བོད་ཡིག

e-texts based on the ACIP/ALL Input

(/ldog pa bsdus pa'i bstan pa'i tshig le'ur byas pa mdzad byang med//) //rgya gar skad du/ pi NA ni warta na ni je sha kA ri kA/ bod skad du/ ldog pa bsdus pa bstan pa'i tshig le'ur byas pa/ 'jam pa'i dpal mgon de la phyag 'tshal te/ sgra dang bstan bcos mkhas pa'i mthar gyur pa/ /pA Ni ni dang sa bya tsanda dang/ /ratna ma ti gang ba zla ba dang/ ni ma? sa ka la sogs mkhan po yis/ /dgag pa'i bye brag rgya cher bshad pa las/ /dman pa'i don du nyung zad bstan par 'dod/ /mkhan pos bstan pa'i mdo dag las / dgag pa'i bye brag mang bshad kyang/ /kun nas sdu ba bshad pa dag /rnam grangs mdo ru bsdu ba dang/ bsdu ba'i bye brag bltos sa dang/ /rab tu gsal bar brjod pa ni/ /'di dag tsam du shes par bya/ /me dang gzhan dang 'dra ba dang// dman dang zhum dang zhan pa dang/ /phra dang nyung dang myur ba dang/ /chung dang lhag ma med pa dang/ /'ga' las mdza' dag ma yin dang/ /mi mthun gnyen po bral ba yin/ /rnam grangs bco lngar bshad pa yin/ /de la cung zad bsdu ba ni/ /brgyad nas gnyis kyi bar du ste/ /zhum dang zhan pa dman par te/ /phra ba la sogs drug gcig tu/ /sbyar ba'i dgag pa'i rnam grangs brgyad/ /mi mthun gnyen por sbyar bas bdun/ /dman dang chung ba zhum pa ru/ dgag pa'i rnam grangs rnam pa drug / don gyi go bar byed pa dang/ tshig gcig rnam par sgrub pa dang/ /de ldan rang tshig mi ston pa/ /de las gzhan pa gzhan yin no/ /kun tu rtags pa 'gog pa dang/ rang gi gzhi las zhum pa dang/ /gzhan dang 'gal ba rnam pa bzhi med pa dang ni gzhan pa dang/ /gnyen po'i don la 'jug pa gsum/ /dgag pa'i rnam grangs ji snyed pa/ /me dang ma yin gnyis su 'du/ /bstan bya don yod don med dang/ /'jug tshul dngos dang brgyud pa dang/ /kun tu brtags pa bzlog pa dang/ /chos kyi de nyid bstan pa dang/ /gzhan gyi 'dod pa bsal ba dang/ /rang gi 'dod pa'ang sgrub pa dang/ /'byung ba'i dus kyi khyad par gyis/ /bsdus pa'i bye brag shes par bya/ /don dang 'jug tshul dgos pa dang/ /'byung dus dbang ste go rims bzhin/ /med pa'i bstan bya don med de/ /ma yin pa ni don yod pa'o/ /de bzhin med pa dngos su 'jug /ma yin pa ni brgyud pas so/ /kun rtog zlog pa med pa ste/ /de nyid ston pa ma yin pa'o/ /gzhan gyi 'dod pa sel ba ni/ /med par dgag pa'i dgos pa ste/ /rang 'dod sgrub pa ma yin pa'o/ /ma rtogs log rtog the tshom dag /sel 'dod dus na med par 'gyur/ /don nyid khong du chud 'dod na/ /ma yin dgag pa 'byung bar 'gyur dgag pa'i sgra dang dgag bya yis/ /bstan par bya ba dang du 'dod/ /tshul ni 'di ru thabs su 'dod/ /don nges ji ltar ston byed pa'i/ /thabs kyi 'bras bu dgos pa'o/ /'byung dus rnam pa bzhir bshad pa/ /sma bar byed pa gang zhig gis/ /yid la byed pa gang ldan pa/ /'dod ldan 'byung pa'i dus su 'dod/ /bye brag rtsa ba 'di yin te/ /med pa yod pa mi sgrub ste/ /ma yin pa ni yin pa sgrub/ /rgyu la 'bras bu de bzhin dang/ /tha dad dngos dang rtog pa tsam/ /snga na med dang zhig pa dang// phan tshun gcig la cig med dang/ /shin tu med par gyur pa dag /med par dgag pa'i gzhir gyur pa/ /gal te yod pa'i dngos 'dod na/ /med par dgag par mi 'gyur ro/ /de phyir yod par mi sgrub ste/ /med pa'i yod pa'ang mi sgrub bo/ /de'i bstan bya don med dang/ /sgra nyid dngos su 'jug pa dang/ /dgos pa brtag pa sel ba dang/ de bzhin gzhan gyi 'dod pa dang/ 'byung ba'i dus ni gsum du brjod/ /gzhan dang gnyen po la sogs pa'i/ /ma yin dgag pa'i tha snyad dag / gang zhig yin pa zlog pa yis/ /yin pa'i dngos po gzhan du sol/ /ma yin tsam du mi sgrub ste/ /de phyir ma yin dgag pa ni/ /yin pa'i dngos po sgrub pa'o/ /de yis bstan bya don yod dang/ brgyud pa'i tshul gyi 'jug pa dang/ /chos kyi de nyid ston pa dang/ /rang gi 'dod pa sgrub pa dang/ /'byung dus gcig tu brjod pa yin/ /yid la byed pa'i khyad par dang/ /smra ba gang gi blo la gnas/ /de ni bye brag gnyis kyi rgyu/ /yid la byed pa'i bye brag ni/ /'byung ba'i dus kyi shes par bya/ /de ni yul gyi phye ba ste/ /dgos pa brjod pa ji lta ba'o/ /'dod pa'i yul zhes bya ba ste/ /rgyu yis bye brag brjod pa'o/ /ma yin dgag pa'i bye brag ni/ /lhan cig rgyun la gnod byed dang de bzhin mi byed dbye ba yis/ /gnyen po dang ni gzhan du brjod/ /don de nyid las gzhan pa la'ang/ /dgag bya dag las gzhan nyid dang/ /dgag bya nyid la mi gzhan pas/ /'gal dang gzhan dang zhum pa'o/ /bstan par bya ba gzhan nyid dang/ dgag par bya ba 'dra ba dang/ /de bzhin yon tan nyid dang ni/ /kun tu rnam par spros pa dang/ /las su byed pa'i bdag nyid dang/ /rgyun gyi dngos po rags pa dang/ /'dod pa'i rnam grangs du ma dang de bzhin yin gyi chu srid dang/ /dngos kyi rang bzhin che ba dang/ /bsam pa'i don las lhag pa dang/ /kun tu khyab par 'gyur pa dang/ /lhan cig gnas pa ma yin pa dang/ /de la nus pa 'phrog byed dang/ /med pas mtshon pa'i yod pa yis/ /ji ltar bstan pa'i don bzhin du/ /bsdu ba'i bye brag de bzhin no/ /dgag pa yul dang gnas skabs dang/ dus la bltos par shes par bya/ /de dag gsum 'am gnyis gnyis saM/ /re re'i dbang la'ang bltos pa yin/ /spyi dang khyad par dbye ba na/ /yul dang dus la yod pa yin/ /gnas skabs la yang cha yod do/ /dngos po rnams kyi mtshan nyid dag /phan tshun gcig la gcig med pa/ /yul gyi khyad par la bltos pa'o/ /rgyu dang 'bras bu'i ngo bo dag /snga nas med dang zhig nas med/ /dus kyi khyad par la bltos pa'o/ /ri bong rwa dang mo sham bu/ /shin tu med par gyur pa ni/ /yul dus spyi la bltos pa'o/ /yul dang dus kyi dbang gi ni/ /med pa rnam pa bzhir 'dod do/ /gnas skabs dag gi dbye ba yis/ /me dang ma yin gnyen po'i don/ /mi mthun chung sogs bral ba dang/ /mi 'dra ba dang gzhan pa'o/ /'di na sngon nam da ltar dag /bum pa med ces brjod pa gang/ /med pa tsam zhig 'dod pa 'am/ /gal te yod pa 'dod kyang rung/ /de ni gsum la bltos pa'o/ /grangs sam me la sogs pa la/ /smon nam de lta phyis kyang rung/ /'di la myu gu mi skye zhes/ /dgag pa yang ni de bzhin no/ /so ga? shing 'bras mi smin ces/ /dgag pa dus dang gnas skabs la'o/ /'di na da lta 'di med ces/ /dgag pa yul dang dus la'o/ /rta la ba lang med ces pa/ /yul dang skabs la bltos pa yin/ /gangs la myu gu skyes med ces/ /dgag pa yul la bltos pa'o/ /lhas byin shi nas med ces pa/ /dgag pa dus la bltos pa'o/ /re re 'am gnyis gnyis bltos ston pa/ /khyad par mi 'dzin dbang du'o/ /skabs ni kun tu 'ang khyad par te/ /skabs tsam spyi ya che yin no/ /dgos pa 'grub pa'i dbang du ni/ /gsum nyid la ni bltos pa yin/ /yul ni dgag bya bzhi yin te/ dus gsum da lta'i dbang gis yin/ /gnas skabs go bar bya ba'i dbang/ /dgag pa go bar byed pa yi/ /yul ni med pa bzhi yin te/ /snga nas med dang zhig nas med/ /gcig la gcig med shin tu med/ /go byed skabs ni gnyis yin te/ /tshe long dang ni rgyas par ro/ /zhig nas med dang shin tu med/ /med par dgag pa zhes 'dod do/ /lhag ma ma yin dgag par ni/ /che long dbang gi 'dod pa te/ /yul na med dang yod pa yid/ dbang tsam dag tu 'dod pa'o/ /med pa bzhi nyid mi shes pa'am/ /gal te yod sogs 'dod pa la/ /med pa tsam shig sgrub pa na/ /med par dgag pa bzhir 'dod do/ /gal te ri bong rwa med pas/ /dngos med nyid sgrub byed na/ /ma yin dgag par 'dod pa ste/ /tshig gcig rnam par sgrub pas so/ /rgyu las 'bras bu med ces dang/ /'bras bu la yang rgyu med ces/ /rgyu 'bras dngos po sgrub byed na/ /de yang de bzhin shes par bya/ /rta la ba lang med pa zhes/ /rta nyid sgrub par byed pa na/ /ma yin dgag pa zhes 'dod do/ /gang zhig bkag par gyur pa yis/ /gzhan du 'gal bar 'gyur ba dang/ /gang zhig nges par grub byed pa/ /dgag pa don gyi go ba'o/ /ming gzhan dgag pas bstan pa'i dngos 'gal dang nges pa med pa ni/ /rang gi tshig gi mi ston pa'o/ /gang zhig sgrub pa de lta bus/ /dngos dang dngos po med pa yis/ /de kho na nyid sgrub byed pa/ ma yin dgag pa zhes 'dod do/ /med pa dag de las gzhan/ /mtshan nyid dbang gis dbye ba ni/ /ma yin dgag pa'i dbye ba te/ /med pa dag ni mtshan nyid gcig /mtshan gzhi'i dbang gi bzhi yin no/ /ma yin dgag pa'i mtshan nyid ni/ /byed pa'i dbang gi bzhi yin te/ /don gyi go par byed pa dang/ /tshig gcig sgrub par byed pa dang/ /de dang ldan pa'i dgag pa dang/ /rang gi tshig gis mi ston pa'o/ /bya ba'i dbang gi bdun yin no/ /med pa nyid ni ma rtogs pa'o/ /mi mthun gnyen por bsdu ba yis/ /drug gam 'gal na gzhan pa yis na gnyis su brjod par rig par bya/ /dgag pa'i yul yang rnam gsum te/ /gzhi'i yul dang bya ba'i yul/ /dgos pa'i yul du 'dod pa yin/ /dgag pa'i gzhi dang dgag bya dang/ dgag pa'i dgos ched gsum gyis so/ /sgra ni bye brag med pa ste/ /dgos pa'i dbang gi shes par bya/ /gang phyir gang yang ldog byed pa/ /dgag pa zhes ni brjod pa yin/ /dgag pa'i yul dang dgos pa dang/ /sgra dang dus dang gnas skabs dang/ /dgag bya bltos sa nges tshig gi/ rab tu gsal bar brjod pa yin/ /mdor na yul dang bltos sa dang/ /sgra dang nges pa'i tshig gis so/ /dngos su brjod pa'i dgos pa ni/ /dgag par bya dang byed pa dang/ /yul dang dus kyi khyad par dag /gcig gam gnyis sam yang na dag /spyi la bltos na med kyang rung/ /gnyis sam gsum mam bzhi yin no/ /dgag bya dngos po ma yin pa'i/ /las la sogs pa dgag pa dang/ /dgag bya bya ba nyid yin na/ /bya ba gang gi yin de'i/ /gzhi de gzhi yi yul yin no/ /med dang de yi tha snyad kyi/ /yul ni bye brag so so ste/ /med pa'i yul ni gcig yin te/ /gang la yod pa de yin no/ /tha snyad yul gyi bye brag dag/ brjod pa'i yul ni gsum yin te/ /bzhi sogs bstan pa nyid yin no/ /shes pa'i yul ni drug yin te/ /med pa rang gi ngo bo yin no/ /de yi gzhi dang dgag bya dang// dgos ched sgra dang 'jug pa ni/ /shes pa'i yul du 'dod pa yin/ /'jug pa'i yul ni gnyis yin te/ /don la 'jug dang ldog pa'o/ /sgra dang shes pa lus rnams kyi/ /byed pa 'jug pa zhes 'dod do/ /kha cig tu ni lus la'ang 'jug/ de yang shes pa dang bcas pa'o/ /rang gi ngo bo'i dbye ba ni/ /rang bzhin ji ltar med pa dang/ /ji ltar go bar byed pa dang/ /ji ltar go bar bya ba yis/ /dgag pa'i dbye ba bstan pa yin/ /rang bzhin ji ltar med pa ni/ /med pa rnam pa bzhi yin te/ /ngo bo nyid kyis bzhag pa yin/ /ji ltar go bar byed pa ni/ /don gyi go ba la sogs pa'i/ /dgag pa rnam pa lnga yin te/ /sgra dang skabs kyi bzhag pa yin/ /ji ltar go bar bya ba ni/ /med dang ma yin dbye ba yis// dgag par brgyad sogs dbye ba ste/ /go bar bya ba'i dngos po bzhag /ngo bo nyid kyi bye brag ni/ /med pa'i dngos po med pa ste/ /yul dang dus la brten pa yin/ /bye brag gis ni bzhi shes bya/ /go bar byed pa'i dngos po ni/ /med dam gal te yod kyang rung/ /skyes bu'i 'dod pa'i dbang byas pa'i/ /dngos po nyid kyi stobs yin no/ /dgos pa dgag bya bzlog pa ste/ /byed dang byed po'i 'dod pa'o/ /phyogs 'ga' dgag pa 'am gzhan sogs pas/ /'dod pa brgyud pa yin yang ngo/ /sgra ni byed pa'i bdag nyid de/ /dus ni rgyun ces bya ba'o/ /dgos pa'i dus la skabs shes bya/ /bzlog par bya ba dgag bya'o/ /gang gi dbang gi gzhag pa ni/ /dgag pa'i bltos sa zhes bya'o/ /nges tshig ldog pa nyid yin na/ /snga na med pa'i bye brag ni/ /rgyun 'dra ba dang rang bzhin dang/ /skabs dang rten la med pa'o/ /rgyun zhig pa dang rang bzhin dang/ /skabs dang rten la bral ba yis/ /zhig nas med pa bzhi yin no/ /phan tshun gcig la gcig med pa/ /mtshan nyid dbye ba yod mod kyi/ /rang bzhin nyid du bsdu bya te/ /ji ltar gser gyi gdub rgyan dag /rigs dang bzod dang por tshod dang/ /kha dog dbyibs rnams mtshungs mod kyi/ /gcig gi rang bzhin gcig ma yin/ /yin na cig car bzung bar 'gyur/ /shin tu med pa'i bye brag ni/ /rgyu dang rang bzhin gnyis su shes/ /sems can skye ba la sogs pa/ /rgyun dmigs pa yi rang bzhin ni/ /rgyun 'dri snga na med pa'o/ /sa bon sa dang 'o ma la/ /myu gu bum pa mar rnams ni/ /rang bzhin snga na med pa'o/ /ji ltar gser la rgyan sogs ni// gnas skabs snga na med pa'o/ /phyogs 'di na ba lang dag /sngon chad med pa rten la'o/ /ljon pa 'am skyes bu la sogs pa/ /tshig gam shi par gyur ba dag/ rgyun zhig gyur te med pa'o/ /myu gu bum pa mar rnams la/ /sa bon sa dang 'o ma ni/ /rang bzhin ? med pa'o/ /ji ltar gser gyi gdub rgyan las/ /rna cha dag ni skabs bzhi pa/ /sa phyogs 'di na bum pa dag /gzhan dus 'phos te med pa ni/ /rten las bral te med pa'o/ /ri bong rnga mo bong bu la/ /rwa dang rwa yi rgyu med ces rang bzhin dgag dang rgyu dgag pa'o/ /dgag pa dus la bltos pa ni/ /dngos po'i dus la bltos pa te/ /smra ba po yi dus la ni/ /nam yang khong du chud pa ni/ /spyi tsam khong du chud bya dang/ /khyad par khong du chud byas dag/ smra ba'i bsam pa'ang gnyis su'o// ngo bo ston pa ji snyed pa/ /de dag dgag pa'ang de snyed kyi/ /'on kyang mdo ru bsdu ba ni/ /de dag tsam du shes par bya/ /ldog pa bsdus pa bstan pa'i tshig le'ur byas pa rdzogs so// // !/ (/ldog pa bsdus pa bstan pa'i rnam 'grel na bi d+harma/) rgya gar skad du paN+Di ni brtan ni rde sha bArti kA/

CLOSE WINDOW