བོད་ཡིག | e-texts based on the ACIP/ALL ![]() ![]() |
/ //paN+Di ta skal ldan rgyal bo dang/ lo tsA ba blo ldan shes rab kyis bsgyur pa'o// //rgya gar skad du/ bidznA ba ti ma' twa tA
sid+d+ha na ma/ bod skad du/ rnam par rig pa tsam nyid du grub pa ces bya ba/ 'jam dpal gzhon nur gyur pa la phyag 'tshal lo/ /rnal 'byor spyod pa pa rnams khams gsum po 'di dag ni rnam par rig pa tsam mo zhes bya bar
smra ba la ni rnal 'byor spyod pa pa'o zhes 'gyur kha cig las 'byung ngo/ /de la log par rtog pa las bsgrub par byed pa 'di ston te/ gang zhig gang gis rtogs pa de ni de las tha dad pa ma yin te/ dper na rtogs par byed pa'i rang gi
ngo bo bzhin no/ /dkar po dang glu dang dri zhim pa dang mngar ba dang rtsub pa la sogs pa 'di dag kyang shes pa de'i rtogs par byed pa yin pa'i phyir zhes bya ba ni rang bzhin gyis gyi gtan tshigs so/ /'di gzhi ma grub pa yang ma yin te/ dkar po dang klu la sogs
pa'i bsgrub par bya ba'i chos can gnyi ga la grub pa'i phyir ro/ /rang gi ngo bo ma grub pa yang ma yin te/ chos can de la de dag rtogs par bya ba nyid yin pa'i phyir zhes bya pa'i gtan tshigs gnyi ga la grub pa'i phyir ro/ /'di dag ces smos pas ni de ltar
rtogs pa nyid kyis dkar po la sogs pa chos can du byas pa'i phyir ro/ /'gal ba ang ma yin te/ mthun pa'i phyogs la rang gi ngo bo la yang zhugs pa'i phyir ro/ /gal te sgrub par byed pa med pa'i dpe ma yin nam/ rang gi ngo bo rig par byed bar
gyur ba ma yin te/ rang nyid la med pa 'gal ba'i phyir ral gri so ji ltar rno yang bdag nyid la bdag nyid mi gcod do zhe na/ myu gu bdag nyid thob pa zhes bya ba la sogs pa bdag nyid la byed pa mi 'gal pa ma yin nam/ gcod par byed
pa nyid yin par yang 'gal te/ gang gi phyir ral gri'i so bcad par bya ba la zhugs pa ni gcod par byed pa yin la/ bdag nyid la zhugs par ni mi nus te/ cig car gcig la phyi rol dang nang gi ngo bo gnyis su mi rigs pa'i phyir ro/ /rtoD
par byed pa nyid kyi shes pa'i bdag nyid la khyab par byed pa nyid yin pas 'gal ba med do/ /'di ltar gsal ba'i ngo bo nyid ni gsal ba ste so sor snang ba zhes bya ba'i don to/ /nges 'brel pa ni gsal bar byed pa nyid yin pa'i phyir de nyid rtogs
par byed pa nyid yin par smra ste/ de yang des de'i bdag nyid du 'brel to/ /gsal ba'i rang bzhin can ni gsal ba yin gyi/ ngo bo de'i ngo bor ma yin pa 'gal ba'i phyir ro/ de lta bas na gsal pa'i rang bzhin can nyid rtogs par byed pa nyid de/ de nyid kyang
rtogs bar byed pa yin pa'i phyir ro/ /de nyid kyang rtogs par byed ba kho na yin te/ ral gris bcad ba dang/ gzhus phug pa'i rigs pas yin no/ /de bas na rtogs par byed ba dang bya bar nges pa ni de'i bdag nyid kho na yin te/
bye brag med do/ /de bas na bdag nyid la rtogs par byed ba nyid yin par 'gal ba med do/ /de nyid kyi phyir rang gis dang gis gsal ba ni rnam par shes pa'i mtshan nyid gsal ba yin no/ /shes pa yang shes pa gzhan gyis gsal
ba yin no zhes zer na/ shes pa gang shes pa gzhan gyis yin na thug pa med par thal bar 'gyur ro/ /'on te thug pa med ba'i lan gdab ba'i ched du 'ga' zhig tha ma rang dbang can yin par 'dod na/ dang po nyid kyis 'dod bar bya ste
gzhan rang gzhan brgyud bar gyur pa yin no/ /gzhan yang gal te gzhan gyis dbang gis gsal bar shes pa rtogs par byed ba yin na/ de'i tshe don kyang rtogs par 'gyur ro/ /ma yin na shes pas kyang yin no/ /de bas na rang gi rang
gis gsal ba rnam pa shes pa'i mchan nyid yin no/ /de lta de bas na shes pa'i rang gi ngo bo gsal ba'i bdag nyi kho na las da ltar gsal bar byed bzhin pas rnam par shes pa 'di la rtogs par byed ba zhes bya'o/ /de ltan rnam
par shes ba'i rang gi ngo bo'i dpe la rtogs par byed pa nyid gtan tshigs zhugs par grub pa'i phyir gtan tshigs 'gal ba yang ma yin la/ dpe bsgrub bar byed pa med pa yang ma yin no/ /gtan tshigs ma nges ba yang ma yin te/
dpe 'di nyid la thams cad bsdus bas khyab ba gru pa'i phyir ro/ /'di ltar gsal bar byed pa nyid rtogs par byed ba nyid yin te/ de'i phyir gsal pa ma yin pa'i bdag nyid dang lhan cig 'gal bar dpe la mthong ste/ gsal ba ma
yin pa'i bdag nyid la thams cad las logs pa gsal ba'i bdag nyid kho nar nges pa nyid yongs su gcod pas thams cad bsdus pa'i khyab pa grub bo/ /de lta bas nyes pa gsum spangs pa'i rtogs par byed ba'i phyir zhes bya ba'i gtan tshigs
de nyid las de dang de tha dad ba med pa nyid du grub bas kha na ma tho ba med pa yin no/ /'on te 'di ma nges pa yin te/ gtan tshigs ldog pa nges pa la the tshom za ba'i phyir ro/ /'di ltar rtogs par bya ba dang rtogs par byed ba de'i bdag nyid du
nges par gdon mi za? pa med pa'i phyir ro/ /'on kyang 'brel pa tsam nyid de yul dang yul can gyi ngo bo 'brel ba nyid ni yod/ de bas na 'di ltar yang 'gyur te/ sngon po la sogs par bya ba ni yul nyid du mthong ba'i phyir dang/ rtogs
par byed ba ni yul can yin ba'i phyir ro zhes zer na/ de ni bden ba ma yin te/ thams cad bsdus ba dang ldan ba'i khyab pa grub na ldog pa'i nges pa yang 'grub pa'i phyir ro/ /'di ltar sngon po la sogs pa da ltar gsal bzhin pa ma
yin na ji ltar yul yin te/ gsal ba ma yin pa'i bdag nyid ji ltar gsal 'on te gsal pa'i bdag nyid yin pa'i phyir gsal ba yin na/ de lta na de nyid rtogs par bya ba'i nges par byed na/ yul dang yul can gyi ngo bor yang
gnod pa yin te/ de yis bye brag tu gnas pa'i phyir ro/ /de nyid kyi phyir de gnyis tha dad par snang ba ni 'khrul ba yin te/ rab rib can gyis mthong ba zla ba gnyis pa bzhin no/ /btsun pa dge srungs kyis kyang/ tshogs pa lnga ma gang yin las
shes dang yul bcas skad cig ma/ skyed phyed sna bcas gzugs bzhin tu/ gang yin pa yis lta na cig rtogs zhes smras so/ /de'i ltar na yang shes pa kho na gsal ba yin te/ gsal ba'i ngo bo nyid yin pa'i phyir ro/ /don ni ma yin
te/ bzlog pa yin pa'i phyir ro/ /btsun pa chos mchog gis kyang/ dper na bum pa la sogs pa dang phyi rol gyi snang ba 'dre ba nyid na gsal ba yin no/ /de bzhin tu shes pa dang snang ba yang yin no zhes smras so//
des 'di ltar smra bang rigs te/ gal te shes pa nang nas skyen de nyid du gnas pa de'i che des bum la sogs pa 'dre ba med do/ /'on te skyed nas yul gnas par 'gro na ni de'i tshe yal ga dang zla ba de dag dus gcig tu 'dzin par mi
'gyur zhing mig gis rnam par shes pas kyang yul lnga car 'dzin te/ 'dre bar khyad par med pa'i phyir ro/ /de bzhin du ring ba dang/ phra ba dad chod pa yang 'dzin pa yin te/ thogs pa med pa'i phyir ro/ /rgya mtsho ba? nas bcad pa tshun
chad kyang ring po ma yin te/ gang gi skad ma'i tshogs kyang nye ba yin pa'i phyir ro/ /'on te rung ba tsam gyi phyogs su rnam par shes pa skye na/ de'i tshe grub pa'i mdza' dang 'gal te/ sngon po la sogs pa 'di rig pa na dus gcig tu nang du
nyams su myong? bar rig go zhes bya ba de dag gis grub pa'i mdza' yin no/ /shes pa yang gzhan la nyams su myong ba yang gzhan pa ni ma yin no/ /gzhan yang gang de dang shes pa'i 'dra ba yin pa de gal te shes pa'i chos yin na/ de'i tshe
shes pa nyid gsal ba yin gyi don ni ma yin no/ /'on te don gyi chos yin na de'i don sems dang ldan pa thams cad kyi thun mong yin pa'i phyir de yang thun mong du 'gyur ro/ /de bas na gang zhig 'ba' zhig gcig gis mngon sum du byas pas sems dang
ldan pa thams cad kyi mngon sum du 'gyur te/ bco blag mkhan gyis gos gcig gtsos pa na de nyid dmar por 'gyur gyis/ /dkar po gzhan tha dad pas dmar po yin par ni mi 'gyur ro/ /des ni spyod pa pa yang bsal te/ /don
gyi chos gsal ba nyid shes pa las skye ste/ de bas na don gsal ba nyid shes pas gsal ba yin no zhes lhan cig par smra ba'i phyir ro/ /de ltar gsal ba'i sngon po la sogs pa shes pa las tha mi dad par bdag cag kyang 'dod do/ /de bsgrubs pas
don kyang bkag par gyur pa ma yin te/ dper na me long la gzugs de'i gzugs brnyan rtogs pa nyid gzugs rtogs pa yin pa de bzhin du shes pa'i me long la bzhin gyi rnam pa byung ba rtogs pa nyid don rtogs pa zhes bya'o zhes med sde ba
rnams smra'o/ /de yang bden pa ma yin te/ 'di ltar gang gis na don de rtogs pa yin/ don dang 'dra ba'i phyir ro/ /zhes zer na/ dus gcig la gang dad byang? dang zla pa rnams la lta ba'i tshe gcig gi shes pa rnams lta bar 'gyur ro/ /de las byung
ba'i phyir ro zhes zer na mig kyang rtogs par 'gyur ro/ /de las byung ba dang don dang 'dra ba gnyis kyi phyir ro zhes zer na/ 'o na ni de ma thag pa'i rnam par shes pa yang don dang 'dra bas yul yin pa 'thob po/ /bdag nyid thams cad kyi yang rnam
par shes pa yin par 'gyur ro/ /cha shas kyi 'ga' zhig dang 'dra na ni thams cad kyis rtogs par 'gyur ro/ /de lta bas na rtog pa'i phyir zhes bya ba'i gtan tshigs gsal pa ma yin pa'i bdag nyid thams cad las ldog pa grub pa na ma nges pa yang
ma yin no/ /de bas na rtogs pa nyid kyis sngon po la sogs pa rtogs par byed ba las tha mi dad par grub bo/ /tha mi dad pa'i yang phyir phyi'i dngos po mi rigs pas don yod par smra ba thams cad bsal to/ /dngos po dang dngos po med pa'i/
bdag nyid yin par 'gal ba'i phyir rdzun pa'i rnam par rig pa tsam du smra ba bsal to/ /rdzun pa yang sngon po la sogs pa yin par 'dod cing/ de'i gsal ba rnams shes pa dngos po'i dbang gis yin par 'dod na/ gzhan du na de'i res 'ga'
pa nyid du 'gal te/ rgyu med gzhan la mi bltos phyir/ rtag tu yod pa'am med par 'gyur zhes pa'i rigs pas so/ /dngos po dang dngos po med pa de'i bdag nyid du 'gal ba'i phyir sngon po la sogs pa yang 'ongs po
nyid du grub pas thams cad rdzun par smra ba yang sun phyung ngo/ /'dir ni sngon po la sogs pa'i bye brag dang/ ka ba dang bum pa'i bye brag dang/ sngon dang phyi ma dang dbus la sogs pa'i cha'i bye brag gis dngos por shes pa de dag ci rnam par shes
pa gcig yin nam/ ci du ma yin ba 'dir dpyad par bya ste/ btsun pa shes rab 'byung gnas spas pa ni 'di dag gcig nyid de/ lhan cig par snang ba'i phyir te/ 'di ltar tha dad pa na rab rig pa nang du bltas par phan chun rtogs pa med de/
rang dang gzhan gyis shes pa gzhan du lhan cig rtogs par gal 'gyur / 'on te gcig yin na ji ltar bye brag tu snang zhes zer na/ 'dir bye brag kyang ci zhig yin/ 'gal ba'i chos 'du ba'i phyir ro zhes zer 'gal ba 'di gnyis las
gang yin/ /phan tshun spangs te gnas pa'i mtshan nyid yin no zhes zer na/ lhan cig pas snang ba ji ltar phan tshun spangs te/ gnas pa yin no zhes smra'o/ /gnyis su smra ba nyid ni yang lhan cig snang ba'i phyir ji ltar phan tshun spangs te
gnas pa yin zhes pa? zhig gang smras pa de rigs pa ma yin te/ 'di ltar sngon po dang ser po la sogs pa gcig gi ngo bo gang yin pa de gzhan la de med pa de kho na nyid bye brag yin no/ /gcig la gcig yin par cig car dngos po dang
dngos po med pa 'gal ba'i phyir ro/ /de yang mngon sum gyis 'di dag tha dad par grub pas gcig nyid yin par gnod do/ /de bas na 'di dag da lta gcig nyid du med do/ /lhan cig so sor snang ba'i phyir zhes bya ba de nyid rgyu mtshan du mi rigs so//
gzhan yang lhan cig tu snang ba gcig nyid kyi rgyu mtshan du yang mi rigs pa nyid de/ 'di ltar gcig nyid yin na bye brag med pa'i phyir gang dang lhan cig snang/ /'di dag thams cad gcig tu rtogs pa nyid med cing/ re re rtogs na lhan cig snang bar gal
'gyur zhes zer na rtogs par byed pa'i rang gi ngo bo nyid dang de yang gcig ba ma yin pa de'i tshe de lta yin na tha mi dad pas de rnams gcig nyid du 'gyur par mngon sum gyis gnod do/ /'on te de dag la tha mi dad na de'i tshe tha dad pa nyid du ji ltar 'gyur
te tha mi dad pa ni ma yin no/ /de bas na tha dad pa gcig yin pa spangs nas lhan cig snang ba'i rgyu mtshan dpyad de/ de dag kyang nye bar len pa tha mi dad pa nyid can yin pa'i phyir rtogs par bya ba de rnams kyi nye bar len pa tha mi dad pa can nyid
yin la/ rtogs par byed pa de rnams kyis yag de nyid de/ rang dang gzhan gyis sems na nye bar len pa gcig pa can nyid ma yin pas de rnams kyi lhan cig snang ba med do/ /re res thams cad rtogs min yang/ /sde yis sde rtogs min
nam ci/ /nyer len tha dad can nyid phyir/ /tshogs rnams kyis ni bkod ma yin/ /rnam par rig pa tsam nyid du grub pa zhes bya ba mkhas pa chen po rin chen 'byung gnas zhi ba'i zhal snga nas kyis mdzad pa rdzogs so// //
bal yul gyi paN+Di ta shAn+ti b+ha dwa'i zhal snga nas dang/ bod kyi lo tsA ba 'bro dge slong shAkya 'od kyis bskyur ba'o/ /slad nas paN+Di ta chen pa de nyid dang/ klog skya shes rab brtsegs kyis gtan la phab pa// //rgya gar skad du/ an+ta ra bya ba
te/
CLOSE WINDOW