བོད་ཡིག

e-texts based on the ACIP/ALL Input

/ // !/ (/gtan tshigs thigs pa'i rgya cher 'grel pa slob dpon dul ba'i lhas mdzad pa bzhugs so/) /rgya gar skad du/ he tu bin duTI ka/ bod skad du/ gtan tshigs kyi thigs pa rgya cher 'grel pa/ sangs rgyas la phyag 'tshal lo gang zhig yon tan mtshog rab tshogs can rigs pa'i rgyal po'i skye ba'i gtan tshigs la/ rtag 'bad shes bya kun la mun pa chen po 'thab chags rtsa med par byas pa'i yang/ ston pa srid gsum 'jigs spangs skye ba'i chu bo pha rol rgal pa de la phyag 'tshal te/ /blo dang ldan pa rnams kyis bsngags bya gtan tshigs thigs pa rab gsal lugs rgyas rnam par dbye/ /don lkog tu gyur pa sgrub pa'i rten rjes su dpag pa nyid yin pas zhes bya ba'i gtan tshigs 'dis ni rab tu byed pa 'di'i 'brel pa dang/ brjod par bya ba dang/ dgos pa dang/ dgos pa'i yang dgos pa rnams ston par byed do/ /gang gi phyir 'brel pa med pa dang/ brjod par bya ba med pa dang/ dgos pa med pa'i rab tu byed pa ni rtog pa sngon du gtod pa rnams khas mi len te/ /'di ltar ji srid du/ 'di la brjod par bya ba ni ci zhig yin zhes bya ba ma rtogs pa dang/ de bzhin du ji srid du 'di'i dgos pa ni ci zhig yin zhes bya ba 'am/ 'di'i 'brel pa ni gang zhig yin zhes bya ba yang dag par ma rigs pa de srid du rab tu byed pa la dga' ba yang skyed par mi byed na mnyan pa dang sems pa la sogs pa la 'jug par 'gyur ba lta smos kyang ci dgos/ de lta bas na mnyan pa'i skye bo spro bar bya ba'i phyir 'brel pa la sogs pa gsum brjod par bya ste/ /brjod par bya ba bsnyad pas ni 'di la brjod par bya ba ni ci zhig yin snyam du brjod par bya ba la brten pa'i rmongs pa de lta bu zlog par byed do/ /dgos pa brjod pas ni 'bras bu med par dogs bzlog par byed do/ /'brel pa bsnyad pas ni thabs ma yin par dogs pa sel byed do/ /de 'dir de bye brag tu rtogs par bya pa'i phyir zhes bya ba 'dis ni brjod par bya ba dang dgos pa dngos su bstan to/ /'di brtsam mo zhes bya ba 'dis ni shugs kyis ni rab tu byed pa thabs nyid yin par bstan to/ /de la shugs ni 'di yin par khong du chud par bya ste/ rjes su dpag pa bye brag tu rtogs par bya ba'i phyir rab tu byed brtsom na rab tu byed pa ni don gyis na thabs nyid yin par ston par byed de/ 'di ltar thabs ma yin pa la ni rtog pa sngon du gtong ba rnams mi 'jug go /de'i phyir 'brel pa don gyis bstan pa yin no/ /'dir rjes su dpag pa bye brag tu rtogs par bya ba zhes bya ba 'di ni brjod par bya ba yin no/ /rjes su dpag pa bye brag tu rtogs pa ni dgos pa yin no/ /rjes su dpag pa bye brag tu rtogs pa yid ches pa'i rang bzhin de ni rab tu byed pa 'dis byed pas rab tu byed pa 'di ni dgos pa 'di'i thabs yin no/ /de lta bas na rab tu byed pa dang dgos pa gnyis ni thabs dang thabs kyis bsgrub par bya ba'i mtshan nyid kyi 'brel pa yin te/ 'di ltar rab tu byed pa 'di thos pa las rjes su dpag pa'i rang gi ngo bo phyin ci ma log par shes par 'gyur bas de'i phyir rab tu byed pa ni thabs yin la/ rjes su dpag pa ni thabs kyis bsgrub par bya ba yin par grub bo/ /sgrub par bya ba dang/ sgrub pa dang/ bya ba dang/ byed pa'i mtshan nyid dang/ 'brel pa yang 'di kho na yin te/ 'di ltar sgrub pa ni rab tu byed pa yin no/ /bsgrub par bya ba ni 'bras bu yin no/ /byed pa ni rab tu byed pa yin no/ /bya ba ni 'bras bu yin no/ /bya ba'i mjug thogs dang/ bla ma brgyud pa'i rim pa'i 'brel ba la sogs pa ni rab tu byed pa la 'jug pa la yan lag tu 'gyur pa dag ma yin pas grel pa ma yin pas kho na ste/ 'di ltar gang zhig don du gnyer ba de ni de'i thabs la 'jug gi /'di ni bla ma brgyud de 'ongs ba yin no zhes bya ba dang/ rgyas par bya ba'i mjug thogs su bstan pa yin zhes bya ba de tsam gyis ni don du gnyer ba rnams thabs ma yin pa la 'jug par mi 'gyur ro/ /de lta bas na rjes su dpag par bya ba yongs su shes par bya ba'i phyir rab tu byed pa 'di brtsam mo zhes bya bar gnas so/ /de ltar gnas pa la brgya la 'ga' zhig rjes su dpag pa yongs su shes pas ci zhig bya/ de ni gang duAng dgos pa med pas bya rog gi so brtag pa yin no/ /'di ni gnas ma yin pa la yongs su ngal ba yin no zhes smra bar 'gyur bas de'i phyir/ don lkog tu gyur pa sgrub pa'i rten rjes su dpag pa nyid yin pas zhes bya ba 'di smos so/ /'dis ni dgos pa'i yang dgos pa bstan to/ /des na 'di skad du gang gi phyir don lkog tu gyur pa sgrub pa'i rten rjes su dpag pa yin pa'i phyir rjes su dpag pa 'bad de yongs su shes par bya'o/ /yongs su shes pa de yang rab tu byed pa 'di las 'gyur bas de'i phyir rjes su dpag pa dgos par gyur pa yongs su shes par bya ba'i phyir rab tu byed pa 'di brtsam par bya'o zhes bstan par 'gyur te/ re zhig 'di ni bsdus pa'i don yin no/ /yan lag gi don ni/ don lkog tu gyur pa sgrub pa'i zhes bya ba la sogs pa la/ dbang po rnams las log pa ni lkog tu gyur pa ste/ dbang po'i yul las 'das zhes bya ba'i tha tshig go /de ni don yang yin la lkog tu gyur pa 'ang yin pas don lkog tu gyur pa ste/ don zhes bya ba ni gzhal bya'o/ /de yang blang bar bya ba dang/ dor bar bya ba dang/ btang snyoms su bya ba yin pas rnam pa gsum du 'dod do/ /de la 'dir don zhes smos pas ni gzhal bya spyir bstan to/ /lkog tu gyur pa zhes smos pas ni de nyid khyad par du byas so/ /gang dag blang dang dor ba dang btang snyoms kyi yul nyid kyis don du gnyer bar bya ba dang/ don du gnyer bar bya ba ma yin pa rnam pa gnyis yin la/ don gyi sgras ni don du gnyer bar bya ba ma yin pa rnam par gcod par byed pa de dag gi ltar na ni dor bar bya ba dang/ btang snyoms su bya ba rjes su dpag par mi 'gyur ro/ /don lkog tu gyur pa la sgrub pa ste/ sgrub pa zhes bya ba'i sgra ni len pa dang 'dor ba dang btang snyoms kyi mtshan nyid kyi bsgrub pa la bya'o/ /gang gi rten rjes su dpag pa yin pa de ni rten rjes su dpag pa'o/ /de'i dngos po ni de nyid de/ rten rjes su dpag pa nyid yin pa de'i phyir ro/ /'dir rjes su dpag pa'i sgra ni rjes su dpag par bya ba'i yul can gyi shes pa la bya'o/ /rten gyi sgra ni rgyu la bya'o/ /des na 'di skad du 'di ltar don lkog tu gyur pa sgrub pa'i rgyu ni rjes su dpag pa yin pas zhes bshad par 'gyur ro/ /mdor bsdus nas zhes bya ba ni 'dir bsdus pa la dga' ba'i srog chags rnams mgu bar bya ba'i phyir dngos po mngon par bsdus pa brjod par bzhed pa yin gyi/ gzhung bsdus pa ni ma yin te/ 'di ltar 'di la gzhung ni mang la/ dngos po ni rang gi don gyi rjes su dpag pa tsam dpyod par zad de/ mngon sum yang mi dpyod/ gzhan gyi don gyi rjes su dpag pa yang mi dpyod la/ de bzhin du gtan tshigs ltar snang ba dang dpe yang mi dpyod do/ /de lta bas na 'di mdor bsdus pa'i sgra ni dngos po bsdus pa brjod par bzhed pa yin no/ /de la bye brag tu rtogs pa ni de bye brag tu rtogs pa ste/ 'dir de zhes bya ba'i sgra ni rjes su dpag pa dang sbyar ro/ /de bye brag tu rtogs pa ni so sor nges pa'i rang gi ngo bo yid ches pa ste/ de bye brag tu rtogs par bya ba de'i phyir ro/ /'di brtsam mo zhes bya ba ni blo la rnam par gnas pa ste/ 'di zhes bya ba ni rab tu byed pa mdza' dag la snyegs so/ /brtsam zhes bya ba ni rab tu byed pa'i gzhung gi bdag nyid du brtsam par bya bar ston to/ /de lta bas na 'dis bsdus pa'i don ni 'di yin te/ gang gi phyir don lkog tu gyur ba sgrub pa lon pa dang 'dor ba dang btang snyoms kyi mtshan nyid kyi rgyu ni rjes su dpag pa yin pa de'i phyir rjes su dpag pa'i rang gi ngo bo yongs su shes par bya ba'i phyir/ rab tu byed pa 'di brtsam mo/ /yang na don lkog tu gyur pa sgrub pa ni rjes su dpag par bya ba'i yul can gyi shes pa yin la/ rjes su dpag pa ni tshul gsum pa'i rtags yin te/ 'dis rjes su dpag par byed pa'i phyir ro/ /ltag? ma ni snga ma bzhin no/ /des na 'di skad du/ gang gi phyir rjes su dpag par bya ba sgrub pa ni tshul gsum pa'i rtags la rag lus pa de'i phyir tshul gsum pa'i rtags kyi mtshan nyid kyi rjes su dpag pa bye brag tu rtogs par bya ba'i phyir rab tu byed pa 'di brtsam mo zhes bshad par 'gyur ro/ /de la gang gi tshe rjes su dpag pa rjes su dpag par bya ba'i yul can gyi shes pa la ni bar gzung ba de'i tshed bye brag tu rtogs pa ni tshul gsum ba'i rtags la rags lus pa yin pas tshul gsum pa'i rtags nyid sgrub pa'i phyir/ phyogs chos de'i chas zhes bya ba la sogs pa smos so/ /gang gi tshe tshul gsum pa'i rtags rjes su dpag pa'i sgrar brjod pa de'i tshe yang dngos su rtags nyid bye brag gi rtogs par bya bar rigs par gyur pas de nyid bye brag tu rtogs par bya ba'i phyir/ phyogs chos de'i chas zhes bya ba la sogs pa smos so/ /tshigs su bcad pa 'dis rab tu byed pa'i lus mdza' dag bsdus nas ston par byed do/ /yan lag gi don ni 'brel pa las bdag nyid kyis ston par byed do/ /bsdus pa'i don ni brjod par bya ste/ gang zhig phyogs kyi chos yin la/ /de'i chas khyab pa de ni gtan tshigs yin no/ /de yang med na mi 'byung ba ma gtogs pa med pa'i phyir/ rang bzhin dang/ 'bras bu dang/ mi dmigs pa'i bye brag gis rnam pa gsum kho na yin no/ /gtan tshigs gsum po la ma gtogs pa gzhan ni gtan tshigs ltar snang? bdag yin no/ /mdo las phyogs kyi chos ni gtan tshigs so zhes bshad pa de la/ gal te spyi phyogs yin par bzung na mi de'i tshe gtan tshigs ma grub par 'gyur ba 'am/ grub na yang rjes su dpag pa don med par 'gyur ro snyam du sems pa la/ phyogs ni chos can te zhes bya ba smos te/ 'dir chos can phyogs kyi sgrar bshad kyi skyi ni ma yin no snyam du dgongs pa'o/ /de'i phyir chos can gyi chos gtan tshigs yin par bshad par 'gyur ro/ /ci'i phyir chos can 'ba' zhig la phyogs zhes bya snyam pa la de'i phyir/ yan lag la spyi nye bar btags pa'i phyir ro zhes bya ba smos te/ phyogs zhes bya ba spyi la yan lag gnyis yod de/ chos dang chos can no/ /de bas na 'di na chos can tsam 'ba' zhig la spyi te bar btags nas chos can la phyogs kyi sgrar bshad do/ /klan ka'i bsam pas dgos pa med pa'i phyir/ zhes bya ba la sogs pa smos te/ dngos su bstan du rung pa la ni dgos pa med par nye bar gdags su mi rung ste/ de bas na chos can 'ba' zhig la phyogs zhes brjod par mi bya'o zhe na/ nye bar gdags par bya ba'i dgos pa bstan pa'i phyir ma yin te/ nye bar gdags pa ni chos can gyi chos thams cad ces bya ba la sogs pa smos te/ chos can gyi chos gtan tshigs su brjod pa na chos can gang yang rung ba thams cad kyi chos kyang gtan tshigs su 'gyur te/ de'i phyir chos can mi 'dod pa'i chos gang yin pa de gtan tshigs nyid du 'gyur du 'ong bas nye bar gdags par bya'o/ /nye bar btags pa byas na nye bar gdags su rung ba'i chos can gang yin pa de'i gtan tshigs nyid yin par 'gyur ro/ /nye bar gdags su rung ba'i chos can yang spyi'i phyogs gcig tu gyur pa gang yin pa ste/ 'di ltar phyogs gcig yin pa'i phyir nye bar gdags pa byas na thal bar mi 'gyur ro/ /de'i tshe mig gis bzung ba yin pa'i phyir ro zhes bya ba la sogs pa 'gal ba'i gzhis ma grub pa rnams kyang rgyu nyid du bkag pa yin no/ /sogs pa smos pas ni khra'i nag po nyid la sogs pa bsdu'o/ nye bar gdags pa gsal bar bya ba'i bsam pas gal te chos ni gzhan la brten pa yin pas chos brjod pas kyang zhes bya ba la sogs pa smos te/ gal te chos can gyi chos yin par brjod na chos can thams cad kyi chos gtan tshigs nyid du 'gyur bas de'i tshe chos can no kho na smos par mi bya'o/ /chos brjod pa kho nas ni chos can du yang 'gyur ro/ /kyang zhes bya ba'i sgras ni chos can du 'gyur ba 'ba' zhig tu ma zad kyi chos smos pas kyang 'gyur ro zhes de skad du ston par byed de/ /'di ltar chos gzhan la brten pa gzhan la rag lus pa'i khyad par du gyur pa de yod phan chad gdon mi za bar chos can 'phen par byed na de la chos can smos pas ci zhig / bya/ brten par bya ba ni rten te/ chos can brten par bya ba ni rten chos can no/ /de 'grub pa ni rten chos can 'grub pa'o/ /yang na rten du gyur pa chos can 'grub pa ni rten chos can 'grub pa'o/ /de ltar chos can grub pa dang chos can zhes smos par bya ba gang yin pa des ni sgrub pa'i chos can yongs su bsdus par 'gyur ro/ /de lta bas na nye bar gdags pa ni don med pa yin no/ /de la gal te bshad pa'i tshul gyis ni chos can smos pa'i shugs kyis chos can thams cad sel du zin kyang chos can gang yang rung ba 'ga' zhig yongs su bsdus par 'gyur gyi/ bsgrub par bya ba'i chos 'grub par 'gyur ba la 'di go ga las shes te snyam du sems par 'gyur bas de'i phyir nye ba yin pa'i phyir zhes bya ba smos te/ nye ba dang lhan cig pa'i chos can smos pas bsgrub par bya ba'i chos can yongs su bsdus pa yin no snyam du bsams pa'o/ /'dir nye ba ni blo la snang ba'am yang na bsgrub par bya dgos pa'o/ /kyang zhes bya ba'i sgras ni nye bar gdags pas bsgrub par bya ba'i chos can 'grub par 'gyur ba 'ba' zhig tu ma zad kyi/ 'o na ji lta bu zhe na/ chos can smos pas kyang 'grub par 'gyur ro zhes de skad du ston par byed pa'am/ yang na kyang zhes bya ba'i sgra'i don ni chos can smos pas 'grub pa 'ba' zhig tu ma zad kyi/ nye ba dang lhan cig pa'i chos smos pas kyang bsgrub par bya ba'i chos can 'grub par 'gyur ro zhes bya ba ni phyogs snga ma yin no/ /de la re zhig 'dir chos can smos pa gzhan dag 'khrul par 'gyur bar bsgrubs pa dang/ grub pa'i mdza' smra bas kyang nye ba 'khrul par bstan pa'i phyir/ dpe'i chos can yang zhes bya ba la sogs pa smos te/ dpe'i chos can yang nye ba yin te/ de yang blo la bsgrub par bya ba nyid du snang la/ bsgrub par bya ba'i skabs kyang yin pas de'i phyir the tshom du gyur na gcig tu bsgrub par bya ba'i chos can yin par lta gal zhig 'brug yang pha rol pos de'i chas khyab pas zhes bya ba la sogs pa smos te/ gal te 'dir dpe'i chos can yin par 'dod par gyur na ni de'i tshe chos can gyi chos zhes smos smos pa'i don dpe'i chos can la yod pa gang yin pa de gtan tshigs yin no zhes bya ba 'dir 'gyur ba zhig na dpe'i chos can la gtan tshigs yod pa de yang de'i chas khyab pa zhes smos pa kho nas 'grub bo/ /de'i phyir lhag mas ni chos can gyi chos zhes smos pa bsgrub pa'i bya ba'i chos can yongs su bsdu ba'i don yin par 'gyur te/ khyab pa yid ches par bya ba'i phyir de'i chas khyab pa zhes bya ba yang gdon mi za bar brjod par bya dgos so/ /de brjod na de kho nas yod par 'grub ste/ dpe la gtan tshigs byed na de'i chas khyab pa mi 'thad do/ /gal te chos can zhes bya ba ma smos na de'i tshe de'i chas khyab pa zhes bya ba'i sgra gang la snyegs zhe na/ de ni nyes pa med de/ sngar chos smos kyang chos can kho nar 'gyur ro zhes bshad zin to/ /de lta bas na de zhes bya ba'i sgra ni chos smos pas nye bar bzhag pa'i chos la bsnyegs par 'gyur ro zhes bya ba ni phyogs snga ma yin no/ /grub pa'i mdza' smra bas grub kyang nges par bya ba'i phyir yang smos su dogs par 'gyur te zhes bya ba la sogs pa smos te/ grub kyang nges par bya ba'i phyir yang smos pa yang mthong bas de gcig tu bsgrub par bya ba'i chos can yin par lta ga? la zhig 'grub nges pa yin par dogs pa de nyid dpe dang bcas par bstan pa'i phyir/ mthun pa la yod pa kho nas zhes bya ba la sogs pa smos te/ dper na mthun pa'i phyogs la yod ces bya ba'i tshig 'di nyid kyis mi mthun pa'i phyogs la gtan tshigs log pa grub bo/ /mi mthun pa'i phyogs las gtan tshigs log pa grub mod kyi bsgrub par bya ba med pa la gtan tshigs med do zhes smos pa gang yin pa de ni 'di ltar gtan tshigs ni med pa kho na las log pa yin gyi/ gzhan pa las kyang ma yin la/ 'gal ba las kyang ma yin no zhes nges par bya ba'i phyir rnam par bshad pa yin pa de bzhin du 'dir yang de'i chos khyab pa zhes smos pas dpe'i chos can la gtan tshigs yod par grub mod kyi/ chos can gyi chos zhes smos pa gang yin pa de ni dpe'i chos can gyi chos gang yin pa de gtan tshigs kho na yin no zhes nges par bya ba'i ched yin no snyam du dogs par 'gyur ro/ /de bas na da ltar nges par bya ba yin par dogs pa bzlog pa'i phyir nye bar gdags par bya'o zhes bya bar gnas so/ /'di nyid la gtan tshigs de lta bas na shugs kyis zhes bya ba la sogs pa smos te/ nye ba'i mtshan nyid kyi shugs bshad pa gang yin pa'i shugs des bsgrub par bya ba'i chos can yin par rtogs par 'gyur mod kyi/ 'on kyang bsgrub dka' bar 'gyur la/ de yang nye bar gdags pa tsam yi ge mnyam pa yongs su spangs pa yin no/ /yang zhes bya ba'i sgra ni 'thad pa gzhan bsdu pa'i don te/ nges par bya ba yin par dogs pa yongs su spangs pa yin par 'ba' zhig tu ma zad kyi/ sgrub dka' ba yang yongs su spangs pa yin no zhes bya ba'i tha tshig go /yang na 'dir gtso bo yin pa'i phyir dang/ sems la gzhag pa yin pa'i phyir dang/ bsgrub par bya ba dang/ nges par bya bar gnyi ga srid pa las bsgrub par bya ba stobs dang ldan pa'i phyir bsgrub par bya ba'i chos can kho na yongs su bsdus par 'gyur gyi/ dpe'i chos can ni yongs su mi sdud pa yin nam/ de lta bas na nye bar gdags pa mi bya'o zhes bya ba yin la dogs par bya ste/ de'i phyir/ de lta bas na shugs kyis zhes bya ba la sogs pa smos te/ gtso bo yin pa la sogs pa'i shugs bshad pa gang yin pa'i shugs des bsgrub par bya ba'i chos can gyi mtshan nyid kyi don yin par rtogs par 'gyur mod kyi/ 'on kyang shugs 'dis bsgrub pa sgrub dka' bar 'gyur la/ de'i nye bar gdags pa tsam yi ge mnyam pas yongs su spangs pa yin no/ /yang zhes bya ba'i sgra'i don ni sgrub par byed pa'i dka' ba yang yongs su spangs pa yin no zhes bya ba'i tha tshig go / phyogs kyi chos dpyad pa 'dir dbang phyug sde zhes bya ba phyogs snga ma smra ba des slob dpon phyogs kyi blang po la klan ka btsal ba la bstan bcos mdzad pa gzu bor gyur pa 'dis lan btab po zhes grag go /de lta bas na phyogs zhes bya ba'i sgra ni 'dir nye bar btags pa yin no zhes bya bar gnas so/ /phyogs kyi chos zhes bya ba 'di la bsdu ba du ma'i dogs pa yod pas 'dod pa'i bsdus brjod par 'dod pa la klan ka'i bsam pas/ gal te phyogs kyi chos nyid yin na zhes bya ba la sogs pa smos te/ phyogs kyi chos yin pas phyogs kyi chos so zhes drug pa'i bsdu pa yin no/ /'dir phyogs kyi sgras ni chos khyad par du byed do/ /de lta bas na phyogs kyi khyad par la bltos pa'i chos lta zhig gzhan du 'jug par ga la 'gyur/ de zhes bya ba'i sgra ni 'dir phyogs dang sbyar ro/ /phyogs de'i khyad par la bltos pas na de'i khyad par la bltos pa ste/ gang zhig phyogs kyis khyad par du byed pa de ni phyogs kho na la yod kyi gzhan la ni med do/ /de lta bas na de gzhan du 'jug par lta bas 'gyur/ yang 'di la phyogs kyi chos yod pas phyogs kyis chos so// zhes 'bru mang po dang/ 'di ni phyogs kyang yin la chos kyang yin pas phyogs kyis chos so zhes las kyi gzhi dang/ phyogs dang chos yin pas phyogs kyis chos so zhes zlas dbye ba dang/ bsdu ba bum zhig 'thad na/ 'dir ji ltar na drug pa'i bsdu ba yin zhe na/ smras pa/ phyogs zhes bya ba'i sgra ni 'dir chos can yin par bzhed do/ /de yang chos can gyi rang gi ngo bo yongs su ma bor na gang gi chos su yang mi 'gyur bas 'bru mang po ba bsal ba yin no/ /de nyid kyi las kyi bzhi yang med de/ chos can gyi ngo bo yongs su ma bor na chos su mi 'gyur ro/ /zlas dbye ba yang gal te phan tshun ldan pa yin na ni de'i tshe gnyis kyi tshig tu bya dgos so/ /'on te gcig tu bsdu ba yin na ni de'i tshe phyogs kyi chos zhes bya ba ma ning gi rtags su bya dgos so/ /de dag la ma gtogs pa ni drug pa'i bsdu ba yin na/ de la yang klan ka yod pas phyogs snga ma'i dogs pas grub pa'i mdza' smra bas ma yin te/ ma 'brel pa rnam par bcad pas bye brag tu byas pa'i phyir zhes bya ba smos te/ 'dir ni ma 'brel ba rnam par gcod par byed pa yin te/ de lta bas na ma 'brel pa rnam par bcad pa bye brag tu byas pa'i phyir ji skad bshad pa'i nyes par thal bar mi 'gyur ro/ /'dir ma 'brel pa'i sgra ni mi srid pa yin par bshad do/ /des na 'di skad du sgra la byas pa nyid yod kyi/ sgra'i chos byas pa nyid kho na med pa 'ang ma yin la/ chos ma yin pa yang ma yin no zhes bshad par 'gyur ro/ /'dir dper/ dper na nag pa gzhu thogs so zhes bya ba lta bu yin gyi zhes bya ba smos so/ /'dir nag pa'i zhu thogs pa kho na'o zhes gzhu thogs pa ma yin pa nyid 'gog pa yin gyi/ nag pa kho na gzhu thogs so zhes bya ba ni ma yin no/ /re zhig de ltar 'dod pa'i nges par gzung ba bstan pa yin no/ /mi 'dod pa'i nges par gzung ba bsal bar bya ba'i phyir/ gzhan dang 'brel pa rnam par bcad pas ni ma yin no zhes bya ba la sogs pa smos te/ gzhan dag dang 'brel pa ni gzhan dang 'brel pa ste/ phyogs kyi chos zhes bya ba 'dir ma 'brel pa rnam par gcod par byed pa yin gyi/ gzhan dang 'brel pa gcod pa ni ma yin no/ /de lta bas na tshig gi don ni phyogs kyi chos kho na yin gyi / phyogs kho na'i chos ni ma yin no zhes bya ba 'di yin no/ /dper na brgya byin gyi bu gzhu thogs pa lta bu'o zhes bya ba smos te/ 'dir brgya byin gyi bu kho na gzhu thogs so zhes gzhu thogs pa phul du byung ba gzhan dag sel bar byed pa yin no/ /gang gis na la lar ni ma 'brel ba rnam par bcad pas nges par gzung bar 'dod la/ la lar ni gzhan dang 'brel pa rnam par bcad pas nges par gzung bar 'dod pa'i 'dod rgyal 'di ga las smras pa/ gang du ci yod dam med ces chos kyi rang gi ngo bo la the tshom za ba der gang gi tshe yod par sgrub par byed pa de'i tshe med pa rnam par bcad par rigs par gyur pa yin no/ /de nyid ma 'brel pa rnam par bcad pa zhes bya ste/ 'di ltar ci nag pa gzhu thogs sam/ 'on te mi thogs zhes nag pa gzhu thogs pa nyid la the tshom za ba der nag pa gzhu thogs so zhes smras na/ gzhu thogs pa nyid mi srid pa nyid rnam par gcod pa yin la/ gang du chos kyi rang gi ngo bo grub la/ gzhan la phul du byung ba yod dam med pa the tshom zos nas med pa sgrub par byed pa'i sgra sbyor bar byed pa der ni gzhan dag dang 'brel pa rnam par gcod par byed pa yin te/ 'di ltar brgya byin gyi bu gzhu thogs pa kho nar grub la/ ci de dang 'dra ba gzhan la yod dam/ 'on te med ces the tshom za ba la brgya byin gyi bu gzhu thogs so zhes smos na/ gzhan dang 'brel pa rnam par gcod par byed pa yin no/ /de bzhin du gang gi tshe sgra la sogs pa chos can la byas pa nyid la sogs pa'i chos ci yod dam med ces the tshom za ba de'i tshe phyogs kyi chos bsgrub par byed pa'i sgras ma 'brel pa kho na rnam par bcad par bya ba yin gyi/ gzhan dang 'brel pa rnam par bcad par bya ba ni ma yin no/ /re zhig de ltar phyogs kyi chos skyon mdza' dag spangs te gzhung gtsugs pa yin no/ /yan lag gzhan bshad par bzhed nas/ /de'i cha ni de'i chos so zhes bya ba smos te/ de zhes bya ba'i sgras ni phyogs yongs su gzung ngo/ /gtso bo yin pa'i phyir dang/ 'das ma thag pa yin pa'i phyir chos la snyegs par rigs mod kyi/ 'on kyang mi srid pa'i phyir phyogs kho na sbyar te/ 'di ltar chos la ni chos gzhan yod pa ma yin no/ /cha zhes bya ba'i tshig ni chos kyi tshig tu brjod de/ 'di ltar phyogs zhes bya ba'i sgra ni 'dir chos can kho na yin par brjod do/ /de lta bas na cha zhes bya ba'i sgra yan lag gi tshig tu ga la 'gyur/ khyab pa'i rang gi ngo bo bstan par bzhed nas/ khyab pa ni de la khyab par byed pa yod pa kho na 'am zhes bya ba la sogs pa smos te/ chub ba ni khyab pa ste/ zin zhes bya ba'i tha tshig gi/ de yang res 'ga' ni khyab par byed pa'i chos yin par brjod par bzhed la/ res 'ga' ni khyab par bya ba'i chos yin par brjod par bzhed de/ gang gi tshe khyab par byed pa'i chos yin pa de'i tshe ni gtan tshigs de la bsgrub par bya ba'i chos yod pa kho na khyab pa yin te/ gdon mi za bar de yod pa khyab pa'i sgrar brjod par bya'o zhes bya ba'i tha tshig go/ de lta ma yin na 'dod pa'i khyab pa kho na mi srid do/ /gal te de la khyab par byed pa kho na yod do zhes de skad du nges par bzung na/ de'i tshe mi srid pa can gyi mtshan nyid du 'gyur te/ gang zhig bsgrub par bya ba'i chos 'ba' zhig gis khyab pa de lta bu'i chos de ni 'ga' yang med do/ /'on te de kho na la khyab par byed pa yod do zhes nges par bzung ngo zhe na ni/ de'i tshe mthun pa'i phyogs gcig la 'jug pa brtsal ma thag tu 'byung ba la sogs pa gtan tshigs nyid du mi 'gyur te/ mi rtag pa ni brtsal ma thag tu 'byung ba dag kho na la yod pa ma yin gyi/ glog la yang yod pa'i phyir/ /gzhal bya la sogs pa thun mong yang gtan tshigs nyid du thal bar 'gyur te/ 'di ltar rtag pa nyid ni gzhal bya kho na dag la yod do/ /gang gi tshe khyab par bya ba'i chos yin par brjod bar bzhed pa de'i tshe ni de la khyab par bya ba yod pa kho na la khyab pa yin pas bsgrub par bya ba'i chos dang ldan pa dag la gtan tshigs yod pa kho na khyab pa yin te/ bsgrub par bya ba'i chos med pa'i gtan tshigs ni med do zhes bya ba'i tha tshig go/ de lta ma yin na 'dod pa'i khyab pa mi srid do/ /'dir yang gal te de la khyab par bya ba kho na yod do zhes nges par gzung na ni de'i tshe mi srid pa can gyi mtshan nyid du 'gyur te/ bsgrub par bya ba'i chos dang ldan pa gang dag la gtan tshigs 'ba' zhig yod pa ni 'ga' yang med do/ /'on te de kho na la khyab par bya ba yod do zhes nges par gzung bar bya'o zhe na ni/ de'i tshe mthun pa'i phyogs gcig la 'jug pa gtan tshigs nyid du mi 'gyur te/ mi rtag pa dag la brtsal ma thag tu 'byung ba yod par gdon mi za ba yin te/ glog la med pa'i phyir ro/ /thun mong yang gtan tshigs su 'gyur te/ 'di ltar rtag pa dag la ni gzhal bya nyid yod par gdon mi za ba ma yin no/ /khyab pa khyab par bya ba dang khyab par byed pa'i ngo bo'i chos su brjod pa ni ldan pa bzhin du gnyi ga'i rnam pa gcig tu rtogs par 'gyur du 'ong ba rab tu bstan pa'i phyir te/ 'di ltar gang dag ldan pa la sogs pa'i 'brel pa bsgrub par bya ba 'grub pa'i rgyu mtshan du 'dod pa de dag ni bsgrub par bya ba dang/ bsgrub pa'i chos dag gi 'brel pa rten nyid du tha mi dad cing rnam pa gcig par rtogs so/ /'dir ni khyab par byed pa la bltos nas ni ma 'brel ba rnam par bcad bas khyab pa yin la/ khyab par bya ba la bltos na ni gzhan dang 'brel pa rnam par bcad pas 'brel pa yin pas 'brel pa rnam pa tha dad par rtogs so/ /re zhig de ltar khyab pa gnyi gar bstan to/ /de la 'di snyam du khyab pa ni rjes su 'gro ba dang ldog pa nges pa la rag lus pa yin pas/ de'i phyir dang por de gnyis kho na gtan la dbab pa brjod par bya dgos so zhes sems par 'gyur ba de'i phyir/ 'dis rjes su 'gro ba'am/ ldog pa zhes bya ba la sogs pa smos te/ khyab pa gtan la dbab pa brjod pa kho nas rjes su 'gro ba dang ldog pa dag rang gi tshad ma ji lta ba ste/ bdag nyid kyi tshad ma ji lta bus nges par bshad par rig par bya'o/ /'am zhes bya ba'i sgra ni rjes su 'gro ba dang ldog pa dag las gcig gis kyang khyab pa yang dag par ston nus par shes par bya ba'i phyir ro/ /phyogs kyi chos nges pa ni rjes su 'gro ba dang ldog pa nges pa'i skabs kyis blta bar bya'i/ /khyab pa smos pas ni ma yin no/ /phyogs kyi chos phyis smos pa ni sbyor ba'i rim pa gtso bo ma yin par bstan pa'i phyir ro/ /dang zhes bya ba'i sgra ni bsdu ba'i don to/ /ji ltar na rjes su 'gro ba dang ldog pa nges pas khyab pa 'phen par byed snyam pas/ gtan tshigs thams cad la zhes bya ba la sogs pa smos te/ gal te gtan tshigs thams cad la bsgrub par bya ba'i chos med par gyur na de'i tshe khyab pa yang mi srid pa kho nar 'gyur te/ de lta bas na khyab pa ni rjes su 'gro ba la rag lus pa yin no/ /khyab par byed pa log na yang ldog pa nges pa yin no/ /de lta bas na gang zhig log na nges par ldog par 'gyur ba de la ni/ de'i khyab par byed pa yin par 'grub par khyab pa ni ldog pa la rag lus pa yin no/ /mjug bsdus te bstan par bya ba'i phyir/ rjes su 'gro ba dang ldog pa nges pa dag gis ni zhes bya ba la sogs pa smos te/ gang gi phyir de ltar bshad pa'i rnam pas na rjes su 'gro ba dang ldog pa dag yod na khyab pa srid pa de'i phyir rjes su 'gro ba dang ldog pa nges bdag gis khyab pa nges pa yin gyi/ gzhan du ni ma yin no/ /gang gi phyir de ltar de dag nges pa'i khyab pa nges pa la rag lus pa de'i phyir gang du khyab pa bstan pa der de gnyis nges ba yang 'phangs par rig par bya ba ste/ de ltar na khyab pas rjes su 'gro ba dang ldog pa nges pa dag 'phangs pa yin no/ /de gnyis ji ltar nges pa ni 'og nas sgrub ste /de lta na ni 'phen pa 'ba' zhig bsgrub par zad do/ /de la phyogs kyi chos nges pa bsgrub par bzhed nas/ de la bsgrub par bya ba'i chos can la zhes bya ba la sogs pa smos te/ chos can la phyogs kyi chos mngon sum mam rjes su dpag pa'i sgo nas rab tu grub pa gang yin pa de nyid 'di'i nges pa yin te/ rab tu grub pa dang shes pa zhes bya ba ni rnam grangs yin no/ /mngon sum gyi sgo nas rab tu grub pa bstan pa'i phyir dper na phyogs na du ba zhes bya ba smos te/ phyogs na ni du ba mngon sum gyi sgo nas grub bo/ /gang zhig du ba dang 'brel pa can gyi phyogs mngon sum du 'gyur b / kho na ma yin na/ ji ltar de na mngon sum gyi sgo nas du ba 'grub par 'gyur/ de lta bas na snang ba du ba kho na chos can yin par rigs te/ de la ni mngon sum gyis 'dzin pa srid do/ /de lta bas na sbyor ba ni du ba las na du ba 'di ni me dang bcas pa yin no zhes bya ba 'dir 'gyur ro snyam du sems pa'i rgol ba de la/ 'di skad du khyod kyi ltar na yang du ba'i rtsa ba me dang 'brel pa can gyi yan lag gang yin pa de nyid mi snang ba ma yin nam/ de lta bas na nyes pa mtshungs so zhes brgal zhing brtag par bya'o/ /de la 'di la? snyam du du ba'i yan lag can de yod pas de na nyes pa 'ga' yang med do snyam du sems na/ 'o na ni 'di na yang phyogs kyi yan lag can yod par 'gyur bas mtshungs so/ /phyogs kho na chos can nyid du rigs te/ 'di ltar 'jig rten na phyogs na me yod do zhes brjod kyi du ba me yod do zhes ni mi zer ro/ /rjes su dpag pa'i sgo nas rab tu grub pa bstan pa'i phyir/ sgra las byas pa nyid lta bu'o zhes bya ba smos te/ sgra la ni rkyen tha dad pas tha dad pa'i byas pa nyid rjes su dpag pa'i sgo nas grub po/ /mngon sum rtog pa med pa nyid yin na ji ltar des phyogs na du ba 'dzin/ 'di ltar phyogs 'di na du ba yod do zhes phyogs dang 'bral ba can du du ba bzung bar bya dgos na/ mngon sum rnam par rtog pa med pa ni rten dang brten pa'i dngos po mi 'dzin na/ de ji ltar na phyogs na du ba mngon sum gyi sgo nas rab tu grub snyam pa la/ du ba dang bcas pa zhes bya ba la sogs pa smos te/ du ba dang lhan cig 'jug pa ni du ba dang bcas pa ste/ du ba dang lhan cig pa zhes bya ba'i tha tshig go/ don gzhan gyi dben pa'i ngo bo can zhes bya ba ni snang ba'i phyogs las gzhan pa'i phyogs ni don gzhan no/ /gang la des dben zhing bral ba'i ngo bo yod pa de ni don gzhan gyis dben pa'i ngo bo can te /du ba med pa la sogs pa'i rang gi ngo bo dang gal ba'i rang gis ngo bo can zhes bya ba'i tha tshig go / thun mong ma yin pa'i bdag nyid du zhes bya ba ni du ba med pa dang/ de las gzhan pa'i du ba dang bcas pa'i phyogs dag las tha dad pa bdag nyid so sor nges pa'i ngo bor zhes bya ba'i tha tshig go/ mngon sum gyis mthong ba la zhes bya ba ni skyes bu gang gis ngo bo de lta bu mngon sum du mthong ba yin te/ mngon sum du mthong ba de la'o/ /ji ltar mthong ba tha dad pa'i yul can zhes bya ba ni ji ltar mthong ba'i don du ba dang bcas pa'i phyogs don gzhan las tha dad pa log pa'i mtshan nyid gang yin pa ste/ shes pa gang la yul de yod pa de ni ji ltar mthong ba tha dad pa'i yul can no/ /dran pa rtags shes pa zhes bya ba ni dran pa nyid dran pa yin no/ /rtags 'dzin pa'i shes pa ni rtags shes pa'o/ /des na 'di skad du mngon sum gyis mdun na bla 'og tu rnam par gnas pa'i dngos po gnyis ji ltar gnas pa'i rang gi ngo bo tsam de'i rnam pa skyes pa shes la / de'i 'og tu bla 'og gi dngos po gnyis rtogs par byed pa na/ gang gi phyogs na du ba yod do zhes bya ba de ltar rtogs par 'gyur ba gzung zin pa de mngon par brjod pa yod pa'i rnam par rtog pa skye bar 'gyur ro/ /de nyid kyi stobs kyis de'i ngo bo ma yin pa sel bar byed pa na/ gang gi 'di ni du ba med pa ma yin no zhes bya ba de ltar rtogs par 'gyur ba dgag pa'i rtogs pa skye bar 'gyur ro zhes bshad par 'gyur ro/ /de lta bas na de ltar mngon sum ni rnam par rtogs pa gnyis kyi rgyu yang yin la/ bdag nyid kyis kyang de'i rnam pa skyes pas de'i rang gi ngo bo yongs su 'dzin na/ de ji ltar phyogs na du ba yod pa'i 'brel pa yongs su gcod par mi 'gyur te/ 'di ltar 'brel pa 'dzin pa ni 'di na yod do zhes bya ba 'am/ 'di 'di'i yin no zhes bya bar yid ches pa gang yin pa de lta bu yin la/ de yang rnam par mi rtog bzhin du mngon sum la srid na ji ltar mi 'dzin ces bya ba ni bsdus pa'i don yin no/ /de ltar shes pa'i tshigs skyes pa la tshad ma nyid dpyad pa'i phyir/ de la dang po yul thun mong ma yin pa mthong ba gang yin pa kho na zhes bya ba la sogs pa smos te/ dang por yul thun mong ma yin pa mthong ba zhes bya ba gang yin pa de kho na 'dir tshad ma yin te/ 'di ltar de ni dngos po dang dngos su 'brel pa yin la/ de'i stobs kho nas rnam par rtogs pa skye'o/ /de lta bas na rtsa bar gyur pa'i phyir dang/ dngos po dang dngos su 'brel pa'i phyir de nyid tshad ma yin no/ /dran pa tshad ma nyid du dgag pa'i phyir/ de de ltar mthong nas zhes bya ba la sogs pa smos te/ du ba dang bcas pa'i phyogs de thun mong ma yin pa'i ngo bor mthong nas so/ /de lta bu'i phyogs de rnam pa gang dang gang gis thun mong ma yin pa ste/ du ba snang ba dang ldan pa'am/ yang na 'dod pa'i phyogs dang 'brel pa'am/ yang na gzhan gang yang rung ba'i rnam pas thun mong ma yin pa'o/ /du ba dang bcas pa'i phyogs de'i thun mong ma yin pa nyid don gzhan las log pa'i ngo bo mngon par brjod pa ni yang mngon du byed pa ste/ mngon sum gyi stobs kyis don gzhan las log pa'i yul can gyi dran pa skye ba gang yin pa de ni/ ji ltar yongs su mthong ba'i rnam par 'dzin pa'i phyir tshad mar mi 'dod do/ /de'i thun mong ma yin pa ni de'i thun mong ma yin pa'o/ /de las tha dad pa zhes bya ba ni/ de zhes bya ba'i sgras ni don gzhan yongs su gzung ngo/ /tha dad pa zhes bya ba'i sgras ni log pa gzung ngo/ /de la tha dad pa zhes bya ba 'dis ni thun mong ma yin pa nyid kho na ston to/ /de ma yin pa las log pa'i yul can zhes bya ba ni du ba dang bcas pa'i phyogs de nyid la de zhes bya ba'i sgrar brjod do/ /de ma yin pa ni de ma yin pa ste/ don gzhan zhes bya ba'i tha tshig go/ de las log pa ni de ma yin pa las log pa'o/ /gang la yul de ma yin pa las log pa yod pa de ni de ma yin pa las log pa'i yul can no/ /mngon sum gyis mthong ba'i rnam pa gang yin pa de ni ji ltar yongs su mthong ba'i rnam pa ste/ de lta bas na bzung zin pa 'dzin pa'i phyir tshad ma ma yin no snyam du bsams pa'o/ /rnam par rtogs pa ni ji ltar yongs su mthong ba'i rnam pa 'dzin pa yin no zhes bya ba 'di ga las snyam pa la/ sngar thun mong ma yin pa mthong nas zhes bya ba la sogs pa smos te/ mngon sum kho nas du ba d ang bcas pa'i phyogs de thun mong ma yin pa'i ngo bor yongs su bzung ba yin la mngon sum gyis bzung ba thun mong ma yin pa de nyid la de'i ngo bor mngon par brjod pas yang mngon du byed pa'i sngon ma rtogs pa'i don rtogs par bya ba med pas rnam par rtogs pa ni ji ltar yongs su mthong ba'i don 'dzin par byed pa yin te/ de lta bas na de ltar dran pa yin na ji ltar yongs su mthong ba'i don 'dzin pa'i phyir tshad ma nyid du dgag go/ dang zhes bya ba ni bsdu ba'i don te/ /spyi med na rnam par rtogs pas phyogs kyi chos ji ltar yongs su mthong ba'i rnam pas 'dzin pa'i phyir tshad ma ma yin pa 'ba' zhig tu ma zad kyi/ spyi yod du chug na yang don byed pa sgrub pa ma rtogs pa'i phyir tshad ma ma yin no zhes bsdu ba'i don to/ /da ni pha rol ngo spyi nyams su ma myong ba'i yul can yin pa'i phyir dran pa nyid du mi 'dod bzhin du tshad ma nyid dgag pa'i phyir/ don byed ba sgrub pa mthong zin pa'i phyir zhes bya ba la sogs pa smos te/ 'di la don bya ba byed pa'i dngos po gang yin pa de ni mngon sum kho nas mthong zin pa yin no/ /de mthong nas phyis rnam par rtogs pa 'jug pa gang yin pa des ni dor bya ba byed pa'i dngos po ma mthong ba cung zad kyang rtogs pa med do/ /'dir rjes su dpag pa ni chos mi mthun pa'i dpe yin te/ ji ltar rjes su dpag pas don bya ba byed pa'i dngos po ma mthong ba rtogs pa ltar rnam par rtog pa ni/ de lta ma yin no snyam du dgongs pa'o/ /de lta bas na rnam par rtog pa ni don bya ba byed pa'i dngos po ma mthong ba rtogs pas med pa'i phyir tshad ma ma yin no/ /don gyi bya ba ni don byed pa'o/ /don ni dgos pa'o/ /byed pa ni sgrub pa'o// don byed pa'i sgrub pa ni don byed sgrub pa'o/ /don sgrub pa zhes bya ba ni 'dir/ de zhes bya ba'i sgra ni don byed pa dang sbyar ro/ /yang zhes bya ba'i don ni phyis zhes bya ba'i don te/ /de lta bas na don ma rtogs pa rtogs par byed pa ni tshad ma yin no zhes bya bar gnas so/ /de la 'di snyam du don byed pa ma rtogs pa yongs su gcod pa ni tshad ma yin gyi/ spyi ni ma yin no zhes bya ba 'di ni rang gi lugs brjod par zad do snyam du sems par 'gyur bas de'i phyir/ don byed pa don du gnyer ba rtogs pa dang ldan pa thams cad ni zhes bya ba la sogs pa smos te/ gang la la rtog pa sngon du gtong ba la de thams cad ni don byed pa don du gnyer ba ni tshad ma 'am tshad ma ma yin pa tshol te/ rtog pa sngon du gtong ba rnams ni bslus par gyur na mi rung ngo snyam nas tshad ma ma yin pa yang tshol bar byed do/ /yang na 'di ni 'jig rten pa'i tshig gi lugs dang mthun par brjod par zad de/ 'jig rten ni phal cher rnam par rtog pa dang bcas pas lhas byin gyis byas so/ /yang na gzhan gyis byas so zhes bya ba de lta bu la sogs pa smra'o/ /rtog pa dang ldan pa zhes bya ba ni blo sngon du gtong ba'o/ /de la 'di la snyam du spyi yang don bya ba byed pa yin no/ /de bas na spyi de 'dzin par byed pa'i shes pa yang tshad ma yin no snyam du sems par 'gyur bas de'i phyir/ spyi ni don byed pa cung zad kyang mi nus te zhes bya ba smos te/ spyi ni don bya ba byed cung zad kyang mi nus na ji ltar de'i yul can gyi shes pa tshad ma nyid du 'gyur/ spyi ji lta bu zhig don bya ba byed pa ma yin zhe na/ de'i phyis rang gi mtshan nyid rtogs pa'i 'og tu zhes bya ba la sogs pa smos te/ rang gi mtshan nyid rtogs pa ni mngon sum gyi rkyen no/ /de'i stobs kyis phyis rnam par rtogs pa'i shes pa skye ba gang yin pa des bzung pa'i phyi gang yin pa de ni cung zad kyang mi byed do snyam du dgongs pa'o/ /'di nyid la dper/ dper na sngon po mthong nas zhes bya ba la sogs pa smos te/ dper na mngon sum gyis sngon po mthong nas phyis 'di snyam du 'di ni sngon po'o snyam du rnam par rtog pa'i shes pa skye ba gang yin pa de la snang ba'i spyi gang yin pas ni cung zad kyang mi byed pa yin no/ /rnam par rtogs pa'i shes pa'i gzung ba spyi don bya ba byed pa ma yin no zhes bya ba 'di ga las snyam pa la/ sngon po'i rang gi mtshan nyid de nyid ces bya ba la sogs pa smos te/ sngon po'i rang gi mtshan nyid kyi ngo bo gang yin pa de kho nas sngon pos sgrub par bya ba'i don gyi bya ba byed kyi/ spyis ni ma yin no/ /de lta bus bsgrub par bya ba ste/ 'di ni de lta bus bsgrub par bya ba yang yin la/ don bya ba yang yin pas zhes bsdu'o/ /'di ni de byed pa'i ngang tshul can yin pas/ de lta bus bsgrub par bya ba don bya ba byed pa yin te/ rang gi mtshan nyid do/ /de lta bu zhes bya ba'i sgra ni sngon po la bya'o/ /de la 'di snyam du sngon pa'i rang gi mtshan nyid ma mthong ba de nyid rnam par rtog pas shes par 'gyur ro snyam du sems par 'gyur bas de'i phyir/ de yang de'i bdag nyid du zhes bya ba la sogs pa smos te/ sngon po'i rang gi mtshan nyid de yang sngon po'i don bya ba byed pa'i bdag nyid du mngon sum kho nas mthong nas de la rnam par rtog pas ci zhig byed pa 'gyur/ de la 'di snyam du sngon po'i rang gi mtshan nyid kyang don gyi bya ba byed la sngon po'i spyi yang bya ba byed par gyur na yang gnod pa ci yod snyam du sems par 'gyur bas de'i phyir/ de'i rang gi mtshan nyid gzung pa'i 'og tu zhes bya ba la sogs pa smos te/ rang gi mtshan nyid 'dzin pa ni mngon sum gyi rkyen no/ /de'i 'og tu 'byung ba sngon par rnam par rtogs pa gang yin pa de'i yul gyis ni sngon pos bsgrub par bya ba gos kha dog bsgyur ba la sogs pa'i don bya ba sgrub par mi byed de/ 'di ltar spyi ni rtag pa 'am btags pa zhig yin par khas blangs grang na/ rtag pa ni shes pa'i ngo bo tsam gyi don byed pa yang mi 'thad de/ 'di ltar lhan cig byed pa la mi bltos pa'i phyir de'i 'bras bu dus thams cad du 'byung bar 'gyur ro/ /de lta bas na shes pa gcig pu kho na rtogs par byed pa yin par 'gyur gyi/ shes pa gzhan gyi go skabs kyang med pa kho nar 'gyur te/ bya ba gzhan dag la yang de bzhin du brjod par bya'o/ /spyi btags pa zhig yin na yang dngos po'i rang gi ngo bo ma yin pa'i phyir don byed nus pa ma yin no/ /de ltar don byed pa ma rtogs pa'i yul can gyi shes pa tshad ma nyid du bsgrubs nas/ mjug bsdu ba'i phyir/ de lta bas na don ma rtogs pa'i yul can tshad ma yin zhes bya ba la yang zhes bya ba la sogs pa smos te/ gang gi phyir de ltar don bya ba byed pa'i dngos po ma rtog pa'i yul can gyi shes pa tshad ma nyid yin la/ spyi ni don bya ba byed pa ma yin pa de'i phyir don ma rtogs par byed pa tshad ma yin no zhes de skad du brjod par byed pas kyang/ rang gi mtshan nyid ma rtogs pa zhes khyad par du bya dgos te/ rang gi mtshan nyid ma rtogs pa rtogs par byed pa ni tshad ma yin no zhes brjod par bya dgos so snyam du dgongs pa'o/ /de ltar re zhig rang gi mtshan nyid ma rtogs pa rtogs pa'i rgyu mthong pa tshad ma nyid du bsgrubs nas/ de'i stobs kyis 'byung ba ni dran pa nyid yin pa dang/ tshad ma nyid ma yin par sgrub pa'i phyir/ rang gi mtshan nyid rtogs nas zhes bya ba la sogs pa smos te/ mngon sum gyis rang gi mtshan nyid rtogs nas phyis mngon sum gyi mthu las skye ba mngon sum dang mthun par byed pa'i rnam par rtogs pa gang yin pa de ni bya ba'i sgo nas de'i yul can yin pa'i phyir dran pa kho na yin par rigs kyi tshad ma ni yin no/ /de'i mthu ni de'i mthu ste/ de zhes bya ba'i sgra ni rang gi mtshan nyid rtogs pa dang sbyar ste/ 'di la de'i mthu las skyes pa yod pas zhes tshig rnam par sbyar ro/ /'di ni de dang mthun par byed pa'i ngang tshul can yin pas de dang mthun par byed pa'o/ /de zhes bya ba'i sgra ni rang gi mtshan nyid la bya ste/ gsal bar mi snang yang brgyud pa'i sgo nas rang gi mtshan nyid kho na dang mthun par byed ces bya ba'i tha tshig go /yang na de zhes bya ba'i sgra ni mngon sum dang sbyar ro/ /bya ba'i sgo nas de'i yul can yin pa'i phyir zhes bya ba ni 'bras bu'i sgo nas rnam par rtogs pa rang gi mtshan nyid kyi yul can yin gyi/ don dam par ni ma yin te/ 'di ltar rnam par rtog pa thams cad ni dngos su na yul med pa kho na yin na/ de dag ji ltar rang gi mtshan nyid kyi yul can du 'gyur/ bya ba ni 'dir rang gi mtshan nyid la lhag par zhen pa yin te/ 'di ltar rang gi mtshan nyid gang yin pa dang/ mngon sum la snang ba gang yin pa dang/ rnam par rtog pa la snang ba gang yin pa de thams cad 'dra ba'i phyir rnam par rtog pas gcig pa nyid du mngon par zhen par byed do/ /yang na bya ba ni 'dir ji ltar yongs su mthar ba'i yul la ma gtags pa'i yul 'dzin pa med pa yin par blta bar bya ste/ gang gi tshe bya ba'i sgo nas rang gi mtshan nyid kyi yul can yin pa de'i tshe nyams su myong zin pa'i yul can yin pa'i phyir dran pa kho na yin gyi/ tshad ma ni ma yin no/ rnam par rtog pa nyams su myong zin pa'i yul can yin pa'i phyir dran pa nyid du chug na yang/ ci'i phyir bya ba'i sgo nas rang gi mtshan nyid kyi yul can yin pa'i phyir tshad ma nyid ma yin snyam pa la de'i phyir/ dngos po'i ngo bo ma rtogs pa rtogs pa med pa'i phyir ro zhes bya ba smos te/ rnam par rtag pa bya ba'i sgo nas rang gi mtshan nyid kyi yul can yin du zan kyang rang gi mtshan nyid ma rtogs pa rtogs pa med pa'i phyir tshad mar mi 'dod do/ /de ltar na don byed pa don du gnyer ba rnams ni tshad ma chol? ba'i phyir dngos po don byed nus pa'i yul can gyi shes pa na tshad ma nyid yin na zhes bya bar grub bo/ /don byed pa don du gnyer ba rnams lta zhig tshad ma 'am tshad ma yin pa chol du zad mod/ /don byed pa sgrub pa'i yul can gyi shes pa kho na tshad ma yin no zhes bya ba 'di ga las zhe na/ tshad ma rnam par bzhag pa ni dngos po la brten pa can nyid yin pa'i phyir ro zhes bya ba smos te/ tshad ma rnam par bzhag pa ni rang gi mtshan nyid la rag las pa yin te/ 'di ltar dngos po mi bslu ba'i shes pa gang yin pa de tshad ma'o zhes bya par rnam par gzhag go / gang la dngos po la brten pa yod pa de ni dngos po la brten pa can no/ /de'i ngo bo ni nyid de dngos po la brten pa nyid yin pa de'i phyir ro/ /brten pa dang rag lus pa rag gnas zhes bya ba ni rnam grangs yin no/ /dngos po la brten pa can tshad mar rnam par bzhag go zhes bya ba 'di ga las zhe na/ de'i don du 'jug pa ni don byed par rung ba'i yul can nyid yin pa'i phyir ro zhes bya ba smos te/ gang gi phyir don byed pa don du gnyer ba rnams dngos po don byed par rung ba la 'jug pa de'i phyir tshad ma ni dngos po la rag lus pa zhes tha snyad gang gis so/ /don bya bar rung ba ni don byed par rung ba'o/ /'jug pa gang la yul de yod pa de ni don byed par rung ba'i yul can yin no/ /de'i ngo bo ni de nyid de don byed par rung ba'i yul can nyid yin pa de'i phyir ro/ /gal te de don du gnyer ba rnams don byed par rung ba la 'jug tu zin kyang ji ltar dngos po la brten pa can tshad mar rnam par bzhag snyam pa la/ de'i phyir/ dngos po ni don byed par rung ba'i mtshan nyid can nyid yin pa'i phyir ro zhes bya ba smos te/ gal te don byed pa don du gnyer ba rnams don byed par rung ba la 'jug na/ 'o na ni de dag dngos po kho na la zhugs pa yin te/ 'di ltar don byed par rung ba ni dngos po kho na yin no/ /'di la don byed par rung ba nyid kyi mtshan nyid yod pas zhes tshig rnam par sbyar ro/ /de'i ngo bo ni de nyid de don byed par rung ba'i mtshan nyid can yin pa de'i phyir ro/ /'dir bsdus pa'i don ni 'di yin te/ gang gi phyir don byed pa ngo? tsha? du gnyer ba rnams don byed par rung ba la 'jug la/ don byed par rung ba yang dngos po yin pa de'i phyir dngos po la brten pa can tshad mar rnam par bzhag ste/ 'di ltar don byed pa don du gnyer pa rnams ni dngos po don byed par rung ba sgrub pa'i phyir tshad ma chol bar byed pa yin no/ /de lta bas na gang gi tshe dngos po don byed par rung ba mi bslu ba'i shes pa tshad ma nyid du rnam par bzhag pa de'i tshe ji ltar ba? tshad ma nyid dngos po la rag lus pa ma yin/ gang gi phyir tshad ma nyid dngos po la rag lus pa yin pa de'i phyir rnam par rtog pa tshad ma ma yin no zhes bya bar gnas so/ /yang tshul gzhan gyis rnam par rtog pa tshad ma nyid du dgag pa'i phyir/ rnam par rtog pa de las kyang zhes bya ba la sogs pa smos te/ gang gi phyir rang gi mtshan nyid bzung ba'i stobs kyis skye ba'i rnam par rtogs pa de las kyang rang gi mtshan nyid la lhag par chags pas dngos po kho na la 'jug la/ zhugs na ni 'di ltar mngon sum dang rnam par rtogs par grub pa dang bde ba mtshungs pa de'i phyir rnam par rtog pa logs shig tu tshad mar mi 'gyur ro/ /kyang zhes bya ba'i sgra ni mngon sum gyi dngos po la 'jug pa 'ba' zhig tu ma zad kyi/ 'o na ji lta bu zhe na/ rnam par rtog pa do las kyang dngos po kho na la 'jug go zhes bsdu ba'i don to/ /'bras bu gcig pa nyid ni grub pa dang bde ba tha mi dad pa'i sgrar brjod do grub pa dang bde ba tha mi dad pa'i phyir logs shig tu tshad ma nyid du mi 'gyur ro zhes bya ba 'di 'khrul pa yod par dogs pa bstan pa'i phyir/ mngon sum snga ma dang phyi ma rnams su zhes bya ba la sogs pa smos te/ gal te grub pa dang bde ba tha mi dad pa'i phyir rnam par rtog pa logs shig tu tshad mar mi 'dod na/ de lta na na gang gi tshe yul gcig la mngon sum rgyun chags su 'jug pa de'i tshe/ mngon sum snga ma dang mngon sum phyi ma rnams su 'ga' zhig la nye bar sbyor ba gcig pa'i phyir de dag logs shig tu tshad ma nyid du mi 'gyur te/ 'di dag gis nye bar sbyor ba tha mi dad pas zhes tshig rnam par sbyar ro/ /'ga' zhig la zhes bya ba ni yul 'ba' zhig la ste/ de lta bu ni phyogs snga ma'i 'gos pa yin no/ /grub pa'i mdza' smra bas ma yin to/ /skad cig ma'i bye brag gis bsgrub par bya ba'i don du 'dod pa la zhes bya ba la sogs pa smos te/ gang gi tshe skad cig ma'i bye brag gis bsgrub par bya ba'i don du 'dod pa yin pa de'i tshe 'di dag gi nye bar sbyor ba tha mi dad pa kho na yin no/ /de lta bas na nye bar sbyor ba tha mi? dad pa yin pa'i phyir phyi ma rnams tshad ma ma yin pa ma yin te/ dper na rnal 'byor pa rnams kyi bden pa bzhi la dmigs pa'i shes pa'i rgyun la sbyor ba'i lam gang yin pa des ni bar chad med pa'i lam 'dren par byed la/ bar chad med pa'i lam gyis kyang rnam par grol pa'i lam 'dren par byed/ rnam par grol ba'i lam gyis kyang nyon mongs pa skye ba dang shin tu 'gal ba'i brten pa bskyed pa'i phyir nyon mongs pa spangs pa brtan par byed do/ /de lta bas na de dag 'dzin par byed pa pha rol gyis sems shes pa gang dag yin pa de dag kyang tha dad par tshad ma nyid yin pa de dang 'dra bar gzhan du yang gal te skad cig ma'i bye brag gis bsgrub par bya ba'i don yin na de la yang logs shig tu tshad ma nyid yin par khong du chud par bya'o/ /gal te skad cig ma'i bye brag gis bsgrub par bya ba'i don du 'dod pa la grub pa dang bde ba du ma yin na/ 'on gzhan gang la grub pa dang bde ba gcig pa yin snyam pa la/ 'bras bu thun mong pa la ni zhes bya ba la sogs pa smos te/ gang gi tshe skad cig ma thams cad kyi 'bras bu thun mong yin par brjod par 'dod pa de'i tshe de dag gi mthu tha dad pa med de/ de'i tshe tshad ma nyid kyang tha dad par mi 'dod do/ /dper na gang la snyam pa lam tsam gyis bsgrub par bya ba'i don la du ba gzhan dang gzhan gyis zhes bya ba la sogs pa smos te/ gang gi chad? du ba gzhan dang gzhan gyis ma nye ba 'jal bar byed pa'i tshe me tsam gyis bsgrub par bya ba'i don brjod par 'dod pa la/ ji ltar du ba rnams tshad ma nyid tha dad par mi 'dod pa de bzhin du 'dir yang rig par bya'o/ /gang gi tshe tsha ba lngas gdung bar 'dod pa de'i tshe ni du ba lnga car yang tshad ma nyid tha dad pa yin par khong du chud par bya'o/ /gzhan dang gzhan ni gzhan dang gzhan no/ de dag ni gzhan dang gzhan yang yin la du ba yod yin pas zhes tshig rnam par sbyar la/ du ba gzhan dang gzhan dag gis gzhal ba zhes bsdu'o/ /de dag ni nye ba yin la me yang yin pas zhes tshig rnam par sbyar zhing/ de dag gi du ba gzhan dang gzhan gyis gzhal ba yang yin la me nye ba yang yin zhes tshig rnam par sbyar ro/ /de tsam gyis bsgrub par bya ba'i don ni mar me sbar ba dang/ me sbar ba dang/ rab tu gdung ba zhes bya ba de lta bu la sogs pa'o/ /de ltar phyogs kyi chos la rnam par rtog pa tshad ma'i rjes su byung ba logs shig tu tshad ma nyid yin pa bsal nas/ gzhan la yang bsgro bar bya ba'i phyir/ 'dis ni chos dang chos can dang rtag la sogs pa'i rnam par rtog pa zhes bya ba la sogs pa smos te/ phyogs kyi chos nyid 'dzin pa'i rnam par rtog pa tshad ma nyid yin pa bsal pa'i dpe kho nas bsgrub par bya ba'i chos me nyid la sogs pa 'dzin pa dang/ chos can phyogs la sogs pa 'dzin pa dang/ rtags du ba la sogs pa 'dzin pa tshad ma'i stobs las skyes pa'i rnam par rtog pa tshad ma nyid yin pa bsam par rig par bya'o/ sogs pa zhes smos pa ni sngon po la sogs pa mthong ba'i stobs las skyes pa'i rnam par rtog pa yang tshad ma nyid yin pa bsal ba'i phyir ro/ /re zhig phyogs tsam zhig brjod par bya ste/ mngon sum ni mdun na gnas pa'i dngos po rang gi ngo bo tsam mthun par byed pa na skye la/ dngos po de ni dngos su na yod pa'i ngo bos sngon pa'i ngo bo gcig pu dang de las gzhan pa'i dngos po mdza' dag las log pa'i rang gi ngo bo yin no/ /gang gi phyir dngos po de yod pa'i ngo bos sngon po yin pa de'i phyir 'di la sngon po snang ba mngon sum las ma skyes pa'i phyir mi gsal ba yin te/ sngar mthong bas 'phangs pa'i phyir sngon po snang ba ma bor na 'di ni sngon po'i snyam pa yod pa'i ngo bo la reg pa'i rnam par rtog pa skye'o/ /gang gi phyir sngon po de dngos po ma 'dus pa rang mtshan nyid mi mthun pa de kho na'i phyir ser po la sogs pa ma yin no snyam pa ser po la sogs pa sel bar byed pa dgag pa'i shes pa gnyis pa skye bar 'gyur ro/ /de lta bas na mngon sum sngon po la 'jug pa na re zhig de'i rnam par skye bas bdag nyid kyis sngon po de rtogs par 'gyur te/ sngon po'i rnam par rtog pa'i rgyur 'gyur par yongs su gcod cing ser po la sogs dgag pa'i rgyu nyid bu 'gyur bar rnam par gtsang bar byed do/ /de la mngon sum dngos po'i stobs kyis skye ba ni dngos po la rag lus pa'i phyir tshad ma yin no/ /rnam par rtog pa gzhan gnyis ni mngon sum gyi stobs las skyes pa'i phyir mi bslu ba yin yang/ don ma rtogs pa rtogs pa med pa'i phyir tshad ma nyid logs shig na med de/ gzhan dag la yang de bzhin du rig par bya'o/ /de ltar gtan tshigs gsum car gyi phyogs kyi chos nges pa yang tshul 'dra'o zhes khyad par med par bshad do/ /rjes su 'gro ba dang ldog pa nges pa'i thabs tha dad pa'i bye brag gis bstan pa'i phyir/ rjes su 'gro ba nges pa yang zhes bya ba smos te/ bsgrub par bya ba'i chos ni dngos su na sgrub pa'i chos kyi rang gi ngo bo yin no/ /de lta bas na sgrub pa'i chos kyi rang bzhin yin pa'i phyir bsgrub par bya ba'i chos sgrub pa'i chos kyi rang gi ngo bo tsam dang rjes su 'brel par grub pa gang yin pa de nyid rang bzhin gyi gtan tshigs kyi rjes su 'gro ba nges pa yin no// dngos su na zhes bya ba ni don dam par ste/ sgra'i don gyi sgo nas ni tha dad pa kho na'o snyam du dgongs pa'o/ /de'i ngo bo zhes bya ba 'di la/ de zhes bya ba'i sgra ni sgrub pa'i chos dang sbyar ro/ /gang la de'i ngo bo yod pa de ni de'i ngo bo can no/ /de'i ngo bo can gyi ngo bo ni de'i ngo bo can nyid do/ /yang na de zhes bya ba'i sgra ni sgrub par bya ba'i chos dang sbyar ste/ sgrub pa'i chos 'di bsgrub par bya ba'i chos de'i ngo bo ste bdag nyid yin no/ /bsgrub pa'i chos kyi rang gi ngo bo ni sgrub pa'i chos kyi ngo bo tsam yin no/ /tsam zhes bya ba'i spras ni dngos po gzhan la bltos pa bsal to/ /mthun par 'brel par ni rjes su 'brel pa ste/ rjes su 'gro ba zhes bya ba'i tha tshig go /sgrubs pa'i chos tsam dang rjes su 'brel pa zhes tshig rnam par sbyar te/ de grub pa la de skad ces brjod do/ /'dir bsgrub par bya ba dang sgrub pa'i chos gnyis dngos su gcig yin yang ldog pa'i bye brag gis bye brag yod pas de dag brjod par byed pa'i sgra gnyis kyang rnam grangs ma yin la/ dam bcas pa'i phyogs gcig gis kyang gtan tshigs ma yin no/ /rang gi ngo bo rab tu bstan pa'i thabs kyis 'brel pa grub pa'i rgyu bstan pa'i phyir/ de ni bsgrub par bya ba las bzlog pa la zhes bya ba la sogs pa smos so/ /bsgrub par bya ba las bzlog pa ni mi mthun pa'i phyogs te/ de la gtan tshigs kyi gnod pa can gyi tshad ma gang yin pa de 'jug pa gang yin pa de ni sgrub pa'i chos kyi ngo bo tsam dang rjes su 'brel par 'grub pa zhes bya'o/ /rjes su 'brel pa grub pa ni gnod pa can gyi tshad ma 'jug pa'i 'bras bu yin pa'i phyir gnod pa can gyi tshad ma 'jug pa yin te zhes bshad do/ /'dir tshul gyi rjes su 'brel pa grub pa'i rgyu 'di yin par bstan te/ 'di ltar gnod pa can gyi tshad ma 'jug pas bsgrub par bya ba'i chos sgrub pa'i chos kyi ngo bo tsam dang 'brel par sgrub par byed do/ /gnod pa can gyi tshad ma 'jug pa de nyid bstan par bzhed nas gang yod pa de ni skad cig ma kho na yin no zhes bya ba la sogs pa smos te/ gang cung zad yod pa de thams cad ni skad cig ma kho na yin no/ /yod par ni skad cig ma nyid ma gtogs pa rnam pa gzhan ci yang med do/ /ci'i phyir zhe na/ skad cig ma nyid ma yin na don byed pa dang 'gal ba'i phyir zhes bya ba la sogs pa smos te/ gang zhig skad cig ma ma yin pa de ni rim dang cig car dag gis don byed par mi 'thad de/ de ni 'og nas ston par byed do/ /yod pa'i don byed nus pa'i mtshan nyid can du 'dod na/ gal te skad cig ma ma yin pa rnams la don byed pa'i nus? pa med na de dag ga las yod de/ 'di ni mi mthun pa'i phyogs la gnod pa can gyi tshad ma yin no/ /de ltar rang bzhin gyi gtan tshigs kyi rjes su 'gro ba nges par bstan nas/ 'bras bu'i gtan tshigs kyi bstan pa'i phyir/ 'bras bu de gtan tshigs kyi ni zhes bya ba la sogs pa smos te/ rgyu dang 'bras bu'i ngo bo grub pa nyid 'bras bu'i gtan tshigs kyi rjes su 'gro ba nges pa yin no/ /'dir yang 'bras bu'i gtan tshigs kyi rjes su 'gro ba nges pa ni rgyu dang 'bras bu'i ngo bo grub pa'i rgyu mtshan can yin pas rgyu dang 'bras bu'i ngo bo grub pa yin te zhes bshad de/ de 'di ltar rgyu dang 'bras bu'i ngo bo grub pa dang rgyus 'bras bu la khyab pa sgrub po/ /rgyu dang 'bras bu'i ngo bo de nyid kyang ji ltar grub ce na/ 'di lta ste 'di dmigs na zhes bya ba la sogs pa smos te/ 'bras bu dmigs pa'i rig byar gyur pa sngon mi dmigs pa rgyu dmigs na dmigs pa yin no/ /lhan cig byed pa'i rgyu gzhan dag kyang yod par mngon par 'dod pa'i rgyu mtshan ming ngo/ /de'i phyir rgyu yang na ni 'bras bu yod la/ rgyu med na ni 'bras bu med pa gang yin pa mngon sum dang mi dmigs pa dag gis sgrub par byed pa de nyid rgyu dang 'bras bu'i ngo bo zhes bya ste/ de grub pa ni rjes su 'gro ba nges pa yin no zhes bya bar sbyar ro/ /'di lta ste zhes bya ba ni nye bar ston pa'i tshig yin no/ /'di zhes bya ba 'dis ni rgyu bstan to/ /'di zhes bya ba ni 'bras bu bstan pa'o/ /dmigs pa'i rig byar gyur pa ni 'og nas 'tshad do/ /de yod na ni yod zhes bya ba 'dir de zhes bya ba'i sgro ni rgyu dang sbyar ro/ /gang la mngon sum dang mi dmigs pa'i sgrub pa yod pa de ni mngon sum ma dang mi dmigs pa'i sgrub pa can no/ /rgyu dang 'bras bu ni rgyu dang 'bras bu'o/ /de gnyis kyi dngos po ni rgyu dang 'bras bu'i ngo bo ste/ /rgyu nyid dang dang 'bras bu nyid ces bya ba'i tha tshig go / gzhan gyi byed pa la bltos pa ni 'bras bu nyid do/ /mjug thogs su 'byung ba'i 'bras bu la de skyed par rung ba'i bdag nyid kyis gdon mi za bar nye bar gnas pa ni rgyu nyid do/ /yang ci'i phyir rgyu dang 'bras bu'i ngo bo grub pa nyid 'bras bu'i gtan tshigs kyi rjes su 'gro ba nges pa yin par brjod ce na/ de'i phyir/ rgyu dang 'bras bu'i ngo bo ni zhes bya ba la sogs pa smos te/ gang gi phyir gang na du ba yod pa de ni me yod ces bya ba'i rjes su 'gro ba gang yin pa de rgyu dang 'bras bu'i ngo bo don tha dad pa yod na ni yod la/ med na ni med pa de'i phyir rgyu dang 'bras bu'i ngo bo grub pa nyid rjes su 'gro ba nges pa yin par brjod do/ /'di skad du 'di gnyis dngos su tha dad mod kyi/ 'on kyang thabs gzhan gyis bsgrub par bya ba ni ma yin pa'i phyir thabs dang thabs kyis bsgrub par bya ba tha mi dad par bstan te/ tha mi dad pa'i thabs kyis 'di rjes su 'gro ba nges pa'i thabs nyid du bstan to zhes bshad do/ /ci'i phyir rgyu dang 'bras bu'i ngo bo ni don tha dad pa kho na yod na/ gang na du ba yod pa de na gdon mi za bar me yod do zhes bya ba'i khyab pa 'dir 'gyur zhe na/ de'i phyir/ me yod na yod pa kho na zhes bya ba la sogs pa smos te/ du ba ni me'i 'bras bu nyid yin pas de skad ces bshad do/ /'di ltar me yod na yod pa kho na yin te/ gang gi tshe me yod na du ba yod pa nyid kyi phyir me'i 'bras bu nyid du 'dod pa de'i tshe/ gang na du ba yod pa de na gdon mi za bar me yod par 'gyur ro/ /de ltar 'bras bu'i gtan tshigs kyi rjes su 'gro ba nges par bstan pa yin no/ /mi dmigs pa'i rjes su 'gro ba bstan pa'i phyir/ mi dmigs pa'i rjes su 'gro ba nges pa yang zhes bya ba la sogs pa smos te/ gang gi tshe med pa'i tha snyad ni dmigs pa'i rig byar gyur pa mi dmigs pa tsam gyi rgyu can du sgrub pa de'i tshe mi dmigs pa'i rjes su 'gro ba nges pa yin no/ /mi dmigs pa tsam la 'jug pa ni mi dmigs pa tsam 'jug pa'o/ /ji ltar na med pa'i tha snyad dmigs pa'i rig byar gyur pa mi dmigs pa tsam 'jug pa bsgrubs pa yin zhe na/ rgyu mtshan gzhan med par mthong ba'i phyir ro zhes bya ba smos te/ gang gi tshe med pa'i tha snyad kyi rgyu mtshan gzhan bkag par gyur pa de'i tshe de ni de tsam gyi rgyu mtshan can du rnam par gnas so/ /rgyu mtshan dgag pa ni brtsad pa'i rigs pa las khong du chud par bya'o/ /de ltar gtan tshigs gsum char gyi rjes su 'gro ba nges pa yin pa yang bstan nas/ ldog pa nges pa bstan pa'i phyir/ ldog pa nges pa yang zhes bya ba la sogs pa smos te/ 'bras bu'i gtan tshigs kyi ni rgyu dang 'bras bu'i ngo bo grub la/ rang bzhin gyi gtan tshigs kyi ni khyab par bya ba dang khyab par byed pa'i ngo bo grub na gang gi tshe yul bltar rung ba rgyu mi dmigs pa dang khyab par byed pa mi dmigs pas bsgrub par bya ba med na gtan tshigs med par sgrub pa yin pa de'i tshe 'bras bu dang rang bzhin gyi gtan tshigs dag gis rjes su 'gro ba nges pa yin no/ /'di gnyis ni yul bltar rung ba yin pas zhes bya bar tshig rnam par sbyar te/ bltar rung ba ni dmigs pa'i rig byar gyur pa'o/ /'di skad du gang gi tshe rgyu dang khyab par byed pa dag dmigs pa'i rig byar ma gyur pa de'i tshe bsgrub par bya ba med na gtan tshigs med par sgrub par byed do zhes bshad pa yin no/ /mi dmigs pa yul bltar rung ba nyid la bltos pa gang las yin zhe na/ de'i phyir/ yul bstan pa can zhes bya ba la sogs pa smos te/ gang gi tshe yul 'ga' zhig nye bar bstan nas 'di na med do zhes pa sgrub par byed pa de'i tshe mi dmigs pa yul bltar rung ba nyid la bltos pa yin no/ /gang la yul bstan pa yod pa zhes tshig rnam par sbyar te/ bstan pa zhes bya ba ni nye ba bstan pa'o/ /yul zhes bya ba ni gang du med pa bsgrub par byed pa'o/ /yang ci'i phyir yul bltar rung ba nyid la bltos zhe na/ de'i phyir/ de lta ma yin na dmigs pa'i rig byar ma gyur pa zhes bya ba la sogs pa smos te/ gang zhig dmigs pa'i rig byar ma gyur pa de gzhan du gyur pa'o/ /de bzhin du gyur pa nyid bstan pa'i phyir/ gang du yang med par mi 'grub pa'i phyir ro zhes bya ba smos te/ dngos po dmigs pa'i rig byar ma gyur pa gang du yang med par mi 'grub par yang 'gyur ro/ /rnam pa gcig du na/ de lta ma yin no zhes bya ba ni gal te khyad par du mi bya na zhes bya ba'i tha tshig go /de lta bas na 'di ltar dmigs pa'i rig byar ma gyur pa ni gang du yang med par mi 'grub par yang 'gyur ro zhes bya bar blta ba'o/ /yang ci'i phyir mi dmigs pa yul bltar rung ba nyid la bltos pa yul bstan pa can med pa rab tu ston pa kho na las yin zhe na/ de'i phyir yul ma bstan pa can ni zhes bya ba la sogs pa smos te/ gang du yul nye bar ma bstan par bsgrub par bya ba med na gtan tshigs med par ston pa der ni gang gi phyir 'brel pa tsam zhig grub pas bsgrub par bya ba med na gtan tshigs med pa grub pa de'i phyir de la ni ldog pa bsgrub par bya ba la mi dmigs pa yul bltar rung ba nyid la ldog pa ma yin no/ /rgyu dang 'bras bu dang/ khyab par bya ba dang khyab par byed pa'i ngo bo ni 'dir 'brel pa'i sgrar bshad do/ de yang gnod pa can gyis tshad ma la rag las pa yin no/ /de'i phyir gang gis na de gnyis gcig la gcig brten pa nyid kyis nyes par 'gyur ba rjes su 'gro ba dang ldog pa nges pa dag gcig la gcig rag las pa ni ma yin no// de ltar 'bras bu dang rang bzhin dag gi ldog pa bstan nas/ mi dmigs pa'i ldog pa bstan pa'i phyir/ mi dmigs pa'i ldog pa nges pa ni zhes bya ba la sogs pa smos te/ dngos po gang zhig yod pa yin la/ de gal te dmigs pa'i rig byar gyur pa yin na gdon mi za bar dmigs par 'gyur ro/ /de ltar na gang gi tshe mi dmigs pa med par bstan pa de'i tshe mi dmigs pa'i ldog pa nges pa yin no/ /re zhig de lta bu ni chos kyi chos dang rjes su 'gro ba dang ldog pa nges pa dang bstan pa yin no/ /gtan tshigs gsum nyid du bstan pa'i phyir mtshan nyid de lta bu can zhes bya ba la sogs pa smos so/ /phyogs chos de'i chos khyab pa ni zhes bya ba ni lhan tshigs kyi mtshan nyid de mtshan nyid 'di dang ldan pa'i gtan tshigs bshad pa gang yin pa de ni rnam pa gsum kho nar blta bar bya'o/ /gang la mtshan nyid de lta bu yod pa de ni mtshan nyid de lta bu can no/ /rnam pa gsum po bye brag tu bstan bar bya ba'i phyir/ rang bzhin dang zhes bya ba la sogs pa smos te/ rang rang gi ming gis gtan tshigs gsum ston par byed do/ /dang zhes bya ba ni bsdu pa'i don to/ /yin te zhes bya ba ni yongs su rdzogs par brjod par byed pa yin no/ /rang bzhin gyi gtan tshigs kyi dpe bstan pa'i phyir/ dper na 'ga' zhig mi rtag par bsgrub par bya ba la yod pa lta bu zhes bya ba smos te/ 'ga' zhig mi rtog pa nyid du bsgrub par bya ba la yod pa'i mtshan nyid kyi gtan tshigs ni rang bzhin gyi gtan tshigs so/ /'bras bu'i gtan tshigs kyi dpe me dang ldan pa'i phyogs la du ba lta bu zhes bya ba smos te/ phyogs 'ga' zhig me dang ldan par bsgrub par bya ba la du ba'i mtshan nyid kyi gtan tshigs ni 'bras bu'i gtan tshigs so/ /mi dmigs pa'i dpe med pa la zhes bya ba la sogs pa smos te/ dngos po 'ga' zhig med par bsgrub par bya ba la dmigs pa'i rig byar gyur pa mi dmigs pa ni gtan tshigs gsum pa yin no/ /yang ci'i phyir gtan tshigs rnam pa gsum kho na yin zhe na/ rnam pa gsum pa 'di kho nar zhes bya ba la sogs pa smos te/ gang gi phyir gtan tshigs gsum pa nye bar bstan pa gang dag yin pa de ni kho na med na mi 'byung bar snges pa de'i phyir gtan tshigs ni rnam pa gsum kho na yin no/ /yang med na mi 'byung ba 'di ni ci zhig yin/ de ni ji ltar nges zhe na/ de'i phyir/ phyogs kyi chos kyi khyab pa ji skad du bshad pa zhes bya ba la sogs pa smos te/ de la khyab par byed pa yod pa kho na 'am/ de la khyab par bya ba yod pa kho na zhes bya ba khyab pa nye bar bstan pa gang yin pa phyogs kyi chos la khyab pa ji skad du bshad pa de ni med na mi 'byung ba zhes bya'o/ /med na mi 'byung ba de yang gtan tshigs rnam pa gsum ma gtogs pa gzhan na med pas 'di nyid du nges pa zhes bya'o/ /rang bzhin gyi gtan tshigs kyi mtshan nyid bstan pa'i phyir/ de la sgrub pa'i chos kyi ngo bo tsam dang ldan pa can 'di zhes bya ba la sogs pa smos te/ bsgrub par bya ba'i chos gang zhig gdon mi za ba sgrub pa'i chos tsam dang ldan pa'i bsgrub par bya ba'i chos de lta bu de la rang bzhin gyi gtan tshigs yin par brjod par bya'o/ /sgrub pa'i chos kho na sgrub pa'i chos tsam yin te/ 'di la de dang ldan pa'i ngang tshul yod pas zhes bya bar tshig rnam par sbyar ro/ /rang bzhin ni bdag nyid dang rang gi ngo bo zhes bya ba'i tha tshig ste/ rang bzhin nyid gtan tshigs yin pas zhes bya bar tshig rnams sbyar ro/ /gang gi rang bzhin yin zhe na/ thos pa'i phyir dang nye ba'i phyir bsgrub par bya ba'i chos kyi yin no zhes bya bar khong du chud de/ /bsgrub par bya ba dang sgrub pa dag sel ba'i bye brag gis tha dad pa kho na ma yin nam/ de ji ltar na gtan tshigs bsgrub par bya ba'i rang bzhin yin no zhes bya zhe na/ de'i phyir/ dngos su na gtan tshigs ni rtags can gyi rang bzhin kho na zhes bya ba la sogs pa smos so/ /phan tshun ldog pa'i bye brag gis bsgrub par bya ba dang sgrub pa'i chos dag tha dad pa yin mod kyi/ 'on kyang don dam par na gtan tshigs ni rtags can gyi rang bzhin kho na yin te/ 'di ltar rkyen la rag las te skye ba'i phyir byas pa zhes bya ba gang yin pa de nyid 'jig pa'i phyir mi rtag par 'dod do/ /de lta ma yin na byas pa yang gzhan la mi rtag pa yang gzhan du 'gyur te/ de lta na sgra ni byas pa ste/ mi rtag pa'o zhes gcig tu nye bar bsdu bar mi 'gyur ro/ /gang gi tshe gtan tshigs bsgrub par bya ba'i rang bzhin yin par brjod pa de'i tshe gdon mi za bar bsgrub par bya ba'i chos gtan tshigs dang rjes su 'brel ba can du 'gyur ba ma yin nam de la ci'i phyir de tsam dang rjes su 'brel pa can zhes bya ba'i khyad par 'di byed ce na/ rang bzhin la rjes su 'gro ba 'khrul pa med pa yang zhes bya ba la sogs pa smos te/ gtan tshigs bsgrub par bya ba'i rang bzhin yin par khas blangs na bsgrub par bya ba'i rjes su 'gro ba 'khrul ba med mod kyi/ 'on kyang mtshan nyid brjod bar bya ba la gzhan gyi lugs la bltos nas bsgrub pa'i chos tsam dang 'brel pa can zhes bya ba'i khyad par 'di bya dgos pa nyid do/ /gzhan gyi lugs de nyid bstan pa'i phyir/ gzhan dag ni don gyi rgyu mtshan can zhes bya ba la sogs pa smos te/ gang gi phyir gzhan phyir rgol ba dag ni dngos po grub zin pa la don gzhan gyi rgyu mtshan las chos gang skye pa de tsam dang 'brel pa can ma yin pa de yang rang bzhin du 'dod pa'i phyir/ khyad par gyi chos de lta bu rang bzhin nyid yin pa yang 'gog la/ phyis 'byung ba'i bsgrub par bya ba'i chos de la gtan tshigs 'khrul pa yang khyad par gyis ston par byed do/ /dngos po'i rang gi rgyu dag las don gzhan pa ni don gzhan te/ 'di la don gzhan gyi rgyu mtshan yod pas zhes tshigs rnam par sbyar ro/ 'di la de'i ngo bo tsam dang ldan pa'i ngang tshul yod pas de'i ngo bo tsam dang ldan pa can no/ /de dgag pa ni de'i ngo bo tsam dang ldan pa ma yin pa can no/ /don gzhan gyi rgyu mtshan can gyi bsgrub par bya ba'i chos la gtan tshigs 'khrul pa gang las yin zhe na/ dper na 'jig pa rgyu dang ldan pa la zhes bya ba la sogs pa smos te/ byas pa nyid ni bsgrub par bya ba 'jig pa rgyu dang ldan pa la 'khrul pa yod de/ 'di ltar gal te 'jig pa rgyu dang ldan par 'dod na de'i tshe 'ga' zhig mi 'jig par yang 'gyur ro/ /'di ltar bltos pa dang bcas pa rnams ni gdon mi za bar 'byung ba ma yin te/ de'i phyir la la byas pa yang yin la mi rtag pa yang ma yin par 'gyur bas 'khrul pa yin no/ /de ltar rang bzhin gyi gtan tshigs kyi mtshan nyid brjod nas sbyor ba'i bye brag bstan pa'i phyir/ de'i sbyor ba ni rnam pa gnyis te zhes bya ba smos te/ rang bzhin gyi gtan tshigs de na rnam pa gnyis rab tu sbyor ro/ /rnam pa gnyis po bstan pa'i phyir/ chos mthun pa can nyid dang zhes bya ba la sogs pa smos te/ res 'ga' ni chos mthun pa can nyid kyi sgo nas rab tu sbyor la/ res 'ga' ni chos mi mthun pa can nyid kyi sgo nas zhes bya ba'i tha tshig go /'di la chos mthun pa 'di bas ni 'di ni chos mthun pa can no chos mthun pa can gyi ngo bo ni chos mthun pa can nyid do/ /'di la chos mi mthun pa yod pas na 'di ni chos mi mthun pa can no// chos mi mthun pa can gyi ngo bo ni chos mi mthun pa can nyid do/ /chos mthun pa can nyid kyis sbyor ba bstan pa'i phyir/ gang yod pa zhes bya ba la sogs pa smos te/ gang cung zad yod pa de thams cad ni skad cig ma ste/ dper na bum pa la sogs pa lta bu'o zhes bya ba 'dis ni rjes su 'gro ba bstan to/ /chos mi mthun pa can nyid kyi sbyor ba bstan pa'i phyir/ de bzhin du skad cig ma nyid med na zhes bya ba la sogs pa smos te/ gang zhig skad cig ma ma yin pa de ni yod pa yang ma yin te/ dper na nam mkha' bzhin no zhes bya ba 'dis ni ldog pa bstan to/ /sgra ni yod pas zhes bya ba 'dis ni chos mi mthun pa can nyid las rnam par phye ba'i phyogs kyi chos nye bar bstan to/ /chos mthun pa can nyid dang chos mi mthun pa can nyid kyi sbyor ba dag gi khyab pa rab tu ston pa'i rnam pa bstan pa'i phyir/ thams cad nye bar bsdus nas zhes bya ba la sogs pa smos te/ rjes su 'gro ba 'am ldog pas dngos po thams cad nye bar bsdus te/ chos mthun pa can nyid dang chos mi mthun pa can nyid kyi sbyor ba dag gis khyab pa rab tu ston gyi/ ji ltar gzhan dag gis bsgrub par bya ba'i chos can yongs su spangs nas khyab pa gzhan rab tu ston pa lta bu ni ma yin te/ thams cad smos pa ni khyab pa gzhan dgag pa'i phyir ro/ /khyab pa rab tu ston pa ni khyab pa rab tu ston pa ste/ gang dag la mtshan nyid de yod pa de dag ni khyab par rab tu ston pa'i mtshan nyid can no/ /gang gi tshe thams cad nye bar bsdus nas khyab pa rab tu ston pa de'i tshe chos kyi khyad par du byas pa'i chos can yang rtogs pa kho na ma yin nam/ de'i phyir rjes su dpag pa ni dran pa nyid du 'gyur ro zhe na/ bshad pa gang byas pa de ni mi rtag pa'o zhes bya bar spyir rtogs kyi khyab pa'i che sgra ni mi rtag go zhes bya ba 'di ni rtogs par mi nus so/ /de'i phyir chos can gyi ngo bo rtogs pa'i rjes su dpag pa ji ltar dran pa yin par 'gyur ro/ /sbyor ba ston pa la goms pa'i phyir gang gi che rtog par byed pa de'i tshe bdag nyid kyang sbyor ba'i tshul kho nas rtogs par 'gyur bas rang gi don gyi rjes su dpag pa la yang sbyor ba'i bye brag bya ste/ gtan tshigs gsum char la yang sbyor ba'i bye brag 'di srid do/ /rang bzhin gyi gtan tshigs kyi ni khyab par bya ba dang khyab par byed pa'i ngo bo nges pa rab tu sgrub pa'i skabs kyis 'di bstan to/ /sbyor ba gnyi ga la yang dam bca' ba ma bstan pas de'i don du ji ltar rtogs par 'gyur ba ma yin nam zhe na/ de'i phyir/ 'dir ni shugs kho nas zhes bya ba la sogs pa smos te/ gang gi phyir sbyor ba gnyi ga la phyogs kyi chos dang khyab pa rab tu bstan pa'i shugs kho nas dam bca' ba'i don rtog par 'gyur ba de'i phyir dam bca' ba rab tu mi sbyor ro/ /gzhan gyi tshig gi go skabs kyi dogs pa bsu bar/ gal te gzhal bya'i don zhes bya ba la sogs pa smos te/ gal te gzhal bya'i don rab tu mi ston na tshig med par ji ltar rtogs par nus zhes bya ba ni phyogs snga ma'i dogs pa'o/ /grub pa'i mdza' smra bas bdag nyid kyis rtogs pa la zhes bya ba la sogs pa smos te/ gzhal bya rab tu bstan pa med par gzhal bya rtogs par mi 'gyur na ni de'i tshe rang gi don gyi rjes su dpag pa'i tshe yang rtogs par mi 'gyur te/ de'i tshe yongs su yang gzhal bya nye bar ston par mi byed pa'i phyir ro/ /'o na de'i tshe de ji ltar rtogs par 'gyur zhe na/ de'i phyir/ phyogs na yod pa'i du ba nye bar dmigs pas zhes bya ba la sogs pa smos te/ gang gi tshe phyogs na du ba nye bar dmigs pa la de la yang mes khyab par dran pa de'i tshe gnyi ga'i mthu kho nas phyogs 'di ni me yod do zhes de ltar rtogs kyi/ 'di la su yang 'di na me yod do zhes ston par mi byed do/ /de la 'di snyam du rjes su dpag pa'i sngon rol du bdag nyid kyis gzhal bya rtogs par 'gyur ro snyam du sems na/ de'i phyir bdag nyid kyis kyang sngar cung zad kyang mi rtogs so zhes bya ba smos te/ rjes su dpag pa'i sngon rol du yang de lta bu cung zad kyang mi rtogs so/ /ci'i phyir zhe na/ tshad ma ma gtogs par de ltar zhes bya ba la sogs pa smos te/ tshad ma ma gtogs par 'di na me yod do zhes de lta bur rtogs pa'i rgyu mtshan gzhan ni med do/ /de'i phyir sngon rol kho nar ji ltar rtogs par 'gyur/ de la 'di snyam du 'dis sngon rol du ci zhig ltar rtogs par 'gyur ba kho na'o snyam du sems na/ de'i phyir/ rtogs na ni zhes bya ba la sogs pa smos te/ gal te 'di la gang gis na tshad ma med par sngon rol kho nar gzhal bya rtogs par 'gyur ba de lta bu'i mthu zhig yod na/ 'o na ni rtags don med pa nyid yin pa de'i tshe rtags kyis ci zhig bya/ de la 'di snyam du re zhig dang po kho nar gzhal bya rnam par bzhag par bya la/ de nas phyis de rab tu sgrub pa'i phyir tshad ma bshad par bya'o snyam du sems na/ de'i phyir/ bdag nyid kyis bab col du 'di na me yod do zhes bya ba la sogs pa smos te/ gang zhig tshad ma med par bab col kho nar gzhal bya rnam par 'jog par byed cing phyis de rab tu sgrub pa'i phyir rtags tshul bar byed pa de'i rtogs pa'i rim pa'i rnam pa 'di ci zhig yin te/ 'di ltar dang por ma nges pa'i rnam par bzhag pa 'dis ci zhig bya/ 'di rnam par bzhag pa'i dus ni nges pa'i dus kho nar yin pa'i phyir ro/ /gal te bdag nyid rtogs par byed pa gzhal bya brjod pa med par rtogs kyang gzhan gyis rtogs par bya ba la gzhal bya bstan pa rigs so zhe na/ de'i phyir de gzhan gyis brjod na yang zhes bya ba la sogs pa smos te/ gzhan gyis rtogs par bya ba la yang gzhal bya brjod pa dgos pa med pa'i phyir lhag par 'gyur ro/ /slob dpon phyogs kyi glang po'i lugs kyi rjes su 'brang ba rnams kyi tshig gi go skabs kyi dogs pa bsu bar/ gal te dgos pa yul bstan pa yin no zhe na zhes bya ba smos te/ gzhal bya smos pas gtan tshigs kyi yul rab tu ston to zhes grags te/ de'i phyir gzhal bya smos pa'i dgos pa ni yul bstan pa yin no zhes bya ba ni phyogs snga ma'i dogs pa yin no/ /grub pa'i mdza' smra bas re zhig bstan pa de nyid kyis phan pa ci zhig yod/ gang gis na yul rab tu bstan pa'i phyir dam bca' ba smos pa log par 'gyur/ de la 'di snyam du yul rab tu bstan pa med par bsgrub par bya ba rtogs par mi 'gyur ba nyid pas de'i phyir gdon mi za bar yul rab tu bstan par bya'o zhe na/ de'i phyir/ gal te gzhan du na rtogs par mi 'gyur na ni zhes bya ba la sogs pa smos te/ gal te yul rab tu bstan pa med par rtogs par mi 'gyur na ni de'i tshe khyod kyis smras pa thams cad legs par 'gyur ro/ /de ni ji ltar btub pa de ltar sngar bstan zin to/ /de ltar bsgrub pa'i tshigs las dam bca' ba'i sbyor ba bsal nas/ mjug bsdu par/ de ltar bas na 'dis bdag nyid kyis rtogs pa na zhes bya ba la sogs pa smos te/ gang gi phyir dam bca' ba smos pa ji ltar yang dgos pa med pa de'i phyir dam bca' ba smra ba 'di gang gi tshe bdag nyid rtogs par byed pa de'i tshe dam bca' ba smos pa med pa kho nar rtogs so/ /gang gi tshe kho bo gzhal bya rtogs par bya bar rtsom pa de'i tshe ni kho bo de sgrub pa la don du gnyer ba mthong nas dam bca' ba smos pa med par ngas mi rtogs kyi/ dam bca' ba rab tu sbyor cig ces smra ste/ de de skad du smra ba ni dus ston gyi bram ze'i bzhin du gsal ba rngan pa skugs par byed pa yin no/ /dper na gnas shig tu mchu la mtshun gtor ba la sogs par bram ze thams cad mgron du bos pa dang/ tshong pa bkres pa shin tu dad pa can zhig gis bram ze gzhan ni ma rnyed kyi/ sprang bo ltogs te lto rnyongs pa mchu dang bre ba yongs su bskams pa/ gdong rnyi rnyi por 'dug pa/ khur mtshos rlabs skya ba zhig tshur 'ong ba mthong nas/ mgo bos phyag 'tshal te thal mo pad+ma kha bye ba lta bur sbyar nas bdag gi khyim du gdugs tshed gsal bar thugs bag tsir mdzad ces smras pa dang/ bram zes tshong pa des bram ze gzhan ma rnyed par shes nas/ gal te mar khur re re la dngul gyi dong tshe re re byin na gdod kho bo khyim du zan za'i gzhan du ni ma yin no zhes smras so zhes grags pa ltar 'dir yang de dang 'dra bar blta bar bya'o/ /de la 'di snyam du rang gis rtogs pa la ni rtags kyi stobs kyis gzhal bya rtogs la/ gzhan gyis khong du chud par byed na ni tshig gis rtogs par 'gyur snyam du sems na/ de'i phyir/ kho bos brjod kyang zhes bya ba la sogs pa smos te/ gal te pha rol pa de las khong du chud par 'gyur na ni phyogs kyi tshigs brjod par bya ba yang yin na/ kho bos ji tsam du dam bca' ba'i tshig brjod kyang de la mi bltos par bdag nyid grub zin pa'i rtags gang yin pa de kho na rjes su dran nas rtogs par 'gyur te/ de'i phyir dam bca' ba'i tshig brjod pa dang ma brjod pa'i gnas skabs 'di gnyis la khyad par ci zhig yod/ de la 'di snyam du gzhan gyi don gyi rjes su dpag pa la dam bca' ba smos pa med par rtog par mi 'gyur ro snyam na/ de'i phyir dam bca' ba smos pa med par yang zhes bya ba la sogs pa smos te/ rang gi don dang 'gal ba'i sbyar ba la dam bca' ba smos pa med pa kho nar phyogs kyi chos dang 'brel ba smos pa tsam gyis rtogs par 'gyur ba mthong ste/ de lta bas na dam bca' ba smos pa de gang du dgos/ 'di ltar gang byas pa de ni gdon mi za bar mi rtogs pa yin no zhes bya ba khyab pa rab tu bstan la/ sgra yang byas pa yin pas zhes phyogs kyi chos brjod pa de gnyis kyi shugs kho nas sgra mi rtag pa yin no zhes bya bar gyur na/ de la dam bca' ba smos ci zhig bya/ gtan tshigs gzhan gyi thabs kyis gzhan gyi rjes su dpag pa rang gi don gyi rjes su dpag pa'i sa bon can nyid yin par bstan pa'i phyir/ rang la nges pa bzhin du gzhan dag la zhes bya ba la sogs pa smos te/ ji ltar rang gi don gyi rjes su dpag pa'i tshe rang la nges pa skyes pa de kho na bzhin gzhan dag la yang ji ltar na nges par 'gyur snyam nas gtan tshigs brjod par byed do zhes bya ba de ni rigs pa yin no/ /yang gang zhig bdag nyid ni gzhal bya nye bar bstan pa med pa yang gzhal bya rtogs la/ gang gi tshe pha rol po go bar byed pa de'i tshe gzhal bya'i tshig smos par byed pa de don gyi rim pa sngon ma byung ba la brten pa yin te/ de'i phyir rigs pa las 'das nas don gyi rim pa sngon ma byung ba la brten pa'i rgyu brjod dgos so/ /de ltar rigs pas dam bca' ba smos pa bkag nas/ mjug bsdu ba'i phyir/ de lta bas na gzhal bya smos pa ni cung zad kyang mi dgos so zhes bya ba smos te/ gang gi phyir de ltar gzhan gyi don gyi rjes su dpag pa la ni rang gi don gyi rjes su dpag pa'i sa bon can nyid yin la/ rang gi don gyi rjes su dpag pa la yang dam bca' ba'i sbyor ba med pa de'i phyir gzhan gyi don gyi rjes su dpag pa la yang dam bca' ba smos pa dgos pa cung zad kyang med do/ /ci'i phyir mi dgos zhe na/ gzhan du yang rtogs pa zhes bya ba la sogs pa smos te/ 'di ltar dam bca' ba smos pa med par yang rtogs par 'gyur ro zhes bya ba'i tha tshig go /de ltar sgrubs pa'i tshig las dam bca' ba bsal nas mi 'dod pa'i yan lag bsal bar bya ba'i phyir/ bsgre bar bya bar 'dis ni nye bar gtod pa dang/ mjug sdud pa la sogs pa yang zhes bya ba la sogs pa smos te/ dam bca' ba smos pa bsal ba kho nas te bar gnyed pa dang/ mjug sdud bdag kyang bsal bar khong du chud par bya'o/ /sogs pa'i sgras ni the tshom dang bgam? po la sogs pa bsdu'o/ /ci'i phyir zhe na/ sbyor ba 'di tsam kho na zhes bya ba la sogs pa smos te/ 'di ltar phyogs kyi chos dang 'brel pa smos pa tsam kho nas bsgrub par bya ba rtogs par 'gyur ro/ /de la 'di snyam du ji srid du mthong ba'i mthu can gyi gtan tshigs kyang chos can la nye bar mi gtod la/ tshad ma'i byed pa mdza' dag mjug brtul te yang bsgrub par bya ba'i chos can la mjug sdud par mi byed pa de srid du bsgrub par bya ba rtogs par ga la 'gyur snyam na/ de'i phyir/ kha bya'i chags pa zhes bya ba la sogs pa smos te/ re zhig gnas ma yin par mngon par zhen pa 'or la sems mnyam par zhog la/ ci phyogs kyi chos dang 'brel pa smos pa 'di tsam gyis rtogs par btub bam mi btub soms shig ces bya ba yin no/ /kha bya ni gcer bu pa'i slob dpon rnams la bya ste/ de dag ni 'bras bu med par tshegs chen pos bsgrub par bya ba la gong nas gong du ming 'dri ba la chags pa yin la gnas ma yin pa la chags pa 'di yang de dang 'dra'o snyam du dgongs pa'o/ /mig btsums te zhes bya ba 'di ni phyi rol du rnam par g.yeng ba spong ngo/ /re zhig soms shig ces bya ba 'dis ni gtod par byed do/ /gal te pha rol po khas len pa lta na/ btub pa lta na spros pa'i phreng bas ci zhig bya zhes bya ba la sogs pa smos te/ gal te 'di tsam gyis bsgrub par bya ba rtogs par 'gyur na de'i tshe dang por phyogs kyi chos smos so/ /de'i 'og tu gtan tshigs bstan to/ /de'i 'og tu yang dpe bsnyad do/ /de'i rjes la chos can la nye bar gtad do/ /de'i 'og tu bsgrub par bya ba'i chos mjug bsdu'o zhes bya ba spros pa'i 'brel pa gang yin pa de cung zad kyang dgos pa med do/ /mjug bsdu ba'i phyir/ sgrub pa'i tshig sbyor ba la 'di tsam kho na zhig ces bya ba la sogs pa smos te/ sgrub pa'i tshig la sbyor ba phyogs kyi chos smos pa dang/ 'brel pa smos pa zhes bya ba 'di tsam gyi chod cig rigs rab bo/ /de la pha rol po'i bsam pa ni rang gi don gyi rjes su dpag pa la dang por phyogs na du ba mthong ngo/ /de'i 'og tu ni 'grel pa dran pa yin no/ /'brel pa dran pa'i mjug thogs su gang gi phyogs na du ba yod par yang snon par byed pa 'di du ba ni yod do snyam pa de lta bu snon pa'i shes pa skye'o/ /snon pa'i shes pa'i don de ni gzhan gyi don gyi rjes su dpag pa la nye bar gtod par brjod do zhes grag ste/ de lta bas na rang gi don gyi rjes su dpag pa la yang nye bar gtod pa'i don yod pa'i phyir gzhan gyi don gyi rjes su dpag pa la yang 'di yan lag gzhan nyid du rigs pa kho na'o snyam pa 'di yin no/ /grub pa'i mdza' smra ba'i dgongs pa yang thams cad du snon pa'i don srid pa ni ma yin te/ me don du gnyer ba'i rtogs pa po gang zhig dang po kho nar du ba dang me dag gis 'brel pa sems la bzhag nas me gang na yod ces me tshol bar byed pa de lta bu'i rtogs pa po des gal te du ba mthong na de du ba mthong ba dang po kho nas 'di na me yod do snyam pa'i shes pa skye'i/ /snon pa'i shes pa gnyis pa la ni mi bltos so/ de'i phyir snon pa'i shes pa don gdon mi za bar thams cad du dgos pa ni ma yin no/ /'on te yang res 'ga' dgos pa yod pas sgrub pa'i yan lag nyid du 'dod do zhe na ni/ de'i tshe lag pa na la sogs pa res 'ga' dgos pa rnams kyang sgrub pa'i yan lag nyid yin par brjod dgos te/ rtogs pa po gang zhig lag pan 'thungs nas/ gur gum dang tsan dan dag gis lus bskus te mchu rtsis dmar por mdzes par byas/ mgo la me tog gi thong bcings nas du ba mthong ste/ me shes par byed pa'i lag pan la sogs pa yang bsgrub pa'i yan lag tu thal par 'gyur ro snyam pa 'di yin no/ /mjug sdud pa ni dam bcas pa bsal ba kho nas bsal ba yin te/ gang du dam bca' ba dang por smos mi bzod pa de'i tshe de yang smos pa'i go skabs lta zhig rgyangs bcad de por pa yin no/ /the tshom dang bag ma pa la sogs pa ni rigs pa can dag nyid kyis bkag ste/ de lta bas na sgrub pa'i tshig la sbyor ba ji skad bshad chad kho na zhig rigs pa yin no/ /de ltar sgrub pa'i tshig gi tshad bshad pa bstan nas/ rim pa nges pa bsal ba'i phyir/ 'di la yang zhes bya ba la sogs pa smos te/ chad? de tsam gyis sgrub pa'i tshig 'di la yang phyogs kyi chos dang 'brel pa smos pa dag gi sbyor ba nges pa ni ci yang med do/ /de ci'i phyir zhe na/ ji ltar yang dogs par byed pa'i phyir ro zhes bya ba smos te/ gal te phyogs kyi chos sngar ram/ 'on te phyis sbyor yang rung/ de lta na rtogs par byed pa kho nar yin no/ /'di ltar na rtogs kyi gzhan phun mi rtogs pa'i phyir rim pa nges pa khas blang bar bya ba yin no/ gal te gnyis ka ltar yang btub na go de'i tshe rim pa nges pa cung zad kyang mi dgos so/ /chos mthun pa can nyid dang chos mi mthun pa can nyid dag gis sbyor ba tha dad par bstan pa gang yin pa de la ci don tha dad pa zhig yod dam 'on te med ce na/ de'i phyir/ 'brel pa smos pa la yang zhes bya ba la sogs pa smos te/ sbyor ba gnyis po gang gis 'brel pa brjod pa de ni 'brel pa smos pa yin no/ /de la yang sbyor ba 'ba' zhig tha dad par zad kyi don ni tha dad pa cung zad kyang med do/ /ci'i phyir don tha dad pa med ce na/ de'i phyir/ gnyi ga ltar yang chos tha dad kyang zhes bya ba la sogs pa smos te/ sgrub par bya ba dang/ sgrub pa dag gi chos tha dad mod kyi/ 'on kyang chos mthun pa can nyid kyis kyang bsgrub par bya ba'i rang bzhin can gyi sgrub pa ston la/ chos mi mthun pa can nyid kyis kyang ston te/ /chos tha dad pa ni ldog pa'i bye brag las blta bar bya ste/ 'di ltar rtag pa dag las log pa ni mi rtag pa nyid yin la ma byas pa dag las log pa ni byas pa nyid yin no/ /dngos su ni gcig kho na yin te/ 'di ltar mi rtag pa gang yin pa de nyid byas pa yin no/ /yang ci'i phyir chos mthun pa can nyid dang/ chos mi mthun pa can nyid dag gis de'i ngo bo ston ce na/ de'i phyir/ de'i rang bzhin ma yin pa yod na zhes bya ba sogs pa smos te/ gal te sgrub pa'i chos bsgrub par bya ba'i rang bzhin can zhig yin par ma gyur na/ de'i tshe gang na sgrub pa khod ba don bsgrub par bya ba yod par nges par mi 'gyur te/ 'di ltar gang na byas pa nyid yod pa de na ci gdon mi za bar brtsal ma thag tu 'byung ba nyid yod dam/ re zhig de ltar na chos mthun pa can nyid kyis de'i ngo bo ston par bshad pa yin no/ /chos mi mthun pa can nyid kyis bstan pa'i phyir/ de'i rang bzhin ma yin pa logs yang zhes bya ba la sogs pa smos te/ gal te bsgrub pa'i chos bsgrub par bya ba'i rang bzhin can zhig yin par ma gyur na/ de'i tshe bsgrub par bya ba log na ci'i phyir sgrub pa'i chos gdon mi za bar ldog ste/ 'di ltar gang na brtsal ma thag tu 'byung ba nyid med pa de ni ci byas pa nyid kyang gdon mi za bar med dam/ mjug bsdu ba'i thabs kyis gnyis cig car sbyor ba bsal ba'i phyir/ de lta bas na rjes su 'gro ba dang ldog pa dag gis zhes bya ba la sogs pa smos te/ gang gi phyir de ltar bshad ma thag gi tshul gyis chos mthun pa nyid can dang chos mi mthun pa can nyid dag las ji skad bshad pa'i mtshan nyid dang ldan pa gcig cig sbyar bas kyang gnyis pa 'phen pa de'i phyir sgrub pa'i tshig gcig la gnyis sbyor ba mi bya'o/ /chos mthun pa can nyid dang chos mi mthun pa can nyid ni 'dir rjes su 'gro ba dang ldog pa'i sgrar bshad do/ /ci'i phyir gcig la gnyis sbyor ba mi 'dod ce na/ de'i phyir/ don med pa'i phyir ro zhes bya ba smos te/ gcig kho nas de'i don bstan pa byas zin na gnyis pa don med pa nyid do/ /gcig gis gnyis pa'i don ji ltar ston par byed ce na/ de'i rang bzhin yin pa nyid kyis zhes bya ba la sogs pa smos te/ gang gi tshe sgrub pa'i chos bsgrub par bya ba'i chos kyi bdag gi ngo bo yin pa'i phyir rjes su 'brel to zhes bya ba 'di zhes bya ba 'di grub pa yin pa de'i tshe bsgrub par bya ba med na sgrub pa med pa grub pa kho nar blta bar bya ste/ 'di ltar de med kyang yod na de'i ngo bo ga las yin/ de la ci'i phyir ldog ba smos/ gang gi tshe bsgrub par bya ba med na gtan tshigs gdon mi za bar med par grub pa yin pa de'i tshe gtan tshigs gdon mi za bar bsgrub par bya ba'i rjes su 'gro'o zhes bya ba 'di yang grub pa yin te/ 'di ltar gal te gtan tshigs bsgrub par bya ba dang rjes su ma 'brel na ci'i phyir te/ ldog na nges par ldog /de la ci'i phyir rjes su 'gro ba smos/ de la 'di snyam du rjes su 'gro ba smos pa kho nas ldog pa sgrub mod kyi/ 'on kyang 'di ni nges par bya ba'i ched yin par 'gyur ro snyam nas/ de'i phyir/ ldog pa'i sbyor ba ni ji ltar na med pa kho na la med pa yin par ston pa zhes bya ba la sogs pa smos te/ gang zhig ldog pa sbyor ba ni ci nas kyang bsgrub par bya ba med pa la gtan tshigs med pa yin par rtogs par 'gyur ba ste/ bsgrub par bya ba las gzhan pa la yang ma yin la/ bsgrub par bya ba dang 'gal ba la yang ma yin no zhes de ltar nges par bstan pa'i don yin par brjod pa 'di yang rigs pa ma yin no/ /ci'i phyir zhe na/ gzhan pa 'gal ba dag kyang mi mthun pa'i phyogs yin pa'i phyir ro zhes bya ba smos te/ gang gi tshe mthun pa'i phyogs ma yin pas mi mthun pa'i phyogs zhes bya ba de'i tshe gzhan dang 'gal ba dag la yang mi mthun pa'i phyogs yod pa kho na'o/ /'di ltar gang zhig mthun pa'i phyogs las gzhan pa de ni gdon mi za bar mthun pa'i phyogs ma yin la/ gang zhig mthun pa'i phyogs dang 'gal ba de yang mthun pa'i phyogs ma yin no/ /mthun pa'i phyogs las gzhan pa la mi mthun pa'i phyogs nyid du yongs su bzung na gtan tshigs chad par thal bar mi 'gyur ste/ 'di ltar gzhan ni 'jig rten na brjod par 'dod pa'i chos kyi rten ma yin par grags kyi/ chos gzhan dang ldan pa ni ma yin no/ /'di ltar bram ze las gzhan pa khrid de shog cig ces byas na bram ze nyid kyi rten ma yin pa rgyal rigs khrid de 'od gi mi nyid la sogs pa chos dang ldan pa'i phyir bram ze de nyid gzhan yin pas khrid de 'ong ba ni ma yin no/ /stong pa dang bdag med pa la sogs pa yang gzhan yin pa nyid kyis mi mthun pa'i phyogs yin pa'i phyir gtan tshigs chad pa ma yin te/ 'di ltar de dag la byas pa nyid mi 'jug ste/ 'di ltar chos rnams kyi chos rnam par mi 'jog go / mthun pa'i phyogs dang 'gal ba mi mthun pa'i phyogs nyid yin na yang gal te 'gal ba 'ba' zhig las rnam par gcod par byed na ni de'i tshe me yod pa las ni 'di na dro ba'i reg pa yod do zhes bya ba 'di la dro ba yang ma yin grang ba yang ma yin pa las rnam par bcad par 'gyur ro/ gang gi tshe gzhan yang mi mthun pa'i phyogs yin pa nyid kyis dro ba yang ma yin grang ba yang ma yin pa las rnam par bcad par bsgrub pa de'i tshe nyes pa 'ga' yang med do/ /de ltar tshig gi chos nyid kyis rjes su 'gro ba dang ldog pa dag phan tshun 'phan par bstan nas/ dngos su 'brel pa sgrub par bzhed nas gang gi rjes su 'gro ba dang ldog pa dag tu 'gyur ba yod pa gdon mi za bar 'jig pa'i rang bzhin yin no zhes bya ba 'di ji ltar khong du chud ces bya ba la sogs pa smos te/ rgyu gang gis na yod pa skad cig ma nyid yin pas rjes su 'gro ba dang ldog pa dag tu 'gyur ba dngos po yod pa ni gdon mi za bar 'jigs par 'gyur ro zhes bya ba 'di ji ltar khong du chud/ 'dir pha rol po'i bsam pa ni nam mkha' la sogs pa ni yod kyang rtag /kho na yin no/ /dngos po mi rtag pa dag kyang dus gzhan gyi bar du gnas te/ 'di ltar de dag 'jig pa'i rgyu dang phrad nas 'jig gi /ji srid bu de dang ma phrad pa de srid bu gnas so/ /dngos po rnams kyi 'jig pa'i rgyu sgrub kyang mi dgos te/ shing la sogs pa la me la sogs pa bab pas 'jig pa mthong ngo/ /mthong ba yang pa ston du rigs pa ma yin no snyam pa 'di yin te phyogs snga ma'o/ /grub pa'i mdza' smra bas/ 'jig pa'i rgyu mi rung ba'i phyir ro zhes bya ba smos te/ 'di ltar 'di dag gang dag pa'i rgyu dpyad na ji ltar yang mi 'thad do/ /'di'i dgongs pa yang nam mkha' la sogs pa rtag pa nyid yin na yod pa bsgrub par bya ba kho na yin no/ /shing la sogs pa me la sogs pas 'jig go zhes bya ba 'di yang mngon sum du ma grub ste/ re zhig ci shing la sogs pa me la sogs pas bshig ste/ de'i phyir mi snang ba zhig yin nam 'on te rang gi dang kho nas zhig la rgyu'i tshogs pa mtshan nyid mi mthun pa dang phrad pas gzhan du byung ste/ de'i phyir mi snang zhes bya ba 'di dpyad par bya'o snyam pa 'di yin no/ /'jig pa'i rgyu ni 'og nas kyang dgag par bya'o/ /gal te 'jig pa'i rgyus dngos po rnams mi 'jig na don de dag ji ltar 'jig ce na/ de'i phyir/ dngos po rnams ni rang gi ngo bo kho nas zhes bya ba la sogs pa smos te/ dngos po rnams ni rang gi ngo bo kho nas 'jig pa'i ngang tshul can yin te/ des na skad cig las phan chad du mi gnas kyi/ rang gi ngo bo grub zin pa 'di dag gis mtho ba la sogs pa gzhan gyis 'jig pa ni ma yin no/ /dam bcas btsam gyis don grub pa ma mthong bas gtan tshigs de la nus pa med pa'i phyir ro zhes bya ba smos te/ 'di ltar 'jig pa'i rgyus dngos po 'jig par mi nus so/ /'di ltar 'jig pa'i rgyus dngos po 'jig na gzhig par bya ba'i dngos po de nyid byed dam/ 'on te de las gzhan pa gyo mo la sogs pa'i ngo bo zhig byed dam/ 'on te dngos po med pa zhig byed ces bya ba brtag pa gsum mo/ /brtag pa dang po bsal ba'i phyir/ 'jig pa'i rgyus zhes bya ba la sogs pa smos te/ re zhig 'jig pa'i rgyus gzhig par bya ba bum pa la sogs pa rang gi ngo bo byed pa ni ma yin te/ 'di ltar de ni 'jim pa dang dbyug gu dang 'khor lo dang skud pa dang lag ngar dang sor mo dang chu la sogs pa rang gi rgyu dag nyid las grub zin pa kho na yin na/ de la thob la sogs pas gzhan bya cig ? te/ de dag ni rgyu ma yin pa nyid do/ brtag pa gnyis pa bsal ba'i phyir/ ngo bo nyid gzhan zhig byed na yang zhes bya ba la sogs pa smos te/ 'on te 'jig pa'i rgyus bum pa la ma gtogs pa ngo bo nyid gzhan zhig byed na de lta na bum pa 'di'i son 'dug pa kho na yin te/ de la 'jig pa'i rgyus cung zad kyang ma byas so/ /de'i phyir sngon bzhin du dmigs par 'gyur ro/ /sogs pa smos pa ni de bzhin du sbrang rtsi dang chu la sogs pa chu ba dang/ rkang pa gcog pa la sogs pa yang byed par 'gyur ba bsdu ba yin no/ /de la 'di snyam du ngo bo nyid gzhan gyo mo la sogs pa'i ngo bo byas pa gang yin pa des bum pa bsgribs te/ des na ji ltar du bshad pa 'di mi byed do snyam du sems na/ de'i phyir/ ngo bo nyid gzhan ni zhes bya ba la sogs pa smos te/ ngo bo nyid gzhan yang bum pa la sgrib par mi byed do/ /ci'i phyir zhe na/ de'i son 'dug na de la zhes bya ba la sogs pa smos te/ gal te bum pa'i rang gi ngo bor nges par 'dug na de la sgrib par yang mi rung ngo/ /yang zhes bya ba'i sgra ni bsdu ba'i don te/ 'jig pa mi rung ba 'ba' shig tu ma zad kyi sgrib par yang mi rung ngo zhes bya ba'i tha tshig go / 'di ltar sgrib pa zhes bya ba ni dmigs pa la sogs pa skyed par rung ba'i ngo bo nyid gzhan du byed pa yin no/ /de lta ma yin na sgrib pa nyid mi 'thad do/ /de lta bu'i ngo bo nyid gzhan du byed na yang sgrib par byed pas bshog pa kho nar 'gyur ro/ /gal te de lta yin du zad mod ce na/ ma yin te/ ngal bshad ma thag pa'i rnam par rtog pa gsum las mi 'da' ba' i phyir ro/ /brtag pa gsum pa dgag pa'i phyir/ 'jig pa'i rgyus dngos po med par byed pa yang zhes bya ba la sogs pa smos te/ 'jig pa'i rgyus bum pa yod par byed pa yang ma yin no/ /ci'i phyir zhe na/ med pa tshul zhes bya ba la sogs pa smos te/ gal te ma yin pa'i ngo bo med pa 'bras bu nyid du 'dod na de'i tshe med par byed do zhes bya bar 'di la tshig gi don ni dngos po las gzhan zhig byed do zhes bya ba 'dir 'gyur ro/ /de'i phyir ma yin pa 'jug pa med pas 'bras bu nyid du khas len na byed pa gang yin pa de ci bum pa las tha dad pa zhig gam/ 'on te tha dad pa ma yin pa zhes bya ba rnam par brtag pa gnyis las mi 'da' ste/ de la yang nyes pa bshad zin to/ /tshul zhes bya ba'i sgra ni 'dir ma yin pa yin par rig par bya'o/ /de la 'di snyam du 'o na med pa dgag pa yin par 'gyur ro snyam na de'i phyir/ dngos po dgag pa'i ngo bo nyid gcig yin na'ang zhes bya ba la sogs pa smos te/ gal te med par dgag pa la brten na de'i tshe tshig gi don dngos po mi byed ces bya ba 'dir 'gyur te/ dngos po mi byed pa la rgyu nyid med pas 'jig pa'i rgyu zhes bya ba ci yang ma 'grub bo/ /dngos po dgag pa'i ngo bo zhes bya ba'i sgra ni 'dir med par dgag pa la bya'o/ /de ltar na 'jig pa'i rgyu la nus pa med par bstan pa yin no/ /da ni nus pa khas blangs nas kyang 'bras bu med pa nyid du bstan pa'i phyir/ don med pa'i yang phyir te zhes bya ba smos so/ /yongs su brtags na 'jig pa'i rgyu 'di ni don med pa yin te/ 'di ltar 'di la dngos po brtan pa'i rang bzhin zhig yin pa'am mi brtan pa'i rang bzhin zhig yin par 'gyur grang zhes brtag pa rnam pa gnyis so/ /de la brtag pa dang po'i dbang du byas nas gal te dngos po rang gi ngo bos 'jig pa yin na zhes bya ba la sogs pa smos te/ gal te dngos po rang gi ngo bo kho nas 'jig pa yin na 'jig pa'i rgyu ci zhig dgos/ srog rker phyin te shi la thug pa ni gsod par byed pa'i 'bad pa 'bras bu dang bcas pa ma yin no/ ci'i phyir 'bras bu med snyam na/ de'i ngo bo nyid yin pa kho nas zhes bya ba la sogs pa smos te/ 'di 'jig pa'i ngo bo yin pa kho nas bdag nyid 'jig na rang tshig pa de la me ci zhig dgos/ de la 'di snyam du 'jig pa'i rgyu dag gis 'di 'jig pa'i ngo bo nyid du byed do snyam na/ gang zhig gang gi ngo bo nyid yin pa zhes bya ba la sogs pa smos te/ dngos po gang gis rang gi ngo bo gang yin pa de ni rang gi rgyu dag kho na las skye ba na skye bar 'gyur gyi/ dang po dngos po skye la phyis rang gi ngo bo de lta bu thob par bya ba'i phyir rgyu gzhan la bstos pa ni ma yin no/ /'dir dpe gsal ba dang gsher ba dang dro ba zhes bya ba la sogs pa smos te/ gsal ba dang/ gsher ba dang/ dro ba dang/ sra ba zhes bya bar bsdu'o/ /gsal ba ni sgron ma la sogs pa'o/ /gsher ba ni chu la sogs pa'o// dro ba ni me'o/ /sra ba ni sa la sogs pa'o/ /gsal ba dang gshad pa dang/ dro ba dang sra ba dag ste/ rjes de dag ces bya bar tshig rnam par sbyar ro/ /de dag dang 'dra ba yin pas na de dag dang 'dra ba'o/ /dpe bstan pa'i phyir/ gsal ba la sogs pa zhes bya ba la sogs pa smos te/ gsal ba la sogs pa ji skad du bshad pa gsal ba dang/ gsher ba dang/ dro ba dang/ sra ba la sogs pa'i ngo bor byung ba rnams ni yang de dag gi bdag nyid du bya ba ste/ gsal ba la sogs pa'i ngang? gi ngo bo nyid du bya ba'i phyir rang gi rgyu la ma gtogs pa rgyu gzhan la mi bltos so/ /ci'i phyir zhe na/ de'i bdag nyid la de'i bdag nyid med na bdag nyid med par thal par 'gyur ro zhes bya ba smos te/ gang zhig gang gi ngo bo yin par 'dod pa de gal te de'i ngo bor 'byung ba na chi 'gyur na de'i tshe rang gi ngo bo med la kho nar 'gyur ro/ /dpe la rab tu grub pa'i don dngos la sbyar ba'i phyir ro/ /de dang 'dra bar gal te mi gnas pa'i chos can zhig yin na ni zhes bya ba la sogs pa smos te/ ji ltar gsal ba la sogs pa rang gi rgyu dag las gsal ba la sogs pa'i bdag nyid du 'byung ba de bzhin du gal te mi gnas pa'i chos can zhig yin na mi ngo bo nyid kyis ngo bo grub pa yang mi gnas pa'i chos can nyid du bya ba'i phyir rang gi rgyu la ma gtogs pa rgyu gzhan la bltos pa ni ma yin no/ /'di la mi gnas pa'i chos yod pas 'di ni mi gnas pa'i chos can te rang bzhin mi gnas pa mjug thogs su 'jig pa can zhes bya ba'i tha tshig go / sbyor ba ni khyab par byed pa 'gal ba dmigs pa zhes bya ba 'di yin te/ rgyu gzhan la bltos pa la ni de'i ngo bo nyid ma yin pas khyab bo/ /de dang 'gal ba ni de'i ngo bo nyid yin pa ste/ ba mo'i reg pa la khyab par byed pa dang 'gal ba dro ba'i reg pa bzhin no/ /gzhan gyis 'khrul pa gleng pa'i dgongs pa bsu bar/ sa bon la sogs pa bzhin du zhes bya ba la sogs pa smos so/ /de nyid rnam par dgrol ba'i phyir/ 'di snyam du zhes bya ba la sogs pa smos te/ sa bon la sogs pa myu gu la sogs pa skyed pa'i rang bzhin yin mod kyi/ 'on kyang 'ba' zhig gis rang gi 'bras bu skyed par byed pa ma yin gyi chu la sogs pa rgyu gzhan la bltos so/ /de dang 'dra bar dngos po yang 'jig pa'i rang bzhin yin mod kyi/ 'jig par bya ba'i phyir thob pa la sogs pa rgyu gzhan la bltas so zhes bya ba ni phyogs snga ma'i dogs pa'o/ /grub pa'i mdza' smra bas ma yin te/ de'i ngo bo nyid ni zhes bya ba la sogs pa smos te/ sa bon la sogs pa myu gu la sogs pa skyed ba'i ngo bo nyid kyi rgyu gang yin pa de ni rang gi 'bras bu skyed pa kho na ste/ gzhan la mi bltos so/ /skye ba la sogs pa'i gnas skabs na bltos pa gang yin pa de ni de skyed pa'i ngo bo nyid du mi 'dod pa kho na yin pas 'khrul par ga la 'gyur/ de la 'di snyam du ngo bo nyid gcig pa yin na/ de ji ltar rung snyam du sems na/ de nyid kyi phyir gnas skabs de gnyis zhes bya ba la sogs pa smos te/ gang gi phyir de ltar skyed par byed pa ni 'bras bu skyed pa'i ngo bo nyid yin la/ skyed par mi byed pa ni de'i ngo bo nyid du mi 'dod pa de nyid kyi phyir sa bon la sogs pa'i skyed par byed pa dang skyed par byed pa ma yin pa'i gnas skabs dag dngos po tha dad par nges par bya ste/ ngo bo nyid sna tshogs pa yin par khong du chud par bya'o zhes bya ba'i tha tshig go /skyed par byed pa nyid dang/ skyed par byed pa ma yin pa nyid kyis bye brag yod par gyur du chug na yang ngo bo nyid tha dad pa reg ci'i phyir 'gyur zhe na/ dngos po rnams kyi ngo bo nyid gzhan du gyur pa nyid med pas zhes bya ba la sogs pa smos te/ gal te gnas skabs de ni gnyis ngo bo nyid tha dad par ma gyur na de'i tshe de'i ngo bo nyid gnas skabs tha ma bzhin du sngon gyi gnas skabs na yang skyed par byed pa nyid du thal bar 'gyur ro/ /de ltar tha dad pa yin par bstan nas mjug bsdu ba'i phyir/ de lta bas na gnas skabs kyi bye brag tha ma gang yin pa zhes bya ba la sogs pa smos te/ gang gi phyir de skad du bshad pa'i rnam pas gnas skabs de gnyis ngo bo nyid tha dad pa de'i phyir de la gnas skabs kyi bye brag tha ma gang yin pa de nyid myu gu'i skyed pa'i ngo bo nyid yin gyi/ gzhan ni ma yin no zhes bya bar gnas so/ /'o na ci'i phyir 'bras bu don du gnyer ba rnams sngon gyi gnas skabs su de nye bar len par byed do/ /ji ltar na ni rgyu zhes tha snyad 'dogs zhe na/ de'i phyir/ sngon gyi gnas skabs na yod pa'i bye brag rnams ni zhes bya ba la sogs pa smos te/ rgyu gang dag sngon gyi gnas skabs na yod pa de dag ni rgyu'i rgyu dag yin no/ /'di ltar gnas skabs tha ma gang yin pa de ni nye ba'i tha ma'i gnas skabs kyi rgyu can yin la/ nye ba'i tha ma'i gnas skabs ni de las gzhan pa'i gnas skabs dag gi rgyu can yin te/ de bzhin du de nas byung ba'i gnas skabs ni skye na 'dug pa'i gnas skabs kyi rgyu can gyi bar du yin no/ /sgye na 'dug pa'i gnas skabs med par yang de nas phyung ba'i gnas skabs med la/ de bzhin du nye ba'i tha ma'i gnas skabs med par yang gnas skabs tha ma med pa'i bar du yin te/ de ltar na sngon gyi gnas skabs na yod pa'i rgyu rnams la rgyu zhes bya ba'i tha snyad 'dogs shing 'bras bu don du gnyer ba rnams kyis so kyang nye bar len gyi dngos su rgyu yin pa'i phyir ni ma yin pas ma nges pa yin no/ /rgyu'i rgyu ni rgyu'i rgyu dag yin no/ /de dag gi ngo bo ni de dag nyid de/ de lta bas na zhes bya ba ni de lta bu la sogs pa yin no/ /ci'i phyir skad cig ma tha dad pa de lta bu 'di dngos po'i ngo bo gcig par snang zhe na/ de'i phyir dngos po skad cig ma rnams la zhes bya ba la sogs pa smos te/ dngos po thams cad ni skad cig tu 'jig pa yin la/ de dag la yang skad cig ma gzhan dang gzhan skye na de dag la gcig pa nyid ga la yod/ gzhan gyi tshig gi go skabs kyi dogs pa bsu bar/ gal te tha ma dag nus pa yin na zhes bya ba la sogs pa smos te/ gal te rgyu rnams kyi gnas skabs tha ma kho na la mngon sum du nus pa nyid du 'dod na ci ste 'bras bu skyed par mi byed/ 'dir yang pha rol po ci ste/ so sor 'bras bu re re skyed par mi byed ces de snyam du sems shing spyir rgal shing brtag pa byed do/ /grub pa'i mdza' smra bas kyang de'i khong na 'khrul pa mi mkhyen pa ltar brdzus nas lan du/ skyed par byed pa kho na'o zhes bya ba la sogs pa smos te/ gang dag nus pa de dag ni gdon mi za bar skyed par byed do/ /de dag gi tha ma'i gnas skabs 'di la gzhan du 'gyur ba med do/ /mi skyed pa tsam la 'dir gzhan du 'gyur ba'i sgrar bshad do/ /ci'i phyir gdon mi za bar skyed ce na/ ngo bo nyid bzlog pa med pa'i phyir ro zhes bya ba smos te/ 'di ltar 'di dag gi 'bras bu skyed pa'i ngo bo nyid gang yin pa de nam yang bzlog par mi 'gyur te/ bzlog pa ni 'dir skyed par mi byed pa nyid yin no/ /gzhan rang gi bsam pa sgrogs pa'i dogs pa bsu bar/ gal te lhan cig byed pa de dag thams cad ces bya ba la sogs pa smos te/ lhan cig byed pa nyid du mngon par 'dod pa'i rgyu'i khyad par tha ma'i gnas skabs na yod pa de dag thams cad so sor 'bras bu skyed par nus pa yin te/ de'i phyir de la gzhan gyi nye bar sbyor ba ci zhig dgos/ gang gis na lhan cig kho nar 'bras bu gcig skyed par byed pa so sor ni ma yin no zhes bya ba ni phyogs snga ma'i dogs pa'o/ /grub pa'i mdza' smra bas/ dngos po rnams la ni zhes bya ba la sogs pa smos te/ dngos po rnams la ni gang gis na 'di gcig pus kyang 'bras bu bskyed par bya bar nus na bdag cig lhag pas ci zhig bya zhes de snyam du brtags nas/ gzhan ldog par 'gyur ba zhes bya ba de lta bur rtogs par 'gyur ba rtog pa sngon du gtong bar byed pa can dag ni 'ga' ba yang med do/ /gang dag la rtog pa sngon du gtong bar byed pa'i ngang tshul yod pa de dag ni rtog pa sngon du gtong bar byed pa can dag ste/ rtog pa ni dpyod pa dang sems pa zhes bya ba'i tha tshig go /gal te rtog pa sngon du gtong bar byed pa can dag ma yin na 'o na ji ltar rtag tu lhan cig kho nar byed ce na/ de'i phyir sems pa med par byed pa can zhes bya ba smras te/ gang dag la sems pa med par byed pa yod pa de dag ni sems pa med par byed pa can dag ste/ blo sngon du ma btang bar byed pa can dag ces bya ba'i tha tshig go / gal te blo sngon du gtong bar byed pa can dag cig ma yin na 'o na ci'i phyir rtog pa sngon du gtong bar byed pa can dag kho na bzhin du gcig tu 'du zhe na/ de'i phyir/ rang gi rgyu yongs su gyur pas 'du pa'i chos can dag yin la zhes bya ba smos te/ rang gis du ba'i rgyu yongs su gyur pa ni rang gi rgyur yongs su gyur pa'o/ /gang dag la rang gi rgyu yongs su gyur pas 'du ba'i chos yod pa de dag ni rang gi rgyu yongs su gyur pas 'du ba'i chos can dag yin no/ /'du ba ni rung ba'i yul du tshogs pa ste/ nye ba dang rung ba zhes bya ba'i tha tshig go / ci'i phyir de dag de ltar 'gyur zhe na/ de'i phyir/ de'i rang bzhin las de lta bur 'gyur ba la zhes bya ba smos so/ /de lta bu'i rang gzhin ni de'i rang bzhin ste/ de lta bu zhes bya ba ni rung ba'i yul du tshogs nas skyed pa'o/ /de lta bur 'gyur ba zhes bya ba ni tshogs shing 'bras bu skyed par byed pa dag go / gang gi phyir 'di dag rtog pa sngon du gtong bar byed pa can dag ma yin gyi/ rang gi rgyu yongs su gyur pa'i dbang po kho nas gcig tu 'du bar gyur pa 'ba' zhig du nad pa de'i phyir/ rung ba'i yul du tshogs nas skyed par byed pa'i rang bzhin gyi dbang gis bdus pa rnams 'bras bu skyed par byed pa la ji ste re re kho nas skyed pa'i phyed ces klan ka btsal bar 'os pa ma yin no/ /yang de lta ma yin par gzhan gyi dogs pa bsu ba'i phyir/ gal te nus pa dag ces bya ba la sogs pa smos? te?/ g al te rgyu yongs su gyur pa'i dbang gis 'dus pa rnams mi ldog tu zad na nus pa dag yin pa go ci ste so sor 'bras bu gzhan dang gzhan skyed par mi byed par 'bras bu gcig gis yongs su dga' ste 'khod ces bya ba ni phyogs snga ma'i dogs pa yin no/ /grub pa'i mdza' smra bas/ ma yin te/ de kho na la zhes bya ba la sogs pa ste/ de nyid rnam par grol ba'i phyir/ gcig pu de nyid bskyed par bya bar zhes bya ba la sogs pa smos te/ gang gi phyi de ltar 'bras bu gcig skyed par nus kyi gzhan ni ma yin pa de'i phyir gzhan dang gzhan skyed par mi byed do/ /yang gzhan gyi tshig gi go skabs kyi dogs pa bsu bar/ gal te mig la sogs pa lhan cig byed pa ngo bo nyid tha dad pa dag las zhes bya ba la sogs pa smos te/ gang gi che mig la sogs pa ngo bo nyid tha dad pa rnams 'bras bu gcig skyed pa de'i rgyu'i bye brag las 'bras bu'i bye brag tu mi 'gyur ro zhes bya ba ni phyogs snga ma'i dogs pa yin no/ /grub pa'i mdza' i smra bas/ ma yin te/ bdag nyid ji lta bu'i ngo bo nyid tha dad pas zhes bya ba la sogs pa smos te/ gang gi phyir lhan cig byed pa rnams gang gi bdag nyid kyi ngo bo nyid kyi bye brag gang yin pa de dag nyid ji lta ba'i ngo bo nyid kyi bye brag des 'bras bu khyad par du bya ba la nye bar sbyor ba de'i phyir/ de'i nye bar sbyor ba dag gis bya ba'i khyad par gang dag yin pa de dag 'tshol ba med pa'i phyir ji skad smras pa'i nyes par thal par 'gyur ba med do/ /de'i khyad par ni de'i khyad par te zhes bya ba ni 'bras bu la bya'o/ /de'i khyad par la nye bar sbyor ba ni de'i khyad par la nye bar sbyor ba ste/ nye bar sbyor ba ni byed pa'o/ /de dag gi nye bar sbyor ba ba ni de'i nye bar sbyor ba dag ste/ de zhes bya ba'i sgra ni rgyu rnams la bya'o/ /nye bar sbyor zhes bya ba'i sgra ni nus pa dag yin no/ /de dag gi nye bar sbyor ba dag gis bya ba ni de'i nye bar sbyor bas bya ba dag go /de dag ni de'i nye bar sbyor bas bya ba yang yin la khyad par yang yin pa'i zhes tshig rnam par sbyar te/ de dag 'tshol ba med pa la de skad ces bya'o/ /de la dpe/ dper na 'jim pa'i gong bu dang rdza mkhan zhes bya ba la sogs pa smos te/ bum pa la ni 'jim pa'i gong bu la sogs pa khyad par du bya ba kho na las byed do/ /'jim pa'i gong bu dang rdza mkhan dang skad pa zhes bya bar tshig rnam par sbyar te/ sogs pa smos pas ni chu la sogs pa yongs su bsdu'o/ /'jim pa'i gong bu la sogs pa'i byed pa so sor bstan pa'i phyir/ 'jim pa'i gong bu las ni 'jim pa'i ngo bo nyid ma yin pa zhes bya ba la sogs pa smos te/ 'jim pa'i gong bus ni bum pa 'jim pa'i ngo bo nyid ma yin pa shing la sogs pa gang dag yin pa de dag dang mtshan nyid mi mthun pa 'jim pa'i ngo bo nyid du 'dug par byed do/ /rdza mkhan gyis ni 'jim pa'i ngo bo nyid kyi bum pa nyid gsus pa dang khong che ba la sogs pa'i rnam pas ril ba spyi blugs la sogs pa las ngo bo nyid tha dad par byed do/ /skud pas ni 'jim pa'i bdag nyid dang gsus pa dang khong che ba la sogs pa'i rnam pa can de nyid 'khor lo las rnam par phye ba'i ngo bo nyid du byed do/ /'jim pa dang dbyibs kyi bye brag ces bya bar tshig rnam par sbyar te/ gang la bdag nyid de dag yod pa de la de skad ces bya'o/ /da ltar byed pa'i bye brag gi yul tha dad pa nyid du bstan nas ma 'tshol ba bstan par bya ba'i phyir/ de ltar na rdza mkhan las ni zhes bya ba la sogs pa smos te/ gang gi phyir de ltar byed pa'i yul tha dad pa de'i phyir de ltar bshad pa'i rnam pas na 'jim pa kho nas bum pa 'jim pa'i ngo bo nyid du byed kyi rdza mkhan gyis ni ma yin la/ rdza mkhan kho nas gsus pa dang khong che ba la sogs pa'i rnam par byed kyi 'jim pas ni ma yin pas ma 'tshol bar grub pa yin no/ /de la 'di snyam du 'jim pa dang rdza mkhan dag gi byed pa'i yul tha dad pa'i phyir bum pa ngo bo nyid gnyis su thal bar 'gyur ro snyam du sems na/ de'i phyir/ de gnyis kyi nus pa'i yul zhes bya ba la sogs pa smos te/ 'jim pa dang rdza mkhan dag gi bum pa'i yul tha dad pa'i phyir bum pa ngo bo nyid gnyis su thal bar 'gyur ro snyam du sems na/ 'on kyang de gnyis kas bskyed pa'i rnam pa bum pa'i khyad par ni tha dad par mi 'gyur ro/ /nus pa'i bye brag ni 'jim pa'i khyad par ro/ /de'i yul tha dad pa ni yul sna tshogs pa nyid do/ /de dag gis bskyed pa ni des bskyed pa ste/ 'di ni des bskyed pa yang yin la khyad par yang yin pas zhes tshig rnam par sbyar ro/ /de'i bye brag ni des bskyed pa'i khyad par gyi bye brag ste/ khyad par zhes bya ba'i sgra ni 'dir rnam pa la bya'o/ /bye brag ces bya ba'i sgra ni khyad par yin no/ /rnam pa gcig tu na khyad par yang yin la bye brag kyang yin pas khyad par gyi bye brag go /ci'i phyir ngo bo nyid tha dad pa yin zhe na/ 'jim pa dang dbyibs dag ces bya ba la sogs pa smos te/ gal te 'jim pa dang dbyibs ngo bo nyid gcig pa nyid du ma gyur na de'i tshe 'jim pa dang dbyibs dag phan tshun ngo bo nyid tha dad pa'i phyir 'jim pa gsus pa dang khong che ba la sogs pa'i rnam par mi snang bar 'gyur la/ dbyibs kyang 'jim ba'i ngo bor snang bar mi 'gyur ro/ /gang dag la phan tshun gyi bdag nyid yod pa de dag ni phan tshun gyi bdag nyid can dag go /de'i ngo bo ni phan tshun gyi bdag nyid can nyid do/ /phan tshun gyi bdag nyid can ma yin pa ni phan tshun gyi bdag nyid can ma yin pa nyid rgyur gyur pa des so/ /'dir bye brag pa'i lugs kyi dogs pa bsu bar/ gal te dbyibs yon tan ni zhes bya ba la sogs pa smos te/ dbyibs zhes bya ba'i yon tan ni rdzas las gzhan pa kho na yin no/ /de'i phyir rdza mkhan dang 'jim pa'i gong bu dag gi nye bar sbyor ba'i yul gang yin pa de ngo bo nyid tha dad pa kho na yin te/ 'di ltar 'jim pas ni 'jim pa'i rdzas byed la/ rdza mkhan gyis ni dbyibs zhes bya ba'i yon tan byed pas yul tha dad pa kho na yin no zhes bya ba ni phyogs snga ma'i dogs pa yin no/ /grub pa'i mdza' smra bas/ 'di la bshad zin to zhes bya ba smos te/ 'jim pa dang dbyibs dag phan tshun gyi bdag nyid can ma yin pa nyid kyi de gnyis dbyibs dang 'jim pa'i ngo bo dag tu mi snang bar thal bar 'gyur ro zhes bya ba yin no/ /gtan tshigs gzhan bstan pa'i phyir gzhan yang/ 'jim pa las dbyibs zhes bya ba la sogs pa smos te/ gal te dbyibs de 'jim pa sas gzhan pa zhig yin na ci ste rdza mkhan gyis logs shig tu mi byed/ gang dag tha dad pa de dag ni res 'ga' logs shig tu yang byed de/ de dag logs shig tu mi bya ba gdon mi za bar can ni ma yin no/ /de la bye brag pa'i lan gyi dogs pa bsu bar/ gal te yon tan ni rdzas kyi gzhan gyi dbang yin pas zhes bya ba la sogs pa smos te/ yon tan ni dus thams cad rdzas kyi gzhan gyi dbang yin no/ /de'i phyir na logs shig tu bya bar mi nus te/ 'di ltar yon tan gyi mtshan nyid ni rdzas la brten pa nyid du brjod pa yin na de ji ltar rdzas la mi bltos par logs shig tu byed par 'gyur zhes bya ba ni phyogs snga ma'i dogs pa yin no/ /bye brag pa kho nas sangs rgyas pa'i klan ka'i dogs pa bsu bar/ gal te rang bzhin gyi rdzas de dbyibs de'i rten gyi bdag nyid can yin pa'am zhes bya ba la sogs pa smos te/ gang gi tshe rang bzhin kho nas bum pa la sogs pa rdzas de gsus pa dang khong che ba la sogs pa'i rnam pa'i dbyibs kyi rten gyi ngo bo nyid gcig yin pa'am/ dbyibs de lta bu de bum pa'i rdzas la rag las pa zhig yin pa de'i tshe de la rdza mkhan gyi byed pa la bltos ci dgos/ rang kho na las ci'i phyir mi 'gyur snyam pa ni klan ka ba'i bsam pa yin no/ /de yang yin la dbyibs kyang yin pas dbyibs de'o/ /de'i rten ni dbyibs de'i rten no/ /'di la dbyibs de'i rten gyi bdag nyid yod pas 'di'i? dbyibs? ba de'i rten gyi bdag nyid can no/ /de zhes bya ba'i sgra ni bum pa la yod pa'i dbyibs yongs su gzung ngo/ /de la rag lus pa ni de la rag lus pa'o/ /'di la de la rag lus pa'i bdag nyid yod pas 'di ni de la rag lus pa'i bdag nyid can de/ de zhes bya ba'i sgra ni rdzas dang sbyar ro/ bye brag bas de ltar pha rol po'i klan ka la dogs par byas nas lan du/ ma yin te/ de la phan tshun zhes bya ba la sogs pa smos te/ gang gi phyir bum pa zhes bya ba'i rdzas gang yin pa dang/ gsus pa dang khong tshe la sogs pa'i rnam pa'i khyad par gang yin pa 'di gnyi ga yang rdza mkhan las phan tshun 'brel du rung ba nyid 'thob pa de'i phyir rdza mkhan la bltos te 'brel pa na 'dir rten dang gnas pa'i mtshan nyid yin par bsams pa'o/ /rdza mkhan la ma bltos na yang nyes pa ci zhig yod ce na/ de ci'i phyir de lta ma yin te/ dngos po'i chos nyid kho nas sngon yang zhes bya ba la sogs pa smos te/ gal te phan tshun 'brel du rung ba nyid du bya ba'i phyir rdza mkhan la ma bltos te/ de'i tshe dngos po'i chos nyid kho nas sngon yang 'jim pa'i rdzas gsus pa dang khong che ba la sogs pa'i rnam pa'i khyad par dang 'brel du rung ba nyid gcig yin na ni de lta bu'i dbyibs dang 'grel par thal par 'gyur ro zhes bya ba? ni bye brag pa'i klan ka'i lan yin no/ /'dir grub pa'i mdza' smras pa/ 'di ltar yin na ni 'o na rdzas 'jim pa'i rung pa de zhes bya ba la sogs pa smos te/ gal te phan tshun 'brel du rung ba nyid du bya ba'i rdza mkhan la bltos na/ de ltar ni 'o na rdzas 'jim pa'i rung ba nyid de ni rdza mkhan kho nas byed do zhes bya bar 'gyur te/ rdzas 'jim pa dang rung ba nyid 'di gnyis ngo bo nyid tha dad pa yang ma yin no/ /gal te 'di gnyis ngo bo nyid tha dad par gyur ba na ni de'i tshe snga ma bzhin du rung ba nyid rdzas las logs shig tu byed par thal par 'gyur ro/ /gal te rung ba nyid kyang yon tan yin pa'i phyir logs shig pa ma yin par grub po zhes smra na/ de'i tshe de yang dngos po'i chos nyid kho nas sngon yang 'brel par 'gyur du 'ong bas rdzas dang lhan cig 'brel du rung ba nyid la yang rung pa nyid gzhan zhig rdza mkhan las 'gyur par 'dod par bya dgos la/ de yang logs shig tu byed par thal bar 'gyur bas rdzas las ngo bo nyid gzhan ma yin par 'dod par bya dgos te/ de la yang de'i shas kyang yang de kho na yin la/ lan yang de kho na yin pas thug pa med par thal bar 'gyur ba'i phyir rdzas 'jim pa dang dung pa nyid gdon mi za bar ngo bo nyid tha dad par khas blang bar bya dgos so/ /de lta yin na ci zhig grub par 'gyur zhe na/ de'i phyir/ re zhig ngo bo nyid gcig la yang zhes bya ba la sogs pa smos te/ gang gi tshe ngo bo nyid gcig pa nyid yin yang gcig la rkyen du mas khyad par nyid du bya ba yin pa de'i tshe kho bo'i phyogs grub pa yin te/ de'i phyir kho bo 'jim pa dang dbyibs dag ngo bo nyid gcig tu bsgrub par bya ba'i phyir ha cang 'bad de ci rung/ gal te rung ba nyid la brten na yang 'bras bu ngo bo gcig pa la rkyen du mas khyad par nyid du bya ba 'grub pas rdzas dang yon tan du smra bas bsal ba 'dir cung zad kyang mi dgos te/ de ni gzhan nas bsal ba byas zin pa kho na'o snyam du bsam pa'o/ /de ltar 'bras bu gcig la rgyu rnams kyi nye bar sbyor ba tha dad pa nyid du bsgrubs nas mjug bsdu ba'i phyir/ des na dngos su 'bras bu ngo bo nyid gcig yin yang lhan cig byed pa zhes bya ba la sogs pa smos te/ gang gi phyir de ltar rkyen rnams kyi byed pa'i yul tha dad par bsgrubs pa'i rgyu des na dngos su 'bras bu ngo bo nyid gcig yin mod kyi/ 'on kyang lhan cig byed pa'i rkyen rnams kyi nye bar sbyor ba'i yul gcig ma yin no zhes bya bar grub bo/ /lhan cig byed pa'i ngang tshul can dag ni lhan cig byed pa dag go /'di dag nye bar sbyor ba'i yul gcig ba yod pas 'di dag ni nye bar sbyor ba'i yul gcig ba can no/ /ma yin no zhes bya ba ni dgag pa'o/ /dngos su zhes bya ba ni don dam par na rdzas sun zhes bya ba'i tha tshig go /de ltar phyi'i dngos po dag la rgyu rnams nye bar sbyor ba'i yul tha dad par bstan nas/ nang gi dag dang mtshungs par bstan pa'i phyir/ ji ltar 'dir rgyu tha dad pa'i zhes bya ba la sogs pa smos te/ ji ltar dpe la rgyu tha dad pa rnams khyad par tha dad pa dag la nye bar sbyor ba'i phyir/ 'bras bu gcig bdag ma yin pa de bzhin du mig dang gzugs dang sna dang yid la byed pa zhes bya ba dang/ rnam par shes pa skyed pa la yang 'bras bu tha dad pa dag tu blta bar bya'o/ /nye bar sbyor ba'i yul tha dad pa de nyid bstan pa'i phyir/ 'di ltar mtshungs pa de ma thag pa'i rkyen las ni zhes bya ba la sogs pa smos te/ mtshungs pa de ma thag pa'i rkyen gyis ni rnam par shes pa rtogs pa'i ngo bo nyid du byed do/ /mig gi dbang pos ni rtogs pa'i ngo bo gzugs 'dzin du rung ba nyid du nges par byed do/ /yul gyis ni bdag gi ngo bo dang 'dra bar byed do/ /rgyu'i rkyen gyis ni dge ba la sogs pa nyid du nges par byed do/ /gzugs la 'dzin par rung ba nyid ni gzugs 'dzin du rung ba nyid do/ /der so sor nges pa la de skad ces bya'o/ /de la de dang 'dra ba'i ngo bo yod pas 'di ni de dang 'dra ba'i ngo bo can no/ /de'i ngo bo ni de dang 'dra ba'i ngo bo can nyid do// de ltar nang gi dag la rgyu rnams kyi nye bar sbyor ba'i yul tha dad par bstan nas/ mjug bsdu ba'i phyir/ dngos su 'bras bu tha dad pa ma yin yang zhes bya ba la sogs pa smos te/ dngos su 'bras bu tha dad pa ma yin mod kyi/ 'on kyang rgyu'i ngo bo nyid tha dad pa dag las/ 'bras bu'i khyad par tha dad pa kho na dag tu 'gyur ro/ /de'i phyir rgyu tha dad pa yin yang des bya ba'i khyad par tha mi dad pa ma yin pas 'bras bu rgyu'i rjes su byed pa nyid grub bo/ /de dag gi bya ba ni des bya ba ste/ 'di ni des bya ba yang yin la khyad par yang yin pas des bya ba'i khyad par ro/ /de 'bras bu rnams rgyu'i rjes su byed pa nyid du bstan nas/ rgyu la rag las ba'i 'bras bu rnams rnam par gzhan pa bstan pa'i phyir/ rgyu'i nus pa tha dad pa de dag kho na zhes bya ba smos te/ rgyu'i nus pa tha dad pa bshad ma thag pa gang dag yin pa de dag kho na zhes bya ba'i tha tshig go / rgyu rnams kyi nus pa dag ste/ de dag tha dad pa zhes bya bar tshig rnam par sbyar te/ tha dad pa zhes bya ba'i sgra ni khyad par dag la bya'o/ /yang de dag bstan pa'i phyir/ skad cig pa yin pa'i phyir/ bdag nyid ji lta ba bzhin zhes bya ba la sogs pa smos te/ gang gis bdag nyid kyi so so'i khyad par can gyi 'bras bu gang yin pa de gdon mi za bar bskyed par bya ba'i phyir brtson pa dag ni zhes bya ba'i tha tshig go /'di dag gi nus pa chod pa med pa zhes bya bar tshig rnam par sbyar te/ chod pa med pa zhes bya ba ni thogs pa med pa ste/ gdon mi za ba bskyed pa zhes bya ba'i tha tshig go /ci'i phyir nus pa chod pa med pa dag yin zhe na/ skad cig pa'i phyir zhes bya ba smos te/ gang gi phyir skad cig ba dag yin pa de'i phyir de dag gi nus pa dgag par mi nus so/ /de lta bu de dag ci yin zhe na/ tshogs pa'i 'bras bu'i zhes bya ba la sogs pa smos te/ de dag ni tshogs pa'i 'bras bu gang yin pa de'i ngo bo nyid rnam par bzhag pa'i rgyu dag yin zhes bya'o/ /'di ltar de ni de mdza' dag las zhes bya ba la sogs pa smos te/ gang gi phyir de mdza' dag kho na las rtogs pa'i ngo bo nyid dang gzugs 'dzin par so sor nges pa dang/ sngon po la sogs pa'i rnam pa can zhes bya ba de lta bu so so'i khyad par can gyi rang gi ngo bo de gcig skyed pa de'i phyir de dag ni rnam par bzhag pa'i rgyu yin no 'di skad du 'di ni rtogs pa'i ngo bo 'di ni nges pa'i don 'dzin pa'o/ /'di ni yul gyi rnam pa can no zhes bya ba'i rnam par bzhag pa gang yin pa de ni ji skad bshad pa'i rgyus byas pa yin no zhes bshad pa yin no/ /rnam pa gcig tu na 'di ltar sbyar bar bya ste/ 'bras bu'i rgyu'i rjes su byed pa nyid yin la ni rag na/ de ltar skye ba de'i rang gi ngo bo gnas pa'i gzhi gang yin/ 'di ltar 'bras bu'i rten ni ma mthong ngo zhe na/ de'i phyir/ rgyu'i nus pa tha dad pa de dag kho na zhes bya ba la sogs pa smos te/ yan lag gi don ni snga ma bzhin no/ /bsdus pa'i don ni brjod par bya ste/ rgyu'i nus pa'i khyad par bshad ma thag pa gang dag yin pa de dag kho na tshogs pa'i 'bras bu'i ngo bo nyid gnas pa'i rten yin no zhes bya ste/ rgyu ma gtogs pa rten gzhan med do snyam du dgongs pa'o/ /lhan cig 'byung ba ma yin pa'i rgyu ji ltar rten yin zhe na/ de'i phyir/ 'di ltar de ni de mdza' dag las zhes bya ba la sogs pa smos te/ gang gi phyir de mdza' dag kho na las de lta bu de skyes pa de'i phyir rten yin no/ /'di skad du skyed par byed pa kho nas rten ces bya'o/ ha cang thal bar 'gyur ba'i phyir gzhan du ni ma yin no zhes bshad pa yin no/ /gzhan gyi tshig gi go skabs kyi dogs pa bsu bar/ gal te nus pa 'gog pa med pa zhes bya ba la sogs pa smos te/ 'di dag gi nus pa la 'gog pa med pas na nus pa 'gog pa med pa dag go / 'gog pa ni bgegs byed pa la bya'o/ 'di dag gi 'bras bu mjug thogs yin pas 'bras bu mjug thogs pa dag go /'di dag khyad par du bogs dbyung du med pas na khyad par du bogs dbyung du med pa dag ste/ bogs dbyung ba zhes bya ba ni bya dgos pa la bya'o/ /'bras bu bskyed par bya ba la gang dag gi nus pa dgag par yang mi nus la/ bogs 'byin par bya bar yang mi nus pa dang/ gang dag gdon mi za bar mjug thogs su 'bras bu skyed pa'i rkyen de dag la phan tshun lhan cig byed pa'i don ci zhig yin/ gang gis ni lhan cig byed pa dag ces bya/ skad cig pa nyid ni khyad par du bogs dbyung du med pa nyid dang/ nus pa 'gog pa med pa nyid kyi rgyu yin te/ 'di ltar gang dag skad cig ma gcig cig gnas pa de dag ni bogs dbyung bar bya bar yang mi nus la/ yod pa dgag par yang mi nus/ /de nyid kyi phyir/ lhan cig byed pa nyid phan tshul phan 'dogs pas rab tu phye ba ni ma yin no/ /phan tshun nus pa 'gog pa sel bas lhan cig byed pa zhig tu 'gyur na yang de bkag pa'i phyir lhan cig byed pa nyid ni rje'i rgyu can yang ma yin no/ /'dir ni lhan cig byed pa phan tshun phan 'dogs pa dag yin par bsams nas klan ka btsal bar bsams pa yin no/ /'dir grub pa'i mdza' smra bas/ lhan cig byed pa ni thams cad du bogs 'byin pa skyed par 'ba' zhig kyang ma yin zhes bya ba la sogs pa smos te/ lhan cig byed pa ni thams cad du phan tshun phan 'dogs pa 'ba' zhig la bya ba yang ma yin no/ /'o na ci zhe na/ mang po dag don ci yang rung gcig byed pa yang lhan cig byed pa nyid du 'dod pa kho na'o/ 'di'i dgongs pa ni 'dus nas byed pa rnams kyang lhan cig byed pa dag ces bya'o snyam la 'di yin no/ /thams cad du zhes bya ba ni skad cig ma thams cad du'o/ /dpe bstan pa'i phyir/ dper na rgyu tshogs tha ma zhes bya ba la sogs pa smos te/ 'di ltar rgyu'i tshogs tha ma las 'bras bu skye bas don cig byed pa de kho na la mang po rnams lhan cig byed pa nyid yin no/ /de la 'di snyam du de la lhan cig byed pa nyid ni btags pa yin no snyam na/ de'i phyir 'di nyid dngos su zhes bya ba la sogs pa smos te/ don gcig byed pa'i rgyu gang yin pa de kho na lhan cig byed pa nyid dngos yin no/ /ci'i phyir zhe na/ tha ma de nyid rgyu yin pa'i phyir ro zhes bya ba smos te/ 'di ltar rgyu'i tshogs tha ma de kho na mngon sum gyi rgyu yin la/ /rgyu la lhan cig byed pa'i tha snyad 'dogs kyi rgyu ma yin pa la na ma yin no/ /de la 'di snyam du de la 'di yang yod la/ phan tshun phan 'dogs pa nyid kyi mtshan nyid kyang yod par gcig ce na/ de'i phyir/ /skad cig ma de la zhes bya ba la sogs pa smos te/ skad cig ma tha ma ngo bo nyid gcig pu gang yin pa de la ni 'di la ngo bo nyid kyi/ 'di ni bogs ma byung ba yin no/ /'di ni lhan cig byed pa rnams kyi bogs pa skyed pa yin no zhes de lta bu'i dbye ba 'di bya bar mi nus so/ /'di ltar dbye ba yang na khyad par du bya bar yang mi nus so/ /ci'i phyir khyad par du bya mi nus she na/ de'i phyir khyad par 'byung ba'i mtshan nyid ni/ ngo bo nyid gzhan zhes bya ba la sogs pa smos te/ gang gi phyir khyad par ni ngo bo nyid gzhan 'byung ba'i mtshan nyid yin pa de'i phyir dbye ba med na mi srid de/ ngo bo nyid gcig pa yin na mi 'thad do zhes bya ba'i tha tshig go / gal te ngo bo nyid gzhan 'byung ba med par khyad par 'byung ba mi srid na/ 'o na ngo bo nyid gzhan 'byung du zad med? ce na/ de'i phyir/ ngo bo nyid gzhan 'byung na ni zhes bya ba la sogs pa smos te/ ngo bo nyid gzhan 'byung bar khas len na/ de'i tshe tha ma nyid nyams par 'gyur ro/ /nyams su zad mod/ /nyes pa ci zhig yod? ce na/ de'i phyir mngon sum gyi zhes bya ba la sogs pa smos te/ tha ma nyid ma yin na mngon sum gyi rgyu nyid du khas blangs pa gang yin pa der mi 'gyur ro/ /mjug bsdu ba'i phyir/ de lta bas na lhan cig byed pa rnams las rgyu'i khyad par zhes bya ba la sogs pa smras te/ gang gi phyir de ltar khyad par ni ngo bo nyid dbye ba med na med pa yin la/ tha ma la yang dbye ba med pa de'i phyir lhan cig byed pa rnams las rgyu'i khyad par 'byung ba med do// gal te de la lhan cig byed pa rnams las khyad par 'byung ba med na/ 'o na ci'i phyir de dag 'bras bu skyed par nus she na/ de'i phyir/ gang dag la sngon dang phyis dang tha dad pa'i ngo bo med pa gang gi mjug thogs su 'bras bu 'byung ba'i rkyen tha ma ngo bo nyid gyis nus pa skad cig pa de dag ces bya ba la sogs pa smos te/ rkyen tha ma ngo bo nyid kyis nus pa skad cig tsam thogs pa dag lhan cig skye'i/ skyes zin pa 'di dag la gzhan gyis nus par byed pa ni ma yin no/ /skye ba'i rgyu rnams las nus pa 'byung mod? kyi/ 'on kyang gzhan gyi lugs la bltos nas/ ngo bo nyid kyis zhes bya ba smos te/ gzhan ni rgyu skyes zin pa lhan cig byed pa dag las nus par 'dod do/ /gang dag la sngon yang med phyis kyang med/ tha dad pa'i ngo bo yang med pa? gang? dag? pas yud tsam gyi mjug thogs kho nar 'bras bu 'byung gi dus gzhan du ma yin pa skad cig mar gnas pa de lta bu de dag skye ste/ de lta bu de dag gi lhan cig byed pa nyid ni don gcig byed pa'i mtshan nyid yin gyi/ phan tshun phan 'dogs pa'i mtshan nyid ma yin no/ /gzhan gyi 'dod pa'i dogs pa bsu bar/ gal te nus pa de zhes bya ba la sogs pa smos te/ rgyu'i chogs tha ma re res nus par 'dod pa gang yin pa'i nus pa de nyid gang las byung zhe na/ grub pa'i mdza' smra bas/ rang gi rgyu dag las so zhes bya ba smos te/ rang gi rgyu gang dag yin pa de dag las rgyu'i khyad par de 'byung ngo/ /pha rol po'i tshogs nas byed par 'gog pa kho na'i dogs pa bsu bar/ gal te de dag gis zhes bya ba la sogs pa smos te/ rgyu de dag gi sa bon la sogs pa rgyu'i khyad par nus pa'i ngo bo 'di chu la sogs pa rkyen gzhan dang nye ba med pa kho nar ci'i phyir mi skyed/ ci gzhan du yang nus sam zhe na/ res 'ga' gzhan du yang zhes bya ba la sogs pa smos te/ res 'ga' la lar chu la sogs pa lhan cig byed pa med par yang rang gi rgyu dag gis skyed par 'gyur ro/ /de lta yin na ci zhig grub par 'gyur zhe na/ de'i phyir/ la lar gcig pus kyang zhes bya ba la sogs pa smos te/ gang gi tshe res 'ga' sa bon la sogs pa chu la sogs pa rgyu gzhan dang bral bar rang gi rgyu dag gis skyed pa de'i tshe sa bon la sogs pa las gang yang rung ba gcig gis kyang/ yul la lar myu gu skyed par 'gyur bas lhan cig byed pa nyid ni don gcig byed pa'i mtshan nyid yin par mi btub po zhes bya ba ni phyogs snga ma'i dogs pa yin no/ /'dir grub pa'i mdza' smra bas/ 'du byed rgyud ma gzhan dang gzhan gyi rkyen dang ldan nas zhes bya ba la sogs pa smos te/ gzhan dang gzhan gyi rkyen dag ni gzhan dang gzhan gyi rkyen dag ste/ de dag dang ldan pa la de skad ces bya'o/ /skad cig skad cig ni skad cig re re'o/ /'di dag la nus pa tha dad pa yod bas na nus pa tha dad pa can dag go/ 'du byed pas na 'du byed dag go/ rgyud ma zhes bya ba ni rgyun du gyur pa'o/ /'du byed gang dag rgyun gyi rjes su 'brang zhing gzhan dang gzhan gyi rkyen dang 'brel pas/ skad cig la skad cig la nus pa tha dad pa can gang dag yin pa de dag ni kha dog gam/ dbyibs 'ga' zhig gis sam/ rnam pa gzhan gang yang rung ba 'ga' zhig gis 'dra bar shes mod kyi/ 'on kyang de dag gi ngo bo nyid tha dad pa kho nar khong du chud par bya'o/ /ngo bo nyid tha dad pa yin du chug na yang/ des na ci zhe na/ de'i phyir/ des na 'ga' zhig kho na zhes bya ba la sogs pa smos te/ rkyen tha dad pas ngo bo nyid tha dad par grub na/ rgyu 'ga' zhig kho na 'bras bu 'ga' zhig gi rgyu yin no zhes bya bar grub bo/ /gang gi gang zhig ce na/ de'i phyir/ de la gzugs dang dbang po la sogs pa'i tshogs yul chod pa med pa la sogs pa dang ldan pa can zhes bya ba la sogs pa smos te/ de la mig dang gzugs la sogs pa'i tshogs yul rung ba na rnam par gnas shing/ mchod pa gang yin pa de rnam par shes pa skyed par nus pa'i rgyur 'dod do/ /mig la sogs pa phan tshun phrad par byed pa'i rgyu mtshan gyi rkyen gang yin pa de ni rnam par shes pa'i rgyu skyed par nus pa yin te/ de ltar na rgyun gyi rjes su 'brang ba'i dngos po rnams la rgyu dang 'bras bu'i ngo bo bye brag tu rig par bya'o/ /chod pa ni mi snang ba'o/ /de la sogs pa'i gang dag yin pa de dag ni chod pa la sogs pa'o/ /sogs pa smos pas ni ha cang ring ba dang nye ba la sogs pa bsdu'o?/ /yul gang la de dag med pa yod pa de ni chod pa med pa la sogs pa dang ldan pa'o/ /gzugs dang dbang po ni gzugs dang dbang po dag go/ de la sogs pa yid la byed pa la sogs pa'i tshogs gang yin pa de ni gzugs dang dbang po la sogs pa'i tshogs so/ /gzugs dang dbang po la sogs pa'i tshogs gang la yul chod pa med pa la sogs pa dang ldan pa yod pa de ni yul chod ba med pa la sogs pa dang ldan pa can te/ 'di ni yul chod pa med pa la sogs pa dang ldan pa can par? yin la/ gzugs dang dbang po la sogs pa'i tshogs kyang yin pas gzugs dang dbang po la sogs pa'i tshogs yul chod pa med pa la sogs dang ldan pa can yin no/ /gcig la gcig nye bar 'gro ba na phan tshun nye bar 'gro ba ste/ /nye bar 'gro ba ni 'dir phrad pa'o/ /de la sogs pa gang yin pa de ni phan tshun nye bar 'gro ba la sogs pa ste/ sogs pa smos pas ni de la phan 'dogs par byed pa gzhan gang yin pa de yang bsdu'o/ /phan tshun nye bar 'gro ba la sogs pa'i rten rkyen gyi khyad par gang yin pa de ni phan tshun nye bar 'gro ba la sogs pa'i rten rkyen gyi khyad par te rten ni rgyu'o/ /rten gyi khyad par zhes bya ba 'di la khyad par zhes bya ba'i sgras ni mngon sum du skyed pa'i rkyen las tha dad par ston par byed do/ /'di dag gi rgyu dang 'bras bu'i ngo bo nyid 'di bye brag tu yin du chug na yang/ tshogs nas byed pa go ci'i phyir snyam pa la/ de dag kyang sngon yang med ces bya ba la sogs pa smos te/ rnam par shes pa'i rgyu gang dag yin pa dang/ nus pa'i rgyu gang dag yin pa de dag ni mngon par 'dod pa'i rgyu'i gnas skabs las sngon rol na yang med la/ dus phyis kyang med tha dad pa'i ngo bo yang med do/ /de'i phyir nus kyang ci ste sngon med cing phyis med la tha dad pa'i ngo bo ma yin zhes bya ba de lta bu'i nyes pa smras pa gang dag yin pa sngon dang phyis dang tha dad pa'i ngo bo'i nyes pa de dag gis de dag la mi gos/ mi 'bag? mi reg ces bya ba'i tha tshig go /mjug bsdus nas nyes pa 'jug pa yongs su spang pa'i phyir des na 'di dag ces bya ba la sogs pa smos te/ gang gi phyir 'di dag sngon yang med phyis kyang med tha dad pa'i ngo bo yang ma yin pa'i rgyu des na rgyu 'di dag phan tshun nye bar 'gro ba la sogs pa'i rgyu gang yin pa de ni rnam par shes pa skyed par nus pa'i rgyu'i rgyu yin la/ de yang skad cig ma yin pa'i phyir nam yang gzhan du 'gyur ba med do/ /de'i phyir/ res 'ga' gzhan du yang 'gyur ro/ /de'i phyir/ la lar gcig pus kyang skyed par 'gyur ro zhes gang smras pa de bsal ba yin no/ /rgyu dang 'bras bu'i ngo bo kho na ma tho ba med pa 'di lta bu 'di gzhan la yang bsgre ba'i phyir/ tshul 'dis zhes bya ba la sogs pa smos te/ 'dir rgyu dang 'bras bu'i ngo bo la so sor nges pa bshad pa'i tshul gang yin pa 'di ni gzhan thams cad la yang blta bar bya'o/ / gzhan gang zhe na/ dngos po nus pa skad cig ma re re la ngo bo nyid kyi bye brag gzhan dang gzhan zhes bya ba la sogs pa smos te/ so sor nges pa 'di ni nus pa gang dag skad cig ma re re la ngo bo nyid kyis bye brag gzhan dang gzhan gyi rjes su 'gro ba de de la blta bar bya ba'i dngos po gang dag brten pa gcig pu'i ngo bo nyid can la ni ma yin no/ /gang dag la ngo bo nyid kyi bye brag gi rjes su 'gro ba'i ngang tshul yod pa de dag ni nus pa ngo bo nyid kyi bye brag gi rjes su 'gro ba can dag ste/ dngos po tha dad pas tha dad pa zhes bya ba de lta bu'i ngang tshul can zhes bya ba'i tha tshig go / gang dag la brtan pa gcig pu'i ngo bo nyid yod pa de dag ni brtan pa gcig pu'i ngo bo nyid can dag go /yang ci'i phyir brtan pa gcig pu'i ngo bo nyid can dag la ma yin zhe na/ ngo bo nyid gzhan du 'gyur ba med pas zhes bya ba la sogs pa smos te/ dngos po rnams kyi ngo bo nyid ni gzhan du 'gyur ba med do/ /de'i phyir gal te dngos po brten pa 'bras bu skyed nus pa'i ngo bo nyid gcig yin na des na 'di mi byed par ming tha dad/ thams cad du byed pa kho nar 'gyur ro snyam du dgongs pa yin no/ /'on te mi nus pa'i ngo bo nyid gcig yin na ni de'i tshes yang med par mi 'thod de/ thams cad du mi byed pa kho nar 'gyur ro snyam du dgongs pa yin te/ res 'ga' byed res 'ga' mi byed ces bya ba gang yin pa de lta bur ni mi 'gyur ro/ /de dag ni nus pa dang mi nus pa yang yin la ngo bo nyid kyang yin pas zhes bsdu'o/ /byed pa dang mi byed pa ni byed pa dang mi byed pa dag ste/ de dag mi rung ba la de skad ces bya'o/ /gzhan gyi tshig gi go skabs kyi dogs pa bsu bar/ gal te lhan cig byed kyi zhes bya ba la sogs pa smos te/ 'dis nus kyang lhan cig byed pa gzhan dag dang lhan cig byed kyi/ 'ba' zhig gis ni ma yin no/ /de'i phyir ji skad bshad pa'i nyes par thal ba med do zhes bya ba ni phyogs snga ma'i dogs pa yin no/ /grub pa'i mdza' smra pas/ ci 'ba' zhig ces bya ba la sogs pa smos te/ kye 'ba' zhig gi 'bras bu skyed par nus pa'i ngo bo nyid ma yin nam ci na gang gis na lhan cig byed pa la bltos/ pha rol bos nus so zhes bya ba smras te/ brtan pa'i dngos po 'di 'ba' zhig gis nus pa kho na'o/ /grub pa'i mdza' smra bas/ ci'i phyir mi skyed ces bya ba smos te/ 'ba' zhig gis kyang nus na go ci'i phyir mi skyed/ de la 'di snyam du 'ba' zhig gis ni bsad kyang mi skyed do snyam du sems na/ de'i phyir/ ma skyed na ji ltar nus zhes bya ba smos te/ gang zhig nam yang 'ba' zhig gis mi skyed pa de ji ltar nus pa/ srid par 'gyur/ gzhan gyi lugs byi dogs pa bsu bar/ gal te dag pa la sogs pa zhes bya ba la sogs pa smos te/ nus pa gang yin pa des ni gdon mi za bar bskyed dgos so zhes bya ba'i nges pa 'di nam med do/ /'di ltar thag pa la sogs pa ras yug la sogs par byed nus mod kyi/ thams cad du byed pa ni ma yin pa nyid de/ 'dir yang de dang 'dra bar 'gyur ro zhes bya ba ni phyogs snga ma'i dogs pa yin no/ /grub pa'i mdza' smra bas/ tho ba tsam pa'i phyir/ rtse ba'i ngang tshul can zhes bya ba la sogs pa smos so/ /lha rnams dga' pa ni drang po 'am blu na mo yin te/ de ni skyed de par bskyed bskyed pas dga' ba'i rang bzhin can yin no/ /rtsed ni byis pa'i chos de de dang 'dra bas na shes rab med pa nyid ston par byed do/ /skyid de bar bskyed bskyed pa nyid kyis ni bstan bcos dag mngon par brtson pa med par ston par byed do/ /gang zhig brtson pa med cing blo ngan pa de ni dngos po byas kyang brjod ngas pa'i rang bzhin can yin pa'i phyir/ yang dang yang byed du 'jug go /byas zhes bya ba la ni lan btab zin pa'o/ /yang dang yang byed du 'jug ces bya ba ni yang dang yang lan 'debs su 'jug pa'o/ /'di gang du lan btab zin ce na/ de'i phyir/ 'di ltar 'di ni sa bon la sogs par nye bar dgod par zhes bya ba la sogs pa smos te/ 'di ni gal te sa bon la sogs pa bzhin du ma nges pa yin no/ /snyam ste zhes bya ba'i skabs der dbyad zin to/ /mjug bsdu ba'i phyir/ de lta bas na ngo bo nyid gzhan du 'gyur pa med pa'i phyir zhes bya ba la sogs pa smos te/ gang gi phyir de skad bshad pa'i rnam pas nus pa'i ngo bo nyid ni mi bskyed par mi rung ngo zhes bshad pa de'i phyir ngo bo nyis gzhan du 'gyur ba med pas 'bras bu skyed pa'i chos kyis dngos po gang yin pa de ni tha ma'i gnas skabs bzhin du/ sngon yang 'bras bu skyed pa bzlog du mi rung ngo/ /de la 'di snyam du 'di sngon ni nus pa med pa kho na yin la/ 'di'i nus pa ni tha ma'i gnas skabs su 'byung ngo snyam du sems na/ de'i phyir/ tha ma'i gnas skabs na zhes bya ba la sogs pa smos te/ gang gi tshe sngon nus pa med pa las tha ma'i gnas skabs su nus pa 'byung ngo? zhes bya bar 'dod pa de'i tshe yang ci nus pa de dngos po'i bdag nyid du gyur ba zhig yin nam/ 'on te gzhan du gyur pa zhig yin zhes bya ba brtag pa gnyis so/ /gal te bdag nyid du gyur pa zhig yin na ni/ de'i tshe nus pa dngos po'i ngo bo nyid tha ma'i gnas skabs su 'byung bar khas len na/ sngon med pa'i dngos po zhig skye ba kho nar khas blangs pa yin/ /'on te nus pa dngos po'i ngo bo nyid ma yin na ni de'i tshe de'i ngo bo nyid ma yin na dngos po de byed pa po ma yin par 'gyur ro/ /ci'i phyir zhe na/ nus pa zhes bya ba la sogs pa smos te/ 'di ltar rjes su 'gro ba dang ldog pa dag gis nus pa zhes bya ba'i dngos po gzhan zhig las 'bras bu 'byung ba zhes bya bar shes kyi dngos po las ni ma yin no/ /de ltar nus pa tha dad pa dang pa ma yin par rnam par brtag pa bsal nas/ gtan tshigs gzhan bstan pa'i phyir/ gzhan yang re zhig ces bya ba la sogs pa smos te/ re zhig dngos po brtan pa'i rang bzhin can gang yin pa de gang gi tshe tha ma'i gnas skabs na lhan cig byed pa mdza' dag dang ldan pa de'i tshe nyid na ci'i phyir 'bras bu skyed/ 'di la lhan cig byed pa mdza' dag yod pas 'di ni lhan cig byed pa mdza' dag dang ldan pa'o/ /pha rol pos skyed pa mthong ste zhes bya ba la sogs pa smos te/ gang gi phyir 'bras bu skyed pa mthong ba de'i phyir skyed do zhes smra'o/ /grub pa'i mdza' smra bas tso? dri ba'i phyir/ mthu chen po can gyi mthong ba zhes bya ba la sogs pa smos te/ mthu chen po can gyi khyod kyi mthong ba gang yin pa de ni nus pa chen po can yin no/ /ci'i phyir mthong ba 'di nus pa chen po can yin zhes na/ 'di ltar mthong ba 'di ni dngos po 'bras bu skyed pa'i ngo bo nyid dang bral ba dag kyang rang gi ngo bo tsam gyis bya ba rnam pa sna tshogs pa rnams pa sbyor ba yin pa'i phyir ro/ /'dir kho bo la gnod pa ni ci yang med mod kyi/ 'on kyang brgya zhig la rgyu 'ga' zhig ji zhig ltar khyod ched du ma igtad pa 'am yongs pa'i mthong ba'i lam las 'das par gyur na/ kye ma de'i tshe rgyu de skyed par mi byed pa'i chos can yin te/ rgyud rnam par 'chad pa can du 'gyur bas bsam pa 'di ni kho bo'i sems la nyam nga'o/ /'di la nus pa chen po yod pas 'di la mthu chen po yod pa zhes tshig rnam par sbyar ro/ /de'i ngo bo nyid ma yin pa dag ces bya ba ni skyed pa'i ngo bo nyid ma yin pa dag ces bya ba'i tha tshig go / kyang zhes bya pa'i sgra ni srid pa ste/ de lta bu dag kyang zhes bya ba'i tha tshig go /rang gi ngo bo tsam gyis zhes bya ba ni mthong ba tsam gyis zhes bya ba'i tha tshig go /kye ma zhes bya ba ni brtsa ba'o/ /skyed pa ni rab tu skyed pa'o/ /chos de 'di la yod pas 'di ni skyed pa'i chos can no/ /skyed pa'i chos can ma yin pa ni mi skyed pa'i chos can no/ /'di la rgyud med pa yod pa 'di ni rgyud med pa can no/ /gdub pa ni chags pa dang nya mang zhes bya ba'i 'tshig go/ pha rol po kho bo ni de'i ngo bo ma yin pa las zhes bya ba la sogs pa smos te/ bo bo ni 'bras bu skyed pa'i ngo bo nyid ma yin pa dag bdag gis mthong bas 'bras bu skyed do zhe ni mi smra'o/ /'on kyang de dag ni ngo bo nyid kyis 'bras bu skyed pa'i chos can yin la/ de lta bu de dag bdag gis mthong na/ 'di dag ni skyed pa po yin no zhes bya bar shes par zad do/ /de skyed pa ni de skyed pa'o/ /chos de gang dag la yod pa de dag ni de skyed pa'i chos can dag ste/ de zhes bya pa'i sgra ni 'bras bu dang sbyar ro/ /grub pa'i mdza' smra bas/ dam pa ltar co dri pa'i phyir/ /'di yang yos bden na zhes bya ba la sogs pa smos te/ kye bden na khyod kyang 'di skad du gang gis na rtag par 'dod pa'i rgyu de dag 'bras bu skyed pa'i chos gyi ngo bo nyid yin pa de na de las gzhan pa'i rkyen mdza' dag dang ldan pa'i rgyu de rnams 'bras bu mi skyed par btang snyoms su 'khod do zhes smra ba/ btang snyoms su khor? pa ni gyin 'dug pa bsten pa'o/ /khyod kyis de skad brjod pas phan pa mang po mtshar btags mod kyi/ 'on kyang ci de dag gi mi sdod bar skyed pa'i zhes bya ba la sogs pa 'di tsam zhes bya ba la sogs pa 'di tsam zhig ni dri bar bya dgos te/ rtag par 'dod pa'i rgyu de dag gi mi sdod par skyed pa'i chos can gyi ngo bo nyid gang yin pa de ni tha ming gnas skabs de kho na'i tshe 'byung ngam/ 'on te sngon yang yod/ 'di la mi sdod bar skyed ba'i chos yod pas zhes bya bar tshig rnam par sbyar te/ bshol ba med par skyed pa zhes bya ba'i tha? tshig go/ pha rol bos khas rlang? ba'i phyir yod do zhes bya ba smras te/ de 'dra ba'i ngo bo nyid de ni sngon yang yod do/ /'dir gtan tshigs su ma nyams ma byung ba zhes bya ba la sogs pa smas? te/ gang gi phyir dngos po gang dag la nyams pa yang cung zad kyang med 'gyur bar yang med pa/ brtan pa gcig pu'i ngo bo nyid can de dag la ni nams kyang ngo bo nyid 'ga' yang med do zhes bya ba 'di 'gal ba de'i phyir sngon yang yod te zhes bya'o/ /nyam pa dang byung ba ni nyams pa dang byung ba'o/ /de dgag pa ni ma nyams pa ma byung ba zhes bya'o/ /gang 'gal ma nyams ma byung ba brtan pa gcig pu'i ngo bo nyid yod pa de dag ni ma nyams ma gyur pa brten pa gcig pa'i ngo bo nyid can rnams so/ /mi rtag pa rnams la yang skad cig ma gcig la nyams par 'byung ba nyid med pas/ brtan pa zhes bya ba smos te/ rgyun gyis kyang bstan pa nyid du rtogs pas de'i phyir/ gcig bu zhes bya ba smos so/ /grub pa'i mdza' smra bas de na cing zhes bya ba la sogs pa smos te/ mi sdod par skyed pa'i ngo bo nyid sngon yang yod la skyed ba ni ma yin no zhes bya ba khyod kyi tshigs 'di ni ma yang yin la/ ma sham yang yin no zhes bya ba 'di dang 'dra'o/ /de la 'di skad du 'di ming? dang 'dra ba ma yin no snyam du sems na/ de'i phyir/ mi skong par skyed pha'i chos kyi ngo bo nyid kyang yin la zhes bya ba la sogs pa smos te/ gal te 'di de dang 'dra ba ma yin na de'i tshe mi sdod bar byed pa zhes bya ba 'di'i don ci yin pa dang mig spyod de zhes bya ba 'di/ don yang ci yin pa brjod dgos so/ /pha rol po'i gzhung gi dogs pa bsu par/ gal te de'i ngo bo nyid na lan? cig pa yin gyi zhes bya bas sogs pa smos te/ mi sdad par 'bras bu skyed ba ni lhan cig byed pa'i rkyen dang lhan cig pa yin par 'dod kyi/ de dang bral ba ni ma yin no zhe na/ grub pa'i mdza' smras bas/ 'o na ni 'ba' zhig kyang gzhan la zhes bya ba la sogs pa smos te/ gal te de'i ngo bo nyid lhan cig pa yin gyi 'ba' zhig ni ma yin na/ 'o na ni/ kye ma 'ba' zhig kyang gzhan la lhan cig pa yang gzhan no zhes bya bar sbyar te/ de ci'i phyir zhe na/ dngos po tha dad pa'i mtshan nyid ni zhes bya ba la sogs pa smos te tha dad pa ni thams cad du ngo bo nyid sna tshogs pa'i mtshan nyid yin no/ /yang tshul gzhan gyis dus thams cad du 'bras bu skyed par thal bar 'gyur bar bstan ba'i phyir/ lhan cig pa nyid yin na yang zhes bya ba la sogs pa smos te/ dngos po lhan cig byed pa dang lhan cig pa yin na yang rang gi ngo bo kho nas byed kyi/ gzhan gyi ngo bos ni ma yin la/ dngos po'i ngo bo ni sngon yang de kho nar zad do/ /de'i phyir ji ltar res 'ga' skyed ba dang 'bral bar 'gyur ro/ /ngo bo nyid de lta bu dang ldan pa ni dus cig byed pa dang lhan cig pa yin na yang rang gi ngo bo kho nas byed kyi/ gzhan gyi ngo bos ni ma yin la/ dngos po'i ngo bo ni sngon yang de kho nar zad do/ /de'i phyir ji ltar res 'ga' skyed? pa dang 'bral bar 'gyur ro/ /ngo bo nyid de lta bu dang ldan pa ni dus thams cad du 'bras bu skyed par 'gyur ro snyam du dgongs pa yin no/ /pha rol bos mtshungs pa nyid du bsgrub pa'i phyir/ gang gi dngos po skad cig ma yin pa zhes bya ba la sogs pa smos te/ dngos po skad cig ma yin par smra ba'i ltar na yang/ ji ste 'ba' zhig gis mi skyed/ grub pa'i mdza' smra bas/ gal te yin na zhes bya ba la sogs pa smos te/ gal te 'ba' zhig yin par gyur na 'ba' zhig gis kyang 'bras bu skyed par 'gyur ro/ /pha rol pos ci ste ma yin/ ci'i phyir 'ba' zhig ma yin pa brjod dgos so/ /grub pa'i mdza' smra bas/ skad cig ma yin pa'i phyir ro zhes bya ba smos te/ 'di'i lhan cig byed pa dang lhan cig pa'i rang gi ngo bo'i skad cig ma yin pa de nyid 'khor ba thog ma med pa nas/ 'di'i rang gi ngo bo'i skad cig ma dang po yin no/ /de'i phyir/ rang gi ngo bo skad cig mar nges pa yin/ ji ltar 'ba' zhig tu 'gyur/ de la 'di snyam du dngos po skad cig ma gcig la 'byung ba can 'bras bu skyed do zhes bya ba 'di yang bsgrub dgos so snyam du sems na/ de'i phyir/ ji lta bu zhig skyed pa ni bshad zin to zhes bya ba smos te/ skad cig ma gcig tu gnas pa ji ltar 'bras bu skyed pa de ltar gong du de dag kyang sngon yang med phyis kyang med/ tha dad pa'i ngo bo yang ma yin pas zhes bya ba'i bar skabs der bshad zin pa nyid do/ /gang gi tshe de ltar yin pa de'i tshe dngos po nus pa dang ldan pa chod pa med par 'bras bu skyed ba skad cig ma gcig la 'byung pa'i chos can de ji ltar sngon nam phyis sam tha dad par 'gyur/ 'di skad cig ma gcig kho na la 'byung ba'i dang tshul yod pas skad cig ma gcig la 'byung ba can no/ /glegs bam la la las ni skad cig ma de la 'byung ba can zhes 'byung ste/ der ni 'di skad du 'di la mngon par 'dod pa'i skad cig ma de kho na las 'byung ba'i ngang tshul yod pas skad cig ma de la 'byung ba can zhes tshig rnam par sbyar bar bya'o/ /sngon dang phyis dang so so ni 'dir gzhan du 'gyur ba'i sgrar bshad do/ /de la 'di snyam dus kho na la sogs pa tshogs par ma gyur ba rnams sngon yod pa dang tshogs pa las bkar te so sor dang phyis yod pa zhes bya ba gzhan du 'gyur ba mthong ba kho na'o snyam du sems na/ de'i phyir/ gang zhig 'gyur ba de ni zhes bya ba la sogs pa smos te/ tshogs par ma gyur pa gang yin pa dang tshogs pa las bkar te so sor byed pa gang yin pa de ni mi thogs par skyed pa'i chos can de nyid ma yin no/ /de'i phyir dngos po skad cig ma ci ste/ 'ba' zhig mi skyed ci ste 'ba' zhig ma yin zhes thal bar 'gyur ba smras pa gang yin pa de bsal bar rig par bya'o/ /'dir gtan tshigs su byed pa po dang byed pa po ma yin pa dag gi zhes bya ba la sogs pa smos te/ byed pa po'i ngo bo nyid kyang gzhan kho na yin zhing/ byed pa po ma yin pa'i ngo bo nyid kyang gzhan yin na/ rgyu yang byed pa po'i yang gzhan kho na yin la/ byed pa po ma yin pa'i yang gzhan kho na yin no/ /de la byed pa po ni skad cig ma tha ma pa gang yin pa'o/ /byed pa po ma yin pa ni te ba'i thams pa'i skad cig ma la sogs pa gang yin pa'o/ /de gnyis kyi ngo bo nyid gang yin pa de ni gnyi ga la brten yang tha dad pa brjod par 'dod pa med par gcig pa nyid du bshad la/ de bzhin du de gnyis kyi rgyu gang yin pa de yang snga ma bzhin gcig pa nyid du bshad do/ /ngo bo nyid dang de'i rgyu ni ngo bo nyid dang de'i rgyu dag ste/ byed pa po dang byed pa po ma yin pa dag gi ngo bo nyid dag kyang 'gal ba'i phyir la/ byed pa po dang byed pa po ma yin pa geg? gi rgyu dag kyang 'gal ba'i phyir ro zhes bya ba'i tha tshig go/ 'di skad du byed pa po'i ngo bo nyid thams gang yin pa de ni de'i ngo bo nyid kho nas 'jug thogs su 'bras bu skyed par byed la/ byed pa po ma yin pa'i ngo bo nyid nye ba'i tha? ma la sogs pa gang yin pa de yang de nyid kyi phyir skad cig ma tha ma bzhin du mi sdod par bya ba byed pa yin no/ /de'i phyir de lta bu de gnyis chos can gcig la 'gal bas/ ci ste 'ba' zhig gis mi skyed ces bya ba'i thal ba 'di bsal ba yin no/ /de bzhin du de'i rgyu dag kyang byed pa po skyed pa'i ngo bo nyid gang yin pa de ni byed pa po skyed par byed la/ byed pa po ma yin pa skyed pa'i ngo bo nyid gang yin pa de yang cig shos skyed par byed do/ /de'i phyir de lta bu dag chos can gcig la 'gal bas ci ste 'ba' zhig ma yin zhes bya ba'i thal ba 'di yang bsal to zhes bshad pa yin no/ /gzhan gyi 'dod pa'i dogs pa bsu bar/ gang zhig de'i ngo bo nyid de ni zhes bya ba la sogs pa smos te/ gang la la zhig 'di snyam du dngos bo rtag par 'dod pa'i ngo bo nyid gang yin pa de ni mi sdod par skyed pa'i chos can kho na yin pas/ de ni nam yang lhan cig pa nyid la mi bltos so/ /'bras bu gang yin pa de'i rkyen gzhan dag la bltos pas de la gzhan pa dang lhan cig bdag kho na las skye'i rtag pa 'ba' zhig kho na las ni ma yin no snyam du sems nas te/ 'di la mi sdod par bshel? ba med par skyed pa'i chos yod pas 'di ni mi sdod par skyed pa'i chos can no/ /lhan cig pa'i ngo bo ni lhan cig pa la nyid do/ /grub pa'i mdza' smra bas/ de'i ltar na yang ji ltar zhes bya ba la sogs pa smos te/ de skad du smra pa de'i ltar na yang ji ltar rtag par 'dod pa'i dngos po de 'ba' zhig gis kyang 'bras bu gdon mi za bar skye la/ 'bras bu yang mngon par 'dod ba'i rgyu de las mi skye/ gang zhig mi sdod par skyed pa'i chos can yin pa des ni gdon mi za bar 'bras bu skyed dgos so/ /gal te gdon mi za bar 'bras bu sgyed pa ma yin na ni/ ji ltar mi sdod par skyed pa'i ngo bo nyid ces bya ste/ gnas skabs de ni 'gal lo/ /gzhan gyi 'dod pa'i dogs pa bsu bar/ gal te 'ba' zhig gis skyed pa lo na ni ma yin no zhe na zhes bya ba smos te/ gdon mi za bar 'ba' zhig gis skyed do zhes bya ba gang yin pa 'di kho bo khas mi len to zhe na/ grub ba'i mdza' smra bas/ de ni ji ltar na zhes bya ba la sogs pa smos te/ gal te 'ba' zhig gis gdon mi za bar mi skyed na ji ltar na bshol ba med par skyed pa'i ngo bo nyid yin/ mi sdod par skyed pa'i ngo bo nyid do zhes smras pa gdon mi za bar skyed do zhes de skad du yongs su bstan pa ma yin nam/ 'di ltar gdon mi za bar skyed pa/ skyed pa kho na bshol ba med par skyed pa/ mi sdod par skyed pa'i ngo bo nyid ces bya ba la sogs pa ni rnam grangs dag yin no/ /de la 'di snyam du de 'ba' zhig gis kyang nus na yid mi ston par gzhan la bltos pa gang yin pa 'di ni 'bras bu kho na'i nyes pa yin no snyam du sems na/ de'i phyir/ 'di 'ba' zhig gis kyang nus na zhes bya ba la sogs pa smos te/ gal te mngon par 'dod pa'i dngos po 'ba' zhig gis kyang nus pa'i ngo bo nyid yin na de'i tshe 'bras bu gzhan la bltos na yang ci ste btang snyoms su 'jog/ ci ste btang snyoms su mi 'jog pa yin yang ci zhig byar yod ce na/ de'i phyir /gzhan me 'chol bar zhes bya ba la sogs pa smos te/ gzhan 'od dod 'bod kyang mi 'chol bar 'bras bu nan gyis skyed par 'gyur ro/ /de lta yin na yon tan ci zhig yod ce na/ de lta na 'dis bdag nyid kyi zhes bya ba la sogs pa smos te/ gal te 'bras bu gzhan la bltos na yang nan gyis 'ba' zhig gis skyed na de lta na des rang gi nus pa bsal bar byas pa yin gyi/ de lta ma yin te/ mthu med pa lta bu 'am/ brnyas pa lta bu zhig tu gyur na ji ltar nus par 'gyur/ de ltar na mi sdod skyed par byed pa ni gdon mi za bar 'bras bu skyed par bstan pa yin no/ /de ni phan tshun 'gal bstan pa'i phyir/ 'bras bu gzhan la bltos so zhes bya ba ni zhes bya ba la sogs pa smos te/ 'bras bu rkyen gzhan la bltos so zhes smras pas ni rtag par 'dod pa de 'ba' zhig las mi skye bar smras pa yin la/ rtag par 'dod pa'i dngos po de 'ba' zhig gis kyang nus pa'i ngo bo nyid yin no zhes smras pas ni de las skya bar smras pa yin na/ skye ba dang mi skye ba 'di dag dngos po gcig la ji ltar srid par 'gyur/ pha rol po las mjug bsdu ba sngon du 'gro ba'i co dri bar bya ba'i phyir/ de lta bas na phrag dog gi zung rdus? zhes bya ba la sogs pa smos te/ gang gi phyir de ltar gcig la skye pa dang mi skye pa dag 'gal ba yin yang smra pa de'i phyir/ phrag dog gis zug rdus? gnad du drag rab tu brgyab pa can 'di 'chal zhing 'khang par zad pas btang snyoms su dor bar rigs so/ /kha nang du bltas pa'i sdug bsngal gyi rgyu mtshan yin pa'i phyir/ phrag dog nyid zug rdu ste/ 'di la gnad du brgyab pa yod pas zhes bya bar tshig rnam bar sbyar ro/ /'chal zhes bya ba ni cal col dang 'khrugs pa dang ltag 'og ma 'brel ba zhes bya ba'i tha tshig go/ dkyus ma'i mjug bsdu ba'i phyir/ de lta bas na gcig bskyed pa'i zhes bya ba la sogs pa smos te/ gang gi phyir de lta yin pa de'i phyir lhan cig byed pa nyid gcig skyed pa'i mtshan nyid du bshad ba gang yin pa de ni dngos po skad cig pa rnams kho na'i yin par rig par bya'i/ gang dag so so na yod pa can skad cig pa ma yin pa rnams kyi ni ma yin no/ /gang dag la so so na yod pa srid pa de dag ni so so na yod pa srid pa can rnams so/ /yang ci'i phyir lhan cig byed pa nyid 'di skad pa ma yin ba rnams kyi yang yin par mi 'dod ce na/ de'i phyir/ so sor skyed srid pas zhes bya ba la sogs pa smos te/ gang dag so sor yang skyed pa srid pa de dag ni lhan cig byed ba nyid du nges par ga la rung ste/ lhan cig kho nar byed pa ni lhan cig byed pa nyid du nges pa yin no/ /de ltar na re zhig lhan cig byed pa nyid ni don gcig pa'i mtshan nyid du bstan pa yin no/ /phan tshun las khyad par 'byung ba'i mtshan nyid bstan pa'i phyir/ gang du rgyun gyis phan 'dogs pas zhes bya ba la sogs pa smos te/ gang du rgyun gyi sgo nas phan 'dogs pa la bltos pa'i dngos bo rnams rgyu yin pa der ni rgyun la brten nas khyad par 'byung ba'i mtshan nyid rkyen rnams kyi lhan cig byed par rnam par bzhag gi rdzas ni ma yin no/ /'dir dper bshad ba ni/ dper na 'bras thug po che dag las 'bras can 'byung ba la me dang chu la sogs pa lhan cig byed pa'i rkyen rnams las rgyun la brten nas 'bras thug po che rnams kyi khyad par 'byung gi/ rdzas la brten nas ni ma yin pa lta bu dang/ dper na sa bon las myu gu skye ba zhes bya ba la sogs pa lta bu'o/ /'bras thug po che dang sa bon la sogs pa zhes bya bar tshig rnam bar sbyar ro/ /'bras can dang myu gu la sogs pa la de skad ces bshad de/ de dag skye ba la de skad ces bshad do/ /'dir gtan tshigs su rdzas skad cig ba la zhes bya ba la sogs pa smos te/ rdzas grub pa skad cig ma gcig tu gnas pa la ni khyad par du bya bar mi nus te/ khyad par bya ba'i dus su mi sdod pa'i phyir ro/ /'di'i rgyun gyi sgo nas phan 'dogs so zhes bya ba 'di dag las she na/ de'i phyir/ 'bras thug po che la sogs pa zhes bya ba la sogs pa smos te/ gal te 'bras thug po che rnams me dang chu dang zangs bu la sogs pa rim gyis ngo bo nyid khyad par du gyur pa zhig mi skyed par gyur na de'i tshe/ tshe rabs brgyas kyang 'bras can du mi 'grub la/ gal te yang sa dang chu dang rlung la sogs pas rim gyis sa? bon? khyad par du mi byed na/ de'i tshe sa bon lo brgyar btab kyang myu gur mi 'gyur ro/ /de bzhin du gal te gang zhig snang ba nas mun khung du zhugs pa de'i dbang po la rang gi phan 'dogs pa dag gis phan mi 'dogs na de'i mig gnyis kyis bsgrims te bor yang nam yang don rtogs par mi 'gyur ro/ /phyi dang nang gi bye brag gis dpe gnyis yin no/ /de la 'di snyam du ji ltar skad cig ma gzhan dag la lhan cig byed pa rnams phan tshun las khyad par 'byung ba de bzhin du mi sdod par skyed pa rnams la yang ci ste mi 'gyur snyam du sems na/ de'i phyir/ thogs pa med par skyed pa'i dbang po zhes bya ba la sogs pa smos te/ dbang po la sogs pa bshol ba med par skyed pa gang dag yin pa de dag ni phan tshun las khyad par mi skye ste/ gong du skad cig ma yin pa'i phyir ro zhes bshad zin to/ /gal te de'i tshe khyad par 'byung bar khas mi len na/ 'o na ji ltar de dag shes pa'i rgyu yin zhe na/ de'i phyir/ der ni phan tshun nye bar 'gro ba la sogs pa'i rten bdag nyid ji lta ba'i rkyen rnams kyis zhes bya ba la sogs pa smos te/ phan tshun nye bar 'gro ba la sogs pa'i rten du gyur pa gang gi bdag nyid kyi rkyen gang dag yin pa rnams kyis te/ gang gi phyir de lta bu dag gis dbang po la sogs pa rung ba'i yul la sogs par gnas pa can skyes pa de dag rang gi ngo bo grub pa tsam gyis shes pa'i rgyu'i dngos por 'gyur bar de'i phyir der lhan cig byed pa nyid ci don gcig byed pa kho na yin gyi/ khyad par 'byung ba ni ma yin no/ /phan tshun nye par 'gro ba ni gcig la gcig phrad pa ste/ rung ba'i yul la sogs par 'jog pa zhes bya ba'i tha tshig go /stsogs pa smos pas ni mchod pa la sogs pa yongs su bsdu'o/ /phan tshun nye bar 'gro ba la sogs pa'i rten la de skad ces bya ste/ rten ni 'dir rgyu'o/ /da rnams kyis skyes pa zhes bya ba ni rgyu'i gsum pa ste/ de dag rgyur byas nas skyes pa gang dag yin pa zhes bya ba'i tha tshig go /gang dag la rung ba'i yul la sogs par gnas pa de dag ni/ rung ba'i yul la sogs par gnas pa can no/ /stsogs pa smos pas ni yul chod pa med pa la sogs pa yongs su bsdu'o/ /gnas pa zhes bya ba'i sgra ni/ 'dir 'dug pa yin par bshad do/ /lhan cig ngo bo nyid grub pa ni rang gi ngo bo tsam mo/ /yang khyad par 'byung ba'i mtshan nyid kyi lhan cig byed pa nyid ji ltar rnam par bzhag ce na/ gang du khyad par skyed pas zhes bya ba la sogs pa smos te/ gang du la lar lhan cig byed pa rnams phan tshun nas khyad par byed pa rkyen nyid du 'gyur ba der ni rgyun la bdag nyid khyad par du gyur pa thob par bya ba'i phyir/ lhan cig byed pa'i rkyen gzhan dag la bltos pa yin no/ /de'i phyir de dag las mngon par 'dod pa'i 'bras bu bskyed par bya ba'i phyir skad cig ma brgyud pas ngo bo nyid gzhan mthun pa dang chos mthun pa dang/ ches cher mthun pa 'thob bo zhes bya ste/ dper na skad cig ma tha ma lta bu'o/ /de ltar na thams cad du skad cig ma gcig gis dbang du byas nas don gcig byed pa'i mtshan nyid ni/ lhan cig pa nyid yin par rig par bya'o/ /yang ji ltar na ngo bo nyid gzhan 'thob pa dag mngon par 'dod pa'i 'bras bu skyed par byed pa yin zhe na/ de'i phyir/ de la rgyu dang rkyen rnams kyi zhes bya ba la soms pa smos te/ de la rgyu'i rgyun de la nye bar len pa zhes bya ba'i rgyu gang dag yin pa dang/ lhan cig byed pa'i rkyen gang dag yin pa de dag gi nye bar 'gro ba'i skad cig ma dang po gang yin pa de 'jig pa'i rgyu med par rang gi ngang gis log pa yin na/ rgyu dang rkyen de dag kho na las skad cig ma gnyis pa mngon par 'dod pa'i 'bras bu skye ba nye bar 'byung ngo/ /gnyis pa las gsum pa ches nye ba 'byung ngo/ /gsum pa las bzhi pa ches cher nye ba 'byung bas de ltar na rim gyis gang gi mjug thogs su 'bras bu 'byung bar 'gyur bar khyad par du gyur pa dang ldan pa rgyu'i tshogs tha ma'i bar du 'byung ste/ 'di ni 'bras bu 'byung ba'i rim pa yin no/ /de ltar na lhan cig byed pa dag las skad cig ma brgyud pas ngo bo nyid gzhan 'byung ba'i mtshan nyid khyad par du gyur pa thob nas rgyu'i skad cig ma tha ma las 'bras bu skye'o zhes bya bar gnas so/ /'dir pha rol pos klan ka btsal ba'i phyir/ lhan cig byed pa las khyad par yang dag par byung ba'i rgyu las zhes bya ba la sogs pa smras te/ gal te lhan cig byed pa dag las khyad par thob pa'i rgyu gang yin pa de lta bu kho na las 'bras bu skye bar 'dod na de'i tshe khyad par de nyid skye bar mi 'gyur te/ 'di ltar khyad par yang ngo bo nyid gzhan skye ba'i mtshan nyid kyi 'bras bu kho na yin la/ de bskyed par bya ba la yang lhan cig byed pa rnams khyad par du gyur pa med do snyam du bsams pa'o/ /de la 'di snyam du lhan cig byed pa khyad par du gyur pa med pa dag kho na las khyad par skye'o snyam du sems na/ de'i phyir/ khyad par can ma yin pa las zhes bya ba la sogs pa smras te/ gal te lhan cig byed pa khyad par du gyur pa ma thob pa dag las khyad par skye bar khas len na/ de'i tshe 'bras bu yang skyed par khas blang dgos te/ bsgrub par bya ba nyid du 'dra ba'i phyir ro snyam du bsams pa'o/ /de'i phyir phan tshun nas khyad par 'byung ba la mi bltos pa kho nar lhan cig byed pa rnams kyis 'bras bu skyed par 'gyur ro/ /de lta yin na ci zhig grub par 'gyur zhe na/ de'i phyir/ des na skad cig ma ma yin pa zhes bya ba la sogs pa smras te/ rgyu gang gis na lhan cig byed pa rnams phan tshun nas khyad par 'byung ba la mi bltos la 'on kyang 'bras bu skyed pa des na skad cig ma ma yin pa zhes bkra ba de dang 'dra bar 'gyur te de dag kyang lhan cig byed pa rnams la mi bltos par 'bras bu skyed par 'gyur ba de dag las khyad par du 'gyur ba 'byung bar re ba ni med do/ /de la 'di snyam du tshogs pa dang po'i khyad par du gyur pa yang lhan cig byed pa rnams las skye bar 'dod do snyam du sems na/ de'i phyir/ 'on te khyad par 'byung na yang zhes bya ba la sogs pa smras te/ gal te khyad par dang po bskyed pa la lhan cig byed pa rnams phan tshun nas khyad par du gyur pa skyed na de'i tshe de khyad par du gyur pa bskyed pa la yang lhan cig byed pa rnams phan tshun khyad par du gyur pa skyed pa la bltos par 'gyur la/ de bzhin du gnyis pa'i gsum pa'i zhes bya ba thug pa med do/ /yang na 'di ni don gzhan yin te/ gal te tshogs pa dang po so so rang rang gi lhan cig byed pa rnam par phye ba'i gnas skabs pa dag gis khyad par du gyur pa bskyed la/ skad cig ma gnyis pa la khyad par du gyur pa thob nas skyed par byed do/ /zhes bya bar khas len na/ de'i tshe de'i khyad par du gyur pa skyed pa la yang lhan cig byed pa'i rkyen rnam par phye ba'i gnas skabs na 'byung ba de dag so sor rang gi lhan cig byed pa dag las khyad par du gyur pa re bar 'gyur la/ de dag kyang rang gi dag las de las gzhan pa dag kyang rang gi dag las shes te/ de lta na thug pa med par 'gyur la/ thug pa med pa ni gang du yang rigs pa dang ldan pa ma yin no snyam su bsams pa'o/ /'dir ni rnam par phye ba'i gnas skabs na 'byung pa dag so so rang rang gi lhan cig byed pa dag gis phan pa byed pa'i sgo nas thug pa med par klan ka btsal bar bya'i/ skad cig ma dang po la gnas pa'i lhan cig byed pa rnams kyi phan byed pa la thug pa med par 'gyur ba ni ma yin te/ de dag skad cig ma gcig gcig gnas pa'i phyir ro/ /de la 'di snyam du rgyu brgyud pa thog ma med pa'i phyir/ de lta bu'i thug pa med pa gnod par byed pa ma yin no snyam du sems na/ de'i phyir lhan cig byed pa rnams ni gang gis na zhes bya ba smras te/ lhan cig byed pa rnams ni rgyu gang gis na 'di dag phan tshun nas byas pa'i khyad par dang rtag tu rjes su 'brel par 'gyur ba phan tshun nas 'bras bu skye ba dang mthun pa'i khyad par skyed par rung bar dus thams cad du gnas pa ma yin no/ /'bras bu skye ba ni 'bras bu 'byung ba'o/ /'di ni de dang mthun pa yang yin la/ khyad par yang yin pas 'bras bu skye ba dang mthun pa'i khyad par ro/ /gang dag la de bskyed par rung bar gnas pa yod pa de dag ni 'bras bu skye ba dang mthun pa'i khyad par bskyed par rung bar gnas pa can no/ /ci'i phyir lhan cig byed pa dag de lta bu ma yin zhe na/ de'i phyir/ de yod pa dang med pa dag gi zhes bya ba la sogs pa smras te/ lhan cig byed pa gang dag yod de nye na ni 'bras bu gsal ba mthong ba'i phyir la/ med de bral na ni 'bras bu bral ba mthong ba'i phyir ro/ /'di skad du gal te lhan cig byed pa rnams dus thams cad du phan tshun nas 'bras bu skye ba dang mthun pa'i khyad par bskyed par rung bar gnas pa dag yin na ci'i phyir res 'ga' ni 'bras bu skyes la/ res 'ga' ni bral bar 'gyur zhes smras pa yin no/ /gal te lhan cig byed pa dus thams cad du de lta bu ma yin du chug na yang des na ci zhe na/ de'i phyir/ des na khyad par dang po ni zhes bya ba la sogs pa smos te/ gang gi phyir de ltar lhan cig byed pa rnams rtag tu de lta ma yin pa'i rgyu de ni/ khyad par dang po tshogs pa'i 'og skad cig ma gnyis pa la skye ba gang yin pa de ni lhan cig byed pa dag gis phan ma btags pa yin par mi 'thod par 'gyur ro/ /de med pa yin na ni skad cig ma gnyis pa'i khyad par yang med la de bzhin du tha ma dang nye ba'i skad cig ma'i khyad par gyi bar du med pa'i phyir/ ji ltar skad cig ma tha ma ba? nus pa skye bar 'gyur/ de yang med na ni ji ltar tshogs pa dag las mngon par 'dod pa'i 'bras bu skye zhes bya ba ni phyogs snga ma'i dogs pa yin no/ /grub pa'i mdza' smra pas/ zur gyi thob tsam pa'i phyir/ kho bo ni yang dang yang du zhes bya ba la sogs pa smos te/ gal te yang dang yang brjod na yang 'jig rten gyis rig pa go ba bltan lan brgyar yang smra'i/ /lan cig gam gnyis smra brjod lta zhig su zhig 'dra ste/ pha rol gyi don la zhugs pa kho bo ni de lta bu la brjod pa la nam yang skyo ba med do/ /kye gal te skyo ba med na/ 'o na smros shig ce na/ lhan cig byed pa rnams ni gang gis na zhes bya ba la sogs pa smos te/ gang gis na de dag phan tshun nas phan 'dogs pa med pa'i phyir/ khyad par dang po bskyed par bya ba la lhan cig byed pa dag nyid du mi 'gyur ba phan tshun nas khyad par skyed pa'i mtshan nyid kho na ni lhan cig byed pa nyid ma yin no/ /'on kyang 'bras bu gcig sgrub par byed pa nyid kyang lhan cig byed pa nyid yin te/ 'di ltar tshogs pa'i skad cig ma dang po la 'byung ba'i lhan cig byed pa de dag thams cad ni 'dus nas skad cig ma gnyis pa la khyad par zhes bya ba'i 'bras bu bskyed de/ /de'i phyir 'di dag gi lhan cig byed pa nyid ni de'i rgyu can yin par 'gyur ro/ /gzhan gyi tshig gi go skabs kyi dgos pa bsu bar/ gal te phan tshun nas khyad par med pa rnams la zhes bya ba la sogs pa smras te/ don gi cig byed pa lhan cig byed pa'i mtshan nyid du 'dod pa gang yin pa de yang phan tshun nas khyad par med pa'i lhan cig byed pa rnams la med do/ /gal te yod na nyes pa cir 'gyur zhe na/ de'i phyir/ 'on te yod na ni zhes bya ba la sogs pa smras te/ gal te khyad par med pa rnams la yang don gcig byed pa yod par gyur na/ de'i tshe so so la yang 'gyur te/ so sor yang khyad par gyi mtshan nyid kyi 'bras bu de skyed par 'gyur ro snyam du bsams pa'o/ /de lta yin na nyes pa ci yod ce na/ de'i phyir/ de lta na ni khyad par de las 'byung ba can gyi zhes bya ba la sogs pa smos te/ gang gi tshe so sor yang khyad par skyed pa de lta yin pa de'i tshe khyad par dang po'i brgyud pa las 'byung ba'i 'bras bu yang 'ba' zhig las 'byung bar 'gyur ro/ /'di ni de yang yin la khyad par yang yin pas khyad par yang yin pas khyad par de'o/ /de la de las 'byung ba'i ngang tshul yod pas 'di ni khyad par de las 'byung ba can no/ /'di skad du gal te so sor bye brag skyed na/ myu gu la sogs pa mngon par 'dod pa'i 'bras bu yang ci ste mi skyed ces bya ba ni phyogs snga ma'i bsam pa yin no// grub pa'i mdza' smras pas/ sngar bshad pa dran pa bya ba'i phyir/ thams cad bshad zin to zhes bya ba la sogs pa smos te/ rkyen tshogs pa gzhan dang gzhan dag gis ji ltar rgyu'i rgyun la skad cig skad cig la khyad par skye bar 'gyur ba de ltar gong du bshad zin to/ /skad cig re re rkyen gzhan dang gzhan dag gis zhes bya ba la sogs pa ni gzhung zlos par byed pa ste/ 'di ni 'du byed brgyud ma gzhan dang gzhan gyi rkyen dang ldan pa skad cig ma re re la nus pa tha dad pa can dag ces bya ba nas bzung ste/ 'ga' zhig kho nas 'ga' zhig gi rgyu yin no zhes bya ba'i bar gyi gzhung 'dis lan btab zin to/ /'dis ni 'di skad du/ tshogs pa'i skad cig ma dang po la lhan cig byed pa rnams phan tshun nas khyad par 'byung ba med mod kyi/ 'on kyang rang rang gi rgyu dag gis khyad par can kho nar skyed par yin te/ de'i phyir/ khyad par med pa rnams la de yang med do zhes gang smras pa de bsal ba yin no zhes bshad pa yin no/ /ji ltar na rnam par shes pa skye bar rung ba'i yul na rnam par gnas pa rnams dang/ chod pa med pa rnams dang/ tshogs pa'i rkyen rnams mngon par 'dod pa'i 'bras bu skyed pa yin pa de ltar yang ci rigs par yang bshad zin to/ /'di dag la rnam par shes par skye bar rung ba'i yul yod pas zhes bya bar tshig rnam par sbyar ro/ /de dag gi ngo bo ni yul rung ba can nyid do/ /de la sogs pa rnam par shes pa skyed par nus pa'i gnas skabs kyi bye brag gang dag yin pa de la de skad ces bya'o/ /rkyen gang dag la yul rung ba can nyid la sogs pa'i gnas skabs kyi bye brag yod pa de dag ni/ yul rung ba can nyid la sogs pa'i gnas skabs kyi bye brag pa dag ste/ 'di yang de la gzugs dang dbang po la sogs pa'i tshogs yul chod pa med pa la sogs pa dang ldan pa can gang yin pa de ni rnam par shes bskyed par nus pa'i rgyu yin no zhes bya ba 'di bshad zin to/ /'dis kyang ji ltar phan tshun nas/ khyad par du gyur pa ma bskyed pa dag las khyad par 'byung ba de bzhin du 'bras bu yang 'gyur te zhes smras pa gang yin pa de bsal ba yin te/ 'di ltar 'bras bu ni phan tshun phan btags pa'i lhan cig byed pa las rab tu skye ba yin la/ khyad par dang po ni de lta bu ma yin no/ /'bras bu skyed pa'i rkyen de dag kyang gang las skye ba de yang de dag phan tshun nye bar 'gro ba la sogs pa'i rten rkyen gyis khyad par gang yin pa de ni de'i rgyu skyed par nus pa yin no zhes bya ba'i bar skabs 'dir bshad zin to/ /so sor 'bras bu skyed par nus pa yin yang ji ltar 'ba' zhig dag gis mi skyed pa de yang bshad zin to/ /de ni byed pa po'i khyad par so so na yod pa med pa'i phyir zhes bya ba 'dis phyogs gcig bzlas pa dran par byed do/ /gong du de dag kyang sngon yang med phyis kyang med so so na yang med pas nus kyang sngon dang phyis cing so so na yod pa la 'byung ba'i nyes pa dag gis mi gos so zhes bya ba'i bar skabs 'dir bshad zin to/ /de'i phyir khyad par de las 'byung ba can gyi 'bras bu yang 'ba' zhig las 'byung bar 'gyur ro zhes gang smras pa de bsal ba yin te/ skad cig ma de lta bu'i 'byung ba 'am 'byung bar yang mi 'gyur la/ 'di'i skad cig byed pa rnams so sor bya bar yang mi nus so/ /de la 'di snyam du 'bras bu cung zad cig ni lhan cig byed pa phan tshun phan btags pa'i rang gi ngo bo dag gis bskyed do/ /cung zad cig ni ma yin no zhes bya ba'i 'dod rgyal 'di dag las snyam du sems na/ de'i phyir/ 'bras bu rnam pa gnyis so zhes bya ba la sogs pa smos te/ 'bras bu rnam pa gnyis la 'bras bu ni lhan cig byed pa dag gis bskyed pa'i khyad par brgyud pa las 'byung ba zhes bya ba de lta bu'i chos can yin te/ dper na myu gu la sogs pa lta bu'o/ /la la ni lhan cig byed pas byas pa'i khyad par la mi bltos par yud tsam kho nas skyes pa yin te/ dper na mi sdod par bskyed pa'i dbang po'i rnam par shes pa la sogs pa lta bu'o/ /lhan cig byed pa dag gis bskyed pa zhes bya bar tshig rnam par sbyar te/ de dag ni lhan cig byed pas bskyed pa yang yin la/ khyad par yang yin pas zhes bsdu'o/ /de dag brgyud pa la de skad ces bya ste/ 'di la de las 'byung ba'i chos yod pas 'di ni lhan cig byed pas bskyed pa'i khyad par brgyud pa las 'byung ba'i chos can no/ /mi sdod par skyed pa'i dbang po'i rnam par shes pa ni sdod pa med par bskyed pa'i rnam par shes ba ste/ mi sdod pa smos pa ni snang ba nas mun khung du zhugs pa'i phan btags pa'i dbang po'i rnam par shes pa bsal bar bya ba'i phyir ro/ /dbang po ni 'dir yid la byed pa la sogs pa mtshon pa yin par blta bar bya'o/ /yang ci'i phyir 'bras bu de rnams pa gnyis yin zhe na/ de'i phyir/ 'bras bu dang rgyu'i ngo bo nyid tha dad pa'i phyir zhes bya ba smos te/ 'bras bu kho na la/ la la ni rgyu dang rkyen tshogs pa tsam kho na las mi skye'i// 'on kyang tshogs pa las kyang yongs su gyur pa dag la skye la/ yang la la ni rang gi nye bar len pa tshogs pa tsam las te/ mi sdod par skyed pa'i rgyu'i tshogs pa las skye ba gang yin pa de lta bu'i ngo bo nyid yin no/ /rgyu rnams kyang kha cig ni yongs su 'gyur bar nye bar 'gro ba na 'bras bu nye bar skyed par byed kyi/ tshogs pa tsam gyis mi ma yin te/ de dag ni brgyud pas rgyu zhes bya ba'i tha snyad la brten la/ yang kha cig ni phan tshun tshogs pa tsam gyis 'bras bu skyed par byed pa dag yin te/ de dag ni rgyu dngos su tha snyad gdags pa gang yin pa de lta bu'i ngo bo nyid dag kyang yod do/ /'di nyid kyi rgyu dang 'bras bu dag ngo bo nyid tha dad pa rnams kyi thug pa med pa yongs su spang ba'i phyir/ de la lhan cig byed pa dag las zhes bya ba la sogs pa smos te/ gang gi tshe lhan cig byed pa dag las rgyun gyi sgo nas phan 'dogs pa la brten nas/ mngon par 'dod pa'i 'bras bu'i rgyu skye bas de'i tshe lhan cig byed pa dag gis byas pa'i khyad par dang po gang yin pa de ni lhan cig byed pa dag gis byas pa'i khyad par dag las mi skye'o/ /'dir chos mi mthun pa ce na nyid kyi dpe ni/ 'bras bu mjug thogs can lta bu'o zhes bya ba yin te/ ji ltar rgyu'i tshogs 'bras bu mjug thogs can lhan cig byed pa dag las rgyun gyis khyad par 'byung ba la rten nas/ 'bras bu skyed pa ltar 'di ni de lta bu ma yin no zhes bya'o// rnam par gcig tu na 'di chos mthun pa can nyid kyi dpe kho na yin te/ ji ltar rgyu'i tshogs 'bras bu mjug thogs ba skad cig ma de las 'byung ba'i lhan cig byed pa dag gis phan ma btags pa'i ngo bo kho nas 'bras bu skyed pa de bzhin du khyad par dang po yang phan tshun nas phan ma btags pa'i ngo bo nyid kyi lhan cig byed pa dag las skye'o/ /rgyun gyis phan 'dogs pa la bltos pa'i ni rgyun gyis phan 'dogs pa la bltos pa'o/ /'bras bu'i rgyu ni 'bras bu'i rgyu'o/ /de skye ba ni 'bras bu'i rgyu skye ba'o/ /de ni rgyun gyis phan 'dogs pa la bltos pa yang yin la/ 'bras bu'i rgyu skye ba yang yin pas shes tshig rnam par sbyar ro/ /'di la lhan cig byed pa dag gis byas pa'i khyad par dag las skye ba yod pas 'di ni lhan cig byed pas byas pa'i khyad par las skye ba can no// gang la 'bras bu mjug thogs yod pa de ni 'bras bu mjug thogs can te/ de dang 'dra ba na 'jug pas na de lta bu'o/ /yang de las gzhan pa'i sgrub pa gang yin zhe na/ de'i phyir/ de phyin chad kyi khyad par gang dag yin pa zhes bya ba la sogs pa smos te/ khyad par dang po phan chad kyi khyad par gang dag yin pa de dag ni lhan cig byed pa dag gis byas pa'i khyad par dag las skye ste/ 'di dag la de lta bu las skye ba yod pas shes tshig rnam par sbyar ro/ /'dir ni sa la sogs ba skad cig ma rgyud de 'byung ba thams cad so sor blos gcig pa nyid du bzung ba rnams phan tshun phan 'dogs par shes par bya ste/ 'di ltar sa bon skad cig ma brgyud de 'byung ba la blos gcig pa nyid du yongs su bzung nas/ skad cig ma phyi ma dag la sa dang chu la sogs pa la phan 'dogs par byed pa yin par blta bar bya la/ de bzhin dus dang chu la sogs pa yang so sor skad cig ma phyi ma phyi ma dag la/ de las gzhan pa dag la phan 'dogs par byed pa yin par blta bar bya'o/ /yang ci'i phyir khyad par dang po yang gzhan du skye la/ de las gzhan la rag kyang gzhan du skye zhe na/ de'i phyir/ de dang de dag ni de'i rang bzhin zhes bya ba la sogs pa smos te/ khyad par dang po ni phan ma btags pa'i lhan cig byed pas bskyed par bya ba'i ngo bo nyid yin la/ de las gzhan pa'i khyad par dag phan tshun phan btags pa'i lhan cig byed pas bskyed par bya ba'i ngo bo nyid dag yin no/ /rang bzhin ngo bo nyid de/ de dag de dag la rang bzhin de yod pas shes tshig rnam par sbyar ro/ /de'i phyir gong du thug pa med par brjod pa gang yin pa de yang 'di kho nas bkag par blta bar bya'o/ de la 'di snyam du ji ltar khyad par dang po khyad par du gyur ba ma bskyed pa'i lhan cig byed pa dag gis skyed pa de bzhin du skad cig ma ma yin pa rnams kyang khyad par du gyur ba ma bskyed pa kho nar 'bras bu skyed par 'gyur ro snyam na/ de'i phyir/ gal te khyad par dang po'i rgyu bzhin du zhes bya ba la sogs pa smos te/ gal te khyad par dang po bzhin du dngos po skad cig ma yin pa lhan cig byed pa rnams kyis khyad par du gyur pa ma bskyed pas kyang 'bras bu skyed par 'gyur ro zhe na/ skyed la ni rag ste/ 'gog par byed pa su zhig yod de/ dngos po skad cig ma ma yin pa'i ngo bo de ci'i phyir/ mi sdod par skyed pa'i chos can zhig gam/ 'on te ma yin zhes dri ba 'ba' zhig tu zad do/ /gal te mi sdod par skyed pa'i chos can yin na ni/ de'i tshe so sor byed pa srid pas brtag par 'dod pa de 'ba' zhig gis kyang 'bras bu skyed par 'gyur ro zhes de skad du gong du bshad zin pa kho na'o/ /rnam par brtag pa gnyis pa la nyes pa/ de'i ngo bo nyid ma yin na ni zhes bya ba la sogs pa smos te/ gal te mi sdod par bskyed pa'i ngo bo nyid ma yin na ni/ de'i tshe 'di lhan cig byed pa dang/ lhan cig kyang byed pa po ma yin pa nyid do/ /mjug bsdu ba'i phyir/ de lta bas na skad cig ma ma yin pa'i rgyu dag la zhes bya ba la sogs pa smos te/ gang gi phyir de ltar rnam par brtag pa gnyi ga la yang nyes pa yod pa de'i phyir/ rgyu gang dag skad cig ma yin de dag ni 'ga' yang don gcig byed pas lhan cig byed pa nyid du nges pa med do/ 'o na khyad par 'byung ba'i mtshan nyid yin par 'gyur ro snyam na/ de'i phyir/ rgyun gyis phan 'dogs pa yang ma yin pas zhes bya ba la sogs pa smos te/ lhan cig pa nyid rgyun gyis phan 'dogs pa'i sgo nas khyad par 'byung ba'i mtshan nyid gang yin pa de yang rtag pa rnams la mi 'thad do/ de lta bas na de dag gi lhan cig byed pa 'ga' yang med do/ /de'i phyir 'ba' zhig gis kyang bskyed par 'gyur bas nyes pa de son 'dug pa nyid do/ /yang ci'i phyir dngos po rtag pa yang gdon mi za bar lhan cig byed pa dag las khyad par skyed do zhe na/ dngos po'i rgyun tshogs pa la gnas pa can ni/ phal cher zhes bya ba la sogs pa smos te/ dngos po'i rgyu lus can ni phal cher lhan cig byed pa'i rkyen dag gis khyad par bskyed pas 'bras bu skyed pa mthong ste/ dper na sa bon la sogs pa'i rgyun lta bu'o/ /de bzhin du gal te rgyu rtag bar smra ba'i yang dngos po rtag par 'dod pa rkyen gzhan dag la bltos nas 'bras bu skyed na de'i tshe gdon mi za bar de'i skyed par byed pa'i ngo bo nyid gzhan zhig 'byung ste/ phan gdags par bya ba yin dang bltos pa'i chos can zhes bya'o/ /tshogs pa ni cha shas 'dus pa'o/ /'di la tshogs pa la gnas pa'i ngang tshul yod pas/ 'di ni tshogs pa la gnas ba can no/ /'bras bu la bltos pa zhes bya ba ni/ phan gdags par bya ba yin na zhes bya ba'i tha tshig go/ yang ci'i phyir dngos po rtag pa la lhan cig byed pa dag las skyed par byed pa'i ngo bo nyid gzhan skye bar klan ka btsal zhe na/ skyed par byed pa'i ngo bo nyid sngon yang yod na ni zhes bya ba la sogs pa smos te/ gal te rtag pa la skyed par byed pa'i ngo bo nyid sngon yang yod na ni/ de'i tshe mi skyed pa mi rung ste/ sngon yang skyed par 'gyur ro// zhes bya ba'i tha tshig go/ de ltar lhan cig byed pa'i zhar la brgyud de 'ongs pa yongs su rdzogs par byas nas/ dkyus ma'i mjug bsdu ba'i phyir/ de lta bas na gang gi bdag nyid gang yin pa ni zhes bya ba la sogs pa smos te/ gang gi phyir de ltar sa bon la sogs pas ma nges pas? zhes bya ba la sogs pa yongs su spangs pa de'i phyir/ dngos po gang gi ngo bo nyid gang yin pa de ni de yod pa tsam kho nas de lta bur 'gyur gyi/ dang po yod par gyur nas phyis de lta bu'i ngo bo nyid 'grub par bya ba'i phyir/ gzhan gyi byed pa la bltos pa ni ma yin no/ /gang gi phyir de ltar yin pa de'i phyir gal te/ dngos po ngo bo nyid kho nas mi gnas pa'i rang gi ngo bo zhig yin na ni/ de la 'jig pa'i rgyu dag cung zad kyang mi dgos so/ /'on te 'dir rang bzhin brtan pa can du khas len na/ de'i tshe dngos po gnas pa'i chos can la yang ngo bo nyid gzhan du bya bar mi nus pas 'jig pa'i rgyu dag shin tu mi dgos te rdo rje la shing srin gyis cung zad kyang bya bar mi nus so/ /'di la mi gnas pa'i chos yod pas 'di ni mi gnas pa'i chos can te/ g.yo ba'i ngo bo nyid ces bya ba'i tha tshig go/ 'di la gnas pa'i chos yod pas 'di ni gnas pa'i chos can te/ rang bzhin brtan pa zhes bya ba'i tha tshig go/ de la 'di snyam du gnas pa'i chos can yang ngo bo nyid gzhan du 'gyur ba kho na'o snyam du sems na/ de'i phyir/ 'on te gzhan nyid du 'gyur na ni zhes bya ba la sogs pa smos te/ gal te gzhan nyid du 'gyur na/ de lta yin ni rang bzhin rtag pa kho nar mi 'gyur ro/ /de'i phyir chos 'gal ba gnyis 'brel pa mi rung ba'i phyir/ de nyid brtag ba snga ma ste/ yi gnas pa'i chos kyi ngo bo nyid yin par zad de/ brtag pa de la yang lan btab zin to/ /de la 'di snyam du gzhan du 'gyur ba nyid kyang de kho na'i ngo bo nyid yin no snyam du sems na/ de'i phyir/ pha rol las gzhan du 'gyur ba gang yin pa de ni zhes bya ba la sogs pa smos te/ de pha rol 'jig pa'i rgyur 'dod pa las gzhan du 'gyur ba gang yin pa de ni gzhan kho na yin la/ gang zhig gzhan yin ba de ji ltar de'i ngo bo nyid yin no zhes tha snyad 'dogs par 'gyur/ ci'i phyir zhe na/ de'i phyir dngos po tha dad ba ni ngo bo nyid tha dad pa'i mtshan nyid ces bya ba la sogs pa smos te/ dngos po rnams tha dad pa gang yin pa de ni ngo bo nyid tha dad pa'i mtshan nyid yin pas/ 'dir gal te ngo bo nyid tha dad pa yin na/ ji ltar dngos po tha dad par mi 'gyur/ de la 'di snyam du pha rol las gzhan du 'gyur ba gang yin pa ngo bo nyid gzhan yin du zad mod/ de lta yin na nyes ba ci yod ce na/ de lta na dngos po snga ma zhes bya ba la sogs pa smos te/ gang gi tshe pha rol las gzhan du 'gyur ba gang yin pa de ni gzhan kho na yin la/ de lta yin na dngos po rang bzhin brtan pa can snga ma gang yin pa de ni nyams pa med pa'i chos nyid la gnas pas de sus kyang gzhan du 'gyur ba byas pa med pa'i phyir/ /'jig pa'i rgyu rnams don med pa de'i son 'dug ba yin no/ /zangs la sogs pa rnam par gnas pa'i rang gi ngo bo rnams kho na me la sogs pa las snyi ba nyid la sogs pa'i ngo bo nyid gzhan 'byung bar mthong ba ma yin nam zhe na/ de'i phyir/ 'dis ni zangs la sogs pa'i sra ba la sogs pa zhes bya ba la sogs pa smos te/ pha rol las gzhan du 'gyur ba ngo bo nyid gzhan yin no/ /zhes smos pa 'dis ni zangs kyi sra ba me dang nye na snyi ba'i ngo bo nyid gzhan du 'gyur ba bsal bar rig par bya'o/ /sogs pa smos pa ni/ chu'i snyi ba lhags pa nyen sra ba'i ngo bo nyid gzhan du 'gyur ba bsal ba yin par rig par bya'o/ /ji ltar bsal ce na/ de'i phyir/ de la yang snga ma zhes bya ba la sogs pa smos te/ zangs la sogs pa de la yang sra ba la sogs pa'i ngo bo nyid snga ma gang yin pa de rang gi ngang gi 'jig pa can yin pa'i phyir zhig na me la sogs pa lhan cig byed pa'i rgyu dang/ zangs la sogs pa'i skad cig ma rang gi nye bar len pa'i rgyu las snyi ba la sogs pa'i ngo bo nyid gzhan kho na zhig 'byung gi/ gnas pa snga ma kho na'i ngo bo nyid gzhan du 'gyur ba ni ma yin no/ /yang pha rol pos brgal bar bya ba'i phyir/ de ni rang gi gnas pa'i chos can kho na yin te zhes bya ba la sogs pa smras te/ dngos po de ni rang gi ngo bos gnas pa'i chos can kho na yin te/ 'di ltar ji srid du 'jig pa'i rgyu nye bar ma gyur pa de srid du gnas so/ /de lta bu de ni gzhan gyis 'jig par 'gyur la/ rgyu de yang ngo bo nyid gzhan med kyi/ 'on kyang dngos po 'pho ba kho na 'jig pa zhes bya bas gzhan ma yin no zhes bya ba ni phyogs snga ma yin no/ /grub pa'i mdza' smra bas/ lan 'di ni zhes bya ba la sogs pa smos te/ smras ba/ dag pa'i lan 'di ni rnam par brtag pa gnyis las mi 'da' o/ /rnam par brtag pa gnyis po de nyid bstan pa'i phyir/ ci dngos po ngo bo nyid kyis rtag pa zhig gam zhes bya ba la sogs pa smos te/ kye ci dngos po ngo bo nyid kyis rtag pa zhig gam/ 'on te ma yin/ cir 'gyur zhe na/ brtag par bya ba la sngar brtag par gyur nas zhes bya ba la sogs pa smos te/ de lta bur brtag par byas pa la gal te sngar rtag par gyur nas/ phyis 'jig pa'i rgyu dang nye na mi rtag par 'gyur ro zhes smras na/ de'i tshe rtag par 'dod pa snga ma thams cad du rtag pa dang mi rtag pa tha dad pa can gyi dngos po gnyis su yang rab tu smra la/ rang gi 'jig pa dang mi 'jigs par yang rab tu smras pa yin no/ /'di la rtag pa dang mi rtag pa'i ngo bo nyid tha dad pa dag yod pas 'di ni rtag pa dang/ mi rtag pa'i ngo bo nyid tha dad ba can gyi dngos po gnyis so/ /'di ltar rang gi tshe gnas pa'i chos can gzhan las dngos po 'pho ba'i ngo bo 'jig pa yin par 'dod la/ de yang de las gzhan ma yin pa de'i tshe ngo bo nyid gnyis su khas blangs par 'gyur ro/ /ji ltar rang gis 'jig pa dang mi 'jig pa yin zhe na/ bshad pa gal te ngo bo nyid sam bdag nyid kyis 'jig pa pa yin na/ de'i tshe 'di'i 'jig pa'i ngo bo nyid kho nas rang 'jig par smras pa yin te/ de lta na yang 'jig pa'i rgyu don med pa yin no/ /'jig pa'i rgyus bskyed pa'i ngo bo nyid phyi ma gang yin pa de yang 'jig pa'i ngo bo nyid yin pa'i phyir bdag nyid 'jig pas 'jig pa'i rgyu don med pa yin no/ /'on te ngo bo nyid snga ma 'jig pa'i dang can ma yin na de'i tshe yang bdag nyid kyis mi 'jig par smras pa yin no/ /mjug bsdu ba'i phyir/ de ltar na snga ma la zhes bya ba la sogs pa smos te/ de ltar bshad pa'i rnam pas ni rtag par 'dod pa snga ma la gnyi ga ltar yang 'jig pa'i rgyu nus pa med do zhes bya bar gnas so/ /pha rol pos gcig la rtag pa dang/ mi rtag pa'i ngo bo nyid gnyis kyi nyes pa yongs su spang ba'i phyir/ sngar rtag par gyur nas zhes bya ba la sogs pa smos te/ rtag par 'dod pa'i dngos po sngar rtag par gyur nas/ phyis mi rtag par 'gyur ba ni ma yin gyi/ 'on kyang 'di ni phyis kyang rtag pa kho na'o/ /'dir gtan tshigs su ngo bo nyid gcig pa'i phyir ro zhes bya ba smos te/ gang gi phyir 'di'i ngo bo nyid gcig yin pa de'i phyir 'di phyis mi rtag pa nyid ga la yin zhes bya ba ni phyogs snga'o// grub pa'i mdza' smra bas/ 'o na dngos po de zhes bya ba la sogs pa smos te/ gal te dngos po 'di rang gi ngo bos 'jig pa dang ma 'brel mi 'gyur na/ 'o na 'jig pa zhes ji skad du bya mi 'gyur ba'i rang gi ngo bo ni thams cad du zhig pa nyid du brtag par rigs pa yin no/ /ci'i phyir zhe na/ de'i phyir/ de'i ngo bo nyid dang 'jig pa dag ni zhes bya ba la sogs pa smos te/ rtag pa'i ngo bo nyid dang 'jig pa 'di gnyis ni phan tshun gyi ngo bo mtshan nyid mi 'dra ba'i phyir te/ 'jig pa dang mi 'jig pa'i ngo bo nyid dag phan tshun spangs te gnas pa'i mtshan nyid yin pa'i phyir ro snyam du dgongs pa yin no/ /'di gnyis la phan tshun gyi ngo bo yod pas 'di dag ni phan tshun gyi ngo bo can no/ /phan tshun gyi ngo bo can ma yin pa ni phan tshun gyi ngo bo can ma yin pa'o/ /de'i ngo bo ni de nyid de'i phyir ro/ /mjug bsdu ba'i phyir/ de lta bas na 'di la 'jig pa yod dang zhes bya ba la sogs pa smos te/ gang gi phyir de lta yin pa de'i phyir/ nam yang rung ste rtag pa nyid du 'dod pa 'di 'jig par 'dod na/ de'i tshe 'di 'jig pa'i ngo bo nyid kho nar 'gyur dgos so/ /de lta ma yin ni 'jig par mi rung ste/ de lta na yang 'jig pa'i rgyu don med pa kho na'o zhes sngar bshad zin to/ /mjug bsdu ba'i phyir/ des na dngos po ngo bo nyid kyis 'jig pa yin yang rung zhes bya ba la sogs pa smos to/ /ji skad du/ spros pa'i tshul des na gal te dngos po 'jig pa'i dad can yin yang rung kho na te 'jig pa'i dad can ma yin yang rung ste/ rnam pa thams cad du 'jig pa'i rgyu dgos pa 'ga' yang med do/ /dkyus ma'i mjug bsdu ba'i phyir/ de lta bas na dngos po 'jig pa la bltos pa med pas zhes bya ba la sogs pa smos te/ gang gi phyir de skad du bshad pa'i rnam pas 'jig pa'i rgyu rnam pa thams cad du mi 'thad pa de'i phyir/ dngos po ni 'jig par bya ba la chung zad kyang bltos pa med do/ /de'i phyir 'jig par nges pa grub bo/ /'dir sbyor ba ni gang dag gang zhig yod par bya ba'i phyir/ bltos pa med pa de dag ni de yod par nges pa dag yin te/ dper na 'bras bu bskyed par bya ba la rgyu'i tshogs tha ma lta bu'o/ /dngos po yang 'jig par bya ba la bltos pa med pa yin te/ de lta bas na de yod par nges pa yin no/ /des ci zhig grub par 'gyur zhe na/ gang yod pa de ni 'jig pa yang yin zhes bya ba la sogs pa smos te/ de yod par grub na dngos po gang la yod pa de ni gdon mi za bar 'jig pa yin la/ 'jig pa'i ngo bo nyid log na thams cad du yod pa nyid ldog pas de ltar na rjes su 'gro ba dang/ ldog pa dag grub pa yin no/ /'dir pha rol des rjes su 'gro ba dang ldog pa dag ma grub par klan ka btsal ba'i phyir/ gal te ngo bo nyid kyis 'jig pa nyid yin na yang zhes bya ba la sogs pa smos te/ gal te yod pa kha cig 'jig pa'i rgyur mi rung ba'i phyir ngo bo nyid kyis 'jig pa'i ngang can yin du chug na yang yod pa thams cad 'jig pa'i ngang can du 'gyur dgos so zhes bya ba 'di gog las/ de'i phyir la lar yod kyang 'jig pa'i ngo bo nyid ma yin par 'gyur ro/ /yang dogs pa'i rgyu ci zhig yin snyam na/ thams cad kyi ngo bo nyid thams cad yin pa ni zhes bya ba la sogs pa smos te/ dngos po thams cad rang gi ngo bo gcig pa ni ma yin no/ /dper na yod pa nyid du 'dra yang kha cig ni thogs pa dang bcas pa yin la kha cig ni sogs pa med pa yin no/ /bstan du yod pa dang bsten du med pa la sogs pa yang de bzhin du blta bar bya ste/ de dang 'dra bar yod pa nyid du mtshungs kyang/ kha cig ni 'jig pa'i bdag nyid du 'gyur la/ kha cig ni mi 'jig pa'i bdag nyid du 'gyur ro/ /de'i phyir ma khyab pas rjes su 'gro ba dang ldog pa bdag ma grub po zhes bya ba ni tshogs snga ma'i dgos pa'o/ /grub pa'i mdza' smra bas/ gnod pa can gyi tshad ma bstan pa'i phyir/ ma yin te/ skad cig ma nyid ma yin na zhes bya ba la sogs pa smos te/ gang zhig 'jig pa'i ngo bo nyid du mi 'dod pa de ni yod pa nyid du mi rung ngo/ /de'i phyir yod pa yang yin la/ rtag par yang 'gyur ro zhes bya ba'i 'khrul par ga la 'gyur/ ci'i phyir dngos po med pa nyid du thal bar 'gyur zhes na/ de'i phyir/ dngos po'i mtshan nyid ni zhes bya ba la sogs pa smos te/ 'di ltar gang don byed nus pa de ni dngos po zhes bya'o/ /'o na dngos po med pa'i mtshan nyid kyi yin zhe na/ nus pa thams cad dang bral ba ni zhes bya ba la sogs pa smos te/ gang zhig gang du yang nus pa med pa de ni dngos po med pa zhes bya'o/ /de la 'di snyam du skad cig ma ma yin pa yang don byed par 'gyur snyam du sems na/ de'i phyir/ skad cig ma ma yin pa ni 'ga' yang zhes bya ba la sogs pa smos te/ skad cig ma ma yin pa gang yin pa de ni gang du yang nus pa med do/ /ci'i phyir zhe na/ rim dang cig car dag gis zhes bya ba la sogs pa smos te/ rim dang cig car ma gtogs pa dus gzhan med pa'i phyir ro/ /skad cig ma ma yin pa ni/ rim gyis don byed par yang mi 'thad de/ 'di ltar lhan cig byed pa la bltos nas rim gyis don byed pa yin na/ rtag pa ni lhan cig byed pa la bltos pa med do zhes bshad zin to/ /de'i phyir 'dis cung zad bya ba gang yin pa de thams cad cig car byed par 'gyur gyi/ rim gyis ni ma yin no/ /cig car yang mi 'thad de/ 'di ltar bya ba thams cad cig car byas nas kyang skad cig ma gnyis pa la sogs pa la yang byed par 'gyur te/ skad cig ma gnyis pa la sogs par 'di'i bya ba byed pa'i ngo bo nyid ldog pa ni med do/ /lhan cig byed pa la mi bltos pa'i phyir/ skad cig ma gnyis pa la sogs pa la sogs pa la bya ba bya dgos pa de thams cad kyang sngon kho na byed par 'gyur te/ de ltar na thug pa med pa'i 'khor lo la zhon pa'i rtag pa nyon mongs pa bdag nyid kyang 'khyar bar 'gyur na/ 'bras bu lta smos kyang ci dgos/ de ltar 'khrul pa yongs spangs nas/ mjug bsdu ba'i phyir/ de lta bas na gang yod pa de ni skad cig ma kho na yin pas khyab pa gru bo zhes bya ba smos te/ gang gi phyir de ltar bshad pa'i rnam pas ji ltar yang 'khrul pa med pa de'i phyir gang chung zad yod pa de thams cad ni/ skad cig ma kho na yin pas khyad par grub bo/ /rang bzhin gyi gtan tshigs kyi skabs rdzogs so/ / /'bras bu'i gtan tshigs kyi dbang du byas nas don gzhan shes par bya ba la 'bras bu gtan tshigs yin te/ zhes bya ba smos te/ gang gi tshe don gzhan rtogs par 'dod pa de'i tshe 'bras bu kho na gtan tshigs su brjod par bya'o/ /don gzhan zhes bya ba ni sgrub pa la ma gtogs pa'i dngos po gzhan la ste/ dngos po gzhan tha dad pa gzhan kho na zhes bya ba'i tha tshig go /rang bzhin gyi gtan tshigs ni phan tshun ldog pa'i bye brag pas brtags pa'i chos gzhan shes bas byed pa yin par 'dod la/ 'bras bu'i gtan tshigs ni dngos po gzhan shes par byed pa yin pas khyab par yod do/ /yang ci'i phyir don gzhan rtogs par bya ba la 'bras bu kho na gtan tshigs yin par 'dod kyi/ gzhan yang ma yin zhe na/ de'i phyir 'khrul pa med pa'i phyir ro zhes bya ba smos te/ rgyu zhes bya ba bsgrub par bya ba don gzhan gang yin pa de dang 'bras bu kho nar lhan cig 'khrul pa med kyi gzhan ni ma yin te/ de las 'byung ba'i mtshan nyid kyi 'brel pas 'bras bu kho na dang 'brel pa'i phyir ro/ /'di ltar de'i bdag nyid dang/ de las byung ba'i mtshan nyid kyi 'brel pa la/ de la de'i bdag nyid ni rang bzhin gyi gtan tshigs kyi 'brel pa yin la/ de las byung ba ni 'bras bu'i gtan tshigs kyi 'brel ba yin no/ /de'i phyir gzhan dang ma 'brel ba nyid kyis me 'khrul pa med do// gzhan gyi 'dod pa'i dogs pa bsu bar/ gal te rgyu dang 'bras bu'i dngos po shes par bya ba dang shes par byed pa zhes bya ba la sogs pa smos te/ gal te rgyu dang 'bras bu'i mtshan nyid kyi 'brel pas rtags shes par byed pa nyid du 'dod na/ de'i tshe rnam pa thams cad du shes par bya ba dang/ shes par byed pa'i dngos por thal bar 'gyur te/ me'i spyi'i chos bzhin du khyad par gyi chos rnams kyang shes par bya ba yin par 'gyur la/ du ba'i yang khyad par gyi chos bzhin du spyi'i chos rnams kyang shes par byed pa yin par 'gyur ro/ /mi'i spyi'i chos ma nyid dang rdzas nyid dang/ yod pa nyid dang shes bya nyid la sogs pa ni shes par bya ba yin par 'dod kyi/ khyad par gyi chos rtswa'i dang lo ma'i la sogs pa ni ma yin no/ /du ba'i yang khyad par gyi chos du ba nyid dang sngo ba nyid dang/ 'khyil ba nyid la sogs pa shes par byed pa yin par 'dod kyi/ spyi'i chos rdzas nyid dang/ yod pa nyid dang shes bya nyid la sogs pa ni ma yin no/ /ci'i phyir rnam pa thams cad du shes par bya ba dang shes par byed pa'i dngos por 'gyur zhe na/ de'i phyir/ rnan pa thams cad du bskyes par bya ba dang skyed par byed pa zhes bya ba la sogs pa smos te/ gang gi phyir du ba yang mes rnam pa thams cad du/ spyi dang khyad par gyi chos dag gis bskyed par bya ba yin la/ me yang du ba rnam pa thams cad du spyi dang khyad par gyi chos dag gis skyed par byed pa yin pa de'i phyir rnam pa thams cad du shes par bya ba dang/ shes par byed pa'i dngos por 'gyur ro zhes bya ba ni phyogs snga mi 'dogs pa yin no/ /grub pa'i mdza' smras pas/ ma yin te/ de med par yang 'byung ba ni zhes bya ba la sogs pa smos te/ me med kyang rdzas nyid la sogs pa 'byung la/ me'i khyad par med kyang du ba tsam 'byung ngo/ /de'i phyir mi kho nas las rdzas nyid la sogs pa 'byung la/ me'i khyad par kho na las du ba tsam 'byung ngo zhes bya ba de lta bu'i nges pa med pa'i phyir/ de skad smras pa'i nyes par thal ba med de/ 'di ltar ma lis du ba zhes bya ba'i rdzas 'byung gi/ chu zhes bya ba ni ma yin la/ rtswa'i me las dru ba 'ga' kho na zhig 'byung gi /thams cad ni ma yin no/ /mjug bsdu ba'i sgo nas/ bsgrub par bya ba dang sgrub par byed pa dag gis shes par bya ba dang shes par byed pa dpyad pa'i phyir/ de lta bas na rgyu'i ngo bo nyid ces bya ba la sogs pa smos te/ gang gi phyir de ltar rnam pa thams cad du bskyed par bya ba dang/ bskyed par byed pa'i dngos po yin pa ni med pa de'i phyir rgyu la rnam par gnas pa'i chos ji snyed cig med par 'bras bu mi 'byung ba de snyed cig ni rgyu yin gyi gzhan ni ma yin no/ /ci'i phyir zhe na/ de'i 'bras bu nyid nges pa'i phyir ro zhes bya ba smos te/ de dag kho na'i 'bras bu 'di yin no zhes bya ba de lta bu'i des pa yod pa'i phyir ro zhes bya ba'i tha tshig ste/ 'di ltar spyi'i chos rnams kho na'i 'bras bu du ba yin na zhes nges par brjod pa yin no/ /de ltar re zhig bsgrub par bya bar rtogs pa'i de dpyad pa yin no/ /sgrub par gtogs pa'i cha dpyad par bya ba'i phyir/ gang dag de dag med na mi 'byung ba'i chos zhes bya ba la sogs pa smos te/ 'bras bu yang de'i chos/ /gang dag rgyur gtogs pa'i chos dag med na mi 'byung ba'i chos de dag nyid kyis shes par byed pa yin par rig par bya'o/ /'di skad du/ 'bras bur gtogs pa'i khyad par gyi chos rnams rgyur gtogs pa'i spyi'i chos rnams med na mi 'byung ste/ de lta bas na de dag nyid shes par bya ba dang shes par byed pa'i dngos po yin no/ /yang gzhan gyi tshig gi go skabs kyi dgos pa bsu bar/ gal te cha shes kyis zhes bya ba la sogs pa smos te/ gal te rgyur gtogs pa'i spyi'i chos kho na dag med par 'bras bur gtogs pa'i khyab par gyi chos rnams mi 'byung ba yin na de lta na ni/ 'o na cha shas kyis bskyed par bya ba dang skyed par byed pa nyid du gyur to/ /'di ltar me'i khyad par gyi chos rnams kyang skyed par byed pa ma yin la/ du ba'i yang spyi'i chos rnams bskyed par bya ba ma yin par thal bar 'gyur te/ bdag nyid thams cad kyis bskyed par bya ba dang skyed par byed pa'i dngos po rin 'dod do zhes bya ba ni phyogs snga ma'i dogs pa yin no/ /grub pa'i mdza' smra bas/ ma yin te/ des bskyed par bya ba'i khyad par zhes bya ba la sogs pa smos te/ 'dir bdag nyid thams cad kho nas bskyed par bya ba dang skyed par byed pa'i dngos po yin gyi/ chas ni ma yin no/ /shes par bya ba dang shes par byed pa'i dngos po ni/ shes pa la bltos pa yin gyi/ dngos po 'jug pa la bltos pa ni ma yin no/ /'di ltar gal te me'i khyad par gyis du ba'i khyad par skyed pa gang yin pa de bzung bar nus na/ de'i tshe me'i khyad par shes par bya ba nyid du 'dod pa nyid de/ 'di ltar yang a ka ru'i du ba mthong ba las a ka ru'i me rjes su dpag pa mthong ngo/ /gal te spyi rdzas nyid la sogs pa rtags kyi khyad par du bas khyad par du byas par de lta bu de dag kyang gzung nus na/ de'i tshe de dag las kyang me rtogs par 'gyur bas 'dod pa kho na ste/ gang zhig du ba la yod pa'i rdzas yin pa'i phyir/ 'di ni me yod do zhes smras na/ de'i rjes su dpag pa yin par 'gyur ro/ /me'i khyad par des bskyed par bya ba ni/ des bskyed par bya ba'o/ /'di nyid des bskyed par bya ba yang yin la/ khyad par yang yin pas des bskyed par bya ba'i khyad par te/ du ba la yod pa'i khyad par zhes bya ba'i tha tshig go /de 'dzin pa des bskyed par bya ba'i khyad par 'dzin pa'o/ /rtags kyi khyad par ni/ rtags khyad par can te/ spyi gang dag la de'i khyad par bye brag yod pa de dag ni rtags kyi khyad par gyi bye brag can no/ /gal te des bskyed pa'i khyad par 'dzin pa dang/ rtags kyi khyad par gyi bye brag can gyi spyi 'dzin na rjes su dpag par 'dod do/ /'o na gang gi tshe mi 'dod ce na/ khyad par can ma yin pa'i spyi brjod par 'dod na ni zhes bya ba la sogs pa smos te/ gang gi tshe khyad par can ma yin pa'i du ba brjod par 'dod pa dang/ khyad par can ma yin pa'i rdzas nyid la sogs pa spyi ngag brjod par 'dod pa de'i tshe/ 'khrul pa'i phyir rjes su dpag par mi 'dod de/ 'di ltar me'i khyad par med par yang khyad par can ma yin pa'i du rab 'byung la/ me med par yang khyad par can ma yin pa'i rdzas 'di la sogs pa 'byung ngo/ /de lta bas na gang na du ba yod pa de na me yod do/ /zhes bya ba ni/ 'bras bu las rgyu rjes su dpag par rnam par gnas so 'dir pha rol pos 'khrul pa skyed pa'i go skabs kyi dogs pa bsu bar/ gal te 'ga' zhig res 'ga' 'ga' zhig las byung yang zhes bya ba la sogs pa smos te/ gal te du ba 'ga' zhig dus res 'ga' me 'ga' zhig las byung du chug na yang/ du ba thams cad me la rag las te skye bar 'gyur ro zhes bya ba'i nges pa 'di gog las/ nges pa ma grub na rjes su 'gro ba dang ldog pa dag kho na mi 'grub bo zhes bya ba ni phyogs snga ma'i dogs pa yin no/ /grub pa'i mdza' smra bas/ ma yin te/ de las 'byung ba ma yin pa ni zhes bya ba la sogs pa smos te/ gal te du ba mes bskyed par bya ba'i ngo bo nyid ma yin par gyur na/ de'i tshe/ lan 'ga' yang me de las 'byung bar mi 'gyur te/ brjod kyang de las 'byung bar mi 'gyur ro snyam du dgongs pa yin no/ /'di la med de las 'byung ba'i ngo bo nyid yod pas 'di ni de las 'byung ba can no/ /de las 'byung ba can ma yin pas de las 'byung bar ni ma yin pa ste/ des bskyed par bya ba'i ngo bo nyid ma yin pa zhes bya ba'i tha tshig go /ci du ba mes bskyed par bya ba yin pas me las 'byung ste/ des na de skad du brjod des zhe na/ de'i phyir phan tshun bltos pas zhes bya ba la sogs pa smos pa/ rgyu dang 'bras bu dag gi bskyed par bya ba dang skyed par byed pa'i ngo bo nyid kyi mtshan nyid ni phan tshun bltos pa yin no/ /'di ltar du ba yang mes bskyed par bya ba'i ngo bo nyid kyis 'bras bu yin la/ me yang du bskyed par byed pa'i ngo bo nyid kyis rgyur 'dod do/ /phan tshun la bltos pa ni phan tshun bltos pa'o/ bskyed par bya ba dang skyed par byed pa ni/ bskyed par bya ba dang skyed par byed pa dag go /de dag ni bskyed par bya ba dang skyed par byed pa dag kyang yin la/ ngo bo nyid dag kyang yin pas shes tshig rnam par sbyar ro/ /gang dag la de dag dag gi mtshan nyid yod pa de dag ni/ bskyed par bya ba dang skyed par byed pa'i ngo bo nyid kyi mtshan nyid can gyi rgyu dang 'bras bu dag go /gal te 'di gnyis kyi bskyed par bya ba dang skyed par byed pa'i ngo bo nyid phan tshun bltos pa yin du chug na yang/ des na ci zhig grub par 'gyur zhe na/ de la gal te du ba me la sogs pa'i zhes bya ba la sogs pa smos te/ rgyu dang 'bras bu'i dngos po de ltar gnas pa de la gal te du ba me la sogs pa'i tshogs pa spangs te/ brgya byin gyi spyi bo legs so pa gzhan las kyang 'byung na ni de'i chod du ba me la sogs pa'i tshogs pas bskyed par bya ba'i ngo bo nyi ma yin pas/ lan 'ga' yang de las 'byung ba'i mi 'gyur te/ dper na pad+ma bzhin no/ /'di ltar mes bskyed par bya ba'i ngo bo nyid du me las 'byung bar bshad kyi des bskyed par bya ba'i ngo bo nyid ma yin pa ni ma yin te/ ha cang thal bar 'gyur pa'i phyir ro/ /gang zhig gang gis bskyed par bya ba'i ngo bo nyid ma yin pa de ni lan 'ga' yang de las mi 'byung ste/ dper na de las pad+ma lta bu'o/ /khyod kyis kyang/ du ba ni mi ma yin pos bskyed par bya ba'i ngo bo nyid yin no zhes bya ba ni khyab par byed pa mi dmigs pa yin no/ /de la 'di snyam du nges bskyed par bya ba'i ngo bo nyid ma yin pa 'di yang tshogs pa'i dbang gis 'byung ngo snyam du sems na/ tshogs pas kyang zhes bya ba la sogs pa smos te/ me la sogs pa'i tshogs pa des kyang du ba de lta bu de bskyed par mi 'gyur ro/ /ci'i phyir zhe na/ de bskyed pa'i ngo bo nyid ma yin pa'i phyir zhes bya ba smos te/ du bskyed pa'i ngo bo nyid ma yin pa'i phyir ro/ /gang gi tshe du ba gzhan las kyang 'byung ba de'i tshe me la sogs pa'i tshogs pa du ba bskyed pa'i ngo bo nyid ma yin te/ de'i phyir ji ltar du ba skyed par 'gyur/ 'dir dper ni/ tshogs pa gzhan bzhin te/ ji ltar chu la sogs pa tshogs pas du bskyed par mi byed pa de bzhin du 'dis kyang skyed par mi byed do/ /de la 'di snyam du/ du ba ni mes bskyed par bya ba'i ngo bo nyid kyang yin la gzhan gyis bskyed par bya ba'i ngo bo nyid kyang yin par 'gyur ro snyam du sems na/ de'i phyir/ du ba ni de dang de ma yin pas zhes bya ba la sogs pa smos te/ du ba ni mes bskyed par bya ba'i ngo bo nyid kyang yin la/ brgya byin gyi spyi bo la sogs pas bskyed par bya ba'i ngo bo nyid kyang yin par 'gyur bar 'os pa ma yin no/ /de dang de ma yin pa ni de dang de ma yin pa dag go /de dag de ma yin pa dag gis bskyed par bya ba ni/ de dang de ma yin pas bskyed par bya ba ste/ de zhes bya ba ni me la sogs pa rgyu'o/ /de ma yin pa zhes bya ba ni brgya byin gyi spyi bo la sogs pa'o/ /ci'i phyir /rigs pa ma yin zhe na/ ngo bo nyid gcig pa'i phyir ro zhes bya ba smos te/ du ba ni ngo bo nyid gcig pa yin na/ de ji ltar de dang de ma yin pas bskyed par bya ba'i ngo bo nyid du 'gyur gal te de dang de ma yin pas bskyed par bya ba'i ngo bo nyid gcig yin par gyur na nyes pa ci yod ce na/ du ba dang du ba ma yin pa skyed pa'i ngo bo nyid las zhes bya ba la sogs pa smos te/ du ba skyed pa'i ngo bo nyid las 'byung na ni/ du ba'i ngo bo nyid du 'gyur la/ du ba ma yin pa skyed pa'i ngo bo nyid las 'byung na ni/ du ba ma yin pa'i ngo bo nyid du 'gyur ro/ /de'i phyir du ba dang du ba ma yin pa'i ngo bos du ba 'gal ba'i ngo bo nyid can du gyur to/ /gal te du ba dang du ba ma yin pa bskyed pa'i ngo bo nyid las skyes pa yin du chug kyang/ 'on kyang du ba dang du ba ma yin pa'i ngo bo nyid du go ci'i phyir 'gyur zhe na/ 'bras bu'i ngo bo nyid rnams ni zhes bya ba la sogs pa smos te/ 'bras bu rnams kyi ngo bo nyid gang yin pa de ni rgyu'i ngo bo nyid kyis byas pa yin no/ /de'i phyir du ba dang du ba ma yin pa skyed pa'i ngo bo nyid las 'byung na/ ji ltar du ba dang du ba ma yin pa'i ngo bo nyid du mi 'gyur/ de la 'di snyam du 'bras bu rnams kyis ngo bo nyid ni rgyu'i ngo bo nyid kyis byas pa ma yin no snyam du sems na/ de'i phyir/ rgyu la mi bltos na yang zhes bya ba la sogs pa smos te/ gal te 'bras bu'i ngo bo nyid rgyu'i ngo bo nyid la mi bltos na/ de'i tshe rgyu med pa tsam du thal bar 'gyur ro/ /rgyu med pa can nyid yin na ni/ yul dang dus dang rnam pa so sor nges par mi 'gyur ro/ /mjug bsdu ba'i phyir/ de ltar na du ba skyed par byed pa gang yin pa de ni me la sogs pa'i zhes bya ba la sogs pa smos te/ gang gi phyir de lta yin pa de'i phyir/ gang zhig du ba skyed par byed pa de ni me la sogs pa'i tshogs pa'i khyad par yin la/ du ba yang me la sogs pa'i khyad par las byung ba gang yin pa de kho na yin par blta'o/ /'di ltar 'jig rten na gang zhig tsha bar byed pa dang 'tshed par byed pa dang/ du ba skyed par byed pa de ni me yin par grags la/ gang zhig mes bskyed cing mig dag nas mchi ma 'jig par byed pa dang/ nag por byed pa dang gre ba la gnod par byed pa de ni du ba yin par grags so/ /de ltar me dang du ba dag phan tshun bltos pa'i ngo bo nyid du bstan nas/ klan ka snga ma yongs su spang ba'i phyir ro/ de ltar na rgyu dang 'bras bu dag ces bya ba la sogs pa smos te/ gang gi phyir de ltar bshad pa'i rnam pas rgyu dang 'bras bu dag gi ngo bo nyid nges pa de'i phyir/ rigs mi mthun pa las 'byung ba ma yin no zhes bya bar grub bo/ /gal te rigs mi mthun pa las 'byung bar ma gyur du chug na yang/ des na dngos su ci zhig grub che na/ de'i phyir/ de lta bas na 'bras bus zhes bya ba la sogs pa smos te/ gang gi phyir de ltar rigs mi mthun pa las 'byung ba bkag pa de'i phyir 'bras bus rgyu 'khrul pa med do zhes bya bar gnas so/ /de lta yin na yon tan ci zhig yod ce na/ des rgyu dang 'bras bu'i dngos po grub na zhes bya ba la sogs pa smos te/ ji skad du spros te bshad pa des rgyu dang 'bras bu'i dngos po 'khrul pa med par grub na/ shes par bya ba dang/ shes par byed pa bsam pa la du ba la sogs pa 'bras bu la me la sogs pa rgyus khyab pa grub pa yin no/ /'dir gzhan gyis 'khrul pa kun du bstan pa'i phyir/ rigs mi mthun pa las kyang zhes bya ba la sogs pa smos te/ ji ltar yongs su mthong ba la ma gtogs pa rgyu rigs mi mthun pa las kyang/ 'bras bu cung zad 'byung ba mthong ste/ de'i phyir 'khrul pa srid na/ ji ltar 'bras bu la rgyus khyab pa grub par 'gyur/ 'khrul pa de nyid bstan pa'i phyir/ dper na ba lang gi lci ba la sogs pa las zhes bya ba la sogs pa smras te/ sha lu ka rang gi sa bon las rab tu skye ba yang ba lang gi lci ba la sogs pa las skye ba mthong ngo// sogs pa zhes bya ba'i sgra ni/ rwa las 'dam bu dang ba lang gi spu dang/ lug gi bal dag la rtsa? dur ba zhes bya ba la sogs pa yongs su bsdu'o/ /grub pa'i mdza' smra bas/ rigs mi mthun pa las 'byung ba ni ma yin te zhes bya ba smos te/ ba lang gi lci ba la sogs pa las sha lu ka la sogs pa 'byung ba ni/ rigs mi mthun pa las 'byung ba ma yin no/ /gang gi phyir ba lang gi lci ba la sogs pa'i rnam pa de lta bu kho na sha lu ka la sogs pa dang por 'byung ba de 'dra ba rnams kyi dang po'i rgyu mtshan nyid yin pa de'i phyir ba lang gi lci ba la sogs pa rgyu rigs ni mthun pa nyid kyi tha dad pa ma yin no/ /ci ste thams cad du rwa las 'dam bu mi 'byung zhe na/ de'i phyir/ rgyun gyis 'byung na ni zhes bya ba la sogs pa smos te/ 'dam bu dang po'i nyid du 'byung ba'i rgyu ni rwa kho na yin no// de ltar byung ba phyis rgyun chags par 'byung ba ni rwa las byung ba ma yin no/ /'di skad du/ 'dam bu rnams kyi dang po'i rgyu mtshan ni rnam pa thams cad du rwa kho na yin la/ phyis ni de dag rigs mthun pa snga ma snga ma dag las phyi ma phyi ma 'byung ste/ dper na du ba dang po ni me las nye bar 'byung la/ /de'i 'og rol gyi dus su 'byung ba skad cig ma rnams ni/ rigs mthun pa'i skad cig ma'i rgyu mtshan can yin pa lta bu'o zhes bshad pa yin no/ /de ltar re zhig rgyu rigs mi mthun pa nyid bkag pa yin no/ /da ni rigs mi mthun pa nyid khas blangs nas 'khrul pa yongs su spang pa'i phyir/ yang na ba lang gi lci ba dang/ cig shos las skye ba can dag ces bya ba la sogs pa smos te/ ba lang gi lci ba dang cig shos las skye ba'i sha lu ka dag rnam pa 'dra mod kyi/ 'on kyang de gnyis kyi ngo bo nyid ro dang/ nus pa dang rnam par smin pa tha dad pa yod pa kho na'o/ /gang dag la ba lang gi lci ba dang/ cig shos las skye ba yod pa de dag ni ba lang gi lci ba dang cig shos las skye ba can dag go /cig shos zhes bya ba'i skras ni/ rang gi sa bon yongs su gzung ngo/ /rnam par 'dra ba rnams ngo bo nyid kyang 'dra bar 'gyur ba ma yin nam zhe na/ dngos po rnams kyi rnam pa mtshungs pa kho na zhes bya ba la sogs pa smos te/ rnam pa mtshungs pa dag gis thams cad ngo bo nyid mtshungs par 'gyur ro zhes bya ba'i nges pa gang yin pa 'di ni med do/ /de nyid kyi rgyu zhes bya ba ni ngo bo nyid gcig pa'i rgyu'o/ /ci'i phyir rgyu ma yin zhe na/ rnam pa tha dad pa ma yin pa rnams kyang zhes bya ba la sogs pa smos te/ 'di ltar dngos po kha cig rnam pa mtshungs kyang khyad par 'ga' zhig gis/ rigs tha dad par mthong ngo/ /'di ltar la la la ni me tog sa las tha dad par mthong ste/ shung pa ka me tog sngon po dang/ cig shos can dag lta bu'o/ /la la la ni 'bras bu las te kar? ko te 'bras bu med pa dang cig shos lta bu'o/ /la la la ni ro las te nags kyi dang cig shos kyi rgyal mo ga gon dag lta bu'o/ /la la la ni dri las te shing ljon pa dang cig shos las skyes pa'i tsam pa ka dag lta bu'o/ /la la la ni mthu las te reg pa dang spyad pas 'khrul pa'i a ru ra dag lta bu'o/ /yang ba lang gi lci ba dang cig shos las skye ba dag ngo bo nyid gcig pa yin na nyes pa ci yod ce na/ de lta ma yin te/ tshogs pa mtshan nyid mi 'dra ba las zhes bya ba la sogs pa smos te/ gal te rgyu'i tshogs mtshan nyid mi 'dra ba las kyang 'bras bu'i mtshan nyid mi 'dra ba ma yin pa khas len na/ de'i tshe rgyu'i tha dad pa dang tha dad pa ma yin pa dag las 'bras bu'i tha dad pa dang tha dad pa ma yin pa dag mi 'grub bo/ /de'i phyir khams gsum gyi tha dad pa dang tha dad pa ma yin pa dag rgyu mtshan med pa can du 'gyur ro// gal te rgyu mtshan nyid mi 'dra ba las 'bras bu mtshan nyid mi 'dra ba ma yin pa 'byung na/ rgyu'i tha dad pa las 'bras bu'i tha dad par mi 'gyur du chug na yang/ mtshan nyid mi 'dra ba ma yin pa las 'byung ba go ci'i phyir tha dad pa ma yin par mi 'gyur zhe na/ de'i phyir/ 'di ltar tha dad pa las tha dad pa ma yin pas zhes bya ba la sogs pa smos te/ gang gi tshe rgyu tha dad pa las 'bras bu tha dad par mi 'grub pa de'i tshe rgyu tha dad pa ma yin pa las kyang/ 'bras bu tha dad pa ma yin pa mi 'grub bo// yang tha dad pa dang tha dad pa ma yin pa de dag rgyu med pa can yin na yang nyes pa ci yod ce na/ de'i phyir/ de la ma gtogs pa'i zhes bya ba la sogs pa smos te/ dngos po ni tha dad pa dang tha dad pa ma yin pa kho nar zad kyi/ de la ma gtogs pa'i dngos po gzhan ni med do/ gal te de gnyis rgyu med pa can yin na/ de'i tshe dngos po thams cad rgyu med pa can du 'gyur ro/ /rgyu med pa can nyid gcig yin na ni dngos po rtag tu yod pa 'am med pa zhig tu 'gyur ro/ /'dir gtan tshigs su bltos par bya ba med pa'i phyir ro/ zhes bya ba smos te/ de nyid bstan pa'i phyir/ dngos po rnams ni bltos pa'i phyir zhes bya ba la sogs pa smos te/ dngos po rnams kyi res 'ga' ba gang yin pa 'di ni bltos pas byas pa yin te/ 'di ltar de dag chung zad cig la bltos na/ dus gzhan du shol bar 'gyur ro/ /res 'ga' yod pa ni res 'ga' ba dag ste/ res 'ga' ba smos pa ni nye bar mtshan par zad pas yul dang ngo bo nyid so sor nges pa yang blta bar bya'o/ /'di skad du ji ltar rgyu yod na 'bras bu yod la/ rgyu med na med pa de bzhin du rgyu tha dad pas/ 'bras bu tha dad la tha dad pa ma yin na tha dad pa ma yin par gdon mi za bar khas blangs dgos so/ /gtan tshigs gzhan bsgrub par bya ba dag la sgrub pa la nye bar sbyor ba zhes bya ba la sogs pa smos te/ rgyu med pa can nyid yin na/ bsgrub par bya ba dag la sgrub pa rnams kyis sbyor ba so sor nges pa/ nas kyi myu gu la nas kho na/ sa lu'i myu gu la rnam pa kho na zhes bya ba la sogs pa gang yin pa der yang mi 'gyur/ ci'i phyir mi 'gyur zhe na/ rgyu'i nus pa so sor nges na zhes bya ba la sogs pa smos te/ gal te rgyu rnams kyi nus pa so sor nges pa dag yin na de'i tshe/ 'ga' zhig 'ga' sgrub par byed par bzung bar rigs kyi gzhan ni ma yin no/ /ci'i phyir gzhan ma yin zhe na/ de kho na de la nus pa'i phyir la zhes bya ba la sogs pa smos te/ 'di ltar nas kyi sa bon kho nas nas kyi myu gu la nus kyi/ sa lu'i sa bon ni ma yin no/ /yang ci'i phyir de'i tshogs pa zhes bya ba'i rgyu 'o na de la nus kyi/ gzhan ni ma yin no zhe na/ de'i phyir/ de gnyis ni zhes bya ba la sogs pa smos te/ sa lu dang nas kyi sa bon de dag ni sa lu dang nas kyi myu gu skyed par byed pa nyid kyis tha dad pa'i rnam par gnas pa'i phyir ro/ /de la 'di snyam du gal te mtshan nyid mi 'dra ba las kyang skye bar 'gyur na 'gyur du zad mod/ nyes pa ci yod ce na/ de skyed pa'i ngo bo nyid dang mtshan nyid mi 'dra ba las kyang zhes bya ba la sogs pa smos te/ gal te du ba skyed pa'i ngo bo nyid dang mtshan nyid mi mthun pa/ brgya byin gyi spyi bo las kyang du ba 'byung bar mkhas len na/ de'i tshe me kho na du ba skyed par nus so zhes bya ba'i nges pa 'dir mi 'gyur ro/ /nges pa med pa ni/ du ba gang yang rung ba las 'byung bar 'gyur ro/ /de lta yin na ni dngos po thams cad gang yang rung ba las skye bar 'gyur ro/ / de la 'di snyam du gzhan yang de skyed par nus su zad med/ kho bo la gnod pa ci yod snyam na/ de'i phyir/ de skyed par nus par mtshungs na ni zhes bya ba la sogs pa smos te/ gal te brgya byin gyi spyi bo la yang du ba skyed par nus pa yod na ni/ de'i tshe de yang me kho na yin no/ /de'i phyir legs par rnam par phye ba'i 'bras bus ni/ rgyu 'khrul pa med pas khyab pa grub bo/ /kha cig na re/ du ba las kyang du ba 'byung ba las 'khrul pa'i nyes pa de'i so na 'dug go zhes zer ba gang yin pa de yang rigs pa ma yin te/ 'di ltar 'jig rten ni du ba 'di'i skad cig ma dang po ni 'di'o phyi ma ni 'di'o/ /zhes bya ba la sogs pa dngos po rnams kyi skad cig ma rnam par dbye ba ni mi shes so// mi shes pas skad cig ma thams cad gcig pa nyid du 'dzin la/ gcig pa nyid du bzung nas du ba thams cad me las rab tu 'byung ba shes te rjes su dpag pa dang/ rjes su dpag par bya ba'i tha snyad kyang ji ltar grags pa yin par zad kyi/ dngos po ji lta ba bzhin ni ma yin no/ /'on te mkhas pa blo gros can 'ga' zhig gis skad cig ma'i rnam par dbye ba shes par gyur na/ des kyang yongs su snang ba'i du ba'i rgyun dang po me las rab tu 'byung ba kho na'o zhes shes pas/ 'di ltar 'di na du ba'i skad cig ma snang ba gang yin pa de ni me las brgyud de byung ba yin no snyam du rjes su dpog par byed pa la / me yang mngon sum dang brgyud pas du ba thams cad kyi rgyur 'dod de/ gal te me de de med par gyur na su ba'i skad cig ma'i rgyun 'jug pa rnams 'byung bar mi 'gyur ro/ /de ltar re zhig rjes su dpag pa rnam par bzhag pa yin no/ /dngos po'i sgo nas kyang 'khrul pa med pa kho na ste/ 'di ltar me'i rgyu mtshan can gyi skad cig ma dang po gang yin pa de ni gzhan las mi 'byung la/ dus phyis 'byung ba can gang dag kyang yin pa de dag kyang nam yang me las mngon sum du mi 'byung ngo/ /de ltar na re zhig ni 'bras bu'i gtan tshigs 'khrul pa med par bstan pa yin no/ /'bras bu'i gtan tshigs kyi skabs rdzogs so// // mi dmigs pa'i dbang du byas nas/ dmigs pa'i rig byar 'gyur zhes bya ba la sogs pa smos te/ don gang zhig dmigs pa'i rigs byar gyur pa yin na/ de mi dmigs pa ni dngos po med pa 'am/ dngos po med par tha snyad gdags pa bsgrub par bya ba'i gtan tshigs te/ 'am zhes bya ba'i sgra ni gang bsgrub par bya ba dang/ sgrub pa dag tha dad pa der ni dngos po med pa'i gtan tshigs yin la/ gang du tha dad pa ma yin pa der ni med par tha snyad gdags pa'i gtan tshigs yin no zhes rnam par rtog pa shes par bya ba'i phyir ro// dmigs pa ni dmigs par byed pa ste/ yongs su gcod pa dang/ shes par byed pa'i mngon sum zhes bya ba'i tha tshig go /dmigs pa'i rig bya ni dmigs pa'i rig bya'o/ /shes par bya ba yin pas/ rig bya ste dmigs pa'i rig bya nyid du gyur pa ni dmigs pa'i rig byar gyur pa ste/ dmigs pa'i rig bya nyid du yul nyid du gyur pa zhes bya ba'i tha tshig go /ngo bo'i rkyen med kyang ngo bo gtso cher bstan par rung ba nyid de/ de bzhin gnyis dang gcig dag la gnyis su smos pa dang/ gcig tu smos par bya ba zhes bya ba 'dir mdo'i don gnyis nyid dang gcig nyid dag ces bya bar bshad pa lta bu'o/ /dmigs pa'i rig byar gyur ba ni/ dmigs pa'i rkyen ma gtogs pa de las gzhan pa'i rkyen gzhan mdza' dag dang dngos ltar rung ba'i ngo bo nyid de/ yul dang/ dus dang/ ngo bo nyid kyis bskal pa dag gis sam bskal pa nyid ces bya ba'i tha tshig go /dmigs pa 'di ni rnam pa gnyis te/ shes par byed pa'i chos dang shes par bya ba'i don gyi chos so/ /re zhig shes par byed pa'i chos nyid bstan par bya ba'i phyir/ de la dmigs pa zhes bya ba la sogs pa smos te/ gang gi tshe dmigs pa dmigs par byed pa'i chos yin par brjod par 'dod pa de'i tshe dmigs par byed pa de'i shes pa mngon sum zhes bya ba gang yin pa de 'dir dmigs pa'i sgrar brjod do/ /'di'i dgag pa'i don bstan pa'i phyir/ de las gzhan ba'i dmigs pa ni zhes bya gas? la sogs pa smos te/ dmigs par byed pa'i chos nyid du brjod par 'dod pa'i bum pa la sogs pa 'dzin pa'i shes pa de las gzhan pa bum pas dben pa'i sa gzhi 'dzin par byed pa'i dmigs pa gang yin pa / de ni 'dir mi dmigs pa'i sgrar brjod do/ /yang dmigs pa kho na yin na/ ji ltar mi dmigs pa'i sgrar brjod ce na/ brjod par 'dod pa'i dmigs pa las gzhan yin pa'i phyir zhes bya ba smos te/ brjod par 'dod pa bum pa 'dzin par byed pa'i dmigs pa gang yin pa de las bum pas dben pa'i sa gzhi 'dzin par byed pa'i dmigs pa 'di gzhan yin pa'i phyir mi dmigs pa zhes bya ste/ ma yin par 'jug pas dper na bzar rung ba las gzhan bzar mi rung ba mi gcad pa la sogs pa lta bu dang/ reg tu rung ba las gzhan pa reg tu mi rung ba gdol ba dang/ ro myags pa la sogs pa lta bu'o/ /ma yin par 'jug pa ni ma yin par 'jug pa ste/ dgag par bya ba'i don ma yin pa bor nas don khyad par can la 'jug pa gang yin pa zhes bya ba'i tha tshig ste/ ma yin par 'jug pa de lta bu des 'dir dgag pa rab tu sbyar ba yin no/ /ma yin pa ni gang du bsgrub pa ni gtso? cha la/ dgag pa ni don gyis go ba de lta bu yin par blta bar bya'o/ /brjod par 'dod pa'i dmigs pa las gzhan pa'i dmigs pa yin pas sgrub pa ni gtso bo nyid yin te/ de ltar na dmigs pa gzhan yod par sgrub pa'i shugs kho nas brjod par 'dod pa'i dmigs pa dgag par shes par 'gyur ro/ /de las bzlog pa ni med par dgag pa yin par blta bar bya ste/ der ni dgag pa gtso bo nyid yin no/ /de ltar mi dmigs pa shes par byed pa'i chos nyid yin pa bstan nas/ dmigs pa shes par bya ba'i don gyi chos nyid yin pa bstan par bya ba'i phyir/ dmigs par bya ba'i chos nyid yin na ni zhes bya ba la sogs pa smos te/ gang gi tshe dmigs pa dmigs par bya ba'i dngos po'i yin par brjod par 'dod pa de'i tshe dmigs pa yul gyi ngo bo nyid yin par blta bar bya'o/ /yul gyi ngo bo nyid ji lta bu zhig la dmigs pa zhes bya zhe na/ rang gi yul can gyi rnam par shes pa zhes bya ba la sogs pa smos te/ dgag par bya ba bum pa la sogs pa'i rang gi ngo bo'i yul? can gyi shes pa gang yin pa de skyed par rung ba nyid de/ de'i mtshan nyid can gyi yul gyi ngo bo nyid ni dmigs pa'i sgrar brjod do/ /shes pa 'di la bum pa la sogs pa'i bdag nyid kyi yul yod pas na 'di ni rang gi yul can no/ /de ni rang yul can yang yin la/ rnam par shes pa yang yin pas rang gi yul can gyi rnam par shes pa ste/ de skye ba la de skad ces bya'o/ /rang gi yul can rnam par shes pa skyed par rung ba nyid ces bya bar tshig rnam par sbyar te/ yul gyi ngo bo nyid ni 'di la rang gi yul can gyi rnam par shes pa skyed par rung ba nyid kyi mtshan nyid yod pas / 'di ni rang gi yul can gyi rnam par shes pa skyed par rung pa nyid kyi mtshan nyid can no/ /gal te 'dir dmigs pa'i yul gyi ngo bo nyid ni ji ltar rung ba nyid kyi mtshan nyid yin/ 'di ltar rung ba nyid ni chos yin la/ chos dang chos can dag ni tha dad pa kho na'o zhe na/ de'i phyir/ rung ba nyid ni dngos po'i ngo bo nyid yin pa'i phyir ro zhes bya ba smos te/ rung ba nyid ni dngos su na/ dngos po'i dog kho na yin gyi/ don dam par dngos po'i rang gi ngo bo las tha dad pa ni ma yin no/ /de ltar dmigs pa yul gyi chos nyid yin pa bstan nas dgag pa 'jug pa bstan pa'i phyir/ de las gzhan pa'i dmigs pa zhes bya ba la sogs pa smos te/ dgag par bya ba bum pa la sogs pa rang gi yul can gyi rnam par shes pa skyed par rung ba/ de las gzhan pa bum pas dben pa'i phyogs dmigs ba skyed par rung ba gang yin pa de nyid 'dir mi dmigs pa'i sgrar brjod do/ /tshul gong ma dang mthun par bsgre pa'i phyir/ snga ma bzhin no zhes bya ba smos te/ brjod par 'dod pa'i dmigs pa las gzhan yin pa'i phyir/ ma yin par 'jug pas bzar mi rung ba dang/ reg tu mi rung ba bzhin no zhes bya ba don thams cad thal zin no/ /yang gzhan zhes bya ba'i sgra ni spyi'i sgra yin na/ ji ltar mi dmigs pa nyid ma yin par 'jug pas/ bum pas dben pa'i phyogs shes pa kho na 'am/ bum pas dben pa'i phyogs kho na yin par rab tu brtag la/ khyad par med par gzhan gyi sgrar brjod par bya ba thams cad kho na ni ma yin no zhe na/ de'i phyir/ rung ba nyid du khyud par med pa'i phyir gang du gang zhig dmigs na zhes bya ba la sogs pa smos te/ phyogs la sogs pa'i gnas skabs gang du gzugs la sogs pa gang zhig dmigs na/ dngos po gzhan gang zhig nges par dmigs par 'gyur ba'i dngos po de ni gzugs la sogs pa de dang 'brel par brjod do/ /rung ba nyid du khyad par med pa ni nges par dmigs pa'i rgyu yin te/ 'di ltar gzugs la sogs pa dmigs na rung ba nyid kyi ngo bor mtshungs pa'i phyir/ gnyis pa yang gdon mi za bar dmigs par 'gyur ro/ /de gnyis ji ltar 'brel ce na/ shes pa gcig dang 'brel pa'i phyir ro zhes bya ba smos te/ gnyi ga yang shes pa gcig dang 'brel te/ 'di ltar shes pa dngos po gnyis kyi rnam par skye ba na de gnyis bdag nyid dang/ 'brel par ston par byed do/ /ci'i phyir shes pa de gdon mi za bar dngos po gnyis kyi rnam par 'gyur zhe na/ de'i phyir/ de gnyis yod zhes bya ba la sogs pa smos te/ gal te rung ba nyid kyi ngo bor mtshungs pa gang dag yin pa de dag yod pa yin na/ de'i tshe gcig nges par rtogs par mi 'gyur ro/ /'dir gtan tshigs su mi srid pa'i phyir ro zhes bya ba smos te/ gang gis na de gnyis la gcig kho na snang bar 'gyur gyi/ cig shos ni ma yin pa mi srid do/ /klan ka gnyug ma yongs su spang bar bzhed nas/ mjug bsdu yang / de lta bas na 'dir rung ba nyid kyi ngo bor khyad par med pa can zhes bya ba la sogs pa smos te/ gang gi de gnyis rung ba nyid kyi ngo bor mtshungs pas shes pa gcig dang 'brel pa de'i phyir mi dmigs pa'i skabs 'dir de gnyis nye ba'i phyir rung ba nyid kyi ngo bor khyad par med pa can dag phan tshun bltos pa kho nas gzhan nyid yin par blta bar bya'i khyad par med par gzhan gyi sgrar brjod par bya ba'i dngos po la bltos nas ni ma yin no/ /gang dag la rung ba nyid kyi ngo bor khyad par med pa yod pa de dag ni rung ba nyid kyi ngo bor khyad par med pa can dag go gang dag la shes pa gcig dang 'brel pa'i ngang tshul yod pa de dag ni/ shes pa gcig dang 'brel pa can dag go /'dir zhes bya ba 'dis ni mi dmigs pa ston par byed do/ /de ltar 'dir shes pa gcig dang 'brel ba can dag phan tshun bltos pa kho nas gzhan nyid du tha snyad gdags so zhes bstan nas/ mi dmigs pa bstan par bya ba'i phyir/ de 'ba' zhig de las bltos nas zhes bya ba la sogs pa smos te/ gang gi tshe phyogs de 'ba' zhig kho na ji skad bshad pa'i bum pa la bltos nas/ bum pa de las gzhan yin no zhes bya ba de'i tshe mi dmigs pa ni bum pas dben pa'i phyogs shes pa 'am/ bum pas dben pa'i phyogs kyi ngo bo nyid yin te/ gang gi tshe de shes pa yin pa de'i tshe ni mi dmigs pa shes par byed pa'i chos kyi mtshan nyid yin no/ /gang gi tshe de'i ngo bo nyid yin pa de'i tshe ni shes bya'i chos kyi mtshan nyid yin no/ /'di skad du mi dmigs pa ni byed pa po la gnas pa'i bya ba'am/ las la gnas pa'i bya ba yin par 'gyur te/ /byed pa po la gnas pa'i yin na ni mi dmigs pa shes pa yin no/ /las la gnas pa yin na ni mi dmigs pa yul gyi ngo bo nyid yin no zhes bshad pa yin no/ /de ltar ma yin par 'jug pas mi dmigs pa rnam par bzhag nas 'di'i bsgrub par bya ba bstan pa'i phyir/ de'i zla bo dngos po med pa 'am/ dngos po med par tha snyad gdags par zhes bya ba la sogs pa smos te/ mi dmigs pa ma yin pa'i ngo bor bshad pa gang yin pa de ni zla bo bum pa la sogs pa dngos po med par tha snyad gdags pa sgrub par byed pa yin te/ rgyu dang/ khyab par byed pa mi dmigs pas ni dngos po med pa dang dngos po med par tha snyad gdags pa sgrub par byed la/ rang bzhin mi dmigs pas dngos po med par tha snyad gdags pa 'ba' zhig go / dngos po med par tha snyad gdags pa ni/ shes pa dang mngon par brjod pa dang 'jug pa'i mtshan nyid de/ de la 'di na bum pa med do snyam pa de lta bu'i rnam pa can gyi shes pa dang/ de lta bu dngos po mngon par brjod par byed pa'i mngon par brjod pa dang/ phyogs der dogs pa med pa 'gro ba dang 'ong ba'i mtshan nyid kyi 'jug pa yin no/ /pha rol pos gang gi tshe mi dmigs pa yul gyi ngo bo nyid yin pa de'i tshe/ mi dmigs par mi rung ba nyid du bstan pa'i phyir/ ji ltar na gzhan yod pa de med pa yin zhes bya ba la sogs pa smos te/ phyogs kyi ngo bo nyid gang yin pa de ji ltar bum pa med pa yin rgyu gang gis na dngos po med pa'i ngo bo'i mi dmigs pas dngos po med par tha snyad gdags pa grub par 'gyur/ 'dir pha rol po'i bsam pa ni gang gi tshe 'bras bu dang rang bzhin gyi gtan tshigs dngos po yod pa'i ngo bo dag las mi dmigs pa logs shig tu byed na/ de'i tshe de gdon mi za bar dngos po med pa'i ngo bor 'gyur te/ de lta ma yin na logs shig tu byed pa don med pa nyid yin no/ /khyod kyis ni gzhan yod pa'i ngo bo mi dmigs par bshad na/ de ci gzhan yod pa de med pa yin par nges te/ des na khyod de skad 'chad snyam pa 'di yin te/ de'i phyir/ ji ltar na gzhan yod pa zhes bya ba la sogs pa'i klan ka 'dir 'gyur ro zhes bya ba ni phyogs snga ma'i dogs pa yin no// grub pa'i mdza' smra bas/ sngar bshad pa dran par bya ba'i phyir/ 'dir ji ltar ma yin par 'jug pas bltos pa'i sgo nas zhes bya ba la sogs pa smos te/ rung ba nyid kyi ngo bor mtshungs pa dag ma yin par 'jug pas bltos pa'i sgo nas dngos po med pa dang/ bltos pa'i sgo nas mi dmigs pa yin gyi/ dgag btsam ni ma yin no zhes bya ba 'di ni sngar bshad zin pa nyid do/ /'di skad du/ gang gi tshe ma yin pa'i ngo bor dngos po med pa dang/ mi dmigs pa dag rnam par 'jog pa de'i tshe khum pas dben pa'i phyogs kyi ngo bo nyid kho na bum pa med pa yin no/ /de'i phyir bum pa med pa'i ngo bo'i mi dmigs pa de lta bus dngos po med par tha snyad gdags pa sgrub pa la nyes pa 'ga' yang med do/ /logs shig tu smos pa ni chung zad tsam zhig khyad par yod pa'i phyir ro/ /don dam par ni mi dmigs pa rang bzhin gyi gtan tshigs kho na yin te/ /'di ltar dben pa'i ngo bo nyid kyis phyogs kyi chos gnyis pa dngos po med par tha snyad gdags su rung ba nyid kyi mtshan nyid sgrub par byed do/ /yang ci'i phyir dngos po med pa dang mi dmigs pa dag dgag ba tsam ma yin zhe na/ de'i phyir/ de sgrub par ma grub pa'i phyir zhes bya ba smos te/ dgag pa tsam de'i tshad ma nyid chung zad kyang mi 'grub bo/ /'dir ltar khyod kyi phyogs ltar dmigs pa med pa mi dmigs pa yin la/ des dngos po med pa'am/ der tha snyad gdags pa sgrub par byed na/ de la re zhig mi dmigs pa de nyid ji ltar 'grub/ /gal te mi dmigs pa gzhan zhig gis na ni de'i tshe de yang ji ltar grub/ /de las gzhan pa yang ji ltar grub ste/ de ltar na thugs pa med par 'gyur ro/ /de'i phyir dngos po med par tha snyad gdags pa nyid gang du yang 'grub par mi 'gyur ro/ /yang na de sgrub pa ma grub pa'i phyir zhes bya ba 'di don gzhan yin te/ dgag pa tsam de sgrub pa nyid yin pa kho nar mi 'grub bo/ /'di ltar grub par byed pas sgrub pa zhes bya na/ dgag pa tsam ni dngos po med pa'i phyir sgrub par byed par mi nus te/ dngos po med pa ni nus pa thams cad dang bral ba yin no/ /'on te dngos po med pa yang grub pa skyed par 'dod na ni de'i tshe/ lhan cig byed pa la mi bltos pa'i phyir rtag tu skyed par 'gyur te/ shes pa gzhan gyi go skabs kho na yang med par 'gyur ro/ /de lta na dgag pa tsam gyis grub tha skyed bar mi nus na ni/ de'i tshe med par tha snyad gdags pa yang mi 'grub pa kho nar 'gyur ro/ /de ltar 'dir dngos po med pa dgag pa tsam gyi ngo bo nyid yin pa bsal nas rgyu gang gis na gzhan yid pa yang de med pa yin zhes tha snyad gdags pa de bstan pa'i phyir/ 'brel ba med pa'i ngo bor zhes bya ba la sogs pa smos te/ gang gi phyir/ bum pa dang 'brel pa med pa de'i ngo bo'i phyogs de'i rang gi ngo bo grub pa de nyid gzhan bum pa med par grub pa yin pa de'i phyir/ gzhan yod pa yang mi dmigs pa bzhin du ma yin pa'i ngo bos de med pa ma yin no zhes tha snyad gdags so/ /'dir pha rol pos bum pa la sogs pa med pa yang dngos po med par tha snyad gdags pa'i rgyu nyid nyes pa med par mthong nas/ gzhan yod pa'i mtshan nyid kyi dngos po med pa zhes bya ba la sogs pa smos te/ bum pas dben pa'i phyogs kyi mtshan nyid kyi dngos po med pa gang yin pa de rang gi ngo bor mngon sum zhes bya ba'i tshad mas 'grub par 'gyur bas bum pa med par tha snyad gdags pa sgrub par byed pa 'am/ bum pas dben pa'i phyogs de grub pas rjes su dpag pa'i bum pa med pa bum pa med par tha snyad gdags pa sgrub par byed kyang rung ba 'dir dngos po med par tha snyad gdags pa sgrub pa la khyad par 'ga' yang med na/ khyad par rang gis na mi dmigs pas dngos po med par tha snyad gdags pa 'grub pa 'gal bar 'gyur/ 'dir gcig gi ltar na ni bum pas dben pa'i phyogs dmigs par mi dmigs pa mngon sum du rtags yin la/ cig shos kyi ltar na ni/ bum pas dben pa'i phyogs dmigs pas rjes su dpag pa'i bum pa med pa dngos po med par tha snyad gdags pa'i rtags yin pas khyad par yod pa yin nam zhe na/ khyad par 'di ni la? de? ba bden na gang gis na dgag par rtag pa bzhin du mi dmigs pa las dngos po med par tha snyad gdags pa 'grub pa 'gal bar 'gyur ba'i khyad par de ni med de/ brgyu de mi dmigs pas rjes su dpag pa'i tshul gyis grub pa gang yin pa de yang de kho na las grub par zad do// gal te khyad par med du chug na yang des na ci zhe na/ de'i phyir/ gzhan yod pa de nyid dang zhes bya ba la sogs pa smos te/ gang gi tshe de skad bshad pa'i tshul gyis dngos po med par tha snyad gdags pa sgrub pa la khyad par med pa de'i tshe bum pas dben pa'i phyogs de nyid dang/ de'i yul can gyi dmigs pa bum pa dngos po med pa'i rtags nyid du sgrub ba ci ste ma yin no/ de de ltar grub pa ni bum pa med par tha snyad gdags pa sgrub par byed pa kho na yin no/ gzhan yod par grub pa nyid de med par grub pa yin no zhes 'jig rten dang 'gal bar brtags pas ci zhig bya/ 'dir pha rol gyi bsam pa ni/ ji skad bshad pa'i nyes pas mi dmigs pa ma yin pa'i ngo bor rtogs pa la ni rig na/ dngos po med par dgag pa'i ngo bor yongs su bzung na dngos po med par tha snyad gdags pa 'grub pa la 'gal ba ci zhig yod/ gang gis gzhan yod pa nyid de med pa yin/ gzhan yod pa grub pa nyid de med par grub pa yin no zhes bya ba de lta bu 'jig rten dang 'gal ba rnam par 'jog par byed/ grub pa'i mdza' smra bas/ re zhig gzhan yod pa de med pa'i sgrub pa nyid yin pa dgag par bya ba'i phyir/ so sor ma grub pa'i phyir dang zhes bya ba smos te/ bum pa med pa dang phyogs so sor grub pa ni med do/ /'on kyang bum pas dben pa'i ngo bo'i phyogs 'dzin par byed pa'i shes pa kho nas bum pa med pa yang shes te/ de'i phyir shes pa gcig gis gzung bar bya ba phyogs dang bum pa dag ji ltar rtags dang rtags can gyi dngos por 'gyur/ gtan tshigs gzhan 'brel pa med pa'i phyir zhes bya ba smos te/ phyogs dang bum pa med pa 'di gnyis ni phan tshun 'brel pa 'ga' yang med do/ /'brel pa med na ji ltar rtags dang rtags can gyi dngos por 'gyur/ de nyid bstan par bya ba'i phyir/ re zhig gzhan na yod pa ni zhes pa la sogs pa smos te/ re zhig gzhan yod pa ni zla bo bum pa la sogs pa med pa'i sgrub pa ma yin no/ /re zhig ces bya ba'i sgra ni go rim yang dag par bstan par bya ba'i phyir te/ gzhan yod pa'i yul can gyi dmigs pa dngos po med pa sgrub pa yin pa dgag pa ni phyis bshad par bya'o snyam du dgongs pa yin no/ /ji ltar gzhan yod pa dngos po med pa'i sgrub pa ma yin zhe na/ de'i phyir/ gang zhig grub pa na gang mi 'grub pa de ni zhes bya ba la sogs pa smos te/ don gang zhig grub pa'i tshe don gzhan gang zhig mi 'grub pa de gnyis ni rtags dang rtags can yin no/ /'dir dpe me dang du ba lta bu yin no zhes bya ba smos te/ gang gi tshe la la du ba grub pa'i tshe me ma grub pa yin pa de'i tshe me grub par bya ba'i phyir/ du ba rtags nyid du gzung gi / gang gi tshe du ba grub pa'i tshe kho na ni me 'grub pa de'i tshe ni/ de gnyis rtags dang rtags can gyi dngos po ma yin na/ 'dir ni bum pas dben pa'i phyogs rtogs pa'i tshe nyid na bum pa med pa shes na/ de ji ltar 'di gnyis rtags dang rtags can gyi dngos por 'gyur/ de ci'i phyir zhe na/ de las gzhan pa dang 'brel pa med pa'i ngo bo can te zhes bya ba la sogs pa smos te/ de zhes bya ba ni phyogs zhes bya ba gzhan yod pa'o/ /de las gzhan pa dang 'brel pa med pa'i ngo bo zhes bya ba la sogs pa la phyogs de las gzhan pa rung ba nyid kyi ngo bor mtshungs pa bum pa la sogs pa gang yin pa de ni/ de las gzhan pa zhes bya ba'i sgrar brjod do/ /'di las de las gzhan pa dang 'brel pa med pa'i ngo bo yod pas 'di ni de las gzhan pa dang 'brel pa med pa'i ngo bo can te/ bum pas dben pa'i phyogs zhes bya ba'i tha tshig go / gang gi phyir bum pa dang 'brel pa med pa'i ngo bo nyid kyi phyogs de'i de nyid rnam par 'jog par byed pa'i tshad ma gang yin pa gang gis na bum pas dben pa nyid kyi phyogs shes par 'gyur ba'i rnam par 'jog par byed pa'i tshad ma de kho nas phyogs kyi gzhan rnam par bcad pa 'grub ste/ bum pas dben pa'i phyogs shes par 'gyur zhes bya ba'i tha tshig de'i phyir so sor ma grub pas gzhan yod pa de ni dngos po med pa'i sgrub pa ma yin no/ /gtan tshigs gzhan bshad par bzhed nas/ de de'i rtags yin zhes bya ba la sogs pa smos te/ rtags de rtags can dang ldan na/ rtags de dang rtags can der lhan cig 'brel pa 'ga' zhig tu 'gyur te/ dper na byas pa nyid ces bya ba'i rtags dang mi rtag pa nyid ces bya ba'i rtags can du lhan cig don cig la 'du ba'i mtshan nyid kyis 'brel pa lta bu zhig yin grang ste/ 'di ltar byas pa nyid dang mi rtag pa nyid gnyis ni don gcig la 'du ba yin no/ /'di gnyis don gcig la 'du ba'i mtshan nyid kyis 'brel pa ni gzhan gyi gzhung las bltos nas bshad pa yin no/ /rang gi lugs ltar na ni/ 'di gnyis de'i bdag nyid kyis 'brel pa yin no/ /'brel pa gzhan bstan pa'i phyir/ /du ba dang zhes bya ba la sogs pa smos te/ du ba dang rtags can med par lhan cig don gcig la 'du ba lta bu zhig yin grang ste/ 'di ltar du ba dang me gnyi ga yang phyogs gcig na 'du ba yin no/ /ldan pa ni 'dir 'du ba'i sgrar bshad de/ gzhan ni phyogs na de gnyis 'du ba'i mtshan nyid kyis 'brel pa khas mi len to/ /yang na me la du ba mthong ba'i phyir de gnyis rten dang brten pa'i mtshan nyid kyis 'brel pa zhig yin grang/ 'brel pa 'di gnyi ga yang gzhan gyi lugs la bltos nas nye bar bkod pa yin no/ /rang gi lugs ltar 'di gnyis kyi 'brel pa bstan pa'i phyir/ bskyed par bya ba dang skyed pa'i dngos po lta bu zhig yin grang zhes bya ba smos te/ mes ni du ba skyed do/ /de'i phyir de gnyis ni rgyu dang 'bras bu'i mtshan nyid kyis 'brel pa yin no/ /de ltar 'brel pa rnam pa gsum brjod nas/ dkyus ma dang sbyar bar bya ba'i phyir/ dngos po yod pa dang med pa dag la ni zhes bya ba la sogs pa smos te/ ji ltar byas pa nyid dang mi rtag pa nyid dag don gcig la 'du ba'i mtshan nyid kyi 'brel pa dang/ ji ltar du ba dang me dag 'brel pa ji skad bshad pa rnams ltar phyogs dang bum pa med pa dag la ni phan tshun/ rgyu gang gis na gzhan yod pa phyogs kyi mtshan nyid bum pa med pa dgag pa'i mtshan nyid 'di sgrub par 'gyur pa'i 'brel pa de lta bu 'ga' yang med/ 'di ltar bum pa med pa ni dngos po med pa'i phyir gang du yang 'du ba med la/ dngos po med pa nyid kyi phyir/ 'di rten 'ga' yang ma yin no/ /gzhan gyi 'dod pa'i dogs pa bsu bar/ gal te yul dang yul can gyi dngos po yod zhes bya ba la sogs pa smos te/ de med pa dang gzhan yod pa dag la yul dang yul can gyi dngos po'i 'brel pa yod pa nyid de/ 'di ltar phyogs na bum pa med par shes so/ /de lta bas na gzhan yin pa ni yul yin la/ bum pa med pa ni yul can yin pas/ 'di gnyis yul dang yul can gyi mtshan nyid kyi 'brel pa yin te/ dper na sgra dang don dag lta bu'o/ /yal ga la sogs pa dang ldan pa'i yul la shing ljon pa'i sgra sbyor la/ de gnyis kyang yul dang yul can gyi mtshan nyid kyis 'brel pa ltar 'dir yang de dang 'gro'o zhes bya ba ni phyogs snga ma yin no/ /grub pa'i mdza' smra bas sgra dang don dang ni zhes bya ba la sogs pa smos te/ sgra dang don dag ni yal ga la sogs pa dang ldan pa'i don ston par sems na shing ljon pa'i sgra sbyor bas 'brel par rigs te/ 'di ltar sgra de dang yal ga la sogs pa dang ldan pa'i don der/ lhan cig rgyu dang 'bras bu'i mtshan nyid kyis 'brel pa yod do/ /gang gi phyir brjod par 'dod pa yal ga la sogs pa dang ldan pa'i don ston par sems na/ shing ljon pa'i sgra sbyor ba de'i phyir don de lta bu brjod par 'dod na/ sgra sbyor bas sgra ni 'bras bu yin la rgyu ni brjod par 'dod pa yin no/ zhes bya ba grub la/ don de lta bu brjod par 'dod pa med na shing ljon pa'i sgra mi sbyor bas 'di gnyis la med ni mi 'byung pa'i mtshan nyid kyis 'brel pa yang srid do/ /sgra dang don dag gi rgyu 'bras kyi dngos po nyid med na mi 'byung ba yin mod kyi/ 'on kyang gzhan gyi bsam pa'i dor byas nas med na mi 'byung ba logs shig tu nye bar bkod/ gzhan dag ni med na mi 'byung ba/ rgyu dang 'bras bu'i mtshan nyid kyis 'brel pa las logs shig tu 'dod do/ /de lta bas na 'dir bsdus pa'i don ni 'di yin te/ gang gi tshe brjod par 'dod pa la gsal bar snang ba'i don de na yod pa nyid du sgro btags pa phyi rol gyi don dang tha mi dad par byas nas brjod par bya ba nyid yin pa de'i tshe ni sgra dang don dag dngos su rgyu dang 'bras bu'i dngos po yin te/ 'di ltar brjod par 'dod pa la gsal bar snang ba'i don bstan par bya ba'i phyir sgra sbyor bar 'dod do zhes bya ba ni rang gi gzhung yin no/ /gang gi tshe gzhan gyi gzhung la bltos nas phyi'i rim brjod par bya ba yin par 'dod pa de'i tshe yang brgyud pas rgyu dang 'bras bu'i dngos po yod pa nyid de/ 'di ltar don las ni mthong ba yin no/ /mthong ba las ni brjod par 'dod pa yin no/ /brjod par 'dod pa las ni stsol ba yin no/ /rtsol ba las ni rlung yin no/ /rlung las ni gnas gzhan du thug pa yin no/ /de las ni sgra 'grub par brgyud pa yin no/ /'dir bstan bcos mdzad pa'i dgongs pa ni/ 'di la dngos su rgyu dang 'bras bu'i dngos po yod pa kho na'o/ /de yod na gzhan dag gis gzhan yongs su brtags pa gang yin pa de yang yin te/ ming la log par rtog pa 'ba' zhig tu zad do snyam pa 'di yin no/ /de la 'di snyam du de med pa dang gzhan yod pa dag kyang de lta bu yin par 'gyur ro snyam na/ de'i phyir/ rnam pa 'di yang 'di la med pas zhes bya ba la sogs pa smos te/ sgra dang don dag gi 'brel pa'i rnam pa nye bar bstan pa gang yin pa de ni de med pa dang/ gzhan yod pa dag la mi srid pa kho na'o/ /de'i phyir ji ltar de gnyis yul dang yul can gyi mtshan nyid kyis 'brel par 'gyur/ ci'i phyir mi 'gyur zhe na/ de'i phyir gnyis bsgrub par bya ba dang sgrub pa'i dngos por grub na ni zhes bya ba la sogs pa smos te/ gang gi tshe de med pa dang gzhan yod pa dag bsgrub par bya ba dang sgrub pa'i dngos por grub pa yin pa de'i tshe bsgrub par bya ba dang/ sgrub pa'i dngos po'i sgo nas yul dang yul can gyi dngos por 'gyur na/ bsgrub par bya ba dang sgrub pa'i dngos po de nyid ni 'grel pa med par mi 'grub bo/ /bsgrub par bya ba dang sgrub pa'i dngos po de ma grub na/ de'i rgyu can yul dang yul can gyi dngos po lta rgyangs bcad de bor ba yin no/ /gal te yang yul dang yul can gyi dngos pos byas pa nyid kyi bsgrub par bya ba dang sgrub pa'i dngos por gyur na nyes pa ci yod ce na/ de'i phyir/ de lta ma yin na 'di gcig la gcig brten pa yin par 'gyur ro zhes bya ba smos te/ de med pa dang gzhan yod pa dag la yul dang yul can gyi dngos po ma gtogs pa 'brel pa gzhan mi 'dod na/ de'i tshe gcig la gcig brten pa'i nyes par 'gyur ro/ /'di ltar yul dang yul can yod pas bsgrub par bya ba dang sgrub pa yod la/ bsgrub par bya ba dang sgrub pa yod pas kyang yul dang yul can yod pas gcig la gcig brten pa nyid yin no/ /gcig la gcig brten pa dag ni nus pa ma yin te/ dper na gru la gru sbyings pa gcig la gcig skyob par mi nus pa bzhin no/ /'thad pa gzhan bstan pa'i phyir/ gzhan yod pa las zhes bya ba la sogs pa smos te/ gang gi phyir bum pas dben pa'i sa phyogs kyi mtshan nyid kyi gzhan yod pas bum pa med par sgrub par byed pa de'i tshe chos 'ba' zhig bsgrubs pa yin pas/ spyi sgrub par bya ba nyid ma yin pa'i nyes par 'gyur ro/ /'di ltar yon tan dang gtso bo'i dngos por rnam par gnas pa chos dang chos can spyi bsgrub par bya ba nyid du 'dod kyi/ chos sam chos can 'ba' zhig ni ma yin no/ /gal te bum pa med pa 'ba' zhig sgrub par gyur na nyes pa ci yod ce na/ de'i phyir/ de lta yin na ni de las gzhan pa yod pa'i phyir zhes bya ba la sogs pa smos te/ gal te 'ba' zhig bsgrub par bya ba nyid yin par 'gyur na de'i tshe tshig gi don 'di rnam par gnas te/ sa phyogs dben pa'i ngo bo yin pa'i phyir/ khams gsum na bum pa zhes bya ba 'ga' yang med do/ /de lta na bum pa yul thams cad na dang dus thams cad du med par 'gyur ro/ /bum pa'i dngos po nyid med par 'gyur ro snyam du dgongs pa yin no/ /'dir pha rol gyi tshig gi go skabs kyi dogs pa bsu bar/ gal te ma yin te phyogs la sogs pa chos can gyi khyad par can zhes bya ba la sogs pa smos so/ /de nyid rnam par 'grol ba'i phyir/ 'di snyam du phyogs la sogs pa chos can zhes bya ba la sogs pa smos te/ phyogs zhes bya ba'i chos can gang yin pa de nyid khyad par du 'gyur ba'i bum pa med pa sgrub par byed kyi 'ba' zhig ni ma yin no/ /de'i phyir spyi bsgrub par bya ba ma yin pa'i nyes par mi 'gyur la/ phyogs 'di la ni rtags dang rtags can dag 'brel pa med pa'i nyes pa yang mi srid de/ 'di ltar rtags nyid du khas blangs pa gzhan yod pa dang phyogs la sogs pa chos can du 'brel par yod pa kho na ste/ dngos po'i ngo bo yin pa'i phyir ro snyam du bsams pa'o/ /grub pa'i mdza' smra bas ma yin te/ phyogs la sogs pa nyid ces bya ba la sogs pa smos te/ 'dir chos can yang gzhan la rtags nyid du 'dod pa gzhan yod pa yang gzhan pa ni ma yin no/ /gzhan ma yin par ji ltar shes she na/ de'i phyir/ phyogs gang kho na na zhes bya ba la sogs pa smos te/ phyogs gang kho na na bum pa med do zhes bya ba'i phyogs de nyid bum pa dang 'dres pa med pa'i gzhan yod pa nyid du 'dod cing rtags nyid du 'dod do/ /'di ltar bum pas dben pa'i phyogs mthong ba kho nas rtogs par byed pa 'di phyogs na bum pa med do snyam pa'i blo 'byung ngo/ /de'i phyir ji ltar khyad par med pa tha na ldog pa'i bye brag gis kyang tha dad pa ma yin pa'i phyogs de kho na rtags dang rtags can gyi dngos por rung/ de la 'di snyam du/ dngos su tha dad pa med mod kyi/ 'on kyang spyi dang khyad par gyi dngos por brtag pas rtags dang rtags can gyi dngos por 'gyur ro snyam na/ de'i phyir/ 'dir gang gis na spyi ni gtan tshigs su 'gyur la zhes bya ba la sogs pa smos te/ phyogs de lta bu la ni rgyu gang gis na/ spyi ni gtan tshigs nyid du khas len pa/ khyad par ni chos can nyid du khas len par 'gyur pa'i spyi dang khyad par du brtag pa ni mi 'thad do/ /ci'i phyir spyi dang khyad par du yongs su brtag pa mi srid ce na/ de'i phyir/ de'i khyad par rtogs pa kho na zhes bya ba la sogs pa smos te/ bum pas dben pa'i phyogs kyi khyad par chos can nyid du yongs su brtags pa'i gang yin pa'i phyogs kyi khyad par de lta bu rtogs pa kho nas bum pa med pa'i rtogs pa'i phyir rgyus phyogs kyi spyi gtan tshigs kyi dngos po ma yin no/ /de la 'di snyam du phyogs kyi khyad par de nyid gzhan du yang 'jug pa'i phyir spyi yin par 'gyur ro snyam du sems na/ de'i phyir/ de la rjes su 'gro ba yang med pa'i phyir zhes bya ba smos te/ bum pas dben pa'i phyogs yongs su snang ba de lta bu la ni gzhan du rjes su 'gro ba med do/ /de'i phyir ji ltar spyi dang khyad par gyi dngos po yin na/ gtan tshigs gzhan dam bca' ba'i phyogs gcig yin pa'i phyir yang zhes bya ba la sogs pa smos te/ gang gi tshe bum pas dben pa'i phyogs kho na chos can yin la/ de nyid rtags nyid du yang brjod pa de'i tshe/ dam bcas pa'i phyogs gcig yin pa'i phyir/ 'di rtags nyid ga la yin/ gal te phyogs kyi khyad par rjes su 'gro ba med pa'i phyir dang/ dam bcas pa'i phyogs gcig yin pa'i phyir/ rtags yin par mi 'dod na/ 'on te phyogs kyi spyi gtan tshigs su 'gyur ro snyam na/ de'i phyir/ gang na phyogs tsam yod pa de na zhes bya ba la sogs pa smos te/ gang dang gang na phyogs tsam yod pa de dang de na bum pa med pa ni ma yin no/ de lta bas na 'khrul pa'i phyir/ phyogs kyi spyi yang gtan tshigs ma yin no/ /pha rol gyi 'dod pa'i dogs pa bsu bar/ gal te phyogs 'ba' zhig yin pa de lta bu na ni zhes bya ba la sogs pa smos te/ phyogs tsam ni ha cang spyi yid ches pas 'khrul pa yang bden na/ bum pas dben pa'i phyogs 'ba' zhig yin pa de lta bu gzhan yang yod pa gang yin pa de na bum pa med pa nyid du 'khrul pa med do/ /de'i phyir bum pas dben pa'i phyogs kyi spyi de lta bu ni gtan tshigs yin te/ de la ni 'khrul pa yang med do zhes bya ba ni phyogs snga ma yin no/ /grub pa'i mdza' smra bas/ de 'ba' zhig ces bya ba la sogs pa smos te/ phyogs 'ba' zhig ces bya ba gang yin pa de nyid bum pa dang bral ba zhes mi bya 'am/ byar zangs? da/? nyes pa ci yod ce na/ 'dir rtags su gyur pa de yang zhes bya ba la sogs pa smos te/ mi dmigs pa'i sbyor bas 'dir rtags nyid du 'dod pa bum pa dang bral ba'i phyogs de yang phyogs rtogs pa'i dus de kho na grub pa yin no/ /de'i phyir phyogs 'ba' zhig po de dag gang gi rtags su 'dod par bya/ 'di nyid la gtan tshigs gzhan rjes su 'gro ba smos pa yang zhes bya ba la sogs pa smos te/ gang dang gang na phyogs 'ba' zhig yod pa de dang de na bum pa med do zhes bya ba de lta bu rjes su 'gro ba smos pa gang yin pa de yang don med par 'gyur ro/ /'di ltar rtags su gyur pa'i phyogs rtogs pa kho na na bum pa dang bral pa grub na rjes su 'gro bas lhag par ci zhig bya/ mjug bsdu ba'i phyir/ de lta bas na gzhan yod pa na zhes bya ba la sogs pa smos te/ gang gi phyir de ltar bshad pa'i rnam pas 'brel ba med pa de'i phyir dben pa'i mtshan nyid kyi gzhan yod pa ni bum pa med pa'i sgrub pa ma yin no zhes bya bar grub bo// yang gzhan gyi tshig gi go skabs kyi dgos pa bsu bar/ gal te 'gal pa'i 'brel pa yod do zhes bya ba la sogs pa smos te/ de med pa dang gzhan yod pa dag la 'gal ba'i mtshan nyid kyi 'brel pa yod pa nyid do/ /de'i phyir/ 'gal ba'i mtshan nyid kyi 'brel pas 'brel pa'i phyir gzhan yod pa la dngos po med pa 'grub par 'gyur ro/ /zhes bya ba ni phyogs snga ma yin no/ /grub pa'i mdza' smra bas/ 'gal ba mi srid pa'i phyir dri bar gang zhig gang dang 'gal zhes bya ba smos te/ bsgrub par bya ba bum pa med pa dang gtan tshigs phyogs dag gang zhig gang dang lhan cig 'gal ba brjod dgos so/ /pha rol pos 'gal ba bstan pa'i phyir/ gzhan yod pa dang zla bor ro zhes bya ba smras te/ bum pas dben pa'i ngo bo'i phyogs dang zla bo bum par lhan cig 'gal lo/ /grub pa'i mdza' smra bas/ ci gang gis na rtags dang rtags can zhes bya ba la sogs pa smos te/ kye ci 'dir gang gis na rtags dang rtags can dag 'gal ba'i mtshan nyid kyi 'brel pa yin par brjod pa/ dben pa'i phyogs dmigs pa la bum pa yod par gzhal par 'dod dam/ 'dir zla bo bum pa med par sgrub par byed pa ma yin nam/ de ni dben pa'i phyogs kyi mtshan nyid kyi gzhan yod pa dang lhan cig 'gal ba med do/ /ci'i phyir mi 'gal zhe na/ lhan cig gnas pa'i phyir ro zhes bya ba smos te/ 'di ltar bum pa sa dben pa'i phyogs dang bum pa med pa lhan cig gnas pa mthong ngo/ /mjug bsdu ba'i phyir/ gzhal bya de la zhes bya ba la sogs pa smos te/ gang gi tshe 'dir bum pa med pa kho na dben pa'i ngo bo'i phyogs dmigs pas 'jal bar byed pa de'i tshe/ gzhal bya de la rtags dang rtags can dag ji ltar lags/ de'i phyir 'dir de gnyis 'brel pa med pa nyid do/ /de ltar 'brel pa med par bstan nas/ nyes pa gzhan bstan pa'i phyir 'di la yang zhes bya ba la sogs pa smos te/ 'gal ba'i mtshan nyid kyi 'brel pa'i phyogs 'di la yang spyi bsgrub par bya ba nyid ma yin pa'i nyes pa ni de'i so na 'dug pa nyid do/ /yang pha rol bos mi 'dod pa brjod pas brgal bar bya ba'i phyir/ de med pa dang gzhan yod pa dag 'brel pa med na zhes bya ba la sogs pa smos te/ gal te de med pa dang gzhan yod pa dag phan tshun cung zad kyang 'brel par mi 'dod na/ de'i tshe gzhan yod pa rtogs kyang de med pa rtogs par mi 'gyur ba zhig na/ gzhan yod pa ni de med pa'i shes par byed pa yin par ni 'dod do/ /grub pa'i mdza' smra bas/ 'brel ba gang las kyang zhes bya ba la sogs pa smos te/ gang gis na nyes pa mnyam pa nyid du 'gyur ba med na mi 'byung ba 'am/ 'gal ba 'am gzhan yang rung ste/ 'brel pa gang las kyang gzhan yod pa de med pa'i shes par byed pa yin par mi 'dod do/ /gal te 'brel pa'i sgo nas shes par byed la yin par mi 'dod na/ 'o na ji ltar shes par byed pa yin zhe na/ 'on kyang gzhan yod pa nyid ces bya ba la sogs pa smos te/ bum pas dben pa'i phyogs yod pa nyid du bum pa med pa yin te/ 'di ni de las gzhan pa dang 'brel pa med pa'i ngo bo can de'i de nyid rnam par 'jog par byed pa'i tshad ma kho nas gzhan rnam par bcad pa 'grub pa'i phyir ro zhes bya ba'i bar skabs 'dir bshad zin to/ /'di gnyis gsal bar bya ba'i phyir/ gzhan dang 'brel ba med pa'i ngo bo zhes bya ba la sogs pa smos te/ phyogs la sogs pa gzhan yod ba bum pa dang 'brel pa'i ngo bo de'o/ /'ba' zhig ces bya ba ni dben pa'i ngo bo'o/ /bdag nyid gcig tu rnam par gnas pa zhes bya ba ni ngo bo nyid so sor nges pa la rnam par gnas pa ste/ tshig 'di gnyis kyis ni 'brel pa med pa'i ngo bo nyid rnam par bshad do/ /de lta bur gyur pa de ji skad bshad pa de'i bdag nyid du yongs su gcod pa gang yin pa de nyid bum pa la sogs pa gzhan rnam par gcod pa dgag pa yin no/ /de ltar byas na phyogs de 'ba' zhig pa de nyid gzhan bum pa dang bral ba med pa yin no/ /de lta bas na gzhan pa yod pa nyid du phyogs yod pa nyid de med pa bum pa med pa zhes bya la/ de las gzhan pa rtogs pa nyid phyogs rtogs pa nyid de med par rtogs pa bum pa med pa rtogs pa yin gyi/ bum pa shes pa med pa tsam gyis bum pa med par rtogs pa ni ma yin no/ /gal te yang de ltar mi 'dod na/ nyes pa cir 'gyur zhe na/ de lta ma yin te/ de yongs su bcad pas zhes bya ba la sogs pa smos te/ gal te bum pas dben pa'i phyogs yongs su bcad pas bum pa rnam par mi gcod mi 'gog na de'i tshe bum pas dben pa'i phyogs yongs su bcad pa nyid du mi 'gyur ro/ /ci'i phyir zhe na/ de'i phyir/ de dang de ma yin pa'i ngo bo dag rnam par ma phye ba'i phyir ro zhes bya ba smos te/ de dang de ma yin pa ni de dang de dag go /de dang de ma yin pa dag gi ngo bo ni/ de dang de ma yin pa'i ngo bo dag ste/ de dang de ma yin pa'i ngo bo dag rnam par ma phye ba'i phyir logs shig tu ma byas pa'i phyir ro/ /'di skad du bum pas dben pa'i sa gzhi'i ngo bo de dang bum pa'i ngo bo de ma yin pa 'di gnyis gang gi phyir rnam par dbye ba ma byas pa yin pa de'i phyir yongs su gcod pa mi 'gyur ro/ /gal te rnam par phye nas de yongs su gcad pa ma byas par chug na yang/ des na ci zhe na/ la lar 'ga' zhig mthong nas zhes bya ba la sogs pa smos te/ yul lam dus sam gnas skabs kyi bye brag la lar dngos po 'ga' zhig mthong ba'i 'og tu thob par bya ba'i don dam pa yongs su spang bar bya ba'i don mi tha snyad gang yin pa der mi 'gyur ro/ /ci'i phyir mi 'gyur zhe na/ me mthong yang gang gis na zhes bya ba la sogs pa smos te/ rtogs par byed pa 'dis mi mthong yang rgyu gang gis na chu don du gnyer ba me la 'jug par mi 'gyur ba me 'ba' zhig mthong ba ni ma yin no/ /'di skad du gang gi tshe de dang de ma yin pa'i ngo bo dag rnam par dbye ba mi byed pa de'i tshe me mthong yang chu'i ngo bo rnam par ma bcad pa'i phyir/ me 'ba' zhig kho na mthong ba ni ma yin no/ /de'i phyir chu don du gnyer ba me de la 'jug par 'gyur te/ 'dis chu me las rnam par phye ba ni ma yin no/ /'jug pa yang ma yin te/ de lta bas na rang gi ngo bo so sor nges pa'i me yongs su gcod par byed pa'i shes pa de nyid kyis chu rnam par bcad pa yang byas par khas blangs dgos so zhes bshad pa yin no/ /gzhan gyi tshig gi go skabs kyi dogs pa bsu bar/ gal te mi dmigs pas chu med par zhes bya ba la sogs pa smos te/ gang gi che me mthong na don chu mi dmigs pa de'i tshe chu mi dmigs pas me la chu med par shes so/ /de'i phyir chu don du gnyer ba de la mi 'jug go zhes bya ba ni phyogs snga ma'i dogs pa yin no/ /grub pa'i mdza' smra bas/ mi dmigs pa zhes bya ba 'di ci yin zhes bya ba la sogs pa smos te/ mi dmigs pa'i sgras ci zhig yin par shes par bya/ re zhig gal te chu dmigs pa med pa yin no zhe na/ de'i tshe med pa de dngos po med pa'i phyir/ ji ltar 'ga' zhig rtogs pa yin te/ ji ltar 'ga' zhig yongs su gcod par byed pa yin zhes bya ba'i tha tshig go /de la 'di snyam du 'di ni 'ga' yang yongs su gcod par byed par mi 'dod pa nyid do/ /'o na ci zhe na/ yongs su gcod pa'i rgyu yin no snyam du sems na/ de'i phyir/ rtogs pa'i rgyu yin zhes bya ba smos te/ med pa ni dngos po med pa'i phyir rtogs pa'i rgyu nyid du yang rung ba ma yin no/ /'di skad du gal te mi dmigs pa ma yin pa'i ngo bor rten na ni/ de'i tshe kho bo cig gi phyogs khas blangs par 'gyur ro/ /'on te med par dgag pa'i ngo bo na ni/ de'i tshe dngos po med pa'i phyir 'ga' yongs su gcod pa'i rgyu yang ma yin no/ /mi dmigs pa med pa'i ngo bor yongs su bzung na tshul gyis thug pa med par bstan pa'i phyir/ de yang ji ltar rtogs zhes bya ba smos te/ chu dmigs pa med pa de yang ji ltar rtogs/ re zhig ma rtogs pa ni 'ga' i sgrub pa yang ma yin te/ shes par byed pa yin pa'i phyir ro/ /gal te de yang de las gzhan pa'i mi dmigs pas rtogs so zhe na ni/ mi dmigs pa gnyis pa de yang ji ltar rtogs/ /de bzhin du de las gzhan pa yang zhes bya ba thug pa med par 'gyur ro/ /de la 'di snyam du mi dmigs pa ni shes pa med pa'i ngo bo yin la/ de ni rang gi ngo bo tsam kho nas shes bya med par ston par 'gyur ro snyam du sems na/ de'i phyir/ de 'am de las gzhan pa yang rung zhes bya ba la sogs pa smos te/ gal te dngos po med pa'i ngo bo nyid dur shes par 'dod pa'am de la ma gtogs pa gzhan yang rung ste/ 'ga' yang ma gtogs par yang dngos po med pa rtogs pa yin na/ de'i tshe gnyid yog pa la sogs pa'i gnas skabs dag tu 'gro ba thams cad kyis ji ste/ dngos po med pa rtogs par mi 'gyur 'di ltar dngos po thams cad ni de dang de ma yin pa'i ngo bor phung por gnyis su rnam par bzhag pa/ gal te mi dmigs pas kyang de 'am de las gzhan pa ma rtogs par yang dngos po med pa rtogs na/ de'i tshe thal ba 'dir 'gyur te/ 'di ni tshad ma rnam par gtan la dbab par rgyas par dpyad zin to/ /gnyid log pa dang myos pa dang brgyal ba dang chod pa dang rgyab kyis phyogs pa zhes bya bar tshig rnam par sbyar te/ de dag gi gnas skabs la de skad ces bya'o/ /de la gnyid log pa'i gnas skabs na gnyid ma thug pos non pa la yul 'dzin pa'i nus pa med do/ /myos pa'i gnas skabs na myos par 'gyur ba'i rdzas spyad pas de'i stobs kyis sems la yul rtogs pa'i nus pa dang bral lo/ /brgyal ba'i gnas skabs na gnad du rgyab bam/ rlung la sogs pa ma mnyam pas yul 'dzin pa'i nus pa med do/ /mchod pa'i gnas skabs na yul gyis bskal pas sam sogs par byed pa'i rdzas kyis bsgribs pas yul 'dzin pa'i nus pa dang bral lo/ /rgyab kyis phyogs pa'i gnas skabs na brjod par 'dod pa'i yul 'dzin par nus pa med do/ /sogs pa smos pas ni mun nag la sogs pa'i gnas skabs na yul 'dzin pa'i nus pa med par blta bar bya'o/ /mjug bsdu ba'i phyir/ de lta bas na 'dis me mthong yang zhes bya ba la sogs pa smos te/ gang gi phyir de ltar de dang de ma yin pa'i ngo bo dag rnam par dbye ba mi byed pa de'i phyir/ rtogs par byed pa 'dis me mthong yang 'di ni me kho na yin gyi/ 'di ni chu ma yin no// zhes bya ba de lta bur rnam par phye nas ma rtogs pas/ me don du gnyer ba 'dug par yang mi bya'o/ /'o na ci zhes chu ma bsal ba'i phyir yul de la 'jug par bya'o/ /chur ma nges pa'i phyir 'gro bar yang mi bya 'phag par mi bya'o/ /de ltar na 'jal bar byed pa phan tshun 'gal ba'i bya ba dang 'brel ba'i phyir nyon mongs 'di/ ci 'gro na rung ba 'on te 'dug na rung gtol med de/ rgal dka' ba'i skabs su chud par gyur to/ /gzhan gyi 'dod pa'i dogs pa bsu bar/ gal te gcig mthong ba de kho nas zhes bya ba la sogs pas smos te/ gang gi phyir chus dben pa'i me gcig pu de kho na mthong ba de'i phyir de la chu med par rtogs par 'gyur te/ rnam pa gzhan med pa'i phyir ro/ /grub pa'i mdza' smra bas/ rang gi tshig kho nas pha rol po rang gi phyogs la bzhag par bya ba'i phyir/ ji ltar gcig mthong bas zhes bya ba la sogs pa smos te/ ji ltar dngos po gcig mthong bas gzhan med par rtogs par nus/ yang gzhan gyi tshig gi go skabs kyi dogs pa bsu bar/ gal te de 'ba' zhig ces bya ba la sogs pa smos te/ gang gi phyir chu dang 'brel pa med pa'i ngo bo me 'ba' zhig kho na rtogs pa de'i phyir/ chu med par khong du chud do zhes bya ba phyogs snga ma'i dogs pa yin no/ /grub pa'i mdza' smra bas/ co dri bar 'di nyid kho bos zhes bya ba la sogs pa smos te/ 'di kho bos dang po kho nar bshad zin na/ ci ste khyod de la ma rangs pa ltar ston/ gdon mi za bar khyod la 'bros khung gzhan med de/ des na khyed phug rdugs pas 'di khas len par zad kyi/ gzu bor gyur pas ni ma yin te/ gong du gzhan nyid ni zhes gcig dang 'brel pa dag phan tshun bltos pa yin no/ /de'i phyir de las gzhan pa yod pa nyid med pa yin la de las gzhan pa dmigs pa nyid de/ mi dmigs pa yin no zhes bshad na/ der ni khyed kyis rangs par ma byas la/ da ni phug rdugs pa'i phyir khas len pas 'di ni gzu po'i tshul chags pa ma yin no/ /mjug bsdu ba'i phyir/ de lta bas na 'gro ma mthong ba'i bya bzhin du zhes bya ba la sogs pa smos te/ ji ltar gru bo cher zhags pa'i chod pa rnams kyis 'gram mthong yang ci ma rung sum nas bya sbur? te gtong bar byed pa de gang gi tshe thams cad du byugs te 'gram rnyed pa de'i tshe gru kho nar 'dug par bya ba'i phyir 'ong ngo zhes grags pa ltar 'di yang? de dang 'dra bar blta bar bya'o/ /gang gi phyir ring du yang song/ pha rol du yang song gdon mi za bar kho bo'i phyogs khas blang dgos pa de'i phyir/ gting tshugs pa med pa can gyi phyogs sgrub pa ni chung zad kyang mi dgos so/ /gang la gting tshugs pa med pa yod pa de ni gting mi tshugs pa can gyi phyogs sgrub pa'o/ /gting mi tshugs pa zhes bya ba ni ma nges pa dang mthar phyin pa ma yin pa'o/ /pha rol pos gal te de ltar gcig yongs su bcad pa kho nas zhes bya ba la sogs pa smos te/ gal te don gzhan dang 'brel pa med pa'i lus can gyi dngos po gcig yongs su bcad pa kho nas/ gzhan dngos po med pa'i ngo bo nyid du shes par 'dod pa rnam par bcad pa 'grub pa dgag pa grub pa yin na/ de'i tshe sa gzhi la sogs pa yongs su snang ba don khyad par med par dmigs pa'i rig byar gyur pa yang rung/ dngos po snang ba la ma gtogs pa gzhan yang rung ste/ thams cad med par 'grub par 'gyur gyi/ shes pa gcig dang 'brel pa nyid kyis rung ba'i ngo bo nyid du mtshungs pa bum pa la sogs pa gang yin pa de 'ba' zhig kho na ni ma yin no/ /de'i phyir dngos po dmigs pa'i rig byar gyur pa mi dmigs pa gang yin pa de kho na dngos po med pa sgrub pa yin no zhes bya ba'i khyad par du byed pa gang yin pa de yang brjod mi dgos te/ gang gi phyir sa gzhi la sogs pa yongs su snang ba der dmigs pa'i rig byar ma gyur pa gang dag yin pa de dag kyang rnam par bcad pa de'i phyir khyad par 'dis ci zhig bya ba ni phyogs snga ma yin no/ /grub pa'i mdza' smra bas/ de'i bdag nyid gcig yongs su bcad pas shes bya ba la sogs pa smos te/ gang gi phyir phyogs kyi rang bzhin dben pa'i ngo bo nyid gcig kho na yongs su bcad pa yin pa de'i phyir phyogs de'i ngo bo nyid gzhan bkag pa yin no// bum pas dben pa'i phyogs 'di yang dngos po gzhan gyi ngo bo nyid ma yin la/ phyogs der khyad par med par gzhan thams cad med par sgrub par byed par yang ma yin no/ /ci phyogs kyi de las gzhan pa'i bdag nyid rnam par gcod par byed ce na/ de'i phyir/ de'i bdag nyid du nges par snang ba shes pa'i phyir ro zhes bya ba smos te/ gang gi phyir phyogs kyi rnam pa so sor nges pa'i rnam pa so sor nyams su myong ba/ de'i phyir de'i gzhan gyi bdag nyid rnam par gcod par byed do/ /legs te phyogs 'ba' zhig gi rnam pa shes pa yin bar chug na yang/ 'on kyang ci'i phyir de la gzhan ba'i bdag nyid rnam par gcod pa yin zhe na/ de'i phyir de'i bdag nyid ni de las gzhan pa'i bdag nyid ma yin no zhes bya ba smos te/ phyogs de'i bdag nyid ngo bo nyid gang yin pa de ni de las gzhan pa'i dngos po'i ngo bo nyid ma yin no/ /gal te yang gzhan gyi bdag nyid rnam par bcad bar ma gyur na/ nyes pa cing 'gyur zhe na/ de'i phyir/ gzhan gyi bdag nyid rnam par ma chad na zhes pa la sogs pa smos te/ gal te phyogs kyi ngo bo nyid las gzhan gyi bdag nyid rnam par ma tshad na de'i che 'jug pa dang ldog pa dag med par 'gyur ro/ /'di ltar gang gi che phyogs kyi ngo bo las dngos po gzhan gyi rang gi ngo bo ma bkag pa yin pa/ de'i tshe dngos po gzhan don du gnyer ba rnams 'dug par mi bya la/ 'gro bar yang mi bya ba yin pas snga ma thams cad brjod par bya'o/ /de ltar dngos su gzhan gyi bdag nyid rnam par bcad pa bstan nas/ gzhan gyi bdag nyid rnam par bya ba la blo'i byed pa bstan par bya ba'i phyir/ yul dang dus dang ngo bo nyid dang gnas skabs su zhes bya ba la sogs pa smos te/ yul du nges ba dang dus dang ngo bo nyid dang gnas skabs kyi bye brag tu nges pa'i dngos po sngon po la sogs pa de blos yul dang dus dang ngo bo nyid gnas skabs kyi bye brag tu so sor nges ba'i bdag nyid du yongs su gcod na dngos po snang ba las bzlog pa dngos po gzhan 'gog bar byed do/ /yul dang dus dang ngo bo nyid dang gnas skabs zhes bya bar tshig rnam par sbyar te de dag tu nges pa la de skad ces bya'o/ /de'i bdag nyid zhes bya ba ni yul la sogs par nges pa'i bdag nyid du'o/ /de'i de kho na nyid med pa zhes bya ba la de kho na'i ngo bo ni de kho na nyid de yul la sogs pa'i so sor nges pa'i ngo bo nyid kyi de kho na med pa ni yul dang gzhan la sogs pa'i ngo bo nyid do/ /'di skad du yul dang dus dang ngo bo nyid dang gnas skabs nges pa'i sngon po la sogs pa'i ngo bo gzhan gang yin pa de rnam par gcod do zhes bshad pa yin no/ /yang ci'i phyir de kho na nyid med pa rnam par gcod ce na/ de'i phyir/ gal te gzhan gyi dngos po rnam par bcad par gyur na zhes bya ba la sogs pa smos te/ gal te yul dang dus dang ngo bo nyid dang gnas skabs gzhan gang yin pa de bkag pa yin na/ de lta na yul la sogs pa nges pa'i sngon po 'di blo nges yongs su bcad pa yang yin la/ yul la sogs pa nges pa'i mtshan nyid kyi ngo bo na nyid kyang de kho na'i yin gyi/ gzhan gyi ni ma yin no zhes bya ba rnam par bzhag pa yin no/ /'di ltar dngos po gzhan du gyur pa ji skad bshad pa'i yul la sogs pa dang bral ba'i ngo bo nyid 'gog pa'i blo nyid yul dang dus dang ngo bo nyid dang gnas skabs nges pa'i dngos po gzugs la sogs pa yongs su gcod pa zhes bya'o/ /de nyid kyi phyir mngon sum zhes bya ba tshad ma gcig 'jug pa ni dngos po thams cad phung po gnyis su rnam par 'jog par byed pa kho na yin no/ /de la phung po gnyis ni 'di yin te/ gcig yongs su snang ba gang yin pa dang de la ma gtogs pa gzhan thams cad mi snang ba nyid du rnam par 'jog par byed pa'o/ /'di skad du dngos po thams cad snang ba dang mi snang ba nyid du rnam par 'jog par byed pa yin no zhes bshad pa yin no/ /'di ni snang ba'o/ /de ma gtogs pa 'di ni mi snang ba'o zhes bya ba rnam par rtogs pa'i byed pa 'di mngon sum rnam par rtog pa med pa la med pa ma yin nam zhe na/ de'i phyir/ de ni rjes su 'gro ba dang ldog pa'i zhes bya ba la sogs pa smos te/ mngon sum de ni yod pa dang/ dgag pa'i rnam par rtogs pa'i rgyu nyid yin pa kho na 'bras bu dang bcas pa yin no/ /rjes su 'gro ba'i blo ni yod pa'i rnam bar rtog pa'o/ /ldog pa'i blo ni dgag pa'i rnam par rtog pa'i/ /'di skad du mngon sum ni/ mdun na gnas pa'i dngos po rang gi ngo bo tsam mthun par byed cing skye la/ dngos po de ni dngos su na yod ba'i ngo bos sngon po'i ngo bo gcig bu dang/ de las gzhan pa'i dngos po mdza' dag las log pa'i ngo bo nyid yin no/ /gang gi phyir dngos po yod pa'i ngo bos sngon po de de'i rnam par skyes pa'i mngon sum gyis gzung ba de'i phyir 'dir mngon sum gyi stobs kyis gang gis na 'di ni sngon po yin no zhes bya ba de lta bur shes par 'gyur ba yod pa'i rnam par rtog pa sngon po lta bur snang ba 'byung ngo/ /gang gi phyir dngos po gzhan mdza' dag dang mtshan nyid mi mthun pa'i sngon po de mngon sum gyis gzung ba de'i phyir mngon sum gyi stobs kho nas gang gis na ser bo la sogs pa ma yin no zhes bya ba de lta bur shes par 'gyur ba ser po la sogs pa sel bar byed ba dgag pa'i shes pa gnyis pa skye'o zhes bshad pa yin no/ /gal te mngon sum dngos po de lta bu'i rnam par skyes pa de ma gyur na dus phyis rnam par rtog ba 'di lta bu dag skye bar mi 'gyur ro/ /de lta bas na mngon sum gyi stobs kyis rnam par rtog pa de lta bu gnyis 'byung ste/ gang gi tshe mngon sum rnam par rtogs pa 'di lta bu dag skyed par byed pa de'i tshe 'bras bu dang bcas par rnam par bzhag gi/ gzhan du ni ma yin no/ /de ltar rjes su 'gro ba dang ldog pa'i blo'i rgyu nyid kho nas 'bras bu dang bcas pa nyid yin pa'i phyir/ tshad ma gcig 'jug pa ni dngos po thams cad phung po gnyis su rnam par 'jog par byed pa yin no zhes bya ba grub bo/ /yang ci'i phyir phung po gsum pa mi 'dod ce na/ de la ma gtogs pa ma lus pa zhes bya ba la sogs pa smos te/ gang gi tshe dngos po yongs su snang ba la ma gtogs pa mdza' dag dgag pa'i ngo bo rnam par bcad pas khyab pa sgrub par byed pa'i tshe kho na rnam pa gzhan med par bsgrubs pa yin no/ /'di skad du gang gi dngos po snang ba ma gtogs pa'i dngos po thams cad snang ba ma yin pa nyid du rnam par 'jog par byed pa de'i tshe phung po gsum pa gal srid de/ 'di ltar dgag pa'i rnam par rtog pa kho nas ser po la sogs pa ma lus pa brtsal bas yul du byed pa na phung po gzhan med par ston par byed do zhes bshad pa yin no/ /yang ci'i phyir dngos po yongs su snang ba la ma gtogs pa ma lus pa rnam par bcad pa'i ngo bo nyid kyis khyab pa sgrub par byed ce na/ de'i phyir/ de de las gzhan pa nyid kyis ma khyab na zhes bya ba la sogs pa smos te/ gal te yongs su snang ba la ma gtogs pa'i don te snang ba las gzhan pa nyid kyis khyad par ma gyur na/ de'i tshe 'gog par byed pa'i shes pa des/ de las gzhan pa nyid kyis ma khyad pa'i don gang yin pa de rnam par bcad pa dang logs shig tu byas par mi 'gyur ro/ /de'i phyir yang yongs su snang ba nyid du 'dod pa'i dngos po yongs su ma bcad par thal bar 'gyur te/ de dang de ma yin pa'i ngo bo dag rnam par ma phye ba'i phyir/ 'jug pa dang ldog pa dag med do zhes bya ba thal ba snga mar 'gyur ro/ /de zhes bya ba ni snang ba la ma gtogs pa'o/ /de las gzhan pa nyid kyis ma khyab na zhes bya ba ni snang ba las gzhan pa nyid kyis ma khyab na zhes bya ba'i tha tshig go/ des zhes bya ba ni 'gog par byed pa'i shes pas so/ /don de rnam par ma bcad pa'i phyir zhes bya ba la de las gzhan ba nyid kyis ma khyab pa'i don ni don de'o/ /de rnam par ma bcad pa ni don de rnam par ma bcad pa'o/ /mjug bsdu ba'i phyir/ de lta bas na tshad ma'i byed ba ni zhes bya ba la sogs pa smos te/ gang gi phyir de ltar rjes su 'gro ba dang ldog pa'i blo'i rgyu nyid kho nas tshad ma 'bras bu dang bcas pa nyid yin pa de'i phyir tshad ma gcig kho na'i byed pa ni dngos po 'ga' zhig la tshad ma 'jug pa yongs su snang ba nyid du 'dod pa de ni yongs su gcod cing/ de las gzhan pa yongs su mi snang ba nyid du 'dod pa ni rnam par gcod pa 'gog par byed la/ snang ba dang mi snang ba dang/ mi snang ba la ma gtogs pa rnam par gsum pa gzhan ni med par ston to zhes bya ba 'di tsam du zad do/ /re zhig tshad ma gcig 'jug pa de ni yongs su gcod la de las gzhan pa ni rnam par gcod do zhes bya ba ni rigs na/ rnam pa gzhan gsum pa med par go ji ltar ston par byed ce na/ de'i phyir 'di ltar 'ga' zhig la tshad ma 'jug pa ni zhes bya ba la sogs pa smos te/ 'di ltar sngon po la sogs pa 'ga' zhig ma tshad ma 'jug pa'i sngon po de nyid de las gzhan pa'i ser po la sogs pa las rnam par gcod pa logs shig tu byed do/ /gang gi phyir kho nar der sngon po de nyid yongs su bcad pa dang/ de la gzhan pa ser po la sogs pa sngon po de las rnam par gcod pa dang/ gang gi phyir sngon po de la de lam gzhan pa ser po la sogs pa yongs su gcod par ma gyur ba de kho na'i phyir/ ji skad bshad pa'i tshad ma de nyid rnam pa gzhan med par sgrub par byed pa yin no/ /ci'i phyir zhe na/ de'i phyir/ de snang na zhes bya ba la sogs pa smos te/ gang gi phyir snang ba sngon po gang yin pa de snang na ser po la sogs pa gang zhig ma mthong ba'i ma mthong ba de thams cad ni de las gzhan pa nyid du mthong ba las gzhan pa nyid du rnam par 'jog ba dang/ gang gi phyir snang ba las gzhan pa ma yin ba ni snang ba nyid kho na rnam par 'jog pa de'i phyir rnam par gzhan med pa yin no/ /de las gzhan pa ma yin pa nyid ces bya ba la/ de las gzhan pa ni de las gzhan pa ste/ snang ba las gzhan pa zhes bya ba'i tha tshig go/ de las gzhan pa ma yin pa ni de las gzhan pa ma yin pa de/ snang ba de nyid ces bya ba'i tha tshig go/ de nyid du zhes bya ba ni snang ba nyid du zhes bya ba'i tha tshig go/ gang dag snang ba dang de las gzhan pa nyid du zhes 'don pa de dag gi ltar na ni gzhung rung bar dka' ste/ 'di ltar gal te mthong ba nyid dang/ de las gzhan pa nyid du thams cad rnam par 'jog par bshad na/ de'i tshe de las gzhan ma yin pa nyid ni de nyid du rnam par 'jog pa zhes bya ba lhag par 'gyur ro/ de lta bas na gzhung 'di na mi snang ba thams cad na de las gzhan pa nyid du rnam par 'jog pa'i phyir la zhes de skad du gdon bar bya'o/ /'di skad du dmigs ba ni 'di nyid du rnam par 'jog la mi dmigs pa thams cad ni gzhan nyid du rnam par 'jog ste/ de'i phyir rnam pa gzhan med pa grub bo zhes bya bar gnas zhes bshad pa yin no/ /phan tshun rnam par gcod pa'i ngo bo gzhan gang dag yin pa de la yang rnam pa gzhan dgag pa bsgre bar bya ba'i phyir/ 'dis ni rim dang rim ma yin pa la sogs pa zhes bya ba la sogs pa smos te/ mthong ba dang ma mthong gal ma gtogs pa rnam pa gzhan med par ston par byed pa'i gzhung 'dis ni rim dang rim ma yin pa la sogs pa phan tshun rnam par gcod pa'i ngo bo gzhan gang dag yin pa de dag kyang rnam par bshad bar blta bar bya ste/ de la yang rim dang rim ma yin pa ma gtogs pa rnam pa gsum pa med do snyam du dgongs pa yin no/ /cig car la ma gtogs pa'i dus ji snyed pa de thams cad ni rim zhes bya'o /rim la ma gtogs pa'i dus ji snyed pa de thams cad ni cig car bya'o/ /de'i phyir rnam pa gsum pa lta ga la srid/ 'dir 'bras bu dus gcig du skyed pa'i rgyu ni cig car zhes tha snyad gdags so/ /gang dag la phan tshun rnam par gcod pa'i ngo bo yin pa de phan tshun rnam par gcod pa'i ngo bo can dag ste/ phan tshun spangs te gnas pa'i rang gi ngo bo can zhes bya ba'i tha tshig go/ sogs pa smos pa ni rtag pa dang mi rtag pa dang 'dus byas dang 'dus ma byas dang/ thogs ba dang bcas pa dang/ thogs pa med pa la sogs pa blta bar bya'o/ /zhar la 'ongs pa rdzogs par byas nas/ dkyus ma sbyar bar bya ba'i phyir/ de lta bas na de ltar gcig dmigs pas zhes bya ba la sogs pa smos te/ de lta bas na de skad bshad pa'i rnam pas sngon po la sogs pa gcig dmigs pas don 'di sngon po yin gyi/ ser po pa sogs pa'i ngo bo ni ma yin no zhes bya ba ni de lta bu sngon po de'i ser po la sogs pa'i bdag nyid rnam par gcod pa yin gyi/ de'i yul lam de'i dus su span? po la ma gtogs pa gzhan thams cad 'gog par byed pa ni ma yin no/ /'di ni shes pa gcig dang 'brel pa dag phan sun bltos pa kho nas gzhan nyid yin par 'dod bas na/ 'dir dmigs pa'i rig byar gyur pa rung ba nyid kyis ngo bor mtshungs pa'i phyir/ phyogs gzhan yin bar 'gyur pa 'di tsam zhig tu zad kyi/ phyogs der dmigs pa'i rig byar ma gyur pa yang 'gog pa ni ma yin no/ /dmigs pa de'i yul dang dus kyang gang dag yin pa de dag ni/ de'i yul dang dus kyi sgra bshad do// mjug bsdu ba'i phyir/ de lta bas na de'i bdag nyid ma yin par yang 'gyur la zhes bya ba la sogs pa smos te/ gang gi phyir de ltar thams cad med par 'gog par byed pa ma yin pa de'i phyir/ de'i bdag nyid ma yin pa sngon po'i ngo bo nyid ma yin par yang 'gyur yang de'i yul dang dus su nye bar yang 'gyur bas 'gal ba 'ga' yang med do/ /'dir dpe/ ro dang gzugs la sogs pa bzhin no zhes bya ba smos to/ /ji ltar gzugs ni ro'i ngo bo nyid ma yin mod kyi/ 'on kyang ro'i yul dang ro skye ba'i dus na yod pa ltar 'dir yang de dang 'dra bar 'gyur ro/ /gang gi phyir de lta bshad pa'i tshul gyis na dmigs pa'i bdag nyid dgag pa kho na bya bar nus kyi/ de'i yul dang dus dag tu thams cad med par dgag pa ma yin pa de'i phyir dmigs pa'i rig byar gyur ba zhes khyad bar du bya dgos so/ /dkyus ma'i mjug bsdu ba'i phyir/ de lta bas na ji skad bshad pa'i mi dmigs pa kho na las shes bya ba la sogs pa smos te/ gang gi phyir de ltar khyad par med pa gzhan thams cad dgag par bya mi nus pa de'i phyir ji skad bshad pa'i mi dmigs pa kho na las du sa res 'ga' yul la la zhig tu dngos po 'ga' zhig med par 'grub pa yin gyi/ gzhan las ni ma yin no zhes bya bar grub bo/ /de ltar na gong du gzhan yod pa de nyid dang/ de'i yul can gyi shes pa de dngos po med pa'i sgrub pa ji snye ma yin zhes klan ka btsal ba gang yin pa de la re zhig gzhan yod pa dngos po med pa'i sgrub pa nyid yin pa bsral zin to/ /gzhan yod pa'i yul can gyi dmigs pa dngos po med pa'i rtags nyid yin pa dgag pa'i phyir/ gzhan yod pa'i yul can gyi dmigs pa yang zhes bya ba la la sogs pa smos te/ bum pas dben pa'i sa gzhi'i yul can gyi dmigs pa gang yin pa de ni bum pa med pa sgrub par byed pa yin par ni 'dod pa kho na'i 'di rtags nyid du mi 'dod pa 'ba' zhig tu thad do/ /ci'i phyir 'di rtags nyid du mi 'dod ce na/ der yang dngos po med pa logs shig tu bsgrub par bya ba nyid yin na zhes bya ba la sogs pa smos te/ rtags nyid du brtag par bya ba gzhan yod pa'i yul can gyi dmigs pa der yang dngos po med pa logs shig tu bsgrub par bya ba nyid yin par khas len na 'brel pa med pa de'i so na 'dug pa nyid do/ /bum pa med pa dang gzhan yod pa'i yul can gyi dmigs par lhan cig don gcig la 'du ba 'am/ rten dang brten pa'i dngos po 'am/ bskyed par bya ba dang skyed par byed pa'i dngos po yod pa ni ma yin no/ /so sor ma grub pa'i nyes pa 'dir yang bsgra bar bya ba'i phyir/ rtags byung ba'i dus kho na na zhes bya ba la sogs pa smos te/ rtags 'byung ba'i dus na skye ba'i dus te/ sngar bum pas dben pa'i phyogs kyi mtshan nyid kyi gzhan yod pa rtogs nas phyis bum pa med pas phyogs rtogs pa'i rjes su 'gro ba dang ldog pa dag rab tu bsgrubs pa nye bar bstan te/ de'i 'og tu phyogs rtogs pas bum pa med pa rtogs pa ni ma yin no/ /'o na ci zhe na/ de las gzhan pa bum pas dben pa'i phyogs rtogs pa kho na na de med pa bum pa med pa rtogs kyis phyis ni ma yin no/ /ci'i phyir 'di rtags nyid du mi 'dod/ de las gzhan pa rtogs pa'i dus kho na na re med par rtogs shes de'i phyir/ mthong ma thag tu zhes bya ba la sogs pa smos te/ gang gi phyir mngon sum gyi mjug thogs kho nar ched pa med par shol ba med par phyogs kyi ngo bo 'di ni yod/ /bum pa la sogs pa'i ngo bo 'di ni med do zhes bya ba'i nges pa skye ba de'i phyir de med pa dang/ gzhan yod pa dag ni dus mnyam du rtogs te/ ji ltar bum pas dben pa'i phyogs la don du gnyer bas/ phyogs mthong nas mthong ma thag tu phyogs 'di ni spyod pa yin no zhes nges par byed pa de bzhin du de nyid kyis rung ba nyid kyi ngo bor mtshungs pa'i bum pa ma mthong nas 'di na bum pa med do zhes bya bar nges par byed do/ //chod pa zhes bya ba'i sgras ni 'dir khyab pa gang gi phyir rtags skye ba'i dus de kho na na bum pa ming bar grub pa de'i phyir 'di gnyis so sor rtags par rtags can gyi dngos po ni ma yin no/ /rtags 'byung ba'i dus kho na na de med par 'grub bo zhes bya ba 'di ga las she na/ gzhan yod pa rtogs nas 'dod ces bya ba la sogs pa smos te/ dran pa brjod par bzhed pa yin te/ des na mthong ba dang rtogs pa dag tshong pa med pa zhes bya ba'i tha tshig go /gtan tshigs gzhan dpe ma grub pa'i yang phyir ro zhes bya ba smos te/ gzhan yod pa'i yul can gyi dmigs pas bum pa med par bsgrub par bya ba la dpe 'ga' yang med do/ /de nyid bstan pa'i phyir/ de ni gang zhig gang gi rjes su 'gro ba zhes bya ba la sogs pa smos te/ rtags nyid du 'dod pa'i dngos po de ni rtogs nyid du 'dod pa'i dngos po gang zhig dngos po gang gi rjes su 'gro ba yod pa de dngos po de'i rtags yin pa'o/ /ci'i phyir rjes su 'gro ba med ce na/ de'i phyir/ 'di skad du gang na zhes bya ba la sogs pa smos te/ 'di ltar 'di skad du gang na yongs su snang ba'i phyogs gyi yul can gyi dmigs pa yod pa de na bum pa med do zhes bya bar bstan par ni mi nus so/ cig gi phyir mi nus she na/ dmigs pa gcig pu de ni zhes bya ba la sogs pa smos te/ yongs su snang ba'i yul can gyi dmigs pa gcig pu gang yin pa de gzhan gang na yod pa gang khros na gang dag gdon 'di yod pa de dang des bum te/ med do zhes rjes su 'gro ba khyed par 'gyur/ de la 'di snyam du khyad par yongs su bor nas spyir rjes su 'gro ba byed do zhe na/ spyi rab tu bstan pa'i dpe la yang zhes bya ba la sogs pa smos te/ gang gi tshe gang dang gang na bum pas dben pa'i phyogs tsam 'dzin par byed pa'i dmigs pa yod pa de dang de na bum pa med do zhes spyir khyab pa ston par 'dod pa de'i tshe yang/ dpe la tshad ma gzhan med pas bum pas dben pa'i phyogs tsam 'dzin par byed pa'i dmigs pa de nyid bsgrub par bya ba'i chos bum pas dben pa'i sgrub par byed pa yin par 'dod par bya dgos la/ de la yang tshad ma gzhan med pas mi dmigs pa 'di kho na sgrub pa yin par brjod dgos la/ sgrub pa de la yang dpe gzhan zhig brjod dgos pas thug pa med pa yin no/ thug pa med pa yin na ni dang po ste/ bsgrub par bya ba nyid du 'dod pa bum pa med par rtogs pa ma yin par 'gyur ro/ /dkyus ma'o mjug bsdu ba'i phyir/ de lta bas na rtags gang las kyang zhes bya ba la sogs pa smos te/ gang gi phyir de ltar bshad pa'i rnam pas na gzhan yod pa dang/ de'i yul can gyi dmigs pa dngos po med pa sgrub pa rtags nyid du mi 'thad pa de'i phyir/ rtags gang las kyang dngos po med par mi 'grub par khas blangs par bya'o/ /gal te rtags gang las kyang dngos po med pa mi 'gyur ru na 'on de ma grub na/ dngos po med par tha snyad gdags pa yang ji ltar 'jug par 'grub ce na/ de'i phyir/ de'i phyir/ mngon sum gyi mtshan nyid kyi mi dmigs pas zhes bya ba la sogs pa smos te/ phyogs kyi mtshan nyid kyi gzhan yod pa gang yin pa de mngon sum gyi mtshan nyid kyi mi dmigs pa/ phyogs dmigs pa'i ngo bo nyid kyis grub na dngos po med par tha snyad gdags pa sgrub par byed pa yin no/ /dngos po med pa ni phyogs rtogs pa'i dus kho na na grub pa yin te/ 'di lta bur bum pas dben pa'i phyogs rtogs pa de kho na'i tshe bum pa med pa yang rtogs par 'gyur ro/ /gal te bum pa med pa grub na/ 'on ni dngos po med par tha snyed gdags pa'i yang grub pa kho na yin pas/ su zhig dngos po med pa rtogs nas de la dngos po med par tha snyad gdags pa 'jug par mi 'gyur zhe na/ de'i phyir/ rtogs pa rmongs pa la zhes bya ba la sogs pa smos te/ dngos po med pa rtogs kyang dngos po med par tha snyad 'dogs par mi byed pa'i blo gros rmongs pa lung man pas bslus pa'i rtogs par byes pa de lta bu dag yod do/ 'di ltar sor mo'i rtse mo glang po che brgyas dben par grub kyang grangs can pa'i grub pa'i mdza' la 'tshe la ba la la sor mo'i rtse mo la glang ba che brgya med par tha snyad gdags pa 'jug par mi byed do/ /de bzhin du ba lang gi gong bu rigs la sogs pas dben par grub kyang bye brag pa rnams rigs la sogs pa med par tha snyad gdags pa 'jug par mi byed do/ /de bzhin du 'jig rten na yang phyogs pa la mngon par 'dod pa'i dngos po 'ga' zhig bdag nyid kyis ma mthong bzhin du yang gzhan la ci 'di na lhas byin med dam zhes de skad 'di bdag mthong ngo/ /'di ni rnam par dpyad na ha cang thal bar 'gyur bas de lta bas na/ zhar la 'ongs pas che go/ de ltar mi dmigs pa rang gi ngo bo'i sgo nas bstan nas/ rab tu dbye ba bstan par bya ba'i phyir/ mi dmigs pa de ni zhes bya ba la sogs pa smos te/ mi dmigs pa de ni rnam pa gsum du rig par bya'o/ /rnam pa gsum pa de nyid bstan par bya ba'i phyir/ rgyu dang 'bras bu'i dngos po grub la zhes bya ba la sogs pa smos te/ gang zhig dngos po med par sgrub par byed pa dang/ gang zhig mi dmigs pa'i gtan tshigs nyid du smos pa ni byed pa de gnyis mngon sum dang rjes su dpag pa dag gis rgyu dang 'bras bu'i dngos por yang grub/ bdag nyid kyi tshad mas khyab par bya ba dang/ khyab par byed pa'i dngos por yang grub pa yin pa rang bzhin mi dmigs pa'i sgo nas rgyu dang khyab par byed pa gang zhig dngos po med par grub pa de gnyis kyis mi dmigs pa ni go rim bzhin du/ rgyu mi dmigs pa zhes bya ba gnyis ? yin no/ /rang bzhin mi dmigs ni gsum pa yin no/ /mi dmigs pa rnam par med mod kyi/ rtsa ba'i rnam pa rab tu bstan pa'i phyir/ rnam pa gsum zhes bshad do/ /'di ltar rab tu byed pa 'di ni rtogs par byed pa mgo smos pas go ba mdor bsdus pa la dga' ba'i dbang du byas nas brtsams pa yin pas/ des rtsa ba'i rab tu dbye ba de mthong nas rgyas bar kho nas 'gron par 'gyur ro/ /yang re zhig rgyu dang khyab par byed pa kho na la ji ltar med par tha snyad gang gis pa 'grub ce na/ de'i phyir/ de la rgyu dang khyab par byed pa dag gi zhes bya ba la sogs pa smos te/ rgyu dang khyab par byed pa dag gi rang gi ngo bo med par tha snyad gdags pa gang yin pa de yang gzhan yod par grub pa kho na las blta bar bya'i/ rang bzhin mi dmigs pa 'ba' zhig gzhan yod par grub pa las rigs par bya ba ni ma yin no/ /'o na ci zhe na/ rgyu dang khyab par byed pa mi dmigs pa dag kyang gzhan yod par grub pa la rig par bya'o zhes bya ba 'di yang/ yang zhes bya ba'i sgras rig par bya'o/ /ji skad bshad pa'i rnam pas rgyu 'am khyab par byed dngos po med par grub du chug na yang/ des na ci zhe na/ de'i phyir/ de ltar grub pa de ni 'bras bu dang khyab par bya ba dag ces bya ba la sogs pa smos te/ gang gi tshe ji skad bshad pa'i rnam pas rgyu dngos po med pa 'am khyab par byed pa dngos po med pa de grub pa yin pa de'i tshe 'bras bu 'am/ khyab par bya ba dag dngos po med pa 'am/ dngos po med par tha snyad gdags pa sgrub par byed pa yin te go rim bzhin no/ /'am zhes bya ba'i sgra ni bsdu ba ste/ 'di ltar 'dir bsgrub par bya ba dang sgrub pa dag tha dad de/ des na dngos po med pa dang dngos po med par tha snyad gdags pa gnyi/ yang sgrub par byed do/ /mi dmigs pa gsum pa la ji lta bu yin zhe na/ rang bzhin mi dmigs pa la ni zhes bya ba la sogs pa smos te/ rang bzhin mi dmigs pa gang yin pa der ni sgrub par bab dang sgrub pa tha mi dad pa'i phyir/ mi dmigs pa rtags su gyur pas dngos po med par tha snyad gdags pa kho na sgrub par byed kyi/ gzhan yod par grub pa'i dus kho na na grub pa'i phyir/ dngos po med pa ni ma yin/ /'dir klan ka chol bar byed pas/ gal te rgyu dang khyab par byed pa zhes bya ba la sogs pa smos te/ gal te gang gi tshe gyu dang khyab par khyed pa dag de las gzhan pa yod pa'i mtshan nyid mi dmigs pas med par tha snyad gdags par grub pa de'i se 'bras bu 'am khyab par bya ba dag dngos po med pa'am/ dngos po med par tha snyad gdags pa sgrub par byed la/ gzhan yod pa'i ngo bo mi dmigs pa de yang mi dmigs pa'i rig byed gyur pa rgyu dang khyab par byed pa de gnyis kho na'i med par tha snyad gdags pa'i sgrub par byed pa yin par 'dod na go de'i phyir/ rgyu dang khyab par byed pa mi dmigs pa/ de gnyis ji ltar thams cad du me med na du ba med do/ /shing med na sha pa med do zhes bya ba de lta bur/ lkog gi don la sbyong bar byed/ de las gzhan pa yod par grub pa'i ngo bo zhes bya ba rgyu dang khyab par byed pas dben pa'i phyogs gang yin pa de ni de las gzhan pa yod pa zhes bya'o// 'di skad du gang kho na na rgyud du khyad par byed pa dag dmigs pa'i rig byar ma gyur pa de kho nar sbyor bar zad kyi/ lkog tu gyur pa me tog gi grong la sogs par ni mi rung ngo zhes smos pa yin te/ 'di ni klan ka'o/ /grub pa'i mdza' smra bas/ rtags ma nges pa'i phyir tshad ma nyid kyis ni zhes bya ba la sogs pa smos te/ rgyu dang khyab par byed pa mi dmigs pa dag don lkog tu gyur pa la tshad ma nyid kyis sbyor bar byed pa ni ma yin no/ /ci'i phyir mi byed ce na/ rtags ma nges pa'i phyir zhes bya ba smos te/ 'di ltar rgyu dang khyab pas byed pa mi dmigs pa'i ngo bo'i rtags ni don lkog tu gyur pa la ma nges te/ dmigs pa'i rig byar gyur pa ma yin pa'i phyir ro/ /ma nges pa'i rtags las ni bsgrub par bya ba 'grub pa ma yin no/ /gal te rtags pa nges na ci'i phyir/ don lkog tu gyur pa la spyod par byed ce na/ rgyu dang khyab par byed pa 'brel pa grub pa dag cig bya ba la sogs pa smos te/ me dang du ba dag rgyu dang 'bras bu'i dngos po'i mtshan nyid kyis 'brel pa grub pa yin na gang du 'ga' zhig na me med pa de ni nges par du ba yang med pa/ de bzhin du shing dang sha pa dag kyang khyab par bya ba dang/ khyab par byed pa'i dngos po'i mtshan nyid kyi 'brel ba sgrub pa yin na gang na shing med pa de na/ shing sha pa yang gdon mi za bar med do zhes bya ba'i don 'di rab tu bstan par bya ba'i phyir/ /'di dag rab tu sbyor ba 'ba' zhig tu zad do/ /'di skad du 'bras bu dang khyab par bya ba de las 'byung ba dang/ de'i bdag nyid kyi mtshan nyid kyi 'brel pas 'brel ba dag rgyu dang khyab par byed pa dag med par ji ltar yod par 'gyur/ de'i phyir mig btsums te/ yang thams cad na rgyu dang khyab par byed pa med pa 'bras bu dang khyab par bya ba med do zhes brjod par bya'o zhes bshad pa yin no/ /de ltar rang bzhin dang 'bras bu dang mi dmigs pa zhes bya ba gtan tshigs gsum cad yang bstan nas/ mdo'i don dang sbyar bar bya ba'i phyir/ de lta bas na phyogs kyi chos 'di zhes bya ba la sogs pa smos te/ gtan tshigs gsum la phyes kyi chos rnam pa gsum bshad pa gang yin pa de nyid rjes su 'gro ba dang ldog pa dang ldan pa yin no/ /de'i phyir de'i chos khyab pa tshul gsum pa'i phyogs kyi chos rjes su 'gro ba dang ldog pa dang ldan pa'i gtan tshigs ni/ rang bzhin dang 'bras bu dang mi dmigs pa'i bye brag gis rnam pa gsum kho na shes par byed pa yin no/ /ci'i phyir rnam pa gsum kho na zhe na/ de'i phyir/ rang gi bsgrub par bya ba chos la 'khrul pa med pa'i phyir ro zhes bya ba smos te/ 'di ltar gtan tshigs rnam pa gsum po 'di kho na rang gi bsgrub par bya ba'i chos la 'khrul pa med kyi gzhan ni ma yin te/ 'di ltar de las 'byung ba dang de'i bdag nyid kyi mtshan nyid kyis 'brel pa 'di kho na la yod kyi gzhan yin ma yin no/ /mi dmigs pa'i gtan dmigs kyi skabs rdzogs so/ / //de ltar mtshan nyid gsum pa gtan tshigs nyid du bstan nas/ log par rtog pa bsal ba'i phyir/ gzhan nyid dag ni gtan tshigs mtshan nyid drug pa'o zhes zer te zhes bya ba smos te/ mtshan nyid gsum pa la rangs par ma gyur pa kha cig ni gtan tshigs mtshan nyid drug par 'chad do/ /mtshan nyid drug po bgrang bar bya ba'i phyir/ gsum po de dag ces bya ba smos te/ sngar bshad pa dag go /gnod par ma byas pa'i yul can nyid ces bya la gtan tshigs gang la gnod par ma byas pa'i yul yod pa de ni gnod par ma byas pa'i yul can no/ /de'i ngo bo ni gnod par ma byas pa'i yul can nyid de/ tshad ma dag gis bsgrub par bya ba'i chos kyi tshan nyid kyi yul ma bstsal ba zhes bya ba'i tha tshig go / brjod par 'dod pa'i grangs gcig pa can nyid ces bya ba la/ rdzas gang la grangs gcig yod pa de ni grangs gcig pa'o/ /spyi gang la rten nyid du rdzas brjod par 'dod pa'i grangs gcig par brjod par 'dod pa can no/ /de'i ngo bo ni de nyid de grangs gcig dang ldan pa'i gtan tshigs bsal ba la gtan tshigs nyid ces bya ba spyi brten pa ngal gtan tshigs kyi mtshan nyid gyi 'di la blta bar bya'o zhes bye ba'i tha tshig go / shes pa nyid ces bya ba la/ 'di shes pas na shes pa'o/ /de'i ngo bo ni shes pa nyid yul gyi las kyi ngo bo ni shes pa las bltos pa la yin pas mtshan nyid 'di dang ldan yang/ gal te shes pa yin na de'i tshe shes par byed pa yin gyi/ gzhan du ni ma yin no zhes bya ba'i tha tshig go /mi 'dod pa'i ngo bo bsal bar bya ba'i phyir/ de la re zhig gnod par ma byas pa'i yul can nyid ni zhes bya ba la sogs pa smos te/ gnod par ma byas pa'i yul can nyid ces bya ba mtshan nyid gzhan du nye bar bkod pa gang yin pa de ni mtshan nyid tha dad pa ma yin no/ /ci'i phyir zhe na/ gnod pa dang med na mi 'byung ba dag ces bya ba la sogs pa smos te/ 'di ltar chad ma dag gis kyang bsgrub par bya ba'i chos la gnod la/ bsgrub par bya ba med na yang gtan tshigs mi 'byung ngo zhes bya ba 'di ni phan tshun 'gag go/ /'gal ba de nyid bstan pa'i phyir/ med na mi 'byung ba ni zhes bya ba la sogs pa smos te/ bsgrub par ba ba'i chos yod pa kho nas gtan tshigs yod pa gang yin pa ni med na mi 'byung ba zhes bya ste/ bsgrub par bya ba'i chos med par med ces bya ba'i tha tshig go /med na mi 'byung ba nyid yang gtan tshigs kyi rjes su 'gro ba dang ldag pa dag brjod pas bstan zin na/ ji ltar chos can la bsgrub par bya ba'i chos med na mi 'byung ba'i mtshan nyid kyi gtan tshigs de yang yod par 'gyur la/ 'di la bsgrub par bya ba'i chos kyang med par 'gyur te/ 'di ni rung snyam mi byed do/ rung snyam byed pa de nyid co 'dri ba thabs kyis bstan par bya ba'i phyir/ mngon sum dang rjes su dpag pa zhes bya ba la sogs pa smos te/ mngon sum 'am rjes su dpag pas ni bsgrub par bya ba'i chos de chos can de las zlog par byed la/ bsgrub par bya ba'i chos med na mi 'byung ba'i gtan tshigs kyis ni bsgrub par bya ba'i chos de chos can de la 'jug par byed pas/ de ni bsgrub par bya ba'i chos 'di ci mngon sum dang rjes su dpag pa'i 'jigs pas chos can de las logs shig tu 'bros sam/ 'on rta? gtan tshigs kyis mthus de kho na la gnas par bya ba 'di spyod pa na dngos po rnams te bor skabs chen por chung bar byung to/ /'di ltar mngon sum dang rjes su dpag pa dag gis ni/ bsgrub par bya ba'i chos de lag pas mgul nas gzung nas zlog par byed pa gtan tshigs kyis ni mdun du 'dug nas lag pa gnyis stobs yod kyis de kho na la 'jug par byed pas de phan tshun du phar drangs tshur rungs pas to bar nyam nga bar gyur to/ /gzhan gyi tshig gi skabs kyi dogs pa bsu bar/ gal te gzhan la gtan tshigs bsgrub par bya ba'i chos zhes bya ba la sogs pa smos te/ skabs su bab la ma gtogs pa'i chos la gtan tshigs bsgrub par bya ba'i chos med na mi 'byung ba yin gyi chos can de kho na la ni ma yin no/ /de'i phyir 'di ci ste skabs su chud ces bya ba ni phyogs snga ma'i dogs pa yin no/ /grub pa'i mdza' smra bas/ tho ba tsam pa'i phyir/ de ci nyon mongs 'di zhes bya ba la sogs pa smos te/ dper na 'ga' zhig gis ma ni chung mar blangs nas bu tshol bar byed do zhes grags pa ltar 'di yang de dang 'dra bar blta bar bya'o/ gtan tshigs kyi med na mi 'byung ba nyid ni pho nyid yin no/ /de dang bral ba ni ma ning yin na/ ji ltar med na mi 'byung ba dang bral ba'i ma ning nga? 'dra ba de nye bar bstan nas/ chos can la bsgrub par bya ba'i chos nges pa'i mtshan nyid kyi bu tshol bar byed/ de nyid bstan par bya ba'i phyir/ gang zhig chos can la zhes bya ba la sogs pa smos te/ gtan tshigs gang zhig skabs su bab pa'i chos can la bsgrub par bya ba'i chos med kyang/ yod pa de 'dra ba'i gtan tshigs de chos can la nye bar bstan nas chos de bsgrub par bya ba'i chos can dang ldan pa zhes ji skad du bya/ yang gzhan gyi tshig gi go skabs kyi dgos pa bsu bar/ gal te de nyid kyi phyir/ gnod pa med pa smos te/ de nyid rnam par dgrol ba'i phyir/ 'di snyam du zhes bya ba la sogs pa smos te/ brgya la pha rol po na re/ gang gi phyir kho nar gtan tshigs mngon par 'dod pa'i chos can la bsgrub par bya ba'i chos med par yang yod par 'gyur par dogs pa de kho na'i phyir/ kho bos tshad ma dag gis gnod par ma byas pa'i chos dang dang ldan pa'i chos can zhes gsal bar byed do zhes smras te/ gang la gnod par ma byas pa'i chos yod pa de ni gnod par ma byas pa'i chos can dang ldan pa'i chos can no/ /'di yang gnod pa khas blangs pas mi dmigs pa tsam gyis gtan tshigs sbyor ba khas len pa de bzhin du gnod pa dmigs pa yang gtan tshigs sbyor par 'gyur ro/ /'di ltar gal te mi dmigs pa la yang gnod pa khas blangs nas sbyor bar byed na/ de'i tshe dmigs pa'i phyogs la yang khas len pa yod pas gnod pa dmigs pa la yang sbyor bar 'dod par gyis shig / the tshom can la ni gal te gnod pa khas blangs nas gtan tshigs mi sbyor na/ de'i tshe de gnod pa yod bzhin du yang gtan tshigs kho na stobs dang ldan pa yin no zhes gtan tshigs sbyor ba la 'jug par mi 'gyur ba nyid do/ /khas len na ni khyad par med pa'i phyir/ gdon mi za bar dmigs pa'i phyogs la yang gnod pa yang pa khas blangs nas sbyor bar 'dod par bya'o/ /de lta ma yin te khas mi len na ci gnod pa yod dam/ 'on te med ces the tshom za bar 'gyur ro/ /de'i phyir the tshom can la khas ma blangs na gtan tshigs sbyor ba la/ 'jug par byed par mi 'gyur ba nyid de/ rtog pa sngon du gtong ba rnams ni the tshom gyis 'jug pa yin no/ /yang na mi dmigs pa la the tshom za ba yin te/ gang la the tshom za ba de la ni ci gnod pa yod dam/ 'on te med ces bya ba phyogs gnyis su 'gyur ro/ /de la med pa nyid kyi phyogs la ni gnod pa med pa kho nas bsgrub par bya ba grub par bsam nas/ gtan tshigs don med par dogs par sbyor bar mi byed do/ /de lta bas na the tshom za ba bsal ba'i phyir/ gdon mi za bar gnod pa khas blangs nas gtan tshigs sbyor bar 'dod par bya'o/ /khas len pa yin na ni/ dmigs pa dang mi dmigs pa'i phyogs dag khyab par med pa'i phyir/ dmigs pa la yang gnod pa'i gtan tshigs kyi sbyor ba byos shig / gzhan gyi tshig gi go skabs kyi dogs pa bsu bar/ gal te gnod pa yod na mi nus so zhe na zhes bya ba smos te/ gnod pa yod na gtan tshigs kyis bsgrub par bya ba sgrub par nus pa ma yin no zhe na/ grub pa'i mdza' smra bas/ gal te de ltar na sbyar kyang zhes bya ba la sogs pa smras te/ gal te gnod pa yod na gtan tshigs kyis mi nus ni/ de lta na ni/ 'o na gtan tshigs sbyar kyang gnod pas byas pa'i mi nus par 'gyur du 'od bas ji srid du gnod pa mi srid pa gtan la ma bab pa de srid du gtan tshigs sbyor ba mi bya'o/ /'di ltar gal te ji zhig ltar gnod pa yod pa dang de'i gtan tshigs sbyar kyang nus pa med pa kho na yin no/ /gzhan gyi tshig gi go skabs kyi dgos pa bsu bar/ gal te gnod pa mi dmigs na nus so snyam zhes bya ba smos te/ gang gi tshe gnod pa mi dmigs pa de'i tshe gtan tshigs nus pa kho na yin/ /'dir yang pha rol po'i bsam pa ni/ gang na gnod pa mi dmigs pa de ni de med pa kho na'o snyam pa 'di yin no/ /grub pa'i mdza' smra bas/ dmigs pas gnod pa la khyab pa 'am/ ci na? zhes bya ba la sogs pa smos te/ kye dmigs bas gnod pa la khyab pa 'am ci na?/ rgyu gang gis na 'di ltar de lta yin na/ gtan tshigs gnod pas byas pa'i nus pa med par dogs pa gang yin pa der mi 'gyur ba dmigs pa log na gnod pa gdon mi za bar ldog par khas len/ de la 'di snyam du dmigs pas gnod pa la khyab par 'dod pa nyid do snyam du sems na de'i phyir/ de lta na yang gnod pa mi dmigs pa kho na las zhes bya ba la sogs pa gnod pa med pa yin no/ /gnod pa mi dmigs pa de yang mthong ba ni nyes pa dang bcas pa yin pa'i phyir/ res 'ga' gnod pa srid kyang skyes bu la yod par 'gyur te/ res? 'ga' gnod pa yod kyang mi mthong snyam du bsams pa yin no/ /de'i phyir/ de ni gtan tshigs sbyor ba'i yul du 'gyur ro/ /'di skad du gang gi tshe gnod pa mi dmigs pa la gnod pa med pa zhes bya ba de'i tshe gtan tshigs kyang 'bras bu yod pa yin la/ gnod par ma byas pa yang smos par bya ba yin no zhes smras pa yin no/ /grub pa'i mdza' smra bas/ co dri bar bya ba'i phyir/ gtan tshigs gnod pa dmigs pa la 'jigs kyi zhes bya ba la sogs pa smos te/ kye gtan tshigs gnod pa dmigs pa la 'jigs kyi/ gnod pa la ma yin nam ci na/ khyod gnod pa chad mar bzung nas/ gnod pa mi dmigs pa tsam la gtan tshigs sbyor bar bya bar 'dod/ re zhig gnod pa la 'jigs par bya ba gang yin pa ni rigs te/ de ni srin po bzhin du gtan tshigs kyi byis pa thams cad za bar byed kyi/ dmigs pa nyon mongs pa dang bral ba ni ba yang ci zhig za bar 'gyur/ grub pa'i mdza' smra bas/ pha rol po dam 'cha' ba len du gzhug pa'i phyir/ gtan tshigs de don dam par zhes bya ba la sogs pa smos te/ khyod gtan tshigs sbyor ba gang yin pa de don dam par gnod pa srid kyang rung mi srid kyang rung/ mi bltos par gnod pa mi dmigs pa tsam la sbyar bar bya 'am ci/ pha rol pos smras pa sbyar par bya/ legs par sbyar par bya/ rab tu sbyar bar bya'o/ /grub pa'i mdza' smra bas/ ci'i phyir sbyar bar bya zhes bya ba smos te/ don gang zhig bsgrub par bya ba'i phyir pha rol bos bsgrub par bya ba 'grub par bya ba'i phyir ro zhes bya ba smos te/ bsgrub par bya ba grub kyang ci ma rung snyam nas gtan tshigs sbyor ro/ /grub pa'i mdza' smra bas/ des la lar gnod pa yod bzhin du yang zhes bya ba la sogs pa smos te/ gal te bsgrub par bya ba grub bar bya ba'i phyir/ gtan tshigs sbyor na des la lar gnod pa yod bzhin du bsgrub par bya ba sgrub par nus sam zhe na/ gang gi na khyod gnod pa med par bya ba la 'bad par yang mi byed la/ bsgrub par bya ba grub par bya pa'i phyir gtan tshigs kyang sbyor/ brgya la pha rol po nar/ nus pa kho na'o zhes zer na de'i phyir/ de lta na yang zhes bya ba la sogs pa smos te/ gal te gnod pa yod bzhin du gtan tshigs kyis bsgrub par bya ba'i sgrub par nus na de lta na yang gnod pa ma byas pa'i yul can nyid kyi mtshan nyid kyi gtan tshigs kyis ci zhig bya ste/ 'dir khyed gnod pa yod bzhin du yang gtan tshigs 'dis nus par 'dod do/ /gang gi tshe gnod pa yod na gtan tshigs kyis bsgrub par bya ba mi nus pa de'i tshe gnod par ma byas pa'i yul can nyid kyi mtshan nyid bya bar rigs kyi gang gi tshe yod bzhin du yang sgrub par byed pa de'i de ci dgos/ de ltar na pha rol po gnod pa yod pa bzhin du yang gnod pa mi dmigs pa tsam gyi gtan tshigs sbyor bar khas len pa yin no/ /grub pa'i mdza' smra bas/ pha rol po gnod pa dmigs pa la yang gtan tshigs sbyor bar byed du gzhug pa'i phyir/ de lta na yang the tshom can la zhes bya ba la sogs pa smos te/ gal te khyed gnod pa yod bzhin du mi dmigs pa tsam gyis gtan tshigs sbyor bar 'dod na de lta yin na ji ltar khyod gnod pa yod bzhin du gang gi/ phyir kho nar gnod par byas pa'i chos dang ldan pa'i chos can yang srid pa de kho na'i phyir/ gnod par ma byas pa'i yul can nyid mtshan nyid gzhan du brjod do zhes smras pa yin no zhes bya ba ni phyogs snga ma'i dogs pa yin no/ /grub pa'i mdza' smra bas/ de dag gnod pa med pa kho nas zhes bya ba la sogs pa smos te/ gal te gang na tshad ma dag gis gnod par ma byas pa'i chos dang ldan pa de lta bu'i chos can rnam par 'jog na/ 'o na ni 'di ltar gnod pa med pa kho nas bsgrub par bya ba grub par 'gyur bas gtan tshigs cung zad kyang mi dgos so/ /'di ltar gnod pas bsgrub par bya ba'i chos sel bar byed pa yin na/ gal te de med na go 'o na ni bsgrub par bya ba'i chos sgrub pa'i phyir/ gtan tshigs dgos pa dang 'ga' yang med/ /'di ltar 'dir bsgrub par bya ba'i chos med pa gnod par byed pa'i tshad ma 'jug par des ma zhig gam/ 'on te ma nges pa zhig yin zhes bya ba rnam par brtag pa gnyis so/ /rnam par brtag pa dang po'i dbang du byas nas/ bsgrub par bya ba med pa zhes bya ba la sogs pa smos te/ gal te gnod par byed pa'i tshad ma kho nas thams cad la bsgrub par bya ba med par byed na ni/ de'i tshe gang na gnod par byed pa'i tshad ma med pa de na bsgrub par bya ba yang de kho na las 'grub par 'gyur bas gtan tshigs don med do/ /de la 'di snyam du de na gnod pa yod pa kho na ste/ des na gtan tshigs don yod par 'gyur snyam na de'i phyir ro/ gnod pa yod na yang zhes bya ba la sogs pa smos te/ gal te de la gnod pa yod na de'i tshe sgrub pa la nus pa med pa'i phyir/ gtan tshigs shin tu yang don med pa nyid do/ /'di ltar gnod par byed pa'i tshad ma srid na gtan tshigs kyis rang gi bsgrub par bya ba sgrub par mi nus so/ /de'i phyir/ de cir dgos rnam par brtag pa gnyis pa'i dbang du byas nas/ ma nges pa zhig yin na ni zhes bya ba la sogs pa smos te/ ma nges phyogs la ni tshig gi don gnod par byed pa'i tshad ma yang med la/ 'on kyang bsgrub par bya ba med pa yang srid do zhes bya ba 'dir 'gyur te/ gnod par byed pa'i tshad ma med par bsgrub par bya ba med do zhes bya ba'i tha tshig go/ de'i phyir gnod pa med pa la nus pa chung zad kyang med pa de gnod par ma byas pa'i yul can nyid chung zad kyang dgos pa med do zhes bya ba'i tha tshig go / 'di ltar gal te bsgrub par bya ba med pa gnod par byed pa'i tshad ma dgos byed na de'i tshe gnod pa yongs su spang pa'i phyir gnod par ma byas pa'i yul can smos pa don yod pa yin no/ gang gi tshe gnod par byed pa'i tshad ma med pa yang bsgrub par bya ba med pa kho na yin pa de'i tshe gnod par ma byas pa'i yul can nyid smos pa don med pa yin no/ /'di skad du gal te gang ni gnod pa med pa de ni gdon mi za bar bsgrub par bya ba yod pa de'i tshe gnod de med pa smos pa rigs pa nyid do/ /gang gi tshe gnod pa med pa bzhin du yang bsgrub par bya ba med pa de'i tshe gnod pa med pa smras pa des ci zhig bya zhes bshad pa yin no/ /pha rol bos phyogs gnyi ga la bshad pa'i nyes pas 'jigs pa'i phyir/ lam gzhan la rten? par bya bar gnod pa med pa ni zhes bya ba smos te/ gang gis na gnod pa kho nas bsgrub par bya ba 'grub par 'gyur ba gnod pa med pa'i sgrar mi brjod do/ /'o na ci zhe na/ gnod pa mi dmigs pa ni smos te/ gal te dmigs pas gnod pa la khyab na/ de lta na yang 'di ltar gnod pa mi dmigs pa kho na las bsgrub par bya ba 'grub par 'gyur bas gtan tshigs don med pa yin no/ /ci'i phyir zhe na/ mi dmigs na gnod pa mi srid pa'i phyir ro zhes bya ba smos te/ gang na gnod pa mi dmigs pa de na de med pa kho na'o/ /de med na bsgrub par bya ba grub na de la gtan tshigs kyis ci zhig bya/ de la 'di snyam du dmigs pa log na gnod pa log pa ma yin pa nyid do snyam du sems ma dmigs pa log kyang zhes bya ba la sogs pa smos te/ gal te dmigs pa log kyang gnod pa mi ldog pa/ 'o na ni kye gtan tshigs nus pa med pa de'i so na 'dug pa yin te/ de'i phyir sbyor bar mi bya ba nyid do/ /mjug bsdu ba bstan pa'i phyir/ de lta bas na chos can la rang gi bsgrub par bya ba yod pa dang med pa dag las zhes bya ba la sogs pa smos te/ gang gi phyir de ltar chos can la gnod pas bsgrub par bya ba stsal kyang gtan tshigs yod pa de'i phyir chos can bsgrub pa rang gi sgrub par bya ba yod kyang gtan tshigs med la rang gi bsgrub par bya ba med kyang yod pa ni chung zad kyang sgrub par yang mi byed/ 'jig par yang mi byed 'gog par yang mi byed do/ /de'i phyir gtan tshigs de lta bu nye bar bkod pa ni/ bsgrub par bya ba sgrub par nus pa ma yin no/ /mjug bsdu ba'i phyir/ de lta bas na gnod pa dang med na mi 'byung ba dang dag ni zhes bya ba la sogs pa smos te/ gang gi phyir de ltar gnod pa dang med na mi 'byung ba de dag 'gal ba de'i phyir 'di gnyis lhan cig yod pa ma yin no/ /de'i phyir gnod pa med pa ngo bo gzhan ma yin no zhes bya ba grub bo/ /'di ltar gang na gnod pa yod pa de na bsgrub par bya ba med na mi 'byung ba'i gtan tshigs med la/ gang na med na mi 'byung ba yod pa de na gnod pa med pas mi 'gal lo/ /'gal bas na lhan cig med/ /de ltar gnod pa dang med na mi 'byung ba dag 'gal pa'i phyir gnod par ma byas pa'i yul can nyid ngo bo gzhan pa nyid bsal ba yin no/ /yang chul gzhan gyis bsal bar bya ba'i phyir/ de de las khyad par gzhan pa 'am zhes bya ba la sogs pa smos te/ de mngon par 'dod pa'i khyad par de las khyad par gzhan gyi dngos po mtshan nyid gcig tu smos par 'gyur na/ mngon par 'dod pa'i khyad par gang zhig yod bzhin du yang khyad par gzhan du 'dod pa gang zhig gzhan du 'gyur ba ste/ dper na phyogs kyi chos nyid yod bzhin kho nar mthun pa'i phyogs la yod pa gzhan du 'gyur ba mthong ste/ de'i phyir mthun pa'i phyogs la yod pa de las mtshan nyid gzhan du smos pa lta bur zhig yin grang na/ med pa na mi 'byung ba de nyid kyi khyad par yod bzhin du gnod par ma byas pa'i yul can nyid khyad par gzhan du 'dod pa gzhan du 'gyur ba ni ma yin no/ de ji ltar ngo bo gzhan du srid par 'gyur/ gang gi phyir de lta yin pa de'i phyir/ rang gi bsgrub par bya ba dang 'gal ba med na mi 'byung ba'i gtan tshigs dang 'gal ba de lta bu dag gi yul la gnod pa mi srid do/ /de'i phyir gnod pa med pa ni logs shig tu gtan tshigs dang 'gal ba 'di gnyis kyis mtshan nyid du brjod par mi bya'o/ /mjug bsdu ba'i phyir/ de lta bas na gtan tshigs sbyor ba la zhes bya ba la sogs pa smos te/ gang gi phyir de ltar gnod pa dang med na mi 'byung pa dag 'gal ba de'i phyir/ gang du gtan tshigs sbyor ba der dam bcas pa'i nyes pa rnams srid pa med do/ /'di ltar bsgrub par bya ba med na mi 'byung ba gang yin pa de nyid gtan tshigs zhes bya na/ bsgrub par bya ba med na mi 'byung ba'i gtan tshigs sbyor ba de la lta gnod pa'i ngo bo'i dam bcas pa'i gnod pa rnams ga la srid/ de la 'di snyam du dam bcas pa tsam sbyor ba la dam bcas pa'i nyes pa rnams srid par 'gyur ro snyam du sems na de'i phyir/ dam bcas pa 'ba' zhig sbyor ba yang med pas zhes bya ba la sogs pa smos te/ dam bcas pa 'ba' shig kyang sbyor ba ma yin te/ de lta bas na dam bcas pa'i nyes pa brjod par mi bya'o/ /'di ltar dam bcas pa tsam gyis don 'grub par mi 'gyur bas gtan tshigs dang bral ba'i dam bcas pa sbyor ba nyid med do/ /de'i phyir dam bcas pa'i nyes pa rnams kyi go skabs yod par lta ga la 'gyur/ de ltar gnod par ma byas pa'i yul can nyid bsal nas mtshan nyid gzhan bsal ba'i phyir/ 'dis ni grangs gcig brjod par 'dod pa can yang bsal ba yin no zhes bya ba smos te/ gnod par ma byas pa'i yul can nyid bsal ba kho nas grangs gcig brjod par 'dod pa can yang bsal bar rig par bya'o/ /'di gnyis tha dad pa'i phyir gcig bsal bas gnyis pa sel ba mi srid par bzung nas ji lta bu zhes dri'o/ /grub pa'i mdza' smra bas/ bsal ba'i thabs bstan pa'i phyir/ gcig ni rang gi bsgrub par bya ba yod pa kho nas zhes bya ba la sogs pa smos te/ grangs gcig brjod pa can gyis ni 'gal bar 'khrul pa med pa sel bar byed do/ /'gal bar 'khrul ba med pa de la yang gtan tshigs gcig ni rang gi bsgrub par bya ba yod pa kho nas yod pa'i phyir/ rang gi bsgrub par bya ba der 'khrul ba med pa can yin te/ dper na sgra ni mi rtag pa ste/ phyis pa'i phyir sgra bzhin no zhes bya ba lta bu'o/ /sgra de nyid la de las gzhan pa byas pa de las gzhan pa mnyan par bya ba nyid la sogs pa de las gnod pa byed pa mi rtags pa nyid la gnod pa byed pa rtag pa nyid yod pa kho na yang yod pa'i phyir byas pa nyid/ de dang 'gal bas na gnod pa dang mtshungs te/ dper na sgra ni rtag ste mnyan par bya ba yin pa'i phyir sgra nyid bzhin no zhes bya ba lta bu'o/ /gnod pa ni med na mi 'byung ba yod na mi 'thad do/ /med na mi 'byung ba yang gnod pa yod na mi 'thad do/ /'dir yang mi rtag pa nyid med na mi 'byung ba'i byas pa nyid srid na rtag pa nyid mi 'thad la/ rtag pa nyid med na mi 'byung ba'i mnyan par bya ba nyid srid na yang mi rtag pa nyid mi 'thad pas/ gnod pa dang mtshungs pa yin no/ /gtan tshigs gzhan bstan par bya ba'i phyir/ gzhan yang ci gtan tshigs kyi zla bo mi srid pa zhes bya ba la sogs pa smos te/ ci gang zhig la dngos su gtan tshigs kyi zla bo mi srid pa de yang dag pa'i shes pa'i rgyu 'am bzlog pa'i rgyur 'dod dam/ 'on te gang zhig la gtan tshigs kyi zla bo rab tu ma bstan pa zhig yin/ pha rol pos gnyi ga ltar yang nyes pa ma mthong nas/ cir 'gyur zhes bya ba smos te/ phyogs gnyi ga la yang nyes pa ci yod/ grub pa'i mdza' smra bas/ phyogs dang po la nyes pa bstan par bya ba'i phyir/ gal te gtan tshigs kyi zla bo ma bstan pa zhig yin no zhe na zhes bya ba la sogs pa smos te/ re zhig gal te gang la gtan tshigs kyi zla bo mi srid pa nyid yin pa de 'dod na/ de'i tshe gtan tshigs kyi zla bo med pa nyid ces bya ba'i mtshan nyid du 'dod pa gang yin pa de/ mtshan nyid ma yin pa kho na'o/ /ci'i phyir zhe na/ nges par bya bar mi nus pa'i phyir zhes bya ba smos te/ don de lta bu la ni 'di la gtan tshigs kyi zla bo mi srid pa kho na'o zhes bya ba nges par bya bar mi nus so/ /de lta yin na nyes pa ci yod ce na/ gtan tshigs med pa yang yin te zhes bya ba smos te/ /de lta yin gtan tshigs med par yang 'gyur ro/ /yang zhes bya ba'i sgra ni bsdu ba'i sgo nas 'thad pa ston par byed pa yin te/ de ltar tshig gi don ni de'i phyir gtan tshigs med pa nyid yin no zhes bya ba 'di yin no/ /'dir gtan tshigs su sgrub par byed pa'i chos ma nges pa'i bdag nyid ni zhes bya ba la sogs pa smos te/ sgrub par byed pa'i chos ma nges pa'i rang gi ngo bo ni bsgrub par byed pa'i chos kyi mtshan nyid yin par mi srid do/ /ci dang 'dra zhe na/ phyogs kyi chos the tshom can bzhin no zhes bya ba smos te/ dper na phyogs kyi chos the tshom can la phyogs kyi chos nyid du tha snyad mi 'dogs pa bzhin no/ /gal te mtshan nyid la the tshom za bar chug na yang gtan tshigs go ci'i phyir ma yin zhe na/ the tshom can gyi mtshan nyid ni gtan tshigs kyang ma yin pas zhes bya ba la sogs pa smos te/ the tshom can gyi mtshan nyid ni gtan tshigs su rnam par mi bzhag ste/ de'i phyir 'ga' yang gtan tshigs nyid du mi 'gyur ro/ /ci'i phyir zhe na/ mtshan nyid mtshungs pa la zla bo srid pa mthong na zhes bya ba la sogs pa smos te/ gang gi tshe mtshan nyid du mthun pa'i gtan tshigs gcig la zla bo mthong ba de'i tshe/ zla bo ma mthong ba dag la yang dogs pa skyed par byed de/ gang dag la zla bo ma mthong ba de dag la yang dogs pa skyed par byed do zhes bya ba'i tha tshig go /'dir gtan tshigs su khyad par med pa'i phyir ro zhes bya ba smos te/ 'dir tshul gsum pa la ni khyad par 'ga' yang med do/ /brgya la pha rol po khyad par khas len par 'gyur na/ de'i phyir khyad yod na ni zhes bya ba la sogs pa smos te/ gal te de'i bdag nyid dam de las byung ba'i khyad par zhig yod na de'i tshe khyad par de nyid gtan tshigs kyi mtshan nyid yin par 'gyur ro/ /khyad par de nyid gtan tshigs kyi mtshan nyid yin du byung mod/ nyes pa ci yod ce na/ de'i phyir des gnyen po gcig tu bsal ba'i gtan tshigs kyi zhes bya ba la sogs pa smos te/ khyad par de dang ldan pas gnyen po gcig tu bsal ba'i gtan tshigs des rang gi bsgrub par bya ba nges par byed do/ /de'i phyir de'i mtshan nyid can ma yin pa khyad par de lta bu dang ldan pa ma yin pa gang yin pa de gtan? tshigs yin par mi 'gyur ro/ /gang la zla bo med pa kho na yin pa de ni gnyen po gcig tu bsal ba zhes bya'o/ /de'i mtshan nyid can ma yin pa zhes bya ba 'di la khyad par de'i mtshan nyid yod pas 'dis ni de'i mtshan nyid can no/ /de'i mtshan nyid can ma yin pa ni de'i mtshan nyid can ma yin pa'o/ /de'i mtshan nyid can ma yin pa gtan tshigs nyid ma yin na ci zhig 'grub par 'gyur zhe na/ de'i phyir de lta na grangs gcig brjod par 'dod pa can don med pa yin no zhes bya ba smos te/ gal te zla bo gnyis pa de'i mtshan nyid can ma yin na/ de'i tshe 'di gtan tshigs nyid du mi 'gyur ro/ /de'i phyir grangs gcig nyid brjod par 'dod pa can gyis gang zhig rnam par gcod par byed de/ grangs gcig brjod par 'dod pa can nyid don med pa yin no/ de'i mtshan nyid can ma yin pa dang ldan pa gtan tshigs nyid ma yin na yang nyes pa bstan par bya ba'i phyir/ 'di'i phyir 'gal bar 'khrul pa med pa'i mtshan nyid ces bya ba la sogs pa smos te/ gang gi tshe de'i mtshan nyid can ma yin pa la/ gtan tshigs nyid med pa de'i tshe 'gal bar 'khrul pa med pa'i mtshan nyid bsal bar 'gyur ro/ /'di ltar rang rang gi mtshan nyid dang ldan pa'i gtan tshigs dag chos can gcig la bsgrub par bya ba'i chos phan tshun 'gal ba sgrub par byed pa nyid kyi 'gal bar 'dun 'gal bar 'khrul pa med pa zhes bya ste/ de'i mtshan nyid ces bya na/ de yang de lta yin na pa bsal bar 'gyur ro/ /de la 'di snyam du gang du khyad par de yod pa der 'gal bar 'khrul pa med pa yod par ma gyur du chug na yang/ gzhan du gos su zhig gis zlog par byed ce na/ gang zhig rtogs nas zla bo srid dam mi srid pa dag blta bar bya ba khyad par de zhes bya ba la sogs pa smos te/ ngo bo gang zhig rtogs nas shes nas gtan tshigs rnams kyi zla bo srid dam mi srid pa dag blta bar bya ba ste/ 'di la ni khyad par 'di yod de/ de lta bas na 'di la ni zla bo yod par mi 'gyur ro/ /'di la ni khyad par med pas 'di la ni zla bo yod par 'gyur ro zhes de ltar gtan la dbab par bya ba khu tshur bcangs pa'i tshul du smras pa'i khyad par gang yin pa'i khyad par de'i rang gi ngo bo mi ston tam/ mjug bsdu ba'i phyir/ de lta bas na/ khyad par med pa kho na yin pas zhes bya ba la sogs pa smos te/ gang gi phyir de ltar kho bo bzhin du khyad par gyi ngo bo mi ston pa de'i phyir khyad par med pa kho na yin no// khyad par med pa'i phyir/ thams cad du zla bo yod dam med ces dogs par 'gyur ro/ /de la 'di snyam du gang la zla bo'i gtan tshigs mthong ba de nyid gtan tshigs ma yin gyi/ gang la ma mthong ba de nyid gtan tshigs yin par 'gyur ro snyam sems na/ de'i phyir zla bo'i gtan tshigs mthong ba'i gtan tshigs kyang zhes bya ba la sogs pa smos te/ gang la zla bo'i gtan tshigs mthong ba de yang dang po nyid du zla bo'i gtan tshigs ma mthong ba dang/ lhan cig gang gis na 'di ni gtan tshigs yin no/ /'di ni ma yin no zhes bya ba de ltar nges par 'gyur ba'i khyad par ni 'ga' yang mi dmigs so/ /de la 'di snyam du gang dag la zla bo'i gtan tshigs srid pa de dag ni gdon mi za bar dmigs par 'gyur ro/ de'i phyir/ de dag kho na gtan tshigs nyid du 'gyur gyi/ gzhan dag ni ma yin no snyam du sems na/ de'i phyir/ zla bo'i gtan tshigs srid pa rnams kyi yang zhes bya ba la sogs pa smos te/ gang dag la zla bo'i gtan tshigs srid pa de dag gi yang de gdon mi za bar dmigs pa ni ma yin no/ /gal te mi dmigs na 'o na ni de med pa kho na yin mod ce na/ de'i phyir/ shes rab phul du byung ba dang ldan pa zhes bya ba la sogs pa smos te/ shes rab phul du gyur pa gang yin pa de kho nas brtags na mthong gi gzhan gyis ni ma yin no/ /gang gi phyir/ de lta yin pa de'i phyir zla bo'i gtan tshigs su srid dam mi srid pa dag des pa med do de'i phyir/ gtan tshigs kyi mtshan nyid ma nges pa'i phyir ro/ 'ga' yang gtan tshigs su mi 'gyur ro zhes bya ba ni mjug sdud pa yin no/ /de ltar zla bo'i gtan tshigs nyid mi srid pa bsal nas rnam par rtog pa gnyis pa bsal bar bya ba'i phyir/ 'on te zla bo'i gtan tshigs rab tu ma bstan pa zhig yin te zhes bya ba smos te/ 'on te gong du bshad pa'i nyes pas 'jigs pa'i phyir/ zla bo'i gtan tshigs nyid ma bstan pa'i phyogs khas len par byed na'o/ /phyogs 'di khas blang bar bya ba la/ slob dpon phyogs kyi glang po dbang por nye bar bstan pa'i phyir/ ji ltar bshad pa lta bu'o zhes bya ba smos so/ /ji skad du bshad ce na/ 'o na ni gang gi tshe sgra nyid rtag par khas len pa zhes bya ba la sogs pa smos te/ slob dpon phyogs kyi glang pos mnyan par bya ba nyid ni/ ji ltar yang rnam par gcod pa'i gtan tshigs nyid ma yin no zhes bshad pa dang/ pha rol pos 'o na ni gang gi tshe brda sprod pa ba spyi'i khyad par sgra nyid rtag par khas len pa de'i tshe/ mnyan par bya ba'i mtshan nyid kyi phyogs kyi chos 'di gtan tshigs yin pa kho nar 'gyur te/ sgra ni rtag pa ste mnyan par bya ba yin pa'i phyir sgra nyid bzhin no zhes smras so/ /pha rol pos de skad du smras pa dang/ slob dpon phyogs kyi glang po blo gros mkhas pa dang ldan pa'i zhal snga nas kyis/ gal te sgra zhes bya ba'i chos can 'di la bye brag pas mi rtag pa nyid kyi gtan tshigs byas pa nyid dam/ brtsal ma thag tu 'byung ba nyid la sogs pa'i mtshan nyid gcig bstan par ma gyur na ni/ de'i tshe zla bo'i gtan tshigs rab tu ma bstan pa 'di gtan tshigs yin pa kho nar 'gyur ro zhes bshad do/ /'di ltar slob dpon phyogs kyi glang po'i zhal snga nas dbang por gsol pa dang/ lag pa gnyis kyis mgo la btsir nas kus 'debs shing/ 'di ni de bsgrags su yang mi rung la zhes bya ba la sogs pa smos te/ kye ma kyi hud bla ma rnams kyi nyes pa bsgrags par rigs pa ma yin pas na/ bla mas smras pa'i phyir bsgrags su yang mi rung la/ ha cang rngams? po? che bcab par mi nus pas na ha cang rngams che ba'i phyir/ bcab tu yang mi rung bas ci bla ma sun dbyung ngam/ ron te rigs pa la yal bar dor/ ji ltar bya gtol med pa shin tu skobs? chen por chung ba yin na ji lta zhig tu rgal bar nus ma shes so/ /'di la nyes pa ci zhig yod na/ gang gis na 'di bzad ce na/ gtan tshigs 'dis je zhes bya ba la sogs pa smos te/ mnyan par bya ba nyid kyi gtan tshigs gang yin pa 'dis so/ /dngos po rnams kyang rang gi bsgrub par bya ba'i de nyid kyi rang bzhin du byas shing zhes bya ba ni sgra la sogs pa dngos po rnams rtags pa'i rang gi ngo bor bsgrubs shing ngo/ /de'i tshad ma can gyi skyes bu rnams zhes bya ba la sogs pa la spyod ba pa dang/ brda sprod pa la sogs pa skyes bu gang dag la mnyan par bya ba nyid de'i tshad ma yod pa de dag ni de'i tshad ma can rnams te/ de dag mngon par mtho ba mtho ris dang/ des par legs par byang grol la sbyar nas so/ /'di ltar dngos po de nyid sgom pa na ji srid du nyon mongs pa rnams mi spong ba de srid du ni mtho ris su 'gro bar 'gyur ro/ /nyon mongs pa rnams spong na ni mya ngan las 'das par 'gro bar 'gyur/ khyod kyis skyes bus gtan tshigs gzhan zhes bya ba la sogs pa ni/ yang dus gzhan phyir khyod kyis skyes bu shes rab kyi rang bzhin can bye brag bas gtan tshigs gzhan byas pa nyid bstan nas/ mnyan par bya ba nyid kyi mtshan nyid kyi gtan tshigs sgrub pa'i nus pa la bgegs byas pa yin no/ /dngos po de dag dang zhes bya ba la sogs pa ni/ sgra la sogs pa dngos po dag dang/ de'i tshad ma can gyi skyes bu de dag kyang de dang mngon par mtho ba dang/ des par legs pa'i phun sum tshogs pa las bskyed nas zhes bya ba'i tha tshig go /rgyal po rgyal srid shor ba ltar zhes bya ba la sogs pa ni/ gang gi tshe rgyal po dbang shor ba yin pa de'i tshe dka' thub kyi nags tshal la kun tu rten par byed do/ de bzhin du mnyan par bya ba'i mtshan nyid kyi gtan tshigs 'di yang gang gi tshe bsgrub pa'i nus pa med par byas pa yin pa de'i tshe 'di lta bzhin du sgra la sogs pa dngos po de dag dang/ de'i tshad ma can gyi skyes bu de dag kyang dngos po de nyid dang mtho ris dang byang grol dag las 'dren par byed/ de dag gis kyang lag pa rkyang ste/ mnyan du rung ba nyid skyobs shig /mnyan du rung ba nyid skyobs shig ces 'o dong bod par byed la/ gtan tshigs des kyang de dag yongs su bskyab par mi nus te/ rang gi nyes par spyad pa dag gis dbang shor ba'i phyir dka' thub kyi nags tshal du 'gro bas 'dir kho bos ji skad du smra bar bya/ de ltar co dris nas phyogs 'di la nyes pa nye bar bstan par bya ba'i phyir/ sgrub pa nyid skyes bu'i spobs pas byas pa yang yin te/ zhes bya ba la sogs pa smos te/ zla bo'i gtan tshigs rab tu ma bstan pa'i gtan tshigs gtan tshigs nyid du khas len na gtan tshigs kyi sgrub pa nyid skyes bu'i spobs pas byas par 'gyur te/ de'i phyir dngos su na chung zad kyang sgrub pa 'am/ sgrub pa ma yin par ma 'gyur ro/ /'di ltar gang gi tshe zla bo'i gtan tshigs nye bar mi ston pa de'i tshe ni sgrub pa yin la/ gang gi tshe nye bar ston pa de'i tshe ni bsgrub pa ma yin pas/ sgrub pa nyid skyes bu'i spobs pas byas par 'gyur ro/ /zla bo'i gtan tshigs rab tu ma bstan pa'i gtan tshigs gtan tshigs nyid du khas len na/ ci gtan tshigs de dngos su chos de yod pa can zhig gam/ 'on te chos de yod pa can ma yin pa zhig ces bya ba rnam par brtag pa gnyis so/ /rnam par brtag pa dang po'i dbang du byas nas/ gtan tshigs de zhes bya ba la sogs pa smos te/ dang por gtan tshigs su bzung ba gang yin pa de gal te ngo bo nyid kho nas/ bsgrub par bya ba'i chos de yod pa kho nas yod pa 'am/ sgrub par bya ba'i chos de yod par byed pa sgrub par byed pa de lta bu'i dang tshul can zhig yin na ni/ de'i tshe rgyu gang gis ni bsgrub par bya ba'i chos med par yang yod par 'gyur ba 'am/ bsgrub par bya ba'i chos sgrub par mi 'gyur ba gtan tshigs gzhan gyis gzhan du byed par 'gyur/ ci'i phyir/ gzhan nyid du mi byed ce na/ dngos po rnams kyi ngo bo nyid gzhan du 'gyur ba dang zhes bya ba la sogs pa smos te/ 'di ltar dngos po rnams kyi ngo bo nyid gang yin pa de yang gzhan du mi 'gyur la/ ngo bo nyid 'gal ba gnyi gang yin pa de yang dngos po rnams re re la yod par mi 'gyur ro/ /'di skad du gal te gtan tshigs don dam par bsgrub pa'i chos med na mi 'byung ba yin na/ de ji ltar gtan tshigs gzhan gyis gzhan du byed par 'gyur zhes bshad pa yin no/ /rnam par brtag pa gnyis pa bstan pa'i phyir/ chos de yod pa can ma yin pa zhig yin yang zhes bya ba la sogs pa smos te/ gal te gtan tshigs chos de yod pa can yin pa zhig tu 'dod na/ de'i tshe/ gzhan du yang ji ltar dngos po 'ga' zhig gi sgrub? pa yin/ gzhan yang du yang zhes bya ba ni zla bo'i gtan tshigs rab tu ma bstan pa na yang zhes bya ba'i tha tshigs te/ 'di skad du gal te gtan tshigs bsgrub par bya ba'i tshes med par yang yod na ni/ de'i cha zla ba'i gtan tshigs rab tu ma bstan pa yang 'di ji ltar 'ga' zhig gi sgrub pa yin zhes bshad pa yin no/ /mjug bsdu ba'i phyir/ de lta bas na ngo bo nyid kyis zhes bya ba la sogs pa smos te/ gang gi phyir de ltar dngos po rnams kyi ngo bo nyid kyang gzhan du bya bar mi nus la/ ngo bo nyid 'gal ba gnyis gcig tu mi srid pa de'i phyir/ don dam par na rang rang gi sgrub par bya ba med na mi 'byung ba ji skad bshad pa'i mtshan nyid can 'bras bu dang rang bzhin dag gi de'i mtshan nyid la 'bras bu dang rang bzhin gyi mtshan nyid la zla bo'i gtan tshigs mi srid pa'i phyir grangs gcig brjod par 'dod pa can ni mtshan nyid ma yin te/ grangs gcig brjod par 'dod pa can nyid kyi mtshan nyid gtan tshigs ma yin no zhes bya ba'i tha tshig go /ci'i phyir zhe na/ rnam par bcad par bya ba med pa'i phyir ro zhes bya ba smos te/ 'dis rnam par bcad par bya ba chung zad kyang med do/ /phyogs kyi chos nyid kyis ni ma grub pa rnam par gcod par byed/ mthun pa'i phyogs la yod pa nyid kyis ni 'gal ba dang thun mong ma yin pa sel bar byed/ mi mthun pa'i phyogs las logs pas ni thun mong dang thun mong ba yin pa'i ma nges pa sel par byed na/ grangs gcig brjod par 'dod pa can nyid kyis rnam par bcad par bya ba ni 'ga' yang med do/ /'gal bar 'khrul pa med pa zhig rnam par gcad par 'gyur du ni/ de ji skad bshad pa'i tshul gyis na dngos po'i stobs kyis zhugs pa'i rjes su dpag pa la mi srid pas de lta bas na grangs gcig brjod par 'dod pa ni don med pa yin no/ /shes pa nyid bsal bar bya ba'i phyir/ shes pa nyid ni rtogs kyi chos ma yin na zhes bya ba la sogs pa smos te/ shes pa ni rtogs par byed pa'i chos yin gyi rtags kyi chos ni ma yin no/ /de'i phyir ji ltar rtags kyi mtshan nyid du 'gyur te/ rtags kyi chos kho na rtags kyi mtshan nyid du 'gyur bar 'os so? snyam du dgongs pa yin no// rtags kyi chos kho na rtags kyi mtshan nyid du rigs pa'i ngo bo bstan par bya ba'i phyir/ rtags kyi ngo bo ji lta bu zhig las don rtogs par bya zhes/ zhes bya ba la sogs pa smos te/ rtags ngo bo ji lta bu zhig las gzhal bya'i don rtogs par bya zhes bsam par bya ba la skabs su bab pa la rtogs par byed pa lhas byin la sogs pa la slu bar mi byed pa gang yin pa de'i ngo bo la rtags ngo bo 'di lta bu yin no zhes bya ste/ ngo bo gang zhig mthong nas rtogs par byed pa 'dis 'di sgrub par yin no/ /'di ni bsgrub pa ma yin no zhes rab tu rnam par phye ste bzhag nas/ de la 'dod pa'i don 'joms par byed pa'i sgrub pa gang yin pa'i sgrub pa de 'dod pa'i don nye bar 'jog par byed pa yin par yid ches nas 'jug par 'gyur ro/ /tshul de lta bur rnam par gnas pa de la rtags 'di'i? bdag gi ngo bo gang yin pa de rtags kyi mtshan nyid du 'gyur bar 'os kyi/ gzhan gyi ngo bo ni ma yin no/ /de la 'di snyam du shes pa ni rtags shes pa'i shes par byed pa yin pa'i phyir/ bsgrub par bya ba grub par bya ba la nye bar sbyor ste/ de'i phyir 'di rtags kyi mtshan nyid du rigs so snyam du sems na/ de'i phyir rtogs pa skye ba la nye bar sbyor ba tsam gyis zhes bya ba la sogs pa smos te/ gal te shes pa yin pa'i phyir/ gzhal bya rtogs pa skye ba la nye bar sbyor ba de tsam gyis rtags su 'dod na ha cang thal bar 'gyur ro/ /ha cang thal ba de nyid bstan par bya ba'i phyir/ de ltar na ni gzhal bya dang skyes bu la sogs pa zhes bya ba la sogs pa smos te/ gzhal bya don dang skyes bu 'jal bar byed pa dang/ sogs pa'i sgras ldan pa dang/ 'du ba la sogs pa dang snang pa dang yid la byed pa la sogs pa yang rtags kyi mtshan nyid nyid du 'gyur ro/ /'dir gtan tshigs su de dag med par ni zhes bya ba la sogs pa smos te/ gzhal bya la sogs pa med par ni rtags can la res 'ga' yang shes pa skye bar mi 'gyur ro/ /shes pa la bltos pa'i las kyi ngo bo'i shes pa nyid ma yin nam/ de yang rtags kyi chos kho na yin na/ ji ste gzhan gyi ngo bo zhes bya zhe na/ de lta yin mod kyi/ 'on kyang shes pa'i dbang gis 'di'i chos 'dir 'gyur gyi/ rang gis ni ma yin te/ 'di ltar gang gi tshe shes pas yul du byas pa de'o tshe chos su 'gyur gyi/ gzhan du ni ma yin no/ /gang zhig gang gi chos yin pa de ni rang gi rgyu dag las 'grub pa kho nar 'gyur gyi phyis ni ma yin no// 'dir pha rol pos/ 'o na ni nges pa smos par mi bya'o zhes bya ba la sogs pa smos te/ shes pa nyid ngo bo gzhan du mi 'dod na/ 'o na ni kye bstan bcos las nges pa smos pa byas pa gang yin pa de mi bya dgos so/ /grub pa'i mdza' smra bas/ mi bya ba ma yin te zhes bya ba la sogs pa smos te/ de ni gzhan gyi don kho nar byed pa yin no/ /gzhan gyi don de nyid bstan par bya ba'i phyir/ mthong ba dang ma mthong ba dag gis zhes bya ba la sogs pa smos te/ gang dag mthun pa'i phyogs la mthong ba dang mi mthun pa'i phyogs la ma mthong bas gtan tshigs shes par byed pa nyid du 'dod pa de dag gi mthong ba dang ma mthong bas gtan tshigs nus pa yin no zhes shes par bya ba'i phyir nges pa smos pas byas pa yin no/ /'di ltar mthong ba dang ma mthong ba dag yod bzhin du yang gtan tshigs shes par byed pa nyid ma yin pa mthong ste/ log pa'i shes pas kyang de'i bu yin pa'i phyir/ sngo bsangs yin no zhes bya ba la sogs pa la mthun pa'i phyogs la mthong ba yang yod/ sngo bsangs ma yin pa mi mthun pa'i phyogs la ma mthong ba yang yod mod kyi/ de tsam gyis ni gtan tshigs shes par byed pa nyid ma yin no/ /de lta bas na mthun pa'i phyogs la yod pa dang/ mi mthun pa'i phyogs la med pas gtan tshigs shes par byed pa yin no zhes bya ba'i don 'di shes par bya ba'i phyir mtshan nyid brjod par nges pa smos par khong du chud par bya'o/ /'di skad du mthun pa'i phyogs dang mi mthun pa'i phyogs dag la/ yod pa dang med par nges pa dag gi gtan tshigs shes par byed pa yin gyi/ 'ol byi mthong ba dang ma mthong ba tsam gyis ni ma yin no zhes bya ba'i don 'di shes par bya ba'i phyir/ des pa'i sgra sbyar to zhes bshad pa yin no/ /dkyus ma'i mjug bsdu ba'i phyir/ des na gzhan gyi ngo bo ni mtshan nyid ma yin te zhes bya ba smos te/ rgyu des na gzhan rtogs par byed par ma gzhan yang rung ba'i ngo bo shes pa la sogs pa gang yin pa de ni rtags kyi mtshan nyid ma yin no/ /ci'i phyir zhe na/ des rtags kyi ngo bo'i khyad par zhes bya ba la sogs pa smos te/ shes pa la sogs pa gzhan gyi ngo bo des rtags kyi ngo bo'i khyad par 'ga' yang mi ston to/ /pha rol po mthun pa'i phyogs dang mi mthun pa'i phyogs dag la/ yod pa dang med pa dag gis gtan tshigs shes par byed par 'dod pa de la yang des pa ci'i phyir smos pa yin nam zhe na/ de'i phyir/ yod pa dang med pa de dag ni zhes bya ba la sogs pa smos te/ kha cig yod pa dang med pa dag gis gtan tshigs shes par byed par 'dod mod kyi/ 'on kyang yod pa dang med pa de dag sgrub par byed pa'i tshad ma 'jug pa kho nas khong du chud par bya'i/ gzhan du ni ma yin no/ /ci'i phyir zhe na/ thabs gzhan med pa'i phyir ro zhes bya ba smos te/ 'di ltar yod pa dang med pa dag rnam par bzhag par bya ba la de sgrub par byed pa'i tshad ma ma gtogs pa thabs gzhan med do/ /de nyid kyi phyir ci nas kyang yod pa dang med par nges pa dag 'dzin par 'gyur snyam nas yod pa dang med pa 'di gnyis gsal bar bya ba'i phyir/ mtshan nyid las nges par smos pa byas so/ /yod pa dang med pa smos pa kho nas nges pa nyid 'phen pa ma yin nam/ de lta ma yin na 'di gnyis yod pa kho na 'grub par mi 'gyur zhe na/ de'i phyir/ yod pa dang med pa smos pa tsam gyis kyang zhes bya ba la sogs pa smos te/ dngos po dang dngos po med pa smos pa tsam gyis kyang dngos po dang dngos po med par rab tu sgrub pa'i tshad ma 'jug pa 'phen mod kyi nges pa smos so// ci'i phyir zhe na/ de lta ma yin na shes bya yod par rnam par bzhag pa ni zhes bya ba la sogs pa smos te/ gal te de dag sgrub pa'i tshad ma 'phen par ma gyur na/ de'i tshe 'di ltar dngos po dang dngos po med pa de gnyis yod pa rab tu mi 'grub bo/ /ci'i phyir rab tu mi 'grub ce na/ shes bya yod par rnam par bzhag pa ni zhes bya ba la sogs pa smos te/ gang gi phyir shes bya yod par rnam par bzhag pa ni shes pa yod pa'i rgyu can yin pa de'i phyir dngos po thams cad la yod par rnam par bzhag pa nyid yod par rab tu sgrub pa 'dren par khong du chud par bya'o/ /'di ltar 'di ni sngon po'o/ /'di ni ser po'o zhes rnam par 'jog par byed pa gang yin pa de ni dmigs pa kho nas byed kyi/ gzhan du ni ma yin no/ /de lta bas na/ shes bya rnam par bzhag pa ni shes pa'i rgyu can yin no/ /de'i phyir shes bya rnam par bzhag pa nyid de sgrub pa'i tshad ma 'phen par byed pa yin no/ /gtan tshigs gzhan bstan bcos byed pa ni gzhan gyi don yin pa'i yang phyir zhes bya ba smos te/ 'di ltar bstan bcos byed pa ni gzhan gyi don yin te/ gzhan gyis rtogs par bya ba'i phyir bstan bcos byed do zhes bya ba'i tha tshig go /gzhan gyi don de nyid bstan par bya ba'i phyir/ tshul gsum pa'i rtags yod pa ni zhes bya ba la sogs pa smos te/ gzhan la phan par dga' ba gang zhig gis gzhan dag la tshul gsum pa'i rtags ni/ khyed la rjes su dpag par bya ba'i mtshan nyid kyi don 'doms par byed pa yin no zhes smras na/ gzhan gang dag tshul de mi shes pa de dag ni tshul des lkog gi don la 'jug par mi 'gyur ro/ /de lta bas na bstan bcos ston pa ni/ gzhan shes par byed pa yin pa'i phyir/ yod pa dang med pa'i yul bstan pa na/ shes pa grub mod kyi/ 'on te rtog ge ngan pa pa kha cig mthun pa'i phyogs dang/ mi mthun pa'i phyogs la gtan tshigs yod pa dang med pa de dag kho na mthong ba dang ma mthong ba tsam gyis rnam par 'jog par byed de/ de'i bu yin pa'i phyir sngo bsangs yin te/ de las gzhan pa'i bu bzhin no zhes bya ba la/ de'i bu nyid mthun pa'i phyogs la ni mthong ba yod la mi mthun pa'i phyogs la ma mthong ngo/ /de'i phyir de dag 'di yang mthong ba dang ma mthong ba dag gis gtan tshigs nyid yin par ston to zhes grags te/ de lta bas na de dag gi 'dod pa dgag pa'i phyir/ mtshan nyid brjod par nges pa'i sgra 'dir rab tu sbyar ro/ /nges pa zhes bya ba'i sgra smos par bya ba la bdag nyid kyi dgongs pa bstan par bya ba'i phyir/ yod pa dang med pa dag yod kyang zhes bya ba la sogs pa smos te/ la lar yod pa dang med pa dag dngos po 'jug pas yod mod kyi/ 'on kyang ji srid du rjes su 'gro ba dang/ ldog pa de dag yod pa nyid la the tshom za bar 'gyur ro/ /gang gi phyir de lta yin pa de'i phyir 'di gnyis yod par rnam par bzhag pa ni tshad ma gang las yod pa dang/ med pa 'di gnyis nges pa yin pa de la rag lus ba yin no zhes bya ba'i don 'di shes par bya ba'i phyir/ kho bos nges pa smos pa byas pa yin no/ /rjes su 'gro ba dang ldog pa zhes bya ba'i sgra ni 'dir yod pa dang med pa dag la bya'o/ /rab tu 'grub pa zhes bya ba'i sgra ni rnam par bzhag pa la bya'o/ /shes pa nyid logs shig tu mtshan nyid ma yin pa nyid du gtan tshigs 'di kho na yang bstan par bya ba'i phyir/ gang gi phyir yod pa dang med pa smos pa tsam gyis zhes bya ba la sogs pa smos te/ gang gi phyir mthun pa'i phyogs dang mi mthun pa'i phyogs dag la yod pa dang med pa smos pa kho nas de bsgrub pa'i tshad ma 'phen par byed pa rgyu de'i phyir yang yod pa dang med pa dag las shes pa mtshan nyid logs shig tu gyur pa ma yin no/ /'dir gtan tshigs su de nyid kyis don rtogs pa'i phyir zhes bya ba smos te/ gang gi phyir yod pa dang med pa smos pa de nyid kyis shes pa'i don rtogs pa de'i phyir logs shig tu mi bya'o/ /'dir dpe phyogs kyi chos nyid las nye bar gtong pa'i don bzhin no zhes smos pa'i phyir dper na phyogs kyi chos nyid smos pa kho nas nye bar gtong pa'i don rtogs pa'i phyir/ phyogs kyi chos nyid las logs shig tu mi brjod pa bzhin no/ /'dir pha rol pos 'khrul pa bstan pa'i phyir/ 'o na ni de rjes su 'gro ba dang ldog pa dag kyang zhes bya ba la sogs pa smos te/ gal te don rtogs pa'i phyir logs shig tu bya bar mi 'dod na/ 'o na ni kye rjes su 'gro ba dang ldog pa dag kyang so so nyid du brjod par mi bya'o/ /'dir gtan tshigs su gcig sbyar bas gnyi ga rtogs pa'i phyir ro zhes bya ba smos te/ gang gi phyir gcig kho na sbyar bas gnyi ga rtogs par 'gyur ba de'i phyir/ nye bar gtong pa bzhin du 'di gnyis so sor brjod par mi bya'o zhes bya ba ni phyogs snga ma'o/ /grub pa'i mdza' smra bas ma yin no/ /mthun pa'i phyogs dang mi mthun pa'i phyogs la zhes bya ba la sogs pa smos te/ mthun pa'i phyogs dang mi mthun pa'i phyogs dag la gtan tshigs yod pa dang med pa gang dag yin pa de dag ni phan tshun bltos nas mthun pa'i phyogs la yod par ston par byed pa'i tshig gam/ mthun pa'i phyogs ma yin pa la med par ston par byed pa'i tshig kyang rung/ gcig gis yod pa dang med pa gnyi ga go bar byed do zhes bya ba'i gnyis pa dang don gcig pa kho nar brjod pa ni ma yin no/ /de'i phyir 'di gnyis don tha dad pa'i phyir so sor yan lag gzhan nyid yin no/ /pha rol pos 'di gnyis don gcig kho nar gzhung gzugs pa'i phyir/ de kho na la yod pa dang zhes bya ba la sogs pa smos te/ kye mthun pa'i phyogs la yod pa nyid ces bya ba'i tshig gang yin pa dang mthun pa'i phyogs ma yin pa la med par nges par zhes bya ba'i tshig gang yin pa'i tshig 'di dag phan tshun 'phen pa ma yin nam/ 'di ltar mthun pa'i phyogs la yod pa nyid ces smras na yang/ mthun pa'i phyogs ma yin pa la med par rtogs par 'gyur la mthun pa'i phyogs ma yin pa la med par nges zhes smras na yang mthun pa'i phyogs la yod par rtogs par 'gyur te/ de lta bas na gnyis pa dang don gcig go zhes bya ba ni phyogs snga ma yin no/ /grub pa'i mdza' smra bas/ tshigs 'dis ni zhes bya ba la sogs pa smos te/ kye tshig gi nus pa ni shugs kyis gnyi ga 'phen par byed pa gang yin pa 'di yin no/ /ci'i phyir zhe na/ nges pa bston pa gcig kyang zhes bya ba la sogs pa smos te/ gang gi phyir nges pa ston pa'i tshig gcig gang yin pa de yang 'phen pa gnyis pa med par med pa de'i phyir gnyis 'phen pa gang yin pa 'di ni sgra'i nus pa yin gyi nges pa dang bral ba yod pa dang med pa dag 'ba' zhig phun tshun 'phen par byed pa ni ma yin no/ /de la 'di snyam du 'o na nges pa dang lhan cig ba dag 'phen par 'gyur ro snyam du sems na de'i phyir/ nges pa dang ldan pa dag ni 'ba' zhig dag ma yin te zhes bya ba smos te/ gang gi tshe yod pa dang med pa dag nges pa dang ldan pa yin pa de'i tshe 'ba' zhig pa dag ces mi bya'o/ /'dir gtan tshigs su nges pa ni gnyi ga'i ngo bo yin pa'i phyir ro zhes bya ba smos te/ thams cad du yod pa dang dgag pa'i ngo bo'i don yin pa'i nges pa ni gnyi ga'i ngo bo yin no/ /'di ltar brjod pa las bzlog pa 'gog pa'i ngo bo ni yod par nges pa yin te/ des na rang gi sgras brjod pa gang yin pa dang/ nges par bzung ba'i stobs kyis bkag pa gang yin pa de gnyis ka'i ngo bor 'gyur ro/ /de lta bas na yod pa dang med pa nges pa dang ldan pa dag ni 'ba' zhig pa dag ces mi bya'o/ /mjug bsdu ba'i phyir/ de lta bas na gang gis na yod pa 'am med pas zhes bya ba la sogs pa smos te/ gang gi phyir de ltar nges pa dang bcas pa dag la 'ba' zhig par tha snyad gdags pa med pa de'i phyir/ rgyu gang gis na yod pa 'ba' zhig gis gnyis pa med pa 'phen par 'gyur ba 'am med pa 'ba' zhig gis gnyis pa med pa 'phen par 'gyur ba de la yod pa nyid ces bya ba nges par gzung ba dang bcas pa'i tshig 'dis kyang dngos po 'ba' zhig la mi bya la/ de med pa la med par nges pa zhes bya ba ngos par gzung ba dang bcas pa'i tshig 'dis kyang med pa 'ba' zhig la mi bya'o/ /de ltar yod pa dang med pa dag sgra 'jug pa la bltos nas phan tshun 'phen par byed pa kho na yin pas so sor yan lag gzhan nyid du bstan nas/ shes pa de dang mtshan nyid mi mthun pa nyid du bstan par bya ba'i phyir/ shes pa ni gzhan shes par byed pa'i zhes bya ba la sogs pa smos te/ ji ltar yod pa dang med pa dag phan tshun tha dad pa ltar shes pa ni de ltar gzhan gyis shes par bya ba'i phyir bshad pa'i mtshan nyid gsum pa las tha dad pa ma yin no/ /de'i phyir tha dad pa ma yin pa'i phyir shes pa nyid logs shig tu mtshan nyid gzhan ma yin no zhes bya ba grub po/ /'di thams cad du shes pa smos pa ni shes pa nyid mtshon par bya ba'i don yin par blta bar bya'o/ /de ltar gnod pa ma byas pa'i yul can nyid la sogs pa bsal nas mjug bsdu ba'i phyir/ de lta bas na gtan tshigs ni mtshan nyid grub pa ma yin no zhes bya ba smos te/ gang gi phyir de skad bshad pa'i rnam pas gnod par ma byas pa'i yul can nyid la sogs pa logs shig tu mtshan nyid gzhan nyid du mi mthun pa de'i phyir/ gtan tshigs mtshan nyid grub pa ma yin no zhes bya ba grub bo/ /rigs pa sna tshogs rin chen mjes gsal blo ldan rnams kyi rigs pa'i 'byung gnas pa/ mu stegs mun gnag shin tu 'joms mkhas thub pa'i grub mdza' i sgron ma gtan tshigs kyi/ /thigs pa 'di tshig re nas rnam bkrol dge ba zla 'od lta bu dkar thob gang/ /de dag kun gyis 'gro ba myur du thams cad mkhyen nyid thob par byed gyur cig /gtan tshigs thigs pa dam pa'i tshig don tsam/ /rab tu rnam par dbye ba'i rgyas bshad pa/ /dul ba'i lhas bgyis 'dir ni mi mthun pa/ /gang lags de la 'phags pas bzod par mdzod/ /gtan tshigs kyi thigs pa'i rgya cher 'grel pa rdzogs so// //rgya gar gyi mkhan po pradz+nyA warma dang/ zhu chen gyi lo tsa ba dge slong dpal brtsegs rak+Shi tas bsgyur cing zhus te gtan la phab pa// bla ma rnams kyi grub mdza' i gtan tshigs rdzogs so/ / // !/ (/gtan tshigs thigs pa bram ze a tsa tas mdzad pa/) / */ /rgya gar skad du/ he du bindu pi ba ra Na/ bod skad du/ gtan tshigs thigs pa'i 'grel pa/ bcom ldan 'das rdo rje 'chang ba la phyag 'tshal lo skye bo'i tshogs kyi nyon mongs skyob pa'i phyir na thugs rje chen po yang dag bskyed pa can/

CLOSE WINDOW