བོད་ཡིག

e-texts based on the ACIP/ALL Input

pra mA Na bi ni shtsa ya TI kA/ bod skad du/ tshad ma rnam par nges pa'i 'grel bshad/ 'jam dpal gzhon nur gyur pa la phyag 'tshal lo/ /gang zhig chags pa spangs kyang dpal ldan thams cad don grub don du gnyer ba'i gzhan dbang gyur/ /gang zhig 'khrug pa zad kyang sna tshogs bsam pa 'gog la bar chad med par brtson mdzad pa/ /gang zhig bdag lta spangs pa las kyang bdag gi de nyid legs par zad par thugs suAng chud// ston pa de yi gsung rab rigs pa'i mthu yis gzhung lugs ngan pa rnam par 'joms par mdzad pa rgyal/ / gang zhig shar na phur bu la sogs skar ma rnams ni rtsis med cing/ /mngon du gyur na'ang dngos po'i yul la lta 'jug mdza' dag nyams 'gyur dang/ /rtag tu lta brtson rab rib zad cing yang dag dngos mthong skyes gyur pa/ /chos kyi grags pa ma pham de ni nyi ma zla ba snang ba'ang yin/ gzhan gyis byas pa'i 'grel dang 'grel bshad dag/ de yi bzhed dang 'gal bar mthong nas ni/ /bla ma'i man ngag las ni tshig rnams ci tsam pa'i/ /dngos po rnam par dpyad pa tsam zhig bdag gis bya/ /shin tu spros pas 'jigs pa'i phyir/ /gzhan gyis bshad pa mi dgod de/ / lam ngan spong par 'dod pas ni/ /slar yang der 'jug byed ma yin/ /gang phyir chen po rnams kyis 'grel bshad mdzad gyur pa/ /de nyid phyir na kho bo'ang rtsol bar rigs pa yin/ /mkha' lding nam mkha' la ni 'phur bar byed pa na/ /de yi phru gu ma tshar bar yang slob pa bzhin/ /bdag nyid shes pa min pas gal te skye bo skyon brjod smra bar byed na yang/ /bdag la ci chad gang 'di rtsom par byed pa'ang de nyid rtogs par bya phyir yin/ /mang la grags na dge zhes 'jig rten na yang rab tu smra ba 'di yod de/ /de yang med pa nyid du gsal bar rtogs na smra ba smad pa'i gnas nyid yin/ /phrag dog kyang ni lta rjes 'brangs nas brtan ldan zhing/ /gnod med brtag 'os don la'ang khyab par byed phyir dang/ /dug 'joms legs bshad 'o ma las kyang 'phel 'gyur phyir/ /de dang ldan pa mig dug yin par kho bos mthong ci ste yang dag pa yi shes pa bstan par bya ba la/ /sgrub par byed pa dang bsgrub par bya ba dag tshad ma kun las btus pa'i mdo'i brgal ba dang/ lan dang bshad pa'i khyad par la gus par 'gyur ba'i phyir mngon par 'dod pa'i tshad ma bstan pa'i gegs su 'gyur ba ma yin nam/ ci'i phyir khyod tshad ma rnam par nges pa rnam 'grel du byed ces rgol zhing rtog pa la/ slob dpon gyis gang la zhes bya ba la sogs pas rnam par nges pa rnam 'grel du byed pa'i rgyu gsungs so/ /sdug bsngal dang sdug bsngal gyi rgyu las bsgral bar 'dod pa'i snying rje de ni brtse ba ste/ de rgyur gyur bas gang la 'phags pas rjes su gzung ba de'i gzhung kho bos dgrol bar byas te/ de'i mdo'i rnam 'grel bya'o/ /gang gi phyir 'bras bu'i mtshan nyid ni 'dod ba yin la/ 'gro ba sdug bsngal dang bral ba yang kho bo 'dod pa yin no/ /de nyid kyi phyir ci ltar log pa'i shes pa las 'jug pa sdug bsngal gyi rgyu spang ba'i phyir yang dag pa'i shes pa bstan pa de bzhin du/ 'jig rten slob dpon la smod pa'i sdug bsngal gyi rgyu las bsgral ba'i don du de'i gzhung 'chad pa yin no/ /rnam par nges pa rang dbang du byas na ni phyogs kyi glang po'i zhal snga nas la rtog go mi shes so zhes skye bo mi mkhas pa dag slob dpon la smod par 'gyur la/ de yang nyer bsten te bsnyen par byas pa yang de yin la 'jig rten yang yin pa de rgyas mdzad de/ rgyas par byed pa'i ngang tshul can no/ /nye bar bsten pa'i bya ba la yang nye ba'i phyir rgyas mdzad nyid byed pa po yin no/ /byang chub sems dpa' ni rgyu med par byams pa'i phyir/ 'jig rten gyis don du ma gnyer yang sbyin pa la sogs pas 'jig rten bsten cing rnam par grol ba'i skal pa can du byas pas rgyas par byed pa yin no/ /gzhan gyi don la 'jug pa'i bdag nyid chen po de la cung zad smad na yang sdug bsngal gyi rgyu yin na/ chen po lta ci smos/ 'di la don ma yin pa skye ba zhes gang bshad pa yin no/ /rmongs pas te mi shes pas sgro btags nas smod pa'o/ /tshad ma rnam par nges pa las don nges pa'i phyir kun las btus ma bshad kyang rtogs pa ma yin nam/ kun tu rmongs pa de'i go skabs ji ltar yod ce na/ 'jig rten zhes bya ba la sogs pa gsungs te/ gsal ba ni nges pa'o/ /'jig rten blo gros blun po ste blo gros dman pa'o/ /'phags pas rjes su gzung ba de'i don ni kun las btus pa'i mdo'i mngon par 'dod pa'i brjod bar bya ba'i don gyi de kho na ste/ de'i gzhung 'jig rten 'dis mi shes pa'o/ /gang gi phyir tshig 'brel par dka' zhing mtshams sbyor gyi tshig nyung bas bshad kyang rtogs par dka' ba ni brling ba'o/ /yang zhes phyi dang nang gi mi shes pa'i rgyu brjod pa'o/ /gal te 'chad pa po brgyud pa'i man ngag kyang med la/ gzhung gzhan las don 'di lta bu rtogs kyang gzhung de la gzhag par mi nus na/ 'o na ni bshad kyang don 'di de'i 'dod pa ma yin pas ci ltar mu stegs can la 'di dag ni rtog ge shes pa ma yin no zhes de kho na nyid khong du chud pa don ma yin pa'i rgyur mi 'gyur ba bzhin du slob dpon la yang ste/ don ma yin pa'i rgyu ni rmongs pas mi shes par sgro 'dogs pa nyid yin pa'i phyir ro zhes dogs pa la/ gang la zhes bya ba la sogs pa gsungs te/ gang la dpal phun sum tshogs pa'i rgyu bsod nams kyi tshogs yod pa dang/ dri med blo mnga' ste dri ma dang bral ba'i blo yod pa de ji ltar na don phyin ci log tu shes pa'ang ston par 'gyur te /gang la la 'khrul par 'gyur ba de dag ni skal ba dang bral ba dang/ blo gros dri ma can dag kho na yin pa'i phyir ro/ /de yang gang yin zhe na/ sdig pa mi dge ba'i chos rnams las ring du song ba'i phyir 'phags pa ste/ bcom ldan 'das 'jam dpal gyis gang la rjes su gzung ba de 'di lta bu'i yon tan dang ldan pa yin no/ /nyid ces bya ba ni sprul pa dang 'khor btang bas ma yin pa'o/ /byon ces bya ba ni don du ma gnyer bar ro/ /slob dpon phyogs kyi glang po ri phug dben pa zhig na sgom ba la brtson pas gnas ba na/ gnas skabs 'ga' zhig du 'khor ba la yid byung nas sems can gyi don las gzhan du phyogs te / gcig pu grol bar 'dod pa na/ skad cig de la 'phags pa 'jam dpal byon nas /bu skye bo ngan pa dang rjes su mthun par sems sngar ba'i gzhan gyi dbang du gyur te/ sems can kun la phan par nus pa'i sems yod bzhin du ci'i phyir btang snyoms su byed ces gsungs pa dang/ lan du bcom ldan 'das 'khor ba ni bzod par dka' ba'i sdug bsngal du ma dang ldan pas bsran par mi nus la/ sems kyang dam pa ma yin pa'i skye bo la dga' bas g.yo bar spyod cing/ khyod mthong yang bdag la byin gyis ma brlabs na/ nga la ci zhig bgyir mchis gsungs pa dang/ lan du ji srid sa ma thob kyi bar du khyod kyi dge ba'i bshes gnyen ni nga nyid do zhes gsungs te/ mi snang bar gyur to/ /de ltar na byang chub la zhugs ba dang/ sems dpa' chen pos byin gyis brlabs bas na/ de ni bsod nams dang ye shes kyi tshogs dang ldan par nges par bya'o/ /da ltar tshigs su bcad ba 'dis rnam 'grel du byed pa'i rgyu bsgrubs bas rnam par nges pa tshad ma kun las btus pa'i bshad pa'i cha gzung bar bsgrubs pa yin te/ ji ltar slob dpon gyis gzhan dag gis sdug bsngal gyi rgyu spang bar bzhed nas tshad ma kun las btus pa'i mdo'i cha bshad pa de bzhin du/ gzhan dag gis log pa'i shes pa bzhin du sdug bsngal gyi rgyu spang par 'dod pa shes par bya ba'i phyir ro/ /kha cig na re phyed gong mas rnam par nges par zlos pa'i nyes pa spangs te/ gang gi phyir blo gros blun pos don gling pa nges par nus pa des na zlos pa'i skyon med pa'i phyir ro/ /phyed 'og mas kyang rang rgyud nyid spangs so zhes zer ba de ni shin tu ma 'brel te/ brtse bas kyang zhes bsdu ba med pa'i phyir dang/ rnam 'grel du bya bar bsgrubs pas kyang zlos pa'i nyes pa spangs pa nyid kyi phyir ro/ /gang yang 'di ni rnam par nges pa'i dgos pa yin no zhes zer ba de ni sdig pa bas kyang sdig pa yin te/ rnam par nges pa'i dgos pa ni gang gi dbang du byas nas 'di byed pa/ brjod par bya ba rtogs pa nyid yin la/ de yang gzhan gyis bsgrubs zin pa des na de'i don du yang de bya ba ma yin no zhes dgos pa med pa nyid du dogs par 'gyur ba de yang rnam 'grel du byed pa'i rgyu bstan pa nyid kyis spangs pa yin no/ /ci ste rang rgyud brnyas pa'i rgyu yin pas kun las btus pas bshad par byed pa rnam par nges pa brtsam par bya ba nyid kyi dgos pa ci zhig yin/ tshig tshad ma ma yin pas dgos pa bstan kyang bstan bcos nyan pa nyid las nges par bya ba ma yin nam/ 'dir dgos pa ston pa'i dag gis nye bar bya zhe na/ bden te de ltar na yang tshig las rtog pa dang ldan pa rnams the tshom skye zhing/ des na don du gnyer la/ de las kyang 'jug par 'gyur ba'i phyir ro/ /brjod par bya ba la sogs pa'i ngag med na ni 'di yi brjod par bya ba ni bya rog gis so bstan pa bzhin du 'bras bu med par dogs pa'am/ mdza' yas kyi gtsug gi nad thams cad sel ba'i rin po che'i rgyan gyi man ngag bzhin du yod kyang bsgrub par mi nus pa 'am/ mngag mar len pa'i man ngag bzhin du 'di nyan pa'i dgos pa ni mngon par 'dod pa ma yin no zhes dgos pa'am/ bstan bcos mnyan pa de bas kyang dgos pa de 'grub pa'i thabs sla ba gzhan yod do zhes don med pa'i the tshom gang yang rung bas kyang don du gnyer bar mi 'gyur te/ des na mnyan pa la 'jug par mi 'gyur ro/ /'brel pa la sogs pa brjod na ni don la the tshom bya ba rigs te/ bstan bcos byed pa bstan bcos kyi dang por brjod par bya ba la sogs pa phyin ci log tu ston pa la dgos pa cung zad kyang med pa'i phyir ro/ /de'i phyir dgos pa'i ngag bkod pa yin no/ /'chad pa po rnams ni brtse ba la sogs pa'i don du logs par ston srid kyi/ bstan bcos byed pa ni ma yin no/ /de'i phyir 'jug pa'i yan lag du don du 'gyur ba nyid kyi the tshom bskyed pa'i phyir / phan pa dang zhes bya ba la sogs pas dang por brjod par bya ba la sogs pa'i ngag gsungs so/ /ngag 'dis kyang brjod par bya ba'i dgos pa nyid ston to/ /ngag gi rang bzhin 'di thams cad ni sgra'i lus dang don gyi lus so/ /de la sgra'i cha ni don rtogs pa nyid dgos pa yin pas/ 'ga' zhig tu yang 'bras bu med pa ma yin par rang nyid kyis 'gyur ro/ /don gyi cha la ni don dang mi ldan pa nyid mthong la/ de lta bu'i don kyang brtsam par bya ba ma yin te/ rtog pa dang ldan pa'i rtsom pa thams cad ni dgos pas khyab pa'i phyir dang/ skyes bu'i don la nye bar mkho ba'i don kyang med pa'i phyir ro/ /de'i phyir bstan bcos brtsams pa 'bras bu dang bcas pa ston par byed pas/ brjod par bya ba'i dgos pa nyid bshad par bya ba yin no/ /gang gi phyir phan pa dang mi phan pa thob pa dang spong ba ni yang dag pa'i shes pa'i 'bras bu yin pa'i phyir de bstan pa'i don du 'di brtsam mo zhes bya ba la/ 'dir yang don gyis brjod pas brjod par bya ba dang/ byed pa dang nyan pa'i bya ba'i dgos pa dang/ 'brel ba dag kyang brjod pa yin no/ / don gyis brjod pa de yang dag gi cha'i dbye ba brtags pa 'ba' zhig gis ston te/ de zhes bya bas ni brjod par bya ba bstan to/ /bstan pa zhes bya bas ni dgos pa ste/ ngag gcig gi don du ma rang dbang du 'jog mi nus pa'i phyir ro/ /phan pa ni 'dod pa sgrub par byed pa'o/ /de las bzlog pa ni mi phan pa ste/ 'dod pa sgrub par byed pa ma yin pa dang/ mi 'dod pa sgrub par byed pa'o/ /de dag nyid blang ba dang spang bar bya ba yin la/ btang snyoms su bya ba yang dor bar bya ba nyid kyis spang bar bya ba kho na yin pa'i phyir mi phan pa yin te/ de'i phyir 'di dag las rnam pa gzhan yod pa ma yin no/ /'di dag nyid don du gnyer ba'i skyes bus spang ba dang blang bar bya ba'i phyir skyes bu'i don te/ 'dod pa dang mi 'dod pa yang yin no/ /'on kyang 'jig rten na gal te 'dod pa sgrub par byed pa la yang mi phan par grags pa da lta na yang/ 'dir ni 'di lta bu nyid la phan pa dang mi phan par 'dod do/ /gang gi phyir 'bras bu 'dod pas de'i sgrub par byed pa la shes nas 'jug la/ 'bras bu yang 'dod pa nyid yin te 'bras bu'i mtshan nyid ni 'dod pa yin no zhes gang 'chad par 'gyur ro/ /sgrub par byed pa de yang nges pa yin te/ de'i phyir sgrub par byed pa len par 'dod pa don du gnyer bas/ sgrub par byed pa dang sgrub par byed pa ma yin pa shes nas sgrub bar byed pa len pa dang/ sgrub par byed pa ma yin pa spong ba la 'jug go /de'i phyir don du gnyer ba rnams kyis spang ba dang blang pa'i don du shes pa sngon du 'gro ba'i 'jug pa rang gang yin pa de dag ni shes par byas nas spang ba dang blang ba'i dngos po la 'jug pa'i phyir/ 'dir ni 'dod pa sgrub par byed pa dang/ sgrub par byed pa ma yin pa tsam zhig phan pa dang mi phan pa yin no/ /des na 'di skad du sgrub par byed pa ma nges pas 'dzin par mi 'gyur ro zhes bya ba la sogs pas 'dod pa dang mi 'dod pa/ bde ba dang sdug bsngal gyi sgrub par byed pa thob pa dang spang bar bya ba ni yang dag pa'i shes pa las so zhes 'chad par 'gyur ro/ /de dag las thob pa ni phan pa len pa'o/ /spong ba ni mi phan pa spong ba'o/ /yang dag pa'i shes pa sngon du 'gro ba ni rgyu yin pas shes pa 'bras bu'i sngon du 'gro ba yin no/ /sngon du 'gro ba brjod pas ni bstan par 'os pa nyid brjod do/ /yang dag pa'i shes pa ni gnyis te/ gcig ni 'dod pa thob pa'i rang bzhin don byed par snang ba yin la/ de yang dpyad par bya ba ma yin te/ 'di ltar cung zad rnam par dpyod pa ni 'di ni spang bar bya ba'o/ /'di ni blang bar bya'o zhes bstan pa'i don du yin na de lta bu ni thams cad kyang don du gnyer ba rnams kyi blang bar bya ba kho na yin no/ /gzhan ni sgrub par byed par snang ba'o/ /gang gi yul la 'jug par 'dod pa slu bar dogs pa rnams kyis de la tshad ma 'am tshad ma ma yin par dpyad par bya ba yin pa'i phyir/ bstan bcos las bstan par bya ba yin no/ /gang gi phyir 'jug par byed pa thams cad ni bar du chod pa'i rgyu yin bas gags byed pa srid pa yin no/ /de bas na 'jug pa'i yan lag yin pa'i phyir / sngon du 'gro ba tsam yin gyi de ma thag pa'i rgyu ni ma yin no zhes brjod pa yin no/ /ji ltar spyad na gnas pa'i sa bon de ni bum pa bzhin du thams cad du myu gu'i rgyu nyid ma yin na zhes nus pa nyid bzlog pa de bzhin du yang dag pa'i shes pa ni log pa'i shes pa bzhin du don thob pa'i rgyu ma yin pa ma yin pas rgyur brjod pa yin no/ /gal te phan pa dang mi phan pa thob pa dang spong ba ni gzhan las kyang 'gyur ba ma yin nam/ yang dag pa'i shes pa de la su zhig gus par byed ces dags pa las gzhan las thob pa dang spong ba dgag pa'i phyir nges par zhes gsungs te/ yang dag pa'i shes pa kho na las 'gyur gyi gzhan las ni ma yin no/ /don thob par byed pa ni nges pa kho na ste/ gzhan ni ma yin la/ don thob par byed pa'i nges pa nyid kyang yang dag pa'i shes pa kho na yin no/ /the tshom gyi shes pa yang yod dam med/ bum pa 'am snam bu zhes gnyi ga'i cha la dmigs pa yin la/ gang zhig thob par bya ba gnyi ga'i bdag nyid kyi dngos po yang yod pa ma yin no/ /khyim na 'dug pa na khron pa na chu yod do zhes gcig gi char zhen par byed kyang/ nges par byed pa'i rgyu med pas chu med pa'i dgos pa ma bzlog pa'i phyir shes pa de ni the tshom kho na'o/ /gang yang rgyu mtshan med par me'i steng du sbrang bu'i tshogs 'dus pa la du bar nges pa las yang dag pa'i me nges pa de yang ngo/ /sbrang bu'i tshogs mthong ba lta zhog ste /bden pa'i du ba mthong yang rjes su dpag pa'i dus kyi snga rol du sbrang bu'i tshogs la sogs pa las log pa'i du ba'i rang bzhin nges pa ma rtogs shing/ ci srid rnam par ma phye ba de srid du me'i 'bras bur the tshom za ba'i phyir/ the tshom du gyur pa nyid yin no/ /du ba'i bye brag gi rang bzhin nges pa rnam par phyir zin kyang de'i dus na mi dran pa yin te/ dran na 'khrul par mi rigs pa'i phyir ro/ /me'i 'bras bur nges pa'i rang bzhin mi dran na yang dogs pa'i rgyu ma log pas sems dang ldan na ci ltar the tshom za bar mi 'gyur/ de'i phyir rang bzhin nges pa gtan la phebs pa'i du ba kho na las ma rtogs par 'gyur ro/ /gzhan las ni cha gcig tu gzung yang/ the tshom gyi rgyu ma log pas the tshom nyid yin no/ /des na thob pa dang spong ba ni yang dag pa'i shes pa kho na las yin no/ /tshad ma'i mtshan nyid yod na yang/ rab tu 'jug par byed pa'i shes pa la/ de las bshad pa'i tshad ma ni 'di yin no zhes bya bar/ don byed pa'i shes pa la sogs pa tha snyad kho na las nges par bya ba ma yin nam de ltar na yang mtshan nyid med kyang tha snyad kho na las rtogs par 'gyur ba yin te/ tha snyad las ni tshad ma nyid ces gang bshad pa yin no/ /tha snyad las mi 'grub par don dam pa'i tshad ma ni bshad par bya ba'i gtso bo ma yin te/ 'di ni kun tu tha snyad pa'i tshad ma'i rang bzhin rjod pa yin no/ /zhes 'chad par 'gyur ba'i phyir ro zhes dogs pa la/ mi mkhas pa rnams la zhes smos te/ mi mkhas pa de dag ni nyams su myong ba'i don la yang gzhan du zhen par mthong ste/ ji skad du khyab pa med dang ldog pa dag /spang ba'i don du zhes bshad pa lta bu'o/ /bstan bcos ni de dag la yin gyi mkhas pa la ma yin te/ de dag ni tha snyad kho nas nges pa'i phyir ro/ /de lta na yang mtshan nyid mi shes pa'i shing rta 'dren pa yang bstan bcos shes pa dang mtshungs par don byed pa grub pa nyams pa med pa ma yin nam/ de dag la yang bstan pas ci zhig bya zhe na/ don thob pa bye brag med pa bden na yang mthong ba'i tshad ma la rmongs pas ma mthong ba la yang 'phel bar byed pa de bas na bstan bcos ni rmongs pa bzlog pa yin no/ /mthong ba la yang tshad ma la rmongs pas tshad ma ma yin pa las 'jug na bslus par 'gyur ba yin te/ dper na 'di ni sngo bsangs yin te/ de'i bu yin pa'i phyir zhes bya ba lta bu ste/ des na bstan bcos ni mthong ba'i rmongs pa yang bzlog par byed pa yin no/ /de zhes bya ba ni yang dag pa'i shes pa'o/ /bsdu ba'i don la gtsor gyur ba ma yin pas gzung bar mi nus pa de ltar na yang bstan bcos la gtso bo yin pa'i phyir/ blo gzhan gyis rang dbang du rtogs pas 'dzin pa yin te/ dper na 'di gang gi khyim yin pa de khrid de shog cig ces bya ba lta bu'o/ /bstan pa'i don de dgos pa gang la yod pa de ni de'i don to/ /de yang gang zhe na/ byed pa po la bltos nas ni byed par rtsom la/ nyan pa po la bltos nas ni nyan par rtsom zhes bya bar sbyar ro/ /yang dag pa'i shes pa khong du chud par bya ba'i phyir/ bdag gis yang dag pa'i shes pa bstan par bya'o zhes bstan bcos byed la/ slob ma rnams kyi slob dpon gyis bdag cag rtogs par bya ba'i phyir ro zhes nges byas pa'i bstan bcos nyan par byed de/ de ltar na yang byed pa po byed pa'i dgos pa dang/ nyan pa po rnams kyi nyan pa'i dgos pa bshad pa yin no/ /shes pa la gnas pa'i don gzhan la ston par 'dod pas /gzhan du na don de pha rol la bsgrub par mi nus pa'i phyir de bsnyad par bya ba ma yin nam/ de ltar na 'dir mtshan nyid byed pa nyid ston pa po'i bya ba yin no/ /de'i phyir bstan pa ni bstan bcos byed pa yin pa des na 'di nyid bya ba'i don du 'di brtsom mo zhes bya bar 'gyur na/ de'ang rigs pa ma yin te/ 'di byed pa dang nyan pa ni tshad ma rtogs par bya ba'i phyir yin gyi/ 'di nyid byed pa'i don du ni ma yin zhe na/ sgra'i bya ba gtsor bya ba la bltos na ni skyon 'di yod pa bden te /gang gi phyir sgra'i brjod par bya ba'i gtso bo ni rtogs pa'i yul can gyi ston pa po'i bya ba yin pa des na de ltar rtogs par 'gyur ro/ /don gtso bor byas na skyon yod pa ma yin te/ gang gi phyir ston pa po rtsom pa 'di thams cad ni bstan par bya ba'i don du yin te/ 'tshed pa'i sgra la 'tshed pa'i bya ba gtso bo ma yin zhing chos pa gtso bo yin zhes bshad pa lta bu'o/ /de'i phyir 'chad pa'i bya ba dang ldan pa las rtogs ba yod pa yin no zhes brjod pa yin no/ /rtogs pa'i don du zhes brjod na ni zas la sogs pa'i gnas skabs kyi de'i don gzhan dang thun mong ba de'i don tsam zhig brjod par 'gyur ro/ /de ltar ni don 'di ltar rtogs par 'gyur te/ 'di byas pa las na slob dpon ni ston pa po yin la /nyan par byed pa rtogs pa po ni bstan par bya ba yin no/ /de ltar 'di byas pa dang nyan pa ni ston pa po'i bya bas byin gyis brlabs nas don rtogs pa yin te/ gzhan du ni ma yin no/ /de'i phyir 'doms par byed pa ni ston pa po yin no zhes bya bar 'gyur ro/ /'di zhes bya ba ni nang gi de kho na nyid du yongs su rdzogs pa don gyi bdag nyid kyi bstan bcos gzung ngo/ /de nyid kyi phyir dgos pa 'di ni rnam par nges pa de kho na'i yin te / kun las btus pa'i ni dngos su ma yin no/ /mdo dang rnam 'grel dag dgos pa gcig pa'i phyir de'i yang dgos pa 'di yin par don gyis brjod pa yin no/ /phyi rol gyi de kho na nyid sgra'i bdag nyid kyis ni byed par rtsom la/ thams cad kyi bdag nyid yongs su rdzogs pa las ni nyan par rtsom pa yin no/ /brtsam mo zhes bya ba ni da ltar gyi dus te/ nyan pa dang 'chad par rtsom pa ni yongs su rdzogs pa'i bar gyi yul lo/ /'dir yang de zhes bya bas brjod par bya ba bstan te/ de'i phyir bsgrub par mi nus par dogs pa spangs so/ /bstan ba zhes bya ba ni dgos pa ste/ de'i phyir mngon par 'dod pa ma yin pa dogs pa bsal to/ /de'i don du 'di brtsam mo zhes bya bas kyang sgra'i bdag nyid kyi bstan bcos 'di dang dgos pa thabs dang thabs las byung ba'i mtshan nyid kyi 'brel ba brjod de/ de'i phyir thabs gzhan yod par dgos pa gsal te/ gal te 'di bas kyang sla ba'i thabs gzhan yod na ni 'di brtsams par bya ba ma yin pa'i phyir ro/ /de ltar rtogs pa dang ldan par 'jug pa'i yan lag tu don yod par the tshom za ba'i rgyur bya ba la sogs pa bstan nas/ yang dag pa'i shes pa de ni zhes bya ba la sogs pa skabs rtsom par byed pa yin no/ /log par rtogs pa bsal nas de kho na nyid brjod pa ni bstan pa'o/ /log par rtogs pa yang/ yang dag pa'i shes pa'i grangs dang mtshan nyid dang/ spyod yul dang 'bras bu'i yul lo/ /de la re shig grangs la log par rtogs pa bsal ba ni/ de ni rnam pa gnyis te zhes bya ba'o/ /gang zhig thob pa dang spangs pa'i rgyu mtshan rnam par dpyad pa'i skabs kyi/ 'jug par byed pa'i yang dag pa'i shes pa de rnam pa gnyis yin gyi/ don byed par snang ba ni ma yin te/ da ni mngon sum can du zad pa'i phyir ro zhes bstan pa'i don du de zhes smos so/ /rnam pa gnyis ni 'di'i dbye ba'o/ /gal te mngon sum dang ni rjes su dpag ces brjod pas rnam pa gnyis 'thob pa de ltar na yang/ 'jig rten na don rtogs pa la yang grangs kyi tshig sbyor te /dper na snum bur dag ni gnyis so zhes bya ba bzhin no/ /rnam pa gnyis shes bya ba'i sgra yang grangs kyi don du yin no/ /yang na ni nges par bya ba'i don te/ rnam pa 'di gnyis kho na yang dag pa'i shes pa yin te/ 'dir ni re shig 'di tsam zhig brjod par zad kyi/ gzhan yang yod pa nyid do zhes dogs par mi bya'o/ /yang dag pa'i shes pa'i mtshan nyid kho na bye brag tu bstan par bya ba ma yin nam/ de'i grangs kyis ci zhig bya zhe na/ bden te mtshan nyid de nyid de? nyid gsal ba tha dad pa'i mthar thug pas/ gsal ba'i dbye bas ma bstan na mtshan nyid khyad par du bstan par mi nus te/ de'i phyir mtshan nyid bstan pa'i yan lag yin pas grangs kyi sgo nas rnam pa'i rab tu dbye ba brjod do/ /mtshan nyid kyi yan lag yin pa nyid kyis grangs dang por bstan to/ /mi 'dod pa bzlog pa'i don du mngon par 'dod pa gnyis ston te/ dbang po la brten pa'i don ni mngon sum mo/ /dbang po la brten pa nyid ni sgra bshad pa'i rgyu mtshan yin te/ sgra 'jug pa'i rgyu mtshan ni don gyi rang bzhin mngon sum du byed pa nyid yin te/ don mngon sum du byed pa'i shes pa nyid ni mngon sum du grags pa yin no/ /de ni shes pa'i gsal ba gcig la 'du ba'i phyir dbang po la brten pa nyid des mtshon nas 'jug pa'i rgyu mtshan du shes par byed de/ de'i phyir mngon sum bzhi ka la yang mngon sum gyi tha snyad du grub bo/ /dper na 'gro ba'i phyir ba lang ngo zhes bya ba la/ don gcig la 'du ba'i 'gro ba'i bya bas ba lang nyid mtshon pas 'jug pa'i rgyu mtshan du shes par byed de/ des na 'gro bas stong pa'i gong bu la yang de'i rgyu mtshan gyis ba lang gi sgrar grub pa bzhin no/ /gang gis rtags gzung zhing 'bral ba dran pa'i rjes la dpog pa de ni rjes su dpag pa'o/ /dang zhes bya ba ni stobs mtshungs pa nyid de/ yang dag pa'i shes pa nyid kyis rjes su dpag pa sdud pa'o/ /gang gi tshe rnam pa gnyis shes bya ba'i sgra nges par bya ba'i don yin pa de'i tshe ces bya ba'o/ /zhes bya ba'i sgra de ltar gyi don te/ de ni de ltar rnam pa gnyis yin te/ sgra dang nye bar 'jal ba la sogs pa'i sgo nas ni ma yin no/ /ci ste 'jig rten gyi don rtogs pa la grangs kyi tshig nyid yin pa de'i tshe zhes bya'o/ /yongs su rdzogs pa'i tshig ste/ yang dag pa'i shes pa ni 'di gnyis kho nar zad kyi gzhan ni med do zhes bya ba'o/ /gal te dngos po'i de kho na 'dzin pa nyid yang dag pa'i shes pa nyid yin nam 'on te bzung ba'i dngos po thob par byed pa yin/ gnyi ga ltar yang rjes su dpag pa dngos po me 'dzin pa'i phyir yang dag pa'i shes pa ma yin par 'gyur ro/ /ma gzung ba thob par byed pa nyid kyang yang dag pa'i shes pa yin na ni/ chu'i shes pa las kyang ma gzung ba'i smig rgyu thob pas 'ga' yang yang dag pa'i shes pa ma yin par mi 'gyur ro zhes dogs pa la/ 'dod pa'i yang dag pa'i shes pa nyid bstan pa'i phyir 'di dag gis shes par bya ba la sogs pa gsungs te/ gang gi phyir 'di dag gi slu ba med de/ dgag pa gnyis kyis mi slu ba zhes bya ba'i don to/ /de'i phyir 'di dag ni yang dag pa'i shes pa ste/ mi slu bar byed pa nyid yang dag pa'i shes pa yin no/ /ji ltar 'jig rten na khas blangs pa'i don dang phrad par byed pa mi slu ba yin pa de bzhin du shes pa yang bstan pa'i don dang phrad par byed pas mi slu bar blta bar bya'o/ /de'i don ni 'di yin te/ dngos po 'dzin par byed pas ni yang dag pa'i shes pa nyid ma yin gyi 'on kyang dngos po thob par byed pa nyid yin no/ /de gang las she na/ don bya ba la zhes gsungs te/ de la don ni gtso bo la sogs pa bsgrub par bya ba'o/ /de'i bya ba ni byed pa ste/ sgrub par byed pa'i bya ba'o/ / 'dir byed pa po nyid la brjod do/ /des na don 'di yin te/ bsgrub bya sgrub pa'i nus pa'i yul la mi slu ba de ni de la ltos nas thob par byed pa yin no zhes bya ba'i don to/ /gang gi phyir rtog pa dang ldan pa don du gnyer ba rnams kyis/ yang dag pa'i shes pa ci 'dra ba zhig don du gnyer ba de 'dra ba nyid kho bo cag gis kyang brtag par bya ba nyid yin la/ de dag kyang don byed pa bsgrub pa la 'jug pa na/ de thob par rung ba 'jug par byed pa'i shes pa nyid tshol gyi dngos po 'dzin pa tsam ni ma yin te/ don byed pa sgrub par byed pa ma yin pa'i phyir dang/ de thob pa yang ma yin la/ de thob pa'i thabs kyang ma yin pa'i phyir dang/ rnam par rtog pa rjes su dpag pa las kyang thob pa yod pa'i phyir ro/ /don byed pa thob pa'i rang bzhin don byed par snang ba'i shes pa gang yin pa de yang don byas zin pa nyid kyis rtog pa dang ldan pa don du gnyer ba rnams kyis brtag pa bya? ba ma yin pa'i phyir bstan bcos las kyang zhar? tsam du dpyad pa yin gyi de'i don du ni bstan bcos ma yin no/ /de'i phyir dngos po 'dzin pa nyid ni yang dag pa'i shes pa ma yin te/ 'on kyang de thob par byed pa yin no/ /gal te de ltar na yang mngon sum gyis gzung ba'i don ni thob par rung ba ma yin te/ skad cig ma nyid yin pa'i phyir ro/ /rjes su dpag pas gzung ba yang ma yin te/ dngos po med pa'i phyir ro/ /'di ltar rnam par rtog pa ni rang gi snang ba don med pa la don du zhen pa yin la/ rnam par rtog pa rnams kyi yul yang zhen par byas pa nyid yin te/ rnam 'grel las nges pa rnams kyi ma nges gang/ de ni ji ltar de dag yul zhes gang bshad pa yin no/ /sgro btags pa yang phyi rol gyi dngos por yod pa ma yin te/ de'i phyir tshad ma gnyis kyis don byed pa gang zhig thob par byed ce na/ 'jug pa na zhes gsungs so/ /tshad ma'i yul ni rnam pa gnyis te/ gzung ba ste so sor snang ba'i don dam pa 'am/ sgro btags pa dang zhen pa'i yul lo/ /de dag las shes pas gang la 'jug pa'i yul de la/ thob pas mi slu ba yin gyi gzung ba la ni ma yin no/ /gnyis kas kyang dngos po nyid la 'jug par byed de/ rnam par rtog pa de las ni dngos po nyid la 'jug go zhes gang bshad pa yin no/ /de'i phyir 'jug pa'i yul gyi dngos po thob par gnyi ga khyad par med pa yin te/ tshad ma gnyi ga dngos po'i yul can zhes 'chad par 'gyur ro/ /ma gzung ba 'jug pa'i yul yin na ha cang thal bar 'gyur ro zhes brjod pa spang pa'i phyir/ don yongs su bcad nas zhes gsungs te/ 'dis sngar yongs su bcad pa la bltos nas 'jug pa'i phyir/ nges pa dang 'jug pa dag rgyu dang 'bras bu nyid du bstan to/ /des na don yongs su gcod par byed pa'i shes pa nyid la 'jug par byed par brjod do/ / gal te yongs su bcad pa'i don nyid 'jug pa'i yul yin gyi gang yang rung ba ma yin pa de ltar na de rigs pa yin te/ de'i phyir yongs su bcad pa ni 'jug pa'i yul yin la/ yongs su gcod par byed pa ni 'jug par byed pa nyid yin no zhes bstan par 'gyur ro/ /gang gi phyir shes pas skyes bu lag nas bzung ste/ 'ga' zhig tu 'jug par byed pa ni ma yin gyi/ 'on kyang 'jug pa'i yul stan par byed pa yin no/ /de'i phyir yongs su gcod par byed pa nyid 'jug par byed pa yin par rigs so/ /yongs su gcod pa tsam 'jug par byed pa na yang gang gis dang po 'jug pa'i yul bstan pa de nyid kyis gzhan la ltos pa med par skyes bu bcug pa'i phyir rtogs pa'i don la tshad ma yod pa ma yin no/ /gal te khong du chud pa las 'jug par bya ba nyid gzhan yin na ni gzhan gyis khong du chud pa la yang 'jug par byed pa gzhan tshad ma nyid du 'gyur ba yin no/ /thob par byed pa nyid ni 'jug par byed pa las gzhan ma yin te/ gang gi phyir thob par byed pa'i shes pas don gyi yul du skyes bu gtor bar byed pa'am/ /skyes bu'i yul du don 'gugs pa ni ma yin te/ 'on kyang skyes bu 'jug par byed pa yin no/ /gang gi phyir shes pa la 'jug par byed pa las thob par byed pa'i bya ba gzhan med la/ 'jug pa yang khong du chud pa las gzhan ma yin te/ de'i phyir tshad ma thams cad ni ma rtogs pa'i don can kho na yin no/ /de nyid kyi phyir dang po'i mngon sum dang rjes su dpag pa skad cig ma nyid kyis don byed par nus pa'i dngos po'i rgyun nges pas 'jug pa'i yul du byed par nus pa'i phyir/ de'i rgyun tu gyur pa grub pa dang bde ba tha mi dad pa phyi ma rnams tshad ma yin pa spangs pa yin no/ /yongs su bcad pa'i don 'jug pa'i yul thob par byed pa ni tshad ma yin no zhes smras pa na dung la ser por shes pa dang/ nor bu'i 'od la nor bur shes pa dang/ shes pa'i rnam pa de lta bu gzhan dag kyang tshad ma ma yin par brjod pa yin no/ /de nges pas gzhan des so zhes bya ba ni ma yin te/ ha cang thal bar 'gyur ba'i phyir ro/ /yul dang dus dang rnam pa tha dad pa yang gzhan kho na'o/ /de dag kyang tha dad par byed pa yin pa'i phyir te/ gzhan du na tha dad pa med par thal ba'i phyir ro/ /dkar po yang ser po las tha dad pa yin no/ /rjes su 'gro ba dang ldog pa dag las don byed par nus pa yang sngon po la sogs pa'i khyad par kho na yin par mthong ngo/ /ldog pa'i rgyu mtshan gyis ngo bo nyid de nyid ni spyi'i chos su gnas pa yin la/ don byed pa'i rgyu mtshan gyi phyir ni yod pa nyid yin te/ gzhan du na don byed pa mi srid pa'i phyir ro/ /de gzung ba na gzung bar gyur pa 'khrul pas ma nges pa ni tshad ma gzhan gyis nges par byed pa yin gyi/ dper na dngos po'i skad cig ma nyid la sogs pa bzhin no/ /mang po rnams shes pa gcig la snang ba ni? ring po l a sogs pa'i dbyibs tshogs pa'i yul la rnam par gnas pa ni so sor snang ba'i chos yin gyi dngos po'i chos ma yin pa'i phyir dkar po ma bzung na de'i chos sam gzhan gyi chos kyi dbyibs ma bzung bas na slu ba yin pa'i phyir ser por shes pa ni tshad ma ma yin no/ /don thob pa ni 'jug pa gzhan las yin par smro'o/ /'jug par byed pa'i shes pas nye bar bstan pa'i don thob par 'dod pa'i bya ba dang lhan cig pa'i blo ni 'jug pa yin la/ de ni yod dam med kyang rung ste nges par byas pa'i dngos po de nyid la mthar thug pa'i phyir sngon po'i shes pa ni sngon du 'gro ba'i 'jug pa ni rnam pa gzhan thob pa'i rgyu mtshan ma yin no/ /'thob pa ni shes pa gzhan kho na las te/ tha na reg bya 'dzin par byed pa'o/ /des pa 'thob pa ni nges pa'i yul la 'khrul ba yin pa'i phyir te/ dper na chu'i shes pa las smig rgyu'i shes pa yin zhing/ des na de nyid nges par 'thob pa bzhin no/ /de bzhin du yul tha dad pa'i nor bu thob pa ni 'jug pa gzhan kho na las yin par shes par bya'o/ /'di rgyas par ni tshad ma brtag par blta bar bya'o/ /de ltar na yongs su bcad pa'i 'jug pa'i yul thob par byed pas yang dag pa nyid du 'di gnyi ga bye brag med do/ /de ltar na ni ci zhig ltar 'jug pa'i yul thob par mi byed pa gang yin pa de tshad ma ma yin par 'gyur na/ de yang rigs pa ma yin pas gang gi phyir tshad ma'i bya ba ni 'jug pa'i yul ston pa tsam yin no zhe na/ bden te ngo bo ma yin pa'i gcig tu don thob pa'i rang bzhin gyi shes pa phyi ma ni snga ma'i yang dag pa'i shes pa nyid ma yin te/ 'on kyang thob par nus pa nyid do/ /de nyid? thob par bya ba'i don las bdag nyid thob pa'i rgyu mtshan gyis yin pa'i phyir 'jug par byed pa ma yin pa gang yin pa de la yang don thob par rung ba yod pas na de'ang tshad ma kho na'o/ /nus pa des pa yang rjes su dpag pa dang don byed par snang ba'i mngon sum ni rang kho na las 'gyur ro/ /'jug par byed pa'i mngon sum yang la la ni rang kho na las te/ 'khrul pa'i dogs pa mdza' dag bsal nas rang bzhin gyi khyad par khong du chud pa gang yin pa'o/ /'di ltar sgron mas gsal bar byas pa na sngon po yang dmar po nyid dang/ mig ser gyis nyams pas dkar po yang ser po dang/ thag ring po nas chung ngu yang chen po dang/ gnyid kyis thams cad kyang phyin ci log tu mthong ste/ de'i phyir gang zhig rmi lam la sogs pas shes pa ma? gsung? pa dang/ yul nye ba dang/ gsal byed mi mthun pa ma yin pas dngos po gzung ba ni de'i rang bzhin myong ba nyid kyis don bden par nges pa 'gyur te/ de lta bur gyur pa ni 'khrul pa med par lan cig ma yin par mthang nas tha snyad goms pa las mtshon pa'i phyir ro/ /des na rang gi ngo bo las don med na mi 'byung bar grub pa'o/ /snga ma'i rang bzhin dang chos mthun pa las da ltar rtags pa rjes su dpag pa ni ma yin te/ don lkog du ma gyur pa'i phyir/ nor bu dang dngul la sogs pa'i gzugs rtogs pa bzhin no/ /de bzhin du me dang 'bral ba shes pa'i me ma mthong bar du ba la me'i 'bras bur rtogs pa yang rjes su dpag pa ma yin no/ /gang yang rjes su dpag par bya ba las ma 'das so zhes bya ba de ni rang dang gzhan gyi rgyud la yod pa nyams su myong ba ma yin pa'i blo'i dbang du byas nas brjod pa yin te/ yul nyams su myong ba las ma rtogs pa zhes gsungs pa'i phyir ro/ /gang yang rnam 'grel las/ rnam pa mtshungs pa las the tshom du 'gyur ro zhes brjod pa de ni dogs par 'gyur ba'i yul gyi shes pa'i dbang du byas nas bshad pa yin gyi thams cad la ni ma yin no/ /la la ni don med na mi 'byung gzhan las nges par byed do/ /gang gi na med na mi 'byung bar the tshom za ba/ don mi nges pa'i phyir tshad ma ma yin par 'gyur ba/ ji ltar rjes su dpag pa med na mi 'byung ba'i don mthong bas nges pa tshad ma yin pa bzhin tu/ mngon sum gyi tshad ma nyid kyang bdag nyid don med na mi 'byung bar nges par byed pa las ni ma yin te/ 'on kyang snang ba nges par byed pa las yin no/ /der thob par byed pa ni tshad ma yin la/ de yang 'jug par byed pa nyid yin gyi gzhan ni ma yin no/ /'jug par byed pa yang 'jug pa'i yul ston pa nyid yin par brjod de/ de na snang ba nges par byas pa ni bstan pa yin pa'i 'jug pa'i yul la tshad ma'i bya ba yongs su rdzogs pa yin no/ /gang yang snang ba dang 'gal ba'i rnam pa nges par gnod pa bskyed pa de ni tshad ma'i bya ba ma rdzogs pa'i phyir tshad ma ma yin te/ dper na smig rgyu 'dzin pa'i shes pa la tshur? nges pa 'jug pa bzhin no/ / med na mi 'byung bar the tshom za bas ni nam yang mngon sum gyi bya ba la gnod pa ma yin no/ /'ga' zhig yod par zhen par byas pa'i yul can ci me 'di bden nam 'on te ma yin zhes med na mi 'byung bar the tshom za ba 'di la yod/ bdag nyid thams cad gzhan las tshad ma yin no/ /yang 'ga' zhig lo ma la sogs pa dang ldan pa la sogs pa'i spyi shes pa la khyad par gyi yul la the tshom za ba dper na ci 'di rnga ba 'am 'on te pa la sha zhes bya ba lta bu de la yang spyi ni rang las yin la/ khyad par ni gzhan las yin te/ gang gi phyir mngon sum gyis don byed pa'i dngos po gzung nas shing ngo zhes nges pa yin la/ don byed par nus pa yang khyad par yin te/ des na 'jug pa'i yul du gyur pa'i shing gi rang bzhin ni khyad par nyid yin pas/ de la yang 'jug par byed pa de nyid yin no/ /de'i shing sha pa nyid kyi khyad par med na mi 'byung ba nges pa ni gzhan las yin no/ /ji ltar thun mong du gyur pa'i shing nyid ni khyad par gyi bdag nyid kho nas don byed pa yin pa de bzhin du sngon po la sogs pa'i thun mong pa skad cig ma nyid kyang/ sngon po la sogs pa nyid kyi rang bzhin gyis don byed pa yin no/ /de nas gal te mngon sum gyis skad cig ma nyid gzung ba yin na ni sngon po la sogs pa nyid kyi mthar thug pas de la tshad mar 'gyur te/ sngon po la sogs pa nyid kyis don byed pa'i phyir ro/ /khyad par 'dzin pa ni sngon po la sogs pa don byed pa mthong ba na thun mong du gyur pa skad cig ma nyid la sogs pa nges pa ma yin pa de'i mthar thug pas tshad ma ma yin te/ mthong ba'i dngos po la sogs pa kho nas don byed pa rdzogs pa'i phyir ro/ /de'i phyir spyi'i ngo bos don bya ba byed pa gzung ba nas khyad par gyi mthar thug pa ni tshad ma nyid gzhan las nges par bya ba yin no/ /khyad par gzung ba na yang so sor snang ba'i stobs kyis spyi des na ni de la tshad ma yin te/ dper na shing nyid la shing sha pa 'dzin pa bzhin te/ gzhan du ni tshad ma ma yin no/ /skad cig ma nyid ni de ltar khyad par ma yin zhing/ khyad par snang ba las nges pa yang ma yin te/ de'i phyir de 'dra ba ni tshad ma gzhan kho nas sgrub par byed do/ /de bzhin du reg pa la sogs pa lhan cig rgyu ba tha dad pa la yang blta bar bya'o/ /don byed pa'i shes pa 'ba' zhig las nges pa ni ma yin te/ 'on kyang gang med na mi 'byung ba'i don 'ga' zhig mthong ba las kyang yin no/ /rnam pa 'di lta bu'i the tshom ni thams cad kyang snang pa'i rang bzhin nges pa'i 'og rol du yin te/ de ma des na yul de la 'dzin pa mi rigs pa'i phyir ro/ /de'i phyir the tshom ni mngon sum gyi bya ba nges pa la yin te/ rnam 'grel las/ mngon sum gyi gzung ba dang ma gzung ba ni snang ba'i dbang gis yin no zhes bshad do/ /snang ba yang rang nyid nges pa'i rang bzhin de kho na bzhin du nges pa'i phyir med na mi 'byung ba'i the tshom ni phyis nas 'byung bas mngon sum gyi bya ba mi 'gog go/ de nyid kyi phyir don bzhin du rang nyid las nyams su myong ba nges pa'i don med na mi 'byung ba zhes bya ba'i rang gi ngo bo la yang mngon sum de nyid tshad ma yin no/ /gzhan las ni phyis 'byung ba'i the tshom sel ba 'ba' zhig tu zad do/ /'di ltar shes pa phyi ma gang yin pa des ni shes pa snga ma 'dzin pa ma yin no/ /rtags kyang ma yin te/ de skyes pa tsam gyis the tshom sel ba'i phyir dang/ khyab pa dran pa med pa'i phyir ro/ /gzhan du na nyams su myong ba'i yul gyi shes pa'i gsal ba shes pa phyis mas tshad mar rjes su dpag pa'i phyir yul nyams su myong ba las ma gtogs pa zhes mi gsung bar 'gyur ro/ /de'i phyir snang ba nges pas mngon sum gyi bya ba rdzogs pa yin no/ /rnam par rtog pa ni snang ba'i dbang gis yul rnam par 'jog pa ma yin te/ 'on kyang nges pa'i dbang gis te/ rnam 'grel las/ nges par rnams kyis ma nges gang zhes bstan to/ /de la rtags med pa'i rnam par rtog pa thams cad ni/ nges par byed pa med pa'i phyir gzhan du dogs pa ma bzlog pas the tshom za ba yin no/ /de yang ma nges par don yod par zhen pa yin la/ de 'dra ba'i don yang med pas thob par byed pa ma yin no/ /rtags las skyes pa ni dngos po 'am dngos po med pa cig tu nges par ston pa yin la/ de yang thob par nus pa yin pa'i phyir rnam par rtog pa'i tshad ma'i bya ba ni med na mi 'byung ba mthong ba las thob par bya ba'i don bstan pa yin zhing/ mngon sum gyi bya ba ni snang ba nges par byed pa nyid yin no/ /the tshom ni de'i bya ba dang 'gal ba ma yin gyi/ 'on kyang sgro 'dogs pa yin no/ /rnam 'grel las/ /gal te 'khrul pa'i rgyu mtshan gyis/ /yon tan gzhan sbyor mi byed na/ /zhes gang bshad pa yin no/ /des na goms pa ma yin pa ni tshad ma ma yin pa la 'jug pa yin no zhes gang bshad pa de ni ma 'brel pa yin te/ tshad mar ma nges pa las shes brjod par bya ba yin no/ /gang du gzhan las tshad ma yin pa de la 'jug pa dang gnyis phan tshun brten pa'i nyes pa ni yod pa ma yin te/ the tshom las kyang 'jug pa'i phyir ro/ /gang yang nye ba'i dngos po la mi slu ba las dbang po skyon med par nges shing/ des na tshad ma nyid du nges pa kho na las 'jug pa yin no zhes brjod pa de ni yang dag pa nyid ma yin te/ zla ba gnyis su snang pa'i dus na yang nam mkha' dri ma med pa la sogs pa la mi slu ba'i phyir te/ yul nges pa la 'khrul pa'i phyir ro/ /gang yang 'jig rten rgyang 'phan pa la rjes su dpag pa tshad ma nyid dang/ pha rol dang rnam par shes par smra ba dag tshad ma khyad par med par brjod pa'i don du/ 'di dag gis don yongs su bcad nas zhes bya ba 'di brjod pa yin no zhes zer ba de dag gnyi ga yang ma 'brel ba yin te/ 'jig rten rgyang 'phan pa dang rnam par shes par smra ba'i dbang du byas pa ni 'chad par 'gyur pa'i phyir ro/ /rab tu byed pa 'dir gang cung zad bshad pa de thams cad rnam par shes par smra ba la yang sbyar bar bya ba ma yin te/ don gyi mthu yis ni/ yang dag skye ba yin phyir ro/ zhes bya ba de lta bu la sogs pa rnam par shes par smra ba'i tshul dang mthun pa ma yin pa'i phyir ro/ /rnam pa gnyis zhes grangs nges pa ma bzod nas gal te zhes smras te/ mngon sum dang rjes su dpag pa dag las gzhan pa'i tshad ma yang khas blang ba'o/ /sgras bskyed pa lkog du gyur pa'i don gyi yul can gyi shes pa ni sgra'i tshad ma ste/ mngon sum don min dngos po la/ /sgra las skyes pa'i shes pa gang/ /zhes gang brjod pa yin no/ /lkog tu gyur gyur pa la 'dra bar yongs su gcod pa yang nye bar 'jal ba ste/ dper na ba men mthong ba las srog chags 'di dang 'dra ba ni ba lang ngo zhes lkog tu gyur pa'i ba lang la 'dra bar 'dzin pa'o/ /bstsogs pa smos pas ni don gyis go ba dang/ dngos po med pa yang gzung ngo/ /sgra la sogs pa 'di dag ni gzhal bya khong du chud pa'i phyir tshad ma nyid yin na/ nges pa de gang las she na/ tshad ma zhes smos te/ kho bo cag sgra 'am nye bar 'jal ba zhes bya ba'i ming la ni rtsod par mi byed do/ /'di dag ni nang na yang tshad ma yin pa ni 'di gnyis kho na'i nang du 'dul/ gang yang na 'du mi 'du ba de ni tshad ma ma yin te/ des na tshad ma rnam gnyis kho na'o/ /ci ltar bstan pa'i don thob par byed pa'i skyes bu mi slu bar byed pa ni tshad ma zhes grags pa de bzhin du/ shes pa yang bstan pa'i don thob par byed pa mi slu ba ni tshad ma yin no/ /yang dag pa'i shes pa yang mi slu ba nyid la brjod de/ des na tha dad pa med pas yang dag pa'i shes pa'i skabs su tshad ma zhes bshad do/ /de ni 'di ltar gzhan yin na ni tshad ma ma yin la/ tshad ma yin na yang gzhan ma yin no zhes dam bcas pa yin no/ /gzhal bya'i rang bzhin yongs su bcad pa'i dngos po thob par byed pa ni tshad mar brjod la/ gzhal bya yang tshad ma'i yul yin pa'i phyir tshad ma la yul dang ldan pas khyab bo/ /des na gang yul dang ldan pa ma yin pa de ni tshad ma ma yin te/ dper na nam mkha' i autpa la bzhin no/ /mngon sum dang rjes su dpag pa dag las gzhan pa'i shes pa yang yul dang ldan pa ma yin no zhes bya ba ni khyab par byed pa med pa'o/ /de bzhin du tshad ma'i dbye ba ni yul gyi dbye ba las yin te/ gang gi phyir tshad ma'i dbye ba ni rgyu mtshan dang ldan pa yin te/ rgyu mtshan med pa nyid na ha cang thal bar 'gyur ba'i phyir ro/ /rgyu mtshan gzhan yang mi 'thad pa'i phyir pha rol gyis kyang tshad ma rnams ni yul gyi byi dbye ba la brten pa yin no/ /yul la ltos nas kyang tshad ma 'am tshad ma ma yin pa'i phyir/ yul la ltos pa kho nas de dbye bar bya ba yin no/ /de'i phyir tshad ma'i dbye ba'i rgyu mtshan ni yul gyi dbye ba tsam yin pa'i phyir de'i dbye bas khyab pa yin no/ /des na gang zhig mngon sum dang rjes su dpag pa las tha dad pa'i yul can ma yin pa de ni de dag las gzhan pa'i tshad ma ma yin te/ dper na mngon sum dang rjes su dpag pa de nyid mngon sum dang rjes su dpag pa gzhan las ?/ dper na 'khrul pa'i shes pa bzhin no/ /tshad ma la yang mngon sum dang rjes su dpag par bya ba'i don las tha dad pa'i gzhal bya yod pa ma yin no zhes bya ba ni khyab par byed pa mi dmigs pa nyid do/ /gtan tshigs ma grub pa ni ma yin te/ gang gi phyir 'dir gzung ba'i yul gyi dbang du byas pa ni ma yin te/ rjes su dpag pa'i yul med pa'i phyir ro/ /'jug pa'i yul yang yod pa dang med pa'o/ /de las gang thob par nus pa'i yod pa de nyid tshad ma'i khyab par byed par nye bar gnas pa'i yul du 'dod do/ /ma dmigs pa yang med pa sgrub par byed pa ni dgag par bya bas stong pa'i sa phyogs la sogs pas bsdus pa thob par bya ba nyid ston par byed do/ /med pa'i tha snyad sgrub par byed pa yang tha snyad du rung ba yin pa'i phyir thob par bya ba'i yul nyid do/ /gang yang mngon sum ma yin pa ste/ thob par nus pa'i yul mngon sum ma yin pa'i don de ni 'dra ba'i bdag tu ste/ dpe la mthong ba dang thun mong du rtags kyi rjes su 'gro pa'i tshul gyis rtogs la/ de yang 'brel pa gzhan las 'gyur ba yin no/ /rtogs phyir ro zhes bya ba ni gtan tshigs te/ gang gi phyir mngon sum ma yin pa'i don de rnam pa gcig nyid du spyi'i tshul nyid kyis rtogs la/ de yang rjes su dpag pa yin te/ de'i phyir yul gzhan med pas yul can gyi tshad ma yang gzhan med de/ des na gtan tshigs grub pa'i phyir tshad ma gnyis kho na'o/ /gal te 'di snyam du de lta na yang don gang zhig rnam pa du mar rtogs par 'gyur pa de ni yul gzhan yin la/ gzhan gyi yul can yang tshad ma nyid yin no zhes dogs na/ don ni rnam pa gnyis nyid de mngon sum dang lkog tu gyur pa'o/ /zhes smos so/ /'dis ni 'di skad du mngon sum dang mngon sum ma yin pa dag ni phan tshun spangs te gnas pa'i phyir mngon sum ma yin pa las gzhan pa'i don ni mngon sum nyid do zhes ston par byed do/ /gang cung zad mngon sum ma yin pa de kho na tshad ma'i yul nyid ni ma yin gyi/ 'on kyang don byed par nus pa'i lkog tu gyur pa yin no zhes bstan pa'i don du mngon sum ma yin pa'i sgra'i don lkog tu gyur par brjod do/ /mdo las ni gang mngon sum ma yin pa ma yin pa de ni mngon sum nyid do/ /zhes phan tshun spangs te gnas par brjod pa'i don du mngon sum ma yin pa zhes smos so/ /'di snyam du rnam pa du mar rtogs par 'gyur ba/ mngon sum gang yin pa nyid la tshad ma gzhan gyi go skabs yod par 'gyur ro zhes dogs pa la/ mngon sum gyi 'dzin pa'i rnam pa nges par bstan pa'i phyir/ de la zhes smos te/ shes pa'i snang ba bdag gyi rjes su 'gro dang ldog pa'i rjes su mthun pa rtogs par byed pa'i don gang yin pa de ni mngon sum mo zhes sbyar ro/ /'dir yang rgyu dang 'bras bu'i dngos po tsam ni shes pa'i snang ba gang zhig yod pa dang/ med pa dag gi rjes su mthun pa zhes bya ba de tsam gyis rtogs par 'gyur ro/ /rjes su mthun par byed pa zhes sbyor bar byed pa po'i don brjod pa ni rgyu du ma nyid na yang so sor snang ba gang gi gzhan gyi dbang du gyur pa de mngon sum yin no zhes ci nas kyang rtogs par bya ba'i phyir ro/ /gzhan gyi dbang du gyur pa'i sbyor bar bya ba ni dbang po la sogs pa yod kyang mi 'byung la/ don yod na 'byung ba nyid kyi phyir de yod pa tsam gyis 'byung ba nyid so sor snang ba ni de la rag las pa yin gyi/ dbang po la sogs pa la ni ma yin no/ /de nyid kyi phyir don las ni de dang 'dra ba nyid ces de don gyis byas par brjod do/ /don gyi bdag nyid du zhen pas don gyi phyogs su bzhag pa'i phyir yang de dag 'brel pa yin te/ des na don mngon sum yin gyi/ gang la so sor snang ba rnam pa gnyis kyi ma 'brel pa'i dbang po la sogs pa ni ma yin no/ /sngon po ma yin pa las ldog pa'i rang bzhin ni mngon sum yin gyi skad cig ma nyid ni ma yin no/ /rang bzhin gang gis snang ba nges pa'i don gyi rang bzhin de ni mngon sum yin te/ nges pa ni de dang 'brel pa'i phyir ro/ /skad cig ma nyid kyis ni snang ba nges pa ma yin no/ /thab par bya ba yang 'dir 'jug pa'i yul nyid la nges par brtag par bya ba yin la/ 'jug pa'i yul yang nges pa nyid yin no/ /skad cig ma nyid ni dngos po la snang du zin kyang nges pa ma yin no/ /des na tshad ma gzhan gyis nges par bya ba yin no smig rgyu'i rang bzhin mtshan nyid gzung du zin kyang shes pa'i snang ba la smig rgyu'i rang bzhin du ma nges pa'i phyir smig rgyu mngon sum ma yin te/ rnam pa de lta bu gzhan dag kyang shes par bya'o/ /snang ba rjes su 'gro ba dang ldog pa'i rjes su 'jug pa'i mngon sum 'di nyid kyang rtogs par byed pa la ltos pa yin la/ shes pa'i rang bzhin gyi rtogs par byed pa'i snang ba gang gi rjes su 'gro ba dang ldog pa'i rjes su 'jug pa'i don de rtogs pa'i rnam pa ni 'di yin gyi gzhan ni med do/ /snang ba don gyi rjes su 'gro ba dang ldog pa'i rjes su 'jug pa'i shes pa la yang thams cad mngon sum yin te/ gzhal bya mngon sum pa nyid kyi phyir ro/ /de'i phyir gang zhig tshad ma du ma'i yul du 'gyur ba mngon sum gyi don la rnam pa du mar rtogs pa ma yin no/ /snang ba smos pa ni shes pa'i rgyu thams cad mngon sum yin pa bzlog pa'i don du'o/ /snang ba smos na ni shes pa gang gi rjes su 'gro ba dang ldog pa'i rjes su 'jug pa de mngon sum yin pa'i phyir/ dbang po la sogs pa mngon sum nyid du thal bar 'gyur ro/ /snang ba smos na ni shes pa'i khyad par la bstan par 'gyur la/ khyad par yang shes pa la rten pa'i lhan cig byed pa so so la tha dad pa yin no/ /snang ba'i mtshan nyid kyi khyad par de yang yul kho na las yin gyi/ dbang po dang de ma thag pa las ni ma yin no/ /de bzhin du shes pa ma smos na yang/ gang cung zad 'dra bar brtag pa'i rgyu mtshan de nyid mngon sum brjod par 'gyur la/ shes pa la gnas pa'i 'dra ba'i rgyu mtshan can yang/ mdo gsum yin par 'dod pa yin no/ /gal te dngos po log tu zin kyang rnam par rtog pa'i gnas skabs kyi dngos por snang ba'i mi ldog pa'i phyir ldog pa dang rjes su 'gro ba'i rjes su byed pa'i shes pa'i snang ba 'ga' yang med pa nyid ma yin nam/ dngos po nye ba na rtog pa ming pa'i shes pa la gnas pa'i snang ba mthong ba la 'di ni sngon po'i zhes zhen par byed pa gang yin pa'i rnam pa'i gnas skabs de nyid na/ sngon po nyid du nges par nyams su myong ste/ de'i phyir rtog pa med pa dang rtog pa dang bcas pa'i shes pa la gnas pa'i rnam pa sngon po nyid du nges par byas pa dag ni gcig pa yin la / gcig pas kyang dngos po la 'khrul pa'i phyir ji ltar rjes su 'gro ba dang ldog pa'i rjes su byed pa nyid las dngos po'i shes pa mngon sum nyid yin zhes dogs pa la / de ni thun mong ma yin pa'i dngos po'i rang bzhin te/ zhes gsungs so/ /don 'di yin te de dag tha mi dad pa zhen par byas pas ni gcig pa ma yin te/ gang gi phyir rnam par rtog pa med pa'i shes pa la gnas pa'i snang ba ni thun mong ma yin pa'i rang bzhin du nyams su myong ste / 'di ltar bum bzhi dag tu bum pa nyid du mkhyen par med de/ bum pa so so la snang ba khyad par can du yang dag par rigs pa'i phyir ro/ /rnam par rtog pa'i yul gyi rnam pa ni dngos po du ma la thun mong nyid du nges par byed de/ dngos po gcig la yang bum pa la sogs par brtags pa na/ rnam par rtogs pa'i snang ba nas skabs du ma'i thun mong nyid yin no/ /sngon sum gyi snang ba ni thun mong ma yin pa ste /phyir thun mong dang thun mong ma yin pa'i yul nyid kyis de dag tha dad pa yin no/ /thun mong ma yin pa'i yul du snang bas ldog pa dang rjes su 'gro ba'i rjes su 'jug pa'i dngos po ni mngon sum mo/ /yul de'i rang bzhin ma yin pa thun mong du snang bas dngos po'i rjes su 'gro ba dang/ ldog pa'i rjes su mi 'jug pa'i phyir snang ba gzhan dag tu rjes su 'gro ba dang ldog pa'i rjes su byed pa med par rtogs pa ni ma yin no/ /thun mong ma yin pa'i dngos po'i rang bzhin yang mngon sum du 'dod de/ thun mong ma yin pa brtags pa ni ma yin no/ /'di snyam du gal te thun mong dang thun mong ma yin pa nyid kyis/ snang ba tha dad pa dag tu rtog na/ dngos po gcig nyid la nye ba dang ring ba'i bye brag gis lta ba po gnyis kyi shes par ga? gsal ba dang mi gsal ba nyid du tha dad par snang ba yang yul dngos po gcig nyid du mi 'gyur ro/ /ci ste de la dngos po gcig tu lhag par zhen pa las yul gcig pa nyid yin na ni 'di la yang yul gcig pa nyid yod pa yin te /dngos po gcig tu lhag par zhen pa'i phyir ro zhes dogs pa la / thun mong dang thun mong ma yin par snang ba dag don byed nus pa dang/ mi nus pa dag gi tha dad par bstan pa'i phyir rang gi mtshan nyid do zhes gsungs te /thun mong ma yin pa'i dngos po'i rang bzhin gang yin pa de ni rang gi mtshan nyid de/ rang bzhin gang gis bdag nyid mtshon pa de ni rang gi mtshan nyid la /dngos po'i bdag nyid ni don byed nus pa'i rang bzhin gyis mtshon pa'i phyir de la rang gi mtshan nyid ces brjod do/ /de nyid de don dam par yod pa'i dngos po'i rang bzhin yin no/ /des na don 'di yin te /de dag snang ba ni don byed nus pa dang mi nus pa dag gis tha dad pa yin te /thun mong dang thun mong ma yin pa nyid ma yin gyis ni ma yin no/ / thun mong gi yul du snang ba ni don byed nus pa dang bral ba'i yul can yin la / cig shos ni de las bzlog pa yin no/ /de nas de dag ni yul gcig nyid ma yin te/ gcig ma yin pa nyid kyi rgyu mtshan ni 'di tsam du zad pa'i phyir ro/ /gsal ba dang mi gsal bar snang ba dag ni yul gcig pa nyid de/ don byed nus par khyad par med pa'i phyir ro/ /de'i phyir yul de snang ba ma yin pa 'khrul pas yul de'i rang bzhin du snang ba'i 'khrul pa ma yin pa'i phyir mngon sum nyid du rnam par gnas pa yin no/ /lkog tu gyur pa'i don yang rnam pa gcig nyid du rtogs pa bstan pa'i phyir /rab tu byed pa'i 'grel ba gzhan ni zhes gsungs so/ /'di ni 'di lta bur gyur ba'i don ni re shig mngon sum la/ de'i rang bzhin dang bral ba gzhan ni lkog tu gyur pa yin no/ /zhes lkog tu gyur pa'i don ni mngon sum spangs pas yod ba nyid yin par bstan to/ /mngon sum dang mngon sum ma yin pa de 'di nyid kyang rtogs pa po gcig la bltos pa'i phyir 'chol pa ma yin no/ /gzhan de yang rtogs par mi 'thad pa yin te /gang gis phyir mngon sum snang ba'i shes pa bskyed pa'i phyir sgo nas de la rang gi ngo bo gang yin pa 'jog pa ste /gtor pa'i nus pa de la yod pa ma yin te / de'i phyir 'di'i rang gi ngo bo rtogs par rigs pa ma yin no/ /gal te lkog tu gyur pa nyams su myong bar bya ba ma yin du chug na yang/ gzhan mthong ba na ma mthong ba yang rtogs par 'gyur ro zhe na/ gzhan mthong ba na gzhan ma mthong ba yang brtag par rigs pa ma yin no/ /ga las she na /ha cang thal bar 'gyur ba'i phyir ro/ /gang cung zad cig mthong ba la ma mthong ba thams cad brtag par bya ba nyid du 'gyur ro zhes bya ba ni ha cang thal bar 'gyur ba'o/ /gal te gzhan mthong ba na lkog tu gyur pa brtag par mi rigs pa yin na /'o na ni rjes su dpag pa yang tshad ma nyid du mi 'gyur te/ de yang lkog tu gyur rtogs pa'i rang bzhin yin ba'i phyir ro zhes dogs na/ de zhes bya ba la sogs pa gsungs te /mthong ba gzhan de med na mi 'byung ba nyid yin na ste/ mi 'khrul ba nyid yin na'o/ /skabs kyi rtogs par bya ba lkog tu gyur pa'i don ni 'brel ba can du shes par byas te/ rtogs par bya ba lkog tu gyur pa'i don la mi 'khrul ba'i don mthong ba las ni rtogs par rigs pa yin no/ /khyad par 'di nyid bstan pa'i don du yang zhes smos so/ /gal te med na mi 'byung ba mthong ba las kyang ldog tu gyur pa'i don rtogs pa yod pa ma yin te / dngos po 'di thams cad ni dngos po gzhan gyi 'bras bu yin la /rgyu dang 'bras bu'i dngos por ma grub pa la lkog tu gyur pa'i don du rtogs pa ni yod pa ma yin no zhe na /de ni zhes bya ba la sogs pa gsungs so/ /gang gi phyir mthong ba'i don gzhan de/ btso ba dang bsreg pa la sogs pa'i don byed pa ji lta bu'i rnam pa dang 'grel pa grub pa ste /rab tu grub pa de lta bu'i rnam pa nyid dpe la mthong ba dang 'dra bar phyogs gang du dngos po gzhan de mthong ba'i phyogs der nye ba nyid du go bar byed de/ khong du chud par byed kyi rang gi ngo bo mthong bar byed pa ni ma yin no/ /rnam pa 'dis kyang tshul gsum bstan te rtags su gyur pa'i dngos po de gang du mthong zhing tshad mas yul du byas pa der bsgrub par bya ba'i don nye ba nyid du go bar bya ba de nyid de dag gi chos can yin no/ /grub pa smos pas kyang rjes su 'gro ba dang ldog pa'i rang bzhin 'brel pa nges pa nyid du brjod pa yin no/ /des na med na mi 'byung ba ni sgron ma la sogs pa bzhin du rang gi ngo bo nyid kyis go bar byed pa ni ma yin gyi/ 'on kyang med na mi 'byung bar nges par byed pa nyid kyis de sgrub par byed pa'i yan lag tu brjod la/ dpe la mthong ba'i dngos po dang 'dra bar lkog tu gyur pa'i don nges pa ni spyi'i bdag nyid du zhen pa yin no/ /gzhan yang gal te 'jug pa'i yul ni nges par byas pa nyid du brjod la /nges pa'i yang spyi'i yul can yin pa'i phyir/ mngon sum yang 'jug pa'i yul la ltos na spyi'i yul can nyid yin pa de lta na yang mngon sum gyi rjes la byung ba'i zhen par byed pas don de rgyud gzhan gyi rang bzhin gyis dben par yul du byed la/ rjes su dpag pa'i nges pas ni 'jug pa'i yul du gyur pa'i rang gi mtshan nyid/ /rgyud gzhan las log pa'i tha dad pa'i bdag nyid khyad par can rnam par 'jog par mi nus te / 'brel pa 'dzin ba'i dus na mthong ba'i dngos po dang mtshungs pa'i rang bzhin la brten nas 'jug pa'i phyir ro/ /des na rang gi mtshan nyid kyang 'jug pa'i yul du nye bar bzhag pa na / nges par tha dad pa rgyud gzhan dang thun mong ma yin pa rnam par mi 'jog pa'i phyir rjes su dpag pa ni 'jug pa'i yul la ltos nas kyang spyi'i yul can yin no/ /mngon sum ni nges pa la ltos nas kyang khyad par gyi yul can yin no/ /rgyud gzhan med pa'i khyad par nyid du yul nges par byed pa yin pa'i phyir ro/ /'dir gzung bar bya ba la ltos nas spyi'i yul can nyid dam khyad par gyi yul can nyid ma yin te/ de ni skabs ma yin pa'i phyir ro/ /rang gi mtshan nyid yul yin na yang rtags ni spyi'i yul can du brjod de/ /tha dad gnas pa med pa'i phyir zhes 'chad par 'gyur ba'i phyir ro/ /'di 'dra ba'i spyi'i tshul du lkog tu gyur pa'i don rtogs pa'i rjes su dpag pa yin te/ des na tshad ma gzhan srid pa yod pa ma yin no zhes bya ba ni spyi'i tshul du don rtogs pa yang rjes su dpag pa nyid yin pa'i phyir zhes bya bas bshad do/ /de'i phyir tshad ma gnyis kho na'i tshad ma yin no// gal te 'di snyam du 'di 'dra ba'i rtogs pa rjes su dpag pa yin du chug na yang/ rnam pa gzhan ni tshad ma gzhan du 'gyur ro zhe na /gzhan du na rtogs par mi rigs pa'i phyir ro zhes gsungs te/ rnam pa gzhan du ni lkog tu gyur pa'i don mi 'khrul par rtogs pa med pa'i phyir ro/ /don 'di yin te/ gang gi phyir don ni rnam pa gnyis kho na ste /mngon sum dang lkog tu gyur pa'o/ /mngon sum ni de snang ba nyid kyis rtogs bar 'gyur gyi rnam pa gzhan du ma yin la/ /de yang mngon sum gyi tshad ma ma yin no/ /lkog tu gyur pa yang rtags kyi rjes su 'gro ba'i tshul gyis rtogs par 'gyur te /rtags la mi ltos pa'i rnam par rtog pa ni the tshom nyid yin pas de'i yul yang thob par mi nus te /gnyi ga'i bdag nyid kyang med pa'i phyir zhes bshad zin to/ /rjes su 'gro ba'i tshul du rtogs pa yang rjes su dpag pa yin no/ /des na shes pa gzhan la ni thob par bya ba'i yul 'ga' yang yod pa ma yin la/ tshad ma yin na yang yul gzhan yod pa ma yin pa'i phyir gtan tshigs ma grub pa nyid ma yin la / mngon sum dang rjes su dpag pa'i yul can nyid kyang/ de'i mtshan nyid kho na yin pa'i phyir/ ji ltar na tshad ma gzhan srid par 'gyur /sgra las byung ba la sogs pa dag las rnam pa gzhan du rtogs pa gang yin pa yang yod pa ma yin nam / ci ste sgra las rtogs pa yang rjes su dpag pa'i nang du 'du'o zhe na/ de ni mi rigs te/ gang gi phyir rjes su dpag pa ni tshul gsum pa'i rtags la rten pa yin la / rjes su 'gro ba dang ldog pa'i rjes su 'gro ba dang ldan pa'i sgra dag las lkog tu gyur pa'i don la 'khrul pa med par rtogs pa ni tshad ma gzhan yin no zhes bstan pa'i phyir 'de'i? zhes bya ba la sogs pa smos so/ /de'i? zhes bya ba ni mi bzod ba'i tshig ste/ sgra'i rtogs pa rjes su dpag pa'i nang du 'du'o zhes bya ba gang yin pa 'di ma bzod pa'o/ /gang gi phyir rjes su 'gro ba dang ldog pa'i bdag nyid kyi 'brel ba kho na ni rtags kyi mtshan nyid de /rang bzhin ma yin gyi 'on kyang tshul gzhan yang yod do zhes nges pa 'gog pa yin gyi 'brel ba rtags kyi mtshan nyid ma yin no/ /zhes brjod pa ni ma yin no/ /rang bzhin gzhan de yang gang zhe na/ gzung ba'i chos dang ldan pa'i chos can zhes smos te / bsgrub par bya ba dang sgrub par byed pa'i chos dag gi rten du gyur ba'i chos can la rtags yod pa gang yin pa'o/ /mthong ba zhes bya ba ni mthong ba'i yul can gyis yul yod pa ston par byed do/ /mthong ba ste tshad mas yul du byas pa'i yod pa nyid ni sgrub pa'i yan lag yin no zhes ci nas kyang rtogs par bya ba'i phyir ro/ /de ni sgra rnams la med pa'i phyir ldog tu zin kyang tshul gnyis pa 'di las rtogs pa nyid do zhes bya ba'i don to/ /yang ji ltar na phyogs kyi chos nyid med ce na/ gang gi phyir skyes bu chos can yin na ni de la sgra 'ba' zhig yod kyi don ni ma yin te /gnyi ga'i rten yang chos can yin pa'i phyir ro/ /sgra'i bye brag chos can la sgra'i spyi gtan tshigs kyang ma yin te/ de don dang lhan cig 'brel pa med pa'i phyir te /sgra don gyi 'brel ba ni brjod par bya ba dang rjod par byed pa la yin la/ khyad par yang rjod par byed pa ma yin pa'i phyir ro/ /sgra'i spyi chos can la sgra'i khyad par gtan tshigs kyang ma yin te / de yang snga ma bzhin du bsgrub par bya ba'i don dang ma 'brel ba'i phyir ro/ /ci ste yang don gyi khyad par chos can la don gyi spyi bsgrub byar rtog pa de lta na yang /don gyi khyad par dang sgra lhan cig brjod par bya ba dang rjod par byed pa'i dngos po med pa'i phyir phyogs kyi chos nyid du rigs pa ma yin no/ /don gyi khyad par grub na yang don gyi spyi grub pa'i phyir rtags nye bar blangs pa don med pa yin no/ /don gyi spyi chos can yin na yang bsgrub par bya ba khyad par dang/ rtags sgra 'brel ba med pa'i phyir rtags ma yin pa nyid do/ /chos can yang rtags kyi bya ba'i sngon rol tu grub pa yin pa'i phyir sgra sbyor ba'i sngon rol tu don grub na sgra sbyar bas ci zhig bya ba ma grub pa nyid yin na yang ji ltar chos can nyid yin/ de'i phyir sgra? rnams la phyogs kyi chos yod pa ma yin te /des na tshul gnyis kyi sgra las don 'khrul pa med par rtogs pa ni tshad ma gzhan yin no zhes bya ba ni gzhan gyi'o/ /'dir dpyad par bya ste / 'jug pa'i yul rnam par 'jog par byed pa ni tshad mar 'dod do/ /de la brjod par bya bar 'gyur ba'i phyi rol gyi don dang 'brel ba yod du chug kyang tshig las don rtogs pa'i shes pa skyes pa gang yin pa des ni /gang gis bum pa don du gnyer pa/ 'ga' zhig spangs nas 'ga' zhig la 'jug par 'gyur ba 'jug pa'i yul 'ga' zhig bzhag pa ni yod pa ma yin no/ /'di ltar yul gyi khyad par dang 'brel ba'i 'jug pa'i yul gyi dngos po dag ni skyes bu 'jug par spro'i/ bum pa'i sgras ni yul 'ga' zhig gis khyad par du byas pa'i bum pa ma bstan pa'i phyir ji ltar na de las 'jug par 'gyur zhes bstan pa'i don du /de dag de las ma mthong na zhes bya ba la sogs pa gsungs te/ sgra de dag bsgrub par bya ba'i dngos po dang 'brel bar rung ba'i phyogs kyi khyad par chos can de la mthong ba ma yin na/ gang la skyes bu 'jug par 'gyur ba don ci zhig bsgrub pa'i tshul gyis nye bar 'jog par byed/ 'ga' zhig tu rang gi dngos po mthong ba na der med na mi 'byung ba'i dngos po nye ba yin par ston pa ni 'jug pa'i yan lag tu byed pa yin na / skyes bu gang la sgra mthong ba de la ni don nye bar bsdu bar nus pa ma yin la/ phyogs la sogs pa gang du bum pa gnas pa der ni sgra ma mthong ste / des na sgra ni rang gi yul du bsgrub par bya ba'i don nye bar sdud pa ma yin pa'i phyir 'jug pa 'am ldog par byed pa ma yin no/ /de bzhin du gang zhig spong ba'i bdag nyid kyi 'jug pa'i yul du 'gyur bsgrub par bya ba'i don gyis dben pa'i phyogs 'ga' zhig ston par byed pa yang ma yin no/ /'o na zhes bya ba ni mi bzod pa'i tshig ste /sgra gang zhig phyogs kyi chos dang bral bas na phyogs 'ga' zhig mi bsgrub cing/ 'ga' zhig tu 'ga' zhig 'gog pa ma yin pa'i phyir 'jug pa dang ldog pa'i yan lag sdud pa ma yin pa tshad ma nyid du bdag gir byed ces bya ba de mi bzod pa'o/ /cig shos kyis kyang sgra rnams rjes su dpag pa dang mtshungs par mthong nas gang zhes bya ba la sogs pa smos te / gang zhig dang sgra sngar 'brel bar mthong ba de la dran par byed de/ des na de dag tshad ma yin no/ /gal te dran par byed pa yin pa'i phyir tshad ma ma yin na ni rjes su dpag pa yang tshad ma ma yin par thal bar 'gyur te / de yang sngar mthong ba'i yul can nyid yin pa'i phyir ro/ /ci ste yang dran par bya ba de la yul gyi khyad par dang 'brel pa snga na med pa rtogs par byed do zhe na/ sgra las byung ba'i rtogs pa yang yul gyi khyad par dang 'brel pa yod do/ /ngan par bya ba'i yul nges pa ma yin pa'i phyir ro zhe na /ma yin te der yang dran pa'i yul dang dus kyi khyad par dang 'brel ba'i phyir ro/ /dngos po la brten pa'i yul gyi khyad par dang 'brel ba yang dran pa la brten pa'i yul gyi khyad par dang 'brel ba las bye brag cung zad yod pa yin no/ /thams cad du rtags kyi bsgrub bya las snga na med pa cung zad cig rtogs par bya bar brjod par bya ba yin la/ de yang gnyi ga la khyad par yod pa ma yin pa'i phyir ro/ /gang gi phyir sgra dang rtags dag mthong ba tsam la dran pa bskyed pa'i bya ba la ni bye brag yod pa ma yin no/ /yul dang dus kyi khyad par yang don gyi shugs las yin te/ yul dang dus gzhan na gnas pa'i mes ni yul de na gnas pa'i du ba skyed par mi byed pa'i phyir/ don gyi shugs kyis khyad par rtog pa de bzhin du 'di la yang yul gyi khyad par dus kyi khyad par na gnas pa'i sgra lam dran bzhin pa'i don de yul gyi khyad par dang dus kyi khyad par du dran pa'i spyod yul du 'gyur ba'i phyir/ khyad par 'ga' yang yod pa ma yin no/ /sgra'i yul dang dus na gnas par bya ba dran par bya ba yin pa'i phyir /yul dang dus gzhan du mthong ba dran pa'i yul dang dus kyi khyad par dang 'brel bar 'gyur ro/ /de nyid kyi phyir dran pa'i rang bzhin gnyi ga snga na med pa rtogs par yang bye brag med pa'i phyir gnyi ga yang tshad ma 'am/ tshad ma ma yin par 'gyur ro zhe na/ slob dpon gyis sgra dang rtags med par yang dran pa 'di 'dra ba bstan pa'i sgo nas sgra rnams tshad ma ma yin par bstan pa'i phyir/ sgra dang rtags med par zhes bya ba la sogs pa gsungs te /ci zhig ltar zhes bya ba ni 'ga' zhig tu bsgrim pa la sogs pa'o/ /rang nyid ces bya ba ni sgra dang rtags med par dran pa'o/ /mi 'gyur ram ci/ ci skad du bshad pa'i khyad par dang ldan par 'gyur ba nyid do/ /bsam pa ni 'di yin te /ji ltar de tshad ma ma yin pa bzhin du sgra las skyes pa yang ngo zhes bya ba'o/ /'dir rgyu la gzhan dag snyoms par byed de /re shig dran pa 'di 'dra ba ni rjes su dpag pa'i dran pa las khyad par yod pa ma yin no/ /ji ltar dran pa 'di 'khrul pa de ltar ni rjes su dpag pa'i dran pa la yang 'khrul pa yod pa nyid do/ rang nyid dran par byed pa yang 'bad rtsol la sogs pa las du ba med par dran par 'gyur ba kho na'o/ /de yang sgra'i dran ba bzhin du rjes su dpag pa dang mtshungs pa yin te/ des na de yang tshad mar khas blang bar bya ba 'am/ rjes su dpag pa yang tshad ma ma yin par 'gyur ro zhes slob dpon rang nyid kyis dogs pa bsu nas/ gnas skabs 'di gnyis la zhes gsungs te/ sgra dang 'bad rtsol la sogs pas dran pa'i gnas skabs 'di gnyis la bye brag kyang yod dam ci /'di skad du smras pa yin te/ dran pa'i gnas skabs 'di gnyi ga yang dran par bya ba'i dngos po la brten pa'i khyad par cung zad kyang yod pa ma yin no/ /des na gnyi ga yang bye brag med par tshad ma 'am tshad ma ma yin par 'gyur gyi/ kho bo cag gi ni dran par bya ba'i dngos po la brten pa'i khyad par che ste / gang gi phyir gang du du ba mthong ba der dang skyed bar byed pa'i me mi ldan pa rnam par bcad nas 'jog pa nas 'jug pa'i yan lag tu byed pa yin te / yul gzhan na gnas pa'i mes yul de na gnas pa'i du ba mi bskyed pa'i phyir ro/ /des na rang skyed par byed pa ston pa na/ yul de na gnas pa'i me ston par byed pa yin la /de yang 'jug pa'i yan lag yin gyi 'bad rtsol las me dran pa ni snga na med pa'i yul dang dus kyi khyad par dang/ 'brel ba'i mi 'jug pa'i yul du byed pa ma yin no/ /des na snga na med pa'i yul dang dus kyi khyad par dang 'brel ba ma nges pa ni sgrub par byed pa ma yin pa'i phyir ro/ /tshad ma ma yin pas sgra dag kho na tshad ma ma yin no / zhes 'jug bsdu ba'i phyir/ de'i phyir 'di dag yul lam dus 'ga' zhig tu zhes gsungs te/ sgrub pa'am 'gog pa mi byed pa ste dngos po dang dngos po med pa dag ma 'brel ba rnam par mi gcod pa/ ji ltar 'ga' zhig gi tshad ma ma yin te/ 'jug pa'i yul ston par byed pa ma yin no zhes bya ba'i don to/ /'di snyam du dag gi khyad par ni 'jug pa'i yul rnam par 'jog pa'i phyir tshad ma yin te /'di ltar phyogs ga ge mo zhig na bum pa yod do/ /zhes yul gyi khyad par ma 'brel pa rnam par bcad nas bum pa 'jug pa'i yul du rtogs par byed do zhes dogs pa la/ de dag las zhes smos te/ ngag? tu gyur pa de dag las spang ba dang blang ba'i mtshan nyid kyi don 'jug pa'i yul du gyur pa 'grub pa ma yin no/ /'di ltar de dag gis mngon sum bzhin du don gyi rang gi ngo bo nyid mthong ba ni ma yin na gang zhig 'jug pa'i yul du 'gyur/ des na dogs pa ma bsal ba'i sgra 'di dag pas yod dam 'on te med ces don gcig tu nges par rtogs la thob par bya ba'i dngos po ma nges pa'i don kyang yod pa ma yin te / des sgra nye bar gzhag pa brtags pa'i don la spang ba 'am spang bar bya ba yod pa ma yin pa'i phyir/ de dag las don 'grub par ga la 'gyur / 'jug pa na yang sa la mi 'dzul bas na gdon mi za bar gang las cung zad cig thob par 'gyur ba 'thob pa'i rgyu mtshan gyi shes pa gzhan skye ba yin no/ /'di snyam du gal te rang gi ngo bo snang ba ma yin du chug kyang ci du ba la sogs pas me bzhin du yul de la nges pa tsam yang skyed par mi byed dam zhe na/ de dag der 'brel ba ma grub pa'i phyir ro zhes smos te /sgra de dag phyi rol gyi dngos po der de'i bdag nyid dang de las byung ba'i mtshan nyid 'brel ba ma grub pa'i phyir ro/ /'brel ba med pa'i dngos po gzhan mthong ba nang gi ngo bo snang ba ma yin pa'i dngos po gzhan nges par rigs pa ma yin te/ dogs pa ma bzlog pa'i phyi rol gyi don med kyang de la ngag? sbyor ba mthong ste / dper na chu klung gi dogs na bu ram gyi shing rta gang la ba yod do/ /zhes bya ba 'brel pa med pa bzhin no/ /ngag? gi skabs kyi skyon 'di ni tshig la yang mtshungs pa yin te /'di ltar don de yod pa ma yin yang de'i tshig sbyor bar mthong ba'i phyir ro/ /tshig gi don rnam pa thams cad du med pa ma yin no zhe na/ de de ltar bden na yang dper na me dang du ba bzhin du sgra rnams blo'i bar chad la mi ltos par dngos po dang lhan cig 'brel pa ni ma yin te/ 'on kyang blos bar du chod pa nyid do/ /'di ltar don yod na de mthong ba yin la /de las de bstan pa'i bsam pa 'byung zhing /de las brjod par 'dod pa de las ni sgra 'byung ba yin no/ / de'i phyir gang gi tshe mngon par 'dod pa'i don mthong ba 'am/ rtogs pa'i bsam pa med par tshig sbyor ba de'i 'khrul pa yin la don gzhan bstan par bsams pa na yang gsal bar 'khrul pa yin no/ /sngar ni de ltar sgra rnams bsgrub par bya ba dang 'brel ba khas blangs nas phyogs kyi chos nyid med pas tshad ma yin pa spangs pa yin la/ de lta ni med na mi 'byung ba de nyid rtsa ba dang bcas te sun phyung ba yin no/ /'o na rjes su dpag pa'i nang du ji ltar 'du bar 'gyur zhing gang zhig la 'di dag tshad ma yin zhe na/ smra ba po zhes bya ba la sogs pa smos te /smra ba po'i 'dod pa'i don ni 'dod pas yul du byas pa yin la /de yang snang ba dang brtags pa gcig tu byas pa'i phyir rang gi mtshan nyid kyang yin mod kyi de la ni tshad ma yin pa sngar ba dag bas lhag par gyur pa phyi rol tu zhen par byas pa'i rnam par rtog pa'i snang ba nyid la mngon par 'dod pa'i don du brjod pa yin no/ /snang ba de yang shes pa las tha dad pa ma yin te/ des na bstan par bya ba'i don du snang ba /brjod par 'dod pa kun nas slong bar byed pa'i rnam par rtog pa'i rnam par shes pa nyid la de skad du brjod pa yin no/ /bstan par bya ba'i don du snang ba de nyid rjes su dpag par bya ba yin kyi brjod par 'dod pa tsam ni ma yin no/ /zhes bstan pa'i don du 'dod pa'i don zhes brjod de/ gzhan du na brjod par 'dod pa zhes smra bar 'gyur ba'i phyir ro/ /go bar rung ba'i zhes bya ba 'di ni srid pa'i tshig ste / sgra rnams kyis ni don ston pa'i bsam pa rjes su dpag par nus srid kyi phyi rol ma yin no zhes bya ba'i don to/ /yang na nus pa'i don te /'dod pa'i don go bar nus zhes bya ba'i don to/ /de ga las she na/ / smras pa bum pa khyer shog ces bya ba'i ngag gi don snang ba'i sems dpa' las ni brjod par 'dod pa 'byung la/ de las gnas dang byed pa phrad cing de las sgra skye ba yin no/ /de las sgra brjod par 'dod pa de srid du gnas dang byed pa phrad pa'i sgrub par byed pa'i rgyu 'khrul pa med pa yin no/ /ngag? brjod par 'dod pa med par ngag? so so dang/ tshig dang yi ge so so'i gnas dang/ bye ba phrag pa ni ma yin te /'on kyang ngag? brjod par 'dod pa goms pa'i rjes su mthun pa las 'ga' zhig la gnas dang byed pa tshogs pa'i rgyu mtshan gyis shes pa'i rgyun 'phen par byed pa 'ba' zhig tu bzang ngo/ /gang gi phyir gzhung goms pa 'don par brtson pa na/ gnyid kyi rtsom pa ma yid non kyang sgrib pa med par yongs su ma rdzogs pa 'don pa nyid kyi phyir ro/ /'khrul pa med pa'i brjod par 'dod par rjes su dpag pa'i 'bras bu ni srog chags tsam du rtogs pa yin la /de yang 'dir slob dpon gyi bzhed pa ma yin gi de'i sgrub par byed pa don du snang ba'i bsam pa de ni 'dir rjes su dpag par bya bar bzhed pa yin no/ /brjod par 'dod pa'i bsam pa de yang smyos pa dang/ gom pa dang lung 'don par 'dod pa las kyang 'jug pa/ don gzhan bstan par 'dod pas kyang 'jug pas de la sgrub par byed pa mkhas pas / 'di ni smyos pa dang goms par 'dod pas don med par smra ba yang ma yin la/ lung 'don par 'dod pas tshig gi dngos po'i ngo bo tsam smra ba yang ma yin gyi / 'on kyang don ston par 'dod pa kho nas yin no zhes tshad ma gzhan las nges par byas te /gzhan du rjes su dpog pa med pa'i phyir ro/ /mkhas pas brda gcig la gnas pa'i smra ba po rnam pa 'ga' zhig las shes par bya zhing don gzhan bstan par bsam pa las skyes pa'i sgra yang shes par bya ba yin no/ /de yang smra ba po'i rang bzhin yongs su shes pas mi gsal ba dang/ myur ba dang dman par brjod pa las shes par 'gyur te /gzhan bstan par 'dod pa las ni sgra mi gsal ba 'am / dman pa 'am myur bar brjod pa'i phyir ro/ /smra ba po'i gnas skabs kyi khyad par de tshad ma gzhan las shes shing mngon par 'dod pa dang mngon par 'dod pa ma yin pa'i don bstan par bsams pa las skyes pa'i sgra yang shes pa las / bsam pa khyad par can gyi don gyi rnam pa gsal ba kho nar rjes su dpog pa'i phyir ro/ /gzhan du na rjes su dpag par mi nus te/ ji skad du shin du rnam par phye ba'i rnam pa can gyi 'bras bus ni rgyu 'khrul pa med do zhes bshad pa yin no/ /gang yang bsam pa gzhan las skyes pa'i sgra 'ga' yang yod pa ma yin te /rgyu las 'bras bu 'khrul pa med pa'i phyir ro/ /'on kyang don de nyid bstan par bsal ba kho na las yin la/ bsam pa de yang yang dag par rig kyang mtshon pa ma yin pa'i phyir ro zhes zer ba de ni rigs pa ma yin te/ 'di ltar bum pa bstan par bsam pa las de'i 'og tu 'khrul pa'i rgyu mtshan 'ga' zhig las snam bu bstan par 'dod pa byung zhing de las sgra 'byung ba na/ bar du skyes pa'i bsam pa de ji ltar na nye bar mi mtshon zhes bya /gang gi phyir rnam par rtog pa 'di dag ni yang dag par rig pa ma yin pa ni ma yin te/ zhes gsungs pa yin no/ / gal te 'bras bu gcig nyid du nges pa yin na/ don du ma bstan par bsam pa las skyes pa'i sgra yang yod par ji ltar 'gyur/ gang yang bsam pa gnyis las skyes pa'i bum pa'i sgra ni tha dad pa kho na ste /dper na sa bon dang sdong bu las skyes pa'i chu shing bzhin no zhes zer ba de yan rigs pa ma yin no/ /dngos kyi rgyu tha dad na ni 'di dag tha dad par 'gyur pa yin te/ dper na chu shing de dag nyid bzhin no/ /sgra'i dngos kyi rgyu ni gnas dang byed pa phrad pa yin la/ de'i rgyu ni brjod par 'dod pa de'i yang rgyu bstan par sems pa yin no/ /don dang ldan pa dag la sdon dang mi ldan pa'i sgra la yang tha dad pa cung zad kyang ma mthong ngo/ /de'i phyir brjod par da 'dod pa tha dad pa las ni gnas dang byed pa phrad pa tha dad la/ de las sgra tha dad pa yin no zhes bya ba gang yin pa 'di nyid 'dir rigs pa yin gyi /brjod par 'dod pa ni gang gi tshe bsam pa'i rim pas sbyar ba de'i tshe don yod dam med kyang bla ste/ ston par sems pa dag las sgra mtshungs par yin zhing/ don gzhan bstan pa'i bsam pa la gnas pa na yang 'khrul pa'i rgyu mtshan 'ga' zhig las go rims btang nas 'dod par bya ba ma yin pa yang brjod par 'dod pa 'byung ngo/ /des na sgra tha dad pa ni gnas dang byed pa'i tshogs pa tha dad pas yin pa'i phyir bshad pa snga ma nyid legs pa yin no/ /gang yang byed pa'i yon tan dang brjod par 'dod pa nyid dag rjes su dpog par byed nga? zhes bshad pa de ni 'dod chags ni rgyu ma yin gyi 'on kyang brjod par 'dod pa yin no zhes bstan pa'i phyir gyi / don rtogs pa'i bsam pa 'gog pa ni ma yin no/ /des na bar ti ka las 'di skad ces / don gang blo la rab gsal ba/ /de la sgra na tshad ma nyid ces gang bshad pa yin no/ /sgra bsam pa'i 'bras bu yin pa nyid kyis rjes su dpog pa yin gyi /rjod par byed pa nyid kyi phyir ni ma yin te / sgra las shes pa brjod par bya ba'i tshul nyid kyis rtogs pa'am/ de la brdar byas pa ma yin pa'i phyir ro/ /'o na rjod par byed pa nyid du ji ltar 'gyur zhe na/ 'di la ji ltar me dang du ba med na mi 'byung ba nyid du dngos po la gnas pa bzhin du de lta bu'i dngos po med kyang brda'i dus na de dag gis sgra don med na mi 'byung bar rang gi mngon pa'i nga rgyal gyis bzung ba yin no/ /de la sgra rang gi mtshan nyid thob pa las sgro btags pa yin yang/ sgra rnams don dam par med na mi 'byung ba nyid du rtogs la / de las kyang mthong ba dang brtags pa'i don dag gcig tu byas nas phyi rol gyi don la med na mi 'byung ba nyid du sgro brtags nas brjod par bya ba nyid du rlom par byed do / des na sgro btags pa'i rang bzhin gyi rjod par byed pa las /sgro btags pa'i rang bzhin gyi brjod par bya ba rtogs pa yin gyi /don dam par rang gi mtshan nyid dag brjod par bya ba dang rjod par byed pa'i dngos po ma yin no/ /des na brda' dang lhan cig pa'i sgra las sgro brtags pa'i rjod par byed pa rtogs la/ de las kyang sgro btags pa'i rang bzhin gyi brjod par bya ba rtogs te /de rtogs pas kyang sgra'i rjod par byed pa'i bya ba yongs su rdzogs pa yin no/ /bshad pa'i don gyi spyi'i rnam pa smra ba po'i bsam pas bsdus pa brda'i dbang gis skyed par byed pa nyid du nges par byas pa ni sgra thos pa las rtogs par 'gyur ro/ /de'i phyir sngar ni sgro btags pa la brten nas brjod par bya ba dang rjod par byed pa yin la/ phyis ni rang gi mtshan nyid kho na las skyed par byed pa'i bsam pa rjes su dpog pa'i phyir ro/ /de ltar zhes bya ba don khyad par can gyi bsam pa dang ldan pa nyid du rtogs par bya b a'i chos can smra ba po de nyid yin zhing bsam pa'i khyad par bsgrub par bya ba yin la sgra ni sgrub par byed pa yin pa'i phyir bsam pa rjes su dpag par bya ba la bltos nas rjes su dpag pa'i nang du 'du ba yin gyi bstan par bya ba bltos na ni sgra rnams tshad ma ma yin no zhes bya bar gnas so/ /de yod na yod pa dang mi dmigs pa zhes bya ba la /de yod pa nyid na yod pa zhes nges pa zhes nges pa kho nas 'byung ba'i bsdu ba yin pa'i phyir rjes su 'gro ba dang ldog pa smos pa yin te/ des na rjes su 'gro ba dang ldog pa'i rjes su byed pa bshad pa yin no/ /de yod na yod pa dang mi dmigs pa ste /mi dmigs pa ni dmigs pa med pa 'am gzhan dmigs pa'o/ /de yang rjes su dpag ba ma yin te zhes bya bar 'brel to/ /gang la rjes su dpag pa ma yin zhe na/ rab tu skye ba zhes bya ba la sogs pas yul ston to/ /rab tu skye ba ni skye ba ste 'bras bu nyid do/ /'di gang gi tshe sgrub par byed ce na/ gang gi tshe dngos po de 'bras bu nyid du ni shes la khyad par can gyi 'bras nyid du ni nges par ma rtogs pa de'i tshe'o/ /des na de don khyad par can gyi rjes su 'gro ba dang ldog pa'i rjes su byed pa las de'i 'bras bu nyid du shes par byed de/ de'i 'bras bu nyid du bsgrub pa dang dngos po med par bsgrub par bya ba de la rjes su dpag pa ma yin no/ /don 'di yin te/ ma dmigs pa las dngos po med par nges pa dang/ de yod na yod pa las de 'bras bu nyid du nges pa ni yod pa yin la/ nges pa yang tshad ma nyid du 'gyur dgos na/ 'di'i rjes su dpag pa'i nang du yang 'du ba ma yin no zhes bya ba yin no/ /de nyid kyi phyir rjes su 'gre ba med pa'i phyir ro zhes smos te/ rjes su 'gro ba dang mi ldan pa'i phyir ro zhes bya ba'i don to/ /rjes su dpag pa ni rjes su 'gro ba grub pa'i gtan tshigs la bltos pa yin na/ de yod na yod pa dang mi dmigs pa la ni rjes su 'gro ba grub pa ma yin no/ /gang gi phyir rjes su 'gro ba ni gnod par byed pa'i tshad ma gzhan gyis sgrub pa yin te/ dper na khyab par byed pa rim dang cig car mi dmigs pas yod pa nyid la skad cig mas khyab pa bsgrubs la/ khyab pa rab tu grub pa'i yod pa nyid las kyang skad cig ma nyid du sgrub par byed pa bzhin no/ /gnod par byed pa'i tshad ma srid pa'i yul la yang dpe zhes brjod pa yin te /de nyid kyi phyir 'di la dpe yod pa ma yin te zhes smos so/ /gang gi phyir gnod par byed pa'i tshad ma srid na ni de rab tu ston pa'i yul dpe nyid du 'gyur ro/ /khyab pa sgrub par byed pa'i tshad ma med pa'i phyir dpe 'ga' yang yod pa ma yin no/ /de nyid bstan pa'i don du sgrub par byed pa gzhan med pa'i phyir zhes smos so/ /don 'di yin te/ gtan tshigs de nyid kyis ni gtan tshigs de nyid kyi khyab pa bsgrub pa ma yin gyi /'on kyang tshad ma gzhan gyis yin pas tshad ma gzhan yod na ni de rab tu ston pa'i yul yang yod par 'gyur gyi /de med na ni de yang med par 'gyur ro zhes bya ba'o/ /gal te 'di ltar dpe ni rjes su 'gro ba'i sgrub par byed pa nye bar ston pa tsam la nye bar mkho ba yin pa'i phyir sgrub par byed pa gzhan med par bshad pa nyid kyis de med par brjod pa ma yin nam de ji ltar na 'di la dpe yod pa ma yin te/ zhes zlos su smra zhe na/ rjes su 'gro ba sgrub pa'i tshad ma ni dpe'i chos can kho na la bstan par bya ba yin gyi /bsgrub par bya ba'i chos can la ni ma yin no zhes bstan pa'i don du ste/ 'di'i 'bras bu'i mnyan bya dpyad par 'chad par 'gyur ro/ /gal te 'di snyam du tshad ma 'di nyid kyi rjes su 'gro ba sgrub ste/ 'di ltar 'di myu gu la sogs pa 'ga' zhig bsgrub byar 'dod pa na dpe gzhan 'grub pa yin la /de bzhin du bum pa la sogs pa dang bral ba'i phyogs 'ga' zhig bsgrub par bya ba la/ gzhan grub pa'i phyir tshad ma 'di nyid la bltos na dpe yod pa yin no/ /zhes dogs pa la/ de nyid sgrub par byed pa yin na yang zhes bya ba smos te/ dpe'i'o// gang gis rjes su 'gro ba nges pa'i rgyu mtshan gyi tshad ma ston par byed pa de ni dpe ste/ de thug pa med par thal bar 'gyur ba'i phyir ro/ /don 'di yin te/ gang la gtan tshigs la bsgrub par bya bas rjes su 'gro ba dang ldan pas rtogs par bya ba'i dpe de la yang ci gtan tshig 'di rjes su 'gro ba grub nas go bar byed pa yin nam / 'on te rjes su 'gro ba ma grub par yin/ rjes su 'gro ba ma grub par yang go bar byed pa nyid yin na ni tshad ma gzhan nyid du thal bar 'gyur ro/ /rjes su 'gro ba grub pa nyid yin na yang de la yang rjes su 'gro ba'i yul gyi dpe gzhan btsal dgos te/ dpe ni srid du tshad ma gzhan gyis rjes su 'gro ba ma grub pa de srid du dpe gzhan tshol bas mdza' thug pa med par 'gyur la / de ltar na yang rjes su 'gro ba ma nges pa'i phyir/ ji ltar rjes su dpag pa'i nang du 'du bar 'gyur/ de'i phyir de ltar 'brel ba ma nges pas phyogs kyi chos tsam gyis 'khrul pa med par rtogs pa'i tshad? ma gzhan yin no zhe na / ma yin te shes bya ba rjes su dpag pa ma yin pa 'gog par byed pa'o/ /'di ltar gal te rjes su 'gro ba nges pa'i rgyu gnod par byed pa'i tshad ma med pa'i phyir dpe med pa de lta na ni rjes su dpag par mi 'gyur ba zhig na/ gnod par byed pa'i tshad ma yang yod pas de'i yul gyi dpe yod pa yin no/ /ji lta yod ce na/ de la yul bstan pas zhes bya ba la sogs pa gsung te/ yul de yod na yod par 'gyur ba'i myu gu dang/ de bzhin du bum pas dben pa'i sa phyogs mi dmigs pa'i bdag nyid du gyur pa bstan pas te/ bsnyad pas so/ /'dir don gyis rgyu mtshan bstan pa yang blta bar byab ste/ 'di ltar med pa'i tha snyad dang/ 'bras bu'i tha snyad dag gi rgyu mtshan dang yul bstan par bya ba yin no/ /de la med pa'i tha snyad kyi yul ni bum pas dben pa'i phyogs yin la /de'i shes pa ni rgyu yin te/ gnyi ga yang khyad par med par mi dmigs pa'i tha snyad du ston par 'gyur ro/ /'bras bu'i tha snyad kyi yul ni de yod na yod pa nyid yin la /de 'dzin pa'i mngon sum dang mi dmigs pa ni rgyu yin no/ /de bzhin du gzhan dag tu yang yul gyis sgras rgyu 'phen la rgyu'i sgras kyang yul 'phen pa yin te/ thams cad du slob dpon gyi tha snyad ni 'di lta bu yin no/ /des na yul dang rgyu 'dis tha snyad 'di la khyod kyis sngon zhugs pa yin no zhes rgyu dang bcas pa'i yul bstan pas pha rol po rmongs pa la rgyu mtshan dang bcas pa'i med pa'i tha snyad dran par byed do/ /de lta na yang dran par byas pa'i tshul gyis zhugs pa nyid 'brel ba nyid bsgrub pa yin no/ /de'i phyir tha snyad kyi 'brel ba dran pa la rjes su 'gro ba nges pa'i rgyu mtshan gyi tshad ma'i yul du gyur pa'i dpe yod pa'i phyir rjes su dpag pa nyid do/ /zhes don gyi mjug bsdu ba'o/ /gang gi phyir tha snyad 'di la pha rol po nyid kyis sngar zhugs pa yin la /rgyu mtshan med pa can nyid yin na ni tha snyad nges pa can nyid du mi 'gyur ro/ /rgyu mtshan gzhan mi 'thad pa nyid kyang rgyu dang 'bras bu'i tha snyad la ni 'jig rten nyid las 'gyur la/ med pa'i tha snyad la ni rtsod pa'i rigs pa'i rjes su 'brang bar bya'o/ /de tsam gyi rgyu mtshan can nyid du ni lan cig zhugs pa nyid las nges la/ de yod kyang tha snyad 'jug par mi byed na ni rgyu mtshan gzhan nyid du thal bar 'gyur ro/ /de'i phyir de ltar yod kyang tha snyad mi 'jug na ni rgyu mtshan gzhan nyid yin la/ lan cig zhugs pa las tha snyad gang zhig gi rgyu mtshan gang kho na yin par mthong na ni de dang 'gal ba yin te /des na rang bzhin 'gal ba dmigs pas rjes su 'gro ba grub po/ /'dir gtan tshigs ni 'di ltar blta ste/ gang zhig gang kho na'i rgyu mtshan can yin pa de ni de yod pa na yod pa nyid yin te / med pa la ni rgyu mtshan gzhan la ltos pas khyab la/ de dang 'gal ba yang de tsam gyi rgyu mtshan can yin no/ /des na 'dir rgyu mtshan de yod pa tsam gyis tha snyad 'dug par bya ba yin no/ /mi dmigs pa tsam rgyu mtshan yin zhing rgyu mtshan gzhan yod par mi 'thad pa yang lan cig tha snyad du zhugs pa las shes pa yin no/ /mtshan nyid kyi gtan tshigs thams cad kyi khyab pa 'grub pa'i tshul ni 'di lta bu kho nar blta'o/ /gtan tshigs ni rnam pa gnyis te/ /tha snyad kyi yul can mtshan nyid kyi gtan tshigs de ni lan cig tha snyad zhugs pa nyid las tha snyad dang 'brel par shes par 'gyur ba yin te / dper na ba lang gi tha snyad kyi rgyu mtshan lkog shal la sogs pa dang ldan pa'i mtshan nyid kyi yul la lan cig tha snyad zhugs pa las kyang 'brel pas shes par 'gyur ba lta bu ste /'di ni mtshan nyid pa'i gtan tshigs so/ /gzhan ni dngos po'i ste gang zhig dngos po'i chos sgrub par byed pa'o/ /tha snyad du rung ba nyid kyang brtags pa yin gyi dngos po ni ma yin no/ /gal te 'di snyam du ji ltar rgyu dang 'bras bu'i ngo bo nyid dam dngos po med pa nyid bsgrub par mi byed kyi 'on kyang tha snyad yin zhe na/ rgyu dang 'bras bu dag gi de'i ngo bo ni rjes su 'gro ba dang ldog pa dag las gzhan ma yin no/ zhes bya ba la sogs pa smos te/ rgyu dang 'bras bu dag gi rgyu 'bras kyi ngo bo nyid ni rjes su 'gro ba dang ldog pa dag las te / dngos po dang dngos po med pa dag las gzhan ma yin no/ /de'i phyir mtshan nyid du gyur pa de yod na yod pa nyid grub pa na rgyu dang 'bras bu'i ngo bo nyid grub pa kho na'i phyir ci zhig bsgrub tu yod / tha snyad kyi rmongs pa la sgrub par byed pa nyid yin no/ /de bzhin du zhes bya ba ni ji ltar de yod na yod pa nyid rgyu dang 'bras bu'i ngo bo yin pa de bzhin du /dmigs par rigs pa mi dmigs pa nyid don gyi dngos po med pa ste / med pa'i tha snyad du bya ba bsgrub pa'i yan lag yin pa'i phyir dngos po med pa yin no/ /'di ltar dngos po med pa zhes bya ba mngon sum gyis shes par bya ba ni ma yin te/ ngo bo nyid med pa'i phyir ro/ /'on kyang tha snyad du bya ba yin no/ /bum pas dben pa'i phyogs su snang ba rang gi don nges pa dang ldan pa'i mngon sum skyes pa nyid kyis snang ba'i dngos po med par nges pa nang du 'du bar 'gyur te/ snang ba'i dngos po gzhan yod par dogs na/ des dben pa'i phyogs bdag gis mthong ngo zhes nges par mi nus pa'i phyir ro/ /de'i phyir de ltar nges par byas pas yul de'i don gyi snang ba'i dngos po gzhan med par nges par byas pa nyid de /de nyid kyi phyir mngon sum gyi don dang de'i shes pa la dngos po med par brjod pa yin no/ /de'i phyir mngon sum gyi bdag nyid du gyur pa'i mi dmigs pas dngos po med pa grub pas de'i rgyu mtshan can gyi med pa'i tha snyad sgrub par byed do zhes bya ba ni dmigs par rigs pa zhes bya ba la sogs pa 'chad do/ /dmigs par rigs pa gang la yod pa de ni dmigs par rigs pa'o/ /ma dmigs pa na ste/ dmigs pa'i mtshan nyid phyir? gyur pa las de mi dmigs pa'i phyir med do zhes brjod de / nges pa sngon du 'gro ba can gyi tha snyad 'dogs so/ /'dis ni med pa'i tha snyad kyi rgyu mtshan ni mi dmigs pa nyid yin par ston to/ /de'i phyir zhes bya ba ni gang gi phyir de med pa'i tha snyad kyi rgyu mi dmigs pa yin pa de'i phyir ro/ /rgyu mtshan nye bar bstan pas zhes bya ba ni mi dmigs pa 'di la ltos pa 'di'i rgyu mtshan gyi med do zhes bya pa'i tha snyad gang yin pa de ni rgyu mtshan bstan pas bsgrub po zhes bya ba'i don to/ /'di snyam du tha snyad gang zhig gang gi rgyu mtshan can yin pa de ni rgyu mtshan de mthong bas na lo ma la sogs pa dang ldan pa la shing nyid la sogs pa'i tha snyad bzhin du rang nyid 'jug pa ma yin nam/ de ji ltar na rgyu mtshan tha snyad kyi sgrub par byed par 'gyur zhe na/ rmongs pa la zhes bya ba smos te/ rgyu mtshan mthong du zin kyang rgyu mtshan can gyi tha snyad 'jug par mi nus pa'i rmongs pa gang yin pa de nyid rtogs par bya ba'i don du mi dmigs par sbyar ba yin la/ de yod na yod pa nyid kyang de'i 'bras bu nyid kyi tha snyad du ni phyir? pa la sbyor ba yin no/ /gang yang lo ma la sogs pa dang ldan pa la shing gi tha snyad du zhugs pa las blun pas phyis brjed pa de la ni lo ma la sogs pa dang ldan pa'i phyir shing ngo zhes sbyor ba kho na ste/ dper na 'di ni ba lang ste lkog sha la sogs pa dang ldan pa'i phyir ro/ /zhes bya ba lta bu'o/ /skyed par byed par brjod pa la pha nyid bzhin no zhes bya bas ni/ mi dmigs pa dang rjes su mthun pa nyid kyi dper tha snyad sgrub par byed pa'i rjes su dpag par ston par byed de/ skyed par byed pa'i rgyu mtshan can gyi pha'i tha snyad la zhugs su zin kyang 'ga' zhig tu brjed pa na pha'i tha snyad kyi rgyu mtshan ni 'di tsam yin no zhes rab tu grub pa'i yul dran nas de bdag nyid rtogs par 'gyur ba 'am/ gzhan gyis sgrub par byed pa bzhin no/ /ci ste gang zhig la rmongs pa de gang las der med pa'i tha snyad du 'gyur zhe na/ khyab par byed pa mi dmigs pa las so/ /zhes smra'o/ /snang ba yod pa ni shes pa la 'khrul pa med pa'i phyir shes pa'i yul gyi ngo bo nyid kyis khyab pa yin la/ shes pa med pa ni khyab par byed pa'i shes pa'i yul de nyid mi dmigs pa yin te/ rtsod pa'i rigs pa las de'i ngo bo yod pa la ni de'i tshad mas khyab pa yin no zhes bshad pa'i phyir ro/ /tha snyad 'dogs pa pa yang gang gi phyir 'di na snang ba'i dngos po mi dmigs te/ de'i phyir med do zhes dmigs pa med pa nyid kyis nye bar mtshon nas/ /de'i khyab par byed pa dmigs par bya ba med pa'i rjes su 'brangs te/ don med pa nyid du rtogs par byed do/ /des na gtan tshigs thigs pa las/ gang zhig de yongs su gcod pa na zhes bya ba la sogs pa dang/ gang yang rnam par nges pa las shes pa ni bdag nyid shes pa gzhan las gcod cing don gyis don gcod pa zhes bya ba la sogs pa gzhan rnam par gcod pa bshad pa de thams cad ni khyab par byed pa med pa nyid kyi rgyu mtshan yin no/ /dper na 'di ni sngon po yin gyi ser po ni ma yin no zhes bya ba lta bu 'ga' zhig snang ba'i bdag nyid yin pa 'gog pa na 'dir 'jig rten na ser po zhes bya ba yod pa ma yin no zhes ni mi 'dod kyi/ 'on kyang snang ba 'di'i rang bzhin du med do zhes bya ba yin te/ des na ser po snang ba khas blangs nas 'gog pa yin no/ /gang gi phyir ji srid du gcig snang ba na de'i bdag nyid 'gog pa de thams cad ni snang ba nyid du khas blangs pa'i phyir snang ba ma dmigs pa nyid de/ gtan tshigs thigs pa las khyad par yang brjod par mi bya'o zhes bshad do/ /de'i phyir ji srid du shes pa dang snang ba'i don la de'i bdag nyid 'gog pa de la ni snang ba mi dmigs pa nyid yod pas khyab par byed pa mi dmigs pa nyid yod pa yin no/ /tha dad pa 'gog pa ni snang ba kho na la khyab par byed pa mi dmigs pa yin te/ de nyid kyi phyir dmigs pa'i mtshan nyid kyir gyur pa zhes khyad par du byas so/ /de'i phyir khyab par byed pa mi dmigs pa kho nas 'gog pa yin no/ /shes pa dang shes bya dmigs pa med pa ni rnam pa gcig tu nges pa'i shes pa yang dag par rig pa nyid kyis nges par 'gyur te/ yod pa bzhin du shes pa tsam la ni the tshom yod pa ma yin pa'i phyir ro/ /de'i phyir shes pa gcig myong ba nyid las 'di ni dmigs so/ /'di ni ma dmigs so zhes shes pa dang shes bya dag dmigs pa dang ma dmigs par nges par brjod pa yin no/ /'di ni dmigs pa 'di ni ma dmigs so zhes bya ba de lta bu'i rnam pa can yul dang shes pa 'gog pa dang/ sgrub pa'i rnam par rtog pa dag gis mngon sum 'bras bu dang bcas pa yin gyi/ 'di ni yod do 'di ni med do zhes bya ba de lta bu'i rnam par dngos po yod pa dang med pa'i rnam par rtog pa dag gis kyang 'bras bu dang bcas pa nyid ni ma yin te/ 'di ni ma yin no zhe 'am med do zhes bya ba de lta bu yod pa 'gog pa'i tha snyad kyi rnam par rtog pa ni ma dmigs pas sgrub par byed pa yin gyi mngon sum gyis ni sgrub par byed pa ma yin pa'i phyir ro/ /de'i phyir dmigs pa'i shes pa dang shes bya nyid shes bya ma dmigs par des pa'i rgyu phyir ma dmigs par brjod pa yin no/ /de la snang ba dmigs pa med par nges pas ni mi snang ba dngos po med par nges pa nang du sdud par byed pa ma yin te/ de ni dngos po med pa la 'khrul pa'i phyir ro/ /snang ba dmigs pa med par nges pas ni shugs kyis snang ba dngos po med par 'phangs pa yin te/ snang ba'i dngos po gzhan yod na de mi dmigs par mi rigs pa'i phyir zhes bya ba ni shugs yin no/ /de'i phyir gcig tu nges pa'i shes pa nges par byed pa'i mngon sum nyid kyis snang ba'i dngos po med par nges par byas pa yin no/ /gang gi phyir dngos po med pa mngon sum du bya ba lus dang ldan pa ni ma yin te/ des na dngos po med pa 'dzin par byed pa ni nges pa gang yin pa 'di nyid yin no/ /yang gang gi phyir rang gi ngo bo med pa'i phyir dngos po med pa mngon sum du snang ba ma yin pa dang/ ma dmigs kyang yod pa'i phyir mi dmigs pa 'khrul par dogs pa de'i phyir shugs kyis dngos po med pa gzung du zin kyang mngon sum gyi tha snyad du byed nus pa ma yin no/ /snang ba ma dmigs pas ni nus te/ de yang gang gi phyir mngon sum gyis phyogs 'ba' zhig dmigs pa de'i phyir mngon sum nyid kyi byed pa'i rjes su 'brangs nas 'di na de yod pa ma yin no/ /zhes tha snyad du byed pa yin pas snga na med pa nges pa ma yin pa'i phyir tha snyad sgrub par byed par 'dod kyi dngos po med pa sgrub par byed pa ni ma yin no/ / gang du khyad par bya ba med pa mngon sum gyis mi rtogs pa der ni khyab par byed pa mi dmigs pa dngos po med pa bsgrub ste/ dper na shing med pa'i phyir shing sha pa med do zhes bya ba lta bu'o/ /'dir grub pa'i phyir tha snyad sgrub pa yin no/ /mngon sum gyis dngos po med pa grub pa de'i phyir/ tshad ma gcig gi bya ba ni de yongs su gcod cing zhes bya ba la sogs pa dang/ dbang po'i blo rtog pa dang bral bar sgrub par byed pa ni mngon sum nyid do zhes bya ba dang/ dngos po med pa ni bum pa dang bral ba'i phyogs dang de'i shes pa nyid yin no zhes de dang der bshad pa yin no/ /gang zhig tha snyad la zhugs kyang rtog ge dan pa 'ba' zhig goms pa las khyab par bya ba dang khyab par byed pa'i dngos po la rmongs te dngos po med pa'i tha snyad kyi rgyu gzhan yin par rtogs pa de ni rmongs pa yin par brjod do/ /gdan? du na yod pa nyid kyis khyab par byed pa yod pa las dngos po med pa'i tha snyad byed pa ji ltar rmongs pa yin par 'gyur/ de yang gang gi tshe rab tu grub pa'i yul gyi rjes su 'brangs te/ dngos po med pa'i tha snyad kyi rgyu ni mi dmigs pa nyid tsam zhes rtogs par byas te/ shes par 'dod pa'i yul la dngos po med pa'i tha snyad du rang nyid kyis rtogs sam gzhan gyis bstan kyang rung ste/ de'i tshe ni mi dmigs pa rang bzhin gtan tshigs nyid yin no/ /dmigs pa ni snang ba nyid kyi khyab par byed pa yin la/ snang ba yang shes pa gcig la 'dre ba'i dngos po 'dzin pa sngon song ba las de'i yul can gyi shes pa'i rgyu ma tshang ba med par nges pa las nges par byed do/ de'i phyir snang ba'i dngos po gzhan dang de'i mthong ba shes pa dang shes bya'i ngo bo nyid ni dmigs pa yin la/ des ni dngos po med pa'i tha snyad du rung ba nyid bsgrub par bya ba yin no/ /rab tu grub pa'i yul ni dpe yin te/ de nyid kyi phyir/ yul yod na yang rmongs pa'i phyir/ gzhan dag rjes su mi brjod pa/ grub pa dang ni chos mthun las/ /brda' dran byed pa 'ba' zhig go /zhes bshad pa yin no/ /de'i phyir gang zhig gang la ma rmongs pa de ni de la khyab par byed pa mi dmigs pa las med pa'i tha snyad du byed la/ gang zhig gang la rmongs pa de ni de la dmigs pa de nyid rang bzhin gyi gtan tshigs yin la/ med pa'i tha snyad kyi yul du rab tu grub pa nyid kyang dpe yin te/ de tsam gyi rgyu mtshan nyid du 'grub pa'i rgyu yin pa'i phyir ro/ /mngon sum sngon du 'gro ba can gyi med pa'i tha snyad ni 'ga' yang yod pa ma yin te/ de nyid kyi phyir 'di 'ga' zhig tu 'gog par byed pa yang mngon sum gyis ni bya bar rigs pa ma yin te zhes 'chad par 'gyur ba dang/ dgag pa gang ji snyed pa de thams cad ni mi dmigs pa las yin no zhes de dang de dag tu bshad pa yin no/ /mngon sum du snang ba'i yul gyi dngos po la yang/ rmongs pa la ni mtshan nyid pa'i rjes su dpag pa las tha snyad du 'gyur/ rmongs pa ma yin pa ni mngon sum nyid las so/ /khyad par can gyi shing gi rnam pa 'ga' zhig las shing gi tha snyad zhugs su zin kyang lo ma la sogs pa dang ldan pa tsam nyid tha snyad kyi rgyu mtshan yin par ma nges te mthong ba'i rnam pa nyid la yang rgyu mtshan nyid yin par the tshom za ba gang yin pa de ni/ de'i rnam pa dang bral ba gang yin pa de nyid la tha snyad kyi yul nyid du mi dran pa yin te/ dper na ba lang chung ngu dag la ba lang gi tha snyad zhugs kyang ba lang chen po la mi dran pa bzhin na/ /rmongs pa de yang ci zhig ltar rab tu grub pa'i yul gyi rjes su 'brang nas/ de tsam nyid rgyu mtshan yin par rig par byas te/ 'dod pa'i don la tha snyad du rang nyid kyis khong du chud dam gzhan gyis te la rtogs par byas kyang dung ste/ rjes su dpag pa las tha snyad du byed pa yin no/ /rgyu mtshan nges pa gang yin pa dre ni mngon sum kho nas 'gyur ro/ /don gzhan gyi rjes su 'brang ba med par rnam par rtog pa la snang ba'i tha snyad rung ba nyid mthong ba'i don du zhen par byas pa de'i tha snyad ni mngon sum du sngon du 'gro ba yin gyi dngos po med pa'i tha snyad ni de ltar nam yang mngon sum sngon du 'gro ba can ma yin no/ mi dmigs kyang yod pa'i phyir mi dmigs pa la rtag tu 'khrul par dogs pas/ snang ba mi dmigs pas dngos po med par tha snyad du bya ba yin gyi mngon sum gyis ni ma yin no zhes bshad zin to/ /shes pa dang shes bya dmigs pa med pa la ni rmongs pa med pa'i phyir/ rnam pa gcig tu nges pa'i shes pa yang dag par rig pa nyid kyis nges pa des na mngon sum gyis tha snyad du byed pa yin te/ des na mngon sum de nyid la mi dmigs pa zhes bya'o/ /zhes kyang bshad zin to/ /de bzhin du yod pa'i tha snyad kyi rgyu ni dmigs pa yin te/ des na rgyu med pa'i phyir ma dmigs kyang de la 'jug par byed pa bzlog pa yin no/ /dmigs pa nyid don rnams kyi yod pa yin pas de med na yod pa'i tha snyad la 'jug par bya ba ma yin no zhes bsgrub pa yin te/ pha ma yin pa 'ga' zhig la skyed byed ma yin par smra bas pa'i tha snyad 'jug pa bzlog par byed pa bzhin no/ /mjug bsdu ba ni de'i phyir rang gis grub pa ma yin te/ mngon sum gyi shes pa la brten nas rang gi ngo bos ma grub pa ma nges pa ni bdag nyid dang 'brel pa'i sgrub par byed pa ste go bar byed pa la ltos pa yin no/ /go bar byed pa de yang ji lta bu'i khyad par can zhig yin zhe na/ mi 'khrul pa zhes bya bas go bar byed pa'i rang gi ngo bo bshad de/ go bar bya ba'i don la 'khrul pa med pa gang yin pa de ni go bar byed pa'o/ /de yang de lta bur gyur pa'i bdag nyid dang 'brel pa yin te/ de'i bdag nyid dang de las byung ba'i mtshan nyid kyi 'brel pa'i bdag nyid dag gis ma 'brel pa la ni mi 'khrul pa nyid med pa'i phyir ro/ /phyir zhes bya ba ni gtan tshigs kyi don te/ gang gi phyir mngon sum ma yin pa'i dngos po ni bdag dang 'bral ba can kho na las rtogs par bya ba yin la/ 'brel pa la brtan nas lkog tu gyur pa'i don rtogs pa yang rjes su dpag pa yin no/ /de'i phyir mngon sum ma yin pa ste/ tshad ma gang zhig mngon sum las tha dad pa de ni rjes su dpag pa las gzhan ma yin gyi/ 'on kyang rjes su dpag pa nyid yin no/ /gang zhig mngon sum las tha dad cing rjes su dpag pa las gzhan du gyur pa de ni tshad ma ma yin pa kho na'o/ /tshu rol mdzes pa gsum la sogs pa'i grangs bsal ba nyid stongs btab pa nyid du bsams nas grangs gnyis nyid kyang dgag pa'i phyir rjes su dpag pa spang bar 'dod nas smras pa/ mngon sum ma yin pa mngon sum las gzhan pa'i tshad ma yod pa ma yin no/ /gang gi phyir de ni dngos po'i rang gi ngo bo la phyin ci log gi rnam pa can yin la/ phyin ci log kyang tshad ma nyid yin na ni tshad ma rnams kyi nges pa gang las yin/ de bzhin du 'bras bu'i gtan tshigs ni gnas pa nyid de/ autpa la la skyes pa'i autpa la ni ba lang gi lci ba las kyang mthong la/ de bzhin du me dang gtsub shing srubs pa las kyang ma yin no/ /rang bzhin gyi gtan tshigs kyang de'i bdag nyid du khyad par med kyang brtsal ma thag 'byung ba ni mi rtag pa nyid kyi go bar byed pa yin gyi/ mi rtag pa nyid ni 'di'i ma yin no/ /de yang rigs pa ma yin te/ rgyu mtshan khyad par med pa'i phyir ro/ /brtsal ma thag tu byung ba nyid kho na de'i bdag nyid ni ma yin te/ 'brel pa ni gnyis la gnas pa'i phyir ro/ /de'i phyir 'bras bu dang rang bzhin gyi gtan tshigs 'di gnyis nges par mi gnas pa des ni rjes su dpag pa tshad ma ma yin no zhes gang brjod pa de ni rigs pa ma yin te/ gang gi phyir mngon sum gyis kyang gzung ba'i dngos po gang yin pa de nyi ni thob par nus pa ma yin te/ skad cig ma nyid kyi phyir ro/ /'on kyang tha dad pa med par lhag par zhen par byas pa dngos po de nyid kyi rgyu 'jug pa'i yul yin la/ lhag par zhen par byas pa'i 'jug pa'i yul thob par byed pa ni rjes su dpag pa yang bye brag yod pa ma yin no 'di ltar mngon sum gyi de thob par nus pa nyid kyi rgyu mtshan yang de med na mi 'byung ba kho na yin la / de ni rjes su dpag pa la yang khyad par yod pa ma yin no zhes 'chad par 'gyur ro/ /de'i phyir dngos po snang ba'i dbang gis ni 'ga' zhig kyang tshad mar rnam par 'jog pa ma yin no/ /'bras bu'i gtan tshigs kyang rnam par gnas pa yin te /rgyu tha dad pa thams cad la 'bras bu tha dad pa nyid du mthong ba'i phyir ro/ /de'i phyir 'khrul pa med pa nyid do/ /de bzhin du nges pa'i don ni go bar byed pa yin la /nges pa yang don 'ga' zhig ni so sor nges pa'i rang gi ngo bor nges par byed de /dper na shing sha pa la shing gi ngo bor nges pa bzhin no/ /yang 'ga' zhig ni nges pa na de dang de ma yin pa'i ngo bor nges par byed de / dper na shing nyid la shing sha pa dang shing sha pa ma yin pa'i ngo bor nges pa bzhin no/ /de la mi rtag pa tsam gyi ngo bor des pa'i brtsal ma thag tu byung ba ni de'i go bar byed pa yin gyi / 'khrul pa'i phyir gnyi ga'i ngo bor nges pa'i mi rtag pa nyid ni brtsal ma thag tu byung ba nyid kyi go bar byed pa ma yin no/ /brtsal ma thag tu byung ba'i ngo bo'i khyad par mi rtag pa gang yin pa de ni rtags med par nges par mi nus la / des des na yang rtags nye bar blangs pa don med pa yin te /des na rang bzhin gyi gtan tshigs des nga'i nus pa yin no/ /gzhan yang de spong par byed pas de nyid khas blang par byed par mi rigs pa'i phyir rjes su dpag pa la skur pa 'debs pa khyod kyis rjes su dpag pa khas len pa 'di ni mi rigs so/ /ji ltar zhe na /gang gi phyir zhes bya ba la sogs pa ston par byed do/ /tshad ma dang cig shos de dag spyi'i tshul du bzhag pa gnas par byed pa ni spyi bzhag ste de'i phyir ro/ /spyi smos pa ci'i phyir zhe na /'di la shes pa'i gsal ba 'ga' zhig gi yul ni nyams su myong ba yin no/ /nyams su myong ba 'ga' zhig ni yul nyams su myong ba med kyang yul dang dus dang gsal byed kyi khyad par dang/ goms pa'i dbang gis skye ba'i dus nyid ni mngon sum nyid kyis tshad ma 'am tshad ma ma yin pas nges par nus pa nyid yin te /'khrul par dogs pa ni yul thag ring po'i shes pa'i gsal ba nyid la 'gyur gyi thams cad la ni ma yin no/ /zhes bya ba 'di yang dang po nyid du brjod zin to/ /des na rjes su dpag pa med par ni nyams su myong ba dang ma myong ba rang dang gzhan gyi rgyud la yod pa rnams la tshad ma 'am tshad ma ma yin pa'i spyi dang ldan par mi 'gyur ro/ /zhes bstan pa'i don du'o/ /gzhan gyi blo shes par byed pa'i yang phyir te /lus las tha dad pa ni mngon sum gyis shes par mi nus so/ /snyam du dgongs pa'o/ /'gog par zhes bya ba ni 'gag pa'i tha snyad la brjod par bya ba yin te / de'i phyir yang tshad ma gzhan srid par khyod nyid kyis khas blangs pa yin no/ /'di ltar rjes su dpag pa med par ni dgag pa'i tha snyad du bya bar mi nus so shes bshad zin to/ /de shes pa'i zhes bya ba la sogs pas tshad ma gzhan srid pa'i gtan tshigs dang po 'tshad do/ /tshu rol mdzes pa pa de mngon sum tshad ma ste slu ba med pa can yin la /rjes su dpag pa ni ma yin no/ /zhes bya ba 'dis ni nye bar ston pa smra ba'i rnam pa ste / 'dis ni tshu rol mdzes pa pa spyi'i tshul du khyad par can gyi nye bar bstan pa'i rnam par tshad ma dang cig shos 'jog par bstan to/ /da ni 'di ltar nye bar ston pa las ni ci nas kyang rjes su dpag pa nges par khas blang bar bya'o zhes de ltar ston pa nye bar ston nye bar ston pa'i rgyu dang dgos pa 'chad par byed do/ /dbang po la rten pa'i shes pa'i gsal ba 'ga' zhig mi slu ba ste/ don yod pa thob par nus pa dang/ yid kyi shes pa'i gsal ba 'ga' zhig slu bar dmigs nas te/ shes nas smra ba zhes bya ba 'dis ni tshad ma'i mtshan nyid shes pa'i rgyu ston to/ /slu ba dang mi slu ba yongs su ma shes par ni de'i mtshan nyid shes par mi nus la /slu ba dang mi slu ba can shes na ni mtshan nyid gang yin pa de shes te / yongs su ma shes na mtshan nyid ma yin pa'i phyir shes pa mtshan nyid du 'dus pa des na rang gi sgras ma brjod do/ /de'i mtshan nyid la khyab pa ni gsal ba ma lus pa yongs su zin pa ste / de rgyur 'gyur bas so/ /'di skad du re shig shes pa'i gsal ba 'ga' zhig la slu ba dang mi slu ba'i mtshan nyid gang yin pa de shes nas rang dang gzhan gyi rgyud la yod pa de'i mtshan nyid can gyi shes pa ma lus pa la thob par nus pa'i mi slu ba dang/ cig shos la de las bzlog par shes par byas te /des na yul ma lus pa la nye bar ston par byed do zhes brjod par 'gyur ba yin no/ /'dis ni nye bar ston pa'i rgyu brjod do/ /gal te 'di snyam du ji ltar nyams su myong ba'i yul gyi shes pa nyid nye bar ston par byed do/ /snyam na bshad pa /ji ltar nye bar bstan pa ste /nye bar bstan pa las ma 'das par slob ma 'jug pa na mi 'khrul pa ste /mi slu bar bya ba'i don dgos pa smra ba'i rang bzhin gang la yod pa de ni de lta bu'o/ /'dis ni smras pa'i dgos pa bstan to/ /'di skad du ston pa po gang yin pa des ni nye bar ston pa gang gis don byed pa don du gnyer ba gzhan dag slu bar mi 'gyur ba de nyid bstan par bya ba yin na/ ston pa po rang gi rgyud la yod pa'i tshad ma 'am tshad ma ma yin pa las ni gzhan dag mi 'jug pa'i phyir de dag las 'jug pa na slu ba dang mi slu ba thob pa dang spang ba'i don du /rang gi rgyud las yod pa'i tshad ma 'am tshad ma ma yin par bstan pas ci zhig bya / de'i phyir rang dang gzhan gyi rgyud la yod pa spyir tshad ma 'am tshad ma yin par bstan par bya ba yin no/ /zhes bstan par 'gyur ro/ /ji ltar zhes bya ba ni ji ltar nye bar bstan par bya ba de ltar bsgrub pa ste/ nges pa'o/ /bsgrubs pa skyes bu rang gi shes pa'i yul du nye bar son cing nges par ston par byed pa yin pa'i phyir nges pa nyid la bsgrubs par brjod pa yin no/ /ma nges pa ni ston par byed mi nus pa'i phyir ji ltar nye bar ston pa rang gis shes par bya ba yin no/ /de yang ji ltar rtogs she na/ chos mthun pa mthong ba las so/ /de ni zhes bya ba ni tshad ma 'am tshad ma ma yin pa'o/ /gang gi phyir gsal ba 'ga' zhig tu mtshan nyid de la mi slu ba nyid kyis khyad par nges ste / des na khyab par bya ba srid pa'i gsal ba thams cad la khyab par byed pa yang srid par byed pa yin no/ /'ga' zhig tu khyab par bya ba dang khyab par byed pa'i dngos po nges par byas te khyab par bya ba nges pa sngon du song ba can gyi yod pa ni rjes su dpag par bya ba las ma 'das pa yin la/ rjes su dpag par bya ba yang rjes su dpag pa'i yul yin no/ /rjes su dpag pa de yang tshad ma nyid du ma grub pa'i phyir te /des na tshad ma ma yin pas yul du byas pa gang yin pa de yang bden pa ma yin pa'i phyir nye bar bstan pas ci zhig bya/ smig rgyu'i shes pa'i yul ni bden pa nyid du nye bar bstan par 'os pa ma yin no/ /'di la ni dngos po'i stobs kyis zhugs pa rang gi don gyi rjes su dpag pa yod pa yin no zhes bstan pa yin no/ /'dir mi bslu bas khyab pa'i mtshan nyid de yod gang yin zhe na /de la tshu rol mdzes pa pas ni don 'dzin pa de'i mtshan nyid du 'dod la / kho bo cag ni don med na mi 'byung ba nyid du'o/ /kho bo cag gi ltar na don med na mi 'byung ba tsam nyid don thob par nus pa'i rgyu mtshan yin la /gzhan gyi ltar na don 'dzin pa tsam rgyu mtshan yin no/ /de'i phyir kho bo cag gis 'dod pa'i don med na mi 'byung ba dang/ pha rol gyi don 'dzin pa nyid la gzhan la ltos pa med pa nyid kyis khyab bo/ /gal te de yod na yang thob par nus pa med na ni /gzhan la ltos par 'gyur pas bltos pa med pa nyid de dang 'gal bar 'gyur ro/ /de'i phyir khyab par byed pa 'gal ba dmigs pas mi mthun pa'i phyogs las ldog pa na rjes su 'gro ba grub pas/ /khyab par bya ba don med na mi 'byung ba nyid dang don 'dzin pa nyid yod pa na khyab par byed pa tshad ma nyid yod pa yin no zhes bya ba'i 'di ni kho bo cag gnyis kyi rang bzhin gyi gtan tshigs so/ /tshad ma ma yin pa'i yul la yang rgyu mtshan med pa nyid kyi phyir/ de tsam nyid la ltos pa'i tshad ma med pa nyid kyis so/ /de'i phyir de ltar rjes su dpag pa kho nas tshad ma dang tshad ma ma yin pa rtogs nas nye bar ston pa yin la / de yang ma grub pa'i phyir tshad ma dang tshad ma ma yin pa cung zad kyang nye bar bstan par mi bya'o/ /gal te rang gi rgyud la yod pa nyi bar bstan par bya ba yod pa ma yin nam zhes dogs pa la/ yul nyams su myong ba zhes bya ba la sogs pa smos te /nyams su myong ba'i yul can gang yin pa dag go /rnam pa gnyis kyis yul nyams su myong ste /don thob pa dang goms pa'i dbang gis don med na mi 'byung bar nges pa'i shes pa ni yul nyams su myong ba zhes brjod pa yin no/ /yul nyams su myong ba ma gtogs pa zhes smras pa na yul nyams su myong ba'i shes pa'i gsal ba rnams ni mngon sum gyi tshad ma 'am tshad ma ma yin par grub par smras pa ste/ de dag kyang rjes su dpag pa las tshad ma 'am tshad ma ma yin par khong du chud pa yin na ni ma gtogs pa zhes bya ba'i tshig ma 'thad pa'i phyir ro/ /de la mngon sum de nyid kyis don med na mi 'byung ba gzung ba nges pa nyid 'di tsam zhig ni mngon sum gyi bya ba yin la / dus phyis 'byung ba'i shes pa gzhan gyis ni the tshom sol ba yin no zhes brjod zin to/ /brdzun pa'i don can gyi mtshan nyid tshad ma ma yin pa nyid kyang shes pa snga ma'i yul la gnod par byed pa'i shes pa phyi mas nges par byed pa'i phyir mngon sum gyis nges pa yin gyis rjes su dpag pas ni ma yin no/ /gang zhig rtogs pa'i drus? nyid na gang rtog pa de dag ni rtags dang rtags can ma yin te / dper na sa phyogs dang bum pa med pa dag rtogs pa tha mi dad pa'i phyir go bya go byed ma yin pa bzhin no/ /de bzhin du gnod par byed pa'i yul yod par rtogs pa nyid kyi tshe snga ma'i don mi bden pa nyid du rtogs pa'i phyir tshad mi ma yin pa mngon sum gyis khong du chud pa yin no/ /de dag ni gsal ba la yod pa yin la de yang bstan par nus pa ma yin no/ /zhes bstan pa'i phyir bstan du med pa zhes smos te /bstan par mi nus pa'i mtshan nyid gang yin pa dag go /rjes su dpag pa spangs pas khyab par bya ba dang khyab par byed pa nyid kyi chos med pa'i phyir mi slu bas khyab pa'i mtshan nyid dang cig shes gang yin pa dag bstan par mi nus pa'i phyir / ji ltar de nye bar ston par byed/ ci ste yul nyams su myong ba'i gsal ba cung zad cig nye bar bstan pa'i rgyu mtshan du brtag pa de lta na yang/ nye bar bstan pa de dag ni cung zad kyang nye bar mkho ba ma yin no zhes bshad pa ni rang gi rgyud la zhes bya ba la sogs pa'o/ /de dag gis kyang 'di gzhan las tha snyad bya bar mi dbang ste / gzhan la tha snyad rjes su rtogs par mi nus pa'o/ /gang gi phyir de dag ni mtshon par bya ba ma yin te 'jug par byed pa nyid du gzhan gyis rig pa ma yin pa'i phyir ro/ /ci'i phyir mtshon par bya ba ma yin zhe na /gang gi phyir ston pa po rang gi rgyud la yod pa de ni shes par bya ba ma yin pa de'i phyir gzhan gyis 'jug par byed pa nyid du mtshon par nus pa ma yin no/ /nye bar bstan par bya ba ni 'jug pa'i yan lag nyid yin te /des na 'jug pa'i yan lag ma yin pa de dag ni nye bar bstan par bya pa ma yin pa nyid do zhes bya ba ni tshad ma'i 'bras bu nyid yin no/ /de'i phyir pha rol pos gzhan 'jug pa'i yan lag dang tshad ma dang tshad ma ma yin pa nye bar ston pa'i bstan bcos bya ba nyid ma yin no/ /byed na yang zhes bya ba ni tshad ma dang tshad ma ma yin pa nye bar ston pa'i bstan bcos byed na yang/ rang nyid kyi tshad ma dang cig shos nye bar ston pa'i 'jug pa la ci 'dri bar byed pa yin te/ bzhad gang du byed pa yin no/ /'di ltar nye bar ston pa'i dgos pa ni gang zhig nye bar bstan pa las mngon sum tshad ma yin la / cig shos ni ma yin no zhes pha rol pos rtogs pa 'di nyid yin na / de yang rjes su dpag pa tshad ma ma yin no zhes smras pa na rjes su dpag pa tshad ma ma yin par byas pas/ gzhan? rtogs par bya ba'i don du mngon sum tshad ma yin gyi/ rjes su dpag pa ni ma yin no/ /zhes brjod pa de nyid rang nyid kyis bkag par 'gyur ro/ /gang gi phyir rjes su dpag pas rtogs nas de sgra? de brjod pa yin pa des na de tshad ma ma yin na de yang med par brjod par 'gyur ro/ /de'i phyir rjes su dpag pa tshad ma ma yin no zhes smras pa ni gang bdag gis brjod pa de ni de lta ma yin no zhes bya bar 'gyur la/ de lta na yang rang gi 'jug pa? la co dris par 'gyur ro/ /de'i phyir de ltar tshad dang cig shos bya ba la sogs pas dang po nye bar bkod pa'i gtan tshigs gzhung btsugs nas /gtan tshigs gnyis pa gzhung gzugs pa'i phyir bshad pa/ gzhan de blo? dang ldan pa khong du chud pa ni skabs kyi bstan bcos kyi don rtogs pa'o/ /de'i don ni/ de'i ched dam de? grub par bya ba'i phyir bstan bcos byed pa ste 'god pas ji ltar rjes su dpag pa spangs pa yin / ji ltar mi rigs she na/ smras pa /rjes su dpag pa de spong na bstan bcos byed pa la 'jug pa 'bras bu med pa'i phyir ro/ /rjes su dpag pa spangs pa'i phyir des nges par byas pa gzhan gyi sems kyang med par brjod par 'gyur ro/ /gzhan gyi sems med par dogs kyang gzhan bstan bcos kyi don khong du chud par the tshom za ba las bstan bcos byed pa la 'jug par yang rigs pa ma yin te /smig rgyu'i shes pa bzhin du rjes su dpag pas nges pa'i don ni don med par nges pa'i phyir don du mi 'gyur bar the tshom za ba yin gyi / don yod par the tshom za ba ni ma yin pa'i phyir rjes su dpag pa la bston pas 'bras bu med pa'i bstan bcos byed pa la 'jug par rigs pa ma yin no/ /mi spong na ni rjes su dpag pa med du zin kyang don yod par the tshom za ba las 'jug pa yin te zhing rmo ba bzhin no/ /de'i phyir bstan bcos byed pa'i rjes su dpag pa spang bar rigs pa ma yin no/ /gal te 'di snyam du blo ni lus las tha dad pa med pa yin / mthong ba na yang lus 'dzin par byed pa'i mngon sum de nyid de nyid kyis 'dzin pa'i phyir 'di la rjes su dpag pas ci zhig bya snyam du dogs pa la / smras pa /lus nyid ni blo ma yin te lus de grub ste mngon sum gyis nges kyang/ blo'i rnam par brtag pa zhes bya ba/ blo nyid 'dod chags la sogs pa'i rnam pas blo gzhan las rnam par brtag par bya zhing khyad par du bya ba yin pas blo'i rnam par brtag pa ni blo'i khyad par te/ de la the tshom za ba'i phyir ro/ /mngon sum gyi rtogs par bya ba ni khyab par yin te/ sgyi dngos po med pa'i phyir ro/ /blo yang mngon sum gyis rtogs na ni khyad par nyid nges par 'gyur na khyad par nges pa yang ma yin te/ de dod 'gal ba'i the tshom nyid mthong ba'i phyir ro/ /spyir rtogs pa yang rjes su dpag pa yin no/ /gal te de'i btub kyang de nyid lam tha dad pa med pa'i shing sha pa nyid la the tshom za la/ sngon po des kyang sngon po las tha dad pa med pa'i skad cig ma nyid ma grub pa ma yin nam zhe na/ de nyid kyi phyir khyad par gyi rnam grangs rnam par brtag par bya ba'i sgra sbyar ba yin te/ gang zhig gang las tha dad pa med pa de grub pa na khyad par cig shos grub pa kho na'o/ /gang gi phyir skad cig ma nyid dang shing sha ba'i khyad par gyi mtshan nyid ni mthong ba'i rang bzhin de nyid yin la de yang nges pa kho na'o/ /'on kyang skad cig ma nyid du ma nges pa yin la ma nges pa yang spyi'i rnam pa yin pa'i phyir spyi'i rnam pa'i skad cig ma nyid ma grub pa yin gyi khyad par gyi rnam pa ni ma yin te mthong ba sngon po'i rang bzhin las tha dad pa'i skad cig ma nyid kyi khyad par med pa'i phyir ro/ /'ga' zhig grub pa na khyad par gang zhig ma grub cing ma mthong ba de ni 'gel ba'i chos dang ldan pa yin pa'i phyir mthong ba de las gzhan nyid yin pas gcig pa nyid kyi tha snyad yin de grub na grub pa nyid kyis khyab pa yin la/ khyab par byed pa'i med pa nyid ni gtan tshigs so/ /gang zhig grub pa na/ gang gi khyad par ma grub pa de dag ni gcig nyid la yin te/ dper na dro ba dang sra ba dag bzhin no/ /lus grub pa na blo'i khyad par grub pa ma yin no/ /gtan tshigs ma grub pa ni ma yin te/ gang gi phyir chags pa la sogs pa'i blo'i rnam pa nges pa dang 'gal ba ni the tshom yin la/ shes pa'i rang bzhin gyi khyad par yang chags pa la sogs pa'i rnam pa dang/ 'gal ba la sogs pa'i rnam pa yin par nyams su myong bas grub pa'i phyir rtsod pa yod pa ma yin pas lus grub kyang spa ba la sogs pa bzhin du the tshom za ba'i phyir ji ltar na gtan tshigs ma grub pa nyid yin/ de'i phyir sems pa ni chang gi nus pa dang 'dra ba ma yin te/ nus pa rang dag las nus pa tha dad pa med pa'i phyir/ chang las nus pa tha dad pa ma yin la/ shes pa yod pa ni lus las tha dad pa'i khyad par can gyi rnam par grub pa'i phyir ro/ /khyab par bya ba dang khyab par byed pa'i dngos po nyid yang grub pa nyid de/ /thams cad ni rnam pa gnyis te/ 'gal ba'i chos dang bral ba dang de dang ldan pa'o/ /de la gcig nyid kyi tha snyad ni de dang bral ba la mthong ngo/ /gal te de dang lnga/ pa la 'jug na ni yul nges pa mang par 'gyur pas/ yul nges pa nyid kyis kyang khyab ste/ des na khyab par byed pa mi dmigs pas 'gal ba'i chos dang ldan pa'i rang bzhin las ldog pa na/ de dang bral ba'i yul gyi rang bzhin gyis khyab pa'i phyir khyab pa grub po/ /gang grub kyang gang ma grub pa de la ni 'gal ba'i chos dang ldan pa las khyad par byed pa de dang bral ba'i yul nyid med pa'i phyir ro/ /gal te 'di snyam du rjes su dpag pa la bsnyon pa la rjes su dpag pa'i sbyor ba 'thad pa ma yin no snyam na de ni rigs pa ma yin te/ chu rol mjal ba ba de'i 'byung ba rnams la tha dad pa'i tha snyad kyi ni 'gal ba'i chos dang ldan pa'i rgyu mtshan can nyid yin la/ gcig snang ba na mthong ba gzhan snang ba med pa 'di la yang 'gal ba'i chos dang ldan pa nyid yod pa des na rgyu mtshan srid pa ni tha snyad 'jug par bya ba yin la/ ma yin na ni gzhan la yang 'jug par mi bya'o zhes gzhan dag tha dad pa'i tha snyad la 'jug par byed pa yin no/ /gal te yang 'di rjes su dpag pa yin pa de lta na yang pha rol gyis spangs pa nyid ni ma yin gyi/ 'on kyang pha rol rjes su dpag pa nyid ma yin par 'dod pa 'ba' zhig tu zad do/ /'di snyam du de lta na yang gtan tshigs ma grub ste/ gang gi phyir rang gi lus grub na rang gi blo grub pa yod pa yin la/ khyad par du 'phags pa'i skyes bus ni gzhan gyi lus grub pa na yang gzhan gyi blo nges pa'i phyir ro zhes dogs pa la/ de zhes bya ba smos te/ the tshom du gyur pa'i blo'i rnam par brtag pa de gzhan dang 'brel pa gzhan gyi rgyud la gnas pa ni skyes bu tha mal pa skyes bu tsam de'i mngon sum gyis mi rtogs so/ /'di skad du brjod pa yin te/ gang gi phyir gzhan gyi rgyud la yod pa'i blo'i rnam par brtag pa ni rtag tu the tshom gyi yul yin pa de'i phyir phal pa'i mngon sum gyis 'dzin pa ma yin te/ mngon sum gyis gzung ba ni khyad par yin la/ khyad par bzung na the tshom med pa nyid kyi phyir ro/ /gang yang skyes bu khyad par du 'phags pa 'ga' zhig gi shes pas gzhan gyi lus dang blo bzung ba de lta na yang lus 'dzin pa'i mngon sum gcig gis ma bzung bas kyang tha dad par 'gyur ba yin te/ tha dad pa'i rgyu mtshan ni 'gal ba'i chos dang ldan pa yin la/ 'gal ba'i chos dang ldan pa de ni gcig gis ma bzung na yang grub pa'i phyir/ yang 'ga' zhig gis gcig tu bzung bas ldog pa ma yin pa'i phyir ro zhes bya ba ni zigs pa'o/ /dgag pa byed phyir yang zhes bya ba'i gtan tshigs gsum pa gzhung gzugs pa'i phyir bshad pa/ dgag pa ste dgag pa'i tha snyad mngon sum gyis ni bya bar 'os pa ma yin no// 'ga' zhig tu zhes bya ba ni mthong ba dang ma mthong ba 'ga' zhig gang yin par dgag pa'i tha snyad byed pa gang yin pa de thams cad mngon sum sngon du 'gro ba can ma yin te/ dngos po so sor snang ba nyid nges pa nyid kyis dngos po 'dzin pa'i phyir med pa ni mngon sum de'i yul nyid du 'gal ba'i phyir ro/ /gang zhig mngon sum gyis de snang ba nyid kyis gzung ba de la ni mngon sum gyis tha snyad du byed pa yin na dngos po med pa ni de'i bzung ba ma yin pa de ni la mngon sum gyis tha snyad du byed pa ma yin no/ /zhes lan mang du bshad zin to/ med pa yul yin par 'gal ba nyid bstan pa'i phyir bshad pa/ de ni don te yul gyi nus pa la ltos pas so/ /'di skad bstan pa yin te/ gang gi phyir mngon sum ni gzung ba'i don gyis bskyed pa yin pa de'i phyir med pa 'dzin pa ma yin no/ /gang zhig mngon sum gyi yul yin pa de ni bskyed par nus pa yin na/ med pa ni nus pa thams cad dang bral bas ji ltar de'i yul du 'gyur/ ci ste yang mngon sum don gyi nus pa la mi bltos par 'gyur na ni de'i tshe 'di don la mi bltos na ni chos pa la sogs pa'i don gang yin pa ste/ rgyang ring po gnas pa dang shin tu nye ba na gnas pa la sogs pa'i mongs po de de la yang skye bar thal bar 'gyur pa'i phyir ro/ /'di skad bshad pa yin na/ rang gi rgyud dang 'brel pa'i mngon sum gyis gal te dngos po yod pa tsam nyid 'dzin par byed pa yin na ni/ de'i tshe dngos po nyid du khyad par med pa'i phyir chod pa dang thag ring po la sogs pa thams cad 'dzin par 'gyur na gzung ba yang ma yin no/ /des na mngon sum rung ba'i yul na gnas pa'i don la bltos pa ni de las skyes pas yin par khong du chud pa yin no/ /gzhan du na myu gu ni sa bon dang 'brel par rnam par gzhag mi nus bar 'gyur ro/ /mngon sum ngo bo nyid kyis nye ba'i don 'dzin pa yin no zhe na/ zhing yang ngo bo nyid kyis sa bon dang nye ba'i myu gu bskyed pa yin pa'i phyir sa bon rgyu nyid du mi 'gyur ro/ /de'i phyir gang zhig gang gi gnas skabs kyi khyad par ram yod pa'i rjes su byed pa'i dngos po de ni de'i 'bras bu yin no zhes bya ba 'di ni gcig tu nges pa yin no/ /des na don nye ba la ltos pa ni don gyis bskyed pa yin pa des ni yul nyid du 'gal lo/ /de'i phyir gang las dgag pa rtogs pa de ni tshad ma gzhan yin no/ /gal te yang mngon sum dngos po med pa mi 'dzin pa de lta na yang tha snyad byed par nus pa yin no/ /zhes gzhan dag dogs pa bsu nas dgag pa'i phyir smras pa/ mngon sum nyid kyis dngos po med par nges pa zhes bya ba ni med par nges pa'i byed pa po nyid ni mngon sum yin te/ mngon sum nyid kyis med par nges pa yin no zhes bya ba'i don to/ /log pa las shes bya ba ni log pa nyid las so/ /'di skad bshad par 'gyur te/ mngon sum gyi shes pa de nyid 'ga' zhig tu 'jug pa dang 'ga' las ldog pa yin la/ 'jug pa'i yul ni bsgrub pa'i tha snyad dang/ ldog pa'i yul la ni dgag pa'i tha snyad 'jug par byed pa yin no/ /des na 'dir don ni mngon sum thams cad ni gnyis ka'i bdag nyid yin la 'jug pa dang ldog pa dag gi sgo nas 'jig rten gyi tha snyad 'jug par byed pa yin no zhes bya ba 'di yin no/ /gal te yang mngon sum ldog pa la bltos nas dngos po med par nges pa yin no zhes bya ba'i don du 'dod na/ da med pa yang yin la des rtogs pa yang yin no/ /zhes bya ba ni mi rigs so/ /pha rol gyis rtogs par dam bca' ba ni ma yin gyi/ 'on kyang de ldog pas yin no/ /ldog pa las mang ba nges par smras pa na mngon sum gyi bya ba'i khyad par ma yin pa brjod par 'gyur pa'i phyir don 'di ma yin no/ /nyams pa ni 'gal ba'o/ /'gal ba nyid ston pa ni de med pa yang yin la zhes bya ba ni yul gang la mngon sum ldog pa nyid kyis mngon du gnas pa'i yul de la ni mngon sum de yod pa ma yin la/ med na yang ji lta 'ga' zhig des pa'i rgyu nyid dam 'dzin par byed pa yin par 'gyur/ nges pa'i byed pa po don 'dzin par byed pa 'am/ skyed par byed pa yin par 'gyur na/ mngon sum med pa gang yin pa de ni dngos po 'am dngos po med pa 'dzin par byed pa ma yin la/ nges pa bskyed par nus pa yang ma yin no/ /gang zhig 'dzin par byed pa 'am nges pa bskyed pa'i sgo nas nges par bya ba'i don nges pa'i rgyu ma yin pa de las ji ltar na nges pa yin par rjod par byed/ 'di nyid ston par byed pa ni byed pa por gyur pa 'am 'ga' zhig gir rgyur gyur pa des rtogs pa ste yongs su shes pa'o/ /'di snyam du mngon sum ldog pa 'dzin par byed pa nyid dam skyed par byed pa nyid kyis nges pa'i rgyu ni ma yin gyi 'on kyang mthong ba med par des pa na dngos po med pa'i tha snyad du byed pa 'ba' zhig tu zad do/ /gang gi phyir de 'jug pa na yod pa'i tha snyad dang/ ldog pa na med pa'i tha snyad du byed pa de'i phyir tha snyad thams cad de dang 'brel bar brjod pa yin gyi ldog pa mngon sum du bya ba/ 'ga' zhig gi tha snyad byed pa po nyid dam skyed par byed pa ni ma yin no/ /de ltar med par nges pa ni mngon sum ldog par nges pa sngon du 'gro ba can yin no zhes dogs pa la/ bshad pa/ 'di ldog na ni sngon sum log pa'i phyir gang las med do zhes bya bar nges par 'gyur/ gal te de las mngon sum log tu zin kyang de lta na yang dngos po yod pa yang srad pa yin no/ /mngon sum log pas dngos po med pa mthong ba ni ma yin no/ /de ni mthong ba med pa'i bdag nyid yin pa'i phyir ro/ /des na nges pa'i phyir tshad ma dang mi ldan par med par rtogs pa 'ba' zhig tu zad do/ /mthong ba ni rang gi yul la tshad ma ma yin pa'i phyir nges pa yin gyi/ ma mthong ba ni tshad ma ma yin pa de'i phyir dngos po med par nges pa ma yin pa nyid do/ /ci ste yang nges pa yod do zhe na/ yod na ni nges pa srid pa de nyid 'khrul pa med pa med na mi 'byung ba'i mi dmigs pa yin no/ /'di skad bshad pa yin te/ mthong ba log pas dngos po med pa ma bzung yang/ nges pa yin na ni 'khrul pa med pa nyid du gtan la phab pas med par nges par byed pa yin te/ des na 'khrul pa med pa'i phyir tshad ma yin la/ mngon sum yang ma yin pas rjes su dpag pa nyid yin pa'i phyir ji ltar rjes su dpag pa med par med pa'i tha snyad du 'gyur ba'am mngon sum nyid dngos po med pa nges par 'byed par yang ji ltar 'gyur/ de nyid bstan pa'i phyir bshad pa/ de ni nges zhes bya ba ni ma 'khrul pa'i nges pa ma yin gyi mngon sum gyis ni ma yin no/ /snyam du dgongs pa'o/ /med pa grub par byed pa ni rang gi ngo bo nges pa nyid kyis med pa'i tha snyad du byed pa'i rtags nyid yin no/ /'di skad brjod par 'gyur pa yin te/ mngon sum log pa ni med na mi 'byung bar gtan la phebs pa na dngos po med pa'i tha snyad du byed pa yin/ de mngon sum gyi rnam pa nyid kyis dngos po med par 'dzin par byed pa ni ma yin no/ /de'i phyir de sngon du 'gro ba can dngos po med pa'i tha snyad ni rtags can yin gyis mngon sum gyis byas pa ni ma yin no/ /mngon sum log pa rang gi ngo bos ni cung zad byed pa ma yin la ldog pa yang mthong ba med pa'i bdag nyid yin pas med na mi 'byung ba yod na ni nges pa'i rtags yin la/ med na ni the tshom za ba nyid kyi phyir ro/ /de ltar bden te rjes su dpag pa 'ga' zhig khas blang bar bya ba nyid do/ /'ga' zhig las zhugs pa ni mi slu bas rjes su dpag pa 'ga' zhig mi slur? zin kyang ste/ mngon par 'dod pa'i don thob par nus su zin kyang de ltar mod kyi de'i rang bzhin can te tshul gsum pa'i rtags las skyes pa mi slu ba las 'khrul pa mthong ba de'i phyir thams cad du de tsam gyi mtshan nyid dang ldan pa la yid brtan du med de tshad ma ma yin par dogs so/ /gang gi phyir de 'dra ba nyid 'khrul pa yin pa de'i phyir de tshad ma ni ma yin gyi/ 'on kyang 'ga' zhig gis zhugs pa na thob pa'i mi slu ba gang yin pa de ni bya rog dang ta las tshul du rgyu mtshan 'ga' zhig las mi slu ba yin gyi gzhan la yid brtan du med pa nyid do zhe na ma yin te/ zhes bya ba ni yang brtan du med pa'i rgyu bzlog par byed pa ste/ de'i mtshan nyid la ni 'khrul pa yod pa nyid ma yin no zhes bya ba'i don to/ /gal te de'i bu nyid la sogs pa la 'khrul par mthong la de la yang tshul gsum mthong ba nyid ma yin nam de ji ltar na 'khrul pa med pa nyid yin zhe na/ gang zhig 'khrul pa de la ni tshul gsum nyid yod pa ma yin no/ /mthong ba nor ba ni de'i rang bzhin te rtags de'i rang bzhin ma mtshon pa las yin la/ nor pa las kyang khyod 'khrul pa nyid du dogs pa yin no/ /gang gi phyir yang dag pa'i rtags kyi mtshan nyid mtshon pa de'i phyir de nyid med kyang yod par brtags nas 'khrul pa srid par dogs pa yin no/ /de'i bu nyid la sogs pa la gang zhig med kyang 'khrul par dogs pa'i rtags kyi mtshan nyid de yang gang zhe na/ rang bzhin 'brel pa ni rang bzhin gyis 'brel pa nyid de 'brel pa'i rang bzhin 'brel pa'o/ /'dis ni de'i bdag nyid dang de las byung ba brjod la de nyid ni rtags kyi mtshan nyid de tshul yin no/ /mtshan nyid 'dis mtshon pa'i rtags de la ni 'khrul pa med do/ /gang zhig gang du de'i bdag nyid dang de las byung bas 'brel ba de ni de la 'khrul pa yod pa ma yin no/ /mi 'khrul pa yang gang las she na/ bshad pa de zhes bya ba ni yul gang la rtags 'brel pa de ni shugs kyis nye bar bzhag pa'i rtags can ni zhes bya bas smos so/ /de yang na rtags kyi rang gi ngo bo med par 'gyur pa'i phyir ro/ /de'i bdag nyid dang des bskyed pa de ji ltar na de med par yod par 'gyur/ de'i phyir 'khrul pa gang yin pa de ni tshul gsum las skyes pa ma yin la/ des bskyed pa ni 'khrul pa med pa nyid pas rtags kyi mtshan nyid rtogs par bya ba la 'bad par bya ba yin pa'i phyir yid brtan du med pa ma yin no/ /de'i phyir sngar bstan pa'i tshul gyis khyod kyis rjes su dpag pa khas blang bar bya ba yin gyi yid brtan par bya ba ma yin pa ni ma yin no zhes bya bar gnas so// gzhan yang mngon sum tshad mar khas len pas rjes su dpag pa gdon mi za bar tshad mar khas blang bar byas te/ rjes su dpag pa mngon sum las tshad ma'i rgyu mtshan khyad par med pa'i phyir ro/ /gang gi phyir mngon sum ni don te tshad ma'i 'jug pa'i yul med na mi srid na mi 'byung ba las te 'dis ni ldog pa bstan to/ /de yod na yod pa nyid kyang shugs kyis brjod de/ mngon sum yod pa ni de med par yod pa ma yin no zhes bya ba'i shugs kyis de yod pa nyid na yod pa nyid yin zhes de yod na yod pa brjod pa yin no/ /de'i phyir de ltar mngon sum yang de'i 'bras bu nyid yin pa'i phyir 'jug pa'i yul thob par nus par gnas pa na tshad ma zhes brjod pa yin la/ de'i 'bras bu nyid ni rjes su dpag pa la yang khyad par yod pa ma yin no/ /khyad par med pa de nyid ston par byed do/ /bsgrub par bya ba'i don dang 'brel pa'i rang bzhin gyi rtags gang yin pa de rjes su dpag pa de'i rgyu nyid yin par gyur pa na mngon sum dang rjes su dpag pa gnyis mtshungs so// 'di ltar mngon sum don las skye ba yin pa de bzhin du rjes su dpag pa yang 'brel pa'i rang bzhin gyi rtags shes pa las yid zhing shes pa de yang rtags las te/ rtags kyang kha cig ni bsgrub par bya ba'i rang bzhin yin la/ kha cig ni bsgrub par bya ba'i 'bras bu yin pa'i phyir gnyi ga yang de'i 'bras bur khyad par med pas/ khyad par med pa de thob par nus par byas pa yin na/ /tshigs su bcad pa 'di nyid kyi don 'brel pa ni mngon sum yang don la mi slu ba ste thob par nus pa nyid la tshad ma yin no/ /yang gi sgras ni kho bo cag 'ba' zhig rjes su dpag pa don med na mi 'byung ba las tshad mar 'dod par ma zad kyi khyod kyis kyang 'di nyid kyi mngon sum tshad ma yin par 'dod pa yin no zhes bya ba 'di bstan pa yin no/ / mi slu ba de ni don de las bdag nyid rang gi ngo bo thob pa'i phyir te/ gang gi phyir mngon sum gang yin pa de don des bskyed pa yin pa de'i phyi rang thob par byed pa yin no/ /yang ji ltar gzhan las skyes pas kyang de thob par mi nus she na/ bshad pa/ gzhan las byung ba skyes pa'i yod pa ste/ ldog pa ni de la mi slu mi rigs pa'i phyir ro/ /de'i bdag nyid kyang rgyur gyur pa ma yin pa ltos pa med pa gang yin pa la/ gzhan las skyes pa gang yin pa de 'khrul pa med par ji ltar gyur te/ dper na rab rib can gyi shes pa nges par byas pa'i don la 'khrul pa bzhin no/ /'dis ni ldog pa med pa la mi bsdu ba med par bshad pa yin no/ /ma byung ba ni de las shes par bya ba las ltos par bya ba yin no/ /gang zhig gang las ma byung ba de ni de dang 'brel ba med pa yin la/ de nyid kyi phyir 'khrul pa ma yin no/ /'dis ni rjes su 'gro ba med pa la mi bslu ba med par bshad pa yin no/ /rnam pa 'dis ni 'brel bas mi 'khrul pa yin la/ mi 'khrul pas na de thob par nus zhes bsgrub bya yin no/ /nges par zhes bya ba 'di ni mi rigs pa'i khyad par te mi bslu ba mi rigs par nges pa'o/ /'brel pa med pa'i shes pa las ni bya rog dang ta la tsam yang yod pa ma yin no zhes bya ba 'di ni bstan zin to/ /'di mi bslu ba'i rgyu mtshan nyid yin pa spang ba'i phyir smras pa/ mngon sum ni don med na mi 'byung ba'i phyir don gyi 'bras bu nyid yin pas don la mi slu bar byed pa ni ma yin no/ /'o na mi bslu ba gang las yin zhe na/ 'on kyang zhes bya ba smras te/ 'on kyang don mthong ba las yin no/ /gang gi phyir don gyi rang bzhin mngon sum du mthong ba de'i phyir don thob par byed pa yin na/ rjes su dpag pas ni don cung zad kyang ma mthong ste/ des na ji ltar thob par byed pa yin/ thob par byed pa ma yin pa de nyid kyi phyir tshad ma ma yin no/ /de'i phyir de ltar gzhan gyis don gyi rang bzhin mthong ba dang ma mthong ba dag las tshad ma ma yin pa rnam par bzhag pa na/ slob dpon gyis don mthong ba de yang zhes bya ba la sogs pas mthong ba nyid rtogs par mdzad do/ /mthong ba'i sgras mthong bar bya ba ste mthong ba'i don nam mthong bar byed pa ste mthong ba po nyid yod pa gtan tshigs su len grang/ des na gtan tshigs kyi don ni mthong ba'i don yod pa'i phyir zhes bya ba 'di yin te/ de'i ngo bor gyur pa mthong ba zhes bya ba'i chos gang yin pa de'i yod pa ni dngos su na de nyid kyi yod pa yin la de yang gtan tshigs su nye bar blangs pa yin no/ /de bzhin du lta ba'i shes pa yang lta ba po nyid du yod pa gtan tshigs yin no/ /'di ? rtsa? pa'i don can gyi dag sbyar ba gzhan dag tu yang rnam par rtog pa 'ang nyid blta bar bya'o/ /dper na gang gi phyir mngon sum don mthong ba dang 'dzin pa dang shes pa de'i phyir tshad ma yin no zhes bya ba de lta bu la sogs par mthong ba la sogs pa yang bya ba dang byed pa po dang shes pa dag gi chos yin no/ /rgyu dang 'bras bu'i dngos po ni yod du zin kyang rjes su dpag pa tshad mar thal bas 'jigs na/ pha rol gyi mngon sum la tshad ma'i rgyu mtshan du bstan par bya ba ma yin no/ /lhag mar gyur pa gnyis ga 'brel pa'i bya ba gang yin pa bla bar bya ba yin la de ni sngar brjod pa nyid kyi rnam par rtog pa las ma 'das so/ /phyin ci ma log pa yang gzung bar bya ba dngos po yin pa 'am/ 'dzin par bya ba shes pa yin zhes gnyi ga'i chos las 'das pa ma yin no/ /don yin no zhe na/ de'i tshe dag gi don 'di yin te/ gang gi phyir mthong ba'i don yod pa yin pa de'i phyir de mngon sum gyis thob par byed do/ /zhes bya ba yin la don 'di bstan pa na yang rnam par brtag par bya ba lkog tu gyur pa'i don ni yod pa ma yin te/ des na de rjes su dpag pas mthong ba ma yin na zhes brjod par 'gyur zhing de las kyang don gang zhig mngon sum du gyur pa de kho na yod pa yin pa'i phyir don thams cad mngon sum du 'gyur la/ de'i phyir thams cad thams cad kyis mthong bar 'gyur ro/ /'di ltar pha rol gyis 'dod pa 'am rigs pa ma yin te/ gzhan gyis lkog tu gyur pa'i don khas blang pa'i phyir dang/ rigs pa 'thad pa nyid kyi phyir ro/ /mthong ba nyid ni don thams cad kyi byed pa po nyid du rigs pa ma yin te/ mthong ba med pa kyang rang gi rgyu dang 'brel pa yod pa nyid kyi phyir/ gang las lkog tu gyur pa sel par byed/ shes pa yin no zhe na/ gal te mthong bar byed pa'i shes pa yod pa nyid la mthong ba'i sgrar brjod na de lta na yang gang gi phyir mthong ba shes pa yod pa de'i phyir mthong bar bya ba zhes bya ba'i don thob pa yin no zhes bya ba'i don 'di yin na/ gzhan yod pa na 'brel ba med pa gzhan yod pa ste/ 'byung bar nges pa ma yin te/ gang gis thob par 'gyur ba gzhan yod pa na 'brel pa med pa gzhan gdon mi za bar yod pa ma yin no/ /'di snyam du gzhan gang yang rung ba 'ga' zhig yod pa na gzhan nges par yod pa ni ma yin te/ 'on kyang shes pa'i bdag nyid yod pa na 'brel pa med kyang mthong ba'i shes bya yod par rnam par 'jog ste/ des na shes pas don bzung ba las yod par rnam par 'jog go zhe na/ dogs pa de nyid bstan pa'i don du bshad pa/ mthong ba'i phyir te gang gi phyir mthong ba de'i phyir yod pa de dngos por grub par khas len no zhe na/ de ni mi rigs te/ gang gi phyir mthong ba nyid sngar brgal zhing brtags pa'i phyir ro/ /zhes ma yin nam zhes bya ba'i 'dri bas ston par byed do/ /sngar brgal zhing brtags pa'i zhing mthong ba gang yin pa de nyid ni 'dir lan du btab pa yin no/ /brgal zhing brtag pa de nyid kyi rang gi ngo bo ston par byed pa ni mthong ba zhes bya ba 'di ci zhig ces bya ba yin no/ /ji skad brjod pa bzhin te mthong ba la sogs pa rgyu dang 'bras bu'i ngo bo las tha dad pa'i chos su khas blangs pa na 'dzin pa la sogs pa'i rnam par shes pa'i rang bzhin nam shes bya'i rang bzhin du 'gyur grang na/ de la yang skyon brjod zin to/ /de'i phyir zhes bya ba ni mjug snang ba ste/ gang gi phyir rgyu dang 'bras bu'i 'brel pa spangs na don gzhan du gyur pa'i shes pas don gzhan du gyur pa'i dngos po nges pa ma yin pa'i phyir ji ltar 'thob par 'gyur te/ de'i phyir don gzhan du gyur pa'i shes pa yod pa las don gzhan du gyur pa'i yul zhes bya ba yod par nges pa dang ldan par 'dod pas gzhag par bya ba dang 'jog par byed pa dag 'brel par khas blang bar bya'o/ /'di skad brjod pa yin te/ dngos po'i rang gi ngo bo 'dzin pa de nyid kyang de las skyes pa nyid kyis rnam par bzhag par bya ba yin te/ skyes pa spangs nas ni bzung ba tha dad pa la nges par 'dzin pa zhes pa 'di nyid rnam par gnas pa ma yin no/ /de'i phyir de'i rang bzhin 'dzin pa nyid kyang de'i 'bras bu yin pa de'i phyir ji ltar de spong par byed/ de'i phyir mngon sum gyis nges par byas pa'i don thob par nus pa'i rgyu mtshan ni de'i 'bras bu nyid yin no/ /gang yang mngon sum 'brel pa zhes bya ba de'i 'bras bu nyid kyi rgyu mtshan gyis tshad ma yin pa de ni rjes su dpag pa la yang mtshungs so zhes 'brel to/ /gang gi phyir rjes su dpag pa la yang de'i 'bras bu nyid yod pa nyid do/ /'bras bu dang rang bzhin gyi rtags dag las zhes bya ba 'di ni rgyu mtshan gyi bdun pa ste/ 'bras bu'i rtags dang rang bzhin gyi rtags kyi rgyu mtshan las rjes su dpog pa gang yin pa de la yang 'brel pa de mtshungs pa yin no/ /'dis ni 'di skad du gang gi phyir 'bras bu dang rang bzhin gyi rtags rjes su dpag pa'i rgyu yin pa de'i phyir mngon sum bzhin du don gyi 'bras bu yin te/ 'bras bu dang rang bzhin gyi rtags don med na mi 'byung ba'i phyir ro zhes ston par byed do/ /'dis ni 'brel pa'i ngo bo nyid de rgyu yin pa'i phyir zhes bya ba de rnam par 'brel pa yin no/ /rtags smos pa ni 'di skad ston te rtags nyid du nges pa'i 'bras bu dang rang bzhin rjes su dpag pa'i rgyu yin no/ /rtags nyid nges pa yang 'bras bu yi ni rgyu dang 'bras bu'i dngos por ngos pa yin zhing/ rang bzhin gyi na bsgrub par bya ba'i rang bzhin gyis khyad par nges pa yin no/ /des na phyogs kyi chos rang gis bsgrub par bya bas khyab par sgrub par byed pa'i tshad mas shes pa'i rtags nyid du nges pa de las rjes su dpag pa'i shes pa skye ba yin no zhes brjod pa yin no/ /shes par byed pa'i tshad ma de yang bsgrub par bya ba'i don med na mi 'byung ba yin pa de'i phyir rjes su dpag pa ni rtags kyi shes pas bar chod pa'i bsgrub par bya ba'i don nyid 'byung ba yin no zhes bya bar gnas so/ /gang gi phyir pha rol pos de'i 'bras bu nyid kyi rgyu mtshan gyis mngon sum tshad mar khas blang bar bya ba yin la de'i 'bras bu ni rjes su dpag pa la yang khyad par med de/ des na de yang tshad mar khas blang bar bya'o/ /gang zhig gang las gang gi nus pa'i rgyu khyad par med pa de ni de las de'i nus pa khyad par med pa can yin te/ dper na tha mar gyur pa myu gu bskyed par nus pa tshogs pa gcig gis sa bon las rgyu khyad par med pa can tha mar gyur cing tha ma'i gnas skabs thob pa myu gu bskyed pa'i nus pa dang ldan pa tshogs pa gnyis pa'i sa bon bzhin no/ /gang gi phyir rgyu khyad par med pa nyid ni rgyu tshogs pa la brjod la/ de la ni ltos pa med pa nyid kyis khyab pa yin no/ /gal te de yod kyang nus pa dang ldan pa ma yin na ni ltos pa med pa rgyu tshogs pa nyid dang 'gal ba gzhan la ltos pa dang bcas par thal bar 'gyur te/ des na khyab par byed pa mi dmigs pas rgyu khyad par med pa nyid mi mthun pa'i phyogs las ldog pa na nus pa khyad par med pa dang ldan pas khyab pa yin la/ rjes su dpag pa la yang don gyis 'bras bu zhes bya ba mngon sum las don thob par nus pa'i rgyu khyad par med pa dang ldan pa yin no zhes bya ba ni rang bzhin no/ /ma grub pa nyid kyang spangs ma thag pa yin no// de'i phyir mngon sum bzhin du las su gyur pa'i rjes su dpag pa yang byed pa por gyur pa'i tshad ma'i mtshan nyid kyis khyab pa yin pa'i phyir rjes su dpag pa yang tshad ma nyid yin la/ de dag las gzhan ni yod pa ma yin no zhes gnas so// de ni ji skad bstan pa'i mngon sum dang rjes su dpag pa dag la mngon sum gyi mtshan nyid bstan pa'i don du bshad pa/ de la zhes bya ba ni mngon sum dang rjes su dpag pa zhes bya ba de dag gi tshogs las mtshan nyid bstan pa'i phyir mngon sum gyi rigs dmigs kyis dkar ba'o/ /mtshan nyid bstan pa'i phyir smras pa/ mngon sum zhes bya ba ni mtshan gzhi rjes su brjod pa ste mngon sum gyis brjod par bya ba mngon sum du byed pa'i shes pa rab tu grags pa de ni rtogs pa dang bral zhing ma 'khrul pa'o zhes de ltar mngon sum rjes su brjod nas rtog pa dang bral ba nyid la sogs pa'i mtshan nyid sgrub par byed pa yin no/ /gang gi phyir mngon sum du byed pa'i shes pa rab tu grub pa la log par rtogs pas ma shes pa'i rtog pa dang bral ba la sogs pa shes par byed pa yin te/ des na shes par 'gyur ba'i mngon du byed pa nyid ni mngon sum gyi sgras rjes su brjod pa yin la/ mi shes pa'i mtshan nyid ni shes par bsgrub pa yin no/ /mtshan gzhi dang mtshan nyid grub pa la ni mtshan nyid rjes su brjod nas mtshan gzhi nyid shes par byed la/ mtshan gzhi dang mtshan nyid kyi dngos po ma grub pa dag la ni mtshan nyid sgrub par byed do/ /dper na kun du rgyu'i rtags ni gtsug pur yin no zhes bya ba'i ngag la kun du rgyu rjes su brjod pa dang gtsug pud bsgrub pa de bzhin du 'dir yang mngon sum du byed pa'i shes pa shes par gyur pa'i mtshan nyid ma shes pa bsgrub pa yin no/ /mtshan gzhi dang mtshan nyid shes pa la ni mngon sum ni rtog pa med pa yin la/ 'di ni rtog pa med pa ma yin no zhes de dang der brjod pa yin no/ /ming dang ming can gyi 'brel pa yang skabs su bab pa ma yin pa nyid de/ grangs la sogs pa brjod pa'i skabs yin pa'i phyir ro/ /dgos pa cung zad yod pa yang ma yin te/ mtshan nyid ni log par rtogs pa bsal ba'i don yin no// rang gi 'dod pas ming brtags na yang mngon sum gyi sgras brjod pa'i don la gzhan gyis log par rtogs pa ma bsal bar 'gyur ro/ /ci ste dngos po de la rnam pa 'dis pha rol pos ming nyid gzhan du bya ba yin pa de lta na yang 'di dag nyid ni mngon sum gyi sgras brjod par bya ba'i don ma yin te/ gang gi phyir mngon du byed pa'i shes pa ni mngon sum gyi sgra'i brjod par bya ba yin la/ rtog pa dang bral ba dang ma 'khrul pa nyid ni de'i khyad par yin te/ dper na sgra rna bas gzung bar bya ba'i bdag nyid rab tu grub pa sgra'i sgras brjod par bya ba de la sngar ma grub pa'i mi rtag pa nyid bsgrub pa yin gyi ming dang ming can gyi 'brel pa sngar ma grub pa byed pa ma yin pa de bzhin du/ mngon sum gyi shes pa nyid dang/ gsal bar snang ba nyid dang/ mngon du byed pa nyid dang/ dbang po la rten pa nyid du rab tu grags par gyur pa mngon sum du brjod par bya ba de rjes su brjod nas khyad par rtog pa dang bral zhing ma 'khrul pa nyid ces bya ba sgrub pa yin gyi snga na med pa'i ming dang ming can gyi 'brel pa bya ba ni ma yin no/ /gang yang phyogs gzhan du rab tu grub pa 'di dag rjes su brjod par brtags nas/ mngon sum sgrub pa rtog pa de dag gis kyang mtshan gzhi dang mtshan nyid bsgrub pa'i dag phyin ci log tu bsten par 'gyur ba yin te/ sgra dang mtshan nyid sgrub par byed pa'i dag ni 'jig rten na de ltar ma mthong ngo zhes bstan zin to/ /de ltar brtag par rig pa yang ma yin te/ phyogs gzhan du khyad par de dag mngon sum nyid kyi gzhi la rab tu grub pa 'am/ gzhi med par grub pa gcig rjes su brjod grang/ de la re zhig gzhi med par ni grub pa mi srid do/ /mngon sum nyid kyi gzhi la grub na ni ngag 'dis 'dir snga na med pa ci zhig bsgrub par 'dod/ kho bo cag gis ni dag 'di nyid kyis brjod pa'i khyad par rgyun phyi mas 'thad par brjod pa yin no/ /de'i phyir bsgrub pa dang rjes su brjod pa'i tshul 'di nyid rigs pa yin no/ /'dir yang mtshan nyid gzhan rnam par bcad pa ni ma yin gyi 'on kyang log par rtogs pa bsal ba'i don yin no/ /des na rtog pa dang bral ba smos pa nyid kyis rjes su dpag pa tha dad par byas mod kyi/ ma 'khrul pa smos pa ni dbang po mig ser la sogs pas nyams par byas pa'i shes pa bzung bar bya ba la phyin ci log pa ni rtog pa dang bral ba yang dgag pa'i don du ste 'di ltar don byed nus pa'i rang bzhin la ma 'khrul pa gang yin pa de ni ma 'khrul pa yin na ni/ rab rib la sogs pas nyams pa'i shes pa ni bzung bar bya ba don med par bzod pa la 'khrul pa kho na yin no/ /de bzhin du rjes su dpag pa yang de ma yin pa la der 'dzin pa'i phyir 'khrul pa yin pa de'i phyir ma 'khrul pa smos pas rjes su dpag pa gsal mod kyi/ rtog pa dang bral ba nyid kyi log par rtogs pa bsal ba'i phyir ro/ /des na mtshan nyid re res kyang rjes su dpag pa rnam par gcad pa grub mod kyi/ gnyi ga smos pa ni log par rtogs pa bsal ba'i don du'o/ /'di ltar ma 'khrul pa'i smos pa las mi gser gyis nyams pa'i mig gi rnam par shes pa ni don bya ba byed pa'i bzung ba la phyin ci log pa'i phyir mngon sum ma yin par shes la/ tshul gsum pa'i rtags las skyes pa ma yin pa'i phyir rjes su dpag pa yang ma yin no/ /tshad ma gzhan yang ma yin te/ ji ltar snang ba la mi bslu bas tshad mar 'gyur pa 'am/ ji ltar zhen pa las yin grang na/ 'di la ni snang ba dang zhen pa dag la mi bslu ba med pa'i phyir tshad ma ma yin no/ /ma 'khrul pa smos pa med na ni kha cig rnam pa 'di lta bu'i shes pa rnam par rtog pa can gyi yid du lhag par zhen nas tshad ma ma yin pa'am don tsam la mi slu ba dang rtog pa med pa nyid du lhag par zhen pas mngon sum nyid du rnam par 'jog par 'gyur ro/ /ma 'khrul pa smos pa ni thams cad spangs pa yin no/ /gzhan dag mdo sde pa bzhin du rnal 'byor spyod pa'i gzhung bsdu ba'i don du mi slu bar byed pa la ma 'khrul par shes pa de ni mi rigs so/ /gang gi phyir slob dpon gyis ma 'khrul pa'i sgra'i don de lta bur gyur pa yin pa ni mi bzhed de/ 'khrul pa'i mtshan nyid ni phyin ci log tu snang ba yin no zhes de dang der gsungs pa'i phyir ro/ /dngos po mi snang ba'i phyir rnam par rtog pa ni mngon sum ltar snang ba'o/ /zhes gsung pa na yang/ mngon sum ni dngos por snang ba don byed pa'i dngos po'i rang bzhin la ma 'khrul pa yin par brjod pa yin no/ /gang yang rjes su dpag pa ni de ma yin pa la der 'dzin pa'i phyir 'khrul par 'gyur pa na/ gal te mngon sum de las bzlog pa mi bzhed na rjes su dpag pa 'khrul pa nyid du brjod pas ci zhig bya/ bzlog par bzhed do zhe na/ 'o na de ni gzung ba la phyin ci log pas 'khrul pa yin la/ de las bzlog pas mngon sum ma 'khrul pa yin pa'i phyir mngon sum gzung ba las phyin ci ma log pas ma 'khrul lo zhes bya bar grub po/ /gzhan yang mngon sum ni yang dag pa'i shes pa'i dbye ba nyid yin no/ /de la yang dag pa'i shes pa rtog pa dang bral zhing ma 'khrul pa zhes bya ba'i dag la/ ma 'khrul pa'i sgras yang dag pa'i shes pa'i rnam grangs mi slu ba'i don nye bar len pa ni don med pa nyid do/ /gal te rnal 'byor spyod pa'i gzhung yang thams cad du rjes su 'jug par byed pa yin no/ /slob dpon gyis rjes su dpag pa nyid gzung ba la phyin ci log pa nyid yin no zhes bya ba dang/ don gyi mthu stobs kyis skye bas rtog pa med pa nyid du gsungs par ci'i phyir rjes su 'jug par mi byed/ de'i phyir rnam rig tsam du smra ba ni slob dpon bag chags brtan pa dang mi brtan pa dag gis rnam par 'jog pa mthong la/ /'di ni don med na mi 'byung ba las zhes de lta bu la sogs pa gsungs pa na/ phyi rol gyi don gyi tshul nyid bzheng pa yin no/ /de'i phyir sngar bshad pa nyid ma 'khrul pa'i don yin no/ /kha cig zla ba gnyis pa la sogs pa'i shes pa yang cha 'ga' zhig la mi slu ba des na tshad ma yin pa de'i phyir de bzlog pa'i don du ma 'khrul pa smos pa ni rigs pa ma yin te/ de nyid kyi phyir slob dpon phyogs kyi glang pos kyang ma mdzad pa yin no/ /ci ste shes pa 'ga' zhig nges pa'i dngos po'i bdag nyid thams cad la mi bslu ba de tshad ma yin pa'i don du mi slu ba smos na de yang rigs pa ma yin te/ gang gi phyir don gyi bdag nyid thams cad la mi slu ba'i rnam par shes pa ni 'ga' yang yod pa ma yin no/ /zhes 'jer? to/ /gal te de ltar na slob dpon phyogs kyi glang pos mngon sum dang rjes su dpag pa tshad mar gsungs pa ji ltar 'gyur te/ tha na byis pa la sogs pa'i rtog pa yan chad kyang cha 'ga' zhig tha na dngos po tsam la mi slu ba ma yin pa'i shes pa 'ga' yang yod pa ma yin la/ bdag nyid thams cad la mi slu bar byed pa yang 'ga' yang med pa'i phyir ro/ /des na tshad ma nges par bstan pa'i phyir rnam par rtog pa can gyi shes pa 'ga' zhig gtan nas mi slu ba ma yin par bzhed pa yin no/ /sngar bshad pa'i tshul gyis thams cad la yang mi slu bar sbyar bar nus pa yin no/ /de'i phyir dgongs pa ni 'di yin te/ don bya ba byed pa'i don gang zhig mdun du byas nas rtog pa dang ldan pa don du gnyer ba nyid kyis 'jug pa'i cha de thob pa la brten nas mi slu bar 'jog la mngon par 'dod pa thob na yang bdag nyid thams cad la mi slu ba yin no/ /'di ltar thun mong gi chos gang cung zad brtags pa de thams cad ni khyad par gyi rang bzhin gyis don byed par nus pa yin te/ khyad par rnams nyid don byed par nus pa yin pa'i phyir ro/ /de ni don bya ba byed pa nyid kyis yod pa yin na nges pa'i khyad par la bslus pa na yang spyi la ma bslus pa zhes bya ba yod pa ma yin no/ /des ni don byed par nus pa'i khyad par spangs pa na bdag nyid thams cad la bslus pa yin no/ /khyad par la ni smig rgyu la ni chu'i rang bzhin spangs pa yin no/ / nor bu'i 'od la ni nor bu'i yul spangs pa yin no/ /rmi lam bden pa'i shes pa'i ni dus spangs pa yin te/ yul dang dus dang rnam pa gzhan pas dngos po gzhan nyid du 'gyur pa'i phyir/ des na yul dang dus dang rnam par gzhan du gnas pa'i dngos po la de las bzlog par shes pa ni phan tshun spangs pa yin pas 'gal ba'i dngos po ma bzung ba yin no/ /des na 'gal ba rnam pa gsum gyi rang bzhin 'dzin pa na bdag nyid thams cad bslus pa yin no/ /des na byis pa la sogs pa'i yongs su spangs nas rnam par rtog pa rnams la rjes su dpag pa 'ba' zhig tshad mar bshad do/ /de bzhin du ser por shes pa ni don byed par bzod pa'i rnam pa spangs pa yin no/ /ljon shing 'gro bar mthong ba ni de'i yul ma yin pa nyid do/ /zla ba gnyis su shes pa ni yul dang rnam pa spangs pa yin no/ /rta rmis ni dus spangs pa yin te des na 'gal ba'i rang bzhin 'dzin pa'i phyir/ ji ltar na 'di dag cha shas la yang mi bslu ba yin/ de'i phyir rjes su dpag pa las tha dad pa'i rnam par rtog pa spangs pa bzhin du slob dpon 'di dag kyang spangs par bzhed pa yin te/ de'i don du mtshan nyid lhag ma ma 'khrul pa smos pa yin no/ /gal te rang bzhin 'gal ba 'dzin pa 'khrul pa'i phyir tshad ma ma yin par 'gyur/ sngon po la sogs par snang ba yang 'khrul bar thal bar 'gyur te/ rdul phra rab ma 'dres pa rnams la 'dres pa nyid du 'gal bar 'dzin pa'i phyir ro zhe na/ smras pa/ 'dir re zhig phyi rol gyi tshul gyis rnam par shes pa don 'dzin par byed pa dang rdul phra rab rnams phyogs cha tha dad pas byas pa'i 'gal ba dang mi ldan par khas blangs nas mtshan nyid brjod par bya'o/ /de la sngon rnam pa can gyi rnam par shes pa ni dngos po ji ltar gnas pa dang 'gal bar snang ba ma yin no/ /gang gi phyir rdul phra rab rnams kyi ma 'dres pa nyid rang bzhin tha dad pa 'am/ rang bzhin gzhan gyi yul spangs pa 'am/ nam mkha' stong pa'i yul dang ldan pa 'am/ dbang po tha dad pa'i gzung bas bar du bcad pa dang ldan pa yin grang na/ de la snang ba na rang bzhin tha dad pa med par ni mi snang ste/ gong du rdul phra rab tsam du snang bar thal ba'i phyir ro/ /de nyid kyi phyir rang bzhin gzhan gyi yul spangs par snang ba yang grub po/ /nam mkha' stong pa'i phyogs kyang dngos po med pas dbang po'i shes pa'i spyod yul ma yin no/ /dbang po gzhan gyis gzung pas bar du chod pa'i nyin ni reg pa la sogs pa'i rang bzhin lhan cig tu rgyu ba yod pa nyid yin la de yang mig gi rnam par shes pa la snang ba ma yin no/ /de la gal te reg pa la sogs pas stong par snang ba nyid la 'drel par snang ba nyid brjod na'o/ /de ni 'dod pa nyid de/ de la reg pa la sogs pa snang ba med pa'i phyir ro/ /reg pa la sogs pa mi snang ba yang mig gis gzung bar bya ba'i rang bzhin ni 'gal ba ma yin no/ /ci ste bar chad med par snang ba'i phyir gzugs reg pa'i yul na gnas par mthong ba yin la/ de'i phyir yul la 'khrul pa yin no snyam na/ de yang rigs pa ma yin te/ reg pa las tha dad pa'i yul 'ga' yang med de/ de ni snang na ji ltar na de'i yul na gzugs yod par snang bar 'gyur de'i phyir 'dres par 'khrul pa 'di ni reg pa'i rdul phra rab dang bral ba'i gzugs kyi rdul phra rab rnams rang gi yul du shes pa gcig la snang ba la brten pa'i yid yin no/ /dbang po'i rnam par shes pa ni rang gi yul na gnas pa'i gzugs snang ba yin te/ yul dang dus dang rnam pa la 'khrul pa ma yin pa de'i phyir ji ltar ma 'dres pa rnams la 'dres par snang pa yin/ yul gzhan du 'dzin na ni 'dres par 'dzin par 'gyur na de yang yod pa ma yin no zhes sngar bsgrubs zin to/ /rags pa nyid dang phyogs tha dad pa'i mang po ni 'gal ba yod pa ma yin no/ /de'i phyir yod pa nyid kyi rgyu ni don bya ba byed pa yin la don bya ba byed pa yang khyad par yin no/ /de'i phyir gnod par byed pa med na khyad par du snang bar dmigs pa gang ji snyed pa de thams cad yod par khas blang bar bya bar rigs pa yin no/ /don bya ba byed par nus pa'i yul la gnod par byed pa yod na ni dngos po'i bdag nyid thams cad btang ba yin no/ /don byed par nus pa dmigs na ni nges par byas pa'i cha gang la gnod byed kyi shes ba srid pa de la tshad ma ma yin gyi/ gnod pa med pa'i cha don bya ba byed pa ni tshad ma'i yul yin pas chos can de la ma nges pa'i rang bzhin yang tshad ma gzhan gyis sgrub pa yin no/ /sngon po ma yin pa las log pa'i don yang gnas pa'i khyad par gyis don byed pa la nye bar mkho ba can yin la/ de dang 'gal ba med pa du ma nyid dang ma 'dres pa nyid dang skad cig ma nyid ni mthong ba de la tshad ma gzhan las khong du chud pa yin no/ /yul dang dus dang rnam pa gzhan nyid ni gzhan la 'gal ba yin te/ des na de lta bur gyur pa 'dzin pa'i shes pa ni cha thams cad la 'khrul pa yin pa'i phyir ma 'khrul pa smos par bya ba yin no/ /gzhan dag ma 'khrul pa smos par bya ba kho na ste 'on kyang dung gcig la ser por shes pa dbyibs kyi cha la mi slu ba'i phyir tshad ma yin la/ kha dog gi cha la phyin ci log tu gyur pas tshad ma ma yin pa 'ba' zhig tu zad do/ /des na ma 'khrul pa smos pa ni 'di cha de la tshad ma ma yin gyi gzhan la ni ma yin zhes ston par byed pa yin no zhes smra ba de ni rigs pa ma yin te/ gang gi phyir cha gcig la 'jug pa'i yan lag gi tshad ma yin na ni cha gzhan la tshad ma ma yin par bsgrubs pa la cung zad kyang 'bras bu yod pa ma yin no/ /tshad ma ma yin pa ni 'jug pa'i yan lag ma yin pa bsgrub pa'i don du yin na/ de ni 'jug pa'i yan lag nyid yin no/ /'jug pa yin pa de ltar na yang yul de la tshad mar 'khrul par mi 'gyur par bya ba'i phyir ro zhe na/ tha snyad nyid las tshad ma dang tshad ma ma yin par dang rang kho nas rtogs par 'gyur ba ma yin nam/ de'i phyir cha 'di la tshad ma ma yin no zhes brjod pa 'dis ci zhig bya/ de'i phyir rnam pa 'di lta bu'i shes pa thams cad ma 'khrul pa smos pas spang bar bya ba yin no/ /dbyibs ni kha dog las tha dad par don byed nus pa ma yin pas nus pa'i kha dog de la ma 'khrul par ga la 'gyur/ don bya ba nus pa brjod pa'i dung gi sgra yang dbyibs kyi khyad par can gyi kha dog la 'jug la/ kha dog rnams kyang rab tu dbye ba du ma yod pa nyid kyis na khyad par don du gnyer bas/ dkar po ser po gser dngul zhes khyad par du brjod par bya'o/ /don byed pa thob pa ni shes pa gzhan kho na las yin gyi ser po'i rang bzhin 'dzin pas ni ma yin no/ /de'i phyir ma 'khrul pa smos pa ni 'gal ba'i rang bzhin 'dzin par byed pa'i rtog pa pa bral ba bzlog pa'i don du yin la/ 'gal ba'i rang bzhin 'dzin par byed pa de yang bdag nyid thams cad la slu bar byed pa yin no zhes gnas so/ /phyi nas brjod kyang brjod par bya ba nyung bas ma 'khrul pa nyid dang por bshad par bya ba'i phyir/ rab rib dang zhes bya ba la sogs pa smos te/ rab rib mig la gnas pa dbang po nyams par byed pa'i rgyu ste/ 'dis ni mig la gnas pa'i dbang po nyams par byed pa'i rgyur gyur pa/ mig ser la sogs pa mtshon pa yin no/ /myur du bskor ba ni dbang po nyams par byed pa'i rgyu yul la gnas pa'i bya ba'i khyad par ro/ /myur ba smos pa ni dal bus bskor bar bzlog pa'i phyir te/ de ni 'khrul pa'i rgyu ma yin no/ /mgal me myur tu bskor bas rjes su 'gro ba'i mig gi 'bras bur gyur pa na/ mig nyams pas mig gi rnam par shes pa 'khrul par 'gyur ba yin no/ /'dis ni mgal me yan man du g.yugs pa la sogs pa dbang po nyams par byed pa'i rgyu yul la gnas pa rnams mtshon pa yin te/ mgal me phyogs gcig tu mngon du phyogs te/ myur du g.yugs pa na dbyug pa'i rnam par 'khrul pa skye ba yin no/ /grur zhugs pa ni grus 'gro ba ste/ 'dug pa'i grur 'khrul par mi 'gyur pa des na bya ba'i khyad par kho nas 'khrul pa'i rgyu yin no/ /'di ni phyi rol gyi rten la gnas pa dbang po nyams par byed pa'i rgyu ste/ gru 'gro bas lus bskyod pa ni dbang po nyams par 'gyur ro/ /'dis kyang rta'i bzhon pa dang ldan pa dang/ rlung la sogs pas 'khrugs pa dang/ gnad mi bzang par bsnun pa dang 'khrus pa dang/ bskor gar la sogs pa rten la gnas pa'i 'khrul pa'i rgyu rnams nye bar mtshon pa yin no/ /rab rib dang myur du bskor ba dang grur zhugs pa rnams kyis byas pa'i dbang po'i 'gyur ba ni 'khrugs pa ste/ ji srid dbang po'i rnam par 'gyur ba ma byas pa de srid du dbang po las skyes pa rnam par bslad par mi 'gyur ro/ /de dag gis byas pa gang yin pa de ni de dag gis 'khrugs pa yin no/ /de la sogs pa dbang po'i yul na gnas pa dang/ phyi rol gyi yul na gnas pa dang/ rten la gnas pa'i 'khrul pa'i rgyu rnams kyis byas pa'i 'khrugs pa gzhan gang yin pa ste/ de la sogs pas gang du 'khrul pa ma bskyed pa ste/ sogs pa'i sgra'i mdza' i 'khru? mang po pas drug pa'i bsdu ba yin pa de bas na 'khrugs pas 'khrul pa na skyes pa'i shes pa de dang 'bral ba yin no/ /'di dag ni gsal bar snang bas rtog pa med pa nyid yin yang dngos po'i rang bzhin yongs su btang ba'i phyir mi slu ba nyid med pas tshad ma ma yin te/ dga' ba la sogs pa'i rnam par rtag pa bzhin no/ /dngos po'i rang bzhin yongs su btang ba nyid kyang yul dang dus dang rnam pa tha dad pa'i phyir ro/ /'dir zla ba gnyis snang ba'i shes pa ni re zhig yul la 'khrul pa yin te/ zla ba gnyis su mi gnas pa'i phyir ro/ /des na rang bzhin la 'khrul pa yin te/ gnyis rang bzhin du snang ba ni gcig gi rang bzhin dang 'gal ba'i phyir ro/ /'gal ba'i rang bzhin 'dzin pas ni/ rang bzhin gzhan gzung ba ma yin te/ ha cang thal bar 'gyur ba'i phyir ro/ /'khor lor snang ba ni don byed pa'i rang bzhin la 'khrul pa yin te/ bkod pa dang bral ba'i kha dog ni don byed pa dang ldan pa ma yin la/ bkod pa yang ma bzung ba'i phyir ro/ /bkod pa btang ba'i phyir de dang lhan cig pa'i rang bzhin yongs su btang ba yin no/ /yul la 'khrul par ni gsal ba yin te yul gcig na gnas pa'i mgal me la yul du ma na gnas par 'dzin pa'i phyir ro/ /de bzhin du ljon shing 'gro bar snang ba ni yul la 'khrul pa yin la de na rang bzhin la yang 'khrul pa yin no/ /de bzhin du 'ga' zhig tu kha dog la 'khrul pa/ dper na dung? la ser por snang ba'i shes pa lta bu ni don byed pa'i rnam pa la 'khrul pa yin no/ /kha dog ni rang bzhin nyid do/ /thams cad du yang don thob pa ni 'jug pa'i rgyu mtshan gyi shes pa gzhan la rag las pa yin no/ /zhes mang du bshad zin te/ /rnam pa de lta bu'i 'khrul pa'i shes pa dngos po'i rang bzhin yongs su btang ba ni ma 'khrul pa smos pas bzlog pa yin no/ /de'i phyir de lta bur gyur pa'i 'khrul ba med cing rnam par mi rtog pa zhes 'chad par 'gyur ba'i mtshan nyid sdud pa yin no/ /gal te ma 'khrul pa zhes de skad brjod na ni mtshan nyid 'di dag gang yang rung bas mtshon pa mngon sum nyid du dogs par 'gyur ro/ / des na 'khrul pa med cing rtog pa dang bral ba gang yin pa de mngon sum yin no zhes brjod pa yin no/ /mngon sum ni rtog pa dang bral ba yin la/ de yang ci 'dra ba zhig yin par 'dod pa bstan pa'i don du mngon par brjod pa can zhes smos te/ 'di la brjod pa yod pas na rjod pa can no/ /'di nyid rnam par 'grel par bshad pa 'dis don brjod pa'i phyir brjod pa ni sgra la bya'o/ /de dang 'dre ba ni shes pa'i bdag nyid gcig la tshogs pa ste/ rjod par byed pa'i sgra dang/ brjod par bya ba'i don du snang ba'i shes pa gcig gi gzung ba'i bdag nyid du gnas so/ /don gyi rnam brjod par byed pa'i sgra'i rnam pa dang lhan cig tu shes pa gcig la snang bar 'gyur na ni/ de'i tshe brjod par bya ba dang rjod par byed pa dag 'dres pa yin no/ /'dre ba'i phyir rung ba zhes don ston pa yin pa'i phyir drug pa'i bsdu ba'o/ /de lta bur gyur pa'i don gyi snang ba bzung ba'i rnam pa rjod par byed pa'i sgra dang lhan cig pa'i gzung ba'i rnam pa de ni de skad ces brjod pa yin no/ /rtog pa ni sbyor bar byed pa yin par bstan la sbyor bar byed pa yang sgra dang don bsdus nas 'dzin pa yin no/ /gal te de ltar 'dres par snang ba zhes brjod par bya ba ma yin nam/ ci'i phyir rung ba zhes smos she na brda la ma byang ba la rjod par byed pa'i sgra dang 'dres pa'i don snang ba'i rtog pa ni cung zad kyang med la/ de la rtog pa ni yod pa yin pas rung ba smos pa ni de sdud pa yin no/ /deng skyes pa'i byis pa rnam par rtog pa'i shes pa ni don nye ba la ltos pa med pa de'i phyir snang ba nges pa med pa yin la/ snang ba nges pa med pa nyid kyis kyang rung ba yin no/ /rnam par rtog pa'i shes pa de ni nu ma la sngon mthong ba'i bkres pa bzlog par byed pa nyid du rtogs pa na byis pa 'jug par byed pa yin la snga ma dang phyi ma dag tha dad pa med par 'dzin pa ni don nye ba la ltos pa med par grub po/ /sgra'i snang ba yang de la yod pa yin no zhe na/ de la skye ba gzhan du goms pa las sgra'i rnam pa mi gsal ba yod dam med kyang rung ste/ phyis goms pas byas pa'i khyad par can gyi sgra dang 'brel pa'i don snang ba ni thams cad du yod pa ma yin no/ /rnam par rtog pa'i rtogs pa de ni yul gyi byed pa la ni mi ltos pa nyid kyis snang ba nges pa med pa yin la/ de las kyang sgra dang 'drer rung ba snang ba yin no/ /de zhes bya ba rtog pa 'di dbang po'i shes pa la srid pa ma yin no/ /de zhes bya ba ni chos can gyis snang ba zhes bya ba'i chos bstan pa ste/ brjod pa dang 'drer rung ba'i snang ba ni dbang po'i shes pa la srid pa ma yin zhing/ dbang po'i rnam par shes pa la ni de lta bur gyur pa'i snang ba med do zhes bya ba'i don no/ /gzhan du yang chos can gyis chos bstan pa ni yod pa yin te/ dper na rwa can nog dang ldan pa mdza' na 'jug ma yod pa zhes rwa la sogs pa dang ldan pa ba lang nyid kyi rtags su gyur pa rwa la sogs pa nyid ston par byed pa nyid yin te/ de bzhin no/ /gzhan du rnam par rtog pa'i shes pa gzhan dang bral ba dbang po'i shes par brjod par 'gyur ro/ /de lta na yang ma brjod pa dang mtshungs par 'gyur ro/ /rnam par rtog pa'i shes pa yang rnam par rtog pa'i shes pa gzhan gyis stong pa yin te/ /de ni rnam par rtog pa med pa ma yin no/ /de'i phyir des stong pa'i rang gi ngo bo brjod pa yin no/ /yang de dag las shes dogs pa la gtan tshigs ston te/ don de brjod par bya ba mngon par 'dod pa'i rang gi mtshan nyid gzugs la sogs ba'i mthu yis te/ byed pa las yang dag skye ba ste 'byung ba yin pa'i phyir ro/ /gang gi phyir don gyi stobs kyis skyes pa yin gyi rjod par byed pa'i sgra'i stobs kyis ma yin pa de'i phyir dbang po'i rnam par shes pa sgrar snang ba ma yin no zhes brjod par 'gyur ro/ /'di snyam du gal te don gyi nus pas bskyed pa de lta na yang sgrar snang bar ci'i phyir mi 'gyur zhes dogs pa la/ gang gi phyir zhes bya ba smos te/ gang gi phyir dbang po'i rnam par shes pa de don gyi nus pa las skye ba'i phyir de'i rang bzhan kho na'i rjes su byed pa'i phyi zhes bya ba ni rjes su byed pa srid pa yin no/ /de'i phyir sgrar snang ba ma yin no/ /bsam pa 'di yin te rgyu ma yin pa yul ma yin pa zhes bya ba'i rigs pas khyad par can gyi don snang ba'i dbang po'i rnam par shes pa la de'i stobs las skyes pas khyab pa yin pa de'i phyir skyed pa'i don de'i rjes su byed pa srid pa yin no/ /gal te sgra yang snang bar gyur na ni/ khyab bya sgra'i rjes su byed pa grub pas khyab byed de'i stobs las skyes pa yang ma yin no/ /de'i phyir snang ba ma yin no/ /'di snyam du gal te dbang po'i shes pa don gyi 'bras bu yin na sgra'i 'bras bu yang yin pa kho na'o/ /'di ltar sgra thams cad du khyab pa yin no/ /des na don gyi yul na yang de rjod par byed pa'i sgra nye ba kho na'o/ /de'i phyir rnam par shes pa don bzhin du sgra'i yang yod pa dang med pa'i rjes su byed pa yin no/ /yang na brda sprod pa rnams kyi rnam par 'gyur ba'i don ni sgra nyid kyi bdag nyid yin pa 'am/ yang grangs can rnams kyi sna tshogs ni sgra la sogs pa lnga'i rnam par 'gyur ba yin pa des na don sgra'i bdag nyid can yin no/ /de'i phyir don sgra'i bdag nyid yin la/ de las kyang sgra dang don dag gi rjes su 'gro ba'i rjes su byed par mtshungs pa de'i phyir 'di la khyab par byed pa de'i stobs las skyes pa med pa ma yin no zhes dogs na/ gshad pa grang gi phyir don la sgra yod pa ma yin no/ /'di ltar yod pa nyid ni don byed pa'i rgyu mtshan gyis yin la/ don byed pa'i khyad par gyis kyang yod pa'i khyad par yin zhing/ de yang rjes su 'gro ba dang ldog pa dag las khyad par can gyi rnam pa dang 'brel ba na khyad par dang ldan par rtogs par bya ba yin no/ /sgra yang don byed pa gang yin pa de las yod par 'dod pa yin no/ /don byed par nus pa de ni rang gi rnam pa nyid kyis yin par mngon sum du khong du chud la don byad? yin na/ don la ni sgra dmigs pa ma yin no/ /ji ltar gzhan du dmigs pa la gzhan yod par rjod de/ ha cang thal ches par 'gyur ba'i phyir ro/ /de nyid kyis na de'i bdag nyid kyang ma yin no/ /de'i bdag nyid dam de nyid gang dag gi bdag nyid yin pa'o/ /don bya ba nus pa'i sgra ni don gyi rang bzhin spangs par tshad mas dmigs pa yin la/ don kyang sgra'i rang bzhin spang par dmigs pa yin na de ji ltar tshad mas dmigs bzhin du bdag nyid slu bar byed/ de'i phyir sgra rnams de'i yul na gnas pa ma yin la de'i bdag nyid kyang ma yin na/ gang gis de'i yul na gnas pa dang de'i bdag nyid yin pa'i sgo nas don bzhin du sgra'i rjes su 'gro ba dang ldog pa'i rjes su byed par 'gyur zhing/ don de rang gi 'bras bu la snang ba na de dag kyang rgyur gyur pas snang par 'gyur ba/ de'i bdag nyid dang de'i yul na gnas pa ni med la/ logs shig rjes su 'gro ba dang ldog pa'i rjes su byed pa yang ma yin pa des na de'i stobs kyis skyes pa nyid med pa'i phyir de yang snang ba nyid ma yin no/ /gal te shes pa'i chos 'ga' zhig ni phyi rol la rag las pa yin te/ dper na sngon po la sogs pa'i snang ba bzhin no/ /kha cig ni de las bzlog pa yin te/ dper na rtogs pa'i rang bzhin lta bu ma yin nam/ don gyi snang ba ni res 'gal ba yin pa'i phyir phyi rol dang 'brel ba yin la/ rtogs pa'i rang bzhin ni phyi rol la ltos pa med pa'i phyir rang gi nye bar len pa dang 'brel pa yin pa de bzhin du/ sgra'i snang ba 'di rang gi nye bar len pa tsam la rag las pa yin no/ /de nyid kyi phyir shes pa mdza' dag la rjes su 'brang ba des na phyi rol gyi snang ba nyid de med na mi 'byung ba yin gyi gang 'di sgra'i rnam par zhes bya ba shes pa'i chos de ni de'i nye bar sbyor ba med kyang nye bar len pa tsam las 'byung ba des na khyab pa ma grub pa yin no snyam du dogs pa la/ rig pa'i chos 'di zhes bya ba la sogs pa smos te/ rig pa ste shes pa'i chos sgra'i rnam pa zhes bya ba 'di phyi rol gyis ma byas pa ma yin te/ 'on kyang 'di'i phyi rol gyis byas pa nyid du khas blang bar bya'o/ /reg pa ni rgyu'i dngos por 'dzin pa'o/ /de gang la yod pa de ni reg pa dang ldan pa'o/ /reg pa dang ldan pa med pa ni reg pa dang mi ldan pa'o/ /don la zhes bya ba ni don la ma reg pa'i chos ma yin no zhes bya ba'i don to// 'di gang las she na/ sgra'i snang ba de don dag tu nges par sbyor ba ni nges par 'brel par byed cing der gnas pa thob pa ste de'i rang bzhin du snang ba zhes bya ba'i don to/ /'di skad du brjod pa yin te/ gang gi phyir dbang po'i rnam par shes pa la snang ba'i sgra'i rnam pa'i phyi rol gyi don yin par rtogs shing phyi rol nyid du zhen par byas pa de'i phyi rol gyis byas par khas blang bar bya ba yin la/ 'dzin pa'i rnam pa nang du yongs su gsal ba phyi rol nyid du lhag par zhen pa ma yin pa gang yin pa de ni phyi rol gyis ma byas par rigs pa yin no/ /shes pa'i chos gang zhig phyi rol gyi don nyid du zhen par byas pa de ni phyi rol gyis byas pa yin te/ dper na sngon po'i snang ba bzhin no/ /sgra'i snang ba yang don nyid du zhen par byas pa yin no/ /de ga las shes dogs na/ phyi rol nyid du zhen par byas pa'i rnam pa de las/ gzugs la sogs pa'i don rnams mi rtogs par thal ba'i phyir ro/ /'di skad bshad par 'gyur ba yin te/ phyi rol gyi rang bzhin du lhag par zhen par byas pa dbang po'i shes pa'i snang ba las ni/ gzhan phyi rol gyi don rtogs par byed pa de'i phyir 'di phyi rol gyis byas pa yin par blta'o/ /gal te phyi rol tu lhag par zhen par byas pa yin yang sgra'i snang ba las phyi rol gyi sgra mi rtogs shing rnam par bzhag par bya ba ma yin pas de'i phyi rol gyis byas par ma gyur na ni sngon po la sogs pa'i snang ba las kyang phyi rnam par bzhag pa dang/ de las kyang phyi rol gyis byas pa ni 'grub pa 'ba' zhig go /sngon po la sogs pa yang phyi rol gyis byas par 'dod pa de'i phyir/ ji ltar sngon po la sogs pa'i snang ba dag las phyi rol gyi sngon po la sogs pa rnam par bzhag par byas pa las snang ba de dag phyi rol gyis byas par 'dod pa de bzhin du/ dbang po'i shes pa la gnas pa'i phyi rol gyi rang bzhin du zhen par byas pa'i sgra'i snang ba las sgra rnam par bzhag par bya ba yin la/ de las kyang de phyi rol gyis byas par khas blang par bya ba yin te/ sgra'i snang ba de dang sngon po la sogs pa'i snang ba khyad par med pa'i phyir ro/ /de'i phyir phyi rol gyi smra ba rnams kyi phyi rol tu lhag par zhen par byas pa'i rnam pa phyi rol rnam par 'jog pa'i rgyur gyur pa'i khyab par byed pa ni phyi rol gyis byas pa nyid yin no/ /gzhan du na snang ba gang las kyang don rtogs par mi 'gyur ro/ /rab rib can la sogs pa'i shes pa'i rnam pa ni phyi rol du lhag par zhen par byas pa yin yang slu ba'i phyir phyi rol rtogs par byed pa ma yin la/ de'i phyir phyi rol gyi ma byas pas 'khrul pa med do/ /de'i phyir zhes bya ba ni gang gi phyir don sgra'i bdag nyid kyang ma yin sgra'i? rten kyang ma yin la/ sgra'i rnam pa 'di yang phyi rol gyi sgra la mi ltos pa nyid ma yin pa de'i phyir 'di nye ba ste/ thag nye ba nyid du gyur pas shes pa skyed pa na'o/ /'dis ni shes pa don nye ba la ltos pa na rjes su 'gro ba dang/ ldog pa'i rjes su byed par brjod pa yin no/ /bdag nyid du ma gyur pa ni bdag nyid ma yin pa ste gzhan no/ /de med na mi 'byung ba ni bar dang bar chad med pa'o/ /med na mi 'byung ba de la yod pa ni med na mi 'byung ba ste/ bar chad med pa can no/ /gang zhig gang la mi 'khrul pa de ni de la chod pa med par brjod pa yin no/ /de'i bdag nyid ma yin pa med na mi 'byung ba ni gzhan gyi 'bras bu la bya'o/ /gzhan gyi 'bras bu'i snang ba de mdun du byed pa ste/ gzhag par 'thad pa ma yin te/ gzhan gyi 'bras bur gyur pa'i snang ba ni gzhan las skye bar rig pa ma yin pa'i phyir ro/ /byed na ni 'jog par byed pa ma yin phyir snang ba ma lus pa rgyu med pa can du thal bar 'gyur ba'i phyir ro/ /ro la sogs pa phan tshun bzhin no/ /sa bya ba ni ji ltar phan tshun gyi snang ba mi byed pa de bzhin no/ /don gang zhig shes pa'i snang ba gang gi rgyu yin pa de ni/ de la don gzhan gyi 'bras bur gyur pa'i snang ba mi 'jog ste/ dper na lce'i rnam par shes pa'i snang ba'i rgyur gyur pa'i ro gzugs la sogs pa'i 'bras bu'i snang ba mi 'jog pa bzhin no/ /de bzhin du gzung ba'i don thams cad kyang dbang po'i rnam par shes pa'i snang ba'i rgyu nyid yin pa des na sgra'i 'bras bu sgra'i rnam par 'jog par byed pa ma yin no/ /gang gi phyir skyed par byed pa nyid la ni tha dad par byed pas khyab ste/ rgyu tha dad kyang tha dad pa med pa yin na ni sna tshogs kyi rgyu med pa can du thal ba'i phyir ro/ /des na phyi rol snang ba'i rgyu yin na tha dad pa byed pa yin par 'gyur te/ gzhan du na snang ba phyi rol gyi rgyu can du mi 'gyur la/ phyi rol yang de'i rgyur mi 'gyur ro/ /des na phyi rol snang ba'i rgyu nyid la tha dad par byed pa nyid kyis khyab pa yin la/ don gzhan gyi 'bras bu'i snang pa 'jog par byed na ni tha dad par byed pa nyid ma yin par 'gyur ba des na 'gal pas khyab pa dmigs pas don gzhan gyi 'bras bu'i snang ba 'jog par byed pa 'gog pa'i phyir don la ltos pa'i tshad ma'o/ /shes pa la ltos nas kyang bstan pa'i don du de'i zhes bya ba la sogs pa smos so/ /de zhes bya ba ni don nye ba de'i stobs kyis byung ba zhes bya ba ni gtan tshigs kyi don to/ /don gzhan gyi rjes su 'brang bar te rjes su 'gro bar rigs pa ma yin te zhes bya ba ni bsgrub par bya ba nges par bstan pa'o/ /rnam par shes pa zhes bya ba ni chos can no/ /ro la sogs pa'i shes pa bzhin no/ /zhes bya ba ni khyab pa'i yul lo/ /rnam par shes pa gang zhig snang ba'i rgyu'i don las skyes pa de ni skyed par byed pa ma yin pa'i rjes su byed pa ma yin te/ dper na snang ba'i rgyur ro las skyes pa lce'i rnam par shes pa skyed par byed pa ma yin pa gzugs la sogs pa'i rnam pa'i rjes su mi byed pa bzhin no/ /de bzhin du dbang po'i rnam par shes pa'i tshogs kyang sngon po la sogs pa'i sna ba'i rgyu dag gis bskyed pa yin te/ des na skyed par byed pa ma yin pa sgra'i rnam pa'i rjes su byed pa ma yin no/ /sngar bshad pa'i rnam pas so sor snang ba ni 'jog par byed pa phyi rol tha dad pa'i rjes su byed pa nyid kyis/ des bskyed par 'gyur gyi gzhan du ni ma yin no/ /don 'di ni snang ba'i rgyu yin pa nyid kyis shes pa'i rgyur 'gyur gyi/ snang ba'i rgyu las gzhan du ni phyi rol shes pa'i rgyur brtag par nus pa ma yin no/ /des na phyi rol snang ba'i rgyu las skyes pa'i shes pa la snang ba phyi rol gyi bskyed par bya ba nyid kyis khyab ste/ gal te de la rnam pa 'ga' zhig phyi rol gyis ma byas na ni khyad par med pa'i phyir gzhan yang phyi rol gyis ma byas par 'gyur ro/ /des na snang ba ma lus pa phyi rol gyis bskyed par bya ba nyid la nyams par 'gyur ro/ /ji ste don gzhan gyis don gzhan gyis bskyed par bya ba'i rnam par 'jog pa de ltar na 'jog par byed pa tha dad pa ni snang ba tha dad pa byed pa po ma yin pa des na phyi rol gyis bskyed par bya ba nyid btang ba yin la/ /de lta na yang shes pa la snang ba'i rgyu las skyes par mi 'gyur ba'i phyir/ khyab par byed pa mi dmigs pas gtan tshigs skyed par byed pa ma yin pa'i rnam par 'dzin pa las ldog pa na/ skyed par byed pa tsam snang bas khyab la/ skyed par byed pa ma yin pa'i rnam pa'i rjes su byed pa yang de dang 'gal ba yin te/ des na shes pa la bltos nas kyang 'gal bas khyab pa dmigs pa nyid do/ /phyi rol snang ba'i rgyu skyed par byed pa nyid dang/ dbang po'i rnam par shes pa skyed par byed pa nyid du yang phyi rol gyi don du smra ba rnams la grub pa'i phyir gtan tshigs gnyi ga yang ma grub pa yin no/ /de ltar na gang gi phyir sgra don gyi bdag nyid dam don gyi yul na yod pa ma yin pa des na skyed par byed pa med pa'i phyir dbang po'i rnam par shes pa de'i rjes su byed pa ma yin no/ /ci ste sgra don gyi bdag nyid dam? don gyi yul na yod pa yin no zhe na/ de de'i bdag nyid yin du chug kyang ste/ skabs kyis de'i yul na gnas pa yang blta bar bya'o/ /gal te sgra don gang las dbang po'i rnam par shes pa skyes pa'i don de'i bdag nyid gang yin pa de ni de'i bdag nyid do/ /de'i bdag nyid dam de'i yul na gnas pa yin pa de lta na yang de'i snang ba'i rjes su byed pa ma yin no/ /ga las she na/ smras pa/ sgras ni sgra 'dzin pa'i dbang po las gzhan du gyur pa'i dbang po'i shes pa skyed par mi nus pa'i phyir ro/ /'di skad brjod par 'gyur te/ grangs can rnams kyi sna tshogs de tsam lnga bkod pa'i gnas pa'i bdag nyid yin? pa de lta na yang sgra'i rnam par 'gyur ba ni nyan pa'i 'jug pa de nyid kyi yul yin na/ /de bzhin du gal te brda' sprod pa rnams kyi don sgra'i rnam par 'gyur ba nyid yin pa de lta na yang sgrar rnam par gyur pa ni tan pa'i dbang po'i rnam par shes pa'i rnam par gyur pa nyid kyi yul yin gyi gzhan gyi ma yin no/ /de'i yul na yod pa nyid yin yang/ rang gi dbang po'i shes pa'i yul yin pa'i phyir de nyid kyi skyed par byed pa yin no/ /ha cang thal bar 'gyur ba'i yang phyir ro zhes bya ba la gang yang rung ba gcig nyid kyis don thams cad 'dzin pa'i phyir rgol ba thams cad kyis nyams su myong ba'i rjes su 'brangs nas dbang po lngar brtag par byas pa gang yin pa de dor bar 'gyur ro zhes bya ba 'di ha cang thal ba'o/ /gang gi phyir ha cang thal ba de'i phyir nus pa ma yin no/ /rang gi sgra ni nus pa med pa de'i phyir 'dzin pa ma yin la/ ha cang thal ba'i phyir yang nus pa med pa yin no zhes nus pa med pa sgrub pa'i gtan tshigs gzhan bsdu ba'i don to/ /gal te rna ba'i dbang po'i rnam par shes pa sgra'i nus pa las skyes pa la sgra'i snang ba yod pa ma yin nam de nas dbang po'i rnam par shes pa don gyi nus pa las skyes pa'i phyir sgra? snang? pa ma yin la/ des na rnam par rtog pa med pa yin no zhes ci'i phyir smra zhe na bden te/ de lta na yang/ sgra ci 'dra ba zhig gzung bas rnam par shes pa rnam par rtog pa dang bcas par 'gyur ba de 'dra ba ni nyan pa'i rnam par shes pas ma gzung ba/ de 'dra pas bskyed pa yang ma yin no/ /brjod par bya ba dang 'brel ba'i sgra gzung ba na 'dzin par byed pa rnam par tog pa dang bcas par 'gyur te/ don 'ga' zhig don gzhan dang sbrel pa'i rnam par skyes pa ni sbyor bar byed pa yin pas rnam par rtog pa can du brjod pa'i phyir ro/ /des na phan tshun 'brel ba'i 'dzin pa nyid rnam par rtog pa can yin no/ /des na phan tshun 'brel pa'i don 'dzin pa nyid rnam par rtog pa can yin no/ /gcig gis du ma 'dzin pa tsam ni 'brel ba nyid du 'dzin pa ma yin te/ bum pa dang snam bu la sogs pa shes pa gcig la snang yang sbyar nas 'dzin pa ma yin pa'i phyir ro/ /gzhan yang khyad par du bya ba dang khyad par du byed pa'i dngos por 'dzin pa ni sbyar nas 'dzin pa ma yin no/ /de nyid kyi phyir rnam par shes pa thams cad bdag nyid don gzhan dang sbyar nas mi 'dzin pa'i phyir bdag nyid la rtog pa med pa yin no/ /don la 'ga' zhig sbyar nas 'dzin pa de ni rnam par rtog pa dang bcas pa yin la/ gzhan ni rnam par rtog pa med pa yin no de'i phyir rnam par shes pa gang zhig sgra las don dang sbyar nas brjod par byed pa nyid du 'dzin pa de nyid rnam par rtog pa dang bcas pa yin no/ /don dang 'brel ba'i sgra yang brda dang ldan pa nyid yin te/ des na brda'i dus su mthong ba de nyid ni 'di nyid yin no zhes sngon mthong ba nyid du gzung ba na sgra don dang 'brel bar gzung bar 'gyur gyi gzhan du ni ma yin no/ /sngon mthong ba yang ston skyes pa'i shes pa'i yul nyid yin la/ de yang ston gyi shes pa yang lhan cig du 'das pa yin te/ phyis ni yod pa ma yin no/ /rang bzhin yod pa'i sgra ni skyed par byed pa yin la/ mngon sum yang rang bzhin yod pa'i yul can yin no/ /des na rnam par shes pa ni rjod par byed pa brda'i yul nyid kyis bskyed pa ma yin la/ de snang ba yang ma yin pa'i phyir/ rna ba'i rnam par shes pa ni don gyi mthus bskyed pa dang don tsam snang ba yin no/ /de'i phyir rnal 'byor ba'i shes pa la sgra don du ma snang du zin kyang rnam par rtog pa med pa nyid de/ rjod par byed pa sngon gyi shes pa'i yul nyid kyis ma bskyed cing de snang ba yang ma yin pa'i phyir te/ de ni de'i tshe 'das pas med pa'i phyir ro/ /des na gal te sgra rang gi mtshan nyid brjod par byed pa yin pa de lta na yang/ brjod par byed pa'i tshul gyis 'ga' zhig gis skyed par byed pa'am gzung bar bya ba cha yin no/ /de'i phyir rna ba'i rnam par shes pa dang/ rnal 'byor ba'i shes pa dang/ yid kyi shes pa'i mngon sum thams cad sgra 'dzin par byed pa yin yang sngon gyi shes par yul rjod par byed pa'i tshul gyis bskyed pa ma yin la/ de'i rnam pa dang ldan pa yang ma yin te/ des na don gi mthu las skyes pa dang de tsam snang bar brjod pa yin no/ /des na sgra la rag ma las pa'i phyir rnam par rtog pa med pa yin no/ /dbang po las skyes pa'i mngon sum don gzhan gyi yul can ni thams cad du sgra'i skyed byed dang/ gzung ba can ma yin te/ des na rtog pa med pa nyid yin no/ /de'i phyir sgra'i rnam pa can dang mngon sum gzhan rnam par rtog pa'i rgyu rjod par byed pa'i rang bzhin gyis ma bskyed pa dang/ de snang ba med par khyad par med do/ /'dir ni gang gi phyir tha snyad 'dogs pa po snang ba dang rnam par brtog par bya ba'i don dag gcig tu byas nas sgra rang gi mtshan nyid kho na rjod par byed par lhag par zhen pa de'i phyir rang gi mtshan nyid kho na rjod par byed par khas blangs nas/ de'i rnam pa dang bral bas mngon sum rnam par rtog pa med par bsgrubs pa yin no/ /gang dag rjod par byed ni sgra'i spyi yin la/ de yang dbang po'i shes pa la mi snang ba yin par snang ba de dag gi ltar na dbang po'i byed pa med pa zhes bya ba la sogs pa de dang rtog pa med par bsgrubs 'di skabs 'di khyad par med par rjod pa yin te/ yul brjod pa'i sgo nas de rtogs pa med pa grub pa'i phyir ro/ /gzhan yang 'dir yi ge la de lta bu'i don med pas yi ge'i don du mi snang bar bshad par 'gyur ro/ /gal te snang ba'i rgyu don las skyes pa gang yin pa de snang ba nges pa yin pa'i phyir rtogs pa med pa yin na/ 'o na gzhan na gang zhig rnam par rtog pa dang bcas par 'gyur ba snang ba nges pa med pa'i rnam par shes pa gang yin zhe na/ rnam par rtog pa can zhes smos so/ /ni'i sgra ni yid kyi rnam par shes pa mngon sum las khyad par du bstan pa'i don to/ /khyad par de nyid bstan pa'i don du bshad pa/ bon? gyi nus pa ni mthu'o/ /de nye ba ni byed pa dang bcas pa'o/ /de la mi ltos pa ni de la ltos pa med pa ste/ ji ltar dbang po'i shes pa bzhin du rnang ba don la rag las pa ma yin pa zhes bya ba'i don to/ /des na snang ba don la rag ma las pa yin pa'i phyir dbang po'i don yang de yin la ma nges pa yang yin pa de 'dzin pa ste snang ba nges pa med pa yin no zhes bya ba'i don to/ /snang ba dang rnam par rtog pa'i don dag gcig tu byas pa'i phyir yid kyi rnam par shes pa la dbang po'i don 'dzin par brjod pa yin te/ de nyid kyi phyir 'dir rang gi mtshan nyid kho na rjod par byed par bzung nas rtog pa med par sgrub par 'dod do zhes khong du chud pa yin no/ /snang ba nges pa med pa nyid kyi phyir yid kyi rnam par shes pa dang dngos po la sngon gyi shes pa'i yul du gyur pa nyid du 'dzin par byed de/ sngon mthong ba gang yin pa de nyid ni de yin no zhes gcig tu byas nas 'jug pa'i phyir ro/ /de nyid smras pa ni rnam par rtog pa can zhe bya ba yin no/ /rnam par rtog pa ni 'di nyid de/ 'di lta ste snga ma dang phyi ma mthong ba'i don dag gcig tu byed pa'o zhes brda dran pa'i thabs kyis su zhes bya ba 'di'i nang du 'chad par 'gyur ro/ /'o na yid kyi rnam par shes pa de gang las skye zhe na/ smras pa rnam par rtog pas rigs mthun pa'i rnam par rtog pa skyed pa'i nus pa rgyun la bzhag pa gang yin pa de ni bag chags so/ /des kun nas bslangs pa ni bskyed pa ste/ 'dis ni rnam par rtog pa'i log par 'dzin pa'i rgyu brjod do/ /gal te yid kyi rnam par shes pa log par 'dzin pa'i bag chags kyis bskyed pa yin na/ de lta na 'o na de la don gyi rnam pa snang ba de ga las she na/ nyams su myong ba dang 'brel ba las shes bya ma smos so/ /don de dang de nyams su myong ba las don de dang de'i rnam par snang ba yin no zhes bya ba'i don 'di yin no/ /gal te de lta na don nges pa med par snang ba'i yid kyi rnam par shes pa log par goms pa dang/ nyams su myong ba'i bag chags kyis bskyed pa de'i tshe thams cad la don thams cad snang bar 'gyur te/ don nyams su myong ba'i bag chags dang log pa'i bag chags nye ba nyid kyi phyir ro zhes dogs pa la/ 'ga' zhig dang zhes smos so// 'dir yang nyams su myong ba dang 'brel ba las shes de ltar sbrel bar bya'o/ /sngar ni nyams su myong ba tsam las snang ba bskyed par brjod pa yin la/ da ltar ni khyad par 'ga' zhig gis khyad par du byas pa las brjod pa yin no/ /de smras pa ni lhan cig gam so sor 'dzin par byed do zhes bya'o/ /don 'brel pa nyams su myong ba la ni 'brel par dran zhing gzhan du myong na ni gzhan du ste/ des na nyams su myong ba'i khyad par las yid kyi rnam par shes pa 'ga' zhig nyid 'ga' zhig ltar 'gyur ba yin no/ /'di ltar sgra dang don dag lhan cig rgyu ba goms pa ni lhan cig tu 'dzin la/ lhan cig rgyu bar goms pa ni so sor 'dzin to/ /dman pa la sogs pa'i khyad par gyis bar du gcod pa'i nyams su myong ba la yang so so nyid du 'dzin te/ bag chags sad pa'i rkyen ma tshang ba'i phyir ro/ /de'i phyir de ltar don la mi ltos pa'i phyir don nges pa med par snang bas rnam par rtog pa dang bcas pa'i shes pa nyid rjod pa dang 'dre ba yin gyi dbang po'i rnam par shes pa ni ma yin no/ /gal te 'di snyam du sgra dang 'brel ba'i snang ba don gzhan gyis bzhag pa yin na ni phyi rol tha dad par byed pa ma yin pa'i phyir snang ba thams cad phyi rol gyis byas pa ma yin par 'gyur na sgra'i snang ba ni rnam pa gnyis te/ rang gi rjes su 'gro ba dang ldog pa'i rjes su byed pa can nyan pa'i rnam par shes pa dang/ spyi'i rnam pa can gang yin pa ste yid kyi rnam par shes pas gang rtogs pa yin no/ /de la spyi'i rnam pa sgrol mi ltos pas dbang po'i shes pa la gnod pa ci yod/ don gyis byas pa don la mi ltos pa nyid na skyon du 'gyur na/ 'di ni don gyis byas pa yang ma yin/ sgra ni de nyid kyi ngo bos brjod par byed pa yin/ khyod kyis ni sgra rang gi mtshan nyid rjod par byed par brtags nas dbang po'i rnam par shes pa gzhan la de snang ba mi 'thad par brjod do/ /des na dbang po'i rnam par shes pa don gyi nus pas bskyed pa yang yin la/ gang las rnam par rtog pa dang bcas par 'gyur ba sgra'i rnam pa can du yang 'gyur ro zhes dogs pa la/ sgra'i spyi'i rnam pa can nyid la don gyi nus pas bskyed pa nyid mi 'thad pa rnam pa gzhan gyi sgo nas bstan pa'i phyir/ don ni nye bar sbyor ba yin zhes bya ba la sogs pa smos so/ /tshig le'ur byas pa gnyis po 'di'i don ni 'di yin te/ gal te dbang po'i rnam par shes pa sgra'i spyi'i rnam pa can du 'gyur na yang don gyi mthus bskyed par mi 'gyur te/ don dran pa bskyed pas bar chad la nye bar sbyor ba'i phyir ro/ /sngar tha dad par byed pa ma yin par thal bar 'gyur pa'i phyir skyed par byed pa ma yin par brjod pa gang yin pa de ni spyi'i rnam par 'dzin pa la yang khyad par med par blta bar bya la/ 'di yang skyon lhag pa gzhan yin no/ /don dbang po'i rnam par shes pa skyed pa la nye bar sbyong ba na'ang ste/ byed pa dang ldan par khas blangs pa na/ gzhan yang lta yang lhag par dran pa zhes bya ba brda'i dus na yod pa'i sgra sbyar ba dran pa'i rang bzhin la'o/ /gal te zhes bya ba ni gal te de ltar ltos na zhes khas blang bston par byed pa'o/ /de nyid kyi phyir ci de ltar ltos par khas len nam zhes 'dri ba ni ltos na zhes bya ba yin no/ /ci cig de ltar ltos par khas blangs zhe na/ dbang po'i blo ste dbang po'i rnam par shes pa'o/ /de ltar khas blangs pa la skyon ci yod ce na/ bshad pa/ skyed par byed pa nyid du 'dod pa'i don de chod pa ste/ 'bras bu dbang po'i rnam par shes pa la dran pas tshed par 'gyur te/ dran pa nyid la nye bar sbyor ba'i phyir dngos su skyed par byed pa ma yin par 'gyur ro zhes bya ba'i don to/ /gal te 'di snyam du dbang po'i shes pa spyi'i rnam pa dang ldan du chug pa de lta na yang sgra dran pa la ltos par ci ltar 'gyur snyam na/ brda'i dus zhes bya ba smos te/ gang gi phyir brda'i ste sgra rjod par byed pa nyid du sbyor ba de'i dus su don gang la de brda sbyar ba de la goms pa ste 'dris par byas pa'o/ /rjod pa yang de yin la spyi yang de yin pas rjod pa'i spyi ste/ de ma dran par ro/ /'di skad brjod pa yin te/ sgra ni spyi'i ngo bo nyid kyis rjod par byed pa yin gyi khyad par ni ma yin no zhes bya ba'o/ /de ma dran pa'i skyes bu ni don la de sbyor mi srid de/ dran pa nyid kyis don khyad par can du 'dzin gyi gzhan gyis ni ma yin no/ /sgra gzhan bzhin no zhes bya ba ni ji ltar sgra gzhan la brda'i dus na goms pa'i spyi'i gnas pa gang yin pa de mi dran par ni sbyor bar mi srid pa de bzhin du 'di la yang ngo zhes bya ba yin no/ /sgra gzhan zhes pa 'di ni spyi'i dbang du byas pa'i bdun pa'o/ /'di skad du brjod par 'gyur te/ brda dang ldan pa'i sgra nyid kyis 'ga' zhig khyad par can du 'dzin gyi dngos po la ni ma yin no/ /des na brda'i dus na goms pa nyid dang/ dran pa ni khyad par byed pa yin la/ don la sgra khyad par can du 'dzin pa ni khyab par bya ba yin no/ /'di ltar brda dang 'brel pa med na ni sgras khyad par du byas pa'i don 'dzin pa ma yin no/ /gzhan du na brda rig pa dang gzhan thams cad sgra thams cad kyi don thams cad khyad par can du 'dzin par 'gyur na yang 'dzin pa yang ma yin no/ /des na ldog pa dang rjes su 'gro ba dag las des pa dang ldan pa nyid kyis khyad par can du 'dzin pa la ni brda goms pa dang dran pa dag gis khyab pa yin te/ khyad par byed pa med na khyab par bya ba ldog pa yang sgra gzhan la mthong ba'i phyir ro// khyad par can du 'dzin pa dang brda goms pa dang dran pa'i khyab par bya ba dang khyab par byed pa'i ngo bo nyid kyang dngos po ma yin pa'i phyir grags pas byas pa yin par bstan pa'i don du sgra gzhan bzhin no zhes bya ba smos so/ /'di snyam du gal te dran pa nyid kyis khyad par can du 'dzin pa de ltar na yang don chod par ni mi 'gyur ro snyam na/ don zhes bya ba smos te/ don de ste yul gyi nye bar sbyor ba rung ba'i yul na gnas pa ste/ gang du gnas pas dbang po'i shes pa skyed par byed pa'o/ /des byas pa'i nang gi dngos po ni nang gi rnam par 'gyur ba ste/ sgra dran pa'i bag chags sad pa de la med na'o/ /sgra nyid de las gzhan pa las bye brag tu gyur pa yin pas na khyad par ste/ khyad par can gyi rjod par byed pa'i sgra de la dran par mi rigs so/ /nges pa nyid du zhes dgongs pa'o/ /'di skad brjod par 'gyur te/ rtag tu skye bar thal ba'i phyir dran pa de nyid med pa can ni ma yin no/ /rgyu de yang don las gzhan yin na ni nges pa 'gar yang mi 'gyur la/ rung ba ma yin pa'i yul na gnas pa'i don kyang rgyu ma yin te/ rtag tu dran par thal ba'i phyir ro/ /de'i phyir dran pa'i nus pa sad pa'i rgyu ni rung ba'i yul na gnas pa nyid yin no/ /yang gi sgras ni sgra'i spyi dran pa dang/ rung ba'i yul na gnas pa'i don gyis byas pa 'di gnyi ga la gdon mi za bar brten par bya ba yin no zhes bya ba 'di ston par byed do/ /nges byas pa nyid la gdon mi za bar ltos pa zhes bya ba 'di ga las she na/ de des byas pa ma yin na zhes bya ba gsungs te/ don gzhan gang yang rung ba 'ga' zhig gis dran pa yin na ni mthong ba'i don gyi ming gang yin pa de nges pa nyid du 'dzin par mi 'gyur te/ ma bzung ba nyid du thal bar 'gyur na nges pa nyid du de bzung nas sbyor ba de'i phyir nges pa nyid kyis de'i ming dran ba ni des byas pa yin no zhes bya bar gnas so/ /gang gi phyir dbang po'i blo ni dran pa la ltos la/ dran pa'i bag chags sad pa yang rung ba'i yul na 'dug pa'i don kho nas byas pa yin pa de'i phyir don gyi nye bar sbyor ba ni byed pa dang bcas pa ste byed pa dang bcas pa nyid la nye bar sbyor bar brjod pa'i phyir/ ji lta bur gnas pa'i don 'ga' zhig rgyu yin par mthong ba de lta bu'i gnas lugs 'dzin pa de nyid rang gi 'bras bu la nye bar sbyor ba yin la/ rjes su 'gro ba dang ldog pa dag las rung ba'i yul na 'dug pa'i don yang dbang po'i shes pa skye bar mthong ba yin pa de'i phyir de'i yul 'dzin pa nyid shes pa de la sbyor ba yin no/ /nye bar sbyor ba de'i de ma thag pa ste bar ma chod pa'i byed pa'i 'bras bu gang yin pa de ltar mi 'gyur ro/ /'di byed pa dang ldan pa ni yin na byed pa'i 'bras bu bar du ma chod pa ni ma yin no/ /dran pa ste dran par byed pa'i shes pas de bar du chod cing skal ba ste/ don de ni dran pa bskyed pa nyid la dngos su sbyor ba des na dbang po'i shes pa nges par du bcad pa'i phyir ro/ /gal te de ltar gyur du zin na cir 'gyur zhe na/ de'i phyir zhes bya ba smos te/ gang gi phyir don de dran pas bar du chod pa de'i phyir te/ bar du chod pa'i rgyus gang sngon te sngar skyed par byed pa ma yin pa de ni phyis kyang 'gyur ro/ /zhes bya bar sbyar ro/ /gal te skad cig so so tha dad pa'i phyir snga ma yang gzhan la/ phyi ma yang gzhan ma yin nam/ de'i phyir de dag grub pa dang bde ba gcig par ji ltar 'gyur zhe na/ nye sbyor khyad par med pa'i phyir zhes bya ba smras te/ tha dad pa med pa'i phyir ro/ /'di skad brjod pa yin te/ gal te skad cig rnams tha dad pa de lta na yang rung ba'i yul na gnas pa nyid kyis de dag skyed par byed pa yin la/ rung ba'i yul na gnas pa nyid kyang thams cad la khyad par yod pa ma yin pas skad cig ma snga ma bzhin du rang bzhin de dran pa'i rgyur nye bar sbyor ba yin no/ /gtan tshigs 'dis thams cad kyang skyed par byed pa nyid du grub pa dang bde ba gcig pa yin no// gal te 'di snyam du snga ma dang phyi ma'i skad cig rnams skyed par byed pa dang mi byed pas khyad par yod na 'gal ba ci yod snyam na bshad pa/ skad cig ma thams cad bdag nyid tha dad pa med pas so/ /rjes su 'gro ba dang ldog pa dag las dbang po'i shes bskyed par nus pa ni rung ba'i yul na gnas pa'i bdag nyid yin par mthong la/ de yang tshogs par byed pa'i rgyu rnams kyis yul der bskyed pa yin te/ de lta bur gyur pa'i bdag nyid kyi skyed par byed pa ni rgyu dang rang gi ngo bo la khyad par med pa yin no/ /des na phan tshun nye bar tshogs pa'i rten du gyur pa rkyen gyi khyad par rnams kyis ji ltar skad cig ma snga ma dbang po'i shes pa bskyed par bya ba la dngos su skyed par byed pa nyid dang/ /dran pa'i bar chad byas pas brgyud pas skyed par byod? par byas kyang rung ste/ de bzhin du skad cig ma thams cad kyang yin no/ /'di la 'bras skyed pa la ji snyed kyi rjes su 'gro ba dang ldog pa'i rjes su rtogs pa de srid kyi tshogs pa nyid rgyu yin gyi so so ni ma yin no/ /tshogs pa yang tshogs pa can dag las gzhan ma yin pa'i phyir de dag so so la nus par brjod pa yin te/ dper na mig gi rnam par shes pa la mig la sogs pa bzhin no/ /de la re shig mig gi shes pa bskyed par nus pa'i rang gi ngo bo res 'ga' ba ni rang gi rgyun tsam las skyes par mi rigs so/ /gang gi phyir ji ltar sgron ma la sogs pa'i me lce tsam las rag las nas 'od 'byung ba bzhin du/ mig tsam la rag las nas mig gi rnam par shes pa skye bar 'gyur pa'am/ ji ltar sa bon khyad par la rag las nas myu gu skye ba ltar mig gi khyad par la rag las pa yin gad?/ mig tsam la rag las pa yin na ni/ dus thams cad du de'i shes pa skye bar thal bar 'gyur te/ me lce la rag las nas 'gyur ba'i 'od kyi dkyil 'khor bzhin no/ /mig gi khyad par las rag las pa yin yang khyad par de gang las 'byung bar brjod par bya/ gal te rang gi rgyun tsam las yin na ni rgyud de las byung bar khyad par med pa'i phyir snga ma'i skad cig ma rnams kyang de skyed par byed pa'i rang bzhin du thal bar 'gyur te/ skyed par byed par 'dod pa'i skad cig ma de'i khyad par yang rgyu med pa can ni ma yin pa'i phyir te/ 'on kyang rang gi rgyud las byung ba yin no/ /'di snyam du 'bras bu 'ga' zhig la 'ga' zhig ni dngos su nus pa yin la/ kha cig ni brgyud pas yin no/ /de la 'dod pa'i skad cig ma ni dngos su nus pa yin zhing/ /skad cig ma snga ma rnams ni brgyud pas yin no snyam na/ de ni rigs pa ma yin te/ gang gi phyir rgyud gcig las byung ba nyid du khyad par med pa'i phyir tha ma bzhin du thams cad kyang dngos su skyed par nus par thal bar 'gyur ba 'am/ tha ma yang snga ma rnams bzhin du dngos su skyed pa'i nus pa med par thal bar 'gyur ro/ /rgyud gcig las byung ba yin yang skad cig gi dbye ba las 'bras bu'i dbye ba yin par yang mi rigs te/ gang gi phyir rgyun chags pa can mig gi rnam par shes pa skye ba na mig gi skad cig rnams phan tshun tha dad pa yin yang/ rgyu dang rkyen gyi rgyun khyad par med pas 'bras bu gcig byed par mthong ngo/ /de bzhin du tshegs pa khyad med pa nyid kyis sa bon tha dad pa yin yang 'bras bu mtshungs pa med par mthong ngo/ /de'i phyir gang zhig tha dad kyang gang tha dad par mi 'gyur ba de na des byas pa ma yin pa'am/ gzhan la ltos pa yin te/ dper na sa bon tha dad kyang du ba tha dad par mi 'gyur pa bzhin no/ /skad cig tha dad kyang 'bras bu tha dad par mi 'gyur te/ des na tha dad pa ni skad cig tha dad pa'i rjes su byed pa ma yin no/ /'bras bu rgyud tha dad pa'i rjes su byed pa la ni nam yang 'khrul pa yod pa ma yin no/ /gal te de ltar na skyes bu'i rgyud la 'phos pa'i byi ba'i dug la yang skad cig dang po 'chi ba'i nus pa yod par 'gyur pa 'am yang na phyis dus yongs su gtugs pa la ltos par yang mi 'gyur ro snyam na/ de ni rigs pa ma yin te/ dug des ni skyes bu'i rgyud la nus pa bskyed pa yin zhi bde yang skyes bu'i rgyud tsam la ltos nas de'i 'bras bu la nus pa ni ma yin gyi 'on kyang dus kyi ming can 'byung ba chen po'i khyad par gyis yongs su smin par byas pa yin no/ /des na sngar ni skyes bu'i rgyud dngos su nus pa med pa las phyis ni nus pa'i skad cig rnams 'byung ba chen po'i lhan cig byed pa la ltos pa dang bcas pa'i rgyun de las skyes pa yin gyi/ 'ba' zhig las ni ma yin no/ /'dis ni sems kyi khyad par la ltos pa'i dogs pa'i dug gis skyes bu'i lus gzung ba yang bshad la/ nyi ma'i 'od la ltos pa'i 'bru mar dag las dri'i khyad par 'byung ba yang bshad pa yin no/ /'ga' zhig tu rgyud gzhan gyis rgyud gzhan la dus la ltos pa'i dus pa 'ba' zhig skyed na yang/ der yang dang po'i skad cig nus pa med pa yin na bzhi pa yang nus pa dang ldan par mi 'gyur ro zhes brgal zhing brtag pa 'di bya ba ma yin te/ gang gi phyir rgyud gzhan kho nas rgyud gzhan la skad cig ma bzhi tsam gyi bar du chod pa'i 'bras bu skyed pa'i nus pa bzhag pa'i phyir ro/ /rgyud gzhan de ni rang gis dngos su nus pa ma yin zhing/ dngos su nus pa'i rgyud gzhan skyed par byed pa yang ma yin gyi 'on kyang skad cig gsum bzhir sdod pa la ltos pa nyid do// rgyun cig dang 'brel pa'i nus pa la ni 'jog par byed pa nges par byed pa po'i rgyud gzhan med pa'i phyir skyon yin par brjod do/ /yang don 'ga' zhig ni rgyud gzhan gyis phan par byas pa'i rgyun las 'bras bu 'ba' zhig byed par nus pa yin te/ dper na sa bon bzhin no/ /de'i phyir 'bras bu bskyed par bya ba la rgyud gcig tu gtogs pa gzhan rnams ni nus pa med la/ skad cig ma 'ga' zhig dngos su nus pa ni rgyud gzhan la ltos pa rigs pa yin gyi/ rang gi rgyud tsam la ltos pa ni ma yin te/ rgyu tha dad pa la 'bras bu tha dad pa med par thal pa'i phyir dang/ skad cig tha dad pa tsam yang tha dad par byed pa ma yin pa'i phyir ro/ /ha cang thal bar ma gyur cig ces ma mthong ba yang rang gi 'dod pas rgyu nyid du brtag par nus pa ma yin no/ /des na gang gi tshe dang po tshogs pa'i dus nyid na mig la sogs pa'i nus pa bskyed pa de'i tshe ni phan tshun tshogs par byed pa'i rkyen du gyur pa'i rkyen rnams kyis dngos su skyod par nus pa nyid du skyed pa yin la/ yang gang gi che phan tshun tshogs par gyur kyang nus pa med pa de'i tshe ni phan tshun nus pa gzhag pa'i rim gyis nus par 'gyur pa yin te/ skyes bu snang ba nas mun par zhugs pa bzhin no/ /de dag phan tshun phan 'dogs par nus pa yang gnas skabs gang zhig mig gi rnam par shes pa skyed par nus pa'i gnas skabs de nyid yin par brtag par bya ba yin te/ gnas skabs gzhan dang ldan pa rnams la ni dngos su skyed par nus pa'i rgyu nyid ma mthong ba'i phyir ro/ /'di ltar rung ba'i yul na gnas pa nus pa sad pa'i rgyu de dag ni sngar mig gi rnam par shes pa skyed par byed pa ma yin du zin kyang/ phyis skyed par byed pa ma yin te/ de la nus pa sad pa'i rgyu gzhan ni brtag par nus pa ma yin no/ /de'i phyir rung ba'i yul na 'dug pa de nyid nus pa sad pa'i rgyu yin no/ /shin tu ring ba na 'dug pa ni rjes su 'gro ba dang ldog pa dang ldan pas phan tshun phan 'dogs pa ma yin te/ ji skad du yul bar chod pa de dag ni lhan cig byed par mi rung ba'i phyir ro zhes 'chad par 'gyur ro/ /gang gi tshe don nye ba nyid dam snang ba nas 'ongs pa'i dbang po la sogs pa legs par byas pa dran pa skyed pa la nye bar sbyor ba de'i tshe nye bar tshogs pa'i rkyen de dag nyid dam/ grib ma'i nang du zhugs pa mig la sogs pas dran pas bar du chod pa'i rnam par shes pa skyed par nus pa'i rgyu nye bar gyur pa'i don bskyed pa de dag gis mi 'dra bskyed par rigs pa ma yin no/ /gang gis na de'i rang bzhin gyi rgyu dag gis ni shes pa skyed par rung ba skyed par byed la/ rang bzhin gzhan du gyur pa'i rgyu dag gis dran par skyed par rung ba skyed par rtog pa rang bzhin gzhan du gyur pa'i don ni shes pa skyed par byed pa ma mthong ngo/ /de'i phyir ji ltar rtags rjes su dpag pa'i shes pa skyed par byed pa de bzhin du / dran pas bar du chod pa can gyi don dbang po'i shes pa bskyed par bya ba la dngos su nye bar mi sbyor bar 'gyur zhing/ de las kyang nye bar tshogs pa'i skad cig ma thams cad 'tshogs pa'i rgyu nyid dam grib mar zhugs pa'i dbang po la sogs pa dag las dran pa'i 'du byed sad pa 'am/ shes pa bskyed par bya ba la mtshungs par nus pa'am mi nus par 'gyur ba de'i phyir nus pa khyad par med pas rang bzhin dang rgyu 'dra ba can gyi skad cig ma rnams la gcig dngos su nus par khas blangs na thams cad kyang thal bar 'gyur ba'am/ gcig dngos su nus pa med par khas blangs na yang thams cad skyed par byed pa ma yin par khas blangs par 'gyur ro/ /de lta na yang skad cig ma gcig dbang po'i shes pa gcig nyid la skyed pa byed pa dang skyed par byed pa ma yin pa phan tshun 'gal bar 'gyur la de yang rigs pa ma yin no/ /de nyid bshad pa ni/ gcig nyid ces bya ba yin no/ /tha dad par gyur pa rnams ni gcig la byed pa dang byed pa ma yin pa mi 'gal bas gcig nyid ces bya ba smos so/ /tha dad pa rnams la mi 'gal bas gcig la zhes smos so/ /skad cig ma re re la yang sngar bshad pa'i rigs pas thal bar 'gyur na/ rigs pa ma yin pa de'i phyir gang zhig dran pas bar du chod pas skyed par byed pa ma yin pa de dang khyad par med pa'i phyir thams cad kyang skyed par byed pa ma yin pa kho na'o/ /gal te skad cig ma snga ma nyid kyis dran pa sad par byas pa'i phyir de la gnyis pa la sogs pa ci dgos she na/ smras pa/ rung ba'i yul na gnas pa'i rang bzhin ni rang gi rgyud dag gis dbang po'i shes pa skyed par byed pa'i dran pa sad par byed pa'i rang bzhin du gyur pa yin la/ skad cig gnyis pa la sogs pa yang nye bar chags pa yang nye bar tshogs pa'i rten du gyur pa rang gi rgyu dag gis de 'dra ba'i ngo bor bskyed pa des na skad cig so sor dran pa sad pa'i rgyu yin gyi dgos pas ni ma yin no/ /de dag ni brtag par byed pa ma yin te/ /'on kyang rgyu dang 'brel ba'i rang gi ngo bo nyid yin na/ gang gi phyir dbang po dang yid la byed pa tshogs par 'gyur ba'i don nyid dran pa skyed par nus pa dang mi nus par 'gyur ba don gang gi rang bzhin ji lta bu zhig gis gang du nus par mthong ba'i rang bzhin de nyid de la nus pa med par ni 'os pa ma yin no/ /dran pa la ltos pa'i skad cig phyi ma rnams dran bskyed par byed pa ma yin pa yang ma yin te/ gang gi phyir dran pa las tha dad pa'i rgyu'i tshogs pa de ni skad cig ma snga ma dang mtshungs pa yin no/ /rung ba'i yul na gnas pa'i rang bzhin gyis sad pa'i dran pa de nyid kyis de nyid kyi bdag nyid du gyur pa sad pa'i nus pa nyams par byed pa yang ma yin te/ du bas ma'i rang bzhin bskyed pa'i nus pa bzhin no/ /de'i phyir rung ba'i yul na gnas pa rnams dran pa skyed pa'i nus pa khyad par med pa'i phyir dngos su skyed par byed pa ma yin no/ /gtan tshigs des na don med na yang 'gyur ro/ /yang gi sgras ni res 'ga' yod kyang ngo/ /thams cad du ni mig gi blo de'i nus pa la mi ltos par skye bar 'gyur ro/ /mig gi rnam par shes pa don med kyang skye ba la gtan tshigs snga ma mjug sdud de/ don dbang po la brten pa'i blo la dngos su mi sbyor ba'i phyir dang rung ba'i yul na gnas pa ni dbang po'i shes pa'i rgyu dran pa sad pa las nye bar sbyor ba'i phyir ro/ /'di snyam du dran pa sad par bya ba'i don du don la ltos par bya ba ma yin nam/ des na don med kyang zhes ci'i phyir brjod ce na/ dran pa sad par byed pa la nye bar sbyor ba'i phyir zhes bya ba smos te/ nye bar sbyor ba gzhan med pa'i phyir sngar nyid du dran pa sad par byas nas log par gyur pa yin la/ dbang po'i shes pa ni phyi nang rim gyis dran pa'i rgyun gyis skyed pa yin no/ /dran pa ba sad pa'i dus na yang don gzhan la chags pas dbang po'i shes pa gegs byas pa yin te/ des na phan pa med pa nyid kyis don de yod pa blo mi ltos pa nyid do/ /ci ste yang don gyi nye bar sbyor bas dbang po'i blo bskyed par byas pa yin na ni des na rjod pa dran pas bar chad de gegs byas pa 'am/ rjod pa dran pa nyid bar du gcod pa'i gegs yin te ngo med pa'i phyir ro/ /'di skad brjod par 'gyur te/ mngon par brjod par dran pa med na ni rung ba'i yul na gnas pa'i don tsam las dbang po'i shes pa skyes pa des na de tsam zhig snang ba'i phyir rnam par rtog pa med pa yin no/ /'di la ltos pa nyid la ni dngos su skyed pas khyab pa yin te/ gcig nas gcig tu brgyud pas 'das pa la yang byed pa mthong ba'i phyir ro/ /gang gi phyir ltos pa ni de yod na yod pa yin la/ dngos su skyed par yin pa la yang de yod na yod pa nyid med pa'i phyir rang bzhin 'gal ba dmigs pas khyab par bya ba dang khyab par byed pa'i dngos po grub po/ /des na khyab par byed pa mi dmigs par 'dod do/ /dngos su skyed par byed pa ma yin pa nyid kyang rung ba'i yul na gnas pa dran pas bar du chod pas shes pa skyed pa'i ngo bo yin pa'i phyir dang/ de lta bur gyur pa la de'i rang bzhin dang de'i rang bzhin ma yin pa 'gal ba'i phyir ro des na dran pa la ltos pa dang bcas pa nyid yin na don las skye bar mi 'thad la/ rung ba'i yul na gnas pa'i don gyis skyer pa yin na ni rjod pa spyi dran pa la ltos pa med pa'i phyir rnam par rtog pa med pa nyid yin no/ /de ltar ming sbyor ba'i bdag nyid kyi rtog pa bsal nas/ don sbyor ba'i bdag nyid kyi rtog pa bsal ba'i don du bshad pa/ khyad par ni phal pa ste gzhan la phan 'dogs pa'o/ /khyad par can ni gtso bo ste phan gdags par bya'o/ /'brel pa ni khyad par dang khyad par can de dag gi rwa dang rwa can dang/ rigs dang rigs dang ldan pa dag 'du ba'i mtshan nyid dam/ dbyug pa dang dbyug pa can gyi ldan pa'i mtshan nyid do/ /'jig rten chos lugs ni 'jig rten gyi gtsug lag ste/ 'ga' zhig gi khyad par ram khyad par can nyid du so sor nges pa'i sgra'i tha snyad kyi yul lo/ /thal zin pa de thams cad sdom pa ni gcig tu byed pa ste/ dag pa 'dzin pa sngon du 'gro ba can gyi phan tshun 'brel par byed pa'o/ /de la khyad par la sogs pa 'jig rten gyi chos lugs kyi mthar thug pa bdag kyang so sor bzung nas/ so sor bzung ba de dag kyang so sor 'dzin pa la ltos nas bsre bar byas nas de ltar rtogs te/ khyad par dag khyad par can du shes par 'gyur ro/ /sngar brjod pa'i rim pa med pa rin ma yin no zhes bshad pa ni/ gzhan du yin zhes bya ba yin no/ /tshig le'ur byas pa'i don nyid rnam par 'grel pa bshad pa ni/ khyad par dang khyad par gyi gzhi dang de dag gi 'brel ba dang/ 'jig rten gyi rnam par bzhag pa ste khya par dang khyad par can gyi dngos po rnam par bzhag pa ni 'jig rten pa'i rnam par bzhag pa yin no/ /khyad par dang khyad par can gyi dngos po sgra las byung ba ni 'jig rten nyid las rtogs par bya ba yin gyi dngos po ni ma yin no/ /dngos po'i rang gi ngo bo nyid kyis ni 'ga' zhig gi khyad pa dang/ phan par byed pa dang legs par byed pa zhes bya ba yod pa ma yin te/ legs par bya ba dang legs par byed pa'i rgyu dang 'bras bu'i dngos po las yin la/ de yang snga ma dang phyi mar gyur pa dag nyid yin pas de dag dus gcig tu yod pa ma yin la/ khyad par dang khyad par can gyi ngo bo yang yod pa dag yin no/ /de'i phyir 'di ni dus gcig pa dag nyid la yin gyi rim pa dang ldan pa dag la ni ma yin la cig car pa'i dngos po dag la yang phan par byed pa dang phan par bya ba yod pa ma yin no/ /'brel pa las phan par grub po zhe na/ 'brel pa can dag las 'brel pa tha mi dad na ni phan par bya ba dang phan par byed pa'i rgyu ma yin te/ 'brel ba can gyi rang gi ngo bo bzhin no/ /tha dad pa na yang rang gi bdag nyid la rnam par gnas pa'i dngos po gsum po rnams phan tshun du gtso bo dang phal ba cung zad kyang yod pa ma yin no/ /de'i phyir gang 'ga' zhig gis khyad par can du rtogs pa 'di ni sgra kho na'i byed pa yin gyi/ dngos po'i rnam pa ni ma yin no/ /de nyid kyi phyir dbang po'i shes pa la sgra'i rnam pa bzlog pa nyid las sgras nye bar bzhag pa'i khyad par dang khyad par can bzlog pa yin yang rnam pa gzhan gyi sgo nas yang bzlog par byed pa yin no zhes lta bar bya'o/ /de'i phyir 'di ni 'di ltar khyad par yin la/ 'di ni khyad par yin no/ /khyad par can ni 'di kho na yin la/ khyad par yang 'di kho na yin no/ /zhes khyad par dang khyad par can gyi rang bzhin yongs su shes pa des pa la ni 'jig rten gyi rnam gzhag rjes su rtogs par bya ba yin no/ /'di ltar skyes bu dbyug pa can yin gyi dbyug pa skyes bu can ni ma yin no zhes bya ba'i tha snyad yin no/ /'jig rten na nor dang bdag po'i dngos po ni dbyug pa khyad par can du brtags pa ma yin te/ 'on kyang ldan pas yin no/ /de bzhin du rwa ni du bas yin te/ rwa sker btags pa ni rwa can gyi sgra'i rgyu mtshan gyi khyad par ma yin pa'i phyir ro/ /'di dag rtogs pa na khyad par can 'ga' zhig khyad par 'ga' zhig gis khyad can du 'dzin pa yin no/ /khyad par la sogs pa de bsdoms pa ni phan tshun bsres pa ste/ gcig gtso bor 'dzin pa'i tshul gyis bzung ba'i don thams cad bsres pa'o/ /'di 'dra ba'i gcig tu byed pa ni khyad par dang bral ba'i gnas skabs 'dzin pa'i rjes su 'jug pa dang 'brel pa yin no/ /dag pa'i rang bzhin sngar bzung ba med par ni khyad par dang ldan pa 'dzin pa ma mthong ngo/ /des na dag pa'i gnas skabs nyid du bzung ba'i khyad par can dang khyad par dag khyad par dang ldan pa'i rang bzhin du bzung ste bzhi po dang bsdoms te gcig tu byas nas/ shes par nus pa'i shes pa gang yin pa de nyid khyad par can du 'dzin pa yin no/ /ji srid du khyad par gyis nye ba ma bsgrubs pa'i rang bzhin shes pa med pa de srid du nye bar bsgrubs pa yang rtogs par mi 'gyur te/ nye bar bsgrubs pa'i rang bzhin 'dzin pa ni nye bar ma sgrubs pa 'dzin pa'i lhan cig byed pa can yin pa'i phyir ro/ /'di ltar khyad par 'brel pa rtogs pa ni 'di ltar yin te/ mthong ba'i lta sbyin gang yin pa de ni dbyug pa can yin la/ gong bu gang yin pa de rwa can yin no zhes khyad par dang bral ba bzung nas de'i 'og tu khyad par dang bcas pa 'dzin pa yin no/ /des na bsdoms pa ni rnam pa gnyis te/ khyad par dang bral bar mthong ba dang khyad par dang bcas pa'i rang bzhin gcig tu 'dzin pa gang yin pa dang gang yang bzhi pa rnams la yang phan tshun phan par byed pa'i dngos por bsre ba ste/ khyad par can du 'dzin pa 'di nyid yin no/ /de bsdoms pas shes de lta bur gyur pa'i mtshan nyid kyi gsum pa yin no/ /'di skad du bsdoms pa rnam pa gnyis po de nyid khyad par can du 'dzin pa yin no zhes brjod pa yin no/ /tshig le'ur byas pa la bsams byas nas zhes bya ba smos pa ni dus sngo mar bsdoms te rtogs pa la ltos nas tha snyad kyi yul du 'gyur pa las blta bar bya ste/ bsdoms par gyur na ni khyad par can du rtogs pa'i tha snyad du 'gyur pa yin no/ /zhes bya ba'i don to/ /rim pa 'di nyid kyang dbyug pa la sogs pa la grub pa yin no zhes dbyug pa can la sogs pa bzhin no/ /zhes bya bas bshad pa yin no// gzhan du ni khyad par can du rtogs pa yin no/ /de ga las she na/ khyad par dang khyad par can gyi don dang de dag gi 'brel pa dang bshad ma thag pa'i rjod par byed pa'i rnam par bzhag pa de dag ma rtogs na ni khyad par can du rtogs par mi rigs pa'i phyir ro// rigs pa bstan nas da ni rigs shes bya ba la sogs pas yul ston par byed de/ 'di skad bshad pa yin to/ /don snang ba'i rnam par shes pa la rjod pa'i rnam pa med pa de'i phyir dbang po'i shes pa la ming sbyor ba srid pa ma yin no/ /don rnams shes pa gcig la snang ba yin pa de lta na yang de dag la khyad par du 'dzin pa yod pa ma yin no/ /zhes ming bsre ba bzlog nas don bsre ba'i khyad par 'di nyid kyis logs shig tu gsal ba yin no/ /rigs dang yon tan dang bya ba de dag gang la yod pa'i rdzas la sogs pa de dag la ni 'di ltar 'dzin pa med do/ /gang las she na bshad pa/ rang bzhin tha dad pa dang 'brel pa de dag mi snang ba ste/ rnam par shes pa'i bdag nyid la ma shar bas sbyor bar mi 'thad pa'i phyir ro/ /rang bzhin tha dad pa dang 'brel pa bzung na ni sbyor bar 'gyur gyi gzhan du ni ma yin no zhes bya ba'i khyab pa'i yul bstan pa'i phyir 'o ma dang chu bzhin no zhes brjod de/ 'brel pa dang tha dad pa snang ba med pa na sbyor ba med pa bzhin no/ /yang de dag la ci zhig tu mi snang zhe na/ chu dang 'o ma de dag la rig pa ni 'o ma dang chu de dag gi 'brel pa dang rang bzhin tha dad pa rig pa gang yin pa de la bya ste/ de de la rig pa ma yin no/ /ji ltar tha dad pa dang 'brel pa mi snang ba'i phyir 'o ma dang chu rnam par rtog pas sbyor bar byed pa ma yin pa bzhin no// gang gis gang dag gi rang bzhin tha dad pa ma bzung ba des ni de dag sbyor bar byed pa ma yin te/ dper na de mi shes pa'i chu dang 'o ma bzhin no/ /rigs dang rigs dang ldan pa'i rang bzhin tha dad pa yang skyes bus bzung ba ma yin no/ /rang bzhin 'dzin pa sngon du 'gro ba can gyi rang bzhin gyi yul la sbyor ba la ni rang bzhin 'dzin pas khyab pa yin la/ khyad par byed pa tha dad pa'i rang bzhin du rang bzhin 'dzin par byed pa med pa'i phyir sbyor ba yod pa yin no/ /de bzhin du 'brel pa la ltos pa'i sbyor ba la yang khyab pa grub par blta bar bya'o/ /'o na ji ltar dbyig pa dang dbyig pa can dang/ dwa dang rwa can lta bu shes pa gcig la snang ba sgra dang don bzhin du shes pa tha dad pa'i yul ma yin la/ rang bzhin tha dad pa dang 'brel pa yang rtogs pa gang yin pa de'i yul can gyi mngon sum gyi shes pa ni khyad par khyad par can gyi dngos por snang bas rnam par rtog pa dang bcas pa yin no zhes dogs na/ bshad pa/ yang gang la rang bzhin tha dad pa dang 'brel pa dag rtogs pa ste/ shes pa gcig la snang ba yod pa de dag la yang/ khyad par dang khyad par can gyi dngos po 'dzin pa ni'o/ /brda ni sgra des par sbyor ba ste/ skabs kyis 'dir khyad par dang khyad par can rjod pa'i yul can yin par gzung ngo/ /sngar bshag pa'i tshul gyis dngos po rnams kyi khyad par dang khyad par can nyid dngos po rnams kyi khyad par dang khyad par nyid dngos po ni ma yin te/ 'on kyang sgras sprul pa yin no/ /des na khyad par dang khyad par can de dag gi rang gi ngo bo dang des pa nyid shes par bya ba'i don du sgra'i tha snyad rjes su rtogs par bya'o/ /de'i phyir brda 'dzin pa dang de dran pa ni khyad par can 'dzin pa'i rgyu yin te/ brda''dzin pa'i dus su sbyor ba'i khyad par dang khyad par can dran pa las khyad par can du 'dzin pa'i shes par 'gyur ba'i phyir ro/ /de nyid ni 'di yin no zhes brda'i dus su mthong ba dang da ltar mthong ba gcig tu byed pa 'di ni sdud pa yin no/ /brda'i dus su mthong ba dang da ltar mthong ba gcig tu ma rtogs par ni brda'i dus su goms pa'i khyad par dang khyad par can gyi dngos po rtogs pa ma yin no/ /des na tha snyad kyi tshe na dag pa'i dngos po mthong nas de nyid ni 'di yin no zhes brda'i mthong ba dang gcig tu byed pa ni khyad par can du 'dzin pa yin no/ /de nyid kyi phyir smras pa/ sdud pa'i bdag can te rang gi ngo bo gang yod pa de la de skad ces byas te/ de ste de 'dra bar 'dzin pa'o/ / mig ces bya ba 'di ni nye bar mtshon pa ste/ mngon sum gyi shes pa la ni mi srid do zhes bya ba'i don to/ /'di ltar khyad par dang khyad par can du dran pa'i shes pa brda'i mthong ba dang da ltar gyi mthong ba gcig tu byed pa gang yin pa 'di nyid ni khyad par can du 'dzin pa yin no/ /sngon mthong ba dang da ltar mthong ba gcig tu 'dzin pa yod kyang khyad par dang khyad par can gyis brda ma dran na khyad par can du 'dzin pa yod pa ma yin no/ /'di ltar de nyid 'di yin no zhes lo ma la sogs pa dang ldan pa da ltar mthong ba la sngon mthong ba dang gcig tu byed kyang shing gi sgra ma dran na shing gi sgras khyad par can du 'dzin pa ma yin no/ /des na khyad par can la sogs pa'i brda dran pa'i rgyu nyid las bsdom ste khyad par can du 'dzin pa yin no/ /de ltar bsdom pa yang gang zhig khyad par can du bzung ba'i de ma thag tu mthong ba'i khyad par dang bral ba'i yul dang brda tshe mthong ba'i yul 'dzin par nus pa'i shes pa gang yin pa de nyid kyis byed par nus pa yin no/ / des na brda'i dus su goms pa khyad par can la sogs pa dran pa dang/ sngar mthong ba'i yul dang gcig tu byed pa na khyad par can du 'dzin pa yin gyi gzhan du ma yin no/ /de ltar na sngar mthong ba dang da ltar mthong ba gcig tu 'dzin pa yin no/ /sngar zhes bya ba ni sngar mthong ba'o/ /phyis zhes bya ba ni da ltar gyi mthong ba'o/ /'dzin pa zhes bya ba ni sngar mthong ba dang phyis mthong ba dag la ci de nyid 'di yin nam/ 'on te gzhan zhes ltag par 'dzin pa ni 'dzin pa'o/ /dbang po'i shes pa ni 'das stong pa yin no/ /'di ni gtan tshigs kyi tshig de gang gi phyir sngon dang phyi mar 'dzin pas stong pa de'i phyir 'di la sdom pa'i bdag nyid du 'dzin pa yod pa ma yin no/ /tshig le'ur byas pa 'di nyid kyi don rnam par 'grel pa na/ 'di la zhes bya ba la sogs pas bsgrub par bya ba 'chad de/ snga ma khyad par dang bral ba 'dzin pa dang/ brda'i dus kyi mthong ba nyid du phyi ma 'dzin pa dang/ khyad par can la sogs pa'i brda dran pa ni byed pa ste/ 'di rnams gcig med na yang khyad par can du 'dzin pa mi 'thad pa'i phyir 'di dag gdon mi za bar bya ba yin no/ /dbang po'i shes pa ni bya ba 'di dag byed par nus pa ma yin no/ /ga las she na/ dpyod pa med pa'i phyir ro zhes bya ba smos te/ gang zhig snga phyir 'dzin pas stong pa de nyid ni dpyod pa med pa yin no/ /'di ni bsgrub par bya ba bstan pa'i gtan tshigs te/ gang gi phyir dpyod pa dang bral ba de'i phyir 'di tsam gyi bya ba byed pa yod pa ma yin no/ /'di ni sngar ma thob pa'i yul gyi dngos po dang de ltar mthong ba la de nyid dang gzhan nyid du dpyod par nus pa ma yin no/ /dpyod pa med pa nyid 'di la yang gtan tshigs yod pa yin no/ /zhes bshad pa ni/ nye ba rung pa'i yul na gnas pa'i yul gyi stobs te/ mthus bskyed pa'i rgyu'i phyir dpyod pa med pa nyid do/ /yul nye ba'i stobs kyis skyes pa ni de'i rang bzhin kho na'i 'dzin par byed pa yin gyi/ gang de la yod pa ma yin pa brda'i dus su goms pas sgro btags pa khyad par dang khyad par can nyid ni ma yin no// sngon mthong ba'i dngos po de yang sngon mthong ba'i shes pa'i yul la brjod la/ de yang de ltar mthong ba la yod pa ma yin pa nyid de/ sngar gyi mthong ba log na de'i yul yang ldog pa'i phyir ro/ /des na bzung bar nus pa ma yin no/ / gang zhig sngar mthong ba nyid du dngos po dpyod par mi nus pa de ji ltar na khyad par la sogs pa skyed par byed pa'i don gyi rang bzhin ma yin pa sgro btags par 'dzin par byed/ de'i phyir khyad par la sogs pa btags par 'dzin pa'i rang bzhin khyad par can gyi dngos por rnam par rtog pa ni de la 'thad pa ma yin no/ /dpyod pa nyid du khas len na ni dbang po'i shes pa dang yid kyi shes pa nye ba ma yin pa'i don 'dzin pa nyid du khyad par med par thal bar 'gyur te/ sngar mthong ba dang phyis mthong ba dag shes pa gcig gis gzung ba ni nye ba ma yin pa'i don 'dzin pa nyid du thal bar 'gyur ro/ /des na gzugs 'dzin par so sor nges pa dbang pos byas pa yin yang tha dad pa med par 'gyur la/ tha dad pa med par thal pa'i phyir dbang po'i shes pa dpyod pa med pa yin no/ /nye ba ma yin pa'i don 'dzin par khyad par med na ni/ 'das pa dang ma 'ongs pa dang dngos po'i rab tu dbye ba ste/ mi rtag pa dang sdug bsngal ba la sogs pa ldog pa'i rgyu mtshan can gyi tha dad pa'i rang gi ngo bo de dbang po'i shes pas kyang 'dzin pa dang/ yid kyi shes pas kyang mi 'dzin pa ste/ de dag dang dpog pa ste dbang po'i shes pas kyang gzhan du mi 'thad pa mthong ba las ma mthong ba rtogs par 'gyur la/ mi dpog pa ste yid kyi rnam par shes pa yang de las bzlog par 'gyur ro/ /de dag dang don yod pa ni bdog pa'o/ /de la ltos pa ni de dang 'bral pa ste/ yid kyi shes pa'o/ /de las bzlog pa ni mi ltos pa ste dbang po'i shes pa'o/ /de dag dang zhes bzlas dbye ba'o/ /de dag la sogs pa 'dod pa tsam la rag las pa la sogs pa de dag tu thal bar 'gyur ro/ /'di la shes pa'i chos 'das pa la sogs pa 'dzin pa shes par byed pa po nyid ni nye ba ma yin pa'i yul 'dzin pa tsam la rag las pa yin la/ dpyod par byed pa'i phyir dbang po'i shes pa la yang nye ba ma yin pa'i yul can nyid yod pa de'i phyir de'i rgyu mtshan tsam gyi chos su yang thal bar 'gyur ro/ /de la yod kyang dpog pa la sogs pa ma yin na ni yid kyi shes pa yang mi 'gyur te/ de la yang yul nye ba ma yin pa nyid las 'das pa la sogs pa'i rgyu 'dzin pa la sogs pa'i rgyu ltag pa gzhan ma mthong ba'i phyir ro/ /de bzhin du dbang po'i shes pa'i yul mi nye ba can yin yang gal te don yod pa la ltos pa yin na ni yid kyi rnam par shes pa yang thal bar 'gyur ro/ /dbang po'i shes pa de'i rnam par 'dzin pa nyid kyis don la ltos pa zhes bya bar gnas pa ni ma yin te/ ltos pa med pa 'das pa la sogs pa'i rnam par yang 'dzin pa'i phyir ro/ /'on kyang shes pa nyid las yin la de ni yid kyi rnam par shes pa la yang bye brag yod pa ma yin no/ /yang na dbang po'i rnam par shes pa yang ltos pa med par thal bar 'gyur te/ bye brag med pa'i phyir ro/ /de bzhin du yul nye ba can ma yin pa nyid kyis 'dod pa tsam gyi 'jug pa la yang sbyar bar bya'o/ /de'i phyir nye ba ma yin pa 'dzin pa nyid btang na dpyod pa med pa'i phyir mngon sum rtog pa med par grub pa yin no/ /yid kyi rnam par shes pas mngon par 'dus byas pa ste brda'i tshe goms pa'i khyad par can la sogs pas sbyar ba byas pa la dbang po'i shes pas 'dzin par byed pa des na dbang po'i shes pas 'das pa la sogs pa dran pa la sogs pa dran pa la sogs par bya bar ma yin te/ yid kyi rnam par shes pa nyid kyis byas pa'i phyir ro/ /dbang po'i shes pa khyad par can du 'dzin pa yang yin no zhes bya ba ni de ltar khas blangs pa ston par byed pa yin no/ /ma yin te zhes bya ba ni gzhan gyis smras pa bzlog par byed do/ /gtan tshigs bshad pa/ ji skad bshad pa'i khyad par la sogs pa rnams 'dzin par byed pa ma yin pas na de ltar khyad par can nyid du rtogs pa ste/ yongs su gcod par mi rigs pa'i phyir ro/ /'di snyam du yid kyi rnam par shes pa nyid kyis nye ba ma yin pa mngon par 'dus byas pa'i khyad par can de la dbang po'i shes pas rtogs pa des na ji ltar rtogs par ma rigs pa yin zhe na/ bshad pa yul ma yin pa khyad par can dang/ sngar mthong ba la mi 'jug pa'i rgyu'i phyir ro/ /gang gi phyir yul ma yin pa nyid kyi phyir khyad par la sogs pa nyid kyi rnam par shes pas bkod kyang dbang po'i shes pa 'jug pa ma yin te/ nye ba ma yin pa yid kyi rnam par shes pas khyad par can du zin kyang nye ba ma yin pa nyid spong ba ma yin pa'i phyir ro/ /des na yul ma yin te/ rna ba'i rnam par shes pas gzhag pa'i sgra ni mig gi rnam par shes pa'i yul ma yin pa bzhin no/ /'di nyid bstan pa'i phyir rigs la sogs pa dang zhes bya ba smos so/ /sogs pa zhes bya bas ni bya ba dang yon tan bsdu ba'o/ /de'i 'brel pa dang 'das pa dang sgra'i tha snyad de khyad par la sogs pa de'i phyir dbang po'i shes pas sgra'i tha snyad do/ /sogs pa smos pas ni ma 'ongs pa dang dngos po'i rab tu dbye ba bsdu ste/ de dag ni dbang po'i shes pa'i phyir ro/ /des na yid kyi rnam par shes pas nye bar bzhag pa la yang 'dzin pa ma yin pa de'i phyir dbang po'i shes pas don dang don gzhan du sbyor ba'i sbyor ba de nyid ni rtog pa'o/ /der ma gtogs pa ni bdag nyid du gyur pa ma yin pa'o/ /de ltar tshigs su bcad pa gnyis kyis shes pa gcig la snang ba nyid la brten nas rigs la sogs pa sbyor ba'i rtogs pa bsal ba yin no dbang po las skyes pa de ni rnam par rtog pas kun nas bslang pa ste bcug pa yin na'o/ /yang zhes bya ba ni skyon sog par byed pa'o/ /'dod pas ldog dang zhes bya ba 'dis ni thal bar 'gyur ba bstan to/ /thal ba gzhan yang ston par byed pa ni nye ba'i don te rung pa'i yul na gnas pa nyid la dbang po las skyes pa'i glo rgyu'i dngos por mi ltos par 'gyur ro/ /tshig le'ur byas pas bstan pa'i thal bar 'gyur ba gnyis po nyid rim pa bzhin dgrol pa'i phyir bshad pa/ gzhan yang zhes bya ba ni nyes pa bsag pa'i don te/ re shig yul ma yin pa la mi 'jug pa'i phyir yid kyi shes pas mngon par 'dus byas pa'i don la dbang po'i shes pa mi 'jug go /zhes brjod zin pa yin la/ de 'dzin na yang 'dod pas ldog pa nyid dang don la ltos pa med par 'gyur ro zhes skyon bsag pa'o/ /'di zhes bya ba ni dbang po las skyes pa'i blo'o/ /khyad par ni rnam par gcod par byed pa ste/ dbyig la sogs pa'i don nam sgra'o/ /de la sogs pa khyad par can dang 'brel pa dang 'das pa dang sgra'i tha snyad dang de lta bu la sogs pa'i rtog pa gzhan gang yin pa dag go / des kun nas bslang ba ni bcug pa ste de bcug pa nyid kyang rnam par rtog pa'i yul dbyig pa la sogs pa'i khyad par gyis khyad par du byas pa'i don 'dzin par byed pa ste/ rnam par brtags pa'i don 'dzin par byed pa nyid yin no/ /gang gi phyir de rnam par brtags pa'i don 'dzin par byed pa de'i phyir des kun nas bslang ba yin no/ /yul la gtong par byed pa'i rnam par rtog pa de yang don gyis skyed par byed par 'gyur ba yin gyi 'dir kun nas slong pa po skyed par byed pa po la ni 'dod pa ma yin te/ rnam par rtog pa ni rtog pa med pa dang thun mong pa'i skyed par byed pa yin pa des na de la skyon med par 'gyur ba'i phyir ro/ /yin na zhes bya ba ni rtog pas kun nas bslang pa gtan tshigs yin par ston pa ste/ de yin par gyur na zhes bya ba'i don to/ /'jug pa yang zhes bya ba ni rgyun 'jug par bstan pas rgyu tshad pa nyid du ston par byed pa'o/ /de rgyu dang ldan pa yang 'dod pas ldog par 'gyur ro zhes 'brel to/ /rnam par rtog pa skyed pa'i tshogs pa tshad pa can gyi skyes bu gang yin pa de'i'o/ /'di nyid bshad pa ni/ 'jug pa yang zhes bya ba yin no/ /rgyu ma tshang na ni rang nyid ldog par 'gyur ba'i phyir rgyu ma tshad pa med pa nyid la 'dod pas ldog pa'i byed pa rtogs par 'gyur gyi gzhan du ni ma yin no// rgyu ma tshad ba med pa yin na ji ltar ldog ce na/ rgyu de nyid ma tshang pa'i phyir ro/ /yang ni phyi nas so/ /dbang po'i shes pa'i rnam rtog las gzhan pa'i rnam par rtog pa gang yin pa de ji ltar 'dod pas ldog pa de bzhin du de yang ldog par 'gyur ro/ /'di ni chos gnyis kyi khyad par ston pa'o/ /rnam par brtags pa'i don 'dzin pa nyid de la ni 'dod pas ldog pa nyid kyis khyab pa yin te/ 'di ltar sgro btags pa'i don 'bad pas nye bar bzhag pa ni sgro 'dogs par 'dod pa log na ldog par 'gyur ba nyid la/ de ldog pa na de'i yul can gyi rnam par rtog pa yang ldog pa yin no/ /des na 'dod pas ldog pa nyid kyi rgyu mtshan ni brtags pa'i don 'dzin pa tsam nyid yin pas de'i khyad par byed pa yin no/ /gal te rnam par brtags pa 'dzin pa nyid yin yang 'dod pas ldog pa nyid du mi 'gyur na ni rgyu mtshan gzhan la ltos par 'gyur na rgyu mtshan gzhan ni rtogs pa med do/ /de'i phyir brtags pa'i dngos po 'dzin pa ni 'dod pas ldog pa nyid kyi gzhan la ltos pa med pa'i rgyu yin no/ /gal te 'di yod na yang 'dod pas ldog pa nyid du mi 'gyur na ni de'i tshe khyab par byed pa ltos pa med pa nyid nyams par 'gyur ba'i phyir 'dod pas ldog pa ni brtags pa'i don 'dzin pa'i khyad par byed pa yin no/ /des na dbang po'i shes pa la khyab par bya ba brtags pa'i don 'dzin pa nyid yod na/ nges par khyab par byed pa'i chos dang ldan par 'gyur ro/ /khyab par byed pa ldog na khyab par bya ba yang ldog pa'i phyir ro/ /thal ba dang thal ba bzlog pa dag nyid bstan par bya ba'i don du bshad pa rnam par rtog pa'i shes pa ni so sor brtags pa ste/ 'jug pa'i rnam par rtog pa'i yul dang mi mthun pa'i brtags pa las bzlog par nus pa yin no/ /dbang po'i shes pa'i rjes su byung ba sngon po la sogs pa'i rnam par rtog pa 'ga' zhig bzlog par nus pa ma yin la bum pa las sogs pa la gcig pa la sogs par rnam par rtog pa'i kun rdzob kyi yul can gzhan yang yod pa ma yin nam/ de'i phyir khyab par bya ba dang khyab par byed pa'i dngos po ji ltar 'grub par 'gyur zhes dogs pa la/ 'di nye bar bkod de rgyun du 'jug pa'i rnam par rtog pa gang yin pa rnams ni de ltar ni 'di brtag par mi bya'o zhes rang gi ngo bos bzlog par nus pa yin gyi/ rnam par brtags pa'i don yod pa ma yin no zhes yul bkag pas ni ma yin no/ /des na gcig la sogs pa kun rdzob kyi rnam par rtog pa yang de srid kyi dus su 'dod pas bzlog par nus pa yin pa de'i phyir 'khrul pa yod pa ma yin no/ /'di snyam du dbang po'i shes pa yang 'dod pas mig 'dzum pa na ldog pa ni nges par 'dod pa nyid kyis ldog par 'gyur ba yin pa de bas na 'dod pas ldog pa ni ha cang thal bar 'gyur ba ma yin no snyam na dbang po'i blo ni ma yin te zhes bya ba gsungs so/ /don ni 'di yin te rgyu byed pa dang ldan pa nyid la 'dod pas rgyu'i nus pa nyams par byas pas 'bras bu ldog pa na byed pa nges par 'gyur ba yin na 'di la ni rgyu dbang po nyid 'dod pas 'jug pa dang ldog par byed pa yin gyi rnam par shes pa la ni ma yin no/ /de'i phyir 'di ltar mngon du gnas pa'i yul la dbang po 'jug pa na mthong bar mi 'dod kyang mthong ba yin no/ /de bshad pa ni/ ba lang gi blo bzlog cing zhes bya ba'o/ /'dis ni ba lang gi blo la 'dod pa med par bstan pa'o/ /rtar rnam par brtags kyang zhes bya ba 'dis ni 'gal ba'i rnam par rtog pa la 'dod pa bstan te/ des na ba lang gi blo la 'dod pa med cing 'gal bar 'dod pa'i rnam par rtog pa rgyun du 'jug kyang mig la sogs pa'i rgyu ched na ba lang nyid du mthong bar 'gyur ba yin no/ /des na de'i yul gyi rnam par rtog pa bzlog cing zlog par byed la 'gal ba'i rnam par rtog pa gzhan nye bar byas kyang mi 'dod pa'i mthong ba bzlog par nus pa ma yin pa nyid do/ /zhes brjod par 'gyur ro// de'i phyir dbang po'i shes pa 'dod pas mi ldog pas na brtags pa'i don 'dzin pa ma yin na zhes bya bar grub bo/ /thal pa gnyis pa bstan pa'i don du smras pa/ don nye ba rung ba'i yul na gnas pa la rgyu'i dngos por mi ltos pa nyid do/ /rnam par rtog pa rnams kyi don nye ba la mi ltos pas ni brtags pa'i don 'dzin pa las 'gyur ba yin te/ 'di ltar rnam par brtag pa'i dngos po de ni med pa yin la/ de'i 'dzin pas na don nye ba la ltos pa nyams par 'gyur ba yin no/ /dbang po'i rnam par shes pa yang rnam par brtags pa 'dzin pa yin na ni des na nye ba ma yin pa 'dzin bas na de yang don nye ba la ltos pa med par 'gyur ro/ /yul nye ba la ltos pa med pa nyid ni brtags pa'i don nye ba ma yin pa 'dzin pa tsam la ltos pa yin la de yang khyab par byed pa yin pa de bas na snga ma bzhin du thal bar 'gyur ba'i rang bzhin gyi gtan tshigs so/ /chos gnyis kyis khyab pa bstan pa'i don du smras pa/ gang gi phyir ba lang zhes bya ba de lta bu la sogs pa'i rnam pa can gyi ba lang gi rnam par rtog pa ni ba lang la sogs pa'i don nye ba nyid las 'gyur ba ma yin no/ /'di ni nye ba las gzhan du yang 'gyur ba ma yin no/ /'di ni nye ba las gzhan du yang 'gyur ba ma yin pa des na de la ltos pa ma yin no zhes nges pa 'gog par byed pa yin no/ /cig shos kyis ni 'di yang gzhan du min zhes bya ba smras te/ rnam par rtog pa 'ga' zhig ni don nye ba la mi ldog pa ma yin no/ /ji lta bu ma yin na/ 'di nyid zhes bya bas 'jug pa zhes bya ba ni tshig gi lhag ma'o/ /'di'i dngos po ste/ 'di'i sgras brjod bar bya ba'i don gyi dngos po ni 'di nyid do/ /de lta bur gyur pa'i mtshan nyid kyang gsum pa'o/ /'di khyad par can gyi don snang ba'i rnam par rtog pa gang yin pa de ni don nye ba la ltos pa yin no/ /ga las she na/ gang gi phyir 'di la ba lang ngo zhes bya ba 'am rnam par rtog pa ni ba lang nye ba yin na mi 'gyur ro/ /'dis ni ldog pa bstan to/ /shugs kyis don yod na ni 'gyur ro zhes rjes su 'gro ba 'phangs te/ rjes su 'gro ba dang ldog pa ngag gis kyang ltos pa dang bcas par grub pa yin no// gal te de lta na yang rnam par rtog pa rnam pa gnyis te/ ltos pa dang bcas pa dang ltos pa med pa'o/ /de la mngon sum ltos pa med par ma thal ba ma yin rnam zhes dogs pa la/ kho bo cag gi zhes smos te/ bdag gi mngon sum yang 'di nyid yin gyi gzhan ni ma yin no/ /des na rnam par rtog pa 'ga' zhig don la mi ltos pa yin yang mngon sum la mi ltos par dogs par mi 'gyur ro/ /de ltar na 'dis ni rnam par rtog pa rnam pa gnyis yin yang 'di'i don gyi yul can yin pa'i phyir mngon sum don nye ba la ltos pa dang bcas pa nyid du bstan to/ /mngon sum gyis mtshan nyid sbyar ba'i phyir smras pa/ nye ba yang de yin la don kyang yin pa de nges pa'i mtshan nyid ngo bo nyid gang la yod pa dngos po ste de'i phyir ro/ /gzhan dag gi don nye ba snang ba yin la bdag cag gi don nye ba nges pa mngon sum gyi mtshan nyid yin no/ /gang gi phyir nges pa 'di ni dbang po'i byed pa yod na 'gyur pa de'i phyir 'di nyid mngon sum yin no/ /don nye ba la ltos pa nyid de ni 'di'i don gyi khyad par can gyi dngos por rnam par rtog pa la yod pa ma yin no/ /ci'i phyir zhe na/ bshad pa/ gang gi phyir 'di'i don du snang ba'i blo mig gi byed pa yod pa la mthong ba gang yin pa de ni dbang po'i byed pa med par nges pa las kyang 'gyur par mthong ste/ mig gi bya ba byed par yang 'di bum pa zhes mthong ba'i yul du rtog pa yod pa yin no/ /gal te dbang po'i byed pa yod dam med kyang rung ste reg pa las 'di'i don du snang ba ni nye ba'i bum pa nyid la 'di bum pa'o zhes rtog pa ma yin nam/ ci'i phyir rnam par rtog pa 'di don nye ba la ltos pa med pa yin zhes brjod ce na/ med dang tha dad pa med pa la'ang zhes gsungs te/ rnam par brtag par bya ba'i don gang zhig yod pa yin yang rnam par rtog pa de bskyed pa la don de med pa las tha dad pa med pa nyid yin no/ /gang zhig gang bskyed pa'i nus pa med pa de ni de la ltos nas med par brjod pa yin no/ /gtan tshigs ci'i phyir med pa dang tha dad pa med ce na/ bshad pa/ gzugs la sogs pa'i don de dbang po'i spyod yul ma yin pa ste/ rang gi dbang po'i spyod yul ma yin pa'i phyir ro zhes bya ba'i don to/ /gang gi phyir dbang po'i yul gyi don ni byed pa dang bcas pa'i dbang po dang lhan cig tu rang gi shes pa skyed par byed pa yin na/ spyod yul ma yin pa de la ni dbang po'i byed pa med pa yin no/ /de'i phyir rang gi yul can gyi shes pa skyed pa la med pa dang tha dad pa med pa yin no/ /de'i tshe gzugs yod pa nyid ma yin nam/ de'i phyir med pa las tha dad pa med par ji ltar 'gyur zhes dogs pa la/ dbang po'i yul ma yin pa'i zhes gsungs te/ gang gi phyir don gang zhig dbang po'i yul ma yin pa de ri bong gi rwa la sogs pa med pa las tha dad ci yod de/ cung zad kyang yod pa ma yin no/ /yul ma yin pa'i don de nyid kyi dbang po gang yin pa de shes par pha rol pos 'dod pa gang yin pa de skyed pa ste yul nyid du 'gyur ba la tha dad ba cung zad kyang yod pa ma yin no/ /'di skad brjod pa yin te/ gal te yod pa yin pa'i phyir rang gi ngo bos tha dad pa yin yang yul ma yin pas byed pa med pa'i phyir dbang po de'i shes pa bskyed par bya ba la ring bong gi rwa la sogs pa dang khyad par med pa kho na'o/ /nye ba'i rang bzhin shes pa skyed par byed pa yin yang med pa las tha dad par 'gyur ba ji ltar yin zhe na/ bshad pa/ yul ma yin pa'i don de'i nus pa ste byed pa gang yin pa de ni rang bzhin 'dzin pa'i rang gi dbang po'i shes pa de las dngos su ste bar du ma chod pa ldog pa'i phyir ro/ /yul ma yin pa'i don dngos su rang gi yul gyi dbang po'i shes pa skyed par mi byed pas nus pa med pa de'i phyir nga la ltos te med pa dang 'dra ba yin no/ /gal te de ltar na yang med pa ni brgyud pas kyang nye bar sbyor ba med pa'i phyir mi nye ba nyid yin la yod pa ni de las bzlog pa ma yin nam/ des na ji ltar khyad par med pa yin/ 'di la brgyud pas phan 'dogs pa ni yod pa yin te/ gzugs med na ni reg pa med par 'gyur la/ de med na de'i shes pa de med na 'di nyid kyi yul can gyi mthong ba'i rnam par rtog pa med par 'gyur ba des na tha dad pa med par rigs pa ma yin no zhes dogs pa la/ brgyud pas nye bar sbyor ba de ni 'das pa las kyang mthong ba'i phyir ro zhes gsungs te/ kyang gi sgra ni 'das pa las da ltar byung ba khyad par med par bstan pa'i don du'o/ /gang gi phyir de 'das pa la yang mthong ba de'i phyir de mthong ba las don gyi byed pa rnam par gnas par ga la 'gyur/ gang gi phyir 'das pa ni 'bras bu bskyed pa'i dus na ri bong gi rwa dang 'dra ba yin te/ de'i phyir de la byed pa med do/ /nye bar sbyor ba ji ltar zhe na/ de ni rgyu skyed par byed pa yin pa'i phyir phan 'dogs par nye bar gdags te/ don dam par ni de la byed pa yod pa ma yin no/ /de bzhin du gzhan du yang gang brgyud pas nye bar spyod ba de ni don dam par ni rgyu ma yin te/ de rgyu'i rgyu yin pa'i phyir de ltar nye bar bstan pa yin no/ /de'i phyir de ltar dbang po'i spyod yul ma yin pa la blta bar bya ba'i dngos por yin na yang ri bong gi rwa dang 'dra bar rang gi dbang po'i shes pa skyes pa la nus pa med pa bsgrubs nas dbang po'i yul ma yin pa 'dzin pa'i phyir de la 'dzin pa'i shes pa mngon sum ma yin pa mjug bsdu ba bshad pa ni/ de'i phyir reg pa'i dbang po byed pa dang bcas pa can gyi skyes bu 'di mngon sum dang ldan pa mngon sum can du brtog par rigs pa ma yin no/ /reg pa yin yang yul gang la mngon sum dang ldan pa ma yin zhe na/ byed pa'i sgo nas yul ston par byed pa ni med pa las khyad par med pa la rtogs pa ste shes pa'o/ /'di skad du med pa las khyad par du ma gyur pa'i yul la rtogs pas ni mngon sum dang ldan pa ma yin no/ /'di bum pa zhes bya ba ni rtogs pa'i rnam pa brjod pa'o/ /ji ltar na de med pa dang khyad par med pa yin zhe na/ yul ma yin pa nyid kyis zhes smos te/ gang gi phyir dbang po'i yul ma yin pa de'i phyir rang? gi yul can gyi dbang pa'i shes pa la med pa dang khyad par med pa yin no/ /'di ci zhig byas pas rtogs she na/ reg pa las shes smos te/ mun pa'i gnas skabs su mig gi byed pa med pa na reg pa'i rnam par shes pa'i 'og rol du de rten? ?pa'i phyir ro/ /de'i tshe reg par bya ba'i dngos po nyid reg pa'i dbang po las skyes pa'i don gyi khyad par can gyi dngos po rtog pas bzung ba ma yin nam/ reg bya de yang reg pa'i dbang po'i yul ma yin pa ni ma yin na gang gis na de la brten pa'i rnam par shes pa bskyed pa la med pa dang mtshungs par 'gyur/ des na dbang po'i yul 'dzin pa'i phyir dbang po las skyes pa dang don nye ba la ltos pa yin no/ /ci ste reg pa ni reg bya yin la de'i tshe gzung ba'i bum pa ni blta bar bya ba yin no zhes bya bar pha rol gyi 'dod pa yin na de ni ma rigs te/ gang gi phyir reg pa'i dngos por gyur pas na reg pa ste/ reg bya gang yin pa de nyid ni mthong ba'i rdzas yin no/ /des na mthong ba gang yin pa de nyid la reg nas 'di'i don gyi khyad par can du rtogs pa yin no/ /gal te zhes bya ba 'di ni gzhan gyi khas blangs pa'o/ /zhes ston pa'o/ /'di nyid rnam par 'grel pa bshad pa ni dbang po'i yul ma yin pa'i phyir med pa dang 'dra ba yin no zhes khyed kyis gang brjod pa de ni ma yin te/ gang gi phyir reg pa ni reg bya'o/ /yang gi sgra ni mthong ba yang yin pa de rtogs nas 'di ni bum pa'o zhes rtogs pa yin no/ /de'i phyir de ltar shes pa de ni reg pa'i dbang po las skyes pa yin no/ /zhe na zhes bya ba ni gal te de'i don to/ /ma yin zhes bya ba ni rnam par rtog pa'i shes pa 'di ni reg pa'i dbang po'i yul 'dzin pa ma yin te/ 'dir 'di ni bum pa'o zhes bya ba de lta bu'i rnam pa can gyi shes pa la kha dog snang ba'i phyir ro/ /'di nyid kyi rnam par 'grel pa bshad pa ni/ shes pa 'di ni reg pa'i dbang po de nyid las skyes par mi rigs te'o/ /'di bum pa'o snyam pa zhes bya ba ni shes pa'i rnam par ston pa ste/ 'di lta bu'i rnam pa zhes bya ba'i don to/ /reg pa'i dbang po'i byed pa'i gnas skabs su bum pa de kha dog gi khyad par can du sngon ji ltar mthong ba de ltar rnam pa de nyid kyi de nyid 'di yin no zhes mthong ba dang reg pa gcig tu mtshams sbyar nas sems pa na/ tshogs pa las skyes pa 'am de las gzhan bcos su yang rung ste kha dog snang ba'i phyir ro/ /dbang po'i spyod yul ma yin pa'o/ /kha dog ni de'i tshe rang gi yul can gyi dbang po'i shes pa bskyed par bya ba la/ med pa dang 'dra ba yin no zhes gnas so/ /de bzhin du mthong du zin kyang reg pa'i gnas dran pa na 'di bum pa'o snyam pa'i shes pa ni don nye ba la mi ltos pa yin par lta'o/ /'o na rnam par rtog pa 'di ci zhig yin snyam du dogs pa bsu nas mjug bsdu bar 'dod pas bshad pa/ des na dran pa ste dran pa'i rang bzhin gyi rnam par rtog pa 'di ni don nye pa la ltos pa ma yin no/ /'o na dbang po'i byed pa'i mjug thogs su 'byung bar ji ltar 'gyur zhe na/ bshad pa/ gzugs dang reg pa de dag gi rnam par shes pa'i rgyu de nyid gang la yod pa shes pa gnyi ga'i rgyu dang ldan pa yin gyi dbang po las skyes pa ni ma yin no// de nyid bstan pa ni yid ces bya ba yin no/ /yid kyi rnam par shes pa las tha mi dad par thal pa'i sgo nas don nye ba la mi ltos pa dang/ sogs pa smos pas 'phangs pa 'dod pa dang 'brel pa nyid du dbang po'i shes pa brjod du zin kyang dbang po'i shes pa yin kyi shes pas mngon par 'dus byas pa'i don 'dzin par dogs pa la yang brjod pa yin te/ dbang po'i shes pa yang 'dod pa la rag las par dogs pa bsal ba'i don du ba lang gi blo bzlog cing zhes bya ba la sogs pas bkag pa yin la/ rnam par rtog pa 'ga' zhig 'di'i don du 'dzin pa ni don nye ba la ltos pa yin gyi gzhan du ni ma yin no/ /snyam du dogs pa dgag pa'i phyir ma yin 'di ni bum pa zhes bya ba la sogs pas bkag pa yin no/ /de'i phyir gang zlos pa'i nyes par 'gyur ba sngar spyir brjod pa nyid yang bshad pa don med pa ma yin no/ /gang gi phyir sngar ni nye ba ma yin pa'i don 'dzin pa nyid kyis dbang po'i shes pa dang yid kyi shes pa dag khyad par med par thal bar brjod pa yin la/ da lta ni yid kyis nye bar gtad pa brtags pa'i dngos po 'dzin pas don nye ba la mi ltos pa dang/ 'dod pa tsam la rag las par brjod pa yin no/ /brtags pa la dngos po 'dzin pa nyid ni brtags pa 'dzin pa yin la/ de nyid kyang nye ba ma yin pa'i don 'dzin pa yin pa des na 'di nyid kyis 'dod pa ldog pa dang nye ba la mi ltos par brjod pa'i phyir blos par dogs par 'gyur ro/ /de'i phyir de ltar dbang po'i rnam par shes pa yid kyi rnam par shes pas mngon par 'dus byas pa'i don gyis khyad bar du bya ba'i don 'dzin pa ma yin par bsgrubs nas sgra yi khyad par yid kyis sbyar ba la yang 'dzin pa ma yin par sgrub pa'i phyir/ gzhan yang zhes bya ba smos te/ brda'i dus su don gang zhig yod pa ste snang ba'i rang bzhin la sgra gang? mthong nas yang dus gzhan du lhan cig spyod pa grub pa'i don de mthong ba'i rgyu las/ brda'i dus su mthong ba'i sgra de dran par rigs pa yin no/ /brda'i yul du gyur pa'i don de rtogs pa ste/ mthong ba med na ni dus gzhan du sgra'i khyad par te sgra'i bye brag ji ltar dran/ nges pa nyid kyis ma yin no/ /snyam du dgongs pa'o/ /sgra de ma dran na sgra de dang don yid kyi rnam par shes pas sbyar zhing bsres pa'i don ji ltar dbang po'i rnam par shes pas rtogs gal te zhes bya ba la sogs pas ni gang zhig khas blangs pas nyes pa 'di'i skabs su 'gyur ba'i khas blangs pa de son te/ /rang gi rjod par byed pa ni rang rjod byed de smra bar byed pa'i smra'o/ /de nyid ni khyad par te de la ltos pa'i don de nyid do/ /shes pas zhes bya ba ni dbang po la brten pa ste yid la rnam par rtog pa nyid la rtsod pa med pa'i phyir ro/ /brda byad bas kyang zhes bya ba 'di ni khyad par yin te/ gzhan dag gis ni rjod par byed pa'i sgras khyad par can du sbyor mi srid pa'i phyir ro/ /gal te de ltar nges par khas len pa yin na de ni de ltar khas blangs pa na dbang po'i shes pa'i brjod pa dbang po'i shes pa yod do zhes thos pa gang yin na de dang ldog par 'gyur na/ nyams su myong ba lta ci smos shes smra pa'i tshul gyis ston par byed pa'o/ /rjod par byed pa nyid khyad par te de las gzhan las khyad par du gyur pa'i phyir ro/ /de la dran pa mi rigs pa'i phyir ro/ /ji ltar dran pa mi rigs she na/ bshad pa gang gi phyir brda'i dus su goms pa'i don mthong ba yod na ni don mthong ba de las brda'i dus su don nye ba la mthong ba sgra dran par 'gyur ba'i phyir ji ltar me dang du ba de dag gi 'brel pa grub pa ni me mthong ba na nges pa dang ldan pa'i du ba'i sgyu bskye bar 'gyur ba de bzhin du/ sgra dang don dag kyang lhan cig spyod pa grub pa cig mthong na nges pa can gyi dran par 'gyur gyi gzhan du ni ma yin no/ /'o na don mthong nas sgra nges par dran pa yin no zhes dogs pa la bshad pa brda goms pa 'dis don gang la sgra med pa de mi mthong ba la ma mthong na yang ste mthong ba med pa'i phyir nges pa'i tshul gyis sgra de mi dran la ma dran na ste ma dran pa'i phyir don la sbyor bar mi byad do/ /yid kyis don la sgra ma sbyar na rtogs par mi 'gyur te mi mthong ngo/ /don 'di yin te/ nges ba can du dran pa las ni don mthong ba yin la/ don mthong ba las kyang nges pa can du dran pa yin pa'i phyir phan tshun brten pa'i nyes pas 'gro ba ma lus pa long ba ste mthong ba dang bral bar 'gyur ro/ /gang gi phyir thams cad kyi tshul ni 'di nyid yin par 'dod de/ des na ma lus pa zhes gsungs so/ /nye ba ni mngon sum du gyur pa ste/ rung ba'i yul na gnas pa can yin no/ /nang gi ste nang na yod pa'i 'du byed sgra dran pa'i bag chags sad pas byas pa ni rang gi 'bras bu skyed pa la mngon du phyogs par byas pa ste/ bag chags sad pa don? sgra dran par 'gyur te/ ji ltar mthong bas nges pa can du dran pa ltar don nye bar dran pa'i bag chags sad par 'gyur ba de'i phyir ma mthong ba yang dran pa yin no/ /thag ring bo nas gnas pa nyid kyang dran pa'i rgyu yin na ni rtag tu dran par thal ba'i phyir nye ba nyid las dran pa'i rgyur brjod pa yin no/ /dogs pa bsu nas ma yin te zhes smos te de ni yod pa ma yin no/ /ci'i phyir zhe na/ bshad pa sgra dang don dag gi 'brel pa'i rang bzhin gang yin pa de ni ngo bo med pa'i phyir te/ dngos po ma yin pa'i phyir ro/ /gang la dngos po'i 'brel pa yod pa de la ni rang gi yul can gyi shes pa la mi ltos par bskyed par bya ba dang skyed par byed pa yod pa yin te/ sa bon dang myu gu bzhin no/ /gal te sgra dang don dag kyang ngo bo nyid kyis 'brel pa yin na ni de'i tshe ngo bo nyid kyis don rang gi sgra'i dran pa sad pa'i rgyu nyid du yang 'gyur ba yin na don gyi rang bzhin ni sgra'i brjod bya ma yin pa des na 'brel pa med pas de de'i yul can gyi dran pa sad par byed pa ma yin no/ /de ni sgra dang 'brel pas dran par byed pa yin gyi nye ba med par ni ma yin la/ 'brel pa de yang yod pa ma yin no/ /sngar don nye bas byas pa'i nang gi rnam par 'gyur ba med na sgra'i bye brag dran par rigs pa ma yin no zhes bya ba der ni rang gi ngo bos 'brel ba khas blangs nas dran pa sad pa'i rgyu nyid yin na dbang po'i shes pa'i rgyu nyid bkag pa yin la/ da ltar ni de nyid yod pa ma yin pa'i phyir mthong ba la ltos pa nyid kyis dran par 'gyur ba yin no zhes khyad par can du brjod pa yin no/ /'di ltar skyes bu'i blos sbyar ba'i 'brel pa ni rnam par rtog pa'i snang ba'i rang bzhin la yod pa yin la/ rnam par rtog pa la snang ba'i rang bzhin de yang mthong ba sngon du 'gro ba can yin pa des na mthong ba yod na rnam par rtog pa la snang ba'i rang bzhin 'brel ba'i yul nyams su myong bar 'gyur zhing/ de la yang de'i sgra nges par dran pa yin no/ /me dang du ba dag ngo bo nyid kyis 'brel pa yin yang gcig nye ba tsam gyis gzhan dran pa bag chags sad pa'i rgyu ma yin pa yin nam/ des na ci'i phyir sgra dang don gyi 'brel pa rang gi ngo bo yod pa ma yin pa'i phyir don nye ba sgra dran pa'i bag chags sad pa'i rgyu ma yin zhes brjod ce na/ 'dir smras pa/ me dang du ba ni shes pa la ma ltos par ngo bo nyid kyis bskyed bya skyed byed du gnas pa yin te/ des na phan tshun dran pa sad pa'i rgyu ni ma yin no/ /rang gi ngo bor grub pa'i sgra dang don dag gi 'brel pa ni shes pa'i yul gyi rang bzhin yin te/ des na rtogs pa po'i rgyud la phan 'dogs pa'i sgo nas don sgra rnams dang 'brel pa yang/ gal te rang gi ngo bos 'brel pa yin na 'gyur ba yin na de yang yod pa ma yin no/ /des na pha rol bos sad pa'i rgyur brjod pa ni mi 'thad do zhes bshad pa yin no/ /yang ci'i phyir ngo bo nyid kyi 'brel pa yod pa ma yin zhe na/ brda ste brdar btags pa nyams su ma myong ba la sgra dang don gyi 'brel ba med pas so/ /'brel ba med pa yang brda med pa'i sgra las don mi rtogs pa dang/ don nye bas sgra dran par mi 'gyur ba las khong du chud pa yin no/ /'di snyam du brda mthong ba'i lhan cig byed pa dang rang gi nye bar len pa las don brjod par bya ba'i ngo bor skye ba yin no zhes dogs pa las bshad pa/ brda'i dus su skyes pa'i rang gi ngo bo ni yod par mi 'thad do/ /de ltar ni gang zhig skyes bus brjod par bya ba'i ngo bor 'dod pa de kho na brjod par bya ba yin no zhes khas blangs par 'gyur la/ de yang 'thad pa ma yin te/ skyes bu'i 'dod pas dngos po rnams kyi rang gi ngo bo yongs su 'gyur ba ste/ gzhan du 'gyur pa ma yin pa'i phyir ro/ /yongs su 'gyur ba yin na ni gzhan brda ma mthong ba sta/ brda mthong dang mi ldan pa rnams la yang 'brel pa rtogs pa yod par 'gyur ro/ /ci'i phyir snyam na smras pa/ don de de'i bdag nyid yin pa'i phyir ro/ /'brel pa'i rang bzhin yin pa'i phyir ro/ /don de rtogs par byed pa gcig la ltos nas sgra dang 'bral pa'i ngo bor skyes pa'i phyir gzhan dag gis kyang 'brel par rtags par 'gyur ro/ /gang gi brda ma byas pa de la ni de'i ngo bo de 'dra ba ma yin na zhe na/ skyes bu so so la zhes gsungs te/ gang gi phyir skyes bu dang skyes bu la brjod par bya ba'i don rnams bdag nyid tha dad pa ma yin pa de'i phyir gzhan brda rig pa ma yin pa thams cad la 'brel pa yod par 'gyur ro/ /ji lta ba bzhin bdag nyid tha dad pa ma yin pa 'di nyid kyang ci'i phyir zhe na/ bshad pa/ bdag nyid gang las nyams pa de ni bdag med pa ste der thal bar 'gyur ba'i phyir ro/ /gal te skyes bu so so la brda'i dus na bdag nyid gzhan dang gzhan du grub pa yin na ni des bdag med par thal bar 'gyur ro/ /de'i phyir bdag nyid gcig yin la de yang 'brel ba yin no/ / du ma nyid du thal bar 'gyur ba ma yin nam/ bdag med par thal ba ma yin no snyam pa la/ de nyid bstan par bya ba'i don du bshad pa/ bdag nyid gnas pa ste rang bzhin rnam par gnas pa yin pa'i phyir ro/ /gang gi phyir bdag nyid 'ga' yang gnas pa med de/ thams cad ldog pa med pa de'i phyir bdag med par thal ba yin no/ /'di ltar brda shes pa dang de las bzlog pa gnyis po dag gis mthong ba'i don gcig po de'i rang bzhin gang zhig brda shes pa'i mthong ba'i yu be de ni / cig shos kyi mthong pa'i yul du med pa yin zhing gang brda'i mi rig pas mthong ba de yang gzhan la med pa yin no/ /des na gang zhig brda mthong ba'i yul du gyur pa'i bdag nyid ni cig shos la med pa yin te/ des de dang 'gal ba'i rang bzhin du mthong ba'i phyir ro/ /cig shos kyi gang yin pa de yang brda rig pa la ltos na gnas pa ma yin no/ /de'i phyir phan tshun ltos nas ngo bo gnyi ga yang gnas la med pa'i phyir bdag med par 'gyur te/ rnam par shes pa tsam zhig lus par 'gyur gyi phyi rol ni ma yin no/ /bdag nyid du ma yang yin la gcig kyang yin no zhes bya ba 'di nyams pa yin te/ dngos po tha dad pa ni ngo bo nyid tha dad pa'i mtshan nyid yin pa'i phyir ro/ /de'i phyir de ltar brda rig pa'i 'gro ba ma lus pa long bar thal bar bstan nas mjug bsdu ba'i thabs kyis thal ba las bstan pa'i don du de'i phyir zhes bya ba smos so/ /sgra sbyar ba ni sgra dang sbyar ba'o/ /don gang la sgra sbyar ba med pa'i don de mthong ba yin no/ /mthong bas na zhes bya ba ni gtan tshigs kyi don to/ /de la thal ba las bzlog pa'i gtan tshigs ni 'di yin te/ gang zhig mthong ba de ni sgra dang 'dres pa med pa yin la/ nyams su myong ba 'di yang mthong ba yin no zhes bya ba ni rang bzhin gyis gtan tshigs so/ /'di la sgra dang 'bres mar 'dzin pa ni nges pa dang ldan par sgra dran pas khyab pa yin te/ ma dran na ni nyes pa yin pa'i sgras khyad par du byas pa 'dzin pa mi 'thod pa'i phyir ro/ /mthong ba la yang sgra nges pa dran pa dang bral ba'i rang bzhin gyis khyab pa yin te de'i phyir khyab par byed pa mi dmigs pas mi mthun pa'i phyogs las ldog pa na sgra dang ma 'brel ba'i don 'dzin pas khyab par 'gyur ro/ /mthong ba'i spyi'i gtan tshigs yin zhing mthong ba'i khyad par chos can yin pa de bas dams? bcas pa'i don gyi phyogs gcig gtan tshigs su mi 'gyur ro/ /rnam pa gzhan gyi sgo nas kyang rtog pa med pa nyid du bstan pa'i phyir yang na zhes smos te/ rtog pa dang bral ba ste rtogs pas dpen pa gang yin pa de sgrub par byed pa ni mngon sum yin no/ /gang du mngon sum gyi tshad ma nyid kyis snang ba'i rnam par rtog pa med pa nges pa la snang ba mi dmigs pas tha snyad 'ba' zhig byed pa de la ni mngon sum nyid dngos po med pa'i sgrub par byed pa brjod pa yin no/ /gal te snang ba'i bum pas dben pa'i sa phyogs dmigs pa de bzhin du snang ba'i rnam par rtog pas dben pa'i shes pa'i gnas skabs 'ga' yang dmigs pa med pa yin nam zhes dogs pa la/ bshad pa/ g.yo med pa ste don gcig la chags shing 'gyur ba med pa'i sems kyi gnas skabs kyi khyad par gyis gnas pa dang ldan pa na'o/ /ci zhig byas nas de ltar gnas she na/ thams cad las te/ rnam par brtag par bya ba'i don thams cad las sems te yul can gyi rtogs pa bsdus nas te bzlog nas gnas pa'o/ /gnas pa yang rgyun 'jug pa yin par blta'o/ /sems bsdus pa'i rgyus g.yo ba med pa nyid dang 'gyur ba med pa yin gyi/ g.yo ba med pa'i rgyu las ni sems bsdus pa ma yin pa'i phyir te/ des na sems bsdus pa las g.yo ba med pa dang gnas par gsungs so/ /de ltar gnas pa na gang zhig mig rgyur gyur pas gzugs mthong ba ste lta ba'i mig gis gzugs mthong ba gang yin pa de 'dra ba de ni snang ba'i rnam par rtog pas dben pa mngon sum gyis dmigs pa'i dbang po las skyes pa'i blo yin no/ /'di nyid legs par bsgrub pa'i phyir bshad pa/ brjod pa rnam par rtog pa'i snang ba med pa'i snang ba gang yin pa de ni srog chags thams cad kyis mngon sum nyid du myong zhing nges pa yin no/ /thams cad smos pa ni srog chags thams cad kyi rgyu mngon sum ma yin yang 'di 'dra ba'i rang bzhin 'dzin pa'i mngon sum gang la yod pa de thams cad gcig las tha dad pa med pa'i phyir rang gi rgyud bzhin du thams cad la khyad par med par bstan pa'i phyir ro/ /gzhan gyi rgyud gzhan gyi m ngon sum du 'dod pa ma yin pa de lta na yang snang ba'i rang bzhin 'dzin pa dang ldan pa'i skyes bu'i 'dzin pa'i gnas skabs ci 'dra ba ste de'i rang bzhin 'dzin pa thams cad kyang da? 'dra ba las mi ldog pa'i phyir thams cad kyang gcig bzhin du grub bo/ /dngos po gang mngon sum gyi grub pa de la ni tshad ma gzhan gyi byed pa don med pa yin no zhes bstan pa'i phyir/ 'di la sgrub par byed pa gzhan gyis ci zhig bya zhes smos so/ /'di snyam du gang gi phyir de'i tshe rnam par rtog pa yod kyang mi rtogs pa'i phyir g.yo ba med par 'dod pa na mthong ba'i gnas skabs su snang ba'i rnam par rtog pas dben par ma grub pa yin nam zhes bya ba de bsal ba'i phyir gang gis yod kyang zhes bya ba la sogs pa smos so/ /gang gis de rig par mi 'gyur ba nyid kyis yod pa bdog ba rtogs par mi 'gyur ba tshor bar mi 'gyur ba'o/ /'di dag smos pa ni rnam par rtog pa ni mngon sum nyid yin par bstan pa'i don to/ /rig par mi 'gyur ba ma yin pa ni nyams su myong ba ma nges pa ma yin pa ste/ dgag pa gnyis kyis nyams su myong ba nges pa yin no zhes bya ba'i don 'di bstan par 'gyur ro/ /skye ba dang 'gag pa dag gis ni rnam par rtog pa'i rgyu yod pa dang med pa dag ston to/ /'dir don 'di yin te/ gang gi phyir skye ba'i gnas skabs rtog pa des na ldog pa'i rang bzhin yang rtog pa yin te/ ldog pa nyid du nges pa yin no zhes bya ba'i don to/ /'dir don ni 'di yin par 'dod de nyams su ma myong bas ma rtogs pa yin na ni de rigs pa ma yin te/ rang rig pa bsgrub par 'gyur ba'i phyir ro/ /dper na skad cig bzhin du nyams su myong yang ma nges pas ma rtogs pa yin na yang rigs pa ma yin te/ gang gi phyir rnam par rtog pa rnams kyi rang gi don 'dzin pa ni 'di nyid yin te/ 'di lta ste yul yongs su gcod pa'o/ /bdag nyid byed pa por gyur pas yul yongs su gcod pa na yang/ bdag nyid kyang de'i khyad par du gyur pas yongs su bcad par 'gyur ro/ /dper na rnam par rtog pa med pa'i shes pas don mthong b a na rang gi bdag nyid kyang nyams su myong ba'i phyir mthu las de'i 'og tu 'di bdag gis mthong ngo zhes de'i byed pas khyad par du byas pa'i don nges pa skye ba de bzhin du rnam par rtog pa'i byed pa'i khyad par can gyi rnam par brtag par bya ba la bdag gis 'di ltar brtags so zhes nges pa skye ba yin no/ /dran pa'i sa bon 'jog pa'i nus pa med pa'i phyir nyams su myong ba nges pa yin yang phyis mi dran pa yin no zhes na yang de lta na yang rigs pa ma yin te/ gang gi phyir brgyal ba la sogs pas nyams pa'i yid ni nus pa med par mthong gi / rang bzhin du gnas pa ni ma yin no/ /'di snyam du chags pa'i yul mthong ba'i don gzhan gyis yul gzhan la rnam par rtog pa bskal pa yin pa/ des na rnam par brtags pa'i dngos po la 'dran par 'gyur ba'i phyir rnam par rtog pa yod kyang ma rtog pa yin no zhe na/ de yang rigs pa ma yin te/ gang gi phyir gzugs mthong ba'i rang bzhin rgyun mi 'chad par 'jug pa na chags pa khyad par med kyang/ gnas skabs kyi cha 'ga' zhig tu ni rnam par rtog pa dran pa ma yin te/ brtan par brjod pa'o/ /kha cig tu ni dran pa nyid bsdus pa las langs pa'i gnas skabs gang yin par ro/ /de'i phyir mthong ba'i don nges par byed nus pa'i mthong pa 'am/ rnam par brtag par bya ba yongs su gcod pa'i rnam pa can gyi rnam par rtog pa yang rung ste/ de'i rgyun gyis 'jug pa ni de 'chad pa'i tshe bdag nyid kyi yul can gyi zhen pa skyed nus par mthong ngo/ /dus gzhan du dran par 'gyur ram/ rgyu gzhan 'ga' zhig las ma gyur kyang rung ste/ rgyun gyi mthar byung ba'i zhen pa ni mngon sum gyis shes pa tsam gyi rgyu can yin no/ /rgyun chad pa na yang yongs su gcod par byed par nyams su myong bar 'gyur ba'i myong ba zhen par byed pa nyid do/ /'dir gzugs gcig lta ba'i skabs yin yang dus ci tsam gnas nas rang gi rgyud la zhen par byed kyang rnam par rtog par ni zhen par mi byed la/ phyis ni rang gi rgyud la zhan pa dang rnam par rtog pa yang sdom par byed pa yin no/ /des na mngon sum du byas pa'i rnam par rtog pa tsam las byung ba'i zhen pa med pa'i phyir rnam par rtog pa med ba yin no/ /'di nyid bstan pa'i phyir 'di ltar zhes gsungs so/ /yang zhes bya ba de ni re shig gzugs rgyun du 'thon nas de'i 'og tu bdag gis dus 'di tsam 'das kyi bar ci zhig mthong bar 'gyur zhes bya ba la sogs pa rtog par byed pa'o/ /rnam par brtag pa yang gang gi cha bdag gis ci zhig rnam par brtags shes rnam par rtog pa'i rgyud sdom pa de'i tshe/ sngar ni kho bo rnam rtog 'di 'drar gyur ces rig pa yin te/ kho bos gzugs 'di mthong zhing de la yang 'di ltar brtags so zhes bya bar ro/ /sngar bshad rang bzhin te/ rnam par rtog pa thams cad bsdus par 'dod pa gang yin pa de'i gnas skabs kyi dbang po las rtogs la ste/ dbang po la brten pa'i shes pa la ni de lta ma yin te/ rang gi rgyud la lta bar byed kyang rnam par rtog pa ni cung zad kyang rtogs pa med do/ /'di skad brjod pa yin te/ rgyun du mthong ba'i gzugs de nyid la rtogs pa po bar du rtogs par byed pa na/ rnam par rtog pa zhen pa med pa la/ phyis mthong ba'i gzugs de nyid la ji ltar yang brtags nas rnam par rtog pa rnam par chad pa'i dus su sngar gyi gnas skabs la brtags na/ kho bos ni 'di ltar brtags so zhes rnam par rtog pa nges pa yin no/ /des na gal te gnas skabs de gnyis su rnam par rtog pa yod pa dang med pa ma yin na gzugs mthong bar mtshungs pa la dus cung zad cig ni rtog pa med par mthong bar zhen cing/ yang cung zhig ni rnam par rtog pa can du zhen pa ci'i phyir don 'di dag nyid rnam par dgrol ba'i phyir bshad pa de zhes bya ba ni gzugs lta ba'o/ /bsdus pa ni mngon sum rnam par rtog pa can du smra ba'i ltar na ni rnam par rtog pa sham chung bar gyur pa yin la / nged kyi ltar na ni thams cad du log pa'o/ /de lta bur gyur ba'i bsdus pa de las langs te log sems gang la yod pa'o/ /cung zad ces bya ba ni mthong ba chags bar gyur ba 'am/ gzhan la rtog par byed pa'o/ /yang zhes bya ba ni phyis te rnam par rtog pa'i rgyun chad pa'i dus zhes bya ba'i don to/ /sngar gyi rnam par rtog pa'i rgyun ni rigs mi mthun pa'i rnam par rtog pa skyes bas na chad pa yin la/ rigs mi mthun pa nyid kyang sngar dngos po rnam par rtog pa las phyis rnam par rtog pa la rtog pa'i phyir ro/ rang gi sems kyi rgyun ni rgyud do/ /rigs du ma'i bdag nyid kyi rnam par rtog pa sdom par byed cing gcig tu byas nas 'dzin par byed do/ /ril bor byed ces bya ba'i don to/ /'di 'dra ba'i zhes bya ba la sogs pa ni sdom pa'i rnam pa nyid stan to/ /'di 'dra ba zhes bya ba ni 'di lta bu'i rnam par ro/ /rnam par brtags pa'i dngos po tha dad ba las de'i rnam pa can gyi rnam par rtog pa tha dad pa yin la/ 'di dang 'di 'dra ba zhes bya bas kyang bsdoms pa'i rnam par rtog pa'i snang ba tha dad pa ston pa yin no/ /bsdus pa'i gnas skabs mthar thug pa na rang gi sems kyi rgyud sdom par byed kyang rnam par rtog pa'i zhen pa med do zhes sngar nyid du bshad pa de'i phyir na 'di dag mngon sum yin na rnam par rtog po lag pa'i mthong ba la ci'i phyir rtogs par mi 'gyur te/ sdom pa'i shes pas ji ltar mi 'dzin zhes 'di tshad ma'i 'bras bu bsdus pa yin no/ /rgyun gang zhig mngon sum du byas pa de ni rgyun chad pa'i tshe na sdom pa'i shes pas 'dzin par nus pa yin te/ dper na mthong ba'i gzugs kyi rgyun gang yin pa de nyid bzhin no/ /de bzhin du rtog pa yang mngon sum du byas pa yin no/ /rgyun mthar thug pa na 'jug pa'i nges par 'dzin pa'i shes pas gzung ba'i rgyu mtshan ni mngon sum tsam yin te/ gang gi phyir de rgyu med pa can ma yin la/ mngon sum gyi byed pa las rgyun gzhan yang med phyir ro/ /mngon sum yod pa nyid la yin yang de med na ni de de'i rgyu ma yin par 'gyur na/ 'on kyang mngon sum rgyu yin par mthong ba yin no/ /des na khyab par byed pa med pas mi mthun pa'i phyogs la gtan tshigs mi ? pas rang gi bsgrub par bya bas khyab pa'i phyir rang bzhin gyi gtan tshigs so/ /mngon sum du gyur kyang rgyun chad pa'i mthar 'byung ba'i zhen par byed pa'i shes pas de la gzung ba med pa de'i phyir de'i tshe de dmigs pa med pa yin no/ / b ltar rung ma dmigs pa las kyang med pa'i tha snyad du grub ba yin no zhes bstan pa'i phyir 'jug bsdu ba bstan pa des na de'i phyir mthong ba'i bdag nyid 'di mngon sum zhes bya ba ni rang rig pa'i mngon sum gyis gzung ba'o mi 'brel ba ni rtog pa de'i bdag nyid dang mi ldan pa gang yin pa'o/ /'am smos pa ni 'chad par 'gyur ba'i rnam par rtog pa la ltos pa'o/ /'dis ni bdag nyid gcig pa 'gog pa la khyad par med pa'i mi dmigs pa gtan tshigs nyid du nye bar bkod ba yin no/ /de rnam par rtog pa de'i bdag nyid du ma dmigs pa'i phyir mngon sum gyi shis pa 'di ni rnam par rtog pa'i bdag nyid ma yin no/ /bdag nyid gcig pa 'gog pa la ni snang ba'i bdag nyid kyis khyad par du byas pa la dgos pa 'ga' yang yod pa ma yin gyi gzhan 'gog pa la ni dgos pa yod pa ma yin no/ /'di ltar mi snang ba sha za la sogs pa snang ba'i sngon po las rnam pa tha dad par dam bcas pa rnams kyang ji srid du snang ba'i rang bzhin de la de'i bdag nyid yin pa 'gog par byed pa de/ ji srid du dmigs pa'i mtshan nyid du gyur pa khas blangs pa nyid las yin te/ gal te snang ba'i don 'di sha za yin na ni rang gi rnam pa kho na dmigs par 'gyur ba yin no/ /des na snang ba'i rang bzhin la za sha 'gog pa ni snang ba nyid kyis byed pa yin no// 'dir ni gcig mngon sum du byed las de las gzhan 'gog pa yin la/ tha snyad ni 'khrul ba med pa'i phyir mi dmigs pa khyad par med pas byed pa yin no zhes bya ba ni don dam pa'o/ /yang na mthong ba gzhir gyur pa la snang ba'i bdag nyid kyis te / dmigs pa'i mtshan nyid du gyur pa'i rnam par rtog pa mi snang bas te ma dmigs pas ni spangs pa yin no zhes 'brel te/ dbang po'i shes pa la gzhan gyis rnam par rtog pa ste rtog pa yod pa'i tha snyad gang byas pa de bzlog pa yin no/ /'dis kyang dbang po'i shes pa las tha dad pa'i rnam par rtog pa yod par dam bcas pa la mi dmigs pa khyad par can 'gog pa'i gtan tshigs su bkod pa yin no/ /gcig pa 'gog pa la ni khyad par med pas byed pa yin no/ /tha dad ba'i bdag nyid la ni rnam par rtog pa mthong ba'i bdag nyid can du mi 'gyur gyi/ de la yod par ni 'gyur ba yin te/ dper na bltar mi rung ba 'ga' zhig sa phyogs la brten par 'gyur ba bzhin no/ /des na tha dad pa 'gog pa la dmigs pa'i mtshan nyid phyir gyur pa ma dmigs pa gtan tshigs su bstan pa yin no/ /ji ltar bum pa dang sa phyogs dag dbang po gcig gi gzung ba yin pas phan tshun 'khrul ba med par dmigs pa ni shes pa gcig la bde ba nyid yin pa de bzhin du 'di la yang mthong ba dang rnam par rtog pa dag rgyud gcig la yod pa'i rang rig la 'khrul ba med par dmigs pa na shes pa gcig la tshogs pa yin no/ /yid la brten nas skyes pa rgyud gcig la yod pa de dag ni nyams su myong bar byed pa gcig gis lhan cig nyid du nyams su myong ba yin te/ gcig nyams su myong na gnyis pa yang myong bar 'gyur ba'i phyir ro/ /de'i phyir de ltar g.yo ba med par mthong ba'i gnas skabs su rnam par rtog pa mi dmigs pa ni gcig yin pa nyid ni mi dmigs pa tsam gyis bkag pa yin la/ tha dad pa nyid kyang khyad par can gyi mi dmigs pas bkag pa yin no/ /skabs su bab pa mi snang ba'i gzhi mthong ba spangs nas dbang po'i shes pa zhes bya ba'i gzhi gzhan dgod pa ni dbang po'i shes pa mdza' dag yul nyid du bstan pa'i don te/ 'di ltar mi dmigs pas rang gi yul du gyur pa'i phyogs gcig la rnam par rtog pas stong par bstan pas kyang/ rgyu 'dra ba can gyi dbang po'i shes ba thams cad rnam par rtog pa med pa yin no zhes don gyis bstan no/ /des na phyogs gcig la 'jug pa de nyid ni dbang po'i shes pa thams cad la rtog pa spong bar byed pa yin no/ /de nyid kyi phyir slob dpon phyogs kyi glang pos rnam par rtog pa med pa sgrub pa'i 'thad pa ma bkod de/ de ni mngon sum gyis grub pa ma yin no zhes kyang gsungs so/ /gzhan du na phyogs gcig la spangs pas thams cad de'i rang bzhin du ji ltar 'gyur/ shes pa nyams su myong bar nges pas shes pa gzhan med pa'i tha snyad du byed pa'i phyir mi dmigs pas bsgrub byar med pa ma yin nam zhe na/ bden te/ yul tha dad pas tha dad pa'i rig pa rnams ni gcig rig pa'i tha snyad kyis gzhan med par tha snyad du byed pa yin no/ /g.yo ba med pa'i mthong ba la ni rnam par rtog pa'i bdag nyid dam/ rnam par rtog pa gzhan dang yul cig pa nyid du pha rol gyis brtags pa yin pa des na rnam par rtog pa ma dmigs kyang the tshom za bas 'bad pas sgrub pa dang med pa'i tha snyad du yang bya ba yin no/ /gang gis zhes bya ba la sogs pas ni dpyod pa po'i dogs pa bsu bar byed do/ /gang gi phyir de rnam par rtog pa snang ba mi dmigs pa ma bzod nas smras pa/ /blo mngon sum du gyur pa ma yin te/ de don mngon sum du byed pa nyid yin yang blo ni mngon sum du yang bya ba ma yin no/ /gal te blo mngon sum yin na cir 'gyur zhes dogs pa la smras pa/ blo mngon sum nyid yin pa gang gis dbang po'i shes pa rnam par rtog pas na rnam par rtog pa ste rnam par rtog pa can no/ /des khas blangs par gyur pa la gnod pa 'gal bar 'gyur ba'o/ /'di skad du brjod par 'gyur te/ gal te blo mngon sum yin na ni de'i tshe rnam par rtog pa dang mthong ba mngon sum yin pa'i phyir chos can grub cing gtan tshigs snang ba mi dmigs pa nyid kyang 'gyur pa yin na/ de nyid ni mngon sum du gyur pa ma yin te/ des na mngon sum rnam par rtog pa can du khas blangs kyang snang ba mi dmigs pas cung zad kyang gnod pa ma yin no zhes bya ba yin no/ /da ni slob dpon de la brgal zhing brtags pa mdzad de/ 'di zhes bya ba ming thams cad pa mngon sum gyi tshig gis ni rnam par rtog pa bzung ba yin te/ de nyid kyi phyir rig ba'i rnam par rtog pa zhes bshad pa yin no/ /rnam par brtags pa'i don gsal ba na rang nyid gsal bar gyur pa ni rig pa zhes brjod pa yin no/ /don kyang bkag pa na thal bar ma gyur cig ces gsal ba'i rang bzhin 'di med do zhes ni brjod bar nus pa ma yin no/ /de nyid kyi phyir nang du 'du ba la brtag par mdzad pa yin no/ /skye ba ni 'byung ba'o/ /'gag pa ni ldog pa ste ldog pa'i rang bzhin du nges ba la rig pa zhes brjod pa yin no/ /re shig ces bya ba ni rim pa ston par byed pa ste/ blo mngon sum nyid ma yin na nyams su myong ba'i rnam par rtog pa med pa nyid du thal pa ni re shig spang dga' ba yin la skyon gzhan yang 'chad par 'gyur ro zhes bya'o/ /rnam par rtog pa gang yin pa 'di gang zhes bya ba ni gzhi 'dri ba ste dngos po gang zhig la 'di bdag nyid du rnam par gnas shes bya ba'i don to/ /don ni 'di yin te re shig 'di yod pa ni bzlog par nus ba yin la/ nyams su myong bar yod pa 'di yang shes bya'i bdag nyid du 'gyur ram/ shes bya'i bdag nyid du 'gyur zhes gang ston pa ni don nam blo zhes bya'o/ /don ni ma yin te zhes bya ba ni rang gis brtags pa bdag nyid 'gog par byed do/ /bdag tu gnas pa ni nang ste phyi rol gyi don las tha dad par bdag tu 'dzin pa'i gnas nyid du yongs su gsal ba'i phyir ro/ /yongs su gsal ba ni snang ba ste rang gi ngo bor gsal zhes bya ba'i don to/ /rnam par rtog pa rang yin pa de ni bdag tu 'dzin pa'i gnas su yod pa yin la/ rnam par brtags pa'i don ni bdag tu 'dzin pa'i gzhi ma yin par snang ngo/ /gang gi phyir rnam par brtag par bya ba'i don ni yul gyi khyad par dang 'bral par snang la/ rnam par rtog pa ni de'i yul can ma yin pa nang du nye bar gnas pa yin no/ /de bzhin du rnam par rtog pa ni da ltar gyi dus su bdag rnam par rtog par byed do zhes 'dzin pa yin la/ rnam par brtag pa'i don ni 'das pa 'am ma 'ongs par rnam par rtog pa las tha dad pa nyid du 'dzin pa yin no/ /gtan tshigs gzhan bshad pa/ 'dod pa ni bsam pa'o/ /de'i dang nga ni mthu ste des skye ba dang 'gag pa de dag rigs pa ma yin pa'i yang phyir ro/ /phyi rol gyi don ni 'dod pa'i stobs kyis skye ba dang 'gag par rigs pa ma yin la/ rnam par rtog pa 'di ni 'dod pa'i rgyu mtshan gyis skye ba dang 'dal/ pa yin pa'i phyir ji ltar phyi rol gyi rang bzhin du 'gyur te/ 'gal ba'i chos dang ldan pa'i phyir tha dad pa yin no/ /de ltar gyi don dang 'das pa dang ma 'ongs pa gang yin pa de ni 'dod pa'i dbang gis skyed pa 'am 'gag par byar nus pa ma yin te/ 'das ba dang ma 'ongs pa dag ni med pa'i phyir la/ da ltar byung ba la yang 'dod pa'i rjes su byed pa de'i phyir ro/ /de'i phyir da ltar nang du yongs su gsal ba dang 'dod pa'i dbang gis 'byung ba dang 'jig pa dang ldan pa'i phyir phyi rol gzung ba'i rang bzhin ma yin pa nyid do/ /de'i phyir 'dir ste nang du yongs su gsal ba dang 'dod pa'i dbang gis skye ba dang 'gag pa dag tu'o/ /gal te yang mi rigs pa'i sgra mthar gnas pa'i bsdu ba yin pa de lta na yang don gyi shugs kyis skye ba dang 'gag pa nyid kyi dbang du byas pa yin no/ /yang na 'dod pa'i rjes su 'gro ba 'dir zhes 'brel to/ /don 'di yin te/ yongs su gsal pa'i rgyur yongs su gsal bar bya ba'i phyir nang du yongs su gsal ba nyams su myong bar bya ba'i ched du/ de'i byed pa dang ldan par blo nyid 'gyur ba 'am/ 'dod pa'i rjes su 'gro ba dang ldan pa'am/ de'i rgyu mtshan skye ba dang 'gag pa dang ldan par 'gyur pa yin no/ /zhes bya ba'o/ /gang gi phyir de'i rang bzhin 'dzin pa ni 'gyur bar brjod pa yin te/ nang du yongs su gsal ba dang 'dod pa la rag las skye ba dang 'gag pa'i rang bzhin 'dzin pa ni blo nyid la rigs pa yin no/ /de ni yongs su gsal ba la sogs pa sngar bshad pa dang ldan par 'jug kyang gsal ba ma yin zhing nyams su myong ba ma yin te/ de ni lkog tu gyur pa yin pa'i phyir ro/ /'di snyam du gal te blo lkog tu gyur pa yin pa de lta na yang gsal ba'i don de'i chos rjes su 'brel pa dang ldan par rtog pa yin no/ /gsal bar byed pa'i chos gsal bya ba'i don la bzhag pa des na de nyid du nad du gsal bar gyur pa dang 'dod pa dang 'brel pas skye ba dang 'gag pa dang ldan par de'i rang bzhin ma yin par yang rtogs pa yin no zhe na/ de ni de lta mi rigs te/ gang gi phyir dbang po'i gzung ba gsal ba na gsal bar byed pa'i rjes su 'gro bas nang du yongs su gsal ba 'am 'dod pa'i dbang gis skye ba dang 'jig pa nyid du rtogs pa med pa yin no/ /de nyid bstan pa'i phyir gsal ba'i don kyang zhes smos so/ de ltar te nang du yongs su gsal ba la sogs pa'i rnam par gyur pa gang yin pa de lta bur 'gyur bar 'thad pa ma yin no/ /'di snyam du gsal bar gyur pa'i don yang ma yin la lkog tu gyur pa'i shes pa yang ma yin te/ 'on kyang gzhan nyid yin no snyam na 'di nyams su myong bar 'gyur ba'i don gyi tshogs 'ga' zhig dang rjes su 'bel ba ste 'brel pa yod pa ma yin la/ nyams su myong bar byed pa dang nyams su myong bar bya ba dag las gzhan du gyur pa nyams su myong ba la yang 'di 'dra ba'i chos yod pa ma yin no/ /nyams su myong ba 'di lta bu'i chos dang ldan pa yin yang lkog tu gyur pa yin pa'i phyir med par 'gyur ro/ /don dang rjod pa de dag gi rjes su byed pa 'dod tshul gang la yod pa'i rnam par rtog pa de ste brjod pa dang 'dres pa'i rnam pa can zhes bya ba'i don te/ nyams su myong ba'i bdag nyid gang yin pa'o/ /nyams su myong ba ni myong ba ste myong bar byed pa dang myong bar bya ba'i bdag nyid do/ /rnam par rtog pa ni gnyi ga'i bdag nyid yin te/ des na nyams su myong bar bya ba zhes bya ba'am/ nyams su myong ba zhes bya ba 'am/ nyams su myong bar byed pa zhes bya bar brjod pa'i rnam par rtog pa med par thal bar bstan to/ /thal ba las bzlog pa yang don gyi blta bar bya ste/ nyams su myong ba'i rnam par rtog pa 'di yod pa nyid yin zhing 'di don kyang ma yin pa de'i phyir mngon sum du gyur pa 'di ni blo yin no/ /gzung ba'i don yod pa'i phyir dbang po'i shes pa la ni thal ba 'dir mi 'gyur ro/ /rnam par rtog pa'i shes pa la ni de'i tshe don nye ba yang yod pa ma yin pa'i phyir dang/ don ni ston par byed pa'i mngon sum 'ga' zhig gis 'gyur pa yin pa'i phyir thal bar byas pa yin no/ /gzhan yang bden pa la sogs pa gang yin pa sdug bsngal la sogs pa de'i myong ba ni blo nyid yin te/ myong ba ni blo'i ngo bo yin pa'i phyir ro/ /blo de yang lkog tu gyur pa de'i phyir de'i bdag nyid bde ba la sogs pa myong ba yang skyes bu'i lkog tu gyur par skyes pa yin no/ /phan par 'dod pa nyams su myong ba dang gnod pa mi 'dod par mi 'gyur ro/ /de las shes bya ba ni bde ba dang sdug bsngal las so/ /'di skad brjod par 'gyur te/ bde ba dang sdug bsngal dag gis skyes bu la phan pa dang gnod pa ni myong ba'i rang bzhin kho nas yin no/ /myong ba de'ang lkog tu gyur pa'i phyir lkog tu gyur pa las phan pa dang gnod pa dag tu yang mi 'gyur ro/ /zhes bya ba yin no/ /dper na skyes bu gzhan gyi bde ba dang sdug bsngal myong ba skyes bu gzhan gyi lkog tu gyur pa de'i phyir pha rol po'i rgyud la yod pa/ gzhan gyis yang dag par myong ba'i bdag nyid de dag gis phan pa dang gnod par mi 'gyur ba bzhin no/ /bu la sogs pa la bde bar yod par shes pa las phan 'dogs pa la sogs pa'i bdag nyid rang gi rgyud la yod pa'i bde ba gzhan kho na zhig skye ba yin gyi rgyud la yod pa nyid las ni phan pa dang gnod pa yin pa ma yin te/ de'i bdag nyid du khyad par med pa'i phyir dgra la sogs pa'i bde ba shes pa las kyang phan pa dang/ sdug bsngal shes pa las gnod par yang thal ba'i phyir ro/ /des na gzhan gyi bde ba dang sdug bsngal shes pas ni gzhan la phan pa dang gnod par 'gyur ba ma yin par blta bar bya'o/ /gal te phan pa dang gnod pa ni rang gi rgyud la yod pa'i bde ba dang sdug bsngal des byas pa yin gyi/ des myong ba mngon sum du byas pas ni ma yin pa ma yin nam/ de'i phyir 'di ltar gang gzhan gyi bde ba la sogs pa rig pa'i rnal 'byor pa rnams kyi bde ba dang sdug bsngal bdag gi bde ba dang sdug bsngal ba mi 'gyur ro/ /de lta yin na yang gzhan gyi rgyud la yod pa'i bde ba dang sdug bsngal dag gi phan pa dang gnod par nus pa yin la/ rang gi rgyud la yod pa ni nyams su myong yang phan pa dang gnod par 'gyur ba yin no zhe na/ 'dir smras pa/ 'di la zas zos pa dang ma zos pa dag gis lus rgyas pa dang zhum pa'i mtshan nyid kyis phan pa dang gnod pa gang yin pa de dag ni nyams su ma myong ba las kyang 'gyur ba yin gyi bde ba dang sdug bsngal gyis byas pa ni de lta ma yin no/ /'di ltar 'dod pa dang mi 'dod pa nyams su myong ba dag gis gsal ba nyid ni bsnyon par nus pa ma yin pa'i phyir ro/ /bde ba dang sdug bsngal gyis byas pa'i phan pa dang gnod pa ni gsal ba las gzhan ma yin la/ gsal ba yang mngon sum du byas pa yin no/ / myong ba'i mtshan nyid kyi blo lkog tu gyur pa nyid yin na ni gsal ba ma yin pa'i phyir 'dod pa dang/ mi 'dod pa'i myong ba gsal ba'i rang bzhin phan pa dang gnod pa dag tu mi 'gyur ro/ /de'i phyir bde ba dang sdug bsngal mngon sum du byas pas de la dag las pa'i phan pa dang gnod par 'gyur ba yin no/ /gang yang rnal 'byor pa rnams gzhan gyi bde bar mi 'gyur ba de la yang brjod par bya ste/ bdag tu 'dzin pa'i gzhi yin pa'i phyir myong bar byed pa'i rnam pa'i 'dod pa'i rang bzhin ni skyes bu la phan pa'i bdag nyid yin gyi myong bar bya ba'i rnam pa ni ma yin te/ bdag tu 'dzin pa'i gzhi las phyi rol du gyur pa'i rang bzhin du snang ba'i phyir ro/ /des na rnal 'byor pa rnams myong bar bya ba'i rnam pa'i bde ba dang sdug bsngal dag gis bde ba dang sdug bsngal bar 'gyur ba yin no/ /bde ba ni phan pa tsam gyi bdag nyid yin zhing phan pa'i bdag nyid kyang 'dzin pa'i rnam par 'gyur pa'i sim pa'i rang bzhin yin te/ de'i phyir skyes bu'i bde ba ni de tsam nyid yin gyi gzung ba'i rnam pa ni ma yin no/ /kho bo cag gi bde ba ni 'di tsam nyid yin te/ gang myong ba zhes 'chad par 'gyur ba yin no/ /de'i phyir bde ba la sogs pa skyes pa tsam dang gzung ba'i rnam pa nyid du mngon sum du byas pa tsam ni phan pa dang gnod pa ma yin gyi 'on kyang 'dzin pa'i rnam pa'i rang bzhin gsal ba yin no zhes blta bar bya'o/ /nyes pa gzhan bsag pa'i don tu 'di dag ces bya ba la sogs pa gsungs te/ blo 'di dag mngon sum rgyur gyur pa'i shes pa ma yin te/ ma nges na bdag nyid gzhir gyur pa la rtogs par yang ste shes par ro/ /'di dag ces bya bar 'brel to/ /ji ltar zhes bya ba ni mi srid pa'o/ /'chad par 'gyur ba'i tshul gyis sgrub par byed pa'i thabs gzhan med pa'i phyir blo mngon sum gyis rig pa ma yin na bdag nyid gzhir gyur pa la shes par mi 'gyur ro/ /blo bdag nyid la brten par ma shes na yang don shes pa tsam du 'dod par 'gyur gyi bdag gis don 'di shes so/ /zhes bdag nyid nyams su myong ba por ni shes par mi 'gyur ro/ /don dam par ni shes par byed pa po 'di don 'di shes so zhes shes pa po shes pa na don shes par 'gyur ba yin gyi shes pa po shes pa med par ni don shes pa med pa'i phyir shes pa po bdag nyid ma des na dngos po yang nges par mi 'gyur ro/ /rtags su gyur pa'i don gang yin pa de shes par gyur pa ni rtags can gyi blo rjes su dpog pa 'byung ba yin la rjes su dpag pa de las rtogs pa pos blo khong du chud pa yin no/ /gang gi phyir don dam par khong du chud pa rjes su dpag pa las tha dad pa ma yin yang tshad ma dang de'i 'bras bu'i rang bzhin dag las tha dad par blta'o/ /yang ji ltar na don shes pa la blo rjes su dpog pa'i rtags yin zhe na/ don ma shes par zhes smras te/ gang gi phyir ji srid don shes par ma gyur pa ji srid du blo nges pa ni ma yin pa de'i phyir blo grub pa ni don shes pa'i rgyu mtshan las yin no/ /'dis ni med na mi 'byung ba dang/ don shes pa dang blo grub pa snga phyir bstan pa yin no/ /blo nges pa ni sngar ma yin zhing dus mnyam par yang ma yin la phyis kyang 'di'o zhes nges par nus pa ma yin gyi/ 'on kyang de yul rnam par chad par don rags pa mthong ba las gor ma chags par blo yod do zhes bya bar khong du chud par 'gyur te/ don shes pa ni de'i rgyu mtshan can yin pa'i phyir ro zhe na zhes bya ba ni khas blang pa'i don to/ gzhan dag de ltar dogs nas bshad pa/ blun po ni rang gi smras pa yang don go bar mi nus pa'o/ /rgyal ba yin no zhes bya ba ni rgyal ba thob pa'o/ /ci zhig byas pas rgyal zhe na/ 'jig rten gyi mdun du kho bo rgyal lo kho bo rgyal lo zhes rgyal ba'i sgra dam bcas pa'i sgra de bsgrags pa ste/ gsal bar byas so/ /gal te des de ltar gsal bar byas pa de lta na yang ji ltar rnam par shes pa'i 'jig rten las rgyal ba thob ce na/ bshad pa/ gang gis 'di skad 'gal ba'i chos smra ba'i tshig la yang 'jig rten na mnyam par 'os par byed pas so/ /gal te mkhas pa 'ga' zhig yod na ni 'di lta bu'i tshig bzlog par 'gyur gyi tshig 'di la rna gtod par mi 'gyur ba zhig na ma bzlog pa nyid kyis rgyal bar bsgrags pas 'jig rten las rgyal ba yin no/ /'gal ba ci zhig smras she na/ bshad pa/ don shes pa blo'i sgrub par byed pa'i gtan tshigs ni rtogs pa yin la/ rtags yongs su shes pa na ma rtogs pas rtags can du gyur pa'i blo ni ma yin no zhes zer ba'o/ /bsam ba ni 'di yin te/ shes pa dang blo dang rtog pa zhes bya ba ni rnam grangs yin la/ sgra tha dad pas don tha dad pa 'am grub pa dang ma grub par 'gyur ba ni ming 'thad do/ /de skad du smra ba'i tshig la rna ni mi gtod pa na yang sngar bshad pa'i skyon du 'gyur ro/ /gang gi phyir de skad smra ba na lha rnams dga' ba 'jig rten na bsngags par 'os pa'i shes rab can du gyur pa yin te/ /bsngags bya zhing bstod par bya ba yin zhes bya bar ro/ /de'i phyir blun po rgyal ba yin no zhes bya ba mjug bsdu ba'o/ /yang gzhan gyi dogs po smras ba/ blo dang shes pa dag ni rnam grangs kyi sgra yin pa'i phyir rtags dang rtags can gyi don du rnam par gnas pa ma yin gyi/ 'on kyang dbang po dang don 'di dag blo rjes su dpog pa'i rtags yin no/ /gang gi phyir dbang po dod don yod pa de'i phyir dbang po la brten pas don gyi yul can gyi blor 'gyur ba yin no/ /slob dpon gyis mi 'khrul na gtan tshigs yin no zhes gsungs so/ /don 'di yin te/ gang zhig gang ya mi 'khrul pa de ni de'i rtags yin na/ dbang po ni shes pa la 'khrul pa yin no/ /dbang po de yod pa yin yang de'i shes pa mi 'jug pa'i phyir te/ gzhan du na dbang po yod pa'i phyir dbang po thams cad kyi shes pa gtan du yod par thal bar 'gyur na de ltar ni mthong ba 'am 'dod pa ma yin no/ /de bzhin du don gtan tshigs yin pa la yang yod ma tsam gtan tshigs yin na ni de'i tshe thams cad dus thams cad du rig par thal bar 'gyur ro/ /nye ba gtan tshigs yin na nye ba ma lus pa dus gcig tu 'dzin par thal ba las de ltar rigs pa 'am 'dod pa ma yin te/ rnam par shes pa dus gcig tu 'dzin par khas ma blangs pa'i phyir ro/ /de'i phyir dbang po dang don dag ni shes pa la 'khrul pa yin no zhes bya bar grub bo/ /gang dag 'di ni dbang po dang don dag thun mong pa yin pa'i phyir 'khrul pa brjod pa yin no zhes zer ba de la 'di skad du thun mong ba yin pa'i phyir zhes 'chad par 'gyur ba'i skyon 'di'i yul gang yin zhes 'dri bar bya'o/ /gzhan yang dbang po dang don lhan cig pa nyid gtan tshigs yin pa de ni dbang po 'khrul pa med pa'i phyir tshogs pa yang 'khrul pa med par 'gyur ro/ /dbang po ni skyes bu so so la nges pa'i phyir ji ltar na thun mong ba'i skyon du 'gyur/ gang yang gzhung 'dis shes pa ma grub na dbang po dang don dag kyang mi 'grub pa'i phyir 'khrul pa ma grub pa zhes bstan par brjod pa de yang rigs pa ma yin te/ gang gi phyir 'dir don grub par khas blangs nas shes pa lkog tu gyur pa yin na nges par ji ltar 'gyur zhes ston pa'i skabs yin te/ de nyid kyi phyir de ma thag tu ma grub pa'i skyon ni yid la brjod par 'gyur ba yin no/ /'brel pa ma grub pa'i skyon ni 'di nyid kyi mthar 'chad par 'gyur ro/ /de'i phyir bshad pa snga ma nyid legs pa yin no/ /yid yin no zhe na zhes bya ba ni yid rtags yin par dogs pa'o/ /sun dbyung ba'i phyir de yang zhes gsungs so/ /dgongs pa ni 'di yin te/ gzhan gyi 'dod pa'i yid gang yin pa de yang grub pa'i shes pa cig car mi skye ba grub pas rjes su dpag par bya ba yin te/ des na shes pa ma grub par de mi 'grub bo/ /skyon 'di ni rnam par shes pa'i bdag nyid can gyi yid la yang mtshungs pa yin no/ /shes pa gcig gi rgyu yin pa'i phyir na rnam par shes pa 'di nyid yid yin par rigs kyi/ sngon med par brtags pa'i yid ni ma yin no/ /de nyid ston pa ni yid de yang rnam par shes pa yin par rigs pa yin gyi gzhan ni ma yin no zhes bya ba'o// bar du ma chod pa bar chad med pa'i shes pa'i rgyur gyur pa snga ma yin te/ 'di nyid yid kyi bya ba dang ldan pa'i phyir ro/ /bya ba de nyid ston pa ni shes pa snga ma de shes pa mi skye ba'i yul du 'dod pa las gzhan du gyur pa'i yul gzhan de la sems gtad cing chags pa dang nus pa nyams pa ste gnyid la sogs pas nyams pa'o/ /de'i phyir de ltar gnyi ga yang gzung ba yin no/ /kha cig sems gtad pa nyid kyis nus pa nyams pa yin par shes pa de ni thams cad bsdus par mi 'gyur bas ha cang 'byor ba yin no/ /yul gzhan de yod kyang shes pa ni mi skye ba'i rgyu'i phyir de nyid yid yin par rigs te yid kyi dgos pa ni de tsam du zad pa'i phyir ro/ /de ltar skyon ni ci yod ce na de yang ma grub po zhes gsungs te/ rnam par shes pa nyid yin pa'i phyir ro// ma grub pa de nyid kyis ma grub pa de nyid bsgrub par nus pa ma yin no/ /yul bsal ba zhes bya ba 'dis yul gsal ba rtags yin par dogs pa bstan nas bzlog pa'i phyir gsal ba de nyid ces bya ba la sogs pa gsungs so/ /gang gi phyir yul gsal ba shes pa'i bdag nyid yin pa'am/ shes pa'i yul gyi rang bzhin tsam du gyur pa'i don yin par 'gyur/ de la gal te gsal ba shes pa yin par gzung bar bya ba de'i tshe de ma grub pa'i phyir de'i khyad par can gyi don gtan tshigs nyid du ma grub po zhes ston par byed pa ni/ shes pa de'i khyad par can gyi don gang yin pa de yang ma grub bo/ /dbyig pa ma grub par dbyig pa can du grub pa ni med do/ /gsal ba ni zhes bya ba la sogs pas phyogs gnyis pa'i dogs pa spong ste don gyi bdag nyid s hes pa'i yul gyi rang bzhin rtags yin gyi shes pa ni ma yin no zhes bya ba 'di la don gyi bdag nyid kyi gsal ba yang shes pa'i yul du ma grub pa'i phyir ma grub pa yin no zhes brjod par bya ba yin mod kyi 'on kyang skabs 'dir don grub par khas blangs pa yin pa'i phyir na skyon gzhan ston to/ /de ji ltar te ci'i phyir ro/ /blos bskyed pa ni blos bskyed pa'o/ /blos bskyod pa med pa gang yin pa de ji ltar blo go bar byed pa yin te/ ma yin pa nyid do snyam du dgongs pa'o/ /ci'i phyir zhe na/ 'grel ba med pa'i phyir ro zhes gsungs te/ de'i bdag nyid las gzhan pa'i 'brel pa ni de las byung ba nyid yin zhing de yang med pa de'i phyir ji ltar de go bar byed pa yin gzhan yang don gyi bdag nyid kyi gsal ba ni blo thams cad kyi thun mongs ma yin pa des na bdag nyid kyi blo nyid ji ltar rjes su dpog par byed/ de'i phyir don thun mong ba yin pa'i phyir blo tsam du rjes su dpog pa na gzhan gyi blo yang rjes su dpog par thal lo/ /skyon gzhan yang brjod pa'i phyir/ rtags grub kyang zhes smos te/ kyang gi sgras ni 'di skad ces re shig rtags nyid du nye bar dgod par bya ba ni 'ga' yang ma grub pa 'am/ yang na shes pa ma grub pa'i phyir rtags kyi dngos po thams cad ma grub pa yin no zhes brjod pa yin no/ /rtags 'ga' zhig grub kyang blo rjes su dpog pa ma yin no zhes 'brel to/ /gtan tshigs smras pa/ grub pa'i rtags de blo dang 'brel pa med pa'i phyir ro/ dngos po grub kyang ji srid rtags can dang lhan cig 'brel pa grub par ma gyur pa de srid du rtogs par byed pa ma yin no/ /ji ltar 'brel pa ma grub ce na/ ma grub pas na zhes gsungs te blo ni dus thams cad du lkog tu gyur pa nyid kyis ma grub pa yin pas mi grub pa dang ji ltar yang 'brel ba nges par nus pa ma yin no/ de'i phyir brjod pa med pa brjod pa dang bral ba mngon sum nyid du snang ba yin no/ /des ni g.yo ba med par gnas pa na gcig gi bdag nyid dgag pa la ni mthong ba'i bdag nyid kyi mngon sum nyid go bar byed pa yin la/ mthong ba la rnam par rtog pa tha dad pa dgag pa la ni snang ba mi dmigs pa tshad ma yin no/ /de ltar mtshan nyid la log par rtogs pa bsal ba nas/ spyod yul la log par rtogs pa bsal ba'i phyir/ dbang po'i bya ba med pa la zhes bya ba la sogs pa smos so/ /mngon sum rnam pa bzhi yang ma brjod par dbang po'i mngon s um nyid du byas nas yul la log par rtogs pa bsal ba gang yin pa de ni gang gi phyir dbang po'i shes ba brjod par bya ba ma yin pa'i yul can yin pa de'i phyir yang rnam par rtog pa med par sgrub pa'i dbang du byas nas 'thad pa gzhan bsag pa'i phyir ram/ mdo mdzad pa'i go rims rjes su bskyang ba'i phyir ro/ /dbang po'i shes pa de ni brjod med de/ brjod par bya ba ma yin pa'i rtogs par byed pa yin no zhes bya ba ni dam pa tsA bI don to/ /gtan tshigs bshad pa/ sgra yis lhan cig 'dres pa'i don ni dbang po'i shes pas mthong ba bzhin du blo la snang ba med pa'i phyir te/ rnam par gnas pa med pa'i phyir ro/ /'khrul pa bsal ba'i phyir khyad par bshad pa/ dbang po'i bya ba med pa gang yin pa de la'o/ /'di nyid kyi rnam par 'grel pa bshad pa ni mtshan nyid bshad ma thag pa'i mngon sum de ni'o/ /yang gi sgra brjod pa ni log par rtogs pa gzhan sel ba bsag pa'o/ /brjod du med pa ni bstan par bya ba ma yin pa'i yul can gang yin pa'o/ /dbang po'i bya ba med pa gang yin pa la ste/ bya ba med pa nyid ni mig la sogs pa brjod par bya ba'i yul can gyi dbang po la lta bar bya ba'i rjod par byed pa'i yul can gyi dbang po la ni ma yin no/ /snang ba'i dngos po nyid nyan pa pos sgra las rtogs pa yin no/ /zhes dogs pa bzlog pa'i phyir bya ba med pa zhes so/ /mthong ba bzhin du bum pa la sogs pa'i don skyes bu de'i blo la sgra dang lhan cig snang ba med pa'i phyir ro/ /mi snang ba de'i phyir brjod par bya ba 'dzin pa ma yin no/ /gal te dbang po'i shes pa la snang ba'i don rnam pa gzhan yin zhing sgra'i shes pa la snang ba sgra dang 'dres pa yang rnam pa gzhan yin du bcug pa de lta na yang/ dbang pos rtogs par bya ba nyid brjod par bya ba ma yin par ji ltar 'gyur zhe na bshad pa/ gang gi phyir sgra'i rgyu can gyi shes pa la sgra dang 'dres par mi snang ba gang yin pa de ni sgra'i brjod par bya ba'i don ma yin no/ /gang zhig sgra gang gi don yin pa de ni de dang 'brel par blo la snang ba yin te/ dper na ba lang gi gzugs ring po ba lang gi sgra dang 'dres par snang ba bzhin te/ brjod par bya ba nyid kyi rgyu mtshan nyid ni 'di tsam du zad pa'i phyir ro/ /gang zhig sgra gang dang blo la snang ba ma yin pa de ni de'i don ma yin te/ dper na rta ba lang gi sgra dang 'dres par mi snang ba bzhin no/ /dbang po'i shes pas rtogs par bya ba'i don gyi rnam pa yang sgra'i shes pa la sgra dang 'dres par snang ba ma yin te/ de'i phyir sgra'i don ma yin no/ /gal te yang snang ba dang sgra'i don dag gsal ba dang mi gsal ba yin pa de ltar na yang sgra dang 'brel pa'i don snang ba na ni mthong ba'i bdag nyid du zhen par byas pa ma yin nam/ dper na nye ba dang ring ba na gnas pa'i rtogs pa bo dag gi shes pa'i gsal ba dang mi gsal bar snang ba yin yang blta bar bya ba'i don tha dad pa de bzhin du 'dir yang dngos po gcig nyid la shes pa gsal ba dang mi gsal bar snang ba yin te/ de'i phyir sgra'i yul ji ltar zhen pa bzhin du snang ba'i bdag nyid yin pa na sgra dang lhan cig tu snang ba ma yin par ma grub bo/ /ci ste zhen pa'i don ni bden pa ma yin no zhe na/ de lan? yang nyams su myong ba nyid du mngon par zhen pa la gnod par byed pa brjod dgos te/ gnod par byed pa med par ni nyams su myong bar mngon par zhen par nus pa ma yin no/ /zhes dogs pa la/ sgra'i yul nyid ni zhes smos te/ sgra'i yul ni gang zhig sgra brjod pa las sgra dang 'dres pa'i don snang ba'o/ /de nyid ni dngos po ma yin te/ zhes bya ba ni don byed nus pa ma yin pa'o/ /gal te sgra'i yul ji ltar zhen pa nyid mthong ba'i bdag nyid yin na ni de nyid dngos por 'gyur te/ mthong ba ni dngos po yin pa'i phyir ro/ /sgra'i yul ni dngos po ma yin no/ /ci'i phyir zhe na/ bshad pa/ dngos po de ni dbang po las skyes pa'i mthong ba la sgra las byung ba'i rnam pa mi gsal ba las rnam pa gzhan du gsal bar snang ba'i phyir te gsal ba'i phyir ro/ /dbang po'i shes pa la snang ba'i gsal bar snang ba gang yin pa des ni don byed pa ma yin gyi/ sgra las byung ba'i snang ba las ni ma yin no/ /de'i phyir 'di ni dngos po ma yin gyi 'on kyang dbang po'i don nyid yin no/ /gal te dbang po'i yul gsal bar snang ba ni dngos po yin zhing/ sgra las byung ba'i yul mi gsal bar snang ba dngos po ma yin du chug pa de lta na yang tha mi dad pa zhen pa las ci'i phyir gcig ma yin zhe na/ de nyid ma yin pa'i zhes bya ba smos te/ don byed nus pa yod pa dang med pa 'gal ba'i chos ngag gis khyad par du byas pa'i snang ba tha dad pa tsam ni de nyid ma yin pa'i gang yin pa'i rgyu mtshan yin no/ /de nyid ni de'i ngo bo ste de dang lhan cig pa nyid do/ /de nyid kyi med pa ni de nyid ma yin pa ste/ gcig bkag pa de nyid ma yin pa yin gyi tha dad pa nyid mi ma yin no/ /dngos po gnyis la ni nus pa'i rjes su 'gro ba'i snang ba tha dad pa las tha dad par 'gyur ba yin gyi dngos po gcig nyid la ni ma yin te/ ri bong gi rwa las bum pa tha dad par snang ba na bum pa nyid ni ri bong rwa ma yin no zhes gcig nyid med par 'gyur ba yin gyi/ de tsam gyis bum pa las ri bong gi rwa tha dad pa ni ma yin no/ /tha dad pa ni 'gal ba'i chos dang ldan pa tsam gyi rgyu las yin zhing/ nus pa yod pa dang med pa yang 'gal ba'i chos yin la/ de dag kyang gsal ba dang mi gsal ba'i don la yod pa yin te/ de'i phyir gcig ma yin pa'i tha snyad kyi rgyu 'gal ba'i chos dang ldan pa ni gcig nyid du zhen pa la gnod par byed pa yin no/ /yang gang du snang ba 'ba' zhig tha dad pa der ni gcig med par 'gyur ba ma yin gyi/ 'on kyang don byed nus pa yod pa dang med pa'i khyad par can gyi snang ba'i tha dad pa nyid la yin no/ /'di ltar dngos po rnams kyi yod pa nyid ni don byed nus pa las yin la yod pa nyid kyang de nyid yin zhing mod pa ma yin pa yang de nyid na yin pa yin no/ /snang ba ni shes pa'i rang bzhin yin gyi dngos po ni ma yin la/ de yod pa las nges par dngos po yod pa yang ma yin te/ dper na rab rib can gyi shes pa'i snang ba bzhin no/ /de gzhan du gyur pas dngos po gzhan du 'gyur ba yang ma yin to/ gang gi phyir shes pa'i chos ni rkyen gzhan 'ga' zhig las don tha dad pa ma yin yang tha dad par 'gyur ro/ /zhes par ti ka las bshad pa yin no/ 'o na snang ba tha dad pa'i rgyu mtshan du ji ltar brjod ce na/ gang gi phyir dngos po'i rang bzhin la so sor nges pa'i nus pa de ni snang ba'i mthar thug par dmigs pa de'i phyir nus pa la 'khrul pa med pa'i snang ba las yod pa dang med pa nyid de/ de tha dad pa nyid las kyang de nyid gzhan du rnam par 'jog par byed do/ /de ni kyi phyir nus pa tha dad pa'i khyad par can gyi snang ba tha dad pa ni tha dad pa'i rgyu mtshan du brjod par blta'o/ /rtogs pa po nye ba dang ring ba na gnas pa la ni snang ba 'ga' zhig tha dad par zad kyi/ nus la tha dad pa'i rjes su 'gro ba ni ma yin no/ de'i phyir dngos po tha dad pa ma yin no/ /yang zhes bya ba ni gtan tshigs gzhan bsag pa'i phyir ro/ /gang gi phyir nus pa la 'khrul pa med pa'i snang ba tha dad pa dang/ rgyu mtshan de tsam gyis kyang gcig nyid ma yin pa de'i phyir sgra'i yul nyid ni dngos po ma yin la/ de las kyang snang ba dang rnam par brtag pa dag gnyi ga nyid ma yin par 'gyur ro/ /gal te mthong ba'i gzung ba gsal bar snang ba'i dngos po med na ni sgra'i snang ba gang zhig yod pa nyid du zhen pa yin yang/ mthong ba'i bdag nyid ma yin te/ nus pa med pa'i rnam pa gzhan dang ldan pa'i phyir ro/ /yang gang zhig mthong ba la snang ba gsal bar snang ba'i dngos po la de'i bdag nyid du zhen par byas pa de ni snang ba'i dngos po nyid du 'gyur ba ma yin nam/ des na dbang po'i don sgras mi snang ba ma grub pa nyid so na 'dug pa yin no zhe na/ yod kyang zhes gsungs so/ /dngos po med pa 'ga' zhig la ni ma yin gyi/ yod kyang sgra las byung ba'i shes pa gang yin pa de ni yod pa de'i blta bar bya ba'i bdag nyid 'dzin pa ma yin te/ blta bar bya ba snang ba ma yin no/ /snang ba de mthong bdag nyid du zhen pa ma yin nam zhe na/ zhen pa bden na yang ji ltar med pa'i dngos po la de'i bdag nyid du zhen kyang de'i bdag nyid ma yin pa bzhin du yod pa la yang yin no/ /ci'i phyir zhe na/ smras pa/ sgra las byung ba'i shes pa ni shes pa gang la med pa'i don snang ba'i shes pa de dang khyad par med pa'i phyir ro/ /gang gi phyir 'di'i snang ba ni med pa'i don snang ba dang khyad par med pa de'i phyir mthong ba snang ba ma yin no zhes bya ba'i don to/ /ji ltar khyad par med ce na/ bshad pa dngos po med kyang sgra las byung ba'i snang ba mi nyams pa ste/ mi ldog pa'i phyir ro/ /gang gis phyir gang zhig sgra las byung ba'i snang ba yin pa de ni sgra dang 'dres pa yin la/ gang sgra dang 'dres pa de yang sgra dang 'brel bar mthong ba yin zhing/ sgra dang 'brel par mthong ba gang yin pa de yang sgra brjod pa las snang bar 'gyur ro/ /sgra las byung ba'i snang ba sgra brjod pa'i stobs k yis rjes su 'jug pa na dngos po med pa la yang 'byung bas nyams pa med pa yin pa de'i phyir dngos po yod pa la 'byung yang sgra tsam la rag las pa yod pa ma yin pa snang ba de lta bu gzhan dang khyad par med par ni mthong ba'i bdag nyid ma yin no/ /khyad par med par snang ba yin par 'dod pa de lta na yang de tsam gyis dngos po yod pa la 'byung ba dang de'i bdag nyid du zhen pa'i shes pa ci'i phyir dngos po 'dzin pa ma yin zhe na bshad pa/ de yod pa dang med pa'i rjes su mi byed pa'i phyir de 'dzin pa ma yin no/ /gang gi phyir snang ba rjes su 'gro ba dang ldog pa'i rjes su byed pa'i shes pa gang yin pa de ni 'dzin par byed pa yin no/ /med pa snang ba dang khyad par med pa'i rnam pa ni dngos po'i rjes su 'gro ba dang ldog pa'i rjes su byed pa ma yin pa des na de'i 'dzin par byed pa ma yin no/ /don 'di nyid ldog pa dang rjes su 'gro ba'i sgo nas bstan pa'i phyir/ dpe gnyis dri la ro'i blo bzhin dang zhes bya ba la sogs pa bshad do/ /ro'i blo ni dri 'dzin par byed pa ma yin te/ de'i snang ba dri'i rjes su 'gro ba dang ldog pa'i rjes su mi byed pa'i phyir ro/ /yang gang gi snang ba gang gi rjes su 'gro ba dang ldog pa'i rjes su byed pa de ni de'i 'dzin par byed pa yin te/ dper na gzugs la mig gi blo bzhin no/ /gal te ro'i blo ni snang ba'i dri'i bdag nyid du zhen pa med pa'i phyir dri snang ba ma yin gyi sgra las byung ba'i rtogs pa ni de'i snang ba mthong ba'i bdag nyid du zhen pa'i phyir mthong ba nyid snang ba ma yin nam/ de'i phyir rjes su 'gro ba dang ldog pa'i rjes su mi byed pa'i phyir mthong ba sgra las byung ba'i shes pa'i rgyur ma gyur kyang/ de snang bas na mthong ba 'di'i yul du ci'i phyir mi 'gyur zhe na/ bshad pa/ bdag nyid kyi rnam pa sems la gtod pa nye bar 'jog pa der nus pa gang yin pa de ni yul yin zhing de nyid kyang rgyu kho na'o/ /phyir zhes bya ba ni gtan tshigs so/ /de'i phyir rjes su 'gro ba dang ldog pa'i rjes su mi byed pas rgyu ma yin pa ni yul ma yin no/ /de snang ba nyid kyis don shes pa'i rgyu ma yin nam/ des na rjes su 'gro ba dang ldog pa dag gis ci zhig bya zhe na/ bshad pa/ gang zhig gang gis rjes su 'gro ba dang ldog pa'i rjes su mi byed pa de ni de'i rgyu ma yin no/ /rjes su 'gro ba dang ldog pa'i rjes su byed pa nyid kyis 'ga' zhig gi rgyu yin gyi/ de snang ba nyid kyis ni ma yin no/ /'di ltar snang ba'i rgyu'i dngos po gang yin pa de nyid ni snang ba'i 'brel pa can yin gyi/ gang gi rang bzhin du zhen pa de ni 'brel pa can ma yin no/ /gang gi phyir rab rib la sogs pa'i snang ba dang/ 'das pa la sogs pa'i rnam par rtog pa'i snang ba skra shad la sogs pa'i rang bzhin dang/ 'das pa la sogs pa'i rang bzhin du zhen pa byas pa na de ltar mngon par zhen par byas pa'i snang ba gang yin pa de'i 'brel pa can nam bya bar 'gyur ba skra la sogs pa dang 'das pa la sogs pa de ni cung zad kyang yod pa ma yin no/ /de'i phyir de snang ba nyid kyi phyir na don rgyu ma yin gyi/ 'on kyang rgyu nyid kyi phyir de snang ba nyid do/ /gang gi phyir de snang ba nyid la rag las nas rgyu nyid du 'gyur ba ni ma yin gyi/ 'on kyang rgyu nyid la rag las pas de snang ba nyid du 'gyur ba de'i phyir rjes su 'gro ba dang ldog pa'i rjes su mi byed pa la rnam pa gzhan gyis 'ga' zhig 'ga' zhig gi rgyur 'gyur ba zhes bya ba ni ma yin no/ /gang gi phyir shes pa la snang ba gang yin pa de ni yul yin la/ snang ba dang 'brel pa can nyid kyang rgyu yin pa nyid las 'gyur ba de'i phyir rgyu ma yin pa ni yul nyid du mi 'gyur ro/ /des na dngos po de rgyu ma yin yang de snang ba'i phyir shes pa'i yul du 'gyur ba yin no zhes gang brjod pa de bsal ba yin te/ rjes su 'gro ba dang ldog pa'i rjes su byed pa med par ni de snang ba 'di nyid mi 'thad pa'i phyir ro/ /de'i phyir dngos po yod pa la 'byung ba yin yang snang ba dngos po'i rjes su 'gro ba dang ldog pa'i rjes su byed pa la mi ltos pa sgra las byung ba'i shes pa de'i bdag nyid 'dzin pa ma yin no/ /de nyid snang ba ma yin yang med pa snang ba dang khyad par med par snang ba nyid las yin no zhes blta par bya'o/ /de'i phyir de'i rjes su 'gro ba dang ldog pa'i rjes su byed pa las de'i snang ba nyid du 'gyur zhing de snang ba nyid kyis kyang yul dang yul can du 'gyur ba yin no zhes bya bar gnas so/ /des na shes pa gang zhig gang gi rjes su 'gro ba dang ldog pa'i rjes su byed pa ma yin pa de ni de snang ba ma yin te/ dper na gzungs kyi shes pa ro snang ba ma yin pa bzhin no/ /sgra las byung ba'i shes pa yang dbang pos rtogs par bya ba'i don gyi rjes su 'gro ba dang ldog pa'i rjes su byed pa ma yin no/ /zhes bya ba ni khyab par byed pa mi dmigs pa'o/ /nges pa'i dngos po snang ba la ni rgyu mtshan dang bcas pa nyid kyis khyab pa yin la/ rjes su 'gro ba dang ldog pa'i rjes su byed pa med na yang rgyu mtshan med par 'gyur te/ rgyu mtshan gzhan mi 'thad pa'i phyir ro/ /des na khyad par byed pa mi dmigs pas rgyu mtshan dang bcas pa nges pa'i dngos po snang ba nyid chos gzhan las ldog pa na/ don gyi dngos po de'i rjes su byed pa nyid kyis khyab pa'i phyir 'brel pa grub bo/ /des na de ltar dngos po yod pa la yang sgra las byung ba'i shes pa de snang ba ma yin par bsgrubs nas/ dngos po yod dam med na yang rung ste/ sgra las byung ba'i rnam par rtog pa'i dngos po'i yul can ma yin par mjug bsdu ba'i phyir bshad pa/ gang gi phyir yul ni rgyu yin la dbang po'i don ni sgras las byung ba'i rnam par rtog pa'i rgyu ma yin pa de'i phyir dngos po la ltos pa med pa sgra las byung ba'i rnam par rtog pa gang yin pa dag ni dngos po'i yul can ma yin no/ /des na sgra'i shes pa la gzhan du snang bar grub pa yin la/ de las kyang dbang po'i shes pa brjod par bya ba ma yin pa rig par byed pa 'thad pa yin no/ /tshul 'dis rtog pa med pa nyid du yang bsgrubs pa yin no// rnam 'grel du ni rtog pa med par bsgrub pa'i 'thad pa 'dir rang rgyud du bkod pa yin no/ /rtog pa med par bsgrub pa dang thun mong ba nyid kyi brjod par bya ba ma yin pa'i yul can gyi 'thad pa gzhan bstan pa'i phyir/ sgra sbyor ba yar zhes bya ba la sogs pa smos te/ sgra sbyor ba ni brda'i dus su mthong ba'i don bstan par bya ba la rtogs par bya ba'i phyir rtogs par bya ba'i don du ste don rtogs pa'i dgos par zhes bya ba'i don to/ /yang gi sgras ni 'chad par 'gyur ba'i rjes su 'gro ba can ma yin pa bsdu ba'i phyir ro/ /sbyor ba'i dgos pa de yang sgra nges par bkod pa sngon du 'gro ba can yin te/ nges par bkod pa med par ni sbyar ba tsam las dgos pa de ma mthong ba'i phyir ro/ /de'i phyir brda byas pa ni sgra sbyar ba sngon du 'gro ba can gyi don rtogs par bya ba'i phyir yin na/ dbang po'i don la ni de'i 'bras bu med pa nyid do/ /'di ltar brda'i dus su mthong ba gang yin pa de ni gzhan gyi tshe 'am gzhan du mthong ba med pa'i phyir de la brda byas pa ni don med pa yin no/ /brda' byas pa la dgos pa med pa'i rgyu mtshan rjes su 'gro ba med pa 'di nyid bstan pa'i phyir bsdu bar bya ba gzhan yang bshad pa ni/ dbang po'i don ni rjes su 'gro ba dang ldan pa yang ma yin te/ rjes su 'gro ba can ma yin no/ (/yang ni sgra ni bsdu ba nyid yin no/ /des na don gang la brda byas) pa'i don de ni rjes su 'gro ba dang ldan pa la rigs ba yin no zhes bya ba'i don 'dir 'gyur ro/ /yang gang zhig dgag par bya ba rjes su 'gro ba dang ldan pa de la dgos pa ci zhig yod ce na/ gang las te gang gi phyir rjes su 'gro ba dang ldan pa'i phyir brda'i dus su sgra dang lhan cig brjod par bya ba dang rjod par byed pa'i 'brel pa mthong ba gang yin pa de la de skad ces bya'o/ /don de tha snyad kyi tshe ste don rtog par byed pa'i dus su rtogs par 'gyur ba'o/ /'di skad brjod par 'gyur te/ rjes su 'gro ba dang ldan pa nyid kyang dus gzhan du rtogs par bya ba'i phyir don de la sgra sbyor ba yin na dbang po'i don de la ni rjes su 'gro ba dang ldan pa de nyid yod pa ma yin no/ /rjes su 'gro ba dang ldan pa nyid du mthong ba yin na ni dgos pa dang ldan pa'i brda byed pa de las sgra'i khyad par can gyi don rtogs pa na/ de rjod par bya ba rtogs par byed pa 'gyur ba yin na/ rjes su 'gro ba dang ldan pa de yang yod pa ma yin no/ /ci'i phyir zhe na/ bshad pa/ gang gi phyir 'di ltar yul lam dus gcig tu mthong ba'i khyad par bye brag de ni/ yul lam dus gzhan du ma mthong ngo/ /'ga' zhig tu zhes bya ba ni gtan dgag pa'i don du'o/ /phyir gyi sgra ni gang gi phyir tha dad pa'i spyi yang mthong ba med pa de'i phyir dbang po'i shes pa'i don yin rjes su 'gro ba dang ldan pa ma yin no zhes rim pa gzhan du sbyar ba'o/ /yang gsal ba 'di dag yul dang gzhan du mthong ba ma yin dang dus gzhan du zhen pa gang yin pa 'di ji ltar zhe na/ bshad pa/ gang gi phyir gsal ba'i bdag nyid rnams te/ rang gi ngo bo nges pa rnams phan tshun ru rjes su 'gro ba ste/ rjes su 'jug cing gcig tu 'gyur ba ma yin no/ /'di skad du gcig tu zhen pa bden yang gsal ba rnams ni rjes su 'gro ba dang ldan pa ma yin te/ gcig gis rang bzhin du mthong pa ma yin no zhes bstan pa yin no/ /ji ltar na gcig nyid du zhen kyang gcig ma yin zhe na/ bshad pa/ nus pa ni gsal ba rnams kyi bsreg pa la sogs pa'i don byed par nus pa'o/ /'dis ni yod pa nyid brjod pa yin te/ don byed nus pa nyid ni yod pa rnams kyi yod pa nyid yin pa'i phyir ro/ /snang ba ni shes pa la yod pa'i don gyi rnam pa ste/ 'di ni yod pa rnam par 'jog pa'i tshad ma yin te/ gang gi phyir snang ba de las 'ga' zhig tu 'gal zhig gi tshe yod par shes pa yin gyi/ gzhan las ni ma yin pa'i phyir te/ yod kyang med pa dang khyad par med pa'i phyir ro zhes gang 'chad par 'gyur ro/ /de la sogs pa gang dag yin pa ste/ sogs pa smos pa ni skye ba dang gnas pa dang 'gag pa gzung ngo/ /de dag tha dad pa de'i phyir gsal ba rnams gcig ma yin no/ /de la dbye bar bya ba'i dngos por yang nus pa yod pa dang med pa dag nyid las tha dad par 'gyur ba yin gyi/ 'bras bu tha dad bas ni ma yin no/ /gang gi phyir tha dad pa ni 'gal ba'i chos dang ldan pa'i rgyu mtshan can yin la/ phan tshun gsungs? te gnas pa'i gsal ba yang dngos po dang dngos po med pa yin gyi dngos po ni ma yin no/ /ji ltar dngos po 'ga' zhig rang gi dngos po med pa dang 'gal ba de bzhin du rang med par nges pa'i dngos po gzhan dang yin te/ dper na sngon ba ston pa med par nges pa'i sngon po ma yin pa dang 'gal ba bzhin no/ /de med pa la 'khrul pa med pa nyid btang na ni dngos po dngos po gzhan dang phan tshun spangs pas 'gal ba zhes bya ba ma yin no/ /phan tshun spangs pa'i 'gal ba ni dngos po dang dngos po med pa nyid kyi rgyu mtshan can yin no zhes bstan pa'i phyir dngos po dang dngos po med pa bzhin no zhes de dang der gsungs pa yin no/ /gal te yang mar ma'i me lce'i rang snang ba'i shes pa bskyed pa'i nus pa med pa la mi 'khrul pa yin na ni de dag 'gal ba kho nar 'gyur ba yin na de ni nus pa gzhan yod pa dang med pa la ltos pa med pa yang yin te/ de'i phyir 'bras bu du ma'i nus pa ni 'gal ba ma yin no/ /'di'i tha dad pa 'dzin pa ni nus pa dang ldan pa'i rang bzhin 'dzin par byed pa'i mngon sum nyid yin la/ 'dzin mar byed pa nyid ni snang ba dang ldan pas yin pa de'i phyir tha dad par 'dzin pa ni snang ba tha dad pa dang ldan pa yin no/ /des na snang ba tha dad pa dngos po tha dad pa rtogs pa'i rgyu mtshan du bstan pa'i don du yin gyi/ snang ba tha dad pa nyid ni dngos po tha dad pa ma yin no/ /gang gi phyir dngos po tha dad pa ni rang gi ngo bo tha dad pa yin na snang ba n dngos po'i ngo bo ma yin gyi 'on kyang shes pa yin no/ /'o na mngon sum dngos po'i rang gi ngo bo 'dzin pa yin mod/ tha dad pa'i rang gi ngo bo ji ltar 'dzin gang gi gcig gi ngo bo gzhan la med par bzung na ni don de des ston par bzung ba'i phyir tha dad pa bzung bar 'gyur na/ mngon sum ni med pa 'dzin pa ma yin no zhe na/ 'dir brjod pa don byed pa la nye bar sbyor bar mthong ba'i rang bzhin gang yin pa de nyid de la nus pa yin te/ ma mthong ba brtag na ni ha cang thal ba'i phyir ro/ /don byed nus pa'i rang bzhin gang yin pa de nyid kyang dngos po yin te/ dngos po'i mtshan nyid ni don byed nus pa'i phyir ro/ /don byed par bzod pa'i rang bzhin de de snang ba nyid las mngon sum gyis nges par byas pa na yang de nyams pa rnam par gcod pa yin te/ nyams par dogs na na rang bzhin du yongs su mi gcod pa'i phyir ro/ /de'i phyir gzung ba'i rang bzhin nges pa nyid kyi shugs kyis rang bzhin nyams pa med par nges pa yin no/ /gang las de'i rnam pa mngon sum du gzung bar bya ba 'gyur ba dngos po med pa lus pa ldan pa ni ma yin gyi/ 'on kyang rang med pa nyid kyis tha snyad du bya ba 'ba' zhig tu zad do/ /de'i phyir dngos po med pa'i 'dzin pa ni 'di nyid yin te nges pa gang yin pa'o/ /rang gi rnam par nges par byas pa nyid las de'i dngos po med pa yang med pa nyid du nges par 'gyur ba rnam par gcod pa yin no/ /nyams ba bzhin du nyams pa dang ldan pa thams cad kyang rnam par gcad pa yin te/ gang gi phyir ser po la sogs pa ni sngon po nyams pa dang ldan pa yin te/ snang bar gyur pa de dag la ston po ma mthong ba'i phyir ro/ /de'i phyir thams cad du mngon sum nyid kyis nges pa'i rang bzhin snang ba las gcig gis rang bzhin du yongs su bcad pa na nyams pa dang ldan pa rnam par bcad ba yin la/ snang ba mi dmigs bas ni gang gi phyir 'di sngon po rang bzhin du mi dmigs pa de'i phyir sngon po ma yin no zhes tha snyad du byed pa yin no/ /de'i phyir dngos po med pa'i nges pas mngon sum nyid kyis dngos po dngos po gzhan las tha dad par byed pa yin zhing tha snyad du byed pa ni mi dmigs pa yin no/ /rang bzhin nges par byed pa'i mngon sum 'di nyid kyis rnam pa gzhan med par rtogs pa yin te/ de srid par dogs na ni sngon po'i rang bzhin nges par yongs su ma bcad par thal ba'i phyir ro/ /gang gi phyir sngon po'i rang bzhin nyams pa rnam par bcad pas nyams pa dang ldan pa'i dngos po rnam par bcad pa'i phyir ro/ /sngon po dang sngon po ma yin pa gnyi ga'i bdag nyid kyi rnam pa gsum pa las sngon po'i rang bzhin ma log pa'i phyir de rnam par ma bcad na ni sngon po nyid yongs su gcod par mi 'gyur te/ gnyi ga'i bdag nyid du the tshom za ba'i phyir ro/ /gang gi phyir gnyi ga'i bdag nyid gang yin pa de yang 'di 'dra ba'i rang bzhin dag kho nas gnyi ga'i rang bzhin du 'gyur ba yin no/ /de'i phyir mthong ba yang gnyi ga'i bdag nyid du brtag par bya ba yin pa'i phyir don byed par don byed pa gcig 'dzin pa ni mi slu ba dang bcas par mi 'gyur na 'gyur ba yang yin no/ /de'i phyir gal te gnyi ga'i bdag nyid kyi rnam pa gsum yod na ni mthong ba'i don 'di gnyi ga'i bdag nyid du 'gyur na/ 'di ni gnyi ga'i bdag nyid du yang dmigs pa ma yin no/ /de'i phyir rnam pa gzhan mngon sum nyid kyis spangs pa la snang ba mi dmigs pas tha snyad du byed pa yin no/ /de bzhin du rim can la sogs pa'i yul can gyi mngon sum nyid rnam pa gsum pa'i gcod byed du blta'o/ /rnam grangs 'dis mthong ba 'am brtags pa'i gnyis 'dus pa'i bdag nyid ces bya ba'i rnam pa gsum pa srid pa ma yin no zhes bya bar shes par bya'o/ /sngon po nyams pa dang ldan pa yang sngon po ma yin pa nyid yin pa'i phyir sngon po dang sngon po ma yin pa dang bral ba'i rnam pa gzhan med pa zhes bya ba 'di la yang mngon sum nyid tshad ma yin no/ /de'i phyir rang bzhin gcig 'dzin pa'i tshad ma gang yin pa de ni de gzhan las tha dad par byed pa dang/ rnam pa gzhan sel bar byed pa yin no/ /de'i phyir 'di ltar nus pa tha dad pa ni dngos po tha dad pa yin la/ snang ba tha dad pa yang de 'dzin pa'i tshad ma yin te/ rnam 'grel las/ gcig yin na ni blo'i snang ba tha dad pa dang/ 'gal ba'i chos gnas pa gang min ba der mi 'gyur ro zhes gang bshad pa yin no/ /gal te nus pa dang snang ba la sogs pa tha dad ba yul dang dus tha dad ba'i gsal ba rnams gcig nyid ma yin pa'i gtan tshigs su brjod pa ma yin nam/ yul dang dus tha dad pa yang 'gal ba'i chos dang ldan pa nyid yin te/ de'i phyir 'gal ba'i tha dad par 'dod pa na yul dang dus tha dad pa las 'gal ba'i chos gzhan bstan pa ni mi 'thad do/ /mi 'dod na yang 'gal ba'i chos dang ldan pa gzhan tha dad pa'i rgyu ma yin no zhe na/ 'dir bshad pa/ phan tshun spangs pas 'gal ba ni dngos po dang dngos po med pa nyid yin la/ dngos po'i chos dag ni phan tshun med pa med pa mi 'khrul pa nyid las 'gal ba yin te/ 'khrul na ni 'bras bu du ma bsgrub pa'i nus pa bzhin du gcig tu 'gyur ba yin no zhes brjod pa yin no/ /zhes yul dang dus gcig yongs su spangs nas yul dang dus gzhan dang 'brel pa ni ma yin gyi/ 'on kyang gcig pa nyid kyis te/ dngos po de nyid yul dang dus der yang yod pa yul dang dus gzhan na yang yod pa ma yin no zhes dogs pa bsal ba'i phyir slob dpon yul la sogs pa tha dad na/ nus pa dang ldan pa'i rang bzhin tha dad par ston pa na yul dang dus gzhan dang 'brel pa ni yul dang dus gzhan spangs pa yin no zhes ston par mdzad do/ /'di ltar yul lam dus gcig 'dzin pa'i shes pas de'i rang bzhin nyams pa rnam par gcad pa'i phyir nyams pa dang ldan pa'i yul dang dus gzhan rnam par gcad pa yin no/ /ji ltar yul dang dus gzhan gcad pa de bzhin du mthong ba'i yul la sogs pa dang 'brel ba'i rang bzhin rnam par bcad pa'i yul la sogs pa na yod pa rnam par bcad pa yin te/ ma bkag pa'i rang bzhin ni bkag pa'i yul la sogs pa dang 'brel pa mi 'thad pa'i phyir ro/ /gnas pa'i rang bzhin yod pa yin na ni yul gzhan yang yod par thal ba'i phyir te/ mthong ba'i yul nyid bzhin no/ /des na yul gzhan na gnas pa'i rang bzhin ni/ yul gcig na yod pa'i rang bzhin yongs su spangs nas gnas pa yin pa de'i phyir yul gzhan dang 'brel pa'i rang bzhin ni yul dang dus de'i rang bzhin dngos po med pa la mi 'khrul pa yin no/ /de'i phyir de'i yul nyid dang gzhan gyi yul nyid gcig la 'gal lo/ /de bzhin du skye ba la sogs pa dus tha dad na tha dad ba yin te/ skyes ba dang ma skyes pa dang zhig pa dang ma zhig pa dang/ rgyun gyis gnas pa dang mi gnas pa dag phan tshun med pa mi 'khrul pa'i phyir tha dad pa yin no/ /de'i phyir yul dang nus tha dad pa na yod pa ni nus pa dang ldan pa'i rang bzhin tha dad pa dang/ skye ba la sogs pa tha dad pa'i phyir 'gal ba'i chos dang ldan pa'i rang bzhin yin no/ /snang ba tha dad pa yang de dag rnam par 'jog pa'i tshad ma yin no/ /de'i phyir yul dang dus tha dad pa'i bsal ba rnams gcig pa nyid ma yin no/ /'di snyam du dbang po'i rtogs par bya ba gsal ba rnams tha dad par 'dod pa yin yang tha dad pa med pa dbang po'i rtogs par bya ba'i spyi gzhan yod pa ma yin nam zhe na/ bshad pa/ tha dad pa'i rang bzhin gyi ldog pa de las tha dad pa 'jug pa'i rang bzhin gyi spyi gzhan ni yod pa ma yin te/ tha mi dad pa'i spyi ni bkag pa yin la/ tha dad pa yang yod pa ma yin no zhes 'dis spyi tha dad par smra ba 'gog pa yin te/ dbang po las skyes pa'i blo tha dad pa med pa'i phyir ro/ /blo tha dad pa med pa nyid gtan tshigs su dgod pa rnam par dgrol ba'i phyir ma mthong ba'i phyir ro zhes gsungs te/ gsal ba'i bdag nyid rnams las tha dad pa'o/ /ji lta bu'i khyad par can zhig ce na/ rjes su 'gro ba med pa'i gsal ba rnams la rjes su 'gro ba'o/ /ma mthong ba ni dbang po'i rnam par shes pas yul du ma byas pa'o/ /phyir zhes bya ba ni gtan tshigs te/ gang gi phyir ma mthong ba de'i phyir med do zhes bya ba'o/ /don de ni rjes su 'gro ba'i rnam pa can gyi shes pa gcig dang de'i rjes su 'jug pa'i sgra'i yul du 'gyur bar brtags pa yin la/ sgra dang blo dag gi yul de yang snang ba yin na snang ba yang ma yin no/ /de'i phyir gang la rnam pa gcig tu rtogs pa'i rgyur gyur pa'i sgra 'jug par 'gyur pa blo dang sgra rjes su 'gro bar rung ba de ni med do/ /blos yul du byas pa'i don nyid la sgra 'jug pa'i phyir ro/ /'dis ni shugs kyis sgra dang blo ngag bsten to/ /'di snyam du ma mthong ba las don tha dad pa med par ji ltar 'gyur snyam na bshad pa/ gang gi phyir snang ba'i don tha dad pa nyid la ni blo tha dad pa sna tshogs pa mi mthong ste/ gang gi phyir snang ba'i don yod pa nyid dang/ gcig gi gcig nyid dang/ tha dad par gyur pa'i tha dad pa nyid la ni blo yod pa nyid dang/ gcig nyid dang/ tha dad pa nyid kyis khyab pa yin no/ /'byung po dang mgul chings bzhin no zhes bya ba ni khyab pa'i yul ston pa'o/ /'byung po ni ? rtsams sam ma mo'i tshogs so/ /mgul chings ni me tog gi phreng ba dbyangs pa'i tha gu'o/ /de tha dad pa ni bltar bud pa nyid kyis rang gi yul can gyi shes pa tha dad pas khyab pa yin no/ /'di yang snang ba'i rang gi mtshan nyid rnams la snang ba'i spyi yod na ni de'i phyir blo tha dad pa nyid du thal la de med pa'i phyir don tha dad pa med pa yin no zhes bya ba ni rang bzhin mi dmigs pa yin no/ /ci ste yang blo tha dad pa med par mthong ba'i don tha dad par las len na ni de'i tshe shes pa de tha dad pa med kyang tha dad pa rtog na ha cang thal bar 'gyur te/ gang cung zad tha dad par ma mthong ba de nyid la ji ltar 'dod pa bzhin du brtag pa'i phyir 'dod pa'i yul las 'das par thal bar 'gyur te/ gcig dang du ma'i tha snyad nyams par thal ba'i phyir ro/ /'di nyid ston pa ni gcig kyang de yin la du ma yang de yin pas gcig dang du ma'o/ /de ltar ma yin pa ni gcig dang du mar mi 'gyur pa'o/ /'gro ba gcig dang du ma'i nges pa dang bral bar 'gyur ro zhes bya ba 'di ni ha cang thal ba'o/ /thams cad la du ma nyid du thal ba'i phyir gcig pa nyid med pa ma yin nam/ du ma nyid du nges pa med pa ji ltar zhe na/ bshad pa/ de la tha dad par ma rtogs pa ste de'i phyir ro/ /gang gi phyir tha dad pa nyid du ma rtogs pa de'i phyir tha dad pa nyid kyi tha snyad med pa yin no/ /tha dad pa nyid du ma rtogs pa ci'i phyir zhe na/ bshad pa/ thams cad kyi ngo bo nyid la gcig tu nges pa med pa'i phyir ro/ /gang gi phyir 'ga' zhig tu gcig tu ma nges na de'i phyir du mang/ nyid brtogs par mi 'gyur ro/ /'di ltar gang las bzlog na tha dad pa med pa'i tha snyad kyi yul du 'gyur ba de ni tha dad pa'i tha snyad kyi yul yin no/ /ji ltar sna tshogs su snang ba la tha dad pa'i tha snyad yin pa de bzhin du de las bzlog pa sna tshogs ma yin pa la yang yin te/ de'i phyir 'ga' zhig tu tha dad pa las bzlog pa gnas pa med pa'i phyir tha dad pa nyid gnas par mi 'gyur ro/ /'gal ba'i chos 'di ni dngos po nyid kyi yin na/ /de'i phyir gcig mi gnas na gnyi ga yang gnas par mi 'gyur ro/ /gang gi phyir des pa'i tha snyad ngag la ni yul nges pas khyab pa yin la/ des byed med na yang khyad par byed pa yul nges pa med par 'gyur ba de'i phyir 'gro ba gcig dang du mar mi 'gyur na de ltar yang rigs pa ma yin no/ /gang gi phyir sna tshogs pa las sna tshogs pa'i don byed pa ci 'dra ba de 'dra ba ni gcig la ma yin no/ /gang gi don byed pa'i rgyu mtshan can gyi yod pa nyid gang las log pa de ni de'i bdag nyid ma yin la/ dngos po yang yin te des na gzhan du grub po/ /gcig nyid dam du mngon du gnyer bas kyang yul 'ga' zhig spangs nas 'ga' zhig la 'jug pa yin la/ des par zhugs pa na yang gcig dang du ma'i yul gyis sgrub par bya ba thob par 'gyur ro/ /nges pa dang ldan pa'i 'bras bu thob pa ni nges pa dang ldan pa'i 'jug pa las yin gyi/ tshad ma son du 'gro ba'i nges pas bskyed pa'i 'jug ga med par ni ma yin no/ /gcig dang du ma dag gi tshad ma sngon du 'gro ba can gyi nges pa gang yin pa yang bltar rung ba'i yul la mthong ba'i snang ba'i tha dad pa dang/ tha mi dad pa sngon du 'gro ba can du grub po/ /de lta mod kyi zhes bya ba la sogs pas spyir rang bzhin gzhan gyis dmigs ? pa'i mtshan nyid kyir gyur pa ma yin par dogs pa bsu ba'o/ spyi ? ? zin kyang ste dbang po'i shes pa la rnam par 'jog kyang tha dad par bye brag tu gsal bar khong du chud par mi 'gyur ro/ /ma rtogs pa'i phyir te/ gsal ba dang spyir gsar rtogs pa'i rgya yul 'dir nus tha dad pa med pa'i phyir ro/ /ma rtags pa ni rang bzhin nges par ma zin pa ste/ nges par ma zin pa de'i phyir ro/ 'di skad brjod pa'i yin no/ /rang bzhin rtogs pa'i rgyu yod na ni rtogs shing nges par zin pa na tha dad par nges par 'gyur pa yin na de ltar yang ma yin te/ de'i phyir ma nges pa yin no/ /de ni mi rigs te zhes bya ba ni de bzlog par byed pa'o/ /bsam pa ni spyi de ci 'dra bar khas blangs pa de ni mi rtogs par mi rigs so zhes bya ba 'di yin no/ /gtan tshigs ston pa ni spyod pa yul gzhan la glo dang ni sgra de dag 'jug pa nges pa'i phyir te/ /gtan tshigs de'i phyir na de mi rtogs shing nges par mi zin par mi rigs so/ /'di nyid 'grel pas bshad pa ni blo dang sgra de dag rjes su 'gro ba de la brten pa gang yin pa de dag ni de la brtan pa ste tha dad pa'i ? par de ni ji lta ma yin no/ /rten su 'gro ba na ste rnam pas pa gcig tu rtogs pas rtogs par bya ba na ji ltar spyi mi rtogs zhes bya/ rnam par ma byed ces bya/ rtogs pa nyid du rigs so zhes gya ba'i don to/ /spyi pa mthong ba ni rnam par 'dzin pa ste pa rang mi thus so/ /'di skad brjod pa yin te/ phan tshun tha dad pa'i khyad par rnams ni rjes su 'gro ba gcig po gang min pa'i rnam par 'dzin pa'i shes pa tha dad pa med par gzung ba yin na/ spyi gcig po de yang khyod par de dag las tha dad pa'i dngos por ma rtogs so zhe na na de'i phyir khyad par rnams kyi rang bzhin ltar de yang tha dad pa nyid du rtogs par 'gyur zhing/ de las kyang rang nyid gcig nyid du khyad par rnams las tha dad par ma nges pa na ji ltar khyad par de dag la rang gi rnam pa gcig dang bsres nas rang bzhin gcig tu ston par byed/ de gcig tu nges na ni de dang bsdus na rang bzhin gcig tu nges par 'gyur ro/ /gang las shes bya ba ni 'di nyid ston pa'i/ /khyad par gyi don gang las khyad par can gang la sgra dang blo dag 'jug ste/ sgra dang shes pa dag de'i rnam par dang ldan pa nyid kyis de'i rjes su 'gro ba ni 'jug pa yin no/ /khyad par de ma rtogs ni khyad par can gyi don te/ de ltar rtogs par mi 'gyur te/ dbyig pa can bzhin no/ /gang gi phyir rgyu mtshan dbyig pa'i khyad par gyi rnam pa ma rtogs par ni lhas byin dbyig pa'i rnam pa'i khyad par can du 'dzin par mi 'gyur pa'i phyir ro/ /'dis ni khyab par bya ba dang khyab par byed pa'i dngos po bstan to/ /don gzhan dang 'brel par 'dzin pa la ni don gzhan rtogs pas khyab pa yin te/ don gzhan ma rtogs na ni de dang lhan cig gzung bar mi 'gyur ba'i phyir ro/ /rnam par phye nas gzung ba yang med de/ de'i phyir khyab par byed pa med pas khyab par bya ba yod pa ma yin no/ /gang gi phyir spyi mi rtogs pa mi rigs pa de'i phyir de tha dad par snang bar khas blang bar bya ba yin na snang ba yang ma yin te/ de phyir dbang po las skyes blo/ thams cad khyad par yul can nyid/ tshig le'u byas pa'i don bsgrub par bya ba'i phyir gtan tshigs bshad pa/ dbang po'i shes pa la rang gi mtshan nyid las tha dad par des pa'i rang bzhin gyi spyi mi snang pa'i phyir ro/ /'di snyam du rjes su 'gro ba'i rang gi mtshan nyid kho na sgra'i brjod byar 'gyur ro snyam na/ snang ba rnams kyang zhes bya ba gsungs te/ rang gi mtshan nyid nges par snang ba rnams ni yul la sogs pa tha dad pas rjes su mi 'gro ba'i phyir te/ rgyu de'i phyir ro/ /khyad par can zhes bya ba ni gtan tshigs kyi tshig ste/ gang gi phyir khyad par can yin pa'i phyir dbang po'i blo ni brjod du med pa bsnyad par mi nus pa'i don mngon du byed pa yin no zhes bya ba yin no/ /de'i phyir 'di thams cad kyi don bsdus pa ni 'di yin te/ don gang zhig brda'i dus su sgra gang dang 'brel bar mthong ba ma yin pa de ni des khyad par can du gzung ba ma yin te/ dper na ba lang gi sgras rta bzhin/ /dbang po 'dzin thams cad kyang sgra thams cad dang 'brel ba mthong ba ma yin no zhes bya ba ni khyab par byed pa mi dmigs pa'o/ /sgras khyad par can du gzung ba'i don ni rang gi ngo bo med pas khyab pa yin la brdam byas pa'i spras don khyad par can du bzung na ni/ sgra don gyi 'brel pa'i ngo bo can du thal ba de'i phyir chos gzhan la khyab par byed pa med pa'i phyir bcos bu des khyad par can du 'dzin pa lan 'brel ba mthong ba nyid kyis khyab pa'i phyir 'brel pa grub po/ /gtan tshigs ma grub pa yang ma yin te/ gang gi phyir skad cig ma nyid kyis brda gzo ba na don 'gags pa'i phyir dbang pos rtogs par bya ba'i don la brda bya bar mi nus pa yin la/ nus pa nyid yin yang rjes su 'gro ba med pa'i phyir rtog pa dang ldan pa dgos pa med pa'i brda byed pa la mi 'jug go / 'jug na yang gang la brda byas pa de ni 'das pa yin la/ gang yang tha snyad kyi dus na rtogs pa de thams cad sngon ma mthong ba yin pa'i phyir de la brda med pa yin no/ /'dir ni bstan bcos mdzad pas sgra sbyor ba yang zhes bya ba la sogs pas dgos pa med pa brda mi byed pa'i rgyur brjod pa yin gyi mi nus pa nyid ma yin no/ /rnam 'grel du ni mi nus pa yang brjod do/ /mngon sum rnam par rtog pa med pa dang brjod du med pa'i yul can du rnam par gnas pa la gzhan gyis smras pa/ mngon sum las ji ltar tha snyad du 'gyur zhes 'brel to/ /rnam pa gang gis te ma yin no zhes bya ba'i don to/ /'o na zhes bya ba ni ma bzod pa ste/ gang gi phyir 'jug pa'i yan lag ni tshad mar brjod pa yin na 'jug pa'i yan lag ma yin pa'i phyir mngon sum yang tshad mar gyur pa ni mi bzod do snyam bsams pa'o/ /de ni zhes bya ba ni mngon sum rtog pa med par khas len pa'i dus na'o/ /nges pa ni gtan la phebs pa ste/ de gang la med pa da lta bur bdag nyid gang yin pa'i mngon sum de las tha snyad de/ bde ba bsgrub pa'i dngos po'i yul la 'jug pa dang/ sdug bsngal sgrub pa'i yul la ldog par mi 'gyur ro/ /bsam pa ni 'di yin te/ gang gi phyir mngon sum 'di ma nges pa'i bdag nyid don nye ba snang ba 'ga' zhig tu zad la/ nges pa ma yin na yang skad cig ma nyid bzhin du ring 'jug pa'i yul ma yin na/ /gzhan yang sgrub par byed pa'i dngos po snang ba tsam 'dzin pa'i mngon sum gyis 'bras bu nye ba ma yin pa la/ mngon par 'dod pa'i 'bras bu sgrub pas de dang 'brel pa nyid du 'dzin par nus pa ma yin te/ rnam par rtog pa med pa'i mngon sum dngos po nye bar 'gyur ba dag gi 'brel pa yang 'dzin par nus pa gang yin pa des dngos po nye ba ma yin pa byed pa nyid ji ltar 'dzin par 'gyur/ bde ba sgrub par byed par dngos po ma nges na yang rtog pa dang ldan pa 'jug par mi 'gyur ro/ /de'i phyir 'jug pa'i yul du byed pa ni bde ba sgrub par byed pa'i dngos po la de'i rang bzhin du gtan la phabs pa dang ldan pa des pa'i shes pa yin gyi gzhan ni ma yin no/ /yang ci'i phyir nges pa'i bdag nyid kyi mngon sum nyid las tha snyad du 'gyur zhe na/ smras pa/ 'di ni bde bsgrub pa'o/ /'di ni sdug bsngal bsgrub pa'o zhes 'di'o zhes mngon sum nyid du nges te yongs su bcad na ni tha snyad du byed pa'i skyes bu bde ba sgrub par byed pa nyid du nye bar don yongs su gcod pa yin no/ /bde ba dang sdug bsngal gyi sgrub par byed pa dag ces bya ba ni 'jug pa'i yul ston pa'o/ /bde ba sgrub pa dang sdug bsngal bsgrub pa la ji ltar rigs par thob pa dang spabs pa'i don du 'jug par byed do/ /phyir zhes bya ba ni gtan tshigs kyi don to/ gang gi phyir de ltar nges pas 'jug pa yin pa de'i phyir nges pa ma yin pa'i shes pa ni tha snyad kyi yan lag ma yin la/ gang gi phyir nges pa 'jug pa'i yul yin pa de'i phyir nges pa med pa'i bdag nyid kyi dngos po ni 'dug pa'i yul du bya ba ma yin zhing de las kyang 'jug pa'i yan lag ma yin pa nyid do/ /gang gi phyir lag nas bzung ba la sogs pa byas pas ni 'jug par byed pa ni yin pa'i phyir shes pa'i 'jug par byed pa ni 'jug pa'i yul du byed pa las gzhan ma yin no/ /'jug par byed pa 'di la yang nges par byed pa nyid kyis khyab pa yin na/ mngon sum la ni de yod pa ma yin pa'i phyir 'jug par byed pa nyid ma yin no zhes bya ba ni pha rol po'i bsam pa'o/ /slob dpon gyis kyang khyab par bya ba dang khyab par byed pa'i dngos po de bden na yang/ rtog pa med pa dag rtog pa dang bcas pa'i mngon sum ngag 'jug pa'i yan lag nyid du khyad par med par bstan pa'i phyir skyon 'di med de zhes bya ba gsungs so/ /'di la 'jug pa'i yul mi gnas pa ni rnam pa gnyis te/ de'i dus na nye ba'i rang bzhin ma nges pa'i phyir mngon sum gyis 'jug pa'i yul du byed par mi nus pa 'am/ gal te yang bya ba byed pa nyid sngar mthong ba nye ba ma yin pa'i phyir rnam par rtog pa med pa'i mngon sum gyis ma nges pas 'jug pa'i yul du mi byed/ de la rnam par rtog pa snga ma ni rgol pa gnyi ga la yang khyad par yod pa ma yin te 'di ltar rnam par rtog pa dang bcas pa'i mngon sum gyis yul dang dus dang rnam pa so sor nges pa gtan la phebs pa yin la/ rnam par rtog pa med pa yang de'i rjes su byed pa de'i stobs kyis skyes pa'i gtan la? phebs pa'i shes pas mngon sum gyi gzung ba nges par byed pa yin no/ /gang yang mthong ba'i rnam shes kyi gzung ba'i rang bzhin de dang de las log pa de nyid de'i stobs kyis skyes pa'i rnam par rtog pas sgra dang bsres nas de kho na ltar zhen par byed pa yin gyi/ rnam par rtog pas de la phyi nas don byed par bzod pa'i rang bzhin lhag pa bzung ba ni ma yin no/ /de la de nyid kyis nges sam de'i stobs kyis bskyed pas kyang rung ste/ rnam par rtog pas dngos po 'jug pa'i yul du byas pa la ni khyad par ci yang yod pa ma yin no/ /ci ste yang rnam par rtog pa med pa la yang rnam par rtog pas bar du chod pas 'jug pa'i yan lag yin no zhes bya bar 'dod na/ rnam par rtog pas bar du chod pas shes brjod pa 'di ni shin du chung ste rgol ba gnyi ga'i ltar na yang shes pa'i rgyun chen pos bar du chod pas khyad par med pa nyid du de ma thag nyid du ston par 'gyur ro/ /ci ste phyogs gnyis pa ltar na de lta na yang nye ba'i dngos po de la sngon mthong ba'i bde ba sgrub par byed pa/ nyid dran par bya ba yin gyi mngon sum du bya ba ni ma yin la/ dran pa la ni 'o skol gnyi ga yang khyad yod pa ma yin no/ /de'i phyir mngon sum gyi nye ba'i dngos po 'jug pa'i yul du byed pa'i bya ba la ni gnyi ga yang mtshungs pa yin la dran pa'i bya ba lhag pas bar du chod par yang mtshungs pa nyid do/ /de'i phyir nye ba'i dngos po 'jug pa'i yul nyid na byed pa'i phyir mngon sum rnam pa gnyi ga yang 'jug pa'i yan lag yin la/ shes pa gzhan gyis bar du chod pa'i 'jug pa yang de las skye bas na brgyud pas rgyu yin par yang khyad par yod pa ma yin no/ /yang ji ltar na mngon sum gnyi ga yang bde ba'i sgrub par byed pa nyid du nges pa dran pa nyid kyis bya ba yin zhe na/ rim pa bstan pa'i phyir bshad pa/ gang la sngon zhugs pa'i nye ba mngon sum gyi yul du gyur pa de mthong ste yod pa na/ nyid ces bya ba'i tshig ni rgyu dang 'bras bu nges par ston pa'o/ /mthong ba'i dgos pa gang yin pa de mthong ba nyid na mthong ba'i 'bras bu de rnams la dran par byed pa'i dran pa gang yin pa de las so/ /ji ltar 'gyur ba zhig las she na/ myong ba'i zhes bya ba gsungs te/ sngon zhugs pa'i shing la sogs pa 'bras bu khyad par can gyi rgyu yin par myong ba gang yin pa dang/ gang yang rgyu dang 'bras bu'i dngos po gtan la phebs pa'i 'og rol du 'jug pa'i dus su 'jug pa gnyi ga yang mtshungs par gzung ba yin te/ gcig ni dran pa'i 'du byed skyed par byed pa yin la/ phyi mas ni sad par byed pa'i phyir ro/ /dran pa'i 'du byed 'jog pa dang/ sad par bya ba la de'i mthu yod pa de las byung ba'i ngang tshul gang yin pa'o/ /dran pa de las mngon par 'dod pa ste mngon par 'dod pa yang 'jug pa'i yul can dang ldog pa'i yul can dag khyad par med par gzung ngo/ /mngon par 'dod pa de'i rgyus kyang 'jug pa dang ldog pa'i tshan nyid kyi tha snyad du 'gyur ba yin no/ /mngon sum nyid las dngos su tha snyad du 'gyur ba ma yin pa'i phyir mngon sum rnam pa gnyis ka la yang 'di ni 'jug pa'i rgyu lhag pa yin te/ bde ba sgrub par byed pa nyid du 'dzin pa'i dran pa 'di bar du zhugs pa yin zhes dgongs pa yin no/ /'di nyid rnam par 'grel pa bshad pa ni/ mngon sum don te yul la lta ba rnam par 'dzin par? 'dzin? pa de tsam mam/ de kho na nyid gang yin pa'o/ /tsam smos pa ni nges pa bzlog pa'i don du'o/ /mngon sum de lta bur gyur pa yin yang tha snyad du 'gyur ba yin no/ /yang gi sgras ni mngon sum rnam par rtog pa dang bcas pa yin yang tha snyad du 'jug pa'i rim pa ni 'di nyid yin no zhes bya'o/ /nyams su myong ba zhes bya ba ni snga ma bzhin du snga ma dang phyi mar 'jug pa'i nyams su myong ba gnyis khyad par med par gzung ba yin no/ /de'i mthu ni nyams su myong bar 'gyur ba'i yul 'dzin pa'i dran pa'i 'du byed 'jog pa dang khang par byed pa dag ste/ mthu de las 'du byed bzhag pa las brgyud pas dran pa 'byung ba yin no/ /dran pa'i byed pa ston pa ni khyad par can 'bras bu byed pa nyid du myong ba'i don la da ltar mthong ba'i don dang mtshams sbyor ba gcig tu byed pa ste/ khyad par can gyi 'bras bu sgrub par mthong ba'i bum pa gang yin pa de nyid ni 'di yin no zhes de ltar mod pa gnyis mtshams sbyor bar byed pa'i dran pa mngon sum las skye ba yin la dran pa de nyid kyis kyang khyad par can gyi sgrub par byed pa'i don sngon myong bar gyur pa nyid dngos po de la mtshams sbyor bar byed kyi rnam par rtog pa dang bcas pa yin yang 'di'i zhes 'jug pa'i mngon sum las ni sngon myong ba dran pa'i byed pa yod pa ma yin no/ /'on kyang sngon nyams su myong bas bskyed pa'i bag chags sad par byed pa 'ba' zhig tu zad la/ de ni rnam par rtog pa med pa la yang khyad par yod pa ma yin no/ /khyad pa ma can byed pa nyid du mtshams sbyor ba'i dran pa de las kyang mngon par 'dod pa skye ba yin no/ /'dod pa'i yul bstan pa'i phyir bshad pa/ dus snga ma 'gyur ba'i nye ba mngon sum gyi yul du gyur pa mthong ba nyid na mthong ba'i 'bras bu gang yin pa de rnams la mngon par 'dod pa yin no/ /tshig le'ur byas par yang 'di mngon par 'dod pa'i yul du bstan pa yin no/ /mngon par 'dod pa'i rgyu ni dran pa yin no/ /don 'di yin te/ gang don bya ba byed par mthong ba'i don ni dran pa mtshams sbyor ba yin la/ mtshams sbyar ma thag pa nyid du don de dag la mngon par 'dod pa dang mi 'dod pa 'jug par 'gyur te/ mi 'dod pa ni sdug bsngal gyi sgrub par byed pa yongs su dor bar sems pa'o/ /mngon par 'dod pa dang mi 'dod pa de las kyang tha snyad 'jug par 'gyur ba yin na/ /gzhung gi tshogs 'dis ni mngon sum gnyi ga'i yul la yang bde ba sgrub par byed pa nyid du ni dran pas yul du byas pa yin zhing dran pa la sogs pa'i rgyun gyis tha snyad bar du bcad pa ni gnyi ga la yang khyad par med do zhes bya ba yin no/ /gal te mngon sum de la byed pa ma yin na 'o na ni de ltar nyams su myong bar 'gyur bar dran pa'i rgyur yang ji ltar 'gyur zhe na/ rim pa bstan pa'i phyir bshad pa/ dngos po'i ngo bo ni dngos po'i chos so/ /don 'di yin te/ 'di ni nyams su myong ba'i rang bzhin nyid yin te/ 'di la 'thad pa ni cung zad kyang dogs pa yod pa ma yin no/ /don 'di ni 'bras bu mthongs las kyu ba pa yin te/ rgyu med pa can ma yin zhing rgyu ma nges pa can yang ma yin pa de'i phyir 'di la 'thad pas ci zhig bya/ yang de gang yin zhe na/ bshad pa/ gsal bar nyams su myong ba las te ches gsal ba'o/ /'dis ni 'di skad bshad pa yin te/ nyams su myong ba tsam gang yin pa de nyid kyis na dran pa'i nus pa 'jog pa ma yin gyi/ 'on kyang gsal bar nyams su myong bas dran pa'i nus pa bskyed pa yin no/ /dran pa bskyed par nus pa'i sa bon 'jog pa ste dran pa'i sa bon 'jog pa gang yin pa de ni gsal bar nyams su myong ba'i chos yin no/ /re shig nyams su myong ba'i mthu las bag chags dang rjes su 'brel pa gang yin pa de ni yod pa ma yin la/ rgyu dang 'bras bu'i dus su byung ba'i nyams su myong bas ci 'dra ba'i 'bras bu dang 'brel pa'i don dran pa'i bag chags bskyed pa de dang 'dra'i dngos po mthong ba las dran pa'i sa bon 'dis sad pa yin te/ dran pa skyed pa dang rjes su mthun pa'i phyir ro/ /dran pa sad pa de las mngon par 'dod pa skyed par nus pa'i bag chags gang yin pa de 'jug ste/ 'bras bu bskyed pa la mngon du phyogs par 'gyur ro/ /sa bon sad pa la dran pa yin zhing de las mngon par 'dod pa'i bag chags ma yin nam zhe na/ dran pa'i dus nyid mngon par 'dod pa'i bag chags sad pa'i dus yin te/ dran pa de nyid bag chags sad pa'i bdag nyid yin no zhes bya ba'i don to/ /mngon par 'dod pa'i bag chags sad pa de las kyang 'jug pa ste rab tu 'jug pa yin no/ /mngon par 'dod pa nyid las 'jug pa ma yin nam zhe na/ mngon par 'dod pa yang 'jug pa thams cad kyi mngon du 'gro ba nyid kyis 'jug pa yin la/ de yang mngon par 'dod pa'i bag chags las 'jug pa nyid yin pa'i phyir 'gal ba med do/ /de'i phyir de ltar mngon sum gnyi ga'i 'jug pa'i yang mngon sum gyi rjes su byung ba'i dran pa'i byed pas bar du chod pa dang ldan sa yin la/ yul dang dus dang rnam pa so sor nges pa'i dngos po 'jug pa'i yul du byed pa'i phyir mngon sum rang nyid 'jug par byed pa nyid yin pa la yang rnam par rtog pa med pa dang gzhan khyad par yod pa ma yin no/ /de ltar na yang 'jug pa'i yul ni nges par byas pa yin la/ nges par byed pa yang tog pa med pa'i phyir mngon sum ma yin gyi/ 'on kyang de'i stobs kyis bskyed pa'i rnam par rtog pa yin no/ /de'i phyir mngon sum dang rnam par rtog pa dag bsdoms pas tshad ma gcig tu gyur pa yin gyi/ mngon sum gcig pu nyid ni ma yin no zhe na/ ma yin te/ gang mngon sum tshad mar mi 'gyur ba zhen par byed pas ni tshad ma ma yin gyi/ 'on kyang thob par byed pas yin no/ /thob par byed pa nyid kyang 'jug par byed pa yang 'jug pa'i yul rab tu ston pa las yin no/ /'jug pa'i yul yang nges par byas pa yin te/ de'i phyir thob pa'i yan lag 'jug pa'i yul zhen par byed pa ni tshad ma yin no/ /de ni rnam par rtog pa dang bcas pa'i mngon sum la yang bsam par bya ba yin te/ skad cig ma nyid yin pa'i phyir mngon sum ldog pa na nges byas pa'i zhen pa ldog pa yin no/ /de'i phyir zhen par ma byas pa 'jug pa'i yul ma yin pas thob par bya ba ma yin pa'i phyir gang las thob pa'i yan lag 'jug pa'i yul zhen par byed/ ci ste mngon sum snga ma las zhen par byed pa gzhan skye ba yin no zhe na/ de ltar na yang rtsom pa dang mthar phyin pa'i dus khyab pa'i zhen pa sdoms nas tshad ma gcig yin par 'gyur na dang po nyid ni 'dod pa yin no/ /de'i phyir ji srid mngon sum gyi bya ba'i rjes su 'jug pa de srid de nyid tshad ma yin no/ /mngon sum gyi bya ba ni mthong ba yin la/ rnam par rtog pa'i bya ba ni rtag pa yin te/ kho bo rtog par byed kyi mthong ba na ma yin no zhes rnam par rtog par byed pa ni nyams su myong ba nyid las nges pa'i phyir ro/ /mngon sum gyi rjes su byung ba'o rnam par rtog pa rnams kyi ni rang gi bya ba rtogs par byed pa spangs nas 'di mthong ba'i bya ba nyid kyi rnam pa'i rjes su 'brang bar byed de/ de'i phyir ji srid zhen pa'i shes pa rnams la mthong ba zhes bya ba'i byed pa rjes su 'gro ba de srid du mngon sum gyi mthong ba'i 'du byed ma spangs par lta'o/ /de nyid kyi phyir de dag gis gang zhen par byas pa de ni mngon sum nyid kyi zhen par byas pa yin la/ zhen par byas pa la yang mngon sum nyid tshad ma yin gyi rnam par rtog pa de ni ma yin no/ /zhen pa rnams rang gi byed pa la 'god pas na mngon sum rtog pa med pa la yang thob par byed pa'i yan lag zhen par byed pa khyad par med par shes par bya'o/ /dbang po'i mngon sum bshad nas gzhan gyis byas pa'i rtsod pa spang bar bzhed nas rgyu dang yul gyi bye brag gis yid kyi mngon sum gyi rang bzhin ston par byed do/ /yid ces bya ba ni yid tsam la brten par gzung bar bya ste/ rnam par shes pa thams cad yid nyid yin pa'i phyir ro/ /kyang zhes bya ba ni mngon sum nyid du bsdu pa'o/ /dbang po'i shes pa de nyid ni de ma thag pa yang yin la rkyen kyang yin te/ de las byung ba gang yin pa'o/ /'dis ni rgyu'i khyad par bstan te/ /dbang po'i rnam par shes pa de'i don de ma thag pa ste/ gang la par dang bar chad med pa de 'dzin par byed pa ste/ 'dis ni yul gyi khyad par bstan te/ de lta bur gyur pa'i yang ni mngon sum du 'dod do/ /mngon sum smos pa med pa'i phyir de ltar ma yin nam zhe na/ mngon sum zhes bya ba smos te/ 'di ni skabs yin no/ /sbyar ro zhes bya ba ni ltos te/ de la ltos pa nyid sbyar ba yin no/ /mdo nyid dgrol ba bshad pa na dbang po'i shes pa 'ba' zhig mngon sum yin par ma zad kyi/ yid kyang mngon sum yin no/ /de'i khyad par ji lta bu zhig ce na/ bshad pa/ gang zhig dbang po'i rnam par shes pas bskyed pa'o/ /dbang po'i shes pa nyid khyad par du byed pa 'di ni shes pa'i rang bzhin du mtshungs pa yang yin la bar chad dang bral ba yang yin te/ bar ma chod pa'i phyir ro/ /de nyid ni rkyen kyang yin te rkyen gyi don ni rgyu'i don to/ /grub pa'i mdza' las grags pa'i ming gis tha snyad du byas pa ni yid kyi mngon sum grub pa'i mdza' las grag par ston par byed pa ste/ yid kyi mngon sum sgrub pa la tshad ma gzhan ni btsal bar bya ba ma yin no zhes bstan pa yin no/ /'o na ci'i phyir mngon sum gyi dbye par bkod ce na/ gal te yid mngon sum yod na de'i mtshan nyid ni 'di lta bu yin no zhes mdo mdzad pas grub pa'i mdza' las grags pa'i yid kyi mngon sum khas blangs pa la rnyod? pa byas pa bzlog pa'i don du'o/ /dmigs pa'i rkyen bsal ba'i phyir yang de ma thag pa'i rkyen smos te/ 'di ltar rang gi yul gyi de ma thag pa'i skad cig dang lhan cig pas rang gi rgyu dal lo? yod pa rigs mtshungs pa phyi ma skyed pa dbang po'i shes pa de ni 'ga' zhig gi tshe gzhan gyi rgyud la yod pa dbang po'i shes pa la dmigs pa'i rnal 'byor ba rnams kyi gzhan gyi sems shes pa skyod par byed pas de ni mtshungs pa de ma thag pa'i rkyen smos pas bsal ba yin no/ / rang gi ni bdag nyid kyi ste dbang po'i rnam par shes pa'i yul lo/ /de'i zhes drug pas ni snga ma dang phyi ma'i skad cig ci nye bar len dang nye bar len pa las byung ba'i dngos por bstan pa yin te/ des na dbang po'i shes pa'i yul rgyur byas pa'i skad cig ma bzung ba yin no/ /de ma thag pa zhes bya ba ni bar ma chod pa'o/ /skad cig ma zhes bya ba 'dis ni yul skad cig ma yin pa'i phyir yid skad cig ma nyid du bstan to/ /dbang po'i shes pa gang yin pa ni don gcig pas de'i lhan cig byed pa can yin gyi bogs 'byin par byed pa ni ma yin te/ skad cig gi rdzas la bogs 'byin pa ni mi 'thad pa'i phyir ro/ /de dag kyang bya ba gcig pas ni lhan cig byed pa yin no/ /de lta bur gyur pa des bskyed pa yid kyi rnam par shes pa gang yin pa de ni mngon sum yin no/ /khyad par gnyis pa 'dis kyang de'i yul bstan pa yin no/ /gang gi phyir yid de lta bu yin pa de nyid kyi rgyu'i phyir dbang po med par mthong ba ma yin te/ gang la de'i yul can gyi dbang po med pa de la de'i yul can gyi yid kyi mthong ba yod pa ma yin no/ /dbang po med pa nyid ni dbang po'i bya ba med pa nyid do/ /'di skad brjod pa yin te/ rnam par rtog pa'i gnas skabs su ni yid mthong ba 'jug pa ma yin te/ mtshungs pa de ma thag pa'i rkyen dbang po'i shes pa med pa'i phyir ro/ /yul gzhan pa nyid kyang ma yin te/ gang gi phyir dbang po'i shes par gzung ba'i don gyi nang du gtogs pa'i skad cig ma 'dzin pa de'i phyir don gzhan ni tha na rgyud tha mi dad pa yang 'dzin pa ma yin no/ /des na pha rol po dag gis dbang po'i byed pa med par yang don mthong par thal ba dang/ de bzhin du yid kyis kyang mthong ba'i phyir long ba dang 'on ba la sogs pa med par thal ba gang brjod pa de spangs pa yin te/ rnam par rtog pa'i gnas skabs na rgyu med pa'i phyir dang/ long ba la sogs pa la yang gzung ba mthong ba la rang gi yul gyi de ma thag pas lhan cig byas pas dbang po'i rnam par shes pa med pa'i phyir ro/ /gang yang gzung ba 'dzin pa'i phyir tshad ma ma yin bar thal bar brjod pa de yang 'di nyid kyis spangs pa yin no/ /byed pa ni bya ba dang spyod pa'o/ /de'i dus ni don yod pa'i dus te yod pa'i dngos po nyid byed pa yin no/ /byed pa'i dus ma mtshungs pa gang yin pa de la de skad ces bya'o/ /yid kyi rnam par shes pa'i yul de ni yid kyi rnam shes kyi rgyu dbang po'i shes pa de dang byed pa'i dus mtshungs pa ma yin no/ /dus tha dad pa nyid kyi gtan tshigs smras ba/ rang ste bdag nyid kyi shes pa de'i dus de na yod pa'i ngang tshul gang yin pa'o/ /gang gi phyir yid kyi shes pa'i yul ni de'i dus na yod pa yin la/ dbang po'i shes pa ni yid kyi rnam par shes ba las snga ma yin te/ des na de dag snga phyi yin pa de'i phyir lhan cig byed pa nyid ma yin no/ /gal te sngar skyes pa nyid 'bras bu sgrub par byed pa yin na ni phyi ma de la byed ba ma yin la ci ste phyis 'byung bas 'bras bu bskyed na ni snga ma zhig zin pa'i phyir de la byed pa ma yin pa'i phyir ji ltar dus tha dad pa dag don gcig byed pa nyid yin/ de'i phyir don ni lhan cig byed pa ma yin no/ /de ltar yul dang shes pa dus mnyam par khas blangs nas rgol zhing rtog par thal par dogs pas shes zhes bya ba smos so/ /ma yin te/ gnyi ga yang zhes bya ba la/ gnyi ga ni dbang po'i shes pa dang yid kyi yul lo/ /dus mtshungs pa ni gcig pa nyid do/ /de'i phyir lhan cig byed pa ma yin pa ma yin no/ /dus? mtshungs pa nyid sgrub pa'i phyir bshad pa/ shes pa'i rgyu skyed par byed pa'i yul te 'di ltar rgyu ma yin pa ni yul ma yin te/ ha cang thal bar 'gyur ba'i phyir zhes bshad zin to/ /de ni rang gi shes pa dang lhan cig 'byung bar te/ dus gcig par 'gal ba yin la/ gang gi phyir 'gal ba de'i phyir dus mtshungs pa ma yin no/ /gang gi phyir lhan cig pa yin pa la ni nus pa med pas khyab pa yin la/ des na 'gal ba khyab pa nyid kyis skyed par byed pa nyid du 'gal ba yin no/ /yang lhan cig tu yod pa la nus pa med pa ci'i phyir zhe na/ 'bras bu skyed pa'i snga rol du ni lhan cig tu yod pa'i skad cig ma med pa yin la/ med pa yang nus pa thams cad dang bral ba'i mtshan nyid nus pa med pa'i phyir 'bras bu skye ba la nye bar sbyor ba 'ga' yang med pas spar? skyed par byed pa ma yin no/ /nus pa yod pa'i dus na ste rgyu yongs su rdzogs pa na yang nye bar sbyor ba med pa nyid de/ 'bras bu bdag nyid thams cad rdzogs zin pa'i phyir ro/ /de'i don 'di yin te/ sngar ni nus bas nye bar sbyor ba med pa yin la/ nus pa yod pa'i dus na yang 'bras bu rdzogs zin pas phan 'dogs pa med pa'i phyir te/ rgyu des na skyed par byed pa nyid ni lhan cig pa nyid yin par 'gal lo/ /lag pa dang skyu ru ra gnyis bzhin yod pa nyid gzung ba dang 'dzin pa'i dngos po ma yin nam/ dus tha dad pa nyid la ni gzung ba'i dus su 'dzin pa med la/ 'dzin pa'i dus na yang gzung ba med pa'i phyir 'dzin par byed pa med pas dus tha dad pa ji ltar gzung na zhes bya ba ni khas blangs pa ston pa'o/ /rgyu nyid la gzung bar 'thad pa shes pas rig ste/ rigs pa'i rjes su 'brangs pas so/ /khyad par ji lta bu'i rgyu nyid la zhe na/ shes pa la rnam pa ni ste snang ba 'jog pa ni 'god pa ste/ de la nus pa ste mthu yod pa'o/ /don 'di yin te/ rang gi rnam pa can gyi shes pa skyed par nus pa'i rgyu nyid la gzung ba yin par brjod par bya ba yin gyi/ skam pa dang lcags sbram gnyis bzhin du gzung ba dang 'dzin pa'i dngos po ma yin no/ /skam pa la sogs pa dang lcags kyi sbram bu la sogs pa yang gzung ba dang 'dzin pa'i dngos po ni thams cad du rgyu dang 'bras bur gyur pa'i bye brag kho na las yin no/ /dbang po la sogs pa yod kyang sngon por snang ba mi skye la/ yul sngon po/ yod na ni skye ba'i phyir rnam pa ni yul gyi byas pa yin gyi/ mig la sogs pas byas pa ni ma yin no/ /des na rnam par 'jog par nus pa ni yul nyid yin par brjod pa yin no/ /tshig le'ur byas bas ma bzung ba'i don brjod pa'i phyir na bar skabs su sbyar ba'i tshigs su bcad pa yin no/ /de'i phyir de ltar mngon par 'dod pa'i rnam par shes pa'i yul bsgrugs shing gzhan gyis bkod pa'i skyon yang bsal nas/ 'dod pa ma yin pa'i yul bzlog pa'i phyir bshad pa/ yid kyi rnam par shes pa 'di tshad ma snga ma'i yul 'dzin pa yang ma yin no/ /'di skad brjod pa yin te/ tshad mar zhal gyis bzhes pa'i phyir slob dpon gyi phyogs kyi glang pos kyang yin gyi rnam par shes pa'i yul gzhan nyid yin par bzhed kyi/ 'dir rang gi yid kyis brtags pa ni ma yin no/ /tshad ma yin yang tshad ma snga ma'i yul can nyid ci'i phyir ma yin zhe na/ bshad pa/ shes pa gzhan gyis ma rtogs pa'i yul gang la yod pa de'i dngos po ni nyid de/ de'o phyir tshad ma snga mas gzung ba 'dzin pa ma yin no/ /gzhan du na gal te de gzung ba 'dzin pa yin na ni de'i tshe ha cang thal bar 'gyur ro/ /tshad ma ni 'di tsam mo zhes yongs su chad pa med pa ni ha cang thal pa'o/ /gang cung zad phyin ci ma log pa'i yul can gyi shes pa de thams cad tshad mar gyur pas dran pa 'am/ cig shos ngag 'gyur ro/ /gtan tshigs de'i phyir na ma rtogs pa'i yul can nyid yin no/ /gal te nges pa'i 'bras bu can gyi tshad mas nges par byas pa'i yul 'jug pa gang yin pa de ni dran pa yin la/ de ltar gyur pa yang tshad ma yin na ni ha cang thal bar 'gyur ba ma yin nam/ yid kyi rnam par shes pa ni mig gi rnam par shes pas ma nges pa'i yul la 'jug pas na de ni rtogs zin pa'i yul du na yin yang tshad ma yin te/ dran pas ha cang thal ba ni ma yin no zhe na/ bshad pa/ gang la dran pa bskyed pa'i nus pa 'bras bu bskyed pa dang rjes su 'thun pa mthong bas bskyed pa'i dran pa'i 'du byed ma nyams pa ma zhig pa yod pa de lta bur gyur pa ste gang gi phyir de lta bur gyur pa'i gzung ba'i dngos po 'dzin pa de ni dran pa las khyad par med pa de'i phyir ha cang thal ba yin no/ /bsam pa ni 'di yin te/ gal te yang tshad ma thams cad nges pa'i 'bras bu can yin pa de ltar na yang rnam par rtog pa med pa nges pa med pa'i bdag nyid kyang bzung ba'i dngos po la nges pa skyed par byed pa yin na ni tshad ma yin no/ /gang gi phyir de dang de las ldog pa'i dngos po de nyid ldog pa'i rgyu mtshan can gyi nges pa'i yul dus bya ba yin gyi gzhan ni ma yin la/ de yang bdag nyid thams cad mngon sum gyis bzung nas rang gi mthus nges pa'i yul nyid du byas pa de srid du de tshad ma yin no/ /de'i phyir de ltar nges par byed par nus pa'i mngon sum ni nges pa skyes pa'i sngon rol tu tshad ma nyid du gnas pa yin te/ gzhan du na sngar tshad ma ma yin pa'i phyis tshad mar ji ltar 'gyur/ de lta yin na yang gang la nges par byed nus pa'i dngos po 'dzin par byed pa'i mngon sum skyes pa la ni don de'i yul can nyid kyi dbang po'i shes pa 'am yid kyi shes pa yang rung ste/ dran pa las khyad par yod pa ma yin no/ /ji ltar nges pa dang ldan pa'i mngon sum skyes pa na nges pa nyid dran pa yin pa de bzhin du gzhan dag tu yang yin te/ 'on kyang nges pa'i yul la bran pa tha snyad du byas pa 'ba' zhig tu zad do/ /nges ba ma skyes kyang nges par nus pas rtogs pa'i don 'dzin pa ni sngar med pa'i khyad par byed pa med pas na dran pa nyid yin te/ mngon sum gyi stobs kyis bskyed pa'i nges pa bzhin no/ /gtan tshigs thigs pa las mngon sum gyi skad cig ma phyi ma rnams ni grub pa dang bde ba tha dad pa med pa'i phyir ro zhes bshad do/ /de ltar na yang yid ma bzung ba 'dzin pa yin yang dbang po las skyes pa'i skad cig ma phyi ma bzhin du rgyun gyis bsgrub? par bya ba'i don la tshad ma yin la rnal 'byor pa rnams kyi ni skad cig ma'i khyad par bsgrub par 'dod pa la tshad ma yin par rigs pa yin no/ /mthong ba'i 'du byed brjed pa la ni shes pa gzhan gang yin pa de nyid tshad ma yin pa nyid do/ /'khrul pa'i rgyu 'ga' zhig las nges par byed pa'i nus ba med pa yang tshad ma ma yin pa nyid do/ /chur 'khrul pa'i dus ni smig rgyu'i ngang gi mtshan nyid 'dzin pa'i shes pa bzhin du nges pa med pas 'jug pa'i yul 'jog par byed pa ma yin pa'i phyir ro/ /skyon gzhan dag kyang bstan pa'i phyir bshad pa/ bya ba rdzogs pa'i las gang yin pa de la khyad par du bsgrub pa'i phyir khyad par byed pa de lta ma yin pa'o/ /shing la rnam pa gnyis kyi dngos por grub kyang phyogs gzhan du rnam pa gnyis su gyur pa'i rgyu ste de ni bsgrub par byed pa nyid yin pas na khyad par du byed pa ma yin pa zhes bye brag tu byas te/ de lta bur gyur pa de sgrub par byed pa yin pa'o/ /yin no zhes bya ba ni don de lta bu yin no zhes dag gi don 'dzin pa yin no/ /yang gi sgra ni nyes pa gzhan srog pa ste/ zhes bya ba'i sgras bzung ba'i don 'das pa yin no zhes bya bas brjod pa'o/ /sgrub par byed pa'i tshul ni lugs te/ gang gis de sgrub byed du 'gyur bar bya ba sgrub bar byed pa'i dngos po'i bdag nyid do/ /de las 'das pa ni rgal ba ste/ spangs pa zhes bya ba'i don to/ /sgrub par byed pa yin na ji ltar cung zad mi byed pa yin la/ cung zad mi byed na yang ji ltar sgrub par byed pa yin/ de yang sgrub par byed pa yin na ni tshul las 'das pa yin no/ /gang gi phyir gang gis slar 'jug pa'i yul ston pa de nyid ni sgrub par byed pa yin la tshad ma'i sgra 'di yang sgrub par byed pa'i yul can yul yin te/ des na de lta bu yin par ma smras pa yin no/ /de ltar ha cang thal ba dang/ sgrub par byed pa'i dngos po nyid du mi 'thad pa'i phyir bzung ba 'dzin pa ni tshad ma ma yin no/ /de'i phyir 'ga' zhig tu tshad mar brjod pa gang yin pa de ni ma bzung ba'i yul can yin no zhes blta ba'o/ /sngar bzung ba'i dngos po 'dzin pa'i tshad ma ni srid pa yang ma yin no zhes bstan pa'i phyir bshad pa/ de ni rim gyis 'byung ba 'gal ba yin no/ /yang gi sgra ni gtan tshigs 'di'i phyir yang gzung ba 'dzin pa ma yin no/ /zhes mi srid pa gtan tshigs kyi dngos po nyid du sog pa yin no/ /don gcig po de rgyur gyur pa gang la yod pa de dag la de skad ces bya'o/ /gang gi phyir rang bzhin gang gis skad cig gnyis par blo byed pa'i ngo bo de nyid skad cig ma snga ma na yang yod pa'i phyir dang/ dngos po yang rang gi ngo bo kho nas byed pa yin pa'i phyir rang gi bsgrub par bya ba thams cad snga ma kho nar byed par 'gyur ro/ /'di snyam du lhan cig byed pa la ltos nas rim gyis 'bras bu byed pa'i phyir 'gal ba med do snyam na bshad pa/ gzhan dag gis khyad par te bogs dbyung bar byar med pa sgrub tu med pa gang yin pa de ni ltos par mi 'thad do// de'i phyir 'gal ba kho na'o/ /khyad par du byar med pa yang khyad par rang gi ngo bor 'gyur pa'i phyir dang/ rang gi ngo bo yang sngar nyid du grub zin pa'i phyir ro/ /'di snyam du rang gi ngo bo nyid du gyur pa'i khyad par ltos pa med pa kho na las 'bras bu rim dang ldan pa skye ba yin no snyam na/ bshad pa/ ltos pa med na yang rim gyis skye bar mi 'thad pa'i phyir 'gal ba kho na'o/ /yang zhes bya ba ni 'gal ba zhes bya ba'i bsgrub bya gcig la gtan tshigs sog pa'o/ /ci ste yang ltos pa dang bcas pa nyid kyis khyad par du bya ba nyid yin na de'i tshe tha dad pa nyid du thal ba yin no/ /zhes bshad pa ni khyad par du bya ba'i dngos po gang yin pa de nyid de/ de yin na ni gzhan nyid yin no/ /gang gi phyir ltos byar gyur pa'i lhan cig byed pas rang gi ngo bor gyur pa'i khyad par bsgrub par bya ba yin na ni yid kyi rnam par shes pa'i yul dngos po snga ma las tha dad par 'gyur ba'i phyir skabs kyi don yid kyi rnam par shes pa'i yul gcig pa nyid nyams pa yin no/ /gzhan yang skad cig ma nyid ma yin na rnam par shes pa snga mas gzung ba 'dzin par yang 'gyur ba zhig na/ dbang po'i shes pa'i yul gyi don rnams ni skad cig ma nyid kyis med pa ni dbang po'i rnam par shes pa'i rgyu can yid kyi rnam par shes pas 'dzin pa ma yin no/ / med pa nyid kyang 'das pa'i phyir te/ zhig pa'i phyir ro/ /'das pa yang skad cig ma nyid kyis so/ /de'i phyir de ltar med pas na dbang po'i shes pa'i yul skad cig ma ni dbang po'i shes pa'i 'bras bu yid kyi rnam par shes pas mi 'dzin la/ skad cig ma nyid ma yin na yang rim pa 'gal ba'i phyir ro zhes bsgrubs nas mjug sdud pa ni de'i phyir dbang po'i rnam par shes pa'i yul las don gzhan nyid yid kyis rtogs pa yin no/ /rkyen ni rgyu'o/ /de nyid ni khyad par te khyad par du byas te zhes bya bas so/ /des bskyed pas ni rgyu de'i phyir ro/ /'di skad brjod pa yin te/ gang gi phyir dbang po'i rnam par shes pa'i yul gyi don las ni rim gyis 'byung ba'i yid kyi rnam par shes pa skye ba ma yin te/ 'on kyang dmigs pa brjod pa'i rkyen gzhan las skye ba de'i phyir don gzhan rtogs pa yin no/ /de bzhin du gal te yid kyi rnam par shes pa mig la ltos pa ma yin na/ phyi rol gyi don 'dzin pa yin yang de'i gzugs 'dzin par so sor nges pa ci'i phyir zhes dogs pa la rkyen gyi khyad par gyis bskyed pa'i byar zhes gsungs so/ /mig gi rnam par shes pa yang ci'i phyir gzugs 'dzin par so sor nges pa yin zhes dris pa na/ rgyu'i khyad par nyid bstan par bya ba yin la de ni 'di la yang yod pa yin te/ gang gi phyir gzugs 'dzin pa'i mtshungs pa de ma thag pa'i rkyen las skyes pa de'i phyir gzugs 'dzin par so sor des pa yin no/ /de nyid kyi phyir rgyu de lta bur gyur pa ma yin pa yid gang yin pa de ni gzugs 'dzin pa ma yin no zhes bya bar grub pa/ /gnyis pa 'di ni rkyen gyis khyad par gyi bskyed pa'i phyir zhes bya ba 'di nyid kyis brjod pa yin no/ /gal te 'o na dbang po'i rnam par shes pa dang de'i yul gyi de ma thag pa'i yul las yid kyi mngon sum skye ba yin la/ rgyu nye ba'i phyir dbang po'i rnam par shes pa 'jug pa na yang dbang po'i skad cig ma dang po'i 'og tu yid kyi mngon sum skye ba yin no zhes kha cig 'dzer to/ /de la 'di skad ces mig gi dbang po'i yul gyi don la 'jug pa na skyes pa'i rnam par shes pa gang yin pa de mig las byung ba ma yin na/ 'o na mig las byung ba gzhan ci 'dra ba zhig yin zhes dri bar bya'o/ /don de la rnam par shes pa skyed par rung ba'i dbang po yang ci'i phyir rgyud gcig po de nyid kyis skad cig gcig la don de 'dzin pa'i rnam par shes pa kha cig gi skyed pa'i rgyu yin pa kha cig gi ni rgyu ma yin khyad par med pas gnyi ga'i rgyu 'am gzhan du khyad par med par 'gyur ro/ /de'i phyir yid kyi mngon sum ni mig gi bya ba med pa las gzhan du mi 'gyur ro zhes bya bar gnas so/ /yid kyi mngon sum bshad nas rang rig pa'i mngon sum bshad par bzhed pa'i phyir bde ba la sogs pa zhes gsungs te/ bde ba la sogs pa sdug bsngal la sogs pa gang yin pa de dag go /rang bdag nyid 'dis rig par byed pa'i phyir rig pa ste/ rig par rung pa nyid brjod pa yin te/ de ni mngon sum yin no/ /'di nyid rnam par 'grel pa bshad pa ni bde ba la sogs pa rnams kyang zhes rim pa gzhin du sbyar ro/ /kyang gi sgra ni sngar bshad pa yang mngon sum yin la bde ba la sogs pa'i rang bzhin gang zhig bdag nyid yang dag par rig par rung ba gang yin pa de yang mngon sum gyi tshad ma yin no zhes bya'o/ /bdag nyid ni gzhal bya yin la de yongs su gcod par rung ba'i 'dzin par byed pa nyid ni mngon sum gyi tshad ma yin no/ /sems dang sems las byung ba thams cad rang rig pa'i mngon sum ma yin nam/ de ci'i phyir bde ba la sogs pa nyid nye bar blangs she na/ bshad pa/ bde ba la sogs pa smos pa ni gsal ba'ang yin la nyams su myong ba'ang yin pa de bstan pa ste/ bsgrubs pa de nyid kyi don gang la yod pa'o/ /gang gi phyir rtsod pa med pa'i gsal ba nyams su myong ba bstan na de'i rjes su 'brangs nas gzhan la yang nyams su myong ba nyid du khong du chud do/ bde ba la sogs pa yang dag par rig pa ni gsal ba nyid do zhes bya ba de lta bu'i slob dpon phyogs kyi gling pa'i gzhung yang bshad pa yin par blta bar bya'o/ /yang ci'i phyir 'di rab tu bstan pa tsam yin gyi/ 'di yul yongs su rdzogs par bzung bzung ba ma yin zhe na/ bshad pa/ gang gi phyir bshad pa thams cad kyi bdag nyid rig pa gang yin pa de ni mngon sum yin pa'i phyir ro/ /yang de ji ltar mngon sum yin zhe na/ bde pa la sogs pa zhes gsungs te/ gang gi phyir bde pa la sogs pa rnams kyi bdag nyid rig pa ste rig par rung ba'i rang bzhin la rnam par rtog pa ste rnam par rtog pa ni sgra dang bsres nas 'dzin pa ste/ de srid pa ma yin no/ /'di ltar ? gi rang bzhin 'dzin pa ni dngos su yin te/ bdag nyid ni bdag nyid rig pa'i lkog tu gyur pa ma yin pa'i phyir ro/ /bdag nyid rig par byed pa ni bdag nyid la 'khrul pa dang rtog pa med pa yang yin no/ /rtog pa med pa nyid ci'i phyir zhe na/ bshad pa gang gi phyir bde ba la sogs pa'i bdag nyid gang la brda nus pa ma yin pa de'i phyir de la rtog pa yin no/ /brda mi nus pa ci'i phyir zhe na/ phyir zhes bya ba ni gang gi phyir de dag gi bdag nyid gzhan la brten pa ma yin pa'i phyir brda nus pa ma yin no/ /'di ltar gang zhig rang rig pas gzung ba skad cig ma'i bdag nyid de dag ni thun mong ma yin pa yin la/ sgra dgod pa yang yul du byas pa la brjod par bya ba la brjod par gzo ba sngon du 'gro ba can yin na skad cig ma gcig la ni rim pa dang ldan pa yul du byed pa dang/ brjod par gzo ba dang/ 'god pa rnams mi srid do/ /de'i phyir ma skyes pa nyid yul du byas te brjod par gzo ba sngon du 'gro ba can gyi sgra bkod pa byas nas skyes pa na/ sgra'i khyad par can du 'dzin pa yin grang na/ tshul 'di yang mi srid do/ /gang gi phyir rig pa de nyid kyis bdag nyid la sgra bkod pa 'am shes pa gzhan gyis yin/ rig pa nyid kyis yin na yang sgra 'god pa na skyes pa 'am ma skyes pa la yin/ re shig ma skyes pa la bkod par mi nus te/ gang gi phyir ma skyes pa ni ma byung ba yin no/ /ma skyes kyang spyi yul du byed pa'i phyir so sor nges pa zhes khyad par brjod do/ /bde ba las sogs pa'i bdag nyid ni yul du byed pa ma yin te/ yul can rang rig pas so/ /'dir dngos po sgrub pa'i rig pa'i sgras ni rig par rung ba'i bdag nyid tshad mar gyur pa bzung gi 'bras bu'i rang bzhin ni ma yin te/ de la tshad ma byed pa med pa'i phyir ro/ /ci'i phyir yul mi byed ce na/ bshad pa bdag rig pa ni bde ba la sogs pa de'i bdag nyid kyi rang bzhin gang yin pa de'i dngos po ni de nyid de de'i phyir ro/ /gang gi phyir rang rig pa 'di ni bde ba la sogs pa'i bdag nyid rang gi ngo bo yin pas de ma grub na/ de yang ma grub pa de'i phyir bde ba la sogs pa'i bdag nyid ma skyes pa na yul dang yul can gnyi ga med pa'i phyir gang zhig gang gis yul du byed/ yul du ma byas na yang brjod pa bzo ba dang sgra bkod pa med do/ /des na 'di ltar brda nges par sbyor ba ni sgra'i brjod byar 'dzin pa yin la yul du byed pa ni 'dzin pa tsam yin no/ /'dzin pa'i khyad par yang 'dzin pa'i spyis khyab pa yin te/ des na gang zhig gang gis yul du ma byas pa de ni des sgra 'ga' zhig gi brjod byar byed pa ma yin te/ dper na ba lang gi shes pas rta bzhin no/ /nges pa'i bdag nyid ma skyes pa yang rang rig pas yul du byas pa ma yin no zhes bya ba ni khyab par byed pa mi dmigs pa'o/ /'di snyam du 'o na ni yul du byas pa'i phyir na bde ba la sogs pa'i bdag nyid skyes pa la sgra 'god par 'gyur ro snyam na bshad pa/ bde ba la sogs pa skyes pa'i bdag nyid yul du byas pa 'di dag la/ rig pa 'di rjod par byed pa ste/ smra bar byed pa'i sgra dang sbyor ba ste/ 'god pa ni ma yin no/ /bsam pa 'di yin te gal te skyes pa'i bde ba la sogs pa'i bdag nyid rig pas yul du byas pa de lta na yang rjod par byed pa dang sbyar bar ni mi nus so zhes bya'o/ /gtan tshigs bshad pa/ bdag nyid la de ltar te rnam pa des 'jug pa ni sbyar ba ste/ rjod par byed pa dang sre ba'i rnam pa can gyi byed pa'o/ /de 'gal pa'i phyir ro/ /gang gi phyir sgra sbyor bar byed pa las tha dad par gzung ba'i char gnas par snang ba la nus pa yin te/ gang zhig bya bar 'dod pa de ni 'dod pa'i rang bzhin grub pa las bya ba tha dad pa nyid du mthong na rtsom par byed pa yin gyi/ 'dod pa'i rang bzhin nyid la ni ma yin no/ /de'i phyir 'ga' zhig brjod par bya ba nyid dam rnam pa gzhan nyid du nges par ston pa la ni/ nges par ston pa bo las tha dad par snang ba nyid kyis khyab pa yin no/ /gzung ba'i char gnas pa bdag nyid ni rang rig pa las tha dad pa'i gzung bar bya ba nyid du mi snang ngo/ /de'i phyir brjod par bya ba nyid du dgod pa'i khyab par byed pa tha dad par snang ba dang 'gal ba tha dad pa med par snang ba ni bdag la yod pa nyid do/ /gang gi tshe yang bdag ni 'di lta bu'o zhes bdag la so sor rtog pa de'i tshe/ so sor rtog par byed pa 'dzin pa po las bdag tha dad par gzung bar bya ba nyid du snang ba na so sor rtog par byed pa yin no/ /gzhan yang brda byed pa ni 'di ni du ma pa'o zhes gzung bar bya ba'i char gnas pa'i sgra dang tha mi dad par bya ba yin na/ shes pa'i bdag nyid ni gang sgra dang tha dad pa med par bya ba gzung bar bya ba'i char gnas par snang ba ma yin no/ /de nyid kyi phyir bdag ni rnam par rtog pa'i shes pa la snang ba'i sgra dang 'dres par snang ba ma yin pa'i phyir rnam par rtog pa'i shes pa dag la rnam par mi rtog pa kho na'o/ /de'i phyir de ltar gal te nges par sbyor ba po las tha dad pa snang ba las nges par sbyor ram/ ci ste yang gzung bar bya ba'i char gnas pa'i sgra dang gcig tu byed pa sgra nges par sbyor ba yin yang bla ste/ nges par sbyor ba la ni thams cad du gzung bar bya ba nyid du snang bas khyab pa yin no/ /de'i phyir gang zhig gang la gzung ba'i cha nyid du snang ba ma yin pa de ni nges sgra dang sbyar nas 'dzin pa ma yin te/ dper na ba lang gi shes pa la rta bzhin no/ /de bzhin du rang gi bdag nyid kyang rig pa la gzung bar bya ba nyid du snang ba ma yin no zhes bya ba ni khyab par byed pa mi dmigs pa'o/ /de'i phyir tha dad pa med par snang ba de'i bdag nyid la de ltar gzung bar bya ba'i cha nyid du brten nas 'jug pa ni 'gal ba yin no/ /gzhan yang brda gang la bzung ba dang 'dzin pa med pa de ni gzung ba dang 'dzin pa med pa ste de med pa'i phyir ro/ /yang zhes bya ba ni 'di dag la 'di zhes bya ba las sogs pa'i sgrub par bya ba la gtan tshigs gzhan 'di sog pa'o/ /rig pa bdag nyid la brda sbyor na ni gzung ba dang 'dzin pa med pa'i brdar 'gyur ro/ /ci'i phyir zhe na/ bde ba las sogs pa de'i bdag nyid kyi rang bzhin de ni sngon ma mthong ste ma dmigs pa'i phyir ro/ /gal te rig pa yod pa la ba sngon rol tu de'i rang bzhin mthong ba yin na ni de'i tshe brjod par bzo ba dang sgra dgod pa sngon nyid byas par 'gyur na ma mthong na ni thams cad byas par mi 'gyur ro/ /'di snyam du 'o na gang gi tshe de'i rang bzhin mthong ba de'i tshe byed do snyam na bshad pa/ rjod pa ni smra bar byed pa'i sgra'o/ /bzo ba ni mngon du phyogs pa'o/ /de ltar gyur pa na brda dang 'brel par bya ba'i yul 'gags pa'i phyir dang/ de dang tha dad pa med pas te khyad par med pa'i gtan tshigs kyis rig pa yang 'gags pa ste log pa'i phyir ro/ /don 'di yin te/ gang gi tshe de'i rang bzhin mthong ba de nyid kyi tshe dus mnyam du brda grub ma ni ma yin gyi/ 'on kyang mthong ba las rjod par byed pa'i sgra bzo la phyis brda byed pa yin no/ /de la ji srid yul mthong ba la brda bzo zhing byed par 'dod pa de srid du yul ldog ste/ skad cig ma yin pa'i phyir ro/ /de dang tha dad pa med pas yul can rig pa yang ldog pa yin no/ /des na brda'i dus na yul dang yul can dag med pa'i phyir gzung ba dang 'dzin pa med pa'i brdar thal lo/ /'di'i don ni 'di yin te/ gzung ba dang 'dzin pa gang dag sgra gang 'god pa'i dus na zhig pa gang yin pa de dag gis ni brda byed pa ma yin te/ dper na ba lang gi sgra 'god pa'i dus las sngar 'gags nas yun ring du lon pa'i ba lang dang lha byin dag bzhin no/ /bde ba la sogs pa'i rang bzhin dang rig pa dag kyang mthong ba'i bde ba la sogs pa'i sgra 'god pa'i dus na zhig pa yin no/ /rang gi ngo bo mthong ba'i yod na ni sgra bzo ba yin la/ de yod na yang sgra 'god pa yin na rang gi ngo bo dang rig pa dag ni mthong ma thag pa nyid du zhig pa'i phyir phyis brda'i dus na med pa yin no/ /brda ni sgra'i khyad par can du 'dzin pa yin la de yang gzung ba dang 'dzin pa yod pa dag gis khyab pa'i phyir khyab par byed pa med pa yin no/ /'di snyam du zhig pa'i rang rig pas brda nges par sbyor ba ma yin du zin kyang sgra bzo ba'i 'og rol gyi dus su byung ba'i shes pa gzhan gyi yul tu byas pa la brda byed pa yin no snyam na/ gzhan gyis kyang zhes gsungs te/ sgra bzo ba'i dus nyid na zhig pa'i don gang yin pa de sgra bzo ba'i 'og tu byung ba'i shes pas rig pa ji ltar 'gyur/ rig pa ma yin pa'i phyir yul du byas pa 'di dag ni gzhan gyis kyang rjod par byed pa dang sbyor ba ma yin no/ /yang na 'di ni don gzhan yin te/ 'di snyam du rig pas ni sgra 'god pa ma yin gyi 'on kyang shes pa gzhan gyis so zhes dogs pa la/ gzhan gyis kyang zhes gsungs so/ /'di skad brjod pa yin te/ re shig dus mnyam par 'byung pa gzhan gyis ni yul du byed pa ma yin te/ dus gcig pa dag la phan par byed pa dang phan par bya ba med pa'i phyir ro/ /dus tha dad pa nyid yin na yang shes pa gzhan gyi dus na bde ba la sogs pa'i bdag nyid log pa'i phyir rig pa ma yin no/ /rnam pa dang bcas pa'i phyogs la ni shes pa 'ba' zhig kho na nyid rig par bya ba yin gyi don ni ma yin pa'i phyir ro/ /de'i phyir shes pa gzhan gyis kyang sngar zhig pa'i rang bzhin de ni yul du byed pa ma yin gyi/ 'on kyang bdag gi rang bzhin nyid yin no/ /rig par bya ba rang gi rnam pa yod pa la shes pas sgra 'god na yang bde ba la sogs pa'i bdag nyid rig par bya ba ma yin pa med pa la ni ma yin no/ /shes pa'i rnam pa la de'i rang bzhin du zhen pa'i phyir dmigs pa de la yang tha snyad du sgra 'god par 'dod par 'gyur gyi/ don dam par bkod pa ni ma yin no/ /de'i phyir 'das pa'i bde ba la sogs pa la dmigs pa nyid kyis shes pa sgra dang 'dres par snang ba ni rnam par rtog pa dang bcas par 'dod par 'gyur pa yin te/ rnam par rtog pa can gyi rgyu mtshan ni sgra dang 'dres pa 'dzin pa yin pa nyid kyi phyir ro/ /rang rig pa ni sgra dang ma 'dres pa'i don rig pa'i phyir rnam par rtog pa med pa nyid yin no/ /brda mi nus pa 'di nyid ni rang rig ba rtog pa med par sgrub pa nyid kyi don du bkod pa yin te/ brda mi nus pa'i rnam pa 'dis kyang dang rig pa rnam par rtog pa med par bsgrubs pa yin no/ /de'i phyir zhig nas ring du yon pa'am shes pa'i dus na yod pa yang rung ste bde ba la sogs pa'i rang bzhin rang rig pa'i yul sgra dgod par rung ba ni shes pa gzhan gyis rig pa ma yin no zhes bya ba'i don 'dir bzhed pa yin gyi / bde ba la sogs pa la dmigs pa'i shes pa med pa'i phyir ro zhes bya ba'i don 'di ni ma yin te de ltar gyur na ni 'das pa'i rang bzhin zhes smras pa don med par 'gyur ro/ /gzhan gyis kyang rig pa ma yin pa'i phyir ro zhes bya ba 'di tsam zhig brjod par bya ba yin no/ /de'i phyir brjod pa dang sbyor bar nus pa ma yin no/ /de'i phyir de ltar rang rig pa 'am shes pa gzhan gyis bde ba la sogs pa'i bdag nyid so sor nges pa la sgra dgod pa ma yin no/ /de bzhin du dgos pa med pa'i phyir yang de la sgra 'god pa yin no/ /zhes 'chad pa ni yang 'byung ba ma yin pa rjes su 'jug pa ma yin pa thun mong ma yin pa la brda ste/ sgra nges par sbyor ba don med pa ste/ dgos pa med pa'i phyir ro/ /yang zhes bya ba 'di ni rang rig pa la brjod pa srid pa ma yin pa zhes bya ba 'di nyid la gtan tshigs bsag pa'o/ /tshig le'ur byas pa las ni brjod pa med pa bsgrub par bya ba brdar mi nus pa gtan tshigs su bkod pa yin la/ gzhan 'di yang 'brel pa las brjod pa yin no/ /brda mi nus pa nyid bsgrubs nas rnam par rtog pa med pa nyid dkyus ma mjug bsdu ba'i phyir bshad pa/ de'i phyir te brda bya bar mi nus pa'i gtan tshigs kyi phyir bde ba la sogs pa de dag gi bdag rig pa rig par byed pa nyid na'o/ /rjod pa ni smra bar byed pa'i sgra yin gyi/ bstan bcos gzhan las grags pa ni ma yin te/ ji skad du/ don dang lhan cig tu byas pa'i sgra ni rjod pa'o zhes bshad pa yin no/ /de dang rjes su 'brel ba'i snang ba'o/ /de gang la yod pa ni can te rig pa ni de lta bur gyur pa ma yin no/ /de nyid rnam par 'grel pa bshad pa la/ brdar mi nus pa'i phyir na zhes bya ba ni de'i phyir gyi sgra'i 'brel pa'o/ /des na sbyor ba ni gang zhig smra ba gang gis brjod par bya ba brda nges par ma sbyar ba des khyad par can du gzung bar byas pa ma yin te/ dper na ba lang gi sgras rta bzhin no/ /bde ba la sogs pa'i bdag nyid kyang sgra thams cad kyis brjod par bya ba nyid du brda nges par ma sbyar ba yin no zhes bya ba ni khyab par byed pa med pa'o/ /'di ltar brda'i rjes su 'gro ba dang ldog pa'i rjes su byed pa'i phyir sgra'i khyad par can du 'dzin pa ni dang gi ngo bo nyid ma yin te/ de'i phyir brda 'dzin pas khyab pa yin pa'i phyir 'brel pa grub bo zhes lan mang du gtan la phab zin to/ /gang dang gang la brjod pa dang ma 'brel pa de la 'di skad ces bya'o/ /rig pa can rnams na re 'dis rig par byed pa'i phyir rig pa'i rang bzhin gang la yod pa de dag ste/ de ltar gyur pa ma yin pa'o zhes zer ba'o/ /'di skad du gzhan rig par byed pa yin na ni shugs kyis bdag nyid rig par 'gyur ba yin na/ 'di dag ni rig pa'i rang bzhin ma yin no zhes brjod pa yin no/ /'o na sim pa la sogs pa rig par 'gyur ba ji ltar zhe na/ smras pa/ shes pa gzhan gyis rig par bya ba yin no/ /des na bum pa la sogs pa ltar gzung ba ni yin gyi 'dzin pa ni ma yin no/ /de dag bum pa la sogs pa bzhin du phyi rol gyi rang bzhin nyid du snang bar thal lo zhe na/ de ni mi rigs te/ gang gi phyir bde ba la sogs pa dang shes pa bdag nyid gcig la 'du ba yin pa des na tha dad pa med par snang ba'i phyir ro/ /'di nyid bstan pa'i phyir shes pa khyad par du byed de/ gcig kyang de yin la don kyang yin pa der 'brel pa'i ngang tshul gang yin pa ste shes pa des so/ /de dag gi zhes bya ba ni rnam par 'jog pa po nyid kyi 'brel pa can nyid do/ /gang gi phyir de dag gis dngos po de dag rnam par bzhag pas na rang gi bdag nyid dang rnam par 'brel pa byed pa yin te/ des na de dang de ma yin pa'i rang bzhin can gyi dngos po ni de dag gi yin no zhes 'brel pa can gyi dngos po la ltos nas 'brel pa can nyid ston pa yin no/ /de zhes bya ba ni sa lu'i myu gu'o/ /de min zhes bya ba ni nas kyi myu gu'o/ /de dang de min bdag gis rang bzhin sa lu'i myu gu dang nas kyi myu gu dag ste/ de gang dag la yod pa de dag ni de dang de min rang bzhin can no/ /sa lu'i myu gu gcig dang rang bzhin 'dra ba'i sa lu'i myu gu gzhan brjod pa yin no/ /de bzhin du sa lu'i myu gu gcig dang rang bzhin mi 'dra ba'i nas kyi myu gu gzhan ni de min rang bzhin can du brjod pa yin no/ /sa lu'i myu gu gcig las tha dad par mtshungs pa las sa lu'i myu gu ni rang bzhin dang bcas pa yin la nas kyi myu gu ni rang bzhin med pa yin no/ /de dang de ma yin pa ni de de min no/ /de dag gi rang bzhin gang yin pa de dag ni de de min dngos te/ sa lu'i myu gu dang nas kyi myu gu la sogs pa gang yin pa'o/ /de dag gi rgyu ni sa lu'i dang nas kyi sa bon la sogs pa gang yin pa'o/ /de dag las skyes pa ni dong min dngos rgyu las skyes so/ /de'i rang bzhin gcig go rgyu gang yin pa de dang 'dra ba las skyes pa ni de'i rgyu las skyes pa yin te/ de bzhin du de'i rang bzhin ma yin pa la yang sbyar bar bya'o/ /de la don ni gang gi phyir de dag gi dngos po yang de dang de ma yin pa'i rang bzhin ni rgyu las skyes par 'gyur ba des na de dang de ma yin pa'i rang bzhin du 'dod pa yin no zhes bya ba 'di yin no/ /des shes bya ba ni gang gi phyir de'i phyir ro/ /bde sogs ci'i phyir te rgyu cis shes ma yin te/ blo'i rang bzhin ma yin/ gang gi phyir rnam par shes pa las tha dad pa med pa'i rgyus bskyed pa gang yin pa de ni blo'i rang bzhin du rigs te/ dper na de dag gi dngos po rnam pa bzhag pa bzhin no zhes dgongs pa'o/ /tshig le'ur byas pa'i don nyid rnam par 'grel pa bshad pa/ /de dag kyang zhes bya ba ni rig pa can dag go /de dang de ma yin pa ni de dang de ma yin pa dag ste/ sa lu'i myu gu dang nas kyi myu gu dag go /de dag nyid kyi 'am rang gi ngo bo de dag nyid ga la yod pa rnams kyi'o/ /de rang bzhin de de yod pas na de'i rang bzhin can no/ /de bzhin du de ma yin pa'i rang bzhin can yang ngo/ /dngos po rnams kyi de'i rang bzhin can dang de'i rang bzhin can ma yin pa can de la brgal zhing brtags pa na ste brtsad cing dris na'o/ /rgyu'i rang bzhin ni ngo bo nyid de 'bras bu nges par skyed par rung ba'i mtshan nyid la brten te/ 'bras bu nges par bskyed pa'i rgyu nyid du nye bar rten to/ /yang ji ltar rten ce na/ ngag gi don gyi bdag nyid rten pa'i rnam pa bstan pa'i phyir bshad pa/ de'i rang bzhin gang yin pa de'i rgyu de las skyes pa ni de nyid kyi 'am rang bzhin de nyid gang yin pa de dag ni de'i rang bzhin no/ /de bzhin du de'i rang bzhin ma yin pa'i rgyu las skyes pa ni de'i rang bzhin pa zhes bya ba 'di la yang sbyar bar bya'o zhes bya ba lta bu zhes bya ba'i sgra ni 'dir yang sbyar te des na don gyi 'di yin te zhes bya ba de ltar sbyar rgyu las 'bras bu'i rang gi ngo bo nges par smra ba yin no/ /de ltar rgyu'i rang bzhin la brten pa spyi'i rnam pas brjod nas khyad par du bstan pa'i phyir dper na zhes gsungs so/ /'dis ni spyir brjod pa'i don gyi yul nye bar bstan pa yin te/ spyir brjod pa'i don lta bur ji ltar blta bar bya zhes 'dri ba'i skabs su dper na zhes nye bar blangs pa yin te/ don 'di la 'di lta bu ni de yin no zhes bya ba'o/ /sa lu'i sa bon la sogs pa gang yin pa de dag las so/ /de las skyes pa gang dag yin pa de dag ni des bskyed pa ste sa lu'i sa bon la sogs pas bskyed pa'i rang bzhin no/ /sa lu'i sa bon las sogs pa dag las gzhan du gyur pa gang yin pa de dag las ni gzhan te/ rang bzhin mi 'dra ba skye ba yin no/ /dper na'i sgra ni ji ltar 'dir bstan pa de bzhin thams cad du blta bar bya'o zhes nye bar ston par byed pa'i don to/ /lta bu'i sgra ni de ltar gyi don to/ /spyir brjod pa ni de ltar mthong ba'i khyad par pha rol la ston pa'o/ /de ltar de'i phyir de dag rgyu'i rang bzhin la brten pa yin no/ /yang ji ltar na rgyu'i rang bzhin la brten nas 'bras bu rnam par 'jog ce na/ glo bur ba zhes bya ba la sogs pa smos so/ /gal te 'bras bu'i dbye ba rgyu'i rang bzhin gyis byas par ma gyur na ni tshe glo bur 'byung ba ni/ glo bur ba ste/ glo bur gyi sgra'i tshig phrad ni rgyu mtshan med par 'byung ba'i don te/ rgyu med pa'o/ /de'i dngos po ni de nyid de/ der thal bar 'gyur ro/ /dngos po de dang gzhan las kyang skye ba yin na rgyu nges pa med pa can du 'gyur gyi rgyu med pa can du ni mi 'gyur ba ma yin nam/ des na rgyu'i dbye ba las 'bras bu'i dbye ba khas mi len na rgyu med pa nyid du thal bar 'gyur zhes ci'i phyir brjod ce na/ smras pa/ rgyu nges pa can med pa can nyid ni rgyu med pa nyid yin te/ 'di ltar gang zhig gang med par 'byung ba de ni de'i rgyu can ma yin te/ dper na du chu'i rgyu can ma yin pa bzhin no/ /de bzhin du du ba me dang dngos po gzhan de med kyang 'byung ba'i phyir rgyu med pa can nyid do/ /gzhan yang tha dad pa dang tha dad pa med pa las ldog pa'i dngos po'i rang bzhin ngo bo ni cung zad kyang med pa'i phyir de dag rgyu med pa can nyid yin na sna tshogs rgyu med pa can nyid du 'gyur ba des na rgyu med pa nyid du thal bar 'gyur te/ de ltar gyur na yang yul dang dus dang rang bzhin dang de dag rnams kyi nges pa de med par 'gyur ba de'i phyir na rgyu'i rang bzhin la brten par bya'o zhes 'brel to/ /gang gi phyir dngos po rgyu med pa can nyid yin na ni yul dang dus la ltos par yang mi 'gyur te/ rgyu'i rang bzhin ni ltos par bya ba nyid yin pa'i phyir ro/ /gal te mngon par 'dod pa'i yul dang dus dag spangs nas gzhan dag tu yang 'dug pa yin no de lta na ni der nges pa med pas de la mi ltos par 'gyur ba yin na/ da lta ni yul dang dus gzhan spangs nas mngon par 'dod pa'i yul dang dus su nges pas de la ltos pa dang bcas pa'i yin la de la ltos pa dang bcas pa nyid kyang de'i rgyu can nyid yin no/ /kha cig gal te dngos po rgyu med pa yin na de'i tshe chu me'i rang bzhin ni sa me chu'i rang bzhin du ci'i phyir mi 'gyur zhes rang bzhin du kha med par ston par byed pa de ni rigs pa ma yin te/ de ltar gyur na ni chu'i rang bzhin gyi me ni chu nyid yin par 'gyur ro/ /des na brgal zhing brtag pa'i don ni me'i phyogs su chu nyid skye bar ci'i phyir mi 'gyur zhes bya bar 'dir 'gyur la/ don 'di yang yul des pa nyid kyis rtogs pa yin no/ /gal te gcig nyid sna tshogs su ci'i phyir mi 'gyur zhes bya ba'i don 'di yin na yang 'dri ba 'di yang du ma'i dngos po rgyu med par smra ba la mi 'thad de/ gang gi phyir de 'di skad du du ma nyid ni rgyu med pa yin gyi/ gcig ni ma yin no zhes smra ba de la brgal zhing brtag pa 'di ji skad ces bya ba yin des na 'dir don 'di yin te/ tha snyad du bya ba'i dngos po kha dog dang dbyibs kyi khyad par can nyid tshogs pa gzhan la gnas pa'i yon tan dang 'brel par 'gyur te/ dper na khab long dang a ru ba la sogs pa r nams lcags len pa dang 'khru bar byed nus pa de bzhin du bum pa la sogs pa rnams kyang ci'i phyir mi 'gyur yang dper na mig gi shes pas gzugs shes par bya ba de bzhin du sgra 'dzin pa'i rna ba'i shes pas kyang gzung bar 'gyur la/ de bzhin du sgra yang rang gi rang bzhin du rnam par gnas pa'i mig gi shes pas gzung bar 'gyur te/ de lta na rtsam bar shes pa rnams kyi yul so sor nges par 'dzin pa yang 'thad par mi 'gyur ba nyid do/ /de bzhin du lhan cig spyod pa'i rdzas? gzhan dang 'brel pa nges pa yang mi 'thad de/ ji ltar tsan dan du mngon par 'dod pa'i kha dog dang dbyibs nyid dro ba'i reg pa dang lhan cig rgyu bar 'gyur la me yang grang ba dang/ 'o thug ro med pa dang/ chu mngar ba dang/ rjes su 'brel par 'gyur ro zhes de ltar rang bzhin des pa rnam pa gsum 'thad par mi 'gyur ro/ /de'i phyir gzhan gyis kyang 'bras bu'i rab tu dbye ba 'di rgyu'i rang kho nas byas par khas blang dgos so/ /tshigs su bcad ba phyed gong ma bshad nas phyed 'og ma bshad par bzhed pas bde ba la sogs pa dang shes pa rgyu tha mi dad par skyar ba'i phyir de la zhes bya ba la sogs pa gsungs so/ /'di la yang rgyu tha dad pa'i rgyu ni nye bar len pa'i rgyu yin te/ des na blo dang blo ma yin pa'i rgyus rnam par gnas pa'i rgyu nye bar len pa'i rgyu nyid tha mi dad par bstan par bya ba yin mod kyi/ 'on kyang bde ba la sogs pa dang shes pa'i nye bar len pa gcig nyid la dang por rtsod pa de nas 'chad par 'gyur ro/ khyad par med par rgyu mtshungs par bsgrubs pa'i shugs nyid kyis nye bar len pa tha dad pa med par bstan pa byas par 'gyur ro snyam du bsams nas/ tshogs pa nyid tha mi dad par ston pa yin no/ /bde ba la sogs pa gang yul med par ni skye ba gang yin pa de dag ste/ yul med na mi 'byung ba zhes bya ba'i don to/ /yid kyi bde ba la sogs pa yul med kyang skye ba nyid ma yin nam zhes dogs pa la/ bdag nyid ji lta ba'i zhes bya bas khyad par can gyi bde ba la sogs pa nyid ldog pa'i sgo nas 'bras bu nyid ston par byed do/ /gang zhig gang gi bdag nyid yin pa ni bdag nyid ji lta bu'o/ /'di skad brjod pa yin te/ khyad par can gyi gzugs la sogs pa la so sor nges pa'i bde ba la sogs ba rnams kyi yul de dang de dag ni/ rgyur gyur pa'i bdag yin te/ dper na pi wang gi sgra thos pa las byung ba'i yul ni pi wang gi sgra yin pa bzhin no/ /de la bdag nyid ji lta ba'i yul dang rjes su 'brel pa'i bde ba la sogs pa gang yin pa rnams bdag nyid kyi yul de tshogs pa med pa ste/ rung ba'i yul du mi gnas na mi 'byung ba'i phyir ro/ /de'i phyir de ltar khyad par can gyi yul can du rab tu grub pa'i bde ba la sogs pa rnams ldog pa'i sgo nas de'i 'bras bu nyid du bstan pa yin no/ /gang la dbang po yod pa ma yin pa de dag ste/ de lta bur gyur pa la yang 'byung ba ma yin no/ /yang zhes bya ba ni bsag pa'o/ /gzugs la sogs pa la 'bras bu'i dngos por rjes su 'brel ba rjes su 'jug pa de gang dag la yod pa de dag la de skad ces bya'o/ /de rnams ni bde ba la sogs pa'i rgyu gzugs la sogs pa de'i yul can gyi dbang po gang yin pa dag ste/ de yang yin la dbang po yang yin pa dag ste/ de dag dang bral ba ste med de la zhes med pa'i phyir ro/ /'di ni dbang po med pa nyid la 'gog pa'i gtan tshigs so/ /dbang po yang de yin la nyams pa med pa yang yin pa de/ nye bar gnas pa na yod pa dang mngon du phyogs pa ste/ mngon du phyogs par ma gyur na ni lta bar 'dod kyang mig gis gzugs mi mthong ba'i phyir ro/ /des na mngon du phyogs pa yang nye bar gyur pa yin no/ /de ltar gyur pa na sngar dbang po med pa na ma mthong ba las yang ste phyis mthong ba'i phyir ro/ /des na gtan tshigs 'di gnyis kyis ni gzugs la sogs pa la brten pa'i bde ba la sogs pa mig gi rjes su 'gro ldog gi rjes su byed par bstan to/ /rjes su 'gro ba'i tshig 'di ni snga ma dang phyi ma'i rgyu nyid ston par yang sbyar bar bya ste/ ldog pa tsam nyid bstan pa'i phyir ro/ /yang na ma mthong ba'i mig gi rang bzhin de'i shes pa gzhan du mi 'thad pas rnam par 'jog pa yin gyi bde ba la sogs pa rnams de med na mi 'byung par go ji ltar zhes dogs pa la/ rjes su 'gro ba brjod pa yin te/ 'di ltar dper na yul dang yid la byed pa dag las tha dad pa'i mig shes pa'i rgyu nyid du rnam par bzhag pa de bzhin du bde ba la sogs pa'i rgyur yang gzhag par nus pa yin te/ gang gi phyir bde ba la sogs pa rnams de yod na yod pa dang/ med na med pa de'i phyir de dag rgyu yang mig yin no/ /zhes gnyi ga bstan to/ /bde ba la sogs pa gang dag skye ba la yid la byed pa amed pa ste yid la byed pa yod pa ma yin pa ma yin pa'o/ /gnyi ga ni yul dang dbang po'o/ /tshogs pa ni yul rung pa'i yul na gnas pa dang nyams pa med pa'i dbang po mngon du phyogs pa'o/ /gal te gnyid log pa'i mig gi dbang po mngon du phyogs pa ma yin yang dbang po gzhan dag ni mngon du phyogs pa kho na'o/ /yang 'ga' zhig gi ni mig kyang mngon du phyogs pa nyid yin te/ 'ga' zhig mig gi 'bras bu g.yo ba med par mngon du gyur pa'i yul la 'jug bzhin du gnyid log pa'i phyir ro/ /de la gnyi ga tshogs kyang ngo/ /gnyid ni gnyid do/ /de la sogs ba myos pa dang brgyal ba la sogs pa gang yin pa des bslad pa ste/ 'khrul par gyur cing dbang po'i shes pa bskyed pa'i nus pa nyams pa'i blo gang la yod pa de la dbang po las skyes pa'i bde ba la sogs pa med pa'i phyir ro/ /des na bde ba la sogs ba yid la byed pa la ltos pa can zhes khong du chud pa yin no/ /gang yang dbang po las skyes pa'i bde ba la sogs pa la brjod pa'i rgyu'i tshogs pa 'di ni/ rnam par shes pa ste skabs kyi dbang po la brten pa'o/ /de skyes ba la yang rgyu ste skyed par byed pa'i tshogs pa ste 'dus pa 'di dag tsam zad de/ rdzas kyi grangs 'di tsam du chad pa'o/ /gang gi phyir 'dir yang snga ma bzhin du rjes su 'gro ba dang ldog pa'i rjes su 'gro ba yod pa yin no/ /gang gi phyir rnam par shes pa dang bde ba la sogs pa rgyu tha dad ba med pa des na te de'i phyir bde ba la sogs pa dmigs pa med pa'i rang gi ngo bo nyid ma yin no/ /ji ltar gyur pa na zhe na/ bshad pa/ rang gi ngo bo ste nye bar len pa'i rgyu de dang 'brel pa'i 'bras bu ni de'i 'bras bu ste/ de'i rang gi ngo bo yul dang dus dang yon tan gyi khyad par so sor nges pa de ltar gyur pa na'o/ /dmigs pa med pa'i bdag nyid gang dag yin pa de dag ste/ de ltar gyur pa ma yin no/ /'di snyam du 'dus byas pa'i zhes bya ba'i bdag gi yon tan yod de/ de ni rnam par shes pa nyid kyis bdag de la skyed par byed pa yin la/ dus gzhan du yang de las rnam par shes pa skye bar 'gyur ba yin te/ ji skad du shes pa las skyes pa dang/ shes pa'i rgyu ni 'dus pa yin no zhes brjod pa yin no/ /de ni shes pa nyid kyi rgyu yin gyi bde ba la sogs pa'i ma yin pa des na rnam par shes pa nyid blo'i rang bzhin yin gyi bde ba la sogs pa ni ma yin no zhes sems so/ /dogs pa de nyid bsdu ba'i phyir 'dus byas pa las nges pa yin no zhe na zhes smras pa yin no/ /lan bshad pa/ de ni rigs pa ma yin te/ 'dus byas pa de'i nus pa yod pa dang med pa de'i rjes su byed pa de ma mthong ba'i phyir ro/ /gang gi phyir 'dus byas pa ni yul gzhan du rjes su 'gro ba dang ldog pa dag gis sam/ dbang po bzhin du ldog pa'i sgo nas shes pa rjes su 'gro ba dang ldog pa'i rjes su byed pa ma yin no/ /shes pas rjes su 'gro ba dang ldog pa'i rjes su mi byed cing skye ba la nus pa ma mthong ba de ji ltar de'i skyed par byed pa yin/ gang zhig de tsam nyid la rjes su 'gro ba dang ldog pa'i rjes su byed par mthong ba ni de dag las byung ba yin no/ /de tsam las 'byung ba la de las gzhan yod pa dang med pa'i rjes su byed pa ma yin pa'i yul rgyu nyid du brtag na ni 'gro ba ma lus pa thams cad rgyu nyid du thal bar 'gyur ro/ /de'i phyir thams cad tshogs na 'bras bu skye bar 'gyur gyi gzhan du ni ma yin no/ /thag ring po na gnas pa rnams rgyu yin na yang rdul cig nyams na yang 'bras bu skye bar mi 'gyur te/ gzhan du na thams cad rgyu yin no zhes bya ba 'di rgyu'i ming tsam du 'gyur ro/ /'dus byas pa zhes bya ba yang zhes bya ba la yang gi sgra ni bsag pa'o/ /de ltar na re shig gzhan gyis brtags pa'i 'dus byas pa ni 'di'i rgyu ma yin no/ /gzhan yang rnam par shes pa nyid la 'dus byas par pha rol 'dod pa ma yin pa de lta na yang 'dus byas pa'i yon tan ni 'dra bar mngon par 'dod pa de ni rnam par shes pa nyid yin te/ gang gi phyir de ni rnam par shes pa las skyes pa dang shes pa gzhan gyi rgyu yin la 'dus byas pa'i chos kyang 'di kho na yin pa de'i phyir gzhan gyis rnam par shes pa nyid la 'dus byas pa'i sgrar brjod pa yin no zhes ston par byed de/ 'dus byas pa zhes bya bar zhes pa las/ zhes bya ba'i sgras ni 'dus byas pa sgra'i don du byed pa'o/ /'dus pa zhes bya ba'i sgra 'dis ni rnam par shes pa nyid brjod pa yin no/ /ji lta bu'i khyad par can zhig ce na/ snga ma zhes smos te/ 'dis ni shes pa gzhan gyi rgyu'i rang bzhin du bstan pa yin no/ /rung ba zhes bya ba 'dis kyang shes pa gang las gang skyes pa de ni de'i 'dus byas pa yin par bstan pa yin no/ /rung ba'i rnam par shes pa ni 'dus byas pa yin la de yang kha cig ni bar du chod pa yin yang rung ba nyid yin te dper na goms pa'i shes pa bzhin/ goms pa ji lta ba bzhin du shes pa phyi ma gsal bar skye ba yin no/ /kha cig ni bar du mchod pa nyid du shes pa gsal bar skye ba'i rgyu nyid yin no/ /de'i phyir de ltar chod dam ma chod kyang rung ste phyis 'byung ba'i shes pa khyad par can gyi rgyu'i shes pa ni 'dus byas pa zhes brjod pa yin no/ /yid ni bag chags sad pa na bar du ma chod pa nyid kyis shes pa phyi ma'i rgyu yin te/ des na gang las shes pa gang skyes pa de ni de'i yid yin la/ yang gang las khyad par can du 'byung ba de na 'dus byas pa yin par kho bos rtogs te/ bdag gis rig pa yin no/ /'di skad brjod par 'gyur te/ bar du chod dam ma chod kyang rung ste/ rnam par shes pa'i rang gi ngo bo khyad par du 'phags pa'i rgyu ni rnam par shes pa nyid yin la de ni bde ba la sogs pa la yang khyad par med par sngar nyid bsgrubs zin to/ /dbang po'i bde ba dang bde ba ma yin pa nyid rnam par shes pa sngon du 'gro ba can du brjod pa ma yin nam/ des na yid kyi bde ba la sogs pa'i rgyu rnam par shes pa ji ltar yin/ rnam par shes pa nyid 'dus byas par yang ji ltar 'gyur zhe na/ don gnyi ga'i gtan tshigs smras pa/ nang gi byed pa ni yid de/ de las byung ba'i ngang tshul gang yin pa rnams so/ /bde ba la sogs pa thams cad nang gi byed pa las byung bar khyad par med kyang mig la sogs pa'i rgyu gzhan med pa gang dag yin pa de nyid ni yid kyi khyad par yin no/ /de rnams rjes su byed pa'i phyir ro zhes 'brel to/ /rnam par shes pa gzung bar bya ba gcig la yang nas yang du 'jug cing byad bar byas pa ni goms pa'o/ /g.yer ba'i khyad par dang zhan pa de dag gi dngos po ni g.yer ba dang zhan pa nyid do/ / de la sogs pa'i phyin ci log tu gsal ba nyid la sogs pa gang yin pa'o/ /g.yer ba dang zhan pa la sogs pa yang de yin la khyad par yang yin pa ni goms pa'i g.yer ba dang zhan pa la sogs ba'i khyad par te/ de'i rjes su byed pa rjes su 'gro ba'i phyir ro/ /don 'di yin te/ rnam par shes pas sngar rjes su mthun pa 'am mi mthun pa nyid du ji lta ji ltar goms par bya pa'i goms pa de dang rjes su mthun par dngos po de la yid kyi bde ba dang bde ba ma yin pa skye par 'gyur ro/ /bar chad med par g.yer bar goms pa la ni shin tu g.yer ba'i bde ba 'byung zhing zhan pa la ni zhan par phyin ci log la ni rjes su mthun par goms par byas pa'i dngos po la yang mi mthun par goms par byas par gyur na de dang rjes su mthun par yid bde ba 'am/ sdug bsngal skye bar 'gyur zhing/ sngar skyes pa yang ldog par 'gyur ro/ /des na ji ltar rnam par shes ba rnam par shes pa snga ma'i khyad par gyi rjes su byed ba de bzhin du yid kyi bde ba la sogs pa yin la/ khyad par du byed pa'i rgyu la yang 'dus byas pa zhes brjod pa yin no/ /des na 'dus byas pa rnam par shes pa'i bdag nyid can ni khyad par med pa gnyi ga'i yang rgyur bsgrub pa yin no/ /gang gi phyir khyad par du byed ba'i rgyu nyid 'dus byas pa yin pa des na goms pa zhes bya bas bag chags brjod pa ma yin te/ de ni de ma thag pa'i rkyen gyi rang bzhin gyis rnam par shes pa'i rgyu yin pa'i phyir ro/ /de'i khyad bar las shes pa khyad par du 'gyur ba yang ma yin gyi/ 'on kyang de 'jog par byed ba goms par byed pa'i khyad par las shes pa phyi ma khyad par du 'gyur ba yin no/ /khyad par du byed pa de zhig tu zin kyang de'i bag chags 'bras bur gyur pa'i rnam par shes pa'i rang bzhin ni shes pa phyi ma khyad par can du 'gyur ba'i rgyu yin par brjod de/ des na bag chags 'jog par byed pa'i sgo nas khyad par can gyi shes pa phyi ma'i khyad par du byed pa po ni goms par byed pa'i shes pa snga ma yin no/ /de ma thag pa'i yid kyang blo'i rang bzhin gyi rgyu yin la/ 'dus byas pa nyid ni gzhan gyis snga ma'i khyad par gyi rjes su 'jug pa'i rgyu nyid yin par 'dod de dper na blta ba nas bzhag pa'i snam yug phyis bshig nas/ bkram ba na 'bad pa med par snga ma nyid kyi gnas thabs kyi rjes su 'jug pa'i rgyu 'dus byas pa yin pa de bzhin du snga ma dang rjes su mthun par 'gyur ba'i shes pa'i rgyu ni 'dus byas par 'dod do/ /de ma thag pa'i rkyen las ni blo'i rang bzhin yin gyi g.yer bag can du 'dzin ba ni ma yin no/ /de'i phyir g.yer ba'i rgyu ni dngos sam brgyud nas kyang rung ste goms par byed pa'i shes pa snga ma yin par 'dod de/ des na goms pas ni gom par byed par brjod kyi bag chags ni ma yin no/ /gtan tshigs 'dis ni bde ba la sogs pa rnams rnam par shes pa'i bdag nyid du gyur pa'i 'dus byas ba'i rgyu can nyid dang/ 'dus byas pa yang rnam par shes pa'i rang bzhin yin par bsgrubs pa yin no/ /'du nyid kyis rnam par shes pa goms pa'i g.yer ba dang zhan ba la sogs pa rjes su byed pa'i phyir dbang po'i bde ba la sogs pa yang rnam par shes pa'i bdag nyid kyi 'dus byas pa'i rgyu can du brjod pa yin te/ nim pa la sogs pa'i ro sngar mi 'dod kyang goms ba las phyis dbang po'i bde ba'i rgyur 'gyur ro zhes ston par 'gyur ro/ /des na de ltar yid dang dbang po pa dag rgyu gcig nyid kyis blo'i rang bzhin nyid du bsgrubs pa la/ pha rol po rang bzhin gcig pa'i rgyu mtshan rgyu gcig pa nyid yin pa bzlog pa'i don du ha cang thal ba brjod bar byed do/ /tshogs pa'i mtshan nyid kyi rgyu mtshungs pa'i phyir te/ tha dad pa med pa'i phyir ro/ /bde ba la sogs pa sdug bsngal la sogs pa gang yin pa de dag gi khyad par ni phan tshun nyid de/ khyad par de med par thal bar 'gyur ro/ /'di ltar mig dang gzugs dang snang ba dang yid kyi la byed pa'i yul dang 'brel par khyad par med pa des na ci'i phyir res 'ga' ni shes pa bde ba'i rang bzhin du res 'ga' ni sdug bsngal dang ldan par res 'ga' ni gnyi ga las bzlog ba dang ldan par 'gyur zhes bya ba ni dri ba'i don yin gyi cig car du ni ma yin te/ gang gis bde ba la sogs pa srid bar 'gyur ba 'gal ba nye bar len pa mtshungs pa rnams cig car mi 'byung ba'i phyir ro/ /rnam 'grol las 'gal ba'i nye bar len ba ni ma yin no zhes bshad pa yin no/ /gzhan dag de ltar dogs pa la bshad ba/ /khyad par med par thal ba ma yin te/ gang gi phyir bde ba la sogs pa'i khyad par ni de'i tshogs pa nyid kyi nang du 'dus pa na ste/ tha dad pa med ba'i rdzas kyis bskyed pa'o/ /de yang yin la khyad par yang yin pa des byas pa'i de'i ngo bo ni nyid de/ de'i phyir ro/ /'di skad brjod pa yin te/ 'bras bu'i khyad par thams cad ni rdzas gzhan dang 'brel pas byas ba ma yin te/ 'on kyang de nyid kyi tshogs ba'i rdzas yongs su gyur pas byas pa yin no/ /'di ltar lus kyi gnas skabs gang dang/ yul gang dang/ sngar gyi goms pa gang thob nas bde ba skye ba de nye par gnas na ni 'bras bu gzhan du mi 'gyur la/ sdug bsngal myong par 'gyur ba'i yul gzhan nye par gnas sam/ sngar gyi bde ba myong par 'gyur ba de nyid goms pas sdug bsngal myong bar 'gyur ba nyid du 'gyur te/ nye par gnas sam/ lus gnas skabs yongs su gyur pa la ni sdug bsngal skye ste/ des na bde ba'i rgyur 'gyur ba'i goms pa dang/ snang ba dang mig dang gzugs dang yid la byed pa'i tshogs ba ni gzhan du mthong la/ sdug bsngal gyi rgyu yang gzhan du mthong ngo/ /de'i phyir bde ba la sogs pa khyad par med bar thal pa med do/ /yang nang gi khyad par 'di 'dra ba gang las she na/ brjod pa/ gang gi phyir sdug bsngal gyi rgyu ni bde ba'i rgyur gyur pa'i mig la sogs pa nyid kyi khyad par yin gyi de dag la gzhan ba'i rgyu ni ma yin te/ de'i phyir nang zhes bya ba 'di khyad par du brjod pa yin no/ /gdon mi za par 'di ltar khas blang par bya ste/ mig gi rnam bar shes pa thams cad mig dang gzugs dang snang ba dang yid las byed pa rnams las skye ba na tshogs pa'i khyad par las rnam ba khyad par can du 'gyur te/ sngon po dang ldan pa'i tshogs pas ni de'i rnam pa rang bzhin gzhan dang 'brel par gyur pa las ni rnam pa gzhan du mig skyon dang bcas pa las ni mthong pa mi gsal la/ phyin ci log tu gyur na ni phyin ci log ces bya ba la sogs ba ni gang gi phyir rig bas mthong ba'i phyir ro/ /yang ji ltar khyed bdag dang yid dang 'dus byas ba la sogs pa shes pa'i rgyu mtshungs ba rnams la/ gzung bar bya ba la sogs pa gcig la ring ba dang ring ba ma yin pa'i rgyus the tshom dang gtan la phebs pa dang/ yang dag pa'i shes pa dang log pa'i shes pa la sogs pa'i khyad par shes pa nyid las 'das pa yang ma yin pa bzhin du shes pa'i bdag nyid du gyur pa'i bde ba la sogs pa'i khyad par yang nang gi dga' ba la sogs par goms pa'i tshig chags kyi byas pa yin no/ /gang zhig blo'i rang bzhin gcig las tshor ba dang sems pa dang 'du shes la sogs pa blo'i rang bzhin du ma skyes par ji ltar 'gyur zhes bya ba ni dri ba'i don yin no zhes zer ba de ni cher ma 'brel ba yin te/ gang gi phyir chung ngu chen por byed pa skyon du 'gyur na/ n+ya gro d+ha'i sa bon las myu gu chen po 'am/ rim gyis phung po skyed par ji ltar 'gyur/ me stag tsam nye par len pa'i rgyur gyur bas rgyur byas la me lce 'od rgya chen po dang ldan pa 'byung par yang ji ltar 'gyur/ kho po cag gis tshad yongs su bgrang par mi nus te/ 'on kyang 'di ni rtog ge pa'i tshig ma yin no zhes bya ba 'di tsam zhig brjod do/ /rtog ge pas smras pa ni chung ngu 'am chen po yin yang bla ste nye par len pa'i rgyu 'dra bas bskyed pa ni rigs mthun pa nyid du skye bar 'gyur la/ gzhan las ni rigs mi mthun par skye bar 'gyur ro/ /de ni 'di 'dra bar tha dad pa byed pa po yin gyi gcig la du ma nyid dam/ du ma las kyang gcig skye ba ma yin no zhes bya ba ni tha dad pa'i don ma yin te/ nas gang zhig las sa lu dang nas dag tha dad par khyad par med pa la nas gzhan gcig pu 'dra ba yin la gzhan ni ma yin zhes dris ba na gtan tshigs ni rgyu 'dra ba dang mi 'dra ba la rten par byed kyi / gcig dang du ma nyid la ni ma yin no/ /de'i phyir blo'i rang bzhin gcig las rnam par shes pa stong phrag skye yang thams cad du de'i nye bar len pa las byung ba ni rigs mi mthun pa 'gog pa yin te/ gzhan yang skyon brjod pas chog go/ dkyus ma'i don ni 'thad pa ma yin te/ 'di ltar snang ba nas khyim phugs su zhugs pa la phan tshun khyad par sgrub pa'i mig la sogs pa rnams brgyud nas rnam par shes pa skyed par byed pa yin no/ /de las mig pa sogs pa ni so sor 'dus pa las skyes pa yin pa des na tshogs pa gcig 'brel pa'i phyir gcig gi rang bzhin thal bar 'gyur te/ bde sogs ci phyir shes ma yin zhes gang smras pa de la khyad par bsnan te/ tshig le'ur byas pa gzhan du bya'o/ /'di snyam du yul la sogs pa gcig gis bskyed pa yin pa de lta na yang nye bar len pa tha dad pa yod pa'i phyir de dag gi tha dad pa ni nye bar len pa tha dad pa las yin zhe na de ni rigs pa ma yin te/ 'du byed skad cig ma lhan cig byed pa so sor 'bras bu skyed par nus pa rnams la/ nye bar len pa dang gzhan zhes bya bar rtogs pa med do/ /nye par len pa'i rnam par dbye ba yod pa yin yang de lta na yang bde ba la sogs pa rnam par shes pa dang rgyu gcig pa nyid du the tshom za ste/ gang gi phyir 'bras bu'i tha dad pa rgyu tha dad par byas pas byas par 'dod la shes ba dang bde ba la sogs pa nye par len pa gcig par yang 'dod pa gang yin pa de de dag rang bzhin 'dra bar 'dod pa ji ltar mi 'gyur/ des na rang bzhin 'dra ba bkag pa nyid kyis 'di dag nye bar len pa 'dra bar pha rol pos mi 'dod pa yin no/ /de las kyang des nye bar len pa gcig pa 'ba' zhig bstan par bya ba yin pa las bstan bcos mdzad pas tshogs pa tha mi dad par bstan pa'i 'bad ba ni 'bras bu med par rtogs so zhe na/ re shig nye bar len pa'i rgyu'i rang bzhin rnam par shes pa ming ngo zhes gang brjod pa de la/ 'di ni nye bar len pa'i rgyu'i mtshan cing du brjod do/ gang skye ba ni gang gi rgyun ldog par 'gyur ba'i rgyun ldog ba'i chos can de ni cig shos kyi nye bar len pa yin no/ /dper na 'jim pa log pa na skye ba'i 'khar gzhong gi nye bar len pa ni 'jim pa yin pa bzhin no/ /myu gu'i nye bar len pa sa bon yin yang dbus kyi cha las myu gu skye par mthong ba'i phyir thams cad mi ldog pa ma yin nam zhe na/ ma yin te/ sa bon ni rjes cig ma yin gyi/ 'on kyang rdul phra rab 'dus pa yin bas de'i pags pa dang spun pa dang snying po'i cha rnams rgyu tha dad pa yin zhing/ myu gu ni snying po'i cha las 'byung ba yin no/ /de bzhin du gtsub shing gi cha gang las me 'byung ba'i rgyun de yang 'chad pa yin no/ /de bzhin du na ra ga'i 'bras bu gcig gi pags pa dang/ sha dang/ khu ba'i gnas dang/ sa bon gyi cha rnams 'brel pa'i phyogs nas bzung ste me tog la sogs pa rgyu tha dad pa yin no/ /de bzhin du me rdo'i me'i skye gnas kyi zur lcag? mag gis bcag pa na chag pa'i 'dzel ma las me 'byung ba'i rang gi skye gnas ldog pa yin no/ /me skye ba na bud shing gi snying po'i cha 'ga' zhig gi me'i dngos por 'gyur la/ gseng du zhugs pa'i rdul gyi tshogs kyi cha 'ga' zhig ni du bar 'gyur ro/ /mer gyur pa yang cha 'ga' zhig ni sol bar 'gyur la/ shun ba'i cha 'ga' zhig ni thal bar 'gyur ba yin te/ de'i phyir de ltar rdul phra rab 'dus ba'i rdzas rnams la nye bar len pa'i mtshan nyid 'khrul pa yod pa ma yin no/ /de ltar na yang chu shel rnam par 'gyur ba med pa nyid las chu'i rgyun dang/ me shel las me dang/ gnyis brdams pa las phrad pa las skyes pa'i sgra dang/ bsil yab las rlung gi tshogs rab tu 'byung ba dang/ 'o ma las zho dang pris ma dag dang/ zho la dar ba dang mar dang/ gser rdo las so thog dang gser dag 'byung ba'i phyir kha cig ni nye bar len pa med par 'gyur la/ zho la sogs pa yang nye bar len pa mtshungs par 'gyur na de yang rigs pa ma yin te/ gang gi phyir lhan cig byed pa la ltos sam mi ltos kyang bla ste/ nye bar len pa'i rgyu gcig las rang bzhin tha dad pa dag skye na ni tha dad pa dang tha dad pa med pa dag rgyu med pa'i phyir sna tshogs rgyu med par 'gyur ba ni thams cad du nye bar len pa tha dad pa la brten par bya ba yin no zhes de la chu'i sa bon du gyur pa zla ba'i 'od kyi zed chu shel dang reg pas nus pa sad par gyur ba kho na dag las chu 'byung ba yin no/ /rigs mi mthun pa las ji ltar zhe na/ bdag gis dus 'di srid kyi bar du rigs mthun pa dang mi mthun pa'i rnam par dbye ba mi shes sam/ gang las gang skye bar mthong ba de ni de dang rigs mthun pa yin la/ cig shos ni rigs mi mthun pa yin no/ /gzugs dang ro dang nus pa dang yon tan tha dad pa chu dang chu shel dag las skyes pa'i chu dag tha dad pa dang bral ba yin zhes sems dang ldan ba su zhig dogs par byed/ chu'i nye bar len par gyur pa skyed par byed ba'i 'od kyi tshogs ni sad pa yin yod mthong ba gang yin pa de ni snga na med pa nyid do/ /des na ldog pa'i chos can skyed par byed pa ni gzhan yin la mthong ba yang gzhan yin no/ /me shel dang rig pas nus pa yongs su brtags pas byas pa'i nyi ma'i 'od zer gyi tshogs las me 'byung ba la yang tshul 'di nyid rjes su 'jug pa yin no/ /rlung la yang bla gab dang bcas pa'i khang bzangs kyi rlung med pa'i bar snang gi phyogs su srin dang ras bal la sogs gyen du 'gro ba dang thung du 'ong pa rtsod pa las y od par rjes su dpags pa mi 'gyur ba'i tshogs pa phra mo yod pa bsil yab shugs dang ldan par g.yabs pa'i lhan cig byed pa las 'phel ba dang ldan pa'i rlung gi tshogs dmigs pa'i spyod yul du 'gyur bar rtsom pa gang yin pa de nye bar len pa yin gyi bsil yab ni ma yin no/ /de dag nyid rtsig ngos kyi bu ga'i steng du zhugs pa brdabs pa'i lhan cig byed pa can dang/ las sgra 'byung ba yin te/ skyed par byed pa'i cha ni zad pa'i chos su 'gyur la lhag min 'phyo ba yin no/ /mthong ba'i sgra skyed pa'i nus pa gnas thams cad khyab par thugs dang ldan pa brdabs pa'i lhan cig byed pa can ldog pa'i chos su gyur pa'i nye bar len pa de nyid las sgra 'byung ba yin no/ /kha cig na re brdabs pa'i rdzas de dag dus kyi mthar thug pa la ltos nas cung zhig 'ga' zhig tu nyams par mthong ba'i phyir ldog pa'i rjes su dpag pas de nyid las sgra 'byung ba yin no/ /zhes smra ba de ni de ltar khyab pa ma yin te/ gang gi phyir rim gyis skye ba'i chos can na tshod gzhon nu'i gnas phrad pa dang/ rlung gis 'thab par byas pa'i lo ma dag lan kyang sgra 'byung ba de la 'ga' zhig tu cung zad nyams pa ni rtags pa med pa de'i phyir snga ma nyid rigs so/ /gzhan ni nam mkha' khyab par gnas pa brdabs pa'i lhan cig byed pa can sgra phra mor gyur pa nyid nye bar len pa yin par sems te/ de yang yod par dmigs pa'i rgyu mtshan cung zad kyang med pas mi 'thad pa'i phyir snga ma nyid kha na ma tho ba med pa yin no/ /'o ma yang 'o ma dang chu'i cha gnyis te/ dper na zho'i steng gi spris ma 'am snying po'i cha ni mar gyi rgyu yin pa bzhin no/ /yang na 'o ma'i mgrin pa dang 'o ma'i cha yin no/ /de la chu'i cha las ni zho ga chur 'gyur ro/ /de bzhin du zho las mar dang mar ma yin pa'i char 'gyur ba yang rdzas kyi rgyu tha dad pa kho na las yin no/ /mar snying po ma yin par 'gyur ba yang de nyid las yin no/ /gser rto las so thog dang rdzas kyi char 'gyur ba yang de bzhin te/ phyogs 'dis gzhan yang khong du chud par bya'o/ /gzhan yang skyed par byed pas khyad par du bsgrub par bya ba'i 'bras bu'i khyad par thams cad nang du sdud par nus pa'i bdag nyid gang las skye ba de ni nye bar len pa yin te/ dper na mig gi rnams par shes pa'i/ dmigs pa la sogs pas phan par bya ba'i rang bzhin thams cad ni blo'i rang bzhin nyid/ de ma thag pa'i rkyen las skye ba'i phyir de nye bar len pa bzhin no/ /gang yang so sor nus pa rnams la nye bar len pa'i don gang zhig yin zhes smras pa/ de la brjod par bya ste/ rnam pa gcig nyid kyi gcig tu rtogs pa'i yul du gyur pa don bya ba byed pa gcig pa rnams la rgyu dang 'bras bu'i dngos po nyid du nges par bya ba yin gyi/ skad cig ma gcig la ni rgyu dang 'bras bu'i dngos por nges par bya pa yin te tshu rol mthong ba 'am gzhan gyis kyang rung ste rjes su 'gro ba dang ldog pa khong du mi chud pa'i phyir ro/ /gang gis na 'dus pa'i yul can gyi rgyu dang gnas pa'i dngos po dngos po'i yul can ma yin par 'gyur pa 'dus pa gcig pa nyid bkag pa na 'dus pa can rnams kyang bkag par 'gyur ba ni ma yin no/ /rgyu dang 'bras bu'i dngos po 'dus pa'i yul can la ni ji skad brjod pa'i ldog pa'i chos su gyur ba'i nye bar len pa'i skyed par byed pa rang bzhin gyi khyad par yin par rigs pa yin no/ /nye bar len pa gcig pa nyid ma grub po zhes bya ba gang brjod pa de yang rnam 'dis bsgrubs par blta ste/ 'di ltar yul gyi rgyun ma log pa nyid las bde ba la sogs pa skye ba na de ni nye bar len pa ma yin no/ /yul gyi phyogs gcig log pa yang ma yin te/ ma mthong ba'i phyir ro/ /'thad pa yang ma yin te/ yul gcig rgyur gyur pa'i bde ba dang sdug bsngal dag rgyud tha dad par skye ba'i phyir ro/ /dbang po yang ma yin te/ de log na phyis mig gi rnam shes mi skye bar 'gyur ba'i phyir ro/ /phyogs gcig kyang ma yin te/ de'i 'bras bu rnam par shes pa rnam par 'gyur ba thal ba'i phyir ro/ /des na lhag mar gyur pa rnam par shes pa ldog pa'i chos su gyur pa na bde ba la sogs pa skye ba'i phyir de ni nye bar len pa yin no/ /'di nyid bsgrub par bya ba'i don du slob dpon gyis dbang po la sogs pa thams cad rgyu'i mtshan nyid du sbyar bar mdzad do/ /dbang po dang yul dag rgyu nam log pa las bde ba la sogs pa bskyed pa na rgyun log pa gang yin pa de nye bar len par ji ltar 'grub ce na/ nye bar len pa'i mtshan nyid gnyis so/ /bde ba la sogs pa rnam par shes pa dang nye bar len pa mtshungs pa'i phyir blo'i rang bzhin du grub pa na/ bde ba la sogs pa nyid rnam par shes pa yin par grub pa yin te/ myong ba'i rang bzhin ni 'di gcig nyid de zhes gang 'chad par 'gyur ro/ /lhan cig byed pa rnam pa tha mi dad kyang nye bar len pa tha dad pa las ni 'bras bu tha dad pa yin pas rgyu tha dad pa ni nye bar len pa tha dad pa kho na las yin la/ lhan cig byed pa rnams las ni khyad par skye ba yin no/ /des na thams cad du tha dad par byed pa'i gtso bo ni nye bar len pa tha dad pa nyid yin par bsam par bya'o/ /gang zhig gang dang rgyu tha mi dad pa de ni de las rang bzhin tha dad pa ma yin la/ dper na sa lu'i myu gu gcig las gzhan pa yin no/ /bde ba la sogs pa yang rnam par shes pa las rgyu tha mi dad pa yin no/ /khyad par rgyu'i tha mi dad pa nyid la ni rgyu dang ldan pa spyi'i rang bzhin gyis khyab pa yin la/ rgyu tha dad pa med par 'bras bu tha dad par 'gyur na yang sna tshogs rgyu med can du 'gyur ba'i phyir/ khyab par byed pa med pas rgyu tha mi dad pa nyid de las ldog pa na rang bzhin tha mi dad pas khyab pa'i phyir na rang bzhin yin no/ /gal te bde ba la sogs pa bdag tu 'dzin pa'i gzhi nang du 'gyur ba yin na ni/ rnam par shes pa dang nye par len pa gcig par dogs pa ma yin nam/ gang gi phyir nad ste bdag tu 'dzin pa'i gzhir 'gyur ba de'i rang gi ngo bo ni ma yin te/ 'on kyang sgra la sogs pa phyi rol gyi rang bzhin yin no/ /des na khyod kyis kyang de dag bzhin du 'di dag kyang rnam par shes pa rgyu gcig par dogs par bya ba ma yin no/ /kho bo cag la ni rtag pa'i rang bzhin nam mi rtag pa'i yongs su 'gyur ba skyes bu rtag pa'i shes pa yod pa dang rgyu mtshungs pa nyid du ga la 'gyur/ gal te yang nang gi bdag nyid kyi blo yon tan gsum gyi bdag nyid yin ba la de lta na yang de'i rang bzhin ni skyes bus spyad par bya ba ma yin gyi/ 'on kyang de la gnas ba'i yul gyi snang ba yin te/ blo la shar ba'i don ni skyes bus shes par byed do zhes gang smras pa yin no/ /tha dad pa med pa'i phyir na don bzhin du bdag nyid kyi gzugs brnyan ni blo la yod pa ma yin no/ /des na nyams su myong bzhin ba'i bde ba la sogs pa ni phyi rol kho na yin no/ /de ltar na bkag pa nyid kyis bde ba la sogs pa sems can yin pa bkag ba yin mod kyi/ nyams su myong ba bde ba la sogs pa'i rnam pa'i bdag nyid du 'gyur ba des na bde ba la sogs pa myong ba'i rang bzhin yang yin la phyi rol tu yang 'gyur ro zhes gzhan gyi tshig gi go skabs dogs par byas nas/ / sems ba can ma yin gyi zhes smras te/ yongs su 'gyur ba nyid du thal ba'i phyir skyes bu ni bde ba la sogs pa'i rnam pa 'dzin pa ma yin pa des na bde ba la sogs pa sems dpa' i rang bzhin du ga la 'gyur/ de'i rnam pa 'dzin pa ni yul la longs spyod pa ma yin te/ 'on kyang skyes bu dang yul dag gi gzugs brnyan blo gcig la 'dres pa yin no/ /'o na nang du rten par gsal ba ji ltar zhe na smras pa/ bde ba la sogs pa de dag gis bdag nyid du gyur ba gang dag yin pa bde ba la sogs pa'i rnam par 'gyur ba sgra dang gzugs la sogs pa de dag ste/ rang bzhin ni rnam par 'gyur ba rnams kyi rjes su 'gro ba'i phyir ro/ /de dag nyams su myong ba las bde ba la sogs pa myong par 'gyur ba yin la de las nyams su myong bar rtogs pa ste shes shing nges pa yin no/ /'di skad bstan pa yin te/ bde ba la sogs pa nang du myong par nges pa ni yul snang ba'i mthar thug pa'i phyir yin gyi nyams su myong ba'i bdag nyid du 'gyur ba'i phyir ni ma yin no/ /zhes bya ba'o/ /gzhan ni grangs can no/ /snga ma'i 'dod pa 'ba' zhig mi rigs par ma zad kyi bde ba la sogs pa don gyi bdag nyid du 'dod pa de'i ltar na yang rigs pa ma yin no// ga las she na/ bshad pa/ phyi rol sgra la sogs pa khyad par med na yang ste/ rnam pa gcig yin yang dga' ba ste/ bde ba'i arnam pa gdang/ yongs su gdung ba sdug bsngal gyi rnam pa dag goms las te/ bsgoms pa'i khyad par las khyad par 'gyur ba'i phyir te/ tha dad par 'gyur ba'i phyir ro zhes bya ba ni gtan tshigs so/ /don gyi rang bzhin ma yin pa dag ste tshad ma'i 'bras bu'o/ /gal te goms pas khyad par du 'gyur ba de lta na yang don gyi rang bzhin ma yin par ji ltar 'gyur zhe na bshad pa/ gang gi phyir zhes bya ba ni gtan tshigs kyi don to/ /sgra la sogs pa'i bdag nyid gang la yod pa ste/ gal te bde ba la sogs pa sgra la sogs pa'i rang bzhin nyid kyi khyad par snang ba yin na zhes bya ba'i don to/ /gzugs brnyan dang yul tha dad pa med par zhan pa'i phyir bdag nyid smos pa byas so/ /don ni gal te sgra la sogs pa'i rang bzhin snang ba yin na zhes bya ba 'di yin no/ /de'i tshe sgra la sogs pa khyad par med pa la ste gcig nyid la'o/ /goms pa'i khyad par las zhes bya ba ni phan pa dang gnod pa dang btang snyoms la sten par goms par bya ba phyi rol pa'o/ /dga' ba dang yongs su gdung ba ni bde ba dang mi bde ba'i snang ba'o/ khyad par ni gzhan nyid du 'gyur ba 'am 'phel ba ste/ rtogs par byed pa gcig la rim gyis sam mang po rnams la gcig car du mi 'gyur ro/ /sngon po las sogs pa'i don gyi snang ba ni rnam pa'o/ /de nyid khyad par du 'gyur bas khyad par te/ mngon sum gyi gzung ba'o/ /sngon po la sogs pas bskyed pa de goms pas 'phel ba dang 'grib pa ma yin pa dang/ ser po la sogs pa'i rang bzhin ma yin pa de bzhin du 'di yang des byas pa yin na goms pas khyad par du mi 'gyur gyi 'on kyang dngos po nyid kyir 'gyur ro/ /gang yang dbang po gsal ba dang mi gsal ba 'am/ thag nye ba dang yid ba na gnas par byas pa'i khyad par de ni sngon po'i rnam pa las ma 'das pa de'i phyir snang bar sngon po'i don gyi rjes su 'gro ba dang ldog pa'i rjes su byed pa yin te/ 'on kyang rdul dang 'dres pa'i sngon po thag ring po nas bzung ba'am/ dbang po'i khyad par gyis gsal bar mi snang ba 'ba' zhig go /sgra la ni goms pa las 'dod pa'i bdag nyid thams cad ldog cing bzlog par yang 'jug pa'i phyir/ de yod ba dang/ med pa'i rjes su byed pa ma yin te/ 'dir khyad par ni 'di 'dra bar 'dod pa yin no/ /de'i phyir gang zhig gang gi bdag nyid snang ba de ni goms pa la ltos pa med par de'i rang bzhin gyi rjes su 'gro ba dang ldog pa'i rjes su 'jug pa yin te/ dper na sngon po la sogs pa'i snang ba bzhin no/ /gang gi phyir de snang ba'i tha snyad la ni yul nges pa nyid kyis khyab pa yin te/ 'di ni sngon po yin gyi gzhan ni ma yin no zhes tha snyad nges pa'i phyir ro/ /de'i rjes su 'gro ba dang ldog pa'i rjes su mi byed pa yang de snang ba ni thams cad la snang bar 'gyur ba'i phyir nges pa spangs par 'gyur ro/ /de'i phyir khyab par byed pa mi dmigs pas mi mthun pa'i phyogs las ldog pa na de'i bdag nyid snang ba'i tha snyad la de'i khyad par gyi rjes su 'gro ba dang ldog pa'i rjes su byed pas khyab bo/ /des na 'gal ba khyab pa dmigs pas phyi rol la mi ltos par goms pa'i khyad par gyi rjes su byed pa 'gog pa dang thal bar byed pa yin no/ /thal ba bzlog pa'i khyab pa sgrub pa yang thal ba'i gtan tshigs kyi khyab pa sgrub pa gang yin pa de nyid yin no/ /gang gi phyir thal ba las bzlog pa'i gtan tshigs ni gang dag phyi rol las ma ltos par goms pa'i khyad par gyi rjes su byed pa de dag ni phyi rol gyi bdag nyid snang ba ma yin te/ zhes khyab par byed pa 'gal ba dmigs pa 'am/ yang na blo nyid ces slob dpon gyis ji ltar bkod pa bzhin du rang bzhin gyi gtan tshigs yin no/ /phyi rol gyi khyad par gyi rjes su byed pa nyid kyis de'i bdag nyid snang ba la khyab par grub pa na gnyi ga la yang 'brel pa grub pa yin te/ rang bzhin la ni khyab par byed pa dang 'gal ba'i chos la khyab par bya ba dang 'gal pas khyab pa grub pa'i phyir dang/ phyi rol snang ba dgag pa nyid la yang de'i khyad par gyi rjes su mi byed pa khyab par byed pa 'gal ba yin pa'i phyir ro/ /de'i khyad par las shes par bya ba ni thal ba bzlog pa 'chad de/ gang dag sgra la sogs pa de'i bdag nyid kyi khyad par mi ltos par goms par bya ba'i khyad par gyi rjes su mthun pa de dag ni nang na gnas pa'i blo nyid yin no zhes bya ba ni gtan tshigs kyi bsgrub bya bsdus pa'o/ /gang dag gang gi rang bzhin gyi khyad par mi ltos par goms ba'i khyad par yod pa dang med pa'i rjes su 'brel ba de dag ni nang nyid yin te/ shes rab la sogs pa bzhin no/ /shes rab ni shes par bya ba rnam par 'byed pa'o/ /stsogs pa zhes bya ba brtse ba dang yid byung ba la sogs pa ste/ gang gi phyir de dag ni dmigs par bya ba'i dngos po khyad par med kyang goms pa'i khyad par gyi rjes su byed pas shes bya'i rang bzhin snang ba ma yin gyi 'on kyang nang nyid yin zhing phyi rol gyi bdag nyid snang ba ni ma yin no/ /de bzhin du bde ba la sogs pa yang yin no/ /zhes bya ba ni rang bzhin no/ /'brel pa grub pa ni brjod zin to/ /de ltar na nang nyid yin par bsgrubs nas phyi rol yin yang sems can du khas blang bar bya ba yin no zhes bstan pa'i phyir bshad pa/ nang yin pa 'ba' zhig tu ma zad kyi sems pa'ang yin no/ /'di zhes bya ba'i tshig phrad zhi bsags pa'o/ /gtan tshigs bshad pa/ myong phyir te/ /gang gi phyir bde ba la sogs pa myong bar bya ba yin pa'i phyir ro/ /gal te myong bar bya ba yin du zad mod/ de lta na yang sems can du ji ltar 'gyur zhe na/ bshad pa/ de nyid kyi rang bzhin gang yin pa de ni de lta bu ste/ de ltar ma gyur pa'o/ /des na don myong ba ma yin pa'i r phyir ro/ /gang zhig don gang gi rang bzhin ma yin pa de ni de'i myong bar byed pa ma yin pa'i phyir ro/ /zhes bya ba'i don to/ /tha ma'i tshig dgrol ba'i phyir bshad pa/ gang gi phyir zhes bya ba ni gtan tshigs kyi don te/ yul can gang zhig yul gang gis ste/ de nyid kyi rnam pa gang yin pa de lta bur gyur pa myong ba ma yin no zhe na'o/ /de ni zhes bya ba ni gang zhig ces smos pa de nyid yang smos pa'o/ /'di skad du myong ba gang zhig yul gyi rnam pa mi 'dzin par ni de'i myong ba byed pa ma yin no zhes brjod par 'gyur ro/ /dper brjod pa phan tshun gyi rang bzhin te/ bde ba la sogs pa myong ba gang la snang ba med pa'i myong ba de ni gzhan myong bar byed pa ma yin te/ /sdug bsngal myong ba la bde ba'i rnam pa med pa'i phyir de'i myong par byed pa ma yin no/ /ldog pa'i sgo nas kyang don 'di bstan pa yin te/ gang zhig gang gi myong bar byed pa ni de'i rnam pa yin no zhes bya ba'o/ /grangs can la dpe 'ga' yang yod pa ma yin no zhe na/ /dpe med kyang gnod par byed pa'i tshad ma nyid dper byed pa yin te/ sgrub par byed pa la dpes ni dgos pa cung zad kyang yod pa ma yin no/ /de la myong bar byed pa la nges pa'i yul can nyid kyis khyab pa ni nyams su myong bas grub pa yin no / 'dra ba med na ni khyab par byed pa nges pa med pa'i phyir myong bar byed pa med pas khyab par byed pa mi dmigs pas 'brel pa grub po/ /myong bar byed pa nyid 'dra ba'i rgyu mtshan can du rnam par bzhag pa'i don du gzhan gyi dgos pa bzlog ba'i phyir 'di ni 'di'i myong bar byed bzhes gsungs te/ de lta bu'i rang bzhin can gyi myong bar bya ba dang myong bar byed pa nges pa'i 'brel pa'i rgyu mtshan ni mngon bar gsal ba gsal bar gyur pa nyid do/ /gal te yang grangs can gyi rtag tu gsal ba'i bdag nyid kyi skyes bu mngon bar mi gsal ba las mngon par gsal bar bya ba ma yin pa de lta na yang/ yul la chags pa'i nye par bslad pa ni gsal ba'i dngos po tha snyad du bya bar gzung ba yin la/ tha snyad du bya ba'i gnas skabs kyi don gyi dbang gis yin te/ don yod pa la sems pa'i rang bzhin nges pa ni gsal ba yin pa'i phyir ro/ /des na don gang la sems pa'i tha snyad du 'gyur ba de las de mngon par gsal ba yin pa'i phyir ro// mngon par gsal bar yod pa yin no/ /'di 'di'i zhes bya ba'i 'brel ba yang mngon par gsal ba'i rgyu can yin par brjod pa yin no/ /'dir 'di ni sngon po yin gyi ser po ni ma yin no zhes don gyi khyad par dang 'brel bas myong ba'i tha snyad du gyur pa gang yin pa de ni bsgrub par bya ba yin la/ bsgrub par bya ba'i don nyid ni sgrub bar byed pa ma yin no/ /don gyi khyad bar gyi 'brel pa las gzhan du gyur ba 'di ni myong ba'o zhes bya ba gsal ba'i rang bzhin tsam 'di ni rgyu mtshan nyid du nye bar len pa yin no/ /mngon bar gsal ba 'di ni dbang po rnams dang/ yid dang blo dang yul rnams la yang rag las pa yin te/ dbang po dang blo la sogs pa med par ni de la myong bar byed pa nyid du tha snyad du rtogs par bya ba ma yin pa'i phyir ro/ /de bas na 'brel ba'i rgyu mtshan dang rang bzhin tsam mngon par gsal ba yin bas dbang po la sogs pa la yang thal bar 'gyur ro/ /rgyu de'i phyir 'dra ba nyid yin no/ /de'i myong ba ni myong ba ste/ de'i mtshan nyid do/ /yul gyi 'brel pa nges pa'i rgyu ni 'dra ba nyid yin no/ /'di ni gud na gnas ba 'ba' zhig slob dpon gyis gnas can la yang 'dra ba bsgrub pa mi 'thad par mthong nas de nas de dang 'dra par yang sems pa can la ji ltar zhe na zhes smras te/ gal te 'dra ba med na myong par byed pa nyid mi 'thad pa de ltar na yar grangs can gyi shes pa yod pa la 'dra ba ni 'thab pa ma yin no/ /gang gi phyir nyams su myong ba'i dus las sngar 'dra ba de'i bdag nyid ma yin pa gang yin ba de ni phyis kyang de nyams su myong ba'i dus su snga ma yang snga ma'i rang bzhin las nyams pa med pa ste/ ldog pa med pa'i rgyu'i phyir ro/ /gang gi phyir 'dra ba de ni sems pa yod pa'i rang bzhin yin la/ de sngar ma gyur na ni thams cad du don te mi myong par thal lo/ /myong ba'i dus na skyo pa yin na ni skyes bu'i rang bzhin gzhan du 'gyur pas mi rtag par 'gyur na rtag par yang 'dod pa yin no/ /de'i phyir grangs can la myong bar byed pa nyid 'dra ba'i rgyu mtshan can du rnam par bzhag par mi nus so zhe na/ 'di ni 'di'i nyes pa gzhan yin te zhes bya ba la bsam pa ni 'di yin te/ 'dir grangs can gyi lta ba sgrub pa'i skabs ni ma yin gyi/ 'on kyang myong par byed pa nyid brtag pa'i skabs yin no/ /'dra ba de'i rgyu mtshan du rnam par bzhag pa na rang gi nus pas ji snyed grangs can la nyes pa gzhan grub pa de yang kho bo dag gi bsam pa grub pa'i phyir 'dod pa yin gyi/ skabs kyi don btang ba ni ma yin no zhes ston pa ni 'dra ba med par ni myong par byed pa ma yin no zhes bya ba yin no/ /'di snyam du rtag tu yod pa'i skyes bu ni rang gi ngo bo nyid kho nas/ de don de la sems pa ma yin nam zhes dogs pa la/ snga ma nyid bsgrub pa'i don du bshad pa gang gi phyir zhes bya ba gtan tshigs kyi don to/ /gang gi phyir rig pa ste myong ba yod pa nyid ni nges pa'i don ni myong bar ste/ nyams su myong par ro/ /gang gi phyir de don thams cad la khyad par med pa yin te des na de thams cad da ste don thams cad la khyad par te tha dad par bya ba med bas na don thams cad rig par thal ba'i phyir 'dra ba nyid de'i rgyu mtshan yin no zhes 'jug bsdu ba'o/ /gang gi phyir yul so so la khyad par du ma gyur pa'i rig pa tsam po 'ba' zhig ni khyad par can du myong bar bya ba'i don gyi myong ba ma yin zhing/ / rang gi rang bzhin myong ba las don gzhan myong ba zhes bya ba yang ma yin te/ de'i rang gi rang bzhin nyams su myong ba'i bdag nyid don nyams su myong ba yin na de'i rang gi rang bzhin khyad par med pa'i phyir dang/ don myong ba yang de'i bdag nyid can yin pa'i phyir khyad par med pa kho nar 'gyur ro/ /'dri ltar ni rigs pa yin te/ shes pa yod pa gang yin pa de la 'dra ba yod de/ de'i bdag nyid yod pa yin na ni 'dra par byed pa po'i don la sbyor zhing 'brel par byed pa yin no/ /ji ltar 'brel pa 'di'i rgyu 'di 'dra ba nyid yin par rigs pa de ltar ni 'bras bu bsam par 'chad par 'gyur ro/ / nyams su myong ba ni 'dra ba dang bcas pa yin la/ 'dra ba yang de las tha dad pa ma yin pa'i phyir bde ba la sogs pa myong ba'i bdag nyid du grub pa yin zhes bshad pa ni/ sems pa can yin par grub po zhes bya ba yin no/ /'di snyam du 'o na ni sngon po la sogs pa rnams kyang sems pa nyid du thal bar 'gyur te/ gang gi phyir de la yang rnam par shes pa sems par byed pa na de'i rang bzhin nyid du skye bar 'gyur te/ de'i phyir 'dra pa'i bdag nyid can gyi sngon po la sogs pa rnams sems par thal par 'gyur na de ltar khas blangs pa ni ma yin no/ /ci ste rnam pa'i sa rnam par shes par smra ba la brten pa yin na de lta na yang ral ba 'bras bu med ba yin te/ gzhan dag kyang phyi rol yin ba 'gog pa'i phyir bde ba la sogs pa dmigs kyis gzung bas ci bya zhes dogs pa la/ 'di nyid kyang kho bo cag ni bde ba zhes gsungs te/ bsdas bas ni 'di ltar bstan pa yin te/ 'dra ba gcig pu ni bde ba la sogs pa sems pa can gyi rgyu ma yin gyi/ /'on kyang rang bzhin gyi khyad par yang yin no/ /de yang gang zhe na bshad pa/ gang ? par 'dod pa dang rjes su mthun par myong ba ste nyams su myong ba'o/ /'di ni sdug bsngal dang gnyi ga las bzlog ba mtshon ba yin te/ gang gi phyir de dag la yang ji ltar ji lta ba bzhin du rtogs bar bya'o/ /don 'di ltar 'dod pa yin te / bde ba la sogs pa rnams kyi rang gi don bye ba ni 'dod ba la sogs pa'i rnam par bsal pa phan 'dogs pa la sogs pa'i bdag nyid can yin la/ dngos po rnams kyi yod pa yang don byed pa'i rgyu mtshan can yin no/ /de ni sim pa la sogs pa rnam par shes pa'i rnam pa las kyang 'thob ste/ des na shes pa la gnas pa'i sim pa la sogs ba'i rnam pa de nyid bde bas sgrub par bya ba bsgrub pa'i phyir bde bar rigs so/ /phyi rol gyi bde ba la sogs pa rnams kyi yod pa rnam par gzhag pa yang 'di nyid las yin no/ /sngon po la sogs par yod pa'i rgyu mtshan gyi 'bras bu ni sngon po'i rnam par gsal ba nyid ma yin te/ snams pa de skyes kyang sngon po la sogs bas bsgrub par bya ba'i don du gnyer ba rnams 'jug pa mthong ba'i phyir ro/ /sngon po la sogs pa ni gang gi don du de dag 'jug pa'i don bya ba'i de nyid kyis yod pa yin las de yang blo la gnas pa'i sngon po dang 'dra ba las mi 'grub pa'i phyir de dang 'dra ba sngon po ma yin pas sngon po la sogs pas sems pa ma yin no/ /sems pa can yin par grub po zhes bya ba ni sim pa la sogs pa myong ba tsam gyi 'bras bus yod par rnam par gzhags pa ni bde ba la sogs pa'i 'dra ba'i bdag nyid la yang 'thad par yin no zhes mjug sdud par byed do/ /yul dang 'dra ba'i phyir te/ yul dang 'dra ba yin pa de'i phyir myong ba rig pa bde ba la sogs pa'i bdag nyid du khas len na'o/ /rang bzhin gang gis myong ba'i rang bzhin de ni myong ba'o/ /gang dag la yod pa ma yin pa de dag ste de ltar 'gyur ro/ /'di skad brjod pa yin te/ gal te bde ba la sogs pa dang 'dra ba'i phyir/ myong ba de'i bdag nyid du 'dod na de'i tshe 'dra bar byed pa'i bde ba la sogs pa rnams phyi rol du 'gyur te/ dper na phyi rol gyi sngon po blo'i sngon po'i rnam pa'i 'dra bar byed pa yin pa bzhin no/ /des na bde ba la sogs pa myong ba'i rang bzhin dang/ myong ba'i rang bzhin ma yin pa rnam pa gnyis su 'gyur ro/ /yang gi sgra med kyang 'dra ba las sems dpa' bde ba la sogs pa grub pa'i phyir phyi rol gyi ni myong ba ma yin par yang zhes bya ba 'di don gyis go ba'i phyir yang gi sgra ma bkod do/ /gzhan gyi dogs pa bzlog par byed pa ni re ni de ltar ma yin te/ kho bo la phyi rol du tha pa bar mi 'gyur ro/ /gang gi phyir khyed kyi lta ba la yang bde ba'i rang bzhin myong ba bde ba'i bdag nyid can yod pa yin no/ /zhes de ltar bstan pa gang yin pa'i don de nyid kyi don du bkod pa ni nye bar bzhag ste/ ji ltar khyed kyi lta ba la yang myong ba'i rang bzhin gyi bde ba khas blangs par bya'o zhes de'i don du dkod pa zas pa yin no/ /'o na khed dang gi phyogs la kho nar don ji lta bur zhig yin zhe na/ bshad pa/ myong ba bde ba la sogs pa'i bdag nyid yin pa de la yang ngo/ /'di skad du kho bo nag myong ba bde ba la sogs pa'i bdag nyid yin pa sped pa ni ma yin gyi 'on kyang myong ba bde ba la sogs pa'i bdag nyid kho na la nye pas su myong ba'i mtshan nyid kyi chod ma shin tu gsal bas 'di ltar mthong zhing shes so/ /dga' pa ni sim par myong ba'o/ /yongs su gdung ba ni de las bzlog pa'o/ /de dag gi rang bzhin gang yin pa de lta bur gyur pa de ni gcig tu rtogs par mthong ngo/ /gcig tu zhes bya ba 'dis ni phyi rol gyi byas pa 'gog par brjod pa'o/ /'di ltar gang gis phyi rol gyi rang bzhin nyid kyis 'dzin pa'i rnam pa las rnam par chad pa'i bde ba la sogs pa la phyi rol gyis byas pa nyid du rig par 'gyur pa myong bar byed pa 'dzin pa'i rang bzhin yang gzhan la/ bde ba la sogs pa'i rnam pa gzung ba'i rang bzhin yang gzhan du snang ba ni med pa'i phyir ro/ /gang gi phyir rnam pa gang zhig phyi rol gyi rang bzhin gzung bar bya ba nyid du snang ba ma yin pa de ni phyi rol gyis byas pa ma yin te dper na sems pa'i rnam pa bzhin no/ /bde ba la sogs pa'i rnam pa yang de bzhin no/ /'di nyid bstan pa'i don du nang du zhes gsungs so/ /bde ba la sogs ma'i rang bzhin myong la gnas pa ni nang du dag tu 'dzin pa'i bzhin? 'dzin pa? rnam par mthong gi phyir rol gzhung pa'i rnam par ni ma yin te/ dri zhim po dang rtsub mo la sogs pa nyams su myong ba na phyi rol gyi dngos po de nyid bde ba 'am sdug bsngal ba 'am/ 'dod pa 'am sdang bar snang ba ni med kyi 'on kyang 'dod pa dang/ sdang ba ni de las rnam par chad pa bdag tu 'dzin pa'i gzhi nang gi 'dzin pa'i rnam pa'i rang bzhin du snang ba'i phyir ro/ /de'i phyir de ltar 'dzin pa'i rang bzhin du gnas pa'i bde ba la sogs pa la phyi rol tu lhag par zhen pa med pa'i phyir phyi rol gyi byas pa ma yin te/ de'i phyir kho bo cag la bde ba la sogs pa phyi rol yin par mi 'gyur ro/ /de nyid kyi phyir gzhan gyi rgyud la yod pa'i bde ba la sogs pa dang/ chags pa la sogs pa la dmigs pa'i rnal 'byor pa rnams/ phyi rol gyi ka ba la sogs pa bzhin no bdag tu 'dzin pa'i gzhi ma yin pa gzung pa'i rnam pa bde ba 'am chags pa 'am sdang bas bde ba dang chags pa la sogs pa rnams su thal ba med do/ /rnal 'byor pas ni chags pa 'am sdang? ba gang yin pa de ni nga ma yin zhes bya ba 'am/ 'dzin pa'i rnam pa la sten pa'i sdug bsngal la sogs pa yang med pa'i phyir na/ bdag ni sdug bsngal ba 'am/ bde ba'am sdang ba ma yin no zhes 'dzin pa'i rnam pa mthong ba des na/ kho bo cag gi ltar na bde ba la sogs pa phyi rol du thal ba med do/ /'di ni re shig nyams su myong ba yin la/ 'di phyi rol gyi sgra la sogs pa'i bdag nyid nan gyi bde ba la sogs pas byas pa ni rigs pas kyang yid la 'bab pa ma yin no/ /zhes bsdu ba'i sgo nas bstan pa'i phyir yang ma yin te zhes gsungs so/ /myong ba'i rang bzhin 'di'i bde ba la sogs pa'i bdag nyid 'di 'jog par byed pa 'dra bar byed pa gzhan gang yin pa de ste de ltar ni ma yin no/ /'di'i bdag nyid la 'dra bar byed pa gzhan ni 'ga' yang 'thad pa ma yin no zhes bya ba ni bsgrub par bya ba'o/ /gtan tshigs bshad pa/ bde ba la sogs pa'i bdag nyid kyi sgra la sogs pa nga khyad par med de/ sna tshogs med kyang ste sgra la sogs pa cig la yang zhes bya ba'i don to/ /rang bzhin gyi khyad par las te/ srog chags kyi rang bzhin tha dad pa'i khyad par las bye brag las cig car du gcig nyid la bde ba la sogs pa skyed ste/ dper na tshwa'i rdzas gcig nyid la rnga mo la sogs pa bzhin no/ /goms pa'i khyad par las kyang gcig la mang po rnams cig car rag /gcig rim gyis bde ba la sogs pa de'i bdag nyid khyad par du grub pa ni myong ba ste nges pa zhes bya ba'i don to// rgyu de'i phyir 'jog par byed pa gzhan yin par rigs pa ma yin par grub pa yin no zhes mjug bsdu ba ste/ tshad ma'i don ni sngar gtan la phab zin to/ /'di snyam du bde ba la sogs pa'i khyad par dang rjes su 'brel pa ni blo yin gyi/ myong pa ni bde ba la sogs pa'i ngo bo'am de'i khyad par dang ldan pa ma yin no/ /'di ltar blo ni phyi rol gyi bde ba la sogs pa'i rnam pa dang/ rang nyid kyang bde ba la sogs pa'i bdag nyid can yin no/ /de la phyi rol khyad par med kyang blo la gnas pa na dag gi bde ba la sogs pa nyid de khyad par can du 'gyur ba yin te/ de nyid kyi phyir bde ba la sogs pa'i rnam pa gzhan gyis 'jog pa yin la/ gzhan yang khyad par med pa yang nang gi khyad par nyid las khyad par du yang 'gyur ro/ /zhes gzhan don pa la/ sun dbyung pa'i phyir 'di ci zhig ces 'dri par mdzad do/ /'dri ba'i bsam pa ni 'di yin te/ blo dang rig pa'i khyad par lung las grub pa 'am/ nyams su myong bas grub pa yin gang/ de la lung gis grub pa las du? ba ma yin no/ /nyams su myong bas grub pa 'di gnyis la ni khyad par ma mthong ste/ des na 'di zhes mngon snyam gyi tshul du gzung nas 'dri bar mdzad do/ /'dri ba'i don ni nyams su myong bas grub pa'i dngos po gang la 'jig rten pa blo'i tha snyad du byed ces bya ba yin no/ /cig shos kyis kyang zhen pa'o zhes bya bas nyams su myong ba grub pa nyid bstan pa'i don du mtshan nyid ma brjod par rnam grangs gzhan gyi sgo nas ston par byed de/ gang la 'jig rten zhen pa'i tha snyad du byed pa zhes bya ba'i don to/ /de bzhin du myong ba'i 'dri ba dang lan la yang blta bar bya'o/ /slob dpon gyis kyang rnam grangs bzhi ga 'jig rten pas nyams su myong bas grub pa'i dngos po gcig nyid la sbyor bar gzigs nas blo dang rig pa 'di gnyis la khyad par ci yod ces gsungs te/ cung zad kyang med do zhes bya ba'i don to/ /cig shos kyis kyang 'dis bdag la mtshan nyid dris so snyam du bsams nas/ 'di gnyis kyi mtshan nyid tha dad par rjod par byed de/ yul gyi rnam pa gang la yod pa de ni yul gyi rnam pa ste/ de lta bur 'gyur ba'i don to/ /'dis myong ba ma yin pa ni myong ba med pa'o/ /blo ni yul gyi rnam pa dang ldan pa yin zhes bya ba'i don to/ /gzhan te yul gyi rnam pa dang bral ba ni myong ba yin no/ /'di ni 'di gnyis ni rang bzhin te/ gang gi phyir skyes bu sna tshogs kyi rang bzhin gyi rnam par gtong pa dang len pa dag gis yongs su 'gyur pa can du ma gyur cig ces rnam pa med par 'dod pa yin no/ /myong ba yod pa ma yin pa te/ sems pa dang bral ba'i 'dra ba gang yin pa de blo'i mtshan yin na ni ste rang gi rang bzhin rnam par 'jog pa'i go bar byed pa'i rgyu yin no zhen ni me long dang shel dang/ rdo ba la sogs pa 'dra ba dang ldan pa gzhan yang blo der 'gyur ro/ /ha cang thal ba spang ba'i don du khyad par 'ga' zhig yod na yang brjod par bya'o/ /rang nyid kyis gzhan gyi khyad par dogs par byas nas dgag par mdzad pa ni nang gi byed pa zhes smras te/ nang gi skyes bu don la nye bar spyod pa na byed par gyur pa ni nang gi byed pa'o/ /de nyid la sogs pa shin tu dang pa nyid dang/ nang nyid dang/ skyes bu'i longs spyod par nye bar gnas pa'i rgyu nyid la sogs pa gang yin pa de dag la de skad ces brjod do/ /'ga' zhig gi tshe 'di dag nyid gzhan gyis khyad par du bzhag pa yin na/ 'di dag kyang ha cang thun mong ma yin pa dang thun mong du bzung ba yin no/ /re shig thun mong ma yin pa ni nang gi byed pa gang zhig skyes bu las tha dad pa med par snang ba na skyes bu don la nye bar spyod par 'gyur ba de 'dra ba'i nang gi de byed pa de ni blo nyid yin no/ /de bzhin du shin tu dang ba la sogs pa'i khyad par thams cad la sbyar bar bya'o/ / thun mong pa ni nang gi khyad pa la sogs pa khyad par dang bral ba'i rang bzhin no/ /de la thun mong ma yin pa ni ma grub ste 'di ltar de 'dra ba'i nang gi byed pa de yang 'dra pa ji lta bu zhig ces the tshom za ba la/ 'dra ba nyid mtshan nyid du bzhag par bya ba yin pas ji ltar 'dra bas mtshon pa'i blo ma grub pa de bzhin du 'dra ba dang ldan pa'i nang gi byed pa 'di la yang the tshom za ba nyid yin pa'i phyir 'di 'dra ba'i nang gi byed pa ni blo grub pa nyid na grub pa yin no/ /des na de'i rgyu mtshan can yin te/ gang dag la rgyu mtshan bo de yod pa'o/ /'dis ni phan tshun rten pa'i nyes pa brjod pa yin te/ de 'dra ba'i nang gi byed pa ni blo grub na 'grub pa'i phyir ro/ /gang gi phyir nang gi byed pa 'di ni blo'i rang gi ngo bo yin pas de la the tshom za na 'di la yang the tshom za ba nyid yin pa'i phyir bsgrag par bya ba ma yin no/ /thun mong pa la ltos nas bshad pa/ blo bye brag tu rtogs pa'i yan lag ste go bar byed pa nyid ma yin te/ thun mong du gyur pas khyad par du med pa'i phyir ro/ /de'i phyir des na bsgrags par bya pa ma yin te/ blo rtogs pa'i yan lag tu dgod par bya ba ma yin no/ /thun mong pa de nyid bstan pa'i phyir rnam pa de lta bu ni zhes smos te khyad par med pa'o/ /shin tu dang ba la sogs pa gzhan la yang ste/ me long la sogs pa dang mig la sogs pa la yang yod pa'i phyir ro/ /de ltar na nang gi byed pa tsam ni mig la sogs pa la yang yod pa yin no/ /nang nyid dang skyes bu'i longs spyod du nye par gnas pa'i rgyu nyid kyang don gzhan ltos pa nyid kyis ji ltar rigs par mig dang shes pa la sogs pa yang blo nyid du thal ba'i phyir blo yi mtshan nyid ma grub po/ /sgra la sogs pa'i yul rnam par 'jog pa ni yul dang dus dang rang bzhin tha dad pa rnams tha snyad du byed pa'o/ /nam bar 'jog pa ni rang gi rang bzhin des bsgrub pa 'am tha snyad du byed pa las 'dir ni tha snyad du byed pa gzung ngo/ /yang gi sgra ni 'dra ba blo'i mtshan nyid ma yin pa 'ba' zhig tu ma zad kyi/ blo 'dra ba dang bcas pa yin yang blo dang rnam pa med pa'i sems pa can yul gyi don rnam par 'jog pa ma yin par 'gyur ro zhes bstan pa'i phyir ro/ /myong ba yi ste myong bar byed pa'o/ /mthar thug pa ste/ mthar gtugs pa gang yin pa dag go /gang gi phyir myong ba zhes bya ba gzhan brjod pa ni ma yin gyi 'on kyang blta bar bya ba'i nges pa dang rjes su 'brel pa'i mthong ba rnam par brtag par bya ba'i rnam par rtog pa nyid myong ba yin par nyams su myong bas grub pa yin no/ /snang ba dang rnam par brtags pa dag gi tha snyad du byed pa ni mthong ba dang rnam par rtog pa nyid yin te/ de'i phyir myong ba'i mthar thug pa myong ba'i ngo bo can myong ba gang yin pa de nyid don rnam par 'jog pa yin gyi gzhan ni ma yin no/ /mthong ba dang rnam par rtog pa'i rang bzhin gyi tha snyad 'di na tha dad pa dang ldan par yin la/ myong ba yang rnam pa med pa nyid kyi don so so la khyad par du 'dod pa ma yin na/ de ji ltar don rnam par 'jog par byed par 'gyur/ 'di snyam du don tha dad pa dang 'brel ba'i myong ba tha dad par snang ba de'i phyir bdag nyid tha dad cing rgongs? she na/ gal te don tha dad pa mi gsal bar myong pa tha dad par byed pa yin na ni de de ltar 'thad pa zhig na/ gang gi phyir de yang gsal bzhin pa kho na tha dad par byed pa yin zhing gsal ba de yang myong ba nyid yin la/ de yang tha dad pa med pa des na/ don tha dad pas ni myong ba tha dad par mi 'gyur gyi/ 'on kyang rang gi tha dad pas yin no/ /de'i phyir don nges pa yod dam med kyang rung ste gsal pa'i rang bzhin rig pa ni don so so la nges par 'dod par bya ba yin la/ gsal ba nges pa yang don rnams kyi rnam par 'jog par byed pa yin no/ /skyes bu yang rnam par med pa nyid kyis don thams cad la khyad par med pa'i phyir/ 'di ni 'di'i gsal ba yin gyi gzhan gyi ni ma yin no zhes brtag bar mi nus pas ma nges par rig pa'i phyir de la ni yul nges pa'i tha snyad yongs su rdzogs pa yod pa ma yin no/ /de'i phyir don rnam par 'jog par byed pa ni yul gyi rnam pa can gyi blos byed pa yin no zhe na/ bshad pa/ sems pa med pa de don gyi rnam pa dang ldan yang yul gyi rnam par gnas pa rnam par 'jog par byed par ji ltar 'gyur/ tha snyad du byed pa ni gsal ba yin la/ de ni mi gsal ba'i bdag nyid yin pa'i phyir rnam par 'jog pa ma yin no/ /gal te don dang 'dra ba tsam nyid yul rnam par 'jog par byed pa yin na ni de'i tshe me long la sogs pa yang rnam par 'jog par byed par thal na/ me long ni 'dra bar mthong yang rnam par 'jog par byed par nges pa ma yin te/ de'i phyir rnam par 'jog par byed pa ma yin no/ /mig phye nas don gyi gzugs brnyan dang ldan bzhin du gnyid log pa'i skyes bu yang don rnam par 'jog par 'gyur na de ltar ni ma yin te de ltar nyams su myong ba dang 'gal bar thal ba'i phyir 'dra ba tsam ni rnam par 'jog par byed pa ma yin no zhes bya bar gnas par yin no/ /gang zhig don rnam par 'jog pa de ni gsal ba'i bdag nyid yin te/ gang gi phyir yul rnam par 'jog pa de ni me long la sogs pa rnams las bzlog nas/ nges pa'i rang bzhin bu nyams su myong ba yin no/ /gsal ba'i bdag nyid ma yin pa yang rnam par 'jog par byed pa yin na ni nges pa med pa nyid du 'gyur bas/ gsal ba las gzhan ni rnam par 'jog pa ma yin no zhes mi mthun pa'i phyogs la khyab par byed pa med pas de'i bdag nyid du grub po/ /des na khyab par byed pa gsal ba nyid med pa'i phyir gsal ba'i bdag nyid ma yin pa'i blo ni rnam pa dang ldan pa yin yang rnam par 'jog par byed pa ma yin la/ skyes bu yang sems pa can yin yang 'dra ba dang bral bas nges pa med pa'i phyir yul rnam par 'jog pa zhes bya ba ni med par 'gyur ro/ /sgra la sogs pa'i bdag nyid blo la yod pa'i bde ba'i 'dra bar byed pa'i phyi rol gyi bde ba la khyad par yod pa ma yin yang blor gtogs pa'i bde ba blo'i bde ba ni bsgoms pas byas pa'i bye brag gi khyad par de dang ldan pa yin no zhes gang brjod pa de ni tshig tsam las 'ongs ba yin gyi/ tshad ma las ni ma yin te des na rigs pa ma yin no// y ang gi sgra ni blo tha dad pa mi rigs pa dang yul rnam par bzhag pa med pa'i nyes pa 'ba' zhig tu ma zad kyi phyi rol gyi khyad par med na de la gnas pa'i bde ba yang sgoms pas khyad par du 'gyur par rigs pa ma yin no zhes ston par byed pa yin no/ /phyi rol gyis bskyed pa'i bde ba'i gzugs brnyan nyid skyes bus shes pa yin gyi/ blo'i bdag nyid du gyur pa ni ma yin no/ /'dra bar byed pa de yang nyams su myong ba ci 'dra ba de 'dra ba kho na yin te/ gzhan du na de ngas ma byas pa nyid du 'gyur ro/ /nges byas pa nyid yin yang ha cang thal bar 'gyur ro/ /des na nga'i khyad par gyis 'dra bar byed pa khyad par can du go bar byed pa yin la/ phyi rol la khyad par yod pa yang ma yin no/ /gzugs brnyan gyi dbang gis ni khyad par dang bcas par gnas pa yin la/ nyams su myong ba ni khyad par med pas tha dad pa'i tha snyad kyi rgyu phan tshun 'gal ba 'di ni gcig la rigs pa ma yin pa nga'i phyir bshad pa/ gcig la ste sna tshogs par ma gyur pa'o/ /cig car zhes bya ba yang rgyun gcig la khyad par sgrub pa mi 'gog pa'i phyir ro/ /'gal ba'i phyir zhes bya ba ni gnod pa'i phyir phyi rol lam ltos par blo khyad par dang ldan par rigs pa ma yin no/ /gang gi phyir sems pa las tha dad pa rnam pa dang ldan pa'i zhen pa las mtshan nyid med pa dang/ yul rnam par gzhag pa med par 'gyur pa dang/ gang gi don du blo khas blangs pa/ phyi rol gyis ma bzhag pa'i blo'i bde ba khyad par can yang gnas pa med pa las/ yul rnam par gnas pa dang/ phyi rol khyad par med kyang goms pas byas pa'i bde ba la sogs pa'i khyad par nyams su myong ba yang yod pa de'i phyir bde ba la sogs pa'i rnam pa can gyi blo phyi rol gyis byas pa ma yin la de sems pa las tha dad pa yang ma yin te/ 'on kyang de'i rang bzhin du nyams su myong bas grub pa yin no/ /sems pa yod pa las ldog pa tha dad pa'i blo ni rtog pa med pa'i phyir te/ mtshon pa med pa'i phyir ro/ /sngar bshad pa'i tshul gyis yul dang 'dra ba'i sems pa yod pa nyid don rnam par 'jog pa po yin la/ bde ba la sogs pa nyams su myong ba'i rang bzhin yang de nyid yin no/ /blo yang bde ba la sogs pa'i khyad par ldan pa dang/ yul gyi rnam pa dang ldan par 'dod pa yin te/ des na de 'dra ba'i blo ni sems pa yod pa'i rang bzhin nyid yin no/ /de nyid bstan pa'i phyir 'di ni zhes gsungs te/ 'di ni zhes bya ba ni nyams su myong bas grub pa'o/ /dga' ba dang zhum pa la sogs pa'i rnam par 'gyur pa rnam pa du ma gang yin pa der gcig tu ste/ myong ba ma yin pa'i cha dang bral bar/ myong ba'i rang bzhin yul 'dzin pa'i rang bzhin du ste rnam pa 'di dag gis 'dzin par byed pa rnam par 'jog pa po yang dag par rig par byed par nyams su myong ngo/ /tha dad pa dang bral bar nyams su myong bas grub pa'i yang dag par rig pa de la ming ni ji ltar 'dod pa de ltar 'dod pa de ltar byed la rag ste/ mi tha dad pas ni don gzhan du 'gyur ba ma yin no snyam du dgongs pa'o// sems pa can nyid blo'i rang bzhin yin par nyams su myong/ /zhes bya ba 'di mi rigs pa ma yin nam/ gang gi phyir rang bzhin pra ba nyid kyis myong ba ni mngon sum ma yin la/ blo'i rnam par 'gyur ba yul rnam pa yongs su 'dzin pa ni mngon sum du gsal ba yin no zhes gzhan dag dogs pa la/ bshad pa/ blo'i rnam par 'gyur pa mngon sum pa'i mngon sum du byed pa gang yin pa yul dmigs pa'i mtshan nyid yul las longs spyod pa 'di ni longs spyad par bya ba bzhin du mngon sum yin te/ 'di ni gsal ba'i rang bzhin du khas blang bar bya ba yin no/ /sems pa yod pa'i rang bzhin longs spyod pa ni mngon sum ma yin pa nyid yin la/ yul gyi rang gi ngo bo yang de dang 'dra bar mngon sum nyid ma yin nam/ de'i phyir rnam par rtog pa 'di go skabs su ji ltar 'gyur zhe na/ brjod pa/ re shig 'di thams cad kyi thun mong du gyur pa'i yul gyi chos ni ma yin te/ gcig gis nye bar spyod pa na yang thams cad kyis spyad par thal ba'i phyir ro/ /'di skyes bu'i ngo bo rtag tu gnas pa yang ma yin te/ rtag tu nye bar longs spyod par thal ba'i phyir ro/ /de'i phyir res 'ga' ba' i yul la nye bar longs spyod pa 'di ni/ gsal ba skyes bu'i chos bya ba'i bdag nyid can yin par rigs pa yin la/ longs spyod pa de mngon sum ma yin na ni longs spyad par bya ba dang longs spyod pa thams cad mngon sum ma yin par 'gyur te/ dper na gzhan gyi mngon sum gzhan gyis mngon sum du byas pa'i longs spyod pa de mngon sum ma yin pa bzhin du bdag nyid kyi yang 'gyur na/ mngon sum yang yin te/ nges na nyams su myong ba dang 'gal ba thams cad mngon sum ma yin par thal bar 'gyur ba'i phyir nye bar longs spyod pa ni mngon sum yin no/ /las shes bya ba ni de'i phyir gyi don te/ gang gis phyir yul yod pa de'i phyir yul longs spyod par thal bar 'gyur te/ yul lor spyod pa tsam nyid yul longs spyod par 'gyur ro/ /yang gis ni skyon gzhan sdud pa'o/ /gang gi phyir yul mngon sum pa nye bar spyod pa yin gyi gzhan ni ma yin te/ des na rig par byas pa'i phyir na spyad pa'i yul yod pa tsam nyid nyams su myong bar grub pa'i longs spyod par 'gyur ro/ /'di ltar longs spyad pa'i yul ni shes par byas so zhes skyes bus shes par bya ba yin te/ de lta ma yin te/ dmigs par gyur pa'i rang bzhin du yongs su ma shes na ni longs spyod par bya ba la longs spyad pa nyid du mi 'gyur ro/ /longs spyod pa ni dmigs pa nyid yin pas dmigs pa ma shes na ni de'i khyad par can gyi don yang shes par mi 'gyur te/ dbyig pa ma shes na dbyig pa can bzhin no/ /longs spyod pa shes par byed pa'i chos tha dad pa yang shes pa med do/ /des na longs spyod bzhin par shes pa'i yul nyid longs spyad pa longs spyod pa'i rang bzhin du shes par 'gyur bas na/ rigs bzhin pa'i yul yod pa nyid longs spyod pa rig pa yin par 'gyur na/ de ltar yang rigs pa ma yin no/ /'di ltar longs spyod pa'i bdag nyid du shes pa'i yul tsam ni thun mong ba yin pa'i phyir te/ ji ltar gzugs la 'di ni nga kho na'i yin no/ /zhes bdag nyid la nges par mi shes pa de bzhin du longs spyod pa yang bdag gis mthong ngo zhes khyad par can du nges par mi 'gyur te/ ji ltar yul yod pa tsam gyis bdag nyid so so la khyad par med pa de bzhin du longs spyod pa'i bdag nyid kyang khyad par med par 'gyur ro/ /gzhan yang dmigs par bya ba nyid dmigs pa yin par skyes bus rtogs par 'gyur na/ longs spyod par bya ba nyid la longs spyod par nges pa ni 'ga' yang yod pa ma yin no/ /de'i phyir longs spyod pa ni bdag nyid so so la tha dad par dmigs par bya ba las gzhan dmigs pa'i rang bzhin du khas blang bar bya ste/ gzhan du na bdag nyid so so la tha dad pa'i longs spyod pa dmigs par byas pa las gzhan gyi khyad par gyis de dang ldan pa'i yul rig par mi 'gyur ro/ /'di snyam du yul las tha dad pa'i longs spyod pa mngon sum ma yin pa yang rang gi rgyud la yod pa yin la/ longs spyod pa de nyid ni skyes bu so so la nges pa dang/ longs spyod par bya ba las tha dad pa yang yin pa de'i phyir yul yod pa nyid longs spyod par 'gyur zhes ci'i phyir brjod ce na/ bshad pa/ longs spyod pa tha dad pa yod kyang med pa dang khyad par med de/ ji ltar med pa'i longs spyod pa ni nges par longs spyod pa ma yin pa de bzhin du yod kyang ngo/ /des na khyad par med pa de'i phyir yul yod pa nyid longs spyod pa rig pa yin par 'gyur ro/ /gang zhig med pa de ni rang gi bsgrub par bya ba'i don byed par mi nus pa yin la/ yod pa ni nus pa ma yin nam/ des na ci'i phyir khyad par med ce na bshad pa/ yul de'i longs spyod pa de las tha dad pa gang yin pa de ma grub pa ma shes pa'i phyir te/ mi snang ba'i phyir ro zhes bya ba'i don to/ /'dir shes par byas pa'i don ni longs spyad pa yin la/ longs spyad pa yang longs spyod pa'i gnas skabs yin te/ de'i phyir shes par gyur pa'i don gyi gnas skabs 'ga' zhig nyid longs spyad pa'i khyad par du gyur pa'i longs spyod par 'thad pa yin no/ /tha dad par gyur pa'i longs spyod pa shes pa yang ma yin te/ des na gzhan gyi longs spyod pa bzhin du longs spyad pa'i don gyi khyad par dngos po la yod kyang med pa dang khyad par med do/ /de'i phyir yul yod pa tsam shes par gyur pa'i yul yod pa tsam longs spyod pa yin par 'gyur ro/ /shes pa ma shes kyang yul shes pa yin no zhes pha rol gyi 'dod pa kun 'byung ba'i phyir khas blangs nas shes par 'gyur ba'i yod pa tsam zhes brjod pa yin no/ /ma grub pa nyid ci'i phyir zhe na/ bshad pa/ longs spyod pa mngon sum ma yin pas so/ /'o na ni lkog tu gyur pa'i longs spyod pa rtags las shes pa yin no zhe na/ bshad pa/ rtags can ni rtags kyi rab tu sbyar ba ste/ rtags kyi rgyu mtshan can gyi nye bar longs spyod pa ma yin pa'i phyir te/ longs spyod kyi rang bzhin ma yin pa'i phyir ro// yang ni gtan tshigs bsag pa ste/ gtan tshigs 'dis kyang rtags grub pa yin yang yul yod pa nyid longs spyod par 'gyur ro/ /ji ltar na gzhan gyi longs spyod bzhin du 'gyur zhing/ ji ltar rtags can gyi longs spyod ma yin zhe na/ smras pa/ longs spyod pa ni mngon sum du gyur pa'i don yin gyi lkog tu gyur pa ni ma yin te/ de'i phyir longs spyod na ni don gyi mngon sum gyi gnas skabs yin na lkog tu gyur pa'i shes pa ni don gyi mngon sum du gyur pa'i gnas skabs ma yin te/ des na don gyi mngon sum du gyur pa yod pa nyid longs spyod par 'gyur la/ de la yang nyes pa brjod zin to/ /gal te don gyi mngon sum du gyur pa'i gnas skabs longs spyod pa yin na/ 'o na ni shes pa mngon sum yin yang longs spyod par mi 'gyur tai?/ ni don gyi mngon sum gyi gnas skabs ma yin pa'i phyir ro zhe na/ 'o na de'i rang bzhin 'dzin pa'i shes pa'i mngon sum gyi rang bzhin spangs nas don gyi mngon sum gyi gnas skabs gzhan gang yin par brtag par nus/ de lta na 'o na mngon sum du gyur pa'i gnas skabs kyi bdag nyid yul yod pa nyid longs spyod par yin par 'gyur gyi/ lkog tu gyur pa'i shes pa ni ma yin no/ /zhes ji ltar brjod ce na/ 'dir smras pa/ longs spyod pa mngon sum ma yin na ni longs spyod par bya ba mngon sum du mi 'gyur bas thams cad mngon sum ma yin par thal bar 'gyur ro zhes 'di nyid de sngar brjod zin to/ /de ltar ni longs spyod pa med par longs spyod par bya ba mngon sum du khas blangs nas yul yod pa nyid longs spyod par thal lo zhes nyes pa gzhan 'god pa yin te/ de'i phyir mngon sum gyi shes pa la ma gtogs pa mngon sum gyi rang bzhin du 'gyur pa'i don ni gzhan gyi dor nyes pa brjod par 'dod pas yid kyi de kho nar ni ma yin pas nyes pa med do/ /de bzhin du sngar yang don gyi shes pa'i gnas skabs ni shes pa nyid yin te/ yod pa nyid 'ba' zhig ni skyon brjod pa'i don du gzhan gyi der khas blangs pa yin no/ /longs spyod pa'i rtags grub par khas blangs nas 'di skad brjod pa yin te/ rtags mi rigs phyir ro/ /de las kyang zhes bya ba ni rtags las kyang shes pa zhes bya ba'i longs spyod pa mi 'grub pa nyid de/ sngar spyod pa'i rtag par bya ba rtags mi 'thad pa nyid ji skad bshad pa bzhin no/ /gal te yul longs spyod pa mngon sum ma yin na thams cad mngon sum ma yin pa nyid do/ /longs spyod par bya ba mngon sum yin na yang yul yod pa nyid longs spyod par 'gyur la de yang nyes pa sngar brjod zin na 'o na ni yul longs spyod pa ni mngon sum yin te/ gang gi phyir blo'i me long la skyes bu'i gzugs brnyan dang yul gri gzugs brnyan tshogs pa'i longs spyod pa de ni mngon sum yin la/ skyes bu ni mngon sum ma yin pa nyid do zhe na/ de ltar na zhes gsungs te/ skyon der gyur pa na'o/ /gang yang dngos pos dngos po mtshon pas zhes bya bas 'dun pa yin no/ /skyon gyi dngos pos yul longs spyod pa mngon sum gyi dngos por mtshon pa yin te/ gang gi phyir skyon du thal ba na yul dmigs pa longs spyod kyi bdag nyid mngon sum gyis gzung par bya ba yin pa de ltar gyur na longs spyod par bya ba dang longs spyod par byed pa dang/ longs spyod par byed pa po spyod pa'i tha snyad rdzogs pa yin no/ /phyir zhes bya ba ni de'i phyir te/ gang gi phyir rdzogs pa de'i phyir sems pa yod pa gzhan pa rtags pa ni don med do/ dgos pa dang bral ba yin no/ /gang gi phyir longs spyod par bya ba las tha dad pa'i longs spyod par byed pa gang yin pa de nyid ni de'i rnam pa nyid kyis longs spyod par bya ba gsal bar snang ba yin no/ /des na bdag tu 'dzin pa'i gzhir gyur pa'i dmigs par byed pa de nyid byed pa por snang ba ni longs spyod par byed pa por zhen pa yin no/ /de mngon sum du gyur pa nyid kyang yul mngon sum du gyur pa yin la/ longs spyod par byed pa yang de nyid yin te/ mngon sum nyid rang gi ngo bo las tha dad pa ni ma yin no/ /des na longs spyod pa po nyid longs spyod par byed pa yin pa'i phyir tha snyad rdzogs pa na longs spyod par byed pa ma yin la? longs spyod pa po yang ma yin la/ longs spyod par bya ba yang ma yin pa'i lkog tu gyur pa sems pa can gzhan brtags pa ni dgos pa med pa yin no/ /de nyid kyi phyir gang zhig blo la gzugs brnyan 'jog par byed bar brtags pa de ni mngon sum dang 'thad pas stong pa dang dgos pa med pas de ni ri bong gi rwa dang 'dra ba yin no/ /gang gis bu so so la tha dad pa dad pa dang/ longs spyad par bya ba las gzhan du gyur pa'i longs spyod par byed pa de ni gdon mi za bar snang bar khas blang bar bya ba yin la/ de ltar gyur pa na yang tha snyad rdzogs pa'i phyir sems pa can gzhan nam gzugs brnyan 'jog par byed pa des ci zhig bya/ 'di snyam du gal te sems pa yod pa lkog tu gyur pa ma yin du chug pa de lta na yang nyams su myong bas grub pa'i dmigs pa ni blo las gzhan yin no snyam na de yang zhes smos te/ re shig tha snyad rdzogs pa'i yul la sems pa'i bdag nyid can gyi dmigs pa de ni blo dang rang bzhin gcig tu mthong zhing gang gis tha dad par brtag par bya ba mthong ba 'di la ni rab rib can gyis mthong ba bzhin du gnod par byed pa yang ma mthong ngo/ /gnod par byed pa med par ni gzhan du nyams su myong ba la gzhan du brtags? pa mi rigs? te/ gnod par byed pa med pa'i phyir 'khrul par mi 'grub po zhes gang 'chad par 'gyur ba yin no/ /rnam 'grel las kyang gnod par byed pa'i rigs pa med par ni nyams su myong ba spang bar rigs pa ma yin no zhes bshad do/ /'di la nyams su myong ba tha dad pa'i tha snyad du yang 'thad pa ma yin no/ /phyir zhes bya ba ni gtan tshigs so/ /tha snyad kyi yan lag rnam pa dang ldan pa'i blo gang yin pa dang/ gang yang myong ba de dag tha dad pa ma yin pa nyid du gzhan pa ni ma yin no zhes gang brjod ba yin no/ /de'i phyir de ltar yul dmigs pa zhes bya ba longs spyod pa po'i bya ba'i bdag nyid longs spyod par byed pa mngon sum yin pa na nyams su myong ba'i rjes su 'brangs pa'i longs spyod pa po dang longs spyod par byed pa dang/ longs spyad pa bya ba'i tha snyad rdzogs pa'i phyir tha dad pa'i sems pa yod pa bkag pa la/ nyams su myong ba nyid sems pa can du gnas par rtogs nas gzhan rtsod par byed de/ lcags kyi gong bu las me bzhin du blo dang sems pa can dag 'dres bas rnam par dbyer med de/ rnam par dbye ba'i rtogs pa med do/ /sems dang zhes bya ba ni 'di nyid ston par byed pa'o/ /sems pa ni skyes bu'o/ /zhen pa ni blo ste/ 'di ltar dmigs par bya ba'i yul snang ba na blo dang skyes bu'i rang bzhin dmigs par gyur pa de'i tshe blo'i bdag nyid la skyes bu'i grib ma babs pa'i phyir de dag ni rnam par dbye ba dmigs par 'gyur te/ gang gi phyir skyes bu ni gzugs brnyan 'jog par byed pa yin la/ gzugs brnyan dang ldan pa'i blo yang longs spyod pa po dang 'dra ba'i phyir ro/ /longs spyod pa po ni de nyid yin te 'di lta ste gzugs brnyan gtong par byed pa'o/ /de'i phyir longs spyod pa'i bdag nyid kyis de gnyis 'dres pas na rnam par dbye ba med pa yin no/ /longs spyod ba'i gnas skabs kyi bdag nyid can 'dres pa des bslus pa'i rtogs pa po ni longs spyod pa po'i skyes bu dang de'i gzugs brnyan can gyi blo longs spyod pa po dang 'dra ba'i phyir longs spyod pa po nyid du snang ba tha dad par mi rtogs te/ dper na 'dres pas bslus pa'i lta ba bos lcags kyi gong bu me las tha dad par mi rtogs pa bzhin no/ /gang gi phyir tha dad par mi phyed par 'gyur ba lcags kyi gong bu dang me dag gcig la ji ltar yod ce na/ smras pa/ me dang lcags gong de gnyis kyi gzugs dang reg pa ni nges pa'i phyir ro/ /lcags gong gi sra ba dang dbyibs dang/ me'i gzugs dmar po dang/ dro ba'i reg pa yang rtogs pa yin te/ des ni ji ltar gnyi ga yod pa la phan tshun z hugs pa'i mtshan nyid kyi 'dres pas tha dad par mi rtog pa de bzhin du gzugs brnyan 'jog par byed pa'i skyes bu dang gzugs brnyan can gyi blo rnam pa gcig pa nyid kyis 'dres pa'i phyir rnam par dbye ba rtogs pa med pa yin no/ /zhes de ltar gzhan dag dogs pa la/ lan gdab pa'i phyir bshad pa/ de lta yin na ste/ rgyu mtshan 'chol bar 'gyur ba na/ dngos po kun la tha dad pa dang tha dad pa med pa de dag gi rnam gzhag nges pa'i rnam par dbye ba 'di ni tha dad pa'o/ /'di ni tha dad ba med pa'o zhes bya ba'i rnam par bzhag pa de ni nyams par 'gyur te/ 'ga' zhig tu yang tha dad pa dang tha mi dad pa rnam par bzhag par mi 'gyur ro/ /'di nyid rnam par 'grel pa na ji ltar tha dad pa med pa de ston par byed de/ don dmigs pa thams cad la ji ltar skyes bu dang blo tha dad pa med par snang yang tha dad pa de bzhin du 'di yang tha dad pa yin no/ /zhes 'dres par dgos par 'gyur la/ 'dres par dogs pa des kyang gcig tu nges pa med par 'gyur la/ gcig nyid du ma rtogs pa las kyang tha dad pa med pa'i rnam par bzhag pa nyams pa yin no/ /'di tsam zhig ni tha dad pa'i rnam par bzhag pa nyams pa la yang dgod par nus pa yin te/ 'dir sna tshogs pa'i rang bzhin rnam pa tha dad pa rnams la ni phan tshun rang bzhin rjes su 'brel pa yod pa ma yin te/ dper na bum pa snam bu ma yin la/ rnam bu yang bum pa'i rang bzhin med pa'i de'i phyir du ma nyid du nges par byed pa bzhin no/ /gang gi tshe rnam pa gcig la yang du ma nyid du dogs pa de'i tshe ma dmigs kyang bum pa yang snam bu'i rang bzhin du dogs par 'gyur zhing/ de bzhin du ma dmigs kyang thams cad la thams cad kyi rang bzhin rjes su 'jug pa'i phyir 'ga' yang gang las kyang tha dad par mi 'gyur ro/ /gang gi tshe dmigs pa'i phyir gzhan med par nges pa yin na ni gcig gi tha snyad du 'gyur bas de'i tshe 'das pa nyid kyang rnam par gnas par 'gyur ro/ /de'i phyir de ltar gcig gi tha snyad yod na ni du ma'i tha snyad du 'gyur gyi de med na ni du ma nyid du mi 'gyur ba de'i phyir gnyi ga nyams pa yin mod kyi/ 'on kyang rang gis khas blangs pa nyid kyis tha dad pa'i tha snyad med par bstan pa'i phyir bshad pa/ bde ba dang dkar po la sogs pa'i rnam pa tha dad par dmigs pa tha dad par rig pa dag kyang gcig tu khas blangs pa'i phyir te/ bde ba la sogs pa ni sgra la sogs pa'i bdag nyid yin no zhes gang smras pa yin no/ /de'i phyir tha dad par rnam par gzhag pa yang nyams pa yin no/ /des na gangs can la tha dad par dmigs pa ni tha dad pa'i rgyu mtshan ma yin la/ tha dad pa med par dmigs pa yang tha dad pa ma yin pa'i rgyu ma yin te/ de'i phyir 'di dag rgyu ci la rten nas rnam par 'jog ces gsungs te/ nges pa dang ldan pa'i tha dad pa dang tha dad pa med pa'i tha snyad rgyu med ba can du ni 'thad pa ma yin la/ tha dad ba dang tha dad pa med par dmigs pa las gzhan pa'i rgyu yang yod pa ma yin no/ /tha dad pa dang tha dad pa med? pa 'di dag gi tha snyad med na yang chu don du gnyer ba me la 'jug pas sdug bsngal bas 'tsho ba'i phyir e ma zhes rjes su rtse ba ste/ tha dad pa dang tha dad pa med pa 'ga' zhig kyang yod par mi 'gyur ro zhes bya ba'i don to/ /tha dad pa med pa rnam pa tha dad pa med par rig pa gang yin pa de gcig ste/ gcig gi tha snyad du rung ba nyid yin te/ gcig ni rnam pa can gyi shes pa rgyu yin na zhes bya ba'i don to/ /de ltar gang min zhes bya ba ni rnam pa tha dad par rig pa ste/ gang gi phyir de tha dad pa dang ldan par tha dad par 'grub par 'gyur ro/ /tha dad pa'i rgyu ni de spangs pas gnas pa yin no snyam du dgongs pa'o/ /rnam pa tha dad pa med par rig pa de gcig nyid kyi tha snyad la sgrub par byed pa ma yin pa nyid na ni tha dad de gcig gi tha snyad dang 'gal ba du ma'i tha snyad la yang shes ba'i rnam pa tha dad pa sgrub byed du 'grub par ma 'gyur te/ gang gi phyir gcig gi tha snyad kyi sgrub par byed pa gang yin pa de dang 'gal ba du ma'i tha snyad kyi sgrub par byed pa yin na/ de ma grub na ni 'di yang ma grub pa'i phyir ro/ /'dis ni tha dad pa dang tha dad pa med pa'i tha snyad dag gi rgyu 'gal ba yin par bstan nas/ da ni grangs can gyis rgyu 'di gnyis spangs par bstan pa'i phyir bshad pa / grangs can gyi dkar sdug la sogs te sngon po dang bde ba la sogs pa gang yin pa tha dad snang ste snang ba ni shes pa'i rang bzhin te/ shes pa gang yin pa'o/ /de ni tha dad pa ma yin te/ dkar po dang bde ba la sogs pa rnam pa tha dad par snang ba'i shes pas gzung bar bya ba yin yang gcig tu 'dod pa yin/ blo myong na ni tha dad med snang ste snang ba khong du chud pa gang yin pa de dag ste rnam pa tha dad pa med pa'i shes pa'i gzung ba yang tha dad pa de bzhin nyid yin na'o/ /des na shes pa'i rnam pa tha dad pa dang tha dad pa med pa/ tha dad pa dang tha dad pa med pa'i rgyu ma yin pa gang yin pa de la/ tha dad pa dang tha dad pa ma yin pa'i rten ci zhig yin te/ 'ga' yang ma yin no zhes bya ba'i don to/ /tshig? le'ur byas par spyir bkod pa zhes 'grel bas kyang rnam par bkral ba'i don sgrel cing legs par bsnga? pas? nas yang dag par bsdu bsdu ba de'i don gyi phyir tshigs su bcad pa 'di gnyis te/ bde blag tu don bsdus nas rtogs par bya ba'i phyir tshigs su bcad pa'i gal te snang ba tha dad pa med pa gcig gi rgyu yin na 'o na snang ba tha dad pa med pa'i me dang lcags gong dag tha dad par ji ltar 'gyur zhe na/ tha dad pa yin no zhes su zhig smra/ gang gi phyir blo dang skyes bu 'ba' zhig tha mi dad par ma zad kyi dpe lcags kyi gong bu la yang ngo/ /de nyid ston par byed pa nye bar yin pa'i rgyur gyur pa lcags kyi gong bu la me lhan cig byed pa dang 'brel pa las te/ de dag las de ltar khyad par can gyi gzugs dang reg pa skyes pa'i don gzhan cig nyid ces bya ba gnyis 'brel pa ma yin ba mthong ba yin te/ des na de la mthong ba nyid tshad ma yin no/ /'di skad du rigs pa smras pas nyams su myong ba spong ba ni dka' ba byed pa yin no zhes bstan par 'gyur ro/ /tha dad par gyur pa'i me dang lcags gong dag 'dres pa'i phyir rnam par dbye ba ma mthong ba ni ma yin no/ /nyams su myong ba'i dngos po la tha dad ba'i tha snyad du byed pa ni rtogs par bla ba las snang ba tha dad las sam/ rtogs par dka' ba yin na 'ang 'thad pas sgrub par byed pa yin te/ dper na sngon po dang sngon po ma yin pa dag gam/ gser gyi cha phal che ba la dngul gyi cha cung zad 'dres pa bzhin no/ /ser po ro gcig tu snang yang tha dad par khong du chud pa yin te/ rdzas de dag nyid lhan cig byed pa'i rgyu dang bcas pa las gser dang dngul gyi cha dag skye bar snang ba'i phyir te/ 'ba' zhig gam lhan cig byed pa la ltos kyang bla ste nye par len pa'i rgyu gcig las 'gal ba skye ba ni med do zhes sngar lan mang du bshad zin to/ /dngul gyi cha dang 'dres ba'i gser la snang ba tha dad pa med pa'i phyir tha mi dad pa nyid du rigs kyi tha dad pa ni ma yin pa ma yin nam zhe na/ ma yin te gnod par byed pa mthong ba'i phyir ro/ /'di la dngos po rnams kyi yod pa nyid du rnam par gzhag pa ni der snang pa'i shes pa slu ba med pa can nam rjes su dpag pa las yin zhing/ dngos po tha dad pa dang tha mi dad pa yang mi slu ba can gyi snang ba tha dad pa dag gam rjes su dpag ba las yin na/ tha mi dad par snang ba 'di la ni mi slu ba yod pa ma yin te/ nye bar len pa las byung ba tha dad par mthong ba las tha dad par rjes su dpog pa gnang bar byed pa 'jug pa'i phyir ro/ /lcags kyi gong bu la me'i mngon tu tha mi dad par snang ba slu ba med pa can yin pa'i phyir tha mi dad bar rigs pa yin no/ /gal te rdzas gzhan nyid skyes pa yin na/ 'o na rdzas de glo bur du ldog par ji ltar 'gyur zhe na/ ji ltar glo bur yin/ gang gi phyir ji srid gnas pa'i rgyu yod pa de srid du ni de yod ba nyid yin la/ phyis rjes de'i rgyu rnam par gnas pa'i rgyu me gang yin pa de rgyun chad de log pa'i phyir de yang ldog par 'gyur te/ til mar zad na sgron ma ldog pa yin no/ /gal te de la lcags kyi rdzas med na ji ltar glo bur du skye bar 'gyur zhe na/ ci'i phyir glo bur ba yin/ gang gi phyir de'i nye par len pa'i rgyu la ltos pa can grang ba'i reg ba la sogs pa smos pas ni yul gyi khyad par dang/ chu btab pa la sogs pa ste/ grang ba'i reg pa las sogs pa de dag las so/ /kyang gi sgras ni rgyun chad pa'i phyir snga ma ldog pa yang 'thad pa yin la/ rgyu yod pa'i phyir rdzas gzhan skyes ba yang ngo zhes bya ba 'ang? bstan ba yin na/ /gang gi phyir phyi rol khyad par med kyang khyad par du 'gyur ba de'i phyir bde ba la sogs pa nang yin zhing/ gang gi phyir nyams su myong bar bya ba yin la nyams su myong bar byed pa de dag kyang bde ba'i 'bras bu sim pa'i rnam par bsgrub par nus pa de'i phyir gzhan gyi lta ba la yang bde ba la sogs pa sems pa can du grub pa yin na/ kho bo cag gi lta ba 'dzin pa'i rnam par gnas pa de grub pa ni smos su ci yod/ /rang rig pa'i mngon sum bshad nas/ rnal 'byor pa'i mngon sum bshad pa'i phyir/ 'jigs sogs bzhin du zhes gsungs te gsal bar snang ba don byed bar bzod pa'i dngos po'i rang bzhin la ma 'khrul ba dang/ rtog pa med pa'i shes pa ni mngon sum yin no/ /de la yid kyi shes ba la gsal bar snang ba nyid 'thad par dka' bas re zhig ston par byed do/ /shes pa 'ga' zhig gsal ba ste gzung ba gsal bar snang ba gang yin pa de ni mngon sum mo/ /gsal bar snang ba nyid gang las she na/ bshad pa/ bsgoms pa'i stobs ni mthu yin la/ bsgoms pa'i mthu yang rab tu gyur ba yin pas/ bsgoms pa rab tu gyur pa de las yid kyi rnam par shes pa gsal bar snang ba yin no/ /'jigs sogs bzhin zhes bya ba ni bsgoms pa'i rgyu can du rab tu gags pa'i gsal bar snang ba dpe nyid du ston pa'o/ /gsal bar snang pa yang slu ba med ba can ma 'khrul pa'o/ /'di ltar rnam par rtog pa'i rang bzhin yid kyi rnam par shes pa ni bsgoms pa na bden pa dang mi bden pa'i dngos po gsal bar snang bar 'gyur la mi bden pa gsal bar snang bar? yang mngon sum ma yin pa des na de bzlog par bya ba'i phyir ma 'khrul pa smos pa yin no/ /gsal bar snang ba de ni rtog pa med pa yin la/ des na mngon sum yin te/ bsgoms pas gsal bar snang zhing/ gsal bar snang ba'i phyir rnam par rtog pa med par grub pa yin la/ tshad mas yongs su dag pa'i dngos po'i yul can yin pa'i phyir ma 'khrul pa yin bas ci'i phyir mngon sum nyid du mi 'gyur/ mngon sum gzhan yang gsal bar snang ba dang rtog pa dang bral zhing ma 'khrul pa yin no/ /'di nyid rnam par 'grel ba na gsal bar snang ba nyid kyi rgyu bsgom pa'i go rim ston par byed do/ /'jig rten na ni mnyam par gzhag pa la rnal 'byor pa yin la/ bstan bcos las ni ting nge 'dzin dang shes rab kyi bdag nyid zhi gnas dang lhag mthong la yin te/ rnal 'byor ba de dag la yod pa de dag ni rnal 'byor pas te/ rtag tu mnyam par gzhag pa dang/ de kho na rnam par 'byed pa las brtson pa'o/ /de dag rnams kyi gsal bar snang ba gang yin pa zhes bya bar 'brel to/ /de dag rnams kyi bsgom pa'i rim pa ci 'dra bar de ston par byed de/ thos pa las byung bas bsgoms pa dang rjes su mthun pa'i bstan bcos mnyan pa'i rgyu can gyis bzung ba nges pa'i don bsgom par bya ba/ rigs pas te tshad mas sems shing nges par rtog pa ni rigs pa sems pa'o/ /de'i rgyu can gyi shes bas don de khyad par du rnam par phye bar blo la bkod cing bzhag nas sgom par byed pa'i sgom par byed pa de rnams kyi sgom pa rdzogs shing don rnams la gsal ba'i rnam pa can gyi shes pa skyed par nus pa'i rgyur gyur pa'i mthu ste yod pa na gsal bar snang ba gang yin pa'o/ /gsal bar snang ba'i shugs kyis shes pa yin par gzung ba yin no/ /dper na 'jigs pa dang mya ngan la sogs pa gsal ba nyid du snang ba bzhin na'o/ /'dis ni gsal bar snang ba nyid dang bsgoms pa'i rgyu dang 'bras bu'i dngos por tshed mar mthong ba'i yul bstan te/ rgyu dang 'bras bu'i dngos po ni der nges pa yin no zhes bya ba'i don te/ /gang zhig gsal bar snang ba de ni rnam par rtog pa med pa yin no zhes gsal bar snang ba nyid rnam par rtog pa med pa'i rgyur brjod pa yin no/ /phyin ci ma log pa ste bden pa'i yul can gang yin pa'o/ /'dis ni tshig le'ur byas ba las gang zhig slu ba med pa can gyi sgrar brjod pa ma 'khrul pa nyid brjod pa yin no/ /des na bsgom pa las gsal bar snang ba nyid yin la/ des na rnam par mi rtog pa yin zhing tshad ma'i yul bsgoms pas kyang 'khrul pa med pa nyid ni rnal 'byor pa'i mngon sum du bstan pa yin te/ mngon sum gzhan bzhin no/ /mngon sum gzhan yang 'di lta bur gyur pa kho na yin no/ /yang 'di 'dra ba'i mngon sum de gang zhig yin zhe na/ bshad pa 'phags pa rnams kyi bden pa bzhi la/ 'bras bur gyur pa nye bar len pa'i phung po lnga ni sdug bsngal lo/ /de dag nyid sred pa dang lhan cig pas rgyur gyur ba ni kun 'byung ngo/ /nges par legs pa'i rang bzhin du gyur pa'i sems ni 'gog pa'o/ /rang bzhin de nyid thob pa'i rgyur gyur pa bdag med pa la sogs pa'i rnam pa can gyi sems kyi khyad par ni lam mo/ /'di dag mthong bar mngon sum du byed pa'i shes pa gang yin pa de mngon sum yin pa de bzhin du de dang 'dra ba'i don can gyi rnal 'byor ba'i shes pa mdza' dag mngon sum gyi tshad ma nyid do/ /'phags pa'i bden pa bzhi blo rnams ji ltar tshad mas rnam par dag pa dang/ mi rtag pa la sogs pa de dag rnam pa ji lta bu zhig bsgom par bya ba dang/ skye ba brgyud pa du mas dus ji srid kyi mthar thug par goms par bya ba dang/ rgyu gang la goms par byed pa byang chub sems dpa' rnams kyi ni snying rje las yin la/ de la gzhan rnams ni 'khor ba las yid byung ba zhes bya ba gang yin pa de thams cad ni/ ji ltar tshad ma rnam 'grel du bstan la phab pa'i rnam pa de nyid kyis 'phags pa'i bden pa mthong ba thabs dang bcas/ yul dang bcas/ rnam pa dang bcas par khong du chud par byas te/ 'dir ni yang dag pa'i yul can gyi rnam par rtog pa goms pa las de'i don la dmigs pa'i mngon sum skye ba nyid do/ /zhes bya ba de tsam zhig bsgrub par 'dod pa 'ba' zhig tu zad do/ /'di snyam du gang gis 'jig stsogs bzhin du zhes de skad brjod par 'gyur pa bsgoms pa sngon du 'gro ba can gyi yid kyi shes pa 'jigs pa la sogs pa gsal bar snang ba gang du mthong zhe na/ bshed pa/ 'dod pa dang 'jigs pa dang mya ngan dang de dag gis brlams pa gang yin pa de ni de dag gis brlams pa ste/ de dang chom rkun gyi rmi lam mo/ /rmi lam gang du chom rkun mngon du lhags par mthong ba de ni chom rkun rmi lam mo/ /de la sogs pa rnam pa gzhan gang yin pa de ni chom rkun rmi sogs te/ des bslang pa'o/ /yod pa ma yin yang mdun na ni ste sngon na gnas pa bzhin du'o/ /'dis ni mthong ba de gsal bar snang ba bshad pa yin no/ /'dir ni 'dod pa la sogs pas brlams pa'i gnas skabs su dmag nang na gnas pa 'am dus pa la sogs pa'i mya ngan gyis mdongs par gyur pa'i gsal bar snang ba'i shes pa skyes pa gang yin pa de/ yid kyi rnam par shes pa yin par des nus kyi gzhan du na snang ba dang bcas par mig gdangs pa'i dbang po 'khrul pa yang srid pa yin no/ /'dir ni bsgoms pa'i rgyu las byung ba'i yid gsal bar snang ba nyid du bsgrub par bya ba yin gyi dngos po las skyes pa ni ma yin te/ dbang po las skyes pa gsal bar snang ba la ni rtsod pa med pa'i phyir ro/ /bstan du zin kyang des ni rnal 'byor pa'i yid kyi shes pa gsal bar snang bar brjod par nus pa ma yin no/ /'di snyam du dbang po nyams pa gang yin pa de la ni rab rib can bzhin du dbang po las skyes pa 'ga' zhig la 'khrul par 'gyur ba yin gyi dngos po gzhan la ni mi gsal bar mthong ba yin na 'dod pas brlams pa ni 'ga' zhig tu yang zhan par mthong ba yod pa ma yin pas/ de ni dbang po'i 'khrul pa ma yin no snyam na/ de ni de ltar snying po yod pa ma yin te/ brlams pa'i dbang gis mi bden pa bsgoms pa'i dngos po gcig pu nyid dbang po las gsal bar 'gyur pa'i phyir snga ma kho na kha na mtho ba med pa yin no/ /chom rkun gyi rmi lam gyis bslang ba ni gnyid las langs pa nyid la 'dod pa yin te/ gnyid log pa'i gnas skabs na ni gsal bar snang ba rnam pa du ma yang yod pa yin te/ de'i phyir khyad par du brjod bas ci zhig bya/ gnyid kyis nyams pa'i rgyus yid gsal bar snang bar gyur du zin kyang bsgoms pa'i rgyu las gsal bar snang bar brjod par mi 'gyur te/ snang ba'i khyad par de ni bslang pa'i rgyu can yin gyi bsgoms pa'i rgyu can ni ma yin pa'i phyir ro/ /des na chom rkun gyi rmi lam las langs ma thag pa nyid du mig mi gsal bar phye ba 'am mun pa'i nang du bslang pa gang yin pa de 'dir gzung ba yin no/ /yang de dag gis de mdun na gnas pa bzhin du mthong ba zhes bya ba 'di gang las she na/ bshad pa/ bslad pa ji bzhin te/ 'dod pa las sogs pa las ma 'das par ro gus pas ni grims ba ste/ sgro ba'i dbang gis 'dar ba'i mtshan nyid can nam pa spu langs pa'i mtshan nyid kyi lus kyi gnas skabs so/ /bsgrub pa ni mthong ba'i dang rjes su mthun par nan tan du byed pa ste/ sdug pa la sogs 'dren pa dang/ 'di na su su zhes smra ba dang/ nga rgyal dang bcas pa ral gri la sogs pa la 'ju ba ste/ 'di dag mthong ba'i rgyu'i phyir ro/ /'di snyam du gus pas bsgrub ba mthong du zin kyang/ mngon sum bzhin du de dag gsal bar snang ba yin bar ji ltar nges she na/ lkog tu gyur rtogs pa ni shes pa'o/ /de'i 'du shes sam ni nges pa ste/ bdag gis lkog tu gyur pa'i don shes so snyam nas nges bar 'gyur ba de la ni de lta'i ste/ bya ba'i rang bzhin gus pa'i rang bzhin gyi rnam pa des 'jug pa ma mthong ba'i phyir ro/ /'di skad brjod pa yin te/ dper na lus ngag gi bya ba 'dod ba sngon du 'gro ba can yin ba bzhin du rjes su 'gro ba dang ldog pa dag las gus pas bsgrub pa ni dngos su mthong ba'i rgyu can du gtan la phebs pa yin te/ de mthong ba'i phyir de dag dngos su mthong bar rjes su dpog pa yin no zhes bya ba'o/ /gang gi phyir 'dod pas brlams pa la sogs pas bslang pa las bsgoms pas sngon du 'gro ba can gyi yid kyi shes pa gsal bar snang ba nyid du mthong ba de'i phyir yang dag pa ste/ bden pa 'am yang dag pa ma yin par yang rung ste/ gang kho na shin tu bsgom pa de nyid/ bsgoms pa mthar phyin pa ni gsal zhing mi rtog pa'i blo'i rgyur 'gyur ro/ /gang zhig mi bden pa de la ni rnam par shes pa snga ma la snang ba de las tha dad pa med par shes pa phyi ma'i rgyur brjod ba/ bden pa gang yin pa de la ni rnam par rtog pa'i rnam par shes pas bsgom par bya ba rang gi ngo bo nyid kyis gsal ba'i rgyur gyur pa yin gyi shes pa la snang ba ni ma yin no/ /bsgom pa'i 'bras bu shes pa ni de'i 'bras bur 'gyur te snang ba de'i rjes su byed pa'i phyir ro/ /tshigs su bcad pas ma brjod pa'i don can bar skabs su gnas pa'i tshigs su bcad pa'o/ /'dod pa goms pas nyams pa la mi bden pa'i don gsal bar snang du chug kyang/ bsgoms pa'i 'bras bu'i shes pa gsal bar snang ba gang yin pa de yang mi bden pa'i don can du 'gyur ro/ /zhes bya ba ji ltar zhes dang gang gi phyogs pa dag zer ba de bzlog pa'i phyir bshad pa/ gdon mi za bar 'di khas blang bar bya ste/ gang gi phyir mi sdug pa zhes bya ba ni rus pa 'brel pa'i rnam pa can gyi ting nge 'dzin to/ /zad par sa ni dngos po mdza' dag sar snang ba'i ting nge 'dzin no/ /stsogs pa smos pa ni zad par chu la sogs pa'o/ /yang dag pa ma yin pa'i yul can gang yin pa de yang ste/ yang gi sgras ni bden pa'i don 'ba' zhig gzung ba'i rnam pa gsal bar ma zad pa'o/ /de nyid kyi phyir bsgom pa'i stobs kyis rnam par rtog pa med pa gsal ba snang bar ni khyod 'dod pa yin la/ de ltar mos pas byas pa rnal 'byor ba'i spyod yul du 'gyur ba rus pa la sogs pa rnams kyis de'i bsgrub par bya ba ni 'ga' yang mi 'grub pa'i phyir ro/ /de'i phyir 'di ni mi bden pa'i don gsal bar snang bar mi 'dod par bzlog pa yin no/ /gal te bsgoms pa dang yid kyi rnam par shes pa gsal bar snang ba rgyu dang 'bras bu'i dngos por mthong ba'i phyir bsgoms pa'i mthu las gsal bar snang ba yin du zin kyang zhes bya ba ni srid pa ste/ rtog pa med pa ji ltar te mi 'thad pa nyid do/ /'di ltar gang zhig ji ltar goms par byas pa de nyid gzung ba gsal bar 'gyur la goms par byas pa yang sgra dang 'dres pa'i don yin ba des na de ltar gyur ba nyid du gsal ba na rnal 'byor pa'i shes pa ni rnam par rtog pa can nyid du 'thad pa yin no zhe na/ gal te rnam par rtog pa gsal bar snang bar 'gyur na ni da ltar 'gyur ba na gang gi phyir sgra'i rnam pa can gyi rnam par rtog pa dang rjes su 'brel pa rjes su zhugs pa'i shes pa la don kyang de yin la gsal ba yang yin pa de snang ba de gang la yod pa de'i dngos po ste/ de yod pa ma yin no/ /de de ltar ga las she na/ gang gi phyir brjod pa ste/ sgra'i rnam pa dang 'dres pa'i shes pa gang yin pa'o/ /de'i rang bzhin can gyi rnam par rtog pa gang yin pa thams cad la don te/ gzung bar bya ba gsal ba ste/ gsal bar snang ba nyid ldog pa ste med pa'i phyir ro/ /thams cad smos pas ni khyab par brjod pa yin no/ /khyab pa de nyid bstan pa'i phyir rnam par bslang ba'i blo yang rung ste zhes gsungs so/ /yang gi sgra ni ma bslang ba'i blo yang ngo/ /'di skad du 'khrul pa dang ma 'khrul pa'i rang bzhin gyi rnam par rtog pa dang bcas pa'i shes pa gang yin pa de thams cad ni gsal bar snang ba ma yin no zhes bstan pa yin no/ /'di nyid mjug sdud pa ni des na rnam par rtog pa'i shes pa 'di ni 'ga' zhig tu yang don gyi rnam pa gsal ba yod pa ma yin no/ /de'i phyir dam bcas pa tsam gyis ni don grub pa ma yin no zhe na/ 'o na ni rig pa gang gi phyir rmi lam na yang dran pa'i rnam par shes pa dran pa yin no/ / yang gi sgra ni khyad par du'o/ /rmi lam du yang ji snyed dran pa ni ji ltar de nyid du gsal bar snang ba de 'dra ba ma yin no/ /'di ga las? she na/ gang gi phyir de 'dra ba'i don ldan min par dran te/ ji ltar gsal bar snang ba gzhan bzhin du'o/ /'di nyid rnam par 'grel pa bshad pa/ rmi lam du yang nyams su myong ba de nyid kyi rnam pa can gang dag yin pa ste/ de dag ni ji ltar de nyid du gzhan da ltar byung ba 'dzin pa'i rnam pa gsal bar snang ba can/ de ltar snang pa'i ngang tshul gang la yod pa de dag ste/ de ltar snang ba ma yin no zhes 'di nyid du bcad do/ /de'i phyir 'di ni bsgrub par bya ba bstan pa'o/ /de nas de ltar dran pa med do/ /zhes bya ba ni gtan tshigs bstan pa ste/ gang gi phyir gsal ba'i rnam pa can du ma dran pa de'i phyir gsal ba'i rnam pa can du myong ba ma yin no zhes bya ba'i don to/ /dran pa med par ni rmi lam gyi gnas skabs sad pa'i dus su tha snyad du nus pa ma yin pa'i phyir ro/ /'di ni ji lta ba bzhin du dran pa yin no zhes bya ba 'di ga las ste/ rnam par rtog pa'i bdag nyid kyi dran pa ni don ji lta ba bzhin ma yin pa yang srid pa'i phyir ro zhe na/ de ni mi rigs te rjes su 'gro ba dang ldog pa dag pa dag las dran pa ni nyams su myong ba'i rjes su 'brang bar nges par shes pa'i phyir ro/ /'khrul pa'i rgyu mtshan 'ga' zhig las kyang nyams su myong ba ji lta ba bzhin ma yin pa yang yod mod kyi/ de la ni gnod par byed pa'i tshad ma las phyin ci log gi yul can nyid du khong du chud par bya ba yin pa/ gang la gnod par byed pa med pa de la ni don ji lta ba bzhin dran pa yin no/ /gzhan yang gnyid sad pa'i gnas skabs kyi gsal bar nyams su myong ba'i yul gyi dran pa yang yod pa yin te/ gal te/ rmi lam gyi gnas skabs kyi dran pa'i rnam shes pa gsal bar snang byung na de ci'i phyir phyin ci log tu dran par 'gyur ba bslang pa'i gnas skabs su myong ba yin pa des na mi gsal bar dran pa yin no/ /zhes brjod par yang mi nus te/ gang gi phyir rmi lam gyi shes pa gsal bar snang ba dag kyang dran pa'i phyir ro/ /dus ring pos bar du chod pa de'i phyir yang ma yin te/ dran pa'i rnam par shes pa dang ldan pa'i rmi lam las mod la sad pa na sngar skyes pa'i rmi lam gyi shes pa ni gsal bar snang bar dran la/ de ma thag tu skyes pa'i dran pa ni mi gsal bar ro/ /de'i phyir gnod par byed pa'i tshad ma dang ldan pa'i 'khrul pa'i rgyu mtshan med pas na/ gang zhig ji lta bu'i don gyi rnam pa nyams su myong bar dran pa de ni de lta bu'i don myong ba mngon du 'gro ba can yin te/ dper na mngon par 'dod pa sad pa'i gnas skabs kyi/ nyams su myong ba 'ga' zhig gi dran pa bzhin no/ /de bzhin du rmi lam gyi dran pa'i shes pa la dmigs pas? kyang mi gsal bar dran pa yin no/ /phyi rol gyi don gyi tshul la shes pa thams cad kyi phyin ci log pa nyid ni/ gnod par byed pa'i tshad mas nye bar bsgrubs pa'i mi slu ba ma yin pa nyid kyis khyab pa yin te/ bar ti ka las gnod par byed pa'i rigs pa dam pa med na zhes bya ba dang/ rnam par nges pa las kyang gnod par byed pa med pa'i phyir 'khrul par mi 'grub po zhes bshad do/ /mngon sum dang rjes su dpag pa 'ga' 'ga' zhig don yod par mthong ba'i phyir dang/ zhen par byas pa'i don la ltos nas mi slu ba'i rgyu yang don yod pa nyid yin pa'i phyir mi slu ba ni don yod pa nyid kyis khyab pa yin no/ /gnod par byed pa yod na ni mi slu ba med pa'i phyir gnod par byed pa med pa nyid ni mi slu ba kho nar nges par bya ba yin la/ dran pa la yang gnod par byed pa'i tshad ma med pas mi slu ba yin no/ nyams su myong ba'i 'bras bu nyid du ni mthong ba'i phyir ro/ phyin ci log gi don can nyid yin na ni rjes su 'brel par dran par mi 'gyur na rmi lam gyi dran pa ni thams cad kyang mi gsal bar snang bar dran no/ /rjes su 'brel pa zhes bya ba ni/ rmi lam gyi dran pa thams cad la khyab par yod par dran pa yin la/ 'di 'dra ba'i dran pa ni nyams su myong ba'i? 'bras bur grub bo/ /des na 'di la gnod par byed pa yod pa ma yin te/ du ba me'i 'bras bu yin pa la ni gnod par byed pa med pa bzhin no/ /de'i phyir de ltar byed par byed pa mi dmigs pas rmi lam gyi dran pa dran pa la phyin ci log nyid bkag pa 'am/ rang bzhin gtan tshigs kyis ji ltar zhen pa bzhin du mi gsal bar snang ba'i dran pa sngon du 'gro ba can nyid yin pa des na rmi lam gyi dran pa mi gsal bar snang ba yin no zhes gnas so/ /de lta na yang ji ltar rnam par rtog pa gsal bar snang bar mi 'gyur zhe na/ smras pa/ 'di la dbang po'i rnam par shes pa ni rang gi nye bar len pa las skyes pa na dbang po las gsal par snang ba yin te/ dbang po las skyes pa 'khrul pa rnams kyang gsal bar snang ba'i phyir ro/ /yid kyi mngon sum ni don las so/ /yid kyi rnam par shes pa gsal bar snang ba ma yin pa gsal bar snang ba byed par nus pa gnyid ces bya ba'i rnam par slong pa yin na rnam par rtog pa ni gsal byed nus pa ma yin te/ rjes su 'gro ba dang ldog pa dag gi der sgra'i rnam pa dang 'brel pa las gzhan gnyid kyis gsal bar snang bar byed nus pa'i gegs byed pa'i rgyu ni ma mthong ngo/ /de'i phyir sgra'i rnam pa dang 'brel pa nyid ni gsal par snang ba dang 'gal bar khong du chud do/ /de ni de kho na ltar yin te/ gang gi phyir rmi lam dang sad pa'i sgra dang 'des? par 'dzin pa ni gnyid kyi brlams pa la sogs pa'i rgyu can ma yin gyi/ 'on kyang ldog pa dang rjes su 'gro ba dag las brda'i rgyu can nyid yin par mthong ngo/ /de'i brda'i dus su mthong ba'i dngos po yul can yin pa'i phyir sngar mthong ba'i yul gyi rang bzhin sdom pa'i rgyu can yin la/ mngon mthong ba'i yul nyid du 'dzin pas don nye ba ma yin pa'i rang bzhin du snang ba na yang gsal bar mi 'gyur ro/ /gang gi phyir nye ba nyid du snang na ni gsal bar snang bar 'gyur na/ sngon zhugs pa'i mthong ba'i yul nyid kyis sngon byung ba'i dngos por gzung ba ni nye ba'i rang bzhin du snang ba ma yin te/ des na gsal bar snang ba ma yin no/ /rab rib can gyis mthong ba ni nye ba ma yin pa'i rang bzhin du mi snang ba de'i phyir sgra'i tshogs gsal bar snang ba yin no/ /de lta bur gyur pa yang res 'ga' gsal bar snang ba'i rgyu ' ga' zhig gis gsal bar byed srid pa rnam par rtog pa ni yid kyi rnam par shes pa gsal bar snang ba'i rgyu khyad par can don rnam pa sna tshogs ston par byed nus pa gnyid ces bya ba'i rnam par slad ba des kyang gsal bar snang bar byed pa ma yin no/ /de'i phyir rnam par rtog pa ni yid kyi rnam par shes pa gsal bar snang ba'i rgyu gang gis kyang gsal bar snang bar byed mi nus so/ /de nyid kyi phyir bslad pa 'am gzhan gyis kyang rnam par rtog pa ni gsal bar byed pa ma yin gyi zhes gsungs so/ /gang zhig brda'i dus su mthong ba nyid kyis dngos po la reg pa can gyi shes pa de ni gang gis kyang gsal bar bya bar nus pa ma yin te/ dper na mthong ba 'gags nas yun ring du lon pa'i rnam par rtog pa bzhin no/ /rmi lam gyi rnam par rtog pa yang brda'i dus su mthong ba nyid kyis dngos po la reg par byed pa can yin no/ /gsal bar snang ba nyid ni nye ba'i rang bzhin du snang ba yin la/ sngon mthong ba nyid du 'dzin pa la ni nye ba ma yin pa'i rang bzhin gyi dngos por snang bas khyab pa yin no/ /sngon gyi shes pa'i yul gyi dngos po nyid ni sngon gyi shes pa log pa'i tshe na yod pa ma yin te/ de'i phyir phyis 'byung ba'i shes pas sngon gyi shes pa'i yul nye ba ma yin pa nyid kyi dngos po la reg pa yin la/ brda'i dus su mthong ba'i sgras khyad par du 'dzin pa yang sngon gyi shes pa'i yul 'dzin pa nyid yin te/ des na 'di ni 'gal bas khyab pa dmigs pa'o/ /gal te 'on gsal p ar snang ba dang 'gal bas khyab pa nyid kyis sngon mthong ba 'dzin pa'i mtshan nyid kyi rnam par rtog pa gang gis kyang gsal bar snang ba can du byed mi nus na 'o na ni nye ba ma yin pa sngon mthong ba 'dzin pa'i phyir na gsal bar snang ba ma yin no zhes bya ba 'di nyid gtan tshigs su brjod par bya ba las/ ci'i phyir rmi lam gyis kyang gsal bar byed pa ma yin pa'i phyir rnam par rtog pa gsal bar bya nus pa ma yin no zhes brjod ce na/ bden te/ 'on kyang kha cig 'di snyam du ji ltar yid kyi rnam shes gsal bar snang ba ma yin pa bsgoms pas gsal bar byed pa de bzhin du rnam par rtog pa yang yin no/ /zhes dogs par 'gyur ba bzlog pa'i don du yid kyi rnam par shes pa gsal bar snang ba'i rgyu ni rnam par rtog pa gsal par snang par bya ba la mthu rdugs par bstan pa yin no/ /de'i don 'di yin te/ yid kyi rnam par shes pa gsal bar snang ba'i rgyu yin no zhes te/ de ltar rnam par rtog pa yang gsal bar byed pa ma yin te/ sgra dang 'dres pa la gsal bar snang ba nyid 'gal pa'i phyir ro/ /de nyid kyi phyir gnyid kyis kyang gsal bar byed pa ma yin te/ 'gal ba nye bar gnas pa'i phyir ro/ /bsgom par bya ba'i don ni gsal bar snang bar 'gyur ba yin na sgra ni bsgom par bya ba ma yin no/ /sgra dang don bsgom par bya ba yin du zin kyang/ ji srid sngar mthong ba nyid du snang ba de srid du rnam par rtog pa can gyi shes pa yin zhing de srid du yang de dag gsal bar snang ba ma yin te/ nye ba ma yin pa nyid du snang ba'i phyir ro/ /yang gang gi tshe sngar mthong ba nyid du mi 'dzin pa de'i tshe yang phan tshun gtso bo dang phal pa'i dngos por snang ba med pa ni 'brel par snang ba ma yin no/ /phal pa dang gtso bo'i dngos po dang bral bas 'brel pas stong par 'dzin par byed pa ni rnam par rtog pa dang bcas pa'i shes pa ma yin te/ dper na bum pa gnyis 'dzin par byed pa rnam par rtog pa dang bcas pa pa ma yin pa bzhin no/ /de nyid kyi phyir rnal 'byor pa'i shes pa sgra la sogs pa'i spyod yul du mi 'dzin par byed pa yin yang/ khyad par can gyi dngos po'i mtshan nyid phal pa dang gtso bor 'dzin pa med pa'i phyir rnam par rtog pa can yin no zhes lan mang du bshad zin to/ /de ltar gnas pa na skabs kyi don ni 'di yin te/ khyad par can gyi don can gyi yid kyi rnam par shes pa gang zhig bsgoms pas khyad par du 'gyur bar srid pa de ni gsal bar snang bar 'gyur ba yin te/ dper na 'jigs pa la sogs pa'i dngos po'i khyad par du snang ba'i yid kyi rnam par shes pa bzhin no/ /bsgoms pas khyad par du 'gyur ba la ni gsal bar snang bar byed nus pas khyab pa yin la/ gal te de yod du zin kyang gsal bar snang bar mi 'gyur na ni bsgoms pas nus pa nyid spangs par 'gyur ba yin pas de'i phyir lan cig kyang gsal bar mi nus pa las 'jigs pa la sogs pa la mthong ba yang yin no/ /gang gis nus pa med pa nyid du dogs par 'gyur ba de la rgyu gzhan ni yod pa ma yin no/ /des na khyab par byed pa mi dmigs pas mi mthun pa'i phyogs las ldog pa na gtan tshigs rang bzhin nyid do/ /bdag cag la sogs pa'i mi rtag pa la sogs pa'i rnam pa can gyi yid kyi rnam par shes pa yang bsgoms pa khyad par du 'gro ba srid pa yin no/ /gtan tshigs ma grub pa yang na yin te 'di ltar re shig mi rtag pa la sogs pa'i rnam pa can gyi rnam par shes pa dngos po thams cad kyi yul can ni srid pa nyid yin par kho bo cag la sogs pa'i nyams su myong bas grub pa yin la/ de bsgom par byed pa na rgyun gyis bsgrub par nus pa nyid kyang nyams su myong bas khong du chud pa yin no/ /bsgom pa'i rgyu snying rje yang 'ga' zhig la srid la/ 'jig rten pha rol yang gzhan du bsgrubs pa de'i phyir bsgom pa'i dus kyang yod pas mi srid pa ma yin no/ /de'i phyir de ltar phul du phyin pa'i dus su goms par byas pa dang lhan cig pa'i rnam par shes pa ni yid kyi rnam par shes pa gsal bar snang ba skye ba'i rgyu ma tshang pa med pa yin par bstan pa yin te/ rgyu ma tshang pa med pa bstan pa nyid 'ga' zhig gi srid pa'i mtshan mar brjod pa yin no// 'di ltar rgyu'i tshogs pa 'di yod la gegs byed pa med na ni nges par 'bras bu de byung ba yin no zhes bya ba 'di srid pa'i don yin gyi/ de 'gog pa'i gtan tshigs med pa de'i phyir srid par yang 'gyur ro zhes bya ba 'di ni srid pa'i don ma yin te/ rgyu rnams tshogs pas 'bras bu skye bar rjes su dpog pa ni srid pa'i tshad ma yin pa'i phyir ro/ /ji ltar 'di rang bzhin gyi gtan tshigs kyi khongs su 'du ba de ltar ni rgyu tshogs pa las 'bras bu skye ba zhes 'di nyid du ston par 'gyur ro/ /de lta na yang kha cig na re yid kyi rnam par shes pa ni ma rig pa'i rang bzhin nyid yin pas de ji ltar dag par byed nus shing gang gis na mngon sum du 'gyur zhes gang smras pa de yang gsal ba yin te/ bsgoms pas gsal bar snang ba nyid yin pa de'i phyir rnam par rtog pa med pa yin la/ tshad mas yongs su dag pa'i don can nyid kyis kyang mi slu ba nyid yin te/ de'i phyir bsdoms pas mngon sum nyid du 'gyur ba gang yin pa de'i ji ltar ma rig pa'i rang bzhin don med pa 'dzin par 'gyur/ gzhan yang rnam par shes pa ni don 'dzin par nges pa ma yin te/ don med pa yang 'dzin pa'i phyir ro/ /don med par 'dzin par nges pa yang ma yin te/ dbang po'i rnam par shes pas don yang 'dzin pa'i phyir ro/ /de'i phyir rnam par shes pa bdag nyid du ma gyur pa gsal bar byed pa'i nus pa dang ldan pa'i phyir yod pa dang med pa khyad par med par gsal bar byed pa yin no/ /rnam pa'i khyad par dang ldan pa'i shes bya 'dzin par byed pa nyid yin pa'i phyir yod pa ni ngo bo nyid las 'dzin pa yin te/ gang gi phyir gzung bar bya ba'i rang bzhin de dang 'dzin par byed pa'i rang bzhin gyi shes pa yod pas de ci'i phyir mi 'dzin/ 'dzin par byed pa yod cing dngos po yang yod pa na yod pa'i don mi 'dzin pa ni rgyu las nges pa'i phyir te/ dper na gsal ba'i bdag nyid du yod pa'i sgron ma ni rgyu'i stobs kyis nye ba na 'dug pa nyid gsal byar byed pa bzhin no/ /de'i phyir rang bzhin dang bcas pa'i dngos po 'dzin pa ni rang gi ngo bo kho na las yin pa'i phyir ngo bo nyid dang bcas pa'i rnam par shes pa'i rang gi ngo bo yin par grub po/ /med pa ni rnam pa dang bcas pa'i rang bzhin gyis stong pa'i phyir rang gi ngo bo 'dzin pa yi yin no/ /rgyu mtshan gzhan gyis kyang ma yin te/ rgyu mtshan gzhan ma mthong ba'i phyir ro/ /'on kyang nyams su myong ba'i dngos po dang 'dra ba'i med pa'i don gyi rnam pa ni log par 'dzin pa goms pa las rnam par shes pas bdag nyid la ston par byed pa yin no/ /gang gi phyir de sngon du 'gro ba can gyi med pa'i don 'dzin pa'i thog ma dang bcas par 'gyur ba don nyams su myong ba dang lag par 'dzin pa'i bag chags la thog ma yod pa ni ma yin no/ /de'i phyir don 'dzin pa la ltos pa'i log par 'dzin pa goms pa ni rgyu yin no/ /de kho na nyid nges par rtogs pa na ldog pa'i chos can yin pa nyid kyis rang gi rang bzhin ma yin pa'i don med pa 'dzin pa ni rnam par shes pa'i ngo bo nyid ma yin te/ de'i phyir ma rig pa'i rang bzhin ni glo bur ba yin no/ /dngos po'i rang bzhin 'dzin pa ni rang gi dngos po tsam la ltos pa dang/ dngos po rnams kyi de kho na'i rang bzhin yang ldog pa med pas mi ldog pa'i chos can yin pa'i phyir rnam par shes pa'i rang gi rang bzhin yin na/ de ji ltar yid kyi rnam par shes pa don med par 'dzin par 'gyur te/ rnam 'grel las/ rnam shes yul 'dzin pa'i chos/ /de ni ji ltar yod pa bzhin/ zhes shes pa ni dngos po 'dzin pa'i rang bzhin du bshad pa yin no/ /de nyid kyi phyir ma rig pa la sogs pa glo bur gyi dri ma rnams log pa las kyang skyes par mi 'gyur te/ rgyu drungs phyung ba'i phyir dang/ de dag shes pa'i rang bzhin ma yin pa'i phyir ro/ /rnam 'grel las/ 'che ba me dang yang dag don/ ngo bo nyid la zhes/ bdag med pa mthong ba'i bdag nyid kyi rnam par shes pa ldog pa med pa'i chos su bshad do// de'i phyir de ltar thams cad mkhyen pa dang/ 'dod chags dang bral ba grub pa la gsal bar snang ba nyid bsgoms pa'i rgyu can ma yin par 'bad pas bsgrub par bya ba yin te/ thams cad mkhyen pa'i mkhyen pa dang/ bdag med pa mthong ba yin/ mngon sum nyid yin pa'i phyir ro/ /gsal bar snang ba dang rnam par rtog pa dang 'gal bar brjod par bya ba yin no/ /zhes bya ba yang don dam pa yin no/ /de ltar na gang gi phyir bye brag tu smra ba rnams kyi dbang po nyid lta ba po yin pa dang/ slob dpon gyis lung la brten pa'i yid kyi mngon sum bkod pa la gzhan gyis skyon brjod pa dang/ kha cig rang rig pa dang rnal 'byor pa'i shes pa khas mi len pa de'i phyir ro/ /log par rtog pa 'di thams cad bsal ba'i don du mngon sum rnam pa bzhi rtog pa dang bral zhing ma 'khrul ba'i mtshan nyid dang bcas par bshad nas/ slob dpon phyogs kyi glang po dang bdag nyid lhan cig 'dod pa gcig tu bstan pa'i phyir/ ma 'khrul ba'i rnam par bcad par bya ba ston pa na/ slob dpon phyogs kyi glang po'i rjes su 'brang ba rtog pa dang bral ba tsam zhig thos pa dang ldan pas ma 'khrul ba smos pa la smad pa dang bcas pa'i gung na gnas pa slong bar byed de/ gal te gsal bar snang ba thams cad rnam par rtog pa med pa yin la/ rtog pa med pa yang mngon sum du brjod pa de lta na 'o na ni rmi lam gyi shes pa gsal bar snang ba'i phyir rtog pa med pa yin la/ de'i phyir mngon sum du 'gyur ro zhe na/ de ni rigs pa ma yin te/ ma 'khrul pa zhes bstan pa'i phyir ro/ /gang zhig rtog pa dang bral zhing ma 'khrul pa de ni mngon sum mo zhes kho bos brjod zin pa'i phyir dang/ ji ltar slob dpon gyi dgongs pa yang 'di yin pa de ltar ni de ma thag nyid du ston par 'gyur ro/ /des na rmi lam gyi shes pa gsal bar snang ba yang gang gis 'khrul pa de'i phyir mngon sum ma yin no/ /gang gi phyir rmi lam gyi shes pa gsal bar snang yang mngon sum ma yin pa de nyid kyi phyir mngon sum ltar snang ba rnam pa gnyis su bdag gis brjod la/ slob dpon gyis kyang ji ltar brjod pa da ltar 'chad par 'gyur ro/ /re shig gcig ni rnam par rtog pa ste de yang dngos po mi snang phyir dngos po snang ba dang bral pa'i phyir mngon sum ltar snang ba'o/ /nye bar bslad pa ni phyin ci log gi don can gyi shes pa'o/ /slu ba'i phyir te don mi 'thob pa'i phyir mngon sum ltar snang ba'o/ /tshig le'ur byas pa las don gyis thob pa'i rnam pa gnyis po 'grel par dngos su kha bskangs nas rnam pa gnyis kyi sgras bstan to/ /'di skad bstan pa yin te gal te rnam par rtog pa can gyi shes pa thams cad mi bden pa'i don can yin pa de lta na yang tha snyad kyi dbang gis 'ga' zhig mi slu ba nyid du 'dod pa yin la/ de yang dngos po'i rnam pa dang bral ba'i phyir mngon sum ltar snang ba'o/ /log par snang ba'i rnam par shes pa yang mngon par 'dod pa gang yin pa de la slu pa nyid kyis don snang ba dang bral ba des na 'khrul pa yin no/ /'di gnyi ga yang ma 'khrul pa smos pa nyid kyis bsal to/ /ma 'khrul pa smos pas ni bslad pa bsal ba yin la rnam par rtog pa med pas ni rnam par rtog pa zhes de skad ni brjod par mi nus te/ 'di ltar mtshan nyid bstan pa'i phyir 'di brjod pa ni ma yin te/ gzhan du na ni rtog pa dang bral ba smos pas ni rnam par rtog pa bsal la/ bslang pa ni log pa'i shes pa yin pa na ha cang thal bar mi 'gyur bas ma 'khrul pa smos pa'i lhag par 'gyur ro/ /gzhan yang de ma thag tu brjod pa'i gang gi phyir mngon sum ni dngos po snang ba yin te zhes bya ba ste mtshan nyid gang gis bsdus/ gal te mtshan nyid las phyi rol du gyur par brjod na ni/ de'i tshe mtshan nyid gnyis kyis gnyis bsal par bya ba las snga na med pa'i mtshan nyid kyis ma bsdus pa gzhan gyis gsal bar rtsom pas ci zhig bya/ de'i phyir mngon sum ltar snang ba'i shes pa ni 'di dag tsam zhig srid de/ 'di lta ste/ rtog pa dang bcas pa dang rtog pa med pa'o zhes bya ba 'di brjod par bzhed pa yin la/ de gnyi ga yang ma 'khrul ba smos pa nyid kyis bsdus pa yin no/ /ma 'khrul pa smos pa med par rtog pa med pa smos pas ni rnam par rtog pa kho na gsal bar 'gyur la/ mi 'khrul pa smos pa yod na yang gnyi ga bsal ba'i phyir rnam par rtog pa med pa smos pa ni log par rtog pa bsal ba'i don nyid do/ /yang dag pa'i shes pa'i dbang du byas pa'i phyir rmi lam gyi shes pa gcod pa grub kyang/ mi slu bar mngon par 'dod pa'i gsal par snang ba gzhan gcad pa'i don du ma 'khrul pa smos par bya ba yin no zhes mtshan nyid bsal bar brjod zin to/ /rmi lam gyi shes pa zhes brjod pa gang yin pa de ni rmi lam gyi shes pa'i skabs yin pa'i phyir te/ ma 'khrul pa smos pa ni ji ltar yang rung ba'i dgos pa dang ldan pa yin no zhes pa'i don du'o/ /yang ji ltar na dngos po mi snang ba'i phyir rnam par rtog pa mngon sum ltar snang ba yin zhe na/ bshad pa/ gang gi phyir mngon sum gang la dngos po snang ba yod pa de ni de lta bu ste kho bo dang slob dpon gyis brjod zin to/ de ga las she na/ de med na zhes gsungs te/ dngos po de med na mngon sum de'i rnam pa gzung ba'i rnam pa de nyams pa ste ldog pa'i phyir ro/ /gang gi phyir 'dis mngon sum gyi snang ba ni don gyi rjes su 'gro ba dang ldog pa'i rjes su byed pa yin no zhes bya ba dang/ gang zhig shes pa'i snang ba zhes bya ba la sogs pa dang/ yang de bzhin du ldog pa dang rjes su 'gro ba'i rjes su mi byed pa ni rgyu ma yin zhing/ rnam par gtod par nus pa'i rgyu ni yul yin no zhes bya ba 'dis brjod zin to/ / rnam par rtog pa ni de ltar dngos po snang ba ma yin te/ de'i sde rnam par rtog pa'i rnam? ba dngos po ste rang gi mtshan nyid dang mthun pa ma yin te/ yod pa dang med pa'i rjes su mi 'gro ba'i phyir ro/ /'di ga las she na/ dngos po med kyang rnam par rtog pa'i rnam pa mi nyams pa'i phyir ro/ /'di yang de ni brjod med rtogs byed yin zhes bya ba de'i nang du rgyas par bstan zin to/ /dngos po dang mthun pa ma yin pa'i phyir rnam par rtog pa mngon sum ltar snang ba yin par ma zad kyi/ nye bar bslad pa yang mngon sum ltar snang ba yin te/ dbang po las skyes pa yin du zin kyang ngo/ /dbang po las skyes pa'i gtan tshigs bshad pa/ dbang po las skyes pa gzhan las bslad pa de khyad par med pa'i phyir ro/ /bslad pa ni yid 'ba' zhig tu ma zad kyi nye bar bslad pa gang yin pa 'ga' zhig ni dbang po las skyes pa yang yin no zhes bya ba ni yang gi sgra'i don to/ /ci'i phyir dbang po las skyes pa yin zhe na/ bshad pa/ rnam par bslad pa zhes brjod pa de las gzhan pa'i dbang po las skyes pa'i shes pa dang khyad par med pa'i phyir ro/ /khyad par yod pa ma yin pa'i phyir bslad pa dbang po las skyes pa 'di yang mngon sum ltar snang ba ste/ gang gi phyir dngos po dang mthun pa ma yin pa'i phyir te/ rnam par bslang pa 'di snang ba dngos po dang mthun pa can ma yin pa de'i phyir snang ba dngos po la mi bltos pas mngon sum ltar snang ba yin te/ rnam par rtog pa bzhin no/ /skra shad du snang ba dngos po dang mthun par snang ba ma yin du zin kyang dbang po las skyes pa'i bslad pa'i shes pa 'ga' zhig zla ba la sogs pa 'ga' zhig yod pa nyid la skye bar 'dod pa ma yin nam/ de ci'i phyir snang ba thams cad dngos po dang mthun pa ma yin par brjod ce na/ slu ba'i phyir zhes bshad pa de/ dper na ji ltar snang ba bzhin du phyi rol na dngos po med pa'i phyir skra shad du snang ba'i shes pa la yul 'ga' yang yod pa ma yin pa de bzhin du zla ba gnyis la sogs par snang ba la yang yul yod pa ma yin te/ ji ltar snang ba bzhin du zla ba gnyis dang 'gro ba ljon shing phyi rol na med pa'i phyir ro/ /de'i phyir rnam par bslad pa'i snang ba slu zhing 'dring pa yin la de las kyang dngos po dang mthun pa ma yin pa de'i phyir mngon sum ltar snang ba'o/ /slu ba'i phyir dngos po snang ba ma yin par brjod pa 'dis ni rmi lam gyi shes pa zhes bya ba'i yid kyi rnam par bslad pa yang slu ba'i phyir dngos po snang ba ma yin par bshad pa yin no/ /de'i don ni 'di yin te/ ma 'khrul pa smos pas rtog pa dang bcas pa dang bslad pa gsal ba ni ha cang thal ba med kyang/ rtog pa dang bral ba smos pa ni log par rtogs pa bsal ba'i don du byas pa yin te/ dngos su rnam par rtog pa bzlog par 'gyur ba'i phyir ro/ /zla ba gnyis la sogs par 'khrul pa ni ji ltar yang dbang pos bskyed pa ma yin pa nyid de/ 'on kyang 'di ni yid yin no// zla ba'i yul la ni grangs 'khrul pa yin zhing/ mgal me la ni dbyibs 'khrul pa/ ljon shing la ni bya ba 'khrul pa yin la/ grangs la sogs pa 'di dag kyang sgro btags kyi spyod yul kho na'o/ /yang 'di dag gi gsal bar snang ba nyid ni dper na smig rgyu la chur 'khrul pa de bzhin du blta bar bya'o zhes kha cig gis rtogs so/ /de ni de ltar rigs pa ma yin te/ dbang po las byung ba dbang po las skyes pa la ni yod pa dang med pa'i rjes su byed cing rjes su 'gro ba gang yin pa ste/ dbang po'i shes pa'i skabs yin pa'i phyir dbang po yod pa dang med pa dag gi rjes su 'gro ba gang yin pa de ni dbang po las byung ba nyid de nyid kyi mtshan nyid de ngo bo nyid du gnas pa yin la/ gang gi phyir de ni zla ba gnyis pa la sogs pa'i shes pa 'di la yang mtshungs pa yin pa de'i phyir yid nyid du rigs pa ma yin no/ /gang la gang gi tha snyad kyi rgyu mtshan yod pa de la ni de'i tha snyad du bya ba yin te/ dper na dbyibs kyi khyad par dang ldan pa'i rdzas chu las sogs pa 'dzin pa'i nus pa'i bum pa la bum pa'i tha snyad du byed pa bzhin no/ /zla ba gnyis la sogs par snang ba'i shes pa la yang dbang po las skyes pa'i tha snyad du bya ba'i rgyu mtshan dbang po yod pa dang med pa'i rjes su byed pa yod pa ma yin no/ /rgyu mtshan med par mi 'thad pa'i phyir tha snyad 'jug par bya ba nyid la ni rgyu mtshan yod pa dang ldan pas khyab pa yin no/ /'jug par bya ba ma yin na ni rgyu mtshan gzhan la ltos par 'gyur bas de tsam gyi rgyu mtshan can du mthong bar mi 'gyur te/ de'i phyir mi mthun pa'i phyogs la khyab par byed pa ltos pa med pa nyid mi dmigs pas/ de tsam gyi rgyu mtshan nyid de las ldog pa na yod na 'jug par bya ba nyid kyis khyab pa'i phyir rang bzhin gyi gtan tshigs so/ /gal te gzhan dbang po las skyes par mi 'dod na dbang po yod pa dang med pa'i rjes su byed par 'dod par ji ltar 'gyur/ dbang po'i byed pa yod pa na mthong ba ji ltar zhe na/ re shig dbang po las ni 'khrul pa zla ba gcig tu snang ba'i shes pa dngos su 'byung la/ de las zla ba gnyis su snang ba'i rnam par rtog pa skye ba na dbang po yod pa dang med pa'i rjes su byed par zhen par 'gyur ro zhe na/ 'o na zla ba gcig tu snang ba'i shes pa de ci'i phyir nyams su ma myong bar/ ci ste nyams su myong ba na ni ji ltar ma nges/ ma nges par khas len na ni dbang po'i shes pa thams cad la nyams su ma myong ba'i shes pa 'ga' zhig kyang yod par khas blang par bya ba yin pa de'i phyir nyams su myong ba'i tha snyad nges par 'jig par 'gyur ba 'am/ zla ba gnyis su snang ba'i shes pa dbang po'i byed pa'i de ma thag pa nyid yin par nyams su myong bas grub pa gnod par byed pa med pas bar du chod pa yin no zhes brjod par ji ltar nus/ gang gi phyir gnod par byed pa med par ni mi slu ba dang bcas par nyams su myong bas nges pa tshad ma ma yin no zhes bya bar brjod pa 'thad pa ma yin te/ gnod par byed pa med pa'i phyir 'khrul pa mi 'grub po zhes gang 'chad par 'gyur ro/ /rnam 'grel las kyang gnod par byed pa'i rigs pa dam pa med par ni shes pa dus cig car bar nyams su myong bas grub pa spang bar nus pa ma yin no zhes bshad do/ /'di snyam du zla ba gcig tu snang ba'i shes pa nyid la de'i de ma thag tu byung ba'i rnam par rtog pa'i shes pas gnyis su sgro btags pa yin te/ de'i phyir zla ba gcig nyid gsal bar nyams su myong pa na grangs gzhan du sgro btags pa'i phyir zla ba gnyis su snang bar zhen pa yin no zhe na/ de ni de ltar shin tu ma 'brel te/ bum pa gcig mthong ba la skyes bus bcur yongs su btags pa na yul tha dad bar bum pa bcu'i rang bzhin du snang ba ni med kyi/ 'on kyang gcig nyid gsal ba'i rang bzhin du snang ba na bcur zhen pa nyid do/ /'dir ni yul gcig pa spangs nas yul gzhan du kha dog dang dbyibs mtshungs pa'i zla ba'i dkyil 'khor gzhan nyid du gzung bar snang ba yin pa de'i phyir 'di ni gcig nyid snang ba na grangs btags pa ma yin gyi/ /'on kyang rnam par shes pa 'di ni zla ba gnyis su snang ba nyid yin no/ /de yang dbang po las skyes pa ma yin la/ dbang po las skyes pa gang yin pa de ni nyams su ma myong ba'i phyir thal ba snga ma nyid du 'gyur ro/ /gzhan yang nyams su myong ba'i tha snyad thams cad la yid brtan du med par ma gyur cig ces gzhan la gzhan du nyams su myong ba la ni rnam par rtog pa gzhan du skye ba ma yin no/ /'dir dbang po 'khrul pa'i phyir rnam par rtog pa gzhan du 'gyur ba yin no zhes/ dbang po'i rnam par 'gyur ba dngos su skyed par byed pa'i shes pa gang yin pa de'i rnam par 'gyur ba'i rgyu ma yin na/ bar du chod pa yin par ji ltar 'gyur/ rnam par 'gyur ba'i shes pa skyed par nus na ni de'i dngos su skyed par byed la/ mi nus na yang bar du chod nas kyang skyed par mi byed do/ /bar du chod pa 'gags pa ni 'ga' zhig gi rgyu ma yin no/ /dbang po'i rnam par shes pa rnam par rtog pa'i dngos su skyed pa'i rgyu yin na yang nyams su myong ba'i dngos po la rnam par rtog pa skyed par byed pa 'am/ gsal ba med pa'i phyir nyams su myong ba dang 'dra ba yin te/ dper na smig rgyu'i rang gi mtshan nyid gzung ba las de dang 'dra ba'i chu'i rnam par rtog pa bzhin no/ /rang gi mtshan nyid 'dzin pa 'dis ni ji ltar nyams su myong ba 'am/ nyams su myong ba dang 'dra ba'i nges pa skyed pa med de/ zla ba gcig pa nyams su myong ba'i phyir dang/ mi 'dra ba'i phyir ro/ /de'i phyir dbang po'i rnam par shes pa'i rnam par rtog pa skyed pa'i rnam pa 'di ci zhig yin/ gzhan yang sngar bshad pa'i tshul gyis rnam par rtog pa'i rnam par shes pa ni gsal bar snang ba ma yin la/ zla ba gnyis kyi shes pa gang yin pa de ni rtag tu gsal bar snang bas de ji ltar rnam par rtog pa can du 'gyur/ 'o na smig rgyu la chu'i rnam par rtog pa gsal bar snang bar ji ltar 'gyur zhe na/ gsal bar snang ba ni ma yin gyi smig rgyu'i rang gi mtshan nyid 'dzin par byed pa gsal bar snang ba'i shes pa dang dngos po 'dra ba'i yul can gyi rnam par rtog pa'i shes pa cig car 'jug pa na snang ba dang rnam par brtags pa'i don dag gcig tu byas nas gsal bar snang par 'khrul pa yin no/ /'dis ni nor bu'i 'od la nor bur rnam par rtog pa yang bshad pa yin no/ /de ltar 'dir ni khyed la dbang po las skyes pa zla ba gnyis kyi shes pa gsal bar snang ba yod pa ma yin pas na gang gis na lhan cig tu 'jug pa'i rnam par rtog pa'i shes pa la don tha dad pa med par sgro 'dogs pa gsal ba nyid du 'khrul par 'gyur/ de'i phyir dbang po'i byed pa'i de ma thag pa nyid du byung bar nyams su myong ba gsal bar snang ba'i zla ba gnyis la sogs pa'i shes pa ni dbang po las skyes pa nyid do zhes bya bar gnas so/ / gzhan yang zla ba gnyis pa la sogs pa'i shes pa ni dbang por 'gyur na 'gyur bar mthong ste/ des na 'gyur pa'i phyir de dbang po las skyes pa ma yin par mi 'thad do/ /gal te dbang por 'gyur pa'i rjes su byed pa yin yang dbang po las skyes pa ma yin no zhes bya ba la mi 'thad pa ci yod ce na/ 'gyur pa'i rjes su byed pa gang gi rgyu mtshan yin pa ste/ gang gi she na/ rten te brten par 'jog pa ste/ rnam par 'jog cing tha snyad du byed pa gang yin pa de'i rten de'i rgyu mtshan ni de yin no/ /gang gi phyir dbang po las skyes pa'i shes pa gzhan la yang rten pa nyid kyi tha snyad kyi rgyu ni de yin pa de'i phyir 'dir yang rgyu yod pa na tha snyad 'jug par bya ba yin no/ /de'i sbyor ba'i tshul ni sngar brjod zin to/ /sprul la sogs pa'i 'khrul pa de bzhin du dbang po'i rnam par 'gyur pa yod kyang ldog par thal bar 'gyur te/ thal bar 'gyur ba de'i phyir dang/ de bzhin du dbang po'i rnam par 'gyur ba log kyang ste/ med kyang mi ldog par thal te thal ba 'dis kyang yid las skyes pa nyid du mi rigs so/ /gang zhig yid las skyes pa de ni dbang por 'gyur ba'i rjes su 'gro ba dang ldog pa'i rjes su byed pa ma yin te/ dper na sprul du 'khrul pa bzhin no/ /zla ba gnyis la sogs pa'i shes pa yang yid las skyes pa yin no/ /de rnam par 'gyur pa'i rjes su 'gro ba par ldog pa'i rjes su byed pa nyid la ni dbang po las skyes pa'i tha snyad du rung bas khyab pa yin te/ tha snyad kyi rgyu mtshan ni de tsam du zad pa'i phyir ro/ /yid las skyes pa nyid kyang de dang 'gal ba yin pa'i phyir khyab par byed pa 'gal ba dmigs par thal ba'i gtan tshigs so/ /thal ba zlog pa ni gang zhig dbang po'i rjes su 'gro ba dang ldog pa'i rjes su byed pa de ni yid las skyes pa ma yin te / dper na sngon po la sogs par snang ba bzhin no/ /zla ba gnyis pa la sogs pa'i shes pa yang de bzhin te/ sbyor ba 'di ni gsal bas khyab pa yin no/ /sbyor ba gnyi ga'i khyab par bya ba dang khyab par byed pa'i dngos po ni dbang po las byung ba'i tha snyad sgrub par gtan la phab ma thag pa yin no/ /yan lag gcig nyid de dang/ nam mkha' dma' ba la sogs pa'i rnam par rtog pa rnam par dpyad pas kyang mi ldog pa ma yin nam zhe na/ bden mod kyi 'on kyang yid kyi shes pa 'khrul pa ni rnam par dpyad pas ldog par 'gyur ro zhes bya ba'i slob dpon gyi bzhed pa'i don 'di yongs su bzung bas skyon 'di spang ngo/ /'di la skyon yid kyi 'khrul pa 'ga' zhig ni mthong ba'i rnam pa'i rjes su 'brang ba yin te/ dper na gru bzhi la sogs pa'i dbyibs kyi 'khrul pa bzhin no/ /kha cig ni mthong ba la mi ltos pa yin te/ dper na sprul la sogs par 'khrul pa bzhin no/ /sprul du 'khrul pa ni thag pa mthong ba'i rjes su 'brang ba ma yin gyi 'on kyang mthong ba'i rgyu rnams mi gsal ba de 'byung ba yin no/ /de las gang zhig rtag tu mthong ba'i rjes su 'gro ba de ni rnam par dpyad pas mi ldog la/ nam mkha' dma' ba dang yan lag can gyi rdzas la sogs pa'i rnam par rtog pa yang de lta bu'i rang bzhin can yin no/ / gang yang blta bar bya ba'i dngos po snang ba na mi gsal ba 'ga' zhig las ma nges pa na 'dra ba'i dngos por sgro 'dogs pa 'jug pa de ni mthong ba'i dngos po la ji zhig ltar dpyad pa las nges pa na ldog pa yin no/ /zla ba gnyis la sogs pa'i shes pa yang zla ba gnyis mthong ba'i rjes su rtag tu 'byung ba ni ma yin gyi/ 'on kyang rnam pa gzhan du mthong ba'i zla ba rgyu mtshan 'ga' zhig las gzhan du 'jug pa yin la/ de la rnam par dpyad pa las zla ba gcig tu nges par gtan la phebs pa na nges par ldog pa yin na/ ma log pa de'i phyir 'di ni yid las byung ba ma yin no/ /gang zhig zla ba gnyis pa la sogs pa dbang po las skyes pa ma yin yang rnam par mi rtog cing gsal bar snang ba'i rmi lam gyi shes pa bzlog pa'i don du ma 'khrul pa smos par bya ba nyid do zhes zer ba de ni mi rigs te/ rmi lam gyi shes pa la ni yang dag pa'i shes pa nyid med pa de'i phyir de'i dbang du byas pa nyid kyis de bsal ba'i phyir ro// gang zhig yang dag pa'i shes par 'dod pa dang rtog pa med pa de la ni ma 'khrul pa smos pa med na mngon sum nyid du dogs pa yod pa'i phyir ma 'khrul pa ni de'i don du smos par bya ba yin te/ dper na dung la ser por shes pa bzlog pa'i don yin pa lta bu'o/ /'o na ji ltar 'o na ni rmi lam gyi shes pa zhes brjod ce na/ smras pa/ rtsod pa pos rmi lam gyi shes pa rtog pa med pa log pa'i shes pa dang/ zla ba gnyis las sogs pa'i shes pa rnams yang dag pa'i shes pa nyid du mthong zhing gnyi ga yang bzlog pa'i don du ma 'khrul pa smos pa mi rigs pas na de ci'i don du byas snyam du sems pa na/ gang zhig ma 'khrul pas bzlog pa de nyid 'dra ba yin la/ slob dpon gyis ni yang dag pa'i shes par 'dod pa'i dbang po las skyes pa 'ga' zhig log pa'i shes pa nyid dang/ de bzlog pa'i don du ma 'khrul ba smos pa yang gdon mi za bar bya dgos par gzigs nas ma 'khrul zhes bstan pa'i phyir ro zhes gsungs so/ /de'i phyir de ltar dbang po las skyes par 'thad pas bsgrubs pa mjug sdud de/ de'i phyir 'khrul pa nyid kyis ma 'khrul ba smos pas bsal ba'i 'khrul pa 'di la ni dbang po las skyes kyang mngon sum ltar snang ba yin no/ /gang gi phyir 'khrul pa ni dbang po las skyes kyang mngon sum ltar snang ba yin pa de nyid kyi phyir te/ rgyu des na dran dang 'dod par byed pa'o zhes bya ba yongs su rdzogs pa'i tshig 'dis 'khrul dang kun rdzob shes pa dang zhes bya ba la sogs pa rnam par rtog pa rnams kyi sde mtshan te/ tshoms las logs shig tu ste/ tha dad par rnam par gcad de so sor byas nas so/ /rab rib kyi rgyu mtshan gyis mtshon pa rgyu mtshan gzhan las skyes pa'i mngon sum ltar snang ba yang yod pa de'i phyir rab rib smos pa ni nye bar mtshon pa yin te/ rab rib bcas shes bya ba'i tshig 'dis ni rab rib kyis mtshon pa mngon sum ltar snang ba slob dpon phyogs kyi glang pos gsungs so/ /gzhan du na rab rib las byung ba yang rnam par rtog pa yin na ni 'khrul pa smos pa kho nas bsdus pa'i phyir logs shig tu byas pa don med par 'gyur ro/ /ji lta ji ltar yang rung bar log shig tu byed na ni smra ba po mi mkhas par 'gyur la/ dbye ba brjod par khas len na yang thug pa med par thal lo/ /de'i phyir rab rib ni rnam par rtog pa med pa'i mngon sum ltar snang ba gzhan rnams kyi nye bar mtshon byed yin no/ /mngon sum ni rtog pa dang bral ba'o zhes bya ba'i mtshan nyid 'di la/ 'di ni dmigs kyis bsal ba yin te / 'dir dmigs kyis bsal ba zhes bya bas so/ /rab rib la sogs pa las byung ba la sogs pa mi rtogs pa'i rnam par rtog pa med pa ni mngon sum mo zhes rab rib las skyes pa la sogs pa dmigs kyis bsal bar bstan pa'i don du ste/ des na rab rib las skyes pa ltar 'khrul par ma gyur pa'i rtog pa med pa gang yin pa de ni mngon sum mo zhes yul 'dis spang ba'i don du mtshan nyid kyis lhag ma dpag par bya'o/ /de'i phyir ji lta ji ltar yang rung bas rnam par rtog pa'i sde tshan las rab rib las byung ba la sogs pa logs su byas pa ni ma yin no/ /tshad ma kun las btus pa mngon sum gyi mtshan nyid bsgrubs pa las gzhan rtsod pa bsgrub par yang mig la sogs pa'i rdul phra rab de dag rnams zla ba gnyis dang/ sngon po las sogs pa de dag gang la snang ba'i shes pa de'i rgyu yin par gsungs so/ /de las ni gal te ji ltar yod rnam pa gzhan du snang ba'i shes pa'i yang rgyu yin pa de ltar de dag yul yin na de lta na ni 'o na mig la sogs pa'i rdul phra rab rnams kyang zla ba gnyis su snang ba dang/ sngon po la sogs par snang ba'i yul nyid du thal bar 'gyur te/ rgyu yin pa'i phyir ro zhes gsungs so/ /mngon sum gyi yul brtag pa ni mig la sogs pa'i rdul phra rab rnams de nyid la yul gyi dngos por ha cang thal bar 'thad pa yin gyi/ yid kyi shes pa'i yul gyi dngos por ni ma yin pa'i phyir na yid kyi shes pa la ltos nas de skad brjod do zhes ni nus pa ma yin no/ /des na de ltar mngon sum gyi dbye ba dang mtshan nyid dang / spyod yul la log par rtogs pa bsal nas/ 'bras bu tshad ma las tha dad do zhes 'bras bu las log par rtogs par bsal bar bzhed nas/ gang yin zhes 'dri bar rtsom mo/ /'di'i ni bshad ma thag pa'o/ /thob par byed pa ni tshad ma yin la/ gdon mi za bar bya dgos pa'i don thob par byed pa ni de'i 'bras bu yin no/ /de yang rang bzhin gang yin zhe na/ gzhal bya zhes bya ba la sogs pa smos so/ /don rtogs na 'jug la de las kyang thob pa de'i phyir don rtogs pa'i bya ba ni don thob pa'i bya ba yin pas gdon mi za bar bya dgos pa'i tshad ma'i 'bras bu ni de nyid yin gyi gzhan ni ma yin no/ /gzhan gyis smras pa ni byed pa po'i ngo bor gyur pa'i dngos po la ni tshad mar brjod pa yin la byed pa yang bya ba'i sgrub par byed pa dam pa yin te/ de'i phyir gang la ltos nas de de'i byed par 'gyur ba 'bras bur gyur pa'i bya ba 'ga' zhig gdon mi za bar yod dgos so zhes bya ba yin la/ cig shos kyis kyang 'jal ba'i bya ba byed pa tshad ma yin pa de'i phyir de nyid 'bras bu yid la tshad ma'i 'bras bu de yang las nges par gcod pa yin no zhes bstan pa'i phyir gzhal bya rtogs pa'o zhes gsungs pa yin no/ /gang gi phyir gzhal bya rtog pa de ni shes pa yin la de yang 'bras bu yin pa des na shes pa nyid 'bras bur 'gyur ro/ /gang gi phyir de lta yin pa de'i phyir nga ni ste/ da lta shes pa 'bras bu'i dngos por khas blangs na/ ji ltar mngon par 'dod pa'i tshad ma lus pa gang zhig yin te/ cung zad kyang ma yin no/ /gang gi phyir khyed ni shes pa tshad mar 'dod pa yin na/ da lta ni shes pa yang tshad ma'i 'bras bur brjod pas/ 'bras bu las tha dad pas tshad ma shes pa ma yin pa'i bdag nyid du nges par 'gyur dgos pa nges na 'bras bu tha dad par smra ba la mi 'dod pa thog tu bab po zhe na/ slob dpon gyis shes pa gcig la rnam par gzhag par bya ba dang/ rnam par 'jog par byed pa'i dngos pos tshad ma dang 'bras bu'i dngos po mi 'gal bar dgongs nas bshad pa/ gang las te byed pa po gang gzhal bya rtogs pa 'di'i de nyid de/ gzhal bya rtogs pa nyid rnam par gzhag pa grub pa'o/ /rang gi bye brag gi bya ba'i bye brag tu byed pa po ni byed pa yin te/ byed pa po thams cad bye brag tu byed pa po nyid yin yang/ gang zhig byed pa po gzhan la ltos pa med par bya ba bye brag tu byed pa po de ni byed pa yin no/ /de bzhin du 'dir yang rang gi bye brag gis rnam par gzhag par bya ba don rtogs pa bye brag tu sgrub pa'i byed pa ni gang zhig rnam par 'jog pa'i rgyu mtshan ltos par bya ba'i byed pa po gzhan gyis mchod pa nyid yin no/ /'di da ltar gang la ltos kyang don rtogs pa rnam par mi gnas na ni rnam par 'jog pa'i rgyu mtshan de las gzhan la ltos par bya ba yin te/ des na snga ma de bar du chod pa na rang gi bye brag gis bya ba'i bye brag tu byed pa por mi 'gyur gyi / 'on kyang ltos par bya ba gzhan gang yin pa de nyid bar du ma chod par rang gi bye brag gis byed pa por 'gyur ro/ /de ston pa ni bar chad med par zhes bya ba yin no/ /gang las 'di la bar chad bar du gcod pa po ltos par bya ba gzhan med pa ste/ gzhan gyis bar du ma chod par gyur pa na 'di'i de nyid 'grub par byed pa gang yin pa de ni byed pa yin no/ /de la ste tshul de ltar gnas pa na'o/ /ltos par bya ba gzhan gyis bar du ma chod par rang gi bye brag tu byed pa po byed pa yin pa dang/ don gyi khyad par rtogs pa ni tshad ma'i 'bras bu yin no zhes tshul de lta yin pa na'o/ /don dang 'brel par byas pa rtogs pa 'di'i don dang 'brel par byed pa ni don lta bu'i rang bzhin gang yin pa de'i dngos po don gyi rang bzhin nyid min pa gzhan ni 'ga' yang med do/ /'brel par byed pa yang sgrub byed yin la/ 'brel par byas pa rtogs pa yang 'bras bu yin te/ de'i phyir gzhal bya rtogs pa gzhal bya dang 'brel par byas pa rnam par gzhag par bya ba'i tshad ma ste/ rnam par 'jog par byed pa nyid kyis sgrub byed dam par gyur pa ni gzhal bya'i rang bzhin nyid de/ don dang 'dra ba nyid yin no/ /skyed par byed pa'i rgyu de nyid rnam par 'jog par byed pa yin pa'i phyir don dang 'dra ba nyid sgrub par byed par ci'i phyir brjod/ gang gi phyir de rtogs pa'i bya ba skyed par nus ni rnam par 'jog pa yang ji ltar mi nus/ rnam par 'jog pa po yin na yang ji ltar de'i skyed par byed pa por mi 'gyur zhe na/ gang gi phyir bsgrub par bya ba yin pa nyid kyi phyir thams cad kyi bsgrub par bya ba yin la/ gang gi phyir sgrub par byed pa yin pa de'i phyir? thams cad gang cung zad bya ba yin pa de'i sgrub par byed pa yang ma yin no/ /'o na ji ltar yin zhe na/ bshad pa/ 'on kyang zhes bya ba ni khyad par ston pa'o/ /sgrub par byed pa gang las bya ba gang 'grub pa de ni de'i sgrub par byed pa yin no/ /des na 'ga' zhig ni rnam par shes pa skyed pa'i bya ba'i sgrub par byed pa yin te/ gang zhig gi rjes su 'gro ba dang ldog pa'i rjes su byed par rtogs pa'o/ /'ga' zhig gi las so sor nges pa rnam par 'jog pa'i sgrub par byed pa yin te/ gang las shes pa de sngon po la sogs pa'i las la nges par rnam par 'jog nus pa'o/ /des na 'di ni don dam pa yin te/ 'ga' zhig gis 'ga' zhig skyed pa'i bya ba byed pa na/ byed pa po yin pa'i phyir rnam par 'jog pa yang de nyid kyis byed pa 'am/ rnam par 'jog par byed pa na yang de'i skyed par byed pa yin no zhes de ltar rnam par gzhag par ni nus pa ma yin no/ /gang gi phyir bskyed bya skyed byed kyi dngos po rnam par bzhag pa 'am/ rnam par bzhag 'jog gi dngos po phongs pas rnam par brtags pa ni ma yin gyi/ 'on kyang rig pas nges par brtags pa na gang zhig ji ltar 'byor pa ste/ de ltar rnam par bzhag par bya ba yin no/ /'ga' zhig ni skye ba'i sgrub par byed pa yin la/ 'ga' zhig ni rnam par bzhag pa'i yin te/ gang las skye ba dang gang las rnam par bzhag par rig pa'o/ /gang gi phyir skyed par byed pa dag las ni don rtogs pa rnam par bzhag pa mi 'thad pa de'i phyir sgrub par byed pa gzhan tshol ba yin no/ /de la zhes bya ba ni gang gi sgrub par byed pa'i dngos por 'thad pa yin de'i sgrub par rnam par bzhag par bya ba yin no zhes bya ba'i tshul 'di rnam par gnas pa na'o/ /nyams su myong ba ni 'dzin par byed pa nyid de/ /'dzin pa'i rnam pa de kho na 'am/ de tsam mo/ /'dzin par byed pa'i rang bzhin de 'phra pa'i bdag nyid dang 'dra ba'i rnam par shes pa na'o/ /'dis ni rnam par dbye mi nus pa nyid kyi rgyu bstan te/ nyams su myong ba rang bzhin khyad par med pa la khyad par du rnam par bzhag par mi nus pa'i phyir ro/ /gang gi phyir sngon po'i don dmigs pa ni shes pa'i rang gi rang bzhin dmigs pa'i bdag nyid kho na ste/ gcig ni don gyi yin la gzhan ni bdag nyid kyi yin pa dmigs pa gnyis ni med pa'i phyir ro/ /yul dmigs pa bdag nyid dmigs pa'i bdag nyid yin yang rnam par shes pa'i bdag nyid la khyad par med pa'i phyir shes pa thams cad kyi bdag nyid dmigs pa khyad par med pa dang/ de dang tha dad pa med pas don dmigs pa yang khyad par med par 'gyur te/ de'i phyir na sngon po dmigs kyi ser po ni ma yin no/ /zhes shes pa'i yul so so la 'brel ba nges pa 'dir mi 'gyur la/ 'brel pa nges pa med na yang don nges par myong bar rab tu grags pa nyams par 'gyur ro/ /des na nyams su myong ba'i rang bzhin du bye brag med pa 'di ni gang gis las so so la ste/ las dang las la rnam par 'byed pa zhes bya ba gzhan dang gzhan du rnam par gnas pa yul des pa de'i bdag nyid du 'gyur bar bya dgos so/ /gang gi phyir las kyi gnas su gyur pa'i yongs su gcod pa'i yul ni las su brjod do/ /rnam par gnas pa'i rnam pa ston pa ni 'di ni sngon po'i yin la/ 'di ni gzhan gyi yin no zhes bya ba'o/ /gang gi phyir bdag nyid kyi khyad par ram 'brel pa can gyi khyad par las 'gyur te 'brel pa can gyi khyad par gang gis khyad par med pa'i shes pa de khyad par can du rnam par 'jog pa'i phyir de'i bdag nyid du 'gyur bar bya dgos so zhes ci'i phyir brjod par byed/ shel gyi rang bzhin khyad par med kyang nye bar gzhag pa de dang de dag 'brel bas khyad par can du rtogs pa de bzhin du shes pa yang 'brel pa can gyi dbang gis rnam par 'byed pa yin no zhen de'i phyir de'i bdag nyid ma yin pa zhes smos so/ /ni'i sgra ni gang gi phyir gyi don te/ gang gi phyir bdag nyid ma yin pa nges par byed pa ma yin pa de'i phyir zhes rgyang ring por brjod pa dang 'brel par bya'o// bdag nyid du ma gyur pa gang yin pa de yod pa ni dbang po la sogs pa 'brel pa can rnams la yod par 'gyur te/ de dag ni rgyu'i dngos pos nye ba yin gyi gzhan ni ma yin pa'i phyir ro/ /dbang po dang don dang phrad ba zhes bya ba dbang po dang don dag gi 'brel pa dang/ de dag la sogs pa ni yid la sogs pa gang yin pa de dag ste/ shes pa'i rgyu de rnams la yod kyang ste/ re shig bye brag ni med mod kyi 'ga' zhig la bye brag yod kyang yul zhes bya ba'i las kyi bye brag tha dad par gyur pa la bdag nyid tha dad pa med pa'i khyad par med cing mtshungs pa'i rang bzhin gyi bdag nyid kyi shes pa de'i nges par byed pa po ma yin pa de'i phyir byed pa ma yin no/ /gang gi phyir shes pa yul tha dad pa la nges pa nyid yin na ni phyi rol gyi bye brag kyang shes par rtogs pa'i bye brag gi rgyu nyid kyi shes par rtogs pa'i bye brag nges pa'i rgyur 'gyur ba yin na dbang po la sogs par gtogs pa'i tha dad pa ni shes pa bye brag tu byed pa ma yin te/ shes pa'i bye brag de nyid byed par thal ba'i phyir dang/ phyi rol ni brtag par bya ba yin pa'i phyir te/ bdag nyid tha dad pa med pa zhes gang brjod pa yin no/ /de'i phyir shes pa dang shes bya dag mi 'brel la/ shes pa dang don ma 'brel na yang bye brag 'di gzhal bya rtogs pa'i sgrub par byed par mi 'gyur ro/ /gal te byed par gyur pa'i bye brag ni rang gi ngo bo nyid kyis 'di ltar gyur pa yin te/ gang gis rnam par shes pa'i bye brag ma byas kyang nges par byed pa por 'gyur ba de'i phyir dan la so sor nges pa ni shes pa'i bye brag sngon du 'gro ba can ma yin no zhe na de ni de ltar mi rigs te/ gang gi phyir gang zhig gi mthus rang bzhin khyad par med kyang rang gi ngo bos bya ba bye brag tu 'gyur ba rang bzhin gyis byed pa zhes bya bar gnas pa ni 'gal yang med kyi/ 'on kyang byed pa'i de nyid ni byed pa nyid de bye brag tu byed pa po nyid ces bya ba'i don to/ /bsgrub par bya ba'i rgyu mtshan ni bye brag gi rgyu'o/ /rang gi bye brag gis bya pa'i bye brag byed pa na sgrub par byed pa 'ga' zhig byed par 'gyur ba yin gyi/ bya ba'i bye brag byed pa med par ni 'ga' yang byed pa zhes bya ba ma yin no/ /gang gi phyir byed pa'i byed pa nyid ni bya ba'i bye brag gi rgyu nyid yin pa des na/ de bya ba'i rgyu yin pa'i phyir dbang po la sogs pa rnams la bye phrag rnam par gnas kyang shes pa'i mtshan nyid kyi bya ba bye brag tu mi byed na nges par byed na nges par byed pa ma yin pa ni byed pa ma yin no/ /'di snyam du 'o na ni 'brel pa can nyid kyis shes pa bye brag tu byed par 'gyur gyi/ gang las rnam pa dang bcas par thal bar 'gyur ba rang bzhin gyi khyad par 'jog pas ni ma yin no/ /'brel pa pa yang bye brag tu byed pa po yin pa des na nges par byed par 'gyur ro snyam na/ bshad pa/ byed par 'dod pa'i bye brag de khyad par med na/ rang nyid la bye brag med na bya ba de'i khyad par yang mi 'grub po/ /des na de nges par byed pa ma yin no/ /gang gi phyir dbang po la gnas pa'i khyad par 'brel ba can gyis kyang rang bzhin bye brag med pa'i bya ba yang khyad par du byas pa yin la/ byed par 'dod pa'i khyad par 'brel pa can de yang don rnams la thun mong du khyad par med pa'i phyir 'brel pa can des bya ba khyad par du byed par ga la 'gyur/ 'di snyam du don la gnas pa'i rnam pa'i khyad par ni 'brel pa can yin la/ 'brel pa can des ni shes pa'i don so so la nges pa rnam par 'jog pa'i phyir nges par byed pa yin te/ don la gnas pa'i rnam pa ni thun mong ma yin no snyam na/ don la gnas pa'i sngon po la sogs pa'i rnam pa'i khyad par yod kyang bya ba'i khyad par de'i yan lag ma yin pas byed pa ma yin pa'i phyir ro/ /'di skad brjod pa yin te/ gal te don la gnas pa'i mtshan nyid kyi rnam pa'i bye brag don so so la tha dad pa yin pa de lta na yang/ 'di shes pa'i khyad par rnam par 'jog pa'i yan lag ni ma yin te/ gang gi phyir de ni nyams su myong ba kho na yin la/ rtogs pa nyams su myong na yang ma shes pa de dang 'brel pa nyid du shes par nus pa ma yin pas na de dang 'brel pa nyid kyis khyad par du rnam par bzhag pa lta ci smos/ 'di ltar 'di sngon po dang 'brel lam 'on te gzhan dang 'brel pa zhes rang bzhin khyad par med pa'i phyir rnam par shes pa la the tshom thabs ji ltar na the tshom za ba'i rang bzhin gyi sngon po dang 'brel pa can des the tshom za ba'i rang bzhin de nyid nges par byed/ gzhan las gnas pa'i khyad par yang ma nges pa kho na yin no/ /de des pa ni shes pa kho nas byas pa yin na khyad par ma shes na de yang ji ltar khyad par can 'dzin par byed par 'gyur zhing khyad par gang gis de khyad par can du rnam par bzhag / de'i phyir ji srid du rnam par shes pa las tha dad pa'i khyad par 'brel pa can shes pa'i bye brag rnam par gnas pa'i rgyu brtags pa de ni rnam pa gnyis kyis 'brel pa ma yin te/ thun mong ba'i phyir dang/ thun mong ma yin pa nyid kyis ma shes pa'i phyir ro/ /de shes na ni de dang 'brel pa'i khyad par can yang shes par 'gyur na/ shes pa las tha dad pa de ni rang gi ngo bos shes par bya ba ma yin no/ /da ltar ni 'dzin par byed pa'i shes pa yang 'ga' zhig 'thad pa ma yin te/ de nyid dpyod pa yin pa'i phyir ro/ /de'i phyir tha dad pa'i khyad par nyams su ma myong ba'i phyir med pa dang 'dra ba ni bya bar rnam par gnas pa'i yan lag ma yin zhing/ yan lag ma yin pa'i phyir yang nges par byed pa ma yin la/ des na byed pa ma yin no/ /de ltar na gang gi phyir bdag nyid tha dad pa med pa'i shes pa'i rgyud gyur pa'i bye brag nges par byed pa ma yin pa dang/ /rang gi ngo bo khyad par med pa dang/ kha cig ma shes pa'i phyir 'brel pa can nyid kyi sgo nas bye brag tu byed pa po nyid ma yin pa'i phyir na gzhan bye brag tu byed pa po ma yin pa de'i phyir/ shes pa 'di'i bdag nyid kyi bye brag ni rang bzhin gyi khyad par ro/ /gang las te bdag nyid kyi khyad par gang gi phyir yul zhes bya ba'i las ma nges pa'o/ /nges pa ci 'dra ba zhig ce na/ bshad pa/ sngon po 'di'i rtogs pa ni 'di yin no zhes 'di 'dra ba'i don gzhan rnam par bcad nas rtogs pa 'di'i don gcig la nges pa te/ nges pa 'di nyid ni don dang 'brel par brjod pa yin no/ /de ni zhes bya ba ni bdag nyid kyi bye brag gang las 'gyur ba'i bdag nyid kyi bye brag de ni sgrub par byed pa yin no/ /de ni zhes bya ba ni sgrub par byed pa'i sgra dang gzhi mthun pa'i phyir ma ning ngo/ /'di snyam du bdag nyid kyi bye brag kho na las don dang 'brel pa yin du chug kyang/ don dang 'dra bas byas pa yin no zhes bya ba 'di ga las she na/ shes pa'i zhes gsungs te/ gal te 'dra ba las gzhan las kyang srid na ni 'dra bas byas par gzung bar mi bya ba zhig na shes pa'i don dang 'brel pa 'di lta bu ni don dang 'dra ba las gzhan las ni srid pa ma yin no/ /shes pa las tha dad pa'i dbang po la sogs pa la gnas pa'i bye brag ni mi shes pa'i phyir 'brel par byed par mi 'gyur gyi/ dbang po la sogs pas byas pa shes pa la gnas pa'i bye brag ni rnam par shes pa'i phyir 'brel par byed pa por 'gyur bar de'i phyir gzhan las ni srid pa ma yin no zhes ci'i phyir brjod ce na/ dbang po la sogs pa zhes smos so/ /dbang po de gsal ba dang mi gsal ba de'i dngos po ni gsal ba dang mi gsal ba nyid do/ /de la sogs pa gang dag yin pa ste/ sogs pa smos pas ni goms pa bogs pa dang/ ma bogs pa dang yul nye ba dang mi nye ba la sogs pa gzung ngo/ /'di dag gi rang gi bye brag gis dbang po'i rnam par shes pa la sogs pa bye brag tu 'gyur to/ zas zos pa dang ma zos pa la sogs pas gnod par byas pas mi gsal ba dang/ phan btags pas gsal bar gyur pa'i dbang pos ni rnam par shes pa gsal ba dang mi gsal ba 'dzin par byed pa dang/ sngon goms pas 'dus byas pa'i yid la byed pa yang 'dod pa dang mi 'dod pa'i shes pa'i rgyur 'gyur te/ 'di yang skabs ji lta ba bzhin du sgrub par 'gyur ro/ /yul nye na gsal ba nye ba ma yin na mi gsal ba zhes bya ba la sogs pa'i rjes su 'brangs nas rtogs par bya ba'o/ /de ltar dbang po dang yid la byed pa dang yul gyi bye brag rnams rang gi bye brag gis bye brag tu gyur pa na de ltar shes pa dga' ba la sogs pa'i bye brag rnams dang spyod par byed pa yin yang don dang sbyor bar byed pa ni ma yin no/ /ci'i phyir zhe na/ de las zhes smos te/ dbang po la sogs pa bye brag tu byed par gyur pa la nye ba ste/ 'brel pa'i rgyu gang yin pa de med pa'i phyir ro/ /dbang po la sogs pa bye brag tu byed pa'i dngos pos 'brel pa'i rgyu med pa mtshon par byas pa'o/ /dbang po la sogs pa'i bye brag la ni shes pa dang nye ba'i rgyu yod pa ma yin te/ 'di ltar nyams su myong ba zhes bya ba dbang pos byas pa'i shes pa'i bye brag yod kyang don thams cad la thun mong ma yin pa nyid kyis nges pa ma yin pa'i dang nye ba'i rgyu ma yin no/ /ji ltar dbang pos byas pa'i gsal ba ni sngon po las ji lta bar ser po la yang de bzhin no zhes bya ba la sogs par thun mong bar sbyar bar bya'o/ /don gyis byas ba'i bye brag don dang 'dra ba zhes grags pa nyid ni nye ba'i rgyu yin te/ don so so la tha dad pa'i phyir ro/ /des na dbang po las sogs pa zhes smos pas yul ma gzung ba yin no/ /gang gi phyir yul tha dad par byed pa yin na ni shes pa la yul gyis bskyed pa'i 'dra ba nyid nye ba'i rgyur 'gyur ro/ /gal te dbang po la sogs pas byas pa'i bye brag bye brag tu byed pa po ma yin pa de lta na/ 'o na ni don gyis byas pa'i nyams su myong ba'i bye brag ste/ nyams su myong ba'i khyad par gang las don nges par rtogs pa'i rtogs par 'gyur ba yin gyi don dang 'dra ba las ni ma yin no zhe na/ de ltar 'dod na da ni ste de ltar khas blangs pa na yod pa don byed pa'i rang bzhin gyi khyad par don dang 'dra ba mi bzod pas khas blangs pa de'i rang bzhin te de kho na ji ltar mi brjod/ yod par tha snyad du bya ba'i yul ni tshad mas rtogs pa'i rang bzhin yin la/ tshad mas rtogs pa yang nges pa la gnas pa'i don bstan par nus pa kho na yin te/ rnam par rtog pa la gnas pa ni sgra'i don yin pa'i phyir ro/ /cig shos kyis kyang nyams su myong ba thams cad 'di'o zhes bya bar bstan par nus pa ma yin te/ dper na nor bu dang lcags la sogs pa'i gzugs rnams mi mkhas pas mthong du zin kyang khyad par brjod par mi nus pa bzhin no/ /tshad mas yul du byas pa thams cad kyang 'di'o zhes bstan par nus pa ma yin te/ dper na rjes su dpag pa'i mig bzhin no/ /de'i phyir brgal pa 'di ci zhig yin zhes smras pa ni/ de ni zhes bya ba don gyis byas pa'i khyad par gyi rang bzhin no// 'di'i dngos po ni 'di nyid kyi mngon sum nyid do/ /de byed par gyur pas mngon sum nyid du rwa nas bzung nas bstan par mi nus kyi/ don nges par rtogs pa'i rtogs pa mthong ba'i phyir de'i rgyu mtshan du gyur pa don gyis byas pa'i nyams su myong ba'i khyad par yod so zhes ni smra bar nus pa yin no zhes na/ cig shos kyis smras pa/ rigs pa smra ba 'di rtogs pa med pa mtshon pa med pa 'di'o zhes nges pa med pas dngos po ste shes pa'i rang bzhin rnam par 'jog par byed pa ste/ des pa'i rang bzhin du rtogs par byed pa'o zhes bya ba'i don gyi gzhan gyi 'di ni mi srid do zhes bya ba'o/ /ji ltar rnam par 'jog ce na/ bshad pa myong ba'i rang bzhin 'di ni sngon po 'di yin gyi gzhan ser po'i ni ma yin no zhes bya bar te/ de'i phyir legs par rnam par gzhag pa yin no/ /'di ni bstan tshig ste gzhan gyis bzhag pa 'gog pa'o/ /'di'o zhes bya bar nges par rtogs pa med kyi mig la sogs pa'i rang bzhin gyi bye brag rnam par 'jog pa ma yin nam zhe na/ bden te/ de las ni nges bar rtogs pa'i rang bzhin mig gi rnam par shes pa zhes bya ba 'bras bu rnam par 'jog pa yod pas de'i dbang gis mig la sogs pa nges par rtogs pa med pa'i rang bzhin yang rnam par bzhag pa yin na/ rnam par shes pa ni nges par rtogs pa'i rang bzhin gzhan gyi rnam par gzhag pa ma yin gyi/ 'on kyang bdag nyid kho nas yin no/ /de'i phyir de nges par ma rtogs na ni rtogs pa nges pa rnam par gzhag pa yod pa ma yin no/ /nor bu dang dngul la sogs pa bye brag tu rnam par gzhag pa'i rgyu nges par ma zin pa gang yin pa de dag kyang bye brag med pa'i tha snyad du bya'o/ /'di skad du 'bras bu bye brag tu rtog pa mthong ba'i phyir bye brag tu rnam par 'jog go zhes ni brjod par mi nus te/ sngon po la sogs pa'i don gyis byas pa'i myong ba'i bye brag des pa yin na ni sngon po rtogs par des par yongs su bcad par 'gyur ba yin te/ don nges par rtogs par yongs su gcod pa ni don gyis byas pa'i khyad par yongs su gcod pa nyid yin gyi gzhan du ni ma yin pa'i phyir ro/ /gang gi rang bzhin nges pa nyid shes pa'i las la nges par 'gyur ba de ma des na de'i bdag nyid las la nges pa'i rtogs pa ji ltar 'gyur/ de'i phyir bye brag gis rtogs pa mthong ba'i phyir bye brag rnam par 'jog go zhes gang smras pa de la don 'dir 'gyur te/ bye brag rtogs pa'i phyir bye brag rtogs so zhes bya ba yin na de ltar ni rigs pa ma yin no/ /de nyid kyi phyir bdag nyid nges par rtogs pa med pa zhes gsungs te/ gang gi bdag nyid du dngos po nges par rtogs pa zhes bya ba de nyid nges par rtogs pa med pa zhes bya bar ji ltar 'gyur/ de nges par ma rtogs na yang dngos po de'i rang bzhin ci 'dra ba zhig tu rnam par 'jog /rang bzhin gang zhig ma rtogs na ni dngos po de'i rang bzhin du rtogs par mi 'gyur te/ dper na skad cig ma nyid nges par ma rtogs par sngon po la sogs pa de'i rang bzhin du nges par mi rtogs pa bzhin no/ /shes pa'i don gyis byas pa'i bye brag kyang nges par rtogs pa ma yin te/ des na shes pa de'i rang bzhin du nges par rtogs par mi 'gyur ba'i phyir don nges par rtogs pa'i rtogs par mi 'gyur ro/ /dngos po de'i rang bzhin du rtogs pa ni rang bzhin rtogs pa'i sngon du 'gro ba can yin te/ 'di ltar 'ga' zhig la ldog pas rang bzhin 'ga' zhig brtags pa yin la/ dngos po yang ldog pa gzhan las brtags pa yin no/ /de la ldogs? gzhan dang ldan pa'i ldog pa gzhan gyi rtogs pa khyad par du gyur pa'i rang bzhin rtogs pa'i phyogs gcig tu gyur pa gang yin pa 'di la ni de'i rtogs pas khyab pa yin te/ dper na dpyig pa rtogs pa'i phyogs gcig tu gyur pa dbyig? pa can rtogs pa ni dbyig? pa rtogs pas khyab? pa yi ngas? pa bzhin yin bas na khyab par byed pa mi dmigs pa'o/ /'dra ba yang rtogs pa med pa ma yin nam/ gzung ba'i rnam pa nyams su myong ba'i phyir ma rtogs so zhes ci'i phyir brjod ce na/ bden te / nyams su myong yang 'dra ba'i bdag nyid du ni ma yin te/ gang gi phyir nyams su myong ba ni stobs kyis ni 'di ni 'dra ba'o zhes zhen pa ni med kyi 'on kyang don yin no zhes so/ /de lta na 'o na ni rjes su dpag pas 'dra ba'i bdag nyid du nges par byed de/ rang bzhin ni gsal ba nyid du mngon sum du gyur pas ma rtogs pa ma yin pa de'i phyir de ni sgrub par byed par 'thad pa yin no/ /gang gi phyir 'dra ba las gzhan don dang 'brel bar byed pa ma yin pa de'i phyir gzhal bya rtogs pa ste gzhal bya rtogs par rnam par gzhag pa'i sgrub byed de byed pa ni gzhal bya'i rang bzhin lta bu gang yin pa de'i dngos po ni gzhal bya'i rang bzhin nyid de/ rnam par shes pa'i gzhal bya dang 'dra ba nyid do/ /sgrub byed 'dra ba las gzhan shes pa las phyi rol tu gyur pa 'am/ rang bzhin du gyur kyang dbang po la sogs pas byas pa yin na ni shes pa de'i las dang 'brel pa nges pa 'di ni sngon po myong ba yin gyi ser po ni ma yin no zhes bya ba de lta bur gyur pa mi 'grub ste/ rtogs pa ma yin no/ /gal te sgrub par byed pa don dang 'dra ba de nyid kyang 'bras bu las gzhan du 'gyur ro zhe na/ bshad pa gzhal bya'i rang bzhin de yang shes pa de'i bdag nyid du gyur pa yin no/ /gang gi phyir bdag nyid yin pa des na 'bras bu tshad ma las gzhan tha dad pa ma yin no/ /byed pa thams cad ni byed pa po'i gzhan gyis dbang dang rang gi bya ba dang ldan pa dang/ gtsor gyur pa'i bsgrub par bya ba la nye bar sbyor bar mthong ste/ dper na shing skyes bus byin gyis brlabs shing 'bar ba'i bya ba dang ldan pa tshos pa'i bsgrub par bya ba la nye bar sbyor ba mthong ba bzhin no/ /'dra ba ni byed pa po'i gzhan gyi dbang dang bya ba dang ldan pa dang/ gtsor gyur pa'i bsgrub par bya ba la nye bar sbyor bar ma mthong zhing/ byed pa po 'ga' zhig kyang mthong ba med pas de ji ltar na don dang 'dra bas byed par 'gyur zhe na/ smras pa/ cung zad kyang phongs pas byed par rtog pa ni ma yin gyi 'on kyang 'di ni dngos po la gnas pa yin te/ byed pa 'ga' zhig la ma rten par ni sgrub par bya ba sgrub par mi byed pa'i phyir ro/ /'di tsam zhig ni khyad par yin te/ byed pa 'ga' zhig ni rang las nges pa yin te/ dper na gcod pa la ste'u bzhin no/ /gzhan la ni bsgrub par bya ba dang ldan pa'i byed pa po mthong ba las byed pa rnam par 'jog pa yin te/ byed pa med par ni bsgrub par bya ba la 'grub pa mi 'thad pa'i phyir ro/ / 'dir don dam par ni byed pa po 'ga' yang yod pa ma yin gyi 'on kyang tha snyad pa kho na'o/ /byed pa yang tha snyad kyi rgyu mtshan yin gyi 'dir skyed pa por 'dod pa ni ma yin no/ /de la shes pa'i 'dzin pa'i rnam pa gzung ba'i rnam pa las tha dad par bdag tu 'dzin pa'i gzhir gyur pa dga' ba la sogs pa'i rang bzhin gyi 'dzin pa la ni nges mthong ngo/ /zhes byed pa por zhen pa yin zhing/ de yang don rtogs pa'i rang bzhin du zhe na pa na bsgrub par bya ba'i rang bzhin du zhen par gyur pa yin no// des na bsgrub par bya ba dang ldan pa'i byed pa po de'i bsgrub par bya ba'i bye brag 'di'i rgyu byed pa 'ga' zhig tu 'gyur dgos la de yang tha snyad par brtag pa ni mi 'thad do/ /gang gi phyir khyad par dang ldan pa ma yin pa'i rang bzhin gyi shes pa nyams su myong ba na khyad par can gyi don rtogs par rnam par gzhag pa ni rigs pa dang ldan pa ma yin pa de'i phyir rnam par 'jog pa'i rgyu shes pa'i rang bzhin gyi bye brag nyams su myong bar gyur pa ni byed par 'gyur dgos so/ /'dir byed pa de'i shes pa las tha dad pa med pa nyid ni byed pa po'i dbang du gyur pa nyid yin la/ nyams su myong bar gyur ba nyid kyang bya ba dang ldan pa zhes bya ba yin gyi gzhan ni ma yin no/ /gang zhig byed par 'gyur ba 'dzin pa'i rnam pa'i khyad par can gyi rang? ? bzhin ni nyams su myong ba med pa des na/ gal te gzung ba'i rnam pa dar 'dzin pa las phyi rol dang bde ba'i rnam pa dang bral ba mi shes pa'i bdag nyid du zhen pa de lta na yang gzhan du mi 'thad pas na rjes su dpag pa las shes pa'i ngo bo don dang 'dra ba'i rang bzhin du bzhag pa yin gyi mngon sum las ni ma yin no/ /gzung ba'i rnam pa 'dra ba'i bdag nyid can shes pa'i rang bzhin du mngon sum gyis ni nges pa ma yin gyi/ 'on kyang don gyi khyad par rtogs pa gzhan du mi 'thad? pas rjes su dpag pa yin no/ /rig bzhin ba'i 'dra ba de yang shes pa las tha mi dad pa yin na shes pa don nges par 'dzin par 'jog par byed pa yin no/ /de'i phyir 'dir rang gi ngo bo nyid kyis byed pa nyid du shes pa'i byed pa ni med kyi 'on kyang byed pa po'i bya ba'i khyad par can mthong ba las rjes su dpags pa yin zhing de las kyang gtsor gyur pa'i bsgrub par bya ba la 'di'i bya ba rjes su dpags pa yin no/ /byed pa po'i bdag nyid kyang shes pa'i bdag nyid kyi phyir dang/ shes pa'i bdag nyid du nyams su myong ba'i bya ba dang ldan pa zhes bya ba yang rjes su dpag par bya ba yin te mngon sum gyis ni gzung ba'i rnam par shes pa'i ngo bor nges pa ma yin pa'i phyir ro/ /bye brag tu rnam par 'jog pa'i rgyun de'i bdag nyid du nyams su myong ba yin gyi gzhan gyi rang bzhin du ni ma yin pas na de ci'i phyir gang gi phyir sgrub par byed pa nyid du ma mthong ba 'di ltar sgrub par byed pa yin zhes brjod/ byed pa po'i bya ba mthong ba'i phyir na 'di nyid gtsor gyur pa'i bsgrub par bya ba'i yan lag tu rjes su dpags pa yin la/ byed pa po'i rang bzhin nyid kyang byed pa po'i gzhan gyi dbang dang/ de'i bdag nyid du nyams su myong ba yang bya ba dang ldan pa yin par bstan pa'i phyir de'i bdag nyid 'dzin de ni zhes smos te/ don dang 'dra ba nyid 'dzin pa'i shes pa byed pa por gyur pa de'o/ /'dis ni bya ba dang ldan pa dang byed pa po'i dbang du gyur pa brjod pa yin no/ /des pa'i don rtogs pa de nyid kyi bdag nyid kyi bya ba gang yin pa'i bya ba des bya ba dang bcas par gtsor gyur pa'i bsgrub par bya ba dang ldan par snang ngo/ /de'i don ni 'di yin te/ gang gi phyir 'dra ba'i dbang gis byed pa po shes pa'i don des par 'dzin pa bzhin du snang ba de'i phyir de byed pa por shes pa yin gyi mngon sum gyis ni ma yin no/ /rang gi las te yul nas bya ba'i las la'o/ /lha bu'i sgra sbyar ba ni chos thams cad byed pa med pa'i phyir ro/ /bsgrub par bya ba dang byed pa dag tha dad pa med na 'dra ba byed pa nyid ji ltar yin zhe na/ de'i zhes smos te 'dra ba'i dbang gis te nyams su myong bas so/ /gang gi phyir shes pa la gnas pa'i 'dra ba myong ba de'i phyir shes pa de sngon po'i don rtogs par nges pa yin na/ de'i phyir 'dra ba ni rnam par 'jog par byed pa ni byed pa yin no/ /des pa'i shes pas rnam par bzhag pa na yang shes pa de nyid 'bras bu yin pa de'i phyir rtogs pa'i cha ni 'bras bu yin la/ 'dra ba'i cha ni sgrub par byed pa yin no// sngon med pa'i don brjod pa'i phyir bar skabs bar ma dor 'phros pa'i tshigs su bcad pa'o/ /'dis ni zhes bya ba ni 'brel pa'i rgyu mtshan sgrub par byed pa gzhan med par brjod pas so/ /dbang po dang phrad pa dang don la lta ba dang khyad par gyi shes pa de rnams tshad ma yin pa spangs pa yin no/ /de las te dbang po la sogs pa de dag las shes pa'i sngon po dang ser po la sogs ba nges pa'i las dang 'brel pa myong ba 'di ni sngon po nyid kyi yin no zhes bya ba de lta bu'i rang bzhin de mi 'grub ste rnam bar mi gnas pa'i phyir ro/ /des na gang gi phyir de dag las nges pa dang 'brel pa'i rgyu ma yin pa de'i phyir tshad ma ma yin no/ /don 'dir sngar de'i bdag nyid ma yin pa zhes bya ba 'di'i nang du brjod zin pa ma yin nam/ yang ci'i phyir 'dis dbang po la sogs pa brjod/ smras pa/ sdang ni dbang po la sogs tha dad pa'i bye brag don thams cad kyi thun mong ba nyid yin nam ma yin yang rung ste/ shes pa'i bdag nyid du gyur pa ma yin na shes pa nyid yin na de'i phyir byed pa ma yin pa des na bdag nyid du gyur pa kho na byed pa yin par 'gyur zhes brjod la/ da ltar ni gal te dbang po thun mong ba nyid dang/ khyad par dang khyad par can gyi shes pa dag kyang bye brag tu mi 'grub pa dang/ 'chad par 'gyur ba'i nyes pa gzhan du yang mi 'gyur na ni tha dad pa yang ji zhig ltar byed par 'gyur ba yin no/ /zhes bya ba yin pa'i phyir zlos pa ma yin no/ /'di dag skyed par byed pa yin na ji ltar rnam par 'jog pa nyid ma yin te/ 'bras bur gyur pa skyed par nus na rnam par 'jog pa ma yin no zhes bya ba 'di ga las she na/ bar du ma chod pa ma yin pa'i phyir zhes bya bas gtan tshigs brjod do/ /'di'i don ni 'di yin te/ gang gi phyir don rtogs pa rnam par bzhag pa ni skyed par byed pa 'di dag las rnam par 'jog pa po gzhan la ltos pa yin no/ / des na ltos par byed pa gzhan des 'di dag par du gcod ba de'i phyir/ de'i ltos par bya ba gang yin pa de nyid rnam par 'jog pa po yin gyi/ 'di dag ni ma yin pa des na tshad ma ma yin no/ /'di snyam du bar du tshod pa yin du chug pa de lta na yang ji ltar tshad mas ma yin zhe na/ bshad pa/ byed pa po khyad par du 'phags pa khyad par can de mi 'grub pa'i phyir ro/ /'di skad brjod pa yin te/ byed pa po thams cad ni tshad ma ma yin gyi/ 'on kyang khyad par du 'phags pa yin na/ 'di dag ni ltos par bya ba gzhan gyis bar ma chod pas byed pa po gzhan las cung zad kyang khyad par du gyur pa ma yin pas de ji ltar tshad mar 'gyur/ tshad mas ni sgrub par byed pa yin la 'di dag kyang sgrub par byed pa nyid yin pa de'i phyir khyad par du 'phags pas ci zhig bya zhe na/ bshad pa/ byed pa po rnams thams cad bsgrub par bya ba la nye bar sbyor yang tha ma'i bye brag tu byed pa po 'di nyid ces bya ba la gang zhig tha dad pas bya ba tha dad par 'gyur ba de ni tha ma'i bye brag tu byed pa por brjod pa yin te/ byed pa po rnams thams cad bye brag tu byed pa po yin yang ltos par bya ba bye brag tu byed pa po gzhan gyis bye brag tu byed pa gang zhig bsgrub par bya ba'i bar du ma chod pa de tha dad pas bsgrub par bya ba tha dad par 'gyur ba yin la/ de yang tha ma'i bye brag tu byed pa po nyid yin pas byed par brjod do/ /da lta bur gyur pa de nyid sgrub par byed pa de dam pa yin pa'i phyir ro/ /don 'di yin te/ gal te byed pa po thams cad bye brag tu byed pa po yin yang/ de lta na yang tha ma'i bye brag tu byed pa po gang yin pa de nyid sgrub par byed pa dam pa yin la/ sgrub par byed pa dam pa gang yin pa de ni byed pa yin zhing byed pa yang tshad ma yin no/ /des na dbang po la sogs pa yod kyang yul dang yul la khyad par med na/ shes pa 'di'i bye brag tu byed pa po gzhan gang yin pa de nyid ni byed pa po yin gyi/ bar du cod pa'i dbang po las sogs pa ni ma yin no/ /yang ji ltar na tha ma'i bye brag tu byed pa po la ltos na dbang po la sogs pa yod kyang zhes smra zhe na/ bshad pa/ gang gi phyir dbang po ni bye brag tu byed pa po ma yin te/ de'i phyir tha ma la ltos so/ /sngon po dang ser po la sogs par snang ba'i rnam par shes pa thams cad rnams kyi rgyu yin pa'i gtan tshigs kyi phyir dbang po rnams ni bye brag tu byed pa po ma yin no/ /gang dpyod pa pas khas blangs pa'i don la lta ba yang tshad ma ma yin te/ rnam par rtog pa'i shes pa'i rgyu rnam par rtog pa med pa dang por lta ba'i shes pa ni tshad ma yin no zhe'o/ /lta ba'i shes pa la sogs pa thob pa'i shes pa mthar thug pa de dag gi snga ma snga ma ni tshad ma yin te/ phyi ma phyi ma ni 'bras bu yin no zhe na/ de yang tshad ma ma yin te/ de'i rang bzhin lta bu gang yin pa de ma yin na shes pa de'i don la lta ba de nyid mi 'grub pa'i rgyu de'i phyir ro/ /gal te 'di ni don sngon po'i lta ba yin na zhes grub na ni de'i tshe de phyis 'byung ba'i khyad par gyi rnam par rtog pa la ltos nas tshad mar grub pa yin/ gang gi phyir 'dra ba med pa'i phyir don la lta ba nyid ma grub bo/ /de bzhin du zhes bya ba ni khyad par gyi shes pa tshad ma ma yin pa'o/ /rigs pa pa dang bye brag pas khyad par gyi shes pa ni tshad ma yin la/ khyad par can gyi shes pa ni 'bras bu zhes bya bar rtogs te/ ji skad du khyad par ma bzung bar khyad par can gyi blor mi 'gyur ro zhes smras pa yin no/ /yul gyis khyad par du ma byas pa'i khyad par gyi shes pa rnam pa med pa gang yin pa de'i khyad par can 'dzin pa'i shes pa rnam pa med pa las khyad par med pa'i phyir/ 'di ni khyad par can gyi shes pa la/ 'di ni khyad par gyi shes pa'o zhes rnam par gzhag pa mi 'grub ste/ 'grub pa ma yin pa'i rgyu yi phyir ro/ /gal te khyad par can dang khyad par gyi shes pa dag rnam par dbye nus na tshad mar yang 'gyur ba yin gyi/ gal te rnam pa med pa nyid kyis rnam par dbye bar bya mi nus pa de'i tshe ni khyad par gyi shes pa tshad mar mi 'gyur ro/ /gzhan yang bsgrub par bya ba dang sgrub par byed pa yul tha dad pa du ma nyid 'gal ba yang yin no/ /'di ltar 'deg pa dang 'bab pa'i bya ba dang ldan pa'i ste'u de ni d+ha ba la sogs pa yod la/ chad pa'i bsgrub par bya ba ni de las gzhan la 'grub pa ma yin pa de bzhin du 'dir khyad par gzhan nyid ni de'i shes pas bzung ba yin la/ khyad par can gyi shes pas bzung ba yang gzhan nyid yin pa'i phyir na 'di ni nyams pa yin te/ rgyu des na khyad par gyi shes pa ni tshad ma ma yin no/ /ci ste nyes pa 'dir ma gyur cig ces khyad par dang khyad par can gyi shes pa dag yul gyi tha dad pa nyid du khas len te/ de yul tha dad pa med pa gang yin pa de nyid du khas len na ni gnyis don med de/ don dang bral ba yin no/ /khyad par gyi shes pa nyid kyis don rtogs pa 'grub pa'i phyir khyad par can gyi shes pa ni cung zad kyang byed par 'gyur ba ma yin no/ /'dis ni lta ba dang khyad par can gyi rnam par rtog pa dag kyang yul gcig pa nyid na gnyis don med pa yin no zhes brjod pa yin no/ /gzhan yang rgyu tha dad pa med pa dag ni rim gyis 'byung ba de bkag pa yin no/ /khyad par can dang khyad par gyi shes pa'i rgyu ni yul yin na/ rgyu gcig las ni rim pa can gnyis 'byung bar rigs pa ma yin te/ 'bras bu med par nus pa ni sngon par mi rigs pa'i phyir dang/ mi nus na yang lhan cig byed pa la ma ltos pa 'bras bu byed par mi 'thad pa'i phyir ro/ /'di snyam du khyad par can dang khyad par can gyi shes pa dag cig car 'byung ba des na rgyu tha dad pa med kyang nyes pa med do snyam na/ de ltar na ni 'o na cig car 'byung ba la ni sgrub par byed pa nyid mi 'thad do/ /cig car skye ba dag la ni phan gdags bya 'dogs byed kyi dngos po med pa'i phyir g.yas phyogs dang cig shos kyi rwa bzhin du rgyu dang 'bras bu yod pa ma yin no/ /de'i phyir de lta bur yul tha dad pa'i shes pa gnyis la ni bsgrub par bya ba dang byed pa med la yul gcig nyid yin na ni gnyis pa don med pa dang rim gyis 'byung bar mi 'thad pa dang/ cig car la bsgrub bya sgrub byed kyi dngos po med pa'i phyir ji ltar rigs par rigs pa can rnams kyi khyad par can dang khyad par gyi shes pa dang dpyod pa po rnams kyi don la lta ba dang/ khyad par gyi rnam par rtogs pa dag las yang sbyar bar bya'o/ /ji ste gal te kho bo cag la dus gcig pa'i phyir bsgrub par bya ba dang sgrub par byed par mi 'gyur na/ 'o na khyed kyi cig car ba dang tha dad pa med pa de ji ltar bsgrub bya sgrub byed kyi dngos por 'gyur zhe na/ smras pa/ shes pa'i cha mi 'dra ba las log pa dang blo'i rang bzhin ma yin pa las log pas 'dra ba dang blo'i rang bzhin nyid du rnam par gzhag pa'i mtshan nyid de dag ni bsgrub par bya ba dang sgrub par byed pa'i dngos por 'thad pa yin no zhes bya ba ni lhag ma'o/ /rnam par gzhag pas rnam par gzhag pa ste/ rnam par 'jog par byed pa dang/ rnam par gzhag par bya ba'o/ /rnam par gzhag pa de gnyis la rten pa de'i dngos po ni de nyid de/ de'i phyir ro/ /don ni 'di yin te kho bo cag gi bsgrub par bya ba dang sgrub par byed pa ni bskyed par bya ba dang skyed par byed pa'i dngos por ni ma yin gyi 'on kyang rnam par gzhag 'jog gi dngos po yin no/ /de'i phyir na cha 'ga' zhig rgyu mtshan du byas nas 'di ni sngon po myong ba'o zhes shes pa la tha snyad du byed pa'i tha dad kyi rgyu mtshan gyi cha gcig po de ni tshad ma yin la/ gzhan tha snyad du bya ba'i cha ni 'bras bu yin no/ /bsgrub par bya ba dang byed pa gang yin pa gcig pas so/ /ci'i phyir zhe na/ smras pa/ dngos po ste don dam pa'i rang bzhin tha dad pa med pa ste gcig pa'i phyir ro/ /don 'di yin te / shes pa'i cha dag ni gcig yin pa'i phyir bsgrub par bya ba dang/ byed pa bdag nyid gcig par thal ba de yang 'gal ba yin no/ /bsgrub par bya ba gang yin pa de nyid ni grub pa yang ma yin na/ gang gis sgrub par byed par 'gyur zhes gzhan dag de ltar dogs pa la/ bshad pa/ de ni de ltar ma yin te/ de dag ni gcig ma yin no zhes bya ba'i don to/ /gtan tshigs bshad pa/ phan tshun ldog par brtags pa'i ngo bo nyid kyi chos tha dad pa sna tshogs pa de khas blangs pa'i gtan tshigs kyi phyir ro/ /gal te shes pa'i cha de dag don dam pa'i tha dad pa med pa de lta na yang 'dra ba dang don rtogs pa'i rang bzhin ldog pa gzhan la ltos nas brtags pa'i tha dad par 'gyur ro/ /bsgrub par bya ba dang sgrub par byed pa'i tha snyad ni don dam pa la brten pa ma yin gyi/ 'on kyang brtags pa'i rang bzhin la brten pa yin no/ /des na gang la tha dad pa med pa de la ni bsgrub par bya ba dang/ sgrub par byed pa yod pa ma yin la/ gang la brtags pa'i rang bzhin gyi bsgrub par bya ba dang bsgrub par byed pa yod pa de la ni tha dad pa nyid yin pa'i phyir mi 'gal lo/ /'di snyam du 'o na ni khyed kyis bsgrub par bya ba dang/ sgrub par byed pa'i dngos po brtags pa yin par thal la/ 'jig rten na don dam pa mthong ba yang yin no zhes dogs pa la/ bshad pa/ bsgrub par bya ba dang sgrub par byed pa'i tha snyad 'di dngos po la gnas pa ni ma yin te/ 'di ltar lhas byin 'tshed do zhes bya ba la phru ba 'dzugs pa'i bya ba 'tshed pa zhes bya ba byed pa po las ldog pa ni cung zad kyang yod pa ma yin gyi/ bya ba de lta bu'i bdag nyid can gyi lhas byin gyi rang bzhin nyid la 'tshed pa zhes bya bar bstan to/ /de bzhin sta res gcod ces bya ba yang shing la 'jug pa lhur len pa'i sta re'i rang bzhin la bstan to/ /'di snyam du de lta na yang don dam par bya ba dang byed pa dag tha dad pa yang mthong ba nyid yin na/ khyed kyi ni tha mi dad pa kho na'o snyam du dogs pa la/ 'khrul par bstan pa'i phyir rnon du dngos po tha dad pa med kyang zhes bya ba smos so/ /ji ltar bud shing dang 'bras chen tshos pa don dam par tha dad pa de ltar thams cad du ni ma yin te/ 'di ltar dngos po tha dad pa med de gcig kyang nus pa bsgrub par bya rgyu mtshan gyi bye brag gis te tha dad par bsgrub par bya ba dang sgrub par byed pa'i yul gyi rnam par gzhag pa tha dad pa'i gtan tshigs kyi phyir ro/ /dngos po gcig la yang de dang de'i nus pa dang ldan pa las byed pa po dang las dang byed pa po'i dngos po dang bsgrub par bya ba'i rang bzhin rnams rnam par 'jog la/ bsgrub par bya ba de sgrub par byed pa rnams las sam/ sgrub pa por byed pa po rnams phan tshun tha dad pa ni cung zad kyang med de/ dper na bdag gis bdag 'tshog go zhes bya ba 'di la las la sogs pa'i nus pa dang ldan pa'i phyir dang/ bsgrub bya'i rang bzhin gyi rjes su 'gro ba'i nus pa dang ldan pa'i phyir de nyid la 'tshog pa po dang/ btsog par bya ba dang/ sgrub par byed par smras pa bzhin no/ /de'i phyir bud shing dang 'bras chan tshos pa bzhin du thams cad du bsgrub par bya ba dang/ sgrub par byed pa tha dad pa ni ma yin no/ /de bzhin du rnam par shes pa gcig la yang rang bzhin gyi khyad par gyis byed pa dang/ bsgrub par bya bar 'gyur ro/ /'di ni skabs dang rjes su mthun par smras pa yin te/ byed pa po yang rnam par shes pa nyid yin no/ /de'i phyir de ltar tha snyad la rten pa'i rnam par gzhag 'jog gi dngos po la don dam par tha dad med kyang 'gal ba yod pa ma yin no/ /phrad pa ni don so so la tha dad pa ni snang ba dang 'dra bar bye brag tu byed pa po yin pa des na/ tha na de yang bsal nas snang ba kho na bye brag tu byed pa por nges par gzhag pa'i phyir bstan pa'i rim pa las bzlog nas phrad pa yang zhes smos pas rnam par dpyod par mdzad do/ /mig la sogs pa 'ba' zhig tshad ma ma yin par ma zad kyi/ snang ba dang 'dra bar don so so la tha dad pa'i phrad pa yang tshad ma ma yin no/ /bdag nyid thams cad kyis de don de gang? dang/ gang las ldog pa'i bdag nyid kyi don de dang de las ldog pa'i rang bzhin gyi bdag nyid kyis phrad pa ste/ don de dbang po dang 'brel pa'o/ /gang gi phyir phrad pa ni dbang po dang don dag 'brel pa yin la/ phrad par gyur pa de'i chos de ldog pa'i rgyu mtshan can 'ga' zhig kho na'i ngo bo rtogs pa ste/ des pa'i phyir ro/ /'di ltar tshad ma ni don rtogs pa'i rgyu mtshan yin no/ /phrad pa don rtogs pa'i rgyu mtshan yin na ni thams cad las ldog pa'i dngos po dang phrad pa na/ ldog pa thams cad kyi yul can gyi rtogs pa skye bar 'gyur na/ de lta yang ma yin no/ /de'i phyir rgyu mtshan gang las byed pa bye brag mod kyang nges pa'i chos nges par 'gyur ba de nyid tshad mar rigs te/ ltos par bya ba'i rgyu mtshan gzhan gyis ma chod par bye brag tu byed pa po ni sgrub par byed pa yin pa'i phyir dang/ phrad pa de yul gyi bdag nyid thams cad dang khyad par med na yang yul nges pa'i bdag nyid rtogs pa'i khyad par 'di ni 'di'o zhes bya ba nyams su myong bas grub pa ni blo'i snang ba/ don dang 'dra bas byas pa des na rnam par 'jog par byed pa gzhan gyi bya bas bar du ma chod pa de nyid tshad mar rigs so/ /ji ltar dngos po'i rang bzhin la rten pa'i phrad pa bdag nyid thams cad la khyad par med pa de ltar mngon sum gyi snang ba yang dngos po de la brten pa'i phyir bdag nyid thams cad la thun mong du gyur pa ma yin nam/ 'di ltar dper na mngon sum don de'i sngon po nyid kyi rjes su byed pa de bzhin du/ skad cig ma nyid kyi yang yin pa des na thun mong yin pa'i phyir ldog pa'i khyad par nges par shes pa'i rgyu ma yin pa'i phyir blo'i rnam pas byas shes ci'i phyir brjod ce na/ bden mod kyi 'on kyang nges pa ni nyams su myong ba'i yul can yin pa des na/ sngon po nyams su myong ba las ser po nyams su myong ba rang bzhin khyad par med na nyams su myong ba khyad par du nges par mi 'gyur ro zhes bya ba 'di gcig tu nges pa yin gyi/ nyams su myong ba'i khyad par thams cad nges pa ma yin no zhes bya ba 'di ni gcig tu nges pa ma yin te/ rkyen gzhan las nyams su myong ba nges par 'gyur ba 'am mi 'gyur ba yang srid pa'i phyir ro/ /de la snang ba nyams su myong ba ni gsal ba la sogs pa'i rkyen la ltos nas bdag nyid la nges pa skyed par byed la/ snang ba nges pa nyid kyang don gyi khyad par rtogs par rnam par gzhag pa yin te/ mthong ba 'di ni sngon po'o zhes gzung ba'i rnam pa rnam par chad par nges pa gang yin pa 'di nyid sngon po'i don rtogs pa yin pa'i phyir ro/ /des na snang ba nyams su myong ba ni nges pa'i rkyen la ltos nas nges pa'i don la rtogs pa rnam par gnas pa'i rgyu yin no/ /gang gis nges pa'i rkyen dang lhan cig pa'i phrad pa tshad mar 'gyur ba phrad pa des pa nyid ni de ltar don rtogs par rnam par gzhag pa ma yin no/ /phrad pa nges pa ni don nges pa ma yin te/ phrad pa ni ldan pa yin pas ldan pa po ma bzung na ji ltar 'dzin/ mkhar ba ma bzung bar mkhar ba can mi 'dzin pa de bzhin du/ ldan pa bos khyad par du byas pa'i ldan pa ni/ ldan pa po med par mi 'dzin pa des na ldan pa nges pa ni ldan pa po sngon du bzung ba la ltos pa yin no/ /ldan pa po nges pa yang rgyu med par mi 'thad pas de ma des na de'i khyad par can ldan pa nges pa ma yin no/ /don gyi spyi dang phrad pa yod pa de lta na yang spyi'i rang bzhin gyi yul dang phrad par nges pa na/ rgyu mtshan gzhan 'ga' zhig las khyad par can gyi don dang phrad par nges pa de nyid byed pa yin gyi phrad pa ni ma yin no/ /don rnam par gnas pa phrad pa nges pa nyid ma yin pa 'ba' zhig tu ma zad kyi/ phrad pa nges pa'i rgyu mtshan can du yang 'thad pa ma yin te/ spyi'i rang bzhin dang phrad par nges pa na khyad par rtogs par mi 'thad pa'i phyir dang/ khyad par phrad par nges pa yang don gyi khyad par rtogs pa sngon du 'gro ba can yin pa'i phyir dang/ don gyi khyad par rtogs pa yang rgyu mtshan med par mi 'thad pa'i phyir ro/ /gang zhig nges pas don nges par 'gyur ba/ de nyid ni nyams su myong bar gyur pa na/ nges pa'i rkyen la ltos nas rnam par 'jog pa'i rgyur brjod pa yin te/ de'i phyir phrad pa ni nges pa'i rkyen la ltos nas khyad par can gyi don rtogs pa rnam par 'jog pa'i tshad ma ma yin/ /yang ji ltar phrad pa don nges pa la ltos nas rtogs pa de bzhin du/ snang ba ni don nges pa la ltos nas rtogs par 'gyur ba ma yin gyi/ 'on kyang sngon por snang ba nyid la sngon po nyid du nges par byed do/ / sngon por snang ba nges pa nyid ni don rnam par gzhag pa yin te/ /des na rnam par 'jog pa'i rgyu ni snang ba nyid do/ /phrad pa ni rang nyid nges par shes pa'i dbang gis rnam par 'jog par byed pa'i tshad mar pha rol gyis khas blangs bar yin gyis/ 'on kyang shes pa'i rgyu yin pa nyid kyis so/ /bdag nyid thams cad kyis nye yang chos 'ga' zhig kho na rtogs pas rgyu gzhan la ltos pa'i phyir/ 'dra ba kho na nges pa'i rkyen la ltos nas rnam par 'jog pa'i rgyu yin pa des na de kho na tshad mar rigs so/ /de ltar phyi rol gyi don du smra ba la/ rnam par shes pa don dang 'dra bar tshad ma yin la/ don rtogs pa'i rang bzhin du rnam par gzhag pa ni 'bras bu'o zhes tshad ma dang de'i 'bras bu rnam par gzhag pa mdzad nas/ de nyid bzlog pa'i phyir dang/ rnam par shes par smra ba la tshad ma'i 'bras bu'i tshul gzhan du rnam par gzhag pa'i phyir 'dri ba rtsom mo/ /des nas shes bya ba ni de ma thag tu ste/ tshad ma'i 'bras bu rnam par gzhag pa'i de ma thag tu the tshom 'dir 'gyur te/ gang khyed tshad ma'i 'bras bur 'dod pa'i phyi rol gyi don rig pa de 'di gang zhig ste/ ngo bo nyid ci zhig /ji ltar nyams su myong ba bzhin pa nyid 'di'i ngo bo yin nam/ nyams su myong ba ni 'khrul pa min la rang gi ngo bo gzhan yin/ cig shos kyis ni nyams su myong bar 'gyur ba'i rig pa'i ngo bo nyid la ni 'dri ba mi 'thad de rang gi rang bzhin gyi thabs kyis 'di tshad ma 'dri ba yin no snyam nas smras pa/ mngon sum du gyur pa mngon du grub pa'i rig pa gang yin pa 'di nyid do/ /'di skad du gang kho bo cag gis tshad ma'i 'bras bur rnam par gzhag pa myong ba 'di ni mngon sum gyi tshad mas grub pa des na 'di la tshad ma 'dri bas ci zhig bya zhes brjod pa yin na/ /cig shos kyis ni dngos po rnams kyi yod pa nyid ni tshad mas sngon du 'gro ba can yin pa'i phyir/ de'i tshad ma dris na ni yod pa nyid dris par 'gyur la/ 'di zhes bya bas kyang dngos po mngon sum du bstan pa na/ 'dri ba yod pa'i yul can du ni rigs pa ma yin no// des na tshad ma'i yul can ni ma yin gyi/ 'on kyang rnam pa'i khyad par gyi yul can yin no zhes 'chad pa ni/ mngon sum du gyur pa'i myong ba yod pa 'di'o/ /'di skad du khyod la yod ba'i tshad ma dris pa ni ma yin gyi/ 'on kyang don dang 'brel pa zhes bya ba'i rnam pa'i khyad par dris pa yin la/ gal te de ma rtogs na ni yang gsal bar dri bar bya'o zhes brjod pa yin no nyams su myong bar gyur pa'i rigs pa 'di tha dad par gyur pa'i don de rig pa yin par rgyu gang gis rnam par gzhag / cig shos kyis skyes pa dang 'dra ba dag gis zhes smras te/ skyes pa dang 'dra bas kyang ngo zhes gsungs pa'o/ /'jig rten pa rnams rnam par shes pa 'di sngon po'i don las skyes so zhes bya bar rtogs par ni mi byed de/ de'i phyir skyes pa ni tha snyad kyi rgyu mtshan ma yin gyi/ 'on kyang rgyu mtshan ni 'dra ba yin no/ /gang gi phyir rnam par shes pa 'dra bar nyams su myong ba ni don myong bar rnam par 'jog par byed pa yin pa'i phyir 'dra ba tha snyad kyi rgyu mtshan yin no/ /skyes pa dang 'dra ba dag gis shes bye brag med par brjod pa gang yin pa de ni gnyi ga yang tha snyad kyi yan lag nyid du bstan pa'i don du'o/ /'di dag ci zhig ji ltar tha snyad la nye bar mkho zhes nges par rtog pa las 'di brjod de/ 'dra ba las ni tha snyad grub la/ 'dra ba yang skyes pa las yin no/ /da ni rnam par 'jog pa'i rgyu ha cang khyab ches bar bstan pa'i phyir 'o na ni zhes smos te/ yul mtshungs pa zhes bya ba ni gal te shes pa phyi ma'i sngon por 'dzin la snga ma yang yin na de'i tshe thal ba 'dir 'gyur ro/ /de ma thag pa nyid kyis ni dngos su skyed par byed pa'i don ni yul yin no zhes dngos su skyed par byed pa nyid mtshon to// 'di ltar re shig sngon po 'dzin pa'i shes pa snga ma sngon por snang ba yin la gnyis pa mtshungs pa de ma thag pa'i rkyen des bskyed pa gang yin pa de yang sngon po'i don 'dzin pa nyid kyi sngon por snang ba kho na'o/ de yang skyed par byed pa mtshungs pa de ma thag pa'i rnam par shes pa'i sngon por snang ba yul yin nam/ 'on te don sngon po 'am/ de ste gnyi ga ces mi shes so/ /yul nyid du brtag par ni shes pa nyid 'thad pa yin te/ de ni de ma thag pa'i yan lag yin pa'i phyir dang/ 'dra bar nyams su myong ba'i phyir ro/ /don ni ma yin te/ de ma mthong ba nyid kyis 'dra bar ma mthong pa'i phyir ro/ /yang ji ltar shes pa phyi ma la bzung ba'i rnam pa phyi rol gyi rang bzhin lta bur rnam par chad par snang ba de bzhin du shes pa snga ma yang phyi rol gyi rang bzhin ltar gzung ba'i rnam pa rnam par chad bar snang ste/ des na ji ltar phyi rol gyi yul dang 'dra ba de bzhin du rnam par shes pa snga ma'i rnam pa dang yang 'dra ba yin no/ /de'i phyir 'dra ba yod pa tsam gyis ni ma yin gyi gzung ba'i rnam pa yang ltos pa yin na de ma thag pa'i shes pa ni shes pa la gzung ba nyid du snang ba ma yin no zhes gang brjod pa de spangs pa yin te/ gang gi phyir de ma thag pa'i shes pa 'dzin pa'i rnam pa nyid du ni snang ba ma yin te/ snang ba de de'i rang bzhin du ma nges pa'i phyir ro/ /bzung ba'i rnam par ni snang ba kho na ste/ snang ba de shes pa snga ma'i snang ba dang 'dra bar nges pa'i phyir ro/ /bdag nyid thams cad nges pa na gzung ba nyid du rnam par 'jog pa ni ma yin te/ gang gi phyir shes pa'i snang ba skad cig ma sngon po'i rang bzhin du nges pa ma yin pa de lta na yang skad cig ma'i sngon po dang 'dra bar brtag pa de bzhin du sngon por snang ba shes pa nyid du ni nges pa ma yin mod kyi/ 'on kyang rnam par shes pa phyi ma'i snang ba shes pa snga ma'i snang ba dang 'dra bar nges pa yin pa'i phyir yul nges pa med par thal lo/ /gal te shes pa 'di'i nyams su myong bar bya ba'i don 'ga' yang med na/ 'o na ni de la ltos pa'i spyir nyams su myong bar yang mi 'gyur te/ gcad par bya ba med na ni 'ga' zhig gcod par byed pa ma yin no zhes zhe la bzhag nas/ 'o na da 'dis shes smras so/ /da ltar yul nges pa khyod kyis bshig pa na 'dis yul gang zhig nyams su myong nyams su myong bas grub pa 'di ni bzlog par nus pa yang ma yin no/ /rigs pa med par bzlog na rtog pa sngon du gtong ba nyid du yang ji ltar 'gyur/ de mi bzlog na yang nyams su myong ba'i don nges par 'gyur bas khyod kyis kyang yul rnam par gzhag dgos pa des na kho bo cag gis yul rnam par gzhag pa yang de nyid kyis bsgrub par bya'o/ /cig shos kyis ni nyams su myong ba yod kyang nyams su myong bar bya ba bzlog pa na 'dzin par byed pa'i rang bzhin 'ga' zhig yod pa ni ma yin gyi/ 'on kyang gzung ba dang 'dzin pa'i rnam pa 'di ni nye bar bslang pa yin no/ /'di gnyis bkag kyang nyams su myong bas grub pa dga' ba dang zhum pa la sogs pa myong ba'i rnam par bkag pa ni ma yin no/ /de'i phyir gzung ba'i rnam pa dang 'dzin pa'i rnam pa nye bar bslang pa yin pas kho bo cag la yul rnam par gzhag pa 'ga' zhig yod pa ma yin la/ nyams su myong bas grub grub pa'i myong ba'i 'gog pa yang ma yin no zhes kho bo cag kyang zhes smos so/ /kho bo cag kyang nyams su myong ba'i tshul gzhan la ltos? nas nyams su myong bar byed pa po zhes bya ba 'di nyid rjes su zhes bya ba'i phyi nas te/ sngar gzhan gyis rnam par gzhag pa la phyis kho bo cag rtogs par 'dod pa yin gyi/ kho bo cag gis rnam par gzhag par bya ba ni ma yin la/ rigs pas kyang rnam par gzhag par nus pa ma yin no/ /de'i na kho bo cag shes par 'dod pa yin na rigs pa med pa'i phyir shes par nus pa ni ma yin no/ /da ni sngon po 'di bltas pa 'am skye bo ngan pa'i sgra mnyan no zhes 'dis ni des pa'i rnam pa bstan to/ /gang las te 'dras pa byed pa po'i skyed byed gang la nges pa'i shes pa ste/ zhen pa'i rtogs pa sngar bshad pa'i rnam pa can skye bar 'gyur ba mthong ba dang thos pa nges pa'i rgyur gyur pa de dag ni nges pa'i yul gyi don de'i nyams su myong ba yin no/ /bsam pa ni 'di yin te/ skyes pa dang 'dra ba dag las ni de 'brel par gyur la/ de nges pas kyang shes pa don gyi 'dzin pa por rnam par 'jog pa des na skyes pa'i phyir dang 'dra ba'i phyir dang de dang 'brel pa nges pa'i phyir de'i 'dzin pa ni 'di yin no zhes bya ba'o// zhe na zhes bya ba ni gzhan gyi dogs pa'o/ /bzlog pa'i phyir 'dra bar byed de/ kye yul dang shes pa gang gi nye ba de nyid de 'brel pa de nyid nges pas yul du byas pa de dpyod pa ma yin nam/ ji ltar gang gis de de'i mthong ba yin zhes bya ba 'di ni dpyod pa'o/ /dgongs pa ni 'di yin te/ 'di mthong ba 'am thos pa zhes bya ba 'di nyid ni nyams su myong ba'i yul nges par rnam par gzhag pa yin gyi gzhan ni ma yin la/ rnam par 'jog par byed pa yang nges pa nyid de gzhan ni ma yin no/ /rnam par gzhag pa dang rnam par 'jog par byed pa las rnam par 'jog pa'i rgyu ni gzhan du rigs pa yin te/ de nyid ni de nyid kyi rgyu mtshan ma yin no/ /de yang nyams su myong bar gyur pa yin te/ des pa rnams ni nyams su myong ba'i rjes su 'brang ba'i phyir ro/ /des na mthong ba'i yul nges par nyams su myong ba nyid 'di ltar nges pa'i rgyu mtshan du brjod par bya'i/ nges pa 'di nyid ni ma yin no/ /'di snyam du nyams su myong bar gyur ba'i yul dang lhan cig tu 'brel pa 'ga' zhig la ltos nas nges pa skyed par byed pa ni ma yin gyi/ 'on kyang nyams su myong ba'i rnam par shes pa'i ngo bo nyid kyis khyad par kho na las 'di lta bu'i nges pa skye bar 'gyur na/ de ci'i phyir shes pa'i yul dang lhan cig nye ba nyams su myong ba gang zhig la brten nas nges pa nye bar skyed par byed ces rjod ces dogs pa la/ bshad pa/ lta ba po de nyams su myong ba po'i nges pa 'di yul dang shes pa de dag gi 'brel pa nyams su myong ba la brten nas te/ yul du byas nas skye bar 'gyur ba yin te'o/ /'di skad brjod pa yin te/ nges pa skye ba na skyed par byed la ni 'dri ba 'di ma yin gyi 'on kyang yul 'dri ba yin no/ /de la gal te nyams su ma myong ba'i yul la nges pa skye na ni 'gro ba'i tshad mas rtogs pa'i nyams su myong ba'i tha snyad nyams par 'gyur ro/ /don nyams su myong ba zhes bya ba yang de'i yul can gyi shes pa nyams su myong ba yin la/ shes pa de nyams su ma myong ba na yang gnyis las skyes pa yin zhing gnyi ga yang 'dra ba yin te/ de'i phyir khyad par gang gis nyams su myong ba'i rjes su 'brangs nas nges pa skye ba na sngon po'i yul du nges par 'gyur la/ de ma thag pa'i rkyen ni ma yin te/ de'i phyir 'dra ba'i don ni nyams su myong ba'i don gyi yul can nges pa tha dad ma mthong bar ji ltar rnam par shes pa nges par byed ces bya ba yin gyi/ gang gis rnam par shes pa snga ma de bskyed pa la ngo bo nyid kyi nus par brjod pa ji ltar skye bar 'gyur zhes bya ba ni ma yin no/ /de'i phyir 'brel pa nyams su myong ba zhes bya ba nges pa'i yul nges par rtogs pa yin gyi skye ba'i rgyu ni ma yin no zhes bya ba 'di gnas so/ /phyis 'byung 'byung ba de'i dus na yod pa ma yin pa dang nyams su myong ba ma yin pa'i nges pa rang nyid zhugs pa tsam gyis ni khyad par can gyi yul nyams su myong bar nges pa ma yin gyi/ 'on kyang nyams su myong ba nyid kyi khyad par nyams su myong ba las yin la/ khyad par can nyams su myong ba de yang yod pa ma yin pa'i phyir ji ltar nges pa yin/ de bshad pa ni de zhes bya ba 'brel pa'i rang bzhin nyams su myong ba med na ni nges pa der mi 'gyur ro/ /des na de ltar mtshan nyid sred pa la rten nas ha cang khyab ches pa'i nyes pa brjod nas de ni bsdu ba'i sgo nas mtshan nyid mi srid pa nyid ston par byed do/ /re shig srid kyang nyes pa 'dir 'gyur la de ni srid pa yang ma yin no zhes gang brjod pa ni/ rnam par shes pa la ni yul dang 'dra ba srid pa yang ma yin te/ dbang po'i rnam par shes pa de la snang ba'i ngang tshul gang yin pa'i rags pa'i rnam pa cha shas dang bcas pa ni rdul phra rab so so ste gcig la med pa'i phyir ro/ /dgongs pa 'di yin te/ dbang po'i rnam par shes pa la gnas pa'i rnam pa gang yin pa de ni cha shas dang bcas pa dang/ rdul phra rab gcig la ni cha shas yod pa ma yin pa des na rdul phra rab kyi rang bzhin dang/ shes pa la gnas pa'i snang ba 'di 'gal ba'i phyir rnam pa 'di de'i yin no zhes brjod par nus pa ma yin no/ /gang la rang bzhin dang des skyed pa'i rnam pa mi 'gal ba gcig tu zhen pa'i rgyu mtshan yod pa'i rnam pa de nyid des bskyed pa dang/ phyi rol gyi rang bzhin der tha snyad du 'dogs pa pos tha snyad du bya ba yin no/ /'dra ba dang 'dra bar byed pa po dag 'gal ba'i chos dang ldan pa la ni 'gal ba dag bzhin du tha mi dad par zhen par mi 'thad pa des na rnam pa 'di des bskyed pa nyid du mi 'gyur ro/ /ci ste yang rnam pa 'di des bskyed par nan kho nas rtog na/ 'o na ni 'gal ba'i chos dang sngon par khyad par med pas rnam pa thams cad thams cad kyi rnam par 'gyur ro/ /yang ci ste 'di rdul phra rab gcig gi rnam pa ni ma yin gyi 'on kyang rnam pa 'di ni rdul phra rab kyi lus mang po can phan tshun rang bzhin dang yul yongs su spangs par skyes pa rnams kyi yin no/ /cha shas med pa mang po rnams kyi snang ba tshogs pa'i yul can ni cha shas su snang bar 'gyur te/ 'di ltar rdul phra rab kyi rang bzhin gcig cha shas med pa yin gyi du ma ni ma yin no/ /yul la bkram pa nyid du snang bar 'gyur ba mang po rnams kyi shes pa gcig la gnas pa'i snang ba yul la bkram pa nyid ni cha shas dang bcas par 'gyur ba'i phyir mi 'gal lo zhes dogs pa la/ rang bzhin mang po tshogs pa rnams la yang zhes smos te/ rdul phra rab gcig gi rnam pa ma yin pa 'ba' zhig tu ma zad kyi/ mang po rnams kyi yang 'thad pa ma yin no zhes bsdu ba'i don du'o/ /rdul phra rab kyi rdzas tshogs pa zhes bya ba'i rang rigs mi mthun pas mchod pa rnams la de ltar rigs pa'i rnam par snang ba yin no zhes bya bar rigs pa ma yin no/ /ci'i phyir zhe na/ gcig yin pa'i phyir te/ gang 'di shes pa la bkod pa byas pa'i rags pa'i rnam par nyams su myong de 'di ni gcig yin no/ /phyogs kyi cha la sogs pas don gyi snang ba 'di tha dad par rtogs pa ma yin nam/ 'gal ba'i chos dang ldan pa 'di bu ni gcig la ma yin nam/ de'i phyir shes pa'i gnas pa 'di yang zhes brjod ce na/ shes pa'i snang ba mdza' dag gcig tu mi brjod kyi/ 'on kyang du ma 'dzin pa la ni gcig tu 'dzin pa gdon mi za bar 'dod par bya dgos te/ gzhan du na du mar 'dzin pa mi 'thad pa'i phyir te/ cha shas med pa'i gcig pa ma bzung bar ni/ de ltar nges pa mi 'thad pa'i phyir ro/ /des na mthar thug pa'i gcig pa ni gdon mi za bar bzung bar bya dgos so/ /cha shas med pa gzung ba'i phyir rdul phra rab du ma'i rang bzhin gyi don ma bzung bar brjod pa yin no// gal te 'di 'dra ba'i gcig gzung ba yin du chug pa de lta na yang ji ltar mi rigs she na/ bshad pa/ gcig ni du ma dang ste/ mang po dang 'gal ba'i phyir ro/ /'gal ba gang yin pa dag ni sngon po dang sngon po ma yin pa bzhin du rnam par 'jog par byed pa dang/ gzhag par bya bar mi 'thad de/ ha cang thal ba'i phyir ro/ /gang gi phyir 'gal ba dag kyang 'jog par byed pa dang/ gzhag par bya ba nyid yin na ni khyad par med pa'i phyir snang ba thams cad kyis byas par thal ba'i phyir yul nges pa nyams par 'gyur ro/ /'di snyam du rags pa'i rang bzhin gcig mang po rnams la thun mong du yod pa des na 'dra bar 'gyur ro snyam na/ bshad pa/ rdul phra rab mang po rnams la yang rnam pa de lta bu rags pa gcig gi ngo bo yod pa ma yin no/ /ji ltar phyogs kyi gos can rnams kyis rdul phra rab tha dad pa rnams la yang thun mong gi rang bzhin gcig yod par brtags pa de lta bu ni cung zad kyang med na gang gis rnam pa 'di skyed par 'gyur/ ci'i phyir zhe na/ yan lag can 'gog pa'i nyes pa gang yin pa de nyid ni du ma'i thun mong gcig gi rang bzhin gyi nyes par yang blta bar bya'o/ /'di snyam du kho bo cag gi ltar na ni rdul phra rab yul ma yin la/ gang zhig yul du 'gyur ba de dag gi rags pa'i rang bzhin gzhan ma yin pa yang med de/ 'on kyang rdul phra rab rnams nyid kyis rdul phra rab gnyis la sogs pa'i rim pas brtsams pa'i yan lag can gyi rdzas rags pa gcig po gang yin pa de yul yin no zhes dogs pa la/ yul zhes smos te/ yul rags pa gcig ni mi 'thad do/ /ji ltar zhe na/ bshad pa lag pa la sogs pa gang yin pa'i cha shas gcig g.yo ba ste bskyod na yang pa lus thams cad g.yo bar thal ba'i phyir ro/ /'di ltar gang zhig lag pa l a sogs pa la 'du ba'i yan lag can gyi rdzas g.yo ba dang bcas pa'i yan lag can gyi rdzas de nyid ni lag pa gzhan la 'du yin pa des na g.yo ba de'i rang bzhin las mi g.yo ba'i rang bzhin tha mi dad pa'i phyir g.yo bar thal lo/ /'di ltar gcig yin na ni g.yo ba dang bcas pa'i rang bzhin de nyid 'di yin pa'i phyir g.yo bar snang bar 'gyur ro/ /snang ba'i g.yo ba dang bcas pa'i rang bzhin/ yan lag gnyis pa lam dmigs pa ni yod pa nyid ma yin zhing/ gang las gang mang pa de nyid 'di yin no zhes kyang brjod par mi nus so/ /yod pa nyid kyi rgyu mtshan ni don bya ba byed pa yin la/ don bya ba byed pa'i rang bzhin yang gang la mngon sum gyis rab tu grub pa de la de kho nar yod pa yin te/ de nyid 'di yin na mtshan nyid gcig pa nyid du tha snyad du bya ba yin no/ /yang gang gi tshe g.yo ba dang bcas pa'i rang bzhin don bya ba byed pa de nyid go skabs gzhan du med na don bya ba byed pa'i rang bzhin de med pa'i phyir go skabs gzhan du yod pa nyid ma yin la/ yod pa ma yin pa'i phyir yang de'i rang bzhin dang bral ba dang/ de'i rang bzhin tha dad par rigs pa yin no zhes 'chad pa ni/ mi g.yo na yang g.yo ba dang mi g.yo ba bskyed pa dag gcig la gcig med pa'i phyir gzhan dag dang gzhan du tha dad par thal te/ tha dad pa'i tha snyad kyi yul ni de tsam du zad pa'i phyir ro/ /dper na chu tshags shes bya ba'i ras dbyig gu gsum la dbyangs pa mi g.yo la chu ni g.yo ba des na tha dad pa de bzhin du 'dir yang tha dad blta bar bya'o/ /'dir yan lag bya ba dang ldan pa ni ma yin te/ gang gi phyir bya ba dang ldan pa'i yan lag rnams la ni rnam par dbye ba skye la/ des kyang ldan pa 'du ba med pa'i ldog pa na rdzas 'jig par thal ba'i phyir ro// rdzas mkhar la sogs pa'i rgyu mtshan rgyu ldog pa na ni 'bras bu ldog par byed pa ma yin gyi/ 'du ba med pa'i rgyu ldan pa dang 'du ba can gyi rgyu snal ma la sogs pa ldog pa ni snam bu la sogs pa'i 'bras bu ldog par byed pa yin no/ /de bzhin du 'gal ba'i chos gzhan dang ldan par yang ston par byed de/ 'di la mthong ba'i rang bzhin gang yin pa de nyid kyis de'i tshe ma mthong bar mi 'thad de/ de'i phyir gcig ste lag pa la sogs pa bsgribs pa mthong ba'i gegs byas pa'i phyir de la gnas pa'i yan lag can gyi rdzas kyang bsgrubs par 'gyur zhing/ de nyid kyang yan lag thams cad la khyab pa yin pa des na bsgrib pa'i yan lag gcig la gnas pa'i yan lag can gyi rang bzhin las tha dad pa med pa'i yan lag gzhan la gnas pa'i rang bzhin bsgribs par 'gyur ba des na mi mthong bar 'gyur te/ tha dad pa med pa'i phyir ro zhes gang brjod pa yin no/ /ci ste yang ma bsgribs pa'i yan lag la gnas pa'i yan lag can gyi rang bzhin ma bsgribs pa'i phyir mthong na ni/ mthong ba de las tha dad pa med pa'i phyir/ bsgribs pa'i yan lag can yang mthong bar 'gyur ba des na tshang bar bzung bar thal lo/ /der ni yan lag bsgribs par byas kyi yan lag can ni ma yin te/ des na thams cad bsgribs par thal zhes ci'i phyir rjod ces gal te gzhan dag sems na/ de yang rigs pa ma yin te/ yan lag rnams kyi phyed gong yin pa'i phyed po de ji srid du bsgribs su zin kyang mthong bar 'gyur te/ yan lag cung zhig bsgribs pa la lta ci smos zhes bya ba ni kyang gi sgra'o/ /ci'i phyir zhe na/ ma bsgribs pa'i phyir ro/ /ji ltar zhe na/ snga ma kho bzhin du ste/ ma bsgribs pa'i gnas skabs bzhin du yul ma tshang ba med par mthong bar thal lo/ /ci ste yan lag ma mthong ba gang yin pa la yan lag can de rtogs par mi 'gyur te/ mthong ba ma yin no/ /ji ltar zhe na/ smras pa/ snang ba'i yan lag gi sgo ni thabs te/ tshogs pa mthong ba'i sgo de nas yan lag can da mthong ba'i rgyu'i phyir ro zhes gzhan dag dogs pa la ma yin te/ zhes gsungs te/ yan lag cung zad cig ma mthong pas ni 'dir yan lag can mi mthong bar rigs pa ma yin no/ /'di ltar gang zhig bsgribs pa'i yan lag can gyir de bzhin dang/ gang yang ma bsgribs pa'i yan lag can gyi rang bzhin de ni tha dad pa med pa yin te/ tha dad pa med pa des na rnam pa thams cad du bsgribs pa'i yan lag dang 'brel pa dang/ ma bsgribs pa'i yan lag dang 'brel pa'i rang bzhin du yan lag can ma rtogs par thal ba'i phyir ro/ /ma rtogs pa yang ma yin te/ yan lag can gyi nges pa skye ba yod pa'i phyir ro/ /gal te yan lag 'ba' zhig mthong gi yan lag can ma yin na ni de'i tshe yan lag can mthong ba'i nges pa mi skye bar 'gyur ro/ /gzhan yang gal te yan lag cung zad cig bsgribs pa'i dus de'i tshe yan lag nyid mthong na ni/ thams cad kyi tshe yan lag can mthong bar mi 'gyur te/ tshu rol dang pha rol dang dbus kyi chi'i yan lag thams cad tshu rol mthong ba gcig gi cig car te dus gcig tu mthong bar mi nus pa'i phyir yan lag mthong ba 'jig par 'gyur na yan lag ni mthong ba'i yul du brtags pa yin no/ / ci ste yan lag cung zad cig mthong ba na yang/ yan lag can mthong ba yod pa yin na ni de'i tshe yan lag cung zad mthong bas kyang yan lag can mthong bar 'gyur zhing de las kyang ma bsgribs pa'i gnas skabs bzhin du yan lag thams cad khyab pa'i yan lag can rags pa gcig mthong bar 'gyur na yod pa yang ma yin no/ /rnam pa gzhan gyi sgo nas kyang 'gal ba'i chos dang ldan pa ston te/ gang gi phyir dngos po de nyid ni dus de nyid kyi tshe 'brel pa can gyi dngos po gzhan des khyab pa dang ma khyab par 'thad pa ma yin te/ des na yan lag gcig kha bsgyur te/ tshon gyi rdzas dang 'brel na de la gnas pa'i yan lag can tshon dang 'dres pas so zhe na ni yan lag gzhan dang 'brel pa yang de nyid yin pa'i phyir kha bsgyur bar thal lo/ /yod pa yang ma yin te ma mthong ba'i phyir ro/ /ci ste phyogs gcig kha ma bsgyur ro zhe na de las tha dad pa med pa'i phyir de yang kha ma bsgyur te/ gcig po de'i rang bzhin yul thams cad la khyab par yod pa'i phyir kho na ltar rtogs par 'gyur ro/ /ci ste yang yan lag kha bsgyur gyi yan lag can ma yin na/ de lta na 'o na yan lag can kha ma bsgyur ba de'i phyir yan lag bsgyur ba dang/ yan lag can ma bsgyur bar snang bar 'gyur na snang ba yang ma yin no// de ltar 'dis 'gal ba 'du ba rnam pa gsum bstan to/ /snang ba'i yul can ni gnyis te bya ba ni rang bzhin gyi rnam par 'gyur bar gyur pa yin la/ de yang dngos po dang dngos po med pa dag gis tha dad par 'gyur la/ don gzhan dang 'brel pa yang tha dad par 'gyur ro/ /mthong ba'i yul can yang sgrib pa'i tha dad pas tha dad pa yin no/ /'gal ba'i chos dang ldan pa 'di tsam du zad pa ni ma yin te/ 'di ltar rdzas gru bzhi'i mdza' ma gcig yul gang du dmigs pa'i yul de ni yan lag gzhan dang 'brel pa yul las ldog pa yin te/ de tshad mas yongs su bcad pas de'i rang bzhin nyams par rnam par gcad pa na de'i rang bzhin nyams pa dang ldan pa yan lag gzhan dang 'brel pa'i yul gzhan yang rnam par bcad par 'gyur ro/ /de rnam par bcad na yang yongs su bcad pa'i yul khyab pa'i rang bzhin de dang 'brel pa las rnam par bcad par 'gyur te/ gang gi phyir de'i rang bzhin khyab pa'i yul ni yul gzhan gyi rang bzhin dang 'brel ba des na des khyab pa ni de med pas khyab par 'gyur la/ gang zhig de med pa'i khyab pa de nyid ni yod pas khyab pa ma yin pa des na rang bzhin gang zhig yul gang med pas khyab pa de ni de dang 'brel ba ma yin la/ gang zhig gang dang 'brel pa ma yin pa de nyid ni de dang 'brel pa ma yin te/ gcig la cig car rang bzhin gcig bsgrub pa dang dgag pa ni 'gal ba'i phyir ro/ /des na rang bzhin gcig gi yul dang phyogs dang dus gcig dang 'brel pa'i sgrub pa dang dgag pa dag ni med na mi 'byung ba yin pa'i phyir/ phyogs de dang phyogs gzhan dang/ yul de dang yul gzhan nyid ni phan tshun spangs pas 'gal ba yin no/ /zhes mang du bshad pa yin no/ /des na 'dir rang bzhin du gyur pa'i bya ba tha dad pas ni rang bzhin du gyur pa'i nus pa la sogs pa yod pa dang med pa'i bdag nyid kyi tha dad pa thams cad dang 'brel pa can tshon tha dad pas ni 'brel pa can gyi rgyu mtshan can gyi tha dad pa thams cad nye bar mtshon pa yin la/ bsgribs pa'i sgo nas kyang shes pa'i yul dang yul ma yin pa nyid kyis byas pa'i du ma nyid nye bar mtshon pa yin no/ /de'i phyir der yang 'gal ba'i chos dang ldan pa de ni gcig ma yin te/ dper na tha dad pa'i bum pa la sogs pa bzhin no/ /gcig tu mngon par 'dod pa'i yang 'gal ba'i chos dang ldan par mthong ba yin no/ /'ga' zhig 'ga' zhig las tha mi dad pa ni de la yod pa yin pas des na yod pa'i yul can gcig nyid kyis tha snyad la ni dngos po yod pas khyab la/ 'gal ba'i chos dang ldan pa ni gcig gi tha snyad kyi khyab par byed pa yod pa nyid dang 'gal ba med pa yin phyir khyab par byed pa 'gal pa dmigs pa'o/ /gcig nyid bkag pa na yang dngos po nyid yin pa'i phyir du ma nyid du grub par 'gyur gyi/ gcig bkag pa tsam gyis ni du ma nyid du 'grub pa ma yin te/ dngos po med pa yang dngos po dang lhan cig gcig nyid yin pa bkag pa'i phyir ro/ /'dir ni gcig pa nyid 'gog pa 'am du ma nyid du sgrub par yin te/ mngon sum gyis tha dad par grub pa'i phyir yul med pas blo gros rmongs pa la de tsam gyi yul can gcig gi tha snyad med par bsgrub par bya ba yin no/ /des na don 'di yin te/ gang yod pa de ni cha med pa yin te/ dper na shes pa bzhin no/ /snang ba'i dngos po yang yod pa ma yin no/ /cha shas dang bcas pa nyid yin na ni phyogs tha dad pa'i rgyu mtshan can yod pa'i 'gal zla med pa zhes bya bar 'gyur te des na rang bzhin 'gal ba dmigs pas yod pa nyid cha shas dang bcas pa nyid las ldog pa na cha med kyis khyab pa'i phyir rang bzhin yin no/ /'gal ba'i chos dang ldan pa de'i phyir gang zhig shes pa la 'dra bar byed pa 'dra ba'i bdag nyid du byed pa de ni gcig pu ni 'ga' yang yod pa ma yin no/ /gang gi phyir 'dra ba mi 'thad pa dang/ 'dra ba yod pa chug kyang gzung ba dang 'dzin pa'i mtshan nyid la 'khrul pa de nyid kyi phyir/ blo yis tha dad pa'i nyams su myong bar bya ba gzhan med de/ de rnam par mi gnas pa'i phyir ro/ /blo'i de'i myong ba yang gzhan ma yin te/ gang gi phyir de la yang gzung ba dang 'dzin pa'i mtshan gnyis pa dang 'dra ba'i ngo bo nyid ma tshang ba de'i gnas skabs nyid yin de de la yang de ma thag pa'i rkyen gyis 'khrul pa ldog pa med do/ /'o na ji ltar shes pa dang shes bya'i rnam pa gzung bar 'gyur zhe na/ bshad pa/ de ni de ltar te rang nyid khyad par gzhan med par kho nar gsal ba yin no/ /'di skad brjod pa yin te/ shes pa gzhan gyis ni blo de de ltar gsal ba ma yin te/ blo'i rang bzhin nyid kyis de'i rang nyid kho nas gsal ba yin no/ /des kyang don 'ga' zhig gsal ba ma yin gyi/ 'on kyang ma rig pa'i rjes su zhugs pa'i phyir mi bden pa'i don ston par byed pa de'i rang gi ngo bo kho na gsal ba yin no/ /'di nyid rnam par dgrol ba bshad pa ni/ gang gi phyir 'khrul pa dang mi srid pa'i yul gyi mtshan nyid rnam par 'jog pa'i rgyu skyes pa dang 'dra ba bkag pa'i phyir te/ des na tha dad pa'i don 'ga' yang nyams su myong ba ma yin la/ nyams su myong ba 'di'i nyams su myong ba yang gzhan 'ga' zhig ma yin te/ de la yang nyams su myong ba la gzhan gyis nyams su nyong ba la gzung bar bya ba'i mtshan nyid med pa'i phyir ro/ de ltar gang gi phyir shes pa'am gzhan nyams su myong ba'i 'brel pa can gzhan 'ga' yang yod pa ma yin pa de'i phyir nyams su myong ba gang gi yin pa de ni rnam par shes pa'i bdag nyid kho na yin gyi/ ji ltar phyi rol gyi don du smra ba rnams kyis nye bar brtags pa bzhin du nyams su myong bar bya ba'i dngos po la ltos pa ma yin no/ /de nyid kyis na nyams su myong ba de yang gzhan 'ga' zhig gi rang gi ngo bo ni ma yin te/ rnam par shes pa'i bdag nyid gzhan gyir ji ltar 'gyur/ gzhan gyi bdag nyid ni gzhan ma yin pa'i phyir ro/ /gal te 'o na blo gzhan gyis gzung bar bya ba ma yin na/ 'o na ji ltar 'di mngon sum gyis so sor rig par bya ba yang dag par myong bar bya ba nyid yin zhe na/ de yang 'di'i de'i bdag nyid kho na ste/ /mngon sum gyi bdag nyid gang yin pa'o/ /'di skad brjod pa yin te/ de nyid bdag nyid la mngon sum gyi tshad ma yin gyi gzhan la ni ma yin te/ de ni myong ba'i ngo bor skye ba na rang gi bdag nyid la mngon sum gyi tshad ma yin no/ /gang gi phyir mngon sum de ni rig pa'i rang bzhin nyid kyis rang nyid rab tu gsal ba nyid yin gyi/ sngon po la sogs pa bzhin du gzhan la ltos nas gsal ba yin pa'i rgyu des na bdag nyid gsal bar byed pa bstan pa yin te/ gsal ba bzhin no/ /gang gi phyir snang ba rang nyid rab tu gsal ba na bdag nyid gsal bar byed pa zhes brjod pa yin no/ /'di skad brjod pa brjod pa yin te rang rig pa 'di la gzung ba dang 'dzin pa tha dad pa ni yod pa ma yin gyi/ 'on kyang bdag nyid rab tu gsal ba na bdag nyid 'dzin pa'i mngon sum gyi tshad ma'i rang bzhin du bstan pa yin no// 'o na sngon po la sogs pa gsal ba ji ltar de dag gi myong ba yin zhe na/ bshad pa/ sngon po la sogs pa nyams su myong ba zhes bya ba yang ste/ tha snyad 'dis kyang tha dad pa brjod pa ni ma yin gyi 'on kyang sngon po la sogs pa'i rang gi ngo bo nyid du gyur pa'i nyams su myong ba gang yin pa'o/ /gzung ba'i rnam pa 'khrul pa ma yin nam/ de ltar nyams su myong ba'i rang gi ngo bor 'gyur/ bden te dngos po gzhan dgag pa ltar brjod pa yin no/ /des na don 'di yin te/ gang rnam par shes pas gsal bar gyur pa/ sngon po la sogs pa'i dngos po gzhan ni yod pa ma yin gyi/ nye bar bslang pa'i rnam par shes pa de nyid ni 'di 'dra ba yin te/ yod pa ma yin pa'i rnam pa nye bar ston pa gang yin pa'o/ /rnam par shes pa'i rang gi ngo bos bstan pa'i rnam pa ni rang las 'gyur zhing gsal ba yin te/ rang kho nas gsal ba na rang gi ngo bo zhes brjod pa yin no/ /rigs pa dang rnam par chad pa myong par 'gyur ba'i gzung ba'i rnam pa gang yin pa 'di dang/ gang yang dga' ba la sogs pa'i rang bzhin 'dzin pa'i rnam pa dang de'i myong ba gang yin pa de rnams ji ltar nyams su myong ba bzhin de kho na nyid yin na rnam pa de gnyis dang 'dzin pa'i rang bzhin myong ba ste 'dod pa'i yin pa'i dngos po gsum du thal bar 'gyur ba ma yin nam/ gang gi phyir gzung ba ni gzung bar bya ba yin la/ 'dzin pa'i rnam par yang myong bar bya ba yin te/ nang gi yongs su gcod pa yang rang rig pa'i rang bzhin no zhes gang 'chad par 'gyur ro/ /'di la rnam par phye ba na rang bzhin gsum du 'gyur la/ rang gi rang bzhin myong ba ni rnam pa gsum par brjod pa yin te/ des na sngon po la gogs pa ni gzung ba'i rnam pa yin la de'i 'dzin pa'i bya ba nang gi rnam pa ni gnyis pa de'i sim pa la sogs pa'i rang bzhin myong ba ni gsum pa yin te/ rnam 'grel las/ gzung ba'i rnam pa rnam par chad par snang ba la ni shes pa ni rnam par chad par 'dzin par snang gi rang gi rang bzhin yin/ rnam par ma chad par nyams su myong bar snang ngo zhes te/ der ni gzung ba dmigs pa dang rang gi rang bzhin nyams su myong ba gnyis tha dad par snang bar brjod pa yin no/ /tha mi dad kyang 'on kyang gzung ba dang 'dzin pa'i rnam pa can gyi shes pa ni don dam pa yin pa'i phyir gnyis su med par mi 'gyur ro/ /dngos por 'gyur pa ma yin pa dag ni gsal bar snang bar mi 'gyur te/ ri bong gi rwa bzhin no zhes dogs pa la/ bshad pa/ gang la rig bya dang rig byed kyi rnam pa ni yod pa ma yin pa'o/ /gal te de dag med na de lta na 'o na de dag ji ltar snang zhe na/ bshad pa/ rang gi tshe ste gang gi phyir ji ltar te rnam pa gang gis ma rig pa'i bag chags kyis nye bar bslad pa'i 'khrul pas mthong zhing rtogs par gyur pa de ltar 'di rnam par gzhag par byas pa yin no/ /dgongs pa ni 'di yin te/ ma rig pa rnams kyi ma rig pa 'di nyid de/ mi bden pa'i rang bzhin rab tu ston pa'o/ /de'i phyir rnam par shes pa'i med pa'i rang bzhin ston pa'i nus pa ni ma rig pa'i bag chags yin la/ de dang ldan pa las kyang shes pa bdag nyid rab tu ston pa nyid na yod pa ma yin pa'i gzung ba'i rnam pa dang/ de la brten pa'i 'dzin pa nyid du bdag nyid ston par byed pa yin no/ /des na gzung 'dzin rnam phye ba'i mtshan nyid de rnam par phye ba'i rang bzhin du nyams su myong bar gyur pa gang yin pa de ni/ rnam par bslad pa can te/ ma rig pas rab tu bstan pa na de ltar mthong ba yin la/ ji ltar mthong ba bzhin du yang gzung ba dang 'dzin pa dang myong ba'i rab tu dbye ba rnam par gzhag pa yin te/ dper na rab rib gyis nye bar bslang pas shes pa'i skra shad pa la sogs pa gzung ba dang 'dzin pa'i cha'i mtshan nyid tha dad pa dang/ 'dzin pa'i rnam pa'i myong ba tha dad pa don dam pa ma yin pa de bzhin no/ /de tshe ste de lta yin pa de'i phyir gzung ba dang 'dzin pa dag gi mtshan nyid rang gi ngo bo gang yin pa ste/ rnam par shes pa smra ba'i blo'i rab tu dbye ba'i gsum gang yin pa 'di la brtsad par bya ba ma yin no/ /gang yang gal te med pa gsal na ri bong gi rwa yang ci'i phyir snang bar mi 'gyur zhes brjod pa ma yin te/ de la med pa'i ri bong gi rwa nye bar stan pa'i rnam par shes pa bskyed par byed pa'i nus pa ma rig pa'i ngo bor gyur pa ni rgyud la med kyi/ sngon po la sogs pa ston pa'i nus pa ni yod pa'i phyir ha cang thal bar mi 'gyur pas/ kha na ma tho ba med do/ /'dir yang tshad ma'i 'bras bu rnam par gzhag pa'i phyir bshad pa/ gang gi tshe phyi'i don med pa de'i tshe shes pa las gzhan rig pa'i rig pa med pa'i phyir bdag nyid kho na rig par bya ba yin zhing de rig pa dang rig pa ni 'bras bur 'gyur ro/ /'di nyid kyi rnam par 'brel pa bshad pa/ /rnam par shes par smra ba gang dag gis yod pa ma yin yang gang gis gzung ba dang 'dzin pa'i rnam par nye bar ston pa ste/ gang gi phyir de ni ma rig pas nye bar bslad pas med pa'i rnam pa yang nye bar ston par byed pa dang/ bdag nyid rnam pa de'i 'dzin par byed pa ma yin yang 'dzin par byed pa nyid du ston par byed par skye ba de dag la ni rig par bya ba gzhan med pa'i phyir phyin ci log gi rang bzhin du nye bar ston pa'i bdag nyid rig par bya ba yin pa'i phyir/ de rig pa 'bras bu yin no/ /bdag gis phyi rol gyi don rig go zhes nges kyi/ bdag nyid do zhes bya bar ni ma yin pa ma yin nam/ rig pa yang nges pa la ltos nas 'bras bur brjod kyi rang nyid ni ma yin no zhe na/ bden te 'on kyang bdag nyid yul du nges par rig pa'i phyir ni rang rig pa'i 'bras bur brjod pa ma yin gyi 'on kyang don rtags pa gang yin pa de ni rang rig pa de'i ngo bo yin pa'i phyir ro/ /gang gi phyir don rtogs pa don rig pa ni don dam par rang rig pa yin pa de'i phyir gang zhig de'i bdag nyid du gyur pa'i rig pa de nyid dngos po la gnas pa'i 'bras bu yin no/ /de yang don rig pa'i rang bzhin du zhes pa na don rig par 'gyur pa yin te/ rig pa de phyi rol gyi yul can du nges pa nyid kyang rang rig pa nyid kyi rjes su 'gro ba yin no/ /gang gi phyir gal te 'dzin pa'i rnam pa'i yul can nyams su myong ba'i nyams su myong ba de 'dod pa'i rnam pa ste sim pa'i rnam pa can gyi 'dzin pa'i yul can nam/ gang gi tshe phyin ci log tu gyur pa de'i tshe yul du 'dod pa'i gzung ba'i rnam pa yang 'dod pa zhes bya ba ni rjes su mthun pa ste bde ba'i rgyu dang/ mi 'dod pa sdug bsngal gyi rgyur so sor rig cing rnam par 'jog go/ de'i phyir don rtog par mngon par rlom yang bde ba la sogs pa 'dzin pa'i chos kyi rjes su 'brang nas/ de dang rjes su mthun par yul rnam par 'jog pa'i phyir don rig par nges kyang rig pa ni rang gi yul can kho nar rigs so/ /de'i phyir de ltar rnam par shes par smra ba la gzung ba'i rnam pa don du zhan par byas pa ni gzhal bya 'dzin pa'i rnam pa ni tshad ma/ gzung ba'i rnam pa rig pa rang gi rang bzhin rig pa'i bdag nyid yin yang gzung ba rig pa nyid du nges pa ni 'bras bu yin no/ /ji ltar 'dzin pa'i rnam par nyams su myong ba'i dbang gis don rig pa rnam par 'jog pa nges na rnam par shes pa smra ba la rang rig pa kho na 'bras bu yin pa de phyi rol gyi don yod kyang rang rig pa ji lta ba bzhin zhes bya ba de la sogs pa'i rnam pa rang rig pa las ma 'das par don grub pa ste/ rtogs par rnam par 'jog pa'i phyir rang rig pa de nyid 'bras bur rigs so/ /phyi rol gyi don gzhan yod pa ma yin nam/ de'i phyir de rig pa nyid 'bras bu yin no zhe na/ bshad pa/ phyi rol gyi don yod kyang don gyi rang gi ngo bo las ma 'das par rnam par gzhag pa ni ma yin te/ shes pa thams cad ces bya ba ni gal te don ji lta ba bzhin du don rnam par 'jog par 'gyur na de'i tshe phyi rol gyi yul ngo bo nyid gcig nyid yin pa'i phyir ' dzin pa'i rnam par gnas pa'i bde ba dang sdug bsngal skye ba na ji ltar rtogs par byed pa rnams dngos po gcig 'dzin pa'i rnam par shes pa la du ma'i rang bzhin 'dzin pa nyid du nges pa 'di ltar nges pa ni bde ba'i rgyur 'gyur ba'i yul yongs su gcad do zhes kha cig gis nges la/ kha cig ni phyin log tu yin no/ /de dag gis ni bde ba'i rgyu 'am sdug bsngal gyi rgyu'i yul yongs su bcad pa yin no/ /'dzin pa'i rnam pa'i rnam grangs pa de ba la sogs pa rnams la ni gzung ba'i yul gyi rang bzhin des pa yod pa ma yin te/ bde ba la sogs pa ni goms pa'i rjes su byed pa des na yul nges par ga la 'gyur/ de'i phyir gal te don ji lta ba bzhin du yul rnam par 'jog na ni de'i tshe yul nges pa'i phyir rang bzhin cig 'dzin par des pa'i rnam par shes pa thams cad rnam pa gcig tu 'gyur ro/ /de lta ni ma yin te/ gang gi phyir yul de bde ba'i rgyu nyid du nges pa dang/ de las bzlog pa'i rang bzhin du so sor shes pa de dag gis gzung bar nges pa de'i phyir/ des pa'i don gcig yul yin par lhag par zhen kyang bde ba la sogs pa'i rgyur nges pa'i yul can gyi shes pa rnam pa du mar brjod pa yin no/ /'di nyid bshad pa ni/ rnam pa ni du mar rnam par rig ste/ gang gi phyir rang bzhin gcig nyid la/ gcig gi ni yid la 'bab pas yid du 'ong ba ste/ 'dod pa zhes bya ba'i don to/ /gzhan gyi ni yid du 'ong bar de las bzlog par mthong ba ste/ nges pa'i phyir ro/ /dgongs pa ni 'di yin te/ snang ba'i rang bzhin ni goms pa'i rjes su 'jug pa'i bde ba la sogs pa 'ga' zhig gi yar des par byed pa'i rgyu ma yin te/ 'on kyang goms pa sad pa'i lhan cig byed pa'i rgyu yin pa'i phyir bde ba la sogs pa la ma ngas pa yin no/ /don de la rtogs par byed pa gang gis goms pa ci 'dra bar 'gyur ro/ de'i goms pa de 'dra bsad pa'i rgyu yin gyi/ bde ba la sogs pa'i rgyu ni ma yin no/ /de ni de kho na ltar gzung ba nges par byas pa yin na de ltar nges pa ni med de/ bde ba dang bde ba ma yin pa la sogs pa shes pa'i 'dzin pa'i rnam pa tha dad pa'i phyir dang/ de yang 'dzin pa'i rnam pa ji lta ba bzhin rgyu nyid du rnam par gzhag pa'i phyir ro// de'i phyir phyi rol gyi don du smra ba la yang rang rig pa'i rjes su 'brangs nas don rnam par 'jog pa'i phyir dang rig pa'i rang bzhin kho nar rigs so/ /'dod pa 'am mi 'dod par snang ba'i ngang tshul can gang yin pa de dag ni rtog pa yin no/ /'di skad brjod pa yin te/ dngos po gcig la 'dod pa dang mi 'dod pa'i rnam par 'jug pa ni rtog pa nyid yin gyi/ dbang po'i rnam par shes pa ni ma yin no/ /de'i phyir dbang po'i rnam par shes pa'i yul bsam pa na rang rig pa ji lta ba bzhin du don rnam par 'jog go zhes bya ba mi rigs so snyam du dogs pa la/ ma yin/ zhes gsungs te/ dbang po'i rnam par shes pa de la yang 'chi ltas la sogs pa'i dus su bde ba la sogs pa'i rnam pa mtshams sbyor pa med pa ste/ rjes su 'jug pa med pa'o/ /stsogs pa smos pa ni nad kyi bye brag gis thebs pa'i dus na yang ngo/ /'ga' zhig 'dod pa mngon par dga' bar bya ba'i gnas su lan cig ma yin par nyams su myong ba yang dmigs pa de nyid la lta ba 'jug pa na de ma thag tu mig gi rnam par shes pa mi 'dod pa'i rnam par skye bar 'gyur ro/ /de bzhin du nad kyi bye brag gis thebs pa'i tshe yang yul gang la sngon bde ba'i rnam pa can gyi rnam par shes pa skye bar 'gyur pa'i dmigs pa de nyid la/ mod la sdug bsngal gyi rnam pa can gyi rnam par shes pa skye zhing gang las sun byung bar 'gyur ba yin no/ /kha cig na re 'chi ltas kyi tshe na gos dkar po sngon por snang ngo zhes zer ba de ni de ltar mi rigs te bden pa'i don can du 'dod pa'i rnam par shes pa nyid rig pa ji lta ba bzhin du don rnam par 'jog pa'i dper bya ba yin gyi/ log pa'i shes pa ni ma yin no/ /dkar po sngon por snang ba ni log pa'i shes pa yin te/ de'i phyir snga ma nyid skyon med do/ /re shig mtshams sbyor ba med par rim pa dang ldan pa'i rnam pa 'di ni rgyud gcig gi yul la yin no/ /gzhan la yang zhes bya ba rgyud tha dad pa rnams la cig car tha dad pa med pa'i glu'i sgras ri dags dga' bar byed pa'i sgra de nyid kyis srog chags kyi bye brag gzhan gyis thos pa las sdug bsngal bar 'gyur zhing/ de bzhin du dri de nyid kyis mi dang phag dang/ de bzhin du lan tsha zhes bya ba'i ro'i bye brag gis rnga mo dang mi dang/ de bzhin du bad kan gyi rang bzhin dang/ mkhris pa'i rang bzhin can dag ci rigs par bde ba dang sdug bsngal bar 'gyur ro/ /de'i phyir te tha dad pa med kyang de dag gis srog chags kyi bye brag rnams kyi dbang po dang mtshungs par ldan pa'i bde ba dang mi bde ba skyed pa'i rgyu'i phyir don rtogs pa ni rang rig pa'i de'i kho na'o/ /gzhan dag ni dper na sngon po dang sngon po ma yin pa dag 'gal ba'i phyir/ don gcig sngon po ma yin pa'i rang bzhin du mi 'gyur pa de bzhin du/ don gcig 'dod pa dang mi 'dod par mi 'gyur te/ de dag 'gal ba nyid kyi phyir ro// don gcig la rtogs par byed pa mang po rnams kyi 'dod pa la sogs par snang ba'i shes pa cig car skye ba yin te/ don phyir myong ba ji lta ba bzhin don rnam par gnas pa yin no zhes zer ro/ /de ni de ltar mi rigs te/ gang gi phyir 'dzin pa'i rnam pa nyid sim pa dang sim pa ma yin pa bde ba dang sdug bsngal bar rig gi/ gzung ba'i rnam par rtogs pa ni ma yin no/ /de la yang dga' ba dang yongs su gdung ba'i rang bzhin du gcig tu nang myong ba nyid du mthong ngo/ /'di'i bdag nyid ni 'jog par byed pa gzhan yin par ni rigs pa ma yin no zhes pa shad zin pa yin na/ /de lta na yang gal te bde ba la sogs pa'i rang bzhin 'dzin pa'i rnam par gyur pa ni phyi rol gyis byas pa ma yin te/ gzung ba'i rnam par rtogs pa'i rang bzhin de nyid phyi rol gyis byas pa yin no/ /'di la tshad ma no nyams su myong ba yin te/ gang gi phyir gzung ba'i rnam pa bde ba 'am/ sdug bsngal bar nges pa ni 'ga' yang med kyi/ 'on kyang gzung ba'i rnam pa las rnam par chad pa nyid du gzung ba'i rnam pa'i 'dzin pa bdag tu 'dzin pa'i gzhi nyid bde ba dang sdug bsngal bar mthong ngo/ /'di yang skabs ji lta ba bzhin du rab tu byed pa 'di nyid du 'chad par 'gyur ro/ /des na ji ltar slob dpon gyis bde ba la sogs pa phyi rol gyis byas pa ma yin par dgongs nas bshad pa dang/ ji ltar nyams su myong ba bzhin du 'dod pa dang mi 'dod pa ni 'dzin pa'i rnam par rtogs pa yin gyi gzung ba'i rnam par rtogs pa ni ma yin no/ /'dir 'dod par bya ba 'dod par bzhed pa ni ma yin te/ 'dod pa ni rnam par rtog pa'i bdag nyid yin pa'i phyir dang/ dbang po'i shes par rtogs pa'i 'dod pa la sogs pa sems pa'i phyir te/ ji ltar dbang po ba nyid kyi bde ba zhes bya ba lta bu'o/ /sim par bya ba nyams su myong ba yang dbang po'i rnam par shes par gyur pa nyid yin gyi mngon par 'dod pa ni ma yin no/ /gang gi phyir dngos po tha dad pa ming kyang de tha dad pa'i phyir myong ba ji lta ba bzhin tha dad par gzhag pa 'dzin pa'i rnam par gyur pa'i rang bzhin ni don dang 'dra ba ma yin gyi/ 'on kyang don dang 'dra ba ni gzung ba'i rnam pa'i rang bzhin yin pas/ gal te de nyid dngos po tha dad pa med pa la yang tha dad par gyur na ni don rnam par gzhag pa myong ba la rag las kyi dngos po la ltos ba ni ma yin par 'gyur ro/ /'di skad du 'dzin pa'i rnam pas bsdus pa'i 'dod pa 'am mi 'dod pa dang 'dra ba dngos po ma yin du chug kyang dngos po'i rgyu can du ni 'gyur ba kho na'o/ /dngos po gcig las ni grang ba dang tsha ba bzhin du phan tshun 'gal ba'i rang bzhin gyi 'bras bu mi 'byung ba'i phyir ro/ /zhes smras pa de yang? de ltar ni mi rigs te/ nye bar len pa'i rgyu la ni nye bar len pa las byung ba tha dad pa 'gal ba yin gyi/ lhan cig byed pa'i rgyu 'bras bu du ma byed pa ni 'gal ba yod pa ma yin te/ rnam 'grel las/ nyer len shes pa nang na ni/ yod kyang sdug bsngal la sogs 'byung zhes bshad do/ /'dis ni bde ba le sogs pa ni mtshungs pa de ma thag pa'i nang du gtogs pa sngon goms pa la sogs pa'i rgyu can du brjod pa yin no/ /de las kyang bde ba la sogs pa mtshungs pa de ma thag pa'i rkyen sngon goms ?pa la sogs pa sad par byed pa'i rkyen la ltos pa can rgyu tha dad pa las skye ba na lhan cig byed pa gcig la ltos pa mi 'gal lo/ /'di ltar skye ba de nyid la ma goms pa'i bar ro kha mo bcug ma thag tu bzhin gyi rnam par 'gyur ba las/ rjes su dpags pas dbang po'i sdug bsngal bskyed par mthong ngo/ /phyis goms pa las bzhin gsal ba las rjes su dpags pas sdug bsngal log nas bde ba nyid byed par mthong ba yin no/ /de bzhin du skye ba gzhan du goms pa 'am/ skye ba 'di la goms pa las kyang bde ba la sogs pa rgyud so so la tha dad pa skye ba na don gcig nye bar len pa'i rgyu'i lhan cig byed par 'gyur ba yin no/ /de'i phyir bshad pa 'di nyid yin te/ gang gi phyir phyi rol gyi don rtogs par byed pa mang po rnams kyis rang gi rnam pa'i dbang gis bde ba'i rgyu dang sdug bsngal gyi rgyur nges par 'gyur ba dang/ don de yod ma nges pa'i phyir myong ba ji lta ba bzhin don rnam par gnas pa yin no/ /'dir 'thad pa 'dis phyi rol gyi don bzlog par 'dod pa ni ma yin gyi/ 'on kyang phyi rol gyi don yod kyang rang rig pa nyid 'bras bur rigs kyi don rig pa ni ma yin no/ /'di ltar phyi rol gyi don tshul la don ni gzhal bya/ gzung ba'i rnam pa tshad ma/ /don rig pa ni 'bras bu yin la/ rnam par shes pa smra ba la ni bdag nyid gzhal bya/ 'dzin pa'i rnam pa ni tshad ma/ bdag nyid rig pa ni 'bras bu yin no/ /yang phyi rol gyi don gyi tshul la 'bras bu rnam par bzhag pa gnyis pa don ni gzhal bya/ /gzung ba'i rnam pa tshad ma/ rang rig pa ni 'bras bu'o zhes 'di la 'bras bu 'di ltar rnam par bzhag pa'i 'thad pa yin no/ /gang gi phyir rang rig pa ji lta ba bzhin don rnam par 'jog pa de'i phyi rol gyi don yod kyang 'bras bu ni rang rig pa yin no/ /gal te 'o na rang rig pa 'bras bu yin la de ltar na tshad ma 'dzin pa'i rnam pa yin no zhe na/ bshad pa/ rang rig pa'i rang bzhin du gyur pa don rtogs pa 'di'i sgrub par byed pa ste/ tshad ma ni 'di'i yul lta bu'i rnam pa ste/ yul gyi rnam pa nyid yin no/ /'dzin pa'i rnam pa ji ltar nyams su myong ba de ltar don nyams su myong bar rnam par 'jog pa ma yin nam/ des na 'dzin pa'i rnam pa nyid tshad mar rigs so zhe na/ bden te rang nyid kyi yul la 'dzin pa'i rnam pa'i rjes su 'brangs te yul rnam par 'jog na ni 'gyur ro/ /yang gang gi tshe phyi rol gyi don yul yin pa de'i tshe phyi rol gyi don khong du chud pa'i rgyu mtshan gang yin pa de nyid tshad ma yin la/ rgyu mtshan yang sngon po'i rnam pa yin no/ /'di nyid bshad pa'i phyir gsungs pa ni rnam pa ji lta ba bzhin du rnam pa las ma 'das par rang rig pa 'di snang ba gsal ba'i phyir ro/ /'di skad brjod pa yin te/ gal te sngon po'i rnam pa snang na ni de'i tshe 'dod pa'i rnam pa can gyi myong ba 'di sngon po'i yul can du brtags pa yin te/ de bzhin du rnam pa gzhan la yang sbyor ro/ /de'i phyir shes pa rnam pa dang bcas pa la 'dod pa la sogs pa'i rang bzhin nyams su myong ba'i gzung ba'i rnam pa'i dbang gis don gyi yul can du rnam par 'jog pa yin pa des na de nyid tshad ma yin no/ /gal te 'o na phyi rol la rang bzhin pa nyid 'bras bu yin na 'o na ji ltar 'bras bu rnam par bzhag par don rig par 'bras bu yin par brjod ce na/ bshad pa/ rang rig pa yin yang 'bras bu las te/ zhen pa las 'di ni don rig pa yin par blta'o/ /rig pa ni ji ltar lhag par zhen pa de ltar 'bras bu brjod pa yin la/ don dang 'brel par yang zhen pa de'i phyir don rig pa nyid ?? 'bras bu yin no/ /'o na ji ltar rang rig pa yin zhe na/ bshad pa/ don gnas pa yul rnam par bzhag pa gang yin pa ni rang rig pa'i rang bzhin yin te/ don rnam par gnas 'a ni myong ba'i rang bzhin yin pa'i phyir ro/ / 'di ltar ji ltar gzung ba'i rnam pa dkar po dang dkar po ma yin pa la sogs pa nyams su myong ba dang/ de bzhin du 'dzin pa'i rnam pa bde ba dang sdug bsngal ba ci 'dra ba yang dag par rig pa de ltar sngon po 'am sngon po ma yin pa bde ba la sogs pa'i rgyur rnam par 'jog cing rig pa de'i phyir don rig pa ni rang rig pa'i ngo bo yin no/ /de'i phyir de ltar tha snyad kyi 'bras bu'i dbang gis rang rig pa yin yang don rig par brjod pa yin no/ /de nyid kyi phyir te yul nyid tshad ma'i bya ba yin pa dang/ de nyid kyi rig pa 'bras bu yin pa de'i phyir tshad ma dang/ 'bras bu dag yul tha dad pa yang ma yin no/ /gal te bdag rig pa 'bras bu dang/ /yul gzhal bya yin na ni/ de'i tshe tshad ma dang 'bras bu yul tha dad pa kho nar 'gyur na/ da lta ni cung zhig kyang tha dad pa yod pa ma yin no/ /'o na ji ltar rang rig pa 'bras bur brjod ce na/ bshad pa/ don rig pa'i rang bzhin gang zhig ces rang bzhin sems na ni rang nyid rig pa 'bras bur bshad de/ don rig pa ni de'i bdag nyid yin pa'i phyir te/ rang rig pa'i rang bzhin yin pa'i phyir ro// de la skabs kyi don ni 'di yin te/ gzung ba'i rnam pa yong su bcod par snang ba'i 'dzin pa'i rnam pa ni bdag nyid kyi yul can yin pa'i phyir phyi rol gyi don la tshad ma ma yin te/ rnam 'grel las/ 'dzin pa'i bdag nyid ni yod du zin kyang don gzhan ma yin pa'i phyir phyi rol gyi don rnams la ltos pa ma yin no zhes bshad do/ /gzung ba'i rnam pa ni phyi rol tshad ma yin te/ de nyid ni ji ltar rigs pa de ltar don rig par 'gyur ba yin no// phyi rol gyi don rig pa ni gzhan la/ gzung ba'i rnam pa rig pa yang gzhan nyid ni ma yin te/ phyi rol gyi don ni rang gi ngo bos mthong ba ma yin pa'i phyir ro/ /de'i phyir bdag rig pa don rig par ston pa'i gzung ba'i rnam pa de nyid don la tshad ma yin la/ rang rig pa yin yang don rig pa'i rang bzhin du lhag par zhen pa na zhen pa'i 'bras bu'i dbang gis don rig par brjod pa yin no/ /des na tshad ma dang 'bras bu dag yul tha mi dad do/ /gang gi phyir gzung ba'i rnam pa'i dbang gis de dang de'i rig par gnas pa des na yul tha dad pa ma yin no/ /gal te don yod kyang rnam pa dang bcas pa'i phyogs la rang gi ngo bo nyid kyis phyi rol gyi don stang ba ni ma yin gyi/ 'on kyang nyams su myong ba'i dbang gis sngon po la sogs pa mthong ba dang/ bde ba la sogs pa'i rgyu nyid rnam par gnas pa yin na/ 'o na ni phyi rol gyi don du smra ba rnams 'dra ba'i skyed par byed pa gzhal byar 'dod par mi 'gyur gyi/ 'on kyang de dang 'dra ba 'am gzhan 'dra yang rung ste/ 'dra ba 'am mi 'dra yang bla de ltar zhes bya ba sngon po la sogs pa gzung ba'i rnam pa dang/ bde ba la sogs pa 'dzin pa'i rnam par rab tu snang ba ste/ gsal ba'i shes pa'i rgyu gang gi phyir don yang yin no/ /yin pas na zhes bya ba ni de'i phyir zhes bya ba'i don te/ /gang gi phyir don rgyu yin pa de'i phyir don de gzhal bya yin par 'dod par 'gyur ro/ /dgongs pa ni 'di yin te/ 'dra bar nges pa ni gnyi ga mthong pa la rag las pa yin la/ rnam pa dang bcas pa'i phyogs la don ni sngar gang gis kyang mthong ba ma yin na/ de ci 'dra bar brtag/ rang nyid kyis kyang ji ltar nyams su myong ba de'i bdag nyid ma yin yang bde ba la sogs pa'i rgyu nyid du nges par 'dod pa des na 'dra ba ma yin no/ /cig shos logs na gnas pas phyi rol gyi don du smra ba la yul 'di lta bu nyid yin na ha cang thal bar mthong nas slob dpon la smras pa/ ji ltar rnam par 'ga' zhig ltar ste/ rgyu 'ga' zhig las don dngos te 'dra ba spangs nas sngon po'i rnam par snang ba ji ltar don 'dzin/ shes pa de las skyes pa dang de 'dra ba las ni don 'dzin par 'gyur ba yin na/ skyed par byed pa tsam ni yul du srid pa ma yin te/ ha cang thal bar 'gyur ba'i phyir ro zhe na de nyid slob dpon gyis gsungs pa/ des kyang de 'dra ba'i yul ni mi shes so/ /phyi'i don du smra ba nyid la 'dri bar bya ba yin te/ gang zhig phyi'i don khas len pa de thal ba 'dir 'gyur ro/ /gang mi snang ba dang bde ba la sogs pa'i rgyur nges pa'i don dang dbang po'i yul du 'dod pa la yin gyi/ khor ni de ltar mi 'dod do/ /tshig le'ur byas par ma brjod pa'i don 'grel ba las par skabs su tshigs su bcad pa'o/ /gal te phyi rol med na 'o na tshad ma dang gzhal bya dang/ 'bras bu rnam par gzhag pa de'i kho na nyid du mi 'gyur ro snyam du bsams nas/ phyi rol gyi don med na 'o na zhes bya ba la sogs smros so/ /'di la bshad zin to zhes bya ba ni de ltar 'khrul pas mthong 'gyur ba/ zhes bya ba 'di'i nang du de kho na nyid las ma 'das par rnam par gzhag pa ni ma yin gyi/ 'on kyang 'khrul pa las so zhes bya bar ro/ /'di ltar yul lta bu'i rnam pa gang yin pa dang/ nang du zhes bya ba bdag tu 'dzin pa'i gzhi ma yin par rnam par chad pa las bdag tu 'dzin pa'i gzhir rnam par chad pa'o/ /'di'i nang du yongs su gcod pa ni yul gyi rnam pa 'dzin pa ste/ 'dis yongs su gcod pa'i phyir ro/ /de ni rang rig par bya ba'i rang bzhin du skye ba nyid na de ltar mtshon par 'gyur te/ 'khrul pa'i phyir ro/ /rang rig pa'i rang bzhin gyi shes pa de nyid ni mi bden pa'i gzung ba dang 'dzin pa'i rnam pa rang la med pa kun tu ston pa skye'o zhes bya ba'i don to/ /de ltar gyur pa'i bdag nyid kyi rnam par shes pa de la gzhal bya la sogs pa'i rnam par gzhag pa ni ji ltar 'khrul pas mtshan pa ltar byed pa yin no/ /yongs su gcod pa 'dzin pa'i rnam pa'i bdag nyid gzung ba'i cha yongs su gcod par lhag par zhen pa ma yin nam/ gzung ba'i cha ni nye bar bslang ba yin gyi/ bdag nyid ni ma yin no/ /des na 'dzin pa'i rnam pa ni de rtogs pa'i tshad ma yin gyi/ bdag nyid la ni ma yin no/ /gang gi phyir des bdag nyid yongs su gcad par nges pa ni med kyi/ 'on kyang gzung ba'i cha nyid do/ /de bzhin du 'dzin pa'i rnam pa yang brtags pa yin la/ bdag nyid yongs su gcod par rung ba'i tshad ma dngos por 'dod pa yin gyi/ brtags pa ni ma yin no zhe na/ 'dis smras pa/ rnam par shes pa mi bden pa bsal bar nus pa ma rig pa'i bdag nyid can ni dngos po yin gyi brtags pa ni ma yin no/ /rnam par shes pa bdag ma gsal bar ni mi bden pa bsal bar nus pa ma yin te/ des na mi bden pa gsal bar nus pa 'dzin pa'i rnam pa zhes bya ba ni bden pa bsal bar nus pa dang tha mi dad pa yin pa des na/ bdag dang bdag ma yin pa gsal bar nus pa/ dga' ba las sogs pa'i rang bzhin gyi tshad ma ni dngos po nyid yin no/ /gang yang 'dzin pa'i rnam pa mi bden pa nyid du brjod pa de ni tha dad pa'i don shes pa las snang bar chad nas med pa'i phyir tha dad pa'i don 'dzin pa la ltos nas mi bden pa nyid yin gyi mi bden pa gsal bar byed pa'i rang bzhin yang rdzun pa ni ma yin no/ /ji ltar mi bden pa gsal bar byed pa'i nus pa gdon mi za ba nyid du khas blangs par bya ba de ltar ni mdun du nyid du ston par 'gyur ro/ /gzhal bya ni sgro btags pa'i don dang lhan cig pa'i sgro ma btags pa'i rang bzhin yin no/ /bdag nyid du gyur pa ma yin pa sgro btags pa gzhal bya yin par gyur na bdag nyid gzhal bya zhes bya ba dang 'gal ba ma yin nam/ 'gal ba yod pa ma yin te/ gang gi phyir bdag gi sgras ni rang bzhin gzhan 'gog par 'dod pa ma yin te/ 'dzin pa'i rnam pa'i rang bzhin de las tha dad pa? med pa'i rang bzhin lhan cig tu rig par gyur pa na bdag nyid gzhal byar brjod pa yin no/ /rang bzhin tha dad pa ni rnam pa dang bcas pa 'am/ rnam pa med pa'i shes pas rig pa ma yin te/ nges par 'byed pa med pa'i phyir ro/ /ma rig pa'i nus pas yongs su zin pa'i shes pa mi bden pa gsal bar byed pa skye ba'i phyir 'gal ba ci yod/ yongs su gcod pa'i nus pa de nyid las bde ba la sogs pa'i rang bzhin nang du gsal ba yin te/ gsal bar byed pa'i cha gsal ba nyid ni gsal bar bya ba'i rang bzhin gsal ba yin pa des na rang rig pa'i cha gsal ba nyid 'bras bu yin no/ /de bshad pa ni/ rang nyid 'ba' zhig rig pa'i rang bzhin du gsal ba ste/ yongs su gcad pa yin no/ /de'i phyir de ltar shes pa'i cha gsum du snang ba yin te/ gzung ba'i cha dang 'dzin pa'i cha dang/ 'dzin pa'i rang rig pa'o/ /de la gzhal bya don tha dad pa yin na ni/ bzung ba'i rnam pa tshad ma/ 'dzin pa'i rnam par gzhag pa ni tshad ma'i 'bras bu yin no/ /yongs su bcad par bya ba gzhan med na ni/ ji ltar snang bzhin pa'i gzung ba'i rnam pa ni gzhal bya/ 'dzin pa'i rnam pa'i 'dzin pa nyid ni tshad ma sim pa la sogs pa'i rang bzhin du myong par ni 'bras bu yin te/ de'i dbang gis don rnam par gzhag pa'i phyir ro zhes bshad zin to/ /sngon por snang ba rags pa gcig pu'i rnam par rtogs la/ sngon po'i rnam pa nyams su myong ba de la ldog pa'i dbye bas gzung ba dang/ 'dzin ba dang rig pa'i chad brtags pa yin te/ dper na sngon po nyid kyi skad cig ma nyid dang/ bdag med pa nyid dang/ dngos po nyid ldog pa'i dbye bas brtags pa lta bu ma yin nam/ de'i phyir rnam pa gsum snang ba yin te zhes brjod ce na/ 'di la bshad pa/ ci snang ba'i dngos po yod ba na sim par rig pa dus mtshungs par nyams su myong ba yod dam/ 'on te med/ de bsnyon na ni mi bsnyon ba zhes bya ba de 'ga' zhig kyang yod pa ma yin no/ /dus tha dad pa yang ma yin te/ cig car nyams su myong ba'i phyir ro/ /myur du 'jug pa las cig car snang bar 'khrul pa yang ma yin te/ shes pa thams cad skad cig ma nyid kyis myur bar khyad par med pa'i phyir rim gyis snang ba med par thal ba'i phyir ro/ /snang ba'i don dang lhan cig dus gcig tu nyams su myong ba dbang po la brten pa'i bde ba de yang snang ba'i sngon po nyid yin no zhes bya bar ni brjod par mi nus te/ snang ba rnams ni mi snang ba'i phyir ro/ /mthong ba tha dad par med par snang na ni bde ba'i rnam pa nyid du snang bar 'gyur na/ snang ba ni ma yin no/ /'di bde ba'i bdag nyid du snang ba ni ma yin no zhes bya ba de ga las she na/ mthong ba'i sngon po bde ba'i bdag nyid du ma nges pa'i phyir ro/ /rnam par chad pa'i rang bzhin 'di nyid bde ba 'am sdug bsngal bar gyur to zhes snang ba bde ba la sogs pa'i rang bzhin du nges pa 'di ni 'ga' yang yod pa ma yin pa nges na/ mthong ba bde ba la sogs par gsal bar snang ba nyid du zhen pa ma yin no/ /'di ltar 'di ni 'di ltar snang ngo zhes bya ba'i tha snyad 'di'i rgyu ni snang ba nyid du nges pa kho na yin par mthong gi gzhan ni ma yin no/ /'di kho bo'i mngon sum yin no zhes khas len pa 'di'i rgyu mngon sum nyid du nges pa de las gzhan gang yang yin par khyed kyis mthong/ de nyid kyi phyir mngon sum gyi tshad ma ni nges pa la ltos pa yin no/ /de'i phyir mngon sum gyi byed pa'i rjes su 'brang bas ni zhen pa nyid rgyu yin par ni khas blang ngo/ /mngon sum sngon du 'gro ba can gyi zhen pas yul du ma byas pa la mngon sum ma yin pa nyid kyi phyir zhes te tshad ma gzhan ni ma yin no/ /de'i phyir snang ba ni bde ba'i rnam par snang ba ma yin no zhes bya bar nges pa yin la/ de ltar nges pas kyang sngon po bde ba'i rnam pas stong pas mngon sum gyis mthong ba ste/ rjes su dpag pas ni tha snyad du byed pa yin no// snang ba'i sngon po las tha dad pa med par yod pa la ni snang ba nyid kyis khyab pa yin na/ 'di la ni khyab par byed pa snang ba nyid yod pa ma yin no/ /mi dmigs pa tha snyad bsgrub par bya ba la ni rang bzhin gyi rtags yin no zhes rgya cher gtan la phab zin to/ /snang ba gang zhig gang du ma dmigs pa de ni de na med de/ dper na sa phyogs la bum pa bzhin no/ /snang ba'i sngon po la yang snang ba'i bde ba'i rang bzhin ma dmigs so/ /gang gi phyir snang ba las tha dad pa 'ga' zhig ni snang ba ma yin te/ bum pa la sogs pa bzhin no/ /sha za la sogs pa 'ga' zhig ni mi snang ba yin no/ zhes bya ba ltar brtag par nus pa snang ba nyid ni ma grub pa yin no/ /de nyid kyi phyir tha dad pa'i yul can gyi mi dmigs pa la dmigs pa'i mtshan nyid kyir gyur pa zhes khyad par du byas pa yin no/ /snang ba las tha dad pa med par brtags pa gang yin pa de ni snang ba kho na ste/ des na khyad par du ma brjod do zhes gsungs so/ /snang ba las tha mi dad pa gang yin pa de thams cad ni snang bar brjod mi nus pa ma yin nam/ dper na skad cig ma bzhin no zhe na/ de ni mi rigs te/ gang gi phyir skad cig ma nyid kyi rnam pa ni snang ba kho na yin gyi gzhan ni ma yin no/ /sngon po'i skad cig ma nyid ni snang ba'i sngon po las rnam pa gzhan 'dzin pa ma yin gyi/ 'on kyang 'khrul pa'i dbang gis rnam pa de skad cig ma nyid du ma nges pa 'ba' zhig tu zad de/ des na rjes su dpag pas nges pa yin no/ /bde bar myong ba lan gcig ma yin par nyams su myong ba'i nges pa'i rnam pa ni gang du mthong ba deng de rang gi ngo bo nyid kyis snang bar 'gyur ba yin no/ /de'i phyir 'ga' zhig bde ba la sogs pa bzhin du snang ba 'am/ sha za la sogs pa bzhin du brtags pa'i sgo nas rnam pa nges pa gang yin pa de ni snang ba gzhan la de'i bdag nyid du khas blangs na snang bar khas blangs par 'gyur ba yin te/ de ma dmigs na snang ba mi dmigs pa yin no/ /skad cig ma nyid ni bde ba la sogs pa ltar tha dad par snang ba 'am/ sha za la sogs pa bzhin du brtags pa ma yin gyi/ 'on kyang dngos po thams cad kyi nyams su myong bar gyur pa'i rang bzhin mi gnas pa nyid skad cig mar brjod pa yin no/ /de'i phyir de ltar mthong ba gang yin pa de nyid skad cig ma yin gyi/ skad cig ma zhes bya ba des pa ni 'ga' yang yod pa ma yin te/ mdza' dag skad cig ma nyid yin pa'i phyir ro/ /des na kha cig na re gal te bde ba'i rang bzhin du snang ba med pas sngon po bde ba ma yin na/ de lta na ni 'o na skad cig ma ma yin pa nyid du nges pa'i phyir skad cig ma yin bar snang ba ni skad cig ma ma yin par 'gyur ro zhes gang spras pa de yang gsal ba yin te/ gang gi phyir sngon po skad cig ma yin par ni 'ga' zhig gis kyang nges pa ma yin te/ skad cig ma nyid ni rang bzhin nges pa can ma yin pa'i phyir ro/ /gal te bde ba la sogs pa la sogs pa bzhin du skad cig ma nyid la rnam par nges pa cung zad cig yod na ni blta bar bya ba de yongs su spangs par snang ba na skad cig ma ma yin par nges par 'gyur ba yin na/ skad cig ma nyid la ni rnam par nges pa 'ga' zhig kyang yod pa ma yin no/ /des na sngon po de nyid snang ba na skad cig ma nyid yin nam 'o na te ma yin zhes snang ba'i rang bzhin skad cig ma nyid dam skad cig ma ma yin pa nyid du the tshom za'o/ /'khrul pa'i rgyu 'ga' las ni gnyi ga'i thun mong gi rang bzhin de nyid la skad cig ma ma yin par sgro 'dogs so/ /de'i phyir gang dag rnam par gnas pa de dag nyid gcig snang ba na rang bzhin gzhan gyis stong par nges pa yin no/ /skad cig ma nyid la ni rnam pa 'ga' zhig gi yod pa ma yin pa des na de yongs su spangs pa dang ldan par snang bar nges pa ma yin no/ /sngon po'i snang ba ni shes pas bde ba'i rnam pa yongs su spangs par shes kyi/ bde ba'i rnam pa ni ma yin no/ /rang bzhin gang zhig shes pas rang bzhin gang spangs par nyams su myong ba de ni phan tshun spangs pas de las gzhan yin no/ /des na gzung ba'i rnam pa bdag tu 'dzin pa'i gzhi las phyi rol du gyur pa las gzhan du nyams su myong bar gyur pa'i bde ba gang yin pa de ni sngon po nyid dang dbyibs dang bdag tu 'dzin pa las phyi rol du gyur pa'i gzung ba'i rnam pas stong pa yin no/ /de ltar na yang bde ba ni nang gi bdag tu 'dzin pa'i gnas dbyibs med pa der gyur pa'i sngon pos stong par nyams su myong ngo zhes bya bar nges pa yin no/ /gzung ba'i rnam pa las gzhan du nyams su myong ba'i bde ba ni 'dzin pa'i rnam pa las gzhan du mi 'thad de/ gzung ba 'am yang na 'dzin par gsal ba las de ni gzung ba ma yin pa des na 'dzin pa nyid yin no/ /des na 'di ltar bde ba'i rnam pa gang yin pa de ni gzung ba de'i 'dzin par byed par nges pa yin no/ /de'i phyir gang dag 'gal ba'i rang bzhin gyi yul can gyi myong ba de dag ni rang bzhin gcig la brten pa ma yin te/ dper na bde ba dang sdug bsngal gyi yul can bzhin no/ /sngon po dang bde ba dag kyang phan tshun spangs nas dus gcig tu 'gal bar nyams su myong ba yin no/ /gcig gi yul can gyi nyams su myong ba'i tha snyad ni 'gal ba'i chos 'du ba dang bral ba'i rang bzhin gyi yul can tsam gyi rgyu can des khyab pa yin la/ 'gal pa'i chos dang ldan pa'i yul can ni khyab par byed pa dang 'gal ba yin no/ /bde ba la sogs pa'i rang bzhin 'dzin pa'i rnam pa gzung ba'i rnam pa las tha dad par ni nyams su myong ba nyid kyi dbang gis grub pas tha snyad bsgrub par bya ba yin no/ /gal te de gnyi ga dngos po yin pa de lta na ni du ma nyid bsgrub par bya ba yin la/ ci ste gcig dngos po ma yin pa de lta na ni gcig med pa nyid yin no/ /'dzin pa'i rnam pa de'i gzung ba'i rnam pa 'dzin pa bde ba la sogs rang bzhin rig pa rnam par shes par smra bas 'bras bur brjod pa gang yin pa de yang snang ba yin te/ des na gzung ba dang 'dzin pa'i rnam pa dang bde ba la sogs pa'i rang bzhin rig pa ni gsum pa yin no/ /ldog pa'i rgyu mtshan can ni snang ba gang yin pa'i rang bzhin nyid yin gyi rnam pa gzhan ni ma yin te/ skad cig ma bzhin no// yang gang zhig gang yongs su spangs nas rig par gyur pa de don dam par de las tha dad pa yin la/ ldog pa'i rgyu mtshan gyis tha dad par gyur na ni 'o na ni sngon po la sogs pa gang zhig 'ga' las kyang tha dad par mi 'gyur te/ tha dad pa'i rgyu gzhan med pa'i phyir ro/ /gang gi tshe phyi'i don gyi tshul la rnam pa med pa'i phyogs bkag nas rnam pa dang bcas pa'i phyogs rnam par 'jog pa de'i tshe ni rjes su dpag pa'i tha mi dad pa la brten nas 'di skad du ma rtogs pa las bzlog pa dang/ sngon po ma yin pa las bzlog pa ni rnam par shes pa gcig yin no zhes brjod pa yin gyi/ nyams su myong bas grub pa ni ma yin no/ /de ji ltar na ldog pa'i rgyu mtshan can gyi rang bzhin yang gzhan gyis ma shes te/ rang bzhin gsum ni grub pa yin no/ /de nyid kyi phyir dngos mthong med phyir gcig ma yin zhes bshad pa yin no/ /'di nyid tshig le'ur byas pa dag gis ston par byed de/ blo'i bdag nyid rnam par dbye ba yod pa ma yin pa gang yin pa'o/ /ma rig pas mthong ba phyin ci log tu gyur cing rnam par bslang par gyur pa gang yin pa de dag rnams kyis blo'i bdag nyid la gzung ba dang 'dzin pa dang/ rig pa rnams tha dad pa gang yin pa de dang bcas par rtogs par 'gyur te/ dper na sngags grub pa dang sman la sogs pas mig bslong ba ste/ nyams par byas pa gang yin pa de rnams la/ 'jim du ma ni 'ji ba'i 'dzel ma ste/ de la sogs pa'i dngos po gang yin pa shes ba'i bdag nyid la rnam bar? gi zhan nyid du snang ba bzhin no/ /'di skad du 'khrul pa'i dbang gis gzhan du rnam par gnas pa yang gzhan du mthong ba yin no/ /zhes brjod pa yin no// sngags dang sman la sogs pa'i dbang gis 'jim pa'i du ma bu la sogs pa rnams kyi ngo bo nyid gzhan skyes pa yin no zhes dogs pa bzlog pa'i phyir bshad pa/ mig bslang pa ste mig bslang ba med pa'i mig 'khrul mkhan rnams kyi zur na 'dug pa'i lta ba po rnams kyi ji ltar mthong ba'i rang bzhin de ltar mthong ba'i phyir ro/ /yang na gal te der dogs pa 'dir 'gyur ba yin yang gang mya ngan dag na dngos po chung ngu yang chen por snang ba zhes bya ba 'di la ni dogs pa yod pa ma yin no/ /mya ngan shing dang chu med pa'i phyogs te/ de lci ba'i dum bu yang rgyang ring po nas ri'i? tshad tsam du mthong bar 'gyur ro/ /don dam par gzung ba gzhal bya 'dzin pa tshad ma dang/ rig pa 'bras bu nyid tha dad pa dang ldan pa rnams yod pa ma yin yang/ gzhal bya dang/ 'jal byed dang/ 'bras bu gnas pa 'di ni ji ltar ma rig pa'i rjes su 'gro ba'i 'khrul pa'i snang ba de las ma 'das par byas pa yin no/ /gzhan du na gal te/ shes pa gcig la rang bzhin du mar snang ba'i gzung ba la sogs pa'i rnam pa de kho na nyid du rnam par 'jog na de'i gcig pa nyid de nyams par 'gyur ro/ /des na gcig nyid nyams par 'gyur ba'i phyir ro/ /ji ltar zhes bya ba ni rnam pa rnams ni de kho na nyid du rigs pa ma yin pa nyid do/ /de lta na 'o na ni rnam pa gsum po rnams gcig nyid yin pas gcig las tha dad pa med par 'gyur ro zhe na/ bshad pa/ gzhan gyi ste du ma rnams kyi du ma nyid ldog par thal ba'i phyir ro/ /du ma nyid kyi tha snyad yul med par 'gyur ro zhes bya ba'i don to/ /gsum po de rnams ni tha dad pa med pa gcig pa nyid du brtag par mi nus te/ dngos mthong med pa'i phyir te/ gcig gi dngos po mthong ba med pa'i phyir ro zhes bya ba'i don to/ /blos dngos po tha dad pa med pa 'gal ba'i chos 'du bas stong pa'i rang bzhin mthong na ni tha dad pa med par nges par 'gyur ba yin na 'di la ni tha dad pa med pa mthong ba yod pa ma yin no/ /de'i phyir snang ba'i dngos po gcig dang du ma'i bdag nyid gang gis rnam par dbyar ba de'i rang bzhin ni de kho nar yod pa ma yin no zhes bya ba 'di 'ongs pa yin no/ /de nyid ston pa ni gang gi phyir na zhes bya ba la sogs pa'o/ /'di skad brjod pa yin te phyi rol gyi don med pa'i phyir rnam par shes pa gcig kho na snang bas 'di gcig nyid du snang ba rigs pa yin na du mar snang ba de'i phyir 'di ni gcig gi rang bzhin ni? de kho? na? de'i phyir snang ba 'di ni gcig ma yin la du ma yang ma yin te/ gzung 'dzin gyi rnam pa dag dngos po ma yin pa'i phyir ro/ /gal te chos mthun pa 'dra ba'i mthong ba de'i phyir 'khrul pa skye ba zhes bya ba 'di ni 'jig rten na srid pa yin te de ltar mthong ba'i phyir ro/ /'khrul pa ji lta bu zhig ce na/ smras pa/ de bdag min pa de bdag tu zhen pa'i ngo bo'i/ zhen pa yis zhes bya ba ni de lta bur gyur pa'i mtshan nyid kyi gsum pa'o/ /rnam par shes pa smra ba 'dir ni chos mthun pa mthong ba de yod pa ma yin no/ /gtan tshigs smras pa/ 'gro ba 'di la ni 'dra ba de'i bdag nyid gcig kyang mthong ba med pa'i phyir ro/ /'di skad brjod pa yin te/ gal te tshu rol mthong bas gzung ba dang 'dzin pa dang/ rig pa'i dbye bas tha dad pa dang ldan par don dam pa 'ga' zhig nyams su myong bar 'gyur la/ phyis de dang 'dra ba'i rnam par shes pa yang nyams su myong ba yin na ni de'i tshe gnyis 'tshams sbyar bas 'khrul par 'thad par 'gyur na rnam par shes par smra ba la ni gang gi rang bzhin sgro gdags par bya ba 'dra ba'i don de gnyi ga yang mthong ba med pa yin no/ /cig shos kyis kyang pha rol po'i rjes su brjod pa smras pa pa ni/ 'khrul pa de yang yod na ste/ yang gi sgras ni gzhan yang yod do zhes bya ba'o/ /chos mtshungs pa'i rgyu mtshan la ltos nas sgro 'dogs par byed pa'i 'khrul par 'gyur ba ni rtog ba nyid yin gyi/ gzhan rten pa med pa gang yin pa de yang chos mthun ba la ltos pa ni ma yin te/ nang na gnas pa'i bslad? pa las byung ba gang yin pa de ni rang bzhin gyis te/ rang gi ngo bo kho nas phyin ci log tu snang bar 'gyur te/ nyes pas skyed pa'i rgyu'i phyir ro/ /gang gi phyir nyes pa dang 'brel pa de ni bden pa'i don ston par byed de/ mi bden pa'i don gyi ngo bo nyid du skye bar 'gyur ro/ /chos mthun mthong ba ni snang ba'o/ /sogs pa smos pas ni 'dra bar mthong ba ste/ gang gi phyir sngar ni sgro 'dogs pa'i rang bzhin mthong bar 'gyur la/ phyis sgro 'dogs pa'i yul zhing des na de 'dra ba yin la/ des na tha dad pa med par sgro 'dogs pa yin no zhes sogs pa smos pas rim gyis mtshon par 'gyur ba yin no/ /chos mthun pa mthong ba la sogs pa la ltos pa med pa gang yin pa ste/ 'di ltar dper na rab rib las skyes pa'i rnam par shes pa skra shad dang sbrang bu la sogs pa 'dra ba'i dngos po mthong nas sgro 'dogs par byed pa ni ma yin gyi/ 'on kyang de lta bur 'gyur ba'i rang gi ngo bor rab tu ston pa nyid du skyed pa de bzhin du log par 'dzin pa'i bag chags kyis bslad pa'i rnam par shes pa mi bden pa'i gzung ba dang 'dzin pa'i rnam pa ston pa skye ba ni chos mthun pa la sogs pa la ltos pa med pa kho na'o/ /rnam par phye ba'i rang bzhin du rab tu gsal ba de yang gcig ni ma yin te/ de ltar nyams su mod pa med pa'i phyir ro/ /du ma yang ma yin te/ rnam par shes pa las tha dad pa 'ga' yang med pa'i phyir ro/ /de ni bslad pa yin la bslad pa'i rang bzhin dang bral ba dga' ba dang zhum pa la sogs pa'i rang bzhin rig? pa tsam ni bden pa ma yin no/ /zhar? la 'ongs pa'i don tshig le'ur byas pas ma bzung ba 'chad par byed pa bar ma skabs su gnas pa'i tshigs su bcad pa'o/ /'di rnam par rig pa tsam zhes bya ba ni gal te phyi rol gyi don bzlog nas rnam par rig pa tsam nyid du rnam par gnas pa yin na ni/ 'khrul pa'i rjes su 'brangs nas tshad ma la sogs pa rnam par gzhag pa yin par 'gyur na/ de nyid da dung yang rnam par gnas pa ma yin no/ /de nyid kyi phyir ji ltar zhes smras ba yin no/ /slob dpon gyis kyang rnam ba med pa'i phyogs la shes ba 'dzin pa nyid dang/ don gzung ba nyid sngar bsal la/ rnam pa dang bcas pa'i phyogs la yang rnam par rig pa smra ba rtsom pa nyid kyi tshe gzung ba'i mtshan nyid gsal ba yin no zhes gsungs pa ni/ bshad zin to zhes bya ba yin te/ gzung ba'i mtshan nyid de dang mi ldan pa'i phyir ro zhes smos so/ /rnam pa med pa'i phyogs la 'thad pa gzhan yang yod pas de nyid bstan pa'i don du gzhan yang zhes bsdu ba gsungs te/ lhan cig ces bya ba ni lhan cig tu dmigs pa de nges pa ste de'i phyir ro/ /sngon rang de'i blo ngag gzhan ma yin zhes bya ba ni tha dad pa med pa'o/ /bsgrub par bya ba'i cha 'dir bstan pa'i phyir gsungs pa ni/ gang gi phyir zhes bya ba'o/ /gal te sngon po dang de dmigs pa bdag tha dad pa med na ji ltar gzung ba dang 'dzin pa'i rnam pa dag tha dad par snang zhe na/ gang la tha dad par snang ba'i ngang tshul yod pa zhes rjes su brjod pa'o/ /gang gi phyir gang ji snyed snang ba de kho na ltar thams cad bden pa ni ma yin te/ 'khrul pas med pa yang snang ba'i phyir ro/ /don gzhan pa'i rang bzhin nyid ma yin te zhes bya ba ni bsgrub par bya ba ston pa'o/ /'di skad du 'di dag gcig par ni bsgrub par bya ba ma yin gyi/ 'on kyang tha dad dag dgag pa tsam yin no zhes ston pa yin no/ /ci'i phyir tha dad pa dgag pa tsam bsgrub par bya ba yin gyi/ gcig nyid du ni bsgrub pa ma yin no zhes smra/ gcig tu 'thad pa ma yin te/ gang gi phyir gal te gzung ba'i rnam pa gsal ba yang mi bden na/ rig pa yang bden pa nyid du gang gis rtogs par byed/ yang gal te rnam par shes pa mi bden pa gsal par byed na bden pa yang gsal bar byed de/ bden pas ni nyes pa cung zad kyang byas pa med pa'i phyir ro/ /gal te de ltar gzung ba'i rnam pa de gal te gcig gi ngo bo yin na ni phyogs chas byas pa'i 'ga' ba' i chos dang ldan pa mi 'thad do/ /phyogs cha tha dad ba de yang gcig nyid yin na ni yan lag can gyi rdzas gcig ci'i phyir mi 'dod de khyad par ci yod/ yan lag can gyi rdzas la ni kha bsgyur ba dang ma bsgyur ba yod pa'i phyir 'gal gyi/ blo la ni ma yin pa'i phyir 'di nyid khyad par yin no zhe na shes pa ma yin pa'i rags pa gcig ma shes ba yang rung ste khyad par ci yod de/ blo'i rang bzhin nyid ni rags pa'i nyes pa nyams pa ma yin no/ /gzhan yang kha bsgyur ba dang ma bsgyur ba la sogs pa dang ldan pa kho na 'gal ba ma yin gyi 'on kyang phyogs cha tha dad pa yang yin no zhes mang du bshad zin to/ /de'i phyogs cha tha dad pa'i rgyu mtshan gyis kyang 'gal ba na/ gal te rnam par shes pa gcig yin na ni yan lag can yang gcig nyid yin la/ 'di du ma nyid yin na ni khyad bar med pa'i phyir shes pa'i rags pa yang du ma nyid do/ /gzhan yang rgyu can ces bya ba ni don dam par yod pa ma yin no/ /skad cig ma'i rdzas la ni gang du kha bsgyur ba dang/ g.yo ba dang bsgribs pa yod pa dang med pas byas pa'i tha dad pa ma mthong ba de nyid rdzas gcig tu 'gyur ro/ /g.yo ba la sogs pas byas pa'i tha dad pa'i gnas skabs su tha dad ba mthong bas gzhan du yang rjes su 'jug par byas pa ni ma yin pas tshad ma 'ga' zhig yod pa yin no/ /de'i phyir rags? pa thams cad la phyogs gzhan dang 'brel bas cha shas yongs su bcad pa las gyur ba'i 'gal ba'i chos 'du bar mthong bas tha dad pa med pa spang par bya ba yin no zhes rigs pa yin no/ /gal te de lta na gzung ba'i rnam pa'i rang bzhin du ma yin no zhe na/ 'di la yang ji ltar rdul phra rab rnams drug gis cig car sbyar bas dngos po med pa de bzhin du shes pa'i rdul phra rab rnams la yang thal bar 'gyur ro/ /lus can nyid la skyon 'dir 'gyur gyi lus can ma yin pa la ni ma yin pa ma yin nam/ lus can zhes bya ba dra zer de ba ni med kyi/ 'on kyang tshad chung du mang po rnams phan tshun gyi rang bzhin gyi yul yongs su spangs nas skyed pa'i phyir yul rgyas pa dang ldan par gyur pa ni lus can yin la/ de ni rnam par shes pa la yang bye brag med pa'i phyir kun rdzob tu yod par mtshungs par thal bas de ni du mar yang rigs pa ma yin no/ /gzhan yang rnam par shes pa'i rdul phra rab nyams su myong bar gyur ba rnams la/ rags pa'i rnam pa nyams su myong ba ni bzlog par nus pa ma yin no/ /rnam par shes pa'i bdag nyid gcig la ni rags pa yod pa ma yin zhing/ rnam par shes pa'i rdul phra rab mang po rnams kyang so sor rags pa'i rang bzhin ma yin no/ /ji ltar phyi rol gyi rdul phra rab shes ba gcig la snang ba rnams kyi so sor snang ba'i chos rags pa yin pa de bzhin du/ 'dir yang shes pa gcig la snang ba'i phyir rags pa nyid du snang bar 'gyur ba yang ma yin te/ du ma rnams gzhan 'ga' zhig gis kyang ma bzung ba'i phyir ro/ / de'i phyir nyams su myong ba'i rjes su 'brangs pa na rags pa gsal par snang bar nyams su myong bar mi 'gyur pa zhig na nyams su myong ste/ de'i phyir gang dang ldan pas yod pa ma yin pas rags pa'i bdag nyid la ston par byed pa shes pa'i med pa gsal bar byed nus pa yang yod pa nyid do/ /rags pa'i rnam pa med na ni rnam par shes ba'i rdul phra rab gzhan ci zhig lus la/ de brtag pas kyang ci zhig bya ste/ gang gi phyir rags pa'i rnam pa 'di nyid de kho na nyid ma yin bar mi 'gyur ba dang/ rnam par shes pa yang med pa gsal bar byed pa'i nus pa dang ldan par mi 'gyur bar bya ba'i phyir gzung ba'i rnam pa rnam par shes pa'i bdag nyid du brtags pa yin na gzung ba'i rnam pa mi bden pa dang rnam par shes pa yang med pa gsal bar byed pa'i nus pa dang ldan par khas blangs na rnam par shes pa'i rdul phra rab rtog pa ni don dam pa yin no/ /rags par snang ba rnam par rtog pas sprul ba yang rigs pas ma yin te/ gsal bar snang ba'i phyir dang/ rnam par rtog pa rnams ni gsal bar snang ba ma yin pa'i phyir ro/ /ji ltar smig rgyu dag la chur rnam par rtog pa gsal bar snang bzhin du rags par rnam par rtog pa yang yin no zhes na rjod par mi nus te/ gang gi phyir smig rgyu'i rang gi mtshan nyid 'dzin pa'i rnam par shes pa dang dus gcig tu 'jug pa'i chu'i rnam par rtog pa snang ba dang rnam par rtog pa dag gcig tu byed pa'i phyir gsal bar snang bar nges par 'gyur na/ 'dir ni gang zhig lhan cig rgyu ba las rags pa'i rnam par rtog pa gsal bar snang bar rtog par 'gyur ba rags pa nyams su myong ba gsal bar snang ba ni 'ga' yang yod pa ma yin no/ /gzhan yang rnam par rtog pa'i rnam par shes pa yang bdag gi kyi rang bzhin gang yin pa de kho na nyams su myong bar 'gyur ba yin na/ de la ni rags pa yod pa ma yin te/ de'i phyir snang bar mi 'gyur ro/ /rnam par rtog pa'i rnam par shes pa ni rang gi bdog nyid don med pa la don du lhag par zhen nas 'jug pa yin no zhe na/ don med pa ston pa ni nges par brtags na med par gsal bar byed pa nyid du gnas pa yin te/ gang gi phyir don med pa gsal ba na bdag nyid gsal bar byed pa 'am/ gzhan gsal bar byed par 'gyur te/ rnam pa gzhan ni mi srid pa'i phyir ro/ /re shig bdag nyid ni gsal bar byed pa ma yin te/ rnam par shes pa nyid gsal ba'i rang bzhin yin pa'i phyir dang/ don med pa ni dngos po ma yin pa'i yang phyir ro/ /gzhan gyis gsal bar byed na yang gsal bar byed pa ni shes pa'i bdag nyid de nyid mi bden pa gsal bar byed par skyes pa yin no/ /'di snyam du ma rig pa'i dbang gis de ltar gsal ba yin no snyam na/ gal te ma rig pa de dngos po med pa yin na dngos po med pas dngos po med pa gsal bar byed do zhes bya ba'i tshig gi tshul 'di cir yang mi rung ngo/ /ci ste dngos po yin pa de lta na yang de ni rnam par shes pa'i rang bzhin nyid yin na de las kyang dngos po med pa ji ltar gsal te/ dngos po dang dngos po med pa dag la ni 'brel ba 'ga' yang yod pa ma yin no/ /de'i phyir ma rig pa'i nus pa dang ldan pa'i shes pa mi bden pa'i rang bzhin gsal ba'i byed pa yin pa'i phyir ma rig pa'i dbang gis gsal ba yin no zhes brjod pa la ni kha na ma tho ba yod pa ma yin no de'i phyir de ltar don med par 'dzin ba'i shes pa thams cad mi bden pa gsal bar byed pa'i ma rig pa'i bdag nyid du blta bar bya'o/ /thams cad du gal te snang ba gang yin pa de thams cad yod pa yin na tshangs pas kyang shes pa 'ga' zhig kyang 'khrul par brtag par mi nus so/ /ci ste mi bden pa yang yod na ni brgya byin gyis kyang/ shes pa mi bden pa gsal bar byed pa'i nus pa bsnyon par mi nus so/ /'dod du zin kyang nyams su myong ba thams cad bden pa yin par ni sus kyang gzhag par nus pa ma yin pa'i phyir shes pa'i mi bden pa gsal ba'i nus pa las 'da' bar bya ba ma yin no/ /mi bden pa'i rang bzhin nyid ma rig pa'i dbang gis ston par byed kyi bden pa ni ma yin te / bden pa dang lhan cig 'brel pa nges pa med pa'i phyir ro/ /nyams su myong ba nges pa'i rang bzhin mi slu ba ni spang bar nus pa ma yin te/ de'i khas blang bar bya ba yin pa'i phyir ro/ /yang gang nyams su myong yang gnod par byed pa mthong pa'i phyir slu ba de ni spang bar bya ba yin te/ dper na zla ba gnyis kyi rang bzhin lta bu'o/ /gnod par byed pa med pa'i phyir 'khrul pa mi 'grub po zhes gang 'chad par 'gyur ro/ /de bzhin du rnam 'grel las kyang/ gnod byed rig pa rnam pa ni/ med na nyams myong spang bya min zhes so/ /dga' ba la sogs pa'i rang bzhin yang dag pa'i rig pa ni spang bar bya ba ma yin te/ gcod par byed pa med pa'i phyir ro/ /des na gcig ma yin no zhes bya bar gnas so/ /de nyid kyi phyir 'khrul pa'i shes pa dper brjod de/ gzhan du na sngon po dang sngon po'i rang bzhin dag lhan cig dmigs pas nges pa na tha dad pa yod pa ma yin gyi/ 'on kyang gcig nyid yin pa de bzhin du/ sngon po dang de'i blo dag kyang zhes bya ba nyid brjod par bya bar 'gyur ro/ /sngon po dang 'brel ba'i rang bzhin gang yin pa de ni nyams su myong ba las don gzhan pa ste/ gzhan du gyur pa nyid ma yin no/ /gtan tshigs kyi don sbyor bar byed pa ni de dag lhan cig pa nyid du dmigs pa nges pa'i phyir zla ba gnyis la sogs pa bzhin no/ /ji ltar 'khrul pa'i shes pa gcig la snang ba'i zla ba gnyis dag lhan cig pa nyid du nges par dmigs pa'i phyir phan tshun dang shes pa las tha dad pa yod pa ma yin pa de bzhin du 'di dag la yang blta bar bya'o/ /gtan tshigs kyi don rang nyid ston par byed pa ni 'di dag las shes bya ba yin te/ shes pa dang shes bya 'di dag las shes pa 'am shes bya'i rnam pa ste/ rang bzhin gcig ma dmigs na gzhan te gnyis pa dmigs pa med do/ /des na 'di ni nges pa'i don du bstan pa yin te/ shes bya dmigs pa ni shes pa dmigs pa'i bdag nyid can nyid yin gyi gzhan du ni ma yin la/ shes pa dmigs pa yang shes bya dmigs pa'i bdag nyid yin no zhes gzhan du gyur ba nyid bzlog pa yin no/ /gang dang gyad la lta ba la sogs pa rnams la gang shes bya dmigs par mi 'gyur ba'i shes pa ni 'ga' yang yod pa ma yin no/ /de bas ni shes bya mi dmigs par shes pa dmigs pa 'am/ shes pa mi dmigs par shes bya dmigs pa ni 'ga' yang yod pa ma yin no zhes rnam pa gzhan nyid 'gog pa yin gyi/ dmigs pa thams cad la tha dad pa nyid 'gog pa ni ma yin no/ /gang yang bcom ldan 'das kyi shes bya dang thug la lhan cig dmigs pa nges pa yod kyang/ tha dad pa med ba ni ma yin no zhes smras pa de ni mi rigs te/ gang gi phyir de la ni lhan cig dmigs pa nges pa nyid med de/ tha dad ba nyid du rgyud gzhan gyis rang gi sems dmigs pa'i phyir ro/ /de nyid kyi phyir sems dang sems las byung bas kyang 'khrul par 'gyur ba ma yin te/ de dag rnams kyang so sor bdag nyid yang dag par rig pa'i phyir ro/ /gang zhig gcig dmigs pa na cig shos mi dmigs pa gang yin pa de dag la ni 'khrul pa yod pa ma yin no/ /de bzhin gshegs pa'i thugs dmigs pa nyid ni shes bya dmigs pa ma yin gyi/ 'on kyang gzhan yang yod pa yin no/ /gcig gis sam gcig ces bya ba'i phyogs ni khas ma blangs pa'i phyir/ de la brjod pa'i skyon mi srid pa nyid do/ /rang bzhin tha dad pa ste/ rang bzhin phan tshun dben ba la ni nges par lhan cig tu 'dzin ba 'di 'thad pa ma yin te/ 'brel ba nyid du gyur pa'i rgyu mtshan de med pa'i phyir ro/ /'di skad du brjod ba yin te/ phan tshun 'brel par med par ni tha dad pa dag lhan cig dmigs pa nges pa ma yin la/ de yang re shig ni bdag nyid kyi rgyu mtshan can du ni rang nyid mi 'dod do/ /de las byung pa yang me dang du ba dag bzhin du lhan cig dmigs par ma nges do/ /yul dang yul can gyi mtshan nyid kyang rnam pa dang bcas pa'i phyogs la ni bkag zin to/ /rnam pa med pa'i phyogs la yang khyad par med pa 'ba' zhig nyams su myong ba na khyad par dang ldan par stan par mi nus so/ yul yang shes pa dmigs pa las tha dad par dmigs pa ma yin la/ shes pa dmigs pa de la yang khyad par yod pa ma yin no/ /'dzin pa'i rnam pa nyams su myong ba grub pa ni zlog pa ma yin gyi/ 'ba' zhig po de la yul so so las khyad bar yod pa ma yin la/ ma dmigs pa'i khyad par yang khyad par du rnam par 'jog pa'i rgyu ma yin no zhes bshad zin to/ /des na mngon sum yang dag bar rig pa la ni khyad par yod pa ma yin te/ khyad par gyi tha snyad ni nyams su myong bar gyur ba'i don la brten pa yin no zhes gang smras pa de bsal ba yin te/ gang gi phyir don nyams su myong bar grub na ni rnam par shes pa'i khyad par gyi tha snyad nyams su myong bar gyur ba la rten par gyur na de nyid ma grub pa'i phyir ro/ /'di dag ji ltar snang ba bzhin du brtags pa'i tha dad pa ni de kho na nyid ma yin no zhes brjod pa yin no/ /des na brtags pa'i tha dad pa ni rgyu mtshan can lhan cig pa'i sgra sbyar ba'i phyir 'gal ba ci yod/ da ni 'brel pa gzhan bsal na 'brel pa med par lhan cig dmigs pa nges pa gang yin pa zhes de ltar gtan tshigs khyad par du byas kyang ma grub pa ma yin pa 'am/ yang na gzugs dang snang ba dag 'khrul pa'i yul nyid du mi gnas pa'i phyir khyad par 'dod pa ma yin te/ de dag gnas na ni khyad par la ltos par 'gyur ro/ /des na khyad par med pa gtan tshigs yin no/ /gzugs dang snang ba dag gis 'khrul par dogs pa la/ /bshad pa/ gzugs dang snang ba dag la ni de'i shes pa skyed par rung ba gang yin pa de thob pa'i mtshan nyid dam ste/ ngo bo gang yin pa'o/ /gang gi phyir gzugs kyis shes pa skye bar rung ba nyid ni snang ba las thob pa'i phyir snang ba dang 'brel pa yin no/ /dbang po rung ba bskyed pa'i mtshan nyid kyi 'brel pa yod pa yin te/ yul la shes pa skyed par rung ba nyid snang ba las thob pa de'i phyir dbang po nyid rang gi yul gyi shes pa skyed par byed pa snang ba dang 'brel pa yin no/ /de'i phyir gzugs ni snang ba dang lhan cig tu dmigs pa nges pa yin no/ /gtan tshigs bshad pa/ 'bras bu gzugs sam smig rgyu snang ba 'khrul pa med pa'i phyir ro/ /'bras bu rgyu'i rjes su 'gro ba yod kyang me dang du ba dag la lhan cig dmigs pa nges pa 'khrul par mthong ba ma yin nam zhe na/ gzugs dang lhan cig gzung ba'i snang ba ni gdon mi za bar gzung bar bya ba yin gyi/ me dang du ba dag ni gdon mi za bar gzung bar bya ba ma yin no/ /ci'i phyir zhe na/ snang ba bar chad med pas shes gsungs te/ gzugs kyi shes pa skyed par rung ba ni bar du chod cing bar mtshams med pa'i snang ba med par mi 'byung ba yin te/ 'di ltar bum pa ni snang ba mang po'i bar du zhugs par skyed pa nyid yin na/ snang bas shes pa skyed bar rung ba skyed pa yin te/ snang bas khyab pa'i gzugs nyid mthong ba'i phyir ro/ /gal te mig gis gzung bar bya ba'i rang bzhin ma yin na ni snang ba bar chad med pa nyid yin yang lhan cig sbyor ba'i rig pa la sogs pa ltar gzung bar mi 'gyur na/ gzung ba'i mtshan nyid kyi rang bzhin yin pa des na gzugs dang lhan cig gdon mi za bar gzung bar bya ba yin no/ /dmigs pa'i spyod yul du gyur pa dag las gcig 'dzin par nges par byed pa'i rgyu ni 'ga' yang yod pa ma yin no/ /de nyid kyi phyir dus mtshungs pa'i gzugs dang/ snang ba dag kho na gsal bya ba dang gsal bar byed pa'i dngos po yin no/ /de yang snang ba'i gzugs kyi rgyu las gzhan du 'thad pa ma yin pa de'i phyir rgyu'i dngos po rgyu mtshan du 'dod pa yin gyi/ rgyu dngos po nyid ni gsal bar byed pa'i ngo bo ma yin no/ /de bzhin du gzugs kyi yul na gnas pa nyid kyi snang ba ni mig dang rang gi rgyun skyed par byed la/ de las kyang gzugs snang ba dang bar chad med pa de'i phyir snang ba dang yul lhan cig tu mthong ba nyid do/ /snang ba'i rang bzhin du gyur pa nyid kyi me ni du ba'i skyed par byed pa ma yin pa des de dag la lhan cig dmigs pa nges pa med pa yin no/ /de ltar na yang gzugs dang snang ba dag ni shes pa gcig gi yul gyi dngos po la phan tshun 'brel pa yin gyi/ shes pa dang shes bya dag ni de lta ma yin na/ /yang na gzugs dang snang ba dag la ni lhan cig dmigs pa ces pa yod pa ma yin te/ gzugs dang bral ba'i snang ba 'ba' zhig kyang mthong ba'i phyir dang/ snang ba med pa'i gzugs kyang byi ba la sogs pa'i srog chags kyi bye brag 'ga' zhig gis mthong ba'i phyir ro/ /sngon po'i rnam pa dang rig pa dag ni lhan cig dmigs pa nges pa nyid do/ /rang bzhin tha dad pa ste bral ba la ni de rigs pa ma yin te/ sngon po dang ser po dag bzhin na/ /gang gi phyir de dag ni phan tshun tha dad pa dang 'brel pa yang 'ga' yang med de des na lhan cig dmigs pa nges pa ma yin no/ /shes pa dang shes bya dmigs pa gcig nyid do zhes ji ltar brjod de/ gang gi phyir yul ni sngar dmigs te shes pa'i rgyu yin pas de ni sngar nye ba'i phyir ro/ /de'i 'bras bu shes pa ni phyis nye ba yin la/ nye ba de'i 'bras bur gyur pa'i 'dzin pa'i gzhan skye ba des na/ yul gyi shes pa ni rang gi 'bras bu'i dus na dmigs la/ yul ni rang gi 'bras bu shes pa'i dus na yin no/ /dus tha dad na yang myong ba tha dad par nges par 'gyur te/ dus tha dad pa yang dngos po tha dad pa'i rgyu mtshan yin pa'i phyir ro/ /slob dpon gyis shes pa dang shes bya dag gi myong ba dus tha dad pa dgag pa'i phyir gzhi 'dings par mdzad pa ni/ dmigs pa mngon sum ma yin pa gang yin pa de'i don mthong ba lta ba'i mthong ba nyid rab tu grub par mi 'gyur ro/ /'di snyam du dmigs pa mngon sum yin nam ma yin yang bla ste/ des yul yod pa mngon sum du byas pa des na don mthong rab tu 'grub mi 'gyur zhes ci'i phyir brjod ce na/ ni zhes bya ba ni gtan tshigs te/ yul yod pas ni yul dmigs pa rnam par gnas pa ma yin no/ /'o na ji ltar zhe na/ smra ba/ yul de'i dmigs pa de yod pas so/ /bsam pa ni 'di yin te/ shes pas yul du byas pa'i don bdag nyid kyi rang bzhin ni myong ba ma yin gyi/ 'on kyang shes pa nyid yin na de yang ma grub bo/ /'di snyam du shes pas don nyams su myong ba des na shes pa nyams su myong ci dgos snyam na/ gal te don nyams su myong ba shes pa nyams su myong ba las gzhan yin na ni de ltar 'gyur na gzhan ni ma yin no/ /'di ltar bdag nyid gsal zhing nyams su myong ba ni shes pa don rig par 'gyur gyi/ gsal ba ma rig na ni gsal ba'i khyad par can gyi gsal bar bya ba'i don rig par mi 'gyur te/ dbyig pa ma rtogs pa'i dbyig pa can du mi rtogs pa bzhin no/ /de na don bzhin du don rig pa nyams su myong ba ni yod do/ /don gyi rang bzhin nyid ni gsal ba ma yin gyi 'on kyang shes pa kho na yin no/ /de'i phyir bdag nyid don gsal bar byed pa'i bdag nyid du mthong na ni/ shes pas don nyams su myong bar 'gyur pa yin gyi/ gzhan du ni ma yin no/ /des na shes pa nyams su myong ba nyid don myong ba yin pa de'i phyir te/ de shes pa yod par ma grub par bzung bar mi 'gyur ro/ /shes pa med par don gyi rang bzhin 'ba' zhig nyams su myong bar des na ni yul yongs su rdzogs pa yang ma yin te/ 'di ltar rang gi ngo bo bdag nyid so so la khyad par med pa'i phyir bdag gis rig go zhes khyad par gyi tha snyad med par thal bar 'gyur ro/ /gang nyams su myong bar 'gyur ba de nyid nyams su myong ba las tha snyad du bya ba zhes bya ba yin na ni/ don gyi rang bzhin 'ba' zhig nyams su myong la/ de yang khyad par med pa yin pa'i phyir khyad par gyi tha snyad gang las 'gyur/ don nyams su myong bar gyur pa'i tha snyad thams cad ni myong ba po'i khyad par nges ba la brten pa yin te/ de'i phyir gang zhig rgyur gyur pas don rig pa'i tha snyad 'di khyad par la brten par gsal bar 'gyur ba rig pa de yang nyams su myong ba yin no/ /bya ba'i khyad par 'ga' zhig rig pa byed pa po la mi brten par 'gyur ba myong ba'i tha snyad gzhan ni yod pa ma yin no/ /dmigs pa yod pa de yang tshad ma dang mi ldan pa mngon sum gyi rig pa ma yin pas/ mngon sum gyi yul ma yin pa'i shes pa yod pa'i rgyu mtshan can gyi tha snyad gang dag yin pa ste/ yul yod pa'i tha snyad 'di rig go zhes rig pa'i tha snyad dam/ bdag gis rig go zhes bdag nyid byed pa por gyur pa'i rig pa'i tha snyad do/ /mi dmigs pa'i rang bzhin can gyi shes pa yod pa'i rgyu mtshan can gyi tha snyad 'jug par mi 'gyur te/ ldog par 'gyur ro/ /zhes pa yod pa ni mi dmigs pa yin la/ de las kyang de'i dmigs pa ma grub na sngar bshad pa'i tha snyad can gyi yul yang yod pa'i tha snyad du rung ba nyid rab tu mi 'grub pa'i phyir shes pa dang shes bya thams cad kyi rang bzhin nub pa ste/ yod pa'i tha snyad las 'das par 'gyur ro zhes bya ba ni ha cang thal ba'o/ /'di snyam du gal te shes pa mi dmigs pa de lta na yang don gyi yul can gyi dmigs pa'i tha snyad du byed pa yin te/ dper na mig ma dmigs kyang gzugs 'dzin pa yin no zhe na/ yod kyang zhes smos te/ bdog tu zin kyang ma grub ste/ ma dmigs pa la dmigs par ? yod? pa de'i tha snyad de la mi rigs pa'i phyir ro/ /'di skad brjod ba yin te/ gzugs la ni nyams su myong bas mig gi khyad par can gyi tha snyad bya bas ma yin gyi/ 'on kyang mig gis dben par yul nyams su myong ba las rig pa'i khyad par can nyid kyi tha snyad bya ba yin no/ /rig pa ma dmigs na de'i khyad par can gyi don yang yin pas ji ltar rig pa'i tha snyad byed/ tshig le'ur byas pa'i don 'jug sdud pa ni de'i phyir rig pa 'ga' yang ma dmigs na de mi dmigs pa'i rtogs pa po 'ga' yang rig par byed pa ma yin te/ shes pa'i khyad par dang bral ba'i rig pa mi 'thad pa'i phyir ro/ /rang rig pa ma yin yang dmigs pa gzhan gyis dmigs pa'i shes pa yul bzhin du mngon sum nyid ma yin nam zhes dogs pa la rtog pa 'di la pha rol po'i don ji lta bur 'gyur ba de bstan pa'i don du bshad pa/ yul de rang gi yul can gyi shes pa'i dus su ni grub pa'i rgyu mtshan du gyur pa ma grub pa ste/ ma grub pa'i phyir ma grub ba'o/ /gang gi phyir don grub pa ni grub pa'i khyad par can du brjod pa yin na de ma grub pa'i phyir sngar bshad pa'i tshul gyis de'i khyad par can de yang mi 'grub bo/ /gzhan te rang la dmigs pa'i dus su ni grub ba yin te/ de'i tshe rang gi shes pa grub pa'i phyir zhes bya ba gzhan gyi don 'di yin no/ /don 'di la ji lta bur gnas pa de ston pa na pha rol po la gzhan gang du byed pa ni dmigs par gyur kyang dmigs pa yod pa'i dus de'i tshe ni ma grub la/ gzhan gyi tshe dmigs pa med pa'i dus su ni grub po zhes 'brel to/ /phyin ci log tu shes pa med pa'i dus su grub bo/ /zhes legs par tha snyad byas so/ /ma 'brel ba'i don brjod ces dpyad? pa'o/ /shes pa yod pa'i dus shes pa yod pa na ni don ma shes la/ shes pa med pa'i dus de log pa na ni shes so zhes bzhad gad kyi tshig go/ gzhan yang yul dmigs pa'i rig pa yang dmigs pa tha dad pa gzhan gyi dmigs par rtog na ni/ yul gyi shes pa ma grub par yul grub par tha snyad bya me 'dod pa 'ba' zhig tu ma zad kyi/ yul dmigs pa'i dmigs pa de yang rang nyid ma grub pa yi gad grub pa'i tha snyad du byed pa ma yin no/ /de'i phyir shes pa'i shes pa yang gzhan gyis khong du chud bar bya'o/ /de'i phyir zhes bya ba ni gtan tshigs so/ /re shig zhes bya ba ni dang por te/ 'di ni rim pa brjod pa'i phyir ro/ /dmigs pa mthar thug pa ste yongs su btugs pa la sdod pa'i skyes bu 'dis cung zad kyang dmigs par mi 'gyur ro/ /'di skad du ji srid dmigs pa mthar ma phyin pa de srid du dmigs pa phyi ma phyi ma la sdod bas na rang gi dmigs pa ma grub pa'i rgyu'i phyir/ yul snga ma snga ma mi 'grub po zhes brjod pa yin no/ /'di snyam du shes pa phyi ma phyi ma skyes na ni shes pa snga ma mi 'grub na/ snga mas bskyed pa des na snga ma dang phyi ma'i/ yul grub pa nyid bas ci'i phyir don 'ga' yang rtogs par mi 'gyur zhes brjod ces dogs pa la/ bshad la/ shes pa gcig ma grub na yang thams cad mi 'grub pa'i phyir ro/ /gal te shes pa snga ma yod pas don 'ga' zhig dmigs par gyur na ni shes pa cung zad kyang mi rtog pa zhig na/ gang gi phyir shes pa ma grub par don mi 'grub pa de'i phyir shes pa'i shes pa chol? pa yin no/ /des na gcig ma grub na thams cad mi 'grub pas 'ga' yang rtog par mi 'gyur ro zhes brjod do/ 'di snyam du gang gi tshe dmigs pas mthar thug pa de'i tshe thams cad dmigs bzhin/ de skye ba la yang mthar thug pa zhes bya ba smos te/ thams cad dang la dmigs pa'i shes pa skyed par rung ba'i phyir ro/ /gal te shes pa gcig rang gi yul can gyi shes pa gzhan skyed mi nus na ni thams cad mi 'gyur te/ rang rig pa med pas thams cad la khyad par med pa'i phyir ro/ /gal te 'ga' zhig rang rig pa yin na ni/ mthar thug par yang 'gyur gyi/ gzhan du ni ma yin no/ /mthar thug pa med na yang 'gro ba long ba dang lkugs par 'gyur ro zhes nyams su myong ba dang 'gal bar thal lo/ /'ga' zhig tu dmigs pa mthar thug par khas len na ni mthar thug pa'i dmigs pa de rang gi bdag nyid ces bya ba la/ gzhan med par bdag dang yul gyi rnam par dmigs par 'gyur zhing/ gzhan te dmigs pa snga ma yang rang dang gzhan rig pa'i rang bzhin can du 'gyur ro/ /gang gi phyir bye brag gi rgyu med par ni gcig de nyid dang gzhan rang rig dang rang bzhin dang bral ba nyid du rigs pa ma yin no/ /de'i phyir gtan tshigs grub po/ /gang gi phyir tha dad pa ni rim pa'i rgyu mtshan du bzhag go /gcig nyid kyis gnyis dmigs pa na ni gcig gi bya ba la rim pa yi 'thad de/ gcig po de skad cig ma yin na gnyis pa'i byed pa'i dus su mi gnas pa'i phyir ro/ / skad cig ma ma yin pa nyid na yang de la khyad par med pa'i phyir te/ bogs dbyung du med pa'i phyir rang gi rang bzhin dang 'brel pa'i bya ba thams cad cig car 'gyur ro/ /de'i phyir gtan tshigs 'grub po/ /gang zhig gang dang lhan cig dmigs pa nges pa de ni de las tha dad pa ma yin te/ dper na zla ba gcig las gnyis pa bzhin no/ /sngon po la sogs pa'i gzung ba'i rnam pa yang shes pa dang lhan cig dmigs pa nges pa yin no/ /tha dad pa ni lhan cig dmigs pa ma nges pas khyab pa yin te/ 'brel ba med pa'i phyir ro/ /de dang 'gal ba ni lhan cig dmigs pa nges pa yin te/ des na khyab par byed pa 'gal ba dmigs pas tha dad pa bkag pa yin no/ /yang gi sgra ni gtan tshigs gzhan gsal ba ston pa ni rig pa zhes bya ba yang zhes bya ba'o/ /zhes bya ba'i sgra ni rig pa'i sgra 'dzin pa'o/ /rig pa zhes bya ba'i sgra 'di'i don ni de ltar gsal ba'o/ /rig pa ni de ltar te rig pa'i rang bzhin du gsal bar rab tu snang ba yin gyi gzhan ma yin no/ /yang ji ltar na rig pa rig pa'i rang bzhin du gsal ba yin zhe na/ de zhes smos te/ rig pa de ni de'i bdag nyid yin pa'i phyir te/ gsal ba'i bdag nyid yin pa'i phyir ro/ /'di skad du gang gi phyir rig pa ni gsal ba'i bdag nyid can yin gyi/ gzhan ma yin pa de'i phyir rig pa ni rig pa'i bdag nyid du gsal ba yin no/ /rig pa gsal ba'i bdag nyid yin du chug mod/ /rig pa myong ba'i bdag nyid kho nar gsal gyi gzhan du ma yin no zhes bya ba de dag nyid ga las she na/ de gzhan 'ga' zhig ni ma yin te zhes smos so/ /gang gi phyir gsal ba'i bdag nyid can zhes bya ba'i rig da? gzhan 'ga' zhig gi ngo bo ni ma yin gyi/ 'on kyang shes pa nyid yin pa des na rig pa ni myong ba'i bdag nyid kho nar gsal ba yin no/ /gal te gsal ba zhes bya ba gsal bar byed pa las gzhan du gyur pa'i dngos po'i rang bzhin yin na ni gsal ba gsal bar byed pa'i rang bzhin nyid du gsal bar mi 'gyur te/ dper na sgron ma dang lhan cig shes pa gcig gi yul du gyur pa zhes bya ba'i gsal ba gsal bar byed pa sgron ma las gzhan gyi ngo bo yin pa des na/ bum pa'i gsal ba sgron ma'i bdag nyid du gsal ba yin gyi/ /'on kyang sgron ma las gzhan gyi rang bzhin yin pa bzhin no/ /shes pas don gsal bar las pa gang yin pa de ni shes pa las gzhan gyi rang bzhin ma yin gyi/ 'on kyang shes pa kho na'o/ /bdag rig pa bzhin no zhes bya ba ni dper na bdag nyid gsal ba ni gsal bar byed pa las rang bzhin gzhan ma yin pa des na/ bdag nyid gsal ba gsal bar byed pa'i rang bzhin kho nar gsal pa de bzhin du rig par bya ba'i gsal ba gang yin pa de yang rig par byed pa las/ rang bzhin gzhan ma yin te/ des na rig par bya ba'i rig pa ni rig par byed pa'i rang bzhin kho nar gsal lo zhes bya bar gnas so/ /gang gi phyir rig pa ni rig pa'i rang bzhin kho nar gsal ba de'i phyir yang ngo/ /lhan cig dmigs pa nges pa 'ba' zhig las ma yin gyi/ gtan tshigs de'i phyir yang myong ba'i bdag nyid du gsal ba'i zhes bya ba'i rig pa ni don gzhan du mi 'thad do/ /rig par bya ba rig pa'i rang bzhin du gsal ba gang yin pa de ni gsal ba rig pa'i rang bzhin las rang bzhin gzhan ma yin pa kho na yin la/ gsal ba ni shes pa'i rang bzhin du brjod pa yin no/ /gzhan gyis ni de gzhan 'ga' zhig ni ma yin te zhes bya ba dang/ de'i don gzhan du rig pa ma yin no zhes bya ba'i ngag 'di gnyis kyi don tha dad par bstan par mi nus so/ /bdag nyid rig pa bzhin no zhes bya ba 'di'i bar gyi gzhung sngar gyi tshig le'ur byas pa nyid kyi lhag mar byas nas 'di'i don 'di ltar 'chad do/ /gal te lhan cig dmigs pa des pa'i phyir tha dad pa med na ji ltar sngon po'i rig pa zhes tha dad pa'i tha snyad du 'gyur zhes dogs pa bsu nas rig pa zhes bya ba yang zhes bya ba'i gzhung 'god de/ myong ba'i bdag nyid du gsal ba ni sngon po'i rig pa yin gyi/ tha dad pa mthong ba ni ma yin no zhes so/ /don 'di ni sngon po la sogs pa nyams su myong ba zhes bya ba yang de'i rang bzhin nyams su myong ba'o zhes bya ba 'di'i nang du brjod zin pas zlos bu 'dis ci zhig bya/ gzhan yang de'i phyir yang zhes bya ba 'dis bshad ma thag pa'i don gzung ba yin na bshad ma thag pa'i don de yang phyi'i don bzlog nas gnas pa yin pas de ji ltar na de'i phyir yang de'i don gzhan du rigs pa ma yin zhes de nyid kyis phyir don sel bar 'gyur/ dag 'di gnyis ni don tha dad par bstan pa nyid de/ dag snga ma'i don gang yin pa don phyi'i don smra bas kyang 'dod pa nyid do/ /rig par bya ba gsal ba ni pha rol gyi rnam par shes pa las gzhan du mi 'dod la/ pha rol gyi 'dod pa'i don de nyid la brten nas de'i phyir yang zhes gtan tshigs 'dis 'god pa/ gang gi phyir gsal ba zhes bya ba ni gsal byed shes pa las rang bzhin gzhan du khyed mi 'dod pa de'i phyir don gsal bya ni rig pa las gzhan ma yin no zhes so/ /gal te myong ba'i bdag nyid ma yin pa gang yin pa de las myong ba'i bdag nyid du gsal ba'i rig pa med pa de'i phyir shes pa las tha dad pa'i don mi rig na/ de lta na 'o na myong ba'i rang bzhin ma yin pa'i rnam pa brdzun pa yang rig par ji ltar 'gyur zhe na/ don gzhan ma yin na zhes smos te/ don gzhan yin na skyon 'dir 'gyur gyi/ don gzhan ma yin pa la ni ma yin no/ /gang gi phyir sngon po dang dkar po la sogs pa myong ba las gzhan ma yin pa nyid na/ sngon po la sogs pa ni nyams su myong ba de'i bdag nyid du gyur pa ste/ bdag nyid du gyur pa lta bu de ltar te/ myong ba'i bdag nyid du rang gsal te/ rab tu snang ba'i phyir tha dad pa ma yin pa'i sngon po la sogs pa nyams su myong bar 'gyur ro/ /nyams su myong bar? yang de'i bdag nyid de ston pa la sogs pa gsal ba'i rang bzhin yin pa'i phyir de ltar te sngon po la sogs pa'i rang bzhin du snang ba gsal ba na yang ngo/ /bya ba gzhan 'dzin pa ni ma yin gyi/ 'on kyang de ltar gsal ba na rang dang gzhan gsal bar brjod pa 'ba' shig tu zad do/ /dper na sgron ma la sogs pa'i gsal ba rang bzhin gi lam dang 'brel pa'i bdag nyid kho na gsal ba na rang dang gzhan gsal bar brjod kyi/ rang gsal bar byed pa las gzhan ni gsal ba'i bya ba yod pa ma yin la/ gang gi phyir gsal ba'i rang bzhin de dmigs pa na gzhan yang dmigs pa de'i phyir yul gnyi ga? ?? ? lta ba'i bya ba dang ldan par brtags pa yin no/ /gang gi phyir dus mtshungs pa'i sgron ma dang gzugs dag ni gsal bya gsal byed kyi dngos po yin zhing/ de yang rgyu dang 'bras bu sngon du song ba can yin no zhes brjod do/ /rnam 'grel las kyang/ rang nyid shes pas gzhan blo yi/ /rgyu ni gsal byed ces bshad do/ /de bzhin du rnam par shes pa'i bdag nyid myong yang ma rig pas bslad pa la rnam par phye ba lta bur gzung ba'i rnam pa yod pa nyid ma yin yang dmigs par 'gyur ro/ /mi bden pa'i don gsal ba'i nus pa'i rang bzhin ma rig pa ni bden pa ma yin pa'i rnam pa yang ston par byed pa yin no/ /de'i phyir de'i dbang gis shes pa rang dang gzhan rig bar byed par brjod kyi/ don dam par ni rig pa'i rang bzhin du ma gyur pa'i don 'ga' zhig rig par bya ba yod pa ma yin no/ /des na ji ltar sgron ma bdag nyid gsal ba'i bya ba dang ldan na yang gnyi ga gsal ba'i bya ba brjod pa de bzhin du shes pa yang bdag gcig pu gsal ba'i bya ba byed pa na ma rig pas bslang pas gnyi ga gsal bar byed pa snang ba yin no/ /yang 'di la don dam pa gang yin zhe na/ kha cig na re re shig shes pa'i bdag nyid rang gsal ba la ni gdon mi za ste de med na myong ba thams cad med par thal ba'i phyir ro/ /bdag nyid myong ba gang yin pa de yang ji ltar gzhan gyi yin te bdag dang bdag ma yin pa ni phan tshun spangs nas gnas pa'i phyir de dag gi nyams su myong ba yang phan tshun 'gal bar rigs te/ yul tha dad kyang yul can tha mi dad par ni rigs pa ma yin no zhes zer ro/ /gal te de ltar na mi bden pa'i rnam pa dang shes pa'i rang bzhin 'gal ba yin te/ dngos po dang dngos po med pa phan tshun spangs nas gnas pa'i phyir yod pa dang med pa bzhin no/ /de'i phyir 'di la de yang snang bar mi 'gyur na/ ji ltar 'khrul pas mthong 'gyur ba/ /zhes gsungs pa na slob dpon nyid kyis snang ba ni gsungs pa yin no/ /gzhan yang rang dang gzhan rig pa gnyis kyi 'gal ba ji lta bu zhig yin/ rig pa de gnyis gzhan du bdag dang bdag ma yin pa'i rang bzhin yin na gcig par gsal bar 'gyur na/ rig pa ni gnyis ga'i rang bzhin ma yin gyi 'on kyang shes pa'i rang bzhin nyid do/ /gang yang gang zhig gsal par byed pa'i rang bzhin ma yin par ni gsal ba ma yin no zhes bya ba'i don 'di bzhed pa yin par smra ba de la yang mi bden pa'i rnam par mi gsal bar thal bar 'gyur ro/ /de'i phyir 'di ni don gzhan yin no zhes rig par bya ste/ rig par bya ba gang yin pa'i rig pa gang zhig gang dang 'brel par snang ba'i rig pa de ni de las tha dad pa ma yin te/ dper na bdag nyid bzhin no/ /gzhan dang 'brel par snang ba'i rig pa nyid la ni de dang 'brel pas khyab ste/ 'brel pa med pa de ltar snang na ha cang thal ba'i phyir ro/ /tha dad pa nyid yin na ni dus mtshungs par snang ba de gnyis la rgyu dang 'bras bu'i dngos po med la/ yod kyang de ni 'brel par snang ba'i rgyu mtshan yang ma yin te/ me dang du ba bzhin no/ /yul dang yul can gyi dngos por 'brel pa yang ma yin te/ gang gi phyir rnam pa med pa'i phyogs la 'brel par snang ba nyid yul dang yul can gyi dngos po so sor yin la/ de nyid la la yang rgyu mtshan du 'brel pa tshol ba yin te/ 'brel pa med na rig pa thams cad dang 'brel bar snang bar thal ba'i phyir ro/ /des na 'dir tha dad pa la ni 'dres par snang ba'i rgyu 'brel par mi 'thad pa'i phyir khyab par byed pa mi dmigs pas mi mthun pa'i phyogs las ldog pa na/ 'dres par snang ba la tha mi dad pas khyab la/ tha mi dad pa dang tha dad pa 'gal bas khyab pa dmigs pa'o/ /mi bden pa'i rnam pa yang rig pa dang lhan cig 'brel pa med pa yin nam zhe na/ med mod/ dngos po med pa'i 'brel ba bsam pas ci zhig bya/ ji ltar gsal bar 'gyur zhe na/ ma rig pa'i dbang gis so zhes bshad zin to/ /de nyid kyi phyir sngon po la sogs pa snang ba la rang bzhin tha dad pa med pa'i phyir sngon po la sogs pa de de'i bdag nyid du yin pa'i phyir zhes snang ba'i rang bzhin du tha snyad du byas so/ /rnam pa med pa'i phyogs la dmigs pa'i don ni 'dres par snang ba'i don yin zhing/ de yang de ltar gsal ba yin no/ /des na dmigs pa'i don gzhan yin la/ rig pa'i don kyang gzhan yin no zhes gang brjod pa de gsal ba yin no/ /de'i phyir de ltar rnam pa med pa'i phyogs la dus mnyam par snang pa'i don gsal ba'i don du lhan cig dmigs pa nges pa dang/ rig pa gtan tshigs su brjod pa yin no/ /rnam pa dang bcas pa'i phyogs la ni gzung bzhi rnam par gnas tha dad par mi 'dod de/ de'i phyir rnam pa dang bcas par smras pa la yang/ slob dpon gyis de'i phyir snang don de blo dag /ces bya ba la sogs pas rnam pa med pa'i phyogs sel ba gnyis po 'di nyid ston par 'gyur ro/ /de'i phyir rnam par shes par smra ba'i tshul la 'dzin pa'i rnam par rtog pa'i rang bzhin ni rang rig pa'i sgrub par byed par 'dod de/ rtogs pa'i rang bzhin de las bdag nyid rig pa 'di bdag nyid rig pa'i rang bzhin de'i dngos po rnam par 'jog pa'i phyir ro/ /'di skad brjod pa yin te/ rnam par gzhag 'jog gi dngos po las bsgrub bya dang/ sgrub byed kyi tha snyad yin te/ gang gi phyir rnam par shes pa rtogs pa'i rang bzhin yin pa de'i phyir khyad par can gyi bdag nyid rig pa'i tha snyad du byed pa yin no/ /des na rnam par shes par smra la 'dzin pa'i rnam pa ni bdag nyid rig pa rnam par 'jog pa'i rgyu'i tshad ma yin no/ /phyi rol gyi don la 'dra ba tshad ma yin la/ de yang 'khrul bas tha dad pa nyid du nges pa yin no/ /dga' ba la sogs pa'i rang bzhin du snang ba rig pa'i rang bzhin yang 'bras bu yin pa des na de la tshad ma dang 'bras bu rnam par gzhag par 'gyur gyi/ rnam par shes par smra ba la ni 'bras bu dang tshad ma dag gi rnam par dbye bar mi 'grub po zhe na/ bshad pa dper na 'dod chags la sogs pa rnams kyi 'dis rig pas na tshor ba ste/ tshor par byed pa rtogs pa'i rang bzhin nyid do/ /phyi rol gyi don der ro/ /bdag yul du zhes bya ba ni rang gi rang bzhin yul yin par ro/ /gzhag pa ni rig pa'i mtshan nyid kyi 'bras bur gzhag par bya na'o/ /'di skad brjod pa yin te/ sems dang sems las byung ba rnams kyi rang rig pa'i mngon sum la/ bdag nyid rig par bya ba rig par byed pa rtogs pa'i rang bzhin nyid ni tshad ma/ bdag nyid rtogs par byed pa'i rang bzhin nyid ni 'bras bu yin zhing der tshad ma dang 'bras bu dag tha dad par snang ba yang ma yin pa de bzhin du/ rnam par shes par smra ba la shes pa thams cad la/ gzhal bya dang/ 'jal byed dang/ 'bras bu gnas pa 'di ni kun la sbyar bar bya'o/ /phyi rol gyi don gyi tshul de nyid gsal bar bya ba'i don du bshad pa/ phyi'i don de la 'ang nyams su myong bdag nyid de/ rtags pa'i bdag nyid yin pa'i phyir 'dod chags la sogs pa de dag rang bdag myong bar te/ myong bar byed nus pa yin no/ /gtan tshigs de'i phyir de dag gi rung ba nyid de ni tshad ma/ bdag nyid gzhal bya/ rang rig pa 'bras bu yin pa de bzhin du/ rnam par shes par smra ba la yang ngo/ /yang na de la yang zhes bya ba rnam par shes par smra ba la'o/ /tshigs le'ur byas pa snga mas gzhag pa'i tshigs le'ur byas pa 'dis bstan pa yin gyi/ phyi rol gyi don gyi tshul gsal bar byas pa ni ma yin no/ /rnam par shes par smra ba la tshad ma'i sgra'i rnam grangs bstan pa'i phyir bshad pa/ yongs su gcod pa'i bdag nyid gang yin pa de ni 'dzin pa'i rnam pa zhes brjod cing bsnyad la/ bdag nyid la rung ba zhes kyang brjod pa ni rnam par shes par smra ba la tshad mar brjod pa yin te/ rang bdag nyid rig pa ni tshad ma yin no/ /'dis rig pas rig pa ste/ rtogs pa'i rang bzhin zhes bya ba'i rang bzhin khyad par can gang zhig byed par 'gyur pas rang gi bdag nyid byed par 'gyur ba de nyid rig pa'i sgras brjod do/ /rig pas rig pa zhes de ltar dngos po bsgrub pa'i phyogs yongs su bzung na ni 'bras bu nyid brjod par 'gyur ro/ /slob dpon phyogs kyi glang pos rang gi bdag nyid rig pa tshad ma'o zhes gsungs pa de la/ rig pa'i smra dngos po sgrub par bsam pa nas dogs par 'gyur ro/ /rig pas rig pa ste 'bras bu la brjod pa ma yin nam/ gal te de nyid tshad ma yin la/ 'o na ni 'bras bu dang tshad ma dag tha dad pa med par 'gyur ro/ /zhes dogs pa bzlog pa'i phyir yongs su gcod pa'i phyir bdag nyid kho na tshad ma yin la/ de nyid kyi rang rig par brjod do zhes bshad pa yin no/ /tshig le'ur byas pa snga mas ma bzhag pa rigs pa de thob pa'i don ston pa'i tshigs su bcad pa'i lhan cig dmigs pa dang rig pa dag gis rnam pa med pa'i phyogs la phyi rol gyi don bkag pa nyid do/ /de nyid kyi phyir phyi rol gyi don yod kyang snang ba'i don dang blo dag tha dad pa med par blta bar bya'o/ /'di nyid rnam par 'grel pa ni/ lhan cig dmigs pa dang rig pa dag gis sngon po la sogs pa gzung ba dang de rig pa tha dad pa med par grub par blta'o/ /rig pa na myong ba'i rang bzhin nyid yin la/ lhan cig dmigs pa yang tha dad pa med pa nyid do/ /'di ni 'dir lhag pa'i don gzhan nyid do/ /phan 'dogs pa dang phan gdags pa'i dngos po med pa'i phyir dus gcig tu lhan cig dmigs pa gnyis po dag ni yongs su gcod pa rang yongs su gcad pa med pa nyid do/ /des na ste de'i phyir blo ni tshul gnyis te yul gyi rang bzhin gzung ba dang/ shes pa'i rang bzhin 'dzin pa dag gis gzung ba dang 'dzin pa'i rang bzhin gyis tshul gnyis su grub pa yin no/ /cig shos kyis snang ba shes pa las tha mi dad na phyi rol mi 'grub par rtogs pas ga las shes smra ste/ mngon sum du grub pa de tha dad pa'i dngos po ma yin no zhe na/ 'o na de yod par nges par ji ltar 'gyur zhe na/ slob dpon gzu bor gnas par gyur nas smras pa/ phyi rol ni 'bras bu ldog pa la ste/ dngos po med pa las 'grub ste nges par 'gyur ro/ /dper na rgyu gzhan yod kyang mig gi rnam par shes pa res 'ga' 'gyur ba las mig rjes su dpog la/ de bzhin du nus pa'i rgyu gzhan dbang po dang yid kyi rnam par shes pa'i mtshan nyid yod kyang 'bras bu rtsig pa la sogs par snang ba'i rnam par shes pa med pa'i phyir rgyu gzhan rjes su dpog la rgyu gzhan gang yin pa de yang phyi rol gyi don yin par 'gyur ro/ /gal te rtsod pa 'dir rnam par shes par smra ba 'ga' zhig nye bar len pa ste bag chags yongs su smin pa de nyid ni khyad par yin te/ phyi rol gyi lhan cig byed pa'i rkyen gzhan las khyad par du gyur pa de med pas 'bras bu ldog pa ste/ med par mi smra na ni/ ldog pa'i sgo nas 'gyur ro/ /gal te rigs pa smra ba de yang kho bo cag la smra ba na rang gi phyogs la tshad ma rang cig shos ji ltar smra/ ci zhig byed pa na zhe na/ smras pa shes pa thams cad kyi yul bzlog pa na'o/ /de ltar byed pas tshad ma dang cig shos rnam par bzhag par ji ltar 'gyur zhe na/ smras pa/ bslang pa dang cig shos ste/ tshad ma dang tshad ma ma yin pa nyid ni de dang 'brel pa yin la/ gang zhig thams cad bslad par smra ba des ji ltar bslang pa dang ma bslang pa dang 'brel pa tshad ma dang cig shos rnam par 'jog ste/ mi bzhag pa nyid do/ /gtan tshigs smras pa/ shes pa thams cad nye bar bslad par khyad par med pa'i phyir ro zhe na/ slob dpon gyis de la yang rnam par bzhag pa bstan pa'i phyir smras pa/ nye bar bslad pa'i ma rig pa'i bag chags de mtshams sbyor ba med pa ni rjes su mi sbyor ba ste/ rjes su mthun pa'i 'bras bu byed pa med pa'o/ /de nyid ni skyon te skyon des na shes pa des bcug pa'i tha snyad la yid brtan du med pa ste/ yid ches pa byar med par mthong bas rtogs pa gcig ni tshad ma ma yin par brjod do/ /gal te don dam pa rig pa tha snyad thams cad la yid brtan pa med pa ma yin nam zhe na/ bden te/ mi mkhas pas kyang ste/ tha snyad gang zhig gyis pas kyang yid brtan du med pa des na tshad ma ma yin par rnam par 'jog go / mtshams sbyor ba med pa'i bag chags de ni sngon por snang ba'i blo 'ba' zhig bskyed de/ de'i don byed par snang ba rnam par rig pa'i bag chags rgyas bar mi byed do/ /des na sngon por snang ba'i shes pa 'ba' zhig skyed kyi/ snang ba de'i bsgrub par bya ba'i don du snang ba'i shes pa ni skyed pa ma yin no/ /yang dag pa'i chu'i 'bras bu ni dus ji srid par gos dang lus pa ngas pa'i gnas skabs dang/ de bzhin du dus dang lus la ltos nas dus ji srid khyab kyi bar du grang ba'i reg pa'i gnas skabs dang/ lus rgyas pa dang/ lci ba'i gnas skabs kyi mtshan 'di rang bzhin yongs su 'gyur ba yin na/ de'i gnas skabs su ni bden pa'i chu dang 'brel pa'i don bya ba 'di dag gi rang gi ngo bor 'dzin pa'i rnam par shes pa ma skyes pa des na/ chur snang ba'i rnam par shes pa slu ba yin te/ des na tshad ma ma yin no/ /yang rnam par shes pa gzhan 'khor ba ji srid par zhes bya ba sangs rgyas kyi go 'phang thob kyi bar du mthong ba'i don gyi 'bras bur snang ba'i shes pa'i tshogs mi 'bral bar rjes su 'brel pa gang yin pa de ni tshad mar brjod do zhes 'brel to/ /ci'i phyir 'bras bu'i shes pa dang mi 'bral zhe na/ bag chags brtan pa'i phyir ro/ /chur snang ba'i shes pa'i bag chags ni chur snang ba'i shes pa skyed par byed cing/ chu'i bsgrub par bya bar snang ba'i shes pa'i bag chags kyang rgyas par byed do/ /des na bag chags de las chur snang ba'i shes pa dang/ bag chags yongs su smin pa dang ldan pa'i chu'i 'bras bu snang ba'i shes pa rim gyis skye ba'i phyi ma 'bral bar rjes su 'jug pa yin no/ /yang dper na phyi rol gyi don smra ba la yid kyi rnam par shes pa nyid las yid kyi rnam par shes pa 'ga' zhig skyes pa ni/ 'gag pa'i rnam par shes pa'i rgyud la bag chags gzhag pa de dus mthar phyin pas yongs su smin par byas pa na yang snga ma dang 'dra ba'i rnam par shes pa skyed par byed pa de bzhin du/ rnam par shes par smra ba la yang yin pas pha rol po'i nyes pa'i skabs yod pa ma yin no/ /gal te thams cad mkhyen pa'i mkhyen pa la ltos na/ /shes pa 'di thams cad slu ba yin pa de ltar na yang 'khor ba 'di na thar pa'i snga rol du phyis pa'i skye bos byas pa'i tha snyad gang yin pa de la mi slu ba de la ltos nas tshad ma yin gyi/ sangs rgyas pa nyid kyi gnas skabs la ltos pa ni ma yin no/ /don dam pa'i tshul la ltos nas mi slu ba gang yin pa de tshad mar brjod pa yin gyi/ tha snyad la ltos pas ni ma yin pa yin nam zhe na/ 'di ni tha snyad kyi dgos pa can tha snyad kyi 'bras bu can/ kun tu tha snyad pa'i tshad ma'i rang bzhin te/ mtshan nyid brjod pa yin no/ /des na kun du tha snyad pa'i yul can nyid tshad ma dang tshad ma ma yin pa yin no/ /don dam pa la 'jug pa'i don du tshad ma'i mtshan nyid bshad pa yin gyi/ mi bden pa'i yul can ni ma yin pa ma yin nam/ 'di ltar bdag dang gzhan mi bden pa'i rang bzhin spangs pa dang/ bden pa'i rang bzhin thob par bya ba'i phyir mkhas pa rtsol bar rigs pa yin no zhe na/ 'di la yang zhes smos te/ gal te tha snyad la rab tu sbyor ba'i shes pa 'di la yang 'jig rten rmongs par ma gyur na ni don dam pa'i shes pa 'ba' zhig gi mtshan nyid bshad par rigs pa yin na/ gang gi tshe 'di la yang gzhan dag bdag nyid rmongs shing/ gzhan yang rmongs par byed pa de'i tshe de dag don dam pa'i tshul la 'dug pa'i skabs ga la yod/ don dam pa'i tshul la 'jug par bya ba kho na'i phyir kun tu tha snyad pa'i shes pa bshad pa yin no/ /bsam pa las byung ba zhes bya ba ni tshul 'dis kyang skye bo don dam pa'i tshul la gzhug par nus pa yin no zhes ston pa yin no/ /'di la kun tu tha snyad pa'i tshad ma'i de kho na bshad na rigs pa'i tshul de nyid kyis don sems dpa' la zhugs pa na/ de'i rgyu las byung ba'i shes rab khyad par du 'phags pa'i don snang ba'i blo goms par byas/ 'dris par byas pas rnam par 'khrul pas dben zhing bral ba dri ma med pa ste yongs su dag pa'i phyir phyogs pas na ldog pa ste don dam pa las phyir ldog pa'o/ /de las ldog pa ni ldog pa med pa ste/ phyir mi ldog pa'i zhes bya ba'i don to/ /yang na ldog pa ni skyon yin la/ 'khor bar slar ldog pa yang skyon yin no/ /de gang la med pa de ni ldog pa med pa'o/ /don dam par ni de kho na nyid kyi yul lam dgongs pa dam pa'o/ /de la rab tu sbyor ba ni don dam pa'o/ /mngon du byed pa ni skyed pa'o/ /bsam pa ni 'di yin te/ don dam pa'i tshad ma yang rgyu med par ni ma yin la/ rgyu yang goms pa las gzhan ma yin no/ /goms pa'i yul yang kun tu tha snyad pa'i tshad mas dpyad pa'i don yin pa de'i phyir kun tu tha snyad pa'i tshad ma de yang dag par rtogs pa ni don dam pa pa'i shes pa'i rgyur 'gyur ro/ /de nas de'i yul can gyi 'bad pa ni don dam pa'i yul can nyid do/ /log pa'i shes pas yul du byas pa'i dngos po rtag pa la sogs pa'i rnam par bsgoms pa ni don dam pa'i shes pa'i rgyur mi 'gyur la/ mi rtag pa la sogs pa'i rnam pa bsgoms na ni 'gyur ba nyid yin pa des na/ skye bo de las rmongs pa bzlog nas don dam pa pa'i shes pa las 'jug par bya ba yin te/ rmongs pa 'di'i yul ni rags pa yin pa'i phyir ro/ /don dam pa thob pa yang rmongs pa 'di log pa sngon du 'gro ba can yin pa'i phyir 'di nyid la 'bad par rigs so/ /de'i phyir yang dag yang dag min zhes bya ba la sogs pas rnam par nges pa 'dir ni ji ltar kun tu tha snyad pa'i shes pa'i rim gyis/ don dam pa pa'i shes pa de'i cha ste/ bag tsam zhig bstan pa yin la/ de ci 'dra ba'i tshad ma yin pa de'i yang cha tsam zhig bstan pa yin te/ de ni mngon sum gyi rang bzhin gyi tshad ma yin no/ /gal te don dam pa'i shes pa de ni gzung ba dang 'dzin pa'i rnam pa dang bral ba'am/ don thams cad kyang 'dzin pa yin yang bla ste/ gnyi ga ltar na yang de ni mngon sum nyid yin no/ /tshad ma rnam par nges pa'i 'grel bshad/ slob dpon chos mchog gis sbyar ba las le'u dang po'o// //stong phrag bzhi dang gsum dang bzhi/ /brgya phrag lnga dang drug dang gsum/ /nyi shu gnyis dang sum cu ste/ /de ni gnyis drug gsum bcas so/ /le'u dang po 'di la tshigs su bcad pa bzhi stong lnga brgya nyi shu rtsa gnyis yod do// //mngon sum dang rjes su dpag pa'i bye brag gis tshad ma gnyis su bstan pa las log par rtog pa rnam pa bzhi bsal ba'i sgo nas mngon sum bshad zin nas/ ji ltar bstan pa bzhin du skabs su bab pa bstan par 'dod pa'i rjes su dpag pa bstan par 'dod pa'i rjes su dpag pa'i grangs la log par rtog pa bsal ba'i don du/ rjes dpag rnam gnyis shes gsungs so/ /ji ltar shes pa'i mtshan nyid kyi mngon sum bzhi chang la yang mtshan nyid thun mong ba gcig yod pa de bzhin du/ rjes su dpag pa rnam pa gnyis la ni mtshan nyid gcig yod pa ma yin te/ rang bzhin shin du tha dad pa'i phyir ro/ /de la gcig ni shes pa yin la/ gzhan ni brjod pa yin no/ /rnam pa'i dbye ba brjod na ni rnam pa'i mtshan nyid tha dad par bstan par nus pa yin no/ /de nyid kyi phyir 'dir mtshan nyid tsam bstan na/ khyad par gyi mtshan nyid gcig gam du mar 'gyur ba yin te/ de'i grangs bstan pas ci zhig bya zhes gang brtsad pa de spangs pa yin no/ /'di ltar gsal ba'i khyad par nye bar bstan pa med par ni gsal ba so sor nges pa'i mtshan nyid bstan par mi nus so/ /des na gsal ba'i dbye ba ni bstan par bya ba nyid do/ /rnam pa'i dbye ba yang gsal ba'i dbye ba nyid yin pa des na/ rnam pa'i dbye ba brjod pa ni mtshan nyid rtogs par bya ba'i don kho na yin no/ /'di rang gi ched yin pas na rang gi don la/ gzhan gyi ched du yin pas na gzhan gyi don te/ rang la dgos pa dang gzhan la dgos pa'o/ /rjes su dpag pa gang zhig rgyur gyur pas rang rtogs par 'gyur ba de ni rang gi don te/ shes pa yin no/ /gal te rtogs pa ni shes pa nyid yin pa de lta na yang gcig nyid la yang bya ba dang byed pa las tha dad par bstan pa yin te/ des na rjes su dpag pa ni byed pa yin la/ khong du chud pa'i rang bzhin 'bras bu'i gnas skabs ni rtogs pa yin no/ /gal te skyes bu la nges pa'i tshul gsum pa'i rtags yod pa ma yin gyi/ de las skyes pa'i shes pa yang med la/ tshul gsum pa'i rtags brjod pa yang med pa yin te/ des na rjes su dpag pa gang zhig bdag nyid kyi yin la gzhan gyi ma yin pa 'am/ gzhan gyi yin la bdag nyid kyi ma yin pa de yod dam ci gang/ 'di ltar sgrub kyang res 'ga' smra ba po 'di rtogs par byed pa yin la/ res 'ga' i tshe ni gzhan la sgras rtogs par bya ba yin no/ /de las kyang ci srid du sgra yang gzhan don yin par ma nges pa ma yin nam zhes dogs pa la/ bshad pa/ shes pa dang brjod pa'i go rims bzhin du rang bzhin gang dag yin pa de dag gi ngo bo de rgyur gyur pa'i las/ gzhan de pha rol dang gzhan ma yin pa de nyid de/ gzhan dang gzhan ma yin pa de dag gi rtogs pa'i rgyu mtshan ni rjes su dpag pa de dag ma yin no// des na don 'di yin te/ tshul gsum pa'i rtags las skyes pa'i shes pa gang gi rgyud la skyes pa de ni de'i don de nyid de/ de nas gzhan rtogs pa'i ma yin pa'i phyir ro/ /de'i phyir rang gi don du brjod pa yin gyi/ gang la ltos nas rang gi don du brjod par 'gyur ba shes pa 'ga' yang skyes bu 'ga' la nges pa yod pa ni ma yin no/ /de bzhin du brjod pa'i rang bzhin gyi rjes su dpag pa skyes bu la nges pa yod pa ma yin pa de lta na yang gzhan gyi don nyid yin no/ /'di ltar gang zhig gang gi dbang du byas nas 'jug pa de ni don yin par brjod do/ /sgra ni gzhan gyi dbang du byas nas sbyor ba yin gyi/ bdag nyid kyi ni ma yin gyi/ des na sgra gzhan gyi don du ma nges pa ma yin no/ /gang gi phyir sbyor ba po mngon par 'dod pa'i yul gyi don la sbyor bar byed pa gzhan nyid yin pa'i phyir ro/ /gal te sgra gzhan gyi don yin pa de lta na yang rjes su dpag pa yin pa nyid kyis/ rang gi don las sgra la sogs shig tu brjod pa smra bar ni mi rigs te/ khyad par med pa'i phyir ro/ /de la dgos pa'i mtshan nyid kyi khyad par yod grang na/ de la gang zhig brjod par bya ba'i rtags des bsgrub par bya ba de nyid sgra'i don kyang yin pa'i phyir yul khyad par yod pa ma yin no/ /'di la rang gi ngo bor 'gyur ba'i mtshan nyid kyang cung zad yod pa ma yin no// sgra ni rjod par byed pa tsam yin pa'i phyir 'di la mtshan nyid gzhan ci zhig brjod par bya bar 'gyur/ brjod par bya ba la ltos na ni mtshan nyid brjod par bya bar 'gyur ro/ /tshul gsum pa'i rtags 'chad pa ni gzhan gyi don gyi rjes su dpag pa yin pa'i phyir brjod par bya ba yang rang gi don gyi rjes su dpag pa gang yin pa de nyid 'ba' zhig tu zad do/ /rang gi don gyi rjes su dpag pa ni shes pa'i bdag nyid yin pa'i phyir brjod par nus pa ma yin gyi tshul gsum pa'i rtags nyid bsnyad par bya ba yin no/ /des na brjod par bya ba'i mtshan nyid la yang khyad par yod pa ma yin no zhes pha rol po dogs pa la/ lan du ma yin te zhes gsungs te/ khyad par med pa'i phyir logs shig tu brjod par mi bya'o/ zhes gang smras pa de ni ma yin te/ 'jug pa tha dad pa'i phyir bya ba'i khyad par yod pa'i phyir ro/ /brgyud pas yul khyad par med pa yin yang dngos kyi 'di dag gi bya ba ni tha dad yod pa yin no/ /khyad par de nyid ston par byed de/ don te tshul gsum pa'i rtags brjod pa'i brjod bya rang gi don gyi rjes su dpag pa zhes bya ba ni rtags can bsgrub par bya ba'i don rtogs par byed pa yin la/ bsgrub par bya ba'i don de'i go bar byed pa'i rtags ni tshul gsum pa'i rtags brjod par grags pa'i sgras yin no/ /cig shos ni khyad par 'dis tha dad pa brjod par mi rigs te/ 'di ltar bsgrub bya'i dbye bas rang bzhin gyi gtan tshigs nyid rnam pa du ma yin yang/ de tsam gyis ni gtan tshigs kyi mtshan nyid tha dad par 'gyur ba ma yin no/ /de ltar gyur na rjod par byed pa'i bya ba'i khyad par yod kyang brjod par bya ba'i sgo nas mtshan nyid gzhan brjod par byar med pa'i phyir logs shin tu brjod par mi rigs so/ /'di snyam du tshul gsum pa'i rtags bshad pas ni rtogs par bya ba rtags shes par 'gyur gyi/ tshig shes par mi 'gyur ba ma yin nam de'i phyir tshig gi ni rim pa bstan par bya ba nyid yin no zhes dogs na/ ci ltar mtshan nyid brjod pa nyid kyis tshig gi rim pa yang bstan par 'gyur ba de bstan pa'i phyir go bar byed pa'i mtshan nyid ston par byed de/ du ba dang byas pa la sogs pa'i dngos po gang phyogs sam sgra 'ga' zhig tu mngon sum mam rjes su dpag pa 'ga' zhig gis mthong ba des pa ste/ 'dis na phyogs kyi chos nyid brjod do/ /mthong ba'i du ba la sogs pa dam? dang mi rtag pa la sogs pa bsgrub par bya ba gang dang de'i bdag nyid dang de las byung ba dag gis 'brel pa'o/ /'brel pa shes pa ni de shes pa ste/ rtogs par byed pa'o/ /'dis ni rjes su dpag pa'i dus su gnod par byed pa'i tshad ma'i stobs kyi rjes su 'gro ldog dag nges pa dang/ rjes su dpag pa'i dus su de gnyis dran pa yang bshad par blta'o/ /'di thams cad kyis ni rtogs pa po'i go bar byed pa'i mtshan nyid shes pa dang/ rjes su dpag pa'i dus kyi dran pa bshad pa yin no/ /'brel pa shes shing dran pa bshad pa yin no// 'brel pa shes shing dran pa'i rtags chos can la mthong ba dang ldan pa'i rtogs pa po de la/ 'brel pa'i yul gyi bsgrub bya de/ rtags des gang du mthong ba de nyid du go bar byed pa yin gyi/ chos can gzhan du ni ma yin no zhes da ltar mtshan nyid brjod pa las brjod par bya'i rtags kyi dngos po rtogs te/ des pa yin no/ /de la dngos po de rtogs pa yin na go bar byed pa'i mtshan nyid brjod pas rtogs par 'dod pa'i rjod byed kyi rim pa ste tshul bstan par 'gyur ba yin no/ /'di skad bshad pa yin te/ rang gi bsgrub bya dang 'brel pa shes pa'i don gang du mthong ba der rtogs par byed pa la/ de go bar byed pa yin no zhes de ltar shes pa la/ don 'di gzhan la nye bar ston pa na rang gi bsgrub bya dang 'brel pa dang/ phyogs 'ga' zhig dang 'brel ba'i rang bzhin nye bar bstan par bya ba yin no zhes bya ba'i des pa 'di yang yod pa yin no/ /gzhan du phyin ci log tu brjod na go bar byed pa'i chos rang bzhin des pa'i yul gang yin pa de ma bstan par 'gyur ba'i phyir/ ma bshad par 'gyur pa'i phyir ro/ /ci ltar go bar byed par shes pa de ltar bstan par bya ste/ gzhan du bstan na ni gzhan nyid du bstan par 'gyur ro/ /gal te go bar byed pa'i mtshan nyid brjod pa gzhan la bsgrub par bya ba ma yin nam/ 'di ni 'di ltar brjod par bya'o/ zhes rjod par byed pa'i rim pa mi shes na ci ltar bsgrub par bya zhe na/ 'di ni gang gi phyir gyi don te/ tshig shes pa sgra'i don rig pa ni don nyid nye bar bstan pa la ltos pa yin gyi/ ci ltar rnam pa gang gis shes pa de nyid ni yang rtogs par bya ba'i phyir nye bar bstan pa gzhan te rang gi ngo bo'i yul can gyi nye bar bstan pa las/ gzhan pha rol po dag gis nye bar bstan pa la ltos pa ma yin no/ /de'i phyir tshig shes pa don gyi rang bzhin yongs su shes pa nye bar bstan pa gzhan la ltos par 'gyur gyi/ de'i rjod par byed pa yongs su shes pa ni ma yin no/ /don ni rang gi don gyi rjes su dpag pa'i dus su yongs su bcad pa yin la/ gzhan gyi don gyi rjes su dpag pa de ni rjod par byed pa tsam yin pa'i phyir logs shig tu brjod par bya ba ma yin no zhe na/ slob dpon gyis rjes su brjod pa gsungs pa/ nye bar bstan pa la ltos pa ma yin pa dang/ tshig shes pa la mtshan nyid brjod par bya ba ma yin pa de ltar bden mod kyi 'on kyang ci ltar yang dag pa'i shes pa yang mkhas pa la bstan pa'i don du brtsams pa ma yin gyi/ 'on kyang rang nyid rtog par mi nus pa de dag la yin pa de bzhin du tshig kyang rang nyid brjod par mi nus pa la stong pa yin no/ /'di nyid rjod par byed pa ni brtsams pa gang yin pa ni byis pas rtogs pa'i rgyur yin no/ /yang dag pa'i shes pa ni rtogs par mi nus pa ma yin nam/ sgra don gyi 'brel pa shes pa don shes kyang de rtogs par byed pa'i sgra'i sbyor ba mi shes pa ni yod pa ma yin no zhes dogs pa bzlog pa'i phyir slob dpon gyis mi shes pa ston par mdzad de/ dngos po ji lta ba bzhin du rtags las ma 'das par rtags can gyi don rtogs pa ste/ tshul gsum pa'i rtags du ba las bsgrub bya rtogs pa yin no/ /de ltar rtogs kyang rtags de bzhin du smra ba brjod pa mthong ngo/ /gzhan nyid ston par byed pa ni rtags de'i chos te ngo bo nyid gang yin pa de ma khyab par ma zin pa dang/ ldog pa lhags pa de dag gis shes bya ba de lta bur gyur pa'i mtshan nyid gsum pa yin no/ /gnas pa spong pa dang lhag pa ston pa'i phyir te/ rigs pa can la sogs pa dag rtags de'i chos yod pa btang nas lhag pa dang lhan par smra ba yin no/ /ma khyab pa ston par byed pa ni med na mi 'byung ba de'i bdag nyid dang de las byung ba'i mtshan nyid kyi 'brel pa mi brjod pa'i phyir ma khyab pa brjod pa yin te/ rtags ni med na mi byung bas go bar byed pa yin na/ /lhag pa ston par byed de/ nye bar sdud pa ni nye bar gtod pa'o/ /dpe la nus pa mthong ba'i rtags yang bsgrub bya'i chos can la sdud pa de ni nye bar sdud pa yin no/ /de yang mthun pa'i dpe la ltos nas de bzhin du sgra yang byas pa yin no zhes de ltar bya ba yin te/ des na nye bar gtod pa zhes brjod do/ /nye bar sdom pa ni nye bar gtong pa yin no/ /bsgrub par bya ba'i don bca' ba'i don to/ /de bzlos pa ni mjug bsdu ba'o/ /de yang nus pa mthong pa'i gtan tshigs chos can la nye bar bsdus pa'i bya ba log par rtogs pa bzlog pa'i don du de'i phyir sgra mi rtag go zhes mjug sdud pa'i rang bzhin yin par blta'o/ /'di dag gi brjod pa yang de dag gi sbyor bas tha dad par brjod pa yin no/ / dpe la brten nas med na mi 'byung bar shes pa'i gtan tshigs chos can la sngar bstan pa nyid na chos dang 'brel ba des pa yin te/ de la nye bar gtang pa ci zhig bya/ med na mi 'byung bar tu grub pa'i gtan tshigs ni rang nyid kyi bsgrub par bya ba'i yang 'ga' zhig yod par ston par byed de/ mngon? mi 'byung ba'i phyir ro/ /de la gtan tshigs kyi yul la 'khrul pa med pa'i phyir/ de bzlog pa'i don du mjug bsdu bas kyang cung zad kyang byar med do/ /des na byis pa rtog par bya ba'i don dang/ log par rtogs pa yang mthong ba'i phyir brjod par bya ba'i mtshan tha dad pa med kyang/ sgrub par byed pa'i rim pa bstan pa'i phyir gzhan gyi don du rjes su dpag pa brjod par bya ba nyid yin no/ /de ltar rnam par dbye ba bstan nas mtshan nyid bstan par bya ba'i phyir bshad pa/ de la rang gi don dang gzhan gyi don gyi rjes su dpag bdag gi nang nas/ rang gi don gyi rjes su dpag pa ni/ tshul gsum gang yod pa ni tshul gsum rtags te/ de las lkog tu gyur pa'i don mthong ba ni shes pa ste/ des pa yin no/ / gal te tshul gsum pa'i rtags las rang bdag nyid la yang shes pa skye ba ma yin nam/ mod las lkog tu gyur pa'i don ni smos pa ma byas te/ des na tshul gsum pa'i rtags smos pa nyid kyis de mthong ba rjes su dpag par thal bar ci'i phyir mi 'gyur zhe na/ smras pa/ rtags ni go bar byed pa yin la/ go bar byed pa'i yang bsgrub par bya ba dang 'brel pa shes shing dran pa yin no/ /de nyid kyi phyir dran pas bar du chod pa'i rtags go bar byed pa 'dod pa yin te/ bsgrub bya med na mi 'byung ba dran pas bar du tshod pa'i phyir ro/ /de'i rang gi yul can gyi mthong ba skyes pa'i dus na ni rtags nyid dngos po nyid yin te/ da rung du yang rtags su grub pa ni ma yin no/ /'brel pa mthong zhing dran pas skyes pa'i shes pa gang yin pa de ni shugs kyi rtags kyi shes pa las gzhan nyid du gyur pa'i lkog tu gyur pa'i yul can du gnas so/ /shugs kyis thob pa de nyid ston pa ni rjes su dpag par bya ba rtogs pa de ni rang gi don gyi rjes su dpag pa yin no zhes bya ba yin no/ /de ltar mtshan nyid bstan nas 'bras bu la log par rtogs pa sel bar byed do/ /rjes su dpag pa'i 'bras bu'i rnam par rtog pa ni/ 'bras bu'i khyad par ni mngon sum bzhin du shes par bya ste/ don dang 'dra ba ni tshad ma yin la/ don rtogs pa'i rang bzhin ni 'bras bu yin no/ /yul la log par rtogs pa ni mngon sum gyi yul gtan la dbab pa'i skabs su/ de'i phyir rnam par rtog pa'i yul ni don med pa yin no zhes brjod pas bsal ba yin no/ /'on kyang 'di la rtsod pa 'di yod de/ gal te rjes su dpag pa'i rnam par rtog pa'i gzung ba'i rtags par don yin na 'o na ci ltar tshad ma yin te/ tshad ma ni zhen par byas pa'i yul thob par byed pa las yin na/ gzung ba'i don ni don med pa zhen par byas pa yin te/ de ni thob par nus pa ma yin no/ /ci ste zhen pa'i rang gi mtshan nyid rjes su dpag pa'i thob par bya ba des na tshad ma yin la/ 'on te ci ltar 'khrul pa don med pa'i yul can yin/ 'khrul pa dang tshad ma yin no zhes gnyi ga ltar yang dam bcas pa ni yin no zhes rtsod pa'i yul la log par rtogs pa'i lhag ma bsal pa'i don du/ 'khrul pa dang tshad ma yang bstan pa'i phyir bshad pa/ rjes su dpag pa'i shes pa de ni 'khrul kyang tshad ma nyid ces 'brel to/ /ci ste 'khrul ce na/ de ma yin la de'i rang bzhin ma yin pa la yod pa ma yin pa'i rang bzhin der 'dzin pa'i phyir te/ sgro 'dogs pa'i phyir rjes su dpag pa ni 'khrul pa yin no/ /gal te 'khrul na 'o na ci ltar tshad ma yin zhe na/ bshad pa/ 'brel pa'i phyir te 'brel pa las tshad ma yin no/ /'khrul pa nyid bshad pa'i phyir gsungs pa ni rang gi snang ba ni bdag nyid kyi rnam pa ste/ phyi rol gyi me'i rang bzhin gyi don med pa don du zhen nas 'jug pa'i phyir te 'dzin pa'i phyir ro/ /bdag nyid kyi rang gi ngo bo phyi rol ma yin pa la phyi rol du 'dzin pa yin gyi/ de la phyi rol gyi rang bzhin yod pa nyid ni ma yin te/ de'i phyir don med pa 'dzin pa'i phyir ni 'khrul pa yin yang/ don phyi rol gyi me dang 'brel ba des na don de la mi 'khrul pa yin la/ mi 'khrul pa de'i phyir tshad ma yin no/ /'di ltar bshad pa yin te gzung ba la 'khrul pa yin yang nges par byas pa 'jug pa'i yul dang 'brel ba des na tshad ma yin no/ /rjes su dpag pa phyi rol gyi don dang 'dre la ba de nyid ldog pa'i sgo nas bstan pa'i phyir/ 'di ltar zhes bya ba la sogs pa gsungs so/ /tha mi dad pa'i phyir te ngo bo dang rang bzhin tha mi dad pa'i phyir de med na rang bzhin srid pa ma yin no/ /'bras bu'i bdag nyid sgrub par byed pa ni rgyu yin pa'i phyir de med na med pa yin no/ /ci ltar rgyu med na 'bras bu mi 'byung ba de bzhin du 'bras bu dang rang bzhin de dag med na de las skyes pa 'bras bu dang rang bzhin las skyes pa'i shes pa med pa yin no zhes 'brel to/ /de las skyes pa'i shes pa yang rang gi bsgrub par bya ba la mi 'khrul pa nyid kyi yul can yin gyi/ rtags kyi rang gi mtshan nyid 'dzin pa ni ma yin no/ /du ba 'am byas pa rang gi ngo bos gzung ba ni rtags ma yin gyi/ 'on kyang bsgrub bya med na mi 'byung bar gzung ba yin no/ /de'i phyir rtags bsgrub bya dang 'brel par 'dzin pa ni rtags shes pa yin no/ /de yang ji ltar rtags las skye ba de bzhin du rtags can las kyang skye ba yin te/ de'i phyir 'bras bu dang rang bzhin dag gi med na mi 'byung ba shes pa ni bsgrub bya'i rgyu can du khyad par med pa yin no/ /de las ni rjes su dpag pa'i shes pa skye ba ma yin gyi/ 'on kyang bsgrub par bya ba la mi 'khrul pa nyid dran pa nyid las yin te/ de'i dran pa nyid ni rtags yin no zhes bya ba ni rnam par 'brel pa 'dis dran pas bar du chod pa'i rtags rjes su dpag pa skyed pa la nye bar sbyor ba yin no zhes brjod pa yin no/ /de las skyes pa de nyid bstan pa'i phyir bshad pa de las byung ba'i ngo bo dang rgyu rtogs pa gang yin pa de mi 'byung ngo// de bzhin du mi dmigs pa'i yang rang bzhin 'brel pa bstan pa'i phyir bshad pa/ de bzhin du snang ba ltar rung ba'i dngos po yod na/ de las gzhan ni rgyu ma tshang ba med pa can gyi mthong ba gang yin pa de ldog pa yang rigs pa ma yin te/ dngos po yod pa la zhes bya bar sbyor ro/ /de'i phyir dngos po med pa dang 'brel pa snang ba mi dmigs pa'i rang bzhin gyi mthong ba ldog pa yang/ dngos po med pa'am med pa'i tha snyad kyi tshad ma yin no/ /gal te rjes su dpag pa dngos po thob par byed par 'dod na/ 'o na ni gang gis 'khrul pa med par 'gyur ba'i dngos po snang ba rjes su dpag pa nyid du ci ste mi brjod ce na/ bshad pa/ rjes su dpag pa la snang ba de nyid ni don byed nus pa'i don dang ldan pa ma yin te/ don byed par nus pa de ni mngon sum gyi gzhan du de ltar ma yin par gsal ba'i snang ba mthong ba'i phyir te/ gzung ba'i phyir ro/ /'di skad brjod pa yin te/ dngos po gcig la phan tshun 'gal ba'i rnam pa gnyis yod pa ni ma yin no/ /rnam pa gang yang rung ba gcig 'dzin na ni rjes su dpag pa'i rnam pa dngos por mi 'gyur te/ de las don bya mi 'grub pa'i phyir ro/ /dngos po'i rnam pa ni 'ga' zhig mngon sum gyis yongs su bcad pa de nyid yin te/ de las don bya ba grub pas na bden pa'i phyir ro/ /tshad mar bstan pa'i phyir dngos pa gang zhes bya ba la sogs pa tshigs su bcad pa gnyis brjod do/ /dngos po gang ci lta zhes bya ba ni me la sogs pa'i rnam par 'dzin pa las rtogs par bya ba dang/ rtag pa'i dngos po las bzlog pas rnam par gnas pa'i mi rtag pa nyid do/ /de ni khyad par can zhen pas rtogs par bya ba de 'dra ba'i rtags gang yin pa de'i sems kyi ste/ bsgrub par bya ba la ma 'khrul par 'dzin pa de'i rgyu yin no/ /de las khyad par can gyi zhen pa'i yul gyi rgyu dang rang bzhin de lta bu la rtags can blo rjes su dpag pa'i shes pa rtags kyi sems las skye ba yin no/ /'di ltar gyi sgra ni gang gi phyir don yin la/ de'i phyir zhes kyang smos pa des na 'di ltar 'brel pa yin te/ gang gi phyir rim pa 'dis rtags dang rtags can gyi blo skye ba de'i phyir de ltar brgyud pa yin no/ /brgyud pa de na gnyi ga yang bsgrub par bya ba'i don dang 'brel pa yin no/ /gang gi phyir skye ba'i rim pa 'di yin pa de'i phyir gnyi ga yang brgyud nas bsgrub bya dang 'brel pa yin no/ zhes bya ba'i don to/ /rtags dang rtags can gyi glo yul gyi dngos po dang 'brel pa'i rgyu'i phyir ro/ / dngos po der snang ba gang yin ba des stong yang slu ba nyid ma yin no/ /gang gi phyir 'di dag de ltar skye ba yin pa de'i phyir brgyud nas dngos po dang 'brel pa yin la/ 'brel pa des ni dngos po snang bar stong pa yin yang mi slu ba yin te/ des na tshad ma yin no// gal te ji ltar zhen pa'i dngos po thob par byed pa mi slu ba ma yin nam rtags kyi shes pas des pa ni rtags yin na/ de ci ltar rtags kyi blo bsgrub bya'i don la mi slu ba yin gzhan yang de ltar rtags can gyi blo'i yul la mi slu bar brjod pa'i skabs yin te/ de'i phyir rtags kyi blo mi slu bar brjod pas ci zhig bya zhe na/ de ltar ni mi rigs te/ gang gi phyir bsgrub par bya ba la mi 'khrul par 'dzin pa ni rtags shes par gzung bar bya ba yin la/ de yang ci ltar rtags kyi yul can yin pa de bzhin du rtags srid pa'i rgyu mtshan bsgrub par bya ba'i dngos po'i rgyu mtshan can yin no/ /de'i phyir rtags kyi shes pa ni mi 'khrul pa'i yul bsgrub par bya ba des pa kho na ste/ rtags mi 'khrul par rtogs pa ni de nges pa med na mer pa yin pa'i phyir ro/ /mi 'khrul ba'i shes pa mi bslu ba'i phyir na de sngon du 'gro ba can gyi shes pa yang mi slu ba yin te/ 'di ltar med na mi 'byung bar 'dzin pa 'khrul par gyur na ni/ de sngon du 'gro ba can gyi rjes su dpag par bya ba'i shes pa mi 'khrul bar 'thad pa yin no/ /de'i phyir 'di 'dra ba'i rtags nyid ni rgyu mtshan yin la/ de mi 'khrul pas ni rjes su dpag pa 'khrul pa med pa yin no zhes bstan pa'i don du rtags kyi shes pa yang dngos po la mi slu ba nyid du brjod pa yin no/ /gang gis na rtags nyid dngos por brjod par 'gyur ba rtags kyi dngos po nyid las ni shes pa brgyud nas skyes pa ma yin te/ des na mi 'khrul ba 'dzin pa rtags kyi shes par 'dod pa yin no/ /dngos po nyams su myong ba'i bag chags kyis bskyed pa'i gzung pa'i rnam pa can nyid kyis rnam par rtog pa thams cad dngos po dang 'brel ba yin yang/ dngos po dang 'brel ba'i rtags mthong ba med na mi 'byung ba nyid thun mongs ma yin pa'i dngos po dang 'brel pa 'di ni rjes su dpag pa'i tshad ma'i rgyu mtshan du bshad pa yin no/ /'o na gal te mi slu ba yin na 'khrul pa nyid du ji ltar rnam par bzhag ce na/ de'i phyir bshad pa/ de dngos slu byed nyid min yang/ mi slu ba nyid yin na yang rtags kyi blo de 'khrul par rnam par bzhag pa byas pa yin/ ci ltar 'khrul pa yin zhe na/ de'i ngo bos stong ba'i phyir ro/ /gal te yang sngon po'i shes pa ser pos stong pa de lta na yang 'khrul pa na ma yin te/ se'i por ma zhen pa'i phyir ro/ /rtags rnams kyi shes pa 'di ni me'i rang bzhin gyis stong pa la/ de'i ngo bor zhen pa yin te/ gtan tshigs de'i phyir 'khrul pa nyid du rnam par gzhag pa yin no/ /gal te gang zhig med pa'i ngo bo nyid 'dzin par ni mi slu ba ma yin te/ dper na 'dra ba la sogs pa'i shes pa bzhin no/ /rjes su dpag pa'i shes pa yang 'khrul pa yin te/ des na mi slu ba ma yin no/ /gzhan yang gang zhig ma bzung ba de zhen par byas pa ma yin pa des na de thob par bya ba ma yin te/ dper na ba lang gi shes pas rta bzhin no/ /de bzhin du rang gi mtshan nyid kyang bzung ba ma yin no/ /des na thob par bya ba ma yin no/ /thob par byed pa yin pa'i phyir ni de 'dzin par byed pa yin la/ 'dzin par byed pa yin pa'i phyir ni ma 'khrul pa nyid yin no zhes de ltar dogs pa la lan gdab pa'i phyir/ nor bu sgron ma'i 'od dag la zhes bya ba la sogs pa dpe 'chad do/ /nor bu dang sgron ma'i 'od kyi yul dag la/ nor bu'i blo byed par gyur pas mngon rgyug pa'i skyes bu dag/ log pa'i shes pa ste slu bar khyad par med kyang ngo/ /nor bu'i 'od dang mar me'i 'od la nor bur shes pa gang yin pa de dag log pa'i shes pa slu ba nyid du ni khyad yod pa ma yin te/ gnyi gas kyang zhen par byas pa'i yul mi thob pa'i phyir ro/ /'di ltar sgron ma'i 'od la nor bur shes pa don byed nus pa thob pa'i rgyu mtshan nyid gtan ma yin pa de bzhin du/ nor bu'i 'od la nor bur 'dzin pa ni ma yin te/ 'on kyang 'dir rang gi yul thob par byed pa ma yin yang brgyud pas nor bu dang 'brel pa'i phyir thob par byed pa'i shes pa gzhan gyi rgyu yin pa na nor bu thob pa'i rgyur 'gyur ba yin no/ /des na don byed pa la khyad par yod pa yin no/ /ci ltar 'di dag rang gi yul la slu ba khyad par med kyang don phyed par nus pa thob pa'i rgyu mtshan gyi shes pa'i rgyu mtshan yin pa dang ma yin pas na khyad par yod pa yin te/ gcig rgyud nas nor bu dang 'brel ba'i phyir ro/ /de bzhin du rjes su dpag pa dang der snang ba dag ji bzhin don can ma yin yang/ don med pa can gzung ba'i rnam pa la 'khrul pa yin yang/ rjes su dpag pa ni don byed pa dang rjes su 'brel bas na tshad ma nyid do/ /de la ni ci 'dra bar sgro btags pa byas pa de 'dra ba thob par byed pa yin te/ rtags kyis bar du chod pas dngos po de dang 'brel pa'i phyir ro/ /cig shos ni thob par byed pa ma yin te/ de ni sgro btags pa dang 'dra ba'i phyi rol dang 'brel pa med pa'i phyir ro/ /des na don 'di yin te/ ji snyed don med pa 'dzin par mtshungs pa'i shes pa de thams cad des pa'i don thob par byed pa la yang mtshungs par mi rigs te/ ci ltar nor bu dang sgron ma'i 'od kyi yul dgra la sla ba khyad med kyang rgyud nas 'brel ba dang ma 'brel pa dag gis thob pa'i rgyu mtshan yin pa dang ma yin pa de bzhin du gzung ba'i don la 'khrul par khyad par med kyang 'brel pa dang ma 'brel pa rang gi 'di rjes su dpag pa gcig bu nyid sgro btags pa de 'dra ba dang dngos su thob par byed pa ni tshad ma yin la/ cig shos ni ma yin no/ /de'i phyir gang zhig med pa 'dzin pa de ni med pa 'dzin pa gzhan dag las khyad par med pa yin te/ zhes gang brjod pa de 'dis ma nges pa yin no/ /ma bzung ba gang yin pa de nyid nges pa ma yin no zhes gang brjod pa de yang 'di nyid kyis 'khrul pa dang bcas pa yin te/ 'di ltar nor bur rtogs pa yin gyi bzung ba ni ma yin pa de bzhin du rnam par rtog pas kyang ma bzung ba'i rang gi mtshan nyid nges pa yin no/ /gal te don byed pa mi 'dzin na ji ltar rang gi mtshan nyid nges pa yin zhes bya ba 'di brjod dgos so zhe na/ brjod pa/ shes pa de ni bdag nyid kyi rnam pa la me ma yin pa las ldog pa dang/ yul gzhan dang 'brel pa las ldog pa la mngon par 'dod pa'i yul gyi me'i rang bzhin du sgro 'dogs pa yin no/ /des na ci 'dra ba sgro btags pa rang gi mtshan nyid kyang de 'dra ba nyid yin te/ de'i phyir sgro btags pa'i don nyid des pa na rang gi mtshan nyid nges pa yin gyi/ rang gi mtshan nyid nges pa zhes bya ba sgro btags pa las bya ba gzhan du gyur pa ma yin no/ /rang gi mtshan nyid de yang gang la ji ltar nges pa yod pa de las 'jug pas de thob par byed pa yin pa'i phyir tshad ma yin to/ dper na rtags mthong ba las skyes pa'i shes pa bzhin no/ /shes pa gzhan ni tshad ma ma yin gyi de nyid tshad ma yin no/ /de'i phyir de ltar nor bu'i shes pa slu ba yin yang dngos po dang 'brel pa'i p hyir brgyud pas byas pa'i thob pa'i rgyu'i dngos pos slu par byed pa gzhan dag las khyad par yod pa ci lta ba de lta ba de ltar sog par 'dzin pa nyid du khyad par med kyang rjes su dpag pa ni dngos po dang 'brel pa'i phyir mi slu ba nyid kyis rjes su dpag pa ltar snang ba las khyad par du gyur pa yin no zhes bya ba'i don 'di 'dir 'dod pa yin no/ /gzhan dag nor bu'i 'od la nor bur shes pa ni rjes su dpag par dgongs nas slob dpon gyis nye bar bkod pa yin no zhes zer ba de ni mi rigs te/ gang gi phyir gzung ba'i rnams la phyin ci log pa de ni slu ba nyid yin te/ dper na rjes su dpag la ltar snang ba bzhin no zhes de ltar rjes su dpag pa ma lus pa la bston pa la rjes su dpag pa cung zhig ni grub la gzhan dag ma grub par ci ltar 'gyur/ 'di don med pa 'dzin pa dang mi slu ba nyid du ni gzhan las khyad par yod pa ma yin no/ /ci ltar nor bu'i 'od la nor bur shes pa las nor bu thob pa de bzhin du du ba las skyes pa me shes pa las/ me thob pa 'jig rten na grags pa yin te/ de'i phyir gang gis 'di gzhan gyi dper 'gyur ba 'di rjes su dpag pa gzhan dag las grags pas byas pa'i khyad par yang yod pa ma yin no/ /'di ni slob dpon rjes su dpag par bzheng pa ma yin no/ /gzhan yang 'di ltar rjes su dpag pa ni med na mi 'byung bar nges pa sngon du 'gro ba can yin na/ 'di ni nor bu'i 'od la ni nor bu'i 'od nyid du nges par med/ des na 'di ci ltar rjes su dpag pa yin/ 'di ltar mig ni rang bzhin gyis mi mthong bar don gsal bar byed pa yin la/ sgron ma ni rang bzhin gyis mthong ba na don gsal bar byed pa yin gyi/ 'bras bu ni ngo bo nyid kho nas mthong ngam ma mthong yang rung ste/ lkog tu gyur pa'i don rtogs pa'i rgyu ma yin no/ /des na lkog tu gyur pa rtogs par byed pa ni rjes su 'gro ba dang ldog pa'i rjes su byed pa la ltos pa yin te/ de'i phyir rtags kyi lkog tu gyur pa rtogs pa'i rgyu mtshan ni 'di kho na yin te/ de med na mi 'byung ba nyid nges pa gang yin pa'o/ /de nyid kyi phyir shes par byed pa'i byed pa la tha dad pa yin no/ /'di ltar med na med pa rnam pa thams cad du ma nges par ni du ba ma rtogs par byed pa ma yin gyi/ phyogs 'ga' zhig tu du ba me'i 'bras bu nyid du bzung ba 'di nyid me rtogs par byed pa yin no/ /des na gtan tshigs bsgrub par bya ba dang 'brel pa'i rang bzhin du des na bsgrub par bya ba'i don rtogs par 'gyur ba yin gyi/ go bar byed pa'i dngos po gzhan yod pa ni ma yin no/ /shugs kyis 'di ni me yod do zhes bya bar 'gyur ro zhes bya ba dang/ sgrub byed yan lag ma grub la zhes bya ba dang/ rtags ni rjes su 'gro ba dang ldog pa las ltos pa yin no zhes gang 'chad par 'gyur ro/ /rtags mi 'khrul par 'dzin pa ni rnam pa gnyis te/ gcig ni chos can la mi ltos par khyab pa spyir 'dzin pa yin la/ gzhan ni phyogs kyi chos bzung ba na gzung zin pa nyid kyi mi 'khrul pa gang yin pa dran pa ste/ gsung zin pa'i mi 'khrul ba ma dran na ni bsgrub bya rtogs pa med pa'i phyir ro/ /'di ltar du ba mthong nas 'di ni thams cad du me las skyes pa'i phyir 'dir yang me las skye ba yin na zhes rtogs par byed do/ /thams cad du me las skye ba dran pa gang yin pa 'di ni rtags shes pa yin la/ 'dir yang mes bskyed pa yin no zhes bsgrub bya'i chos la mi 'khrul ba nyid dran pa gang yin pa 'di nyid ni lkog tu gyur pa'i don rtogs pa yin no/ /de yang spyir khyab pa 'dzin pa sngon du 'gro ba can yin no/ /des na 'di skad du rtags shes pa ni rtags can shes pa'i rgyu yin no zhes brjod pa yin te/ spyir mi 'khrul par 'dzin pa ni chos can la mi 'khrul pa dran pa'i yan lag yin no zhes bya ba'i don no/ /'o na 'di snyam du 'di ni gdon mi za bar nor bu 'am nor bu'i 'od yin pa de'i phyir go skabs 'di na nor bu yod pa yin no sam pa'i shes ba skye ba de ci ltar zhe na/ de yang rjes su dpag pa ma yin te/ 'di ltar 'di ni gdon mi za bar lhas? byin nam mchod sbyin yin no zhes shes pa na/ lhas byin yang yod pa dang med par the tshom za bar rig pa yin la mchod sbyin yang yin no/ /gang gi tshe lhas byin yin pa de'i tshe ni mchod sbyin med pa yin la/ gang gi tshe mchod sbyin yin pa de'i tshe lhas byin med pa yin no/ /de bzhin du 'dir yang nor bu dang nor bu'i 'od yod pa dang med par rtags pa yin te/ des na snang pa'i don la nor bu the tshom za la/ nor bu'i 'od du yang the tshom za ba yin no/ /de'i phyir the tshom za ba'i ma grub pa'i gtan tshigs ltar snang ba yin la/ gtan tshigs snang ba las ni don grub pa ma yin no/ /de bzhin du 'di na nor bu yod do snyam pa'i shes pa gang yin pa de yang snang ba'i nor bu'i 'od la nor bur zhen pa na/ zur gcig la phyogs gzhan yod pa'i nor bur nges pa'i phyir 'di nor bu yin nam 'on te yul gzhan na yod ces cha gnyis ka 'dzin pa'i the tshom nyid do/ /'di'i yul ni dngos po dang dngos po med par rtags pa yin la/ de 'dra ba ni 'ga' yang yod pa ma yin na/ gang zhig thob par byed pas shes pa 'di tshad mar 'gyur/ dngos po ni gcig nyid du yod pa 'am med par 'gyur gyi/ rgyu gnyi ga'i bdag nyid ni ma yin no/ /gang gi phyir thob pa'i nor bu ni yod pa nyid du nges pa yin la/ shes pa 'dis ni yod par ma nges par gzung ba yin pa de'i phyir gang zhig des des pa de ni thob pa yin no/ /ma nges pa'i don la ltos nas kyang tshad mar 'gyur pa ni ma yin to/ nges par byas nas 'jug pa na zhes bshad pa dang/ rnam 'grel las kyid bsam pa la slu ba med pa'i phyir tshad ma yin no zhes bshed pa yin no/ /the tshom ni rjes su dpag pa ma yin no/ /'di ni tshad ma gzhan yang ma yin te/ 'di ltar nye bar bstan pa'i 'jug pa'i yul thob par byed pa'i shes pa ni tshad ma yin na/ 'dis bstan pa'i 'jug pa'i yul ni thob par bya ba ma yin no/ /'di ltar 'dis yul gang gis nor bu bsten pa de ni mi thob la/ yul gang thob pa de ni 'dis ma bstan pa yin no/ /yul dang dus dang rnam pa tha dad pa ni 'gal ba'i chos dang 'brel pa'i yin no/ zhes nus pa dang snang ba la sogs pa tha dad pa'i phyir ro zhes bya ba de'i skabs su bshad zin to/ /'gal ba'i chos dang ldan pa'i rgyu mtshan gyis tha dad pa yin te/ de'i phyir nor bu nyid du dpyad? mang gang yul tha dad pa'i phyir na nges pa gzhan yin zhing thob pa yang gzhan yin no/ /gal te cha gzhan la slur zin kyang nor bu nyid la ni bslu ba ma yin no zhes de skad du ni brjod par mi nus te/ gang gi phyir nor bu nyid kho na yul gyi khyad par can du nges pa yin pa'i phyir ro// tshad ma'i 'jug pa'i yul yang shes pa'i bya ba la ltos pa yin gyi 'dod pas byas pa ni ma yin no/ /des na ji ltar smig rgyu la chung shes pa dngos po nyid du mngon par zhen pa yin yang/ de la tshad ma ni ma yin te chung gtogs pa'i dngos po nyid ni ma thob pa'i phyir dang/ gzhan yang ma bzung ba'i phyir ro/ /de de bzhin du yul phyogs kyang khyad par can gyi nor bu shes pa ni tshad ma yin te/ nor bu rkyang pa ma bzung ba'i phyir dang/ phyogs kyi khyad par can du bzung ba yang mi 'thob pa'i phyir ro/ /'o na ni mngon sum gyis kyang skad cig ma ma yin pa cig des la thob par bya ba sngon po'i don ni skad cig ma du ma yin no/ /rjes su dpag pas kyang ci ltar mthong ba ltar skad cig ma ma yin pa gcig nyid nges pa yin la/ thob par bya ba ni gzhan yin no zhe na/ de ltar mi rigs te/ thams cad kyi yod pa nyid ni don byed pa'i rgyu mtshan can yin no/ /don byed par nus pa yang dmigs pa'i dngos po nyid yin te/ des na yod pa ni mthong ba de nyid yin la/ skad cig ma nyid dam rdul phra rab nyid la sogs pa gzhan yang rung ste/ yod pa ni de las tha mi dad pa khas blang bar bya ba yin no/ /des na skad cig ma nyid ni mtho ba'i dngos po nyid yin mod gyi/ 'on kyang de la skad cig ma ma yin pa nyid du nges pa 'ba' zhig tu zad do/ /des na mngon sum gyi gzhan thob pa ni ma yin gyi/ 'on kyang mthong ba'i sngon po nyid skad cig ma'i rang bzhin yin no/ /de bzhin du rjes su dpag pas kyang 'tshed par nus pa'i dngos po zhen par byas la skad cig ma yang de nyid yin to/ de yang thob par nus so/ /skad cig ma nyid du nges pa ni tshad ma gzhan gyis yin gyi/ de'i rang bzhin ni sngon po la sogs pa de nyid yin no/ /de bzhin du yul gzhan na gnas pa'i nor bu ni yul gzhan na gnas pa'i rang bzhin du rnam par gnas par bsgrub par nus pa ma yin no/ /de'i phyir rang bzhin gzhan gzung ba na de'i khongs su ma gtogs pa'i rang bzhin gzung ba ma yin pa'i phyir yul gzhan na gnas pa'i nor bu 'dzin pa'i yul gzhan na gnas pa'i nor bu yongs su gcod par byed pa ma yin pas de la tshad ma ma yin no/ /de'i phyir nges pa'i don ni 'di yin te/ gal te nges pas yul du byas pa'i dngos po'i cha thams cad ma thob pa de ltar na yang mthong ba las gzhan thob pa ni ma yin no/ /'di ltar 'gal bas nges pa'i cha las phyi rol du gyur pa'i rang bzhin gang yin pa de'i shes pa yongs su gcod par byed pa ma yin te/ dper na sngon por 'dzin pa'i ser po yongs su bcod par byod pa ma yin pa bzhin no/ /de bzhin du yul gzhan na gnas pa'i nor bu'i rang bzhin yang mthong ba'i rang bzhin dang 'gal ba yin no/ /nges par ma byas pa nyid kyang tshad ma'i yul ma yin no/ /gal te skad cig ma nyid kyang sngon po'i shes pas ma nges pa ma yin nam/ de'i phyir de ji ltar yul yin zhe na/ skad cig ma nyid ma nges kyang sngon po'i yul yin par ni mi smra'i/ 'di tsam zhig ni smra ste/ skad cig ma nyid ni mthong ba'i sngon po las gzhan ma yin no/ /des na gzhan thob pa ni ma yin gyi/ 'on kyang mthong ba'i sngon po kho na thob ste/ de la nges par byas pas skad cig ma ma yin pa'i cha gzhan ni thob par bya ba ma yin no/ /'dir ni mthong ba'i tshe nyid thob pa ma yin te/ yul gzhan gnas pa nyid mthong na yul gzhan na gnas pa 'gal bas med pa'i phyir ro/ /gal te lta na mngon sum gyis mthar pa'i sngon po ni rags pa yin la/ thob pa ni phra mo yin no/ /rags pa dang phra ba dag kyang 'gal lo zhe na/ de yang mi rigs te/ dngos po gcig nyid ni phra ba dang phra ba ma yin pa 'gal ba yin te/ 'gal ba ni gzhi gcig la yin pa'i phyir ro/ /gang gi tshe gcig gi rang bzhin ni phra mo yin la/ du ma ni rags pa yin pa de'i tshe 'gal ba 'ga' yang med do/ /'di ltar skad cig ma nyid ni snga phyi dang bral ba yin la/ mang po'i snga phyi can du snang ba de bzhin du/ rdul phra rab gcig ni phra mo yin la mang po ni rags pa yin no/ /gal te gcig tu sngon po yin na mang po yang sngon po nyid yin pa de bzhin du rdul phra rab gcig phra mo yin na mang po yang phra mor 'gyur ro zhe na/ bden te/ rang rang gi ngo bos phra ba mang po rnams kyi mang po'i rang bzhin mthong ba na rags par snang ba yin no/ /'ga' zhig ni dngos po'i chos yin te/ sngon po nyid ces bya bar mang po las yang khyad par med pa yin no/ / 'ga' zhig ni 'dzin pa'i chos yin te/ gzung bar bya ba med po nyid la snang ba gang yin pa'o/ /skad cig gcig gzung ba ni snga phyed yongs su ma bcad na/ mang po gzung ba la snga phyir yongs su bcad pa yin no/ /chos de ni mang po ngag shes pa gcig gis gzung ba na snang ba'i phyir 'dzin pa'i chos su brjod kyi gzung ba'i chos ni ma yin no/ /de bzhin du rdul phra rab gcig gzung ba la ni rags par mi snang la/ mang po yul tha dad pa can shes pa gcig gis gzung na du ma'i rang bzhin 'dzin pa'i mthar thug pa rags par snang bar 'gyur te/ mang po rnams shes pa gcig la snang ba 'brel pa nyid rags pa yin no/ /de nyid kyi phyir de ni so so la yod pa ma yin no/ /'di ni brtags pa yang ma yin gyi/ 'on kyang dbang po'i shes pa las brten pa dang brtags par yod pa yin te/ mang po rnams gcig gis gzung ba na snang ba'i phyir dang/ so so ba la med pa'i phyir ro/ /de'i phyir 'di ni phra mo mang po shes pa gcig gi yul du gyur pa'i rang bzhin yin no/ /de la yang rdul phra rab kyi rang bzhin 'gal ba med pa'i phyir 'di tshad mar rigs pa yin no/ /mthong ba'i sngon po ni rdul phra rab du ma'i rang bzhin gyi rags pa nyid yin no/ /de'i phyir da ltar chu mthong ba smig rgyu'i rang gi mtshan nyid mthong ba na/ rnam par 'byed par byed mi nus pa la chos mthun pa'i rgyu mtshan can gyi chur 'khrul pa skye ba de bzhin du nor bu mthong bas bu ga na gnas pa'i 'od zlum po gzung ba na/ chos mthun pa'i rgyu mtshan can gnyi ga'i rang gi mtshan nyid 'dzin pa la rag las ba can yid kyis 'khrul pa 'dir 'gyur ba yin no/ /'on kyang 'dir yul gang la skyes pa de nor bu dang 'brel pa'i phyir/ dngos po dang 'brel pas nor bu thob pa'i rgyu mtshan gyi shes pa gzhan gyi rgyur 'gyur ba na brgyud pas byas pa'i rgyu nyid kyis na/ cig shos sgron ma'i 'od la nor bu 'dzin pa las khyad par yod pa 'ba' zhig tu zad kyi/ rang gi yul la ltos na ni gzhan las khyad par yod pa ma yin pa'i phyir bshad pa snga ma nyid skyon med pa yin no/ /gal te rjes su dpag pa rang gi mtshan nyid snang ba ma yin na/ 'o na 'di de la tshad med ci ltar 'gyur 'dis gzung ba sgro btags pa 'am yod pa'i spyi 'dzin pa'i bya ba'i yul du gyur pa gang yin pa de nyid la 'di mngon sum bzhin du tshad ma yin par rigs so zhe na/ de nyid kyi phyir zhes smos te/ gang gi phyir zhe na/ don byed pa dang rjes su 'brel ba'i phyir ro/ /dngos po ni don byed nus pa yin no/ /don byed pa dang rjes su 'brel pa'i phyir tshad ma 'di'i yul ni dngos po yin gyi/ gzung ba tsam ni ma yin no/ /yang ci'i phyir gzung ba la ltos nas de tshad ma ma yin gyi/ 'on kyang don byed par nus pa'i yul can yin zhe na/ bshad pa/ tshad ma la sogs pa dpyod pa gang yin pa de ni don du gnyer bar bya ba sreg pa la sogs pa byed pa bsgrub pa der rung ba'i yul can te/ yul gang la yod pa'o/ /'di la don byed du gnyer bas me la sogs pa don du gnyer ba tsam gyis bsgrub bya yin par ni ma mthong ste/ de bsgrub par nus pa don du gnyer ba na tshad ma'am gzhan dpyod pa yin no/ /de'i phyir shes pa'i rang bzhin gang zhig skyes bu'i don sgrub par byed pa rnam par dpyod pa'i yan lag tu gyur pa de ni tshad mar brjod pa yin no/ /gang gis gzung ba tsam gyi yul can tshad mar 'gyur ba gzung ba tsam ston pa ni skyes bu'i don sgrub par byed pa ma yin gyi/ 'on kyang 'jug pa'i yul rang gi mtshan nyid ston par byed pa'i mi slu ba yin na/ /des na dngos po'i yul can de nyid tshad ma yin no/ /gal te dpyod pa don byed par rung ba'i yul can yin na/ 'o na na ni rtogs pa dang ldan pas shes pa dpyad par mi bya ste/ de ni phyi rol gyi don bsgrub par bya ba'i don byed pa sgrub par byed pa ma yin pa'i phyir ro zhes dogs pa la/ ji ltar don byed pa don du gnyer bas de dpyad par bya ba dang/ ji ltar don byed pa'i yan lag tu 'gyur ba de gnyi ga 'jug pa gcig gis bstan pa'i phyir/ rtog pa sngon du gtong ba zhes smos so// bde ba dang sdug bsngal smos pas ni 'dod pa dang mi 'dod pa'i mtshon pa ste/ 'bras bu'i mtshan nyid ni 'dod pa yin pa'i phyir ro/ /'dod pa dang mi 'dod pa'i bsgrub pa'i byed pa gang yin pa de bsgrub par te/ nan tan du bya bar 'dod pas so ci ltar bsgrub par 'dod ce na/ ci ltar 'os bar re/ /bsgrub pa ni rnam pa gnyis te/ spong pa'i bdag nyid dang len pa'i rang bzhin no/ /de la dang po ni sdug bsngal gyi sgrub par byed pa yin la/ gzhan ni bde ba bsgrub pa yin no/ /'di ltar dngos po yod pa tsam gyis ni rang gis bsgrub par bya ba'i don bya ba mi byed kyi 'on kyang thob pas yin no/ /de'i phyir don du gnyer bas 'dod pa bsgrub pa thob par bya ba dang/ cig shos spang bar bya ba yin no/ /'jug pa las ji ltar 'os par bsgrub par nus pa yang shes pas bstan pa yin no/ /de smras pa ni shes nas shes bya ba yin no/ /de'i phyir ji ltar don gu gnyer pa don du byed pa bsgrubs pas don gu gnyer bar byed pa de bzhin du de ston par byed pa'i shes pas kyang yin no/ /log pa'i shes pas zhugs pa las ni mngon par 'dod pa'i cung zad 'grub pa ni med de/ /des na ji ltar bde ba bsgrub pa len cing gzhan spong ba de bzhin du de dag rab tu ston pa'i mi slu ba ni blang bar bya ba yin la gzhan ni spang bar bya ba yin no/ /des na don byed pa don du gnyer ba 'jug pa'i yul gyi dngos po ston pa mi slu ba blang bar bya ba dang/ gzhan spangs pa'i don du rtog pa yin no/ /bde ba dang sdug bsngal gyi/ sgrub par byed pa sngar shes pa dang rjes su mthun par bsgrub par 'dod pa yin gyi/ zhen pas ni ma yin no/ /zhen pa ni don med pa la chags pa yin la rtog pa dang ldan pa'i 'jug pa ni dgos pa dang ldan pas yin gyi chags pas ni ma yin no/ /de'i phyir nus pa med pa gzung bar bya ba tsam rab tu ston pa brgyud pas kyang don byed pa'i yan lag ma yin pa don du gnyid bar brtag par ji ltar 'gyur/ 'jug pa'i yul ni mi slu ba'i rab tu ston par byed pa ni brgyud nas don byed pa'i yan lag tu 'gyur pa yin no/ /'di ltar shes pa las ni 'jug pa yin la de las ni don sgrub par byed pa bsgrub pa nyams su len pa dang mthun par 'gyur zhing de las don grub pa yin te/ de'i phyir don gyi sgrub par byed pa rab tu ston pa'i shes pa'i ngo bo don byed pa'i yan lag yin no/ /gang cung zhig don du gnyer bas rnam par dpyad par bya ba de thams cad ni dngos su don byed pa'i yan lag ma yin te/ dngos su don byed pa ni skad cig ma nyid kyis dpyod pa 'jug pa'i sngar don byas pa'i phyir ro/ /de'i phyir brgyud pas kyang don byed pa'i yan lag tu gyur pa dpyad par bya ba shes pa'i rang bzhin don byed nus pa rab tu ston pa de nyid bstan bcos su dpyad pa yin no/ /gal te dngos po nyid du nges pa'i phyir rjes su dpag pas gzung bar bya ba de nyid dngos po ma yin nam zhe na/ rjes su dpag pa'i snang ba zhes gsungs so/ /gang zhig don nyid du nges pa ji ltar don ma yin zhe na/ don sgrub par byed pa zhes smos so/ /don nyid du nges pa'i snang ba de don las skyes pa'i phyir don du 'gyur te/ dper na mngon sum gyi snang ba lta bu 'am/ de nyid don bya ba byed pas don du 'gyur grang na re shig don las skyes pa'i phyir ni don ma yin te/ de'i 'bras bu nyid med pa'i phyir ro/ /de bshad pa ni/ don byed nus pa'i dngos po 'gags kyang rjes su dpag pa'i snang ba mi 'gag pa'i phyir ro/ /rang nyid don byed pa ma yin no/ /zhes 'chad pa ni de las sreg pa la sogs pa'i don cung zad 'grub pa med pa'i phyir ro/ /gal te shos pa'i rang bzhin nyid kyi snang ba'i don nyid yin yang/ ji ltar me'i rang bzhin du nges pa de ltar don bya ba cung zad kyang sgrub par byed pa ma yin no/ /bshad ma thag pa'i gtan tshogs gnyis po de nyid kyi phyir yod kyang yod pa'i spyi'i don ma yin no zhes zhes 'brel te/ don ma yin te me ma yin no zhes bya ba'i don te/ brjod par bya ba ma yin pa'i phyir zhes 'chad par 'gyur pas re shig spyi yod pa ni ma yin mod kyi/ 'on kyang de ni yod du chug kyang de ni ma yin no zhes bya ba ni kyang gi sgra'i don yin no/ /de ni dngos po log kyang gnas pa dang sreg pa la sogs pa'i mtshan nyid kyi don cung zad kyang de las 'grub pa med pa yin no/ /ci'i phyir yod pa nyid yin zhe na/ rang gi shes pa skyed pa'i phyir ro/ /me'i bsgrub par bya ba byed pa ni ma yin te/ des na mi rjes su dpag pa ni spyi yod pa'i yul can du yang mi rigs so zhes brjod par 'gyur ro/ /des na zhes bya ba ni gang gi phyir rjes su dpag pa'i snang ba ni don ma yin la/ rtogs pa dang ldan pa'i spyod pa ni dngos po'i yul can yin pa de'i phyir don byed nus pa'i dngos po'i rang bzhin la mi bslu ba ji ltar bstan pa bzhin du thob par byed pa gang yin pa de nyid ni rjes su dpag pa 'di'i yang tshad ma yin gyi mngon sum 'ba' zhig gi yin par ni ma zad do zhes bya ba ni yang gi sgra yin no/ / 'di ni tshad ma gnyi ga dngos po'i yul can zhes bya bar bkral ba yin no/ /dpyod pa ni don byed par rung ba'i yul can yin pa'i phyir zhes bya ba'i gtan tshigs 'di ni mngon sum dang rjes su dpag pa'i tshad ma dngos po'i yul can du sgrub par byed pa yin no/ /de nyid kyi phyir 'di dag ni tshad ma dngos po'i yul can gyi rgyu mtshan can du mtshungs par bstan pa'i phyir gnyi ga zhes gsungs so/ /de lta ma yin na rjes su dpag pa'i yul dpyad pa na mngon sum nye bar bkod pa mi rigs par 'gyur ro/ /de ni rjes su dpag pa'i nges pa'i gtan tshigs 'chad de dngos po de dang 'brel pa'i dngos po 'brel ba des pa gang yin pa de nyid rtags yin no/ /gzhan ni go bar byed pa ma yin pa de'i phyir rtags smos so/ /rtags de la ltos pa'i phyir na rjes su dpag pa'i tshad ma ni dngos po'i yul can yin no/ /'brel pa gtan la phebs pa'i rang gi mtshan nyid med na mi 'byung ba nges par rtogs pa med na mi 'byung ba gnyis pa rtogs pa ni rjes su dpag pa yin te/ des na de'i bdag nyid dang de las byung bdag gis rtags gang du 'brel ba srid pa de nyid rjes su dpag par nges par byas pa ni rjes su dpag pa'i shes pa'i yul yin no/ /don gang rtogs pa de nyid rtogs pa'i yul yin te/ rnam 'grel las/ des pa rnams kyi ma nges gang/ de ni ji ltar de dag yul/ /zhes gang bshad pa yin no/ /rtogs pa'i don yang mthong ba'i rtags dang 'brel pa can yin te/ de'i phyir de nyid yul yin no/ /gang gis ma rtogs pa yang tshad ma'i yul du 'gyur ba rtogs pa'i sgo nas 'jug pa'i yul ston pa las tshad ma'i bya ba gzhan ni yod pa ma yin no/ /don 'di ni 'di dag gis don yongs su bcad nas zhes bya ba de nyid du gtan la thob zin to/ /mthong ba'i dngos po dang 'brel pa can rtogs pa'i don de yang rang gi mtshan nyid de kho na yin te/ kun brtags pa'i ngo bo ni rang gi mtshan nyid gzhan dag gis rang bzhin nam rgyur 'gyur ba ma yin no/ /de nyid kyi phyir gal te yang de dang 'brel ba'i dngos po'i rang gi ngo bo nyid rtags yin mod kyi/ 'on kyang de dang 'brel pa'i dngos po'i rang bzhin smos pas khyad par du byas pa ni rang gi ngo bos sam sgro btags pas kyang rung ste/ shes pa'i snang ba ni 'di 'dra ba'i dngos po'i rtags kyi 'brel pa can du rnam pa ji ltar yang mi 'thad pa de'i phyir 'di'i tshad ma'i yul ni rtogs par gyur pa rang dang 'brel pa can gyi dngos po gang yin pa de yin no zhes ci nas kyang shes par bya ba'i ched du yin no/ /des na snang ba'i rang gi mtshan nyid la ltos nas/ /med na med pa rtogs pa'i phyir rjes su dpag pa'i tshad ma'i yul ni rtogs pa'i rang gi mtshan nyid yin no zhes bshad pa yin no/ /gal te mngon sum dang rjes su dpag pa dag gi yul rang gi mtshan nyid gcig nyid yin na/ 'o na slob dpon gyis ji ltar mngon sum dang rjes su dpag pa dag yul tha dad par gsungs zhe na/ bshad pa/ snang ba rnam pa tha dad pas na bzung ba'i dngos po gcig la don byed par nus pa la 'khrul ba dang mi 'khrul pa can gsal bar snang ba dang mi gsal bar snang ba rnam pa 'gal ba gnyis po de mi 'thad pa'i phyir na med pa'i phyir na'o/ /gsal ba dang mi gsal bdag gis tha dad pa'i snang ba ni dngos po gcig la mi ldan pa ma yin te/ thag nye ring gi bye brag gis dngos po gcig la yang rnam pa tha dad par mthong ba'i phyir ro/ /'on kyang don byed par nus pa la mi 'khrul pa'i rnam pa gsal ba dang nus pa la 'khrul pa'i mi gsal ba'i rnam pa gang yin pa de dag ni tha dad par byed pa nyid de/ des na de lta bur gyur pa dag gcig la mi 'thad pa yin no/ /de nyid rnam par 'grel par bshad pa ni/ phan tshun rnam pa mi mthun ba de dag ni gcig par 'thad pa ma yin no zhes bya ba yin no/ /de'i phyir dmigs pa nyid ni yul te/ de tha dad pa na slob dpon phyogs kyi glang pos tshad ma'i yul tha dad du bshad kyi tshad ma'i bya ba 'jug pa'i yul rab tu ston pa zhes bya ba gang yin pa'i bya ba de'i yul tha dad pas las ni ma yin no/ /shes pa rnams kyi yul ni rnam pa gnyis te/ gzung ba dang zhen pa'o/ /rnam par rtog pas ni sgro btags pa'i rang bzhin 'dzin cing de dang 'dra ba'i rang gi mtshan nyid ni nges par byed pa yin no/ /dbang po'i shes pas skad cig ma 'dzin cing de'i stobs kyis skyes pa'i des pa ni skad cig ma de'i cha shas rgyun mthong ngo snyam du nges pa yin no/ /de la gzung ba yul ba'i tha dad kyi 'jug pa'i yul ni ma yin te/ gnyi gas kyang der zhe na pas rang gi mtshan nyid kho na la 'jug pa'i phyir ro/ /de nyid kyi phyir mngon sum gyi bzung ba'i yul gang yin pa de ni thob par bya ba ma yin te/ skad cig ma de ni thob par mi nus pa'i phyir ro/ /'on kyang mngon sum gyi stobs las skyes pa'i nges pa'i gzung ba'i skad cig ma gang yin pa de'i rgyun yul du byed la/ de yang nges par byas pa'i don yin pa des na mngon sum dang rjes su dpag pa dag gis zhen par bya ba'i 'jug pa'i yul khyad par med pa yin no// des na mngon sum bzhin du rjes su dpag pa yang gzung ba'i yul can du rigs so/ zhes gang smras pa de bsal ba yin no/ /gang gi phyir mngon sum gyi chad ma'i yul yang gzung ba'i skad cig nyid ni ma yin gyi/ 'on kyang zhen pa yin no/ / gal te tha dad pa ni dngos po'i yul can ma yin nam/ rjes su dpag pa'i gzung ba'i don ni sgro btags pa yin pas de la tha dad pa ga la yod ce na/ tha dad ces bya ba yang zhes smos so/ /tha dad pa'i sgras ni gnyi ga'i gzung ba'i don gcig yin par mi 'thad do/ /zhes rjes su dpag pa'i yul 'di tha mi dad pa yin pa bkag pa nyid byed pa yin gyi/ don dam pa'i yul tha dad pa yin par ni rjod pa ma yin no/ /des na tha dad pa'i tshig ni 'dir tha mi dad pa 'gog pa lhur byed pa yin gyi du ma nyid las bsgrub pa ni ma yin no/ /yang ci'i phyir yul du ma nyid du mi brjod ce na/ smras pa/ rjes su dpag pa nyid rnam par rtog pa ste/ de ni yul med pa can nyid yin pa'i phyir ro/ /gal te yul zhig yod na ni tha dad 'am tha mi dad par 'gyur ba zhig na de ni yod pa ma yin te/ rnam par rtog pa rnams ni yul med pa can nyid yin pa'i phyir ro/ /ci ltar yul med pa can nyid yin zhe na/ bshad pa/ rnam par rtog pa de'i snang ba gang yin pa de ni gang zhig rang gi yul du 'dod pa de'i rjes su 'gro ba dang ldog pa'i rjes su mi byed pa'i rgyu'i phyir ro/ /bdag nyid du gyur pa ma yin pa me la sogs pa rjes su dpag pas nges pa gang yin pa de de'i yul du 'gyur pa yin zhing de yang phyi rol du 'dod pa yin no/ /rjes su dpag pa'i snang ba ni phyi rol yod pa dang med pa'i rjes su byed pa ma yin te/ de'i phyir dngos po des pa ma yin pas dngos po med pa'i yul can yin pa'i phyir rnam par rtog pa'i shes pa ni yul med pa can yin no/ /gang zhig gzung ba'i yul dngos po yod pa yin pa de'i snang ba ni mngon par 'dod pa'i yul gyi rjes su 'gro ba dang ldog pa'i rjes su byed par 'gyur ba yin te/ dper na mngon sum bzhin no/ /'di ni de lta ma yin pa des na yul med pa can nyid do/ /'di snyam du rnam par rtog pa'i snang ba gsal ba'i rjes su 'gro ba dang ldog pa'i rjes su mi byed pa yin gyi/ rtag pa yin pa'i phyir gsal ba la brten ba'i spyil ni 'khrul pa yod pa ma yin no/ /da yang gsal ba dang 'dra ba yin pa'i phyir gsal ba'i rang bzhin lta bur nges par gzung bar 'gyur ba yin pa des na de yul du 'gyur ro zhe na/ bshad pa/ spyi yang dngos po las gzhan du tha dad par brjod par mi nus pa'i phyir yul med pa can nyid do/ /gal te spyi gsal ba las tha dad pa bsgrub par nus na ni gsal ba yul ma yin na spyi yul du 'gyur ba zhig yin na mi nus pa de'i phyir spyi'i yul can ni yul med pa can du grub pa yin no/ /gang yang rjes su dpag pa'i snang ba'i spyi ni yod kyang don ma yin te/ me ma yin no zhes bshad pa de tsam gyis ni rjes su dpag pa'i yul med par brjod pa ma yin te/ snang ba'i spyi ni yod kyang me'i rang bzhin gyi don ma yin no/ /rang gi ngo bos ni don yin la/ gzung bar bya ba yang de nyid yin gyi gzhan ni ma yin pa des na rjes su dpag pa'i yul yod par 'gyur ro/ /de'i phyir 'di brjod pa yin te rang gi snang ba ni don ma yin te/ phyi rol du rtogs pa don yin pa'i phyir ro/ /phyi rol yang ma yin te/ de'i rjes su 'gro ldog gi rjes su mi byed pa'i phyir ro/ /spyi ni ma yin te/ de med pa'i phyir ro/ /des na rjes su dpag pa ni yul med pa can nyid do/ /gnyi ga'i zhes bya ba ni mngon sum dang rjes su dpag pa dag gi tshad ma gang yin pa de'i yul dngos po'i rang gi mtshan nyid yin pa de'i rjes su dpag pa'i bdag nyid kyi rtags las ni spyi rtogs la/ gzhan mngon sum las ni rang gi mtshan nyid yin zhes ci ste brjod/ /'di ltar gnyi gas kyang zhen par bya ba dang thob par bya ba ni rang gi mtshan nyid kho na yin la/ /'di dag gi tshad ma yang zhen par byas pa thob par bya ba la ltos pa yin no zhe na/ 'dir ci ltar rang gi mtshan nyid kho na spyir brjod pa de ltar bstan pa'i don du bshad pa/ /mngon par 'dod pa'i dgos pa bsgrub pa'i rang bzhin de gang la med pa de ni de min rang bzhin no/ /de las ldog pa ni tha dad pa'o/ /de nyid ni dngos po tsam mo/ /de rab tu grub pa ni nye bar 'jog pa ste/ rgyu de'i phyir rtags gang la spyi'i yul yod pa de ni de skad du bshad do/ /gal te rtags kyi de ma yin pa'i rang bzhin las log pa'i dngos po nye bar 'jog par byed pa de lta na yang/ de ma yin pa'i rang bzhin las log pa de nyid dngos po'i rang gi mtshan nyid khyad par nyid yin pa de'i phyir ci ltar spyi'i yul can du brjod ce na/ bshad pa/ khyad par tha dad pa gnas pa med pa'i phyir ro/ /de so sor nges par mi gnas pa'i phyir ro/ /'di skad brjod pa yin te 'dir rang gi mtshan nyid nye bar 'jog pa la mi byed pa ni ma yin te/ 'on kyang gang zhig de'i so sor nges pa'i rang gi mtshan nyid kyi rang bzhin gcig pu de des pa khong du chud par mi nus pa yin te/ /'di'i don phyed par rung ba'i de kho na de'i rang bzhin yin gyi/ gzhan ni ma yin no zhes rang bzhin gzhan yongs su spangs nas so sor des pa'i rang bzhin ma nges pa'i phyir byed par gnas pa med pa yin no/ /gang yang de'i don byed par rung ba'i don gyi rang bzhin de ni khyad par thams cad la khyad par yod pa ma yin te/ des na rung ba'i rang bzhin 'dzin pa'i phyir rjes su dpag pa'i yul rang gi mtshan nyid yin no/ /gang yang de ni 'di 'dra ba kho na yin gyi gzhan du ni ma yin no zhes gcig gi rung ba'i rang bzhin de des par nus pa ma yin no/ /khyad par ma nges pa'i rung ba 'dzin pa'i de'i rung gi mtshan nyid gang yin pa de spyi lta bu dang thun mong ba lta bu rjes su dpag pas rnam par 'jog par byed pa'i phyir rjes su dpag pa spyi'i yul can yin gyi thun mong pa'i rang bzhin gcig rtogs pa'i phyir ni ma yin no/ /de nyid kyi phyir dang po kho nar de ma yin pa'i rang bzhin las ldog pa'i dngos po tsam rtogs pa yin no zhes bshad pa yin no/ /'di ltar 'di'i rang bzhin zhes bsgrub pa'i tshul du bstan na ni khyad par can gyi rang bzhin yang nye bar 'jog par byed pa yin no zhes bya bar 'gyur ro/ /de'i rang bzhin ma yin pa las ldog pa'i ngo bo ni thams cad la khyad par med pa yin pa'i phyir de'i sgo nas spyi'i yul can du bshad do/ /de nyid rnam par 'grel par bshad pa ni/ gang gi phyir btso ba dang bsreg pa la sogs pa'i dgos pa gang dang ldan pa'i don de dag shes par 'dod pa'i don byed pa don du gnyer ba la de las bzlog pa phyin ci log tu gyur pa'i don de las tha dad pa dang ldan pa'i don tsam zhig rtags kyi nye bar 'jog par byed de/ ston par byed pa'i phyir ro/ /de'i phyir 'di'i yul ni spyi yin no/ /'di skad bshad pa yin te/ mang po rnams kyi rang bzhin thun mong gang yin pa de des nye bar 'jog pa ni ma yin gyi/ /'on kyang rtags kyi thun mong ma yin pa'i rang bzhin gcig nyid nges par 'jog mi nus pa des na spyi'i yul yin no/ /spyi'i don khyad par med pa'i don yin gyi/ /thun mong gi ni don ma yin no zhes bya ba'i tha tshig go / 'di nyid ston par phyed pa ni don rtogs de las tha dad pa khyad par gnas pa med pa'i phyir te/ mi rtogs pa'i phyir ro/ /dngos po dang gi mtshan nyid yod pa ni rang gi ngo bos te/ /de bskal ba ni nye bar mi 'jog pa'o/ /'di skad du/ dngos po yod pa ston pa yin yang ma nges par ston pa'i phyir na rjes su dpag pa spyi'i yul can yin no zhes brjod pa yin no/ /yang ci'i phyir rtags las khyad par nges par gnas pa med ce na/ bshad pa/ 'bras bu la sogs pa'i rang bzhin gyi rtags rtogs pa nges pa yang de lta bu'i rang bzhin yin pa'i phyir te/ spyi'i rang bzhin yin pa'i phyir ro/ /bsam pa ni 'di yin te/ /gang gi tshe bsgrub bya dang 'brel par nges pa de'i tshe rtags kyang spyi'i rang bzhin dang spyi'i yul can du nges pa yin no/ /'di ltar me'i rnam pa can gyi shes pa'i rgyu nyid kyis me du ba'i rgyur nges pa yin la/ de'i shes pa'i yul nyid du ni me thams cad khyab par med pa'i phyir du ba'i rgyu spyir nges pa yin no/ /du ba yang mgrin pa dang mig rnam par 'gyur ba'i rgyu nyid kyis rnam pa gcig tu 'dzin pa'i rgyur gyur pa nyid de'i 'bras bur nges pa yin no/ /de'i phyir gang gis na rjes su dpag par 'gyur ba tshad bar du mthong ba las phyogs gzhan na yod pa'i du ba me'i 'bras bur nges par 'gyur ba yin no/ /de bzhin du brtag pa'i dngos po las bzlog pas rnam par gnas pa'i mi rtag pa nyid gang yin pa de dang byas pa nyid 'brel par nges shing/ byas pa nyid kyang ma byas pa las bzlog pas rnam par gnas pa mdza' dag la spyi'i rang bzhin du nges pa yin te/ /de'i bdag nyid ni gnod pa'i tshad mas nges pa yin la/ de yang phyogs gcig la 'jug pa ni ma yin gyi/ 'on kyang don thams cad bsdus pa'i yul can yin te/ mnyam par bya ba nyid du thun mong ma yin par bsgrub pa na 'chad par 'gyur ro/ /rtags de yang spyi'i rang bzhin dang thun mong gi rnam pa'i rtags can dang 'brel pa des pa yin pa'i phyir rtags de las rtogs pa yang de lta bu nyid du rigs so/ /rjes su 'gro ba la ltos pa'i phyir ro/ /nye ba'i rang gi mtshan nyid la yang 'brel pa thun mong pa'i yul can yin pa 'ba' zhig tu ma zad kyi bsgrub bya rtogs pa'i dus su yang yin no/ /rtags de ni rjes su 'gro ba'i bsgrub par bya ba gang yin pa de nyid kyi sgrub par byed pa yin no/ /so sor nges pa'i khyad par ni dpe dang bsgrub par bya ba'i chos can khyad par byed pa ma yin gyi 'on kyang 'bras bu de byed pa la nus pa thun mong pa nyid yin no/ /gang zhig dpe'i chos can la yang mthong ba de rjes su 'gro ba yin gyi bsgrub par bya ba'i chos can nyid la gnas pa so sor nges pa'i rang bzhin gang yin pa des ni rjes su 'gro ba ma yin no// dpe'i chos can la mthong ba'i rjes su 'gro ba la ltos pa'i phyir na rtags ni spyi'i yul can yin no/ /de'i bsdus pa'i don ni 'di yin te/ rtags kyang spyi'i rang bzhin dang spyi dang 'brel par nges pa yin la/ rjes su dpag par bya ba rtogs pa'i dus na yang dpe'i chos can la mthong ba'i rang bzhin rjes su 'gro ba thun mong ba dang ldan pa'i rtags la brten nas bsgrub par bya ba rtogs par 'gyur ba yin no/ /de nyid kyi phyir rnam 'grel las/ 'brel pa dran pas bar du chod pa'i rtags las lkog tu gyur pa'i don rtogs par bshad pa yin no/ /des na bsgrub par bya ba rtogs pa'i dus su rtags gang gis khyab par rjes su 'gro ba rtogs pa de'i sgrub par byed pa yin la/ 'brel pa 'dzin pa'i dus su yang thun mong gi rang bzhin gyi rtags rnam pa ci lta bu'i bsgrub bya'i chos dang 'brel pa mthong ba de nyid kyi sgrub par byed pa yin par rigs pa yin no/ /de yang khyad par med pa yin pa'i phyir gtan tshigs gnyi gas rtags spyi'i yul can du brjod pa yin no/ /da ni rjes su dpag pa spyi'i yul can nyid gsal bar bya ba'i phyir mngon sum rang gi mtshan nyid kyi yul can du ston par byed do/ /cig shos mngon sum ni mthong ba'i khyad par de las gzhan du gyur pa'i khyad par ni khyad par gzhan te/ rgyun gzhan no/ /de 'dzin pa ni rtogs pa'o/ /des dben pa ni bral ba ste/ de dang bral ba'i rgyus na so sor gnas pa so sor des ba gang yin pa de'i rang bzhin gyi rnam pa dang ldan par byed pa rang bzhin dang ldan par byed pas na rnam pa can yin no/ /'di ltar rtswa? las byung ba dang seng ldeng las byung ba la sogs pa mdun na gnas pa'i don khyad par gyi khongs su gtogs pa'i don? don bzhan du rtogs pa dang bral ba rtogs pa yin no/ /des na rang gi mtshan nyid de mngon sum gang la rang gi ngo bo'i yul yod pa de la de skad ces brjod do/ /'dir skad cig gi khyad par gyis tha dad par ni mi brtag ste/ gang gi phyir khyad par gang la mngon sum gyi stobs kyis nges pa'i shes pa skyes pa'i khyad par de nyid kyis mngon sum don dang ldan par brjod pa yin na/ skad cig ma nyid la ni zhen pa'i shes pa yod pa ma yin te/ /de'i des ni mngon sum don dang ldan pa ma yin no/ /skad cig gi dngos po ni mngon sum gyi thob par yang mi nus te/ des na mngon sum gyi tshad ma ni de'i yul can ma yin gyi/ 'on kyang de'i rgyun gyi longs su gtogs pa'i skad cig gzhan yul yin no/ /de nyid kyi phyir tshad ma rnams kyi 'jug pa'i yul ni des pa'i don yin no/ /de'i phyir mngon sum gyis so sor nges pa'i rgyun rgyun gzhan gyi dben pa'i rang bzhin du bzung bas mngon sum rang gi mtshan nyid kyi yul can no/ /rang las de bdag nyid las don rtogs pa yin pa'i rgyu'i phyir ro/ /gang gi phyir rang nyid las don te rtogs pa yin gyi/ /gzhan rtags las ni ma yin pa de'i phyir khyad par des pa rtogs pa yin no zhes bya ba'i tha tshig go /rtogs pa gang la rgyu'i yan lag gzhan yod pa gzhan dang 'brel pa khas rtogs pa de ni khyad par nges ba'i yul ma yin te/ sgrub par byed pa gzhan de nyid la nus pa med pa'i phyir ro/ /ji ltar nus pa med ce na/ /gang gi phyir thun mong gi rang bzhin gyi rtags thun mong gi rang bzhin dang 'brel pa shes zhing dpe'i chos can dang thun mong pa'i rang bzhin du khyab pa yang shes nas bsgrub par bya ba rtogs par bya ba yin no/ /bsgrub par bya ba'i chos can la rtags bsgrub bya med na mi 'byung ba nyid du rtogs pa gang yin pa de nyid ni bsgrub bya rtogs pa yin no/ /rtags ni sgron ma bzhin du lkog tu gyur pa'i don gsal bar byed pa ni ma yin no/ /de'i phyir rtags gzhan de nyid ni khyad par nye bar 'jog par nus pa ma yin no/ /'o? na de ci ltar rang gi mtshan nyid kyis yul can yin zhe na/ bshad pa/ rang gi mtshan nyid kyi don la mi slu ba ni nges pa sngon du 'gro ba can gyi thob par byed pa ste/ mi slu bar ni mngon sum dang rjes su dpag pa gnyi ga yang mtshungs pa'i phyir gnyi ga'i tshad ma ni dngos po'i yul can nyid do/ /de'i phyir de ltar mngon sum gyi gzung ba ni rang gi mtshan nyid yin la rjes su dpag pa'i ni spyi yin no/ /ji ltar gzung ba dang dngos po ma yin pa'i phyir de la ltos nas tshad ma ma yin pa de bzhin du/ /mngon sum yang gzung ba'i yul skad cig ma gcig la tshad ma ma yin te/ de thob par mi nus pa'i phyir ro/ /de'i phyir tshad ma gnyi ga yang nges par byas pa'i rgyun la ltos na rang gi mtshan kyi yul can du mtshungs so/ /'on kyang so sor nges pa'i rgyud bdag nyid kyi rang bzhin gyi don byed par rgyud gzhan gyis dben par nye bar 'jog par byed pa'i phyir mngon sum rang gi mtshan nyid kyi yul can yin la/ /rjes su dpag pas ni rgyun gzhan las rnam par gcad pa'i so sor nges pa'i khyad par gcig nyid 'jog par mi nus pa'i phyir spyi'i yul can yin no/ /yul la log par rtogs pa'i lhag ma bsal nas/ tshul gsum rtags las zhes gang bshad pa'i tshul gsum pa de nyid bstan pa'i phyir bshad pa/ 'chad par 'gyur ba'i rjes su dpag par bya ba'i rang bzhin la yod pa dang/ de dang mtshungs pa mthun pa'i phyogs la yod par nges pa dang/ med pa mi mthun pa'i phyogs la med par des pa'o/ /rjes su dpag par bya ba yang gang zhe na/ bshad pa/ shes par 'dod pa ste/ shes par bya ba'i don du 'dod ba'i bye brag gang yod pa de la de skad ces bya ste/ rjes su dpag par bya ba ni chos can yin no/ /rjes su dpag par bya ba'i tha snyad ni rnam pa gsum la yin te/ sgrub par byed pa las rtogs pa chos dang chos can gyi spyi gang yin pa de ni dngos su rjes su dpag par bya ba yin zhing/ khyab pa'i yul bsgrub par bya ba'i chos dang gtan tshigs kyi mtshan nyid kyi yul chos can ni btags nas rjes su dpag pa yin no/ /'di'i yul la spyin rjes su dpag par bya ba ma yin to/ de lta bu'i spyi la rtags ma grub pa'i phyir ro/ /de la grub na yang rtags nyid ma yin te/ bsgrub par bya ba med pa'i phyir ro/ /chos tsam yang 'dir rjes su dpag par bya ba ma yin te/ rjes su 'gro ba dang ldog pa'i sgo nas de lta bu'i chos tsam la yod par 'chad par 'gyur ba'i phyir ro/ /de'i phyir chos can nyid rjes su dpag par bya zhes khyad par du byas pa yin no/ /'dir zhes bya ba ni gtan tshigs kyi mtshan nyid kyi skabs 'dir ro/ /rjes su dpag par bya ba de la mthong ba ni nges pa ste/ sa phyogs su du ba ni mngon sum gyis yin la/ sgra la byas pa nyid ni rjes su dpag pas yin no/ /de la yod pa tshad ma las yin pa 'ba' zhig tu ma zad kyi/ de bzhin du de dang mtshungs pa nyid de mthun pa'i phyogs la yang ngo/ /nyid kyi sgras ni mi mthun pa'i phyogs las ldog pa ston ba yin la/ yang gi sgra ni sdud pa'o/ /rjes su dpag par bya ba'i chos can gyi khyad par du byas pa ni rnam par bcad par gzhan dpa' i chos can la yod pa srid pa ni 'gal lo/ /de ste yang chos can gyis khyad par du mi byed na ni de'i tshe rjes su dpag par bya ba'i chos gtan tshigs yin no zhes gtan tshigs rjes su dpag bar bya ba'i chos ma yin par 'gyur na 'dod ba ni yin no/ /don ni 'di yin te/ dper na rgyal po'i skyes bu gzhan las rnam par bcad pa de bzhin du rjes su dpag par bya bas kyang chos can gzhan la rnam par bcad pa yin zhes gzhan dgos pa la/ ma yin te zhes smos te/ gzhan la yod pa 'gal ba ma yin no/ /de ci'i phyir zhe na/ mi ldan ba ma 'brel ba rnam par gcod pa bzlog pa'i rgyus ni chos khyad par byas pa'i phyir ro/ /'di skad bshad pa yin te/ mi ldan pa rnam par gcad pa nyid byas nas chos can gyis chos rnam par gcod gyis/ gzhan dang ldan pa rnam par gcad pa ni ma yin no/ /ci gang gis ma 'brel ba rnam par gcod pa zhes khyad par du brjod pa rnam par gcod pa rnam pa du ma yod dam zhe na/ yod po zhes brjod do/ /chos can gyi gzhan gyi dbang brten pa chos kyi tshig phrad nyid ces bya ba'i sgra tha dad par byed pa yin pas mi ldan pa ma 'brel ba dang/ gzhan dang ldan pa gzhan dang 'brel pa dang/ gtan mi ldan ba shin du mi srid pa rnam par gcod byed bzlog par byed do/ /nyid kyi sgra ni rnam par gcod de ni 'di tsam mo zhes rnam par gcod pa nges par don to/ /dang gi sgras ni yod pa'i dngos po sdud pa'o/ /yang ji ltar na tshig phrad gcig gis brjod par bya ba'i don phan tshun 'gal ba gsum 'jog par nus she na/ rgyu mtshan bstan pa'i phyir smras ba ni khyad par dang khyad par can te/ de dag gi rjod par byed pa dag dang lhan cig rjod pa dang/ bya ba zhes bya ba'i tshig dang lhan cig brjod pa'o/ /'di la bsam ba ni 'di yin te/ tshig phrad ni gsal bar byed pa yin la/ gsal bar byed pa las ni tshig gzhan gyis brjod par bya ba'i don phyis 'byung ba'i khyad par gang yin de gsal bar byed pa yin gyi/ rang dbang du ni brjod par bya ba'i don dang ldan pa ma yin no/ /des na gsal bar byed pa'i tshig gang dang 'brel par brjod pa des ni tshig der gtogs pa'i khyad gsal bar bya ba ma yin gyi/ gzhan ni 'ga' yang ma yin no/ /de'i phyir 'di'i don ni tshig gzhan dang 'grel pas rnam par 'jog par byed do/ /khyad par ni 'dir brten pa ste chos la bya'o/ / khyad par can ni chos can la rjod do/ /des na rjes su dpag par bya ba la zhes bdun pa'i mdza' can yin yang khyad par can nyid de/ rten yin ba'i phyir ro/ /chos ni dang po'i mdza' can yin yang khyad par nyid de brten pa'i phyir ro/ /'o na gang gi tshe tshig phrad ma sbyar ba de'i tshe ji ltar rnam par gcad pa rtogs par bya zhe na/ smras pa/ de sbyar med kyang rjod 'dod de rjod par 'dod pa las tshig phrad de'i don gang yin pa rtogs par 'gyur te/ gang gi gang sbyar ba de las don de rtogs par 'gyur ro/ /gang gi phyir gal te don de ston par mi 'dod na ni dag sbyar ba don med par 'gyur ro/ /ci ltar don med ce na/ bshad pa/ gang phyir te gang gi phyir dag gang la 'bras bu rnam par gcod pa yod pa ste de'i phyir ro/ /dper na chu 'on cig ces smras pa na/ gal te chu 'am gzhan yang rung ba zhig khyer te 'od bar 'dod na ni chu smos pa don med par 'gyur ro/ /ci ste yang khyer te 'ong bar mi 'dod na ni/ cig ces smos pa don med par 'gyur ro/ /de bzhin du tshig gi don du ma bsdus ba'i bdag nyid dag gi don kyang skabs kyi dbang gis rnam pa ci zhig ltar rnam par bcad par smra pa po dag gi 'bras bur 'dod pa yin no/ /'di ltar gal te nag pa 'phongs mi skyen na 'phong skyen zhes mi brjod cing/ de bzhin du 'phongs skyen pa phul du byung pa gzhan yang yod na srid sgrub 'phongs skyen par brjod par mi bya ste/ de 'phangs skyen pa ni grub pa'i phyir ro/ /gal te sngon po pad+ma mi srid na ni sngon po zhes brjod par mi bya'o/ /des na gang gi don bstan par 'dod pa'i brjod par 'dod ba gang yin de las nges par gzung ba'i don rtogs pa nyid do/ /rnam par gcod pa rnam pa gsum ga la yang dpe ston pa ni dper na nag pa 'phongs skyon pa 'am zhes bya ba la sogs pa'o/ /'di la gzhan rtogs pa'i don du dag sbyor pa na pha rol pos rmongs pa gang dogs par byas pa de nyid rnam par gcad par bya ba yin no/ nag ba ni 'phongs skyen par 'jig rten na grags pa med de/ des na nag pa 'phongs ma skyen par dogs pa rnam par gcad par bya ba'i don du 'phongs skyen ba bsgrub pa'i phyir dag sbyor ba yin no/ /des na dag gi rnam par gcad pa'i 'bras bu 'di 'dra ba yin no/ /srid bsgrub ni 'phongs skyen bar grags pa'i phyir 'ga' yang dogs pa med do/ /de'i phyir 'phongs skyen pa nyid phul du byung ba gang yin pa de skyes bu gzhan dang thun mong du rtogs pa'i phyir de rnam par gcad pa'i don du srid sgrub nyid 'phongs skyen no/ /zhes rnam par gcod pa dag gi 'bras bu yin no/ /sngon po'i kha dog gis dben pa'i pad+ma ni rab tu grub la/ ci 'di'i rang bzhin can la sngon po nyid srid dam mi srid ces dogs pa de'i tshe de rnam par gcad pa'i don du sngon po mtsho skyes srid pa nyid do zhes bya ba'i dag yin no/ /gal te nag pa'i 'phongs skyen ba nyid do zhes bya ba la sogs pa'i dag la 'phongs skyen pa la sogs pa sgra'i brjod par bya bar gyur pa de dag kyang 'phongs skyen pa nyid la sogs pa sgra'i brjod par bya ba dag las gzhan yin bas tha dad par byed pa'i tshigs phrad las ldog par rtogs na/ 'o na ni gzhan yin par khyad par med pa'i phyir gtod pod la sogs pa'i chos gzhan dag kyang ldog par rtogs par 'gyur ro zhes dogs pa la/ bshad pa/ rnam par gcod par byed pa gsum po der yang zla bo 'gal zla rnam par gcod par ldog pa don te dag gi don rnams la ni rtogs par 'gyur te/ chos 'ga' zhig nges pa gang yin pa de las bzlog ba nyid rtogs par 'gyur ro zhes bya ba'i don to/ /'phongs skyen pa bsgrubs na 'gal zla 'phongs mi rkyen pa rnam par gcod kyi/ gzhan tsam ni ma yin la/ srid sgrub kyi thun mong ma yin pa'i 'phongs skyen ba bsgrubs pas na 'gal zla 'gro ba thams cad du thun mong du gyur pa'i 'phongs skyen pa rnam par gcod kyi gtong phod la sogs pa ni ma yin no/ /de bzhin du sngon po nyid srid par bsgrubs na mi srid pa rnam par gcod kyi gzhan ni ma yin no /phyogs 'dis dag thams cad la 'bras bu rnam par gcod pa gsum blta bar bya ste/ srog nar 'gro ba'i lam ni 'di'o zhes smras pa na/ rmongs pa'i dogs pa'i khyad par gyis rnam par gcod par skye pa gsum ga yang srid pa yin no/ /lam gnyis las 'di nyid yin gyi cig shos ni ma yin no zhes bya ba gzhan dang ldan pa rnam par gcod pa'o/ /ci 'di srog nar 'gro ba yin nam 'on te grong gzhan du 'gro ba yin zhes the tshom za na srog nar 'gro ba nyid do zhes ma 'brel ba rnam par gcod pa yin no/ /ci 'gro 'am 'on te mi 'gro zhes the tshom za la 'gro ba nyid do zhes gtan mi ldan ba rnam par gcod pa yin no/ /de bzhin du gzhan du yang sbyar ro/ /yang ci'i phyir 'gal zla nyid zlog pa'i gzhan tsam ma yin zhe na/ de ltar grags dang zhes smos te/ 'jig rten tha dad par byed pa'i tshig phrad kyi 'gal ba nyid zlog gi gzhan tsam ni ma yin no zhes grags pa yin te/ des na de ltar grags phyir te/ de nyid zlog pa yin no zhes rtogs par 'gyur ro/ /dper na sgra'i don rtogs pa 'jig rten gyi grags pa'i rjes su 'brang ba las rgyu mtshan gzhan med pa de bzhin du/ sgra'i don las gzhan zlog pa yang grags pa las yin no zhes bya ba'i tha tshig go/ gal te sgra'i brjod bya ma yin par khyad par med pa las ci'i phyir 'ga' zhig nyid bzlog par grags kyi thams cad ma yin no zhes bya ba 'di nyid khyod la dris pa ma yin nam zhe na/ nus pa dang zhes smos te/ sgra'i don ma yin pa yang bzlog par grags pa rgyu mtshan med pa ma yin gyi/ 'on kyang sgra'i nus pa las so/ /gal te 'phongs mi skyen pa nyid rnam par mi gcod na ni 'phongs skyen pa'i tshig don med par 'gyur ba'i phyir/ shugs kyis 'phongs skyen pa nyid kyis 'phongs mi skyen pa rnam par gcod pa yin gyi/ de ltar gtong phod pa nyid rnam par mi gcod na 'phongs skyen pa'i tshig don med par 'gyur ba ni ma yin no/ /des na gzhan tsam rnam par bcad pa la ni sgra'i nus pa yod pa ma yin pas gzhan tsam rnam par gcod par ma grags pa yin no/ /sgra'i nus pa'i phyir ro zhes ci'i phyir brjod de/ sgra sbyar ba ci snyed pa ni rang gi don rtogs par bya ba'i phyir yin na 'dir zla bo'i chos ni brjod bya ma yin no zhe na/ sgra ni brjod 'dod rjes 'brang phyir/ zhes smos te/ sgra ni ngag gi don bstan par 'dod pa'i bsam pa brjod par 'dod pa de'i rjes su 'brang pa'i phyir ro/ /'di skad brjod pa yin te/ rjod par 'dod pa la snang ba nyid sgras brjod kyi mi snang ba ni ma yin la/ brjod par 'dod pa la yang zla bo rnam par gcad pa la 'jug pa yin no/ /'di ltar blo gros rmongs pa'i dogs pa'i gnas gcod par byed pa/ don 'ga' zhig brjod par 'dod pa yin te/ des na smra ba po'i brjod par 'dod pa la snang de'i don brjod pa'i sgra brjod par 'dod pa'i brjod bya don 'ga' zhig zlog par 'dod pa yin la/ de yang 'gal zla yin no/ /'di ltar 'gal zla cig shos mi bzlog na ni brjod bya brjod par 'dod pa'i don med par 'gyur gyi/ gzhan tsam mi zlog pas ni ma yin no/ /de'i phyir sgra rnams kyi don ni brjod par 'dod pa'i rjes su 'brang ba yin la/ rjod par 'dod pa yang 'gal zla zlog pa med par mi 'thad pas sgra rnams ni rjod par byed pa yin pa'i shugs kyis brjod bya ma yin yang 'gal zla'i chos nyid tha dad par byed pa'i tshig phrad kyis bzlog par bya ba yin par grags kyi gzhan tsam ni ma yin no/ /gal te rnam 'brel las de ltar grags pa'i phyir dang/ nus pa'i phyir dang/ sgra ni brjod par 'dod pa'i rjes su 'brang ba yin pa'i phyir ro zhes gtan tshigs gsum la bsdu ba byas pa ma yin nam zhe na/ bden te/ bsdu pa ni yi ge don du ma chud pa dang mi 'tsham pa yin no/ /des na slob dpon gyi bzhed pa ni ma yin no/ /dper na 'tsho ba med dang yang dag don/ ngo bo nyid la zhes bya ba la/ bdag med pa mthong ba ni 'tshe ba med pa dang/ yang dag pa'i don shes pa'i ngo bo nyid yin no zhes bya ba slob dpon gyi bshad pa por nas 'brel bar byed pas 'tsho ba med pa'i ngo bo nyid dang/ yang dag pa'i don gyi ngo bo nyid ces bshad pa de bzhin du gzhan du yang 'dod pa ma yin ba srid de zhes rtogs so/ /gang gi phyir gzhan las rnam par gcod par 'gyur ba ji ltar srod sgrub 'phongs skyen pa grags pa gzhan las rnam par gcad par bya ba de ltar gtan tshigs rjes su dpag par bya ba'i chos su ma grags te/ bstan bcos kyi mtshan nyid kyi tshig gzhan med pa'i phyir ro/ /des na rjes su dpag par bya ba'i chos su sgrub pa yin pa'i phyir 'dir mi ldan pa nyid rnam par gcod pa yin no zhes 'chad pa ni/ des na mi ldan rnam gcod pa'i rgyu des na chos can chos kyi khyad par yin te/ rnam par gcod par byed pa blta bar bya'o/ /des na chos can gyi khyad par can gyi chos dpe la rjes su 'gro ba med pa'i skyon brten pa ma yin no/ /gzhan dang ldan pa rnam par bcad pas khyad par yin par khas len na skyon bstan pa'i phyir bshad pa/ sgra la sogs pa dang 'brel pa'i bya ba gcig gtan tshigs nyid der 'gyur na chos can gzhan dang 'brel pa'i byas pa gzhan de nyid ma yin pa zhes bya ba gtan tshigs nyid ma yin par 'gyur ro/ / 'di ltar rjes su dpag bar bya ba nyid kyi chos gtan tshigs yin gyi gzhan gyi ni ma yin no zhes bya ba'i dag 'dir 'gyur na/ de ltar na mi 'thad de rang bzhin mtshungs pa dag las gcig gtan tshigs nyid yin na/ gzhan gtan tshigs ma yin par ji ltar 'gyur/ sgra gcig byas pa nyid yin na gzhan bum pa ma byas pa nyid du thal lo zhes bya ba'i don 'di ni ma yin te/ 'di ltar gang zhig rjes su dpag par bya ba nyid la yod pa de ni gtan tshigs yin no zhes bya ba 'di dag gi don yin gyi/ gang gis gzhan ma byas pa nyid du 'gyur ba gang rjes su dpag par bya ba nyid la yod pa de ni byas pa yin no zhes bya ba'i don 'di ni ma yin no/ /gtan tshigs ma yin pa nyid du ni thal par 'gyur te/ 'di ltar gang gi tshe rtag pa'i dngos po las ldog pas mi rtag pa nyid du gzung ba de'i tshe spyir gcig tu 'gyur ba yin la/ gang gi tshe ldog pa gzhan gyis khyad par du byas pa de'i tshe ni gzhi so so la tha dad pas du mar 'gyur ba yin no/ /de bzhin du byas pa nyid kyang du ma yin no/ /des na gcig gtan tshigs nyid la gzhan ni gtan tshigs ma yin par 'gyur ro/ /skyon 'dir ma zad de/ 'on kyang khyad par dang khyad par can dang 'brel ba'i tshig phrad kyang ste/ de dag gi tshig phrad khyad par med par 'gyur ro zhes bya ba'i don to/ /ma 'brel pa rnam par bcad pa'i sgo nas gtan tshigs chos can gyis khyad par du byas par bshad pa 'dis ni bsgrub par bya ba'i chos la yang ma 'brel ba rnam par gcod pa'i rgyu mtshan phyis khyad par dang khyad par can gyi dngos por nges par bya'o/ /des na de la yang rjes su 'gro ba med pa'i skyon spangs par 'gyur ro/ /'di nyid ston pa ni des na rjes su 'gro ba med pa yin no zhes bya ba yin no/ /'di ni dam bca' ba sbyor ba yin na brjod par bya ba yin gyi/ dam bca' ba sbyor ba med na rjes su 'gro ba'i dus su chos can nyid med pa'i phyir rjes su 'gro ba med pa'i skyon gyi dogs pa yod pa ma yin no/ /ma 'brel pa rnam par gcod pa la yon tan gzhan yang ston pa ni de bzhin du zhes bya ba la sogs pa'o/ /mi rtag pa nyid kyi rang bzhin nam/ me'i rang bzhin gyi spyi bsgrub par bya ba yin yang 'di skad ces me tsam dang mi rtag pa tsam sgrub na grub pa la sgrub pa nyid kyi skyon du 'gyur ro/ /zhes ni rjod par nus pa ma yin na/ gang gi phyir spyi'i rang bzhin me tsam dang mi rtag pa tsam rab tu grub na/ ma 'brel pa rnam par gcod pa'i mtshan nyid khyad par can gyi phyogs sam/ sgra dang 'brel par 'grub par 'gyur/ ma 'brel ba rnam par gcod pa de ni ma grub pa sgrub par 'gyur ba yin no/ /de'i phyir khyab pa'i tshul spyis yin yang med na mi byung ba'i khyad par rtogs par 'gyur ba yin pa'i phyir grub pa la sgrub pa ma yin no/ /de nyid ston par byed pa ni/ sgra de dang ma 'brel ba rnam par gcad pa ma grub pa'i phyir ro/ /mi ldan pa rnam par bcad pa ni ldan pa ste 'brel pa la bya'o/ /'brel pa yang 'brel pa can las tha dad pa med de/ des na ma 'brel pa rnam par bcad pa ni chos dang chos can bdul bo nyid yin no/ /de'i phyir ji ltar chos can chos kyi spyi'i phyogs gcig chos la khyab pa'i dus na nye bar brtags nas bsgrub byar brjod pa de bzhin du/ ma 'brel pa rnam par bcad pa'i chos bsgrub par bya ba yin no/ /de ltar yin dang ci'i phyogs gcig chos tsam khyad par med pa la/ bsgrub byar brjod pa yin no zhes gang smras pa de gsal ba ma yin te/ chos dang chos can bsdus pa las mi ldan pa rnam par gcod pa gzhan med pa'i phyir ro/ /spyi'i phyogs gcig ni mi ldan pa rnam par bcad pa'i khyad par can nyid ma yin gyi/ /'on kyang khyad par dang 'brel pa nyid du gyur ba yin pa'i dus su bsgrub byar nye bar btags nas brjod pa yin la/ spyi yang de nyid yin no/ /mthun pa'i phyogs nyid la yod pa zhes nges par gzung ba de'i phyir bsgrub bya'i chos la med par te mi bdog bar 'gyur ro/ /'di ltar nges par gzung bas ni gtan tshigs gzhan las ldog par rjod pa yin la mi mthun pa'i phyogs dang rjes su dpag pa dag kyang mthun pa'i phyogs las gzhan par khyad par med do/ /des na gnyis las kyang ldog par brjod pa yin no zhes pha rol dag dogs pa bshad pa de ltar ni ma yin te/ chos can la med par thal ba ma yin no/ /gzhan dgag pa'i don gyi phyir ro zhes bya ba ni gzhan mi mthun pa'i phyogs la dgag pa'i don dgos pa nges par gzung ba gang la yod pa ste/ mi mthun pa'i phyogs las bzlog pa'i don du nges par byas pa yin no zhes bya ba'i don to/ gal te 'di snyam du don 'di 'dod pa de lta na yang nges pa khyad par med pa yin pa'i phyir rnam par dbye ba 'di ga las yin zhe na/ bshad pa/ bsgrub par bya ba'i chos can de la sngar yod par grub pa'i nges par gzung ba nges par brjod pa'i sgras ni 'jug pa'i yul gzhan de ma yin pa rnam par gcod pa yin no/ /'di snyam du yod par grub na yang phyis nges par byas pas sngar gyi yod pa dang gzhan khyad par med par zlog 'gyur ro/ /snyam na/ sdud pa'i zhes smos so/ /bsam pa ni 'di yin te/ 'dir gzhan bsgrub bya'i chos can la yod pa nyid du sdud pa'i mthun pa'i phyogs la yod par nges pa yin no/ /gal te nges par bsgrub bya'i chos can la yod pa nyid zlog na ni de'i bas sdu ba nyams par 'gyur ro/ /sgra'i don gang gi khyad par gsal bar byed pa'i sgra smos pa de nyid kyis gsal bar bya ba'i khyad par gyi don gyi rang bzhin bzlog pa ni ma yin te/ de lta ma yin na gsal bar byed pa nyid du mi 'gyur ro/ /de'i phyir don gyi khyad par ci 'dra ba zhig gi gsal byed du nye bar blang ba'i tshig phrad de ni de'i rang bzhin la mi gnod par khyad par gsal bar byed pa yin no/ /khyad par gsal bar byed pa smos pa 'di ni sdud pa yin te/ des na bsdu ba nyid rjes su brjod nas khyad par gsal bar byed par 'os pa yin zhing/ de las kyang bsgrub par bya ba'i chos can la yod pa nyid ma bkag par nges pa yin te/ sdud pa'i rang bzhin rjes su brjod pa'i phyir ro/ /de'i phyir sdud pa'i nges par gzung ba zhes brjod pa yin no/ /sgra'i don ni 'jig rten par rtogs par bya ba yin no zhes de lta bu'i rang bzhin can 'jig rten pa nyid kyi dpe bsten pa ni/ dper na zhes bya ba la sogs pa'o/ /'dir don yin te/ na ra dang lhan cig du bsdus pa'i sred med kyi bu'i nges par gzung ba gang yin pa des ni bu gzhan nyid rnam par gcod kyi na ra nyid ni rnam par bcad pa ma yin te/ de dang lhan cig tu bsdus pa'i ngo bo bkag par thal ba'i phyir ro/ /tshigs su bcad pa 'di 'ba' zhig gi don 'di ltar yin par ni ma zad de/ 'di 'dra ba'i rigs can 'jig rten pa'i dag kyang yod pa yin no/ /dper na lhas byin dang mchod sbyin kho na la zan sbyin cig ces bya ba lta bu'o/ /zan sbyin par bya ba nyid bsdus pa'i mchod sbyin gyi nges par gzung ba gang yin pa des ni zan sbyin par bya ba gzhan rnam par gcod kyi/ gang la ltos nas de'i bsdu bar 'gyur ba de nyid ni ma yin no/ /des na tshigs su bcad pa 'di ni gang du yang brjod pa med do zhes gang smras pa da spangs pa yin no/ /bsgrub par bya ba dang de dang rigs mthun pa la yod pa tshul gnyis dang ldan pa'i gtan tshigs gang yin pa de'i med pa mthun pa'i phyogs dngos po med pa la med pa nyid kyi ngo bo ni tshul gsum pa ste/ de yang tshad ma nges par gzung bar bya ba yin no/ /zhes de ltar bstan pa'i don du nges pa smos so/ /tha mar te tshul gsum par smos pa'i nges pa nges pa'i mtshan nyid kyi chos brjod pa gang yin pa de ni gsum ga dang sbrel par bya'o/ /'di ltar tshul tha ma la sgrub par byed pa'i yan lag tu nges pa nyid 'dod pa de ni tshul snga ma gnyis la yan sgrub par byed pa'i yan lag tu khyad par yod pa ma yin no/ /yang ci ltar med pa la med pa nyid nges pa nus she na/ bshad pa/ bsgrub par bya ba las don gzhan dang rang gi rang bzhin dag go/ de'i rab tu skye ba ni 'bras bu grub pa dang/ de zhes bya ba bsgrub par bya ba tsam rjes su 'brel pa ste/ bsgrub par bya bas byas pa dang rang bzhin du mngon sum dang/ mi dmigs pa dag gam gnod par byed pa'i tshad ma 'jug pas grub na ste/ des na bsgrub par bya ba rgyu dang khyab par byed ma shing nyid la sogs pa'i ngo bo mi dmigs pas med pa nyid 'grub par 'gyur bar blta'o/ /'di snyam du ci ltar 'bras bu dang rang bzhin dag mi dmigs pa tsam tshad ma ma yin pa de bzhin du rgyu dang khyad par byed pa dag kyang ngo zhe na/ bshad pa/ bltar rung ba'i yul can te mi dmigs pa gang la yul bltar rung ba yod pa'o/ /'di skad bshad pa yin te/ snang ba'i rgyu 'am khyad par byed pa dag ma dmigs na yod pa nyid med par nges pa yin zhing/ de des na ni 'bras bu dang rang bzhin dag kyang med par nges par 'gyur gyi/ me snang bar gyur pa'i mi dmigs pa gzhan gyis ni ma yin no/ /'o na mi dmigs pa la ci ltar ldog pa nges par byed ce na/ bshad pa/ bzlog pa dngos po yod pa la mngon sum 'jug pa ldog pa nges pa'i rgyu yin pa'i phyir/ tha dad ba med par ldog pa des pa yin no zhes bshad do/ /'di ltar dmigs pa'i rgyu gzhan yod cing snang ba'i dngos po yang nye ba la/ gal te mngon sum mi 'jug na ni 'gar yang 'jug par mi 'gyur te/ de na de tsam gyi rgyu mtshan can nyid yin pa'i phyir ro/ /de'i phyir la lar rgyu mtshan de tsam gyis mngon sum 'jug na ni/ 'dir yang dngos po de yod na 'jug par 'gyur ro zhes ldog par nges so/ /des na rgyu gzhan yod cing snang ba'i dngos po yod na nges par dmigs pa'i phyir/ dmigs pa las med pa nyid du gdon mi za bar nges pa yin no/ /de dang mthun pa nyid la yod pa zhes bya ba de tsam gyis mi mthun pa'i phyogs las ldog pa gang yin pa de gtan tshigs yin no zhes nges pa na med pa na med pa nyid brjod pa don med pa las de byas pa ni nges par bya ba'i phyir yin no/ /grub zin pa la rtsom pa ni nges par bya ba'i phyir ro zhes bya bas 'di ni rigs pa yin no/ /des pa ci 'dra ba zhig yin pa ston pa ni med pa kho na la med pa nyid ni tshul gsum pa yin gyi gzhan pa la yang ma yin pa 'gal ba yang ma yin no zhes bya ba 'di ni nges pa'i 'bras bu yin no zhes kha cig gis rtogs so/ /'di ltar lus can nyid la sogs pa ni mi rtag pa nyid las chos gzhan yin zhing/ gzhan yang mi mthun pa'i phyogs nyid yin pas gtan tshigs 'ga' yang med par 'gyur ro/ /gang zhig mi rtag pa nyid la sogs pa gcig kho na la yod kyi gzhan la med pa'i chos 'ga' yang med de/ des na 'ga' zhig kyang gtan tshigs su mi 'gyur ro/ /'gal ba tsam mi mthun pa'i phyogs yin na yag de nyid las rnam par gcad pa'i phyir mes dro brtogs par mi 'gyur te/ grang ba yang ma yin dro ba yang ma yin pa ma bzlog pa'i phyir ro/ / ji skad du 'gal ba las rnam par bcad par thal ba'i phyir dang/ gtan tshigs med par 'gyur ba'i phyir ro/ /zhes brjod pa yin/ de la de dang mthun pa nyid la yod pa zhes brjod pa na gzhan dang 'gal ba dang med pa de dang mthun pa ma yin pa thams cad la med pa nyid mtshan nyid gzhan du thal bas na/ med pa nyid la med pa tshul khrims gsum pa yin gyi/ gzhan pa'am 'gal ba ba ni ma yin no zhes bstan pa'i phyir nges par bya ba'i don du med pa nyid la zhes bshad do zhes so/ /slob dpon gyis 'di dgag pa'i phyir bshad pa/ 'di med pa med par brjod pa'i don de ltar rtogs ba de la'o/ /'di skad du brjod pa yin te/ chos gzhan la yod pa srid pa de 'gog pa de ltar dogs pa ni med do/ /ci'i phyir zhe na/ mi srid pa nyid kyi phyir ro/ 'di skad brjod par 'gyur te/ mi rtag pa nyid las tha dad pa'i chos las yod pa dgag pa ni dogs pa ma yin te/ chos gcig kho na la yod pa ni mi srid pa'i phyir ro/ /gal te de ltar 'gyur pa srid na ni de'i tshe dngos po med pa ma brjod na de rtogs pa'i don du chos gzhan la 'jug pa dgag par dogs par 'gyur ba zhig na/ rnam pa de lta bu ni mi srid do/ /de nyid kyi phyir rnam pa gzhan 'gog par rtogs par 'gyur te/ de nyid srid pa'i phyir ro/ /des na mthun pa nyid la yod pa zhes brjod na 'ga' yang chos gzhan las zlog par dogs pa med do/ /des na zlog pa'i phyir med pa la med pa nyid smos pa don med do/ /'gal ba rnam par gcod par thal lo zhes gang brjod pa de yang mi rigs te/ 'di ltar 'gal ba la gtan tshigs 'gog par rtogs pa de yang gal te kho na la bye brag tu nges par 'gog par rtogs par bya ba yin na ni de'i tshe skyon du 'gyur na/ gang gi phyir de kho na las bzlog pa ni ma yin te/ 'on kyang grang ba yang ma yin dro ba dang ma yin pa gzhan las kyang yin no/ /'di snyam du 'gal ba kho na mi mthun pa'i phyogs yin pa des na de kho na la ldog par 'gyur gyi/ de grang ba yang ma yin dro ba yang ma yin pa las kyang ldog ga ga las she na/ de dang mthun pa kho na la zhes smos so/ /de dang mthun pa'i phyogs kho na la gtan tshigs yod pa zhes bya ba'i tshig 'di tsam gyis ni 'gal ba kho na de dang mthun pa ma yin no/ nges pa de ltar rtags par ni mi 'gyur ro/ /'di ltar dang mthun pa nyid la zhes brjod pas ni de dang mthun pa la yod par nges par 'gyur gyi/ de dang mthun pa ma yin no ba ni 'ga' yang nges par yi 'gyur na/ gang gi yin khyad par med pa nyid du mi 'gyur bar 'gal ba kho na mi mthun par 'gyur/ gal te 'gal ba kho na mi mthun pa'i phyogs yin na skyon cing 'gyur zhe na/ /bshad pa/ 'gal ba kho na mi mthun pa'i phyogs yin pa gang gis mi mthun pa'i phyogs kho na las ldog pa'i phyir/ gtan tshigs me nyid kyi mtshan nyid kyis bsgrub bya dro ba rtogs par mi 'gyur ba'o/ /'di skad brjod pa yin te/ mi mthun pa'i phyogs las ldog pa'i gtan tshigs ni de nyid ldog pa ston par byed pa na ldog pa'i sgo nas bsgrub bya sgrub par byed pa yin no/ /mi mthun pa'i phyogs kyang gal te 'gal ba nyid yin na ni 'gal pa de nyid las ldog pa'i gtan tshigs kyis de nyid zlog par byed par 'gyur ro/ /'gal ba ni bzlog par byas kyang dro ba rtogs par mi 'gyur te/ mi mthun pa'i phyogs ma yin pa grang dro gnyis ga ma yin pa ma bzlog pa'i phyir ro/ /de'i phyir 'gal ba 'ba' zhig mi mthun pa'i phyogs yin na ni skyon 'dir 'gyur ba zhig na de dang mthun pa nyid la zhes rjod pa ni 'gal ba nyid gcig tu nges par mi mthun pa'i phyogs su khong du chud pa ma yin te/ 'on kyang de dang mthun pa las ldog pa dngos po med pa yang yin te/ yang gi sgras ni de dang mthun pa las gzhan pa yang mi mthun pa'i phyogs yin te/ /'di ltar de dang mthun ba las ldog pa de las gzhan ba dang de dang 'gal ba yang thams cad de dang mthun pa ma yin la/ de dang mthun pa ma yin pa gang yin pa de thams cad de dang mi mthun pa'i phyogs yin no/ /des na 'di la 'gal ba nyid las rnam par gcod par thal ba'i phyir ro zhes khyed kyis gang brjod pa'i skyon med pa de'i phyir khyed kyis bstan pa'i skyon spang ba'i phyir tshul gsum pa ni ma brjod pa nyid du 'gyur ro/ /slob dpon gyis dgongs pa ni 'di yin te/ med pa la med pa nyid rjod pa'i don ni gang zhig med pa tsam la med pa de ni gtan tshogs yin no zhes bya ba 'di yin no/ /'gal ba gzhan la ldog pa dag kyang med pa tsam du ni khyad par med de/ de'i phyir na gtan tshigs kyi bsgrub bya'i chos med pa tsam la med pa'i tshul gsum par bshad pa yin no/ /gzhan pa tsam dang 'gal ba tsam la med pa nyid ni ma yin te/ 'gal ba 'ba' zhig mi mthun pa'i phyogs yin na de nyid las rnam par gcod par thal lo/ /gzhan pa tsam yang mi mthun pa'i phyogs ma yin te/ bsgrub bya mi rtags pa nyid la bya ba zhes gtan tshigs nyid ma yin par thal ba'i phyir te/ ldog pa'i yul mi rtag pa las gzhan du gyur pa med pa'i phyir ro/ /chos gzhan ni bsgrub par bya ba'i chos las gzhan yin no zhes khyed kyis gzhan nyid du brtags pa gang yin pa de ni ma 'brel ba nyid de/ 'di ltar ldog ba las ltos nas brtags pa'i chos gzhan pa ni byas pa nyid ma yin gyi 'on kyang chos can dngos por gyur pa nyid la yin no/ /'di snyam du de yang chos de las gzhan ma yin no snyam na/ bden te/ 'on kyang chos dang ldan pas de nyid gzhan yin no zhes ni brnyad par mi nus te/ 'di ltar mi rtag pa dang ldan ba'i phyir ni re shig mthun pa'i phyogs yin la/ chos gzhan dang ldan pas ni mi mthun pa'i phyogs yin no zhes bstan par mi nus pa ma yin no/ /bram ze dang ldan bas bram ze yin pa nyid chos gzhan dang ldan pas bram ze ma yin pa ni ma yin gyi/ 'on kyang skabs su bde ba'i chos kyi rten ma yin pa'i phyir ro/ /des na mi rtag pa nyid kyi rten ma yin pa kho na gzhan yin gyi/ mi rtag pa dang ldan pa nyid ni ma yin no/ /de'i phyir gzhung 'di la slob dpon gyi dgongs pa ni gzhan du yin no/ /'o na ji ltar med pa la med pa nyid rjod ce na/ smras pa/ rjes su 'gro ba dang/ ldog pa dag gi sbyor ba bstan pa'i don te/ dgos pa gang la yod pa ste/ mi mthun pa'i phyogs la med par brjod pa ni sbyor ba bstan pa'i phyir yin no/ /yang sbyor ba bstan pa ci lta bu zhig ce na/ bshad pa/ rjes su 'gro ba dang ldog pa dag gi nang nas thams cad nye bar bsdus pa'i khyab pa nges ba dang ldan pa'i tshul gang yin pa de gcig sbyar ba'i shugs kyis so/ /shugs las rtogs pa ni don gyis go ba ste/ de gnyis ka brtogs par byed de/ go bar byed pa yin no/ /de'i phyir zhes bya ba ni gang gi phyir khyab pa dang ldan pa gcig brjod pas gnyis la 'dzin pa de'i phyir gcig nyid sbyor gyi gnyi ga ni ma yin no/ /khyab pa yang nges par bzung bas go bar bya ba yin te/ des na nges par gzung ba dang ldan pa'i ngag gis nges pa ci 'dra ba dang ldan par brjod pa de 'dra ba nyid sbyar bar bya'o/ zhes slob pa'i phyir ngag gnyi ga la nges par gzung ba dang bcas par bstan to/ /ci ste gnyi ga dus gcig tu sbyar bar mi bya'o/ zhes gcig nges pa dang ldan pa'i ngag sbyar bar bya ba bstan tam zhe na/ ma yin no zhe smra'o/ /'o na ci ltar zhe na/ 'bras bu gzhan gyi phyir nges pa dang ldan par sbyar bar bya ba nyid yin la/ de sbyar ba na yang gnyis pa ni brjod pa nyid ni zhar la 'das pa yin no/ /'di ltar yod pa dang med pa tsam rjes su 'gro ba dang ldog pa yin par brjod na ni sbyor ba gnyi ga yang go bar byed pa ma yin par 'gyur ro/ /'di ltar nges pa med na ni sbyor ba'i don 'di 'dra bar 'gyur te/ gang zhig mthun pa'i phyogs la yod pa dang mi mthun pa'i phyogs la med pa de gtan tshigs yin no zhes bya bar ro/ /shing phung gcig las skyes pa la yang mthun pa'i phyogs la yod pa tsam dang/ mi mthun pa'i phyogs la med pa tsam yod pa nyid de/ des na de bzlog pa'i phyir yod pa dang med pa des pa nyid du brjod par bya ba yin la/ nges pa gcig nyid du yod pa 'am med par brjod pa na yang gnyis pa 'phen pa yin no/ /de la don dam pa ni 'di yin te/ nges pa nyid du brjod bas na gtan tshigs go bar byed pa yin ba de'i phyir nges pa ni gdon mi za bar bya ba yin la/ nges pa yang gcig brjod na gnyis ka 'phen pa yin pa'i phyir gnyis ka sbyar bar mi bya'o/ /gtan tshigs mthun ba'i phyogs nyid la de pa yin? 'brel ba las yin zhing/ de nyid las mi mthun pa'i phyogs las ldog pa yin no/ /mi mthun pa'i phyogs las nges pa dang ldan par ldog pa yang 'brel ba nyid las las mthun pa'i phyogs las nges pa de nyid las yin la/ 'brel pa de yang rjes su 'gro ba'i mtshan nyid yin pa'i phyir ldog pa sbyar ba na yang rjes su 'gro ba rtogs pa yin no/ /de ni gcig rtogs pa na yang gnyis ka brtogs pa nges pa 'khrul bar bsgrub pa'i phyir/ gal te zhes bya ba la sogs pa smos so/ /mnyan par bya ba zer ldog pa yin yang go bar byed pa nyid ma yin pa'i phyir ldog pa rtogs pas rjes su 'gro ba nges pa ldan par rtogs so zhes ji ltar brjod/ gtan tshigs ni rab tu grub pa'i rjes su 'gro ba dang ldog ba dag gis go bar byed ba yin te/ des na ldog pa rtogs kyang rjes su ngan? 'gro mi rtogs pa de'i phyir mnyan par bya ba nyid go par byed pa ma yin no zhe na/ de bzlog pa'i phyir ma yin te zhes smos so/ /mnyan par bya ba nyid la ni ldog pa yod pa ma yin no/ /gal te ldog pa yod na ni nges bar rjes su 'gro ba yang yod par 'gyur te/ mi dmigs byung ba yin pa'i phyir ro/ /'ga' las kyang zhes bya ba ni rtags pa nyid dam mi rtag pa nyid las so/ /gal te 'ga' las ldog par des na ni gang las ldog pa de la the tshom skyes bar mi 'gyur gyi/ 'on kyang rang nyid yod pas de med par go bar byed pa nyid du 'gyur la/ 'gal zla med pa go ma yang cig shes nges par 'gyur ba'i phyir mnyan par bya ba nyid the tshom sgrub par byed par mi 'gyur ba zhig na/ the tshom sgrug par byed pa'i rgyu'i 'ga' las kyang log par nges par med pa yin no/ 'di nyid gsal bar bya ba'i phyir ldog pa'i gtan tshigs nges pa'i ? nyid du bstan pa'i phyir ldog pa dang ldan pa la ni zhes smos so/ /ldog pa dang ldan pa la ni the tshom yod pa ma yin te/ dper na byas pa nyid las mi rtag pa nyid bzhin no/ /byas pa nyid de ni rtag pa las ldog pa na 'ga' zhig tu ra pa yod pa na zlog par byed pa nyid do/ /byas pa nyid nges par rtag pa las ldog pa ni yin la byas pa nyid kyi yul rtag par the tshom yang za'o zhes ni rjod par mi nus so/ rtag pa nyid kyi yul la the tshom med na ni de yongs su spangs pas gnas pa'i mtshan nyid mi rtag pa nyid la yang the tshom med pa yin te/ de'i phyir gang la ldog pa yod pa de ni the tshom gyi rgyu ma yin la/ gang zhig the tshom gyi rgyu yin pa de ni thams cad las ldog par the tshom du gyur pa yin no/ /'di snyam du mnyan par bya ba nyid 'ga' zhig las ltog pa de lta na yang ldog pa'i yul nyid zlog par nus pa yin gyi/ cig shos kyi ngo bo sgrub pa la ni the tshom sgyed pa yin no snyam na/ dngos po'i chos shes smos te/ mnyan par bya ba nyid ni dngos po'i chos yin la/ dngos po'i chos gang yin ba de yang dngos po thams cad la nges par ldog pa ma yin te/ dngos po'i chos nyid ni de'i chos ma yin par 'gal ba'i phyir ro/ /rtag pa dang mi rtag pa dag /dngos po thams cad phung po gnyis yin te/ de'i phyir gcig las ldog na gnyis pa la nges par 'jug la/ zhugs na yang rang gi yul nye bar 'jog par byed pa yin no/ /de'i phyir dngos po'i chos gcig las ldog na gzhan la nges par yod pas 'ga' la yang the tshom mi byed do/ /gang zhig 'ga' las kyang ldog par ma nges pa de ni gnyi ga las 'jug par dogs pa nyid kyis the tshom gyi rgyu nyid do/ /'di nyid ston pa ni des na yod par dogs pa nyid kyis shes bya ba yin no/ /'on ci ltar mnyan par bya ba nyid ldog pa dang ldan par bshad ce na/ smras pa/ gang gi phyir 'di 'ga' zhig tu yang rjes su 'gro ba ma mthong ba de'i phyir 'di la ldog pa yod pa'i ldog pa dang ldan par bshad pa yin no/ /'di nyid rjod pa yin te/ ldog pa'i sgra 'di ni rjes su 'gro ba mthong ba 'gog pa lhur byed pa yin gyi/ ldog pa nges pa brjod pa ni ma yin no/ /rjes su 'gro ba ma mthong ba'i bdag nyid kyi ldog pa ni go bar byed pa ma yin no/ /'o na go bar byed pa ci 'dra ba zhig yin zhe na/ bshad pa/ rgyu mi dmigs pa dang khyab par byed pa mi dmigs pas nges par bya ba'i go bar byed pa gang yin pa de ni brjod zin to/ /'di snyam du de yang rjes su 'gro ba med par 'gyur pa des na 'phen pa ma yin no/ snyam na/ smras pa/ de yang rjes su 'gro ba med par ldog pa nges par bstan par mi nus so/ /'brel pa yod na ni bsgrub par bya ba log na gtan tshigs ldog la/ 'brel pa yang de'i bdag nyid dang de las byung ba'i rgyu mtshan can yin te/ de'i ngo bo nyid ni de nyid de'i bdag nyid dang rgyu'i dngos po mthong ba yod pa'i yul can gyi tshad ma sgrub par byed pa shes par byed pa yin no/ /'di skad du brjod pa yin te/ 'ga' zhig tu rang bzhin nam 'bras bur mthong na/ 'ga' zhig gis khyab pa dang/ 'ga' zhig gis 'bras bur rtogs par 'gyur ro/ / de'i bdag nyid du nges par byed pa'i tshad ma'i yul dang/ de las byung ba'i tshad ma'i yul gang yin pa de nyid rjes su 'gro ba'i yul yin te/ de'i phyir bdag nyid dang de las byung ba'i nges pa nyid kyis ldog par nges pa'i phyir rjes su 'gro ba med pa'i ldog pa nges pa 'ga' yang yod pa ma yin no/ /des na phan tshun ltos par grub po/ /gal te mnyan bya nyid ni nyan pa'i rnam par shes pa'i gzung ba yin la/ de yang rang gi rnam pa can gyi rgyu ma yin nam/ skad cig ma ma yin pa ni don byed de/ des na mi rtag pa nyid bsgrub pa la mnyan par bya ba nyid mi mthun pa'i phyogs las ldog pa yin no/ /bsgrub par bya ba'i chos can las gzhan la med pa tsam gyis ni de rjes su 'gro ba med pa ma yin no/ /des na ldog pa med pa'i phyir mnyan bya nyid ni go bar byed pa ma yin no zhes ci ste brjod ce na/ gal te nyan pa'i shes pa'i rgyu nyid mnyan bya yin na/ 'o na ni de sgra tsam la yod pas/ gnod par byed pa'i tshad ma gang gis skad cig ma nyid kyis khyab pa sgrub pa de nyid kyis sgra yang skad cig mar grub pa'i phyir/ mnyan par bya ba nyid kyis gzhan ci zhig bsgrub par bya/ gang zhig rtags kyi tshul grub pa'i dus su ma grub pa de ni rtags las bsgrub pa yin na/ sgra'i skad cig ma nyid ni mnyan bya'i rjes su 'gro ba grub pa'i dus nyid du grub pa yin te/ des na mnyan bya ba la mi ltos so/ /de ltar yod pa'i khyab pa grub pa'i dus nyid na sgra skad cig ma grub pa ni ma yin no/ /'di ltar yod pa'i dngos po ni tshad med pa yin te/ de'i phyir thun mong gi yul la khyab par 'grub bo/ /ji ltar dngos po gcig gi mur thug pa ni rim dang cig car dag gis don byed pa med par bstan par mi nus pa de ltar ni skad cig ma 'jig pa'i skabs su 'chad par 'gyur ro/ /thun mong gi yul can gyi khyab pa sgrub kyang sgra yod par the tshom za ba na skad cig mang ma grub pa yin la yod par nges pa las ni grub pa yin no/ /mnyan bya nyid ni sgra tsam la yod pas de nyid du khyab pa bsgrub par bya ba yin no/ /de'i phyir mnyan bya 'am gzhan yang rung ste gang zhig thun mong ma yin ba de ni go bar byed pa ma yin te/ gnod par byed pa'i tshad ma nyid kyis shes par 'dod pa'i bye brag rjes su dpag par bya ba grub pa'i phyir na/ de'i bya ba med pa'i phyir ro/ /dngos po gcig la brten pa ni rim dang cig car dag gis don byed pa med par bsgrub par yang mi nus te/ de'i phyir khyab pa 'grub par ga la 'gyur/ gal te nges pa nyid rjes su 'gro ba 'am ldog pa yin na/ 'o na ni rtags tshul gnyis par thal bar 'gyur te/ phyogs kyi chos rjes su 'gro ldog dag las gang yang rung ba'o zhe na/ dgag pa'i phyir ma yin te zhes smos te/ rjes su 'gro ba dang ldog pa dag tshul tha dad pa nyid do/ /'di ltar mthun pa'i phyogs la yod pa tshad mas des kyang gzhal bya nyid bzhin du mi mthun pa'i phyogs las med pa nges pa ma yin no/ /gang zhig nges kyang ma nges pa gang yin pa de las khyad par gzhan nyid yin la/ khyad par gzhan nyid kyang tshul gzhan yin par bstan pa'i phyir na tshul gcig nyid ma yin no/ /'on kyang sngar bshad pa'i tshul gyis de dag ni nges pa'i sgras brjod par bya ba yin la/ nges pa de dag ni gcig gis kyang gnyi ga bstan par nus pa'i phyir sgra'i sbyor ba de bsdus te rjod kyi tshul gcig tu byas pa'i phyir ni ma yin no/ /de skad du yang slob dpon phyogs kyi glang pos yang na don gyis go ba ste/ shugs kyis rtogs pa gang yang rung ba gcig rab tu sbyar bas kyang gnyi ga rab tu bstan pa'i phyir ro zhes bshad do/ /yang na'i sgra ni tshad ma kun las btus pa'i skabs kyi gzhung la ltos pa'o/ /de'i phyir sbyor ba bsdus pa yin te/ sbyor ba gcig gis brjod pa'i tshul ni tha dad pa kho na'o/ /gzhan dag ni med pa yod pa ma yin pa la ni med pa nyid 'jug pa 'gog par byed de/ med pa yod pa ma yin pa ni gzhi zhes bya ba gnas gzhi'i nus pa dang/ sogs pa'i sgras byed pa la sogs pa'i nus pa der mi 'thad pa'i phyir te/ mi srid pa'i phyir ro/ /med pa ni nus pa thams cad dang bral ba'i phyir ro/ /'di dgag pa'i phyir pha rol la bzhad gang du smras pa ni re shig phyugs dag kyang zhes bya ba yin no/ /gang gi tshe gang mi rigs par mthong ba de nyid kyi tshe snga ma dang phyi ma dran pa'i nus pa med kyang de la mi gnas so/ /rgol la 'di ni gang kho na'i tshe gzhan 'gog pa de nyid kyi tshe rang nyid spyod par byed de/ des na phyugs las kyang phyugs yin te/ phyugs kyi drung na yang phyugs yin no/ /phyogs kyi slob dpon phyogs kyi glang po la sogs pa chen po'i yang chen po bla ma dag la smod pa'i phyir 'di las bdag nyid mi shes pa gzhan ci zhig yod de/ bdag nyid mi shes pa'i bya ba ni 'di tsam du zad pa'i phyir ro/ /gzhan 'gog pa'i dus su bdag nyid mi rigs pa byed pa nyid bstan pa'i don du bshad pa ni/ /pha rol ba 'di ldog pa'i don ston brjod par byed pa'i tshig de nyid kyis te/ med pa la med pa nyid mi 'thad do zhes bya ba de lta bu la sogs pa ngag gis med pa dngos po ma yin pa la tha snyad mi 'thad par stod cing sgrub cing gzhan dag 'gog par byed pa ni gsal bar rgyal po'i chos lugs yin no/ /khyed kyi rigs pa dang mi rigs pa brtags pa dang mi ldan pa'i chog 'di ni rgyal po'i chos lugs dang 'dra ba yin no/ /'di snyam du med pa brjod pa'i tshig gis 'di tha snyad du mi byed do snyam na/ smras pa/ bdag nyid mi smra na ni gzhan rtogs par mi nus te/ /mi dbang la sman yang med pa la sgra 'jug pa'i skyon 'di spang bar mi nus so/ /de bzhin du 'di ni skyon gzhan te/ med pa la gtan tshigs mi 'gog na sgrub pa thob par 'gyur ro/ /ci'i phyir zhe na/ bshad pa/ med pa las ldog pa bla dang ba'i mtshan nyid ga la yod pa'o/ /'di skad brjod pa yin te/ dngos po med pa bkag pa nyid dngos po 'ga' zhig tu brjod pa yin te/ des na gnyi ga la dgag par mi nus so/ /dngos po med pa bkag pa'i phyir na dngos po khas blangs par 'gyur na de yang rigs pa ma yin no/ /gzhan yang med pa las ldog pa'i ldog pa de nyid khyod ci ltar 'dod pa tshig gi sbyor ba gang gis 'dod ce na/ /bshad pa/ med pa las ldog pa med do zhes bya ba 'dis so/ /'di skad brjod pa te/ med pa las ldog pa grub pa ma yin zhes smras pa na/ /ldog pa'i ldog pa la med ba 'byung khung du bstan pa yin no/ /ji ltar ldog pa la ltos nas nus pa med pa'i phyir 'byung khung nyid ma yin pa de bzhin du ldog pa'i ldog pa la yang yin no/ /ldog pa la ni 'byung khung nyid bkag la/ ldog pa'i ldog pa la ni 'byung khung nyid du brjod de/ de yang rigs pa ma yin pa byas pa yin no/ /don 'di nyid lhag dang bcas te tshigs su bcad pa dag gis bstan pa'i phyir smras pa/ ldog pa med pa'i med pa gang yin pa de nyid ni bsgrub pa yin no/ /de yang dngos po de yod par bstan pa yin zhing/ med pa la yang de ni yod par 'dod pa yin la/ dngos po med pa ni med pa dang 'brel pa yod pa ma yin no zhes ston pa 'di ni blun po ste/ glen pa'i kun tu sbyor ba yin no// gal te de las ldog med na dngos po med na dngos po med pa de la gtan tshigs 'jug par bya ste/ yod par 'dod dam ci zhes rnam par dbye ba bsgyur la sbyar te/ ldog pa'i sgra ni bral? ba'i don brjod pa yin pa'i phyir ro/ /gal te yang ldog pa'i sgra dngos po med pa brjod na ni/ des na de la ldog pa med na zhes gnas gzhi rigs par 'gyur ro/ /'di snyam du dngos po med pa de la gtan tshigs 'jug pa de yang min no zhe na/ slob dpon gyis smras pa/ 'o na ni 'di nyid ni dgag pa yin te/ 'di lta ste dngos po bkag pa zhes bya'o/ /des ni 'dod pa med do zhes ci ste 'gog/ de ltar gal te sgrub pa de nyid 'gog na dgag pa thob pa yin la/ dgag pa 'gog pa yang sgrub pa yin pas med pa la gnyi ga dgag par bya bar mi nus so zhes bstan pa yin no/ /da ni skyon gzhan bsag pa'i phyir/ sgrub dang dgag pa ma gtogs pa zhes bya ba la sogs pa smos so/ /'di skad brjod pa yin te/ /ngag gi don gyi mtshan nyid sgra las byung ba'i tha snyad ni med pa la 'jug par mi nus te/ gang gi phyir gzhan med pa ni de la yod pa dang med pa tha snyad bya ba ma yin la/ dngos po med pa de nyid kyang rang nyid yod pa dang med par tha snyad du mi nus so/ /gang gi phyir rnam par dbye ba'i mdza' can gyi tshig gis brjod par bya ba dngos po med pa brtag pa 'am brjod bar nus par 'gyur ba rnam par dbye ba thams cad ni byed pa po rjod par 'dod pa'i rgyu mtshan can nyid do/ /rnam par dbye ba dang po yang byed pa po'i nus pa khongs su 'dus pa can yin la/ drug pa'i yul yang lhag ma bya ba dang byed pa sngon du 'gro ba can nyid do/ /des na nus pa dang bral ba'i phyir gnas gzhi la sogs pa'i nus pa dang 'brel pa med pas/ dngos po med pa 'di la sgrub pa dang dgag pa'i tha snyad bya bar mi nus pa'i phyir mi smra ba nyid thob par 'gyur ro/ /dngos po med pa la mi smra ba thob pa 'ba' zhig tu ma zad kyi/ dgag pa'i tha snyad thams cad kyang chad par 'gyur ro zhes bstan pa'i don du bshad pa/ 'gal ba'i phyir na de zhig yod pa'i don rnams la ni dgag pa med do/ /gnas gzhi la sogs pa mi 'thad pas dgag pa de ni med las 'jug par mi 'gyur ro/ /des na rnam pa gzhan gsum pa med pa'i phyir na tshul 'dis dgag pa'i don med par te nub par 'gyur ro/ /'di snyam du yod pa nyid yul dang dus la ltas nas 'gag pa yin te/ dper na bum pa yod pa nyid yul lam dus den med do zhes dgag pa bzhin no zhes pha rol dogs nas gal te yul dus zhes bya ba la sogs pa smos so/ /ci ltar nga yod pa ste dngos po de rnam pa gang gis yod pa'i rnam pa des ni dgag par mi nus la/ rnam pa gang gis de med pa'i rnam pa des kyang dgag par mi nus pa nyid de/ med pa ni gnas gzhi la sogs par mi 'thad pa'i phyir ro/ /de'i phyir zhes bya ba ni gang gi phyir phyi rol gyi dngos po 'am dngos po med pa dgag pa dang 'brel par mi nus la/ dgag pa byed pa gang yang yin pa de'i sgra'i don la brten nas 'gro ba 'dir dgag pa dang bsgrub pa thams cad 'dod pa yin no/ /sgra'i don ci 'dra ba zhig ce na/ dngos po dngos med brten pa ste/ dngos po dang dngos po med pa'i rten gang la yod pa'o/ /sgra don chos ni rnam pa gsum zhes gang 'chad pa yin pa de'i phyir dngos po dngos med rten can zhes bshad pa yin no/ /gal te phyi rol gyi rang bzhin du lhag par des pa'i phyir sgra'i don kyang phyi rol nyid ma yin nam zhan phyi rol gyi rang bzhin du nges pa sgra'i don yin bar su smra/ 'di ltar gang la phyi rol gyi rten yod pa ma yin pa'o/ /rten ni nges pa'o/ /phyi rol te phyi'i yul du nges pa ni sgra'i bon ma yin te/ phyi rol gyi rang bzhin du ni nges pa ma yin no zhes bya ba'i don to/ /dgag pa dang sgrub pa dag dang 'brel pa tshig gi don yin te/ tha snyad kyi yul gyi don gzhan med pa'i phyir ro/ /blo'i yul nyid sgra'i don yin te/ dgag pa dang bsgrub pa dag 'brel bar rung ba nyid shing la sogs pa'i chog gi don yin gyi gzhan ni ma yin no/ /phyi rol shing la sogs pa nyid des pa ni tshig gi don du mi 'thad de/ phyi rol gyi shing ni gang na yod pa der bdag nyid thams cad kyis yod la gang la/ med bden yang bdag nyid thams cad kyis med pa'i phyir ro/ /gal te de 'dra bar yod pa nges par byas pa'i tshig gi don yin na/ 'o na ni de la sgrub pa 'am dgag pa gzhan 'brel par mi 'thad de/ yod pa'i don gyi khyad par can gyi shing myong bar 'gyur ba ni don gzhan dag gam/ /de bkag pa dang 'bral par nus pa ni med do/ ci ste yang yod pa ma yin par shes pa'i zhig sgra'i don yin na/ /de yang sgrub pa 'am dgag pa gzhan dang 'bral bar rung ba ma yin no/ /gang zhig nges pas bsgrub pa dang dgag pa 'brel par rung bar 'gyur pa yod pa dang med pa dag las phyi rol rnam pa gzhan ni yod pa ma yin no/ /de'i phyir shing yod do shing med do zhes bya ba'i dag la phyi rol gyi rang bzhin nges pa ni shing gi sgra'i don ma yin te/ de yod pa'am med par nges par byas pa ni sgrub pa 'am dgag pa dang 'brel par mi rung ba'i phyir ro/ /sgra'i don ni phyi rol la brten pa ma yin te/ phyi rol bdag nyid thams cad kyis log gam gnas kyang sgra'i don rtogs pa'i phyir ro/ /gang zhig dgag pa dang bsgrub pa ni phyi rol la brten pa ma yin no zhes zer ba de la 'di skad 'dri bar bya ste/ sgra'i don la brten nas sgrub pa dang dgag pa thams cad 'dod pa yin no zhes bya ba 'di tsam gyis ci dgag pa dang bsgrub pa phyi rol la mi brten par ma brjod dam/ brjod na yang 'di ci bya/ 'o na dgag pa dang bsgrub pa'i phyi rol la brten par ci ltar rtogs par 'gyur te/ gang gi phyir phyi rol de 'dra ba ni med do zhe na/ bden te phyi rol gyi dngos po de 'dra ba ni med do/ /'on kyang phyi rol gyi rtan chos can de nyid phyi rol gyi yul dgag pa dang bsgrub pa de dang dang 'brel par snang ste mngon no/ /gal te phyi rol gyi rang bzhin du nges pa ma yin pa chos can yin na phyi rol la brten pa'i sgrub pa dang dgag pa dang 'brel bar snang bar ji ltar 'gyur/ gang zhig gang gi rang bzhin du nges pa ma yin pa de ni de la brten pa'i sgrub pa 'am dgag pa dang 'brel pa ma yin no zhe na/ 'dir smras pa/ shing gi sgra'i don ni phyi rol du nges pa ma yin pa nyid do/ /'dis ci 'dra ba zhig nges pa de 'dra ba ni phyi rol na med do/ /'di ltar shing ma yin pa gcig pu las log pa'i dngos po ni phyi rol ni 'ga' yang med do/ /rnam par rtog pa ni rang gi bag chags yongs su smin pa'i dbang gis ldog pa gcig la ltos te/ phyi rol gyi shing gi brjod par bya ba ldog pa gzhan dang 'brel pa'i rang bzhin du rtags par byed do/ /de 'dra ba'i rang bzhin dngos po par dngos po med pa thun mong pa nges pa med pa'i phyi rol gyi dngos po de ni yod pa ma yin no/ /de ni gcig tu yod pa 'am med par 'gyur gyi/ yod med thun mong ni ma yin no/ /des na phyi rol gyi rang bzhin thun mong ba rnam par rtog pas sprul pa ni gang la brten pa'i bsgrub pa dang dgag pa dag phyi rol dang 'brel pa nges par 'gyur ba sgra'o don yin no/ /phyi rol la gtan med pa yin yang 'di ni phyi rol gyi shing gi rang bzhin du rnam par rtog pas bkod pa yin te/ des na 'di phyi rol du lhag par zhen par byas pa yin gyi/ phyi rol de 'dra ba nyid ni ma yin pas na phyi rol gyi ngo bo nges pa ma yin par brjod do/ /chos can sgra'i don 'di lta bu ni sgra 'jug pa nyid kyi phyir yod do zhes 'dod pa yin gyi/ 'di la tshad ma gzhan brjod par bya ba ni ma yin no/ /shing gi sgras brjod par bya ba ldog pa gcig dang 'brel pa chos can 'di 'dra ba med na ni don gzhan dgag pa dang bsgrub pa dang 'brel pa ni mi rigs pa'i phyir ro/ /gal te yod na 'o na de nyid don dam pa'i dngos po yin no zhe na/ smras pa/ tha snyad la brten nas yod do zhes 'dod kyi ngam par ni ma yin no/ /'di ltar nges pa'i chos can 'di blo'i rang bzhin na/ blo'i rnam pa'i rang bzhin ni ma yin te/ de dag ni shing ma yin pa las ldog pa'i rang bzhin du mi gnas pa'i phyir ro/ /phyi rol yang ma yin te/ ldog pa gcig dang 'brel pa'i phyi rol gyi don med pa'i phyir ro/ /de'i phyir tha snyad brten pa ste/ tha snyad kyi yul du sgro btags pa'i rang bzhin yin no zhes bya ba'i don to/ /rnam par rtog pa ni rang gi snang ba don med pa yang don du stan par byed pa yin no/ /des na sgro btags pa'i tshul gyis shing gi sgra'i don yod pa nyid du nges pa yin te/ de'i phyir rol de'i bzhin la ni sgrub pa 'am dgag pa gzhan 'brel pa ma yin no/ /gal te phyi rol ni mi snang la sgro btags pa yang dgag par bya ba ma yin na/ 'o na sgrub pa dang dgag pa ji ltar nges she na/ bshad pa/ sgro btags pa'i rang bzhin de gang gi rang bzhin yin par nges pa de dgag par nges pa yin no/ /phyi rol gyi shing gi rang bzhin du yang nges pa yin te/ des na bsgrub pa dang dgag par nges pa yin no/ /de'i phyir blo ma yin/ blo'i snang ba yang ma yin/ sgro btags pa'i rang bzhin gang yin pa de yang ma yin zhing phyi rol yang bsgrub pa dang dgag pa dang 'brel pa ma yin gyi/ 'on kyang sgro btags pa de ltog ba gcig la brten nas phyi rol gyi rang bzhin du nges pa yin la/ phyi rol de la bsgrub pa dang dgag pa 'brel pa yin no/ /thag pa'i rdzas sbrul du mos pa la sgrub pa dang dgag pa'i 'jug pa ni blo ma yin de'i snang ba ma yin zhing/ sgro btags pa'i sprul la yang reg pa ma yin gyi/ 'on kyang sgro btags pa'i rang bzhin phyi rol du nges pa yin no/ /des na phyi rol du de'i rang bzhin du gyur pa yin/ /des na shing med do zhes bya ba'i ngag brjod pa na phyi rol gyi shing ni bzlog par bya ba yin te/ de la dgag pa'i bya ba med pa'i phyir ro/ /blo yang ma yin te/ sgra'i don ma yin pa'i phyir dang/ myong ba yin pa'i phyir ro/ /blo'i snang ba yang ma yin te/ de yang myong ba yin pa'i phyir ro/ /de'i phyir tshig gi don sbrel pa sngon du 'gro ba can gyi dag gi don med par 'gyur ro zhes gang smras pa de bsal ba yin no/ /rnam par rtog pa ni dngos po dang dngos po med pa thun mong ba shing ma yin pa ldog pa dang 'brel pa phyi rol gtan med pa yod pa dang med pa dang ldan par don brtags nas/ kun du brtags pa'i don de phyi rol gyi yul bsgrub pa dang dgag par rlom pa yin no/ /blo ma yin snang ba ma yin phyi rol ma yin no/ sgro btags pa yang ma yin mod kyi/ 'on kyang sgro btags par gyur pa'i phyi rol yin no/ /ldog pa gcig gi mthar thug pa'i shing gi rnam par rtog par 'jug pa yin no zhes bya ba 'di ci ltar rtogs par bya ste/ shing ma yin las ldog par rtogs so zhes nyams su myong ba ni med do zhe na/ de ni bden mod kyi/ 'on kyang gang nges pa de rnam par rtog pa'i yul yin no/ /gzung ba dang 'dzin pa'i rnam pa dag ni nges pa ma yin te/ de dag nges pa myong ba med pa'i phyir ro/ /des na de dag ni rnam par rtog pa'i yul ma yin gyi/ 'on kyang de dag ni rang rig pa'i mngon sum nyid do/ /rang gi mtshan nyid kyang yul ma yin te/ gang gi phyir rnam par rtog pa'i don ni sgra dang 'dres pa yin no/ /sgra dang 'dres pa yang sgra'i bya ba las skyes pa'i blo la snang ba gang yin pa yin na/ rang gi mtshan nyid ni sgra'i bya ba'i dus su snang ba yang ma yin no/ /rnam par rtog pa rang gi mtshan nyid nges pa'i bdag nyid du yang nyams su myong bas grub pa yin te/ de'i phyir rnam par rtog pa ni med pa'i rang gi mtshan nyid stan par byed de/ rnam 'grel la/ sgra don 'di dang gzhi mthun nyid/ /yod pa min yang zhes bshad pa yin no/ /sgro btags pa'i rang bzhin de ni dngos po dang dngos po med pa thun mong du nges pa yin na/ phyi rol mthong ba'i rang bzhin ni gnyi ga'i thun mong nyid ma yin no/ /de'i phyir shing ma yin pa gcig pu las ldog pa dang yod pa dang med pa las mi ldog pa nyid du rtogs pa na/ dngos po dang dngos po med pa thun mong du rtags par 'gyur ba yin no/ /gang yang sgro btags pa'i rang bzhin de gnyi ga'i thun mong ba dang/ mi gsal ba nyid kyis phyi rol dang mi 'dra ba yin yang phyi rol du nges pa yin no/ /snang ba dang sgro btags pa ngag rnam pa gzhan gyis 'dra bar ni mi 'thad de/ phyi rol de'i rang bzhin ma yin pas stong pa'i rtogs pa na yang de'i rang bzhin ma yin pas stong par sgro btags pa yin te/ ngas na phyi rol dang sgro btags pa dag de'i rang bzhin ma yin pas stong par 'dra ba'i phyir/ sgro gdags par bya ba phyi rol nges par 'gyur ba yin no/ /de'i phyir yang shing ma yin pa las ldog pa nges so zhes khong du chud pa yin no/ /gzhan yang gal te gzhan las ldog pa'i don sgro mi 'dogs na gzhan med pa gang gis rtogs/ me'i ngo bo nyid nges pa rtogs na de las gzhan med pa rtogs pa yin no zhe na/ gzhan las ldog pa rtogs pa med na gcig tu nges par brtag par mi nus pa ma yin nam/ de'i phyir nges pa'i rang bzhin sgro 'dogs pa nyid ni gzhan ldog pa rtogs pa nang du 'dus pa yin no/ /des na bdag gis ldog pa rtogs so snyam du nyams su myong ba'i phyir ni gzhan ldog pa sgro 'dogs par mi brjed kyi/ 'on kyang dngos po dang dngos po med pa thun mong ba dang/ phyi rol nyid dang/ nges pa'i rang bzhin nges pa'i shugs kyis yin no/ /dper na bdag gis spyi mthong ngo snyam du myong ba med mod kyi/ de lta na yang spyi'i rnam pa can gyi shes pa nyams su myong ba'i shugs kyis spyi mthong ba yin no zhes gzhan gyis rtags pa yin no/ /de nyid kyi phyir rnam par rtog pa'i don sgro btags pa yang sgrub pa'i rang bzhin ni ma yin gyi/ 'on kyang ldog pa'i rang bzhin yin no/ /gzhan ldog pa'i rang bzhin gyi mthar thug pa ma bzung na ni sngar bshad pa'i rnam pa gsum gyi nges pa mi 'thad pa'i phyir ro/ /gzhan ldog pa gtsor gyur pa sgro btags pa'i don de yang gzhan sel bar brjod pa yin la/ gang gi phyir sgro btags pa'i rang bzhin gyi gzhan ldog pa de nges pa na yang/ gzhan las ldog pa'i phyi rol gyi don rtogs par 'gyur ba de'i phyir/ rnam par rtog pa sgro btags kyi gzhan ldog pas 'jug pa yin no/ /phyi rol dag la ni gzhan ldog pa tsam zhig rtogs par 'gyur gyi/ rang gi mtshan nyid ni ma yin no/ /des na sgro btags kyi gzhan ldog pa ni dngos su yin la/ phyi rol gyi gzhan ldog pa ni shugs kyis 'dzin pa yin no/ /med par dgag pa'i gzhan sel ba don gyi shugs kyis rnam par rtog pa'i yul du 'gyur pa de nye bar bzung nas ni/ ldog pa'i ngo bo nyid med phyir/ /gnas dang mi gnas rtogs pa med/ ces bshad la/ sgro btags pa'i gzhan sel ba dngos su rnam par rtog pa'i don nye bar gzung nas ni/ spyi'i blo yang bslang pa yin/ nges na sun dbyung ba yang med/ ces gsungs so/ /des na rnam par rtog pa ni gzhan sel ba'i yul can yin no/ /sgra sal bar sbyor ba'i dus na ni nges pa'i rnam par rtog pa'i don brjod par bya ba nyid du sbyar bar bya ste/ gzhan du na nges pa'i don rjod pa nyid du mi 'gyur ro/ /nges na rnam par rtog pa'i yul gyi don brjod par bya ba nyid kyis na/ nges pa'i rang bzhin yin pa'i gzhan sel ba sgra rnams kyi brjod par bya ba yin pas/ gzhan sel ba gzhan dang bral ba la sgra 'jug pa yin no zhes gnas so/ /gdon mi za bar sgro btags pa ldog pa gcig dang 'brel pa chos can du gzung bar bya'o/ /de lta min na zhes bya ba ni gal te phyi'i rnam pa gnas pa de 'dra ba'i sgra'i don gyi mtshan nyid chos can du bzung na ni/ de'i tshe chos gcig sgrub na chos thams cad sgrub par ba? thal/ 'gog pa na'ang rang bzhin thams cad 'gog par thal lo/ /don ni 'di yin te/ phyi rol gyi dngos po khyad par ji snyed dang ldan pa'i khyad par de thams cad ni gcig med na yang thams cad ldog par 'gyur gyi/ chos 'ga' zhig ni rnam par gnas la chos 'ga' zhig ldog par ni phyi rol gyi yul rtogs pa ma yin no/ /gal te yang ji ltar phyi rol rtogs pa de ltar blos sgra'i yul chos can du bzung ba ni/ de'i tshe bum pa sa'i rang bzhin dang chu 'dzin par nus pa dang/ rtag pa dang ma byas pa ma yin no/ /zhes bya ba'i gzhi mthun pa'i chos bzhi po rnams kyi sgrub pa dang dgag pa dang grub pa dang bde ba gcig par thal bar 'gyur ro/ /phyi rol ni ji snyed cig pa de thams cad ldog pa'am/ yod par khyad par med pa yin no/ /'ga' zhig ni sgrub la gzhan dag ni 'gog pas tha dad par ni rtogs pa yin te/ de'i phyir phyi rol dang mi mthun pa'i sgra'i yul chos can yin no/ /'di snyam du chos de dag gcig tu rtogs pa ma yin te/ des na 'ga' zhig mi sgrub la gzhan dag ni 'gog pa la 'gal ba med do/ /dper na lhas sbyin sgrub la mchod sbyin 'gog pa bzhin no zhe na/ gal te de ltar tha dad par khas len na/ gzhan dang gzhan du gyur pa dag gi bkag pa dang ni sgrub pa bzhin du/ chos kyi yul sgrub pa dang ni dgag pa dag /chos can gcig la 'du bar mi 'gyur ro/ /sgrub pa dang dgag pa dag gcig la 'du bar ni rtogs pa yin te/ bum pa ni sa'i rang bzhin yin gyi/ gser gyi rang bzhin ni ma yin no zhes bum par gyur pa nyid kyi gser gyi rang bzhin 'gog pa yin no/ /de'i phyir phyi rol gyi don ci 'dra ba de 'dra ba'i sgra'i don gyi yul ni chos can du mi bzung ste/ sngar bshad pa'i skyon du thal ba'i phyir ro/ /'on khyod kyi sgro btags pa'i rang bzhin la chos dang chos can gyi tha snyad ji ltar 'gyur zhing/ sgro btags pa'i don yang dag pa'i rtogs pas res 'ga' mi gnod pa yang ci ltar 'gyur zhe na/ rang gi 'dod pas gnyi ga yang bstan pa'i phyir smras pa/ bum pa ma yin pa las ldog pa 'ba' zhig gis phyi rol du brtags pa'i chos can gcig gi dbang du byas te/ tha snyad ci ltar blos bstan pa zhes 'brel te/ /ldog pa gcig gi mthar thug pa'i chos can de lta bu'i phyi rol ni 'ga' yang yod pa ma yin no/ /de nyid kyi phyir chos gcig sgrub pa na/ de sten te de dang 'brel pa lta bu'i chos can de'i dbang du byas te zhes bya ba de nyid dang sbyar ro/ /lta bu'i sgra smos pa ni don dam par tha dad pa sngon du song ba can gyi ldan ba med pa'i phyir ro/ /gcig las log pa 'ba' zhig tu btags pa gang yin pa de nyid ni mang po las ldog par brtags pa yin te/ des na de'i chos can du rnam par gnas pa yin no/ /de nyid kyis na sna tshogs chos kyi gzhir gyur pa zhes smos so/ /chos gzhan rnams ni btang snyoms te yongs su ma bzung ba'o/ /sgra mi rtag go zhes brjod pa na chos gzhan 'brel par rung ba dag las yang btang snyoms su 'gyur ba yin te/ 'di gzhan du gyur tam? ma gyur kyang rung ste/ mi rtag pa nyid du re shig gyur pa yin no zhes bya ba ni btang snyoms so/ /ma byas pa ma yin no/ /zhes chos 'ga' zhig 'gog na de'i sa dben pa ste/ des stong par gyur pa'i chos can zhes 'brel to/ /'dir yang lta bu'i sgra blta bar bya'o/ /gang gi phyir sgra dang gzhi gcig pa'i ma byas pa nyid rjes su brjod nas 'gog pa yin ba de'i phyir/ sngar rang bzhin de dang ldan pa phyis 'gag pa dang 'brel ba dben pa lta bur snang bar ni chos can yin no/ /de las gzhan ba'i chos dag pa ni ltos par bya ste/ ma byas pa nyid 'gog pa na byas pa nyid la ltos pa yin no/ /sgrub pa'i dus su ni gcig bsgrub na chos gzhan la gdon mi za bar ltos par bya ba ma yin gyi/ 'gog pa la ni dgag par bya ba dang 'gal ba'i chos gzhan la ltos par bya ba kho na'o/ /gang na btang snyoms zhes 'dod pa der ni dgag pa bya ba gzhan btang snyoms su gyur pa zhes bya ba'i don du sbyar ro/ /re shig chos gcig ni dgag par bya ba yin la/ gzhan dag ni btang snyoms su bya ba'am/ sgrub pa la ltos par bya ba nyid do/ /kho bo cag gi chos dang chos can gyi tha snyad de lta bur gyur pa yin no/ /zhes don gcig bshad pa yin no/ /de ni chos dang chos can gyi tha snyad sgro btags pa la bden pa'i shes pas gnod pa med do zhes bstan pa'i don du smras pa/ ci ltar chos can gcig la brten nas don rnams kyi tha snyad rtogs par byed pa de bzhin du/ tha snyad byed pa pos kyang tha snyad de ma brtags par ste/ rnam par ma phyed par khas len pa ste rtogs pas so/ /'di skad brjod pa yin te/ rnam par rtog pa nyid rnam par 'byed par byed pa yin la/ de yang rnam par bslad par gyur pa'i phyir gang gis yul rnam par dbye bar bya/ 'di snyam du ci ltar smig rgyu la chur zhen pa ni/ rang nyid skyes pa'i bden pa'i shes pas bzlog pa de bzhin du/ chos dang chos can du sgro btags pa 'di yang yin no zhes dogs pa la/ tha dad don rten zhes smos so/ /tha snyad gang la tha dad pa'i don phan tshun ldog pa'i rten yod pa'o/ /smig rgyu la chur shes pa ni chu ma yin pa las ldog pa'i rgyu mtshan can ma yin te/ des na gnod pa yin no/ /chos dang chos can gyi tha snyad ni phan tshun ldog pa'i rgyu mtshan can yin pa'i phyir gnod pa ma yin no/ /gal te sgo 'dogs pa 'di res 'ga' ba yin na ni gnod par 'gyur ba zhig na/ res 'ga' ba ni ma yin no zhes rnam pa gzhan gyis kyang bstan pa'i phyir bshad pa/ 'di ni thog ma med pa yang yin la bag chags kyang yin te/ rnam par rtog pa skyed pa'i nus pa'o/ /de las byung ba'i chos dang chos can gyi don gang yin pa'o/ /'jig rten don te 'jig rten pa'i rab tu grags pa'i don de la tha snyad du byed pa pos gnod pa min te/ gnod par byed pa'i shes pa bden pa dang ldan pa ma yin no zhes bya ba'i don to/ /des na res 'ga' ba nyid ma yin pa'i phyir mi gnod do/ /da ni ci ltar tha dad pa la brten pa dang/ bslad pa ci ltar mi ldog par de ltar bstan pa'i phyir bshad pa/ chu 'dzin pa la sogs pa'i 'bras bu gang la yod pa dang/ bog pa la sogs pa snam bu'i bsgrub par bya ba'i 'bras bu gang la med pa'i don de ni gcig pa yin no/ /de las shes bya ba ni chu 'dzin pa la sogs pa'i rgyu nyid kyis de rgyu ma yin pa dag dang/ de bzhin du bog ba la sogs pa byed pa'i nus pa med pa de ma yin pa dag las tha dad pa ldog pa'o/ /don gcig ces bya ba 'dis ni don dam par ldog pa dang ldan pa'i don gcig nyid yin no zhes bstan par 'gyur ro/ /de'i phyir tha dad pa'i rten can gyi bslad pa gang dag yin pa tha dad rten can te/ don dam pa'i ldog pa'i rgyu mtshan can gyi bslad pa gang dag yin ba'i bslad pa de dag gis don de mthong ba nyid la sbyor ro zhes 'brel te/ de dang de dag gis zhes zlog pa ni ldog pa mang ba'i phyir bslad pa mang ba nyid du ston pa yin no/ /bslad pa gang dag gis don gang zhig 'phel ba dang 'grib pa lta bur byed pa de la de skad ces brjod do/ /'di skad brjod pa yin te/ chu 'dzin pa'i rang bzhin zhes de ltar de'i rgyu nyid kyis de las gzhan dag las ldog pa'i bum pa bsgrub pa'i rtogs pas yul du byas pa ni 'phel ba dang ldan pa yin la/ snam bu ma yin no zhes de ltar de'i don gyi rgyu ma yin pa nyid kyis 'grib pa dang ldan pa yin no/ /de lta nyid min yang zhes bya ba ni de don dam pa ni ma yin te/ gang gis de las 'phel ba'am 'grib pa byed par 'gyur ba don de ni ldan pa'i chos 'ga' zhig dang bral ba med la bral ba dang yang ldan pa med de/ de lta mod kyi de dang ldan pa ma yin yang don de mthong ba des pa nyid la sbyar ro/ /'brel pa 'ga' las zhes bya ba ni chos gzhan 'ga' zhig ldog pa dogs na ni sgrub pa lta bur byed la/ sgrub pa'i chos des kyang bum pa 'phel ba lta bur mngon pa 'ba' zhig tu zad do/ / g ang zhig chos gzhan med pa yod par dogs pa de bzlog pa'i don du bum pa la ni 'gebs par byed pa'i nus pa med do zhes blo gros rmongs pa'i dogs pa la ltos nas 'gebs par nus pa yod pa bzhin du brtags nas gzhi gcig pa nyid du bstan pa sel bar byed do/ /des na sngar ldan zhing phyis bral ba'i chos nges 'gro pa dang ldan pa lta bur nges pa'i tha snyad la sbyor ba yin no/ /nye bar bslad pa de yang des na bslad par shes pa ma yin te/ bslad pa nyid du mi rig go/ 'di skad bshad pa yin te/ bslad pa gang yin pa de dag ni don rnams kyi don dam tha dad pa la brten nas 'jug pa yin te/ des na de dag gi bslad pa nyid ni shes par mi nus te/ mi slu ba yod pa'i phyir ro/ /smig rgyu la chur bslad pa la ni ldog pa'i khyad par med pa'i phyir/ slu ba srid pas gnod par 'gyur ba nyid do/ /des na nye bar bslad pa yin yang bslad par ngo ma shes pa'i rang bzhin ni ldog pa ma yin no/ /sgra yang de'i rgyu mtshan can yin no/ /des na sgral? bslad par bstan pa la ni dgos pa cung zad kyang ma mthong ngo/ /bslad pa'i don nyid ni sgra'i don yin pas gang gi tshe de dag gi don la mi gnod pa de'i tshe sgra la yang mi gnod pas sgro btags pa ci dgos/ de'i phyir de ltar sgro btags pa'i sgrub pa dang dgag pa kho na sgra'i don yin pas med pa la med pa nyid 'thod pa yin no/ /de'i phyir gang zhig mtshan nyid de dang ldan pa'i gtan tshigs ni/ me dmigs pa dang bdag dang 'bras bu zhes bya bar brjod pa gang yin gsum po de kho na'o/ /'di nyid bshad pa ni mi dmigs pa rang bzhin dang 'bras bu'o/ /zhes bya ba yin no/ /dang gi sgras ni gsum po de stobs mtshungs pa bston la/ 'o'i? sgras kyang de tsam nyid du'o/ /de nyid dper brjod pa ston pa ni/ dper na phyogs kyi khyad par dmigs kyi gzung ba la lar ro/ /'ga' zhig tu zhes bya ba ni rgol ba dang phyir rgol ba'i mngon sum na'o/ /bum pa med de zhes bya ba ni bum pa med pa'i tha snyad bsgrub par bya'o/ /dmigs pa'i mtshan nyid ces bya ba la sogs pas ni gtan tshigs ston to/ /dmigs pa'i mtshan nyid ni rgyu'o/ /der gyur pa ni tshogs pa'i nad du 'dus pa'i don brjod ba'o/ /yul ni yul nyid kyis nang du 'du ba yin te/ tshogs pa gzhan dag ni dmigs pa ma yin pa'i phyir ro/ /de lta bur gyur pa ni med pa'i tha snyad du grub pa yin no/ /yang ci ltar na gang zhig med pa de dmigs pa'i mtshan nyid kyir gyur pa shes pa'i yul du 'gyur/ shes pa'i yul nyid yin na yang ji ltar med par brjod ce na/ de'i rang bzhin du btags nas 'gogs pa yin te/ dgag pa thams cad ni sgro btags pa'i yul can yin no/ /dper na skyes bu dkar sham 'di na med do zhes bya ba 'di la/ 'di skad ces dkar sham yin na ni dgag tu med la/ 'gog pa yin na yang dag dang sham ma yin no zhes ni brjod par mi nus pa de bzhin du 'di yang yin no/ /gal te da ltar na mi snang yang sha za la sogs pa snang ba nyid du sgro? btags nas dgag par 'gyur ro zhe na/ gang la sgro gdags par rung ba de nyid la sgro 'dogs pa yin no/ /sgro gdags par rung ba yang don gang zhig yod na gdon mi za bar dmigs pa nyid yin na/ sha za la sogs pa ni da ltar yang ma yin no/ /de na yang phyogs 'di? ni bum pa yod na gdon mi za bar dmigs pa kho nar 'gyur gyi/ bum pa yod kyang rgyu 'ga' zhig ma tshad bas mi dmigs pa yin no zhes dogs par mi 'gyur ba de nyid la sgro 'dogs pa yin no/ /sgro? gdags pa ga las nges she na/ de lta na ni 'o na rgyu ma tshang ba med par 'gyur ba na bum pa yod na dmigs par rung bar rtogs kyi/ sha za la sogs pa ni ma yin no/ /'o na rgyu ma tshang ba med pa nyid ga las shes she na/ smras pa/ don 'ga' zhig mthong ba na gang zhig don de dang shes pa gcig la gdon mi za bar 'dre ba'i don de gnyis ni dmigs pa'i rgyu khyad par med pa yin no/ /des na shes pa gcig la 'dra ba'i sa phyogs la sogs pa dmigs pa na/ gdon mi za bar dmigs pa'i bum pa gang yin ba de nyid ni dmigs pa'i tshogs pa can sgro gdags par nus pa yin no// gang zhig yul de nyid la brten par brtags pa'i bum pa gang yin pa de nyid yul de dang shes pa gcig la 'du ba yin gyi/ yul gzhan na gnas pa ni ma yin te/ nges na de nyid sgro gdags par rung ba yin no/ /nges na shes pa gcig la tshogs pa'i dngos po gzhan dmigs pa nyid/ rung ba nyid du srid ba'i bum pa mi dmigs pa yin te/ de'i phyir rung ba nyid du srid pa dmigs pa'i mtshan nyid du gyur pa'i mi dmigs pa las nges par 'gyur ba yin gyi/ gzhan las ni ma yin no/ /de'i phyir shes pa gcig la 'du ba'i don gzhan dmigs pa nyid dmigs pa'i mtshan nyid du gyur pa mi dmigs par rigs pas thob pa yin gyi tshig tsam gyis brtags pa ni ma yin no/ /de nyid kyi phyir ro 'di'i mtshan nyid ma brjod de/ dper brjod pa nyid kyis mtshan nyid grub pa'i phyir ro/ /don de'i rjes su 'brangs na ni gzhung mangs ba 'ba' zhig tu zad do/ /shes pa gcig la 'drer? rung ba nyid kyis snang ba nyid yin pa de nyid bsten pa'i phyir bshad pa/ bum pa la sogs pa gal te yod na dmigs pa snang ba'i yod pa de ni de lta bur gyur pa nyid du 'gyur gyi/ gzhan du ni ma yin te/ bum pa ni de'i rang bzhin du grub pa'i phyir ro/ /rang bzhin gyi gtan tshigs kyi dper brjod pa yang/ 'di ni zhes bya ba ni chos can ston pa'o/ /shing ste shing gi tha snyad du rung ba ni bsgrub par bya ba'o/ /shing sha pa yin pa'i phyir zhes bya ba ni sgrub pa byed pa'o/ /shing sha pa mang po yod pa'i yul du shing sha ba'i tha snyad shes pa'i blun po lo ma la sogs pa dang ldan pa la shing gi tha snyad byed pa shes kyang lo ma la sogs pa dang ldan pa tsam rgyu mtshan yin par ma rtogs par mthong ba'i khyad par gzhan tha snyad kyi rgyur sgro btags na/ sgro btags pa de ma mthong ba'i shing sha ba la shing gi tha snyad mi 'jug pa de la/ khyod kyis sngar lo ma la sogs pa dang ldan pa tsam gyi rgyu mtshan gyis shing gi tha snyad byas pa de ci ltar brjod par gyur ces sngar zhugs pa'i brda 'dran bar byed pa yin no/ /'bras bu'i gtan tshigs kyi dper brjod pa 'di na zhes bya ba ni chos can bstan pa'o/ /me yod do zhes bya ba ni bsgrub par bya ba'o/ /du ba la ni zhes bya ba ni gtan tshigs so/ /ci'i phyir tshul gsum par khyad par med pa las gsum nyid yin zhe na/ bshad pa/ gtan tshigs gsum pa de la gnyis ni dngos po ste sgrub pa ste go bar byed pa yin la/ mi dmigs pa zhes bya ba gcig ni dgag pa ste/ dgag pa'i tha snyad go bar byed pa yin no/ /'di skad brjod pa yin te/ bsgrub par bya ba la ltos nas gtan tshigs dam pa'i 'jog pa na/ de tha dad pas tha dad pa yin no yul yang sgrub pa dang dgag pa phan tshun 'gal bas de dag tha dad pa'i phyir gtan tshigs gnyis yin la/ sgrub pa'i don yang gtan tshigs las tha dad pa dang/ tha mi dad pa yin pas de dag 'gal ba yin la/ de las kyang de tha dad pas gtan tshigs gnyis so/ /de'i phyir de ltar yul tha dad pa'i phyir gtan tshigs gsum du 'gyur ba yin no/ /ci ste yul 'gal ba'i phyir gtan tshigs gsum pa yin yang/ gang yod pas rang bzhin la sogs pa go bar byed pa yin la/ med pa'i phyir ni gzhan dag go bar byed pa ma yin pa'i rang bzhin 'brel pa de bstan pa'i phyir bshad pa/ rang bzhin 'brel pa ni rang bzhin gyis 'brel pa ste/ 'brel pa'i rang bzhin zhes bya ba'i don to/ /de yod na don gyis don gzhan bsgrub par bya ba la 'khrul pa med la/ mi 'khrul ba las kyang go bar bya ba dang go bar byed pa'i dngos po yin no/ /na zhes bya ba gang gis phyir 'khrul pa med pa ni rang bzhin 'brel pa sngon du 'gro ba can yin pa de'i phyir/ 'brel pa dang ldan pa 'di dag kho na go bar byed pa yin gyi gzhan ni ma yin no/ /gang gis rang bzhin 'brel ce na/ smras pa/ de'i bdag nyid yin pa'i phyir ro/ /gang gi phyir sgrub par byed pa de bsgrub par bya ba'i rang bzhin nyid yin pa des na de bsgrub par bya ba la rang bzhin 'brel pa yin no/ /sgrub par byed pa bsgrub par bya ba de'i bdag nyid yin na/ bsgrub par bya ba dang sgrub par byed pa khyad par med par 'gyur la/ des na dam bca' ba'i don gyi phyogs gcig gtan tshigs su 'gyur ro zhes gzhan dag dogs na/ ma yin te zhes smos so/ /rnam par rtog pa'i shes pa'i yul gyi rang bzhin ldog pa'i rgyu mtshan can ni? chos so/ /de'i bye brag tu brtags pa'i phyir te/ sgro btags pa'i phyir ro/ /'di skad du chos kyi bye brag sgro btags pa des na bsgrub par bya ba dang/ sgrub par byed pa tha dad pa yin no zhes bshad pa yin no/ /go bar bya ba dang go bar byed pa ni nges pa'i yul nyid yin gyi/ dngos po'i rang bzhin ni ma yin no/ /'di ltar go bar bya ba ni nges par bya ba nyid yin la/ go bar byed pa yang nges par 'gyur pa nges par byed pa yin no/ /nges pa yang sgros btags pa yin te/ des na nges pa'i yul gyi tha dad pa yang sgros btags pa yin no/ /don 'di la slob dpon phyogs kyi glang po'i tshig tshad ma nyid du ston pa ni/ 'di rjes su dpog pas na rjes su dpag pa ste rtags so/ /rjes su dpag par bya ba ni gtan tshigs gyi mtshan nyid kyi yul du chos can la/ khyab pa'i yul du ni rjes su dpag par bya ba bsgrub par bya ba'i chos so/ /rtags dang bsgrub bya'i chos can de dag gi tha snyad tha dad pa ldog pa'i rang bzhin de thams cad ni blo la yod pa'i chos dang chos can gyi bye brag tha dad pa'i rang bzhin gyi rjes su 'gro ba kho na ste/ blo la brten pa'i rang bzhin des tha dad pa'i tha snyad du 'gyur ba yin no/ /gal te chos dang chos can gyi tha snyad blos brtags pa yin na/ de lta na ni 'o na brtags pa'i gtan tshigs kyis bsgrub bya bsgrub par thal lo zhe na/ bshad pa/ 'di ni chos so 'di ni chos can no/ /zhes bya ba'i chos can nyid gang yin pa de kho na blos kun brtags pa yin gyi ldog pa'i rang bzhin gyi don kyang ma yin te/ blo bye brag rang dga' ba don la mi ltos pa rnam ni don gyi rten ma yin pa ste/ don gyi gzhi ma yin pa'i phyir ro/ /de dag gis brtags pa'i yul gang yin pa de las don go bar khas len na ni don te/ dngos po mi 'thob pa kho nar 'gyur ro/ /de'i phyir 'di ni rten chos can yin la/ 'di ni rten pa chos yin no zhes bya ba dang/ bsgrub par bya ba dang sgrub par byed pa yin no zhes bya ba du ma tsam zhig blos brtags pa yin gyi/ phyi rol du nges pa'i don gyi bdag nyid de dang de las ldog pa yang brtags pa nyid ni ma yin no/ /yang ci ltar gcig la tha dad par brtag par nus she na/ tha dad par rtog pa'i rgyu mtshan bstan pa'i phyir bshad pa/ gang gi phyir dngos kun te 'ga' zhig ni ma yin no/ /mthun dngos ni rigs mthun pa'o/ /gzhan gyi dngos ni rigs mi mthun pa ste/ de dag las rang bzhin gyis te brtags pa ma yin pa'i rang gi mtshan nyid gyis ldog pa la ni rten pa can zhes 'brel to/ /ci'i phyir rang bzhin gyis ldog ce na/ rang rang la ngo bo la gnas pa'i rgyu'i phyir ro/ /'di skad brjod pa yin te/ gang gi phyir dngos po thams cad rang gi ngo bo nyid la gnas pa yin gyi/ phan tshun 'dra ba ma yin pa de'i phyir na/ ngo bo nyid kyis ma 'brel pas rigs mthun pa dang mi mthun pa las ldog pa yin no/ /gang gi phyir de lta yin pa de'i phyir ldogs mtshams kyi don gang dang gang las de ldog pa don gzhan gyi ldog pa de'i rgyu can ldog mtshams khyad par can gyi yul gyi ldog pa'i rgyu can gyi rigs kyi dbye ba rigs kyi khyad par sgra'i brjod par bya ba rab tu 'byed cing rab tu 'jog go / 'di ltar dper na bum pa gcig bum pa ma yin pa las ldog pa de bzhin du bum pa gzhan rnams kyang yin la/ thun mong pa'i ldog pa de yang sgra'i brjod par bya ba'i rigs su brjod pa yin no/ /rang gi mtshan nyid de'i khyad par gang yin pa de rtogs 'gyur zhes bya ba ni sgro btags pa'i rigs rtogs na rang gi mtshan nyid khyad par nges par 'gyur ba'i phyir de rtogs pa yin no/ /des na ldog mtshams gzhan la ltos nas kun brtags pa'i ldog pa'i bye brag rnam par rtogs pas yul du byed pa yin no/ /de'i phyir mngon sum bzhin du du ma las ldog pa can gyi dngos po'i rang bzhin gcig ni rnam par rtog pas yul du bya bar nus pa ma yin no zhes bstan pa'i phyir bshad pa/ gang gi phyir de ltar yin pa des na ldog mtshams gzhan gyi rgyu mtshan can rang gi mtshan nyid kyi khyad par gang zhig sgra'i chos gang gis go bar 'gyur ba de'i sgra yang brjod par bya ba la brten pa'i phyir chos dang 'dra bas chos shes brjod do/ /ldog pa gzhan gyi yul can gyi sgra de las gzhan gyis ni go bar nus pa ma yin no/ /rgyu des na rnam par rtog pa dang sgra rnam par grags pa nyid ni ma yin gyi/ 'on kyang yul tha dad pa yin no zhes smras pa ni tha dad rnam par gnas zhes bya ba yin no/ /gal te nges pa'i yul sgro btags pa'i rang bzhin dag nyid tha dad pa dang go bya go byed yin na/ de dag la ni de'i bdag nyid kyi mtshan nyid can gyi 'brel pa med do/ /gang la 'brel pa yod pa de dag ni go bya go byed kyi dngos po ma yin te/ rang gi mtshan nyid la go bya go byed mi 'thad pa'i phyir ro/ /des na bsgrub bya sgrub byed dag de'i bdag nyid ci ltar 'gyur zhe na/ bden te 'on kyang nges pa la gnas pa sgro btags kyi rang bzhin du nges pa ni go bar byed pa ma yin te/ de lta bur gyur pa ni su yang don du gnyer ba med pa'i phyir ro/ /go bar bya ba dang go bar byed pa na rang gi mtshan nyid du ldog par brloms pa nyid lhag yin te/ rang gi mtshan nyid la don du gnyer ba yongs su rdzogs pa'i phyir ro/ /des na go bar bya ba dang go bar byed pa ni rang gi mtshan nyid kho na nyid yin la/ de la ni de'i bdag nyid yod pa nyid do/ /'on kyang mngon sum gyis ni rang gi mtshan nyid de tha mi dad par 'dzin la/ rnam par rtog pas ni sgro btags kyi rang bzhin gyis nye bar zin pa tha dad par lta bur ston pa yin no/ /ldog mtshams gcig gi rgyu mtshan can lhag dang sgro btags pa'i rang bzhin gyis bar du gcod pa rang gi mtshan nyid de rtogs pa na/ ldog mtshams gzhan las ldog pa ni nges par mi 'gyur ro/ /gang zhig nges pas ma nges pa de ni nges pa'i yul ma yin no/ /des na mngon sum ni de'i rnam pa can yin pas rang bzhin thams cad 'dzin la/ rnam par rtog pa ni sgro btags kyi rjes su 'brangs nas rang gi mtshan nyid nges pa yin yang ldog pa gcig gi rang bzhin du zhen pa yin no/ /des na go bar bya ba dang go bar byed pa'i dngos po gang yin pa de dag nyid de'i bdag nyid du gyur pa nyid yin te/ sgro btags pa'i rang bzhin gyis nye bar zin pa dag nges pa yin pa'i phyir ro/ /sgro btags pa dang 'brel pa'i tha dad pa nges pas rang gi mtshan nyid kyis yul gsal bar byed pa na/ bsgrub par bya ba dang sgrub par byed pa rang gi mtshan nyid du gyur pa dag kyang tha dad par ston par byed do/ /de'i don 'di yin te/ sgro gdags par bya ba'i rang bzhin tha dad par sgro btags pa yin la/ rang gi mtshan nyid kyang sgro btags pa dang 'dra ba yin te/ des na sgro btags kyi rang bzhin gyis rjes su rtogs pa na tha dad par zhen pa yin no/ /go bar bya ba dang go bar byed pa'i dngos po yang zhes par byas pa'i tha dad pa'i rgyu mtshan gyis yin te/ des na rang gis de'i bdag nyid yin no/ /de'i bdag nyid kyis 'brel pa'i rang bzhin 'di yang rang bzhin gyi gtan tshigs su brjod pa yin no/ /gang gis 'bras bu yang rang bzhin 'brel par 'gyur ba de ston par byed pa ni 'bras bu yang de las byung ba'i rgyu'i phyir ro/ gang gi phyir de las byung ba yin pa'i phyir 'bras bu yang de rang bzhin 'brel pa yin no/ /de'i phyir gang zhig rang bzhin 'brel ba 'bras bu dang rang bzhin las skyes pa'i rjes su dpag par bya ba shes pa 'di gnyis ni tshad ma yin te/ der 'khrul pa med pa dag yin pa des na te/ rjes su dpag par bya ba'i don la 'khrul pa med pa'i phyir ro zhes bya ba'i don to/ /dper na mngon sum snang yang 'khrul pa med pas tshad ma yin pa de bzhin no/ /ci'i phyir de la 'khrul pa med pa zhe na/ bshad pa/ rjes su dpag par bya pa'i don de las skyes pa'i phyir ro/ /de las skyes pa nyid ni dngos gang yang dag ji bzhin pa zhes bya ba der gtan la phab zin to/ /'o na 'di mngon sum las khyad ci yod ce na/ smras pa/ de snang ba nyid ma yin pa'i phyir ni mngon sum ma yin no/ /'di skad brjod pa yin te/ don rnam pa med pas mngon sum ma yin la/ mngon sum ma yin yang 'khrul pa med pa'i phyir tshad ma ni yin/ yang ci ltar de snang ba nyid ma yin zhe na/ bshad pa/ dngos las ma skyes pa'i phyir ro/ /gang gis phyir don dngos su skyes pa'i shes pa ni de'i rnam pa'i rjes su byed pa yin no/ /gzung bar bya ba'i don gyi rang bzhin yang 'khrul pa'i rgyu med na nges par rnam par 'jog par byed pas shes pa'i rgyur 'gyur ba yin te/ de lta ma yin na mig bzhin du gzung bar bya ba nyid mi 'gyur ro// rjes su dpag pa ni rjes su dpag par bya ba las dngos su ma skyes pa'i phyir de'i rnam pa yod pa ma yin no/ /de ni don gang la mi dmigs pa tshad ma yin pa de bstan pa'i phyir bshad pa/ med par nges pa ni med pa'i tha snyad de 'bras bu de nyid mi dmigs pa gang la yod pa'o/ /mi dmigs pa de ni de la mi 'khrul pa yin te/ med pa'i tha snyad la mi 'khrul pa yin no/ /gal te tha snyad ni 'bras bu yin la/ mi dmigs pa ni rgyu ma yin nam/ rgyu ni 'bras bu la mi 'khrul par brjod mi nus so zhe na/ bshad pa/ sngon zhugs pa'i tha snyad grub pa la yul yod pa bdog pa la 'khrul pa med pa'i phyir ro/ /'di skad brjod pa yin te/ gang du bskyed bya skyed byed kyi dngos pos rgyu mtshan dang rgyu mtshan gyi dngos po nyid yin pa der rgyu 'bras bu 'khrul pa yin yang/ 'dir ni nges par sbyar ba'i rgyu mtshan gyis rgyu mtshan dang rgyu mtshan can gyi dngos po yin no/ /'di ltar shes pa dang shes bya'i bdag nyid snang ba mi dmigs pa'i yul la yul can med pa'i tha snyad rang 'dod kyis bcug pa yin zhing/ lan cig zhugs pa nyid las kyang 'brel pa shes pas yul de la rang gi 'dod pa tha snyad 'jug par bya ba yin no/ /de la gal te yul gzhan la de'i rgyu mtshan can gyi tha snyad zhugs par ma gyur na ni de 'dod pa dang 'brel pa yin yang 'dir mi 'jug par nus pa zhig na/ gang gi phyir gzhan dag tu de tsam gyi rgyu mtshan gyis rab tu zhugs pa de'i phyir 'dir yang de tsam la ltos nas 'jug par bya ba nyid do/ /'dod pas spyod pa las ma gtogs par ni gzhan dag tu de tsam la ltos nas 'jug pa yin la/ 'dir ni mi 'jug go zhes bya ba'i rgyu mtshan ni cung zad kyang yod pa ma yin no/ /des na yul yod pa la de tsam gyi rgyu mtshan gyis tha snyad zhugs par sngar gtan la phebs pa nyid do/ /des na rgyu 'bras bu la mi 'khrul pa yin no/ /'dir ni tha snyad ces bya ba'i 'bras bu nyid ni sgrub pa ma yin te/ de ni 'dod pa la rag las pa'i phyir ro/ /bsgrub par bya ba ni rung ba tsam yin no/ /yang ci'i phyir mi dmigs pas dngos po med pa nyid mi bsgrub ce na/ bshad pa/ mi dmigs pa nyid ni rtags te/ des med pa bsgrub par bya ba yin na/ ci ltar don med pa shes pa med pa bsgrub pa de bzhin du shes pa med pa yang shes pa gzhan med pas bsgrub par bya dgos so/ /des na de'i dmigs pa med pa yang dmigs pa gzhan med pa'i mi dmigs pa gzhan gyis yin pas thug pa med par 'gyur te/ mi dmigs pa rnams kyi rang bzhin rtogs pa mdza' thug pa med par 'gyur ba'i phyir ro zhes bya ba'i don to/ /thug pa med pa de'i phyir ni gzhi po'i don gyi dngos po mi rtogs pa nyid du 'gyur ro/ /ci ste pha rol gyi bsam pa ji ltar don ni gzhan la rag las nas gsal ba yin la/ shes pa ni rang nyid gsal ba yin pa de bzhin du/ don med pa yang gzhan gyis gsal la/ shes pa med pa ni rang nyid gsal la zhes bya ba yin no zhes smras pa ni ji ste dmigs pa med pa zhes bya ba la sogs pa'o/ /dmigs pa'i rang bzhin gyis shes pa ni don las tha dad pa'i phyir rang nyid gsal bar 'thad pa yin na/ med pa dag ni phan tshun khyad par med pa'i phyir gcig rang nyid gsal na gnyis pa la yang de'i rang bzhin bzlog du med do zhes bya ba'i gsal ba 'di smras pa ni/ /de bzhin du yod pa med pa yang 'gyur bas mi dmigs pa dngos po med pa'i sgrub byed du nye bar bzhag pa don med do/ /ci ste yang de dag gzhan dmigs pas yul mi dmigs pa 'grub pa'i phyir ro/ /'di skad brjod pa yin te/ don gzhan gyi yul can gyi shes pa gang yin pa nges pa'i rang bzhin nyid du grub na ni don gzhan dmigs pa med pa yang 'grub par 'gyur ro/ /de'i phyir mi dmigs pa ni mngon sum gyis grub pa yin gyi/ mi dmigs pa la ltos pa ni ma yin no/ /de'i yul ni des grub pa yin no zhe na/ gal te de lta na don gzhan yod par grub pas bum pa la sogs pa gzhan med pa ci ste mi 'grub/ ci ltar shes pa gzhan grub pas de ma yin pa'i shes pa med par grub pa de bzhin du/ de las gzhan yod pas med pa grub pa'i phyir mi dmigs pa nye bar blangs pas ci zhig bya/ med pa ni mi dmigs pas grub pa yang ma yin no/ /gal te med pa bsgrub par bya ba ma yin no/ /'o na ni de ma grub na med pa'i tha snyad kyang mi 'grub po/ /yul bsgrub par mi nus pa de bzhin du/ med pa'i tha snyad kyang mi dmigs pas rtogs par mi nus so zhe na/ gang gi tshe zhes smos so/ /gal te mi dmigs pa las med pa gzhan yin na ni/ de'i tshe de ma grub na mi dmigs pas tha snyad rtogs par mi 'gyur ba zhig na/ gang gi tshe med pa mi dmigs pa las tha dad pa nyid ni yod pa ma yin gyi/ 'on kyang rnam pa 'di lta bu zhes bya ba dmigs pa'i mtshan nyid kyir gyur pa'i mi dmigs pa nyid don med pa rnams kyi med pa yin gyi gzhan ni ma yin pa de'i tshe med pa'i mtshan nyid kyi yul grub pas yul can med do snyam pa'i rnam pa can gyi shes pa dang/ med do zhes bya ba de lta bu'i sgra dang/ dgos pa med par 'gro ba dang 'ong pa'i mtshan nyid kyi 'jug pa'i tha snyad de dag rang nyid rtogs pa'am/ gzhan gyis sgrub par byed pa yin no/ /gang gi phyir 'di tha snyad nyid la ma zhugs na gzhan gyis ji ltar sgrub par byed ce na/ bshad pa/ yul te med pa'i tha snyad dang 'brel pa bum pas dben par dmigs pa'i phyogs rab tu bstan pas so/ /bum pas dben pa'i sa phyogs de nyid ni med pa'i tha snyad kyi yul yin la/ de'i yul can gyi shes pa mi dmigs pa ni rgyu yin no/ /slob dpon ni la lar rgyur tha snyad byed de/ rgyu mtshan gyis rgyu mtshan can rab tu bsgrub pa'i phyir ro zhes so/ /la lar ni yul du ste dper na yul bstan pas yul can dran pa'i phyir ro zhes bstan pa lta bu'o/ /brda' ni nges pa ste/ dngos po med pa'i brda la 'jug pa'i phyir ro/ /su she na/ rmongs pa'o/ /ci tha snyad rab tu zhugs pa'i yul rtogs kyang gang zhig yul tha snyad ma rtogs pa 'ga' zhig yod dam zhe na/ yod do zhes bshad pa ni dper na 'di ni ba lang yin te/ 'dis pa 'di ni ba lang gi tha snyad du rung ba yin no/ /lkog shal la sogs pa 'dus pa'i bdag nyid yin pa'i phyir te/ ba lang gi tha snyad kyi rgyu mtshan yin pa'i phyir ro zhes bya ba'i tha tshig go /gang gi tshe blo gros blun po ba lang chung ngu la ba lang gi tha snyad zhugs kyang mi 'dra bar mthong nas ba lang chen po la tha snyad 'jug par mi byed pa de la rgyu mtshan rab tu bstan pas ba lang gi tha snyad la 'jug par byed de/ ba lang gi tha snyad ni lkog shal la sogs pa'i dus pa'i rgyu mtshan can yin gyi chung ngu'i rgyu mtshan can ni ma yin no// nges na 'di la yang rgyu mtshan yod pa'i phyir ci ltar na 'jug par mi byed/ de bzhin du mi dmigs pa la yang rgyu mtshan nyid rab tu bstan pas brda la 'jug pa yin te/ 'di'i rgyu mtshan can gyi tha snyad 'di la khyed kyis sngar zhugs pa yin zhing/ 'di la yang rgyu mtshan yod pas 'jug par bya'o/ zhes bya ba yin no/ /des na dge ma grub par rgol ba khyab par byed pa'i dngos po 'gar yang rab tu grub pa med de/ de'i sgrub par byed pa ni mi dmigs pa kho nar zad pa'i phyir ro/ zhes gang smras pa/ de yang bsal ba yin te/ spangs pa yin par blta ste/ rab tu zhugs pa'i tha snyad yin yang brda' la 'jug par byed pa'i phyir ro/ /de bzhin du shing gi khyad par shing sha ba chen po 'ba' zhig la shing gi tha snyad rab tu zhugs par gyur kyang/ blo gros blun po shing sha ba chung ngu? la rgyu mtshan med pas tha snyad mi rtogs pa la/ 'di ni shing yin te sha ba yin pa'i phyir ro/ zhes 'jug par byed do/ /'di lta bu la sogs pa mngon sum sngon du 'gro ba'i tha snyad ni thams cad du rjes su dpag pa kho nas rtogs par byed pa ma yin gyi/ 'on kyang gang gi tshe rgyu mtshan la rmongs pa de'i tshe rjes dpag pas rtogs par byed do/ /rgyu mtshan las rmongs na ni mngon sum nyid las don rtogs par 'gyur ro/ /med pa'i tha snyad ni nam yang mngon sum la rtogs pa med de dngos po med pa'i yul la mngon sum med pa'i phyir ro/ /med pa'i tha snyad ni thams cad kyi tshe rtogs pa pos shes mod kyi 'on kyang med pa'i tha snyad kyi yul rigs sna tshogs kyi phyir/ gang gi tshe rgyu mtshan la rmongs pa de'i tshe rang bzhin gyi gtan tshigs kyi sgo nas rang nyid rtogs pa'am/ gzhan gyis rtogs par byed pa yin no/ /ma rmongs pa ni thams cad du khyab byed mi dmigs pa kho nas rtogs pa yin la/ khyab par bya ba dang khyab par byed pa'i dngos po la rmongs pa ni rang bzhin gyi gtan tshigs las yin no/ /'di ni shin tu rgyas pa bskyed par byed par brjod pa la pha nyid bzhin zhes bya ba der bstan zin to/ /des na 'dir rgya mi bskyed do/ /gang gis na dpe ma grub par rgol ba bsal ce na/ bshad pa med pa'i tha snyad 'brel bar 'gyur ba'i yul rtogs kyang gang dag gis yul can ma rtogs pa'i tha snyad byed pa po de dag snang ba'i phyir ro/ /ji ltar rtogs par byed pas yul 'ga' la ba lang gi tha snyad zhugs su zin kyang/ tha snyad kyi yul rtogs pa la yang tha snyad 'jug par mi nus te/ 'di ltar des ba lang chen po la ba lang gi tha snyad zhugs par byas la/ rang bzhin mi 'dra ba'i chung ngu la ni tha snyad kyi rgyu mtshan med par rtogs pas mi 'jug pa de rgyu mtshan bstan pas 'jug pa des na dpe? yod pa de bzhin du/ med pa'i tha snyad la zhugs pa yin yang rgyu mtshan gtan la phebs pa med pa'i phyir 'jug par mi byed pa la mi dmigs pa rgyu mtshan du nye bar bstan pas 'jug par byed de/ des na dpe yod pa yin no/ /dngos po ldog pa bkag pa ni dngos po med pa yin la/ mi dmigs pa ni dmigs pa ldog pa yin no zhes bya ba la ni ni gang phyir gyi don to/ /de ni 'di skad brjod pa yin te/ gang gi phyir dngos po med pa ni dngos med yin la/ shes pa med pa ni mi dmigs pa yin pa de'i phyir mi dmigs pa de nyid ji ltar na bum pa la sogs pa'i dngos po med pa yin/ 'di gnyis spyi dang khyad par gyi dngos po yin pa'i phyir dmigs pa log pas don dngos po med pa yang ci ltar 'gyur/ yang smos pa ni nyes pa gzhan sdud pa'o/ /don las gzhan du gyur pa'i shes pa ni de'i 'bras bu yin la/ 'bras bu ldog pas ni rgyu gdon mi za bar ldog pa yang ma yin no zhes gang smras pa ni 'bras bu log kyang zhes bya ba la sogs pa yin no/ /yul de la tha ma'i skabs su gyur pa'i 'bras bu med pa rgyu med pa yang ma yin te/ gnas skabs tham thob pa'i shes par des pa med pa'i phyir ro/ /re shig mi dmigs pa yang don med pa nyid du ji ltar brjod par bya ba yin pa da ltar bstan pa'i phyir bshad pa/ yod par gzhag pa gang la rgyu mtshan dmigs pa yod pa'o de 'dra ba'i zhes bya ba ni snang du rung ba'i 'o/ /gang gi phyir snang ba yod par rnam par gzhag pa'i rgyu mtshan ni mthong ba yin te/ rnam pa de lta bu'i dngos po ni mthong ba med na yod par rnam par gzhag mi nus pa de'i phyir dmigs pa'i shes pa la don gyi yod par stan pa yin no/ /'di skad ces snang du rung ba yod par rnam par 'jog ba'i rgyu mtshan mthong ba yin pa'i phyir de nyid nye bar gtags nas yod par tha snyad byed pa yin no zhes brjod par 'gyur ro/ /nye bar 'dogs pa'i rgyu gnyis pa bstan pa'i phyir bshad pa/ rgyu gzhan tshad na ste/ dmigs pa'i rkyen gzhan tshad na snang ba gang la dmigs par rung ba'i rang bzhin de yod pa de ni shes pa de la mi 'khrul pa'i phyir ro/ /'di skad brjod pa yin te/ mthong ba'i rgyu gzhan tshad na snang ba'i dngos po yod pa tsam rgyu mtshan yin te/ gal te yod kyang mi skye na ni nam yang skye bar mi 'gyur ro/ /gtan tshigs des na don gyi yod pa gang yin pa de nyid la dmigs par brjod pa yin no/ /de'i phyir de ltar nye bar btags nas shes pa nyid la snang ba'i don yod par brjod pa'am/ nye bar btags pa kho nas don yod pa la yang shes pa brjod pa yin no/ /yod pa la dmigs pa yin par brjod pa 'am dmigs pa yang brjod pa 'dis ni 'bras bu nyid yin yang dmigs pa de lta bu ni don gyi khyab byed du bstan pa yin te/ nus pa thogs pa med pa can gyi 'bras bu ni rang bzhin nyid do zhes 'chad par 'gyur ba bzhin no/ /don gyi rang bzhin snang du rung ba yang don yod pa'i khyab par byed pa yin te/ des na de lta bur gyur pa'i don gyi yod pa nyid ni dmigs pa'i yul gyi rang bzhin snang du rung ba nyid kyis khyab pa yin no/ /rgyu thams cad yod pa na dngos po yod pa yin yang/ tshogs pa yongs su 'gyur ba la ltos pa'i phyir shes pa mi skye ste/ dper na sa bon la sogs pa'i tshogs pa yod kyang yongs su 'gyur ba la ltos pa'i phyir myu gu mi skye bas na 'khrul pa srid pa bzhin te/ des na de lta bur gyur pa'i dngos po ni ma mthong bas med pa'i tha snyad du bya ba ma yin no/ zhe na/ ma yin te zhes smos te/ snang ba'i don de'i 'bras bu'i dus shes pa skyed pa'i dus na med par rtogs pa'i phyir ro/ /'di skad brjod pa yin te/ gang gis 'khrul par dogs pa yongs su 'gyur ba la ltos pa'i dus su ni dngos po med par rtogs pa yin te/ 'on kyang 'bras bu'i dus su yin no/ /'bras bu skye ba'i dus de'i tshe ni 'khrul par dogs pa yod pa ma yin no/ /des na gang gi dngos po med pa mi dmigs par brjod pa dngos po ci 'dra ba zhig 'bras bu dus su nye bar gnas pa'i yod pa dmigs par brjod pa de ni shes pa la 'khrul pa med pa nyid do/ /ci ltar de'i 'bras bu'i dus yin par des nus she na/ gzhan dmigs pa na zhes smos te/ shes pa gcig la 'du ba gzhan dmigs pa'i dus na de mi dmigs par 'grub pa'i phyir ro/ /'di skad brjod pa yin te/ shes pa gcig la 'du ba dmigs par gyur pa na cig shos kyi yul can gyi shes pa bskyed par nus pa'i tshogs pa yod par rtogs pa des na de'i 'bras bu'i dus yin par nges pa yin no/ /gal te mthu dang ldan pa'i rnal 'byor pas sam/ sha za la sogs pas byin gyis brlabs te/ lhag par mos pa'i phyir shes pa gcig la 'dre bas phyogs la sogs pa dmigs pa'i 'bras bu'i dus su yang bum pa yod kyang mi dmigs par 'gyur ro zhe na/ ma yin te zhes smos so/ /yul dang dbang po dag las gang yang rung ba zhig gzhan du gyur pa nyid med par te 'dus byas pa ma bsgrub par ni byin gyis brlabs pa nyid lhag par bsgrub pa nyid mi 'thad pa'i phyir ro/ /'di skad brjod pa yin te/ dbang po 'am yul byin gyis brlabs pas ni yul nyid byin gyis brlabs pa yin te/ dbang po yul can ma yin par byas bas kyang yul byin gyis brlabs par 'gyur ba yin no/ /des na bshad pa/ dbang po dang yul de dag gcig gam gnyis gar 'dus byas na ni mi dmigs par 'gyur ro/ /'di nyid 'khrul pa'i yul yin no snyam na/ bshad pa/ de'i tshe yang 'khrul pa med do/ /zhes bya ba la ltos par bya'o/ /gang gi phyir rnam pa de lta bu'i dbang pos gzung bar bya ba'i bum pa gang yin pa'i med pa ni don yod pa nyid do/ /de ltar na yang gtan tshigs kyi don ni sa phyogs 'di dang shes pa gcig la 'du ba'i bum pa ni 'di na med la/ mthus gzhan du bsgyur ba de ni mi dgag go/ gang gi tshe dbang po de lta bur gyur pa'i don 'dzin par mi nus par byas pa de'i tshe yang mthong ba'i phyogs dang shes pa gcig la 'du ba med pa ni yod pa nyid do/ /des na 'khrul pa med pa'i phyir shes pa nyid la don yod pa yin par btags pa de'i phyir shes pa der rung ba nyid kyi don gang yin pa de ni dngos su yod pa yin la/ nye bar btags nas ni shes pa la yang der brjod pa yin no/ /de'i phyir yod pa'i bdag nyid kyi shes pa ldog pa dang/ shes pa'i bdag nyid kyi shes bya med pa ni mi dmigs pa dang don gyi med par yang brjod pa yin no/ /'dir ni ma yin par dgag pa 'jug pas shes pa gcig la 'du ba'i don snang ba'am/ de'i shes pa la mi dmigs pa dang med par brjod pa yin gyi ldog pa tsam ni ma yin no/ /shes pa gcig la 'du ba'i don nam de'i shes pa las snang ba'i rang bzhin dang/ shes pa med par nges pa yin gyi ldog pa tsam las ni ma yin no zhes mang du bshad zin to/ /des kyang de lta bur gyur pa med pa'i yul can gyi med pa'i tha snyad sgrub par byed do/ /zhes bya ba yod pa shes pa la mi 'khrul par bstan pa 'dis ni rgyu 'bras bu la 'khrul pa des na 'bras bu med pas rgyu med pa ma yin no zhes gang brjod pa de yang bsal ba yin no/ /gang gis gdon mi za bar byas pa'i 'bras bu de la ni 'khrul pa med do/ /de ltar gyur pa'i don gyis ni shes pa gdon mi za bar bya ba yin no/ / / /de nyid kyi phyir de la snang ba nyid ni yod pa'i khyab par byed pa yin te/ des na 'di la 'bras bu med pas rgyu med par nges pa yin no/ /de la yang zhes bya ba ni rgyu med pa la mi 'khrul pa'i 'bras bu med pa la yang ngo/ /'bras bu med pas rgyu med pa nyid ni bsgrub par bya ba ma yin te/ de ni mngon sum gyi stobs kyis nges pa'i phyir ro/ /'on kyang tha snyad bsgrub par bya ba yin la/ de yang mi dmigs pa'i rgyu mtshan can yin par grub pa nyid do/ /med pa'i tha snyad mi byed pa'i tha snyad du byed pa po gang yin pa de ni 'jig rten 'ga' yang med la/ med pa'i tha snyad de yang thams cad du mi dmigs pa'i rgyu mtshan can kho na yin no/ /'on kyang med pa'i tha snyad kyi yul mi 'dra bas gang gi tshe rgyu mtshan la rmongs pa de'i tshe/ sngar med pa'i tha snyad du zhugs pa'i yul dang chos 'thun pa'i sgo nas ni dmigs pa rgyu mtshan du byas ste/ rang nyid rtogs par 'gyur ba 'am gzhan gyis rtogs par byed pa yin no/ /de nyid kyi phyir mi dmigs pas bsgrub par bya ba gang yin pa ni rgyu yod pa'i sgo nas rab tu grub pa'i tha snyad nyid bsgrub par bya ba yin te/ rgyu mtshan can gzhan bzhin no/ /dper na ba lang chen po dang chung ngu dag gam ring po dang thung ngu'i shing dag gi khyad par mthong nas brda'i dus su mthong ba ba lang dang shing nyid kyi tha snyad kyi rgyu mtshan nges pa la rmongs pa rang nyid mthong ba dang chos 'thun pa'i sgo nas rtogs par 'gyur ba'am gzhan gyis rtogs par byed pa de bzhin du 'di la yang yin no/ /gal te mi dmigs pa nyid ma grub par ni med pa'i tha snyad sgrub par byed pa ma yin pa des na re shig de sgrub par byed pa'i tshad ma brjod dgos so zhe na/ bshad pa/ 'di ni 'og tu de'i phyir mi dmigs pa 'di ni mngon sum nyid kyis grub pa yin zhes 'chad par 'gyur ro/ /bshad ma thag pa'i mtshan nyid mi dmigs pa de la yang ngo/ /'jug pa ni sgra'i byed pa ste/ de'i bye brag gis rnam pa bzhi gang la yod pa'o/ /sbyor ba'i bye brag gis shes gang 'chad par 'gyur ro/ /yang na 'jug pa ni mi dmigs pa nyid kyi byed pa yin pas de'i bye brag yin te/ sbyor ba'i bye brag kyang de nyid la brjod pa yin no/ /mi dmigs pa de yang la lar ni don gzhan sgrub pa'i sgo nas dngos po med pa sgrub par sbyor ba yin la lar ni gzhan 'gog pa'i sgo nas sbyor ba yin/ sbyar bar bya zhing rab tu 'jug par bya ba de'i byed pa tha dad pa ni 'jug pa'i bye brag go/ gang du 'gal ba bsgrubs pas gzhan 'gog pa der 'gal ba'i don bsgrubs pa nyid bzlog par byed pa yin gyi/ mi dmigs pa ni ma yin na de ci ltar sbyor ba'i bye brag gis mi dmigs pa rnam pa bzhir brjod ce na/ dgag pa gang ji snyed pa zhes smos so/ /'di ni khyab pa brjod pa yin te/ des na mi dmigs pa med par bya bar nus pa'i med pa'i tha snyad de ni 'ga' yang med do/ /dgag pa gang ji snyed pa de thams cad mi dmigs pa las ji ltar yin pa de ltar ni le'u dang por bshad zin no/ /khyab pa de nyid ston pa ni 'di ltar zhes bya ba yin no/ /dgag pa de ni rnam pa gnyis kyis byed cing tha snyad 'dogs te/ don gzhan sgrub pa dang dgag pas so/ /de la gang gi tshe 'ga' zhig bsgrubs pas dgag pa byed pa'i don gzhan bsgrubs pa de mi 'gal ba yin na ni/ de'i tshe yul gcig na gnas pa la 'gal ba med pa'i phyir te/ gang zhig brjod pa'i don de yang yod la dgag par bya ba de yang yod pas 'gal ba med pa'i phyir dgag par bya ba 'ga' yang med par nges pa ma yin no/ /'gal bas ni gzhan 'gog par 'gyur na/ de lta mod kyi 'gal ba de yang mi dmigs pa med pa'i phyir 'gal bar mi nges kyi/ 'on kyang mi dmigs pa sngon du 'gro ba can nyid do/ /de bstan pa'i phyir 'di ltar smos so/ /gang la rgyu ma gtugs shing ma zad pa yod pa'o/ /'dis ni 'di skad ston pa yin te/ gal te rgyu ma zad par ni 'bras bu mi ldog la/ rgyu zad na de nyid kyis 'bras bu ldog pa'i phyir/ gang zhig gzhan dang lhan cig 'gal bar nges par 'gyur ba zlog par byed pa zhes bya ba ni 'ga' yang yod pa ma yin mod kyi/ 'on kyang gang gi tshe rgyu gegs med pa can nye bar gyur la/ de dag gi gegs gzhan yang ma mthong ba der dngos po gang zhig nye bar gyur na gang gi rgyu mthar thug par 'gyur ba'i dngos po gzhan de ni rgyu zad par byed pa'i sgo nas dngos po de'i bzlog pa byed pa yin gyi/ rgyu bzlog pa med par ni 'ga' zhig kyang 'ga' i yang bzlog par byed pa zhes bya bar mi 'gyur ro/ /des na gang zhig gang gi bzlog par byed pa yin pa de ni de ltar myur na skad cig ma gsum pa la de zlog par byed do/ /skad cig dang po la ni re zhig rgyu tshogs pa ma tshang ba med pa yin no/ /skad cig gnyis pa la ni sngar gyi tshogs pa dang lhan cig byed pa snang ba de la mun pa gzhan skyed par nus pa dang bral ba'i tshogs skyed par byed de/ des na skad cig ma gsum pa la mun pa ldog pa yin no/ /snang ba dang mun pa'i skad cig ma gnyis lhan cig gnas par thal lo zhe na/ rdul phra rab thams cad rang gi yul du gzhan skye ba'i gags byed pa'i phyir lhan cig gnas pa ma yin no/ /'on te nye ba na gnas par 'dod na de ni kho bo cag kyang 'dod pa nyid do/ /'di ltar mun khang gi phyogs su zhugs pa sgo nas gnas pa'i mar me'i 'od ni phyogs gcig na gnas pa'i mun pa dang shin tu nye bar gnas pa'i phyir 'dod pa nyid do/ /gal te snang ba dang mun pa'i rdul phra rab dag 'dren mar skad cig gnyis gnas par thal lo zhe na/ ma yin te/ rim pa dang ldan pa'i sgron ma'i 'od kyis rim gyis mun pa bzlog pa'i phyir ro/ /rdul phra rab 'pho ba'i dus ni skad cig gi tshad du brjod de/ des na rim gyis nye bar 'gro ba'i sgron ma'i 'od ni cig car mun khang khyab pa ma yin no/ /de'i phyir snang ba'i cha gang gis mun pa'i cha shas bzlog pa'i snang ba'i cha de ni nye bar 'gro ba nyid kyis mun pa skyed pa'i tshogs pa'i gegs yin no/ /des na mi 'jug pa'i mun pa'i yul du ni des tshogs pa nus pa med par mi bskyed do/ /de'i phyir skad cig gsum pa la mun pa ma skyes pa dang yul der snang ba skyes pa yin no/ /de ltar rim gyis snang ba'i cha thag ring por gnas pa dag gis tshogs pa de la gnod par byas pas skad cig gsum pa la mun pa log pa la yul der gnod par 'gyur ba yin no/ /de bzhin du gzhan du yang rgyu med par byed pa'i rgyu mtshan nyid 'gal ba yin par blta bar bya'o/ /de nyid kyis na 'gal ba skad cig ma'i yul ni ma yin gyi/ 'on kyang rgyun gyi yul can yin te/ rgyu dang 'bras bu sngon du 'gro ba can yin pa'i phyir ro/ /de nyid bstan pa'i phyir 'byung ba la zhes smos te/ rgyun gyis 'jug pa 'gal bar rtogs pa yin no/ /rgyun yang rgyun can dag las tha dad pa cig nyid ni dgag pa yin gyi/ skad cig du ma'i bdag nyid du 'gyur ba'i rgyun ni dgag par nus pa ma yin no/ /du ma gang ci snyed pa mdza' dag med pa ni ma yin te/ des na rgyun gyi yul can gyi 'gal ba gang yin pa de ni rgyun can gyi don gyi yul can yin gyi/ dngos po med pa'i yul can ni ma yin te/ rgyun can rnams dngos po yin pa'i phyir ro/ /snga ma dang phyi ma'i skad cig ma rgyu dang 'bras bu'i dngos por gyur pa gang yin pa de dag nyid ni 'gal ba ma yin gyi/ 'on kyang rgyu dang 'bras bu sngon du 'gro ba can skad cig phyi ma'i skad cig gzhan dang mtshams sbyor mi nus pa zhes bya ba snang bas byas pa gang yin pa de nyid 'gal ba yin te/ de nyid kyis mun pa de rgyun chad pa yin no/ /des na 'gal ba ni dngos po'i yul can kho na'o/ /rgyu dang 'bras bu yang skad cig gcig la ni nges par nus pa ma yin te / 'on kyang rgyu nyid yin no/ ci tsam gyis de yang dngos po med pa'i yul can nyid yin nam/ de bzhin du skad cig phyi ma la nus pa med pa zhes bya ba snang bas byas pa gang yin pa de nyid 'gal ba yin la/ de yang rgyun la shes kyi skad cig gcig la ma yin pa de tsam gyis ci dngos po med pa'i yul can du 'gyur ram/ des na de ltar rgyu'i gags byed pa'i sgo nas 'gal bar nges la/ de yang dngos po med pa'i yul can ni ma yin no/ /'gal ba'i rgyu mtshan don gzhan med pa de yang mi dmigs pa las yin te/ mi dmigs pa tha snyad du byed do/ /'gal ba gnyis pa yang phan tshun spangs pa ni ldog pa'o/ /ldog pa des gnas pa'i mtshan nyid de ngo bo nyid gang yin pa de dag ni phan tshun spangs pa ni ldog pa'o/ /ldog pa des gnas pa'i mtshan nyid de ngo bo nyid gang yin pa de dag ni phan tshun spangs te gnas pa'i mtshan nyid kho na las 'gal ba yin no/ /'di ni mtshan nyid pa'i 'gal ba'i mtshan nyid kyi rang bzhin la rnam par gnas pa yin no/ /gang gi phyir bdag nyid gcig par 'gal ba de'i phyir de'i rang bzhin gyi yul can yin te/ rtag pa dang mi rtag pa bzhin no/ /de la mi rtag pa nyid ni rtag pa yongs su spangs pas gnas pa'i ngo bo yin la/ rtag pa yang mi rtag pa nyid yongs su spangs pa yin no/ /'dir yang de yang mi dmigs pa las yin no zhes bya ba la bltos bar byas te/ 'gal ba'i rgyu phan tshun spangs pa de yang mi dmigs pa nyid las nges par byas pa yin no/ /ci ltar phan tshun spangs pa 'gal ba'i rgyu yin zhing/ mi dmigs pa las nges par bya ba yang ji ltar yin zhe na smras pa/ 'di la gang yongs su gcod pa na gang zhig rnam par gcad par 'gyur ba'i yongs su bcad pa'i de'i rang bzhin ni rnam par bcad pa yongs su spangs pas gnas pa yin no/ /rang bzhin 'ga' zhig yongs su gcod pa na yang de'i rang bzhin nyams pa rnam par gcod pa yin te/ des na de'i rang bzhin ni de'i rang bzhin nyams pa yongs su spangs pas gnas pa yin no/ /ji ltar de'i ngo bo nyams pa yongs su spangs pas gsan pa de bzhin du/ de'i ngo bo nyams pa dang ldan pa'i dngos po yang yongs su spangs pas gnas pa yin no/ /des na dngos po dang dngos po med pa dag ni gcig la 'gal la/ dngos po ni gang dag gcig la gcig med par mi 'khrul ba de dag gcig la gcig med pa mi 'khrul ba'i rgyu mtshan gyis 'gal ba yin gyi dngos su ni ma yin no/ /de ltar 'gal ba'i rgyu ni thams cad phan tshun spangs pa nyid yin no/ /de yang mi dmigs pa nyid las nges par byas pa yin te/ gang zhig gang du ma dmigs pa de ni de na med par nges nus gyi/ gzhan du ni ma yin no/ /mi dmigs pas nges pa nyid kyang dngos po gang zhig rnam par nges pa de yin te/ dper na ser po la rnam par nges par gyur pa'i sngon po bzhen no/ /gang zhig ma nges pa'i ngo bo de ni thams cad la yod par the tshom za ste/ dper na skad cig ma bzhin no/ /de ni sngon po la sogs pa dag las rnam pa tha dad par mi 'dod do/ /des na de ni thams cad la dmigs par the tshom za ste/ ji srid rjes su dpag pa med pa de srid du mi dmigs par nges pa ni ma yin no/ /de nyid kyi phyir 'ga' yang skad cig ma nyid yongs su spangs nas gnas par rtogs pa ni med de/ des na rnam par nges par shes pa'i rang bzhin gzhan du ma dmigs pa las med pa'i tha snyad du 'gyur ro/ /gal te snang du rung ba'i rnam pa nges pa nyid mi dmigs pa las med pa'i tha snyad du gyur pa ma yin nam/ des na bum pa la sha za la sogs pa'am/ mi rtag pa la rtag pa snang du mi rung ba mi dmigs pa las ci ltar 'gog/ 'di ltar snang du rung bar 'gyur ba rtag pa nyid ni 'ga' yang med de/ da nyid kyi phyir ma nges pa'i rnam pa gzhan gang la 'gog ce na/ smras pa/ thams cad mi dmigs pa kho na las yin no/ /ci ltar zhe na/ 'di la gang gi phyir mi snang ba mi dmigs par 'gyur ba bum pa la tha dad pa'i sha za med par bsgrub pa ni ma yin gyi/ 'on kyang tha mi dad pa ste/ snang ba'i bum pa 'di ni sha za'i rang bzhin ma yin no zhes de la snang ba nyid du khas blangs nas sha za dgag par byed pa'i phyir snang ba mi dmigs pa nyid yin te/ dper na gal te 'di ni bum pa yod na ni snang ba kho nar 'gyur ro zhes bum pa snang ba nyid du khas blangs nas yin pa de bzhin du/ gal te 'di sha za yin na ni snang ba nyid du 'gyur ro/ /de bzhin du snang ba'i rang bzhin nyid du khas blangs nas rtag pa nyid 'gog pa'i phyir snang ba mi dmigs pa nyid las yin no/ /rtag pa nyid ni rnam par shes par gyur pa ma yin no zhes gang brjod pa sha za yang rnam par shes par gyur pa ni ma yin gyi/ 'on kyang ci srid du snang ba'i rang bzhin gyis bum pa las sha za rnam pa gzhan nyid du brtags pa de ni rtog pas byas pa'i gzhan nyid yin no/ / de bzhin du rtag pa nyid kyang mi rtag pa nyams pa'i ngo bo yin te/ des na rnam pa gzhan du brtags pa yin no/ /de bzhin du dngos po med pa las yang dngos po bkag pa'i rang bzhin bzlog pa'i rnam pa brtags pa'i phyir rnam pa tha dad par snang ba'i dngos po 'am tha dad par brtags pa'i dngos po med pa yin yang rung ste/ snang du rung ba nyid khas blangs nas dgag par byed pa na/ snang ba mi dmigs pa kho nas byas par 'gyur ba yin no/ /de nyid kyi phyir gtan tshigs thigs par khyad par ma brjod do/ /tha dad pa 'gog pa la ni 'khrul pa'i phyir snang ba nyid du rung ba zhes khyad par du bya dgos kyi/ tha mi dad pa nyid du khas blangs pa 'gog pa la ni 'khrul pa med pa'i phyir khyad par don med pa nyid do/ /de ltar na bdag nyid gcig pa 'gog pa la snang ba mi dmigs pa kho nas byas par 'gyur ba yin no/ /de lta yin dang nges par 'gyur ba med do zhes bya ba'i sbyor ba snang ba mi dmigs pa kho na'i nang du 'dus par 'gyur ba yin no/ /gal te de yongs su gcod pa dang de las gzhan rnam par gcod pa dang phung po gsum pa yang med par ston pa zhes bya ba dang de bzhin du bsgrub pa dang dgag pa'i rnam par rtog pa'i rgyu nyid kyis 'bras bu dang bcas pa'i phyir ro zhes bshad pa'i phyir/ dngos po med pa mngon sum nyid kyis grub par bshad pa ma yin na zhe na/ bden te/ dngos po med pa ni mngon sum gyis grub mod kyi/ 'on kyang de tha snyad ni snang ba mi dmigs pa las yin no/ /gal te snang ba mi dmigs pa nyid las med pa'i tha snyad du 'gyur na/ 'di ni yod de/ 'di ni med do zhes bya ba'i bsgrub pa dang dgag pa'i rnam par rtog pa'i rgyu yin pa nyid kyis 'bras bu dang bcas pa'i phyir ro zhes 'chad par 'gyur ba ci ltar zhe na/ dmigs pa 'di ni yod do/ /ma dmigs pa 'di ni med do zhes dmigs pa bsgrub pa dang/ dgag pa'i rnam par rtog pa kho nas 'bras bu dang bcas par dgongs nas de skad du bshad do/ /de nyid kyis na 'di ni dmigs so zhes rnam par rtog pa can gyi blo skye bar 'gyur ro zhes 'chad par 'gyur ro/ /gal te dmigs pa gzhan med pa'i tha snyad kyang snang ba mi dmigs pa kho na las 'gyur ba ma yin nam/ de'i phyir dmigs pa med pa'i tha snyad kyang mngon sum gyis ji ltar 'grub ce na/ de ni mi rigs te/ gang gi phyir gang la dmigs pa las tha dad pa'i rang bzhin yod pa de ni ma dmigs par des kyang yod par the tshom za ba'i phyir/ rmongs pa la mi dmigs pa las med pa'i tha snyad bsgrub par bya ba yin gyi/ gang la dmigs pa las tha dad pa'i rang bzhin med pa de la ni dmigs pa med par nges pa nyid med pa'i phyir tha snyad yin pa'i phyir sgrub par bya ba gzhan ci zhig yod/ de nyid ci'i phyir zhe na/ rnam pa gcig tu nges par dmigs pa'i phyir ro/ /rnam pa gcig tu nges pa nyid dmigs pa nges pa na cig shos dmigs pa med par nges par 'gyur ro/ /ji srid du shes pa gzhan med par ma nges pa de srid du ni nges pa'i ngo bo'i shes pa nges par mi 'gyur ba yin te/ shes pa ni bdag nyid shes pa gzhan las rnam par gcod do zhes gang 'chad par 'gyur ba yin no/ /de nyid kyi phyir shes pa gzhan med pa'i tha snyad kyi rgyu yin pa'i phyir mngon sum nyid ma yin par dgag pa 'jug pa'i sgo nas mi dmigs par bshad pa yin no/ /slob dpon gyis kyang dgag pa gang ji snyed pa de thams cad ni mi dmigs pa las yin no zhes bshad pa na/ dmigs pa las gzhan gyi med pa'i tha snyad mi dmigs pa'i rgyu mtshan can du bshad pa yin gyi/ dmigs pa nyid ni ma yin no/ /dmigs pa med pa'i tha snyad kyi rgyu yin pa nyid kyis na/ mngon sum gyi snang ba'i dngos po med par don gyis nges par brjod do/ /'di ltar mngon sum bdag nyid kyi rang bzhin nges pa nges par byed pa ni shes pa gzhan med par nges par byed pa gang yin pa nyid yin la/ snang ba'i dngos po yod na ni mngon sum gyis byas pa'i shes pa gzhan med par nges pa mi 'thad do/ /de'i phyir don gyi shes pa gzhan med par nges par byed pa'i mngon sum nyid ni dngos po med par nges par byed pa nyid yin no/ /don gyis dngos po med par nges par byed pa de nyid kyi phyir shes pa de nyid nye bar btags nas don gyi med par brjod pa yin no/ /dmigs pa med par nges kyang yod pa mthong ba'i phyir snang ba mi dmigs pa tha snyad du bya ba yin no/ /de'i phyir shes pa med pa'i tha snyad ni mngon sum gyis byas pa nyid do/ /des na mngon sum ni dmigs pa sgrub pa dang dgag pa'i rnam par rtog pa dag gis 'bras bu dang bcas pa yin no/ /yang na dngos po med pa snang ba mi dmigs pas tha snyad du bya ba yin gyi/ nges pa ni mngon sum nyid gyis yin no/ /de'i phyir dngos po med pa'i rnam par rtog pas kyang 'bras bu dang bcas par brjod pa de ltar na yang 'gal ba med do/ /dmigs pa med par nges pa'i byed pa nyid kyis na/ de yongs su gcod pa dang zhes bya ba la sogs pa tshad ma'i bya ba rnam pa gsum yang rjes su rtogs par bya'o/ /de ltar 'gal ba rnam pa gnyis la yang 'gal ba rnam par 'jog pa'i rgyu dngos po med pa ni mi dmigs pa nyid las tha snyad du bya'o/ /rnam pa gnyis ga la yang zhes ci'i phyir brjod/ 'di ltar lhan cig mi gnas pa'i 'gal ba ni mi dmigs pa las med pa'i tha snyad du 'gyur te/ snang ba'i don la don gzhan 'gog pa'i phyir ro/ /phan tshun spangs te gnas pa'i 'gal ba la ni nges pa'i ngo bo gcig dmigs pa nyid kyis gzhan med pa'i tha snyad du 'gyur ro/ /der ni bdag gcig par dgag par bya ba yin la/ de yang gcig gi ngo bor dmigs pa nyid kyis nus so zhe na/ mi nus te/ gang gi phyir phan tshun spangs te gnas pa'i 'gal ba de la yang cig shos med pa'i tha snyad kyi rgyu gcig gi ngo bo nges pa dmigs par khyod kyis bshad pa gang yin pa gcig dmigs pa des na ngo bo gzhan mi dmigs par brjod pa yin te/ rang bzhin nges pa gcig dmigs pa'i tshig nyid gzhan mi dmigs pa'i tshig yin gyi/ de spangs pa ni ma yin no zhes bya ba'i don to/ /gdon mi za bar 'di ltar shes par bya dgos te/ de lta ba yin na ni gal te gcig dmigs pas gzhan mi dmigs par mi brjod de/ cig shos kyi ngo bo dmigs pa mi 'gog na ni de'i tshe/ dmigs pa ma bkag pa can gang yin pa de med pa mi 'grub par 'gyur ro/ /dmigs par dogs pa na med do zhes nges par nus pa ni ma yin no/ /des na dmigs pa la ma bkag pa can med pa mi 'grub pa'i rgyu'i phyir gcig dmigs pas gzhan mi dmigs par rjod pa nyid do/ /cig shos med par the tshom za ba yin na ni gcig gi rang bzhin nges pa dmigs par nges pa ni ma yin no/ /de'i phyir gcig gi rang bzhin dmigs pas cig shos med par nges par 'phangs pa yin na cig shos ma dmigs pa 'phen par 'gyur te/ dmigs pa ma bkag na dngos po dgag par mi nus pa'i phyir ro/ /gal te dmigs pa ma bgag pa can med par mi 'grub na/ 'o na de ma thag pa kho nar rnam pa gcig myong ba las gzhan dmigs pa med pa'i tha snyad du 'gyur ro zhes gang bshad pa de ci ltar yin te/ dmigs pa ma bkag pa can gyi dmigs pa yang med par mi 'grub pa'i phyir rnam pa gcig nyams su myong bar ma grub par thal ba'i phyir ro/ /dmigs pa bkag na yang de nyid las med pa'i tha snyad yin gyi rnam pa gcig nyams su myong ba las ni ma yin no zhe na/ bden te/ dmigs pa ma bkag par ni shes pa yang dgag par mi nus so/ /khyad par ni 'di yod de/ shes pa ni dmigs pa las rang bzhin gzhan ma yin te/ des na mi dmigs par nges pa nyid med pa'i tha snyad yin gyi/ mi dmigs pa'i rtags las 'gyur ba ni ma yin no/ /mi dmigs par nges pa yang mngon sum nyid las yin no/ /der yang gang gis snga ma dang phyi mar skye bar bsam par bya ba rnam pa gcig dang gzhan med pa'i tha snyad dag tha dad pa ni ma yin gyi/ 'on kyang rnam pa gcig nges pa nyid shes pa gzhan dmigs pa med par nges pa yin no/ /rnam pa gcig nges pa de yang mngon sum las yin te/ des na shes pa gzhan med pa'i tha snyad ni mngon sum nyid las yin gyi/ mi dmigs pa las ni ma yin te/ rnam pa gcig tu nges pa las ma gtogs pa'i shes pa dmigs pa med pa'i tha snyad med pa'i phyir dang/ dmigs pa dmigs pa med pa'i tha snyad las kyang dmigs pa med pa'i tha snyad gzhan med pa'i phyir ro/ /des na shes pa 'gog pa la yang dmigs pa dgag par bya ba yin no/ /de la dmigs pas ni med pa'i tha snyad byed pa ma yin gyi/ 'on kyang mngon sum nyid las yin pa'i phyir nyes pa'i go skabs med do/ /de ltar don gzhan bsgrub pa la yang dgag pa'i go bar byed pa mi dmigs pa yin par bsgrubs nas/ don gzhan dgag pa la yang bsgrub pa'i phyir gcig bkag pas zhes smos so/ /gang du gcig bas gzhan med par bsgrub pa de la ni/ mi dmigs pa'i gtan tshigs kyi rang bzhin du rab tu grub pa nyid de/ dgag pa ni mi dmigs pa'i ngo bo nyid yin pa'i phyir ro/ /dgag pa ni snang ba mi dmigs pa'i ngo bo nyid yin la/ de yang gtan tshigs su bkod pa yin te/ des na mi dmigs pa go bar byed pa yin par grub bo/ don gzhan bgag pas don gzhan 'gog pa la ha cang thal bar mi 'gyur te/ gang gi phyir don gzhan 'gog pa'i gtan tshigs de la yang gang zhig bkag pa gtan tshigs su 'gyur pa de dgag par bya ba'i rgyu dang 'bras bu dag gam gnyi ga ma yin par 'gyur grang na/ gsum pa de la re zhig gnyi ga ma yin pa med pas ni gzhan med par mi rigs te/ de ni ma 'brel ba'i phyir ro/ /gnyis po phan tshun 'drel na ni 'gog par byed pa log na cig shos ldog par 'gyur gyi/ gzhan du ni ma yin no/ /'bras bu mi dmigs kyang rgyu de med par ga la 'gyur te mi 'gyur ba nyid do/ /gang gi phyir rgyu ni nges pa kho nar 'bras bu dang 'brel par ma yin pa'i phyir te/ me yod kyang rgyu gzhan med bas du ba mi skyed pa'i phyir ro/ /'di bzlog pa'i phyir bshad pa/ nus pa mthu dang ldan pa rgyu yin gyi mi nus pa ni ma yin te/ des na gnas skabs gdan ma nus pa med pa de'i tshe ni rgyu ma yin la/ gang gi tshe nus pa de'i tshe ni spyad par byed pa kho na yin no/ /des na gdon mi za bar de dang ldan pa ma yin no zhes ci ste brjod/ 'di snyam du nus pa yang 'ga' zhig gi nus pa 'joms pa de'i phyir 'bras bu med par 'gyur ro zhe na/ nus pa la ni zhes smos so/ /gal te nus pa nye ba can gyi sa bon la sogs pa yang gang gi che bya rog la sogs pas sa bon la sogs pa zos pa na re 'ga' gegs byar yod pa yin no zhe na/ tha ma'i gnas skabs na yongs su 'gyur ba med pa'i phyir ro zhes smos so/ /'di skad brjod pa yin te/ sa bon la sogs pa ni tha ma'i gnas skabs nyid na nus pa yod pa yin la/ de la ni yongs su 'gyur ba'i lhan cig byed pa'i rkyen dang 'brel ba ngo bo nyid gzhan du gyur pa'i skyed par byed pa med pa'i phyir/ skyes ma thag kho nar 'bras bu skyed par byed pas gegs med pa yin no/ /gnas skabs snga rnams su ni yongs su 'gyur ba la bltos pa'i phyir nus pa med par 'gyur ro/ /'di snyam du tha ma'i skad cig nyid la gegs byed do snyam na/ bshad pa/ skad cig gcig la cha shas med pa'i phyir te/ gang gis sngar nus pa med pa'i rgyu 'bras bu skyed pa la sdong pa na 'ga' zhig gis bsgrags par 'gyur ba snga phyi ni yod pa ma yin no/ /de skyes pa na bar ma chad pa kho nar ci tsam du gegs byed pa nye bar gnas pa de tsam nyid na 'bras bu skyes zin pa'i phyir gang gis gang la gegs bya/ 'di snyam du gal te mtshan nyid gcig la dbye ba med pa de lta na yod rang bzhin gyi khyab pa kho nas gzhan gegs byed pa nyid yin no snyam na/ bshad pa/ 'bras bu skyed pa la mi mthun ba bskyed pa sgrub pa ni gegs gang yin pa'i mtshan nyid yin no/ /gegs byed pa ni cung zhig byed pa yin la/ de yang rang bzhin byed par skyed par byed pa yin no/ /de ni bdag nyid thams cad grub pa gcig la mi 'thad de/ dngos po tha dad pa ni rang bzhin tha dad pa'i mtshan nyid yin pa'i phyir ro/ /rang bzhin gzhan byed pa yin na yang snga ma skyed pa ma yin pa nyid du 'gyur ro/ /de lta ma yin te/ gal te de ltar rang bzhin gyi khyad par gegs su khas mi len gyi/ 'on kyang tha dad pa 'am dngos po med pa yin pa de'i tshe gegs byed pa zhes bya ba cung zad mi byed par 'gyur la/ cung zad mi byed pa de ni gags yin par mi 'thad de/ thug pa med par thal ba'i phyir ro/ /des na cung zad mi byed pa ni gegs ma yin pa'i phyir rang bzhin gyi khyad par nyid gegs yin pas/ de ci'i phyir 'bras bu med pas rgyu med pa ma yin no zhes brjod ces bya ba'i pha rol gyi tshig gi dogs pa 'di bsu nas khas blang ba'i phyir bshad pa/ de 'dra ba'i rgyu ni mang bar rtogs par 'gyur ba nyid do zhes 'brel to/ /de 'dra ba'i zhes bya ba ni skad cig ma tha mar gyur pa nus pa yod pa'o/ /'bras bu med pa las te ldog pa las so/ /dper na zhes bya ba ni dpe nye bar bstan pa'i don du'o/ /'di na zhes bya ba ni chos can no/ /khyim gyi dag ra 'di na du ba'i rgyu nus pa thogs pa med pa gang yin pa de med do/ zhes bya ba ni bsgrub par bya ba'o/ /du ba med pa'i phyir ro zhes bya ba ni gtan tshigs so/ /dngos po med pa bsgrub pa'i sbyor ba 'di yang/ /gang gi tshe rgyu dmigs pa'i mtshan nyid du gyur ba ma yin pa de'i tshe sbyar bar bya'o/ /'di ltar bla ga ba med pa na 'dug pas du ba'i rgyu khyim gyi dag ra na yod kyang blta bar mi nus la/ des bskyed pa'i du ba yang bla gab med pa'i yul de na 'thul ba yin ba na khyim dang ra de nyid kyi dbang du byas pa bla gab med pa na 'dug pas mthong ba'i steng gi cha dang ldan pa chos can du bzhag nas du ba med pa sgrub byed du nye bar blangs te/ snang ba'i nam mkha' i yul de gnas pa'i du ba skyed par byed pa'i rgyu khyim gyi dag ra na med par rtogs par byed do/ /de lta bur gyur pa'i 'bras bu de ni rgyu khyab par byed pa'i khyab pa dang ldog pa med pa lhag pa med pa yin pa de'i phyir ro/ /ji ltar rgyu'i rang gi rang bzhin ni khyab par byed pa yin te/ rang bzhin med par rgyu med pa'i phyir ro/ /ldog pa med cing lhag ba med pa yang yin pa de bzhin du 'bras bu yang rgyu khyab par byed pa dang/ rgyu med par mi 'jug pas rgyu las ldog pa med pa yin pa de'i phyir rang gi ngo bo dang khyad par med pas nye bar btags nas rang bzhin du tha snyad byed do/ /de lta bur gyur ba de mi dmigs pa'i rang bzhin mi dmigs pa nyid du bshad do/ /'bras bu mi dmigs pa ji lta ba bzhin du 'bras bu de dang 'gal ba gang yin pa de dmigs pa ni rang bzhin mi dmigs pa nyid du bshad de zhes 'brel to/ /de nyid kyi dper brjod pa'i phyir dper na zhes bya ba la sogs pa smos so/ /de la chos can khyad par can gang la grang ba'i rgyu ni yod kyang rtogs pa po'i mngon sum ma yin la/ grang pa'i rag pa yang yang mo dmigs kyi/ rgyang ring po nas me ni snang ba'i yul de la 'di sbyor ba yin no/ /de la me mthong ba las grang ba'i reg pa ldog cing des las kyang de'i rgyu ldog pa'i phyir ro/ /'o na 'bras bu ldog pa rgyu med par go bar byed pa ma yin na zhes ci ste rjod ce na/ bshad pa/ rgyu'i rjes kyi spyi gang zhig 'jig rten gyi tha snyad du grags pa rnam pa gcig tu 'dzin pa'i rgyun gyi mtshan nyid kyi dbang du byas nas 'bras bu mi dmigs pa go bar byed pa ma yin par brjod de/ dper na zhes bya ba la sogs pa ni dper brjod pa'o/ /rgyu mi dmigs pa yang phyogs kyi bye brag la lar dngos po med pa go bar byed pa yin no/ /dper na mtsho chen po'i steng na yod pa'i rlungs pa la thag ring po nas du ba la sogs pa'i dngos por the tshom za ba na nges par bya ba'i phyir me med pa gtan tshigs su byed pa bzhin te/ mtsho chen po mi g.yo ba de na ni me'i mdzel ma tsam yang snang bar gyur pa ma yin no/ /des na me med pa las 'bras bu med pa bsgrub pa yin no/ /rang bzhin mi dmigs pa ni sngar bshad pa'i tshul gyis rang med pa kho na yin te/ des na de la ni dngos po med pa grub pa ni ma yin te/ 'o na kyang yul can med pa'i tha snyad sgrub par zad do/ /rang bzhin mi dmigs pa 'di'i nang du 'bras bu mi dmigs pa dang 'bras bu 'gal ba ma dmigs pa ni sngar bshad pa'i tshul gyis rang med pa kho na dag rang sdud par 'gyur ba des na de dag la yang bltos nas med pa yang yin no zhes bshad do/ /de dag ni 'bras bu mi dmigs pas mtshon pa'i phyir dper brjod pa ni de'i ngo bo rgyu'i rang gi ngo bo khyab par byed pa'i 'bras bu gang yin pa'i 'bras bu de med pas ni dngos po med pa bsgrub par bya ba yin no/ /'dis ni 'bras bu 'gal bar dmigs pa yang bshad do/ /de bzhin du khyab par byed pa mi dmigs pa yang rang bzhin mi dmigs pa'i nang du 'dus pas de yang dper brjod pa'i don du bshad pa/ smra ba po gang gi tshe khyab par byed pa'i chos shing nyid mi dmigs bas khyad par bya ba shing sha ba med par smra ba de'i tshe yang dngos po med par bsgrub par bya ba nyid yin no/ /gang gi phyir de lta yin pa des na de ltar zhes bshad ma thag pa'i tshul gyis 'ga' zhig bsgrub pa dang dgag pa'i sgo nas gzhan 'ga' zhig 'gog pa dang/ /'gog pa'i tha snyad bsgrub par bya ba la/ /ji snyed go bar byed bar blangs pa de thams cad ni mi dmigs pa kho na'i rang bzhin yin no/ /gang du 'ga' zhig 'gog pa de thams cad du dgag pa'i tha snyad bsgrub ba'i gtan tshigs go par byed pa gzhan ni med do/ /bstan pa ma thag pa dgag pa med pa'i tha snyad kyi yul gang la yod pa'i mi dmigs pa de yin gyi/ yod pa'i tha snyad zlog pa'i 'bras bu can gyi mi dmigs pa na 'di lta bu ma yin no zhes khyad par du ston pa yin no/ /sbyor ba ni sgra'i byed pa 'am gtan tshigs kyi byed pa nyid do/ /sgra'i byed pa de'i bye brag gsam/ yang na sbyar bar bya ba'i mi dmigs pa de'i byed pa'i bye brag gis rnam pa bzhir 'gyur te/ 'di ltar de ni res 'ga' don gzhan sgrub pa'i sgo nas 'jug la/ don gzhan dgag pa'i sgo nas kyang 'jug pa'i phyir rnas pa bzhi'o/ /de nyid kyi dper brjod pa ni 'gal ba sgrub pa'o/ ci lta bu zhe na/ dper na 'di na grang ba'i reg pa med de/ me yod pa'i phyir ro zhes smos so/ /dngos po med pa'i sbyor ba 'di yang yul gang la sbyar bar bya ba de ni bstan zin to/ /'dis ni zhes bya bas ni khyab byed pa 'gal ba yang 'gal ba grub pa'i ? du 'dus par ston to/ /dper brjod pa yang ba mo'i reg pa med do zhes bya ba ni bsgrub par bya'o/ /me yod pa'i phyir ro zhes bya ba ni gtan tshigs so/ /ba mo'i reg pa gsum yin pa dang grang ba reg pa'i rang gi ngo bo yang mi dmigs kyi me ni mngon sum nyid yin te/ des ni grang ba'i reg pa reg pa ldog la de log na ba mo'i reg pa yang ldog pa'i phyir ro/ /'di ni 'gal ba grub pa nyid kyi nang du nus pa yin no/ /'gal ba'i 'bras bu de grub pa ni rnam pa gnyis pa'o/ /gang du grang ba'i reg pa dang me lkog tu gyur pa der du ba yod pa'i phyir ro zhes 'di gtan tshigs su len pa yin te/ yul de la dngos po med pa'i sgrub pa 'di sbyar ro/ /'di gnyis ni sgrub pa'i rnam pa yin no/ /gsum pa dgag pa'i rnam pa bstan pa'i phyir/ /bshad tpa/ rgyu ma grub pa'i dper brjod bston par byed pa ni dper na zhes bya ba la sogs pa yin no/ /yul gang la 'di la sbyar bar bya ba de ni bstan zin to/ /mi dmigs pa bzhi pa'i rnam pa ston pa ni rang bzhin ma grub pa ni dper na zhes dper brjod do/ /'di na zhes bya ba ni chos can no zhes bya ba la sogs pa sbyar bar bya'o/ /da ni sbyor ba gzhan rang bzhin mi dmigs pa 'di nyid kyi nang du 'dus ba ston pa ni 'dis ni zhes bya ba la sogs pa yin no/ /shing sha pa'i khyab? bar byed pa'i chos kyi rang bzhin shing nyid de/ de ma grub ba yang 'od nyid kyis bshad pa blta'o/ /dper na zhes bya ba ni dper brjod pa'o/ /dngos po med pa bsgrub pa'i sbyor ba 'di yang gang gi tshe ri mthon po gnyis la gcig ni shing gi tshigs mthong la/ de'i shing gi khyad par mi rtogs pa ni ri gnyis pa de la shing sha pa med par nges par mi nus te/ shing sha pa ni snang du mi rung ba'i phyir ro/ /shing ni dmigs pa'i mtshan nyid du gyur pa yin pa'i phyir de med par des nus pa de'i tshe blta bar bya ste/ des na khyab par byed pa med pas khyab par bya ba la ldogs yin no/ /dngos po med pa sgrub pa'i sbyor ba 'di thams cad snang ba mi dmigs pa'i yul las gzhan du rig par bya ste/ snang ba mi dmigs pa'i yul la ni dngos po med pa grub zin pa'i phyir ro/ /yul yang dpe brjod pa dag tu ci lta ci ltar bstan zin pa bzhin no/ /tha snyad bsgrub pa la ni khyad par med pa zhes bya bar rigs so/ /gal te rang bzhin mi dmigs pa kho na la snang du rung ba dgag par bya ba yin gyi/ mi dmigs pa'i sbyor ba gsum po dag la dgag bya snang du rung ba ma yin nam/ 'gal ba 'am/ de'i 'bras bu la ni 'gal ba'i don du rung mi rung ba yin la/ rgyu med pa la yang 'bras bu snang du mi rung ba dgag par bya ba yin te/ snang du rung ba nyid yin na ni rang bzhin mi dmigs pa nyid rab tu sbyor ba'i phyir ro/ /snang du mi rung ba 'gog pa yang snang ba mi dmigs pa ma yin na/ de ci ltar sbyor ba bzhi ka la snang ba mi dmigs pa nyid go bar byed pa yin zhe na/ gal te 'ga' zhig tu dgag bya snang du mi rung ba nyid yin na ni? du snang ba mi dmigs pa nyid go bar byed pa yin par mi 'gyur na/ med pa tha snyad sgrub pa'i mi dmigs pa 'di thams cad la yang gang zhig 'gog pa de dang ni mi dmigs par rig par bya'o/ /rang bzhin ci lta bu zhig ce na/ snang ba'i don las gzhan du gyur pa'i dmigs pa'i rgyu rnams/ gang zhig ma dmigs pa na yod pa ste de 'dra ba'o/ /dmigs pa'i mtshan nyid kyir gyur pa'i mi dmigs par rig par bya'o zhes bya ba'i don to/ /'dir 'ba' zhig tu ni ma zad kyi don kyang dmigs par yang rig par bya'o/ gang dag ce na/ de dag dang de dang 'gal ba dag go/ gsum pa rgyu mi dmigs pa'i dper brjod pa la ni dgag par bya ba 'bras bu'i khyad par rnams de dag ces bya bas ston par byed pa yin la/ 'gal ba'i dper brjod pa gnyis po dag la ni dgag par bya ba 'gal zla dag de dag las 'gal ba zhes bya bas brjod par bya ba yin no/ / de dag ces bya ba sbyar ba ni 'gal ba dang de'i 'bras bu dag brjod pa yin no/ /gal te 'gal ba'i 'bras bu dmigs pa'i sbyor ba la/ dgag bya rgyu dang 'gal ba yin gyi 'bras bu dang ni ma yin na/ de ji ltar na de dag dang 'gal ba'i sgra dgag bya la rjod ce na/ brgyud ba ste de'i rgyu dang 'gal ba'i phyir de yang 'gal bar brjod pas nyes pa med do/ /dmigs pa snang ba mi dmigs pa dag ni snang du mi rung ba la ni med do/ /des bltar rung ba'i zhes smos so/ /de dag dang 'gal ba bltar rung ba dag kho na de ltar gyur bar rig par bya'i/ gzhan dag ni ma yin no zhes bya ba'i don to/ /de'i don ni 'di yin te de bltar rung ba kho na'i 'bras bu dang rang bzhin dang 'gal ba dang rgyu dang 'gal ba dag kho na dgag pa yin gyi/ bltar rung mi rung ba ni dgag bya ma yin te/ gang gi phyir snang du rung ba dag kho na dmigs pa dang/ snang ba mi dmigs par srid pa des na snang du mi rung ba ni dgag bya ma yin no zhes bya ba nyin no/ /gang dag bltar rung ba'i de dag ma grub pa dang/ bltar rung ba'i de dag dang 'gal ba dag grub pa zhes ci rigs par 'brel par byed pa de dag gi ltar na khyad par don med de/ gzhan ni dmigs par mi 'thad pas snang du rung ba kho na dmigs pa yin pa'i phyir ro/ /gang las snang du rung ba dag kho na dgag par bya bar rtogs par 'gyur ba med bsgrub pa'i mi dmigs thams cad la dgag par bya ba mi dmigs pa dang snang ba mi dmigs pa dang ldan pa kho nar rig par bya ba'i nges pa 'di nyid ga las she na/ don gyi shugs kyis so/ /de yang gang zhe na/ gzhan dag la ni zhe bya ba smos so/ / dmigs pa dang bltar rung ba mi dmigs pa dang bral ba dag la ni rgyu dang 'bras bu yod pa dang med pa dang 'gal ba de dag mi 'grub pa'i phyir ro/ /gang dag dmigs pa dang bltar rung ba mi dmigs pa dang ldan pa ma yin pa de dag la ni 'di gsum ka yang mi 'grub bo/ /'di ltar yod pa dag gzhan yod na med pa'i phyir ni 'gal bar rtogs la/ yod pa dag nyid gzhan ce na? med pa las ni rgyu dang 'bras bu'i dngos por rtogs so/ /'gal ba dang rgyu dang 'bras bu dam par 'jog pa'i rgyu yod pa dang med par nges pa yang mthong ba dang bltar rung ba mi dmigs pa'i rgyu mtshan can yin te/ de'i phyir mthong ba dang bltar rung ba mi dmigs pa dang ldan pa yod pa med pa nges pa dag kho na 'gal ba dang rgyu dang 'bras bur grub pa yin la/ de 'dra ba bdag kyang bltar rung ba'i bdag nyid yin no/ /de bzhin du dngos po med pa yang gnyi ga las grub pa yin la/ gnyi ga yang bltar rung ba kho na yin no/ /de'i phyir 'dis ni khyab par byed pa mi dmigs pa la khyab bya bltar rung ba kho na med pa yin no zhes bya ba'i don 'di bshad par rig par bya'o/ /'di ltar rim dang rim ma yin pa mi dmigs na yang yod pa nyid dang/ shing med na shing sha pa med par grub pas chos gnyis khyab bya khyab byed du grub la/ de med par grub pa yang snang ba dang snang ba mi dmigs pa dang ldan pa yin te/ des na khyab bya ba ltar rung ba nyid du rtogs so/ /'di skad brjod pa yin te/ gal te sbyor ba'i dus na dgag bya bltar mi rung ba de lta na yang/ 'gal ba dang rgyu dang 'bras bu'i dngos po dang khyab par bya ba dang khyab par byed pa'i dngos po 'dzin pa'i dus na yod pa'i snang ba mi dmigs pa 'bras bu dang khyab bya med pa'i yul can gang yin pa de nyid las dngos po med par nges pa yin te/ de sbyor ba'i dus su ma dran na ni 'gal ba dang rgyu dang 'bras bu dang khyab par bya ba dang khyab par byed pa'i dngos po rtogs pa nyid du mi 'byung na 'gal ba mthong ba dang rgyu med pa dang khyab par byed pa med pa las/ cig shos med par rtogs par lta ga la 'gyur/ 'gal ba dang khyab par bya ba dang khyab par byed pa dang rgyu dang 'bras bur rtogs pa'i don la mi dmigs pa'i rjes su 'brangs pa na ni/ de nyid kyis cig shos med pa rtogs par 'gyur gyi/ 'gal ba tsam 'am rgyu dang khyab par byed pa med pa tsam gyis ni ma yin no/ /des na de ltar med pa'i tha snyad bsgrub pa'i mi dmigs pa 'di thams cad la yang zhes bya ba la sogs pas sbyor ba thams cad snang ba mi dmigs pa'i nang du 'dus bar bshad pa yin no/ /ji skad du/ rnam 'grel las/ gzhan du chos gcig yod rjod pas/ /gzhan med de nyid gang gis rtogs/ /gal te 'gal bas yin de yang/ /ces grub/ lhan cig mi gnas pa'i phyir zhe na/ de gang las 'dod/ snang ba mthong med phyir zhe na/ de ni tshad ma nyid ma yin/ zhes bshad nas/ tha mar/ thams cad du ni sbyor ba nyid/ /tha dad don la tha dad med/ /ces bshad pa yin no/ /dgag pa gang ji snyed pa ni mi dmigs pa las yin no/ zhes bya ba nas brtsams nas/ go bar byed pa thams cad ni mi dmigs pa'i rang bzhin yin no/ /zhes bya ba 'di'i mthar thug pa'i gzhang gis dgag pa thams cad ni mi dmigs pa sngon du 'gro ba can yin no zhes bya ba'i don 'di brjod pa yin no/ /rnam 'grel las/ tshad mas grub par smra rnams kyi/ /don gyis zlog pa nyid las yin zhes bshad do/ /bshad zin pa de nyid don bsdu ba'i phyir bshad pa/ snang ba mthong ba med pa dang/ /dngos po ma dmigs pa la ni/ /rgyu mi srid par gyur pa na/ /dngos po med pa dgag pa rtogs par 'gyur ro/ /de la rang bzhin mi dmigs pa dang phan tshun spangs te gnas pa'i mtshan nyid kyi 'gal ba'i sbyor ba la ni snang ba mthong ba med pa yin no/ /'di ltar de la dngos po gcig snang ba na rang bzhin gzhan snang ba nyid du khas blangs pa'i mthong ba med pa yin te/ sngar ji skad bstan pa bzhin no/ /rgyu mi dmigs pa dang lhan cig mi gnas pa'i 'gal ba la ni rgyu mi srid pa yin te/ 'di ltar 'gal ba'i mes kyang rgyu zlog pa'i sgo nas grang ba'i reg pa zlog pa yin no/ zhes sngar bstan zin to/ /de'i phyir de ltar tshigs su bcad pa 'di ni sngar bshad pa'i don mdza' dag sdud pa'i tshigs su bcad pa yin no/ /gal te 'gal ba'i 'bras bu de dmigs pas kyang 'gal ba cig shos med par des na/ 'gal ba de'i rgyu dmigs pas kyang med par ci ste mi nges/ rgyus kyang 'bras bu gdon mi za bar nye bar 'jog go snyam du bsams pa'o/ /de ltar ni ma yin te/ rgyu de ni 'khrul pa'i phyir ro/ /rgyu'i 'bras bu la 'khrul pa yin no zhes dper brjod pa ni dper na 'di na grang ba'i reg pa med de/ shing yod pa'i phyir te/ shing mthong ba'i phyir ro zhes bya ba de lta bu'i rgyu de dmigs pa ni 'bras bu'i go bar byed pa ma yin te/ rtsom par ma nges pas so/ /des na gang du grang bzlog par bya ba grang bzlog pa'i me gdon mi za bar 'gyur ba ni ma yin no/ /tha ma'i gnas skabs kyi khyad par gyi skad cig ma la ni 'khrul pa med de/ des na de las 'bras bu rjes su dpag go zhes dogs na ma yin te zhes 'gog par byed do/ /skad cig ma tha mar gyur pa'i rgyus ni 'bras bu rjes su dpag pa ma yin no/ /ci'i phyir zhe na/ bshad pa/ mdza' i skad cig de las 'bras bu skye ba gang yin pa de ni sdod pa dus 'gor ba ste/ de med pa'i phyir ro/ /mdor bstan pa'i tshig de nyid rgyas par rnam par dgrol ba'i phyir mdza' i skad cig gi bar du ni zhes smos so/ /'di la rgyu'i rgyun gyi mdza' i skad cig las sngon rol gyi skad cig gang yin pa de dag la ni 'bras bu skyed pa la gegs byed pa srid de/ des na de dag las 'bras bu rjes su mi dpog go /mdza' i skad cig la ni rnam par dbyer med pa'i phyi dgegs med de/ des na de kho na las 'bras bu rjes su dpog go/ des na mdza' i skad cig de nyid ni rtags yin la/ de'i mthong ba'i mthong ba de las rjes su dpag par bya ba rtogs pa skye'o/ /khyad par ci lta bu can zhig las she na/ 'brel pa dran pa ni rjes su dran pa ste/ de la ltos pa'i mthong ba gang yin pa las so/ /'di skad bshad pa yin te/ skad cig tha ma'i rgyu yod na mthong ba skye la/ mthong ba'i 'og tu ni rtags dang rtags can gyi 'brel pa dran no/ /dran bas bar du chod pa'i rtags mthong ba las ni rjes su dpag par bya ba rtogs te/ des na dang por rgyu/ skad cig gnyis pa la mthong ba/ mthong ba'i dus de nyid du skyes pa'i 'bras bu mngon sum yin pa'i phyir 'brel pa dran pa bas kyang snga bar 'gyur ro/ /'di nyid ston pa ni mdza' skad cig dang zhes bya ba la sogs pa yin no/ /rtags mthong zhing 'brel pa yang dran pa ni rjes su dpag pa 'jug pa gang yin pa 'di ni nges pa yin te/ 'brel pa dran pa la mi ltos par rtags 'ga' zhig ma mthong ba las kyang ni ma yin no zhes bshad par 'gyur ro/ /'di snyam du dper na me mngon sum pa la rjes su dpog pa ma yin pa de bzhin du/ 'bras bu mngon sum pa la ni rjes su mi dpog gi/ lkog tu gyur pa la ni rjes su dpog par 'gyur ro snyam na/ gang gis zhes bya ba la sogs pa smos te / 'bras bu mngon sum ma yin pa gang yin pa de la ni/ mngon sum dang mi dmigs pa bsgrub par bya ba'i rgyu dang 'bras bu'i dngos po nges par mi 'gyur ro/ /gal te yang me dang du ba dag rgyu dang 'bras bu'i dngos por mthong ba yin pa de lta na yang/ ji srid 'bras bu ma mthong ba de srid du ni mdza' nyid du yang nges pa mi nus na rgyu lta ci smos/ 'di ltar skad cig ni re zhig tshu rol mthong bas rnam par dbye bar nus pa yin pa nyid yin/ de'i nus pa rnam par dbye ba lta smos kyang ci dgos/ 'bras bu snang ba yin na ni gang gi phyir 'bras bu skyes pa'i phyir 'di ni 'di'i gnas skabs tha ma yin no zhes nges par nus kyi/ 'bras bu med par na nges pa med do zhes 'chad pa ni 'bras bu mngon sum ma yin pa la ni rgyu'i dngos por rtogs pa med do zhes bya ba'o/ /de'i phyir skad cig ma'i rgyu las 'bras bu mi 'grub bo/ /gal te dngos po mthong ba rang gi 'bras bu dang 'gal ba zlog par byed pa ma yin na/ 'o na ni me yang rang gi 'bras bu lus yongs su gdung ba'i 'gal zla grang ba'i reg pas byas pa'i yul lo zhes byed pa la sogs pa ldog pa'i go bar byed par mi 'gyur na/ 'dod pa yang yin na/ des na ji ltar yin zhe na/ rgyu mtshan dag 'gal ba ni zhes bya ba la sogs pa smos so/ /'dis ni 'di skad brjod pa yin te/ rgyu ni gzhan dang 'gal ba'i 'bras bu nye bar 'jog pas 'gal zla cig shos zlog pa ni ma yin gyi/ 'on kyang 'gal zla'i rgyu gang yin pa de zlog par byed pa nyid kyis zlog par byed pa yin no/ /'di dper brjod pas ston par byed pa ni 'di la zhes bya ba ni chos can bstan pa'o/ /spu long zhes byed pa ni gyen du langs pa'o/ /sogs pa smos pas ni so tag tag byed pa la sogs pa gzung ngo/ /de dag nyid dga' ba dang dad pa la sogs pas byas pa dag las khyad par du 'gyur bas bye brag go /med do zhes bya ba ni bsgrub bya bstan pa'o/ /skyes bu gang la gdung bar byed pa'i bye brag nye bar te/ gtan tshigs de'i phyir ro/ /gdung bar byed pa'i bye brag mngon sum du gyur pa las grang ba'i reg pa ldog par dpog la/ des na de'i 'bras bu yang ldog pa yin no/ /dngos po med pa sgrub pa'i sbyor ba 'di yang grang ba'i reg pa dang de'i 'bras bu mi dmigs pa la bya ba yin no/ /gal te me mthong ba las yongs su gdung ba dpag pas nas/ yongs su gdung ba dang 'gal ba spu langs pa la sogs pa ldog ba ma yin nam/ 'gal ba dag gi rgyu gang yin pa de dag 'gal na zhes ci'i phyir brjod ce na/ bshad pa/ spu long zhes byed pa la sogs pa'i bye brag dang 'gal ba yongs su gdung ba lus dros pa'i gnas skabs te/ dros pa'i gnas skabs des ni spu long zhes byed pa la sogs pa'i bye brag bzlog pa yin no/ /yongs su gdung ba de'i rgyu me yin la/ des ni spu long zhes byed pa la sogs pa'i bye brag grang ba'i reg pa dang 'gal ba'i rgyu'i phyir ro/ /'di skad brjod pa yin te/ spu long zhes byed pa la sogs pa'i bye brag dang yongs su gdung ba'i gnas skabs dag ni phan tshun 'gal ba yin no/ /me mthong ba las kyang yongs su gdung ba'i gnas skabs rjes su dpag pa na/ spu long zhes byed pa la sogs pa ldog pa ni ma yin gyi/ 'on kyang ma mthong ba las spu long zhes byed pa la sogs pa'i rgyu grang ba'i reg pa'i mtshan nyid ldog pa yin no/ /de smras pa ni grang ba rgyun chad pa dngos po med par rtogs na de'i 'bras bu yang med par nges pa yin no/ /sbyor ba gzhan dag kyang bstan pa'i phyir 'dis ni zhes smos so/ /'gal ba de'i 'bras bu las kyang ste/ grang ba'i reg pa dang 'gal ba med pa'i 'bras bu du bas me de dang 'gal ba grang ba'i reg pa'i 'bras bu spu long zhes byed pa la sogs pa gang yin pa de med par nges par bshad pa yin no/ /'di skad bshad pa yin te/ du ba las me nges par byas pa na yongs su gdung ba'i mtshan nyid kyi 'bras bu rjes su dpag pa'i sgo nas/ spu long zhes byed ba la sogs pa ldog pa ni ma yin gyi/ 'on kyang me nges pa las grang ba'i reg pa ldog cing de las ni de'i 'bras bu ldog pa yin no/ /de'i dper brjod pa ni dper na zhes bya'o/ /phyogs kyi bye brag 'di ni spu long zhes byed pa la sogs pa'i bye brag sngar bstan pa dang ldan pa bcas pa de dang 'brel pa'i me dang ldan pa ma yin te zhes bya ba ni bsgrub bya bstan pa'o/ /du ba yod pa'i phyir te/ me dang 'brel pa'i du ba khyad par can mthong ba'i phyir ro/ / dngos po med pa sgrub pa'i sbyor ba 'di yang gang du me grang ba'i reg pa dang spu long zhes byed pa la sogs pa'i khyad par mi snang ba dar sbyar bar bya'o/ /gal te skabs su bab pa'i mi dmigs pa'i sbyor ba rnam pa bzhi las 'di dag tha dad pa ma yin nam zhes dogs na/ de dang 'gal ba grub pa 'di yang sngar bstan pa'i rgyu ma grub pa ma dmigs pa nyid yin no zhes smras so/ /gang gi phyir sbyor ba 'di dag kyang rgyu mi dmigs pa nyid las 'bras bu med par rtogs par byed pa yin pa de'i phyir 'di ni rgyu mi dmigs pa nyid du bshad do/ /de'i phyir snang ba mi dmigs pa 'di ni sbyor brjod par byed pa zhes bya ba sgra'i byed pa don gzhan sgrub pa dang dgag pa dag gi sgo nas tha dad pa'i bye brag gis sam/ de nyid kyi don mi dmigs pa'i bya ba don gzhan sgrub pa dang/ dgag pa'i sgo nas nye bar blangs pa'i sbyor ba zhes bya ba'i bye brag gis mi dmigs pa rnam pa bcu yin te/ skabs su bab pa'i dper brjod kyis rjes su 'brang ste yongs su bgrang bar bya'o/ /gal te 'gal ba'i 'bras bu dmigs pa las 'khrul par rtogs pa yin nam/ 'di ltar yul gang du du ba mthong ba de nyid du re zhig grang ba'i reg pa bkag pa med na gzhan du 'gog par 'gyur ba lta ci smos so/ /de'i phyir sbyor ba 'di ldog par byed par ci ltar 'gyur zhe na/ bshad pa/ 'gal 'bras la yang yul dang ni/ dus dang/ sogs pa smos pas du ba'i rang bzhin gyi khyad par gzhan yang rung ste/ gang cung zad me la mi 'khrul pa'i chos de gzung ngo/ /de dag la bltos par 'dod de/ yul gang du gnas pa'i me las gang gi tshe du ba skyes pa der de'i tshe grang ba'i reg pa med par 'gyur ba yin no/ /du ba'i khyad par la yang bltos pa bya ba yin te/ gtsubs shing gtsubs pa las byung ba'i du ba ni grang ba'i reg pa med par nges pa ma yin pa'i phyir te/ grang ba'i reg pa bzlog par dur pa'i me med pa'i phyir ro// gzhan du na gal te de lta bu'i khyad par mi bltos pa de'i tshe ni rtogs 'khrul par 'gyur te/ dper na mi grang la grang ba'i reg pa med pa sgrub pa la thal ba bzhin no/ /ci ltar grang ba ldog pa sgrub pa la thal ba nye bar blangs pa go bar byed pa ma yin pa bzhin no/ /'dir yang yul dang dus la bltos na go bar byed pa kho na'o/ /de ltar na snang du rung ba'i yul mi dmigs pa ni go bar byed pa'i tshad ma yin la/ snang du mi rung ba'i yul can gyi mi dmigs pa ni dngos po med par nges pa'i 'bras bu can ma yin te/ des? na tshad ma ma yin no/ /ji ltar tshad ma ma yin zhe na/ bshad pa/ gang gi phyir bskal pa rnams la ni/ med par nges pa yod pa ma yin/ bskal pa dang ldan pa rnams la'o/ /de'i phyir na de'i yul can gyi mi dmigs pa ni nges pa'i 'bras bu can ma yin pas tshad ma ma yin no/ /bskal pa de dag kyang gang yin zhe na/ rnam pa gsum zhes smos te/ 'di dag la bskal pa yod pa yin no/ /yul dang dus dang rang bzhin gyis bskal pa gang dag pa yod pa de de dag dang ldan pa yin no/ /de dag bskal pa zhes ci'i phyir brjod de/ gang gi phyir yod pa gang yin pa de ni gdon mi za bar yul de na gnas pa 'ga' zhig gis dmigs pa yin no/ /rang bzhin bsal pa'i sha za yang rigs mthun pa dag gis dmigs pa yin no/ /dus kyi bskal pa gang yin pa de yang 'das pa'i ni 'ga' zhig gis dmigs pa yin la/ ma 'ongs pa ni dmigs par 'gyur ba ma yin no/ /'di nyid ston par byed pa ni 'das pa dang ma 'ongs pa na dmigs pa gang la yod pa'o/ /de ci ltar gang mi dmigs pa de med pa ma yin zhes nges par mi rung/ 'di ltar dmigs pa thams cad ldog pa de ni dngos po med pa yin no zhe na/ 'di bzlog pa'i phyir ma yin te zhes smos te/ thams cad kyi dmigs pa log pa de ni dngos po med par nges par bya ba 'dir rtags nyid ma yin te/ gtan tshigs de'i phyir na thams cad kyi dmigs pa log pa las 'ga' zhig kyang dngos po med par mi 'grub bo/ /dngos po med pa ni rtogs pa pos rang nyid kyis rtogs par bya zhing gzhan la yang bstan par bya ba yin no/ thams cad kyi dmigs pa ni log pa ni de rang nyid la grub pa ma yin zhing/ gzhan la ma yin no/ /de bshad pa ni bdag dang gzhan dag la grub pa med pa'i phyir ro/ /zhes bya ba yin no/ /gang gi phyir mi dmigs pa thams cad ma grub pa de'i phyir pha rol po 'di bdag nyid kyi dmigs pa log pa nyid tshad ma gtan tshigs su byed pa na don spong ba yin no/ /ji ltar bltar rung ba'i don la de'i dmigs pa med pa de bzhin du bltar mi rung ba dag la yang yod na/ de dag mi dmigs pa'i phyir na med pa nyid du ni rjod par nus pa ma yin no/ /bskal pa der yang yod na ni mngon sum dang rjes su dpag pa dang lung yang rung ste 'jug pa nyid do/ /de'i phyir bdag nyid 'brel pa'i mngon sum dang rjes su dpag pa dang lung log pa'i mtshan nyid kyi mi dmigs pa ni tshad ma yin gyi/ gang rung cig log pa ni ma yin no/ /des na de'i rnam pa de lta bu'i bdag nyid kyis dmigs pa log pas dngos po med par rtogs pa yin no zhes gzhan dag dogs pa bsal ba'i phyir bshad pa/ de ni de lta ma yin te yul khyad par can 'ga' zhig la bstan bcos kyi dbang du byas pa med pa'i phyir te/ byed pa med pa'i phyir ro/ /gang zhig 'di nyid rnam par dgrol ba'i phyir bstan bcos 'jug pa ni zhes smos so/ /'di ltar skyes bu'i don nye bar ston pa lhur byed pa ni bstan bcos su brjod la/ skyes bu'i don yang thabs nye bar bstan pa'i sgo nas bstan par bya ba yin no/ /des na skyes bu'i don sgrub par byed pa'i thabs 'ga' zhig la brten nas te brjod bya ba byas nas 'jug pa yin no/ /skyes bu'i don nye bar ston pa la mi bltos na ni bstan bcos nyid ma yin no zhes bstan pa'i phyir ro/ /de ltar ma yin na zhes smos te/ skyes bu'i don nye bar ma ston na'o/ /'brel ba med pa zhes bya ba ni nye bar mi mkho bo'i don to/ /brjod pa zhes bya ba ni phan tshun ma 'brel ba'i don smra ba ste/ de lta bu ni tshad mar mi 'gyur ba'i phyir ro/ /'di snyam du gang gi phyir bstan bcos su skyes bu'i don nye bar ston pa de kho na'i phyir na dngos po thams cad bstan bcos su bstan par bya ba yin no snyam na/ bshad pa/ skyes bu'i don nye bar ston pa'i skabs der yang don mang po gdon mi za bar kho nar bstan par bya ba ni ma yin te 'ga' zhig ni bstan par mi nus pa dang/ 'ga' zhig ni bstan par mi 'os pa dag yin no/ /re zhig bstan par mi nus pa bstan pa'i phyir/ bshad pa/ dper na bdag nyid so so la nges pa bdag nyid dang bdag nyid la nges pa'i skyes bu rnams kyi sems kyi 'jug pa rab tu rgyu ba'o/ /'di skad brjod pa yin te/ sems kyi 'jug pa ni thun mong ma yin pa'i phyir gzhan la nye bar bstan par mi nus la/ nye bar bstan pa la dgos pa yang ci yang med do/ /'di snyam du rgyu mtshan gyi khyad par gyis de dag bstan par nus pa kho na'o snyam na/ bshad pa/ rgyu mtshan nges pa la byung ba ma yin pa'i tshul 'di la yod pa'o/ /'di skad brjod pa yin te/ rang gi ngo bos bstan par nus pa ma yin la rgyu mtshan gyi sgo nas kyang ma yin te/ rgyu mtshan nges pa med pa'i phyir ro/ /nye bar bstan pa la dgos pa med pa bstan pa'i phyir bshad pa/ yul dang dus de dag gi chod pa'i dngos po gang yin pa ste/ de nyid kyi phyir skabs su zhes bya ba skyes bu'i don nye bar ston pa'i skabs su mi dgos pas na nye bar mkho ba med pa yin no/ /'di skad brjod pa yin te/ dus kyis chod pa 'das pa dang ma 'ongs pa'i dngos po yod pa ma yin pa'i rang bzhin can dag ni skyes bu'i don nye bar ston pa'i skabs 'gar yang dgos pa med la/ da ltar ba la yang yul gyis chod pa thag ring ba ni 'dug pa ni nye bar mkho ba med cing/ nye ba na 'dug pa kha cig kyang nye bar mi mkho ba yin te/ des na nye bar mkho ba med pa de dag ni bstan bcos kyi brjod byar byed pa ma yin/ 'di snyam du gal te lung gis de dag bsdus pa ma yin yang mngon sum gyis gzung bar bya ba yin no snyam na/ da ltar bskal pa dag ni zhes bya ba ni yul rang dus dang rang bzhin gyi bskal pa'o/ / rang gi bdag nyid kyi mthu des nye bar gnas pa nye bar bzhag pa gang la yod pa de ni de skad brjod do/ /de gang yin zhe na/ smras pa/ shes pa skyed pa la nus pa gang yin pa'o/ /'di skad brjod pa yin te/ kha cig ni brgyud nas shes pa skyed bar nus pa yin la/ kha cig ni dngos su'o/ /de la brgyud pa'i nus pa gang yin pa de ni don gzhan nyid la rnam par gzhes pa yin te/ gzhan la ni med na mi 'byung ba nyid kyis nye bar btags nas nus pa tha snyad du byed pa yin no/ /des na gzhan gyi mthus nye bar gnas pa de ni des nye bar bzhag pa'i nus pa yin gyi/ bdag nyid kyi mthus nye par gnas pa ni ma yin no/ /gang la dngos su rnam par shes pa skye ba de'i rnam par shes pa skyed pa'i nus pa ni bdag nyid kho na la rnam par gnas pa yin pas rang gi mthus nye bar gnas par tha snyad du bya ba yin no/ /des na rnam par bcad par bya ba yod pas na/ rang gi mthus nye bar gnas pa'i nus pa zhes bstan te/ de ltar ma yin na mthu dang nus pa dag rnam grangs yin pa'i phyir na gcig la sbyor bar mi 'gyur ro/ /gzung ba'i rang bzhin gyi don gang yin pa de ni dbang po nyams pa med pa'i rnam par shes pa dngos su skyed par byed pa'i phyir gzung ba nyid yin gyi/ gzhan ni ma yin no/ /gzung bar bya ba ma yin pa'i ngo bo gang yin pa de ni dngos su skyed par byed pa yin yang gzung ba ni ma yin te dbang po bzhin no/ /rab rib la sogs pas dbang po nyams pa las skyes pa la ni phyin ci log gi rnam pa bzhag pa'i phyir skyed par byed pa yin yang gzung ba yin te/ zla gnyis kyis shes pa la zla ba gcig gis rang gi rnam pa ma bzhag pa'i phyir ro/ /shes pa gzhan gyis gzung bar ji ltar 'gyur zhe na/ rnam par 'jog pa la gags byed pa'i rgyu med pa'i phyir ro/ /don gcig nyid rnam par shes pa 'jog par nus pa mi nus pa 'gal lo zhe na/ 'o na ni snang ba yang 'ug pa dang mi la sogs pa'i mig gi rnam par shes pa skyed pa'i nus pa bsgrub pa dang gegs byed pa 'gal bar 'gyur ro/ /snang ba ni lhan cig byed pa yin pa'i phyir 'gal ba med do zhe na/ yul yang rnam pa dang ldan pa'i rnam par shes pa'i lhan cig byed pa yin gyi/ nye bar yin pa ni ma yin pa'i phyir 'ga' zhig la rnam pa gtod kyi thams cad lam yin pas skyon med do/ /chod pa dag la ni nus pa de 'dra ba med de/ des na mngon sum ma yin no/ /'di snyam du de dag ni rjes su dpag par rtogs so snyam na/ gang gis zhes smos so/ /de dag gi 'bras bu gdon mi za bar dmigs pa yang ma yin no/ /'di skad brjod pa yin te/ rang gi rgyun las tha dad pa'i 'bras bu'i rgyu ni gong mchag? par bskyed par bya ba ma yin te/ dper na mes du ba'i rgyun bzhin no/ /brtsams pa'i 'bras bu gdon mi za bar dmigs pa yang ma yin la/ dmigs kyang de'i 'bras bu nyid du gdon mi za bar ngo shes pa yang ma yin te/ rgyu dang 'bras bu'i dngos po ni mngon sum dang mi dmigs par bsgrub par bya ba yin na/ de ni bskal ba dag la mi srid do/ /lkog tu gyur pa'i dngos po la yang snang ba'i don gyis dngos po gzhan du mi 'thad pas yod par rjes su dpog ba yin te/ dper na mig bzhin no/ /de'i don dag don du mi cha? bar zhes smos te/ de lta ma yin na 'bras bu mi dmigs pa kho na'o zhes brjod par 'gyur ro/ /des na rjes su dpag par ci nus so/ /de dag ni mngon sum dang rjes su dpag pa dang lung log tu zin kyang med do zhes des par nus pa ma yin no/ /gang yang shis par byed pa go bar byed pa med pa'i phyir dbang po las 'das pa dbang po'i spyod yul ma yin pa'i don nam/ snang don gyi rang bzhin gyi khyad par spong bas byed pa ston par byed pa de phyin ci log pa yin no/ zhes bya ba'i de'i sgra 'di dang 'brel te/ gang yang zhes pa gang gi sgra yod pa'i phyir ro/ /dbang po las 'das pa gang yin zhing/ rang bzhin gyi khyad par yang gang zhig yin zhe na/ dper na zhes bya ba la sogs pa smos so/ /sems 'dod chags dang bral ba dang lha'i khyad par ni dbang po las 'das par 'gyur pa yin la/ r dzas gtong pa'i sbyin pa dang 'tshe ba la sogs pa spong ba de dag don du gnyer ba'i sems pa de dag ni mngon par mtho ba'i rgyu ma yin no zhes bya ba la 'di la sbyin pa la sogs pa'i sems pa mngon sum ba dag la yang mtho ris pa sogs pa'i mtshan nyid kyi mngon? par mtho ba'i rgyu nyid kyi rang bzhin de spong ba ni rang bzhin gyi khyad par spong ba yin gyi/ sbyin pa'i sems pa'i mtshan nyid kyi don thams cad du spong ba ni ma yin no rgyu ma yin na zhes bya ba lta bu'o zhes bya ba la zhes bya ba ni 'dis 'di ltar gyi don te/ gang yang 'di ltar dbang po las bdag pa'i don nam rang bzhin gyi khyad par spong ba de ni phyin ci log yin te/ spang ba'i don de las spong ba de phyin ci log yin no/ /de la shes par byed pa med pa khyad par med par phyin ci log gi rgyu brjod nas/ rang bzhin gyi khyod par la phyin ci log gi rgyu bye brag tu mngon sum gyis zhes bya ba la sogs pa 'chad do/ /'bras bu de zhes bya ba ni mngon par mtho ba'o/ /'bras bu de dang ldan pa ma yin pa ni de med pa ste/ 'bras bu gzhan dang ldan pa gang yin pa'o/ /'bras bu de dang ldan pa ma yin pa de dang chos mtshungs pas na ste 'dra ba na'o/ /ji ltar myu gu la sogs pa'i 'bras bu can sa bon la sogs pa 'bras bu de ma thag pa can yin pa de bzhin du sbyin pa la sogs pa'i sems pa mngon par mtho ba'i 'bras bu can yin na ni/ 'bras bu de ma thag tu 'gyur dgos zhes 'dra bar sgro 'jogs pas 'dra ba des na phyin ci log yin no/ /mngon par mtho ba 'di ni sbyin pa la sogs pa'i sems pa'i 'bras bu can ma yin te/ gal te yin na ni gzhan dang 'dra bar 'gyur na/ 'dra ba yang ma yin te/ 'bras bu de ma thag pa bar ma chod pa de med pa'i phyir ro/ /ji ltar sa bon ba sogs pa'i 'bras bu de ma thag pa yin pa ltar 'di'i 'bras bu ni de ltar de ma thag par mi 'gyur ro/ /gal te 'bras bu de ma thag tu skyes kyang mi mthong ba ma yin nam/ da ci ltar de ma thag tu med pa yin zhe na/ smras pa/ 'bras bur gyur pa mngon sum gyi don la yang ngo/ /'di skad brjod pa yin te/ gal te mngon par mtho ba'i mtshan nyid kyi 'bras bu lkog tu gyur pa yin na ni the tshom za ba nyid yin na lkog tu gyur pa ni ma yin te/ 'di ltar yul des pa'i rgyu mtshan gyi bde ba rang gi rgyud la yod ba dang/ yul yang bdag nyid dang 'brel par rig pa ni mngon par mtho ba yin la/ de ni 'di'i lkog tu gyur pa ma yin te/ des na de ma thag pa med par nges pas 'dra ba med par nges pa yin no/ /'bras bu de dang ldan pa ma yin pa dang 'dra bar yang gdon mi za bar 'gyur bas rtags pa yin te/ de med pas de'i 'bras bu med pa'i phyin ci log pa yin no/ /'di phyin ci log pa yin gyi bden pa'i don ma yin no zhes bya ba 'di nyid ga las she na/ rgyu las zhes bya ba la sogs pa smos so/ /byi ba dang khyi smon ba zhes bya ba khyi smyon gyi dug gis 'gyur ba bzhin no/ /'di ltar de ni dug zhugs ma thag nyid du ni mi 'gyur gyi/ 'on kyang lhan cig byed par 'dod pa'i dus kyi khyad par nye bar gyur pa na 'byung ba yin te/ rgyu gzhan nyid ni yod pa ma yin no/ /de bzhin du gzhan dag kyang 'gyur ro/ /mthong ba dang ma mthong ba 'ba' zhig ni ma yin te/ 'on kyang dngos po de'i 'bras bu chod pa skyed pa'i nus pa yod pa dang/ dbang po las 'das pa'i don yod pa la yang 'gal ba med pa'i phyir mngon par mtho ba'i rgyu 'am dbang po las 'das pa'i dngos po 'di la bltar rung ba'i khyad par bral ba'i mi dmigs pa tsam ni tshad ma ma yin no/ /mngon par mtho ba la sogs pa'i rgyu dgag par mi nus pa 'ba' zhig tu ma zad kyi/ bsgrub par yang mi nus pa yin no zhes rjod pa ni de 'byung ba la tshad ma ci yod ce na zhes bya ba yin no/ /gzhan dag de ltar dogs par byas nas spong ba de bzlog pa'i phyir de nyid kyi phyir zhes smos so/ /shin tu dbang po las 'das pa'i don bsgrub pa dang gnod par byed pa la ni rtog pa dang ldan pa the tshom bya bar rigs so/ /yang na gal te dngos po gang zhig bzlog par yang mi nus la sgrub par byed pa'i tshad ma yang med pa de la de ltar brtag par ni mi rigs te/ 'di la res 'ga' sgrub par byed pa'i tshad ma srid pa yin no/ /bdag nyid kyis sngar re zhig ma shes pa 'ga' zhig phyis shes pa de bzhin du ma nges pa'i tshad ma yang goms pa'i dbang gis dus gzhan du shes par 'gyur ba'am/ yang na shes pa'i skyes bu gzhan gyis nye bar ston pa'i phyir ro/ /de ltar na gzhung gi don ni sgrub par byed pa'i tshad ma'i yul nyid la rtog pa dag ldan pa the tshom za bar rigs kyi yul med par nges pa ni ma yin no zhes bya ba 'di yin gyi/ slob dpon bdag nyid la tshad ma yod pa ni ma yin te/ slob dpon gyis ni phyogs gzhan 'ga' zhig tu yang mngon par mtho ba'i rgyu 'di sgrub par byed pa'i tshad ma nye bar bkod pa med pa'i phyir ro/ /des na don nam tshad ma la the tshom za ba'i phyir spang bar bya ba nyid ma yin no zhes bya ba'i don 'di yin no/ /gang gi phyir 'bras bu chod pa yang skyed pa de'i phyir dbang po las 'das pa'i don 'di la mngon par mtho ba'i rgyu la sogs pa rang bzhin nam 'dod chags dang bral ba la sogs pa'i don 'ga' zhig gi yod pa'i shes par byed pa go bar byed pa ma grub pa yin te/ mthong ba gsal ba med pa'i phyir ro/ /'di skad du don 'ga' zhig gi shes par byed pa ni mthong ba nyid yin na de yang mi gsal ba des na rnam pa thams cad la nges par byed pa ma yin no zhes brjod pa yin no/ /rgyu rnams ni 'bras bu skyed pa'i phyir yang ngo/ /des na 'bras bu de ma thag pa mthong ba med pa'i phyir de'i 'bras bu'i sgo nas kyang mngon par mtho ba'i rgyu nyid khas blangs par mi nus te/ dper na du ba mthong pas mi skyed pa'i nus pa bzhin no/ /de bzhin du dbang po las 'das pa'i don rnams kyi mthong ba yin gyi rnam par shes par mtshan nyid gsal ba med pa'i phyir mngon sum gyis gzung ba ma yin la/ mthong ba gsal ba med pa nyid kyis na bsgrub par bya ba'i rang bzhin nam 'bras bu thong ngam de ltar nges par mi rtogs pa yin no/ /'di ni dngos po yod pa dag la yang lta ba po'i skyon yin no/ /rgyu dang 'bras bu yod pa de dag gi skyod de yang gyu rnams ni zhes bya ba la sogs pas 'chad do/ /de dag rang gi rgyun la nus pa yod pa yin yang rgyu tha dad pa'i mtshan nyid kyi 'bras bu skyed par nges pa med pa'i phyir ro/ /rang gi rgyud kyi mtshan nyid kyi 'bras bu mi skyod na ni dngos po nyid ma yin pa bsal bar 'gyur/ /rang gi rgyud kyi 'bras bu mthong bas ni dngos po de rjes su dpag par 'gyur ba ma yin gyi/ 'on kyang mthong ba nyid yin no/ /de'i phyir 'dir gzhan gyi rgyud kyi mtshan nyid kyi 'bras bu nyid bzung ba yin no/ /des ni byed par ma nges pa 'am byas kyang mthong bar ma nges pa 'am mthong yang de'i 'bras bu nyid du rtogs par mi 'gyur te/ de la mi dmigs pa dang mngon sum dag med pa'i phyir ro/ /mig bzhin du mthong ba gzhan du mi 'thad pa'i sgo nas ni thams cad 'grub pa ma yin no/ /des na mngon sum dang rjes su dpag pa yang shes par byed pa ma yin mod kyi/ de tsam gyis ni dbang po las 'das pa'i don spong ba ma yin no/ /gang gi phyir 'di dag gis ma dmigs kyang yang rim gyis mthar gyis rtsig phug na gnas pa la sogs pa'i don 'ga' zhig mngon sum 'am rjes su dpag pas mngon par gsal bar 'gyur pa'i phyir te/ snang bar 'gyur ba'i phyir ro/ /gang yang lung log na don ldog go zhes smras pa de ni mi rigs te/ 'di ltar gal te lung 'jug pa don la bltos na ni ldog pa nas yang ldog par 'gyur ba yin na/ gang gi phyir lung ni sgra'i bdag nyid yin la sgra rnams ni dngos po ji lta ba bzhin dngos po las ma 'das par 'jug pa snga ma yin no/ /dngos po ji lta ba bzhin 'jug pa'i rgyu gang gi phyir sgra de dag las don gyi rang bzhin ngo bo nyid nges par 'gyur ba'o/ /gal te dngos po ji lta ba bzhin du 'dug pa yin na ni de las dngos po med par nges par 'gyur na de lta ni ma yin no/ /'on de dag ji ltar 'jug pa yin zhe na/ de dag ni zhes smos so/ /brjod par 'dod pa ni khyad par can gyi don bstan par 'dod pa'o/ /sgra gang yin pa ni des 'jug pa yin te de'i phyir de la 'khrul pa med pa ste/ brjod par 'dod pa dang 'brel pas na 'di ni brjod par 'dod pa de nyid kyi go bar byed pa yin no zhes bya bar srid par 'gyur gyi/ dngos po'i ni ma yin no/ /ji ltar brjod par 'dod pa go ba de ltar ni smra ba po'i 'dod pa'i don go ba'i phyir te zhes bya ba de ltar bstan zin to/ /'di snyam du 'o na ni skyes pa'i don la 'khrul pa med pa yin no snyam na/ skyes bu'i 'dod pa zhes bya ba la sogs pa smos so/ /'dod pa 'ga' zhig ni don gyi? lta ba dang 'brel par yang 'gyur pa yin te/ des na thams cad ces khyad par du byed pa yin no/ /don ji lta ba ste don las ma 'das par 'gyur ba'i ngang tshul 'di la yod pa ma yin no/ /'di snyam du sgra rnams ni me dang du ba bzhin du don dang 'brel ba'i phyir ni de'i go bar byed pa ma yin gyi/ 'on kyang brjod bya rjod byed kyi 'brel pa las yin no snyam na/ de ni mi rigs te/ 'di ltar gang zhig gang dang/ ma 'brel pa'i rang bzhin gyi dngos po des ni 'brel pa'i yul ma yin pa'i dngos po gzhan go bar byed pa ma yin no/ /bsam pa ni 'di yin te/ brjod bya rjod byed kyi 'brel pa ni dngos po ma yin gyi 'on kyang brtags pa yin no/ /brtags pa'i 'brel pa las kyang don 'grub pa ni med la/ dngos po'i 'brel pa ni yod pa ma yin no/ /'di snyam du sgra thams cad ni kho bo cag gi lung ma yin gyi/ 'on kyang yid ches pas bstan pa yin no/ /yid ches pas bstan pa'i phyir smras pa/ don ji ltar gnas pa bzhin du mthong ba gang yin pa de ni don ji lta ba bzhin du mthong ba ste/ 'di ni phyin ci ma log par yongs su shes pa zhes bya ba'i yon tan gcig yin no/ /bden pa'i don ston pa'i rgyu khro ba med pa la sogs pa'i yon tan gzhan ni sogs pa smos pas gzung ba yin no/ /de dag dang ldan pa'i skyes bu yid ches pa yin no/ /yid ches pa ni skyon zad pa yin la/ skyon yang log pa'i shes pa la sogs pa yin zhing/ de dag kyang ji lta ba bzhin mthong ba la sogs pas spangs par brjod pa yin no/ /ji lta bu bzhin mthong ba des bstan pa'i lung gang yin pa ni bstan par bya ba'i don la mi slu ba yin te/ kho bo cag gi lung de lta bu ni tshad ma yin no zhes pha rol dogs pa bzlog pa'i phyir bshad pa/ de lta bu'i skyes bu ni bden pa'i don nyid brjod pa yin no zhes bya ba'i don 'di 'dod pa nyid de/ 'on kyang skyes bu de lta bus bstan pa'i tshig kho bo cag gi 'jug pa'i yan lag ni ma yin te/ 'di ltar nges pas yul du byas pa 'jug pa'i yan lag de lta bu'i skyes bu khyad par can ni shes par nus pa ma yin no/ /de'i phyir bshad pa/ gal te khyad par can de nyid/ shes par nus na de'i phyir don 'di 'dod pa nyid yin no/ /gal te khyad par du 'phags pa nges par ma nus kyang tshig 'jug pa'i yan lag ma yin par ci ltar 'gyur zhe na/ bshad pa/ rtog pa sngon du gtong pa'i nang tshul gang la yod pa ni rtogs sngon du gtong ba can te/ nges par rtog par byed pa zhes bya ba'i tha tshig go lung ngam lung ma yin pa tshol? ba de thams cad ni zhes bya ba la/ 'di ni 'jig rten pa'i tshig gi tshul? yin te/ 'jig rten na thams cad du mngon par 'dod pa'i mi mthun pa'i phyogs dogs par byas te/ dge mi dge rnyed mi rnyed ces mi mthun pa'i phyogs dang bcas pa brjod do/ /de bzhin du 'dir yang lung tshol ba yin mod kyi/ mngon par 'dod pa'i mi mthun pa'i phyogs dang ldan pa'i phyir lung ma yin pa zhes smos so/ /yang na lung ma yin pa yang tshol ba nyid de/ de lta na ni spang bar bya ba'i yul legs par shes par 'gyur pa yin no/ /rtog pa dang ldan pa ni don du gnyer bar bya ba nyid med par 'jug par mi rigs so/ /rtog pa dang ldan pa lung ngam lung ma yin pa yongs su rtog pa yang dgos pa dang ldan pa nyid yin la/ lung yongs su rtog pa la ni 'jug pa las ma gtogs pa'i dgos pa gzhan yang yod pa ma yin te/ de'i phyir 'di 'jug par 'dod pa ma yin te/ lung gi rgyu mtshan gyis 'jug par 'dod pa de yongs su rtag pa yin no/ /gal te de'i rgyu mtshan gyis 'jug pa don du gnyer ba med par de yongs su rtog na ni dgos pa med pa'i phyir na/ zhen pas yongs su rtog par 'gyur na/ rtog pa dang ldan pa ni zhen pas ma yin no/ /rtog pa dang mi ldan pa 'jug pa'i yan lag kyang dpyad par bya ba ma yin no/ /yon tan des pa nyid las 'jug par rigs te/ yon tan ma nges pa las 'jug na ni lam po che'i skyes bu'i dag las kyang 'jug par 'gyur ro/ /de'i phyir skyes bu 'jug pa'i yan lag sems pa ni ci nas kyang yon tan dang ldan pa'i lung gzung bar bya'o / gzhan ni ma yin pa dang/ de bzhin du yon tan nges pa gzung bar bya'i gzhan dag ni ma yin no/ /de'i yon tan des pa yang skyes bu'i yon tan nges pa las 'gyur ba yin te/ des na dang por skyes bu brtag par bya'o/ /de skyes bu brtags la rgyur gyur pa las 'jug par khas len na ni 'jug par mi 'gyur ba nyid do/ /gtan tshigs smras pa/ skyes bu'i khyad par de lta bu ni shes par mi nus pa'i phyir ro/ /gal te dbang po la brten pa'i shes pa yon tan yongs su ma brtags pa yang 'jug pa'i yan lag tu mthong ba ma yin nam zhe na/ bden te/ /dbang po'i shes pa'am rnam par rtog pa gzhan yang rung ste/ yon tan yongs su ma brtags pa ni skyes bu'i 'jug pa'i yan lag yin te/ de med par ni tha snyad nyid mi 'thad pa'i phyir ro/ /gang gis yon tan nges pa ma shes kyang dbang po las 'das pa'i don brjod pa 'jug pa'i yan lag tu byed pa dbang po las 'das pa'i don brjod pa'i sgra med par skyes bu'i tha snyad mi 'thad pa ni ma yin no/ /des na yon tan med pa'i tshig las 'jug na ni lam po che'i mi'i tshig las kyang 'jug par 'gyur la/ /yon tan brtags nas 'jug na ni 'jug par mi 'gyur ba yin no zhes bya bar gor mchag? go/ mi 'dod pa'i phyir ni ma yin te/ ji lta ba bzhin du mthong ba la sogs pa'i yon tan dang ldan pa de 'dra ba ni phyin ci ma log pa'i don nyid brjod pa'i phyir ro/ /'di ltar mi shes pa'am khro ba la sogs pa ni phyin ci log tu brjod pa'i rgyu yin la gang la de phyin ci log tu smra ba ji ltar 'gyur rnam pa de lta bu'i skyes bu khyad par du 'phags pa ci ltar shes pa mi nus she na/ 'di ltar zhes smos te/ gang gi phyir gzhan gyi skyon khro ba la sogs pa dang/ yon tan don ji lta ba bzhin du mthong ba la sogs pa de dag nges pa la/ nges pa'i rgyu rtags ni med do/ /'di snyam du rtags med du chug kyang de dag ni mngon sum nyid kyis rig par 'gyur ro snyam na de dag na zhes bya ba la sogs pa smos so/ /gang gi phyir de dag ni sems kyi chos te ngo bo nyid yin pas dbang po las 'das pa de'i phyir rjes su dpog pa yin no/ /rang las skyes pa'i lus dang ngag gang yin pa de dag gis byas pa'i tha snyad phan tshun rtogs par byed pa'i mtshan nyid de las rjes su dpag par 'gyur ro/ /'di snyam du de lta na ni 'od de las skyes pa'i lus dang ngag gi tha snyad de rtags su 'gyur ro snyam na/ tha snyad kyang zhes bya ba la sogs pa smos so/ /phal cher zhes bya ba ni mang du'o/ /'di ltar mi tshangs par spyod pa la sogs pa'i mtshan nyid kyis lus kyi tha snyad 'ga' zhig ni rjes su dpag ba'i rgyur 'gyur ba kho na'o/ /des na phal cher zhes smos so/ /des na lus dang 'bral pa kun du spyod pa'i khyad par tha snyad ni rtags su bzung ba yin na/ de ni dngos po gzhan dag tu gnas pa la lag brda la sogs pa'i mtshan nyid kyi tha snyad phyin ci log gi don gsal bar byed pa bya bar nus so/ /blo sngon du btang nas zhes bya ba ni byed pa'i khyad par ro/ /blo rgyur gyur pas gzhan du yang bya bar nus so zhes bya ba'i don to/ /gal te dngos po gzhan du gnas pa la blos ci ltar gzhan du byed ce na/ bshad pa skyes bu'i 'dod pa des 'dzug pa gang yin pa dag go /'di snyam du skyes bu'i 'dod pa ni dngos po ji lta ba bzhin du 'jug go snyam na/ de dag kyang zhes bya ba la sogs pa smos te/ bsam pa sems kyi rgyu ba sna tshogs pa gang dag la yod pa'o/ /'di skad brjod pa yin te/ de dag gi bsam pa ni don ci lta ba bzhin ma yin no/ /dgos pa'i dbang gis dngos po gzhan du gnas kyang gzhan du ston par byed do/ /de lta yin pa de'i phyir lus dang ngag gi tha snyad ni rtags su 'thad la/ rtags gzhan yang med do/ /des na rtags 'chol ba'i phyir 'di ji ltar gzhan gyi skyon dang yon tan nges pa med pa rtogs par byed 'jug pa'i rgyu mtshan med pa'i phyir rtogs par byed/ 'jug pa'i rgyu mtshan med pa'i phyir rtogs pa'i 'jug pa ji ltar byed/ de ltar yid ches pas byas pa'i lung ni rtog pa dang ldan pa rnams kyi tshad ma ma yin no zhes rjes su brjod nas/ dpyod pa rang gi gzhung bstan pa'i phyir gal te byed pa po zhes bya ba la sogs pa smos te/ skyes bu la brten pa'i tshig? gang yin pa ste/ tshig gang zhig skyes bu'i byed pas bskyed pa 'am/ ngag gi rang bzhin du bkod pa de ni skyes bu la brten pa yin te/ de ni lung ma yin te/ byed pa po shes par dka' ba'i phyir ro/ /skyes bus ma byas pa skyes bus ma bsgrubs pa ni phyin ci ma log pa bden pa'i don can yin no/ /'di ltar skyes bu ni ma rig pa dang 'dod chags la sogs pa dang ldan pa yin la/ mi shes pa dang chags pa la sogs pa las kyang phyin ci log tu yang smra bar 'gyur gyi/ tshig gang zhig skyes bus ma bkod pa de ni phyin ci log gi rgyu dang mi ldan pa'i phyir phyin ci ma log par 'gyur ro zhes bya ba 'di dogs par byas nas/ ma yin te zhes smos so/ /skyes bus ma byas pa'i tshig de ni mi 'thad pa'i phyir ro/ /skyes bus ma byas pa ni rnam pa gsum ste/ rang bzhin rtag pa'i phyir ram/ tshig bkod pa'i bdag nyid kyi dag skyes bus ma byas pa'i phyir ram/ don las skyes bu 'jug par ma byas pa'i phyir yin grang na/ skyes bus ma byas pa nyid 'di gsum ka yang mi srid do/ /'di ltar tshig 'di rtag par mi 'thad la/ skyes bus dag tu bsdebs pa ma yin pa zhes bya bar yang mi srid do/ /'on te yang de dag gi don dang 'brel pa skyes bus ma byas pa yin no zhes don gyi sgo nas skyes bus ma byas pa nyid bzlog pa'i phyir bshad pa/ sgra'i don brjod pa ston pa ni skyes bu'i nye bar bstan pa de la bltos pa yin te de'i phyir ro/ /'di skad du sgra rnams kyi don dang 'brel pa yang skyes bus ma byas pa yin par mi 'thad la/ rang gi ngo bo yang ma yin no zhes brjod pa yin no/ /rang gi ngo bo skyes bus ma byas pa nyid bsal ba'i phyir bshad pa/ dmigs par rung ba dang mi rung ba de dag gi bdag nyid de thob pa dang gtong ba de dag ni rang bzhin gzhan skye ba dang nyams pa zhes bya ba ldog pa de dag med na med pa ste 'khrul pa med pa yin te/ gang gi phyir mi 'khrul pa yin la de'i phyir ro/ /'di skad brjod pa yin te/ gang gi tshe sgras dmigs par rung pa'i ngo bo nyid thob pa de'i tshe rang bzhin gzhan thob pa yin la/ mi rung ba'i ngo bo btang ba na yang ngo bo gzhan btang ba yin no/ /rung ba dang mi rung ba'i rang bzhin thob pa dang gtong ba nyid ji ltar zhe na/ rtag tu de'i bdag nyid zhes smos te/ rtag tu dmigs par rung ba'i bdag nyid yin na ni res 'ga' dmigs pa med par 'gyur la/ mi rung ba nyid rtag pa yin na ni res 'ga' mi dmigs pa med par thal te/ gtan tshigs de'i phyir ngo bo nyid gzhan skye pa dang nyams pa'i rang bzhin drung ba dang mi rung ba dag thob pa dang gtong ba yod pa yin na zhes mjug sdud pa'o/ /'di snyam du dmigs su rung ba'i bdag nyid yin yang/ lhan cig byed pa'i rkyen la bltos nas/ res 'ga' dmigs pa med par byed pa yin no snyam na/ bshad pa/ sgra rtag pa ni lhan cig byed pa gzhan la bltos pa yang ma yin te/ rtag pa'i phyir lhan cig byed pa des sgra'i bdag nyid de la cung zad kyang ma byas pa'i phyir ro/ /'di snyam du 'di'i cung zad byed pa nyid bltos pa'i dngos po yin mod kyi/ 'on kyang sgra de las phan pa gzhan du gyur pa byed pa yin te/ tha dad pa ma yin pa byed na ni de nyid sgras byas par thal ba'i phyir la/ de yang rtag pa nyid kyis bya bar mi nus pa'i phyir ro zhe na/ gzhan byed na ni de bzhan? gyi byed pa por 'gyur gyi/ sgra de'i zhes ci ltar brjod par 'gyur te/ 'brel pa mi 'thad pa'i phyir te med pa'i phyir ro/ /'di snyam du bltos par bya ba des phan pa tha dad par byas pa gang yin pa de sgra dang 'brel pa yin te/ des na de dang 'brel pa'i phan par byed pa'i phyir de'i zhes brjod pa yin no snyam na/ phan pa de dang 'brel pa yin na yang zhes smos te/ sgra dang 'brel ba yin na yang phan gdags bya 'dogs byed ma yin pa dag ci zhig 'brel te/ sgra dang phan pa dag cung zad kyang 'brel pa med do/ /'di skad brjod pa yin te/ phan pa des sgra la phan 'dogs par mi byed cing sgras kyang phan pa la ma yin no/ /'di snyam du 'khar gzhong? dang rgya shug dag phan gdags bya 'dogs byed ma yin yang rten dang brten pa'i dngos po yin pa de bzhin du 'di la yang 'gyur ro snyam nas rten dang brten pa'i dngos po yin no zhes smos te/ sgra'am phan pa de'i bdag nyid kyi phan pa med na rten dang brten pa'i dngos po de yang mi 'grub pa/ /ltung ba'i chos can gyi rgya shug ni/ 'khar gzhong gis rang gis nye bar len pa'i mtshan nyid kyi phan 'dogs par byed pa nyid do/ /de lta ma yin na de dag kyang 'brel par mi 'gyur ba nyid do/ /de bzhin du sgras kyang phan pa la phan 'dogs dgos par 'gyur ro/ /de yang gzhan kho na las skyes pa'i phyir sgras phan gdags pa med la/ des kyang sgra la phan btags pa med do/ /'di snyam du des sgra la phan 'dogs par byed pa'am/ sgras de la phan 'dogs par byed pa nyid do snyam na/ bshad pa/ phan pa bdag nyid gzhan yin na ni zhes bya ba sgra la 'am sgras phan pa tha dad pa byed na brgal zhing brtags pa mtshungs pa yin te/ ji ltar phan pa dang po la sgra dang lhan cig 'brel ba brgal zhing brtags pa de bzhin du phan pa de dang sgra la yang 'brel pa ci zhig ces de lta bur gyur pas so/ /ci ste de la yang phan pa gzhan rtog na de'i tshe thug pa med par yang 'gyur ro yang zhes bya ba ni skyen gzhan ston pa'o/ /'di snyam du phan pas sgra la phan par byed pa ni ma yin te/ de tha dad par khas blangs na ni thug pa med par thal ba'i phyir dang/ tha dad pa med na yang sgra 'bras bu nyid du thal ba'i phyir ro/ /'on kyang sgras rkyen gzhan lhan cig tu phan pa de skyed pa yin no zhes dogs pa la bshad pa/ bskyed bya skyed byed kyi dngos por khas len na ni rkyen gzhan la bltos pa med pa'i rgyu'i phyir sgra dang phan pa dag gi bskyed bya skyed byed kyi dngos po de rtag tu 'gyur ro/ /gal te sgra ni phan pa de byed pa la sogs par rung ba yin no zhe na/ rtag pa ni gzhan gyis bogs dbyung du med pas thams cad kyi tshe phan pa byed par 'gyur ro/ /des na rang gis byas pa'i phan pa dang ldan pa dang ldan pa de nyid kyis/ shes pa skyes pa'i phyir snga ma bzhin du thal bar 'gyur ro/ /ci ste yang sgra phan pa de skyed pa la gzhan la bltos na ni de'i tshe gzhan la bltos pa na thug pa med par thal bar 'gyur ro/ /'di ltar sgra rtag pa shes pa bskyed par bya ba la lhan cig byed pa la ltos na ha cang thal ba de bzhin du/ phan pa la yang lhan cig byed pa la ltos na thal ba mtshungs par 'gyur ro/ /de ltar mngon par 'dod pa'i don bsgrub nas mjug bsdu ba'i phyir bshad pa/ de'i phyir dmigs su rung ba'i bdag nyid res 'ga' ba yin no/ /gang gi phyir des ni mi rtag pa yin la/ mi rtag pa yang ci ltar sa bon gyi rjes su 'gro ldog gi rjes su byed pa'i myu gu sa bon gyi 'bras bu yin pa de bzhin du/ dmigs su rung ba'i bdag 'di yang skyes bu'i byed pa gnas dang byed pa phrad pa de'i rjes su 'gro ba dang ldog pa'i rjes su byed pa can yin te/ des na skyes bu'i byed pas bskyed pa skyes bus byas pa skyes bu las byung ba yin no/ /de'i phyir sgra 'di na res 'ga' ba dang skyed bu'i byed pa rjes su byed pa yin pas na mi rtag pa dang skyes bus byas pa yin no/ /gal te rtag par gyur na ni don brjod par byed pa nyid du mi 'gyur ro// zhes 'chad pa ni de lta ma yin na zhes bya ba yin no/ /rtag pa nyid yin na ni med na mi 'byung bar 'brel pa med pa'i phyir sgra dag las don rtogs par mi 'gyur ro/ /yang zhes bya ba ni sdud par byed pa'o/ /rtag pa ni 'bras bu ma yin no/ /sgra'i bdag nyid ni don las gzhan pa yang yin te/ des na de'i bdag nyid kyis 'brel pa yang med do/ /des na 'brel pa gnyis ka med pa na don gzhan gyis don gzhan rtogs par mi 'gyur ro/ /'di snyam du sgra ni ngo bo nyid du 'gyur ba'i bdag nyid 'brel pa las don go bar byed pa yin la/ de'i ngo bo nyid kyang yod pa nyid do snyam na/ sgra'i yod pa nyid na zhes smos te/ don gyi khyad par khyad par can gyi don de la yod pa ngo bo nyid kyis 'brel pa ma yin no/ /gtan tshigs bshad pa/ yod pa de ni don thams cad la khyad par med pa'i phyir ro/ /don ni 'di yin te/ sgra'i ngo bo grub zin pa ni don la bltos pa'i rang bzhin cung zad kyang med do/ /des na sgra yod pa zhes bya ba de tsam gyis don rtogs pa na yod pa la khyad par med pa'i phyir don thams cad rtogs par 'gyur na/ khyad par can gyi don rtogs pa yang mthong ba yin no/ /de'i phyir don gyi khyad par dang 'brel pa yod pa yin la/ de yang tha dad pa'i don gyi de las skyes pa'i rgyu mtshan can nyid de rnam pa gzhan med pa'i phyir ro/ /'di snyam du ji ltar yul las skyes pa ma yin pa'i dbang pos khyad par can gyi don rtogs par byed pa yin te/ dbang po ni khyad par can gyi don la shes pa skyed par rung ba'i phyir dang/ don kyang khyad par can gyi dbang pos gzung bar rung ba yin pa'i phyir ro/ /dbang po dang yul bzhin du sgra dang don dag kyang phan tshun rung ba nyid nges par byed pa yin no/ /don ni yul nyid kyis khyad par can gyi sgras rtogs par rung ba yin la/ sgra yang yul can nyid kyis khyad par can gyi don rtogs par rung ba yin no/ /de dag gi rung ba nyid ni yul can nyid du nges par byed pa yin no zhe na/ zhes bya ba'i dogs pa bsu nas/ ma yin te zhes smos so/ /yul dang dbang po de las yang dbang po'i yul gcig la so sor nges pa gang yin pa'i nges pa de ni don de las skyes pa'i mtshan nyid kyi rgyu mtshan can yin te/ dbang po'i don de la nges pa ni des bskyed pa'i rgyu mtshan can yin no zhes bya ba'i don no/ /'di nyid ston pa ni yul nges phan btags pa'i zhes bya ba la sogs pa'o/ /gdon mi za bar 'di de ltar khas blang dgos te/ de ma yin na yul phan 'dogs pa ma yin par 'gyur la/ phan mi 'dogs pa de ni dbang pos bltos par bya bar mi 'gyur te/ yul gzhan bzhin no/ /dper na sgras phan pa ma byas pa'i mig sgra la mi bltos pa bzhin no/ /de bzhin du gzugs la yang mi bltos par 'gyur ro/ /skyes bu nyi ma nas grib mar zhugs pa'i mig gi dbang po ni gzugs la ltos pa yang yin te/ de la gsal ba'i rdzas kyis nyams pa'i dbang po gzugs dang snang ba dang yid la byed pa dag gis 'du bya ba yin pa'i phyir ro/ /des na des legs par byas pa de la shes pa skyed pa yin no/ /gal te phan tshun 'dogs pa dang bral ba'i mig la sogs pa phan tshun nye bar 'du ba'i rgyu las skyes pa dag las mig gi rnam par shes pa skye ba ni/ de la dbang po'i yul gyis phan btags pa zhes bya ba gang yin/ 'on kyang thag ring po na gnas pa'i gzugs kyi dbang po la phan 'dogs pa des na rtag tu dbang po la phan 'dogs par byed pa yin no snyam na/ de ni mi rigs te/ thag ring po na gnas pa'i gzugs kyang gzung bar thal ba'i phyir ro/ /'on te gzugs kyi skad cig gang gi rung ba'i yul na gnas pa'i gzugs skyed pa de nyid kyi dbang po la phan par byed pa yin no snyam na/ de lta na ni 'o na gtan tshigs thigs par phan tshun ltos pa med pa dag kyang shes pa bskyed par nus par bshad pa de 'dir 'gal bar 'gyur ro/ /phyogs 'di ni rig pa yang ma yin te/ 'di ltar sa la sogs pa dang lhan cig pa'i sa bon gyis myu gu skye ba dang mthun pa'i khyad par dang po skyed par byed de/ de la sa bon ni khyad par dang po skyed pa la sogs pa'i lhan cig byed pa'i rkyen la ltas pa nyid yin mod kyi de dag gi phan 'dogs par byed pa ni med do/ /de bzhin du mig gi dbang po yang yul gyis phan ma btags par yang rnam par shes pa skyed par byed pa yin no/ /phan 'dogs pa med pa dag la ci ltar ltos she na/ ltos pa ni cung zad kyang med do/ /'on kyang nye bar 'du ba'i rgyu kho na las sa bon gyi myu gu skye ba dang rjes su mthun pa'i ngo bo nyid kyis khyad par dang po skyed pa yin la/ gzhan gyi tshe ni rgyu med pas de'i rang bzhin med pa 'ba' zhig tu zad do/ /de bzhin du 'dir yang nye bar tshogs pa'i rgyu kho na las rang bzhin gyi khyad par yin te/ des na 'di ni lung dang 'gal ba dang rigs pa dang 'gal ba yin no zhe na/ bshad pa/ 'dis ni 'di skad ston pa yin te/ 'bras bu 'ga' zhig skyed pa na gang gis gang la res 'ga' yang rang gi ngo bo'o/ /phan gdags dgos pa de ni res 'ga' de nyid kyis phan btags nas 'bras bu de byed pa yin pa 'am/ phan ma btags na ni nye bar tshogs pa'i rgyu dag las khyad par du grub pa de nyid kyis byed pa yin te/ dper na skad cig gnyis pa la sogs pa la ni zhing la sogs pas phan btags pa'i sa bon myu gu skye ba dang rjes su mthun pa'i khyad par skyed par byed pa yin la/ skad cig ma dang po la ni nye bar tshogs par byed pa'i rgyu dag kho na las khyad par can du grub pas de dag dang lhan cig tu khyad par dang po skyed par byed pa bzhin no/ /gdon mi za bar sa bon gyis la sogs pas phan gdags par bya ba'i rang gi ngo bo'i khyad par ni rang gi rgyu rgyud pa las 'ongs par khas blang dgos pa de bzhin du/ dbang po'i yul gyi khyad par gyis phan gdags par bya ba'i rang gi ngo bo'i khyad par yang rang gi rgyu ba brgyud pa las 'ongs par khas blang bar bya'o/ /de yang res 'ga' ni yul gyis sad par byed la/ res 'ga' ni nye bar tshogs par byed pa'i rgyus yin gyi/ rtag pa'i dngos po la ni nges pa 'ga' yang yod pa ma yin no/ /gdon mi za bar de khas blang dgos te/ de lta ma yin na phyogs dang phyogs su phan mi 'dogs pa las ltos pa med do zhes brjod pa de mi 'thad par 'gyur ro/ /sa bon gyi khyad par dang po skyed pa la ni sa la sogs pa la stos pa yin gyi/ de dag gis phan gdags pa ni 'ga' yang med do/ /de'i phyir bsam pa ni 'di nyid yin te/ rtag pa'i dngos po ni ltos par mi 'thad kyi/ rtag pa ni phan tshun 'du ba'i rgyu la ltos pas de la ltos pa 'am/ de las rang gi ngo bo'i khyad skyes pa de'i phyir de la ltos pa yin no zhes bya ba'i don 'di yin no/ /gal te des phan gdags par bya ba'i ngo bo nyid kyi dbang po de la phan pa yin na/ ci'i phyir yul gcig pu de kho nas phan 'dogs par byed ce na/ de las de brgal zhing brtag pa de la dngos po'i rang bzhin nyid lan 'debs par byed pa yin zho/ /'di skad brjod pa yin te/ gal te rgyu rnam pa sna tshogs pa can gyi rang bzhin sna tshogs pa dag kho bo cag gis rnam par bzhag par mi nus ni/ gzhan gyis brgal zhing brtag par bya ba nyid yin gyi ci'i phyir dngos po 'di rgyu 'di las skyes pa yin zhes de ltar ni kho bo cag la dri bar mi bya ste/ gang zhig rang gi rgyu dag las de lta bur gyur pa'i sa bon la sogs pas sa bon la sogs pa la ci'i phyir phan 'dogs zhes pa la sogs pa nyid la 'dri bar bya ba yin no/ /de nyid ston pa ni 'di ltar zhes bya ba yin no// de thams cad kyis ni don 'di ltar bstan pa yin te/ de kho na sems par byed pas ni dngos po rnams rgyu dang bcas pa dang rgyu tha dad pa dang ldan par rnam par bzhag par bya ba yin gyi/ rgyu mtshan 'dis na 'di las ni mi skye'i/ gzhan las skye ba yin no/ zhes bya ba'i don 'di ni skyes bus bsam par bya ba ma yin te/ ci ltar rten cing 'brel bar 'byung ba ni/ bsam gyis mi khyab po zhes bya ba bzhin ni/ de'i phyir gang zhig gang dang lhan cig byed par so sor nges pa de ni res 'ga' des phan gdags par bya ba yin la/ res 'ga' ni nye bar tshogs par byed pa'i rgyus yin no zhes bya ba ni de kho na'i don yin no/ /de bzhin du gal te sgra rnams kyang res 'ga' don las skye ba yin na ni dbang po bzhin du de la rung ba nyid so so bar 'gyur ba yin no/ /de las skye ba nyid med na ni don gyi khyad par dang 'brel bar mi 'gyur la/ de las kyang khyad par rtogs par byed pa'i dam yin par 'gyur ro/ /de med na ste de las skye ba med na ni 'di ni 'di'o zhes bya ba'i sgra 'di brjod par bya ba'i 'brel pa'i yul can gyi shes pa med par 'gyur la/ yul can med na de'i yul 'brel pa'i dngos po la yang med par 'gyur ro zhes brjod pa yin no/ /don las ma skyes na ni 'di ni 'di'o zhes bya ba'i 'brel pa mi 'thad pa 'ba' zhig tu ma zad kyi/ sgra rnams don dang ldan par yang mi 'gyur ro don med par 'gyur pa de nyid ston pa ni/ don las ni zhes bya ba la sogs pa yin no/ /re zhig don las ni mthong ba skye ba yin no/ /mthong ba las de ston par 'dod pa yin no/ /'dod pa des ni don shes pa'i phyir yul de la rab tu sbyor ba yin te/ brda nyid du rab tu sbyor ro/ /don de dang de dag la brdar byas pa'i sgra ni don des de dang ldan par 'gyur ba yin te/ dper na don mthong nas don bstan par 'dod pa na mig 'dzum pa la sogs pa lus kyi bya ba brdar bya bar nus pa des na de don dang ldan par 'gyur ba bzhin no/ /de ltar dngos pa rtag pa ni 'dod pas brdar bya ba nus pa ma yin no/ /dngos po gang zhig 'dod pas rang bzhin nam/ gnas skabs gzhan du bsgrub par nus pa de ni brdar bya nus pa yin na/ brda zhes bya ba ni rang gi bsam pa ston pa'i mtshan ma nges par sbyor ba yin te/ des na snang ba'i dngos po gang zhig skyes bu'i 'dod pa'i rjes su byed pa'i rang bzhin de ni rang gi bsam pa'i dus su de'i dbang gis bskyed pa 'am bkod pa'i phyir de mtshon par byed par 'gyur te rten ja Ta ka la sogs pa bzhin no/ /rtag pa 'am mi rtag pa yin yang rung ste/ dngos po gang zhig skyes bu'i bsam pa'i dbang gis 'jug pa 'am ldog pa ma yin pa de ni gang las de mngon par 'dod pa'i don gyis don dang ldan par 'gyur pa/ brdi'i dus dang tha snyad kyi dus rang bar bar gyi gnas skabs su dus rtag tu rang bzhin gcig nyid kyis gnas pa'i phyir rnam pa gang gis bsal pa go bar byed par 'gyur/ des na rtag gam mi rtag kyang bla ste/ dngos po gang zhig bsam pa'i rjes su mi byed pa de ni brdar bya bar mi nus so/ /'brel pa dngos po la yod kyang brda ni 'brel pa gsal bar byed par 'dod pa yin no/ /des na 'di ni don 'di bstan pa yin te/ rtag pa ni dngos po'i 'brel pa gsal bar byed pa'i brda ma yin zhing/ brda tsam du byas pa yang ma yin te/ de ni brdar bya bar mi nus pa'i phyir ro/ /de'i phyir bshad pa/ don de las byung ba skye ba yod pa ma yin pa gang dag yin pa de dag gis don de rtogs par byed pa ma yin no/ /gang zhig don gang las ma byung ba de brda la ltos nas de rtogs par byed pa'i rgyu ma yin te/ dper na bum pa la sogs pa de dag las byung ba ma yin pa'i nam mkha' de rtags pa ma yin pa bzhin no/ /des na de dag las byung ba ma yin pa'i sgra rnams ni don gyi khyad par nges don dang ldan par mi 'gyur ro/ /'di snyam du nges pa gang gi phyir sgra'i nges par byed pa de las skye bar 'gyur ba'i rang bzhin ni don la nges pa ma yin no/ /rang gi ngo bo nges pa nyid yin na ni skye ba las gzhan nges par byed pa med pa yin no/ /gal te gang la nges par rtogs par 'gyur ba rang gi ngo bo nges pa ma yin na/ 'o na sgra'i nges pa ci yin zhe na/ smras pa/ shes par byed pa'i nus pa nges pa yin no/ /sgra'i rang gi ngo bo nges pa ma yin yang byed pa'i mtshan nyid don shes par byed pa'i nus pa nges pa yin no/ /'di skad du rang gi ngo bo don thams cad la khyad par med pa yin yang sgra rnams kyi nges pa ni rtogs par rung ba yin la/ de yang 'bras bu rjes su dpag par bya ba yin no zhes brjod pa yin no/ /shes pa skyed par byed pa'i nus pa de nyid smras pa ni 'di ni 'di kho na'i rtogs par byed pa yin gyi gzhan gyi na ma yin no zhes bya ba'o/ /gzhan dag de ltar dogs pa bsal ba'i phyir bshad pa/ yod pa dang med pa dag gis te/ dngos po yod na de'i nus pa yod pa dang/ med na med pa 'dis dngos po der 'brel pa de yang ngo/ /gal te sgra rtag pa nyid yin na de'i rtogs par byed pa'i nus pa yang rtag pa ma yin nam/ de ltar yod pa dang med pa'i rjes su byed ce na/ bden mod kyi 'on kyang nus pa de don shes par byed pa na/ gal te don nges phan gdags par bya ba ma yin na/ des don shes pa nges pa nyid du byed par mi 'gyur ro/ /des na don de la ltos pas de'i rjes su 'gro ba dang ldog pa'i rjes su byed pa nus pa ni de'i 'bras bu yin no/ /dngos po gzhan dag pa yang 'bras bu gang yin pa de'i mtshan nyid ni yod pa dang med pa'i rjes su byed pa de tsam du zad pa'i phyir ro/ /gzhan du yang yod pa dang med pa'i rjes su byed pa tsam 'bras bu yin la/ de ni 'dir yang ma tshad ba med pa yin te/ des ni 'bras bu nyid las ma 'das so/ /gal te yod pa dang med pa'i rjes su byed pa'i mtshan nyid kyi 'bras bu de las 'das na ni nges pa nyid med par 'gyur ro/ /gzhan yang gal te nus pa nges na rang gi ngo bo nyid nges pa yin te/ nus pa ni rang bzhin las gzhan ma yin pa'i phyir ro/ /don gzhan nyid yin par khas len na ni nus pa de nyid las don rnams la shes pa skye ba'i phyir nus pa de nyid rjod byed yin par 'gyur gyi sgra ma yin no/ /'di snyam du sgra dang 'brel pa'i nus pa brjod par byed pa yin pa'i phyir sgra rjod par byed par 'gyur ro snyam na de'i zhes bya ba la sogs pa smos so/ /tha dad pa'i phyogs la nus pa 'di ni sgra de'i yin no zhes bya ba'i 'brel pa mi 'grub ste/ sgra rtag pa nyid kyis nus pa'i rgyu nyid du mi 'thad pa'i phyir dang/ nus pas kyang phan gdags par bya ba ma yin pa'i phyir ro/ /gang gi phyir nus pa rang gi ngo bo las gzhan ma yin pa de'i phyir brjod par bya ba'am gsal bar bya ba 'am gzung bar bya ba'i yul 'ga' zhig tu nges pa'i rang bzhin bdag nyid gang yin pa de thams cad ni rang gi rgyu ngo bo nyid rang bzhin las byung ba yin pas so/ /nges par byed pa zhes bya ba ni nges pa'i yul te/ gang zhig yul gang la nges par 'dod pa'i yul des nges pa'i don de la phan gdags par bya ba nyid de/ de lta ma yin na ci ltar de la nges par 'gyur gyi gzhan la ma yin/ gal te mi'i bud shing sreg pa'i nus pa dang sgron ma'i gsal bar byed pa'i nus pa yul nges pa yin yang gsal bar bya ba'i don nam/ bsreg par bya bas sgron ma dang me bskyed pa ma yin pa de bzhin du rang gi tshogs pa las don 'ga' zhig 'ga' zhig la nges par skye ba yin no zhe na/ de ni mi rigs te/ 'di ltar don 'ga' zhig rang gi rgyu de las 'bras bu 'ga' zhig byed nus par skyes pa yin gyi 'bras bu nges bskyed par bya ba ni ma yin te/ rgyu rnams khyad par can gyi 'bras bu byed pa'i dngos po skyed pa la 'gal ba med pa yin no/ /des na rgyus 'bras bu byed pa'i nus pa ni nges pa'i yul can yin la/ yul gyis bskyed pa ni ma yin no/ /sgron mas ni bum pa la sogs pa rang gi shes pa skyed par rung bar byas la/ mes kyang so sor nges pa'i shing sol bar skyes pa yin gyi/ dbang po dang sgra dang shes pas ni rang gi yul bskyed pa ma yin no/ /dbang po ni de dag la shes pa skyed par nges pa'i rang bzhin du 'dod pa'i/ sgra rnams ni shes pa bskyed pa la shes pa ni 'dzin pa la so sor nges pa'i rang bzhin yin te/ des na dbang po la sogs pa la ni nges phan pa bya dgos pa kho na'o/ /gal te 'bras bu zhes bya ba'i yul rgyu nges pa'i skyed byed ma yin te/ de ni rgyu 'di nyid kyi nus pa nges pa las skyes pa 'di bzhin du dbang po gsal bar bya ba yul dang shes pa'i gzung pa yang dbang po dang shes pa skyed par byed pa ma yin te/ rang gi rgyu'i nus pa nges pa kho na las skyes pa'i phyir ro zhe na/ 'di la nyi ma nas grib khang du zhugs pa'i dbang po ni rang gi rgyu nyid las de ltar skyed pa yin gyi de las mi ltos par ni rigs so zhes bshad zin to/ /de'i phyir res 'ga' de las sam/ de nye bar tshogs par byed pa'i rgyu las kyang rung ste/ dbang po khyad par can du gyur pa na de nges par 'gyur ba yin no/ /dbang po bzhin du don gyi rjes su 'gro ldog gi rjes su byed pa'i shes pa la gal te don phan 'dogs par byed pa ma yin na ni gzhan dag kyang mi 'gyur te/ khyad par med pa'i phyir ro/ /de'i phyir 'bras bu las gzhan bltos par bya a'i nges pa'i rgyu mtshan ni skyed par byed pa nyid yin no zhes brjod pa yin no/ /de'i phyir gsal bar byed pa nyid dam/ 'dzin par byed pa nyid dam/ rnam pa thams cad du sgra 'am shes par gyur pa'i nges pa nyid thams cad ni nges pa'i yul skyed par byed pa nyid du rnam par 'jog par byed pa yin pa'i phyir nus pa nges pa zhes bya ba ni ngo bo nyid nges pa las gzhan ma yin la/ rgyus ma byas pa yang ma yin no/ /gal te sgra'i don rtogs pa 'brel pa nges pa sngon du 'gro ba can yin na ni de'i tshe don dang 'brel pa med pa'i phyir dang/ brda med pa'i phyir ma byas pa'i sgra rjod par byed pa ma yin par 'gyur ba yin na/ de lta na ni ma yin no zhes smras pa ni/ gal te med na mi 'byung ba nyid kyis sgra las don rtogs pa ni ma yin gyi/ 'on kyang sgron mas gzugs bzhin du rung ba nyid kyis sgra las don rtogs pa yin no/ /des na 'brel pa med pa'i phyir ma byas pa'i sgra ni don go bar byed pa ma yin no zhes bya ba'i skyon 'di med do zhe na/ ma yin te zhes smos te/ gzugs la sgron ma bzhin du rang gi ngo bos don rtogs par byed pa ma yin pa'i phyir ro/ /gang zhig rung ba nyid kyis don rtogs par rung ba de ni nye bar bstan pa med par don go bar byed pa ma yin te/ dper na sgron ma bzhin no/ /sgra ni de ltar nye bar bstan pa med par don go bar byed pa ma yin te/ de'i phyir sgra dang rtags dag ni rtogs par bya ba'i don de yod pa dang med pa la go rim bzhin du mthong ba dang ma mthong ba de dag dran pa la bltos pa yin no/ /'dis ni rtags dper brjod pa yin de dper na rtags mthun pa'i phyogs dang mi mthun pa'i phyogs dag la/ mthong ba dang mi mthun pa de dag la bltos nas don gyi go bar byed pa yin pa de bzhin du/ sgra yang brjod par bya ba dang brjod par bya ba ma yin pa dag la mthong ba dang ma mthong ba de dran pa la bltos nas rjod par byed pa yin no/ /mthong ba la bltos pa'i gtan tshigs su ma mthong ba dang zhes smos te/ gang zhig brjod par bya ba'i don la ma mthong ba'i sgra de las ni don mi rtogs pa'i phyir na sgra ni mthong ba la bltos pa yin no/ /yang mthong ba brjod pa de dran pa med pa de la yang sgras rtogs par byed pa ma yin te/ gtan tshigs de'i phyir na mthong ba dran pa la bltos pa yin no/ /ma mthong ba dran pa la bltos pa'i gtan tshigs smras pa/ ma mthong ba the tshom za bar gyur na the tshom du 'gyur pa'i gtan tshigs kyi phyir mthong ba med pa ngan pa la bltos pa yin no/ /brjod par bya ba las gzhan pa gang la mthong bar the tshom za ba de la ni ci sgra 'dis brjod par bya ba ma yin par yang the tshom za bar 'gyur ba'i phyir na ma mthong ba la yang bltos pa yin no/ /gang gi phyir ma mthong ba la the tshom za na the tshom za bar 'gyur pa 'ba' zhig tu ma zad kyi ma mthong ba nyid med na yang the tshom du 'gyur ro zhes bstan pa'i phyir/ mang po la mthong ba la ni the tshom du 'gyur pa'i phyir ro zhes smos te/ gang gi tshe don mang po dag la sgra gcig mthong ba de'i tshe/ smra ba po'i mngon par 'dod pa'i brjod bya gcig las gzhan pa'i dngos po la mthong bas mthong ba med pa gang yin pa de bzlog pa yin la/ de med pa'i phyir na yang rtogs pa po the tshom du 'gyur pa yin no/ /'di snyam du rnam pa de lta bu dngos po du ma las mthong ba dang lhan cig pa'i sgra nyid the tshom gyi rgyu yin no snyam na/ gcig la zhes smos te/ dngos po gcig la mthong ba'i lta ba po la the tshom med pa'i phyir ro/ /don 'di yin te sgra gcig brjod pa las gang gis don du ma la mthong ba de ni the tshom du 'gyur la/ gang gi sgra de don gcig la mthong ba de ni the tshom du mi 'gyur ba yin te/ des na don mang po dag la mthong ba dang lhan cig pa'i sgra ni the tshom gyi rgyu ma yin no/ /'di snyam du the tshom du gyur pa gang yin pa de ni rtogs pa po'i nyes pa yin snyam du dogs na/ yang mthong na rtogs par byed pa gcig nyid the tshom du 'gyur pa'i phyir ro/ /'di skad brjod pa yin te/ rtogs par byed pa gang gis don du ma la mthong ba'i phyir sgra des don des pa'i rtogs pa po de nyid phyir nas dngos po du ma la mthong ba'i phyir sgra de nyid las the tshom du 'gyur pa yin te/ de'i phyir rtogs par byed pa'i nyes pa ma yin la/ sgra'i rang bzhin yang ma yin gyi 'on kyang mthong ba med pa 'am the tshom za ba las yin no/ /da ni bsgrub pa'i sgo nas mthong ba'i bya ba bstan pa'i phyir bshad pa/ mthong ba ji ltar bzhin mthong ba las ma 'das par rtogs pa'i phyir ro/ /'di ga las she na/ bshad pa/ brjod par byed pa'i sgra de gang zhig smra ba pos brjod par 'dod pa'i khyad par de las khyad par gzhan la mthong zhing rtogs par gyur na rnam pa gzhan du khyad par gzhan la sgra sbyang ba yang log par don gzhan rtogs par 'gyur par mthong ba'i phyir ro/ /'di skad brjod pa yin te/ rtogs pa pos khyad par gang la mthong ba'i khyad par de nyid sgra de las rtogs pa yin gyi/ smra ba po mngon par 'dod pa'i khyad par ni ma yin te gtan tshigs de'i phyir na mthong ba ji lta ba bzhin rtogs pa yin no/ /mthong ba gzhan du gyur na de brda gzhan du gyur na don gzhan yongs su 'dzin pa yin te/ de'i phyir na mthong ba ji lta ba bzhin rtogs pa yin la/ de las kyang sgra mthong ba la bltos pa dang bcas pa yin no/ /mthong ba ji lta ba bzhin rtogs pa'i gtan tshigs mthong ba'i dbang gis don gzhan 'dzin pa dang/ khyad par gzhan rtogs par 'gyur ba gang yin pa de dag gi dpe bstan pa'i phyir ka li zhes smos te/ dbul bas dus kyi khyad par rjod par byed par sbyar ba'i ka li'i sgra las 'gro lding bas smyo bar rtogs la/ dbus pa dang 'gro ldeng ba dag yul gzhan du phyin na/ 'gro lding bas kyang mthong ba ji lta ba bzhin du dus kyi khyad par rtogs shing/ dbus bas kyang mthong ba ji lta ba bzhin du smyo bar rtogs par 'gyur ro/ /de bzhin du gsod par brjod par sbyor ba'i sgra las kyang 'gro lding bas char 'bab pa rtogs la/ brda gzhan du byas na ni 'gro lding bas kyang gsod par rtogs shing 'phags pas kyang char 'bab pa rtogs so/ /des na 'gro lding ba dang yul dbus pa dag gis zhes smos so/ /de ltar na gang gi phyir rung ba nyid kyis rtogs pa ma yin pa de'i phyir 'di dag mthong ba dang ma mthong ba la bltos pa yin pa na/ mthong ba dang ma mthong ba 'di'i sgrub par byed pa go bar byed pa mi 'khrul pa gang la yod pa'i mi 'khrul pa de rtogs pa la brten pa yin te/ rtags bzhin no/ /mi 'khrul pa des pa de las kyang sgra rjod par byed par 'gyur ba yin gyi/ rung ba nyid kyis ni ma yin no/ /'brel pa yang de las byung ba'i rgyu mtshan can brdas gsal par bya ba'i dngos po 'am brda las byung ba yin la/ skyes pa dang brda las phyung ba yang ma byas par mi 'thad do zhes brjod pa yin no/ /de'i phyir de ltar res 'ga' pa'i dmigs par rung ba dang mi rung ba dang don nges par rtogs pa'i nus pa dang/ 'brel pa la bltos pa'i phyir na/ sgra mi rtag par bsgrubs pa na/ gzhan dag sgra byas par gyur du chug kyang/ don dang 'brel pa ni skyes bus ma byas pa yin no zhes bya ba'i dgos pa 'di bzlog pa'i phyir nye bar bstan pa med na mi rtogs pa'i phyir ro zhes smos so/ /'di skad brjod pa yin te/ dngos po'i 'brel pas ni sgra 'ga' yang don rtogs par byed pa ma yin te/ sgra gang la nye bar bstan pa med pa na de las don rtogs pa med pa'i phyir ro/ /'di 'di snyam du nye bar bstan pas dngos po'i 'brel pa gsal bar byed pa yin no snyam na/ nye bar bstan na ni zhes smos so/ /bkag pa med pa'i phyir te/ gegs med pa'i phyir te/ /gal te nye bar bstan pa yod kyang don rtogs pa la gegs yod na ni de'i tshe gang la nye bar bstan pa yod kyang don rtogs pa ma yin na de nyid la dngos po'i 'brel pa med pa yin la/ gzhan la yod pa yin no zhes 'brel pa dngos por gyur pa go bar gyur na/ gang gi phyir nye bar bstan pa kho na las don rtogs pa gegs med pa de'i phyir skyes bu'i 'dod pa yul ma nges pa can gyi rang dbang nyid yin pas rnam par gnas pa des pa sel ba yin no/ /'di skad du dngos po'i 'brel pa ni 'ga' yang yod pa ma yin gyi/ 'on kyang 'dod pas don rjod par byed pa'i phyir na brda las byung ba yin no zhes brjod pa yin no/ /dngos po'i 'brel pa nyid kyi rtsod pa 'di tshad ma rnam 'grel du bkag pa'i phyir mi spro'o/ /rig byed skyes bus ma byas pa 'di la yi ge 'am tshig rtag pa nyid ni nye bar mkho ba ma yin te/ de dag ni rig byed dang 'jig rten pa la khyad med pas lam po che'i mi tshig kyang tshad mar thal ba'i phyir ro// 'on kyang ngag dang ngag gi don nyid skyes bus ma byas par bsgrub par bya ba yin no/ /slob dpon gyis tshig gi rang bzhin skyes bus byas par bsgrubs pa bsam pa ni 'di yin te/ dag ni tshig las tha dad pa ma yin pas de skyes bus byas pa yin na dag kyang skyes bus byas par 'gyur la/ dag gi ngo bo skyes bus byas nas don kyang skyes bus byas par 'grub pa yin te/ des ni rig byed skyes bus byas par 'grub pa yin no/ /ci ste skyes bu ma byas pa'i tshig rnams 'dus pa'i bdag nyid kyi dag skyes bus ma byas pa yin nam/ yang na tshig nyid rtag pa yod na de lta na yang don skyes bus ma byas na rig byed tshad mar 'gyur gyi/ rang gi ngo bo ni ma yin no/ /tshig rnams rtag pa dang de bkod pa'i bdag nyid kyi dag skyes bus ma byas pa ni rnam 'grel du bkag pa yin yang khas blangs nas/ rnam 'grel gyi tshig le'ur byas pa dag gis dngos po'i don dang 'brel pa 'gog par byed do/ /rig byed kyi sgra dag gam tshig du gyur pa dag gi don ni skyes bu'i nye bar bstan pa med par gang gis kyang nges par nus pa ma yin no zhes bstan pa'i phyir bshad pa/ re zhig skyes bu bdag nyid ni rig byed kyi don rig pa ma yin te/ 'dod chags la sogs pa dang ldan pa'i phyir ro/ /gzhan las kyang ma yin te/ 'dod chags la sogs pa dang ldan par khyad par med pa'i phyir ro/ /rig byed kyang nye bar bstan pa med par thos pa na bdag nyid kyi don ston par byed pa yin te/ nges na rig byed kyi don ni ji ltar yang rtogs pa ma yin no/ /des na tshig gi don dang ngag gi don des pa med pa'i phyir me la sbyin bsgreg sbyin par bya'o zhes bya ba'i dag 'di la de ltar rig byed tshad mar byed pa dag gi brtags pa de kho na ltar yin gyi/ khyi sha za zhig ces bya ba 'di ni don ma yin no zhes bya ba 'dir tshad ma ci zhig yod/ 'di snyam du 'di ni 'di/ / 'jig rten gyi don sgra las byung ba'i tha snyad du grags pa yin pas de nyid rig byed kyi don nges pa'i rgyu yin no/ /me la sbyin bsreg gis bya ba'i sgras khyi sha brjod pa 'am/ sbyin par bya'o zhes bya ba 'di'i don bza' bar ni grags pa med na/ de ? ltar don 'di ltar rtog ces dgos pa la/ bshad pa/ 'jig rten 'dir dbang po las 'das pa'i don mthong ba gang zhig yod na gang gis rig byed la don 'di rnam par phye ba yin/ gang gi phyir skyes bus ma byas pa'i don 'di dbang po las 'das pa yin pas gzugs la sogs pa de bzhin du dbang pos rtogs par bya ba ma yin la/ dbang po las 'das pa'i don mthong ba yang 'ga' yang yod pa yin pa'i phyir skyes bus ma byas pa'i don des par ni sus kyang bstan par mi nus so/ /'jig rten pa'i don nges pa yang nye bar bstan pa la bltos pa de'i phyir brdar byas pa yin gyi/ skyes bus ma byas pa ni ma yin no/ /des na brda las byung bas ji ltar skyes bus ma byas pa'i don nges par 'gyur/ skyes bus ma byas pa'i bshad pa las rig byed kyi don nges pa yin no zhes gang bshad pa de yang 'di nyid kyis gsal ba ma yin te/ bshad pa yang don nges pa med pa can yin pa'i phyir ro/ /'on te yang 'jig rten pa'i sgra don gyi 'brel pa brda las byung ba ma yin pa de lta na yang/ 'jig rten pa'i sgra don sna tshogs pa can yin pas na/ de las don nges pa ma yin no/ /gal te 'jig rten pa'i sgra'i don cig yin na ni de la rigs kyi don gcig tu nges par 'gyur ba yin na/ 'jig rten pa'i sgra ni don sna tshogs pa can yin te/ 'di ltar go'i sgra las don dgu rtogs pa yin no/ /de bzhin du brda la bltos nas sgra thams cad la don thams cad mthong ba yin no/ /grags pas byas pa'i don rtogs pa las brdas byas pa'i don rtogs pa na khyad par yod pa ma yin te/ des na 'jig rten pa'i sgra thams cad la don thams cad yod pa yin te/ grags pa'i phyir dang brda byas pa'i phyir ro/ /des na de dag las don des pa gtan la phebs par ga la 'gyur/ yang na/ mtho ris lta mo la sogs sgra/ /grags pa ma yin rjod mthong ste/ /dpyod pa pa de nyid kyis mtho ris ni bde ba khyad par can yin la/ lha mo ni gtsub shing yin par brjod pa yin no/ /'di gcig la tshad ma ma yin pa'i grags pa de nyid ji ltar gzhan la tshad mar byed/ 'di snyam du me la sbyin bsreg ces bya ba'i sgra khyi sha la thal bar 'gyur ro zhes bya ba ni re zhig rigs pa ma yin te/ gang gi phyir de'i don ni gzhan dag tu rig byed nyid kyis rnam pa gzhan du bshad pa yin no snyam na/ bshad pa/ de 'dra'i rig byed kyi sgra gzhan dag la ni ma grags pa'i don brjod par rtog pa de 'dra'i rnam rtog nyid du 'gyur/ me la sbyin bsreg gi dag la ci 'dra ba de 'dra bar me la sbyin bsreg la sogs pa'i dag nges par byed pa'i rgyu rig byed kyi phyogs der yang 'gyur ba yin no/ /de'i don ni 'jig rten pa nyid las brtags par bya ba yin na/ 'jig rten yang tshad ma ma yin te/ des na rgyal dpag pa bzhin du kho ba yang der khyi sha za ba dang 'thun par rtog par byed do/ /gang gi phyir me la sbyin bsreg la sogs pa'i sgra gang zhig nges pa'i don dang ldan par ma 'grub pa de la nges pa'i don rab tu grub pa'i sgrub par byed pa bstan par bya ba la/ skyes bu'i nye bar bstan pa med na rang zhes bya ba me la sbyin bsreg la sogs pa'i dag gi don ston pa'i rang bzhin rig byed kyi phyogs gcig po don ma grub pas nus pa yod pa ma yin te/ gang gi phyir de la yang brgal zhing brtag pa mtshungs pa'i phyir te/ ci ltar de la nges par gtan la phebs zhes bya ba la sogs pa de lta bu'i tshul du'o/ /gzhan yang 'jig rten phyi gegs pas rig byed kyi sgra'i don yongs su 'dzin pa ni/ rigs ma yin no zhes/ bya ba'i grags pa zhes bya bas 'chad do/ /me rnams kyi brjod pa ni tshad mar mi 'dod pa dang/ de las rig byed kyi sgra'i don yang rtogs par byed pa'i sdang ba dang 'dod pa 'di ci lta bu zhig yin/ gang kho na'i tshe 'jig rten pa'i dag gang la sdang bar gyur te/ rig byed kyi cig tshad mar 'dzin pa de nyid kyi tshe de la 'dod pa yin te/ de'i dbang gi rig byed kyi don yongs su 'dzin pa'i phyir ro/ /ci ste grags pa las brgal ba ste/ yongs su spangs nas ma grags pa'i don khyi sha za ba rtog pa la rgyu ci zhig khyed la yod ce na/ slob dpon gyis rab grags zhes bya ba la sogs pa smos so/ /grags pa ni tshad ma ma yin na tshad ma ma yin pa de nyid las rig byed kyi don rnam par 'jog par ji ltar 'gyur/ de rnam par 'thog na yang ji ltar tshad ma dang mi ldan pa'i don khyod kyis brtags pa de ltar kho ba yang khyi sha zo zhig ces bya bar rtogs pa'i phyir/ 'o skol gnyis mtshungs par 'gyur ro zhes bstan pa yin no/ /gzhan yang 'jig rten gyi grags pa gang gis kho bo cag rig byed kyi sgra'i don la the tshom za ba de kho nas khyod don rnam par gnas par byed par ci 'dod 'di ltar grags pa nyid gyis sgra'i don gcig tu nges par bya ba'i skabs su 'dir don ci zhig yin zhes bya ba de 'dra ba'i dogs pa the tshom skyed par byed de/ gang zhig gang la the tshom za ba'i rgyu de nyid de la nges pa'i rgyur ni mi rigs so/ /ci ltar grags pa the tshom gyi rgyu yin zhe na/ gang gi phyir 'jig rten gyi tha snyad grags ba de la sna tshogs kyi don dag la/ sgra 'jug par mthong ba'i phyir ro/ /don sna tshogs pa can rnam pa gnyis grags pa las gyur pa dang brda las gyur pa ni sngar bstan la phab zin to/ /gal te yang 'jig rten gyi sgra ni don sna tshogs pa can yin zhing/ /'jig rten ba'i sgra'i don nyid gzung bar ma byas pa yin pa de ltar yang 'jig rten pa gang la brjod bya rigs pa tshad mas gnod pa med pa de gzung bar bya ba yin la/ gang zhig tshad mas gnod pa de ni spangs pa yin no/ /me'i sbyin bsreg la sogs pa'i dag gi brjod bya mar la sogs pa'i bsreg rdzas mer 'jug pa la ni tshad mas gnod pa med pa de phyir de nyid gzung bar bya ba yin gyi/ khyi sha bza' ba la sogs pa ni ma yin no zhe na/ gal te tshad mas mi gnod pa'i 'jig rten pa'i brjod bya gzung ba yin na/ da ni skyes bus ma byas pa rlung gi bu'i tshig las khyad par ci zhig yod de/ skyes bus ma byas pa yang rigs pa dang ldan pa yin pa des na gzung bar bya pa'i don yin pas rlung gi bu gsho ba can gyi tshig gang yin pa de gal te rigs pas gnod pa ma yin na ni ci'i phyir mi bzung/ skyes bus ma byas pa yongs su 'dzin pa la mngon par zhen pa su zhig yod/ rigs pa'i stobs kyis 'jug pa na rlung gi bu'i tshig gzung ba nyid bla'i rig byed ni ma yin te/ rlung gi bu la ni rigs pa yod kyi 'di la rigs pa mi srid pa yin no/ gang gis gnod pa khyi sha zos pa ni mtho ris thob la/ mar la sogs pa'i bsreg rdzas bcug bas ma yin pa 'di la rigs pa ci yod/ 'di ltar dbang po las 'das pa'i mtho ris thob pa'i rgyu khyi sha za ba 'am gzhan brtags pa ni dbang po las 'das pa nyid do/ /dbang po las 'das pa'i don la gnod par byed pa 'am sgrub par byed pa'i rigs pa ni dngos po'i stobs kyis zhugs pa'i tshul gsum pa la rten pa ni ma yin gyi/ 'on kyang lung gi don gyi rgyu mtshan nyid do/ zhes gang bshad pa ni dbang po las 'das pa zhes bya ba yin no/ /dbang po las 'das pa'i don la 'jug pa'i rigs pa gang yin pa de ni lung gi don nyid la brten pa tshul gsum pa rnam par 'jog pa'i rgyu mtshan can yin gyi gzhan dngos po'i stobs kyis zhugs pa'i tshul gsum ni yod pa ma yin no/ /'o na ni lung la brten pa'i rigs pa nyid kyis khyi sha zos pas mtho ris thob pa la gnod par byed do/ /zhe na/ bshad pa/ de'i don te/ lung gi don yang gnas med phyir/ /rnam par gnas pa med pa'i phyir rigs pa ma yin no/ /bstan bcos thams cad kyi don ni rigs pas rnam par bzhag par bya ba yin la/ bstan bcos kyi don rnam par gnas pa yang phyogs gzhan du grub pa'i don la bltos nas lung gi don la brten pa'i rjes su dpag pa 'jug pa yin na/ rigs pa med pas phyogs gzhan gyi don rnam par gnas pa yang med de/ des na bstan bcos 'dis ci zhig bsgrubs pa'am/ ci zhig bkag pa yin zhes rigs pas lung gi don 'gar yang da dung ma grub pas rigs pa mi srid pa yin no/ /gal te rigs pa med mod grags pa'i stobs nyid kyis kha cig don du ma la 'jug la/ kha cig tu nges pa nyid la 'jug pa yin te / des na grags pa nyid kyis sgra don ni zhes bya ba la sogs pa ci'i phyir brjod ce na/ rnam gzhan zhes smos te/ rnam pa gzhan don du ma la 'jug pa mi srid pa gang yin pa de med pa'i gtan tshigs de'i phyir ro/ /sgra rnams ni don gcig la yang nye bar bstan pa'i dbang gis zhugs pa yin la/ de la de ni brdas gzhan du sbyar na yang 'jug pa nyid do/ /des na the tshom du 'gyur ro/ /ci sgra 'di ngo bo nyid kyis don thams cad rtogs par rung ba yin nam/ 'on te nye bar bston pa'i dbang gis yin/ thams cad du yang rung ba nyid ni don thams cad la 'jug pa ma bkag pa yin no/ /sgra gang la nus pa sna tshogs yod pa de la de skad ces brjod do/ /rang nyid ces bya ba ni brda'i stobs 'ba' zhig gis don sna tshogs la 'jug pa ni ma yin gyi/ 'on kyang rang nyid grags pa las kyang rnam par gnas pa yin no/ /de'i don 'di yin te/ brda'i dbang dang grags pa las sgra rnams ni don sna tshogs la 'jug par gnas te/ des na rig byed kyi sgra me la sbyin bsreg sbyin no zhes bya ba la sogs pa dag la nges par byed pa'i rgyu mthong ba med pa'i mkhas pa rnams ci brda'i dbang gis mi 'dod pa'i don yin nam/ 'on te go'i sgra bzhin du rgyal dpog pas mi 'dod pa don gzhan nyid du gsal par byed pa yin zhes gdon mi za bar the tshom du 'gyur ro/ /de'i phyir dang 'di la grags pa'i dbang nyid kyis the tshom du 'gyur ba yin no zhes bya ba 'di ni rigs par brjod pa yin no/ /'di snyam du rig byed nyid rang gi don nges par ston pa yin te/ 'di ltar rig byed kyis rgyal dpog pa la rang gi don bstan la/ des na de la rig byed kyi don bstan pa yin no zhe na/ de bzlog pa'i phyir bshad pa/ 'ga' zhig sdod du ma 'di ni re lam 'di yin no zhes smra'o zhes zer ba dang/ gzhan dag bdag nyid lam 'di yin par smra'o zhes zer ba de ltar ro/ /'dis ni don gzhan nye bar bkod pa'i sgo nas don 'di bstan pa yin no/ /gal te rig byed la rang gi don ston pa'i nus pa yod na ni/ bdag cag la yang rang gi don ston par 'gyur ba nyid de/ /des na rgyal dpog pa la yang des rang gi don bstan pa ni med do/ /de ni don 'dir rig byed kyis bstan pa yin no zhes smra ba na rig byed la snyad btags nas bdag nyid ston pa yin la/ khos ni khyi sha za bar bya'o zhes bya ba la sogs pa don 'di bdag nyid kyis brtags par ston pa yin no/ /de la dang po kho bo la khyed par ni cung zad kyang med do/ /don de bshad pa ni de gnyis bye brag brtag par gyis zhes bya ba yin no/ /tshigs su bcad pa 'dis ni gtan ster ba las kyang rig byed kyi don bsam gtan la phab pa ma yin no zhes brjod pa yin no/ /de'i phyir rig byed kyi don nges pa ni grags pas gtan la mi phebs shing rigs pas ma yin/ gtam ster bas kyang ma yin no/ /gzhan yang gal te don nges pa zhig yod na ni de rgyal dpog pas shes nas nye bar ston pa yin no/ /don gcig nyid gsal bar byed pa'i nges pa de nyid gang las yin te/ ma yin pa nyid do// brjod par bya ba'i yul thams cad la rung ba'i sgras ni don thams cad brjod par nus pa dang/ sgra ni brda'i dbang gis 'jug par mthong ba yin na de ji ltar don gcig la nges par 'gyur/ rig byed la don nges pa yod kyang de shes par ci ltar 'gyur te/ gang las mthong ba nyid kyis don nges par 'gyur ba rig byed kyi sgra la rang bzhin gyi khyad par ni cung zad kyang yod pa ma yin la/ yod kyang mngon sum ni ma yin te/ nye bar bstan pa med kyang rtogs par thal ba'i phyir ro/ /dbang po las 'das pa ni sus kyang shes par nus pa ma yin na/ gang gis dbang po las 'das pa de yang shes/ 'o na ni 'jig rten pa'i dag la yang don nges pa med par 'gyur zhing yod kyang shes par nus pa ma yin no zhe na/ bshad pa/ brjod 'dod de brjod par 'dod pa la gnas pa'i don rjod par byed ma gtogs par ni nges par byed pa med la shes par yang mi nus so/ /rjod par 'dod pa la snang ba'i don rjod na ni brjod par 'dod pa don nges par rgyu yin te/ gang zhig brjod par 'dod pa'i don de nyid brjod par bya ba yin pa'i phyir don nges pa yin la/ don nges pa de'i gsal bar byed pa ni brda yin no/ /byas pa'i lung dang 'jig rten pa'i tha snyad la ni smra ba po gang zhig brjod par 'dod pa'i brjod par bya ba de la brdar byed pa rtog pa po rang gi slob ma rnams la kyang de'i tshe smra ba po'i thad nas rtogs par byed cing/ de dag kyang rang gi slob ma la rtogs par byed pa'i phyir man ngag rgyun ma chad pas nges pa'i don yod par shes par 'gyur ba yin no/ /don nges par brjod par 'dod pa de ni skyes bus byas pa ma yin pa'i lung la med cing/ de gsal bar byed pa'i brda'i yang med de/ des na skyes bus ma byas pa de la don gcig po de nyid yang las yin te/ gang las kyang ma yin la shes par yang mi 'gyur ro/ /sgra'i don ni 'jig rten gyi grags pas gzung ba yin no/ /'jig rten pa'i don ni ngo bo nyid nges pas nges pa ni 'ga' yang ma yin gyi 'on kyang brda' dbang gis yin no/ /rig byed kyi yang de nyid yin te/ des na ci ltar don skyes bus ma byas pa yin/ 'on te ngo bo nyid kyis nges par khas len na de ni mi rigs te 'di ltar sgra rnams de ba nyid kyis nges par khas len na/ brjod par 'dod pas des gzhan du sbyor ba brdar byed pa med par 'gyur ro/ /gzhan yang don la sgra rnams ngo bo nyid kyis yin na brda yang don med par 'gyur ro/ /gang zhig don gang ngo bo nyid kyis rtogs par nus pa de ni/ de la brdar byed pa la bltos pa ma yin te/ dper na sgron ma bzhan no/ /sgra rnams kyang ngo bo nyid kyis nus pa yin te/ des na brda don med pa yin no/ /ci ste rung ba nyid brda gsal bar bya ba yin no zhe nas de ni mi rigs te/ gang gi phyir gsal bar khas len na yang nges pa gang las yin te/ mi 'gyur ba nyid do/ /'di ltar gang gang la rtogs pa'i nus pa yod par 'dod pa de nyid brdas gsal bar byed pa'i phyir nges pa med par 'gyur ro/ /'di nyid ston par byed pa ni/ gang la 'dod pas rang rgyud pa zhes bya ba la sogs pa yin no/ /'dod pas rung ba gsal bar byed cing brdar byed phan 'dod pa'i rung ba nyid gsal bar mi 'gyur gyi/ 'on kyang mi 'dod pa'i rung ba nyid kyang brdas gsal bar byed par 'gyur ro/ /thams cad la rung don gcig gi zhes bya ba la sogs pas ni rig byed la don nges pa med pa dang/ yongs su mi shes pa nyid du bsgrubs pa yin no/ /de'i phyir de ltar ngo bo nyid dam don skyes bus ma byas pa nyid med pa'i phyir/ skye bus ma byas pa ni lung gi mtshan nyid ma yin no/ /lung gi mtshan nyid gzhan spang ba'i phyir bshad pa/ phyogs gcig la mi slu ba ni lung gi mtshan nyid yin no/ /lung gang zhig mngon sum dang rjes su dpag par bya ba'i yul la mi slu ba dang bcas pa 'di ni dbang po las 'das pa'i yul la the tshom za na/ phyogs gcig la mi slu ba nyid yin no/ /sbyor ba'i don ni 'di yin te/ gang zhig lung 'di'i phyogs gcig yin ba de na mi slu ba can yin te/ dper na me kha ba'i gnyen po yin no zhes bya ba'i dag bzhin no/ /rtsod pa'i gzhir gyur pa me la sbyin bsreg sbyin no zhes bya ba'i dag dang/ srog gcod pa spong ba la sogs pa'i dag kyang lung 'di'i phyogs gcig yin no/ /de lung 'di'i phyogs gcig yin par ni grub pa nyid de/ 'di ltar smra ba po de'i tshig gang yin pa de'i don gang yin pa'i don de dang rjes su 'brel pa'i don dang ldan pa'i gzhan yang yin pa ni de dang 'brel pa'i don rjod par byed pa yin pas don gyi sgo nas de'i phyogs gcig tu 'gyur ba yin la/ skyes bus ma byas pa'i yul la yang phyogs gzhan gyi rjes su zhugs pa'i rjes su byed pa'i dag gang yin pa de ni de'i phyogs gcig tu gyur pa yin par blta'o zhe na/ 'di yang rtogs pa med pa nyid do/ /'di ltar gal te lung 'di'i dag 'ga' zhig mi slu bar mthong po de tsam gyis ci thams cad slu ba ma yin pa dang/ mi slu ba yang yin par 'gyur ram/ 'di ston pa ni ma mthong ba tsam gyi gtan tshigs kyis mi 'khrul pa mi 'grub pa'i phyir lung de'i mtshan nyid kyi don ni ma nges pa nyid do/ /da ni gal te zhes bya ba la sogs pas lung gi dag rnams rang gi don la 'khrul pa med par bsgrubs pas lung thams cad mi slu ba nyid du ston to/ /sgrar gtogs pa'i sbyor ba'i shugs nyid kyis sgra rnams don dang 'brel pa mi 'khrul pa 'grub pa yin te/ snang ba la snang ba'i dag gi don med na dag mi sbyong? la/ sgra'i don yang de nyid yin pas de la mi 'khrul pa yin na sgra ji ltar tshad ma ma yin/ gal te 'di snyam du don de ni tshad ma gzhan gyis gnod pa yin te/ des na tshad ma ma yin no snyam na/ de ni mi 'thad de/ gang gi phyir sgra'i don la ni/ tshad ma gzhan 'jug pa ma yin te/ bya ba dang byed pa'i 'brel pa ni mngon sum gyis rtogs pa ma yin na/ /mngon sum gyis ni dngos po tsam 'dzin pa yin na/ dngos po rnams lcags kyi thur ma ltar 'brel ba med pa yin no/ /rjes su dpag pa yang mngon sum mngon du 'gro ba can yin no/ /des na mngon sum 'brel ba'i dag gi don la ni mngon sum dang rjes su dpag pa 'jug pa ma yin no/ /des na chu klung gi dogs na bu ram gyi phung po spungs pa yod do zhes bya ba dang/ ser mo'i rtse mo la glang po che brgya yod do zhes bya ba de lta bu dag la yang dag gi don ni 'ga' zhig gis kyang yul du byed pa 'am gnod pa ma yin no/ /der mngon sum gyi yul la ni gnod pa yin na/ de'i sgra'i don ma yin no/ /de'i phyir de ltar dag rnams dbang po las 'das pa'i rang gi don la ma 'khrul pa dang mngon sum la sogs pa yang mi 'jug pa na ji ltar tshad ma ma yin pa yin zhe na/ de ltar ni rigs mod kyi zhes smos te/ snang ba la gnas pa brjod pa dang/ mngon sum gyis gzung ba rang gi mtshan nyid yul ma yin par gang brjod pa de ni rigs mod kyi 'on kyang mi rigs so zhes smos pa ni 'on kyang zhes bya ba yin no/ /ji ltar rnam pa gang gis don yod par bstan par bya ba de lta bu nyid rab tu grub kyang/ thos pa yin yang sgra sbyor ba ni 'dod pa tsam dang 'brel pa yin pa'i phyir don la 'jug pa yang 'dod pas bzlog pa med pas gzhan du don ji lta ba nyid ma yin par yang tha snyad byed pa'i sgra mthong ba'i phyir te/ des na tshad mas gnod pa med kyang don ji lta ba bzhin ma yin par the tshom za ba nyid ni mi ldog go/ snang ba la gnas pa'i don tshad ma'i yul yin no zhes gang brjod pa de yang rigs pa ma yin te/ tshad ma ni 'jug par byed pa yin na/ blo la gnas pa'i don la ni su yang mi 'jug ste/ de dang snang ba gcig tu byas nas mngon sum gyis rtogs par bya ba'i don bya ba byed pa'i phyi rol nyid la don byed pa don du gnyer ba'i skyes bu 'jug pa yin no/ /des na sgra rnams ni zhes pa'i dbang gis don byed pa'i dngos po'i yul can dang tshad ma nyid yin no/ /mthong ba bzhin du ma mthong ba'i don la yang sgra ni 'khrul par dogs pa nyid do/ /tshul 'dis sgra'i don mngon sum la sogs pas gnod pa yod pa nyid do/ /de'i phyir sgra rnams gang la tshad ma yin pa de la ni slu bar dogs pa yin la/ gang la 'khrul pa mod pa'i blo'i don de la ni tshad ma ma yin no/ /gang gi phyir skyes bus ma byas pa'i lung ni 'ga' yang med pa dang/ don dang dngos po'i 'brel pa yang med pa de'i phyir lung log kyang don med la rtogs pa ma yin no/ /kyang gi sgras ni bskal pa'i yul gyi mngon sum dang rjes su dpag pa yang ngo/ /mngon sum log pa nyid kyis mi dmigs pa nyid mi dngos po med pa'i tha snyad sgrub par byed pa yin no/ /gal te mngon sum yang don gyi 'bras bu yin pa'i phyir ldog pa don mi ldog go zhe na/ mngon sum tsam ldog pas ni don ldog par mi smra'i/ 'on kyang rgyu ma tshang ba med pa zhes bya ba mngon sum gang la rgyu ma tshang ba med pa yod pa ni don yod na de nye bar gnas na med pa mi 'thad pa'i phyir ro/ /gang gi tshe shes pa gcig la 'du ba'i don gzhan dmigs pa de nyid kyi rgyu ma tshang ba med par 'gyur ba yin no/ /de nyid kyi phyir don gzhan dmigs pa de dang de'i rang gi ngo bo ma dmigs par rjod pa yin no/ /don de ltar gnas pa de la tshu rol mthong bas ni dngos po med pa bsgrub pa la bdag nyid kyi mngon sum log pa tshad mar bya ba yin la/ de de ltar tshad mar byed pas ni bdag gi mngon sum ldog pa des gang gzung ba der 'ongs pa'i dngos po gang yin pa de dgag par rigs so/ /thams cad mkhyen pa la ni thams cad mngon sum gyis gzung bar 'os pa yin pa dang/ gzhan thams cad kyi mngon sum log pa ma grub pa yin pa'i phyir tshu rol mthong ba smos so/ /thams cad ni de lta ma yin pa'i phyir te/ tshu rol mthong bas ni thams cad mngon sum gyis gzung bar rung ba ma yin te/ de'i phyir dngos po thams cad dgag pa ni ma yin no/ /de'i phyir de ltar med par nges pa'i 'bras bu can mi dmigs par bshad pa na/ gzhan gang mngon sum dang rjes su dpag pa log pa'i mtshan nyid de ci tshad ma ma yin nam snyam pa 'am/ bshad pa/ bshad zin pa'i mi dmigs pa las gzhan pa'i dmigs gang yin pa de ni mi 'jug pa yod pa'i tha snyad med pa'i 'bras bu gang la yod pa'o/ /'jug pa'i blo sngon can nyid phyir ro/ /dmigs pa nyid yod pa rnams kyi yod pa yin te/ de ni yod pa'i tha snyad kyi rgyu mtshan yin pa'i phyir ro/ /gang du yod pa'i tha snyed kyi rgyur gyur pa de med pa der ni yod pa'i tha snyad kyang ldog pa yin te/ rgyu mtshan med pa'i phyir ro/ /de nyid rnam par bkrol ba'i phyir bskal pa'i yul la zhes smos te/ dmigs par mi rung ba'i yul can gyi mi dmigs pa gang yin pa'o/ /mngon sum dang rjes su dpag pa med pa zhes bya ba ni rang gi ngo bo ston pa'o/ /mi 'jug 'bras can zhes bya ba de rnam par dgrol ba'i phyir yod pa'i shes pa dang zhes bya ba la sogs pa smos so/ /yod pa'i shes pa dang yod do zhes bya ba'i sgra dang/ yod pa'i yul yin pa la sogs pa'i tha snyad do/ /de dag 'gog pa med par nges pa'i 'bras bu gang la yod pa'o/ /ci ltar zhe na/ bshad pa/ dmigs pa sngon du 'gro ba ste rgyu can gang yin pa dag go/ dmigs pa nyid yod pa rnams kyi yod pa yin te/ des na de nyid yod pa'i shes pa dang/ sgra dang tha snyad rnams kyi rgyu yin pas de med pa las de dag med do zhes nges pa yin no/ /'di las gzhan pa'i mi dmigs pa ni med pa'i tha snyad 'jug pa'i 'bras bu gang la yod pa'o/ /'jug par bya ba med pa'i tha snyad de'i rgyu mtshan mthong ba'i phyir ro/ /snga ma sngar bshad pa ni med pa'i shes pa dang/ med do zhes bya ba de lta bu'i rnam pa'i sgra dang/ bum pa med par nges pa sngon du 'gro ba can gyi dogs pa med par 'ongs pa dang 'gro ba'i mtshan nyid 'jug pa'i tha snyad de dag 'jug pa'i 'bras bu de nyid gang la yod pa'o/ /yang gi sgras ni yod pa'i tha snyad 'gog pa'i 'bras bu can yang yin no/ /de'i rgyu mtshan zhes bya ba de dgrol ba'i phyir bshad pa/ yul bum pa la sogs pas stong pa'i sa phyogs rab tu bstan pas rab tu grub pa'i yul can tha snyad sgrub pa'i phyir ro/ /tshig le'ur bya bar ni rgyu mtshan smos pa byas la/ 'grel par ni yul du smos te/ des na 'dis ni gnyis gang yang gnyi ga'i tha snyad bya bar bstan pa yin no/ / rgyu mtshan ni mi dmigs pa'i mtshan nyid du gyur pa mi dmigs pa yin la/ yul ni bum pas dben pa'i sa gzhi yin no/ /gang du med pa'i tha snyad du byed pa der ni yul smos pas/ gnyi ga gzung bar lta ste/ yul nyid du khyad par med pa'i phyir ro/ /rgyu mtshan smos pas kyang gnyi ga yin te/ rgyu mtshan nyid du khyad par med pa'i phyir ro/ /yang gi sgra'i don ston pa ni gnyi ga yod pa'i tha snyad 'gog pa'i 'bras bu can nyid du ni 'dra bar bshad do/ /rang zhes bya ba ni yod pa'i tha snyad kyi rang bzhin gyi bdag nyid gzung ngo// bzlog pa ni 'gal ba ste/ med pa'i tha snyad do/ /de dag gi rgyu dmigs pa dang snang ba mi dmigs pa de gnyis go rim bzhin du med pa dang yod pa'i rgyu des na 'dra ba yin no/ /de'i don ni 'di yin te/ tha snyad kyi rgyu mtshan dmigs pa nyid ni yod pa rnams kyi yod pa yin no/ /mngon sum dang rjes su dpag pa log pa la ni de med do/ /des na rgyu med pa'i phyir de'i yod pa'i tha snyad ldog pa yin no/ /cig shos la ni yod pa'i tha snyad dang 'gal ba med pa'i tha snyad kyi rgyu yod pa'i phyir 'gal bzhugs pa na cig shos ldog pa yin no/ /gal te de las blo ldog pa yin yang ci de tsam gyis don yang ldog gam/ ldog na ni dmigs pa tsam go bar byed pa yin par 'gyur ro/ /ci ste don mi ldog na ni de'i tha snyad kyang ci ltar ldog ce na/ bshad pa/ ldog pa tsam gyi mi dmigs pa gcig la ni yod par the tshom za ba'i phyir ro/ /des na nges pa sngon du 'gro ba'i tha snyad ldog pa nyid do/ /the tshom za ba'i yod pa'i tha snyad ni mi ldog go/ gzhan snang ba mi dmigs pa la ni bzlog pa'i phyir ro/ /the tshom las bzlog pa ni nges pa yin te/ de'i phyir the tshom dang nges pa'i yod pa'i tha snyad ldog pa yin no/ /de'i phyir de ltar gtan tshigs snga ma dag gis ni yod pa'i tha snyad gnyi ga yang dgag pa'i 'bras bu can yin la/ gtan tshigs phyi ma dag gis ni yod pa'i tha snyad gnyis kyi khyad par 'gog par bshad pa yin no/ /gcig la ni the tshom za ba'i phyir nges pa nyid kyi yod pa'i tha snyad 'gog pa yin la/ gzhan las ni yod pa'i tha snyad mdza' dag 'gog pa yin te/ med pa nyid du nges pa'i phyir ro/ /bshad ma thag pa'i mi dmigs pa gnyis po de la gnyis pa ldog pa'i mtshan nyid tsam gyi mi dmigs pa tsam gyi yod pa'i tha snyad 'gog pa la nye bar mkho ba'i phyir tshad mar bshad do/ 'o na de gang la tshad ma ma yin zhe na/ ldog pa med pa mthong ba nges pa'o/ /de la sogs pa de'i rgyu mtshan can sgra dang tha snyad gang yin pa de la nye bar sbyor ba ni ma yin te/ the tshom za ba'i phyir te/ gang gi phyir dngos po med par nges pa mi skyed pa des na tshad ma ma yin no/ /nye bar mi sbyor ba nyid sgrub pa'i phyir bshad pa/ shes par byed pa'i yan lag ma nges pa'i mi dmigs pa gang yin pa'o/ /mi 'khrul pa na rtags thams cad kyi yan lag yin na/ mi dmigs pa 'di la ni mi 'khrul ba med de/ des na de las rtogs pa ma yin no/ /dang po snang ba mi dmigs pa ni tshad ma yin te/ nges pa'i 'bras bu gang la yod pa'o/ /'di skad brjod pa yin te/ mi dmigs pa dang po ni dngos po med pa nges par byed pas tshad ma yin na/ /tshad ma ni 'jug par byed pa nyid la brjod la/ 'jug par byed pa yang nges pa'i rgyu can yin no/ /snang ba mi dmigs pa ni bum pas dben pa'i sa phyogs dang bum pa med par nges par byed pa yin pas bum pa don du gnyer ba ldog par byed pa dang/ bum pa med pa don du gnyer ba'i skyes bu 'jug par byed pa yin pa'i phyir tshad ma yin no/ /mi snang ba mi dmigs pa ni nges par byed pa ma yin pas na don gang la yang skyes bu 'jug par byed pa ma yin no/ /nges pa sngon du 'gro ba'i yod pa'i tha snyad ni 'gog par byed kyi/ the tshom sngon du 'gro ba'i tha snyad ni 'gog pa ma yin no/ /des na the tshom las kyang 'jug pa ni yod pa nyid do/ /de'i tshad ma nyid ni nges pa sngon du 'gro ba can gyi yod pa'i tha snyad 'gog par nges pa'i rgyu yin pa'i phyir ro/ /mi dmigs pa bshad nas rang bzhin bshad pa'i phyir smras pa/ bdag nyid ngo bo nyid kyi gtan tshigs gang yin ba de ni rang bzhin yin no/ /khyad par ci lta bu dang ldan pa'i ngo bo yin zhe na/ bshad pa/ sgrub par byed pa'i chos de yod pa de'i dngos po nyid de kho na tsam gyi/ de yod tsam dang rjes 'brel can/ mi gnyis bar rjes su 'gro ba'i ngo bo nyid gang la yod pa'i ngo bo nyid de'i yin no/ /ci'i phyir de yod tsam dang rjes 'brel can zhes brjod kyi/ de'i bdag nyid kyi gtan tshigs gang yin pa de ni rang bzhin yin no zhes de tsam zhig mi brjod ce na/ don gyi de'i bdag nyid zhes smos so/ /bsgrub par bya ba'i chos de'i bdag nyid gang yin pa'i sgrub par byed pa'i chos de'i 'o/ /de'i bdag nyid ni bsgrub par bya ba'i chos de tsam dang rjes su 'brel pa can nyid du gyur pa la 'thad pa yin gyi/ don gzhan dang 'brel pa la ni ma yin no/ /'di ltar zhes pa ni gang gi phyir te/ de'i khyad par nye bar bkod pa yin no/ /de gang las she na/ sgrub par byed pa'i chos de yod na yang yod par ma gyur pa grub par ma gyur pa phyis 'byung ba la ni bsgrub par byed pa'i chos kyi de'i bdag nyid rang bzhin nyid gang yin pa de 'gal ba'i phyir ro/ /phyis grub pa zhes bya ba gang yin pa de ci ltar sngar grub pa'i rang bzhin yin par 'gyur/ de ltar tog na ni sngar grub pa bdag nyid med pa can du 'gyur te/ des na grub pa nyid mi 'thad do/ /gzhan yang tha dad pa ni 'gal ba'i chos dang 'brel pa yin no/ /grub pa dang ma grub pa yang dngos po dang dngos po med pa'i mtshan nyid kyi 'gal ba yin pas gcig par mi 'thad do/ /gzhan yang dngos po rnams kyi tha dad pa ni rgyu tha dad pa sngon du 'gro ba can yin no/ /gang zhig sngar skyes pa dang/ phyis rgyu gzhan gyis skyed par 'gyur ba gang yin pa de dag gal te tha mi dad pa yin na 'o na gang las tha dad par 'gyur ba yin/ des na 'gal ba'i chos dang ldan pa dang/ rgyu tha dad pa'i phyir snga ma dang phyi ma'i dus su 'byung ba dag tha dad pa yin pas de'i bdag nyid ma yin no/ /gal te de'i bdag nyid ma yin mod/ go bar bya ba dang go bar byed pa'i dngos por ni 'gyur ro zhe na/ rgyu rnams kyang zhes smos te/ sgrub par byed pa'i chos grub pa na phyis rgyu gzhan las 'grub pa'i bsgrub bya'i chos ni 'bras bur 'gyur grang na/ rgyu rnams kyang gdon mi za bar 'bras bu dang ldan pa ma yin no/ /des na 'bras bu la 'khrul pa'i go bar bya ba dang/ go bar byed pa'i dngos po yang yod pa ma yin no/ /gang gi phyir phyis rgyu gzhan las 'grub pa de'i bdag nyid ma yin zhing/ de'i go bar bya ba yang ma yin pa de'i phyir bsgrub par bya ba de yod pa tsam dang rjes su 'brel pa nyid kyi gtan tshigs ni rang bzhin dang go bar byed pa yang yin te/ des na de yod tsam dang rjes 'brel can zhes khyad par du byas so/ /rang bzhin de yang rang gi bdag nyid kyi gtan tshigs nyid du sgras nye bar 'god pa na khyad par ni bye brag ste/ de la bltos pa nye bar 'god pa'am/ yang na dag pa ste/ dper na 'jig pa mi rtags pa bsgrub par bya ba la 'bras bu byas pa nyid khyad par la bltos pa dang bcas pa dang/ yod pa nyid de don byed par nus pa nyid tsam du brjod pa dag pa nyid bzhin no/ /gal te byas pa'i sgra la khyad par brjod pa'i sgra sbyar ba ni med kyi/ byas pa'i dngos po tsam nyid byas pa'i sgrar brjod pa ma yin nam/ ci ltar byas pa'i sgras khyad par la bltos pa'i rang bzhin brjod pa yin zhe na/ rang gi ngo bor grub par bya ba'i phyir zhes smos te/ grub par bya ba'i don du rgyu dang rkyen gzhan dag gi byed pa la bltos pa'o/ /don ni 'di yin te/ gang gi phyir byed pa la bltos pa byas bar brjod pa yin ba de'i phyir byas pa'i sgras ni khyad par la bltos pa'i rang bzhin brjod pa yin te/ rnam pa thams cad du sgra gzhan sbyar ba nyid kyis don gzhan rtogs pa ni ma yin no/ /kha cig tu khyad par rtogs par 'gyur ba nyid de/ des na sgra ma sbyar ro/ /dper na bum pa byas so zhes rjod pa na rdza mtshan gyis so zhes khyad par rtogs par 'gyur ba ni smra ba po'i bsam pa'i dbang gis sbyar bar bya ba'am ma byas kyang sla'o/ /gang du khyad par nang du 'du ba der ni de'i sgra sbyar bar bya ba ma yin te/ dper na 'tsho'o zhes bya ba 'dir gnas so zhes bya bar rtogs pa yin bas/ rang srog gi sgra sbyar bar bya ba ma yin pa bzhin no/ /de bzhin du byas pa'i sgras rgyu la bltos pa nang du 'dus pa yin no/ /des na 'dir byas so zhes bya ba'i sgras ni khyad par rtogs pa yin la/ byas pa'i sgras ni khyad par na 'du 'dus pa yin no/ /de nyid kyi phyir rgyu dag gis byas pa zhes sbyor ba ma yin no/ /rkyen gyi bye brag gis tha dad pa nyid can pa sogs pa la ni khyad par sbyar ba yin te/ des na khyad par la bltos pa'i sgras rang bzhin nye bar 'gong pa na khyad par rjod par sbyar ba'i sgra dang ma sbyar ba'i sgra yod pa yin no/ /khyad par gyis ma sbyar ba ni khyad par rjod pa la rtsod pa dang bcas pa yin te/ des na tshig le'ur byas par khyad par rtogs pa'i 'bras bu'i sgra dper brjod na/ 'grel par ni khyad par nang du 'dus par byas pa'i sgra dper brjod pa yin no/ /rnam pa de lta bu ni rang bzhin dag brjod par byed pa ma yin no zhes bstan pa'i phyir/ de'i khyad par gzhan de 'dra ba'i rang bzhin de dag 'phen pa yin no/ /rang bzhin gyis gtan tshigs gzhan dag kyang bstan pa'i phyir 'dir ni zhes smos so/ /rkyen gyi bye brag gis tha dad pa nyid can gyi mtshan nyid kyi rang bzhin 'di la ni khyad par rjod par byed pa rkyen gyi sgra sbyar ba nyid do/ /de ltar rang bzhin gyi gtan tshigs khyad par dang bcas pa yin no/ /khyad par med pa yang dper na mi rtag pa nyid la yod pa nyid bzhin no/ /yod pa'i sgras ni don byed pa nyid brjod kyi gzhan ni ma yin no/ khyad par dang bcas pa'i rang bzhin yang rnam pa gnyis te/ bdag nyid du gyur pa'i chos kyi bye brag la bltos pa dang/ 'brel pa gzhan la bltos pa'o/ /'di ltar 'ga' zhig las ldog pa las ltos nas dngos po'i skye ba tha dad pa lta bur brtags pa yin la/ skye ba de dang 'brel ba'i dngos po ni gtan tshigs su bkod pa yin no/ /'brel pa'i de yang dngos po'i rang bzhin nyid yin no/ /de nyid ston pa ni rang bzhin du gyur pa'i chos gang yin pa de yongs su gzung nas rang bzhin gyi gtan tshigs yin zhes 'brel to/ /dper brjod pa ni dper na de nyid las skye ba bzhin no/ /skye ba'i sgras ni skye ba dang ldan pa'i dngos po nyid brjod pa yin no/ /rten med pa'i skye ba nyid ni 'ga' yang gtan tshigs ma yin no/ /des na skye ba'i khyad par can gyi rang bzhin gyi gtan tshigs yin no/ /de'i phyir ji snyed skye ba dang ldan par brjod pa yin pa de thams cad ni skye ba yin no/ /phyogs 'dis zhes bya ba ni dag pa dang khyad par gzhan la bltos pa dang/ rang bzhin du gyur pa'i chos kyi bye brag la bltos pa'i rang bzhin gyi rab tu dbye ba bshad pa gang yin pa'i phyogs 'di nyid kyis gzhan du yang rang bzhin gyi gtan tshigs kyi dbye ba blta bar bya'o/ /'di thams cad kyis ni don 'di brjod pa yin te/ gang du rang bzhin gyi sgra 'am yod pa'i sgras ngo bo nye bar bkod pa de nyid kyi rang bzhin gyi gtan tshigs su 'gyur pa ni ma yin gyi/ 'on kyang khyad par dang 'brel pa'i don brjod pa'i sgras bsgrub par bya ba la tha dad pa med pa'i sgrub par byed pa'i chos gang ci bkod pa de thams cad kyang rang bzhin nyid do/ /khyad par nye bar bkod pas ni rmongs par bya ba ma yin no zhes bya ba yin no/ / yang ji ltar na rang bzhin 'di go bar byed pa yin zhe na/ rang bzhin de yang zhes smos te/ byas pa de yang gal te mi rtag pas khyab pa rjes su 'gro ba tshad mas nges pa yin pa de lta na ni go bar byed pa yin no/ /khyab pa des pa med pa 'am/ chos can la brten pa'i phyogs kyi chos nyid ma des na ni rjes 'gro ldog dang phyogs kyi chos de'i rang bzhin gyis gang zhig go bar byed pa yin pa'i go par byed pa de ni go bar byed pa nyid ma yin par 'gyur ba'i phyir ro/ /'di skad brjod pa yin te/ don gang zhig rang gi rang bzhin rtogs pa la bltos nas 'ga' zhig gi go bar byed pa yin pa de ni rang gi ngo bo'i yul can gyi shes pa med par rang gi go bar bya ba go bar byed pa ma yin no/ /dper na gsal ba'i rang bzhin du shes par bya ba'i gsal ba'i nyid kyis bum pa la sogs pa gsal bar byed pa'i sgron ma ni gsal ba de'i rang bzhin mi rtogs na rang gi don bya ba gsal bar byed pa'i mtshan nyid mi byed pa bzhin dang/ yang dper na yi ge'i go rim gyi khyad par gyi rjes son pa'i sgra don gyi go bar byed pa mthong ba ni bkod pa de ma rtogs na rtogs par byed pa nyid ma yin pa de bzhin du rang gi shes pa la bltos nas rjes su 'gro ldog dang phyogs kyi chos dang ldan pa nyid kyis go bar byed pa nyid du gyur pa'i gtan tshigs kyang de'i rang bzhin ma rtogs par ni go bar byed pa ma yin te/ sgra bzhin dang gsal ba bzhin no/ /de'i phyir khyab par bya ba nyid du nges pa nyid kyi khyab par bya ba ni go bar byed pa yin la/ khyab par byed pa nyid du nges pa'i khyab par byed pa ni go bar bya ba yin no/ /de'i phyir de ltar des pa nyid kyis khyab par bya ba dang khyab par byed pa dag ni rjes su byed pa po dang rjes su byed pa yin no/ /des pa de dag nyid ni ldog par byed pa dang ldog par bya ba yang yin no zhes ston pa ni khyab par byed pa'i chos de ni yul 'ga' zhig las rang ldog pa na/ khyab par bya bsgrub par byed pa de ldog par byed pa yin no/ /'di n yid bsgrub pa'i phyir bshad pa gang gi phyir gal te khyab par byed pa 'di med na khyab par bya ba'i chos de med pa yin na de ltar na ni zhes bya ba bshad ma thag pa'i rnam pa de lta bu yin na ni bsgrub par bya ba'i chos 'di sgrub par byed pa'i chos de'i khyab par byed pa 'grub pa yin no/ /bsgrub par bya ba med kyang yod pa'i sgrub par byed pa'i chos kyi khyad par byed pa ni bsgrub par bya ba'i chos ma yin no/ /de'i phyir de ltar tshad mas khyab par bya ba dang khyab par byed pa'i dngos po des na go bar bya ba dang go bar byed pa'i dngos po grub par 'gyur ba yin la/ khyab par bya ba dang khyab par byed pa dag kyang ldog par byed pa dang ldog par bya ba yin te/ de lta ma yin na khyab par bya ba dang khyab par byed pa'i dngos po nyid du mi 'gyur ro zhes bya ba 'di bstan pa yin no/ /de lngar bstan pa 'di chos mthun pa dang mi mthun pa can dag gis gtan tshigs rnam pa gnyis kyi go bar bya ba dang go bar byed pa'i go bar bya ba dang go bar byed pa nyid gang yin pa de'i mtshan nyid kyang ngo/ /go bar bya ba dang go bar byed pa nyid kyi rgyu ni thams cad kyang khyab pa nges pa yin pas na/ de'i mtshan nyid ni rgyu mtshan te/ khyab pa nges pa yin no/ /gal te tshul gsum pa'i rjes su zhugs pa de'i bdag nyid kyi 'brel pa dang ldan pa'i gtan tshigs gcig nyid ma yin nam/ gang las rnam pa gnyis su 'gyur zhe na/ bshad pa/ sbyor ba'i dbang gis so/ /sbyor ba ni sgra rjod pa'i byed pa ste dngos su brjod pa'i nus pas so/ /de las gtan tshigs rnam pa gnyis yin no/ /dag kha cig la ni sgrub pa dngos kyi brjod bya kha cig la ni dgag pa yin no/ /de la rnam pa gnyis ni brjod bya tha dad pa las yin no/ /rnam pa gnyis kyi rgyu de nyid ston par byed do/ dpe'i chos can dang bsgrub bya'i chos mi mthun pa nyid 'di la yod pa'o/ /chos mi mthun pa yang sgrub par byed pa'i chos kyis byas pa'o/ /gang byas pa de ni mi rtag pa yin la sgra yang byas pa yin no zhes byas pa nyid kyis byas pas chos can gnyis chos mthun pa yin la/ gang rtag pa de ni ma byas pa yin la/ sgra ni byas pa yin no zhes 'di dag gi chos mi mthun pa yang byas pa yang byas pa yin no/ /gang la brjod par bya ba chos mthun pa yod pa/ de ni chos mthun pa can yin la/ gzhan ni chos mi mthun pa can no/ /gal te gang du chos mthun pa can yin pa der na rjes su 'gro bar brjod bya yin la/ gang du chos mi mthun pa der ni ldog pa ma yin nam/ 'ga' zhig gis tshul 'ga' zhig kho na brjod pa'i phyir gnyi gas tshul gsum ma brjod par 'gyur ro/ /des na sbyor ba'i bye brag 'ba' zhig tu ma zad kyi/ don gyi bye brag kyang yod pa yin no zhe na/ 'di gnyis don du ni bye brag ci yang med do zhes smos so/ /don gang gi dbang du byas nas dag gnyis rab tu sbyar ba'i dgos par 'gyur ba de ni 'dir don du brjod pa yin gyi/ brjod par bya ba ni ma yin no/ /de'i phyir dag 'di gnyis kyi don la ni bye brag ci yang med de/ gnyis yang tshul gsum pa'i rtags kyi dbang du byas nas 'jug pa'i phyir ro/ /gal te 'o na ni 'di gnyis kyi rtogs par bya ba'i don la khyad par cung zad kyang med na/ rjod par byed pa'i bya ba la khyad par yod par mi 'gyur te/ de ni de'i yul can yin pa'i phyir ro/ /zhes dogs pa la/ sbyor ba'i bye brag ma rtogs par zhes smos so/ /'di skad bcod pa yin te/ rjod par byed pa'i byed pa las ni khyad par yod pa nyid do/ /go bar bya ba'i don las ni khyad par cung zad kyang med do// gang zhig dngos su brjod pa bya ba de nyid rtogs par bya bar 'gyur ba ni ma yin na/ gang gis rjod par byed pa'i byed pa tha dad pas dngos po tha dad par 'gyur/ 'on kyang dngos su brjod par bya ba ni gzhan yin la rtogs par bya ba yang gzhan yin te/ dper na lhas byin tshon po nyin par zan mi za'o zhes zos pa'i 'bras bu tshon po nyid dag gis dngos su brjod cing khyad par can gyi dus kyang bkag pa na/ don gyis mtshan mo za bar nges pa bzhin no/ /des na 'dir brjod par bya ba ni gzhan yin pa rtogs par bya ba yang gzhan yin no/ /rtogs par byed pa de yang mtshan mo za'o zhes bya ba'i sgra 'dis kyang rtogs par nus pa yin no/ /de bzhin du 'dir yang dag gnyis kyi brjod par bya ba ni gzhan yin la rtogs par bya ba yang gzhan yin no// des na gnyi gas kyang don gcig kho na rtogs par bya ba nyid do/ /gal te 'di snyam du sgra'i byed pa la brten pa'i khyad par ni gzhan gyi don gyi rjes su dpag par brjod par bya ba ma yin nam/ ji ltar 'dir brjod ce na/ bshad pa/ sbyor ba de mthong ba goms par las rang nyid rtogs pa na? yang ste/ gzhan las rtogs pa 'ba' zhig tu ma zad kyi rang rtogs pa na yang de ltar 'gyur ba'i phyir te/ sgrub pa'i sgo nas sam dgag pa'i sgo nas rtogs par 'gyur ba'i phyir rang gi don gyi rjes su dpag pa la yang gtan tshigs kyi dbye ba bstan to/ /'di skad brjod pa yin te/ ji ltar gzhan rtogs pa la dbye ba nye bar mkho ba de bzhin du bdag nyid rtogs pa la yang yin te/ des na rang gi don du yang srid pa'i phyir 'di nyid du dbye bar byas pa yin no/ gal te gang gi rtags kyi tshul gsum brjod par 'gyur ba rjes su 'gro ba brjod pa na ldog pa rtogs par ci ltar 'gyur zhes dogs pa la/ bshad pa/ gang gi phyir brjod par bya ba chos mthun pa nyid dang ldan pa'i sbyor ba la yang don gyis te/ shugs kyis chos mi mthun pa nyid ldan pa'i sbyor ba la rtogs pa yod pa yin no/ /shugs de nyid ston par byed pa ni ldog pa rtogs pa'i blo de med na bsgrub par bya bas gtan tshigs kyi rjes su 'gro ba med pa'i phyir ro/ /ldog pa'i blo med na yang sgra las rjes su 'gro ba yang nges par mi 'gyur ro zhes bya ba'i don to/ /'di ltar bsgrub par bya ba'i chos gang 'ga' zhig nyid las ldog pa na/ sgrub par byed pa'i chos mi ldog par dogs pa de nyid sgrub par byed pa'i chos bsgrub par bya ba'i chos de dang bral bar dogs par 'gyur ro/ /des na rjes su 'gro pa'i dag gis rjes su 'gro ba rtogs na ldog pa yang rtogs par 'gyur pa nyid de/ de ltar ma yin na rjes su 'gro ba nyid ni mi rtogs par 'gyur ba'i phyir ro/ /de bzhin du don gyis mi mthun pa'i sbyor ba la yang rjes su 'gro ba nges par 'gyur te/ de med na zhes bya ba rjes su 'gro ba rtogs pa med na bsgrub par bya ba med pa la ste/ log pa la gtan tshigs med par the tshom za ba'i phyir ro/ /yul gang na gtan tshigs yod pa na bsgrub byar yod par the tshom za ba de nyid las bsgrub bya log pa na sgrub par byed pa log par the tshom za bar 'gyur ro/ /de'i phyir log pa'i tshig gis ldog pa rtogs pa na rjes su 'gro ba yang rtogs pa nyid de/ de lta ma yin na ldog pa de nyid la the tshom za bar 'gyur ba'i phyir ro/ /gal te nam mkha' las mnyan par bya ba nyid dang mi rtag pa nyid ldog cing mig gis gzung bar bya ba nyid kyang de las ldog pa yin no/ mnyan par bya ba nyid ni yod du zin kyang mi rtag pa nyid dang mig gis gzung par bya ba nyid yod pa ma yin te/ des na rjes su 'gro ba med par ldog pa yod pa ma yin nam zhe na/ 'di ni phyis 'chad par 'gyur te don 'di 'chad par 'gyur ro/ /ma mthong ba tsam gyis chos gcig ldog pa na chos gzhan ldog par byed pa ni ma yin te/ 'on kyang de dag 'brel pa yod na yin no/ /des na gcig log pas gzhan ldog par rtogs par byed pa ni de dag gis 'brel pa tshad mas rtogs par bya ba yin no/ /'brel pa nges pa nyid kyi rjes su 'gro ba nges pa yin te de'i phyir rjes su 'gro ba med pa'i ldog pa ni 'ga' yang yod pa ma yin pas/ 'di dag la ni rjes su 'gro ba med cing ldog pa yang med pa yin na/ gang la chos 'di dag bsam par bya ba'i gtan tshigs de gnyis kyang gang yin zhe na/ /bshad pa/ rab tu sbyar bar bya ba'i gtan tshigs de dag kyang cung zad byas pa zhes bya ba ni mtshon byed kyi tshul gyi gtan tshigs bstan pa'o/ /de thams cad mi rtag pa ste zhes bya ba mtshon bya'i tshul gyis bsgrub bya bstan pa'o/ /thams cad smos pa ni nges par bya ba'i phyir te/ de thams cad ni mi rtag pa ste da ni mi rtag pa kho na'i zhes gang la kho na'i zhes gang la kho na'o sgras byas pa de las gzhan nges par 'dzin pa'i phyir byas pa nyid dang btsal ma thag tu byung pa nyid ni mi rtag pa nyid la nges pa yin no/ /dper na bum pa la sogs pa bzhin no zhes bya ba 'di ni khyab par bya ba dang khyab par byed pa'i dngos po rab tu bsgrub pa'i tshad ma'i yul rab tu ston pa'o/ /sgra yang byas pa yin no zhes bya ba ni phyogs kyi chos nye bar ston pa ste/ 'di ni rjes su 'gro ba dang ldan pa'i sbyor ba'o/ /byas pa nyid ni mi rtag pa nyid la nges par bstan pa yin la/ mi rtag pa dang ldan pa'i byas pa de yang sgra la yod pa'i phyir shugs kyis sgra mi rtag pa dang ldan par 'gyur ba yin no/ /de'i phyir 'dir ni phyogs ni gdon mi za bar bstan par mi bya ba yin no/ /ldog pa dang ldan pa'i sbyor ba la yang bsgrub par bya ba mi rtag pa nyid med na byas pa nyid du 'gyur ba ma yin na zhes bya ba 'dis ni nges par bstan pa yin te/ bsgrub par bya ba ldog pa gtan tshigs ldog pa la nges pa nyid yin gyi de dang bral ba ni ma yin no/ /sgra ni byas pa yin no zhes bya ba ni sgrub par byed pa ldog pa med pa sgrub par byed pa yod par bstan pa yin te/ des na 'di la bsgrub par bya ba la sogs pa yang med pa'i phyir shugs kyis bsgrub par bya ba yod pa yin te/ des na phyogs ni sbyar bar bya ba ma yin no/ /de nyid gsal bar bya ba'i phyir re'i? ngo bor zhes smos so/ /mi rtag pa de nyid kyi ngo bo ni de'i ngo bo'o/ /gang zhig des grub pa de'i dngos po der rgyur gyur pas na de'i bdag nyid kyis mi rtag pa nyid log na byas pa nyid ldog pa yin no/ /byas pa de med na med pa nyid ldog pa dang/ gang gi tshe sgra la yang yod par bdogs par bstan pa ste 'dis ni phyogs kyi chos nyid bstan to/ /de ltar bstan pa na dngos po mi rtag pa de'i bdag nyid du yod pa yin no zhes go bar 'gyur gyi/ 'ba' zhig tsam ni ma yin no/ /'di ltar mi rtag pa'i ngo bo nyid du nges shing de'i ngo bo nyid de yang 'di la yod pa'i phyir shugs kyis sgra mi rtag pas rjes su dpag par bya ba mi brjod do/ /rjes su 'gro ba yang don gyis go ba ste/ don gyi shugs kyis 'grub ste/ gang gi tshe gang zhig gang gi bdag nyid du des pa med pa de'i bdag nyid du ma nges pa de ni ldog pa ste nges pa'i yul ma yin pa ldog pas ldog par mi 'gyur te/ dper na btsal ma thag tu gyur pa nyid ldog pas mi rtag pa nyid mi ldog pa bzhin te/ 'di ltar de ni btsal ma thag tu byung ba ma yin pa'i bdag nyid kyang yod pa yin no/ /gang gi phyir nges pa'i yul ma yin pa log kyang chos gzhan ldog pa ma yin pa des na de'i bdag nyid kyi rgyu mtshan can gyi des pa tshad mas rab tu bsgrubs nas de las gzhan log pas chos ldog par brjod par bya'i gzhan du ni ma yin no/ /des na 'dis don 'di brjod pa yin te/ tshad mas sngon du 'gro ba'i rjes su 'gro ba nges pas ldog par byed pa dang ldog par bya ba'i dngos po nges pa 'am nges par byed dus pa yin la/ sgrub par byed pa bsgrub par bya ba'i bdag nyid du rtogs pas rjes su 'gro ba nges bar byas pa na yang bsgrub bya rtogs par 'gyur ba'i phyir phyogs de ni sbyar par bya ba ma yin no/ /sngar ni dag gi bya ba ston pa na de med na bsgrub bya med pa la gtan tshigs med par the tshom za ba'i phyir ro zhes bshad pa yin te/ rjes su 'gro ba'i blo rtogs par byed pa ma yin pa'i dag ni ldog par rtogs par byed pa ma yin no/ /de'i phyir dag gcig kyang gnyi ga go bar byed pa yin no/ /khyab par bya ba dang khyab par byed pa'i dngos por nges par go bar byed pa'i gtan tshigs su khas len na/ da ni shes pa gang gis khyod byas pa'i sgra ni mi rtag pa yin te/ gang byas pa de ni mi rtag pa'o zhes de skad du brjod par 'gyur ba byas pa gdon mi za bar mi rtogs pa'o zhes ji ltar te tshad ma gang gis shes pa 'dir 'gyur zhes 'dri ba la/ khyab pa'i yul can gnod par byed pa'i tshad ma bstan pa'i phyir/ 'di ltar zhes smos so/ /gang gi phyir ldog pa'i chos kyi ngo bo 'jig pa ni rang gi ngo bo ste/ rang bzhin tsam nyid las sam/ yang na 'di las byung bas na ngo bo'o/ /rang gi ngo bo ni rang gi dngos po ste rang rgyu'o/ /des rjes su 'brel pa nyid ni dngos por yod pa ste/ de'i phyir na byas pa mi rtag pa nyid do/ /de ga las she na/ rgyu med phyir te gang gi phyir skyed par byed pa'i rgyu las 'jig pa'i rgyu gzhan med pa de'i phyir rang gi ngo bos rjes su 'brel pa yin no/ /gal te rim dang cig car med pa'i phyir na rtag pa las yod pa 'am byas pa ldog pa ma yin nam/ 'jig pa ngo bo nyid kyis rjes su 'brel pa ni grub kyang skye ba la bar du gcod pa med par 'byung ba'i 'jig pa 'jig pa'i dang tshul can du grub par 'gyur gyi don thams cad 'jig pa'i dang tshul can du 'grub par ni mi 'gyur ro/ /des na rim dang cig car med pa nyid brjod par bya ba yin gyi 'dis ni bya zhe na/ bden mod kyi 'on kyang gzhan gyis skad cig me ma yin pa lhan cig byed pa'i rkyen la bltos pa dang bcas pa don byed nus par khas blangs nas/ 'jig pa'i rgyu ni dpe nyid du nye bar bkod de/ dper na 'jig pa'i rgyu cung zad me byed kyang dngos po ldog bar byed ba yin pa de bzhin du lhan cig byed pa'i rkyen yang cung zad mi phyed kyang don byed pa la 'jug par byed do/ /dper na rgyu dang 'bras bu'i dngos po rjes su 'gro ba dang ldog pas rtogs par bya ba yin yang/ der rgyu 'bras bu mngon par 'dus byas te skyed pa ni ma yin gyi/ 'on kyang de nye na cig shes 'byung ba tsam 'ba' zhig tu zad pa de bzhin du/ ldog par bya ba dang ldog par byed pa'i dngos po ni mngon sum dang mi dmigs pas rtogs par bya ba yin yang/ 'jig pa'i rgyus dngos po mngon par 'dus byas nas ldog par byed ba ni ma yin gyi/ 'on kyang de dag nye na dngos po ldog pa yin no/ /dpe cung zad kyi mi byed pa'i 'jig pa'i rgyu mngon sum dang mi dmigs pas rgyu'i ngo bor khong du chud pa la bltos nas dngos po ldog pa de bzhin du/ skad cig ma ma yin pa'i dngos po yang 'bras bu byed par nus kyang/ lhan cig byed pa'i rkyen la bltos nas don bya ba la 'jug pa yin te/ des na skad cig ma ma yin pa ni rim pa dang ldan par don? byed par mi 'thad ces ji ltar smra zhes de ltar skad cig ma ma yin par smra ba'i ldog par byed pa la/ cung zad mi byed pa lhan cig byed par nye bar bkod pa'i phyir 'jig pa'i rgyu dpe nyid du nye bar bkod pa spong pa bshad pa ni rgyu med phyir na zhes bya ba yin no/ /'di'i bsam pa ni 'di yin te/ 'di la ldog par bya ba dang ldog par byed pa'i dngos po ni mngon sum dang mi dmigs pas grub pa yin no zhes smras pa na/ mngon sum dang mi dmigs pa dag las gyo mo'i gnas skabs su skyes pa 'am/ dngos po ldog pa tsam 'am/ dngos po 'jig pa'i dang can du byas pa zhig thob pa la sogs pa'i byed par grub par brjod grang na/ de la gyo mo'i gnas skabs su skyed par byed pa yin na ni mngon sum dang mi dmigs pas grub par 'dod pa nyid do/ /ldog pa tsam ni dngos po ma yin pa'i phyir na bya ba ma yin no zhes 'chad par 'gyur ro/ /gal te 'jig pa'i dang can 'jig pa yin par 'dod pa yin na yang/ de ni tha dad ma yin zhing tha mi dad pa yang bya bar mi nus so/ /gang yang ji ltar skyed par byed pa yod na mngon par 'dus byas pa med kyang/ dngos po skye ba 'ba' zhig tu zad pa de bzhin du/ 'jig pa'i rgyu nye na dngos po ldog pa 'ba' zhig tu zad do zhes smras pa de ni rnam par dpyad dgos so/ /skyed par byed par rgyu rnams ni dngos po med pa'i nye bar 'jog pa po'i rang bzhin yin la/ dngos po med pa la ni mngon par 'du byed pa cung zad med do/ /'jig pa'i rgyu rnams ni yod par rnam par gnas pa'i zlog par byed pa yin pas de la ni gdon mi za bar dpyad par bya ba yin te/ ci dngo spo yod pa de rang gi rgyu dag las ldog pa'i chos kyi ngo bor skyes sam/ 'on te mi ldog chos su yin/ gal te phyogs dang po ltar na ni/ ldog pa'i chos nyid kyis dang nyid ldog par 'gyur gyi 'jig pa'i rgyu la ldog pa dang bcas pa'i ldog pa nyid ni/ dngos po'i rgyu dag gis bskyed par mi rigs so zhes brjod par rigs pa yin no/ /'di ltar ci srid 'jig pa'i rgyu nye ba de srid du ni gnas pa'i chos yin te mi gnas pa'i chos nyid yin na ni snga ma nyid du ldog par thal ba'i phyir ro/ /'jig pa'i rgyu nye ba'i dus su yang dus cung zad gnas pa'i rang bzhin gang yin pa skad cig ma dang por gnas pa de nyid yin te/ des na bzlog pa ma yin te/ de ni dus cung zad cig gnas pa'i phyir ro/ /de'i phyir 'jig pa'i rgyu la bltos nas ldog pa ni 'ga' yang dngos po'i rgyus bskyed pa ma yin no/ /ci ste de'i ngo bo mi ldog pa'i chos nyid yin na ni 'jig pa'i rgyus kyang bzlog par mi nus so/ /de ltar dngos po skye ba la ni skyed par byed pa la bltos pa'i rnam par rtog pa 'ga' yang yod pa ma yin te/ skye ba ni med pa yin pa'i phyir ro/ /de'i phyir 'jig pa'i rgyu cung zad kyang mi byed pa ni ldog par byed pa ma yin no zhes bsgrubs pas/ lhan cig byed rkyen dag kyang dngos po la cung zad mi byed pa bkag na gnod par byed pa'i tshad ma ston pa'i phyir gnod par byed pa'i tshad ma'i yan lag yongs su sbyang pa'i don du 'di brjod pa yin no/ /gzhan yang 'jig pa rgyu dang ldan par grub pa yin na/ rim dang cig car gyis don byed pa mi 'thad pa nyid kyis bsgrub par mi nus par 'gyur te/ 'di ltar 'jig pa rgyu dang ldan pa ni la lar res 'ga' 'byung ba'i phyir rim dang rim ma yin pa'i stobs kyis skad cig nyid du mi 'gyur te/ de'i phyir yang 'di ni gnod par byed pa yongs su sbyong ba yin no/ /yang gang gi rgyu med pa nyid 'jig pa'i rgyu ma nges pa nyid la brjod pa de'i tshe ni 'di nyid gnod par byed pa'i tshad mar 'god par blta bar byas te/ 'di ltar gang gi tshe 'jig pa'i dang can kyi ngo bo nyid ni rgyu 'ga' la yang nges pa ma yin pa de'i tshe/ gang skye ba de thams cad 'jig pa'i dang can nyid du 'gyur te/ dngos po 'jig pa las yang rgyu gzhan la mi ltos pa ni skad cig mar grub pa yin no/ /de'i phyir de ltar gnod par byed pa'i tshad ma'i yan lag gam/ gnod par byed ba'i tshad mar nye bar bkod pa nyid yin no/ /de la re zhig gnod par byed pa'i tshad ma'i yan lag nyid sgrub par byed pa'i gtan tshigs 'chad pa ni dngos po'i 'jig pa ni zhes bya ba yin no/ /de'i ngo bor te 'jig pa'i dang can gyi rang gi ngo bo ni rang gi ngo bo skyed par byed pa las gzhan pa'i rgyu las bltos pa ma yin no/ /de ci'i phyir zhe na/ rang gi rgyu kho na las 'jig pa'i rang can ldog pa'i chos nyid du 'byung ba'i phyir ro/ /gang gi phyir dngos po rnams kyi 'jig pa'i dang tshul gyi rang bzhin nyid ni bltos pa med pa yin pa de bas na gang cung zad byas pa de ni rang gi ngo bo nyid kyis 'jig pa'i dang can yin no/ /'jig pa'i dang can du mthong ba nyid ni yang gzhan gyis de ltar byed pa ma yin no/ /'jig pa'i rgyu med pa 'di nyid kyis phyir ston par 'gyur ro/ / don gang dag gis 'jig pa'i rang gi ngo bo nges par khas len pa de dag gis rgyu med par khas blang dgos so/ /zhes bltos pa dang bcas pa'i chos rnams ni zhes bya bar ston par byed do/ /ni zhes bya ba ni gang gi phyir bltos pa dang bcas pa'i chos rnams nges par 'gyur ba med par mthong ba de'i phyir na dngos po 'jig pa'i dang can ni bltos pa med pa yin te/ rgyu la bltos pa dang bcas pa nyid yin na ni bum pa la sogs pa'i nang nas 'ga' zhig rtag pa nyid du yang 'gyur te/ rgyu rnams ni 'bras bu rtsom par ma nges pa'i phyir ro/ /gal te 'jig pa'i rgyu gcig tu zad na ni nye ba la 'khrul par dogs par 'gyur na/ gang gi phyir tho ba la sogs pa 'jig pa'i rgyu rnam pa mang po yod pas na/ gdon mi za par de dag 'ga' zhig 'jig pa la nye bar 'gyur ba yin no snyam na/ gal te zhes smos so/ /'jig pa'i rgyu med pa de ltar ni bden te/ gal te 'jig pa'i rgyu mang po yod kyang de dag kyang so sor rang gi rkyen dang 'brel pas nye ba yin la/ de dag nye bar yang res 'ga' ba yin pa'i phyir de'i 'bras bu 'jig pa'i rgyu dag kyang gdon mi za bar nye ba ma yin pas 'ga' zhig mi 'jig par 'gyur ro/ /'di nyid 'chad pa ni rgyu rnams ni gdon mi za bar zhes bya ba yin no/ /ma tshang? pa dang gegs byed pa de dag srid pa'i phyir ro/ /'bras bu gang zhig tshogs pa tsam par? 'brel pa de ni rgyu ma tshang bas mi skyed pa yin te/ dper na sa bon gyi myu gu skye ba dang mthun pa'i khyad par dang po bzhin no/ /'bras bu gang zhig tshogs pa yongs su 'gyur ba la bltos pa de ni tshogs pa yod kyang gogs byed pa srid pa las mi skye ba yin te/ dper na sa bon la sogs pa yongs su 'gyur ba la bltos pa'i myu gu/ sa bon la sogs pa yod na yang 'ga' zhig gis 'ga' zhig tu skye bar mi 'gyur ba bzhin no/ /rgyu rnams 'bras bu la 'khrul par bstan pa des ni/ 'jig pa'i rgyu mang po thams cad kyang 'khrul pa nyid du bshad pa yin no/ /ci'i phyir 'khrul pa nyid yin zhe na/ 'bras gnas med pa'i phyir te ma nges pa'i phyir 'khrul pa nyid do/ /'khrul pa'i nyes pa gang dag la brjod ce na/ gang dag 'jig pa rgyu dang bcas par smra ba'i rgol ba de dag la 'khrul pa nyid kyi skyon du 'gyur ba yin/ /gang gi phyir 'jig pa rgyu med pa yin pa de'i phyir 'jig pa'i dang can ldog pa'i chos de'i ngo bor 'gyur ba la ldog pa med par 'gyur ba ni de'i ngo bor ldog pa'i chos su nges pa yin na/ /tshad ma'i don ni 'di yin te/ gang zhig gang gi ngo bor 'gyur ba la bltos pa med pa de ni /de'i ngo bor nges pa yin no/ /gal te bltos pa med kyang dus dang yul dang gnas skabs gzhan la bltos nas 'jig pa yin na/ de yul dang dus dang gnas skabs gzhan la bltos pa'i phyir bltos pa med pa nyid nyams par 'gyur ro/ /des na gal te skad cig gnas kyang dus gzhan la bltos pas na bltos pa med pa nyid gsal bar 'gyur ro/ /des na skad cig tsam gnas na yang bltos pa dang bcas pa nyid du 'gyur ba'i phyir bltos pa med pa nyid dang 'gal ba nye bar dmigs pas mi mthun pa'i phyogs ldog pa yin no/ /skad cig tsam gnas nas bltos pa med pa nyid du mi 'gyur ba 'ba' zhig tu ma zad kyi / 'on kyang dngos po la ldog pa'i chos nyid srid par yang mi 'gyur ro/ /'di ltar skad cig tsam du gnas pa'i rang bzhin ni skad cig gis thar thug pa na yang mi ldog pas yang skad cig gnas par 'gyur ro/ /des na skad cig tsam du gnas pa'i rang bzhin ni nam yang mi ldog pa'i phyir rtag tu gnas par thal lo/ /de'i phyir dngos po ldog pa'i chos yin na ni/ skad cig tsam du gnas par yang mi 'gyur ro/ /gal te skad cig tsam yang mi gnas na ji ltar dngos po de nyid skad cig tsam yang mi gnas pa'i chos su skyes pa yin no zhes 'chad ce na/ snga phyi dang bral ba'i dus ni skad cig yin par brjod de/ des na yod pa'i dus gang yin pa de nyid skad cig gcig yin te/ de'i dbang du byas nas skad cig tsam du gnas par bshad kyi/ skyes nas skad cig gnas pa'i dngos po ni skad cig du gnas par mi 'thad do/ /des na dngos po ni 'jig pa la bltos pa med pa yin no/ /gnas pa log nas ni 'jig par nges pa yin no/ /rgyu tshogs pa rang gi 'bras bu skyed pa la zhes bya ba ni dpe ston pa'o/ /gang la gegs byed pa mi srid pa de ni rgyu tshogs pa tha ma skad cig tsam du gnas pa yin par blta ste/ gang gi phyir gegs byed pa mi srid pa ni de nyid yin no/ /dper na tshogs pa 'bras bu skyed pa'i nus pa la bltos pa med par gyur na gang gi tshe skyes pa de nyid kyi tshe skyes par byed pa yin pa de bzhin du/ dngos po yang 'jig pa'i dang can gyi rang bzhin nyid du 'gyur ba la bltos pa med pa ni der nges pa yin te/ des na skyes pa nyid na 'jig pa yin no/ /da ni bltos pa med pa'i gtan tshigs 'khrul par bstan pa'i phyir gal te 'ga' zhig ces bya ba la sogs pa smos so/ /khyod kyis ni bltos pa med pa nyid yin na de nges par rjod na sa bon la sogs pa ni myu gu la sogs pa skyed pa la rgyu gzhan la bltos pa med kyang nges pa med par mthong ngo/ /sa dang sa bon dang chu ste 'di dag gi tshogs pa 'dus pa de dag ni yod kyi res 'ga' zhes bya ba dus de srid du bsdad nas rgyun yongs su gyur na myu gu skyed pa'i phyir dang/ gegs yod na yang gtan mi skyed pa'i phyir ro/ /'di bltos pa med pa nyid yin pa dgag pa'i phyir ma yin te zhes smos so/ /der yang ste sa bon dang chu la sogs pa yin? pa der yang rgyun yongs su 'gyur ba zhes bya ba rang bzhin gzhan skye ba'i mtshan nyid de la bltos pa'i phyir ro/ /'di skad brjod pa yin te/ de dag bltos pa med par ci ltar brjod de/ 'di ltar de dag ni 'bras bu skyed pa'i nus pa'i ngo bo nyid de lta bu la bltos pa yin no/ /gal te 'di snyam du ci ltar lhan cig byed pa'i rkyen gyis byas pa'i rang bzhin gzhan la bltos pa de bzhin du/ dngos po yang 'jig pa'i rang bzhin la bltos pa yin no zhe na de ltar dngos po ni zhes smos so/ /yang ji ltar dngos po 'jig pa'i dang? can gyi rang bzhin du 'gyur ba la bltos pa med pa de bzhin du/ sa bon dang chu la sogs pa de la yang rgyu tshogs pa tha ma la bltos pa med pa nyid yod pa yin la/ de yang 'bras bu skyed par byed pa nyid du nges pa yin no/ /tha ma de yang gang zhe na/ bshad pa/ 'bras bu skyed pa la skad cig tsam gyi dus kyis kyang bar du chod pa med pa'o/ /gang la bltos nas tshogs pa bar du chod pa med pa yin pa de dang 'brel pa nyid kyis 'bras bu skyed pa la/ bar du chod pa med pa zhes de tha snyad du byed pa yin no/ /de ni 'bras bu dang ldan pa nyid do/ zhes bya ba ni 'bras bu gdon mi za bar skyed pa zhes bya ba'i don te/ gal te re zhig skyed par byed pa yang nges pa med par kho bo cag gis bstan pa yin no zhe na/ de la myu gu'i rgyu na ni de nyid yin la/ zhes smos te gzhan ni 'ga' yang ma yin no zhes bya ba'i tha tshig go /gal te rgyu tshogs pa snga ma de myu gu'i rgyu ma yin na/ 'o na ci ltar de don du gnyer ba dag gis len cing de ltar tha snyad su byed ce na/ bshad pa/ yongs su 'gyur pa snga ma zhes bya ba gnas skabs snga ma'i khyad par dag ni de'i don du zhes bya ba myu gu skyed par nus pa'i mdza' i skad cig de'i don du yin no/ /des na don du gnyer ba dag len pa dang/ blangs nas kyang tha snyad du byed pa yin no/ /'di snyam du de la yang gegs srid pa yin te/ des na 'bras bu skyod par nges pa ma yin no zhe na/ bshad pa/ tshogs pa tha ma der ni/ gegs byed par nus pa 'ga' yang yod pa ma yin no zhes mi dmigs pa'i skabs su rgyu tha ma las 'bras bu rjes su dpag pa ma yin no zhes bya ba de'i nang du mang du bshad zin to/ /gal te nas kyi sa bon la sogs pa yang zhes bya ba ni slar yang 'khrul par brjod pa'o/ /gtan tshigs smras pa/ sa lu'i myu gu de skyed pa'i rgyu gang yin pa de dag ni nas kyi sa bon yul der yang nye ba'i phyir te/ de yod pa'i phyir ro/ /gang gi tshe sa lu'i myu gu skyed par nus pa'i sa bon la nye bar gyur cing nas kyi sa bon yang de nyid de nye bar gnas pa de'i tshe/ nas kyi sa bon de rgyu yongs su 'gyur ba la bltos pa ma yin zhing/ sa lu'i myu gu nus pa'i rgyu gzhan la bltos pa yang na/ yin te/ thams cad nye bar gnas pa'i phyir ro/ /de ni sa lu'i myu gu skyed pa yang ma yin te/ des na bltos pa med pa nyid yin pa la yang 'khrul pa mthong ba'i phyir nges pa ma yin no zhe na/ des pa med pa bzlog pa'i phyir ci ltar bltos pa med pa yin te zhes smos so/ /sa lu'i myu gu skyed par byed pa ste/ skyed pa po lhan cig byed pa dag gis bogs byung nas/ sa lu'i myu gu skyed par byed pa'i rang gi ngo bo gang yin pa de nyid med pa yin te/ de'i phyir de'i rang gi ngo bo la bltos pa yin pas ci ltar ltos pa med pa nyid du 'gyur/ 'di ltar rgyud gzhan la bltos pa bas ni rang gi ngo bo la ltos pa che ste/ don gzhan nye bas kyang rang gi ngo bo nyid khyad par du bya ba yin no/ /gal te de ltar na ni gzhan du yang mtshungs par thal lo zhes smras pa ni/ de ltar na ni 'o na zhes bya ba yin no/ /byas pa 'am yod pa zhes bya ba ni byas pa dang yod pa skad cig ma'i 'jig pa'i sgrub byed du nye bar gzung bas gnyi ga rnam par rtog pa'o zhes bya ba 'jig pa'i dag gi ngo bo la bltos pa'i phyir na/ 'jig pa ma yin te 'jig par mi 'gyur ro zhe na/ 'di 'gog par ? pa ni sa gu'i sa bon la sogs pa zhes bya'o/ /sa lu'i sa bon la sogs pa de dag gis sa lu'i myu gu skyed par nus pa'i rang gi ngo bo de yang rang gi rgyu las skyes pa yin pa'i phyir ro/ /gang la de 'dra ba'i rgyu med pa'i nas kyi so bon de ni de'i rang bzhin du mi 'gyur ro/ /des na rgyu'i dbye ba nyid las dbye ba 'dir 'gyur pa yin no/ /gal te rgyu'i nus pa so sor nges pa nyid shes par dka' ba ma yin nam/ des na ci'i phyir gang la de 'dra ba'i rgyu med pa de ni rang bzhin der 'gyur ba ma yin na zhes brjod ce na/ rgyu'i nus pa nges pa de la yang zhes smos te/ rgyu'i nus pa nges pa de ni rang gi ngo bos rtogs pa yin no/ /gal te nus pa'i dngos po ni 'bras bu las shes par nus pa ma yin nam/ rang gi ngo bos ni ma yin no zhe na/ bsam pa ni 'di yin te/ lhan cig byed pa la bltos pa gang las sa lu'i myu gu skye ba mthong de'i de bskyed pa'i nus pa'i rang gi ngo bo ni mngon sum dang mi dmigs pa dag las shes pa yin la/ gang la mi skye ba de ni de skyed par mi nus pa ma yin no/ /nus pa dang mi nus pa de dag kyang rgyu nus pa dang/ mi nus pa shes pa la yin te/ des nu 'bras bu phan tshun gyi rang bzhin gyis rgyu nus pa nges par brjod pa yin gyi/ 'bras bu ma mthong bar ni ma yin no/ /gal te 'di snyam du rang bzhin gyi dbye ba rgyus byas pa ni ma yin gyi/ 'on kyang bltos pa nyid kyi dngos po rnams 'ga' zhig ni rang bzhin de 'dra bar 'gyur la/ gzhan ni gzhan du snang ba yin no zhe na/ don rnams kyi zhes smos so/ /glo bur zhes bya ba ni yul la lar dang/ rgyu la bltos pa med pa ni yul la yang dang/ dus ? ? 'ga' zhig tu dang/ sa lu'i sa bon la sogs pa'i rdzas 'ga' zhig las lu'i myu gu skyed pa'i rang bzhin nges par mi 'gyur gyi/ 'on kyang de lta mod kyi srid phyir thams cad thams cad kyi tshe thams cad du 'gyur ro/ /de bzhin du 'jig pa dang/ /mi 'jig pa'i rang bzhin gyi rnam par dbye ba 'di la yang rgyu gang gis 'di dag 'ga' zhig 'jig pa'i rang bzhin du skye bar 'gyur bar rang bzhin nges pa'i rgyu 'ga' zhig brjod dgos so/ /'di snyam du kho bo cag gis nges pa'i rgyu mdzub tshugs su bstan par mi nas kyang de lta mod kyi srid pa'i phyir/ khyab pa mi 'grub po snyam na/ bshad pa/ 'jig rten 'dir 'jig pa'i ngo bo nges par byed pa'i rang bzhin 'ga' yang yod pa ma yin te/ mi srid do zhes bya ba'i don to/ /skye ba can skye ba dang ldan pa thams cad ni ste/ rnam pa thams cad 'jig pa dang ldan pa 'grub pa'i phyir te/ mthong ba'i phyir 'jig pa ni rgyu nges pa can ma yin no zhes bya ba'i don te/ /'di snyam du 'jig pa'i rang bzhin rgyu nges pa can ma yin du chug mang/ rgyu mang ni ma yin no/ /des na gang skye ba de dag ni 'jig pa'i rang bzhin du 'gyur gyi/ gzugs la sogs pa gang dag mi skye ba de dag ni 'jig pa'i rang bzhin du 'gyur ba ma yin no/ /de'i phyir skye ba can gyi rang bzhin 'jig pa dang ldan pa yin gyi gzhan mi ma yin no zhes pha rol bo dgos pa la/ de'i skye ba zhes smos te/ gang gi phyir skye ba'i dbang gis dngos po'i rang bzhin du 'byung ba ma yin pa de'i phyir skye ba ni 'jig pa'i rgyu ma yin no/ /rgyu med kyang rang bzhin nges pa nyid yin no/ /zhe na rgyu med pa yang zhes smos so/ /de la bsam pa ni 'di yin te/ rgyu dang bral ba ma skyes pa rnams ni yul dang dus dang rang bzhin nges par mi rung ba'i phyir nges pa'i rang bzhin 'ga' yang yod pa ma yin no/ /de'i phyir na gzugs la sogs pa mthong ba'i rang gi ngo bo ci 'dra ba ni rgyu med par mi 'thad pa/ rgyu dang ldan par mthong ba gang yin pa de thams cad kyang 'jig pa nyid yin pa'i phyir mthong ba gzugs la sogs pa'i dngos po rnams kyi 'jig pa ni rgyu la nges pa ma yin la/ rgyu nges pa med pa can gyi 'jig pa yang rgyu med par brjod pa yin te/ des na gang cung zad skyed par byed pa de thams cad ni 'jig pa skyed pa yin no/ /de'i phyir 'jig pa'i dngos po 'di la rgyu'i zhes bya ba skyed par byed pa'i 'jig pa dang 'jig pa ma yin pa skyed pa'i sgo nas rang bzhin gyi rnam par dbye ba 'ga' yang med la/ rgyu'i rang bzhin gyi rnam par dbye ba de med pa'i phyir 'bras bu yang 'jig pa dang mi 'jig pa'i rnam par dbye ba med par 'gyur te/ des mi mtshungs so/ /ji ltar sa lu'i sa bon dang nas kyi sa bon dag phan tshun gyi myu gu bskyed pa'i nus pa med par rang gi rgyus byas par mthong ba'i rgyu'i nus pa tha dad par ston pa de bzhin du/ gang zhig rgyu tha dad par rjes su dpag par 'gyur ba gzugs la sogs pa rnams ni 'jig pa dang mi 'jig pa'i rang bzhin du mthong ba ma yin no/ /de'i phyir thams cad du mthong ba'i 'jig pa nyid ni rgyu tha dad par rjes su dpog par byed pa ma yin pa des nas sa lu'i sa bon la sogs pa dang mi mtshungs so/ /gal te de lta na yang mthong ba'i gzugs la sogs pa dag las tha dad pa'i dngos po gzugs la sogs pa shin tu rigs mi mthun pa'i rgyu dang bcas pa 'ga' zhig ni mi 'jig par 'gyur ro/ /de ji lta bu zhe na/ kho bo cag gis de mthong ba ni ma yin gyi/ srid par dgos pas na khyab pa ni nyams par 'gyur ro/ /zhes smras pa gal te zhes bya ba yin te/ tshogs pa las skye ba gang yin pa thams cad ni nges pa med pa ste nges par mi nus pa yin no/ /mthong ba'i tshogs pa can ni 'jig pa yin gyi/ tshogs pa mthong ba med pa gzhan ni ma yin no zhes smras pa ni/ tshogs pa de dag mthong ba gang las ma lus par gyur pa'i mthong ba de med pa'i phyir ro/ /'bras bu thams cad mthong ba med pa'i phyir na mthong ba med pa'i rnam par skyed par byed pa'i tshogs pa mi 'jig pa skyed pa ni mi mthong ba nyid du 'gyur ro/ /'di snyam du gal te tshogs pa 'ga' zhig mi 'jig pa skyed par 'gyur na ni mthong ba'i tshogs pa rnams las kyang 'ga' zhig mi 'jig pa skyed par 'gyur na/ de lta yang ma yin te/ de'i phyir mthong ba yang ma 'jig pa ni 'ga' yang ma skyed do zhe na/ smras pa/ tshogs pa gang yin pa de dag mi nus pa sna tshogs par mthong ngo/ /de las cir 'gyur zhe na/ de'i phyir tshogs pa nus pa sna tshogs pa de la ji ltar gzugs skyed pa'i tshogs pa thogs pa dang bcas pa skyed par byed par nus pa yin yang/ 'ga' zhig thogs pa med pa'i dngos po skyed pa'i nus pa yang yod pa de bzhin du phal cher 'jig pa skyed par nus pa yin yang/ 'ga' zhig ni mi 'jig pa skyed par 'gyur ro/ /rnam pa thams cad du chogs pa gzhan 'gog par byed pa'i gtan tshigs med pa'i phyir na khyab pa mi grub po zhe na/ re zhig rgyu des pa med pa can gyi 'jig pa de nyid ni yul thams cad la sgrub par mi nus par mkhyen nas/ gnod par byed pa rim pa dang cig car 'gal ba nyid bstan pa'i phyir ma yin te/ zhes smos te/ 'jug pa rgyu med pa nyid ni tshad ma 'di nyid yongs su spang ba'i don du gnyer ba bkod pa las sngar bshad zin to// rgyu tsam dang 'brel pa'i 'jig pa'i rang bzhin la ni sgrub par mi nus pa'i phyir ro/ /don ni dgos pa'o/ /de byed pa ni nus pa'o/ /der nus pa mthu ste/ dngos po gang la mtshan nyid de rang bzhin de yod pa'o/ /yang ci'i phyir nus pa nyid dngos po yin zhe na/ bshad pa/ gang gi phyir thams cad du nus pa der brjod pa ni bsnyad pa ste/ de dang bral ba mi ldan pa'i mtshan nyid gang la yod pa de/ 'bras bu bya ba'i rgyu mtshan du bsnyad pa dang bral ba ni nye bar brjod pa med pa ste/ dngos po med pa yin no/ /de'i phyir gang zhig bya ba byed pa de ni dngos po yin no/ /gal te de ltar mdza' zhes bya ba dgra bcom pa yongs su mya ngan las 'das pa'i dus kyi sems kyi skad cig tha mar gyur pa gang yin pa de na mdza' zhes brjod pa yin te/ skad cig de nye bar brjod pa med pa zhes bya ba dngos po med par thal lo zhe na/ ma yin te zhes smos te/ sems can zhes bya bar bgrangs pa ste/ grangs su bgrang zhing rnam par bzhag pa'i sems kyi ngo bo nyid kyi skad cig gzhan gang yin pa de ni sems can du bgrangs pa yin la/ de'i nye bar yin pa ni mdza' gang yin pa'i mtshan nyid yin te/ de'i phyir lhan cig byed pa'i rgyu yin pa'i phyir dngos po nyid yin la/ nye bar len pa las byung ba med pa'i phyir mdza' nyid yin no zhes bya ba'i don to/ /nga ni mdza' i skad cig khams gsum du 'bras bu gang la lhan cig byed pa'i rgyu yin pa de ston par byed pa ni de yang zhes bya ba yin no/ /tha ni zhes bya ba ni chud pa'i don te nus pa'i yul 'di ni chung ste 'di lta ste de bzhin gshegs pa'i ye shes tsam mo/ /shes bya ba khyab par byed pas na khyab pa ste shes bya khyab pa de bzhin gshegs pa'i ye shes de la'o/ /gzugs dang bral ba'i gzugs med pa'i khams su yang de bzhin gshegs pa'i mkhyen pa bskyed pa la ni mdza' i skad cig nus pa nyid yin no/ /khams gzhan 'dod pa'i khams dang gzugs kyi khams su ni du ma la phan 'dogs par 'gyur te/ rang gi rgyud la yod pa'i lus kyi bya ba dang/ gzhan gyi rgyud la yod pa'i gzhan gyi sems shes pa la rgyu'i dngos po nyid kyis phan 'dogs pa yin no/ /gal te 'di snyam du gzugs med pa'i khams su bcom ldan 'das sgrib pa med pa na ste/ gdul bya'i rgyud la gzigs par bzhed pa mi mnga' ba sems kyi rgyud skad cig tha ma nus par mi 'gyur ro zhe na/ ma yin te zhes smos so/ /gtan tshigs bshad pa/ sgrim pa med pa mi srid pa'i phyir ro/ /ji ltar mi srid ce na/ gzhan gyi don la 'jug cing spyod pa de la sgrub par byed pa ma tshang ba med pa ni mi 'thad pa'i phyir ro/ /sgrub par byed pa ste yongs su grub par byed pa ma tshang ba med pa nyams pa de mi 'thad pa'i phyir ro/ /ci'i phyir mi 'thad ce na/ sgrub par byed pa ma tshang ba med pa de'i yan lag ma tshang bas so/ bsgrib pa med na ni bsgrub pa'i yan lag ma tshang bar 'gyur ro/ /ci'i phyir ma tshang bar 'gyur zhe na/ sems can rnams kyi bya ba dang bya ba ma yin pa spang bya dang blang bya ngag mi rtogs par 'gyur ba'i phyir ro/ /bsgrim pa med na spang bya dang blang bya dag mi rtogs la/ rtogs pa ni sgrub par byed pa ma tshang ba med pa yin no/ /ji ltar na mi rtogs she na/ chos cig yongs su ma shes na yang/ /bsgrim pa med na ni mang po shes par mi 'gyur la/ gcig yongs su ma shes na yang bya ba dang bya ba ma yin pa mi rtogs par 'gyur ro/ /ji ltar gcig yongs su ma shes na mi rtogs par 'gyur ro zhe na/ thams cad du blang bya dang spang byar the tshom skye ba'i phyir ro/ /ji ltar gcig ma shes pa thams cad la the tshom skye zhe na/ bya ba 'am bya ba ma yin pa thams cad pa ci zhig ltar zhes bya ba dngos su 'am brgyud pa thams cad nye bar mkho ba'i phyir ro/ /ma shes pa'i dngos po gcig po de ni dngos su 'am brgyud pas gnod mi za bar sems can nam/ sems can gyi don 'ga' zhig gi gnod par byed pa yin pa des na sbyar bar bya ba ma yin pa'am/ sems can gyi don gzhan 'ga' zhig la ni phan 'dogs par byed pa yin pa des na blang bar bya ba yin no/ /de'i phyir de yongs su ma shes na ni thams cad mkhyen pa bsgrub par byed pa ma tshang ba med pa'i yan lag ma tshang ba yin pa des na thams cad shes pa ni bsgrim pa dang bcas pa nyid do/ /des na thams cad mkhyen pa'i ye shes ni thams cad kyi tshe gzugs med pa'i khams la dmigs pa nyid do/ / rtag tu bsgrim pa med du zin kyang tha ma dngos po med pa nyid du ni thal ba med do/ zhes bshad pa ni/ tha ma nus pa med pa nyid kyang ma yin te/ zhes bya ba yin no/ /nus pa med pa nyid ces bya bar nges pa ni ma yin te/ bsgrim pa'i dus su 'byung ba'i tha ma 'ga' zhig ni 'bras bu byed pa'i phyir ro/ /mi byed kyang zhes bya ba ni 'bras bu mi byed na yang lhan cig byed pa'i rkyen dang bral bas mi nus pa yin no/ /gcig pus skyed pa ni 'ga' yang khas mi len te/ des na rkyen dang bral bas mi byed pa yin gyi/ rkyen dang ma bral na ni nus pa'i phyir byed pa nyid do/ /gal te skad cig ma ma yin pa yang tha ma bzhin du lhan cig byed pa la bltos nas 'bras bu byed do zhe na/ de ni ma yin te/ gang gi phyir ji ltar 'dir tha ma'i sems kyi skad cig lhan cig byed pa'i rkyen dang ma bral na lhan cig bya ba byed nus pa de bzhin du skad cig ma yin pa lhan cig byed pa la bltos pa dang bcas pa na byed pa ma yin te/ rnam pa thams cad du zhes bya ba lhan cig byed pa la bltos pa dang 'ga' zhig pas kyang rung ba thams cad du byed pa mi srid pa'i phyir ro/ /mdor bstan pa'i ngag 'di nyid gsal bar bstan pa'i phyir skad cig ma yin zhes smos so/ /skad cig ma yin pa'i don la ni rim dang cig car de dag 'gal ba'i phyir ro/ /rim gyis ni ma yin te zhes bya ba ni re zhig skad cig ma ma yin pa la rim ni yod pa ma yin no/ /ci'i phyir zhe na bshad pa/ gang zhig lhan cig byed pa dag la bltos pa med pa gang yin pa de ni sdod pa ste/ dus 'gor ba'i byed pa de mi rigs so/ /ji lta bur gyur pa zhe na/ rang yod pa tsam gyis byed pa por gyur pa'o/ /gzhan gyi ngo bos byed pa por gyur pa'i dngos po ni 'ga' yang med de/ gzhan gyis 'bras bu byas na gzhan byed pa po nyid du ni mi 'thad pa'i phyir ro/ /des na rang yod pas rang gi ngo bos dngos po byed pa por 'gyur ba yin no/ /de'i nyi ma gsum pa la 'bras bu byed nus pa'i rang bzhin gang yin pa de ni dang po nyid kyi nyi ma skad cig la yod pa'i phyir/ de dang 'brel pa'i 'bras bu byed par 'gyur ro/ /'di snyam du skad cig dang po la ni de la byed pa po'i rang bzhin med pa yin no snyam na/ bshad pa/ sngar byed pa po ma yin pa ni phyis kyang ma 'gyur te/ rang gi ngo bor 'gyur pa med pa'i phyir te/ rnam pa gzhan du mi 'gyur pa'i phyir ro/ /des na phyis byed pa po yin na ni de skad cig dang por yang byed pa nyid do/ /'di snyam du byed pa po nyid yin yang lhan cig pa la bltos nas rim gyis 'bras bu byed pa yin no/ snyam na bshad pa/ bltos pa yin na ni yang rig byed sun 'byin pa'i skabs su ji ltar skad cig ma yin pa bltos par mi rigs pa de ltar bshad zin to/ /'di snyam du 'bras bu byed pa nyid kyis cig car byed pa yin no snyam na/ bshad pa/ cig char byed pa yang ma yin te/ de'i zhes bya ba nus pa'i rang gi ngo bo ni phyis kyang zhes bya ba skad cig dang po'i 'og rol tu yang mi byed pa mi 'thad pa'i phyir ro/ /dngos po de'i rang bzhin gang gis skad cig dang por 'bras bu byed pa'i rang bzhin de ni skad cig gnyis pa na yang yod pa'i phyir skad cig dang po bzhin du ma chad pa med par thams cad byed par 'gyur ro/ /skad cig gnyis par gang byas pa de byed pa'i nus pa'i rang bzhin ni skad cig dang por yod pa'i phyir skad cig dang por 'bras bu de byas par 'gyur la / skad cig dang por byas pa gang ji snyed pa de thams cad ni skad cig ma gnyis pa la yang byed par 'gyur te/ de'i rang bzhin yod pa'i phyir ro/ /de'i phyir de ltar dngos po skad cig gnyis gnas pa yang/ rim dang cig car don byed par mi 'thad pa'i phyir ro/ /skad cig ma yin pa la ni don byed nus pa med do/ /des na gang gi phyir thams cad las nus pa ldog pa de'i phyir 'di'i skad cig ma ma yin pa'i don de ni yod pa'i rang bzhin las 'das pa yin te/ mtshan nyid yod pa ma yin no/ /zhes mjug sdud pa ste des na med pa yin no/ /de nyid bsdu ba'i phyir bshad pa/ don byed par nus pa gang yin par de ni dngos po de kho na rnam par dpyad pa 'am/ 'gro ba 'dir don dam pa ma bcom pa'i rang bzhin du yod pa yin no/ /shin tu skur pa lhur len pas kyang don dam par don byed par nus pa la bsnyon pa dang/ kun rdzob du yang rnam par bzhag nas dngos po yod par brjod par bya'i/ /don dam par don byed nus pa nyid ni ma yin no/ /gang gi phyir don byed par nus pa yod pa yin pa des na skad cig ma ma yin pa des ma yin te/ rim dang cig car don byed pa 'gal ba'i phyir ro/ /de'i phyir de ltar rim dang cig car med pa nyid gnod par byed pa'i tshad mar nye bar bstan pa yin no/ /'jig pa rgyu med pa nyid ni gzhi 'dings par byed pa yin no/ /yang na phung po dang khams dang skye mched rang bzhin gang yin pa de'i byas pa mi rtag par grub pa yin te/ des na 'di yang nges pa med pa yin te zhes gang brjod pa'i skyon de med do/ /'di skad brjod pa yin te/ gzugs la sogs pa mthong ba las tha dad pa'i dngos po srid pa gang yin pa'i yul de la ni kho bo cag gis khyab pa bstan pa ma yin no/ /gang dag la khyab pa bstan par bya ba de dag ni 'jig pa'i rang bzhin yin pa'i phyir rnam pa de lta bu'i rgyu dag la nges pa med pa de tsam dang rjes su 'brel par mthong ba yin no/ /des na rnam pa 'dis ni 'jig pa'i rgyu med pa nyid ni rgyu nges pa med pa'i mtshan nyid du bstan pa yin la/ de ltar bstan pas kyang rgyu dang ldan pa thams cad 'jig par grub par 'gyur gyi/ rim dang cig car 'gal ba'i stobs kyis ni ma yin no/ /yang ji ltar phung po dang khams dang skye mched kyi mtshan nyid mi rtag par sgrub ce na bshad pa/ de'i rang bzhin ma yin pa phung po dang khams dang skye mched kyi ngo bo ma yin pa la ni tshad ma med pas ma grub pa'i phyir te ma nges pa'i phyir rjes su 'gro ba sgrub pa rjes su 'gro ba ston pa gang yin pa de mi 'thad pa'i phyir ro// tshad mas nges pa'i dngos po la byas pa'am yod pa bsgrub par bya ba mi rtag pas rjes su 'gro ba bstan par nus pa yin te/ de'i phyir tshad mas mthong ba'i phung po lnga po nyid la gtan tshigs bsgrub byas rjes su 'gro bar bstan par bya ba yin no/ /ma mthong ba'i rnam pa 'ga' zhig brtags pa gang yin pa de ni rnam pa de lta bu ma yin pa'i phyir de la khyab pa bstan par bya ba ni ma yin no/ /'di snyam du gal te byas pa 'am yod pa de tsam 'ga' zhig gzung na ni de'i tshe grub pa'i mdza' dang 'gal lo snyam na bshad pa/ kho bo cag gi byas pa ni de nyid yin te/ phung po lnga'i bdag nyid gang yin pa'o/ /de nyid kyi phyir bshad pa/ ji skad du chos mngon pa las 'dus byas te/ byas pa'i chos gang yin zhe na/ zhes dri ba byas nas phung po lnga'i zhes gsungs pas de nyid du lan btab pa yin no/ /phung po lnga po de la dbang po lnga ni'o/ /'pho ba'i rang bzhin de gang dag la yod pa'o/ /yang ji ltar na lkog tu gyur pa'i dbang po rnams kyi rang bzhin 'pho ba can yin zhe na/ bshad pa/ de'i 'bras bu rnam par shes pa gang yin pa de rnam par 'ched pa dang rnam par 'gyur ba'o/ /'bras bu rnam par shes pa ldog pa las dbang po de dag yod pa yin pa de bzhin du de'i 'bras bu rnam par chad pa mthong ba'i phyir rgyu yang rnam par chad par rjes su dpog la/ gsal ba ba dang mi gsal ba rnam par 'gyur ba mthong ba'i phyir ni/ de dag kyang rnam pa gzhan du 'gyur ba nyid du rjes su dpog go/ 'di ltar rgyu ldog pa 'am rnam pa gzhan du 'gyur ba med par ni 'bras bu de dag tu 'gyur ba ma yin no/ /zhes gang bshad pa ni rang bzhin de nyid yin na ni zhes bya ba yin no/ /de dag gi sngar gyi gnas skabs rnam par 'gyur ba med pa rnam par chad pa med pa gang yin pa'i rang bzhin de nyid de/ de yin na ni rnam par chad pa dang rnam par 'gyur pa de mi 'thad pa'i phyir ro/ /skad cig ma ma yin pa'i don ni lhan cig byed pa la bltos nas 'bras bu byed pa yang ma yin no/ /bshad pa ni bltos par 'gal ba'i phyir ro zhes bya ba yin no/ /'bras bu rnam par shes pa res 'ga' ba nyid kyis ni yul rnams kyang mi rtag pa nyid du brtag par nus mod kyi/ 'on kyang mngon sum nyid kyis shes par nus so zhes bshad pa ni de bzhin du yul skye ba dang 'gags pa so sor rigs pa nyid do/ /re zhig skye ba ni dmigs pa'i mtshan nyid du gyur pa po rnams kyi so sor rig pa nyid do/ /de bzhin du bltar rung ba rnams kyi 'gag pa yang nges dben pa'i sa phyogs la sogs pa dmigs pa las so sor rig pa nyid do/ /gzugs kyi phung po bshad zin to/ /de bzhin du bde ba dang sdug bsngal dag ni rang rig pa'i mngon sum gyis so sor rig pa yin no/ / de nyid kyi phyir skye ba dang 'gag pa yang so sor rig pa nyid yin no/ /'dis ni tshor ba'i phung po bshad do/ /mtshan ma ste don rnams kyi phan tshun dben pa nye bar rtogs pa ste/ rtogs pa'i rang bzhin gang yin pa de? yang so sor rig pa yin no/ /'dis ni 'du shes kyi phung po bshad do/ /gang gi phyir 'du shes ni don rnams kyi rig gcig pa dang rig tha dad pa nyid du rnam par bzhag pa'i mtshan ma rgyu mtshan du gyur pa thun mong gi rang bzhin rnam par 'byed pa yin no/ /de ltar gyur pa rtog pa'i rang bzhin de yang mngon sum gyis grub pas de'i skye ba dang 'jig pa yang grub pa yin no/ /'du byed kyi phung po bstan pa'i phyir 'dod chags la sogs pa zhes smos so/ /kun nas nyon mongs pa'i dngos po la zhen pa'i ni 'dod chags yin no/ /de yang skye ba dang 'gag pa so sor rig pa yin no/ /sogs pa smos pa ni zhe sdang la sogs pa'o/ /yul nye bar dmigs pa ni 'dzin pa ste/ rnam par shes pa'o/ /de yang skye ba dang 'gag pa so sor rig pa yin no/ /'dir yang yul tsam 'dzin pa ni rnam par shes pa yin la/ rigs gcig pa dang rigs tha dad pa nyid du rnam par bzhag pa'i mtshan ma'i rang bzhin rnam par dbye bar nus pa rtogs pa'i ngo bo ni 'du shes yin zhing/ rtogs pa'i rang bzhin mngon par zhen pa ni 'dod chags yin te/ phung po gsum po de dag gi rnam pa'i rab tu dbye ni 'di nyid yin no/ /skye ba zhes bya ba ni 'byung ba'o/ /'gag pa zhes bya ba ni 'jig pa'o/ /de'i phyir mi rtag pa yin no/ /de lta bu'i rang bzhin can 'jig pa'i ngo bo nyid kyi phung po lnga po de dag ni rang gi rgyu'i rang bzhin de lta bu'i ngo bor 'jig pa skyed par nus pa nyid du sgrub par byed pa ste/ rtogs par byed pa yin no/ /'di ni gtan tshigs brjod pa'o/ /gang gi phyir rang gi rgyu'i rang gi ngo bo de lta bu'i rang bzhin du rtogs par byed pa de'i phyir rnam pa de lta bu'i ngag skyes pa gang yin pa de dag kyang bdag nyid dang 'dra bar 'jigs pa'i rang gi ngo bor rtogs par byed pa yin no/ /de bshad pa ni rang gi ngo bo de la sbyor bar byed pa yin te 'brel par byed pa yin no/ /'di skad bshad pa yin te/ gzugs la sogs pa thams cad 'jigs pa'i ngo bor mthong bas gzugs la sogs pa skyed par nus pa'i rang bzhin thams cad 'jig pa'i rang bzhin skyed par nus par rjes su dpog pa yin te/ des na gzugs la sogs pa rnams kyi 'jig pa'i rang bzhin ni gzugs la sogs pa'i rgyu la nges pa med par thams cad las skye ba yin no/ /de'i phyir gzugs la sogs pa byas pa thams cad mi rtag pa'i ngo bor 'grub par 'gyur ba'i phyir khyab pa grub po/ /de'i phyir de ltar don gyi rnam pa skyed par nus pa'i rgyu thams cad la nges pa med pa'i 'jig pa'i rang bzhin rgyu med pa nyid ni khyab pa sgrub par byed pa gnod pa'i tshad mar 'gyur ba yin no/ /phung po rnams ma rtag pa nyid du bsgrubs pa 'dis ni khams dang skye mched dag ni khams dang skye mched de dag kyang bshad pa yin no/ /'di ltar mig la sogs pa'i dbang po lnga ni skye mched dang khams lnga yin no/ /de bzhin du yul yang skye mched lnga dang khams lnga yin no/ /yul nye bar dmigs pa ni yid kyi skye mched yin la/ phung po gsum po ni chos kyi khams dang skye mched yin no/ /yid kyi skye mched nyid kyang sems kyi khams bdun yin te/ mig gi rnam par shes pa'i khams nas yid kyi rnam par shes pa'i khams kyi bar dang/ rten tha dad pas tha dad pa'i sems kyi khams drug po de dag nyid gang dang gang 'das ma thag pa phyi ma skyed par byed pa de nyid ni yid ces brjod pa'o/ /de'i phyir phung po lnga dang skye mched bcu gnyis dang khams bco brgyad kyi byas pa 'am yod pa ni mi rtag par bstan pa yin no/ /gal te chos kyi ming can gyi khams dang skye mched nam mkha' dang so sor brtags pa dang/ so sor brtags pa ma yin pa'i 'gog pa dag ni rtag tu yod pa dang ma byas pa ma yin nam/ des na skye mched dang khams kyang mi rtag par grub po zhes ji ltar brjod ce na/ chos kyi zhes smos te/ chos kyi skye mched dang khams de dag kyang tshor ba dang 'du shes dang 'du byed de phung po gsum po de nyid kyi rang bzhin gang yin pa'i gang gi phyir de ltar yin pa de'i phyir khams dang skye mched dag kyang mi rtag par 'gal ba med do/ /'di ltar phung po gsum po de dag ni mi rtag pa sgrub pa yin la/ de las tha dad pa nam mkha' la sogs pa ni mdo sde pas bkag pa dang khas blangs pa yin no/ /phung po dang khams dang skye mched rnams kyi byas pa mi rtags pas khyab pa bsgrub pa 'dis mi yod pa 'di mi rtag pa nyid kyis khyab pa bsgrub pa yin no/ /'di ltar phung po dang khams dang skye mched nyid rgyus yod pa byas pa yin la/ de yang rgyu dang bcas pa yin no/ /rgyu rnams la yang 'jig pa nges pa med par bsgrubs pa'i phyir 'jig pa nyid kyis khyab po/ /gal te dbang po rnams rjes su dpag pa gzhan gyis yin zhing/ de las gzhan rnams ni mngon sum gyis grub pas phung po dang khams dang skye mched rnams mi rtag pa nyid du grub pa yin na/ 'o na da ni dngos po 'jig pa bltos pa med pa la nus pa cung zad kyang med do/ /gal te dngos po rnams 'jig pa la bltos pa med pa las 'jig pa nyid du grub pa de lta na ni bltos pa med pa nus par 'gyur na/ da lta ni de lta ma yin no/ / de nyid ston par byed pa ni phung po la sogs pa dag ni zhes bya ba yin no/ /sogs pas ni khams dang skye mched gzung ngo/ /gtan tshigs gzhan kho nas zhes bya ba ni dbang po rnams ni 'bras bu rnam par 'chad pa dang 'gyur ba mthong ba las mi rtag pa yin zhing/ gzhan rnams ni nyams su myong ba nyid kyis so/ /'di bzlog pa'i phyir bshad pa/ nyams su myong ba dang 'bras bu mthong ba las ni 'ga' zhig mi rtag par grub kyang rnam pa de lta bu zhes bya ba de dang 'dra ba gzugs la sogs pa ma mthong ba'i byas pa 'am yod pa dag mi rtag pa nyid des khyab pa ni bltos pa med pa las yin no/ /gal te rgyu dang ldan pa nyid du gyur na ci'i phyir khyab pa med par 'gyur zhe na/ 'jig pa la rgyu yod pa nyid yin na zhes smos so/ /gal te gzugs la sogs pa mthong ba dag gi 'jig pa rgyu dang bcas par gyur na ni de'i tshe 'jig pa'i rang bzhin gzugs la sogs pa skyed pa'i rgyu la rag las ba ma yin par 'gyur ba des na/ /gzugs la sogs pa gang dag la 'jig pa'i rgyu nye ba de dag nyid 'jig par 'gyur gyi gzhan dag la 'jig pa'i rgyu'i gags yod pa dang ma tshang ba srid pa'i phyir nye ba med pa na mi 'jig par yang 'gyur ba'i phyir ma khyab par yang 'gyur ro/ /des na gang gi phyir de ltar dngos po 'jig pa skyed par byed pa las gzhan pa'i rgyu la mi bltos pa de'i phyir/ /skyed par byed pa tsam la rag las pa ni 'di'i bltos pa med pa nyid do/ /rgyu med pa nyid 'dis ni 'jig pa zhes bya ba 'jig pa'i rang bzhin rdzas 'ga' zhig la 'ga' zhig gi che zhes bya ba dus 'ga' zhig tu 'gyur ba gang yin pa de dang 'gal ba na rdzas dang dus kyi khyad par can gyi dngos po de med pa'i rang gi ngo bo nyid du sgrub par byed do/ /ci'i phyir 'ga' zhe na bltos pa'i rang bzhin gang yin pa de ni smos te/ ni zhes bya ba ni gang gi phyir ro/ /gang gi phyir res 'ga' 'gyur ba'i 'jig pa ni dus de la bltos pa dang 'ga' zhig la 'gyur ba ni thogs pa bcas pa bzhin du rdzas de'i rgyu la so sor nges pa de la bltos par 'gyur ba de'i phyir res 'ga' 'am 'ga' zhig la 'gyur na ni bltos pa dang bcas pas khyab pa yin la/ bltos pa med pa nyid ni de dang 'gal ba yin pa de'i phyir khyab par bya ba dang yang 'gal ba yin no/ /'ga' zhig la 'gyur ba 'gal bas ni thams cad 'jig pa yin la res 'ga' 'gyur ba 'gal bas ni skyes pa nyid la 'jig pa skad cig ma yin no zhes bshad par 'gyur ro// 'o na ni zhes bya ba la 'jig pa nyid rang gi ngo bo ste 'jig pa de ni de dang der bshad zin la/ de yang bltos pa med pa'i phyir rgyu med pa can du 'gyur ro zhe na/ 'di bzlog pa'i phyir mi 'gyur te zhes smos so/ /dngos po yod pa'i rgyu'i dngos po gang yin pa de nyid las de ltar te 'jig pa'i rang gi ngo bo nyid du skye'o/ /gal te gang las yod par skye ba de las 'jig pa ji ltar skye 'di ltar 'bras bu'i khyad par ni lhan cig byed pa'i khyad par nyid las yin te dper na bum pa'i dbyibs kyi khyad par ni rdza mkhan las yin la/ 'dzi ba las ni de'i ngo bo yin pa bzhin du 'dir yang 'jig pa nyid rgyu gzhan las brtag par bya ba yin no zhe na/ yod pa 'byung ba ni zhes smos te/ yod pa nyid du grub pa ni de bre ba 'jig pa nyid du 'gyur ba'i phyir ro// gang zhig phan tshun 'khrul pa de la ni rgyu tha dad pa rtog pa yin te/ dper na dbyibs dang sa'i rang bzhin dag bzhin no/ /'dir phan tshun 'khrul pa yod pa ma yin te/ gang gi phyir gang cung zad yod pa de pa/ thams cad ni 'jig pa kho na te/ des na 'dir yod pa'i rgyu gang yin pa de nyid 'jig pa'i rgyu yin no/ /'bras bu'i khyad par las 'ga' zhig tu rgyu'i khyad par rtogs pa yin na/ 'bras bu thams cad khyad par med na ni rgyu yang khyad par yod par mi 'gyur ro zhes bya ba'i tha tshig go/ gal te yod pa'i rgyu nyid las 'jig pa skye na/ 'o na ni rgyu med pa can gyi yod pa gang yin pa de mi 'jig par 'gyur te/ 'di ltar yod pa'i don ni gdon mi za bar 'ga' zhig las 'byung ba ma yin te/ ma skyes pa yang yod pa'i phyir ro zhe na/ bshad pa glo bur ba ni rgyu med pa ste de'i phyir yod ba 'di rdzas 'ga' zhig la ldog par mi 'gyur ro/ /gal te bum pa la sogs pa'i rdzas gzhan ni rgyu dang ldan pa yin la/ rgyu med pa ni gzhan de dag dang rigs mi mthun ba ma yin nam/ de'i yod pa ji lta ba gzhan gyi gyur zhe na/ bden te 'on kyang 'ga' zhig la ldog par mi 'gyur ro/ /zhes bya ba'i don ci yin zhe na/ rang bzhin 'dir ma gyur pa'i don gang yin pa de ni 'ga' yang med de/ thams cad kyi bdag nyid can du thal bar 'gyur ro zhes bya ba'i don to/ /gal te rang bzhin tha dad bar dam bcas pa ma yin nam/ des na thams cad kyi bdag nyid can du ji ltar thal zhe na/ bum pa la sogs pa'i rnam pa dang mdog gang yin par thal lo zhes ni mi brjod kyi/ 'on kyang khyad par can gyi 'bras bu byed nus pa ste/ dper na me dro ba byed nus pa de bzhin du bdag nyid gzhan du gnas pa 'di yang 'gyur ro/ /de bzhin du ji ltar gzugs la sogs pa mig la sogs pa'i rnam par shes pas yongs su bcad par bya ba de bzhin du de yang 'gyur ro/ /gang la rgyu'i khyad par yod pa de ni nus pa nges par 'gyur pa yin na/ rgyu med pa la ni nges par byed pa med pas mi ldog par 'gyur ro/ /rang bzhin 'gal ba can gyi nus pa thams cad du 'thal bar 'gyur te/ nus pa thams cad dang ldan pa'i phyir ro/ /shes pa thams cad kyis gcad par thal ba ni thams cad kyis thams cad kyi tshe/ thams cad du mthong bar 'gyur la/ 'bras bu rnams la yang sbyar bar 'gyur/ don 'di ni de dang de min rang bzhin can zhes bya ba der nges par brtag zin to/ /yul 'ga' zhig tu 'ga' zhig gi tshe zhes bya ba dus la bar ro/ /'di nyid smras pa ni dngos po 'ga' zhig la zhes bya ba ni las kyi tshig ste/ yul dang dus dang rang bzhin 'ga' zhig la nye bar brten pa ste/ gnas pa 'am ma yin pa yongs su 'dor bar byed pa de'i 'ga' zhig po de 'dor ba 'am brten pa'i dngos po de nyid ni gang la zhes bya ba yul dang dus dang rang bzhin la cung zad 'brel pa'i rgyu yod pa ma yin te/ rgyu dang ldan pa'i yul dang dus dang de dang ldan pa'i rang bzhin la ni rten la/ de las bzlog pa ni dngos pos spong ba yin no/ /yang na rgyur gyur pa'i yul dang dus la ni rang bzhin 'brel par sbyar la/ rang bzhin la skyed par byed pa'i rgyu sbyar bar bya'o/ /gal te 'di 'dra ba'i yod pa 'di yul dang dus dang rang bzhin dang 'brel pa dang bral ba yin na ni/ rang bzhin la sogs nges pa dang ldan par mi 'gyur ro// gang zhig thams cad du thams cad kyi tshe thams cad kyis rtogs par mi 'gyur ba'i nges pa yang khas blangs par bya ba yin no/ /de'i phyir la sogs pa blo bur ba ni med do/ /gal te yod ba blo bur bgag? med na 'jig pa zhes bya ba'i dngos po rgyu med par ji ltar bshad ce na skyes pa grub pa 'jig pa de'i ngo bor gyur pa skyed par byed pa'i rgyu las gzhan la mi bltos pa'i phyir ro/ /don 'di yin te/ gang gi phyir skyed par byed pa las gzhan la mi bltos pa dang gzugs la sogs pa la nges pa yang ma yin pa de'i phyir 'jig pa'i rang bzhin bltos pa med pa yin gyi/ rgyu med pa nyid kyi phyir ni ma yin no/ /gal te jig pa las 'jig pa dang ldan pa'i dngos po gzhan ma yin nam/ des na yod pa'i rgyu nyid las 'jig bskyed par ji ltar 'gyur zhe na/ gzhan yang zhes smos so/ /'jig pa ni yod pa'i rgyu las skyes pa yin te dngos po las gzhan 'ga' zhig ni ma yin no/ /gal te gzhan yin na ni yod pa'i rgyu las skye bar mi 'gyur ro/ /'jig pa'i sgras ni ldog pa'i chos kyi dngos po nyid brjod pa yin no/ /zhes bshad pa ni de nyid skad cig mar gnas par skyes pa'i phyir ro zhes bya ba yin no/ /skad cig mar gnas pa'i ngang tshul 'di la yod pa'o/ /dngos po yod pa'i dus gang yin pa 'di nyid skad cig ma gcig yin pa'i phyir skad cig mar gnas pa zhes brjod kyi/ skyes nas ni skad cig kyang mi gnas te gnas na ni nam yang ldog par mi 'gyur ro/ zhes mang du bshad zin to/ /gal te don gyi bdag nyid ni 'jig par 'jig rten na mi brjod kyi/ 'on kyang dngos po med pa nyid yin zhe na/ zhen pa rnams kyis 'di'i rang bzhin de zhes smos te/ 'khor ba ji srid par ma rig pa dang rjes su 'brel pa zhan pa ni snang bzhin pa de'i tshe chos thams cad khong du chud par mi nus so/ /de la mi gnas pa zhes bya ba'i chos ni yod pa'i dus las phyis nges par 'gyur gyi/ /yod pa'i dus nyid du mthong ba yin yang sngar ni ma yin te/ de ltar gyur pa'i rang bzhin ni mthong ba yin yang mthong ba'i dus su rnam par 'jog pa ni ma yin te/ ma rig pa dang ldan pa'i gzhan pa rnams la mthong ba gsal ba med pa'i phyir ro/ /gang gi phyir de'i rang bzhin ni ldog pa'i dus su nges pa nges na phyis zhes bya ba dus gang du de'i rang bzhin des pa'i dus su de'i khyad par can nyid du de'i dbang gis te/ des pa de'i dbang gis dngos po de mi gnas pa'i rang cag 'jig par rnam par 'jog gi/ 'jig pa ldog pa'i gnas skabs nyid yin par ni 'jig rten bas kyang rtogs pa ma yin te/ de lta ma yin na ni bum pa zhig go /bum pa'i 'jig pa zhes bya ba'i 'brel par mi 'gyur ba nyid de/ /dngos po dang dngos po med pa phan tshun spangs te gnas pa dang ni 'brel pa 'ga' yang med la/ 'drel pa'i tha snyad kyang yod pa yin no/ /de'i phyir dngos po'i rang bzhin ldog pa'i chos de nyid ldog par nges pa'i dus kyi khyad par can gyi 'jig par tha snyad byed pa pos rtogs mod kyi/ 'on kyang yod pa dang med pa 'gal ba'i phyir ro/ /yod pa'i gnas skabs dang 'gal ba med pa'i gnas skabs ni kho bos 'jig par rtogs so zhes rlom pa 'ba' zhig tu zad do/ /ngo bo nyid don 'ga' zhig la mthong yang ldog pa'i chos can bzhin du ma nges pa phyis nges par 'gyur ba 'ba' zhig yod dam zhe na/ yod do zhes bshad pa ni mi shes pa rnam par 'gyur ba mthong nas zhes bya ba yin no/ /ji ltar dug mi shes pa mthong yang 'chi ba'i nus pa dang ldan pa nyid ni de'i tshe nges par mi nus te rnam par 'gyur ba'i gnas skabs su nges par byed do/ /don mthong ba'i dus su mi nges pa'i chos ni srid do zhes bya ba'i cha de tsam gyis dpe yin gyi/ dug gi 'chi ba'i nus pa dus phyis 'byung bar 'gyur ba nyid du rnam par bzhag par bya ba ni ma yin no/ /'di ltar 'chi ba'i nus pa ni 'bras bu byed pa'i nus pa nyid yin la/ nus pa yang rjes su 'gro ba dang ldog pas khong du chud par bya ba yin no/ /dngos po rnams kyi rjes su 'gro ba dang ldog pa khong du chud pa yang rang bzhin gyi yul can yin no/ /de'i phyir nus pa ni rang bzhin yin mod kyi/ 'on kyang 'ga' zhig la bltos nas nus pa tha dad par tha snyed du byed pa 'ga' zhig tu zad do/ /nus pa dang nus pa dang ldan pa dag ni 'gal ba cung zad kyang med de des na phyi ma gnas skabs kyi khyad par can ni dngos po'i nus pa rnam par bzhag pa ma yin no/ /dngos po dang dngos po med pa dag ni 'gal ba'i phyir bum pa'i 'jig pa bum pa'i zhig pa zhes dngos po la ldog pa'i chos can gyi rang bzhin du tha snyad du byed kyang de'i rang bzhin phyis nges pa'i phyir dang/ med pa'i gnas skabs dang yod pa'i gnas skabs kyang 'gal ba'i phyir na dus phyis 'byung ba lta bur tha snyad du byed do/ /'jig pa ni rang gi ngo bor brjod pa de nyid yin te/ de ltar ma yin na 'brel pa mi 'thad pa'i phyir ro/ /dngos po dang dngos po med pa ni 'jig rten pa'i tha snyad du grub pa yin no/ /de bas na zhes bya ba ni gang gi phyir 'jig pa 'di ni/ skye par byed pa tsam la rag las pa'i rang bzhin yin pa de'i phyir/ /yod pa ma gtogs pa yod pa'i rgyu'i khyad par ram/ 'jig par byed pa'i rgyu 'ga' zhig la bltos pa med pa yod pa de la khyab par byed pa yin no/ /gang la gang gi tshe 'jig pa tsam yod pa de la de'i tshe 'jig pa nyid yod pas mdza' dag skad cig tsam gnas pa yin no/ /gang gis skyed par byed pa tsam rag las par rtogs par 'gyur ba yod pa'i rgyu las gzhan la rag las pa ma yin no/ /zhes bya ba 'di nyid dag las shes zhe na/ bshad pa/ 'jig pa de'i rgyu de la nus pa med phyir yang/ yang gi sgras ni rgyu ma yin pa nyid kyang/ /'di nyid rnam par 'grel pa bshad pa ni/ yang gi sgras ni dngos po med pa don med pa byed pa'i ngang tshul 'di la yod pas na dngos po med pa byed pa ste/ der mngon par 'dod pa de'i bya ba bkag pa'i yang phyir ro/ /gang zhig dngos po med par byed par 'dod pa de ni byed pa ma yin pa nyid do/ /nus pa med pa bstan pa'i don du bshad pa/ dngos po grub na ni zhes bya ba skyes na ni rgyu'i dngos po de byed pa ma yin no/ /re zhig tho ba la sogs pa rnams kyi gyo mo'i gnas skabs skyed pa ni mi 'gog la/ ldog pa tsam byed pa yang da ltar nyid 'gog par 'dod pa yin no/ /lhag par gyur pas khyed pa'i rgyus 'jig pa'i rang bzhin byed par gyur na bya ba'i rang bzhin de yang gal te dngos po las tha dad par med pa yin na ni/ dngos po'i rang gi rgyu nyid las grub zin pas yang des bya bas ma yin no/ /gzhan byed na yang de la 'jig pa 'am gzhan yang rung ste cung zad byas pa med do/ /'jig pa byas pa'i sngon rol du de'i gnas skabs gang yin pa'i sngar gyi gnas skabs de nyid yin te/ de'i phyir gnas skabs la cung zad kyang byas pa med do/ /gtan tshigs des na dngos po de la 'jig par byed pa gzhan byed pa ni ma yin no/ /des na 'di don de'i rang bzhin gang yin pa dang gzhan de dag mi byed pas na cung zad kyi mi byed pa nyid ni bltos par bya ba ma yin no/ cung zad mi byed pa yang bltos bar bya ba yin na ni/ thug pa med par thal bar 'gyur ba'i phyir ro/ /de lar nus pa med pa med pa yin no/ /ji ltar bya ba 'gog ce na/ bshad pa/ 'di ltar 'jig pa zhes bya ba ni dngos po med par 'gyur ba yin par gzhan dag sems la/ kho bo cag gis ni 'jig pa dngos po'i rang bzhin nyid yin par brjod do/ /des na 'jig pa'i rgyus 'jig par byed do/ /zhes bya ba ni dngos po med pa byed do zhes bya bar thal lo/ /de la zhes bya ba thal ba der gyur ba na gal te med pa zhes bya ba'i ngo bo 'ga' zhig bya ba yin par gyur na ni de nyid dngos po yin pas so/ /'di ltar gang zhig dngos po dang dngos po med pa'i rjes su byed pa can de ni bya bar brjod la/ dngos po dang dngos po med pa dang ldan pa yang gzhan las ldog pa'i rang bzhin nyid yin te/ gzhan gyi rang bzhin nam rang bzhin med pa nyid la yod pa dang med pa'i rjes su mi rigs pa'i phyir ro/ /tha dad pa'i rang bzhin gyi don kyang dngos po yin te/ de 'dra ba nyid ni don byed pa yin pa'i phyir ro/ /de yang dngos po yod pa yin pa des na dngos po med pa nyid ma yin no/ /dngos po'i phyogs kyi rnam par rtog pa la yang sngar bshad zin to/ /de bas na dngos po med par byed do zhes bya ba ni ldog pa tsam yod pa ma yin pa ni dngos po med pa yin la de yang bya ba ma yin pa'i phyir med do zhes bya ba'i bsdu ba'i don dang lhan cig 'brel pa ma yin pas dgag pa dang lhan cig 'brel par 'gyur ro/ /des na dag gi don ni dngos po mi byed do zhes par thal ba des na bya ba ste byed pa dgag par byas par 'gyur ro/ /de lta na yang cung zad mi byed par 'di bltos par bya ba ma yin par 'gyur ro/ /bltos pa med pa de'i phyir 'jig pa de'i rang bzhin ni ngo bo nyid kyis te dngos po yod pa nyid kyis 'gyur ba yin te/ lhag pa'i rgyu 'am skyed par byed pa des pa la bltos pa ni ma yin no/ /des na dngos po'i rang bzhin las 'gyur ba yin te/ dngos po'i rang bzhin yod na yod do zhes bya ba'i don te/ gang gi tshe 'di las 'gyur ba na rang gi ngo bo ste rgyu la brjod pa de'i tshe ni dngos po'i skyed par byed pa nyid las 'gyur ba yin la/ gzhan las ma yin zhing thegs pa dang bcas pa bzhin du khyad par gyi skyed par byed pa las kyang ma yin no zhes bya ba'i tha tshig go / gang gi phyir 'di gang la 'gyur bas grub pa zhes bya ba gang 'ga' zhig la rang gi ngo bos 'gyur ba yin te rgyu de las rang gi ngo bos yod pa yin pas na gzhan la 'ang rang gi ngo bo'i rang bzhin tsam du yod pa tsam 'am/ skyed par byed pa tsam las 'gyur ro/ /zhes shes so/ /des na don ni 'di yin te/ dngos po'i rang bzhin la bltos par bya ba gzhan med pa'i phyir 'jig pa'i rang bzhin 'di thams cad yod pa yin pa de nyid kyi phyir/ 'di ni dang po nyid nas yod pa yin no/ gang gis skyes pa nyid na 'jig pa'i phyir mdza' dag skad cig ma yin no/ /'di nyid rnam par dgrol ba'i phyir 'ga' zhig la 'gyur bar mthong ba 'di ni zhes bya ba la sogs pa smos so/ /gzugs la sogs pa 'ga' zhig la gyur zhing yod par mthong ba ni ngo bo nyid kyis te rang bzhin tsam gyis sam/ skyed par byed pa tsam las 'gyur ba yin te/ sgyed par byed pa las gzhan nam/ skyed par byed pa'i khyad par la bltos pa med pa'i phyir ro/ /ji ltar gcig la skyed par byed pa tsam nyid las 'gyur ba de bzhin du gzhan la yang yin te/ skyed par byed pa'i khyad par dang rgyu tha dad pa la bltos pa'i mtshan nyid kyi khyad par med pa'i phyir ngo bo tsam dang rjes su 'brel par grub bo/ /des na 'dir mthong ba'i gzugs la sogs pa'i rnam pa dag las rigs tha dad pa srid pa las byas pa dang yod pa nyid kyi khyad par byed pas rab tu grub pa'i rim dang cig car ba mi mthun pa'i phyogs skad cig ma ma yin pa las rang gi khyab par bya ba dang bcas te ldog pa na khyab par bya ba nyid dang lhan cig skad cig ma nyid du gnas par 'gyur ro/ /des na skad cig ma nyid kyis khyab pa grub po/ /gang gi tshe tshad mas grub pa'i phung po lnga nyid khyab par bya ba dang khyab par byed pa'i dngos po'i yul yin pa de'i tshe ni dngos po 'jig pa'i rgyu med par bsgrubs pa na/ yod pa dang byas pa yang 'jig pa'i rang bzhin du 'gyur ba la bltos ba med pas khyab pa yin no/ /'ga' zhig 'jig pa yin na ni thogs pa dang bcas pa bzhin du skyed par byed pa'i khyad par la bltos pas 'jig pa'i rang bzhin du skye ba mthong ba'i 'ga' zhig po gang yin pa de'i skyed par byed pa de nyid med pas de las bltos pa'i phyir byas pa bltos pa med pa nyid du mi 'gyur ro/ /skyes pa phyis 'jig pa yin na yang de 'jig par byed pa'i dus gang yin pa de nyid 'di la nye ba ma yin la/ de yang rgyu gzhan ma tshang ba yin pa de na de la bltos pa'i phyir bltos pa med pa ma yin no/ /des na 'ga' zhig gam res 'ga' 'jig na ni khyab par byed pa la bltos pa med pa nyid ldog pas na/ khyab par bya ba mi dmigs pas skad cig ma nyid kyis khyab pa grub po/ /ji ltar yod pa dang byas pa dag gi khyab par bya dang khyab par byed pa'i dngos po bsgrubs pa de bzhin du rang bzhin gyi gtan tshigs gzhan dag la yang 'brel pa bsgrub par bya'o zhes bstan pa'i phyir de bzhin du zhes smos so/ /rang bzhin gyi gtan tshigs mdza' med pas gnod par byed pa'i tshad ma yang mdza' yas pa'i phyir/ bdag nyid ji lta ba'i tshad ma dag gis shes pa mang po'i tshig go /de tsam dang rjes su 'brel pa rjes su 'gro pa grub pa'i bsgrub bya gang yin pa de nyid kyi go bar byed pa yod pa yin no/ /ci'i phyir de ltar yin zhe na/ dngos po de tsam dang rjes su 'brel pa'i rang bzhin gang yin pa ni zhes smos te/ gang gi phyir sgrub par byed pa gang yin pa de ni dngos po tsam dang rjes su 'brel pa'i rang bzhin yin pas na de nyid las te/ yul de kho na la med na mi 'byung ba nges pa yin no/ /rgyu gzhan dang 'brel pa de tsam gyi rjes su 'gro ba can ma yin pa'i rang bzhin gang yin pa ni ma tshang ba dang gegs byed pa srid pas rgyu nye bar res 'ga' ba nye bar gnas pa'i nges pa med pa la 'khrul par yang 'gyur ro/ /de'i phyir de lta bur gyur pa'i bsgrub par bya ba la ni gtan tshigs thams cad 'khrul pa yin no/ /'o na ji ltar ngo bo nyid gzhan sgrub par byed pa tsam gyi rjes su 'jug pa yin no zhe na/ bshad pa/ dngos po tsam dang rjes su 'brel pa'i rang bzhin zhes bya ba de lta bus ni gang gi phyir gzhan ni 'ga' yang mi brjod kyi/ 'on kyang bsgrub par byed par 'gyur ba'i dngos po de nyid do/ /bsgrub par bya ba dang sgrub par byed pa tha dad pa med par thal ba yang ma yin te/ gang gi phyir de dag tha mi dad pa ni dngos su yod pa yin gyi blos brtags nas ni bsgrub par bya ba dang sgrub par byed pa dag tha dad par shes so/ /de las cir 'gyur zhe na/ de'i phyir bsgrub par bya ba'i rang bzhin gyi bdag nyid de bor nas yod pa ma yin la/ yod na yang bdag med pa 'am/ gzhan gyi bdag nyid du thal bar 'gyur te/ tha dad pa'i bdag nyid ni 'gal ba'i chos dang ldan pa yin pa'i phyir dang/ grub pa dang ma grub pa dag kyang 'dir 'gal ba yin pa'i phyir ro/ /gal te dngos po gang zhig byas pa 'am yod par mthong ba de ni tshad ma gang gis yod pa dang ldan par mthong ba'i tshad ma de nyid kyis brtag par nges pa ma yin nam/ des na tshad mas yul du byas pa'i yod pa gang yin pa de ni rtag pa'i khyad par can nyid du nges so/ /des na gal te yod pa nyid rtags su nye bar len na ni de mi rtag pa nyid dang 'gal ba'i rang bzhin du nges pa yin la 'gal ba'i rang bzhin du nges par bya ba'i yod pa yang 'gal ba'i rang bzhin gzhan nye bar sdud nus pa ma yin no/ /ci ste yang rtag pa dang bral ba'i yod pa nyid 'ga' zhig rtags su 'god par 'dod pa yin na/ de yang mi rigs te/ gang gi phyir 'ga' zhig tshad mas grub pa de nyid rtags nyid nye bar dgod par rigs te/ ma grub pa ni rtags su mi 'thad pa'i phyir ro/ /de lta bur gyur pa'i 'ba' zhig pa ni grub pa yang ma yin no zhe na/ 'di ni tshad ma'i bya ba mi shes pa'i 'gyur ba yin no/ /'di ltar ma nges pa'i don 'jug pa'i yul du bya bar nus pa yin la/ 'jug par byed pa ma yin pa yang tshad ma ma yin no/ /de'i phyir nges pa'i yul la 'jug par byed pa tshad ma yin pa na nges pa skyed par nus pa la bltos pa nyid du 'gyur ro/ /nges pa yang rang gi mtshan nyid phan tshun ldog pa'i khyad par la bltos nas brtags pa'i chos kyi yul can yin la/ brtags pa'i chos kyang ldogs mtshams kyi khyad par la bltos nas phan tshun tha dad par 'gyur ro/ /nges pa'i cha gang la mi slu bar rjes su rdzogs pa de nyid la ni tshad ma yin la/ gang slu ba de la ni tshad ma ma yin te/ dper na skra shad kyi tshogs su 'dzin pa'i rab rib can gyi shes pa skra shad kyi cha la ni tshad ma ma yin la/ rang gi ngo bo'i cha la ni tshad ma ma yin pa bzhin no/ /de'i phyir nges pa la mi slu ba la bltos nas tshad ma yin pa dang/ nges pa'i yul gyi chos rnams kyang ldog mtshams la bltos nas tha dad pa yin pa la/ tshad ma'i bya ba ni chos so so tha dad pa la yin no/ /des na med pa las ldog pas brtags pa'i yod pa nyid gang yin pa de ni rtag pa nyid dang lhan cig tshad ma'i yul ma yin te/ yod pa nyid de ni rtag pa las tha dad par mngon sum gyi tshad mas grub pa yin la rtag pa nyid kyang yod pa las tha dad par bya ba gzhan gyi yul yin no/ /des na mi slu ba dang ldan pa'i yod tsam nyid la rten nas mngon sum gyis nges pa'i rtag pa gang yin pa de la mi slu bar the tshom za ba na rnam par dpyad pa yin pa'i phyir ma grub pa 'am/ 'gal ba nyid kyi skyon med do/ /ji ste gang du khyab par bya ba dang khyab par byed pa'i dngos po grub par 'gyur pa mi rtag pa nyid sgrub pa la dpe ci yod gzhung la rten nas ni gtan tshigs dgod par bya ba ma yin no/ /zhes 'chad par 'gyur ro/ /gzhan gzhung lugs la mi brten pa dag gang gi tshe skad cig ma nyid la phyir bzlog par byed pa de'i tshe 'di sun 'byin pas kyang don 'ga' zhig skad cig ma nyid du khas len du gzhug dgos te/ de lta ma yin na dpe med pas gtan tshigs ma yin par 'gyur ro/ / de'i phyir bsgrub par bya ba'i chos ma grub pa la ni dpe 'gal yang med do/ /de dang der dpe gzur bar bshad pa gang yin pa der ni dgongs pa 'di yin te/ bsgrub par bya ba'i chos can las gzhan pa'i dngos po la gtan tshigs yod pa la brten nas gnod par byed pa'i tshad ma 'jug par nus pa yin gyi/ /gzhan du ni ma yin no/ /des na gtan tshigs yod pa'i yul gnod par byed pa'i tshad ma rab tu ston pa'i spyod yul gyi don ni dpe yin gyi phyir rgol ba la bsgrub bya'i chos dang ldan par grub pa ni ma yin no/ /gal te gnod par byed pa'i tshad ma bsgrub bya'i chos grub pa la bltos pa ma yin no/ /de lta na ni 'o na gnod par byed pa'i tshad ma gang gis dpe'i chos can la byas pa mi rtag pas khyab pa ston pa'i tshad ma de nyid kyis bsgrub bya'i chos can la yang mi rtag pa nyid grub pas thams cad du gnod par byed pa'i tshad ma nyid bsgrub bya bsgrub par nus pa yin to/ de'i phyir rang bzhin gyi gtan tshigs nyid ma yin par thal lo/ /ji ste yang yod pa 'am byas pa la ma brten par gnod par byed pa nyid mi 'jug pas yod pa la brten par bya ba yin na/ da lta na yang gnod par byed pa'i tshad ma dang lhan cig pa'i phyogs kyi chos nyid las bsgrub bya grub pa'i phyir tshul gsum med par thal lo zhe na/ smras la/ bsgrub par bya ba'i chos can nyid la khyab pa grub pa des na chos can gzhan yongs su gzung bas ci bya zhes gang smras pa de ni mi rigs te/ 'di ltar bsgrub par bya ba'i chos can las ma gtogs pa'i mthong ba'i dngos po yongs su spangs te/ chos can gcig nyid la ni gnod par byed pa'i tshad ma bstan par mi nus so/ /gal te sgra skad cig ma ma yin na yod pa nyid du mi 'gyur r o zhes da ltar gnod par byed pa'i tshad ma bstan par bya ba yin na gal te gzhan dag ji ltar bum pa la sogs pa mthong ba'i dngos po skad cig nyid ma yin yang don byed pa yin pa de bzhin du sgra 'di yang yin no zhes de skad smra ba na/ mthong ba'i bum pa la sogs pa de dag kyang gnod par byed pa'i tshad mas yul du bya dgos shing/ de dag yul du byas pa na yang dngos po mi snang ba 'ga' zhig don byed kyang/ skad cig ma ma yin par 'gyur ba de bzhin du mthong ba 'di dag kyang yin no zhes yang smra ba na/ gzhan gyis dper byas pa mi snang ba'i dngos po yang gnod par byed pa'i tshad mas yul du bya dgos pa'i phyir/ ji ltar bsgrub par bya ba'i chos can gcig nyid la gnod par byed pa'i tshad ma rab tu bstan par bya ba yin/ de nyid kyi phyir slob dpon khyab par bya ba dang khyab par byed pa'i dngos po sgrub par byed pa ni don thams cad nye bar bsdus pa'i yul can du bzhed pa yin te/ gang cung zad byas pa de thams cad ni mi rtag pa'o zhes gang bshad pa yin no/ /phyogs la sogs pa'i rnam par dbye ba la bltos pa ni khyab par mi 'dod de/ de'i phyir don thams cad kyi yul can gyi rtags nyid gnod par byed pa'i tshad mas rang gi sgrub par bya bas khyab par grub par nges par bya'o/ /gal te don thams cad nye bar bsdus pa dang ldan pa'i khyab pa nye bar ston pa na thams cad kyi nang du 'dus pas sgra yang skad cig mar grub pa'i phyir phyogs kyi chos nye bar bsdu ba don med do zhe na/ de cing? ni skyes bus gang yod pa de thams cad mi rtog go zhes nges pas ri bong gi rwa yang yod do zhes shes sam/ /gal te ri bong gi rwa ni med pa'i phyir mi shes kyi sgra ni yod pa nyid do zhe na/ 'o na ni de tshad ma gzhan gyis shes par bya ba yin te/ gang zhig shes na ri bong gi rwa ltar sgra ni ma yin no zhes rtogs par 'gyur ba yin no/ /de'i phyir khyab pa'i dus su spyis sgra nang du 'dus kyang skad cig ma nyid du nges par bya ba'i phyir yod pa nyid khyad par du tshad ma gzhan gyis shes par bya ba yin no// gang zhig sgrub par byed pa'i tshig gi sngon rol tu yang pa nyid shes pa de la ni de nyid phyogs kyi chos yongs su shes pa yin te/ de nyid kyi phyir 'brel ba dang phyogs kyi chos dag la go rim nges pa 'ga' yang med do zhes bshad do/ /'bras bu'i gtan tshigs bstan pa'i phyir don gzhan rtogs par bya ba la ni smos so/ /rtags ni sgron ma la sogs pa bzhin du rung ba tsam gyis don go bar byed pa ni ma yin gyi/ 'on kyang mi 'khrul pa nyid du shes pa yin no/ /'khrul pa med pa yang 'bras bu nyid yin te/ des na 'khrul pa med pa'i phyir go bar byed pa yin no/ /gal te ldan pa can dang 'du ba can la sogs pa yang 'khrul pa med pa ma yin nam zhe na/ bshad pa/ 'di ltar bsgrub par bya ba de de las skyes pa ma yin pa gang yin pa de ni mi 'khrul pa yin la/ ldan pa can la sogs pa yang de las skyes nas de nyid kyis de la mi 'khrul pa yin no/ /ma skyes na ni mi 'khrul pa nyid ma yin no zhes 'chad pa ni rag ma las pa ma 'brel pa'i ngo bo gang yin pa rnams te de'i bdag nyid dang de las byung ba med pa la ni 'brel pa 'gal yang med pas na rag ma las pa nyid ni lhan cig 'byung bar nges pa med de/ gang zhig gang la rag mi las pa de ni 'brel pa'i yul ma yin pa de dang lhan cig nges par yod pa ma yin te/ dper na ba lang sogs pa dang rta bzhin no/ /de de'i chos su ji ltar 'gyur zhes bya ba ni 'di ltar gtan tshigs ni bsgrub par bya ba'i chos dang chos can las tha dad pa yin no de dag gi 'bras bu yin la/ dus mtshungs pa nyid kyi rgyu can gyi chos can gyi dngos po ni rgyu dang 'bras bu mi 'thad do zhes bya ba ni bsam pa yin no/ /cig shos ni dus mnyam pa nyid ni cir yang mi dgos kyi/ chos dang chos can gyi dngos po ni rten dang brten pa las yin no snyam nas smras pa/ de la brten pa'i phyir ro/ /cig shos kyis ni chos dang chos can gyi rgyu mtshan de'i rten nyid dus gcig par bsam nas smras pa/ ji ltar rgyu dang 'bras bu'i dngos po yin te/ de dag ni dus tha dad par grub pa'i phyir ro zhe na/ slob dpon dang 'khar gzhong dang rgya shug bzhin du tha dad pa'i rten gyi rgyu mtshan ni rgyu dang 'bras bu'i dngos po nyid yin par dgongs nas bshad pa/ de nyid kyi phyir te/ rten nyid kyi phyir ro/ /gang gi phyir rten yin pa de nyid kyis na/ rgyu dang 'bras bu'i dngos po yin no zhes bya ba'i tha tshig go /de ltar ma yin te rgyu dang 'bras bu'i dngos po ma yin na ni rten nyid mi 'grub pa'i phyir te/ thams cad la ha cang thal bar 'gyur ro/ /cig shos ni yul tha dad pas na rgyu dang 'bras bu'i dngos po dang/ rten dang brten pa'i dngos po tha dad par bstan pa'i phyir gal te du ba'i rten ni zhes bya ba la sogs pa smos so/ /des na rgyu dang 'bras bu'i rgyu mtshan can nyid rten yin par ji ltar 'gyur zhe na/ de yang zhes smos te/ gang yang rten du mngon par 'dod pa'i sa phyogs kyang du ba'i gzhi yin pa'i gnas yin pa'i phyir rgyu nyid do/ /'di ltar du ba yang yul gzhan spangs nas me dang nye bar gnas pa zhes bya ba ni snang ba'i ming can gyi yul la rten nas 'jug pa na/ snang ba'i ming can gyi yul gyi 'bras bu yin no/ /gang gi tshe bud shing gi rten gyi yul gzung ba de'i tshe ni gzhir gyur pa'i yul de bud shing la sogs pa'i rgyu yin pa'i phyir brgyud nas dra ba'i rgyu yin te/ rnam pa thams cad du rgyu ma yin pa ni rten ma yin no/ /gal te rgyu dang 'bras bu'i dngos po thams cad la yod pa de lta na yang rten rang rten pa'i dngos po ni rgyu dang 'bras bu'i khyad par nyid yin te/ des na thams cad la thal ches pa ni med de dper na rgyu nyid las 'ga' zhig gsal bar byed pa yin pa bzhin no/ /de las byung pa ni de las skye ba ste/ gal te gtan tshigs de'i phyir 'bras bu go bar byed pa yin na/ de'i tshe skyed par byed pa yin pa'i phyir me ni go bar bya ba yin la/ bskyed par bya ba yin pa'i phyir du ba ni go bar byed pa yin no/ /bskyed par bya ba yang de dang de las ldog pa'i du ba cha shas med pa yin zhing/ skyed par byed pa yang me cha shas med pa yin te/ des na ji ltar ldog pa thams cad kyis me skyed par byed pa yin pa dang/ du ba skyed par bya ba yin pa de bzhin du ldog pa thams cad kyis go bar bya ba der go par byed pa'i dngos por 'gyur te/ de ni bskyed bya skyed byed kyi dngos po'i rgyu mtshan can yin pa'i phyir ro/ /zhes dogs pa gsal ba'i phyir ma yin te zhes smos so/ /gang zhig gang med par 'byung ba'i dngos po de ni de med par 'byung ba ste/ des na dngos po de las skye bar nges pa gang yin pa de med pa'i phyir ro/ /'di skad brjod pa yin te skye bar nges pa med pa'i phyir na gang las rgyu dang 'bras bu nyid med pa der/ ji ltar go bar bya ba dang go bar byed pa'i dngos por 'gyur/ der ni ldog pa'i rgyu mtshan can gyi chos 'ga' zhig kho na rgyu dang 'bras bu dang 'brel pa bskyed par bya ba dang/ skyed par byed pa'i dngos po'i yul du gyur pa yin te/ des na chos 'ga' zhig kho na bskyed par bya ba dang skyed par byed pa'i dngos po yin gyi thams cad ni ma yin no/ /de nyid bstan pa'i phyir bshad pa/ gang gi phyir 'ga' zhig kho na la rgyu dang 'bras bu'i dngos po yod pa de'i phyir/ phan tshun ldog pa la bltos nas rnam par bzhag pa rgyu la rnam par gnas pa'i rang bzhin ji snyed cig /med na mi 'byung ba 'brel pa'i 'bras bu ni rgyu la gnas pa de dag nyid kyi go bar byed pa yin gyi/ tsan dan gyi me la sogs pa'i rang bzhin gang dag dang med na mi 'byung pa'i nges pa med pa de dag go par byed pa ni ma yin no/ /yang ji ltar na 'bras bu med na mi 'byung ba'i yul gyi chos rnams kho na'i go bar byed pa yin zhe na/ bshad pa/ de ni de dag gis 'bras bu nyid du nges pa yin te/ des na de ni chos de dag kho na'i 'bras bu nyid des kyi gzhan dag gi ni ma yin no/ /de'i phyir de dag kho na'i go bar byed pa yin no/ /da ni 'bras bu rtogs pa'i chos rnams las kyang gang dag go bar byed pa yin pa'i chos de dag bstan pa'i phyir/ gang dag de dag med na mi 'byung ba de dag kho nas yin no zhes smos so/ /'bras bu la yod pa'i khyad par gyi chos gang dag rgyu la yod pa'i spyi'i chos de dag med na mi 'byung ba de kho na go bar byed pa yin gyi/ spyi'i chos dngos po dang lus can nyid la sogs pa ni ma yin te/ de dag ni me med kyang 'byung ba'i phyir ro/ /sngar gyi de dag gi 'bras bu nyid du nges pa'i phyir ro zhes bya ba yang 'dir gtan tshigs su blta'o/ /gal te chos 'ga' zhig kho na dang med na mi 'byung ba nges pa yin na ni de'i tshe chos de dag kho na dang bskyed par bya ba dang skyed par byed pa'i dngos por 'gyur ro zhes dogs pa la ma yin te/ zhes smos so/ /nges pa bskyed par bya ba'i khyad par de gzung na ni skyed par byed pa dang 'brel pa'i chos go bar bya ba nyid yin par 'dod pa'i phyir ro/ /gang gi tshe 'bras bur gtogs pa'i nges bskyed par bya ba'i khyad par nges pa de'i tshe ni rgyu la yod pa'i khyad par gyi chos go bar bya bar 'gyur ba nyid do/ /des na gang gis bskyed par bya ba dang skyed par byed pa'i dngos po yang nges pa'i yul can du 'gyur pa/ go bar bya ba dang go bar byed pa'i dngos po ni nges ba'i yul can nyid ma yin no/ des na 'di la don ni 'di yin te/ dngos po la bskyed bya skyed byed kyi dngos po yod do zhes de tsam gyis ni go bya go byed kyi dngos po ma yin no/ /'o na ci zhe na/ bskyed bya ba skyed byed kyi dngos por nges pa ni go bya go byed kyi rgyu mtshan yin no/ /ldog pa 'ga' zhig tu des na ni dngos po de la 'khrul par shes pa yin te/ dper na tsan dan gyi mes nges pa ni du ba tsam gyi skyed byed du nges pa ma yin te/ de med kyang du ba tsam mthong ba'i phyir ro/ /du ba yang dngos po nyid la sogs pa dang ldan par nges na me'i 'bras bu nyid du nges par 'gyur ba ma yin te/ me med kyang dngos po tsam yod pa'i phyir ro/ /des na dngos po la bdag nyid thams cad kyis bskyed par bya ba dang skyed par byed ba'i dngos/ po yin yang/ go bya go byed kyi ngo bo ni cha thams cad la bskyed bya skyed byed du nges par 'gyur na yin no/ /de med pa ni ma nges pa yin gyi gzhan du ni ma yin la/ nges pa la bltos pas ni bskyed bya skyed byed dag cha shas dang cha shas can du thal ba yang ma yin no rgyu la yod pa'i khyad par rnams go bar bya ba nyid du bsgrubs nas/ 'bras bu la yod pa'i spyi yang go bar byed pa nyid du bstan pa'i phyir bshad pa/ rtags nyid bye brag ste khyad par de dag la yod pa'i spyi gang yin pa rnams ni go bar byed pa nyid yin par 'dod pa'i phyir ro/ /'di skad brjod pa yin te/ dngos po nyid 'ba' zhig des pa na 'khrul pa ni du ba la brten pa ma yin no/ /gal te khyad par nye bar bkod na go bya rtogs pa'i phyir nye bar bkod pa don med do zhe na/ bden te/ 'dir 'khrul pa spangs pa'i phyir ni spyi nye bar brjod pa ma yin no/ /'o na ci zhe na/ goms pa'i phyir na rtogs pa po 'ga' zhig mthong ba'i dngos po la yang dngos po 'di ni lus can no zhes kyang nges pa skye ba 'am/ yang na rtogs pa po thams cad kyang mthong ba'i dngos po la spyi'i rnam par rtogs par 'gyur la khyad par nges ba ni phyis 'gyur ro/ /de la nye bar gzung ba'i spyi gang yin pa de ni ma spangs pa nyid do/ /de'i phyir rtogs pa po'i zhen pa'i dor khyad par gyis zin pa'i spyi go bar byed pa yin gyi/ khyad par 'khrul pa'i phyir ni ma yin te/ dper na 'dzin g.yor mo yin te/ rtse mor bya tshang bcas pa'i phyir ro/ zhes bya ba lta bu ste/ rtse mo nyid dang bya tshang bcas pa dag nye bar bkod pa ni so sor 'khrul pa'i phyir ro/ /gang gi tshe khyad par rtogs par bya ba la spyi khyad par du ma byas pa sems la gnas par gyur na ni/ spyi de'i rang bzhin nges dngos po la 'khrul par 'gyur ba'i phyir spyi de dag go bar byed pa nyid du mi 'dod do/ /mi 'khrul pa'i phyir 'bras bu go bar byed par 'gyur na/ gal te yang du ba me las skyes pa de lta na yang de 'khrul ba med do zhes ga las yin zhe na mi 'khrul pa'i bshad pa/ rgyu med de la 'khrul na ni 'bras bu 'di rgyu dang ldan pa las 'das 'gyur te/ me la 'khrul na ni du ba rgyu dang ldan pa las 'das par 'gyur ro/ /gang dag dmigs na zhes bya ba 'dis ni rgyu'i yul can gyi dmigs pa ston te/ sha za la sogs pa mi dmigs pa ni rgyu'i dngos po ma yin no/ /mi dmigs pa las gang dag dmigs na dmigs pa'i dngos po de ni 'bras bu yin no/ /de'i mtshan nyid du gyur ba zhes bya ba ni/ gal te ma dmigs pa dam dmigs pa'i dus su de dmigs pa'i mtshan nyid kyi yul yin no/ /'di skad brjod pa yin te/ gang zhig ma dmigs pas dmigs pa'i dngos po de ma dmigs pa'i dus su yang gal te yod na snang ba nyid du gyur na ni snang pa nges nus pas de ltar na 'bras bur nges pa yin no/ /ma dmigs pa las dmigs pa na snang bar nges par nus pa de yang gang yin zhe na/ ma dmigs pa'i gnas skabs su yang snang ba'i sa phyogs de dang shes pa gcig la 'du ba nges par nus pa gang yin pa'o/ /de ltar nges par nus pa de yang gang yin zhe na/ yul de nyid du rgyun skye ba bzhin par nges pa gang yin pa'o/ /gal te 'di ni 'dir skyes pa yin la/ 'di ni yul gzhan nas 'ongs pa yin no/ zhes bya ba 'di nyid nges pa med pa ma yin nam zhe na/ nges ba med pa ma yin te/ rgyu dang 'bras bu'i dngos po nges pa ni/ gang la don 'di ni skye ba'i rang bzhin yin la/ 'di ni skyes zin pa yin no/ /zhes rnam par 'byed par byed pa'i nus pa yod pa de'i dbang du byas pa'i phyir ro/ /gang zhig mthong ba'i rang bzhin skye dang/ bzhin skyes zin pa'i rang bzhin du rnam par 'byed mi nus pa de ni bskyed bya nyid du mi shes pas na/ ji ltar bskyed bya skyed byed kyi ngo bor nges par byed/ bskyed par bya ba nyid nges par shes na ni bskyed bya skyed byed kyi ngo bo nges par byed kyi gzhan du ni ma yin no/ des na bong bu ma rtogs pas gal te mi dmigs bong bu dmigs la/ me ma dmigs na yang skye bos bar du chod pas ma dmigs pa de lta na yang skyes bu des bong bu de nyid du skye bar mthong ba ni ma yin te/ 'on kyang skyes zin pa'i rang bzhin mig mngon du gtang ma thag tu dmigs pa yin no/ /des na dmigs pa'i sngon rol tu ni nges snang ba'i sa phyogs dang shes pa gcig la 'du ba'i bltar rung ba nyid du ma nges pa nyid de/ /'di ltar rnam pa de lta bu skyes zin pa dag ni bu la gzhan nas 'ongs pa dag tu med pa nyid do/ /gang zhig dmigs pa'i sngon rol tu rgyu gzhan dmigs pa na/ mig mngon du phyogs pas yul gzhan du 'ongs pa srid pa bkag cing/ mthong ba'i sa phyogs de nyid du rgyu dang ldan pa cig car ram rim gyis skye bzhin ba'i rang bzhin du mthong ba de nyid ni snang ba'i sa phyogs dang lhan cig dmigs pa'i sngon rol tu shes pa gcig la 'du bar srid pa yin pas na de'i mtshan nyid du gyur pa mi dmigs par 'gyur ba yin no/ /des na rnam pa de lta bu'i yul la 'bras bu nyid du khong du chud pa'i phyir 'khrul pa med do/ /gang yang mun khung du sgron ma dmigs na snga na med pa'i bum pa dmigs la/ /de ma dmigs na ni de yang mi dmigs so so zhes ji skad brjod pa de yang bsal ba yin te/ 'di ltar der ni dmigs pa'i bum pa dmigs pa'i mngon rol tu bltar dung ba'i rang bzhin du nges pa ma yin te/ skyes zin pa'i rang bzhin du mthong ba'i phyir dang/ sgron ma nye ba'i sngon rol tu shes pa gcig la 'du ba'i sa phyogs 'ga' yang ma mthong pa'i phyir ro// gang gis de 'bras bu nyid du nges par 'gyur ba sgron ma ma dmigs pa na dmigs pa'i mtshan nyid cir gyur pa'i bum pa ma dmigs pa yang ma yin no/ /rgyu dang 'bras bu'i dngos po 'di la ni dmigs pa'i mtshan nyid du gyur pa ma dmigs pas/ gang gi tshe med pa des pa de'i tshe de 'bras bu nyid du nges pa yin no/ /de nyid kyi phyir dngos po med par nges pa de yang dmigs pa'i mtshan nyid kyir gyur pa ma dmigs pa sngon du 'gro ba can yin la/ gang gi tshe dmigs pa'i mtshan nyid kyir gyur pa nyid kyi 'bras bu de ma dmigs pa de'i tshe rgyu dang 'bras bu'i dngos por nges pa yin no zhes brjod do/ /des na 'bras bu dmigs pa'i sngon rol gyi dmigs pa'i mtshan nyid kyi 'gyur ba ma dmigs pa gcig dang/ de dmigs pa yang phyis rgyu mi dmigs pa sngon du 'gro ba can gyi mi dmigs pa gzhan te/ da ltar mi dmigs pa gnyis dang dmigs pa gcig ni 'bras bu'i yul can yin la/ rgyu'i yul can yang dmigs pa dang mi dmigs pa gnyis yin no/ /de la dmigs pa dang ma dmigs pa lnga po gang dag yin pa de dag thams cad mdor bsdus nas rgyu dang 'bras bu'i dngos po sgrub par byed pa'i mngon sum dang mi dmigs par bshad pa yin no/ /dmigs pa dang mi dmigs pa'i sgrub par byed pa can gyi 'bras bu zhes bya ba de yang du ba la yod do/ /lan cig ste phyogs gcig de ltar zhes bya ba bskyed par bya ba nyid du mthong bas kyang du ba de me de'i 'bras bur zhes bya ba bskyed par bya bar 'grub ste/ me rgyu ma yin la du ba yang 'bras bu ma yin na ni chu bzhan du rgyu ma yin pa'i me las lan cig kyang 'byung bar mi 'gyur ro/ /da ni du ba me med par skye ba mngon sum du grub par bstan pa'i phyir gal te gtsub shing gtsubs pa la sogs pa dag las zhes bya ba la sogs pa smos so/ /sogs pa'i sgras ni me shel la sogs pa gzung ngo/ /me med kyang gtsub shing gtsubs pa dang me shel dang phrad pa tsam las kyang du ba 'byung ba'i phyir ro zhe na/ de'i 'bras bu ma yin pa nyid dgag pa'i phyir ma yin te zhes smos so/ /bud shing gi 'gyur ba ni tshig gang nyid de'i rgyu'o/ /'dis ni 'bras bu'i khyad par bstan to/ /dro ba'i reg pa'i khyad par zhes bya ba ni rang bzhin gyi khyad par te/ 'bras bu dang rang bzhin gyi khyad par gyis nye bar mtshan pa ni me yin no/ zhes bya ba'i don te/ gtsub shing gtsubs pa dpes?/ me shel dang phrad pa der yang 'bras bu bud shing 'gyur ba dang/ rang bzhin reg pa'i khyad par yang yod pa yin na/ des na ji ltar me med pa yin/ gzhan yang 'bras bu rgyu med par 'byung na ni rgyu med pa can nyid du 'gyur ro/ /mngon sum gyi yul la 'khrul pa med pa 'ba' zhig tu ma zad kyi/ 'thad pas kyang 'khrul par mi rigs so zhes bya ba'i tha tshig go /'thad pa ston par byed pa ni gang zhig ces bya ba yin no/ /'bras bu gang zhig skyed par byed pa'i dngos po gang med par 'byung ba'i dngos po de ni de'i rgyu can ma yin no/ /de'i rgyu can nyid ni de la mi 'khrul pas khyab pa yin yang de dang 'gal ba ni 'khrul pa yin te/ des na khyab par byed pa 'ga' ba dmigs pas de'i rgyu can nyid bkag pa yin no/ /du ba yang me med par 'byung ste zhes bya ba ni phyogs kyi chos nye bar bsdu ba'o/ /des ni de'i rgyu can du mi 'gyur ro zhes bya ba ni sgrub par byed pa'i 'bras bu'o/ /gal te 'di snyam du me yongs su spangs nas gzhan du skye ba de lta na yang gzhan gyi rgyu can du 'gyur gyi/ rgyu med pa can ni ma yin no/ snyams na/ ma yin te zhes smos te/ rgyu'i tshogs pa gzhan yin pa de la yang 'bras bu ma yin pa nyid du thal ba mtshungs pa'i phyir ro/ /'bras bu ma yin pa nyid ston pa ni mngon par 'dod pa'i rgyu'i tshogs de med kyang me yod na 'byung ba'i phyir de'i 'bras bu nyid ma yin no/ /de ltar me dang gzhan las kyang 'byung bar khas blangs te rgyu med pa nyid du bstan nas/ da ni yang na zhes bya ba la sogs pas gzhan las 'byung ba ni me las skye ba ma yin la/ me las 'byung ba ni gzhan las skye ba ma yin par bstan pas rgyu med pa nyid du ston to/ /me de las dngos po gzhan gang yang rung ste/ de bskyed pa de lta bu'i rang bzhin ma yin pa gang yin pa de las ji ltar 'byung bar 'gyur te/ du ba me las skye bar mthong na ni rgyu'i tshogs pa gzhan de'i skyed par byed pa ma yin te/ rgyu rnams kyi nus pa so sor nges pa'i phyir ro/ /de bzhin du du ba gzhan las skye na ni me de skye ba'i rang bzhin ma yin par shes te/ des na du ba skyed pa'i rang bzhin ma yin pa gnyi ga las du ba skye ba ma yin pa dang/ 'di skye bar yang snang ba de'i phyir rgyu med pa can du 'gyur ro/ /de nyid ston pa ni rang gis te bdag nyid kyis skyed par byed pa de'i rang bzhin ma yin pa gang yin pa ni de skyed par byed pa ma yin pa'i phyir te/ rgyu ma yin pa'i phyir ro/ /gal te rang nyid skyed par byed pa ma yin yang 'bras bu skyed na ni thams cad thams cad kyis skyed pa'i phyir 'ga' yang gang las kyang mi skye ba med par 'gyur ro/ /des na thams cad la thams cad skye bar thal bar 'gyur ba de'i phyir rgyu med pa nyid la skyon gang 'gyur pa de 'di las 'gyur ro/ /cig shos kyis skyon spang ba'i phyir smras pa/ me las skye bar mthong ba'i du ba de nyid de las gzhan las sam/ gzhan gyi rgyu can yang me las 'byung ngo zhes su zer/ 'o na de ji ltar yin zhe na/ smas pa/ dngos po gang zhig me mas skye ba de dang 'dra ba gzhan las 'byung ba'i phyir zhe na/ cig shos kyis smras pa/ me la sogs pa'i tshogs pa dang mi mthun pa me 'dra ba'i rgyu tshogs las byung ba'i 'bras bu ji lta ba de dang 'dra ba yin te/ 'dra ba nyid ni don gcig byed par nus pa can rnams kyi khyad par can gyi don byed pa'i rgyu mtshan can dang/ rnam pa gcig tu 'dzin pa skyed par nus pas byas pa yin no/ /rgyu'i tshogs pa tha dad pa las skyes pa na rang bzhin me 'dra ba nyid du 'gyur bar rigs pa yin te/ dper na sa lu'i? sa bon dang nas kyi sa bon la sogs pa'i tshogs pa las myu gu mi 'dra ba nyid yin pa bzhin no/ /'di nyid ston pa ni de dang 'dra ba las byung ba'i phyir de dang 'dra ba'i dngos por 'gyur ba yin no/ /gal te mthong ba'i rnam pa'i rgyu'i tshogs dang mi 'dra ba'i rgyu'i tshogs pa dag las de dang 'dra ba 'byung na ni/ rgyu de dag gi nus pa des pa de med pas rgyu'i tha dad pa 'bras bu tha dad par byed pa ma yin no/ /'bras bu dag ni phan tshun rigs ma mthun pa dang 'ga' zhig ni rigs mthun par yang mthong ba yin no/ de las dad par 'dra ba las 'ga' zhig ni 'ga' zhig dang 'dra ba dang 'ga' zhig ni mi 'dra bar mthong ba yin la/ gcig gcig 'ga' zhig dang 'dra ba drang 'ga' zhig dang mi 'dra ba gang yin pa de ni rgyu mtshan med pa can yang ma yin no/ /'dra ba dang mi 'dra ba las ma gtogs pa'i dngos po'i ngo bo 'ga' zhig yod pa yang ma yin te/ des na dngos po'i rang bzhin gyi rgyu yang yin pa de nyid 'dra ba dang mi 'dra ba'i rgyu yin na/ /de lta na yang rgyu tha dad pa can gyi nas kyi myu gu dang/ sa lu'i myu gu dag ni nus pa tha dad pa dang/ rnam pa tha dad par gzung bar bya ba rang bzhin tha dad pa yin la/ rgyu mtshungs pa can sa lu'i myu gu dag ni don gcig byed par nus pa dang/ rnam pa gcig tu gzung bar bya ba'i rang bzhin yin no/ /gang gi tshe rgyu tha dad pa dang 'brel kyang cig shos dang mtshungs na ni de'i tshe cig shes de'i gzhan las tha dad pa de ni rgyu med pa can nyid do/ /rang bzhin gzhan yang med pa'i phyir thams cad du rgyu med pa can du 'gyur ro/ /de la yang zhes bya ba mdza' dag gi sna tshogs kyi rang bzhin rgyu med pa la yang yul dang dus dang rang bzhin des pa me rung ba'i phyir ro/ /zhes nyes pa bshad zin to/ /thams cad thams cad las skye bar yang 'gyur ro/ /zhes bya ba 'di mi skyon gzhan yin te gang gi tshe rgyu rnams kyi nus pa ma nges pa de'i tshe bskyed par bya ba nyid kyis thams cad skyed par byed pa yin pa'i phyir thams cad las skye bar 'gyur ro/ /de'i phyir ji srid du 'gro ba na dngos po gcig gnas pa de srid du de'i 'bras bu skye ba ldog pa med par 'gyur ro/ /de'i phyir 'di gnyi ga las skye na gcig la 'khrul pa'i phyir/ /rgyu med pa nyid dam tha dad pa dang tha mi dad pa dag rgyu med pa'i phyir rgyu med pa nyid du 'gyur ro/ /thams cad thams cad las skye bar thal ba ni rgyu med pa'i skabs nyid yin te/ rgyu med na ni thams cad la thams cad yod par thal zhing/ thams cad rgyu yin pa nyid la yang thal ba 'di khyad par med pas rgyu med pa nyid do/ /gang gi phyir de ltar thams cad las skye bar thal ba de'i phyir rgyu tha dad pa ma yin pa las/ 'bras bu tha dad pa dang tha dad pa ma yin par 'gyur ba yin no/ /de'i phyir du ba ni mthong ba'i rnam pa dang rigs mi mthun pa'i don las mi 'byung gi / gang las skye bar mthong ba de kho na las 'byung ba yin te/ de ltar ma yin na ni rgyu med par thal bar 'gyur ro/ /rgyu med pa nyid yin na yang dngos po rtag tu yod pa 'am med par 'gyur te/ dngos po rgyu med pa ni don gzhan la mi bltos pa'i phyir ro/ /ci'i phyir zhe na/ res 'ga' 'byung ba ni 'bras bu'i yul nyid du bltos pa las yin pa'i phyir ro/ /'di nyid rnam par 'grol ba'i phyir du ba de zhes bya ba smos so/ /du ba rgyu med pa las byung na ni res 'ga' bar mi 'gyur te/ de 'byung ba la ma tshad ba med pa'i phyir ro/ /'dod pa zhes bya ba ni yod pa'i dus so/ /de'i tshe yang zhes bya ba ni yod pa'i dus su yang ngo/ /de yod pa'i dus ni de bskyed par bya ba la med pa'i dus dang khyad par med pa'i phyir ro/ /'di snyam du gal te dngos po rgyu la mi bltos kyang res 'ga' bar 'gyur ba ci 'gal zhe na/ bltos pa dang bcas pa rnams ni zhes smos so/ /res 'ga' i dngos po ni res 'ga' pa'o/ /bsam pa ni 'di yin te/ yul de la bltos pa las rgyu mtshan gzhan ni med do/ /'ga' zhig 'ga' zhig gi rgyu zhes bya bar 'dod pa gang yin pa de yang/ gang gi phyir de yod na 'bras bu yod la/ /med na med pas na de yod pa dang med pa'i rjes su byed pa'i mtshan nyid can gyi bltos pas rgyur 'gyur ba yin la de ni 'bras bu'i dus la yang khyad par med de/ des na dus ni rgyu yin no zhes gang bshad pa ni/ yod pa dang med pa'i dus te/ dus de dag tu don de 'byung bar rung ba dang mi rung ba gang yin pa de dang ldan pa'i phyir ro/ /yod pa'i dus su ni de skyed par rung ba dang ldan pa yin la/ med pa'i dus ni de skyed par mi rung ba dang ldan pa yin te/ des na res 'ga' ba yin la/ res 'ga' ba yin na yang bltos pa dang bcas pa yin no/ /ji ltar na yod pa dang med pa'i dus de dag rung ba dang mi rung ba yin zhe na/ yul dang dus rung ba dang mi rung ba 'dra ba can zhes smos te/ gal te yod pa dang med pa'i yul dang dus dag 'dra bar rung ba dang mi rung ba nyid du 'dod na/ de lta na ni de'i yul dang dus zhig de dang ldan pa 'bras bu dang ldan pa 'am/ cig shos te de dang mi ldan pa de dag tu nges pa mi 'thad do/ /rung pa dang mi rung par khyad par med na ni thams cad de dang ldan pa 'am de dang mi ldan par 'gyur gyi yul dang dus 'ga' zhig ni de dang ldan pa yin la/ gzhan ni ma yin no zhes bya ba gang yin pa'i nges pa 'dir ni mi 'gyur ro/ /de ltar mi 'thad pa yin te mi rung ba de'i phyir gang na dngos po 'gyur ba'i yul dang dus de ni dngos po'i rgyu yin la/ gang du mi 'gyur ba de dag ni mi rung ba nyid kyis rgyu ma yin no/ /rung ba nyid de yang rgyu'i dngos po las gzhan pa'i don ni ma yin gyi/ 'on kyang rgyu'i dngos po nyid do/ /dus ni dus byed dag las gzhan ma yin gyi/ 'on kyang don de skye ba'i rgyu grang ba'i reg pa la sogs pa'i rdul phra rab thams cad du khyab pa ni dgun la sogs pa'i tha snyad brten pa yin no/ /de'i phyir bltos par bya ba'i yul dang dus kyi khyad par gang yin pa de nyid rgyu yin no// de'i phyir yul dang dus 'ga' zhig spangs nas yul dang dus gzhan dag na yod pa'i dngos po ni yul dang dus de'i rjes su 'gro ba dang ldog pa'i rjes su byed pas de'i rgyu can yin te/ de lta na bltos pa dang bcas pa yin no/ /gal te yul dang dus nges su chug mod/ /de lta na yang bltos pa dang bcas par ji ltar 'gyur zhe na/ 'di ltar zhes smos so/ /gang gi phyir yul dang dus 'ga' zhig spangs nas/ yul dang dus 'ga' zhig na yod pa nyid ni bltos par brjod pa yin no/ /gal te bltos pa phan 'dogs pa ma yin nam zhe na/ bden te/ 'di la yang yul dang dus ni phan 'dogs par byed pa kho na ste/ yul dang dus de dag gis byas pa'i phan pa la mi bltos pa ni yul dang dus der yod par nges pa mi rung ba'i phyir ro/ /'di ltar de las rang bzhin gyi khyad par ma skyes pa ni/ rang gi ngo bo yul lam dus 'ga' zhig tu yang khyad par yod pa ma yin no/ /'byung ba'i chos can yin pa'i phyir thams cad du 'byung bar 'gyur ro/ /la lar 'gyu ba ni yul dang dus de dag gis rang bzhin gyi khyad par bskyed pa yin pas/ skyed par byed pa la rgyu'i dngos por bltos pa yin no/ /khyad par bltos pa gang yin pa de nyid ni rgyu yin la/ rgyu dang ldan pa'i chos yul dang dus nges pa nyid gang yin pa de ni du ba la yang yod de/ de'i phyir du ba ni rgyu dang ldan pa yin no/ /rgyu dang ldan par shes na yang yul dus dang ldan pa'i rdzas yod pa gang du du ba bskyed par mthong la/ de med na mthong ba ni me de la bskyed par byed pa nyid du bltos pa'i phyir 'di'i nges pa bskyed par bya ba de'i rgyu can gyi rang bzhin yin te/ gzhan du na nges pa bskyed par bya ba nyid ma yin na ni lan 'ga' ste/ phyogs gcig kyang skyed par byed pa ma yin pa'i me de las med pa'i phyir te/ chu las bzhin no/ /'byung ba 'ang yin te de'i phyir me der nges pa yin na/ ji ltar gzhan las 'byung bar 'gyur te/ 'byung ni na de du ba ma yin te/ 'on kyang dngos po gzhan nyid du 'gyur ro/ /gang gi phyir me des bskyed pa'i don ni 'jig rten na du ba zhes brjod pa yin no/ /ji ltar mes bskyed pa'i rang bzhin du ba yin pa de bzhin du rgyu yang 'bras bu de lta bu skyed pa'i rang bzhin gang yin pa'o/ /de las cir 'gyur zhe na des na 'bras bu du ba de gzhan las zhes bya ba mngon par 'dod pa'i rgyu tshogs pa las gzhan me ma yin pa la sogs pa de las kyang 'byung na ni mngon par 'dod pa'i rgyu tshogs pa de du pa skyed pa de'i rang bzhin ma yin no/ /yod pa dang med pa'i rjes su nges pas bltos par bya ba ni 'bras bu'i skyed par byed par rjod pa yin na/ rgyu'i tshogs pa 'di ni dus bltos par bya ba ma yin pas skyed par byed pa ma yin no/ /des na lan 'ga' yang skyed par mi 'gyur ro/ /yang me las gzhan nges bskyed pa de du ba ma yin te/ du ba skyed pa'i rang bzhin ma yin pa gang yin pa de las byung ba'i phyir ro/ /gal te du ba skyed pa'i rang bzhin ma yin pa ni ma yin te/ de las kyang du ba skye ba'i phyir ro zhe na/ de'i zhes bya ba ni du ba skyed pa'i rang bzhin nyid du khas len na ni de nyid me yin no/ /gal te du ba'i skyed par byed pa ni gnyis te/ me la sogs pa'i tshogs dang mngon par 'dod pa gzhan yin te/ des na skyed par byed pa gang yin pa de ni me yin no zhes bya bar mi 'gyur zhing thams cad las skye ba yang ma yin te/ gnyis nyid skyed gar byed pa'i rang bzhin yin pa'i phyir ro zhe na/ /'di la bsam pa 'di yin te/ du ba'i gzhan las tha dad pa ni rgyu med pa 'am/ gzhan gyi rgyu can ni ma yin gyi/ 'on kyang rgyu tha dad pa sngon du 'gro ba can yin no/ /de la mthong ba dang rigs mi mthun pa las kyang rkyen ni rgyu tha dad pa las tha dad par mi 'gyur ro/ /de nyid kyi phyir tha mi dad pa las kyang tha mi dad pa ma yin pa'i phyir rgyu med pa nyid du 'gyur ro/ /des na 'bras bu rgyu dang ldan par khas len pas rgyu tha dad pa las tha dad par khas blang bar bya'o/ /des na me las skye bar mthong ba'i rang bzhin gang yin pa de 'dra ba'i skyed par byed pa ni me kho na yin pas du ba me las 'khrul pa med do/ /gal te mes bskyed par bya ba nyid du ba yin no zhes bya ba'i nges pa med pa ma yin nam/ sgra rang 'dod kyis sbyor ba na gzhan yang du bar 'gyur ro zhe na/ gzhan la yang du bar brjod la ni rag na/ de dag las gang zhig mes bskyed pa'i du ba de ni gzhan las ma yin pa'i phyir nges pa nyid do/ /da lta ni 'jig rten na mgrin pa dku ba la sogs pa'i don gcig byed pa nyid kyis rnam pa gcig tu zhen par rung pa'i don la du ba'i sgra 'jug cing/ du ba de yang khyad par can gyi don byed pa rnam pa gcig tu shes pa'i yul gyi don la nges pa'i phyir mes bskyed pa nyid yin gyi du ba'i sgras brjod par bya ba nyid ni ma yin no/ /de bzhin du bud shing 'gyur pa'i rgyu nyid kyis rnam pa gcig tu 'dzin pa'i gzung bar bya bar me ni du ba'i skyed byed du mthong ba yin te/ de'i phyir sreg pa'i rnam par zhen par rung ba dang/ 'brel pa du ba'i rnam par 'dzin par rung ba'i don yin no/ /zhes brjod pa yin te/ 'di skad du rnam 'grel las de bzhin du me tha dad kyang me shes pa'i rten yin no/ /zhes bya ba dang/ de bzhin du gzhan la bltos pa'i mer rtogs pa'i yan lag nyid las byung bas na/ du ba de la 'khrul pa med pa'i phyir 'bras bur gyur pa de bzhin du gzhan yang ma yin no zhe na'o/ /don 'di nyid smos pa ni gal te brgya byin spyi bo me nyid kyi rang bzhin gang yin pa ste/ mes bskyed par bya ba'i du ba bskyed pa yin na ni de nyid me yin te/ me'i bskyed par bya ba skyed par byed pa'i phyir ro/ /'on te me'i rang bzhin gang yin pa de ma yin na ni ji ltar na gzhi de las du ba 'byung ba yin/ ci'i phyir me'i rang bzhin ma yin pa las du ba mi 'byung zhe na/ bshad pa du ba rgyu'i rang bzhin gang yin pa ste/ de las skye ba'i phyir de'i nus pa ste/ du ba skyed par byed pa'i nus pa nyid kyis dngos pos gzhan dag las bye brag tu ldan pa yin te/ skyed par byed pa nyid kyis bltos par bya ba ma yin pa gzhan dag las tha dad pa yin no// zhes bya ba'i don to/ /de na du ba gzhan las 'byung na ni du ba'i rgyu ma yin pa las skyed par 'gyur la/ du ba du ba'i rgyu ma yin pa las byung bar rtogs pa ni mdza' dag gi sna tshogs rgyu med pa can du 'gyur ba'i phyir de yang rgyu med pa can du 'gyur ro/ /de ni zhes bya ba ni rgyu tha dad pa las 'bras bu tha dad par khas blangs pa na'o/ /lhan cig byed pa tha dad pa las zhes bya ba ni rigs kyis gcig gi tshig yin te/ lhan cig byed par tha dad pa rnams las zhes bya ba'i tha tshig go / de nyid ston pa ni dper na mig dang gzugs la sogs pa dag las shes par bya ba yin te/ sogs pa smos pas snang ba dang yid la byed pa la sogs pa'o/ /'di bzlog pa'i phyir bshad pa/ dngos po gcig pu skyed par byed pa ste/ skyed pa po'i bya ba dang ldan pa 'am/ de'i rang bzhin te skyed par byed pa'i rang bzhin yin pa ni 'ga' yang med do/ /'o na khyod kyi skyed par byed par 'dod pa gang yin zhe na/ bshad pa/ tshogs pa skyed par byed pa yin la/ skyed par byed pa'i rang bzhin yang de nyid yin no/ /ji ltar na skyed par byed pa nyid las de'i rang bzhin la sogs shin tu brjod de/ gang gi phyir gang zhig skyed par byed pa'i dngos po ngo bo nyid ni de'i rang bzhin yin te/ skyed par byed pa ma yin pa yang de'i rang bzhin nyid yin na ni ha cang thal ba'i phyir ro zhe na/ bden te/ skad cig ma ma yin par smra ba ni lhan cig byed? pa so so bdag skyed par byed pa'i rang bzhin yang skyed par byed pa ni tshogs pa yin par 'di la/ de yang kho bo cag ni mi 'dod de/ gang gi phyir 'ga' zhig skyed par byed pa ma yin na/ skyed par byed pa'i rang bzhin yang ma yin no/ /de nyid kyi phyir 'bras bu mthong ba las de 'dra ba'i tshogs pa rjes su dpag par bya ba yin no/ /don du gnyer ba nyid kyis ni tshogs pa'i khongs su gtogs pa gcig rjes su dpag pa yin no/ /gal te mig la sogs pa mang po rnams gcig gi skyed par byed pa yin na/ ji ltar rgyu tha dad pa las 'bras bu tha dad par 'gyur ba 'am/ de dag so sor nus par yang ji ltar brjod de/ skad cig gi 'og rol gyi bum pa tshogs pas bskyed par yang gang gis 'gyur zhe na/ tshogs pa de nyid ces smos te/ de dag las rgyun 'jug pa'i 'bras bu'i khyad par so sor 'gyur ba yin te/ des na so sor nus pa dang tha dad par byed pa nyid yin zhing/ rgyun 'phel pa'i phyir skyed par byed pa yang yin no zhes bya ba ni bsdus pa'i don to/ /skyed par byed pa'i tshogs gang yin pa nyid ni 'bras bu rang gi ngo bo de'i gnas pa de'i rten yin no/ /lhan cig byed pa'i gang dag las 'bras bu de skyes pa de dag las de'i khyad par so sor 'gyur ba yin la/ de dag gi ni de'i rgyu can ma yin pa dag las 'bras bu de tha dad par byed pa yin no/ /des na rjes su 'gro ba dang ldog pa dag las 'bras bu de 'bras bu gzhan dag las tha dad pa'i rang bzhin du rnam par gnas pa'i rgyu ni lhan cig byed pa dag yin gyi/ gcig nyid ni rgyu mtshan ma yin no/ /de'i phyir tshogs pa ni rang gi ngo bo gnas pa'i rten du brjod pa yin no/ /'di ni 'di skad brjod pa yin te/ rgyu tha dad pa las 'bras bu tha dad pa zhes bya ba ni rgyu du ma las 'bras bu ma yin no/ /zhes bya ba'i don 'di ni ma yin gyi/ 'on kyang rgyu rigs mi 'dra ba las 'bras bu yang 'bras bu gzhan dang rigs mi 'dra ba 'byung ba'i phyir tha dad pa'i don rigs mi 'dra ba'i don yin gyi/ du ma'i don ni ma yin no/ /de lta ma yin na mngon sum dang 'gal ba brjod par 'gyur te/ tshogs pa las 'bras bu skye bar mthong ba'i phyir ro/ /ji ltar na rdzas gcig las tha mi dad pa'i khyad par rgyu tha dad pas byas par rtogs she na/ rjes su 'gro ba dang ldog pa dag las te/ ma rtogs pa las bzlog pa ni mtshungs pa de ma thag pa'i rkyen nyid las yin gyis/ yul dang dbang po dag las ni ma yin te/ de dag gi byed pa med kyang rnam par shes pa gzhan rtogs par mthong ba'i phyir dang byed pa yod kyang de dag gi nye bar len pa dag las mig dang yul gyi skad cig dag rtogs pa med par mthong ba'i phyir ro/ /yul gyi rnam pa ni yul nyid las yin te/ mig dang yid dag gi byed pa yod kyang/ nges pa'i rnam pa ma mthong ba'i phyir ro/ /de bzhin du rjes su 'gro ba dang ldog pa dag las bum pa la rdza mkhan la sogs pa rnams bdag nyid kyi khyad par dag la byed par sbyar ro/ /ji ltar yang rgyu dang 'bras bu'i dngos po ni skad cig gcig gi yul can ma yin te/ de ni rjes su 'gro ba dang ldog pa dag las nges par bya ba yin no/ /skad cig gcig ni rgyud mngon par 'dod pa'i skad cig 'ba' zhig med na med pa ma yin te/ khams gsum la med na yang med pa'i phyir thams cad thams cad kyi 'bras bur 'gyur ro/ /yod pa dang med pa'i rjes su byed pa dang/ tshu rol mthong ba'i yul ma yin pa'i phyir skad cig ni 'bras bu nyid du nges pa ma yin no/ /me'i rnam par 'dzin pa skyed par rung ba tsam nyid ni du ba'i rnam par 'dzin pa tsam du rung ba'i skyed par byed pa nyid du nges pa yin la/ de lta bur gyur pa yang gcig ma yin pa'i phyir rgyu dang 'bras bu'i dngos por nges pa ni tshogs pa'i yul can yin no/ /tshogs pa can dag las tha dad pa'i tshogs pa gcig dngos por med kyang/ du ma yang med pa ni ma yin te/ ha cang thal bar 'gyur ba'i phyir ro/ /de bzhin du dngos po du ma'i yul can nyid kyi khyad par ni lhan cig byed pa la bltos te/ so so tha dad pa yin gyi skad cig gi yul can ni ma yin no// de na tshogs pa ni 'bras bu khyad par gyi rang gi ngo bo gnas pa'i rten yin no/ /'o na ji ltar tshogs pa rnams so sor nus par brjod ce na/ gang gi phyir 'dus pa gzhan med pa'i phyir 'bras bu mi skyed par thal ba de'i phyir tshogs pa rnams so sor nus pa yin no/ /gang gi phyir don gyi dngos po bskyed pa'i tshogs pa rnam par gnas pa'i rten du gyur pa yin pa de nyid kyi phyir/ lhan cig byed pa rnams kyang rnam grangs med par te/ rim pa ma yin pa dang so so ma yin par skyed par byed pa yin no/ /gal te tha dad pa dag kyang skyed par byed pa nyid yin na ni de'i tshe so sor dus tha dad du nus pas/ rim gyis 'bras bu bskyed par byed par 'gyur ro/ /gang gi tshe tshogs pas 'bras bu khyad par can gcig skyed par nus pa de'i tshe ni rnam grangs med cing so so ma yin par skyed pa yin no/ /'bras bu gcig tu ma las rang gzhan gyi khyad par 'grub pa ni lhan cig byed pa yod pa'i phyir so so tha dad par skyed par byed pa ma yin no/ /rigs mi mthun pa las mi skye'o zhes ji ltar brjod de/ gang gi phyir gci ba la sogs pa rigs mi mthun pa las kyang/ autpal la sogs pa 'byung ba mthong ba yin no/ /rjes su 'gro ba dang ldog pa dag las gang zhig 'bras bu gang gi rgyu'i dngos por mthong ba de ni rigs mthun pa'i rgyu yin la/ de las tha dad pa ni rigs mi mthun pa'i rgyu yin no/ /de bzhin du autpa la la sogs pa yang mthong ba'i rgyu las gzhan las skye ba de des na rigs mi mthun pa las skye ba yin no/ /zhe na/ lan bshad pa/ rigs mi mthun pa las skye bar mthong ba de la yang/ autpa la la zhes de skad du brjod kyang ste/ sgra mtshungs pas brjod par bya ba yin yang zhes bya ba'i tha tshig go /autpa la gang la rang gi sa bon las rab tu skye ba yod pa de las autpa la la cig shos gci ba las byung ba ni rnam pa dang dbye bas dang 'bras bu la sogs pas mtshon pa'i rang gi ngo bo tha dad pa kho na'o/ /tha dad pa yang gang zhe na/ rgyu'i rang gi ngo bo tha dad pa'i phyir ro zhes smos so/ /dper na zhes bya ba ni dpe'i thabs kyis gzhan gyi sgo nas kyang dogs pa bzlog pa'i phyir ro/ /sa bon dang sdong bu dag las skye ba'i chu shing gang yin pa lta bu'o/ /sa bon las skye ba'i chu shing ni 'bras bu med pa yin la/ sdong bu las skye ba'i ni 'bras bu can yin te/ des na de dag ni 'bras bu dang 'brel pa dang ma 'brel pa dag gis tha dad pa yin no/ /rnam pa tha dad pa'i sgo nas kyang tha dad par bstan pa'i phyir/ de lta bu ni 'jig rten na gsal ba kho nar rnam par 'byed do zhes smos te/ sdong bu las skyes pa'i chu shing ni sbom pa dang snga ba'i rnam pa can yin la/ sa bon las skyes pa'i chu shing ni shun lpags skye ba dang sdong bu phra ba yin no/ /de lta na yang sdong bu las skyes pa ni rnam pa gnyis te/ sa bon las byung ba'i sdong bu las skyes pa dang/ sdong bu las byung ba'i sdong bu las skyes pa yin la/ de dag kyang gzugs khyad par med pa'i phyir de dag las bar du chod pa'i sa bon dpog pa na 'khrul par 'gyur ro zhe na/ 'di la lan gdab pa'i phyir/ bshad pa bar du chod pa'i rgyu rjes su dpag pa'i phyir ni 'bras bu 'jug pa ma yin no/ /'o na ci zhe na/ de ma thag pa'i rgyu nyid rjes su dpag par bya ba yin no/ /bar du mchod pa'i rgyu de ni 'bras bu'i rdzas 'dra ba rnams la 'dra ba nyid yin no/ /de la ni rjes su dpog pa 'khrul pa med la/ bar du chod pa'i rgyu ni rjes su dpog pa ma yin pas 'khrul pa med do/ /dper na rjes su 'brel pa zhes bya ba ni rgyun tu rjes su 'jug ba'i chu shing gzugs khyad par med pa sdong bu gcig las skyes pa dag bzhin no/ /'bras bu gang la dngos kyi skyed par byed pa'i rgyu tha dad pa de la ni 'bras bu'i rang bzhin tha dad pa yang yod pa yin ta/ dper na gang dag sa bon dang sdong bu las skye ba can gyi chu shing de dag nyid yin no/ /des na rgyu gang las 'bras bu ci 'dra ba dngos su skye bar mthong ba'i 'bras bu de 'dra ba de las ni de ma thag ba'i rgyu de 'dra ba nyid rjes su dpog pa yin no/ /bar du chod pa brgyud pa dang ldan pa dag kyang rjes su dpog ba ni ma yin bas des na 'khrul pa med do zhes bya ba ni mjug bsdu ba'o/ /'di snyam du rgyu tha dad pa'i 'bras bu dag kyang res 'ga' rnam par mtshungs pa yin te/ dper na nags dang cig shos kyi rgyal mo go gnal? sogs pa lta bu'o/ /des na de ma thag pa'i rgyu rjes su dpog pa la 'khrul pa med ba zhes ji ltar brjod ce na/ bshad pa/ rnam pa tha dad pa 'ba' zhig ni dngos po de'i de nyid ma yin pa dang tha dad pa nyid kyi rgyu mtshan ma yin na/ gang gis rnam pa tha dad pa med pa'i phyir tha dad pa nyid ma yin par 'gyur ro/ /'on kyang rang bzhin gzhan yang yin te/ rnam pa tha dad pas kyang tha dad par rnam par 'jog la rang bzhin gzhan gyis kyang yin no/ /bcos ma dang btsas ma ma yin pa'i nor bu la sogs pa ni rnam pa mtshungs pa yin yang ljid dang mthu'i khyad par gyis tha dad par rnyam par bzhag nus pa yin no/ /rang bzhin gzhan de nyid rnam dang mtshungs kyang tha dad pa'i rgyu mtshan du rnam pa du ma'i sgo nas bstan pa'i phyir/ kha cig tu ni me tog tha dad pas te zhes smos so/ /me tog gi rgyu mtshan gyis tha dad pa ste/ gal te de dag rang bzhin tha dad pa ma yin na me tog kyang tha dad par mi 'gyur ro/ /yang na me tog yod na tha dad par mtshon pa 'am/ me tog de la tha dad par rtogs pa yin no/ /de bzhin du gzhan dag tu yang sbyar ro/ /mthu ni 'bras bu skyed pa'i nus pa'o/ /me tog la sogs pa ni rdzas kyi nang du 'dus pa nyid yin la/ nus pa yang tha dad pa'i yul can yin no/ /de'i phyir shin tu rnam par bye ba'i 'bras bu ni zhes bya ba ni 'bras bu la sogs pa dang 'brel bas shin tu rnam par phye ba'i 'bras bu gang yin pa de nyid kyis rjes su dpag par nus pa'i phyir rgyu la 'khrul pa med do/ /bshad zin pa'i don nyid bstan par bya ba'i phyir/ bshad pa/ rgyu byed par yod kyang 'bras bu khyad par med na skyon du 'gyur ba'i phyir te/ rgyu med ba nyid du thal ba'i phyir ro/ /don 'di nyid sdud pa ni gang gi phyir rjes su 'gro ba dang ldog pa de las rang bzhin gang zhig rgyur gyur ba'i rang bzhin de'i rjes su 'gro bar mthong ba'i rjes su 'gro bar byed pa de'i rang bzhin gyi rgyu ni de yin pas/ de rgyu can yin ba de'i phyir mi mthun ba las mi 'byung ngo/ /de'i phyir de ltar 'bras bu dang rang bzhin gyi gtan tshigs bshad nas/ 'brel ba nges pa'i phyir de dag nyid go bar byed pa yin no/ zhes gang bshad pa re bshad pa rgyu dang 'bras bu'i dngos po nges par byed pa 'am/ rang bzhin nges par byed pa las bsgrub par bya bar gyur ba dang rgyu dang 'bras bu'i dngos po dang/ de'i bdag nyid yin pa ni bsgrub par bya bar gyur pa gtan tshigs du? nges pa yin pa'i phyir/ de las bsgrub par bya ba med na mi 'byung ba nges par blta'i/ gtan tshigs mi mthun pa'i phyogs la ma mthong ba dang mthun pa'i phyogs la mthong ba las ni ma yin no/ /gzhan du rgyu dang 'bras bu'i dngos po dang de'i bdag nyid med na gzhan dag dang lhan cig nges par yod pa'i nges ba med par 'gyur ro// gang zhig byas pa grub na ma grub pa'i rang bzhin de don gzhan rgyu mtshan can gyi chos yin par khas len na/ nges par yod pa'i nges ba zhes bya ba gang zhig yin te/ dper na gos la tshon nges par yod pa'i nges pa med pa bzhin no/ /gzhan med zhes bya ba ni chos don gzhan gyi rgyu mtshan can yin na/ nges bar yod pa'i nges pa med par 'gyur ba 'ba' zhig tu ma zad kyi/ don gzhan gyi rgyu mtshan can gyi rang bzhin ni don gzhan yin par yang 'gyur ro zhes bshad pa ni gang gi phyir chos gang zhig don gzhan gyi rgyu mtshan can yin par mthong ba de ni de las gzhan nyid yin no/ /'di ni rang bzhin gyi gtan tshigs kyi skabs su 'gyur ba skad cig 'jig pa'i 'phro yin bas de nyid du bshad par bya ba ma yin nam zhe na/ bden mod kyi 'on kyang gang zhig don gzhan gyi rgyu mtshan can nyid kyis don gzhan du gyur ba de ni de'i rgyu'i tha dad pa tha dad par byed pa yin no zhes bya ba'i don grub pa na grub pa yin la/ rgyu'i tha dad pa tha dad par byed pa zhes bya ba'i don 'di yang 'bras bu'i gtan tshigs kyi skabs su bshad par bya ba yin no/ /des na 'bras bu'i gtan tshigs bshad ba na lhag ma 'di bshad pa yin no/ /rnam par 'brel pa bshad pa ni de grub na zhes bya ba yin no/ /gang du grub pa na gang du ma grub pa de ni grub na ma grub pa 'am rgyu tha dad pa yin te/ de ni sngar grub zin pa de'i rang bzhin du rigs pa ma yin no/ /ci'i phyir de ltar yin zhe na/ dngos po rnams kyi zhes smos te/ chos 'gal ba gnas pa gang yin pa de nyid ni tha dad pa yin la/ tha dad pa'i tha snyad ni de'i yul can yin no/ /rgyu tha dad pa yang 'di kho na yin te/ skyed par byed pa tha dad pa gang yin pa'o/ /gang zhig 'jig rten na tha dad par grags pa de nyid tha dad par brjod par bya ba ma yin nam/ 'gal ba'i chos gnas pa ni 'jig rten na grags pa ma yin no zhe na/ de lta na ni 'o na 'jig rten na tha dad par grags pa de gang yin gang la 'jig rten tha dad par rtogs pa'o zhe na/ 'jig rten na grags pa'i tha dad pa 'dri ba na 'jig rten pa'i rtogs pa'o/ /rtogs pa 'di'i yul gang yin zhes bya ba'i don 'di khyod la dris pa ma yin nam/ des na gang la 'jig rten rtogs pa'o zhes ci'i phyir brjod/ chos tha dad pa las gzhan pa'i rgyu ni med pas 'jig rten pa'i tha snyad kyi rgyu ni de yin no/ /des kyang zhes bya ba ni 'gal ba'i chos gnas pas so/ / tha dad pas ni sngar bsgrubs zin pa'i phyir 'dir mi bsgrub kyi 'di ni 'gal ba'i chos bsgrub par bya ba'i phyir yin no/ /tha dad pa'i rgyu mtshan gzhan med pa'i phyir/ ril gcig tu 'gyur ro/ /gal te ril gcig tu gyur mod des cir gyur zhe na/ bshad pa gcig yin pa des na/ lhan cig skye ba dang 'jig pa der 'gyur ro/ /rim gyis skye ba dang 'jig pa yin na ni/ skyes pa dang ma skyes pa dang zhig pa dang ma zhig pa gang yin pa de dag cig tu mi 'gyur ro/ /des na rim pa dang mi ldan pa'i skye ba dang 'jig pa dag tu 'gyur ro/ /gang zhig 'gal bar chos gnas pa tha dad pa'i rgyu mtshan du mi 'dod pa de la/ rim gyis skye ba dang 'jig pas na skyes pa dang ma skyes pa dang/ zhig pa dang ma zhig pa dag tha dad par thal bar 'gyur bar mi rigs pa ma yin nam/ gang zhig tha dad pa 'gal ba'i chos kyi rgyu mtshan can du khas mi len pa de grub pa dang ma grub pa'i rgyu mtshan dang zhig pa dang ma zhig pa'i rgyu mtshan gyis du ma nyid du khas len bar ji ltar 'gyur zhe na/ bden mod kyi gang gis gang zhig yod par 'dod pa des na de nga'i rang bzhin btang pa dang bral bar khas blang bar bya ba yin te/ gang gi tshe yod pa de nyid kyi tshe de de'i rang bzhin las nyams pa yin no zhes ni shes par nus pa ma yin no/ /des na thams cad du de'i rang bzhin nyams pa yongs su spangs nas gnas pa yin no/ /'o na de dag gis tha dad pa 'gal ba'i chos dang ldan pa'i rgyu mtshan can du ji ltar khas blangs pa ma yin zhe na/ smras pa/ yod pa thams cad ni yod pa dang med pa las gzhan pa'i 'gal ba'i chos dang ldan ba'i rgyu mtshan gyis tha dad par khas blangs pa ma yin gyi/ yod pa dang med pa'i rgyu mtshan gyis tha dad par khas blangs pa kho na'o/ /de la dngos po gang zhig skyes pa dang/ sa zhig pa gang yin pa de ni nyams pa dang 'brel ba de'i rang gi ngo bor yod pa yin la/ gang zhig ma skyes pa dang zhig pa gang yin pa de ni de'i rang bzhin nyams pa dang ldan pas de las tha dad pa yin/ de'i phyir tha dad pa 'gal ba'i chos dang ldan pa'i rgyu mtshan can du khas blangs kyang yod pa dang med pa'i rgyu mtshan can du ni tha dad pa khas blangs par bya ba yin pa kho na'o/ /skye ba dang 'jig pa rim pa dang ldan pa yin na tha dad pa nyid du thal ba de'i phyir/ gcig pa thams cad cig car skye ba dang 'jig pa dang ldan par 'gyur ro/ / thams cad thams cad la zhes bya ba 'dis ni 'di skad brjod pa yin te/ dngos po'i yod pa nyid ni don bya ba byed pa'i rgyu mtshan can yin/ gal te yod pa thams cad gcig nyid yin na ni/ de'i tshe bum pa la sogs pa la yang snam bu'i rang bzhin yod pa de'i phyir/ bum pa la sogs pas kyang snam bus bsgrub par bya ba'i don bya ba bya dgos te/ gal te thams cad la thams cad yod na de lta na gcig pa nyid do/ /don bya ba byed pa de las ldog na ni dngos po nyid kyang ldog par byed do// gang zhig gang la med pa de ni de'i rang bzhin nyams pa dang ldan pa nyid kyis gzhan nyid yin pa'i phyir/ de la yang yod pa dang med pa 'gal ba'i rgyu mtshan can tha dad par thal ba kho na'o/ /des na ril gcig nyid yin na cig car skye ba de'i 'jig pa dag dang/ thams cad don bya ba thams cad la nye bar sbyor bar thal ba kho na'o/ /de lta ma yin te skyi ba dang 'jig pa rim dang ldan pa dang/ thams cad thams cad la nye bar mi sbyor na de'i rang bzhin yod pa dang med pa dag gis mdza' dag tha dad pa yin pa'i phyir gcig ces bya ba gcig nyid dang ldan pa dngos po'i gnas lugs kyis gcig gi rang bzhin du mi 'gyur ba 'am/ yod pa dang med pa'i rgyu mtshan gyi tha dad par khas blangs pa'i phyir gcig ces ming tha dad par zad do/ /ci'i phyir zhe na/ du ma nyid kyi sgras brjod par bya ba'i don khas blangs nas de skad du/ zhes bya ba gcig gi sgras brjod pa'o/ /des na gcig yin na cig car yod pa dang med pa la mi 'khrul ba'i chos su mi 'gyur te/ de dag gcig la cig car 'gal ba'i phyir ro/ /rim gyis skye ba dang 'gag pa dag yin na ni dngos po dngos po med pa la mi 'khrul ba yin no/ /don byed pa la nye bar sbyor ba yang nges pa'i yul can yin te/ des na ril rdzas gcig nyid ma yin no/ /gal te 'gal ba'i chos brten pa las du ma nyid yin na/ rgyu don tha dad pa 'ba' zhig tu ma zad kyi/ rgyu don tha dad pa nyid kyang ste/ don gyi dngos po yod pa'i dus na mi rtag pa nyid ma grub pa'i phyir ro/ /mi rtag pa nyid ni ldog pa'i rang bzhin dngos po dang 'gal ba yin no/ /gal te skad cig dang po la yod na ni dngos po nyid du mi 'gyur te/ skad cig gnyis pa bzhin no/ /'dis ni dngos po dang mi rtag pa 'gal ba'i chos brten par brjod pa yin no/ /mtshungs so zhes bya ba ni ji ltar don gzhan rgyu yin pa nyid la grub pa dang ma grub pa dag gis du ma yin pa de bzhin du/ rgyu don gzhan med pa la yang yin no/ /'di spang ba'i phyir gzhan ni 'ga' yang med do zhes smos so/ /sngon med pa'i rang bzhin thob pa ni grub par brjod do/ /gal te mi rtag pa dngos po yin par gyur na ni de sngar ma grub pa phyis grub pas 'gal ba'i chos brten par 'gyur ba yin na gang gi phyir gang zhig phyis 'grub par 'gyur ba mi rtag pa nyid kyi dngos po ni 'ga' yang yod pa ma yin te/ de'i phyir rgyu mtshan grub pa nyid med pas 'gal ba'i chos brten pa yod pa ma yin no/ /gal te mi rtag pa nyid dngos po med na 'o na gtan tshigs dang bsgrub bya dag ji ltar de'i bdag nyid kyi mtshan nyid kyis 'brel ce na/ dngos po zhes smos so/ /skad cig mar gnas pa'i chos can zhes bya ba ni ldog pa'i chos kyi rang bzhin nyid ni mi rtag par rjod do/ /de nyid bsgrub par bya ba yin pa des na/ gtan tshigs dang bsgrub bya tha mi dad par gyur pa na de'i bdag nyid kyi 'brel pa yin no zhes bshad pa yin no/ /des na dngos po ldog par 'gyur ro mi rtag par 'gyur ro/ /zhes bya ba de lta bu la sogs pa'i dag dag gis dngos po'i rang bzhin nam 'bras bu gang zhig grub par brjod pa ni ma yin gyi/ 'on kyang mthong ba'i rang bzhin gyi don gang yin pa de med do/ zhes bya ba'i don 'di brjod pa yin no/ / dngos po gzhan brjod pa yin na dngos po snga ma ldog pa brtan par thal ba'i phyir ro/ /de ni mang du bshad zin to/ /mang du cha lhag pa gang yin pa'o/ /skad cig tu gnas pa'i chos chos can zhes bya ba der ro/ /'o na ji ltar bum pa mi rtag pa bum pa mi rtag pa zhes brjod par byed pa tha dad ce na/ bshad pa/ tshig ste brjod pa tha dad pa zhes bya ba du ma nyid la yang ste/ 'di'i tha dad pa'i tha snyad la yang de/ /chos dang chos can nyid du ji ltar 'gyur zhe na/ tha mi dad par brjod pa ni chos can nyid du ste/ sgra mi rtag ces bya ba'o/ /tha dad par brjod pa ni chos nyid du ste/ sgra'i mi rtag pa nyid ces bya ba'o/ /chos dang chos can gyi sgra gnyi gas rtag pa las ldog pa gcig nyid brjod pa yin no/ /tshig tha dad pa 'di la ni rgyu mtshan khyad par gzhan te/ ldog pa gzhan mi spong ba ste/ de dang brjod par bya ba'i chos bdag nyid gcig tu 'phral bar rung ba nyid do/ /gang gi tshe chos gzhan dag dang 'brel bar rung ba brjod pa de'i tshe ni chos gzhan mi spong ba yin te/ dper na sgra mi rtag pa zhes bya ba bzhin no/ /'dir ni mi rtag pa zhes bya ba'i chos sgra nyid la sogs pa sgra la brten pa'i chos dag dang bdag nyid gcig tu 'brel par rung bar brjod pa yin no/ /gang gi tshe chos de nyid sgra nyid la sogs pa sgra la brten pa'i chos dag dang 'brel par mi rung ba de'i tshe chos gzhan spong ba yin te/ dper na sgra'i mi rtag pa nyid ces bya ba lta bu'o/ /'dir mi rtag pa nyid la sgra brten pa'i chos dag bdag nyid gcig tu 'brel par mi rung bar brjod pa yin gyi/ thams cad du 'gro ba la sogs pa bdag nyid la brten pa'i chos dag dang ni mi rtag pa nyid 'brel par rung ba kho na'o/ /de nyid kyi phyir chos gzhan dang 'brel par rung ba'i chos can gyi chos las tha dad par ston pa drug pa yin no/ /gzhan mthun pa la ni spong ba dang mi spong ba dag tu mi 'gyur ro/ /de lta bu la sogs pa bstan par bya ba'i gong nas gong du 'phros pa gang yin pa de ni rnam 'grel tu gtan la phab zin pa'i phyir 'dir ni mi spro'i/ /gal te dngos po'i rang bzhin ldog pa'i chos de nyid 'jig pa yin na/ de lta na ni 'o na ji ltar tha snyad byed pa po rnams ldog pa'i bdag nyid kyi gnas skabs phyis 'byung ba 'jig par 'dod ce na/ 'di'i rang bzhin de ni mthong ba bzhin du yang zhes smos so/ /gang la thog ma med pa'i 'khor ba nas goms pa'i ma rig pa'i bag chags kyis blo gzhan pa yod pa ste/ de lta ma yin na ci'i phyir mthong ba'i dngos po'i bdag nyid thams cad mi rtogs gal te ma rig pas ldog pa'i chos can nyid du mi rtogs pa yin na/ de lta na ni zhig pa'i dngos po la yang mi brtan par rtogs par mi 'gyur ro dogs pa la/ ma rig pa'i bag chags yod pa la phyi rol yang 'khrul pa'i rgyu mtshan du bstan pa'i phyir bshad pa/ ldog pa dang mi ldan par dngos po dang 'brel ba'i yod pa 'ba' zhig dmigs pa ste/ med pa dang bcas pa'i yod pa dmigs na ni/ yod par dogs pa ma yin pa'i phyir bum pa 'jig pa mthong ba bzhin no/ /rtag tu zhes bya ba ni skad cig gnyis pa la sogs par yang ngo/ /dngos po sngar mthong ba de ltar yod pa de'i dogs pa skyes pa des bslus shing bring ba'o/ /mig gi rnam par shes pas dngos po yod pa 'ba' zhig dmigs kyi/ med pa ni ma yin pa des na slu bar byed pa'i 'khrul pa skyes pa yin no/ /yod pa dmigs kyang bltar rung ba dang bral ba'i sa phyogs la sogs pa dmigs pa las bum pa med par nges pa mthong ba de bzhin du/ /dngos po gzhan skad cig gnyis pa'i dngos po sngar mthong ba'i rang bzhin gyis steng par dmigs na snga ma med par tha snyad du byed pa ma yin nam zhe na/ 'dra ba gzhan 'byung ba des bslus pa yin no/ /skad cig gnyis pa la mthong ba'i rang bzhin gang yin pa de ni snga ma'i rang bzhin dang 'dra ba yin par te/ des na tha dad par rtogs pa med la/ de med pas na snga ma med par nges pa ma yin no/ /rnam par dbye ba ma nges na sngar yod pa de nyid 'di yin no zhes rtogs pa yin no/ /zhes bya ba'i don to/ /'di la de 'dra ba gzhan 'byung ba mthong ba dang/ bar chad med pa ni slu ba'i rgyu yin gyi/ ma dmigs pa ngang bar du chos pa ni ma yin no/ /glog gnyis 'dra ba yin yang bar mchod pa ma yin pa'i phyir snga ma med par nges pa des na gcig tu 'khrul pa ma yin pa bzhin no/ /'dir ni gnyis pa'i ngo bos stong pa'i dus med pa'i phyir bar chod med pa yin te/ skye ba dang 'jig pa mnyam pa zhes bya ba gang bshad pa yin no/ /dmigs pa yang 'dra bar 'khrul pa'i rgyu yin no/ /'am zhes smos pa ni phyogs snga ma gnyis la lan tha dad pa ston pa'o/ /don rnam par ni phyogs snga ma bsdoms pa'i lan bsdoms pa nyid yin no/ /des na tha dad pa la bltos nas ni rnam par brtags pa yin la/ bsdoms pa la bltos nas ni sdud pa yin te/ dper na gal te lhas byin 'ong ngam/ gal te sna tshogs bshes gnyen 'ong ba de lta na yang do zla'i gyang ni nga'o zhes de dang de la zla'i gyang ni nga'o zhes smra ba na re re na la bsams nas 'am gyi sgra sbyar ba bzhin no/ /yang na da ltar yod pa dmigs pas gang gi tshe dngos po yod pa ma mthong ba de'i tshe yang yod par sems pa yin te/ dper na dngos po 'di ltar gnas pa de bzhin du phyogs kyang gnas so zhes bya ba 'am/ mthong ba'i bum pa dus ra zhig ma mthong ba las yang mthong ba na/ de'i tshe mthong ba'i bum pa gang yin pa de nyis dus de srid du gnas so zhes rtogs pa bzhin no/ /ma mthong ba la yang gnas par dags pa ni yod pa dmigs pa las yin la/ da ltar yod pa 'ba' zhig tu dmigs pa ni sngar bshad pa'i khyad par gyi 'dra ba gzhan 'byung ba las yin no des na 'dra ba gzhan 'byung bas bslus pa ni yod pa dmigs pa'i rgyu mtshan du brjod pa yin la/ yod pa dmigs pas ni thams cad du ma mthong ba'i dus su yang gnas par 'khrul pa yin no/ /de'i phyir bshad ma thag pa 'dis ni phyi rol gyi 'khrul pa'i rgyu bshad pa yin no/ /des na skad cig ma tha ma mthong ba'i rnams la ldog pa'i chos nges pa'i phyir yod pa dmigs pa 'khrul pa'i rgyu mtshan yin la/ phyi rol gyi rgyu mtshan de yod kyang thar pa rnams la 'khrul pa med pa de'i phyir sngar blo zhan pa zhes bya bas ma rig pa'i bslad brgyur bshad pa yin te/ blo zhan pa ni ma rig pa'i mtshan nyid du brjod do/ /slob dpon phyogs kyi glad pos phyi rol gyi rgyu mtshan nyid ston par mdzad pa na/ 'dra ba yis ni bsgribs pa'i phyir/ de gzung bas na de mi 'dzin ces bshad do/ /gzhan gang dag gzhung 'di brjod par byed pa ma yin pa dang ma 'brel par 'chad pa ni bshad pa 'dis spang bar bya'o/ /'o na ldog pa'i gnas skabs ji ltar mi rtag pa nyid yin zhe na/ bshad pa/ yod pa'i dus kyi phyis bum pa la sogs pa'i dngos po 'di bum pas dben pa'i sa phyogs shes pa'i bdag nyid mi dmigs pa rgyur gyur pas mi gnas par rtogs pa de'i phyir/ 'jig pa'i rang bzhin nges pa ni dus phyis yin no/ /de'i phyir gang gi tshe nges pa de'i tshe mi rtog pa nyid du rnam par bzhag go / dngos po ldog pa nyid kyi dus gang yin pa'i de'i khyad par can gyi ldog pa'i gnas skabs kyi bdag nyid ni mi rtag pa nyid yin no zhes bya ba 'di yang 'gyur ba mthong nas phyis rnam par 'jog pa bzhin no zhes bya ba der bshad zin to/ /des na ldog pa'i gnas skabs kyi mthar thug pa de'i rang gi ngo bo nyid ldog pa'i chos mi rtag pa nyid du gnas pa yin gyi/ ldog pa'i skabs 'ba' zhig ni ma yin te/ de ni dngos po dang lhan cig 'brel pa med pa'i phyir ro/ /dngos po dang dngos po med pa dag 'gal ba'i phyir/ med pa'i dus khyad par can gyi ldog pa nyid kho bos mi rtag pa nyid du rtogs so zhes smos pa yin no/ /zhes bya ba yang de nyid du bshad zin to// des na ldog pa'i chos kyi dngos po nyid mi rtag pa yin par ni tha snyad las kyang yin no/ /de lta ma yin te gal te dngos po nyid mi rtag pa ma yin gyi 'on kyang dus phyis 'byung ba yin na de'i tshe 'gal ba'i chos dang ldan pa'i phyir don gzhan kho nar 'gyur ro/ /gzhan gyi rgyu mtshan can zhes bya ba rgyu mtshan yod pa yin nam med pa yin yang rung ste/ dus tha dad pas gzhan nyid do/ /don gzhan du gyur pa de lta yin na ni bum pa la sogs pa'i dngos po mi rtag pa nyid de dang ldan par mi 'gyur te/ mi dogs pa'i phyir ro zhes bya ba ni don gyi bdag nyid la tha dad pa de'i byed pa med pa'i phyir ro/ ci ste don gyi bdag nyid mi rtag par bya ba'i phyir 'brel pa can gyi 'jig pa de byed pa nyid yin pas de la dags na ni de'i bya ba gang dang 'brel pas 'jig pa'i rang gi bdag nyid du gyur pa'i 'jig pa skyed pa gang yin pa de nyid mi rtag pa yin par 'gyur gyi/ mi rtag pa gzhan gyis ci zhig bya ste/ rang gi bdag nyid du gyur pa'i 'jig pa med par ni de yod kyang dngos po 'jig pa ma yin no/ /'di snyam du mi rtag pa nyid dang 'brel pas dngos po mi rtag pa yin gyi/ rang gi ngo bos ni ma yin no/ /des na mi rtag pa nyid nye bar sbyor ba ma yin yang mi rtag pa nyid dang 'brel bas mi rtag par 'gyur ba yin no snyam na/ rang bzhin gyis mi g.yon zhes smos so/ /brtan pa rang gi ngo bos g.yo ba med pa ni don gzhan 'ga' zhig dang ldan pa na rang gi ngo bo las mi 'pho ba yin te/ des na g.yo ba de'i ngo bor mi 'thad de/ gtan tshigs de'i phyir dngos po de dang ldan par mi 'gyur ro/ /gzhan yang mi rtag pa nyid de don gzhan gyi rgyu mtshan can du khas len na/ mi rtag pa nyid ces bya ba 'am/ ches gzhan de'i dngos po'i rgyu gzhan las gyur pa'i don gzhan las 'byung ba na sgrub par byed pa mtshan nyid kyi dngos po de'i rang gi ngo bor mi 'gyur ro/ /des na rgyu 'am 'bras bu zhig yin par 'gyur te/ gzhan ni 'brel pa med pa'i phyir sgrub par byed pa'i mtshan nyid kyi dngos po de la yod pa bdog par rjes su dpag pa gang yin pa de mi srid pa'i phyir ro/ /da ltar rnam par rtog par 'gyur pa de la don gzhan de rgyu nyid ni ma yin te/ sgrub par byed par gyur pa de'i tshe phyis 'byung ba'i rgyu'i phyir na'o/ /gang zhig gang gi phyis 'byung ba de ni de'i rgyu ma yin te/ sngar gyi de rgyu yin pa'i phyir ro/ /'bras bu yin na yang de yod pa na gcig tu nges pa ma yin te/ nges par rjes su dpag par mi 'gyur ro/ /don gzhan las skyes pa de ji ltar rgyu ma yin zhe na/ de zhes smos te/ sgrub par byed pa zhes bya ba'i dngos po sgrub par byed pa'i rgyu dag las grub nas so/ /de ni gzhan las 'byung na zhes bya ba ni/ skye ba 'grub pa'i rgyu dngos po gzhan yin na'o/ /gang zhig gang med par grub pa'i dngos po de ni yod pa sngon du 'gro ba can ma yin phyir de de'i rgyu ma yin no/ / gzhan gyis phan ba ste sgrub par byed pa'i mtshan nyid kyi dngos po las gzhan du gyur pa'i phan pa dogs dbyung ba la bltos pa'i 'bras bu yang rgyu gcig la gdon mi za bar dpyod pa ma yin te/ 'di ltar 'bras bu des na sgrub par byed pa'i rgyu las tha dad pa'i rgyu la bltos par bya ba yin na gang gi phyir de yang rang gi rgyu dang 'brel ba la bltos nas nye ba yin pa de'i phyir/ don gzhan las skyes pa de yod pa ste/ bdog pa'i go bar byed pa'i gtan tshigs ma nges pa yin no/ /ci ste don gzhan la bltos pa ni ma yin te/ 'on kyang 'jig pa ni sgrub par byed tsam la bltos pa yin no/ zhe na/ gal te de ltar dngos po tsam las 'byung ba yin te/ 'bras bur gyur pa'i dngos pa de rgyu gzhan la mi bltos pa nyid yin na/ dngos po gzhan la mi bltos pa'i phyir de nyid de'i rgyu med par skyes pa yin te/ dngos po'i rgyu las gzhan la mi bltos pas 'jig pa rgyu med par bshad pa yin la/ 'jig pa rgyu med pa de ni khyed kyi phyogs der yang mtshungs so/ /de tsam gyis zhes bya ba ni sgrub par byed pa tsam gyi rjes su 'brel pa rjes su 'gro ba'o/ /gal te de tsam la bltos pa'i phyir gang 'ga' zhig na sgrub par byed pa yod pa de la de yang yod pa dang gang gi tshe dngos po grub pa de nyid kyi tshe grub pa yin na ni de'i phyir yu bu gnyis la khyad par cung zad kyang med de/ 'di ltar khyed kyi yang 'jig pa rgyu med pa can dang/ skad cig tsam gyi rjes su 'gro ba yin pa'i phyir ro/ /gal te dngos po'i rgyu las gzhan la mi bltos pas rgyu med par rjod pa ma yin nam/ 'dir ni rgyu las dngos po dang dngos po las ni 'jig pa yin pa'i phyir/ rgyu gzhan yin pas rgyu med par mi 'gyur ro/ /de lta yin dang skad cig dang po la ni dngos po/ /skad cig gnyis pa la 'jig ste/ skad cig gsum pa la ldog pa yin pa'i phyir khyad par yod do zhes dogs pa la/ dngos po de las 'jig pa 'ga' zhig 'byung ste/ skyes kyang skyed par byed pa'i dngos po de la rang bzhin gyi khyad par byed pa la 'jig pa de mi dgos pas so/ /'di skad brjod pa yin te/ 'jig pa skyed par byed pa'i dngos po bstan pa'i rang bzhin de ni nges bskyed pas rang bzhin gzhan du mi 'gyur te/ des na don de nyams pa med pa nyid do/ /de ltar na yang thal ba snga ma zhes bya ba dngos po de la ldan par mi 'gyur ro/ zhes bya ba nyid yin no/ /gal te dngos po rang gi ngo bo zlog par byed pa'i don byed pa'i don byed na ni rang nyid ldog pa'i chos su 'gyur te/ de tsam las byung ba'i 'jig pa zhes bya ba'i dngos pos de 'jig par byed pa'i nus pa de nyid las thob pa'i phyir ro// gal te bdag nyid ldog par byed pa'i nus pa med na/ ci ltar bdag nyid ldog par byed nus pa'i dngos po skyes par byed/ de la rang gi ngo bo ldog par byed nus na rang nyid ldog pa'i phyir gzhan gyis byas pa ni cung zad kyang med do/ /ldog par byed pa'i nus pa med na des byas pa gang yin pa de yang de bzlog par rung ba ma yin te/ nus pa'i rgyu med pa'i phyir ro/ /byi ba dang khyi smyon gyi dug la sogs pa dang dngos su mi nus pa yang brgyud pas nus pa mthong ba ma yin nam/ de bzhin du nga ni de bdag nyid ldog par byed mi nus kyang de ldog par byed pa yin no zhe na/ 'di ni snying po med pa ste 'di ltar dngos po gang zhig dngos su 'bras bu gang byed pa'i nus pa med pa de nyid rang gi ngo bo tsam gyis byas pa'i lhan cig byed pa dang/ lhan cig dngos su byed nus par yang 'gyur ba ni ma yin no/ /'dir ni de tsam gyis byas pa 'jig pa zhes bya ba'i dngos pos rang nyid kyi dngos po de nyid gzhig dgos kyi gang gis dug brgyud pas 'chi bar byed pa ltar brgyud par 'gyur ba gzhan ni ma yin no/ /'dis ni tshogs pa gang las dngos po de skye ba de nyid las dngos po 'jig par byed pa yin te/ des na skad cig ma nyid yin yang re zhig 'jig pa tha dad par ni grub po zhes gang smras pa de yang gsal ba yin no/ /tshogs pa de nyid kyis dngos su dngos po de ldog pa'i chos kyi rang bzhin du bya dgos la/ des byas pa'i 'jig pa des kyang dngos su bskyed pa'i dngos po de nyid bzlog par bya ba yin no/ /de'i phyir tshogs pa de dngos su bskyed par bya ba'i rang bzhin ldog par byed pa dang/ ldog par bya bar byed nus pa yin na/ ldog par bya ba'i dngos po de nyid ji ltar ldog pa'i chos su mi byed de/ brgyud pa la brten pas ci zhig bya/ de'i rang bzhin ldog pa'i chos ma yin na ni gzhan gyis kyang ldog par byed mi nus so/ /tshogs pa gcig ni 'bras bu 'gal bar skyed par byed pa yang mi 'thad pas tshogs par cig las skyes pa 'am/ de tsam las skyes pa 'am/ de tsam las byung bas ni dngos po 'jig par nus pa ma yin no/ /des na gal te 'jig pa ma yin pa'i rang bzhin gyi dngos po yin no/ de la mi rtag pa nyid rjes su dpog par byed pa ni ma yin no/ /des na 'dis don 'di brjod pa yin te/ dngos po tsam gyi rjes su 'gro ba yin na ni 'bras bur gyur pa'i 'jig pa rgyu med pa nyid dang/ de tsam dang rjes su 'brel bar 'grub pa yin no/ /don gzhan nyid yin na ni dngos po 'jig par mi 'gyur ro des na rgyu gzhan la mi bltos pa dang de tsam gyis rjes su 'brel par khas len na/ de'i bdag nyid kho nas khas blang dgos te/ de lta ma yin na dngos po 'jig pa nyid du mi 'thad pa'i phyir ro/ /gal te de'i bdag nyid med kyang rjes su 'gro ba dang ldog pa dag las skye ba can 'jig pa'i go byed 'gyur pa ma yin nam/ de la skye ba can 'ga' zhig 'jig par mthong bas ni rjes su 'gro ba yin la mi rtag pa ma yin pa'i dngos po skye ba ste/ skye ba dang ldan par ma mthong na ni ldog pa yin no/ /ma mthong ba las ni bsgrub par bya ba med pa mi mthun pa'i phyogs las gtan tshigs ldog pa yin la rjes su 'gro ba dang ldog pa des na gtan tshigs 'khrul pa med pa yin no/ /'khrul ba med pa las kyang go bar byed pa yin te/ des na 'di la de'i bdag nyid kyis ci bya zhes dogs pa bzlog pa'i phyir bshad pa/ mi mthun pa'i phyogs la ma mthong ba tsam gyis ni gtan tshigs 'khrul pa med rigs pa min te/ gang gi phyir ma mthong pa yod kyang 'di la 'khrul pa sred pa can nyid phyir/ phru ba'i 'bras chos pa la 'khrul pa bzhin no/ /dpe de nyid bsgrub pa'i phyir bshad pa/ mang pa zhig chos pa mthong yang phru ba'i nang du chud pa tsam 'ba' zhig gis ni tshos par mi 'grub bo/ /khyad par gzhan grub na ni chos par 'grub pa yin pas de bzlog pa'i phyir tsam smos pa yin te/ 'di ltar 'di lta bu'i rang bzhin yin la zhes gang 'chad pa yin no/ /ci'i phyir mi 'grub ce na/ 'khrul pa mthong ba'i phyir ro/ /'di lta bu zhes bya bas sa lu la sogs pa'i rang bzhin yin la/ me dang chu dang phru? la sogs pa dang 'brel pas 'di dang tshos pa'i rgyu 'dra ba dag chos zhes bya ba ni 'khrul par mi 'gyur ro/ /de ltar na ma yin te khyad par de med na 'di la lhag ma yod pas lhag ma dang ldan pa ste/ yul gtan pa ma phebs pa yod pa zhes bya ba'i don to/ /de yang 'khrul pa can yin no/ /lcag pa dang ldan pa'i rang gi ngo bo bstan pa'i phyir bshad pa/ sgrub par byed pa gang zhig bsgrub par bya ba med pa la/ ma mthong ba tsam gyis ldog pa ston par byed pa de'i ldog pa ni ma nges pa'i phyir/ mi mthun pa'i phyogs la yod par the tshom za bar 'gyur la/ mi mthun pa'i phyogs la 'jug pa'i gtan tshigs kyang go bar byed pa ma yin pas ma mthong ba ni the tshom rgyu yin phyir/ the tshom gyi rgyu'i rjes su dpag pa lhag ma dang ldan par brjod do/ /mi dmigs kyang ji ltar the tshom za zhe na/ mi dmigs pa thams cad ni zhes smos so/ /snang ba dang mi snang ba'i yul can thams cad ni med pa rtogs par byed pa ma yin no/ /de'i phyir ldog par bya ba dang ldog par byed pa 'dod pas ni/ ldog par bya ba dang ldog par byed pa de gnyis rang bzhin 'brel pa'i 'brel pa nyid 'dod par bya dgos te/ 'brel pa ni ldog par bya ba yin la/ 'brel pa'i yul ni ldog par byed pa yin no/ /de lta ma yin te ldog pa dang ldog par byed pa dag rang bzhin 'brel pa med na the tshom za ba'i phyir gtan tshigs bsgrub bya go bar byed pa ma yin par 'gyur ro zhes bya ba ni lhag ma dang ldan pa nyid kyi mjug bsdus pa'o/ /gang gi phyir rang bzhin 'brel pa nyid kyis gtan tshigs go bar byed pa yin gyi/ ma mthong pa tsam gyis ni ma yin pa'i rgyu des na slob dpon phyogs kyi glang pos ma grub pa dang bzlog pa don 'gal ba dang 'khrul pa can ma nges pa de dag gi gnyen po ste/ des na gang gi phyir ma grub pa dang 'gal ba dang ma nges pa mi mthun pa'i phyogs yin pa de'i phyir gtan tshigs kyi tshul phyogs kyi chos dang rjes su 'gro ba dang ldog pa gsung la nges pa yod par brjod par mdzad pa yin no/ /ci'i phyir zhe na/ gang gi phyir rang bzhin 'brel pa'i 'brel pa med par ni sngar bshad pa'i tshul gyis rjes su 'gro ba dang ldog pa nges pa nyid mi 'grub pa des na/ slob dpon rang bzhin 'brel ba nges pa de nyid ston par mdzad pa na/ rjes su 'gro ba dang ldog pa dag nges pa yin par bshad pa yin no/ /slob dpon gyi tshul gsum pa'i yul can gyi nges pa brjod pa'i tshig de nyid ston par byed de/ rab tu grub pa ni zhes bya ba ni nges pa'i don ni'o/ /gang la zhe na/ rgol ba dang phyir rgol ba gnyi ka la yang ngo/ /sgrub pa zhes bya ba ni go bar byed pa ste/ tshig ni 'di yin no/ /tshul gsum pa des pa'i tshig de la rjes su 'gro ba des pa'i ni 'gal ba bsal lo/ /de'i phyogs dang mthun pa ni 'gal ba'i phyogs dang mthun pa dag ste rjes su 'gro ba nges pa nyid kyis bsal ba yin no/ /de dag ni de'i phyogs su gtogs pa yin te/ 'gal ba dang lhan cig grub pa dang bde ba gcig pa'i phyir ro/ /ldog par nges pa ni mi mthun pa'i phyogs la ldog par the tshom za ba dang/ thun mong gi ma nges pa'o/ /gnyi ga la zhes bya ba ni gcig la grub pa 'gog pa ste/ gzhan gyis rang la grub pa'i gtan tshigs las don bstan par bya ba yin te/ des na gcig la grub pa ni go bar byed pa ma yin no/ /rab tu grub zhes bya bas ni the tshom za ba lhag ma dang ldan pa thun mong ma yin pa dag go /zhes bshad par bya ba yin no// lhag ma dang ldan pa ni bshad ma thag par yin la/ thun mong ma yin pa ni mnyan bya nyid do/ /gang la the tshom za ba dag ce na/ mthun pa'i phyogs dang mi mthun pa'i phyogs la'o/ /lhag ma dang ldan pa ni mi mthun pa'i phyogs la the tshom za la/ thun mong ma yin pa ni gnyi ga la yang the tshom za ba yin no/ /de ltar rjes su 'gro ba dang ldog pa nges par brjod pa'i phyir slob dpon rang bzhin 'brel pa zhes pa yin no zhes bsgrubs nas yang/ tshig gzhan gyis bsgrub pa'i phyir 'brel pa med par zhes bya ba la sogs pa smos so/ /ma mthong ba tshad ma ma yin pa tsam gyis slob dpon ldog par bzhed pa yin na ni/ slob dpon gyis bshad pa gang yin pa ste/ ci zhig bshad ce na/ re zhig ces ba ba 'dis brtsams shes bshad pa zhes bya ba'i mthar thug pa'o/ /rigs pa de yang gang yin zhe na/ bshad pa/ gnyi ga brjod par bya ba gang yin pa 'dis ni rigs so/ /gnyi ga zhes bya ba ni rjes su 'gro ba dang ldog pa'o/ /'gal ba dang ma nges pa de dag gi gnyen por te de'i phyir ro/ /gang gi phyir 'gal ba dang ma nges pa 'di dag gi mi mthun pa'i phyogs yin pa de'i phyir de dag bzlog pa'i rjes su 'gro ba dang ldog pa brjod par bya ba yin no/ /rjes su 'gro ba ma brjod na ni gtan tshigs 'gal bar dogs par 'gyur la/ ldog pa ma brjod na ni ma nges par ro/ /re zhig gi sgra nas shes kyi sgra'i mthar thug pa'i tshig ni gang gi sgras gzung ba yin la gang dang de yang rtag tu 'brel pa yin te/ des na de la zhes khong nas phyung ste/ dag tu brtag par bya'o/ /bshad pa/ gang yin pa de la chos mi mthun pa smos pa ni ma nges pa'i gnyen por ro/ /des na chos mi mthun pa smos pas ci bya/ gal te ma mthong ba ston par byed do zhe na/ gal te ma mthong ba ston par byed na ni/ ma mthong ba de ni ma smos kyang rtogs par 'gyur ro/ /gal te 'di snyam du smos pa'i sngar pha rol po la mthong bar 'khrul pa yod pa gang yin pa de smos pas ldog go snyam na/ de la sngar zhes so/ /tshig gis ma mthong ba la zhes bya ba ni mthong bar 'khrul pa ni med kyi/ 'on kyang brjod pa'i phyir tshig gis dran par byed pa yin te/ dper na mthong ba nyid tshig gis dran par byed pa bzhin no zhes dogs na dpe nyid mi mthun par bstan pa'i phyir mthong ba ma rtogs pa ni zhes smos te/ gang gi phyir ma dran pa ni yan lag ma yin pa des na mthong ba de la ni dran pa'i rgyu brjod par rigs na/ ma mthong ba'i don du ni mi rigs te/ gang gi phyir ma mthong pa ni mthong pa log pa yin te/ de ni mthong pas ldog par 'gyur ro/ /mthong ba de med na mthong ba med pa grub pa kho na yin no/ /bsam pa ni 'di yin te/ mthong ba'i dngos po 'jug pa ni res 'ga' brjod par 'gyur ba'i phyir de'i don du brjod pa yin gyi/ mthong ba ldog pa'i rang bzhin mthong ba med pa ni brjod par nus pa ma yin te/ de brjod na ni mthong ba yod par dogs par 'gyur ro/ /mthong ba yang ngo bo dang ldan par myong ba yin na/ myong ba yang med de/ des mthong ba myong ba med pa nyid kyis mthong ba med pa ma brjod par gnas pa'i phyir/ ci zhig dran par byar yod/ 'on te yang sngar mthong ba byung bar dogs pa gang yin pa de'i tshe ma mthong bar yang dogs par 'gyur bas/ /dogs pa de bzlog pa'i don du mi mthun pa'i phyogs de la gtan tshigs ma mthong ngo zhes brjod do zhe na/ de ni mi rigs te/ gang zhig dang nyid 'ga' zhig la mthong bar the tshom za ba de gzhan gyi tshig tshad ma yin pas/ ji ltar mthong ba med par 'gyur/ dus de'i che yod pa'i mthong pa med pa yang nges? pa nyid yin pa'i phyir ma mthong ba bstan pa ni don med do// de tsam gyis shes bya ba mi dmigs pa tsam gyis med do zhes med par nges pa ma yin pas de'i don du med pa nyid du nges pa'i don du mi mthun phyogs la med pa brjod do zhe na/ gal te don zhes smos? te/ gal te/ ma mthong bas mi rtogs na brjod pas kyang mi 'gyur ro/ /ci'i phyir zhe na/ /de yang zhes smos te/ /mi dmigs pa tsam zhig brjod pas khyad par med pa'i phyir ro/ /zhes bya ba'i tha tshig go/ 'di snyam du tshig gis na sgrub par byed pa mi dmigs pa tsam ston pa ma yin gyi/ 'on kyang bsgrub par bya ba mi dmigs pa yang yin la/ de las bsgrub par byed pa med par rtogs pa yin no zhe na/ /bshad pa/ /bsgrub par bya ba gcig mi dmigs pas so/ / gzhan zhes bya ba ni sgrub par byed pa'o/ /ha cang thal bar 'gyur ba'i phyir ro/ zhes bya ba la/ gang yang rung ba zhig ma dmigs pas thams cad med par sgrub par 'gyur te khyad par med pa'i phyir ro zhes bya ba ni ha cang thal ba'o/ /sgrub par byed pa med pa ni gzhan mi dmigs pa des sgrub pa ni ma yin no/ gang gis ha cang thal bar 'gyur/ 'on kyang rang nyid de bdag nyid kyi yul can gyi mi dmigs pas grub bo/ / rang nyid ces bya ba 'dis ni bsgrub par bya ba mi dmigs pa rgyu yin pa bkag pa yin no/ /de lta na yang snang ba mi? dmigs par rung ba'i don ma mthong na med pa'i tha snyad du rigs kyi / snang ba ma mthong ba de med ni sgrub par byed pa med pa'i tha snyad de mi rigs so/ /bsgrub par bya ba ming pa thams cad la ni/ sgrub par byed pa snang ba mi dmigs pa med do/ /'o na ni bsgrub par bya ba med pa'i phyogs 'ga' zhig tu sgrub par byed pa snang ba mthong ba med pa yod pa de nyid las / bsgrub par bya ba med pa thams cad la sgrub par byed pa med par rtogs pa yin no/ /gal te ma mthong ba'i sgrub par byed pa yod na ni/ /de'i tshe mthong ba la yang 'gyur na/ mthong ba la ni med de/ bltar rung ba las mi dmigs pa'i phyir ro/ /des na ma mthong ba la yang mi 'gyur ro zhe na/ bshad pa/ la lar te mthong ba la rgyu mtshan med par nye bar gnas pas 'dod rgyal du'o/ /bzlog par bya ba dang bzlog par byed pa'i rgyu mtshan ni 'brel pa yin te/ de ming par da ltar zhes bya ba bsgrub par bya ba med pa la sgrub par byed pa log par gyur kyang de dag 'brel pa med pas khyab pa mi 'grub pa'i phyir ro/ /chos nyid 'brel pa yin na ni 'brel pa'i yul log na 'brel pa yang gdon mi za bar ldog par rtogs kyi/ phyogs gcig la 'jug pa'i snang ba mi dmigs pas ni khyab pa mi 'grub po/ / de'i phyir de mi rigs so/ /des na bsgrub par bya ba ma mthong ba las ni sgrub par byed pa med par rtogs pa ma yin te/ der ma 'brel pa'i phyir ro/ /de rang gi ngo bo ma mthong bas kyang ma yin te/ bltar mi rung ba'i phyir ro/ /mthong ba med pa ni rang nyid grub pa'i phyir tshig gis ni cung zad kyang byar med do/ / 'di ltar dmigs pa bkag pa'i mi dmigs pa ni tshig gis nus par bya ba ma yin te/ med pa la nus pa med pa'i phyir ro/ /des na tshig ni don ston pa nyid gyis 'bras bu dang bcas pa yin la/ don yang mthong ba med pa nyid yin na/ de ni grub zin pa'i phyir tshig gis ci bya/ 'di snyam du tshig gang las sgrub par byed pa de bzlog pa ni nus pa de 'dra pa yin no snyam na/ rgol ba des bsgrub par bya ba med pa la sgrub par byed pa med do zhes brjod pas kyang de ltar 'gyur ba ma yin te zhes bya ba de la sgrub par byed pa med par mi 'gyur te/ ha cang thal bar 'gyur pa'i phyir ro/ /yod dam med kyang rung ste rgol ba 'dod pa gang yin pa de nyid de'i tshig las 'grub par 'gyur na/ de lta yang ma yin no/ /de bas na gcig log pas gzhan log par 'dod pas de la ste cig shos ldog pa sngon du 'gro ba can gyi ldog pa la rigs pa ni 'thad ba ste/ rigs pa gang gis rtogs pa po 'di bsgrub bya log na sgrub byed ldog pa zhes nges par 'gyur ba'o/ /don de nyid tshigs su bcad pas bsdu ba'i phyir/ med ces bya ba'i tshig gis kyang zhes bya ba la sogs pa smos so/ /med do zhes brjod pas ni de med pa kho nar mi 'gyur gyi/ gal te ji ltar te rigs pa'i rnam pa gang gis de med pa'i rigs pa de brjod pa de'i tshe med do/ zhes nges pa yin no/ /de'i phyir rang bzhin 'brel pa nyid bstan pa'i don du 'brel pa'i yul log pas 'brel ba'i chos ldog pa ni ldog pa'i tshig gis brjod par bya ba yin no/ /zhes bya ba ni slob dpon phyogs kyi glang po'i dgongs pa yin no/ /de zhes bya ba bsgrub par bya ba med pa la sgrub par byed pa mi dmigs pas bsgrub par bya ba med pa las ldog pa grub pa'o/ /'di la la lar 'dod rgyal du log pa yin/ yang 'brel ba med pas khyab pa mi grub po zhes cung zad bshad zin to/ /gzhan yang gal te mo mthong ba mthong ba med pa tsam gyis mi mthun pa'i phyogs las ldog par 'gyur na/ slob dpon gyis ji ltar lhag ma dang ldan pa'i rjes su dpag pa 'grub pa can yin par gsungs/ dper na zhes bya ba ni lhag pa dang ldan pa'i rjes su dpag pa slob dpon gyis gsungs pa de nyid ston pa yin no/ /'bras bu rnam par smin pa dang ro 'di ? ba zhes bya bzos pa'i 'bras bu dang ro 'dra ba nyid ni bsgrub par bya ba'o/ /khyad par can gyi gzugs skya bo ni gtan tshigs yin la/ shing phung ngam yal ga gcig las skyes pa yang gtan tshigs yin no/ /zos pa'i 'bras bu ni dpe yin no/ /sbyor ba 'di la yang mi dmigs pa yod pa yin te/ dpe zos pa'i 'bras bu las gzhan pa'i 'bras bu phyogs su byas te/ bsgrub par bya ba nyid du rten na gtan tshigs yal ga gcig las skyes pa dang gzugs khyad par med pa dag bsgrub par bya ba med pa mi dmigs pa yod pa yin no/ / 'di ltar zos pa dang phyogs su byas pa las gzhan la gtan tshigs 'jug pa med pas/ bsgrub bya med pa la mi dmigs pa yin te/ de'i phyir ma mthong ba tsam gyis ldog pa grub pa'i gtan tshigs bsgrub par bya ba la ji ltar 'khrul pa yin/ dbang phyug sde la sogs pa kha cig na re mngon sum gyis bsgrub par bya ba la gdon pa der dogs pa de nyid 'khrul pa yin te/ phyogs su byas pa'i yul la mngon sum gyis gnod par dogs pas gtan tshigs 'khrul pa yin no zhes zer ro/ /de'i don ni 'di yin te/ rjes su 'gro ba dang ldog pa 'ba' zhig gis ni gtan tshigs go bar byed pa ma yin te/ 'on kyang gnod pa med pa'i yul can zhes bya ba'i mtshan nyid gzhan yod pa yin no/ /mngon sum gyis gnod par dogs pa la ni de nges pa med pa'i phyir mtshan nyid gzhan ma nges pa'i phyir 'khrul pa yin no/ /ma yin te zhes bya bas de bzlog par byed do/ /phyogs su byas pa'i yul de la mngon sum gyis gnod pa med pa'i phyir ro/ /ji ste phyogs la mngon sum gyis gnod par gal te na 'gyur ro zhe na/ da lta bur dogs na zhes bya ba gnod pa 'jug par dogs na'o/ /mngon par 'dod pa'i phyogs gzhan la yang gnod pa med par nges pa med pa'i phyir ro/ /gal te gnod par dogs pa la yang sgrub par byed pa 'jug par khas blangs na/ 'o na ni gnod pa zhugs pa gnod par byas pa'i yul la yang 'jug ste/ des na gang la mngon sum gyis gnod pa yod pa de la yang rjes su dpag pa 'jug par 'gyur ro zhe na/ 'di bsal ba'i phyir bshad pa/ tshad ma zhugs pa gtan tshigs bzlog par byed pa yin gyi/ tshad ma ma zhugs par gnod par byed pa yin na ni go bar byed pa ma yin pa'i phyir gtan tshigs thams cad la yid brtan du med do/ /'di ltar ci srid gtan tshigs ma zhugs pa de srid du bsgrub bya med par dogs pa nyid yin la/ med par dogs pa nyid kyang gnod par dogs pa yin no/ /gnod pa'i yul can gang yin pa de ni go bar byed pa ma yin te/ des na 'ga' yang go bar byed par mi 'gyur ro/ /ci ste sngar sgrub par byed pa zhugs pa las yul 'ga' zhig tu bsgrub bya med par dogs pa med do/ /dngos po gtan la phebs pa'i phyir ro zhe na/ 'o na ni gang las gnod pa med par nges pa de nyid go bar byed pa yin pas gtan tshigs gzhan gyis ci bya/ des na gnod par dogs par 'gyur ba nyid la gtan tshigs sbyor ba yin no/ /de lta yin dang gnod par dogs pa gtan tshigs 'jug pa'i yan lag gang yin pa de nyid kyis gtan tshigs skyon can du 'gyur ba ni ma yin no/ /des na yul 'gog pa'i phyir zhugs pa'i tshad ma nyid gnod par byed pa yin gyi/ ma zhugs pa ni ma yin te/ the tshom za ba nyid gtan tshigs kyi yul yin pa'i phyir ro/ /gal te de ltar ni na ldog pa la yang zhugs pa'i tshad ma gnod par byed par 'gyur gyi/ dogs pa ni ma yin no/ /ma mthong ba tsam la ni gnod par byed pa'i tshad ma zhugs pa med do zhes dogs pa la/ bshad pa/ ldeg pa ni/ grub pa kho na nges pa kho na sgrub par byed pa go bar byed pa yin te/ de'i phyir de lta bu'i ngo bo grub par byed pa'i ngo bo'i ldog pa ni des pa la bltos so/ /'di skad brjod pa yin te/ gtan tshigs ni sgron ma bzhin du rung ba'i khyad par gyis don gyi go bar byed pa ni ma yin gyi/ 'on kyang bsgrub par bya ba med na mi 'byung ba nyid du nges pa yin no/ /de'i med na mi 'byung bar nges pa nyid ldog tu gyur pa'i don sgrub par byed pa yin gyi gzhan ni ma yin no/ /med na mi 'byung ba des na yang ldog pa ma des pa ci yod/ ldog pa la the tshom za na ni 'brel pa la the tshom za bar 'gyur pas/ 'drel pa nges pa'i bdag nyid go bar byed pa'i dngos por mi 'gyur ro/ /des na ldog pa ni des pa la bltos pa kho na go bar byed pa yin no/ /gnod par byed pa'i tshad ma yod par dogs na ni ldog pa nges par mi 'gyur ro/ /bsgrub par bya ba ni the tshom za ba nyid gtan tshigs kyi yul yin te/ nges sam bzlog pa yin na ni de bsgrub par bya ba ma yin pa'i phyir ro/ /des na ji ltar bsgrub par bya ba'i yul la gnod pa yod par dogs na/ gtan tshig go bar byed pa yin pa de bzhin du ldog pa la ni ma yin te/ lkog tu gyur pa sgrub pa ni 'brel ba nges pa'i rang bzhin yin pa'i phyir ro/ /'o na khyed kyi phyogs la mi mthun pa'i phyogs la mi mthong ba yod kyang lhag ma dang ldan pa 'khrul par 'gyur ba ci ltar zhe na/ bshad pa/ mi dmigs pas bltar rung ba'i bsgrub bya med par des la 'ga' zhig la blta rung ba'i gtan tshigs med par grub kyang/ bsgrub par bya ba'i don dang 'brel pa med pa ni bsgrub par bya ba de med pa thams cad la zhes bya ba lkog tu gyur pa'i yul la yang gtan tshigs med par mi 'grub pa'i gtan tshigs kyis ldog pa la the tshom tha ba de'i phyir/ 'di la ldog pa nges pa med pa yin no/ /bsgrub par bya ba'i don dang 'brel pa med pa'i phyir/ mi mthun pa'i phyogs las ldog pa nges pa med pa'i gtan tshigs ni lhag ma dang ldan pa'i 'khrul pa 'di la yod pas 'khrul pa yin no/ /ma mthong ba tsam ldog pa nges pa'i rgyu yin na ni ldog pa can yang gtan tshigs 'gyur na / de ni slob dpon gyis go byed du bzhed pa ma yin no/ /ldog pa can gyi gtan tshigs de nyid ston pa ni gson po ma shi ba'i lus 'di ni chos can no/ /bdag med pa ma yin te zhes bya ba bdag med pa bkag pa ni bsgrub bya'o/ /srog la sogs pa dang ldan pa ma yin par/ srog la sogs pa ldog pa de ltar thal bar 'gyur ba'i phyir ro zhes bya ba ni gtan tshigs so/ /srog la sogs pa dang ldan pa zhes bya ba'i gtan tshigs 'di ni bdag dag bcas pa 'ga' zhig la ma mthong la/ bdag med pa dag la ni ldog pa'i phyir bsgrub bya log pa na ldog pa'i chos ldog pa can du brjod pa yin no/ /'di ni gal te bdag med pa gson pa'i lus las ma log na srog la sogs pa med pa yang ldog par mi 'gyur ro/ /zhes thal bar 'gyur ba'i sgo nas bkod pa yin no/ /da ni bum pa la sogs pa bdag med pa rnams srog la sogs pa med pas khyab pa bstan pa'i phyir bdag med pa bum pa la sogs pa zhes smos so/ /bdag med pa gang yin pa de ni srog la sogs pa dang ldan pa med pas khyab bde'i phyir srog la sogs pa med pa de log na khyab par bya ba bdag med pa yang ldog pa'i gtan tshigs kyis bdag med pa spangs nas bdag yod pa rtogs par 'gyur ro/ /de ltar bstan pa'i gzhan gyi thal bar 'gyur ba spang ba'i phyir bshad pa/ bltar mi rung ba de'i mi dmigs pa des med pa ma sgrub na bum pa la sogs pa bdag med par ma grub po/ /gang gis bum pa la sogs pa la de med par 'gyur ba bdag bltar rung ba ni ma yin no/ /bdag med pa de la ma grub pa'i phyir te/ gtan tshigs kyis srog la sogs pa bdag med pa las ldog pa med do/ /srog la sogs pa ldog pas bdag med pa tha tshom za ba de la khyab pa ma grub po zhes bya ba'i don to/ /'di skad brjod pa yin te/ bdag med pa dang srog la sogs pa bdag khyab par bya ba dang/ khyab par byed pa'i dngos po grub na thal ba 'dir 'gyur ba yin na/ de dag ni khyab par bya ba dang khyab par bya ba'i dngos por ma grub ste bdag med pa nyid ni the tshom za pa'i phyir dang/ the tshom za ba yang bdag bltar rung ba ma yin pa'i phyir ro/ /'di snyam du bum pa la sogs pa ni bdag med par khyed kyis khas blangs pa yin pas de nyid kyis de 'grub po snyam na/ nga ni ji ltar zhes smos/ /gal te nged kyi khas blangs pas bdag med pa 'grub par 'dod na/ de lta ni 'o na ded lcag ni bdag med par 'dod pa'i phyir ji ltar bdag 'grub par 'gyur/ gal te gson po'i lus 'di ni gzhan gyi bdag med par khas blangs pa de lta na yang de tshad ma dang ldan pa ma yin pa nyid pas de'i don du bdag bsgrub pa yin zhe na gson po'i lus las gzhan bum pa la sogs pa bdag med par phyir rgol ba la grub pa yang tshad ma dang ldan pa ma yin no/ /'di ltar bdag med pa'i phyir rol pa'i khas blangs pas 'grub pa mi rigs pas grub kyang sla ste/ rnam pa thams cad du phyir rgol ba ni bdag med pa dngos po thams cad kyi yul can du 'dod pa yin no/ /de la gson po'i lus la bdag med pa tshad ma can ma yin par smra ba ni de'i khas blangs pa dang rigs pa yang tshad ma ma yin par brjod pa yin no/ /de ltar na khas blangs pa 'am rigs pa tshad ma ma yin pa nyid las bum pa la sogs pa bdag med par ci ltar brjod par byed/ de'i phyir bdag med par ni srog la sogs pa med pas ma khyab po/ gzhan yang khas blangs pa 'ba' zhig gis bdag dang bcas pa dang bdag med pa dag rnam par phye nas bum pa la sogs pa gzhan nam bdag gis bdag med par khas blangs pa nges na bdag med pa yin la/ gson pa'i lus la kho bo cag gis bdag med par khas blangs pa ste/ de'i phyir bdag med pa ma yin no/ /zhes de ltar rnam par phye nas bdag med pa de la srod sogs pa med pas bdag gi rtogs par byed pa nyid du'o/ /srog la sogs pa bdag med pa dag las log pas bdag dang bcas pas khyad par khas len par byed pas ni khyab pa lung gis grub par brjod par 'gyur ro/ /de las kyang bdag grub pa'i phyir bdag kyang lung gis grub par 'gyur ro/ /des na khyab pa'i yul khas blangs pas grub pa'i phyir khyab pa med do/ /ma mthong ba tsam gyis ldog pa yin na ni/ srog la sogs pa bdag med pa la ma mthong ba des na ldog par 'gyur te/ de'i phyir 'di go bar byed pa yin par 'gyur ro/ /'di ni go bar byed par 'dod pa yang ma yin te/ de'i phyir rang bzhin 'brel pa kho nas go bar byed par 'dod do/ /ma mthong ba tsam gyis ldog na gang yang ma grub spyad pa de yang zhes bya bar sbyor ro/ /de bzhin du zhes bya ba nas brjod par bya'o'i mthar thug pa ni ma grub sbyor ba'i dag yin no/ /bsgrub par bya ba'i chos can la gnyi ga dang gang yang rung ba dang the tshom za ba dang gzhi ma grub pa bzhi bstan nas phyogs kyi chos dgu la bsgre ba'i phyir de bzhin du zhes smos pa yin no/ /ji ltar bsgrub bya'i chos can la ma grub pa rnam pa bzhi bshad pa/ de bzhin du phyogs kyi chos bshad pa/ gang zhig mthun pa'i phyogs la yod pa dang med pa zhes bya ba de lta bu la sogs pa gang yin pa de la yang mthun pa dang mi mthun pa'i phyogs la ma grub pa rnam pa bzhir brjod par bya ste/ mthun pa'i phyogs sam gzhan gang la ma grub pa gang rigs pa de ni de la brjod par bya'o// gal te ma mthong ba tsam gyi rgyu mtshan gyis ldog par bzhed na ni bsgrub bya'i chos can la ma grub pa rnam pa bzhir bshad nas/ mthun pa'i phyogs mi mthun pa'i phyogs kyi yul can phyogs kyi chos rnam pa dgu la bsgres shing skye ba'i ma grub sbyar ba 'di ni brjod bya min par 'gyur ro/ /ci'i phyir zhe na/ bshad pa/ mi dmigs pa kho nar zad na the tshom za ba'i phyir ro/ /de ga las she na/ bshad pa/ dmigs na the tshom de med pa'i phyir ro/ /'ga' zhig tu dmigs pa dang me dmigs pa las chos kyi rnam pa gzhan ni med do/ /de la dmigs pa la ni nges pa nyid yin gyi the tshom ni ma yin no/ /lhag mar gyur pas mi dmigs pa nyid las the tshom yin la ldog pa yang de nyid las yin no/ /gal te ma dmigs pa nyid las ldog pa la the tshom za ba yin mod/ /de ci ltar 'gyur zhe na/ gtan tshigs des na the tshom du gyur pa ma bzlog par 'gyur ro/ /mi dmigs pas ldog pa grub pa'i phyir la/ ldog pa grub pa nyid ni go bar byed pa yin te / de'i phyir gang gis go bar byed pa las bzlog par bya ba yin na/ the tshom du gyur pa yang bzlog par 'gyur ba ma grub pa sbyar ba de nyid mi bya bar 'gyur ro/ /'di snyam du ci rigs par zhes bya ba'i sgra 'di ni smos pa'i phyir ldog pa la the tshom za ba ma bzlog pa kho na ste/ mthun pa dang mi mthun pa'i phyogs dag las gang la ma grub pa rnam pa bzhi po 'grigs pa de la sbyar bar shes par bya'o zhes bya ba'i don te/ des ni mi mthun pa'i phyogs la the tshom za ba'i ma grub pa ni gtan tshigs kyi skyon du brjod pa ma yin no zhe na/ 'di dgag pa'i phyir ma yin te zhes smos so/ /ci'i phyir zhe na/ gang zhig gnyi ga la zhes bya ba la sogs pa gsungs pa'i phyir ro/ / gang zhig gnyi ga la nges par brjod pa de kho na bsgrub pa 'am sun 'byin pa yin gyi/ gang yang rung ba la grub pa dang the tshom za ba brjod pa ni ma yin no zhes slob dpon gyis gsungs te/ rgol ba dang phyir rgol ba gnyi ga la nges pa'i don brjod pa'i sgra gang yin pa de nyid gzhan gyi don gyi rjes su dpag pa la sgrub pa 'am sun 'byin pa yin gyi/ gang yang rung ba la grub pa dang the tshom za ba brjod pa ni ma yin no/ /'dir gzhung 'di ni dper brjod pa yin te/ gang zhig rgol ba dang phyir rgol ba la ma grub pa 'am the tshom za ba brjod pa de ni bsgrub par byed pa 'am/ sun 'byin pa ma yin no/ /ldog pa la the tshom za ba'i chos kyang gnyi ga mi mthun pa'i phyogs la the tshom za ste/ de'i phyir de brjod pa sgrub byed ma yin la/ de yang gtan tshigs ma yin no zhes bstan pa yin no/ /gal te ldog pa la the tshom za yang gtan tshigs yin na 'dir yang de gtan tshigs su bstan pa'i phyir ci rigs pa zhe 'am/ gzhan yang rung ste dmigs kyis bsal ba'i phyir sgra 'ga' zhig sbyor bar 'gyur na sbyar ba med do/ /des na gang zhig gzhan du gtan tshigs ma yin par bshad pa de nyid 'dir ci rigs par smos pa'i sgo nas gtan tshigs su brjod pa ci ltar 'gyur/ /'o na ci rigs par zhes ci'i phyir smos she na/ brjod pa ji ltar bsgrub bya'i chos can la phyogs kyi chos kyi gzhi ma grub pa bshad pa de bzhin du mi mthun pa'i phyogs la yang ldog pa'i gzhi ma grub par 'ga' zhig rtogs pas de bzlog pa'i phyir ro/ /nges par 'di la gzhi mi 'dod ces gang bshad pa yin te/ dngos po yod na ni gtan tshigs 'jug srid pas ldog pa la the tshom za bar 'gyur gyi/ med na ni de med pas de las mi 'jug pa'i phyir ldog pa nges pa yin no/ /gang gi phyir gzhan du gtan tshigs ma yin par bshad pa/ de'i phyir mi dmigs kyang the tshom za bas mi mthun pa'i phyogs las gtan tshigs ldog pa med par dgongs te/ ma grub pa sbyar bas ldog pa la the tshom za ba te gtan tshigs nyid dgag pa bshad pa yin no/ /ma mthong ba tsam gyis ldog pa mi bzhed pa gzhan yang bstan pa'i phyir gnyan par bya ba nyid kyang zhes smos so/ /mnyen par bya ba nyid ni slob dpon gyis thun mong ma yin pa'i ma nges par gsungs so/ /gal te ma mthong bas ldog par 'gyur na mnyan par bya ba nyid kyang rtag pa 'am mi rtag pa nyid med par bsgrub pa la/ mi mthun pa'i phyogs la ma mthong ba yod pa yin te/ de'i phyir ldog pa grub pas go bar byed par 'gyur ro/ /gang gi phyir rtag pa dang mi rtag pa nyid la ma mthong ba'i phyir de las ldog pa yin te/ de bas na rtag pa dang mi rtag pa de dag rnam par gcod pa 'gog pa go bar byed pa'i gtan tshigs su 'gyur ro/ /gal te ma mthong ba'i phyir mnyan par bya ba nyid de las ldog mod/ rnam par gcod pa'i gtan tshigs su go ji ltar 'gyur zhe na/ rnam par gcod pa ni zhes smos so/ /'di ltar gang gang las log pa de'i de las ldog pa gang yin pa de las rnam par gcod pa zhes bya ba gzhan ni med do/ /ldog pa'i yul de rnam par gcod pa ni ldog pa nyid do/ /des na 'ga' zhig 'ga' zhig las ldog pa nges pa gang yin pa de nyid ldog pa'i mtshams kyi don ldog pa'i chos dang ldan pa'i dngos po med par nges pa yin no/ /des na de las ldog pa nyid rnam par bcad pa yin no/ /'o na khyod kyi phyogs la rtag pa dang mi rtag pa dag la ma mthong ba'i mnyan par bya ba nyid de dag rnam par gcod par mi byed par ji ltar zhe na/ rnam par gcod pa ma yin pa ni zhes smos so/ /rtag pa 'am mi rtag pa gang las kyang mnyan bya nyid ldog pa nyid yin par ma nges pa'i phyir ro/ /ldog par ma nges pa ni gcig dang yang 'brel pa ma nges pa'i phyir ro/ /dngos po'i chos ni 'ga' zhig la 'jug par des na gzhan las ldog par 'gyur gyi/ gzhan du ni ma yin no/ /gal te rnam par gcad par nges pa ldog pa nges pa'i bdag nyid yin na ni/ ldog pa ma nges pas rnam par gcod par mi 'gyur ba yin na/ de nyid ji ltar zhe na/ bshad pa/ gang zhig yul gang la med do zhes bya bar nges pa de ni de las ldog par nges pa yin te/ de ltar nges par 'gyur ba de dngos po 'ga' la yod na ste/ bdog na ci ltar ga la med par nges par med pa go bar mi byed/ ji ltar gang la med do zhes rtogs par med par rtogs par mi byed/ gal te gzhan rnam par gcod pa go bar mi byed pa de lta na ni ldog pa nges par mi 'gyur ro/ /de ltar yang ma yin te/ /des na gzhan rnam par gcod pa ni ldog pa nges pa nyid yin no/ /ma mthong ba yod kyang rtag pa dang mi rtag pa gnyi ga rnam par gcod pa ni ma yin te/ tshad ma gzhan gyis gnod pa gang yin pa de'i phyir ro/ /bsam pa ni 'di yin te/ gang du tshad ma'i gnod pa med pa der ma mthong ba'i rgyu mtshan gyis ldog pa yod pa des na rnam par bcad pa 'grub pa yin gyi/ ma mthong ba yin yang gang la ldog pa la gnod pa'i tshad ma yod pa der ni ldog pa nges pa 'am/ de'i bdag nyid kyis gzhan rnam par gcod pa yod pa ma yin la/ 'dir yang gnod pa yod pa yin no/ /de nyid bstan pa'i phyir bshad pa/ phan tshun rnam par gcod pa'i ngo bo ni ldog pa'o/ /ngo bo nyid gang la yod pa de rnams ni rtag pa 'am mi rtag pa gcig rnam par bcad pas 'gal ba'i chos gzhan grub pa'i rgyu'i phyir/ bsgrubs pa de nyid yang bkag pa ma yin no/ /mi rtag pa nyid rnam par gcod par byed pa na rtag pa bsgrubs pa yin la/ yang gtan tshigs de nyid rtag pa zlog par byed pas rtag pa rnam par gcad pa'i gtan tshigs yin na ni gcig nyid gcig la gcig gi che sgrub pa dang dgag pa 'gal ba'i phyir 'ga' yang rnam par bcad pa ma yin no/ /bsgrub pa ni rang gi ngo bo nyams pa yongs su spangs pa yin la/ rang gi ngo bo nyams pa nyid ni dgag pa yin pas 'gal ba de gnyis gcig la gcig car ji ltar 'gyur/ des na mnyan bya nyid ni 'ga' zhig las kyang ldog par nges pa 'am/ de'i bdag nyid rnam pa bcad pa yang ma yin pas go bar byed pa nyid ma yin no/ /gal te mnyan bya nyid ni nyan pa'i shes pa skyes pa yin la/ da yang don byed par nus pa nyid yin pa des na/ mnyan par bya ba nyid rtag pa dag las ldog pa'i phyir mi rtog pa nyid go bar byed pa'i rtags nyid ma yin nam zhe na/ ci ste mnyan bya nyid ci tan pa'i shes pa ma rtogs pa'i don byed pa tsam zhig yin nam/ gal te de lta na ni go bar byed pa nyid yin no/ /'on kyang de ni thun mong ba nyid yin te/ yod pa tsam ni thams cad la yod pa'i phyir ro/ /ci ste mnyan pa'i shes pa skyed pa nyid mnyan bya yin no/ /de ni thun mong ma yin pa yin na go bar byed par ni mi 'gyur ro/ /de ni sgra nyid la brten pas gnod par byed pas sgra la khyad bsgrub par bya ba yin na/ tshad ma gang gis sgra la de mi rtag pas khyab pa sgrub pa de nyid kyis sgra mi rtag par grub pa'i phyir mnyan bya nyid kyis ci bya/ 'dis ni thun mong ma yin pa thams cad go bar byed pa yin pa spangs pa yin no/ /gzhan yang chos can gcig nyid la ni yod pa mi rtag pas khyab pa bstan par mi nus so/ /zhes sngar bshad zin to/ /'o na ni nges pa'i yul can gyi yod pa nyid mi rtag pa nyid kyis khyab pa mi 'grub pa de bzhin du brtsal ma thag tu 'byung ba nyid kyang ma khyab par 'gyur te/ nges pa'i yul can yin pa'i phyir ro zhe na/ brtsal ma thag tu byung ba nyid yod pa'i rang bzhin nye bar bzung nas mi rtag pa nyid kyis khyad par bsgrub par ni mi brjod kyi/ 'on kyang rtsol ba'i 'bras bu nyid do/ /de yang rtsol ba'i rjes su 'gro ldog gi rjes su byed pa'i phyir de dang 'brel pa zhes bya ba mi rtag pas khyab pa yin gyi yod pa tsam ni ma yin no/ /rtsol ba dang 'brel pa nyid ni yod pa las tha dad pa ma yin te/ des na rang bzhin yin pas skyon med do/ /ma mthong ba las kyang ldog pa ma yin na/ 'o na da ni mi dmigs pa tshad ma ma yin te/ tshad mas gnod par srid pa'i phyir ro/ /ma mthong ba ldog pa sgrub pa ni tshad mas gnod pa nyid do/ /'di ltar gnod pa mthong ba'i ma mthong ba las gzhan gnod pa ma mthong pa tshad ma nyid du 'dod pa'i ma mthong ba la yang tshad ma gzhan gyis gnod pa srid de/ des de ltar ma mthong ba de la gnod pa de bzhin du 'di la yang 'gyur srid pa yin no/ /ji ltar na gnod par byed pa'i tshad ma ma zhugs kyang dogs par 'gyur zhe na/ go bar byed pa'i mtshan nyid dang ldan pa'i gnod pa srid na/ de'i zhes bya ba go bar byed pa'i'o/ /de tsam gyis mtshan nyid la gnod par byas na mtshon bya mtshon par mi nus te/ des na sun phyung bar brjod pa yin te/ mtshon par mi byed pa'i phyir ro/ /gang gi phyir yul gcig nyid la mtshon nyid de mtshon byed ma yin pas na de'i phyir ldog pa sgrub pa'i phyir mi dmigs pa snga ma la yang yid brtan du med de yid mi ches so/ /go bar byed pa yin par nges so zhes bya ba'i don to/ /gal te de ltar na rjes su dpag pa'i rtogs par bya ba'i yul la mngon sum dang/ rjes su dpag pa dang 'gal ba mthong bas yid brtan du med pa rjes su dpag pa la yang mtshungs so/ /'di ltar smin pa zhes bya ba la/ yal ga gcig las skyes pa dang gzugs khyad par med pa tshul gsum dang ldan pa yin yang mngon sum gyis ma smin par myong ba dang/ ji ltar sngo bsangs yin te/ de'i bu yin pa'i phyir zhes bya ba la/ de'i bu nyid tshul gsum pa yin yang sngo bsangs nyid mngon sum nyid kyis gnod pa lta bu 'am/ dper na mi rtag pa nyid bsgrubs pa la/ tshul gsum dang ldan pa'i byas pa nyid sgra rtag ste/ mnyan bya'i phyir ro zhes bya ba'i tshul gsum dang ldan pa'i mnyan bya nyid kyis gnod pa'i phyir rjes su dpag pa gnod pa yin no zhe na/ 'di dgag pa'i phyir bshad pa/ de ltar ni ma yin te/ ji skad bshad pa lta bu zhes bya ba bshad zin pa'i mtshan nyid can gyi rjes su dpag pa de'i bdag nyid dang de las byung ba'i 'brel pa dang ldan pa la mngon sum dang rjes su dpag pas gnod pa mi srid do/ /de'i lta bu nyid dang yal ga gcig las skyes pa dang bsgrub bya dang 'brel pa 'ga' yang med do/ /byas pa ni bsgrub bya dang 'brel pa'i phyir gnod bya ma yin la/ mnyan bya nyid ni ma 'brel pa'i phyir gnod byed ma yin no/ /gal te rjes su dpag pa la mngon sum dang rjes su dpag pas gnod pa med na tshul gsum pa'i rtags tshul gsum par mtshungs pa nyid kyis gnod pa ston pa na 'gal ba 'khrul pa med pa can brjod pa de mi 'thad par 'gyur ro zhe na/ bshad pa/ rjes su dpag pa'i yul la 'gal ba 'khrul pa med pa can zhes bya ba 'ga' yang med do zhes bya ba 'di ni 'dod pa nyid do/ /kho bo 'ba' zhig 'dod par ma zad kyi slob dpon yang bzhed pa yin te/ rjes su dpag pa'i yul la de ma brjod pa'i phyir ro/ /yul gang la 'gal ba 'khrul pa med pa can/ slob dpon gyis gsungs pa 'di ni yul de ni le'u gsum par bstan par bya'o/ /ma mthong ba tsam gyis ni ldog par slob dpon bzhed pa ma yin no/ /zhes yang bstan pa'i phyir bshad pa/ slob dpon gyis gang yang bshad pa'o/ /gang zhes bya ba'i sgra 'di ni gzhung gi ngo bo bstan pa gang yin pa'o/ /de nyid ston pa na gal te ma mthong ba tsam gyis shes bya ba yin no/ /'dir bye brag pas rlung yod par bsgrub pa'i phyir shing dang rtsa med pa'i mya ngam gyi phyogs su grang ba yang ma yin dro ba yang ma yin pa'i reg pa'i khyad par dmigs pa de ni yon tan yin pas/ de'i rten rdzas yin dgos na de la sogs pa mthong ba rnams kyi yon tan ni ma yin na/ /des na yon tan 'di ni rlung gi yin par 'gyur ro/ /zhes smras pa la/ slob dpon gyis sa la sogs pa rnams snang zer ba bdag la ma mthong bas 'di de dag gi yon tan ma yin du chug kyang mi snang ba rnams kyi go ji ltar ma yin/ de la yang ma mthong ba'i phyir ro zhe na/ gal te ma mthong ba tsam gyis mi snang ba dag las reg pa'i khyad par 'gog par byed na de yang rigs pa ma yin no/ /zhes gsungs te/ sa la sogs pa ma dmigs pa la dmigs pa med pa gang yin pa de ni bltar mi rung ba ni snang ba yin te/ gang gi phyir de lta yin pa de'i phyir mi dmigs pa tsam yin no/ /des na dgag pa gang yin de mi rigs so/ /zhes de ltar slob dpon gyis brgal zhing rtags pa ma mthong ba tsam gyi rgyu mtshan can gyi dgag pa de ji ltar rigs pa ma yin/ gang gi phyir khyed la mi dmigs pa tsam gyis gtan tshigs kyi ldog pa grub pa yin la/ grub pa'i gtan tshigs de'i phyir rigs pa kho nar 'gyur gyi/ mi rigs par ni mi 'gyur ro/ /des na ma mthong ba tsam gyi rgyu mtshan gyis dgag par rigs pa ma yin no/ /zhes bshad pa na/ ma mthong ba tsam gyi rgyu mtshan las slob dpon ldog par bzhed pa ma yin no/ /de ltar slob dpon gyi dgongs pa bsgrub nas ma mthong ba tsam gyis zhes bshad pa gang yin pa de brtag pa'i phyir reg pa zhes smos te/ dmigs pa'i mtshan nyid ni yul te der gyur pa'i rgyu de'i phyir reg pa dgag par rigs pa kho na ma yin nam/ reg pa tha mal pa ni dmigs pa yin no zhe na/ cig shos kyi dgag pa smras pa ni/ rigs pa ma yin te zhes bya ba yin no/ /de'i zhes bya ba ni snang ba'o/ /de'i rang bzhin gang la yod pa de ni de'i rang bzhin no/ /de'i rang bzhin gyi yul de gang la yod pa ni de'i rang bzhin gyi yul na yod pa ste/ snang ba 'ang yin la de'i rang bzhin gyi yul na yod pa 'ang yin pas so/ /de nyid ni de tsam ste de ni 'gog pa ma yin pa'i phyir ro/ /mi snang ba mi dmigs pa ni rnam pa gnyis te/ shin tu bltar mi rung ba gang yin pa dang/ bltar rung ba mi snang ba'i yul can gang yin pa ste/ dper na snang ba dang mi snang ba'i yul la sha za lta bu 'am/ mi snang ba'i yul du bum pa bzhin no/ /de'i phyir snang ba mi dmigs pas bltar rung ba 'gog par byed pas ni sa phyogs la sogs pa snang ba la snang ba dgag par bya ba yin no/ /bye brag pa des ni sa la sogs pa snang ba dang mi snang ba spyir gzung nas dgag pa smras so/ /de la mi snang ba'i yul du ni ma mthong ba tsam gyi rgyu mtshan gyis dgag pa 'dir rigs pa ma yin no/ /gal te sngon po ser po las log par rang bzhin dang/ shes pa ma rtogs pa las bzlog pa dang/ me mi dro ba las bzlog pa'i rang bzhin du mthong ba de ltar ma mthong ba yang tha snyad byed pa ma yin nam/ sngon po la sogs pa mthong ba dag ni ser po la sogs pa'i rang bzhin las log pa yin gyi/ ma mthong ba ni rnam pa gzhan du yang srid do/ /zhes ni dogs pa ma yin no/ / de bzhin du sa la sogs pa snang ba la reg pa'i khyad par ma mthong ba des na/ ci ltar sa la sogs pa snang ba dag de'i rang bzhin dang bral ba de bzhin du ma mthong ba yang yin no/ /ci ste 'dir ma mthong ba dag la rnam pa gzhan du rtog na/ 'o na ni nye bar bkod pa'i rnam par shes pa la sogs pa yang ma mthong ba la rnam pa gzhan du dogs par bya dgos so zhes dogs pa la bshad pa/ sa la sogs pa'i spyi dang ldan pa de la yang dgag par bya ba grang pa yang ma yin dro ba yang ma yin pa'i reg pa yod par gdon mi za bar dogs par 'gyur gyi nges par ni mi 'gyur ro/ /ci'i phyir zhe na/ snang ba'i yul 'ga' zhig las nyid yin yang mthong ba las gzhan pa'i khyad par srid pa'i phyir ro zhes 'chad pa ni/ shing bal dang rdo ba dang lo ma dang/ me tog la sogs pa snang ba dag las nyid de yod kyang/ 'jam pa dang rtsub pa la sogs pa reg pa tha dad pa mthong ba'i phyir ro/ /de bzhin du reg pa'i khyad par gzhan yang la nyid las ma 'das par ldog tu gyur pa'i yul la 'jug par 'gyur ro/ /de'i don ni 'di yin te/ gal te reg pa'i khyad par nyid sa yin na ni mi snang ba yang reg pa gzhan dang mi ldan par 'gyur ba yin na/ gang gi phyir reg pa'i khyad par la bltos pa reg pa la sogs pa 'dus pa'i bdag nyid can 'dzin pa'i bya ba byed pas rab tu phye ba rang dang mthun pa'i rtogs pa skyed par rung ba yin te/ des na ji ltar gang zhig sreg pa'i rnam pa can gyi rtogs pa'i gzung ba ma yin pa de bzhin du/ gang zhig 'dzin pa'i bya ba byed pa dang de'i rnam pa can gyi rtogs pa'i gzung ba ma yin pa'i don de ni sa ma yin par 'gyur gyi/ reg pa gzhan dang ldan pas ni ma yin no/ /des na da ltar yin no/ /gang gi phyir mthong ba'i shing bal la sogs pa'i reg pa gzhan dang 'brel pa ni/ sa nyid zlog par byed pa ma yin pa'i gtan tshigs de'i phyir thams cad la zhes bya ba snang ba dang mi snang ba la ma mthong ba tsam gyis reg pa dgag par rig pa ma yin no/ /rnam par shes pa la sogs pa ni ma mthong ba rnams kyang rnam pa gzhan du srid pa dgag pa yin te don 'dzin par byed pa dang/ 'dzin par byed pa'i rtogs par skyed pa'i dngos po gang yin pa ni rnam par shes par brjod pa yin no/ /des na rnam par shes pa nyid kyi rgyu mtshan ni ma rtogs pa las bzlog pa nyid yin pas de med na shes pa nyid ma yin par 'gyur ro/ /de bzhin du dro ba'i reg pa'i me yang rang bzhin du mi 'thad do/ /de bzhin du kha dog gzhan las ldog pa'i rang bzhin gyi sngon po nyid ni kha dog gzhan yin par mi 'gyur ro/ / ma mthong ba tsam gyis ldog pas na mngon sum gyis/ gnod par bstan pa'i phyir gzhan yang zhes smos so/ /gal te ci zhig ltar zhes bya ba ni yul gzhan la sogs pa ma brtags par mi mthun pa'i phyogs la ma mthong ba tsam gyis te/ mi snang ba mi dmigs pas bsgrub bya de la 'brel pa med pa yang bsgrub par bya ba dang 'khrul pa med pas khas len no zhe na/ de'i tshe yul 'ga' zhig na skyu ru ra la sogs pa'i rdzas kha cig ci zhig ltar zhes bya ba yid 'byung ba skyed par ska ba la sogs pa'i ro dang ldan par mthong ba yul dang dus dang 'du byed pa gzhan du yang snang ngo/ /phyogs der gzhan du mthong ba ni snod par byed pa yin no zhes bya ba'i tha tshig go / dper na sman kha cig dang lo? tog la sogs pa zhing khyad par can las ni ro la sogs pa khyad par can yod pa gang yin pa ste/ ro ni mngar ba la sogs pa'o/ /gang gi tshe zos pa zhu ba na grang ba dang dro ba la sogs pa byed par nus pa de'i tshe nus pa zhes brjod/ /zos te zhu ba dang mngar ba la sogs pa'i ror gyur pa gang yin pa ni smin par byed pa zhes brjod do/ /zhing gzhan las ni de lta bur 'gyur ba ma yin no/ /dper na yul gyi khyad par gyis ro dang nus pa dang smin par byed pa 'am/ chu khrun dang sboms tha dad pa de bzhin du dus kyi khyad par las kyang yin te/ bdag nyid thams cad kyis sa lu'i myu gu dbyar gyi tshe gzhan du 'gyur la/ dpyid kyi tshe yang gzhan du 'gyur ba bzhin no/ de bzhin du legs par bya ba'i bye brag las kyang zhing de la yod pa'i sman yang tha dad par 'gyur ro/ /lung btab pa la sogs pa ni zhing legs par byed pa yin la/ 'o mas bcu pa la sogs pa ni skyu ru la sogs pa'i rdzas legs par byed pa yin no/ /de'i phyir sman la sogs pa dag de ltar yul dang dus dang legs par bya ba'i khyad par las tha dad par mthong ba yin no/ /sman ni mtshon pa tsam ste 'bras bu dang ljon shing khyad par can dag la yang de bzhin du blta'o/ /'di ltar sa'i khyad par las 'bra go skyed pa dang/ 'o mas bcus pa'i khyad par las skyu ru ra'i? 'bras bu mngar por 'gyur ba bzhin no/ /'du byed dang ldan pa 'am de dang bral ba'i yul gcig tu skyes pa'i sman de yang sman de nyid kyi yul na yod pa'i srog chags gang yin pa yul de ba de rnams kyis de ltar mthong ba gang yin pa de'i phyir thams cad du sa lu dang skyu ru ra de nyid kyis de lta bu zhes bya ba yul gzhan du mthong ba'i ro la sogs pa dang ldan pa yin par ni mi 'gyur ro/ /'di skad du sa lu'i nyid dam skyu ru ra nyid yin pas ni thams cad du ra dang nus pa dang smin par byed pa 'dra bar rjes su dpag par mi nus so zhes bshad pa yin no/ /gtan tshigs bshad pa/ ro la sogs pa dang/ 'brel pa'i rgyu'i khyad gang la srid pa de dag ni/ ro dang nus pa dang smin par byed pa la sogs pa'i mtshan nyid kyi yon tan gzhan du srid pa'i phyir ro/ /khyad par can gyi rgyu'i dbang gis yon tan gzhan srid pa gang ji snyed pa de thams cad sa lu dang skyu ru ra nyid ldog pa yin no/ /zhes ni brjod par mi nus te/ gang gi phyir don gang byed par mthong ba'i dngos po dang de dang rjes su mthun pa'i rtogs pa bskyed pa ni skyu ru ra zhes brjod do/ /ro dang nus pa dang smin par byed pa gzhan dang ldan pa la yang skyu ru ra'i nye bar sbyor bas bzlog par bya ba'i nang la phan pa'i phyir khyad par can gyi don byed pa dang/ skyu ru ra'i rnam pa can gyi rtogs pa skyed par byed pa skyu ru ra'i tha snyad kyi yul de ni yod pa nyid do/ /dper na khyad par gzhan dag la reg pa tha dad pa ldan na yang sa nyid dang mig la sogs pa rten tha dad pas byas pa las shes pa nyid do?/ bud shing gi khyad par gyis byas pa la mi nyid dang/ bai DUrya la sogs pa'i dbye bas byas pa la sngon po nyid mi ldog pa bzhin no/ /des na khyad par can gyi rtogs pa skyed pa la sogs par nus pa'i rang bzhin gang yin pa tha snyad kyi rgyu mtshan ma log par 'jug pa'i khyad par gang yin pa de ni rgyu khyad par srid pa la yang 'jug pas na dgag pa ma yin no/ /gang la rgyu khyad pa med par gyur pa de'i rang bzhin du rjes su dpag tu rung ngo/ /ci lta bu zhe na/ dper na zhes bya bas ston te/ tshig gang la byed pa po ma mthong ba yod pa'o/ /skyes bu'i 'du byed pa ni skyed par bya ba ste/ de sngon du 'gro ba gang la yod pa'o/ /skyes bus byas pa zhes bya ba'i tha tshig go /gal te byed pa po mthong ba med kyi de skyes bus byas par gyur pa ci'i phyir ro zhe na/ bshad pa/ skyes bus byas pa dang ma byas par 'dod pa mthong ba'i tshig la khyad par med pa'i phyir te/ ma mthong ba'i phyir ro/ /gal te sgra la bsten pa'i khyad par smra dka' ba zhes bya ba dang/ 'bras bu grub pa'i khyad par sngags kyi bdag nyid skyes bus ma byas pa la mthong ba ma yin nam/ des na khyad par med pa'i phyir zhes ji ltar brjod ce na/ rang bzhin la brten pa dang 'bras bu la brten pa'i khyad par gyi rnam pa thams cad skyes bu dag gis byed pa'i phyir ro/ /'di ltar rig byed kyi bzhin du 'jig rten pa'i yang 'brel par dka' ba nyid rjod dka' ba nyid skyes bus byed par nus pa yin no/ /sngags kyi rgyu las 'byung ba'i grub pa yang skyes bus byas pa'i sngags las kyang mthong ste/ des na rang bzhin la brten pa 'am 'bras bu la brten pa de 'dra ba ni khyad par ma yin no// yi ge'i go rim dang tshig gi go rim kyang skyes bus byas pa las khyad par yod pa ma yin no/ /de'i phyir gang zhig mthong bas skyes bus ma byas par rtogs pa 'gyur ba rig byed la skyes bus bya bar mi nus pa'i khyad par ni 'ga' yang med do/ /de 'dra ba ni skyes bu byas pa la mthong bas tshig de skyes bus ma byas par ji ltar rtogs/ gal te de'i khyad par skyes bus byed par mi nus pa yin na ni/ skyes bu'i rtsol bas ma bskyed par rtogs par 'gyur ro/ /gang zhig rgyu gang gis skyed par mi nus pa de ni rgyu ma mthong ba can yin yang gzhan gyi rgyu can du shes par 'gyur ba 'am/ skye ba ma mthong na rgyu med par 'gyur ba yin gyi/ gang zhig bdag nyid thams cad des bskyed pa dang 'dra ba de'i rgyu gzhan nyid yin na ni/ mthong ba de'i rgyu yang de yin par thal bar 'gyur ba 'am/ de rgyu med pa can yin na de yang rgyu med pa can du 'gyur ro/ /rgyu mtshan med par 'dra ba dag las gcig ni gzhan gyi rgyu can yin pa la/ cig shos ni rgyu med pa can nam tha dad pa'i rgyu can du brtag par mi nus te/ tha dad dang tha dad pa ming pa'i tha snyad 'jig par 'gyur ba'i phyir ro/ /gal te skyes bus ma byas pa mthong ba rnams khyad par med kyang/ tshad med pa nyid kyi phyir ma mthong ba rnams la 'gyur ba ma yin nam/ des na khyad par med pa'i phyir ro zhes ji ltar brjod ce na/ bsam pa 'di yin te/ gal te skyes bus ma byas par 'dod pa'i dag thams cad ma mthong ba de lta na yang/ skyes bus ma byas par 'dod pa'i dag mthong ba ji snyed pa de thams cad skyes bus byas pa las khyad par med par shes pa yin no/ /de'i phyir dag gcig la skyes bus ma byas pa las gyur pa'i khyad par ma mthong ba gang yin pa de ni/ skyes bus ma byas pa thams cad la yod pa ma yin te/ khyad par rnam par 'jog pa'i rgyu mtshan gyi rgyu tha dad pa med pa'i phyir ro/ /rgyu ni skyes bus ma byas pa nyid yin na de ni gzhan la yang khyad par med do/ /da ni gcig la khyad par gyi rgyu ma yin na yang thams cad du khyad par gyi rgyur mi 'gyur ro/ /des na khyad par gyi rgyu med pa'i phyir ma mthong ba la yang khyad par med par rjes su dpag go /des na khyad par med pa'i phyir dag thams cad skyes bus byas par rjes su dpog pa yin no/ /'ga' zhig skyes bus ma byas na de dang khyad par med pa thams cad skyes bus ma byas par 'gyur pa'i phyir ro/ /gzhung gi tshogs 'dis ni don 'di brjod pa yin te/ rnam pa thams cad mthong ba'i rdzas gang yin pa de dag ni ma mthong ba'i rnam par yang de dang 'dra bar dpag par nus pa yin gyi/ rnam pa thams cad mi mthong ba skyu ru ra dang sa la sogs pa de dag ni ma mthong pa'i rang bzhin mthong ba dang 'dra par rjes su dpag par mi nus so/ /tshig rnams ni skyes bus byas pa dang ma byas pa nyid kyis rnam pa gnyis su ma mthong ba'i phyir ma mthong ba'i khyad par gang yin pa de brtag par nus pa ma yin no/ /gal te de ltar rang gi sems kyi mthong ba las sems kyi rnam pa thams cad shes par 'gyur te/ des na ji ltar da ltar rtogs pa'i rang bzhin dang/ dbang po la brten pa dang/ rtog pa dang bcas pa de thams cad ni 'dod chags la sogs pa skyed pa'i nus pa dang 'brel pa yin pa de bzhin du ma 'ongs pa'i gnas skabs su yang yin la/ bdag ji lta bu de bzhin du sems dang ldan pa gzhan yang yin no/ /'dir sems dang 'brel pa'i khyad par ma mthong ba gang yin pa de ni gzhan du yang mi srid do/ /des na gang las 'dod chags dang bral ba dang thams cad mkhyen pa ldog par 'gyur la/ sems nyid dang dbang po la sogs pa la rten pa nyid dang/ tshigs la sogs pa'i rgyu yin pa nyid kyis/ sems can thams cad kyi tsha 'dod chags la sogs pa dang ldan pa dang/ nges pa'i dngos po 'dzin pa nyid du ci'i phyir rtogs par ma byed ce na/ bshad pa/ skyes bus ma byas pa las gyur ba'i khyad par sgrub par byed pa'i yan lag med par rjod kyi/ 'di la ni sgrub pa'i yan lag yod pa yin te/ des na ji ltar dag la khyad par sgrub par byed pa'i yan lag med pa da ltar skyes bu dag ni khyad par sgrub par byed pa'i yan lag med pa ma yin no/ /gang gi phyir de dag la blo la rten pa'i khyad par gyi skyed par byed pa'i rgyu mi srid pa ma yin no/ /'di la gang zhig blo'i gnas skabs kyis khyad par skyed par byed pa'i rgyu de nyid 'dod chags dang bral ba dang thams cad mkhyen pa'i mtshan nyid kyi khyad par sgrub par byed pa'i yan lag yin no/ /de'i phyir blo'i gnas skabs 'dir khyad par gyi rgyu mthong ba las sems/ 'dod chags dang bral ba la sogs pa'i khyad par rtogs pa yin no/ /rgyu'i khyad par med pa de yang ji lta bu zhig ce na/ bshad pa/ rgyu'i/ // khyad par med pa gang gis tshig la sogs pa ste/ stsogs pa smos pas ni dbang po la rten pa nyid dang/ sems nyid la sogs pa gzung ngo/ /phyogs gcig cung zad tsam gyis chos mthun pa de'i phyir 'dod chags la sogs pa dang ldan pa nyid dang/ nges pa'i yul can nyid dam/ gzhan gyis kyang rung ste/ skyes bu rnams rnam pa thams cad mthun par dpag par 'gyur ba ste/ gal te rgyu'i khyad par mi srid na ni de ltar rjes su dpag par 'gyur ba yin no/ /zhes bya ba'i don to/ /rgyu'i khyad par de ni med pa ma yin no/ /ci'i phyir zhe na/ bshad pa/ sems kyi yon tan thams cad la khyad par mthong ba'i phyir te/ dmigs pa'i phyir ro/ /chags pa dang shes rab la sogs pa rang gi yul 'dzin la dman zhing dman par 'jug pa yongs su gyur nas dus kyi gsal bar 'gyur ba yin la/ gzung ba'i rnam pa mi gsal ba yang yid brtan par goms pas gsal bar mthong ba yin no/ /gal te de lta na yang khyad par de gang las yin zhes khyad bar gyi rgyu mi shes so/ /des na 'dod chags la sogs pa nyid rgyu dang bcas par 'gyur gyi/ sems gzhan ni ma yin no/ /zhes dogs pa la bshad pa/ legs par bya ba ni goms pa ste/ de'i bye brag las khyad par rtogs pa mthong ba'i phyir ro/ /gang gi phyir yid kyi yon tan thams cad la thun mong du yid kyi yon tan gyi rgyu goms pa'i khyad par mthong ba yin pa de'i phyir bdag med ba shes pa'i mtshan nyid dang/ don thams cad 'dzin pa'i spyi'i shes pa gzhan la yang goms pa sngon du 'gro ba can gyi khyad par srid pa'i phyir ro/ /yid kyi yon tan thams cad kyi bye brag gi rgyu shes pa yin no/ /goms pa'i dbang gis de gsal bar snang ba'i bdag med pa'i rnam pa dang/ don thams cad 'dzin par byed pa'i spyi'i rnam par rtog pa de nyid 'dod 'chags dang bral ba dang thams cad mkhyen pa'i gzhi yin no/ /de'i phyir 'dod chags dang bral ba dang thams cad mkhyen pa mi srid pa nyid ni rnam pa gsum gyis 'gyur te/ gal te bdag med pa'i rnam pa can dang dngos po thams cad la rnam par rtog pa mi srid pa 'am/ srid par gyur kyang yid kyi yon tan rnams gal te khyad par du mi 'gyur ram/ khyad par yod kyang gal te khyad par gyi rgyu mi shes par 'gyur na'o/ /'di ltar sngar bshad pa'i tshul gyis rnam par rtog pa srid pa dang/ goms pa khyad par gyi rgyu yin par yang shes pa yang yin te/ de'i phyir ji ltar ma tshad pa dang gegs byed pa med nas la sogs pa'i tshogs pa myu gu skyed par nus pa yin no/ /zhes nus pa rjes su dpog pa de bzhin du gegs byed pa dang ma tshang ba med na yun ring du bar chad med par goms pa'i dbang gis rnam par rtogs pa de dang ba dag med pa'i rnam pa can gyi shes pa de gsal bar snang ba nyid do/ /des srid pa'i phyir 'dod chags dang bral ba dang thams cad mkhyen ba dag rjes su dpog go/ de'i phyir mthong ba'i sems la ni 'dod chags dang bral ba la sogs pa'i mtshan gyi khyad par shes par byed pa yod pa ma yin no zhes gang brjod pa de rigs pa ma yin te/ goms pas bsgrub pa'i 'du byed ma mthong ba nyid ni 'dod chags dang bral ba rjes su dpag pa'i gtan tshigs dang ldan par mthong ba yin no/ /skyes bus ma byas pa'i tshig ni skyes bus ma byas pa nyid du dpog pa'i gtan tshigs dang ldan par mthong ba ma yin no/ /'di ni re zhig kho bo cag gis srid par rjes su dpog pa yin no/ /mi srid par rjes su dpog par bya ba la ni chos de la gnod par byed pa'i gtan tshigs 'ga' yang byed la med de/ de med pa'i phyir skyes bu dag la rgyu'i khyad par med pa ma yin no/ /zhes 'brel to/ /gnod par byed pa'i gtan tshigs med pa yang ji ltar zhe na 'dod chags dang bral ba yang ma mthong ba'i phyir ro/ /'di ni tshon pa ste thams cad mkhyen pa yang ma mthong ba'i phyir/ /gal te 'dod chags dang bral ba dang thams cad mkhyen pa mthong mod/ /de ltar na yang de'i gnod par byed pa'i gtan tshigs med par ji ltar 'gyur zhe na/ bshad pa/ 'dod chags dang bral ba dang thams cad mkhyen pa ma mthong ba dang ni 'ga' zhig lhan cig 'gal ba mi 'grub la/ 'gal ba ma grub na gnod par bya ba dang gnod par byed pa'i dngos po mi 'grub ba de'i phyir gnod par byed pa'i gtan tshigs med do/ /gal te dngos po nyid dang mi rtag pa nyid/ dngos po med pa nyid dang rtag pa nyid ma mthong ba dang phan tshun spangs te/ gnas pa'i mtshan nyid kyi 'gal ba grub pa de bzhin du/ thams cad mkhyen pa dang thams cad mkhyen pa ma yin pa'i yang ma yin nam/ de ste 'dod chags dang bcas pa nyid dang/ thams cad mkhyen pa ma yin pa nyid dus gzhan gyi tshe rang gi rgyud la 'gyur bar the tshom za ste / des na the tshom gyi tshul gyis gnod par byed pa/ grub pa des kyang thams cad mkhyen pa nyid dang/ 'dod chags dang bral ba nyid dgag bar mi nus pa yin na/ gal te de ltar na ni 'o na ma mthong ba'i phyir la/ ma mthong ba la yang gnod par bya ba yang gnod par byed pa mi 'grub pa'i phyir ro zhes smra pa de mi rigs so zhe na/ bsam pa 'di yin te phan tshun spangs te gnas pa'i mtshan nyid kyis 'gal ba'i phyir/ dngos po dang dngos po med pa bzhin du chags pa dang chags pa med ba'i sems dgra ni gcig pa ma yin la/ lhan cig gnas pa yang ma yin te/ mtshungs pa de ma thag pa'i rkyen gcig las cig car mi skye ba'i phyir ro/ /mi skye ba yang 'gal ba dag nye bar len pa gcig nyid du 'gal ba'i phyir ro/ /zhes bya ba 'di kho bo cag gis 'dod pa kho na'o/ /'dod chags dang 'dod chags dang bral ba'i sems gcig car yod pa 'am tha mi dad par ni kho bo cig khas mi len no/ /de'i phyir 'dir 'gal ba tsam du ni/ bsgrubs kyang ci yang mi phan no/ /'di ltar bsgrub par bya ba yin te/ gzhan gyi rgyud gang la 'dod chags dang thams cad mkhyen pa ma yin pa nyid mthong pa'i rgyud de la 'dod chags dang bral la thar?/ thams cad mkhyen ba nyid 'gyur ba ma yin no zhes so/ /'di yang ji ltar bstan par nus she na/ ji ltar thams cad mkhyen pa dang thams cad mkhyen pa ma yin ba dag phan tshun spangs te gnas pa'i mtshan nyid yin pa de bzhin du gal te de'i rgyu dang rgyu dag kyang phan tshun spangs pa nyid du mthong na'o/ /rgyu dang 'gal par mthong ba yang ma yin te/ 'dod chags dang bral ba la sogs pa mi mthong ba'i phyir ro/ /yod pa dang med pa rjes su byed pa'i sgo nas mthong ba'i rgyu des na/ de las gzhan thams cad ni rgyu ma yin par nges par 'gyur la/ de'i rgyu yin pa dang ma yin pa yang rgyu 'gal bar nges pa yin no/ /'dod chags dang bral ba la sogs pa ma mthong na ni de'i rgyu dang rgyu ma yin pa ma nges pa'i phyir rgyu dang 'gal bar 'gas kyang des nus pa ma yin no/ /de'i phyir gang gis rang gi shes pa'i rgyud la thams cad mkhyen pa la sogs pa thams cad mkhyen pa ma yin pa la sogs pas gnod par 'gyur ba/ 'dod chags dang bral ba la sogs pa mi snang ba dang/ rgyu'i sgo nas thams cad mkhyen pa ma yin ba la sogs pa 'ga' zhig kyang gnod par bya ba dang gnod par byed pa grub pa med do/ /de dang 'gal skyed par nus pa mthong ba'i rgyud la de'i rgyu med par gnod par byed par 'gyur na/ de ni ma grub ste/ 'dod chags dang bral ba ma grub pa'i phyir ro/ /de'i phyir thams cad mkhyen pa ma yin pa par ldan pa'i rgyud 'di thams cad mkhyen pa srid pa ma yin no/ /zhes gang brjod pa de mi rigs so/ /gal te phan tshun spangs te gnas pa gang yin pa de dag nye bar len pa gcig las skyes par mi rigs pa yin te/ sngon por ma sngon po ma yin pa bzhin no/ /des na rnam par shes pa'i rgyud gcig las thams cad mkhyen pa ma yin pa dag ji ltar 'byung bar 'dod ce na/ smras pa/ gal te rnam bar shes pa'i skad cig gcig las thams cad mkhyen pa dang/ thams cad mkhyen pa ma yin pa dag skye bar kho bo cag la rgol zhing rtog par byed na ni ma yin no/ /zhes brjod do// rim gyis de dag skye ba la ni rgyud tha dad pa kho na'o/ /gal te grang ba skyed par byed pa'i rgyun las dro ba'i rig pa mi 'byung ba ma yin nam zhe na/ gal te la lar mthong du zad mod/ /des cir 'gyur/ rnam par shes pa ni don dam par na don 'dzin pa'i rang bzhin no/ /zhes rnam 'grel dang/ 'dir yang le'u dang por bsgrubs zin to/ /rgyud dag gcig la sngar mu stegs pa'i bdag gi rnam par rtogs pa dang/ phyis bde bar gshegs pa'i lugs kyi rjes su 'brangs pa bdag med pa'i rnam par rtog pa mthong ba yin no/ /rnam par rtogs pa khyad par du 'gyur ba'i gnas skabs srid pa yang bshad ma thag pa yin no/ /de'i phyir rgyud dag gcig la 'gal ba 'byung ba ni mi 'gal lo/ /'di ltar bde ba dang sdug bsngal 'gal ba dag rgyud dag cig car mi skye yang rigs kyis skye ba mthong ba dang/ de bzhin du sa bon gyi rgyud gcig nyid la phan tshun dben pa nyid yin yang myu gu'i rang bzhin dang sa bon gyi rang bzhin skye ba yin no/ /'di snyam du sa bon kyi rgyun la ni lhan cig byed pa tha dad pa las/ rang bzhin gyi khyad par 'byung ba yin gyi/ rgyud tsam las ni ma yin no snyam na/ bden te/ 'di las yang lhan cig byed pa lus dang ngag gi las kyi mtshan nyid can/ bsod nams dang goms pa las 'gal ba'i rang bzhin 'byung bar 'gyur ro/ /dbang po las byung ba'i bde ba dang sdug bsngal ni bde ba la sogs pa'i bag chags smin par byed pa'i yul las skyes la/ yid kyi 'bad rtsol la sogs pa las yin gyi/ rgyun tsam las ni ma yin no/ /de'i phyir skad cig gcig la 'gal gyi rim gyis ni lhan cig byed pa la bltos pa de nyid las 'gal ba skye ba'i phyir mi 'gal lo/ /de ltar rgyu la brtan pa'i 'gal ba med ba'i phyir re zhig rang gi rgyud la 'dod chags dang bral ba dang/ thams cad mkhyen pa ma mthong bas dus gzhan du yang mi 'gyur ro/ /zhes brjod par ni mi nus so/ /da bzhin du gzhan gyi rgyud la yang thams cad mkhyen pa dang 'dod chags dang bral ba de ltar nyid kyang dgag par mi nus so/ /zhes bshad pa ni/ 'dod chags la sogs pa rnams kyi 'bras bu 'khrul pa med pa can gang yin pa dam mthong ba'i phyir ro/ /gal te 'dod chags la sogs pa la 'khrul pa med pa can gyi 'bras bu ba yod na ni/ de ma mthong ba las gzhan gyi rgyud la 'dod chags la sogs pa rjes su dpags pas 'dod chags dang bral ba la gnod pa yin na/ 'dod chags la sogs pa rjes su dpag pa la 'bras bu med pa'i phyir ji ltar 'dod chags dang bral ba ldog par byed/ 'di snyam du gal te de la 'dod chags dang bral ba'i mtshan nyid kyi khyad par yod na kho bo cag gis ji ltar ma dmigs she na/ bshad pa/ rgyud gzhan la 'dod chags dang bral ba la sogs pa'i mtshan nyid kyi khyad par de rnams ni srid kyang bltar mi rung ba'i phyir ro/ /don ni 'di yin te/ 'dod chags dang bral ba'i mtshan nyid kyi khyad par ni 'gal ba'i 'bras bu mthong bas mi srid par rjes su dpag par mi nus la/ rang gi ngo bo ma mthong bas med par dpag par yang ma yin no/ /rnam pa de lta bu'i mi dmigs pa ni spang bar rigs pa ma yin no/ /zhes bshad pa ni/ de lta bu dag? ni spang bar 'os pa yang ma yin no/ /des na gzhan gyi rgyud la yod pa'i khyad par dag ni 'gal bar rjes su dpag pa med pa'i phyir 'gal ba dmigs pas ldog pa ma yin la/ rang gi rang bzhin ma dmigs pas kyang ma yin no/ /rang gi rgyud la yang ma 'ongs pa'i dus su mi srid par pha rol pos rjes su dpag par nus pa ma yin no/ /srid pa'i rjes su dpag pa ni sngar bstan zin to/ /des na skyes bu dag ni rgyu'i khyad par med pa can ma yin no/ /gal te 'di snyam du skyes bu'i khyad par ma mthong ba nyid yin yang spang bar 'os pa ma yin pa de bzhin du dag kyang yin no/ /snyam na/ bshad pa/ tshig rnams ni de lta bu ma yin no/ /gang gi phyir skyes bu rnams la ni khyad par yod kyang bltar mi rung ba de'i phyir spang bar mi 'os pa yin no/ /gal te dag kyang khyad par bltar mi rung ba yin na ni khyad par spang bar 'os pa ma yin par 'gyur ba zhig na/ khyad par ltar rung ba'i phyir dag rnams kyi khyad par ma mthong ba ni spang bar bya ba yin no/ /gal te ji ltar sa la sogs pa thams cad ma mthong ba ma yin pa de bzhin du tshig dag kyang thams cad ni mthong ba ma yin no zhe na/ bltar mi rung ba nyid gcig yin na yang zhes smos so/ /gal te dag 'ga' zhig ma mthong ba de ltar na yang khyad par ma mthong ba can gang yin pa de rnams rigs mi mthun pa nyid du khas len pa 'gal ba yin no/ /'di skad brjod pa yin te/ gal te tshig thams cad mthong ba yin pa de lta na yang skyes bus ma byas pa nyung zad cig ni mthong ba yin no/ /de dag kyang skyes bus byas pa las khyad par ni 'ga' yang ma mthong ste/ des na gang gi phyir dag nyung zad mthong ba dag la skyes bus ma byas pa nyid yod kyang rnam par ma mthong ba'i phyir/ skyes bus ma byas pa'i rgyu mtshan can gyi khyad par de ni ma mthong ba'i dag rnams la yang khas blangs bar mi nus te/ de tsam gyi rgyu mtshan can ni gcig la med na thams cad du yang khyad par med pa'i phyir ro/ /des na 'gal ba'i phyir skyes bus byas pa dad ma byas pa mthong ba'i dag la bltar rung ba ma mthong ba'i khyad par gang yin ba de ni thams cad du spang bar bya ba yin no/ /mthong ba nyung zad pa la ji ltar khyad par med ce na/ bshad pa/ de'i khyad par rnams te bzla dga' ba la sogs pa skyes bus ma byas pa'i khyad par rnams ni gzhan skyes bus byas pa'i dag la yang bya bar nus pa'i phyir ro/ /gal te dngos po tha dad ba mthong yang 'khrul pas tha mi dad par rtogs pa de bzhin du skyes bus byas dang ma byas pa'i dag dag la tha mi dad par med kyang 'khrul pas rtogs pa yin no zhes na/ 'khrul pa mi 'grub pa'i phyir zhes smos te/ 'khrul pa ma 'grub pa'i phyir na skyes bus byas pa dang ma byas pa dag la khyad par srid pa ma yin no/ /yang ji ltar 'di la 'khrul pa ma grub ce na/ gnod par byed pa med ba zhes smos so/ /skyes bus byas pa dang skyes bus ma byas pa tha dad pa med pa ni mngon sum gyi grub pa yin na?/ gnod par byed pa'i tshad ma med par yang grub pa de spang bar ji ltar nus pa nyams su myong ba tshad ma ma yin no zhe na/ 'o na tshad ma gang yin gzhan dag kyang bstan pa'i don thob par byed pas tshad ma yin la/ nyams su myong ba yang bstan pa'i don thob par byed pa yin no/ gang la gnod par byed pa med pa de ji ltar tshad ma ma yin te/ gnod pa yod na ni myong ba 'khrul par 'gyur ba yin no/ /shes pa'i don med pa nyid ni rang 'ga' ba yin gyi/ 'on kyang tshad mas yin no/ /de nyid kyi phyir rnam 'grel las/ gnod byed kyi rigs pa dam pa med par nyams su myong bas grub pa'i blo cig car du 'byung ba spangs par mi nus so zhes bshad do/ /de lta ma yin na gang mthong ba de thams cad spang bar bya bar 'gyur ro/ /de'i phyir nyams su myong bas grub pa'i don ni gnod par byed pa'i tshod mas dgag par bya ba yin te/ dper na rab rib can gyis skras shad kyi tshogs shes pa gnod par byed pas bzlog pa dang/ mngon sum gyis rtog par rlom pa'i skad cig ma yin pa nyid kyang rab rib can gyis mthong ba'i skra bshad bzhin du/ rim dang cig car mi 'thad ba'i rgyu mtshan gyi gnod par byed pa'i tshad mas bzlog par bya ba lta bu'o/ /de bzhin du li dor khra dang dug gnyis tha dad pa med par rtogs pa yang gnod par byed pa nyid kyis bzlog bar bya ba yin no/ /de lta na ni 'on bdag nyid bzhin du gzhag yang 'dod chags la sogs pa dang ldan par mthong ba nyid kyis nges par nges na gnod pa byed pa med par de 'khrul pa ji ltar rnam par bzhag ce na/ brjod pa/ 'khrul pa'i rgyu mtshan yod pa'i phyir ro/ /de la ni re zhig mngon sum du gyur pa'i lus 'dra bas mngon sum ma yin pa'i sems kyang 'dra bar rtogs par byed pa zad do// de lta na 'o na 'dir yang mngon sum du gyur pa 'dra bar mthong nas mngon sum du ma gyur pa 'dra ba rtog spar byed pa yin no zhe na/ sgra mngon sum pa rnams la zhes bya ba la sogs pa smos so/ /'di skad bshad pa yin te/ mngon sum ma yin pa'i ngo bo ni 'khrul pa'i rgyu mtshan yin na de dag 'di la med do/ /de med pa'i phyir 'khrul pa'i rgyu mtshan med ba yin te de'i de'i phyir yang mngon sum gyi rang bzhin la gnod par byed pa med na/ ji ltar nyams su myong ba bzhin du tha snyad 'jug par byas bas 'di la yang de'i rang bzhin can du khas blang bar bya ba yin te/ gnod par byed pa med pa'i phyir ro/ /gal te mngon sum ma yin pa gzhan gyi sems la 'khrul pa yin gyi rang gi rgyud la rten pa'i shes pa ni 'dod chags la sogs pa dang ldan par mthong zhing nges pa yin no/ /rang gi sems kyi khyad par la ni 'khrul pa'i rgyu mngon sum ma yin pa'i rang bzhin yod pa ma yin la/ gnod par byed pa'i shes pa yang med pa'i phyir 'dod chags dang bral ba srid pas ci ltar rjes su dpag ce na/ bshad pa/ skyed bu dag la ni shes rab la sogs pa gnas pa'i khyad par thul du byung ba goms pa sngon du 'gro ba can mthong ba de nyid gnod par byed pa yin no/ /gal te goms pa la bltos nas khyad par du mi 'gyur na ni skyes bu'i sems 'dod chags dang bral ba mi srid par 'gyur ba zhig na 'gyur ba yang yin te/ des na bdag med pa'i rnam par rtog pa dang/ mdza' dag la dmigs pa'i rnam par rtog pa dag goms pa'i dbang gis gsal bar snang ba dang de'i phyir rtog pa med pa nyid kyang yin par 'dod chags dang bral pa dang thams cad mkhyen pa nyid ni mngon sum nyid yin no/ /de'i phyir rang gi rgyud kyi sems kyi khyad par mngon sum du gyur pa ni tshig gis mngon sum ma 'khrul pa dang mtshungs pa ma yin no/ /de la ni 'khrul pa rnam par 'jog pa'i rgyu mtshan khyad par mthong bar gnod par byed pa yod pa yin no/ /'byung bar 'gyur ba'i 'dod chags dang thams cad mkhyen pa ma yin pa ni da ltar yod pa ma yin te/ des na de ni mngon sum ma yin no// de'i phyir med par nges par 'khrul pa yin no/ /skyes bus byas pa dang skyes bus ma byas pa mngon par 'dod pa dag la mngon sum sngon du 'gro ba can gyi tha dad pa med par nges pa la ni gnod par byed pa yod pa ma yin no/ /'di snyam du 'o na dag la yang blta bar mi rung ba'i khyad par tha dad pa yod pa yin te/ dper na skyes bu'i lus mthong ba yang ma mthong ba'i sems la 'khrul pa'i rgyu yin pa bzhin no zhe na/ /tshig gi khyad par gzhan gyi ngo bor zhes smos so// chag de las tha dad pa'i tshig gi khyad par gang yin pa de ni skyes bus ma byas pa'i dag rtag pa de dang de'i bdag nyid kyi 'brel pa med pa de las byung ba'i yang med de/ des na de'i khyad par ma yin no/ /'brel pa med na de'i zhes bya ba'i tha snyad mi 'thad pa'i phyir ro/ /gtan tshigs des na 'khrul pa'i rgyu med pa yin la/ gnod pa med pa'i phyir ni mngon sum la snang ba'i tha dad pa med pa grub pa yin no/ /des na ji ltar skyes bus ma byas ba nyung zad cig skyes bus byas pa las khyad med ba de bzhin du thams cad kyang khyad med pa yin no/ /de'i phyir skyes bus byas pa dang khyad par med pa'i rang bzhin thams cad skyes bus byed par 'gyur ba 'am/ yang na ni de dag skyes bus ma byas na 'ga' yang skyes bus byas pa ma yin no zhes bya ba 'di 'grub pa yin no/ /gang la khyad par gyi rgyu med pa der na thams cad 'dra bar dpag par nus pa yin la/ gang la khyad par gyi rgyu srid pa der ni bdag nyid thams cad 'dra bar rjes su dpag par rigs pa ma yin no/ /de las dang sman dang skya ru ra la sogs pa dang/ skyes bu dag ni khyad par spangs par mi nus pas phyogs cig tu bzhag pa yin la/ khyad par dgag par nus pa'i ngag rnams kyang phyogs gcig tu gnas pa yin no/ /de la don dam pa ni 'di yin de gang la rnam pa thams cad bltar rung ba de la ni rnam pa gzhan mi srid pas na 'dra bar dpag par nus pa yin la/ gang la rnam pa thams cad bltar rung ba ma yin pa de la ni phyogs gcig gi sgo nas thams cad 'dra bar rjes su rtogs pa ma yin no/ /des na rnam pa 'ga' zhig gis bsgrub bya log pa la gtan tshigs ldog pa de tsam gyis ni don thams cad la don gnyis ka ldog pa dang ldan pa yin no/ /zhes bya ba 'di ni nges pa med pa kho na'o/ zhes bya bar gnas so/ /gang phyir slob dpon ma mthong ba tsam gyis ldog par mi bzhed ba dang 'thad pa yang ma yin pa de'i phyir ldog par bya ba'i dngos po de kho na tsam de dang 'brel pa'i ngo bo mi rtag pa la sogs pa gang yin pa de'i ngo bo nyid kyis sgra rim pa gzhan du sbyar ste/ ngo bo nyid kho nas rang nyid ldog pa na sgrub par byed zhes bya ba'i ngo bo ldog par byed pa yin no/ /'am smos pa'i 'bras bu'i gtan tshigs la ldog pa'o/ /rang bzhin gyi gtan tshigs kyi dper brjod pa nyid ston pa ni/ dper na shing zhes bya ba shing nyid kyis shing sha pa zhes bya ba shing sha pa nyid ldog par byed pa lta bu'o/ gang du shing med par ni nges la shing sha pa med par ma nges pa de la dper brjod pa 'di yin te/ rgyad ring po nas shing nyid ni rnam par dbye bar nus kyi shing sha ba ni ma yin no/ shing dang shing sha pa 'di nyid de'i bdag nyid du bsgrub pa'i phyir/ bshad pa/ yal ga la sogs pa dang ldan pa'i don de las gzhan pa dag las khyad par du gyur pas na khyad par te/ de nyid 'ga' zhig la yin gyi thams cad la ni ma yin no/ /de skad du zhes ba la shing sha pa nyid du grags pa'i phyir lo ma la sogs pa dang ldan pa'i don de ni shing sha pa nyid kyi rang gi ngo bo yin no/ /gang gi phyir gzhan ni 'ga' yang shing sha pa ma yin gyi/ lo ma la sogs pa dang ldan pa'o/ /don shing gi sgra brjod par bya ba nyid shing sha pa yin pa de'i phyir de ni de'i rang gi ngo bo yin na/ de yang bdag nyid bor nas ji ltar yod par 'gyur/ des na shing sha ba nyid kyi ngo bo ldog par byed pa bsgrub par bya ba'i ngo bo la 'brel pa yin la 'brel pa'i phyir na 'khrul pa med do/ /rgyu yis kyang/ kyang smos pa ni rang bzhin yang ldog par byed pa yin la/ rgyu yang ldog par byed pa yin gyi/ gzhan ni ma yin no zhes bya ba yin no/ /ci zhig ldog par byed ce na/ 'bras bu ste 'khrul pa med pa'i phyir ro/ /rang bzhin 'brel pa'i rgyu mtshan can 'khrul pa med pa yin pa'i phyir ldog par byed pa yin no/ /rgyu log pa na? yang? zhes bya ba la sogs pas 'di nyid rnam par 'brel par byed do/ /gzhan du na gal te log pa na 'bras bu ldog par mi byed na/ de med par 'byung ba'i dngos po ni de la 'khrul pa'i phyir de de'i 'bras bu nyid du mi 'gyur ro/ /gang gi phyir rgyu la 'khrul pas na/ de'i 'bras bu nyid du mi 'gyur bas des na rgyu dang 'bras bu dngos po gang yin pa de yang 'bras bu'i rang bzhin de rgyu la nges par byed pa yin no/ de yod na ni yod pa med na ni med pa zhes bya ba ni 'bras bu'i nges pa yin no/ /de'i phyir gnyi gar yang de'i bdag nyid dam de las byung bas rang bzhin 'brel pa gang yin pa de kho nas yin no/ /de ltar gang la 'brel pa yod pa de la ldog par bya ba dang ldog par byed pa yod pa yin no/ /zhes bsgrub pa'i sgo nas bshad nas/ da ni rang bzhin 'brel pa med pa la ldog pa byed dang ldog par byed pa med do/ /zhes ldog pa'i sgo nas bstan pa'i phyir de lta min na zhes smos so/ /gang yang rung ba gcig log pas ji ltar ma 'brel pa gzhan ni ldog bar 'gyur ro/ 'di nyid dpe'i sgo nas bsal bar bya ba'i phyir mi la zhes smos so/ /rta med pa'i phyir na rta med pa'i mi de la phyugs kyang med bar 'gyur ram ci/ de ltar ni mi srid de mngon sum gyis gnod par mthong ba'i phyir ro/ /de bzhin zhes bya ba ni ji ltar 'brel ba med na ldog par bya ba dang ldog par byed pa'i ngo bo mdza' pa de bzhin du/ byas pa nyid la sogs pa gang yang rung ba gcig cig nye ba'i phyir/ ji ltar mi rtag pa nyid la sogs pa gzhan ni nges par nye bar 'gyur te/ 'di ltar mi la phyugs ni bdog ces te/ phyugs yod pa'i phyir de bzhin du rta yang bdog par 'gyur ram ci/ de'i phyir rang bzhin 'brel pa kho nas zhes bya ba ni rang bzhin gyi 'brel pa yin pa'i phyir gtan tshigs bsgrub par bya ba go bar byed pa yin no/ /rang bzhin 'brel pa de yang de'i ngo bo ni de nyid de/ bsgrub par bya ba'i bdag nyid kyi mtshan nyid do/ /rgyu mtshan gang la yod pa 'am/ de las byung ba'i mtshan nyid yin no/ /gal te rang bzhin 'brel pa kho nas gtan tshigs go bar byed pa yin no/ 'o na ni dpe dgod bar mi bya ste/ des na bsgrub par bya ba'i chos can dang dpe'i chos can 'dra ba 'am/ mi 'dra ba tsam ston pa yin zhe na/ dpe des chos can 'dra ba 'am/ cig shos su ston to/ /zhes bya zer/ 'o na ci byed ce na/ bshad pa'i bdag nyid kyi rgyu mtshan can nam/ de las byung ba'i rgyu mtshan can gyi med na mi 'byung ba de nyid ston to/ /dper de dag gis ni med na mi 'byung ba'i yul can gyi tshad ma nye bar ston par byed pa yin no/ /zhes bya ba'i tha tshig ste/ tshad ma bstan pas med na mi 'byung ba bstan par 'gyur ba yin no/ /gang gi phyir dpe dag gis 'brel pa'i tshad ma ci ma rab tu ston pa de'i phyir chos mi mthun pa'i yul gyi dpe la nge par gdon mi za par 'di la zhes bya ba gtan tshigs la/ gtan tshigs kyi tshul rab tu grub pa'i don du gzhi chos can dngos por gyur ba mi 'dod do/ /gal te chos mi mthun pa'i dpe'i stobs kyis bsgrub par bya ba'i chos can dngos po gzhan dang chos mi mthun par bstan par bya ba yin na ni/ chos ni mthun pa'i dpe yang dngos por gyur pa bzhig tu khas blang bar bya ba zhig na/ gang gi phyir 'brel pa'i tshad ma tsam bstan bar bya ba yin pa de'i phyir 'brel pa'i chos gnyis gcig las ldog pa tsam du bstan pa na? dngos po med pa la yang bstan par nus pa yin no/ /dngos po la ni sgrub par byed pa dang/ bsgrub par bya ba dngos po'i chos dag 'jug par dogs kyang/ dngos po med pa la ni gegs med par ldog pa nyid du rtogs pa yin no/ /gal te yod pa la chos dag 'brel par tshad mas bstan par nus pa ma yin nam/ chos mi mthun pa'i dngos po med na ni chos de dag mi srid pas sgrub pa'i yul can gyi tshad ma yang bstan mi nus so zhe na/ dpe la ni zhes smos te/ sgrub par bya ba'i chos sgrub par byed pa nyid de'i ngo bor sgrub par byed pa ni bsgrub par bya ba'i chos nyid yin gyi gzhan ni ma yin no/ /zhes ston te/ sgrub par byed ba'i ngo bo nyid zhes bya ba'i don to/ /de tsam dang 'brel pa ste sgrub par byed pa tsam dang 'bral pa'i rgyu mtshan gyi so/ /de ltar bstan na de'i rang bzhin du bstan par 'gyur gyi/ gzhan du ni ma yin no/ /de tsam dang rjes su 'brel pa ston ba ni 'di ltar ro byas pa'i rang gi ngo bo nyid ces bya ba la sogs pa yin/ /zhes kyi sgra ni dag gi don 'dzin bar rung ba'i byed pa yin te/ zhes bya ba de ltar dag gi don de tsam dang rjes su 'brel pa rtogs par byed pa'i tshad ma ni dpe ston te/ /dpes bstan pa'i tshad ma des kyang dag gis bstan pa'i tsam du rjes su 'brel ba'i rtogs par 'gyur gyi brjod pas ni ma yin no/ /yang na rgyu'i dngos por bsgrub par bya ba don gzhan dpe la rab tu grub pa'i tshad mas rtogs par 'gyur te/ dpe la rab tu grub pa'i mngon sum dang mi dmigs pa dag las thams cad du rgyu nyid du rtogs ba'i phyir ro/ /de yod ba nyid na zhes bya ba ni gang du mngon sum dang mi dmigs pa dag lan cig zhugs pa'i rgyu'i dngos po de yod pa kho na ni cig shos yod pa'i phyir ro/ /zhes kyi sgra ni de ltar gyi don te/ de ltar dpal? rab tu grub pa'i chad mas rgyu'i dngos por rtogs pa yin no zhes bya ba'i tha tshig go/ de ltar zhes bya ba ni chos 'thun pa'i dpes rab tu bstan pa'i 'brel pa'i yul can gyi tshad mas de'i ngo bo sgrub par byed pa'i rang gi ngo bo nyid dang rgyu'i dngos por rab tu grub na/ mnyam? pa? nyid? med na zhes bya ba la sogs pa'i don 'di yang 'grub par 'gyur ro/ /de ci'i phyir zhe na/ 'di ltar zhes smos so/ /gang gi phyir bsgrub par bya ba'i chos ni sgrub par byed pa de'i rang gi ngo bo dang rgyu yin par dpe la rab tu grub pa'i tshad mas grub pa yin no// des na sgrub bar byed par gyur pa'i dngos po bsgrub par bya ba bdag nyid kyi rang gi ngo bo dang rgyu med par yod par ji ltar 'gyur/ rgyu de'i phyir chos mthun pa'i dpes rab tu bstan pa'i tshad mas grub pa'i 'drel ba'i? dbang gis bzhi chos can dngos por gyur pa med par yang nye bar bkod pa tsam gyi chos mi mthun pa'i dpe la ldog par byed pa dang ldog par bya ba'i mtshan nyid kyi ldog pa rab tu 'grub bo/ /'di skad brjod pa yin te/ gang gis chos gnyis kyi rten dngos por gyur pa 'tshol bar 'gyur ba/ chos mi mthun pa'i dpe la 'brel pa'i yul can gyi tshad ma bstan par bya ba ni ma yin no/ /'brel pa grub zin pa dag gi ldog pa tsam ni dngos por ma gyur pa yang bstan par nus pa yin no/ /gang gi phyir 'brel pa ni 'ga' zhig ldog par byed ba yin pa de'i phyir rgyu dang rang bzhin dag med pa ni 'ga' zhig dgag pa go bar bya ba'i yang gtan tshigs yin te/ go par byed pa yin no/ /'di nyid rnam par 'grel pa ni de dag kho na zhes gsungs pa yin no/ /gang gi phyir rang gi bdag nyid dang 'brel ba'i rtags ldog par byed pa yin pa'i rgyu de'i phyir yod pa'i bsgrub par 'dod pas 'brel gtan tshigs su brjod par bya ba 'ba' zhig tu ma zad kyi/ ci srid du ba la sogs ba'i don 'ga' zhig dgag pa sgrub par 'dod pas kyang gtan tshigs nyid du brjod par bya'o/ /de ltar ma yin te ldog par bya ba dang ldog par byed pa dag 'brel pa med na ni 'brel pa med pa log pas gzhan 'brel pa ldog par mi 'grub pa'i phyir ro/ /gal te brtsal ma thag tu byung pa la sogs pa sgrub par byed pa'i chos bsgrub par bya ba mi rtag pa la sogs pa 'brel pa ma yin nam/ bsgrub par bya ba ni sgrub par byed pa dang 'brel pa ma yin te/ sgrub par byed pa med kyang yod pa'i phyir ro/ /de nyid kyi phyir bsgrub bya ni bsgrub pa'i gtan tshigs ma yin na/ de ci'i phyir 'brel pa med pa ldog pas gzhan ldog par mi 'grub bo zhes brjod ce na/ 'di snyam du bsams pa yin te/ 'brel pa ni gnyis ga la gnas pa yin te/ /de'i phyir 'brel pa'i yul du gyur pa de dag ldan pa bsgrub bya'i chos la yang 'brel pa zhes brjod pa yin no/ /mi dmigs pa gsum pa yang bstan pa'i phyir bshad pa/ dmigs par rigs pa gang la yod pa ste/ rgyu gzhan yod pa dang bltar rung ba'i ngo gang yin pa de na dmigs par rigs pa yin no/ /yang gi sgras ni de dang rgyu dang khyab par byed pa mi dmigs pa dag kyang yin no/ /gal te rang bzhin mi dmigs par ni dgag pa grub pa yin pas de'i tha snyad bsgrub par bya ba ma yin nam/ dgag pa'i gtan tshigs de zhes ji ltar rjod ce na/ bshad pa/ dgag pa'i yul gang la yod pa'i tha snyad de'i go par byed pa gang yin pa de la de'i gtan tshigs zhes bya ba dgag pa'i gtan tshig zhes tshig le'ur byas par bshad do/ /ci ste 'gag pa nyid kyi gtan tshigs su ci'i phyir ma bshad ce na/ bshad pa/ de lta bu ste bltar rung ba'i don gyi mi dmigs pa gang yin pa de ni rang nyid dgag pa'i rang bzhin te/ dngos po med pa'i rang bzhin yin no/ /ji ltar bur pas dben pa'i sa phyogs dang de la dmigs pa'i shes pa nyid bum pa med pa yin pa de ltar na de nyid med pa rnams kyi med pa yin no zhes bya ba der gtan la phab zin to/ /de'i phyir dgag pa grub zin pas tha snyad bsgrub par bya ba la gtan tshigs su brjod do/ /gnyi ga'i yang zhes bya ba ni dgag pa dang tha snyad kyi'o/ /'bras bu dang khyab bya ba ltar mi rung ba la ni rgyu dang khyab par byed pa mi dmigs pas dngos po med pa dang med pa'i tha snyad gnyi ga go bar byed la/ 'bras bu dang khyab bya bltar rung ba la ni med pa'i tha snyad 'ba' zhig tu zad do/ /mi dmigs pa rnam pa gsum du bstan nas mjug bsdu bar bya pa'i phyir dgag pa'i gtan tshigs 'di ni rnam pa gsum kho na ste zhes smos so/ /rgyu la sogs pa ji 'dra ba zhig dang/ gang gi tshe mi dmigs pas go bar byed pa de gnyi ga yang ston par byed de/ dmigs su yod pa'i rgyu gang yin pa de gang gi tshe de ltar te/ rgyu nyid du nges par 'gyur ba de'i tshe mi dmigs pa go bar byed pa yin no/ /ji ltar sgron ma bzhin du rung ba nyid kyis ni gtan tshigs go bar byed pa ma yin no/ /'o na ci zhe na/ med na mi 'byung ba nyid du nges pa nyid ni yin no zhes bya ba de ni bshad zin to/ /med na mi 'byung ba nyid du nges pa dang sa phyogs la sogs pa la brten pa'i rtags nyid bsgrub bya nges par byed pa yin par mthong ba'i phyir ro/ /de bzhin du bsgrub par bya ba gzhan ldog par nges par byed pa yang rang bzhin 'brel pa des pa sngon du 'gro ba can yin pas na de'i rgyu nyid du nges pa zhes brjod do/ /dmigs su yod pa'i khyab par byed pa khyab par bya ba dang khyab par byed pa'i dngos po nyid du de ltar nges pa go bar byed pa bzhin te/ snga ma bzhin no/ /rang gi bdag nyid kyang ngo/ /khyad par ji lta bu dang ldan pa zhig ce na/ dmigs pa yod pa dang de ltar nges pa ste/ dmigs par yod pa nyid du nges par 'gyur ba yin te/ rnam pa gang gis bum pa dmigs par bya ba nyid du nges pa'i rnam pa des ma dmigs pa'i phyir med pa'i tha snyad du byed pa yin no/ /dgag pa'i gtan tshigs rnam pa gsum po de ni phyogs gzhan dag tu rnam pa du mar te/ dbye ba mang por bshad do/ /ji ltar zhe na bshad pa/ 'gal ba la sogs pa de dang de dag gis so/ /'gal ba la sogs pa gang yin ste/ sogs pa smos pas ni rang gi ngo bo la sogs pa gzung ngo/ /rang gi ngo bo la sogs pa ma rtogs pa ma dmigs pa dang 'gal ba la sogs pa rtogs pa dmigs pa'o/ /de dag gi sbyor ba ni de dag rjod pa'i sgra yin la/ de'i dbye ba de dang de dag ni 'gal ba la sogs pa ma rtogs pa dang rtogs pa'i dbye ba de dang des so/ /'di skad bshad pa yin te/ rgyu la sogs pa mi dmigs pa'i sbyor ba tha dad de/ rang bzhin mi dmigs pa dang/ rgyu mi dmigs pa dang/ khyab par byed pa mi dmigs pa dang/ 'bras bu mi dmigs pas so/ /de bzhin du de dang 'gal ba dmigs pa'i sbyor ba yang tha dad de/ rang bzhin 'gal ba dmigs pa dang/ 'gal ba'i 'bras bu dmigs pa dang/ khyab par byed pa 'gal ba dmigs pa dang/ 'bras bu 'gal ba dmigs pa dang/ rgyu 'gal ba dmigs pa dang/ rgyu 'gal ba'i 'bras bu dmigs pa ste/ de ltar sbyor ba rnam pa bcu'o/ /bcu gcig pa 'gal bas khyab pa dmigs pa ni le'u gsum par 'chad par 'gyur ro/

CLOSE WINDOW