བོད་ཡིག

e-texts based on the ACIP/ALL Input

/ //rgya gar gyi paN+Di ta chen po par he ta'i zhabs la zhus nas/ /bod kyi sgra sgyur gyi lo tsA ba dge slong dga' ba'i rdo rjes bsgyur ba'o// //rtsod ba'i? rim pa'i 'gral ba dul bltas// rgya gar skad du/ bA da n+ya ya NI ka /bod skad du/ rtsod ba'o rigs ba'i 'brel ba/ gsung gi mnga' bdag la phyag 'tshal lo/ /don dam pa gsung ba la phyag 'tshal lo/ /gang dag regs ba'i rtsod pa snyan par rang grub ba'i/ /bzod dang snying brtse sbyin dang dul bar rab ldan pa'i/ /rigs pa mkhyen pa'i mchog gyur de la phyag 'tshal nas/ /rtsod pa'i rigs pa gzhung bzhin du ni bshad bar bya/ /rtsod pa dag la rgyu can gyis zhes bya ba la sogs pa'i dag dang po 'dis ni rab tu byed ba 'di'i 'brel pa dang/ brjod par bya ba'i dgos pa dang/ brjod par bya ba dang/ dgos pa'i dgos pa bstan pa yin no/ /gzhan dun dgos pa la sogs pa'i rab tu byed pa la rtog pa sngon du gtong ba rnams kyi yan lag tu byed pa ma yin pa de ltan 'dir rab tu bshad pas ci zhig bya/ de srid du rtog par mi 'gyur ba de lta na rab tu byed pa 'di'i dgos pa ni ci zhig 'brel ba zhes bya ba ci zhig yin/ ji srid du ma brjod pa de srid du rab tu byed pa la dga' ba skye bar mi 'gyur na slar yang thos pa dang bsam pa la sogs pa la 'jug par byed bar 'gyur ba'i yan lag ci zhig yin/ /de'i phyir rtog pa sngon du gtong ba'i nyan pa'i skye bo rnams rab tu spro ba skye ba'i don du rab tu byed pa'i 'brel ba la sogs ba'i tshig gdon mi za bar rab tu brjod par bya'o zhe na/ de 'dir dgag pa'i don gyi phyir 'dir brjod par bya ba dang/ dgos pa ni dngos su bstan pa yin no/ /de lta ni 'di de zhes bya ba'i sgra de ma thag tu bstan pas rgyu can gyis rgol ba bstan pa ma yin par rnam par gzhog pas tshar gcod pa dag dpyad par byas pa yin no/ /de dag gis phyi ma yang gsal ba yin no/ /de'i phyir de'i sgras ni brjod bar bya ba bstan to/ /'on 'dir rab tu byed pas kyang brjod par bya ba'i thabs su bstan pa yin na/ gang dag rigs pas rtsod par smra ba de ji ltar mi bden ba'i rnam par bzhag pa'i dngos po spungs pa nyid nyi tshe brjod par bya ba bstan zhe na/ gal te y ang de ni de lta na yang gang gi phyir rgyu can gzhan dag gis rigs par smra ba dag pham par byed ba de'i phyir bstan bcos byed ba yid mi bde ba phul du byung bas rigs pas rtsod par smra bdag pham pa ma bzod nas de bsal ba nyid 'ba' zhig brjod par bya ba nyid du bstan to/ /de ltar na gal te spyi don gzhan sgrub ba'i yan lag ma yin pa dang/ skyon mi brjod pa thog mar ston zhe na/ rigs pas tshar gcod par byed ba'i rang gi ngo bo shes pas rigs pas char gcod ba'i gnas bde par shes par nus pa'i phyir rigs pas tshar gcod pa'i gnas thog mar ston to/ /sun dbyung ba'i don du zhes bya ba 'dis dgos pa bstan to/ /gang gi phyir bden pa ma yin pa'i rnam par bzhag pas rgyu can gyi tshar gcod pa'i byed sun dbyung btsam du brjod do/ /'on te 'dir yang sun dbyung ba 'ba' zhig ni don med de sun dbyung ba nyid 'bras bur 'dod pa yin na/ 'on kyang de lta na dngos po'i khyad par shes pa nyid kyang 'bras bu yin no zhe na gang rigs pas tshar bcad pa'i gnas su yongs su shes pa'i mtshan nyid ni gang gi tshe yang de dag de ltar rgyu can sun dbyung ba nyid 'dir dgos pa nyid du mngon bar 'dod pa de lta na yang/ gang gi rgyu can gyi rigs par smra ba rnams la yang rigs pa ma yin bas tshar gcod pa na/ dngos po'i khyad par yongs su shes pa yang 'bras bu'i zhar la 'ongs pa yin no zhes de yang 'dir 'bras bu nyid du khong du chud par bya'o/ /rgyu can bden par rnam par 'jog pa nye bar bkod pa yin na ni gnod pa med do/ /de'i phyir sun dbyung bar byed bar bstan pa ni 'bras bu yin par mngon par 'dod/ /'dir brtsabs so zhes bya ba 'dis ni 'brel pa bsten pa yin no/ /de ltar na rgyu can la sogs pa sun dbyung bar bya ba'i don gyi phyir rab tu byed pa'i 'di brtsams pa ni don yin no/ /rab tu byed pa ni rgyu can la sogs pa bsal ba'i babs su bstan pa yin no/ /da lta na yang bden pa ma yin pa la tshar gcod pa ni dgos pa yin no/ /rab tu byed pa ni thabs yin la/ rab tu byed pa dang dgos pa ni thabs dang thabs las byung ba'i mtshan nyid kyis 'brel ba dang sgrub par byed pa dang bsgrub par bya ba'i mtshan nyid 'brel ba 'di ni da lta rgyu dang 'bras bu'i mtshan nyid yin no/ /de lta na rab tu byed ba ni sgrub par byed pa yin la bsgrub par bya ba ni 'bras bu yin te/ rgyu ni rab tu byed pa yin la 'bras bu 'dod pa yin no/ /de'i phyir na yang bden pa ma yin pa la sogs pa sun dbyung ba'i don gyi phyir rab tu byed pa 'di brtsams so zhes bya bar gnas so/ /de ltar rnam par gnas pa la res 'ga' 'ga' zhig gis dris na ci mi bden par rnam par bzhag pa nye bar bkod pa la sogs pa sun dbyung ba/ yin te sun 'byin bar byed pa yang la lar nye bar sbyar bar bya ba ma yin te/ bya rog gis so brtag pa bzhin du de yang gnas pa ma yin pa la mngon par zhen par 'gyur ro zhe na/ de'i phyir 'di bshad pas rtsod pa dag la rgyu can g yis/ yang dag pa ma yin pa'i rnam par bzhag pa nye bar bkod pa'i rigs pa smra ba dag la yang tshar gcod pa des na dgos par bzhag pa de ni dag gi don yin no/ /gang gi phyir rigs bar smra ba rnams la yang/ rgyu can rigs pa med pa yi/ /pham par byed pa de yi phyir// ji ltar rigs par smra ba rgyu can gyis pham pa bsrung bar 'gyur ba'i phyir mi bden pa'i rnam par bzhag pa tshar bcad pa'i don du rab tu byed ba 'di brtsams so zhes bya ba ji snyed pa bsdus pa'i don yin na/ /yan lag gi don gyis stong pa'i rigs par smra ba rnams la yang zhes bya ba ni 'dir rigs pa'i sgras na tshed mar brjod par bya ba gtso bo'i 'jug pa yin pas rigs pa yin no zhes sbyar bar bya'o/ /yang na 'jig rten pa la rab tu grub ba'i rigs pas 'thad pa'i don ni rigs pa'i sgra'i don du brjod do/ /de lta na yang gang rigs pas 'thang ba'i don du brjod pa yin pa de ni rigs par smra ba yin no zhes 'jig rten la grub ba'o/ /de yang rigs pas don yul du byed ba'i phyir rigs pa brjod do/ /ji ltar sngon po la sogs pa la don cis mngon sum gyi yin pa'i phyir mngon sum du brjod ce na de lta na gang rigs pas 'thang pa'i don du smras pa de ni rigs pas smras ba zhes 'jig rten la grub bo/ /don de yang rigs pa'o yul yin pa'i phyir rigs par brjod de/ ji ltar sngon po la sogs pa don cis mngon sum yul yin par mngon sum du brjod ce na/ de yang rigs pa yis rtsod par nus pa de ni 'dir rigs par smras pa zhes bya'o/ /tshad mas smra ba med na rigs pas smra ba ma yin no zhes bya ba'i don to/ /gal te rigs pa'i sgras mngon sum dang rjes su dpag pa gnyi ga yang brjod par bya ba yin na/ de ltan yang skabs kyi dbang gis spyi'i sgra be brag la 'jug pa yin pa des kyang rigs pa nyan pa ni rjes su dpag nyid brjod par bya ba yin la/ mngon sum gyis ma yin pa de'i phyir rtsod pa rnams mngon sum gyi dbang du ma byas so/ /yang na rigs pas 'thad pa'i don la rtsod par nus na khyed 'de'i rigs pa smra ba yin te/ rigs pas 'thad ba'i don la rtsod pa zhes bya ba'i don yin no/ /ka rigs pa sgra bshad pa de dag gis ni mngon sum rjes su dpag pa gnyi ga sbyar bar bya'o/ /'di nyid 'dir bshad na rgyal bar blta par bya'o/ /de lta na 'jig rten pa dang mthun pa'i rigs pa'i don du smra ba ni rigs pa smra ba yin par grub bo/ /yang gi sgra ni srid pa'i don yin te/ rgyal ba ? pa yang pham pa yin te/ sgyu can gyis pha ma mi srid na yang ? pa zhes bya ba'i don yin no/ /pham pa zhes smras pa ci zhig yin zhe na/ rtsod pa dag la zhes bya ba smras te/ phyogs snga ma dang phyi ma dag yongs su 'dzin pa sngon du song ba'i rgol ba dang phyir rgol ba dag gis rang dang gzhan kyis khyod grub par byed pa dang grub pa'i don du brjod nas rtsod pa yin no/ /gang yang slob ma tshangs bar sbyod pa dang lhan cig tu rtsong ba na tshig dor la sogs pa spangs nas rgyal bar 'dod pa rnams lhan cig chig dor dang ltag chod brjod mtsha? bcad ba'i gnas dang 'brel ba yin no/ /rang gi phyogs la gnas nas rtsod pa dman pa gzu bo ma yin pa la gcig rtsod pa brjod pa ni gzu bo ma yin pa'i mtshan nyid du bshad pa de ni rang gi gzhung lugs tsam sha stag brjod par bya'o/ /'o na 'di ni 'jig rten pa ma yin no zhe na/ rgyal bar 'dod pas rtsod pa la tshig dor dang lhag chod ni tshar gcod pa'i gnas 'ga' zhig ni dgag pa yin pa'i phyir rigs pa smra ba dang brjod pa ni tha dad pa med pa yin no/ /bden pa ma yin pa'i rnam par bzhag pa nye bar bkod pa zhes bya ba la bden pa ma yin pa'i rnam par bzhag pa ni tshig dor ba dang lhag chod brjod pas de dag nye bar dgod bar byed ba ni tshar bcad ba'i gnas yin no/ /sgyu can zhes bya ba ni zhib tu dpyad nas rang gi rgyud kyi kha na ma tho ba sbed bar byed cing gzhan gyi rgyud kyi yon tan la smod par byed ba ni sgyu can zhes 'jig rten la grags shing brjod do/ /bstan bcos las 'chab ba dang phrag de gnyid du gyur pa la rab tu grags so/ /tshed gcod par byed pas zhes bya ba ni pham pa la 'dir tshar gcod pa zhes bya ba'i sgrar kyi yon tan la smod par byed ba par byas bas zhes bya ba'i don to/ /phyir zhes bya ba sgra de'i don ni shes par smra ba rnams la yang gang gi phyir tshad gcod par byed pa de'i phyir zhes bya ba'i don to/ /de sun dbyung ba'i don du zhes bya ba ni de rnams dgag ba ni sun dbyung pa'o/ /de'i shugs kyi mi bden par rnam par 'jog pa dang sgyu can dad tshar gcod par byed pa rnams rang 'brel pa yang yin no/ /de la mi bden ba'i rnam par bzhag pa de snyed gcig la sun 'byin pa yin te/ ga? rig tshe mi bden pa'i rnam par bzhag par byed pa ni mi bden pa nyid kyi gzhan la gsal ba dbyas ba yin te/ de'i tshe rigs pa nyid kyi tha dad pa gsal bar byas pa na 'ga' zhig kyang pham bar gyur ba med ba'i phyir mi bden ba'i rnam par bzhag pa sun dbyung bar mdzad pa yin la sgyu can rnams kyang rigs bar smra ba nyid kyis gsal bar sun dbyung bar mdzad pa yin no/ /tshar gcod pa byed pa yang skyu can gyis rigs pa ma yin pa byed pas tshar gcod bar grags ba de ltar 'byin pas gsum po de dag sun 'byin pa ni da sun dbyung ba'i don yin no/ /'di brtsams so zhes bya ba ni rab tu byed ba'i don bdag nyid kyi blo la yongs su rdzogs nas rnam par gnas pa 'di zhes bya ba'i sgra zhes pas nges par byas pa yin no/ /brtsams so zhes bya ba ni rab tu byed ba'i gzhung gi don brtsam par bya bar bstan pa yin no/ /rab tu byed ba zhes bya ba yang ci zhig yin zhe na/ bsgrub ba'i yan lag ma yin tshig ces bya ba la sogs pa smos so/ /sgrub ba'i yan lag gi tshig gi sgrub ba'i yan lag gi tshig ste/ de'i tshig ni sgrub ba'i yan lag gi tshig go /sgrub pa'i yan lag gi tshig ma yin pa ni sgrub pa'i yan lag gi tshig ma yin te/ sgrub ba'i yan lag ma yin par brjod pa ces bya ba'i don to/ /yang na ni sgrub pa'i yan lag ma yin bsgrub pa'i yan lag ma yin bsgrub pa'i yan lag ma yin pa de'i tshe bsgrub pa'i yan lag ma yin pa'i tshig ni sgrub par byed ba'i yan lag ma yin pa de ni brjod par bya ba yin no zhes bya ba'i don to/ /skyon mi brjod pa ni skyon mi brjod ba'o/ /skyon ma yin pa bsal bar ma byas so zhes bya ba'i don to/ /yang skyon? min pa ni skyon min pa ste/ de brjod par gyur bas na skyon mi brjod par gyur ba'o/ /skyon ma yin ba bsal bar byas zhes bya ba'i don to/ /gnyis po dag tshar bcad ba'i gnas yin bya ba ni rgol ba dang phyir rgol ba gnyis ba rigs bas phas pa'i gnas yin no/ /de ltar bsgrub ba'i yan lag pa yin pa'i tshig gis ni rgol ba pham pa yin no/ /skyon mi brjod pa ni phyir rgol ba pham pa'i gnas yin no/ /gzhan dag na mi rigs phyir na mi 'dod do zhes bya ba ni ji skad brjod pa'i tshar gcod pa'i gnas gnyis po dag las gzhan du dam bcas nas yod par dgod ba la sogs pa yin pa de ni gang gi phyir rigs pas tshor ba bcad ba'i gnas ma yin pa de'i phyir rigs pa smra ba rnams ni tshar bcad pa'i gnas su mi 'dod do/ /yang zhes bya ba de'i sgra ni gang gi phyir gyi don to/ /phyir na zhes bya ba de'i sgra ni de'i phyir gyi don to/ /'dod ba'i don zhes bya ba ni rgol bas sgrub par byed par mngon bar 'dod pa bsgrub pa yin no/ /sgrub pa zhes bya ba'i dngos po sgrub par byed pa'o/ /sgrub pa'i sgras ni rgyu dang sgrub par byed pa zhes bya bar 'dod do/ /de sgrub par byed ba'i yan lag yin no zhes bya ba ni grub pa'i dngos po 'di sgrub par byed pa de ni 'dir yan lag gi sgrar brjod do/ /de lta na yang sgrub par byed pa'i yan lag dang phan 'dogs par byed ces bya ba ni rnam grangs yin no/ /de yang 'dir yan lag tu byed pa la sogs pa yin no/ /'o na ni rgol ba'i dbang du byas ba ni gzhan gyi don gyi rjes su dpag pa'i skabs yin te/ de ji ltar dngos po'i ngo bo 'dir yan lag yin zhe na/ gzhan gyi don gyi rjes su dpag pa la yang don gyi ngo bo yan lag yin no/ /de lta na yang don gyis don go bar byed kyi sgras ni ma yin no/ /sgra yis kyang sgra'i don la brten par byed ba'i phyir sgrub bar byed bar 'dod de rang nyid kyis nus pa ni ma yin no/ /de brjod pa ni sgrub pa'i yan lag brjod ba'o/ /zhes bya ba sgrub pa'i sgrub par byed pa brjod par byed pa'i don yin no/ /de mi brjod pa'i rgol ba ni tshar ba cad pa'i gnas yin no/ /zhes bya ba ni gal te rgol ba las grub par sgrub par byed pa mi brjod pa de'i tshe pham pa'i gnas brjod par bya'o/ /ci zhig byed pa yin zhe na/ de ni khas len pa'i rgol ba ni zhes bya ba smos te/ spobs pa med pas mi smra bar 'dug pa'i phyir zhes bya ba ni de'i sgra brjod bar mi nus bsam 'brel ba yin no/ /'di skad ston pa yin te/ rtsod pa'i dus su spobs pa med pas mi smra bar 'du? gnas cung zad kyang brjod pa med do/ /spobs pa med pa ni mi brjod pa'i rgyu yin te/ mi smra na dngos su mi brjod par bstan pa yin no zhes bshad do/ /sgrub pa'i yan lag la nus pa med pa'i phyir zhes bya ba ni yang na sgrub par byed ba'i yan lag nus pa med par 'gyur te ji ltar gtan tshigs ma brjod bas de ni ma grub pa byed par nus par 'gyur/ de ltar na gtan tshigs ma brjod pa ni bstan to zhes bya ba'i don yin no/ /'dir ni 'bras bu 'gyur ba ni phal pa yin bsam brjod par bstan pa yin no/ /de stan nus pa ni sgrub par byed pas brjod na yang sgrub bar byed pa dang 'bras bu ma thob na ji ltar yang de sgrub bar byed ba'i yan lag yin zhe na/ rtags rnam pa gsum nyid ni mngon sum ma yin pa sgrub pa'i yan lag ste zhes bya ba smos te/ gtan tshigs rnam pa gsum lkog tu gyur ba'i don sgrub ba'i thabs yin no/ /de lta na dngos po sgrub pa dang/ dngos po med bas sgrub par byed pa zhes bya ba gtan tshigs gnyis te/ dngos po sgrub par byed ba la yang tha dad par bsgrub bar bya ba sgrub par byed pa dang/ tha mi dad pa bsgrub par bya ba sgrub bar byed pa'i dbye bas rnam pa gnyis yin no/ /de ltar re zhig de dag 'dir gang gi gtan tshigs su 'gyur ba yin snyam du/ med na mi 'byung ba nyid du des par gyur pa'i phyir gang yang gsum kho na las lhag pa ni med do/ /ci ste rnam pa gsum yin zhe na rang bzhin dang 'bras bu dang mi dmigs pa'o zhes bya ba smos te/ de dag las rnam pa gzhan du mtshan nyid kyis byed par nus pa ma yin pa'i phyir 'dir? dam brjod do/ /'di yang khyab bsgrub bar byed ba tsam 'di dge la byed bar 'dod pa yin no/ /ji ltar rtags rnam pa gzum la 'dir sgrub par byed pa 'di yin zhe na/ bsgrub bar bya bas khyab ba rab tu bsgrub nas/ chos can la yod par sgrub par byed de zhes bya ba smos te/ gang gi tshe bsgrub par bya ba'i chos kyi khyab pa rab tu bstan nas chos can la yang nye bar gyur ba bstan pa de'i tshe gtan tshigs su nus pa yin te/ ji ltar khyab pa bstan pa yin/ ji ltar chos can la yod par gyur ba bstan pa yin zhe na/ 'di ltar gang yod pa'am byas pa de thams cad ni mi rtag pa ste/ dper na bum pa la sogs pa lta bu'o zhes bya ba smos te/ ji ltar zhes bya ba ni nye bar bstan ba'i dag go /gang zhes bya ba ni ma lus pa'i sgra yin pa'i phyir thams cad kyi don rjod par byed do/ /yod pa zhes bya ba ni yod cing bdog par gyur ba'o/ /byas pa zhes bya ba ni rgyu dang rkyen las skyes pa des na 'di skad du ston bar 'gyur te/ gang zhes bya ba ni cung zad cig yod pa 'am rgyu dang rkyen las yod pa gang yin pa de ni 'jig par khong du chud par bya ste/ dper na bum pa lta bu ste/ 'di ni de srid du khyab ba yin no/ /sgra yang yod pa'am byas ba'i phyir zhes bya ba ni sgra yod pa 'am sgra byas ba dang ldan pa yin no zhes 'dis chos can bstan pa yin no/ /sgra thams cad la don 'di brtag bar bya ste/ res 'ga' yod pa'am res 'ga' byas bas yin zhes bya bar dgongs pa yin no/ /rigs pa can gzhan dag yan lag dag rim gyis ces par brjod par 'dod de/ de'i phyir rang gi grub pa'i mthas rim gyis des pa dgag pa'i phyir/ 'di la yang go rims nges pa 'ga' yang yod pa ma yin te zhes bya ba smos te/ 'dir yang gang sngar khyab pa bstan pa yin la phyis phyogs kyi chos yin te de nas ni khyab ba yin no zhes bya ba nges ba yod pa ma yin no/ rgyu ni ci zhig gis 'dod ba'i don grub pa la bye brag med pa'i zhe na/ /'dod pa'i don sgrub par gnyig la bye brag mod ba'i phyir ro/ /phal te 'dod ba'i don grub pa yang cha shas su brjod pa de yin no zhe na/ go rim nges pa'i yan lag tu byas pa la khyab bar ci yang med do/ /des kyang chos can la dang por yod par bsgrubs nas phyis kyang khyab par rab tu bsgrubs pa nyid yin te zhes bya ba ni cig cang yang phyogs kyi chos bstan nas khyab pa rab tu bstan pa yin no/ /dper na sgra ni yod pa'am byas pa yin la zhes bya ba ni dang po phyogs kyi chos bstan pa yin no/ /de lta bu gang yin pa de thams cad mi rtag pa yin te/ dper na bum pa la sogs pa lta bu'o/ /zhes bya ba ni gzhan yang gang dag yod pa'am byas pa yin pas 'di yang mi rtag pa yin te/ dper na bum pa bzhin no zhes bya ba 'dis ni khyab pa bstan pa yin no/ /ji ltar 'di dag gi khyab pa rab tu grub pa yang yin zhe na/ 'dir khyab ba sgrub par byed ba ni bsgrub par bya ba las bzlog pa la gnod pa can gyi tshad ma nye bar bstan pa ste zhes bya ba smos so/ /'dir zhes bya ba ni sbyor ba dgod pa de'i tshe mi mthun pa'i phyogs la gnod pa can gyi tshad ma bstan par gyur bas khyab pa bstan pa yin no/ /gal te 'ga' zhig rtsod pa yin te de yang dngos por gyur ba dang skad cig ma ma yin pa zhes bya ba ci 'dir 'gal ba zhes bya bar rab tu brjod par bya zhe na/ gal te yod pa'am byas pa thams cad skad cig ma re rer 'jig par ma gyur na zhes bya ba ni/ gang gi tshe yod pa 'am byas pa thams cad skad cig skad cig mi 'jig pa de'i tshe skad cig ma ma yin pa la rim dang cig car don byed bar mi rigs pa'i phyir yod ba'i mtshan nyid ni don byed nus pa yin la/ de las bzlog ba'i phyir med pa kho nar 'gyur te zhes bya ba ni gang yang skad cig ma ma yin pa'i don ni rim gyis kyang da don med pa ma yin te/ lhan cig byed pa la mi bltos pa'i phyir ro/ /lhan cig byed pa la bltos na ni dngos po rnams rim gyis don kyi bya ba byed bar 'gyur te/ rtag pa'i khyad par bogs? dbyung du med pa'i phyir ro/ /lhan cig byed pa la bltos pa med pa des na rim gyis byed pa ni ma yin la cig car byed bar yang mi 'gyur te/ don gyi bya ba byed ba'i rang bzhin yin na ni phyi nas kyang 'gyur ro/ /'di don gyi bya ba byed pa gang yin pa da ni skad cig ma gnyis pa la sogs pa'i gnas skabs rnams su 'bras bu ci'i phyir na byed par mi 'gyur/ gang gi phyir skad cig ma ma yin pa rnams ni rim gyis sbyor ba la sogs pa 'thad pa ma yin no/ /de'i phyir don gyi bya ba byed par nus pa ma yin te/ gang yod pa'i mtshan nyid yin pa de dang de ni skad cig ma ma yin pa las ldog pa'i phyir yod pa ni skad cig ma ma yin pa la zhugs pa med de/ /de ltar na don gyi bya ba byed pa gang yin pa de ni yod pa bstan to/ /skad cig ma ma yin pa don gyi bya ba byed bya b yin na/ gang las de dag yod par 'gyur/ gang gi phyir nye bar brjod pa'i nus pa thams cad dang bral ba'i mtshan nyid ni nye bar brjod pa med pa yin no zhes bya ba ni gang zhig la las yang nas yang du gnas ba'i mthar med par shes pa tsam yin pa de'i phyir des na brjod du med pa zhes brjod do/ /nges par nus pa thams cad brjod du med pa byas pa zhes bya ba yin no/ /thams cad smos pa ni bum pa la sogs pa'i yul la nus pa dang mi nus pa tha dad pa mthong ba'i phyir med pa'i yongs su spangs ba'i don yin pa de ltan snam bus ni gsal sogs pa'i don gyi bya ba byed ba dang mi byed ba dang/ bum pa yang chu 'dzin pa la sogs pa'i don gyi bya ba byed ba dang mi byed pa de dag de tsam gyis yod pa ma yin pa dang med pa bshad pas yin no/ /gal te gnod par byed ba'i tshad ma bstan kyang nyes pa ci zhig tu 'gyur zhe na/ de ltar sgrub par byed ba'i bsgrub par bya ba las ldog pa zhes bya ba smos te/ sngar bshad pa'i rnam pas gal te gtan tshigs bsgrub par bya ba'i mi mthun ba'i phyogs la gnod pa can gyi tshad ma nye bar bstan pa de'i tshe/ /gal te mi mthun pa'i phyogs lam mthong du zin kyang de ltar gtan tshigs mi mthun pa'i phyogs dang lhan cig par 'gal ba med pa'i phyir yod pa 'am byas ba'i gtan tshigs mi mthun ba'i phyogs la rtag ces bya ba la yang yod par dogs par 'gyur ba yin no/ /dgos pa yod na yang nyes pa ci zhig yod cen/ de'i phyir rdog pa la the tshom za ba zhes bya ba la sogs pa smos te/ gang gi tshe gtan tshigs mi mthun pa'i phyogs las ldog pa la the tshom za ba de'i tshe ma des ba'i gtan tshigs su 'gyur ro/ /'on ni mi mthun pa'i phyogs la gtan tshigs ma mthong na mthong ba dang bral baS gzhan med par sgrub par byed ba yod pa ma yin nam/ de la gnod par byed pa'i tshad ma gzhan gyi dgos pa ci zhig yod ce na/ de'i phyir ma mthong ba tsam gyis kyang ldog pa ma yin te zhes bya ba smos so/ /ma mthong ba tsam gyis mi mthun ba'i phyogs la gtan tshigs ldog par nus pa ma yin no/ /'dir rgyu dang khyab par byed pa mi dmigs pa la sogs pa go bar byed ba nyid ni 'dir gzung bar bya ba bstan pa yin no/ /ci ste nus pa ma yin zhe na/ bskal ba la sogs pa zhes bya ba la sogs pa smos te/ yul dang dus dang rang bzhin gyis bskal ba'i don rnams la thams cad mkhyen pa ma yin pa'i mthong ba'i shes pa log pas bskal ba de dag la med par sgrub bar byed bar nus pa ma yin te/ ci'i phyir zhe na/ /thams cad gzigs pa ma yin pa zhes bya ba la sogs pa smos te/ gang yang dbang po las 'das ba mthong ba ni ma yin te/ de'i don yod du zin kyang don 'ga' zhig mi dmigs pas med pa ni ma yin pa de'i phyir mi dmigs pas med pa 'grub pa ni ma yin te/ dmigs pa'i rig byang gyur pa nyid mi dmigs med par nus pa yin gyi bskal pa rnams la ni ma yin no/ /de ltar gang las ma mthong ba tsam gyis gtan tshigs mi mthun ba'i phyogs las ldog pa grub pa ni ma yin te/ /de'i phyir gnod pa can gyi tshad ma bshad par bya'o/ /de yang ci 'dra ba zhig yin zhe na/ /gnod par byed pa'i tshad ma yang zhes bya ba smos te/ /don gyi ldog pa rtogs par byed pa yin no zhes bya ba tshig lhag ma'o/ /rim dang cig car 'brel ba med pa zhes bya ba la sogs pa gang la rim dang cig car 'brel bas don byed pa med pa de ni 'gal zhig la yang nus pa yod pa ma yin te/ dper na ri bong gi rwa lta bu'o/ /'dis ni gnod par byed pas rjes su 'gro ba bstan pa yin no/ /skad cig ma ma yin pa ni rim dang cig car la sogs pa don byed pa la sbyor ba ma yin no/ / 'dis ni phyogs kyi chos brjod pa yin te/ de'i phyir de ni 'ga' zhig tu nus pa med pa yin no/ /gang la nus pa med pa de ni med ba'i bdag nyid yin te/ de lta na nus pa med pa la med pas khyab pa yin pa de'i phyir skad cig ma ma yin pa rnams ni rim dang cig car la sogs pa sbyor bar med do/ /med ba bsgrub par mi byed kyi yod pa'i mtshan nyid kyi gtan tshigs ni de las ldog pa yin pa'i phyir gnod par byed pa'i tshad ma zhes brjod do/ /de na yod pa'i byas pa la sogs pa 'di ni gang gi tshe gnod par byed ba'i tshad ma rtag pa la yod pa ldog par 'gyur ba de'i tshe de ni ma rtog par rnam par gnas pa yin no/ /de'i phyir na gang yod pa 'am byas pa de thams cad mi rtag pa yin no zhes rtsa ba tshad mas khyab pa grub pa yin no/ /de tsam gyis kyang zhes bya ba la sogs pa ni mi mthun pa'i phyogs la gnod pa can gyi tshad ma bstan pa nyid bsgrub par bya ba'i chos kyi sgrub par byed pa chos tsam rjes su 'gro ba yin no zhes bya bar grub pa yin no/ /'dis ni de'i rang bzhin gyis gtan tshigs kyi mtshan nyid na gang bsgrub par bya ba'i chos kyi sgrub par byed pa chos tsam ni rjes su 'brel pa yin no/ /gal te de lta na ma mthong ba tshad ma ma yin na de/ 'dir yang ma mthong ba zhes bya ba la sogs pa ni ji ltar rtsa ba tshad mas ma mthong bas tshad mar gyur pa ma yin no/ /ma mthong ba dang tshad ma ma yin pa de las kyang gang gi phyir rim dang cig car mi rigs pa nyid la nus pa med bas khyab pa mi 'grub pa'i phyir ro/ /de ltar na rim dang cig car la sogs pa med na don byed ma mthong ba'i phyir ma mthong ba'i tshad mas khyad par bstan pa med do/ /de yang tshad ma ma yin pa de'i phyir khyab pa grub pa ma yin no/ /de yang gang gi gtan tshigs dang yang khyab pa ma grub pa'i gang gi tshe gnod pa can gyi tshad mas khyab pa ma grub pa de'i tshe rtsa ba la yang tshad mas grub pa'i khyab pa med do/ /'di la yang zhes bya ba la sogs pa la/ 'on te 'di la yang gnod pa can gyi tshad ma yin na gnod pa can gyi tshad ma gzhan yang nye bar sbyor ba de'i tshe de la yang gnod ba can gyi tshad ma gzhan gyi nye bar sbyor ba yin no/ /de'i tshe de la yang gnod pa can gyi tshad ma gzhan gsum pa brjod par bya'o/ /gsum pa dang bzhi la sogs pa thug pa med par 'gyur ro zhes bya ba ni phyogs snga ma yin no/ /'dir grub pa'i mdza' smras pa/ ma yin te zhes bya ba la sogs pa smos te/ med pa sgrub par byed pa ma mthong bas na zhes bya ba ni phyogs phyi ma yin te/ ma mthong ba thams cad khyod kyang tshad mar mi 'dod pa ni ma yin la/ med pa sgrub par byed ba'i ma mthong ba ni spangs pa ma yin te/ de nyid mthong pa yin no/ /ma mthong bas ni bsgrub par bya ba log pas zhes bya ba la sogs pa ni gang ma mthong ba ni mi mthun ba'i phyogs la gtan tshigs med par sgrub par byed pa yin te/ de ma mthong bas mi mthun pa'i phyogs dang gtan tshigs 'gal ba'i chos su gtogs par nye bar 'jog ba'i phyir gnod par byed ba'i tshad ma nyid kyis bstan pa yin no/ de'i phyir 'di ni 'di 'dra ba ma mthong ba ma spangs pa yin pa'i phyir zhes bya bar dgongs pa yin no/ /rgyu cis sgrub par byed pa'i gtan tshigs mi mthun pa'i phyogs las ldog par 'gyur zhe na/ de'i phyir de lta na ni gtan tshigs de bsgrub bya med pas zhes bya ba la sogs pa smos te/ gang gi tshe gtan tshigs dang bsgrub bya'i mi mthun ba'i phyogs su gyur ba la 'gal ba'i chos su tshad mas grub pa na gtan tshigs yin no/ /bsgrub par bya ba med na med par 'grub par 'gyur gyi gzhan du ni ma yin no/ / gal te mi mthun pa'i phyogs la gtan tshigs yod na yang gnod par byed na ma grub pa yin na nyes pa ci zhig yod par 'gyur zhe na/ rnam pa gzhan du na de la 'di gnod pa can zhes bya ba la sogs pa smos te/ gnod pa can gyi chos sam las gzhan gyis mi mthun ba'i phyogs la gtan tshigs ma mthong ba de'i tshe the tshom du 'gyur ro/ /ci mi mthun pa'i phyogs las gtan tshigs ldog gam 'on te ma yin/ gal te de lta na ma mthong bas kyang ldog pa sgrub par byed pa lam gtogs pa de ji ltar ma mthong ba tsam ni ldog pa ma yin no zhe na/ dngos po thams cad ma dmigs pa zhes bya ba la sogs pa smos te/ gal te ma mthong bas med pa sgrub par byed pa ni yod par 'gyur ba de 'dir spangs pa'i phyir ro/ /dngos po mi dmigs pa thams cad ni dngos po la gnod pa can ma yin te/ de'i phyir bshad pa nyid sgra'i don yin pa'am sgra yin pa'o/ /dngos po thams cad mi dmigs par 'dod pa can ma yin no zhes bya ba'i don to/ /thug pa med pa thal bar 'gyur ba spang pa'i don gyi phyir ro/ /de la rim dang cig car dang ldan pas nus pa la zhes bya ba la sogs pa smos te/ 'di dang 'di rnams la sbyor bar bya'o/ /rtsa ba'i tshad ma ni khyab par byed pa ni dmigs pa na gnod pa can gyi tshad ma bshad pa yin no/ /gal te khyab par bya ba dang khyab par byed pa'i dngos po grub na de yang de ltar 'grub par 'gyur ba yin no/ /de'i phyir de nyid khyab par bya ba dang khyab par byed pa 'dis rab tu bstan pa yin no/ /rim dang cig car gyi nus pa la khyab pa yin te nus par gyur pa yin na rim gyis ? cig car las rnam pa gzhan ba ni med do/ /rnam pa gzhan ci'i phyir med ce na/ /rnam pa gzhan ni mi srid do zhes bya ba smos so/ /rim dang cig car las ma gtogs pa'i rnam pa gzhan ni srid pa de'i phyir rnam pa ma lus pa la rim dang cig car gyis khyab pa yin no/ /de lta na gang rim gyis ma yin na ni/ de thams cad rim pa med pa yin no/ /gang yang rim pa med pa ma yin pa de thams cad ni rim gyis yin no/ /de lta na yang phung po gsum pa srid pa rag la 'gyur/ gang gi tshe phung po gsum pa srid pa de'i tshe rim dang cig car gyis nus pa la khyab par grub ba yin no/ /des na khyab par byed pa'i chos zhes bya ba la sogs pa ni gang gi phyir rim dang rim pa ma yin pas nus pa la khyab pa de'i phyir rim dang rim ma yin pa'i sbyor ba log na skad cig ma ma yin pa la nus pa yang ldog par 'gyur ro/ /gang gi tshe nus pa la rim dang cig car gyis khyab par 'gyur bde'i tshe nus ba med pas/ rim dang cig car zhes bya ba la sogs pa ni gang kho na nus pa de la rim dang cig car gyis khyab pa grub par gyur pa de nyid de la bzlog pa rim dang cig car mi rigs pa yang nus pa med pas khyab pa 'grub par 'gyur ba'i phyir de yang res 'ga' zhig kyang thub pa med pa thal bar mi 'gyur ro/ / de ltar na rtsa ba'i tshad ma ni khyab par byed ba mi dmigs pas gnod par byed pa'i tshad ma yin no/ /gnod par byed pa'i tshad ma la yas rnam pa gzhan med pa yin la gnod par byed pa tshad ma rnam pa gzhan med pas na rim dang rim pa ma yin pa phan tshun spangs te/ gnas pa'i mtshan nyid yin par khong du chud par bya'o/ /gang gi phyir rim pa las tha dad pa'i don gang ji snyed pa de thams cad rim pa yin par rnam par bzhag par bya'o/ /rim pa ma yin pa las tha dad pa gang ji snyed pa de thams cad rim gyis zhes bstan pa yin no/ /de'i phyir rnam pa gzhan gyi dngos po grub pa yin no/ /dngos po'i rnam pa gzhan med pas rim dang cig car gyis nus pa la khyab pa grub pa yin no/ /nus pa'i mtshan nyid ni yod pa yin la/ skad cig ma ma yin pa rnams kyang rim pa dang cig car las ldog pa yin na nus pa las kyang ldog pa yin no/ /nus ba'i mtshan nyid yod pa ni skad cig ma ma yin par gyur na de'i tshe thug pa med par gyur te ma mthong ba tsam gyis ldog par mi 'gyur ro/ /de ltar na rang bzhin gyi gtan tshigs kyi sbyor bdag ni sgrub ba'i yan lag tu bsgrubs pa yin te zhes bya ba ni ji skad du/ nye bar brjod pa de ni rigs pas gnod pa can gyi tshad ma bstan pas rang bzhin gyi gtan tshigs kyis bsgrub pa'i yan lag tu bsgrubs pa yin no/ / nus pa med pa de ni zhes bya ba la sogs pa ni gang gi tshe yang bshad zin pa'i rigs pas bsgrub pa'i yan lag tu sgrub par byed par mi 'gyur ba de'i tshe cher bcad pa'i gnas su brjod par bya'o/ /rgyu ni yin zhe na/ 'dod pa'i don rab tu ma bsgrubs pa zhes bya ba la sogs pa smos te/ gang gi phyir 'dod pa'i don ma bsgrubs pa de'i phyir bam pa'i gnas yin no 'dod ba'i don zhes bya ba ni dam bca' ba zhes bya ba'i don to/ /'on te dngos po'i nus pa'i gtan tshigs su bshad pa de nas pa ma par 'gyur zhe na/ dngos po'i nus pa'i gtan tshigs zhes bya pa la sogs pa smos te/ gal te don dam par nus pa'i gtan tshigs su bshad pa de lta na yang ji snyed pa'i nus pas gsal bar mi byed pa de snyed du bsgrub par nus pa ma yin no/ /'di yang byed pa bzhin du yod pa tsam gyi 'bras bu byed pa ni ma yin no/ /shes par bya ba'i gtan tshigs su gyur na shes pa'i bdag nyid bltos nas rang gi 'bras bu byed pa yin te gzhan du ni ma yin no/ /de ltar re zhig rang bzhin gyi gtan tshigs sgrub pa'i yan lag tu nus pa yin no/ /'on te 'bras bu'i gtan tshigs ji lta ba yin zhe na 'bras bu'i gtan tshigs zhes bya ba la sogs pa smos te/ 'bras bu'i gtan tshigs su bshad pa sgrub par byed pa'i yan lag mtshungs bar byed pa yin te/ de ji ltar byed pa yin zhe na/ gang 'bras bu'i gtan tshigs zhes bya ba la sogs pa smos te/ gang gi phyir 'bras bus rgyu sgrub bar byed pa'i don khas blangs pa yin no/ /des na rgyus ni 'bras bu dang lhan cig rgyu dang 'bras bu'i dngos po sgrub par byed pa nus pa ma yin no/ /'on te ji ltar de dag de ltar grub pa yin zhe na/ dper na 'di yod na yod pa zhes bya ba la sogs pa smos so/ rgyu 'di la 'bras bu 'di skyed pa yin no zhes mngon sum gyis rtogs pa yin no/ /de lta na mngon sum gyi mi nye bar dmigs par 'gyur ba las de mdza' tu sngar ma mthong ba'i du ba mngon sum kho nas rab tu rtogs pa yin no/ /smes? bskyed par bya ba'i du ba 'di yin no zhes mngon sum gyi stobs kyis nges pa skyed par byed pa de'i phyir yod na yod par mngon sum gyis rtogs pa yin no/ /gang yang de las gzhan pa'i zhes bya ba la sogs pa ni gang la yang de mngon par 'dod pa'i rgyu med pa de la yod par gyur du zin kyang gzhan pa'i rgyu rnams las 'di'i 'bras bu skye par mi 'gyur pa'i phyir mi dmigs par khong du chud par bya'o/ /de lta na de las rgyu ni dmigs pa'i rig byar gyur pa las ma dmigs pas 'bras bu la yang de lta ba'i rnams ? migs pa yin no/ /de'i phyir rgyu med na 'bras bu med pa ni mi dmigs par khong du chud par bya'o/ /de yang thabs gang gis yin zhe na/ yod pa dang med pa sgrub par byed pa'i tshad ma dag gis zhes bya ba la sogs pa smos te/ 'dir yod bsgrub par byed pa'i tshad ma ni mngon sum yin no/ /med pa sgrub par byed pa'i tshad ma ni mi dmigs pa yin no/ /des na mngon sum dang mi dmigs pa dag gis zhes bya ba smos pa yin no/ /ci rgyu yang mngon sum gyi 'dir byed pa yin na ci mi dmigs pa nyid 'ba' zhig gis de grub par 'gyur ram zhe na/ /de lta na 'bras bu nyid the tshom med par zhes bya ba la sogs pa smos te/ gal te mngon sum gyis kyang yod pa dang med pa shes pa yin no/ /me dmigs pa 'ba' zhig yod pa dang med pa rtogs pa ma yin no/ /de'i tshe 'bras bu nyid du the tshom med par bsgrub par 'gyur ro/ /gal te yang ngo ltar ma brjod na yang nyes pa ci zhig yod ce na rnam pa gzhan du na med na med do zhes bya ba 'ba' zhig ces bya ba la sogs pa smos te/ gal te na de yod na yod par 'gyur ro zhes de 'da' zhig ma brjod pa de'i tshe med na med par 'gyur ro zhes brjod pa de srid du de'i rgyu the tshom med par bsgrub par mi 'gyur ro/ /de lta na de ji ltar de la mngon par 'dod pa'i rgyu med pa dang gzhan las kyang 'gyur te/ de la don med pa don ci mngon par 'dod pa'i rgyu med pa las mi 'byung ba'i yang na gzhan med pa las yin de nyid gzhan gyi don rtogs par dogs pa yin no zhe na/ de la gzhan gyi nus pa zhes bya ba la sogs pa smos te/ ci zhig gzhan gyis des nus pa'i don skyed pa med nges na de'i 'bras bu mi skye ba'am/ yang na mngon par 'dod pa'i rgyu med pa de'i phyir skye ba yin/ 'on te gang mngon par 'dod pa'i rgyu med na mi 'byung ba de'i tshe ci gzhan gyi yul la dogs par byed pa yin no zhe na/ de dag ldog na yang ldog par 'dod rgyal bar 'gyur te zhes bya ba ni gang yang mngon par 'dod pa'i rgyu sdog pa na la lar ldog pa de ni 'bras bur 'gyur te/ de lta na yang de 'dod rgyal bar btags pa yin no/ /ci 'dod rgyal ba ji ltar yin no zhe na/ ma bag mar len pa zhes bya ba la sogs pa smos te/ ma bag mar len pa ni a ma bag mar len pa'o/ /de skye ba'i yul gang du ma bag mar blangs pas skye pa'o/ /ma bag mar blangs pas skye ba yin no zhes rnam par sbyar ro/ /de ru skyes pa de ni bag mar len par 'dod pa'i yul skyes pa ni shing 'brag go /bsal ba'i phyir 'bras bu 'bra gor brjod do/ /skye pa zhes bya ba ni rab tu grags pa'o/ /sogs po par mig gi yul du ma bag mar len pa rab tu grub pa der yang 'bra go skye bar 'gyur ro/ /yul gzhan rnams sum bag mar len pa med na de la 'bras bu 'brog yang med do/ /de la dper na yul gzhan du ma bag mar len pa med na 'bras bu 'bra go skye ba med pa de ni 'dod rgyal ba yin no/ /de bzhin du ? mngon par 'dod pa'i rgyu med na 'bras bu med pa ni 'dod rgyal ba yin te srid pa gyur pa de'i phyir ro med kyang yod pa ni tshig tsam 'ba' zhig yin pas nus pa la the tshom za par 'gyur ro/ /de'i phyir gang kho na yod na yod pa sgrub par byed pa'i tshad ma rgyu dang 'bras bu yod par nus pa de ltar gyur pa ci'i yon tan yin zhe na/ de ltar na nus na de'i 'bras bu grub bo zhes bya ba la sogs pa smos te/ sngar bshad ba'i rnam par sgrub par gyur pa gang yin pa de ni de'i 'bras bu nyid du grub par gyur pa yin no/ /grub par gyur pa ni yon tan ci yin zhe na/ grub pa yang rab yod na yod pa grub pa zhes bya ba la sogs pa smos te/ gang gi cha? de'i 'bras bu grub par gyur pa yin pa de'i tshe de'i 'bras bur 'gyur na/ gang la yod par 'gyur bde la 'bras bu yang yod par bstan pa rgyu ci yin zhe na/ rgyu dang 'bras bu 'khrul ba med pa'i phyir zhes bya ba la sogs pa smos te/ gang gi phyir 'bras bu ni rgyu med na mi 'byung ba de'i phyir rang rig pas yod par gyur pas de yod par sgrub par byed pa yin no/ /gang de ltar la lar 'bras bu rgyu la mi 'khrul par grub pa de ni ma 'khrul pa zhes bya ba la sogs pa de lta na yang cung zad 'bras bu dang rgyu 'khrul pa med par 'gyur pa de srid du 'bras bu thams cad rang gi rgyu 'khrul pa med pa de nyid ni rigs pas gnod pa yin no zhe na/ de la rigs pa ni 'di yin te/ gang gi phyir 'bras bu thams cad rang gi rgyu las gzhan du gyur pas nus pa yin na de lta na 'bras bu'i gtan tshigs sgrub par byed pa'i yan lag tu byed pa yin te/ de ltar mi nus na 'bras bu'i gtan tshigs kyang sgrub par byed pa'i yan lag tu brjod pa ma yin no zhes 'di ni rtogs pas ba yin no/ /rgol ba de dag sam? pa'i gnas yin no zhes de dag rtogs pa'i don yin no/ gal te yang de ltar nus pas mi byed na nyes pa ci yod ce na/ mi nus pa de'i tshe 'bras bur ma grub bas zhes ba ba smos so/ /ji srid pa'i bshad zin pa'i rnam pas mi nus na de snyed pa de'i 'bras bu ma 'grub bo/ /gal te ? de ltar yin na de la nyer ba ci yod ne na/ don gzhan zhes bya ba la? sogs pa smos so/ /gang yang gang la 'brel pa'i rang bzhin du ma gyur ba de ni nye bar gyur kyang gdon mi za bar gzhan nye bar gyur pa bstan pa ma yin no/ /de lta na yang pa ma par 'gyur zhe na/ 'dod pa'i don ma grub pa zhes bya ba la sogs pa smos te/ gal te 'dod pa'i don ma grub pa'i rgol ba ni de'i tshe tshar bcad pa'i gnas su rigs pa yin no/ /'dis ni 'byung bar 'gyur pa'i don gyi 'bras bu nyid las de ltar 'da' par mi 'gyur na de ji ltar pham pa yin zhe na/ 'bras bu'i gtan tshigs kyi dngos por khas ma blangs pas de ma bstan zhes bya ba ni gal te yang 'bras bu'i dngos po las ma 'das pa de lta na yang yod pa tsam gyis go bar byed pa ma yin te/ 'on kyang 'bras bu nyid du shes par gyur pas yod pa go bar byed par 'gyur gyi gzhan ni ma yin no/ /de ltar 'bras bu'i gtan tshigs sgrub par byed pa'i yan lag tu sgrub par byed pa nus par blta'o/ /gzhan yang rtags gsum po de bsgrub pa'i phyir mi dmigs pa yang zhes bya ba smos te/ sgrub par byed pa'i yan lag tu nus pa yin no zhes bya ba'i tshig lhag ma'o/ /yang ci 'dra ba zhig ce na/ sgrub par byed pa zhes bya ba la sogs pa smos te/ gang de'i don mi dmigs pa de ni gang gi tshe dmigs pa'i rig byar gyur pa las mi dmigs par bshad par gyur pa de'i tshe de mi dmigs par sgrub par byed pa'i yan lag tu nus par 'gyur ro/ /de ltar yang rgyu'i rnam pa nyid mi dmigs par bstan pas de sgrub par byed pa ji ltar 'gyur zhe na/ de 'dra ba'i mi dmigs pa kho na'i zhes bya ba la sogs pa smos te/ gang gi phyir dmigs pa'i rig byar gyur pa las gang mi dmigs pa nyid ni dngos po med pa sgrub par byed pa yin gyi gzhan 'di yin no/ /ci'i phyir gzhan ma yin zhe na/ dmigs pa'i rigs byar ma gyur pa zhes bya ba la sogs pa smos te/ gang dmigs pa'i rig byar gyur pa ma yin pa de'i don no rtogs pa'i mngon sum log pas byang med par mi 'grub ste/ gal te 'dir dmigs pa'i rig byar gyur pa ji ltar yin zhe na/ de la dmigs ba'i rig byar gyur pa las zhes bya ba la sogs pa smos te/ rang bzhin khyad par can ni yul khyad par can du gyur pa'i don gyis gzhan bsal ba ni/ rgyu dang de ma theg pa dang bdag po'i rang bzhin gzhan bsal ba ni de rnams tshogs pa tshad ba ste/ rang bzhin khyad par can dang rkyen gzhan tshad pa dang de gnyis ni dmigs pa'i rig byar gyur pa'i sgras bshad par bya'o/ /de yang rang bzhin khyad par can bstan pa ni gang bdag nyid ma yin pa'i snang ba zhes bya ba la sogs pa smos te/ bdag nyid ma yin pa'i ngo bo ni bdag nyid kyi ngo bo ni gzhan gyi ngo bo ma yin no zhes bya ba'i don to/ /de'i so sor snang ba'i shes pa'i rang gi rnam pa de ni gzhan gyis dben pa'i dngos po sgrub pa'i mngon sum du snang ba'i dang tshul can yin no zhes rnam par sbyar ro/ /rtogs par byed ba'i mngon sum la rab tu snang ba ni de'i ngo bo yang yin no zhes bya ba bsdus pa yin no/ /'di skad ston pa yin te/ gang dngos po'i rang bzhin gyi ngo bo rnams yongs su spangs pas rang kho na ngo bo mngon sum la so sor snang ba ni 'dir rang bzhin khyad par can zhes bstan pa yin no/ /spyi'i don nye bar bsdu ba bstan pa ni/ de 'dra ba yod par gyur pa'i dmigs pa'i rgyu gzhan zhes bya ba la sogs pa smos te/ de 'dra ba zhes bya ba ni bskal pa ma yin par snang ba'i ngo bo'o/ /de gang gi tshe dmigs pa'i rkyen gzhan tshogs pa rnams kyang gzhan gyi ngo bo so sor snang bas dben pa ni de rang gi ngo bos dmigs pa med pa de'i tshe med pa'i tha snyad kyi yul du 'gyur ro/ /gal te yang de ltar khyad par lhan nyes pa ci yod ce na/ de las rnam pa gzhan yod pa ma yin pa'i rtags ni the tshom za ba yin no zhes bya ba smos te/ gal te dmigs pa'i cig? byar gyur pa mi 'dod pa yin na ni de'i tshe rtags nyid cung zad kyang med ba'i phyir the tshom yin pas gcig tu med pa'i tha snyad bskyed pa ma yin no zhe na/ lan bstan pa/ 'dir yang rnam pa de lta bu thams cad ni zhes bya ba smos te/ 'dir yang zhes bya ba ni mi dmigs pa'o/ /dper na gcig dmigs pa'i rig byar gyur pa las ma dmigs pas/ med pa'i tha snyad kyi yul du gyur pa de bzhin du gzhan thams cad kyang med pa'i tha snyad sgrub par byed pa'i dmigs pa'i rigs byar gyur ba'i mi dmigs pa'i thabs kyi khyab pa grub pa yin no/ /gcig po med pa'i tha snyad gyi rgyu? mtshan yod kyang sla ste/ gang yang thams cad med pa'i rgyu mtshan yin no zhes bya ba ga las shes she na/ 'ga' zhig med par khas len pa zhes bya ba la sogs pa smos te/ gal te yang 'ga' zhig dmigs pa'i mtshan nyid kyir gyur pa'i mi dmigs pas med pa'i tha snyad kyi yul can khas len par mi byed na de'i tshe gzhan gyi yang rnam pa de lta bu'i mi dmigs pa gang yin pa de yang med pa'i tha snyad kyi yul du 'dod par mi bya ste mtshungs pa yin pa'i phyir zhes dgongs pa yin no/ /gal te rgyu can de dag gis kyang yod par khas mi len na nyes pa cir 'gyur zhe na/ rnam pa de lta bu med pa khas mi len na zhes bya ba smos te/ gal te yang dmigs ba'i mtshan nyid kyir gyur pa mi dmigs pa tsam gyi rgyu mtshan yod pa la yang khas mi len na der ni med pa'i tha snyad kyi rgyu mtshan gzhan khas blang bar bya ste/ rgyu mtshan gzhan dang 'brel la yang ma yin pa'i phyir de brjod par bya bar 'dod pa sngon du song pa yin no/ /rgyu cis dmigs pa'i rig byar gyur ba las ma dmigs pa'i don ni gcig tu med pa'i tha snyad skyed pa yin snyam na/ de lta bu'i rnam pa yod cing zhes bya ba la sogs pa la/ gang dmigs pa'i rig? byar gyur pa dang yod pa ma yin na gdon mi za bar dmigs par 'gyur te/ de ltar bde snyed tha dad pa mthong ba yin no/ /'di 'dra ba mi dmigs pa med pa zhes bya ba sogs pa ni gang gi tshe dmigs pa'i rig byar gyur pa las yod pa'i gyur pa de ni gdon mi za bar dmigs par gyur par brjod do/ de ni 'di 'dra ba'i mi dmigs par brjod na med do zhes shes par 'gyur ro/ /de'i phyir yang dmigs pa'i rig byar gyur pa las mi dmigs pa med ba'i tha snyad kyi rgyu mtshan de tsam nyid yin te zhes nges pa yin no/ /med pa'i tha snyad kyi rgyu mtshan de dag ni yod kyang bla ste/ gang yang 'di kho na rgyu mtshan yin no zhes 'di ga las she na/ gzhan ni de'i rgyu mtshan med pa'i phyir ro zhes bya ba la sogs pa smos so/ /med pa'i tha snyad ni ji skad bshad pa'i mi thob par 'gyur gyi rgyu mtshan gzhan ni yod pa ma yin no/ /ji ltar med pa de ltar phyis bshad par bya'o/ /gzhan yang rgyu mtshan logs shig tu bstan pa ni/ gal te nus pa thams cad kyis dben ba ni zhes bya ba la sogs pa smos te/ 'dir cung zad kyang nus pa med pa rgyu mtshan 'dis med pa'i tha snyad du 'gyur ro/ /grub pa'i mdza' smra bas/ ded bdag nyid kyi rjes su zlos pa ni ma yin pas/ de ni de ltar yin na zhes bya ba smos te/ ji ltar khyed mngon par 'dod pa 'di de ltar 'di dag ni 'on te de nyid yin no zhes bya ba la sogs pa yin no// de nyid nus pa thams cad kyis dben pa ni ji skad bshad pa'i mi dmigs pa nyid kyis khong du chud par bya'o/ /ci'i phyir ji skad bshad pa nyid kyis yin zhe na/ thabs gzhan med pa zhes bya ba la sogs pa smos te/ gang gi phyir nus pa med par khong du chud par byed pa'i thabs gzhan med pa de nyid kyi phyir de rtogs par 'gyur ba yin te/ gang yang de ltar rtogs pa yod na zhes bya ba la sogs pa ni gang gi tshe yang ji skad bshad pa'i nus pa med pa ni mi dmigs pas rtogs par khong du chud par bya'o/ /nus pa med pa ni med pa'i tha snyad du byed pa de'i phyir mi dmigs pa nyid 'dir thog mar rgyu mtshan yin pa'i phyir med pa'i tha snyad kyi rgyu mtshan du brjod par bya'o/ /gzhan yang rgyu mtshan gzhan nye bar bstan pa ni/ gal te blo dang sgra dang/ don byed la sogs pa smos te/ blo ni shes pa yin la sgra ni brjod pa'o/ /don byed ba ni nus pa ste/ gang la de 'jug pa yin pa de ni de la yod pa'i tha snyad du byed pa yin no/ /gang la 'jug pa med pa de ni med pa'i tha snyad yin no zhes bya ba ni phyogs snga ma bzhin no/ /phyogs kyi phyi mi/ ji skad du bshad pa'i blo la snang ba zhes bya ba la sogs pa smos te/ gang yang ji skad du bshad ba'i ngo bor snang ba'i mngon sum gyi blo 'jug pa yod pa'i de la ni tha snyad du 'gyur pa yin la/ gang la dmigs pa'i rig byar gyur pa dag mi 'jug pa de ni med pa'i tha snyad yin no/ /ji skad du bshad pa'i blo la snang ba zhes bya ba ni bdag ma yin pa'i ngo bo so sor snang bas rnam par dben par mngon sum la snang ba'i don 'dzin pa yin no zhes bya ba'i don yin no/ /de'i yul zhes bya ba ni ji skad bshad pa'i blo'i yul lo/ /rjes su dpag pas yod pa'i tha snyad kyi rgyu mtshan du bstan pa ni mngon sum gyi yul ma yin pa zhes bya ba la sogs pa smos so/ /gang la mngon sum mi 'jug pa de la yang rtags 'ga' zhig las skyes pa'i shes pas yod pa'i tha snyad du byed pa zhes bya ba la sogs pa ni gang la rjes su dpag pa mi 'jug pa de la med pa'i tha snyad du bya ba ma yin te/ ma nges pa nyid kyi phyir ro/ /de log pa la zhes bya ba ni rjes su dpag pa med pa nyid ma nges par bstan pa yin no/ /bskal ba'i don zhes bya ba la sogs pa smos te/ gang yang dbang po'i don de ni mngon sum ma ma rjes su dpag pa ldog pa las med pa sgrub par byed pa ma yin te/ the tshom skyod ba'i phyir ro/ /de ltar na de ni res 'ga' zhing blo 'jug pa na med pa'i tha snyad sgrub par byed pa yin pa dang/ ldog pa las med pa'i tha snyad byed pa ni thams cad dang thams cad ma yin pa la dgag pa byed pa ni ma yin te/ blo dang sgra thams cad ni zhes bya ba la sogs pa ste/ blo dang sgra tsam las yod par sgrub par byed pa ma yin te/ blo dang sgra dag tha dad pa dang tha dad pa ma yin pas yin pas kyang dngos po tha dad pa dang/ tha dad pa ma yin ba sgrub par byed pa ma yin no/ /gang la blo'i rnam pa tha dad par 'drug par byed pa de la thams cad du dngos po tha dad bar byed ba 'am/ gang la tha dad pa med pa'i rnam pa de la dngos po tha mi dad par byed pa ni ma yin te/ de ltar sgra la yang blta bar bya'o/ /rgyu cis bsgrub par bya ba ma yin zhe na/ ji ltar yang 'das pa dang zhes bya ba la sogs pa smos te/ ma rig ba'i dbang gis de dag kyang 'das pa dang ma 'ongs pa la sogs pa rnams kyis bag chags yongs su smin pa'i dbang gis nges pa 'ga' zhig tha snyad du byed pa'i blo dang sgra dag 'jug bar mthong ba yin no/ /sogs pa'i sgras ni ri bong gi rwa la sogs pa bsdu'o/ /sna tshogs pa dang gcig pa'i don gyi bya ba byed pa'i phyir na sna tshogs pa'i bya ba byed pa dang/ gcig pa'i bya ba byed par nus pa yin no zhes tshig rnam par sbyar ro/ /dngos po med kyang de nyid bsal bar bya ba'i don du zhes bya ba ni sna tshogs pa dang gcig pa'i don gyi bya ba byed ba bsal ba yin no/ /sna tshogs ba dang gcig ba'i bdag nyid dngos pos kyang zhes bya ba ni sna tshogs pa'i bdag nyid dang gcig pa'i bdag nyid dag ni sna tshogs pa dang gcig pa'i bdag nyid de dag gi dngos po med kyang zhes bya ba'i don to/ /sna tshogs pa dang gcig pa'i rang bzhin du 'jug pa'i phyir zhes bya ba ni sna tshogs pa'i bdag nyid dang gcig pa'i bdag nyid la blo dang sgra dag 'jug pa'i phyir ro zhes bya ba'i don to/ /'di skad ston pa yin te/ don sna tshogs kyi bya ba byed pa'i dngos po don sna tshogs byed par snang ba dang/ sna tshogs kyi dngos po med kyang sna tshogs pa'i ngo bo blo dang sgra dag kyang mthong ba'i phyir de ltar don gcig byed pa'i dngos po dag la don gcig byed par snang ba yin no/ /gcig pa'i bdag nyid med kyang gcig pa'i bdag nyid kyi dngos po'i blo dang sgra dag mthong ba'i phyir ro/ /'das ba dang ma 'ongs pa la sogs pa rnams kyi med pa rnams la 'jug pa ni dngos po yod pa ma yin pa'i sgrub bar byed ba yin te/ sna tshogs pa'i don gyi bya ba byed pa rnams gcig gi rang bzhin la 'jug pa dang dngos po tha dad pa med pa go bar byed pa ni ma yin no/ /don gyi bya ba byed pa rnams ni gcig gi rang bzhin la 'jug pa yin te/ dngos po tha dad pa med pa sgrub par byed pa'i ma yin te/ blo dang sgra zhes bya ba ni bsdus pa'i don yin no/ /dpe bstan pa ni/ rgyal po mang pos bskur ba zhes bya ba la sogs pa smos so/ /rigs su bskrun pa zhes bya ba la sogs pa ni bskyed pa'o/ /de'i rgyal rigs su skyes pa zhes bya ba'i don to/ /'dis ni 'das pa la 'jug pa'i dpe bstan pa yin no/ /'khor los sgyur ba dung zhes bya ba la sogs pa ni/ ji skad du gsung rab bas? bshad pa ni rgyal po mang pos bkur ba zhes bas gser gyi rin po che sna bdun mdun du 'khor ba dang tshad chen po'i mchod sdong chu bo gang gA'i nang du bzhag pa dang rgyal po dung gi 'degs par 'gyur ba nyid yin no/ /zhes bya ba 'dis ni ma 'ongs pa 'jug pa'i dpe yin no/ /'khor los sgyur ba'i rgyal po dung zhes bya ba la sogs pa ni/ 'di skad du yang gsung rab las bstan pa rgyal po mang pos bkur ba sprul pa ni sde ba gzhan gyi tshig gis bstan pa la brten pa yin no/ /ri bong gi rwa dag dang zhes bya ba la sogs pa ni sgra tsam mo/ /gzugs bstan du yod pa dang/ thogs pa dang bcas pa dang zhes bya ba ni don du ma'i bya ba la 'jug pa yin no/ /gzugs su bya bde ni rnam par 'gyur ba yin no zhes bya ba'i don no/ /bstan pa ni mig gi rnam par shes pa'i dor yin no/ /yod pa ni 'dir bstan pas bstan du yod pa'o/ /rang gi yul du gzhan skyed pa la gegs byed pas na thogs pa dang bcas pa'i yod pa ste/ thogs pa dang bcas pa'i phyir thogs pa dang bcas pa'o/ /bum pa zhes bya ba ni don gcig bya ba byed pa rnams kyi 'jug pa'i dpe yin no/ /bstan du yod pa la sogs pa smras pa ni sgra gcig gi dngos po'i yul yin no zhes bya ba ni ga las she na/ bstan du yod pa'i sgra zhes smos so/ /de dag sgra tha dad pa'i spyod yul la ni don ma yin no zhes ga las yin zhe na/ gcig tu nye bar 'dus pa'i phyir ro zhes bya ba smos so/ /gcig la yang 'dus pa yin pa'i phyir gzhi mthun pa zhes bya ba la sogs ba'i don yin no/ /de lta na gang kho na gzugs su bya ba de kho na bstan du yod pa yin la de nyid thogs pa dang bcas ba'i sgras bstan ba yin no/ /'dir gzhan gyis smras pa gal te yul sna tshogs su zin kyang zhes bya ba la sogs pa ni sna tshogs pa'i yul de dag gi sgra gcig tu nye bar bsdus pa de ni 'jug pa'i rgyu mtshan zhes bya ba don gcig la 'du ba'i phyir ro/ /de lta na gzugs nyid gang kho na la 'du ba de kho na la bstan du yod pa nyid dang/ thogs pa dang bcas pa nyid ces bya ba de bzhin du gcig la nye bar bsdu ba'i mtshan nyid ni sgra'i don yin no/ /des na sgra'i don gyi 'jug pa'i rgyu mtshan yin no/ /de dang zhes pa ni sna tshogs pa'o/ /de'i phyir yul sna tshogs pa nyid kyi 'di'i sgra don yin no zhes bya ba gzhan gyi bsam pa yin no/ /grub pa'i mdza' smra ba bzhad gang ni/ e ma'o dka' thub kyi sdug bsngal gyis nye bar dub pa zhes bya ba smos te/ kye ma dka' thub kyi sdug bsngal chen pos gdungs pa'i tshig gis don thob par 'gyur ro/ /gang gis na du pa'i spyi thog ma nas phan 'dogs par 'gyur la yod pas phan 'dogs par byed pa'i bka' drin gyis rang gi brjod par byed bas don shes par bya bar 'dod pas bu song la kho bo cag la gang phar 'dogs par bya ba yang brjod par bya ba yin te/ de rnyed pa bka' drin gyis phyag btsal ba gyis dang sgra'i bdag nyid rang gis 'jug pa'i phyir rigs pa 'di ni ches mang ba byed pa yin no/ /'on kyang de 'brel pa'i nus pa'i bye brag gis zhes bya ba ni ji snyed pa 'di'i nus pa'i khyad par gang yin pa de ni sbyi ni phan 'dogs par byed pa de snyed pa nyid nus pa'i bye brag la ci de ni skra kun nas slong bar byed pa yin te/ de ltar gyur pas yon tan ci zhig thob par 'gyur zhe na/ de ltar 'dis brgyud pas zhes bya ba la sogs pa smos te/ gal te de'i nus pa'i bye brag gis sgra kun nas slong bar byed pa ma yin te/ yang na spyi las gzhan gyis kyang phan 'dogs par byed pa yin te/ de'i tshe brgyud pas dub pa ni yongs su spangs pa yin no/ /lan 'ga' gzhan gyis smras pa gcig gi 'jug pa'i don gyi nus pa ni yod pa ma yin no zhe na/ sgra sna tshogs skyed ba'i nus pa zhes bya ba la sogs pa smos te/ gal te 'di sna tshogs pa'i sgra 'jug par byed pa'i nus pa yod pa ma yin ba'i phyir ro/ /de ji ltar du ma 'brel bas phan 'dogs par byed ba'i rgyu nus pa dang gcig par mtshungs par gyur pa yin no zhes bya bar dgongs so/ /yang 'dir rgyu ci las gang gi dbang gis 'brel bar phan 'dogs par byed pa ma yin zhe na/ phan 'dogs par byed pa yin no zhes bya ba la sogs pa smos te/ gal te don de rnams phan 'dogs par byed par gang gis na khas blangs pa yin/ de dag gis 'di'i 'brel pa nyid kyang mi 'grub ste ji skad bshad pa'i don gcig tu 'du ba dang gzhi mthun pas yin no zhe na/ gal te don gcig tu 'du ba dang gzhi mthun par gyur pa ni gzugs dang dri dang ro dang reg bya ni don gcig tu 'du ba yin na de'i sgra yang gzhi mthun par 'gyur ro/ /de bum pa yang gzhan 'ga' zhig gi rjes gzhan brtags pa de dang de ni dgag par bya ba'i don ni bum pa zhes bya ba la sogs pa smos te/ gzugs la sogs pa nyid ni sa dang chu 'dzin pa la sogs pa rnams dang dbyibs dang sbrang rtsi dang chu la sogs pa'i longs spyod pa'i don gyi bya ba gcig byed pa bum pa'i sgrang brjod pa med pa'i don gzhan ci zhig bum par brtag par bya/ gzhan 'ga' zhig gi mang po rnams gcig gi don gyi bya ba byed pa nyid smras pa yod pa ni ma yin te/ mang po yod du zin kyang zhes bya ba la sogs pa smos te/ mang po rnams kyang don gcig gi bye ba byed pa nyid mthong ba yin te/ 'di lta ste gzugs dang dbang po dang snang ba dang yid la byed pa ni mig gi rnam par shes pa'i rgyu yin te/ des kyang de nus par gsal ba yin no zhes bya ba la sogs pa dang don gyi bya ba gcig byed pa'i phyir ro/ /gal te mang po rnams la yang gcig sgra sbyor ba la skyon yod par mi 'gyur te/ de la de dag la dgos pa med par gyur na yang mang po rnams la gcig gi sgra sbyor ba ci yin zhe na/ dgos pa med pa'i don la sgra sbyor bar mi byed de zhes bya ba la sogs pa smos te/ dgos pa med na 'jig rten pa don la sgra sbyor ba ni ma yin no/ /de yang dgos pa gtso bor bya ba la nus pa med na yongs su spang bar bya ba yin no/ /so sor gzugs la sogs pa rnams la sgras nges par sbyor ba ni sgra'i phreng ba chen por 'gyur// gzugs la sogs pa so sor nus ba med pa'i don gyi bya ba gcig byed pa ni dngos po byed ba ma yin te/ gcig gis kyang tshogs pa'i sgra de'i don shes bas gzugs la sogs pa'i sgra don med pa nyid do/ bstan bcos byed par nyid kyis dgos pa bstan pa ni/ de la don gang yin pa lhan cig gam tha dad pa zhes bya ba la sogs pa smos te/ lhan cig pa ni dgos pa gcig pa ste/ dper na gzugs dang dri dang ro dang reg bya chu la sogs pa btung ba byed pa bzhin no/ /tha dad ba'i dgos pa gcig pa ni dper na gzugs la sogs pa de nyid so sor bdag nyid kyi 'bras bu la chags pa la sogs pas bya ba ci zhig yod/ de dag gis de rnams kyi dgos pa gcig byed pa gsal bar byed pa yin te/ gang gi tshe sgra gcig gis nges par sbyor ba la nyes pa ci zhig yod/ de la de ltar ni 'gyur na ji ltar mang po rnams la bum pa zhes bya ba'i tshig cig pa yin zhe na/ don bya ba byed pa'i sgras bstan pa la sogs pa ni de'i don gcig byed pa'i nus pa bstan pa'i phyir gang gi tshe tshogs pa'i sgra nges par sbyar bar bya ba de'i tshe la tshig gcig kyang 'gal ba med de/ tshogs pa la gcig gi yin no zhes bya bar dgongs pa yin no/ /tshogs pa nyid la gcig gis ci zhig byed snyam nas/ lhan cig pa'i nus pa zhes bya ba la sogs pa smos te/ lhan cig pa nyid kyis gzugs la sogs pa de ni chu 'dzin pa la sogs pa'i don gyi bya ba byed pa ni gcig tu byed pa yin te so sor ni ma yin no/ /de yang ji ltar gyur pa'i nus pa dang bcas pa de ltar gyur pa ni shin tu skyed pa ni tha dad pa gcig tu tshogs pas yin no/ /gcig gi tshe tshogs par gyur pa dang tshogs pa'i tshig gcig gi bum pa zhes bya ba la sogs pa la 'gal ba yod pa ma yin no/ /'on te rigs kyi sgra 'di yang shing la sogs pa'i sgra bzhin no zhe na/ bden te gsal ba gzhan la bltos ba'i rigs kyi sgra yin na/ gzugs la sogs pa 'dus pa dag la bltos pa ni 'dus pa'i sgra yin no/ /de ltan yang kha cig ni rigs kyi sgra nyid yin te/ bde ba la sogs pa lta bu'o/ /kha cig ni 'dus pa'i sgra yin te/ dper na skyes ba zhes bya ba lta bu'o/ /kha cig ni gnyis ka yin te/ dper na shing la sogs pa lta bu'o/ /rigs kyi sgra brjod pa tha dad par bstan pa ni/ rigs kyi sgra'i don zhes bya ba la sogs pa smos te/ rigs kyi sgra ni shing la sogs pa'i sgra yin no/ /de'i don res 'ga' lhan cig pa'i nus pa 'am/ res 'ga' so sor yin no/ /sna tshogs pa dang gcig pa ni de rnams kyi nus pa yin te/ de'i phyir sna tshogs pa'i nus pa brjod par 'dod pa ni/ mang po'i tshig can 'di ni shing zhes bya'o/ /gcig gi nus pa brjod pa 'dod na ni/ gcig gi tshig can gyi shing zhes bya'o/ /'di ni mtshan nyid byed pa'i 'dod ba'i rjes su 'brang nas byas pa yin no zhe na/ kha cig ni de dag ni nges pa yin no zhes bya ba la sogs pa smos te/ khyed cag ni rgyu'i nges pa de ltar byed pa yin te/ mang po rnams la mang po'i tshig dang gcig la gcig gi tshig tu 'dod pas de'i bsam pa de dag bshad do/ /'o na ni khyed kyi ji ltar yin zhe na/ kho bo can ni brda brtags pa'i don dag ces bya ba la sogs pa smos te/ kho bo cag gi sgra dang don rtag tu 'brel pa ni med kyi 'on? kyang brda yis yin no/ /de la 'dod pas rab tu brtags pa brda bstan pas sgra'i tha snyad du shin tu mngon par zhen pa yin no/ /gzhan gyi 'dod pa'i dogs pa bsu ba ni/ gzugs la sogs pa du ma'i sgra zhes bya ba la sogs pa smos te/ du ma'i ?/ la sogs pa sgra gcig gi don nyid ma yin no/ /gzhan gyi nus pa yod pa ma yin pa de'i phyir sgra gcig gi brjod par bya ba nyid du mi 'gyur ro zhes bya ba phyogs snga ma yin no/ /'di grub pa'i mdza' smra bas/ ci skyes bu'i 'jug pa la bltos pa med? par zhes bya ba la sogs pa smos te/ ci skyes bu'i 'dod pa la bltos pa med bar don la sgra 'jug par byed pa yin nam/ yang na skyes bu'i don du gnyer ba rnams sgra'i tha snyad ma nges par sbyor ba yin/ gal te rang nyid kyi nus pa yin na ni/ rang kun nas slong par byed pa'i nus pa yod dam zhes bya ba la sogs pa ni gang gi tshe don rang nyid kyis sgra 'jug par bzod pa gang yin pa de'i tshe? de rnams nus pa dang mi nus pa rnam par dpyad par bya ba'i yin no/ /rang nyid kun nas slong bar byed pa la nyes pa ci zhig yod ce na/ de yang rigs pa ma yin no zhes bya ba la sogs pa smos te/ gang gi tshe don rang gi nus pa nyid kyis sgra kun nas slong bar byed pa yin pa de'i tshe skyes bu yis brjod par 'dod pa ma yin yang kha'i bu ga las don la yod pa'i sgra 'byung bar 'gyur ro/ /skyes bu dang 'brel bar bstan pa dag bshad pa'i phyir/ skyes bus de dag la nye bar sbyor ba na zhes bya ba la sogs pa smos te/ gang gi tshe skyes bu nges par sbyor ba de'i tshe de ji ltar 'dod par nges par sbyor ba na mang po la yang gcig gis tshig tu bum ba zhes brjod pa lta bu'o/ /gcig gi mdza' can gyis brjod par bya ba med pa yin na de ci la dmigs par 'gyur/ de dag de ltar ni 'gyur na brjod par bya ba dgos pa ci zhig yin zhe na/ rgyu mtshan nges par sbyor ba zhes bya ba la sogs pa smos te/ de ltar sgra rnams kyi nges par sbyor ba'i dgos pa bshad nas gcig gam yang na mang po rnams bya ba gcig tu snang ba na gcig gi tshig dang so sor bya ba byed pa snang ba na mang po la mang po'i tshig dang/ gzhan yang rgyu nye bar bsags pa bstan pa ni/ gal te gzugs la sogs pa dag ces bya ba la sogs pa smos te/ gang tshe dus ma yin pa'i phyir gzugs la sogs pa ni gang gi tshe sgra gcig gis lhan cig tu 'brel ba yin pa de'i tshe/ de gcig la brten pa yin par ci gang gi brtag par bya/ des na cha shas dang 'brel pas ni ma yin no/ /de lta na yang khyed kyi mang po rnams la gcig dang lhan cig 'brel pa khas blangs kyang de dag dang rdzas kyis kyang de rnams 'brel par mi 'gyur ro/ /de'i phyir yul 'ga' zhig tu gcig kyang lhan cig tu gzugs la sogs pa dang/ 'brel ba skyed du zin kyang sgra yis lhan cig tu khas blangs pa'i phyir med par 'dzin pa la dga' bar bshad pa yin no/ /'dir gzhan gyis smras pa/ kho bo cag ni gcig dang 'brel pa 'gal ba yin pas zhes bya ba la sogs pa ni kho bo cag gi gcig dang ? lhan cig 'brel pa 'gal ba yod pa ni ma yin te/ gcig gi sgra ni gzugs la sogs pa dag la mi 'dod kyang 'on kyang gzugs la sogs pa de thams cad 'dus pa de rnams tha mi dad pa yin no/ /tha mi dad pa rnams kyang du ma'i dngos po'i don byed pa 'gal ba yin gyi/ de yang bum pa la gos la sogs ba'i don gyi bya ba byed pa mi srid pa gang yin pa de ni tshogs pa gzhan la don gyi bya ba byed pa srid par gyur pas snam bu rang gi ngo bos gzugs la sogs pa byed pa ni ma yin te/ bum pa'i rang gi ngo bo'i gzugs la sogs pa dang tha mi dad pa'i phyir ro/ /gang gi tshe de skad du bshad zin pa'i gnas skabs kyi gcig pa ni tha dad pa ma yin no/ /de bzhin du ji ltar gcig byed pa de bstan pa'i ched du sgra gcig gis kyang brjod par mi bya'o/ /zhes bya ba ni phyogs snga ma yin no/ /'dir grub pa'i mdza' smra bas smras pa zin du chug kyang zhes bya ba la sogs pa smos te/ yod du chug kyang yid la 'ga' zhig 'dod pa 'di thams cad tshogs pa rnams gzugs la sogs pa gcig gi ngo bor 'gyur ro snyam na ni de lta na yang phan tshun rnam par dben pa'i ngo bor mngon sum gyis 'dzin pa yin no/ /de dag tha mi dad pa yin na ci ste/ 'dzin par mi 'gyur ci ste btang snyoms su byed par 'gyur/ 'di skad ston pa yin te/ gal te gzugs la sogs pa tha dad pa la mngon sum gyi gzugs la sogs pa tha mi dad pa ci ste mi 'dzin par mngon sum phan tshun rnam par dben pa'i ngo bo yang ci ste so sor snang bar 'gyur/ de dag ni tha mi dad pa'i ngo bo yin pa'i bsags pa'i rgyun ni 'di ni 'dod par mi byed ste zhes bya ba la sogs pa smos te/ gang tha mi dad pa'i rang gi ngo bo gzugs la sogs pa de dag ni 'dod par mi bya'o/ /gang gis phyir tshogs pa thams cad kyi rang bzhin de dag tha dad par dmigs te/ de lta na yang bu ram gyi kha dog smug pa yang do? mngar ba dang/ ba sha ka ni ser ba'i ngo bo yang ro? kha ba dang/ ga bur la dri zhim pa dang/ mi gtsang ba'i dri mi zhim pa dang/ ras bal la ni 'jam pa dang/ kha cig ni reg bya rtsub pa zhes bya ba 'di lta bu la sogs pa de ji ltar gzugs la sogs pa rnams gcig yin zhes brjod par bya/ gzhan gyi yang gal te gzugs la sogs pa dag las gzhan zhes bya ba la sogs pa smos te/ bum pa dang gzugs la sogs pa dag? las tha dad pa yin na nyes pa ci zhig yod ces bya ba yin no/ /grub pa'i mdza' smra pas/ de mngon sum du yod pa yin zhes bya ba la sogs pa smos te/ gal te gzugs la sogs pa las tha dad pa'i bum pa yin par gyur na de'i tshe mngon sum gyis gzugs la sogs pa las rnam par dben pa ci ste so sor snang bar mi 'gyur/ da lta na 'dir gzugs la sogs pa'i mi mthun par mngon sum du 'dod do/ /de ltar ni 'gyur na mngon sum gyis kyang 'ga' zhig gdon mi za bar rnam par dben par so sor snang ba ni mi 'gyur ro zhe na/ gzugs la sogs pa'i so sor snang ba tha dad pa zhes bya ba la sogs pa smos te/ sngon po dang ser po la sogs pa yang thams cad du tha dad par so sor snang bar gyur bar mthong ba yin no/ /de ltar ni 'gyur na cha shas kyi yul tha dad pa med pa'i phyir dang/ dbang po gcig gi gzung bar bya ba yin pa'i phyir so sor snang ba tha dad pa ma yin no zhe na/ yul tha dad pa med kyang zhes bya ba la sogs pa smos te/ yul tha dad pa med pa dri dang rol sogs pa tha dad pa so sor snang ba nyid dang/ rlung tsha ba'i reg bya la sogs pa dbang po gcig gi gzung bar bya ba yin du zin kyang tha dad pa'i rtogs pa de'i phyir 'di ni yongs su spangs pa yin no/ /bsags pa'i rgyu bstan pa ni de nyid kyang mngon sum gyi zhes bya ba la sogs pa smos te/ dngos po de dag nyid kyang mngon sum yin no/ /mngon sum nyid ni gang gzhan gyi ngo bos dben pa ni rang nyid kyi ngo bos blo la yang dag par 'jog par byed pa yin no/ /'dir yang ji srid du bum pa rin med par 'dir su zhig 'tshong bar byed par 'dod pa de bzhin du rang gi ngo bo dang bcas pa gsal ba rin med par ster ba ma ni ma yin te/ mngon sum gyi yul 'tshod par 'dod pa yin no zhes rgyal po'i gtam dang 'di mtshungs so/ /de ni de ltar yin na gal te cha shas med na ji ltar 'di khyad par gi blo sgra dang bum pa la 'jug pa yin zhe na/ de dag gi ni zhes bya ba la sogs pa smos te/ gang gi tshe blo dang sgra ba dad dag cha shas yod pa dang nye bar gyur ba de'i tshe de yang bsal ba yin no zhes rtogs par bya'o/ /de ltar na blo dang smra dang yod par sgrub par byed pa yin na 'das pa dang ma 'ongs pa nye bar bkod pas shin tu bsal zin to/ /ma grub pa'i mdza' smra ba de dag gis sgrub par 'dod na zhes bya ba la sogs pa smos te/ gang zhig mngon sum gyi don yin na 'ga' zhig g.yogs pa de'i gzugs nye bar mi mtshon pa ni mthong ba ma yin no/ /de'i gzhan yod pa zhig yod na ni shes pas dmigs par 'gyur ro zhes bya bar dgongs so/ /de lta na yang de sgrub par byed pa'i rtags khas ma blangs par mngon sum gyis gzung bar bya ba ma yin pa shes pa gzhan gyis go bar bya ba rigs pa yin no/ /de ni de ltar 'gyur pa ni ma yin gyi mngon sum du 'dod pa yin no zhe na/ mngon sum ma yin pa zhes bya ba la sogs pa smos te/ gal te mngon sum yin par 'dod pa yin pa de lta na 'di ni tshad ma ma yin pa de lta na 'bras bu cung zad kyang med do/ /gnyis ka yang yod pa yin na gang gi rjes su dpag par 'gyur/ de yang tshad ma yang med par gyur pa ni 'di khas blangs par rigs pa ma yin no/ /de'i phyir gzugs dag las gzhan pa'i bum pa'i cha shas ni gnas pa ma yin no/ /rnal ma'i mjug bsdu ba ni de ltar na de srid du zhes bya ba la sogs pa smos te/ blo dang sgra la sogs pa tsam kyis dngos po med pas yod pa ma yin no zhes bya bar ma grub bo/ /de yang tha dad pa dang tha dad pa med pa dag gi dngos po tha dad pa dang tha dad pa yin no zhes de skad du bshad pa'i rnam par bstan pa yin no/ /blo dang sgra'i dngos po med pa dag gis med pa'i tha snyad kyi rgyu mtshan du 'gyur ba ma yin pa ni de nyid kyi phyir zhes bya ba la sogs pa smos so/ /gang gi tshe blo dang sgra ni yod pa'i tha snyad du byed pa'i rgyu bkag pa de'i tshe med par gyur kyang med pa'i tha snyad kyi rgyu yod pa ma yin no zhes bya bar grub pa yin no/ /de ltar de srid du blo dang sgra dag la yod pa'i tha snyad dang med pa'i tha snyad kyi rgyu mtshan bkag pa yin no/ /don byed pa'i shes pa ni don byed pa'i zhes smos te/ yod pa'i tha snyad tsam sgrub par byed pa yin gyi yod pa tha dad pa dang tha mi dad pa'i tha snyad du byed pa ni ma yin no/ /rgyu ci yin zhe na/ gcig la yang don du ma zhes bya ba la sogs pa smos te/ gcig gi kyang don du ma'i bya ba byed par 'gyur ba yin te dper na mar mes shes pa skyed pa dang sdong bu sreg pa dang 'bar ba gzhan skyed pa dang snang ba dang tsha bar byed pa bzhin no/ /de ltar de srid du gcig gis du ma'i don byed par 'gyur ba yin no/ /mang po rnams kyang gcig gi don byed pa bstan pas mig la sogs pa du mas kyang rnam par shes pa gcig skyed par byed pa yin te/ de'i phyir de ltar don byed pa tha dad pa dang tha mi dad par grub pa yin no/ /'dir gzhan dag na re gal te zhes bya ba nas? mi smra'i zhes bya ba'i bar du zhes bya ba la sogs pa smos te/ khyed kyi don byed pa tsam gyis yod pa tha dad pa zhes ni mi smra'i 'on kyang don gyi byed pa'i khyad par tha dad pa yin no/ /de bzhin du khyad par mthong ba ni don byed pa gang yin pa de la zhes bya ba la sogs pa smos te/ gang gi don byed pa la lang dngos po 'ga' zhig kyang ma mthong ba las dngos po las gzhan pa 'am dngos po las gzhan ma yin pa mthong la de ni yod pa tha mi dad pa sgrub par byed kyi gzhan du ni ma yin no zhes bya ba phyogs snga ma'o/ /grub pa'i mdza' smra bas/ de ltar don gzhan grub pa ni yod mod kyi zhes bya ba la sogs pa smos te/ khyod kyi don gzhan grub kyang cha shas grub pa ma yin no/ /de ni de ltar 'gyur na cha shes med pa de lta na 'di'i don byed pa tha mi dad pa yin no zhes ga las zhe na/ dper na rkyen gyi 'dus byas pa zhes bya ba la sogs pa smos te/ 'dus byas pa'i rgyun ni ji lta ji ltar rkyen gzhan gyi rgyun yod pa de lta de ltar na rang bzhin gyis tha dad pa skye ba yin te/ rang bzhin tha dad pa dang 'brel pa dang rang gi don byed pa tha mi dad pa ni ma yin no/ /dpe ci yin zhe na/ bsrubs shing bsrubs pa'i gnas skabs zhes bya ba la sogs pa smos te/ dper na bsrubs shing bsrubs pa las byung pa'i me de dang de ni rkyen gyis 'gyur ba yin te/ spra ba dang rta spangs dang rtswa dang shing sreg pa'i nus pa tha dad par 'gyur ba bzhin no/ /de ltar na bsrungs shing bsrubs pa las de ma t hag tu spra bcam sreg par nus pa de ltar ches 'phel ba rnam par 'jig pa nye bar skyed pa las nus pa phul du byung ba rta spangs dang rtsa ba dang spun pa dang lo ma la sogs pa'i myur du 'gyur bar byed pa yongs su bsags pa las rab tu skyes pa 'bar ba'i dus su gzhan gyis kyang? shing gi tshogs sreg par byed pa yin te/ de bzhin du bsgrub par bya ba'i don gyi mjug bsdu ba ni/ rkyen ji lta ba bzhin du zhes bya ba la sogs pa smos te/ me ji lta ba de lta bu'i rkyen nye bar sbyor bar nus pa phul du 'byung ba dang 'bral ba'i 'bras bu tha dad pa de bzhin du/ snal ma la sogs pa yang de dang de'i rkyen du nye bar brtags pas dngos po tha dad pa sna tshogs pa'i 'bras bu ngo bo nye bar skye bar 'gyur ro/ /de lta na yang gzhan nyid kyi gzugs nyid la sogs pa gang dang gang skud pa bka' ba' i gnas skabs dang/ drug gu la sogs pa'i gnas skabs kyang gzhan yin te/ zheng dang chur gnas pa la sogs pa'i gnas skabs la brtan pas kyang blo dang sgra gzhan nyid tha dad pa dag cha shas kyis grub pa dgag pa'i phyir/ de rang gis ni zhes bya ba la sogs pa smos te/ don byed pa tha dad pa cha shas su grub pa bsal pa nyid kyis blo dang sgra'i tha dad pa grub pa de'i rgyu mtshan nyid kyang bsal ba yin no/ /de lta na yang bkal ba dang sna lam dang snam bu la sogs pa las de ltar bskyed pa'i blo dang sgra tha dad pa ni snal ma'i de'i rang bzhin dang rjes su 'brel pa yin no/ /de ltar de srid du don byed pa med pa na tha dad pa dang tha dad pa med pa'i tha snyad kyi rgyu bkag pa yin no/ /mdun na gnas pa med pa nyid kyi rkyen med pa ni/ de la don byed pa la yod pa nyid kyi tha snyad grub ba smras pa zhes bya ba la sogs pa smos te/ 'di'i don ni go bar zad do/ /de dag nyid rjes su ni de ni bden no zhes bya ba smos te/ de 'dir de dag gnyi ga yang bshad par bya'o/ /lhag ma bstan pa ni/ log pa de nyid la zhes bya ba la sogs pa smos te/ dmigs pa'i rig byang gyur pa las mi dmigs pa nyid kyis med pa yin na dngos po'i don byed pa de nyid grub par mi 'gyur te/ yod pa'i tha snyad kyi rgyu mtshan gang zhig yin/ 'dir yang mi dmigs pa gdon mi za bar khas blangs pa yin pa de bstan pa ni/ de la yang 'di mi 'dod na zhes bya ba la sogs te/ gang gi tshe nus pa'i dngos po gzhan rjes su grub pa de'i tshe shi'am skam pa la thug pas ji skad bshad pa'i mi dmigs pa'i rjes su 'brang ba yin no/ /de ltar ni 'gyur na nus pa med pa'i mi dmigs pa'i shes pa yin pa nges na yod pa'i dngos po med pa yin no zhe na/ nus pa 'di zhes bya ba la sogs pa smos te/ gal te nus pa'i dngos po med pas mi dmigs par shes pa yin na yod pa'i dngos po med kyang mi dmigs pa nyid ci ste shes par mi 'gyur/ de lta na yang nus pa'i mtshon nyid de ni yod pa yin no/ /gal te de lta na yin na dal nyes pa ci zhig yod ce na/ de lta na yang zhes bya ba la sogs pa smos te/ gang sgyu ma'i rang bzhin mi dmigs par bshad pa dang de'i nus pa mi dmigs pa la bye brag ci zhig yod/ de lta na yang rang bzhin gyis phan tshun nus pa de las cis ma yin zhe na/ de ni dmigs pa'i rig byar gyur pa las zhes bya ba la sogs pa smos te/ gang gi dmigs pa'i rig byar gyur ba las zhes bya ba la sogs pa smos te/ gang gi dmigs pa'i rigs par gyur bar ma nus pa mi dmigs pa de ni rang bzhin gyi mi dmigs pa nyid yin no/ /de'i phyir sngar gyi dmigs pa las tha dad pa ni ma yin no/ /gang gi phyir tha dad pa med pa de'i phyir 'ba' zhig tu byas pa la sogs pa smos te/ gang la 'ga' zhig tu byed pa'i tha snyad du khas blangs pa yin na zhes bya ba de la thams cad du ji skad bshad pa'i mi dmigs pa kho nas khas blang bar bya'o/ /gal te yang 'ga' zhig tu mi dmigs pa tshad mar byed pa yin pa de'i tshe 'ga' zhig tu yang ma yin no zhes bya ba la sogs pa smos te/ thams cad du khas blang bar bya ba ma yin te/ dmigs pa'i rig byar gyur pa las mi dmigs pa yod pa'i khyad par gyi dngos po med pa'i phyir ro/ /ci ste la lar khas blang bar bya bam? yin zhe na/ de gzhan du yang de lta bu zhes bya ba la sogs pa smos te/ khas blangs pa'i don las tha dad pa don gzhan dmigs pa'i rig byar gyur ba las mi dmigs pa'i khyad par yin na ni don de yang med pa'i tha snyad yul can gyis de yang khyab pa grub pas rnam pa de lta bu thams cad ces bya ba la sogs pa yin no/ /'ga' zhig ces bya ba ni don rgyas par bshad pa yin no/ /la lar zhes bya bas ni yul yongs su bzung ngo/ /res 'ga' zhig ces bya bas ni rab tu byed pa'i brjod par bya ba ni gal te don 'ga' zhig yul la lar rnam pa 'ga' zhig de bzhin du mi dmigs su zin kyang de ni med pa'i tha snyad kyi yul du mi 'gyur ro/ /rgyu ci yin zhe na/ thams cad thams cad kyi tshe zhes bya ba la sogs pa smos te/ gang gi phyir don thams cad dang/ dus thams cad dang/ dngos po thams cad du mi ldog pa'i phyir zhes bya ba ni phyogs snga ma yin no/ /grub pa'i mdza' smra bas/ de ltar gyur na thams cad ces bya ba la sogs pa smos te/ gang gi tshe don thams cad dang/ dus thams cad dang/ dngos po thams cad du mi ldog pa'i phyir zhes bya ba ni phyogs snga kyi tshe nye bar sbyor ba yin pa'i phyir ro/ /de lta na yang 'bras kyi 'bras bu don du gnyer pa nas kyi rnam pa las kyang nas kyi 'bras bu don du gnyer ba yin gyi 'bras bu 'di las ni ma yin no zhes bya ba yin no/ /'bras kyi zhing la nas rmo ba dang/ nas kyi zhing la 'bras rmo ba ni ma yin no zhes bya ba yin no/ /dbyar char bab pa'i dus na rmo bas dgun gyi dus su nas ma yin no zhes bya ba yin no/ /bsags pa'i rgyu mthong ba ni 'di lta bu yin gyi 'di ma yin no/ /'di yang rnam par phye na ni ma yin gyi zho la sogs pa 'di ni 'bras bu 'dod pa'i 'o ma la sogs pa ni 'bras bu yin no/ /de bzhin du 'khar gzhong la sogs pa 'di ni rten yin la rgya shug la sogs pa 'di ni brten pa yin no/ /myu gu la sogs pa 'di skye ba'i dus kyi tshe 'bras bu dang me tog la sogs pa 'di ni ma yin no/ / me rang gi ngo bo sreg par byed pa yin la 'di chus ni ma yin no/ /de ltar thams cad du rtogs pa 'dis rgyu'i byed pa bstan pa yin no/ /'dir yang mi 'gyur te zhes bya ba ni 'bras bur gyur pa'i bye brag ma yin no/ /med pa'i rnam par dbye ba la nyes pa ci yod ce na /dngos po 'ga' zhig 'ga' zhig tshe zhes bya ba la sogs pa smos te/ gang gi tshe dngos po 'ga' zhig rnam pa cung zad cig don 'ga' zhig tu dus 'ga' zhig gi tshe rgyu'i rnam par dbye ba med pa de'i 'gro ba thams cad rjes su 'gro ba dang ldog par byed pa med par 'gyur ro/ /gal te yul dang dus dang rnam pa thams cad mtshungs par gyur pa de'i tshe tha dad pa med pas ji ltar tha dad pa rten nas rjes su 'gro bar ldog par byed pa yin zhes gzhan dogs pas/ gal te dngos po la tha dad pa med pa'i gnas skabs zhes bya ba la sogs pa smos te/ de la de ltar ni 'gyur na gnas skabs 'ga' zhig tu 'jug pa dang 'ga' zhig tu ldog pa de dang des byas pa'i gnas skabs su 'gyur ro zhes bya ba yin no/ /grub pa'i mdza' smras pa/ 'o na ni de nyid yul thams cad la zhes bya ba smos te/ gang gi tshe yul thams cad la med pa'i tha snyad du 'dod pa de'i tshe gnas skabs gang la 'jug pa dang ldog par 'gyur/ des byas pa'i rnam par bzhag pa yang gang zhig yin/ gang zhig gis smras pa/ yul thams cad la med pa'i tha snyad kyi dgag pa ma yin nam zhe na/ yul 'ga' zhig la zhes bya ba la sogs pa smos te/ gang gi tshe 'ga' zhig cha shas kyis byed pas med pa'i tha snyad 'dod pa de lta na rgyu mtshan gang zhig yin zhes bya ba brjod par bya ste/ ci rgyu mtshan med pa yin nam zhe na/ mi dmigs pa las gzhan zhes bya ba la sogs pa smos te/ gang gi phyir mi dmigs pa bshad pa las gzhan rnam pa'i gtan tshigs ni med na/ 'di na grang ba'i reg pa med de me yod pa'i phyir zhes bya ba yin na de ci mi dmigs pa yin zhe na/ dgag pa dang sgrub pa dag gi zhes bya ba la sogs pa smos te/ gang la 'ga' zhig bkag pas don gzhan 'gog par byed pa de la mi dmigs pa nyid yod pa yin no/ /gang la don sgrub pas 'ga' zhig 'gog par byed pa yin te/ de la yang mi dmigs pa nyid rgyu mtshan yin no// ji ltar yang don gang dmigs par gyur pas dgag pa ma yin pa de ni med pa nyid mi 'grub ste/ de'i phyir don gzhan sgrub pa'i mi dmigs pas kyang phan tshun byed pa ma yin no/ /'dir mi dmigs pa sgrub par byed pa nyid yin du chug kyang 'dod pa yin zhe na/ mi dmigs pa nyid las zhes bya ba la sogs pa smos te/ gang gi tshe mi dmigs pa 'ga' zhig tu med pa'i tha snyad khas len pa de'i tshe thams cad du de med pa'i tha snyad kyi rgyu mtshan khas blang bar bya'o/ /rgyu ci yin zhe na/ khyad par med pa'i phyir ro zhes bya ba la sogs pa smos te/ 'dir dmigs pa'i rig byar gyur pa'i mi dmigs pa las 'ga' zhig bye brag med pa yin no/ 'ga' zhig med pa'i tha snyad kyi rgyu mtshan 'ga' zhig tu yang mi dmigs pa yin par mi 'gyur ro/ /'dir gzhan dag na re gal te tshad ma thams cad ldog pa zhes bya ba la sogs pa smos so/ /gang la yang tshad pa thams cad nus pa gang yin pa de la med pa'i tha snyad du bya ba yin no/ /gang gi phyir tshad ma rgyu mtshan gyi gzhal bya rtogs pa yin pa'i phyir de'i tshad ma med pas gzhal bya gzhan med pa yin no zhe'o/ /grub pa'i mdza' smra bas gzhad gang du shes rab shin tu gzhon pa zhes bya ba la sogs pa smras so/ /'on te 'di dag ni rtogs pa bzang po yin na ci'i phyir bzhad gang byed ce na/ rjes su dpag pa la sogs pa ldog pas zhes bya ba la sogs pa smos te/ rjes su dpag pa ldog pas med pa sgrub par byed pa la 'khrul pa yin no zhes bshad zin te/ srog chags thams cad kyi mngon sum gyi 'jug pa ldog pa med do zhes pa med do zhes bsgrub par bya ba ma yin te/ ma grub pa'i phyir ro/ /bskal pa la bdag nyid kyi mngon sum log kyang med pa sgrub par byed pa ma yin te/ the tshom rgyu med pa'i phyir ro/ /ci 'dra ba'i tshad ma log? pas med pa sgrub par byed pa la yin zhe na/ de'i phyir rang bzhin gyi byed par zhes bya a la sogs pa smos to/ tshad ma gang las don nges pas yod pa'i tha snyad byed pa de 'di kyi tshad ma ldog pa yin pas de'i med pa'i tha snyad sgrub par byed pa yin no/ /dmigs pa'i rig byar gyur pa las mi dmigs pa'i rang bzhin gyi khyad par las gzhan ma yin no// rgyu ci yin zhe na/ de'i rang bzhin yod pa de la zhes bya ba la sogs pa smos te/ de lta na de'i don gang yod pa de dang de ni tshad ma yod pas khyab ste/ de'i phyir yang khyab par byed pa'i tshad ma ldog pas khyab par bya ba'i don ldog pa yin no/ /de lta ni 'gyur na ldog pa yang mngon sum dang rjes su dpag pa 'jug pa de'i phyir med par nges pa yin no zhe na/ dmigs pa'i rig byar gyur ba'i zhes bya ba la sogs pa smos te/ gang yang dmigs pa'i rig par khyad pa bsam dmigs pa'i don mngon sum yin par bshad pa las gzhan 'ga' zhig dmigs par 'gyur ba ni mdo pa ma yin no/ /de'i phyir rjes su dpag pa las kyang yang dmigs pa yo pa yin de/ des na rjes su dpag des nye ba dmigs bsam sdigs par brtags pa'i yod par 'dod pa de lta bur gyur pa nyid de ni mngon sum gyis kyang yongs su gcod pa ma yin no/ /de'i rang bzhin med par yang zhes bya ba la sogs pa smos te/ gang dmigs pa'i mtshan nyid kyir gyur ba de las gal te gzhan ma yin no/ /de ji ltar mngon sum du mi 'gyur/ gzhan du gyur pa de lta na ni de nyid de'i yul yang cig shes ni/ 'on kyang sngags dang sman med par zhes bya ba la sogs pa smos te/ 'di'i sgyu ma mkhan med na sngags sman rnams kyis dngos po slob pa? na gang gis 'ga' zhig sngar med pa'i dngos po skyed pa yang med la snga ma 'jig pa yang med la cung zad cig par du chod pa yin pa dang/ gzhan yang ring po ma yin pa zhes bya ba ni dag par 'dod pa yin pa de'i phyir skyes bu'i mngon sum ma tshang pa med pa las gzhan pa'i shes pa dang yod pa 'gar zhig mngon sum gyi yul du gyur pa dang/ 'ga' zhig khong du chud pa yang ma yin te/ 'ga' zhig ni rjes su dpag pa'i yul la 'ga' zhig ni mngon sum dang 'ga' zhig ni lung las yin no/ /yang ci de dag thams cad srid par mi 'gyur ram zhe na/ khyad par med pa de nyid la zhes bya ba la sogs pa smos te/ byas pa'i rnam pa'i bye brag 'di dang khyad par med pa'i don 'gal bar 'gyur te/ 'di gzhan dag na re/ gal te khyad par med pa ni zhes bya ba la sogs pa smos so/ /gcig la yang khyad par du byed dgag pa 'am/ gal te gzhan zhig rkyen de'i tha snyad tha dad par 'gyur ro zhe'o/ /grub pa'i mdza' smra bas/ khyad par de'i bdag nyid du gyur ba zhes bya ba la sogs pa smos te/ de'i khyad par ni de'i khyad par du gyur pa'am ci gzhan du gyur ba zhig yin/ bdag nyid du gyur na rjes su 'gro ba ma yin pa zhes bya ba la sogs pa'i skyon smos so/ /de'i ldog pa'i khyad par ni ma lus pa ldog par 'gyur ro/ /'jug pa yin na yang snga ma de nyid las skye bar 'gyur ro/ /de lta na de ni bde ba dang sdug bsngal bzhin du ji ltar rang bzhin tha dad par mi rtogs/ de ltar ni 'gyur na rjes su 'gro ba dang bcas pa nyid 'jug pa dang ldog par 'gyur ro zhe na/ rjes su 'gro ba dang bcas pa zhes bya ba la sogs pa smos te/ gal te rjes su 'gro ba dang bcas pa nyid kyi khyad par du khas blangs pa yang nyams pa yin te/ de lta na su zhig ci 'jug pa dang ldog pa yin zhes brjod par 'gyur ram/ de dag gi rjes su 'gro ba rtogs pa yang med pa de'i phyir 'di ni ci yang ma yin no/ /yang na gzhan du gyur pa'i khyad par yin pa de'i tshe 'brel pa med pas 'di ni khyad par yin no zhes sgra med pa 'di'i phyogs kyi rags pa'i phyir nye bar dgod pa ma yin no/ /gzhan dag gi 'dod pa rang nyid kyi 'dod pa tha mi dad par bstan pa/ gzhan yang 'di ltar rang bzhin 'ga' zhig ces bya ba la sogs pa smos te/ gal te khyed kyang don 'ga' zhig la 'jug pa dang ldog par dod na de kho bo cig gis 'dod pa 'di ci ste khyed khas len par mi byed/ rjes su dpag pa'i rgyu gzhan med pa ma yin no snyam nas/ gal te rjes su 'gro ba med pa zhes bya ba la sogs pa smos te/ sangs rgyas pa yang rjes su 'gro ba med pa skye ba dang 'jig pa 'dod pa yin no/ /sangs rgyas pas smras pa/ rjes su 'gro ba zhes bya ba gang yin zhes bya ba ni rang gi ngo bo brjod par bya'o/ /gzhan gyis smras pa/ gal te yod pa'i skye ba zhes bya ba la sogs pa ni skye ba 'am rig par nyams su myong ba ni yod pa'i nus pa'i ngo bo'i gnas skabs ni rjes su 'gro ba yin no/ /de ltar ni 'gyur na? de'i yang skye ba yin no zhe na/ gal te yod pa'i skye ba zhes bya ba la sogs pa smros te/ skye ba ni sngar yod pa yin no/ /'ga' ba yang sngar gnas pa ma yin pa de'i phyir skye ba ni de'i thams cad du skye ba yang ma yin la 'jig pa ni ma lus par 'jig pa yin no/ /nus pa tha dad pa gzhan yang ma mthong ngo zhes bstan bcos byed pas smras pa ni/ gal te rnam pa thams cad du zhes bya ba la sogs pa ni/ gal te nus pa thams cad du phul du 'byung du med pa de lta na 'phul du 'byung ba ni gzhan skyes dang 'jig pa'i tha snyad du byed pa'i rgyu mtshan yin no/ /gzhan gyi tha snyad du byed pa'i rgyu mtshan ni gal te gnas skabs zhes bya ba la sogs pa smos te/ gnas skabs de ni khyad par du byed pa de'i phyir tha snyad grub pa yin no/ /bstan bcos byed pas smras pa/ gnas skabs de zhes bya ba la sogs pa ni rnam pa gzhan srid pa yin pas de'i phyir gzhan la dris pa yin no/ /de kho na nyid kyi phyogs la skyon bstan pa ni gcig yin na ni zhes bya ba la sogs pa smos te/ gang gi tshe nus pa'i gnas skabs gcig yin na de'i tshe ji ltar 'di gcig gi bdag nyid cha shas med par grub pa phan tshun 'gal ba mthong ste/ 'di lta ste skye ba dang mi skye ba dang mi skye ba zhes bya ba la sogs pa'o/ /grub pa zhes bya ba ni cig car du'o/ /'di phan tshun du gal te gnas skabs dang nus pa'i dbye ba yod pa zhes bya ba la sogs pa smos so/ /yod pa'i dbye ba ni 'di lta ste nus pa dang zhes bya ba yin no/ /gnas skabs zhes bya ba ni de'i phyir skye? ba dang mi skye ba la sogs pa dbye ba zhes bya ba cung zad cig tsam gyi rnam pa tha dad pa yin no/ /gzhan gyi ltag chod yin pa bstan pa'i phyir/ brjod pas pa'i tshul can zhes bya ba la sogs pa smos te/ gnas skabs su yod pa ma dran pa'o/ /'on ni nus pa'i gnas skabs rnam par dbye ba med pa'i phyogs 'di la 'gal bas gnod pa yin no/ /'on te nyes pa 'dir mi 'gyur te/ gzhan khas blangs pa'i phyir ro snyam nas gzhan gyis smras pa/ 'on te rnam par dbye ba med pa zhes bya ba la sogs pa ni gang gi tshe nus pa'i gnas skabs gang dag tha dad pa khas blangs pa de'i tshe 'bral ba 'ga' zhig kyang med do/ /skye ba dang mi skye ba la sogs pa tha dad pa'i don gyi yul yin pa'i phyir ro/ /'on kyang byed la skye ba dang 'jig pa'i mtshams sbyor ba grub pa yin to/ /rgyu mtshan ci yin zhe na/ gang gi phyir rang gi rjes su 'gro ba zhes bya ba la sogs pa smos te/ skye ba dang 'jig ba'i gnas skabs kyi mtshams sbyor ba'i nus pa'i rjes su 'gro ba ni med do/ /de'i skye ba dang 'jig pa ni med do/ /pha rol pos gzhan yang smas pa/ gal te de dag la tha dad pa zhes bya ba la sogs pa ni nus pa dang gsal ba dag phan tshun tha dad pa med pa'i phyir nyes pa 'don? med do/ /'di byed pa'i nus pa ni cig car e ma'o lan skyon med ces bya ba la sogs pa smos te/ lan 'di ni skyon dka' zhing rang gi phyogs la mngon par zhen pas na rab tu chags par gyur pas tshod kyang mi shes pa yin no/ /'dir dgos pa ci yin zhe na/ tha dad pa med pa la zhes bya ba la sogs pa smos te/ tha mi dad pa zhes bya ba ni gcig par bshad pa yin no/ /khyed ces bya ba ni khyed cag yod pa'i tha snyad du byed pa de'i tha dad pa'i rgyu mtshan ni ji ltar mthong ba yin no/ /ldog pa 'am mi ldog pa 'am skye ba 'am mi skye pa ma yin pa de lta bu la sogs pa ci du ma dang 'brel ba yin nam/ yod pa'i tha snyad ji ltar mthong ba yin/ gal te nus pa'i gnas skabs tha mi dad pa 'dod pa yin no zhe na/ yod do zhes bya a ni don dam pa yin la brtags pa'i blo ste sel ba ma yin no// tha dad pa dang tha mi dad pa mthob pa yin te/ de dag ni dngos po rnams kyi tha dad pa zhes bya ba la sogs pa smos te/ ldog pa dang ldog pa med pa zhes bya ba'o/ /de lta na yang gang ldog pa dang skye ba dang skye ba med pa dang/ gnas pa dang gnas pa med pa de dang de ni tha dad pa yin te dper na bde ba dang sdug bsngal lta bu'o/ /de dang bral ba zhes bya ba ni gnas pa dang mi gnas pa la sogs pa'o/ /de ni tha mi dad pa'i mtshan nyid nus pa'i gnas skabs kyi bdag nyid gcig pa ni gang gi tshe nus pa dang gsal ba gcig gi bdag nyid du 'dod na de'i tshe 'di dag dpe yin no/ /tha dad pa dang tha mi dad pa'i rgyu mtshan can la 'dir tha dad pa dang tha mi dad pa'i sgras bshad kyi 'di dag tha dad pa dang tha mi dad pa'i mtshan nyid du mi 'gyur na nus pa ci yod ce na/ rnam pa gzhan du na zhes bya ba la sogs pa smos te/ gal te 'di dag gi mtshan nyid mi 'dod na de'i tshe dngos po tha dad pa dang/ tha mi dad par rnam par bzhag par mi 'gyur ro/ /gzhan gyi rang la grags pa'i tha dad pa dang tha mi dad pa'i mtshan nyid bstan pa/ thams cad bdag nyid ces bya ba la sogs pa smos te/ yang gang gi tshe thams cad kyi bdag nyid du gyur pa de'i tshe de ni tha dad pa ma yin no/ /gang yang gang la gzhan du gyur pa de yang de las tha dad pa yin no/ /dpe ni dper na bum pa ni 'jim pa'i bdag nyid las zhes bya ba la sogs pa smos te/ bum pa skye ba yang thams cad du sa'i bdag nyid yin te/ de yang sa las tha dad du bya ba med do/ /bde ba dang sdug bsngal ba dag kyang phan tshun du yod pa'i bdag nyid ma yin te/ de dang de na tha dad bas 'dir kho bo cig kyang tha dad pa dang tha mi dad pa'i bdag nyid du 'dod pa des na 'ga' zhig 'gal bar 'gyur ro zhes bya ba ni phyogs snga ma'o/ /grub pa'i mdza' smra bas/ bum pa'i rab tu skye ba ni 'jim pa'i bdag nyid ma yin zhes bya ba la sogs pa smos te/ bum pa ni phan tshun du sa'i bdag nyid ma yin gyi 'ga' tsam yin no/ /'on kyang sa'i khyad par 'ga' sa chu 'dzin pa la sogs pa'i dbyibs kyi rnam pa la bum pa zhes grags pa thob pa yin no/ /de ltar ni 'gyur na sa las khyad par 'ga' zhig yod pa ma yin no zhe na 'jig rten gsum gyi 'jim pa'i bdag nyid gcig pa ma yin te zhes bya ba la sogs pa smos te/ kye 'jig rten gsum gyi 'jim pa'i bdag nyid du gcig pa ma yin no zhes bya ba ga las shes she na/ rnam par rig pa so sor snang ba tha dad pa'i phyir zhes bya ba la sogs pa smos te/ de lta na rnam par shes pa ni rnam par shes pa'i so sor snang ba tha dad pas sa'i rang bzhin tha dad par blta bar bya ste/ de lta na sa'i rang bzhin phye mar gnas pa las gzhan gyi rnam pa so sor snang ba ni rtags kyi rnam pa dang/ mchod rten gyi rnam pa dang/ gdugs kyi rnam pa dang/ ten pa'i ngo bo zhig zhan gyi rnam pa yin no/ /de bzhin du gnas skabs ni so sor gnas pa'i rang bzhin tha dad par khas blang par bya ste/ de lta na ma chos pa'i ma? las gzhan pa nus pa dang smin pa dang/ tshos pa la yang gzhan de'i don byed pa tha dad pa dang don byed pa tha dad pa yang so so'i rang bzhin tha dad par blta bar bya'o/ /de lta na sa'i phye ma las gzhan 'bras bu'i bya ba byed pa rtags kyi rnam pa la sogs pa'i gzugs gzhan nyid kyi don byas byed pa la sogs pa tha dad pa'i sa thams cad na tha dad pa yin no/ /gzhan gyis kyang 'di dag de lta bu'i rgyu yin no snyam nas// gal te bden mod kyi zhes bya ba la sogs pa smos pa yin no/ /gzhan yang sems pa can bde ba la sogs pa rnams tha dad pa de nyid 'thad? pa yin te/ gal te don byed pa tha dad pa la sogs pa tha dad par khas blangs par bya ste/ nus pa tha dad pa med par gzhan gyis de ni bden mod kyi zhes bya ba la sogs pa smos pa/ gal te yang don byed pa la sogs pa tha dad pa de lta na yang 'ga' zhig pa'i rang bzhin ni sa'i bdag nyid kyis rjes su 'gro ba des na tha mi dad pa 'dod pa yin no/ /bstan bcos pa las thal bar 'gyur bar brjod pa ni/ bde ba la sogs pa dag dang zhes bya ba la sogs pa smos te/ bde ba la sogs pa la yon tan dang ldan pa nyid dang/ byed pa po nyid dang za? ba po nyid la sogs pa rnams ni de'i phyir de dag kyang phan tshun de dag gcig tu thal bar 'gyur ro/ /de lta na yang sems can ni gang yang za ba po dang byed pa po dang/ yon tan can la sogs pa rnams rjes su rtogs pa de dang de dag kyang thal bar 'gyur ro/ /'di ni bde ba la sogs pa'ang gzhom bya nyid dang yod pa dang/ shes bya nyid la sogs pa rnams rjes su rtogs pa de'i phyir de dag kyang gcig tu bstan pa yin no/ /de ltar ni 'gyur na bde ba la sogs pa ma yin pa rnams rna bdag nyid thams cad kyis rjes su 'gro ba de dang de dag tha mi dad pa yin no zhe na/ bum pa la sogs pa dag kyang zhes bya ba la sogs pa smos te/ bum pa la sogs pa rnams kyang bdag nyid thams cad kyi rjes su 'gro ba ma yin pa de dag ji ltar tha mi dad par 'dod do/ /de dag bdag nyid thams cad kyis rjes su 'gro ba ma yin no zhes bya ba 'di las shes she na/ rang bzhin sna tshogs pa lhan gcig ces bya ba la sogs pa smos te/ gal te de dag bdag nyid thams cad kyis rjes su 'gro bar gyur na ni de'i tshe 'di dag dngos po rnams kyi ro dang nus pa dang smin pa la sogs pa'i nus pa so sor snang ba'i sna tshogs pa rnams du ma gang yin pa der mi 'gyur ro/ /lhan cig skye ba dang 'gag pa la sogs par yang thal bar 'gyur ro/ /nye bar bsags pa'i rgyu bstan pa ni/ bum pa dang 'jim pa'i bdag nyid ces bya ba la sogs pa smos te/ 'ga' zhig bum pa'i sa'i bdag nyid kyang tha dad par nye bar mtshon pa med de/ /bum pa 'di dang sa 'di yin no zhes gang gis de ltar khong du chud par 'gyur de'i sa las bum pa 'di skye ba yin zhes bya de ni de ltar ni 'gyur na tha dad pa nye bar mtshon pa med na yang rten dang brten pa khong du chud par 'gyur ba yin no zhe na/ rten dang brten pa zhes bya ba la sogs pa smos te/ rten dang brten pa gang ji snyad ba rtogs par mi 'gyur ba de snyed du 'di dang 'di nus par khong du chud pa ma yin no/ /gang las shin tu gnas pa ni rtag tu gnas pas brten pa yin no/ /de gang la yod pa de la brten pa ni rten pa'i// gzhan gyi tha mi dad pa'i mtshan nyid kyi bdag nyid bstan pa ni/ nus pa dang nus pa'i bdag nyid ces bya ba la sogs pa smos te/ gang gi tshe gang dang gang gi bdag nyid skye ba de dang de dag tha dad par 'dod pa de'i tshe/ nus pa dang nus pa'i bdag nyid las skye ba'i dngos po rang nyid ma yin pa'i rang gi ngo bo las tha mi dad pa ma yin par 'dod na de'i tshe/ nus pa dang nus pa'i bdag nyid rab tu skye bar 'gyur gyi rang nyid las ni ma yin te/ rang gi ngo bo de tha mi dad pa las mi 'gyur ro/ /de yang rang gi ngo bo 'di las tha mi dad pa de'i phyir 'di'i mtshan nyid tha mi dad pa yin no/ /de dag gis ni zhes bya ba la sogs pa smos pa ni gzhan gyi tha mi dad pa'i mtshan nyid dgag pa 'dis zhes bya ba yin no/ /de dag nyid rnam par 'grel pa ni gang yang kun tu rtogs par 'gyur ba gang dang gang yongs su gyur pa de dang de las zhes bya ba la sogs pa smos te/ gang yang zhes bya ba ni 'ga' zhig gis 'dir gang dang gang yongs su gyur pa de dang de las tha mi dad pa zhes smras pa tha mi dad pa'i mtshan nyid 'di yang bsal bar rig par bya'o/ /ji ltar yin zhe na/ nus pa'i bdag nyid ces bya ba la sogs pa smos te/ gang gi phyir nus pa'i bdag nyid yongs su gyur pa ma yin no zhes bya bar sbyar ro/ /bstan bcos byed pas yongs su gyur pa'i rang gi ngo bo dris pa/ yongs su gyur pa zhes bya ba ni ci zhig ces bya ba la sogs pa smas te/ 'di ni go slo'o/ /gzhan gyis de'i rang gi ngo bo bstan pa ni rjes kyi gnas skabs zhes bya ba la sogs pa smos te/ rdzas kyi gnas kyi chos gcig pa ldog pa dang chos gzhan rab tu skye ba ni yongs su gyur pa'i sgrar brjod do/ /grub pa'i mdza' smra bas/ chos gzhan gang yin zhes bya ba la sogs pa smos te/ 'di'i chos gang ldog pa dang rab tu skye ba yin na de ni de'i phyir ci rdzas kyi gnas skabs las gzhan yin nam/ gnyi ga ni ma yin te rnam pa gzhan mi srid pa'i phyir ro/ /gzhan la yang 'dir brgal zhing brtags pa mtshungs pa'i phyir ro/ /gnas skabs gzhan yod kyang nyes pa ci zhig yod ce na/ gal te de nyid la gnas pa zhes bya ba la sogs pa smos te/ gal te rdzas kyi chos la tha mi dad pa de'i tshe rdzas kyi gnas skabs ldog pa dang rab tu skyo ba ni 'thad pa ma yin no/ /rdzas kyi chos tha mi dad pa yin no zhes bya ba ni ma grub pa yin no/ /rgyu ci yin zhe na/ de nyid bltos pa med par zhes bya ba la sogs pa smos te/ gal te gzhan gyi chos can dang chos yod pa la mi bltos pa yin na tha dad pa la brten par mi 'gyur ro/ /bltos par gyur ba ni dper na sgra ni byas pa la sogs pa ni chos gang ma byas pa la sogs pa las ldog pa las bltos pa'i gnas skabs bzhin no/ /gzhan du khas blangs pa'i skyon bstan pa ni/ /yang na rdzas las don gzhan zhes bya ba la sogs pa smos te/ gang gi tshe rdzas las tha dad pa'i chos yin pa de'i tshe chos kyi ldog pa dang skye ba rnams kyi yongs su 'gyur bar grub pa ni ma yin no/ /rgyu ci yin zhe na/ don gzhan du gyur pa'i zhes bya ba la sogs pa smos te/ gang gi gnas skabs gzhan du gyur pa'i ldog pa dang rab tu skye bdag ni gnas skabs gzhan gyi yongs su gyur par 'dod pa de lta na ni/ sems pa can la yongs su 'gyur bar 'dod par bya'o/ /gzhan yang rdzas kyi chos zhes bya ba la sogs pa smos pa 'di ni go sla'o/ /ci'i phyir mi 'grub pa yin zhe na/ 'brel pa med pa'i phyir zhes bya ba la sogs pa smos te/ rnam pa de lta bu'i sgra la sogs pa'i rgyu mtshan 'ga' zhig dang 'brel pa yod pa ni ma yin na/ de ltar ni 'gyur na rten dang bden pa'i mtshan nyid kyi 'brel pa yod pa ni ma yin no zhe na/ rgyu dang 'bras bu'i 'brel pa zhes bya ba la sogs pa smos te/ rgyu dang 'bras bu'i mtshan nyid kyi 'brel pa bshad pa las gzhan 'ga' zhig kyang yod pa ma yin te/ 'brel pa mi 'thad pa'i phyir ro/ /de nyid de lta yin no zhe na/ 'di la yang zhes bya ba la sogs pa smos te/ rgyu dang 'bras bu'i dngos po yang 'di la 'thang pa ma yin no/ /rgyu ci yin zhe na/ rang nyid de'i bdag nyid ma yin pa zhes bya ba la sogs pa smos te/ gang gi phyir gang gi bdag nyid ma yin pa 'di ni de'i rgyu ma yin no zhes bya ba 'di khyed kyi grub pa'i mdza' yin no/ /de lta na zhe'i bdag nyid du grags pa ni 'o ma zhe'i rgyu yin te/ zhe'i bdag nyid kyi ba yang gi lci ba la sogs pa ni ma yin no/ /rdzas las kyang don gzhan pa'i chod de de ltar de dang rgyu dang 'bras bu'i dngos por 'gyur te/ de ltar 'dod par gyur pa yin na gzhan la yang rgyu dang 'bras bur 'gyur pa yin no zhe na/ don gzhan yin du zin kyang zhes bya ba la sogs pa smos te/ gang gi tshe gzhan yang chos gzhan gyi rdzas yin par 'dod na ni de'i chos skyed par 'gyur te/ rdzas yongs su gyur pa'o zhes khas blang bar bya'o/ /de dag kyang kho bo yang 'dod pa nyid do/ de nyid 'dod pa bstan pa yin no zhe na/ 'di la yang rgyu dang 'bras bu zhes bya ba la sogs pa smos te/ de lta na yang dper na sa'i rdzas kyi rgyu dang 'bras bur 'brel par rnam par gnas par gyur pa de'i tshe/ snga ma'i sa'i gong bu'i rdzas ni rgyu byed pa yin la// //rtsod pa'i rigs pa'i 'drel pa don rnam par 'byed pa zhes bya ba/ */ /rgya gar skad du/ bla da n+yA ya drinyhaM baM pany+tsitA? rthanAm?/

CLOSE WINDOW