བོད་ཡིག

e-texts based on the ACIP/ALL Input

/de dag dgag pa'ang de snyed kyi/ /'on kyang mdo ru bsdu ba ni/ /de dag tsam du shes par bya/ /ldog pa bsdus pa bstan pa'i tshig le'ur byas pa rdzogs so// // !/ (/ldog pa bsdus pa bstan pa'i rnam 'grel na bi d+harma/) rgya gar skad du paN+Di ni brtan ni rde sha bArti kA/ bod skad du/ ldog pa bsdus pa bstan pa'i rnam 'grel/ bcom ldan 'das gsung gi dbang phyug dpal 'jam pa'i mgon la phyag 'tshal lo/ /gang zhig nyon mongs che la sogs las/ /nges grol yon tan bdag nyid can/ chos kyi mnga' bdag rab tu gtsang/ /snying rje byams pas skyob mdzad pa/ /de la rtag gus bla ma la'ang/ /rab rmongs mun pa gzhom pa'i phyir/ /ldog pa bsdus pa 'dir grol bya/ /'dir bstan bcos rtsom par mdzad pas dang por phyag 'tshal ba rnam pa ni ya rab kyi lugs dang mthun pa dang/ don thub par bya ba'i phyir ro/ /de yang gang la phyag 'tshal ba ni/ 'jam pa'i dpal mgon te/ gang gi phyir gang dang de ni rtag tu 'brel pa yin pa de'i phyir de bstan to/ /rtag tu 'brel pa yang bstan pa rtag tu ni ma yin mod kyi bshad pa rtag tu yin no/ /phyag 'tshal te zhes bya ba ni bstan par 'dod ces bya dang 'brel ba te/ 'di ltar de zhes bya ba ni 'dir 'brel ba'i don te/ /bar chad spangs pa'i phyir ro/ /de yang gang bstan par 'dod na/ dgag pa nyung zad bsdus pa'o/ /gang las zhe na/ /dgag pa'i bye brag rgya cher bshad pa las so/ /gang gi phyir zhe na/ dman pa'i don du ste/ dman pa ni blo dman pa shes rab mi gsal ba dang/ mos pa dman pa le lo can te/ de gang gi don ched du'o/ /de'i phyir sgra dang bstan bcos kyi mkhan po pA Ni ni la sogs pa mdo mdzad pa dang/ ratna ma ti la sogs pas rgyas par mdzad pa dag las don 'di rgya cher bshad kyang bsdus pas 'di zlos par 'gyur ba'i nyes pa med do// rnam pa gcig tu mkhan po 'di dag mkhas pa'i mthar gyur pas de dag gi gzhung las bsdus pas gang dag dad pas rjes su 'brang ba dag 'jug pa'i yan lag tu 'gyur ba'i phyir yang smos so/ /gzhan yang dgos pa ston pa'i tshig 'di dag kyang 'jug pa'i yan lag yin pa'i phyir bstan pa don yod pa nyid du'o/ /'dir yang don ni dgos pa'o dman pa ni dgos pa'i gzhi'o/ /don ni 'dod pa'i don yin la/ don khong du chud pa ni dgos pa yin/ don grub pa ni dgos pa'i yang dgos pa yin te/ der nus pa ni 'brel pa yin no/ /sgra bo cog brjod pa'i dgos pa ni rtogs pa dang/ log par rtogs pa dang/ the tshom du gyur pa rnams bsal ba dang don dri lta ba bzhin khong du chud par bya ba'i phyir te/ 'dir yang de bzhin no/ /sad pa la sogs pa'i don du don log par ston pa ni gzhung las mi srid do/ /da ni mdor bshad par 'dod pas gzhi bstan pa'i phyir/ mkhan pos bstan pa'i mdo dag las/ /dgag pa'i bye brag mang bshad kyang/ kun nas bsdu ba bshad pa dag / ces bya ba smos so/ /de dag las bsdu pa ni/ rnam grangs mdor ru bsdu pa dang/ /bsdus pa'i bye brag bltos pa dang/ rab tu gsal bar brjod pa bzhi/ /'di dag tsam du shes par bya// zhes bya ba yin no/ /de la dgag pa'i rnam grangs ji snyed pa yang med pa dgag pa dang/ ma yin par dgag pa'i bar du bsdu ba ni dang po'o/ /med pa dang ma yin pa'i khyad par gyi bye brag dang/ ma yin par dgag pa'i bye brag nyid bstan pa ni gnyis pa'o/ /dgag pa gang gi dbang du bstan pa ni bltos pa yin te gsum pa'o/ /bye brag rab tu gsal bar brjod pa ni bzhi ste/ mdor bsdu ba ni 'di tsam zad do zhes so/ /de la dang por rnam grangs mdor sdus pa las brtsam nas/ /med dang gzhan dang 'dra ba dang/ /zhes bya ba la sogs pa smos te/ de med par dgag pa ni med pa tsam go bar byed pa yin te/ dper na blun po dag brag rdzong ba lang 'tshol ba dag pa la mkhas pa dag gi ba lang med do zhes brjod pa lta bu'o/ /gzhan pa zhes bya ba ni go bar bya ba dgag par bya ba dang/ gzhan yin pa ste/ 'di ltar dper na la la dag skams 'tshol bar 'dod pa ni gang zhig chu med pa zhes bya ba ston pa lta bu'o/ /'dra ba zhes bya ba ni 'dra zhing mtshungs pa dgag nas mi 'dra bar ston pa ste/ /dper na mi dang 'dra bar ma yin pa ni mi ma yin pa zhes bya ba dang/ rig byed ltar rig byed ma yin pa ni rig byed yin pa zhes bya ba lta bu'o/ /dman pa zhes bya ba ni yon tan bkag nas dman par ston pa ste/ dper na yon tan can gyi bla? ma med pa la bla ma med pa zhes bya ba lta bu'o/ /zhum pa zhes bya ba ni dgag par bya ba rnam par spros pa bkag nas gzhi nyid zhum pa'i ngo bor ston pas dper na yul rgyas par mi dmigs pa'i rnam par shes pa la bsam te/ sems med pa'i gnyid ces bya ba lta bu'o/ /zhan pa zhes bya ba ni byed pa'i bdag nyid kyi nus pa bkag nas zhan par ston pa ste/ dper na skyes bu drag tu mi 'gro ba dag la mi 'gro ba zhes brjod pa lta bu'o/ /phra ba zhes bya ba ni dngos po'i rgyun rags pa dgag pa dag te/ dper na 'du shes med pa'i snyoms par 'jug pa zhes bya ba lta bu 'du shes phra ba la bsam te brjod pa lta bu'o/ /nyung ba zhes bya ba ni rang 'dod pa'i don du 'gyur ba'i rnam grangs dag la mang ba dgag pa ste/ dper na skyes bu rkang 'gros nyung ba dag la rkang 'gres med pa zhes brjod pas shes par bya ba nyung ba nyid yin pa lta bu'o// myur ba zhes bya ba ni ji srid kyi rgyun ring bkag nas dus yun thung ba ston pa yin te/ dper na skyes bu gang zhig gnas zhig tu yun ring du ma 'dug pa dag la der ma 'dug par brjod pa lta bu'o/ /chung ba zhes bya ba ni dngos po'i rang bzhin rgya che ba bkag nas chung ba'i ngo bo nyid ston pa te/ dper na skyes bu gzugs chung ba dag tu shes par bya ba la gzugs med ces bya bas brjod pa lta bu'o/ /lhag ma med pa zhes bya ba ni gang bsam pa'i don las lhag par 'gyur ba bkag nas rang gi 'dod pa 'ba' zhig tsam ston pa ste/ dper na de phan chad grangs kyi gnas gzhan med pa la grangs med pa zhes bya ba dang/ gang zhig gis 'dod par bya ba blang ba la sogs pa'i phyir dris pa dang/ gzhan dag gis de la gang dris pa de dag med do zhes brjod nas/ de la'ang gi 'dod pa dag ni med par khas mi len gyi/ de las lhag par gyur pa'i 'dod pa dag med par sgrub pa lta bu'o/ /mdza' dag ma yin pa ni kun tu khyab par gyur pa dag bkag nas dngos po 'ga' zhig ni 'gegs par mi byed pa dag ste/ dper na rgyu mdza' dag ni 'bras bu la nges pa med pa yin no/ /zhes brjod na/ rgyu 'ga' ni nges par gyur kyang 'gegs pa mi byed pa dang/ gang yang rnam pa thams cad kyi thams cad la gang yang rung ba'i khyad par dag bkag par byas pas 'ga' 'ga' dag la mi 'gog pa ste/ lta bu dag go /mi mthun pa zhes bya ba ni rgyun lhan cig gnas par gyur na gang zhig la gnas pa'i mthu med par yin te/ de bstan par bya ba'i phyir de'i gnyen po dgag par bya ba ston pa ste/ dper na snang ba'i 'od dang rgyun lhan cig bar mi gnas pa mun pa dang/ de bzhin du rig pa dang ma rig pa dang/ shes rab dang som nyi dang/ ye shes dang nyon mongs pa dang/ btang snyoms dang 'dod pa dang/ byams pa dang rnam par 'tshe ba la sogs pa lta bu'o/ /mun pa go bar bya ba la snang ba ma yin pa zhes bya bas brjod pa la sogs pa dgag go/ gnyen po zhes bya ba ni lhan cig gnas na gang gis nus pa phrog par byed pa ste/ snang ba dang mun pa la sogs pa brjod pa ji lta ba'o/ /'di nyid kyi bye brag ci zhe na/ mi mthun pa ni rgyun la gnod pa'i nus pa med la/ gnyen po ni nus pa yod pa ste/ 'di ltar mun pa dang snang ba phrad pa na mun ba ni snang ba nyid mthu nyams na de'i yul du 'ong gi snang ba ji lta ba de srid du de'i yul gnod par mi byed do/ /snang ba ni mun pa ched gnas kyang de'i yul mthar gyi gnas pa byed pa/ de bzhin du ma rig pa dang rig pa dag la sogs pa brjod pa rnams la yang sbyar bar bya ste/ 'di gnyis ni bye brag go/ de'i phyir gnyen po dgag pa zhes bya ba ni 'di ltar bstan par bya ba byams pa go bar bya ba la zhe sdang med pa zhes bya ba dang/ snang ba ston na mun pa zhes bya ba la sogs pas ston pa lta bu'o/ /bral ba zhes bya ba ni med pas mtshon nas yod par go bar byed pa ste/ gang zhig la gang zhig yod pa las/ /de de las bral te mi ldan na bral ba'i thob pa gang yin pa gau bar byed pa ste/ 'di ltar mya ngan dang bral te mi ldan pa'i dngos po ngo bo nyid la mya ngan med pa zhes 'am/ mya ngan las 'das pa zhes bya ba dang/ 'du shes dang tshor ba 'gog pa zhes bya ba dang/ de bzhin du skyes bu gos dang bral te mi ldan pa la gos med pa zhes bya ba dang/ rgyun dang bral ba'i phyir log pa la rgyun las log pa zhes bya ba la sogs pa lta bu'o/ /de dag ni rnam grangs bco lnga yin pas/ rnam grangs bco lngar bshad pa yin/ zhes bya bar thug gi bar du bsnyad pa yin no/ /dang ni de dag gi bsdu ba bstan pa'i phyir/ de las cung zad bsdu ba ni/ brgyad nas gnyis kyi bar du ste/ zhes bya ba smos te/ bar du zhes bya ba ni bsdu ba'o/ /ste zhes bya ba lhag ma'o/ /de las dang po brgyad du sdud pa bstan pa'i phyir/ zhum dang gzhan pa dman par te/ phra ba la sogs drug cig tu/ /zhes smos te/ bsdus zhes bya ba tshig lhag ma'o/ /de las ji ltar bsdu zhe na/ zhum pa yang kun tu spros pa bkag nas gzhi nyid kun tu zhum par ston la/ zhan pa yang nus pa drag po bkag nas nus pa zhan par ston te/ dman pa yang yon tan 'gegs pa yin pas/ de'i phyir yon tan gyi phyogs dgag par gsum ga 'du'o/ /phra ba la sogs pa yang chung bar bsdu te/ 'di ltar phra par ston pa dang/ nyung bar ston pa dang/ yang yun thung bar ston pa dang/ chung bar ston pa dang/ lhag ma med par ston pa dang/ mdza' dag ma yin par ston pa rnams kyang che ba 'am rags pa'i phyogs dgag par mtshungs? te/ de'i phyir gcig tu 'du'o/ /de nas dgag pa'i rnam grangs brgyad du bsdu ste/ 'di ltar med par dgag pa dang/ ma yin par dgag pa dang/ 'dra ba las dgag pa dman par dgag pa dang/ phra par dgag pa dang/ mi mthun par dgag pa dang/ gnyen por dgag pa dang/ bral bar dgag pa ste brgyad do/ /mdun du bsdu ba bstan pa'i phyir/ mi mthun gnyen por sbyar bas bdun zhes bya ba smos te/ rgyun lhan cig gnas pa la 'gal ba yin pas mi mthun pa shas che na/ gnyen po mthu nyams par ma byas kyang byas pa dang 'dra bas mi mthun pa yang gnyen por bsdu ste/ de ltar na rnam grangs bdun no/ /drug tu bsdu ba bstan pa'i phyir/ dman dang chu dang zhum pa du/ /bsdus pas zhes bya ba lhag ma'o/ /dgag pa'i rnam grangs rnam pa drug te/ dman pa dang chung pa dag kyang rang gi bzhi mi 'dor bar bya ba'i phyir der 'du ste/ de'i phyir drug tu'o/ /rnam grangs lngar dbye ba bstan pa'i phyir/ /don gyi go bar byed pa dang/ /tshig gcig rnam par sgrub pa dang/ /de ldan rang tshig mi ston pa/ /de las gzhan pa gzhan yin no/ /zhes bya ba smos te/ de la don gyis go bar byed pa ni dper na lhas byin nyin par zan mi za ba las 'tsho zhes brjod na/ mtshan mo za bar don gyi go ba lta bu'o// tshig gcig gis sgrub par byed pa ni ma skyes pa yod ces bya ba brjod na yod pa'i tshig gcig gis ma skyes pa'i dngos po sgrub pa lta bu'o/ /de gnyi ga dang ldan pa ni ma yin par dgag pa nyid do/ /don gyi go bar 'gyur yang tshig gcig sgrub par yang sbyar du rung ba'o/ /rang gi tshig gi mi ston pa ni rgyal rigs la bram ze ma yin pa zhes brjod pa lta bu'o/ /de dag las gzhan pa ni dngos su ston pa te/ med par ston pa tsam byed pa'o/ /rnam grangs bzhir bsdu ba bstan pa'i phyir/ kun tu rtags pa'i 'gogs pa dang/ rang gi gzhi las zhum pa dang/ gzhan dang 'gal ba rnams pa bzhi zhes bya ba smos te/ de la kun brtags pa'i 'gogs par byed pa'i dgag pa ni med par dgag pa yin te/ 'di ltar gzhan dag khas len pa'i log par rtog pas brtags pa'i 'dod pa bsal ba dang/ som nyi dang ma rtogs pa dag gsal ba'i bya ba byed pas don gyis de kho na nyid ston par mi byed pa'i phyir ro/ /rang gi gzhi las zhum pa ni dman pa dang/ zhan ba dang/ phra ba dang/ chung ba dang/ nyung ba dang/ yun thung ba dang/ lhag ma med pa dang/ mdza' dag ma yin pa rnams kyang bstan par bya ba rang rang gi gzhi mi 'dod/ zhum pa 'am btsum pa'i ngo bor ston par mtshungs so/ /gzhan la bstan par bya ba gzhan pa yin pa 'gal ba dang mi mthun pa med pa'o/ /'gal ba ni rgyun lhan cig gnas par mi rung ba ste grang ba dang tsha ba'i reg pa lta bu'o/ /gsum du bsdu ba ni med pa dang gzhan pa dang/ gnyen po'i don la 'jug pa gsum/ zhes smos pa ni te de la dgag pa 'di gsum ni/ dper na ma byas zhes brjod na byas par 'dod pa 'gegs pa zhig ste/ byas pa med pa tsam ston na ma'i sgras med pa la 'jug go /gal te byas pa las gzhan pa'i dngos po gcig khong du chud par byed na gzhan pa la 'jug go /gal te byas pa dang lhan cig 'gal ba ston na ma'i sgra 'gal ba la 'jug ste/ 'di rnams su bsdu ba brjod pa yin no/ /gnyis su bsdu ba brjod pa'i phyir/ dgag pa'i rnam grangs ji snyed pa/ /med dang ma yin gnyis su 'du/ /zhes smos te/ 'di ltar gal te med pa go bar byed pa yin na ni/ med par dgag pa zhes bya la/ ma yin pa'i dngos po zhig go byar byed na ni/ ma yin par dgag pa zhes bya ba'i grangs su 'gro bas 'di gnyis su mi 'du ba med do/ /ldog pa rab tu bstan pa zhes bya ba rnam grangs mdor bsdu ba'i le'u dang po'o/ /da ni bsdus pa'i bye brag bstan par 'dod nas/ bstan bya don yod don med dang/ zhes pa nas/ bsdus pa'i bye brag shes par bya/ zhes bya ba'i bar dag smos te/ de la bstan par bya ba ni khong du chud pa'o/ /don ni yul lo/ /yod pa ni ji ltar yang dmigs su yod pa'i dngos po'o/ /bstan par bya ba med pa ni de ltar ma yin pa ste de ni don gyi bye brag go /'jug tshul dngos dang brgyud pa dang/ zhes bya ba ni sgra 'jug pa'i thabs kyi bye brag ste/ de la 'jug pa zhes bya ba ni sgra 'jug pa'o/ /tshul ni de'i thabs sam lugs te/ de'i bye brag ni dngos dang brgyud pa'o/ /zhes bya bar 'gyur ro/ /de la dngos su 'jug pa ni sgra ji bzhin pa ste/ bstan pas 'jug ces bya ba'i don to/ /brgyud pa ni shes par bya ba gzhan yod pa ste/ bshad par tshul gyi 'jug ces bya ba yin no/ /da ni dgos pa'i khyad par bstan pa'i phyir/ /kun tu brtags pa bzlog pa dang/ chos kyi de nyid bstan pa dang/ /gzhan gyi 'dod pa bsal ba dang/ /rang gi 'dod pa'ang sgrub pa dang/ /zhes bya ba smos te de la kun tu brtags pa zhes bya ba ni log pa'i rtog pas nan gyis brtags pa ste thag pa la sprul bzhin no/ /de bzlog pa ni kun tu rtogs pa bzlog pa yin te/ brtags pa ni shin tu med pa nyid yin pa'i phyir de bzlog pa dang bzhag pa mod kyi/ 'on kyang 'jig rten pa dag yod pa'i nyid du rtog pas de la de skad ces bya'o/ /chos kyi de kho na nyid ni 'di ltar chos gang yang rang rang gi de kho na nyid mi 'dor te/ de la 'di nyid de yin te ma nor bas na de kho na'o/ /de'i ngo bo nyid yin te/ 'di ltar dngos po'i ngo bo nyid dam dngos po med pa'i ngo bo nyid ni chos kyi de kho na nyid do/ /sgra gang gi de ston pa ni snga ma las gzhan nyid du shes par bya'o/ /gzhan yang gzhan gyi 'dod pa grub pa'i mdza' sel cing bzlog pa ni rang gi grub pa'i mdza' mi sgrub la/ rang gi 'dod pa 'ang sgrub pa dang zhes bya ba'i 'ang gi sgrub brjod pa ni gzhan gyi 'dod pa sel ba 'ba' zhig tu ma zad kyi rang gi 'dod pa'i don yang sgrub par byed de/ 'di yang dgos pa'i byed brag go / 'byung ba'i dus kyi khyad par gyis/ zhes bya bas ni 'byung ba dang dus kyi bye brag bstan te/ de la 'byung ba ni sgra brjod pa 'byung ba'o/ /de'i dus ni dus gang gi tshe sgra 'di 'byung bar 'gyur la/ gang gi tshe 'di 'byung ngo zhes bya ba ste/ de dag gis med pa dang ma yin pa gnyis kyi bye brag shes par bya'o zhes bya ba ni khyad par de dag gang gi khyad par yin pa bstan pa'i phyir/ don dang 'jug tshul dgos pa dang 'byung dus dbang ste go rims bzhin zhes bya ba smos so// da ni bye brag de dag dgag pa rnams gnyis dang go rims ji ltar sbyar ba bstan pa'i phyir/ med pa'i bstan bya don med de/ /ma yin pa ni don yod pa'o/ /zhes bya ba la sogs pa smos te/ de la med par dgag pa'i bstan par bya ba'i yul ji ltar med ce na/ 'di ltar med pa tsam khong du chud par byed pa ni don gyi dngos po gang yang khas mi len pa'i phyir don gyi de kho na nyid med do/ /ma yin par dgag pa ni yod pa yin te/ gang ltar yang dngos po 'am dngos po med pa'i dngos po la dmigs pa dam 'cha' pa'i phyir dmigs pa'i don yod pas dmigs su yod pa'o/ /de bzhin med pa dngos su 'jug /ma yin pa ni brgyud pas so/ /zhes bya ba la/ med par dgag pa ni sgra'i 'jug tshul dngos su 'jug ste/ dper na ri bong la rwa med par bstan pa'i phyir dmus long dag la 'di skad du mgo la rno ba dang rno ba'i rang bzhin ma skyes pas ri bong gi rwa med ces brjod na rwa med pa nyid go bar byed kyi gzhan zhig go bar mi byed do/ /ma yin par dgag pa ni brgyud pa'i tshul gyis 'jug ste/ dper na rgyal rigs la bram ze ma yin pa zhes bya ba'i sgra brjod na de bram ze bsag pas go bar bya ba gzhan rgyal rigs yod de/ de'i phyir brgyud pa'i tshul gyi yin no/ /kun rtog bzlog pa med pa ste/ de nyid ston pa ma yin pa'o/ /zhes bya ba la med par dgag pa ji ltar kun tu rtog pa bzlog ce na/ dper na la la dag thag pa la sprul du rtogs pa dag la sprul med ces brjod na/ de ni med par dgag pa yin te/ de kun rtog pa bzlog par byed do/ /ma yin par dgag pas chos rnams kyi de kho na nyid ston pa'i 'di ltar chos thams cad ni ma skyes pa 'am ma 'gags pa zhes brjod pa'i sgras chos rnams kyi chos nyid spros pa dang bral ba'i de kho na nyid ston pa lta bu dang/ ma chags pa'i sgras chags pa med pa tsam ston par mi byed kyi/ chags pa'i gnyen por gyur pa'i dge ba'i chos kyang kho na nyid ston pa lta bu dag go /gzhan gyi 'dod pa sel ba ni/ /med par dgag pa'i dgos pa ste/ /rang 'dod sgrub pa ma yin pa'o/ /zhes bya ba la/ med par dgag pas gzhan gyi 'bod pa sel ba ni gzhan gyis grub pa'i mdza' sel ba ste/ de yang 'dod pa ni bdun pa'i bdag nyid yin la/ grub pa'i mdza' ni shes rab dang mos pa'i bye brag yin te/ 'dir 'dod pa yang nges par 'dzin pa'i 'dod pa'o/ /de sel ba ni bdag tu 'dod pa dag gi 'dod pa bsal ba'i phyir bdag med ces brjod pas khas blangs pa dag spong pa yin no/ /ma yin par dgag pa ni rang gi 'dod pa sgrub pa ste/ gang zhig chos 'di dag la chos rnams kyi chos nyid kyi ngo bo nyid bdag go ngo bo nyid dang bral bar ston cing rang gi gzhung tshugs par byed pa dag go/ ma rtogs lo rtog the tshom dag /sel 'dod dus na med pa 'byung/ /zhes bya ba ni smra ba pa bo'i yid la byed pa ni 'dod pa yin te/ dper na chos thams cad bdag med par ma rtogs pa'i skye bo phal? ba dang/ log par rtog pa'i phyi rol pa dang/ the tshom can gyi las dang po pa dag gi rtog pa de rnams bsel bar 'dod pa'i yid la byed pa gang gis bsted pa'i brjod pa de ni dgag pa'i skabs su med par dgag par 'gyur te/ 'byung ba'i dus ni de nyid yin par rig la bya'o/ /don nyid khong du chud 'dod na/ /ma yin dgag pa 'byung bar 'gyur/ zhes bya ba ni yid la byed pa gang gi chos rnams kyi don gyi ngo bo nyid khong du chud par 'dod nas brjod pa 'byung ba ni dgag pa'i skabs su ma yin par dgag pa'i grangs su 'gyur ro/ /da ni sngar 'di skad du/ don dang 'jug tshul dgos pa dang/ /'byung dus dbang ste go rims bzhin/ /zhes brjod pa gsal bar bstan pa'i phyir/ /dgag pa'i sgra dang dgag bya yin/ /bstan par bya ba'i don du 'dod pa/ /ces bya ba la sogs pa smos te/ de la dgag pa'i sgra ni 'gegs par byed pa ste/ 'di skad du/ hya na ya b+hi gang ldan pa/ /lhan cig pa ni ldog par 'gyur/ /zhes bya ba lta bu yin no/ /dgag par bya ba ni de dang lhan cig pa yin te/ byed pa des ldog par bya ba'o/ /de gnyis kyi bstan par bya ba ni brjod par bya ba nas rtogs par bya ba'i bar du yin no/ /de'i don yin te/ de ltar shes par bya ba ni 'di'i 'dod pa'o/ /tshul ston pa ni/ don de ji ltar ston byed pa'i/ tshul ni 'di ru thabs su 'dod/ /ces bya ba yin te/ ji ltar ston pa'i tshul ni dngos su 'jug pa'i tshul dang/ brgyud pa'i tshul te sngar dbyad zin to/ /'di ru zhes bya ba ni mtshon par byed pa'i skabs 'dir ro/ /tshul zhes bya ba ni thabs yin no zhes so/ /thabs kyang lugs sam sgo'o/ /gzhan du rang bzhin dang/ rigs pa dang/ sdom pa dang/ nye bar sbyor ba dang/ dman pa dag la yang 'jug go zhes bya pa yin no/ /dgos pa ston pa ni/ thabs kyi 'bras bu dgos pa'o/ /zhes bya ba yin te/ thabs de dag gi bya ba'i 'bras bu ni sgra brjod pa'i dgos pa yin to/ /kun tu rtog pa bzlog pa dang/ chos rnams kyi dngos po bstan pa dang/ gzhan gyi gyi khas blangs bsal ba dang/ rang gi gzhung bsgrub par bya ba rnams grub pa khong du chud pa yin no/ /de na dgos pa'o/ /dus ston pa ni/ 'byung dus rnam pa bzhir bshad pa/ /smra bar byed pa gang zhig gi /yid la byed pa gang ldan pa/ /'dod ldan 'byung ba'i dus su 'dod/ /ces bya ba yin te smra ba po'i 'dod pa gang yid la byed pa'i dus na'o zhes bya bar 'gyur ro/ /de la dgag pa'i sgra 'byung ba'i dus rnam par bzhin don ma rtags pa rtogs par bya ba dang/ log par rtog pa dgag pa dang/ /som nyi za ba bsal ba dang/ /ngo bo nyid rtogs par bya ba'o/ /smra ba po'i yid la byed pa ni don de rnams ji lta ba de ltar 'dod pa yin la byed pa ste/ de gang dang ldan pa de na de dag ston pa'i sgra 'byung bar 'gyur bas sgra 'byung ba'i dus su 'dod do/ /da ni med par dgag pa dang/ ma yin par dgag pa'i bye brag de snyed brjod pa'i gzhi 'am rtsa ba bstan pa'i phyir/ bye brag rtsa ba 'di yin te/ med pa yod pa mi sgrub te/ /ma yin pa ni yin pa sgrub/ /ces bya ba smos so/ /de'i don ni 'di yin to/ med par dgag pa ni yod pa bkag pa'i med pas bstan pas bya ba yod pa sgrub par mi byed la/ ma yin par dgag pa ni yin pa bkag pas ma yin par bstan par bya ba'i dngos po yang grub par byed de/ /'di gnyis ni bye brag gi rtsa ba yin no zhes par 'gyur ro/ /med par dgag pa ji ltar yod pa mi sgrub ce na/ med pa tsam khong du chud pas de'i bya ba yongs su rdzogs pa yin pa'i phyir ro/ /ma yin par dgag pa yin pa sgrub pa ni don gzhan dgag pa'i sgo nas don ston pa de'i bya ba yin pa'i phyir ro/ /da ni med par dgag pa yod pa'i dngos po mi sgrub pa'i rdul dang med pa'i sgra brjod kyang yod pa'i dngos po 'dod pa na med par dgag par mi 'gyur bar bstan pa'i phyir/ rgyu las 'bras bu de bzhin dang/ /tha dad dngos dang brtags pa tsam/ zhes bya ba rim pa bzhin du/ snga na med dang zhig pa dang/ /phan tshun gcig la gcig med pa dang/ shin tu med par gyur pa dang/ /med pa dgag pa'i gzhir gyur pa/ /gal te yod pa'i dngos 'dod na/ /med par dgag par mi 'gyur ro/ /zhes smos so/ /de la rgyu la 'bras bu'i rang bzhin med pa snga na med pa dang/ de bzhin du zhes bya ba ni 'bras bu la rgyu'i rang bzhin med pa zhig nas med pa dang/ tha dad pa'i dngos po phan tshun gcig la gcig med pa dang/ brtags pa tsam ri bong gi rwa lta bu shin tu med par gyur pa rnams ni med par dgag pa go bar bya ba'i gzhir 'tshang par de dag kyang yod pa ston na mad pa dgag par mi 'gyur ba 'di lta ste/ snga na med pa'i sgras rgyu go bar byed pa dang de bzhin du zhig nas med pas 'bras bu dang/ gcig la gcig med pas gcig dang/ shin tu med pas brtags pa'i bdag po go bar 'dod na med par dgag pa'i grangs su mi chud do zhes bya ba yin no/ /de'i phyir yod pa mi sgrub te/ med pa'i yod pa'ang mi sgrub po/ /zhes bya'o/ /yod pa mi sgrub pa ni ji ltar rgyu la 'bras bu'i rang bzhin med pas 'bras bu tsam du dgag pa dang/ de bzhin du 'bras bu la rgyu dang/ gcig la gcig gis gcig tsam dang/ shin tu med pas de nyis 'gegs par byed na med par dgag pa yin pas sngar brjod pa'i yod pa de dag mi 'grub po/ /med pa'i yod pa zhes bya ba ni rdzas su med pa'i ngo bo nyid yod pa'i dngos po ste nam mkha' lta bu'o/ /med par dgag pa ni tha na de yang mi bsgrub po/ /zhes bya ba'o/ /de ltar na med par dgag pas de ltar yod pa mi sgrub pa'i rgyu kho nas 'gyur ba ni/ de yis bstan bya don med dang/ /sgra nyid dngos su 'jug pa dang/ /dgos pa rtags pa sel ba dang/ /de bzhin gzhan gyi 'dod pa dang/ /'byung ba'i dus ni gsum du brjod/ /ces bya ba yin no/ /de bstan par bya ba'i don med pa mi sgrub pa'i rgyus sgrub pa ni 'di yod pa mi tshol na don med pa nyid du zad de/ bsgrub par bya ba'i don gyi sa rdzas ni med do/ /yod pa mi sgrub pa'i rgyus sgra dngos su 'jug pa'i sgrub pa ni 'di ltar med pa'i sgras don gzhan mi ston na med pa'i sgra bzhin nyid yin te/ brgyud mi dgos pa'i phyir dngos su 'jug par 'gyur ro/ /de bzhin du rgyu des dgos pa brtag pa sel bar 'gyur ba ni 'di ltar don gyi ngo bo nyid yod pa mi ston na dgos pa gzhan brtags pa sel ba ma yin pa med do/ /gzhan gyi 'dod pa sel ba yang byed de/ 'di ltar rang 'dod pa'i don mi ston na rang bzhin gyis der 'gyur ba gdan mi za'o/ /rgyu de nyid kyi 'byung ba'i dus gsum du 'gyur ba yang 'di yin te/ ma rtogs pa sel bar 'dod pa'i dus na 'byung ba yang dper na skyes bu gser gyi rang bzhin mi shes pa dag la mi 'gyur zhes bstan na de mi 'gyur ba'i ngo bo nyid gser mi sgrub na ma rtogs pa tsam sel ba'i dus su 'gyur ro/ /log par rtog pa sel bar 'dod pa'i dus na 'byung bar yang 'gyur te/ dper na thag pa la sprul du 'khrul pa'i shes pa can dag la sprul med ces brjod na yod pa'i ngo bo thag pa mi ston na sprul du 'khrul pa'i shes pa tsam bral bar byed par 'gyur ro/ /rgyu des som nyi za ba sel ba'i dus na 'byung bar yang 'gyur te/ /'di ltar gal te thag pa la sprul du the tshom za na/ de la 'di skad du sprul ma yin zhes brjod na thag pa la sogs pa yod pa'i dngos mi ston na gzhi gang la 'khrul du zad de/ sprul du the tshom za ba ldog go /de'i phyir dus de dag na 'byung ba yang yod pa mi grub pa'i rgyus grub par 'gyur ro/ /da ni ma yin par dgag pa'i bye brag med pa las tha dad pa rnams kyi rtsa ba yin pa'i ngo bo nyid ji ltar sgrub pa dang/ rgyu nges ji ltar 'gyur ba ston pa las dang por yin pa'i ngo bo ji ltar sgrub par byed pa la brtsams nas/ gzhan dang gnyen po la sogs pa'i/ /ma yin dgag pa'i tha snyad dag /gang zhig yin pa'i zlog pa yis/ /yin pa'i dngos po gzhan du 'tshol/ /ma yin tsam du mi sgrub ste/ /de phyir ma yin dgag pa ni/ /yin pa'i dngos po bsgrub pa'o zhes smos te/ de la dgag pa'i rnam grangs bco lngar bshad pa de rnams las gzhan pa dang 'dra ba la sogs pa bcu bzhi ma yin par dgag pa'i bye brag yin te/ de rnams kun kyang yin par bkag pa byas nas ma yin pa tsam du 'gyur bar mi byed kyis yin pa'i ngo bo nyid kyi don de las gzhan du tshol bar byed do zhes bya ba'i don to/ /de la re zhig gzhan pa ni 'di ltar ba glang ma yin zhes bya bas ba lang dgag pa tsam ma yin gyis/ rta yin par ston pa lta bu'o/ /de bzhin du 'dra ba dag kyang 'dir ltar dper na rig byed dang 'dra ba dgag pa tsam ma yin te/ mi 'dra ba'i dngos po'i chos ston pa'i/ /de ltar na dgag pa gzhan yang dgag par bya ba dgag pa tsam ma yin te/ dman pa nas bral ba'i bar du rang rang gi ngo bo ston par byed pa gang yin pa de dag re re sgrub par shes par bya'o/ /da ni yin pa'i dngos po sgrub par byed pa'i rgyu des bsdus pa'i byed brag de dag de lta bur 'grub par byed par bstan pa'i phyir/ de yis bstan bya don yang dang/ /brgyud pa'i tshul gyi 'jug pa dang/ /chos kyi de nyid ston pa dang/ /rang gi 'dod pa sgrub pa dang/ /'byung dus gcig tu brjod pa yin/ /zhes bya ba smos te/ de la yin par bsgrub pa'i rgyu de yis ji ltar bstan par bya ba don yod par 'gyur zhe na/ 'di ltar gang gis yin pa'i dngos po sgrub par byed na dngos po de nyid don yod pa yin par 'gyur ro/ /gzhan yang rgyu de sgra brgyud pa'i tshul gyi 'jug par yang 'gyur te/ dper na lhas byin med pa zhes bya ba'i sgras yul ba rand+ha ston na de ni rgyud pa ste/ sgra des lhas byin med pa tsam mi ston la/ des yul ba rand+ha go bar byed pa'i phyir ro/ /rgyu des chos rnams kyi de kho na nyid ston par 'gyur ba ni 'di ltar rtog pa bzlog pa tsam ma yin par ngo bo gcig ston par byed na dngos po'i de kho na nyid ston par byed kyang rung/ dngos po med pa'i de kho na nyid ston par byed kyang rung ste/ chos rnams kyi de kho na nyid ston par 'gyur/ /rgyu de nyid kyi smra ba po rang nyid 'dod pa 'grub par 'gyur te/ 'di ltar smra ba thams cad dngos su gzhan la go bar byed pa yin yang de 'ba' zhig sgrub par mi byed na brgyud pas rang gi don kyang yin te/ de'i phyir rang gi 'dod pa yang sgrub par byed par gdon mi za'o/ /rgyu des chos rnams kyi don khong du chud par 'dod pa'i dus na ma yin par dgag pa 'byung bar 'gyur ba yang yin te/ 'di ltar don gang yin pa ston par byed pa na sgra de don de nyid ldog par byed pas de 'dod pa'i dus na 'byung bar 'gyur ro/ /de ltar med par dgag pa dang/ ma yin par dgag pa'i bye brag de dag gi rtsa ba med par dgag pa yod pa ni mi sgrub pa dang/ ma yin par dgag pa yin pa'i ngo bo nyid sgrub par byed pa yin par bstan pa la/ yod pa mi sgrub pa nyid dang/ yin pa sgrub pa nyid kyi rgyu mi shes pas de bstan pa'i phyir/ yid la byed pa'i khyad par dag /smra ba gang gi blo la gnas/ /de ni bye brag gnyis kyi rgyu/ /zhes bya ba smos te/ smra ba po gang yin pa'i rnam par rtog par dang bcas pa'i shes pa la 'dod par bya ba'i yul gang zhig gzhan gyi go bar 'dod pas yid la byed pas 'phangs pa'i yid kyi yul du byas pa'i don gyi spyi dang/ de brjod pa'i sgra'i spyi shes pa gcig gi yul du mtshungs pa ming dang ming can 'brel par nus shing sgra skyed par byed pa'i bdag nyid can de rgyu yin no/ /gal te sgra'i rgyu de snyed yin na 'dir smra ba po'i blo la yid la byed pa'i bye brag yod pa kho na rgyur smos she na/ de ni thun mong ma yin pa'i phyir/ de bstan par rig pa yin te/ ji ltar gling bu las byung ba'i sgra la gling bu'i sgra zhes brjod pa dag de'i rgyu lag pa la sogs pa yang yin mod kyi/ thun mong ma yin pa'i sgo nas bod? par rig pa de bzhin du shes pa gcig gi yul du mtshungs pa'i sgra dang don gyi spyi skyed pa'i bdag nyid can ni sgra thams cad kyi rgyu yin pas de mi brjod kyi/ yid la byed pa'i bye brag ni khyad par gyi rgyu yin pas de brjod par rigs so/ /gzhan yang yid la byed pa'i bye brag ni rgyu'i gtso bo yin te/ 'di ltar byed pa po yin pa'i phyir te/ sgra skyed par byed pa la rang dbang thob pa ni yid la byed pa yin te/ gang zhig gis 'di snyam du med pa tsam du go bar bya'o snyam du yid la byed pa yod na de'i dus nyid na rnam par rtog pa dang bcas pa'i shes pa la gang med ces brjod pa'i sgra dang mthun pa'i tshogs pa rnams 'byung ste/ dper na rdo khab len yod pa'i dus na da la brten te lcags g.yo bar 'gyur ba bzhin du skul ba'i byed pa po yid la byed pa yod na rnam par shes pa'i rgyu la brten nas rnam par rtog pa dang bcas pa'i shes pa la sgra dang don gyi spyi'i rnam par snang ba 'byung ste/ snang ba de yang yid la byed pas ji ltar 'phangs pa de ltar 'byung ba dper na rdo khab len gang du g.yo ba dang ji ltar g.yo ba de ltar lcags g.yo ba bzhin no/ /shes pa yo ba yang dang rang gi snang ba la/ g.yo ba dang/ snang ba yang 'dra ba'i bdag nyid yin pas de dag tshogs na brjod par 'byung ba/ tshogs pa yid la byed pa la rag las pas 'dir de kho na nyid bye brag gi rgyu'i bdag nyid du smos so/ /da ni dgag pa rnam pa gnyis kyi bye brag gi rtsa ba yod pa mi sgrub pa dang/ yin pa sgrub pa'i rgyu yid la byed pa'i bye brag yin par bstan pa de la yid la byed pa'i bye brag gnyis gang yin pa mi shes pas de bstan pa'i phyir yid la byed pa'i bye brag ni/ 'byung ba'i dus kyi shes par bya zhes smos te/ 'di ltar ma rtogs log par rtog pa dang/ som nyi za bar bsal bar bya'o/ /snyam du yid la byed pa dang/ chos rnams kyi de kho na nyid khong du chud par bya'o snyam du yid la byed pa gnyis kyi yod pa dang yin pa sgrub pa dang mi sgrub par 'gyur ro/ /zhes bya bar 'gyur ro yid la byed pa'i bye brag nyid gang gis phye ba bstan pa'i phyir/ de ni yul gyi phye ba ste/ zhes smos te/ yul gyi bye brag tu byas so zhe'o/ /yul gang zhe na/ dgos pa brjod pa ji lta ba'o/ /zhes smos te/ yul ni sngar dgag pa gnyis kyi dgos pa sngar kun tu brtags bzlog pa la sogs pa ston pa ji lta ba bzhin no/ /yul la yang bye brag mang bas 'dar?/ 'dod pa'i yul zhes bya ba ste/ zhes smos so/ 'dod pas bya ba yang yin la yul yang yin te/ 'di ltar yid la byed pas 'phangs pa'i bdun pas bsams pa'i don gyi dngos po yin no/ /de dag dgag pa'i rnam pa gnyis kyi rgyu'i bye brag bstan pa yin pas rgyu'i bye brag brjod pas so zhes smos pa yin no// nga ni dgag pa bsdus pa'i bye brag bstan pa'i zhar la ma yin par dgag pa nyid kyi bye brag bstan par na 'dod nas ma yin pa dgag pa'i bye brag ni/ zhes smos so/ /de la re zhig gnyen por dgag pa dang/ gzhan par dgag pa gnyis kyi bye brag bstan pa'i phyir/ lhan cig rgyun la gnod byed dang/ de bzhin mi byed dbye ba yis/ /gnyen po dang ni gzhan du brjod/ /ces bya ba smos te/ dngos po'i ngo bo gcig gi rgyun rgyun ma 'chad? par gnas pa gang zhig la dngos po gzhan gyi rgyun dang de nye bar gyur na rang gi nus pa med pa'i skabs su byed pa ste/ de dang gzhan yang rang gi rgyun dang nye yang rang gi nus pa la phan gnod med pa dang/ gang zhig dang nye na rang gi rgyun rgyas par 'gyur ba yod te/ des rnams las 'dir ni gnod pa byed pa dang/ gnod pa dgag pa'i dbang du byas te gnyen po dang/ gzhan pa zhes gnyis su phye ba yin no/ /'gal ba dang zhan pa dang/ zhum par dbye ba ni/ don de nyid las gzhan pa la'ang/ dgag bya dag las gzhan nyid dang/ dgag bya nyid las mi gzhan pas/ /'gal dang zhan dang zhum pa'o/ /zhes bya ba yin te/ 'di ltar gzhan pa nyid la yang dag par bya ba'i spra las gzhan du ston pa'i dbang gis gzhan pa zhes bya ba dang/ dgag par bya ba nyid kyi gzhi las gzhan du ston par mi byed pa'i dbang gis zhum pa ste/ snga ma gnyen po'i don ni 'gal bar bstan te gsum du phye ba yin no/ /de la 'gal ba'i nang du ni mi mthun pa dang/ gnyen po gnyi ga 'dur rung ste/ 'di lhan cig gnas pa na gnod pa med par mi gnas pa'i phyir ro/ /de yang yul thag ring na mi 'gal la/ mthu mnyam pa'i yul na mi 'gal te/ 'on kyang 'gal ba'i chos nyid btang ba ma yin no/ /'di ltar khang mig gi nang na phyogs gcig na mar me gnas/ phyogs gcig na mun pa gnas pa na phyogs re na gnyi ga yang gnas shing gnod pa byed pa med kyang mar me'i rang bzhin mun pa sel ba btang ba ni ma yin no/ /mun pa sel ba yang mun pa'i nus pa nyams pa der rang gi mthu'i snang ba bskyed de thams cad du ma yin yang rang bzhin ma btang ba nyid kyis thams cad nas thams cad du 'gal ba zhes bya ba'i ming btags pa la nyes pa med do/ /'gal pa thams cad kyang mtshungs par lhan cig skyes pa'i 'gal ba dang/ mtshan nyid gcig pa'i ngo bor 'gal ba gnyis so/ /de la mtshungs par lhan cig skyes pa'i 'gal ba yang rnam pa gsum ste/ nus pa nyams par byed pa'i 'gal ba dang/ rang bzhin gyi skabs mi byed pa'i 'gal ba dang/ phan tshun gnod par byed pa'i 'gal ba'o/ /de la nus pa nyams par byed pa'i 'gal ba ni dper na mun pa la snang ba lta bu yin te/ ji ltar mun pa'i nus pa nyams par byed pa'i las can nyid kyi sel bar byed do/ /rang bzhin gyis skabs mi 'byed pa'i 'gal ba ni snang ba la mun pa lta bu yin te/ ji ltar rang gi mthu ma nyams kyi bar du snang ba'i go skabs mi 'byed do/ /phan tshun gnod pa byed pa'i 'gal ba ni grang ba dang tsha ba'i reg pa lta bu yin te/ 'di ltar grang ba'i reg pa mthu tsha na tsha ba'i reg pa yod kyang mtshungs pa gzhan skye ba gnas pa'i bdag nyid can du byed pa yin la/ gal te tsha ba'i reg pa mthu che na yang de bzhin te/ 'di gnyi ga yang byed pa'i bdag nyid can du gnas pa lta bu'o/ /mtshan nyid gcig pa'i ngo bor 'gal ba yang rnam pa gnyis te/ yod pa dang med pa dang/ yin pa dang ma yin pa'o/ /de la snga ma ni dngos su 'gal bar shes pa yin la/ /gcig ni rgyud nas 'gal bar shes pa yin te/ ji ltar zhe na/ dper na lhas byin yod pa'i med pa dngos su spangs te gnas pa yin la/ med pa yang de bzhin no/ /ma yin pa ni sngar med pa khong du chud dgos te/ de nas gdod ma yin par shes so/ /de rnams las med pa ni med par dgag pa yin te/ 'dir mi rtag go ma yin pa ni skabs yin no/ /'dir 'gal bar dgag pa ni zhes brjod pa ni mtshungs par lhan cig skye ba'i 'gal ba kho na bzung bar bya'o/ /de la mtshungs pa ni skad cig ma snga ma dang phyi ma'i rgyun 'dra bar 'byung ba'o// lhan cig ces bya ba ni rgyun gnyis nas gcig tu skye ba ni skye ba'i chos de skad cig ma gzhan skyed pa'o/ /'gal ba ni gcig skye ba na gcig nyams pa ste/ 'gal ba dang/ mi mthun pa dang/ so sor byed pa ni rnam grangs so/ /mtshon par bya ba 'am byed pa'i don ni mtshan ma/ de rang rang gi chos mtshon pas mtshan ma'o/ /da ni de'i ngo bo nyid yin te/ de mthun pa ni gcig pa zhes bya'o/ /chos gang dag rang rang gi mtshan nyid du gnas pa ni mtshan nyid gcig gi ngo bor 'gal te/ 'di ni dngos po thams cad kyi chos nyid yin no/ /da ni rnam grangs bco lngar bshad pa'i dgag pa de dag gi bye brag bstan par 'dod/ /de yang dgag par bya ba'i sgo nas dbye ba bstan pa'i phyir/ bstan par bya ba gzhan nyid dang/ /dgag par bya ba 'dra ba dang/ /de bzhin yon tan nyid dang ni/ /kun tu rnam par spros pa dang/ /las su byed pa'i bdag nyid dang/ /rgyun gyi dngos po rag pa dang/ /'dod pa'i rnam grangs du ma dang/ /de bzhin du yun gyi chu? sring dang/ /dngos kyi rang bzhin che ba dang/ /bsams pa'i don la lhag pa dang/ /kun tu khyab par gyur pa dang/ lhan cig gnas par gyur pa la/ /gnas par nus par ma yin dang/ /de la nus pa 'phrog byed dang/ /med pas mtshon pa yod pa yis/ /ji ltar bstan pa'i don bzhin du/ /bsdu ba'i bye brag de bzhin no/ /zhes bya ba smos te/ de la bstan par bya ba gzhan zhes bya ba ni gzhan par dgag pa'i bye brag ste/ gang zhig bkag pas gzhan ston ces bya ba yin no/ /dgag par bya ba 'dra ba zhes bya ba mi 'dra ba ston pa'i dgag bya yin te/ de bkag nas de dang mi mtshungs pa'i ngo bor ston pa zhes bya ba'i don yin no/ /de bzhin yon tan nyid ces bya ba ni dman par dgag pa'i dgag par bya ba yin te/ de bzhin zhes bya ba ni dgag par bya ba zhes bya bar sbyar ro/ /nyid ces bya ba ni yon tan gyi dngos po'o/ /kun tu rnam par spos pa zhes bya ba ni zhum pa'i dgag bya ste/ spros pa'i ngo bo ni rgyas pa yin la/ de dag go zhes so/ /las su byed pa'i bdag nyid dang/ zhes bya ba ni gzhan pa'i dgag bya ste/ mtshan nyid gang la las gang yod pa de nus pa drag po dang gzhan pa dag las drag pa byed pa'i bdag nyid de dgag par bya ba ste/ 'dir yang gzhi'i las ni ma yin no/ /de yang las zhes bya ba ni dper na shing gcod pa lta bu yin la/ de la skyes bu dang lag cha'i tshogs gyi byed pas byed pa'i las de la yod la/ de yang shing dang phrad pa na byed pa'i de dag la shing gcod pa'i las can zhes bya'o/ /shing yang bcad bar bya ba yin pas bcad pa'i gzhi las te/ de gnyi ga yang btags pa'i sgo nas las su bzhag gi dngos su ni byed pa po'i nye bar 'dod pa shing gcod pa yin te/ des byed pa po dang byed pa dang gzhi nyid du byed do/ /gang gi 'du byed pa de ni las yin no/ /de dag las 'dir ni byed pa las pa'i las de bzung bar bya ba yin no/ /rgyun gyi dngos po rag pa zhes bya ba ni phra ba'i dgag bya ste/ de la rgyun ni skad cig ma mang po 'dus pa'o/ /skad cig ma mang po rgyun tu gnas pa'i ngo bo nyid ni dngos po ste/ de ni 'dir de'i dgag par bya ba'o/ /'dod pa'i rnam grangs du ma zhes bya ba ni nyung ba'i dgag par bya ste/ du ma ni mang po'i tshig gi /'dod pa zhes bya ba smos pa ni mi 'dod na gal te mang yang de sgrub par mi byed do/ /de ni 'di ltar yin te/ smra ba po'i blo la nyung bar sgrub par 'dod na rnam grangs ji snyed yod kyang de nyung bar sgrub la/ de lta bu gcig tu bzlums te de dang 'dra ba'i nu ma 'gegs par byed de/ de'i phyir 'dod pa'i rnam grangs zhes smos kyi rnam grangs tsam gyis ni ma yin no/ /de bzhin du yun gyi chu srid ces bya ba ni thub pa'i dgag bya ste/ de la chu srid ni dngos po'i dbyibs la yang yod pas yun zhes smos te 'dir dus la bya'o/ /de bzhin zhes bya ba ni 'dir yang 'dod pa'i yun du bsams te de dgag go zhes bya ba yin no/ /dngos kyi rang bzhin che ba zhes bya ba ni chung ba'i dgag par bya ba ste/ de la dngos po ni rdzas su yod pa'o/ /de'i ngo bo nyid ni de'i rang bzhin te/ de dgag par bya ba'o zhes bya ba yin no/ /'di ni bsams pa'i don las lhag pa'i lhag ma med pa'i dgag par bya ba ste/ 'di ltar bsams pa'i don yod kyang de las gzhan pa'i lhag ma ste/ de dag go zhes so/ /kun tu khyab par gyur ni mdza' dag ma yin pa'i dgag par bya ba ste/ 'di ni mdza' dag gi ngo bor 'du ba 'gegs kyi mdza' dag nyid bkag na ni med pa'am/ gzhi 'pho bar 'gyur gyi chung ba'i khongs su bsdur rung bar ni 'gyur ro/ /de ni mgo gcig tu lung stan pa'i sgras rnam par phye ba'i don yang ston pa yin pa las 'di rnam par phye ba'i don du 'gyur bar gzung ba yin no/ /'di ni thun mong du dgag pa zhes bya la/ gcig ni thun mong du bstan te dgag pa yin no/ /de dag gi phyir chos can gyi ngo bo 'am/ de'i rigs su bsdus pa gcig la chos gcig bye brag med pa kho nar thun mong du khyab par gyur pa de 'di'i dgag par bya ba yin no/ /zhes bya ba yin no/ /'o na thun mong ma yin par dgag pa dang/ thun mongs ma yin par ston de dgag par ji ltar 'gyur zhe na/ 'di gnyis ni nges par gzung ba'i dgag pa yin pas dgag pa kun gyi spyir 'gro ste/ 'di ltar nges par 'dzin pa bkag na ni de dag gang yang rung ste thun mong gi chos su 'gyur te/ 'di ltar dper na lhas byin gyi bu ngan pa la lhas byin kho na la bu yod pa ma yin zhes bya ba'i sgra bu drag pa dang phrad par 'dod na de nges par 'dzin pa bkag? na gzhan la/ yang yod par ston par 'gyur/ rang la yod pa yang mi 'dor te/ thun mong gi ngo bor ston par 'gyur ro/ /gal te nges par gzung ste bkag na ni sgra de nyid lhas byin la yod pa 'ba' zhig bkag nas gzhan la yang yod par ston te/ 'di ni thun mong ma yin pa de ston par byed pa yin no/ /de ni zhar la 'ongs pa yi/ 'og nas tshig gi phrad dgag pa'i skabs su rig par bya'o/ /lhan cig gnas par gyur pa la gnas par nus pa ma yin dang/ /zhes bya ba ni mi mthun par dgag pa'i dgag bya ste/ de ni rang bzhin gyi go skabs mi 'byang ba'i skabs su bshad zin to/ /de la nus pa 'phrog byed dang/ zhes bya ba ni gnyen por dgag pa'i dgag par bya ba ste/ de ni nus pa nyams par byed pa'i 'gal bar bshad zin to/ /med pas mtshon pa'i yod pa ni bral ba'i bstan par bya ba ste/ de yang sngar bshad zin to/ /yis zhes bya ba ni mjug bsdu ba ste/ rang gi zlas dbye ba de dag 'dir dril te/ ji ltar bstan pa zhes kun la sbyar ro/ /don bzhin du/ bsdu ba'i bye brag de bzhin no zhes bya ba ni don gyi dbye ba rgyas pa de la ji ltar phye ba de bzhin du/ de la cung zad bsdu ba rnams kyi yang de bzhin du shes par bya'o zhes bya ba yin no/ /de yang ming tha dad pa dag ni sngar bshad nas ming mthun pa rnams bltos pa yin te/ 'di ltar gzhan pa dang 'dra ba dang/ dman pa dang/ chung ba dang/ mi mthun pa dang/ gnyen po dang/ bral ba dang/ bdun du dbye ba'i don gyi khyad par dang/ gzhan yang mi mthun pa ma gtog pa drug gi dbye ba dag de dag nyid kyis shes par bya'o zhes bya 'di yin no/ /ldog ma bsdus pa rab tu bstan pa zhes bya ba las bsdus pa'i bye brag bstan pa'i le'u zhes bya ba ste gnyis pa'o/ / //da ni dgag pa'i bltos pa bstan par 'dod nas/ dgag pa yul dang gnas skabs dang/ /dus la bltos pa shes par bya/ /zhes bya ba la sogs pa rgya cher smos te/ de la dgag pa'i yul ni med pa dang ma yin pa'i mtshan nyid gzhi gang la yod pa de 'dir yul du 'dod de/ dper na bum pa dgag par byed na bum pas dben pa'i sa gzhi lta bu'o/ /yul gzhan pa ni 'dir mi gzung ste/ rgyas par yul gyi bye brag rgyas par bstan pa'i skabs su rig par bya'o/ /gnas skabs ni don gyi dngos po ji ltar ston pa'i shugs yin te/ de yang don gyi dgos pa'i shugs nyid yin no/ /dus ni gsum ste/ 'das pa dang/ da ltar 'byung ba dang/ ma 'ongs pa'o/ /de dag la bltos pa ni dper na bum pa dgag par 'dod na 'di skad phyogs 'di ni sngon chad bum pa med ces bya ba la sogs pa smos na yul khyad par can la ma ltos na yul thams cad dgag par ni mi nus so/ /dus kun tu yang mi nus te/ de'i khyad par gzung dgos la/ gnas skabs med pa dang ma yin pa la sogs pa ji ltar go bar bya ba'i dgos ched kyi khyad par med na bstan pa'i dmigs med par 'gyur bas de rnams la bltos dgos pa nyid do/ /bltos pa'i sa de dag kyang thams cad la 'am 'on te ma nges zhe na/ de ni ma nges te/ 'di ltar/ de dag gsum 'am gnyis gnyis sam/ re re'i dbang la'ang bltos pa yin te/ zhes bya ba yin no/ /de'i don ni 'di yin te/ bltos pa zhes bya ba yang khyad par byas te bltos dgos pas na bltos pa zhes gdags so/ /gal te khyad par mi 'dzin te spyi tsam du 'dzin na ni de bltos pa'i rnam grangs su 'dir mi gzung ngo/ /des na 'di ltar 'gyur te/ kha cig tu yul dang dus dang gnas skabs su mtshar? gyi bye brag gzung dgos pa yang yod la/ kha cig tu de dag gang yang rung ba gnyis gnyis sam re re'i khyad par gzung bas gzhan spyir 'gyur ba gzung mi dgos pa yang yod do/ /zhes bya ba 'di yin no/ /de ltar yul dang dus dang gnas skabs kyi spyi dang khyad par de dag mthun par dbye ba yod dam/ 'on te bye brag yod pa bstan pa'i phyir/ spyi dang khyad par dbye ba ni/ /yul dang dus la yod pa yin/ /gnas skabs la yang cha yod do/ /zhes bya ba smos so/ /de la yul dang dus la ni mthun par spyi dang bye brag gzung du yod de/ de nas res dga' smos dgos la/ res dga' smos mi dgos te/ gnas skabs bye brag gi ngo bo yin pas thams cad du shes par byed dgos pa yin na yang re zhig na dgag pa tsam du 'jog pa'i spyi'i cha yod do zhes bya ba yin no/ /de la? dang por yul dang dus dang gnas skabs gsum la bltos dgos par bstan pa de bltos par gsum gyi sgo nas dgag pa'i yul du gyur pa med pa rnam pa bzhi zhes brjod pa yang 'grub par 'dod/ /de bstan pa'i phyir/ dngos po rnams kyi mtshan nyid dag/ phan tshun gcig la gcig med pa// yul gyi khyad par la bltos pa'o/ /zhes bya ba la sogs pa smos so/ /de la 'di ni gcig la gcig med pa ni yul gyi bye brag la bltos pa yin no/ /zhes bya ba yin te/ dper na rta la ba lang gis stong ste med pa dang/ ba lang la rta yis steng ste med pa la dus kyi bye brag ni smos mi dgos te/ yul gyi khyad par gang zhig la gang zhig med pa de yul kho na la bltos pa yin no/ /snga na med pa dang/ zhig nas med pa'i bye brag gis bltos sa bstan pa'i phyir/ rgyu dang 'bras bu'i ngo bo dag/ snga na med dang zhig na med/ /dus kyi khyad par la bltos pa'o/ /zhes smos pa yin no/ /'di ltar rgyu dag la 'bras bu'i rang bzhin snga na med pa dang/ 'bras bu dag la rgyu'i rang bzhin zhig nas med pa ni dus snga phyi'i bye brag la bltos pa yin te/ rgyu 'bras kyi rgyu tsam gyi yul ni bye brag mi 'dzin no/ /shin tu med pa'i bltos sa bstan pa'i phyir/ ri bong ra dang mo bsham bu/ /shin tu mang bar gyur pa ni/ /yul dus spyi la bltos pa'o/ /zhes bya ba smos te/ ri bong gi rwa la sogs pa ni brtags pa tsam ste/ phyogs thams cad na gtan med pa'i phyir yul dang dus gang gi yang bye brag gzung mi dgos kyi/ 'on kyang spyi tsam 'dzin pa la ltos zhes brjod pa yin no/ /de ltar yul dang dus gnyis kyi med pa bzhir 'gyur bas/ yul dang dus kyi dbang gis ni/ /med pa rnam pa bzhir 'dod do/ /zhes smos so/ /da ni gnas skabs kyi dbang du bstan pa'i dgag pa'i dbye bar 'gyur ba bstan pa la mang du dbye ba yang dgos pa ma yin la nyung ngu bsdu ba yang rtog par dka' ba'i phyir/ gnas skabs dag gi dbye ba yis/ /med dang ma yin gnyen po'i don/ /mi mthun chung sogs bral ba dang/ /mi 'dra ba dang gzhan pa'o/ /zhes bya ba smos te/ ji ltar go bar bya ba'i gnas skabs kyi de ltar phye ba yin te/ 'di ltar de dag yul dang dus kyi bye brag la mi bltos pa ni ma yin mod kyi/ 'on kyang yul dang dus bltos pa'i sgo nas ming gi bye brag de dag de ltar gdags par mi nus la/ yul dang dus mtshungs kyang gnas skabs kyi bye brag gi sgo nas ming de dag thob pa yin te/ de'i phyir de dag gnas skabs kyi dbye bar 'gyur ro zhes bya ba'o/ /de la gnas skabs kyi bye brag ji ltar yin pa ni bsdus pa'i bye brag bstan pa'i skabs dpyad zin to/ de ltar yul dang dus la gnas skabs kyi dbang gi 'gyur ba de dag gang la gang gi ming ji ltar 'gyur ba bstan pas/ de dag gsum gyi dbang la bltos par bstan pa'i phyir 'dir dpe dgod pa/ 'di ni sngon nam de ltar dag /bum pa med ces brjod pa gang/ /med pa tsam zhig 'dod pa 'am/ /gal te yod pa 'dod kyang 'ang/ /de ni gsum la bltos pa'o/ /zhes bya ba smos te/ de la 'di na zhes bya ba ni sa phyogs kyi bye brag smra ba po'i nye ba 'am/ mngon du bya ba 'di na te/ de ni yul gyi bye brag la bltos par bstan to/ /sngon nam da ltar dag ces bya bar ni dus kyi bye brag la bltos par bstan par yin te/ 'di ltar sngon sa phyogs 'di na bum pa med ces brjod pa 'am/ de ltar nyid phyogs 'di ni bum pa med ces brjod na de dus thams cad du na 'gags par mi byed la/ yul kun tu yang mi byed de/ 'di ltar smra ba po'i mngon sum du byas pa dus kyi rgyun gyi bar du chod kyang yid la ma brjod pa dang/ da ltar mngon du byas pa la 'gegs par byed pa ni dus kyi bye brag la bltos pa yin no/ /yul yang mngon du byas pa'i yul yin te/ sgrib pa can gyi yul du ni ma yin no/ /gang gi phyir sgrib pa can gyi yul nyid kyang ma rtogs na der dgag pa'i chos lta ga la 'grub/ de'i phyir yul sgrib pa can ma yin no/ /sgrib pa la rnam pa mang na yang 'dir mdor bsdu na 'di dag ste/ phra dang bar gyi bskal pa dang/ bar du bcad dang che rags dang/ mthun par zil gyis mnan pa dang/ cher mi mthun par 'gyur ba dang/ /sngags la sogs pas sgrib pa dang/ /chos kyi snang bar mi nus dang/ /dus kyi mchod par ma gyur pa/ /'di rnams dgag sgrub nus pa'i rgyu/ /zhes 'byung ba yin no/ /bum pa med ces brjod pa gang/ /zhes bya ba ni dgag pa nyid de/ de yang bya ba ni du ma pa'o byed pa med pa zhes bya'o/ /med pa tsam zhig 'dod pa 'am/ /gal te yod pa 'dod kyang rung/ /zhes bya ba ni gnas skabs la bltos par bstan pa yin te/ de yang med pa tsam zhig 'dod pa yin na ni med par dgag par 'gyur la/ gal te yod par 'dod na ni ma yin par dgag par 'gyur te/ /'dod pa'i skabs dang des ni dgos pa sgrub bar byed do/ /de bzhin du gangs sam me la sogs pa la/ sngon nas da ltar phyis kyang rung/ /'di la myu gu mi skye zhes/ /dgag pa yang ni de bzhin no/ /zhes smos pa yang sbyar bar bya ste/ sngon ni dus 'das pa la gsal bar dran pa dang/ da ltar mngon du byas pa la dgag pa'i sgra bsgrub par bya ba ston pa yin la 'di ni 'das pa 'am/ da ltar dam phyis kyang rung ste/ yul nyid mngon du gyur na dus kyi khyad par du gzung mi dgos te/ gang gzung yang 'di'o zhes ston pa'i sbyor ba yin no/ /'di don ni 'di yin te/ smra ba po gang gi sngar gangs sam me'i mtshan nyid khong du chud na de yis yul de nye yang rung ring yang rung bsgribs pa dag na 'dug kyang rung ste/ dgag pa'i yul du byas nas de la dgag par bya ba myu gu skye ba 'gegs par byed na dus gang gzung yang nges pa med la/ 'on te ma gzung na yang 'og nas 'byung ba'i dgag pa yul la bltos pa nyid du 'gyur ro/ /de ni re zhig gsum la bltos pa'i tshul yin no/ /da ni gang yang rung ba gnyis gnyis la bltos par ston pa la/ re zhig dus dang gnas skabs kyi khyad par 'dzin pa la bstan pa'i phyir/ so ga shing 'bras mi smin ces/ /dgag pa dus dang gnas skabs la'o/ /zhes smos te/ so ga zhes bya ba ni dus kyi khyad par yin te/ dus de'i tshe na dgag par bya ba shing gi 'bras bu smin pa dgag par byed na gnas skabs med pa 'am ma yin pa zhig sgrub par sbyar bas yul gyi bye brag smos mi dgos te/ 'di ltar shin tu dra? ba'i yul sen ta la sogs pa na yang mi smin na gzhan lta ci smos te dgag mi dgos so/ /gang gi phyir zhe na/ gang du shing rnams 'dab ma 'pho ba'i dus de ni so ga'i sgras brjod pa yin la/ de ltar na mang ba ma yang mi rgyas na 'bras bu ga la smos te/ yul gyi bye brag smos mi dgos so/ /gzhan yang yul dang dus la bltos te gnas skabs kyi bye brag mi 'dzin pa bstan pa'i phyir/ 'di na da lta 'di med ces/ /dgag pa yul dang dus la'o/ /zhes smos te/ yul 'di na dus da lta dgag par bya ba 'di med do zhes brjod na de med pa 'am ma yin pa ni kho na sgrub par blos ma phye ste spyi tsam du brjod na yul dang dus bye brag 'dzin par 'gyur ro/ /yul dang gnas skabs la bltos pa bstan pa'i phyir rta la ba lang med ces pa/ yul dang skabs la bltos pa yin/ zhes smos te/ yul rta'i ngo bo nyid la dgag par bya ba ba lang gi ngo bo nyid bkag na de ba lang med pa tsam 'dod kyang rung/ rta shes par 'dod kyang rung ste/ dus kyi bye brag smos mi dgos so/ /gang gi phyir dus thams cad du rta la ba lang med pa'i phyir ro/ /da ni de dag re re'i dbang la bltos pa bstan pa'i phyir/ gangs la myu gu skye med ces/ dgag pa yul la ltos pa'o/ /zhes smos te/ 'di ltar gangs ni myu gu'i tshogs pa dang ji srid pa de srid du mi ldan te/ de'i phyir yul khyad par du byas te/ gnas skabs snga ma bzhin du sbyar na dus kyi bye brag rang bzhin gyis gzung mi dgos pa'i phyir de yul gcig pu la bltos pa zhes bya bar brjod du rung bar 'gyur ro/ /da ni dus kyi bye brag la bltos pa bstan par 'dod na/ lhas byin shi med ces pa/ /dgag pa dus la bltos pa'o/ /zhes bya ba smos te/ 'di ltar lhas byin shi ba la bsams te/ lhas byin med de zhes bstan na de phan chad yul dbus na lhas byin gyi ngo bor med cing skyes bu'i bya ba mi byed na shi pa'i phyir yul gzhan na yang ngo bo med cing bya ba mi byed de/ de'i phyir yul gyi khyad par ni gzung mi dgos la shi nas gdod med pa'i phyir dus kyi khyad par ni gzung dgos pa nyid do/ /'dir yang gnas skabs ni snga ma bzhin du rig par bya'o/ /da ni yul dang dus dang gnas skabs gsum po de dag re re 'am gnyis la bltos par bstan pa de dag kho nas yin te/ gzhan dag gzhi mi dgos par rtogs par dogs nas de dag khyad par gang gtso bo khyad par du byed cing gzhan spyir byed pa la bsams pa'i don gyi dbang du bstan pa'i phyir/ re re 'am gnyis gnyis bltos ston pa/ khyad par mi 'dzin dbang du'o/ /zhes smos pa yin te/ gang spyir byed pa de ni 'dir khyad par du mi 'dzin pa dang 'dra ste gzung zhing smos mi dgos so/ /de'i phyir re re 'am gnyis gnyis la bltos pa zhes ston pa yin no/ /de la gnas skabs ni khyad par nyid yin na spyi gang zhig yin zhes rtogs pa bsal ba'i phyir/ skabs ni kun tu 'ang khyad pa te/ skabs tsam spyi yi cha yin no/ /zhes smos te/ gang med pa 'am ma yin par ston par mi byed pa ni med de/ de'i phyir kun tu yang khyad par yin mod kyi/ gnyi ga yang dgag par bya ba dgag pa'i skabs tsam du 'dra ba'i phyir 'dod pa bye brag ma byed pa'i spyi'i skabs la spyi'i don du gzung ngo zhes bya ba'i don to/ /de ni de ltar bye brag 'dzin pa mi 'dzin pas de dag la bltos pa dang mi bltos pa bshad pa la/ gang dag bsgrub par bya ba'i dgos pa 'grub par 'dod pa la re re'am gnyis gnyis kyi 'grub pa'am/ /'on te tshang bar shes dgos snyam du rtog par dogs pa bsal ba'i phyir/ dgos pa 'grub pa'i dbang du ni/ /sum nyid la ni bltos pa yin/ /zhes smos te/ dgos pa ni smra pa po'i 'dod pa'i don yin no/ /de 'grub pa ni dgos pa 'grub pa yin te/ gal te dgos pa 'grub par bya na tha na ri bong gi rwa dgag par bya na yul thams cad du med par shes dgongs la/ gnas skabs kyang med pa'i ngo bor shes par 'dod pa shes dgos te/ yul dang dus khyad par du byed pa dang/ ma yin par dgag pa la tshang bar dgos pa smos ci dgos te/ thams cad du bltos de dgos so zhes bya ba'i don to/ /da ni yul dang dus dang gnas skabs gsum pa de dag bye brag mang bas gang gi dbang du byas pa mi rtogs pa'i phyir/ yul ni dgag bya'i gzhi yin te/ dus gsum da lta'i dbang gis yin// gnas skabs go bar bya ba'i dbang/ /zhes bya ba smos so/ /de la dgag pa'i yul yin par 'dra yang tha snyad kyi yul gyi sgo nas dbye ba mang du yod pas 'dir ni dgag pa nyid kyi yul gzung ngo/ /de bstan pa'i phyir ro/ /dgag bya'i gzhi zhes smos te/ 'di ltar bum pa med ces dgag pa ni dgag par bya ba bum pa yin te/ bum pa med pa gang la yod pa de gzhi yin no/ /bram ze la rgyal rigs dgag na rgyal rigs ma yin pa yod na bram ze yin no/ /'di ni med pa'i yul yin te/ /med pa'i tha snyad kyi yul ni ma yin pa yin no/ /zhes bya ba'i tha tshig go / dus gsum da ltar gyi dbang gis yin te/ de yang 'di ltar 'das pa'i dus can rnams rgyu yang spyad zin la 'bras bu yang spyad zin pa yin te/ de'i dbang gis dbyer mi rung ste/ sngar da ltar gyi ngo bor gnas la phyis ni med pa yin pa'i phyir de bzhag par mi nus so/ /ma 'ongs pas kyang mi nus te/ rgyu 'bras gnyi ga ma spyad pa yin pas phyi tsam na ni de ltar gyi ngo bor 'gyur la sngar ni med do/ /de'i phyir des kyang mi nus so/ /da ltar gyi dus can rnams rgyu ni spyad zin la 'bras bu ni ma spyad de/ da ltar ba'i ngo bor yod la/ dus de nyid de ltar du brjod du yod do/ /de bzhag na ni 'das pa dang/ ma 'ongs pa yang gdags su rung ngo/ /de la 'di skad du da ltar la bltos nas 'das pa bzhag pa na 'das pa las kyang da ltar bstos su rung ngo zhe na/ 'di lta ste yod pa dang med pa yang dang por yod pa la bltos nas med par 'grub ste/ med pa yod pa'i gzhi la bltos pa yin pa de bzhin du med pa ni de lta ma yin te/ 'di ltar yod pa mngon du gyur pa mngon du byas pa'i rjes su dpag nas med pas 'grub par byed do/ /med pa de yang yod pa'i dngos po de med ces yod pas 'jog go /med pa ni lung de dag las brjod kyi shes pa gang gis kyang mngon sum du ma byas pa ste/ med pa nyid kyang ma rtog na des yod pa lta ga la grub/ de'i phyir yod pa dang med pa phan tshun bltos par bshad pa ni yod pas bzhag pa yin no/ /sngar ma byung ba las byung ba dag kyang nam byung ba'i dngos po mngon du byas pa na de sngar ma byung ba zhes gdod 'jog par byed do/ /de bzhin du dus kyang 'das pa dang/ ma 'ongs pa ni rtags pa tsam ste/ med pa nyid yin la med pas bzhag tu mi nus so/ /da ltar gyi dngos po ni yod pa yang yin la mngon du byas so/ /des bzhag na ni/ 'das pa dang ma 'ongs pa 'grub po/ /de'i phyir dus gsum ni de ltar gyi dbang gi bzhag pa yin par shes par bya'o/ /gnas skabs kyang go bar bya ba'i don to/ /dgos pa'i dbang de nyid la 'dir gnas skabs zhes bya ste/ spyir ni dus nyid skabs yin no/ /'on kyang 'dir dus ni dngos po'i dus yin la/ gnas skabs ni smra ba po'i 'dod pa'i don gyi gnas skabs yin/ da ni dgag pa go bar byed pa'i sgra dang shes pa'i yul med pa bzhi yin par bstan pa'i phyir/ dgag bar go bar byed pa yis/ /yul ni med pa bzhi yin te/ snga na med dang zhig gnas med/ /gcig la gcig med shin tu med/ /ces smos te/ dgag pa thams cad kyang med par bsgrub pa yin la/ dngos po tha dad pa'i med pa thams cad kyang bzhi po de dag tu 'dus te/ de'i phyir dgag pa bsgrub par byed pa'i sgra dang shes pa thams cad kyi dngos po bsgrub par bya ba med pa yin na med pa bzhi po dag dgag pa go bar byed pa'i yul tha snyad nas/ go bor byed pa'i gnas skabs bstan pa'i phyir/ go byed skabs ni gnyis yin te/ /che long dang ni rgyas par ro/ /zhes smos te/ de la tshe long ni bye brag rgyas par ma phye ba ste/ phyogs tsam mthong bar bya ba zhes bya ba'i don to/ /rgyas par ni thams cad mthong bar byed pa zhes bya ba'i don yin te/ de dag bstan pa'i phyir/ tshe long gi dbang la brtsams nas med pa rnam pa bzhi la phye ba ni/ zhig nas med dang shin tu med/ /med par dgag pa zhes 'dod do/ /lhag ma ma yin dgag par ni/ /tshe long dbang gis 'dod pa ste/ yul na mod dang yod pa yi/ /dbang tsam dag tu 'dod pa'o/ /zhes bya ba yin te/ 'di ltar bum pa zhig ste med pa yang yul gang na yang bum pa'i ngo bor med de med pa nyid yin la/ ri bong gi rwa la sogs pa yul gang na yang med/ de'i phyir de gnyis ni med par dgag par bsdu'o/ /lhag ma ni snga na med pa dang gcig la gcig med pa yin te/ snga na med pa yang da ltar gyi ngo bor yod de/ snga na med pa'i bum pa lta bu'o/ /gcig la gcig med yang rta ni rta'i rang bzhin du yod la/ ba lang ba lang gi rang bzhin du yod de/ 'di gnyi ga yang da ltar yul na yod pa yin pas ma yin pa zhes bya'o/ /'on kyang de dag gi phyogs tsam yin te/ med pa nyid ni ma yin no/ /snga ma gnyis ni med pa nyid yin no/ /gal te med pa nyid yin na phyogs tsam mthong ba zhes gang gi phyir bya zhe na/ de ni 'di ltar med pa bzhi med pa nyid du mthun pa yang yin la/ rten brjod pa kun kyang yin pa las sgra brjod pa nas snga ma gnyis ni mi snang ba'i dus nyid na/ brjod la gzhan ni snang ba de nyid la rjod par byed de/ de'i dus na yul na snang ba dang mi snang ba'i dbang tsam mthong bar byed pa ni phyogs yin no/ /rgyas par ni de bzhi char yang med pa kho na yin pa'i phyir med pa dgag pa'i dbye ba yin la/ de las brgyud nas gzhan ston yang yin pas ma yin par dgag pa yang yin no/ /de yang yul na yod pa ste/ /rang gi ngo bo ni der sgrub par byed pa yin/ /rgyas par bstan pa nyid brjod par 'dod nas/ /med pa bzhi nyid mi shes pa 'am/ gal te yod sogs 'dod pa la/ /med pa tsam zhig sgrub pa na// med par dgag par bzhir 'dod do/ /zhes bya ba la sogs par bstan to/ /de la 'dir ni med par dgag pa'i bye brag dbye ba yin te/ /ji skad smos pa med pa'i bzhi'i rang gi ngo bo mi shes pa'am/ yod med the tshom za ba dang/ /'di ltar yod par rtogs pa yod de/ /snga na med pa la ni kha cig bum pa la mi rtags pa nyid snga nas yod de/ /na ma tho ba? lta bu dang phrad nas gsal bar byas pas zad de/ /de bzhin du 'bras bu thams cad kyang 'bras bu'i bya ba mi byed pa tsam du zad de/ rgyu'i dus na 'bras bu'i ngo bor yod do zhes pa dang/ /zhig nas med pa la yang rgyun ni rgyu'i ngo bor dus thams cad du yod de/ /'jim pa'i gong bu ni bum pa la yod de/ /rgyu'i rang bzhin mi 'dor ro zhes brjod pa dang gcig la gcig med pa dag la yang rta la yang ba lang gi rang bzhin yod de/ /ba lang gi spyi ni yul thams cad na gnas zhes dngos po thams cad ni thams cad la thams cad kyis khyab pa dang 'dod pa dang/ shin tu med pa dag la yang ri bong gi rwa ni rkyen med pa'i phyir sa ba dang rno ba'i bya ba byed par mi snang ba tsam las ma gtogs pa rwa'i rang bzhin med pa ma yin te/ dmigs su yod pa ni yod pa nyid yin no/ /zhes log par rtog pa dag la med pa tsam zhig go par byed na med par dgag pa'i dbye bar 'dod pa rnam pa bzhi'o/ /gal te med pa bzhi po de nyid yul du byas pa la brgyud de don zhig ston na ni ma yin par dgag par 'gyur bar bstan te/ de'i phyir/ gal te ri bong rwa med pas/ /dngos med de nyid sgrub byed na/ /ma yin dgag par 'dod pa ste/ /tshig gcig rnam par sgrub pa'o/ /zhes bya ba la sogs pa smos so/ /gal te ri bong gi rwa med pa tsam zhig sgrub par byed na ni med par dgag par 'gyur la/ /nges rwa med pa'i chos nyid son par byed cing sgrub par byed na de ma yin par dgag pa'i ma nas tshig gcig gi sgrub par byed pa yin no shes bya'o/ /snga na med pa dang zhigs nas med pa ma yin par dgag par bstan pa ni rgyu la 'bras bu med ces dang/ /'bras bu la yang rgyu med ces/ /rgyu 'bras dngos po sgrub byed na/ /de yang de bzhin zhes par bya/ /zhes smos pa yin te/ 'di ltar sa bon ston pa la myu gu med pa zhes bya ba dang/ myu gu la sa bon med pa zhes bya bas ston pa de bzhin du ma yin par dgag pa'i tshig gcig gis sgrub par 'gyur zhes bya ba yin no/ /gcig la gcig med pa'i yul ma yin par dgag par 'gyur bar ston pa ni/ /rta la ba lang med ces pa/ /rta nyid sgrub par byed pa ni/ /ma yin dgag pa zhes 'dod do/ /zhes bya ba yin te/ de ni snga ma bzhin du shes par bya'o/ /de ltar med pa rnam pa bzhi las ma yin par dgag pa tshig gcig gis sgrub par byed pa bshad nas/ /da ni don gyi go ba bstan pa'i phyir/ /gang zhig bkag par gyur pa yis/ /gzhan du 'gal bar 'gyur pa dang/ /gang zhig nges par sgrub byed pa/ /dgag pa don gyi go ba'o/ /zhes smos so/ /'di yang med pa zhig nyid yul du byas zhes bya ba'i don to/ /de'i don ni 'di yin te/ lhas byin ma shi la khyim na med na gzhan na yod par don gyi go ba lta bu ste/ lhas byin shi ba dang khyim na gnas pa bkag pas gzhan na gnas pa ma yin pa gzhan du sgrub pa 'gal te mi rung ba'i phyir gzhan na gnas par nges par sgrub pa yin te/ de lta bu dag go rang gi tshig gi mi ston pa'i sgrub par byed pa'i tshul bstan pa ni/ /ming gzhan dgag pas bstan pa'i dngos/ /'gal dang nges pa med pa ni/ /rang gi tshig gis mi ston pa'o/ /zhes bya ba smos pa yin te/ /ming gzhan bkag pas gzhan bstan pa ni dngos te/ /lhas byin ma yin pa zhes lhas byin gyis ming bkag pas bstan pa'i dngos po mchod sbyin te de la lhas byin bkag pas mchod sbyin ma yin pa gzhan du 'gal pa yang med cing mchod sbyin dang nges par gzung ba yang med la ngo bo de lta bur ston pa ni rang gi tshig gis mi ston pa zhes bya'o/ /de dag gi mjug bsdu ba ni/ /gang zhig sgrub de lta bus dngos dang dngos po med pa yi/ /de kho na nyid sgrub byed pa/ ma yin dgag pa zhes 'dod do/ /zhes bya yin te/ de dag ni sngar dpyad zin to/ /med pa dag ni de las gzhan/ /zhes bya ba ni sgrub pa rnam pa bzhi po de dag gi sgrub pa de ltar bsgrub pa las gzhan te dngos su sgrub po zhes bya ba'i don to/ /da ni med par dgag pa yang med pa bzhir bstan pa dang/ ma yin par dgag pa yang rnam grangs mang du bshad pa rnams tshan tshan du bsdu ba bstan par 'dod nas/ /mtshan nyid dbang gi dbye ba ni// / /ma yin dpag pa'i dbye ba ste/ /med pa dag ni mtshan nyid gcig ces bya ba la sogs pa smos te/ mtshan nyid kyi sgo nas dbye ba ni chos rnams kyi rang gi ngo bo ston pa'i phyir ma yin par dgag pa'i dbye ba yin la/ med par dgag pa ni med par ston pas med pa la rnam grangs kyi mtshan nyid tha dad pa med do/ /de'i phyir/ mtshan gzhi'i dbang gi bzhi yin te/ zhes smos te/ med pa'i mtshan nyid gang la yod pa de ni mtshan gzhi ste/ de'i phye bas med pa bzhir phye ba yin no/ /ma yin par dgag pa la mtshan nyid kyi dbang gi phye ba yod par bstan pa la/ /yang ji ltar go bar byed pa'i mtshan nyid dang/ /go bar bya ba'i mtshan nyid kyi gzhag ste/ de las ji ltar go bar byed pa gang dang gang bsdu ba bstan pa ni ma yin dgag pa'i mtshan nyid ni/ /byed pa'i dbang gis gzhi yin te/ /don gyis go bar byed pa dang/ /tshig gcig sgrub par byed pa dang de dang ldan pa'i dgag pa dang/ rang gi tshig gi mi ston pa'o/ /zhes smos te/ 'di rnams ni don ji ltar go bar byed pa'i tshul lam thabs yin te/ 'di ltar kha cig ni don go bar byed/ kha cig ni tshig gcig gis go bar byed/ kha cig ni de gnyis ka dang ldan pas go bar byed/ kha cig ni gzhan dgag pa'i sgo nas go bar byed de/ de'i phyir de dag ni go bar byed pa'i dbang du bzhag par bsdu ba'o/ /ji ltar go bar byed pa'i dbang du brjod pa bstan pa'i phyir/ bya ba'i dbang gi bdun pa yin te/ med pa nyid ni ma gtogs pa'o/ /zhes bya ba la sogs pa smos pa yin te/ 'dir bdun ni gzung ba bden pa'i phyir smos pa snga ma bzhin no// bdun pa 'ba' zhig ma yin gyi de'i rigs su bsdu ba kun kyang yin par bstan pa'i phyir/ /mi mthun gnyen pos bsdu ba yis/ /drug gam 'gal ba gzhan pa yis/ /gnyis su brjod par rig par bya/ /zhes smos te/ go bar bya ba'i dbang du 'dra ba las bsdus par rgyas par rig par bya'o zhes bstan par rig par bya'o/ /da ni 'di ltar yin te/ la la ni gzhan du go bar bya ba/ la la ni dgag par bya ba dang mi 'dra ba go bar bya ba/ la la ni brtag par bya ba dang dman par go bar bya ba/ la la ni bstan par bya ba dang chung bar go bar bya ba/ la la ni dgag par bya ba dang mi mthun par go bar bya ba/ /la la ni dgag par bya ba'i gnyen por go bar bya ba dang/ la la ni dgag par bya ba dang bral ba'i ngo bor go bar bya ba ste/ bsdu ba dang rgyas pa kun kyang rang rang gi ming gi sgo nas de ltar go bar bya ba yin pas go bar bya ba bsdu bar bya'o/ /da ni dgag pa de dag gi yul dang/ sgra dang/ nges pa'i tshig bstan pa'i phyir/ dgag pa'i yul yang rnam gsum ste/ gzhi yi yul dang bya ba'i yul/ /dgos pa'i yul du 'dod pa yin/ /zhes smos te/ 'dir yang yul ni dgag pa'i sgra'i yul yin te/ yul gzhan ni mi bsnyad do/ /de las gzhi'i yul ni dgag pa'i bya ba'i gzhi yin te sngar bshad zin to/ /bya ba'i yul zhes bya ba ni dgag par bya ba nyid yul yin te/ sgras dgag par bya ba yin pas so/ /dgos pa'i yul ni dgag pa'i sgra'i dgos ched yin te/ /des bsgrub par bya ba yin pa'i phyir/ de'i phyir/ dgag pa'i gzhi dang dgag bya dang/ /dgag pa'i dgos ched gsum gyis so/ /zhes 'byung ba yin no/ /sgra ston pa ni/ sgra ni bye brag med pa ste/ dgos pa'i dbang gi shes par bya/ /zhes bya ba yin te/ 'di ltar med par dgag pa ston pa'i sgra ni 'di ltar ma yin par dgag par ston pa'i sgra ni 'di ltar zhes bye brag med de/ med do zhes bya ba dang/ ma yin zhes bya ba dag kyang thun mong gi khyad par na dgos pa'i dbang du bstan pa nyid kyis so zhes bya ba yin no/ /des tshig ni/ gang phyir gang yang ldog byed pas/ /dgag par zhes ni brjod pa yin/ /zhes smos te/ gang gi phyir dgag pa zhes bya zhe na/ sgra gang yang dgag pa'i sgra 'di ldog par byed pas de'i phyir dgag pa zhes bya'o/ /de yang gang dang sgrogs pa ldog par byed de/ /'di ltar ming dang sgrogs pa ldog par byed de/ 'di ltar ming sgrogs na ni ming nyid ldog par byed de/ /de bzhin tshig dang/ ngag dag gam ji srid du yang rung ste/ ldog par byed do/ /gzhan yang rang gi rigs dang gzhan dag kyang rung ste/ de dag thams cad ldog par byed do/ /de yang ming 'dogs par byed pa'i dus na ngo bo nyid ldog go /tshig ldog par byed pa'i dus na khyad par ldog pa dang/ kha cig tu khyad par can ldog go /gang dang ji srid pa'i bar du yang de bzhin no/ /gzhan ldog par byed pa'i dus na sngar brjod pa ji lta ba bzhin no/ /rang gi rigs ldog par byed pa'i dus na ma bkag pa ji lta ba bzhin no/ /ldog pa'i tshul yang rang dang sgrogs pa'i ming grub par mi byed pa tsam byed de/ tshig ji lta bu dang phrad kyang de bzhin du shes par bya'o/ /ldog pa bsdus pa rab tu bstan pa zhes bya ba las dgag pa'i bltos sa bstan pa'i le'u ste gsum pa'o// //da ni rab tu gsal bar bstan pa brjod pa'i phyir/ /dgag pa'i yul dang dgos pa dang/ /sgra dang dus dang gnas skabs dang/ /dgag bya ba bltos sa nges tshig gis/ rab tu gsal bar brjod pa yin/ /zhes smras so/ de rnams kyi dgag pa'i bye brag legs par 'gyur ro/ /zhes pa yin no/ /de yang mdor bsdu ba bstan pa'i phyir/ mdor ni yul dang bltos sa dang/ /sgra dang nges pa'i tshig gis so/ /zhes smos so/ /'di dag tu 'dus te/ 'di dag shes pas gong ma dag kyang shes par 'gyur ro/ /zhes bya ba yin no/ /dgag par sgrub par byed pa'i dus nyid du dngos su mi brjod du mi rung ba du yod ce na/ bltos sa bstan pa'i phyir/ /dngos su brjod pa'i dgos pa ni/ /dgag par bya dang byed pa dang/ /yul dang dus kyi khyad par dag /gcig gam gnyis sam yang na ni/ /spyi la bltos na med kyang rung/ /gnyis sam gsum 'am bzhi yin no/ zhes smos te/ nyung na ni dgag par bya ba dang 'gegs par byed pa gnyis dang ldan na yul dang dus spyi la bltos pas smos pa yang yod de/ 'di ltar ri bong gi rwa med ces brjod na dgag par bya ba'i ri bong gi rwa dang/ /'gegs par byed pa med ces bya ba gnyis kyi grub po zhes bya ba'o/ /la la ni yul gyi khyad par dang gsum brjod dgos pa yod de/ mnar med pa'i sems can dmyal ba la bde ba'i skabs med do/ /zhes bya ba lta bu'o/ /la la ni yul gyi khyad par mi dgos la dus kyi khyad par dang gsum brjod dgos pa yod do/ bskal pa me 'bar ba'i tshe mngon par 'du byed pa'i gnas med do zhes bya ba lta bu'o/ /la la ni de dag bzhi char yang brjod dgos pa yod de/ phyogs 'di na sngon bum pa med do zhes brjod pa lta bu'o/ /sgra dang dngos su mi brjod du mi rung ba ni skabs kyi tshul de ltar 'byung ba yin no zhes bya ba'i don to/ /da ni de ltar dgag pa'i yul bstan pa'i skabs su dgag pa med pa'am ma yin pa gang la yod pa de gzhi'i yul yin no/ /zhes bstan pa la/ 'di skad du dgag pa'i dus na da lta yin na/ gal te ngo bo'i tshig ma yin pa la sogs pa byed pa'i tshig dgag par byed pa'i dus na ni dgag par bya ba nyid yin te/ dngos po ma yin na de gzhi'i yul gang la gzung bar bya ba snyam du dogs pa bsal ba'i phyir/ dgag bya dngos po ma yin pa'i/ las la sogs pa dgag pa dag /dgag pa bya ba nyid yin na/ /bya ba gang gi yin pa de'i/ /gang la yod pa'i dngos po de 'dir bya ba dgag pa'i gzhi'i yul yang yin no zhes bya ba yin no/ /de la bya ba ston pa ni tshig gi phrad yin te/ de la re zhig las dgag pa ni dper na shing mi gcod ces bya ba lta bu yin te/ las ni shing dang skyes bu dang lag che'i tshogs kyi 'du byed pa yin te/ 'du byed de ni shing dang skyes bu dang lag cha la yod kyi gzhan la ma yin no/ /de yang shing la yin pa'i 'du byed la ni bya ba'i gzhi la yod pa'i las zhes bya'o/ /skyes bu la yod pa ni byed pa po la yod pa'i las zhes bya'o/ /lag cha la yod pa la ni byed pa la yod pa'i las zhes bya'o/ /las de dag dgag pa na yang gzhi'i yul ni de dag nyid yin no/ /de bzhin du 'og ma kun la yang sbyar bar bya'o/ /byed pa dgag pa ni sta res mi gcod ces bya ba nas gcod pa ma yin zhes bya ba'i bar du'o/ /gzhan du yang de bzhin no/ /gzhi ni snga ma bzhin no/ ched dgag pa ni/ bde phyir mchod sbyin mi byed pa/ /'jig rten dag na smad pa'i rgyu/ /zhes bya ba lta bu yin no/ /'byung khungs dgag pa ni/ rgyu las kun tu ma byung ba'i/ /'bras bu 'dod pa lta bar dman/ /zhes bya ba lta bu yin no/ /'brel pa dgag pa ni/ 'di ltar 'gro ba'i sdug bsngal ni/ /yang dag lta ba'i 'bras bu mi/ /zhes bya ba lta bu'o/ /rten gnas dgag pa ni/ gang zhig bdag dang bcas 'dod pa/ /yang dag lta la de mi gnas/ /zhes bya ba lta bu'o yin no bong ba dgag pa ni de med de/ gang brjod pa de thams cad las bong pas gzhi byed pa med pa'i phyir ro/ /dgag pa la bod pa ni yod de/ gang brjod pa de thams cad la bod pa 'jug pa'i phyir ro/ /nges par gzung ba dgag pa ni lhas byin kho na'i bu dkar sham ma yin zhes bya ba dang/ lhas byin gyis bu dkar sham kho na ma yin zhes bya ba dang/ lhas byin gyis bu dkar sham bzang po kho na med ces bya ba lta bu yin no/ /de dag la yang nges par gzung ste/ dgag pa dang/ nges par 'dzin pa dgag pa gnyis so/ /de la nges par gzung ste/ bkag na ni lhas byin kho na'i bu dkar sham ma yin zhes gzhan la bu dkar sham med par ston pa dgag pa de yang lhas byin la bu dkar sham med par ston la/ gzhan thams cad la ni yod par ston to/ /nges par 'dzin pa bkag na lhas byin dang gzhan kun la dkar sham thun mong du yod de/ lhas byin gcig pu la yod pa yang ma yin zhes bya ba dang/ gzhan la med pa dang ma yin zhes bkag pa yin te/ de ni gzhan la mi ldan par nges par gzung ba'i dgag pa yin no/ /gzhan yang lhas byin gyi bu dkar sham kho na ma yin zhes gzhan mi ldan pa nges par gzung ba 'di dgag pa ni nges par gzung ste bkag na ni lhas byin gyi bu dkar sham ma yin pa gzhan sngo bsangs la sogs pa ni yin no zhes bya bar 'gyur ro/ /gal te nges par 'dzin pa dgag na ni lhas byin gyi bu dkar sham dang sngo bsangs la sogs pa thun mong yin te/ dkar sham gcig pu yin pa ni ma yin no zhes bya ba 'dir 'gyur ro/ /gzhan yang lhas byin gyi bu dkar sham bzang po kho na med ces ldan pa tsam du 'dzin pa dgag pa na nges par gzung ste bkag na ni lhas byin gyi bu dkar sham ni med par 'gyur ro/ /gzhan gyi bu ni kun yod do ba 'dir 'gyur ro/ /gal te nges par gzung ste bkag na ni lhas byin gyi bu dkar sham gcig pu ma yin gyi/ gzhan du dang yod pa thun mong du gnas so zhes bya ba 'dir 'gyur ro/ /gzhan yang nges par 'dzin par rtogs pa rnams kyi dgag pa kun kyang tshul de lta bu dag tu 'gegs par byed de/ de la nges par bzung ste dgag pa'i phyogs ni tshig phrad dgag pa ma yin te/ phrad kyis khyad par du byas te dgag pa yin pas dgag par mi 'gyur te/ de bzhin du las la sogs pa la yang nges par gzung ba dang bcas te bkag na de dag ji ltar de ltar rtag go /de ltar 'gyur ba de dag thams cad kyang bkag pas sbyor ba'i tshe na te/ dgag pa la sbyor ba'i tshe na ni ma yin no/ /da ni rab tu gsal ba brjod pa'i dgag pa'i yul dang rang gi ngo bo la sogs pa rnam grangs de dag re re nas bshad par bya ba'i phyir re zhig dang por yul las brtsams nas/ ma dang de yi tha snyad kyi/ /yul ni bye brag so sor ste/ zhes bya ba la sogs pa smos so/ /de la med pa'i tha snyad kyi yul zhes spyir brjod kyang med pa dang de yi tha snyad kyang tha dad la/ de dag gi yul yang tha dad do zhes bya ba yin no/ /ji ltar zhe na/ med pa ni gang na gang med pa de nyid yin la/ de'i tha snyad ni gsum ste/ med do snyam du rtogs pa dang/ med do zhes brjod pa dang/ med pas thog ma med pa 'jug pa'i bdag nyid shes pa dang/ brjod pa dang/ 'jug pa'i tha snyad rnam gsum mo/ /de yang rnam par rtog pa nyid dang/ de la snang ba'i rnam pa sgra la sogs pa bstan pa'i bdag nyid dang/ lus ngag gi 'jug pa dang brjod pa thams cad yin te/ ngag gi phyir thams cad kyang don rang gi ngo bo ma yin pa dang/ de la yod pa yang ma yin bzhin du nan gyis rtog pa dang/ brtag pa kho na yin pa'i phyir de dag med pa'i tha snyad ces bya ba'o/ /thams cad du yang de bzhin du shes par bya'o/ /de dag gi yul gyi bye brag gang zhe na/ 'di bstan pa'i phyir/ med pa'i yul ni gcig yin te/ gang la yod pa de yin no/ /zhes smos te/ med pa nyid kyi yul ni gcig yin te/ med pa gang la yod pa'i dngos po de kho na yin te/ 'di ltar bum pa med pa gang la yod pa'i sa gzhi lta bu nyid do/ /de'i tha snyad kyi yul ston pa ni/ tha snyad yul gyi bye brag dag /ces bya ba la sogs smos te/ tha snyad rnam pa gsum gyis bye brag las zhes bya'o/ /de la re zhig brjod pa'i tha snyad kyi yul ston pa ni brjod pa'i yul ni gsum yin te/ gzhi sogs bstan pa nyid yin no/ /zhes smos pa yin te/ gzhi dang bya ba dang/ dgos pa rnams gong du bstan pa nyid yin no zhes bya ba'i don to/ /de la gzhi ni sgra'i rten yin pa'i phyir gzhi'i yul lo/ /bya ba ni sgras dgag par bya ba yin pas bya ba'i yul lo/ /dgos pa ni sgra brjod pa'i dgos pa yin pas dgos pa'i yul lo/ /shes pa'i tha snyad kyi yul gang yin pa bstan pa'i phyir/ shes pa'i yul ni drug yin te/ /med pa rang gi ngo bo dang de'i gzhi dang dgag bya dang/ dgos ched sgra dang 'jug pa ni/ shes pa'i yul du 'dod pa yin/ /zhes smos te/ /med pa nyid la sogs pa drug car yang shes pas dmigs par bya ba'i yul du byed pa'i phyir yul yin la/ 'di dag shes pas yul du byas pa yin na tha snyad gzhan yang 'byung bar mi 'gyur ro/ /da ni 'jug pa'i tha snyad kyi yul bstan pa'i phyir 'jug pa'i yul ni gnyis yin te/ don la 'jug dang ldog pa'o/ /zhes smos te/ de la don dgos pa la 'jug pa'i byed pa dang/ ldog pa'i byed pa ni 'jug pa ste/ bum pa med pa'i yul ni thog pa med par 'gro ba dang/ blang bar 'dod pa'i tshe ni ldog pa'i 'jug pa byed de/ /de'i phyir 'jug pa dang ldog pa ni byed pa'i yul yin no/ /byed pa yang gang gi zhe na/ sgra dang shes par lus rnams kyi/ /byed pa 'jug pa zhes 'dod do/ /zhes smos te/ 'di sgra'i byed pa na sgra'i las yin la las su bya ba ni med pa nyid yin te/ med ces bya ba'i sgra'i rang gi ngo bo ni brjod pa'i tha snyad yin la/ med pa'i nyid ston pa'i byed pa'i las ni dag gi 'jug pa'i tha snyad ces bya'o/ /shes pa yang 'di ltar med do snyam du rtogs pa ni shes pa'i tha snyad yin la/ rnam rtog gi byed pa ni byed pa'i las yin te/ rnam rtog gi 'jug pa'i tha snyad ces bya'o/ /lus kyi 'jug pa ni dbye ba med do/ /gnas skabs kha cig tu ni rnam par rtog pa'i byed pa ni dpyod pa yin zhing sgra'i byed pa ni tshig gi sbyor ba yin la/ lus kyis byed pa ni 'jug pa yin te/ de'i phyir sgra dang shes pa byed pa dang bcas pa ni brjod pa dang shes pa'i tha snyad yin la/ lus kyi 'jug pa ni 'jug pa'i tha snyad yin no zhes bya bar sgrub ste/ de'i phyir/ kha cig tu ni lus la 'ang 'jug / de yang shes pa dang bcas pa'o/ /zhes smos pa yin no/ /de la shes pa dang bcas pa zhes bya ba ni 'di ltar sems gang g.yos na de'i mthus lus gzhan du g.yo ba'i nus pa 'byung ste/ lus gang gang g.yo ba de ni shes pa dang bcas bzhin du'o bcas pa de don gang bsgrub par bya ba la thogs pa med par 'gro ba dang ldog pa'i mtshan nyid ni byed pa 'di'i bya ba yin pa'i phyir yul yin no/ /gal te 'di skad du 'gro bar byed pa yang lus nyid yin la 'gro bar bya ba yang lus nyid yin na/ de lta na ni sta re ji ltar rno yang rang gcod par mi rigs la/ gal te gcod na yang bya bar 'gyur gyi byed par mi 'gyur te/ rang la rang byed pa 'gal lo zhe na/ 'di ni 'gal ba med de ji ltar sra ba nyid ni mtshon par byed pa rang nyid yin la bya ba yang dang nyid de/ /'di la don gzhan byed pa ni med do/ /de bzhin du lhas byin grong du 'gro bar bya ba dang byed pa gnyi ga lhas byin nyid yin no/ /zhes bya ba dang/ dge slong dag sems bsrung bar bya ba dang/ byed pa yang sems nyid yin zhes gsungs pa dang/ snang ba dag dang gi rang snang bar byed pa dang/ de bzhin du rang la rang byed pa yang thams cad du mi 'thad pa ma yin no/ /sta re dang shing lta bu dngos po tha dad pa'i bya ba dang byed par sbyor ba gcod pa'i bya ba dang byed par 'gyur ba ni gcig tu mi rung ngo/ /g.yo ba'i bya ba ni sta re la g.yo ba'i las sta re nyid la yod pa'i phyir ro/ /bya ba dang byed pa gnyi ga yang sta re nyid las gud na med do/ /de bzhin du lus kyi 'jug pa 'di yang 'jug par byed dang byed pa nyid yin mod kyi/ 'on kyang thog ma med par 'gro ba dang ldog pa'i mtshan nyid skyes bu'i 'dod pa yin pa'i sgo nas ni bya bar bzhag la/ yan lag gi g.yo ba de nyid 'dod pa sgrub pa yin pa'i sgo nas byed par bzhag pa yang yin no/ /de bzhin du rang la rang byed pa thams cad kyang tshul 'ga' i sgo nas ni byed pa yin la/ tshul 'ga' i sgo nas ni bya bar bzhag pa yin par shes par bya'o/ /da ltar dgag pa'i yul bshad nas da ni dgag pa rang gi ngo bor bstan pa'i phyir/ /rang gi ngo bo'i dbye ba ni/ /rang bzhin ji ltar med pa der/ ji ltar go'ang byed pa dang/ ji ltar go bar bya ba yis/ /dgag pa'i dbye ba bstan pa yin/ /zhes smos te/ dgag pa rang gi ngo bo'i dbye ba ni med pa'i rang bzhin ji ltar med pa'i tshul dang/ tshul ji ltar go bar byed pa dang/ tshul ji ltar go bar bya ba yis phye ba shes par bya ste/ de yang ji ltar yin zhe na/ 'di ltar tshul 'di dag gi bzhag pa ste/ gang zhe na/ rang bzhin ji ltar med pa ni/ /med? pa rnam pa bzhi yin te/ /ngo bo nyid kyis bzhag pa yin zhes smos te/ de la tshul ni 'di yin te/ med par tshul gcig kyang med pa'i lugs tha dad do/ /med pa la la ni snga na med/ de bzhin du la la ni zhig nas/ la la ni dngos po phan tshun gcig la gcig /la la ni gtan du ste lugs kyi tshul tha dad do/ /de dag ni rang gi ngo bos bzhag pa zhes bya ste/ bya ba 'am byed pa gang la yang bltos pa med pa rang gi ngo bo nyid de lta yin te/ de'i phyir de dag la de skad ces bya'o/ /tshul de ltar go bar byed pa'i dbye ba dang tshul ni/ ji ltar go bar byed pa ni don gyi go ba la sogs pa'am/ dgag pa rnam pa lnga yin te/ sgra dang skabs kyis bzhag pa yin/ zhes bya ba yin te/ don ji ltar ston par byed pa'i skabs kyi sgra byed pa'i lugs 'di dag yin te/ la la ni dgag pa'i don gyis stobs kyi/ la la ni dgag pa'i tshig gcig gi /la la ni de gnyis dang ldan pas/ la la ni gzhan gyi tshig gis/ la ni sgra dngos su byed pas sgrub par byed de/ de'i phyir de dag ni sgra dang/ skabs kyi bzhag pa ste/ ji ltar go bar byed pa yin no go bar byed pa'i dbang gis 'di skad du/ ji ltar go bar bya ba ni/ med dang ma yin dbye ba yi/ /dgag pa brgyad sogs dbye ba ste/ /go bar bya ba'i dngos pos bzhag ces smos te/ sogs zhes bya ba'i bsdu ba ni de las rgyas pa dang bsdus pa dag gi rnam grangs dag ste/ kha cig med par go bar bya ba kha cig gzhan par zhes bya ba nas bral bar go bar bya ba'i bar du sngar brjod pa lta bu'o/ /de dag kun kyang ji ltar go bar bya ba sha stag yin pa'i phyir ro zhes bya bar 'gyur ro/ /'o na ni med pa rnam pa bzhi yang med pa rang gi ngo bor bshad la ji ltar go bar bya ba yang go bar bya ba'i ngo bos bzhag pa yin no/ /de lta na ni go bar bya ba'i ngo bo de yang rang gi go ba yin te/ bye brag med par 'gyur ro zhe na/ de bstan pa'i phyir/ /ngo bo gnyis kyi bye brag ni/ /med pa'i dngos pa med pa ste/ /yul dang dus la brten pa yi/ /bye brag gi ni bzhi shes bya/ /zhes smos te/ ngo bo 'di ni med pa'i ngo bo kho na yin la/ de'i dbye ba yang yul dang dus kyi mtshan gzhi la brten pas gzhi yin no/ /gzhan ni 'di yin te/ go bar bya ba'i dngos po ni/ /med dam gal te yod kyang rung/ /skyes bu'i 'dod pa'i dbang byas pa'i/ /dngos po nyid kyi stobs yin no/ /zhes pa ste/ 'di ni med kyang rung yod kyang rung ste/ smra ba po'i go bar 'dod pas yul du byas pa'i dngos po la ji lta ba'i stobs yod par 'dod pa yin te/ de lta na snga ma ni med pa nyid yin zhing/ /bye brag kyang dngos po'i yul dang dus brten pa yin la/ 'di ni dngos po yang thams cad yin la skyes bu'i 'dod pa la yang brten pa yin te/ /de'i phyir bye brag med pa yin no lta ba ma yin na med pa rnam pa bzhi po dgag pa'i yul du yang ci la 'gyur/ /de'i bye brag yul du byed pa la go bar bya ba tshol bar yang ci la 'gyur te/ 'di gnyis la ni bye brag yod pa nyid do/ /da ni dgag pas dgos pa bstan pa'i phyir/ dgos pa dgag bya bzlog pa ste/ /byed dang byed po'i 'dod pa'o/ /phyogs 'gal dgag pas gzhan sogs pas/ /'dod pas rgyud pa'i yin yang ngo/ /zhes bya ba smos te/ dgag par bya ba bzlog pas byed pa po'i 'dod pa ji ltar sgrub par byed pa'i don byed pa dang byed pa po'i 'dod pa yin/ /phyogs 'ga' dgag pa ni thams cad dgag pa don mi 'gyur bar byed pa'i med pa'i sgra yin te/ de dang gzhan dgag pa lta bus bsgrub par dod pa'i don brgyad pas ston kyang ste/ de dag ni dgag pa'i dgos pa yin no/ /dgag pa'i sgra ston pa ni/ sgra ni byed pa'i bdag nyid de/ /zhes smos so/ /byed pa ni 'gegs par byed pa'i bdag nyid do/ /dus ston pa ni/ dus ni rgyun ces bya ba'o/ /zhes bya ba yin te/ dus ni skad cig med du 'dus pa'i bdag nyid rgyun gyi dbang tsam la bya ste/ rang gi ngo bo ni gzhan 'dod pa lhar rdzas su med do/ /gnas skabs ni dgos pa ji ltar sgrub pa'i dus la bya te/ de'i phyir/ dgos pa'i dus la skabs shes bya/ /zhes 'byung ba yin no/ /dgag par bya ba ni/ bzlog par bya ba dgag bya'o/ /zhes 'byung ba sgra gang gi gang bzlog par byed pa de ni dgag par bya ba yin no// zhes bya ba yin no/ /dgag pa'i bltos sa zhes bya ba gang la bya zhe na/ gang gi dbang gi bzhag pa ni/ /dgag pa'i bltos sa zhes bya'o/ /zhes smos te/ yul la sogs pa gang gi dbang gis dgag pa sgrub par byed pa de de'i bltos sa zhes bya bar 'gyur te/ dper na rgyal po la brten pa'i mi bzhin no/ /dgag pa'i des tshig ni de tshig ldog pa nyid yin no zhes pa te/ gong du bshad zin to/ /da ni rab tu gsal par brjod pa bstan pa la dgag pa rang gi ngo bo bstan pa'i skabs su med pa rnam pa bzhi bstan pa las/ de'i dbye ba bstan pas de bstan par 'dod nas dang po snga na med pa la bsams nas/ 'di ltar snga na med pa'i bye brag ni/ rgyun 'dra ba dang rang bzhin dang/ /skabs dang rten la med pa'o/ /zhes smos te/ 'di ltar rgyun 'dra ba snga na med pa dang/ rang bzhin snga na med pa dang/ gnas skabs snga na med pa dang/ rten la snga na med pa dang/ 'di rnams snga na med pa'i bye brag ni rnam pa bzhi'o/ /zhig nas med pa'i bye brag ni 'di skad du/ /rgyun zhig pa dang rang bzhin rang skabs dang rten dang bral ba yis/ /zhig nas med pa bzhi yin no/ /zhes smos pa yin te/ 'di ltar rgyun zhig nas med pa dang/ rang bzhin zhig nas med pa dang/ gnas skabs zhig nas med pa dang/ rten las bral te med pa ste/ zhig nas med pa rnams pa bzhi yin no/ /gcig la gcig med pa ni mtshan nyid gcig la gcig med pa dang/ khyad par gcig la gcig med pa dang rang bzhin gcig la gcig med pa'i dbye ba yod mod kyi/ /rang bzhin gcig la gcig med par 'dug ste/ gang gi phyir mtshan nyid dang khyad par ni mtshan gzhi dang khyad par can med par mi gnas la mtshan gzhi dang khyad par can ni rang bzhin yin te/ de bas na gzhi tha dad pa na mtshan nyid tha mi dad kyang de dag 'dra pa zhes bya bar 'gyur ro/ /de rang bzhin gcig la gcig med pa ni shin tu mtshungs pa'i gser gyi gdub rgyan lta bu'o/ /mtshan nyid gcig la gcig med pa ni sra ba dang/ gsher ba dang/ tsha ba dang/ grang pa lta bu'o/ /khyad par ni gcig la gcig med pa ni ring po dang thung ngu lta bu'o/ /gang rang las leg pa de ni gzhan yin la/ /gzhan pa dang bdag tu na gcig la gcig gis stong ste/ rang nyid las gzhan par? yang rang bzhin dang/ mtshan nyid dang/ khyad par gsum yin te/ de ltar yang/ de la gzhan ni rnam gsum ste/ /ngo bo khyad par mtshan nyid dang/ /rang las log pa gzhan du 'dod/ /ces 'byung ba lta bu yin no/ /de la shin tu mtshungs pa'i gser gyi gdub rgyan la ni rigs kyi mtshan nyid dang/ /sra ba dang/ dbyibs dang/ /bong? chod dag la khyad par cung zad kyang med cing mtshungs kyang rang bzhin tha dad do/ /tshogs pa gcig pa dag ni khyad par tha dad pa dang mtshan nyid tha dad par dbye ba yang yod de/ tshogs pa tha dad pa mtshan nyid gcig pa dag kyang yod do/ /de ltar dbye ba du ma yod kyang rang bzhin nyid du bsdu ba'i phyir/ phan tshun gcig la gcig med pa/ /mtshan nyid dbye ba yod mod kyi/ /rang bzhin nyid du bsdu bya ste/ /ji ltar gser gyi gdub rgyan dag /rigs dang bzo dang bong chod dang/ /kha dog dbyibs rnams mtshungs mod kyi/ /gcig gi rang bzhin gcig ma yin/ yin na gcig car gzung bar 'gyur/ /zhes bya ba smos pa yin no/ /yin na cig car gzung bar 'gyur/ zhes bya ba ni 'di yi gtan tshigs yin te/ 'di ltar gal te gcig par 'gyur cing gcig gis gcig stong pa ma yin na gzung bas thams cad gzung bar 'gyur/ /de lta na ni dngos po tha dad pa thams cad kyang gcig pa'i phyir sman zos na dug kyang thos par 'gyur ro/ /de'i phyir shin tu mtshungs pa dag kyang gcig gis gcig ston par shes par bya'o/ /ji ltar rang bzhin tha dad pa'i sgo? nas rang bzhin gyis stong ba'i mtshan 'di tha dad pa ma yin no/ /'di ltar 'dod chags rang bzhin gyi stong pa dang ma chags pa rang bzhin gyis stong pa 'di la yang tha dad pa cung zad kyang med do/ /de'i phyir stong pa nyid kyi dbang du byas nas gcig gis gcig zhes gzhag pa ma yin te/ dngos po kho na'i dbang du byas pa yin no/ /da ni shin tu med pa'i bye brag bstan pa ni/ shin tu med pa'i bye brag ni/ /rgyu dang rang bzhin nyid du shes/ zhes bya ba yin te/ /'di ltar rang bzhin shin tu med pa dang/ rgyu shin tu med pa gnyis so/ /da ni bye brag de dag bshad pa'i phyir/ /sems can skyes pa la sogs pa/ /rgyu ni dmigs pa'i rang bzhin ni/ /rgyun 'dra snga na med pa'o/ /zhes bya ba la sogs pa smos te/ sems can skyes pa ni ma byung ba las 'byung ba'i 'du byed de/ skye ba'i tshe dmigs pa'i rgyu ni ma dmigs te/ rgyun 'dra ba med pa yin no/ /'jig rten dag na yang 'chags pa'i tshe ma byung ba las byung ba ste/ gnas pa'i rgyun 'dra ba med do/ /de bzhin du shing la sogs pa'i rang bzhin gyi rgyu ma dmigs pa las rang bzhin ma dmigs pa dang/ snga na med pa zhes brjod par byed de/ /de ni rgyun 'dra ba snga na med pa yin no/ /rang bzhin snga na med pa ni/ /sa bon sa dang 'o ma la/ /myu gu bum pa mar rnams ni/ /rang bzhin snga na med pa'o/ /zhes smos te/ 'di ltar sa bon gyi dus na myu gu'i rang bzhin dang/ de bzhin du sa dang 'o ma'i dus na bum pa dang mar rnams kyi rang bzhin med de/ de lta bu dag ni rang bzhin snga na med pa yin no/ /gnas skabs snga na med pa ni/ ji ltar gser las rgyan sogs ni/ /gnas skabs snga na med pa'o/ /zhes bya ba yin te/ ji ltar gser rang bzhin gcig pa las gzhan skabs bzo tha dad par byas pa lta bu dag go zhes bya ba'o/ /rten la snga na med pa ni/ sa phyogs 'di na ba lang dag /sngon chad med pa rten la'o/ /zhes bya ba smos te/ phyogs gang na sngar ba lang gis stong pa las phyis ba lang dmigs na de snga na med pa'i ba lang zhes brjod de/ de ni rten la med pa yin te/ snga na med ces thun mong du brjod pa thams cad kyang bye brag gis de ltar gnas pa sha stag ste/ de la smra bar byed pas bye brag dbye bar bya'o/ /de bzhin du 'og ma kun la yang sbyar bar bya'o/ /da ni zhig nas med pa'i bye brag bshad par 'dod nas/ ljon pa'am skyes bu la sogs pa/ /tshig gam shi bar gyur pa dag /rgyun zhig 'gyur te med pa'o/ /zhes smos te/ 'di ltar shing ljon pa tshig ste/ shing gi bya ba mi byed pa dang/ skyes bu shing nas skyes bu'i bya ba mi byed pa lta bu ni rgyun zhig nas med pa'o/ /myu gu bum pa mar rnams la/ /sa bon sa dang 'o ma ni/ rang bzhin zhig nas med pa'o/ /zhes smos te/ myu gu bum pa'i dus na sa bon dang sa'i rang bzhin zhig nas med pa dang/ /de bzhin du 'bras bu mar gyi dus na rgyu'i 'o ma rang bzhin zhig nas med pa ste/ de lta bu dag ni rang bzhin zhig nas med pa zhes bya'o/ /gnas skabs zhig nas med pa ni/ ji ltar gser gyi gdub rgyan las/ rna cha dag ni skabs zhig pa/ zhes bya ba yin te/ sngar gdub rgyan dmigs nas de dag rna char byas pa dmigs pa las rna cha'i dus na gdub rgyan zhig nas med de/ /de lta bu dag ni gnas skabs zhig nas med pa yin no/ /de la gser gyi gdub rgyan med ces brjod na med pa'i mtshan nyid de/ de ltar shes par bya'o/ /rten la bral te med pa ni/ sa phyogs 'di nas bum pa dag /gzhan du 'phos te med pa ni/ /rten las bral te med pa'o/ /zhes smos te/ phyogs 'di nas bum pa phyogs gzhan du 'phos te med pa ni rten las bral te med pa zhes bya ba'i don to shin tu med pa las rang bzhin dang rgyu med pa gnyis/ ri bong rnga mo bong bu la/ /rwa dang rwa yi rgyu med ces rang bzhin dgag dang rgyu dgag pa'o/ /zhes bya ba bstan pa yin te/ ri bong la rwa med do/ /de bzhin du ri bong la rwa thams cad du thams cad med pa'i phyir rgyu yang med de/ gal te rgyu yod na rkyen 'bras bu 'byung ba yang srid pa zhig na/ ri bong la rwa mi sring ba'i phyir rgyu yang med de/ /mdor na rgyu med pas 'bras bu mi bskyed pa'i phyir/ rgyu med par shes na 'bras bu 'ang med par brjod du rung/ 'bras bu ni thams cad du thams cad med par shes na rgyu med par brjod du rang? gi 'gas ni ma yin no/ /da ni dgag pa'i dus can bstan pa'i phyir/ /dgag pa dus la bltos pa ni/ /dngos po'i dus la bltos pa ste/ /smra ba po'i dus la ni/ /nam yang khong du chud pa 'dzin/ /ces smos pa yin te/ dus la bltos pa ni khyad par du snga na med pa dang zhig nas med pa yin pa la/ /de ni dngos po nyid kyi dus yin te/ smra ba po'i dus ni 'di ltar 'di na bum pa med ce 'am/ /sngon chad ces bya ba ni khong du chud ba'i dus yin te/ de ma gzung par grub par mi byed mod kyi/ /smra ba po de yang dngos po'i dus la byed do/ /de'i phyir nam yang zhes smos pa yin te/ nam yang rung ste rtogs pa ji tsam pa de tsam du 'dzin par byed do/ de ma gzung bar ni yid ches pa dang/ de rung ba'i brjod pa 'byung bar mi 'gyur ro/ /smra ba po sgra brjod par byed pa na pha rol pos don gyi spyi tsam shes par bya'o snyam du rtog pa dang bye brag shes par bya'o snyam du rtog pa'i sam pa gnyis 'byung ste/ de gang byung ba des sgra de'i ming yang 'dogs par byed de/ de bstan pa'i phyir/ spyi tsam khong du chud bya dang/ khyad par khong du chud bya dag / smra ba'i bsam pa'ang gnyis su'o/ /zhes smos pa yin te/ de ni dgag pa'i sgra/ de dag kho na yin nam/ 'on te de bas rgyas pa yang yod snyam du la la dag rtog pa srid pa de'i phyir/ /ngo bo ston pa ji snyed pa/ /de dag dgag pa'ang de snyed kyi/ /zhes smos te/ ngo bo ston pa'i sgra ni dgag pa ma rtogs pa'i brjod pa thams cad yin te/ thams cad kyang don gyi ngo bo nyid ston cing sgrub par byed pa'i phyir/ /de dag ji snyed pa de dag kun kyang de dgag pa'i sgra yis dgag tu rung ba can sha stag ste/ mi rung ba 'gal yang yod pa ma yin te/ dbye ba da ltar yod na yang bsdu na ni 'di dag tu 'dus pa'i phyir/ 'on kyang mdo ru bsdu ba ni/ /'di dag tsam du shes par bya/ /zhes smos pa yin te/ bsdu ba ni 'di dag tsam las lhag tu bstan du med de/ /'ga' yang ma 'dus pa med do zhes bya ba yin no/ /ldog pa bsdus pa rab tu bstan pa las rab tu gsal bar bstan pa brjod pa'i le'u ste bzhi pa'o// //ldog pa rab bstan blo dman don du bstan pa'i phyir/ /dpe gsal brjod dang nges thob gang yin dang/ /bsngo ba'i dge ba gang yin de ni bshes gnyen kun/ /dpal mgon 'jam pa'i dbyangs kyi zhabs la gtugs gyur cig /ldog pa bsdus pa bstan pa'i rnam 'grel slob dpon ni pa'i d+harmas blo dman pa'i don ched du gsal tshig tu byas pa rdzogs so/ / //smra sgo mtshon cha smra te dz+nya na kIrta// // *// /rgya gar skad du/ wa tsa na mu kha yu d+ho pa ma nA ma/ bod skad du/ smra ba'i sgo? mtshon cha lta bu zhes bya ba/ smra ba'i mchog thams cad mkhyen pa la phyag 'tshal lo smra mchog gtsol phyag 'tshal nas/

CLOSE WINDOW