བོད་ཡིག

e-texts based on the ACIP/ALL Input

/ //smra sgo mtshon cha smra te dz+nya na kIrta// // *// /rgya gar skad du/ wa tsa na mu kha yu d+ho pa ma nA ma/ bod skad du/ smra ba'i sgo? mtshon cha lta bu zhes bya ba/ smra ba'i mchog thams cad mkhyen pa la phyag 'tshal lo smra mchog gtsol phyag 'tshal nas/ /smra ba'i yan lag rdzogs don du/ /dag gi 'du byed gang de yi/ /tshogs pa bdag gis bshad par bya/ /khog pa mgrin pa rkan dang lce/ /sna dang spyi bo se dang mchu/ /spyi dang re re'i cha dag las/ phrad dang cung zad phrad pa dang/ /dog pa dang ni yangs pa nas/ /drang po bsgreng dang bkug pa dang/ /bstod pa dang ni smad pa dang/ /bsgrims dang glong pa'i nga ro 'byung/ /drang po bkug dang smad pa dang/ /bsgrims pa dang ni glong pa la/ /gwar dang tswar gyis phye ba dang// bsgreng dang bsgrengs te bkug pa dang/ /bstod dang bstod de smad pa dang/ /sna ldan rnam par bcad pa yis/ /nga ro bcu drug dag tu 'dod/ /nga ro dag gi gsal byed ni/ /drang po bkug dang smad pa la/ /'dren pa ring thung gsum yod de/ /de la 'ang tshe 'bring rnam pa gsum/ /de dgu sna ldan bco brgyad do/ /gsal bar bya ba 'di lta ste/ /bsgreng dang bstod la thung ba ste/ /bsgrims dang glong la ring pa'o/ /bcu gnyis yin te brgya rtsa gnyis/ /spyir na brgya dang bcu rtsa gcig /rang gnas dang ni bcu gnyis te/ /yi ge gcig gi rnam pa'i cha/ /dag gi 'du byed tshogs pa'o/ /dus gcig tu ni bcu gcig gam/ sna ldan dang ni bcu gnyis te/ rang gi gnas dang bcu gsum mo/ /mtshon 'dabs gang dang las byed dang/ /bstobs 'gros lha stangs bye brag dag /rkang lag mig gi 'gyur bag gis/ /lus kyi 'du byed bdun po ni/ /thad kar lta dang gyen du lta/ /de bzhin bzlog ste lta ba dang/ /bstod de lta dang smad de lta/ /bsgrims dang glong de lta ba ltar/ /gang la sogs pa'ang de bzhin te/ /lus kyi 'du byed bdun po ltar/ /dag gi 'du byed de bzhin no/ /de don dbyibs kyi gnas lugs kyang/ /mda' dang bse ru glang chen sna/ /gdugs dang rkang rten lta bu dang/ /me ri chu yi dkyil 'khor ltar/ /thad kar zur dang zur sogs dang/ /steng 'og rang gi lus rnams las/ /gnas pa'i brda 'di shes par bya/ /des bstan brda can 'byung ba ni/ /lcags rnams la ni khab len bzhin/ /rnam rtog dbang gi gnas rnams g.yo/ /ji ltar gnas gzhi med bzhin du/ /mkha' la mdab skyod rlung 'byung ltar/ /rnam par rtog pas bskyod pa na/ /pA ya ta zhes bya ba'i rlung/ /lus la rab tu g.yo bar 'gyur/ /g.yo rlung rab tu g.yos pa yis byed pa kun tu bskyod pa ni/ /dog dang yangs pa'i gnas rnams su/ /phrad dang cung zad phrad par byed/ /de tshe nigzugs brnyan bzhin du cha mnyam skye/ /gnas rnams dang ni byed pa dang/ /rnam par rtog dang rlung gnyis dang/ /nga ro gsal byed snang cha yi/ /dag gi 'du byed kun tu bskyed/ /rgyu bdun dag las 'byung ba ni/ /gnas rnams bzhi yis rgyu yis te/ byed pa 'byin par byed pa'i rgyu/ /de bzhin rnam rtog bskul ba'i rgyu/ /ji ltar shin la rlung bzhin du/ /byed pa skyong rgyu bA ya ta'o/ /skyes bu dang ni gzhon pa bzhin/ /lhan cig 'byung ba nimnyam pa'i rgyu zhes bya/ /de la gdangs kyi bye brag ni/ /rgyu rnams dag gis phye ba ste/ /sngon du song bar rig par bya/ /de la rgyu dang rang bzhin ni/ /nga ro drang por las byung ba/ /ka sogs sde nas rim bzhin du/ /sde lnga dag dang an+tas+tha/ /auSh+ma Na dang mthar zad do/ /gnas kyi yi ge sum cu bzhi// ming dang po zhes bya ba ste/ /de la dang po'i sde pa dang/ /auSh+ma Na yi bzhi pa ni/ /bcad par bcas pa mgrin pa las/ /gnyis pa dag dang an+tas+tha'i/ /dang po auSh+ma'i dang po rnams/ /rkan las rab tu 'byung ba yin/ gsum pa dag dang an+tas+tha'i/ /gnyis pa auSh+ma'i gnyis pa rnams// spyi bo las ni rab tu 'byung/ /bzhi pa dang ni an+tas+tha'i/ /gsum pa auSh+ma'i gsum pa rnams/ /so yi cha las kun tu 'byung/ /lnga pa dang ni an+tas+tha'i/ /bzhi pa mchu las 'byung ba yin/ /mthar zad mgul dang spyi bo las/ /sde lnga dag las lnga lnga yang/ /dang por rang gnas drag pa ste/ /gnyis pa 'bring dang spyi bo'i cha/ /gsum pa rnams ni zhan pa ste/ /ma hA prA Na zhes bya ba/ /bzhi pa rang gnas khong nas so/ /a nu swa ra zhes bya ba/ /lnga pa rang gnas sna nas 'byung/ /mgul ba sna dang glod pa'i sbubs/ /dog pa yin te yang pa gzhan/ rkan dang so dang lce dang mchu// phrad pa yin te gzhan zhes bya ba/ /gnas cha'i yi ge ji snyed kyang/ /nga ro gcig gis bcings pa la/ /de la'ang yi ge gcig ces brjod/ /shin tu phra ba'i rnam pa'i cha/ /de la'ang yi ge gcig ces bya/ /sgra 'di dag la 'dren pa'i cha/ /alpa pra Na gnyis gcig yin/ /mahA pra na gcig gnyis yin/ /ma nuswa ra rdub pa'i sgra/ /bi sardzdza ni bcad pa'o/ /hAswa tha mal sgra yin te/ dIrg+ha ta ni gnyis kyi yun/ /pU ta ni de bzhin gsum/ /au dAt+ta ni mtshungs gnyis gcig a nu dAt+ta phyed cha yin/ /swe ri ta ni rang sgra'o/ /sna ldan a nu swa ra'i cha/ /a ldan a med ces bya ba/ /che ba dag dang chung ba'i ming/ /drang po dgra la ji lta ba/ /nga ro gzhan las de bzhin te/ /de la cung zad gnas cha ni/ /rkan dang mgu la ba'i cha dag las/ /bsgreng dang bkug pa'i nga ro 'byung/ /de bzhin mchu las bstod smad do/ /bsgrims pa spyi bo'i cha la ste// glod pa dag ni so yin no/ /'di dag gis ni bcings pa na/ /cha ni sngon du brjod pa bzhin/ /mi de mu do ri li yi/ /sgra yi cha dang ci rigs sbyar/ /a yi cha ni bdun du dpyad/ lhag ma rnams pa'i cha zhes bya/ de dag re re'i cha yin te/ /gang yang phan tshun brten pa ni/ /kun tu khyab phyir spyi yin/ /de dag yi ge'i bye brag ste/ /rnam grangs du ma med pa dang/ /ming tshig gsal bar byed pa dang/ /don rnams rjod par byed pa'i phyir/ /yi ge zhes ni brjod pa yin/ /rang bzhin las dang dgos chen gyi/ /nges tshig yin te go rims bzhin/ /tshogs dang lus dang 'dus pa ni rnam grangs dag ste de bzhin sbyar/ /ji ltar rdul las gong bu bzhin/ /yi ge 'dus par gyur pa na/ /ming ni rab tu 'grub par 'gyur/ /gang zhig rnam cha 'dus pa yis/ /don gyi ngo bo nyid brjod na/ /rnam cha mang ngam nyung gyur kyang/ /de ni ming zhes rab tu brjod de yang ming gi thog ma dang/ /rjes su grub pa rnam pa gnyis/ /thog ma 'dod rgyal ming yin te/ /rjes grub dag ni don ldan dang/ /rnam pa gnyis kar 'dod pa yin/ /de ni nges tshig yod med do/ /gang zhig gzhan la ma brten par/ /bla dags gang byas thog ma'o/ /de la brten ba rjes grub pa/ /'dod rgyal don ldan gnyis su 'dod/ /'dod rgyal dag tu mtshungs mod kyi/ /ma bstan phyir na grub pa ste/ /ming gzhan gang la 'ang ma brten pa/ /gzhan gyi 'gal pa med phyir ro/ /'thad pa bsgrub pa'i rigs pa dag /chos nyid la ni brten pa bzhin// don ldan ming yang de bzhin du/ /'dod rgyal thog ma nyid la brten/ /rjes su grub pa'i 'dod rgyal ni/ /log par sgrub phyir nges tshig bzhag /'dod rgyal thog ma'i ming gang yin/ /nges tshig gzhi med chos nyid bzhin/ / de brten don ldan nges tshig ni/ /de yin phyir dang de yod phyir/ /de la phan phyir de byed phyir/ /de bya'i phyir dang de 'dra'i phyir/ /de de'i phyir dang de byed phyir/ /de yi ming ni de skad ces/ /rtags kyi sgo 'am med kyang rung skabs kyi mthu yis nges tshig brjod/ /yin dang ngo bor sgrub pa dang/ /dngos po'i rkyen ni dngos kyi ming/ /lhag ma brtags pa zhes pa'o/ /rang gi ngo bo'i nges tshig dang/ /btags pa'i ming gzhan yod byed dang/ / rang gi khyad par gzhan sel bas/ /yin dang ngo bo sgrub pa dang/ /dngos po'i rkyen rnams go rims bzhin/ /rten la brten pa btugs pa dang/ /brgyud pa'i rgyu las 'bras bu dang/ /dngos kyi rgyu la de bzhin dang/ /'bras bu 'am bya bar gyur pa la/ de la rgyu yi ming btags pa'ang/ /dpe gzhan gyi ni ming dag dang/ don 'di dag gis sgo nas ni/ /yod dang de la phan pa dang/ /byed dang las su bsgrub pa dang/ /'dra bar sbyar dang rim bzhin no/ /gal te ming gnyis 'dus pa 'am/ / 'on te mang po 'dus kyang rung/ /de dag khyad par rjod byed na/ /tshig ces rab tu brjod pa ste/ /phrad rnams dag dang bcas pa 'ang yin/ /de la tshig gi sbyor ba bcu/ /'bru mang po dang tshig sdud dang/ /khyad par dag dang yan lag dang/ gzhi dang gzhi gcig bsdu ba dang gzhi mthun pa dang de'i skyes bu/ /zlas dbye ba dang phyogs tsam mo/ /tshig gnyis mang po rab dbye ba/ /rang ming ldan dang mi ldan dang/ /phyogs dang rnam grangs phan tshun dang/ /tshig mang po ste rnam mang po/ /mthun dang tha dad dbye ba yi/ /phyogs kun dang ni phyogs gcig las/ /rab tu dbye ba bzhir 'dod do/ /byed pa drug gis bsgyur ba ni/ /kun la rab tu ldan pa ste/ /brgya dang drug cu rtsa brgyad las/ / dus gcig tu ni gsum ldan gzur/ /tshig bsdu ba ni rnam pa lnga/ /gnyis dang rnam pa bye brag dang/ /gzhan dang byed pa'i tshig yin no/ /las la sogs pa'i dbye ba yin/ /gnyis pa la sogs bdun pa'i mdza' / /byed pa drug tu 'dod pa ste/ /tshig sdud tsam du shes par bya/ /snga ma phyi ma'i sbyor ba yis/ /khyad par bsdu ba rnam pa gnyis/ /'brel pa dag las go rim dang/ /don dang grags pa'i yan lag ni/ /bsdu ba bzhi'o/ grags pa yang/ / 'jig rten bstan bcos dag la gnyis/ /rigs bsal byas dang ma byas pa'i/ /bzhi bsdu ba ni gnyis yin no/ /phyogs gcig dag tu byed pa dang/ so so'i phyogs gcig byed pa yis/ /gzhi gcig bsdu ba'i gnyis su'o// khyad par khyad par can gnyis dang/ /khyad par rnam gnyis gzhi gcig tu/ /mthun pa go bar bya ba la/ /sbyor ba'i gzhi mthun rnam pa gnyis/ /ngo bo 'am ni chos kyang rung/ /tha dad go bar byed pa yis/ /de yi skyes bu gsum yin te/ /byed pa'i tshig dang las 'dzin dang/ /ba gnyis pa zhes bya ba'o/ /de la byed pa brgyad yin te/ /dang po la sogs bdun pa'i mdza' / /rnam dbye bsgyur ba bdun po dang/ /phrad dang sbyor ba bral ba'i phyir/ /gzhan dang sbyor med por ba spang/ /dgag pa dang ni brgyad du 'dod/ /mtshan nyid dbang gi dbye ba yis/ /ma yin dgag pa bcu bzhi dang/ /mtshan nyid dbye ba med mod kyi/ /yul dang dus kyis phye ba yis/ /med par dgag pa bcu gcig dag / gang ldan dgag par 'dod pa'o/ /gzhan dang mi mthun gnyen po dang/ /chung dang phra dang nyung ba dang/ /yun thung lhag ma med pa dang/ /mdza' dag min dang bral ba dang/ /dman dang zhan dang zhum pa dang/ /'dra ba dag las dgag pa ni/ /ma yin dgag par 'dod pa'o/ /rgyun 'dra ba dang rang bzhin dang/ /skabs dang rten gyi dbye ba yis/ /snga dang zhig nas med pa dang/ /dbye ba rnam pa brgyad yin te/ /phan tshun dag la rang bzhin dang/ /rgyu dang rang bzhin gnyis dbye ba'i/ /shin tu med dang bcu gcig ni/ /med par dgag par 'dod pa'o/ /kun tu ldog phyir dgag pa yin/ /de nyid gzhan du mi brjod dang/ /'dra ba gzhan dang bye brag gi / tshig sbyor dbye ba las 'dzin no/ /grangs dang bsdus don sbyor ba yis/ /gcig dang tha dad sbyor byed pa/ /ba gnyis par ni 'dod pa'o/ /bsdu ba'i phyir dang dbye ba'i phyir/ /nye bar tha dad sbyor ba'i phyir/ /'das ma thag dpe gzhan dag dang/ /lan grangs gzhan la sbyor byed pa/ /zlas dbye ba zhes 'dod pa yin/ /rang gi rigs tsam sdud byed cing/ /phyogs gzhan kun tu spong ba dang/ /rigs kyi tshad kyang mi 'dzin pa/ /phyogs tsam ston pa'i sbyor ba'o/ /gang zhig rang gi don med cing/ /don gyi ming la gsal byed pa/ /tshig gi phrad ces bya ba ste/ /de ldan phrad dang bcas pa yin/ /de la phrad kyi 'jug pa ni/ /gang ni 'bri ba'i tshig gi don/ /spyi la khyab par sbyor ba ste/ zlad sdud pa la kun tu spang/ /ci la sogs pa'ang de bzhin te/ /khyab pa skabs kyi brtsi bar bya/ /de zhes bya ba'i tshig gi don/ /tha snyad dngos dang dus 'jug gsum/ /'das dang rnam grangs gzhan can dang/ /lhag ma dag dang bcas pa'o/ /bden pa dag dang gsang ba dang/ /bdag gi ba dang pha rol po/ /dngos po dag la 'jug pa bzhi/ /'das pa dang ni ma 'ongs pa'i/ /dus gnyis la ni 'jug pa gnyis/ /bdag nyid da ltar nyid la spang/ / dngos po'i dus ni mi 'dor ste/ /kun la rab tu sbyar bar bya/ /'di tshig 'das dang ma 'ongs dang/ /skabs kyis dngos gzhan dag la 'jug/ gang zhig la ni bltos byas pa'i/ /nye ba dag dang mngon sum pa'i/ / dngos po dag kyang gnyis yin no/ /spang bar bya ba 'di lta ste/ /lkog tu gyur dang ring ba dang/ /gal te bstan bya dus nyid na/ /'das dang ma 'ongs spang bar bya/ /de rnams kun la bsgyur pa ldan/ /da ni skabs su bab pa'i tshig / da ltar byung la sbyor ba ste/ /'das pa'i skabs la rnam par spang/ /na zhes bya ba'i tshig gi don/ /dmigs kyis 'byed dang rgyu mtshan dang/ /rgyu mtshan don gyis bstan pa dang/ /las dang che dang rten gnas dang/ /phyi tshig de gzhan sogs ston dang/ /'os par dka' ba chags 'dzin las/ /phyi tshig nges par 'byed pa dang/ /de las bzlog pa nyid dang ni/ /'gal ba'ang mi 'gal ston pa dang/ /smon dang dri dang the tshom gzhi/ /tshe skabs rnams la 'di mthong ngo/ /ste ni lhag ma yod pa ste/ /mtshams sbyor ba dang dam 'cha' dang/ /gzhan 'dren pa dang gsum du 'dod/ /phyed dang bya ba 'am yang na ni/ /bya ba nyid du sbyor ba gang/ /tshig gnyis rim pa 'am dus gcig tu/ /sbyor bar byed pa mtshams sbyor yin/ /gang zhig gis ni snga ma la/ /gsal bar byed pa dam 'cha' ba/ / lhag pa yod tsam ston gyur cig / de las gzhan gyur gzhan bden pa'o/ /dang ni 'byed dang sdud pa dang/ /rgyu mtshan tshe skabs gdams ngag lnga/ /de nyid dang ni gzhan dag dang/ /lan grangs gzhan la sbyor ba yi/ / sdud pa'i dang yang gsum du 'dod/ /ni ni dgar dang bsnan pa'i tshig/ dmigs sam nges par 'dzin pa ste/ /phyi ma'i tshig dang sbyar bar bya/ /kyang dang yang ni sdud pa'i tshig/ mi mthun mthun par ston pa'ang yin// 'das pa 'am ma 'ongs gzhan dag las/ /ci rigs dag tu bsdud par bya/ /yang zhes bya ba bsnan pa yin/ /nges par gzung ba'i tshig gi don/ /gzhan mi ldan dang gzhan la min/ /ldan pa tsam du 'dzin pa dang/ /ma nges par ni rnam pa gnyis/ /bden zhing mi bslu ba nyid dang/ /kho na dag ni rnam pa drug /nyid ni de bzhin cung zad du/ /phyi tshig tha dad min pa dang/ /dngos po'i rkyen du 'gyur ba'o/ /tshad 'dzin lhag ma 'gog pa yin/ /tsam zhes bya ba rnam pa gnyis/ /'ba' zhig la sogs de bzhin sbyar/ /khyab pa skabs kyis brtsi bar bya/ /yang dag yongs su kun tu sogs/ /sgra bzhin dang ni phrad du'o/ /tshul ni 'dra dang smad pa dang/ /sgo dang sdom pa mtshan nyid dang/ /thabs dang rigs pa don dang 'dod/ /legs pa dag la 'jug pa las/ /'dra bar bya ba phrad du 'dod/ /bzhin la sogs pa'i tshig gi don/ /ma nor ba dang yin pa dang/ /'dra ba dag tu sbyor pa'o/ /cing la sogs pa bsdu ba dang/ /mtshams sbyor dag tu byed pa yin/ /la ni gnyis pa bzhi pa dang/ /bdun pa sdud dang sbyor ba dang/ /smon dang tshad 'dzin gzhi dang ni/ /tshe skabs dag tu 'dod pa yin/ /kyi ni 'brel pa'i don yin te/ /kyis ni byed par 'dod pa yin/ /mi mthun rgyan ni gsum char la'o/ /las ni rgyu dang 'byung khungs dang/ /dgar ba yin te nas de bzhin/ /sdud pa dag dang mtshams sbyor ni/ / nas la cung zad lhag ma yin/ /gtan tshigs dag tu 'gyur ba ni/ /drug pa 'ba' zhig ma gtogs pa'o/ /du la sogs pa la dang mthun/ /de nyid dag ni lhag pa yin/ /de bzhin lhag bcas la la'o/ / la la sogs pa slar sdud pa'o/ /'o na khong du chud pa'i tshig /'am zhes bya ba 'byed sdud yin/ /dag dang rnams ni mang po'i tshig /sogs ni mdza' dag sdud pa yin/ /pa 'am can ni bdag po 'am/ /ldan pa'i don du sbyor bar bya/ /ba ni spyi ru gzhag pa ste/ /yul dus nges par ma bzung ba'o/ /za ba bza' dang za po bzhin/ /ma ning dag tu bzhag par bya/ /gal te phrad gnyis 'dus pa 'am/ /yang na mang po 'dus pa dang/ /snga phyi phan tshun zil gnon dang/ /rang gi cha ldan dag tu sbyar/ /gang la dmigs 'dzin mi byed dang/ /dmigs 'dzin te na phrad gyur na/ /gnyis par gyur ba'i mthu bzhin no/ /phyogs gcig khong du chud pa las/ /phyogs gcig 'dri bar byed pa ni/ /'o na zhes pa'i nus pa'o/ /de la dmigs 'dzin snga ma bzhin/ /gzhan 'dren byed pa te yin te/ /na yi phyogs gcig dag tu byed/ /de nyid ldan pa'i phrad rnams ni/ /dmigs 'dzin ldan mi ldan gnyis te/ /snga ma don gyis bsdu bar bya/ /yod na snga ma dngos su bsdu/ /gal te ji ste 'on te dang/ /de ste na zhes bya bar sbyar/ /'on kyang 'o na yang zhes pa/ /bsdu ba gnyis ldan gnyis bsdu ba/ /mthun dang tha dad skabs kyi mthu/ /gang ltar ji ltar de ltar dang/ /de bzhin de skad la sogs pa/ /ji skad bsnan pa'i cha gnyis ldan/ /de la sogs pa'i phrad rnams kun/ /zil gnon gyur tam cha ldan yang/ /dgos pa re rer dril byas te/ /don tshig sbyor ba bcu po dag /phrad kyi sbyor ba ji lta ba/ /de ltar phrad gnyis 'dus pa 'am/ /mang po 'dus par gyur kyang rung/ /de ltar lhag pa mi stan phyir/ /skabs dang tshigs shugs brtags nas ni/ blo ldan rnams kyis gang rigs sbyar/ /dper na skyes bu gang zhig gis/ /gzugs kyi bye brag shes 'dod na/ /phra rdul tshogs la mtshan nyid du/ /de shes che rdul gong bu dang/ / gang chen dag gi mtshan nyid dang/ /las rnams 'bad pa med par shes/ /de shes skabs kyi bya ba gang/ /sbyor ba dag la mi 'jigs bzhin/ /skyes bu smra bar 'dod pa yis/ /gzhi mdza' i yi ge'i bye brag dag / legs par khong du chud pa na/ /de 'dus ming dang de bzhin tshig /shloka dang ni rab byed sogs/ /ming tshig yi ge mtshungs pa'i phyir/ /tshig sbyor 'bad pa med par 'gyur/ / de phyir 'di ni brlabs nas shes/ /smra mchog rje smra rnams kyis bshad/ /don la 'jug byed smra ba rnams kyi sgo/ /blo 'byed gti mug gcod pas mtshon cha 'dra/ /mi 'jigs snyems pa sbyin byed dpung dang go / don nor smra bas mi nyams brtan pa'i mkhar/ /smra mchog rjes smra rnams kyis rjes smras pas/ /sgra nyid dang ni don la 'khrid pa yis/ /'gro kun mthu gnyis rab tu rgyas par shog / paN+Di ta dran pa ye shes grags pas mdzad pa/ /smra ba'i sgro mtshon cha lta bu zhes bya ba rdzogs so// //rgya gar gyi mkhan po dran pa'i ye shes grags pas/ bla ma nor bzang grags pa las thos te/ slob ma gzhon nu grags pa'i don du/ ming gis sbyor ba ni cung zad bzhag /phrad kyi sbyor ba ni cung zad bshad nas bsgyur cing zhus te gtan la phab pa'o/ / smra sgo mtshon cha'i 'grel ba bzhugs/

CLOSE WINDOW