བོད་ཡིག

e-texts based on the ACIP/ALL Input

/thos pa brtag pa'i tshig le'ur byas pa/ /slob dpon dge srungs kyi mdzad ba rdzogs so// */ /gzhan sel? brtag pa bzhugs so// //rgyag skad du/ /an+yA peta pi tsa ra kA ri kA/ bod skad du/ gzhan sel brtag pa'i tshig le'ur byas pa thams cad mkhyen pa la phyag 'tshal lo/ /de phyir rang bzhin tha dad la/ /'bras sogs mtshungs pa mthong ba'i phyir/ /klo yi gcig tu sgro btags nas/ /tha snyad rnams la rab tu 'jug gang dag rtag par dus gcig tu/ / don gyi bya ba gcig byed pa/ de dag 'dus pa'i sgra ra brjod do/ /khyim dang dmag dang nags tshogs bzhin/ /gang dag dus dang rnam rtog gis/ /'bras bu gcig ni byed pa rnams/ /de dag rig sgrar brjod bya ste/ /dper na bde sdug la sogs bzhin/ /gang dag rim gyis 'brel bar ni/ /skye zhing don byed bzod pa rnams/ /de dag rgyun sgrar brjod bya ste/ /rgyun dang rang bzo'i rgyun bzhin no/ /gcig yin du mar rung yin zhing/ /blo yis char ni rnam brtags rnams/ /gnas skabs bye brag bstan bya ste/ gnas dang skye dang rnam 'jig bzhin/ /gang yang dngos cig lu la can ni/ /nyi zla nam mkha' i sgra bzhin no/ /mchu dus cha shas bye brag la/ de yang bye brag med par 'jug/ gang dag dngos sgra der de bzhin/ /dngos med la ni yang dag yin/ /de dag phyi la mi bltos par/ /blo yi rnam brtags don brjod bya/ /gal te sgra'i 'don rnams shes la/ /rang gi mtshan nyid mi snang na/ /de la snang ba ma yin pa/ /der ni nges pa ga la yod/ /'di ltar bye brag don med cing/ /bye brag mthong ba sngon 'gro'i phyir/ /bye brag rnams sgro btag pa smras/ /kho na nyid du 'khrul pa yin// dbang don sgra yi don ma yin/ /de med bzhin du spang phyir dang/ /tha dad rnam par dmigs phyir ro/ /gcig dang du ma'i gzugs ldan min/ /mngon sum gyis ni don gzugs gcig/ mthong ste sgra dang nyer gyur na/ /de nyid byed po la sogs gzugs/ /sna tshogs sun? 'dzin par 'gyur/ /lce yi dbang pos gzhan du myong/ /sgra yi mngar bar brjod pa gzhan/ /de phyir dbang don rnam kun tu/ /sgra yi spyod yul ma yin no/ /sgra yi don gsal byed pa ni/ rnam par rtog pas sgro btags nyid/ /de nyid phyir na byed po rnams/ /brjod 'dod sgo nas 'jug par 'dod/ gang du ba lang ltos zhes smra/ /mig ni rig rig byed 'gyur ba// //de sgra'i don gyi rnam shes ni/ /rang mtshan nyid la lta bar 'dod/ /blta ba'i bya ba sbyor ba ni/ /der rung rab tu ston byed na/ /dga' dang bcas pa'i rgyud la ni/ blta bar 'dod pa byed par 'gyur// 'on te der ni don gyi gzugs/ /sgra yis rab tu gsal 'dod na/ /gang gi ming na 'jug 'gyur ba/ /blta bya lhag pa de ni zhig/ mthong bzhin du ni mi rnams kyis/ /'ga' zhig gis ni sgra brjod gang/ de mthong btags pa i phyid pa/ rmongs shing shin tu g.yo rnams kyis/ /gnyis ga'i rnam par rtog pa la/ /don yod na ni gzugs gzhan zhig/ /snang ba gang yin don cig la/ /zhen pas de la brdar 'dags so/ /brdas bsgos 'di ni ci zhig yin/ /cig shos kyis kyang 'di yin zhes/ /ji srid rnam rtog mi dmigs pa/ /de srid brda ni mi 'byung ngo/ /de phyir smra bo nyan pa po'i/ /blo gnyis mtshungs snang spyod yul gcig/ kho na nyid du phyi rol don/ /sgra yi sbyod yul 'ga' yang med/ /rang gi blo la snang ba ni/ /rig pa yin yang phyi rol dang/ /gcig par 'dzin pa'i nga rgyal skye/ /rab rib can mtshungs blo bzhin no/ /rang gi mtshan nyid mdza' yas phyir/ /brjod bya min phyir de la ni/ /brdar 'dogs mi 'dod blo la ni/ /snang ba'i phyir ni spyi la'ang min/ /de phyir blo yi don la ni/ /brdar dogs phyi rol gnas la min/ /gang la skyes bu brdar 'dogs pa/ /tha snyad la yang de rtogs so/ /phyi'i don yod dam med kyang rung/ /blo yis brtan pa'i gzugs gang yin/ /de nyid nyan po'i sems la ni/ /sgra de rnams kyi go bar byed/ /kun las bzlog pa'i ngo bo ni/ 'ga' zhig las ni rnam ldog pa/ mi rnams kyis ni rab bsgrub par/ /sgra ni yang dag sbyor bar byed/ /'ga' zhig las ni rnam ldog pa/ /ldog pa la ni yang bltos nas/ /khyad par khyad par gzhi nyid de/ /de ltar sgra don tha dad do/ /'ga' las ldog ba'i bye brag gis/ /brda yi rjes su byed ba'i sgra/ /tha dad don te de nyid du/ /dngos min gzhan yang gcig pa min/ /de phyir mang las ldog sred na/ /de la ji ltar brda gcig tu/ /'dogs zhes smra ba gang yin pa/ /de ni dpyad pa ma yin no/ /thams cad las ni ldog pa yi/ /gcig po de ni gang gang las/ /rnam par ldog pa'i sems byed ba/ /ngo bo des ni sgra sbyor ro/ /med kyang mthong ba gang yin dang/ /gang yang yod kyang ma mthong ba/ /de gnyi ga yang bor nas ni/ /de yi ldog pa bsam par bya/ /'gro rnams de la sngon po dang/ /ser po bzhin du mi snang gi/ de la ldog pa'i ngo bo yi/ /don gcig 'ba' zhig snang bar 'gyur/ /gang gi spyi ni gcig yin zhing/ /mngon sum gyis ni nges 'gyur de'i/ /ji ltar ba lang zhes bya'i brdas/ /bra? lang nyid ni 'ba' zhig brjod/ /kun la 'brel pa ma mthong ba'i/ /byis pas brda 'dogs ji lta bu/ /de phyir 'brel ba rtag go zhes/ /kha cig smra ba de mi bzang/ /gang zhig nyi na sgra gang zhig/ rtogs shing ma rtogs gzhan du ni/ /mthong dang ma mthong goms pa las/ /bdag nyid kyis ni brda nges so/ /sgra rjes 'gro dang ldog gnyis kyi/ /dngos po gcig pu la yang 'di/ /khyad par ci'i ngo bor ni/ /yang dag 'jog par byed ba yin/ /thams cad la ni brda kun gyis/ /sa bon khong na yod mod kyi/ /gang du blo yongs smin 'gyur ba/ /der de rab tu rtogs bar 'gyur/ /rang gi rkyen gyi stobs kyis ni/ /mi rnams kyis ni brdar 'dogs so/ /gzhan la de yi mtshan ma ste/ de phyir de zhes brjod par byed/ /'brel pa brtag pa yin na ni/ skyes bu'i 'dod la rag las nas/ /gzhan gyi gzhan la sbyor byed pa'i/ /brda ni don la mi srid do/ /tha snyad la ni byang gyur pa/ /sgra tsam 'dzin par byed pas na/ /brjod par bya la dran pa skye/ /du ba las ni me bzhin no/ /lkog gi rin la brdar 'dogs pa/ /de yi mtshan nyid 'di 'dra'o zhes/ /mthong ba bstan nas brjod byed de/ /mtho ris la sogs sgra bzhin no/ /de phyir sgra don thams cad du/ /nor ba yin te brda bsgros pa/ /yang dag min don ston byed de/ /rtswa mchog la ni gleng tshol bzhin no/ /don nyid log pa yin yang mi gang la brgyud don 'phrel yod pa/ /de mi bslu ste/ gzhan ma yin/ /rmi lam bden dang rdzun sogs bzhin/ /nor bu rin chen 'od gnyis la/ /rin chen blos ni mngon brgyug pa/ /shes pa nor bar khyad med kyang/ /don bya ba la khyad par yod/ /gang phyir bye brag don byed cing bye brag mthong ba sngon 'gro ba/ /de phyir bye brag rnams yin/ /sgra don sgro btags nas 'jug go/ bye brag yongs su ma shes phyir/ /skyes bu dag ni sgra don la/ /phyi rol snyam du rlom byed cing/ /phyi rol nyid la rgyug par byed/ /blo yis brtan pa'i ngo bo la/ /smra ba bo ni sgra dag gis/ /yod dang 'gog pa thams cad byed/ /ji ltar yang ni phyi la min/ /yod pa bsags pa'i ngo bo'i don/ /'gog pa med pa'i bdag nyid do/ /smra ba bo yis bye brag gis/ /smra las cig car gcig la nges/ /rang rkyen dbang gis gcig pa dang/ /du ma'i ngo bor des 'gyur te/ /nye bas kha dog bskyar ba yis/ /nor bu rnams dang shes bzhin no/ /de phyir bstan bcos byed pa rnams/ /dngos po gcig pu la yang ni/ /blo gros tha dad gzhan du na/ thams cad mtshungs par 'dzin par 'gyur/ brda yi rjes su mthun byed pa/ /dor pa'i sa bon mtshungs pa'i phyir/ /smra ba po dang nyan po'i blo/ /don cig 'dzin par snang bar mtshungs/ /thogs med bag chags goms phyir zhing/ /de yang rang bzhin gyis gnas phyir/ /sgra don yul la de lta bur/ /blo ni 'khrul pas rab tu 'jug/ kun tha dang mi snang pa/ /blo yi sgra don de nyid la/ /spyi po snyam du rlom byed cing/ /de bzhin bye brag sogs mtshan nyid/ /gzhan las log pa'i ngo bo yis/ /dngos po'i ngo bo gzhan du snang/ /de phyir gzhan sal zhes bshad de /de bzhin du ni dngos po'i cha/ /de phyi snga? 'di de? dmin/ / 'jug dang mi 'jug 'bras bu yin/ /de phyir gzhan rnams bcad pa ni/ /dngos po'i char ni rab tu bstan/ /gang las log pa'i sa de dag/ de dag de bzhin kho nar snang/ /spyir ni bye brag rnams min/ /blo la snang ba ma yin no/ /shes bya min la sogs las log pa/ /tha snyad 'dogs pa rnams la snang/ /de phyir shes bya sogs tshig la'ang/ /gzhan sel rab tu bsgrub pa yin/ /shes bya min pa'i sgra don gang/ /de nyid rnam par log byed de/ /shes bya'i sgra dang 'gal ba'i phyir/ /seng ldeng shing sha pa sogs bzhin 'on te shes bya min don med/ /sgra ni ji ltar rab tu 'jug/ gal te shes bya med la de/ /de nyid rnam par zlog par byed/ /gang phyir med par dgag pa yang/ /ldog par byas par yin pas na/ de med pa yis sgo nas yin/ /sgrub bya sgrub byed gtan tshigs yin/ gzhan dngos rnam par bcad ba la/ /brda ru dgos par byed na ni/ /shing dang shing min dngos po dag/ phan tshun rten pa nyid du 'gyur/ /shing min ltos nas shing ma yin/ /shing la brten nas shing min min/ /phan tshun rnam par dben pa yi/ /de de min dbye rig sgo nas/ /de'i dngos min bar por nas su/ /de lta bu la ci nas kyang/ /mi ni 'jug bar 'gyur snyam nas/ /tha snyad 'dogs pas brdar 'dogs so/ /brdar 'dogs pa la rigs mi mthun/ /rnam par bcad nas 'di nyid ces/ /bya bar gdon mi za bar 'dod/ /gsal ba nges la brten phyir ro/ /gzhal la yin na de lta na/ /de don nges pa nyid mi 'gyur/ /dag gi 'bras bu rnams gcod de/ /de med na ni 'bras bu med// shing ni shing min rnam gcod de/ /shing la rten nas shing min/ /shing med pa ma rtogs pa/ /shing ste phan tshun bltos ma yin/ /sgra yi byed pa'i bye brag gis/ bye brag 'dir ni rab bsgrags kyis/ /dngos po'i bye brag gis min na/ /ci phyir de sgro btags sun 'byin/ /ci phyir de sgro btags sun 'byin/ /shing min me yi ngo bo yi/ /shing la sogs pa sel ba'i phyir/ /shing dngos bye brag gis min te/ /de phyir phan tshun rten ma yin/ /sgra yi don yang gzhan yin la/ /dngos po'i don yang gzhan du 'dod/ /shing ni sgra sogs sogs pa ste/ /sgra don 'brel pa med pa nyid/ /rtag dang grangs dang rnam dag sogs/ /thams cad 'dres pa'i bdag nyid de/ /ming gi gsal bya sgra yi ni/ /skyes bu la sogs bstan pa yin/ /de ltar bye brag zlog mtshan nyid/ /bdag nyid gcig tu go ba yin/ /tha dad min phyir de bzhin du/ /rigs dang bye brag sogs brjod min/ /'dis ni gzhan sel zhes bya la/ /ba lang sogs rtogs bya ba'i phyir/ /sgra bzhan btsal bar bya'o zhes/ /smras pa gang yin de bsal lo/ /ldog pa dang ni log pa gnyis/ /tha dad na ni 'dir 'gyur na/ /tha dad min na sgra gzhan zhig/ ci yi phyir na yongs su rtog /de la sogs pa gzhan sel la/ /nyes pa bstan pa gang dag yin/ /de dag gis ni gnas ? mthong mkha' la lcag gis rdob pa bzhin/ /'di ni kho na nyid bsam par/ /sgra yi don yang gnas par bya/ /'jig rten tha snyad rnams la ni/ /rang gi bsam pa'i rjes su 'jug/ don de ji ltar go 'gyur ba/ /de de bzhin du gtan la 'bebs/ /tha snyad kyis ni gnyer ba'i phyir/ /de de bzhin du gzhan du min/ /kun mkhyen kho na'i don la ni/ /glang po mig 'dzum bzhin mdzad nas/ /tha snyad la ni rnam gnas nas/ /'jig rten bzhin du don ston mdzad/ /ka ta ma kar ko ta ka pa tas/ /phan tshun rnams ldog dngos po gang dag yin de dag blo dngos gcig tu yongs brtags nas/ / shing dang ljon shing sgrar ni btags pa yin/ /cig pa yin yang du mar yongs su rtags nas/ /skye 'jigs gnas dang gzugs can gzugs can min/ /bdag nyid tha dad sgra rnams rab tu sbyar/ / de phyir sgra ni dngos po mi smra yin/ /gzhan sel brtags pa'i tshig le'ur byas pa/ /slob dpon dge srungs kyis mdzad pa rdzogs so// //*/dbang phyug 'jig pa'i tshig le'ur byas pa dge srungs gzhugs so// rgya gar skad du/

CLOSE WINDOW