བོད་ཡིག

e-texts based on the ACIP/ALL Input

/ //rgya gar gyi mkhan po ku mA ra ka la sha dang/ dge slong shAkya 'od kyi bsgyur ba'o// // gtan tshigs kyi de kho na nyid bstan pa/ /rgya gar skad du/ he hu tat+twa? au pa de sha/ bod skad di/ gtan tshigs kyi de kho na nyid bstan pa/ 'jam dpal gzhon nur gyur ba la phyag 'tshal lo/ /bsgrub dang sun ni 'byin pa dang/ /ltar snang bcas pas gzhan rig byed/ /mngon sum dang ni rjes dpag gnyis ltar snang bcas pa bdag rig byed/ /'di ni bstan bcos kyi don bsdus pa'o/ /rgol ba bdag nyid kyis bsgrub par 'dod pa'i don ni bsgrub par bya'o/ /gang gis bsgrub par byed pa de ni bsgrub pa yin te/ gtan tshigs kyi tshul gsum brjod pa'o/ /tshul gsum po de dag kyang gang zhim? phyogs la yod pa nyid ni tshul gcig go /mthun pa'i phyogs nyid la yod pa zhes bya ba ni tshul gnyis pa'o/ /mi mthun pa'i phyogs la med pa nyid du nges pa zhes bya ba ni tshul gsum pa'o/ /de'i phyogs ni rab tu grub pa'i chos can no/ /rab tu grub pa'i khyad par gyi bye brag bdag nyid sgrub par 'dod pa mngon sum? la sogs pa dang 'gal ba med pa yin te/ dper na chos can sgra mi rtag pa'i khyad par gyi bye brag dang ldan pa ni bsgrub par bya'o/ /byas pa'i phyir ro zhes bya ba ni gtan tshigs yin pa bzhin no/ /mthun pa'i phyogs gang zhe na/ bsgrub par bya ba'i chos kyi spyis mthun pa ni mthun pa'i phyogs te/ dper na bum pa la sogs pa lta bu'o/ /gtan tshigs kyi mi mthun pa'i phyogs gang zhe na/ gang du bsgrub par bya ba med pas gtan tshigs med par nges par ston pa yin te/ dper na nam mkha' la sogs pa bzhin no/ /gtan tshigs kyis tshul gsum pa bstan pa de nyid kyis gzhan khong du chud pa'i ched du sbyor ba byas pa ni gzhan gyi don rjes su dpag pa zhes bstan to/ /dper na sgra mi rtag go zhes bya ba ni phyogs brjod pa'o/ /byas pa'i phyir ro zhes bya ba ni gtan tshigs brjod pa'o/ /bum pa la sogs pa bzhin no/ /zhes bya ba ni mthun pa'i phyogs brjod pa'o/ /nam mkha' la sogs pa bzhin no zhes bya ba ni ma mthun pa'i phyogs brjod pa'o ? de yang rnam pa gnyis su snang ste/ chos mthun pa dang chos mi mthun pa'o/ /de la re zhig chos mthun pa ni/ /gang byas pa de thams cad ni mi rtag par mthong pa/ dper na bum pa la sogs pa'o/ /sgra yang byas pa'i phyir zhes bya ba lta bu'o/ /yang chos mi mthun pa ni mi rtag pa nyid med na byas pa nyid med de/ dper na nam mkha' la sogs pa bzhin te/ sgra yang byas pa'i phyir zhes bya ba lta bu'o/ /phyogs ltar snang pa yang gang zhe na/ phyogs ltar snang ba ni dngos su phyogs ma yin pa yin te/ mngon sum la sogs pas gnod pa'i phyir ro/ /de ni pyogs ltar snang ba ste/ dper na du pa la sogs pa'i chos can blo dang ldan pa'i rgyus bskyed pa bsgrub par bya pa yin no/ /zhes bya ba mngon sum dang 'gal bas phyogs ltar snang ba yin te/ mngon sum gyis me las du ba skye ba mthong ba'i phyir ro/ /rjes su dpag pa dang 'gal ba ni dper na/ rig byed kyi tshig ni chos can/ skyes bus byas pa ma yin te zhes bsgrub par bya ba la/ sgra ni btsal ma thag tu byung ba yin pas skyes bus byas bas grub pa'i phyir ro/ /rang gi tshig dang 'gal ba ni dper na rjes su dpag pa ni tshad ma ma yin no zhes bya ba ni/ gzhan gyi khong du chud par bya ba'i phyir tshig brjod pa ni gzhan gyi don gyi rjes su dpag pa yin no zhes bstan pa'i phyir ro/ /'jig rten dang 'gal ba ni dper na mi mgo'i thod pa ni gcing ba yin te srog chags kyi yan lag yin pa'i phyir dung chos dang nya phyis bzhin no zhes bya ba lta bu'o/ rtogs pa dang dag la pa ni dper na/ gang dus ji srid gnas par byas pa ni mi rtag pa yin no/ /gang dus ji srid gnas par yang byas pa thams cad ni rtag pa yin no zhes 'jig rten pas rtogs pa'i phyir ro/ /khyad par ma grub pa ni dper na/ bye brag pas grangs can pa las sgra 'jig pa yin no zhes bya ba lta bu'o/ /khyad par du bya ba ma grub pa ni/ dper na grangs can las sangs rgyas pa la bdag sems dang bcas pa yin no zhes bsgrub pa lta bu'o/ /gnyi ga ma grub ba ni dper na/ bye brag pas sangs rgyas pa la bsdus par byed pa ni bdag yin no zhes pa lta buAm /lus ni brtan ba'i rang bzhin yin no zhes bya ba lta bu'o/ /phyogs ltar snang ba bshad zin to/ /gtan tshigs ltar snang ba ci 'dra bo zhig ce na/ gang zhig gtan tshigs ltar snang ba yin gyi gtan tshigs su grub pa ni ma yin pa'o/ /gtan tshigs ltar snang ba ni gsum ste/ me grub pa dang 'gal ba dang ma nges pa'o/ /de la phyogs la ma grub pa'i phyir ma grub ces bya ba'i gtan tshigs ltar? snang ba yin no/ /phyogs dang mthun pa'i phyogs la ni med pa mi mthun pa'i phyogs la yod pa de ni 'gal ba zhes bya ba'i gtan tshigs ltar snang ba yin te/ bsgrub par bya ba las phyin ci log sgrub pa'i phyir ro/ /mthun pa'i phyogs dang mi mthun pa'i phyigs? gnyi ga las/ yod pa 'am med pa'am the tshon za ba la 'am 'brel ba ma grub ba'i gtan tshigs gang yin pa de ni ma nges pa'i gtan tshigs ltar snang ba zhes bya ba yin te/ rgol ba dang phyir rgol bas bsgrub par 'dod pa nges pa mi 'grub pa'i phyir ro/ /dper na gnyis la ma grub pa ni sgra mi rtag pa nyid du grub par bya ba la/ gang na? tshigs mig gis bzung ba ni rgol ba dang/ phyir rgol ba dag lam grub pa lta bu'o/ /shing sems dang ldan par bsgrub par bya ba la shun lpags thams cad bshus na 'chi ba'i phyir ro zhes bya ba'i gtan tshigs ni/ phyir rgol ba sangs rgyas pa la ma grub pas phyir rgol ba la ma grub pa zhes bya ste/ sems la sogs pa 'gags pa la sangs rgyas pa 'dod pa'i phyir ro/ /bde ba la sogs pa sems med par bsgrub par bya ba la skye ba dang ldan pa'i phyir zhes bya ba'i gtan tshigs ni/ grangs can pa rgol ba bdag nyid la ma grub pas/ rgol ba la ma grub pa zhes bya'o/ /bye brag pas phyir rgol ba sangs rgyas par la sa la sogs pa'i chos can bya ba yin no zhes bsgrub par bya ba la/ skad cig re re 'dra ba gzhan dang gzhan 'byung ngo zhes bya ba ni brgol ba dag nyid la ma grub pa yin pa/ skye ba grub kyang skad cig re re 'dra ba gzhan dang gzhan 'byung ngo zhes pa ni ma grub pa'o/ /phyogs kyi phyogs gcig la ma grub pa ni dper na shing rnams ni sems dang ldan pa yin te/ gnyid lag pa'i phyir ro zhes bya ba'i gtan tshigs ni phyogs kyi gos can rgol bdag nyid la phyogs kyi gcig la ma grub ste/ shing thaMs cad mtshan ma lo ma 'khums pa la brten pa ma yin no/ de bzhin du sa la s ogs ba'i chos can blo dang ldan pa las skyes pa yin no zhes bsgrub par bya ba la 'bras bu yin no zhes bya ba'i gtan tshigs ni sangs rgyas pa la ma grub ste mngon sum dang mi dmigs pa rgyu dang 'bras bu'i 'brel pa bsgrub pa'i ngo bos sa la sogs pa 'grub pa'i phyir ro/ /gal te gnas dang bza' ba la sogs grub po zhes zer na/ de'i che phyogs kyis phyogs gcig ma grub po/ /the tshom bra ba'i ma grub pa ni dper na gal te 'di du ba yin na bden me yod do zhes bsgrub par bya ba la/ gtan tshigS nyid ma nges pa'i phyir ro/ /chos can the tshom zos ma grub pa ni/ dper na ri sul du ma 'di dag las ri su la 'ga' zhig na rma bya yod de zhes bsgrub par bya ba la rma bya'i sgra grags pa'i phyir ro zhes bya ba'i gtan tshigs yin pa lta bu'o/ /chos can ma grub pa yang ma grub pa yin te/ dper na chos can bdag thams cad du khyab par bsgrub par bya ba la/ yon tan thams cad ni dmigs pa'i phyir ro/ /zhes bya ba'i gtan tshigs yin pa lta bu'o/ /bcu po 'di dag ni ma grub pa zhes bya ba'i gtan tshigs ltar snang ba'o/ /ma nges pa'i gtan tshigs ltar snang ba yang ci 'dra ba cig ce na/ smras pa/ dper na sgra brtag pa la sogs pa'i chos bsgrub par bya ba la/ gzhal bya yin pa'i phyir zhes pa'i gtan tshigs ni/ mthun pa'i phyogs dang mi mthun pa'i phyogs thams cad la 'jug pa'i thun mong gi ma nges pa zhes bya'o/ /de bzhin du sgra rtags par bsgrub par bya ba la/ mnyan par bya ba yin pa'i phyir zhes bya ba'i gtan tshigs ni mthun pa'i phyogs dang mi mthun pa'i phyogs la mi 'jug pa'i phyir thun mong ma yin ma nges pa yin no/ /de bzhin du sgra brtsal ma thag tu byung ba'i ma yin pa nyid bsgrub par bya ba la mi rtag pa'i phyir ro zhes bya ba'i phyir zhes bya ba'i gtan tshigs ni/ mthun pa'i phyogs kyi phyogs gcig la 'jug la/ mi mthun pa'i phyogs la khyad par 'jug pa'i ma nges pa yin te/ brtsal ma thag tu byung ba ma yin pa'i sgra mthun pa'i phyogs ni glog dang/ nam mkha' la sogs pa ste/ de la mthun ba'i phyogs la phyogs gcig glog la sogs pa la ni mi rtag pa 'jug la/ nam mkha' la sogs pa la ni ma yin no/ /mi mthun pa'i phyogs brtsal ma thag tu byung ba la sogs pa thams cad yin te de thams cad la 'jug pa yin no/ /de bzhin du sgra ni brtsal ma thag tu byung ba nyid yin te/ bsgrub par bya ba la mi rtag pa'i phyir zhes bya ba'i gtan tshigs ni/ bum pa la sogs pa thams cad la yod la brtsal ma thag tu byung ba ma yin pa mi mthun pa'i phyogs yang glog dang nam mkha' la sogs pa de las phyogs gcig glog la sogs pa la ni 'jug la/ nam mkha' la sogs pa la ni ma yin la/ de'i phyir 'di mi /mthun pa'i phyogs gcig la 'jug la/ mthun pa'i phyogs la khyab pa'i ma nges pa'i gtan tshigs yin no/ /phyogs gnyi ga'i phyogs gcig la 'jug pa'i ma nges pa ni dper na/ chos can sgra rtag par bsgrub par bya ba la/ lus can ma yin pa'i phyir zhes bya ba'i gtan tshigs ni/ mthun pa'i phyogs rdul phra rab tu dang nam mkha' la sogs pa de la mthun pa'i phyogs gcig nam mkha' ni lus can ma yin pa 'jug la/ rdul phra rab ni ma yin te phra rab rnams lus can yin pa'i phyir ro/ /bum pa dang bde ba la sogs pa mi rtag pa mi mthun pa'i phyogs gcig bde ba la sogs pa 'jug pa/ bum pa la sogs pa ma yin pa lta bu'o/ /de bzhin du mi mthun pa'i phyogs la ldog pa la ni the tshom za la/ mthun pa'i phyogs la khyab pa'i ma nges pa'i gtan tshigs ni/ dper na ser skya la sogs pa'i chos can thams cad mkhyen pa ma yin te zhes bsgrub par bya ba las smra ba'i phyir zhes bya ba'i gtan tshigs ni/ lam po che'i skyes bu la sogs dang mthun pa'i phyogs la ni yod la mi mthun pa'i phyogs thams cad mkhyen pa la ni the tsom za ste/ thams cad mkhyen pa ni dbang po las 'das pa'i phyir smra ba yod dam med pa la the tshom za ba yin no/ /de bzhin du mthun pa'i phyogs la 'jug pa ni the tshom za la mi mthun pa'i p hyogs la khyab pa'i ma nges pa'i gtan tshigs ni dper na khya mchog dang 'phel ba la sogs pa'i chos can thams cad mkhyen pa yin no zhes bsgrub par bya ba la bstan bcos 'ba' zhig byed pa'i phyir zhes bya ba la gtan tshegs ni mthun pa'i phyogs thams cad mkhyen pa la ni the tshom za ste thams cad mkhyen pa ni dbang po las shin tu 'das pa'i phyir/ bstan bcos 'ba' zhig byed pa la the tshom za ba yin no/ /mi mthun pa'i phyogs par ha dang ma ha rol sogs pa thams cad mkhyen pa / ma yin pa la yod pa lta bu'o/ /rjes su 'gro ba dang ldog pa la the tshom za ba'i ma nges pa'i gtan tshigs ni dper na gson pa'i lus ni bdag dang bcas pa yin te srog chags la sogs pa dang ldan pa'i phyir ro/ /zhes bya ba'i gtan tshigs ni gson po'i lus dang 'brel pa can srog la sogs pa bdag dang bcas pa 'am bdag med pa la 'jug pa 'am/ ldog pa ma nges pa yin te/ de bas na rjes su 'gro ba 'ba' zhig ba'i gtan tshigs yin te dpe med pa yin pa'i phyir ro/ /de bzhin du gnyis pa la yang ldog pa 'ba' zhig yin te/ gson po'i lus 'di ni bdag med pa ma yin te/ srog la sogs pa med par thal bar 'gyur ro zhes bya ba lta bu'o/ /dpe med pa nyid kyi phyir rjes su 'gro ba nges pa med pa dang/ ldog pa yang nges pa 'di ni the tshom za ba'i gtan tshigs so/ /bcu po 'di dag ni ma nges ba'i gtan tshigs ltar snang ba zhes bstan to/ /'gal ba'i gtan tshigs ltar snang ba ci 'dra ba zhig ce na/ dper na chos can sgra rtag ste zhes bya ba ni bsgrub par bya ba'i chos so/ /byas pa'i phyir nam mkha' la sogs pa bzhin no/ / zhes bya ba'i gtan tshigs 'di ni/ bum pa la sogs pa mi mthun pa'i phyogs nyid la yod la mthun pa'i phyogs la ni ma yin pa lta bu'o/ /de bzhin du chos can sgra rtag ste zhes bsgrub par bya ba la/ brtsal ma thag tu byung ba yin pa'i phyir zhes bya ba'i phyir gtan tshigs mthun pa'i phyogs nam mkha' la sogs pa la med phyogs gcig bum pa la sogs pa la yod la/ glo ba la sogs pa la ni med pa lta bu'o/ /gtan tshigs 'di gnyis ni chos kyi rang gi ngo bo phyin ci log tu bsgrub pa dang/ chos can rang gi ngo bo phyin ci log tu bsgrub pa la rnam pa gnyis yin te/ dper dman? chos mig la sogs pa 'di dag gzhan gyis don byed pa yin te zhes bya ba ni bsgrub bya ba'i chos so/ /bsags? pa yin pa'i phyir zhes bya ba ni gtan tshigs so/ /khri dang ston la sogs pa bzhin no/ /zhes bya ba ni mthun pa'i phyogs bstan pa'o/ /'di ltar gtan tshigs 'dis mig la sogs pa gzhan gyi ron? du sgrub par byed la de bzhin du/ bsag pa nyid gzhan phyir par sgrub par byed de/ khri dang stan la sogs pa bsags pas lhas byin la sogs pa gzhan gyi don byed par mthong ba'i phyir ro/ /chos can rang gi ngo bo phyin ci log tu bsgrub pa ni dper na chos can la sogs pa ni blo dang ldan pa'i rgyu las skyes pa yin te/ zhes bya bar bsgrub par bya ba'i rten pa dang bcas pa'i phyir zhes bya ba ni gtan tshigs so/ /bum pa la sogs pa bzhin no zhes bya bas ni mthun pa'i phyogs bstan to// 'di ltar gtan tshigs 'dis ni blo dang ldan pa'i rgyu las skyes pa nyid sgrub par byed pa yin la/ de bzhin du blo dang ldan pa'i byed pa'i rten dang bcas pa yang sgrub par byed do/ /chos can gyi khyad par phyin ci log tu bsgrub pa ni dper na bye brag pas spyod pa la chos can bdag ni sems dang ldan pa yin zhes bsgrub par bya ba la sems kyis byin brlabs pa'i phyir zhes bya ba'i gtan tshigs ni/ bdag sems med pa la/ ji ltar sems dang ldan par sgrub par byed bas de bzhin du gtan tshigs 'dis mi rtag pa yang sgrub par byed de/ rnam par shes pa ni mi rtag pa'i phyir ro/ /lnga po de dag gis 'gal ba'i gtan tshigs ltar snang ba bstan to/ /'gal ba mi 'khrul ba zhes bya ba ni gang du yang gtan tshigs kyi skyon ma yin bas de'i dpe brjod pa mi rigs te/ de'i dpe brjod na gang phyogs thams cad na gnas pa dang/ bdag nyid rang dang gcig par mngon pa 'brel pa can de ni thams cad du 'gro ba yin te/ dper na nam mkha' bzhin phyogs thams cad na gnas pa na rang dang 'brel bas cig car spyi dang mngon par 'brel ba yin no/ zhes bya ba ni pa lu ka'i rang bzhin gyi gtan tshigs kyi sbyor ba'o/ /yang sbyor ba gnyis pa ni dpe tha ra'i yin te gang dmigs pa'i mtshan nyid kyi gyur pa gang du mi dmigs par ni med de/ dper na phyogs 'ga' zhig na bum pa med de zhes bya ba lta bu'o/ /dmigs pa'i mtshan nyid kyir gyur pa'i spyi gsal ba dang gsal ba'i bar na mi dmigs pa'i phyir ro zhes bya ba lta bu'o/ /mi dmigs pa'i gtan tshigs 'di dang sngar bstan pa'i rang bzhin gyi gtan tshigs 'di phan tshun gnod pas the tshom bskyed pa'i phyir ro/ /mthun pa'i phyogs rang gzhin pa'i dpe zhes bya ba ni dga' yang med de mthun pa'i phyogs 'di nyid chos mthun pa'i dpe yin no/ /der dpe ltar snang ba ci lta bu zhig ce na/ chos mthun pa'i re zhig 'di lta bu ste/ sgra ni rtag ste lus can ma yin pa'i phyir las bzhin zhes bya ba ni bsgrub par bya ba mi tshang? ba yin te las ni mi rtog pa'i phyir ro/ /sgra ni rtag ste lus can ma yin pa'i phyir rdul phra rab bzhin no/ /zhes bya bzhi bsgrub par byed pa ma tshang ba yin te/ rdul phra rab ni lus can yin pa'i phyir ro/ /sgra rtag ste lus can ma yin phyir bum pa bzhin no/ zhes bya bsgrub par byed pa gnyi ga mchod ba yin no/ /de bzhin du bsgrub par bya ba'i chos la the tshom za ba'i dpe ltar snang ba ni dper na chos can skyes bu 'ga' zhig 'dod chags la sogs pa dang ldan pa yin te/ smra ba'i phyir lam po che'i skyes bu bzhin no zhes bya ba la/ lam po che'i skyes bu'i dpe las 'dod chags la sogs pa dang ldan pa la the tshom za ste/ gzhan gyi sems ni rjes su rtogs par dka' ba'i phyir ro/ /sgrub par byed ba'i chos la the tshom za ba na dper na skyes bu gang zhig 'chi ba'i chos dang ldan pa yin te/ zhes bsgrub par bya ba la 'dod chags la sogs pa ldan pa yin pa'i phyir zhes bya ba'i gtan tshigs ni lam po che'i skyes bu'i dpe la the tshom ste/ 'dod chags dang bral ba yang 'dod chags dang bcas pa bzhin du g.yo ba'i phyir ro/ /chos gnyi ga la the tshom za pa'i dpe ltar snang ba dper na chos can skyes bu 'ga' zhig thams cad mkhyen pa yin te/ zhes bsgrub par bya ba la 'dod chags la sogs pa dang ldan pa'i phyir ro zhes bya ba'i gtan tshigs ni lam po che'i skyes bu'i dpe la bsgrub par bya ba dang/ sgrub par byed pa la the tshom za ba yin no/ /rjes su 'gro ba med pa dang/ rjes su 'gro ba ma bstan pa dang/ rjes su 'gro ba phyin ci log gi dpe ltar snang ba ni/ de la rjes su 'gro ba med pa ni dper na gang smra ba de ni 'dod chags la sogs pa dang ldan pa yin te lam po che'i skyes bu bzhin no/ /smra bar byed pa rang 'dod chags la sogs pa dang ldan pa dag bya ba byed ba'i ngo bo bkag pa'i phyir ro/ /rjes su 'gro ba ma bstan pa ni dper na sgra ni mi rtag ste byas pa'i phyir ro zhes bya ba lta bu'o/ /'di la rjes su 'gro ba yod med kyi khyab ba ma bstan pa zhes bya ba ste/ de ni smra ba'i nyes pas dpe ltar snang ba yin no/ /rjes su 'gro ba phyin ci log ni/ dper na gang rtag pa de ni byas pa yin te/ bum pa la sogs pa bzhin no/ /zhes bya ba ni 'dir ni rtog pa ni bsgrub par bya ba ma yin te bsgrub par bya bas sgrub par byed pa la khyab pa bstan par bya ba yin gyi/ sgrub par byed pas bsgrub par bya ba la khyab par bstan par bya ba yin no/ /de'i phyir rjes su 'gro ba phyin ci log gi dpe ltar snang ba yin no/ /de dag ni chos mthun pa'i dpe ltar snang ba dgu bstan par yin no/ /chos mi mthun pa'i dpe ltar snang ba bstan bar bya ste/ sgrub par bya ba ldog pa med pa'i dpe ltar snang ba ni/ dper na sgra rtag ste lus can ma yin pa'i phyir /rdul phra rab bzhin no/ /zhes bya ba ni 'dir rdul phra rab ni chos mi mthun pa'i dpe yin pa'i phyir lus can ma yin pa bsgrub par byed pa'i chos ldog pa yin te/ rdul phra rab ni lus can yin pa'i phyir ro/ /bsgrub par bya ba'i chos rtag ba ni log pa ma yin rdul phra rab ni rtag pa'i phyir ro/ /sgrub par byed pa ldog pa med pa ni/ dper na sgra rtag ste lus can ma yin pa'i phyir las bzhin no zhes bya ba ni 'dir bsgrub par bya ba'i chos rtag pa nyid ldog pa yin te/ las ni mi rtag pa'i phyir ro/ /sgrub par byed pa'i chos na ldog pa ma yin te/ las ni lus can ma yin pa'i phyir ro/ /gnyi ga ldog par med pa ni dper na sgra ni rtag ste lus can ma yin pa'i phyir nam mkha' la sogs pa bzhin no/ /zhes bya ba 'dir nam mkha' la sogs pa'i chos mi mthun pa'i dpe las bsgrub par bya ba dang/ sgrub par byed pa ldog pa med pa yin no/ /de bzhin du bsgrub par bya ba dang ldog pa la the tshom za ba dang/ sgrub par byed pa ldog pa la the tshom za ba dang/ gnyi ga ldog pa la the tshom za ba las bsgrub par bya ba ldog pa la the tshom za ba'i dpe ltar snang ba ni / dper na ser skya la sogs pa ni thams cad mkhyen pa ma yin te/ thams cad mkhyen pa'i rtags su gyur p a'i bstan bcos 'ba' zhig byas pa med pa'i phyir ro zhes bya ba 'dir chos mi mthun pa'i dper brjod pa gang thams cad mkhyen pa ma yin pa des ni skar ma shes pa la sogs pa'i bstan chos te dper na khyu mchog 'phel ba la sogs pa bzhin no zhes bya ba 'dir chos mi mthun pa'i dper brjod la/ khyu mchog dang 'phel ba la sogs pa las thams cad mkhyen pa ma yin pa log gam mi log the tshom yin no/ /sgrub par byed pa ldog the tshom za ba ni/ dper na 'dir gsum rig pa'i bram ze sor skye dang gzegs zan la sogs pa'i skyes bu'i tshig zung bar bya ba ma yin te/ 'dod chags la sogs pa dang ldan pa'i phyir ro/ /zhes bya ba 'dir chos mthun pa'i dpe brjod pa ni nang gi tshig gzung bar bya ba de ni 'dod chags la sogs pa dang ldan pa ma yin te/ dper na go tam la sogs pa'i chos kyi bstan bcos rtsoM pa lta bu ste/ gau ta ma la sogs pa las 'dod chags la sogs pa dad ldan ba'i chos ldog pa la the tshom za ba'o/ /gnyi ga ldog pa la the tshom za ba ni dper na ser skya la sogs pa ni 'dod chags dang bral ba ma yin te yongs su 'dzin pa dang kun tu 'dzin pa dang ldan pa'i phyir zhes bya ba la/ 'dir chos mthun pa'i dper brjod ba/ gang 'dod chags dang bral ba de ni yongs su 'dzin pa dang/ kun tu 'dzin pa dang ldan pa ma yin te/ dper na khyu mchog dang 'ang la ba la sogs pa bzhin no zhes bya ba la/ khyu mchog la sogs pa chos mthun pa'i dpe las 'dod chags dang bral ba nyid bsgrub par bya ba'i chos dang yongs su 'dzin pa dang/ kun tu 'dzin pa sgrub par byed pa'i chos ldog gam mi ldog the tshom za'i/ /sngar ma rnyed pa dngos po rnyed pa mi yongs su 'dzin pa'o/ /rnyed pa yongs su mi gtong ba ni kun tu 'dzin pa'o/ /gnyis pa de dag kyang khyu mchog la srid de/ gdugs dang/ rnga yab dang/ rnga bo che rnams yongs su 'dzin pa dang/ kun tu 'dzin pa thos pa'i phyir ro/ /ldog pa med pa'i chos mi mthun ba'i dpe ltar snang ba dang/ ldog pa rab tu ma bstan pa dang/ ldog pa phyin ci log ces bya ba las/ ldog pa med pa ni dper na ser skye la sogs pa 'dod chags dang bral ba ma yin te/ smras pa'i phyir ro gang du 'dod chags dang bral ba med pa ma yin te de ni smra ba ma yin te/ dper na brdo'i dum bu bzhin no zhes bya ba la gal te 'di rdo'i dum bu las log mod kyi/ 'on kyang 'dod chags dang bral ba thams cad khas smra ba log pa ma yin te/ the tshom za ba'i phyir ro/ /ldog pa ma bstan pa ni dper na sgra mi rtag ste byas ba'i phyir nam mkha' la sogs pa bzhin no zhes bya ba ni don dam par yang dag pa dpe zin yang/ smra ba po'i nyes pas dpe ltar snang ba yin te/ gzhan gyi don gyi rjes su dpag pa la smra ba po'i yon tan dang/ nyes pa gnyis rnam par dpyad par bya ba yin pa'i phyir ro/ /'di ltar gang rtog pa thams cad ni nges par ma byas par mthong ste/ dper na nam mkha' la sogs pa bzhin no/ /zhes bya ba'i tshig gi rnam par dbye ste smra ba pos bya bar sngon du 'gro ba'i ldog pa ma bstan pa'i phyir/ ldog pa rab tu ma bstan pa zhes bya'o /ldog pa phyin ci log ni dper na/ gang ma byas pa de ni rtag par mthong ste zhes bya ba 'dir ni sgrub par byed pa log pa la khyab par bstan par bya ba yin no/ /des na gang dang gang bsgrub par bya ba log pa de dang des nges par sgrub par byed pa ldog par 'gyur ro/ /dpe ltar snang ba bco brgyad bshad zin to/ /phyogs dang gtan tshigs dang/ dpe ltar snang ba de dag nyid kyis rgol bas sgrub par mi phyed pa'i phyi'i rgol bas sun 'byin pa nyid nye bar bkod pa de dag sun 'byin par 'gyur ba yin te/ phyogs snga ma rgol ba'i mngon pa 'dod pa'i don 'grub pa lag gas byed ba'i phyir ro/ /sgrub par byed pa mtshang bar brjod pa nyid sun 'byin pa yin no zhes bstan to/ /de lta bas na sgrub par byed pa bzhin du sun 'byin pa'i mtshan nyid rnam par phye ste/ logs shig tu ma bstan to/ /sun 'byin pa ltar snang ba ni sun 'byin pa de dag nyid phyir rgol bas smras pa yin no/ /gang gi tshe phyogs snga ma rgol ba yang dag pa ma yin pa'i skyon brjod pa de sun 'byin pa ltar snang ba yin te/ ltag gcod ces bya'o/ /yang dag ba ma yin pa'i skyon brjod pa ni phyin ci log gi lan te ltag gcod yin no zhes bstan te/ dper na phyogs skyon med pa la phyogs kyi skyon brjod pa dang/ gtan tshigs skyon med pa la gtan tshigs kyi skyon brjod pa dang/ dpe skyon med pa la dpe'i skyon brjod pa ni sun 'byin pa ltar snang ba zhes bya bar rigs pa'i phyir ro/ /de la gzhan dag ni dam bca' ba dang/ gtan tshigs dang/ nye bar sbyor pa dang/ mjug bsdu pa dang/ yan lag lnga dang ldan pa ni sgrub par byed pa yin zhes zer te/ dper na sgra mi rtag ste/ zhes bya ba ni dam bca' ba'o/ /byas pa'i phyir zhes bya ba ni gtan tshigs so/ /gang byas pa ste thams cad ni mi rtag par mthong ste/ dper na bum pa la sogs pa lta bu zhes bya ba ni dpe'o/ /de bzhin du sgra yang byas pa yin no/ /zhes bya ba ni nye bar sbyor ba'o/ /de bas na mi rtag pa yin no zhes bya ba ni mjug bsdu pa ste/ dpe la rtogs pa'i nus pa can gyi gtan tshigs chos can la nye bar sbyor ba ni nye bar sbyor ba? zhes bya'o/ /dam bca' ba yang zlos pa ni mjug bsdu ba zhes bstan to/ /de lta bu ni med de rjes su 'gro ba dang/ ldog pa dang/ phyogs kyi chos zhes bya ba yang gsum pa nyid kyis bsgrub par bya ba'i don 'grub pa'i phyir ro/ /'di ltar rtsod ba'i dus su khyab pa sngon du 'gro ba nyid kyi sbyor ba zhes bya ste/ gang byas pa de thams cad ni mi rtag par mthong ste/ dper na bum pa bzhin no zhes bya ba ni/ dpe la bsgrub par bya bas sgrub par byed pa la khyab pa bstan pa ni rjes su 'gro ba zhes bstan to/ /mi mthun pa'i phyogs la yang bsgrub par bya ba log pas sgrub par byed pa la ni ldog ba ces pa bstan to/ /dper na mi rtag pa med pas byas pa nyid du mi 'gyur te/ dper na nam mkha' la sogs pa bzhin no/ /sgra yang byas pa'iphyir zhes bya ba las phyogs kyi chos bstan to/ /dam bca' ba dang 'jug bsdu ba ni rnam pa thams cad du brjod par mi bya'o/ /de bzhin du chos mthun pa nyid can gyi sbyor ba la rjes su 'gro ba brjod pa shugs nyid kyis ldog pa khong du chud pas 'di logs shig tu ma bstan to/ /dper na gang byas pa de dag thams cad ni mi rtag pa mthong ste/ dper na bum pa la sogs pa lta bu'o/ /sgra yang byas ba yin no zhes bya ba ni chos mthun pa nyid can gyi sbyor ba'o/ /chos mi mthun pa nyid can gyi sbyor ba ni ldog pa bstan ba'i shugs nyid kyi rjes su 'gro ba rtogs pa'o/ /'dir yang rjes su 'gro ba brjod par mi bya'o/ /gang rtag pa de ni ma byas par mthong ste/ /dper na nam mkha' la sogs pa bzhin no/ /sgra yang byas pa yin no zhes bya ba ni chos mi mthun pa'i sbyor ba'o/ /bsgrub pa ltar snang ba dang/ sun 'byin pa ltar snang ba bshad zin to/ /mngon sum ci 'dra ba zhig yin zhe na/ mngon sum ni rtog pa dang bral zhing ma 'khrul pa ste dbang po la so sor gnas pa ni rten pa'i rnam par zhes pa gang yin pa de ni mngon sum ste/ dbang po lnga la bsten pa'i shes pa yin no zhes bya ba'i tha tshig go / shin tu la sogs pa gnan pa la sogs pa'i don la gnyis pa zhes bya ba byed pa po'i bsdu bas mngon gyi sgra ni brjod par bya ba'i rtags su grub ste mngon sum rtogs pa dang/ mngon sum blo dang/ mngon sum shes pa zhes bya ba ni rigs par gyur pa yin no/ /mig dang rna ba dang sna dang lce dang lus zhes bya ba ni dbang po lnga ste/ de la brten pa'i shes pa lnga ni gzung pa'i yul gzugs dang sgra dang dri dang ro dang reg bya dang zhes bya ba gzhal bya lnga nyid 'tshad ma yin no/ /mngon sum de yang ming dang rigs la sogs pa'i rtog pa dang bral ba'am/ rnam par mi rtog pa dang/ gal te yang 'khrul bar ma gyur pa yin na tshad mar bshad de/ bstan pa'i don la mi bslu ba'i phyir ro/ / de la mig gi rnam par rtog pa ni 'di ni lhas byin no zhes bya bar shes pa'o/ /rigs kyi rnam par rtog pa ni 'di ni ba lang ngo snyam du shes pa'o/ /khyad par dang khyad par du bya ba'i rnam par rtog pa ni autpa la sngon po zhes pa'o/ /gzhan yang rnam par rtog pa dang bcas ba'i mngon sum ltar snang ba dang/ yang don la 'khrul pa rab rib kyi zla ba gnyis su shes pa dang/ nya phyis la dngul du shes pa dang/ 'di ni sdong dum? 'am skyes bu'o zhes shes pa yin no/ shes pa gzhan yang mngon sum ltar snang ba yin te/ bstan pa'i don dang phrad par mi byed pa'i phyir ro/ /de la mngon sum ni rnam pa gsum ste/ tha snyad 'dogs pa'i dbang po'i shes pa dang/ sems dang sems las byung ba thams cad rang gi ngo bo rig pa ni rang rig pa dang/ yang dag pa'i don bsgoms pas gsal ba rab rib kyi mthar thug pa ni rnal 'byor gyi shes pa'o/ /de'i yul ni rang gi mtshan nyid de/ gdon byed par nus pa ste/ rang gi mtshan nyid la bya'o/ /spyis ni don byed par nus pa ma yin no/ /de dag nyid kyang mngon sum gyi tshad ma yin no/ /don rtogs pa'i ngo bo yin pa'i phyir 'bras bu yang yin te/ de dang 'dra ba tshad ma dang 'bras bu la bye brag cung zad kyang med do/ /rjes su dpag pa ni rnam pa gnyis te/ rang gi don dang gzhan gyi don to/ /de la rang gi don ni re shig phyogs kyi chos gzung nas/ bsgrub par bya ba dang sgrub par byed pa 'brel pa dran pa'i rjes la rtogs pa bos don ji lta ba bzhin du rtogs pa/ gang yin pa de nyid rang gi don gyi rjes su dpag pa yin no/ /phyogs kyi chos rnam pa gsum nyid du 'gyur te/ 'bras bu dang rang bzhin dang mi dmigs pa'o// rgyu dang 'bras bur grub na 'bras bu'i gtan tshigs yin par lta ste/ dper na gang na du ba yod par me yod de/ dper na che ba la sogs pa bzhin no/ /'di na yang du ba yod pa'i phyir zhes bya ba lta bu'o/ /me med na du ba yang yang med de/ dper na chu dang bcas pa'i phyogs lta bu'o/ /'di ni rang dug yod pa'i phyir zhes bya ba lta bu'o/ /rang bzhin gyi gtan tshigs ni 'di ni shing? yin te/ shing sha ba yin pa'i phyir sngon tha snyad zhugs pa'i shing sha ba bzhin no/ /shing med na shing sha ba med da/ dper na shing gis dben pa'i phyogs bzhin no/ /'dir yang khyab par byed ba'i ngo bo des na/ khyab par bya ba'i gtan tshigs yin par lta'o/ /mi dmigs pa'i gtan tshigs ni/ 'di ni bum pa med de/ dmigs pa'i mtshan nyid kyir gyur pa mi dmigs pa'i phyir te/ ri bong gi rwa la sogs pa bzhin no/ /'dir yang dmigs su rung ba dmigs pa la/ dmigs su rung ba med pas khyab par gal te des na de'i che gtan tshigs 'di rtags par byed pa yin no/ /rjes su dpag pa ltar snang ba ci 'dra ba zhig ce na/ snga ma dang ldan pa dang/ lhag ma dang ldan pa dang/ spyi mthong ba ste/ gzhan gyis brtags pa'i rjes su dpag pa thams cad ni rjes su dpag pa ltar snang ba yin te/ de rnams pa de'i bdag nyid dang de las byung ba'i mtshan nyid kyis 'brel pa med pa'i phyir ro/ /rgyu dang 'bras bu'i 'brel pa dang/ khyab par bya ba dang khyab par byed ba'i 'brel pa grub pa nyid du gyur na/ bsgrub pa phyab? dang sgrub par byed pa'i 'brel pa yin gyi/ gzhan du ni ma yin te bslu ba med pa'i phyir ro/ /dper na sbrin 'di char ltar bltas pa yin te/ 'brug sgra zab me dang ldan pa'i phyir ro/ /zhes bya ba la/ /sgra zab mo dang 'dra ba'i sprin las char mi 'byung ba srid pa'i phyir ro/ /dper na/ stong du chur bab pa yin te// gtsang po rgyas pa mthong ba'i phyir ro zhes bya ba la/ gtsang po 'gags pa las kyang chu bo rgyas par mthong ba'i phyir ro/ /de bzhin du 'bras bu 'di dag ni tshe pa? yin te/ bru ba cig gi nang na yong pa'i phyir mthong ba'i 'bras bzhin no/ /'bras bu 'di dag ni smin pa yin te yal ga gcig las skyes pa'i phyir zos pa'i 'bras bu bzhin zhes bya ba la 'dir phal cher de ltar mthong yang bsgrub par bya ba dang/ sgrub par byed pa dag la ni bslu ba yod pa kho na'o/ /dper na gangs la skyes pa de dag thams cad ni/ lcags kyi gcod par mthong ste/ dper na shing la sogs pa'? bzhin no zhes bya ba la rdo rje yangs las skyes pa yin no/ /gang srog chags yin pa de dag thams cad ni/ mgrin pa dang bcas pa yin te/ dper na rnga mo la sogs pa bzhin no/ /bstan bya ba la/ kun la ra yang srog chags yin no/ /dper na gang zhu ba'i rdzas de ni rlan gyis byas par mthong ste/ dper na chu bzhin no/ /zhes bya ba la rdul chu yang zhu ba'i rdzas yin bzhin no/ /de bzhin du gzhan dag kyang rjes su dpag pa ltar snang ba yin pa blta bar bya'o/ /gtan tshigs kyi de kho na nyid bstan pa/ mkhas pa chen po dze? ta ri'i zhal snga nas mdzad pa rdzogs so// //rgya gar gyi mkhan po paN+Di ta shu mA rakla shu dang/ mo tsA ba deg slong shAkya 'od kyis bsgyur cing zhus nas gtan la bab pa'o/ / //chos dang chos can gtan la dpag? /rgya gar skad du/ d+harma d+harma bi ni shtsa ya/ bod skad du/ chos dang chos can gtan la dbab pa/

CLOSE WINDOW