བོད་ཡིག

e-texts based on the ACIP/ALL Input

/rgya gar skad du/ a po ha nA ma sra ka ra Na/ bod skad du/ gzhan sel pa zhes bya ba'i rab tu byed pa/ 'jam dpal gzhon nur gyur pa la phyag 'tshal lo/ /rtog bcas blo yi gang gi rang bzhin gzhan gyis/ dben par rab bstan pa/ blo min phyi min de nyid ma yin sgro btags gang nyid brjod pa yis/ /'gro la de nyid gsungs pa rnam rgyal mnga' pa ma lus skyon bral ba/ /gsung mdzad gang yin de la mgos phyag 'tshal nas sel ba de 'dir bshad/ 'di la mngon par 'dod pa'i 'bras bu bskyed par rung ba'i dngos po rtogs par bya ba'i phyir bar rab tu sbyar ba'i sgra dag gis ji lta bu'i dngos po rtogs par byas nas de dag la tha snyad byed pa po don du gnyer ba 'jug par byed do/ /de'i phyir 'di dag yul med pa ni ma yin no/ /gsal ba ni yod kyang brjod par bya ba'i dngos po yin pa bzlog pa yin no/ /rnam pa dngos por yod pa yang thag bsrings so/ /da nyid kyi phyir rnam pa dang ldan pa'i gsal ba yang yod pa ma yin zhing de'i 'brel pa yang med do/ /de la 'di dag gi don du 'dod pa gang zhe na smras pa/ rnam par rtog pa rnams kyi yul gang yin pa de sgra'i don yin no/ /rnam par rtog pa la snang ba nyid mthong? ba'i don du sgra sbyor la/ de las kyang brjod bar bya ba la dmigs pa'i rnam par rtog pa skye ste/ de'i phyir 'bras bu dang nye bar len pa gnyis kyis nye bar gzung ba ni sgra'i don yin no/ /de la sbyi ni med pa nyid do/ /rang gis mtshan nyid ni yod kyang rnam par rtog pa'i snang bas rjes su 'gro ldog gi rjes su mi byed pa'i phyir rnam par rtog pa'i yul ma yin no/ /dngos po tha dad pa ni snang bas rjes su 'gro pa dang ldog pa'i rjes su byed na shes pa'i yul yin gyi gzhan du ni ma yin no/ /de'i phyir rnam par rtog pa ni dngos po yul can ma yin no/ /dngos po ma yin pa yang ma yin te/ 'di ltar rnam par rtog pa ni phyi rol gyi me la sogs pa dngos po nges bar skye ba dad 'ga dag bar nyams su myong ngo/ /de nyid kyi phyir mngon sum gyi 'dzin pa dang mi 'dzin pa ni snang ba'i dbang gis yin la/ rnam par rtog pa ni nges pa'i dbang gis yin no/ /gang gi phyir mngon sum ni rang gi mtshan nyid kyi rjes su 'gro ldog gi rjes su byed par snang ni cung zad kyang nges pa ni ma yin no/ /des na de'i snang ba'i dbang gis 'dzin pa dang mi 'dzin pa yin no/ /rnam par rtog pa'i? gzung ba'i rnam ba ni me la sogs pa yod pa dang med pa'i rjes su 'gro ba ma yin gyi me la sogs pa nges pa yin no/ /de'i phyir 'di ni nges pa'i da? yang kho nas 'dzin pa dang mi 'dzin pa yin gyi gzung ba snang pa'i stobs kyis ni ma yin no/ /gal te rnam par rtog pa rnams kyis 'dzin pa'i byed pa ni nges pa nyid yin la/ rnam par rtog pa rang gi mtshan nyid nges par byed pa yang de lta yin pa de lta na/ 'o na ni rang gi mtshan nyid kho na rnam par rtog ba rnams kyis nges par byas pa'i gzung ba yin ba nges na/ ci'i phyir rnam par rtog pa dngos po med par brtags pa'i yul can du 'gyur zhe na/ 'di la gang gis snang bas rjes su 'gro ldog gi rjes su byed pa'i dngos po ? dang pa do ni de'i yul yin no zhes bshad zin to/ /rnam par rtog pa'i rnam pa ni phyi rol yod pa dang med pa'i rjes su mi byed de/ des na yul ma yin no /ci ste 'did? pha rol gyi ba sam pa snang ba'i phyir rang gi mtshan nyid rnam par rtog pa'i yul du 'gyur ba ni ma yin gyi/ 'on kyang nges par byed pa'i phyir ro/ /ji ltar rnam par rtog pa rnams kyis 'dzin par byed pa nyid mngon sum ltar gzung ba'i rnam pa 'dzin pa ni ma yin gyi/ 'on kyang nges bar byed pa yin pa de bzhin du 'di'i gzung ba dang snang ba ni ma yin gyi/ 'on kyang nges par bya ba yin no/ /rang gi mtshan nyid kyang nges pa yin te/ nges na de gzung ba yin no zhes bya ba 'di yin la/ 'dir bshad pa gang gis phyir rang gi mtshan nyid pa ma yin yang de nges pa'i rnam par rtog pa skye ste/ de'i phyir rnam par rtog pa ni rang gi mtshan nyid nges pa ma yin no/ /'o na rang gi mtshan nyid yod pa yin na de rnam par rtog pas 'dzin par 'gyur ro zhe na/ de ltar ni mi nus te/ gang gi phyir rnam par rtog pa rnams kyis nges pa'i don ni sgra dang 'dres pa yin la/ sgra dang 'dres pa de yang gang brda'i dus su sgra dang 'dres par mthong ba'o/ /'brel par mthong ba yang gang zhig sgra brjod pa las snang ba'i don de nyid yin na dngos po'i rang bzhin ni sgra'i bya ba'i dus na mi snang ste/ de'i phyir de ni yod pa yin yang rnam par rtog pas nges pa ma yin no/ /zhes bya bar gdon mi za'o/ gal te rnam par rtog pa rnams dngos po nges pa'i bdag nyid du legs par rtogs kyang rang gi mtshan nyid nges pa ma yin no zhes bya ba 'di ni shin tu ngo mtshar che ba ma yin nam zhe na/ 'di la ngo mtshar cung zad kyang med do/ rnam par rtog pa rnams ni sgro btags pa'i rang bzhin rang gi mtshan nyid du med pa nyid zhen bar skyes pa na dngos po nges pa nyid du skyes ba rtogs pa yin gyi/ de dag dngos po yod ba nyid nges pa ni ma yin no/ /de'i phyir rang gi mtshan nyid du med pa nyid nye bar sngon pa'i rnam par rtog pa ni dngos po med pa nges pa yin gyi dngos po nges pa ni ma yin no zhes bya ba 'di la mi 'thad pa cung zad kyang med do/ /gal te gzung ba'i rnam pa/ rnam par rtog pa rnams kyi yul ma yin nam des ni ci'i phyir sgro btags pa 'dzin par brjod ce na/ gzung ba'i rnam pa ni rang rig pa'i yul yin gyi rnam par rtog pa ni ma yin no/ /'di ltar gang zhig nges par byas pa de rnam par rtog pa'i yul yin no/ /gzung ba'i rnam ga ni des pa ma yin na ji ltar rnam par rtog pa'i yul du 'gyur de'i phyir rnam par rtog pa sgra dang 'bres pa'i don nges par byed kyang rang gi bdag nyid la rnam par mi rtog pa yin no/ /gang gi phyir bdag nyid ni ma nges pa yin la/ ma nges pa yang rnam par rtog pa'i yul ma yin no/ de ltar yang nges pa rnams kyis ma nges pa gang de ni ji ltar de dag yul zhes bshad do/ /gal te rnam par rtog pa rang gi snang ba don med pa la don du lhag bar zhen ba ma yin nam/ de'i phyir de ni de'i yul yin no zhe na/ ci lhag par zhen pa zhes bya ba 'di ci yin/ ci 'dzin pa yin nam/ /'on te byed pa yin nam/ de ste sbyor ba yin nam/ ci ste sgro 'dogs pa yin/ de la rnam par rtog pa rang gi snang ba don med pa la don du 'dzin par ji ltar 'gyur byed par yang ji !ltar 'gyur te/ gzhan ni gzhan gyi rang bzhin du bya bar nus pa ma yin no/ /ma bzung ba'i rang gi mtshan nyid dang bdag nyid sbyor bar yang ji ltar 'gyur/ sgro 'dogs pa yang nyams su myong ba sngon du 'gro ba can yin na/ rnam par rtog pa ni sngar rang gi nga ba myong nas phyis sgro 'dogs pa yang ma yin te/ /dngos po skad cig gnyis su sdong pa ni med na de ji ltar nyms su myong ba'i bdag nyid phyis don gzhan la sgro 'dogs par byed/ ci ste rang gi rang bzhin nyams su myong ba dang/ don du sgro 'dogs pa dang dus mnyam pa yin na de ltar na ni 'o na snang ba nyams su myong ba dang dus mnyam du sgro btags pa snang ba'i rang bzhin ma yin pas dngos po med ba rnam par rtog pa'i yul yin no zhes gnas pa de yang 'dod po yin no/ /'o na rang gi snang ba don med pa la don du zhen nas 'jug pa yin no zhes bshad ba 'di'i don gang yin zhe na/ sgro btags pa'i rang bzhin de la gzung ba'i rnam pa bye brag tu ma gtogs pa zhes bya ba'i don 'di yin no/ /'di ltar rnam par rtog pa de nyid kyis sgro btags kyi rang bzhin shes pa'i bdag nyid kyis rnam par nges pa ma yin la/ rnam par rtog pa gzhan gyis kyang ma yin no/ /'dzin ba'i rnam pa ni sgro btags kyi don bdag tu 'dzin pa'i gzhi ma yin zhing bde ba la sogs ba'i rang bzhin ma yin pa de las gzhan du bdag tu 'dzin pa'i gzhi nyid dang bde ba la sogs pa'i rang bzhin du de la rig pa yin no/ /de la sgro btags kyi rang bzhin las rnam par ma byed pas rnam par rtog pa ni gzung ba'i rnam pa don med pa la don tu lhag bar zhen to zhes brjod kyi rnam par rtog pa bdag nyid kyi gzung ba'i rnam pa phyi rol gyi me yin par lhag par zhen nus pa ni ma yin no/ /de bzhin du gang yang/ rnam par rtog pa'i gzugs brnyan ni/ /de yi mthar thug rnams la 'brel/ /sgra yi shes la tha dang ltar/ /don gyi gzugs brnyan snang gyur pa/ /de yang don gyi bdag nyid min/ /de 'khrul bag chags rang bzhin can zhes bya ba la sogs pa bshad pa gang yin pa thams cad kyang rnam pa dang sgro btags pa tha dad du lhag par zhen pa med pa'i phyir gcig nyid kyi tha snyad du khas blangs nas bshad par lta'o/ /yang na ni rnam pa 'di lta bu'i phyogs su sgro btagS nyid la gzugs brnyan du brjod pa yin gyi gzung ba'i rnam pa ni ma yin no/ /gang gi phyir sgro btags pa la ni phyi rol du nges par byas pa yin phyir phyi rol 'dra ba phyi rol gyi gzugs brnyan zhes brjod par nus pa ni yin no/ /gang zhig rnam par rtog pa rnams gyis nges ba'i don de yang gang yin/ ci shes pa'i bdag nyid yin nam/ 'on te gzhan yin zhe na/ cung zad kyang ma yin zhes smra'o/ /ma des pa ni nyams su myong bas grub pa/ /shes pa nyid ni sreg ba'i bsgrub bya sgrub pa'i me ma yin zhing de'i tshe phyi rol 'ga' zhig kyang yod pa ma yin te/ ji ltar nges pa ni de kho na nyid ma yin pa'i phyir la/ /de kho na nyid kyang ji lta ba bzhin du ma nges pa'i phyir ro/ /zhes gang bshad pa dang/ de bzhin du/ sgra don 'di dang gzhi mthun nyid/ yod pa min ? ji lta bur/ /grags ba bzhin du brjod bya ste/ /dngos la 'di? ni mi srid do zhes kyang bshad do/ /'o na rnam rtog gi yul gyi don ngo bo med kyang rang bzhin dang ldan ba lta bu ji ltar snang zhe na/ ma rig pa'i bdag nyid rnam rtog gi shes pa rnams kyis ngo bo nyid 'di 'dra ba yin te/ bdag nyid rnam pa dang ldan bar yod pa kun tu ston pa nyid gtan med pa'i don yang nyams su myong ba yod ba'i dngos po dang 'dra bar yod pa ltar kun tu ston pa gang yin ba'o/ /shes pas med pa ston ji ltar nus de'i gsal bar byed ba'i rang bzhin yang 'bra ba zhig ce na/ med pa'i don gsal bar byed pa ni nyams su myong bas grub bo/ /'di ltar gsal ba'i rang bzhin de ni shes pa ma yin shes bya yang ma yin te/ de'i phyir yang med pa yin no zhes nges par nus so/ /rnam par rtog pa'i de gsal bar byed pa yang nyams su myong bas grub bo/ /shes pa rnams kyi gsal bar byed ba ni thun mongs ma yin pa ste/ de'i phyir ji ltar 'di gsal bar byed ba yin pa de bzhin du gzhan yang yin no zhes dpe bstan par mi nus so/ /rnam par rtog pa bdag nyid du gyur pa ma yin pa med pa'i don ston pa ni nyams su myong bas grub bo zhes de tsam zhig ni brjod par nus so/ /nyams su myong ba 'di la gnod par byed ba'i tshad ma ni med do/ /de'i phyir med pa'i den gsal bar byed pa nyams su myong bas grub pa dang dpe yang med pa yin no/ /dper na sngon po'i sngon po nyid 'dra ba med par yang rtsod pa med par 'dzin pa de bzhin du rnam par rtog ba'i gsal bar byed pa yang yin no/ /de'i phyir don dang rang ? rang bzhin yod pa yi rig byed du nyams su myong bas grub la/ thun yod ma yin pa'i phyir gang zhig gsal byed kyi dngos po'i dper 'gyur ba zhes pa dang 'dra bar gsal byed pa'i don ni med/ /dpes ni dgongs pa yang cung zad kyang med do/ /'di ltar nyams su myong bas grub pa'i rang bzhin la gnod par byed pa med ni mi bslub can gyi myong ba tshad ma yin no/ /de la rigs pa 'am ? bya ba ci yod/ de nyid kyis na med pa'i don gsal bar byed ba'i phyir dang/ nyams su myong pas grub pa yin pa'i phyir rnam par rtog pa ma rig pa'i rang bzhin du 'dod pa yin te/ med pa'i don gsal bar byed ba nyid ma rig pa'i de kho na nyid yin pa'i phyir ro/ /de'i phyir de ltar rnam par rtog pa rnams kyis nges par byas pa'i yul gzung pa'i rnam pa'i bdag nyid ma yin pa dang/ rang gi mtshan nyid du med pa'i rang bzhin gyi bdag nyid du bsgrubs pa na glo'i gzugs brnyan nyid sgra'i brjod bya yin no/ /zhes 'ga' zhig rtogs pa gang yin pa de gsal ba yin gang zhig rnam par rtog pa'i yul yin pa de sgra'i yul yin gyi/ rang rig pa'i yul ni ma yin no/ /rnam par rtog pa'i gang yang nges pa de yin na gzung ba'i rnam pa ni nges pa ma yin te/ shes ba'i cha nges pa nyams su myong ba med pa'i phyir ro/ /des pa gang yin pa de ni phyi rol nyid du des pa yin te/ gzung ba'i rnam pa ni ma yin no/ /de'i phyir rang gi mngon sum gyi yul gzung ba'i rnam pa ni sgra'i don ma yin gyi/ rnam rtog gi yul nges par byas pa me la sogs pa sgro btags par sgra rnams kyi brjod bya'i dngos por khas blangs pa yin no/ /de'i phyir de ltar blo'i gzugs brnyan yin/ rtog ge rig pa rgyu mtshan 'ga' zhig las gzhan sel ba sgra'i don du brtags nas rtog pa med ba'i yul yang sgra'i don du lhag par zhen pa shes pa dang tha mi dad pa'i phyir gzugs brnyan rang gi mtshan nyid yin yang sgra'i brjod byar yongs su brtags par ji ltar 'gyur te/ shes pa dang tha dad pa ma yin pa sgra'i brjod phyir yongs su brtags par ji ltar 'gyur ro/ /shes dang tha dad ma yin pa/ /ji ltar don gzhan 'drang bar 'gyur/ /zhes bya ba la sogs pa brjod bya yin pa slob dpon kyis bkag pa yin no/ /gal te r nam par rtog pas sgro btags kyi rang bzhin nges par byas pas de nyid sgra'i don yin na bsgrub ba'i rang bzhin sgra'i don yin mod de des na yang mi nyid chu ma yin pa'i phyir gzhan 'dogs pa ni gcig sgrub ba'i shugs kyis nges pa yin gyi/ gzhan la ldog pa rtogs par byas pa ni ma yin no/ /gcig nges par ma byas pa ni gzhan las ldog pa rtogs par mi 'thad pa'i phyir ro/ /des na gal te sgro btags sgra'i don yin na sgrub pa'i tshul nyid du 'gyur gyi gzhan sel ba'i don du ni ma yin no zhes bya ba ni kha cig gi'o/ /'di la gal te phyi rol sreg pa'i don byed par bzod pa mthong ba ci 'dra ba de 'dra ba kho nar rnam par rtog pas phyi rol gyi me nyid du sgro btags pa snang bar byed na ni phyi rol bzhin du nges par 'gyur gyis don dam med ces dngos po dang dngos po med pa'i rnam rtog gzhan nye ba la mi bltos shing de dag dang 'brel bar yang mi 'gyur ro/ gang gi phyir phyi rol gyi me ni dngos po yod pa la mi bltos te/ mthong ba nyid kyi rang bzhin ni yod pa'i dngos po'i bdag nyid du yod pa'i phyir ro/ /dngos po med pa la yang mi bltos te/ mthong ba dang rang bzhin ni med pa 'gal ba'i phyir ro/ /de bzhin du mthong ba dang 'dra bar sgro btags pa yang dngos po mi 'khrul ba dang/ dngos po med pa dang 'ga' ? ba'i phyir de dag la mi bltos pa dang/ de dag dang gzhi mthun nyams su myong bar mi 'gyur ro/ /ji ltar chu yod do zhes she na yod pa nyid dang med pa nyid la mi bltos pa de bzhin du chu yod do zhes rtogs na yang bltos pa dang 'brel par mi 'gyur ro/ /shing zhes rtogs pa la ni ci yod dam med ces dngos po yod pa dang/ dngos po med pa bltos pa dang/ /gcig dang 'brel pa yang yod pa yin no/ /de'i phyir sgrub pa dang dgag pa thun mong pa gnyis ka dang 'brel par rung ba'i don rnam par rtog pas des pa yin no zhes bya ba'i don 'di nyams su myong ba las 'ongs pa yin gyi/ phyi rol gyi dngos po thun mong ma yin pa bsgrub pa'i rang bzhin ni don ma yin no/ /de'i phyir gnyis ka'i thun mong pa'i phyi rol dang chos mi mthun pa rnam par rtog pas sgro btags pa 'di ni sgrub pa'i tshul du sgro btags par ma mthong/ /gang gi phyir phyi rol dang 'dra bar snang ba sgrub pa'i rang bzhin gyi sgro btags pa ni ma yin no/ /de'i phyir mthong ba'i shing la sogs pa la shing ma yin med pa/ med bar dgag ba'i rang bzhin shing gi yod pa nyid sgrub ba'i rang bzhin kyang yod pa yin no/ /de la rnam par rtog pas ni bsgrub pa'i rang bzhin la reg pa 'am sgrub pa dang 'dra bar sgro btogs ni mi nus kyi/ 'on kyang shing ma yin med pas khyad par du gyur shing ma yin med pa'i mthar thug ba'i shing sgro 'dogs par byed pa 'ba' zhig tu zad do/ /de nyid kyi phyir rnam par rtog pa phyi rol dang mi mthun pa sgro 'dogs par byed kyang phyi rol lta bur kun tu ston pa yin no/ /dngos bo dang dngos bo med pa thun mong ba'i shing ni phyi rol na med na rnam bar rtog pa ni gnyis ka'i thun mong pa kun tu ston par byed do/ /des na phyi rol dang chos mi mthun par nges pa yin no/ /gcig la ni gcig med pa'i dngos po ni phyi rol na yod pa de'i khyad par can du yang sgro btags pa yin te/ de'i phyir sgro btags pa'i phyi rol ston pa yin no/ /de'i phyir de ltar ni mthong ba'i me rnam par rtog par mi byed do zhes mthong ba dang brtags pa bye brag phyed bar rtogs kyang mthong ba dang brtags pa'i don dag gcig tu byed pa nyid do/ /gang gi phyir gcig tu byas pa'i phyir rnam par rtog pa med ba'i yul mthong ba'i me nges pa yin no/ /gang gi phyir sgro btags pa la mthong ba'i me'i rang bzhin du zhen na yang rnam par mi rtag go / zhes rnam par rtog pas snang ba'i me'i rang bzhin yul du zhen pa yin gyi gzhan du ni ma yin no/ /de'i phyir shing ma yin med ma'i mthar thug pa'i rang bzhin ltag bar nges pa las phyi rol dang phyi chos mi mthun par par nges kyang phyi rol nges pa yin no/ /yang gang dag sgra ni so sor nges pa'i dngos po'i cha la 'jug pa yin la rnam rtog kyang de bzhin no zer ba de dag la 'di skad cig dri bar bya ste/ ci 'dra ba mthong ba de 'dra ba nyid 'dzin na ni cha'i dbye ba cung zad kyang ma bzung la/ /gzhan 'dra bar rtog na ni sgro btags pa dngos po nges pa ma yin par 'gyur ro/ /gal te gcig las ldog pa'i mthar thug pa'i phyi rol du ma mthong ba de ltar yang shing ma yin med pa de srid du phyi rol grub po/ /de'i mthar thug ba'i rang bzhin bzung na ni phyi rol gyi rang bzhin nges par 'gyur te/ sgro btags pa'i don ni phyi rol gyi shing ma yin med pa'i khyad par can yin pa'i phyir ro/ /gal te phyi rol gyi shing ma bzung na de'i mthar thug pa'i shing ma yin pa med pa yang gzung bar mi 'gyur ram zhe na/ bden na 'on kyang sgro btags kyi shing shing gi bdag nyid ma yin kyang shing ma yin med pa'i mthar thug pa sgro 'dogs par byed do/ /de'i phyir sgro btags kyi shing ma yin med pa nges par rtog pa nges par bya ba'i phyi rol nges par byed pa yin no/ /shing ma yin med ba'i khyad par can sgro btags pa la 'di shing ngo zhes phyi rol nyid du nges pa nyid phyi rol gyi don nges pa yin gyi dngos su phyi rol gyi shing ma yin med pa rtogs pa ni ma yin te/ phyi rol gyi don ma bzung nang nges par gzhan gyis stong par mi rtogs pa'i phyir/ /de bzhin du sgra ni rtags ba ma yin no zhes 'gog ba'i tshen rtag pa nyid sgra dang gzhi mthun par rtogs la/ gzhi mthun pa yang gcig la brjod do/ /dngos po gang zhig gang dang lhan cig mthong ba de ma bzlog par ni cig shes bzlog par mi nus na/ sgra gnas kyang gzhi mthun pa'i rtag pa nyid 'gog ste/ de'i phyir phyi rol dang mi 'dra ba nges pa yin la/ des na dngos po dang dngos po med pa dang 'brel bar rung brtogs pa yin pa'i phyir ro/ /gzhi mthun pa'i chos gzhan bkab kyang ma bkag ba'i phyir gzhan las ldog pa'i mthar thug pa'i rang bzhin kho na rnam par rtog pas nges par byed do/ /gal te dgag pa'i shes pa phyi rol la ni ma yin te/ de mi snang ba'i phyir ro/ /blo dang gzung ba'i rnam pa la yang ma yin te/ de gnyis na nyams su myong bar bya ba nyid yin pa'i phyir ro/ /sgro btags pa la yang ma yin te/ de yang de'i tshe sgro btags kyi rang bzhin du gzung ba dgag bar mi nus pa'i phyir ro/ /de bzhin du sgrub pa'i shes pa yang phyi rol la ni ma yin te/ mi snang ba'i phyir ro/ /blo la sogs pa rnams kyang yod pa la 'khrul pa med pa'i phyir 'di dag pa mi rigs ma yin nam zhen bden te/ phyi rol dang blo dang rnam pa dang sgro btags la yang dgag pa dang sgrub bar rtog pa ma yin no/ /sgrub ba dang dgag pa dag ni sgro btags gang zhig phyi rol nyid du nges par byas pa de dang 'brel ba yin te/ dper na sprul sgrub pa dang dgag pa'i shes pa thag pa'i rdzas ni ma yin te/ mi snang ba'i phyir ro/ /sbrul gyi blo dang gzung ba'i rnam pa dang/ sgro btags kyi sprul la yang ma yin te/ de dag ni rang gi rang bzhin du yod pa la mi 'khrul pa'i phyir ro/ /'on kyang sgro btags kyi sprul gang zhig phyi rol gyi sbrul nyid du nges par byas pa de ni sgrub pa dang dgag par nges pa bzhin no/ /gang zhig dngos po dang dngos po med pa thun mong du zhen pas nges par 'dzin pa de ni gcig las ldog pa nges pa lhur byed pa yin te/ dper na bum pa ma yin par shes pas bum pa ma yin par nges par 'dzin pa na yod dam med ces dngos po dang dngos po med pa thun mong du nges par 'dzin par byed pa bzhin no/ /rnam par rtog pa thams cad kyis kyang dngos po dang dngos po med pa dag gi rang bzhin thun mong du nges par 'dzin par byed do/ /gtan tshigs 'di ma grub pa ni ma yin te/ rnam par rtog pa gnyis ka'i thun mong gi rang bzhin du dmigs par nyams su myong bas grub ba'i phyir ro/ /sngar bshad pa'i tshul gyis thun mong du 'dzin pa'i rgyu mtshan ni gcig la ldog pa lhung nges pa nyid yin te/ de ni rgyu mtshan med ba ma yin la/ rgyu mtshan gzhan yang ma dmigs pa'i phyir ro/ /de la mi mthun pa'i phyogs la 'jug na khyad par byed pa rgyu mtshan dang ldan pa nyid med par 'gyur ba'i phyir khyab bar byed ba mi dmigs pas mi mthun pa'i phyogs las ldog pa na/ thun mong du 'dzin pa ldog pa gcig gi mthar thug ba la gnas pa'i phyir khyab pa grub bo/ /gzhan yang mi bden pa'i rang bzhan ston pa'i rnam par rtog pa phyi rol 'dra ba kun tu ston par ji ltar 'gyur te/ de gnyis ni shin tu chos mi mthun pa'i phyir ro/ /de'i phyir de'i rang bzhin gzhan las ldog par zhen par nam par rtog pa phyi rol 'dra bar kun tu ston par 'gyur ba yin no gang zhig shin tu mi 'dra ba de'i rang bzhin du 'dzin pa de ni gzhan las bzlog pas byas pa'i 'dra bar 'dzin pa lhur len pa yin te/ dper na snam bu bum pa dang shin tu mi 'dra yang shing ma yin par khyad can du nges par rtog pa na 'di yang shing ma yin na 'di yang shing ma yin zhes yin na bum pa dang 'dra bar nges par rtogs pa bzhin no/ /de bzhin du rnam par rtog pa'i don phyi rol pa shin tu mi mthun yang phyi rol tu nges par rtogs pa yin no/ /rnam par rtog pas phyi rol nges par byed pa yang nyams su myong bas grub bo/ /dngos po med pa la phyi rol tu 'dzin pa ni rgyu mtshan med pa ma yin te/ rgyu mtshan gzhan yang med de/ /ji skad bshad par bzhin no/ /de'i phyir gzhan las ldog pa mi 'dzin na khyab par byed pa rgyu mtshan dang ldan pa med pa'i phyir phyi rol tu 'dzin pa nyid ldog pa na gzhan las ldog pas byas pas phyi rol nyid du 'dzin pa gnas pa'i phyir khyab pa grub bo/ /gzhan yang sgrub pa'i tshul gyis rnam par btags pa don yin no zhes smra bas ni rnam par rtog pa gzhan las ldog pa shugs kyi nges par byed pa yin no zhes gsal bar smras par gyur na de ni rigs pa ma yin no/ /gang gi phyir gcig pa bsgrubs par rtags pa'i dus su de cig shos las ldog par mi rtogs na bsgrub pa'i tshul rnam par rtog pa'i don de nyid nges par rnam par brtag mi nus te/ cig shos kyi rang bzhin la the tshom za na der rnam par brtag par bya ba la yang the tshom za bar 'gyur ba'i phyir ro/ /byi nas ldog par bya ba la der the tshom mi za'o/ /zhes kyang brjod par mi nus te/ de'i phyir cig shos kyi rang bzhin gyis stong ba nyid du rtogs pa'i rnam par rtogs pa ni nges pa'i don rtogs par byed ba yin no/ / gang zhig nges pa'i rang bzhin nges par rtogs par byed pa de ni gzhan las ldog pa'i yul can yin te/ dper na 'di ni bum pa kho na'o zhes nges pa nyid kyi bum pa nges par rtog pa'i nges par rtog pa bzhin no/ /de bzhin du rnam par tog pa thams cad kyang nges pa nyid du 'dzin par nyams su myong bas grub pa yin no/ /'dir yang sngar bshad pa'i rnam pas nges par 'dzin pa rgyu mtshan med pa ma yin la/ rgyu mtshan gzhan yang mi 'thad pa'i khyab par byed brgya mtshan dang ldan pa nyid med pa'i phyir nges par 'dzin pa mi mthun pa'i phyogs las ldog pa dang ldan pa 'dzin pa nyid la gnas pas na khyab pa yin no/ /dngos po dang dngos po med pa nyid thun mong du 'dzin pa dang phyi rol tu 'dzin pa dang/ nges par 'dzin pa de nyid ni ldog pa 'dzin pa kho na yin te/ de'i phyir khyab par byed pa yin par blta'o/ /gal te dngos po gzhan las ldog par sgro btags pa yin na/ ldog pa gang yin pa de dang/ ldog mtshams gang yin pa de dang/ rgyu mtshan gang gis ldog pa de gsum ka yang rnam par rtog pas rtogs par bya bar 'gyur te/ dper na lhas byin mchod sbyin las ldog par 'dzin pa na gsum ka yang 'dzin pa bzhin no/ /dngos po med pa'i phyir ji skad bshad pa gsum ni rnam par rtog pas 'dzin pas mi 'thad cing nyams su myong ba 'dzin pa mi 'thad cing nyams su myong ba yang ma yin no/ /nyams su myong ba'i rang gzhin ma yin pa'i rang rig pa'i rnam par rtog pa yin par yang rtag par mi thod ngo/ /de'i phyir gzhan sel ba'i rang bzhin du sgro btags pa zhes bya bar ji ltar 'gyur zhe na/ rnam par rtogs ni ma rig pa'i bdag nyid yin pa'i phyir rang gi mtshan nyid 'dzin par ni mi nus so/ /ci zhig ltar don byed pa ni gang gi phyir yod pa dang med pa dang 'brel par rung ba dang phyi rol nyid dang nges pa lta bur sgro 'dogs pa de'i phyir gzhan las ldog pa'i mthar thug pa nyid du sgro 'dogs pa yin no/ 'di ltar ldog pa gtsor gyur pa'i don sgro btags na shing ma yin pa las ldog par gzung ba'i shing gi de nyid yod pa dang med pa las ldog par nges pa'i phyir yod pa dang med pa las ltos par rig pa yin no/ /de bzhin du cig shos ldog pa'i mthar thug pa nyid rtogs na nges par 'dzin pa yin la de bzhin du gzhan las ldog pa rtogs par 'gyur na/ phyi rol dang shin tu mi 'dra ba de yang phyi rol nyid du 'dzin par 'thad pa yin no/ /de'i phyir gzhan las ldog pa'i rang bzhin nyid sgro 'dogs pa yin na yod pa dang med pa dang 'brel bar rung ba dang nges par 'dzin pa dang don byed bar bzod pa'i rang bzhin phyi rol lta bur zhen pa yin no zhes nges par bya'o/ /gal te bdag gis gzhan las ldog pa rtogs so/ /zhes rtogs par byed pa la zhen pa med pa ma yin nam zhe na/ dper na spyi dang ldan pa'i don mthong ngo zhes gsal ba dang spyi dang khyad par can gyi dngos por nyams su myong ba'i rtog pa med mod kyi/ 'on kyang khyad par can gyi rtogs pa'i dbang gis spyi'i khyad par can gyi gsal ba mthong bar pha rol gyi btags pa de bzhin du yod pa dang/ med pa dang 'brel par rung ba dang nges par 'dzin pa dang/ phyi rol dang 'dra bar sgro 'dogs pa gzhan du mi 'thad pa'i phyir/ gzhan las ldog par sgro btags so zhes brjod kyi rnam par rtog pa bdag nyid ldog pa dang ldan pa rtogs pa yin no zhes nges pa ma yin no/ /de nyid kyi phyir 'di ni ldog pa dang ldan pa'i zhes rnam par rtog pa na nges par gsum char brtag par 'gyur ba ldog pa dang ldog mtshams dang ldog pa'i rgyu mtshan rnams tha dad du brtag par bya ba ni ma yin no/ /'dir ni gzhan dang ma 'dres pa'i rang bzhin gyis don byed pa rnam par rtog par byed pa nyid shugs kyi gzhan las ldog par rtogs par byed pa nyid shugs kyis ldog par rtogs par byed pa yin no/ /zhes brjod pa'i phyir gsum du rtogs par thal ba med do/ /gal te dngos po don gcig byed pas gzhan de mi byed pa dag las ldog par brtag par bya ba yin na/ gang gi tshe 'bras bu mthong bar 'gyur ba de'i tshe ni de byed par gzung bar 'gyur na/ sngar ma mthong ba'i dngos po la go mthong ba'i de ma thag pa'i zhen pas mthong ba'i rang bzhin dngos po gzhan las ldog par 'dzin pa ci 'dra ba zhig yin gang gi phyir 'bras bu'i khyad par byed pas na rnam par rtog pas de'i 'bras bu can ma yin pa dag las ldog pa'i rang bzhin du gsal bar byed pa yin na/ de'i tshe ni 'bras bu 'ga' zhig kyang mthong ba med pa yin? zhe na/ ji ltar mthong ba med pa yin/ gang gi tshe rtogs pa po snang ba'i 'bras bu mthong ba nyid nyams su myong nas snang ba la mthong ba de byed par nges pa yin pa de'i phyir snang ba mthong ba de byed pa ma yin pa dag las ldog par rnam par rtog pas nges pa yin no/ gal te dngos po bzhin du mthong ba yang tha dad ba ma yin nam/ de'i phyir dngos po mthong ba de byed pas de'i 'bras bu can ma yin bdag las ldog par nges pa na mthong ba tha dad ba'i phyir 'ga' zhig kyang 'ga' zhig dang yang mtshungs par rtogs par mi 'gyur ba zhig na/ shing la sogs pa rnams kyi rang bzhin mtshungs pa cung zhig rnams rnam par rtog pas rtogs pa ni yin no/ /bden te/ /bye brag rnams so sor tha dad pa la mthong ba tha dad pa yin no/ /mthong ba'i de ma thag tu byung ba'i des pas byed pas ni tha dad pa med par zhen par byed do/ /de'i phyir mthong ba gcig byed ba'i gsal ba rnams 'bras bu de mi byed ba dag las ldog pa rang bzhin mtshungs par rtogs bar byed do/ / g al te rnam par rtog pa ji ltar gsal ba tha dad pa gcig byed bar nges par gzung nas de mi byed pa dag las ldog pas tha mi dad par nges par byed pa de bzhin du mthong ba rnams kyang 'bras bu gcig pa nyid kyis de'i 'bras bu can yin pa dag las ldog pa nges par bzung ba na tha dad pa med nges par 'gyur dgos na/ ji ltar gsal ba rnams 'bras bu tha mi dad ba de bzhin du mthong ba rnams la 'bras bu tha mi dad pa cung zad cig mthong na ni med do/ /de lta na ni 'o na mthong ba'i stobs kyis 'byung ba'i rtog pa nyid mthong ba'i 'bras bu yin par mthong bas na 'bras bu gzhan gyis ci zhig bya zhe na/ de ltar ni mi nus te/ ji ltar gsal ba rnams dang/ mthong ba rnams tha dad ba de bzhin du mthong ba'i mthu las byung ba'i rnam par rtog pa rnams kyang tha dad do/ /de'i phyir de dag gis gcig nyid kyang rgyu mtshan 'bras bu gzhan la brten par bya ba yin la/ de yang tha dad pa na yang/ tha mi dad par bzhag pa'i rgyu mtshan 'bras bu gzhan gyi rjes su 'gro dgos pas thug pa med par 'gyur ro/ /gzhan yang re zhig rnam par rtog pa'i shes pa gcig tu rtogs par bya ba yin zhing/ de las 'bras bu gcig po de dang ldan pa'i phyir mthong ba rnams tha mi dad par nges par bya ba yin la/ de las ni mthong ba'i 'bras bu gcig dang ldan pa'i gsal ba gcig tu bya ba yin no/ /de la rnam par rtog pa rnams kyis gcig pa nyid la rnam par rtog pa te/ de nyid kyis ni reg par mi nus so gang gi phyir gang zhig nges par byas pa de la rnam par rtog pas gzung bar nus pa yin na/ bdag nyid ni des nges par byas pa ma yin no/ /rnam par rtog pa gzhan gyis kyang mthong bas bskyed ba'i rnam par rtog pa rnams gzung bar tha dad pa ma yin no/ /gang gi phyir mthong ba'i de ma thag tu byung ba'i rnam par rtog pa skyes pa nyid na mthong ba'i yul gsal ba dang mthong ba rnams tha mi dad par rtogs te/ de'i phyir mthong ba las byung ba'i rnam par rtogs pa rnams tha mi dad par gzung yang rnam pa gzhan gyi ci zhig bya de lta na yang gsal ba rnams gcig tu zhen pa ni mthong ba rnams tha dad par zhen pa mngon du 'gro ba can ma yin gyi/ 'on kyang mthong ba'i yul dang mthong ba rnams ni mthong ba'i stobs kyis byung ba'i nges pas dus gcig kho nar tha mi dad par rtogs te/ des na zhen pa gcig byed pa nyid kyis mthong ba tha dad pa med par 'dzin la mthong ba gcig byed pa nyid kyang gsal ba rnams gcig tu zhen pa yin zhes ci'i phyir brjod/ gzhan yang ji ltar bum pa chu 'dzin par nus pa bzhin du gsal ba rnams mthong par byed pa 'am ma mthong bar zhen par byed par rtogs pa ni 'ga' yang med na/ ji ltar gsal ba rnams mthong bar byed ba dang/ mthong ba rnams kyang rnam par rtog par byed pa gnyis kyis gcig nyid du rtogs so zhes brjod ce na/ bshad pa 'di'i lan nyon cig / don mthong ba'i nus pa'i rgyu mtshan can gyi rnam par rtog pa rnams ni 'bras bu tha mi dad pas tha dad pa med par mi brjod kyi/ 'on kyang yul tha mi dad pas so/ /'di ltar shing mthong ba las byung ba'i rnam par rtog pa gcig gis don ci 'dra ba sgro btags pa de 'dra par gzhan gyis kyang yin pa'i phyir shing mthong bas byas pa'i rnam par rtog pa rnams don mtshungs par zhen par byed pa yin no/ /shes pa de rnams la bdag gis ni shes pa 'di dang mtshungs par don yongs su bcad do snyam du 'dzin pa'i bya ba ni med mod kyi/ 'on kyang de rnams kyis nye bar ston pa'i don la tha dad du zhen pa med pa'i phyir de rnams kyi yul tha mi dad par brjod pa 'ba' zhig tu thad do/ /de la zhen pa'i don tha mi dad pa nyid yin la/ tha mi dad par zhen bar bya ba de yang de nyid kyis zhen par byas pa de'i phyir rtog pa gzhan gyis de dag gcig tu nges par bya ba ma yin no/ /gang gi phyir de dag nyid kyis zhen par byas pa de'i phyir sngon mthong ba gang yin pa de ni 'di yin no zhes zhen pa gcig gi rnam pa rjes su byed ba'i ngo shes pa skye ba yin no/ /tha mi dad par btags don de yang mthong ba de'i rang bzhin du sgro btags pa yin la/ mthong ba'i don yang lta ba'i yul nyid do/ /des na sgro btags pa'i bdag nyid kyis mthong ba dang lta ba tha dad med par 'dzin to/ /gal te de ltar na sgro btags kyi don gyi gsal ba rnams sres ba yin te/ mthong ba gcig byed ba'i phyir ni ma yin no zhe na/ mthong ba gcig byed pa'i phyir ma yin no zhes ci ste brjod/ 'di ltar mthong ba'i yul nyid kyis na gsal ba de dag la mtshungs bar rtogs pa yin la/ mthong ba'i yul yang mthong ba byed ba nyid yin gyi gzhan ni ma yin no/ /mthong ba tha mi dad bar gzung ba yang sgro btags kyi rang bzhin tha mi dad pa 'ba' zhig gis yin gyis 'bras bu gzhan yang 'brel ba ni ma yin no/ /de'i phyir 'di tha mi dad pa 'dzin ba'i rim pa ni 'ga' yang med do/ /rnam par rtog pa rnams kyi sgro btags kyi rang bzhin 'dzin pa nyid yin pa nyid de nyid mthong ba gcig tu 'dzin pa yin no/ /des na rim gyis tha mi dad par 'dzin pa dang rnam par rtog pa de nyid dam gzhan gyis rnam par rtog pa rnams gcig tu gzung bar bya ba ma yin no zhes gang brjod pa de gnyis ka yang gsal ba yin no/ /'bras bu 'bras bu nyid du rtogs pa na rnam par rtog pas de byed pa'i rang gi mtshan nyid rnams gcig tu 'dzin to zhes ni kho bo cag mi smra'o/ /'on kyang nyams su myong ba'i 'bras bu dang 'brel bar mthong ba na tha mi dad par zhen pa 'ba' zhig tu zad do/ /ji ltar rnam par rtog pa'i sgro btags pa'i bdag nyid kyis mthong ba dang mthong ba'i yul la rnam par rtog pa byed pa na tha dad ba med par rtogs pa yin no zhes bya ba 'di ni bshad zin to/ /de yin na yang don gcig tu zhes pa'i 'bras bu gcig pa mthong ba gcig yin la/ 'bras bu mthong ba tha mi dad pas kyang rang gi mtshan nyid kyi tshogs rnams gcig tu nges par 'gyur ba yin no/ /gal te nges pa gcig tu rtogs pa'i 'bras bu ni mthong ba gcig tu bzung ba ma yin gyi/ 'on kyan gcig tu sgro btags ba'i bdag nyid las ma yin nam zhe na/ bden te/ tha mi dad pa'i rang bzhin du sgro btags pa de nyid ni mtshungs par snang ba'i rnam par rtog pa rnams kyis 'jug pa yin te/ gzhan du na rnam par rtog pa thams cad tha mi dad par sgro 'dogs bar 'gyur ro/ /mtshungs ba'i rnam pa yang mthong ba'i rgyu mtshan can yin te/ de'i phyir mtshungs par rtogs ba'i 'bras bu can nyid kyis mthong ba rnams tha mi dad nges pa yin no// gang gi tshe sgro btags kyi bdag nyid kho nas mthong ba dang snang ba thams cad tha mi dad pa yin la/ sgro btags kyi rang bzhin tha mi dad bar nges pa yang mtshungs ba'i snang ba'i dbang gis yin pa de'i phyir 'bras bu rang bzhin gcig tu sgro 'dogs pa'i shes pa nyid kyis gsal ba rnam pa dang mthong ba rnams mtshungs par brjod pa yin no/ /rnam pa mtshungs pa'i shes pa la ni ngo bo nyid kho nas gsal ba rnams kyi nus pa khyad par med do/ /de nyid kyi phyir spyi med kyang gsal ba gcig mthong ba las byung ba'i rnam par rtogs pa la snang ba'i don la brda byas pa nas de 'dra ba'i rnam par rtog ba'i rgyu thams cad la byas bar 'gyur ro/ /tshul 'dis chu 'dzin pa la sogs ba'i 'bras bu tha mi dad ba rnams la yang rtogs par bya'o/ /gang gi che rnam par rtog pa gzhan las ldog par sgro 'dogs pa na phyi rol gyi gzhan las ldog par rtogs par byed pa de'i tshe dngos po gzhan med par bkag pa nyid kyis dngos po la rig pas dngos po rtogs pa yin ba'i phyir sgra dang rnam par rtog pa med pa dgag ba? phyogs pa yin gyi/ ma yin bar dgag pa la 'jug pa ni ma yin no/ /de'i phyir med bar dgag pa sgro 'dogs bar rtogs pa na tha mi dad bar zhen pas phyi rol gyi med bar dgag pa nges pa yin no/ /des na phyi rol gyi cig shos kyi stong ba ni rnam par rtog pas nges bar byas ba yin la/ sgro btags ba'i cig shos kyi stong ba ni gzung bar bya ba yin no/ /de nyid kyi phyir na slob dpon chos kyi grags bar med bar dgag ba nyid bzheng bar gdon mi bya'o/ /gal te rnam par rtog par ma rig pa'i bdag nyid yin pas med ba'i don ston pa yin na ci 'dra ston par 'gyur ba zhig ni nges bar ston par ni nyams su myong ngo zhe na/ smras ba/ nyams su myong ba'i bag chags las ni nges bar 'dzin pa yin la/ ma rig ba'i bag chags las ni med bar 'dzin pa yin no/ /gal te rnam par rtog pa thams cad la rgyu mtshan bag chags gnyis yod pa ma yin te/ gang gi phyir med pa dbang phyug la sogs pa dang/ rtag ba'i dngos po dang/ dngos po med ba'i rnam par rtog pa skye ba'i phyir ro zhes pa/ bden te/ de dag skye ba de kho na ste bag chags gnyis dang ni 'brel bar blta bar bya'o/ /'di ltar rnam par rtog pa yod par bum pa la sogs ba dang/ med pa dbang phyug la sogs pa'i chos can dang po yod pa sngon po nyid la sogs pa dang/ med pa rtag pa nyid la sogs ba'i chos nye bar rtog par byed ba yin no/ /de la yod pa'i chos dang chos can gyi rnam par rtog pa ni de ma yin pa las bzlog pa'i rang bzhin gyis dngos po mthong ba sngon du 'gro ba can kho na ste/ 'di ltar chu nyid la 'di ni chu'o snyam ba'i rnam bar rtog pa gang yin pa de ni chu mthong ba la brten pa nyid do/ /gang zhig smig rgyu la 'di ni chu'o zhes nges par rtog pa de chu dang smig rgyu'i rang bzhin mthong ba las gyur ba yin no/ /yang gang zhig chus dben ba'i phyogs su chu'o zhes sgro 'dogs pa gnyis ka dang 'des ba'i rnam par rtog pa de yang rang bzhin gnyis mthong ba la rag las la kho na'o/ /de'i phyir de ltar dngos por byung ba'i chos can sa rnam par rtog pa ni gsum yin no/ /chos gzhan dang yul gzhan dang 'brel ba'i rnam par rtog pa ni chos can kho na'i rnam par rtog pa yin te/ 'di sngon po'o zhe'am 'di ni sngon po zhes bya ba lta bu'o/ / chos tsam gyis ni 'di ni sngon po'o zhe 'am yang na 'di ni sngon po ma yin no zhes bya ba lta bu'o/ /de'i phyir chos kyi rnam par rtog pa ni gcig kho na'o/ /gang yang yod ba ma yin ba'i chos can dbang phyug la dmigs pa'i snang ba de yang de'i rang bzhin ma yin pa la sogs ba'i dngos po mthong ba las skyesba yin te/ gang gi phyir dbang phyug nges bar bsams pa 'di ni mthong ba'i sngon po la sogs pa las ldog bar brtags pa yin te/ gzhan du na dbang phyug nyid du brtags par mi 'gyur/ /dbang phyug ldog bar btags ba na yang ldog pa'i rang bzhin gzhan dang 'dra bar brtags ba yin te/ de'i phyir rnam bar ldog ba 'di yang ldog ba'i dngos po mthong ba la rag las ba yin no/ /de ltar ni tha na dngos po tsam du dbang phyug dngos po gzhan dang 'dra bar btags pa'i phyir na ldog pa'o dngos po mthong ba sngon du 'gro ba can nyid do/ /snang ba 'ga' zhig la brtags pa nyid du btags pa na ldog pa'i dngos po thong ba nyid kyis par rtog pas bzung ba yin no/ /de lta bu nyams su myong ba ma yin nam zhe na/ bden mod kyi/ 'on kyang rtag pa nyid snang ba las gzhan yin par brtags ba ni ma yin gyi/ 'on kyang mthong ba nyid du yin no/ /des na de la yang dngos po mthong ba'i bya ba yod pa yin no/ /de nyid kyi phyir bum pa med par rtogs pa yang sngon du 'gro ba can nyid de 'di ltar gal te ldog pa tsam 'ba' zhig tu rtog na ni bum pa mi rtogs par 'gyur te/ 'brel ba ma brtags ba'i phyir ro/ /de'i phyir bum pa nyid gnyis ka'i rang bzhin du nges par yong pa'am/ med pa'i phyir bum pa med pa ni dngos po'i chos yin no/ /gang gi tshe dngos po cung zad med do zhes rtogs pa de ltar na yang dngos po tsam mthong ba'i bya ba yong ba yin no// no/ /gal te bum pa'i rnam par rtog pa bum pa mthong ba sngon du 'gro ba can yin gyi med ba'i rtog pa ni ma yin no zhe na/ gal te de lta yin na yang de lta na yang yod pa las log bar nges pa gang yin pa de nyid bum pa dang mi 'dra ba'i phyir log pa yin te/ de'i phyir bum pa mthong ba'i bya ba yang yod do zhes brjod la/ bum pa med pa'i rnam par rtog pa la bum pa'i rang bzhin gyis stong pa'i rang gi mtshan nyid gzhan gyi yang byed pa yod pa nyid do/ /gal te bum pa 'ga' zhig ces mthong na ni bum pa med par rtag mi nus ba'i phyir ro/ /bum pa med pa'i rnam par rtog pa la ni bum pa nyams su myong ba'i byed pa po rag na/ ci dbang phyug med do snyam pa'i rnam par rtog pa gang yin pa de la yang dbang phyug mthong ba'i byed ba yod dam zhe na/ med do zhes smra'o/ /'o na ji ltar zhe na/ ji ltar dbang phyug rtog pa 'dra ba'i dngos po mthong ba sngon du 'gro ba can yin pa de bzhin du med pa'i rnam par rtog pa yang dbang phyug gi chos kyi rnam par rtog pa yin pa'i phyir 'du ba'i dngos po mthong ba'i mngon du 'gro ba can yin no/ /de'i phyir rnam par rtog pa bzhi char gyi snang ba yang 'dra ba'i dngos po mthong ba las yin la/ log par 'dzin pa'i shes pa las ni rang gi rnam pa dang mthun par sgro 'dogs pa yin no/ /des na rnam par rtog pas sgro btags pa'i don 'di ni gtan med pa yin no/ /gzhan las log par rtog pa na yang 'dra ba'i phyir phyi rol na yang gzhan la ldog par rtog par 'gyur ro/ /de'i phyir cig shos kyi rang bzhin dang ma 'dres ba'i sgo nas phyi rol yang rnam par rtog pa'i byed pas khyab par gyur gyi/ dngos po'i chal yang reg pa ni ma yin no/ /de'i phyir phyi rol yang dngos po med pa nyid rnam par rtog pa'i yul yin no/ /des na gang gzung ba dang/ gang yang zhen par byas pa de gnyis ka yang gzhan las ldog pa yin gyi dngos po ni ma yin no/ /de'i phyir/ ldog pa ngo bo nyid med pa'i phyir/ gnas dang gnas min rtog pa'ang med/ /spyi yi blo yang bslang ba yin/ /des na sun dbyang ba yang med ces bshad do/ /rnam par rtog pa'i don gang yin pa de nyid sgra'i don yin no/ /des na sgra'i don ni don dam par med pa nyid de/ sgra don 'di dang gzhi mthun nyid/ /yod pa min yang ji lta bu/ /grags pa bzhin du brjod bya ste/ /dngos la 'di ni mi srid do/ zhes bshad pa yin no/ /sgro btags de rtogs pa na de dang 'dra ba'i phyi rol rtogs par 'gyur ba des na phyi rol yang sgra'i don du btags pa yin te/ ji skad du/ de yi ngo bor sgro btags pa/ /rtog pas gzhan bzlog rtogs pa'i phyir/ sgra don gang yin de nyid ces/ /brjod pa la ni 'gal ba med ces bshad do/ /sgra sbyor ba'i dus ni rnam par rtog pa'i yul gyis gzhan sel ba'i bdag nyid kyang nges pa'i rang bzhin gyis brjod bya nyid du sbyor ba yin te/ de ltar ma yin na gzhan sel ba gcig nyid brjod byar ji ltar 'gyur/ /des na rnam par rtog pa'i yul ni gzhan sel ba yin la/ de yang gzhan dang bral ba brjod byar sbyor ba yin te/ ji skad du/ bum pa dang snyim? pa ci 'dra ba zhig gis bya ba la sogs pa bshad ba yin no/ /de'i phyir sel ba gnyis brjod par bya ba yin te/ nges pa'i rang bzhin dang rnam par rtog pa'i yul lo/ /ji skad du/ de las gzhan pa yongs spangs nas/ /'jug 'gyur zhes kyang sgra brjod de/ /de yi de dag rnams las 'di/ /rnams mi gcod ma de ji ltar zhes bshad pa yin no/ /gang zhig dngos sam dngos las gzhan zhes mgar yang brjod par mi nus shing/ bstan bcos rig pa'i blo yi che ba'ang gang du nyams 'gyur brjod bya'i mdza' / /sel ba rnam par phye bos chos mchog bdag gi dge ba gang thob pa/ /des bdag 'gro 'di mun pa mtshams med rgyun ni gcod gyur cig / slob dpon chos mchog gis mdzad pa gzhan sel ba zhes bya ba'i rab tu byed pa rdzogs so/ / //kha che'i paN+Di ta skal ldan rgyal po dang/ lo tsa ba dge slong blo ldan shes rab kyis kha cha'i grod? bar? dpe med du bsgyur ba'o/ //'jig rten pha rol grub ba chos mchog gi mdzad? pa bzhugs so /rgya gar skad du/ ? lo ka sid+hI/ bod skad du 'jig rten pha rol grub pa/ 'jam dpal gzhon nur gyur pa la phyag 'tshal lo/

CLOSE WINDOW