcu gnyis su 'gyur ba'i rigs bstan pa'i phyir/ gsal bar bya ba 'di ltar ste/ bsgreng dang bstod la thung ba ste/ /bsgrims dang glod la ring ba'o/ /bcu gnyis yin te zhes bya ba smos te/ dbyangs kyi yi ge rnams la gsal byed spang zhing/ gsal bar bya ba ni/ bsgreng ba dang bstod pa zhes bya ba e dang ao gnyis la rang bzhin gyi thung ngu med de/ de ltar thung ngu la phye ba gsum bsal bas drug tu 'gyur te/ de la yang sna dang ldan pa dang mi ldan par phye bas bcu gnyis bcu gnyis su 'gyur ro/ /de bzhin du bsgrims pa dang glod pa zhes bya ba ri dang li gnyis la rang bzhin gyi ring po med de/ de ltar na ring po la phye ba'i tshogs bsal bas 'di yang bcu gnyis bcu gnyis su 'gyur ro/ /de ltar na a ai au gsum la bco brgyad bco brgyad/ a ao ri li bzhi la bcu gnyis bcu gnyis te/ de ltar brgya rtsa gnyis su 'gyur bas brgya rtsa gnyis zhes smos so/ /da ni yi ge spyi'i rnam pa'i tshe ji skad yod pa bstan pa'i phyir spyir na brgya dang bcu rtsa gcig / rang gnas dang ni bcu gnyis te/ yi ge gcig gi rnam pa'i cha/ /ngag gi 'du byed tshogs pa'o/ /zhes bya ba smos te/ ka lta bu gcig la yang a ai au e ao ri li bdun dang ldan pas a la bsal byed ring thung gsum/ de re re la che 'bring gsum gsum ste/ dgu'o/ /de la sna dang ldan pa dang mi ldan par phye bas bco brgyad do/ /de bzhin du ai dang/ au dang yang ldan te/ de ltar lnga bcu rtsa bzhi/ e ao la thung ngu med pas bcu gnyis bcu gnyis/ ri li la ring po med pas bcu gnyis bcu gnyis te/ de ltar bzhi bcu rtsa brgyad kyis snan pas brgya rtsa gnyis/ thun mong gi 'byung khungs brgyad/ rkyen gyi rnam pa gang rung gcig ste dgu bsnan na brgya dang bcu gcig yod do/ /rang gnas dang ni zhes bya ba ni khyad par gyi gnas rdzas su ma bgrangs pa ste/ /thun mong gi khongs su rtogs pas re zhig shas che ba tsam yin te rdzas su ma grangs so/ /yi ge gcig gi rnam pa'i tshe zhes bya ba ni ka la sogs pa'i rnam pa ste/ dbyangs kyi yi ge la ni ma yin no// rnam par da snyed cig las dus gcig tu 'byung zhe na dus gcig tu ni bcu gcig gam/ sna dang ldan na bcu gnyis te/ rang gi gnas dang bcu gsum mo/ /zhes bya ba smos te thun mongs gis 'byung khungs brgyad/ rkyen gyi rnam pa gang yang rung ba gcig gsal byed ring thung gsum las gang rung zhig / che 'bring gsum las gang rung gcig ste bcu gcig 'byung ngo/ /sna ldan bsnan pa'i tshe na bcu gnyis 'byung ngo/ /rang gi gnas ni snga ma bzhin no/ /da ni dag gi 'du byed rnam pa bdun gyi dpe lus gyi 'du byed rnam pa bdun gyi sgo nas bstan pa'i phyir/ mtshon 'debs gar dang las byed dang/ /stabs 'gro lta stangs bye brag dag /rkang lag ming gi 'gyur bag gis/ /lus kyi 'du byed bdun po ni/ /thad kar lta dang gyen du lta/ /de bzhin bzlog te lta ba dang/ /bstod de lta dang smad de lta/ /bsgrims dang klod de lta ba ltar/ /gar la sogs pa'ang de bzhin te/ /lus kyi 'du byed bdun po ltar/ /dag gi 'du byed de bzhin no/ /zhes bya ba smos te/ 'di ltar dag gi 'du byed bdun po de dag lus kyi 'du byed bdun dang mthun par 'gyur ste// de la lus kyi 'du byed pa ni lus kyi 'du byed ni lus kyi 'du byed rnams rtsom pa na drang por byed pa dang/ de bzhin du bsgreng dang/ bkug pa dang/ bstod pa dang/ smad pa dang/ bsgrims pa dang glod ba ste/ de ltar bdun po 'di las lhag pa'i lus kyi 'du byed med do/ /de la re zhig lta stangs sbyar ba bzhin du gzhan la yang shes par bya ste/ 'di ltar lta bar bya ba'i yul gcig lta ba'i tshe thad kar lta ba ni mig mi 'gyur bar drang por lta ba'o/ /bsgreng ste lta ba'i gnas nas gyen du lta ba'o/ /bkug ste lta ba ni phyogs gzhan nas skor zhing bzlog te lta ba'o/ /bstod de lta ba ni mig 'phang bstod pa'o/ /smad de lta ba ni mig 'phang smad pa'o/ /bsgrims pa dang glod pa ni mig gi bye brag nyid bsgrims pa dang glod pa te/ de bzhin du rkang pa'i stabs 'gros las kyang thad kar 'dod ba dang/ slar bzlog ba'i tshul gyi 'dor ba dang/ bsgreng ba dang/ 'phangs bstod pa dang/ smad pa dang/ khong bsgrims pa dang/ glod pa'i bye brag gi bdun no/ /de mtshon 'debs pa dang/ gar la sogs pa yang de 'dra ste/ byed pa dang bya ba gnyis dang po ji ltar gnas pa de bzhin du byed pa ni drang po'o/ /gyen du byed pa lta bu ni bsgreng ba'o/ /gzhan nas byed pa ni bkag pa'o/ /'phangs bstod pa dang/ smad pa dang/ bsgrims pa dang/ glong pa dang/ ji lta ba de bzhin du/ dag gi sgra bdag drang por drang ba ni a dang ldan pa'i tshogs su 'gyur ro/ /bsgreng ste drangs pa ni e dang ldan pa'i tshigs su 'gyur ro/ /bkug ste drangs pa ni ai dang ldan pa'i tshogs su 'gyur ro/ /de bzhin du bstod pa ni ao dang ldan pa'o/ /smad pa ni au dang ldan pa'o/ /bsgrims pa ni ri dang ldan pa'o/ /glod pa ni li dang ldan pa ste/ dag gi 'byed pa bdun pa lta bur 'gyur bar 'gyur ro/ /da ni dag gi 'du byed bdun po ston par byed pa'i brdar 'gyur ba'i yi ge'i dbyibs dang/ de bzhag pa'i gnas bstan pa'i phyir de ston dbyibs kyi gnas lugs kyang/ mda' dang bse ru glang chen sna/ gdugs dang rkang rten lta bu dang/ me ri chu yi dkyil 'khor ltar/ /thad kar zur dang zur logs dang/ /steng 'og rang gi las rnams la/ gnas pa'i brdas 'di shes par bya/ /zhes bya ba smos te/ de la drang po'i yi ge ni mda' lta bu'o/ /bsgrengs pa'i yi ge ni ri dags bse'i rwa lta bu'o/ /bkug pa'i yi ga ni glang po che'i sna lta bu'o/ /bstod pa'i yi ge ni gdugs lta ba'o// smad pa'i yi ge ni skyes bu'i gang rten lta bu'o/ /bsgrims pa'i yi ge ni me ri lta bu'o/ /glod pa'i yi ge chu'i dkyil 'khor lta bu'o/ /de ltar dbyibs bdun po de yang rang rang gi sgra dang mthun pa'i brdar byas te/ sgra drang po la ni brda drang po'o/ /de bzhin du gzhan la yang shes par bya'o/ /mtshan ma de dag gi gnas lugs kyang mda''dra bas ni thad kar mtshon no/ /bse rus ni zur la'o/ /glang po che'i snam ni zur nas lo gsum mo/ gdugs ni steng du'o/ /rkang rten ni 'og tu'o/ /me ri dang chu'i dkyil 'khor ni yi ge rang gi lus la mtshon pas te/ 'dis kyang dag dang brda' mthun par ston te/ drang po la ni thad kar mtshon to/ /bsgreng ba la ni zur la mtshon te/ gzhan yang de bzhin du shes par bya'o/ /da ni brda' des bstan pa'i dag rnams 'byung la ni rgyu bdun tshogs la las skye bar ston te/ de la bskul ba'i rgyu rnam par rtog pa yin par bstan pa'i phyir/ /des bstan brda' can 'byung ba na/ /lcags rnams la ni khab len bzhin/ /rnam rtog dbang gi gnas rnams g.yo/ /zhes bya ba smos te/ khab len gyi dbang gi lcags g.yo ba bzhin du rnam par rtog pa'i dbang gis pA ya ta zhes bya ba'i rlung lus la gnas pa bskul nas des sgra 'byung ba'i gnas rnams g.yo bar byed do zhes bya bar 'gyur ro/ /rnam par rtog pas ji ltar rlung skyod ce na/ ji ltar gnas bzhi med bzhin du/ /mkha' la 'dab bskyod rlung 'byung ltar/ /rnam par rtog pas bskyod pa na/ /pA ya ta zhes bya ba'i rlung/ /lus la rab tu g.yo bar 'gyur/ /zhes bya ba smos te/ dper na bya nam mkha' la 'phur ba'i tshe/ mdab ma bskyod pa nyid kyi rlung 'byung ba ltar ming dang ming can 'brel pa'i rnam par rtog pa gzhan la go bar byed pa'i blos skyes par byed pa'i tshe lus thams cad la khyab par gnas pa'i rlung g.yo bar byed pa can bA ya ta zhes bya ba'i rlung ldang zhing g.yo bar 'gyur ro/ /rlung de g.yos bas cir 'gyur zhe na/ byed pa rnams kun tu g.yo bar 'gyur te/ byed pa rnams bskyod pas ni gnas dang phrad par byed do/ /de bstan pa'i phyir g.yo rlung rab tu g.yos pa yis/ byed pa kun tu bskyed pa ni/ /dog dang yangs pa'i gnas rnams su/ /phrad dang cung zad phrad par byed/ /ces bya ba smos te/ de la dog pa ni 'gul ba dang/ sna dang glad pa'i spubs so/ /lhag ma ni yangs pa'o/ /rkan dang lce sbyar ba dang/ so dang lce sbyar ba dang/ mchu gnyis sbyar ba ni phrad pa'o/ /lhag ma ni cung zad phrad pa ste/ 'di yang 'og tu 'chad par 'gyur ro/ /de'i tshe lhan cig 'byung ba'i rgyu bstan pa'i phyir/ de'i tshe ni/ shwA swA zhes bya ba'i ni rlung dang lhan cig 'byung ba ste/ zhes bya ba smos te/ 'di ltar g nas dad byed pa phrad pa'i tshe nirten bzhin du/ zhes bya ba smos te/ dper na gzugs thams cad 'byung ba chen po bzhis ba skyes pa bzhin du/ yi ge'i tshogs thams cad la dbyangs kyi gyi ge bcu drug dang gsal byed bco brgyad kyi khyab ste/ de bas na nga ro zhes bya ba dbyangs dang gsal byed la bsten nas yi ge dang/ ming dang tshig gi tshogs thams cad 'byung ste/ 'di ni kun tu 'gro ba'i rgyu yin no/ /skal ba mnyam rgyu bstan pa'i phyir/ /rnam rtog rang gi snang cha las/ /gzugs brnyan bzhin du cha mnyam skyed zhes bya ba smos te/ de'i tshe rnam par rtog pa rang gi yul la snang ba'i cha ming dang ming can 'brel par snang bar 'gyur te/ 'di ltar ka ba'i dngos po la ka ba zhes ming du btags pa de dang 'brel pa brda'i dus na zhen pas phyi don la skyes bu 'jug pas na rang gi snang ba dang mthun pa'i yi ge 'byung bar 'gyur te/ dper na bzhin gyi dkyil 'khor ji ltar gzugs bsnyan 'byung ba bzhin no/ /'di ni skal ba mnyam pa'i rgyu yin no/ /da ni dag gi 'du byed de rnams kyi rgyud de rnams bde blag tu rtog par bya ba'i phyir mjug bsdus te bstun par 'dod na/ gnas rnams dang ni byed pa dang/ /rnam par rtog dang rlung gnyis dang/ /da ro gsal byed sna cha yis/ /dag gi 'du byed kun tu skyed/ /ces bya ba smos te smra 'byung ba'i gnas 'gul pa la sogs pa rnams ni bzhi'i rgyu yin no/ /phrad pa la sogs pa'i byed pa rnams ni 'byin par byed pa'i rgyu'o/ /rnam par rtog pa ni bskul ba'i rgyu'o/ /bA ya ta dang nin ipa las rgyu nyams kyi rgyu'i chos kyi ming ma bstan pas de'i phyi'ang dag so so'i ngo bo bstan par 'dod nas/ rgyu bdun dag las 'byung ba ni/ gnas rnams bzhi'i rgyu yin te/ /zhes bya ba nas skal ba mnyam pa'i rgyu zhes bya ba'i bar du smos so/ /de la rnam pa bzhi'i rgyu zhes bya ba'i gnas rnams ni dril bu'i spubs dang 'dra ste/ /sgra rnams kyi khyad par gyi gnas bzhi'i rgyu yin pas bzhi'i rgyu zhes bya'o/ /byed pa 'byin par byed pa'i rgyu/ zhes bya ba ni dril bu'i lce dang 'dra ste/ bskul zhing 'byin par byed pas 'byin par byed pa'i rgyu zhes bya'o/ /de bzhin rnam rtog bskul ba'i rgyu zhes bya ba ni bkul bar 'dra bas de bzhin zhes bya ba'i smos te/ cung zad du skyes bu dang 'dra ste/ byed pa po yin pas skul ba'i rgyu zhes bya'i ji ltar shing la rlung bzhin du/ byed pa bskyed rgyu bA ya ta'o/ /zhes bya ba ni dper ? gi shing g.yo bar byed pa de bzhin du bA ya ta'i/ rlung la bskyod pa'i rgyu zhes bya'o/ /skyes bu dang ni bzhin ba bzhin/ lhan cig 'byung rgyu nid bugs la brten nas dbugs dang lhan cig 'byung bas na'byung ba chen po bzhis khyab pa bzhin ji srid du brjod pa thams cad la nga ro bcu drug dang gsal byed bco brgyad kyis khyab pa ste/ de'i phyir ro dang/ gsal byed la kun tu 'gro ba'i rgyun zhes bya'o/ /snang cha 'dra bar 'byung ba ni/ /bskal ba mnyam pa'i rgyu zhes bya/ /zhes bya ba ni/ dper na byed dang 'dra bar gzugs brnyan 'byung ba bzhin rnams par rtog pa'i snang ba'i cha dang 'dra bar yi ge rnams kyi sgra 'byung bas rnam par rtog pa'i snang ba'i cha la skal ba mnyam pa'i rgyu zhes bya'o/ /de ni rgyu de dag las byung ba'i yi ge rnams kyi gdangs kyi bye brag ston te/ de yang 'bras bu mi 'dra ba rnams ni rgyu mi 'dra ba sngon du song ba yin te/ des na rgyus phye ba yin par bstan pa'i phyir/ de la gdangs kyi bye brag ni/ rgyu rnams dag gis phye ba ste/ /sngon du song bar rig bar bya/ /ces bya ba smos so/ /de la rgyu bdun dang/ rang bzhin rtsa ba bdun gyis phye bar bstan pa'i phyir des na rgyu dang rang bzhin no/ /zhes smos te/ de la rgyu rnams bshad zin nas/ rtsa ba gang las gyur ba dang/ gnas gang nas 'byung ba bstan pa'i phyir/ nga ro drang po las 'byung ba/ /ka la sogs sde nas rim bzhin du/ ces bya ba la sogs pa rgya cher smos so/ /de la nga ro drang po rtsa ba a las gyur pa 'di rnams so/ /zhes bya ba'o/ /ka la sogs sde nas rim bzhin/ sde lnga dag dang zhes bya ba ni ka'i sde nas gzung ba sde ba lnga zhes bya ba ste/ ka kha ga g+ha nga tsa tsha dza dz+nya nya Ta tha Da Dha Na/ ta tha da d+ha na/ pa pha ba b+ha ma/ 'di rnams ni sde pa lnga zhes bya ba ste/ rang rang gi sde'i tshogs yin pas sde ba zhes bya'o/ /an+tas+tha zhes bya ba ni ya ra la wa bzhi yin te/ sde ba'i mthar gnas pas mthar gnas zhes bya'o/ /auSh+ma Na dang zhes bya ba ni/ sha Sha sa ha bzhi yin te/ au la brtan pas dro ba zhes bya'o/ /mthar zad de zhes bya ba ni k+Sha yin te/ k+Shan+ta zhes bya ba'i phyir ro/ /yi ge 'di rnams kyi ming bstan pa'i phyir gnas yi ge sum cu bzhi// ming dang pho zhes bya ba te/ zhes bya ba smos te/ sgra'i yi ge dang gnas kyi yi ge zhes bya ba las ni yi ge 'di rnams kyi yi ge zhes bya ba ste/ gnas so so la bsten pa'i phyir ro/ /dbyangs kyi yi ge dang mig zhes bya ba las ni ming gi yi ge zhes bya ste/ yig 'bru so sor gsal bar ston pa'i phyir ro/ /mo'i yi ge dang pho'i yi ge zhes bya ba las ni pho'i yi ge zhes bya ste/ gsal zhing drag pa'i phyir ro/ /de bzhin du nang gi yi ge dang phyi rol gyi yi ge zhes bya ba las ni phyi rol gyi yi ge zhes bya ba las ni phyi rol gyi yi ge zhes bya ba ste/ gnyan na nye bar snang ba'i phyir ro/ /da ni gnas kyi dbye ba bstan par 'dod de/ de las dang por mgrin pa las 'byung bstan pa'i phyir/ de la dang po sde ba dang/ /auShMa na'i bzhi pa ni/ /bcad par bcas pa mgrin pa la// zhes bya ba smos te/ ka'i sde dang ha dang tshe drag can rnams mgrin pa las 'byung ba yin no/ /rkan las 'byung bstan pa'i phyir/ gnyis pa dag dang an+tas+tha'i/ /dang por auShMa'i dang po rnams/ /rkan las rab tu 'byung ba yin zhes bya ba smos te/ ca'i sde dang ya dang sha rnams rkan las 'byung ba yin no/ /spyi bo las 'byung ba bstan pa'i phyir ro/ gsum pa dag dang an+tas+tha'i/ /gnyis pa auShMa'i gsum rnams spyi bo las ni rab tu byung zhes smos te/ Da'i sde'i dang ra dang Sha rnams spyi bo las 'byung ba yin no/ /sa las 'byung ba bstan pa'i phyir/ bzhi pa dang ni an+tas+tha'i// //gsum pa auSh+ma'i gsum pa rnams so'i cha las kun tu 'byung zhes bya ba smos te/ ta'i sde dang la dang sa rnams so las 'byung ba yin no/ /mchu las 'byung ba bstan pa'i phyir/ lnga pa dang ni an+tas+tha'i/ /bzhi pa mchu las 'byung ba yin/ /zhes bya ba smos te/ ba'i sde dang wa ni mchu las 'byung ba yin no/ /k+Sha 'byung ba'i gnas ni/ mthar zad mgul dang spyir las zhes bya ba 'di yin no/ /nga ni sde pa lnga las nang gseb kyi bye brag lnga lnga bstan pa'i phyir/ sde lnga dag las lnga lnga yang/ dang po rang gnas drag pa ste/ zhes bya ba la sogs pa smos te/ sde ba re re la lnga lnga yod pa las/ dang po rnams ni rang rang gi gnas nas drag par brjod pa ste/ ka tsa Da ta pa rnams so/ /gnyis pa 'bring dang spyi bo'i na/ /zhes bya ba ni kha tsha Tha tha pha rnams ni ka 'bring du drangs pa dang spyi bo'i sgra cha phrad pa las kha 'byung ste/ lhag ma rnams la yang de bzhin du sbyar ro/ /gsum pa rnams ni gzhan pa ste/ zhes bya ba ni ga dza Da da ba rnams ni ka gzhan par drangs pa ni ga ste/ ka dang a sbyar na gar 'gyur te/ gzhan yang de bzhin du sbyar ro/ /maha pra Na zhes bya ba bzhi pa rang gnas kho nas so/ /zhes bya ba ni g+ha dzha Dha d+ha b+ha 'di rnams ni stobs che ba zhes bya ste/ rang rang gi gnas dang khong ba'i sgra'i cha ldan pa ste/ ga dang ha'i sgra cha dang ldan pa ni stobs che ba zhes bde spyod kyi mdo las 'byung ngo/ /gzhan la yang de bzhin du sbyar ro/ /a nu sar zhes bya ba lnga pa rang gnas sna nas 'byung/ zhes bya ba ni nga nya Na nas 'di rnams ni klad kor gyi yi ge yin te/ rang rang gi gnas dang sna'i sgra phrad pa las 'byung la mgul ba dang sna phrad pa las nga 'byung ste/ gzhan la yang de bzhin du sbyar ro/ /da ni byed pa rnams kyi gnas bstan pa'i phyir mgul ba sna rang klad pa spubs/ /dog pa yin te yangs pa gzhan/ /rkan dang so dang lce dang mchu/ /phrad pa yin te gzhan zhes bya ces bya ba smos te/ de la dog pa yin te/ zhes bya ba ni mgul ba la sogs pa'i gnas 'di rnams las 'byung ba'i yi ge ni gnas dog pa'i rkyen gyis bskyed pa yin pas byed pa 'di la dog pa zhes bya'o/ /yangs pa zhes bya ba ni lhag ma rnams gnas yangs pa'i rkyen gyis bskyed pa yin pas byed pa 'di la yangs pa zhes bya'o// phrad pa zhes pa ni rkan la sogs pa'i gnas 'di rnams las 'byung ba'i yi ge ni gnas gnyis phan tshun phrad pa las 'byung bas de la yang de skad ces bya'o/ /gzhan zhes bya ba ni lhag ma rnams gnas rnams phrad du nye ba las 'byung bas cung zad phrad pa zhes bya'o nga ni yi ge'i ldang tshad bshad par 'dod nas/ /gnas cha'i yi ge ji snyed kyang nga ro gcig gis bcings pa la/ de la 'di yi ge gcig ces brjod/ /shin tu phra ba'i rnam pa'i cha/ de la 'ang yi ge gcig ces bya/ /zhes smos te/ de la yi ge zhes bya ba skabs kyi rnam pa gnyis su 'gyur te/ dbyangs gcig gis bcings pa'i yi ge dang ming gi mdza' i yi ge'o/ /de la dbyangs gcig gis gcings pa'i yi ge ni ro gcig gis gcings pa ste/ ao dang hUM rang phaT la sogs pa lta bu la yi ge 'bru re re zhes bya ba ste/ 'on kyang aoM gcig pu la yang a dang ao dang aoM dang gsum las grub pa yin mod kyi/ aoM zhes bya ba dbyangs kyi yi ge gcig gis bcings shing bsdus pas na aoM la yi ge 'bru gcig ces bya ba'o/ /shin tu phra ba'i rnam pa zhes bya ba 'di ni ming gi mdza' i yi ge yin te/ dper na gzugs rnams bshig na rdul phra rab gyi mthar thug ste de las lhag pa phra ba'i gzugs gzhan med do/ /de bzhin du ming rnams bshig na gang du mthar thug par 'gyur zhing de las bye brag tu dbye ba'i phog dbyung du med pa ni yi ge gcig ces bya te/ gsal byed bco brgyad kyi cha lta bu'o/ /da ni yi ge rnams kyi 'dren pa'i cha shas kyis rab tu dbye ba bstan pa'i phyir sgra 'di dag la 'dren pa'i cha/ alwa prA na gnyis gcig yin/ zhes bya ba la sogs pa smos te/ de la al pa prA Na gnyis gcig yin/ zhes bya ba ni yi ge gnyis la yi ge gcig gi sgra las med pa ni stobs chung bas stobs med ces bya ste/ phaT ces bya ba lta bu'o/ /Ta'i sgra phyed pa'i khong du chud pas yi ge gcig gi sgrar song ba lta bu'o/ /ma ha prA Na gcig gnyis yi zhes bya ba ni yi ge gcig la gnyis kyi sgra yod pa ste/ sde pa'i ye ge las bzhi pa bzhi pa rnams 'dren pa'i stobs che bas stobs chen zhes bya'o/ /a nu swa ra rdub pa'i sgra /zhes bya ba ni klad kor gyi yi ge rnams ni sna'i dbugs rdub pa ste/ dbyangs kyi yi ge dang rjes su mthun pa'i rjes su nga ro zhes bya'o/ /bi sa rdzdza ni bcad pa'o/ /zhes bya ba ni tsha drag ste/ drag tu byed cing gnad par byed pas rnam par bcod pa zhes bya'o/ /h+ra swa tha mal sgra yin te/ zhes bya ba ni yi ge gang yang rung ba tha mal du brjod pa yin pas thung ngu zhes bya'o/ /ngi rgyu ta ni gnyis kyi yun/ zhes bya ba ni yi ge gnyis kyi yun zhes bya ba ni yi ge gnyis kyi yun du brjod pa yin pas ring po zhes bya'o/ /blu ta ni de bzhin gsum/ zhes bya ba ni gsum gyi yun du brjed pa yin pas shin tu ring po zhes bya'o/ /au dEt+ta ni mtshungs gnyis gcig ces bya ba yi ge mtshungs pa gnyis btags pa la sgra chen po gcig tu bde ba ste/ k+ka tshtsha zhes pa lta bu chen po zhes bya'o/ /a nu dAt+ta byed cha yin/ zhes bya ba ni yi ge phyed kyi sgra yin pa ste/ byed pa nyid la chung ngu zhes bya'o/ /swa ri ta ni ra sgra'o/ /zhes bya ba ni bskyed bsgyur ma byas pa te de bar ma zhes bya'o/ /sna ldan a nu sa ra'i cha/ zhes bya ba ni sna dang ldan pa zhes ba ni klad gor dang ldan pa'o/ /a ldan a med ces bya ba/ che ba dag dang chung ba'i ming zhes bya ba ni a dang ldan pa dang mi ldan pa zhes bya ba a shas che ba dang chung ba'i bye brag ste/ a dang mi ldan pa dag ni med do/ /de ltar drang po'i cha bstan nas bsgreng ba la sogs pa rtsa ba gzhan pa'i cha bstan pa'i phyir/ drang po dag la ji ltar bar/ nga ro gzhan la'ang de bzhin te/ zhes bya ba smos te/ drang po ste a'i cha las gyur ba'i gnas dang cha ji lta ba bzhin du bsgreng ba dang/ bkug ba dang/ bstod pa dang/ smad pa dang/ bsgrims pa dang/ glod pa rnams la yang de bzhin du shes par bya'o/ /de la drang po'i sgra dang mthun pa dag ni gong du bstan par zad do/ /de la cung zad mi 'dra bar bstan pa rnams bshad pa'i phyir/ de la cung zad gnas cha ni// rgan dang mgul ba'i cha dag las/ bsgreng dang bkug pa'i nga ro 'byung zhes pa la sogs pa smos te/ gnas cung zad mi 'dra ba ni 'di yin te/ bsgreng ba dang bkug pa ni mgul pa dang rkan las 'byung ste/ a kug pa ni ai yin no/ /a dang ai sbyar ba ni bsgreng ba ste e'o/ /de bzhin mchu las bstod smad do/ /zhes bya ba ni ao dang au mchu las 'byung ste/ de yang a smad pa ni au'o/ /a dang au sbyar ba ni ao yin/ bsgrims pa spyi po 'chi las te/ zhes bya ba'i rin po spyi bo las 'byung ste/ lce'i rtse mor nye bar dang rkan du bcir ba na spyi bo las sgra 'byung ba yin no/ /dper na glang bu'i sgra spyi bor bus na zhabs su grag par sdud? ba lta bu'o/ /glod pa dag ni so yin no/ /zhes bya ba'i li ni so dang lce sbyar ba las 'byung ba yin no/ /dbyad 'di/ dag gi bcings shing bsdus pa ni cha'i bye brag ni drang po'i skabs su brjod pa bzhin du sbyar ro/ /zhes shes par bya ba'i phyir/ /'di dag gis ni bcings pa na/ cha ni sngon du brjod pa bzhi zhes bya ba smos so/ /da ni bsgreng ba dang bkug pa dang la sogs pa'i sgra de rnams mir rnams kyang ngo bo nyid gang la byas ma bstan pas de'i phyir/ mi dmu do ri li yi/ /sgra'i cha dang ci rigs sbyar zhes bya ba smos te/ mi zhes bya ba ni ai yin no/ /de bzhin du de ni e'o/ /mu ni au'o/ /don ni ai'o ri li ni dngos te/ sngon gyis mkhan po rnams kyi brdar byas pa'o/ /sgra'i cha dang ci rigs sbyar/ zhes bya ba ni ai ni bkug pa dang sbyar ro/ /de bzhin du e ni bsgrang ba'o/ /au ni smad pa'o/ /ao ni bstod pa'o/ /ri ni bsgrims pa'o/ /li ni glod pa'o/ /drang po gang yin zhe na/ a yig cha ni bdun du dpyad/ /ces bya ba smos te/ drangs po ni a'i cha yin te/ gong du bshad zin to zhes pa'o/ /'o na ai la sogs pa la yang a'i cha zhes mi bya 'am zhe na/ lhag ma rnams pa'i cha zhes bya/ /ces bya ba smos te/ 'di ltar lhag ma rnams la rnam pa'i cha zhes bya ba ni a'i rnam pa 'am bye brag yin te/ de'i phyir a dang a'i rnam pa zhes bya'o/ /de la cha zhes bya ba yang rang gi cha dang spyi'i cha zhes bya ba gnyis su 'gyur te/ rang re la yod pa'i cha ni rang gi cha'o/ /spyi la sbyod pa'i cha ni spyi'i cha ste/ de nyid bstan pa'i phyir de dag re re'i cha yin te/ gang gang phan tshun brten pa'i kun tu khyab phyir spyi'i cha/ zhes bya ba smos te/ de la phan tshun bsten zhes bya ba ni yi ge rnams phan tshun gcig la gcig brten pa ste/ aoM lta bu ao la pa rten cing khyab pa lta bu'o/ de ltar bstan pa de dag kyang yi ge'i bye brag gi rab tu dbye ba yin pa'i phyir/ /de dag yi ge'i bye brag ste/ zhes bya ba smos so/ /de ni yi ge'i nges pa'i tshig bshad par 'dod nas/ rnams grangs du ma med pa dang/ /ming tshig gsal bar byed pa dang// don rnams rjod par byed pa'i phyir/ /yi ge zhes ni brjod pa yin/ /rang bzhin las dang dgos phyed kyi/ /nges tshig yin te go rim bzhin/ /zhes bya ba smos te/ rnam grangs du ma med pa zhes bya ba ni rang gi ngo bo'i sgo nas nges tshig brjod pa ste/ yi ge rnams kyi rang bzhin rnam grangs gzhan du mi 'gyur zhing du ma med pa'i phyir mi 'gyur ba zhes bya'o/ /gsal bar byed pa zhes bya ba ni las kyi sgo nas nges pa'i tshig brjod pa ste/ mi 'gyur ba nyid kyis ming dang tshig gsal bar byed pas gsal byed ces bya'o/ /rjod par byed pa zhes bya ba ni dgos ched kyi sgo nas nges pa'i tshig brjod pa ste/ gsal bar byas pas chos rnams kyi don brjod par byed/ dran par byed/ shes par byed pas brjod pa zhes bya'o/ /da ni yi ge'i tshogs bstan pa'i phyir/ tshogs dang lus dang 'dus pa ni/ /rnam grangs dag ste de bzhin sbyar zhes bya ba smos te/ kA ya zhes bya ba'i sgra ni tshogs pa dang/ 'dus pa dang lus la 'jug pa dang/ 'di dag ni rnam grangs su rtogs pa'o/ /de bzhin du sbyar zhes bya ba ni tshogs zhes bya ba'i don 'di ming dang tshig la yang sbyar ro/ /zhes bya ba'i don to/ /de lta na yi ge'i tshogs de dag kyang rgyu dang/ rang bzhin dang/ ldang tshad dang/ nges pa'i tshig dang/ rab tu dbye ba rnams kyi bshad pa las dbye ba de dag kyang rtsa ba gang las gyur pa'i rab tu dbye ba dang rgyu yis rab tu dbye ba dang/ gnas kyi rab tu dbye ba dang/ ming gi rab tu dbye ba dang/ /'dran pas rab tu dbye ba rnams su shes par bya ste/ ji skad du gong bu bshad pa rnams 'di dag tu 'dus pas shes par bya'o/ /da ni ming gi tshogs ston te/ de yang grub pa'i ming dang/ rjes su grub pa'i ming gnyis su bstan par 'dod nas/ ji ltar rdul las gong bu bzhin/ /yi ge 'dus par 'gyur pa na/ /ming ni rab tu 'grub par 'gyur/ /zhes bya ba la sogs pa smos te/ de la 'di ni ming gi tshogs kyi rgyu bstan to/ /de bzhin du rang gi ngo bo dang/ ldang tshad dang/ nges pa'i tshig dang/ dbye ba rnams kyi 'di yang bstan pa'i bstan par shes par bya'o/ /de la rgyu ni dper na rdul 'dus pa las gang bu grub pa na de nyid dang gzhan du brjod du med pa bzhin yi ge 'dus pa las ming 'grub ste/ yi ge nyid kyang ming ma yin/ yi ge las gung na yang mi med de/ yi ge 'dus pa'i gnas skabs la ming zhes bya'o/ /ming 'dus pa las tshig kyang de bzhin no/ /da ni rang gi ngo bo la sogs pa stan par 'dod nas/ gang zhig rnam cha 'dus pa yis/ /don gyi ngo bo nyid brjod na/ /rnam cha mang ngam nyung gyur kyang/ /de ni ming zhes rab tu brjod/ /ces smos te/ de ltar yi ge 'dus pa ming yin na yi ge ji tsam 'dus pas ming 'grub ce na/ 'di ltar chos rnams kyi ngo bo nyid tsam ston na yi ge'i rnam grangs kyi tshang nges pa med de dper na pa ri ka Sha lta bu'i yi ge bzhi'i rnam pa'i bye brag dang bcas pa la 'ang ming zhes bya'o/ /kha lta bu'i yi ge gcig la yang ming zhes bya ste/ 'dor na chos kyi ngo bo nyid tsam du ston nus la khyab par mi ston pa'i yi ge 'dus pa'i gnas skabs la ming zhes bya'o/ /des ni rang gi ngo bo dang ldang tshad dngos su bstan nas/ nges pa'i tshig kyang shugs kyis bstan pa yin te/ ngo bo nyid brjod na der khrid cing mtshon par byed pa yin pas ming zhes bya'o/ /da ni de'i dbye ba bstan par 'dod nas/ de yang ming gi thog ma dang/ rjes su grub pa rnams gnyis zhes smos te/ de'i dbye ba ni thob mar grub pa'i ming dang/ /grub pa la brten pa rjes su grub pa'i ming gnyis so/ /de la thog ma grub pa'i ming de 'dod rgyal lam/ don dang ldan pa zhig snyam pa la/ de la thog ma 'dod rgyal ming yin te/ zhes smos so/ /chos rnams la de med bzhin du/ bla dags su btags pa yin pas 'dod rgyal yin te/ nges pa'i tshig med do/ /rjes su grub pa ji lta bu zhig snyam pa la/ rjes grub dag ni don ldan dang/ /rnam pa gnyis kar 'dod pa yin/ zhes smos te/ rjes su grub pa ni grub pa la brten pa yin pas don dang ldan pa yin pas te/ kha cig ni don la legs par sbyor ba yang yod pas don dang ldan pa dang/ 'dod rgyal gnyis su 'gyur ro/ /de nyid bstan pa'i phyir/ de ni nges tshig yod med do/ zhes smos so/ /don dang ldan pa ni nges tshig yod pa yin la 'dod rgyal ni nges tshig mod pa yin no da ni grub pa'i ming dang rjes su grub pa'i ming de dag nyid gsal bar byed do/ de'i phyir gang zhig gzhan la ma brten par/ /bla dags gang byas thog ma'o/ /zhes bya ba la sogs pa smos te/ de la grub pa'i mi zhes bya ba ni ming gang dag dngos po gzhan gyi ming la ma brten par de nyid la btags pa ste/ 'di ltar ka ba zhes bya ba'i ming ni gzhan la ma brten par 'di la ci'i phyir ka ba zhes bya ba med do/ /rten zhes bya ba ni gzhan rten par byed pa'i bltos pas ming gi thog mar mi 'gyur ro/ /rjes su ma grub pa ni/ /de la rten rjes su grub pa 'dod? rgyal don ldan gnyis su 'dod ces bya ba yin te/ grub pa brten pa'i rjes su grub pa yin te/ skyes bu bstan po la ka ba zhes bya ba lta bu sngar ka ba grub par byas nas phyi de la brten pa'o/ /de la rjes su gru pa 'dod rgyal ni khyi nag po la dung zhes bya ba lta bu'o/ /don dang ldan pa ni khyi dkar po la dung zhes bya ba lta bu'o/ /'o na grub pa'i ming yang 'dod rgyal yin la/ rjes su grub pa log par grub pa yang 'dod rgyal yin na ci'i phyir ming thog ma la grub pa zhes bya ba zhe na/ 'dod rgyal dag tu mtshungs mod kyi/ ma brten phyir na grub pa ste/ mang gzhan gang la'ang ma brten pas gzhan gyi 'gal ba med phyir ro/ /zhes smos so/ /ming gi thog ma ni ming gzhan gang la yang mi brten pas grub pa zhes bya ste/ ci'i phyir zhe na/ gzhan la ma bstan pa'i ming ni gzhan gang gis kyang gnod pa med do/ /de dgag pa 'am sgrub par nus pa ma yin no/ /'di ltar ka ba zhes bya ba ni rgyu 'di ka ba zhes bya ba yin no/ /zhes thad pas bsgrub pa la yang mi nus la/ rgyu 'di ka ba zhes bya bar mi rigs so zhes 'gal ba bsgrub par yang gang gis kyang mi nus so/ /ming rnam pa gnyis kyi dpe bstan pa'i phyir 'thad pas bsgrub pa'i rig pa dag / chos nyid la ni brten pa bzhin/ zhes bya ba la sogs pa smos te/ dper na 'thad par sgrub pa'i rigs pa tshul gsum pa'i rtags sbyor lta bu ni chos nyid kyi rigs pa'i mthu la brten pa yin te/ 'di ltar phyogs 'di na me yod de/ du ba yod pa'i phyir ro/ /du ba me'i 'dra ba rtsa? kho na yin te/ gzhan gyis ma yin pa'i phyir ro/ /zhes bya ba lta bu'i 'bras bu'i sgo nas rgyu dpog par byed la/ du ba me'i 'bras bu yin pa'i phyir zhes bya ba 'di ni chos nyid kyi rigs par las thug ste/ de'i rang bzhin de yin no/ /zhes chos nyid la brten pa bzhin du/ don ldan ming yang de bzhin du/ /'dod rgyal thog ma nyid la brten/ khyi 'di la dung zhes bya ste/ kha dog dkar pa'i phyir zhes bya ba'i nges tshig brjod na de la dkar ba ci'i phyir dung zhes bya ba zhes dri ba/ de'i ming de yin no zhes bya ba ma gtogs pa gzhan med do/ /de'i phyir grub pa'i ming la rjes su grub pa'i ming brten pa'o/ /rjes su grub pa'i 'dod rgyal la nges pa'i tshig med do zhe na/ rjes su grub pa'i 'dod rgyal ni/ log par grub phyir nges tshig bzhag /ces smos te/ nges pa'i tshig yod mod kyi bshad na log par bsgrub par 'gyur te/ de'i phyir nges tshig mi bshad par bzhag go /grub pa'i ming gi 'dod rgyal ni nges pa'i tshig bshad pa'i gzhi med/ de'i phyir 'dod rgyal thog ma'i ming gang yin/ nges tshig gzhi med chos nyid bzhin/ /zhes smos te/ dper na chos nyid kyi rigs pa la sgrub pa'i gzhi gzhan med pa bzhin no/ /da ni grub pa'i ming la brten pa'i don dang ldan pa brjod pa'i nges tshig bstan pa'i phyir/ /de brten don ldan nges tshig ni/ /de yin phyir dang de yod phyir/ /de la phan phyir de byed phyir/ /de bya'i phyir dang de 'dra'i phyir/ /de de'i phyir dang de nyid phyir/ /de'i ming ni de skad ces// rtags kyi sgo 'am med kyang/ /skabs kyi mthu yi nges tshig brjod/ /ces bya ba smos so/ /de la yin par sbyar ba ni de yin pa'i phyir de la de skad ces bya'o/ /zhes bya'o/ /de bzhin du yod pa ni de gang la yod pa de la de skad ces bya'o/ /zhes bya'o/ /de la phan pa ni de la phan par byed pa'i phyir de la de skad ces bya'o/ khyed pa ni 'di byed pas de la de skad ces bya'o/ /zhes bya'o/ /bya ba ni 'di byed pas de skad ces bya'o/ zhes bya'o/ /'dra ba ni 'di de 'dra pa'i phyir de skad ces bya'o/ /zhes bya'o/ /de de zhes bya ba ni de'o zhes bya ba ste/ me ni me'o zhes bya ba lta bu'o/ /de nyid ces bya ba ni de ngo bo nyid yin pa'i phyir de la de skad ces bya'o zhes bya ba'o/ /ming de dag rtags kyi sgo ni brda'i sngon nus pa'i yi ge yod pa ste 'di ltar zhing dang ldan pa ni zhing pa zhes bya ba lta bu ba zhes bya ba'i brtags kyis ldan/ zhing yod par ston pa dang rjod pa zhes bya bas ni rjod par byed par ston la brjod pa zhes bya bas ni bya ba ston pa lta bu'o/ /rtags de lta bu dag yod kyang rung med kyang rung ste/ skabs kyi shugs kyi nges par bshad par bya'o/ /de dag kyang gnyis su 'dus te/ dngos kyi ming dang btags pa'i ming ngo/ /de bstan pa'i phyir/ yin dang ngo bo sgrub pa dang/ /dngos po rkyen ni dngos kyi ming/ /lhag ma btags pa zhes bya'o/ /zhes smos te/ lnga lhag ma zhes sbyar ro/ /de la yin par 'grub par dang/ ngo bor sgrub pa dang/ dngos po'i rkyen gsum dngos kyi ming yin no/ /lhag ma yod par sbyar ba dang byed par sbyar ba dang/ las su sbyar ba dang/ de la phan par sbyar ba dang/ 'dra bar sbyar dang lnga ni btags pa'i ming zhes bya'o/ /rang gi ngo bo'i ming bsam gyi khyad par ci zhe na/ /rang gi ngo bo nges tshig dang/ /btags pa'i ming gzhan spong byed dang/ /rang gi khyad par gzhan sel bas/ /yin dang ngo bor sgrub pa dang/ /dngos po'i rkyen rnams go rims bzhin/ /zhes smos te/ yin par bsgrubs pa ni rang gi ngo bo tsam sgrub cing gzhan la zur mi za'o/ /ngo bor bsgrub pa'i sgras ni/ btags pa'i ming lnga spong zhing sel bar byed de/ me ni me'o zhes brjod 'di me dngos yin gyi/ me yod pa la sogs pa lnga ni ma yin no zhes pa'o/ /dngos po'i rkyen ni rang gi khyad par yang sel byed de/ /tsha ba nyid ces brjod na tsha ba kho mo yin gyis gsal ba la sogs pa'i yon tan gzhan ni ma yin no/ /zhes bya'o/ /btags pa'i ming 'chad par 'dod nas/ brten la brten pa btags pa dang/ zhes bya ba la sogs pa smos te/ yod par sbyor ba ni rten la brten pa'i ming btags pa ste/ skyes bu 'di la rtsal yod pas rtsal zhes bya'o zhe 'am/ rtsa ba can? no zhes bya ba lta bu'o/ /de la phan par bya ba ni/ rgyud pa'i rgyu las 'bras bu dang/ /zhes bya ba ste/ rgyud pa'i rgyu tsam la 'bras bu'i ming btags pa ste/ chu lung la kha zas yin zhes ming btags pa lta bu'o/ /byed pa bsgrub pa ni/ dngos kyis rgyu la de bzhin dang/ zhes bya ba ste/ 'bras bu'i ming btags pa ste/ bya ba la byed pa thams cad kyang 'bras bu'i ming yin no/ /las su grub pa ni 'bras bu 'am bya bar gyur pa la/ de la rgyu'i ming btags pa'ang/ zhes bya ba smos te/ 'bras bu 'am/ las su gyur pa la rgyu gzhan gyi sgo nas btags ste/ 'dra bar sbyar ba ni dpe gzhan gyi ming dag dang/ zhes bya ba ste dpe'i tshig nye bar bzung ste/ lha dang 'dra bas lha zhes bya ba lta bu'o/ /de dag nyid de ltar ston pa ni/ /don 'di dag gi sgo nas ni/ /yod dang de la phan pa dang/ /byed dang las su sgrub pa dang/ /'dra bar sbyar dang rims bzhin no/ /zhes bya ba 'di yin no/ /tshogs zhes bya ba ni yi ge'i skabs su bshad zin no/ /de ni tshig gi tshogs bshad par 'dod pas tshig bsdus pa'i sbyor ba dang tshig phrad dang bcas pa bstan par 'dod nas/ gal te ming gnyis su 'dus pa 'am/ 'on te mang po 'dus kyang rung/ zhes bya ba la sogs pa rgya cher gsungs/ 'dir yang rgyu dang/ rang gi ngo bo dang/ ldang tshad dang/ nges tshig dang/ rab tu dbye ba rnams kyis shes par bya'o/ /de la rgyu ni ming ngo/ /rang gi ngo bo ni de 'dus pas don gyi khyad par brjod pa'o/ /ldang tshad ni khyad brjod pa nyid kyis yi ge 'dus pa las ma 'das pa'o/ /nges pa'i tshig ni gsal zhing 'brur chags pa'o/ /rab tu dbye ba ni tshig sdud pa'i sbyor ba dang/ tshig gi phrad do/ /de nyid bstan pa'i phyir/ gal te ming gnyis 'dus pa 'am/ /'on te mang po 'dus kyang rung// de dag khyad par brjod byed na/ /tshig ces rab tu brjod pa ste/ phrad rnams dag dang bcas pa'ang yin zhes bya ba mdor smos te/ /de la tshig ces bya ba ni ming 'dus pa la bya ste/ 'di ltar don gyi khyad par ston na ming gnyis sam/ mang po 'dus kyang rung ste tshig ces bya'o/ /'di ltar ka ba ring po zhes brjod na ka ba'i khyad par brjod par byed do/ /de bzhin du ka ba ring po 'di ni dkar po'o zhes bya ba la sogs pa'ang tshig ces bya'o/ /tshig rnams 'brel par byed pa ni tshig phrad do/ /da ni tshig sdud pa'i sbyor bar bshad par 'dod na/ /de la tshig gi sbyor ba bcu/ /'bru mang po dang tshig sdud dang/ /khyad par dag dang yan lag dang/ /gzhi dang gzhi gcig bsdu ba dang/ gzhi mthun pa dang de'i skyes bu/ /zlas dbye ba dang phyogs tsam mo/ / zhes bya ba smos te/ 'dir bsdu ba zhes bya ba tshig lhag mar sbyor te/ 'dir ltar 'bru mang po'i bsdu ba dang tshig sdud pa tsam gyi bsdu ba dang/ khyad par bsdu ba dang/ yan lag bsdu ba dang/ gzhi bsdu ba dang/ gzhi gcig tu bsdu ba dang/ gzhi mthun pa'i bsdu pa dang// de'i skyes bu'i bsdu ba dang/ zlas dbye ba'i bsdu ba dang/ phyogs tsam ston pa'i bsdu ba'o/ /zhes bya bar sbyar ro/ /da ni 'bru mang po ston te/ de yang dbye ba drug bstan pa'i phyir/ tshig gnyis mang por rab dbye ba'i/ /rang ming ldan dang mi ldan dang/ /phyogs dang rnams grangs phan tshun dang/ tshig mang pos ste rnam pa drug /ces smos te/ dbye ba drug po 'di dag tshig gnyis kyi 'bru mang po dang/ tshig mang po'i 'bru gnyis kyi dbye ba yin no/ /de la tshig gnyis kyi 'bru mang po pa ni khra mo can zhes bya ba lta bu'o/ /tshig mang po'i 'bru mang po ni dmar khra can zhes bya ba lta bu'o/ /de la rang gi ming dang ldan pa la sogs pa lnga ni tshig gnyis kyi 'bru mang po pa'i dbye ba ste/ de yang rang gi ming dang ldan pa ni skyes bu stobs can zhes bya ba lta bu'o/ /rang gi ming dang mi ldan pa ni ba khra mo can zhes bya ba lta bu'o/ /phyogs ni shar lho zhes pa lta bus mtshams ston pa'o/ /rnam grangs ni grangs dang ldan pa ste/ bcu pa brgya pa la sogs pa'o/ /phan tshun ni phan tshun brten pas grub pa ste/ gcod dka' ba dang/ dbugs dka' ba la sogs pa'o/ /tshig mang po ni tshig mang po dang ldan pa ste/ gsum pa la sogs pa ji snyed pa'o de dag la yang gzhi mthun pa'i 'bru mang po dang/ gzhi tha dad pa'i dbye bas mu bzhir 'gyur te/ de'i phyir/ mthun dang tha dad dbye ba yis/ /phyogs kun mthun dang phyogs gcig las/ rab tu dbye ba bzhir 'dod do/ /zhes smos te/ phyogs kun 'thun pa dang/ kun mi mthun pas/ phyogs gcig mthun pa dang phyogs gcig mi mthun pa gnyis te bzhi pa'o/ /de la kun mthun pa ni/ lha byin rna ba 'phyang ba can lta bu'o/ /kun mi mthun pa ni mnga' gzhu can lta bu'o/ /phyogs gcig mthun pa ni rkang lag can lta bu'o/ /de bzhin du phyogs gcig mi mthun pa ni ba? khra mo can lta bu'o/ /da ni ngo bo nyid de dag la yang byed pa'i tshig gis bsgyur du rung ba bstan pa'i phyir/ /byed pa drug gis bsgyur ba ni/ /kun las rab tu ldan pa ste/ zhes bya ba smos te/ de la byed pa'i tshig gnyis dang ldan pa'i 'bru mang po pa ni gang la chos spyod pa yod pa ni chos la spyod pa can zhes bya ba'o/ /de bzhin du gzhan la yang sbyar bar bya ste/ gsum pa ni chos kyi 'phel ba can dang/ /bzhi pa ni chos kyi phyir bsgrub pa can dang/ lnga pa ni chos 'byung ba can dang/ drug pa ni chos kyi gtam dang/ bdun pa ni chos la gnas pa can te/ 'di lta bu la sogs pa byed pa drug dang/ dang po'i tshig dang bdun bdun du phye na rnam grangs brgya drug cu rtsa brgyad du 'gyur pa las dus gcig tu ni chos gsum dang ldan te/ rtsa ba'i tshig gnyis sam mang po gang rung gcig /rab tu dbye ba gcig /byed pa'i tshig gcig ste/ gsum dang ldan par bstan pa'i phyir/ /brgyad dang drug cu rtsa brgyad las/ /dus gcig tu ni gsum ldan gzung/ /zhes bya ba smos so/ /de ni tshig bsdu ba 'chad de/ /de'i phyir/ tshig bsdu ba ni rnam pa lnga/ /gnyis dang rnam grangs bye brag dang/ gzhan byed pa'i tshig yin no/ /zhes smos te/ tshig gnyis kyi mdor bsdus pa dang/ rnam grangs kyi mdor bsdus pa dang/ bye brag gi mdor bsdus pa dang/ gzhan gyi tshig gi mdor bsdus pa dang/ byed pa'i tshig gi mdor bsdus pa'o/ /'di dag gi sngon gyi mkhan po gzhan gyi bshad pa/ ming rnam pa gzhan gyi sgo nas btags pa ste/ /de la gnyis kyi mdor bsdus pa ni zlas dbye ba/ /rnam grangs kyi mdor bsdus pa ni pa gnyis/ /bye brag gi mdor bsdus pa ni las 'dzin pa/ gzhan gyi tshig gi mdor bsdus pa mi 'bru mang po pa byed pa'i tshig gi mdor bsdus pa ni de'i skyes bu'o zhes gzhan la de 'di dag las khyab pa'i bye brag yod zhes kyang gzhan las bshad do/ /byed pa'i tshig mdor bsdus pa 'ba' zhig la yang dbye na drug ste/ de'i phyir/ las la sogs pa'i dbye ba yis/ /gnyis pa la sogs bdun pa'i mdza' / /byed pa drug tu 'dod pa ste/ /tshig sdug tsam du shes par bya/ /zhes smos te/ gnyis pa las kyi bsdu ba ni grong la 'gro ba ni/ grong lta bu'o/ /gsum pa'i bsdu ba ni mnga' yis bsnun pa ni mdangs bsnun pa lta bu'o/ /bzhi pa ni bsdu ba ni rgyan ched kyi gser ni rgyan gser lta bu'o/ /lnga pa'i bsdu ba ni yul las 'byung ba ni yul 'byung lta bu'o/ /drug pa'i bsdu ba ni lhas byin gyi rta ni lhas byin lta bu'o/ /bdun pa'i bsdu ba ni yul na gnas pa ni yul gnas lta bu ste/ de dag la byed pa'i tshig bsdu ba zhes bya'o/ /tsam gyi dgag pa ni don thams cad du tha dad pas 'gegs par byed de/ tshig bsdu ba lnga po 'di tshig bsdu ba gzhan don mthun pa la nyes pa med do/ /da ni khyad par bsdu ba 'chad de/ /de'i phyir snga ma phyi ma'i sbyor ba yis/ /khyad par bsdu ba rnam pa gnyis zhes smos te/ tshig snga ma khyad par du sbyar ba ni/ /sngon po nyid autpal ni sngon po autpal zhes bya ba dang/ tshig phyi ma khyad par du sbyor ba ni/ autpal nyid sngon po ni autpal sngon po lta bu'o/ /da ni yan lag bsdu ba 'chad de/ /de'i phyir/ 'brel pa dag dang go rims dang/ don dang grags pa'i yan lag ni/ bsdu ba bzhi'o/ /zhes smos te/ 'brel pa'i yan lag bsdu ba ni lus la sogs pa'i dbang po zhes bya ba lta bu'o/ /go rims kyi yan lag bsdu ba ni gzugs la sogs pa'i dbang po zhes bya ba lta bu'o/ /don gyi yan lag bsdu ba ni 'khor lo la sogs pa'i rin po che lta bu'o/ /grags pa'i yan lag bsdu ba la yang 'jig rten la grags pa dang/ /bstan bcos la grags pa gnyis te/ de'i phyir grags pa yang 'jig rten bstan bcos dag la gnyis/ /zhes smos te/ 'jig rten la grags yin ka ba bum pa la sogs pa'i tha snyad ces pa lta bu'o/ /bstan bcos la grags pa ni las la sogs pa'i byed pa'i tshig byed pa lta bu'o// da ni bsdu ba 'chad de/ de'i phyir/ rigs bsal byas dang ma byas pa'i/ /gzhi bsdu ba ni gnyis yin no/ /zhes smros te/ rigs bsal pa'i bsdu ba ni chos mdza' dag ces pa lta bu'o/ /rigs ma bsal pa'i bsdu ba ni mdza' dag dang kun la sogs pa'o/ /da ni gzhi gcig cig tu bsdu ba 'chad de/ de'i phyir phyogs gcig dag tu byed pa dang/ so so phyogs gcig byed pa yis/ /gzhi gcig bsdu ba gnyis su'o/ /zhes bya ba smros te/ phye bas gcig tu byed pa'i bsdu pa ni 'dus byas thams cad mi rtag ces pa lta bu'o/ /so so phyogs gcig tu byed pa'i bsdu ba na 'dus byas dang 'dus ma byas thams cad bdag med do zhes pa lta bu'o/ /da ni gzhi mthun pa'i bsdu ba 'chad do/ /de'i phyir khyad par khyad par can gnyis dang/ /khyad par rnam gnyis bzhi gcig tu/ /mthun par bya ba go bar/ /sbyor ba gzhi mthun pa rtsam pa gnyis/ zhes smos te de yang khyad par dang khyad par can gnyis gzhi gcig tu sbyor ba ni sngo ba dang autpal gnyi ga yang autpa la'o/ zhes pa lta bu'o/ /khyad par gzhis pa/ /gzhig tu bsdu ba ni/ sngo ba dang rtsub pa gnyis kyang autpa la zhes gzhi gcig tu bsdu ba mi mthun par go ba ni chos tha dad pa dag gzhi gcig par go ba bya ba'i skabs su sgra sbyor ba ni gzhi mthun pa'i bsdu ba'i/ /da ni de'i skyes yul chad de/ de yang gsum ste/ byed pa'i tshig gi de'i skyes bu dang/ las 'dzin pa'i de'i skyes bu dang/ ba gnyis pa de'i skyes bu dang/ de nyid bstan pa'i phyir/ ngo bo 'am ni chos kyang rung/ /tha dad go bar byed pa las so/ /de'i skyes bu gsum yin te/ /byed pa'i tshig dang las 'dzin dang/ /pa gnyis pa zhes bya ba'o/ /zhes smos te/ de'i skyes bu zhes bya ba ni tha dad par go bar byed/ /de la ngo bo tha dad par sbyor ba yang rung/ ngo bo gcig gi chos tha dad par sbyor ba yang rung ste/ de tha dad par sbyor ba'i skabs su de'i skyes bu zhes bya'o/ /de la byed pa'i tshig de'i skyes bu la yang dbye ba brgyad do/ /de bstan pa'i phyir/ /de la byed pa brgyad yin te/ dang po la sogs bdun pa'i mdza' / /rnam dbye bsgyur ba bdun po dang/ /phrad dang sbyor ba bral ba'i phyir/ gzhan dang sbyor med bong pa spang/ /dgag pa dang ni brgyad du 'dod/ /ces bya ba smos te/ de la dang po'i skyes bu'i bsdu ba ni par gyi tshig mi mngon pa ste/ de yang dang po'i sgra mi mngon par byas pa'o/ /las la sogs pa ni byed pa drug gi bsdu ba dang 'dra'o/ /bod pa ma gtogs pa ni gang gi phyir bod pa'i sgra la gzhan du sbyar du mi rung/ kha dog nag po bzhin no/ /de'i phyir bod pa'i sgra la tshig bsdu ba med do/ /dgag pa dang ni brgyad du 'gyur/ /dgag pa nyid 'chad par 'dod nas/ /mtshan nyid dbang gi phye ba yin/ /ma yin dgag pa bcu bzhi dang/ /mtshan nyid phye ba med mod kyi// yul dang dus kyi phye ba yis/ /med par dgag pa bcu gcig dag /gang ldan dgag par 'dod pa'o/ /zhes smos te/ de yang bsdu na gnyis te/ ma yin par dgag pa dang/ med par dgag pa'o/ /de la ma yin par dgag pa ni mtshan nyid kyi mthun pa bcu bzhi'o/ /med par dgag pa la ni mtshan nyid mi mthun pa med mod kyi yul dang dus kyi phye ba bcu gcig go /dgag pa de dag dang ldan pa'i tshig la dgag pa'i sgra sdud pa ni med pa dang ma yin zhes bya ba lta bu la phyi nas ma lta bu sbyar ba ni dgag pa'i bsdu ba zhes bya'o/ /de la ma yin par dgag pa'i mtshan nyid mi mthun pa bcu bzhi gang zhe na/ gzhan mi mthun pa gnyen po dang/ chung dang phra dang nyung ba dang/ /yun thung lhag ma med pa dang/ /mdza' dag min dang bral ba dang/ /dman dang zhan dang zhum pa dang/ /'dra ba dag las dgag pa ni/ /ma yin dgag par 'dod pa'o/ /zhes bya ba yin no/ /de las gzhan pa ni rgyal po la bram ze ma yin pa lta bu'o/ /mi mthun pa ni rig pa mi mthun pa la ma rig pa zhes pa lta bu'o/ /gnyen po ni chags pa'i gnyen po la ma chags pa zhes pa lta bu'o/ /chung ba ni gzugs chung pa la gzugs med ces pa lta bu'o/ /phra ba ni 'du shes phra ba 'du shes med pa zhes pa lta bu'o/ /nyung ba ni rdzas su nyung ba la rdzas med ces pa lta bu'o/ /yun thung ba ni tshe thung ba ces pa lta bu'o/ /lhag ma med pa ni de phan chad grangs gzhan med pa la grangs gzhan med pa zhes pa lta bu'o mdza' dag min pa ni rgyu mdza' dag la ni 'bras bu dag la nges pa ma yin no zhes pa lta bu'o/ /bral ba ni dri ma dang bral ba dang mya ngan las 'das pa lta bu'o/ /dman pa ni bu dang ngan pa la bud med ces pa lta bu'o/ /zhan pa ni 'gros zhan pa la 'gros med ces bya ba lta bu'o/ /zhum pa ni stobs zhum pa la stobs med ces ba lta bu'o/ /'dra ba la dgag pa ni rnam par rig byed dang 'dra ba ma yin pa'i gzugs la rig byed ma yin pa'i gzugs zhes pa lta bu'o/ /'di dag ni gzhan dgag pa'i sgo nas rang gi ngo bo ston pas ma yin par dgag pa zhes bya'o/ /da ni med par dgag pa bcu gcig 'chad de/ /de'i phyir rgyun 'dra ba dang rang bzhin dang/ /skabs dang rten gyi dbye ba yis/ /snga dang zhig nas med pa dang/ /dbye ba rnam pa brgyad yin te/ /zhes bya ba la sogs pa smos te/ de la snga nas med pa bzhi la rgyun dang 'dra ba snga nas med pa sems can skyes pa lta bu dang/ rang bzhin snga nas med pas bon la myu gu med pa lta bu dang/ gnas skabs snga nas med pa gser la sna rgyan med pa lta bu dang/ rten la snga nas med pa sa phyogs na bum pa med pa lta bu ste/ snga nas med pa rnam pa bzhi'o de bzhin du zhig nas med pa'ang bzhi yin te/ rgyun 'dra ba zhig nas med pa sems can shi nas med pa lta bu dang/ rang bzhin zhig nas med pa myu gu la sa bon gyi rang bzhin zhig nas med pa lta bu dang/ gnas skabs zhig nas med pa rna rgyan la gser med pa lta bu dang/ rten la zhig nas med pa bum pa yul gzhan du 'phos nas med pa lta bu/ zhig nas med pa rnam pa bzhi'o/ /de ltar snga nas med pa dang/ zhig nas med pa'i dbye bas rnam pa brgyad de/ phan tshun gcig la gcig med pa dang/ shin tu med pa'i dbye ba ni/ /phan tshun dag la rang bzhin dang/ /rgyu dang rang bzhin gnyis dbye ba'i/ /shin tu med dang bcu gcig ni/ /med par dgag par 'dod pa'o/ /zhes bya ba yin te/ phan tshun gcig la gcig med pa ni rta la pa lang gi rang bzhin med pa lta bu'o/ /shin tu med pa yang rgyu shin tu med pa nam mkha' la me tog gi rgyu med pa lta bu'o/ /rang bzhin shin tu med pa ni nam mkha' la me tog gi rang bzhin ni med pa lta bu ste de ltar bcu gcig go de dag kyang med pa tsam ston pa'i che na yin te/ /dngos po ston pa'i tshe na ni ma yin par dgag pa yin no/ /dgag pa'i nges tshig ni/ kun tu ldog phyir dgag pa yin zhes bya ba smos pa yin te/ /gang dang lhan cig 'brel ba'i tshig gi don 'gags shing ldog par byed pa'o/ /de ni las 'dzin pa 'chad de de'i phyir/ /de nyid gzhan du mi brjod dang/ /'dra ba gzhan dang bye brag gi/ /tshig sbyor byed pa las 'dzin no/ /zhes smos te/ de nyid dang gzhan du brjod du med pa'i tshig gi sbyor ba ni autpa la yang yin la/ sngon po yang yin pas autpal sngon po'o/ /'dra ba'i tshig gi sbyor ba ni skyes bu yang yin la seng ge dang 'dra pa yang yin pas skyes bu seng ge'o/ /bye brag gi tshig sbyor ba ni tsha ba yang yin la/ rtsub pa yang yin pas tsha rtsub po zhes bya ba lta bu ste/ de ltar las 'dzin pa de rnams ni gzhi gcig gi chos sbyor bar mtshungs pa yin te/ las gzhis 'dzin pa las gzhis 'dzin pa 'am/ gzhi'i las byed pa las 'dzin pa'o/ /da ni gnyis pa 'chad do/ /de'i phyir grangs dang bsdus don sbyor ba yis/ /gcig dang tha dad sbyor byed pa/ /ba gnyis par ni 'dod pa'o/ /zhes smos te/ grangs tshig dang bsdus pa'i tshig sbyor ba la gcig gi tshig gis gcig tu ston pa dang/ mang po'i tshig gis tha dad ston pa ste rnam pa gnyis so/ /de la lnga zhes bya ba'i grangs dang/ phung po zhes bya ba'i bsdus pa'i tshig sbyar nas phung po/ /lnga zhes bya ba ldan pa'i tshig 'don pa'i rkyen dang ldan pa ni gnyis par 'gyur te/ phung po yang yod la lnga la yang yod pa'i phung po lnga pa lta bu'o/ /gcig tu sbyor bas dang tha dad par sbyor ba ni skabs kyis brtsi bar bya ste/ 'di ltar drug grong yin pa ni grong drug ste gcig gi tshig go/ grong rnams drug yin pa ni grongs rnams drug ste mang po'i tshig go /ba gnyis pa zhes bya ba ni bsdus pa song ba yod pa dang/ grangs yod pa'i ba dang gnyis te/ de ston pa ni gnyis pa'o/ /da ni zlas dbye ba 'chad de/ de'i phyir bsdu ba'i phyir dang dbye phyir dang/ nye bar tha dad sbyor ba'i phyir/ /'das ma thag dang gzhan dag dang/ /lan grangs gzhan la sbyor byed pa/ /zlas dbye ba zhes 'dod pa yin/ zhes smos te/ zlas dbye ba bsdu ba'i phyir sbyor yang rung/ /dbye ba'i phyir sbyor yang rung ste/ /nye bar ni de gnyis ga yang tha dad par go bar byed pa yin no/ /de la bsdu ba'i sbyor ba ni sa dang chu dang me dang rlung ni 'byung ba zhes pa lta bu'o/ /dbye ba'i sbyor ba'i ni chos ni 'khor ba dang mya ngan las 'das pa zhes bya ba lta bu'o/ /sdud pa dag la yang 'das ma thag pa sdud pa ni/ /ngang ngam yang gi sgra dag 'das ma thag pa'i sgra sdud pa'o/ /gzhan sdud pa ni tshig tu ma smos pa'i don dag sdud pa'o/ /lan grangs gzhan la sbyor ba ni lan grangs gzhan la smos pa'i tshig sdud pa'o/ /zlas dbye ba zhes bya ba ni zlas dbye 'am zlas dbye ba ste/ gnyis par ston pa zhes bya ba'i don to/ /da ni phyogs tsam ston pa 'che de/ /de'i phyir/ rang gi rigs tsam sdud byed cing/ /phyogs gzhan kun tu spong ba dang/ /rigs kyi tshad kyang mi 'dzin pa/ /phyogs tsam stod pa'i sbyor ba'o/ /zhes smos te/ 'di tsam dang/ re re lta bu'i tshig sdud pa yin te/ sam tsam zhes bya ba lta bu sems kyi rig thams cad ston pa dang/ sems ma yin pa gzhan spong par byed cing/ sems rang gi tshad 'di tsam zhes 'dzin par mi byed pa de la ni phyogs tsam ston pa zhes bya'o/ /de bzhin du rtsa re re zhing re re zhes bya ba la sogs pa yang sbyar ro/ /de ltar tshig sdud pa'i sgyor? ba bsnan nas/ da ni tshig gi phrad 'chad de/ de yang gnyis te/ phrad dang phrad 'dus pa'o/ /de la phrad bstan pa'i phyir/ /gang zhig rang gi don med cing// don gyi ming la gsal byed pa/ /tshig gi phrad ces bya ba ste/ /de ldan phrad dang bcas pa yis/ /zhes bya ba'i don te/ /tshig gang zhig rang la bstan par bya ba'i don med ces gzhan la phan 'dogs shing gsal bar byed pa ni tshig gi phrad ces bya ste/ dper na lcags gnyis sbyor bar byed pa'i tsha la lta bu'o/ /don gyi ming ni tshig gang la ston par byed par byed pa'i don yod pa'o/ /phrad? dang bcas pa ni phrad ldan zhing phrad yod pa'o/ /de ltar spyir bstan nas/ /rang rang gi 'jug pa bstan pa'i phyir de la phrad kyi 'jug pa ni/ zhes bya ba la sogs pa smos so/ /tshig gi phrad rnams las gang zhes bya ba'i 'jug pa bstan pa ni/ /gang na 'dri ba'i tshig gi don/ /spyi la khyad par sbyor ba ste/ /zla sdud pa la kun tu spang/ zhes smos te/ gang zhes bya ba ni 'dri ba'i tshig las khyab pa'i spyi'i don du snyeg pa ste/ bsdu ba'i tshig ma gtogs pa'i gzhan thams cad la 'jug cing 'dri bar byed pa'i tshig tu sbyor ro/ /de dang cha mthun pa ni/ ci la sogs pa'ang de bzhin te/ /khyab pa skabs kyi brtsi bar bya/ zhes bya ba yin te/ ji snyed su dag la sogs pa gang dang mthun te/ 'dri zhing spyi la khyab par 'gyur ro/ /khyab pa skabs kyi brtsi ba ni gang dag ces bya ba dang/ su dag ces bya ba lta bu skabs su 'jug pa'i yul mi mthun par 'gyur ba lta bu'o/ /de zhes bya ba'i 'jug pa bstan pa/ de zhes bya ba'i tshig gi don/ /tha snyad dngos dang dus 'jug gsum/ /'das dang rnam grangs gzhan can dang/ /lhag ma dag dang bcas pa'o/ /zhes bya ba la sogs pa smos te/ de zhes bya ba'i sgra tshig tha snyad la 'jug pa dang/ dngos po la 'jug pa dang/ dus la 'jug pa gsum las tha snyad la 'jug pa 'ba' zhig la yang gsum te/ 'das pa la 'jug pa dang/ rnam grangs gzhan yod par sbyor ba dang lhag ma dang bcas par ston pa'o/ /dngos po la 'jug pa ni/ bden pa dag dang gsal byed dang/ /bdag gi ba dang pha rol po/ /dngos po dag la 'jug pa bzhi/ /zhes smos pa yin te/ bden pa la 'jug pa dang/ gsal ba la 'jug pa dang/ bdag gi ba la 'jug pa dang/ /pha rol po la 'jug pa'o/ /dus la ni/ 'das pa dang ni ma 'ongs pa'i/ /dus gnyis la 'jug pa gnyis/ /zhes smos pa yin te/ 'das pa la 'jug pa dang/ ma 'ongs pa la 'jug pa gnyis so/ /mi 'jug pa ni gnyis te/ /bdag nyid dang da ltar nyid la spang/ zhes bya ba smos te/ dngos po'i skabs su bdag nyid la mi 'jug/ dus kyi skabs su da ltar la mi 'jug go/ de ltar gyi dngos po la mi 'jug gam zhe na/ dngos po'i dus mi 'dor te/ /kun la rab tu sbyar bar bya/ ces smos te/ dngos po 'jug pa'i gzhi ni dus sum char mi 'dor te/ dus kun la sbyor bar bya'o/ /'jug par bya'o/ 'di zhes bya bar 'jug pa bstan pa'i phyir 'di tshig 'das dang ma 'ongs dang/ skyabs kyi dngos gzhan dag la 'jug /gang zhig la ni bltos byas pa'i/ /nye ba dag dang mngon sum pa'i/ /dngos po dag kyang gnyis yin na/ /zhes bya ba smos te/ 'di zhes bya ba'i sgra ni 'das pa la 'jug pa dang/ ma 'ongs pa la 'jug pa dang/ dngos po gzhan la 'jug pa dang gsum mo/ /de la yang gnyis te/ dngos po nye ba la 'jug pa dang/ mngon sum la 'jug pa'o/ /'di gnyis kyang bltos pa yin te/ gang zhig la bltos na 'di nye bo zhes bya ba dang/ gang zhig la bltos na 'di mngon sum mo zhes ston pa'o/ /'di zhes bya ba'i sgra mi 'jug pa ni/ /spang bar bya ba 'di lta ste/ lkog tu gyur dang ring ba dang/ gal te bstan bya dus nyid na/ /'das dang ma 'ongs spang bar bya zhes pa yin te/ don lkog tu gyur pa la mi 'jug pa dang/ dngos po rgyang ring ba la mi 'jug pa'o/ /gal te 'di zhes bya ba'i sgra dus la 'jug pa na/ 'das pa dang ma 'ongs pa la mi 'jug pa'o/ /de rnams kun la bsgyur ba ldan/ /zhes bya ba ni gang dang de dang 'di rnams la bsgyur ba bdun dang ldan te/ 'di ltar gang gang la/ gang gis/ gang gis phyir ro/ gang las gang gis/ gang la/ zhes ba ste de bzhin du gzhan la yang sbyar ro/ /da ni skabs su bab pa'i tshig/ de ltar byung la sbyor ba ste/ /'das pa'i skabs la rnam par spang/ zhes bya ba la/ da ni zhes bya ba sgra ni don bshad pa'i skabs su bab pa'i tshig yin te/ da ltar bshad pa'i dus la sbyor gyi 'das pa'i dus la ni 'jug go / na zhes bya ba'i 'jug pa bstan pa/ /na zhes bya ba'i tshig gi don/ /dmigs kyis 'byed dang rgyu mtshan dang/ rgyu mtshan don gyi bstan pa dang/ las dang ched dang rten gnas dang/ /phye tshig de gzhan sogs ston dang/ /'os par dga' ba chag 'dzin las/ /phyi tshig nges par byed pa dang/ /de las bzlog pa nyid dang ni/ /'gal ba'ang mi 'gal ston pa dang/ smon dang 'dri dang the tshom bzhi/ /tshe skabs rnams la 'di mthong ngo/ /zhes bya ba yin te/ na zhes bya ba'i tshig gi don ni 'di snyed cig la 'jug pa las dmigs kyi 'byed pa'i na la yang gnyis te/ gzhung 'dzug pa dang/ gal 'dzugs pa'o/ /de la dmigs kyi 'byed pa'i gzhung 'dzugs pa ni dngos po na zhe 'am mdor na zhes pa lta bu'o/ /gal 'jug pa ni yin grangs na zhe 'am/ 'gyur grangs na zhes pa lta bu'o/ /rgyu mtshan ni mtshan ma'i mig dang/ rgyu'i tshig gi ste/ de la rgyu mtshan mtshan ma'i tshig ni cig zhig yod pa 'di byed ces pa lta bu'o/ /rgyu mtshan rgyu'i tshig ni 'di yod na 'byung zhes pa lta bu'o/ /rgyu mtshan don gyi bstan pa ni 'di ltar shing nyid med na shing sha pa gang zhig yod ces pa lta bu'o/ /yod pa'i tshig 'gegs par byed pa 'am/ 'dri ba'i tshig gis lan ldon par byed pa'o/ /la ni shing gi rtse mo na gcod ces pa lta bu'o/ /ched ni shing gi phyir chu 'dren zhes pa lta bu'o/ /rten gnas ni shing gi rtse mo na gnas so zhes pa lta bu'o/ /tshig phyi ma de las gzhan pa la sogs par ston pa'i sogs kyi bsdu ba na tshig phyi ma de dang 'gal ba dang/ de med par 'on pa bsdu ste/ 'di ltar gang na du ba yod pa de na me yod pa/ yin na 'di na ni me ma yin yod do /zhes pa lta bu tshig phyi ma las gzhan ston pa dang 'gal bar ston pa dang/ med par ston pa lta bu yin no/ /mi 'os pa'i tshig gi phyis ma nges par byed pa ni lha yang phyag 'tshal na mi lta ci smos zhes pa lta bu 'am/ rgyu yang ma skyes na rgyu can lta ga la skyes zhes pa lta bu'o de las bzlog ba ni/ snga ma'i tshig gis phyi ma nges par byed pa ste/ mi lha la phyag 'tshal na lha yang phyag 'tshal lam zhes bya ba lta bu'o/ /'gal ba yang mi 'gal bar ston pa mi mthun pa'i rgyan ston pa yin te/ 'di ltar don dam par ni dbyer med na kun rdzob tsam du dbyer yod pa lta bu'o/ /smon pa'i gzhi ni/ byang chub kyi snying po thob par bya na zhe na/ zhes smos pa ni go cha'i rgyu zhes pa lta bu'o/ /'dre ba'i gzhi ni gzugs gzugs su rung ba yin na 'di ces pa lags su rung zhes pa lta bu'o/ /the tshom gyi gzhi ni sa bon yod na myu gu 'byung bar 'gyur ram/ 'on te ma yin zhes pa lta bu'o/ /tshe skabs ni 'di skad bdag gis thos pa dus gcig na zhe 'am/ gang gi tshe na zhes pa 'am/ de'i tshe na zhes pa lta bu ste/ dus la sbyor ba'i bdun pa'o/ /da ni sta'i don 'chad de/ de yang rnam pa gsum du bstan pa'i phyir/ /ste ni lhag ma yod pa ste/ /mtshams sbyor ba dang dam 'cha' dang/ gzhan 'dren pa dang gsum du 'dod/ /ces bya ba smos so/ /de la mtshams sbyor ba bshad pa'i phyir/ byed dang bya ba 'am yang na ni/ /bya ba nyid du sbyor ba gang/ /tshig gnyis rim pa dus gcig tu/ /sbyor bar byed pa mtshams sbyor yin/ /zhes bya ba smos te/ mtshams sbyor ba yang kha cig ni tshig snga ma byed pa byed par spyod la tshig phyi ma bya bar sbyor ba la dus mi mthun par rim can du 'jug pa yod de/ mda''phangs te phog ces pa lta bu'o// kha cig ni gnyis ka bya bar sbyor la dus rim gyi 'jig pa yod de/ /lha mchod de las bya zhes pa lta bu'o/ /kha cig ni gnyis ka bya bar sbyor la dus gcig tu sbyor ba yod de/ 'dzum dmul te mdangs phyung zhes pa lta bu'o/ /'di drug ni nas zhes bya ba dang/ cing zhes bya ba la sogs pa dang yang mthun par sbyor ro/ /dam 'cha' ba ni gang zhig gi snga ma 'am/ gsal bar byed pa dam 'cha' ba/ /zhes bya ba yin te/ rnam grangs bca' ba dang/ de bzhin du gtan tshigs dang/ nges pa'i tshig dang/ bstan pa bshad pa la sogs pa yin te/ tshig phyi mas snga ma la phan 'dogs shing gsal bar byed pa rnams so/ /gzhan 'dren pa ni/ lhag ma yod tsam ston gyur cing/ de la gzhan gyur gzhan 'dren pa'o/ /zhes bya ba yin te/ da dung bstan par bya gzhan zhig yod pa tsam du ston cing/ gong ma gnyis ka las gzhan du ston pa ni gzhan 'dren pa yin te/ 'di ltar shar gyi phyogs nas dbang po ste/ lho'i phyogs nas 'chi bdag go zhes pa lta bu'o/ /'di rnams ni tshig lhag ma yod par ston pa ste/ 'di nyid ni tshig ma yin no/ /dang gi 'jug pa bstan pa ni/ /dang ni 'byed dang sdud pa dang/ /rgyu mtshan tshe skabs gdams ngag lnga/ /de nyid dang ni gzhan dag dang/ /lan grangs gzhan la sbyor ba yin/ /sdud pa'i dang yang gsum du 'dod/ /ces bya ba yin te/ de la 'byed pa ni chos ni 'khor ba dang mya ngan las 'das pa gzhan pa lta bu'o/ /sdud pa ni 'khor ba dang mya ngan las 'das pa'i chos zhes pa lta bu'o/ /rgyu mtshan mnyan pa byas dang/ /lhag mthong 'phel zhes pa lta bu'o/ /tshe skabs ni dag slong de dag bcom ldan 'das la phyir nyan pa dang zhes pa lta bu'o/ /gdam ngag ni dge slong dag legs par rab tu nyon la yid la gzung zhig dang zhes pa lta bu'o/ /sdud pa'i dang 'ba' zhig la yang dbye ba gsum ste/ 'das pa 'am ma 'ongs pa'ang rung ste/ /nye ba nyid bstan pa bsdu ba dang/ dngos po gzhan bsdu ba dang/ lan grangs gzhan la bstan pa bsdu ba'o/ /ni zhes bya ba'i 'jug pa ni dgar dang bsnan pa'i tshig dmigs sam nges par 'dzin pa ste/ phyi ma'i tshig dang sbyar bar bya/ zhes bya ba yin te/ ni zhes bya ba'i sgra ni dgar ba dang bsnan pa'i tshig tu 'gyur te/ de la dgar ba la yang zla las dgar ba dang/ bkod pa las dgar ba'o/ /de la zla las dgar ba ni/ dgar ba'i gnas dmigs kyi ma smos kyang don gyis yod par shes par bya'o/ /bkod pa las dgar ba ni/ sngar ngo bo bkod nas phyis gtan tshigs 'jog pa lta bu'o/ /bsnan pa la yang ngo bo nyid bsnan pa dang rnam grangs kyi dbye ba bsnan pa'o/ /de la ngo bo nyid bsnan pa ni nyid dang kho na lta bur 'gyur pa'o rnam grangs gzhan bsnan pa ni yang na zhes pa lta bur 'gyur ba'o/ /phyi ma'i tshig dang sbyar zhes bya ba ni spyir 'dri ba'i tshig yin pas tshig phyi ma dang sbyar te/ gang gi phyir zhes bya ba dang/ gang zhes bya ba dang/ 'di lta ste zhes bya ba dang sbyar bar bya'o/ /kyang dang yang la sogs pa'i 'jug pa ni/ kyang dang yang ni sdud pa'i tshig mi mthun mthun par ston pa 'ang yin/ /'das pa 'am ma 'ongs gzhan dag las/ /ci rigs dag tu bsdu bar bya/ /yang zhes bya ba bsnan pa yin/ /zhes bya ba yin te/ sdud par ston pa'i tshe na 'das pa 'am ma 'ongs pa 'am/ dngos po gzhan yang rung ste/ yon tan mtshungs par bsdur yod pa'o/ /'gal ba'i chos mi 'gal bar ston pa'ang yin te/ mi mthun pa'i rgyan du 'gyur ba'o/ /'das par ston pa 'am ma 'ongs par bstan pa 'am/ gzhan sdud par bstan pa'i skabs su skabs rigs par bsdu zhes bya ste/ ci rigs pa zhes bya ba'i sgra ni 'das pa'i skabs su ma smos kyang gzhan sdud par byed pa rnams so/ /bsnan pa zhes bya ba ni kha cig tu yang zhes bya ba'i tshig bsnan par 'gyur te/ rnam grangs gzhan bsnan par ston pa'o/ /da ni kho na'i tshig gi don bstan pa'i phyir/ /nges par bzung ba'i tshig gi don/ /gzhan mi ldan dang gzhan la min/ /ldan pa tsam du 'dzin pa dang/ /ma nges pa'i rnam pa gnyis/ /de bzhin mi slu ba nyid dang/ /kho na dag ni rnam pa drug /ces bya ba smos so/ /de la nyid dang kho na lta bu'i tshig don drug la 'jug ste/ gzhan mi ldan par nges par bzung ba dang gzhan la mi ldan par nges par gzung ba dang// ldan pa tsam par bzung ba dang/ gzhan mi ldan par ma nges pa dang/ /bden zhing mi bslu ba'i don dang drug go/ de la gzhan mi ldan pa ni de bzhin gshegs pa ni yongs su rdzogs pa'i yon tan kho na dang ldan no zhes pa lta bu'o/ /'di la chos gzhan med par ston pa'o/ /gzhan la mi ldan par nges par gzung ba ni de bzhin gshegs pa kho na la yongs su rdzogs pa'i yon tan med pa zhes pa lta bu ste/ gzhan la med par ston pa'o/ /gzhan mi ldan par nges par srid sgrub 'phong kho na skyen zhes pa lta bu ste/ 'di la yon tan gyi chos rtsis mkhas pa la sogs pa gzhan yang yod pas ma nges par 'gyur ro/ /gzhan la mi ldan par ma nges pa ni srid? sgrub kho na rtsis mkhas pa zhes pa lta bu ste/ 'di ni srid sgrub pas don grub rtsis mkhas te ma nges par 'gyur ro/ /ldan pa tsam du 'dzin pa ni srid sgrub rtsis mkhas pa kho na'o zhes pa lta bu ste/ 'di ni ldan pa tsam du sgrub kyi gzhan la zur za bar mi byed do/ /bden zhing mi slu ba'i don la 'jug pa ni kun rdzob dang don dam pa'i de kho na nyid ces pa bya lta bu'o/ /nyid kyi 'jug pa bstan pa'i phyir/ nyid ni na bzhin cung zad du/ /phyi tshig tha dad min pa dang/ /dngos po rkyen du 'gyur ba'o/ zhes bya ba yin te/ nyid phal du drug kho na dang 'dra'o/ /cung zad mi 'dra ba'i tshig phyi ma rang las tha mi dad par sbyor ba yang yod do/ /autpal nyid sngon po'i zhes pa lta bu'o/ /kha cig tu dngos po'i rkyen du 'gyur te/ sra ba nyid ces pa lta bu sra ba'i dngos po ni sra ba nyid lta bur ston pa'o/ /tsam gyi 'jug pa ni/ tshad 'dzin lhag ma 'gog pa yi/ /tsam zhes bya ba rnam pa gnyis/ /zhes bya ba yin te/ ched 'dzin pa'i tsam ni rdul phra mo tsam zhes bya ba 'am/ ri rab tsam zhes bya ba lta bu'o/ /lhag pa 'gog pa'i tsam ni rnam par rig pa tsam zhes pa lta bu'o/ /de dang phyogs mthun pa bstan pa'i phyir/ /'ba' zhig la sogs de bzhin sbyar/ /khyab pa skabs kyi rtsi bar bya ces bya ba smos te/ 'ba' zhig dang sha stag la sogs pa'ang lhag ma 'gog par sbyar te/ de rnams gang khyab che ba ni skabs kyi shugs dang sbyar ro/ /da ni don lhag par ston pa dang mi ston pa'i phrad bstan pa'i phyir/ /yang dag yongs su kun tu sogs/ /sgra bzhin dang ni phrad du'o/ /zhes bya ba smos te/ yang dag par zhes pa/ yongs su zhe 'am/ /kun tu zhe 'am/ de bzhin du rab dang/ rnam pa dang/ nye ba dang/ shin tu lta bu skabs su sgra ji bzhin du ston par 'gyur ro/ /skabs su don lhag par ston par byed pa med do/ /tshig gi phrad dang/ rgyan tsam mo/ /da ni tshul gyi sgra las tshig phrad du 'gyur ba ston par 'dod nas/ tshul ni 'dra dang smad pa dang/ /sgo dang sngon pa mtshan nyid dang/ /thabs dang rig pa don dang 'dod/ /legs pa dag las 'jug pa las/ /'dra bar sbyar ba phrad du 'dod/ /ces bya ba smos te/ tshul zhes bya ba'i sgra ji skad smos pa'i don bcu la 'jug pa las 'dra pa la 'jug pa ni dper sbyar ba'o/ /smad pa la 'jug pa ni mi ngan pa la na'i tshul zhes pa lta bu'o/ /sgo las 'jug pa ni don gyi tshul zhes pa lta bu'o/ /sdom pa la 'jug pa ni tshul du zhugs pa zhes lta bu'o/ /mtshan nyid la 'jug pa ni ngang tshul ngan pa la tshul zhes pa lta bu'o/ /thabs la 'jug pa ni sngags kyi skabs ni rigs kyi tshul zhes pa lta bu'o/ /rigs pa la 'jug pa ni rigs pa dang ldan pa ni tshul dang ldan zhes pa lta bu'o don la 'jug pa ni don bzang po la tshul bzang po zhes bya ba lta bu'o/ /'dod pa la 'jug pa ni gzhan gyi 'dod pa'i lugs ni gzhan gyi tshul zhes pa lta bu'o/ /legs pa la 'jug pa ni ma nor bar byed pa la 'jug bzhin byed pa zhe pa lta bu'o/ /tshul gyi bya ba'i don 'di rnams la 'jug pa las 'di sbyar ba ni tshig gi phrad du bzang ngo/ /bzhin la sogs pa'i 'jug pa bstan pa/ bzhin la sogs pa'i tshig gi don/ /ma nor ba dang yin pa dang/ /'dra ba dag tu sbyar ba'o/ /zhes bya ba yin/ de bzhin dang de lta bu zhes bya ba'i tshig gi don ma mod pa la 'jug pa ni de bzhin nyid ces pa lta bu'o/ /yin pa la 'jug pa ni de lta bu'o zhes pa lta bu'o/ /'dra ba la 'jug pa ni de dang 'dra ba ni de bzhin no// zhes pa lta bu'o/ /cing la sogs pa'i 'jug pa bstan pa'i phyir/ cing la sogs pa bsdu ba dang/ mtshams sbyor dag tu byed pa yin zhes smos pa yin te/ cing zhes bya ba dang/ zhing zhes bya ba dang shing zhes bya ba'i 'di rnams bsdu ba la 'jug pa na/ yang dang kyang la sogs pa dang mthun par 'jug go/ mtshams sbyor par byed pa ni ste dang/ /te la sogs pa dang mthun pa ston pa ste/ 'dod cing chags pa zhes pa lta bu'o/ /da ni la'i don bstan pa'i phyir la ni gnyis pa bzhi pa dang/ bdun pa sdud dang sbyor ba dang/ /smon dang tshang 'dzin bzhi dang ni/ /tshe skabs dag tu 'dod pa yin/ zhes smos pa yin te/ /la'i don gnyis par 'gyur ba ni shing la gcod pa lta bu'o/ /bzhi par 'gyur ba ni shing la chu 'dren zhes pa lta bu'o/ /bdun par 'gyur ba ni shing la bya gnas so zhes pa lta bu'o/ /sdud par 'gyur ba ni lag pa bsnyal nas zan bza' zhes pa lta bu'o/ /sbyor ba ni 'di na ni yod la 'di na med do zhes pa lta bu'o/ /smon pa ni bdag nam zhig na 'di lta bu zhig tu rgyur la gyur nas kyang zhes ba lta bu'o/ /tshang 'dzin pa ni de tsam du bya ba la/ ci tsam la de tsam la zhes pa lta bu'o/ /tshe skabs ni dus de la'ang der zhes pa lta bu'o/ /drug pa'i phrad bstan pa/ kyi ni 'brel pa'i tshig yin te/ lhas byin gyi rta zhes pa lta bu ste/ phan tshun gyi don 'brel par sbyor ba'i brda' spyod par 'dod ba'o/ /gsum pa'i 'jug pa bstan pa/ kyis ni byed par 'dod pa yin/ zhes smos te/ lha byin gyis byas zhes bya ba lta bu'o/ /de dag mthun pa'i rgyan yod par bstan par bya ba'i phyir mi mthun rgyan ni sum char la'o/ /zhes bya ba smos te/ mi mthun pa'i rgyan du 'gyur ba ni rgyu med pa la 'bras bu 'dod pa lta bu'o/ /kyis mi mthun pa'i rgyan du 'gyur ba ni de ltar yin mod kyi zhes pa lta bu'o/ /gyis mi mthun pa'i rgyan du 'gyur ba ni 'on gyis kyang zhes pa lta bu'o/ /lnga pa'i 'jug pa bstan pa'i phyir/ las ni rgyun dang 'byung khungs dang/ /dgar ba yin te nas de bzhin/ zhes bya ba yin te/ rgyu'i don ni sa bon las myu gu zhes pa lta bu'o/ /'byung khungs kyi don ni ri las gser zhes pa lta bu'o/ /dgar ba'i don ni khyim pa las dge bsnyen zhes pa lta bu'o/ /nas kyi don ni las dang mthun no/ /cung zad mi mthun par bstan pa ni/ /sdud pa dag dang mtshams sbyor ni/ /nas la cung zad lhag pa yin/ zhes bya ba smos te/ nas zhes bya ba'i sgra las cung zad lhag par ston pa ni sdud pa dang mtshams sbyor bar ston pa ste/ mig nas lus kyi par zhes pa 'am/ /pa gdangs nas nyal zhes pa lta bu'o/ /mig bzlog nas bltas zhes pa lta bu'o/ /byed pa'i tshig drug las drug pa ma gtogs pa kun gtan tshigs ston par yang 'gyur te/ de bstan pa'i phyir/ gtan tshigs dag tu 'gyur ba ni/ drug pa 'ba' zhig ma gtogs pa'o/ /zhes bya ba smos te/ de la gsum ba gtan tshigs su 'gyur ba ni des na zhes pa lta bu'o/ /bzhi pa 'gyur ba ni de'i zhes pa lta bu'o/ /lnga pa 'gyur ba ni de ci las shes zhes pa lta bu'o/ /bdun pa 'gyur ba ni bzhi pa dang mthun te/ gnyis pa'i sgra yang de bzhin no/ /de na la dang gis dang las rnams la/ gtan tshigs su 'gyur ba yod de/ /du la sogs pa'i 'jug pa bstan pa'i phyir/ du ba la sogs pa dang mthun/ /de nyid dag ni lhag pa yin/ de bzhin lhag bcas dag la'o/ /zhes smos te/ du dang su dang ru dang/ ra rnams la'i sgra dang mthun te/ 'di la zhes bya ba dang/ 'di na zhes bya ba dang/ 'dir zhes bya ba dang/ 'di ru zhes bya ba dang/ gang du zhes bya ba dang/ dbus su zhes bya ba thams cad la'i sgra dang mthun pa sha stag go/ nyid du ston pa ni la'i don las lhag pa da/ thog dgu 'phar du phub/ shing mig mangs ris su btang/ dbyibs gru bzhir brtsigs zhes pa lta bu la'i don las lhag par ston pa yin no/ /tshig lhag ma dang bcas par ston pa'i sgra ni la la lhag pa yin te/ lag pa bsnyal la zan bya zhes pa lta bu'o/ /zla sdud pa ni/ 'o la sogs bzla sdud pa'o zhes bya ba yin te/ rjes su 'jug pa'i yi ge bcu la ao'i sgra dang ldan pa ni tshig gi zla sdud pa yin te/ 'di ltar yin no zhes pa 'am/ de bzhin du yod do/ /sgom mo/ /sgu po/ /'gyur ro/ /'tshal lo/ /shes so/ 'byung ngo/ /'gog go/ de'o zhes pa lta bu yi ge 'di bcu ni zla sdud pa yin no/ da ni skabs nas yi ge re re tsam tshig gi phrad du 'gyur bar bsten pa las 'o na khong du chud pa'i tshig ces ni 'o na zhes bya ba dang/ 'on te zhes bya ba don snga ma khong du chud las tshig phyi ma'i skabs sbyor ba'o/ /'am zhes bya ba 'byed sdud yin zhes bya ba ni 'am la sogs pa bcu ni 'byed pa dang ldud pa yin te/ 'di ltar gzugs sam tshor ba 'am 'du shes sam/ 'du byed dam/ mig gam rna ba 'am/ 'byung ngam/ 'gyur ram/ 'grub bam/ yin nam/ 'tshal lam/ sgom mam zhes pa lta bu'o/ /ngag dang rnams ni mang po'i tshig ces bya ba ni shing dag/ shing rnams zhes pa lta bu du ma'i tshig tu ston pa'o sogs ni mdza' dag ldud pa yin zhes bya ba'i sogs zhes bya ba'i tshig ni mdza' dag sdud pa yin te/ gzugs la sogs pa zhes pa lta bu dang po'i tshig gi mdza' i tshig gi smos mi dgos par sdud pa yin no/ /pa 'am can ni bdag po 'am/ /ldan pa'i don du sbyar bar bya ces bya ba ni gser gyi bdag po 'am/ gser dang ldan pa ni gser zhes pa 'am/ gser can zhes pa lta bu'o/ /de nyid las ba'i sgra cung zad mi 'dra bar bstan pa ni/ ba ni spyi ru bzhag pa ste/ yul dus nges par ma bzung ba'o/ /za ba bza' dang za bo bzhin/ /ma ning dag tu bzhag par bya ces smos pa yin te/ bya ba ston pa'i ming la ba'i sgra 'byung ba ni yul dang dus kyi spyir 'gro ba ste/ 'di ltar za ba zhes bya ba 'am/ lta ba nyan pa zhes bya ba lta bu'o/ /de la yul nges par ma bzung ba ni byed pa po 'am/ bya ba 'am/ bdag gi tshig gam/ gzhan gyi tshig tu mi ston pa'o/ /dus nges par ma bzung ba ni 'das pa 'am ma 'ongs pa 'am/ da ltar gyi tshig cig tu ma ston pa'o/ /dper na za ba zhes bya ba ni bza' ba dang/ za ba po rnams kyi spyir 'jug pa lta bu'o/ /de gcig tu tshad par mi ston pa'i phyir ma ning dag tu bzhag par bya ba yin no/ /de ni phrad 'dus pa ston te de'i phyir/ gal te phrad gnyis su 'dus pa'am/ /yang na ma 'ongs 'dus pa na/ /snga phyi phan tshun zil non dang/ /rang gi cha ldan dag tu sbyar/ zhes bya ba smos te/ gal te tshig gi phrad du 'gyur ba gnyis 'dus sam/ 'on te mang po 'dus nas tshig gi skabs gcig gi phrad du byung na de'i phyir rnam pa gsum du 'gyur/ phrad snga mas phyi ma zil gyis gnon pa dang/ phyi mas snga ma zil gyis gnon pa dang/ /gnyi ka'i cha dang ldan pa 'am/ de la gnyis ka'i cha dang ldan par bstan par 'dod nas/ gang la dmigs 'dzin mi byed dang/ /dmigs 'dzin te na phrad gyur na/ /gnyis par 'gyur ba'i mthu yin no/ /zhes smos pa yin te/ 'di ltar gal te na zhes bya ba'i tshig gi don ni gnyis par 'gyur te/ de la gal te zhes bya ba'i khyab pa ci 'gro ba ste/ dmigs 'dzin par mi byed do/ /te na zhes bya ba ni phyogs gcig tu byed pa ste/ de yang gang la ci zhig na zhes bya ba yin pa las ga dang lar sbyar te/ gal zhes bsdus nas ci zhig ces bya ba'i sgra phyi nas te na zhes bya ba sgyur te/ gal te na zhes bya bar bya brjod na don snga ma las phyi ma gzhan yod par ston pa yin no/ /phan tshun zil gyis gon no ba dang bsgyur ba ni 'di bzhin du gzhan la yang sbyar ro/ /de dang cha mthun par 'on te na zhes bya ba la sogs pa bstan pa'i phyir/ phyogs gcig khong du chud pa las/ phyogs gcig 'dri bar byed pa ni/ 'o na zhes pa'i nus pa'o/ /zhes bya ba la sogs smos te/ 'o na zhes bya ba'i sgra ni don gyi phyogs gcig khong du chud pa las phyogs gzhan 'dri bar byed pa'i tshig gi phrad yin ta/ 'on te zhes bya ba dang/ 'o na zhes bya ba ni yi ge bsdus pa dang ma bsdus pa tsam du zad de/ 'o na zhes bya ba dang/ na zhes bya ba'i phrad 'dus pa'o/ /de la dmigs 'dzin snga ma bzhin/ /gzhan 'dren byed pa te yin te/ /na yig phyogs gcig dag tu byed/ /ces bya ba ni 'on te na zhes bya ba'i sgra sbyor ba ste/ /snga ma gzhan zhes bya ba ni 'on te zhes bya ba'i sgra yang gal te de bzhin no/ /gzhan 'dren pa ni te zhes bya ba'i sgra tshig lhag ma dang bcas pa las gzhan 'dren? pa yin no/ /'o na te na zhes bya ba'i na'i sgra ni phyogs gcig tu byed pa de dmigs kyi 'byed pa'i don yin no/ /gang du gnyis par 'gyur bar dam bcas pa de rnams/ de gnyis ldan pa'i phrad rnams ni/ /dmigs 'dzin ldan mi ldan gnyis te/ zhes bya ba smos te/ spyi la 'jug pa dang/ phyogs gcig tu byed pa dang ldan pa'i tshig gi phrad rnams ni dmigs 'dzin pa dang ldan pa dang mi ldan pa gnyis te/ de la phyi ma dmigs 'dzin pa yod na snga ma spyi la 'jug pa mi ldan pa yang don gyis bsdu bar bya ba la/ snga ma dmigs 'dzin pa yod na snga ma dngos su sdud do zhes bstan pa'i phyir/ snga ma don gyis bsdu bar bya/ /yod na snga ma dngos su bsdu/ /zhes smos pa yin no/ /de dag gi mjug bsdu ba bstan pa ni gal te ci ste 'on te dang de ste na zhes bya bar sbyar zhes bya bar smos te/ gal te na zhes pa 'am/ de ste na zhes bya ba rnams tshig snga ma dmigs 'dzin par mi byed dam/ spyi la 'jug pa las tshig phyi ma phyogs gcig tu dmigs 'dzin par byed par sbyar ro/ /bsdu ba gnyis dang ldan par bstan pa'i phyir/ /'on kyang 'o na yang zhes pa/ bsdu ba gnyis ldan gnyis su bsdu ba/ ces bya ba smos te/ 'on kyang bya ba 'am/ 'o na yang zhes bya ba lta bu'i/ tshig gnyis dang ldan pa ste/ 'o na zhes bya ba'i sgra yang bsdud pa'i tshig yin la/ kyang zhes bya ba dang/ yang zhes bya ba yang sdud pa'i tshig yin te/ de ltar bsdu ba gnyis dang ldan na snga ma'i 'dod pa dang/ 'og ma'i gzhan gnyis sdud par rig par bya/ de mthun pa bsdu ba dang/ mi mthun pa bsdu ba ni skabs kyi mthus rig par bya'o zhes bstan par bya ba'i phyir mthu dang tha dad skabs kyi mthu zhes smos te res 'ga' ni/ gang ltar ji ltar de ltar dang/ de bzhin de skad la sogs pa/ ji skad bsnan pa'i cha gnyis ldan/ /de la sogs pa'i phrad bsnan kun/ /zil gnon gyur tam cha ldan yang/ /dgos pa re re dril byas te/ /zhes bya ba smos te/ gang ltar dang ji ltar la sogs pa don mthun pa'i skabs shig tu phrad gnyis bsnan nas smos pa 'am mang po bsnan nas smos kyang rung ste/ de dag thams cad don gcig tu dril bar bya'o/ /de yang ji ltar zhe na/ kha cig na snga mas phyi ma zil gyis gnon te/ gcig tu dril bar bya'o/ /kha gcig ni phyi mas snga ma zil gyis mnan te dril bar bya'o/ /kha cig ni gnyis ka'i cha dang ldan pa yang bstan par bya ba gcig tu dril te bsdu bar bya'o/ /de ci'i phyir zhe na/ don tshig sbyor ba bcu po dag /phrad kyi sbyor ba ji lta ba/ /de ltar phrad gnyis 'dus pa 'am/ /mang po 'dus par gyur kyang rung/ /de ldan lhag ba mi ston phyir/ /skabs dang tshigs shugs brtags nas ni/ /blo ldan rnams kyi gang rigs sbyar/ zhes bstan pa'i phyir te/ /tshig gi phrad 'dus pa thams cad kyang tshig sbyor ba bcu dang/ de phrad dang ldan pa las/ don lhag par ston pa med pa'i phyir ro skabs kyi shugs ni dgos pa'i shugs so/ /tshig gi shugs ni sgra rnams par sbyar ba'i shugs so/ /shugs kyi yul na ched du ma bstad ba dang/ dngos su ma phrad pa'o/ /rang rigs pa ni don dang tshig la mi 'gal ba'o/ /de ni yi ge dang ming dang tshig dag don gtan la 'bebs par byed pa'i rtsa ba yin par bstan pa'i phyir/ 'dir dpe bstan pa/ dper na skyes bu gang zhig gis gzugs kyi bye brag shes 'dod na/ /phra rdul chos la mtshan nyid du/ /de shes cha rdul gong bu dang/ /gong chen dag gi mtshan nyid dang/ /las rnams 'bad pa med par shes/ /de shes skabs kyi bya ba gang/ /sbyor ba dag la mi 'jig bzhin/ /zhes bya ba smos te/ dper na skyes bu zhig gzugs kyi bye brag shes par 'dod na dang por rdul phra rab kyi mtshan nyid la mkhas par bya'o/ /de nas rdul 'dus te/ rdul chen por 'gyur te/ de shes par 'gyur ro/ /rdul chen po 'dus pa las gong bur 'gyur te/ de shes par 'gyur ro/ / gong bu las gong chen du 'gyur te/ de'i mtshan nyid dang las dag kyang shes par 'gyur/ /de ltar las dang mtshan nyid legs par shes pa'i skyes bu de la gang zhig gzugs kyi bye brag 'dri ba na 'jigs pa med pa de bzhin du/ /skyes bu smra bar 'dod pa yis/ /gzhi mdza' i yi ge bye brag dag legs par khong du chud pa na/ /de 'dus ming dang de bzhin tshig /shlo ka dang ni rab byed sogs/ /ming tshig yi ge mtshungs pa'i phyir/ /tshig sbyar 'bad pa med par 'gyur/ /'di dag de bzhin no zhes sbyar ro/ /'di ltar skyes bu gang zhig don dang ldan pa'i tshig smra bar 'dod pa des dang por ming gis mdza' i yi ge'i bye brag legs par khong du chud par bya'o/ /de nas yi ge dag 'dus pas ming grub par 'gyur te/ de'i mtshan nyid khong du chud par bya'o/ /de bzhin du ming 'dus pa las tshig yin te/ de'i bye brag khong du chud na gzhan tshig 'dus pa shlo ka dang/ shlo ka 'dus pa las rab tu 'byed pa dang/ /de 'dus pa las bstan bcos chen po la sogs pa rnams kyi tshig gi sbyor ba rnams 'bad ba chung ngu shes par 'gyur ro/ /de'i phyir 'di ni bslab gnas shes/ smra chos rjes smra rnams kyi bshad/ /'bad pa chung ngu shes pa de'i phyir/ 'di ni bslab pa'i gnas yin no zhes smra ba'i mchog thams cad mkhyen pa dang de'i rjes su smra ba'i sngon gyi mkhan po rnams kyi bshad do/ /da ni dge ba'i rtsa ba sngo ba bstan te/ de yang ming gi yon tan gyi sgo nas sngo ba bstan pa'i phyir/ don la 'jug byed smra ba rnams kyi sgo/ /blo 'byed gti mug gcod pas mtshon cha 'dra/ /mi 'jigs snyems pa sbyin byed dpung dang go / don nor smra bas mi nyams brtan pa'i mkhar/ /smra mchog rjes smra rnams kyis rjes smra ba/ /sgra nyid dang ni don la khrid pa yi/ /'gro kun mthun gnyis rab tu rgyas par shog /ces bya ba smos te/ don ji lta ba bzhin du ston pa'i 'jug par byed pa'i sgo lta bu yin pas smra ba'i sgo'o/ /gang zag rnams gyi blo 'byed gti mug gi dra ba gcod pas mtshon cha lta bu yin pas mtshon cha lta bu'o/ /don dang ldan par smra ba'i rgol ba rnams kyis mi 'jigs shing bsnyems pa nyid pas dpung dang go cha lta bu'o/ /rang gi blo la sgra dang don nor par smra ba'i shes rab 'chal pa'i skyon gyi mi nyams pa'i blo brtan brnyed par byed pas brtan pa'i mkhar lta bu'o/ /'di lta bu'i rab tu 'byed pa 'di thams cad mkhyen pa dang/ sngon gyi mkhan po rnams kyi rjes su smras shing bshad pas 'gro ba rnams sgra dang sgra'i don la mkhas par gyur cig ces bya ba'i don to/ /smra ba'i sgo mtshon cha lta bu'i 'grel pa rdzogs// //rgya gar gyi mkhan po ye shes pas/ /bla ma nor bzang pa grags pa las thos te/ slob ma gzhon du grags pa'i don du ming gi sbyar ba ni cung zad bzhag /phrad pa'i sbyor ba ni cung zad bshad nas bsgyur cing zhus te gtan la phab pa'o// // nyer bsgyur gyi mtshan nyid kyi bshad pa slob dpon dbang pos sbyin gyis mdzad pa bzhugs so/

CLOSE WINDOW