བོད་ཡིག

e-texts based on the ACIP/ALL Input

pra mA Na brti kA langka ra/ bod skad du/ tshad ma rnam 'grel gyi rgyan/ thams cad mkhyen pa la phyag 'tshal lo/ / //bam po dang po/ tshad ma yang dag 'gro la phan bzhed pa/ /ston pa bder gshegs skyob la phyag 'tshal te/ /rtog ge ngan 'khrul 'gro ba la brtse bas/ /tshad ma grub pa tshul bzhin bshad par bya// skabs don rgya cher byed pa'i rab tu gsal bar smra po don dam sdud pa'i blos/ /snying po ma yin pa yi tshul bsal ba dag phal cher mthong ba med pa nyid/ /de na 'dir ni mnog med tshul dang bral bas skal ldan blo mi brtan rnams kyi/ /blo ni mdza' 'das dag par bya phyir yang dag rig pa'i don du blo bsgrub bo/ /'di las bstan bcos kyi dang por bcom ldan 'das rgyu dang 'bras bu phun sum tshogs pas tshad ma yang dag pa nyid du bstong pa mngon par brjod pa ni/ bstan bcos kyi don yin pa'i phyir te/ 'dir bcom ldan 'das nyid tshad ma yang dag par sgrub pa yin no/ /de la rgyu ni tha snyad pa'i tshad ma la bltos nas/ bsam pa dang sbyor ba phun sum tshogs pa'o/ /bsam pa ni 'gro ba la phan par bzhed pa nyid yin la/ sbyor ba ni 'gro ba la ston pa'i phyir ston pa nyid do// 'bras bu ni rang dang gzhan gyi don phun sum tshogs pa'o/ /rang gi don phun sum tshogs pa ni/ don rnam pa gsum bzung bas na bde bar gshegs pa nyid kyis te/ legs pa nyid ni gzugs bzang pa bzhin no/ /slar mi ldog pa'i don ni rims nad legs par byang ba bzhin no/ /ma lus pa'i don ni bum pa legs par gang ba bzhin no/ /gzhan gyi don phun sum tshogs pa ni 'gro ba sgrol pa'i phyir/ skyob pa nyid dam/ yongs su mya ngan las mi 'da' ba' i chos nyid kyis ni rgyun gyi don to/ /de lta bu'i bcom ldan 'das la phyag 'tshal nas tshad ma grub pa bshad par bya'o/ /gzhal bya rtogs pa ni tshad ma la rag las pa yin la/ tshad ma yang bcom ldan 'das nyid yin te/ tshad ma'i mtshan nyid yod pa'i phyir ro/ /'dis 'jal bar byed pas na tshad ma yin no/ /de la tshad ma'i mtshan nyid spyir ston pa ni/ tshad ma bslu med can gyi shes pa/ tshad ma ni mi bslu ba can te/ de yod na gzhal bya grub pa'i phyir ram/ bslu ba yin na bzlog pa'i phyir ro/ /dbang po dang don 'grel ba la sogs pa ni bslu bas stong pa'i shes pas nye bar mtshon pa nyid de nyid yin par 'gyur te/ tshad mtshol ba thams cad ni mi bslu ba don du gnyer bas rab tu sbyar ba yin no/ /gal te mi bslu ba dang ldan pa nyid sgrub par byed pa'i shes pa de'i rang gi ngo bo nyid ma yin nam/ de rang gi ngo bos shes na de shes pa nyid yin pa'i phyir brtag pa bya ba ci yod/ ci ste rang gi ngo bo rig pa ma yin na/ de'i tshe tshad ma nyid med par 'gyur na/ phyogs 'di ni khyed kyis bzod pa ma yin no zhe na/ de ni ma yin te shes pa'i rang gi ngo bo nyid tshad ma'am mi bslu ba can ni ma yin gyi 'on kyang don byed rnam par gnas pa ni/ mi bslu shes pa'i rang gi ngo bo tsam rtogs pas ni 'di tshad ma yin no zhes bya bar mi 'gyur ro// 'o na ci zhe na/ don ni btso ba dang bsreg pa la sogs pa'o/ /byed pa ni grub pa'o de gnas pa ni brtan pa'am rnam par gnas pa ni mi bslu ba yin no/ /don byed pa de yang 'byung bar 'gyur ba yin gyi/ de'i dus su ni ma yin no/ /des na de dang 'grel pa yin gyi rang gi ngo bo rig pa tsam gyis nges pa ma yin no/ /gal te de dang 'brel pa rang gi ngo bo nyid ma yin nam/ de ci ltar rang gi ngo bo rig pa tsam gyis nges par mi 'dzin ce na/ de ni yod pa ma yin te/ gnyis gnas 'brel pa rig pa ni/ /gcig gi ngo bo rig pa min/ /gnyis kyi rang gi ngo bo ni/ /rig pa yin na 'brel pa rig /'o na ci ltar 'jug pa'i dus su de shes she na/ 'di ni 'og nas bshad par bya'o/ /gal te don byed pa rtogs pas snga ma tshad ma yin na/ don byed pa rtogs pa de yang tshad ma'am tshad ma ma yin par 'gyur/ tshad ma ma yin pas ni don byed pa rtog pa med pa'i phyir de ni tshad ma yin no/ /des na de las kyang ni don byad pa rtogs pa gzhan btsal dgos pas thug pa med par 'gyur ro zhe na/ de ni ma yin te/ phyi ma'i don byed yod pa las/ /gal te snga ma tshad yin na/ /de tshe don byed yod nyid las/ /phyi ma ci ltar de ma yin/ /gang la gzhan gyis don byed pa gnas pas nye bar rtog pa de tshun chad tshad ma yin na// gang la rang nyid las de nyid kyi tshe don byed pa myong ba yod pa de ni shin tu ches tshad ma nyid de/ don byed gnas pa ni mi bslu ba zhes spyir brjod pa'i phyir ro/ /gal te bsreg pa dang btso ba la sogs pa'i don byed pa de ni rmi lam dang dung la ser por shes pa la yang yod pa yin la/ rang dang gzhan las don byed pa med pa'i phyir sgra'i yul can gyi shes pa la ni/ btso ba dang bsreg pa la sogs pa'i don byed pa med pa ma yin nam/ de'i phyir gnod pa med pa'i rtogs pa tsam tshad ma yin no zhes rigs so zhe na/ de yang mi rigs te/ 'di ltar sgra las byung ba yang/ mngon par 'dod pa ston pa'i phyir mi bslu ba yin no/ /sgra'i yul can gyi shes pa ni sgra las byung ba'o/ /yang gi sgras ni gzhan la yang ngo/ /don 'di yin te rtogs pa'i ngo bo tsam gyis ni/ shes pa thams cad tshad mar 'gyur/ /'on te gnod med rtogs phyir na/ /rmi sogs la de cis ma yin/ /rtogs pa can dang 'brel ba ni/ /rmi lam dang gzhan pa'i shes pa dag la yod pas na thams cad la mtshungs so/ /de ni skyes bu'i don sgrub par byed pa ma yin no// 'on te gnod pa med pa'i rtogs pa nyid yin na de yang mtshungs pa nyid do/ /sad ba'i shes rab? gnod pa yin no zhe na/ gnod pa zhes bya ba ni ci zhig /gal te gzhan gyi lus med par/ shes pa nyid ni der 'dod na/ rang don la 'jug shes pa ni/ /ji ltar med pa shes bar byed// re zhig shes pa gzhan 'ga' zhig gis rmi lam gyi shes pa'am gzhan med par bya ba ni ma yin te/ de'i dus na de rang nyid zhig pa'i phyir ro/ /mig btsums pa tsam gyis zhig ba'i shes pa la gnod pa nyid rtogs pa yang med do/ /shes pa gzhan gyis de'i yul 'phrog pa ni med par shes pa'i mtshan nyid gnod pa yin na rang gi yul la 'jug pas ni gzhan gyi yul 'phrog par bya nus pa ma yin no/ /rang gi yul gyi shes pa ni rang bzhin sgrub pa ni shes pa rnams kyi chos yin la/ gzhan gyi yul 'phrog pa ni ma'i bdag po rnams kyi chos yin no/ /'o na ji ltar gnod par bya ba dang gnod par bya ba'i dngos po yin zhe na/ ji ltar rang gi yang ma yin no/ /de nyid kyi phyir gnod pa med pa ni nyid tshad ma ma yin pa nyid do/ /de'i phyir gang la don byed pa med pa de ni tshad ma ma yin no/ /gang la rang? ngam gzhan gyis ni/ /don byed 'byung ba shes min te/ tshad min de nyid du na ni/ /rmi lam rmi lam min khyad med/ /rmi lam dang rmi lam ma yin pa dang/ de bzhin du tshad ma dang tshad ma ma yin pa'i dbye ba 'di ni tha snyad tsam yin no zhes 'chad bar 'gyur ro 'di ni don byed pa rnam par gnas pa ma yin te/ brtan pa nyid med pa'i phyir ro/ /rmi lam gyi don byed pa ni goms pa tsam gyi stobs kyis yin te/ de la ni tshim pa yod pa ma yin no/ /gnod pa med pa nyid yin na ni thug pa med pa nyid de/ dang po gnod pa med pa ni thams cad la yod pa nyid do/ /dus phyis gnod pa med pa yin na/ de la yang dus phyis gnod pa med do zhes ga las yin/ /dang po gnod pa med pa ni/ /rnam shes kun la yod pa yin/ /phyi nas gnod pa byed yin na/ /der yang ji ltar dogs ma yin/ /dung ser por shes pa la sogs pa ni tshad ma ma yin pa nyid de de ltar don byed ba thob pa med pa'i phyir ro/ /dbyibs tsam gyi don byed pa grub pa la ni rjes su dpag pa'i shes pa gzhan nyid tshad ma yin no/ /'di ltar/ 'di lta'i snang ba gang yin pa/ /de ni dbyibs dang bral min te/ /de ltar gzhan du mthong ba'i phyir/ /de lta na de rjes dpag yin/ /gang gis nam yang 'khrul pa mi dmigs pa de la ni ji ltar bsams pa la bslus pa'i phyir bslu ba nyid do/ /'khrul pa rig pa gang yin pa de ni rnam par dpyad nas 'jug go /gzhan la the tshom za ba'am/ bzlog par gyur pa yin yang dbyibs tsam la ni re zhig thob par byed pa yin no/ /des na dbyibs la ni tshad ma yin/ gzhan la the tshom yin pa'i phyir 'di ni tshad ma dang tshan ma ma yin pa'i shes pa gnyis yin no/ /'dis ni nor bu'i dod la nor bur shes pa yang bshad pa yin te/ da ltar yang 'chad par 'gyur ro/ /ci ste 'di ni gnyis yin no zhes gang gis rtogs she na/ 'di yang bshad par bya'o/ /sgra'i yul can gyi shes pa ni mngon par 'dod pa ston par byed pa'i phyir tshad ma yin te/ mngon par bsams pa'i don byed pa'i rang bzhin ston par byed pa nyid mi bslu ba yin no/ /gzhal bya'i rang bzhin grub pa nyid/ /der ni bya ba yin par 'dod ri mo la yang mthong tsam gyis 'bras bu yongs su rdzogs pa yin/ /'dir rang gi ngo bo rig pa las gzhan pa'i don byed grub pa ni gang du yang dmigs pa med do// gzugs la sogs pa la yid rang gi rang bzhin rig pa 'ba' zhig nyid de/ de'i yul can gyi shes pa gzhan la tshad ma yin pa ni ma yin no/ /de'i rang bzhin rig pa tsam ni shes pa thams cad la mtshungs pa'i phyir/ tha snyad pa'i tshad ma la 'jug pa ma yin no/ /de'i phyir 'byung gyur don yul dang/ /yul gzhan gyi ni spyod yul can/ /tshad ma lhag par sgro btags pas/ /tha snyad rjes su 'jug par byed/ /'byung bar 'gyur ba'i don dang yul gzhan don du gnyer ba ni tshad ma 'am tshad ma ma yin pa'i tshol ba dang du len to/ /ji ltar na don dam par na reg pa la sogs pa yul gzhan gzugs la sogs pa'i rang bzhin 'dzin pa'i nang du mi 'du ba de bzhin du 'byung bar 'gyur ba'i rang bzhin yang yin no/ /lhag par sgro btags pas ni de gcig nyid yin pa ltar yul gzhan yang yin no/ /des na de'i sgo nas kyang mi bslu ba yin par brjod de/ gang du de nyid don byed pa der ni rtsod pa med pa kho na'o/ /de la 'byung bar 'gyur ba'i rang bzhin la ni/ de rgyu yin nga? nyid kyis gcig du sgro btags pa yin la/ reg pa la sogs pa gzhan la ni de dang tshogs pa gcig la rag las pa nyid kyis yin pa'i phyir khyad par med do/ /gang la don byed pa tha dad par mngon par 'dod pa/ dper na smig rgyu la chung 'dzin pa'i shes pa las smig rgyu'i don byed pa thob pa de ni tshad ma ma yin pa nyid do/ /de nyid kyi phyir sgra las byung ba yang mngon par 'dod pa ston pa'i phyir zhes bshad do/ /gzhan ri mo la sogs pa la yang ngo/ /de ltar yin dang bum pa shes pa na snam bu thob pa dang/ nya phyis la dngul du shes pa rgyud mar 'byung yang tshad ma ma yin te/ mngon par 'dod pa la mi bslu ba med pa'i phyir ro/ /mngon par 'dod la slu med phyir/ /thams cad tshad ma yin par brjod/ /rigs mthun pa dang mi mthun pa'i/ /shes pa skye pa tsam las min/ /gnod par byed pa'i tshad ma yang/ /de lta'i rnam par gnas pa nyid / de nyid du na rigs mi mthun/ /rnam shes skye ba tsam du zad/ /gal te rigs mi mthun pa yi/ /rig skye gnod byed yin brjod na/ /bum pa shes la snam bu shes/ /ji ltar gnod byed rigs ma yin/ /gal te min shes dgag 'jug las/ /'ga' zhig gnod byed yin 'dod na/ /min no snyam pa'i shes de nyid/ /tshad ma gang las 'ongs pa yin/ /dngos med mtshan nyid tshad ma ste/ /de las she na de dpyad bya/ /gzhan gyi rang bzhin rig pa 'am ci/ /ci de'i med pa rig pa yin/ /gal gal te gzhan dngos rig na ni/ /khyad par med par thal bar 'gyur/ /de dngos med pa rig na ni/ /de'i zhes 'brel pa med par 'gyur/ /med pa ni rang gi ngo bos rig pa yin no/ /dngos po med pa'i rang gi ngo bo ni bum pa la sogs pa dang 'brel par rtogs pa ma yin no/ /bum pa rtogs pa na ni dngos po med pa de dang 'brel pa nyid ma yin te/ de'i tshe dngos po med pa ma yin par 'gyur ba'i phyir ro/ /lhas byin gson po nyid ni shi ba ma yin no/ /ma rtogs pa'i bum pa dang dngos po med pa 'brel par ni 'dzin mi nus so/ /ci ste rgyu dang 'bras bu'i dngos po bzhin du rtogs te/ rgyu yod na 'bras bu gyis 'byung la de'i de ma thag tu dmigs pa de rim gyis rtogs pa na/ rgyu dang 'bras bu'i 'brel ba 'dzin pa yin pa de bzhin du/ dngos po yod na dngos po med par 'gyur la/ dngos po med pa yin na dngos po yin pas 'brel pa rtogs pa yin no zhe na/ de yang ma yin te gang gi phyir/ gtan med pa dang 'brel pa ni/ /'ga' yang grub pa yod ma yin/ /med de dngos yod na min zhing/ /der ni bzlog pa'ang ma yin no/ /gzhan yang rgyu 'bras dag gi rang bzhin ni/ /de med par yang rtogs pa yin/ /khyed kyi dngos po med pa ni/ /dngos po med par rtogs ma yin/ /stong pa'i yul gang yin pa de/ /thams cad du ni mtshungs pa nyid/ /snga na med sogs dbye ba ni/ /de la shin tu srid ma yin/ /ci ltar dngos po'i dbye ba ni/ /mngon sum gyis ni rtogs byed pa/ /de bzhin sngon med la sogs kyi/ /dbye ba'ang mngon sum las rtogs 'gyur/ /gal te de ni dngos med pa'i/ /tshad ma las ni 'dod ce na/ /gang gi dngos med tshad ma yi/ /tshad ma med las rig na ni/ /ci ltar thams cad med min zhing/ /ji ltar kun tu gnyid log min/ /gal te med pa 'dzin pa yi/ /rigs pa dngos med yin 'dod na/ /de ni dngos po rig med par/ /'ga' zhig ji ltar mtshon ma gyur/ /gal te der tshogs 'di nyid na/ /dngos po med pa nges ma yin/ /dngos po las ni tha dad pa/ /dngos med rig pa yod ma yin/ /'di med ces bya'i shes pa ni/ /de las tha dad rigs yin na/ /de ni gang las skyes pa yin/ /dran med dbang po las ma yin/ / dbang po dran pa dang ldan las/ /dngos po med shes su 'byung na ni/ /dbang po yod pa'i rjes 'brangs phyir/ /de ni mngon sum nyid du 'gyur/ /gal te gzhan la 'jug pa yi/ /dbang po gzhan shes rgyu ma yin/ /med shes nyid ni yid yin te/ /de ni ji ltar tshad ma yin/ /tshad ma bslu ba med pa las/ /de ni gzhan pa'i yid nyid yin/ /dngos med log shig pa la ni/ /mi bslu 'ga' yang yod ma yin/ /mi bslu 'ba' zhig pa la yin/ /de ni mngon sum gyis 'dzin to/ /dngos med blo ni med par de/ /rtag tu 'ba' zhig 'dzin par 'dod/ /gzhan dang 'dre ba med par ni/ /rtogs pa 'ba' zhig 'dzin pa yin/ /'ba' zhig med pa'i mngon sum la/ /mi bslu ba ni srid pa yin/ /de phyir de ni mngon sum nyid/ /de lta min na mi dmigs pa/ /gal te dngos med rig min phyir/ /'ba' zhig gang las rtogs she na/ /der yang 'ba' zhig rig pa ni/ /med na med phyir mtshungs pa'am/ /ci ltar dngos med 'ba' zhig ni/ /dngos med med par 'jal byed pa/ /de bzhin dngos po'ang de lta ni/ /min na thug la med par thal/ /dngos po med pa ma rtogs pa// 'ba' zhig mi rtogs so zhe na/ /'ba' zhig pa rtogs pa med par dngos po med pa mi rtogs pa'i phyir mtshungs pa'am/ dngos po med pa 'ba' zhig pa 'ang dngos po med pa gzhan med par ci ltar rtogs/ de la yang dngos po med pa rtogs na ni thug pa med do// de nyid dran pa'i don la bltos te mi dmigs pa yin no/ /dngos po med pa sgrub pa ni/ mngon sum gyi shes pa yin la/ med pa'i mdza' snyad ni bag chags kyi dbang gis 'ga' kho nar 'gyur gyi/ gzhan du ma yin no zhes bya ba ni rnam par dbye ba'o/ /de'i phyir 'ba' zhig 'dzin pas na/ ci ltar sad pa'i shes pa rmi? lam gyi shes pa'i gnod byed yin pa de bzhin du/ /bzlog pa yang yin zhes bya ba 'di ni rigs pa yin no/ /de'i phyir sgra las byung ba yang mdo 'dod pa ston par byed pa'i phyir tshad ma yin no/ /de'i phyir bzhan pa dag dang ma 'brel phyir/ /nyan pa'i blo yang chad mi 'gyur/ /zhes bya ba de bsal ba yin no// //gal te bcom ldan 'das tshad ma yang dag pa yin pas don ci yod de/ tha snyad pa'i tshad ma nyid las skyes bu'i don thams cad 'grub pa'i phyir zhe na/ de ni med de/ rang dngos 'dzin la mngon sum dang gzhan du rjes dpag 'jug pa yin/ /'di yang phyi nas 'char? 'gyur te/ /gzhan ni tshad ma ma yin nyid/ /re zhig mngon sum ni 'jig rten pha rol la sogs pa la mi 'jug ste/ de ni rang gi ngo bo tsam 'dzin pa'i phyir ro/ zhes bstan par bya'o/ /rjes su dpag pa ni 'brel pa 'dzin pa med par med la/ /byad? par 'brel pa 'dzin pa yang/ /thams cad rig pa ma yin pas/ /'dzin par nus pa ma yin no/ /rang gi ngo bor rig pa'i mthar thug pa'i mngon sum gyi bdag nyid kyis 'brel ba mi 'dzin pa'i phyir dang/ rjes su dpag pa nyid kyis 'brel pa 'dzin na yang gcig la gcig brten pa'i nyes par 'gyur ro/ /mngon sum dang rjes su dpag pa ni thams cad mkhyen pa sgrub pa dang rjes su mthun pas tha snyad du tshad ma yin gyi de ltar ma yin gyi de ltar ma yin na ni ma yin no/ zhes bya ba 'di ni phyis bstan par bya'o/ /gal te rang gi ngo bo nyid de'i yul yin pa'i phyir dang/ rjes su dpag pa yang 'brel pa 'dzin pa la bltos pa'i phyir/ mngon sum dang rjes su dpag pa'i mtshan nyid kyi tshad ma 'jig rten pha rol la sogs pa la mi 'jug mod/ /bstan bcos ni de ltar ma yin pa'i phyir/ de nyid las mngon par 'dod pa'i don 'grub pas bcom ldan 'das tshad ma yang dag pa yin par bsgrubs pas ci zhig bya zhe na/ 'di la brjod pa/ smra ba po yi byed pa'i yul/ /don gar blo la rab bsal ba/ /sgra ni de la tshad ma yin/ /don gyi de nyid rgyu can min/ /skyes bus ma byas pa'i sgra ni ma yin no zhes phyis bstan par bya'o/ /skyes bus byas pa nyid ni 'gyur ro/ /de la yang smra ba po'i byed pa ni brjod par 'dod pa'o// smra ba ba ni brjod par 'dod pa bo ste/ brjod par 'dod pa po ste yul gyi don gang zhig nyan pa po'i blo la gsal ba de nyid la sgra tshad ma yin te/ sgra'i byed ba ni de nyid la yin no/ /gzhan du brjod par 'dod pa gzhan du ston par byed pa na rtog ba sngon du gtod bar mi 'gyur ro/ /de ltar na yang tshad ma ma yin par shin tu bsal lo/ /brjod par 'dod pa de yang thams cad thams cad rig pa ni ma yin te/ de lta ma yin na phan tshun 'gal ba'i bstan bcos dag du mi 'gyur ro/ /phan tshun 'gal ba'i don ni rjes su sgrub par nus pa yang ma yin no/ /rnam pa ji ltar yang rung bar bsgrubs pa tsam don 'grub pa yin na ni don med pas na bstan bcos tshad ma ma yin no/ /rang gar rjes su bsgrub pa la yang 'bras bu 'grub par yod par thal ba'i phyir ro/ /de lta yin na ji ltar 'dod pa bzhin du ni/ /'jug pas rtson pa med 'gyur te/ /'gar yang 'ga' yi bsgrub pa ni/ /'ga' yang 'bras bu med mi 'gyur ro/ /de'i phyir gal te smra ba bo thams cad rig pa ma yin na skra 'chid? pa po'i byed pa'i yul nyid la tshad ma ma yin gyi/ don de nyid kyi rgyu mtshan can ni ma yin no// skyes bus ma byas pa la yang/ gang gi tshe dang nyid don rtogs pa de'i tshe ni don gang blo la gsal ba yin la/ gang gi tshe 'chad pa po las rtogs pa de'i tshe ni smra ba po'i byed pa'i yul yin te/ 'chad pa po nyid smra ba po yin no/ /don gang blo la snang ba de nyid ni don dam pa ma yin te/ de la ma yin na mngon par 'dod pa'i don mdza' dag grub pa'i phyir 'ga' yang don du gnyer bar mi 'gyur ro/ /don de bsgrub par bya ba nyid du rtogs pa'i phyir de lta ma yin no zhe na/ 'o na de'i tshe rang gi ngo bor med pas de rtogs pa ma yin no/ /gzhan rtogs na ni 'brel pa med ?? phyir the tshom za ba nyid do/ /de'i phyir don gang rtogs pa de ni grub pa nyid kyis de don du gnyer nas 'jug pa ma yin la/ don du gnyer ba gang yin pa de ni ma rtogs pa'i phyir don gyi de kho na nyid kyi rgyu mtshan can gyi tshad ma ma yin no/ /gal te bdag nges par sbyor ro zhes rtogs pa'i phyir nges par sbyor bdag gi don ma yin nam/ des na nges par sbyor ba nyid kyis 'dug par mi nus pa yin no zhe na/ nges par sbyor ba zhes bya ba ni ci zhig nges pa'i sgra ni ma lus pa'i don yin la/ sbyor ba ni 'brel pa'i don yin te/ lus pa med par sbyor ba ni nges par sbyor ba'o/ /lus pa med pa nyid ni/ mi sbyor ba cung zad kyang med pa'i phyir ro/ /gdon mi za bar bya ba nyid ni nges par sbyar ba yin te/ nges par sbyor ba'i tshad ma can ni nges par sbyor ba rtogs pa tsam gyis 'jug pa yin no zhe na/ de la bshad pa ni/ 'chad pa po'i byed pa'i yul zhes bya ba la sogs pa yin no don 'di yin te/ ngo bo nyid kyis don grub na/ /nges par sbyor dang sgom pa dang/ khams don sgrub par brjod pa dang/ 'khrul 'khor la gnas sogs mi 'gyur/ /de'i phyir spobs pa ji lta ba bzhin gang la snang ba de gang gi don yin te/ don gyi de nyid ni de lta ma yin no/ /sgra de nyid ni gang ji ltar brjod pa de lta rmi mthun par mi 'gyur la/ don gyi de nyid ni de ltar gnas pa ma yin no/ /gzhan yang gal te nges sbyor gyis 'jug na/ de dngos yin phyir de las ni/ /thams cad thal 'gyur na mkha' ni/ /'ga' la'ang nam mkha' min ma yin/ /rang bzhin yin yang phyir log gis/ /gal te gzhan du rtogs na ni/ /phyin ci log dang ma log pa'i/ /rnam par bzhag pa su yis byed/ /gal te phyin ci log pas na nges par sbyor ba lhur len pa'i ngag las kyang mi 'jug na/ de lta ma yin na phyin ci log gi rtog pa ni 'jug pa la yang nyams pa med do// ji ltar 'di sdang bas mi 'jug pa phyin ci log yin pa de bzhin du gzhan yang de'i phyogs su ltung bas 'jug pa'i phyir 'di ni mtshungs so/ /bdag nges par sbyor ro snyam pa tsam gyis ni 'jug pa ma yin te/ 'bras bu med pa'i nges par sbyar ba la 'jug pa med pa'i phyir ro/ /mnga' bdag gtum pos nges par sbyar na ni/ 'bras bu med kyang log par ltung ba'i 'jigs pas 'jug cing log par ltung ba yang tshad ma gzhan las rtogs pa yin no/ /'dir ni tshad ma gzhan med do/ /de lta na ni nges par sbyar ba don med do zhe na/ med mod de ci skyon/ mthong ba ni mi 'thad pa zhes bya ba ma yin no/ /rtog pa sngon du byed pa can 'bras bu med par nges par sbyor na ni/ rtog pa dang ldan par mi 'gyur ro zhes bya ba'i klan kar 'gyur gyi/ skyes bus ma byas pa la ko klan ka ci yod/ skyes bus ma byas pa la yang don med pa nyid ni mi rung ngo zhe na/ 'di la ni tshad ma ci yang med de/ skyes bus ma byas pa gzhan la de ltar ma mthong ba'i phyir ro/ /gal te skyes bus ma byas pa'i nges par sbyor ba tsam las 'jug na mtho ris 'dod pa zhes bya ba'i don med do/ sbyin sreg gyis shig zhes bya ba tsam las nges par sbyor ba rtogs pa'i phyir ro/ /'on te 'bras bu mngon par 'dod pa la 'bras bu nye bar ston pa yin no zhe na/ 'o na ni de'i 'bras bu nyid nye bar bstan par bya ba yin te/ nges par sbyor bas ci bya/ 'bras bu mngon par 'dod pas rang nyid 'jug par 'gyur ro/ / skyes bus ma byas pa'i phyir ma 'brel yang mi brtsad do zhe na/ 'o na ni 'bras bu med pa bskul ba yang brtsad par mi bya ba'i phyir rig byed don med pa can yin yang mi rigs pa med par 'gyur ro/ /gzhan yang gal te/ des sbyor nges sbyar dang/ yul dang nges sbyor byed po yi/ /chos su 'dod na thams cad la/ /sgra yi don ni gnas pa med/ /nges par sbyor ba zhes bya ba 'di gang gi chos yin zhes bsam par bya'o/ /nges par sbyor ba snam bu la sogs pa'i don bzhin du gzhan dbang ma yin par rtogs pa ni ma yin no/ /de la 'di na ? za bar nges par sbyar bar bya ba la sogs pa'i chos su 'gyur te/ ? gzhan rig pa med pa'i phyir ro/ /de ni sbyar bya'i chos yin na/ bsgrub bya ga la yin/ /gal te grub kyang bsgrub bya na/ /sgrub pa rgyun chad med par 'gyur/ /yongs su rdzogs pa na rjes su sgrub par nus pa ma yin no/ /rjes su sgrub pas de la bya bar khyad par ram rang gi ngo bo skyed grang re zhig bya ba'i khyad par ni don mang ba nyid de yongs su grub zin pa la bya ba ci'i don du byed/ rang gi ngo bo grub pa ni grub zin pa la 'gal lo/ grub zin pa la ma grub pa gzhan na yod pa ma yin te/ grub pa'ang? grub pa'i dngos po mi rung ba'i phyir ro/ /gang zhig gang gi rang bzhin du dmigs pa de de'i rang bzhin yin na/ ma grub pa ni dmigs par mi nus so/ /phyis dmigs par 'gyur ro zhe na/ de ni mi rigs te 'di ltar/ de yi rang gi ngo bo ni/ phyis dmigs ? pa ma yin te/ mngon sum da lta'i rang bzhin ni/ /'dzin pa la ni 'jug byar? ro/ /da ltar ba'i rang bzhin 'dzin pa la 'jug pa'i mngon sum ni snga ma dang phyi ma'i rang bzhin mthong bar nus pa ma yin no/ /des na dbang po las skyes shes pa ni/ /snga phyi gcig tu rig min te/ /dbang po'i rjes su 'brangs pa yi/ /phyi na mngon sum zhes brjod do/ /de'i phyir nges par sbyor ba nges par sbyar bar bya ba skyes bu'i chos yin na sgra'i don nyid ma yin no/ /yul gyi chos nyid yin na yang/ /yul ma grub pa'i phyir rang gi ngo bo med pas de ji ltar sgra las rtogs par nus/ med pa ri bong gi rwa la sogs pa ni de ltar rjes su bsgrub pa'i yul nyid du mthong ba med do/ /rjes su bsgrub pa'i yul nyid kyis na rang bzhin 'gas ni yod pa yin la/ 'gas ni ma yin no zhe na/ de ni ma yin te/ gang gis de ni yod pa yi/ /ngo bo des ni bsgrub bya min/ gang gis de ni yod min pa/ /des kyang rtogs par 'gyur ba min/ /de la rtogs bzhin nyid sgrub cing/ /bsgrub bya nyid ni min zhe na/ /de yi rang gi ngo bo ni/ /de nyid des sbyor gzhan 'gyur min/ /rtogs bzhin pa nyid tsam zhig ni/ /dngos po kun gyi thun mong yin/ /rjes su bsgrub bya nyid kyis de/ /nges sbyor de lta min na min/ /gal te rjes su bsgrub bya bar// snang ba yin gyi gzhan min na/ /de la rjes su sgrub 'gyur gyi/ /spyir rig pa la ma yin no/ /spyir rig yin na de la ni/ /rjes su sgrub don rigs min pas/ /der smra ba yi nges sbyor ni/ /ngag gi don du 'gyur ma yin/ /gal te sbyin sreg la sogs pa'i yul la bdag sbyor ro zhes rtogs pa yin la/ /sgra las nges par sbyor ba rtogs pa'ang 'di nyid yin te/ bdag ni 'dis 'di la nges par sbyar to snyam du rtogs pa gang yin pa'o/ /de la nges par sbyor bar byed pa po ni sgra yin te/ skyes bu ni rig byed la tshad ma ma yin pa'i phyir ro/ /nges par sbyar bar bya ba ni/ skyes bu yin la/ sbyin sreg ni yul yin zhing de thams cad rtogs pa yin no/ /de la dngos po nyid rtogs pa yin na/ de ji ltar rtogs pa zhes bya ba'i rgal zhing brtag pa 'di ci zhig yin zhe na/ de ni mi bden te/ rtogs bya yod pa min na der/ /gang gi rang bzhin rig pa yin/ /gang zhig rang gi ngo bo yis/ /rig de de yi rig par 'dod/ /rang gi ngo bo med pa la/ /rang dngos rig pa yod ma yin/ /gang phyir dmigs pa yod pas de/ /yod dang med par ji ltar 'gyur/ /dmigs pa tsam gyis dngos po ni/ /yod ces bya ba rtogs ma yin/ /yul rnams la ni phan tshun du/ /'gal ba'i don der 'gyur ma yin/ /rgyu yi dri mas ma spags phyir/ /rig byed nyid las rtogs she na/ /'jig rten rjes 'brang med par ni/ /rig byed las rtogs med phyir min/ /mchod sbyin la sogs dmigs pas na/ /sgra don 'jig rten na srid phyir/ /sngon mthong rjes su 'brang ba yis/ /rtogs pa don grub byed ma yin/ /'dod dang mya ngan 'jigs dang smyo/ /nyes pas bslang ba'i sems rnams kyi/ /blo sngon rjes su 'brang bas ni/ /'dod pa sgrub byed mthong ba med/ /dag dang tshig don 'jig rten na/ /la lar nye bar slang bar mthong/ /de rjes 'brangs pas rig byed la/ /nyes slang ji ltar sring ma yin/ /de la rmongs pa la sogs pa/ /bsams pa'i nyes pa 'ga' med na/ /der yang ma rtogs pa yi skyon/ /'ga' zhig ji ltar 'dod ma yin/ /'jig rten bsam pa'i nyes pa yis/ /dngos dang 'brel pa nyams pa'i phyir/ /tshad min 'di ni rig byed las// tshad ma'i nyes pa ma yin min/ /dag dang tshig don 'jig rten na/ /nye bar bslad pa mthong pa'i phyir/ /rig byed la 'ang sgra de nyid/ /de dag ji ltar slang mi srid/ /gal te rig byed rang nyid las don bden par mi 'gyur na/ /de'i tshe 'jig rten na mchod sbyin la sogs pa'i don la rang nyid mi 'jug pa'i phyir/ ji ltar mchod sbyin la sogs pa'i bya ba la 'jug pa dmigs/ 'dir rang nyid ni rtogs par nus pa ma yin te des na mi slu ba la brten pa'i don ston pa'i phyir rig byed tshad ma yin no zhe na/ 'di ni lung thams cad la mtshungs so/ /lung thams cad la'ang so sor nges pa'i lung gi don gyi nang gi bye brag gi rnam par dbye ba dmigs pa ni/ skyes bu tsam gyis rang gi brtags nas rjes su sgrub par nus pa ma yin no/ /yang na sgra dang rtags med par yang ci zhig ltar dran par byed pa rang nyid gang gis bya ba de ltar rtogs pa'i bla der ci ltar yang mi 'gyur ram cig /mchod sbyin la sogs don bya ba'i/ /bdag la lung kun mtshungs pa'i phyir/ /de yi kun gyis byed min ta/ /rig byed la'ang mi mtshungs sam/ /dam pas rtsi ba min zhe na/ /phan tshun brten par 'gyur ba yin/ /dam pa rig byed don spyod las/ /de'i tshad ma'ang de spyod las/ /gzhan yang/ bram ze la sogs pa dag kyang/ /lung gzhan dang ni 'brel par 'gyur/ /de dag sdig la dga' min pas/ /mi 'gyur ba ni nyid ce na/ /sdig dang cig shos rnam gzhag 'di/ /tshad ma gang las 'ongs pa yin/ /bram ze min pas sdig bdag nyid/ /sdig phyir bram ze min bdag nyid/ /gzhan yang rigs dang rus dang ni/ /bya ba sogs las bram ze sogs/ /rnam dbye shes par nus min na/ /gang phyir bram ze khyad can 'gyur/ /bram ze la sogs pa'i ngo bo ni ji ltar yang tshad ma'i spyod yul du gyur pa ma yin no/ / de ni rigs dang ldan pa'i mtshan nyid dam/ rus kyi mtshan nyid dam/ /bya ba 'am nus pa khyad du 'phags pa dang ldan pa zhig yin drang na/ /re zhig ba lang nyid la sogs pa'i rigs ltar de'i rigs rnam pa'i khyad par nyid las 'ga' zhig nges par gzung bar ni mi nus te/ rnam pa 'chol par mthong ba'i phyir ro/ /dmangs rigs la sogs par 'dod pa rnams kyi rnam pa yang de nyid yin par dmigs so/ /khu yul sogs pa'i rnam pa ltar/ /kau N+Di n+ya la sogs pa la yang rigs mi mthun par 'dod pa gsal ba dang/ mi mthun pa'i gsal ba ni ma dmigs so/ /de nyid kyi phyir gsal ba 'chol bas the tshom gyi yul yin pa'i phyir/ nye bar bstan pa dang bcas pa'i mngon sum tshad ma yin no zhe na/ mngon sum don la gzhan gyi ni/ /nyer bstan tshad mar rigs ma yin/ /nye bar brtan pa 'jig rten rnams/ /gzhan du 'jug par byed pa yin/ /gal te bram ze nyid la sogs pa'i rigs mngon sum gyis mthong na/ gzhan gyis nye bar bstan pa don med de/ mngon sum gyi don la gzhan gyis nye bar bstan pa ni tshan po ma yin no / de ltar yin no zhe na ni gzhan gyis nye bar bstan pa las the tshom du mi 'gyur ro/ /de nyid kyi phyir mngon sum lhan cig pa la bltos pa yin no zhe na/ gal te mngon sum nyer bstan la/ /ltos med don grub byed yin na/ /nyer bstan de ni bden nyid du/ /sgrub nus de lta min na min/ /gang gi tshe mngon sum dang nye bar bstan pa 'ba' zhig nus pa med pa de'i tshe ni sor nus pa med pa gnyis lhan cig tu gyur kyang de dang 'dra ba nyid yin pa'i phyir rigs 'dzin par nus par mi 'gyur ro/ /tshogs pas nus so zhe na/ de ni med de thams cad 'bras bu mthong ba las/ /tshogs pa yin zhes rtogs par 'gyur/ /myu gu sogs bzhin 'dir yang na/ /'bras bu cung zad mthong ba med/ /bum pa dang snam bu ni 'bras kyi myu gu 'am/ gzhan du tshogs par 'gyur ba ma yin te/ de ni rjes su 'gro ba dang rtog pa dag las chu la sogs pa nyid yin par mthong ba'i phyir ro/ /'dir ni de bzhin du rigs nges pa'i mtshan nyid kyi 'bras bu dmigs pa ma yin no/ /gang gi tshe gser la sogs pa'i nye bar bstan pa mi bden par dogs pa de'i tshe ni mngon sum du mthong bas bzlog go /de bzhin du rigs kyi nye bar bstan pa mi bden par dogs pa/ bden pa'i rigs kyi rang bzhin 'dzin pa'i rnam pa can gyi mngon sum gyis bzlog pa ni ma yin no/ /gser la sogs pa la mi rang bzhin gyi khyad par yod pa'i phyir 'di lta bur gyur pa nyid ni gser yin no/ /zhes bya bas mthong ba'i tha snyad rdzogs pa'i phyir nyams pa 'ga' yang med do/ /der ni 'di lta bur gyur pa nyid ni bram ze'o zhes rkang pa brgyad pa rtsam skyabs ma yin te/ don dam pa'i 'jig rten pha rol gyi tha snyad 'dod pa bslus par 'gyur ba'i phyir ro/ /gser ni dag mthun pa nyid kyis bden par 'gyur gyi bram ze ni ma yin no/ /gzhan yang der dogs na rigs kyi nye bar bstan pa gzhan la sogs pa nges par rtogs pa nyid byed kyi thabs gzhan ni med do/ /'on te 'don pa la sogs pa bya ba'i khyad par gyis shes kyi nye bar bstan pa tsam las ni ma yin no zhe na/ de yang ma yin te/ bram ze yin na bya ba bya'i/ /bya ba las ni bram ze min/ /rigs nges pa dang bral ba yi/ /legs par byed pa'ang med pa nyid/ /rigs dang bral ba'i 'don pa dang/ /gdon du 'jug pa'i 'du byed pa la sogs pa ni bram ze nyid la sogs pa sgrub par byed pa ma yin te/ de lta bu thams cad bram zer thal ba'i phyir ro/ /gzhan yang gal te mngon sum yan 'gar bas/ /rigs ni rtogs pa ma yin na/ /tshigs las de mi rtogs pa la'ang/ /'gal pa yod pa ma yin no/ /re zhig dang por 'jug pa'i mngon sum ni bram ze nyid la sogs pa'i rnam par dbye ba sgrub par nus pa ma yin te/ des na gzhan gyi nye bar bstan pa la bltos pa yin no/ /gal te mngon sum gyis ma rtogs na ni brjod pas kyang mi rtogs pa nyid do/ brjod pa de yang dmigs pa nyid ston par byed pa yin pa'i phyir ro/ /ma shes par zhugs pa'i skyes bu'i tsheg ni des bsgyed par byed pa ma yin no/ /ji ltar khyod kyi de rtogs zhes skyes bu la brgal zhing brtags pa na rus dang 'du byed pa la sogs pa nyid yongs su shes pa'i yul du nye bar ston gyi rigs dmigs par brjod pa ni ma yin no/ /de nyid rigs yin no zhe na/ 'di la lan btab zin te/ bram ze nyid yin na bya ba yod par 'gyur gyi/ de nyid ni bram ze nyid ma yin no/ /'on te rus kyi mtshan nyid rigs yin na/ de lta yin na tshangs pa las/ skyes pa bram ze yin zhes brjod/ /tshangs pa las skyes bram ze na/ /ha cang thal bar 'gyur ba yin/ /tshangs pa'i lus las ma skyes pa/ /'ga' yang gang na yod ma yin/ /bar du rigs tha dad can/ /rgyu mtshan med par ji ltar 'gyur/ /bar du bya ba tha dad phyir/ /rus kyi dgos pa ci yang med/ /'on te bram ze la sogs rus/ /tha dad thob med yin 'dod na/ /tshad ma 'jug pa med pa'i phyir/ /de ni ji ltar shes par 'gyur/ /de ni yongs su ma shes phyir/ bya min nyid du thal/ /de ni bya ba mi shes phyir/ /bya ba med par 'gyur/ /rus ni rnam par ma chad pa'ang/ /shes par nus yin no/ /rus kyi dngos po 'ga' ?/ /rnam chad med par des ma yin/ /de lta min na su te dang/ /? dang gtum por ji ltar 'gyur/ /gal te de dag de shes pas/ shes na des pa yod ma yin/ /'di ni thog med rus brgyud de/ ? med 'khrul pa med do zhes/ /ji ltar shes 'gyur bud med ni/ /rtag tu 'dod pas gzer ba yin/ /dang po bram ze gnas 'gyur ram/ de yi rus ni srid pa nyid/ /de mi gnas na ji ltar dus/ /'di ni dmus lod brgyud pa nyid/ /rgyal rigs rje rigs dmangs rigs rnams/ 'on te nus pa byang par dang/ /ldan pa bram ze yin 'dod na/ /de ltar nus pa ? byung ba/ /'ga' la'ang dmigs pa yod ma yin pa gal te sngon dus su thos na/ /kun la yin phyir tshig go dam med/ /lung ? las ni rab grags pa/ /nus pa phul byung chen po can/ /rnal 'byor grub pa can rnams sngon/ /gong na mi za bar rab tu grags/ /de phyir nus pa'i khyad par dang/ /ldon pa bram zer reg ma yin/ /gsal pa bram ze la sogs pa'o/ /sgrub bya rig byed tshig 'ga' yang/ /yod min spyi'i tshig de ni/ /ma brjod pa dang mtshungs pa nyid/ /rig byed du lhas byin la sogs pa bram ze nyid du nye bar ston pa ni med de/ /thams cad kyi tshe med pa'i phyir dang/ rig byed ni gtan du yod pa'i phyir ro/ /don med pa'i des na rig byed nye bar ston pa ci ltar don dang ldan pa yin/ /gang gi tshe 'byung bar 'gyur ba de'i tshe de ltar yin no zhe na/ don med pa'i rig byed phyis/ /ji ltar don dang 'brel par 'gyur/ /bya ba med pa'i rang bzhin ni/ /ji ltar de la byed par 'gyur ro/ /don yod pa dang med pa na rig byed la khyad par dmigs pa ni ma yin no/ /thams cad kyi tshe de'i rang bzhin nyid yin na ji ltar rnam par dbye ba 'di rtogs par 'gyur/ des na bram ze nyid la sogs pa de ni mngon sum dang nye bar bstan pa dang/ gnyi ga dang rig byed las kyang rtogs pa ma yin no/ /de mi rtogs na ji ltar nye bar sbyor te/ de'i phyir des bya ba ci yod/ /des na bram ze ni tha snyad tsam du grub pa yin no/ /de'i phyir rig byed las bram ze la yang don byed pa'i tshul byed pa ma yin pa'i phyir ji ltar rig byed las tha snyad mi bslu ba yin/ /'ga' zhig gi tha snyad ni rig byed las bzlog pa las kyang yin pa'i phyir rig byed dang rig byed ma yin pa dag khyad par med do/ /de'i phyir yongs su ma rtags pa'i rig byed kyis nges par sbyor ba tsam gyis ni 'jug par mi rigs te/ des na 'jug par byed pa ma yin pa'i phyir tshed ma ma yin pa nyid do/ 'on te nges par sbyor ba ni nges par sbyor ba po'i chos yin no zhe na/ de ni mi rigs te/ des sbyor byed po grub dngos phyir/ /nges par sbyor ba'ang grub pa nyid/ des sbyor bsgrub byar mi 'gyur te/ grub pa ji ltar bsgrub bya yin/ /grub pa gzhan la bltas pa med pa ni ci ltar yang bsgrub par rigs pa ma yin te/ de ltar yin no zhe na ni grub pa 'phro 'chad pa med pa'i phyir tshad ma don med par 'gyur ro/ /'on te nges par sbyor ba byed pa po'i chos yin yang/ /nges par sbyar bya dang/ yul la bltos nas nges par sbyor ba de lta bu nyid du 'gyur ba yin no/ /nges par sbyar bya dang bral pa'i/ /nges sbyor 'ga' yang rtogs pa med/ /de bzhin des sbyor yul med par/ /nges sbyor nyid ni yod ma yin/ /'di ltar/ /bdag ni 'di yi yul 'di la/ /nges par sbyor ro zhes rtogs te/ /gang phyir des sbyor bskul byed kyi/ /rang bzhin 'gar yang yul ming min/ /nges par sbyar ba'ang sbyar bya yi/ /bdag tu don ni 'gyur ma yin/ /de lta bu'i nges par sbyor ba de yang bsgrub bya nyid yin te/ rang gi bya ba sgrubs pa med par nges par sbyor ba sgrubs so/ zhes bya ba ni mi 'gyur ro zhe na/ de lta na ni khams nyid kyi don dang/ nges par sbyor ba dang/ goms pa rnams kyi phan tshun 'brel pa nges par sbyor ba yin na/ de yang rtogs pa'i dus na med pas de ci ltar na nges par sbyor ba dag gi don dmigs pa med pa nyid du mi 'gyur/ khams kyi don la sogs pa phan tshun bltos pa las tha dad pa'i nges par sbyor ba gzhan ni dmigs pa yang med do/ /rims kyis rgyu dang 'bras bu'i dngos por rnam par gnas pa rnams kyi 'brel pa yang snang ba'i spyod yul du gyur pa med do/ /rang gi ngo bo snang ba ni yod pa'i yul can yin pa'i phyir dang gzhan gyi ngo bor snang ba ni de snang ba ma yin pa'i phyir ro/ /gzhan ni gzhan gyi ngo bor snang ba ma yin no/ /de lta yin dang mnyan pa ni dmigs pa med pa gzhan sel ba'i yul can nyid do/ /'di ltar sbyin sreg la sogs pa gyis shig ci sbyin sreg byed pa po bdag nyid rtogs pa'i yul du gyur pa bsams nas 'jug go / byed pa po nyid kyang bya ba'i mthar thug pa yin na/ rtogs pa'i dus na ni de yod pa ma yin no/ /sgras ni sngar ma rtogs pa rtogs par nus pa'ang ma yin te gang gi sngar sbyin sreg la sogs pa'i bya ba dang 'brel ba gzhan rtogs pa de nyid bdag gam gzhan la de lta bu'i dngos por rtogs kyi gzhan ni ma yin no/ /sngon gyi rjes su 'brangs nas rtogs pa 'di ni gzhan sel ba'i yul can gyi bdag nyid las mi 'dra'o/ /mngon sum las ni sngar byed pa po nyid du rtogs pa yang ma yin te/ sngon dang phyi ma la mngon sum mi 'jug pa'i phyir ro/ /tha snyad pa'i mngon sum la bltos nas ni rtogs so zhes brjod do/ /thams cad du sngon rtogs pa'i rjes su 'brangs nas bdag nyid byed pa por rtogs pa yin no/ /ci ste yang 'di byed pa po nyid du bskul bar bya ba ni ma yin gyi/ 'on kyang dbang du bya ba nyid du'o/ /mi byed pa ci byed pa bor gyur pa ma yin gyi rung ba nyid kyis dbang du bya ba nyid du ni 'gyur ro zhe na/ de yang ma yin te/ yul 'ga' zhig la rung ba nyid/ /yul med par ni de ma yin/ /yul ni dbang po las 'das na/ /rung ba nyid ni ji ltar rtogs/ /rung ba nyid kyi yul dang rang gi bya ba ma shes par ni yul de'i khyad par can rung ba nyid kyi rang bzhin bu rtogs pa ma yin no/ /des na byed pa po bzhin du 'dir yang nyes par 'gyur ba nyid do/ /dpyod pa'i yul las 'das 'gyur pa'i/ /nges sbyor slob dpon man ngag las/ /rnam dpyod la ni dpyod rnams kyis/ /dag gi don du ji ltar 'dod/ rnam par dpyad pa na nges par sbyor ba ni 'ga' yang med de/ ji ltar ba rtags pa mi rung ba'i phyir ro/ /gzhan dag bya ba dag pa yi/ /rang bzhin nges sbyor brjod dam ci/ /yan kar bskul ba'am bya ba dang/ /'brel pa 'am 'on te bzlog pa yin/ /gtsi phyir bya ba'i rang bzhin ci/ /nges sbyor yin par 'dod pa 'am/ /de gtso yin phyir bskul byed la/ /yin par gzhan dag brjod dam ci/ /bya ba dang ni bskul ba yi/ /'brel pa nyid sbyar nyid dam ci/ /'on te nges sbyor tshogs pa 'am/ /de gnyis las gzhan gang yin pa 'am/ /de bzhin 'khor la gnas pa 'am/ /ci de dpyad bya'i rang bzhin nam/ /yang na nges sbyor skyes bu zhes/ /phyogs ni gzhan gyis byas pa yin/ /bya ba dag pa nges sbyor du/ /smra ba rnams kyi 'dod pa ni/ gang phyir nges sbyor rkyen don dang/ /dag par rtogs dang bya ba yi/ /rang bzhin yin pa des na 'dir/ /de ni bya ba dag par 'dod/ /de'i khyad par gzhan dag ni/ /cung zad rtogs pa gang yin te/ /rkyen gyi don du rigs min te/ /khams don mtho ris 'dod pa bzhin/ /'dir ni de'i khyad par du/ /'dod pa'i bskul phyed gang yin ni/ /rkyen gyis brjod bya min pa'i phyir/ /bya ba dag pa nges sbyor nyid/ /bskul ba dag pa nges sbyor du/ /bskul ba dag pa thams cad du// 'dir ni nges sbyor yin par rtogs/ /gang phyir 'ga' yang ma bskul bar/ /rang bzhin nges sbyor rtogs ma yin/ /bskul ba dang 'brel ba'i bya ba nges sbyor yin pa'i phyogs ni/ /'di ni nga yi bya ba zhes/ /gang tshe de ltar sngar shes na/ / rang grub bya phyir skul byed du/ /der 'gyur gzhan du der mi 'grub/ /bya ba dang 'brel ba'i bskul bar smra ba dag brjod pa ni/ /'dir mi 'gar yang bya med par/ /skyes bu bskul bar smra ba min/ /des na bya ba dang 'brel ba'i/ /bskul ba nges sbyor yin par brjod/ /nye bar btags nas 'jug par byed pa'i bya ba nyid 'jug byed du smra ba na re ni/ bya ba bskul ba'i yul min gyi/ /de ni rang nyid sku la byed min/ /gzhal bya la ni tshad ma yi/ /byed pa nye bar btags pa yin/ /gzhan dag na re ni gnyi ga'i 'brel pa nyid nges par sbyor ba yin no zhes 'dzer te/ /bskul pa med par 'bras bu 'am/ /'bras med bskul ba 'ga' yang ni/ /bskul bar byed pa min des na/ /'bral ba nges sbyor yin par 'dod/ /tshogs par smra ba'i/ bsam pa ni/ /gnyis po 'di nyid phan tshun du/ /med na mi 'byung bar rtogs te/ /gang phyir nges sbyor bya ba dang/ /bskul ba dag gi tshogs par 'dod/ /gzhan dag ni gnyi ga'i rang bzhin las nges par grol ba ngag gi don yin par 'dzer te / gang phyir grub cig tshangs pa ni/ /rtag tu man ngag las rtogs so/ /gang phyir de ni bya min te/ /de ni skul byed ga la yin/ /'khrul 'khor la gnas pa nges sbyor du smra ba rnams kyi lta ba ni/ /gang 'ga' gang du 'dod ldan pa/ /des ni nges sbyor yod na der/ /bdag nyid yul la gnas ba ni/ /bsams nas rab tu 'jug pa yin/ /longs spyad par bya ba'i rang bzhin nges par sbyor ba yin par 'dod pa rnams rab tu smra ba ni/ 'di ni nga yi spyad bya zhes/ / de ltar dpyad bya'i rang bzhin rtogs/ /nga yi zhes ni rnam shes pa/ /za bo nyid la rnam par gnas/ /bdag po nyid du mngon rlom pa/ /spyod pa gang du yin pa de/ /de nyid spyad byar shes bya ste/ /de nyid rang gi yin par brjod/ / gang gis 'di ni nga yi zhes/ /bsgrub bya'i ngo bor rnam shes pa/ /de ni bsgrub bya'i rang bzhin gyis/ /rang gi longs spyod yin par brjod/ /grub pa'i longs spyod gang yin te/ /de tsam gyis ni nges sbyor min/ /longs spyod bsgrub bya nyid kyis 'dir/ /skul byed yin phyir nges sbyor nyid/ /skyes bu nges par sbyor bar smra ba ngag brjod pa ni/ 'di ni nga yi bya ba zhes/ /da ltar skyes bu rtag tu sems/ /skyes bu'i bya ba khyad par can/ /nges sbyor brjod bya 'ang? de nyid yin// bya ba grub par gyur ba ni/ /de tshe skyes bu de ldan par/ sgrub par 'gyur phyir de ltar na/ /skyes bu ngag gi don du brjod/ /ngag gi don thams cad la dbye ba rnam pa brgyad de/ nges par sbyor ba tshad ma 'am/ /yang na gzhal bya yin nam de/ /gnyi ga ngag dang bral ba 'am/ /yang na gnyi ga'i ngo bo yin/ /sgra'i byed pa'i rang bzhin nam/ /yang na skyes bu'i byed pa 'am/ /gnyi ga'i byed pa'i rang bzhin nam/ /gnyi ga'i byed pa min pa nyid/ /'dir brjod pa/ 'di thams cad 'brel ba ma yin te/ / 'di ltar bya ba bskul ba dang bral ba/ nges par sbyar bya med par ni/ /nges sbyor zhes ni rab brjod pa/ /'ga' yang nye bar sbyor ma yin/ /gang tshe bya ba dag pa la/ /nges sbyor sgra ni 'jug 'dod pa/ /nges par sbyor ba ming tsam du/ /'gyur pa gang gis bzlog par byed/ /gang du skyes bu dra bar?/ /sbyor ba rtogs pa yod min la/ /grub dang 'das gong?? rtogs pa bzhin/ /nges sbyor zhes byar ji ltar rigs/ /? 'byor yin par 'jig rten 'dod/ / nges par sbyar bar bya ba'i chos/ /de nyid bya ba yin zhe na/ grub phyir ? ni bsgrub bya min/ /gal te nges par sbyor ba 'di/ /bsgrub bya nyid du nyer brjod na/ /de yi yul la nyer btags pas/ /de nyid du ni rab tu brjod/ /de ni ma grub pa nyid na/ ji ltar bskul byed rang bzhin yin/ /gal te 'di'i bsgrub bya ni/ /rtogs pa bskul byed yin 'dod na/ /bsgrub byar ? ma grub dang/ /rtogs pa grub pa'i bdag nyid can/ /phan tshun du ni 'gal ba dag /gcig la ji ltar 'dod pa yin/ /gal te bsgrub bya'i rang bzhin du/ /shes?? ni bskul byed na/ /nges sbyor rtogs pa nyid ? 'gyur/ /de nyid du na nges sbyor med// //bam po gnyis pa/ de bzhin du gal te ngas spyod ngag don na/ /tshad ma ci zhig yin par 'gyur/ /ngas sbyor tshad ma'i rang bzhin nyid/ /yin na'ang gzhal bya? ba zhig yin/ /gal te nges sbyor de nyid du/ /skyes bu'i bya bar 'dod na ni/ /skyes bu yi ni bya ba de/ /bsgom nyid rjod byed gzhan yin no/ /dag gi bya ba'i phyogs la ni/ /sgra yi sgom par 'gyur pa yin/ /yid dam sogs sgra yi bdag /bya ba gzhan du brjod pa yin/ /de nyid ma? yi las 'gyur bas/ /skyes bu ji ltar 'jug pa yin/ gal te rang gi bya ba la/ /'jug pa sgra yis ma bskul na/ /'di ni ji ltar sgra yis ni/ /bskul pa med par 'jug par 'gyur/ /sgra yis bskul pa de yi blo/ /dmigs pa med pa nyid du 'gyur/ /de bzhin du 'khrul 'khor du zhugs pa la sogs pa dag gi don yin pa la yang nyes pa brjod par bya'o/ /'di ltar 'khrul 'khor dmigs pas spyad bya dang/ spyod pa'i 'brel pa bcod pa yin/ /de tshe 'bral med skyes bu ni/ /spyad bya'i bdag la gnas pa 'ang min/ / rtogs pa'i dus na thams cad ni/ /bsgrub bya ba nyid kyis rang bzhin med/ /de nyid de yi rang bzhin ni/ /ma yin bsgrub bya nyams 'gyur phyir/ /de ltar na nges par sbyor ba bsel ba yin no/ /da ni bsgom par byed par bya'o/ /sgom pa ni rnam pa gnyis te/ sgra'i bsgom pa dang/ don gyi bsgom pa'o/ //ji skad du/ ming la sogs sgra yi gnas/ sgom pa gzhan du brjod pa yin/ /kun 'dod bshad ba thams cad la/ /yod pa 'di ni gzhan yin no/ /zhes bshad pa yin no/ /sgra'i sgom pa ni sgra'i byed pa ste/ sgras ni skyes bu'i byed pa bsgom pa yin la/ skyes bu'i byed pas ni khams kyi don/ /khams kyi don gyis ni 'bras bu'o zhe na/ /de yang mi 'thad de/ sgra'i byed pa ni sgra'i brjod bya ma yin no/ / sgra ni de la bltos te byed pa po yin gyi brjod par bya ba ni ma yin no/ /ci ste rtogs par byed pa yin no/ /'di ltar sgra brjod pa las mi rnams kyis/ /bdag nyid nges par sbyar bar rtogs/ /nges par sbyor ba 'ang bsgom pa las/ /gzhan pa ci zhig brtag par bya/ /sgra'i sgom pa nyid la nges par sbyor ba zhes mang? gzhan gyis brjod pa yin no zhe na/ de ni ma yin te/ gal te sgra'i byed pa yin na brdam bzung bas ci ltar mi rtogs/ /rang gi ngo bo nyid kyis nges par sbyor bar byed pa nyid yin na/ /brda 'dzin pa nye bar mkho ba ma yin no/ /de cing tshogs pa yin no zhe na/ /gal te bskul lam bsgom pa la thar pa yin na/ de nyid tshogs pa yin pa 'di rigs pa ma yin nam/ gang gi phyir/ /brda 'dzin pa'i tshogs pa ni/ don rigs la byed yin na/ /don rtogs pa yi skyes bu ni/ /rang nyid lan? 'jug par 'gyur/ /'di gyis shig ces bya bas ? ba dang gsol ba 'debs pa nyid rtogs par 'gyur te/ de ma rtogs na nges par sbyar ba nyid rtogs pa ma yin no/ /nges par sbyar ba zhes bya ba ni/ 'bras bu la byed pa 'jug pa nyid do/ /nges par sbyor ba po ni 'bras bu la byed pa'i gnas skabs rtogs par byas nas/ /nges par sbyor ba yin no/ /de yang de'i 'byung ba 'gyur ba'i gnas skabs yin gyi/ rang gi ngo bos mngon sum du byed par nus pa ni ma yin no/ /rang gi ngo bo mngon sum du byed na ni de nyid kyi tshe thams cad grub pa'i phyir nges par sbyor ba 'bras bu dang bcas par mi 'gyur ro/ /ji ltar rab tu sbyor byed der/ /gnod pa'i rtogs pa can yin pa/ /sbyar bar bya ba'ang de bzhin te/ /sgra ni blo don brjod byed yin/ /ji ltar rab tu sbyar par bya ba rang gi bya bas stong par bdag nyid rtogs pas rab tu sbyor bar byed pa'i rtogs pa la gnod par gyur pa'i phyir/ rab tu sbyor bar byed pa dmigs pa med pa de bzhin du/ rab tu sbyar bar bya ba'i rtogs pa yang de nyid kyis bdag nyid rang gi bya ba dang mi ldan par rtogs par gnod pa yin no/ /de'i rtogs pa de ni sgra las yin no zhe na/ de ni med de sgra de yang blo'i don nyid gsal bar byed pa yin te/ bdag gis de ltar bstan to/ /bdag gis de ltar rtogs so zhes gnyi ga yang lhag par zhen pa'i phyir ro/ /yang na 'di'i bsam pa yin nam ma yin yang rung ste bdag gis ni re zhig de ltar rtogs so zhe 'am/ /de bzhin du don de bzhin yin nam ma yin yang rung ste/ bdag gis re zhig de ltar rtogs so zhe'o/ /de'i phyir bshad pa/ 'chad pa po yi byed pa'i yul/ /don gang blo la rab gsal ba/ / sgra ni de la tshad ma nyid/ /don gyi de nyid rgyu ba can min/ /'chad pa po yi byed pa'i yul zhes bya ba gang la smra ba po yod pa'o/ /blo la rab gsal ba zhes bya ba ni gang la de med pa'o/ /yang na brjod pa de nyid las de la smra ba po yod par rtogs te/ rigs gang gang las zhes bya ba'i tshul gyis so/ /yang na de dang khyad par med pa'i phyir thams cad skyes bus ma byas pa nyid do/ /skyes bus byas pas gnod pa'i phyir de ltar ma yin no zhe na/ skyes bus byas pa dbang po las 'das pa'i phyir der yang gnod par byed pa ma yin no zhes bya ba de ga las/ yang na tshig de ni skyes bus ma byas pa nyid do/ /skyes bu 'di nges byas so snyam pa 'di 'khrul pa yin te/ 'di ltar/ shin tu nyams pa'i gzhung gang yin/ /'ga' la rab tu gsal 'gyur pa/ /dran pa nyams phyir nga yis ni/ /byas pa yin zhes mngon rlom 'gyur/ /snyan dngags kyang skye ba gzhan du nyams su myong pa'i gzhung nyid snyan dngags mkhan gyis rtogs pa ma yin no zhes bya ba 'di ga las yin/ /de lta yin na thams cad skyes bus ma byas par 'gyur ro/ /de lta yin na don med par yong 'gyur na de las skyes bus ma byas pa nyid don med par 'gyur ro zhe na/ rig byed la yang 'di mtshungs te/ /de la'ang don med pa nyid mthong/ /don gzhan nyid du rtogs na ni/ /gnyi ga la'ang mtshungs par 'gyur/ /don med pa dang skyes bus ma byas par rtogs pa ni rig byed dang rig byed ma yin pa dag la mtshungs pa nyid do/ / don gzhan du rtags na don med pa ma yin no zhe na/ bden pa'i don du rtogs pa ni/ /skyes bus byas par de brtag bya/ /mi bden don du snang ba ni/ /dang por rig byed nyid las yin/ /de'i phyir bshad pa 'chad pa po'i byed pa'i yul zhes bya ba la sogs pa yin no/ /dang po rig byed kyi don yongs su spangs nas/ blo'i bya ba'i yul gyi don gang yin pa de la na/ skyes bu'i blo nyid tshad ma yin gyi/ sgra ni don gyi de nyid kyi rgyu can ma yin na zhes tshig bcos te sprel lo/ /'di ltar dang po rig byed kyi/ /don de mi yis yongs spangs nas/ /tshad mas yongs su dag pa'i don/ /rtog byed de blo tshad ma yin/ /de yang rig byed don byed zhes/ /khyod kyis 'di la tshad ma med/ rig byed dbang gis skyes pa'i phyir/ /zhe na dang po ci phyir min/ /gal te de yang de don na/ /ji ltar rig byed don med min/ /de lta na yang skyes byas min/ /the tshom za bas tshad ma min/ /rig byed kyi don gyi de kho na nyid dang po med pa'i phyir te/ phyugs 'dod pas tsi tra pa'i mchod sbyin bya'o/ /zhes bya ba don med pa'i phyir ro/ /der las nyams pa'i phyir ro zhe na/ ma yin te tshad ma med pa'i phyir ro/ /don gzhan rtogs pa ni skyes bu'i 'bad pas yin pa'i phyir skyes bus byas par 'gyur ro/ /de skad du yang sgra dang rtags med par de ci ltar yang rang nyid dran par mi 'gyur ram zhes bshad pa yin no/ /rig byed las bdag nyid des par sbyor ro snyam pa thams cad ni sngon gyi rjes su 'brangs pas yin no/ /nges par sbyor ba ni sgra'i bya ba'i rang bzhin yin te/ gal te de dag gi don yin pa de lta na lha sbyin 'tshed par byed do zhes bya bas byed pa po ma brjod pa'i phyir byed pa po dang byed pa dag la gsum pa'o zhes bya ba gsum par 'gyur ro/ /byed pa po brjod na ni ma brjod pa'i skabs kyis ting nge 'dzin nyid kyis brjod pa'i phyir mi 'gyur ro/ /gzhan yang 'tshed par byed do zhes bya bas byed pa po yang rtogs so/ /bya ba'i shugs kyis byed pa po 'phangs pa'i phyir de ltar rtogs so zhe na/ ma yin te de ltar yin na rim gyis ni/ /rtogs gyur dang po sgom rtogs shing/ /gang phyir de yi shugs kyis ni/ /byed pa po ni rtogs pa yin/ /rim gyis rtogs par ni dmigs pa ma yin no/ /gnyis kyi tshig dang mang po'i tshig du yang mi 'gyur te/ bya ba gcig yin pa'i phyir ro/ /'on te byed pa po tha dad pa'i phyir bya ba tha dad do zhe na/ lhas byin dang mchod sbyin dag re lde byed do zhes pa shin tu ma 'brel ba chen por 'gyur ro// bya ba gcig yin pa'i phyir ro/ /las gcig byed na bya ba ni/ /gcig 'gyur byed po tha dad pas/ /tha dad par 'gyur de lta na/ /mkhas pas ci ltar bya bar 'gyur/ /gal te lhas byin dang mchod sbyin dag gis 'dug go zhes khams kyi don tha mi dad pa'i phyir/ cig gi tshig tu 'gyur ba ma yin nam/ khams kyi don de yang nges par sbyor ba ni ma yin te/ nges par sbyor ba ni rkyen gyi don yin pa'i phyir ro/ /de yang khams kyi don las gzhan byed pa po'i bsgrub bya yin pas/ de ni byed pa po tha dad pas tha dad pa yin no/ /des na re lde byed pa dag ces bya bar 'gyur ro/ /khams kyi don yan gar ba ni byed pa po tha dad pas tha dad pa ma yin no zhe na/ de ni ma yin te/ gal te 'brel phyir tha dad na/ / khams kyi don yang de 'gyur te/ /de yang bsgrub bya nyid yin phyir/ /de tha dad pas tha dad 'gyur/ /kho bo cag gi ltar na ni/ tha dad tha dad min pa yi/ /rnam gzhag brjod 'dod gzhan dbang phyir/ /byed po la yang brjod pas na// 'di dag thams cad 'thad pa yin/ /bya ba ni byed pa po dang las las tha dad par brjod par 'dod pa yin la/ /gang gi tshe de yi ge las brjod kyi byed po ma yin pa de'i tshe byed pa po'i gsum par 'gyur ro/ /gang gi tshe brjod pa de'i tshe ni dang po'i don yin? pa'i phyir dang por 'gyur ro/ /bdag nyid chen pos byed do/ /bdag nyid chen po byed do zhes bya ba bzhin no/ /gang tshe sgom pa don? de ni/ /tha dad brjod par 'dod gyur cing/ /yi ge la yis? mngon brjod na/ /byed pa po yi gsum par 'dod/ /gang tshe tha dad med pa de/ /brjod 'dod byed po las? brjod na/ /byed po'i gsum pa de nyid kyis/ /brjod bya? med par khong du chud/ /gang gi tshe byed pa po'i bya ba yin pa'i? tshe/ gting ngas rtogs par bya ba yin la de nyid kyang bsgom pa yin no/ /de skad du yang las kyi sgra ni dngos po'i don yin la/ bsgom pas na dngos po ste/ bskul ba'i rkyen to zhes bshad do/ /des lta yin dang de ni bsgom pa nyid yin la/ sgom pa yang byed pa po'i bya ba yin no/ /byed pa po bskul ba de ni rang gi bya ba la 'jug pa yin no/ /nges bar sbyor ba ni de'i lhag ma yin pa'i phyir dang de gtsor gyur pa ma yin pa'i phyir dag gi don nyid ma yin no/ /sgom pa nges par sbyar ba khyad par can yin pa'i phyir yang de ltar rtogs pa ni nges par 'jug pa yin no/ /'dir rang gi bya ba? rtogs pa nyid kyis mi 'jug par yang ji ltar 'gyur te/ de lta ma yin na rang gi bya ba la bskul ba nyid du mi 'gyur ro zhe na/ /de ni mi 'thad de/ 'bras bu med par nges pa yi/ /bya ba nyid ce sems sam ci/ /gal te de ltar ma yin na/ /'bras bu rtogs pa ga las yin/ /gal te 'di ni gdon mi za bar nga'i bya ba yin no zhes 'dod na/ de ni mi rigs te/ 'bras bu ma mthong pa 'di da'i bya ba yin no zhes rtogs pa ni 'ga' yang med do/ 'bras bu dang bcas pa nyid kyis 'jug pa yin na/ 'bras bu dang bcas pa rtogs pa ma yin no zhes bstan zin to/ /gzhan yang sbyin byed 'tshed byed zhes bya ba 'dir/ mchod sbyin don las tha dad pa'i/ /sgom bya rtogs pa yod min na/ /de ni dag don ga las yin/ /tshed dang mchod sbyin byed pa ni/ gal te tha dad par rtogs pa/ de lta yin na thug med du/ /'gyur bas 'chol par byed pa yin/ /mchod sbyin byed pa ni rang gi bya ba skyed par byed pa yin la/ mchod sbyin skyed par byed pa yang/ sgrub par byed pa yin no/ /'di dag ni rnam pa 'ga' zhig ltar tha dad par rtogs pa sngon du byas pa'i tha snyad yin te/ de dag las don gyi de nyid gnas pa ni ma yin no/ / mchi gu'i lus zhes bya ba yi/ /tha dad pa yi tha snyad ni/ /tha dad med kyang mthong ba yin/ de bzhin bram ze'i bya ba ni/ /mchod sbyin zhes kyang brjod pa yin/ /byed pa zhes bya'i bya ba ni/ /de las gzhan mthong yod ma yin/ /mchod sbyin gyi ni bya ba yang/ /rdzas kyi khyad par las gzhan pa/ /ma yin lhas byin nyid dang ni/ /gzhi mthun par ni rtogs phyir ro/ /gal te lhas byin ci byed ces dris na/ /'tshed do mchod sbyin byed do zhes/ /lan mthong ba'i phyir byed do zhes nges pa na mchod sbyin la sogs pa la the tshom za ba'i phyir/ /gzhan nyid du grub pa ma yin nam/ de skad du yang lus nyid ni blo ma yin te/ de grub kyang blo'i rnam par rtags pa la the tshom za ba'i phyir ro zhes bshad pa yin no zhe na/ de ni de ltar mi 'thad de/ byed don mchod sbyin byed don dag /gal te de nyid du tha dad/ /gzhan la the tshom gzhan du ni/ /brjod pa'i tshul ni 'thad par dka' / /gal te byed pa'i bya ba sbyin pa la sogs pa las gzhan yin na/ de'i tshe gzhan la the tshom za ba na ji ltar byed pa nges pa la dri ste/ 'dri ba ni ma nges pa nyid la 'thad pa'i phyir ro/ /byed pa'i don ni spyi'i rang bzhin yin la/ sbyin pa la sogs pa ni khyad par gyi rang bzhin yin pa'i phyir ro zhe na/ khyad par med par spyi yi ni/ rtogs pa 'ga' yang yod ma yin/ /spyi yis 'phangs par gyur pa na/ /ma rtogs pa zhes bya ba min/ spyi'i 'ba' zhig rtogs nas khyad par gyi cha la the tshom za'o zhes bya ba mi rigs so/ 'on te spyi'i khyad par 'phen pa yin no zhe na/ de lta na de yang rtogs pa nyid yin pas ji ltar the tshom za/ 'on te de ni rtogs mod kyi/ /de lta na yang khyad par gyi rang bzhin du rtogs pa ma yin te/ spyi 'phangs pa'i phyir ro zhe na// spyi de nyid 'phen par byed pa ma yin nam/ de nyid 'phang bar bya ba yin no zhes bya ba 'di ji ltar yin/ spyi spyi gzhan 'phen pa ni ma yin te/ de lta yin na de las kyang gzhan yin la/ de las kyang gzhan yin pa'i phyi thug pa med de/ /gal te spyi mngon sum yin pa'i phyir dang/ khyad par mngon sum ma yin pa'i phyir dang/ khyad par dran pa'i phyir the tshom du rigs pa nyid ma yin nam zhe na/ spyi mi dmigs pas tshad mar smra ba la/ mi dmigs pa las med pa nyid du rigs pa ma yin nam/ 'on te dmigs pa'i mtshan nyid du gyur pa ma dmigs pa las med pa yin gyi/ mi dmigs pa tsam la ni ma yin no zhe na/ de lta na yang mi dmigs pa nyid las the tshom yin pa'i phyir spyi mngon sum yin pa'i phyir ro/ zhes bya ba 'di don med do/ /gal te spyi mngon sum yin na yang dmigs pa'i mtshan nyid du gyur pa mi dmigs pa ni the tshom du mi 'gyur ro/ /'on te spyi mngon sum yin na dmigs pa'i mtshan nyid du gyur pa'i mi dmigs pa nyid mi srid do zhe na/ de lta na ni 'o na dmigs pa'i mtshan nyid du gyur pa ma yin pa'i mi dmigs pa de nyid the tshom gyi rgyu yin no zhes bya bar 'gyur ro/ /khyad par dran pa'i phyir zhes bya ba yang ngon med do/ /khyad par dran pa las tha dad pa'i the tshom gzhan ni med do/ /de ni gnyi ga'i cha las dmigs pa dran pa'i rang bzhin yin pa'i phyir ro/ /spyi mngon sum du gyur pa med kyang kan+ya kub dza la sogs pa pa dran pa las dang po nyid the tshom du gyur pa mthong ba yin no/ /de'i phyir byed do zhes spyir mthong bar rjes su dpags las ma nges par rtogs pa'i sbyin pa la sogs pa de nyid spyi yin no/ /'dir/ de min rang bzhin las ldog pa'i/ / dngos po tsam zhig rab sgrub phyir/ /rtags ni spyi yi yul can du/ /bshad de bye brag mi gnas phyir zhes bshad do/ /khyad par nges par ma zin pa tsam nyid spyi yongs su bcad pa yin no/ /la lar ni dngos po dang/ dngos po med pa'i thun mong yin pa'i phyir de'i rnam pas dben pa'i blo nyid the tshom gyi rgyu yin no/ /blo'i rang bzhin nam dmigs par bya ba'i don gyi rang bzhin de lta bur gyur pa ma dmigs pa nyid the tshom gyi rgyu yin no/ /gal te dbyibs reng reng po'i spyi mthong ba las 'di mtho yor yin nam ma yin zhes spyi'i rnam pa myong ba yod na the tshom mthong ba ma yin nam zhe na/ skyes bu dang mtho yor gyi rang bzhin dang bral ba'i reng reng po'i spyi gzhan 'ga' yang dmigs pa med pa ma yin nam/ gal te yod na ni de'i tshe rnam pa gnyis kyi ngo bo dmigs par 'gyur ro/ /'dir ni khyad par las gzhan pa'i/ /spyi med tha dad blo med phyir/ /don gyi tha dad pa nyid ni/ /blo rnams tha dad pa las yin/ /gal te yul thag ring por skyes bu dang mtho yor gyi rang bzhin dang bral ba'i reng reng po tsam dmigs pa nyid de/ /de lta ma yin na mtho yor dang skyes bu'i rnam par rtog pa nyams su myong ba de las the tshom skye bar mi 'gyur ro/ /des na de yongs su spangs par snang ba nyid dang/ tha dad pa yin te/ de dang tha dad pa'i mtshan nyid ni de tsam du zad pa'i phyir ro/ /zhe na/ de ni mi 'thad de/ de dag las de gzhan yin na/ ring po min par ces mi snang/ /ring por snang ba nye ba na/ /shin du yang ni snang phyir ro yul thag ring po na gnas pa'i gnas skabs na snang ba gang yin pa de ni nye bar sgrub pa dang 'brel ba ni shin tu yang ches snang ba nyid do/ /spyi'i don gzhan pa nyid yin na/ de nyid snang ba yin pas ji ltar gzhan la mi gsal bar snang ba'i tha snyad du 'gyur/ sngon po'i don snang ba na dkar po mi gsal bar snang ba'i tha snyad du 'gyur pa ni ma yin no/ /gal te khyed kyi phyogs la yang mi gsal ba zhes bya ba 'di ci zhig yin/ mi gsal bar snang ba 'di yang na/ mi snang ba 'am gzhan snang ba'am/ yang na de mi gsal bar snang ba yin grang na gal te mi gsal bar snang ba de nyid snang ba yin na ni/ /rang gi ngo bo snang ba la/ /mi gsal zhes byar ji ltar 'gyur/ /gal te gzhan pa snang na yang/ /de nyid mi gsal ga las yin/ /snang ba med na dngos po ni/ /ji ltar snang bar 'gyur ba yin/ /gal te de ltar 'gyur ba yi/ blo nyid mi gsal ba yin na/ /blo yi rang bzhin gsal ba na/ /don mi gsal bar snang ba yi/ /de ni de ltar ma yin te/ /gang tshe rnam can min pa yi/ /blo ni de las skye 'gyur ba/ /de tshe gsal min snang ba yi/ /tha snyad 'gro ba na yang 'dod/ 'on te de nyid spyi yin na/ /de ltar yin na kha dog dang dbyibs snang bar mi 'gyur ro/ /spyi ni kha dog dang dbyibs dang ldan pa ma yin te/ de gnyis ni rdzas la brten pa'i phyir ro/ /'on te kha dog dang dbyibs rdzas la brten pa yin na/ de ltar na de las gzhan pa'i spyi med de mi snang ba'i phyir ro/ /gal te snang ba ni kha dog dang dbyibs nyid yin la de gnyis kyang thun mong yin pa'i phyir/ mtho yor dang mi dag tu the tshom za'o/ zhe na/ de yang ma yin te/ 'di ltar/ kha dog dbyibs te de rang bzhin/ /gzhan pas gzhan du ci ltar de/ /rtogs 'gyur de lta yin na ni/ blo ni 'khrul par thal bar 'gyur/ /gal te kha dog dang dbyibs gzhan du rtogs na/ de 'khrul pa nyid yin pas ci ltar spyi mngon sum yin/ 'on te der yan lag can snang ba yin gyi spyi ma yin la kha dog dang dbyibs kyang ma yin no zhe na/ kha dog dbyibs kyi rang bzhin las/ /tha dad rdzas ni snang yin pa/ /de dag las ni gzhan pa yi/ /so sor snang ba yod dam ci/ /sngon po la sogs pa kha dog gi rang bzhin nyid snang ba yin gyi/ /de la rdzas gzhan snang ba ni med de/ de las tha dad pa'i rdzas gzhan so sor snang ba med pa'i phyir ro/ /de nyid rdzas yin no zhe na/ ma yin te kha dog dang dbyibs ni yon tan yin pa'i phyir ro/ /'on te kha dog dang dbyibs dang ldan pa'i rdzas yin na/ ma yin te/ de las tha dad pa rnam pa gzhan du snang ba med pa'i phyir ro/ /gsal ba dang mi gsal ba'i kha dog dbyibs las tha dad pa'i rdzas gzhan ni dmigs pa med de/ mi gsal ba'i kha dog dang dbyibs kyang de las gzhan pa'i tshogs pa las byung ba'i shes pas gnod pa'i phyir ro/ /gsal bar snang ba'i shes pa skyes na 'di? ni 'di lta bu ma yin no zhes bya bar 'gyur ba yin no/ /de las bzlog pa'i rang bzhin dmigs pa de mi dmigs pa nyid gnod pa byed pa yin no/ /'di ma yin no snyam pa'i shes pa ma skyes pa'i phyir de lta ma yin no zhe na/ 'di ma yin no snyam pa'i shes pa de yang skyes pa nyid ma yin 'am?/ 'di ltar dbyibs 'di ni kha dog de ma yin no zhes bya ba de dang tha mi dad pa'i dbyibs la gnod pa'i shes pa skye ba nyid yin no/ /gal te tha dad pa la gnod par byed pa ma yin te/ rang gi phyir tha dad? mi dad pa'i dbyibs la gnod par byed pa de nyid kyi phyir dbyibs tha dad pa yin no zhe na/ de tsam? yin te/ gal te ci ltar sngon rtogs pa/ /de 'dra ba la? ? byed cing/ /gal te gzhan du rtogs med na/ /lus par 'gyur ba gzhan ci yod// gal te dbyibs sam rdzas kha dog dang tha dad pa med par rtog pa ci 'dra ? 'dra ba gnod pa yin na gzhan lus pa ci yod/ gang gis de nyid la gcig la gnod par byed la gzhan yin? ma yin no zhes bya ba'i rnam pa gzhag pa tha dad par byed pa'i sbyor ba'i rnam par dbye ba ni yod pa ma yin no/ /'on te yang kha dog de ni thor ba min/ /de ni dbyibs dang rdzas dag yin/ /des na thob phyir rdzas gzhan yin/ /der ni sngar yang rig pa nyid/ /gang zhig snga ma dang phyi ma'i dngos por rig pa dang/ de lta ma yin pa gang yin pa de gnyis ni 'gal ba'i chos gnas pas tha mi dad par mi rigs so/ /tha dad pa dag ni de lta bu nyid du bsgrub par bya ba yin te/ tha dad pa'i sgrub par byed pa ni gzhan med pa'i phyir ro/ /zhes bya bar sems na/ de yang ma yin te/ de nyid du na gal te de/ /gzhan na sngon nam phyi ma yi/ /mngon sum la ci snang min gnyis/ mthong ba gang tshe srid par 'gyur/ /gal te don dam par kha dog dang dbyibs de rdzas las tha dad pa 'am/ dbyibs kyang kha dog las tha dad pa yin na/ ci ltar sngon dang phyi ma'i mngon sum la mi snang/ so sor mi snang na de las tha dad pa'i tshogs pa med pa'i phyir der snang ngo zhes bya ba ni rmongs pa chen po'i mthu yin no/ /gnyis tshogs pa yang med pa'i phyir/ /tshogs pa yin par ga las 'gyur/ rjes su sbyor ba ni mngon sum las ma yin no/ /de med pa'i phyir rjes su dpag pa yang med pas gang las tha dad par rtogs/ de'i phyir thun mong ba zhes bya ba ni 'ga' yang med de/ thams cad rang gi bdag nyid la rnam par gnas pa'i phyir khyad par nyid do/ /de bas na byed pa zhes bya ba'i bya ba ni mchod sbyin byed pa la sogs pa bya ba'i khyad par gyi spyi ma yin no/ /de'i phyir sgom pa ni byed pa po'i bya ba'i rang bzhin ma yin te/ de las tha dad par rtogs pa med pa'i phyir ro/ /khams kyi don yang rdzas las tha dad par yod pa ma yin te/ rjes su 'gro ba dang ldog pas snga ma dang phyi mar gyur pa'i rdzas yongs su brtags pa'i tha dad pa'i rang gi ngo bo nyid las tha dad pa med kyang tha dad pa dang ldan par brtags nas bya ba las tha dad pa dang/ bya ba yang de las tha dad ngo zhes 'di ni tha snyad tsam du zad kyi 'di dngos po'i de kho na rnam par gnas pa ni ma yin no/ /rang gi bya ba dang khams kyi don yang nges par sbyor ba'i dus na 'byung bar 'gyur bar rtogs pa des na ci ltar de la dmigs pa'i shes pa sngon gyi bag chags la skye ba dmigs pa med do zhes bya ba mi brjod de/ 'on te yang mngon sum ni da lta re pa'i yul can yin pa'i phyir byung ba dang 'byung ba'i yul can yin na dmigs pa med pa nyid do/ /sgra ni de'i yul can yin yang der 'gyur ba ma yin no/ /de skad du yang bskul ba ni zhes bya ba la sogs pa bshad pa yin no zhe na/ de ni ma yin te/ mthong ba med pa'i don de ni/ yod ces nges pa de ci ltar/ rjes dpag la ni 'brel pa'i phyir/ /ded? ni de ltar gnas pa yin/ /lkog tu gyur pa'i yul rtogs pa thams cad ni don dang 'brel ba nyid yang? mi slu ba dang ldan pa yin te/ dper na rjes su dpag pa'i shes pa bzhin no/ /gang zhig gang dang ma 'bral ba de yod na de yod par ni nges pa ma yin no/ /dmigs pa med pa nyid ni de'i rang bzhin med pa nyid las te/ med pa ni rang gi ngo bor 'dzin pa ma yin no zhes bshad zin to/ /'byung bar 'gyur ba dang lhan cig 'brel par nges pa yang ma yin no/ /rjes su dpag pa las ni rgyu las 'bras bu rtogs pa yin te/ de ltar gzhan du mthong ba'i phyir ro/ /me'i sbyin sreg la sogs pa rnams la ni 'bras bu'i rgyu nyid dmigs pa ma yin la/ de ma byas na phung bar nges pa yang ma yin no// 'on te bdag gi nus pa rtogs pa mchod sbyin la sogs pa'i rgyu nyid bdag nyid la rtogs pas 'jug pa yin no zhe na/ gal te de ni mtho ris kyi/ /rgyu yin par ni ma rtogs na/ /nges par sbyor ba bskul yang de/ /de la ci phyir 'jug pa yin/ /de nyid kyi phyir bsgom pa dang/ nges par sbyor ba dang/ khams kyi don rnams phan tshun 'brel pa 'am/ 'bras bu dang mngon par 'brel ba bsgrub pa yang dag gi don yin no zhes bya bar mi rigs te/ thams cad 'byung par 'gyur ba yin pas shes pas mi 'dzin pa'i phyir blo dmigs pa med pa nyid yin pa'i phyir ro/ /des na snang ba dang rnam par brtags pa gcig tu byas nas 'jug pa yin la/ de nyid kyang gzhan sel ba yin no/ /rig byed las ni rtogs pa sngon du byed pa can su yang mi 'jug ste/ shin tu spros pas chog go /de'i phyir/ 'chad pa po yi byed pa'i yul/ /lhag par sgro btags pa yi phyir/ /don gang blo la rab gsal pa/ /de la sgra mi tshad ma nyid/ /don gyi de ni rgyu can min/ /sgro btags pa ni bden pa'i don gyi yul can du 'gyur ba ma yin no/ /zhes bya ba 'di gnas so/ /tshad? ma rnam 'grel gyi rgyan las bsgrub pa dang bsgom pa la sogs pa rnam par 'grel pa ste dang po'o/ / //gal te don byed par gnas pa mi slu pa yin na/ 'o na ngo shes pa la sogs pa'i shes pa las kyang de nyid 'di yin no zhes bya ba la sogs pa'i shes pa las kyang de nyid 'di yin no zhes bya ba la sogs par shes nas 'jug pa ni/ mi slu ba bstan pa'i phyir tshad mar 'gyur ro/ /de la sngon med don shes pa/ /nges pa gnod pa dang bral zhing/ /skyon med rgyu las byung ba ni/ /'jig rten 'dod pa'i tshad ma yin/ /yan lag can la sogs pa'i yul can yang mi slu bar byed pa'i phyir tshad mar 'gyur ro/ /'on te blta pa'i shes pa'i stobs las skyes pa'i phyir rnam par rtog pa 'di tshad ma yin la/ yan lag can yang yan lag gi shes pa'i stobs las byung ba'i phyir ro/ /zhe na/ de lta na blta ba'i shes pa de yang mig dang 'brel pa la sogs pa'i stobs las skyes pa'i phyir tshad mar mi 'gyur ro/ /de la gal te rgyu gzhan dang gzhan tshol na mig la sogs pa rnams yin par thal lo/ / 'on te de ma thag pa yin na rnam par rtag pa nyid ni tshad mar thal lo zhe na/ 'dir brjod pa/ gzung ba 'dzin phyir kun rdzob ni/ /mi 'dod glo ni tshad ma nyid/ /glang? dang dor ba'i dngos po yi/ /'jug la de gtso yin phyir dang/ / de nyid 'di yin no snyam pa'i shes pa skye ba ni gcig nyid la tshad ma ma yin te/ sngon med pa'i gcig nyid mi 'dzin pa'i phyir te/ des ni mthong ba nyid rtogs pa'i phyir ro/ /gang snga ma dang lhan cig gcig tu bzung ba'i gcig nyid ni rtsod pa'i yul gyi gcig nyid bdag gir byed pa yin no/ /da ltar ba tsam gcig yin na ni grub pa la sgrub pa nyid do/ /de yang shes pa snga ma snga mas bzung ba las gzhan pa ma yin to/ /shes pa snga mas ni de'i 'jig pa'i gnas skabs nyid snga na med par 'dzin to/ /des na phyis rjes su sbyor bar byed pa ni ci ltar bzung bar 'gyur ba de lta bu nyid mtshams sbyor bar bya ba yin no/ /gzung ba nyid du 'dzin pa na yang de dran pa nyid yin pas gzung ba 'dzin pa'i phyir dran pa gzhan bzhin du tshad ma ma yin no/ /mi slu ba ni don bya ba byed pa'i phyir ro/ /don bya ba ni gcig nyid kyis bsgrub par bya ba ma yin te/ dngos po'i nus pa tsam las skye ba'i phyir ro 'di de nyid 'di yin no snyam pa 'di ni shes pa gnyis yin no/ /'on te snga ma dang phyi ma cig gcig tu rtogs so zhe na/ de ni mi rigs te/ mngon sum las sngon rig med na/ /de dang gcig la tshad yod min/ /ma rtogs pa dang gcig nyid du/ / rtogs shes bya ba bab col yin/ /des na snga ma snga ma yi/ /rtogs las kun rdzob pa gcig nyid/ kun rdzob pa yi rtogs 'di la/ /tshad ma yod pa ma yin no/ /bum sogs yul can shes pa gang/ /de yang ro sogs dag la yin/ /shes te dag gi bzung don las/ /tshogs pa rnam par rtogs phyir ro/ /tshogs las gzhan pa'i gcig po ni/ /'gas kyang rtogs pa yod ma yin/ /thog med bag chags brtan pa'i phyir/ /gzhan ni kun tu 'dzin pa nyams/ /gal te snga ma de phyi ma la sogs pa gcig tu rtogs pa med na/ 'o na ci ltar blo tshad ma yin zhe na/ de la bshad pa ni/ blang ba dang dor bar bya ba'i yul la 'jug pa ni tshad ma zhes brjod la 'jug pa de la yang blo nyid gtso bo yin no/ /gal te yang 'byung bar 'gyur ba'i don ma rtogs snyam na de lta na yang de la 'jug par byed pa'i phyir tshad ma yin te/ dper na rjes su dpag pa mi 'dzin pa yang tshad ma yin pa bzhin no/ /rjes su dpag pas ni dngos po'i rang gi ngo bo bdag gir byed pa ma yin no zhes 'chad par 'gyur ro/ /mig la sogs pa las ni shes pa med par mi 'jug go /rnam par rtog pa med kyang goms pa las 'jug pa yin no/ /des na blang ba dang dor bar bya ba'i yul la sngar gyi blo nyid 'jug par byed pa yin pa'i phyir tshad ma yin gyi/ rnam par rtog pa la sogs pa ma yin no/ /goms pa med ba gang yin pa der ni do shes pa la sogs pa'i mtshan nyid kyi rjes su dpag ba nyid yin pa des na ha cang thal pa ma yin no/ /de ltar na re zhig 'bras bu don du gnyer ba rnams kyi tha snyad kyi rgyu nyid kyis tshad mar bshad pa yin no/ /da ni rtogs pa'i 'bras bu'i yul rnam par 'byed pa'i rgyu yin par ston to/ /gzhan yang blo nyid tshad ma yin gyi gzhan ni ma yin te/ 'di ltar/ yul gyi rnam pa tha dad pas/ /tshad? ma'i 'bras bu dang/ blo yi rtogs pa tha dad phyir/ 'jug par byed pas ni tshad? ma ma yin gyi 'on kyang rtogs par byed pa'i phyir te/ rtogs par 'gyur na 'jug gam mi 'jug kyang rung ste/ /de lta na yang don gyi de bzhin nyid kyi ngo bo rnam par 'jog pa'i phyir tshad ma yin no/ /rnam par gzhag pa'i don la gal te mi 'jug na 'di tshad ma'i nyes pa ni ma yin no/ /tshad ma ni thob par byed pa yin pa'i phyir ro zhe na/ ma yin te/ tshad ma ni thob par byed par rung ba yin pa'i phyir ro/ /de nyid thob pa med na ji ltar shes/ rang bzhin gyi khyad par mthong ba'i phyir ro/ /mi 'khrul ba'i rang bzhin ci ltar yongs su bcad/ 'o na phyi rol gyi tha snyad zad par 'gyur ro/ /mi 'khrul pa nyid ma shes na/ ? ?? ngo bo rig pa tsam nyid gsal bar 'gyur la/ de lta na yang phyi'i? ? rgyud gzhan la sogs pa rtogs pa ga la yod ce na/ 'di ni ? ?? tu bshad? par bya'o/ / 'di'i yul gyi rnam pa lta bu'i rnam pa ni yul gyi rnam pa ste shes pa'o/ /de tha dad pa ni yul gyi rnam pa tha dad pa 'am/ yul lta bu'i rnam gi ?? pa ni yul gyi rnam pa tha dad pa'o/ /mtshungs pa ni rnam pa ste/ snang ba zhes bya ba'i don to/ / yul dang 'dra ba 'am la mngon du phyogs pa'o/ /sngon po 'am de'i rnam pa rig pa zhes de tha dad pas blo'i rtog pa tha dad pa yin no/ /tshad? ma'i 'bras bu ni don rtogs pa 'am/ rang gi ngo bo rtogs pa yin no/ /de skad du yang gzhal bya rtogs pa ni tshad? ma la rag las pa yin no/ /zhes bshad do/ /yul gyi rnam pa de ?? shes pa'i bdag nyid du gyur pa yin te/ des na shes pa nyid tshad? ma yin no/ /gal te ci ltar de rnam par shes pa'i bdag nyid du 'gyur ba yin pa de bzhin du rtogs pa yang yin pa des? na/ shes pa nyid 'bras bu yin par 'gyur pa zhe na/ de ni bden? teo?/ tshad las 'bras bu gzhan yin zhing /tshad ma 'bras bu las gzhan min/ /bya dang byed po'i rnam gzhag ni/ /thams cad de bzhin 'gyur ba yin/ /'di yang 'og tu ston par 'gyur ro/ /gal te ci ltar mig la sogs pa tshad ma ma yin pa de bzhin du rnam pa yang yin no zhe na/ bshad pa/ de yod na ni 'di yod phyir/ /rnam pa yod na rtog pa'i 'bras bu 'di yod pa nyid kyi phyir ro/ /mig la sogs pa yod? na 'bras bu 'di yod pa nyid ni ma yin gyi/ tha mi dad pa'i phyir rnam la yod na ni yod pa nyid yin pa de'i phyir na sgrub par byed par? ? pa nyid yin la/ sgrub par byed pa dam pa nyid kyang byed pa yin no/ /sgrub par byed pa dam pa nyid ni chod ba med na yin no zhes ston par 'gyur ro/ /'o na ji ltar mig gis gzugs mthong ba zhes bya zhe na/ rgyu dang 'bras bu btags pas de skad brjod pa yin te/ dper na/ srin pos ?srin sregs so zhes bya ba bzhin no/ /de'i phyir shes pa nyid tshad ma yin no/ / gal te shes ba nyid thob par byed pa yin no zhes ji ltar shes bar bya/ re? shig? mngon sum las ni ma yin no/ /rang rig pa'i mngon sum gyis ni tshad ma dang tshad ma ma yin pa'i rnam par dbye ba sngon par byed pa ma yin te/ shes pa thams cad la rang rig pa yod pa'i phyir ro/ /de skyes pa'i dus nyid na mi slu ba dang/ cig shos kyi shes pa'i rnam par dbye ba shes nas/ 'jug na 'ga' yang bslus bar mi 'gyur ba/ the tshom du yang mi 'gyur ro/ /'on te gnod pa med pa'i mtshan nyid kyi tshad mar rang nyid las rab tu grub pa yin no/ shes pa lkog tu gyur par smra ba rnams kyi don go bas bsgrub pa de ci ltar rang las 'grub/ 'on te don gyi go bas ni shes pa yod par 'grub la/ don gyi go bas shes pa de'i tshad ma ni gzhan gyi shes pa ma yin gyi/ rang nyid las tshad ma yin no/ /tshad ma ma yin pa ni gnod par byed pa'i shes pa las yin la/ gnod par byed pa'i shes pa yang rang nyid las tshad ma yin no/ /gzhan yang rnam par shes pa ni rgyu las skye ba yin la/ de'i tshad ma ni rang nyid las yin no/ /gnod par byed pa'i mtshan nyid de yang sal bar byed ba gnod byed gyi shes pas 'gog pa yin no zhe na/ 'di la brjod pa/ gal te ngang las tshad yin na// rang gi rgyu yi dngos po las/ /de ltar skyes te gnod byed ni/ gzhan gyis gzhan du byed ma yin/ /ci ste bdag zhes rang bzhin phyir/ /rang las tshad? mar brjod na ni/ /gnod par byed pa stong yod kyang/ /de gzhin 'gyur ba yod ma yin/ /gal te skyon can rgyu yod pas/ /tshad ma min par 'gyur zhe na/ yon tan ldan rgyu dang 'brel phyir/ /ci phyir tshad mar 'dod ma yin/ /gal te nyes pa med pa'i phyir/ /de ni tshad ma yin 'dod na/ /yon tan mang phyir tshad min par/ /de ni ci phyir rtogs ma yin/ /gang gis de yi tshad ma dang/ /tshad min gzhan las/ yin 'gyur ba/ /tshad ma dang ni cig shos las/ /gzhan pa'i bdag ni rtogs pa med/ /gal te de rtogs bdag 'dod na/ /rtog med gnyid log sogs skabs su/ /de yi rang rig dngos po ni/ /nam yang med por 'gyur ma yin/ /de tshe cung zad rig med na/ /bdag yod ces ni ci ltar 'dod/ /rtogs dang cig shos rnam gzhag ni/ /ring ba bas kyang ches rings so/ /de phyir chad ma shes pa ni/ /skye? yin cig shos de bzhin no/ /de nyid rgyu nyid las byung ste/ /de yi tshad nyid rang las min/ /rnam pa mtshungs pa srid pa'i phyir/ /de nyid du ni nges ma yin/ /dang po thams cad gnod med pa/ /des na tshad ma nyid ma yin/ /phyis gnod med par the tshom za/ /de des? de ni mngon sum mam/ /rjes dpal gzhan pa las yin te/ /tshad ma gzhan ni yod ma yin/ /gal te mi slu'i shes pa de/ /yul gzhan la ni 'jug 'gyur na/ /de yis ci ltar sngar 'das kyi/ /tshad ma nyid ni rtogs par byed/ /sgrub par byed pa'i shes pa yang/ /yul la the tshom za ba'i phyir/ /ci ltar de sgrub byed yin te// tshad ma rtogs pa med phyir ro/ /gal te rtog pa'i bdag nyid phyir/ /tshad yin thams cad tshad mar thal/ /gnod pa med pa'i don rtogs pa'ang/ /dang po rab tu 'grub ma yin/ /de don don byed pa nyid ni/ /shes nas tshad ma nyid du dag/ tshad ma sngar grub med pa gang/ /da ni ci ltar de las rib/ /gal te tshad ma sngar grub na/ /de ni byed dang ldan rig 'gyur/ /don byed pa las shes de ni/ /tshad ma zhes byar 'dzin pa yin/ /'on te gang la don byed pa// der de tshad ma yin 'dod na/ /don byed pa la sogs de ni/ /tshad min pas rtogs las kyang mthong/ /de las don byed de min na/ /gzhan las kyang na ci ltar 'dod/ /de las res 'ga' mi thob phyir/ /de ni gzhan du 'ang mthong ba yin/ /gang las thob par the tshom med/ /gal te de ni tshad yin na/ /'o na rnam pa mtshungs pa'i phyir/ /gang las the tshom ldog par 'gyur/ /goms las rnam pa mi mthun pa/ /de ni phyi nas rtogs 'gyur te/ /des na thob la 'khrul med na/ /de ni phan tshun brten pa yin/ /de mthong nyid na mthong rnams la/ /myong ba'i mthu las byung ba yi/ /dran las tha snyad yin zhe na/ /de ltar rjes dpag las yin no/ /rjes dpag de yang mngon sum las/ /mngon sum rjes dpag las yin bas/ /phan tshun brten pa nyid kyi phyir/ /gcig kyang gnas pa yod ma yin/ /rang dngos rang dmig rnam pa ni/ /gcod par byed pa'i mngon sum gyis/ /rtswa tsam 'gug par byed pa yang/ /nus pa nyid ni yod ma yin/ /des ni snga ma phyi ma yi/ /'brel pa 'dzin par byed ma yin/ /yul dang dus gzhan khyad par ni/ /'brel pa ldan pa yin par brjod/ /gang du yul dang dus gzhan du/ /khyab pa mngon sum gyis 'dzin par/ /nus pa de ltar yin na ni/ /thams cad don kun mthong bar thal/ /khyab min lhan cig 'gyur gang yin/ /de las rjes dpog skye min te/ /de ni res 'ga' ba yin pa'am/ /yang na kun tu rjes dpag 'gyur/ /de nyid 'di lta'i rnam pa 'di/ /yod do zhes ni mngon sum las/ /rig 'gyur de las yul la sogs/ /gzhan gnas ba ni 'dzin ma yin/ /yul sogs gzung ba med par ni/ /de khyab 'dzin par ji ltar 'gyur/ /des ma bzung pa rjes dpog na/ /'di ni shin tu gzu lums yin/ /rjes su dpag pa gzhan 'phen pas/ /thug pa med pa 'jug 'gyur phyir/ /rnal ma rtogs pa med 'gyur te/ /de dang de la ltos phyir ro/ /de phyir rang las tshang ma nyid/ /spyir btang bar ni rnam par gnas/ /gnod dang rgyu nyes ldan pa yi/ /shes pa dag gis de dmigs sol/ /tshad ma slu ba med pa'i phyir/ /gal te gnod byed med na ni/ /de ni tshad ma nyid du rigs/ /gnod byed las ni de gzhan 'gyur/ /'di la brjod pa/ gnod byed med pa tsam gyis ni/ /tshad ma nyid du des ma yin/ /thob pa'i dus su 'ang gnod pa gang/ /de med ces ni sngon rol du/ /tshad ma gang las shes pa yin/ /thob yin don byed gnas pa thob/ /de yang rang dngos rig pa yi/ /shes las phyi nas shes pa yin/ /sngar ni de las 'byung ba yi/ /dngos la rjes dpag 'jug pa yin/ /des na thug med de nyid du/ /'gyur bas tshad ma gang las rtogs/ /mngon sum rjes su dpag pa las/ /gzhan pa'i tshad ma yod ma yin/ /'dir smras pa/ rang las rang gi ngo bo rtogs/ tha snyad las ni tshad ma nyid/ /rang las ni rang gi ngo bo nyid rtogs kyi/ gzhan gyi ngo bo ni ma yin no/ /mngon sum ni mngon du rtogs pa'o/ /mngon du rtogs pa yang rang gi ngo bo las yin gyi/ gzhan gyi ngo bo thob pa'i dus kyi khyad par can ni ma yin no/ /tshad ma nyid kyang thob par bya ba'i don la mi 'khrul ba yin no/ /thob par bya ba'i don ma gzung bar ni de dang 'brel bar 'dzin pa ma yin no/ /de ltar nges pa ma yin na ni tshad ma ma yin pas na nges pa ma yin no/ /mdun na gnas pa'i rang gzhin dang 'brel pa ni shes pa thams cad la khyab par med par des ni 'byung ba'i rang bzhin dang 'brel pa ma 'dzin pa ma yin no/ /'byung bar 'gyur ba'i don byed pa/ /shes pas snga ma'i rang bzhin dang 'brel ba 'dzin pa yang ma yin no/ /des na rang gi ngo bo rig pa'i bdag nyid yin pa'i phyir/ so sor 'brel pa 'dzin pa ma yin no/ /tshogs pa yang srid pa ma yin te/ bsgrub pa dang don byed pa'i shes pa dag rim gyis 'byung pa'i phyir ro/ /de'i 'og tu 'byung ba'i dran pa ci ltar myong ba bzhin du 'jug pa ni 'brel ba med pa nyid kyi gnyis rtogs par byed pa yin no/ /ci ltar myong ba spangs pa'i phyir ni de bslad pa nyid yin pa'i phyir/ de las 'brel pa rtogs pa ma yin no/ /des na de dang 'brel ba ma bzung ba'i phyir phyis kyang rjes su dpag pas mthong ba dang/ chos mthun pa las ji ltar rtogs/ /des na tshad ma rtogs pa'i thabs med pa'i phyir rang las rang gi ngo bo nyid rtogs kyi/ tshad ma ni ma yin no// ci ste tshad ma ni rang gi ngo bo nyid yin te/ dngos po'i rkyen gyis brjod par bya ba ni de las tha dad pa'i phyir ro zhe na/ de ni mi rigs te/ thob bya'i rang bzhin dang 'brel pa'i/ /shes pa'i ngo bo tshad ma yin/ /rang gi ngo bo tsam zhig ni/ /gzung bas de bzung min par brjod/ /shes pa'i rang bzhin nyid ni tshad ma ma yin te/ de nyid ni thob par bya ba'i rang bzhin dang 'brel pas rnam par gnas pa'i phyir ro/ /de yang bzung ba ma yin no zhes bstan zin pa nyid do/ /des na 'jug pa dang ldog pa med pa can rang gi rang bzhin rig pa tsam nyid yin gyi/ tha dad par brjod pa'i skabs ni yod pa ma yin no/ /de'i phyir rtog pa dang ldan pa? bdag? gi 'ga' zhig tu 'jug ?? bya ba ma yin la 'ga' las ldog par bya ba yang ma yin no/ /de la gal te 'di tsam gyis yongs su tshim na de'i tshe bya ba cung zad kyang med pa'i phyir 'khor ba las thar pa nyid do/ de ni gtan med pa'i phyir ro/ /'on te tha snyad du 'khor ba grub na/ de lta yin na tshad ma dang cig shos kyi rnam par dbye pa yang yod pa'i phyir tshad ma nyid bsgrub pa'i phyir 'bad pa mi bya'o/ /'di ltar gal te tshad ma nyid/ /mngon sum dang ni rjes dpag las/ the tshom med par grub 'dod na/ /tha snyad tshig ni don med 'gyur/ /gal te mngon sum dang rjes su dpag pa las gsal bar tshad ma nyid du grub na tha snyad las ni zhes ci'i phyir brjod/ de'i phyir tha snyad tsam du rab tu grub pa'i rjes su dpag pa la brten nas/ grub pa'i 'brel pa la brten nas don byed pa bsgrub pa de ni 'di yin no zhes mthong bas/ reg pa la sogs pa'i bsgrub ba rtogs pa la 'jug pa yin la/ phyis ni goms pa las rjes su dpag pa med kyang snang pa tsam las 'jug pa'i phyir/ mngon sum yang 'jug par byed pa yin pas tshad ma nyid du brjod do/ /des na tha snyad las ni tshad ma nyid/ ces brjod pa yin no/ /gal te mthong bas ni gzugs nyid dmigs pa yin gyi /reg pa ni ma yin no/ /de bzhin du da ltar ba nyid yin gyi 'byung par 'gyur pa'i thob par bya ba ni ma yin no/ /de bzhin du rang gis blta bar bya ba nyid yin gyis gzhan? gyis blta bar bya ba yin pa ni ma yin pa ma yin nam/ de ci ltar gzhan mthong ba na gzhan thob pas tshad ma yin zhe na/ 'di la rang las rang gi ngo bo zhes bshad zin to// gzhan yang/ tha snyad du ni gcig pa'i phyir/ /tshad ma nyid ni rnam par gnas/ /yul sogs tha dad med pa'i phyir/ /rdzas gcig nyid du tha snyad 'dogs/ /'di ni tha snyad las ni tshad ma nyid/ ces bshad zin pa nyid do/ /des na tha snyad grub pa'i yan lag tsam gcig la brten nas mthong ba gang yin pa de nyid thob bo snyam du zhen pa'i phyir/ tshad ma nyid kyi tha snyad yin no/ /gcig tu zhen pa de yang yul dang dus la sogs pa tha mi dad pa'i phyir ro/ /de tha mi dad pa yang der nus pa'i skyed par byed pa'i tshogs pa lags so/ /de bzhin du 'byung (bar 'byung) bar 'gyur ba de dag kyang gcig gi rgyud du rtogs pa nyid kyis don byed pa mtshungs pa yin la de las kyang gcig tu mngon par rlom pa yin no/ /gal te don byed pa thob par byed pa nyid kyis tshad ma yin na/ ci tshad ma don byed pa'i shes par byed pa yin nam/ 'on te byed po yin/ re shig byed pa po nyid kyis ni tshad ma ma yin te/ de'i tshe ni rgyu nyid du 'gyur ba'i phyir ro/ /'on te shes par byed pa nyid kyis tshad ma nyid du 'dod na de yang mi 'thad de/ don bya ba la the tshom ni/ yod phyir de ni shes byed min/ /don byad res 'ga' pa yin phyir/ /de yi shes byed ga las yin/ /bsgrub par byed pa'i shes pa med kyang don byed pa dmigs te/ des na de'i ji ltar don byed pa'i rgyu yin/ de med kyang 'byung bas na de ni 'bras bu'i rgyu ma yin no/ /shes par byed pa yang ma yin te/ don mthong ba la yang res 'ga' don byed pa med pa'i phyir ro/ /shes pa de ni tshad ma ma yin pa yang ma yin te/ don gyis mi stong ba'i phyir ro/ /des na byed pa po nyid dang shes par byed pa nyid med pas ci ltar tshad ma don gyis thob par byed pa yin zhe na// //bam po gsum pa/ 'di la smras par 'bras la the tshom yod ces te/ /de tsam gyis de tshad min min/ /'di nyid nges phyir de tsam gyis/ /de ni ji ltar tshad ma min/ /thabs las byung ba la the tshom za ba ni spong bar 'dod pa ma yin te/ thams cad du thabs nges pa tsam gyis 'jug pa'i phyir ro/ /des na thabs nges na zhing pa la sogs pa bzhin tshad ma can 'jug pa yin no zhe na/ de ni ma yin te/ 'di ltar skyes bu 'jug dang ldog byed kun/ /thabs byung don du gnyer bas yin/ /gal te de la the tshom ni/ /za na ji ltar tshad ma nyid// gal te gang gi don du tshad ma 'dod pa'i thabs las byung ba de la the tshom za ba'i phyir tshad ma yin no/ zhes bya ba'i tshig gi tshul 'di ci yin/ gal te tshad mas ni don shes par bya ba yin gyi/ don byed par bya ba ni ma yin no/ /don byed pa ni tshegs pa'i khyad par 'ga' zhig las phyis 'byung ba'i phyir ci ltar shes par nus pa yin zhen/ de yang ma yin te/ gang gi don du 'di rtsom pa/ gal te de ma grub ce na/ bsgrub dang 'brel pa ma grub pas/ /ci ltar bsgrub par byed par brjod/ /tshad ma 'di las mngon par 'dod pa'i don sgrub par 'gyur ro/ zhes rtog pa dang ldan pas tshad ma tshol bar brtson pa yin gyi/ gzhan du ni ma yin no/ /de lta ma yin na ni zhen pa nyid du 'gyur ro/ /gal te gsal bar byas pa'i don/ don byed pa ma yin na/ de rab rib can gyis dmigs pa'i skra shad la sogs pa don med pa las khyad par yod par ga la 'gyur/ 'on te de la res 'ga' don byed par 'gyur la/ skra shad la sogs pa ni ma yin na/ de lta na 'o na ni ji ltar de don du gnyer ba 'jug par 'gyur/ the tshom las 'jug pa ni tshad ma las zhugs par 'gyur ba ma yin no/ /tshad ma ni nges par byed pa yin gyi/ the tshom byed pa ni ma yin no/ / gal te don bya ba byed pa nges so zhe na/ don bya ba nges na ji ltar der nges /'on te tshad ma des don sgrub pa'i dngos po bstan pa yin no/ /don bya ba ni gal te ma tshang pa 'ga' zhig las ma yin mod/ 'di ni tshad ma'i nyes pa ma yin no zhe na/ de ni mi 'thad de/ gal te shes byed ma yin pa/ /tshad ma'i nyes pa mi brjod na/ /de la skyon gzhan med pa'i phyir/ /thams cad tshad ma yin par 'gyur/ /gang gis 'jal bar byed cing 'dod pa'i don yongs su gcod pa de tshad ma yin no/ /shes par byed pa ma yin pa la ni yongs su gcod pa'i nus pa ma yin pa'i phyir tshad ma ma yin no/ /de'i phyir gzhan du bstan par bya ste/ de dag de las 'byung ba yi/ /mthu yis nges pa'i don bya ba'i/ /rang bzhin rtogs par byed pa'i phyir/ /shes pa tshad ma nyid yin no/ /don byed pa'i shes pa gang yin pa de ni don byed pa'i bdag nyid yin pa'i phyir don byed pa rtogs par byed de/ de'i don byed pa la ni de nyid sgrub par byed pa'i shes pa yin no/ /sngar gyi sgrub par byed pa'i shes pa'i ni gal te don de brtan pa nyid du rtogs pa de'i tshe yin no/ /snga ma'i rang bzhin ni 'byung bar 'gyur ba thob pa'i dus su gdon mi za bar shes par byed pa'i phyir de thob pa yin no// des na dngos su na phyi ma'i rang bzhin ni snga ma'i rang gi ngo bo nyid yin pa des na der yang de'i bdag nyid kho na'o/ /yang na gdon mi za bar 'byung ba'i 'bras bu de rgyu nyid yin te/ des rgyu la khyab pa'i phyir ro/ /tha dad pa'i khyab par byed pa gang yin pa de ni rgyu nyid yin te/ de med par de mi 'byung ba'i phyir ro/ /ma skyes pa ci ltar rgyu yin zhen/ skyes pa yang ji ltar yin zhes nyes pa mtshungs so/ /gal te 'di yod na 'di 'byung ngo/ /'di skyes pa'i phyir 'dir skye'o/ /'di ni 'dir byed pa yin no/ /'di ni 'dis byed do zhes 'jig rten ba rgyu dang 'bras bu'i dngos po rtogs pa ma yin nam/ 'byung ba ni yod? pa ma yin/ skyes pa yang ma yin/ byed pa yang ma yin /des byed pa yang ma yin te/ de'i tshe med pa'i phyir ro zhe na/ 'dir smras pa/ yod? dang skyes gnyis dngos po yi/ /rang gi ngo bo las gzhan min/ /'di yod? na zhes bya 'di las/ /don gzhan srid pa yod? ma yin/ /skyes pa dang yod? pa ni rang gi ngo bo nyid las gzhan ma yin no/ /gal te rgyu yi de ma thag /yod pa skyes pa yin zhe na /ci de ma thag tu byung ba'i yod pa nyid kho na skyes pa yin nam/ de lta yin no zhe na/ yun ring du gnyid log pa las sad pa'i rnam par rtog pa gang yin pa de dag sngon goms pa las skyes par mi 'gyur te/ de ma thag tu byung ba nyid med pa'i phyir ro/ /lus la sogs pa la yang rgyu ma yin no zhes bstan par bya'o/ /byed pa ni rang gi ngo bo las gzhan ma yin no/ /des na rang gi ngo bo las rang gi ngo bo nyid do/ zhes bya bar 'gyur ro/ /'bras bu'i dus su ni sngar gyi rgyu'i rang gi ngo bo nyid yod pa ma yin no/ med na mi 'byung ba tsam ni 'bras bu gdon mi za bar 'gyur ba'i rgyu'i 'byung bar 'gyur ba la yang yod pa yin no/ / des na 'byung ba yang rgyu yin no/ /'on te mthong ba gang yin pa de khyab par byed pa yin na rgyu yin no/ /de lta na yang sngar byung ba gang yin pa de ni rgyu yin gyi/ 'byung ba ni ma yin no zhe na/ ma yin te/ mthong ba rang gi ngo bo yis/ /khyab byed nyid du rtogs ma yin/ /sgro btags pa yi rang bzhin gyi/ /'byung ba yang ni de yin no/ /mthong ba ni de tsam gyis khyab bar byed pa ma yin te/ de'i tshe khyab par bya ba ma rtogs pa'i phyir ro/ /gang gi tshe khyab bya rtogs pa de'i tshe ni de byung ba dang 'byung ba'i rang bzhin gyis khyab par byed pa yin te/ gzhan du 'byung ba'i rang bzhin ma bzung na khyab pa nyid du mi 'gyur ro/ /'on te rang bzhin gang gis de sngon du byung ba nyid du mthong ba de'i rang bzhin de nyid kyis khyab byed nyid du rtogs par byed kyi/ 'byung? ba'i rang bzhin gyis ni ma yin no zhe na/ de ni ma yin te/ 'byung ba'i rang bzhin ma rtogs na/ /khyab byed nyid du rtogs ma yin/ /nyi tshe ba ni khyab yin te/ /de lta na ste khyab med 'gyur/ /byung ba dang 'byung bar 'gyur pa'i dus khyab pa nyid du rtogs pa rgyu yin gyi/ gzhan du ni ma yin no/ /khyab pa de ni sngar mthong ba dang/ mthong bar 'gyur ba la yang mtshungs pa yin no/ /mthong bar 'gyur ba ci ltar rgyu yin zhe na/ de'i tshe med pa'i phyir mthong ba yang ci ltar yin zhes dri ba'i skabs med do/ /yod pa'i phyir ro zhe na/ mthong bar 'gyur ba la yang nyid do/ /de'i tshe ma yin no zhes bya ba 'di ni gnyi gar yang mtshungs so/ /snga ma nyid do zhe na/ snga ma dang phyi ma dag gi rang gi ngo bo la khyab par ci zhig yod de/ de gnyi ga yang sgro btags pa'i rnam pas 'dzin pa yin gyi/ gzhan gyis na ma yin pas khyab par med do/ /'on te gcig ni sngon gyi rang bzhin du mthong bar sgro btags pa yin la/ gzhan ni mthong bar 'gyur ba'i rang bzhin dang phyi ma'i rang bzhin du ? yin no/ /des na gnyi ga la yang rgyu nyid yod pa ma yin no zhe na/ phan tshun med na mi 'byung bar/ /de dag gnyi ga mtshungs pa yin/ /nang gi rnam par dbye ba ni/ / nged la ? gang yang dgos pa med/ /gang med na yang mi 'byung ba de ni tha dad pa yin/ de'i rgyu yin no/ /de ltar yin dang/ rgyu snga ma med na 'bras bu phyi ma mi 'byung ba de bzhin du 'bras bu gdon mi za bar 'byung ba'i rgyu 'bras bu phyi ma med na mi 'byung ba'i phyir rgyu dang 'bras bu'i rgyu mtshan mtshungs pas de gcig? yang? phan tshun rgyu dang 'bras bu'i dngos po yin no/ /khyab? pa dang? ni? tha dad? nyid/ /rgyu mtshan mtshungs phyir gnyi ga yang/ /rgyu 'bras nyid yin pha rol gyi// 'jig rten dbrog? pa'ang 'di las yin/ /khyab pa nyid dang tha dad ma rtogs par rgyu mtshan gzhan ni 'gro ba 'dir ma dmigs so/ /des na gang rgyu dang 'bras bu gdon mi za bar 'gyur ba'i rgyu gnyi ga yang phan tshun rgyu dang 'bras bu'i dngos po yin no zhes rigs par mthong ngo/ /de phyir shes te don skyed pa/ /rgyu 'am yang na rang bzhin nam/ /'bras bu 'ang rung ste thams cad du/ /de yis don byed 'byung bar shes/ /gal te sgrub pa'i shes pa'i don byed pa'i rgyu 'am / gal te rang bzhin nam/ gal te 'bras bu yin yang rung ste/ thams cad du 'brel pa srid pa'i phyir nges shes pa yin no/ /khyab pa de'i bdag nyid dang/ rgyu dang 'bras bu'i dngos po 'di yang tha snyad du grub pa yin pa'i phyir tha snyad las tshad? ma nyid du shes pa yin no/ /gal te ci srid 'brel pa sgrub pa'i mngon sum med pa de srid du rjes su dpag pa ma yin te/ mngon sum gyi ma? 'brel? pa bzung? na rjes su dpag pa'i tshad? ma'i sgrub par byed pa yin no/ / mngon sum 'brel pa 'dzin par nus pa tshad ma yin na yin pa'i phyir phan tshun brten pa'i skyon ma yin nam/ 'o na te rjes su dpag pas tshad? mar bsgrub pa ni ma yin gyi/ 'on kyang don byed pa myong ba las yin la/ de yang rang rig pa'i mngon sum gyis grub pa yin no/ /de la don byed pa'i shes pa ni mngon sum yin pas snga ma'i tshad ma nyid 'dzin pa ma yin la 'bras bu'i rtogs su 'gyur ba ma yin pas rjes su dpag pa yang ma yin te/ mngon sum gyis tshad ma yang 'dzin pa ma yin pa'i phyir dang/ gsal ba de? gnas? pa'i phyir ro/ /gsal ba med par spyi tshad ma nyid du rtogs par mi nus te/ spyi med pa'i phyir ro/ /des na tshad? mar the tshom za ba tsam yin no/ /de yang don byed pa dang 'brel par the tshom za bya yin pas de la don byed par snang bas the tshom bzlog pa nyid do zhe na/ de lta ma yin te/ 'di ltar/ the tshom tsam zhig bzlog pas ni/ /'ga' yang 'jug par 'gyur ba min/ /don du gnyer ba'i 'jug pa ni/ /nges pa'am mngon sum las mthong ngo// gal te don byang snang de nyid/ /mngon sum yin zhes 'dod na ni/ /tshad ma mngon sum nyid las ni/ /rtogs pa zhes byar 'dod pa yin/ mngon sum 'am ni rjes dpag las/ /the tshom za ba ldog pa yin/ /'gal ba'i rang bzhin dmigs pa las/ /zlog pa gzhan ni yod? ma yin/ /gal te de ni mngon sum gyi/ /dngos yin de tshe the tshom ni/ /ldog byed de med de tshe nyid/ /ci ltar gzhan gyi tshe na min/ /'dir ni the tshom de bzlog pas/ /dgos pa yod pa 'ang ma yin te/ de ni 'jug pa'i phyir 'dod na/ /'jug pa de yang grub pa yin/ /shes pa kun gyi don dang ni/ /'brel pa'ang mngon sum blos rtogs min/ /rjes su dpag pa spyi yis ni/ /'brel pa nges par byed pa yin/ /tshad ma gzhan yang med pa'i phyir/ /the tshom chad par ga la 'gyur/ /des na tha snyad las mi tshad ma nyid ces bshad do/ /gal te tha snyad las tshad ma ma yin na/ 'o na tshad ma'i mtshan nyid kyi bstan 'chos la don ci yod/ bstan bcos bstan kyang tshig tsam las ni de ltar mi 'gyur gyi/ 'on kyang tha snyad kyi mi slu? ba nyid las yin no/ /de yod na ni bstan chos don med do zhe na/ bshad pa/ bstan bcos rmongs pa zlog byed yin/ /gal te tha snyad las tshad ma'i rang bzhin rtogs pa yin na/ ci'i phyir mtshan nyid kyi bstan bcos dag bar? tshun 'gal bar 'gyur/ des na tha snyad pa dag ni tha snyad la yang log par rtog pa kho na'o/ /'di ltar/ tha snyad las ni thams cad kyi/ /tshad ma rtogs bar 'gyur ma yin/ /des na tshad ma'i mtshan nyid ni/ /phan tshun du ni 'gal bar ldan/ /mngon sum la sogs tshad ma yis/ /'jig rten pha rol rtogs ma yin/ /lung las yin zhes gzhan 'der? pa/ /des na tha snyad las ma yin/ /de'i phyir/ tha snyad nges pa rtogs pa'i phyir/ /bstan bcos rmongs pa zlog byed yin/ /snga ma phyi ma mi dran pa/ /bstan bcos 'di yis zlog par byed/ /de nyid kyis thams cad mkhyen pas bstan bcos kyi rmongs pa zlog par byed kyi gzhan gyis ni ma yin no zhes/ rnam pa 'dis thams cad mkhyen pa'i bka' nyid tshad ma yin pa'i phyir thams cad mkhyen pa nyid tshad ma yin gyi/ gzhan gyi ni ma yin no zhes bya ba ni don dam pa'o/ /gzhan ni tshad ma ma yin te/ /shes bya khyab pa med pa'i phyir/ /ma khyab pas ni 'bras bu sogs/ /'brel par 'dzin pa ma yin no/ /rgyu dang 'bras bu'i dngos po 'das pa dang ma 'ongs pa dang de ltar byung ba'i dus dang yul khyab par lhan cig spyod pa'i rang bzhin ni thams cad mkhyen pa ma yin pa'i yul ma yin te/ mngon sum da ltar nye ba tsam 'dzin pa'i phyir dang/ rjes su dpag pa yang der mi 'jug pa'i phyir ro/ /gal te bstan bcos de byed pa thams cad mkhyen pa nyid du ci ltar shes she na/ 'di ni 'og tu bshad par bya'o/ /ma shes don gyi gsal byed kyang/ yang na 'di tshad ma'i mtshan nyid yin no/ /'di gsal bar byed pas na gsal byed de/ ma shes pa'i don gsal bar byed pa'i shes pa tshad ma yin no/ /kun rdzob pa'i shes pa na ma shes pa'i don gsal bar byed pa ma yin no/ /des ni ma shes pa'i don 'ga' yang gsal ba ma yin te/ so sor bzung ba'i gzugs la sogs pa nyid rnam par rtog pa'i phyir ro/ /rtog pa nges par ma bzung ba'i phyir na de gcig ces tha snyad du byed do/ /gal te mi slu ba med par ma shes pa gsal bar byed pa tshad ma yin na zla ba gnyis la sogs pa'i rnam pa yang tshad ma nyid du thal bar 'gyur ro zhe na/ ma yin te/ don smos pa'i phyir ro/ /de ni don ma yin no/ /gal te don nyid du mi slu ba nyid las shes pa ma yin nam/ des na mi slu ba'i shes pa zhes bya ba de nyid mtshan nyid yin pa'i phyir ci ltar mtshan nyid gzhan yin zhe na/ ma yin te/ don gyis 'phangs pa ni mtshan nyid ma yin pa'i phyir ro/ /brjod pa'i shugs kyis rtogs pa gang/ /de ni mtshan nyid ma yin te de lta na ni dngos po sogs/ /gzhan yang mtshan nyid don tu 'gyur/ /mtshan nyid de ni dngos su bzung ba gang yin pa de yin no/ /gang gis mtshan nyid bsgrub pa de yang srid pa tsam gyis mtshan nyid du 'gyur ba ni ma yin te/ de lta ma yin na/ dngos po nyid la sogs pa yang yin par 'gyur ro/ /'on te dngos po nyid ni de la dngos sam gzhan du mkho ba ma yin gyi/ mi slu ba nyid ni don nyid shes pa la mkho ba yin no zhe na/ de ni bden mod kyi de lta na yang ma shes pa'i don smos pa ni bzung ba 'dzin pa'i shes pa spong bar nus kyi/ mi slu smos pas ni ma yin te/ de la yang ni mi slu ba yod pa'i phyir ro/ /mi slu ba don rtogs pa yang ma yin te/ mi slu ba yin yang kun rdzob tu yod pa don du ma grub pa'i phyir ro/ /'o na ji ltar don nyid rtogs she na/ nges par rtogs pa las so zhes rtogs par bya'o/ /yang na 'dir don gyi sgras ni don dam pa brjod pa yin te/ ma shes don gyi gsal byed ces bya ba ni don dam pa gsal bar byed ces bya ba'i don to/ /don dam pa yang gnyis su med pa'i rang bzhin nyid yin pas de gsal bar byed pa nyid tshad ma yin no/ /de ltar yang rang las rang gi ngo bo rtogs zhes bstan pa yin no// tha snyad las ni tshad ma nyid ces bya ba bshad de/ de la 'di ni don dam pa'i tshad ma'i mtshan nyid yin la/ /snga ma ni tha snyad pa'i yin no/ /gal te ma shes pa'i don gsal par byed pa tshad ma yin na spyi'i don yang dang po 'byung ba rang gi mtshan nyid kyi shes pas ma shes pa de'i 'og tu byung bas gsal ba yin la/ de bzhin du 'brel ba la sogs pa yang yin pa'i phyir de yang tshad mar thal bar 'gyur ro/ /'di bzung ba 'dzin pa'i phyir dran pa nyid du 'gyur ba ni ma yin te/ ma bzung ba la yang dran pa med pa'i phyir ro/ /rang gi mtshan nyid rnam shes ni/ /spyir 'dzin par ni 'dod min te/ /ma bzung ba ni 'dzin pa'i phyir/ /spyi rig tshad ma yin par 'gyur/ /de nyid brjod pa ni/ rang gi ngo bo rtogs 'og tu/ spyi yi rnam par shes pa thob/ /tshad ma zhes 'brel to/ /rang rig pas spyi'i shes pa'i bdag nyid rtogs so zhes bya ba 'di la ni rtsod pa med pa nyid do/ /des na gal te spyi shes pa las gzhan du 'gyur ba'am/ 'on te bdag nyid du 'gyur ba yin yang rung ste/ thams cad du de'i shes pa tshad mar 'gyur ro zhe na/ 'di la bshad pa ni ma yin te/ rang gi mtshan nyid ma shes pa/ /shes pa gang yin zhes dgongs phyir/ /rang gi mtshan nyid spyad phyir ro/ /spyi'i shes pa ma bzung ba 'dzin pa yin yang tshad ma ma yin no/ /ci'i phyir zhe na/ rang gi mtshan nyid ma shes pa shes pa gang yin pa de ni tshad mar 'dod kyi spyi ni ma yin no/ /spyi ma shes pa shes pa ni tshad ma yin gyi/ /'on kyang ma shes pa'i rang gi mtshan nyid shes pa'o/ /de ci'i phyir zhe na/ rang gi mtshan nyid dpyad phyir ro/ /yod pa 'am med pa nyid rnam par gzhag pa'i phyir rtog pa dang ldan pa tshad ma la bltos pa yin no/ /yod pa 'am med par dpyod pa de yang rang gi mtshan nyid kho na la yin gyi/ spyi la ni ma yin te/ de la skyes bu rnams gus pa med pa'i phyir ro/ /gang rnam par dpyad pa de la dus kyis de'i rang bzhin yin pa'i phyir tshad ma 'jug pa'i phyir ro/ /spyi ba ni tshad ma mi 'jug pa'i phyir des tshad ma ma yin no/ /'on te spyi ma rtogs na de nyid 'di yin no zhes ji ltar 'jug ce na/ ma yin te/ spyi ma rtogs kyang shin tu goms pa las 'jug pa'i phyir ro/ /'on te der yang spyi nyid 'jug par byed pa yin no zhe na/ de ni ma yin te/ ma shes pa la 'jug par byed pa nyid shes pa med pa'i phyir ro/ /de shes kyang gal te rang gi mtshan nyid ma shes na mi 'jug la/ rang gi mtshan nyid shes na ni spyi ma dpyad kyang goms pa las 'jug pa yin no/ /des na de la 'jug par byed pa ma yin pa'i phyir dang/ de la mngon tu phyogs pa med pa'i phyir mi shes pa ni tshad ma ma yin no/ 'jug par byed pa yin tu chug pa de lta na yang de la phyogs pa med pa'i phyir te tshad ma ma yin no /rang rig pas bzung na ni de rang gi mtshan nyid kho na yin pas rang gi mtshan nyid kyi yul nyid la tshad ma yin no/ /gang gi tshe gnyis su med pa de'i tshe ni spyi ma yin la/ rang gi mtshan nyid rtogs pa'i 'og tu gzhan zhes bya bar bstan pa yang ma yin no/ /rang gi mtshan nyid shes pa la/ /shes gang rig med phyir bsams pas/ zhes bya ba la/ rig med ni 'di la rig pa med pas rig med do/ /gang la zhe na/ shes pa gang zhig /rang gi mtshan nyid shes pa la ste /de'i phyir ro/ gang gis 'di ni rang gi mtshan nyid shes pa'i 'og rol tu yin no zhe 'am/ 'di 'dra ba nyid du rtogs par 'gyur ba snga ma dang phyi ma'i ngo bo yi ni tshad ma yod pa ma yin no/ /'dir ni shes pa thams cad rang gi mtshan nyid rtogs par byed kyi/ tha dad pa ni ma yin no/ /'o na ci'i phyir bcom ldan 'das kyis mngon sum dang rjes su dpag pa'i dbye ba dang/ phyi rol dang rnam par shes pa'i dbye ba dang/ kun nas nyon mongs pa dang rnam par byad pa'i dbye ba bstan ce na/ bshad pa bsam pas te mi bslu ba'i phyir ro/ /gdul ba'i skye bo'i bsam pas te/ /de lta bltos nas so/ rang rig pa'i mngon sum gcig nyid tshad ma yin gyi/ gzhan ni ma yin no/ /spros pa ni gdul bya'i dbang gis te/ ci lta ci ltar gdul bya rnams de kho na'i lam du 'jug par 'gyur ba de lta de ltar bcom ldan 'das ston pa yin pa'i phyir mi 'gal lo/ /dge? las shes na/ rang gi mtshan nyid dpyad phyir ro/ rnam par dpyad na ni thams cad mi gnas pa nyid do/ /gnyis su med pa las de kho na nyid gzhan ni med de/ de nyid bcom ldan 'das kyis rim gyis rnam par dpyad pa yin no/ /cig car ni dpyad par mi nus pa'i phyir ro/ /'on te phyi rol tu phyogs ba ci ltar rang rig pa nyid yin zhe na/ de ni med de/ yul dang dus sogs la ltos nas/ /phyi dang nang zhes shes pa yin/ /yul dus rang gi ngo bo las/ /tha dad pa ni 'thad ma yin/ /'di yang phyis bstan par bya'o/ /'o na ci ster/ bcom ldan 'das tshad ma yin/ mngon sum dang rjes su dpag pa dag ni tha snyad tsam du tshad ma yin gyi/ bcom ldan 'das ni ma yin te/ de ni tshad ma ngam pa yin pa'i phyir ro zhe na/ 'di la bshad ba ni/ de ldan bcom ldan tshad ma nyid/ /de bzhin gshegs pa bcom ldan 'das ni de dang ldan pas so/ /bcom ldan 'das ni mngon sum gyi rang bzhin gyis tshad ma yin te/ phyis bstan par bya'o/ /'di ga las rtogs she na/ de'i phyir bshad pa ni/ yang dag min pa bzlog don du/ 'khrul bzlog pa'i don du ni/ /bcom ldan 'das des yang dag gsungs so/ /gang gi phyir de lta yin pa de'i phyir de nyid thams cad mkhyen pa yin gyi gzhan ni ma yin no/ /de lta na yang tshad ma yin no/ /de'i phyir/ sgrub byed la ltos tshad yin rigs/ /zhes smos te/ bcom ldan 'das nyid yin gyi/ rig byed ni ma yin no/ /rig byed mi 'ga' yang don dang 'brel pa med pas tshad pa ma yin no/ /'di ni tshad ma'i yul la bden par gsung ba nyid kyis tshad ma yin no/ /gzhan la ni bshad par bya'o/ /yang na don dam pa de ldan te/ bcom ldan 'das kyang gnyis su med par rtog pa nyid kyis tshad ma yin gyi/ don thams cad yongs su shes pas ni ma yin te/ don thams cad nyid yongs su shes pa ni 'jig rten gyi tha snyad yin pas kun rdzob pa nyid do/ /de skad du yang gnyis med theg pa dam pa yin zhes bshad do/ /tshad ma rnam 'grel gyi rgyan las/ tshad ma grub pa'i rnam 'grel gnyis pa'o// //gal te mngon sum dang rjes su dpag pa ngag tshad ma ma yin pa'i phyir thams cad mkhyen pa nyid tshad ma yin na/ de'i tshe dbang phyug la sogs pa shes pa po rtag pa nyid dam/ rig byed rtag pa tshad ma yin te/ des na gzhan btsal bas ci bya zhe na/ tshad ma rtag pa nyid yod min/ /dngos yod rtogs pa tshad phyir dang/ /shes bya me rtog pa nyid kyis/ /de ni mi brtan nyid phyir ro/ /rim bzhin skye ba can dang ni/ /rtag las skye ba mi 'thad phyir/ /ltos pa mi rung ba yi phyir/ /rtag pa gtan du gnas pa'i tshad ma ni yod pa ma yin te/ tshad ma med pa'i phyir ro/ /gzhan yang/ dngos po yod pa'i rtog pa tshad ma yin gyi/ gang yang rung ba ni ma yin no/ /gang gis rtogs pa gtan du yod par 'gyur ba dngos po ni gtan du gnas pa ma yin no/ /shes na shes bya mi rtag pa nyid kyis de yang mi brtan pa yin no/ /gal te shes bya mi rtag pas na shes pa mi rtag pa nyid do/ zhes bya ba 'ang dgag las she na/ shes bya'i rang bzhin la bya ba byed pa 'am/ shes bya'i rang bzhin las skyes pa 'am/ /de'i rang bzhin nyid tshad ma yin grang ste/ phyogs gzhan ni mi srid do/ /de la gal te byed pa dang mi byed pa khyad par med na ci ltar byed pa dang cig shos rnam par 'byed/ 'on te de ni me long gi gnas lta bu yin te/ don gang dang gang nye ba de dang de nyid snang ba yin no zhe na/ 'o na ni rang gi tshogs pa las don nyid de ltar 'gyur ba yin gyi/ shes pa po'i byed pa ni ma yin no/ /'on te mig mi g.yo bar phye bas nye bar bstan pa'i don rim gyis mthong yang byed pa gzhan dang gzhan mi 'dra ba gzhan ni 'ga' yang rtogs pa ma yin pa de bzhin du 'di yang yin no zhe na/ 'di la bshad pa/ rjes su 'gro dang ldog pa las/ /de yang mig ni byed pa nyid/ /dbang phyug rtag par gnas pa la/ /rjes 'gro ldog pa yod ma yin/ /de'i phyir de ltar 'gyur ba de ni don de nyid yin gyi/ 'di la 'dzin pa'i byed pa ni 'ga' yang med pa'i phyir ci ltar tshad ma yin/ 'on te de tshad ma'i don yin mod/ de ni de dang 'brel pa'i phyir des shes par brjod do zhe na/ de ni mi 'thad de/ 'di ltar/ 'brel pa rjes 'gro sngon 'gro ba/ ldog pa yi ni 'grub pa yin/ /rtag pa ldog pa med pa la/ /'brel pa srid pa ga la yin/ /rtag pa ldog pa med pa ni/ /'gar yang nye bar sbyor ba shes nus pa ma yin no/ /'on te des mthong ba'i phyir nye bar sbyor ba yin no zhes na/ /ci ltar na des mthong zhes de nyid de ltar brgal zhing brtag pa ma yin nam/ /de ltar de yod na 'byung phyir/ /des zhes bya bar brjod na ni/ /nam mkha' sogs la de yod phyir/ /ci ltar de nyid lta po yin/ /mkha' la don byed bstan med phyir/ de nyid lta po nam mkha' min/ /bstan pa tshig yin de yi phyir/ /de nyid gang las 'dod pa yin/ /rnam pa kun tu ldog med la/ /rgyu nyid du ni rtogs ma yin/ /don gang 'das dang ma 'ongs pa/ /de ni ci ltar snang ba yin/ /'das pa shes pa yin pa'i phyir/ /ci ltar 'das pa yin par 'gyur/ /'das pa la sogs ci ltar yang/ /me long du ni 'pho ma yin/ /de lta bu yi snang ba ni/ /me long yod na 'byung ba yin/ /snang ba rtag pa'i 'bras bu ni/ /ma yin zhes ni sngar brjod do/ /nam mkha' la sogs pa dag kyang/ /don de 'dzin par cis mi 'gyur/ /gal te don de'i de ma thag /'byung ba'i nges pa yod min na/ /don rnams thams cad mthong ba de/ /tshig don gang zhig yin par brjod/ /don kun mthong ba las byung ba'i/ /sgra ni thams cad rjod byed yin/ /brjod 'dod nges pa zhes bya ni/ /rtag la 'thad pa ma yin no/ /brjod 'dod de dag tha dad cing/ /de bzhin mthong ba tha dad na/ /gang gi lta po gcig yin te/ /khyod kyis tshad de ci ltar yin/ /gal te brjod 'dod lta bya yi/ /'dzin byed de nyid yin zhe na/ /brjod par 'dod dang gzhan pa'i de/ /ci ltar gcig gis 'dzin pa yin/ /de lta yin na mngon sum dang/ /rjes dpag gcig tu cis mi brjod/ /gal te de yang yang dag tu/ /gcig pa nyid du 'dod na ni/ /de dag la yang rim gyis sam/ /cig car tha dad yod min nam/ /rang bzhin gcig nyid rim gyis ni/ /tshad ma yi ni rtogs ma yin/ /rtogs po de'am gzhan du ni/ /shes byed gcig gi gzhal bya ba/ /de gcig ces bya bden nam ci/ /bden pa min na tshig don med/ /ci ste bdag nyid rang nyid ni/ /rnam kun byed pos shes byed na/ /de ni da ltar yin no zhes/ /cis rtogs de ni tshig tsam yin/ /rang rig nyid las gzhan pa ni/ /med ces sngar mi brjod pa yin/ /des na de ni don dam par dbang phyug ma yin la kun rdzob tu yang ma yin no/ /ci ste yang gal te shes bya mi rtag pa nyid kyis shes pa mi rtag pa yin yang shes par byed pa po gang yin pa de brtag pa yin no/ /gzhan mi rtag pas gzhan yang mi rtag go zhes ni mi 'thad do zhe na/ bshad pas shes bya mi rtag pas shes pa/ /rim bzhin skye ba can dag ste/ /rtags las skye ba mi 'thad phyir/ /de rtag pa las skye ba mi rigs pa'i phyir ro/ /nam mkha' ltar rtag pa khyab pa ni/ 'ga' i yang rgyu ma yin no zhes bshad zin to/ /gal te rang bzhin de nyid kyis skyed par byed pa ni khyad par med pa'i phyir thams cad kyi tshe skyod par 'gyur ba 'am/ khyad bar yod na yang mi rtag par 'gyur ro/ /'on te khyad par med kyang lhan cig byed pa yod pa dang med pa dag las 'bras bu rim pa can yin no zhe na/ ma yin te/ bltos pa mi rung ba'i phyir ro/ /gal te lhan cig byed pa dag nyid kyi rjes su 'gro ba dang ldog pa yin na/ de dag nyid rgyu yin gyi de ni ma yin no/ /de la bltos nas de yang rgyu yin no zhes ni mi rigs so/ /bltos pa de dang cig shos kyi gnas skabs dag tu khyad par med par rang ngam gzhan gyi ltos pa nyid du mi rtogs pa'i phyir 'di ni tshig tsam gtsor gyur par shes par bya'o/ /de nyid kyi phyir ltos pa mi rung ba'i phyir zhes bshad do/ /rtog pa thams cad kyi tshe rang bzhin gcig pa ni bltos par bya ba phan gdags par nus pa ma yin no/ /de la phan 'dogs pa med par ni des bltos par bya ba ma yin no/ /de lta na ni 'o na mi rtag pa tshad ma yin par 'gyur ro/ /sbyin ba la sogs pa sgrub par byed pa la bltos pa ni ma yin no/ /chags pa dang bral ba dang/ dbang phyug dang ldan pa ni rigs 'thun pa'i rgyu snga ma snga ma las skyes pa'i phyir de nam yang gzhan du 'gyur ba las/ gzhan du skye bar 'byung ba ni ma yin no zhe na/ 'dis bshad pa ni/ rnam 'gas phan gdags bya min phyir/ /mi rtag na yang tshad med nyid/ /dbang phyug mi rtag pa la yang/ /tshad ma yod pa ma yin te/ /de tshad ma ma yin no/ /de ci'i phyir zhe na/ rnam 'gas phan gdags bya min phyir/ /gang zhig rnam pa ci zhig ltar 'ga' zhig phan btags pa 'am gnod par byed pa de ni/ 'dod chags la sogs pa myong ba dang/ 'dod chags la sogs pa'i gnyen po rtogs pa la sogs pa srid pas de ston pa yin no/ /sems can la byams pa dang snying rtse bas ston pa srid pa'i phyir de ni 'jig rten gyi tshad mar 'gyur gyi rang gi ngo bo yod pa tsam gyis ni ma yin no/ /de la ni 'di 'dra ba'i bya ba yod pa ma yin te/ sdug goms med par mkhas par mi 'gyur ro/ /'on te de ni thams cad yongs su shes pa nyid ni rang bzhin nyid kyis grub pa yin no zhe na/ de ni mi rigs te/ 'dod chags la sogs pa nyams su ma myong na 'khor ba'i rtsa ba'i spros pa ni rang gi mtshan nyid rtogs par ci ltar 'gyur/ nyams su myong na ni 'di 'khor ba pa nyid yin pas ci ltar tshad ma yin/ / 'on te 'dod chags la sogs pa rtog pa nyid kyis 'dod chags la sogs pa'i spros pa'i gnyen po ston pa yin te/ 'dod chags la sogs pa dang ldan pa nyid thams cad shes pa dang mnyams pa dang/ gzhal du med pa'i nus pa dang ldan pas de nyid tshad ma yin no zhe na/ de yang mi rigs te/ gal te 'dod chags la sogs dang ldan yang dbang phyug nyams med na/ 'dod chags la sogs gnyen po ni/ /bstan pa don med kho nar 'gyur/ /'on te 'di ni dngos po'i gnas lugs yin te/ 'dod chags la sogs pa dang ldan pa la/ dbang phyug srid pa ni ma yin no/ /des na de'i gnyen po ston to zhe na/ gal te de ltar chags bral sogs/ /bsgoms pa med phyir mi srid na/ /de yi dbang phyug la sogs pa/ /grub de glo bur gang las 'ong/ /'dod chags dang bral ba la sogs pa gnyen po la sogs pa goms pa las 'byung ngo zhes shes pa gang yin pa de nyid de las gzhan du yang 'byung ngo zhes pa ni mi rigs so/ /gzhan yang/ gang gis dbang phyug sgrub pa dang/ /bral ba'i don du gnyer ba la/ /mchog sbyin pa yi nus pa ni/ /de 'dra de la yod pa min/ /'on te de la nus pa de/ /med na gzhan yang ci ltar yod/ /rjes su 'dzin pa'i nus pa ni/ /de la tshad ma med par 'gyur/ /don 'di yang yin te/ /mi rtag na yang tshad min nyid/ /'di la tshad ma yod pa ma yin pas tshad med do/ /de'i ngo bo ni tshad med nyid de/ de la tshad ma yod pa ma yin no zhes bya ba'i tha tshig go /'on te mnyes par byas pa la sogs pa rim gyis chags pa la sogs pa nye bar zhi ba'i rnam pas chos ston pas 'di rjes su 'dzin par byed pa yin te/ de lta ma yin na/ rjes su 'dzin par mi nus pa'i phyir ro zhe na/ de ni ma yin te/ 'di ltar/ des bshad rjes su sgrub pa yis/ /'jig rten rjes 'dzing? gis rtogs/ /des bshad lung tsam las she na/ de lta phan tshun brten par 'gyur/ /des bshad phyir de lung yin la/ /lung yin phyir yang des bshad nyid/ /phan tshun brten pa yin phyir des/ /gcig kyang gnas par ci ltar 'gyur/ /gzhan yang/ de yi nus pa 'di 'dra ste/ /rgyu gang las ni 'ongs pa yin/ /'di ni de yi rang bzhin shes/ /de ni gang las rtogs par 'gyur/ /de thams cad mthong ba dang rjes su 'dzin par byed pa'i rang bzhin gyi nus pa de 'dra ba de rgyu gang las byung/ gal te 'dir de lta bur byung ba'i dngos po'i rang bzhin nyid lan 'debs so/ /'di ltar/ 'di ni 'di lta 'ang ma yin zhe na/ /de ni su la 'dri bar bya/ sreg byed me yin nam mkha' min/ /'di la ci zhig brgal zhing brtag /'di ni shin tu mi rigs te/ /gal te rang bzhin mngon sum du/ /grub la rgol zhing rtog byed na/ /de la lan ni rigs 'gyur te/ /mthong ba nyid ni mi 'than? min// 'di ni mthong ba ma yin no/ /'di ltar/ 'dir dngos po'i rang bzhin nyid lan 'debs so zhes bya ba'i don 'di ci yin/ /'di ni mngon sum la sogs pa'i chad mas grub pa yin pas/ 'di ci ltar zhes brgal zhing brtag pa'i yul ma yin no/ /ci ltar mngon sum du me bsreg bya sreg bar dmigs pa la ci lta bar byed pa yin zhes brgal zhing brtag par bya ba bzhin no zhes bya ba yin no/ /gal te 'byung ba nyid kyis yin na nam mkha' yang sreg par byed par 'gyur ro/ /'on te rang bzhin gyis so sor nges pas de lta yin na/ de'i tshe dbang phyug kyang yon tan gyi rgyu thams cad dang bral yang yon tan dang ldan pas mtshungs so zhe na/ ma mtshungs te me ni mthong ba'i phyir dang/ gzhan ni bzlog pa'i phyir ro/ /des na 'di lan ma yin no/ /de lta ma yin no/ bdag nyid mngon 'dod 'ga' zhig bsgrub byas pa/ /de la gzhan gyis lan med byas pa na/ /dngos po'i rang bzhin zhes de'i lan brjod pas/ /de ltas thams cad rgyal bar 'gyur pa yin/ /de'i phyir mi rtag na yang ste/ /yang gi sgras rtag pa yang tshad mar med pa nyid do zhes legs pa brjod do/ /gal te tshad ma yod pa yin te/ sdod 'jug dbyibs kyi khyad par dang/ don byed pa la sogs pa dag /'bras bu'i bdag nyid 'bras bu las/ /ji ltar rgyu ni 'grub mi 'gyur/ /de lta min na rgyu gzhan la/ /rjes su dpag? pa 'ang med par 'gyur/ /'di ltar dngos po 'ga' zhig mngon par 'dod pa sgrub pa'i phyir bsdad cing bsdad cing 'jug pa de ni blo dang ldan pa'i rgyus byin gyis brlabs las yin te/ dper na/ dbyibs su bya ba la sogs pa ste ste'u la sogs pa bzhin no/ /ste'u la sogs pa ni rang nyid 'jug pa ma yin no/ /'jug pa yin na yang gtan du 'jug par 'gyur na/ bsdad nas 'jug pa yang yin no/ /des na rtog pa dang ldan pa'i 'jug pa po 'ga' zhig yod dgos so/ /de bzhin du gang zhig zlum po la sogs pa la dbyibs kyi khyad par dang ldan pa de ni sems dang ldan pa skyed pas yin te/ dper na bum pa la sogs pa bzhin no/ /de bzhin du gang zhig don bya ba byed pa de ni sems pa de ni sems dang ldan pa'i dngos pos bskul ba yin te/ dper na bum pa la sogs pa bzhin no zhe na/ 'di la bshad pa ni/ sdod 'jug dbyibs kyi khyad par dang/ /don byed pa la sogs pa dag /'dod sgrub pa 'am dpe ma grub/ /yang na the tshom za ba yin/ /'bras bu nyid du mngon par 'dod bsdad nas 'jug pa la sogs pa gang yin pa de dag ni yang dag pa'i gtan tshigs ma yin te/ gang gi phyir de dag yod kyang 'dod pa nyid sgrub pa yin te/ grub pa sgrub pa yin no/ /ma grub pa phyogs yin pa'i phyir ro/ /gang la rtsod pa yod pa de sgrub pa'i phyir sgrub pa byed pa nye bar dgod par rigs pa yin na/ thams cad las kyi mtshan nyid kyi sems pas byin gyi rlob par 'dod pa yin te/ 'di ltar/ las las 'jig rten sna tshogs skyes/ /de ni sems pa dang nges byas/ zhes bya ba yin no/ /gal te las las skyes pa nyid do zhes ni sgrub pa ma yin te/ las las gzhan pa'i sems pa'i dbang phyug gis byin gyis rlab par sgrub pa'i phyir ro/ /de skad du yang/ de ni dbang phyug gis bskul bas mngon par gsal ba'i las las yin no/ zhes bshad do/ /dbang phyug gi sems pa byin gyis brlabs pa'i las mngon du 'gro ba can nyid bsgrub pa la sgrub pa ma yin no zhe na/ de ni med de/ gal te sems par rang bzhin gyis rang las yod na/ de'i tshe sems pa gzhan sgrub pa ni don med do/ /sems pa med pa de ni 'jug par nus pa ma yin te/ 'di ni de'o zhes nges par brtags nas 'jug pa mthong ba'i phyir ro/ /des na rang nyid nges par btogs nas 'jug par bya ba'am/ nges par rtog pas bskul nas yin te/ rnam pa gzhan med pa'i phyir ro/ /de la sems pa med pa rnams la rang nyid nges par rtog pa med pa'i phyir/ /gal te nges par rtog pa gzhan yang med na ni/ mi 'jug pa nyid du thal bar 'gyur ba'i phyir ro/ /des na sems pa dang ldan pa'i skul ba po 'ga' zhig yong dgos so/ zhes bya ba bsam pa yin no zhes zer te/ de la las kyi rang bzhin sems pa nyid/ /gal te 'jug pa'i rgyu yin no/ /des rtog la yang de yi ni/ /des rtogs gzhan ni 'dod ma yin/ /de lta na yang dpe ma grub pa/ /bum sogs sems pa dang ldan pas/ byas kyang dbang phyug gis byas min/ /dgos pa med phyir gzhan du na/ /de yang rang gi don bya las/ /'jug pa dbang phyug dang ldan pa/ /yin phyir thug pa med par 'gyur/ /'on te rdza mkhan sogs de yang/ /mi shes phyir na bcug nas 'jug de shes pa yi dbang phyug de/ /gzhan gyis 'jug par bya ba min/ /'di ltar/ skye ba po ni shes pa yod min pas/ /bdag gi sdug bsngal bdag la rang dbang med/ /dbang phyug gis kyang yang na mtho ris sam/ /g.yang sa dag tu 'gro ba kho nar 'gyur/ /mi shes pa yi sems dang ldan pa yang/ /nges par rtogs ni mi nus so/ /nges par rtog mi nus pa'i phyir/ bum pa la sogs pa ltar gzhan gyis bskul ba yin no/ /dbang phyug ni ma yin te/ de ni nges par rtog nus pa'i phyir ro/ /des na thug pa med pa ma yin no zhe na/ de yang ma yin te/ byed po grub na kun shes nyid/ /'grub 'gyur thug pa med pas na/ /byed po'ang de las yin pa'i phyir/ /de ni phan tshun rten chen 'gyur/ /gal te dbang phyug dam pa 'di thams cad kyi byed pa po yin no zhes grub na/ de'i tshe 'di thams cad shes pa nyid du 'gyur gyi gzhan du ni ma yin no/ /thams cad shes pa nyid yin yang skul bar byed pa yin par 'gyur te/ de lta ma yin na de'i skul bar byed pa gzhan yin pa'i phyir thug pa med pa nyid de/ /gzhan yang gal te de thams cad shes pa yin na/ ci ste skyes bu mi shes pa dam pa yin pa'i tha snyad la 'jug par byed dpyod pa dang ldan pa ni dam pa'i nye bar bstan pa byed par mthong na/ de'i log par 'jug pa'i skye bo yang skyed par byed pas re ci ltar tshad ma yin/ 'on te de ni dam pa nyid kyi nye bar bsten pa nyid byed pa des na tshad ma yin no/ /chos ma yin pa'i byed pa ni dam pa ma yin pa'i 'bras bu myong bar byed pa yin te/ des na tshad ma'i 'bras bu sbyin par byed pa ni sbyod pa dang ldan pa nyid do zhe na/ de yang ma yin te/ gang gi phyir/ 'di ni chos ma yin pa la'ang/ /skye bo 'jug par byed nyid na/ /mi rigs pa ni byas nas de/ /ci ltar rig pa la 'jug byed/ /re zhig dang po ni sdig pa nyid la 'jug par byed la/ de nas ni de zlog pa'i phyir chos la yin pa'i dbang phyug 'di ci ltar rtog pa sngon du byed pa yin/ de phyir bkrus la dor ro zhes bya ba de byung ba yin no/ /'on te 'di sdig la 'jug par byed pa ni de'i las kyis byin gyis brlabs pa nyid do zhe na/ de lta yin na rtogs par byed pa nyams so/ /las de yang ci'i phyir byed du 'jug ces thal ba mtshungs pas so/ /'on te 'di chos ma yin pa byed du 'jug pa ni ma yin gyi/ chos ma yin pa byed pa de'i 'bras bu myong du 'jug pa yin te/ de las gzhan pa'i dbang phyug bzhin no zhes na/ de yang snying po med de/ dbang phyug gzhan ni nus med pas/ /sdig pa 'gog par byed pa min/ /de ni nus med pa dag las/ /shin tu ldog par 'dod pa yin/ /'on te 'di nus pa med pa nyid yin na/ sdig bzhin thams cad dbang phyug gis/ /byas pa min zhes gzengs bstod la/ brjod bya rang legs byed pa'i phyir/ /chos sogs kyang de las sam ci/ /gzhan yang/ 'jig rten dbang phyug med par yang/ /chos min 'bras bu spyod dam ci/ /med par yang ni ci ltar de/ /byed po nyid du rtogs par byed/ /'on te de med par ni 'ga' / /chos min 'bras bu mi spyod na/ /rtog pa dang ldan ci lta na/ /don dang mi ldan 'di la zhugs/ /rtsed mo don du 'di zhugs na/ /rtog pa sngon byed ga la yin/ gcig cig skad cig tsam 'drangs pas/ /gzhan pa dag ni srog dang bral/ /gzhan yang/ gal te bstan bcos gzhan pa kun/ /dbang phyug rtog pa las yin na/ /bden dang mi bden nyer ston pa/ /byed phyir ci ltar tshad ma yin/ bstan bcos thams cad kyi mtshan nyid phan tshun 'gal bas gnod pa bden pa dang/ bden pa ma yin pa nye bar ston pa byed pa'i phyir 'di tshad ma ma yin pas na shin tu ya mtshan che ba dang/ tshad ma can ma yin pa yang yin no/ /'on te bstan bcos mdza' dag byed pa ma yin na/ de'i tshe bstan bcos gzhan bzhin du thams cad dbang phyug gis byas pa ma yin no/ /'on te 'di chos dang chos ma yin pas skul ba nyid thams cad byed pa yin te/ de lta ma yin na don mi srid do zhe na/ de lta na skye bo tha mal pa thams cad bdag nyid chos la sogs pas bskul nas byed pa'i phyir dbang phyug rtog pa don med do/ /gal te bdag kun thams cad kyi/ /byed po min zhes bya ba ni/ /brtags na de ni thams cad kyi/ /byed po gang du dgos par 'gyur/ /thams cad kyi ni bdag rnams kyi/ /thams cad byed na ci zhig nyams/ de bzhin mang pos gcig dang ni mang po rnams kyang gcig gis byed/ /'on te gzhan tu kun shes nyid/ /mi 'gyur phyir na thams cad kyi/ /byed pa po ni gcig 'dod de/ /gzhan ni byed po nyid ma yin/ /byed pa 'di ni gtso bo ste/ /de la don gnyer mchog thob 'gyur// kun shes tsam gyis nus med pa/ /gzhan gyis bsten par bya ba min/ /de yang mi bden te/ don ni don med byed nus pa/ /bu ram dngar ba byed pa'o/ /kun mkhyen yin yang dgos med phyir/ /bsten par bya ba min par 'gyur/ /kun shes nyid du grub par ni// nus na thams cad byed por nyid/ /thams cad byed po yin na yang/ /de yi thams cad shes nyid 'gyur/ /thams cad shes min byed pa po/ /mthong ba kun rig ci ltar 'gyur/ /de phyir dpe yis grub 'gyur te/ /de lta zhe na myug ma nyams/ /rang gi bya ba rdza mkhan sogs/ shes nyid dbang phyug don med yin/ /las nus grub par 'gyur ba na/ /mkho med ci ltar byed po yin/ /gal te shes kyang rdza mkhan sogs/ /bskul bya yin par 'dod na ni/ /khyad par med phyir dbang phyug kyang/ /de las gzhan gyis bskul phyir 'gyur/ /'on te bdag nyid kun shes 'gyur/ /grub pa mngon par brjod pa 'di/ /kun gyi skul byed 'gyur zhe na/ /de ni de ltar gang gis shes/ /gzhan yang/ bdag nyid brtags nas byed pa gang/ /der ni dbang phyug byed po min/ /kun gyi blo nyid dbang phyug las zhes bya tshad ma dang ldan min/ /rgyu ni gdams ngag la sogs pas/ /de las gzhan pa'i gdam ngag las/ /ston byed yin phyir thog med pas/ /'dod pa thams cad rdzogs pa yin/ /des na 'jug pa thams cad ni/ /dbang phyug gis bskul ga la yin/ /de phyir gtso bo skyes bu la/ /sogs pa'i byed po nges mi 'gyur/ /dbyibs kyi khyad par dang ldan phyir/ /zhes bya ba 'di gtan tshigs ma yin te/ dbyibs thams cad skyes bu sngon du 'gro ba can du ma mthong ngo/ /sa bon la sogs pa rgyu'i khyad par tsam las kyang de mthong ba'i phyir shing la sogs pa'i dbyibs bzhin no/ /de la ci ltar/ shing sogs dbyibs ni sems pa yi/ /rgyu dang rjes su 'brel ma yin/ /de bzhin gtso bo zhes bya bas/ /bcug pa'i bum sogs de ldan 'gyur/ /de ltar shing las shing gi ni/ /rgyu yi sa bon skyes 'gyur ba/ /de bzhin bum pa'ang bum pa yis/ /bcug pa'i 'jim gong las yin no/ /rdza mkhan dag la sogs pa ni/ /rtag tu de yi dbang por 'dod/ /mdog dang lus dang dbyibs de dag /rdza mkhan ni dbyibs la sogs pa/ /de'i skyed byed ma yin no/ /shing gi sa bon rigs mi mthun pa'i dbyibs su skyed par ni legs par bslabs pa'i sems can gyis kyang nus pa ma yin no/ /gal te 'jim gong rdza mkhan gyis dbyibs su byed par dmigs pa ma yin nam zhe na/ ma yin te/ 'jim gong yang de 'dra ba nyid yin pa'i phyir ro/ /'jim gong ni mdog dang dbyibs de 'dra ba'i rang bzhin nyid yin te/ dper na khwa ta'i sa bon shing khwa ta'i mdog dang/ dbyibs dang ldan pa bzhin no/ /de yang ci ltar zhe na/ 'dir brjod pa/ gal te mdog dbyibs rang bzhin nyid nus par sa bon la med na/ /rgyu yi sa bon med pa'i phyir/ /'bras la de ni ga las 'ongs/ /de byed dbang phyug yin zhe na/ /sa bon las ci gzhan las min/ /de ltar sngar ni bsal zin te/ /de rgyu dbang phyug ci ltar yin/ /sa bon gyi rgyu'i shing ni sa bon gyi 'bras bu'i dus na med pa nges na de ni dbyibs kyi rgyu ma yin no/ /dbang phyug kyang ma yin te/ rigs mi mthun pa'i shing gi rgyu'i sa bon las mi 'byung ba'i phyir ro/ /dbang phyug de'i rgyu yin na ni shing gi dbyibs de rigs mi mthun pa'i sa bon las kyang ci ltar mi 'byung/ des na nus pa rang bzhin du/ shing gi sa bon la yod pa'i shing gi dbyibs nyid mngon par gsal ba yin no/ /dper na mun khung na gnas pa'i khyi'u dang bu mo'i sgron ma las yin pa de bzhin du rdza mkhan gyis kyang 'jim gong las dbyibs gsal ba yin no/ /rdza mkhan yang bum pa sogs pa'i sgrub pa na/ dbyibs ni nus pa'i rang bzhin du gnas pa'i dbyibs nyid las yin no/ /des na rdza mkhan la sogs pa'i skyes bu longs spyod pa lo ni dbang po nyid yin gyi/ de la byed po ni 'ga' yang med do/ /de longs spyod par 'dod pas de lta de ltar nus pa'i rang bzhin gtso bo 'jug pa'i phyir ro/ /de skad du yang/ skyes bu'i nye bar spyod pa ni/ /grub phyir gtso bor ba 'jug ste/ /ltad mo pa don grub pa'i phyir/ /gar gyi ltad mo byed pa bzhin/ /des na blo dang ldan pa'i rgyu can las/ bzlog pa grub po/ /'on te skyes bu so so'i bdag nyid tha dad pa'i phyir gzhan 'dod chags la sogs pa dang bral ba'i bdag nyid thams cad kyi dbang phyug cig yod dgos te/ de lta ma yin na/ gang la nye bar spyod par 'dod pa na/ gtso bor 'jug par 'gyur ba 'khor ba pa'i skyes bu rnams la dbyibs dang mdog la sogs pa so sor nges pa sus bstan ce na/ 'di la bshad zin te/ ci ltar ltad mo rnams thog ma med pa can gyi nye bar bstan pa mthong ba las blta 'dod pa tshim pa'i phyir gang byed pa gang la rab tu sbyor ba de bzhin du 'khor ba pa'i skyes bu rnams kyang yin no chas mi shes phyir na'o ma ni/ /ji ltar be'u skyed phyir 'jug /de bzhin gtso bo 'jug 'di yang/ /ci yi phyir na 'dod ma yin/ /de'i phyir mthong ba de ba dang ldan pa'i rang bzhin mthong bas/ bde ba la sogs pa'i rang zhen thams cad kyi rgyur 'gyur ba yin na/ de tsam gyi yongs su rdzogs pa'i phyir dbang phyug mi 'grub po/ /'di ni rigs pa yang ma yin te/ don rnams rtogs pa sngon 'gro can ma yin par mi dmigs pa'i phyir/ de rgyu sems pa can min zhes/ /rigs pa shes pa'i tshul yin no/ /don rnams su rtog pa dang/ /mi ldan pa ni ma rigs med/ /ra sogs ri lam sogs kyis/ /zlum po sogs la min nam ci/ /de lta gtso bo nyid rgyur re/ /zhes bya ba ni grangs can gyi'o// //bam po bzhi pa/ /de la 'di skad brjod de/ dngos po nyid phyir bde sogs dang/ sems pa yin phyir skyes bu rnams/ /gal te rjes 'gro de yi phyir/ /de nyid rgyur ni ci mi 'dod/ /yang dag par na gtso bo la/ /dbyibs dang mdog sogs yod min na/ /ji ltar gtso bo'i kha dog las/ /sogs pa'i 'bras bu med par 'dod/ /ci ste nus pa'i rang bzhin gyis/ /thams cad der ni 'dus pa ste/ /nus kun rang bzhin can gyis ni/ /dngos po gtso bo yin brjod na/ /gzhan bzhin mthong med de la ni/ /de 'dra'i rgyu nyid rjes su dpog /'bras bus 'bras bu gzhan las te/ 'bras bu nyid phyir 'bras gzhan bzhin/ /rgyu med pa yi rgyu ni ma dmigs so/ /des na dmigs pa'i rang bzhin gyis rjes su 'brang ba nyid kyis rgyu nyid rtog pa yin no/ /'on te tha dad pa rnams rjes su 'gro ba'i phyir rjes su 'gro ba can gyi rang bzhin gyi rgyu 'ga' zhig dang ldan par 'gyur gyi/ /rgyu ni 'ga' dang yang rjes su 'gro ba ma yin pa'i phyir ci ltar de la rgyu gzhan yod par 'gyur/ bum pa dang/ kham phor la sogs pa tha dad pa la ni sa'i rang bzhin rjes su 'gro ba'i phyir 'jim gong gcig sngon du 'gro ba can nyid do/ /'jim gong ni? 'jim gong gzhan sngon du 'gro ba can ma yin te/ 'jim gong ni gcig yin pa'i phyir ro/ /'jim gong dang dbyu gu la sogs pa rnams kyang/ ci srid gcig nyid kyi mthar thug par gzhan cig sngon du 'gro ba can yin no zhe na/ de yang ma yin te/ snying stobs la sogs pa dang/ skyes bu rnams la yang rgyu gzhan yod par 'gyur ro/ /'o na rgyu gzhan gcig nyid 'ga' zhig yod mod ce na/ de yang ma yin te/ yon tan gsum sogs rang bzhin du/ /gtso bo de ni 'grub mi 'gyur/ /dngos po nyid kyis rjes 'gro phyir/ /dngos rgyu 'ga' zhig 'dod par gyis/ /dngos po dngos po zhes rjes su 'gro ba'i phyir dngos po'i rang bzhin nyid 'bras bu rnams kyi rgyu yin par 'gyur ro/ /gal te 'jim pa la sogs pa'i rang bzhin las dngos po'i rang bzhin nyid gzhan ni med do/ /des na 'jim pa la sogs pa'i rang bzhin rgyu yin par 'gyur ro/ /de lta yin na gtso bo thams cad kyi bdag nyid can yin no zhes bya bar 'gyur ro zhe na/ de ni med de/ ngo bo nyid kyi rnam kun tu/ /'bras bu rgyu yi rjes 'gro min/ /me sogs gzhan du gyur pa las/ /du ba la sogs gzhan du mthong// gang zhig gang gi rjes su 'gro ba dang ldog pa'i rjes su byed pa de'i rgyu de yin gyi/ de'i rang bzhin ni ma yin no/ /de lta yin dang/ me las du ba dang/ srin la sogs pa las chu la sogs pa yin pas de la 'dra ba med pa'i phyir rgyu dang 'bras bu'i dngos por mi 'gyur ro// 'on te deng yang de lta bur gyur pa'i 'bras bu nyid las 'dra ba'i rgyu 'ga' zhig yod par rjes su dpog go zhe na/ gal te 'dra ba dang rgyu dang 'bras bu'i dngos por 'brel pa yod na rjes su dpogs shig /yod pa ni ma yin te/ khyab pa med pa'i phyir ro/ /gang gis 'khrul pa de yang phyogs su byed do zhe na/ de lta na ni 'o na 'ga' yang ma nges pa zhes bya bar mi 'gyur te/ gang dang gang gis 'khrul pa de nyid phyogs su byed pa'i phyir ro/ /des na thug pa med par thal bar 'gyur ba'i phyir de ni ma yin no/ /ci ste yang/ 'di ni las kyi yongs su gyur ces/ bya ba de ni ga las grub/ /rjes su 'gro dang ldog pa ni/ /las la mthong ba med pa nyid/ /dge ba dang mi dge ba'i las kyang 'gro ba sna tshogs 'di'i rgyu yin no zhes shes pa med do/ /zhes brjod na/ 'di ni re zhig bzhag ste/ gzhan brjod do/ /'dod chags la sogs pa dang ldan yang nus pa mdza' dag dang ldan par 'gyur ro/ /des na rtsed mo'i don du 'gro ba sna tshogs byed pa yin no zhes gang brjod pa la bshad pa ni/ mi shes chags pa dang ldan rnams/ /rtsed brod dag pa'i bdag nyid min/ /cung thad tsam zhig dag pas kyang/ /'phags pa rtsed mo la mi 'jug / ya rabs gzhan ni dmyal sogs kyis/ /'jigs phyir rtsed mo la mi 'jug de la 'jigs pa de med pas/ /ci phyir de las ldog pa yin/ /gal te 'dod chags la sogs kyi/ /dmyal sogs sdug bsngal 'jug byed na/ /de la de med pa 'di ni/ / khyod? la mdza' bshes su yis brjod/ /bsgom pa'i stobs las yang dag 'byung/ /tsandan ste'u mnyam pa la/ /dmyal ba la sogs sdug bsngal gyis/ /gnod pa ma yin zhes byar gnas/ /de ni de lta nyid 'gyur ba/ /yin zhes khyed la de mi rigs/ /'di de'i rang bzhin nyid yin na/ /'gro ba'i rang bzhin nyid du 'gyur/ /'di ni de gcig nyid yin na/ /'di ni rgyal po spyod par gsal/ /gzhan yang/ dbang phyug dbang phyug las 'gyur zhing/ /de'i 'ang gzhan las de las ni/ /gzhan gyi de yang gzhan las de/ /dbang phyug ngo bo nyid kyis ni/ /brgya byin tshangs pa nyid srid pas/ /yon tan khyad 'byung srid na ni/ /dbang phyug nyid kyang thong bya ste/ /dbang phyug rtag tu gnas pa med/ /'on te de yang med nyid ni/ /des na 'khor 'gyur dbang phyug med/ /gang zhig 'di la skur 'debs pa/ /des ni gzhan du 'ang bzod dam ci/ /gang zhig skye bo dam pa ni/ /'du ba grong du bcom pa de/ /skyob pa dag dang bral ba la/ /dgon pa ru ni ga la bzod/ /de ltar gong nas gong du 'gyur ba'i rang bzhin la de'i rjes su 'brangs nas rab tu 'gyur ba ston pa gang yin pa de rjes su 'gro ba med pa nyid kyi dngos po mi spong ngo zhes bya ba de la yid ches pa ci yod/ /de'i phyir/ dngos po dbyibs dang 'brel ba'i phyir/ /byed pos byas par grub na yang/ /rgyu med yon tan ldan par go /gang las 'grub par 'gyur ba yin/ /yon tan khyad par la khyad par du mthong ba'i phyir/ sngar nus pa med pa rnams kyang mngon bya rtson pa'i khyad par las phyis nus par 'gyur ro zhes bya ba 'di ni rigs kyi/ shin tu mtshan nyid mi mthun pa nus pa'i bdag nyid ngo bo nyid kyi grub pa rjes su 'gro ba dang bral ba la ni sgrub par byed pa mi srid pa nyid do/ /gzhan yang/ dbyibs zhes bya 'di dngos po yi/ /gnas par grub pa yod ma yin/ /'khrul pa tsam du yod pa'i phyir/ /de ni rdul phran nyid yin no/ /rdul phra rab dag las tha dad pa'i rdzas la brten pa'i dbyibs ni yod pa ma yin te/ rdul phra rab dag 'ba' zhig tu zad do/ /des na rdul phra rab dag bzhin no zhes chos mi mthun par ji ltar brjod/ /'on te de ni 'jig rten gyi grags pa tsam du rnam par gnas pa nye bar bkod pa yin no zhe na/ de yang mi 'thad de/ rtog pas bkod pa tsam ni ? sgrub par byed pa ma yin pa'i phyir ro/ /'on te rdul phra rab dag nyid rang bzhin nges brjod pa yin no zhe na/ de lta yin na rdul phra rab dag kyang 'bras bu nyid do/ /des na 'bras bu yin pa'i phyir ro zhes bya ba 'di nyid gtan tshigs su dgod par 'os so/ /'on te de lta bur khru ba skyed par byed pa'i rdul phra rab de ltar brjod pa yin na/ de lta na ni 'o na/ gal te rdul phran dngos su na/ /ngo bo nyid kyis snang na ni/ /dbang phyug la ni nga yi dbyibs/ /byed pa'i blo ni ci ltar 'gyur/ /gal te nges par brtags nas ni/ /byed pa de la yod min na/ /brtags nas byed pa min na ni/ /de ni ci ltar kun shes yin/ /'on te dbyibs ni gzhan dag gis/ /khas blangs par ni rtog ce na/ /rang gis rtogs pa ma yin pa/ /gzhan gyis khas blangs ga la yin/ /'on te yan lag can yod pas/ /de ni lan du rjod byed na/ 'di ni phyi nas brtag bya ste/ /shin tu 'thad par dka' ba yin/ /yang na dpe la the tshom za ba yod de/ dbang phyug de yis the tshom za ste/ ma nges pa nyid do/ /dbyibs ma grub pa'i phyir don bya ba byed pa'i rang bzhin nyid gtan tshigs su bkod pa yin no/ /de lta bu'i rang bzhin de ni dbang phyug kyang yin pa'i phyir de nyid kyis ma nges so/ /dbang phyug de ni bsdad cing 'jug pa dang don bya ba byed pa yin yang/ gzhan yang bskul ba ni ma yin no/ /'on te 'di ni rang nyid nus pa yin pa des na gzhan gyis bskul ba ma yin na/ /rdza mkhan la sogs pa yang gang du nus pa der gzhan gyi sa bskul lo zhes mi rigs pa nyid do/ /de dag gi nus pa med pa nyid do zhe na/ nus pa nyid du mthong ba ji ltar mi nus pa yin/ /'on te de yang rjes su dpag pas mthong ngo/ /rjes su dpag pas gzhan rjes su dpog na nus pa yod pa ma yin no/ /rdza mkhan 'ba' zhig la nus pa med do zhe na/ dbang phyug la yang dbang phyug gzhan dpog pas thug pa med do/ /gzhan yang/ rdul phran dag la dbyibs med ces/ /bya ba 'di ni ga las 'dod/ /de nyid phyir na de nyid du/ /rtogs pa 'di ni ga las yin/ /gang gis dbyibs med par 'gyur ba/ /rdul phran rnams kyi rdul phra rab nyid rnam pa de ltar rtogs pa ni med do/ /'on te 'di skad du/ rags pa gang yin pa de ni cha shas bsags pa sngon du 'gro ba can yin te/ dper na rgya mtsho'i thigs pa du ma bsags pa'i rang bzhin yod pa bzhin no/ /rdul gnyis po can gyi mthar thug pa'i rags pa du ma tshogs pa'i rang bzhin yin te/ de'i phyir rdul phra rab grub po zhes brjod na/ de yang ma yin te/ rdul brgyad pa las pha rol gyi/ /rang bzhin yod zhes gang las rtogs/ gal te rjes dpag las yin na/ /de las gzhan yang ga las rtogs/ /'di rdul brgyad pa'i rang bzhin nam/ /gzhan du zhes bya'i tshad ma gang/ /rdul phran mthong ba yin na ni/ /de yi grangs ni grub par des/ /'on te shin tu de rags des/ /rdul phran gnyis can yin zhes na/ /gang tshe rdul gnyis can sogs pa/ /mi mthong 'di rigs gang las ltos/ /rjes su dpag pa las ltos na/ /thug pa med par thal bar 'gyur/ /rjes su dpag pa ltos bcas pas/ /thams cad rags pa nyid du 'gyur/ /'on te mthong ba'i dngos gang de/ /tha mar rdul phran yin 'dod na/ zlum po la sogs pa'i dbyibs/ /ci yi phyir na dmigs ma yin/ /gal te rdul phran grub min na/ /yan lag can ni ga la srid/ /rdul phran rnams ni grub ce na/ yan lag can ni ga la srid/ /phyogs gcig gi ni reg na de/ /ji ltar rdul phran yin par 'gyur/ /thams cad phyogs ni gcig nyid kyi/ /'byar ba nyid du dmigs pa yin/ /des na 'byar ba yod pa'i phyir/ /rags pa'i don bzhin rdul phran min/ /'on te yang rdul phra rab gnyis kyis ni/ ldan pa don gzhan skyed par byed kyi bdag nyid thams cad dam/ phyogs gcig gis reg pa ni ma yin no snyam na/ de yang ma yin te/ gal te ma reg par yang ni/ /ldan par skyes na de de nyid/ /ji ltar soms shig rnam pa ni/ /rdul phran rnams la reg par 'gyur/ 'on te yan lag can gcig der/ /de la rnam gcig blo yin na/ rdul phran bar dang bcas pa rnams/ rtag pa'i phyir na mthong bar 'gyur/ /gal te kho bo can sogs kyis/ /rdul phran mthong ba ma yin yang/ /dbang phyug dbang pos blta bya ba/ /de dag la ni med ma yin/ /'on te de dag gnyi ga ni/ /mthong ba phrog du ci ltar yin/ /de lta yin na gzhan du ni/ /mthong ba 'khrul ba nyid du 'gyur/ rags pa cha shas ldan pa sngon du 'gro ba can yin no zhes bya ba 'di ga las yin/ gal te 'jim gong la sogs pa la/ dmigs su chug kyang myu gu la sogs pa la ni ma dmigs pa nyid do/ /'di ltar/ wa Da'i sa bon shin tu chung// de yi 'bras bu shin tu rtsom/ /de la yan lag ldan pa ni/ /sngon yod min na ji ltar 'gyur/ /yan lag yod pa rnams nyid ldan pa yin no zhes bya ba ni gzhung yin no/ /rags pa'i rang bzhin 'di lta bu la sogs pa'i yan lag rnams ni de'i sngon rol tu ma dmigs des na ji ltar ldan pa yin zhing yan lag can yang ga la yin te/ de bas na thams cad mun khung gi gar yin no/ /'on te nam mkha' i phyogs khyab pa'i rdul phra rab rnams nyid ma mthong ba lhan cig pas rtsom par byed do zhe na/ de ni mi rigs te/ yod pa gnas pa bsags par byed dam ci/ /rgyu de las ni sngon med pa/ skye zhes de la kho bo cag /the tshom za ba thams cad nyid/ /'on te ma mthong dpe las ni/ /yod do zhes ni rtogs 'gyur te/ /sgron ma dpe yi stobs kyis ni/ /grangs can lta ba 'ongs pa yin/ /de phyir dbang phyug byed po zhes/ /bya ni shin tu thag ring 'gyur/ /sgrongs la sogs gsal byed dag /sems pa dang ni ldan ma yin/ /sems pa med pa gsal ba'i phyir/ /ji ltar dbang phyug sgrub byed yin/ /de yang sems pa byin brlabs na/ /'di la lan ni sngar btab po/ /des ni gang gang gang gang las de de de dang de las yin/ la la sems pa can las dang/ /la la gzhan las zhes byar nges/ /de ltar min na dngos nyid phyir/ /ser po dkar 'gyur dkar gzhan bzhin/ /mngon sum gnod pas min zhe na/ /de 'dir med phyir ga las rtogs/ /nga las med phyir de min na/ /khyod kyis ma mthong tshad ma min/ /khyod kyis ma mthong tshad ce na/ /dbang phyug med ces rtogs par gyis/ /khyod kyis ma mthong de tshad ma/ /min na dbang phyug med shes kyis/ /gzhan gyis yang 'bras bu zhes bya tsam mam/ dbyibs zhes bya ba tsam mam/ dngos po zhes bya ba tsam gyis ni/ mngon par 'dod pa'i rgyu rjes su dpog par byed pa ma yin no/ /skyes bu'i 'dod pas ni gtan tshigs bsgrub bya sgrub pa'i phyir 'jug pa ma yin te/ de lta ma yin na dbang phyug la yang bzlog par yang 'gyur te/ de yang grub par thal ba'i phyir ro// des na 'ga' i yang 'ga' yang mi 'grub par mi 'gyur ro/ /'on kyang ji 'dra ba las ji lta bu dmigs pa de 'dra ba nyid rjes su dpag par byed do zhes bshad pa ni/ /dbyibs sogs ci 'dra byin rlob po/ /yod med rjes 'jug can grub pa/ /de las rjes su dpog gang yin/ /de ni rigs pa nyid yin no/ /dbyibs la sogs pa ci 'dra ba zhig /byin gyis rlob par byed pa po yod pa dang med pa'i rjes su 'jug par byed par mthong ba 'am/ ci 'dra ba'i byin gyis rlob par byed pa po yod pa dang med pa'i rjes su 'jug par dmigs pas gang yin pa de 'dra ba las de nyid du rjes su dpog pa zhes bya ba ni rigs pa yin no/ /dbyibs sam dngos po nyid dam/ sdod nas 'jug pa ci 'dra ba zhig /ci 'dra ba las dmigs pa de 'dra ba las de 'dra ba'i byin gyis rlob pa rjes su dpog par rigs kyi/ gzhan du ni ma yin no zhes bshad pa ni/ tha dad dngos la rab grub pa/ /sgra mtshungs pas tha dad med phyir/ /rjes dpog rigs pa ma yin te/ /skye bo'i rdzas la me bzhin no/ /gal te dbyibs kyi khyad par ram/ /byed pa po yi khyad par gyi rjes su 'gro ba btang nas/ dbyibs kyi sgra tsam gyis brjod par bya ba 'am/ dngos po tsam gtan tshigs su len na ni de'i tshe rjes su dpag pa mi rigs par 'gyur te/ /skya bo'i rdzas las me bzhin no/ /de la skya bo'i khyad par du bar gtogs pa gang yin pa nges par bzung ba yin no/ /'o na du ba nyid las rjes su dpog pa ma yin nam/ skya bo nyid kyis ci bya zhe na 'dir smras pa/ khyad par can gyi skya bo nyid/ /du ba zhes ni brjod pa yin/ /du ba tha dad pa nyid ni/ /skya bo nyid kyi khyad par min/ /du bar gtogs pa'i skya bo las/ zhes bya ba'i don ci yin zhe na/ /me'i rjes su 'gro ba ldog pa'i rjes su byed pa'i skya bo las so zhes bya ba yin no/ /gal te de'i rjes su 'gro ba dang ldog pa'i rjes su byed pa nyid ji ltar rtogs par bya zhe na/ 'di la yang du ba nyid me med na mi 'byung ba yin no zhes rgyu dang 'bras bu'i dngos po ma bzung ba ni/ rjes su dpag par mi 'gyur ro/ /de lta yin dang shin tu cher/ /dbang phyug mi 'grub 'gyur ba'i phyir/ /skyed 'dod pas dngos kyang nyams so/ /de'i phyir dbyibs kyi khyad par can bum pa la sogs pa'i dpe tha dad pa'i dngos po la mthong ba'i khyad par skyes bus byin gyis brlabs pa'i bye brag gang yin pa de/ sgra mtshungs pas tha dad pa'i phyir rjes su dpag par ni rigs pa ma yin la/ de bzhin du dbang phyug kyang ngo zhes bya ba 'di ni gcig tu des pa yin no/ /'on te yang khyad par dang bral ba'i skya bo nyid las rjes su dpag par 'jug pa des na mngon sum gyis gnod par 'gyur ro/ /thams cad du skya ba nyid yod par me dang ldan pa ni ma yin te/ mngon sum gyis bzlog par mthong ba'i phyir ro/ /dbang phyug rjes su dpog pa la ni gnod pa med pa'i phyir/ /de rjes su dpag go zhe na/ de ni med de/ gnod pa med pa tsam gyis ni/ /rjes su dpag pa 'jug ma yin/ /de ni 'brel pa mthong ba las/ /'jug pa yin zhes brjod pa yin/ /de lta yin na rdza mkhan gyis/ /bum pa la sogs 'jim pa yi/ /rnam 'gyur 'ga' zhig byed pa'i phyir/ /grog mkhar yang des byas grub 'gyur/ grog mkhar rdza mkhan gyis pa la ni gnod par byed pa yod pa ma yin no/ /gal te ma mthong ba nyid gnod par byed pa ma yin nam/ gal te byed pa po rdza mkhar yin na ni dmigs pa nyid du 'gyur ro zhe na/ ci dbang phyug kyang ma dmigs sam/ gal te de ltar na ma mthong ba'i las kyang brtag par mi bya'o zhe na/ de cing ni bu ga yin pa tsam gyis pus mos bcad dam/ 'on te las brtags nas kyang dbang phyug gzhan rtog na/ des na de las kyang gzhan yin pa'i phyir thug pa med par 'gyur ro/ /gzhan yang 'bras bu de la ma mthong ba'i/ /rdza mkhan yang ni brtag par gyis/ /brtag pa nyid du dka' ba ste/ /dbang phyug la yang med dam ci/ /'on te grog mkhar la/ dbyug gu dang 'khor lo dang/ lag pa'i bya ba'i rjes su 'gro ba ma dmigs so zhe na/ gal te 'o na ni khyed kyi 'di cher zhib tu rtog pa yin te/ de'i tshe ri la sogs pa dbyibs nges pa med pa rnams la yang rtog pa dang ldan pa'i 'jug pa ma dmigs pas 'di yang byas pa ma yin te/ phyed rkas pa 'dzin tam ci/ 'on te ri la sogs pa ni sa 'dzin pa tsam byed pa la nye bar mkho bas/ ri la sogs pa de yang dbyibs legs par bsgrubs pas ci bya zhe na/ de lta na ni 'o na/ sa 'dzin nyer mkho med pas dbyibs/ /rnam pa gzhan du byed dam ci/ 'on te de la skyes bu rgyu/ /min pa des na mi mdzes nyid/ /ci skyes bu byed pa po yin yang nye bar mkho ba med pas na dbyibs shin tu leb pa mi skyed pa yin nam/ 'on te skyes bu byed pa po ma yin zhes the tshom za ba nyid do/ /gal te skyon 'di 'bras bu dang mtshungs pa ma yin nam/ 'di ltar rtsol ba'i 'bras bu du ma'i phyir na 'bras mtshungs so/ /btsal ma thag pa yin pa'i phyir na sgra ni 'bras bu yin no/ /zhes bya ba la btsal ma thag tu gsal ba yang mthong ba'i phyir sgra 'bras bu ma yin no zhes bya ba ste/ de bzhin du 'dir yang dbyibs gzhan gyi 'bras bu yang mthong ngo zhes bya ba yin no zhe na/ bsgrub bya rjes 'gro phyir 'bras bu/ /spyis kyang sgrub par byed pa la/ /'brel pa can ni tha dad phyir/ /tha dad brjod skyon 'bras mtshungs 'dod/ /bsgrub par bya ba 'bras bu nyid la sogs pa'i spyis kyang sgrub par byed pa la ste/ sgrub par byed pa'i yul la brjod pa'i skyon gang yin pa de 'bras mtshungs 'dod de/ 'bras mtshungs kyi ltag chod kyi rang bzhin no/ /ci 'dra ba'i skyon zhe na/ /tha dad pa brjod pa ni nye bar bkod pa ste/ ci 'bras bu nyid mngon par gsal ba'i gyur pa gzung ngam/ ci ste skye bar 'gyur ba gzung zhes 'brel pa can tha dad pa las tha dad par brjod pa'i skyon gang yin pa de ni 'bras mtshungs so/ /de la yang gal te ma nges brjod par byed pa rtsol bas sgribs pa bsal ba'i phyir zhes de ltar yang mi 'gal na ltag chod ma yin no/ /'on kyang cis kyang sgrub par byed par 'gyur ba yin te/ gang gi phyir rtag pa la ni mngon par gsal ba yang 'gal ba nyid de des na ltag chod yin no/ /de lta ma yin na ni nges par brjod pa bden pa nyid do/ /'on te 'dir lan ni 'bras bu gzhan nyid yin na rtsol ba rgyu nyid ma yin pa ni ma dmigs pa'i rgyu 'thad pa las yin no/ /'bras bu gzhan nyid yin na ni/ sgra la btsal rgyu ma yin par 'gyur ba ni bar chad la sogs pa mi dmigs pa'i rgyu 'thad pa las yin no/ /sgra la ni bar chad la sogs pa'i rgyu 'thad pa ma yin te/ des na de ni btsal ma thag tu mngon par gsal ba ma yin no/ /gang zhig btsal ma thag tu mngon par gsal ba de la mi dmigs pa'i rgyu bar chad 'thad pa yin la/ bar chad gsal ba las don dmigs pa ni btsal ma thag tu 'byung ba yin te/ des na dmigs pa'i mtshan nyid mngon par gsal bar 'gyur ba yin no zhes so/ /'di la brjod pa ni gal te mngon par gsal ba dang/ 'brel ba rtag la'ang 'thad ldan na/ /sgra la'ang de ni yod min zhes/ /'di ni gong las ci ltar shes/ /'on te 'ang/ sgra mi dmigs pa bum sogs bzhin/ /bar chod la sogs pa yi sgra/ /gsal bar rtogs pa yod min pa/ /rtsol ba las skyes de ma mthong snyam na/ de yang mi bden te/ sgra la bar chod la sogs pa/ /yod do zhes ni brtag par gyis/ /ngo shes pa ni yin pa'i phyir/ sgra ni 'jig pa ma yin nyid/ /bum pa la sogs pa yang sngar dmigs pa bar du chod pa'i gnas skabs na ma zhig go zhes/ bar chad dang bral ba la ngo shes pa nyid las rtogs pa yin no/ /sgra yang ngo shes pa'i phyir de bzhin du rigs so/ /'on te gzhan gyis dmigs pa'i phyir de ltar rtogs pa yin gyi/ ngo shes pa ni ma yin na/ gzhan gyis dmigs pa las rgyud nas de ltar rtogs kyi rang nyid ngo shes pa las dngos su ni ma yin no/ zhes bya ba ni de kho na mthong ba chen po yin no/ /gzhan yang/ gzhan gyis kyang ni ngo shes las/ /gzhan pa las ni shes min na/ /gzhan las kyang ni ji ltar de/ /rtag pa nyid du 'gyur ba yin/ /de'i phyir 'dir/ spyis kyang sgrub par byed pa la/ zhes bya ba la sogs pa sngar brjod pa nyid lan yin no/ /yang na/ 'bras nyid gzhan gyi cha yis ni/ /bsgrub bya grub par ston pa gang/ /de ni 'bras mtshungs smra ba po'i/ /bsam pa las te rnam gsum mo/ /zhes slob dpon gyis bstan pa'i 'bras mtshungs kyi mtshan nyid las bsten nas de skad bshad pa yin no/ /rkang mig gi mtshan nyid ni mi 'thad do zhes bstan zin to/ /'di'i don ni 'di yin te/ gal te byas pa'i phyir sgra mi rtag ste bum pa bzhin no/ zhes byas na 'bras bu gzhan gyis bum pas mi rtag pa yin pas/ 'dir sgra la cir 'gyur zhes bya ba ni 'bras mtshungs yin no/ /'di ni smra ba po'i bsams pa las rnam pa gsum ste/ gal te smra ba po bum pa'i 'bras bu nyid sgra la med do/ /zhes rtsod par byed na ni ma grub pa lta bu/ 'on te sgra'i 'bras bu nyid bum pa la sogs pa mi rtag pa dag la med do zhes bya ba yin na ni/ de las 'gal ba ltar snang ba'o/ /'on te de rtag pa dag la yang med do zhes bya ba yin na ni thun mong ma yin pa'i phyir ma nges pa ltar snang ba'o// rnam par rtog pa dang mtshungs pa ni chos mthun na yang khyad par brjod pa rtog pa dang mtshungs pa yin no/ /dper na snga ma bzhin du bum pa dang chos mthun pas mi rtag par byas na/ chos mthun pa de yod kyang chos par bya ba nyid dang/ mig gis bzung ba nyid la sogs pas bum pa nyid mi rtag pa yin gyi/ gzhan ni ma yin no zhes brjod pa lta bu'o/ /gal te 'dir yang dbyibs nyid la sogs pa'i 'bras bu spyis sgrub par byed pa ma yin nam/ ri dang bum pa la sogs pa'i dbyibs yongs su brtags pas/ 'brel ba can gyi sgo nas khyad par yongs su rtog na ni 'bras mtshungs brjod pa nyid do zhe na/ de ni mi bden te/ dbyibs la sogs pa dag gi spyi/ /blo sngon byed pa las byung min/ /de ni shing sogs gzhan la yang/ /mthong ba'i phyir zhes brjod zin to/ /'brel pa yi ni khyad par dag / spangs nas 'gar ni sgrub byed gang/ /de ni shin tu 'brel med de/ /mi rtag bya rog nag pos bzhin/ /'dir gzhan dag smra ba ni/ gal te blo sngon du byed pa rjes su 'gro bar ma mthong bas dbyibs la sogs pa de nyid sgrub byed du mi 'gyur mod/ dbyibs dbyibs zhes bya ba la sogs pa'i sgras brjod par bya ba ni rjes su 'gro ba yin te/ des na des mtshan nyid gcig pa'i phyir gcig gi 'bras bur grub po zhe na/ de ni ma yin te/ 'di ltar/ rtog pa tsam gyis bkod pa'i chos/ /don nye ba dang bral bas las/ /don de yod par 'gyur na ni/ /gang du 'dod pa der 'gyur ro/ /rigs gzhan las ni rab grub pa/ /sgra yi spyi ni mthong ba las/ /sgrub byed mi rigs ga la sogs/ /gau yin phyir rwa can bzhin/ /dag la sogs pa dang mtshan nyid mi mthun pa rigs gzhan la rab tu grub pa'i rwa dang 'brel ba de/ ci go zhes tshig tha mi dad pa tsam gyis rjes su dpag par bya ba 'am/ don gcig na yang skya bo las/ /rjes su dpog pa min zhes brjod/ /gang la don kyang yod min ni/ /sgra tsam mtshungs par smos ci dgos/ /re shig don ni mngon par 'dod pa'i bsgrub bya dang 'brel pa srid pa nyid do/ /de la yang rtog pa zhib mo dang ldan pa dag gis sgrub par byed pa ma yin par brjod na gang la bsgrub bya dang 'brel pa 'di tsam yang ring du byas pas sgra mtshungs pa lta ci smos/ 'di ltar/ brjod par 'dod pa'i gzhan dbang phyir/ sgra rnams gang la'ang med ma yin/ /de yod pas na don 'grub na/ /thams cad kyis ni thams cad 'grub/ /sgra 'di dag ni 'ga' la yang med pa ma yin te/ brjod par 'dod pa thams cad la bkag pa med pa'i phyir ro/ /gal te de las don grub na ni 'ga' yang don grub pa dang bral bar mi 'gyur ro/ /des na gzhan gyis khas blangs pa ni ma yin no/ /'dis ni ser skya la sogs kyis/ /mi rtag sogs phyir sems med la/ /srog dang shun pa bshus na ni/ /ci phyir sems ldan dpyad pa yin/ /ser skya la sogs pa'i sems pa med pa can nam gzhan dag gang las grub pa'i khang bzangs kyi rtser 'dzeg par 'gyur ba de ni don gyi de kho na nyid du med pa'i phyir sgra tsam mtshungs pa nye bar bkod pa yin no/ /'di ltar/ mi rtag pa nyid grangs can la/ /dngos por grub pa yang ma yin/ /de ni don rnams mi gsal ba/ /yin gyi rjes 'gro med 'jig min/ /mngon par mi gsal ba'i mi rtag pa de nyid ni sangs rgyas pa la ma grub po/ /'o na gang yin zhe na/ rjes su 'gro ba med par 'jig pa nyid do/ /gal te zhig pa dang mngon par mi gsal ba dag bskal bar mtshungs pa ma yin nam zhe na/ bskal pa zhes bya ba 'di ni ci zhig /mi mngon pa nyid do zhe na/ 'o na ri bong rwa la sogs pa dang gtso bo la sogs pa yang mi rtag par 'gyur ro/ /yod pa mi mngon pa'i bdag nyid yin na yang gtso bo la sogs pa yang 'gyur ro/ /snang ba mi mngon par 'gyur ba yin no zhe na/ snang ba ces bya ba 'di ci zhig gal te don gyi ngo bo nyid yin na ci ltar snang ba mi snang bar 'gyur te/ de spangs na dngos po'i rang bzhin nyid med par 'gyur ro/ /'on te snang ba'i bdag nyid dngos po las gzhan yin na/ 'o na de med pa nyid ji ltar rjes su 'gro ba med par zhig pa ma yin/ gzhan med na gzhan bskal bar yang mi 'gyur ro/ /de yang thams cad kyi tshe gtso bo dang mtshungs pa'i phyir mi rtag pa nyid ma yin par 'gyur ro/ /de'i phyir sgras btags pa tsam nyid sgrub byed du blangs pa yin no/ /shun pa bshus na 'chi ba'i phyir zhes bya ba yang de bzhin te/ shun pa thams cad bshus na 'chi ba'i phyir zhes bya ba ni 'chi ba'i sgra 'jug pa tsam nyid do/ /rnam shes la sogs 'gags pa ni/ /'chi bar sangs rgyas pas rtogs phyir/ /gang la shing la rnam shes ni/ ma grub de yang 'chi de bzhin/ /sangs rgyas pa gang shing dag la rnam par shes pa yod par the tshom za ba de/ de sngon du song ba 'gags pa yi/ rang bzhin 'chi ba la the tshom mi za'o zhes yid ches pa ci yod/ rnam par shes pa 'gags pa ni rnam par shes pa med pa las yod pa ma yin no/ /tshe yang de bzhin te/ tshe ni srog yin drod dang ni/ /rnam shes rten gang yin pa'o/ zhes bshad pa'i phyir ro/ /'chi ba khas len ji ltar sems pa can du khas mi len/ des na 'di shing dag la bskams pa 'chi bar brjod pa yin no/ /de yang rnam par shes pa'i sgrub par byed pa ma nges pa yin te/ 'dam la sogs pa la yang mthong ba'i phyir ro/ /'chi ba'i sgra 'jug pa'i phyir de la yang grub pa yin no zhe na/ 'di la brjod par 'dod pa'i gzhan dbang phyir/ zhes bshad zin to/ /'on te don mthong bas der brjod par 'dod pa yin pa des na skyon 'di med do zhe na/ 'chi ba grub na de yi sgra/ /'brel pa yin par grub par 'gyur/ sgra ni 'brel pa yin pas na/ /de las 'chi ba 'grub pa nyid/ /de lta bu'i 'chi ba mthong ba las byung pa yin na/ sgra las rnam par shes pa la sogs pa 'gag pa'i mtshan nyid 'chi bar 'grub la de lta bu'i 'chi ba mthong ba las byung ba yang 'chi ba grub na yin pa'i phyir phan tshun rten pa'i skyon yin no/ /'o na de sgra don gyi 'brel pa rtag pa nyid yin na/ /de lta na dag la sogs pa la yang rwa can nyid do// 'on te dag la sogs pa la yod pa'i go'u'i sgra ni gzhan nyid yin pas de ni rwa can la 'brel par mi 'gyur ro zhe na/ 'o na 'chi ba'i sgra yang gzhan ma yin no/ /zhes bya ba 'di la khyed la tshad ma ci yod/ des na mi rtag pa nyid la sogs pa'i sgrub par byed pa ni sgrub par byed pa nyid ma yin no/ /de bzhin du yod pa nyid dang dbyibs la sogs pa yang yin pas sgrub bya mi 'grub bo/ /gal te khyad par yongs su brtags pas dbyibs la sogs pa dang mi rtag pa la sogs pa sgrub par byed pa nyid ma yin na/ 'o na byas pa nyid la sogs pa gzhan yang sgrub par byed pa ma yin pa nyid do/ /rgol ba gzhan la bltos pas sam/ rnam par brtags pa ni thams cad ma grub pa nyid do/ /'di ltar/ nam mkha' yon tan sgra yi chos/ /gzhan la rab tu grub ma yin/ /bsgrub bya dpe yi chos dag ni/ /phan tshun du ni ma grub nyid zhe na/ de ni ma yin te/ lung gi nam mkha' i chos nyid ni/ /'ga' la yang ni gnod pa med/ /khyad par rtogs par byed na ni/ /gtan tshigs nyid ni nyams par 'gyur/ /de'i phyir/ dngos po'i ngo bor ma grub la/ /tshul 'di grub na ma grub kyang/ /khyad par gnod byed ma yin te/ /sgra ni nam mkha' la brten bzhin/ /lung las grags pa'i nam mkha' i yon tan nyid/ sgra las ma grub kyang/ sgra'i rang gi ngo bo ni chos can du 'grub pa nyid pas chos can ma grub pa nyid ma yin no/ /de bzhin du khyad par yongs su rtog pa la yang gtan tshigs chos can dang 'brel pa ma grub pa 'am/ thun mong ma yin pa nyid kyis ma nges pa ma yin no/ /chos can nyid ni tshad mas grub pa yin pa'i phyir ro/ /khyad par ma grub na ma grub par 'gyur ba ma yin la/ khyad par yongs su rtog pa yang mgar yang nye bar 'kho ba ma yin pas/ de la gdon mi za bar khyad par yongs su bzung ba ma yin no/ /'di ltar/ mi rtag pa dang 'bras nyid kyi/ /spyi ni nye bar 'kho ba yin/ /khyad par rab tu grub par ni/ /'gas kyang 'dod pa ma yin no/ /rgyu yi de ma thag byung dang/ /de yi mod la 'jig nyid ni/ /bum pa dang ni sgra dag la/ /khyad par du ni rjes 'brel min/ /snga ma dang phyi ma'i rang bzhin gyis/ dben pa nyid ni 'gar khyad par yod pa ma yin no/ /phyogs de ni de khyad par du byed pa ma yin te/ de ni gcig tu 'dzin pa'i yul yin pa'i phyir ro/ /des na 'di la rnam par rtog pa med do/ /dbyibs la sogs pa la ni de dang 'brel ba ma grub pa nyid do/ /lhag ma ni sngar bshad pa nyid do/ /dbyibs kyi sgra tsam ni sgrub par byed pa ma yin pa nyid de/ 'di ltar/ sgra ma grub kyang dngos po ni// grub na 'grub par 'gyur te dper/ /'ug pa pa la sangs rgyas pas/ /lus sogs sgrub byed bshad pa bzhin/ /rdul phran dag ni mi rtag pa nyid te lus can yin pa'i phyir ro/ /zhes bye brag pa la sangs rgyas pas sgrub par byed pa brjod do/ /de la sgra ni phan tshun mngon par 'dod pa'i yul la grub pa ma yin te/ rdzas thams cad du song ba ma yin pa'i tshad ni de'i lus can gyi sgras brjod par bya ba yin pa'i phyir dang/ bde bar gshegs pa ba rnams la ni reg pa dang ldan pa lus can yin pa'i phyir ro/ /gal te sgra d e nyid phan tshun du mngon par 'dod pa'i yul la ma grub pa de lta na yang des mngon par 'dod pa'i don ni gnyi ga la grub pa'i phyir sgra ma grub pa sangs rgyas pa'i mngon par 'dod pa'i dngos po gnyi ga la grub pas mngon par 'dod pa'i bsgrub par bya ba'i don 'grub po/ /gal te ci ltar dngos po mi 'khrul ba 'am/ grub pa nyid yin na/ bsgrub pa 'grub pa de bzhin du sgra las pa de lta bu nyid ma yin nam/ 'di gnyis la khyad par ci yod ce na/ ma yin te/ de nyid 'khrul la sogs yin na/ /sgra ni 'khrul pa med na yang/ /sgrub byed skyon ldan shes bya ste/ /dngos las dngos ni 'grub phyir ro/ /ci ltar sgra ma grub kyang dngos po'i dbang gis bsgrub bya'i grub pa de bzhin du dngos po ma grub kyang sgra'i dbang gis bsgrub bya 'grub pa ni ma yin gyi/ 'on kyang sgra 'khrul pa med kyang dngos po'i de nyid 'khrul pa dang ma grub pa dang 'gal ba yin na sgrub par byed pa skyon dang ldan par shes par bya'o/ /sgra 'khrul pa med na yang ngo/ /re shig dngos po 'khrul pa la sogs par gyur na sgra ma 'khrul pa nyid du mi 'gyur ba nyid do/ /khas blangs nas kyang bshad pa ni sgra 'khrul pa med du chug mod/ de lta na yang sgrub byed skyon dang ldan pa yin no/ /ci'i phyir zhe na/ dngos po las dngos po 'grub kyi sgra las ni ma yin no/ /gal te sgra mi 'khrul pa bsgrub bya la ma yin nam/ de lta yin na sgra las bsgrub bya 'grub par 'gyur ro/ /'on te de las bsgrub bya mi 'grub na/ ci ltar sgra mi 'khrul ba yin zhe na/ 'dis ni 'di skad ston pa yin te/ sgra ni dngos po sgrub par byed pa'i sgo nas bsgrub pa 'am/ nye bar sbyor ba yin gyi/ dngos su ni ma yin no/ /des na sgra mi 'khrul par 'dod kyang don spangs nas ni bsgrub bya bsgrub par nus pa ma yin no/ /des na don la brten pa'i dpyad pa nye bar mkho ba yin no/ /dngos po 'khrul pa dang cig shos nges par brtag pa ni phyis bshad par bya'o/ /de'i phyir gang las dbang phyug 'grub par 'gyur ba don gyi rang bzhin gyi gtan tshigs ni yod pa ma yin no/ /des na mi rtag na yang tshad med nyid ces bya bar grub po/ /de bzhin du rtag pa yang ngo/ /rtag pa nyid kyis ni nam mkha' la sogs pa dang dbang phyug la rgyu dang rgyu ma yin pa nyid kyi rnam par dbye ba ni yod pa ma yin te/ /'di ltar/ ji ltar dngos de rgyu yin pa/ /de ltar nyid de gang gi tshe/ /rgyu min gang gis de ni rgyud/ /'dod la rgyu ma yin mi 'dod/ /ji ltar dbang phyug khyab pa dang/ /rtag pa nyid la sogs pa'i chos can yin pa de bzhin du nam mkha' la sogs pa'i yang yin pa des na mtshungs pa nyid yin yang dbang phyug ni rgyu yin la/ nam mkha' la sogs pa ni rgyu ma yin no/ zhes bya ba'i rnam par dbye ba ga las yin/ 'on te de ni byed par 'dod pa'i mtshan nyid kyi shes pa dang 'brel ba ste de skad brjod do zhe na/ de yang ma yin te/ de la yang mtshungs pa'i phyir ro/ /gzhan yang byed par 'dod pa tsam gyis ni/ /rgyu zhes bya bar rtogs ma yin/ /'di ni bya rog ta la'am/ /de bzhin 'on te rgyu yin ci/ /gal te la sogs gsal nas ni/ /byed pa yin na rgyu yin nyid/ /de lta min ni kun gyi rgyu/ /thams cad yin par cis mi 'dod/ /yang na ji ltar spyod pa las sngar de rgyu ma yin pa de bzhin du/ bskyed pa'i gnas skabs na yang khyad par med pa'i phyir rgyu ma yin pa nyid de/ 'dod chags la sogs pa thams cad las nges par grol ba ni bya ba med par 'dug pa nyid rigs so/ /'jig rten gyi las bdag por gyur pas bya ba med par 'dug pa'i dbang med do zhe na/ ma yin te/ pha rol las kyi gzhan dbang gyur pas 'di/ /ji ltar dbang phyug dbang phyug min pa nyid/ 'on te de la brtse tshul khyod yin na/ /dmyal sogs bsgrub phyir brtse ba med pa cis/ / 'jig rten las nyid de 'dra phyir de la/ de byed nus med na 'di dam pa min/ /dam pa gal te legs byed nus med kyang/ /legs min bya la de ni 'jug gam ci/ /dam? pa med pa'i bya ba ni/ /dam pas yal bar dor ba'i rigs/ /rma la rgya tsha 'debs pa ni/ /dam pa dam pa'i spyod pa min/ /'on te tshul 'di ni 'di lta bu nyid yin la/ 'di ni de nyid gsal bar byed pa dang/ de bya ba'i phyir spyod pa yin no/ /da'i? rang bzhin 'di lta bu yin te/ des bzlog par ni mi nus so/ /de la 'jig rten gyi ci rigs par spang bar bya ba yin no zhe na/ 'di bdag nyid la yang dbang med pa'i phyir/ 'di gsal bar dbang phyug yin no/ /rang las 'tsham pa'i spyod pa la/ /'jig rten dbang phyug cis ma yin/ gal te de yang dbang phyug gis/ /bskul na phan tshun rten de nyid/ /de lta yin na gcig kyang ni/ /srid par 'thad pa ma yin no/ /gal te dbang phyug la ni nus med na/ /legs te 'gro ba las kyis bsgrubs par gyur/ /gal te 'jig rten rang dbang skyes na 'dir/ /las smra ba nyid dge bar brjod pa yin/ /ci ste yang gal te bdag cag lta bu de kho na nyid ma mthong ba dag gis ma shes na yang de dbang phyug gis kyang brgya zhig la rgyu nyid du 'gyur ro zhe na/ de lta na ni 'o na/ de 'grub bya phyir de nyid mthong ba nyid/ /shes bya de yis shes par byed pa yang/ /gzhan yin thug pa med par 'gyur ba'i phyir/ /dbang phyug du ma dag tu 'gyur ba yin/ /bdag cag la sogs pa ni/ mtshon dang sman sogs dang 'brel pas/ /nag pa'i rma dang 'drubs yin na/ /'brel med sdong du ma ci yi phyir/ /rgyu nyid du ni rtogs mi byed/ /'on te 'brel pa med pa'i phyir de ni sdong dum gyi byed pa med pas rgyu nyid ma yin no zhe na/ sdong dum gyi byed pa yang brgya zhig la yod pa ma yin te/ de ni de kho na nyid ma mthong ba bdag cag lha bus mi dmigs pa yin no/ /'o na mi dmigs pa nyid kyis sdong dum gyi byed pa med pa yin no zhe na/ de lta na ni 'o na/ rang bzhin khyad par med par ni/ /byed pa yang ni mi rung ngo/ /rtag la ldog pa med pa'i phyir/ /nus pa yang ni rtogs par dka' / /rgyun gyis sam rnam pa gzhan du rtag pa'i dbang phyug rtag pa la ni rang bzhin gyi khyad par med par 'bras bu'i byed pa yang nye bar mtshon par mi 'thad do/ /dbang phyug la yang zhes yang gi sgra rim pa gzhan du bya'o/ /ci ltar rdza mkhan la sogs pas byas pa'i khyad par yod pa de bzhin du gal te dbang phyug gis byas pa yang 'gyur na ni nus par rtog pa yin no/ /rtag la ldog pa med pa'i phyir/ /nus pa yang ni rtogs par dka' / /rtag tu gnas dang khyab pas na/ ldog pa nyid ni med phyir ro/ /gang dag yod na gang 'gyur nyid/ /de dag las gzhan de gyi rgyud/ /rtogs pa yin na thams cad la/ /rgyu rnams thug pa med par 'gyur/ /mthong ba'i rdza mkhan la sogs pa rnams dang/ las yod na mngon par 'dod pa 'byung ba nyid do/ /de lta na yang gzhan rtogs pa yin na ni/ /'bras bu thams cad la rgyu rnams thug pa med par 'gyur te/ mthar thug par mi 'gyur ro/ /rjes su 'jug pa med pa'i rtog pa 'jug pa'i rjes su 'gro na de las gzhan la gegs yod pa ma yin no/ /yang na gsar pa ma yin pa gna' ma de nyid gnas pa yin no/ /rgyu rnams kyi rgyu yang de nyid yin pa'i phyir/ las gzhan ni don med pa nyid do/ /zhes bya bar 'gyur ro/ /'o na ji ltar rtag tu gnas pa'i sa myu gu la sogs pa'i rgyu yin pa de bzhin du dbang phyug kyang yin no/ /sa la sogs pa la ni thogs pa ma dmigs pa med do zhe na/ 'di la lan du myu gu skyed la sa la sogs/ /rang bzhin yongs su 'gyur nas ni/ /rgyu yin de legs byas pa na/ /de'i khyad par mthong phyir ro/ /nas kyi myu gu la sogs pa ni gshol gyi byed pa la sogs pa rnam par 'gyur ba'i khyad par gyi rjes su 'gro ba dang 'brel pa mthong ba'i phyir/ sa la sogs pa rgyu nyid du rtog pa yin no/ /yang rtsod pa dang lan btab pa ni/ /gal te ji ltar yul dbang po/ /tshogs pa tshad med blo rgyu yin/ /de ltar 'di yin zhe na min/ /de la'ang khyad par yod phyir ro/ /rgyun gyi khyad par med par ni/ /so so so sor nus med rnams/ /tshogs kyang nus pa med 'gyur ba/ de phyir khyad par grub pa yin/ /mig la sogs pa rnams la ni/ /'bras bu'i rang bzhin gyi khyad par nyid las rgyu nyid du nges par byed do/ /'bras bu rnam par shes pa ni gzugs so sor nges pa dang gzugs kyi rnam pa can dang/ rtogs pa'i rang bzhin can yin no/ /de'i phyir 'di dag phan tshun spangs pas/ nye bar sbyar ba las khyad par yod pa'i phyir mig la sogs pa 'bras bu rnam par shes pa'i rgyu yin no/ /gang gi phyir 'di dag ni so so so sor rnam par shes pa'i rnam pa'i chogs la nus pa med pa yin no/ /mig las ni rtogs pa'i rang bzhin ma yin gzugs las ni gzugs 'dzin par so sor nges pa ma yin/ yid la byed pa las ni gzhan ma yin te/ /re re las mthong ba med pa'i phyir ro/ /'on te mig phye ba na gzugs gzhan dang gzhan nye bar gnas par 'gyur ba na gzugs gzhan dang gzhan no/ /kho na de'i tshe mig la khyad par yod pa ni ma yin no/ /de bzhin du gzugs gnas pa nyid la mig gi rnam par shes pa gzhan dang gzhan 'byung ba yin no/ /de bzhin du/ dbang phyug kyang rtag tu mtshungs pa nyid kyis rnam par gnas pa na srid pa dang gzhan skye ba'i phyir rgyu'i dngos po ma yin pa ma yin no zhe na/ 'di la nam mkha' la sogs pa rnams kyang rgyu'i dngos por thal bar 'gyur ro/ zhes brjod zin to/ /mig dang gzugs kyi khyad par las/ /rnam par shes pa khyad par can/ /yod par 'gyur pa de yi phyir/ /gzugs la sogs pa rgyu nyid yin/ /yongs su gsal ba dang mi gsal ba la sogs pa'i mtshan nyid gzugs kyi khyad par las/ /rnam par shes pa yid bde ba la sogs pa dang ldan pa skye la/ de bzhin du phyed btsums pa la sogs pa'i mig gi khyad par las mi gsal ba nyid la sogs pa'i khyad par du 'gyur ro/ /de ni de dang 'brel bas rgyu de'i 'bras bur rteg par byed kyi/ de bzhin du dbang phyug rgyur rtog pa'i rgyu ni med do/ /des na rgyun gyi khyad par med par ni/ zhes bya ba rgyun gyi khyad par yod pa ma yin no/ /so so so sor nus med rnams/ /tshogs kyang nus pa med 'gyur ba/ /yin te/ rgyu las bzlog pa'i rang bzhin de nyid ci ltar rgyur 'gyur zhes bya ba 'di la lan ci yod/ gzugs la sogs rgyu nyid du rtog pa yin na/ rgyu brjod pa'i phyir skyon med do/ /de'i phyir so sor gang nus med/ /tshogs na yon tan srid 'gyur ba/ /de dag rgyu yin dbang phyug sogs/ /ma yin khyad par med phyir ro/ /dbang phyug dgag pa'i rnam 'grel lo// //bam po lnga pa/ /gal te dbang phyug yongs su shes pa la sogs pa'i rgyu shes par byed pa 'am/ skyed par byed pa med na 'o na ni de gzhan la yang mi 'gyur te/ 'di ltar/ tshang ma lkog gyur don shes yin/ /de sgrub byed kyang med pa'i phyir/ /nan tan byed pa yod ma yin/ /zhes ni kha cig rab tu brjod/ /re zhig thams cad mkhyen pa ma yin pa nyid thams cad mkhyen par 'gyur ba gang yin pa de'i lkog tu gyur pa'i don shes pa la rgyu ci yod/ gang rjes su bsgrubs pas thams cad rig par 'gyur ba de 'dra ba'i rgyu ni 'ga' yang rtogs pa med do/ /sngags dang rgyu la sogs pa ni phal cher gzhung thams cad la yod pa yin no/ /de nges pa'i rgyu yang yod pa ma yin no/ /phyogs gcig mi slu ba ni tshig thams cad kyang yin pa nyid do/ /lkog tu gyur pa'i don thams cad ni mngon tu byed pa srid pa yang ma yin te/ dbang po'i shes pa ni nye bar gnas pa'i yul can nyid du mthong ba'i phyir ro/ /don dang dbang po khyad med kyang/ /gal te kun rig 'byung 'gyur na/ /dbang don khyad par med pa'i phyir/ /thams cad thams cad shes par 'gyur/ /mi gtsang la sogs ro myang dang/ /'brel pa bzlog par dka' ba yin/ /dbang po phrad nas 'dzin pa ni/ /thams cad rig pa ci ltar brjod/ /de yi yid kyi rnam shes kyang/ /dbang po'i rjes su mi 'jug min/ /yid kyi shes pa rang dbang ni/ /'gas kyang mthong ba yod ma yin/ /goms pas gsal yin de yis ni/ /yul du thams cad 'gyur ma yin/ /lung la brten pa yin na 'di/ /'khrul ba nyid du thal bar 'gyur/ /dngos po thams cad rjes dpag gis/ /grub par rtogs pa yod ma yin/ /des na yul kun sgom med pas/ /ji ltar thams cad mkhyen par 'gyur/ /bstan bcos la sogs goms pa las/ /bstan bcos sogs nyid rtogs la rag /de yi thams cad rig pa'o/ /ga las 'byung bar 'gyur pa yin/ /de yi shes bya shes med par/ /kun shes zhes bya'i rnam shes ni/ /gang las de yi shes bya ba/ shes na'ang de nyid kun rig 'gyur/ /gang zhig chags sogs dang bral zhing/ de bzhin rnam rtog dang bral des/ /bstan par byas zhes bya ba de/ /de ni g.yar po'i rgyan dang 'dra/ /byung gyur byung dang 'byung 'gyur dngos/ /thog mdza' med par rim gyis ni/ /so so re rer rtogs par ni/ /bskal pa'i bar duAng nus ma yin/ /phyogs gcig yongs su shes pa ni/ /su la med ces bya ba yin/ /skyes bu mang du rtog pa la/ /bden don can cig med ma yin/ /khyad par dang ldan mthong ba gang/ /de ni de tsam nyid gnas pas/ /khyad par cung zad shes 'gyur gyi/ /shin tu dbang 'das don rig min/ /phyogs gcig de nyid shes pa ni/ /thams cad mkhyen par 'thod min de/ /de ni pha rol 'khrul pa'i rgyu/ /bya rog ta la'i tshul du 'gyur/ /cig car thams cad rnam shes na/ /ji ltar 'khor ba thog med nyid/ /shes pa gang du yongs rdzogs pa/ /de nyid 'dir ni thog mar brjod/ /'di la rjod pa thams cad rig pa zhes bya ba tshad ma gzhan mi 'dod pa ma yin gyi/ 'on kyang slu bar byed pa ma yin pa mngon par 'dod pa bsgrub par nus par gyur pa'o/ /ci'i phyir zhe na/ mi shes ston par byed pa la/ /'khrul par dogs pa can rnams kyis/ /de bshad nan tan bya ba'i phyir/ /shes ldan 'ga' zhig tshol bar byed/ /gzhan rjes su sgrub par 'dod pas gzhan shes pa'i nye bar ston pa po tshol bar mi byed de/ de des kyang mngon par 'dod pa la slu ba srid pa'i phyir ro/ /'on te der yang de'i shes pa yod pa nyid do/ /zhes nges pa nyid do/ /zhe na/ ma yin te/ thams cad du shes pa la shes pa med pa'i phyir ro/ /de'i phyir de nyid des shes par bya ba yin no/ /gal te des shes so zhes shes na ni de'i phyir/ mi shes pa nye bar ston par byed pa la bslu bar dogs pa can gyi mi shes pa dag gis/ /de'i yul can gyi shes pa shes pas na 'di tshad pa nyid do/ /gzhan la yang de'i ye shes srid par bya ba yin no/ /skyes bu'i don gyi gtso bo shes pa dang tshad mas yongs su dag pa'i thams cad kyi de kho na shes pa gang yin pa de nyid tshad ma yin pas 'di de tsam gyis nye bar bsten par bya ba yin no/ /lhag ma thams cad ni nye bar bsten par bya ba thams cad la mtshungs pa nyid do/ /de yang gang la srid ce na/ /gang gis nye bar bstan pa'o/ /gang zhig tshad mas mthong ba'i skyes bu'i don gyi gtso bo mi smra ba'i gzhan nyid smra ba gang yin pa de dag ni tshad ma ma yin te/ de la yang mi shes pa srid pa'i phyir ro/ /ji ltar nye bar ston ce na/ gcig nas gcig tu brgyud pa thog ma med pa la te/ med pa pa'i nye bar bstan pa bzhin no/ /'on te thams cad yongs su mi shes na/ thams cad la dogs pa skye ba'i phyir/ /gzhan yang yongs su mi shes so zhes dogs par bya ba yin no/ /des na thams cad shes pa med na ji ltar 'di la yang yongs su shes pa yod par 'gyur/ nye bar bstan pa ni nye bar bstan pa brgyud pa las yin no zhe na/ de ni ma yin te/ tshad ma med pa'i dngos po la/ /nye bar bstan pa brgyud par gsal/ /nye bar bstan par brgyud pa de/ /tshad ma can la yod ma yin/ /tshad med pa rtag pa nyid la sogs pa la nye bar bstan pa brgyud pa las sten gzhan yod pa ma yin no/ /tshad mas dngos po yongs su bcad pa yin no/ /ci ltar de la ma shes pa yin par dogs/ dogs su chug pa de lta na yang de la gdon mi za bar 'jug par 'gyur ba yin te/ tshad mas nges pa'i phyir ro/ /'on te tshad mas mthong ba yin yang/ mngon du byed par ma nges so zhe na/ de ni 'dir 'gyur te/ gang gis tshad mthong ston pa'ang/ /dogs 'gyur zhib lta 'di 'dra ba/ /skyes na mu stegs dag la ni/ /brjod pa nyid kyang ci zhig yod/ /bcom ldan 'das de bzhin gshegs pa ni tshad mas mthong ba gsung ba yin no/ /de la yang dogs pa gang yin pa/ /de gang dag la yongs su shes pa rjes su 'jug pa med pa'i mu stegs pa dag la brtsir yang ci yod/ /de'i phyir tshad mas mthong ba'i don gsung ba'i phyir na/ bcom ldan 'das ni tshad ma nyid do/ /mtho ris dang ni byang grol lam/ /rig byed mi yi tshad ma yin/ /yongs su shes med gzhan la yang/ /de yi de ni srid pa yin/ /de phyir de yi ye shes ni/ /nan tan bya rtogs rnam dpyad bya'i/ /de yi srin bu'i grangs mkhyen pa/ /nged la 'gar yang nyer 'khor med/ /'di ltar/ 'dir ni chos mkhyen 'gog pa nyid/ /'ba' zhig dgag par bya ba yin/ /pha rol pos bkag gzhan kun ni/ /gang gis zlog par byed pa yin/ /gal te phyogs gcig mkhyen pa'i phyir/ /de bzhin gshegs pa thams cad rig pa yin no zhes brtag par bya ba yin no// me ni kha ba'i gnyen po yin no zhes bya ba la sogs pa mi bslu ba las gzhan yang 'gyur ba'i phyir thug pa med pa nyid du 'gyur ro/ /de ltar gyur pa yang ma yin te/ phan tshun 'gal bas rjes su sgrub par mi srid pa'i phyir ro zhe na/ de yang mi bden te/ blang dang dor bya'i de nyid ni/ /thabs dang bcas par rig mdzad pa/ /gang tshe tshad ma nyid 'dod kyi/ /thams cad rig mdzad ma yin no/ /gang gi phyir skyes bu'i don gyi mtshan nyid phyogs gcig rig par byed pa yin zhes te/ de tsam gyis ni de thams cad thams cad rig par 'gyur ba ma yin te/ skyes bu'i don gyi cha rig pa ni 'ga' la yang mi srid pa ma yin no/ /de la blang bya dang dor bya'i de nyid ni sdug bsngal dang 'gog pa'i bden pa'o/ /thabs kyi de nyid ni sdug bsngal dang 'gog pa'i bden pa de dag nyid kyi rgyu kun 'byung dang lam gyi bden pa'o/ /des na 'phags pa'i bden pa bzhi'i mtshan nyid de kho na nyid rig par mdzad pa dang/ tshad mas grub pa rig par mdzad pa gang yin pa de ni tshad ma yin no zhes bya ba'i don to/ /mtho ris kyi lam yang tshad mas gcod par srid pa yin na/ /bud med dang dmangs rigs ngo mtshar skyed pa gzhan yang bde bar gshegs pa'i gsung la med pa ma yin no/ /de'i phyir skyes bu'i don gyi gtso bo rig par mdzad pa nyid tshad ma yin te/ gzhan mi 'thad pa'i phyir ro/ /de'i phyir/ ring po mthong ngam/ min yang rung/ /'dod pa'i de nyid mthong ba yin/ /gal te ring mthong tshad yin na/ /tshur shog bya rgod bsten par gyis/ /ring por mthong ba yod de zhes bya ba tsam gyis ni thams cad rig par 'gyur ba ma yin no/ /gal te de ltar yin na ni bya rgod la sogs pa yang de yin pas na tshur shog bya rgod dang ring por thos pa'i phag bsten pa bdag gir gyis shig / de lta na rigs pa'i lam thams cad dor ba nyid du 'gyur ro/ /'on te 'di'i skyes bu'i don gyi mkhyen pa btsal par bya ba ni don mdza' dag mkhyen pa mi srid pa 'am/ gcig ni don med pa nyid yin nam zhe na/ de ni yod pa ma yin te/ thams cad rig par mdzad pa yi/ /thams cad mkhyen pa 'gog pa min/ /nged kyis shes par mi nus pas/ /chog shes par ni 'dod pa yin/ /thams cad shes pa ma yin pas ni thams cad mkhyen pa shes pa ma yin te/ thabs med pa'i phyir ro/ /'di ltar/ thams cad shes so zhes bya 'di/ /de yi shes bya'i shes las 'dod/ /de yi phyogs gcig rnam shes pa/ /de shes nyid las 'grub pa yin/ /bud med dang dmangs rigs dang thun mong ba shing la sogs pa shes pa yang gzhan gyis shes pa 'am ma yin zhes de shes pa nyid las 'dod pa yin te/ rang nyid kyis ma shes na ni de 'dis shes so zhes bya ba'i thabs yod pa ma yin no/ /gzigs pa ring du song ba'i chen po gang yin pa de dag ni/ mdza' dag mkhyen pa srid pa ni phyogs gcig yongs su shes pa sngon du 'gro ba can nyid do/ /de dag gi de nyid srid pa de yang de las gzhan gyis yin no/ /'on te gnyi ga'i mtshan nyid kyi tshad ma la yang sgrub pa gang las yin zhing rgyu yang gang yin zhe na/ bshad pa/ sgrub byed thugs rje goms las de/ /blo lus la ni brten pa'i phyir/ /tshad ma de'i sgrub byed gang/ /las yin zhe na/ thugs rje goms pa las yin na// //thugs rje de yang blo'i yul la brten pa'i phyir ro// thugs rje de ni goms pa'i yan lag dang/ bcas par blo'i yul gang yin pa de la brten pa'i phyir rtogs pa rab kyi mthar sgrub par byed pa yin no/ /gal te thugs rje yod du chug pa de lta na yang de las tshad ma yin no/ /zhes bya ba 'di ga las srid pa yin pa zhe na/ /srid pa yod pa nyid de/ gang gi phyir/ pha rol sdug bsngal de bzhin du/ /sdug bsngal rgyu dang bral 'dod gang/ /de brtses des na des ldan pa/ /de yi thabs na sgrub par 'dod/ /gzhan sdug bsngal dang bral bar 'dod pa ni gdon mi za bar de'i thabs tshol ba yin no zhes phyis ston par 'gyur ro/ /yang na sgrub byed thugs rje/ thugs rje dang ldan pa ni gzhan la phan 'dogs pa dang bral bar mi 'gyur ro/ /des na gzhan gyi don ston pas tshad ma yin te/ thugs brtse ba dang ldan pa ni thabs ma 'jug pa yin la/ thabs de yang rang nyid tshad mar sgrub pa yin no/ /thams cad skyob par 'dod pa'i mtshan nyid kyis thugs rje de nyid gang las 'byung ba yin zhe na/ bshad pa/ goms las de/ snying rje ni bdag gi ba rnams la sdug bsngal mthong bas bag chags sad pa las skyol/ goms pa las ni tha mal ba dang dgra bo'i phyogs dag la 'jug pa yin no/ /des na thams cad shes pa ma yin na thams cad skyob pa mi srid pa'i phyir de'i thabs goms pa sgrub par byed do/ /gal te blo dang ldan pa'i blo ni lus la brten pa yin no/ /thugs rje yang blo nyid yin te/ des na yang lus la brten pa nyid/ de'i phyir lus thal bar gyur pa la sogs pa na goms pa na goms pa ni/ 'grub pa gal te skye ba gzhan yod na ni de'i tshe skye ba du mar goms pa bsags pa las mngon par 'dod pa 'grub pa yin no/ /'di ltar blo ni lus kyi bdag nyid dang/ lus 'bras lus kyi yon tan yin/ /'dir ni lugs gsum la brten te/ goms pa srid pa yod ma yin/ /de bshad pa ni /blo ni lus la brten pa'i phyir/ /goms pa grub pa med ce na/ /ma yin rten ni bkag phyir ro/ /snga ma'i rjes su 'gro ba'i blo dang bral ba'i lus 'ba' shig blo'i rten yin pa bkag pa'i phyir ro/ /'bras bu nyid dam yon tan nyid dam gzhan du yin yang rung ste/ lus 'ba' shig ni rten du 'gyur ba ma yin no/ /gal te pha ma'i lus la brten pa mthong ba'i phyir blo lus la brten pa dang lus kyi 'bras bur dmigs pa ma yin nam/ 'di ltar bskyed par bya ba'i lus kyi 'byung ba chen po la brten pa/ de'i rang bzhin gyi kun tu spyod pa dang/ sems gsal ba la sogs pa pha? ma'i rjes su 'gro ba yin te/ ri mo la sogs pa bzhin no/ /ri mo byed pa'i gzugs zhes pa la sogs pa'i rjes su 'gro ba can rtsig pa la brten pa dang ri mo ni ri mo byed pa'i 'bras bu'i ngo bo nyid do/ /des na ri mo ni rtsig pa med par mi gnas la/ /rtsig pa gzhan du yang mi 'pho/ /rtsig pa gzhan las 'ongs pa yang ma yin no/ /yang na a mra'i 'bras bu la sogs pa smin pa las byung ba'i gzugs bzhin no/ /'bras bu yang du ba me bzhan las ma 'ongs me gzhan du 'gro ba yang ma yin no/ /chang la brten pa'i myos pa'i nus pa ni bska ba la sogs pa'i ro dang 'brel pa las snga na med pa 'byung ba yin la/ 'jig pa na yang chang gzhan la brten pa ma yin no/ /de bzhin du dbang po dang sems pa'i khyad par/ yang yin no/ /de skad du bshad pa yang/ sa dang chu dang me dang rlung zhes bya ba ni de nyid yin no/ /sa la sogs pa nyid de nyid yin pa dang/ sa la sogs pa ni de nyid yin pa nyid do/ /nam mkha' la sogs ni ma yin la/ skad cig nyid la sogs pa yang ma yin no/ /de bzhin du de nyid yin gyi/ rnam par shes pa tsam ma yin la/ thams cad stong pa nyid kyang ma yin te/ thams cad la tshad ma med pa'i phyir ro zhes so/ /de'i tshogs la lus dang dbang po dang yul gyi ming du 'dogs so/ /tshad med pa yongs su 'gyur ba'i khyad par 'byung ba chen po nyid kyi tshogs ni lus la sogs pa'i tha snyad kyi yul yin no/ /lus dang dbang po dang blo de dag las ni sems pa yin te/ dper na phabs la sogs pa las myos pa'i nus pa bzhin no/ /des na rnam par shes pa ni myos pa'i nus pa bzhin te/ 'jig rten pha rol nas 'ongs nas mtshams sbyor ba ni ma yin no/ /myos pa'i nus pa bzhin no zhes bya ba yang nye bar mtshon pa yin te/ ri mo bzhin dang du ba bzhin no/ /zhes bya ba yin te/ de dag ni 'pho bar mthong ba med do zhe na/ de ni ma yin te/ gzugs sogs las ni tha dad par/ /'byung ba dmigs par ga la yod/ /de dag kyang lnga de'i phyir/ /grangs des gzung ba rigs ma yin/ /gzugs dang ro dang dri dang sgra dang reg pa ste/ 'byung ba chen po ni lnga yin no/ /sa la sogs pa'i ming ni de'i tshogs la yin te/ sa la sogs pa gzhan du dmigs pa med pa'i phyir ro/ /'on te ro ni reg pa yin pa'i phyir ro/ /yongs su gyur pa bzhi yin na/ de lta na yang sa la sogs pa zhes mi 'thad de/ gzugs la sogs pa zhes brjod par bya bar 'gyur ro/ /skad cig ma nyid la sogs pa'i sgrub pa ni phyis 'byung bar 'gyur bas de mi dgod do/ /gzhan yang/ thams cad blta bya blta bya zhes/ /gcig nyid du ni thal bar 'gyur/ /rnam pa dag gis dbye ba ni/ /mdza' yas par ni thal ba yin/ /de phyir rten lnga'i gzung ba ni/ /rnam pa lngar ni bsnyad par bya/ /de yi nang gi bye brag ni/ /lnga la gnod pa med pa nyid/ thams cad stong la gang brjod pa/ /tshad ma brjod na stong nyid min/ /gal te stong nyid tshad pa med/ /de phyir 'di gnyis 'gal ba yin/ /thams cad stong nyid ci 'dra dang/ /de la tshad ma ci 'dra ba'ang// phyi nas bstan par bya ba ste/ /myur ba nyid ni gang du dgos/ /gal te dbang po la sogs pa ni pha ma'i lus kyi rjes su 'gro ba dang ldog pa'i rjes su byed pa yin la lus ni 'byung ba chen po'i rang bzhin yin pa'i phyir de la brten pa nyid ma yin nam/ gzhan du 'jig rten pha rol nas 'ongs pa nyid du dmigs pa ni ma yin na/ de ji ltar 'jig rten pha rol yod par smra ba legs pa yin zhe na/ de ni mi bden te/ skye ba yongs su len pa na/ /'byung rdub dbang po blo dag ni/ /rang gi rigs pa ltos med can/ /lus nyid 'ba' zhig las skye min/ ha cang thal phyir 'byung rdub la sogs pa ni g.yo ba la sogs pas byas pa'i rang bzhin gyi khyad par las rang gi rigs la ltos pa med par mi 'thad do/ /g.yo ba la sogs pa yang bdag nyid kyi goms pa'i rjes su 'gro ba can yin gyi/ pha ma'i goms pa'i rjes su 'gro ba ni ma yin te/ de lta ma yin na dam pa yin pa dang 'grel pa la sogs pas pha ma'i rang bzhin med par mi 'gyur ro/ /de'i phyir rang gi rigs la bltos pa med par pha ma'i lus tsam las 'byung ba ma yin no/ /gal te 'dod pa la sogs pa pha ma'i rang bzhin sngar yod pa de'i tshe pa ma'i lus la sogs pa yang rgyu yin no zhes ni mi 'thad do/ /'on te 'jig rten gzhan la bltos pa med pa kho nar skye ba 'dzin par khas len na de'i tshe skye ba yongs su 'dzin par khas len pa la ha cang thal bar 'gyur te/ rgyu dang 'bras bu'i dngos po thams cad 'jig pa nyid du 'gyur ro/ /de yang tshad mas yongs su bcad pas nges par gzung ba yin no/ /gal te 'byung rdub la sogs pa/ /thams cad goms pa sngon 'gro na/ /rang gi goms pa dang bral bar// rten med par ni ci ltar 'gyur/ /'bras bu'i chos ni 'di yin te/ /rgyu spangs nas gzhan du 'gyur ba ma yin pa gang yin pa'o/ /de lta ma yin na/ de de'i bskyed bya ma yin te/ bskyed bya skyed byed kyi dngos po ni rjes su 'gro ba dang ldog pa dag las yin pa'i phyir ro// de'i phyir mig la sogs pa ni rigs mthun pa goms pa las byung ba'i mig la sogs pa sngon du 'gro ba can yin no/ /gal te du ba Flas skye ba/ /rnam kun du ba nyid las min/ /autpal las byung autpal yang/ /ji ltar ba lang lci ba las/ /de bzhin du/ ri mkhan las skyes ri mo ni/ /bya la'ang de bzhin ci ltar yin/ /de bzhin goms las khyad 'gyur gang/ /de ni gzhan duAng 'gyur ba yin/ /de ni ma yin te/ du ba las byung du ci 'dra/ /de gzhan las kyang skye ba min/ /goms las khyad 'gyur gang yin de/ /skye ba dang por de bzhin gnas/ /khyad par gang zhig thos pa goms pa la sogs pa dag las skye ba can de lta bur 'gyur ba de nyid skye ba 'di'i goms pa med kyang mthong ba yin no/ /de goms pa dang 'brel ba la gnod pa yang yod pa ma yin te/ gzhan du yang 'das par goms pa de'i tshe// dmigs par mi nus pa'i phyir grong gzhan nas 'ongs pa'i goms pa bzhin no/ /de nyid kyi phyir 'jig rten gzhan pa ma yin pa'i goms pa sngon du song ba can du yang 'grub par byed pa ma yin no/ /'bras bu ni rgyu dang lha cig 'brel pa'i phyir ro/ /rgyu ma mthong yang de'i 'bras bu yin pa'i phyir te/ yul gzhan du goms pa sngon du song ba can gyi bshes gnyen bzhin no/ /de'i phyir 'dir glen pa'i gtam 'ongs pa yin te/ glen pa 'ga' la gzhan dag gis/ /khyu mchog rwa ring ma lto na/ gnas pa ci ltar srid pa gang/ /smos shig ce ni dris pa na/ /de smras ma he 'di dag ni/ /ma yi lto las skyes min gyi/ /'di dag tshong dus nas 'ongs pa'i/ /rin gyis nyes pa tsam du zad/ /'jig rten rgyang phan pa'i gnod pa yang de lta bur 'gyur ro/ /yang na ha cang thal phyir na zhes bya ba ni/ gal te skye ba gzhan nas 'ongs pa med par 'byung ba chen po de dag nyid las 'bras bu sems pa 'byung ba yin na mdza' dag srog chags kyi rang bzhin du ci ste mi 'gyur/ yongs su 'gyur ba'i rnam pa'i bye brag srid pa'i phyir ro zhe na/ yongs su gyur pa'i bye brag de nyid ci ste med ces brgal brtag mtshungs so/ /'on te gang las 'ga' zhig srog chags su gyur pa gzhan ma yin pa/ /yongs su 'gyur ba thog na med pa can phan tshun khyad par du 'gyur pa mtshon par bya ba yin pa 'ga' zhig yod pa yin no zhe na/ de yang mi rung ste/ gal te yongs su 'gyur ba'i khyad par bltar rung ba ma yin na ni rtog pa 'di ci ltar yin/ bltar rung ba ma mthong ba ni yod pa'i tha snyad kyi yul ma yin no/ /gal te yongs su 'gyur ba'i khyad par de yod na/ dmigs pa nyid du 'gyur ro/ /'on te 'bras bu mthong ba nyid las rtog na/ de lta yin na mthong ba'i goms pa nyid brtag par bya ba yin te/ ma mthong ba rtog na ni dka' ba'i phyir ro/ /des na 'byung rdub la sogs pa ni rigs mtshungs pa goms pa sngon du 'gro ba can yin no zhes bya ba legs pa brjod pa yin no// gal te 'bras bu las skye ba/ /snga mar byung ba'i rgyu grub mod/ /skye ba phyi mar 'byung ba rnams/ /go ci ltar rjes dpog ce na/ de bshad pa ni/ mtshams sbyor ba dang/ nus ldan mthong ba gang de la/ /ci zhig yod 'gyur gang med pa/ /gang gi phyi nas mtshams sbyor med/ /snga ma snga ma ni rjes su dpag pas rjes su dpag pa'i rjes su dpag la sogs pas mtshams sbyor bar nges pa yin no/ /gal te g.yeng bag la sogs pa ni de goms pas mi 'gul pa dang zhan pa la sogs pa'i mtshan nyid g.yeng bag med pa las byung ba yin pa de ni 'byung ba chen po tsam nyid las yin te/ des na de las kyang skye ba snga ma mi 'grub po/ /de'i phyir thog ma med pa'i skye ba brgyud pa mi 'grub po/ /thog ma med pa nyid ma yin na ni du ba las du ba gzhan 'byung yang gtan du rjes su rgyun 'brel pa nyid ma yin no/ /des na du ba bzhin rgyun 'chad par yang 'gyur ba'i phyir srog chags tha ma med pa yang ma yin la snga na med pa'i sems can skye ba'i phyir nyes par 'gyur ro zhe na/ de yang ma yin te/ skye bo rnams kyi zhan pa yang/ /zhan 'jug goms pas yin de'i phyir/ /de yang de sngon 'gro can phyir/ /srid pa'i 'khor lo thog ma med/ /zhan pa la sogs pa'i rnam pa ni/ srog chags rnams kyi rang bzhin gyis ma yin gyi/ 'on kyang rigs mthun pa goms pa las yin no/ /ji ltar g.yer bag la sogs pa de goms pa las yin pa de bzhin du zhen pa la sogs pa yang goms las la sogs pa goms pa las yin pa'i phyir 'khor ba thog ma med pa grub pa yin no/ /mi gzhan pa la sogs pa ni gnyid la sogs pa goms pa las yin no/ /de bas na gnyid sad pa'i mig g.yar bag can la sogs pa mig g.yeng bag can/ gzhan dang gzhan gyis yin par 'thad pa yin no/ /des na skye ba dang por yang gnyid log pa sred pa bzhin du mngon du phyogs pa'i bag chags sad pa'i mig la sogs pa dang ldan pa yin no/ /ci ltar lus gzhan la brten pa'i mig lus gzhan la mtshams sbyor te/ rdzas gzhan la brten pa'i nus pa gzhan la 'pho bar ji ltar 'gyur zhe na/ sngags dang brgyud la sogs pa'i mthus/ /dug nus bu ram sogs la 'gyur/ /de bzhin las kyi nus pa yis/ /dbang po'i nus pa lus gzhan la/ /dper na rmi lam lus la ni/ /skrag dang mchongs pas gnod pas na/ /sang ba'i lus ni rnam 'gyur ba/ /de bzhin skye ba gzhan du yang/ /'on te de bden min zhe na/ / shin tu de bor legs pa nyid/ /gang zhig bden min gyis 'gyur na/ /bden pa las ni smos ci dgos/ /bden pa bden min zhes bya ba/ /'di yang tha snyad tsam du zad/ /rang bzhin mngon du byed pa la/ /bden sogs zhes bya 'thad par dka' / /de'i phyir snga ma dang snga ma mtshams sbyor nus pa dang ldan pa mthong ba gang yin pa de la bla lhag pa ci zhig yod par 'gyur na gang phyis med cing de med pas phyis mtshams sbyor ba dang mi ldan par 'gyur/ /rgyu ma tshang na 'bras bu med par 'gyur gyi rgyu tshang ba la 'bras bu mi skye'o zhes bya ba 'di ni 'gal lo/ /'on te 'di la 'gal ba ci yod ce na/ rgyu dang 'bras bu'i dngos po med pa gang yin pa 'di nyid 'gal ba ma yin nam/ rgyu yi rang bzhin thams cad ni/ /mtshungs kyang gal te 'bras med na/ /'o na 'bras bu rang dbang nyid/ /de lta yin na 'bras bu ni rgyu'i gzhan gyi dbang yin pas rgyu de nus pa yin na/ nan gyis skyed par byed do/ /de lta na yang mi 'byung na ni 'bras bur mi 'gyur ro/ /'on te de med na med pa'i phyir 'bras bu yin no zhe na/ de mang na med do zhes ga las yin/ / gal te de yod na gdon mi za bar yod do zhes bya ba de yang ga las yin zhe na/ de ltar yongs su bcad pa'i phyir ro/ /de med na med do zhes bya ba 'di yang yongs su bcad pa nyid las so/ /thams cad kyi tshe'o zhes ga las zhe na/ gnyi ga yang mtshungs so/ /de'i phyir ji ltar mthong ba de ltar khas blang ba yin la/ gnyi ga yang mthong ba yin no/ /de yod na gdon mi za bar yod la/ ma tshang na mi 'gyur ba yin no zhes de gnyi ga yang khas blang bar bya'o/ /de ltar mthong ba med pa'i phyir rgyu dang 'bras bu'i dngos po ma yin no/ /rjes su 'gro dang ldog pa ni/ /khyab par mthong ba yod ma yin/ /de ltar rgyu dang 'bras bu yi/ /dngos po nyid ni ji ltar nges zhe na/ gal te khyab par ma mthong ba'i phyir rgyu dang 'bras bu'i dngos po mi 'grub na/ 'o na gnyis su med pa la ma gtogs pa 'ga' yang mthong ba med do zhes bya ba 'di/ ngang? las rang gi ngo bo rtogs zhes bya bar bstan zin to/ /'jig rten gzhan ma yin 'jig rten 'di ma yin/ 'jig rten gzhan gyi sgrub par byed pa ma yin/ the tshom ma yin/ 'byung ba chen po'i yongs su 'gyur ba ma yin zhes bya ba la sogs pa rnam par rig pa tsam nyid do/ /'on te 'di tha snyad du yin no zhe na/ /'jig rten pha rol yang de bzhin no/ /gal te gnyis med kyis chog na/ /khyod cag rnam kun grol ba nyid/ /tha snyad 'jug par byed na ni/ /'jig rten gzhan yang bsam par gyis/ 'khrul pa yin gyi 'og tu 'khrul pa 'di nyid bla ste/ rab tu zhi ba dang mtho ris la sogs pa dang rjes su mthun pa'i phyir ro/ /'dod chags la sogs pa'i nor ba ni phan pa dang/ skye bo dam pa la sogs pa nyams par byed pa yin no/ /'di ltar mig la sogs pa dang 'dod chags la sogs pa'i dbye ba mdza' dag ni thog ma med pa'i bag chags kyi stobs la brten pa rnam par rig pa tsam las tha dad pa ma yin no/ /des na mig la sogs pa dang mi ldan pa yang skye ba gzhan du yang mig la sogs pa dang ldan par 'gyur ro/ /de bas na skye ba brgyud pa rnams su rnam pa 'di nyid yin pa dang thog pa med pa yang yin no/ /ci srid nor pa rab tu zhi bar ma gyur pa de srid du ni de tha ma med pa yang yin no/ /mig la sogs pa bden pa nyid dam/ phyi rol gyi don yin pa de lta na yang rang bzhin 'di thog ma med pa yin pa'i phyir 'khor ba thog mdza' med pa nyid do/ /gal te 'byung ba chen po'i khyad par sra ba nyid la sogs pa ni dmigs pa nyid do/ /de na de la khyad par yod pas 'byung ba chen po las byung ba yin yang ha cang thal ba ma yin no/ /de'i phyir sra ba la sogs pa'i khyad pa nyid sa bon gyi bdag nyid las srog chags 'byung ba yin no zhe na/ 'di las rgyu dang 'bras bu'i dngos po nyid med par 'gyur ro/ zhes bshad zin to/ /gzhan yang/ gang du drod gsher la sogs pa'i/ /skye bo skye bar mi 'gyur ba'i/ sa sogs cha de 'ga' yang med/ /de phyir thams cad sa bon bdag / sra ba nyid la sogs pa'i khyad par gyi rnam par dbye bas ni/ sogs chags kyi rnam par dbye ba skyed pa ma yin te/ thams cad du srog chags mthong ba'i phyir ro/ /drod gsher la sogs skyes pa'i srog chags ni/ rnam par dbye ba med par ma mthong pa ma yin no/ /des na rnam par dbye ba ni sra ba la sogs pas byas pa ma yin pas sems pa'i mtshan nyid kyi las tsam 'ba' shig lus pa yin no/ /'on te srog chags kyi rigs sra ba la sogs pa'i rjes su 'gro ba can dmigs so zhes brjod na/ de'i tshe rigs mtshungs pa thams cad de'i rang bzhin gyi srog chags kyi bdag nyid du 'gyur ro/ /btsags nas bzhag pa'i chu 'gyur ba gang yin pa de mdza' dag /de'i rang bzhin srog chags kyi bdag nyid du 'gyur ba srog chags rnams kyi mdog dbyibs mi 'dra ba ga las yin/ 'di ltar/ mgo dmar ba dang lus po ser ba la sogs pa'i/ chu'i srog chags gzhan mthong ba'i/ /rnam pa de dag gang las yin/ /nam yang pad sogs dbye ba des med par/ /de dngos sa bon las mthong 'dod dam ci/ /srog chags dbye ba kun tu sa bon las/ /des med las nyid nges par byed pa yin/ /de phyir dbang sogs rang rigs la/ /ltos med par ni 'byung yin na/ /ci ltar gcig ni yongs gyur bzhin/ /kun 'gyur khyad par med phyir ro/ /bsdu ba'o/ /gzhan yang yid kyi rnam par shes pa la brten pa'i dbang po rnams/ rang gi 'bras bu byed pa yin gyi/ yid kyi rnam par shes pa nyid ni de la brten pa ma yin no/ /des na yid kyi rnam par shes pa nyid las dbang po rnams 'byung ba yin gyi/ sa dang chu la sogs pa dag las ni ma yin no/ /zhes bya ba ston pa ni dbang rnams re re la gnod na zhes bya ba la sogs pa yin no/ /yang na re zhig yid kyi rnam par shes pa ni de tshogs pa'i rang bzhin lus la skye ba ma yin no/ /dbugs 'byung rdub la sogs pa ni 'byung ba chen po yongs su gyur pa'i rang bzhin nyid yin te/ pha ma'i sa bon yin pa'i phyir ro/ /'khor ba yang yid kyi rnam par shes pa yin gyi dbang po la sogs pa ni ma yin te/ 'di ltar/ chad dang mtshams sbyor 'dod chags bral/ /nyams dang 'chi 'pho skye ba rnams/ /yid kyi rnam shes kho nar 'dod/ /skye dang 'chi 'pho btang snyoms te/ zhes bshad do/ /des na yid 'khor ba pa yin gyi/ 'byung ba la brten pa ni ma yin te/ gang gi phyir dbang po rnams re re la gnod na/ /yid blo la gnod yod ma yin/ /'di 'gyur na ni de dag kyang/ /'gyur ba rtag tu mthong ba yin/ /'jigs pa dang mya ngan dang dga' ba dang/ khro ba la sogs pa yid kyi blor 'gyur na/ mig la sogs pa 'gyur bar mthong ba'i phyir mig la sogs pa ni yid kyi rnam par shes pa la brten pa yin no/ /des na dang por skye par yang de la brten pa nyid yin pa'i phyir srid pa gzhan 'grub bo/ /de bzhin du yid kyi rnam par shes pa ni lus la brten pa ma yin te/ yid kyi rnam par shes pa las rnam par 'gyur pa dbang po lnga'i tshogs kyi 'bras bu la brten pa'i phyir ro/ /gal te mig la sogs pa yid kyi rnam par shes par rnam par 'gyur ba yin mod kyi/ de nyid la skyes so zhes bya ba ga las/ bum pa la sogs pa'i dngos po me las rnam par 'gyur bar gyur pa dag /me nyid las skye ba ni ma yin no zhe na/ bum sogs gzhan du mthong yin pa/ /des na de nyid las de min/ /dbang po de yi 'gyur ba las/ rnam pa gzhan du mthong ba med/ /dbang po la sogs pa thams cad ni/ /gsal ba la sogs pa'i mtshan nyid kyi mtshon par dmigs pa yin gyi bum pa la sogs pa ni mes byas pa'i rnam par 'gyur ba can nyid ma yin no/ /des na bum pa la sogs pa ni dpe ma yin no/ /'on te gal te yang ba ltar yid kyi rnam par shes pa la brten par mthong du chug pa de lta na yang gzhan gyi tshe yang de lta bu nyid do zhes ga las zhe na/ de ni ma yin te/ gal te me las de du ba/ /mthong yang de de nyid las ni/ /gzhan tshe 'ang yin zhes bya 'di la/ /mngon sum tshad ma 'ga' las med/ /de'i phyir dper na de ni ngo shes pas/ /du ba me sngon can rtogs pa/ /de bzhin dang po'i skye bar ni/ /'byung ba yid kyi 'gyur ba rtogs/ /skye ba dang po'i mig la sogs pa g.yer bag la sogs pa dang ldan pa yid kyi rang bzhin gyis rnam par 'gyur ba nyid du ngo shes pa de dag ni de lta bu nyid yin no zhes rtogs par rigs te/ dper na de'i 'bras bu lan cig 'ga' zhig tu me sngon du 'gro ba can du mthong bas/ phyogs gzhan du de sngon du 'gro ba can nyid do shes pa dag/ gzhan du ma yin no zhes rtogs pa bzhin no/ /de'i phyir/ dbang po yid kyi shes pa las/ /yid kyi shes pa'ang de las yin/ /de las kyang yang der 'gyur phyir/ /srid pa thog mdza' med par gnas/ /gal te yid kyi blo yang dbang po rnam par 'gyur bas rnam par bsgrub par bya ba ma yin nam/ 'di ltar/ mig sogs nyams par 'gyur na yid/ /dman pa la sogs dag tu mthong/ /des na ci phyir der brten pa/ /tshur rol mdzes min cis mi rtog /'di ni med de/ bu sogs dbang po bral bas kyang/ yid 'gyur ba ni yod pas na/ /yid de la brten thob 'gyur te/ nges pa gnyi ga la yang med/ /gal te thams cad du bu la sogs pa'i mig la sogs pa 'gyur bas 'gyur ba ma yin pas/ /nges pa med pa'i phyir bu la sogs pa'i mig pa sogs pa ni rten pa ma yin te/ nges pa med pa'i de ni gnyi gar yang mthong ngo/ /kha cig bdag nyid mig la sogs pa gyur kyang yid mi 'gyur ro/ /de yang rten ma yin pa'i phyir dbang po dag ni rten ma yin pa nyid do/ /de lta na 'o na yid kyi rnam par shes pa dbang po rnams kyi rten yin gyi/ dbang po rnams ni yid kyi ma yin pa'i phyir yid rten med par thal lo/ /mig la sogs pa'i rnam par shes pa drug char yang/ rten 'ga' zhig dang ni ldan par 'gyur bar dgos so zhe na/ de ni med de thams cad la gdon mi za bar rten 'ga' zhig yod do/ /zhes bya ba'i nges pa ni med do/ /'on te mngon par zhen na de yang brjod pa ni/ /de phyir blo gnas pa yi rten/ /blo nyid la ni rten pa 'gal/ dbang po rnams kyi rgyu mtshan yin/ /de phyir blo las dbang po yin/ /de'i phyir gnas pa'i rten sems pa'i mtshan nyid las kyi ming can gang yin pa de nyid dbang po rnams kyi rgyu mtshan yin no/ /'o na de nyid mig la sogs pa'i dbang po la brten pa yin no zhe na/ de'i phyir bshad pa ni/ de yang blo nyid la ni brten pa yin gyi/ dbang po la ni ma yin no/ /dbang po dag ni de'i rten ma yin te/ sems pa'i las dang bsam pa'i las zhes gsungs pa'i phyir ro/ /sems pa ni 'di dang 'di'o zhes bya ba'i bdag nyid can yin la/ de la yang mtshams sbyor ba'i rang bzhin blo snga ma nyid la brten nas/ 'byung ba yin gyi/ lus la brten pa ni ma yin no/ /de yang 'ga' zhig nyid dbang po rnams kyi rten yin gyi/ thams cad ni ma yin te/ gzugs med pa'i khams na dbang po med pa'i phyir ro/ /lus la sred pa dang bcas pa'i las kyi dbang po rnams skyed pa yin te/ de la mngon par dga' ba dang ldan pa'i phyir ro/ /mngon par dga' ba'i ni sred pa'i yul thob na skye ba yin no/ /des na blo las dbang po yin gyis blo ni dbang po rnams las ma yin no/ /zhes bya ba ni mjug sdu ba'o/ /de'i phyir/ yid nyid rgyu yin pas/ snga ma snga ma'i skye ba ni yid kyis 'phangs pa yin no/ /gal te/ nga'o zhes de ltar bdag tu rtog pa'i rang bzhin/ yang kyi blo las da ltar ba'i skye ba yin la/ de lta na 'o na skye ba phyi ma yid ches pa'i rgyu ci yod/ yid ni lus la brten pa'o/ zhes kyang ci ltar bshad ce na/ smras pa/ de 'dra ba zhig 'phen byed 'gyur/ /de 'dra phyis kyang 'gyur ba yin/ /de yi shes pas phan 'dogs phyir/ /yid ni lus la brten par bshad/ yid kyi blo de bdag tu 'dzin pas zin pa/ ci 'dra ba zhig 'khor ba'i chu bor ltung ba rnams kyis thog ma med pa can gyi skye ba'i rgyun gyi 'phen byed du gyur pa/ de 'dra ba ni phyis kyang 'phen byed du 'gyur ba yin gyi/ de gzhan du 'gyur ba ni rung ba'i phyir/ de nyid phyis kyang skye ba dang 'brel par 'gyur ro/ /gang zhig gang byed pa nyid rang bzhin dang/ khyad par med pa'i rang bzhin de ni/ de byed pa nyid de dper na bud shing rlon pa la sogs pa dang 'brel pa du bskyed pa'i rang bzhin du khyad par med pa'i me gzhan bzhin no/ /de lta ma yin na rgyu dang 'bras bu'i dngos por mi 'gyur zhing/ tha snyad med par 'gyur ba'i phyir/ 'gro ba spyod pa med par 'gyur ro/ 'on te lus dang sems ni/ phan tshun rjes su byed pa yin no zhes gsungs pas na/ bcom ldan 'das kyis yid kyang lus la brten par bstan pa ma yin nam zhe na/ 'di la lan ni lus kyi rnam par shes pas phan gdags par bya ba yin pa'i phyir/ yid lus la brten par bcom ldan 'das kyis bshad kyi/ mig la sogs pa'i rnam par shes pa la / mig la sogs pa ltar dngos su na lus de'i rten ma yin no/ /de'i phyir rang 'dzin pa'i mtshan nyid kyi/ yid ni mig la sogs pa'i dbang po las brten pa ma yin/ lus la brten pa ma yin te/ 'di ni rigs mtshungs pa'i yid la brten pa nyid yin par rigs te/ gzugs med pa'i khams na yod pa'i phyir dang/ de srid par yang ston pa'i phyir ro/ /yang na dbang po med par blo mi 'byung mod/ /de lta na yang 'jig rten pha rol med pa ni ma yin te/ phan tshun brten ba nyid yod pa'i phyir ro/ /de bshad pa pa ni/ gal te'ang dbang po med pa'i blo/ /ma yin de yang de med phyir/ /de lta'ang phan tshun rgyu mtshan nyid/ /des kyang phan tshun rgyu can yin/ /ci ltar khyod kyis de ltar mthong pa'i phyir/ /dbang po'i bdag nyid can gyi lus med par blo mi 'gyur ro/ /zhes khas blangs pa de bzhin du dbang po de dag kyang yid kyi blo med par ma yin no zhes khas blang bar bya ste/ khas len pa'i rgyu de ltar mthong ba nyid ni mtshungs pa'i phyir ro/ /de lta yin yang? phan tshun rgyu nyid yin par thal bar 'gyur te/ gnyi ga rgyu mtshan phan tshun phan 'dogs pa'i phyir ro/ /phan tshun gyi rgyu can dag gi tshogs pa yang/ tshogs pa gzhan las skye ba can yin no/ /tshogs pa des kyang snga ma dang phyi ma'i lus dang sems dag dbus kyi gnas skabs bzhin du/ phan tshun gyi rgyu can yin par shes par bya'o/ /gal te lus nyid yid kyi blo'i rten yin gyi da ni lus kyi ma yin na/ de'i phyir rim pa dang ldan pa'i lus las blo 'byung ngam/ 'on te rim pa can ma yin pa las 'gyur te/ rnam pa gzhan med pa'i phyir ro/ /de la re zhig rims can ma yin pa las ni ma yin te/ 'di ltar/ rim can min las rim can min/ /khyad par can min ltos pa'ang med/ /lus las rim gyis blo 'byung na/ de yi rim pa gsal bar byed/ /yid kyi blo 'di ni rim pa dang ldan pa yin te/ de lta ma yin na nga'o zhes rang gi rnam pa 'dzin pa na/ 'das pa dang ma 'ongs pa dang da ltar byung ba rang nyid kyi rang bzhin mdza' dag 'dzin pa'i phyir skye ba ril 'dzin par thal lo/ /'on te gnas skabs mi 'dzin pas snga phyi khyab pa rtogs pa ma yin no/ /gnas skabs gzung ba ma yin na/ ji ltar gnas skabs can rtogs 'gyur khyab bya gzhan bzung med par ni/ /khyab byed rtogs pa med phyir ro/ / gal te byung ba dang 'byung bar 'gyur ba'i phyir gnas skabs ma rtogs na/ khyab bya ma rtogs pa'i phyir ro/ /ji ltar khyab par byed pa de bzhin du rtogs par 'gyur/ de'i? rang bzhin du ma rtogs kyang de ltar 'gyur ba ni ma yin te/ de nyid dam gzhan nyid du rnam par 'jog par byed pa ni rtogs pa nyid yin no/ /gal te 'di khyab byed nyid du ma rtogs na de'i tshe/ de rang bzhin gzhan du rtogs so/ /zhes bya bar 'gyur ro/ /des na de la dus gzhan du gnas pa med pa'i phyir/ dus gzhan dang ldan par skye ba rtogs pa gzhan med pa yin no/ /des na rim pa dang ldan par rtogs pa yin te/ de'i phyir rim can ma yin pa las rim can 'byung ba ma yin no/ /gal te rgyu rim pa can ma yin no/ /'bras bu de lta bu nyid du 'gyur bar bya'o zhes bya ba ga las/ rgyu las tha mi dad pa kho na ni 'bras bu ma yin te/ mi 'dra ba yang mthong ba'i phyir ro zhe na/ 'dir smras pa/ gal te rim min las 'bras na/ /de yi tshe nyid mdza' dag 'gyur/ /de'i tshe yongs su rdzogs pa'i phyir/ /gzhan gyi tshe ni de med nyid/ /gal te 'bras bu'i dus su bzung na/ de lta na 'bras bu med par 'gyur ro/ /de'i tshe ma rtogs pa ni de'i rgyu ma yin no/ /gal te de rtogs na ni/ gcig yin pa'i phyir 'jig pa'i mthar thug pa rtogs pa'i phyir/ de nyid kyi tshe zhig par 'gyur te/ de lta na/ de rim pa can ma yin par 'gyur ro/ /des na zhig pa'i 'og tu 'bras bu mi 'gyur ba nyid dam/ byung ba na yang 'bras bu ma yin no/ /'on te rim gyis rtogs par rgyu rim pa can yin no zhe na/ de lta na rim pa med pa ma yin no/ /sngon po nyid du rtogs pa ni sngon po ma yin pa ma yin no/ /yang na/ rgyu las 'bras bu de yin no/ /rang gzhan skye bar mi brjod kyi/ /'on te rgyu dang 'bras nyid ni/ /rjes 'gro ldog pa las zhe'o/ /'bras bu rgyu dang mi 'dra ba yang 'bras bu kho na yin te/ rgyu dang 'bras bu nyid ni rjes su 'gro ba dang ldog pa'i rjes su byed pa'i mtshan nyid yin pa'i phyir ro/ /gang la rjes su 'gro ba dang ldog pa med pa de ni rgyu ma yin zhing 'bras bu ma yin na/ gang yang de lta bu nyid kyi rgyu yod pa na mi 'byung ba/ de ni rgyu'i rjes su byed pa ma yin pa nyid do/ /gal te de med na mi 'byung ba zhes bya ba tsam gyis 'bras bur 'gyur ba ma yin no/ /de yang 'don mi za bar 'gyur ro/ /zhes bya ba 'di gar dgos zhe na/ gal te de yod kyang med na/ med na med pa nyid gang las/ de med pa 'di de med pas byas so zhes ba de gang las/ gal te 'di rgyu nus pa nyid yod pas na yang mi 'gyur na ni/ de'i rgyu nyid du mi 'gyur ro/ /de med pa 'di de med pas byas so zhes bya ba 'di yang ga las rtogs ji ltar de'i gnas skabs nyid kyi rgyu yod pa na rang nyid mi 'byung ba de bzhin du de med par yang rang nyid mi 'byung ba yin par 'gyur te/ rang dbang yin pa'i phyir ro/ /rgyu'i gzhan dbang yin na ni nus pa yod na gdon mi za ba 'byung ba'i phyir ro/ /don rnams dngos po med pa ni/ /rang nyid 'gyur ba yin na yang/ dngos po gzhan gyi dbang yin phyir/ /ci ltar rgyu las 'byung ma yin/ /dngos po med pa ni rgyu med pa can yin pa'i phyir rang nyid 'gyur ro zhes rigs kyi/ dngos po ni rgyu'i gzhan gyi dbang yin pa'i phyir/ /rgyu nus pa yang na mi 'gyur ro zhes bya ba 'di mi rigs so/ gal te 'bras bu med pa rang dbang yin pa'i phyir/ /rgyu yod pa 'di na med par rigs so/ /zhe na/ de lta na 'o na de med na med do zhes de med ba rgyu med pas byas pa ma yin pa'i phyir/ de ci ltar 'di'i 'bras bur 'gyur/ des na rang nyid mi 'byung pa yin no/ /gang zhig gang gi bzlog par bya ba ma yin pa de ni/ des nges par bya ba ma yin pa des na ji ltar rang nyid mi 'byung ba de bzhin du 'byung ba yin te/ des na 'bras bu ma yin no/ /gang gi tshe rgyu yod na 'byung ba nyid yin pa de'i tshe ni/ rang gi rang gis 'gags pa yin yang/ /skad cig gzhan dang gzhan skyed pa'i phyir/ de med pa yin na rgyun chad pa yin pas/ rgyu dang 'brel pa nyid do/ /de'i phyir rim can ma yin pa las rim can 'byung ba ma yin no/ /'on te rim ba dang ldan pa'i lhan cig /byed pa la bltos pa'i rim can ma yin pa las kyang/ 'bras bu rim pa can du 'gyur ro zhe na/ de yang med de/ khyad par can min ltos pa'ang med/ /khyad par bsgrub tu med pa ni/ khyad par thob par bya ba'i phyir/ /'ga' la'ang ltos pa ma yin no/ /de la ni khyad par yod pa ma yin pa'i phyir ro/ /khyad par yang na yang mi rtag pa nyid do/ /khyad par tha dad par khas len na yang khyad par de la bltos pa'i 'bras bu de nyid las 'byung bar 'gyur gyi/ rtag pa de las ni ma yin no/ /khyad par de de'i yin no zhe na ma yin te/ khyad par zhes bya ba khyad par du byed pa'am/ khyad par gyi rtogs par byed pa yin/ khyad par byed pa ni ma yin te/ de la khyad par med pa'i phyir ro/ /khyad par las khyad par du 'gyur ba'i phyir de nyid mi rtag pa yin no/ /tha dad na ni thal ba snga ma yin no/ /'on te khyad par du rtogs pa'i rgyu nyid do zhe na/ de yang mi 'thad de/ khyad par med la khyad par gyi/ /rtogs pa skye bar 'gyur ma yin/ /gal te de ltar yin na 'di/ /'khrul phyir 'bad pa don med do// khyad par med par rtogs na ni/ /rtag ces pa ni khong du chud/ /khyad par la 'khrul min na yang/ /rtag la tshad ma ga la zhig/ gal te khyad med rtogs na ni/ /de lta na ltos ci ltar 'gyur/ /gang phyir bya med de la ni/ /khyad par yang ni yod ma yin/ /de la khyad par yod na ni/ /de la bltos zhes 'thad pa yin/ /'di yi don du bltos so zhes/ /'jig rten pa yi tha snyad yod/ /de'i phyir khyad par med pa la bltos pa yod pa ma yin no zhes rigs so/ /lus las rim gyis blo 'jug na/ /lus kyi rim pa rtogs par byed/ /de lta? min na gang gis de'i/ /rim pa byas pa/ de rgyur gsal/ /nyams myong snga ma snga ma las yid kyi blo de 'jug par 'gyur/ /de las gzhan las de yang zhes/ /thog ma med par gnas pa yin/ 'on te blo snga ma snga ma la bltos pa'i lus rim gyis blo skyed par byed na de lta yin na/ lus khyad par du 'gyur dgos so/ /des na blo dang lhan cig pa'i lus kyi rgyu ni/ de lta bur gyur pa nyid kyi lus snga ma snga ma yin no zhes bya bar 'gyur ro/ /de lta yin dang/ skad cig snga ma snga ma ni/ /skad cig re rer sngon med de'i/ /rgyu yin de yi phyir na rgyu/ / thams cad tshe na mthong ba nyid/ /blo'i lhan cig byed pa can gyi lus snga ma snga ma phyi ma phyi ma'i rgyu yin par dmigs pa gang yin pa de nyid dbus kyi gnas skabs bzhin du skye ba dang 'chi ba dag tu yang thams cad kyi tshe rgyu yin no/ /zhes bya bar 'grub po/ /gzhan du khyab pa mi rtogs pa'i phyir 'ga' yang gang gi yang rgyu nyid du mi 'gyur te/ thabs gzhan med pa'i phyir ro/ /de'i phyir lan cig de las ni/ /mthong de gzhan tshe'ang de nyid du/ /rgyu dang 'bras bu'i dngos po 'di/ /de 'dra nyid du rab tu grub/ /tha snyad ba dag gis rgyu dang 'bras bu khas blang bar mi bya ba yang ma yin no zhes bya ba 'di ni sngar bshad zin pa'i phyir bshol lo/ /gal te ji ltar dbus kyi gnas skabs kyi lus rnam par shes pa dang bcas pa'i lus sngon du 'gro ba can nyid du dmigs pa'i phyir skye ba dang po'i lus snga ma yang rnam par shes pa dang bcas pa'i lus snga ma sngon du song ba can yin pas/ skye ba can gyis rnam par shes pa nyid las 'di yi rnam par shes pa yin la/ 'di'i rnam par shes pa las kyang 'byung bar 'gyur ba'i skye ba'i rnam par shes pa yin pa'i phyir 'jig rten pha rol rab tu grub pa de bzhin du gtan tshigs gzhan las bzlog pa yin pa'i phyir/ gzhan gyi phyogs grub bo/ /'di ltar/ gang gang 'chi sems de dang de/ /skye ba gzhan du rjes 'gro min/ /de sems yin pa'i phyir na dper/ /nyes bral 'chi ba'i rig pa bzhin/ /'chi ba'i sems gang yin pa de ni sems gzhan mtshams sbyor bar byed pa ma yin te/ dper na 'dod chags dang bral ba 'chi ba'i sems bzhin no/ /skye bo gzhan du mtshams sbyor bar 'dod pa so sor skye ba'i sems kyang/ 'chi ba'i sems yin no/ /des na mtshams sbyor ba med do/ /'on te bzlog pas gnod pa'i phyir/ /'on te gtan tshigs nyid ma yin no zhe na/ 'on ni bzlog pa yang gtan tshigs ma yin pa nyid de/ 'dis gnod pa'i phyir mtshungs so zhes na/ mtshungs pa ma yin te/ gang gi phyir gang zhig gang dang 'gal ba de? ni de med? kyi sgrub par byed pa yin la gang zhig gang dang 'brel pa de ni de yod pa grub pa yin no/ /'chi ba'i sems ni mtshams sbyor ba dang 'gal ba ma yin te/ 'di ltar/ tha ma'i sems ni sems gzhan dang/ mtshams sbyor ba la 'gal ni yod/ /dgra bcom sems gang yin de? yang/ /gang las mtshams sbyor med par 'dod/ /tha ma'i sems sems gzhan dang mtshams sbyor ba med pa 'grub par bya ba la de'i de'i yul dang lhan cig 'gal ba ci zhig yod na/ gang gis de med par 'gal ba ci zhig yod do?/ /ci yang med pa 'di ro// //bam po drug pa/ lhan cig mi gnas pa'i mtshan nyid dam phan tshun spangs te gnas pa'i mtshan nyid ni yod pa ma yin te/ 'chi ba'i sems nyid 'ongs pas mtshams sbyor pa las bzlog pa'i mthong ba med pa'i phyir ro/ /de nyid kyi phyir de yongs su spangs te gnas par mthong ba ma yin te/ skye ba gzhan mtshams sbyor ba snang du rung ba ma yin pa'i phyir ro/ /de'i phyir 'chi ba'i sems nying mtshams sbyor ba dang 'gal ba ma yin te/ 'gal ba'i rang bzhin rnam pa gnyi ga yang ma mthong ba'i phyir ro/ /de'i phyir mtshams sbyor ba med pa bsgrub pa ma yin no/ /'bras bu nyid ni mtshams sbyor ba med pa bsgrub pa ma yin no/ /'bras bu med pa dang 'gal ba yin te/ des na de med pa sgrub par nus pa'i phyir bzlog pas mtshams sbyor ba grub bo/ /phan tshun 'gal ba'i don pha ma? 'khrul pa dag ni gcig la mi srid do zhes ston par 'gyur ro/ /gal te 'dor phan tshun spangs te gnas pa'i mtshan nyid kyi 'gal ba yod pa nyid ma yin nam/ ci ltar 'gal ba med pa yin/ 'di ltar/ dgra bcom 'chi ba'i sems la ni/ /mtshams sbyor yod pa ma yin te/ /mar me zhi bar gyur ba ltar/ /de yi sems ni rnam par dgrol/ /dgra bcom bar 'dod pa'i skyes bu 'chi ba'i sems ni mar me bzhin du zhi ba yin no/ /des na 'chi ba'i sems ni de yongs su spangs te/ rnam par gnas par rtog pa'i phyir? 'gal ba grub pas 'gal ba med par ma grub po zhe na/ /de yang 'brel ba yod pa ma yin te/ dgra bcom pa'i sems gang yin pa de yang tshad ma gang las mtshams sbyor ba med par khyed 'dod de/ der khyed la tshad ma yod pa ma yin te/ /khyed kyis de dgag pa nyid la rtson pa'i phyir ro/ /gal te dgra bcom pa khas len na ni de'i phyir de la nyon mongs pa dang bral bar byas pa/ mtshams sbyor ba med par 'gyur gyi gzhan du ni ma yin no/ /nyon mongs pa dang bral ba de yang so so'i skye bo rnams la med pa'i phyir/ 'chi ba'i sems nyid yin yang mtshams sbyor ba med par ga la 'gyur/ 'chi ba'i sems nyid ni mtshams sbyor ba dang 'gal ba ma yin te/ nyon mongs pa dang bral ba mtshams sbyor ba med par khas blangs pa'i phyir ro/ /de yang khas len pa ma yin no/ /gal te grub mdza' nyid las 'gal bar rtogs so zhes ma yin te/ grub pa'i mdza' ni dgra bcom pa 'chi ba'i sems nyid 'gal bar grub pa'i don tu 'jug pa'i phyir ro/ /grub mdza' thams cad 'gal bar ni/ /sgrub par byed pa ma yin te/ /'chi ba'i sems ni mtshams sbyor bar/ /la lar des mi ston pa yin/ /'on te mtshams sbyor med pa ni/ /tshad mas rab tu grub yin pa/ /des na de la chad min phyir/ /'gal ba yod par srid ce na/ /de yang ma yin te/ gal te grub pa'i mdza' tshad mas gnod pa yin no/ /de'i tshe tshad ma ma yin pas/ de las 'dod pa grub par ga la 'gyur/ /de bshad pa ni/ tshad mas ma grub don can gyi/ /grub mdza' i rjes su 'brang ngam ci/ /gal te de rgyu bral phyir na/ /de nyid 'dir ni cis ma brjod/ /gal te grub mdza' tshad ma ma yin pa nyid yin pa de'i tshe de las mtshams sbyor ba de 'chi ba'i sems 'gal bar mi 'grub bo/ /rjes su 'brang ngam ci ste rjes su 'jug gam cig /tshad ma ma yin pa ni rjes su 'brangs kyang tshad mar 'gyur ba ma yin no/ /gal te tshad ma yin no ni thams cad tshad ma yin pa'i phyir/ /bzlog pa grub/ /la lar ni tshad ma yin/ la lar ni ma yin no zhe na/ ma yin te/ 'dod pa ni rgol ba dang phyir rgol ba gnyi ga la yang mtshungs pa'i phyir ro/ /'on te rgyu dang 'bras bu'i phyir ro/ /zhes bya ba'i gtan tshigs 'gal ba'i sgrub par byed pa yin gyi/ grub pa'i mdza' ni ma yin no zhe na/ gal te rgyu dang bral ba'i phyir te mtshams sbyor bar byed pa ma yin na/ rgyu dang bral ba de nyid ci'i phyir ma brjod/ /gtan tshigs nyid du ma bshad de 'chi ba'i sems yin pa'i phyir zhes ma nges pa'i gtan tshigs bkod pas ci bya/ yang na/ gal te de rgyu bral phyir na/ /gal te rgyu lus la sogs pa'i mtshan nyid 'chi ba'i gnas skabs na bral ba gtan tshigs yin pa 'dir lhag pa ci zhig brjod de/ 'di yang gtan tshigs ltar snang ba nyid do/ /snga ma ni ma nges pa yin la/ 'di ni ma grub pa yin te/ gang gi phyir rgyu dang bral ba de nyid 'di la yod pa ma yin no/ /yang de nyid 'dir ni no te'am/ zhes bya ba la no zhes bya ba ni dgag pa yin no/ /a dang ma dang no dang na rnams ni dgag pa'i sgra rjod par byed pa'i phyir ro/ /des na don 'di yin te/ ci ne? ti tam ta/ ma nyams sam/ nyams pa nyid do zhes bya ba'i don to/ /bral ba nyid ma grub ste/ ma tshad ba med pa'i yid snga ma rgyu yin pa'i phyir ro/ /de ci ltar yin pa de ltar yang bstan zin to/ /'on te yang rgyu dang bral ba'i mtshan nyid kyi gtan tshigs 'di ni ma grub pa ma yin te/ 'di ltar dbang po dang bcas pa'i lus sam/ dbang po med pa skra dang sen mo'i rtse mo la sogs pa'i mtshan nyid nyid kyi rnam par shes pa'i rten yin te/ 'di ltar snying gi mtshan nyid kyi lus nyid rgyu las sam/ gang de las skye ba yin no zhe na/ de ni mi rigs te/ lus ni rnam pa gnyis po dbang po dang bcas pa dang/ dbang po med pa/ so so 'am gzhan du rgyu yin par 'gyur la/ re zhig dbang po dang bcas pa ni ma yin to/ de blo bzhin du 'dzin 'gyur phyir/ /dbang po bcas la yid shes min/ /shes skyed nus pa tha dad phyir/ /kun las kyang ni ma yin no/ /sems med nyid phyir gzhan las min/ /rgyu gcig phyir na lhan cig gnas/ /dbang bzhin gzugs dang ro bzhin no/ /don gyi sgo nas 'gyu ba yin/ /re shig so sor dbang po dang bcas pa'i lus rgyu ma yin no/ /dbang po nus pa dag dang lhan cig 'jug pa'i phyir dbang po dang bcas pa ste/ dbang po'i rang bzhin nyid de/ /nus pa ni nus pa can las gzhan ma yin pa'i phyir ro/ /des na so so ba'i dbang po dag nyid las yid kyi rnam par shes pa skye ba yin no zhes bya ba'i phyogs su 'gyur ro/ /de bshad pa ni/ dbang por bcas la yid shes min /dbang po dag las so sor 'byung ba ma yin te/ de blo bzhin du dbang po'i blo bzhin du yul so sor 'dzin par 'gyur ba'i phyir ro/ mig la sogs pa dbang po'i rjes su 'brang? ba yod na/ nges par dbang po'i rjes su 'brang ba'i phyir ro/ /yid gzhan gyi rang bzhin du 'gyur pa yin te/ de lta ma yin na/ de'i rgyu las de'i rang bzhin ma yin pa 'byung na/ de'i rang bzhin de gang las 'byung ba yin te/ de'i phyir rgyu med par 'gyur ro/ /gal te rgyu gcig yin na de dang de ma yin pa'i rang bzhin gyi 'bras bu skyed par mthong ba ma yin nam dper na me du ba dang thal bskyed pa'i rang bzhin yin pa bzhin no/ /tshogs pa tha dad pa ni yod pa yin te/ gzugs kyi tshogs pa nye bar gnas pa'i mig ni mig gi rnam par shes pa skyed ba la gzugs dang bral ba ni yid kyi rnam shes skyed do/ /de bzhin du rna ba la sogs pa la yang brjod do zhe na/ de ni ma yin te/ dbang po'i bya ba la brten nas/ 'byung ba dbang po las skyes 'dod/ bya de de la med pa'i phyir/ /ji ltar dbang po las byung 'gyur/ /de blo bzhin du 'dzin 'gyur phyir/ /zhes bya ba 'di'i don ni 'di yin te/ dbang po'i blo ni de'i bya ba'i rjes su 'brangs nas don 'dzin par byed pa'i phyir de ltar brjod pa yin no/ /gal te yid kyi blo yang de yin na de yang de'i bya ba'i rjes su 'brangs nas/ de'i blo bzhin du 'dzin pa nyid du 'gyur ro/ /gzhan du ji lta de ltar bsnyad par 'gyur/ /de'i bya ba'i rjes su 'brang ba yang dmigs pa med pa de las skyes pa nyid du yang rtog so zhes bya ba 'di ni nyams so/ /dbang po las ni don nye ba med par yang mdun na gnas pa'i don nges par rtogs pa'i rnam pa can dang/ rab rib kyis nyams pa las skra shad kyis tshogs mthong ba'i rnam pa lta bu ni/ yid kyi rnam par shes pa ni mig btsums kyang skye ba ni yin na/ ji ltar de la dbang po'i byed pa yod/ gang rnam par 'gyur yang gang rnam par 'gyur ba ma yin pa de ji ltar dbang po las skyes pa yin/ de la de blo bzhin du 'dzin 'gyur phyir zhes bya ba ni de 'gyur bas rnam par shes pa 'gyur bar 'gyur ro zhes bya ba'i don to/ /'dzin pa ni rnam par shes pa nyid do/ /ci ste de 'gyur bas 'gyur ba ma yin na/ de lta na de las skyes pa ma yin no/ /kun las kyang ni ma yin no zhes bya ba la yang lan 'di nyid yin no/ /lan gzhan bshad pa ni/ shes skyed nus pa tha dad phyir/ shes pa skyed pa la nus pa tha dad pa nyid de/ so sor gzhan la mi ltos pa nyid du mthong gi /phan tshun ltos pa ni yin no// de lta ma yin na gcig med kyang tshogs pa med par 'gyur ba'i phyir/ sa la sogs pa ma tshad bas myu gu bzhin du mi 'gyur ro/ /mig la sogs pa tshad ba la yang yid kyi rnam par shes pa 'byung ba yang yin no/ /de'i phyir yid kyi tshogs pa dang 'brel pa ma yin no/ /kyang gi sgras ni gtan tshig snga ma sdud pa'o/ /sems nyid med pa'i phyir gzhan dbang po med pa las kyang mthong ba ma yin no/ /gal te sems nyid med phyir zhes bya ba'i don ci yin/ gal te dbang po'i shes pa dang bral ba'i phyir ro zhes bya ba yin no/ /de ni 'dod pa nyid ji ltar 'di gtan tshigs yin/ gal te de las dbang po'i rnam par shes pa mi 'byung du zad mod/ /yid kyi rnam par shes pa go ci'i phyir mi 'byung/ gal te yid kyi rnam par shes pa med pa'i phyir sems med pa nyid yin na/ de nyid dpyod pa'i phyir dam bcas pa'i don gyi phyogs gcig gtan tshigs yin no zhe na/ 'dir smras pa/ gang tshe skra dang sen mo sogs/ /tshor byed nyid du ma mthong ba/ /de tshe de las yid kyi shes/ /skye bo zhes ni ji ltar rtogs/ /ji ltar reg pa la sogs dag /tshor bar byed cing ci'i rnam par shes pa'i sgo nas dmigs par byed pa/ de bzhin du skra dang sen mo la sogs pa ni yid kyi rnam par shes pa'i sgo nas tshor bar byed pa ma yin no/ /de dang 'brel pa nyid yin na ni de med par yid kyi rnam par shes pa mi 'gyur zhing/ de nyams pas nyams par yang 'gyur ro/ /gal te lus rten ma yin na de'i tshe ji ltar lhan cig gnas zhe na/ de'i phyir bshad pa/ lhan cig gnas par nges par byed pa'i las kyi ming can gyi rgyu tha mi dad pa'i phyir nus pa de ltar gnas pa'i phyir dbang po bzhin dang gzugs dang ro bzhin no/ /dper na dbang po rnams dang/ gzugs dang ro dag phan tshun rten ma yin yang dus cung zad lhan cig gnas par des bzhin no/ /rten dang brten pa'i dngos po nyid ni lhan cig gnas pa'i rgyu ma yin no/ /gal te de 'gyur na 'gyur ba'i phyir/ mig la sogs pa mig gi rnam par shes pa la sogs pa'i rten yin pa de bzhin du/ bad kan dang dug la sogs pas lus 'gyur na yid blong ba la sogs pa'i mtshan nyid du 'gyur ba'i phyir rten dang brten 'di dngos po yin no zhe na/ de yang ma yin te/ don de bzung bar bya ba'i sgo nas 'gyur ba yin/ de goms pas gdung ba mi bzod pa de yid la mnod pas na/ rnam par 'gyur ba der 'gyur ro/ /mtshon gyis brdegs pa la sogs pa yid kyis dmigs pas yid gdung bar byed pa yin gyi/ rten du 'gyur ba ni ma yin no/ /dmigs pas ni phyi rol las rnam par 'gyur par byed pa yin na de rten gyi dngos po ni ma yin te/ de med kyang sgro btags pa tsam gyis gdung ba skyed pa'i phyir ro/ /de phyir yid kyi sgro btags pas/ /phyi dang nang gi rnam pa yod/ /de yi 'gyur ba'i yid kyis ni/ /rnam par 'gyur ba der 'gyur ro/ /rten dang dmigs pa dag ni gcig nyid ma yin te/ des na lus de'i rten ma yin no/ /des na nyon mongs pa can gyid? ni lus la brten pa ma yin no/ /de'i rten gang yin pa de ni phyis ston par 'gyur ro/ /snga phyi sgro btags pa tsam dmigs par zad kyi/ gzhan ni med pa'i phyir yid ni dmigs pa med cing rten med pa yin no/ /gzhan yang/ phan 'dogs byed pa tsam gyis ni/ /de yi zlog byed rgyu ma yin/ /khyad par can gyi rgyu nyid ni/ /'bras bu zlog par byed pa yin/ /gang gi zlog par byed pa nyid yin pa khyad par can gyi rgyu de gang yin zhe na/ de bshad pa ni/ rtag tu de yi rjes su 'jug pas/ /gang zhig yod pas phan 'dogs byed/ /de rgyu de phyir bdun pa dang/ /skyes phyir zhes ni bshad pa yin/ /gang zhig yod pas phan 'dogs par byed pa'o/ /rgyu de ni log pas zlog par byed pa'i 'bras bu zlog par byed pa yin no/ /ji ltar phan 'dogs par byed pa zhig ce na/ rtag tu de'i rjes su 'jug pas te/ de'i rjes su 'jug pa'i sgo nas so/ /rjes su 'jug pa ni/ rjes su 'brel pas te/ gang zhig yod pas thams cad kyi tshe rjes su 'brel pas phan 'dogs par byed pa'o/ /gang zhig res 'ga' phan 'dogs par byed nus pa de med kyang res 'ga' khyad par gyi mtshan nyid kyi phan pa gzhan las kyang 'byung ba de ni rtag tu rjes su 'jug pa ma yin no zhes rigs so/ /de ni ldog kyang de ldog pa ma yin no/ / lus yod pa ni rtag tu phan 'dogs par byed pa ma yin te/ soms snga ma rnam par 'gyur na yang res 'ga' rnam par 'gyur bar mthong ba'i phyir ro/ /de'i sems kyi rnam par 'gyur pa'i phyir des nye bar bstan pa las res 'ga' lus med par yang sems kyi rgyun yod pa yin no zhes bya bar srid pa yin no/ /lus ni gtan du phan 'dogs pa nyid kyis rgyu yin par grub pa yang ma yin te/ 'di ltar/ rig pa rang ngam gzhan nam ni/ /skyes pa'am rnam pa gzhan gyis kyang/ 'ga' yis lus rgyu yin par ni/ /rtog zhes rnam par rtogs pa yin/ /de la re shig rig pa ma skyes pas bdag 'di las 'byung ngo zhe 'am byung bar gyur to zhes shes pa ma yin no/ /skyes pa'i rig pa yang nga'o zhes rang gi ngo bo la dmigs sam gzhan la yang rung ste/ de rtogs pa nyid yin pas bdag ni 'di rtogs so zhes ji ltar gzhan rtogs pa yin/ gzhan dmigs pas gzhan rtogs pa ni ma yin no/ /'o na mig la sogs pa'i rnam par shes pa rnams la yang rtog pa de nyid yin pa'i phyir mig la sogs rgyu nyid du ga las rtogs shes na/ ma yin te/ de dag la rjes su 'gro ba dang ldog pa rtogs pa yod pa'i phyir ro/ /'di ltar/ skyes bus mig phye ba nyid ni rtogs par 'gyur ba nyid yin zhing/ de ma thag tu gzugs mthong ba/ /nyid du rtogs par 'gyur pa yin no/ /skye ba dang por phyogs pa'i lus// rgyu nyid du ni rtogs pa med/ /shes pa snga na med pa ni/ /shes byed nyid du 'gal ba yin/ /gal te gzhan gyis rtogs she na/ /snga na med pa ga las rtags/ /blta rung ma yin dmigs med pa/ /med pa rab sgrub byed ma yin/ /gnyid log pa las sad pa yod// sngar shes dmigs su med pa na/ /de la rmi lam rnam par shes/ /sngar med rtogs pa yod ma yin/ 'on te gal te de la sngon/ /blo yod rang rig nyid 'gyur te/ /gang phyir sang pas rmi lam gyi/ /myong ba dran par mthong ba yin/ /de ni ma yin te/ rtogs pa med pa yin nam ci/ /cig yod kyang brjod par 'gyur/ /sad pas byas pa rmi lam du/ /'gas kyang dran pa yod ma yin/ /rmi lam gyi rigs pa ni sad pa'i shes pa'i de ma thag pa yin no zhes 'gal kyang rtogs pa ma yin na/ de lta na yang de ni de lta bu nyid do/ /'on te sang na de rtogs so zhe na/ 'di yang sang na mi rtogs so zhes bya ba de ga las yin/ de'i phyir lus ni rtag tu phan gdogs par byed pa nyid du ma rtogs pa yin no/ /'on te lci ba las autpa la skye ba yin la/ de yod pa rtag tu rjes su 'jug pas phan 'dogs pa ma yin pa de lta na yang/ /lci ba med na dang po'i autpa la ni med par 'gyur ba nyid do/ /zhe na/ de yang gyi na ste/ gang gi phyir dang po lci ba las skyes pa/ ci 'drar 'gyur ba de 'drar ni/ /de med par ni ma mthong nyid/ /shes pa de las bzlog pa yin/ /ci 'dra ba'i autpa la lci ba las skye bar mthong ba ci 'dra ba nyid gzhan gyi tshe yang dmigs sam ci/ yid kyi rnam par shes pa ni dang po dang phyis kyang de dang 'dra bar gyur pa nyid yin pa'i phyir/ des ma nges pa ni ma yin no/ /gal te 'di yod na 'di 'byung 'di skyes pa'i phyir 'di skyes zhes bya ba 'di nyid bcom ldan 'das kyis rgyu'i mtshan nyid du gsungs pa ma yin nam/ gzhan gtan tu rjes su 'jug pa dpyad pa ma mdzad do/ /don dam par rgyu dang 'bras bu'i dngos po la bcom ldan 'das nyid don dam pa'i mtshan ma yin te/ khyab par rjes su 'gro ba dang ldog pa 'dzin pa'i phyir zhes bstan pa yin no/ /yod cing 'kho ba dang ldan pa'i don ni bcom ldan 'das mi gsung ba ma yin na/ de'i phyir 'di ji ltar yin zhe na/ nyes pa 'di ni med de/ gtan du phan 'dogs par byed pa nyid du kho bo cag gis bshad pa de nyid kyi phyir na bdun pa dang/ de nyid las lnga pa skyes phyir zhes kyang gsung pa yin/ 'di yod na 'di 'byung zhes bya bas ni gtan tu rjes su 'jug pa nyid bshad pa yin te/ yod na zhes bya ba ni rgyu mtshan gyis bdun pa yin no/ /gzhan du na de med kyang 'byung ba yin na ni 'di'i dngos po de'i rgyu mtshan can du mi 'gyur ro/ /lnga pa yang 'byung khungs la yin te/ 'byung khungs nyid kyang skye ba po 'byung ba zhes bya bas so/ /'byung ba ni rgyu mtshan nyid do/ /yang na bdag cag gis gzhan du bshad par bya ste/ gal te rnam par shes pa sngon du 'gro ba can yin pa de lta na yang/ skye ba dang po'i rnam par shes pa las skye ba snga ma'i rnam par shes pa zhes shes par 'gyur te/ de ni de'i 'bras bu yin pa'i phyir ro// 'byung bar 'gyur ba'i skye ba'i rnam par shes pa go gang las rjes su dpag / 'on te rgyu nus pa mthong ba las 'bras bu rjes su dpog na/ de lta na 'o na de rgyu'i mtshan nyid kyi gtan tshigs gzhan du thal lo/ /'on te 'bras bu la the tshom za bas rung ba nyid rjes su dpog go zhe na/ ma yin te/ 'byung bar 'gyur ba'i 'jig rten pha rol ma nges na rung ba nyid rjes su dpag pa don med pa nyid do/ /'byung bar 'gyur ba'i 'jig rten pha rol la rjes su dpog pa ni chos la sogs pa la 'jug pa'i 'bras bu dang bcas par 'gyur ro// zhe na/ 'dir bshad pa ni/ 'byung bar 'gyur ba'i skye ba'i rnam par shes pa ni/ rgyu nyid yin la de nyid ni 'bras bu yang yin no/ /'di ltar/ rtag tu de yi rjes 'jug pas/ /gang zhig yod pa phan 'dogs byed/ /de rgyu gang zhig yod pa las/ /rtag tu rjes su 'jug pas de khyab par phan 'dogs par byed pa'o/ /tha? dad pa yin na khyab par byed pa ni rgyu yin no/ /don gzhan go bar bya ba la ni 'bras bu nyid gtan tshigs yin no/ /gang zhig don gzhan gyis go bar byed pa yin pa de ni khyad par byed pa nyid yin te/ de lta ma yin na 'khrul ba'i phyir go bar byed pa nyid du mi 'gyur ro/ /gang zhig gang med par mi 'gyur ba de ni de'i rgyu yin no/ /rgyu ji ltar 'bras bu yin zhe na/ ma yin te/ de'i 'bras bu yin pa'i phyir ro/ /'di ltar/ sems sogs rnam par 'gyur ba ni/ /dge legs la sogs sgrub byed yin/ /de yis rnam 'gyur de mthong ste/ /de yang 'bras bu nyid du brjod/ /gal te dge legs su mi 'gyur na ni rnam par 'gyur ba 'dir mi 'gyur te/ rnam par 'gyur ba dang ni zhes byas pa yin no zhes bya ba ni 'jig rten thams cad kyi tha snyad yin no/ /gzhan du yang 'di tsam nyid kyis 'bras bu nyid yin no/ /'byung ba ci ltar rgyu yin zhe na/ de la mi 'khrul ba'i phyir ro/ /gal te gang phan 'dogs pa de rgyu yin na/ 'byung bar 'gyur ba yod pa ma yin pa ji ltar phan 'dogs pa yin zhe na/ 'o na 'das pa yang rgyur mi 'gyur te/ de yang med pas phan 'dogs pa med pa'i phyir ro/ /ma yin te/ de skye ba'i dus na ni yod pa'i phyir ro zhe na/ skye ba'i dus de gang yin/ gal te 'bras bu las sngar ro zhe na/ ji ltar med pa la phan 'dogs pa de nyid kyi phyir rgyu yin te/ med pa byed pa'i phyir ro zhe na/ med pa byed po zhes bya ba'i don ci yin/ de'i de ma thag tu de yod pa'o zhe na/ de ma thag pa de ni gnyi ga la bltos nas kyang mtshungs te/ ji ltar byung bar gyur pa la bltos nas yin pa de bzhin du 'byung bar 'gyur ba la bltos nas kyang yin no/ /de ma thag pa nyid ni de nyid kyi rgyu mtshan yang ma yin te/ chod pa yang rgyu yin pa'i phyir ro/ /'di ltar/ gnyid sdug log pa sad pa na/ /rnam shes sngon gyi rig pa las/ /dus kyi bar du chad kyang ni/ /skye bo zhes ni rnam par des/ /de la lus ni rgyu ma yin te/ de ni sngon gyi 'du byed kyi rjes su 'jug par mthong ba'i phyir ro/ /lus de 'dra ba nyid na sngon gyi rnam par shes pa dang rjes su mthun par gzhan dang gzhan du skye ba'i phyir ro/ /de'i phyir rgyu dang 'bras bu'i dngos po nyid mtshan ni rjes su 'gro ba ldog pa'i rjes su byed pa yin la/ de ni 'byung bar 'gyur ba la yang yod pa yin no/ /gang zhig gang gi rjes su 'gro ba dang ldog pa'i rjes su byed pa de nyid de'i rgyu yin te/ khyad par gzhan ni don med do/ /'on te yang/ 'di yod na 'di 'byung 'di skyes pa'i phyir 'di skye zhes bya ba rgyu dang 'bras bu'i dngos po'i mtshan nyid yin no/ /'dir/ 'dis rjes su 'gro ba dang ldog pa tsam zhig brjod pa ni ma yin te/ 'di ltar/ bdun pa dang ni lnga pa yis/ /snga ma'i dngos por bstan pa yin/ /phyi ma'i dngos po dang po yis/ /de nas kyang ni bstan pa yin/ /'dir de rjes su 'gro ldog gi rjes su byed pa tsam zhig bstan pa ni ma yin te/ snga ma dang phyi ma'i dngos po nyid du ston par gsal ba'i phyir ro/ /zhe na/ de ni mi bden te/ de phyir bdun pa dang de las/ skyes phyir zhes kyang brjod pa yin/ /bdun pa 'am lnga pas snga ma'i dngos po nye bar bstan pa ni ma yin te/ rgyu mtshan tsam zhig nye bar bstan pa'i phyir te/ 'di 'di'i rgyu mtshan can yin no zhes bya ba'i don to/ /gang zhig yod pas gang 'byung ba de nyid yod na/ /de'i rgyu mtshan can 'gyur ba nyid do/ /gal te 'byung bar 'gyur ba yin na zhes ci ltar bstan pa bya ste/ de ni med pa'i phyir de ltar bstan par mi 'thad pa'i phyir ro/ /de bzhin du ma skyes pa la skyes pa yang ngo zhe na/ 'o na de yod na zhes bstan par bya ba 'das pa yang ji ltar yod pa yin zhig pa skyes pa yang ci ltar 'gyur ba yin no zhe na/ 'di yang 'byung ngo/ /snga na med pa dang zhig nas med pa dag las khyad par ci zhig yod/ yang na 'di yod na 'di 'byung ngo zhes bya ba la gang gis dngos pos dngos po mtshon pa zhes bya ba 'dis bdun pa yin no/ /des na yod pa zhes bya ba 'dis rgyu mtshan gyi dngos po tsam zhig mtshon pa yin gyi de'i tshe yod pa nyid ni ma yin no/ /de yod pas yod par mtshon pa 'di/ 'byung ba yod pas kyang/ yod pa mtshon pa nyid de/ 'chi ltas ni 'chi bas byas so zhes 'jig rten pa'i mdza' snyad yin no/ /gal te 'chi bar mi 'gyur na 'di lta bu'i 'chi ltas su mi 'gyur ro zhes so/ /skyes pa'i phyir zhes bya bas kyang dus kyi rnam par dbye bar ni mi 'gyur ro/ /rnam par dbye bas ni dus kyi khyad par brjod pa ma yin te/ byed pa po tsam zhig ston par nus pa'i phyir ro/ /byed pa po nyid med pa la ci ltar zhe na/ ci ltar myu gu skye'o/ /bum par bya'o zhes byed pa dang lus kyi dngos por 'gyur/ blo la gnas pas byed pa po nyid do zhe na/ 'dir ni dbye rog gi ma zos so/ /'on te gang zhig gang dmigs pa sngon du 'gro ba can du dmigs pa de rgyu yin no zhe na/ de yang ma yin te/ gang gi dang por dmigs 'gyur ba/ /gal te de de'i rgyu yin na/ /gting du chung pa'i sa bon ni/ /myu gu sogs kyi rgyur mi 'gyur/ /'on te de'i rigs can dang por mthong ba'i phyir de ltar brjod na/ ma dmigs pa ji ltar rgyur 'gyur ba bzhin dmigs pas gzhan dmigs bya ba nyid du 'gyur ba ni ma yin te/ nye bar btags pa tsam du mi 'gyur te/ des na dmigs pa ni yod pa mtshon pa yin no/ /de lta na yang don de nyid do/ /'di yod na zhes bya ba ni rgyu mtshan gyi dngos po yong pa nyid la de yang mi 'khrul ba'i yul can nyid do/ /gang gi sngar dmigs pa zhes bya ba yin na ni sngar yod pa thams cad rgyu nyid du thal bar 'gyur ro/ /mi 'khrul ba yul can yin no/ de nyid rgyu yin no/ 'on te mi 'khrul pa'i yul can du gyur ba na yang yod pa'o zhe na/ de yang gyi na ste/ de yod yod pa nyid tsam gyis/ /gal te rgyu 'bras nyid yin na/ /ci 'gal te tshe snga ma dang/ phyi ma'i dngos po don ci yod/ /snga ma dang phyi ma'i dngos po gang du nye bar mkho ste/ nye bar mkho ba med pa la ni bltos pa ma yin no/ /'on te/ dang po nyid ni 'gyur 'dod na/ /de don gnyer rnams len pa yin/ /phyi ma nyid ni rjes dpog gang/ /de ni nus pa las 'gyur ro/ /rgyu snga ma ni 'bras bu don du gnyer bas blang bar nus pa yin te/ /des rgyu ni snga ma'i dngos por 'dod pa yin no/ /dper na 'byung bar 'gyur ba'i 'jig rten pha rol bsgrub pa'i phyir de'i sngar yod pa da ltar ba 'jig rten 'di len pa yin no zhe na/ de yang mi 'thad de/ de la rgyu nyid kyang yod pa yin te/ sngar yod pa nyid la rgyu nyid med pa ni ma yin no/ /'on kyang de 'byung bar 'gyur ba mi 'khrul ba la bltos nas 'bras bu nyid kyang yin no zhes brjod do/ /rgyu nyid yin na len pa gang yin pa de ni 'bras su nyid la yang 'gyur ba yin te/ len pa las khyad par ci yod/ mi 'khrul pa tsam gyis blang bar bya ba yin pas/ 'di tsam gyis ma chog pa ci yod/ gang yang rgyu nus pa nyid las rjes su dpog ste/ de la 'bras bu nyid kyis ci zhig bya zhes brjod pa de yang ma yin te/ su zhig lag tu thob pa'i rdzas/ /rkang gis bgrod bar byed pa 'am/ /sen mo yis ni gcad bya ba/ /sta res gcad pa su zhig bzod/ /lag tu thob pa rkang gis bgrod par byed pa 'am/ sen mos gcod pa sta res gcod pa la su zhig sdod/ gtso ba'i 'bras bu nyid kyis ni/ /drang po'i tshul du go byed na/ /'bad pas bsgrub bya rgyud nyid kyis// go bar byed pa don med yin/ /de'i phyir mi 'khrul bas na ma 'ongs pa yang rgyu yin no zhes bya ba 'di ni 'thad pa yin no/ /lus las ni don gyi sgo nas 'gyur ba yin gyi/ ming la sogs pa ltar rten gyi sgo nas ni ma yin no/ /zhes re zhig bshad pa yin no/ da ni khas blangs nas brjod de/ bum sogs la ni me sogs bzhin/ /gang gi mtshan sems rgyun gyi/ phan 'dogs byed pa'ang yin bla ste/ /de tsam gyis ni ldog pa min/ /res 'ga' rten nyid kyis lus phan 'dogs par byed pa yin yang/ de tsam gyis ni lus log na sems kyi rgyun ldog pa ma yin te/ phan 'dogs par byed pa zhes bya ba tsam gyis ni/ phan gdags par bya ba'i zlog par byed pa ma yin te/ me la sogs pas phan pa'i khyad par sgrub pa'i bum pa la sogs pa ni me la sogs pa log na nges par log pa ma yin pa 'am/ gsang la sogs pa'i zhu ba la sogs pa'i mtshan nyid kyi khyad par me las 'gyur ba yin yang de log na ldog pa ni ma yin no/ /gal te khu ba ba la sogs pa'i mtshan nyid kyi khyad par de nyid ldog kyang gsar nyid de'i rang bzhin nyid do/ /gang zhig sems sems kyi rgyu yin pa de'i ltar na lus de'i gnas skabs su yod pa yin yang de ma tshang ba las ldog pa ni/ lus 'ga' zhig rgyu yin pa la 'gal bar brjod do/ /gzhan yang brjod pa ni/ lus ni gnas pa yin na sems/ /ldog pa med par thal bar 'gyur/ /de yod yod dang dbang 'gyur phyir/ /de las 'byung rdub de ma yin/ /thal bar gyur pa la sogs pa lus med pa'i gnas skabs su ni rgyu med pa'i phyir ldog tu chug na lus te lta bu nyid du gnas pa'am/ gzhan du 'gyur ba na ldog pa mi 'thad de/ gnas skabs mdza' dag gi rjes su 'gro ba'i phyir ro/ /'on te de ni 'byung ba rdub pa dag gi yang 'bras bu yin te/ des na de ma tshang ba'i phyir ldog pa yin no zhe na/ de yang mi 'thad de/ 'byung ba dang rdub pa dag ni sems nyid las yin gyi de las ni sems ma yin pa'i phyir lan ma yin no/ /de ga las zhe na/ de yod yod phyir te/ sems yod na yod pa'i phyir ro/ /sems yod na de dag yod pa'i phyir te/ /bzlog pa ni ma yin no/ /dbang du 'gyur ba'i yang phyir te/ 'byung dub dag las ni de ma yin no/ /gal te 'byung ba dang rdub pa dag sems kyi rgyu yin no/ /de'i tshe de dag dbang nyid du mi 'gyur ro/ /de dag ni sems kyi dbang du 'gyur bar dmigs pa yang yin no/ /gal te gzhan las skyes pa yin na de'i tshe de dag nyid las skyes pas sems cung zad kyang mi byed pa nyid du 'gyur ro/ /gzhan la rag las pa ni gzhan gyis dbang sgyur ba'i nus pa ma yin te/ /sems ni rang gi rgyu la rag las pa de dag gi yongs su gcod par byed pa tsam 'ga' zhig tu 'gyur ro/ /'on te de dag gi rgyu sems lhan cig byed pa can de dag skyed bar byed ba yin no zhe na/ 'o na sems kyang de dag gi rgyu yin pa'i phyir de dag las skyes pa ma yin no/ /'on te rtsa ba gzhan las skyes kyang sems kyi nges par byed pa yin te/ dper na rje? bos bran bzhin no zhe na/ de ni ma yin te/ bran ni gzhan las skye nyid du/ /mthong ba yin gyi de dag min/ /sems med par ni gzhan dag las/ /de dag skye ba yod ma yin/ bran bzhin du 'byung rdub dag ni sems med par ma mthong ste/ des na de dag rgyu gzhan las ma yin pa sems nyid rgyu yin no/ / de'i phyir de dag las de ma yin no/ /'on te gnyid log pa la sogs pa'i gnas skabs su 'byung ba dang rdub pa yod pas de'i rgyu sems ma yin te/ de'i rgyu can ni de med par 'byung ba ma yin no zhe na/ de yang ma yin te/ lus kyi spyod pa ci snyed pa/ de kun sems kyi 'dus byas yin/ gnyid log dbugs 'byung ring thung sogs/ /de ni sngar gyi sems las yin/ /dbugs ring du 'byung ba la sogs pa'i rnam par 'gyur ba mdza' dag ni sngon gyi sems kyi 'du byed pa'i rjes su 'gro ba can yin no/ /'di ltar/ dbugs byung ngal goms pas/ /rmi lam du yang ngal ba nyid/ /dbugs 'dren gzhan du 'gyur ba las/ gzhan nyid du ni 'gyur ba yin/ /rgyu gzhan ma yin pa nyid ston par byed pa ni/ rlung 'byin pa dang 'dren pa na/ /'bad rtsol med par gad las yin/ /de dag phul byung 'grib pa las/ /phul byung 'grib pa thob par 'gyur/ /gal te sems 'byung ba dang rdub pa'i 'bras bu yin na de'i tshe rlung 'byin pa dang 'dren pa'i rtsol ba med par yang 'gyur ro/ /de lta yang ma yin no/ /de dag ni 'byin pa dang 'dren pa'i rang bzhin yin pa'i phyir ro/ /'on te de dag gi 'byin pa dang 'dren pa nyid sems la rag las pa yin gyi/ rang gi ngo bo ni ma yin no/ /rang gi ngo bo ni rgyu gzhan las yin no/ /de'i phyir de las sems yin zhing de las 'byin pa dang 'dren pa yin no zhe na/ de yang ma yin te/ gal te shi la'ang rlung de ni/ /yod na sems pa ji ltar ldog /gal te de ni de yi rgyu/ min na lus rgyu yin par 'gyur/ /gal te gnas pa'i rlung sems pa'i rgyu ma yin na sems ldog pa nyid du 'gyur ro/ /'on te rgyu yin na de lta na yang shi ba la yang gnas pa'i rung yod pa'i phyir dang/ 'byung ba dang rdub pa dang yang 'bras bu rang bzhin yin pa'i phyir de med pas sems ldog pa ma yin pa'i phyir na ldog pa med par thal lo/ /'byung ba dang rdub pa 'phel ba dang 'grib pa dag gis sems 'phel ba dang 'grib pa yang 'thob par 'gyur te/ de de'i 'bras bu yin pa'i phyir ro/ /gdon mi za bar rgyu 'phel ba dang 'grib pa na 'bras bu 'phel pa dang 'grib par 'gyur ba yin te/ gzhan du na de rgyu zhes bya bar mi 'gyur ro/ /de dag la yang thal bar mtshungs/ /sems rgyu yin na mtshungs ma yin/ /gnas pa'i 'phen byed gzhan dag kyang/ /gang phyir rgyu ni yin par 'dod/ /'byung ba dang rdub pa dag sems kyi rgyu yin du chug mod/ de lta na yang lus ni gnas pa nyid na sems/ /ldog pa med par thal bar 'gyur te/ 'byung ba dang rdub pa de dag kyang mi ldog pa'i phyir ro/ /de dag kyang lus kyi 'bras bu yin pa'i phyir mi ldog pa nyid nyid/ de mi ldog na sems kyang mi ldog par 'gyur ro/ /'di snyam du sems sems kyi rgyu yin pa la yang thal ba 'di nyid de/ sems ni gnas pa nyid na sems/ /ldog pa med par thal bar 'gyur/ /de yi snga ma 'dod na ni/ /snga ma'i sems ni ldog ma yin/ /'dir bshad pa/ sems rgyu yin na mtshungs ma yin/ /gnas pa'i 'phen byed gzhan dag kyang/ /gang phyir rgyu ni yin par 'dod/ /lus de la sred pa dang bcas pa las kyi ming can gyi rgyu gzhan dag kyang 'dod pa yin no/ /snga ma'i sems kyi rgyun yod pa tsam las/ sems skye ba ma yin te/ ma rig pa la sogs pa'i rang bzhin 'du byed kyi bag chags kyi ming can gzhan yang rgyu yin pa'i phyir ro/ /de sems snga mas sad par byas pa na de'am gzhan du sems skyed par byed de/ bag chags kyi khyad par dang sad par byed pa na/ sna tshogs pa yin pa'i phyir ro/ dper na gnyid dang 'brel pa tsam gyis ni rmi lam sna tshogs mthong ba ma yin pa bzhin no/ /gnyid dang 'brel par mtshungs kyang res 'ga' nyid rmi lam 'ga' zhig mthong ba yin te/ bag chags sang pa'i rkyen sna tshogs pa'i phyir ro/ /bag chags sang pa sna tshogs pa'i phyir ldog pa yin gyi/ lus tsam rgyu yin yang de lta bu nyid du mthong ba'i phyir ni ma yin no/ zhes bya ba 'di ga las zhe na/ de lta yin na mi 'thad phyir/ /sems kyi bag chags mthong pas na/ /thams cad rmi lam shes pa bzhin/ /bag chags sad? pa'i rgyu can yin/ /gal te lus dang gnyid tsam rgyu yin na/ /thams cad thams cad kyi tsha rmi lam mtshungs par mthong par thal lo/ /'ga' zhig gis cur zhig dmigs pa yang yin te/ de'i phyir de ni bag chags dang 'brel bar byas so zhes bya bar rigs te/ de la bag chags rnams ni rnam pa sna tshogs pa yin pa'i phyir ro/ /de'i phyir sems thams cad lus de'am gzhan du bag chags sad par byas te/ byed pa dang ldan par gnas pa yin gyi gzhan du ni bsam par bya ba ma yin no/ /'on te bag chags kyi stobs las skye bar 'gyur ba ni mi bden pa nyid yin te/ rmi lam bzhin no zhe na/ de yang mi bden te/ chags spyod la sogs spros pa ni/ /bag chags stobs las byung gyur kyang/ /rang don bsgrub phyir mi bden min/ /yod nyid don byed pas byas yin/ /bag chags kyi stobs la brten pa// 'dod pa la spyod pa la sogs pa'i tha snyad mngon par 'dod pa'i don bya ba byed pa nus pa 'jug pa de dag ci mi bden pa'i bya bas bdag nyid 'dor ram/ ci ste 'dod pa spyod pa la sogs pa'i tha snyad dag bag chags kyi rjes su 'gro ba can yin yang de bden pa'i bud med la sogs pa dang 'brel pas mi bden pa nyid ma yin na/ skye ba la sogs pa'i tha snyad kyang de ltar yin pa'i phyir mtshungs so/ /de dag kyang der bden pa'i lus gzhan len pa dang/ 'dod pa'i phyir mi bden pa ma yin no/ /de bzhin du khu khrag gis bskyed pa'i lus gzhan blangs nas kyi ba 'jug pa yin no/ /bag chags kyi stobs las byung ba yin yang dmigs pa med par lus gzhan du 'pho ba ci ltar yin zhe na/ rgan pa la sogs pa'i lus kyi gnas skabs su 'pho ba bzhin no/ /gal te nyer len gcig gi dngos po yis// nga? gcig tu mi gnas pa'i phyir ro/ /de 'dra ba ni lus gzhan du/ /'pho bar 'gyur ba ma yin no/ /khu khrag gcig gi nye bar len pa can de ni lus gcig nyid yin pa'i phyir lus gzhan du 'pho ba ma yin no/ /khu khrag gzhan gyis bskyed pa phyugs la sogs pa'i lus ni lus gzhan yin no/ /de lta bur gyur pa dag ni 'pho ba ma mthong na de ci ltar brtag par bya zhe na/ de lta na yang lus gzhan nyid/ /ldog par 'gyur ba ma yin te/ /mtshan nyid mi mthun pa nyid ni/ /de nyid zlog byed yin par 'dod/ /gzhon nu la sogs pa'i lus ni byis pa la sogs pa dang mtshan nyid mi mthun pa yin pas de ni gcig ces brjod par nus pa ma yin no/ /der ni 'pho ba mthong ba yin te/ /de dang lhan cig spyod par skyes pa nyid der 'phos pa yin no/ /bag chags kyi stobs kyis de ltar skye ba zhes bya ba la yang 'gal ba med do/ /'on te de mi 'dra ba'i lus gzhan du 'pho ba ni ma mthong ngo zhe na/ rmi lam gyi lus su 'pho ba mthong ba'i phyir de yang ma nges pa yin no/ /de ni med pas der 'pho ba ni med pa nyid do zhe na/ ma yin te/ mthong ba ni med par mi rig pa'i phyir ro/ /ji ltar de mi bden pa bzhin du der 'pho ba yang mi bden pa yin no zhe na/ mi bden pa zhes bya ba 'di ci zhig sad pa'i shes pas gnod pa'o zhe na/ gang gi tshe rtogs pa de yod pa'i tshe ni gnod pa ma yin no/ /gzhan gyi tshe gnod do zhes ni mi 'thad do/ /de nyid kyi tshe sad pas mi dmigs so zhe na/ nges kyang sang pa'i shes pas dmigs pa ma dmigs pa'i phyir gnod bya gnod byed kyi dngos po mtshungs so/ /ji ste sang na ma dmigs so zhe na/ sad pa dang ma sad pa dag ji ltar rnam par dbye/ nga sang ngo snyam du rtogs pa skye ba'i phyir ro zhe na/ nga sang ngo snyam pa'i rtogs pa ni rmi lam du yang skye bas ji ltar de las rnam par dbye/ de'i phyir dmigs par mtshungs pa la med par ram/ mi bden par rigs pa ma yin no/ /'on te bag chags stobs chung ba'i phyir ring du gnas pa dang/ thun mong ma yin par dmigs pa nyam chung ba'i mtshan nyid ni mi bden pa yin no zhe na/ 'o na gang la bag chags brtan par yod pa thun mong du dmigs pa der bzlog pa'i phyir 'pho ba bden pa nyid do/ /'di ltar bag chags brtan pa las/ /bdon pa'i skye ba gzhan yod min/ /bag chags brtan pa tsam gyis ni/ /sad pa'i rig pa bden pa yin/ /gang la bag chags brtan pa yod pa de ni sad pa'i shes pa nyid dang/ bden pa dang thun mong du dmigs pa yin la/ de ni rang gi ngo bor yod pa nyid kyang yin te/ des na 'pho ba grub po/ /brtan pa med na ni mod la 'jig pa nyid do/ /gang du lhas bstan pas rmi lam mthong ba gnyi ga la snang ba der ci ltar mi bden pa yin/ /'on te de ni bden pa nyid do zhe na/ de lta yin na rmi lam gyi don thams cad mi bden pa nyid ma yin no/ /de lta yin na/ 'pho ba rab tu grub pas ni/ /khyad par yongs su rtogs pa'i phyir/ /de lta 'di ni rnam rtogs dang/ /mtshungs pa'i ltag tshod yin par gsal/ /yang na skye ba dang por sems kyi 'du byed kyi 'bras bu gsal ba dmigs pa'i phyir shi ma thag pa'i 'phos pa yin no zhes rtogs so/ /lus la kun 'dzin rang bzhin sems/ /lus can rnams kyi dang po yi/ /skye bar gang tshe 'byung mthong na/ lus gzhan ji ltar rtogs ma yin/ re zhig dang po'i skye ba 'am gzhan gyi tshe/ skye bo thams cad kyi sems kyi rang gi ngo bo lus la kun tu 'dzin pa la sogs pa'i rang bzhin can khyad par gyi rim pa dang ldan pas sngon gyi goms pa'i khyad par gyi rim pa'i 'bras bu nyid du dmigs pa 'di ni/ lus la kun tu 'dzin pa goms pa snga ma'i mngon par 'dus byas pa/ med na med pa'i phyir de shugs kyi lus gzhan nas lus 'di la 'phos pa yin no zhes rtogs pa yin no te/ de lta ma yin na ni rjes su dpag pa mi 'jug go /'on te 'pho ba la mngon sum med pas/ /de ji ltar rjes su dpag pas rtogs she na/ skyon 'di yang med de/ 'di ltar/ rjes dpag bya la'ang mngon sum ni/ /med phyir 'di la skyon ci yod/ /rjes dpag yul gyi mngon sum gyi/ /yul du 'gyur ba yod ma yin/ /mngon sum dang rjes su dpag pa dag ni/ yul phan tshun spangs nas 'jug par 'dod pa nyid pas de nyid ci ltar skyon yin 'on te de'i rigs la mngon sum 'jug pa med par ji ltar rjes su dpog ce na/ skyon de yang med de/ re zhig lus sam gzhan du 'ang rung/ /kun 'dzin goms pa las 'jug par/ /mngon sum gyis dmigs de nyid las/ ci yi phyir na rjes mi dpog/ ci skad du/ ji ltar de'i rigs la mngon sum med par rjes su dpog ste/ rjes su dpag pa ni mngon sum sngon du 'gro ba can yin pa'i phyir ro zhes brjod pa de la lan 'di yin te/ gal te mngon sum gyis 'pho ba ma mthong yang 'pho ba dang rjes su mthun pa'i 'bras bu ni dmigs pa nyid de/ grong gzhan du 'pho ba bzhin no/ /dper na grong gzhan nam yul gzhan nas 'ongs pa dag /sngon mngon par dga' ba'i yul dang rigs mthun pa'i nye bar spyod pa la sogs pa la dga' bar dmigs pa bzhin no/ /gal te gzhan dag gis de lta bur 'gyur ba'i yul na 'ongs pa ma dmigs pa de lta na yang 'di de lta bu'i yul nas 'ongs par rjes su dpag pa las dmigs pa nyid do/ /de bzhin du nye bar spyod pa pa sogs pa'i khyad? par la mngon par dga' bas lha la sogs pa'i 'jig rten nas 'ongs nas kyang nges par bya ste/ grong gzhan las 'ongs pa la mngon sum 'jug pa tsam gyis rjes su dpag pa la 'jug pa'i phyir ro/ du ba las rjes su dpag par bya ba'i me khyad par dang ldan pa la ni mngon sum 'jug pa ma yin no/ /me tsam la 'jug go zhe na/ 'dir yang yul la sogs par 'pho ba la 'jug pa'i phyir mtshungs so/ /'on te yang/ dper na yul gzhan la sogs par 'pho ba ni lus mdor bar lus de nyid kyis yin par mthong ba dang/ yang ci ltar rmi lam gyi lus kyi 'pho ba ni bden pa de bzhin du/ 'dir yang skye ba dang por lus ma dor ba dang/ brdzun par 'gyur ba'i phyir ma 'brel ba yin no/ 'di ltar gal te lus gzhan 'pho ba ni/ ngor dang bden pa dang 'brel na/ /de phyir 'jig rten pha rol ni/ /bden par rab bsgrub 'gyur ba yin/ ji ltar rmi lam dmigs med par/ /gnyid log gtan du rnam 'chad pa/ /de bzhin gal te shi ba yi/ /snga phyir der 'gyur ci zhig byas/ /ji ltar yul gzhan du rgyu ba lus ma btang bar yin pa de bzhin du gal te skye ba gzhan du rgyu ba yang yin na ni phyin ci log tu bsgrub par 'gyur ro/ /de bzhin du rmi lam gyi rgyu ba mi bden pa'i lus kyi rjes su 'gro ba can mthong ba'i phyir 'jig rten pha rol tu rgyu ba yang de lta bu nyid yin na ni snga ma dang phyi ma'i 'jig rten mi bden pa nyid pas med pa pa rnams kyi 'dod pa nyid yin no/ /gzhan yang ji ltar rmi lam ma mthong ba med par gnyid log pa pa'i gnas skabs na rnam par shes pa rnam par chad pa nyid dam/ rnam par shes pa mi gsal ba nyid yin pa de bzhin du/ gal te 'jig rten pha rol yang yin na/ de 'dra ba nges ci zhig bya ste/ med pa rnams kyi lta ba ma nyams shing/ 'jig rten pha rol smra bas kyang ci zhig byas par 'gyur zhe na/ 'dir 'di skad brjod de/ lus de nyid kyis 'pho ba la/ /mngon sum gyis ni gnod pa yin/ /gzhan mthong ba nyid sngon gyi ni/ /lus po yongs su 'dor ba yin/ /rmi lam pa rig pa thams cad ni bden pa'i rnam shes rnam 'grel yin/ /rmi lam las kyang bden pa yis/ /rnam shes yin phyir ci zhig 'gal/ /rnam par chad pa thams cad ni/ /sad pa dag dang 'brel par dmigs/ /shi nas rnam par chad pa yang/ /bden pa'i sad pa dang 'brel nyid/ /'dir ni bshad zin te/ rnam par shes pa ni 'di lus 'di la/ sngon gyi lus dang 'brel pa'i rnam par shes pa goms pa'i 'bras bu nyid du dmigs pas nges par lus btang ba med par mi 'gyur ba'i phyir ji ltar lus yongs su ma btang/ /lus ma mthong ba nyid 'dor ba yin te/ lus 'di dmigs pa nyid sngon gyi lus dmigs pa yin no/ /sngon gyi lus ma grub pa ji ltar sngon gyi lus yongs su 'dod pa grub ce na/ ma yin te/ gang tshe lus sogs mngon dga' ba/ /lus dga' sngon 'gro can yin par/ /grub pa de phyir kho bo yi/ /sngon gyi lus ni grub pa nyid/ /khyad par can sngon gyi mngon par dga' ba'i sgrub par byed pa nyid las sngon gyi lus grub po/ /lus de da ltar dmigs pa ni ma yin no/ /'das pa ma dmigs pas de'i tshe yang med pa ni ma yin no/ /des na sngon gyi lus mdor ro/ /zhes bya ba 'di ni mngon sum gyis gsal lo/ /ci skad du/ ji ltar rmi lam mi bden pa las/ / 'dir 'ongs pa de bzhin du 'jig rten pha rol mi bden pa nyid las yin pa'am/ ji ltar 'di las rmi lam gyi lus mi bden par 'gro ba de bzhin du 'jig rten pha rol du yang yin pa'i phyir 'jig rten pha rol mi bden pa nyid do/ /zhes brjod pa de yang pa bden rte/ rmi lam gyi mi bden pa nyid ni bden pa'i rjes su 'gro ba can/ bden pa shes pa'i rgyu yin pas/ /de ltar gyur pa de ni bar ma de'i srid pa yin no zhes 'chad par 'gyur ro/ /yang na shes kun rmi lam las/ /bye brag med par gnas so zhes// de ltar phyi nas bshar bya ste/ /'di'i skabs ni 'di nyid yin/ rmi lam gyi shes pa dang gzhan la bye brag ci yang med do/ /zhes 'chad par 'gyur ro/ /des na rmi lam gyi lus bzhin du 'jig rten pha rol gyi lus su yang 'pho bo zhes 'grub po/ /de'i phyir gzhan nas 'ongs pa la gal te bag chags kyi stobs kyi bye brag gis thogs pa dang bcas pa dang/ cig shos la sogs tsam zhig khyad par yin yang rgyud nyams pa ma mthong ba nyid do/ /des ni srog chags rnams kyi rgyud chad pa med pa yin/ pa'i phyir 'jig rten pha rol grub po/ /'chi ba la sogs pa ni gnas pa'i 'phen par byed pa'i bag chags kyi mtshan nyid sna tshogs pa'i phyir ro/ /sems gnas pa ni sems ldog pa med par thal ba ni me yin te/ de 'dra ba'i sems nyid med pa'i phyir ro/ /'o na tshu rol mi zas pa pa yang lan yod pa nyid de de 'dra ba'i lus med pa'i phyir ro zhe na/ de'i phyir bshad pa/ gal te sdong po la sogs bzhin/ /nyes pas mi mthun lus rgyu min/ /shi ba nyes pas mnyam 'gyur tshe/ /slar yang 'tsho ba dag tu 'gyur/ /rlung dang mkhris pa la sogs pa'i nyes pas mi mthun par 'gyur ba'i lus ni ji 'dra ba zhig las rnam par shes pa skye ba de 'dra ba ma yin pa nyid do/ /des na de 'dra ba'i lus med pa'i phyir ldog pa med par thal ba ma yin no zhe na/ 'di ni med de/ gal te de ltar 'gyur na shi bar 'gyur ba nyes pa mnyam par 'gyur ba nges na/ lus nad med pa thob pa'i phyir/ slar 'tsho bar 'gyur te/ de dag mnyam pa nang med de/ zad dang 'phel ba bzlog pa yin/ zhes brjod pa'i phyir ro/ /'on te nyes pa rnams mnyam par byas pa ga las shes zhe na/ rims la sogs pa'i rnam par 'gyur ba ma mthong ba'i phyir ro/ /rnam par 'gyur ba mi byed pa'i nyes pa ni 'chi bar byed pa ma yin te/ thams cad kyi tshe 'chi bar thal ba'i phyir ro/ /de lta ma yin na ni lus rgyu bar mi 'gyur te/ sems de de'i rnam par 'gyur ba yod pa dang med pa'i rjes su mi 'jug pa'i phyir ro/ /gal te slar 'tsho bar 'gyur ba de lta na ni lus rgyu nyid du shes par 'gyur ba yin na/ /sems kyi rgyu ni sems yin na/ /ldog par 'gyur ba ma yin te/ sems mi mthun pa med pa na/ /phyir yang 'ong bar mthong ba yin/ /lus rgyu yin pa 'gyur na ni/ mi mthun ldog par 'gyur ba na/ /de 'dra ba yi lus de nyid/ /ji ltar sems kyi rgyu ma yin/ /lus rgyu yin na ni/ de lta bur 'gyur ba'i lus nyid gzhan gyi tshe rgyu ma yin no zhes mi 'thad do/ /mi mthun pa de 'dra ba nyid kyis 'ga' zhig na/ 'chi ba gzhan ni ma yin no zhes bya ba'i rnam par dbye ba 'dir ci ltar 'gyur/ sems rgyu yin na ni sems mi mthun pa med pa dang yod pas 'chi ba dang cig shos kyi rgyu yin pa'i phyir rnam par dbye ba mi 'thad pa med do/ /nyes pa nye bar zhi 'gyur kyang/ /'chi dang 'ga' zhig nyes pa yis/ /nyes can yin yang 'tsho 'gyur ba'i/ /rnam gnas 'dir ni mi 'gyur ro/ /'bras bu ci gar 'jug pa ni ma yin no/ /des na rnam par shes pa lus kyi 'bras bu ma yin te/ lus kyi 'bras bu yin na/ slar 'tsho bar ? ? phyir ro// //bam pa bdun pa/ /gal te mi mthun par byed pa lag kyang des byas pa'i rjes su mi mthun pa gdon mi za bar mi ldog pa yin nam/ me log kyang shing la mes byas pa'i rnam par 'gyur ba ni gang yang ldog par mi mthong ngo/ /de'i phyir/ gal te me ni log na yang/ /shing gi 'gyur ba mi ldog bzhin/ de ni ldog pa med ce na/ /ma yin gso sbyong yod phyir ro/ /dpang na me log kyang shing gi 'gyur pa mi ldog pa de bzhin du nyes pas byas pa'i rnam par 'gyur ba 'chi ba yang mi ldog pa des na slar 'tsho bar thal ba ma yin no zhe na/ de'i phyir smras pa/ ma yin te gsol 'jug pa'i phyir ro/ /gal te nyes pa'i 'gyur pa bzlog tu med pa yin na gso ba'i phyir sbyong bar mi 'gyur ro/ /nyes pa'i 'gyur ba bzlog tu yod pa yin na/ de bzlog pa'i phyir go/ de 'bras bu rang bcas par 'gyur ro/ /gal te 'chi ba'i rnam par 'gyur ba las sngar nyes pas byas pa'i rnam par 'gyur ba chung ngu ni/ bzlog par bya ba yin gyi 'chi ba ni bzlog tu med par 'gyur ro/ /des na nyes pa'i 'gyur pa bzlog tu/ yod pa dang med pa yin pas nyes pa yin pas nyes pa 'di med do zhe na/ 'di ni lan ma yin te/ 'di ltar/ slar mi 'gyur par? ? zhig na/ /la lar 'gyur ba skyed par byed/ /'ga' zhig bzlog pa yin phyir dper/ /shing dang gser la me bzhin no/ /dang po chung yang ldog pa min/ /slar ldog rung bar 'gyur byas gang/ /de ni spang yang 'byung 'gyur te/ /gser gyi srab nyid bzhin no/ /'di'i don ni 'di yin te 'ga' zhig la la slar mi 'byung btsom par byed pa nyid de dper na shing la mi bzhin no/ /'ga' zhig bzlog pas de/ dper na gser la de nyid bzhin no/ /gcig nyid gcig nyid la ni/ de lta bu dar de lta bu ma yin pa'i rnam par 'gyur ba byed pa ma yin no/ /de la rnam par 'gyur pa byed pa 'am/ rnam par 'gyur pa bya ba dang po rnam par 'gyur pa gang yin pa de ni chung yang zlogs ma yin te/ mes ni shing la nag po tsam byas pa yang ldog pa ma yin la/ gser shin tu zhu yang me log na yang gzhan du 'gyur ba yin no/ /des na nyes par byas pa'i rnam par 'gyur ba chung ngu na lag pa'i 'chi ba'i mtshan nyid chen po yang ldog par 'gyur pa nges na slar 'tsho bar thal lo/ /'di ltar gnyid kyis sems pa dang bral ba'i mtshan nyid kyi rnam par 'gyur ba byas kyang gnyid med na ldog pa yin na/ /'on te de ldog pa med do zhes brjod na/ de la smras pa/ rig pa med pa'i rang bzhin ni/ /rig par 'dod pa ma yin te/ /'di ltar gal te de yod na/ /shi la'ang rig pa yod par 'gyur/ /shi dang gnyid log pa dag la/ /rig pa med par khyad par med/ /dbugs rdub la sogs thams cad ni/ /ci ltar de yang bsams pa yis/ /shi ba dang gnyid log pa dag la ni rig pa med pa nyid pas khyad par gzhan med do/ /des na gnyid log pa sad par 'gyur ba bzhin du/ zhi ba yang bsnun pa dang sman la sogs pa'i sbyor bas 'tsho bar thal lo/ /'on te gnyid log pa la ni rig pa med pa nyid med la/ shi ba la ni de yod pas khyad par yang na zhe na/ ma yin te rig pa mdo par ni gnyi gar yang mtshungs pa'i phyir ro/ /'on te rig pa med kyang de nus pa'i rang bzhin du yod do zhes brjod na/ nus pa zhes bsnyad pa de ci zhig /gal te nus pa myong ba nyid yid na ni de'i tshe rig pa nyid yod pas ji ltar rig pa med pa yin de yod pa yang yin med pa yang yin no zhes 'gal lo 'on te nus pa rig pa las gzhan yin no/ 'on te lus nyid yin pa des na sems bskyed par byed pa'i lus gnas pa na nus pa yod pa'i phyir de mi ldog pa nyid do/ /'on te skyed par byed pa'i lus ni zhig la/ gzhan skyed par byed pa ma yin pa skyes pa'i phyir sems pa med pa yin no zhe na/ skyed par byed pa ma yin pa de gang zhig pa de gang yin/ rig pa dang bral ba'o zhe na/ /gnyid log pa la yang de yod pa'i phyir gnyid log pa las kyang sad pa'i gnas skabs su rig pa yod par mi 'gyur ro/ 'on te de la dbugs rdub pa la sogs pa yod na des na lus skyed par byed pa ma yin pa ma yin no zhe na/ 'o na gnyid log pa'i gnas skabs de nyid kyi tshe skye ba'i phyir gnyid log pa nyid du mi 'gyur ro/ /'on te gnyid yongs su gyur pa dang ldan cig pa'i dbugs 'byung ba la sogs pa dag la sems pa skye'o zhe na/ gnyid ces bya ba ni ci zhig /rig pa med pa'o zhe na/ shi ba la yang de yod pa'i phyir te/ yongs su 'gyur ba na slar rig par 'gyur ro/ /gal te dbugs rdub pa med pas lhan cig byed pa mchod pa'i phyir lus 'ba' zhig las mi skye'o zhe na/ rgyal ba la sogs pa'i rnam par 'gyur ba la yang dbugs rdub pa la sogs pa med pa'i phyir/ rig pa yod par mi 'gyur ro/ de'i phyir dbugs rdub pa la sogs pa ni rig pa'i rgyu ma yin pa nyid do/ /dbugs rdub pa la sogs pa ni rgyu ma yin no zhes sngar bshad zin to/ /gzhan yang gnyid dang bral bar 'gyur na blo/ /shes pa snga ma'i 'du byed las/ /de lta'i rnam par 'byung 'gyur pa/ /de yi phyir na lus rgyu min/ /lus mtshungs par yod pa yin yang blo la sogs pa ni sngon gyi 'du byed pa dang rjes su mthun pa nyid du mthong ngo/ /des na lus sam dbugs rdub pa la sogs pa ni/ rgyu ma yin no/ /'on te 'du byed lhan cig pa'i/ /lus las skye ba brjod ce na/ /de ni ma yin te/ 'du byed de tshe med pa ni/ /lhan cig byed 'gyur phyir 'thad dka' // med pa ni yod pa'i lhan cig byed pa ma yin no/ /sems med pa las/ sad pa'i gnas skabs na lus bzhin du sngon gyi sems kyang yod pa ni ma yin pa nyid do/ /med pa ni lhan cig byed pa ma yin te/ lhan cig tu bya ba byed pa med pa'i phyir ro/ /yod pa dang med pa ni lhan cig 'byung ba ma yin no/ /de'i phyir de las sems snga ma nyid rgyu yin gyi lus ni ma yin no/ /'o na ji ltar bsnun pa la sogs pa sad par byed pa yin zhe na/ /de ni lan ma yin te/ sad pa gdon mi za bar ni//bsnun sogs nyid las skye ba min/ /rab tu brdegs pa med par yang/ /sad pa dag ni dmigs pa yin/ /bsnun pa la sogs pa nyid kyis ni/ sad pa ma yin te/ rang nyid kyang sad pa'i phyir ro/ /gal te sad ma thag tu mthong ba'i don dang 'bral ba'i rnam par rtog pa skye ba ma yin nam/ des na mthong ba dang sngon gyi rnam par shes pa dag ni ci ltar lhan cig pa yin zhe na/ de yang legs par ma yin te/ 'di ltar nye bar gnas la sad gyur pa/ /'di la'ang nges pa yod min te/ /der gtad pa yis gang 'phangs nas/ /gnyid log de las sad phyir ro/ /gang zhig lhur gtad pas 'phags nas/ gnyid log pa de dang mthun pa nyid du 'di'i bag chags sad par 'gyur pa yin gyi/ sad pa na/ gang zhig dmigs pa de dang 'brel bar nye ba nyid rtogs pa ni ma yin no/ /gang ci ltar goms pa dang de de lta bur 'gyur ba nyid rtogs par mthong ba yin no/ /sad pa ni nang gi reg pa la sogs pa'i shes pa'i rang bzhin nyid de/ gang zhig ci ltar goms pa de dang/ rjes su mthun pa nyid du lus kyi reg bya rig pa yin no/ /'di ltar/ 'jigs dang brtan sogs 'du byed las/ /'bros dang mtshon 'dzin la sogs pa/ /bde sogs rtogs pa'i rang bzhin ni/ /srog chags rnams la skye bar 'gyur/ /'jigs pa goms pa'i khyim du zhugs pa rnams la ni sad pa na bros pa bde ba la sogs pa'i rang bzhin du rig pa nyid de bzhin du sdug bsngal bar gnas par 'gyur ro/ /gzhan la 'tsho bar mngon par dga' ba drag po'i bdag nyid can rnams kyi ni gzhan la gnod pa byed pa'i rgyu mtshan la sogs pa 'dzin pa'i rang bzhin bde ba la sogs par rig pa'i rang bzhin yin no/ /des na lus sam dbugs rdub pa la sogs par rig pa'i rang bzhin yin no/ /des na lus sam dbugs rdung pa la sogs par ni rnam par shes pa'i rgyu ma yin te/ /rnam par shes pa snga ma nyid rgyu yin no/ /de yang gal te lus las skyes pa yin na ni de'i tshe ldog pa med par thal lo zhes bya ba'i skyon de nyid yin no/ /de bzhin du rnam par shes pa snga ma'i rjes su 'gro ba can du yang mi 'gyur ro/ /'on te nyes pas mi mthun par byas pa'i rgyu ma yin na ni/ mi mthun pa med na yang 'byung bar 'gyur ro/ /phyir mi 'byung ba'i rnam par 'gyur ba'i chos rtsom par byed pa nyid yin na ni nyam chung ba la sogs pa rnam par shes pa zhan par 'jug pa'i mtshan nyid dam brgyal ba la sogs pa rnam par chad pa'i mtshan nyid des byas pa'i rnam par 'gyur ba chung ngu yang bzlog tu med par 'gyur ro/ /phyir log pa med pa'i rnam par 'gyur ba'i rtsom par byed pa ni chung ngu yang bzlog tu med pa yin no/ /phyir ldog pa rung bar byas pa'i rnam par 'gyur ba gang yin pa de ni phyir 'byung bar 'gyur te/ gser gyi srad nyid bzhin no/ /gser gyi sra ba nyid ni song yang 'gyur ba'i rgyu dang bral ba na slar ldog pa yin no/ /de bzhin du rnam par shes pa rnam par chad pa'i mtshan nyid rnam par 'gyur ba chen po yang bzlog par bya ba yin pa'i phyir/ slar 'tsho bar 'gyur ro/ /gal te gso ba'i sbyor ba yod pa'i phyir slar ldog par rung ba nyid yin la/ bsgrub tu med pa'i nad kyi dngos po yin pa'i phyir ni slar ldog par byar med pa'i rnam par 'gyur ba yin pa phyir gnyi ga yang yod pas na skyon med do zhe na/ lan bshad pa ni/ cung zad gso bya min brjod pa/ 'chos byed rnyed par dka' phyir ram/ /tshe zad phyir ro nyes 'ba' zhig /gso na gso min med pa nyid/ /bslab par bya ba ma yin pa nyid ni nyes pas byas pa'i rnam par 'gyur ba sel nus pa dang sman dang sman pa rnyed par dka' ba las yin la/ sems 'byung ba chen pa las 'gyur bar smra ba'i gzhung las bsgrub par bya ba ma yin pa 'ga' yang med pa'i phyir ro/ /'o na 'tshos par byed pa rnyed par dka' ba nyid kyi phyir slar 'tsho ba ma yin no zhe na/ de ni med de gang gi phyir/ /rnam 'gyur ldog pa min na ni/ /chos byed rnyed par dka' ba nyid/ /slad 'tshe ba yi rgyu ma yin/ /ldog na don med 'gyur pa yin/ /de'i phyir rnam par 'gyur ba log na slar 'tsho bar thal bar 'gyur ba nyid do/ /gal te gzhan yang bsgrub par bya ba nyid ma yin pa yod pa kho na'o zhe na/ 'di la la nang la ni bsgrub par bya ba ma yin pa nyid 'thad do/ /de bshad pa ni/ tshe zad pa'i phyir na nang bsgrub par bya ba ma yin pa'i phyir ro/ /'di ltar nang de lta bu nyid kyis 'ga' zhig 'tsho ba dang gzhan ni ma yin par mthong ngo/ /tshe ni mtshon pa ste/ las zad pa las kyang yin no/ /sha bkra la sogs pa las las skyes pa'i nang ni bsgrub par bya ba ma yin te/ las de 'dra ba yod pa'i phyir ro/ /de'i phyir las bdag por 'gyur ba nyid lan gyi rgyur smra'o/ /nyes 'ba' zhig rnam par 'gyur bde byed pa yin na ni/ gso bar bya ba ma yin pa'i nang med pa nyid do/ /de'i phyir/ shi ba'i dug sogs lag phyir ram/ /de yi sogs zin bcad las kyang/ /'gyur ba'i rgyu dang bral ba na/ /de cis slar yang 'tsho mi 'gyur/ /shi ba la gang tshe sngags la sogs pas/ dug la sogs pa ldog par 'gyur ba'am/ /de'i sos zin pa bcad pa las te/ sos zin pa dang nyid 'dus pa bcad pas log pa dang/ 'gyur ba'i rgyu rims la sogs pa dang/ bral bar gang gi tshe 'gyur ba de'i tshe slar 'tsho bar 'gyur ro/ /zhes bya ba 'di gnas so/ /gzhan yang nye bar len pa'i rgyu ma yin pa ldog pa'i phyir ma yin no/ /lus kyang nye bar len pa'i rgyu ma yin te/ gal te yin na de rnam par ma gyur par mi 'gyur bar thal bar 'gyur ro// gang gi phyir/ nye len rnam? ? ? nas? 'gyur ba med par ni/ nyer len can dag 'gyur ba ni/ /byed par mi nus dper 'jim pa/ /'gyur ba che ba par bum sogs bzhin/ /nye bar len pa lus 'gyur ba med par nye bar len pa las byung ba rnam par shes pa 'gyur bar byar mi nus par 'gyur te/ 'jim pa 'gyur ba med par bum pa la srogs? pa 'gyur ba ni mi? dmigs so/ /nye bar len pa'i chos kyang 'di nyid de/ de 'gyur ba nyid kyis rnam par 'gyur ba gang yin pa'o/ /rgyu mang po yod kyang ni 'ga' zhig gi nye bar len pa yin gyi rgyu tsam ni ma yin no/ /lus ni rgyu nyid yin yang de 'gyur ba nyid kyis rnam par 'gyur ba ni ma yin no/ /de ma 'gyur yang 'jigs pa dang mya ngan la sogs pas snga ma'i sems rnam par 'gyur ba tsam gyis 'gyur ba'i phyir dang/ de 'gyur na yang gdon mi za bar mi 'gyur ba'i phyir ro/ /gal te chu 'gyur na myu gu 'gyur ba yin yang de de'i nye bar len pa ni ma yin no zhe na/ ma yin te/ rgyun gyi rgyu nye bar len pa'i rgyu yin pa'i phyir ro/ /rgyun gyi rgyu yang sa bon yin gyi chu ni ma yin te/ chu ni gnas skabs kyi khyad par gyi rgyu yin pa'i phyir ro/ /chu las rgyun 'byung ba ni ma yin te/ chu ni nas la sogs pa la thun mong ma yin pa'i phyir ro/ /chu ldog kyang sA lu'i rgyun ldog pa yang ma yin te/ chu med kyang snga lu'i rgyun mi ldog pa'i phyir ro/ /myu gu la sogs pa'i de'i gnas skabs kyi khyad par ni rgyu yin pas de ni de log na ldog pa yin no/ /des na chu ni nye bar len pa'i rgyu nyid ma yin no/ /chu la sogs pa la ni sA lu'i sa bon rnam par 'gyur ba'i sgo nyid nas myu gu la sogs pa gong nas gong du rnam par 'gyur ba yin no/ /de'i phyir 'gyur ba med par yang rnam par 'gyur ba'i phyir lus 'di ni rnam par shes pa'i nye bar len pa'i rgyu ma yin no/ /de nyid bshad pa ni/ /dngos gang 'gyur ba med par ni/ /dngos po gang zhig rnam 'gyur ba/ /de yi nyer len mi rigs te/ ba lang ba men la sogs bzhin/ /lus ma 'gyur yang rnam par shes pa 'gyur ba'i phyir lus ni de'i nye bar len pa'i rgyu ma yin no/ /de'i phyir lus ldog na de ldog pa ma yin te/ de 'gyur bas 'gyur ba ma yin pa'i phyir ba lang dang ba min la sogs pa nyid bzhin no/ /ba men pa lang gi gnas skabs kyi khyad par rnam pa 'ga' zhig gi rgyu yin yang/ de ldog pas gnas skabs kyi khyad par de nyid mi 'gyur mod/ /rgyun ldog ba ni ma yin no/ /gal te ba lang dang ba man ngag nye bar len pa dang nye bar len pa can gyi dngos po ma yin pas bzlog par bya ba dang blog bar byed pa ma yin mod?/ lus dang sems dag la go ci 'ong bar 'gyur te/ gzhan gyi skyon ni gzhan gyi skyon tu 'gyur ba ma yin no/ /nye bar len pa nyid ma yin na ni/ nges par lhan cig tu gnas pa nyid du yang? mi 'gyur te/ sA lu la sogs pa'i rgyu dang chu bzhin no zhe na/ 'di la brjod pa ni/ sems dang lus kyang de bzhin no/ /de rgyu lhan cig byed pa las/ /skye ba'i 'bras bu lhan cig nas/ /me dang zangs ma'i khu nyid bzhin 'dir? gzhan du ni grub pa ma yin te/ gang gi phyir sems dang lus dag kyang de bzhin du nye bar len pa dang nye bar len pa can gyi dngos po ma yin no/ /ba la de dang ba men dag? nyid bzhin du rnam pa ji zhig ltar phan 'dogs par byed pa tsam du zad de/ gdon mi za bar lus rnam par 'gyur ba nyid kyis sems 'gyur ba ni ma yin no/ /de bas na lus nye bar len pa'i rgyu ma yin pa'i phyir de ldog kyang sems ldog pa ni ma yin no/ /gnas skabs rgyu yi dngos po ni/ nye bar len pa'i rgyu yin gyi/ /gnas skabs byed pa log pa na/ /gnas skabs de nyid ldog par zad/ /rgyun gyi rgyu gang yin pa de/ /nye bar len pa'i rgyu yin pas/ /de ni log par 'gyur na 'di'i/ /rgyun ni ldog par 'gyur ba yin/ /ma log pas ni zangs ma yi/ /zhu ba nyid ni ldog par 'gyur/ /sems ni lus dang lhan cig tu/ /de srid dus su rnam gnas pa// phan tshun lhan cig byed phyir te/ /me dang zangs ma'i zhu nyid bzhin/ /rgyu de min na gnyis 'bras ni/ /sems nyid gser bzhin gnas pa yin/ /ci ltar me lhan cig byed pa'i zangs ma zhu ba nyid kyi nye bar len pa yin pa des na/ me dang zangs ma'i zhu bdag lhan cig gnas pa de bzhin du/ lus la gnas pa'i sems kyang lhan cig byed pa can gyi sems las skye la/ lus kyang sems lhan cig byed pa can gyi lus kyi rgyu mer mer po dag la srogs pa dag las 'byung ba yin te/ des na skye ba'i 'bras bu lhan cig tu gnas pa yin no/ /'di skad du brjod pa yin te/ phan tshun lhan cig byed pa'i phyir/ tshogs pa gcig tu 'gyur bas na/ /'bras bu nyid ni lhan cig tu/ /gnas pa la ni mi 'thad med/ /lus kyi rgyu mer mer po la sogs pa'i ming can sems kyi lhan cig byed pa can yin pa'i phyir dang/ sems kyang yul lhan cig byed pa can yin pas lus dang sems kyi mtshan nyid kyi 'bras bu skye ba lhan cig gnas pa yin te/ me dang zangs ma'i zhu ba nyid bzhin no/ /lus log na ni lus gzhan gyi khyad par can nam 'dus med pa'i sems yin pa'i phyir de log pa ma yin te/ gser gyi rgyun bzhin no/ /'on te yang ji ltar chu la sogs pa las 'bru'i rgyun gyi khyad par 'byung ba de ni chu log na log pa yin zhing/ me la sogs pas nye bar len pa nyams par byas na ni/ rgyun nyid log par 'gyur ro/ /de bzhin du sems kyi nye bar len pa la 'ga' zhig gis nyams par byas pa yang rgyun gyi rgyu ma yin pa'i phyir rgyun log par 'gyur ram/ yang ji ltar sha lu ka'i rigs mi mthun pa lang gi lci ba las 'byung ba de bzhin du/ dang po lus nyid las skye bar 'gyur ro zhe na/ 'dir brjod pa/ 'bru la sogs pa'i nyer len ni/ /me la sogs pas 'jig pa yin/ /rnam par shes pa'i nyer len ni/ /'gas kyang gnod par byed ma yin/ /dang por rnam par shes pa ni/ / lus las skye ba mthong ma yin/ /nyer len gnod pa med par ni/ yid ni log par 'gyur ma yin/ /'bru'i rgyun gyi nye bar len pa la me bzhin du/ rnam par shes pa'i nye bar len pa ni gnod pa ma yin no/ /rnam par shes pa'i nye bar len pa ni/ rnam par shes pa nyid yin la/ de la ni tshig pa la sogs pa yod pa ma yin no/ /gnyid leg pa la sogs pas gnod par byed de zhe na/ ma yin te/ gnyid la sogs pa ni dus de tsam du gnod pa'i rgyu yin pa'i phyir ro/ /sngon gyi 'du byed la lhas can/ /shes pa bar du chod pa yi/ /rnam shes las kyang skye 'gyur bas/ /gnyid kyis de ni rnam chad min/ /gnyid kyis ni rnam par shes pa'i nye bar len pa gzhig par nus pa ma yin te/ rnam shes rnam pa chad dag las kyang/ /skye ba nye bar dmigs phyir ro/ /shi dang gnyid log pa dag la/ /rnam chad khyad par med par gnas/ /'on te res 'ga' rnam par chad pa kho nar 'gyur ro zhe na/ de ni ma yin te/ sad pa med pa'i rnam 'chad ni/ /rang dam yang na gzhan gyis kyang/ /dmigs pa yod pa ma yin na/ /rtog pa 'di 'drag las yin/ /re shig rnam par shes pa rnam par chad pa rang nyid kyis ni dmigs pa ma yin no/ /gzhan rnam par chad pa ni shes pa dmigs kyi shes pa rnam par chad pa ni gang gis kyang ma yin no/ /shes pa med pas so zhe na/ /shes pa med par ma grub par ci ltar med pa sgrub par byed pa yin/ /grub po zhe na ni de nyid shes pa yin pas ci ltar shes pa rnam par chad pa yin/ /kun tshe rnam par chad pa ni/ /kun tshe shes pa nyid gyur pa/ /'jig rten pha rol med pa ni/ /de nyid yin phyir lan gdab dka' / /de yang ma yin te/ sngon gyi 'du byed la ltos can/ /rab tu sad ba dmigs pa'i phyir/ rnam shes da ni rnam 'chad pas/ /'ba' shig dmigs pa yod ma yin/ /dang po'i skye ba dang/ rab tu sad pa dag tu rnam par shes pa sngon gyi 'du byed dang rjes su 'brel pa nyid dmigs pa'i phyir sngon dang phyi ma'i mdza' dag rnam par chad pa dmigs pa ma yin no/ /gzhan gyis ni gzhan gyi shes pa rnam par chad pa mi dmigs pa nyid de/ dmigs pa'i mtshan nyid du gyur pa med pa'i phyir ro/ /'dod chags dang bral bas nyams dams pa srid pa na/ rnam par chad pa yang ma yin te/ rang gi don la dga' med pa/ /chags bral zhes byar 'dod mod kyang/ /gzhan gyi don la'ang dga' med par/ /nyes med ces pa 'brel ma yin/ /gzhan gyi don la dga' ba ma yin pas nyes pa dang bral ba nyid du 'gyur ba ma yin te/ rtse ba med pa zhes bya ba gang yin pa de nyid de'i nyes pa yin no/ /yang na 'dod chags dang bral ba nyid kyis rnam par chad pa ni 'ga' zhig 'dod pa nyid yin pa'i phyir ro/ /nyes pa ma yin no/ /de'i phyir nye bar len pa nyams pa nyid kyis rnam par shes pa ldog pa ni ma yin te/ lus nye bar len pa ma yin pa'i phyir dang/ sems nyams par bya mi nus pa'i phyir ro/ /'di snyam du gal te nye bar len pa ldog pas rnam par shes pa ldog pa ma yin du chug kyang/ rten ldog pas ldog pa ni bzlog tu med pa nyid do/ /lus kyang rten yin par rtogs pa yin te/ des na rtsig pa la sogs pa log pa la ri mo la sogs pa ldog pa bzhin pas 'jig rten pha rol ma grub po zhe na/ de yang bden min ri mo la/ /sogs pas 'pho bar dmigs min pa/ /de na ri mo la sogs dngos/ /rten zhig na ni 'jig par 'gyur/ /nga ri mo la sogs pa ni bum pa la sogs pa ltar rten gzhan nas 'ongs so zhes rtog pa med do/ /rnam par shes pa ni dang po'i skye ba dang rab tu sang pa'i gnas skabs dag tu skye ba gzhan gyi lus dang lhan cig spyod pa'i 'du byed pa dang rjes su 'brel pa 'am/ rmi lam gyi lus kyi 'du byed dang rjes su 'brel pa yin pa'i phyir/ /ri mo bzhin du rten so sor nges pa ma yin no/ /rten so sor nges pa yin na ni rten ji zhig na 'jig pa yin no/ /gzhan yang rten nyid ni lus sam gzhan 'ga' la yang yod pa ma yin pa nyid pas ji ltar de zhig na 'jig ri mo la sogs pa ni rtsig pa la sogs pa dag las tha dad pa ma yin pa nyid de/ des na rang zhig pa nyid kyis zhig pa yin gyi/ rten zhig pa'i phyir ni ma yin no/ /gal te tha dad pa med pa'i phyir rten dang brten pa'i dngos po ma yin mod/ lus dang sems tha dad pa dag ni yin par 'gyur ro zhe na/ 'di ni med de/ yod med dag la rten med phyir/ /ma yin yod pa'i gnas rgyu ni/ /rten yin zhe na 'di rten med/ /gnas pa po las gzhan min phyir/ /'di ni rten yod ma yin mod/ /gzhan yin na yang de rgyu nyid/ /des ni dngos po ci zhig byas/ re zhig med pa la ni rten yod pa ma yin te/ ri bong gi ras ni rten 'ga' yang med do/ /med pa ni rgyu las skye bar 'dod pa 'ba' zhig tu zad de/ des na med pa ni rgyu nyid srid kyi rten ni ma yin no/ /yod pa la yang rten yod pa ma yin te/ yod pa ni ltos pa thams cad dang bral ba'i phyir ro/ /yod pa yang gnas par byed pa'i phyir rten yod pa yin no zhes bya yang 'brel pa ma yin te/ gnas pa ni gnas pa po las gzhan ma yin pa'i phyir gnas par byed na de nyid byas par 'gyur ro/ /de ni skyed pa ma yin te/ skyes pa yang skyed par mi rung ba'i phyir ro/ /'on te skyes pa'ang ma skyes pa cung zad yod pas na de byed pa'i phyir rten yin no/ /bdag nyid thams cad skyed pa ni rgyu yin par brjod la/ chos 'ga' zhig bskyed pa ni rten la sogs pa yin no/ /gnas pa ni rang gi ngo bo las tha mi dad pa yin te/ ltung ba gnas pa med pa la yang rang gi ngo bo yod pa'i phyir ro/ /gal te gnas ba tha dad pa med pa yin na ni/ de gnas pa las tha dad pa med par 'gyur bas thams cad kyi tshe gnas par 'gyur ro/ /rang gi ngo bo yod pa na ldog pa ni 'gal ba'i chos gnas pa'i phyir tha dad par 'gyur ro zhes rigs so zhe na/ de ni ma yin te/ gzhan yin na ni 'di de'i rgyu nyid de/ 'di gnas pa'i rgyu nyid yin gyi rten/ ni ma yin no zhe na/ dngos po'i rten yin no zhe na/ ma yin te/ dngos po la ni ci yang ma byas pa'i phyir ro/ dngos po'i gnas pa byed pa'i phyir rten yin no zhe na ci gnas pa ni skyes par gnas par bya ba yin nam? 'on te gzhan du yin te de ni skyes pa'i sngon du ni dngos po ma yin te med pa nyid kyi phyir ro/ /tha dad pa gzhan las skyes pa ji ltar dngos po'i yin te/ de'i bdag nyid dang de las byung ba'i 'brel ba med pa'i phyir ro/ /de dang 'dus par skyes pa'i phyir ro zhe na/ de dang 'dus pa zhes bya ba'i don ci zhig /der gnas pa'o zhe na/ gnas pa la yang gnas pa gzhan yong pas thug pa med do/ /gzhan yin na tha dad pa nyid du ci ste mi rtogs/ /'phrod pa 'du bas 'brel ba'i phyir ro zhe na/ 'phrod pa 'du ba yod mod de lta na yang gang gang gi rang bzhin yin pa de de nyid du ji sde mi rtogs pas ji ltar gzhan du rtogs/ 'byar ba'i phyir ro zhe na/ 'byar ba zhes bya ba de ci yin/ gal te bdag nyid thams cad kyis 'byar na ni tha dad pa med par 'gyur ro/ /'on te phyogs gcig gis 'byar pa yin na ldan pa dang 'phrod? pa 'du dag la khyad par ci yod/ so so ba dang so so ba ma yin par grub pa'o zhe na/ shing la sogs pa'i yan lag rnams kyang 'phrod pa 'du bar thal lo/ /'di la'o snyam pa'i blo'i rgyu mtshan du gyur pa'o zhe na/ ma yin te ldan pa nyid du thal ba'i phyir te/ mgo la rwa'o zhes rtogs pa'i phyir ro/ /'on te rang gi 'du ba can gyi yan lag dang 'dus pa nyid ni so so ba ma yin par 'grub pa yin par 'grub pa yin la bzlog pa ni so sor grub pa yin no zhe na/ de lta na yang tha dad par rtogs pas 'phrod pa 'du ba ma yin no yan lag med pa'i dngos po ni yan lag dang 'byar ba ma yin no/ /yan lag dang 'byar ba na ni tha dad par rtogs par thal ba'i phyir ro/ /rjes su zhugs pa dang ma zhugs pas tha dad do zhes bya ba yang 'thad? pa ma yin te/ mngon sum gyis rjes su 'gro ba ma rtogs pa'i phyir ro/ /mngon sum med pa ni rjes su dpag pa med pa'i phyir rjes su 'gro ba rtogs pa med do/ /de'i phyir lhan cig byed pa'i rgyu khyad par can las don khyad par can nyid skye ba can yin gyi/ gnas pa zhes bya ba ni med de zhes gnas so/ /de lta na yang rgyu dang 'bras bu'i dngos po'i khyad pa nyid rten dang brten pa'i dngos po yin no/ /lus ni nye bar len pa'i rgyu yang ma yin pas de log na ldog pa ma yin no/ /gal te gnas par byed pa'i phyir lus rten yin na/ de'i tshe gang la gnas pa'i yod pa de mi 'jig pa'i phyir 'jig pa med par thal bar 'gyur/ gal te de 'jig rgyu las 'dod/ /de la thal ba mtshungs pa yin/ gnas ba'i rgyus kyang ci zhig bya/ /gnas par byed pa yod pa la 'jig pa mi srid do/ /'on te yang gal te 'jig pa'i rgyu med na gnas par byed pa yod pa na 'jig pa ma yin pa zhig na/ 'jig pa'i rgyu yod pa las zhig pa'i phyir 'jig pa med par thal bar mi 'gyur ro// zhes smras pa ni/ gal te de 'jig pa'i rgyu las 'jig pa yin no/ zhe na/ ma yin te/ de la'ang thal ba mtshungs pa yin/ 'jig pa de yang thal bar 'gyur ba mtshungs so/ /'jig pa zhes bya ba dngos po las gzhan ni 'ga' yang med de/ gzhan yin pa de'i rgyu yin te/ de dngos po ci zhig byas/ 'jig pa gzhan byas na de 'jig ces bya ba ni ma yin no/ /des na 'jig pa'i rgyu cung zad kyang byed pa yang ma yin te/ de'i phyir mi 'jig pas bdag nyid gnas pa'i phyir gnas rgyus ci zhig bya/ gnas pa'i rgyu ni cung zad kyang byed pa ma yin no/ /yang na gal te 'jig pa'i rgyu las 'jig pa yin na/ ji srid 'jig pa'i rgyu yod pa ma yin pa de srid rang nyid gnas pa'i phyir gnas pa'i rgyus ci zhig bya/ gal te 'jig rgyu phrad par du/ /des gnas 'jig pa dngos chos nyid/ /yod la 'di gnas med pa'i phyir/ /gnas pa'i rgyus ni ci zhig bya/ /gnas pa'i byed pa med na 'jig byed med par yang 'jig par 'gyur ro/ /gnas par byed pa yod na ni 'jig pa'i rgyu med par 'jig pa ma yin te/ des na 'jig byed kyi sngar gnas par byed pa'i phyir gnas par byed pa'i yin pas don med pa ma yin no zhe na/ de lta na 'o na 'jig pa'i rgyu med par thal bas rang gi rgyu nyid las de lta bur 'gyur bas yin pa'i phyir 'jig pa'i dngos po'i chos nyid yin pas/ yod pa la ste yod pa'i don las 'di gnod par byed pa ma yin no/ /dngos po'i rang bzhin gang gis kyang gzhan du bya ba ma yin pa'i phyir/ gnas pa'i rgyus ci zhig bya/ 'on te gnas pa'i rgyu med na 'jig par 'gyur ba las gnas pa'i rgyu yod na 'jig pa la gegs byed do zhe na/ 'jig pa'i gegs de yang 'jig pa las gzhan ma yin nam/ des na 'jig pa ci yang ma yin pa'i phyir 'jig par 'gyur ba nyid pas ji ltar gnas/ 'on te skad cig so sor 'jig pa'i ngang can gnas par byed pa las gzhan du 'gyur ba yin na/ de'i rgyu 'jig pa yang rgyu med pa yin pa'i phyir de nyid skad cig so sor 'jig pa yin no/ /de'ang gnas par byed pa las gzhan skyes pa'i phyir 'di skyed par byed pa yin gyi gnas par byed pa ni ma yin no/ /yang na gal te gnas par byed pa las 'jig pa po phrad kyi bar du mi 'jig pa gnas pa yin no zhe na/ de lta yin na mi 'jig par skyes pas 'di gnod pa ma yin pa'i phyir gnas pa'i rgyus ci zhig bya/ 'on te gnas par byed pa yod pa'i dus nyid du mi 'jig pa yin na/ de lta na gnas par byed pa las skad cig so sor mi 'jig pa gzhan dang gzhan yin par 'gyur ro/ /gnas pa po'i gnas pa yang cis byas/ rang gi rgyus byas so zhe na/ gnas par bya ba yang de ltar 'gyur ba'i phyir gnas par byed pas ci bya/ 'on te 'ga' zhig ni gnas pa pos gnas la/ 'ga' zhig ni rang nyid du zhes bya ba ni rnam par dbye ba yin no zhe na/ de lta na 'o na rnam par shes pa yang rang nyid gnas par ci ste mi 'dod/ ci ste yang sa phyogs chu la sogs pa'i rten du mthong ba yin no/ /mthong ba rnam par rtog pa rgyas kyang gnod pa ma yin no/ /des na yod med dag rten med phyir ro zhes bya ba'i tshig gi tshul ni don med pa yin te/ mthong ba dang 'gal pa'i phyir ro zhe na/ 'di la yang bshad pa ni/ gal te dper na chu sogs kyi/ rten bzhin zhe na 'di la mtshungs/ /dngos rnams skad cig re rer ni/ /'jig na dngos rgyun de lta bur/ /skye rgyu yin phyir de rten yin/ /de lta min na rigs ma yin/ /po ba yi ni gegs byed phyir/ /chu sogs kyi ni rten 'gyur gyi/ /'gro ba med can yon tan spyi/ /las rnams la ni rten ci dgos/ /chu la sogs pa la yang sa gzhi la sogs pa yod pa dang med pa'i phyogs dag gi rten du mi 'thang pa'i phyir dpe mthong ba med do/ /gal te rten gyi dngos po mthong ba'i phyir ci ltar ma mthong zhe na/ ma mthong ba nyid la khyod mthong bar mngon par rlom pa yin te/ byed pa po dang las kyi bya ba la gzhir 'gyur ba gang yin pa ni rten yin no zhes bya ba ni lugs yin te/ 'dzin pa'i phyir rten yin no/ /'dzin pa yang ltung ba la yin na gang ltung ba de ni mi 'dzin la/ gang 'dzin pa de ni ltung ba ma dmigs te/ ltung ba dang mi ltung ba dag phan tshun 'gal phyir ro/ /sngar ltung pa phyis 'byung ba yin no zhe na/ 'o na gang ltung bde bzung ba ma yin te/ mngon sum gyis gcig tu ma rtogs pa'i phyir ro/ /ltung ba dang cig shos khyab pa gnas pa po gcig ni dmigs pa ma yin no/ /khyab pa min na ni yang ci ltar gnas pa po nyid yin/ de ltar yang gnas so zhes bzung na ni gnas pa po de ltar gzung bar 'gyur ro/ /rim gyis khyab par 'dzin to zhe na/ rim gyis don ci yin zhes soms shig /dngos po dang dngos po med pa rim du brjod pa yin la de yang dus tha dad pa dag yin no/ /dngos po dang dngos po med pa la gzung ba 'am 'dzin pa'i yin grang na/ /gzung pa'i dngos po dang dngos po med pa dang 'brel na ni gcig nyid ma yin no/ /'dzin par byed pa rims dang ldan pa yin na ni gzung pa la yang der 'gyur pa'i phyir gzung pa gnas pa po cig ma yin no/ /de'i phyir cur? zhig ni 'das par gzung ngo/ /cung zhig ni da ltar 'dzin to/ /cung zhig ni ma 'ong ba na 'dzin par 'gyur ro/ /zhes bya ba'i rnam par rtog pa'i spyod yul nyid rim pa yin pas na gang gis dmigs pa'i phyir rten dang brten pa'i dngos po zhes brjod pa mngon sum gyi rim pa 'dzin pa ga las yod/ de phyir yod med dag rten med phyir ro zhes bya pa'i don 'di nyid yin no/ /'di ltar rten dang brten po'i dngos po nyid ni mthong ba med pa nyid do/ /de'i phyir brten dang brten zhes bya ba 'di ni rnam par rtog pa tsam du zad do/ /'o na ji ltar rten dang brten pa'i dngos por rtog pa yang de mthong ba med par ji ltar 'gyur zhe na/ 'o na ni phyin ci log gi rnam par rtog par mi 'gyur zhes bya bar 'gyur ro/ /gzhan yang skad cig so sor 'jig pa yul gzhan dang gzhan du skye ba can rnams kyi nye bar len pa'i yul du skye ba ni rten dang 'brel pas byas pa yin te/ de las de ltar skye ba'i phyir sa gzhi sogs pa de rten yin te/ rgyu yin pa'i phyir ro/ /snga ma dang phyi ma dag gcig tu sgro btags nas gnas skabs khyad par can gyi rgyu nyid la rten du brjod pa yin no/ /gcig tu sgro btags pa yin na/ skye ba mi rtogs shing snga ma 'dzin par yang sgro btags pa'i phyir/ thog ma med pa'i bag chags kyi mthu las phyin ci log tu rtogs pa yin no/ /de nyid kyi phyir snga ma snga ma'i bag chags kyis 'jug pa'i phyir rgyun thog ma med pa nyid kyis 'jig rten pha rol 'grub pa'i phyir/ mi 'dod pa thog tu bas so/ /'di ltar dmigs pa med pa'i ngo bos na/ yid kyi rtog pa thams cad ni/ /sngon gyi shes pa las byung ste/ smig rgyu la ni chur rtog bzhin/ /snga phyi gcig tu rtogs pa ni/ /dmigs pa med pa'i ngo bo yi/ /rjes su 'gro ba yin te/ gcig nyid med pa'i phyir ro/ /dngos po du ma nyid las 'gyur te/ de'i 'bras bu nyid du mthong ba'i phyir ro zhe na/ de ni ma yin te/ smig rgyu la chur rtog pa ni de tsam gyi rgyu mtshan can ma yin te/ sngon gyi chu mthong ba'i 'du byed pas skye ba'i phyir ro/ /gcig nyid ni sngon yang dmigs pa ma yin te/ des na skye ba gzhan du yang gcig tu rtogs te skye ba gzhan gyis cig tu 'dzin pa sngon du 'gro ba yin la de yang de lta bu yin pa'i phyir/ thog ma med pa'i rtog pa brgyud pa yin pa srog chags rnams kyi rgyun thog ma med par grub po/ /de bzhin du bdag la sogs par 'dzin pa dang ldan pa'i blo rgyun thog ma med par de ltar 'gyur zhing phyis kyang mi 'chad ba yin pa'i phyir 'khor ba thog ma dang tha ma med do/ /gzhan yang/ bo ba yi ni gegs byed phyir/ /chu sogs kyi ni rten 'gyur gyi/ /'gro ba med can yon tan spyi/ /las rnams la rten ci zhig dgos/ /chu la sogs pa la bo ba'i gegs byed pa'i rgyu rten yin no/ /zhes rigs kyi/ yon tan dang spyi dang las bya ba med pa 'gro ba dang mi ldan pa rnams la rten ci dgos/ sems pa spyi dang yon tan dang las yin nam gzhan du yang rung ste rnam pa thams cad du bya ba med pa yin pa'i phyir 'di la rten gyi dgos pa yod pa ma yin no/ /des na brten pa ma yin pa'i sems pa ni rten ma yin pa zhig pas 'jig pa ma yin no/ /de ni lhan cig gnas pa tsam du zad de ji ltar lhan cig gnas pa de ltar ni sngar bstan zin to// gal te ci ltar 'gro ba can nyid ma yin yang/ yon tan 'phrod pas 'dus pa yin pa de bzhin du sems pa yang 'phrod pas bsdus pa yin no/ /'phrod pas bsdus pa'i yon tan ni 'phrod pa 'du ba can gyi rgyu med par gnas pa ma yin te/ de 'jig na 'jig pa nyid do zhe na/ 'gro ba la sogs pa'i gegs byed pa med par ni rten dang brten pa'i dngos po ma yin la/ rten dang brten pa'i dngos po med par yang 'phrod par 'du ba ma yin te/ gang gi phyir so sor ma yin par grub pa'i rten dang brten pa rnams kyi sa 'di la'o snyam pa'i blo'i rgyu mtshan ni 'phrod pa 'du ba zhes brjod pa'i phyir ro/ /'di nyid brjod pa ni/ 'di ni 'phrod pa 'du ba dang/ /'phrod pa 'du ba can rgyu dang/ /rigs la sogs pa rnam gnas nyid/ /rten med phyir na gsal ba yin/ /rigs la sogs pa 'phrod pas 'dus pa yin yang rten du 'gyur ba'i gsal ba med na med pa ni ma yin no/ /gal te rigs brtag pa'i phyir rten med na med pa ma yin no zhe na/ sems kyang rgyu gzhan dang 'brel ba'i phyir mtshungs so/ /rten dang brten pa'i dngos po yang yod pa ma yin no/ /rten dang brten pa'i dngos po gsal ba 'di nyid kyis spangs pa'i phyir 'phrod pa 'du ba spangs pa yin la/ 'phrod pa 'du ba can gyi rgyu yang spangs pa yin te/ gal te de rgyu yin na ni rten dang brten pa'i dngos po ma yin no/ /'on te rgyu ma yin na de'i tshe 'du ba can gyi rgyu nyid med do/ /rigs la sogs pa rgyu med par rnam par gnas par brjod pa gang yin pa de yang spangs pa yin no/ /yang na rnam par gnas pa nyid 'phrod pas 'du ba yin yang de nyid du 'dus pa spangs pa yin no/ /rigs ni gsal ba la 'phrod pas 'dus pa yin yang de nyid du rnam par gnas pa ni ma yin te/ gsal ba gzhan la yang rjes su song ba'i phyir ro/ /de bzhin du sems pa 'phrod pas 'dus pa yin yang lus med par yang lus gzhan dang rjes su 'brel bar 'gyur ba'i phyir 'jig rten pha rol ma grub pa ma yin no/ /lus gcig med kyang rnam pa de lta bu'i blo skye ba ni mi 'gal te gsal ba gzhan la yang rjes su 'gro ba'i blo bzhin no/ /de'i phyir rgyu dang 'bras bu'i dngos po med par ni/ /rten dang brten pa'i dngos po 'ga' yang yod pa ma yin no/ /gal te gzhan las dngos 'jig na/ /de yi gnas rgyus ci zhig bya/ /des gzhan med par 'jig na yang/ gnas pa'i rgyu rnams nus med yin/ /rten bcas thams cad gnas ldan dang/ /skye ba can kun rten bcas yin/ /de phyir dngos po thams cad ni/ /'ga' zhig tshe na'ang 'jig mi 'gyur/ /gal te rang 'jig dang tshul bdag /yin na de gnas byed gzhan gang/ /gal te rang 'jig dang tshul bdag/ min na de gnas byed gzhan gang/ /zhes bya ba ni bslu ba'i tshigs su bcad pa dag go /gal te 'od dang sgron ma dag gzhi dang gnas pa'i rten dang brten pa ma yin yang rten dang brten pa'i dngos por mthong pa yin no/ /'od ni ltung ba'i chos can ma yin yang sgron ma rten gyi dngos por ni yod pa yin no/ /de ldog na ni 'di ldog par 'gyur te/ 'od de na sgron ma'am de ma yin pa gzhan du 'pho ba ni ma yin no/ /dper na mar me zhig na mar me'i 'od yul gzhan na 'dug pa'ang 'jig pa de bzhin du lus zhig na lus la brten pa'i rnam par shes pa yul gzhan la gnas pa yang 'jig par 'gyur ro/ /don dam par ni yul la gnas pa ma yin te/ yid kyi rnam par shes pa la ni de'i rnam pa tsam zhig mthong ba yin no zhe na/ 'dir smras pa/ 'od dang sgron ma dag ni der 'gyur na 'gyur ba'i phyir rten dang brten pa'i dngos po yin gyi/ lus dang sems dag ni de lta ma yin te/ 'on kyang shes rab la sogs pa blo nyid do/ /'di ltar/ lus kyi phul 'byung 'grib med par/ blo yi byed pa'i khyad par gyis/ /shes rab la sogs phul byung dang/ 'grib pa dag tu 'gyur ba yin/ /'di ni mar me'i 'od la sogs/ /rten pa rnams la yod ma yin/ /de las kyang ni khyad 'gyur te/ /sems la phan 'dogs med pa min/ /lus kyi 'du byed khyad par med kyang/ blo'i 'du byed pa'i khyad par gyi dbang gis khyad par du 'gyur bas na shes rab la sogs pa rtogs pa'i khyad par 'jug pa yin no/ /de'i phyir blo snga ma nyid blo'i rten yin gyi lus ni ma yin te/ des ni mar me'i 'od ni dpe ma yin no/ /gal te mar me'i 'od kyang sprul la sogs pas mar me ma 'gyur yang 'gyur ba med pa ma yin nam/ zhe na/ ma yin te/ de ni mar me nyid dpal zhan pa'i mtshan nyid du rnam par 'gyur ba yin te/ des na mar me'i 'od yul gzhan na yod pa rnam pa gzhan du 'gyur ba yin no/ /blo'i byed pa tha dad pa'i dus na ni lus rnam par 'gyur ba ma yin no/ /gal te lus kyi khyad par las kyang/ khyad par du 'gyur ba mthong ba nyid ma yin nam/ des na lus ni rten gyi dngos po 'am/ nye bar len pa yin no zhe na/ de la smras pa/ der yang sems la phan 'dogs pa nyid kyi sgo nas lus rnam par 'gyur ba byed pa nyid yin no/ /gang du bcud kyi len la sogs pas lus rgyas pas shes rab khyad par du 'gyur ba der ni lus reg bya bde ba'i rang bzhin skyes pas yid 'chol ba med pa na/ ji lta ba bzhin du 'gyur ba'i 'du byed sad pa'i phyir 'ga' zhig 'ga' zhig tu shes rab khyad par du 'gyur ba yin no/ /de lta ma yin na thams cad la shes rab mtshungs par thal lo/ /dper na bkres pas nyen pas na/ /bshad pa 'tshol bar byed pa dag /de log ji ltar goms pa bzhin/ /de yi bshad la 'jug 'gyur bzhin/ bcud kyis len dang drangs pa ni/ /mtshungs phyir goms pa ji lta bar/ /rjes 'brel par yang mi 'gyur te/ /de phyir thams cad 'chad par 'gyur/ /des na skye ba gzhan dag tu/ /gang gis bstan bcos gang goms pa/ /de ni shes rab bstan bcos ni/ /de nyid la ni sang par nges/ /gang la thams cad goms yod par/ de yi shes rab khyab med 'gyur/ /de lta min na bcud kyis len/ /bsgrubs pas thams cad rig par 'gyur/ /mngon sum dran pa ma rtogs pa/ /blo gzhan gang na'ang yod ma yin/ /shes rab yid gzhungs la sogs kyi/ /dbye ba'ang dran pa'i bye brag las/ /ji bzhin dran pa shes rab ste/ /'chal pa'i shes rab de las ldog /yid gzhungs pa yang dran de nyid/ /der ni dbye ba rab tu bstan/ /sngon gyi 'du byed tsam las ni/ /gtan du brjod pa'i don gang yin/ /gang zhig de bzhin nyid dpog pa/ /de ni shes rab ces brjod do/ / gang gis dran pa'i rjes 'brangs pa/ /nyid kyi de ni rtogs byed pa/ /de ni yid gzhungs zhes brjod de/ /goms dang bral phyir shes rab min/ /de bzhin du/ so so so sor bzung ba rnams/ /de bzhin ngan pa yid gzhungs yin/ /de nyid khyad par can du ni/ /phan tshun sbyor ba shes rab yin/ /gom pa med par 'ga' yang ni/ /sbyor ba nye bar mthong ba min/ des na don gyi de goms can/ /sngon gyi goms pa rjes dpog byed/ /gal te 'dod chags kyang blo'i khyad par nyid yin te/ blo las gzhan ni ma yin no/ /gzhan nyid na ni shes rab la sogs pa yang gzhan yin par thal lo/ /'dod chags la sogs pa ni lus rgyas pa la sogs pa las skyes pa yin te/ des na blo yang lus las skye bar 'gyur ro/ /de lta ma yin pa de'i rjes su byed par mi 'gyur ro zhe na/ de ni med de/ 'ga' che chags sogs rgyas sogs kyi/ /'phel ba bde ba sdug la skyes yin/ /de yang khams nyams la sogs pa/ /nang gi don ni nye ba las/ /rgyas pa la sogs pas 'dod chags la sogs pa 'phel? ba de ni thams cad kyi tshom yin gyi/ 'on kyang 'ga' i? tshe nyid de/ gang gi tshe goms pa las skyes pa tshul bzhin ma yin pa yid la byed pa mngon du 'gyur ba na'o/ /gang zhig mi sdug pa'i bag chags dang 'brel ba de la ni/ de nyid phyir la 'dod chag srab par byed pa yin no/ /'dod chags la sogs pa 'phel ba de yang bde ba dang sdug bsngal las skyes pa yin te/ bde ba myong ba na ni 'dod chags rjes su 'brel par 'gyur la/ sdug bsngal na ni zhe sdang ngo/ /bde ba na ni sngon gyi tshul bzhin ma yin pa yid la byed pa de nyid sad par 'gyur ba yin na/ sdug bsngal ba la go zhe sdang ji ltar zhe na/ sdug bsngal ba ni thams cad du mi bzod pa des de yongs su 'dor ba'i bdag nyid ni sdang ba nyid do/ /'dir des ba ni yod pa ma yin te/ yid sdug bsngal ba na so sor rtog pa dang ldan pa dag rang gi sdug bsngal gyis rjes su dpag nas brtse ba skye ba nyid dam/ de'i phyir gzhis ba'i rgyu la chags par yang 'gyur ro/ /'o na gal te blo'i rang bzhin bde ba dang sdug bsngal de dag nyid blo las skye na blo yang de bzhin du 'gyur ba'i phyir skabs dang 'gal lo zhe na/ 'di ni yod pa ma yin te/ khams mnyam pa'i mtshan nyid nang gi don nye ba las/ yul gyi sgo nas bde ba skye ba yin gyi rten sgo nas ni ma yin no/ /lus rten du 'gyur bas bde ba dang sdug bsngal bskyed pa ni ma yin te/ 'on kyang yul du 'gyur bas yin no/ /yul bde ba la sogs pa'i rgyu yin na yang lus de dag gi rten ma yin te/ yul ni phyi dang nang mtshungs pa'i phyir ro/ /des na phyi rol yang rten du thal bar 'gyur ba 'dod pa ni ma yin no/ /gang gi tshe snying du sdug pa mthong ba la sogs pas khams mnyam pa la sogs pa nang gi don gyi khyad par yang dmigs pa ma yin pa de'i tshe ni bde ba dang sdug bsngal dag de la brten pa nyid ma yin no/ /yul na rten ma yin la de ldog pas ldog pa yang ma yin no/ /dper na nang gi yul la bde ba 'byung zhing de yongs su spangs nas phyi'i yul la rgyu ba de bzhin du 'jig rten pha rol la sogs pa'i lus gzhan la yang yin no/ /'dis ni 'dus pa la sogs pas/ /dran pa nyams sogs bshad pa yin/ /nang don khyad par las skyes pa'i/ /blos ni 'gyur bar byed phyir ro/ /de yang bcud kyi len la sogs pas nang gyi don nye ba na bde ba la sogs pa'i blo skye bar 'gyur ba yin la/ de las dran pa nyams pa la sogs par 'gyur ba yin no/ /lus kyi rnam par 'gyur ba 'dus byas pas byas pa gang yin pa de rten du gyur pa las ni ma yin no/ /ji ltar mig la sogs pa dmigs par bya ba ma yin pa las de'i shes pa skye ba dang de 'gyur na 'gyur ba de bzhin du bcud kyi len la sogs pas rnam par 'gyur pa'i lus ni ma yin no/ /rnam par shes pa med pa rgyu yin na thams cad rgyu yin par thal lo/ /mig la sogs pa ni rjes su 'gro ba dang ldog pa dag dang de 'gyur na 'gyur ba las rten gyi dngos por 'gyur ro/ /lus ni de lta ma yin te/ de med kyang pha rol nye bar gnas pa las kyang bde ba yod pa'i phyir ro/ /dran pa nyams pa yang phyi rol gyi srin po la sogs pa mthong na yang 'gyur ro/ /'di nyid ston pa ni/ dper rgyud khyad par la la la// stag nyid dang ni khrag la sogs/ /thos pa dang ni mthong ba las/ /rmongs pa la sogs 'byung 'gyur bzhin/ /stag ces thos pa las kyang 'ga' zhig rmongs pa 'am gzhan du 'gyur ro/ /zhes dgongs pa yin no/ /khrag mthong pa las kyang de bzhin no/ /de ni blo ni rten nam/ de ldog na ldog pa nyid ma yin no/ /de bzhin du 'dus pa la sogs pa'i gnas skabs su dran pa nyams pa la sogs pa'i 'gyur ba yang nang gi don gyi dmigs pa nye ba las yin pa'i phyir lus ni blo'i rten ma yin no/ /lus ni bde ba la sogs pa'i dmigs pa nyid yin te/ des na de dag kyang de ldog pa na ldog pa ma yin te/ dmigs pa gzhan la yod pa'i phyir ro/ /de phyir dngos por gang yid kyi/ /'du byed kyis ni rjes su 'jug pa/ /sems ni de med mi 'byung ba/ /de phyir sems la brten pa yin/ sems ni sems kyi 'du byed kyi rjes su des par 'jug gi lus ni ma yin te/ lus ni rten nyid du ma mthong pa'i phyir ro/ sems gzhan dang ldan pa gzhan la sems kyi mi skye ba'i phyir sems ni sems nyid la brten la yin no/ /'di ltar/ 'du byed stobs dang ldan pa yis/ /rnam par g.yeng ba bzlog par byed/ /rnam par g.yeng ba'i stobs ldan na/ /'du byed gzhan du phyogs par 'gyur/ /gang gi tshe 'du byed shin tu stobs dang ldan pa de'i tshe bun long dag tu yang sems g.yeng bar mi 'gyur ro/ /gang gi tshe rnam par g.yeng ba'i dngos po stobs dang ldan pa de'i tshe 'du byed pa yod kyang rang gi 'bras bu rjes su mthun pa'i rig pa skyed pa ma yin no/ /de'i phyir sems ni rnam par shes pa snga ma med na ma 'byung ba yin no/ /de'i phyir shes pa nyid ldog na sems ldog go / zhes rigs so/ /gal te dbang po las rnam par shes pa skye ba yin na/ de las kyang yid kyi rnam par shes pa skye ba ma yin nam/ des na brgyud pas yid kyi rnam par shes pa lus nyid las 'byung ba'i phyir ji ltar lus rten ma yin/ rgyud pas rgyu yin yang med du ba'i rjes las skyes pa'i du ba zlog par byed pa ma yin pa ni ma yin la/ me gzhan dang gzhan las de snga na med pa mi 'byung ba ma yin no/ /de bzhin du rnam par shes pa yang lus las skye bas du ba bzhin rgyun 'chad pa'i chos can tu 'gyur ro zhe na/ ma yin te/ yid kyi rnam par shes pa ni dbang po'i shes pa med kyang thog ma med pa'i bag chags las 'gyur ro zhes bstan pa'i phyir ro/ /du ba me las ci 'dra ba/ /rnam pa ci 'dra du las min/ /yid ni goms las ci 'dra ba de 'dra nyid ni dang po 'byung/ /mes bskyed pa'i du ba dang du bas bskyed pa'i du ba ni mtshan nyid gcig pa nyid ma yin no/ /blo'i khyad par shes rab la sogs pa dang thams cad la khyab par bdag tu 'dzin pa la sogs pa rnams ni goms pa'i de ma thag pa dang sngon yang rang bzhin mtshungs pa nyid yin pa de'i phyir du ba dpe ma yin no/ /du ba ni me'i khyad par nyid las dus cung zad rgyun gnas pa yin la/ /shes rab la sogs pa ni shes rab la sogs pa'i khyad par snga ma nyid las yin gyi de dag lus kyis gnas par byas pa ni ma yin no/ /gzhan yang/ gal te rnam shes 'ga' zhig ni/ /sngon gyi rnam pa dang bral ba/ /dbang po nyid las skyes na ni/ du ba dper 'gyur srid pa yin/ /dbang po las kyang rnam par shes pa 'byung ba yin te/ sngon gyi rnam par shes pa lam bltos pa las ma yin te/ rnam par shes pa snga ma yongs na dbang po dang yul phrad pa yod kyang mi skye ba'i phyir ro/ /des na rnam par shes pa snga ma'i lhan cig byed ba can gyi dbang po las skye'i 'ga' zhig las ni ma yin no/ /gal te dbang po'i rnam par shes pa de ni skyes mod kyi/ de nges pa med pa'i phyir ma skyes so/ /zhes tha snyad du byed pa yin no zhe na/ de ni ma yin te/ gal te rnam shes skyes gyur kyang/ /nges pa med phyir med do zhes /rtog na med pa thams cad ni/ /de nyid yin par rtog par gyis/ /gal te nges pa med pa'i phyir med par rtogs pa yin gyi/ rig pa med pa'i phyir ma yin na/ 'o na ni gang du yang rig pa med pa zhes bya ba med par 'gyur te/ thams cad du nges med pa rgyu yin pa'i phyir ro/ /'on te de la rig pa'i rgyu yod pa yin te/ des na rgyu nus pa yod pa las rig pa yod par rjes su dpag go zhe na/ 'o na nges pa yang rgyu rig pa yod pas de yang rjes su dpogs shig /'on te rnam par g.yengs pas de nyams par byas so zhe na/ rig pa'i rgyu la yang ci ste mi 'dod/ 'on te dbang po las nyams pa med pa dang/ yul chod pa med par ci ltar shes pa mi skyed pa nyid yin zhe na/ skyed par byed pa'i rnam par shes pa snga ma med pa'i phyir ro/ /rnam par shes pa snga ma dang bcas pa'i dbang po nyid skyed par byed pa yin pa'i phyir ro/ /de ga la zhe na/ 'di ltar bde sogs dbang po yi/ /shes kun sngar gyi shes las yin/ /'di ni skabs su bab pa na/ /phyi nas rab tu brtan par bya/ /bde ba dang sdug bsngal dang de gnyi ga ma yin pa'i rnam par shes pa dbang po las byung ba nyid sngon goms pa las skye ba yin no/ /byis nas bshad par bya'o/ /des na sngon gyi 'du byed la bltos pa dang bcas pa'i dbang po nyid kyis dbang po'i rnam par shes pa skyed par byed pa yin no/ /des na dang po'i rig pa yang dbang po las skye ba ma yin no/ /des na sems mdza' dag ni sems med na mi 'byung ba yin no/ /zhes gnas so/ /gzhan yang/ dbang po'i shes pa thams cad ni/ /goms pa'i stobs las byung ba yin/ /dbang po'i shes pa'i rang bzhin phyir/ /rmi lam rnam shes rang bzhin bzhin/ /gal te dbang po'i rgyu yin na dbang po med par mdun na gnas pa gsal pa'i rnam pa can gyi rnam par shes par mi 'gyur ba zhig na/ 'gyur ba yang yin no/ /de'i phyir de ni rgyu ma yin te/ de med kyang yod pa'i phyir ro/ /'on te de ni 'khrul pa yin te ma 'khrul ba ni dbang po nyid las skyes pa yin no zhe na/ de ni med de shes pa mdza' dag dbang po ni/ /med pa nyid du skye ba yin/ /don yod pa dang med pa las/ /'khrul dang 'khrul pa med par gnas/ /de'i rnam pa can gyi shes pa mdza' dag ni dbang po la mi bltos par 'gyur ba yin te/ rmi lam gyi shes pa bzhin no/ /'on te dbang po med par 'gyur pa gang yin pa de ni 'khrul pa yin la gzhan du yin no zhes bya ba ni khyad par yin no zhe na/ de ni ma yin te/ re zhig de'i rnam pa can nyid ni rnam par shes pa'i rang bzhin yin no/ /de yang dbang po med pa nyid du dmigs pa de'i tshe de'i rgyu ma yin no/ /mi slu pa ni don yod pa las 'gyur ba'i phyir de ni don gyis byas pa nyid yin gyi/ dbang pos byas pa ma yin te/ gzhan ni gzhan gyi 'bras bu la nus pa ma yin no/ /'on te rmi lam na yang dbang po yod pa nyid de/ des na mdun na gnas par gsal ba'i rnam pa ni der yang dbang pos byas pa nyid de/ de na 'khrul pa med do zhes na/ de yang rigs pa dang mi ldan pa nyid de/ gang gi phyir/ sang dbang goms pa las yin te/ /dbang byed de las gzhan bzhin no/ /'bras dngos tha dad med na ni/ /rgyu rnams tha dad med pa nyid/ /'bras bu khyad par med pas rgyu khyad par med pa rjes su dpag pa yin no/ /dbang po ni rmi lam gyi gnas skabs dang gzhan du khyad par yod pa ma yin no/ /des na dbang po nyid rigs mthun pa gegs med par mi 'byung bas/ da lta'i rnam par shes pa dbang po nyid las skye ba ma yin pa'i phyir/ rnam par shes pa snga ma nyid rnam par shes pa'i rnam pa'i rten yin no/ /'on te sems sems nyid kyi rten yin la rag mod de lta na yang 'dod pa mi 'grub bo/ /'jig rten pha rol pa ma yin pa'i sems rten yin na ni grub pa la sgrub pa yin te/ pha ma'i sems rtan du 'dod pa'i phyir ro/ /'jig rten pha rol po'i sems rten yin na ni ma nges pa yin te/ pha ma'i rang bzhin gyi yang rjes su 'jug pa'i phyir ro zhe na/ 'dir brjod pa ni/ de phyir nges pa gang nyid kyi/ /zhes bya ba la sogs pa yin no/ /pha dang ma'i rang bzhin gyi yang rjes su ni nges par 'dzin pa ma yin te/ de rnam par 'gyur ba med kyang 'gyur bar mthong ba'i phyir dang/ de 'gyur yang mi 'gyur bar mthong ba'i phyir ro/ /gal te de'i 'du byed las 'gyur ba yin na/ mkhas pa la sogs par 'gyur te/ dper na shing bA ti'i sa bon las skyes pa shing bA ta'i nad bzhin nyid du 'gyur ba bzhin no/ /'on te ji ltar pha dang ma dag 'du byed pa bsgrub pa'i 'dod pa po la sogs pa'i lhan cig byed pa can de'i ngo bo nyid du 'gyur ba de bzhin du bu yang yin no zhe na/ de ni ma yin te/ 'dus byas kyang res 'ga' med pa'i phyir dang/ de lta ma yin par yang yin pa'i phyir dang/ rang gi rgyud la yod pa'i rnam par shes pa snga ma'i 'du byed kyi rjes su 'jug par mthong ba'i phyir dang/ rgyud gzhan gyi rjes su 'jug pa ma mthong ba'i phyir ro/ /mkhan po'i 'du byed pa'i rjes su 'jug par dmigs so/ zhe na/ ma yin te/ de med na gzhan du ma mthong ba'i phyir rang gi rgyud kyi rnam par shes pa snga ma'i 'dod pa'i khyad par las yin pas/ de yang brgyud nas rang gi rgyud nyid las skyes pa yin no/ /mngon par 'dod pa dang lhan cig pa las skyes pa yin no zhe na/ yin mod de lta yang rang gi rig pa med par gzhan gyi 'du byed pa'i rjes su 'jug pa ni ma yin no/ /des na 'jig rten pha rol med par ni/ /'du byed rjes 'jug 'gyur ma yin/ /pha ma'i rang bzhin rjes 'jug pa/ /'jig rten gzhan ldan 'gal ba med/ /gal te 'di ltar nges par ngang gi rgyud la yod pa'i sems kyi 'du byed pa'i rjes su 'jug pa yin na 'o na ci ltar pa'i rang bzhin gyi rjes su 'jug ce na de la lan ni/ pha'i rang bzhin thams cad kyi rjes su 'jug par thal pa'i phyir ro/ /'o na 'jig rten gzhan smra ba'i lags la yang thams cad rjes su mi 'jug par thal lo zhe na/ ma yin te/ des 'jig rten gzhan du de'i rang bzhin goms par bya ba'i phyir mkhan po'i rang bzhin gyi rjes su 'jug pa bzhin no/ /gal te ji ltar shing gcig las shing du ma 'byung ba bzhin du rnam par shes pa gcig las rnam par shes pa du ma 'byung ba yin no/ /de ltar na gcig nyid las rgyud nas 'gro ba mdza' dag skyes so bya bar 'gyur ro zhe na/ 'di la bshad zin te/ ma la sogs pa'i rang bzhin gyi rjes su 'jug par thal ba'i phyir ro/ /'o na 'jig rten pha rol smra pa la yang sngon gyi rang bzhin thams cad kyi rjes su 'jug par 'gyur ro/ /zhe na/ ma yin te/ rnam par g.yengs pa 'am/ mngal gyi gnas kyi sdug bsngal gyis 'ga' zhig brjod pa'i phyir ro/ /'du byed pa'i rjes su 'jug pa 'ga' zhig ni yod pa nyid de skye ba dran pa yang mthong ba'i phyir ro/ /sngon med pa skyes pa la sdug bsngal ba yod pa ma yin te/ de'i gnas skabs ni de nyid yin gyi gzhan ni med pa'i phyir ro// gal te de nyid nye bar len pa nyid kyis skyed par byed pa yin na ni/ /de nyid kyis lus bzhin du dang 'brel pa'i lus gzhan la yang dran par thal bar 'gyur ro/ /sdug bsngal bas de ma dran no zhe na/ de ni ma yin te/ de nyid kyi tshe der skyes pa la ni sdug bsngal ba yod pa ma yin te/ dug gi srin bu bzhin no/ /'jig rten gzhan nas 'ongs pa la ni de sdug bsngal ba yin te/ thog ma med pa'i goms pa la brten pa'i phyir ro/ /gzhan yang pha ma sdug bsngal myong bar thal te/ dper na gnyid log pa'i lus kyi nang du gtogs pa'i rmi lam gyi las kyi sdug bsngal myong ba bzhin no/ /bskyed par bya ba'i shing tshig pas skyed par byed pa'i shing rnying pa tsam du yang mi 'gyur ba zhig tu/ myong ba ma yin no zhe na/ ma yin te/ shing phyir ma'i 'du byed pa ni shing snga ma la med pa'i phyir ro/ /'dir rmi lam gyi lus kyi 'du byed pa lus snga ma la mthong ba'i phyir ro/ /des na sngar byas pa dran pa nyid du 'gyur ro/ /drod gsher las skyes pa la yang blo med par 'gyur te/ ma la sogs pa med pa'i phyir ro/ /de'i phyir bdag tu 'dzin pa la sogs pa'i blo ni ma la sogs pa'i blo med par yang drod gsher las skyes pa'i skye bo rnams la mthong ba yin no/ /des na ma la sogs pa'i blo ni rgyu ma yin te/ de med kyang yod pa'i phyir ro// bde bas na yid kyi rnam par shes pa dang/ gzhan lus la sogs pa'i g.yo ba ni rang gi rgyud la yod pa'i blo snga mas bskyed pa yin no/ /gal te lus rjes su 'gro bar dmigs pa'i phyir ma la sogs pa'i lus nyid rang gi rgyu yin la/ rnam par shes pa dang g.yo bag la sogs pa yang de las tha mi dad pa yin no/ /des na de'i rjes su 'gro bar bsgrub pa ni grub pa la bsgrub pa nyid do/ /'on te pha la sogs pa dang 'brel pa'i lus tha dad pa nyid yin no/ 'jig rten pha rol gyi lus kyang de bzhin du yin pas de'i rjes su 'gro ba can du yang mi 'gyur ro/ /byis pa la sogs pa'i gnas skabs su ni pha la sogs pa g.yo bag la sogs pa'i rang bzhin de nyid yin pas/ de'i rgyun nyid do zhe na/ de yang mi 'thad de/ lus dang sems gang gis kyang ma la sogs pa'i rang bzhin gyi rjes su mi 'jug pa mthong ba'i phyir ro/ /de ni de'i pha ma yin no zhe na/ ma yin te mthong ba'i phyir ro/ /bdag nyid kyi goms pa med par ni/ byed par mi mthong ba med do/ /des na rang gi goms pa nyid rjes su dpag go / sems 'byung ba chen po'i rnam par 'gyur ba tha dad pa med pa yin yang 'jig rten snga ma dang phyi ma'i 'byung ba chen po rjes su dpag pa nyid do/ /tha mi dad pa'i ni 'thad pa yang yin te/ 'di ltar/ ji ltar sems la byas pa yin/ /thos sogs 'du byed sems la ni/ /dus gsal tha dad med pa'i phyir/ /de ltar lus la'ang yon tan 'gyur/ /rang gi sa myong ba sngon du song ba can gyi thos pa la sogs pa'i 'du byed gnyid log pa la sogs pa'i gnas skabs su mi gsal ba sad pa ni gnas skabs kyi dus kyis gsal ba de bzhin du lus la yang mngon par gsal bar 'gyur zhing sems ci lta ba bzhin du rtogs par 'gyur te/ tha dad pa med pa'i phyir ro/ /ji ltar lus kyi yon tan nag po la sogs pa gzhan gyi dmigs pa de bzhin du sems kyi yon tan bzo ba la sogs pa yang dmigs par ci ste mi 'gyur/ gang zhig dmigs pa'i rang bzhin gyi nang du 'dus pa de ni gzhan du 'gyur ba ma yin no/ /nang gi reg bya'i khyad par gyi rang bzhin yin pa'i phyir gzhan gyis dmigs pa ma yin no/ zhe na ma yin te/ rma la sogs pa phyi rol gyi reg par bya ba yang ma dmigs pa'i phyir ro/ /rma reg pa rtsub mo'i rlung dmigs pa ni gzhan gyis dmigs pa ma yin no/ /rma nyid kyi nus pa yin no zhe na/ dmigs par byed pa'i khyad par gyis dmigs par bya ba gzhan du dmigs par 'gyur ram ci/ de lta yin na 'khrul pa nyid du thal bar 'gyur ro/ /reg pa'i khyad par de ni rma nyid kyis yin no zhe na/ rlung dmigs par byed pa nyid du thal lo/ /de ltar na rma tsam gyis tshor bar mi 'gyur ro/ /'on te reg pa de ni rlung gis brdabs pa'i rma nyid des dmigs pa yin na/ rma las reg pa gzhan no la yang 'gyur ro/ /reg bzhin pa'i rang bzhin ni gzhan gyis mi dmigs so zhes mi 'thad de/ gang gi phyir/ reg pa yi ni rang bzhin gang/ de ni reg pas reg min na/ des gzhan rang bzhin rig pa las/ /de rig ces par ci ltar 'gyur/ /de'i rang bzhin ni dbang po nyams pa med pas mi rigs pa rigs pa ma yin no/ /de lta yin na ni rang rig pa nyid de rang rig pa'i mtshan nyid ni de yin pa'i phyir ro/ /bde ba 'am sdug bsngal dang 'dod chags la sogs pa ni rang rig pa nyid du 'gyur ba'i phyir rnam par shes pa 'byung ba chen po las gzhan yin no/ /de'i phyir rnam par shes pa lus dang lhan cig rten dang brten pa'i dbang por yang mi 'thad do/ /'o na ji ltar nga'i lag par tshor ro/ /rkang par tshor ro zhes bya bar 'gyur ro zhe na/ lag pa rnam par 'gyur ba'i dus na de 'gyur ba'i phyir de ltar 'gyur gyi gzhan du ni ma yin no/ /lag pa la sogs pa'i rnam par 'gyur ba dang lhan cig rgyu ba'i phyir da ltar tha snyad byed do/ /'di ltar rang rig rang bzhin tsam nyid las/ /rten dang brten pa gnas pa med/ /rang bzhin tsam la gnas pa la/ /rten dang brten la sogs rtogs min/ /rang bzhin tsam rig pa la ji ltar rten dang brten pa rtog pa srid/ gnyis rtogs na ni de ltar 'gyur ba yin gyi der yang de ltar 'gyur ba ni ma yin no/ /bag chags tsam gyis byas pa ni/ /rnam par rtog pa tsam gyis yin/ /'byung ba chen po nyid ni ma yin no/ /de'i phyir blo ni lus dang tha mi dad pa ma yin no/ /des pha ma las skyes pa ma yin gyi rang gi rgyud snga ma las byung ba nyid do/ /'o na gal te 'byung ba chen po tsam las byung ba ma yin gyi srog chags rnams skye ba gzhan las mngal la sogs pa'i gnas su 'ongs pa yin na/ de'i phyir mi gtsang ba'i yul du 'od ba mi rigs so/ /rtog pa dang ldan pa ni de ltar 'gyur bar rigs pa ma yin la/ dbang phyug gis bskul ba yang mi 'dod do zhe na/ de la bshad pa ni/ bdag la chags pa dang ldan pa/ /sems can gzhan gyi bkri min par/ /bde sdug dor thob 'dod pas na/ /dman pa'i gnas ni yongs su lan/ /sdug bsngal phyin ci log blo dang/ /srid pa kun nas 'ching ba ni/ /skye rgyu gang la de med pa/ /de ni skye bar mi 'gyur ro/ /'di ni bshad zin te/ gal te rtog pa dang ldan yin na ni/ rang las rang gi ngo bo rtogs kyis/ thob par bya ba ni ma yin no/ /des na 'gas kyang grong la sogs par 'gar yang 'jug par bya bar mi 'gyur ro/ /des na gdon mi nas zhe ba'i phyir 'khor ba nyid du mi 'gyur ro/ /'on te grong la sogs pa 'gro ba rtog pa dang mi ldan pas/ rnam pa ji zhig ltar 'gyur ba yin na/ de lta yin na mngal la sogs pa'i dus su yul du yang yin no/ /bdag la chags pas bskul ba ni dman pa yang phyi ci log pas blang byar 'gyur ba yin no/ /de 'dra ba de ni las ni nus pa nyid yin te/ gang gis rang dbang du 'gyur ba sems can gzhan gyis bkri bar bya ba ma yin pa de ltar 'gro ba yin no/ /bde ba dang sdug bsngal thob pa dang 'dor bar 'dod pas ni dman pa'i gnas kyang yongs su len pa yin te/ thos pa po smad 'tshong ma'i khang par 'jug pa bzhin no/ /'on te 'di dbang phyug gis bskul ba nyid de ma yin zhe na/ rang nyid 'khrul pas srid pa'i phyir dbang phyug rtog pa ni legs pa ma yin no/ /dbang phyug gis bskul ba ni dmigs pa ma yin no/ /dbang phyug ji ltar rtogs pa ma yin pa de ltar yang bstan zin to/ /bdag la chags pa nyid dbang phyug yin te/ de ni bskul bar bya ba nyid du dmigs pa'i phyir ro/ /'on te ji ltar ji ltar bran la sogs pa gzhan gyis bskul ba de bzhin du 'jig rten gzhan du yang yin no zhe na/ ma yin te/ des pa med pa'i phyir ro/ /bdag la sred pa dang ldan pa nyid bskul ba yin gyi thams cad ni ma yin la/ de yang sred pa dang ldan pa gzhan gyis bskul ba yin gyi/ 'dod chags dang bral ba la sogs pas ni ma yin no/ /de la bsnyen pa byas pas 'gro ba thob par byas pa'i phyir de bskul byed yin no zhe na/ mu stegs byed thams cad dbang phyug tu thal bar 'gyur ro/ /de'i phyir blo phyin ci log tu gyur pa nyid sdug bsngal ba la yang bde bar 'du shes pas mngal gyis gnas sam/ gzhan du 'jug pa yin no/ /des na phyin ci log gi blo dang sred pa dag las skye ba yin pas gang la de med pa de ni skye bar mi 'gyur ro/ /de la ni dbang phyug gis skye ba sbyin par mi nus so/ /dbang phyug smra bas kyang/ de ltar ni khas mi len te/ gal te gang la nad med pa'i sgrub par byed pa'i las med pa de la ni sman pas ci yang byad med do/ /gang la nad med pa'i sgrub pa'i las nyams pa med pa de la yang don med pa nyid pas mi nus pa dang mi dgos pas sman pa med do/ zhes bya bar 'gyur ro zhe na/ nyes pa 'di ni med de/ de sman ni don med pa nyid dang/ 'gar yang nus med de bzhin ci/ /de nyid dbang phyug la 'dod dam/ de ltar na de dbang phyug min/ dbang phyug gis 'ga' zhig ni 'khor bar bskul la/ 'ga' zhig ni ma yin no/ zhes dbang phyug smra bas/ khas blangs pa ma yin no/ /'on te snyen pa yang 'gro ba 'thob pa nye bar 'kho ba yin no zhe na/ de ltar yin na sbyin pa po bsnyen pas yang yin no/ /de ni mu stegs byed thams cad yin pa'i phyir/ dbang phyug dang dbang phyug ma yin pa dag la rnam par dbye ba ci zhig yod/ de'i phyir ma rig pa dang sred pa nyid skye ba la nus pa nyid yod pa yin gyi dbang phyug ni ma yin no/ /gal te 'o na skye ba gzhan la bltos nas 'gro ba dang 'ong ba yin la/ de'i phyir de dag dmigs par 'gyur ro/ /de ltar ni dmigs pa ma yin pa'i phyir ro/ /de dag ni med pa nyid do zhe na/ bshad pa/ gal te 'gro 'ong ma mthong na/ /dbang po mi gsal phyir ma mthong/ /dper na mig mi gsal ba yis/ /du ba chung du mi mthong bzhin/ /gal te 'gro ba 'ong ba dag ma mthong ba de lta na yang de dag med pa ni ma yin no/ /dbang po rnams mi gsal ba las kyang mi mthong ste/ med pa 'ba' zhig las ni ma yin no/ /med pa nyid mi mthong ba ni ma yin te/ mig mi gsal bas du ba phra ba rtogs pa'i yul du 'gyur ba ma yin mod kyi de lta na yod pa nyid do/ /srid pa bar mdo yi lus/ /shin tu dang phyir dmigs ma yin/ /'byung ba 'am ni 'jug pa yang/ /ma mthong ba las med pa'ang min/ /srid pa bar mdo'i lus ni las kyi nus pa las shin tu dang ba nyid du skyes pas rnal 'byor tsam gyis rtogs par bya ba yin na/ /rmi lam gyi lus bzhin du dmigs pa ma yin te/ de tsam gyis de med pa ma yin no/ /rmi lam gyis lus ni phyin ci log yin no zhe na/ ma yin te don bya ba byed pa'i phyir ro/ /zhes bstan zin pa'i phyir ro/ /de nyid kyi phyir/ lus can yin yang phra ba'i phyir/ /'ga' zhig la lar thogs med de/ /chu bzhin gsar la dngul chu bzhin/ /ma yin ma mthang phyir med pa/ /lus can ma yin pa'i phyir rmi lam gyi lus bzhin du thogs pa med pa yin no/ /lus can nyid yin yang 'ga' zhig la lar thogs pa med pa yin te/ bum pa la sogs par chu bzhin dang/ shel la sogs pa la 'ong bzhin dang/ gser dang dngul chu bzhin no/ yang na chu bzhin dang gser dang dngul chu bzhin du yod pa nyid ma mthong ba ni ma yin te/ 'on kyang ma mthong ba'i phyir srid pa bar mdo'i lus ni med pa nyid kyang yin no/ /'di ltar/ 'bru yi rgyun dang chos 'thun phyir/ /srid pa rgyun mi 'chad par 'byung/ /bar du yongs su brtags pa na/ /'dir ni skye dang 'chi ba yi/ /bar du 'byung ba gang yin pa/ /de ltar 'dir ni ma yin te/ yul dang dus dag gi chod pa'i skye ba'i phyir ro/ /'di ltar 'ga' zhig ni grong du 'gro ba la sogs pas rgyun ma chad par ka n+ya kub dza la sogs par 'gro bar dmigs pa la/ 'ga' zhig ni 'di na 'dug pa nyid dus cig gi che kho nar bdag nyid yul gzhan na gnas par rmi lam du dmigs pa yin no/ /de bzhin du 'gro ba'i yul du yang yin pas khyad par med do/ /rmi lam ni bden zhes te bsgrub par bya ba gzhan yang mi bden par ni mi 'gyur te/ thams cad kyis mtshungs pa'i dpe ni ma mthong ngo/ /skye ba gzhan ni bag chags brtan pa'i phyir bden par 'gyur gyi rmi lam ni ma yin te/ de med pa'i phyir ro/ /gal te snang ba gzhan thob pas/ /rmi lam mi bden nyid yin na/ /des ni skye ba gzhan pa yang/ bden med zhes ni mi 'dod dam/ gal te sad pa'i shes pa'i mtshan nyid snang ba gzhan 'byung ba'i phyir/ /rmi lam gyi rtogs pa mi bden pa nyid yin na/ sad pa'i rtogs pa mi bden pa nyid de/ bzlog pa'i rmi lam gyi shes pa snang ba gzhan gyi mtshan nyid skye ba'i phyir ro/ /bzlog pa nyid du ni khyad par yod pa ma yin no/ /'on te rmi lam gyi bum pa la sogs pa ni/ de'i rgyu med par glo bur nyid du dmigs pa yin pa des na khyad par yod do zhe na/ sad? pa'i bum pa la sogs kyang/ /glo bur nyid du dmigs pa yin/ /rmi lam du yang shing rta sogs/ /tshogs pa las ni 'byung bar mthong/ /sad pa'i gnas skabs su yang rnal 'byor pas sprul pa dang/ ri la sogs pa rgyu ba dag ni glo bur du dmigs pa'i spyod yul du 'gyur ba yin no/ /de dag ni sngar yod pa nyid dmigs pa yin la/ de la rgyu ba'i khyad par ni tshogs pa yin no zhe na/ de ni mi bden te/ rmi lam la yang sngar yod nyid/ /gang gi zlog par byed pa yin/ /gzhan gyis mi dmigs phyir zhe na/ /ri la sogs la'ang de mtshungs so/ /gal te ri la sogs pa sngar yod pa nyid sad pas 'ga' zhig tu dmigs pa yin na/ rmi lam du gnas pas kyang de ltar yin par ji ste khas mi len/ sad pa gzhan gyis de dag ma dmigs pa'i phyir/ med pa yin no zhe na/ sad pa dmigs pa rnams kyang rmi lam gyi rtog pas mi dmigs so/ /ji ltar rgyu ba'i tshogs pa las de dag dmigs pa de bzhin du rmi lam gyi gnas skabs gzhan yod pas bum pa la sogs pa glu bur yin no/ /sad pa'i gnas skabs zhes bya ba yang ci ltar 'dod/ /sad par rtogs pa skye ba'i phyir ro/ /zhe na/ rmi lam du yang sad pa'i blo/ /'ga' la yod pa med dam ci/ /mig 'byed la sogs bya ba kun/ /de yang yod phyir mtshungs pa nyid/ /'di ltar bdag sad do zhe 'am/ nga ni gnyid ma log go snyam pa'i rtogs pa dang 'gro ba la sogs pa ni rmi lam na yang yod pa nyid do/ /des na de yang ji ltar gnyid log pa yin/ mi bden pa'i phyir ro zhe na/ sad par 'dod pa'i gnas skabs su yang de ltar thal bar 'gyur te/ phan tshun dmigs pa ma yin par ni gnyi ga la yang mtshungs pa'i phyir ro/ /'on te/ 'di ni mi bden no zhes rtogs pa'i phyir rmi lam mi bden pa nyid do zhe na/ sad pa'i rtogs pa la yang de mtshungs pa'i phyir mi bden par 'gyur ro/ /de ltar rtogs pa nyid kyis de nyid bden pa ni ma yin te/ de'i mtshan nyid kyis kyang de nyid du 'gyur ba'i phyir ro/ /gzhan yang mi bden no snyam pa'i rtogs pa yang ci la dmigs pa yin/ bden las gzhan nam ci ste na/ /bden med de 'dir dgag pa yin/ /de yi rang bzhin dmigs pa'i phyir/ /gnyi ga shin tu 'thad par dka' / /de'i rang bzhin du dmigs pa nyid ni/ de las gzhan no zhes 'thad pa ma yin la/ de ma yin pa zhes bya bar yang mi 'thad de/ de las gzhan nyid ni de las gzhan pa'i rang bzhin nyid kyis yin te/ de lta ma yin na de yang de las gzhan du 'gyur ro/ /dmigs bzhin ni med pa yang ma yin te/ thams cad de ltar thal bar 'gyur ba'i phyir ro/ /'on te rtogs pa 'di ni skyes pa yin no zhe na/ skyes mod kyi 'di la dmigs pa med pa'i phyir don med pa nyid de/ 'di las don rnam par gnas pa ma yin no/ /gal te rmi lam du dmigs pa bum pa la sogs pa med pa nyid do snyam pa'i rtogs pa 'di ni brtan pa dang mi bslu ba can ma yin nam/ de ji ltar 'di dogs pa med pa yin/ 'di ltar/ bkrus ma thag tu gnyid sad pa/ /mod la khrus ma byas par snang/ /des na de lta nyid du ni/ /mi slu ba na slu med 'dod/ /de ni ma yin te 'di ltar/ rmi lam mthong ba chags pa yi/ /gnas skabs mod la ldog pa yin// de la slu med rmi lam dang/ /slar yang de ni mthong phyir ro/ /rmi lam cig shos rnam gzhag 'di/ /der yang grub pa yod ma yin/ /bsgrub bya yin phyir bslu ba las/ /grub na phan tshun brten pa yin/ /gzhan yang/ 'di ni med ces shes pa ni/ /gzhan gyis rtogs par 'gyur ba yin/ /'di ni thun mong ma yin pa'i/ /mtshan nyid rtogs pa tsam du zad/ /rtogs pa 'di dag ni de lta bur gyur pa thog ma med pa'i bag chags las byung ba'i phyir tha snyad pa rnams la skye ba yin no/ /khyad pa gang gis she na/ de la sems bstad pa sad pa'i bdag nyid du mngon par rlom pa can gyi dmigs pa'i ngo bor/ sad par mngon par rlom pa yang/ bag chags kyi stobs nyid las nyal ba'i lus 'dor ba las so/ /'di yang tha snyad pa 'ba' zhig tu zad de/ don dam par ni sad pa zhes bya ba yod pa ma yin te/ rmi lam du yang de ltar rtogs pa'i phyir ro/ /'on te rmi lam gyi shes pas sad pa dmigs pa dag la med do zhes rtog pa ma yin no zhe na/ 'di ni ma nges pa nyid de/ rjes su sgrub par de dag rnams/ de yin med par rtogs pa yin/ /de dag 'gro ba la sogs kyi/ /gegs min de la grub pa nyid/ /'gro ba la sogs pa'i gegs med par grub pa nyid kyis bya ba'i sgo nas/ gtso bo'i med pa nyid rtogs pas rnam par rtog pas bsgrub par bya ba gzhan gyis ci zhig bya/ rnam par rtog pa ni bden pa la yang mi bden pa nyid du rtogs par byed do/ /de lta ma yin na phan tshun 'gal ba rnam par rtog par mi 'gyur ro/ /de'i phyir mdo la 'jig pa'i phyir dang/ sad pa'i gnas skabs na rjes su 'gro ba med pa'i phyir rmi lam du mthong pa dag la mi bden par mngon pa'i rlom pa yin gyi/ de tsam gyis de bden par 'gyur ba yang ma yin no/ /de'i phyir rmi lam gyi yul la 'gro ba dang 'ong ba gzhan gyis ma mthong ba de lta na yang de dag yod pa nyid pas de ma mthong ba ni ma nges pa nyid do/ /des na 'gro 'ong med par nges par mi nus so/ /yang na ni med pa nyid zhes bstan pa yin no/ /gzhan yang gal te/ rig pa lus las tha mi dad pa dang lus kyang rdul phra rab 'dus pa tsam yin na de'i tshe rdul phra rab mdza' dag so sor rig par thal bar 'gyur ro/ /'on te/ yan lag can rags pa gcig nyid de ltar dmigs pa yin no/ de lta na yang de rdul phra rab dag la gnas pa'i phyir/ rdul phra rab la reg pas rdul phra rab dmigs par 'gyur ro/ /'on te de dag las rig pa skye ba yin gyi de dag la gnas pa ni ma yin na/ de lta yin na de dag las zhes gang las rtogs/ rang rig pa ni gzhan rig pa ma yin na/ 'on te gzhan rig pa nyid yin gyis/ rang rig pa ni ma yin na/ 'o na ji ltar bde ba rig /gzhan du 'gyur ba nyid de ltar rig pa'i phyir ro/ /zhe na/ da ni ma yin te/ gzhan du 'gyur ba rigs na ni/ /rig pa gzhan gang yin par 'gyur/ /gang la rig pa zhes gnas pa/ /de nyid rig pa nyid yin no/ /gzhan du 'gyur ba bde ba la sogs pa dang/ sngon po la sogs pa nyid rig pa yin pa'i phyir/ gzhan ci zhig yod na gang zhig rig par byed pa yin/ lus nyid do zhe na/ ma yin te/ bde dang sdo sogs ma rtogs pa/ /lus kyang gang zhig yin par 'dod/ /de ni dmigs bya nyid yin pas/ /gang phyir dmigs bye nyid yin ma yin/ /mig sogs de lta nyid yin na/ /bong rwa cis na de lta min/ /de nus dngos ni ma rtogs par/ /de ni ci lta de ltar 'gyur/ /mig la sogs pa bong bu'i rwa bzhin dmigs pa med pa ni dmigs par byed pa ma yin na/ /mig la sogs pa ni nus pa'i rang bzhin yin te/ des na med pa'i rang bzhin ni ma yin no/ zhe na/ nus pa yang ma dmigs par yod do zhes gang las yin/ 'bras bu'i sgo nas de dmigs pa yin no zhe na de dag gi 'bras bu gang yin/ bde ba la sogs pa dang gzugs la sogs pa dmigs pa'o/ /de yang nus pa nyid yin pa'i phyir ma dmigs pa nyid ma yin nam/ lhag mar 'gyur ba gzugs la sogs pa de dag nyid yin par 'gyur na/ de dag ni rnam par shes pa'i nus pa'i 'bras bu ma yin no/ /mig la sogs pa 'bras bu nyid yin na ni/ /sngar med par thal bar 'gyur ro/ /dmigs pa'i gnas skabs 'bras bu yin no zhe na/ rdul phra rab so sor dmigs par thal lo/ /khyad par med par ni gnas skabs tha dad par yang mi 'gyur ro/ /khyad par yod na ni rang nyid rig par thal lo/ /nus pa dang lhan cig skyes pa nyid khyad par yin no zhe na/ de ni mi rigs te/ 'di ltar/ lhan cig nyid na nus dpag cing/ /rjes dpag las kyang der 'dod pas/ phan tshun brten pa'i nyes pa ni/ /ci ltar spongs par 'gyur ba yin/ /dmigs pa nyid ni gzugs la sogs pa dag gi khyad par yin no/ /gal te dmigs pa de nus pa dang lhan cig pa nyid yin na ci ltar nus pa ma grub par lhan cig pa nyid grub/ de ma grub na ci ltar nus pa rjes su dpag / de'i phyir rnam par shes pa ni gzugs la sogs pa dang bde ba la sogs pa tsam rang rig pa nyid yin te/ rnam par shes pa bde ba la sogs pa zhes gzhi mthun par rtogs pa skye ba'i phyir ro/ /gzhi mthun pa ni gtso bo dang/ /brtags pa'i dbye ba las gzhan med/ /skyes bu dbyug pa de bzhin du/ /skyes bu sems pa zhes bya bzhin/ /gal te gtso bo ma yin na/ /'khri'u 'bod do/ /skyes bu dbyig pa'o zhes bya ba de ltar 'gyur na/ de ni 'dir rab tu ma grub pa nyid de/ gzugs la sogs pa'i rang bzhin las tha dad pa'i rnam par shes pa dmigs pa med pa'i phyir ro/ /dpe 'di nyid kyis rjes su dpog go zhe na/ ma yin te/ rjes su dpag pa med pa'i phyir ro/ /grangs can pa rnams sems pa skyes bu zhes gtso bo'i gzhi mthun pa khas len pa'i phyir ro/ /de'i phyir gang ji ltar rig pa de de lta bu nyid du khas blang bar bya'o/ /goms las de lta bur 'gyur ba'i/ /gzugs sogs la gnas rig pa ni/ /gzugs sogs gzhan dang gzhan dag tu// 'pho ba nyid du yod par 'gyur/ /rnam par shes pa dmigs pa ma gtogs pa gzhan dang 'dra ba ni ma yin no/ /des na bde ba dang 'dres par byas pa ni/ gzugs la sogs pa dang 'dre bar 'gyur ro/ /gzugs la sogs pa dang 'dres par 'gyur ba ni goms pa las rtags kyi rnam pa thams cad gzung bas de'i rnam pa mdza' dag rtogs na gzhan gyi bde ba la sogs pa dang 'dre bar 'gyur ba yin no/ /'o na ji ltar gzugs la sogs pa dang gzhan gyi bde ba la sogs pa dag logs shig tu gnas pa dag tu dmigs zhe na/ de ni ma yin te/ rang gi ngo bor rig pa la/ /log gnas mi gnas yod min te/ /'di ni rten la bltos pa yis/ mdza' snyad 'ba' zhig yin par zad/ /rang gi ngo bo rig pa las ma gtogs pa bde ba la sogs pa dang gzugs la sogs pa'i rig pa rnam pa gzhan ni yod pa ma yin no/ /des na 'dis ni logs na gnas pa 'am gzhan yin no zhes bya ba'i rnam par dbye ba 'di ga la yod de/ lus kyi rten la bltos nas 'di ni logs shig pa 'am gzhan yin no zhes tha snyad pa'i rnam par dbye ba 'ba' zhig tu zad do/ /gal te bltos pa med par ni/ /de yi rang bzhin rig min no/ /de yi rang bzhin rig pa las/ /ltos pa gzhan ni yod min na/ /de brten de phyir don dam du/ /rnam par dbye ba yod ma yin/ dbye ni kun rdzob 'ba' zhig ste/ kun rdzob dpyad bzod nyid ma yin/ /'di nyid ni kun rdzob ces brjod de/ /rnam par dpyad na mi gnas pa gang yin pa'o/ /de lta ma yin na don dam pa nyid du 'gyur ro/ /de'i phyir ji ltar gzugs la sogs pa dang gzhan gyi nus pa la sogs pa rnam par shes pa de'i bdag nyid kyis 'pho ba de bzhin du gzhan gyi khu khrag gis lus la yang yin no/ /de'i phyir/ gang las rnam par shes pa'i rten bya ba dang bcas par 'gyur ba zhes bya bar nus pa zhes bya ba rnam par shes ba'i rang bzhin gzhan ni yod pa ma yin te/ 'on kyang de ltar gyur pa de nyid rang rig pa ni/ rnam par shes pa yin no/ /'o na ji ltar de'i bdag nyid kyis 'phos pa'i rnam par shes pa'i bdag nyid yin na/ ka ba la sogs pa mi g.yo/ rang gi lus bzhin du de yang g.yo bar 'gyur ro zhe na/ de yang ma yin te/ de bdag skyes pa tsam gyis ni/ /g.yo bar 'gyur ba ma yin te/ /reg pa'i rnam shes khyad par can/ /rang bzhin skyes na de 'gyur ro/ /gang gi tshe rig pa'i rnam par shes pa rtsol ba'i rnam par shes pa'i rang bzhin skyes na de'i tshe lus la sogs pa g.yo bar 'gyur gyi gzhan du ni ma yin no/ /de'i phyir rnam par shes pa ni gzugs la sogs pa'i rang bzhin nyid do/ /des na rdul phra rab so sor reg par thal bar 'gyur ro/ /khyed la yang ci'i phyir de ltar mi 'gyur zhe na/ de'i rnam pa can gyi rnam par shes pa gzhan skye ba'i phyir ro/ /kho bo cag gi yan lag can rnam par shes pa'i rang bzhin yin gyi/ rdul phra rab dag ni ma yin no zhe na/ de yang ma yin te/ rdul phra rab dag kyang de'i rang bzhin du 'gyur ba'i phyir ro/ /rdul phra rab dag ni tha dad par 'gyur ba nyid do/ /zhe na/ 'o na ni med pa nyid du 'gyur ro/ /'di ltar/ phra rab rdul rnams lus kyi ni/ /ngo bo nyid du rnam par gnas/ /lus ni phra rab rdul rnams kyi/ /ngo bo nyid du rnam par gnas/ /'on te lus kyi rdul phra rab dag rnam par shes pa'i rang bzhin ma yin te/ /de lta yin na/ rdul phra rab dag ni 'di lus kyi ngo bo nyid du mi 'gyur ro/ /rig par bya ba nyid ma yin pas yul gyi ngo bo yang ma yin pa'i phyir rdul phra rab dag ni med pa nyid du 'gyur ro/ /de'i phyir yan lag can 'ba' zhig tu 'gyur ro/ /de yang ma yin te/ lag sogs g.yo na thams cad dag /g.yo bar 'gyur phyir 'gal ba can/ /las ni gcig la mi rung phyir/ /gzhan du tha dad grub par 'gyur/ /gcig bsgribs na ni thams cad dag /bsgribs par 'gyur ba 'am ma bsgribs na/ /mthong 'gyur gcig mtshon gyis bsgyur na/ /bsgyur ba 'am ma bsgyur rtogs par 'gyur/ /yan lag can gyi rang bzhin gyi rdzas zhes bya ba ni/ bya ba can yon tan can ldan pa la sogs pa'i rgyu yin no/ /de la gal te bya ba yod na de'i tshe de'i dus can gyi rgyu yin pa'i phyir/ thams cad g.yo ba nyid du 'gyur ro/ /yan lag can ni g.yo ba dang mi g.yo ba sna tshogs pa'i rang bzhin yin no zhe na/ lhas byin dang mchod sbyin la sogs pa'i gzugs g.yo ba la sogs pa'i rang bzhin yan lag can gcig yin par 'gyur ro/ /'on te gcig nyid dang g.yo ba dang mi g.yo ba nyid du mthong ba'i phyir/ 'gal ba ci yang ce na/ gcig ces bya ba 'di ci yin/ /gal te snang ba tha dad pa ma yin na/ de ni med do/ /'on te 'bras bu gcig pa nyid yin na/ gal te 'bras bu gcig nyid yin mod/ rgyu yang gcig yin no zhes bya ba ga las/ yan lag can bsgribs pa na/ thams cad bsgribs par 'gyur te/ ldan pa khyad par med pa'i phyir ro/ /yan lag bsgribs pa yin na/ yan lag can bsgribs pa ma yin pas thams cad mthong bar 'gyur ro/ /yan lag gi sgo nas bsgribs na/ cung zad mi mthong ba 'am ril mthong bar 'gyur ro// gcig yin yang ril blta bar mi nus pa'i phyir ro/ /zhe na/ mthong ba dang ma mthong ba dag ci ltar gcig nyid yin/ chan gyis bsgyur ba la yang thal ba 'di nyid yin no/ /de phyir tshogs pa gcig yod min/ /du ma nyid na snga ma bzhin/ /khyad med phyir dang phra rab phyir/ /rtogs min zhe na khyad med par/ /ma grub khyad par can rnams ni/ /dbang yul de bzhin phra rab min/ /gal te lus du ma yin no zhe na/ du ma nyid yin na yang snga ma bzhin du skyon med de/ rdul phra rab so sor rang rig par thal lo/ /khyad par med pa'i phyir mi rtogs so zhe na/ de ni ma yin te/ khyad par med par nyid du ma grub po/ /rig pa ni gnas skabs na/ /dmigs pa yin pa'i phyir ro/ /des na khyad par med pa mi dmigs pa nyid ma yin no/ /de nyid kyi phyir rang nyid rig pa'i gnas skabs na phra rab nyid kyang gegs byed pa ma yin pa'i phyir yod kyang med pa dang khyad par med pas rdul phran ma yin no/ /khyed cag gi yang ji ltar yul dmigs shes na/ rang rig pa'i rang bzhin gyis yul dmigs pa ni ma yin gyi 'on kyang de rnam pa can gyi rnam par shes pa dmigs pa nyid yul dmigs pa nyid yin no/ /ji ltar rdul phra rab kyi rnam pa med ce na/ 'di ni 'og nas bstan par bya'o/ /gal te rdul phra rab tsam yin na ji ltar bsgribs pa dang thogs pa la sogs pa yin zhe na/ 'dis ni sgrib byed la sogs pa/ /med pa dag kyang gsal ba yin/ /dngul chu gser sogs dang 'dres pa'am/ /rdo tshan la sogs ji ltar snang/ /dbang tshogs so sor nus med kyi/ /rtogs pa dag ni ji ltar yin/ /ldan las she na 'dir thal mtshungs/ /gal te gser dang dngul chu yis/ /ldan pa snang ba yin zhe na/ /rten mthong med par ga la rtogs/ /ro gzugs la sogs ldan par 'gal/ /gal te nye bar btags pa las/ /'dod na blo tha dad par 'gyur/ ji ltar phreng ring zhes byar mtshungs/ /de ldan rang gi ngo bo dang/ /brjod pa dag las tha dad pa/ /grangs ldan las la sogs pa yi/ /ngo bo'i blo la mi snang ngo/ /rdul phra rab rnams 'byar ba med pa'i phyir ji ltar sgrib par byed pa yin/ zhes bya ba ni 'thad pa ma yin te/ gang gis de med pas rdul phra rab rnams la de mi 'gyur ba yan lag can dang 'brel pa'i sgrib pa ni 'gar yang dmigs pa med do/ /de bzhin du thogs pa la sogs pa yang ngo/ /'on te 'di skad brjod de/ gser dang bcas phyir rdul phran ni/ tshogs pa snam bu la sogs pa 'am/ /chu dang nyi ma la sogs pa'i/ /skabs su de ni ji ltar 'gyur/ /phan tshun nang du 'jug pa la/ gegs med pa'i rdul phra rab rnams nyid 'ba' zhig /yan lag ldan pa med par ji ltar sgrib par byed pa la brten ce na/ 'dir bshad pa reg pa med par ji ltar yan lag can skyed par byed/ reg pa yang phyogs gcig gi ni ma yin te/ de med pa'i phyir ro/ /bdag nyid thams cad kyis kyang ma yin te/ gong bu rdul phra rab tsam du 'gyur ba'i phyir ro/ /ldan pa'i don gzhan skyes pas so zhe na/ ma yin te/ ldan pa de nyid bar dang bcas pa dag gis ci ltar skyed par byed ces thal ba mtshungs so/ /reg na gong bu rdul phra rab tsam du thal bar 'gyur ba'i phyir ro/ /gal te reg pa yin na ldan pa gzhan nam de bzhin du yan lag can gyis ci zhig bya/ 'on te bar dang bcas pa nyid ldan pa dang/ yan lag can skyed par byed na/ de lta yin na sgrib pa la sogs pa'i 'bras yang ci ste skyed par mi byed/ gang la brdegs kyang so sor ni/ /'gyes par mi 'gyur ba 'di ni/ /reg pa med kyang phra rab kyi/ /rdul rnams tshogs pa 'ba' zhig yin/ skra dang sbrang ma sha la sogs pa yul bar dang bcas par gnas pa yin yang lings po gcig gi rnam pa can gyi shes pa skyed par byed pa de bzhin du/ 'bras bu gzhan yang ci ste skyed par mi byed/ der gnod par byed pa mthong ba'i phyir de lta yin no zhe na/ 'di yang gal te rnal 'byor ba yod na dbang po las 'das pa'i don mthong ba rnal 'byor pa'i shes par gnod par byed pa yod par 'gyur ro/ /dper na bu ga dang bcas pa'i snod steng bkag na chu mi 'dzag pa bzhin du rdul phra rab 'dus ba yang yin no/ /yang na dngul chu gser dang ldan pa 'am/ rdo tshan la sogs pa dag / yan lag can med par sgrib pa dang thogs pa la sogs pa 'am/ /so sor gyes pa la sogs pa 'bras bu gzhan byed par ji ltar nus/ de ni khyad par can gyi 'dus pa'i mtshan nyid kyi rgyu khyad par can las skyes pa yin te/ rgyu dang 'bras bu'i dngos po ni bsam gyis mi khyab po/ /'di ltar gzugs la sogs so sor rnam par shes pa skyed par mi nus pa de lta na yang/ tshogs pa'i gnas skabs na skyed par byed do/ /ldan pa las yin no zhe na/ ldan pa yang 'bras bu nyid ma yin nam/ de nyid ji ltar skyed par byed/ ldan pa ni snang ba yang ma yin te/ rten ma mthong bar rtogs pa med pa'i phyir ro/ /rten mthong ba med par yang rtogs na ni/ dbang po dang don phrad pa las skye'o/ zhes bya ba ni gzhung lugs yin no/ /phrad pa ni ldan pa nyid do// de'i tshe ldan pa'i rgyu yin pa'i phyir/ ldan pa dang rnam par dbye ba'i rgyu ma yin pa ni yon tan yin no/ zhes bya ba yon tan gyi mtshan nyid nyams par 'gyur ro/ /'on te 'byor ba dang 'phrod pas 'dus pa'i phyir rtogs par bya ba yin no zhe na/ /des lta na ni 'o na rdul phra rab la ldan pa yod par rdul rab rtogs par 'gyur ba'i phyir/ yan lag can brtags pa don med do/ /ldan pa thams cad kyang mthong bar 'gyur te/ des na rgyang ring po nas mi 'dzin par mi 'gyur ro/ / der ni dbang po'i ldan pa nyid med do zhe na/ rags pa rnams kyang mi rtogs par 'gyur ro/ /'on te ldan pa las skyes pa'i ldan pa yang 'dod pa yin no/ /ldan pa dang rnam par dbye ba'i rgyu ma yin pa zhes bya ba ni 'du ba can gyi rgyu bkag pa yin no zhe na/ ma yin te/ 'du ba ni 'di la'o snyam pa'i blo'i rgyu yin pa'i phyir ro/ /ldan pa yang gal te brtags na gor ma chags par 'di la'o snyam pa'i blo skyed par byed do/ /des na phrad pa 'du ba can gyi rgyu yang 'thob bo/ /gzhan yang/ gal te 'byor pa dang 'du ba// 'dzin pa'i rgyu ni yin 'gyur na/ /rdul phran rnams la ldan yod pas/ /rdzas ni 'dzin par 'gyur ba yin/ /gal te 'byor pa dang 'du ba yang 'dzin pa'i rgyu yin na/ de'i tshe 'bras bu'i rdzas kyi ldan pa don med do/ /rdul phra rab kyi ldan pa nyid kyis 'bras bu'i rdzas mthong ba'i phyir ro/ zhe na/ 'on te 'bras bu'i rdzas srid pas/ /rdul phra rab kyi ldan pa brtag par bya ba ma yin na/ /rdul phra rab kyi ldan pa nyid las bum pa la sogs pa mthong bas yan lag can rtog pa don med pa'i phyir nyes pa de nyid yin no/ /'on te yan lag can yod na rdul phra rab kyi ldan pa rtog gi gzhan du ni ma yin no zhe na/ 'di ni bzlog pa la yang mtshungs so/ /yan lag can ldan na rdul phra rab ldan pa ma yin pa ni ma yin te/ yul dang dus mtshungs pa nyid kyis rnam par dbyer med pa'i phyir ro/ /yang na rtog pa'i yan lag can la yang ldan pa yin pas mthong ba'i ldan pa la yang ldan pa yod par 'gyur ro/ /gzhan yang 'byor pa dang 'phrod pas 'du ba las mthong ba'i phyir/ gzugs dang ro la sogs pa yang dag par ldan par/ btung ba la sogs pa mthong bar mi 'gyur te/ yon tan la yon tan med pa'i phyir ro/ /de la gzugs sam ro de yan lag rnams ni ma yin no/ /nye bar btags pa las de ltar bsnyad pa yin no zhe na/ blo tha dad par thal lo/ /zho la sogs pa yan lag rnams kyi gzugs sam ro gang yin pa de nyid don cig la 'du ba las nye bar btags pa yin gyi gzugs dang ro gzhan dmigs par mi 'gyur ro/ /ldan pa can rnams kyi gzugs gang yin pa de nyid ldan pa'i yang yin par 'gyur te/ nye bar btags pa las der gzugs dang ro gzhan du ga la 'gyur/ 'on te gzugs dang ro de dag nyid/ phrad pa las da ltar snang ba yin te/ de dag shin tu 'dres pa la ni gcig tu rtogs pa'i rgyu yin pa'i phyir ro/ /ro dang gzugs gzhan du mngon pa yin no zhe na/ de lta na ni 'o na yan lag can gzhan gyis ci yang byar med de/ rdul phra rab snang ba yin la de ltar rags pa la sogs pa'i tha snyad dang ldan pa yin no/ /gzhan yang gal te rdul phra rab nyid rags pa la sogs pa'i rtogs pa ma yin na/ de'i phreng ring ngo zhes bya bar mi 'gyur ro/ /phreng zhes bya ba ni 'ga' yang yod pa ma yin te/ /'di ltar/ ldan pa med phyir ldan pa min/ /de nyid phyir te rdzas ma yin/ /rigs sogs pa la ni rang nyid med/ /de ni rigs sogs 'dod pa'am min/ /bkod pa yi ni khyad par gyis/ ji ltar ring sogs blor 'gyur ba/ /des na de bzhin blo des ni/ /rdul phran rnams la yin par rigs/ /dper na phreng la sogs pa'i ring po la sogs pa'i bkod pa nyid yin pa de bzhin du rtsod pa'i gnas yan lag can gyi yul du mngon par 'dod pa yang yin pa'i phyir yan lag can med do/ /gang yang dbang ba la sogs pa ni/ ldan pa las yan lag can nam gzhan la blo skyed par byed do zhes bya ba la sogs pa brjod pa de la smras pa ni/ ldan pa la sogs pa'i rang gi ngo bo ni dmigs pa med do/ /gzugs la sogs pa ldan pa can 'ba' zhig tu zad do/ /de la ldan pa gzhan dmigs pa'i spyod yul du 'gyur ba med do// 'byor pa yin no zhes blos bzung ba'i ji ltar de bzhin du ma yin no zhe na/ 'byor pa zhes bya ba ni ldan pa can nyid kyis rtogs pa yin no/ /'byor pa'i sgra la 'dir dmigs pa gzhan ni yod pa ma yin no/ /der ni nye bar skyes gyur pa/ /ldan pa can dag 'ba' zhig ni ma 'byor pa rtogs pa'i yul yin te/ /de las 'byor gzhan yod ma yin/ /ji ltar don de mdun gnas pa/ /ldan pa de bzhin gnas sam ci/ /rjes 'gro ldog pa dag las ni/ /ldan pa la sogs rtogs pa yin/ /ldan pa can las tha dad pa'i ldan pa gzhan ni snang ba med de/ 'ba' zhig pa ma 'byor pa dag la ni gnas skabs de ma dmigs la/ de la ni dmigs pa des na 'di ni rjes su 'gro ba dang ldog pa dag las brtags pa 'ba' zhig tu zad do zhes bya bar yid ches so/ /mngon sum gyis de lta bu gyur pa 'di 'dra bar 'gyur ro zhes rtogs pa yin na/ /des na gnas skabs de nyid ldan pa zhes logs shig tu rnam par 'jog pa yin no/ /de nyid kyi phyir/ sgra shes dngos po tha dad pa'i/ /rjes 'brang rnam rtog brtags don can/ /dper na yon tan la sogs pa'am/ /zhig dang ma skyes dag la bzhin/ /sgra'i shes pa mi mthun pa tsam gyis ni/ /don tha dad pa ma yin te/ 'on kyang mngon sum gyi mtshan nyid kyi shes pa tha dad pa yin no/ /rnam par rtog pa tsam gyi blo ni thog ma med pa'i bag chags kyi stobs las skye ba na/ de lta de ltar bslad par 'gyur ba yin pas de las don gyi de nyid gnas par 'gyur ba ma yin no/ /de la ldan pa la sogs pa'i blo ni rjes su 'gro ba dang ldog pas brtags pa'i tha dad pa la brten nas 'gyur ba yin te/ des na brtags pa nyid tha dad pa yin gyi don gyi de kho na nyid ni ma yin no/ /rnam par btags pa'i don tha dad pa ni mu stegs byed gzhan gyi lta ba las kyang skye'o/ /de las kyang don gyi de nyid rnam par gnas na thugs pa med do/ /de ltar khas len na ni phan tshun rtsod par yang mi 'gyur ro/ /de'i phyir sgra dang shes pa tha dad pa ni bag chags kyi rjes su 'gro ba dang ldog pas rnam par rtogs pa la brtags pa'i don la 'jug pa yin no/ /rnam par btags pa de ci 'dra ba zhig ce na/ dngos po tha dad rjes 'brang ba can te/ dngos po rnams kyi tha dad pa ni de lta bu ma yin pa dag las ldog pa'o/ /ldog pa yang ldog pa can las gzhan ma yin te/ de'i phyir de nyid rgyun las bltos te nang gi dbye ba tha dad par snang ba yin no/ /ci ste dngos po tha dad pa med par rtogs pa tha dad ma mthong ngo zhe na/ 'jug pa kho na ste/ 'di ni mthong ba yin no/ /dper na yon tan dag la yon tan gcig go /'du ba gcig go yon tan nyi shu rtsa bzhi'o/ zhes bya ba lta bu'o/ /de la grangs ni med de/ grangs ni rdzas la brten pa'i phyir ro/ /rten ni grangs nye bar brtags pa la ma yin te/ rten tha dad kyang spyi la sogs pa gcig nyid yin no/ /zhig pa dang ma skyes pa dag la yang ji ltar gcig la sogs pa yin// gal te 'di ltar btags 'dod na/ /rgyu mtshan gang gis de 'dod pa/ /de nyid dngos po thams cad la/ de dag gi rgyur cis mi 'dod/ /gal te zhig pa dang ma skyes pa dag la gcig nyid la sogs pa nye bar btags pa las de ltar brjod pa dang rtogs pa yin no zhe na/ nye bar btags pa de nyid thams cad du 'di dag gi rgyu mtshan du ci ste mi 'dod/ thog ma med pa'i rtogs pa sgro btags pa nyid rgyu mtshan yin par 'gyur te/ dngos por btags pa'i skabs yod pa ma yin no/ /gal te kun la nyer btags min/ /tha dad khyad par gtso bo zhes/ /bya nyid ga las tha dad pa/ /med pa tha dad don med na/ /don gzhan rgyu mtshan tsam min yang/ /dkar la sogs la grang sogs dang/ /ldan pa'i sgra ni rnam grangs min/ /gal te der yang don gzhan na/ /yon can rdzas ni khyad med 'gyur/ /don gzhan min yang ldog pa yi/ /dbye bas tha dad pa yin te/ /las rdzas min pa'i sgra bzhin no/ /gal te nye bar btags pa zhes bya bar gtso bo'i rgyu mtshan can ma yin nam/ de ji ltar gtso bo med par 'gyur/ gtso bo yang khyad par tha dad pa yin te/ dbyug pa can la sogs pa bzhin no/ /khyad par tha dad med pa na ni phal par grags pa yin no/ /khyed la ni snga ma snga ma'i rtog pas byas pa'i khyad par dang ldan pas khyad par med pa'i phyir gang yang dngos med pas nye bar btags pa mi srid do zhe na/ de ni ma yin te tha dad pa'i khyad par gtso bo yin no zhes bya ba nyid ga? las yin te/ khyad par tha dad pa med kyang rtog pas byas pa'i khyad par tha dad pa shin tu goms pas brtan par chags par 'gyur pa ni gtso bo nyid do/ /'khrul pa med pa'i rtogs pa'i yul ni dngos yin la/ de las gzhan ni phal pa yin pas ma chog pa ci yod/ gzhan yang/ gal te khyad par tha dad pa ni dngos yin la/ gzhan du btags par 'gyur na rnam pa 'di lta bu mdza' dag dngos ma yin par 'gyur te/ tha dad pa'i khyad par med pa'i phyir ro/ /gang zhig pa dang ma skyes pa la ni khyad par can yang btags pa yin no zhes bya ba ni khyad par yin no/ /gal te khyad par gzhan na med na lon ni thams cad du khyad par can nyid brjod par bya ba yin pas don tha dad pa med pa'i phyir rnam grangs pa nyid du 'gyur ro/ /gzhi mthun pa yang med par 'gyur te/ de ni 'jug pa'i rgyu mtshan tha dad pa nyid yin na 'gyur ba yin no zhe na/ de yang brjod par bya ba nyid yin te/ 'di ltar 'jug pa'i rgyu mtshan tha dad ni/ de yi ngo bor snang bas na/ /ci ltar don dang sgra dag ni/ /gzhi mthun par ni 'gyur ba yin/ /gzhi mthun pa 'di don dag? gam sgra dag gi yin grang na/ re zhig sgra dag gzhi ma yin te/ so sor nges pa'i don brjod pa'i phyir ro/ /mtshon zin pas mtshon pas gzhi mthun pa yin no zhe na/ gcig nyid dang ni 'brel pas na/ de ni thams cad mtshon pa nyid/ /sgra gnyis pa'i sbyor ba ni/ /med pa'i phyir na de med do/ /don rnams gzhi mthun pa nyid kyang/ /'di nyid kyis ni bsal ba yin/ /'brel ba yod pa yin na yang/ /gang las ji ltar 'jal ba yin/ /gal te 'du ba'i stobs kyi don/ tha mi dad par 'jal byed na/ /gcig nyid kyis ni de rtogs phyir/ /sgra gzhan dag ni don med 'gyur/ /gal te gzhan gyis don de nyid/ /shes pa yin par 'dod na ni/ /ci ltar khyed kyis 'dod pas kyang/ /rnam grangs pa de nyid mi 'gyur/ /'on te sngon dgos 'brel pa tsam/ /sgra gcig las ni rtogs she na/ 'du ba can ni rtogs pa na/ ma rtogs pa ni gzhan yod min/ /ci ltar sngon po mngon sum gyis/ /rtogs na autpal rtags 'gyur ba/ /de bzhin sgras kyang rtogs na ni/ /de bzhin sgra gzhan don med do/ /sgra ni nges pa nyid kyi don/ /yin phyir gzhan dag rtogs min na/ /khyad par can dang bral ba'i don/ /'ga' med brjod pa don med do/ /mthon mthong autpal la sogs dag /sngo nyid 'ba' zhig nyid min te/ /de ltar mngon sum gyis bzung min/ /sgra 'jug gzhan du ji ltar yin/ /gal te sngo nyid autpal yin/ /autpal la la tshig don med/ /gal te sngo nyid gzhan du na/ /de bzhin autpal tshig don med/ /de phyir rang gi bag chags kyi dbang gis skyes pa'i blo nyid kyis gzhi mthun pa la sogs pa'i tha snyad tha dad pa dang/ tha dad pa ma yin pa nye bar 'jog pa yin na/ rnam grangs la sogs par thal ba ma yin te/ 'di ltar don gzhan med kyang dkar po la sogs pa dag la rnam grangs pa ma yin no/ zhes bshad zin to/ /der yang don gzhan yin no zhe na/ de lta yin na yon tan dang rdzas dag khyad par med par 'gyur ro/ /'di ltar bya ba dang ldan pa yon tan dang ldan pa/ 'phrod pa 'du ba can gyi rgyu ni rdzas yin no/ /'phrod pa 'du ba can gyi rgyu nyid ni/ yon tan dang ldan na 'gyur ro/ /rtsi ba nyid yod pas na ltung ba la sogs pa 'og tu ltung ba'i phyir bya ba dang ldan pa nyid do/ /des na yon tan la yang ldan pa yod pas rdzas kyi mtshan nyid dang ldan pa ni rdzas su 'gyur bas/ yon tan dang rdzas khyad med par 'gyur ro/ /de'i phyir ldog pa'i khyad par gyis/ kun brtags pa brjod par bya ba tha dad pas tha dad pa ste/ sgra dang rtogs pa tha dad pa yin te/ dper na las rdzas ma yin pa dang/ rdzas las ma yin pa bzhin no/ /'dir don gzhan ni don ma yin te/ de lta na yang rdzas las ma yin pa la sogs pa'i sgra rnams rnam grangs pa ni ma yin no/ /der ni log pa'i khyad par nyid rgyu mtshan yin gyi 'jug pa'i rgyu mtshan tha dad pa gzhan ni med do/ /'o na ji ltar ba lang dkar po ba lang gi dkar po nyid ces bzhi mthun pa dang bzhi tha dad pa'i dbye bar 'gyur zhe na/ dngos po brjod pa'i sgra rnams kyis/ /grang sogs de dang ldan pa las/ /tha dad bzhin du bstan gang de'ang/ chos gzhan khyad par byed pa yin/ /de tsam shes par 'dod pa la/ /gzhan kun 'phangs pa med par ni/ /la lar sor mo'i ldan pa zhes/ /tha dad chos bzhin sgra brjod byed/ /don gcig brjod kyang thams cad ni/ /'phen phyir sor mo ldan 'gyur ces/ /chos can brjod par grags yin te/ /de ltar brdar ni byas pa yin/ /ji ltar brtags pa'i brjod bya tha dad pas rnams grangs pa ma yin par bstan pa de bzhin du brjod par bya ba'i don tha mi dad kyang tha dad pa'i rnam par dbye ba ni brtags pa'i tha ma dad pa yod pa'i phyir te/ dper na mchi gu'i lus ngag sgra gcan gyi mgo zhes bya ba de bzhin du ba lang gi dkar po zhes bya ba yin no/ /ba lang zhes bya bas ni rnam pa gcig tu 'dzin pa can gyi don de ri la brjod pa yin la/ /dkar po zhes bya bas ni de'i phyogs gcig 'dzin pa bzhin dang ldan pa'i yod pa yin no/ /tha dad pa ni rjes su 'gro ba dang ldog pa dag gis nges par byas pa yin te/ des na de'i yon tan dkar po de ni ba lang gi yon tan yin no/ zhes tha dad pa'i rnam par dbye bar 'gyur ro/ /gang gi tshe/ ba lang gi rnam par bzung ba med par 'brel pa can gyi khyad par dang bral ba'i dkar po nyid 'ba' zhig dmigs pa de'i tshe/ dkar po nyid 'di gang gi yin/ zhes 'dri ba de'i tshe ni/ ba lang dag gi zhes sngar mthong ba las nges pa'i ba lang gi rang bzhin nyid ston te/ 'di de'i bdag nyid kyi 'brel pa nyid brjod par 'dod pa yin no/ /tha dad pa ni sngar 'ba' zhig nges pa'i phyir ro/ /gang gi tshe gal te mthong ba dman pa rnams khyad par mtshon pa la mi gsal ba nyid yin pa de lta na ni yang 'di 'ba' zhig tu gyur pa ni mi srid de/ ba lang dkar po 'am gzhan du 'gyur ba yin snyam pas dkar po 'di'i gang yin ba lang dam 'on te gzhan zhes 'dri ba de'i tshe ni lan du gzhi mthun pa nyid kyis ba lang ngo zhes so/ /de nang du bsdus pa nyid kyis 'dri ba yin pa'i phyir/ lan yang de dang rjes su 'thun pa kho nar rigs so/ / de kho na'i don 'di yin te/ rjes su 'gro dang ldog pa las/ /tha dad par ni rnam nges shing/ /rgyu 'ga' zhig las khyad par nyid/ /mtshon pa yang ni med pa na/ /mkhas pa yon tan dkar po 'di/ /rta yi yin zhes lan 'debs te/ tha dad ldan pa 'dri ba'i phyir/ /'dir ni de lta nyid du des/ /gang tshe tshad ma'i 'jug pa la/ /ltos te tha dad med par ni/ /khyad par nang du bsdus gyur te/ /'dri bo 'dri bar byed 'gyur ba/ /de tshe de dngos rig pa de/ /de 'dra nyid kyis lan 'debs te/ /gzhung lugs gzhan gyi go skabs ni/ /da la srid pa ma yin no/ /mngon sum nyid dam de gzhi can/ /rjes dpag 'jug pa la ltos nas/ /tha dad rnam nges yod min na/ /des na tha dad srid ma yin/ /gang tshe rjes 'gro ldog pa dag /thog ma med par rnam gnas pa/ / de tshe tha dad srid pa'i phyir/ /tha dad da ni de lta nyid/ /'gro ba'i rtogs pa 'di lta bu/ /'di ni thog med tha snyad yin/ /dngos po sems pa 'jig rten la/ /med phyir tha dad gnod ma yin/ /de'i phyir yan lag nyid las yan lag can ni med do/ /gal te yan lag ni med kyi 'on kyang ro la sogs pa nyid yin na/ 'on te de'i tshe bum pa'i gzugs la sogs pa zhes bya bar mi 'gyur te/ /gzugs la sogs pa rnams kyi gzugs so/ /bum pa'i bum pa'o zhes bya bar 'gyur ba ni ma yin no/ /zhes gzhan gyi rgol ba'i dogs pa bsu nas/ bshad pa ni/ gzugs sogs nus pa'i khyad par ni/ /spang bas de 'bras mtshungs pa yi/ /rgyu min pa ni rnam gcod la/ /bum pa'i sgra ni 'jug par 'gyur/ /des na bum pa'i gzugs so zhes/ /gzhi gcig pa can sgra ma yin/ /des na 'di ni rigs dang ni/ /tshogs pa brjod pa'i khyad par yin/ /de spyi yan lag tu byas te/ /bum pa yi ni gzugs sogs zhes/ /de nus khyad par ston par byed/ /phyogs 'dir gzhan la'ang brjod par bya'o/ /gzugs la sogs pa rnams kyi nus pa'i khyad par so sor nges pa ma 'phangs par/ thun mong gi chu 'dzin pa'i nus pa 'phen pa'i sgo nas de dag la bum pa'i sgra 'jug pa yin no/ /des na bum pa la sogs pa'o zhes gzhi mthun pa nyid ma yin no/ /de nyid kyi phyir tshogs pa'i sgra 'di ni tshogs pa brjod par 'dod pa na yin la/ rigs kyi sgra ni so sor 'bras bu gcig pa nyid la yin te/ dper na nags zhes bya ba bzhin dang/ dper na shing zhes bya ba bzhin no/ /'o na ji ltar bum pa'i gzugs la sogs pa zhes snyad ce na/ so sor gzugs la sogs pa'i shes pa skyed par nus pa dag ni chu 'dzin pa'i 'bras bu thun mong ba nyid do zhes bya ba'i don to/ /'on te ji ltar shing rnams kyi nags she 'am/ nags rnams ni shing ngo zhes bya ba de bzhin du/ gzugs logs pa'i bum pa zhe 'am bum pa la sogs pa dag ni gzugs so zhes ci'i phyir mi 'gyur zhe na/ gal te bstan bcos gzhan gyi 'du byed pa med na/ 'gyur ba nyid do/ /'jig rten ni phal cher de'i 'du byed pa'i rjes su 'brangs pa yin te/ des na mi 'gyur ba nyid do/ /dngos po yang dag par rtogs pa dang ldan pa ni yid ches par 'gyur ba nyid do/ /gzugs la sogs pa nyid 'ga' zhig bum pa'i 'bras bu'i khyad par nus pa yin la/ 'bras bu'i khyad par yang chu 'dzin pa yin no/ /yang na dbyibs kyi khyad par gyis rnam par gnas pa ste/ dbyibs kyi khyad par gang las chu 'dzin pa'i khyad par gyi gzugs la gzugs kyi bum pa zhes brjod pa yin no/ /des na yan lag dang yan lag can gyi khyad par la ni gzhi mthun par mi 'gyur ba nyid de/ phan tshun khyab pa med pa'i phyir ro/ /gal te shing dang sha pa dag la yang phan tshun khyab par bya ba dang khyab par byed pa'i dngos po med pa'i phyir ji ltar gzhi mthun pa yin zhe na/ de ni med de 'di ltar/ shing blo gsal ba gcig la ni/ /so sor rjes su 'jug pa yin/ bum pa'i blo ni gzugs sogs la/ /so sor rjes su 'jug pa yin/ /bum pa'i blo ni shing sha pa la sogs pa la shing blo ltar gzugs la sogs pa re re la/ rjes su 'jug pa ma yin no/ /bum pa'i sgras nus pa'i khyad par 'phen pa yang ma yin te/ sngon gyi mdza' snyad zhe na pas nus pa nges pa'i phyir ro/ /shing gi sgras ni khyad par can gyis nus pa dang ldan pa yang 'phan pa yin pa'i phyir skyon med do/ /'dir yang tha snyad zhen pa 'am/ /nus pa'i bye brag rgyu yin pas/ / thams cad legs par gnas so/ /gal te ba lang dag ni nyi shu'o zhes bya ba dang/ /nyi shu dag gi ba lang zhes bya ba 'di la nus pa'i khyad par 'ga' yang yod pa ma yin no/ /'dir nyi shu'i sgra nus pa gzhan brjod pa ni ma yin gyi/ 'on kyang 'dir bzho ba dang dgal ba la sogs pa'i nus pa nyid rtogs pa yin no zhe na/ der ni mang po nyid kyis ni/ /bstan pa'i 'dus pa gsal bar yod/ /de brjod phyogs 'dis gzhan dag la'ang/ /nye bar bstan par brjod par bya/ /'dir ni bcu po gnyis kyis rang bzhin 'dus pa brjod par 'dod pa yin no/ /des ni bzho ba dang dgal ba'i nus pa 'phen pa ma yin la/ des kyang 'dus pa'i khyad par 'phen pa ma yin pa'i phyir thams cad legs par gnas so/ /yang na/ thog ma med pa'i tha snyad kyis/ /'dus byas bag chags bdag can gyi/ /sgra las byung ba'i rtog pa 'di/ /thog ma med pa'i tha snyad yin/ /des na gang la'ang mi brtsad de/ /gang gis kyang ni brtsad bya min/ /gal te sgra don de lta bu/ /yin yang chang ba 'ga' med na/ / gang gis de la btsod byed 'dir/ /de ltar mi rigs ji zhig yod/ /tha ma la dgra yi 'dus byas la/ /ma 'chol ba ni mthong ba med/ /der ni rtags dang tshig gi don/ /tha dad par ni gsal bar rtogs/ /de la mi rigs yod ma yin/ /legs par sbyar la de 'gyur na/ /mtshan nyid de ni legs bsgrubs pa/ /tha mal legs par sbyar bar 'dod/ /legs par sbyar dang legs sbyar min/ /tshad mas rtogs pa yod ma yin/ /'dis ni byis rtsed don phyir na/ /rnam par gzhag pa tsam du zad/ /ji ltar don yod ma yin yang/ /byis pa tha snyad pa dag gis/ /ci zhig ltar ni bstan bcos su/ /byas pa de ltar byis gzhan nyid/ /rjes 'jug des na de dag 'dir/ /ci zhig brjod pa mi shes so/ /ma mthong ba yi don brjod ni/ /gar gyi bstan bcos dag la'ang mthong/ /de la yid ches yod min te/ /'dis ni dmus long brgyud pa yin/ /gal te lus kyi 'byung ba chen po las skyes pa yin na/ de'i cha shas mdza' dag rnam par shes pa skyed pa'i rgyu yin te/ /dper na myu gu la sa sogs lta bu 'am/ yang na so sor de dper na/ me la bsregs par bya ba rtswa la sogs pa lta bu zhig yin grang na/ de la ma lus rgyu nyid yin na ni/ /yan lag gcig dang bral na'ang min/ /re re nus pa nyid yin na'ang/ /cig car mang po 'byung bar 'gyur/ /du ma nyid du mtshungs pa'i phyir/ /'byung rdub dag ni des byed min/ 'bras bu gang la mang po dag phan tshun lhan cig byed pas/ bya ba byed pa der ni gcig med kyang 'bras bu srid pa ma yin no/ /de med kyang 'bras bu yod pa yin na ni/ de rgyu nyid du mi 'gyur ro/ /'on te yan lag rnams phan tshun bltos pa med pa kho nar skyed par byed pa ni yin pa des na/ rna ba dang sna chad kyang de dag nyid la yid kyi rnam par shes pa 'byung ba yin na/ de lta na ni 'o na so so nus pa zhes bya bar 'gyur te/ de'i phyir rnam par shes pa mang po 'byung bar 'gyur ro/ /so sor nus pa'i sa bon du ma yod na/ myu gu du ma mi skye ba ni ma yin no/ /de skyed par byed pa ni dbugs 'byung ba dang rdub pa dag yin la/ cha shas gcig 'ba' zhig gang yin pa de ni lhan cig byed pa yin no/ /lhan cig byed pa tha dad pas ni 'bras bu tha dad par mi 'gyur te/ thag bzangs gzhan dang gzhan yod kyang snam bu tha dad pa ni ma yin no/ zhe na/ 'dir brjod pa dbugs 'byung rdub dag kyang du ma yin pa'i phyir thal ba de nyid du 'gyur ro/ /yan lag cig ma tshang yang mi 'gyur ba 'am du ma 'byung bar 'gyur ro// lus bzhin du 'byung ba dang rdub pa dag kyang gcig nyid du mi 'grub bo/ /'on te gcig nyid du 'dod na/ de la yang brjod pa ni/ gcig nyid yin na'ang mang gsal 'gyur/ /de rgyu rtag tu nye phyir ro/ /gal te du ma rgyu yin na/ rim gyis kyang min khyad med phyir dbugs 'byung ba la sogs pa rnams gcig nyid yin yang/ du ma gsal ba nyid de des na 'dod chags la sogs pa'i yid du mar thal bar 'gyur te/ de'i rgyu rtag tu nye ba nyid yin pa'i phyir ro/ /rgyu nye yang mi 'byung na de de'i rgyu can zhes bya bar ma 'thad do/ /'on te du ma'i rgyu ni mi 'gyur ba nyid de/ rgyu dang 'bras bu nyid ni so sor nges pa'i phyir ro/ /rgyu dang 'bras bu'i nges pa la ni brgal zhing brtags par 'os pa ma yin te/ me ni du ba gcig nyid skyed par byed pa yin no/ zhe na/ ma yin te khyad par med pa'i phyir ro/ /me las ni rang bzhin de nyid las du ba gzhan dang gzhan du dmigs pa ma yin gyi/ 'dir ni dbugs 'byung ba la sogs pa'i rang bzhin de nyid sad par byed pa'i rkyen gzhan dang/ gzhan gyi rjes su 'gro ba las 'dod chags la sogs pa'i sems gzhan dang gzhan 'byung ba yin no/ /sad par byed pa'i rkyen yang nges pa ma yin te/ sngon gyi 'du byed pa stobs dang ldan pa dang/ mi ldan pa nyid rgyu yin pa'i phyir ro/ /des na gal te dbugs 'byung ba la sogs pa ni sems kyi rgyu ma yin na phyis kyang de dang khyad par med pas mi 'byung ba'i phyir rim gyis kyang du ma'i rgyu ma yin te/ sngon gyi 'du byed pa nyid rgyur thal bar 'gyur ro/ /dbugs 'byung ba la sogs pa gcig nyid du khas blangs kyang brjod pa yin te/ 'thad pa ma yin no/ /'di ltar/ dbugs gcig pa yang don du ma/ /'dzin phyir de las des ma yin/ /du ma blo gcig gis shes na/ /de ni ci ltar nyid 'gyur te/ /'gal ba med phyir rim gyis kyang/ /mi 'gyur khyad par med phyir ro/ /ring du phyir 'byung ba la sogs pa dbugs 'byung ba gcig la yang blo du ma 'byung ba'i phyir dbugs la sogs pa ni nges par byed pa ma yin no/ /'o na ga las nges pa yin zhe na/ 'dzin pa de las te/ 'dzin pa snga ma snga ma nyid sems phyi ma phyi ma nges pa'i rgyu yin no/ /'on te/ yid kyi rnam par shes pa gcig nyid rim gyis don du mi 'dzin pa'i rang bzhin yin pa des na blo du ma ma yin no/ zhes brjod na/ de yang ma yin te/ gzugs la sogs pa'i rnam pa las/ tha dad pa'i yid gzhan ni yod pa ma yin no/ /gal te yid ni mi long bzhin du gsal ba lta bu khyab par byed pa gcig nyid yin na/ de ni don gyi gzugs brnyan dang 'brel pa yin na/ de la brjod pa/ gal te rnam par shes pa bya ba med pa nyid la thob par bya ba'i don gyi gzugs brnyan ste ba yin na/ don rnams la nye ba'i rim pa khyad par can med pa'i phyir don cig car 'dzin par thal bar 'gyur ro/ /'on te goms pa'i khyad par gyi rim las de lta ma yin no zhe na/ 'o na de nyid don gyi rnam pa'i rgyu yin gyi/ dbugs 'byung ba la sogs pa ni ma yin no/ /me long bzhin du rnam par gnas pa'i rnam par shes pa ni cig car don 'dzin par 'gyur te 'gal ba med pa'i phyir ro/ /'on te de'i tshe nus pa med na rim gyis kyang don de 'dzin par mi 'gyur te/ khyad par med pa'i phyir ro/ /'on te 'di skad du/ de la yang skad cig gi dbye ba yod pa nyid de/ des na skad cig gi dbye bas rim gyi don du ma 'dzin pa yin no zhe na/ 'di yang lan ma yin te/ 'di ltar rang rig min pa'i dus can gyi/ /dbugs kyi skad cig mang po dag/ gal te de 'dri'i sems nyid kyi/ /rgyu yin par ni rtogs byed na/ go rims ldan pa'i rgyu med par/ /de dag rim ldan ci ltar 'gyur/ rang rig snga ma rgyu nyid na/ /dang po 'byung bar mi 'gyur te/ /gang gi phyir/ de rgyu de 'dra yod ma yin/ /dbugs 'byung tha dad yul can phyir/ yod kyang du ma nyid de des/ /de phyir blo ni cig car skye/ dbugs skad cig ma zhes ded la ni grub pa nyid yin mod kyi/ /khyed la ni de grub pa ma yin no/ /'on te tshad mas mthong ba'i phyir/ /de ni grub pa nyid do/ /rim gyis 'byung ba ni don cig tu rigs pa ma yin te/ des na rgyu rim can yin pa'i phyir/ 'bras bu yang rim pa dang ldan pa yin pas rnam par shes pa rim pa dang ldan pa yin no zhe na/ dbugs 'byung ba la sogs pa de nyid go rim dang ldan pa'i rgyu med par ji ltar rim pa dang ldan pa yin/ snga ma snga ma'i dbugs 'byung ba la sogs pa'i rgyu'o go rim las so zhe na/ ma yin te/ rang gi rigs snga ma rgyu nyid yin na/ dang po'i dbugs 'byung ba la sogs pa mi srid par 'gyur te/ de 'dra ba dang po med pa'i phyir ro/ /'jig rten pha rol khas len na ni skye ba snga ma'i dbugs rgyu yin par 'gyur ro/ /pha ma'i dbugs rgyu yin no zhe na/ de lta bu'i bdag nyid du 'gyur ba thams cad kyi tshe 'byung bar thal ba'i phyir ro/ /de lta yin na ni blo yang pha mas bskyed pa yin pa'i phyir/ thal ba snga ma yin no/ /khas blangs nas rjod de/ dbugs rnams ni du ma nyid de yul tha dad pa dang 'brel pa'i phyir ro/ /yul du ma dang 'brel pa 'gal ba'i chos gnas pa can ni/ du ma'i sgrub par byed pa ma yin no/ /dbugs du ma yin pa'i phyir yid rnam par shes pa du ma skye bar thal bar 'gyur la rigs mthun pa'i yid ni rim gyis 'byung ba yin no/ /skad cig tha dad pa nyid kyis 'bras bu tha dad par ni ma zad de/ ji ltar rigs mthun pa'i rgyu du ma yin pa de bzhin du/ 'bras bu yang yin no/ /gal te tshogs pa las skye ba can du ma las gcig nyid skye ba ma yin nam zhe na/ 'di ni lan ma yin te/ gal te du ma'ang gcig dus can/ /sems gcig gis ni rgyu yin na/ dbugs rgyu zhen pa la sogs su/ /gcig ma tshang na'ang mi 'byung 'gyur/ /ci ste ji ltar yod rgyu yin/ /shes pa la yang khyod yod 'gyur/ /gang phyir gang gi tha dad las/ /tha dad min te de 'bras min/ /du mas gcig skyed na rnam pa gnyis su 'gyur te/ tshogs pa'i rang bzhin gyis sam/ 'on te gzhan du yin/ tshogs pa'i rang bzhin gyis yin na dbugs zhan pa dang dbugs mi rgyu ba la sogs pa la 'byung bar mi 'gyur te/ tshogs pa med pa'i phyir ro/ /tshogs pa las skye ba'i 'bras bu'i chos ni 'di yin te/ tshogs pa nyams pa dang ma tshang ba dag tu mi 'gyur ba gang yin pa'o/ /de med par 'byung na ni de'i 'bras bu nyid ma yin no/ /'on te ji ltar nye bar gnas pa nyid rgyu yin gyi/ tshogs pa nyid ni ma yin no snyam na/ de lta na 'o na nye bar gnas pa nyid rgyu ma yin te/ nye bar gnas pa ma yin pa yang yin no zhes brjod par bya'o/ /de ltar ni ma yin te/ rgyu dang 'bras bu dag ni rjes su 'gro ba dang ldog pa'i ngo bo can yin pa'i phyir ro/ /de'i phyir tshogs pa las ni 'bras bu tshogs pa nyid yin la/ nyams pa las ni med pa gzhan du 'gyur ba las ni gzhan du gyur pa nyid do/ /zhes nges pa yin no/ /gang gi khyad par las khyad par du mi 'gyur ba de ni de'i 'bras bu ma yin no/ /de yod na yod pa nyid rgyu mtshan yin no zhe na/ ma yin te de yod na yod pa nyid ni de 'gyur ba nyid las rtogs pa yin no/ /de yod na ni yod tsam gyis/ /gal te rgyu 'bras nyid yin na/ rnam 'gyur rgyu med can 'gyur te/ /de ltar thams cad rgyu med 'gyur/ /gal te de yod na yod pa nyid tsam 'ba' zhig rgyu dang 'bras bu nyid kyi rgyu mtshan du khas len na rnam par 'gyur ba rgyu med pa can nyid du thal lo/ /'on te rnam par 'gyur ba de yang de tsam nyid las yin na/ /dang po nyid ci'i phyir ma skyes/ /de 'gyur ba med pa nyid na skye ba yin na/ dang po nyid 'gyur ro/ /gang khyad par med par khyad par du 'gyur pa de de'i 'bras bu ma yin no zhes bshad zin te/ des na ci ltar rnam par 'gyur ba'i khyad par rgyu med pa de bzhin du/ dngos po de yang yin te/ des na de yod na yod pa nyid kyang ji ltar rtogs pa yin/ 'dis ni yongs su 'gyur ba yang bsal ba yin no/ /rim gyis 'gyur ba'i phyir khyad par la bltos pa'i dus nyid las rnam par shes pa skye ba yin no/ /zhes brjod pa de ni ma yin te/ yongs su 'gyur ba'i rim pa de/ /lus nyid las ni 'byung min te/ lus khyad med phyir de yi yang/ /khyad par gang nas 'byung ba yin/ /ji ltar yongs su 'gyur ba khyad par med pa las rnam par shes pa khyad par med par 'gyur ba de bzhin du/ lus khyad par med pa las yongs su 'gyur ba yang ma yin no/ /gal te 'o ma la sogs pa'i yongs su 'gyur ba'i khyad par de khyad par med par yang dus kyi mthar thug pa tsam las mthong ba ma yin nam/ de bzhin du lus kyang yin no zhe na/ 'di ni snying po med de/ 'di ltar/ 'o ma mtshungs pa las byung ba/ /zho la sogs kyi rnam 'gyur ni ? mtshungs nyid lus kyi rnam 'gyur ni/ /khyad par can du 'gyur ba nyid/ /'o ma mtshungs pa nye bar gnas shing drod mtshungs pa nyid yin na zho la sogs pa'i yongs su 'gyur ba mtshungs pa nyid do/ /lus ni mtshungs pa dang mi mtshungs pa dag la rjes su mthun pa goms pa'i bag chags rnam par rtogs pa la sogs pa'i shes pa tha dad pa dang/ tha mi dad pa dag gi rgyu yin no/ /des na yid rnam par shes pa dag ni rim pa dang ldan pa'i lus yongs su gyur pa las ma yin no/ zhes rtogs so/ /de'i phyir tshogs pa rgyu nyid yin na khyad par srid bar 'gyur la/ de lta ma yin na/ du ma nyid do zhes bya ba ni 'di gnas pa yin no/ /de ltar ni mthong ba ma yin no/ /gang gi rnam par shes pa nyid las rnam par shes pa yin pa de la yang ji ltar rnam par shes pa du ma skye bar mi 'gyur zhe na/ 'dir lan du/ rnam shes nus pa nges pa'i phyir/ /gcig ni gcig gi rgyu yin te/ /rnam shes don gzhan chags pa yis/ /nus med don gzhan mi 'dzin phyir/ /mtshungs pa de ma thag pa'i rkyen gyi rang bzhin gyi/ rnam par shes pa gcig gcig gi rgyu yin no/ /nus pa nges pa ni/ rjes su mthun pa'i 'du byed kyi bag chags sam/ /chags pa'i khyad par te/ bag chags brtan pa'i rnam par shes pa ni bar du chod kyang mtshungs pa de ma thag pa'i rkyen gyi nus pa'i khyad par bsgrub pas rnam par shes pa 'ba' zhig nyid skyed par byed pa yin no/ /'ga' zhig gam/ yang na mtshungs pa de ma thag pa'i rkyen rjes su mthun pa sad par byed pa la ste/ 'di ltar bag chags brtan pa la brten nas/ mtshungs pa de ma thag med par/ /rnam shes snga ma nyid las ni/ /rnam par rtog pa 'byung ba yin/ /rnam par rtog pa 'ga' zhig ni/ /mtshungs pa de ma thag rkyen las/ /nye ba nyid du skye ba mthong/ /gzhan ni bar du bcad phyir min/ /rnam par shes pa'i bag chags bar du chod pa'i rnam par rtog pa rnams ni nus pa'i yul gyi khyad par skabs su bar du zhugs pa gzhan gyis bskyed par ma mthong ngo/ /de bas na rnam par shes pa las rnam par shes pa gcig gam/ du ma yin no zhes rnam par bzhag pa 'thad pa yin no/ /gal te lus nyid las rnam par shes pa du ma skye ba yin yang rnam par shes pa de nyid las nges par 'gyur ba yin te/ dper na dbang po'i rnam par shes pa du ma skye ba yin yang/ res 'ga' chags pa'i yul la chags pa'i khyad par de nyid las rnam par shes pa gcig nyid yin pa bzhin no zhe na/ de la brjod pa/ gal te lus las cig car blo/ /skyes shing phyis ni rang rig las/ /des na lus kyi nus pa ni/ /ci yi phyir na ldog pa yin/ /gal te lus las rnam par shes pa skye na/ de las phyis kyang de nyid srid 'gyur te/ lus kyi nus de lta bu nyid du yod pa'i phyir ro/ /gal te rnam par shes pa rang gi nus pa nges pa'i phyir rnam par shes pa skyed par byed pa yin mod/ lus ni de bzhin nyid du gnas pa'i rnam par shes pa gzhan dang gzhan skyed par 'gyur ro/ /'on te/ rnam par shes pa des lus kyi rnam par shes pa gzhan skyed pa'i nus pa bcom pa'i phyir/ lus las rnam par shes pa gzhan skye ba ma yin no zhes na/ de yang ma yin te/ don 'di tshad ma 'ga' yis kyang/ spyod yul du ni byas ma yin/ /rnam shes nyid las rnam shes ni/ /skye bar tshad mas des phyir ro/ /rnam par shes pa dang bral ba'i lus nyid las rnam par shes pa du ma skye zhing/ phyis ni rnam par shes pa nyid kyis rnam par shes pa du ma skyed pa'i nus pa 'joms pa ni ma yin no/ /des na gal te lus las skye ba yin na/ rnam par shes pas rnam par shes pa gcig dang gcig nyid skye bar byed pa yin yang lus kyi nus pa mnyams pa'i phyir rnam par shes pa gzhan dang gzhan du ma skyed par 'gyur ro/ /gang gis da ni rnam par shes pa nyid las rnam par shes pa skye ba'i phyir nges rnam par shes pa gzhan mi skyed do zhes lus skyed par byed do/ zhes lus skyed par byed pa ma yin par 'gyur ba/ rgyu rnams rtog pa dang ldan pa ni 'ga' yang med do/ /'on te brgya la 'di ltar yang 'gyur ba yin te/ 'di lta ste/ 'bras bu nyid kyi rgyu'i rang gi 'bras bu bskyed pa'i nus pa 'joms pa'o zhe na/ lus las rnam shes du ma ni/ /'byung zhing de yi rjes thogs la/ /shes pas 'joms pa mthong nas ni/ /la lar shes pas mthong nas ni/ /'joms dogs par ni 'gyur ba yin/ /la lar dogs par 'grub pa yin/ /don 'di la dogs pa'i rgyu cung zad kyang ma dmigs la/ rgyu mtshan med par dogs pa yang ma yin no/ /de'i phyogs su lhung ba yi/ /nus pa goms pa las 'gyur te/ /rnam par shes pa'i nges byed nyid/ /goms pa las ni skyes pa yin/ /de'i rigs can gyi rnam par shes pa ni/ de'i rigs can nyid las yin pa'i phyir rgyu dang 'bras bu'i dngos por grub pa rnam par shes pa nyid las rnam par shes pa yin pas 'di lus la skye ba ma yin no/ /gal te dbang po'i rnam par shes pa du ma 'byung ba las rnam par shes pa gcig po de las rnam par shes pa gcig yin no zhes brjod pa ma yin nam/ /zhe na/ brjod pa/ bden te/ brjod pa tsam gyis ni lan thebs pa ma yin te/ 'on kyang rigs pas brjod pas so/ /de'i rigs pa ma yin no/ /chags pa'i rang bzhin ma yin pa'i rnam par shes pa ni de las gzhan pa'i rnam par shes pa mi skyed pa'i phyir/ byed pa 'jug pa ma yin no/ /sngon goms pa med par ni chags par yang mi 'gyur ro/ /des na rang bzhin gang la rnam par shes pa sngon goms pa de 'dra ba nyid la phyis chags par 'gyur ba yin te/ des na sngon goms pa nyid las rnam par shes pa gzhan mi skye ba yin no/ /gang la 'jig rten gzhan med pa/ /de la sngon goms srid ma yin/ /sngon goms pa ni yod min na/ /rnam shes gzhan dag bzlog mi 'gyur/ /des na lus de yin pa na/ /lus las byung ba'i rnam shes kyis/ tshogs ni yang dang yang 'byung bar/ /'gyur ba de ni mthong ba med/ /'on te lus de'i skad cig me/ /dang po nyid na rig pa yi/ /skyed byed phyi mar 'gyur ba ni/ /mi mthun phyir na rgyu nyid yin/ /nur nur po las phyi mar gyur pa de dang mtshan nyid mi mthun pa ni rnam par shes pa rnams kyi skyed byed ma yin te/ skyed par byed pa dang mi mthun pa'i yang skyed par byed pa ni mi 'gyur ro zhe na/ de yang ma yin te/ gal te rig pa dang po nyid/ /lus kyi mtshan nyid las 'byung na/ /de nas lus ni rten med pas/ /rig pa 'ba' zhig kho nar 'gyur// phan gdags par bya ba dang phan 'dogs par byed pa ma yin pa dag ni/ rten dang brten pa'i dngos po ma yin no/ /de lta yin na rnam par shes pa 'ba' zhig pa 'byung bar 'gyur ro/ /'on kyang lus lhan cig phyed pa can gyi rnam par shes pa skyed par byed pa des na 'ba' zhig gnas pa ma yin no zhe na/ de lta na rnam par shes pa nyid las/ rnam par shes pa yin la lus ni lhan cig byed pa yin las nged kyi gzhung nyid btsugs par 'gyur ro/ /'on te dang po lus nye bar len pa'i rgyu yin te/ dper na autpa la la lci ba'i rdzas bzhin te/ phyi nas ni autpa la nyid las autpal skye ba bzhin no zhe na/ de lta na ni 'o na ba lang gi lci ba med kyang phyis kyang autpal las kyang autpal 'byung ba de bzhin du/ rnam par shes pa nyid las rnam par shes pa yin pa'i phyir 'ba' zhig gnas par thal lo/ /'on te lus kyang rgyu nyid du dmigs so zhe na/ bden mod kyi/ nye bar len pa'i rgyu nyid ni ma yin te/ 'on kyang lhan cig byed pa nyid du'o zhes bshad zin to'o/ /'on te sngar nye bar len pa'i yin la phyis lhan cig byed pa yin no zhe na/ nye bar len pa ni phyis lhan cig byed par 'gyur ba ma yin no/ /gal te lus ni nye bar len na/ ci ltar lhan cig byed par 'gyur/ /de lta nyid du mthong phyir na/ /'dir ni mthong bar rtogs pa med/ /ba lang gi lci ba dang autpa la las kyang de lta bur 'gyur ba nyid 'byung ba ni ma yin te/ de gnyis la ni khyad par chen po yod pa'i phyir ro/ zhes bstan zin to/ /gsal ba la sogs skyes pa yi/ /shes las la la mthong gang yin/ /de nyid dang por mthong bas na/ rnam shes gzhan gyi sgrub byed yin/ /de'i phyir lus las rnam par shes pa ma yin no/ /'on te khyod kyi ltar na yang gal te/ lus rnam par shes pa'i rten ma yin na de'i tshe lus log kyang rnam par shes pa 'ba' zhig gnas par thal bar 'gyur te rgyu mtshan med par lhan cig gnas pa nges pa ni ma yin no zhes 'dir gzhan dag gi dogs pa bsu nas lan 'debs pa ni/ gal te lus ni log pa na/ /rten min phyir na sems 'ba' zhig/ gnas 'gyur zhe na gal te de'i/ rgyu 'jug thob phyir sems kyi rgyun/ /gnas rgyu yan lag mi 'gyur na/ /de'i tshe 'ba' zhig gnas par 'gyur ba yin no zhes bya ba ni tshig gi lhag ma'o/ /gang gi tshe/ tshe 'di nyid ni skye mched lnga/ /lus gzhan bskyed pa'i rgyu nyid yin/ /de'i tshe ni 'ga' zhig gnas pa ga la yin te/ 'di ltar sems kyi rgyun gnas pa'i rgyus/ /de'i rgyu 'jug ste/ lus kyi rgyu mer mer po la sogs pa'i ming can de'i 'jug pa ni lus bskyed pa la mngon tu phyogs pa yin no/ /de thob pa ni lus kyi rgyu 'ba' zhig la yod pa ma yin te/ 'on kyang sems kyi rgyun gnas pa'i rgyun sngar gyi sems las kyi ming can de gang gi tshe yan lag lhan cig byed pa'i rgyu nyid yin na'o/ /de'i yan lag nyid ni lus kyi sred pa dang bcas pa yin no/ /gal te de yan lag du mi 'gyur na ni de'i tshe 'ba' zhig gnas par 'dod pa nyid do/ /lus gzhan skye ba la/ tshe 'di'i skye mched lnga yin te/ gzugs med pa'i khams nas shi 'phos pa rnams kyi lus skyes pa la yang/ de nyid 'du byed pa po nyid kyis rgyu yin no/ /gal te shi ba'i 'og tu lus skye ba ma mthong ba'i phyir/ de yan lag gi dngos por ma dmigs pa ma yin nam/ gzugs med pa'i khams su ni shin tu yang mthong ba ma yin pa'i phyir ro zhe na/ 'di la bshad pa ni/ de yi yan lag dngos po dang/ /rgyu nyid 'gog pa mi dmigs pa/ /des byed yin par rab tu bshad/ /dbang sogs kyang ni lhag ldan yin/ /gal te yang tshe 'di'i skye mched lnga skye ba gzhan gyi lus skyed pa la yan lag gi dngos po ma dmigs pa de lta na yang sems kyi rgyun gyi las kyi ming can de ltar med do/ zhes ma dmigs pa tsam gyis de med par nges pa ma yin te/ ma dmigs pa nges par byed pa ma yin no/ /zhes sngar bstan zin pa'i phyir 'di log par rtog pa ci yod/ 'on te yang/ 'dir mi dmigs pa tsam zhig brjod pa ma yin te/ 'on kyang khyab pa can sngon du 'gro ba can gyi rjes su dpag pa'o/ /'di lta ste/ dbang po gang yin pa 'di ni dbang po gzhan dang mtshams sbyor bar byed pa ma yin te/ dper na lha sbyin gyi mig la sogs pa dang/ mchod sbyin gyi mig la sogs pa bzhin no/ /skye ba 'di'i lus dang 'brel ba yang dbang bo yin no/ zhes bya ba ni/ 'ga' bas khyab pa dmigs pa'o zhe na/ 'di ni med de/ 'di ni lhag ma dang ldan pa'i phyir ro/ /'di ni lhag ma dang ldan pa las ni don ci lta ba bzhin rtogs pa yod pa ma yin no/ zhes bshad pa yin no/ /skye ba gzhan gyi dbang po dang/ mtshams mi sbyor ba ni/ ma dmigs pa tsam gyi go bar bya ba yin na/ ma mthong ba tsam gyis ni mi mthun pa'i phyogs la ldog pa grub pa yang ma yin no/ /'on te tshe 'di pa'i lus su 'gyur ba'i dbang po dang mtshams sbyor ba dmigs pa'i phyir gzhan du yang de dang mtshams sbyor bar rjes su dpog na/ de la yang grub pa la sgrub pa yin te/ de yang de'i tshe na tshe 'di pa yin pa'i phyir/ tshu rol dang pha rol bzhin no/ /'on kyang khu khrag gzhan gyis bskyed pa'i dbang po zhes khyad par du byed pa yin na/ de yang ma yin te/ de yang mi dmigs pa tsam med par mi mthun pa'i phyogs la med par rtogs pa ma yin no/ /khu khrag gzhan nyid kyis khyad par du byas pa ni yul gyi khyad par bzhin dang/ bum pa dang sgra'i khyad par bzhin skyob par byed pa ma yin no/ /'di ltar dbang po lnga ma rang rigs la/ nus pa dag ni mthong ba yin/ /'gyur ba mthong phyir gzhan dang gzhan/ /skye ba dag kyang grub ba nyid/ /gsal ba'i khyad par la bltos ba nyid la 'brel ba rtogs pa ni ma yin no/ /de lta ma yin na ni 'gas kyang 'gar yang tha snyad mi bya ba nyid de/ tha snyad ni nus pa nges pa sngon du 'gro ba can yin pa'i phyir ro/ /tha snyad ni spyi'i yul can yin te/ des na 'brel pa ni gsal ba tsam la brtan pa ma yin no/ /de ltar na/ g.yo bag la sogs pa'i rjes su 'gro ba can gyis mig la sogs pa goms pa'i khyad par las de ltar skyes pa na/ de lta bur gyur pa mthong ba las gzhan du de lta bur 'gyur ba nyid rjes su dpog par byed pa yin no/ /skye ba dang por ni de 'dra ba'i rgyu dbang po ma dmigs te/ des na skye ba gzhan gyi dbang po las skyes pa yin pa'i phyir/ tshe 'di pa nyid dam gzhan gyi khyad par ni rigs pa ma yin no/ /'on te dbang po de ni gcig nyid de/ des na dbang po phyi ma phyi ma snga ma snga mas bskyed par ma grub po zhe na/ gal te de lta yin du chug pa de lta na yang/ g.yo ba la sogs pa la goms pa sngon du 'gro ba can nyid mthong ba'i phyir na/ goms pa sngon 'gro can nyid ni/ g.yo sogs rnams la mthong ba'i phyir/ /de lta bur gyur pa rjes su dpog pa grub pa'i phyir/ gzhan ni don byed med do/ /de gcig gam mi gcig ces bya ba 'di ni dgos pa med de/ thams cad du de'i rigs can gyi 'bras bu mthong ba las rgyu de lta bu nyid yin no zhes/ rjes su dpog pa yin no/ /goms pa las skyes pa'i yon tan rmi lam du lus gzhan du ma mthong ba yin no/ /zhes bstan zin pa nyid do/ /gzhan yang 'gyur ba gzhan dang gzhan mthong ba'i phyir gzhan dang gzhan skye ba nyid grub pa kho na'o/ /des na dbus kyi gnas skabs su dbang po gzhan gyis dbang po gzhan skyed pa'i phyir/ ci ltar skye ba gzhan gyi dbang po mi skyed/ rang gi ngo bor gyur pa'i rnam par 'gyur ba tha dad na ni gcig nyid ma yin te/ sa la sogs pa bzhin no/ /'on te yang/ 'dir ni rgyud cig tu rtogs pa yin pa'i phyir shin tu tha dad pa ma yin no zhe na/ de ni skye ba gzhan la yang mtshungs te skye ba gzhan yang gnyid log pa dang sad pa bzhin du rgyu gcig gi khongs su gtogs pa nyid yin te/ dran pa bar tshed pas na de thag ring por bzhin du rtogs pa yin no/ /gal te dbang po rnams dbang po nyid las skye ba ni ma yin gyi/ 'on kyang dang po'i lus nyid las skyed la phyis ni dbang po nyid las yin te/ nus pa nges pa'i phyir ro zhe na/ 'di la bshad pa/ gal te lus las de skye na/ /snga ma bzhin du thal bar 'gyur/ /sems las zhe na lus gzhan yang/ /de nyid las ni skye bar 'gyur/ /gal te dang po lus las skye na de'i tshe dbang po dang bcas pa las sam/ dbang po med pa las/ dbang po dang bcas pa las skye na/ dbang po nyid las skye ba'i phyir/ dang po yang dbang po las skye ba 'jig rten gzhan rab tu 'grub bo/ /dbang po med pa las skye na skra dang sen mo'i rtse mo dang/ shi ba'i lus las kyang skye bar 'gyur ro/ /du ma nyid yin na dbang po du ma 'byung bar yang thal lo/ /de lta yin na/ tshad med par 'gyur ro/ de bzhin du lus kyi nus pa yang ci'i phyir na ldog par 'gyur ba yin/ 'on te dbang po dag lus kyi rnam par 'gyur ba'i khyad par nyid yin na/ de'i tshe yang 'jig pa med par thal ba de nyid du 'gyur te/ dbang rnams lus las 'byung yin na/ zhes bya ba la sogs par thal ba yin no/ /'on te sems med pa'i phyir shi ba'i lus la dbang po mi 'byung na/ gal te 'o na ni sems las skye ba yin pas/ sems de nyid las lus gzhan dang/ skye ba gzhan du 'byung ba'i sems skye bar 'gyur te/ sngar gyi dbang po'i rgyu nyid du rtogs pa'i zhen pas ci/ /des na lus gzhan ni rnam par shes pa'i rgyu ma yin no/ /des na rgyu ma yin pa'i lus ma tshang bas skye ba gzhan med pa ma yin pa'i phyir mtshams sbyor ba ma yin no/ /zhes bshad pa ni/ des na rgyu dang bral ba'i phyir/ tha ma yi ni sems rnams kun/ /mtshams sbyor med min de yi phyir/ /'di 'dra sgrub byed lhag ldan 'dod/ zhes bya ba ni mjug bsdu ba'o/ /skye ba gzhan dang 'brel ba'i rgyu ni sred pa dang bcas pa'i las kyis sngon par 'dus byas pa'i sems yin la/ de ni ma tshad ba ma yin no/ /gal te lus rgyu yin na ni des na de ma tshang na rgyu dang bral bas mtshams sbyor ba med par 'gyur na/ de ltar ni ma yin no/ /des na bral ba ma yin pa'i phyir/ gtan tshigs ma grub bo/ /'chi ba'i sems yin pa'i phyir zhes bya ba nyid lus pa yin na/ de yang lhag ma dang ldan pa yin te/ ma mthong ba tsam gyis ldog pa nye bar bstan pa'i phyir ro/ /gang yang tshe 'di'i sems ni sems gzhan dang mtshams sbyor ba ma yin te/ lus tha dad pa la gnas pa'i phyir lha sbyin gyi sems bzhin no zhes brjod pa de yang mi rung ste/ rten bkag pa yis gnas pa yi/ /dgag pa sngar ni bshad zin phyir/ /rnam shes dmigs pa nyid yin pas/ /skad cig gis ni gzhan dmigs 'gyur/ /gal te de la gnas pa yin na/ gzhan la gnas pa'i rnam par shes pa skyed par byed pa ma yin no zhes bya ba tshad ma'i don yin la rten dang brten pa'i dngos po de ni dgag pa yin no/ /rnam par shes pa ni yul na gnas pa yang ma yin no/ /dmigs par bya ba'i lus ni rnam par shes pa'i rten ma yin te/ nang gi reg pa'i khyad par gyis/ bde ba la sogs pa'i rnam par shes pa'i dmigs pa yin pa'i phyir ro/ /dmigs pa de na rang gi lus la dmigs pas gzhan gyi lus la dmigs pa'i rnam par shes pa bskyed pa yin pa'i phyir/ des na ma nges pa nyid yin no/ /lus gzhan pa nyid kyang ma yin te/ rgyud gcig tu rtogs pa'i phyir ro/ /don dam par ni byis pa la sogs pa'i gnas skabs kyi khyad par gyis/ skye ba gcig gi lus kyang tha dad pa nyid do// de'i phyir yid kyi rgyun la lus phan 'dogs pa yin gyi/ skye ba ni sems nyid ma yin te/ 'bru'i rgyun bzhin no/ /des na sems kyi rgyun thog ma med par 'gyur ba yin pas/ skye ba dang 'chi ba'i rgyun rjes su 'brel pa grub pa'i phyir ro/ /goms pa grub pas/ goms pa las byung ba'i yon tan mdza' dag gi skabs yod par byas pas thams cad mkhyen pa nyid dam/ gzhan pa'i yon tan srid pa yin no/ /tshad ma rnam 'grel gyi rgyun las 'jig rten pha rol bsgrub pa rnam par 'grel pa'o/ / //gal te goms pa yod mod/ de rab kyi mthar phyin par go ji ltar 'gyur te/ khyad pa cung zad tsam dang ldan pa nyid du mthong ba'i phyir te/ mtshongs pa bzhin dang chu bskal ba bzhin no zhe na/ 'dir lan du/ goms pas khyad par 'gyur na yang/ /mchongs dang chu yi drod bzhin du/ /rang bzhin las 'da' min zhe na/ /byas te gal te slar yang ni/ /'bad rtsol la ni ltos 'gyur ram/ /rten mi brtan pa nyid 'gyur na/ /khyad par dag ni mi 'phel zhing/ /rang bzhin de 'dra'ang ma yin te/ /ci'i phyir zhe na/ de la phan 'dogs nus pa rnams/ /khyad par phyi ma dag la ni/ /bsgrub pa'i nus pa med phyir dang/ /rtag tu rten gnas ma yin phyir/ /khyad pa yin no cog ni ?bogs 'byung ba rnam par gnas pa la brten par 'gyur ba ma yin no/ /mchongs pa dang chu bskol ba'i khyad par ni rang gi rgyud 'gyur ba tsam gyis de ltar 'gyur ba ma yin gyi/ 'on kyang byas zin pa'i mchongs pa yang/ yang rtsol ba la bltos pa'i phyir ro/ /mchongs pa ni sngar gyi rtsol pa dang/ mchongs pa dag las gzhan pa'i rtsol ba la bltos pa med pa ma yin no/ /'on kyang sngar gyi yul nyid du yang rtsol ba la bltos pa yin no/ /chu bskol ba'i rten brtan pa ma yin pa dang/ yang rtsol pa la bltos pa dang bcas pa yang yin te/ me dang 'brel pa log kyang de yod pa ni ma yin no/ /de'i phyir 'brel ba mthar thug pa mi 'gyur ba nyid do/ /gang gi phyir 'phel ba mthar thug pa ma yin pa nyid ni/ yang rtsol ba la bltos pa dang/ rten mi brten pa nyid kyi khyab pa yin no/ /de med pa'i phyir dang/ bzlog pa srid pa'i phyir snying rje la sogs pa yid kyi yon tan rnams ni bogs 'byung ba gnas pa med pa nyid do/ /yang rtsol ba la bltos pa nyid ni rang bzhin du 'gyur ba nyid ma yin pa nyid do// gtan tshigs 'di ni khyad par dang bcas pa yin te/ gang zhig brtan pa dang ngo bo nyid du 'gyur ba de ni bogs 'byung ba la gnas pa can nyid ma yin te/ dper na bram ze dang thod pa can gyi yid log pa bzhin no/ /gang zhig yang rtsol ba la bltos pa dang ldan pa de ni/ khyad par 'phel yang rang bzhin nyid/ /min phyir gang tshe byas 'gyur ba/ /yang rtsol la bltos mi 'gyur na/ /rtsol gzhan khyad par byed par 'gyur/ /yang rtsol ba la bltos pa gang yin pa de ni/ gal te mngon par 'phel ba thob pa de ltar na yang/ de'i ngo bo nyid ni ma yin no/ /rgyu nye ba la bltos pa ni ngo bo nyid yin par mi 'thad de/ rang gi dang gis 'jug pa la de skad brjod pa'i phyir ro/ /des ni 'od 'phel yang shin tu 'phel bar 'gyur ba ma yin te/ mchongs pa dang chu bskol ba bzhin no/ /brtse ba la sogs pa yid kyi yon tan rnams dang/ rang gi ngang gis 'jug pa'i phyir rol gyi yon tan 'ga' zhig ni de lta ma yin no zhes bshad pa ni/ sems la brtse sems goms skyes pa/ /rang gi rang gis 'jug 'gyur te/ /me la sogs nas shing dag dang/ /dngul chu dang ni gser sogs bzhin/ /shing la mes byas pa khyad par bsregs pa la sogs pa'i mtshan nyid de ni yang rtsol ba la mi bltos pa'i phyir rang gis 'jug pa yin no/ /dngul chu la dul ba dang thim pa la sogs pa'i mtshan nyid dang/ gser btso ma la sogs par byas pa yang ngo/ /de bzhin du sems la brtse ba la sogs pa yin te/ yang nas yang du de goms pas byas pa'i khyad par ni ldog pa la brten pa ma yin no/ /de bzhin du gang gi tshe snying rje la sogs pa'i khyad par byas zin pa yang rtsol ba la bltos pa ma yin pa de'i tshe/ snga ma la mi ltos pa'i nus pa can gyi rtsol ba gzhan ni khyad par phyi ma dang/ phyi ma nyid byed pa'i phyir 'phel ba rab kyi mthar phyin par 'gyur ba yin no/ /gal te mchongs pa yang rtsol ba la bltos pa la brtse ba la sogs pa yang bltos pa ma yin nam/ des na gcig ni rang gi ngang? gis 'jug pa la gzhan ni ma yin no/ /zhes bya ba ga las zhe na 'di la bshad zin te/ mchongs pa dang chu bskol ba la sogs pa la yang rtsol ba la bltos pas rang gi ngang gis 'jug pa ma yin no/ /brtse ba la sogs pa ni shing la mes byas pa'i khyad pa bzhin du rang gi ngang gis 'jug pa yin no/ /de'i phyir de dag las skyes te/ ngo bo nyid skyes yon tan yin/ /des na rtsol ba phyi ma dang/ /phyi ma khyad par byed pa yin/ /gang phyir rigs mthun snga ma yi/ /sa bon las ni 'jug 'gyur ba/ /brtse ba la sogs blo de dag/ goms par 'gyur na ga la gnas/ /brtse ba la sogs pa ni brtse ba sogs pa'i blo rigs mthun pa snga ma las byung ba nyid de/ yul nye ba la sogs pa la bltos pa dang bcas pa ni ma yin no/ /'di ltar/ brtse ba la sogs dran pa dang/ thos sogs kyis kyang 'jug 'gyur te/ /brtse sogs lan du phan 'dogs la/ /sogs pa dag la bltos ma yin/ /rgyud de'i zhing du byas pa dag ni bdun na bstan tu gnod par byed par gnas pa dag la yang brtse ba la sogs pa chung bar 'gyur ba ma yin no/ /des na de dag goms pa dang 'brel pa'i dga' ston chen po'i dus na rgyas par mi 'gyur ba 'am/ gzhan par lta ga la 'gyur/ /ci ste mngon par 'phel ba mthar thug pa med pa'i rgyu goms pa ni mchongs pa la yang yod pa nyid do/ /des na de'i de yang chos 'thob par 'gyur na de lta na yang ma yin no/ /des na bzlog pa yin no/ /zhes bya bar sems na bshad pa/ de ltar mchongs nyid las mchongs min/ /de rgyu stobs dang 'bad rtsol dag/ nus pa nges pa nyid kyi phyir/ /mchongs pa nges pa'i bdag nyid yin/ /brtse ba la sogs pa rigs mthun pa nyid las/ brtse ba la sogs pa yin pa bzhin du/ mchongs pa ni mchongs pa nyid las ma yin te/ 'on kyang stobs dang rtsol ba dag las yin no// rang gis mchongs pa goms par yang stobs dang rtsol ba dang bral ba na mchong nus pa ma yin no/ /stobs dang rtsol bar rnam par gnas pa'i bdag nyid ni/ rang gi rgyu'i nus pa las yin no/ /des na mchongs pa yang gnas pa'i bdag nyid du 'gyur gyi/ gzhan du ma yin no/ /ci ste yang mchongs pa dang yul gyi goms pa nyid las mchongs pa yin te/ de lta ma yin na/ stobs ni sngon yang yod pa'i phyir/ /mchongs par thal lo/ /sngar ni stobs nyid yod pa ma yin te/ de ni goms pa nyid las 'phel ba'i phyir ro snyam na/ de lta na mchongs pa/ rigs mthun pa'i mchongs pa la skyes pa yin yang mthar thug pa med pa ma yin pa'i phyir/ brtse ba la sogs pa yang de nyid du thal bar 'gyur ro zhe na/ 'dir bshad pa/ de ni dang po phyis bzhin du/ mchongs min lus mi mthun pa'i phyir/ /rtsol ba rim gyi mi mthun pa/ /gsal na rang stobs nyid du gnas/ /goms pa las ni stobs ma yin te/ 'on kyang stobs yod pa nyid bad kan la sogs pas mchod bar mi nus pa yin no/ /des na mchongs pa goms pas mi mthun pa sel ba yin te/ de'i phyir zas dang gnas la sogs pas 'di'i sngar gyi stobs de rang nyid du gnas pa yin no/ /des na phyis mchongs kyi sngar ni ma yin no/ /ci ste bcud kyi len dang 'brel pa la stobs skye na/ de yang bcud kyi len gyi nus pa nges pa'i phyir gnas pa yin no/ /mi dang nam mkha' lding gi phru gu dag mchongs pa goms pa mchungs pa yin yang mchongs pa ni mtshungs pa ma yin no/ /'di ltar bya khyung dang ni spre'u dag/ mchongs pa goms pa dang 'brel par/ /mtshungs pa yin yang mchongs pa nyid/ /mtshungs pa yod pa ma yin no/ /de'i phyir goms pa yod kyang/ /skye gnas dang rigs dang stobs la bltos pa nyid kyis mchongs pa yin gyi/ mchongs pa tsam la bltos pa ni ma yin no/ /brtse ba la sogs pa dag ni gzhan la mi bltos pa nyid do/ /gal te goms pa las stobs yin la/ /stobs las ni mchongs pa yin pa'i phyir/ /brtse ba la sogs pa ltar goms pa sngon du song ba can de nyid du 'gyur ro zhe na/ ma yin te/ shin tu goms par byas pa las stobs nyams pa yang 'gyur ba'i phyir skyon med do/ /gal te brtse ba la sogs pa rigs mthun pa'i sa bon tsam la bltos pa yin na/ 'o na ni de'i tshe thog ma med pa can yin pa'i phyir shin tu de'i bdag nyid du 'gyur na/ yod pa yang ma yin no/ /des na sa bon las byung ba ma yin no zhes rtogs so zhe na/ 'di la bshad pa/ brtse rang sa bon las byung ba/ /gal te sa bon rang byung can/ /mi mthun phyogs kyi gnod med na/ sems la de bdag nyid du 'gyur/ /gal te yang rtse ba rang gi sa bon las byung ba dang thog ma med pa can yin pa de lta na yang de'i bdag nyid du 'gyur ba ni ma yin te/ zhe sdang la sogs pa nang gi sa bon las byung ba can dag gis gnod pa'i phyir ro/ /gal te rten brtan pa yang yin la/ 'di dag bar ma chad pa nyid du yang 'gyur na de'i tshe de'i bdag nyid du 'gyur ba yin no/ /de la 'bad pa chen pos zhe sdang la sogs pa mi mthun pa'i phyogs bsal na rtse ba'i bdag nyid du 'gyur ba yin no/ /'di gdon mi za bar khas blangs pa yin te/ 'di ltar goms pa snga ma dang/ /snga ma sems chos brtse ba dang/ /chags bral rtogs sogs phyi ma dag/ gsal ba yi ni rtsa ba yin/ /brtse ba la sogs pa'i goms pa snga ma snga ma ni sems kyi chos phyi ma phyi ma gsal ba'i rgyu yin gyi/ skye ba yi ni ma yin no/ /skye ba sngar gyi rgyu las yin pas goms pas ni gsal ba 'ba' zhig bsgrub par bya ba yin no/ /skye ba ni yod pa'i phyir ro/ /de nas rang gi don la brtson med par gzhan don la dga' bdag nyid can/ /goms las brtse ba'i bdag nyid de/ /chags bral chags dang yid log bzhin/ las gzhan med par goms par byas pas ni brtse ba bdag nyid du sgrub par byed pa yin te/ dper na yid log pa dang chags pa dang chags pa med pa bzhin no/ /ji ltar mi mthun pa'i phyogs kyis gnod pa med pa'i yid byung ba ni/ /gang yod pas 'ga' blang bar bya ba nyid ma yin par snang bar 'gyur ba yin no/ /de bzhin du chags pa dang chags pa dang 'bral ba nyid la yang blta bar bya'o/ / //de ltar na snying rje dang ldan pa/ /gzhan gyis sdug bsngal bsal bar 'dod pas rang dang gzhan gyi sdug bsngal gzhom pa'i phyir la mngon par sbyor bar 'gyur ro zhes bshad pa ni/ thugs rje phul byung grub 'gyur te/ /gzhan sdug mi bzod mis bskul pa'i/ /brtse ldan sdug bsngal gzhom pa'i phyir/ /thabs rnams la ni mngon spyor mdzad/ /brtse pa dang ldan pa ni rang dang gzhan gyi sdug bsngal gzhom pa'i phyir rtsol ba'i skyed pa yin te/ rang gi sdug bsngal ma bsal bar gzhan gyi sdug bsngal bsal mi nus pa'i phyir ro/ /des na rang nyid sdug bsngal dang bral ba sngon du bya ba dang/ dngos po mdza' dag sngon du byed pa la mngon par sbyor ba yin no// gang gi phyir/ thabs 'gyur de rgyu lkog gyur pa/ /de 'chad pa'i dka' ba yin/ /mtho ris dang byang grol gyi rgyu dang 'bras bu mngon du byas pa med pa gang yin pa des ni gzhan dag la bstan par dka' ba yin te/ de la ni des nus pa yod pa ma yin no/ /gal te bden pa rnams rjes su dpag pas yongs su bcad pa na/ 'phags pa'i bden pa bzhi ston par srid pa de lta na yang/ thabs kyi tshe ni ma yin/ rang gi don 'dod bas dmyal ba la sogs par skyes pa'i dus na med pa'i phyir ro/ /'jig rten gyi khams 'od zer can la sogs par spyod pa las dang 'bras bu so sor nges pa ston pa yang mi srid pa nyid do/ /de bas na thams cad mngon du bya ba nyid do/ /de la mngon du byed pa na rgyu rtogs pa yin pas de nyid bshad pa ni/ lung dang rigs pas rnam dpyod pa/ /sdug bsngal nyid kyis khyad par gyis/ /sdug bsngal rgyu dang de mi rtag /la sogs rang bzhin rtog par mdzad/ /rigs pa ni rjes su dpog pa'o/ /rjes su dpog pa'i spyod yul ma yin pa la ni/ dbang po las 'das ba'i don shes pa'i rgyu lung yin no/ /yang na dang po ni lung rtogs par byed pa yin la /de nas ni don nges pa'i 'bras bu can rigs pa la 'jug pa yin no/ /lung tsam las ni don nges pa ma yin te/ brjod par 'dod pa tsam gyis 'jug pa'i phyir dang/ don dang 'brel pa med pa'i phyir ro/ /'di thams cad kyang dpyod pa la mngon du phyogs pa yin gyi gzhan du ni ma yin no/ /des na je dang po nyid ni spyod pa yin la/ de'i 'og tu ni gzhan gyi don gyi rjes su dpag pa'i rang bzhin lung du don de lta ste/ bka' lung tsam la ni ma yin no/ /rtog pa dang ldan pa ma rmongs pa ni tshad ma dang ldan pa'i don la bka' lung tsam bsgom pa ma yin no/ /des na don de rigs pas brten par byas nas sgom par byed pa sngon du byed bar 'gyur ro/ zhes bya ba ni rim pa'o/ /de la re zhig sdug bsngal gyi rgyu nyid dang por rtogs te/ rgyu bzlog pa'i sgo nas 'bras bu bzlog par byas pa'i phyir ro/ /sdug bsngal gyi rgyu rtag pa yang de'i mi rtag pa nyid la sogs pa'i rang bzhin rtogs te/ de brtags pas bzlog pa rung pa nyid du rtogs pa'i phyir ro/ /bzlog pa rung ba nyid du mi rtogs par ni bzlog pa'i phyir brtson pa nyid du mi 'gyur ro/ /rgyu med pa nyid dam/ rgyu rtog pa nyid yin na ni bzlog par bya ba nus pa ma yin no/ /'di rgyu med rtag tu yod pa nyid rtag pa'i rgyu can ga la ldog / rgyu dang 'bral ba med par ni/ /dngos po ldog par ji ltar 'gyur/ /rgyu yis byas pa'i dngos gang yin/ /de ni de med na 'gyur/ /gal te de med kyang yod na/ /'di ni gang las med par 'gyur/ /mi rtag rgyu can dngos po ni/ rgyu med pas ni ldog par 'gyur/ /rtag rgyu can la rgyu med par/ /med pas ldog pa yod ma yin/ /de'i phyir mi rtag pa la sogs pa'i khyad par nyid kyis sdug bsngal dang de'i rgyu mi rtag pa nyid du brtag par mdzad de/ gang phyir de ltar rgyu gnas na/ /'bras ldog gzigs pa med phyir ro/ /de'i rgyu gzhom phyir de yi ni/ mi mthun phyogs la brtag pa mdzad/ /gal te dbang phyug la sogs pa rtag pa 'ga' zhig sdug bsngal gyi rgyu yin na de'i phyir de med par mi 'gyur bas/ sdug bsngal bzlog par mi 'gyur ro snyam du dgongs par 'gyur te/ des na 'bras bu ldog pa'i phyir 'jug par mi 'gyur ro/ /nus pa med pa la ni su yang mi 'jug la/ zhugs na yang bslus par mi 'gyur ba ma yin no/ /'bras bu'i rgyu gang yin pa de'i mi mthun pa'i phyogs la brtag pa mdzad de rgyu spang pa'i phyir ro/ /byung ba ni gnyen po dang 'brel pa med par mi ldog ste/ gnyen po med par ni rgyu med par mi 'gyur ro/ /gal te rgyu med pa nyid las ldog ste/ las zad pa nyid ldog pa yin no/ /zhes gzhan dag 'dod do zhe na/ ma yin te/ ma rig pa las las gzhan dang gzhan du gyur pa'i phyir zad pa ma yin no/ /las dang sdug bsngal gyi rgyu ni ma rig pa yin par 'gyur te/ nges na skyon med do/ /gal te sdug bsngal gyi rgyu'i rang bzhin nges pa med pa yin te/ sdug pa dang bral ba la sogs pa dang bral ba la sogs pa du ma pa'i rang bzhin yin pa'i phyir ro/ /des na bzlog par mi nus so zhe na/ 'di la brjod pa ni/ bdag dang bdag gir 'dzin byas pa/ /'dus byas spyod yul can chags ni/ /rgyu yin de yi gnod byed ni/ /bdag med mthong ba 'gal ba yin/ /sdug bsngal gyi rgyu ni bdag dang bdag gis mngon par zhen pas byas ba'i chags pa yin no/ /chags pa ldog na ni bdag gi ba nyams pa la yid sdug bsngal bar mi 'gyur ro/ /gal te chags pa dang bral ba bdag gi ba nyams pa la yid sdug bsngal ba ma yin mod/ bdag nyid la lus las byung ba'i sdug bsngal bar ji ltar mi 'gyur ro zhe na/ 'di la bshad pa/ gzhan sdug bsngal bas sdug bsngal gang/ /de la bdag bde sogs yod min/ /bdag gi ba la mngon zhen pas/ bdag la chags pa ldog par 'gyur/ /bu la chags pas bdag la chags pa dang bral ba dag ni/ mtshon la sogs pa dang 'brel pa las skyes pa'i lus kyi sdug bsngal yang dmigs par mi 'gyur ro/ /bdag dang bdag gi ba la chags pa yang 'jig tshogs su lta ba las tha yin te/ des na sdug bsngal gyi rgyu ni 'jig tshogs su lta ba yin no/ /de'i phyir bdag med pa mthong ba gnod par byed pa yin te/ 'tshal ba'i phyir ro/ /de dang rnam par 'gal ba'i chos ni de'i gnod par byed pa yin te/ rlung la dro ba dang snum pa la sogs pa bzhin no/ /des na bdag med pa de'i bdag tu 'gyur na/ de las ldog pa'i rnam pa can 'jig tshogs la lta ba mi rtag pa yin pas na ldog pa yin no/ /des na bdag gir 'dzin pa ldog pas lus dang yid kyi sdug bsngal mdza' dag ldog go / gal te lus bcad pa dang bsregs pa la sogs pas 'chi ba la sogs pa'i sdug bsngal du ci ltar mi 'gyur zhe na/ de ni med de/ lus de dang ni bral ba las/ /'chi ba gzhan yod ma yin la/ /lus gzhan grub pa skye ba yin/ /de la sdug bsngal ci zhig yod/ /gang gi tshe lus gcig dang bral zhing/ lus gzhan dang ldan pa dang/ snga ma phyi ma'i gnas skabs dag /goms pa las skyes pa'i dran pa gsal bas dran pa de'i tshe byis pa dang rgan pa'i gnas skabs 'dor zhing len pa ltar ram/ gos len pa dang 'dor ba lta bu yin pas/ de la gnod pa ci zhig yod/ mtshams sbyor ba 'dzin pa 'dzin pa med par ni gdung bar 'gyur ba ma yin no/ /gang la goms pa de nyid mngon par dga' ba'i rgyu yin te/ thal bar goms par byas pas ni/ /bde ba dang sdug bsngal bar mi 'gyur ro/ /shin tu btang snyoms goms pa la ni lus dang longs spyod la gnod pa byas kyang gdung bar mi 'gyur te/ sems can du lta ba ldog pa yin no/ /de bshad pa ni/ rnam pa du mar thabs mang po/ /yun ring dus su goms pa las/ /de la skyon dang yon tan dag /rab tu gsal ba nyid du 'gyur// bdag med pa mthong bas 'dod chags la sogs pa yongs su 'khrug pa'i rgyu mdza' dag dang bral zhing rtogs pa rgyas te/ thabs rnam pa mang po gzhan goms pa na skyon dang yon tan rnams gsal bar 'gyur te/ bstan bcos goms na bstan bcos kyi skyon yon rnam pa du ma gsal ba bzhin no/ /yon tan dang skyon gsal ba ni blo gsal ba yin te/ des kyang thugs kyang gsal ba'i phyir/ rgyu'i bag chags spangs pa ni/ /thub chen gzhan don 'jug can gyi/ /bse ru la gsogs khyad 'di yin/ /gang gi tshe skyon yon bye brag tu phye bas rtogs pa gsal bar gyur pa de'i tshe/ nyes pa phra mo dang rags pa'i nang na gnas pa'i nyes pa'i rigs skad cig tsam yang thams cad shes par 'gyur ro// des na dag ma byad ba la sogs pa yang bzlog pa'i phyir 'bad par 'gyur ro/ /de'i phyir bag chags spongs pa yin no/ /'di nyid ni 'phags pa nyan thos dang rang sangs rgyas dang mu stegs pa dag las bcom ldan 'das bde bar gshegs pa'i khyad par yin/ /yang na gal te sdug bsngal pa spangs pa yin mod de lta na yang thams cad mkhyen pa nyid ni srid pa ma yin te/ de lta ma yin na 'dod chags dang bral ba mdza' dag thams cad mkhyen pa nyid du 'gyur ro zhe na/ 'di bshad pa ni/ rnam pa du mar thabs mang po/ zhes bya ba la sogs pa yin no/ /thabs kyi dbye ba ni/ rnam pa mang po yin te/ dus yun ring por de goms pas ni 'khor ba'i skyon yon mdza' dag bsal lo/ /gang tshe dran pa gsal 'gyur bas/ /sngon gyi skye ba dran gyur ba/ /de la de yi rjes 'brangs pas/ /de dag thams cad rtogs par 'gyur/ /ji ltar grong gzhan nas 'ongs pa/ /de yi 'du byed rjes 'brel can/ /de rigs pa yi shes 'gyur ba/ /de rig skye gzhan nas 'ongs ba/ /dper na grong gzhan nas 'ongs pa la de dang brten pas skyes pa'i khyad par mthong ba na/ de rigs pas de nas 'ongs par shes pa des na grong gzhan yang de'i khyad par nyid du shes pa de bzhin du/ skye ba gzhan yang des skyed pa'i 'du byed kyi rgyu yin pa nyid kyis rjes su dpog pa yin na/ /lkog tu 'gyur ba'i don skye ba gzhan yod par sbyin pa la sogs pa'i rnam pa 'dis ci ste rjes su mi dpog / des na rgyu dang 'bras bu dag nges par rig pa yin te/ /'di ni sngon las 'di dang yul 'di dang 'brel bar 'gyur ba yin te/ 'di lta bu'i ngo bo'i rnam pa dang 'brel ba'i phyir ro/ so sor nges ba'i yul la sogs pa dang 'brel pa/ de'i 'bras bu dang rang bzhin gyi bye brag gi rang bzhin nges par rtogs pa ni rgyu'i rang bzhin dang de'i 'bras bu'i rang bzhin gyi bye brag dang 'brel pa mdza' dag rigs pa'i phyir so sor nges pa'i rang bzhin thams cad rig bas na/ las dang 'bras bu la sogs ba'i 'brel pa thams cad yongs su shes pa yin no/ /mtho ris dang ni byang grol lam/ /ji bzhin du ni mkhyen pa na/ /skyes bu'i don mkhyen tsam gyis ni/ /ston pa yongs su rdzogs par 'dod/ /'gro ba mdza' dag kyang phan tshun rgyu dang 'bras bu'i dngos po las 'das par 'gyur ba ma yin te/ des na rgyu 'bras kyi dngos po rnam pa du ma bsgoms pa dang rjes su 'brel pas 'gro ba mdza' dag rig par 'gyur ba ni kha na ma tho ba med pa yin pa des na thams cad mkhyen pa nyid yin no/ /'on te rjes su dpag pas rig na 'di ltar dngos su gzigs pa can yin/ /bcom ldan 'das ni mngon du gzigs pa bor 'dod pa yin no zhe na/ de yang gyi ni nyid de/ rnam kun rjes dpog gang yin de/ /mngon sum las ni dbyer yod min/ /dbang po dang ni 'brel bas kyang/ /de las khyad par lhag byed min/ don gyi rang bzhin rnam pa thams cad du rig pa gang yin pa de nyid mngon sum yin te/ /mngon sum gyi don ni mngon du byed pa'i don yin pa'i phyir ro/ /gal te dbang po la brten pa'i don mngon sum gyis don ma yin nam zhe na/ 'di ni mngon sum gyi mtshan nyid ma yin te/ /'on kyang yang dag pa'i don du rig pa'o/ /dbang po nye bar mtshon pa tsam du zad do/ /gzhan yang/ gang zhig dbang po dang 'brel pa yin yang/ /mngon du mthong ba med pa de/ ci mngon sum yin nam/ de ni dbang po nyid ma yin te/ nyams pa'i phyir ro zhe na/ brjod pa/ mngon du byed rgyu min phyir de/ /gal te mngon sum min 'dod na/ /mngon du byed pa'i rgyu yin phyir/ /dbang po zhes ni nges par bzung/ /dbyibs la sogs pa tsam gyis ni/ /dbang por 'thad pa ma yin te/ nyams pa yang de nyid du thal ba'i phyir ro/ /mngon du byed pa'i rgyu nyid dbang po yin na ni/ /yid kyang de lta nyid du 'gal ba med do/ /gzhan yang/ yid ni gsal bar nyid las ni/ /rnam pa gsal por mthong ba yin/ /yid ni rnam par 'khrug pa la/ /dbang shes gsal ba ga la yod/ /mngon du phyogs pa dang 'brel ba'i yid las dbang po'i shes pa yang mngon du byed par 'gyur ba yin no/ /des na dbang pos bskyed pa nyid ni rgyu ma yin pa kho na'o/ /de'i rnam pa thams cad mngon tu byed pas 'jug pa'i rjes su dpag pa yang mngon sum nyid yin no/ /gal te 'das pa la sogs pa lkog tu gyur pa'i don la 'jug pa ji ltar mngon sum yin zhe na/ de yang rigs pa ma yin te/ mngon du byed pa yod pas na/ /'di ni ji ltar lkog gyur nyid/ /mngon du byas ba lkog nyid na/ /lkog 'gyur ma yin med par 'gyur/ /'on te dbang po'i byed pa las ldog tu gyur pa ma yin pa nyid do zhe na/ /dbang po'i byed pa de nyid mngon du byed pa med par ji ltar rtogs par 'gyur ba yin/ mngon du byed pas rtogs na ni/ rnam pa thams cad rjes su dpog pa la yang dbang po'i byed pa yod par 'gyur ro/ /rjes su dpog pa la 'jug pa ni thams cad la yod pa'i phyir/ mig la sogs pa'i byed pa yang/ rjes su dpog pa nyid las rtogs pa yin no/ /gzhan yang gang tshe sngon gyi rnam pa ni/ /thams cad rjes su dpog 'gyur ba/ /de tshe bdag gi mig sogs kyi/ /byed pa yang ni rtogs par byed/ /'gar byung 'gar ni byung 'gyur ba/ /dbang po'i byed de rjes dpag gis/ /rtogs 'gyur de phyir dbang po yi/ /byed de de la ci phyir med/ /gang gi tshe de nyid skyes pa 'am 'byung bar 'gyur ba rjes su dpog? bar byed pa de'i tshe de la 'gyur bar 'gyur ba'i dbang po'i byed pa rjes su dpag pas rtogs so/ /gang gi tshe 'byung bar 'gyur ba de'i tshe ni byung bar 'gyur ba nyid do/ /de ni rnam pa thams cad du rjes su dpog pas rtogs pa la yod pa yin pa'i phyir ji ltar dbang po'i byed pa med pa yin// gal te byung ba dang 'byung bar 'gyur ba yang ji ltar yod ba yin zhes na/ de ni ma yin te/ mngon du bya nyid dngos po de'i/ /yod pa nyid du brjod ma yin/ /thams cad du ni dngos po yi/ /yod nyid don byed pa las rtogs/ /da ltar ba mngon par 'dod pa'i bye ba la sogs pa'i don gyi bdag? nyid la yang mngon du byed pa nyid las de yod par rtogs pa yin gyi/ gzhan las ni ma yin no/ /gal te me la sogs pa mngon du bya ba la yang rjes su dpag pas yod par rtogs pa ma yin nam zhe na/ ma yin te/ der yang de lta bu nyid rjes su dpog go /mngon sum byas pa 'am?/ byed pa 'am byed par 'gyur ba rjes su dpog pa yin te/ gzhan du na rjes su dpag pa mi 'jug pa'i phyir ro/ /mthong ba'i rjes su 'brang ba na mthong bar bya ba nyid rjes su dpog par byed de/ de lta bu ma yin na mi 'thad pa'i phyir ro/ /gal te 'gas kyang ma mthong mi mthong mthong bar 'gyur ba ni de'i tshe ri bong gi rwa dang mtshungs par med pa nyid de/ nus pa nye bar brjod pa thams cad dang bral ba ni nye bar brjod pa med pa nyid yin no/ /gal te da ltar ba'i dus dang 'brel pas yod pa nyid yin gyi/ mngon du byed pa ma yin no/ /de lta yin dang rnal 'byor ba rnams 'das pa dang ma 'ongs ba mngon sum du byed ba nyid du khyed 'dod pa yin te/ de ltar byung ba tsam mthong ba yin na ni/ /'di 'das pa la sogs pa mthong bar mi 'gyur ro/ /des na skye bo thams cad dang mnyam pa nyid pas 'di lta bu mngon du byed pa nyid dam rnal 'byor pa nyid yin zhes gzhan dag 'dzer to/ /de la 'di skad brjod de/ dus ni tshad ma gang gis kyang/ /rtogs pa yod pa ma yin te/ /mngon sum gyis ni gzugs sogs tsam/ /rtogs 'gyur rjes su dpag ba yang/ /mngon sum 'jug pa la 'das nas/ /'jug pa yang ni dmigs ma yin/ /mngon sum gyis ni gzugs sogs pa'i/ /rang bzhin nyid 'ba' zhig dmigs kyi/ dus la sogs pa dang 'brel pa ni ma yin te/ mngon sum ni de'i rnam pa tsam dang 'brel ba'i phyir ro/ /mdun na gnas pa'i rnam pa 'dzin pa las gzhan du ni mngon sum rtogs med do/ /de lta ma yin na thams cad thams cad mthong bar 'gyur ro/ /dus ni ka ba la sogs pa ltar mdun na gnas pa'i rnam pa nyid du dmigs pa ma yin no/ /rjes su dpag pa yang mngon sum med par mi 'gyur ro/ /'on te 'byung ba yun ring ba la sogs par ni bzung bar bya ba 'am/ rjes su dpag par bya ba yin no zhe na/ de yang yang dag pa ma yin te/ dus ni yun ring mnyam sogs pa'i/ /blo yi mdun na gnas pa yin/ /de lta'i rnam pa dang bral na/ /blo ni mngon sum yin mi 'dod/ /yun ring por byas sa zhes bya ba la sogs pa ni dum pa la sogs pa nyid snang ba yin gyi/ de na dus gzhan ni snang ba med do/ /'on te yang bum? pa la sogs pa nyid kyi 'bras bu rten pa snang ba yin na 'on yun ring po la sogs pa'i don ci yin zhe na/ 'dir smras pa/ rgyu rnams nye bar mi gnas phyir/ /dus med na yang bum sogs kyi/ /cha sogs ngal bus rim gyis ni/ /rdzogs pa yun ring don yin no/ /bum pa la sogs pa'i cha shas dal bus rim gyis yongs su rdzogs par grub pa gang yin pa de nyid yun ring po'i sgra'i don to/ /gal te dus med na/ dal bus dang rim pa de nyid mi 'thad do zhe na/ ma yin te/ sgrub par byed pa nye bar mi gnas pa tsam gyis 'thad pa'i phyir ro/ /sgrub par byed pa nye bar mi gnas pa yang nye bar gnas pa'i rgyu med pa'i phyir ro/ /nye ba'i rgyu med pa yang de'i rgyu med pa'i phyir te/ de ltar na rgyu'i rtsom pa 'di ni thog ma med pa yin no/ /de'i phyir dus shes bya ba 'ga' yang yod pa ma yin no/ /'on te 'bras bu'i bul ba dang/ /myur ba dus kyi stobs kyi ni/ /'jug na de la rgyu yis ni/ /ci zhig byas par gyur pa soms/ /'bras bu rnams kyis 'jug par byed pa dus yin na/ de la rgyu rnams kyi byed pa'i 'bras bu gang yin/ rgyu med pa dus kyis mi nus so zhes/ 'o na na ni rgyud yod pa dang med pa nyid las 'bras bu skyes pa yin gyi dus ni nus pa ma yin no/ /gal te dus med par rgyu rnams kyi mi nus pa yin na dus rgyu'i dngos por rigs pa yin na/ dus ni med pa ma yin te/ /bya ba pa dang rtag pa yin pa'i phyir ro/ /'on te dus gzhan dang gzhan nye bar gnas pa la bltos pa'i rgyu las skye ba yin na/ dus gzhan dang gzhan nye bar gnas pa de nyid ga las/ rgyu gzhan las so zhe na/ de nyid las 'bras bu'i rim pa yin la rag mod/ dus kyi ci bya/ rim pa nyid dus yin no zhe na/ ma yin te/ rim pa ni 'di lhan cig pa dang lhan cig pa ma yin pa'i dngos po yin pa'i phyir la/ de yang dngos po'i rang bzhin nyid yin pas dus gzhan med do/ /ji ste nyi ma la sogs pa'i rgyu ba nyid dus yin na/ ma yin te/ nyi ma la sogs pa'i rang gi ngo bo las tha dad pa'i rgyu ba med pa'i phyir ro/ /de'i rang gi ngo bo yang mngon sum gyis rtogs par bya ba nyid do/ /mthong 'gyur 'das pa'i dus nyid do/ /mthong bzhin pa ni da ltar ba/ /mthong 'gyur 'byung ba nyid do zhes/ /de ltar dus ni rnam par gnas/ 'o na ci ltar dngos po 'di'i dus ni 'di'i yin no zhes tha dad par rtogs pa yin no zhe na/ 'di ni mchi gu'i lus yin zhes/ /ldog par rtogs pa ci lta ba/ /de bzhin dus ni tha dad du/ /rtogs pa tshad mas 'thad pa yin/ /de bzhin du yang 'jig rten dag brjod de/ /khyod kyi skyes pa'i dus gang yin/ /khyod ci bde sogs gnas sam zhes/ /de yi rang bzhin khyad par nyid/ /'dra? ni? tshig ni 'thad pa yin/ /des na da ltar mi mthong ba ni 'das pa dang ma 'ongs pa yin no zhes bya ba'i don gyi de kho na'o/ /gal te de lta na rnal 'byor ba rnams la 'das pa la sogs pa mthong ngo zhes bya ba mi mthong ba mthong ba yin no zhes bya bar 'gyur ro/ /de la gal te rang gis mi mthong ba mthong ba yin no zhes brjod na ni/ /de'i tshe ma yin la mo sham yang yin no zhes bya bar 'gyur ro/ /de'i phyir 'das pa la sogs pa mthong ngo zhes bya ba'i don ci yin zhe na/ gzhan gyis mthong bar bya ba ma yin pas mthong ba ste/ des mthong ba nyid kyis na de tsam du ni de da ltar ba nyid yin pas skyon med do/ /gzhan la bltos nas ni de 'das pa nyid la sogs pa yin no/ /de'i phyir mngon du byas pa gang yin pa de nyid yod pa yin pa'i phyir/ 'das pa la sogs pa la dbang po'i byed pa ma yin te/ mngon du byas pa de yod pa nyid yin pa'i phyir ro/ /gzhan yang dus de dang 'brel par/ /gang tshe de sngon byas 'gyur ba/ /de tshe da ltar yod min yang/ /de yi yod nyid 'thad mi dka' / /gal te da ltar ba'i dus dang 'brel pa med kyang/ de'i tshe'i dus dang 'brel pa de ltar byung ba'i dngos po mngon du byas pa ni yod pa nyid do/ /des na da ltar byung ba'i don 'dzin pa'i phyir 'das pa la sogs pa'i shes pa la rnam pa thams cad yongs su bcod pa dang ldan pa'i mngon sum yod pa nyid do/ /'o na de ji ltar 'das pa nyid yin zhe na/ lta ba po'i da lta byung ba'i dus dang 'brel par mi 'dzin pa'i phyir dang/ gzhan gyis ni de'i dus dang 'brel pa yang mi 'dzin pa'i phyir dang/ rnal 'byor pas kyang mnyam par bzhag pa las langs nas 'das pa nyid du tha snyad byed pa'i phyir ro/ /de nyid rnal 'byor bas da ltar mthong ba ji ltar 'das pa yin zhe na/ de ni med de/ 'di ltar da ltar ba'i dus nyid ni/ /rta bo nyid kyis yin zhes rtogs/ /gzhan gyis dus ni ji ltar gzhan/ /khyad par byed pa yin par 'gyur/ /byed pa po'i dus gang yin pa de ji ltar gzhal bar bya ba'i don gyi yin par 'gyur/ rta'i ngang pa nyid ni ba lang gi yin par mi rigs so/ /'on te de'i tshe rtog pa ji ltar gzhan dus yin zhe na/ gzhan gyi dus rtogs pa'i phyir ro/ /'di ltar de ni de tshe 'am gzhan gyi tshe/ /gang zhig gang gi ngo bor rig /dngos po de'i ngo bo nyid/ /byed po'i dus ni de'i min/ /dus ni byed pa po'i yin gyi don gyi ni ma yin no/ /dus gzhan gyi khyad par can nyid du rtogs pa ji ltar byed pa po'i dus gzhan gyi rjes su 'jug /byed pa po ni phyis dus gzhan nyid rtogs par byed de/ bdag nyid rtogs pa na dus gzhan dang 'brel par rtogs par de ji ltar gzhan du rnam par 'jog /gzhan yang de'i tshe ni byed pa po yang de'i dus nyid du rtogs par byed do/ /gzhan gyis sam phyis ni byed pa po de dus gzhan nyid du rtogs pa yin no/ /zhes bshad zin to/ /de'i phyir de ni de'i dus nyid du rtogs pa'i phyir de ltar yod pa nyid yin no/ /des der rtogs so zhes bya ba ni dran pa'i tha snyad tsam du thad kyi/ don dam pa ni ma yin te/ de la mngon sum mi 'jug pa'i phyir ro/ /des na rnam pa thams cad du rtogs pa ni mngon sum du 'gyur ba nyid do/ /'on te yang gal te mngon sum yin na ji ltar gzhan gyis mi rtogs/ /gang la nges nyams su myong ba nyid du mthong ba'i bu 'byung ba des ma rtogs pa ji ltar 'khrul pa ma yin/ rnal 'byor bas ni/ da ltar rtogs la/ de dang ldan pas ni ma yin no zhe na/ de yang ma yin te ci ltar/ de ni ston sogs dus ldan par/ /mthong ba de ltar de la gnod pa med/ /dus der ldan ni de yang mthong med pas/ /de ltar ma rtogs na yang skyon yon min/ /des ni de'i bu de ston la/ rtogs par 'byung bar 'gyur ba dus dang 'brel par mthong bas de ni de ltar ma rtogs kyang gnod pa med do/ /gal te de'i tshe yang ma rtogs na ni des na gnod par 'gyur ba yin no/ /'on te ji ltar des de mthong ba bzhin du rnal 'byor pa las tha dad pa gzhan gyis kyang/ de ci'i phyir ma mthong ste/ de'i phyir de ma mthong bas gnod pa yin no zhe na/ de la yang snying po med de/ ji ltar gzhan gyis ring mthong ba/ /de bzhin gzhan yang mthong ngam ci/ /phra mo la sogs yod na yang/ /thams cad kyis ni mthong ba min// gang la cig gi nus yod pa/ /de la kun gyi de yod min/ /rnal 'byor min pas mi mthong phyir/ /ma 'ongs pa zhes bya bar gnas/ /'on te yang/ gal te gzhan gyis mi mthong ba de lta na yang/ de'i tshe de rang gi ngo bos rtogs pa yin na ji lta ma 'ongs pa nyid yin/ gang phyir dmigs pa yod pa nyid/ /med nyid mi dmigs pa las min/ /dmigs kyang yod pa ma yin na/ /'ga' yang yod pa nyid mi 'gyur/ /dmigs bzhin pa ni med pa ma yin te/ ha cang thal bar 'gyur ba'i phyir ro/ /ci ste de dus gang du dmigs pa de nyid kyi tshe na de yod pa yin no zhe na/ de yang mi rigs te/ dngos po las ni tha dad pa'i/ /dus ni 'ga' yang mthong ba med/ /ston la sogs pa'i dngos po ni/ /yul du 'gyur ba 'ga' zhig nyid/ /yul gyi khyad par las tha dad pa'i dus ni 'ga' yang dmigs pa med do/ /grang ba la sogs pa dang/ nyi ma rgyu ba la sogs pa'i khyad par rnams ni ston la sogs pa'i dus yin pa'i phyir ro/ /de dag ni dmigs pa nyid yin na de ltar byung ba nyid yin pas ji ltar 'das pa dang 'byung ba yin/ ston sogs la ni 'das sogs kyi/ /rnam dbye ji ltar rtogs par 'gyur/ /gal te gzhan gyis dmigs med na/ /gnyis po rnam dbye med par 'gyur/ /gal te yang de'i tshe ma dmigs pa de'i tshe yang da ltar 'byung ba ma yin par 'gyur mod/ /de ltar byung ba ma yin pa de ci 'das pa yin nam/ 'on te ma 'ongs pa yin zhes rnam par dbye ba go gang las yin zhe na/ 'dir brjod pa/ ji ltar rjes su dpag pa ni/ /'jug pa de bzhin de zhes bzung/ /mngon sum yang ni dngos po de// de bzhin nyid du rtogs par byed/ /ji ltar rjes su dpag pas de 'das pa dang ma 'ongs pa la sogs pa nyid du rtogs pa de bzhin du rjes su dpag pa nges bskyed pa'i rnal 'byor pa'i mngon sum yang yin no/ /rjes su dpag pa des bskyed pa'i mngon sum nyid gzhan du ni rtogs pa ma yin no/ /des na gang ji ltar rtogs pa de ni de bzhin du yod do zhes rtogs par bya'o/ /gal te mngon sum rjes su dpag pa las bskyed pa nyid yin na rims kyi rtogs par 'gyur ro/ /de lta na yang thog ma dang tha ma med pa'i dngos po'i tshogs kyis rtogs pa yongs su rdzogs pa med pa'i phyir ji ltar thams cad mkhyen pa yin zhe na/ de ni med de/ de ni shin tu goms pa las/ /don de yung la rig 'gyur te/ /glo bur ba yid du ba las/ /lus can me ni rtogs pa bzhin/ /rgyud goms pa dang 'brel pa rnams du ba las me togs pa ni rim pa la bltos pa dang ldan pa ma yin no/ /des na rim pa ma yin par rtogs pas skyon med do/ /gal te thog ma med pa'i dngos po'i rtogs pa yongs su rdzogs par ji ltar 'gyur/ /yongs su rdzogs nas yang ji ltar thog ma med pa yin zhe na/ de ni med na/ thog med gal te rig byed kyang/ /yin na de las ci ltar rtogs/ /thog ma med par rtogs pa ni/ /yongs su rdzogs pa yod ma yin/ /gal te rig byed thog ma dang tha ma med pa yin na/ ci ltar de las rtogs pa yin/ thog ma dang tha ma med pa nyid du'o zhe na/ yongs su rdzogs pa med pa'i phyir ci yang byar med do/ /gal te rig byed las gzhan gyis rtogs par mi 'gyur ram/ mi 'gyur na ni rig byed tshad ma ma yin no/ /gal te da ltar ni re zhig rtogs pa yod pa nyid do/ /bdag ni rig byed 'dis nges par sbyar ro snyam du rtogs pa'i phyir ro/ /gzhan gyi tshe ni yod dam med kyang bla ste/ de lta na yang 'di 'jug par byed pa'i phyir tshad ma nyid de/ 'jug par byed pa brjod pa'i phyir ro zhe na/ de ni ma yin te/ gal te 'di gzhan gyi tshe 'di'i don ma yin na/ da lta ga las yin/ gal te gzhan gyi tshe rig byed don 'di dang ldan pa ma yin no/ /zhes dogs na da lta na yang tshad mar mi 'gyur te sngon bzhin no/ /gal te sngon yang de lta bu yin na/ de'i pha rol dang de'i yang pha rol zhes yongs su rdzogs par mi 'gyur ro/ /des na gcig la the tshom za na gzhan la yang yid brtan du med pas tshad ma ma yin pa nyid do/ /ci ste snga ma spyir gcig nyid rtogs so zhe na/ de lta yin na 'di rjes su dpag par 'gyur te/ des na rnam pa thams cad rjes su dpog pa na/ mngon sum nyid kyis nyams pa med pa nyid do/ /des na mngon sum gyis kyang thog ma dang tha ma med pa nyid/ mi rig pa ma yin no/ /de'i phyir/ rang rgyud yongs su bcad pa na/ /de dang 'brel ba can rtogs 'gyur/ /de dang 'brel par rtogs na ni/ /gzhan pa dag kyang rtogs pa nyid/ /de lta yin na mdza' med pa'i/ /dngos po rig pa 'thad mi dka' / de'i phyir tshad las 'das pa'i rgyu 'bras kyi dngos po'i bye brag goms na/ 'bras bu'i bye brag thams cad snang ba yin la/ de'i mthu las kyang rgyu'i dbye ba yang yin pa'i phyir/ thabs goms pa 'di ni/ thabs yongs su gcod pa'i thabs yin no/ /de'i phyir brtse ba dang ldan pa'i gdon mi za bar thabs mngon par sbyor ro/ /rig byed ni yongs su shes zin kyang/ mtho ris dang byang grol gyi lam rig pa'i thabs ma yin no zhes sngar bstan pa nyid do/ /gal te/ thabs goms pa las de 'dod pa thams cad rig pa dang/ 'dod chags dang bral bar 'gyur mod/ de lta na yang bag chags kyi gnas ngan len gyis mnyam par ma bzhag pa'i gnas skabs su gzhan du yang nye bar ston par 'gyur la/ bkres pa la sogs pa dang ldan pas kyang gzhan gyi don nyams par byed pa'i phyir rig byed las 'di khyad par med do zhe na/ de ni med de/ rig byed la ni gzhi med phyir/ /don dam du na tshad ma yin/ /don dang 'brel pa med pas de'i/ /tha snyad kyang ni gzhi med nyid/ /rig byed thog ma med pa'i yin na/ dang po don dang 'brel pa 'dzin pa med do/ /mchod sbyin byed pa rnams kyi tha snyad kyang gzhi med pa nyid do/ /des na dmus long brgyud pa khar zad do/ /rnam par rtog pa'i don brda'i stobs kyi snang ba yin yang/ de tsam gyis ni don thob pa ma yin te/ gzhan la yang mthong ba'i phyir ro zhes bstan zin to/ /'di la ni gzhi rjes dpag nyid yin te/ des na bag chags yod kyang skyon med do/ /gzhan yang des na thugs kyang gsal ba'i phyir/ /rgyu yi bag chags spangs pa ni/ /thub chen gzhan don 'jug can gyi/ bse ru la sogs khyad 'di yin/ /rtogs pa gsal ba la ni/ skyon yon gyi rigs phra mo mdza' dag kyang snang ba yin la/ sems can gyi don la dga' ba la ni nyes pa cung zad tsam yang gnod pa byed pa yin pa de'i phyir de goms pas sel bar byed do// zas la sogs pa yang phyin ci log goms par byed pa nyid la 'byung gi gzhan du ni ma yin no/ /'di ltar lan gsum za ba goms pa las/ /gnyis za de yi bdag tu 'gyur/ /gnyis za lan cig nyid 'gyur ba/ /des na bkres pa gtan med 'gyur/ /gal te 'di dngos po la yod pa yin pa na ni goms pas bsgrub par mi 'gyur ro/ /de'i phyir/ lus can rnams kyi skyon yon ni/ /thams cad goms pa'i rtsa ba can/ /goms te bdag la rag las pas/ /yon tan nyid la byas pa mchog /goms pa gsal ba dang 'brel ba de nyid kyi phyir bcom ldan 'das bde bar gshegs pa/ nyan thos dang rang sangs rgyas dag las khyad par du 'phags pa yin no/ /gzhan yang gang tshe skye ba dran pa yis/ /sngon gyi ston pa dang 'brel pa/ /de tshe lha sogs ngo bo yi/ /bkres pa la sogs yod ma yin/ /gal te slob dpon gyis ston pa sdug bsngal rab tu zhi ba'i thabs nyid du bstan pa ma yin nam/ de skad du yang sbyor ba ni 'gro ba la ston pa'i phyir ston pa nyid do zhes gsungs so/ /de ci ltar na thabs goms pa yin par 'gyur zhe na/ de ni bden te/ 'on kyang thabs goms pa nyid ston pa yin gyi/ gzhan ni ma yin no/ /zhes bya ba bshad pa ni/ de don phyir na thabs goms pa/ de nyid ston pa yin par 'dod/ /grub las dang po 'byung ba'i phyir/ /gnyis po 'di ni rgyu ru bshad/ /der ston pa nyid dngos su 'dod pa ni ma yin gyi/ 'on kyang thabs goms pa nyid yin no/ /ci ltar zhe na/ de don phyir/ de'i don la ni de'i sgras 'gyur ba nyid de/ dbang po'i don gyi mchod sdong la/ /dbang po'i sgras brjod pa bzhin no/ /de'i don nyid ga las she na/ de las 'byung ba'i phyir ro/ /thabs goms pa dang/ blo gos la bdag las ston pa grub pa yin no/ /de ci sngon zhe na/ de bshad pa ni/ gnyis po 'di yi rgyu ru bshad/ /de la rgyu ni bsam pa dang/ /sbyor ba phun sum tshogs pa'o/ /bsam pa ni 'gro ba la phan par bzhed pa'o/ /sbyor ba ni 'gro ba la ston pa nyid do zhes so/ /'di rgyur bshad do/ /zhes bya ba yang ga las she na/ dang po brjod pa nyid kyi phyir ro/ /dngos kyi stong pa nyid ni bde bar gshegs pa nyid kyi rgyu ma yin no/ /de'i phyir thabs goms ba nyid ston pa yin gyi gzhan ni ma yin no zhes rtogs par bya'o/ /de ltar na bcom ldan 'das ni thabs goms pa las bde bar gshegs pa nyid yin no/ /bde bar gshegs pa nyid de gang yin zhe na bshad pa/ rgyu spangs yon tan gsum bde gshegs/ /nyid yin sdug bsngal rten min phyir/ /legs yin de ni bdag med pa/ /mthong ba 'am sbyor ba las yin no/ /bdag dang bdag gir 'dzin pas byas pa 'dus byas kyi spyod yul can gyi chags pa ni rgyu yin la/ rgyu de spangs pa'i yon tan gsum ste/ legs pa'i phyir dang/ phyir mi ldog pa'i phyir dang/ ma lus par spangs pa'i phyir ro/ /spangs pa'i ni bdag dang bdag gir 'dzin pa la sogs pa med pa yin la/ de med pas ni sdug bsngal gyi brten med pa'i phyir legs pa nyid do/ /bdag dang bdag gir 'dzin na ni/ mu stegs pa rnams kyi sdug bsngal spangs pa rgyu las sdug bsngal dang 'brel bar 'gyur ro/ /bdag gi bar 'dzin pa la ni/ bral ba'i sdug bsngal ba yod do/ /spangs pa de nyid ga las zhe na/ bdag med pa mthong ba nyid las so/ /mthong bas spang bar bya ba'i nyon mongs pa la ni mthong ba nyid las spong ba yin no/ /sbyor ba las kyang yin no/ /sbyor ba ni goms pa ste/ bsgom pas spang bar bya ba'i nyon mongs pa 'jigs pa'o/ /yang na sbyor ba ni ldan pa ste/ phan tshun 'brel ba nyid do/ /gnyis su med pa nyid dam/ gnyis su med pa mthong ba'o/ /gang gi tshe gang zag gi bdag med pa las sam/ /'on te chos bdag med pa las kyang rung ste/ rnam pa thams cad bdag med pa mthong ba las sdug bsngal gyi rten ma yin no/ /de ltar re shig legs pa nyid kyi yon tan gcig yin no/ /yon tan gnyis pa ni phyir mi ldog pa'i phyir mi ldog pa gang zhe na/ bshad pa/ skye dang skyon ni kun 'byung dag / slar yang ldog ces bshad pa yin/ /bdag lta'i sa bon spangs pa'i phyir/ /slar mi gshegs pa nyid yin no/ /skye ba dang skyon kun tu 'byung ba ni/ phyir ldog pa yin no/ /'dod chags la sogs pa med pa'i phyir skyon med pa'i gnas skabs dang/ /yang skye ba med pa'i phyir skye ba med pa ni thar pa'i grong khyer du son pa yin no/ /nyes pa dang skye ba yod pa ni phyir ldog pa brjod pa yin no/ /des na bdag tu lta ba med pa'i phyir ni nyes pa slar skye ba ma yin te/ bdag tu lta ba'i sa bon drungs byung ba'i phyir ro// nyon mongs pa med pa'i phyir ni skye ba yang srid pa ma yin te/ des na slar mi gshegs pa nyid yin no/ /skye ba las dang nyon mongs pa las byung ba yin no/ /zhes ni phyis bstan par bya'o/ /bdag tu lta ba med pa'i phyir nyon mongs pa yod pa ga la 'gyur zhes brjod de/ bdag la phan 'dogs dran pa las/ /phan 'dogs pa la chags pa nyid/ /gnod byed dran na zhe sdang ste/ bdag sogs lta ba gti mug yin/ bdag la phan 'dogs pa dang gnod pa byed pa la chags pa dang sdang ba yin na de dag ni bdag med pa'i phyir med pa yin no/ /bdag tu lta ba ni gti mug yin la/ de ni bdag med pa'i ngo bos gtan du bzlog pa nyid do/ /gnyis su med pa mthong na ni/ 'dod chags la sogs pa shin tu gsal ba nyid ldog pa yin te/ yul med pa'i phyir ro/ /gal te bdag med pa mthong ba ji ltar bdag tu lta ba'i zlog bar byed pa yin/ phyin ci log tu 'gyur ba yin pa'i phyir ro zhe na/ phyin ci log nyid ni phan tshun du mtshungs pa nyid do/ /des na bdag med mthong ba'i bzlog pa'i bdag tu lta ba zlog par byed par yang 'gyur bas ni phyir mi ldog pa ma yin no/ /des na ma lus par ldog pa yang med pa kho na'o/ /slar ldog pa las lus pa gzhan ni yod pa yang ma yin no zhe na/ 'dir 'di skad brjod do/ /de bden tha snyad bdag nyid kyis/ /lus dang sems kyis gnas ngan len/ /nyon mongs med dang nad med dang lam bshad mi gsal nyid lus yin/ /bdag med pa mthong ba de ni bden pa nyid yin pa'i phyir dang/ /phyin ci log tu 'gyur ba yin pa'i phyir la/ bdag tu lta ba ni de las zlog pa yin pa'i phyir ro/ /phyin ci log par gyur pa yin yang/ phyin ci log tu gyur pa tsam gyis ni ma yin no/ /tha dad pa'i bdag nyid kyang yin no/ /bdag tu lta ba ni tha dad pa'i bdag nyid ma yin te/ /don dam par bdag med pa'i phyir te/ bdag ni bden pa ma yin pa'i phyir ro/ /'o na phyin ci log las gzhan pa'i lus pa gang yin zhe na/ 'dir bshad pa/ lus ngag sems kyi gnas ngan len/ /gal te nyon mongs pa med pas nyon mongs pas byas pa ga las srid ce na/ ma yin te/ nyon mongs med pa dang nad med pa yin yang/ bag chags tsam las 'brel ba las te/ dmangs mo zhes brjod pa bzhin no/ /lam gyi rnam pa du ma brjod pa la mi gsal ba yang yin no/ /'o na lhag ma de gang las spong ba yin/ bdag med pas ma spangs pa ni spong ba'i rgyu gzhan yod pa ma yin no/ /ji srid smra ba de srid du ni nyes pa dang bral ba yang ma yin te/ smra ba ni rtogs dpyod sngon du 'gro can yin pa'i phyir thams cad mkhyen pa ni 'khrul ba nyid yin par 'gyur ro zhe na/ bshad ba/ goms phyir ma lus spangs pa nyid/ /kha cig smra sogs phyir na skyon/ /zad min zhes zer 'di ldog la/ /the tshom za ba de phyir 'khrul/ /gang gi phyir goms pas blo gsal bar byas pa de'i phyir bag chags spang ba yin no zhes bshad zin te/ smra ba tsam gyis ni nyes pa dang ldan par 'gyur ba yang ma yin te/ 'dod chags la sogs pa bsgrub pa la smra ba ni mi mthun a pa'i phyogs la med pa'i mtshan nyid ldog pa la the tshom za ba'i phyir ro/ /des na 'di ldog pa la the tshom za ba yin pa'i phyir/ go bar byed pa ma yin pa nyid do/ /tshig ni rnam par rtog pa bsgrub pa la yang 'khrul pa tsam yin te/ shin tu goms pa las rnam par rtog pa med kyang tshig 'dug pa'i phyir/ 'phen pa'i shugs kyis tshig 'jug pa kho na'o/ /bshad zin pa'i/ rnam pa thams cad rnam rtog ni/ /mngon sum las dbyer yod ma yin/ /gsal bar mi snang ba nyid las/ /sgra 'jug pa yang ma yin te/ /mngon sum gyis mthong ka sogs la/ /'di ni ka ba yin no zhes/ /sgra 'jug phyir ro gzhan du na/ /'di 'jug pa ni med par 'gyur/ /'dir ni shes pa mi gsal bar/ /snang ba rtogs pa yod ma yin/ /de bzhin du ni gzhan la yang/ /sgra 'jug pa ldog pa med pa de'i phyir smra yang nyes pa yod pa ma yin no zhes 'grub po/ /gal te gzhan las nyes pa rnams zad pa yod pa ma yin pa'i phyir ji ltar nyes pa med par 'gyur/ /nyes pa zad pa med pa'i rgyu ma mthong ba tsam gyis ni/ nyes pa zad pa med pa nyid ma yin no zhe na/ 'dir bshad pa/ ma mthong bar ji ltar rtogs par byed de/ rtag nyid phyir ram thabs med phyir/ /yang na thabs ni mi shes phyir/ /skyon rnams mi zad pa nyid ces/ /bya bar yongs su rtogs grang na/ /ji ltar yang rung bar rtogs par 'jug pa zhes bya ba ni ma yin te/ 'on kyang rgyu mthong ba'i them skas kyi lam yod pa las yin no/ /gal te nyes pa 'di dag rtag pa yin na ni/ 'bad kyang zad par mi 'gyur ro/ /rtag pa ni 'bad pa byas kyang zad par bya nus pa ma yin no/ /yang zad pa la thabs med dam/ mi dmigs pa yin na de lta na yang/ mi zad par 'gyur ba zhig na/ 'di gsum ga yang yod pa ma yin te/ rgyu yod phyir dang rgyu yis ni/ /gnyen po goms pas zad phyir dang/ /rgyu yi rang bzhin shes pa yis/ /de shes pa yang grub pa yin/ /rgyu dang ldan pa ni snga na med pa yin pa'i rtag pa ma yin no/ /gang gi tshe rgyu'i gnyen po goms par byas pa de'i tshe zad par 'gyur bas na thabs med pa ma yin te/ rgyu'i gnyen po goms pa ni nyes pa zad pa'i rgyu yin pa'i phyir ro/ /de yongs su mi shes pa'ang ma yin te/ rgyu'i rang bzhin bdag dang bdag gir lta ba'i rnam pa nyid shes pas de las bzlog pa'i gnyen po shes pa'i phyir ro/ /gang zhig gang las phyin ci log tu gyur pa de ni de'i gnyen po yin te/ grang ba dang rtsub pa'i rang bzhin gyi rlung la do ba dang snam pa nyid kyis til mang bzhin no/ /mthu la sogs pa khyad par med pas phyi rol gyi gnyen po ma yin yang/ bdag med pa ni bdag tu lta ba dang 'gal ba yin zhes bya ba la log rtogs med pa nyid do/ /gal te yang bcom ldan 'das bde bar gshegs pa nyid yin pa de lta na yang 'di rang gi don phun sum tshogs pa nyid yin pas ji ltar gzhan dag la tshad ma yin/ tshad ma ni phyin ci ma log pa'i don stan pas yin te/ phyin ci log ston pa'am/ mi ston pa ni ma yin no zhe na/ de ni med de/ bcom ldan 'das thugs rje'i dbang gis dang/ thabs goms pa las skyob pa yin la skyob pa nyid gang zhe na/ bshad pa/ skyob pa nyid gzigs lam gsung ba/ /'bras med phyir na brdzun mi gsung/ /thugs brtser ldan phyir rtsom kun yang/ /gzhan gyi don du sbyor phyir ro/ /gang gis skyob pa nyid srid pa/ /rig byed la 'gas kyang mthong ba yod pa ma yin te/ rtsa ba med pa'i rtog pa tsam yin no/ /gang bde bar gshegs pa nyid yin pa de la ni mngon par 'dod pa 'ga' yang yod pa ma yin te/ des na 'bras bu med pa'i phyir brdzun mi gsung ngo/ /brtse ba dang ldan pa'i phyir gzhan gyi don du thabs goms par mdzad pa yin te/ des ni 'bras bu med pa'i phyir brdzun mi gsung ngo/ /brtse ba dang ldan pa'i phyir gzhan gyi don du thabs goms par mdzad pa yin te/ de'i phyir phyin ci log tu gsung ba'i rgyu med do/ /des na thugs rje mnga' ba'i phyir dang/ dgos pa med pa'i phyir de kho na nyid ma yin pa mi gsung ngo/ /thugs rje dang ldan pa'i phyir dang/ 'phen pa'i shugs las mi gsung ba yang ma yin no/ /des na bde bar gshegs pa yin pas tshad ma nyid yin te/ nyid kyis gzigs pa thar pa'i lam ston pa yin pa'i phyir ro/ /gal te rang gis mthong ba sten pa zhes bya ba de tsam gyis ni skyobs pa ma yin te/ de lta yin na mu stegs byed mdza' dag tshad mar 'gyur te/ rang gis mthong ba'i lam ston pa'i phyir ro/ /'on te de dag gi de ni lam brjod pa nyid ma yin te/ de lam ma yin pa'i phyir zhe na/ 'o na 'di la yang ci ltar yid ches zhe na/ 'di la bshad zin te/ de ni bdag med pa mthong ba 'am sbyor ba las yin no/ /lam 'di ni rigs pas mthong ba yin pa'i phyir ro/ /de dag gis ni bdag med pa mthong ba ma yin la/ rigs pa yang ma yin pa'i phyir de dag ni tshad ma ma yin no/ /de dag ni rang gis mthong ba nyid kyang ma yin te/ nye bar bstan pa phan tshun 'gal ba'i phyir ro/ /bcom ldan 'das ni/ de phyin chad yin yang na skyob/ /bden pa bzhi ni ston pa'o/ /yang na bden pa bzhi ston par mdzad pa/ skyob pa yin gyi bzhan ni ma yin no/ /gal te yang rigs byed kyi mdza' pa dag la stong pa nyid ston par byed pa yod na de lta na yang bdag yod pa'i phyir de ni lam ma yin pas/ 'phags pa'i bden bzhi ston pa nyid skyob pa yin no/ /des na bcom ldan 'das nyag gcig thun mong ma yin pa'i don gsungs pa yin pa des na bden pa nyid yin pas 'di nyid skyobs pa yin no/ /lam 'di ni rigs pa dang bral yang ma'i 'du shes bzhin du nye bar zhi ba'i rgyu yin pa'i phyir na gzhan gyis bstan pa ni lan ma yin no/ /'phags pa'i bden pa de dag kyang gang zhe na/ sdug bsngal dang/ kun 'byung dang/ 'gog pa dang/ lam mo 'di dag ni ming gis kyang skyo bar 'gyur ba yin te dper na gci bas lam? zhes bya bas yin gyi yan lag mchog ces bya ba ni ma yin pa bzhin no/ /de la sdug bsngal 'khor ba can phung po/ /goms las 'dod chags sogs gsal ba/ /mthong phyir 'dod rgyal nyin min te/ rgyu med skye ba 'gal phyir ro/ /gal te 'dod chags mngon par 'dod pa'i bud med mchog la khyud pa'i yan lag nyid kyis bden pa'i rgyu yin pa'i phyir bde ba nyid yin zhing/ zhe sdang yang dgra bo sel bar byed pas bde ba'i rgyu yin no/ /'jig tshogs la lta ba'i ngar 'dzin pa'i gti mug ni/ nga rgyal dang/ rgyags pa dang/ dregs pa'i rgyu yin pas bde ba nyid kyi rgyu yin pas bde ba nyid do/ /'dod chags dang zhe sdang la sogs pa'i rten du gyur pa lus la sogs pa yang de lta bu nyid yin pa'i phyir sdug bsngal zhes bya ba med do/ /bkres pa la sogs pa'i sdug bsngal gang yin pa de ma yin pa de yang 'drangs pa'i bde ba'i rgyu chen po yin no/ /des na sdug bsngal gyi bden pa zhes bya ba med pas bcom ldan 'das kyi bstan pa 'bras bu med pa skyob pa nyid ma yin no zhe na/ 'di ni yang dag pa nyid ma yin te/ 'di ltar 'khor ba'i lam du zhugs 'gyur te/ /yongs su ngal bas bde nyams pa'i/ /phung nyid sdug bsngal chen po ste/ /ma rig pas ni gzhan du mthong/ /'dod chags la sogs pa'i bde ba rgyu yin no zhes gang smras pa de la brjod pa ni/ 'dod chags goms pa'i rgyu can ste/ /bde ba'ang de med mi 'byung yin/ /goms pa yod med rjes 'jug phyir/ /ngo bo nyid du grub pa min/ /gal te 'dod chags la sogs pa dang/ bde ba la sogs pa 'dod rgyal du skyes pa 'am/ rtag pa yin na de'i tshe 'thad pa zhig na/ gang gi tshe de nyid las gsal ba la sogs par mthong ba'i phyir/ goms pa nyid las 'gyur ba yin pa de'i phyir yang dag pa ma yin pa'i kun tu rtog pa tsam yin no/ des na goms ba dor ba nyid dge ste/ byis rtsed goms pa bzhin no/ /des na don dam par bde ba yod pa ma yin no/ /bde ba ni sems mngon par dag pa'i mtshan nyid goms pa las 'byung ba yin pas/ 'khor ba'i chos ldog par byed pa de kho na goms par byas pa nyid mchog yin no/ /sdug bsngal yang goms pa las 'dod pa yin te/ btang snyoms nyid mchog yin no/ /de lta yin dang sdug yin nam de dang 'dra ba'o zhes 'dra ba nyid kyi shes pa ni ma yin no/ /'dra ba nyid du ma shes na de'i sgo nas kyang rjod byed ma yin te/ 'dra ba rnam pa gnyis la gcig par de nyid shes pa'i go cha yin la/ gzhan ni 'dra ba'i shes pa skyed par byed pa yin no/ /gcig pa nyid du mthong ba dang 'gal ba'i phyir 'khrul pa nyid yin no/ /brda la sogs pa yin na sgra ni lcags dang lcags kyu bzhin du dran byed yin gyi/ rang bzhin gyis rjod byed du ni mi 'gyur ro zhe na/ ji ltar snang ba de ltar yin du zad mod sgra ni du ba bzhin nam bsal ba bzhin du brjod bya la nges pa can dang bsal bar byed pa ma yin pa de ltar mthong ba yin no/ /sgra dang don yang rtag par 'gyur du zin yang phan tshun ltos pa med pa'i phyir de dag la bdag dang nam mkha' bzhin du 'brel par bstan pa ni ltos pa mi rung ba'i phyir zhes bya ba ste/ gzhan la ltos pa 'brel pa yin/ de med ji ltar ltos pa yin/ /yod na 'ang thams cad 'dod min na/ /dngos po ji ltar ltos byed nyid/ ces bya ba'i tshig gi ltos pa'i mtshan nyid ni 'brel pa yin no/ /sgra ni mi dad 'dra ba rang bzhin gyis gsal bar byed pa yin no zhe na/ de lta yin na rtag pa nyid du sgrub pa la don med do/ /de 'brel pa 'dzin pa'i yan lag yin no zhe na/ 'dzin pa med na rtag pa yin zhes bya ba'i 'brel pa 'dzin par byed pa ma yin la/ de bzhin du 'dzin pa yang mthong ba las ma yin te/ rnam par rtog pa yang mthong ba'i rjes su 'brangs nas rtag pa nyid du rig pa ma yin te/ 'on kyang de mi byed pa rnam par gcod par byed pa na rang gi mtshan nyid kho nas yin la/ de la ni dgos ba med la gzhan du yang rigs pa yin no/ /de'i phyir sgra rtag pa nyid du sgrub par byed pa ni/ da ni mi chan po'o zhes bya ba tsam yin no/ /de lta yin na don dang 'brel pa ni du ba bzhin du rang bzhin gyis mi rtag pa yin te/ don gyis sam skyes bus phan gdags par bya ba yin pa'i phyir ro snyam du sems la/ rnam ?? phan gdags bya min phyir/ zhes bya ba ste don legs pa ma yin te/ 'dod rgyal ni ma yin te/ gang gi phyir nam mkha' la sogs pa bzhin du rgyu med par skye ba ni mi 'thad pa'i phyir ro/ /bde ba la sogs pa rgyu gzhan dang ldan pa yang ma yin te/ goms pa las gsal bar ldan pa'i phyir ro/ /gang gis sdug bsngal goms pa las skyes par 'gyur ba sdug bsngal ni 'ga' yang goms par mi byed de/ 'on kyang bde sogs 'phel ba'i bdag nyid can/ /goms pa las 'jug bdag yin pa/ /de med sdug bsngal nyid 'gyur gyi/ /gang na sdug bsngal goms byed med nga la sdug bsngal yod par gyur cig ces sdug bsngal goms par byed pa ni su yang med de/ bde ba don du gnyer ba nyid kyis thams cad thams cad la 'jug pa yin pa'i phyir ro/ /des na bde ba ni 'bad pas bsgrub par bya ba yin la/ sdug bsngal ni de med pa las rang bzhin du 'gyur ba yin gyi/ bzlog pa ni ma yin no/ /des na sdug bsngal yang bde ba goms pa'i byas pa nyid kyis byas pa yin no/ /des na bde ba nyid bzlog par bya ba yin no/ /don dam par ni sdug bsngal yang med pa nyid de/ de yang de la skrag pa goms pa nyid? las sdug bsngal ba yin no/ /des na de med pa'i phyir sdug bsngal de nyid dam/ sdug bsngal yang ma yin/ bde ba yang ma yin pa la bde ba'i blor 'gyur ba yin la/ de med pa'i phyir yang bde ba yang ma yin sdug bsngal yang ma yin pa la sdug bsngal gyi blor 'gyur ba yin gyi don dam par ni ma yin no/ /de'i phyir goms par byas pa'i bde ba ni sdug bsngal gyi rgyu nyid do/ /gal te de med na ni sdug bsngal yang med par 'gyur ro/ /bu la chags pa la bu shi na sdug bsngal 'byung na/ de nyid bu skyes na bde bar 'gyur ba yin gyi/ don dam par ni ma yin gyi/ rtag tu 'dod pa dag dang ni/ mi 'bral 'ga' yang yod ma yin/ 'khor ba pa yis skyed pa yi/ /bde kun sdug bsngal don du 'gyur/ /sdug bsngal bskyed cing bskyed pa las/ /bden pa'i blo ni rigs ldan min/ /'dam phra? ba 'khru ba byed pa pas/ /ma reg par ni par rtog pa yin pas med pa'i phyir byed bzhin pa'i yang 'brel pa ni sgra dang lhan cig byed pa ma yin te/ sgra dang 'brel pa dad de'i tha snyad du byed pa rnams rim bzhin 'byung ba nyid kyi lhan cig byed par mi nus pa'i phyir ro/ /sgra brjod pa dang 'brel byed dang/ /tha snyad par ni byed pa dang/ rim gyis 'byung ba'i rang bzhin phyir/ /gang du cig car byed sus nus/ zhes smos pa'o/ /sgra brjod pas kyang 'brel pa byed pa ma yin te/ byed pa'i dus su sgra zhig pa'i phyir ro/ /byas pa yin na yang de la dgos pa ci yang med do/ /re zhig sgra yis ma brjod na/ /'brel par byed pa ci las yin/ /brjod pa tsam gyis zhig pa la/ /'brel pa dgos pa med pa yin/ rnam par brtag pa la ni byed pa 'am ston pa nyid de bde bar byed pa yin no/ /de la bltos nas/ dngos po rang nyid ma 'dres pa/ /de rnams rnam rtog gis 'dres byed/ ces bya ba'i tshig gis ni de thams cad bslad pa yin no/ /de'i phyir/ zhig med da ltar ba rnams la/ /brjod pa srid pa ma yin no/ /zhes bya ba 'di la ni 'brel pa med pa yin te/ zhig pa la sogs pa'i sgra rnams la ni de byed pa ma yin pa rnam par gcod pa'i bdag nyid kyi rnam par rtog pas zhen pa'i sgra rnams la brten nas/ 'brel pa rnam par bzhag pa dang brjod pa dag yod pa'i phyir ro/ /gang zhig gang gis byed pa 'am/ /rjod par byed pa yin zhe na/ ma grub pa'i grub pas so/ /gang dag grub pa yin pa ni/ /brjod par dka' ba yin no zhe na/ legs par sbyangs pa rnams kyis brjod pa'i sgras ni 'di rjod sla ba kho na yin no/ /yul a d+ha la sogs pa'i rang skad kyi sgras legs par sbyar ba'i skad kyi don go bar mthong ba yin no/ /legs par sbyar ba'i skad kyi don go bar mthong ba yin no/ /legs par sbyar ba kho na sgra ma yin nam skad ces bya ba 'ga' yang yod pa ma yin te/ go'i sgra kho na brjod par 'dod pas kyang mi nus pa ni/ go ba'i sgra la sogs pa rjod par byed do/ /don dang ldan pa gzhan ni 'dra ba nyid la rjod byed yang yod pa yin to/ de las 'dod chags dang zhe sdang dag yin no/ /des na rang bzhin 'dres pa'i phyir 'khrul pa ma yin no zhe na/ de yang ma yin te/ rgyu yod na ni de yi chos/ /de las gzhan yang ci phyir med/ /de yi 'bras bu med na ni/ /rgyu yod pa ni ga las rtogs/ /gal te de nyid de yi ni/ /'bras yin 'bras gzhan ga las yin/ /gal te de nyid las na 'dir/ /de yod phyir de ci phyir min/ /gal te 'bras de gzhan las ni/ /'khrul par 'gyur ba de nyid yin/ /de'i phyir gal te rlung la sogs pa'i chos yin na/ 'khrul par mi 'gyur ro/ /rang bzhin de la rang bzhin gzhan yang rtog na ni 'bras bu yang brtag par bya'o/ /'bras bu ma mthong bas brtags pa ma yin no/ /rang bzhin gzhan yang mi rtog go/ ji ltar 'bras bu las rgyu rtog pa de bzhin du 'bras bu yang rgyu nus pa thogs pa med pa las yin no/ /'on te nus pa thogs pa med pa'i rgyu med na/ mthong ba'i 'bras bu yang rgyu med na mi 'gyur ro/ /yang na de'i rgyu nyid du mi 'gyur ro/ /gzhan yang gal te mthong ba'i rgyu spangs nas/ /ma mthong ba ni rtog byed na/ /bad kan 'dod chags rgyu nyid du/ /mi 'gyur gzhan ni brtag par gyis/ /'on te yang gang dang gang mthong ba de dang de nyid 'dod chags la sogs pa'i rgyu yin na/ 'o na 'dod chags la sogs pa thams cad las mthong bas/ ci thams cad de'i rgyu yin nam/ de ni de lta yin te/ de lta bu nyid du mthong ba'i phyir ro zhe na/ de na ma yin te/ gang gi phyir thams cad 'dod chags mtshungs par ni/ /thal phyir kun gyi chos ma yin/ /gzugs sogs bzhin skyon med ce na/ gal te de la khyad par can/ /las rnams bdag po ma yin na/ /de yang rtsod pa mtshungs pa yin// 'dod chags la sogs pa thams cad kyi chos yin na ni/ srogs chags thams cad 'ga' zhig tu 'gyur ba yin no/ /des na bad kan la sogs pa gang yod pa de nyid 'dod chags la sogs pa'i rten yin pa'i phyir/ 'dod chags tshungs par thal bar 'gyur de'i sgo nas gnas skabs pa'i bya ba nyid yin na/ bya ba dang cig shos dag la bye brag med par byed pa po nyid yin la/ bye brag med na yang thug pa med pa yin te/ gnas skabs nyid kyi rjes su 'gro ba la sogs pa'i rjes su byed pa'i 'bras bu yin gyi gnas skabs pa'i ma yin pa'i phyir rtag par byed pa po ma yin no/ /lhan cig byed pa nyid du phul du byung ba yin gyi/ gzhan ni ma yin pa ma yin nam de yang res 'ga' ba yin pa'i phyir 'bras bu yang res 'ga' ba yin gyi/ des na rtag pa ni 'ga' yang khyad par du byed pa ma yin te/ byed pa yin na yang de yang ji ltar yin khyad par gzhan byed pa yin na yang thug pa med pa yin no/ /de'i phyir mdza' i gnas skabs bzhin du lhan cig byed pa po nyid kho na rgyu nyid yin gyi/ khyad par du byed pa po nyid ma yin no snyam du sems pa la/ rnam 'gas phan gdags bya min phyir/ zhes bya ba smos so/ /de lta yin na dang po'i gnas skabs gang yin pa can lhan cig byed pa'i dus su yang gnas skabs de nyid yin pas phan gdags pa ma yin pa'i phyir dang po bzhin du khyad par can mi bskyed pa yin la/ dus phyis kyang yal bar 'dug ba yin zhes bya ba'i don to/ /'bras bu ni lhan cig byed pa kho na las byung ba yin no/ /de lta yin na gzhan na lhan cig byed pa yod kyang cis mi 'byung ba yin/ de lta yin na dang po skyed byed ma yin pa'i ngo bo de bcad pa yin no/ /yang na/ gal te rtag pa dus gzhan na yang yod pa rim bzhin byed po nyid ma yin na skad cig ma ni ches shin tu ma yin/ skad cig phyi ma la reg pa ma yin pa'i phyir rim gyis ma yin no snyam du sems pa la/ rnam 'gas phan gdags bya min phyir/ zhes bya ba smos te/ mi rtag pa la 'ang? rim bzhin pa la tshad ma med ces pa la/ min zhes bya ba dang sbyar ro/ ci las shes she na/ mi rtag pa la rnam 'gas phan gdags par bya ba 'di yin pa'i phyir ro/ /sa la sogs pa rnams kyis sa bon la rim gyis phan pa byed par mthong bas thug pa med pas yang yin te/ skad cig dang po la rtse bar 'gro ba'i rgyu rnams kyi tshogs par khyad par can skyed par byed pa yin pa'i phyir ro/ /gnas skabs de kho na 'bras skyed par byed pa ni ma yin te/ phyi ma bzhin du dang po yang yin par thal bar 'gyur ro/ /bshad par byed pas bshad pa ni/ tshad ma rtag pa nyid yod min/ zhes bya ba ni ther zug pa'i rtag pa ni/ dus 'di dang dus phyi mar yang gcig pa'i bdag nyid yin la/ de la bzlog pas khyab pa yin pas mi shes pa'i phyir yang dag nyid du gsungs zhes bya bas bsal nas/ da ni rgyun gyis rtag pa ni sems kyi rang bzhin rnams kyi sems dang ldan pa dang sems dang mi ldan pa bzhin du skyon gyi gnyen po yon tan gyi rgyu ston par byed pas yang dag pa nyid gsungs pa ni tshad ma nyid yin la/ de las byung ba ma yin pas ni de'i nus pa ma mthong bas ni ston pa ni de las byung ba ma yin pa'i phyir go bar byed pa ma yin no zhes bstan pa ni/ rnam 'gas zhes bya ba la sogs pa'o/ /mnyes pa yin na 'dod chags la sogs pa nye bar zhi ba'i rgyu yin pas de'i nus pa 'di 'byung ba yin no/ /mnyes pa yin na dug zhi ba dang ri lu dang mig sman la sogs pa grub par mthong ba yin no snyam du sems pas/ 'on te mnyes par bya ba'i rim gyis zhes bya ba la sogs pa zer ba la lan ni/ de bshad rjes su sgrub pa yis/ /'jig rten rjes 'dzin zhes bya ba ste/ 'dod chags la sogs pa nye bar zhi ba'i ngo bo gang gis rtogs pa'i srogs chags sdig pa'i dug zhi bar nus pas/ klu'i rgyal po 'jog po'i dug sel ba'i nus pa shes par mi rigs te/ skyes bu'i don bag tsam byed par nus par mthong ba las/ phul du byung ba'i yon tan phun sum tshogs pa ma lus pa phul du byung ba dang 'brel ba can bla na med pa'i bsod nams la sogs pas bsgrubs pa'i mya ngan las 'das pa 'am de ster ba'i nus pa rtogs pa ni ma yin te/ thal ches pa'i phyir skyes bu'i don bag tsam byin ba'i nus pa gang yang yod pa ma yin zhes bya ba'i don to/ /mngon sum la sogs pa ni 'jug pa'i yul nye bar 'thob par byed pa nyid kyis phan par byed pa yin pa'i phyir tshad ma ma yin nam/ phan gdags par bya ba yod pa'i phyir ni ma yin no/ /de'i phyir tshan ma nyid la phan gdags par bya ba nyid yin pa ni 'gal ba med do snyam du sems pa la/ gang zhig ci zhig rnam pa ltar/ zhes bya ba smos te/ mi mthun pa'i phyogs mthong nas gnyen po dmigs ba na/ nus pa nye bar dmigs ba las ston par byed pa ni gzhan gyi tshad ma yin no/ /gzhan du na nus pa ma shes pa yin na mi mthun pa dang gnyen po dag ji ltar ston par byed pa yin zhes bya ba'i don to/ /'dod chags dang bral ba nyams su myong bas ni de'i lam mam de las bzlog pa yang shugs kyis go ba kho na yin no zhe na/ de la ni 'di 'dra ba'i bya ba yod pa ma yin te/ zhes bya ba smos so/ /ci yang yod ces bya ba ni/ shugs kyis go ba ni bden no/ /ci yang med ces rnam shes pa/ /mi rnams la ni gang du dgos/ 'dod chags dang bral ba ji ltar bzhin du don thams cad mthong ba yang 'di'i yod pa ma yin nam/ ji ltar nus pa yongs gcod pa yin snyam du sems pas zer ba ni/ 'on te de'i thams cad ces bya ba'o/ /lan ni de ni mi rigs te/ 'dod chags la sogs pa nyams su ma myong na zhes bya ba'o/ /gzhan la yod pa'i 'dod chags la sogs bzung bya nyid du rigs pa yin te/ rjes su 'dzin pa dang nye bar 'joms pa bdag nyid kyis ni ma yin te/ 'di ni rang gi rig pa yin pa'i phyir/ de nyid kyi ngo bo rang mtshan nyid yin gyi gzhan ni ma yin no/ /zhes bya ba'i don to/ /rang rig pa nyid nyams su myong ba nyid kyi grol ba ma yin par bstan ba ni/ nyams su myong na ni zhes bya ba'o/ /'on te 'dod chags la sogs pa dang ldan pa 'di dbang phyug nyid la sogs pa dang ldan par mi byed de rgyu ma yin pa ni ma yin te/ thams cad rgyu ma yin par thal ba'i phyir ro zhe na/ 'di la yang brjod pa/ cha mi mnyam skyes sdug bsngal gyis/ /gal te 'dod chags mi skyed na/ /cis skyes smos shig cha mnyam las/ /khu 'phel de las 'dod chags yin/ /cha mi mnyam la 'dod can mthong/ /gzhan ni cha mnyam na yang yin/ /gzhan ni zad nas khrag mdzag kyang/ /bud med cig la khu nges med/ /des gcig la chags drag mi 'gyur/ /gal te gzugs sogs kyang yan lag/ ma yin kun ma nges phyir ro/ /nges pa med par 'byung ba'ang min/ /yon tan ma bzung bar yang 'gyur/ /gal te yon tan 'dzin pa de'ang/ /yan lag yin na thams cad ni/ /yon tan 'dzin pa nyid 'gyur te/ rgyu ni khyad pa med phyir ro/ /gnas skabs gang la chags can 'dod/ /de 'dra zhe sdang can mi 'gyur/ /de nyid ngo bo mi mtshungs phyir/ /'di la nges pa mthong ba med do/ /gal te bad kan la sogs pa cha mnyam pas 'gal ba'i nad med pa na khu ba 'phel ba la/ de las 'dod chags skye ba yin na/ de lta yin na nyes pa cha mi mnyam pa dang shin tu bud med bsten pa la gzhol ba'i khrag 'dzag pa dag 'dod chags can du mi 'gyur te/ khu ba zad pa'i phyir ro/ /khu ba yang bud med thams cad la thun mong yin pa'i phyir bud med gcig la chags pa nges par mi 'gyur te/ des na khu ba mtshungs pa yin pa'i phyir ro/ /gcig la 'dod chags lhag par mi 'gyur ro/ /'on te yul bud med kyang rgyu nyid yin te/ gang gi phyir gzugs la sogs pa'i khyad par las khyad du 'gyur ba'i phyir/ gzugs la sogs pa yang rgyu nyid do/ /'di ltar khyad par can gzugs zhags pa yis/ /dbang med par ni 'gyur ba'i sems/ /rang gi chung ma bor nas ni/ /bud med gzhan dag 'dod pa yin/ /res 'ga' i tshe ni spyod tshul dang/ /'dod chags kyi ni rgyu 'gyur te/ /khu ba 'ba' zhig 'dod chags kyi/ /rgyu ma ni des na nges pa yin/ /de phyir lhan cig byed pa yod pa'i phyir gcig la lhag par 'gyur pa yin gyi/ gzhan la ni de ltar ma yin pas skyon med do zhe na/ 'di yang gsha' ba ma yin te/ 'di ltar thams cad la ni 'khrul pa nyid/ /mthong phyir gzugs la sogs pa dag / rgyu min gzugs dang bral ba la 'ang/ /chags phyir gal te spyod tshul dag /spyod phyir zhe na 'o na ni/ gzugs ni rgyu ma yin bar 'gyur/ /spyod tshul dang ni bral na yang/ /gzugs la chags pa yod pa'i phyir/ /spyod tshul de yang 'dod chags kyi/ /rgyu yin par ni 'thad ma yin/ /la lar gnyi gar dang bral yang/ /chags pa dag ni mthong phyir ro/ /kun la 'dod chags mtshungs par ni/ /thal phyir thams cad rgyu ma yin/ /'on te rgyu nges pa med pa nyid du 'dod do zhe na/ de yang mi rigs te/ ma nges pa ni de las 'gyur ro zhes bya bar yang mi 'thad do/ /'dod chags gcig la nges pa yin na yang/ gzugs dang yon tan 'dod pas ma brtags par 'ongs pa'i gzugs ngan ma la 'dod chags kyi gzir ba 'jug par mi 'gyur ro/ /gzhan yang khu ba 'dod chags kyi rgyu yin na yon tan ma bzung ba yang chags par 'gyur ro/ /'on te yon tan 'dzin pa yang yan lag yin na/ de lta na thams cad yon tan 'dzin par 'gyur te/ yon tan 'dzin pa'i rgyu thams cad la yod pa'i phyir ro/ /'on te yon tan yod pa tsam gyis ni/ yon tan 'dzin pa ma yin na/ 'o na gang las yon tan 'dzin pa yin/ gal te yon tan 'dzin pa yul med par ni yin na ni/ thog ma med pa'i bag chags las yin pas goms pa nyid las 'dod chags la sogs pa yin te zhes bya bar 'gyur ro/ /gzhan yang gnas skabs gang la gnas pa na 'dod chags pa'i gnas der zhe sdang bar mi 'gyur te/ 'dod chags dang zhe sdang dag ni mi mtshungs pa nyid kyis rang bzhin 'gal ba can yin pa'i phyir ro/ /de dang 'gal ba'i rang bzhin la gnas pa la ni/ de 'gyur ba ma yin no/ /mi 'gyur ba nyid do zhe na/ de yang mi 'thad de/ 'di la nges pa'ang mthong ba med/ yang na gal te gnyi ga'i rang bzhin na/ de'i tshe gnyi ga yang dus mtshungs pa nyid du thal bar 'gyur ro/ /de bzhin nyid do zhe na/ de ni ma yin te/ nges pa ma mthong ba'i phyir ro/ /'di la dus mtshungs pa nyid du nges pa mthong ba ni med do/ /'on te mkhris pa'i rang bzhin la gnas pa la rdul la sogs pa res 'ga' 'byung gi thams cad kyi tshe ma yin pa de bzhin du 'dod chags la sogs pa yang yin no zhe na/ de ni ma yin te/ rdul ni me dang 'brel pa las/ /de med na ni de mi 'byung/ /chags sogs dang ni gzugs sogs kyi/ /rgyu las de gzhan yod ma yin/ /de yod na ni tshang ba'i phyir/ /chags sogs yod min med pa min/ /'on te mang gi phan 'dogs par byas pa'i bag chags dang 'brel pa las nges pa las bzlog pa yin na/ de lha yin na bag chags nyid 'dod chags la sogs pa'i rgyu yin no/ /'dod chags kyi phan 'dogs pa yang goms pa yod pa las yod pa'i phyir ro/ /'on te yang gang zhig 'dod chags la sogs pa'i bag chags kyi khyad par las skye ba de la yang ji ltar nyes pa 'dir mi 'gyur zhe na/ bshad pa/ gang gi 'dod chags la sogs pa/ /rigs mthun bag chags khyad par la/ /rag las nas ni 'jug 'gyur ba/ /de la skyon 'dir thal ba med/ /gang tshe 'dod chags la sogs pa bag chags kyi nyes pa nyid las 'jug pa de'i phyir/ gang la gang gi skye ba gzhan dang 'brel ba'i bag chags yod pa de nyid las 'ga' zhig gi tshe rnam pa 'ga' zhig ltar rgyu 'ga' zhig gi de sad pa yin pa'i phyir/ 'dod chags la sogs pa rnams kyi bag chags ma nges pa na/ gzugs la sogs pa la bltos pa med pa'i phyir sngar gyi nyes pa'i go skabs med do/ /gal te chags pa la sogs pa nyes pa'i chos ma yin mod/ /'byung ba'i chos su mi 'gyur ro zhe na/ bshad pa/ 'dis ni 'byung ba'i chos nyid bkag /rten la bkag pa nyin phyir ro/ /dkar po la sogs sa sogs la/ /brten pa nyid ni ma yin no/ /'di dag ni sa la sogs pa 'byung ba rnams kyi chos yin te/ 'di ltar sa dang chu shas che na ni 'dod chags so/ /me rlung dag la ni zhe sdang ngo/ /chu dang rlung dag la ni gti mug go /zhes gang smras pa de yang bkag pa yin te/ thams cad du ma nges pa'i phyir ro/ /de ltar yang gnas skabs gang la chags can 'dod ces bya ba la sogs pa bshad pa bzhin no/ /yod med dag rten med phyir ro/ /zhes bya ba la sogs pa rten yang/ bkag pa yin no/ /gal te ji ltar dkar po la sogs pa 'byung ba/ chen po la brten pa de bzhin du 'dod chags la sogs pa yang yin no zhe na/ de la bshad pa ni/ dkar po la sogs sa sogs la/ /brten pa nyid ni ma yin no/ /gal te sa la sogs pa la/ /brten pa yin na ni de'i tshe gzugs la sogs pa 'byung ba dag las tha dad par khas blangs pas 'byung ba tsam du khas len pa la gnod par 'gyur ro/ /'byung ba tsam du khas len na ni/ /rten dang brten pa'i dngos por 'gyur ba ma yin no/ /gal te shes pa 'byung ba la brten pa yin na de'i tshe de kho na mang po thal bar 'gyur ro// tha dad pa ma yin na ni 'byung ba rnams gcig nyid du 'gyur te shes pa cig dang tha mi dad pa'i phyir ro/ /gal te gzugs la sogs pa 'byung ba dag la brten nas zhes khas len pa na rten dang brten pa'i dngos po 'gog pa 'gal lo zhe na/ ma yin te/ brten pa'i don ni rten gyi don ma yin gyi/ 'on kyang rgyu'i don yin no/ /de bshad pa ni/ de brten sgra 'am rgyu don nam/ /yang na rang gi brten dag dang/ /dbyer med par ni gnas pa'i phyir/ /rten yin gzhan du 'thad pa yin/ /brten pa'i don ni rten gyi don ma yin te/ 'on kyang rgyu'i don yin no/ /'di ltar/ rgyu ni 'bras dang lhan cig tu/ dus mtshungs par ni rtogs ma yin/ /dus mtshungs dag la 'bras bu nyid/ /la sogs med par rnam par des/ /des na rten dang brten pa'i dngos po ma yin no/ /dus mtshungs pa dag dang rten dang brten pa'am rgyu dang 'bras bu'i dngos po yin du chug pa de lta na yang rang gi brten dang dbyer med par 'jug pa'i phyir ro/ /'di ltar/ gal te gzugs sogs rten dang ni/ /brten pa'i ngo bor des na ni/ /de dag rnam dbyer med par ni/ /'jug ces bya bar bzung bar gyis/ /gal te de dag rten dang brten pa'i ngo bo yin na/ de'i tshe brtan pa med na de'i rten kyang 'jig par 'gyur ro/ /mi 'jig na ni phyis bzhin du sngar yang rten nyid ma yin no/ /nges na 'dod chags la sogs pa yang dbyer med par gnas par 'gyur ro/ /gzugs la sogs pa la tha dad pa'i 'byung ba chen po'i rang bzhin ni yod pa ma yin te/ gzhan gyis khas blangs pas de skad brjod pa yin no/ /'dod chags la sogs pa ni dbyer med par gnas par yang ma yin te/ 'ga' zhig res 'ga' 'byung ba'i phyir ro/ /gal te myos sogs nus pa bzhin/ /dbyer yod ce na dngos po las/ /nus pa don gzhan nyid ma yin/ /dngos po 'jig 'gyur rten tshang bar/ /gnas na brten pa 'jig ma yin/ /gal te de mtshungs zhe na min/ /snang ba tha dad rtogs pas na/ /'byung sems tha dad nyid phyir ro/ /chang dang bu ram chad la sogs pa'i rdzas la myos pa'i nus pa brten pa yin yang rnam pa dbyer yod par gnas pa yin te/ rdzas yod pa la ldog pa'i phyir dang/ phyis 'byung ba'i phyir ro/ 'di ltar bska dang mngar sogs rdzas yod na/ /snga na med pa'i nus pa ni/ mngon par 'byung 'gyur nyid yin zhing/ /slar yang med par 'gyur pa yin/ /'di brten min pa'ang ma len te/ /de bzhin nyid du rtogs phyir ro/ /de bzhin lus nyid la brten pa'i/ /'dod chags sogs kyang 'gyur ba yin zhe na/ de yang mi 'thad de/ nus pa'i don gzhan ma yin pa'i phyir ro/ /nus pa ni 'byung ba las don gzhan ma yin pa'i phyir ro/ /rdzas kyi nus pa zhes tha dad pa'i tha snyad ni/ nye bar brtan pa can bzhin du 'gyur ba'i phyir te mchi? gu'i lus zhes bya ba la sogs bzhin no/ /'di ji ltar yin pa de lta bu ni 'chad par 'gyur ro/ /gal te me la sogs pa rnams kyis nus pa gzhan med na/ de'i tshe sngags dang rgyud la sogs pas gang gis gags byed/ re zhig rang gi ngo bo ni ma yin te/ gzhan la bsregs pa'i phyir ro/ /nus pa bkag pa na yang de ma bkag pa'i phyir/ gzhan bsregs pa yin no zhe na/ de yang ma yin te/ nus pa bkag pa la yang ni/ /rnam dbye 'di ni ji ltar 'gyur/ /de yang 'gar ni yod pa dang/ /'gar ming ces byas nus ma yin/ nas pa rnams ni mang bas na/ /rnam dbye ji ltar srid ma yin/ de bsregs byed pa'i nus med de/ /de las gzhan ni bzlog ma yin/ yang na bsreg bya gzhan nyid du/ /byed pa des na tshig ma yin/ /gzhan gyis tshig 'gyur gzhan du ni/ /nus pa bkag pa med phyir ro/ /de ni ma yin te/ dngos po de la de snyed kyis/ /nus pa ga las 'byung ba min/ /gang gis de dag la bltos pa/ /'di dag gis 'di ci byar yod/ /dngos po bltos pa yod min te/ /rgyu nyid las de de ltar byung/ /nus pa de dag med na ni/ /'bras bu rnam dbye 'gyur ma yin/ /nus pa mang por med na ni/ /'bras bu sna tshogs srid mi 'gyur me la tshig pa la sogs pa/ /rnam par dbye ba mthong ba gang/ /de ni med 'gyur med sogs la/ /rang bzhin gcig po yod dam med/ /yod na thams cad sregs pa nyid/ /med pa yin na 'ga' yang min/ /gcig ni cig car yod pa dang/ med pa 'gar yang srid ma yin/ /de yang spang bar bya ste/ 'di ltar/ ji ltar nus pa sna tshogs na/ /rgyu gcig nyid las 'byung ba bzhin/ /sna tshogs 'bras bu cis mi 'dod/ /ma mthong brtags pas ci zhig bya/ /gal te 'bras bu sna tshogs mi mthong bas nus pa sna tshogs par/ /rtogs na 'dir de nyid yin mod/ /gang gis sngags sogs dang ldan pas/ /'bras bu rnam phyer byed nus 'dir/ /rang bzhin nges pas de 'dra de/ /rang rgyu las skyes nus don med/ /me ni sngags dang mi ldan na/ /thams cad sreg pa'i rgyu yin la/ /de nyid sngags dang ldan pa'i phyir/ /'ga' zhig bsregs par nus pa yin/ /bsreg rdzas rang bzhin de yin te/ /gang gis des ni mi tshig cing/ /de ni gzhan gyis tshig 'gyur bar/ /rang gi rgyu las skyes phyir ro/ /de ltar nus pa bkag pas na/ /rten dang brten pa srid ma yin/ /des na mthong ba'i dpe de ni/ /rang bzhin sgrub par byed ma yin/ /des na der ni dngos po nyid 'jig par 'gyur ba yin te/ rten ma tshang ba med par gnas na brten pa med par 'gyur ba ni ma yin no/ /'on te yang 'dir yang 'byung ba dang sems dag de bzhin du 'gyur ba nyid do zhe na/ 'dir lan ni 'byung ba dang sems dag ni tha dad pa'i phyir ro/ /sems pa dag ni nus pa ltar/ /'byung ba dang tha mi dad pa ma yin no/ /de nyid ga las zhe na/ snang ba tha dad par rtogs pa'i phyir ro/ /snang ba tha dad thams cad du/ /dngos po tha dad sgrub byed yin/ /tha dad bsgrub pa'i thabs gzhan ni/ /'ga' yang mthong ba yod ma yin/ /dbang po tha dad pa dang rtogs pa po tha dad pas gzung bar bya ba yin yang/ gal te tha dad pa med par snang na ni/ de'i tshe gcig nyid do/ /tha dad par byed pa ni snang ba'i rang bzhin rtogs pa yin gyi rtogs pa'i rgyu tha dad pa ni ma yin no/ /'on te rtogs pa'i rgyu tha dad na/ rtogs pa yang tha dad do zhes na/ 'o na rtogs pa tha dad pa de nyid tha dad par byed pa yin te/ gzhan ni don med do/ /der yang snang ba ni tha dad de/ rnam par shes pa ni bde ba la sogs pa'i rang bzhin gyi nang du rig la don srab dang/ dro ba la sogs pa'i rang bzhin gyis bzung ba nyid du rig pa ma yin no/ /'on te bde ba la sogs pa ni nang gi rig bya'i khyad par gyi rang bzhin nyid yin te/ des na nang du rig pa'i rang bzhin yin no/ /gang zhig gang na gnas pa'i dngos/ /de ni de ltar myong 'gyur te/ /nye dang ring ba'i bye brag gis/ /ji ltar shing sogs rig pa bzhin/ /nang gi reg bya'i khyad par ni/ ring ba ma yin te/ des na 'di bdag dang yul gcig pa nyid kyis lus kyi nang na gnas pa'i phyir/ phyi rol gyi shing bzhin du rig pa ma yin no zhe na/ de na ma rigs te/ gal te 'di ni reg bya nyid/ /yin na de ni gang gis rig/ gzhan gyis rig na rig pa nyid/ /tha dad yin par thal bar 'gyur/ /'on te de ni rang rig na/ /'byung ba chen po'i rang bzhin min/ /rang rig rang bzhin de bzhin nyid/ /gzhan gyis ji phyir shes ma yin/ /gal te khong nang chug phyir na/ /nang du reg na rig par 'gyur/ /gang zhig nang gi cha la reg pa des rig par thal bar 'gyur ro/ /phyi'i 'khyud pa'i reg pa yang bde ba'i rang bzhin nyid do/ /gnyis pa phan tshun reg pa na/ /gnyi gas kyang ni rig par 'gyur/ /gzhan gyis gzhan gyi rang bzhin rig/ gzhan dag rang bzhin ji ltar min/ /'on te gzhan gyis reg pa na/ /bdag gi rang bzhin de nyid bde bar 'gyur pa yin na/ de lta yin na gzhan gyis de bzhin du rig par thal lo/ /gzhan gyis rnam pa thams cad ma rtogs pa'i phyir ro zhe na/ gal te don de gcig yin na ji ltar rnam pa thams cad ma rtogs/ don rdul phra rab so sor tha dad pa du ma yin na/ de lta yin na bde ba'i rdul phra rab tha dad par bde ba mang po las bde ba la sogs pa 'ga' zhig rtogs par 'gyur na/ gzhan gyis ni bde ba'i cha tsam yang rtogs pa ma yin no/ /rang nyid rig pa zhes bya ba gcig nyid rtogs pa'i phyir bud med dang skyes pa nyid mtshungs par myos par 'gyur ro/ /thams cad rig pa yin na ni/ rdul phra rab du ma rig par thal lo/ /'on te phan tshun 'byar bas rnam par dbye ba yin no zhe na/ ma yin te/ de las tha dad pa'i byar ba med pa'i phyir ro/ /yod kyang tha dad par rtogs pa ldog par mi 'gyur ro/ /'byar bas rnam par dbye ba mi rtogs so zhe na/ 'o na ni de dag gi rang gi ngo bo ma rtogs pa'i phyir 'byung ba dag las sems tha dad par 'gyur te/ tha dad bar snang ba'i phyir ro/ /'on te yan lag can cig kho na'o zhe na/ de lta yin na gzhan la yang de ltar rtogs par 'gyur ro/ /'on te gzhan bdag nyid thams cad kyis rtogs par mi nus so zhe na/ 'o na ni de'i rang bzhin rtogs pa ma yin no/ /de ni 'khrul pa nyid de rtogs pa ni ma yin no zhe na/ 'khrul pa yang nang gi rig pa'i khyad par gyi rang bzhin nyid do/ /des na gzhan gyis de bzhin du rtogs par dben par 'gyur ro/ /'dir ni reg bya gcig tu nyid/ /bde ba la sogs gzhan du 'gyur/ /gal te gzhan gyis cig rtogs na/ /da lta yin na bde sogs gzhan/ /de'i phyir 'byung ba dang ni sems pa dag / snang ba tha dad rtogs pa'i phyir/ /'gal ba'i chos ni gnas pa na/ /rang bzhin tha dad yod pa nyid/ /gal te gzhan gyis reg pa na/ /bde ba 'byung ba 'dod na ni/ /rig pa de la yid 'ong ba/ /nyid kyis de ni ji ltar gnas/ /yid du 'ong phyir rgyu yin na/ /yid 'ong 'di gang yin par 'dod/ /rang skal 'phro yis 'ga' zhig la/ /gzhan 'ga' zhig ni yid 'ong na/ /las nyid skal pa'i sgra yis ni/ /tha dad kyi ni lam du gnas/ /phan 'dogs pa yi khyad par ni/ /skye ba 'di la mthong ba med/ /de lta yin na sems pa gzhan/ /med kyang 'jig rten gzhan gnas 'dir/ /mang du smra ba ci zhig bya/ /gal te de yi yid 'ong nyid/ /rgyu las nye bar skyes yin na/ gzhan gyis kyang ni rtogs 'gyur te/ /min na de ni rnam shes nyid/ /gal te de ni rtogs pa po'i/ /lus nang chud par rtogs na ni/ /phyi rol tu ni rtogs pa ste/ ji ltar lus kyi nang du chud/ /gzugs ni snang bar 'gyur na yang/ /gzhan gyis rtogs pa ma yin phyir/ /rang gis rig pa'i rang bzhin ni/ /'byung ba dag las tha dad 'gyur/ /rnam par rtog pa dang bcas pa'am gzhan la gzugs snang ba yin yang/ /gzhan gyis rtogs pa ma yin te/ /des na de ni rang rig pa'i shes pa nyid do/ /'on te gzhan gyis ni lus kyi nang du chud pas na mi rig go zhe na/ gzhan gyi lus kyang mi rig par thal bar 'gyur ro/ /lus kyi nang du chud nyid na/ /bsgribs par gnas pa 'ba' zhig ni/ /ji ltar rig 'gyur yul gzhan dag /rnam par rtogs par byed pa na/ /rnam par rtog pa med par ni/ /lus rig de yang de med par/ /des na gcig gi bsgrub byed pa/ / lhan cig dmigs pa nges pa med/ /'on te yang de tha dad par 'gyur mod/ de lta na yang lus nyid de'i rgyu yin te/ bde ba la sogs pa bag chags dang 'brel pa tsam gyis skye ba ni ma yin no/ /des na don dam pa nyid do/ /lus kyang khu ba la sogs pa las yin te/ des na 'jig rten pha rol med de/ 'jig rten 'di 'gyur ba nyid kyis yongs su rdzogs pa'i phyir ro/ /des na 'khor ba pa yod pa ma yin no/ /zhe na/ bshad pa/ ji srid lus ni 'gyur bar du/ /gzugs sogs bzhin du yid ngo bo/ /mtshungs 'gyur rnam par rtogs pa ni don gyi gzhan dbang can nyid gang/ /gang gi tshe 'dod chags la sogs pa lus kyi rgyu can nam/ rang bzhin yin pa de'i tshe/ lus ma 'gyur ba'i sngon rol tu yid mtshungs pa nyid du 'gyur te/ rgyu 'am rang bzhin gyis rten mtshungs pa'i phyir ro/ /de lta ma yin na ni de rten dang brten pa 'am/ rgyu dang 'bras bu'i dngos po nyid du mi 'thad pa'i phyir ro/ /lus la brten pa'i gzugs la sogs pa ni lus mnyam pa nyid na mi mnyam pa ma yin no/ /'on te lus gzhan dang gzhan nye ba la rag las nas khyad par du 'gyur pa la skyon med do zhe na/ de yang mi rigs te yid kyi rnam par shes pa dang bde ba la sogs pa la don gyi gzhan dbang nyid ci zhig yod/ bag chags sad pa tsam las skye ba'i phyir ro/ /zhes bstan zin to/ /gang tshe lus la ltos med par/ /shes pa 'ga' zhig 'ga' zhig gi / bag chags sad pa'i rgyur 'gyur bas des na 'ga' zhig las 'ga' yin/ lus rgyu yin na ni sngar gyi skyon du thal lo/ /gang gi tshe lus bltos pa med par/ /bag chags sad pa'i rgyu'i shes 'ga' zhig bltos nas yid kyi rnam par shes pa 'ga' zhig skye par khas len pa de'i tshe na/ rgyu des na lus 'gyur ba med kyang rnam par shes pa 'gar 'gyur gyi/ lus rgyu nyid yin na ni ma yin na/ /de'i phyir rnam par shes pa nyid las rnam par shes pa yin gyi lus las ni ma yin te/ des na phung po ni 'khor ba yin no/ /gtan tshig gzhan yang smras pa ni/ /rnam shes min pa rnam shes kyi/ /nyer len med pa'i phyir yang grub/ /gal te dngos po thams cad ni rnam shes nus ldan yin 'dod na/ /rtswa mchog rtse na glang chen brgya/ /sngon tshe ma mthong yod do zhes/ /de skad grangs can phyugs las gzhan/ /ngo mtshar bcas pa su brjod rtsol/ /rgyu ni lan brgyar rnam phye yang/ /ngo bo gang zhig snang gyur pa'i/ /ngo bo de ni sngar mi snang/ /ji ltar de ni yod par 'gyur/ /rnam par shes pa mthun pa de dang mi mthun pa dag las/ /rnam par shes pa phyi ma mthun pa dang mi mthun par mthong ba'i phyir/ nges par de 'gyur ba'i rjes su byed pas/ rnam par shes pa'i nye bar len pa dang bral ba'i lus las rnam par shes pa mi skye ba'i phyir 'jig rten pha rol grub po/ /'dod chags la sogs pa cig char skye bar thal ba'i yang phyir ro/ /'on te yang gal te shes pa nyid las shes pa yin pa de lta na yang 'jig rten pha rol mi 'grub ste/ dngos po thams cad rnam par shes pa'i nus pa ldan pa'i phyir ro/ /de lta bu'i nus pa'i 'bras bu rtsom pa med pa ni 'jig rten pha rol ma yin no zhe na/ 'di ni grangs can pa'i rtog pa ma yin nam/ gang las rtog ge pa thams cad kyi gtsug gi nor bur bdag nyid rlom pa khyed kyi yin par 'gyur/ /de skad du brjod par rtsol ba ni/ /gang zhig lung gcig tu skyabs su gyur pa/ ngo tsha med pa'i grangs can phyugs nyid smra bar rtsol ba yin gyi/ /ngo tsha dang bcas pa ni de lta ma yin no/ /rtswa mchog rtse na sngon chad ni/ ma mthong glang chen brgya yod par/ /grangs can las ni gzhan pa yi/ /dag gi spyod yul 'gyur ma yin/ /'di ltar rgyu ni rnam brgyar rnam phye yang/ /zho spogs rnams kyi rang bzhin gang/ /de ni sngar mthong nus min na/ /de ni de la ji ltar yod/ /rang bzhin gzhan gyis gal te de/ de nyid yod ces brjod mi bya/ /rnam shes las gzhan rang bzhin ni/ /yod pas de yod ji ltar 'gyur/ /gal te ma sogs shes pa yi/ /nyer len las ni de 'dod na/ /de yi 'du byed sngon phyogs pa'i/ /yon tan rnam kun rjes 'jug 'gyur/ /'on te gal te mes po la/ /sogs pa'i 'du byed kyang 'dod na/ /ma yin kun la de ma ni/ /thag pa'i 'du byed rjes su 'jug /de'i phyir rang gi rgyud la gnas pa'i rnam par shes pa las rnam par shes pa yin pa'i phyir/ 'jig rten pha rol grub po gzhan yang/ / //snga na med par 'byung ba la/ /chags sogs nges med thal bar 'gyur/ /gal te 'jig rten pha rol med par gyur na/ de'i tshe snga na med pa'i sems can 'byung bar 'gyur ro/ /de lta yin na 'dod chags la sogs pa des pa med par 'gyur te/ 'ga' zhig 'dod chags dang bral bar yang 'gyur ro/ /gang gi tshe skye ba gzhan nas 'ongs pa de'i tshe srid pa nyid yod pa'i srog chags skye ba'i rgyu yin pa de lta na/ skye pa 'dod chags dang bral bar mi 'byung ste/ 'dod chags med par mi skye ba'i phyir ro/ /'byung ba'i bdag las ma 'das phyir/ /gal te kun chags sogs ldan na/ /'on te yang 'dod chags la sogs pa'i rgyu ni 'byung ba'i bdag nyid yin la/ de yang bral ba med pa yin no/ /des na rgyu ma tshad ba med pa'i phyir 'dod chags la sogs pa med par mi 'gyur ro zhe na/ gal te de lta yin na rgyu de nyid kyis/ thams cad 'dod chags mtshungs par 'gyur/ /gal te 'byung khyad las min na/ /'di ltar gal te 'byung ba rnams phan tshun khyad par med pa yin na ni thams cad 'dod chags mtshungs par 'gyur ba zhig na/ med pa yang ma yin te/ des na thams cad 'dod chags mtshungs pa ma yin no zhe na/ gal te de lta na/ 'byung rnams srog chags khyad med kyang/ /khyad par 'di rtan gang yin pa/ /de ni phul 'byung 'grib pa bzhin/ /de 'gyur ba las de med 'gyur/ /chags sogs des med ces gang brjod pa/ de la gzhan gyis sa la sogs pa'i 'dus pa 'dod chags dang bral ba ni yod pa nyid do/ /'on te srog chags 'ga' zhig 'dod chags dang bral bar 'gyur ro zhes bya ba yin na ni/ ma yin te/ ci ltar srog chags srog chags ma yin par mi 'gyur ba de bzhin du/ 'dod chags dang bral bar yang mi 'gyur ro/ /zhes brtsod pa yin no/ /gal te de lta na ji ltar srog chags nyid khyad par yod pa ma yin pa de bzhin du/ 'dod chags la sogs pa yang yin pa'i phyir/ thams cad 'dod chags mtshungs pa nyid du 'gyur te/ srog chags nyid bzhin no/ /yang na gal te 'ga' zhig srog chags yin la 'ga' zhig gzhan du yin pa de bzhin du 'dod chags dang ldan pa dang/ gzhan duAng 'gyur ro/ /'on te srog chags nyid ni tha dad pa med la/ 'dod chags la sogs pa tha dad pa yin na/ de'i tshe 'byung ba'i khyad par gyis rgyu gang las tha dad par 'gyur ba de bzhin du 'phel ba dang 'grib pa srid pa gtan nas med par yang 'gyur pa'i phyir/ 'dod chags dang bral bar 'gyur ro/ /gal te yang rgyu 'phel ba dang 'grib pa rgyu dang ldan pa yin pa de lta na yang/ 'dod chags la sogs pa rgyu mtshungs pa'i bdag nyid ni ldog pa ma yin no zhe na/ 'di la brjod pa/ gal te chags sogs tha dad kyang/ /rgyu mtshungs bdag nyid mi ldog na?/ /bdag nyid 'dra ba'i rgyu can gyi/ /'dod chags kun la 'dra bar 'gyur/ /gal te 'dod chags la sogs pa'i rgyu mtshungs pa nyid gang yin pa de/ mi spong ba des na mtshungs pa nyid 'dod chags kyi rgyu yin no/ /rgyu mtshungs pa yin na yang 'bras bu 'dod chags la sogs pa mtshungs pa nyid de/ rgyu 'dra ba'i bdag nyid ni 'bras bu yang 'dra ba'i bdag nyid can nyid do zhes rigs so/ /gal te rgyu mtshungs kyang 'bras bu khyad par dang ldan pa'i phyir/ mtshungs pa ma yin na ni de'i tshe de de'i 'bras bu nyid du mi 'gyur te/ rjes su 'gro ba dang ldog pa'i rjes su byed pa med pa'i phyir ro/ /de'i phyir gang la khyad par gyi rim pa yod pa de la gtan med par 'gyur ba srid pa yin te/ 'grib pa'i khyad par yod pa'i phyir/ /dkar po la sogs pa'i yon tan bzhin no/ /yang na ni mtshungs pa las mi nyams par 'gyur ro/ /de ci'i phyir zhe na/ mtshungs bdag las byung ba lang gi /shes pa 'am 'dir yang sa sogs la/ /srog sogs dag kyang khyad par gyi/ /rim par la lar yod ma yin/ /de ma yin pa'i rang bzhin las ldog pa'am gzhan la yang rung ba mtshungs pa'i bdag nyid las 'byung ba'i ba lang gi shes pa de ni ba lang ngo/ /ches shin tu yang ba yang ngo/ /zhes khyad par gyi rim pa dang ldan pa yin pa'am/ 'jig rten rgyang phan pa'i lta ba la ltos nas sa la sogs pa la srog chags dang tsher srog chags dang/ ches shin tu srog chags zhes khyad par gyi rim pa dang ldan pa ma yin no/ /de'i phyir rgyu mtshungs pa las mtshungs pa nyid du 'gyur ro/ /'grib pa yod na ni gtan chad par yang 'gyur ro/ /dro rim khyad par yod na yang/ /dro med mi 'ga' yod min pa/ /de bzhin 'dir yang zhe na min/ /dro las me gzhan bkag phyir ro/ /me la dro ba'i khyad par ni kho na yod pa'o/ /de lta na yang dro ba bdag nyid thams cad du med par 'gyur ba ni ma yin no/ /'dod chags la sogs pa yang de bzhin du thams cad du srid pa med par mi 'gyur ro zhe na ma yin te/ 'dod chags la sogs pa ni lus las tha dad pa'i phyir ro/ /'dir me ni dro ba las tha dad pa ma yin te/ dro ba nyid la me brjod pa'i phyir ro/ /gal te dro ba med na ni/ me nyid du mi 'gyur ro/ /'dod chags la sogs pa med nas la sogs pa nyid du 'gyur ba ni ma yin no/ /gal te 'byung ba'i 'dus pa gzhan chos can yin la/ dro ba de'i chos su yongs su rtog na ni/ de'i tshe thal bar 'gyur ba'i gnas skabs na dro ba de las rgyun 'chad pa nyid do/ /'on te 'bar pa chos can du brtags pa yin la/ dro ba chos yin zhing/ de ni khyad par gyi rim pa yid kyang de 'chad pa ma yin no zhes bya ba gzhan gyi lan yin na/ de yang mi rigs te/ sngags rgyud la sogs nus pa yis/ /dro ba med par 'bar bar 'gyur/ /nor bu 'bar ba dro ma dro bar/ /mthong ba de ni mi 'thad min/ /dbyer med phyir 'bar dro ba la/ /bltos te chos can nyid kyang min// mdog dang dbyibs kyi 'bar ba ni/ /med kyang dro ba yod pa'i phyir/ /chos can nyid du de mi 'thad/ /des na de ni dpe ma yin/ 'bar ba ni dro ba med par mi 'byung la/ dro ba ni 'bar ba med par mi 'byung ba ma yin no/ /des na chos can nyid du mi 'thad do/ /gtan mi 'bral ba'i 'bar ba dang de'i dro ba dag ni chos dang chos can gyi dngos po ma yin no/ /gtan tshigs ni khyad par dang bcas pa yin te/ gang zhig gzhan yod yon tan ni/ /khyad par rim pa dang ldan par/ /de dag de'i khyad par ni/ /la lar 'chad 'gyur dkar sogs bzhin/ /gang zhig gzhan du 'gyur ba'i yon tan khyad par gyis rim pa nyams su myong ba can de dag ni la lar 'chad pa ma yin te/ dper na snam bu la sogs pa la dkar po la sogs pa bzhin no/ /gang gis yod pa gzhan de la dkar po la sogs par 'chad par 'gyur ba dkar po la sogs pa rang bzhin las tha dad pa'i snam bu la sogs pa gzhan gang yod ce na/ de ni bden te 'on kyang snam bu la sogs pa ni reg bya'i rang bzhin yin gyi/ kha dog gi khyad par gyi rang bzhin no ma yin te/ de med kyang snam bu yod pa'i phyir ro/ /des na gzhan gyi zhes bya ba'i don ni 'di yin te/ gang zhig rgyan gyis 'jug pa la/ /'ched? pa'i chos dang skye ba'i chos gang yin pa de na de gtan chad pa'i chos so yang 'gyur te/ dper na dkar po la sogs pa bzhin no zhes bya ba ni dag gi don to/ yang na me nyid rjes su 'jug pa na dro ba khyad par gyi rim pa yod kyang 'byung ba dang bral ba ma yin pa de bzhin du/ 'dod chags la sogs pa ni ma yin te/ 'chad pa srid pa'i phyir ro/ /nus pa mi 'chad do zhe na/ ma yin te/ nus pa'i don gzhan yin pa'i phyir ro/ /'dod chags la sogs pa nyid ni nus pa ma yin nam/ nus pa yang la lar 'chad pa ma mthong ba'i phyir ro/ /de nyid kyi phyir bshad pa/ gzugs sogs bzhin du nges min pa'i? dag 'byung dang dbyer med phyir gal te de mtshungs zhe na min/ /chags sogs lhan cig skyo thal phyir 'dod chags la sogs pa ni gzugs dang ro la sogs pa ltar 'byung ba dag dbyer med pa ma yin te/ de med kyang 'byung ba rnams ngang pa'i phyir ro/ /gzugs dang ro la sogs pa med par ni ma yin no/ /'on te der yang de lta bu nyid do zhe na/ de yang mi bden te/ 'dod chags la sogs pa rnams lus dang lhan cig skye bar thal ba'i phyir ro/ /'dod chags la sogs pa ni lus dang thams cad kyi tshe lhan cig 'byung ba yang ma yin na/ /'byung ba chen po tsam de kho nar smra pa rnams kyi gzugs la sogs pa 'byung ba dag las tha dad pa yang ma yin te/ de kho na mdo? par? thal ba'i phyir ro/ /des na rnam par dbyer med pa ni lhan cig skye ba yin no/ /gal te yul gyi rgyu can yin pa'i phyir/ yul nye bar gnas pa med na res 'ga' med par yang 'gyur ro zhe na/ de ni ma yin te/ rnam par brtags pa'i yul yin phyir/ /yul yang nges byed ma yin no/ /skal mnyam rgyu dang bral ba'i phyir/ /chags sogs nges pa med pa'am/ /rgyu ni nye phyir blo rnams kun/ /thams cad tshe na skye bar 'gyur/ /'dod chags la sogs pa'i rgyu ni yul gyi rjes su 'gro ba dang ldog pa'i rjes su byed pa dang 'brel ba ma yin te/ de med par 'byung ba nyams su myong ba'i phyir ro/ /skal pa mnyam pa'i rgyu yang mi 'dod de/ des na 'dod chags la sogs pa nges pa'i phyir res 'ga' mi skye bar mi 'gyur ro/ /des na nges pa med pas lus 'dod chags la sogs pa re re dang lhan cig 'byung bar 'gyur ro/ /yang na 'dod chags la sogs pa thams cad lus dang lhan cig 'byung bar 'gyur te/ thams cad kyi rgyu lus nye bar gnas pa'i phyir ro/ /'on te gang gi 'dod chags la sogs pa lhan cig mi 'byung ba de 'dra ba de ni lus kyi yongs su gyur pa'i khyad par nyid yin no zhe na/ gal te de lta na/ gang gis de dag de ltar 'gyur ba de'i yongs su 'gyur ba'i khyad par de 'dra ba de dag las yin/ /gang yang rung ba las zhe na/ kun tshe 'byung bar yang mi 'gyur/ /gal te de ltar ma mthong zhe/ /'ga' yang rgyu dang bcas mi 'gyur me med par yang du bar 'gyur/ /kun las ci yi phyir mi 'gyur/ /de la rnam 'gyur 'ga' zhig ces/ /de ltar brjod par nus pa yin/ /dngos po rgyu med pa la yang/ /yul la sogs pa nges par 'gyur/ /nges pa med pa ma mthong zhes/ /deng yang brjod par nus ma yin/ /gal te rnam pa thams cad du/ /mthong ba tsam la rten byed na/ /mthong ba gnyis med nyid yin pas/ /'dir ni tha snyad 'jig par 'gyur/ /gal te tha snyad dor bar ni/ /mi nus par ni rtog byed na/ 'jig rten pha rol la sogs pa/ /'di yang gzhan du ji ltar 'gyur/ /ji ltar rjes su dpag pa yis/ /tha snyad thams cad byed 'gyur pa/ /de bzhin 'jig rten pha rol yang/ /'di ni ji ltar 'dor bar byed/ /tha dad shes dang don dag dang/ /sngon po la sogs byas pa 'am/ /snga dang phyi ma'i ngo bo ni/ /mngon sum gyis ni rab grub med/ /des na tha snyad dbye ba ni/ /thams cad rjes su dpag pas byas/ /des na rjes dpag spangs nas ni/ 'ga' yang 'tsho bar nus ma yin/ /de'i phyir gang dag mthong ba'i don spangs nas/ /ma mthong gzhan ni rtog byed pa/ rmongs pa zan gong spangs nas ni/ /lag stong ldag byed ci bzhin no/ /zhes bya ba de gsal ba yin te/ blang dang dor bya'i khyad pa ni/ /rnam dbye mngon sum las ma yin/ /'di ni spang bya min no zhes/ /'di ni mngon sum tsam gyis min/ /blang bya nyid ni yod pa yang/ /dor bya nyid ni bkag las yin/ /blang bya nyid du bzhag pa ni/ /dor bya las ni ldog phyir ro/ /rtogs byed don du gnyer rnams kyi/ /blang bya rtag tu don bya yin/ /de ni mngon sum gyis mi mthong/ /de las 'jug par 'dod pa rnams/ /des na blang bya'i dngos po ni/ /mngon sum gyi ni rig ma yin/ /mngon sum 'byung 'gyur don byed ni/ /rig min bzlas pa yang ma yin/ /spang bya dbang po las 'das phyir/ /spang bya dgag pa'ang ga la yod/ /dngos po 'di ni med do zhes/ /rtogs 'di mngon sum las ma yin/ /blang dang dor bya rtogs pa yi// mngon sum gnyi ga yod ma yin/ /'dir yang sngar gyi rigs pa ni/ /slar la bzlog na 'jug pa yin/ /gal te shin tu goms pa yi/ /mngon sum las kun rtogs zhe na/ /ma rtogs pa la goms pa med/ /des na phan tshun rten pa yin/ /ji srid mngon sum med par ni/ /goms pa las ni rtogs ma yin/ /ji srid rtogs med ma goms la/ /mngon sum skye bar 'gyur ma yin/ /gal te mngon sum 'dir tshad yin na ni/ /blang dang cig shos rnam 'byed med par 'gyur/ /des na rang gi rang bzhin tsam rig ste/ gnyis med de nyid tu ni thal bar 'gyur/ /rjes su dpag pa la brten nas/ /blang bya la sogs rnam 'byed nyid/ /des na tha snyad rtogs pas na/ /gzhan yang yongs su tshol mi byed/ /'on te gnyis med la brten nas/ /'jig rten pha rol spong byed na/ /'di yang byos shig de tsam gyis/ /'di ni rnam par gnas ma yin/ /'jig rten 'di yang yod min te/ /des na med pa pa yang med/ /de lta yin na thams cad ni/ /spangs phyir sems ni grol ba nyid/ /'on te 'jig rten 'di la gang// byas pa 'di ni rmongs pa ste/ /'di yang zad 'dod su zhig ni/ /rmongs pa gzhan ni 'dod par byed/ /rmongs pa 'di nyid ga las yin/ /gal te thog mdza' med grub na/ /de nyid 'jig rten pha rol te/ /mang du smra ba gzhan don med/ /'on te 'di rgyu med nyid na/ thams cad rgyu med nyid du 'gyur/ /de lta yin na med pa pa/ /khyod kyis smras pa don med 'gyur/ /gal te 'gar yang smras pa 'di/ /nyer mkho min na spyi don nyid/ /'on te 'di la don 'ga' yod/ /'di de nyid kyi rgyur 'gyur ro/ /'on te gzhan gyis gzhan la ni/ /'di ltar brgal zhing brtags byed na/ /gal te 'ga' yi rgyu min na/ /de byas pas kyang don ci yod/ /gal te 'di ni mi rig pas/ /byas nyid su yi lan zhe na/ /gal te ma rig chad min na/ /gzhan gyis bshad pa don med nyid/ / 'on te ma rig chad na yang/ /gzhan gyis brjod pa don med nyid/ /ma rig rgyu dang ldan nyid na'ang/ /thog med ma rig rtogs par 'gyur/ /de lta yin dang 'khor ba ni/ /rtsod pa med par grub pa nyid/ /ma rig rnam rtogs las gzhan med/ /de yang rnam rtog snga pa las/ /des ni rnam par rtog pa 'di/ /thogs med rgyun 'brel grub pa nyid/ /de'i phyir bde ba la sogs pa ni thog ma med pa'i bag chags yongs su smin pas byas pa tsam yin gyi/ don dam par ni ma yin no/ /des na don dam par ni thams cad sdug bsngal ba nyid do/ /sdug bsngal de yang/ de ni res 'ga' dmigs pa'i phyir/ /mi rtag nyes pa'i rten phyir dang/ /rgyu dbang phyir yang sdug bsngal yin/ /bdag min byin gyis brlabs pa'ang min/ /rgyu min phyin gyis rlob pa min/ /rtag pa'ang ji ltar skyed byed yin/ /de phyir cig las du ma ni/ /dus tha dad pa skye mi 'gyur/ /mi rtag pa nyid dang/ sdug bsngal ba nyid dang/ stong pa nyid dang/ bdag med pa nyid ces bya ba sdug bsngal gyi bden pa'i rnam pa bzhi'o/ de res 'ga' dmigs par bya ba nyid kyis mi rtag pa yin no/ /rtag pa rtag tu mi dmigs par bya ba'i rang bzhin ni res 'ga' dmigs par mi 'thad de/ dmigs par bya ba dang cig shos kyi rang bzhin dag phan tshun spangs te gnas pa nyid kyis 'gal ba'i phyir ro/ /dmigs par bya ba nyid ni yod pa yin no/ /zhes pa bstan pa'i phyir ro/ /thams cad tshe thams cad dmigs par nus pa ni ma yin te/ mi rtag pa ni rim gyis dmigs pa yin pa'i phyir ro/ /gcig la ni rim pa srid pa ma yin te/ rim pa dang ldan pa cig shos nyid du mi snang ba'i phyir te mngon sum mi 'jug pa'i phyir ro/ /de med na rjes su dpag pa med pa'i phyir te/ mngon sum sngon du 'gro ba can yin pa'i phyir ro/ /rjes su dpag pa sngon du 'gro ba can yin na ni/ long ba brgyad par thal ba'i phyir ro/ /de'i phyir 'du byed kyi phung po rnams ni mi rtag pa nyid do/ /sdug bsngal ba nyid ni 'dod chags la sogs pa nyes pa rnams kyi rten yin pa'i phyir dang/ rgyu'i stobs kyi phyir te/ rgyu dang 'brel ba'i phyir yang sdug bsngal ba yin te/ gzhan dbang thams cad sdug bsngal yin zhes bya ba'i tshul gyis so/ /yang gi sgras ni goms pa tsam la brten pa'i phyir ro zhes rtogs par bya'o/ /bdag gi rang bzhin ma yin la bdag gis byin gyis brlabs pa yang ma yin te/ rgyu ma yin pa ni byin gyis rlob par byed pa nyid du mi 'thad pa'i phyir ro/ byin gyis rlob par byed pa ni gdon mi za bar phan 'dogs pa dang bcas par 'gyur dgos so/ /phan 'dogs pa'i rgyu nyid yin pa'i phyir ro/ /gal te phung po rnams bdag gi rang bzhin yin na/ rtag pa nyid du 'gyur ro/ /skyed par byed pa ma yin pa yang dngos po nyid ma yin te/ dmigs pa mi nus pa'i phyir ro/ /shes pa dus tha dad pa du ma ni/ rtag pa nyid kyis gcig las skye ba ma yin no/ /bdag gis byin gyis brlabs pa can du ni dmigs pa yang ma yin no/ /phung po rnams kyi rang bzhin dmigs pa gang yin pa de ni/ mi brtan pa nyid do/ /gal te byin gyis ma brlabs pa'i rgyu dag ji ltar rang gi 'bras bu la 'jug ste/ de'i phyir byin gyis brlabs par rjes su dpag go zhe na/ ma yin te/ mi rtag pa'i sems pa byin gyis brlab pa tsam gyis rtogs pa'i phyir ro/ /sems pa yang thogs pa med pa can du bstan zin to/ /des na rgyu gzhan dag na tshogs na yang/ /'bras bu skye ba med pa'i phyir/ /rgyu gzhan rjes su dpog 'gyur na/ /de ni rtag rnams la yod min/ /gal te rgyu gzhan 'dus pa yin yang/ 'bras bu skyed par byed pa ma yin na de'i tshe gang la tshang bas 'bras bu skye bar mi 'gyur ba'i rgyu gzhan yang yod pa ma yin na/ de ltar ni ma yin te/ mtshungs pa de ma thag pa'i rkyon rung ba'i khyad par tsam gyis 'grub pa'i phyir ro/ /gang gis de med par rtogs par 'gyur ba rtag pa dang khyab pa dag ni nam yang 'gar yang yod pa ma yin no/ /rjes su 'gro ba tsam gyis skyed par byed pa yin na ni/ /nam mkha' la sogs pa thams cad byin gyis rlob par byed par 'gyur ro/ /de dag yod pa yin yang rgyu rnams rang gi 'bras bu la 'jug pa'i phyir de/ de dag kyang rtag pa dang khyab pa nyid du mtshungs pa'i phyir ro/ /de dag ni byin gyis rlob par byed pa po nyid ma yin pa'i phyir ro zhe na/ khyab pa dang rtag pa nyid kyi phyir de nyid mi 'grub pa'o/ /rtag par khyab pa ma yin yang/ /thams cad du ni rgyu nyid 'gyur/ /nye ba nyid kyi rgyu min te/ /ring ba yin yang rgyur mthong ngo/ /sgra sogs yul ni thag ring yang/ /rang 'bras sgrub par byed pa yin/ /de'i phyir rjes 'gro tsam gyis ni/ /thams cad rgyu nyid yin par 'gyur/ /res 'ga' pa nyid yin pas na/ /sdug bsngal 'di rgyu bcas nyid 'grub/ /rgyu med gzhan la mi ltos phyir/ /rtag tu yod pa 'am med par 'gyur/ /kun 'byung ba yi bden pa la'ang/ /rnam pa bzhi nyid do/ /rgyu nyid pa dang kun 'byung ba dang/ rab tu skye ba nyid dang rkyen nyid do/ /de rgyu ni rgyu ma yin spangs pas so/ /kun 'byung ba ni rgyu cig nyid spangs pas so/ /rab tu skye ba ni mi nus pa spangs pa ste/ 'di las rab tu 'byung bas na rab tu skye ba'o/ /skyen ni gtso bo spangs pas so/ /de la sdug bsngal gyi ni rgyu yod ces/ /dang por nyid du bstan pa nyid/ /gzhan ni res 'ga' ba min te/ /rgyu ldan la ni mthong ba yin/ /rgyu med pa'i dngos po ni/ yod pa 'am yang na gzhan nyid 'gyur/ /ci lta ci ltar rgyu mang la/ /de ltar rtag par 'gyur pa yin/ /rab rib can zhes sgra la sogs/ /yul med par yang skye ba'i phyir/ /rang rig pas ni rtogs bya ba/ /chos kyi dbyings ni rgyu med can/ /res 'ga' ba min mtshan nyid can/ /rtag pa nyid du dmigs pa yin/ /mo sham bu sogs rgyu yin/ /bdag nyid med phyir rtag tu med/ 'dir brtsad pa/ ji ltar tsher ma la sogs kyi/ /rno ba nyid sogs rgyu med pa/ /de ltar 'di dag rgyu med 'gyur/ /zhes ni kha cig rab tu brjod/ /rgyu med par smra ba dag go /rang bzhin nyid kyis 'byung ba chen po'i ngo bo nyid ni byed pa ma yin te/ yul dang dus dang gnas skabs kyi khyad par dang ldan pa nyid kyis na khyad par nyid byed pa yin no/ /de la khyad par dag kyang rgyu med can du dmigs so/ /'phang mdung dang khab dang mdung dang thur ma la sogs pa rnams kyi lcags la sogs pa'i rang bzhin nyid ni/ mgar ba la sogs pas byed pa ma yin te/ rno ba nyid byed pa'i yul yin no/ /lcags la sogs pa la yang sa la sogs pa'i rang bzhin nyid ni/ /gzhan gyis byed pa ma yin te/ lcags la sogs pa'i rang bzhin du byed pa'i phyir ro/ /mgar ba la sogs pa med kyang/ tsher ma la sogs pa la rno ba mthong bas/ de med kyang yod pa'i phyir ro/ /rgyu nges pa med pa can 'di nyid rgyu med pa can yin no/ /de bzhin du 'gro ba sna tshogs su phyed pa'i khyad par gzhan yang rgyu med pa nyid du 'gyur te/ 'di la 'gal ba ci yod ce na/ de yang ma yin te/ gang yod nyid na'ang gang skye ba 'am/ gang 'gyur na yang rnam 'gyur ba/ /de ni de rgyur rab tu brjod/ /de ni de rnams la yang yod// 'di la bsam pa ni/ gal te khyad par nyid bskyed par bya ba yin na/ de dag ni rgyu med pa nyid ma yin no/ /rgya shug gi tsher ma'i rno ba dang 'khyog pa ni rgya shug gi sa bon med par yod pa ma yin no/ /de'i rjes su 'gro ba dang ldog pa'i rjes su byed pa'i phyir de'i 'bras bu yin pas rgyu med pa ma yin no/ /'on kyang mgar bas kyang byed pa des na/ 'khrul pas de skad brjod do zhe na/ de yang ji lta ba bzhin ma yin te/ blo sngon byed pa dmigs pa'i phyir/ /blo ldan rgyu yin de lta na/ /dbang phyug byed pa po de'i phyir// rgya shug gi ni tsher ma la sogs pa dpe de nyid la ni rgyu med par ni 'gyur ma yin/ /khyad par rtog phyir min zhe na/ /khyad par yod mod rgyu bcas nyid/ /'ga' zhig rgya shug sa bon las/ /gzhan ni mgar ba la sogs las/ /gal te khyad par mtshon med na/ /khyad par med pa kho nar zad/ /gang phyir mthong ba tsam gyis ni/ /khyad par yongs su 'dzin ma yin/ /gnyis med de nyid rgyu yin te/ /de nyid rgyu med yin par 'gyur/ /de phyir gang las khyad par yod/ /de nyid las ni rgyu bcas yin/ /'di ltar rgyu dang bral ba yi/ /khyad par nyid ni rab grub med/ /de phyir gal te tha dad pa'am gal te phyi'i don nyid yin na rnam pa thams cad du rgyu dang bcas pa yin la/ de lta ma yin na ni bzlog pa nyid do/ /gal te gang yod pa nyid na gang skye ba de rgyu yin na/ reg pa yang mthong ba'i rgyu yin par thal te reg pa med par med pa'i phyir ro zhe na/ de ni ma yin te/ tshogs pa gcig la rag las phyir/ /gzugs dang reg bya phan tshun du/ /rnam par dbye ba med des na/ /reg pa med par mthong ba min/ /der ni reg pa med par gzugs nyid mi 'byung ba yin no/ /gal te gzugs yod na ni mthong ba rgyur 'gyur ba kho na'o/ /rnam pa 'di lta bu'i ldog pa las ni rgyur 'gyur ba ma yin te/ 'on kyang gal te gzugs nye bar bstan nas reg pa med na mthong ba med par bstan pa yin na 'gyur ro/ /yang na/ reg pa gzugs rgyu nyid yin phyir// mthong ba la ni rgyu mtshan yin/ /phan tshun mi 'bral ba nyid kyis dus mtshungs pa dag kyang/ rgyu nyid yin pa'i phyir ram/ gzugs kyi brten pa'i rang bzhin gyi rgyu 'byung ba'i rang bzhin gyis reg pa nyid de nges na/ brgyud nas reg pa mthong ba'i rgyu yin pa'i phyir/ gtan tshigs mi mthun pa'i phyogs la 'jug? pa ma yin pas 'khrul pa med pa nyid do/ /de ltar na re shig rgyu ma yin pa nyid bkag pa'i phyir rgyu nyid ces bya ba'i rnam pa gcig rnam par gnas pa yin no/ /kun 'byung ba nyid ces bya ba'i rnam pa gnyis pa bshad pa ni rtag rnams bkag phyir dbang phyug la/ sogs pa dag kyang srid min te/ /de'i phyir sdug bsngal rgyu dang bcas pa yin yang/ de las rtag pa gcig pu'i rgyu bkag pas kun 'byung gi rnam pa nyid du gdon mi za ba yin no/ /gal te rgyu gcig yin na rtag pa nyid du 'gyur te/ rtag pa ni rtos pa med pas khyad par du byed med pa'i phyir ro/ /gtso bo la sogs pa rtag pa de rnams kyang sngar bkag? zin to/ /de ga las zhe na/ nus pa med pa'i phyir ro/ /rim dang gcig car dag gis don/ /byed nus pa dang bral ba'i phyir rnam pa gsum pa rab tu skye ba nyid ma yin no/ /rnam pa 'di ni srid pa nyid kyi yin no/ /de nyid brjod pa ni/ nus med phyir ro de yi phyir/ /srid 'dod rgyu yin gang gi phyir/ /mi rnams yul gyi khyad par ni/ /yongs 'dzin de thob bsam pas byas/ /rgyu gzhan nam las ni rab tu skye ba gzhan nyid ma yin no/ /las ma lus sam ma rig pa 'am rab tu skye ba ma yin te/ nus pa'i rgyu zhes bya ba'i ming gzhan dang ldan pa'i sred pa med ni skye ba med pa'i phyir ro/ /sred pa ni rab tu skye ba nyid tu thob pa yin te/ 'di ltar yongs su 'dzin pa dang kun tu 'dzin pa'i ming gi rnam grangs pa can ni/ de thob pa'i sred pas byas pa yin la/ yongs su 'dzin pa de yang skye ba rjes su 'grel ba yin no/ /des na 'di'i rab tu skye ba ni srid pa yin no/ /srid 'dod ni ma 'ongs pa'i skye ba'i don tu gnyer ba'i rnam pa'o/ /gal te yul gyi khyad par don du gnyer ba la sogs pa ni kun 'byung ma yin te/ /'di ltar bcom ldan 'das kyis/ de la kun 'byung 'phags pa'i bden pa gang zhe na/ gang 'di srid pa kun 'byung ba can dga' ba'i 'dod chags dang ldan pa/ de dang der mngon par dga' ba can te/ 'di lta ste/ 'dod pa'i sred pa dang/ srid pa'i sred pa dang 'jig pa'i sred pa zhes gsungs pa yin no zhe na/ 'di ni 'gal ba med de/ de ni sred 'dod gang phyir yang/ /srog chags bde sdug thob pa dang/ /'dor 'dod 'jug pa de dag ni/ /'dod dang 'jig sred yin par 'dod/ /gang 'di gnas dang longs spyod la sogs pa la sred pa de ni srid pa'i 'dod pas/ 'khor ba'i srid pa dga' ba'i 'dod chags dang ldan pa de? dang der mngon par dga' ba can no/ /de thams cad nyid ni 'dod pa'i sred pa dang srid pa'i sred pa dang/ 'jig pa'i sred pa yin no/ /gang zhig nas la sogs pa la sred pa de ni srid pa'i srid pa ste/ srid pa'i 'dod pa'o/ bde ba don du gnyer ba'i rnam pa gang yin pa de ni 'dod pa'i sred pa'o/ /sdug bsngal dang bral bar 'dod pa de ni 'jig pa'i sred pa yin no/ /des na 'gal ba med pa nyid do/ /kun 'byung gi bden pa bstan pa lung dang 'gal ba 'ga' med do/ /bdag tu chags pa'i rgyu nyid las/ /bde min bde bar 'du shes pa/ /kun la rab tu 'jug 'gyur ba/ /de phyir sred pa srid rten yin/ /dar 'dzin pa'i gzhi yin pa'i phyir/ gcig tu sgro btags pa'i sems ni bdag go /de la chags pa de ni thams cad la rab tu 'jug pa'i rgyu yin te/ gnas dang longs spyod la sogs pa/ don dam par bde ba dang bral bas na/ bde ba ma yin pa la phyin ci log pa zhis nyams pa dag 'jug pa'i phyir ro/ /de'i phyir srid pa'i rten yin no/ /snying rje ldan pa ma rtogs pa/ /sred pa med pa gang du yang/ /'jug dang rjes 'brel can ma yin/ /de ni 'khor ba'i rgyu ma yin/ /de nyid kyi phyir/ sred pa ni 'jug pa la lhan cig byed pa yin pa'i phyir/ rkyen tsam yin gyi/ nye bar len pa nyid ni ma yin te/ de la nye bar len pa ni sems yin no/ /de'i rkyen ni res 'ga' srid pa yin la/ res 'ga' ni snying rje yin na/ /'dis rkyen nyid ces bya ba'i rnam pa bshad pa yin no/ /gal te rkyen nyid kyang/ sred pa ni rkyen ma yin te/ 'on kyang lus yin no/ /des na lus dang 'brel ba ni 'dod chags dang bral ba ma yin no// 'di nyid ston pa ni/ chags bral skye ba ma mthong phyir/ /zhes ni slob dpon rnams kyis gsungs/ /lus med chags pa ma mthong phyir/ /lus las kyang ni 'dod chags 'gyur/ /ji ltar 'dod chags dang bral ba skye ba ma mthong ba'i phyir/ 'dod chags skye ba rgyu yin par? bzhin du/ rigs pa 'di nyid las lus 'dod chags la sogs pa'i rgyur 'gyur te/ lus med par chags pa ma mthong ba'i phyir ro zhe na/ 'di bshad pa/ 'dod chags med kyang snying rje'i dbang gis skye bar 'gyur ba yin no/ /de'i mngon par dga' ba'i yul nyid ni sred pas byas pa yin pa'i phyir/ khyad par gyi rgyu yin pas na/ sred pa ni rkyen tsam yin no/ /de bzhin du gal te lus kyang 'dod chags la sogs pa'i rkyen tsam yin la/ tshul bzhin ma yin pa yid la byed pa nyid nye bar len pa'i rgyu yin na ni/ de'i tshe 'dod pa nyid sgrub pa yin no/ /zhes ston pa ni/ rgyu mtshan khas blangs phyir na 'dod/ /nyer len nyid ni bsal ba yin/ /rigs 'di rjes su 'dod na ni/ /rang nyid rang 'dod la gnod 'gyur/ tshul bzhin ma yin pa yid la byed pa'i rjes su 'brel pa'i lus kyang 'dod chags kyi rgyur 'dod pa nyid do/ /de ni yul bzhin du res 'ga' bag chags sad pa'i rgyu yin no/ /rig pa 'dis ni lus kyang 'dod chags kyi rgyu can nyid du sgrub bar byed do/ /des na phan tshun rgyu yin pa'i phyir/ de lta bu tshogs pa thog ma med pa las skye ba rab tu 'byung bas/ skye ba gzhan rab tu 'grub pa'i phyir/ tshu rol mdzes pa pas dpyad pa mes tshig pa yin no/ /gal te yon tan dang bcas pa'i rdzas nyid skye ba ma yin nam/ des na 'di gnyis ni phan tshun rgyu ma yin no/ /gal te skye la chags mthong phyir/ /skye dang lhan cig 'byung zhe na/ /skal mnyam skye las sngar grub yin/ /srid pa mi shes rgyu yin yang/ /ma brjod sred pa 'dir bshad pa// rgyun ni 'phen byed pa yi phyir/ /gal te 'dod chags la sogs pa skye ba dang lhan cig 'byung ba'i phyir/ 'dod chags la sogs pa lus kyi rgyu ma yin na/ de'i tshe lus kyang 'dod chags la sogs pa'i ma yin no/ /rgyu med pa nyid kyang ma yin pa'i phyir/ 'dod chags la sogs pa rigs mthun pa'i rgyus bskyed pa'i phyir mngon par 'dod pa 'grub bo/ /gal te srid pa gcig tu ni/ /rgyu ma yin pa yin nam/ ma rig pa dang sred pa dang las gsum rgyu yin pa'i phyir de dang der mngon par dga' ba can gyi sred pa nyid kun 'byung ba'i bden par bstan pa ci ltar zhe na/ de na med de rgyu nyid yin yang de ma thag pa'i rgyu ma yin no/ /sred pa nyid rab tu mchod pas rgyu yin te/ 'khor bar rgyur bskul bar byed pa yang yin pa'i phyir ro/ /gti mug dang las dag ni yod kyang srid pa med pa 'gar yang 'jug par byed pa ma yin te/ phyin ci log yod kyang/ sred pa med na 'du byed la 'jug pa ma yin te/ de nyid kyi phyir bshad pa/ de ma thag pa nyid kyang min/ de yod pa ni med phyir ro/ /sred pa med na ni las kyis sbyar ba'i rgyal srid la sogs pa yang 'dor bar byed do/ /gal te blo las kyi rjes su 'gro ba'i phyir/ 'dor ba ma yin nam/ gang gis thob par 'dod par byed pa de'i las nyid de 'dra ba yin no/ /'on te thar pa'i bdag nyid rnams la skye ba med pa'i phyir ro zhes brjod na/ de dag kyang las zad pa nyid kyis thar pa yin te/ de lta ma yin na med pa'i phyir ro zhe na/ 'dir smras pa/ gal te las 'di zad pa ste/ srid pa dang ni rnam bral na/ /sred pa gtso bo'i rgyu yin zhes/ /'di nyid 'dir ni rigs par ldan/ /'on te 'di la srid yin na/ /las zad pa ni med pa nyid/ /srid bcas de las gzhan pa dang/ gzhan pa'i las ni yang 'gyur ro/ /de ltar na re zhig kun 'byung gi mtshan nyid/ 'phags pa'i bden pa rnam bzhir bshad pa yin no/ /de ni sdug bsngal de 'gog pa srid pa yin no zhes 'gog pa'i bden pa'i rnam pa bzhi 'chad de/ de ni gtan du ba min te/ rgyu la gags sogs srid phyir ro/ /'khor phyir thar pa med ce na/ /ma yin 'dod dang ma grub phyir/ /'gog pa nyid dang/ zhi ba nyid dang/ gya nom pa nyid dang nges par 'byung ba nyid de/ rnam pa bzhi'o/ /'gog pa nyid med do zhes smra ba la/ 'gog pa nyid do zhes brjod do/ /grol ba rnams kyang 'dod chags la sogs pa dang ldan pa dang pha rol pos khas blangs pa de bkag pas na zhi ba nyid do/ /de las kyang mchog tu gyur pa'i thar pa yod do zhes bya ba spangs pas na gya nom pa zhes bya ba'i rnam pa yin no/ /thar pa yang slar thar pa ma yin pa ma yin par 'gyur ro zhes bya ba de bsal na nges par 'byung ba nyid ces bya ba nyid rnam pa bzhi pa yin no/ /de la rnam pa dang po ni/ de ni gtan du ba min te/ gtan du ni 'gyur ba ma yin te/ 'gog pa yang yin no/ /'khor ba ba yin pa'i phyir thar ba ma yin pa ni nyes pa yang ma yin te 'dod pa'i phyir ro/ /thar pa ni 'ga' yang yod pa ma yin no/ /'ga' zhig bcings pa de ni thar pa yod pa ma yin te/ de'i rang bzhin yin pa'i phyir/ thar pa la yang bcings pa med de/ de ni rtag tu thar pa'i rang bzhin yin pa'i phyir ro/ /'on kyang sems kyi rgyun ma dag par 'gyur ba tshogs pa'i khyad par las dag pa'i cha gzhan skye ba 'ba' zhig go / de la phyi ma dag pa'i cha ni 'khor ba nyid du ma grub bo/ /don dam par ni 'khor ba pa 'ga' yang yod pa ma yin te/ skad cig rnams 'khor ba ma yin pa'i phyir dang/ rgyun kyang don dam par med pa'i phyir ro/ /des na 'khor ba'i phyir zhes bya ba'i gtan tshigs ni ma grub bo/ /gang la thar pa yod pa'i thar pa po yang med do/ /gal te bcings pa thar min na/ gzhan bcings gzhan ni grol 'gyur te/ gzhan ni bkres dang gzhan drangs dang/ /gzhan gyis bso ba'i sdug bsngal myong/ /gzhan ni nad las thar bar 'gyur/ /gzhan ni dka' thub kyis gdungs la/ /gzhan ni mtho ris bde ba myong/ /gzhan ni bstan bcos sbyong bas ngal/ /gzhan ni bstan bcos rtogs te tshe'i/ /rtog ldan rgyu sbyor ci zhig dgos/ /'di la lan du 'di ltar/ ji srid bdag cag ma bcom zhing/ /de yi yongs su gdung gyur pa/ /de srid sdug bsngal sgro btags nas/ /rang bzhin du ni gnas pa med/ /grol ba po ni med na yang/ /log par sgro 'dogs gzhom phyir bston/ /'dod chags bral ba'i gnas pa ni/ /brtse ba 'am yang na las dag gis/ /'di la bsam pa ni/ gal te re zhig 'dir kho na mthong ba la brjod na ni/ de'i tshe grub pa sgrub pa nyid do/ /de dag ni 'ga' zhig tu 'jug pa nyam rtsol ba byed pa ma yin no/ /chos nyid spang bar bya ba na/ zhes gsungs pa'i phyir ro/ /'on te nged lta bu yin la/ de'i tshe gcig tu mngon par bzlog pa'i phyir/ bcings pa de nyid grol ba yin pas de dag gi gcig pa nyid do/ /dngos po don dam par yod do zhes te/ de tsam gyis ni de ltar tha snyad byed pa ma yin te/ tha snyad ni rtog pa la ltos ba yin pa'i phyir ro/ /'di ltar don dam par na sbrul ni spang bar bya ba'i yul ma yin te/ 'on kyang sbrul nyid du lhag par mos pa yul yin no/ /'on te gal te kun rdzob tu gcig nyid yin pa lta bu na/ yang kun rdzob tu tha snyad yod par 'gyur mod don dam par ni gcig med pa'i phyir ji ltar don dam pa'i tha snyad du 'gyur zhe na/ de ni ma yin te/ ci ltar gcig nyid kun rdzob pa/ /tha snyad kyang ni kun rdzob nyid/ /ji ltar de nyid du gcig med/ /tha snyad kyi ni dngos med yin/ /rang gi ngo bo las gzhan pa/ /'bad pa'ang la lar yod ma yin/ /rgyu dang 'bras bu'i dngos po ni/ /rtsod ba'i skabs 'byed byed pa min/ /ci phyir 'di las 'bras 'di zhes/ /bya ni mkhas pa'i tshul ma yin/ /de ltar rtog pa dang ldan pa/ /'gar yang 'jug dang rtog pa min/ /sngon dang phyi mar dmigs pa ni/ /tshad mas rab tu rig med phyir/ /skad cig tsam la 'gar yang ni/ /'jug pa srid pa nyid ma yin/ /des na rtsol ba 'ga' yang ni/ /yod min de phyir nor pa nyid do/ /khas blangs nas kyang brjod pa ni/ /'dod chags bral pa'i gnas pa ni zhes bya ba la sogs pa'o/ /dam pa'i don rtogs 'gyur ba na/ /gal te 'jug pa med nyid na/ /chags bral spyod par mi 'gyur te/ /snga phyi rnam dbye la brten nas/ /spyod pa chags bral la med 'gyur/ /spyod pa shes pa rtogs na yang/ /snying rje yis ni 'jug pa yin/ /ji ltar rgyal po skyes bu la/ /phan byed la brgyud rang brtson bzhin/ /smon lam gtso bor byed pas na/ /de yi 'bras bu smon lam gyi/ /las kyi mthu las skyes pa yin/ /'di la brgol ba ci zhig yod/ /de phyir rnam pa lta bu'i ldog pa sgro btags pa spang ba'i phyir brtson pa yin te/ de lta ma yin na/ rmongs pa'i sdug bsngal myong bas spangs par mi 'gyur ro/ /gal te las kyi gnas pa yin na/ 'o na skye ba gzhan gyi las kyang yod pa'i phyir skye ba gzhan dang 'brel par 'gyur ro/ /'on te dgra bcom pa las la nus pa med na/ gnas par yang mi 'gyur ro zhe na/ 'di la bshad pa/ 'phangs la ldog med 'dod phyir ro/ /srid pa'i sred las rnam brgal ba'i/ /las gzhan 'phen nus ma yin te/ /lhan cig byed pa zad pa'i phyir/ /'phangs pa ni rtsol ba med pa bzlog par nus pa ma yin no/ /rtsol ba yang 'dod chags dang bral bas spangs par 'gyur te/ btang snyoms pa nyid kyis de ni 'ga' la yang re ba mi 'cha' ba' i phyir ro/ /re ba med pa de nyid kyi phyir/ skye ba gzhan 'grub pa ma yin no/ /de'i phyir lhan cig byed pa sred pa'i mtshan nyid med pa'i phyir sngon gyi sred pas bskyed pa'i skye ba de gcig 'ba' shig tu zad de/ /gzhan ni med do zhes gnas so/ /gal te brtse ba ni sdug bsngal las skyab par bya ba'i phyir/ sems can la 'gyur gyi/ gzhan lam yin pa ma yin nam/ bdag tu lta ba spangs pa'i phyir ni sems can 'ga' yang med la/ sems can du blta ba yang med pa yin no/ /des na brtse ba'i phyir nas sems can du lta ba ma spangs par 'gyur ro zhe na/ 'di la lan du/ sdug bsngal shes la 'gal med pa'i/ /'du byed snga ma 'jug pa can/ /dngos chos brtse ba skye ba'o/ /sems can rjes 'brel can ma yin/ /gang gi tshe sdug bsngal la gsum dang ldan pa mdza' dag sdug bsngal ba'o/ /zhes mngon sum du byas pa de'i tshe/ kun 'byung gi mtshan nyid sred pa dang 'bral bar 'gyur ro/ /kun 'byung spang ba ni 'dod chags la sogs pa med pa'i phyir/ sems can gyi tshogs mdza' dag dang 'gal ba med pa mnyam pa nyid do/ /des na sdug bsngal mthong ba las dngos po la brten pa nyid kyis brtse ba chen po skye ba yin gyi de'i gnas skabs na sems can du 'dzin pa dang 'brel pa ni med do/ /de lta bur gyur pa'i sems can du 'dzin pa'i spang ba'i bsam pa gang yin pa de ni brtse ba yin la/ de yang bdag tu lta ba spangs pa kho na'i yin gyi gzhan gyi ni ma yin no/ /bdag tu lta ba ma spangs pa ni ji ltar gzhan dag de spang ba'i don du 'bad par 'gyur/ gal te 'dod chags dang brtse ba la khyad ci yod ce na/ 'di ni khyad par de/ de bdag med pa'i chos la ni/ bdag gzhan sgro 'dogs pa las chags/ /sdug bsngal rgyun rig tsam las ni/ /brtse ba skye bar 'gyur ba yin/ /'dod chags dang brtse ba ni khyad che ste/ rgyu tha dad pa'i phyir dang yul tha dad pa'i phyir ro/ /'di ltar ma 'ongs pa med par sgro btags nas bdag nyid ma 'ongs pa'i bde ba dang phrad par smon lam dbang du byas pa'i 'dod chags ni de las 'jug pa yin la/ yul yang de'i bdag nyid ma yin pa la de'i bdag nyid du mthong bar 'gyur ba yin te/ phyin ci log rnam pa bzhis bsgom pa'i yid ni/ chags par 'gyur gyi gzhan ni ma yin no/ /brtse ba ni sdug bsngal gyi rgyu tsam mngon tu byas pa nyid las/ log par mngon par rlom pa dang bral bar bya ba'i don du 'jug pa yin no/ /gal te bdag gis 'di'i sdug bsngal bzlog phar bya'o snyam pa'i bsam pa med pa ji ltar 'gyur zhe na/ 'di la lan du gal te bdag don la 'jug na/ de lta nyid du thal bar 'gyur/ /gzhan don tsam la 'jug tsam la/ /rang 'dzin ched ka che ba min/ /rgyal po'i dpe ni bstan zin te/ /de'i phyir 'di la mi 'thad med/ yang na snga ma snga ma yis/ /skyes bu dam pa'i 'du byed las/ /'jug 'gyur rgyun mthong yod min zhing/ /'jug? pa'ang 'ga' zhig yod ma yin/ /gnas pa ma yin tshad med phyir/ /khyod cag 'khrul pa nyid du zad? bdes na 'di ni brtse ba dang 'dod chags kyi khyad par yin te/ shin tu rgya bkyed pas chog go /gal te de kho na mthong ba la skye ba'i phyir brtse ba 'dod chags kyi rang bzhin du mi 'gyur mod/ zhe sdang gi rang bzhin du ni 'gyur ba nyid de/ mi gtsang ba la sogs pa mthong ba las rgyab kyis phyogs par 'gyur ba'i phyir ro zhe na/ mi sdug pa la bsgom pas ni thar pa ma yin gyi/ /'on kyang sdug bsngal la sogs pa mthong ba las yin no/ /bdag yod na ni de rang dbang yin pas gzhan sdug bsngal bar byed pa'i phyir sdang bar 'gyur na/ gang gi tshe 'di rgyu la rag las pa de'i rang gi ngo bo tsam gyis 'jug pa dang gnod par byed pa'i dus na de nyid med pa la gnod pa bya bar mi nus pa de'i tshe ni sdang bar 'dzin pa'i don med do/ /gti mug nyes pa'i rtsa ba de/ de yang sems can 'dzin pa yin/ /de med nyes rgyul khro min/ /des na brtsi ba nyes med 'dod/ /gal te bdag la gnod pa byed pa mthong na/ khro par byed pa yin na/ bdag ni 'ga' yang yod pa ma yin te/ 'on kyang sems can med par yang sems can du 'dzin pa tsam 'ba' zhig khro ba'i rgyu yin pas sems can du 'dzin pa med par ni/ gti mug ni sems can du lta ba'i rmongs pa med pa'i phyir/ rang nyid med pa yin no/ /de bas na nyes pa thams cad dang bral ba'i rtsa ba ni skyon yod pa ma yin no/ /gal te 'dod chags dang bral ba lus dang bcas pa yin na/ de'i tshe ma khrol ba nyid du mi 'gyur ram? zhe na/ ma yin te nyes pa dang bral ba'i sems yod pa'i phyir ro/ /gzhan yang /glog med ma yin sngon du byed zad na gzhan mtshams mi sbyor phyir/ 'du byed nus pa ma zad pa/ /gal te gnas pa nyes med nyid/ /skye ba gzhan mtshams sbyor ba dang/ /'gal ba'i yid la gnas pa ji ltar grol ba ma yin/ sngon gyi 'du byed skye ba de skyed par byed pa yang zad pa'i phyir mtshams sbyor ba ma yin no/ /gang dag skye ba gzhan du mtshams sbyor ba med par bya ba'i phyir 'du byed zad par 'dod pa med pas/ /'du byed ma zad pa de ni ji srid 'du byed rjes su 'jug gi bar du gnas pa la nyes pa med pa nyid do/ /snying rje dman pa nyid phyir yang/ /gnas pa'i 'bad rtsol chen po med do/ /gang dag brtse ba chen po'o/ /gzhan gyi dor ni bzhugs pa yin/ /'du byed zad pa'i phyir dang/ snying rje dman pa nyid kyi phyir/ /yang gnas pa'i 'bad rtsol med pas gtan du gnas pa ma yin no/ /thugs rje chen po dang ldan pa dag ni gnas pa nyid de/ de bzhed pa yod pa'i phyir ro// gal te lam nus pa yin na de'i tshe dang po rgyun tu zhugs pa'i lam nyid du srid pa 'chad par 'gyur te/ 'jig tshogs su lta ba dang bral ba'i phyir ro/ /'di ltar 'jig tshogs su lta ba dang/ the tshom dang tshul khrims dang brtul zhugs mchog tu gtan pa spangs pas rgyun tu zhugs par 'gyur ba yin no/ /gti mug nyes pa'i rtsa ba ste/ /de yang sems can 'dzin pa yin/ /zhes kyang brjod pa yin no/ /des na lam gzhan don med par 'gyur ro zhe na/ 'di la bshad pa/ gal te 'jig tshogs lta bral phyir/ /lam dang por ni srid med 'gyur/ /lhan cig skyes pa ma spangs phyir/ /spangs na srid pa ga la yod/ /'jig tshogs su lta ba mdza' dag spangs pa ni ma yin te/ mngon par 'du byed pa las byung ba nyid spangs pa'i phyir ro/ /lhan cig skyes pa ni spangs ba ma yin no/ /lam dang po pa ni bden pa mthong ba tsam yin la/ mthong bas kyang mngon par 'du byed pa las byung ba'i bdag tu 'dzin pa spangs pa yin te/ gzhi med pa'i nyon mongs pa yin pa'i phyir ro/ /nye bar bstan pa las byung ba'i bdag tu lta ba de ni/ bzlog pa mthong ba tsam nyid kyis spong ba yin la/ lhan cig skyes pa'i 'jig tshogs la lta ba ni thog ma med pa nas goms pas brtan pa yin pa'i phyir/ gnyen po goms pa'i lam nyid kyis spong ba yin te/ des na lhan skyes pa spangs pa las srid pa zad par 'gyur ro/ /gang gis 'dod pas lhan cig skyes pa yang spangs par 'dod pas ni spangs na srid pa ga la yod par 'gyur te/ shes rab rnon po'i ni lam dang po nyid nus pa thams cad dang ldan pa'i phyir ro/ /de nyid lam thams cad kyi rang bzhin no/ /gal te sems can du lta ba lhan cig skyes pa dag gi rnam pa can yin na/ de'i tshe bdag med pas mngon par 'du byed pa nyid las de las blo 'gyur ba yin gyi gzhan du ni ma yin no/ /skyed par byed pa'i dngos po med na nye bar bstan ba tsam zhig rgyu yin par 'gyur ro zhe na/ 'di la bshad pa/ bde bar gyur pa 'am sdug bsngal bar/ ma gyur cig ces 'dod pa na/ /nga'o snyam pa'i blo gang de/ /sems can la lta lhan cig skyes/ /nga zhes mthong ba med par ni/ /'ga' yang bdag la chags pa min/ /bdag la sred pa med par yang/ /bde ba 'dod pas sngon rgyug min/ /bdag bde bar gyur cig ce 'am/ /rnam pa gzhan du ma gyur cig ces bya ba de lta bu'i rnam pa can/ nga'o snyam pa'i blo thog ma med pa'i bag chags kyi dbang gis skyes par 'gyur ba de ni sems can du lta ba lhan cig skyes pa yin no/ /de spangs pa'i phyir ni srid pa med par 'gyur ro/ /bdag go zhes ma mthong na ni/ bdag tu zhen par mi 'gyur gyi/ /mthong ba la ni ma yin no/ /bdag la zhen pa med par yang bde ba 'dod pas mngon par rgyug pa mi byed pa yin no/ /gang zhig sems can du lta ba lhan cig skyes pas bcug pa'i bdag nyid du zhen pa dang 'brel pa de ci ltar yang srid med par 'gyur/ des na sems can du lta ba lhan cig skyes pa yod pa'i phyir/ lam dang po nyid du 'khor ba med pa ma yin te/ sems can du lta ba mdza' dag spangs pa las gdon mi za bar 'gyur ba yin no zhes bya ba nges so/ /'dis ni zhi ba nyid ces bya ba'i rnam pa bshad pa yin no/ /gal te bdag yod na/ bcings pa de nyid grol ba yin pa de'i phyir/ bdag la yongs su tshim pa'i khyad par las thar ba de gya nom par 'gyur ba ma yin nam/ bdag med na go gang las tshim par 'gyur/ gal te 'gyur na de 'khrul pa nyid yin pas nyes pa dang bcas pa nyid yin te/ 'di thar pa ni ma yin no zhe na/ 'di la lan btab pa ni/ sdug bsngal skye ba'i rgyu nyid ni/ /'ching yin rtag la de ga las/ /sdug bsngal mi skyed rgyu nyid ni/ /thar yin rtag la de ga las/ /gal te bdag rtag pa dang/ de bzhin khyad par yin na/ de'i tshe rjes su 'gro ba dang ldog pa med pa'i phyir de rang nyid bdag gi sdug bsngal skyed par nus pa ma yin te/ nam mkha' bzhin no/ /gal te rang dbang dang nus pa yin na ji ltar bdag la sdug bsngal bskyed de/ rang bsad par bya ba'i phyir bshad byed sgrub pa ni rtog pa dang ldan par rigs pa ma yin no/ /'on te 'di rmongs pa yin na/ de'i tshe bdag nyid mi shes pa ji ltar bdag yin mi dmigs pa'i phyir 'di med pa nyid du 'gyur ro/ /'on te 'di de'i rang bzhin nyid yin na de'i tshe nam yang gzhan du mi 'gyur ba'i phyir te/ /'thad par mi 'gyur ro/ /'on te bdag nyid shes kyang chos dang chos ma yin pas sdug bsngal bskyed do zhe na/ de lta na yang rtag pa dang khyad par ni 'ga' yang sdug bsngal bskyed pa'i rgyu ma yin no/ /gal te 'di de'i tshe sdug bsngal gyi rang bzhin yin na de'i tshe sdug bsngal sdug bsngal dang ldan pa ma yin no/ /de'i ngo bo yin na gzhan du mi 'gyur te/ des na thar pa med do/ /gzhan gyi dngos por 'gyur na ni rtag pa ma yin pa'i phyir bdag ma yin no/ /de ltar bde ba lam sdug bsngal tha dad pa min na de'i tshe/ bdag bde ba can ma yin la/ sdug ba can yang ma yin no/ /bde ba gzhan gyis gzhan bde ba nyid du 'gyur ro/ /'on te der 'du ba'i phyir ro zhe na/ 'du ba yang gzhan ma yin pa nyid na ni skyon de nyid do/ /bde ba dang bde ba ma yin pa la sogs pa'i rang bzhin yin na ni/ rang bzhin gzhin dang gzhan nyid pas mi rtag pa nyid do/ /ci ste 'di don dam par rnam par 'gyur ba med pa nyid de/ bde ba la sogs pa rtogs pa ni 'khrul pa nyid do zhe na/ de yang ma yin te/ gal te 'khrul pa bdag las ni/ /gzhan na bdag med rig mod phyir/ /de yi rang bzhin rig ce na/ /rang rig ji ltar 'khrul pa yin/ /gal te thar kyang bde nyid na/ /thar pa gya nom mi 'gyur te/ /de la de ni rmongs yod phyir/ /de phyir bdag ni thar ldan min/ /gang la yongs su cham? pa yi/ /skad cig gzhan dang gzhan srid ba/ /de yi thar te gya nom ste/ /nor dang mi rigs med pa yin/ /gal te bcings dang thar pa gnyis/ /gzhi mi cig par thar ce na/ /kun rdzob tu ni cig pa yin/ /dngos po bzlog pa med pa nyid/ /gang zhig tha dad bcings pas kyang/ /de yi de ni ci zhig bya/ /gal te nga sngon gyur to zhes/ /'gyur na de yang gang du 'kho/ /sngar ni gcig tu nges pa'i phyir/ /rtog sngon byed can mi 'gyur la/ /de yang rig pa min zhe na/ /de ni 'dod pa nyid yin no/ /yang na de ni gzhan don tu/ /rab tu sbyor zhes sngar brjod do/ /thar pa de ni gya nom nyid/ /gzhan pa dag ni bzlog pa yin/ /'on te 'di snyam du bdag ni rtag pa ma yin te/ sngar gyi skyon tu 'gyur ro/ /mi rtag pa yang ma yin te/ rtag pa sngon du byed pa ma yin par thal ba'i phyir ro/ /des na rtag pa dang mi rtag pa nyid du brjod bya ma yin no zhe na/ de yang mi 'thad de/ mi rtag pa nyid du brjod med gang/ /de ni 'ga' i rgyu ma yin/ /brjod bya yin la'ang bcings dang thar// ci lta bu yang yod ma yin/ /mi rtag pa nyid du brjod du med par zhes bya ba ni/ 'di mi rtag pa nyid ma yin no zhes bya ba ni ma yin na/ gang de ma yin pa de ni rgyu nyid ma yin no/ /rgyu la mi rtag pa nyid kyis khyab pa yin no zhes gzhan du gtan la phab po/ /des na khyad par byed pa med pas rgyu nyid kyang srid pa ma yin no/ /gang zhig rtag pa yang ma yin pa de ni gtan med pa nyid do/ /'on te bcings pa dang thar pa dag gzhi gcig pa'i phyir mi rtag pa nyid ma yin la/ rgyu yin pa'i phyir rtag pa nyid ma yin no/ /bya ba lan du 'gyur ro zhe na/ de yang mi rung ste/ rtag dang mi rtag las grol ba'i/ /ngo bo nyid ni dmigs ma yin/ /thams cad ldog dang rjes su ni/ /'jug pa nyid du mthong phyir ro/ /ci ste gal te gzhan du mi 'gyur na/ /gnyi ga'i rang bzhin du 'gyur ro zhe na/ de la yang nyes pa gang gi phyir/ gang gi rang bzhin 'jig med pa/ /de la mkhas rnams rtag ces brjod/ /des na ngo tsha'i lta ba 'di/ /spangs te de ni rtag par brjod/ /'jig pa yang yin la rtag pa yang yin no zhes bya ba 'di ni 'gal lo/ /gang gi phyir 'jig pa med pa de ni rtag pa yin te/ /zhig pa dang mi dmigs pa dang/ med pa zhes bya ba ni don cig yin la/ mi 'jig pa dang rtag pa dang/ /dmigs pa zhes bya ba yang don cig yin par 'grub par 'gyur ro/ /des na rtag pa dang mi rtag pa dag gcig nyid yin zhes bya ba ni/ dmigs pa dang mi dmigs pa dag yin no zhes bya ba'i don to/ /dmigs pa dang mi dmigs pa dag kyang ci ltar cig tu 'gyur/ gcig nyid du ni rtogs pa gang/ /de ni gcig ces bya bar gnas/ /gal te ma rtogs rtogs yin na/ /'di ni ha cang bab col yin/ /gal te rtag pa dang mi rtag pa nyid cig yin na de'i tshe rtogs pa dang ma rtogs pa gcig yin no/ /zhes bya bar thal bar 'gyur la/ de ltar na yang ma 'brel pa yin no/ /rtogs pa 'di gzhan du gcig par rtogs pa ma yin te/ ma rtogs pa nyid ni rtogs pa ma yin no/ /ri bong gi rwa ma rtogs pa ni rtogs pa 'ga' zhig dang lhan cig gcig nyid du nges par nus pa ma yin no/ /de la gcig rtogs pa med pa'i phyir ro zhe na/ 'dir yang ma rtogs pa ni ma rtogs nyid du gdon mi za'o/ /gang zhig gcig nyid du rtogs pa de ni/ rtog pa nyid de zhig pa ma yin zhing skye ba yang ma yin no/ /'on te gzhan rtogs pa ma rtogs pa yin te/ des na ma rtogs pa ni yod pa ma yin no/ /de las gzhan pa'i rang bzhin rtogs pa nyid de ma rtogs so zhe na/ de lta na 'o na gzhan gyi rang bzhin gang yin pa 'di nyid las de med do zhes bya ba thob par 'gyur na/ de yang mi rung ngo/ /'di ltar/ gzhan pa nyid du shes pa ni/ /ji ltar gzhan ma yin par brjod/ /de ni gzhan nyid ma yin na/ /de ltar mi rtog 'grub mi 'gyur/ gzhan nyid na ni mi dmigs 'gyur/ /ma dmigs na ni/ mi rtag nyid/ /gzhan min nyid na mi 'gyur la/ /dmigs pa nyid na rtag pa nyid/ /de ni rang bzhin 'ga' zhig gis/ /mi dmigs gzhan gyis gzhan yin na/ /rang bzhin gang gi rigs min pa/ /de ni bde zhes ji ltar 'dod/ /snga ma nyid du de nyid na/ /de lta snga ma nyid 'gyur gyi/ /da lta de 'di'i rang bzhin 'di/ /min phyir ji ltar gcig nyid yin/ /snga phyi'i rang bzhin dag dang ni/ /ma bral phyir ni gcig yin na/ /bral ba nyid du mthong bzhin duAng/ /bral ba min par de ltar 'dod/ /gal te rim gyis 'bral min na/ /de bzhin du ni bral ba yang/ /bral par ma bral de nyid kyi/ /phyir na gnyi ga'i rang bzhin ni/ /ji ltar cig car 'di yod pa/ /de bzhin nyid du de mthong 'gyur/ /rim min pa yi yod pa ni/ /tshim? ldan dngos po la ma yin/ /snga phyi'i rang bzhin ma rtogs pa/ khyad pa nyid du 'dod pa yin/ /rim gyis phyag? pa nyid na ni/ /de nyid khyab par 'gyur ma yin/ /gcig po de ni mthong ba dang/ /ma mthong bar ni 'thad ma yin/ /de tshe nyid de mthong ba dang/ /ma mthong bar ni 'thad par dka' / /dus kyis dbye ba thams cad kyang/ /mi 'grigs pa ni med par mthong/ /gcig phyir 'di ni gcig tshe nyid// dus tha dad par ji ltar 'gyur/ /yang nas yang du 'dzin na ni/ /gzung 'dzin pa nyid 'dzin par 'gyur/ /gzung ngo zhes byar 'dzin pa gang/ /de ni dran par 'gyur pa yin/ /dran pa tshad ma ma yin phyir/ /rim 'dzin pa ni srid ma yin/ /gang gis mngon sum nyid 'gyur pa/ ma rtogs pa ni de dngos min/ /gal te de tshe yod pa nyid/ /sngar gyi blo yi ma rtogs par/ /tha dad med phyir ci ltar de'i/ rnam dbye 'di ni tshad ldan yin/ /yul te de la mthong zin nyid/ /med phyir kun tshe da ltar ni/ /de yi snga ma phyi ma yi/ /dngos po gang gis rtogs pa yin/ /snga phyi'i shes pa las she na/ /de dag tha dad ga las rtogs/ /gal te rang rig dngos las na/ /de la gnyis nyid rtogs mi 'gyur/ /snga ma phyi ma med pa ni/ /de yis rtogs par 'gyur ba min/ /gal te snga dang phyi ma yis/ /myong ba de dag gcig yin na/ / gcig na mngon tu byas pa na/ /ji ltar snga dang phyi mar 'gyur/ /mngon tu byas bzhin pa nyid ni/ /sngon dang phyi mar 'gyur ma yin/ /gal te snga ma nyid min no/ /ji ltar snga ma nyid du? rtogs/ /'di rtogs med nyid rtogs de ni/ /sngon tu byed pa nyid ma yin/ /'di de'i dran pa yin zhe na/ gang gi tshe de med par ni/ /dran pa 'di ni mthong 'gyur na/ /de yi zhes ni ji ltar brjod/ /rgyu dang 'bras bu'i dngos las ni/ /de tsam gyis ni 'dzin pa min/ /don ni mngon du byed pa nyid/ /gzung yin bzlog pa las ma yin/ /myong bas ngang du chod ba'i phyir/ /don las dran pa dngos su min/ /myong ba snga ma de yis ni/ /snga nyid 'dzin min phyi mas min/ /des na dran pa nyid las ni/ /snga ma nyid du grub ma yin/ /'das pa sngon du byas pa ni/ /snga ma zhes ni bya bar brjod/ /'byung 'gyur dngos po mngon du ni// byas na 'byung 'gyur shes byed gnas/ /'on te skye 'jig brten ldan pa/ /gang de yod ces 'dod na ni/ /de rnams nyid ni yod mi 'gyur/ /de yi dngos dang mi ldan phyir/ /gang tshe zhig pa de'i tshe de/ /yod pa nyid du ji ltar rtogs/ /de sngar yod pa rtogs na ni/ /de tshe de ni ji ltar zhig/ brtan pa gal te 'di blo ni/ /med na ji ltar yod par rtogs/ /thams cad rtogs pa las yin te/ /des na gzhan du ji ltar yod/ /de phyir rtag dang mi rtag pa'i/ /dngos po 'gar yang srid ma yin/ /dngos rtag pa'am dngos mi rtag/ mdza' gcig nyid du rig pa yin/ /de ni lam gyi shar la/ 'gog pa'i rnam pa bzhi pa nyid bstan pa'i phyir bshad pa/ bshad zin lam de goms pa las/ /gnas 'gyur gal te bdag 'gyur kyang/ /lam bzhin skyon ni 'byung zhe na/ /ma yin nus pa med phyir ro/ /sngar bshad pa nyid kyis lam de goms pa las gnas sems kyi rgyun nam/ kun gzhi yongs su dag par 'gyur te/ bdag dang bdag gir 'dzin pa dang mi mthun pa bdag med pa de'i bdag tu gyur pa na nyes pa mdza' dag dang bral bar 'gyur ro/ /gal te ji ltar nyes pa dang ldan pa la/ yon tan ldan par 'gyur ba de bzhin du yon tan dang ldan pa yang nyes pa dang ldan par 'gyur ba'i phyir 'khor ba las nges par 'byung ba med do zhe na ma yin te/ nyes rnams yon tan yod pas bcom pa'i phyir ro/ /bzlog pa ji ltar mi 'gyur ro zhe na/ yon tan rnams ni dngos po'i rang bzhin yin pa'i phyir dang/ nyes pa rnams ni de las ldog pa'i phyir ro/ /de ji ltar zhe na bshad pa/ rnam shes yul 'dzin ba yi chos/ /ji ltar yod de 'dzin pa dang/ /yod pa yi ni bdag nyid de/ /'di yi skyed par byed pa'ang yin/ /rnam par shes pa ni skye ba rnams kyi lam 'jug par byed pa yin no/ /gang gis de rnam par shes par 'gyur ba de'i rang bzhin gyi chos ni yul 'dzin pa yin no/ /rnam par shes pa ni rig pa ma yin par 'gyur ba ma yin te/ rig pa ma yin pa rnams la ni de lta bu med pa'i phyir ro/ /ji ltar yod pa de ltar de/ gzung bar bya ba dang skyed par byed pa yin no/ /rnam par gtod par nus pa'i rgyu ni/ rnam par shes pa'i yul yin no/ /des rnam par shes pa'i chos ni rang bzhin rtogs par byed pa yin la/ yul gyi chos ni de kho na ltar rtogs par bya ba nyid yin no/ /des ni yul ni mi rtag pa dang bdag med pa sogs pa'i rang bzhin yin la/ de lta bu 'dzin pa nyid ni rnam par shes pa'i rang bzhin yin gyi gzhan ni de'i rang bzhin ma yin no zhes bshad pa ni/ rang bzhin 'di yin 'di las te/ /rkyen gzhan gyi ni gol 'gyur zhing/ /ldog pa la ni rkyen la bltos/ /mi brtan sprul gyi blo bzhin no/ /gang gi chos bdag med pa nyid la sogs pa 'dzin pa'i ngo bo gang yin pa de ni rang bzhin yin no/ /de las gol ba ni glo bur ba'i rkyen rtsa ba med pa'i dbang gis yin zhing/ gol ba nyid kyang gol ba de las zlog pa la rkyen la bltos pa yin no/ /des na rtsa ba med pa'i phyir mi brtan te/ sbrul gyi blo bzhin no/ /gal te thag pa la sbrul gyi blor 'gyur ba'i rgyu ni 'dra ba dang yul thag ring ba la sogs pa yin la/ rtag pa'i blo la rgyu ci yod/ mngon sum ni rtag pa nyid la 'jug pa ma yin la/ rjes su dpag pa yang ma yin no/ /tshad ma med par ni dogs pa ma yin no/ /mngon sum gyis ni skad cig ma nyid rtogs so zhes kyang bsgrub par 'gyur te/ des na gang las rtag pa nyid 'dzin ce na/ 'di la bshad pa/ mi rtag pa nyid de ni mthong bzhin duAng/ blo zhan pa dmigs pa yod pas rtag tu de ltar yod par dogs pas bslu pa 'am/ 'dra ba gzhan 'byung bas bslus pas mi rtogs te/ skad cig ma tha ma mthong ba rnams la des phyir ro/ /'di skad brjod par 'gyur ba yin te/ gang gi tshe ji srid du don gyi bdag nyid dmigs pas phyis ma dmigs pa de'i tshe/ mi rtag pa nyid mthong ba nyid de/ de'i gnas skabs ma yin pa nyid ni mi rtag pa nyid du brjod do/ /'on kyang ma dmigs su zin kyang blo zhan pa dogs pa dang mi 'bral te/ des na de ltar yod par dogs pa yin pas na de ltar yod par dogs pa ste/ ci snga ma de nyid da ltar yang yod dam ma yin zhes dogs pa'o/ /des na phyis mthong ba las don bya ba thob pa'i phyir ma bslus pas na/ mi rtogs so/ /de ma thob pa'i phyir bslus pa ni rtogs par 'gyur te/ chags pa'i bum pa bzhin no/ /don byed pa'i mtshan nyid yod pa dmigs na tha dad pa bzlog par sems pa'i skabs ci yod/ de kho na sems par byed pa dag ni snang ba tha dad pas nges par byed pa kho na'o/ /tha snyad pa don byed pa don du gnyer ba ni/ de thob pas yongs su tshim pa'i phyir gzhan rnam par dpyod pa mi byed do/ /don byas zin pa'i phyir ro/ /yang na 'dra ba gzhan 'byung bas bslus pa de 'dra ba la ni de nyid 'di yin no snyam pa'i blor 'gyur ba yin te/ mtshe ma dang sgo nga bzhin no/ /snga mar ni gang las rtswa la sogs pa gzhan dang gzhan las skyes pa'i me gcig nyid du lhag par zhen pa'i yul du 'byung ba de'i don byed pa la ma bsdus pa tsam brjod pa yin no/ /de la nye bar len pa'i bud shing nyid yin gyi/ me ni ma yin no/ /me las me skyes pas ni mi yin te/ dang po me mi skye bar thal bar 'gyur ba'i phyir te/ me rdo dang brdabs pa'i sngon rol na de med pa'i phyir ro/ /yang na me de nyid las skye'i/ de bzhin du don thams cad rigs mthun pa snga ma las skye ba 'am/ rigs mi mthun pa las skye ba ni ma yin te/ las bdag por gyur pa las skye ba ma yin no/ /de nyid kyi phyir don 'di las ltos te 'am zhes phyogs gzhan brtags pa mdzad do/ /de yang las smra ba'i 'don pas ni snga ma bshad pa yin la/ gzhan gyis 'dod pa ni phyi ma bzhin no zhes gor ma chag go / yang na de ltar yod pa la/ dogs pa med pas bslus zhes bshad par bya ste/ de ltar yod pa la ni dogs pa 'ga' yang med do/ /rtag tu yod pa dmigs pa'i phyir ro/ /ma dmigs na ni de ltar yod pa la dogs par 'gyur ba yin no/ /gang gi tshe bar du ma dmigs pa de'i tshe/ tshul ji ltar gnas zhe na/ der yang 'dra ba gzhan dang gzhan 'byung ba las bslus pas te/ bregs pa las kyang skyes pa'i sgra dang ser mo la sogs pa bzhin no/ /zhig pa ngo shes pa'i phyir gcig nyid do zhe na/ ma yin te/ ngo shes pa tshad ma yin pa'i phyir te/ mngon sum dang rjes su dpag pa nyid mi 'thad pa'i phyir ro/ /de ltar yang 'chad par 'gyur ro/ /de'i phyir nang gi ma rig pa'i bslad pa las dri ma rnam pa ni glo bur ba yin no/ /de nyid kyi phyir bshad pa/ sems 'di'i rang bzhin 'od gsal te/ /rtag pa nyid dang bral ba nyid/ /des 'dzin pa'i phyir ro/ /dri ma rnams ni glo bur ba/ /yang dag pa ma yin pa sgro 'dogs pa ni/ rtsa ba med pa can nyid kyis glen pa tsam du zad pa yin pa'i phyir ro/ /don dam par ni rtag pa nyid 'gar yang snang ba med de/ des na rnam par dpyad pas stong pa'i phyir dri ma rnams ni glo bur ba yin no/ /de yi phyir yang nus med rnams/ /de dag 'gyur la phyis nus min/ /sngar thos bsam gyi dus na yang nus pa med pa nyid do/ /'di ltar/ nus pa yod na'ang nus pa can/ /skyes nus snying po can dngos la/ /yun tu gnas nus yod min te/ /sa slon la ni me bzhin no/ /gal te dad pa la sogs pa zhan pa'i dgra bcom pa yang/ dgra bcom pa nyid las nyams par 'gyur ba ni ma yin nam// des na ji ltar skyon rnams mi skye ba yin zhe na/ gal te skyon skye ba yin pa de lta na yang/ gnod par byed pa skyed par nus pa nang du chud pa la/ skyed par nus su zin yang nyes pa gtan chags par byed nus pa ni ma yin te/ dper na chu 'dzags pa'i sa las me skyes su zin kyang/ /yun du mi gnas pa bzhin no/ /de'i bdag nyid du gnas pa la ni nyes pa skye ba yang ma yin te/ 'di ltar/ 'tshe ba med dang yang dag don/ /rang bzhin la ni phyin log gis/ /'bad du zin kyang mi bzlog ste/ /blo ni de phyogs 'dzin phyir ro/ /rang bzhin ni 'bad pa med par bzlog nus pa ma yin no/ /'bad pa yang yon tan dag la skyon mthong ba 'am/ skyon la yon tan mthong ba las 'jug pa yin na/ bdag med pa de'i bdag nyid du 'gyur ba mthong ba ni yon tan dag la skyon du mthong ba dang/ skyon la yon tan mthong ba las ma yin la/ yon tan dag la yon tan ma mthong ba la yang ma yin te/ bdag med pa mthong ba ni 'tshe ba med pa ma mthong pa'i phyir ro/ /de'i rang bzhin yang dag gi /bdag nyid 'tshe ba med par 'di/ sems dang ldan pas ji ltar na/ /yongs su 'dor bar nus ma yin/ /sems ni phyogs su lhung bas na/ /nyes pa rnams la 'jug ma yin/ /des na de ni nyes pa la/ /'bad pa 'ga' yang 'jug pa min/ /dngos pos ma lus pa'i rang bzhin rtogs par nus pa la ni/ gal te nyes pa 'byung du zin yang/ de lta na yang 'di 'gron po las grogs bzang po dang bral bar bzhin du bar ma do'i gnas skabs na gnas pa na 'di shugs dang ldan pa'i phyir/ lam nyid dang 'bad pa rtsom ste/ yon tan phyogs 'dzin pa'i phyir/ nyes pa la dga' ba ni ma yin no/ /gal te 'dod chags dang zhe sdang dang/ /rnam pa mi mthun pa yin yang/ /gcig nyid gnod par byed pa ni ma yin te/ zhe sdang gi gnod par byas pa'i 'dod chags phyis kyang gnod byed nyid du mthong ba'i phyir ro/ /de bzhin du zhe sdang yang yin no/ /bdag med pa bdag tu lta ba yang de bzhin du 'gyur ro zhe na/ de ni ma yin te/ 'di ltar/ bdag 'dzin rgyu gcig can nyid dang/ rgyu dang 'bras bu'i dngos po'i phyir/ /'dod chags khong khro phan tshun dag? / tha dad na yang gnod ma yin/ /gnyi ga yang bdag tu 'dzin pa'i rgyu can yin pa'i phyir phan tshun mi mthun pa yin yang bdag tu 'dzin pa yod na gcig kyang gtan chad pa ma yin te/ cig car mi skye bar ni 'gyur ro/ /gzhan yang rgyu dang 'bras bu'i dngos po yin pa'i phyir ro/ /gang zhig sdug bsngal gyi rgyu gang la dbugs 'chung bas de gdungs par 'gyur ba de/ de'ang gzhan dag la bde ba'i rgyu 'dod pa yin no/ /des na 'di dag ni rgyu dang 'bras bu'i dngos po yin no/ /bde ba'i rgyu phan pa nyams su myong ba yang nges par de la gnod byed pa la khong khro ba dang ldan par 'gyur te/ des na 'dod chags dang khong khro dag ni tha dad pa yin yang rgyu dang 'bras bu'i dngos po yin pa'i phyir gnod pa ma yin no/ /de nyid kyi phyir/ byams sogs rmongs dang 'gal med phyir/ /shin tu nyes pa tshar gcod min/ /nyes kun de yi rtsa ba can/ /de yang 'jig tshogs lta ba yin/ /gal te zhe sdang gi gnyen pa byams pa/ 'dod chags kyi gnyen po mi sdug pa/ rnam par 'tshe ba'i gnyen po snying rje/ phrag dog gnyen po dga' ba/ thams cad kyi gnyen po btang snyoms yin pa de lta na yang/ shin tu nyes pa tshar gcod par byed pa ni ma yin te/ gti mug dang mi 'gal ba'i phyir ro/ /gal te gti mug yod kyang/ bdag tu 'dzin pa med pa'i phyir nyes pa thams cad spong ba nyid/ ma yin nam zhe na/ de ni ma yin te/ gti mug de nyid 'jig tshogs su lta ba yin te/ nyon mongs pa can gyi gti mug ni/ 'jig tshogs su lta ba kho na yin no/ /dgra bcom rnams kyi shes pa gang/ /de ni nyon mongs can min te/ /des na 'jig tshogs lta ba ni// spangs pa de ltar rgyud grol lo/ /rig pa'i mi mthun phyogs nyid phyir/ /sems byung nyid ni dmigs pa'i phyir/ /gsungs phyir log par dmigs pa nyid/ /ma rig gzhan ni rigs ma yin/ /gal te/ ma rig pa ni so sor rtog pa med pa'i rang bzhin yin la/ 'jig tshogs su lta ba ni rtog pa'i rang bzhin ma yin nam/ de ni ji ltar ma rig pa 'jig tshogs su lta ba nyid yin zhe na/ skyon 'di med do gang gi phyir/ /so sor rtog med rang bzhin ni/ /ma rig yin na mya ngan las/ /'das pa'ang reng? 'gyur phung po rnams/ /zad na lus pa ci zhig yod/ /phung po lhag ma med pa'i mya ngan las 'das pa dang/ 'gog pa'i snyoms par 'jug pa bdag nyid ni/ so sor rtog pa med pa gtso bor 'gyur ba yin no/ /'on te de ni nyon mongs pa'i gzhi nyid ma yin no zhe na/ 'on ni de ma rig pa'i mtshan nyid ma yin no/ /'jig tshogs su lta ba nyid de'i gzhi yin pa'i phyir ma rig pa yin gyi/ gzhan ni ma yin no/ /gang gi phyir/ rigs dang 'gal ba'i chos gzhan ni/ /ma rigs chos min brdzun sogs bzhin/ /rig pa bdag med mthong ba ste/ /de dang 'gal ba bdag lta yin/ /re zhig rig pa med pa ni ma rig pa yin te/ de med pa ni mya ngan las 'das pa la yang yod pa'i phyir ro/ /med pa ni rgyu yang ma yin no/ /de las gzhan pa yang ma yin te/ gzugs la sogs pa rnams kyang thal bar 'gyur ba'i phyir ro/ /de'i phyir ma rig pa ni rig pa dang 'gal ba yin te/ chos ma yin pa dang mi bden pa bzhin no/ /de yang 'jig tshogs su lta ba nyid yin no/ /'di ltar chos ni pha rol tu rjes su 'dzin pa'i mtshan nyid yin no/ /chos ma yin na ni de med pa tsam ma yin la de las gzhan pa tsam yang ma yin gyi/ 'on kyang rjes su 'dzin pa las bzlog pa gnod par byed pa'i chos ma yin pa ma yin no/ /de bzhin du yang dag pa'i don ston pa med pa tsam ni brdzun pa yin gyi/ 'on kyang yang dag pa ma yin pa ston la/ mi bden pa brjod pa ma yin no/ /de lta yin na gang gi tshe bden pa'i don la 'khrul ba med par sems pa na yod do zhes/ ston par byed pa de'i tshe mi bden pa nyid du mi 'gyur la med pa la yod par sems pa'i de'i yang brdzun yin par 'gyur ro zhe na/ de ni ma yin te/ sgra rnams rnam rtog pa'i yul can te/ dngos gang ji ltar rnam nges pa/ /de bzhin nyid brjod bden pa ste/ /gzhan du brjod pa brdzun pa yin/ /sgra rnams ni lhag par nges pa'i yul can yin pa'i phyir/ /lhag par zhen pa rjes su 'thun par ston pa nyid bden pa yin la/ gzhan tu ni mi bden pa yin no zhes rigs so/ /byang chub sems dpa' rnams la ni/ /'khrul pas sems can bslus pa yang mchog tu kha na ma tho ba yin te/ des na de dag rnam pa thams cad mkhyen pa nyid la mngon par brtson pa yin no/ /des na 'jig tshogs la lta ba nyid ma rig pa yin te/ rig pa'i mi mthun pa'i phyogs gzhan med pa'i phyir ro/ /sems las byung ba nyid yin pa'i rgyus na/ dmigs pa yin pa'i phyir log par dmigs pa nyid ma rig pa yin no/ /rten dang dmigs pa dang dus dang/ rdzas mtshungs pas mtshungs par ldan pa yin pa'i phyir mtshungs par ldan pa dag yin no/ /gsungs pa'i phyir yang te shes rab kyi rnam pa las bzlog pa rtogs pa'i rang bzhin nyid ma rig pa yin par 'dod de dang de las gsungs pa'i phyir ro/ /de la ma rig pa dang bral ba gang zhe na/ yang dag pa ji lta ba bzhin gyi chos la lhag par sgro 'dogs dang bral ba gang yin pa'o zhes bya ba dang/ de bzhin du 'jig rten gyi nye bar spyod pa skye ba gang ji snyed pa de thams cad ni bdag tu mngon par zhen pa las byung ba yin te/ bdag tu mngon par zhen pa bral na ni mi 'byung ngo zhes gsungs pa yin no/ /gal te bdag tu mngon par zhen pa ni lta ba yin la/ de yang ma rig pa dang mtshungs par ldan pa yin no/ /des na med na mi 'byung ba yin pa'i phyir lta ba'i sgo nas ma rig pa nyid gsungs par shes par bya'i/ 'jig tshogs su lta ba nyid ni/ ma rig pa ma yin no zhe na/ 'di yang mi rung ste/ ma rig pa'i yan lag tu bstan pa de'i rang bzhin bstan pa ni/ bzhag nas de la gzhan ston pa/ /sgra la bzo ba ma yin no/ /de ltar ma rig bstan 'di la/ /tshad ma cung zad yod ma yin/ /bzlog pa la ni tshad ma dag /ji bzhin du ni bstan pa yin/ /lta ba'i sgo nas ma rig pa nyid bstan pa zhes bya ba 'di la tshad ma ni cung zad kyang med do/ /'jig tshogs su lta ba nyid nges pa thams cad kyi gzhi yin no zhes bya ba 'di la ni tshad ma bstan zin to/ /gal te 'jig tshogs su lta ba ni gti mug gi phyogs gcig tu byung ba yin la/ gti mug ni so so rtog pa med pa'i rang bzhin nam/ gzhan du yin yang rung ba ste/ nyon mongs pa thams cad kyi rjes su song ba yin no/ /des na de ltar 'jig tshogs la lta bar brjod de/ khyad par gyi sgra ni spyi'i don can yin pa'i phyir ro/ /de bzhin du gal te/ ma rig pa lta ba nyid yin na/ de'i tshe lta ba dang mtshungs par ldan pa'i ma rig pa zhes mtshungs par ldan pa'i don yang med par 'gyur te/ de de nyid dang mtshungs par ldan pa ni ma yin zhes na/ 'di la brtsod pa'i lan/ /'gal ba gang yin 'dir bshad bya/ /stong nyid lta ba de 'gal phyir/ /da yi rang bzhin nyes kun dang/ /'gal bar rab tu grub pa yin/ /spyi dang khyad par gyi dngos pos tha dad par brtags pas na mtshungs par ldan pa'i don tu 'gyur te/ dper na pa la sha dang ldan pa'i nags zhes bya ba bzhin no/ /don dam par ni pa la sha'i rang bzhin nyid du brjod pa yin no/ /de bzhin du khyad par brjod pas de'i rang bzhin gyi ma rig pa bzhir gyur pas gtsor bstan pa yin te/ 'di ltar ma rig pa ni bdag tu lta ba yin pa de'i phyir/ de'i rtsa ba can gyi skyon thams cad ni/ rtsa ba gcod par byed pa'i bdag med par lta bas rtsa ba bcad pa'i phyir bcad par 'gyur ba yin no/ /gang gis phyir nyes pa thams cad 'gog par byed pa ni bdag med par lta ba yin la de yang rnal 'byor bas ma btang ba yin la de yang rnal 'byor bas ma btang ba yin pa de'i phyir 'ga' slar yang 'byung ba ma yin no/ /des na 'gog pa'i rnam par nges pa 'byung ba nyid bshad pa yin no/ /zad min srog chags chos nyid phyir/ /gzugs sogs bzhin min ma grub phyir/ /gnyis po'i phyogs dang 'brel ba na/ /ldog ba dag kyang mthong phyir ro/ /nyes pa thams cad 'gags pa ni/ /sra zhing slar yang skye med de/ /de bdag med kyi 'bras med dang/ /thal ba bzhin du ma nges phyir/ /zhes bya ba ni bar skabs kyi tshigs su bcad pa dag go /gal te bdag bsgoms pas kyang thar bar 'gyur ba ma yin nam/ des na bdag med par lta bas ci bya/ 'dir lung ni bdag bsams bya/ zhes bya ba la sogs pa yin no zhe na/ de yang ma yin te/ 'di ltar gang zhig bdag mthong de la ni/ /nga zhes rtag tu zhen par 'gyur/ /zhen pas bde la sred 'gyur te/ /sred pas skyon rnams sgrib par byed/ /bdag tu mthong ba ni nges par bdag la bdag tu zhen pa dang 'brel par 'gyur ro/ /zhen pas kyang de'i bde ba la sred pa dang ldan par 'gyur ro/ /gang zhig gang la zhen pa de ni de'i bde ba la sred par 'gyur ba yin te/ dper na bu la sogs pa'i bde ba bzhin no/ /gal te bdag tu mthong ba la bdag la zhen par 'gyur ro/ /zhes bya ba mi rigs pa ma yin nam/ ci shing mthong ba tsam gyis shing la zhen par 'gyur ba'am/ bud med mthong ba tsam gyis/ bud med la zhen par 'gyur ba de bzhin du/ gang zhig bdag mthong de la ni/ /nga zhes rtag tu zhen par 'gyur/ /zhes bya ba mi rigs pa yin zhe na/ de ni ma yin te/ gang zhig gzhan la chags pa de/ /bdag la mi 'gyur ga la srid/ /bdag mthong nyid la zhen 'gyur te/ /'di la rtsod pa med pa nyid/ /bdag chags med par gzhan la ni/ /chags zhes bya ba 'thad par dka' / /gal te bdag mthong ba tsam gyis chags pa ma yin no/ 'ga' la yang chags par mi 'gyur te/ rgyu gzhan med pa'i phyir ro/ /shing ni bdag la nye bar mkhob? ma mthong ba des na/ zhen pa med pa yin no/ /gang zhig bdag la nye bar mkho ba la chags pa de/ ji ltar bdag la chags par mi 'gyur 'on te sems can gyi khyad par nyid kyis bdag nyid la ni zhen pa med la/ gzhan la ni bdag nyid chen po nyid kyis snying rje las zhen pa dang ldan pa yin no zhe na/ de ni ma yin to/ gal te bdag nyid chen po zhes/ /bya ba gzhan don byed na ni/ /rtogs pa sngon rkyen? mi 'gyur te/ /de lta yin na gtan med nyid/ /bdag nyid yal bar dor nas/ rang gi don gzhan la phan par byed pa na/ bdag gis rtogs pa sngon du byed pa ma yin pa nyid chen por gsal bar byas par 'gyur ro/ /'on te gzhan gyi don byed pa nyid kyis bde ba yin no zhe na/ de lta yin na rang gi bde ba la chags pas rmongs pa ji ltar thar pa yin/ de lta na yang/ de 'dra ba dag tshogs can ma'i/ /lus nyed bar yang byed par 'gyur/ /gal te 'di ni ngan spyod na/ ngan spyod 'di ni med pa nyid/ /ji ltar rang gi don la gnas pa bsam gtan gyi bde ba 'dod pa de bzhin du tshogs can ma yi yan lag dang 'brel pa'i bde ba yang yin no/ /de'am gzhan la bde bar ni/ /khyad par yod pa ma yin no/ /de ltar yin na tshogs par 'byung ba ma yin par 'gyur ro zhe na/ tshogs par ni 'byung ba nyid ni med pa nyid de de khyad par med pa'i phyir ro/ /dmyal ba la sogs par 'gro ba'i phyir mi rung ngo zhe na/ ma yin te/ bdag nyid chen po'i khyad par nyid kyis so/ /gzhan gyi don du dmyal bar 'gro bar khas blangs pa ni cher bdag nyid chen po yin pa'i phyir ro/ /'on te tshogs par dbyung ba ma yin pa'i tha snyad dang gzhan pa dag ni goms pa? las bde ba'i rgyur 'gyur ba yin te/ des na tshogs par dbyung ba'i khas blangs pa nyid sla'o zhe na/ ma yin te/ khyad par du med pa'i phyir ro/ /de lta na yang bdag la srong? pa dang bcas pa'i dbang gis nyes pa dang nyes pa med pa mnyam por byed do/ /des na nyes pa bsgribs pas na/ yon tan mthong ba yongs sred pa/ /nga yi zhes de'i sgrub byed len/ /des na bdag sngon chags pa na/ /de srid de ni 'khor bar 'gyur/ /bdag don dam par yod na/ gang zhig de la 'khor ba de yang don dam pa nyid do/ /des na don dam par nye bar mkho ba gang yin pa/ de nyid yon tan dang ldan pa yin no zhes rtogs par 'gyur zhing/ de las ni yon tan du lta ba nga yi zhes de'i sgrub byed len no des na bdag tu mngon par zhen pa de 'khor bar 'gyur ro/ /bde ba'i sgrub byed grong gi phag mo'i reg pa yang/ don du gnyer bar 'gyur ba'i phyir ro/ /de'i phyir/ bdag yod na ni gzhan 'du shes/ /bdag gzhan cha las 'dzin dang sdang/ /'di dag dang ni 'bral ba las/ /nyes pa thams cad 'byung bar 'gyur/ /bdag dang gzhan ni rnam par dbye bas ni yongs su 'dzin pa dang/ sdang bar skyed par 'gyur zhing de las yongs su 'dzin pa sdang ba dang 'brel ba'i skyon phrag dog dang sor sna la sogs pa 'byung ba yin no/ /'on te bdag kho na la zhen gyi/ bdag gi ba la ni ma yin no/ /des bdag gi ba la zhen ba med pa'i phyir tshogs par mi bzod pa'i tha snyad med do zhe na/ 'dir brjod pa/ nges par bdag la chags pa ni/ bdag gi la chags mi 'bral zhing/ /nyes med bdag la chags pa dang/ /bral ba'i rgyu yang yod na yin/ /bdag la chags pa 'jug pa ni/ /nyes pa med par mi log go /bdag la chags pa ldan pa yang bdag gi ba la chags pa med par 'gyur ba ma yin te/ des na bdag dang bdag gi ba yang chags pa dang bcas par 'gyur bas nyes pa thams cad sgribs pas thams cad du 'jug pa dang ldan par 'gyur ba'i phyir/ 'di 'khor ba dang 'brel ba nyid log pa med pa yin no/ /'on te bdag dang bdag gi nyi? ma zhen pa gnyis ka 'khor ba'i rgyu yin pas bdag gi ba'i zhen pa dang 'brel ba nyes pa can yin pa'i phyir de la mi zhen te/ nyes pa gzhan gyi skyon chags pa la yang zhen par mi byed na gang la zhen pa nyid nyes pa can du 'gyur ba de la lta ci smos zhe na/ 'dir bshad pa gal te chags pa skyon bcas na/ /de las ci 'gyur de spong 'gyur/ /'di yul sun phyung med par ni/ /de spang bar ni nus ma yin/ /yul nyes pa can du 'gyur ba'i phyir skyon gzhan gyis zhen bar mi 'gyur ba zhes bya ba 'di ni rigs kyi yul skyon chags pa med pa la zhen pa med par ni mi rigs so/ /bde ba'i rgyu la ni skyon yod pa ma yin te/ yon tan yin pa'i phyir ro/ /'on te zhen pa nyid skyon yod pa yin no zhe na/ yin mod cir 'gyur skyon chags pa yin pa'i phyir zhen pa spang bar bya bar 'gyur ro zhe na/ de ni med de/ yul la skyin med par zhen pa spang bar mi 'thad pa'i phyir ro/ /de'i phyir yon tan skyon dang rjes 'brel ba'i/ /'dod dang sdang? sogs spong ba ni/ /de dag yul la ma mthong bar/ /yin gyi phyi tshul gang gis yin/ /'dod pa dang sdang ba dag ni yon tan dang/ skyon mthong ba las 'gyur ba yin no zhes rigs so/ /bdag gis bde ba bsgrub pa ni yon tan yin la/ de'i sdug bsngal sgrub par byed pa ni skyon yin pas/ /gal te de dag yod na ni 'dod pa dang sdang ba spangs pa ma yin no/ /'on te phyi'i dngos po yon tan can yang 'dor ba yin no zhe na/ de yang med de phyi rol gyi dngos po spong ba ni phyi rol gyi rgyu la rag las pa yin gyi/ zhen pa ni don mthong ba'i stobs kyis gzhan dang gzhan skye ba yin pas ji ltar 'dod bar nus yul ni yon tan dang ldan ba nyid kyis zhen pa'i yul nyid dang nye bar len pa nyid yin la de med pa'i phyir ni der? zhen pa 'dod pa dang/ blang bar bya ba ma yin pa yin no/ /zhen pa yon tan dang ldan pa'i phyir nye bar len pa ni ma yin te/ 'on kyang yul gyi yon tan gyis yin no/ /des na yul yon tan can gyi rgyu yod pa'i phyir zhen pa mi skye bar ga la 'gyur/ /chags yon tan gyi chags min gyi /don gyi yon tan mthong bas yin/ /ma tshang med rgyu de la ni/ /'bras bu gang gis zlog par byed/ /ces bya ba ni sdu ba'i tshigs su bcad pa'o/ /gzhan yang/ chags la skyon yang gang zhig mthong/ /gal te sdug bsngal brten ce na/ /de ltar 'di la chags bral min/ /rang gir mthong phyir dpe bdag bzhin/ /sdug bsngal gyi rten ni dang po nyid du bdag yin te/ bdag yod na phyis zhen pa sdug bsngal gyi rgyur 'gyur gyi/ bdag med na su zhig sdug bsngal/ de la gnyi ga sdug bsngal gyi rgyu yin pa'i phyir/ gnyi ga la chags pa dang bral pa 'am/ yang na cig la yang ma yin no/ /'on te 'di snyam du bdag gi sdug bsngal gyi rgyu nyid ni gzhan gyis byas pa yin te de rang nyid la brten pa'i skyon ni ma yin te/ bdag dang bdag tu zhen pa dang chos dang chos ma yin pa dang/ 'du byed dang lhan cig pa'i bdag sdug bsngal gyi rgyu yin pa'i phyir ro/ /snyam na/ 'dir bshad pa/ gal te de med bdag sdug bsngal/ /rgyu min de yang de dang 'dra/ /de ltar gnyi ga skyon med pa/ /des na gnyis la chags bral yin/ /skyon med par ni su yang chags pa dang bral ba ma yin no/ /bdag tu zhen pa la sogs pa ni/ bdag la bsten pa med par sdug bsngal gyi rgyu ma yin te/ des na de dag kyang bdag bzhin skyon med pa yin na/ des na chags pa dang bral ba mi srid do/ /gal te sbrul bzung yan lag bzhin/ /sdug bsngal bsgoms pas spong 'gyur na/ /bdag gi ba blo bcom pas ni/ /dor ba yin gyi bzlog la min/ /dbang po la sogs longs spyod kyi/ /rten nyid du ni bzung ba la/ /rang blo gang gis bzlog 'gyur te/ /de la chags bral de gang las/ /gal te bde ba'i rgyu nyid ni zhes pa'i rgyu mtshan yin te des na/ da la bzlog pa yod pa las/ chags pa dang bral ba ma yin nam/ gnod pa byed pa la zhen pa ma yin no zhe na/ 'di la smras pa/ bdag gi ba'i blo'i yul la ni sdug bsngal gyi rgyu yin yang/ sred pa mi 'bral bar mthong ngo/ /des na bdag gi ba'i blo dor phas chags pa dang bral ba yin no/ /bdag gi pa'i? blo nyid yongs su 'dor zhe na/ longs spyod kyi rten nyid du rtogs pa lus sogs pa la 'ga' yang bdag gi ba'i blo dang bral ba ni med do/ /'di ltar ltar gyur cig ce'am/ klur gyur cig ces bdag gi lus la sogs pa khyad par can du gyur cig ces de la bdag gi pa'i blo byed do/ /des na de lta bu'i blo dang ldan pa nyid ci ltar chags ba dang bral ba yin/ 'di ltar/ lus las bog pa'i skra sogs la/ /yid byung blo ni skye 'gyur zhing/ /gzhan la zhen bcas skye 'gyur ba/ /thams cad kyi ni mngon sum yin// gang gi tshe skra la sogs pa nye bar spyod pa'i yul nyid yin pa de'i tshe ni/ bdag gi pa'i blo zhen pa dang bcas pa nyid skyed par byed la/ gang gi tshe bzlog pa de'i tshe zhen pa dang bcas pa dang bral ba'i rang bzhin chags pa dang bral ba nyid skyed pa yin gyi gzhan du ni ma yin no/ /zhes bya ba ni rnam par dbye ba yin no/ /gzhan yang bye brag pa la sogs pa rnams kyi/ de la 'du sogs 'brel pa las/ /rang gi blo ni skye 'gyur ba'i/ /'bras de de bzhin nyid gnas phyir/ /mthong du zin kyang spong mi 'gyur/ /bde ba la sogs pa dang 'du ba'i 'brel pa'o/ /lus dang ni ldan pa'o/ /lus la brten pa'i gzugs la sogs pa dang ni ldan par 'gyur ba la 'du ba'o/ /gzugs nyid la sogs pa dang ni ldan par gyur pa la 'dus par 'du ba'o/ /nyan pa'i dbang po dang ni ldan pa'o/ /mig la sogs pa dang ni ldan pa can la ldan pa'i phyir/ bdag dang 'brel pa dang mi 'bral ba yin te/ des na nyes pa mthong yang de dag la nyes pa spong ba ma yin no/ /'on te 'du ba la sogs pa'i 'brel pa khas mi len na/ de yang lan glan pa ni/ 'du ba la sogs med na yang/ /phan 'dogs nyid ni kun la'ang yod/ /phan 'dogs pa las thams cad la/ /chags pa skye ba yin te/ des na chags pa dang bral ba skye bar ga la 'gyur/ ci ste pha rol phyir zlog par byed de/ sdug bsngal skye phyir sor mor bzhin/ /rang gi blo ni mi 'gyur na/ /gcig tu de ni sdug bsngal min/ /phal cher dug bcas zas bzhin no/ /ji ltar de sdug bsngal yin pa de bzhin du bde ba yang yin te/ dug dang bcas pa'i zas bzhin no/ /dug dang bcas pa'i zas ni sdug bsngal nyi tshe ma yin te/ bde ba nyid kyang srid pa'i phyir ro/ /de bzhin du grong gi phag mo la sogs pa sdug bsngal yin yang rnam pa 'ga' zhig gis bde ba nyid du 'gyur ba yin no/ /des na dpang po la sogs pa ni dor ba'i yul ma yin no/ /gal te de 'dra ba sdug bsngal dang 'dres pa ni sdug bsngal ba nyid do zhe na/ de lta na 'o na bde pa dang 'grel pas bde ba nyid do zhes bya bar 'gyur ro/ /gzhan yang khyad par can bde la chags pas/ /de 'gal ba la chags bral 'gyur/ /bsam med bdag la chags pa yis// ji ltar rnyed bzhin la 'jug ste/ /bud med dag ni ma rnyed ba/ /dud 'gro la 'dod spyod mthong bzhin/ /gal te khyad par can gyi bde ba rnyed pa yin na gzhan du chags pa dang bral bar 'gyur ba yin na/ rnam par spyod pa med pa la ni/ khyad par can gyi bde ba 'dod pa yod pa ma yin te/ dpyod pa med pa nyid kyi phyir ro/ /spyod par 'gyur ro zhe na/ 'o na spyod pa nyid sdug bsngal gyi rgyu yin pa'i phyir ro/ /dpyod pa nyid la chags pa dang bral bar 'gyur ro/ /'on te spyod pa ni gdon mi za bar kho nar rgyu'i stobs las byung ngo zhe na/ de lta na 'o na bdag med par rtogs pa yang dpyod pa las 'byung ba bzlog pa med pas bdag tu lta ba las bar pa ma yin no/ /bdag bsgoms pa ni mi srid pa nyid do/ /bdag de bde ba la sogs kyi/ rten 'gyur ci 'dra de 'dra nyid/ /bsgom las 'gyur phyir de 'dra nyid/ /de ni gzhan du ga la 'gyur/ /bdag de ni blo dang bde ba dang sdug bsngal dang 'dod pa la sogs pa'i rten yin pas/ bsgoms kyang 'di ni de 'dra ba kho nar 'gyur ro/ /'on te skyes bu'i byed pa la brten pa'i phyir te nyes pa dang bral bar byed do zhe na/ de ni ma yin te/ sol la ji ltar bdar yang ni/ /nam yang dkar por 'gyur ma yin/ /gang gi rang bzhin dang 'drel pa/ /'gas kyang bzlog par byad yod min/ /nyes can rang nyid rang nyid kyi/ /nyes pa bzlog par nus ma yin// nyes can ci ltar nyes med 'gyur/ /de ni 'gar yang gzhan 'gyur min/ /de nyid kyi phyir bshad pa/ bdag ni 'dod pa gang yin de/ /ji ltar de ni 'jig par 'dod/ /chags sogs can bdag skyon can te/ /de ldan pas yin rang rkyang min/ /dbyug ldan pa na dbyug can nyid/ /dbyug can ji ltar dngos po yin/ /'dod chags la sogs ma myong bar/ /'dod chags can sogs 'gyur mi srid/ /gal te myong ste chags can na/ /bud med rtogs phyir de ldan 'gyur/ /'brel phyir de ni chags ldan te/ chags sogs myong ba las ma yin/ /chags sogs myong bas rnal 'byor ba/ /gzhan gyi chags pas chags can 'gyur/ /tha dad pa la ldan pa dang/ /'du ba khyad par ci zhig yod/ /tha dad rtogs med las zhe na/ 'o na tha dad gang las 'dod/ /bdag ni rang bzhin tha dad na/ /bdag rig med pas ji ltar na/ /rang rig rang bzhin rig na ni/ /'khrul mi srid ces bsgrubs zin to/ /'on te 'di ni bum pa yis/ /rang bzhin rig bzhin rig yin na/ /gzung bya yin phyir 'di 'dzin min/ /des 'di za ba por mi 'gyur/ /ro la sogs spyod bya nyid las/ /sbyor ba nyid ni dmigs pa med/ /spyod po de las gzhan 'gyur gi /de lta yin phyir thug med 'gyur/ /gal te de dang longs spyod pa/ /'brel phyir spyod par de brjod na/ /spyod pa nyams myong las gzhan min/ /de yang spyad bya la gnas blo/ /nga la nga yi 'di la zhes/ /'jig rten rab smra de 'dra yin/ /des na rten dang brten ba yin/ /dngos po gnyi ga la yang yod/ /ji ste rjes su dpag bya ste/ /spyod po zhes ni brjod byed na/ /mngon sum mi srid de la ni/ /rjes dpag yod pa min zhes gnas/ /'jig rten rab smra de 'dra yin/ /des na rtan dang brten pa yi/ /dngos po gnyi ga la yang yod/ /ji ste rjes su dpag bya de/ /spyod po zhes ni brjod byed na/ /mngon sum mi srid de la ni/ /rjes dpag yod pa min zhes gnas/ /'on te de na rnal 'byor pa/ /nyid kyis rtogs bya zhes brjod de/ shin tu phra ba'i phyir na de/ /ded? cag lta bus rig min na/ /de ltar re zhig bdag cag la/ /de rig pa ni srid ma yin/ /de yi gnas skabs thob pa rnams/ /ji ltar 'gyur ba ji cha yod/ /rnal 'byor pa dngos nyer gzhag nas gal te dngos po nges byed na/ kho bo cag ni rnal 'byor pas/ /de med par ni mi byed min/ /de phyir bdag ni rang rig pa'i/ /rang bzhin nyid du khas blangs dgos de lta ma yin na de med par thal ba'i phyir ro/ /de yang bde pa la sogs pa rig pa'i rang bzhin yin pas gal te gzhan du 'gyur na ni/ /de zhig pa nyid du 'gyur na/ bdag 'dod pa gang yin pa de ji ltar 'jig par 'dod/ gal te nges bdag sdug bsngal bar/ /'dod bya sdug bsngal bden min nyid/ /sdug bsngal gnas skabs zhig na ni/ /rang nyid zhig par 'gyur pa yin/ gal te de yi gnas skabs ni/ /zhig 'dod gnas skabs can yin na/ /de yi ngo bo las gzhan pa/ /gnas skabs can ni dmigs pa med/ /ji ste yang rig pa'i rang bzhin ni/ mi 'jigs nyid de zhig pa ni bde ba la sogs pa nyid yin no zhe na/ de yang snying po med de/ bde ba la sogs tha dad phyir/ /spyod pa'ang tha dad thal 'gyur te/ bde sogs las ni tha dad pa'i/ /rig pa dmigs su med phyir ro/ bdag tu gyur pa tha dad pas/ /tha dad med pa dmigs min te/ /ji ltar tha dad de nyid la/ /tha mi dad pa mi dmigs bzhin/ /rig pa rig pa zhes bya bas/ /gal te tha mi dad rig ni/ /de phyir gzhan gyi bdag kyang ni/ /gzhan gyi bdag tu rang 'gyur ro/ /de ni rig pa ma yin zhes/ /bya ba 'di yang 'thad par dka' / /rig pa'i dngos po min na ni/ /gzhan pa thams cad bdag med 'gyur/ /de ni so sor rig ce na/ /gang du yang cig nyid mi 'gyur/ /des na snga ma phyi ma dang/ /gcig nyid min phyir zhig pa yin/ /de lha yin dang/ bdag ni 'dod pa gang yin des/ /rnam par 'jig par ji ltar 'dod/ / ther zug rtag pa nyid yin na/ /de nyid la gnas 'dod par bgyi/ /gal te ngo shes stobs kyi 'dir/ /ha cang thal bar med ce na/ /de yi rang bzhin yod pa la/ /ngo shes de nyid cis mi 'dod/ /yul med par ni thog med kyi/ /bag chags las ni byung ba can ngo shes pa ni dngos po rnams/ /rnam par 'jog pa'i rgyu ma yin/ /gal te ther zug rtag nyid na/ /gong nas gong du rig med 'gyur/ /de lta na yang de rtag nyid/ /khyod kyi 'dod pa grub pa yin/ /mtshungs pa nyid du dmigs na yang/ /'di ni gcig nyid 'dod gyur na/ /ni mtshungs par ni dmigs pas ni/ /tha dad gsal bas zhig pa yin gal te ther zug pa yin na/ /gong nas gong du dmigs par mi 'gyur te lta na yang/ 'gyur ba med pa de nyid dang/ dmigs pa rig pa med pas rtag pa nyid do/ /de'i phyir dmigs pa rig pa ldan pa yin na de khol bu nyid du dmigs pas/ zhig pa nyid du thal bar 'gyur ro/ /de lta yin na yang rim gyis dmigs par 'dod pa na/ zhig pa nyid du 'dod bar thal lo/ /des na bdag ni 'dod pa gang yin te/ /de ni ji ltar zhig par 'dod/ /mi dmigs ji ltar 'dod ce na/ /shi ba pas ni nyams chung bla/ /'di 'dod 'tsho ba mchog yin gyi/ /shi min mthong bas 'di yi ni/ /'tsho ba 'gog par byed pa yin/ /gal te ma mthong bas des ci bya zhe na/ de'i phyir slar yang mthong bar 'dod dgos so/ /de lta yin dang rims can tu 'gyur bas zhig pa de nyid du 'gyur ro zhe na/ 'di ni 'di'i bdag nyid du smra ba'i nyes pa gzhan yin no/ /yang na mtshungs pa'i rang bzhin dmigs pa las/ /snga ma dang phyi ma gcig nyid du rig pa yin na/ tha dad par dmigs na ni tha dad du gsal lo/ /de lta yin dang snga ma zhig par 'gyur ro/ /de lta na yang bdag ni 'dod pa gang yin te/ de ni ji ltar zhig par 'dod/ /yang na rtogs pa'i rang bzhin nyid kyis/ bdag thams cad ni gcig pa nyid do/ /de ni khyad par tha dad pas/ tha dad pa la brten pa yin te/ dper na nam mkha' gcig nyid la/ bum pa'i nam mkha' snam bu'i nam mkha' zhes nam mkha' tha dad par 'gyur ba bzhin no/ /des na bdag rnams kyi tha dad pa ni ma rig pas byas pa yin no zhe na/ gal te de lta na/ gal te grol la 'khrul med pas/ /gzhan gyi bdag tu gnas na ni/ /bdag nyid cig tu de nyid na/ /de yi gnas skabs nyid du gnas/ /gal te bum pa'i nam mkha' bum pa med na med par 'gyur ba de bzhin du ma rig pa med na srog chags med par 'gyur na/ de lta yin na bum pa'i nam mkha' med na/ gzhan dang lhan cig nam mkha' gcig tu 'gyur ba'i phyir nam mkha' i rnam par dbye ba med pa de bzhin du bdag gi rnam par dbye ba yang med par 'gyur ba'i phyir/ rang ngang gzhan gyi rnam par dbye ba med pas bdag zhig pa nyid du 'gyur te/ nga'o zhes gzhan rnam par bcad pas bdag yin pa'i phyir ro/ /nam mkha' nyid du nye bar son pa ni bya ba dang longs spyod pa la sogs pa med pas nam mkha' las khyad par yod pa ma yin no/ /de'i phyir bdag ni 'dod pa gang yin te/ de ni ji ltar zhig par 'dod/ /'di ni dngos po'i stobs kyi 'ongs pa yin no zhe na/ 'o na ni bdag med pa nyid du thal bar 'gyur ro/ /rang gi rang bzhin tsam rig pa'i/ /khyad par de ni gang yin brjod/ /du ma'i lus ni gnas pa las/ /dngos su khyab pa yin zhes brjod/ /du ma'i dus ni khyab pa la/ /rtag pa zhes ni brjod pa yin/ /khyab min rtag pa ma yin pa/ /ji ltar bdag tu rnam par gnas/ /'on te 'di bum pa la sogs pa gzhan gyi rang bzhin du gnas pa yin na/ de lta yin na shin tu gsal bar 'khor ba nyid de/ lhas byin la sogs pa'i rang bzhin du rnam par gnas pa'i phyir ro/ /de'i phyir thar par 'gyur na de nam mkha' bzhin du med pa nyid du 'gyur ba nyid do/ /de 'dra ba'i thar pas ni dgos pa ci yang med pa'i phyir ro/ /kye ma/ rnal 'byor pa rnams ni rtogs pa sngon du byed pa chen po yin no/ /'on te don dam par na bdag bya ba dang longs spyod pa la sogs pa'i rten ma yin no/ /'di'i de nyid ni ma rig pa'i dbang nyid kyis yin no/ /de bzhin de bzhin du zhen pa la sogs pa yang ngo zhe na/ 'di la lan brjod pa/ myong ba dang ni tha snyad dang/ /yon tan kun gyi rten log pa/ /ji ltar zhen pa yin 'dod de/ /zhen pa'i rang bzhin de ltar min/ /tha snyad thams cad las 'das pa'i bdag ni/ rdo dang shing bal la brten pa'i nam mkha' i bdag nyid yin no/ /des na gang zhig de la zhen pa de ni de dang 'dra bar 'dod pa ma yin te/ de 'dra ba ni zhen pa'i rang bzhin nyid du 'gyur ba ma yin no/ /'gyur ba yin na yang rtog pa sngon du gtong ba ma yin pa de nyid du gsal 'debs pa yin no/ /de bas ni 'khor ba don du gnyer ba bla'o/ /'khor ba'i bde ba ni yongs su tshim pa skyed ba ma yin pa'i phyir ro zhe na/ smras pa/ mya ngan 'das pa'i bde bas kyang/ /yongs su tshim par byed nus min/ /bde phyir don gnyer bya nyid pas/ /bde ba thams cad spang bar bya/ /bde ba don gnyer bya min zhes/ /bya ba 'ga' yang yod ma yin/ /des na bde ba thams cad phun sum tshogs pa gnas kyang de bas phul du byung ba'i bde ba gzhan 'dod pa yod pa nyid dang/ bde ba de nyid kyang yang nas yang du don? du gnyer ba'i phyir/ 'di la don du gnyer ba ma yin pa'i sems med do/ /don du gnyer ba zhes bya ba 'di yang/ sred pa'i ming gi rnam grangs can tshar sdug bsngal chen po yin no/ /des na bde ba thams cad yongs su tshim pa skyed par byed pa ma yin pa nyid do/ /de'i? phyir bde ba ni 'ga' yang yongs su mya ngan las 'das pa med do/ /'di ltar de ni rnam grangs kyis/ bde ba thams cad 'dod pa nyid du 'gyur te/ de'i phyir sred pa dang ldan pa bde ba de nye bar len pa la sogs par byed pa des da 'di ni 'khor ba nyid du gnas par 'gyur ro/ /gal te chags pa dang bral ba yang mthong ba nyid med dam zhe na/ ma mthong ba ni ma yin mod kyi/ 'on kyang de ni bde ba la reg pa nyid do/ /gang gi phyir de don du gnyer ba'i 'bad pas yongs su skyobs pa nyid kyis sdug bsngal bar sems pa ni/ rnam pa gzhan mngon par 'dod pa can bde ba la mngon par phyogs ba nyid kyis 'dod chags dang bral ba mngon du byed par 'gyur gyi/ bdag la zhen pa med pa ni ma yin no/ /de nyid kyi phyir gsungs pa ni/ rnam pa kun tu bdag 'dzin ni/ /bdag la chags pa brtan par byed/ /de ni bdag gi zhen pa yi/ /sa bon gnas skabs de nyid gnas/ /'dir don dam pa ni 'di yin te/ ji srid bag chags de srid du/ /bdag tu zhen pa las mi grol/ /des na phan 'dogs la brten nas/ /bdag gi ba lang zhen par 'gyur/ /gal te de bdag tu 'dzin pa spangs nas nyes pa spangs pa'i phyir 'jug par 'gyur ba ma yin nam/ des na ji ltar bdag gi ba la chags pa la sogs par 'gyur zhe na/ smras pa/ gal te 'di la bdag 'dzin nyid/ /med na ci'i don du skyon/ /zlog byed don gnyer nyid min na/ /'ga' zhig bya phyir 'jug mi 'gyur/ /gzhan du sdug bsngal rten 'gyur na/ /de de'i sdug bsngal mi 'dod dang/ der 'dzin pa yang med do zhes/ /bya 'di phan tshun gnod pa yin/ /gal te gzhan don byed pa na/ /de bde bar ni 'dod ce na/ /gzhan gyi phyed pa nyid yin mod?/ /bdag tu 'dzin pa ci zhig bya/ /bdag ni skad cig yin no yang/ /skad cig khyad? par can? rig phyir/ /gzhan don srid pa nyid yin pa/ /des na bdag 'dzin don med do/ /nus pa chen po dang ldan phyir/ /gal te de nyid kyis byed na/ /log par sngon rlom can de la/ /nus pa chen po ji zhig yod/ /de phyir gang zhi? ? bdag nyid ni// sdug bsngal bar ni mi 'dod de/ /dngos su de'i bdag 'dzin de/ de bzhin bdag gir 'dzin pa skye/ /de ste gal te yun ring du/ /bde 'dod bdag gir 'dzin ldan min/ /yun ring bde ba ma mthong na/ /de la ci ltar 'dod par 'gyur/ /gal te 'a? rgyal? 'gyur zhe na/ /med par yang ni 'jug 'gyur te/ /brgya la med par 'gyur ba yin/ /spre'u bzla ba stor ba bzhin/ /rnal 'byor gnas skabs 'gyur na 'di/ /ji ltar 'gyur ba ci cha yod/ /de ltar phan tshun brten pas na/ /de la/ ji ltar 'jug par 'gyur/ /de'i phyir/ brtson yang yon tan cha brten nas/ /'jug ldan bdag gi ba la ni/ /chags bral gags byed pa nyid dang/ /de yi skyon yang sgrib pa yin/ /bdag tu 'dzin pa zhes bya ba gang yin pa de ni/ bdag la nye bar 'kho ba'i yon tan gyi cha 'ga' zhig la brten nas/ de la mngon tu bar phyogs par 'gyur bas bdag gi ba la chags pa dang bral ba'i gags? byed pa nyid do/ /skyan? mthong ba de lta ma yin no zhe na/ ma yin te/ yon tan gyi cha mthong ba ngos skyon mthong ba nyid kyis gegs byed pa'i phyir ro/ /de'i phyir bdag la chags pa dang ma bral ba'i bdag gi ba la chags pa dang mi bral ba nyid do/ /gal te bdag la'ang chags bral na/ /da ni chags bral gang yin med/ /de ni ji ltar bdag 'dor ba/ /sdug bsngal bsgom pa don med 'gyur/ /'di snyam du bdag ni 'dor bar nus pa ma yin te/ de nyid ni de nyid kyis dor ba ma yin no/ /'di ltar ji ltar yod pa de ltar ni/ /mi 'dor med de ltar yang min/ /des na bdag ni dor min te/ /chags pa 'ba' zhig 'dod pa yin/ /des na 'dod chags dang ldan pa nyid yongs su 'dor ba'i phyir/ rtag tu bde ba nyid do snyam na 'di la smras pa/ bde bar gnas pa 'dod pa nyid/ /kun 'dzin mtshan nyid 'dod chags yin/ /de yang yod phyir chags ldan nyid/ /yin zhes sngar ni brjod zin to/ /gal te bdag la chags pa dang/ /bral na chags pa dang bral ba de su yin te/ da ni gang chags pa dang bral ba de nyid med do/ /gzhan ni gzhan la chags pa dang bral bar 'gyur ba yin no/ /de nyid chags pa dang ma bral ba'i rang bzhin du gyur pa las chags pa dang bral bar 'gyur ba yin no zhe na/ 'dir smras pa/ bdag la bdag chags bral min cis/ /ci ltar de yod de ltar na/ /chags bral ma yin ji ltar de/ /med de ltar yang chags bral min/ /de ni gzhan du 'gyur min la/ /gzhan yang de ltar gnas min te/ /bdag nyid kun nam phyogs gcig gis/ rnam pa kun tu 'thad dga' phyir/ /gcig la phyogs gcig yod ma yin/ /phyogs gcig la tha dad min med de/ /gang zhig phyogs gcig de zhin 'gyur/ /de lta yin na thun med 'gyur/ /rnam 'gas gzhan min 'gyur zhe na/ /de lta na yang thug med 'gyur/ /der yang gzhan dang gzhan rtogs pas/ /yongs su rdzogs pa med phyir ro/ /de'i phyir des ni bdag nyid 'dor bar bya ba yin pas/ /de ni ji ltar bdag 'dor ba/ /de ltar sdug bsngal bsgom don med/ rnam pa gang gis don min pa/ /de lta 'ang sdug bsngal bsgom don med/ /sdug bsngal bsgoms pas chags pa dang/ /brel bar byed mi nus pa'i phyir/ /yang na gal te bdag la chags bral na/ /de ni gang zhig gang la chags bral te/ /bdag bzhin du ni dor min pas/ /sdug bsngal bsgom pa don med 'gyur/ /sdug bsngal bsgom pas ni 'dor bar nus pa ma yin no/ /ji ltar bdag la chags dang bral ba 'dor ba'i rgyu ma yin pa de bzhin du bdag gi ba yang med do/ /des na de dang bral ba'i chags pa dang bral bas ni grol bar mi 'gyur ro/ /'di'i phyir yang sdug bsngal bsgoms pa'i don med de/ 'di ltar/ de dag sdug bsngal bsgom pas kyang/ /sdug bsngal nyid ni rnam shes byed/ /de ni sngar? yang mngon sum nyid/ /de la na yang chags bral med/ /gal te sdug bsngal bsgom pas chags pa dang bral bar 'gyur ba yin na/ 'dod pa gang yin pa 'di rigs par 'gyur na/ /'dis? ni 'dod chags dang bral bar 'gyur ba ma yin no/ /sdug bsngal bsgoms pa ni sdug bsngal don du byed pa'i rgyu nyid yin te/ de lta ma yin na ni 'dis 'dod chags dang bral bar mi 'gyur te/ /bsgom pas sdug bsngal gyi rgyun rnam par shes pas ci nas kyang 'dod chags dang bral bar 'gyur bar bya ba'i phyir yin na/ de ltar ni ma yin te/ gang gi phyir sdug bsngal de ni sngar yang mngon sum nyid yin te/ mngon sum sngon du song ba can gyi nges pa yod pa'i phyir ro/ /de lta ma yin na ni 'khor ba yongs su 'dor ba don du gnyer bar mi 'gyur ro/ /mngon du ma byas pa'i sdug bsngal ni gdung bar byed pa ma yin no/ /de lta na yang chags pa dang bral ba ni med de des na sdug bsngal bsgom pa don med do/ /'dod pa dang bral ba la sogs pa'i sdug bsngal ni 'jig rten mdza' dag gi mngon sum yin pa/ gal te de'i tshe 'dod chags dang bral bar yang ma gyur na/ ji ltar sdug bsngal bsgom pas chags pa dang bral? bar 'gyur ba yin/ gal te sdug bsngal bsgom pas sdug bsngal mdza' dag dran pas bsdoms pa na/ sdug bsngal gyi tshogs chen po shes par byed pa de'i phyir na 'dod chags dang bral ba nyid du 'gyur ba yin te/ de las skyo ba skyes pas chags pa dang bral bar 'gyur ro zhe na/ 'di ni med de/ 'di ltar/ ci ltar dran par 'gyur ba ni/ /sdug bsngal tshogs ni rnam shes pa/ /de bzhin bde ba'i tshogs yin pa/ /des ni 'di ni chags ldan 'gyur/ /ji ltar sdug bsngal gyis tshogs shes pas chags pa dang bral ba de bzhin du/ bzlog pa las chags pa can tu yang 'gyur ba'i phyir/ ji ltar grol/ gal te rab tu zhi ba'i bde ba'i rol ni/ skyo ba med pa'i phyir 'khor ba'i bde ba la sred par mi 'gyur ro zhe na/ de yang ma yin te/ 'di ltar 'dir ni zhi ba bdag lta la/ /mngon shes can gyi skyo ba'i rgyu/ /ma yin dur khrod kyi ni gnas/ /bya rog skyo rgyu yin nam ci/ /bya rog mi gtsang gnas la ni/ /mngon zhen dang ni rjes 'bral ba'i/ /dga' pa ci 'dra de 'dra ba/ /pad+ma'i nags su 'dod mi 'gyur/ /gal te dga' ba'i rgyu la nyes pa mthong bas chags pa dang bral ba/ mthong bam yin nam/ de ji ltar sdug bsngal bsgom pas nyes pa mthong yang chags pa dang bral bar mi 'gyur zhe na/ de ni ma yin te/ /'di ltar/ gal te de la nyes pa yis/ /skad cig de la blo ldog kyang/ /de la'ang chags bral mi 'gyur te/ 'dod ldan bud med gzhan la bzhin/ /gal te nyes pa byed pa'i skye bo 'ga' zhig la skad cig tsam chags pa dang bral ba de lta yang de gtan du chags pa dang bral ba ni ma yin te/ /'dod chags dag 'dod ldan ma 'ga' la chags pa dang bral ba de lta na yang bud med gzhan la chags pa dang mi 'bral ba nyid do/ /de la yang rnam grangs kyis chags par 'gyur ro/ /'di ltar de ni chags pa dang 'gal ba'i gnas skabs nyid las chags pa dang bral la/ de dang 'gal ba ma yin pa'i gnas skabs la brten pa ni slar? chags par 'gyur ba nyid do/ /de'i phyir 'di'i 'dod chags dang bral ba ni chags pa'i nus pa dang 'brel pa nyid yin gyi/ gtan? du ni ma yin no/ /phyis de nyid la chags par mthong ba'i phyir ro/ /de nyid kyi phyir dge slong dag 'phags pa'i shes rab kyis spangs pa gang yin pa de ni legs par spangs pa yin no/ /zhes gsungs so/ /de'i phyir gang la/ blang dang dor bya'i khyad yod na/ /gcig la 'byung can chags gang yin/ /de nyid rnam grangs kyis 'byung tshe/ /chags pa kun gyi sa bon yin/ /gang la blang bya dang spang bya'i khyad yod pa de la 'dod pa dang ldan pa 'byung ngo/ /thams cad thams cad kyi tshe blang bar bya ba na yin na/ spang par bya ba yang ma yin te/ rnam grangs kyi 'dod pa dang ldan pa dag phan tshun sa bon yin pas 'di la rnam grangs kyis 'byung ba nyid yin pa'i phyir/ ji ltar bdag tu smra ba la/ thar po yad?/ bdag med par lta pa la ni/ thams cad du btang snyoms nyid de/ blang bar bya ba med cing dor bar bya ba yang med de/ des na chags pa'i dri ma mdza' dag dang bral ba la rnam par gnas pa la 'dod chags la sogs pa ga la srid/ /gzhan yang 'dod chags dang bral ba nyid ni mi 'phrod pa'i dngos po la 'gyur gyi/ gzhan la ni ma yin no/ /bdag tu lta ba la ni mi 'phrod pa nyid gang yang med pa nyid de/ re zhig bdag ni skyon dang bcas pa ma yin no/ /de chags pa yang skyon med kyi yul can yin pa'i phyir skyon med do// dmigs pa'i sgrub par byed pa yang skyon med pa nyid la/ 'gro ba yang de tsam nyid du zad pas da ni gang la chags pa dang bral bar 'gyur/ skyon med yul can chags pa dang/ sgrub byed byed? ni skyon med yin/ /'gro ba'am de tsam nyid yin na/ /da ni gang la chags bral 'gyur/ /zhes bya ba ni sdu ba'o/ /'on te/ der de skyon bcas kyang yin na/ /de ni bdag la mtshungs pa yin/ /der de'i skyon la chags bral med/ /da ni gang la de chags bral gal te yul dang dbang po la sogs pa la ni/ skyon can nyid kyang mthong ngo zhe na/ bde pa'i rgyu de dag gi skyon dang bcas pa ni gang yin/ sdug bsngal gyi rgyu nyid do/ /rnam grangs kyis thams cad bde ba'i rgyu nyid ma yin nam/ res 'ga' sdug bsngal gyi rgyu nyid do zhe na/ de ni bdag la yang mtshungs pa nyid do/ /gal te bdag de la de'i skyon gyi chags pa dang ma bral na/ gang la chags pa dang bral ba can du 'gyur/ bdag ni 'dod par mi nus so zhe na/ bdag gi ba la yang chags pa dang bral ba ma yin no/ /nus pa'i phyir bdag gi ba nyid 'dor ro zhes bya ba yang log pa yin te/ /de? dang gang gi mnyes? pa gang yin pa de dang de'i tshe de 'dor kyi gtan du ni ma yin no/ /ci ltar nyes pa rnams mi rtag pa nyid kyis 'dor pa de bzhin du 'dor ba mi rtag pa yang yin no/ /gal te bde ba'i rgyu ma der na/ phyis? med pa'i tshe sdug bsngal chen po 'gyur ba'i phyir de ni rtsa ba nas 'dod ba rigs so zhen/ de lta na 'o na sdug bsngal yod na yang de'i rjes la bde ba chen po 'byung ba'i phyir sdug bsngal yang blang bar bya'o/ /des na bdag tu lta ba ni gang la yang chags pa dang bral ba ma yin no/ /gzhan yang/ yon tan mthong ba las byung ba'i/ /zhen pa nyes pa mthong bas 'jig / de ltar dbang sogs la de min/ /byis sogs la yang mthong phyir dang/ skyon ldan la yang yod phyir dang/ /yon tan ldan pa gzhan dag la/ /med phyir 'das pa la sogs pa/ /bdag gi pa la med phyir ro/ /gang gis nyes pa mthong ba la ldog par 'gyur ba/ dbang po la sogs pa la yon tan mthong ba las chags pa ni ma yin gyi/ 'on kyang bdag gi bar mthong ba las yin no/ /'di ltar dbang po la sogs pa bdag gi ba nyid du bzung ba la ni skyon yod kyang zhen pa 'byung ba'i phyir dang/ gzhan la yon tan yod kyang mi 'byung ba'i phyir dang/ /skyon yon mi rtogs pa'i phyugs dang byis pa la sogs pa yang yod pa'i phyir dang/ bdag nyid kyis 'das pa dang ma 'ongs pa dag la yang med pa'i phyir ro/ /de'i phyir nyes pa mthong bas ni spong ba ma yin no/ /de lta na 'o na nyes pa mthong ba las bdag gi pa'i blo nyid med par 'gyur la/ de med pa'i phyir ni zhen pa med par 'gyur te/ yon tan mthong ba las byung ba'i nyes pa mthong bas gsal ba'i phyir ro zhe na/ 'di ni cung zad kyang ma yin te/ 'di ltar de nyid phyir na bdag gi ba'i/ /blo rgyu rang yon tan mthong ba min/ /de'i phyir yon tan min mthong bas/ /de yang spong ba ma yin no/ /nyes pa dang ldan pa 'ga' zhig la yang bdag gi ba'i blo yang yod pa'i phyir dang/ yon tan dang ldan pa la yang med pa'i phyir dang/ /'das pa la sogs pa la yod pa'i phyir ro// gzhan yang yod min yon tan ni/ /sgro 'dogs chags pas der yang mthong/ /de ni de rgyu gnod med can/ /bsgrubs pas de la ji ltar gnod/ /gal te de rnyed na nyes pa mthong bas zhen pa zhes bya ba de spong ba zhig na/ gang gi phyir nyes pa mthong ba de nyid ni yod pa ma yin par sgro 'dogs par byed pa'i zhen pas sel bar byed pa yin no/ /gal te sems dbu mar gnas pa na nyes pa mthong zhing yon tan yang sgro mi 'dogs so zhe na/ ma yin te/ zhen pas dbu mar gnas pa de nyid mi 'thob bo// de ni yul gzhan gyi chags pa gzhan gyis bzlog pa tsam du zad kyi/ gzhan gyi ni ma yin no/ /de lta na yang/ de lta yin na 'di yi ni/ /gnod byed de nyid spros pa yin/ /ma yi zos pa ci 'dra ba/ /mkha' 'gro mas kyang de 'dra nyid/ /de'i phyir bdag tu lta ba/ sdug bsngal bsgoms zhen pa spangs pa las/ thar par 'gyur ba ma yin no/ /'dir grangs can dag gis smras pa ni/ bdag tu lta ba rnams la sdug bsngal bsgoms pa ni srid pa ma yin te/ 'on kyang rang bzhin dang skyes bu'i bye brag yongs su shes pa las grol ba yin no/ /'di ltar/ skyes bu 'di ni don dam du/ /rtog pa dag pa'i rang bzhin te/ /rang bzhin gzhan du mi shes te/ /rmongs pas 'khor ba brton pa yin/ /bde ba la sogs pa'i rang bzhin tha dad par/ mo bzung ba las bdag ma grol ba yin no/ /des na 'ba' zhig pa'i shes pa skyes pa nyid ni/ bdag grol ba yin no zhes so/ /de yang ma yin te/ 'di ltar/ mchog gzhan don du gnyer phyir dang/ /skye 'jig blo can nyid kyi phyir/ /skye bo 'di yi dbang sogs las/ /bdag ni tha dad 'gyur bar shes/ /de phyir gcig nyid mthong bas kyang/ /chags min bdag la chags pa de/ /dmigs pa'i nang gi yan lag la/ /ngo bo nyid kyi rjes chags 'gyur/ /nyams pa skye ba mthong ba nyid tha dad pa mthong ba yin no/ /rjes su 'gro ba dang ldog pa ni ngo bo nyid kyis ni tha dad pa yin te/ bdag ni rjes su 'gro ba yin la bde ba la sogs pa ni ldog pa yin no/ /des na 'gal ba'i chos gnas pa'i phyir tha dad pa yin no/ /'on te 'khor ba la de nyid rtog par mi byed do zhe na/ de lta yin na/ tha dad pa med pa nyid do/ /tha dad pa rtogs pa mi srid pa'i phyir ro/ /bde ba don du gnyer ba spong ba'i 'gyur/ /gus pa ni med do/ /bde ba la sogs pa dang bral bar ni rtog pa dang ldan pa 'ga' yang don du gnyer ba med do/ /bdag ni 'jig chags pa'i sngon rol tu 'ba' zhig pa ma yin pas 'khor ba ma yin par gyur ro/ /gtso bo dang lhan cig gcig tu bdag nyid mthong ba'i phyir ro zhe na/ de ni ma yin te/ rang nyid sems pa'i rang bzhin te/ gcig tu 'phrul bar ji ltar 'gyur/ /gang gis 'khor ba dang 'brel ba/ / yul gyi 'dod pa gang las yin/ /gtso bo'i nang du zhugs pa ni/ /der med gcig pa ga las yin/ /bdag nyid la ni 'khrul min pa/ /de ni sngon tu bstan pa nyid/ /gal te yul nyid du 'dzin na/ /tha mi dad par 'dzin mi 'gyur/ /blo med par yang 'dzin pa ni// grangs can lta la rigs ma yin/ /skyes bu rnams kyi 'dod pa dang/ /mthong ba'i don la 'jug pa yin/ /spro ba 'jug pa'i sngon rol tu/ /dran pa'i dngos po ga la yod/ /dran pa dang ni 'dod pa dag /rang bzhin nyid kyis 'jug las yin/ /de 'jug pa yang 'dod pa las/ /?yin phyi phan tshun brten par 'gyur/ /gal te thogs med bag chags las/ /'di bde nyid sogs de bzhin 'gyur/ /gtso bor gyur pa'i sngon rol tu/ /bag chags kyang ni gang las yin/ /de'i phyir rang rtogs ngo bo yi/ /gal te de ni rang bzhin 'dod/ /gzhan du de byar mi nus phyir/ /de ni gzhan du 'khor bar 'gyur/ /gal te sdug bsngal myong ba las/ /skyo bar mthong ba nyid ma yin nam/ de ci ltar gzhan du byed ces/ /'dir smras pa/ gang zhig da ltar sdug bsngal bas/ /yid 'byung de 'dra spang? yin gi? / /chags bral ma yin de tsha yang/ /chags yod skabs gzhan 'tshol phyir ro/ /gang gi phyir/ zhe sdang sdug bsngal rgyu can phyir/ /de la 'di? srid tsam du gnas/ /de log na ni rang nyid kyis/ /rang bzhin nyid la slar rten 'gyur/ /sdug bsngal myong bas? yid byung yang/ /'dod chags dang bral ba ni ma yin no/ /de ni bdag dang bdag gi ba la sogs pa nyid kyis mdo'i tshe mi mthun pa'i mthong ba las sdang ba dang ldan pa yin no/ /chags pa dang bral pa de ni don dam pa ma yin te/ mi sdug pa la sogs pa'i dngos po rtogs pa tsam zhig yin no/ /bdag tu lta ba ni zhen pa yod pas ma grol ba nyid de/ gnas skabs gzhan don du gnyer ba'i phyir ro/ /zhe sdang gtan du 'gyur ba nyid chags pa dang bral ba yin no zhe na/ de ni ma yin te/ ci srid de ni sdug bsngal ba/ /de srid zhe sdang 'jug par 'gyur/ /sdug bsngal rgyu ni log pa na/ /sdang ba nyid du ga la 'gyur/ /gal te sdug bsngal rjes 'jug na/ /thar pa 'di ni zhi byed yin/ /sdug dang sdang bas zil non pa/ /rtag tu gnas pa phul ba yin// gal te skyo ba med pa ji ltar bar/ /'khor ba las yid ma byung ba/ /sems ni thar pa don gnyer min/ /sdug bsngal gyis gdungs med par yang/ /skye bo skyo ba skye ma yin/ /de ni ma yin te/ blang dang dor bya spang ba'i phyir/ /thams cad la ni mnyam snyoms can/ /tsan dan ste'u mtshungs pa la/ /chags bral zhes ni brjod pa yin/ /kho bo cag gi phyogs la ni/ /chos nyid tsam mthong bas sems mnyam pa nyid thob ste/ rjes su chags pa dang/ khong khro ba dang bral bas na/ rnal 'byor pa rnams chags pa dang bral ba yin gyi/ gzhan du ni ma yin no/ /'o na ji ltar bcom ldan 'das kyi sdug bsngal bsgom pa gsungs she na/ 'di la? lan/ 'du byed sdug bsngal la dgongs nas/ /sdug bsngal bsom? pa gsungs pa yin/ /?? kyi de yang rkyen las skyes/ /de ni bdag med lta rten yin/ /stong nyid lta bas grol bar 'gyur/ /sgom pa lhag ma de don yin/ /de phyir mi rtog las sdug bsngal/ sdug bsngal las ni bdag med gsungs/ /sdug bsngal gyi sdug bsngal tsam la dgongs nas/ sdug bsngal bsgom pa gsungs pa ni ma yin te/ 'dod chags can rnams de tsam gyis 'dod chags kyi bde ba nyams par 'gyur ba ni phyogs su ltung ba dang bral ba'i sgo nas ci nas kyang 'du byed kyi sdug bsngal de yang don dam par stong pa nyid do/ /de'i phyir stong pa nyid du lta ba nyid kyis grol ba yin no/ /bsgom pa lhag ma ni de'i don nyid do/ /de nyid kyi phyir bcom ldan 'das kyis bstan pa ni stong pa nyid la gzhol ba yin no/ /ji skad du dge slong dag gzugs rtag pa yin nam/ /mi rtag pa yin/ btsun pa mi rtag pa lags so/ /gang mi rtag pa de sdug bsngal ba yin nam/ bde ba yin/ btsun pa mi rtag pa la gis te/ gang mi rtag pa de ni sdug bsngal ba/ brtags pa rnam par 'gyur ba'i chos can lags so/ /de nyid lta ba'i don du 'di ni nga'i'o/ /'di ni nga'o la bdag go zhes bya bar 'gyur ram/ btsun pa ma lags so/ /zhes gsungs pa yin no/ /de ltar rgyu dang 'bras bu'i dngos bor bdag med pa mthong ba nyid thar pa'i rgyur bshad pa yin no/ /bdag tu lta ba gang yin pa de ni chags pa dang bra ba ma yin pa nyid de/ chags bral min dang sred ldan dang/ /rtsom pa kun la brten pa de/ /nyon mongs las las grol ma yin/ /de 'dra 'khor bar zhes bya/ /bdag tu lta ba rnam par gnas na 'khor ba'i rgyu bdag gi bar lta ba nyams pa med de/ des na bdag dang bdag gi ba la chags pa mi gor ma chags par sred pa dang ldan pa yin te/ des na las thams cad rtsol ba 'ang? brten no/ /las dang nyon mongs pa dag las ma grol ba de ni 'khor ba pa nyid yin pa'i phyir/ de la thar ba'i dri yod reg? na/ /ji ste yang bdag gi ba nyid don dam par med pa des na chags pa ga la srid/ chags pa ni yul kha 'byung gi / yul med par ni ma yin zhe na/ de yang ma yin te/ bdag gi nyid ni mi 'dod gang/ /de yi za ba po yang med na ba dang longs spyod mtshan nyid tsan de tshe de yi bdag kyang med/ /bdag gi ba mthong bzhin du ci ltar med ces bsgrub par nus/ thams cad ma rig pa'i rgyu mtshan las yin no zhe na/ ma yin te/ bdag las tha dad pa'i ma rig pa med pa'i phyir ro/ /ma rig pa ni skyes bu nyid do/ /zhes brjod pa'i phyir des na ma rig pa rang gi ngo bo yin pa'i phyir/ 'di'i 'khrul pa nyid nam yang ldog par mi 'gyur ro/ /de'i bdag nyid du 'gyur ba'i 'khrul pa ni de las bral ba ma yin te/ de nyid med par thal ba'i phyir ro/ /gnyi gar smra ba yod sun bton zin to/ /gzhan yang bdag gi ba med na bya ba dang longs spyod pa med par 'gyur te/ bdag ni bya ba dang longs spyod pa'i bdag nyid can yin pa'i phyir ro/ /'on te 'dzi don dam par na 'di yang mi 'dod pa nyid do zhe na/ bdag kyang don dam par rtogs pa su yod/ de ni rigs pa bcad pa'i phyir ro zhe na/ thams cad rig par thal lo/ /rmi lam la sogs pa ltar/ goms pas yin pas med pa nyid do zhes ni mi rigs te/ bdag kyang don dam pa ma yin par 'gyur ro/ /de ste gnyis med pa ma yin na/ de'i tshe sna tshogs gnyis med yin pa'i phyir/ bdag ces bya ba yod par mi 'gyur te/ de ltar phyi rang bzhin tsam 'dzin pa'i mngon sum gyis rtag pa nyid mi 'dzin pa'i phyir ro/ /snga ma dang phyi ma'i mngon sum dag cig car med pa'i phyir ro/ /res res ni rtag pa nyid rtogs pa ma yin no/ /tshogs pa yang ma yin te/ dran pa tshad ma ma yin pa'i phyir ro/ /mngon sum med na rjes su dpags yang med pa'i phyir ro/ /des na bdag nyid du lta bas ni mngon par 'dod pa'i don grub pa ma yin no/ /de'i phyir grol 'dod thog med pa'i/ /rgyu can rigs mthun sa bon las/ /byung ba'i sems can lta bdag / rtsa ba nyid las dbyung bar gyis/ /bdag med par lta ba nyid las rnam par gzhan ni tshad ma dang ldan pa med do/ /zhes mjug bsdu'o/ /gal te bdag med pa nyid dang/ de'i thar pa yang lung las grub pa yin no/ /thar pa de yang gcig tu bde ba'i rang bzhin te/ de ni na ma yang med par 'byung ba ma yin no/ /'khor ba'i bde ba ni rnam par chad pa dang ldan pa yin pas de las yongs su tshim pa mi skye'o/ /de yang dbang bskur ba la sogs pa'i cho ga las grub pa yin pa'i phyir sngar gyi rtsod ba thams cad med do/ /de skad du yang/ /dbang po la gnas? rig bya min/ /dngos po mig gi mthong ba yi/ /drang song de dag tshig la ni/ /rjes su dpag pas gnod ma yin/ /skyes gu ma byas pa'i tshig la yang ngo zhes smras pa yin no/ /de yang mi rigs so/ /lung ma de lha'i dbos yin pa'i/ /rgyu ma mthong ba rnams la ni/ /lung tsam gyis ni grol ba yang/ /smra ba yongs su mag byed min/ /dbang po las 'das pa mthong ba rnams kyi tshig la rjes su dpag pas mi gnod do/ /zhes bya ba 'di ni bden nod kyi/ 'on kyang des sbyar pa'i tshig de nyid mi rtogs te/ de ni lung thams cad la thun mong yin pa'i phyir ro/ /lung thams cad ni tshad ma ma yin la/ /de'i rjes su bsgrub pa yang srid pa ma yin no/ /skyes pas ma byas pa ni mi rigs so/ /zhes bshad zin to/ /gal te sa bon la sogs pa dbang bskur ba la sogs pa'i cho ga dang 'brel pa las mi skye ba'i chos can du mthong ba ma yin no/ /zhe na/ de yang rigs pa ma yin te/ sa bon sogs grub cho ga ni/ /skyes bu mi skyes par nus min/ /tig mar bskul dang mes bsrog sogs/ /las kyang grol bar thal phyir ro/ /ji ste til bsku ba la sogs pa ni de'i? ma nyid las nus pa ma yin no zhe na/ de lta yin na/ dbang bskul ba la sogs pa la yang mtshungs so/ /de bzhin du bsngar? lci bdag phyis yang phyir/ /sdig pa bcom par byas pa min/ /'di yi lcing nyid med 'gyur gyi/ /lus can min/ phyir sdig lci min/ /gal te dbang bskur ba na sngar lci bdag phyis yang bar zad med/ de tsam gyis sdig pa bcom pa ni ma yin no/ /ci bder 'gal ba'i yang ba dmigs pas ni lci ba nyid med par rtogs par byed kyi// sdig pa med par ni ma yin te/ sdig pa la ni lci ba nyid med pa'i phyir ro/ /de ni sdig pa nyid kyis lci ba yin no zhe na/ de ga las lung las so zhe na/ 'di la bshad zin to/ /gzhan yang de srid tsam gyis sdig pa ni/ /zhig pas thar pa yod ma yin// mthu yod phyir na gzhan du yang/ /skye zhes bya bar rtogs pa yin/ /lha la sogs pa mthong ba ni/ /'ga' la yang ni med ma yin/ /thams cad las ni grol zhe na/ de lta yin na khyad ci yod/ /gal te khyed kyi phyogs la yang/ bdag med pa bsgoms pas sred pa chang par 'gyur med/ de lta na yang thar pa ji ltar 'gyur zhes bsam dgos pa nyid do zhe na/ de yang ji lta ba bzhin ma yin te/ /'di ltar log shes dang ni 'di las 'byung/ /sred pa sems pa'i dbang dag gis/ /dman gnas 'gro bar skye ba yin/ /de phyir de bcad 'gro mi 'gyur/ /'di ltar/ de tsam las ni 'byung ba'i phyir/ /skyel de dag nyid nus yin/ /sems pa de dag rang nyid las/ /yin phyir skyes rgyu nyams pa med/ /yul la sogs par phyin pa ni sred pa'i dbang nyid kyis yin par dmigs pa yin no/ /gal te las kyang skye ba'i rgyu ma yin nam/ de ci ltar de tsam las 'byung ba yin zhe na/ de yang ma yin te/ sems pa de gnyis nyid las yin no/ /sngar gyi sems pa'i mtshan nyid sbyin pa la sogs pa gang yin pa de dag ni/ 'du byed pa'i sgo nas skye ba gzhan 'byung ba'i sems pa'i log pa'i shes pa dang/ de las byung ba'i sred pa'i sems pa gnyis 'grub par byed pa yin no/ /las ni dngos su 'di gnyis nyid yin te/ de'i de ma thag par skye ba 'byung ba'i phyir ro/ /snga ma dag ni de'i rgyu yin pas na nye bar brtags nas las yin gyi dngos su ni ma yin no/ /des na dbang bskur ba la yang skye ba'i rgyu yongs su rdzogs pa yod pa'i phyir thar pa ma yin no/ /ji ste yang/ 'gro dang rtogs rten byed pa yin/ /de ni ma mthong ba las 'gyur/ /ma mthong zhig phyir 'gro ba med/ /des na 'du byed sems pa min/ /dge ba'i las rnam pa bcu yin la/ de mi dge ba yang rnam pa bcu nyid de/ sems pa'i mtshan nyid ni ma yin no/ /de yang dbang bskur ba la sogs pa'i bsgrub pas 'jig pa yin no zhe na/ de yang ma yin te/ /don 'di ma grub pa'i phyir ro/ /gzhan yang/ yod dang med pa'i rjes 'jug phyir/ /byed pa skyed pa blo yi ni/ nus mthong gzhan gyi ma yin na/ /de yod de dag cis mi 'gro /mig la sogs pa'i byed pa dag ni blo'i rjes su 'gro ba dang/ ldog pa'i rjes su byed pa yin pas de dag blos grub pa na gzhan dag skye ba yin te/ de na ci'i phyir mi skye 'on te dbang bskur gyis bcom par bskyed pa la nus pa med do zhe na/ de lta yin na/ gal te de dag nus med na/ /de la dbang sogs byas ma dag /sems dpa' i dbang gis 'dzin dang 'jug /g.yang dang 'gog pa med par 'gyur/ /gal te dbang bskur bas blo la sogs pa bdag gi yon tan rnams skye nas nus pa med pa la brten na/ de'i tshe dbang bskur ma thag nyid du blo nyams pas na/ 'dzin pa yul dag la rang dgar 'jug pa bzlog pa dang/ mngon par 'dod pa la 'jug pa dang g.yang ba mi mnyam par 'jug pa dang/ 'gog pa 'jig pa ste de dag med par 'gyur ro/ /'on te shi ma thag tu nus pa med par 'gyur ba yin te/ rgyu rnams ni yongs su 'byung ba'i khyad par la ltos pa'i phyir ro zhe na de yang mi rigs te/ gal te dbang bskur la sogs dag / de ltar mi skye la nus med/ /shi ba'i 'og tu 'gyur ro zhes/ /de 'dra ba yi tshad yod min/ /gal te de yi nus pa yi/ /cha dag rtogs pa yod na ni/ /de las phul byung thob pas ni/ /gzhan du yod ces bya bar 'gyur/ /gang gi tshe gong nas gong du 'gyur ba'i rjes su mthun pa nyid ma dmigs pa de'i tshe/ thar par rtog pa rgyu mtshan med pa can nyid do/ /'on te de lta ni blo yod pa'i phyir/ 'dod chags la sogs pa 'khor ba'i rang bzhin 'byung ba yin no/ /shi ma thag tu ni blo med pa nyid kyis 'khor ba'i chos med par 'gyur ro zhe na/ de yang me yin te/ skye ba gzhan du blo med pa nyid ci'i phyir/ shi ba'i phyir zhe na/ dbang bskur ba'i cho ga don med de/ thams cad shi ba'i blo med par/ /gyur pa na 'grol bar 'gyur pa'i phyir ro/ /ci ste de tshe blo med phyir/ /mi 'gyur dri ma rnams kyi blo/ /mtshams sbyor de rnams nus med na/ /gson pa nyid na'ang nus med 'gyur/ /mtshams sbyor ba'i rgyu'i 'dod chags la sogs pa'i dri ma dag yod pas na blo med par mi 'gyur ro/ /'on te gti mug la sogs pa dbang bskur gyis nyams pa dag nus pa med do zhe na/ de'i tshigs son? pa nyid na blo mtshams sbyor ba'i rgyur mi 'gyur ro/ /des na dbang bskur ma thag tu thar bar 'gyur ro/ /yin pa nyid do zhe na/ de ni ma yin te/ gnyen po dang ni rang gi phyog/ 'phel na 'grib dang 'phel ba'i phyir/ /nyes rgyun rang gi sa bon can dbang bskur ba la ldog pa med/ /nyes pa ni rang gi sa bon la skye ba yin no/ /de ci'i phyir zhe na/ gnyen po'i phyogs bdag med pa dang/ rang gi phyogs tshul bzhin ma yin pa yid la byed pa 'phel na go rims bzhin du 'grib pa dang 'phel ba'i phyir ro/ /de lta bu'i dbang bskur ba la yang skye ba 'di dang gzhan du ldog pa med pa yin na/ de ci ltar 'di thar pa yin/ gal te bdag med pa mthong ba/ thar pa de su'i yin/ ? rig tu smra pa ni/ gang gi tshe 'dod chags la sogs pa nyams pa 'ga' zhig las dag par 'gyur ba/ de'i tshe thar pa yin no/ /thar pa ni bcings pa grol ba yin na/ bdag med pa'i lta ba la ni/ gang bcings pa de ni bcings pa nyid de/ de nyid thar pa ni ma yin te/ mi rtag pa nyid kyis bdag tu lta ba med pa'i phyir ro zhe na/ de yang ma yin te/ dag pa gang yin de gzhan min/ /mi shes pa ni me min pa/ /de ltar yang me shi zhes/ /bya ba'i tha snyad 'di gnas so/ /de nged kyi phyogs la ni tshig gi tshul tsam zhig mi 'byor ba yin na/ de yang dpes lan btab po/ /bdag tu smra ba la ni don nyid mi 'grib pas/ tshig gi tshul tsam ni 'grig kyang ci yang byar med do/ /gtso bo dngos po mi 'grig pa'i phyir ro/ /'di la ni dpe yang yod pa ma yin no/ /'di ltar/ rtag pa ltos pa med pa'i phyir/ rim gyis skyed par byed pa dang/ /byed dang mi byed pa dag ni/ /'dra ba'i bdag nyid byed pa 'gal/ /bdag gi thar pa ni/ gnas skabs kyi khyad par yin te/ ma dag pa'i gnas skabs su gyur ba las dag pa'i gnas ?su gyur ba yin no/ /rim gyis 'byung ba'i gnas skabs dag ni bdag gi 'bras bu yang ma yin te/ bltos pa med pa ni cig car nyid gnas skabs dang bcas par 'gyur ro/ /zhes phyogs gzhan du gtan la dbab zin pa'i phyir ro/ /gzhan yang byed pa dang 'gal te/ byed pa dang mi byed pa'i gnas skabs dag tu 'dra ba'i phyir ro/ /rgyu dang 'bras bu gcig par 'gyur/ /de dag de las tha dad na/ /byed po za po nyams par 'gyur/ /nus pa yang ni 'grub ma yin/ /de'i bdag nyid yin na ni/ /rgyu dang 'bras bu dag gcig par 'gyur te/ bdag gcig gi khongs su gtogs pa'i phyir de'i bdag nyid bzhin no/ /rgyu dang 'bras bu de dag tha dad pa yin na ni/ de byed pa po dang za ba por 'gyur te/ byed pa dang longs spyod dang/ 'brel ba'i phyir ro/ /gzhan gyi bdag bzhin no/ /nyams su myong ba las kyang 'bral pa ma yin te/ gzhan gyi bdag nyid bzhin no/ /rnal 'byor ba gzhan gyi byed pa dang longs spyod pa sngon du byed pa las kyang byed pa po dang spyod pa por 'gyur ro/ /'on te 'dul ba'i 'brel pa nyid las so/ /zhe na ma yin te/ 'du ba med pa nyid kyi phyir ro/ /'du ba ni rnal 'byor pa la yang blo gcig tu 'gyur ba'i rgyu ma yin pa ni ma yin no/ /'on te rgyu dang 'bras bu'i dngos po yin pa'i phyir ro/ /'di byed pa po dang spyod pa po yin no/ de yang mi rigs te/ nus pa yang ni 'grub ma yin rtag pa la ni nus pa med do zhes bstan zin to/ /'o na ni bdag med pa la yang dran pa dang longs spyod pa la sogs pa mi 'grub po zhe na/ de ni ma yin te/ gzhan gyis dran dang longs spyod sogs/ /thal ba gnod byed ma yin te/ /'ga' i yang dran pa med pa'i phyir/ /des na myong las dran pa 'byung/ /dran par byed pa po 'ga' i yang dran pa yod pa ma yin no/ /de med pa nyid kyi phyir ro/ /longs spyod pa po med pa'i phyir ro/ /'on kyang dran pa 'ba' zhig ste/ /de nyid dran pa po dang/ dran pa dang dran pa'i yul yin no/ /de bzhin du longs spyod pa yang brjod par bya'o/ /bde nyid longs spyod bya dang longs spyod pa dang/ longs spyod pa po yin no/ /dran pa de yang myong ba'i rgyu las skye'o/ /gal te gzhan gyi mngon par 'dod pa myong ba las kyang ci'i phyir mi skye/ gzhan gyi byed pas kyang longs spyod par 'gyur ro zhe na/ rgyu dang 'bras bu'i dngos po des pa'i phyir ro/ /bdag tu smra ba la yang nyes pa 'di ci'i phyir mi 'gyur/ bdag tha dad pa'i phyir ro/ /tha dad pa de nyid ga las/ ji ltar bdag la khyad med kyang/ gzhan las dran pa mi 'byung ba/ /de bzhin yid la khyad med kyang/ /gzhan las dran pa skye ma yin/ /srid la tha dad rgyu yod pas/ /tha dad 'dir ni 'gyur na yang/ /bdag ni tha dad rgyu med pa'i/ /rnam dbye 'di ni ga las yin/ /gal te bdag las gcig med na/ /bdag gis mthong ba dran na zhes/ /gcig nyid brel ba ga las yin/ /skyon 'di? bdag la yang mtshungs te/ /'di la tshad ma skye ba yod pa ni ma yin no/ /bdag yod kyang tshad ma gang gis dran pa dang mthong ba gzhi gcig nyid du rigs/ mngon sum gyis so zhe na/ snga byi nyid la mngon sum gyi/ /rtogs pa med ces sgrubs zin to/ /mngon sum med phyir rjes dpag ni/ /tshad ma de la 'jug ma yin/ /gal te bdag ni snga ma yi/ /ngo bor de nyid du bdag rig /snga ma yi ni myong ba nyid da lta'i tshe na yod par du gyur/ /des na de la snga ma ni/ /nyid du rig par ga la srid/ /nyams su myong bzhin pa nyid ni/ /snga ma'i ngo bor rtogs pa yin/ /dran las snga nyid ma yin te/ /dran pa nyid ni tshad ma min/ /gal te dran las ma grub na/ /gzhan du ci'i phyir mi 'dod/ /de phyir bdag tu smra ba la/ /de nyid du ni gcig gnas med/ /de dag gcig car 'byung ba'i phyir/ /gcig nyid du ni mngon par rlom/ /gcig nyid du ni mngon 'dod la/ /tha snyad rnam dbye med pa'i phyir/ gcig pa nyid ni tha snyad ni/ /'bras bu gcig nyid las mthong ngo/ /'di ni thog med ma rig pa/ /goms pa'i nus pa rgyur 'gyur yin/ /bdag nyid myong ba gcig nyid ni/ /de ltar bdag tu 'dzin pa'i rgyu/ /'o na ji ltar bdag med par 'khor bar 'jug ste/ bdag med na 'jig tshogs la lta ba nyid mi srid pa'i phyir ro/ /dran pa dang snga ma dang phyi ma'i rang bzhin dang bral ba'i phyir/ gcig pa nyid dang rtag pa nyid 'dzin pa'i nus pa ma yin te/ des na 'khor ba nyid med do zhe na/ 'di la bshad zin to/ /don dam par na 'khor ba zhes bya ba yod pa ma yin te/ rang las rang gi ngo bo rtogs zhes bshad pa'i phyir ro/ /de lta mod kyi 'di ni tha snyad las de ltar 'gyur ba yin no/ /'di ltar/ bden pa bzhi la brtan pa dang/ bde dang nga dar nga zhes sogs/ /yang dag min pa rnam bcu drug /sgro 'dogs nas ni yongs su sred/ /de nyid las ni de 'gal don/ /de nyid rnam par rjes rtogs can/ /legs bsgoms yang dag lta ba yis/ /sred pa bcas 'brangs bcas 'joms byed/ /yang dag pa ma yin pa sgro 'dogs pa nyid 'khor ba yin gyi/ /don dam par ni 'khor ba med do/ /yang dag pa ma yin pa ni rnam pa bcu drug po ste/ de sgro 'dogs pa'i phyir na/ yongs su sred pa can las kyis 'khor bar rlom pa yin gyi/ gzhan du ni 'khor ba srid pa ma yin no/ /mngon par rlom pa yang gzhan ga da? gzhan myong ba las tha dad pa 'ga' yang yod pa ma yin te/ des na gcig nyid dang bdag ni myong ba med kyang rig par mngon par rlom pa yin no/ /dpyod pa dang ldan pa dag de nyid yang dag par mtshungs bzhin du yid la byed pas ni 'di la cung zad kyang yod pa ma yin no zhes/ bdag med pa goms pa las brtan par 'gyur ba na/ rnam pa dag pa nyid du 'gyur bas ma rig pa mdza' dag log pa'i mtshan nyid/ mya ngan las 'das pa'i yul mngon tu byed par 'gyur ro/ /de'i phyir de kho na ma tho ba bas sred pa log pa ni thar pa yin no/ /gal te las dang lus yod na ji ltar thar pa yin zhe na/ de ni ma yin te/ 'di ltar/ las dang lus dag gnas na yang/ /gcig med phyir na rgyu gsum can/ /skye ba srid pa ma yin te/ /sa bon med par myu gu bzhin/ /de lta na ni las dang lus/ /dag las gang yang rung ba zhig med pa nyid na/ thar par 'gyur te/ ji skad du/ las zad pas thar par 'gyur ro/ /zhes bshad pa yin no zhe na/ de ni ma yin te/ 'di ltar/ las dang lus dag spong min te/ /gnyen po dag ni med phyir dang/ /nus med phyir na sred pa ni/ /yod na slar yang 'byung phyir ro/ /sred pa bzlog pa ma gtogs par las dang lus dag gi gnyen po gzhan ni yod pa ma yin no/ /dbang bskur pa la sogs pa'i cho ga ni bshad zin to/ /lung pa? tshad ma ma yin no/ /sred pa dang 'brel pa ni las mi byed pa ma yin no/ /chags sdang la sogs pa ni de las dang gi 'byung bar 'gyur ro// //gnyis zad don du 'bad na yang/ /las zad du ba pa? don med yin/ /gnyi ga zad par byed na ni/ /de sred pa ni bzlog pa zla'o/ /las kyang bzlog par bya ba nyid ma yin nam zhe na/ ma yin te/ gnyen po mi srid pa'i phyir/ zhes bshad zin te/ 'di ltar/ 'bras bu sna tshogs pa yi phyir/ /las dang nus pa tha dad du/ /rjes dpog des na dka' thub nyid/ /nyon mongs dngos gcig gis mi zad/ /'bras bu du ma bsgrub pa'i nus pa mngon du phyogs par byed pa'i bdag nyid kyi las dag /ji ltar yang/ gcig gi 'bras bu spyad pa tsam gyis zad par 'gyur/ dka' thub kyi nyon mongs pa'i mtshan nyid kyang/ 'bras bu rnams cig yin pas/ /de las zad par ni mi rigs so/ /gang gi phyir/ rnam 'ga' de skyed 'bras bu ni/ /chung gyur rigs mi mthun can gyi/ /'bras bu nyams su myong bas ni/ /las gang gi de'i rigs can nyid kyi 'bras bu nye bar bskyed par bya'i/ 'bras bu de'i cha nyams su myong ba'i phyir/ las des bskyed pa'i 'bras bu nyid nyams par 'gyur gyi/ de dang mi mthun pa'i 'bras bu ni 'grib pa ma yin no/ /ji ste dka' thub nus pa yis/ /nus pa 'dres pa zad pas na/ /nyon mongs 'gas spong cha 'am ni/ /nyon mongs med par kun spong 'gyur/ /gal te dka' thub la nus pa yod pa de'i tshe ma lus par nyon mongs pa med pa 'am/ spu gcig gtogs pa tsam gyi cha las zang bar 'gyur ro/ /de la yang brjod pa/ gal te dka' thub nyon mongs las// gzhan 'dod nyon mongs nyid ce na/ /de ni las 'bras yin phyir 'dis/ /nus pa 'dre sogs nus ma yin/ /gal te dka' thub de nyid nyon mongs las yin na/ de'i tshe de nyid las zad pas gdung ba lnga la sogs pa'i nyon mongs pas ci zhig bya/ las ma lus par de nyid kyis zad par 'gyur ro/ /gzhan byas pas ni gzhan gyi nus pa rtogs pa ma yin no/ /nyon mongs pa nyid ni dka' thub ma yin te/ de ni las kyi 'bras bu yin pa'i phyir ro/ /las kyi 'bras bu nyid dka' thub tu 'gyur ba ma yin te/ tsha grang spyod ba'i phyugs la sogs pa dag kyang dka' thub pa nyid du thal bar 'gyur ba'i phyir ro/ 'on te de ni las kyi 'bras bu ma yin te/ 'dod pas zhugs pa yin pa'i phyir ro/ /las kyi 'bras bu mi de 'dod pa med kyang 'gyur ba yin no zhe na/ de yang mi 'thad de/ rgyal srid la sogs 'dod pa yis/ /'thob pa'i las 'bras min nam ci/ /blo ni las kyis rjes 'gro ba/ /de 'dra las kyang yod pa yin/ /gal te las kyi 'bras bu ma yin na/ 'o na ji ltar 'bras bu spyad pa las zad ces khyed brjod par byed/ /de'i phyir de ni las kyi 'bras bu nyid do/ /des na sdig pa nyid zad par 'gyur gyi/ rgyal srid la sogs pa'i las ni ma yin te/ des na rgyal srid la sogs pa yang myong bar bya ba nyid do/ /'on te rgyal srid la sogs pa ni 'dod pa med pa la sogs pa nyid las 'dod par 'gyur gyi/ dmyal ba'i sdug bsngal la sogs pa ni dbang med du 'ongs pas/ /de myong bar bya ba nyid de des na gdung ba nyid 'dod do zhe na/ de lta na 'o na/ dmyal ba'i sdug bsngal yang myong bar bya dgos so/ /'on te de gnyis ni sdug bsngal yin pa'i phyir/ sdug bsngal tsam gyi zad par 'gyur te/ dmyal ba la sogs pa skra 'bal bas zad par 'gyur ro zhe na/ de yang ma yin te/ gang gi phyir tshad ma 'di yang yod pa ma yin te/ sdug bsngal yin phyir las zad pa'i/ /rgyu min phyugs kyi sdug bsngal bzhin/ /gal te 'di ni ma nges na/ /de khyod smras pa med dam ci/ /gzhan yang da ji ltar rgyal srid bde ba'i dngos/ /'dod med la ni mi gnas pa/ /de bzhin goms las dmyal ba yi/ /sdug bsngal de las gnod byed min/ /goms pa'i stobs las 'jig rten na/ bde dang sdug bsngal la sogs 'gyur/ /des na grol gnas 'di la ni/ /bde sdug la sogs yod ma yin/ /'on te las yod de las zad pa'i phyir 'bad do/ /zhes bya ba de nyid khyed kyis khas blangs pa yin pa'i phyir khas blangs pas gnod do zhe na/ de ni ma yin te/ 'di ltar skye 'dod nyes pa bcom pa'i phyir/ /gang yang skyon rnams 'gog byed pa/ /des bskyed las la gnod 'gyur gyi/ /ci ltar byas pa nyams par 'gyur/ /byas zin pa'i las 'jigs pa ni med de/ byas pa'i las la ni nyams pa yod pa ma yin no/ /'o na ji ltar las zad par bshad ce na/ 'dir smras pa/ gang gis tshogs pa gzhan yod na/ /'bras bu gter byed las dang ni/ /'gal ba yod na ma yin pa/ /las de de 'dra ba nyid yin/ /gang zhig gdon mi za bar 'bras bu 'byin par nus pa gang yin pa de ni gdon mi za ba kho nar 'bras bu 'byin pa yin te/ de'i don du yang dag thub can dag mngon par sbyor ba ma yin te/ de ni stobs kyis 'ong ba'i phyir ro/ /'dod chags la sogs pas zad pas ni ma 'ongs pa'i 'dod chags kyi 'bras bu zad pa'i 'gyur ba nyid do/ /byas zin pa'i dngos po gdon mi za bar myong bar bya ba'i las ni ma yin no/ /gal te ci ltar sred pa ji lta ba bzhin du gnas na las yang 'byung ba de bzhin las yod na sred pa slar 'byung bar mi 'gyur ro zhe na/ de ni ma yin te/ 'di ltar/ lam las nyes pa ma yin te/ /skyon bral med 'gyur bzlog pas min/ /log pa'i rnam rtog med par ni/ /bde ba las kyang 'dod mi 'gyur/ /sred pa yod na 'bras bu don du gnyer ba las byed kyi/ de lta ma yin te/ sred pa med na ni ci yang mi byed do/ /'on te dge ba'i las bde ba 'byin par nus pa'i phyir ro/ /gdon mi za bar bde ba 'dod par 'gyur ro zhe na/ de ni ma yin te/ don dam par na 'khor bar bde ba nyid 'ga' yang yod pa ma yin no/ /'on kyang log pa'i rnam par rtog pa 'ga' shig tu zad do/ /log pa'i rtog pa de de med na ni gang las mngon par 'dod par 'gyur zhing/ /bde ba de yang gang zhig gi yin/ de'i phyir 'jig tshogs la lta ba'i mtshan nyid ma rig pa nyid kyis thar par 'gyur gyi/ gzhan du ni ma yin no/ /de'i phyir 'phags pa'i bden pa bzhi ston par mdzad pa nyid skyob pa yin no/ /des na bden pa bzhi ston pa'i mtshan nyid 'bras bur 'gyur ba'i/ skyob las de nyid brtan pa dang ma byung khyad par mkhyen par 'grub/ /gshegs pa rtogs pa'i don phyir to/ /de phyir phyi rol pa dang slob/ /mi slob las lhag gang gi phyir/ /skyob pa nyid las bcom ldan 'das/ /bde bar gshegs pa yin no zhes shes pa yin no/ /bde bar gshegs pa nyid de yang/ de kho na nyid dang/ brtan pa dang khyad par ma lus pa mkhyen pa'o/ /de kho na nyid mkhyen pa ni legs par mkhyen pa'o/ /bstan pa mkhyen pa ni slar mi log par mkhyen pa ste/ /bstan pa ni slar mi ldog pa'i phyir ro/ /khyad par ma lus pa mkhyen pa ni rnam pa rnam pa thams cad mkhyen pa nyid kyi ye shes te/ mdza' dag mkhyen pa'o/ /bde bar gshegs pa ni rtogs pa'i don yin pa'i phyir ro/ /bcom ldan 'das la de mnga' ba nyid ni skyobs pa nyid ni shes pa yin no/ /zhe na/ rjes su dpag pa las ni skyob pa nyid du 'gyur ba ma yin no/ /gzhan la ni 'di lta bur 'gyur ba'i skyob pa srid pa ma yin la/ rjes su dpag pas 'jug pa yin na ni/ /gzhan dag 'gyur ro/ /de 'on te ni rjes su dpag pa rgyud pa las 'byung ba yin no zhes bya ba lan du 'gyur ro snyam na/ de lta yin na/ gzhan dag kyang 'gyur te/ rjes su dpag pa 'ga' zhig la ni 'gyur ba gzhan ba ma yin no/ /zhes bya ba'i rnam par dbye ba ni yod pa ma yin no/ /gcig la yang bcom ldan 'das kyis nye bar bstan pa med par 'gyur ba ni ma yin no/ /des na don thams cad kyi rnam pa thams cad bcom ldan 'das kyis mkhyen pa yin no/ /zhes shes so/ /don thams cad kyi rnam pa thams cad ma gzigs par ni don thams cad skad cig ma la 'jigs pa yin no/ /zhes bya ba la sogs pa ni srid pa ma yin te/ gang zhig ma mthong ba de nyid kyis ma nges par 'gyur ba'i phyir ro/ /'on te bdag cag ci lta bu de ltar de yang 'gyur ro zhe na/ bdag cag ni de'i nye bar bstan pa med pa ma yin no/ /de'i phyir gang mngon du gzigs pa 'am/ gzhan gyis nye par bstan pa gang yin pa la nges pa 'di yod kyi/ gzhan la ni ma yin no/ /nges pa med pa nye bar ston pa ni mi srid do/ /'on te 'khrul ba las kyang srid do zhe na/ de ni ma yin te/ 'di ltar 'dra ba gzhan dag 'byung ba'i phyir/ rtag pa nyid du 'khrul 'gyur gyi/ /gang gis de 'gyur skad cig ma nyid du 'khrul rgyu ci zhig yod/ /the tshom yang med pa nyid de/ gnyi ga'i cha la dmigs pa'i phyir ro/ /de'i phyir 'di ni nges pa nyid las nye bar ston par mdzad pa ma yin la/ nges pa de yang mngon du mdzad pa ma yin no/ /bdag cag gi rjes su dpag pa ni nye bar bstan pa med pa ma yin pa'i phyir ro/ /the tshom gyis bcom ldan 'das kyis de skad gsungs pa yang ma yin te/ gnyi gar ston par thal ba'i phyir ro/ /de'i phyir bcom ldan 'das ni de nyid dang/ brtan pa dang ma lus pa'i khyad par mkhyen pa mnga' ba'i phyir bde bar gshegs pa yin te/ des na/ bcom ldan 'das kyi phyi rol pa dang/ slob pa dang mi slob pa las bde bar gshegs pa nyid kyis khyad par du 'phags pa yin no/ /de'i phyir/ gzhan don mkhyen sbyor de ston pa/ /de las brtse yin gzhan don ngor/ /don grub mdzad pa mi 'dor phyir/ /bcom ldan 'das la bde bar gshegs pa nyid mnga' ba ni/ bden na de rgyu gang las yin zhe na/ lan du/ gzhan gyi don mkhyen pa la sbyor ba ston pa nyid ces bya ba'i rgyu rjes su dpag ste/ de lta ma yin na bde bar gshegs pa nyid ga la srid/ /de las kyang brtse ba yin te/ gzhan du na gzhan gyi don mkhyen pa la sbyor bar mi 'gyur ro/ /gal te de bsgrubs pas ci bya/ /'di bde bar gshegs pa tsom nyid kyis/ tshad mar 'gyur ro zhe na/ de ni ma yin te/ 'di ltar de ni mkhyen pa tsam zhig las tshad min de yi tshad ma nyid/ kun tshe nye bar bstan pa las/ /yin 'gyur de lta ma yin na/ /de ni nged la tshad ma min/ /de bshad pa ni gzhan don ngor/ /don 'grub mdzad pa mi 'dor phyir/ /brtse bas? gzhan gyi don mkhyen par/ /sbyor ba ni/ rtag tu nga gzhan gyi don nyid du mdzad pa'i phyir ro/ /brtse bas yongs su mya ngan las yongs su mya ngan las mi 'da' ste/ ci ltar sngar bshad pa bzhin no/ /gzhan yang/ brtse ba legs dang? ye shes las/ /bden pa gsung mdzad sgrub byed bcas/ /de gsung bar yang sngon sbyor ldan/ /gang phyir des na tshad ma nyid/ /brtse ba dang ldan pas ni legs pa gsung bar 'gyur la/ mkhyen pas ni yang dag par phyin ci ma log pa gsung bar mdzad do// mkhyen pa de yang sgrub par byed pa dang bcas pa de yang gsung ba'i don du mngon par sbyor ba dang ldan pa yin te/ gang gi phyir rgyu bzhi po des na de tshad ma nyid do/ /'dis ni 'di skad brjod pa yin te/ dang po yi ni tha ma yin la/ dang 'og gi ni tha ltag yin no zhes bya ba 'di ni rgyu dang 'bras bu'i dngos po yin no/ /de'i phyir bcom ldan 'das tshang ma yin no zhes nges par brjod pa yin no/ /de nyid kyi phyir bcom ldan 'das tshad ma'i mtshan nyid kyi yon tan 'di nyid kyis bstod pa yin no/ /des bshad pa ni/ de lta'i dngos po bstod pa ni/ /de'i bstan pa nyid las ni/ /tshad ma'i de nyid grub don te/ /rjes su dpag pa ma bzlog phyir/ /cung zad skye ba'i bdag nyid can/ /gang de thams cad 'gog chos can/ /zhes sogs rnam pa du mar ni/ /'di'i sbyor ba'am mthong phyir ro/ /ci'i phyir tshad ma'i mtshan nyid de lta bu'i dngos po nye bar ston ce na/ de'i nye bar bstan pa nyid las tshad ma'i de kho na nyid ji ltar grub par 'gyur bar bya ba'i don du'o/ /de las mngon sum ni bcom ldan 'das kyi nye bar bstan pa yin te/ sngon po shes pa dang ldan pa'i skyes bus ni sngon po shes kyi/ sngon po nyid do zhes ni ma yin no zhes so/ /rjes su dpag pa yang ma bzlog ste/ de'i phyir bzhed pa nyid do/ /sgra las byung ba la sogs pa dag ni bzlog ste/ pha rol rab tu smra ba thams cad ni/ gsog ste/ nga gcig pa de nyid gsungs pa yin no zhes so/ /yang na gzhan gyi don gyi rjes su dpag pa'i mtshan nyid de sbyor ba stan pa yod pa yin te/ ci skad du gang cung zad skye ba'i bdag nyid can de thams cad ni 'gog pa'i chos can yin no// zhes gsungs pa'i phyir ro/ /de nyid smras pa ni/ med na mi 'byung mtshan nyid can/ rtags ni rjes dpag rten yin no/ /bsgrub byas gtan tshigs khyab pa ni/ /bstan phyir de yang gsal bar bshad/ /bsgrub byas khyab pa'i gtan tshigs ni go bar byed pa yin la/ gtan t shigs kyi khyab pa de yang gang cung zad skye ba'i bdag nyid can de thams cad ni 'gag pa'i chos can yin no zhes bcom ldan 'das kyis rnam pa du mar bstan par mdzad de des na rjes su dpag pa yang gsung pa nyid kyis tshad ma'i de kho na nyid ni bcom ldan 'das kyi dang po bstan pa yin la/ de yang tshad ma yin pa'i phyir/ des na dang por smos pa'i tshad ma nyid ni bcom ldan 'das kyi yon tan dam pa yin no/ /gang phyir gnyis ldan tshad ma'i de nyid ni/ /bcom ldan de bzhin gshegs pas bstan mdzad pa// de phyir de las tshad ma gzhan yod min/ /de bzhin gshegs pa nyid las thams cad grub/ /tshad ma rnam 'grel gyi rgyan las/ tshad ma grub pa zhes bya ba'i le'u dang po'o// //de ltar spyi'i mtshan nyid brjod nas khyad par gyi mtshan nyid bshad pa/ mngon sum dang ni rjes dpag dag tshad ma yin no/ /tshad ma de yang mi bslu ba'i phyir ro/ /mi bslu ba yang don las skyes pas don la mi 'khrul ba'i phyir ro/ /gal te don la mi 'khrul pa de nyid ji ltar rtogs par bya zhe na/ mngon sum dang rjes su dpag pa nyid kyis te/ mngon sum yin pa'i phyir dang/ rjes su dpag pa yin pa'i phyir tshad ma yin te/ gzhan sgra las byung ba la sogs pa yin pa'i phyir ni/ ma yin no zhes bya ba'i don to/ /gal te sgra las byung ba la sogs pa don dang 'brel pa med pa nyid do zhes bya ba gang las she na/ 'di ltar mtshan nyid gnyis ni gzhal bya yin la/ tshad ma ni gzhal bya yin la/ tshad ma ni gzhal bya la 'khrul ba med pa'i phyir ro/ /gzhal bya med na ni gzhal bya la mi 'khrul bar mi 'gyur ro/ /gzhal bya yang mngon sum dang rjes su dpag pas rtogs par bya ba las gzhan yod pa ma yin te/ rang dang spyi'i mtshan nyid dag las gzhan ba'i gzhal bya ni med do zhes gang bshad pa yin no/ /rang gi mtshan nyid ni mngon sum yin la/ spyi'i mtshan nyid ni rjes su dpag pa'i yul yin no zhes ston par 'gyur ro/ /'di nyid ston par byed pa ni/ /gzhal bya gnyis phyir tshad ma gnyis/ /don byed nus dang mi nus phyir/ /skra shad la sogs don min te/ /don tu mos pa med phyir ro/ /mngon sum ngang rjes su dpag pa'i dbye bas tshad ma ni rnam pa gnyis kho nar rtogs par bya ste/ de lta ma yin na gzhal bya rtogs par mi 'thad pa'i phyir ro/ /zhes ston par 'gyur ro/ /mngon sum rjes su dpag bya yin/ /rnam pa las gzhan rtogs med pa/ /de phyir nga las gzhan ba yi/ /tshad ma yod par 'dod ma yin/ /mngon sum dang rjes su dpag par bya ba dag kho na dag phyin ci ma log par rtogs pa'i gzhal bya yin gyi gzhan ni ma yin te/ /spyi dang khyad par gyi ngo bo yin pas rtogs pa'i rnam pa gzhan med pa'i phyir ro/ /yul gcig nyid kyang rnam pa gnyis su 'gyur te/ /rtog pa'i rnam pa gnyis yod pa'i phyir ro/ /rtogs pa'i dbye ba yang tshad ma'i dbye ba yin te/ de nyid ni yul gyi dbye ba yin to/ /gal te rtogs pa'i bye brag yul gyi dbye bar ji ltar 'gyur te gzhan tha dad pas gzhan tha dad par 'gyur ba ni ma yin no zhe na/ de ni bden te/ rnga'i dbye bas ba sogs kyi/ ngo bo tha dad 'gyur min te/ /'brel med phyir ro shes pa dang/ /shes bya dag ni de ltar min/ /don rnams yod med nges pa yi/ /rnam gzhag shes la rag las yin/ /shes gzhan las ni don de nyid/ /don gzhan nyid du shes par byed/ /gang gi tshe shes par skyed pa la dngos su nus pa nyid du rtogs pa de'i tshe ni/ 'dir rang gi ngo bos mtshon pa'i phyir/ rang gi mtshan nyid yin la/ gang gi tshe de nyid brgyud pas nus pa nyid du rtogs pa de'i tshe ni/ spyi'i ngo bor mtshon pa'i phyir/ spyi'i mtshan nyid yin no/ /ma yin par 'jug pas brgyud pas nus pa nyid nus pa med pa yin gyi/ gtan nus pa med pa ni ma yin no/ /rab rib can gyi dmigs pa'i skra shad la sogs pa dang/ sgra la sogs pa las dmigs pa ni don med pa nyid de/ dngos sam brgyud pas nus par ma rtogs pa'i phyir ro/ /don du mos pa med pa'i phyir te/ mos pa med pa yang gnod par byed pa'i tshad ma 'jug pa'i phyir ro/ /'di las kyang gzhal bya gnyis yin te/ 'dra dang mi 'dra nyid phyir dang/ /sgra'i yul dang yul min phyir/ /rgyu mtshan gzhan ni yod pa na/ /blo ni yod dang med phyir ro/ /gang zhig rnam pa ci zhig ltar 'dra ba'i ngo bor rtogs pa de ni spyi'i mtshan nyid yin la/ gzhan du rtogs pa ni rang gi mtshan nyid do/ /gal te mdun na gnas pa'i ba lang la sogs 'dra ba'i ngo bo nyid du rtogs pa dang/ de bzhin du ba men de ni 'di yin no/ /zhes nye bar 'jal bas rtogs pa de cig spyi'i mtshan nyid yin nam zhe na/ de ni ma yin te/ 'dra ba'i ngo bo nyid du ni/ /gang la shes pa skye 'gyur ba/ /de ni spyi yi mtshan nyid yin/ /'dir ni rang gi ngo bos rig/ gang zhig 'dra ba'i ngo bo kho nar rtogs pa de spyi yin na/ 'dir ni khyad par rtogs pa yin no/ /gal te 'dra ba'i ngo bo nyid du yang rtogs pa'i phyir ro zhe na ma yin te tha dad par de'i ngo bor rtogs pa med pa'i phyir ro/ /'o na ji ltar 'di ni 'dra ba yin no snyam du lhag par zhen kyang logs shig tu/ 'dra ba rtogs pa yod ma yin/ /so sor rtogs pa yod min pa/ /de nyid gnyis med shes pa yin/ /'di 'dra'o snyam du rtogs pas ni/ /'dra ba gzhan dngos po las tha dad bar shes pa nus pa ma yin te/ mdun na gnas pa'i don gyi rnam pa dang/ bral ba'i don gzhan rtogs pa ni med do/ /de'i phyir 'di la don gzhan rtogs pa med pa'i phyir/ spyi'i shes pa ni dmigs pas med pa kho na'o/ /rjes su dpag pa'i rtogs pa'i la ni dpe la mthong ba'i ngo bo sgro 'dogs pa'i 'dra ba'i yod pa nyid do/ /gal te de lta na ni sgra las byung ba la sogs pa'i yul yang spyir 'gyur ro zhe na/ 'di la lan don min te/ don tu mos pa med pa'i phyir ro/ /zhes brjod zin to/ /de bzhin du gzhan du yang lta bar bya'o/ /sgra'i yul ni spyi'i mtshan nyid yin la/ yul ma yin pa ni rang gi mtshan nyid yin no/ /gal te sgra'i yul spyi'i mtshan nyid yin na 'o na sgra yang tshad mar 'gyur te/ spyi'i yul can yin pa'i phyir ro zhe na/ de ni ma yin te/ gzhan don rjes dpag gang yin pa/ spyi yid de yi spyod yul yin/ /sgra yi spyod yul ci nyid ces/ /de skad du ni mi brjod de/ /sgra yi spyod yul ma yin pa/ /spyi ma yin zhes rnam dpyod ces/ /spyi yi mtshan nyid gang yin te/ /sgra yi yul yin gzhan ma yin/ /spyi ni sgra'i yul nyid yin gyi/ /sgra'i yul gang yin pa de spyi nyid ni ma yin no/ /yul ma yin pa rang gi mtshan nyid kho na ni ma yin te/ 'on kyang yul ma yin pa kho na rang gi mtshan nyid yin no/ /zhes bya ba'i don brjod par 'dod pa yin pa des na 'di la skyon med do/ /des na sgra'i yul yang 'ga' zhig ni spyi yin la/ 'ga' zhig ni don med pa ma yin no/ /de bzhin du yul ma yin pa yang 'ga' zhig ni rang gi mtshan nyid yin la/ kha cig ni don med pa yin no/ /rgyu mtshan gzhan bdag rtsol ba la sogs pa yul las gzhan du gyur pa dag yod na gang la blo yod par gyur pa de ni spyi yin la/ mig la sogs pa rgyu mtshan gzhan yod kyang gang la blo med par 'gyur ba de ni/ rang gi mtshan nyid do/ /'dir yang snga ma bzhin du brjod par bya'o/ /yang na rgyu mtshan gzhan yod na gang la blo yod pa de ni rang gi mtshan nyid yin la/ rgyu mtshan gzhan yod kyang blo med pa de ni spyi'i mtshan nyid yin no/ /rang gi ngo bos rtogs par mi nus pa'i phyir/ mi dmigs pa de ni lkog tu gyur pa dang spyi yin no/ /de la rang gi ngo bos mtshon pa ni rang gi mtshan nyid yin la/ rnam pa gzhan ni spyi'i mtshan nyid lkog tu gyur pa yin no/ /gal te mngon sum tu gyur ba dang/ lkog tu gyur pa'i mtshan nyid kyi yul gyi dbye ba tshad ma gang gis rtogs/ ci mngon sum gyi yin nam/ 'on te rjes su dpag pas yin nam/ de ste tshad ma gzhan gyi yin/ gal te gzhal bya gnyis nyid ni/ /tshad ma gzhan gyi rtogs 'gyur na/ /gtan tshigs 'gal ba nyid 'gyur te/ /gsum pa dag kyang yod phyir ro/ /'on te tshad ma gnyis nyid kyis/ /yin na phan tshun brten par 'gyur/ /tshad ma gsum la sogs pa yis/ /gzhal bya gzhan ni grub pa na/ /tshad ma gsum sogs 'grub 'gyur te/ /mngon par 'dod pa 'grub mi 'gyur/ /tshad ma'i dbye bas gzhal byas yis/ /dbye ba sgrub par byed pa yin/ /lkog gyur nyid kyang rjes dpag gis/ /ji ltar 'grub par 'gyur ba yin/ /lkog la mngon sum 'jug min te/ /'jug na rjes dpag don med yin/ /gal te mngon sum 'jug na ni/ /lkog 'gyur nyid du 'ang ji ltar 'gyur/ /mngon sum log par gyur pa yi/ /dngos po nyid ni lkog gyur yin/ /de la mngon sum 'jug pa min/ /dbang po mthong ba med par ni/ /des de rtogs pa zhes bya ba'i/ /tshig gi tshul ni sngon med yin/ /de phyir mngon sum yul nyid ni/ /mngon sum las ni rtogs par 'gyur/ /lkog gyur la ni tshad med phyir/ /ji ltar gzhal bya gnyis su nges/ /de'i phyir gzhal bya gnyis ma grub pa 'am/ 'gal ba yin na ji ltar sgrub par byed pa yin/ gal te gzhal bya gnyis yin du chug pa de lta na tshad ma de tsam kho nar 'gyur dgos so/ /zhes bya ba ga las yin/ 'brel pa grub pa med par ni/ /gtan tshigs kun las nges mi 'gyur/ /'brel pa rab tu grub pa yang/ /mngon sum tshad ma dang ldan min/ /tshad ma nyid ni thun mong pa'i/ /sgrub byed mngon sum ji ltar yin/ /de ma grub na mngon sum gyi/ /de dang 'brel pa ji lta nges/ /de ltar gzhal bya gnyis nyid ma grub pa'am/ gzhan gyi grub na 'gal bar 'gyur ba dang/ /yang na de dang 'brel pa ma grub pas/ /gtan tshigs ma nges pa ma yin no zhe na/ 'dir bshad pa/ yul rnam pa gnyis ni/ /mngon sum kho nas rab tu grub ste/ 'dra ba dang mi 'dra bar rtogs pa nyid ni shes pa nyid kyi chos yin la/ de yang rang rig pa'i mngon sum gyis grub pa yin no/ /shes pa'i rang gi ngo bo la 'khrul pa yod pa yang ma yin te/ /de la 'khrul par dogs na/ tha snyad med par 'gyur bas gtan tshigs brjod pa dang/ phyir rgol ba dang/ 'dri ba'i tshig skabs med par gyur ro/ /myong ba med pa gang gi tshig /gang zhig tu ni 'jug par 'gyur/ /'drel med rten la tshigs dag ni// 'jug par gang na'ang yod ma yin/ dngos gzhan dag gi tha dad kyang/ shes pa tha dad las yin na/ /de yi ngo bor gyur pa yi/ /tshad ma'i dbye ba cis mi 'grub/ /rtogs pa nyid ni tha dad 'gyur/ /tshad ma'i dbye ba ji ltar yin/ /sngon tu spyi'i mtshan nyid du/ /tshad ma nyid ni grub gyur pa/ /de yi tha dad tha snyad 'di/ /de ltar sgrub byar rtogs min nam/ /'di me zhes bya mngon sum nyid/ /rnam rtog bcas par gang smra ba/ /ngo bo mngon sum las grub cing/ /sngon dang 'dra don gtan tshigs las/ /de ltar don bzung med par ni/ /don gnyer don sgrub la 'jug med/ /'jug pa dang ldog pa'i mtshan nyid kyi tha snyad las tshad ma'i spyi'i mtshan nyid ni dang po nyid du grub pa yin la/ da lta ni tha dad pa'i tha snyad tsam zhig sgrub byar 'gyur ba yin no// de la 'di ni rnam par rtog pa dang bcas pa'i mngon sum gcig nyid de/ 'di lta ste 'di ni ma yin te/ 'di las mngon par 'dod pa'i don bya ba byed pa yin no/ /zhes bya ba lta bu'o zhes gang smras pa de la/ 'di ni gnyis yin te/ rtogs pa'i rnam pa tha dad pa'i phyir ro/ /rtogs pa rnam pa tha dad pas ni phyi rol gyi dngos po yang tha dad par rtogs pa yin na/ de'i ngo bor gyur pa'i tshad ma lta ci smos/ /de la 'bar ba'i rnam pa can gyi rang gi ngo bo mngon sum gyis grub pa yin te mngon du byas pa'i phyir dang/ mngon sum de ni lkog tu ma gyur pa'i yul can yin pa'i phyir ro/ /spyi'i rnam par rtog pa sngar gyi don bya ba byed pa dang/ /chos mthun pa ni lkog tu gyur pa yin pa'i phyir/ tshad ma gzhan gyi yul yin no/ /'on te de la 'jug par byed pa ni mngon sum kho na yin gyi gzhan ni ma yin no// rtogs pa gzhan ni de na yod kyang tshad ma ma yin te/ gang gi phyir ci snyed de dang lhan cig yod do cog/ thams cad ni tshad mar 'gyur pa ma yin te/ lus dang sa gzhi la sogs pa yang tshad mar thal ba'i phyir ro zhe na 'dir/ smras pa/ rjes 'gro ldog pa dag gis na/ /nyer mkho cig shos dag tu gnas/ /de med par ni mngon sum nyid/ /'ba' zhig 'jug par byed ma yin/ /ci ste shin tu goms pa las mngon sum 'ba' zhig 'jug par byed pa mthong ba yin pas na/ 'dra ba 'dzin pa'i rnam pa can gyi rjes su dpag pa ni ma yin no zhe na/ de yang mi bden te/ mngon sum gyis rtogs pa 'ba' zhig dang po'i tshe 'jug par byed pa ma mthong ba'i phyir ro/ /dang po ma yin kyang phyis 'gyur ro zhe na/ 'di ni glen pa'i gtam yin te/ gang de gang zhig yul der ni/ /dang po zhugs pa na byed na/ dang po 'jug par mi bya ste/ /de'i 'og tu 'jug par 'gyur ro zhe'o/ /'di ltar dang po 'jug pa med na/ phyis kyi goms pa can gyi 'jug pa de nyid ga las yin/ /de'i 'og rol pa rnams kyi de'i 'og rol gyi ngo bo ni 'di kho na yin te/ snga ma med na med ba nyid gang yin pa'o/ /de'i phyir mngon sum dang cig shos kyi rtog pa 'jug gi de lta ma yin na 'jug pa mi srid pa'i phyir ro/ /gzhan yang/ gang zhig du sogs rtags las ni/ /mi sogs 'ga' la 'jug byed pa/ /de ni mngon sum med na'ang mthong/ /des na de yang don med 'gyur/ /ji ltar shin tu goms pa las lkog tu gyur pa'i rtogs pa med kyang mngon sum nyid la 'jug pa de bzhin du/ mngon sum gyi rtogs pa med kyang du ba la sogs pa las me la sogs pa la 'jug pa'i phyir/ mngon sum de yang 'jug pa byed par mi 'gyur ro/ /ci ste yang/ mngon sum med pas rjes dpag gis/ /rang don sgrub par byed ma yin/ /de med par yang mngon sum ni/ /goms las 'jug par byed pa yin/ /de phyir de la mngon sum nyid/ /tshad yin gang duAng rjes dpag min/ /de med par de de 'grub phyir/ /mngon sum nyid ni tshad ma yin/ /zhes bya bar sems na/ 'dir smras pa/ goms med mngon sum tshad ma nyid/ /min zhes 'di la bshad zin to/ /de phyir 'di la rjes dpag nyid/ /sgrub par byed pa yin zhes rtogs/ /gzhan tshe mkho ba med ces te/ /gzhan tshe'ang mkho ba med ma yin/ /goms pa med na skye bo rnams/ /rjes dpag min pa gang las 'jug /mkho ba med na 'ga' zhig kyang/ /don tu gnyer bar ji ltar 'gyur/ /dngos po don tu gnyer ba'i yul/ /mkho ba med pa rigs ma yin/ /ci ste mngon sum 'jug don tu/ /rjes su dpag pa don gnyer na/ /rtags la mngon sum dag kyang ni/ /tshul 'di nyid las 'da' mi 'gyur/ /de'i phyir mngon sum dang rjes su dpag pa gnyi ga yang rang gi yul la tshad ma yin no zhes gnas te/ /de nyid de ltar 'jig rten la grags pa'i phyir ro/ /ci ste de tshad ma ma yin pa nyid do zhes na ma yin te/ khyad par med pa'i phyir ro/ /ji ltar 'jug la mtshungs pa nyid yin yang/ /gal te 'ga' zhig 'jug byed na/ /da ni 'jug byed cig shos kyi/ /rnam dbye mtshon pa med par 'gyur/ /'jug pa byed pa las tshad ma nyid gzhan ni med de/ des na mngon sum dang cig shos gnyis ka mtshungs par tshad ma yin pa'am/ yang na 'ga' yang ma yin no/ /'on te yang de la 'jug par byed pa ni mngon sum yin la/ 'bras bu'i rtags la sogs pa'i yul can mngon sum ma yin pa ni/ yod pa tsam du nye bar gnas pa yin gyi/ de 'jug par bya ba'i bya ba ni med do snyam na/ de yang mi bden te/ de ltar rtogs pa med pa'i phyir ro/ /de la 'jug bar byed pa mngon sum nyid yin no zhes bya ba'i nges pa ni 'ga' yang ma yin no/ /mngon sum la yang yod pa tsam las gzhan 'jug par byed pa nyid ni med de/ thams cad rjes su 'gro ba dang ldog pa tsam gyis 'bras bu la nye bar sbyor ba'i phyir ro/ /'di ni rten cing 'brel par 'byung ba tsam yin no zhes bya ba'i grub pa'i mdza' yin pa'i phyir don dam par 'ga' yang gang la yang bya ba dang bcas pa ma yin no/ /bya ba dang bcas pa zhes bya ba'i don ni kun rdzob pa kho na yin te/ 'di yang phyis bshad par bya'o// gzhan yang/ 'dir yang rtags kyi sgrub byed kyis/ /mngon sum nyid kyis 'jig rten gzhan/ /grub phyir rtags kyi sgrub byed kyis/ /mngon sum nyid kyis 'jig rten gzhan/ /grub phyir rtags can la gnod kyang/ /ded la ched pa ci zhig yod/ /gal te me la sogs pa'i yul can/ rtags can gyi shes pa tshad ma ma yin yang mngon sum gyi ngo bo las/ ma 'das par 'jug pa'i rtags kyi shes pa nyid kyis 'jig rten pha rol la sogs pa rtags dang rtags can yul du byas pa'i phyir/ ded la chad pa ci zhig yod/ /rjes dpag tshad ma nyid yin pa/ /'jig rten gzhan tshogs mi 'grub phyir/ /me ltar ma gyur cig ces de/ /tshad ma nyid min 'gog par byed/ /gal te rjes su dpag pa tshad ma ma yin na nga'i yul 'jig rten pha rol la sogs pa mi 'grub pa'i phyir ro/ /med par 'gyur du dogs nas/ kho bo cag gi rjes su dpag pa spong bar zlog par zad kyi/ bsam pa gzhan gyi ma yin no/ /gal te rjes su dpag pa'i yul 'jig rten pha rol la sogs pa'i mngon sum du ma gyur pa yang mngon sum gyi yul du byed na/ /rjes su dpag pa tshad mar bsgrubs pas ded la ci zhig bya/ 'di ltar 'bad pa chen po yis/ /grub par 'dod pa gang yin pa'i/ /don de gal te 'bad med par/ /grub na gang gzhan don tu gnyer/ /rnam pa gcig gis 'bad pa med par grub pa'i don la/ rtog pa dang ldan pa'i skye bo su zhig 'bad pa'i dal ba'i snod rnams gzhan ston par byed/ gal te rjes su dpag pas bsgrub par bya ba'i don mngon sum tsam gyi grub na/ de la rjes su dpag pa nye bar len pa ni ci dgos/ gzhan yang/ gal te lkog kyang mngon sum las/ /'grub ces don ni 'dod na ni/ /thams cad 'grub par 'gyur bas na/ /thams cad don kun rig par 'gyur/ /'brel ba med phyir min zhe na/ 'o na de ni rjes dpag nyid/ /rjes su dpag pa smra ba rnams kyang 'brel pa las rtogs pa ma gtogs pa gzhan ni rjes su dpag par 'dod pa ma yin no/ /de'i phyir gang zhig 'dra ba'i ngo bor rtogs pa de ni spyi'i mtshan nyid kho na yin la/ de ni rang rig pa'i mngon sum gyis grub pa yin no/ /'dis ni 'bras bu'i rtags kyi yul bstan to/ /sgra'i yul nyid kyang sgras 'byung ba'i shes pas rtogs par bya ba yin no/ /sgra'i shes pa de nyid kyang rang la snang ba'i yul nyid rtogs par byed pa yin no/ /'dis ni rang bzhin gyi gtan tshigs kyi yul bstan to/ /'di ltar/ nye bar 'jal bas ba lang gi/ dngos po 'dra bar nges pa yin/ /'dra ba de ni sgra las sngar/ /des na rab tu rtogs pa nyid/ /de yi ngo bo mngon sum gyi/ /shes pa nyid kyis khong du chud/ /de yi 'dra ba 'ba' zhig ni/ /sgra yi shes pa'i spyod yul yin/ /'di ltar 'di de dang 'dra'o zhes bya ba dang/ 'di yang 'dra'o zhes bya ba'i 'di don gcig pa yin la/ de'i rjes su byed pa'i bya ba yang gnyi ga las dmigs pa yin no/ /mngon sum gyis ni gnyi ga gtogs par mi nus te/ des na 'dra ba'i ni sgra'i spyod yul du gyur pa rang bzhin gyi gtan tshigs kyis rtogs par bya ba yin no/ /de ni 'di dang 'dra bas yin te/ 'di'i rnam pa de la yang mthong ba'i phyir dang/ 'dra ba'i tha snyad tsam de la yang sgrub pa'i phyir dang/ de lta bu shes pa'i rgyu mtshan du gyur pa'i rnam pa gnyis ni snga ma dang phyi ma'i mngon sum dag kho nas dmigs pa'i phyir ro/ /de'i phyir sgra'i yul ni rang gi mtshan nyid ni ma yin no/ /sgra smos pas ni rnam par rtog pa nyid mtshon pa yin te/ rnam par rtog pa yul yin te/ rnam par rtog pa yul yin no/ /rnam par rtog pa yul yin no zhes bya ba'i tha tshig go / gang la rgyu mtshan gzhan yod pa na blo med pa zhes bya ba 'dis ni mi dmigs pa 'phen pa yin te/ gang la blo med pa de ni med pa yin no/ /de la 'ga' zhig la shes pa 'jug pa na/ da ni gzhan la zhugs so zhes rtogs pa yin te/ des pa'i rnam pa can yin pa'i phyir ro/ /des na thams cad du bdag nyid 'jug par ni dmigs pa ma yin no/ /des na mngon sum nyid kyis tha dad par smra ba'i dngos po gnyis rtogs pa yin te/ rtogs pa'i rnam pa gzhan med pa'i phyir ro/ /'dra ba ba dang mi 'dra ba la sogs pa ni thams cad ni lkog tu gyur pa dang/ cig shos kyi rtog pa'i spyod yul yin la/ de yang don byed pa nus pa dang mi nus pa las shes pa yin no/ /'di yang phyis ston par 'gyur ro/ /de las lkog tu gyur pa las/ /mngon sum yod pa ma yin no/ /zhes gang smras pa de ni mi rigs te/ gang la nga ni med pa de/ /ngas bsal mngon sum las gzhan yin/ /'di tsam nyid kyi don rnams kyis/ /lkog gyur nyid ni nges pa nyid/ /nyams su myong ba'i bdag nyid kyis/ /mngon sum bdag nyid rig pa nyid/ /nges pa nyid du rtogs nyid ni/ /gzhan pa lkog gyur rtogs pa yin/ /lkog gyur nyid ni mngon sum gyis/ /rtogs kyang don gyi ngo bo ni/ /lkog gyur nyid de de don la/ /mngon sum 'jug pa yod ma yin/ /mngon sum don shes med par ni// lkog nyid ji ltar rig par byed/ /de rig na ni de yi chos/ /ngo bo nyid 'gyur rtogs par 'gyur/ /gal te lkog tu gyur pa'i don/ /mngon sum gyis shes pa yin na/ de'i tshe de'i chos rtogs par 'gyur te/ chos ni de'i ngo bo yin pa'i phyir ro/ /de'i ngo bo ma yin pa ni de'i chos su mi 'thad pa'i phyir ro/ /de dang 'brel pa'i phyir de'i chos yin no zhe na/ 'o na ni mngon sum gyis yongs su shes pa nyid yin te/ dngos po de dang 'brel pa'i chos mngon sum du rig na/ lkog tu gyur pa'i dngos po nyid kyang mngon sum gyis rig par 'gyur/ dgos so/ /des na lkog tu gyur pa nyid du 'dod pa'i dngos po ni lkog tu 'gyur pa nyid du mi 'gyur ba des na rjes su dpag pa mi 'jug ste/ mngon sum gyis bzung ba nyid rjes su dpag pa'i yul du gyur pa'i ma yin no zhe na/ 'dir smras pa/ rang rig pa yi mngon sum ni/ /lkog gyur nyid la 'jug pa yi/ /dbang po'i shes pa gzhan dag ni/ /de yi chos can la 'jug go /gnyis rtogs na 'brel pa rtogs par 'gyur la/ gnyis kyang tshad ma gcig nyid kyis ni rtogs par 'gyur ba ma yin no/ /de la rang rig pas ni don gyi chos lkog tu gyur pa nyid rtogs par 'gyur la/ lkog tu gyur pa'i chos can gyi dngos po ni mngon sum gzhan dbang po'i shes pas rtogs par 'gyur la/ de las ni 'brel pa rtogs pa yin no/ /des na lkog tu gyur pa nyid mngon sum gyis rtogs kyang dngos po rjes su dpag pas rtogs pa'i phyir ro/ /rjes su dpag pa mi 'jug pa ma yin no/ /gzhan yang/ tha dad med par gnas pa yi/ /bsgrub pa'i ngo bo nyid kyi chos/ /dngos po bzung ba med par ni// rig par 'thad min bzlog pa min/ /dngos po dang tha mi dad pa sgrub pa'i ngo bo nyid kyi chos de ni chos can dang lhan cig tshad ma gcig gis bzung bar bya ba yin gyi/ /lkog tu gyur pa nyid ni mngon sum gyis rtogs pa stong pa tsam yin pas de ni chos can 'dzin pa la mi ltos so/ /ci ste lkog tu gyur pa la mngon sum mi 'jug na/ rjes su dpag pa ji ltar 'jug ce na/ 'di ni cung zad kyang ma yin te/ 'di ltar/ rjes su dpag pas dngos po de'i/ /lkog gyur nyid ni sgrub mi byed/ /mngon sum nyid du 'gyur na yang// mthong ba'i ngo bo sgrub pa yin/ /gang gis de la mngon sum 'jug par 'dod pa rjes su dpag pas dngos po'i lkog tu gyur pa nyid ni mi sgrub kyi 'on kyang 'di'i lkog tu gyur pa nyid ni rang rig pa'i mngon sum gyis grub pa yin no zhes 'di ni brjod zin to// lkog tu gyur pa nyid mngon sum gyis grub pa yin yang don gyi me la sogs pa'i mtshan nyid don byed par nus pa nyid rjes su dpag pas bsgrub par bya ba yin la/ de la ni sngar mngon sum zhugs pa nyid do/ /des na rjes su dpag pa 'jug pa mi 'gal la/ /gzhan yang rjes su dpag pa de nyid kyis ngo bo rtogs par mi nus phyir/ de yi lkog tu gyur pa nyid/ /de yi shugs kyis gnas pa yin/ /de'i ngo bo la rjes su dpag par 'jug pa mi nus pa 'di nyid lkog tu gyur pa nyid yin la/ 'di'i de yang de nyid kyi tshe 'gyur ba yin te/ des na de la sngar tshad ma 'jug pa la mi ltos so/ /gang gis de la mngon sum 'jug pa la bltos par 'gyur ba lkog tu gyur pa nyid kyi sgo nas ni don du gnyer ba su yang med kyi de ni mi 'dod kyang 'gyur ba yin no/ /'dis ni tshad mar rab tu grub pa yang gtan la phab pa yin te/ lkog gyur dngos por grub na ni/ /'di yi tshad ma nyid 'grub ste/ /lkog gyur dngos po grub nyid kyis/ /de dang 'brel par grub phyir ro/ /dngos dang 'brel ba tsam gyis ni/ /shes pa tshad mar rjod pa yin/ /dngos po dang ni 'brel pa yi/ /tshad ma rtags las yod par rigs/ /lhag pa dag ni sngar nyid du/ /bstan phyir brjod par bya ba min/ /gal te gzhal bya gnyis ni gzhal bya nyid rnam pa gnyis yin no/ /gzhal bya gnyis ni rgyu yin la tshad ma gnyis ni 'bras bu yin te/ des na rgyu las 'bras bu ji ltar 'grub ce na 'dir smras pa/ gang phyir tshogs pa yod gyur na/ /rgyu las 'bras bu skye 'gyur ba/ /de phyir 'bras bu rgyu las ni/ /mi rigs par ni ji ltar 'gyur// gal te gdon mi za bar rgyu ni 'bras bu dang ldan par 'gyur ba ma yin no zhes bya bar rigs mod kyi 'on kyang 'dir rgyu las/ 'bras bu 'grub par 'gyur ba nyid do/ /gzhal bya gnyis las tshad ma gnyis thams cad kyi tshe sgrub pa ni ma yin gyi 'on kyang tshogs pa yod pa'i phyir ro zhes kho bo cag smra'o/ /tshogs pa srid pa nyid kyang phyis bstan par bya'o/ /gzhal bya gnyis grub pas ni gdon mi za bar tshad ma gnyis 'grub pa yin te gang las 'di'i nges pa'i mtshan nyid rab tu 'grub pa de nyid tshad ma yin na/ gcig gis ni gnyis mi 'grub po zhes bstan zin to/ /gang gi tshe 'di tshad ma gsum la sogs pa bsal ba'i don yin pa de'i tshe ni/ yul gzhan med pas khyad par byed pa med pa'i phyir tshad ma gzhan log par bsgrub pa yin no/ /gzhal bya dang bral ba'i tshad ma ni med do/ rang gi ngo bo 'am gzhan gyi ngo bor gyur pa'i gzhal bya med na shes pa nyid med par 'gyur pa'i phyir gang zhig tshad ma yin/ bdag nyid yod do zhe na/ rang dang gzhan gyi ngo bo'i gzhal bya med na de nyid med par thal ba'i phyir tshad ma zhes bya bar mi 'gyur ro/ /de'i phyir rang gi ngo bos rtogs pa'i yul ni gcig yin la/ de las gzhan pa ni gzhan yin no/ /zhes bya bar gnas so/ /don dam don byed nus pa gang/ /de 'dir don dam yod pa yin/ /gzhan ni kun rdzob yod pa yin/ /de dag rang spyi'i mtshan nyid bshad/ ces bya ba ni bar skabs kyi tshigs su bcad pa yin no/ /gal te don byed nus pa 'ga' yang med pa ma yin nam/ ji ltar don byed nus pa don dam par yod pa'i mtshan nyid du 'gyur/ /'di ltar don byed nus pa nyid du ni/ /gang gis gang zhig rtogs pa yin/ /shes pa dang ni shes bya dag /de ltar rtogs pa yod ma yin/ /rtag pa dang mi rtags pa dang shes pa dang shes bya la yang rung ste/ don bya ba byed pa nyid dam don byed pa nyid du yang mngon sum mam rjes su dpag pas rtogs pa med do/ /'di ltar/ ldog pa grub pa med pa'i phyir/ /rtag la nus pa yod ma yin/ rjes 'gro grub pa med pa'i phyir/ /mi rtag pa la nus pa med/ /rjes 'gro ldog pa dag gis ni/ /khyab pa nus pa yin par rtogs/ /gnyis ka ltar yang de dag ni/ /ma grub nus pa ji ltar brjod/ /rtag pa yul thams cad du khyab pa dang 'bras bu 'ga' la yang byed pa med pa ni nus pa zhes bya ba ma yin no/ /gal te khyab pa dang/ dus thams cad du gnas pa nus pa ma yin yang/ ma khyab pa dang dus gzhan du gnas pa ni yin pa nyid do snyam na/ de ni mi bden te/ de yul khyab min gang las yin/ /rtog med las yin ga la rtag /ji ltar khyab byed de ma yin/ /de ltar de la rtag pa med/ /skad cig yin phyir mi rtag pa'i/ /dngos la 'bras bu ga la yod/ /skad cig ma yi dngos rnams ni/ /dngos po tsam du rnam par gnas/ /gal te de yi de ma thag /gzhan yod phyir na nus par brjod/ /gzhan gyi'ang de ma thag yin phyir/ /'di ni de'i yang 'bras bur 'gyur/ /dngos po skad cig ma kun gyi/ /snga ma thams cad bltos pa yin/ /de med par yang de yod phyir/ /zhe na skad cig la ji ltar 'bras bu skad cig ma nyid ni de med kyang yang 'byung bar rigs pa ma yin te/ /de ni de nyid kyi tshe yod pa'i phyir dang/ gzhan gyi tshe ni nam yang med pa'i phyir ro/ /ci ste rgyu dang 'bras bu ni rgyun yin par brjod na skyon 'di med do snyam na/ ma yin te/ rgyun ni de las tha dad pa'i phyir ro/ /yod na ni/ de la rgyu dang 'bras bu'i yod pa yin pas skad cig ma la nus pa med pa'i phyir/ med par thal bar 'gyur ro/ /'brel pas rgyu dang 'bras bu yod pa yin no zhe na/ ma yin te/ tha dad pa la ni rgyu dang 'bras bu'i dngos po las gzhan pa'i 'brel ba med pa'i phyir ro/ /rgyun de ni skad cig ma thams cad kyi tshe de ma thag yin pas thams cad kyi rgyun tu 'gyur ro/ /de la yang sngar brjod pa rtag pa dang skad cig ma'i skyon de nyid yin no/ /yang bshad pa/ /rgyun nyid de las gzhan pa dang/ /nus pa'ang de nyid yin 'gyur na/ /nus pa med phyir skad cig rnams/ /med 'gyur brtags pa don med yin/ /de dang 'brel pas nus pa'i phyir/ /gal te nus par rtogs she na/ /dngos kyi nus pas stong pa'i phyir/ /de ni brnyan po'i rgyan tu 'gyur/ gal te rgyun dang cig shos dag / rgyu dang 'bras bur 'brel gyur pa/ /de lta yin na khams gsum gyi/ /skad cig rnams kyi rgyun tu 'gyur/ /rgyun yang 'bras bu byed pa yis/ /nus las yod min de'i phyir/ /rtag dang cig shos phyogs dag gi / skyon de nyid du khyed la 'gyur/ /gal te rgyun gzhan dag tu ni/ /'gro na thug pa med par 'gyur/ /rgyun ni 'bras bu nyid yin duAng/ /skad cig la ni 'bras nyid med/ /gang phyir 'dir yang rgyun gzhan gyi/ /'bras bu byed par 'gyur de'i phyir/ /'bras bu nyid kyi blo de ni/ /thug pa med pa'i stag gis zos/ /gzhan yang/ shes las gzhan pa'i 'bras bu yis/ /gal te rgyu ni yod 'gyur na/ /'bras bu gzhan skyes med par ni/ /'bras buAng yod par 'gyur ma yin// des na thug pa med pa'i phyir/ /rtsa ba'i yod pa nyid med 'gyur/ /shes pa'i 'bras bus thams cad kyi/ /yod nyid de las gnod pa med/ /'di la'ang shes bya shes pa yi/ /'bras dang ldan par gang las rigs/ /shes bya gnyis ni shes pa yis/ /rgyu 'bras nyid du rtogs 'gyur te/ mdun na gnas pa nyid du ni/ /gnyi ga snang ba yin phyir ro/ /shes pa 'bras bu nyid du ni/ /de 'am gzhan gyi rtogs ma yin/ /mngon sum de nyid las min te/ /de sngar 'jug pa min phyir ro/ /'jug na de 'bras nyid mi 'gyur/ /de yang snga ma las 'jug na/ de ltar mthar thug nyid med pas/ /'bras bu rtogs par ga la 'gyur/ /gal te dus mnyam nyid ga ni/ /rgyu dang 'bras bur 'gyur snyam na/ /khyad par med phyir snang ba yi/ /dus mnyam ka ba bum pa dag /der 'gyur de lta ma yin na/ /rnal ma nyid kyang 'grub mi 'gyur/ /gal te bum pa 'ba' zhig kyang/ /mthong phyir 'bras bu ma yin na/ /shes pa de yod ma yin par/ /'jug pa mthong ba min nam ci/ /gal te shes te gzhan min pa/ /des na 'khrul pa med mnyam na/ /ka ba'ang ci phyir gzhan ma yin/ /ngo shes skye bar mtshungs ma yin/ /de lta na ni rtag 'gyur na/ /ngo shes tshad ma nyid ma yin/ /snga ma phyi ma'i ngo bo dag /gcig tu rtogs pa yod min te/ /snga dang phyi ma'i rtog pa yis/ /so sor bzung ba med pa'i phyir/ /gnyis la dran pa 'jug gzhan gyi/ /'di ni tshad ma yin ma yin/ /rtogs pa snga ma phyi ma dang/ /phan tshun 'dres pa med pa na/ /de las dran pa 'byung 'gyur gyi/ /gcig nyid shes par byed pa min/ /gal te bdag cig yod kyang nges// ji ltar rig 'gyur de yang ni/ /mngon sum la sogs tshad ma yis/ /don rnams rtogs par byed pa yin/ /bdag la brten pa tsam gyis ni/ /shes pa tshad mar mi 'gyur te/ /bdag la brten pa ma yin yang/ /mi slu ba las tshad ma nyid/ /mthong ba phyin nas thob na ni/ /tshad ma tshad ma nyid du 'gyur/ /gal te bdag med rtag nyid du/ /dngos po 'di rtogs min zhe na/ /bdag yod na yang gang rung gi /tshad ma nyid du 'gyur ma yin/ /mngon sum dang ni rjes dpag dag /kho na der yang tshad ma yin/ /snga ma phyi ma'i ngo bor ni/ /bdag gam yang na gzhan gyis kyang/ /bdag gzhan rtogs pa yod min pa/ /de las rtag pa yod mi srid/ /des na shes pa don gyi ni/ /'bras bu nyid du rtogs ma yin/ /shes pa myong ba'i bdag nyid ni/ /bdag dang de'i rig bya rig/ /snga phyi bdag nyid rgyu 'bras la/ /mngon sum 'jug par 'gyur ma yin/ /'o na rjes su dpag pa las/ /'bras bu'i sngon du rgyu rig pas/ /de las shes pa 'di skyes zhes/ /'bras bu nyid du shes 'gyur na/ /rjes dpag de yang mngon sum gyis/ /rab tu gtogs pa med pa yi/ /dngos la 'jug pa yod min zhes/ /sngar nyid rab tu bstan zin to/ /sngon rol mngon sum tshad med na/ /rjes dpag tshad mar 'gyur ma yin/ /de la sngon rol rjes dpag nyid/ /yod do zhe na thug med 'gyur 'bras sogs gzhal bya re zhig zhog / gang la de yod de rtogs med/ /gzhi med skyed 'grub med pa bzhin/ /chos grub chos can med mi 'thad/ /shes pa dmigs dang bcas gyur na/ /dngos po rab tu 'grub par 'gyur/ /gang tshe dngos po grub med? pa/ /de tshe gang zhig rgyu 'bras yin/ /dmigs pa dang bcas pa nyid du ji ltar ma grub ce na/ brjod pa/ 'gro 'dir rgyu nyid dmigs par ni/ /'gyur gyis snang ba tsam gyis min/ /snang ba tsam gyis yin na ni/ /rab rib can blo'ang der 'gyur ro/ /gang zhig gang gi rgyu yin pa/ /de med par ni da med pas/ /mig sogs blo yang dmigs pa ni/ /med na gnas par mi 'gyur 'thob/ /zla gnyis rnam can mig sogs shes/ /dmigs pa med kyang skye bar mthong/ /de'i phyir dmigs pa'i rgyu med kyang skye bar mthong bas/ /'khrul pa'i phyir na dmigs pa ni rgyu yin pa dang rnam par shes pa ni 'bras bu yin par mi 'gyur bar rigs so/ /'di ni rgyu dang 'bras bu'i dngos po yin te/ phan tshun tha dad par gyur pa na khyab par bya ba dang khyab par byed pa'i gang yin pa'o// rgyur 'dod pa med par 'bras bu 'dod pa yod na ni de de'i rgyu ma yin la/ 'bras bu yang ma yin no/ /des na dmigs pa med pa'i phyir dngos po mdza' dag ma grub pas rgyu dang 'bras bu'i dngos po ga la yod/ ci ste rgyu nyid kyi ni dmigs pa ma yin gyi 'on kyang bzung bar bya ba nyid kyis yin no snyam na/ de ltar yang mi 'thad de/ 'di ltar/ sngon po la sogs ma rtogs pa'i/ /bzung ba'ang gzhan ni gang na'ang med/ /sngo sogs dag ni gang duAng med/ /sngo sogs dag ni 'khrul pa yi/ /rnam shes la yang snang ba yin/ /gsal bar mdun du snang ba nyid/ /'khrul pa'ang mthong ba min nam ci/ /de phyir gang zhig 'khrul pa las/ /ma rtogs bzung ba yod ma yin/ /ci ste yang/ myong ba thams cad 'khrul pa yin no zhes bya ba de ni med de/ 'di ltar 'khrul pa'i sems la don byed pa/ /'ga' yang snang ba yod ma yin/ /de phyir 'dir ni yul med pa/ /'khrul yin bzlog pa gzhan du yod/ /'di la yang brjod pa/ don byed myong ba de las gzhan/ /don gyi bdag nyid yin nam ci/ /'on te de myong yin yang rung/ /de dag kun kyang yod ma yin/ /'di ltar de'i bya ba don gzhan na/ de med pas ni de med min/ /'bras bu med par gyur pas na/ /de yang med par 'gyur ba min/ /gal te don bya ba mngon par 'dod pa'i 'bras bu med bas ni de nyid de/ med par 'gyur gyi rgyu yang med par 'gyur ro zhes bya ba ga las yin/ gzhan med na gzhan med par 'gyur ba ni ma yin te/ ha cang thal bar 'gyur ba'i phyir ro/ /gal te 'bras bu med na 'bras bu byed pa'i nus pa nyid med du chug kyang rang gi ngo bo med par 'gyur ba ni ma yin no/ /ci ste shes pa don bya ba yin no zhe na/ de la yang rnam pa gnyis te/ de nyid dam shes pa gzhan yin/ gal te yang skye ba'i shes pa de nyid don bya ba yin no zhe na/ 'khrul pa la yang 'khrul ba'i shes pa yang nas yang du skye ste/ 'khrul pa'i shes ba skad cig cig kho na skye bar 'gyur dgos pa ni ma yin no/ /ci ste reg pa la sogs pa'i shes pa yin no zhe na/ de yang mi bden te/ gal te gzhan skyes te de lta na yang de yi yul nyid yod 'gyur gyi/ gzhan dag myong na gzhan dag ni/ dngos po yod par ci ltar 'gyur/ /myong ba gzhan la rang myong la/ /yid mi ches pa gang gis bzlog/ de ni myong yang mi bden par/ /dogs par ji ltar 'gyur ma yin/ /lus kyi myong ba mig gi ni/ /myong ba las khyad ci zhig yod/ /gal te der tshim zhe na/ yongs su tshim par ga las rtogs/ /ji ltar mig gi rnam par shes pa dmigs pa med pa de bzhin du rig pa'i rnam par shes pa yang yin te/ gnyi ga yang dbang po'i rnam par shes pa nyid du khyad par med pa'i phyir ro/ /rab rib la sogs pas nyams pa srid pa ni gnyi ga la yang mtshungs te/ gnyi ga la yang mthong ba'i phyir ro/ /mkhris pa'i rims gyis nyams pa las dro bar myong ba'i phyir ro/ /yongs su tshim pa'i phyir ro zhe na/ grang ba'i dus su mkhris ba'i rims kyis nyams pas tshe par myong ba la yang ci ste yongs su tshim pa med/ gzhan yang myong ba tshad ma yin na ni/ yongs su tshim pa don ji yod/ /myong ba chad ma min na yang yongs su tshim pa don ci yod/ gal te myong ba tshad ma yin na/ de nyid kyi don grub pas yongs su tshim pa gzhan gyis ci zhig bya/ myong bas ma grub gang yin pa/ /yongs su tshim pa brgya yis kyang/ /ci ltar 'grub 'gyur gzhan pa yi/ /yongs su tshim ba grub byed min/ /myong ba las gzhan pa'i yongs su tshim pa ci dgos/ don sgrub par byad do zhe na/ ci ltar gzhan gyis gzhan 'grub 'brel ba'i phyir ro zhe na/ 'brel pa gang gis grub/ yongs su tshim pa las so zhe na/ der yang 'brel pa grub pa la bltos par bya ba yin pa'i phyir ro/ /thug pa med par 'gyur ro/ /gal te nyams su myong ba las so zhe na/ de nyid las don grub pa'i phyir/ yongs su tshim pa don med do/ /de la yang skyon de nyid yin no/ /gal te nyams su myong ba las don grub na sngar nyams su myong ba las ci'i phyir ma yin/ 'dis ni don tu emos ba yang gsal ba yin te/ 'di ltar myong ba las gzhan don du ni/ /mos pa don gyi sgrub bar min/ /mos pa nyams myong nyid yin yang myong nyid don kun sgrub byed yin/ /'dis ni/ mngon par 'dod pa dang dran pa dang sdang ba dang 'dod pa la sogs pa yang bshag? pa yin no/ /gzhan yang nyams su myong ba las mngon par 'dod pa la sogs pa yin gyi/ de dag las ni nyams su myong ba ma yin pa'i phyir 'di ni gyi na'o/ /ci ste yang nyams su myong ba thams cad dmigs pa dang bcas pa nyid du 'gyur mod kho bo cag la chad pa cung zad kyang med do/ /tshad ma dang tshad ma ma yin pa'i rnam par dbye ba ci ltar zhe na/ 'jig rten 'jig rten min don tu/ /tshad dang cig shos rnam par gnas/ /rnam dbye de ni ci ltar shes/ /gnod byed cig shos dang 'brel phyir/ /gang gis gnod byed cig shos dag/ 'jig rten cig shos nyid du gnas/ /gnod dang cig shos srid phyir na/ /thug pa med par thal bar 'gyur/ /gal te thun mong ba ni 'jig rten pa yin la/ gzhan du ni cig shos yin no zhe na/ de ni gyi na ste 'di ltar/ gang phyir mngon sum rjes dpag gis/ /de dag rig pa yod ma yin/ /mngon sum gyis rig rang nyid kyi/ /rig bya gzhan la de yod min/ /nga la snang ba 'di ni gzhan la yang yin no zhes bya ba 'di la mngon sum ni mi 'jug go / rjes su dpag pas rig pa yin no zhe na/ 'brel pa bzung ba med par ni/ /rjes dpag skye bar ga la 'gyur/ /spu ldang sogs 'bras mthong phyir na/ /rang nyid mthong la rjes dpag med/ /'bras bu du ba mthong ba las/ /me de nyid ces rab bsgrub min/ /gang phyir spyi'i yul can gyi/ /rjes dpag khyad par rig pa min/ /der du tha dad phyir zhe na/ /spu ldang ba'ang cig nyid ci/ /gcig tu mngon par zhen pa ni/ /shes pa las gzhan rig pa med/ /gal te gang la ngas mig gis bltas pa de nyid la/ 'dis kyang yin na? zhes bya ba'i tha snyad las gcig pa nyid yin no zhe na/ 'di ni rab rib kyis dmigs pa'i skra shad la sogs pa yang mtshungs pa yin te/ de la yang rab rib can gnyis don gcig tu mngon par zhen pas mtshungs so/ /gzhan yang ji ltar rab rib can dmigs pa 'ga' zhig gis rig pa de ltar gzhan du yang yin no/ /gal te bum pa la sogs pa ni thams cad kyis rig pa yin no zhe na/ 'di la tshad ba med do/ /rab rib can gyis bum pa la sogs pa rig pa yang ma yin no/ /gal te dbang po nyams pa yin pa'i phyir rig pa ma yin yang skyon med do zhe na/ dbang po nyams pa nyid gang las shes/ mi bden pa'i don rig pa las so zhe na/ 'di ni phan tshun rten pa'i skyon tu 'gyur te/ nyams pa yin na mi bden par 'gyur zhing/ mi bden pa yin yang nyams pa nyid du 'grub pa'i phyir ro/ /des na gzhan gyi cung zad kyang dmigs pa ma yin no/ /gal te mi dmigs pa nyid do zhes bya bar yang mi 'grub po zhe na/ gzhan gyis dmigs par bya bas dben pa dmigs pa'i bdag nyid kyi mngon sum nyid kyis gzhan gyis dmigs par bya ba nyid 'gog pa yin no/ /gal te gzhan gyis mngon sum ni de'i yul ma yin pa'i phyir dgag par mi nus so zhe na/ 'o na des dmigs par bya ba gzhan gyis dmigs par bya ba'i ngo bor ci ltar 'gyur/ /gal te de'i ngo bo dmigs kyi gzhan gyis dmigs ba nyid du ni dmigs pa ma yin no zhe na/ de'i ngo bo las gzhan gzhan gyis dmigs pa ni gang zhig yin/ ci ste de'i ngo bo nyid do zhe na/ /de'i ngo bo nyid du ci ltar ma dmigs/ gzhan gyi ngo bo nyid yin na ni/ de gzhan gyis dmigs par ci ltar 'gyur/ dmigs par bya ba nyid gzhan gyis dmigs pas ci ltar 'gyur/ dmigs par bya ba nyid gzhan gyis dmigs ba yin gyi don de nyid ma yin pa'i phyir ci ltar 'di gzhan gyis dmigs pa yin/ gang zhig dmigs par bya ba nyid du dmigs pa yin la de lta na yang don ni gang gis kyang dmigs par mi 'gyur ro/ /rang rang gis dmigs par bya ba phan tshun ldog pa/ 'di dag kho na rang dang gzhan dag gis dmigs pa yin pa'i phyir thun mong du dmigs par zhes bya ba ni 'ga' yang med de/ dmigs pa las tha dad pa'i don yang med pa'i phyir rang rig pa nyid yin pas 'dzin pa'i rnam pa ltar bzung ba'i rnam pa yang rang rig pa tsam nyid do/ /gang zhig nus pa'i mtshan nyid kyi yod pa nyid yin pa bsam pa phyi rol gyi don zhes bya ba ni med do/ /ci ste myong ba nyid phan tshun rgyu 'bras kyi dngos po yin pa'i phyir nus pa'i mtshan nyid don dam par yod grub pa yin no zhe na/ de yang mi bden te/ rang rig tsam gyi mngon sum la/ /rjes su dpag pa ga la yod/ /lkog min rnam shes mngon sum la/ /gang phyir rjes su dpag 'gyur min/ /shes gnyis rgyu 'bras dngos por yang/ /ji ltar 'dzin par 'gyur ba yin/ /rang tsam rig phyir de nyid kyi/ /myong ba gnyis su rig ma yin/ /gang tshe rgyu ni rnam par shes/ /de tshe 'bras rig med pa'i phyir/ /'bras bu rig pa med par ni/ /de rgyu nyid du ci ltar 'dzin/ /'bras bu'i dus su 'dra de? mod pas/ /'bras bu nyid du ci ltar 'dzin/ /gal te rgyu ni rjes dpag gis/ /yongs su shes par 'dod na ni/ /de tshe rjes dpag gis ma shes/ /da ltar shes par ji ltar 'gyur/ /sngar ni mngon sum gyis shes shing/ /shes de da? ltar? yod min na/ /ji ltar rjes dpag las rig 'gyur/ /snga ma nyid du rjes dpag na/ /mngon sum gyis rig med phyir ro/ /de la rjes su dpag pa yis/ /rig 'gyur snga nyid bla lhag med/ /snga ma nyid ni yod min te/ /mngon sum gyis ni gnod phyir ro/ /de phyir snga dang phyi mar ni/ /ji lta bur yang myong ba med/ /dran pa tsam zhig der yod de/ /rang rig phyir na de tshad med/ /rang tsam rab tu rig pa yang/ /de rang rig la mngon sum yin/ /de phyir gzhan gyi 'bras bur ni/ /des de rig pa yod ma yin/ /de phyir shes dang shes bya dag/ nus pa nyid du 'grub pa med/ /gzhan yang/ rgyu dang 'bras bu'i dngos po ni/ /yod med nyid du rtogs pa med// med pa rta yi rwa nyid las/ /rgyu nyid cung zad yod ma yin/ /gal te gtan nas med pa'i phyir/ /de la rgyu mi 'dod ce na/ /snga na med pa'ang 'bras mi 'gyur/ /de yang med nyid lan gdab dka' / /yid? na sngon med ci ltar yin/ /de ni med na'ang ci ltar 'dod/ /med pa ri bong rwa la ni/ /snga na med pa yod ma yin/ /mthong ba sngon med yin zhe na/ phan tshun brten par 'gyur ba yin/ /ji srid sngon med nyid min pa/ /de srid dngos por 'di mi 'grub/ /ji srid 'di dang snga na med pa dang 'brel ba ma yin pa de srid du ni skye ba ma yin la/ ji srid skye ba ma yin pa de srid du yang snga na med pa nyid de/ ma yin no/ /gal te 'bras bus stong ba'i rgyu nyid snga na med pa yin no zhe na/ de yang mi bden te/ stong nyid de ni rgyu ma yin/ /gzhan pa dag la'ang med dam ci/ /des na de dang yang 'brel pas/ /'di ni de'i yang 'bras bur 'gyur/ /'bras bu nyid ni snga na med pa dang/ 'brel pas yin la/ snga na med pa de yang 'bras bus stong pa'i don gzhan yin no/ /des na rgyur mngon par 'dod pa las gzhan dag kyang/ snga na med pa ba'i rang bzhin du 'gyur ro/ /de dang yang 'brel pas 'bras bur 'gyur ba'i dngos po ni de'i yang 'bras bur 'gyur ro/ /de'i rjes su 'gro ldog gi rjes su byed pa med pa'i phyir ro zhe na/ 'di la lan btab zin to/ /snga na med pa zhes bya ba mngon sum las tshad mar 'byung? bar bya ba ni med de/ rgyu dang 'bras bu dag gi rang gi ngo bo tsam zhig bzung ba yin no/ /gal te snga na med pa ni rgyu'i rang bzhin nyid yin no zhe na/ 'bras bu'i rang bzhin yang de ltar 'gyur ro/ /'bras bu gzhan la ltos na de yang 'gyur ba nyid do zhe na/ rgyur mngon bar 'dod pa la ltos nas kyang ci ste mi 'gyur/ /de ltar rtogs pa med pa'i phyir ro zhe na/ dngos po la mi bltos pa'i rtog pa tsam la/ su yid ches de phyir tshad yod dngos po yi/ /rang bzhin sngo sogs 'dzin 'gyur gyi/ /de la 'bras bu nyid la sogs/ /gzhan ni 'dzin pa yod ma yin/ /sngon po la sogs pa dang 'bras bu nyid du ni dngos po gang gis bzung ba med de/ sngon po la sogs pa las tha dad pa'i 'bras bu nyid ni rtogs pa med pa'i phyir ro/ /snga ma dang phyi ma'i dngos po la mngon sum mi 'jug pa'i phyir snga na med pa la sogs ba 'dzin pa ga la 'gyur/ /ci ste yang yod pa nyid 'bras bu yin te/ rgyu rnams kyi byed pa ni 'bras bu yod pa la srid pa'i phyir ro/ /med na ni yul med pa'i phyir ci ltar byed ba yin zhe na/ 'di la bshad pa/ bltas mnyan de ste shes byas nas rgyu yis 'bras bu byed dam ci/ /blun phyir rang bzhin de 'dra ba/ /rgyu la rag las yin par 'dod/ /gal te dbang phyug rgyu yin yang/ /de ni rgyu yi sbyor byed yin/ /gang phyir dbang po las 'das blo/ /med pa shes par mi 'dod min/ /'dir 'bras sngar yod smra ba 'am ci/ /cig dbang phyug rgyu yin 'gyur/ /ci thams cad thams cad la yod pa zhes bya ba grangs can gyi 'dod pa la brten nas yod pa nyid mthong bar zad kyi rgyu dang 'bras bu dang zhes bya ba'i dngos po ma yin pa ma yin nam/ cig mang ba nyid la brtan nas 'gro ba'i rgyu dbang phyug gis rgyu rnams so sor nges pa la sbyar/ 'bras bu snga na yod na ci thams cad kyi dmigs par 'gyur ba'i phyir 'gro ba 'tshol bar gnas par 'gyur ro/ /dmigs par byed pa so sor nges pa'i phyir de ltar mi 'gyur ro/ /zhes bya ba yang gyon? ste/ dmigs par byed pa yang thams cad thams cad kyi tshe yod pa'i phyir so sor nges pa ci yod/ /gzhan yang/ med ba'i rgyu las 'bras skye 'am/ /'on te yod pa las 'byung 'gyur/ /med pa'i rgyu las 'bras skye zhes/ /bya ba legs par gnas pa yin/ /zhig nas med pa dang gtan nas med pa la khyad par ci zhig yod/ gal te sngon yod pa myong ba'i dus na rgyu yin no zhe na/ gang gi tshe yod par gyur pa de'i tshe rgyu ma yin la/ gzhan gyi tshe ni rgyu yin no zhes bya ba 'di ni legs par smras pa yin no/ /ci ste 'di ltar yang 'gyur te/ med pa rgyu nyid yin 'gyur gyi/ /gang zhig yod de rgyu ma yin/ /de dang 'di dag rnams la yang/ /byed par srid pa mthong ba med/ /gal te byed pas rgyu yin no/ /byed pa de nyid gang las 'gyur/ /byed can don las yin zhe na/ /der ci byed pa gzhan yod dam/ /gal te de'ang byed yod na/ /don te chod par 'gyur pa yin/ /byed pa nyid las 'bras 'byung na/ /shi yang 'bras bu skye bar 'gyur/ de ltar de zhig yun ring du/ /lon pa'i? 'bras bu cis mi skye/ byed 'breng 'di ni shin tu ring/ /de srid? par tu su zhig 'bro/ /de ste rang bzhin byed pa yin/ /de tshe 'bras bur 'byung bar 'gyur/ /byed pa'i dus su 'bras yin na/ /dus mtshungs? par ni thal? bar 'gyur/ /gal te rgyu yod dus su ni 'bras bu yod pa min zhe na/ /gang zhig cig ma thag pa dag /de lta yin na khyad med 'gyur/ de yi de ma thag byung ba/ /skye ba'i dus su yod ce na/ /skye ba 'bras bu las gzhan min/ /des 'di dus mnyam nyid dang 'gyur/ /ci yang yin smra sun byung pas/ /phyogs gnyis la yang bzlog pa yin/ /brjod par bya ba mang 'gyur ram/ /de phyir bdag ni 'phro gcad do/ /ci ste yang shes pa'i rgyu ni don yin no zhes rjes su dpag pas snga mar rigs pa yin no zhe na/ /de yang mi bden te/ mngon sum la ni snang gyur pa/ /rjes su dpag pas snga rig pa'i/ /phan tshun 'dre ba med pas na/ /de yi 'bras bu ji ltar rtogs/ /gal te rjes su dpag pas rtogs par sngar 'byung bar rtogs su bcug kyang/ /de mngon sum gyi shes pa'i rgyu yin no zhes gang gis rtogs par byed rjes su dpag pa ni mngon sum gyis mthong ba'i dngos po ni mngon sum gyi rgyu yin no zhes rtogs par byed pa ma yin no/ /nyams su myong ba nyid la ni rjes su dpag pa 'jug pa yang ma yin te/ de'i yul ni lkog tu gyur pa yin pa'i phyir ro/ /rjes su dpag par bya ba la mngon sum 'jug pa yang ma yin te/ de'i yul ni lkog tu ma gyur pa nyid yin pa'i phyir ro/ /rtogs par gyur pa nyid ni lkog tu gyur pa yang ma yin no/ /lkog tu gyur pa nyid du rtogs pa ni lkog tu gyur pa yin no zhe na/ de ni med de/ 'di ltar/ rang gi ngo bo rtogs na ni/ /'di la lkog 'gyur gzhan ci yod/ /snam pa mi gsal snang yin na/ /mngon sum de ltar snang mi 'dod/ /rang bzhin gnyis ni rig pa'i tshe/ /mngon sum gnyis su 'dod pa yin/ /dper na ka sogs tshu rol dang/ /pha rol ngo bo rig tshul gyis/ /gang gi tshe don de gsal ba dang mi gsal ba'i rang bzhin du gyur ba/ de'i tshe de mngon sum dang rjes su dpag ba dag gis rig pa yin na/ ka ba la sogs pa'i tshu rol dang pha rol bzung ba bzhin du mngon sum gyi rang bzhin nyid du 'gyur la/ rag go /'on te gsal ba dang mi gsal ba'i khyad par gzhan gyi dbang gis yin gyi/ don gyi rang bzhin ni sngon po nyid yin no zhe na gal te khyad par tha dad bas/ /rang bzhin gzhan du rig 'gyur na/ rang gi rang bzhin cig med phyir/ /kun tshe sngon sum nyid mi 'gyur/ /ci ste sngo sogs rig pa'i phyir/ /mngon sum nyid du brjod na ni/ /rang gi rang bzhin rig pa'i phyir/ /rjes dpag nyid kyang mngon sum 'gyur/ /dbang po dang ni bral bas na/ /rjes dpag mngon sum min zhe na/ /dbang po dang ni ldan pa yang/ /rjes su dpag pas cis mi spog / dbang po dang bral ba nyid kyis mi 'grub ste/ de'i rjes su dpag pa rang gi ngo bor rtogs pa'i phyir ro/ /'on te dngos po med pa yin pa'i phyir/ dbang po dang 'du ba med do zhe na/ dngos po'i rang bzhin 'dzin pa'i rjes su dpag pas rtogs pa med pas ji ltar 'gyur/ /med do zhe na yang rjes su dpag pas dngos po'i rang bzhin ji ltar 'dzin/ ci ste dbang po dang 'brel par rjes su dpag pa ma yin pa nyid do zhe na/ 'dis ni 'jug par mi byed pas/ /rjes su dpag pa don med yin/ /blta min reg par bya min pa/ /de la 'jug pa don med nyid/ /'kho ba don du gnyer ba rjes su dpag pa'i don la 'jug pa yin zhe na/ 'jug par byed pa yang tshad ma nyid do/ /des 'jug par byed pa ma yin pa ni/ tshad ma ma yin pa nyid du 'gyur ro/ /ci ste phyis dbang po dang 'brel par 'gyur ba rjes su dpog pa yin no/ /des ni de'i tshe dbang po dang 'brel ba med pas mngon sum nyid ma yin no zhe na/ de yang mi bden te/ 'brel bar gyur ba dpog? na ni/ /snga ma'i rang bzhin mi rtogs pas/ /rgyu nyid du ni mi rtogs pa'i/ /rjes su dpag pa don med yin/ /de nyid tshe na gzhal bya dang/ /'jal byed ngo bor yod ma yin/ /de tshe nyid kyi gzhal bya dang/ /'jal byed da lta byung bar brjod/ /de'i tshe rang gi ngo bor snang ba las gzhan da ltar byung ba nyid ni ma yin gyi/ bdag gi? ngo bor snang ba nyid da ltar byung ba yin no/ /gal te 'das pa la sogs pa'i ngo bor snang bas da ltar byung ba nyid ma yin no zhe na/ rjes su dpag pa 'das pa'i rang bzhin nyid du ji ltar rtogs/ 'di ltar mngon sum gyis ma rtogs pa la ni rjes su dpag pa 'jug pa ma yin no/ /mngon sum yang 'das pa'i rang bzhin la 'jug pa ma yin te/ gang gi tshe de mngon sum gyis mthong ba de'i tshe ni 'das pa'i rang bzhin du rtogs pa med do/ /gang ded ltar 'das pa'i rang bzhin yin no zhe na/ 'on ni de bzhin nyid skyes pa yin la/ de la yang mngon sum med pa'i phyir/ ji ltar rjes su dpog gang yang phyis mngon sum du 'gyur ba de ni 'byung ba'i rang bzhin nyid du mngon sum ma yin pa'i phyir de la rjes su dpag pa'i skabs med par mtshungs so/ /gal te 'di ci khyed la yang mtshungs pa ma yin nam/ gzhan la yang mngon sum las de ltar rtogs pa ma yin pa'i phyir ji ltar de'i rnam par snang zhe na/ ma yin te/ de ni bag chags kyi stobs kyis de lta snang ba yin no/ /des na/ don la brten nas 'byung ba'i phyir/ /de yi ngo bo rjes byed phyir/ /de ni cha 'ga' zhig gi ni/ gzhan las kyang ni tha dad 'gyur/ zhes 'chad par 'gyur ro/ /des na shes pa de ni brgyud nas don las skyes pa yin la/ bag chags dang bral bas ni rnam pa gzhan du yang snang ba yin te/ dper na rab rib la sogs pas zla ba gnyis la sogs pa snang ba bzhin no/ /des na shes pa 'das pa'i dus kyi rang bzhin las 'ongs pa'i phyir 'das pa nyid du zhen pa yin la/ des na 'das pa'i dus nyid du 'das pa'i phyir 'das par nyid yin zhing de yang med pa yin no/ /de ni da ltar ba nyid la ni tshad ma ma yin no/ /'on de ji ltar 'thog yod pa nyid kyi phyir ro/ /ji ltar yod pa nyid yin/ mthong ba'i rtags des rnam par 'jog pa'i phyir ro/ /de'i sgo nas shes pa yang der 'jug par byed pa yin pas tha snyad rdzogs pa yin no/ /gal te shes pas don mi rtogs na ji ltar 'jug par byed pa yin zhe na/ mi 'khrul pa nyid las so/ /gal te du ba 'ba' zhig kyang rnam par 'jog par byed par 'gyur ro zhe na/ ji ltar rnam par 'jog par byed pa yin par mthong ba de ltar rnam par 'jog par byed pa yin gyi gzhan du ni ma yin pas klan ga med do/ /gzhan yang shes pa de ni rang bzhin dang/ /'bras phyir 'jug byed gzhan ma yin/ /de la don tu zhen pa ni/ /nges par bag chags stobs kyis yin/ /de'i phyir snga ma nyid du rtogs pa de ni da lta yod pa yin no zhes bya bar ni shes pa des mi rtogs so/ /rang bzhin gang zhig da ltar yod pa de ni mi mthong ba nyid do/ /des nam? mthong ba nyid ni lkog tu 'gyur pa yin/ de ni lkog tu gyur to zhes/ rtog pa med pa nyid ni lkog tu gyur pa nyid du rtogs pa yin no/ /lkog gyur don gyi rang bzhin nyid// yin na de ni mngon sum nyid/ /de la rjes dpag 'jug min zhing/ /the tshom 'brel pa'ang yod ma yin/ /zhig na rnam pa de lta bu'i/ /shes pa las nges 'byung mi 'gyur/ /shes don dag kyang gcig nyid min/ /de phyir don de yod ma yin/ /de'i phyir gal te rjes su dpag pa don 'dzin pa'i rang bzhin na mig la sogs pa dang 'brel pa yang rjes su dpag par bya ba yin par 'gyur bas mngon sum gyi don nyid rjes su dpag par bya bar 'gyur la/ de ltar yang ma yin no/ /des na lkog tu gyur pa'i yul gyi don can gyi shes pa ni don 'dzin pa'i rang bzhin ma yin no/ /de'i phyir rjes su dpag pas rtags pa ni rgyu'i dngos po ma yin no/ /de'i phyir na rgyu dang 'bras bu'i dngos po ni med do/ /de nyid kyi phyir/ gal te thams cad nus med na/ zhes smos so/ /'di la bshad pa ni/ /sa bon sogs ni myug sogs la/ /nus mthong zhes bya ba yin no/ /'di ltar sa bon las ni myu gu skyes par mthong zhes rnam par dbye ba med par 'jig rten pa'i rtogs pa yin/ /de nyid phyir na mthong ba yin/ /gang la 'di ni bdag gis mthong pa'o snyam du rtogs la de nyid rtogs pa yin no/ /rgyu dang 'bras bu'i dngos po ni/ /bdag gis mthong ba zhes lhag par mos pa yod pa yin te/ des na gnod par med pa'i lhag par mos pa srid pa'i phyir gzhan du 'gyur bar dogs par bya ba ma yin no/ /'di ltar/ dngos 'di bdag gi dran mnyam las/ /mos pa'i rnam pa gzhan yod min/ /dran pa dngos dang 'brel par ni/ /rtogs pa yod pa ma yin no/ /re zhig mngon sum gyis rtogs pa ni ma yin te/ dran pa mngon sum ma yin pa'i phyir ro/ /rang rig pas ni dran pa'i rang gi ngo bo nyid tsam mngon du byed pa yin gyi/ dngos po dang 'brel bar ni ma yin no/ /sngar gyi mngon sum yang dran pa la 'jug pa ma yin te/ des na gang las 'brel ba rig par 'gyur/ 'di bdag gis dran no snyam pa'i shes pa gzhan du 'gyur ba med pa dang yod pa yin te/ de'i phyir lhag par mos pa nyid thams cad du rnam par gzhag pa thams cad kyi sgrub byed yin no/ /'di la brjod pa/ gal te de kun rdzob 'dod na bsam pa ni/ /dngos po'i de kho na rnam par 'jog pa'i tshad ma med na/ /tshad ma med pa'i tha snyad goms pa las byung ba'i lhag par mos pa tsam gang yin pa de ni kun rdzob kho na'o/ /kun rdzob kyi don ni ma rtags na nyams dga' ba'i don yin no/ /dper na lhas byin la sogs pa 'ga' zhig ma mthong yang mthong bar rlom pa de ni rnam par dpyad pas ldog pa de bzhin du/ de lta yin na/ 'di don dam pa ma yin par 'gyur ro/ /'jig rten gyi tha snyad thams cad kyang de lta bu nyid yin pa'i phyir/ thams cad kun rdzob ce ma yin no/ tshad ma med par rtogs par rlom pa ce ma? ni kun rdzob yin pa'i phyir ro/ /'di ltar/ rgyu dang 'bras bu'i rtogs pa ni/ /rjes 'gro ldog pa dag las yin/ /mngon sum de bzhin rjes dpag gis/ /tshad ma de la yod ma yin/ /mngon sum mi dmigs pa dag las/ /rjes 'gro log par rtogs pa gang/ /gal te rjes dpag las yin na/ /phan tshun rten par 'gyur ma yin/ /rjes su 'gro ba dang ldog pa dag mngon sum 'ga' zhig gis mi 'dzin pa'i phyir rgyu dang 'bras bu'i dngos po sgrub par byed ba ni mngon sum dang mi dmigs pa yin par brjod do zhe na/ de ni mi 'brel pa ste/ phan tshun rten pa'i nyes par thal ba'i phyir ro/ /rjes su 'gro ba mngon sum gyis 'dzin pa ni ma yin no/ /'di yod na 'di 'byung ngo zhes bya ba de lta bu rnam pa ni mngon sum gyi bya ba ma yin te/ gnyis 'dzin pa tsam gyi bya ba can yin pa'i phyir ro/ /'di'i de ma thag tu mthong ba 'di ni 'di las byung ba yin no/ /zhes bya ba 'di ni mngon sum yod pa ma yin no/ /'di ltar 'di nyid las 'byung ba 'am/ 'di las 'byung ba nyid dam/ 'di las 'byung ba zhes 'di tsam zhig 'dir rnam par brtag par bya ba yin te/ don gzhan mi srid pa'i phyir ro/ /gal te 'di nyid las 'byung ba zhes bya ba yin na ni/ shugs kyis gzhan las mi 'gyur ba yin no zhes bya ba'i don 'dir 'gyur ba yin no/ /de la yang rnam par rtog pa gnyis te/ de'i tshe 'am 'on te gzhan gyi cha yin/ gal te de'i tshe 'di nyid las yin no zhes 'dod na/ 'on ni gzhan gi tshe? ni gzhan las yin no zhes bya bar 'gyur ro/ da ltar yang yul gzhan du gzhan las mi 'gyur ro zhes gang las yin/ de lta bu ni rgyu dang 'bras bu'i dngos po ma yin te/ nges pa med pa'i phyir ro/ /'di las byung ba nyid do zhes nges par 'byung pa yang ma yin te/ dus gzhan du res 'ga' mi 'byung ba'i phyir ro/ /nges? na mngon sum gyis ni rgyu dang 'bras bu rtogs par ma yin no/ /'di las kyang 'byung la gzhan las kyang 'byung pa yin no zhes bya ba'i phyogs 'di la ni rang nyid kho nas 'khrul pas khas blangs pa'i phyir/ rgyu dang 'bras bu'i dngos por mi 'gyur ro zhes bstan par 'gyur te/ de sna phyogs 'di yang ma yin no/ /ci ste de med na med pa'i phyir ro/ /zhes mi dmigs pa la rtogs so zhe na/ de ltar gyur na yang gcig la gcig brten pa'i nyes pa yod do/ /'di ltar gcig ma dmigs mngon sum las gzhan nam de bzhin gzhan ma yin/ /mngon sum las ni gzhan min na/ /ming tsam sgrub byed yin par 'gyur/ /rjes su dpag pa nyid du ni/ /rtog pa 'jug pa med 'gyur te/ /gang phyir rjes 'gro ldog pa yis/ /'brel la rjes su dpag phyir ro/ /gal te mi dmigs pa mngon sum yin na ni mngon sum la brjod pa'i skyon de nyid do/ /de ste rjes su dpag pa yin na/ de'i 'brel ba ni rjes su 'gro ba dang ldog pa dag las 'jug pa yin te/ de'i phyir rjes su dpag pa med pa na rjes su 'gro ba dang ldog pa 'dzin pa med la/ de med na yang rjes su dpag pa 'jug pa ma yin no/ /rjes su dpag pa thug pa med par yang 'gyur ro/ /'on te dngos po med pa'i tshad mas de med na med par 'dzin pa yin no zhe na/ de yang mi 'thad de/ de las kyang yul dang dus nye ba can dag gi dngos po med par rtogs par 'gyur ba'i phyir ro/ /gzhan dag ni rgyu dang 'bras bu'i ngo bo ni spyod pa'i tshad las rtogs par bya ba yin no zhes smra ste/ 'brel pa mthong ba med pa lkog tu 'gyur ba rtogs pa ni dpyod pa'o zhes bya ba na mtshan nyid yin no/ /'di ltar me dang du ba dag gis nges pa'i mtshan nyid kyis rgyu dang 'bras bu'i ngo bo ni de yod na yod par dmigs pa las yin na/ de yod na yod pa de dang rgyu dang 'bras bu 'brel bar ni dmigs pa med do/ /gang gi phyir de las 'byung ba yin pa de'i phyir 'di ni de'i 'bras bu yin no zhes 'jig rten pas rtogs pa yin no/ /des na de'i 'bras bur rtogs pa ni dpyod pas yin no/ /yang na don gyi go bas de'i 'bras bu nyid du rtogs pa yin no/ /gal te 'di de'i 'bras bu ma yin ca? ni de las 'byung ba nyid du mi 'thad do zhes ma mthong? ba'i don rtogs pa ni don gyis go ba yin no zhe na/ de ni mi 'thad de/ gal te rgyu dang 'bras bu yi/ /rtag pa'ang mthong ba yod na ni/ /dpyod pa'am don gyi go ba las/ /rtogs so zhes ni mthong bar 'gyur/ /de las 'byung ba ma rtogs pa'i/ /rgyu 'bras nyid ni mthong ba med/ /de la'ang skyon ni sngar brjod do/ /nges par 'dzin pa med phyir ro/ /gal te rgyu dang 'bras bu'i dngos por rtogs pa'i yul srid na ni dpyod pa'am gzhan las de rtogs par 'gyur ba yin na/ de ni de las yod pa las rang bzhin gzhan dang brtson pa dang ldan pas kyang rtogs pa med do/ /nges par de las byung ba yin no zhes bya bar ni gang las kyang rtogs pa med de/ dus de srid tsam zhig de las 'byung bar rtogs pa'i phyir ro/ /de ni rgyu dang 'bras bu'i dngos po yang ma yin no/ /gal te nges pa ni dpyod pa 'am/ don gyis go ba las rtogs pa yin te/ gang gi phyir de ltar de'i de ma thag par dmigs pa de'i phyir gzhan gyi tshe yang 'di ni de nyid las yin te/ de lta ma yin na de nyid kyi tshe yang mi 'gyur ro zhe na/ de yang mi 'thad de gal te da ltar de las dmigs su chug kyang gzhan gyi tshe yang yin no zhes bya bar ga las yin/ de lta bu kho nar rtogs pa'i phyir ro zhe na 'o na bum pa yang snam bu'i de ma thag tu dmigs pa de'i phyir de la yang de ltar 'gyur ro/ /de la yang ni 'khrul pa mthong ba'i phyir ro zhe na/ 'o na ni 'di nyid kyis de la yang yid brtan du med par 'gyur ro/ /yid mi ches pa'i rtogs pa med pa'i phyir ro zhe na/ ring po mthong ba ma yin pa rnams kyi de ni yang nas yang du mthong ba las yin no/ /'jig rten gyi tha snyad ni de lta bu nyid yin no zhe na/ nus pa kun rdzob tu rtogs zhes/ /bya ba de nyid 'ongs pa yin/ /de nyid don ni ma brtags pas/ /rtogs pa kun rdzob yin par 'dod/ /ci ste dus gzhan du de'i 'bras bu de ni 'di nyid yin no zhes ngo shes pa las snga ma nyid 'bras bu rtogs pa yin te/ de lta ma yin na ngo shes pa nyid du mi 'gyur ro zhe na/ de ni mi rigs te/ ngo shes sngar gyi mthong ba dang/ /'brel pa 'di ni gang du mthong/ /dpyod pa'am don gyis go ba las/ /zhe na sngar ni sun phyung zin/ /ci ste dran pa las yin te/ /'di ltar/ kho bos mthong ba de nyid ni/ /dran zhes de ltar rtogs phyir ro/ /dran pa 'am nyams su myong ba dang/ /'brel pa 'dod pa ma yin no/ /dran pa ni tshad ma ma yin pas/ de grub pa ni kun rdzob tu grub pa nyid yin zhes/ de ltar dogs pa bsu nas/ gal te de kun rdzob/ 'dod na ci lta de ltar 'gyur/ zhes gsungs so/ /'jig rten gyi tha snyad 'khrugs pa med pa ni de kho na ltar yin no/ /don dam pa ni 'jig rten gyi tha snyad la nye bar sbyar ba ma yin te/ 'jig rten gyi tha snyad la skur bar 'gyur ba'i phyir ro/ /mos pa'i rnam par dbye ba tsam gyis nges pa grub pa yin te/ rmi lam gyi tha snyad nges pa bzhin no/ /'jig rten gyi tha snyad kyi rgyur ni thog pa med pa nges pa'i bag chags 'ba' zhig lus pa yin te/ de lta ma yin na dmigs pa dang bcas pa dang dmigs pa med pa'i shes pa la sogs pa'i rnam par byed pa thams cad mi 'grub pa kho na'o/ /yang gang dag kun rdzob kyi ces bya ba 'di ci zhig yin zhing/ kun rdzob kyi bden pa yang gang yin// bden na kun rdzob de ci ltar/ /log pa yin na bden gang lags/ /rdzun don dam pa'i don dag la/ /bden nyid thun mong yod ma yin/ /kun rdzob kyang yin la bden pa yang yin no zhes bya ba 'di ni 'gal lo zhes zer ro/ /de la brjod pa/ kun rdzob ces bya ba ni thog ma med pa'i bag chags las byung ba'i rnam par rtog pa'i rnam par shes pas mos pa tsam yin no/ /des na don ni thog ma med pa'i bag chags kyis stobs las byung ba 'ba' zhig snang ba yin no zhes bya ba 'di yin no/ /sngon po la sogs pa ni rmi lam snang ba bzhin du bden pa ma yin la/ rnam par shes pas yang de las tha dad pa ma yin te/ des na kho na nyid ma yin no/ /'jig rten gyi tha snyad chad pa yang ma yin te/ des na nye bar 'kho bas na bden pa yin no/ /de ltar na kun rdzob kyi bden pa zhes bya bar mi 'ga' ? lo/ /des na don dam par na bdag nyid thams cad dben pa yin no/ /phyi rol gyi don dang ni shes pa lhan cig rjes su 'gro ba dang ldog pa rtogs pa med kyi/ 'on kyang bag chags nyid kyi rgyu yin par rmi lam gyi snang ba rtogs pa yin pas gzhan yang de bzhin du 'gyur te/ de'i rigs can yin pa'i phyir ro/ /yang na skye ba la sogs pa'i rang bzhin ni nyid kun rdzob yin te/ tshad mas yongs su bcad pa ma yin pa'i phyir ro/ /de'i tshe kun rdzob tu skye ba zhes bya ba ni skye ba la sogs pa ni tshad ma yongs su ma bcad par yin no zhes bya ba'i don to/ /ci ste kun rdzob ces bya ba ni bdag nyid thams cad dben pa yin pa'i phyir nus pa med pa yin la/ skye ba zhes bya ba ni nus pa yin pas 'di ni 'gal ba yin no zhes bya ba de yang mi bden te/ kun rdzob ces bya ba ni don dam par nus pa med pa yin na/ de ltar ni skye ba yod pa ma yin no/ /skye ba zhes bya ba ni tshad ma dang bral ba'i phyir grags pa tsam du nus pa yin te/ de ltar ni skye ba yin pa kho na'o/ /skye ba skye'o zhes bya ba'i skyon du yang mi 'gyur te/ rang bzhin gang gis skyes pa de kho nas nus pa yin no/ /gang gis rang bzhin du skyes she na/ kun rdzob tu yin gyi don dam par ni ma yin no zhes bya ba'i don to/ /de bzhin du kun rdzob ming tsam byed pa yang ma yin te/ tshad mas rtogs pa la de skad du brjod pa'i phyir ro/ gang yang rgyu dang 'bras bu dag dus mtshungs pa yin zhes bya ba de la/ rgyu las ni 'bras bu skad cig gnyis pa la skye ba yin no zhes bya ba 'byin pa de yang mi bden te/ 'das pa nyid du ni 'das nas yun ring du lon pa dang khyad par med pa'i phyir ro/ /'das nas yun ring du lon pa ni skye ba'i dus na med pa'i phyir la/ 'das ma thag pa ni bzlog pa yin pa'i phyir ro zhe na/ skye ba'i dus de gang yin/ gal te 'byung ba'i dus yin na ni de'i tshe 'byung ba 'byung ba po las tha mi dad pas rgyu dang 'bras bu dus mtshungs pa de nyid yin no/ /'on te 'byin pa'i dus na yod pa yin na/ 'byin pa de ni 'byin par byed pa po'i byed pa yin te/ des na 'byin par byed pa'i dus zhes byas pa de'i tshe rgyu'i dus na yod pa zhes bya bar 'gyur ro/ /de'i phyir chod pa yang rgyur 'gyur te/ de yang rang gi dus na yod pa'i phyir ro/ /skad cig gi dngos po thams cad kyang de'i tshe yod pas rgyur thal bas na ha cang thal bar 'gyur ro/ /rgyud tha dad pa'i phyir mi 'gyur ro zhe na/ 'di ni phan tshun brten pa'i nyes par 'gyur te/ rgyu ma yin pa nyid yin na/ rgyud tha dad pa yin yang/ rgyud tha dad pa nyid yin na yang rgyu ma yin pa yin no/ /rgyu yang yin la rgyu tha dad pa yang yin no zhes bya ba ni 'gal lo/ /ma brtags pa'i don ni kun rdzob kyi don yin no zhes gang bshad pa yang brtags pa ni tshad ma la brjod kyi rnam par rtog pa'i shes pa ni ma yin no/ /des na tshad ma grags pa'i don zhes bya ba'i tha tshig go /sgyu ma'i don yang 'di nyid yin no/ /'jig rten la grags pa'i don ces bya ba la/ 'jig rten gyi grags pa ni ma brtags na nyams dga' ba yin te des na skyon med do/ /bstan bcos byed pa'i grags pa ni tha snyad du byed pa ma yin pas de ni 'dir mi bzung ngo/ /de skad du yang kun rdzob kyi bden pa gang zhe na/ 'jig rten gyi tha snyad ji snyed pa ste zhes gsungs pa yin/ /tshad ma dang tshad ma ma yin pa'i rnam pa dbye ba yang kun rdzob kho na te/ 'di ltar tshad ma ni bslu ba med pa can yin la/ mi slu ba yang nye bar bstan pa'i don thob pa yin no/ /thob pa yang nyams su myong ba nyid do/ /gal te don nyams su myong ba yin na/ phyis kyang de nyid yin pas ci'i phyir thob pa don du gnyer bar 'gyur/ des na blo thams cad tshad ma ma yin par 'gyur ro/ /'on te phyis rtogs pa de ni gzhan yin te/ des bstan pa ni ma yin pas na/ de thob pa ni tshad par 'gyur ro/ /zhe na/ de ltar na thams cad tshad mar 'gyur ro/ /ci ste nye bar bstan pa la yang cung zad nye bar bstan pa yod de des na de thob pas tshad ma nyid do zhe na/ de yang mi bden te/ ma bstan pa la tshad ma ma yin phyir ro/ /des na 'di ni gyi na'o/ /de'i phyir don dam par cung zad kyang yod pa ma yin pas kun rdzob tu ji lta ba de ltar yin tu zad do/ /'di tsam gyis kyang tshad ma dang tshad ma ma yin pa'i rnam par bzhag pa yin pas kho bo cag la tshad ma cung zad kyang med do/ /khyod kyi phyogs ni kho bo cag gi 'dod pa nyid de/ des na dngos po'i de kho na nyid las 'da' bar mi nus so/ /gal te don byed nus pa kun rdzob tu yin na/ spyi la yang yod pa ma yin nam/ des na mtshan nyid ha cang khyab ches pa'i skyon yin no/ /zhe na/ bshad pa gal te kun la de yod na/ /spyi'i mtshan nyid rjes 'gro ldog /blo la ma mthong phyir min te/ /mig dang gzugs sogs blo bzhin no/ /dper na mig dang gzugs la sogs pa'i blo dag dmigs pa dang/ bdag po'i rkyen gyi yul la rjes su 'gro ba dang ldog pa'i rjes su byed pa de bzhin du/ spyi'i blo dag ni ma yin te/ spyi'i blo ni sngon mthong ba'i 'bad rtsol tsam las byung ba'i phyir ro/ /de ltar gzugs la sogs pa'i blo ni mig la sogs pa med par nang gi byed pa tsam las byung ba ma yin no/ /'di ltar/ gal te dngos po de nyid du/ /sngar yod mthong ba ma yin yang// 'on kyang ldog pa mthong ba las/ /yod do zhes ni nges par 'grub/ /gal te bden pa'i ka ba'i tshogs su snang ba yul la mi bltos par mig tsam las 'byung ba yin na ni/ gang dang gang du mig bltas pa de dang der 'byung bar 'gyur te rab rib can gyi skra shad la sogs par snang ba yin no/ /de dang bral ba'i phyogs su 'byung ba yang ma yin te/ des na ka ba la sogs pa sngar yod pa yin no/ /des na rjes su 'gro ba dang ldog pa dang 'brel pa'i phyir na/ snam bu la sogs pa'i blo skye ba na snam bu la sogs pa'i nus pa khong du chud par byed pa yin no/ /spyi'i blo ni de lta ma yin te/ nang gi byed pa tsam las 'gyur ba'i phyir ro/ /'bras bu gang zhig gang tshogs pa/ /tsam las 'byung ba de ni de las tha dad pa'i dngos po'i bdag nyid kyi nus pa rtogs par byed pa ma yin te/ mig la sogs pa tsam gyi tshogs pa las byung ba'i mig gi sems kyi snang ba bzhin no/ /ba lang nyid kyi blo rta la skye ba ma yin nam/ des na ldog pa ci ltar med ce na/ de ni mi bden te/ rta la ba lang nyid med phyir/ /ba lang blo mi skye ba min/ /bag chags sad byed de min phyir/ /de la ba lang blor mi 'gyur/ /rta de ni ba lang nyid kyi bag chags sad par byed pa ma yin pa'i phyir/ de la ba lang gi blo med pa yin te/ ba lang zhes bya ba'i brda ni de nyid la grub pa'i phyir ro/ /ba lang nyid med pa las ni ma yin gyi/ 'on kyang de 'dra ba'i 'dus byas pa med pa'i phyir ro/ /gang gis de yod dam 'on te ma yin zhes rnam par bzhag par bya ba spyi'i rnam pa gsal ba las tha dad pa ni de lta rtogs pa med do/ /de'i phyir spyi ni mi brtags na nyams dga' bar grags pa tsam yin gyi don dam pa ni ma yin no/ /gal te don dam pa ma yin na ba lang nyid dang/ rta nyid phan tshun ldog par ji ltar 'gyur zhe na/ phan tshun ldog pa ni rtogs pa nyid dam/ gsal ba nyid yin no/ /gal te gsal ba med kyang brdar rtsol ba tsam las thams cad la spyi'i blo 'byung ba ma yin na ni de'i tsha ldog pa las spyi nus pa med par mi 'gyur ba yin no/ /spyi ni khyab pa yin te des ni thams cad du spyi'i blo skye ba yin no zhe na/ rab rib can gyis nye bar dmigs pa'i skra shad la sogs pa yang de lta bu kho nar thal bar 'gyur ro/ /gzhan gyis ma mthong ba'i phyir ma yin no zhe na/ spyi yang de'i rtsol ba la sogs pa dang bral bas mi rtogs pa/ de la yang skyon tu 'gyur ro/ /de yod na dmigs pa'i phyir ro zhes bya ba dang rigs pa ma yin te/ skra shad la sogs pa yang rab rib yod na gzhan gyis ci ltar mi dmigs/ rab rib kyis nyams pa'i phyir de kho na ma yin pa dmigs par byed pa ma yin no zhe na/ de kho na ma yin pa zhes bya ba ni ci zhig /dbang po nyams pas dmigs par bya ba nyid do zhe na/ ci ltar nyams pa yin/ de kho na nyid ma yin pa la dmigs par byed pa nyid do zhe na/ 'di ni phan tshun rten pa'i nyes par 'gyur ro/ /gzhan yang spyi yang phyin ci log gi bag chags sad pas nyams par byas pa'i nang gi byed pas dmigs pa yin pa'i phyir 'di ni mtshungs so/ /gal te khyab byed yin pa'i phyir/ /spyi mi ldog pa nyid ce na/ /rab rib can gyi rnam shes kyis/ /rtogs bya'ang khyab byed nyid du 'gyur/ /gal te dbang po nyams pa yis/ /'dzin phyir sbrang bu mi bden na/ /mi bden pa nyid ma grub par/ /nyams pa rab tu 'grub mi 'gyur/ /nyams pa bden pa ma yin pas/ /don byed grub pa min zhe na/ /de yi 'dzin byed nyams pa ni/ /spyi la'ang mtshungs par 'gyur ba yin/ /des na spyi'i ni don byed nus pa ma yin te/ shes pa tsam la'ang nus pa med pa'i phyir ro/ /des brda rtsol ba la sogs pa/ /nang gi yan lag rjes 'jug phyir/ /bum pa 'degs dang spyi dang ni/ /grangs sogs blos ni bshad pa yin/ /gzugs dang ro dang dri dang reg pa'i rten bum pa'i yan lag can gyi rdzas so/ /'degs pa ni bya ba'o/ /grangs ni yon tan no/ /'di la'o snyam pa'i blo ni 'du ba'i yul can yin te/ de'i gzung ba ni 'du ba'o/ /de dag gi blo gang yin pa de yang brda rtsol ba la sogs pa nang gi rgyu tsam la rag las pa yin gyi/ yul ni rjes su 'gro ba dang ldog pa'i rjes su byed pa ni ma yin no/ /'di ltar/ gzugs sogs las ni tha dad par/ /rdzas zhes bya ba yod min te/ /bum pa'i bdag la bum pa'i blo/ /rjes 'gro ldog pa yod ma yin/ /mig la sogs pa'i blos ni gzugs la sogs pa 'ba' zhig dmigs te/ des na de ma dmigs pas sad par byas pa thog ma med pa'i bag chags kyi mtshan nyid nang gi rgyu kho na las 'di bum pa'o snyam du gcig nyid du mngon par zhen pa'i blo skye bar skye bos nyams su myong ba yin gyi/ bum pa la sogs pa rdzas kyi ngo bo nyid gzhan ni yongs su brtags na rnam pa thams cad du yod pa ma yin no/ /gal te rdzas ni mthong ba'am reg pas yongs su bcod pa ma yin nam/ rdzas ni rnam pa gnyis te blta bar bya ba dang reg par bya'o zhe na/ de yang mi rigs te/ 'di ltar/ rdzas de gzugs las gzhan min pa 'am/ /'on te bzlog par 'dzin pa yin/ /gzhan ma yin par 'dzin na ni/ /gzugs nyid gzugs ldan yod ma yin/ /gzhan du rig pa yin na blo/ /rnam pa gnyis su myong 'gyur na/ /rnam pa gnyis su snang bar ni// mig shes tsam las 'gyur ba min/ /ci ste bum pa'o snyam pa'i blo ni/ /gzugs so snyam pa ma yin na/ des na rig pa tha dad pa ci ltar med/ /'di ltar/ bum pa 'am snam bu dmar mnyam pa'i/ /blo ni 'khrul pa med pa yin/ /don 'jog byed pa'i rgyu mtshan yang/ rig pa las gzhan yod ma yin/ /gal te gzugs tsam rig pa yin na ni/ dmar po'o snyam pa kho nar 'gyur gyi bum pa'o snyam pa ni ma yin no zhe na/ de yang mi bden te/ dmar po dang ni mi dmar pa'i/ /don la bum par tha dad byed/ /bum pa dang ni bum min pa'i/ /don yang dmar po'i sgra yis brjod/ /des na rjes 'gre ldog pa las/ /tha dad yongs su brtags nas ni/ /tha dad don du ston byed pa'i/ /dngos po de bzhin gnas ma yin/ zhes bya ba 'di ni gzhan du dpyad zin to/ /ci ste gal te yan lag can med par gzugs la sogs pa 'ba' zhig yin la/ gang la gzugs yod pa de nyid la reg pa yod do zhes bya ba'i blor ji ltar 'gyur zhe na/ de yang gyi na ste/ tshogs pa gcig la rag las dang/ /'bras bu gcig las mkho ba'i phyir/ /tshogs pa gcig tu rab brtags pas/ /gang la de la zhes byar rtog /dmag gang la glang po che la sogs pa yod pa de la skyes bu yod pa yin no zhes bya ba dang/ de bzhin du gang na pa la sha la sogs pa yod pa'i nags de nyid las de ldeng la sogs pa yin no zhes bya ba'i tha snyad med dam ci/ skyes bu la sogs pa las tha dad pa'i dmag gam/ da ba la sogs pa las tha dad pa'i nags ni yod pa ma yin no/ /de'i phyir tshogs pa gcig la rag las pa nyid dam 'bras bu gcig pa nyid kyi phan tshun ma bral ba la brten pa na skye bos de ltar tha snyad byed pa yin no/ /gal te de lta na ni phan tshun tha dad pa med pa'i lus su gyur pa'i gzugs la sogs pa nyid yan lag can yin te/ gzugs la sogs pa'i bum pa dang ka ba la sogs pa bzhin du phan tshun tha dad pa ma yin no/ /yan lag can ni nags tshal la sogs pa ltar tha snyad tsam ni ma yin no/ /de'i yan lag ni rjes su 'gro ba dang ldog pa dag las brtags pas de ltar bzhag pa yin no/ /'di ltar mthong ba gang yin pa de nyid la reg go zhes bya ba la sogs pa dang/ yul tha mi dad par yang rtogs pa yin no/ /gzugs kyi yul spangs nas reg pa 'am myangs par rtogs pa'i blo ni med do/ /zhe na/ de yang mi bden te/ /gal te gzugs sogs phan tshun du/ /rang bzhin tha dad med 'gyur na/ /gzugs sogs dbye ba gang las yin/ /de bzhin gzhan du ci ltar 'gyur/ /de nyid ni gzhan ma yin te/ /snang ba tha mi dad par thal ba'i phyir ro/ /'on te gcig po de nyid dbang po tha dad pas bzung ba'i phyir tha dad pa lta bur rtogs pa yin te mig gi dbang pos rtogs na ni gzugs nyid yin la/ lus kyi na ni reg bya nyid dang lces rtogs pa na ni ro nyid yin no zhe na/ de ni mi bden te/ 'dzin pa'i dbye bas gcig pa yi/ /dngos nyid gzhan du rtogs sam ci/ /'on te tha dad rtogs pa'i lam du gnas pa tha dad nyid/ re shig cig nyid do zhes bya ba la ni tshad ma med do/ /gcig nyid ni 'dzin pa'i bye brag gis tha dad par rtogs pa ma yin te/ 'khrul pa nyid du thal bar 'gyur ba'i phyir ro/ /ci ste gzhan du 'dzin pa med pas rten med pa de nyid ma 'khrul par brjod do zhe na/ de ni da ltar don de nyid yin par ci'i phyir mi rtog /tha mi dad par ni rtogs pa ni med pa'i phyir na rtogs pa ma yin no/ /ci ste yang tha dad pa yul gcig pa dang/ mi 'brel pa ji ltar 'gyur snyam na/ de ni rtogs par sla te 'di ltar/ de las gzhan du snang med phyir/ /yul ni yul can las gzhan min/ /yul can snang ba'ang tha dad phyir/ /gang las tha dad med pa yin/ /yul zhes bya ba ni gzugs la sogs pa dag las gzhan ma yin no/ /de de dag las tha dad pa yang tha dad par snang ba nyid las yin gyi/ yul tha dad pas ni ma yin te/ thug pa med par thal bar 'gyur ba'i phyir mi rtogs pa nyid du 'gyur ro/ /rang gi ngo bos tha dad na ni gzugs la sogs pa yang tha dad pa nyid do/ /snang ba'i rang bzhin las rang bzhin gzhan ni yod pa ma yin no/ /snang ba yang tha dad pa kho na'o/ /gzugs snang ba nyid ni ro snang ba ma yin te/ dbang po gzhan don med par thal par 'gyur ba dang snang ba tha mi dad par thal par 'gyur ba'i phyir ro/ /dbang po tha dad pa'i phyir tha dad do zhe na/ de ni mi bden te/ dbang po tha dad kyang tha mi dad pa tha dad par snang ba ni ma yin te/ de ltar yin na ni tha mi dad pa lkog tu gyur pa kho nar 'gyur ba'i phyir/ yan lag cin ni gzugs la sogs pa tsam du thal par 'gyur ro/ /gal te dbang po'i mthu las gzhan du gyur pa'i don yang rnam pa gzhan du rtogs pa yin na ni mig ser can la dung ser por snang ba bzhin du 'khrul pa nyid du 'gyur ro/ /ci ste mi bslu ba'i phyir ma 'khrul pa nyid do mnyam na/ de yang rigs pa ma yin te/ mi bslu ba yang snang ba nyid yin pas de yang dbang po'i khyad par nyid las snang ba'i rnam pa de ltar 'gyur ba de'i phyir na de yang 'khrul pa kho na yin pas ji ltar ma grub pas ma grub pa 'grub par 'gyur/ /mi bslu ba 'am gzhan gyi snang ba ni dbang pos byas pa yin pas na/ don gyi rjes su 'gro ba dang ldog pa'i rjes su byed pa rtogs pa med pa'i phyir don ces bya ba med pas yan lag can gyi sgrub par byed pa ni legs pa kho na zhig go / don med par sgrub par byed pa ni yan lag can gyi sgrub byed ma yin te/ de ni don gyi khyad par nyid du 'dod pa'i phyir ro/ /de'i phyir dbang po'i byed pa las ni gcig du mar snang ba ma yin te/ 'on kyang gzugs la sogs ni du ma nyid do/ /de'i phyir gcig tu rtogs pa ni nang gi byed pa la rag las pa nyid do/ /'degs par rtogs pa yang lag pa la sogs pa'i skad cig yul gzhan dang gzhan du skye ba ma yin no/ 'degs so snyam pa ni nang gi byed pa nyid las de'i tshogs pa 'ba' zhig la rtogs pas sgro 'dogs pa yin gyi/ yul gyi ba? stobs kyis 'byung ba ni ma yin no/ /de lta na ni 'o na ni snga ma dang phyi ma'i skad cig rnams kyi gsal bar bya ba'i las nyid 'degs pa'i shes pa'i yul yin no zhe na/ ma yin te/ spyi ni gsal bas gsal par byas pa yin pa'i phyir ro/ /las nyid kyi spyi ni las nyid kyi gsal ba rnams kyis gsal bar bya ba yin gyi don gyi skad cig rnams kyis ni ma yin no// lag pa la sogs pa'i skad cig ma'i gsal ba la brten pa'i las kyi gsal ba gzhan ni yod pa 'am dmigs pa ma yin la/ gsal ba gzhan gyis kyang spyi gsal bar bya ba ma yin no/ /'on te las nyid kyi rig pa lag pa la sogs pa'i skad cig gis gsal bar bya ba yin no zhe na/ de yang mi bden te/ skad cig re res gsal bar bya ba ma yin pa'i phyir ro/ /'degs pa nyid la sogs pa'i skad cig gcig gis gsal bar bya ba ma yin te/ skad cig dang po kho nar rtogs par thal ba'i phyir ro/ /'on te las nyid kyi rigs ni dus cig car du gsal bar bya ba ma yin no/ /brda sprod pha bas ni gdon mi za bar gzhan gyi grub pa'i mdza' i rjes su 'jug par bya ba ni ma yin te/ kho bo cag gi lta ba rnam par gnas pa'i 'di kho na'o snyam na de ni mi bden te/ gal te rigs re res gsal ba ma yin na 'o na ni spyi'i gsal bar bya bar 'gyur te/ rnam pa gzhan med pa'i phyir ro/ /goms pa las gcig gis gsal bar 'gyur ro zhe na/ 'o na ni goms pa nyid nang gi rgyu yin pa'i phyir/ /shes pa de yul gyi stobs kyis byung ba ma yin no/ /de bzhin du ldan pa'i rnam par dbye ba'i shes pa la yang brjod par bya'o/ /de skad du yang/ grangs ldan pa la sogs pa dang/ /de ldan rang gi ngo bo dang/ /brjod pa las ni tha dad pa'i/ /ngo bor blo la snang ba med ces bshad pa yin no// gal te ngan byed par mi nus pa zhes bya ba spyi'i mtshan nyid ma yin nam des na skra shad la sogs pa yang don byed mi nus pa'i phyir spyir thal lo zhe na/ de yang mi bden te/ 'di ltar/ skra shad sogs ni spyi min te/ /don tu zhen pa med phyir ro/ /shes byar 'dzin phyir med pa la/ /nyes pa dag tu thal mi 'gyur/ /rang gi mtshan nyid kyis bdag nyid kyi don nyid spyi'i rang bzhin du rtogs pa na spyi yin no/ /gal te 'di rang gi mtshan nyid yin na don bya ba byed pa'i phyir ji ltar spyi yin te/ spyi ni don bya ba byed pa med pa yin pa'i phyir ro/ /don byed pa med pa ni don du yang ji ltar 'gyur te/ don byed pa nyid kyis don yin pa'i phyir ro/ /don bya ba byed pa dang/ cig shos gnyi ga ni gcig la yod par mi 'gyur ro/ /zhe na/ 'di ni 'thad par dka' ba ma yin pa ni phyir te/ dngos su don byed mi nus dang/ /brgyud pa yis ni nus pa'i phyir/ /de ni spyi dang don nyid dang/ /nus pa dang ni nus med nyid/ /spyi ni don du zhen pa'i phyir don yin te/ don dam par ni don med pa nyid do/ /'di'i don nyid ni nye bar brtags pa yin te/ brgyud nas don gyi 'bras bu yin pa'i phyir ro/ /'o na ji ltar sgra'i yul spyi yin te/ chu klung gi 'gram na kha ra'i phung po yod do zhes bya ba ni rgyud nas kyang don byed pa ma yin no zhe na/ de ni med de/ de spyi min mo ? la ni/ /chad pa ci yod sgra rnams ni/ /tshad ma min par sgrub pa'i phyir/ /mchog tu legs par 'gyur ba nyid/ /'di ltar spyi ni kho bo cag tshad ma'i yul du 'dod pa yin no/ /gal te de yang tshad ma'i yul yin na ni/ sgra tshad mar 'gyur ro/ /'o na ji ltar sgra'i yul spyi yin par brjod ce na/ spyi kho na sgra'i yul yin no zhes pa ni ma yin no/ /'o na spyi zhe na/ spyi ni sgra'i yul kho na yin gyi/ yul ma yin pa ni med do zhes bya ba yin no/ /sgra'i yul nyid kyis ni rjes su 'gro ba'i rnam pa nyid mtshon pa yin no/ /de bzhin du yul ma yin pa rang gi mtshan nyid zhes te/ skra shad la sogs pa rang gi mtshan nyid du 'gyur ba ni ma yin te/ sgra 'ga' i 'ang yul ma yin pa ni rang gi mtshan nyid yin pa'i phyir ro/ /'dir yang rang gi mtshan nyid kho na yul ma yin pa ni ma yin gyi 'on kyang rang gi mtshan nyid ni yul ma yin pa kho na'o/ /sgra'i yul ma yin pa/ sgra la sogs pa'i yul can gyi shes pa ni tshad ma ma yin pa nyid do/ /'di ltar tshad ma bslu ba med pa can gyi shes zhes spyi'i mtshan nyid bya ste yul gyi dbye ba yis de tha dad par sgrub pa yin/ de yi yul nyid tha dad pa/ /bsgrub bya nyid du 'dod pa yin/ /des na tshad ma'i yul min pa/ /yul nyid du na ji ltar 'gyur/ /gal te don nyid spyi yin na dngos po med pa ni spyi nyid du mi 'gyur te don gyis stong pa'i phyir ro/ /de ni yul te ma yin pa yang ma yin te/ mi dmigs pa'i yul yin pa'i phyir ro/ /spyi'i ngo bo yang yin te/ snga na med pa dang zhig nas med pa zhes bya ba la sogs pa'i bye brag khyab par byed pa yin pa'i phyir te/ de ni dang po med pa dang/ da ltar med pa zhes gsal ba khyab par byed pa yin pa'i phyir ro zhe na/ de la yang lan du/ shes byar 'dzin phyir zhes bya ba yin te/ dngos po med pa yang rnam pa 'ga' zhig gis shes bya nyid yin no/ /gzhan gyi dngos po nyid med pa yin no zhes bya ba ni grub pa'i mdza' yin la de yang don bya ba byed pa kho na'o/ /yang na de yang tshad mas yongs su bcad par bya ba nyid do/ /dgos pa yod pa'i phyir nus pa yang yin no/ /dngos po med pas kyang dgos par 'gyur ba nyid de dogs pa med par 'gro ba'i don yin pa'i phyir ro/ /des na de la ni don tu mos pa yod pa'i phyir/ dngos po med pa ni rang gi ngo bos don kho na'o/ /skra la sogs pa ni ma yin te/ 'khrul pa'i shes bya nyid du yongs su bcod pa'i phyir ro/ /gal te sgra la sogs pa yang gang gi tshe 'di lta bur gyur pa'i skra la sogs pa ni mi bden no zhe 'am/ bden pa'i sgra dang 'dra ba'o zhes shes pa de'i tshe de la yang rang dang rjes su mthun pa'i dgos pa mi bden pa'i rgyu mtshan can gegs med par 'gro ba la sogs pa kho na ma yin nam/ de'i phyir de dag kyang tshad ma'i yul nyid du 'gyur ro/ /ci ste de ltar yongs su bcad pa ni spyi'i rang bzhin kho na'o snyam na/ de lta na ni gsal bar snang ba nyid du 'gyur ro/ /gsal bar snang ba nyid kyis don yin na ni rang gi mtshan nyid yin pas/ de'i shes pa don med pa can du mi 'gyur ba'i phyir ma 'khrul pa de 'gyur ro zhe na/ bshad pa/ de dag gi yang de lta'i dngos/ /bkag med gsal bar snang ba nyid/ /shes pa'i ngo bo'i don nyid phyir/ /skra sogs zhes bya'i blo dag ni/ /spyi'i spyod yul can yin la/ /sgrar snang don med can yin no/ /gal te rab rib can gyi dmigs pa'i skra la sogs pa yang mi bden par yongs su gcod pa de'i tshe/ mi bden pa zhes bya ba'i don ci yin zhe na/ don byed pa'i shes pa 'am skyes bu gzhan gyis mi dmigs pa'i phyir/ des dmigs pa rung ba nyid med par yongs su bcad pas na dngos po med par gzhal bya nyid yin no/ /des na dngos po med pa nyid du gzhal bar bya ba ni spyi'i mtshan nyid du bkag pa med pa kho na'o/ /yang gang gi tshe 'di ni skra la sogs pa gzhan dang 'dra ba yin no snyam pa de'i tshe shes pa'i rang bzhin la 'dra bar tha snyad byed pa'i phyir ro/ /rang bzhin gyi gtan tshigs kyi yul nyid yin pas sga la sogs pa gzhal bya nyid yin no/ /'o na ji ltar spyi gsal bar snang ba yin zhe na/ shes pa'i rang bzhin gyis don yin pa'i phyir na ni rang gi mtshan nyid kho na'o/ /de lta na mngon sum du 'gyur ro zhe na/ 'gyur ba kho na ste rang rig pa'i mngon sum gyi yul yin pa'i phyir ro/ /ci ltar spyi'i rang bzhin nyid yin zhe na/ rnam par rtog pa'i shes pa gzhan gyis sngar gyi skra la sogs pa dang 'dra bar yul du byas pa'i phyir ro/ /'di ltar/ rab rib can zhes rtogs bya ba/ /skra sogs bden min sngo cang ni/ /de bzhin nyid du dmigs pa'i phyir/ /yang na tshul mthun phyir 'dra yin/ /bden pa las bzlog pa 'am// 'dra ba nyid ni sngon rang bzhin gyis rjes su 'brang ba med na mi 'gyur ba yin te/ des na 'dra ba dang mi bden pa dag ni rnam par rtog pas bcad par bya ba yin no/ /snga ma dang phyi ma'i rang bzhin la 'jug pa ni rnam par rtog pa med pa ma yin no/ /zhes ston par 'gyur ro/ /des na lkog tu gyur pa nyid kyis spyi yin no/ /'o na don med pa'i shes pa gang yin zhe na/ skrar snang ba'i dbang po'i shes pa ni don med pa yin no/ /bsam pa ni rang rig pa la ni mngon sum yin la/ skra la sogs pa'i rang bzhin la rnam par rtog pa'i rnam par shes pa ni rjes su dpag pa dang/ dbang po'i shes pa ni don med pa'o/ /zhes rnam par dbye ba yin no/ /de nyid dbang po'i shes pa yin la de nyid rang rig pa ma yin nam/ rang rig pa'i rnam par shes pa las gzhan dbang po'i shes pa ni med de rang rig pa de nyid dbang po la brten nas skyes pa yin pa'i phyir ro zhe na/ don la de ni dbang shes phyir/ /don med na ni 'khrul par 'dod/ /rang rig dbang po las min te/ /de med par yang 'jug phyir ro/ /gang shig med kyang gang 'byung ba/ /de ni de'i rgyu ni de ma yin no/ /dbang po med na rang rig pa yongs su gsal bar mi 'gyur ba ma yin nam zhe na/ de yang mi bden te/ rang rig pa thams cad ni rang gi ngo bos gsal ba yin no/ /gang zhig gang la rang gi ngo bos gsal ba yin no/ /gang zhig gang la rang gi ngo bo dngos su byed pa'i rnam par snang ba de gsal pa yin na/ rnam par shes pa thams cad kyi rang gi rang bzhin yang dngos su snang ba yin no/ /rang gi ngo bo nyid ni lkog tu gyur pa ma yin te/ rang gi ngo bo thal bar thal ba'i phyir ro/ /de'i phyir mi gsal ba thams cad ni lkog tu gyur ba yin no/ /rmi lam gyi shes pa dbang po med kyang gsal ba'i rang bzhin yin no/ /des ni dbang po ni don nyid la 'jug par byed pa yin la/ de med na ni don med pa can nyid do/ /des na skra'i shes pa ni don med pa can yin te/ de la skra thob pa ni med do/ /de'i phyir don la ltos nas don med pa tsam yin no/ /zhes bya bar gdeng ba yin no/ /gal te shes pa'i rang bzhin gyis don yin na spyi yang rang gi mtshan nyid dang/ gsal bar snang bar thal ba'i phyir 'gal lo zhe na/ mi 'gal te/ 'di ltar/ gal te spyi ni shes ngo bos/ /don nyid yin na thal bar 'gyur/ /de ltar 'dod phyir skyon yod min don gyi ngo bo nyid kyis spyi/ /shes pa'i rang bzhin nyid kyis na rang gi mtshan nyid dang gsal bar snang ba ni spyi la yod pa nyid do/ /de'i gsal bar snang ba nyid ni de lta bur gyur pa kho na yin no/ /don ni mi gsal ba nyid du 'gyur ba yin te/ gzhan la bltos nas gzhan mi gsal bar snang ba nyid du snang ba'i phyir ro/ /shes pa'i rnam pa ni de nyid yin te/ gang la bltos nas de mi gsal ba nyid du brjod par 'byung/ /de'i phyir rang gi ngo bo gsal bar snang ba'i phyir mi gsal ba nyid du ga la 'gyur/ /rnam pa thams cad snang ba gang yin pa 'di nyid gsal ba nyid yin no/ /don gyi rang bzhin ni gzhan yin pa'i phyir de mi snang na mi gsal ba nyid du snang ba yin no/ /'o na de ji ltar de spyi nyid dang/ mi gsal bar snang ba yin zhe na/ bshad pa phyi rol gyi don gyi ngo bo nyid kyis spyi nyid do/ /dpyad pas na ngo bo ste/ nges par brtags pa zhes bya ba'o/ /don du nges par brtags pas spyi nyid dang/ don mi gsal bar snang ba nyid do/ /de mi gsal ba nyid dang spyi'i rnam pa ni lkog tu gyur pa nyid kyis yin no/ /'di ltar kun la ngo bo mtshungs phyir dang/ /de ldog pa la brten phyir ro/ /rno bo dang zhan pa dang drag pa dang/ tsan dan gyi la sogs pa thams cad la ngo bo mtshungs pa nyid de/ snang ba dang brtags pa'i don gcig tu byas pa'i phyir gcig nyid du lhag par zhen pas de thun mong nyid du rtogs pa'i phyir ro/ /'di ltar mtshungs pa rnams kyi ngo bo yin pas ni de spyi nyid du nye bar rtogs pa yin no/ /shes pa'i rnam pa yang gsal ba de'i rang bzhin du zhen pa yin no/ /khra bo la sogs pa gsal ba mdza' dag la gnas pa nyid kyis spyi'i rnam par gyur pa'i shes pa'i rnam? pa khyad par du gyur pa ni kun rdzob spyi'i ngo bo nyid yin te/ de ltar lhag par zhen pa'i phyir ro/ /de la de las skyes pa'i lhag par zhen pa'i rgyu ni bag chags kyi khyad par yang yin no/ /zhes bya ba ni kha na ma tho ba med pa yin no/ /de ni ldog pa'i khyad par de la brten nas byung ba'i phyir ro/ /de ni brgyud nas ldog pa'i don la brten nas skyes pa'i phyir dang/ ldog pa'i don rnams la 'jug par byed pa yin pa'i phyir ro/ /ldog pa de nyid ni spyi yid te/ ldog pa nyid ni thams cad la khyad par med pa'i phyir dang/ ldog pa dang 'brel pas don gyi rnam pa yang ldog pa'i rang bzhin yin pa'i phyir ro/ /ci ltar rnam pa ci yin/ gzugs la sogs pa nyid khyad par med pas rjes su dpag pa'i spyod yul gyi spyi ma yin nam/ gsal ba gzhan ma spangs pa'i gsal ba nyid spyir brjod pa yin te/ gsal ba mdza' dag spangs nas ni rjes su dpag pa tshad ma ma yin par thal bar 'gyur ro/ /de'i phyir rjes su dpag pa tshad mar khas len pas ni gdon mi za bar mtshon zin pas mtshon pa nyid kyis gsal ba yul nyid du khas blang par bya dgos kyi/ rnam pa tsam gyi mthar thug pa ni ma yin te/ 'jug par byed pa nyid ma yin par thal bar 'gyur ba'i phyir ro/ /spyi 'ba' zhig 'dzin pa la yang skyon 'di nyid yin no/ /de'i phyir shes pa'i rang bzhin gyi don spyir smra ba rnams kyi/ shes pa'i rnam pa de las gsal ba rjes su dpag pa'i phyir spyi'i rjes su dpag pas gsal ba'i yul can du 'gyur ro/ /de la spyis kyang gsal ba dpog pa ni ma yin te/ de la yang spyi snang bar 'gyur ba'i phyir 'jug par byed pa ma yin pa'i phyir la rjes su dpag pa'i don med pa nyid do/ /spyi brgyud pa de tsam du zad pa ni ma yin te/ spyi las spyi rjes su dpog? cing de las kyang spyi gzhan dpog pa'i phyir thug pa med par 'gyur ro/ /de'i phyir mthar yang gsal ba rtogs par bya ba yin pa'i phyir/ gsal ba nyid spyi yin no zhe na/ de yang mi bden te/ 'di ltar/ brjod bya nyid phyir de dngos min/ /dbang sogs 'bras bcas nyid phyir ro/ /ming sogs brjod na 'chad pa po/ /nyan po brjod bya rjes 'brel phyir/ /ming sogs 'brel ba med pa can/ /don la 'jug par mi 'gyur ro/ /spyi'i gzugs la sogs pa nyid ni spyi'i shes pas rtogs pa'i spyi ma yin no/ /gzugs la sogs pa re re 'am mdza' dag spyi'i shes pas rtogs grang/ gal te mdza' dag rtogs na ni de'i tshe dbang po'i tshogs 'bras bu med par 'gyur te/ skra la skyes pa'i spyi'i shes pa/ gang yin pa des gsal ba'i rang bzhin thams cad rtogs pa'i phyir ro/ /mig la sogs pa dbang po'i tshogs ni gsal ba rtogs pa'i don du 'dod pa yin na/ gsal ba de ni mig la sogs pa dang bral yang rtogs pa'i bying dbang pos ci zhig bya/ dbang po ni bde ba'i don du 'dod pa yin te/ 'di ltar dbang po la brten nas 'gyur ba'i bde ba de ni gzhan du ma yin no zhe na/ de yang mi bden te/ de yang sgra nyid las rtogs pa'i phyir ro/ /dbang po med par sgra las ni/ /bde skyes ma yin bde skye bar rtogs tsam yin na sgra las kyang/ /bde ba de nyid skye ba yin/ /gal te de yang rtogs tsam las/ /bde ba skye ba med ce na/ /bde ba skye ba'i ngo bor ni/ /rtogs pa ci ltar de ma yin/ /gal te bde ba skye ba'i rang bzhin du rtogs kyang de ltar ma yin na/ de ltar gyur na ni rtogs pa gzhan la yang ci zhig yid brtan tu yod rtogs par gyur pa kho na yod pa yin no/ /'on te dbang po'i tshogs don med pa yin/ yang las kyi dbang gis skyes pa yin no zhe na/ skyes su chug mod mi gzhar yang gzugs thung bas de 'bras bu med pa nyid du rtogs par 'gyur dgos na/ de ltar ni ma yin no/ /de'i phyir gsal ba nyid sgra las rtogs pa ni ma yin no/ /des na gzugs la sogs pa'i rang bzhin ni spyi ma yin no/ /de lta na ni 'on ming la sogs pa'i rang bzhin du 'gyur ba yin pas dbang po'i tshogs 'bras bu med pa ma yin no zhe na/ de yang mi 'thad de/ mi ldan 'du byed 'chad po dang/ /nyan po 'am don dang 'brel pa'am/ /'brel med 'chad po la sogs dang/ 'brel na don la 'jug mi 'gyur/ /'chad pa po dang nyan pa po dang 'brel pa'i ming dang/ mtshan ma rtogs na don rtogs pa ni ma yin na/ ma rtogs pa'i don la ji ltar 'jug par 'gyur/ /ma rtogs pa la yang 'jug na ni thams cad la 'jug par thal ba'i phyir dang/ rtogs pa don med par thal ba'i phyir/ de ni rigs pa ma yin no/ /'on te 'di snyam du mtshan ma gang yin pa don gang yin pa de gnyis ni tshul 'bra ba'i phyir gcig rtogs pas khyad? gzhan la 'jug pa yin te/ dper na tsi ta tra a ga da dang/ sna tshogs brtson 'grus zhes bya ba'i mtshe ma gnyis las gcig brjod pas der gzhan la 'jug par mi 'gyur ba ni ma yin pa bzhin no zhe na/ de yang mi 'thad de/ der 'khrul der ni mi 'khrul yin/ /'khrul na dngos po rig mi 'gyur/ /'khrul kyang dngos po rig ces pa/ /'di ni phan tshun 'gal ba yin/ /gal te ming dang mtshan ma snang ba yin na blo de ji ltar 'khrul pa yin/ 'khrul pa yin no zhe na ni/ dmigs pa med pa nyid dang/ de ltar gyur na ni ming dang mtshan ma rtogs par mi 'gyur te/ ming dang mtshan ma'i rang bzhin snang ba med pa'i phyir ro/ /de la yang ming dang mtshan ma gzhan rtogs na ni thug pa med par 'gyur ro/ /de'i phyir mtshe ma dag las 'khrul par shes pa la yang ming dang mtshan ma snang ba nyid yin pas dpe ma grub po/ /der yang de rtogs pa nyid kyis 'jug pa'i phyir ji ltar don la 'jug par 'gyur zhes bya ba'i rtsod pa ni de la yang yod pa'i phyir dpe ni bsgrub bya'i phyogs su bzhag pa nyid do/ /khas blangs nas kyang brjod pa ni gal te don la tshul 'dra las/ /'khrul 'jug 'gyur na dus kun dang/ /yul la 'khrul min shes pa la/ mtshungs min rnams de 'dra'i blo/ /skye phyir gzhan la de med de/ /blo ni khas len med phyir ro/ /phyi rol don tu snang ba can/ /khas len na yang rnam shes las/ /tha dad pa ni tshad can min/ /ldog pa grub pa med phyir ro/ /gal te gzhan rtogs kyang phyi rol la 'jug ba 'di tshul 'dra bas bskyed pa'i 'khrul pa'i rgyu can yin na de'i tshe dus thams cad du mi 'gyur ro/ /mtshe ma dag cig rtogs pa na/ dus thams cad du gzhan kho na la 'jug pa ni ma yin te/ de la yang 'jug pa mthong ba'i phyir ro/ /lus can dang lus can ma yin pa'i tshul 'dra yang med de 'thun pa med pa'i phyir ro/ /de yod na yang mi ldan pa'i 'du byed du mi 'gyur te/ gzugs la sogs pa'i rang bzhin yin pa nyid kyis gzugs kyi phung po'i nang du 'dus pa'i phyir ro/ /gzhan yang yul 'di nyid du rtogs so/ /zhes yul la 'khrul par mi 'gyur ro/ /de dang gzhan gyi yul dag gi tshul 'dra ba ma yin no/ /'on te yul yang rang gi ngo bos rtogs pa ni ma yin no/ /'o na ci zhe na/ de yang ming dang mtshan ma dang/ 'khrul pas rtogs pa yin no zhe na/ de lta na ni 'o na yul zhes bya ba rtogs pa med pa'i phyir/ yul gyi khyad par la 'jug par mi 'gyur ro/ /yul med pa'i sems dang sems las byung ba rtogs pas ni yul gyi khyad par dang 'brel ba'i gzugs la sogs pa 'ga' zhig la 'jug pa ni ma yin no/ /gcig tu zhen pa'i phyir 'jug pa yin no zhe na/ gcig tu zhen pa zhes bya ba 'di ci zhig /ming dang mtshan ma la 'jug pa'i yul gyi don du/ yin par rtogs pa'o zhes na/ ji ltar gzhan la gzhan du rtogs te/ bum pa ni snam bu'i rang bzhin du rtogs pa med do/ /de'i rang bzhin der lhag par byas pa'i phyir ro zhe na/ 'o na ni lhag par zhen par byas pa gang yin pa de nyid rtogs par 'gyur gyi ming dang mtshan ma'i ni dri tsam yang ma yin no/ /gang lhag par zhen par byas pa de nyid la 'jug par 'gyur gyi phyi rol gyi don la ni ma yin no/ /ci ste de la ming dang mtshan mar lhag par zhen pa yin no zhe na/ de lta yin na ming dang mtshan ma nyid rtog pa yin pas ci ltar phyi rol la 'jug / nya phyis la dngul du zhen pa ni ji ltar nya phyis la 'jug ce na/ nya phyis kyang de na yod pa'i phyir dang/ yul de yang mngon sum gyis bzung ba'i phyir ro/ /ming dang mtshan ma'i yul ni yongs su 'dzin pa ma yin te/ yul yongs su 'dzin pa ni yul na gnas par 'gyur ro/ /de ni gzhi po don gyi yul yin no zhe na ma yin te/ rnam par dbye ba med pa'i phyir ro/ /nya phyis kyi yul yin gyi dngul gyi ma yin pa de bzhin 'dir yin no zhe na/ ma yin te dngul ni med pa'i phyir yul med pa yin gyi/ ming dang mtshan ma na yul med pa ma yin no/ /dngul ni mthong bas sgro 'dogs pa yin na/ ming dang mtshan ma ni mthong ba med de/ de ni sgro 'dogs pa'i dus nyid kyi tshe mthong ba yin pa'i phyir ro/ /de'i phyir 'di ni sgro btags pas 'jug pa ma yin no/ /bram ze'i khye'u la mer rtogs pa de bzhin du blo 'khrul pas bzung ba nyid kyang ma yin no/ /shin tu goms pa'i phyir ma yin no zhe na/ shin tu goms so zhes bya ba 'di ga la rtogs te tshad ma med pa'i phyir ro/ /tshad mas rtogs na de ltar tha snyad bya ba yin gyi/ gzhan du na ma yin na/ /gzhan du ni tha snyad 'thad pa ma yin no/ /de nyid kyis brtags par bya ba ma yin la/ des na tshad ma med pa ma yin no zhe na/ ma yin te de lta ma yin yang tha snyad 'dogs pa'i phyir ro/ /zhes 'chad par 'gyur ro/ /gang gi sgra las don la reg pa med pa can rang gi rnam pa nyid kyis shes pa skye ba de'i ltar na don la 'jug ce na/ shes pa ste shes pa'i rnam pa brjod par bya ba yin pa la ni mtshungs pa ma yin te/ 'khrul pa'i blo skye ba'i phyir ro/ /bag chags kyi stobs kyis de ltar skye ba na rang gi ngo bo nyid la khyad par can gyi yul na gnas pa'i don du rlom pas tha snyad 'dogs pa po 'jug par byed pa'i phyir 'di la 'gal ba cung zad kyang med do/ /'di ltar/ ci srid rang gi ngo bo la don tu sgro btags pas 'jug pa byed pa de tsam gyis 'di yi tha snyad yongs su rdzogs pa'i phyir gzhan gyi ci bya ming dang mtshan ma don tu rlom pa la/ rnam par rtog pa gnyis te/ rtogs nas don gyi rnam pa nyid du lhag par zhen par byed dam/ 'on te ma rtogs par gal te sgra'i rnam par shes pas ming dang mtshan ma rang gi ngo bos rtogs pa yin na/ ji ltar de don tu rtogs par 'gyur/ rang gi ngo bo la rtogs pa ni gzhan ni rnam par lhag par zhen par brjod pa ma yin no/ /rnam pa gzhan ni de ma yin te/ rnam pa tha dad pa kho na tha dad pa yin pa'i phyir ro/ /de'i phyir ming dang mtshan ma ni don gyi rnam par rtogs pa ma yin no/ /rnam pa 'di ni don gyi ma yin te/ de la don med pa'i phyir ro/ /ming dang mtshan ma yang ma yin te/ de 'thad pa'i phyir ro/ /rnam pa de ni shes pa yin gyi yin pa de mchog yin no/ /shes pa'i rnam pa de nyid don nyid du rtogs pa yin gyi/ bar gyi sha lhag pa'i ming dang mtshan mas ci zhig bya/ shes pa ni rgyud nas de las skyes pa'i phyir don gyi rnam pa dang ldan pa zhes bya bar rigs na/ ming dang mtshan ma'i don gyi rnam pa can yin no zhes bya ba 'di ga las yin don gyi rnam pa dang ldan pa nyid la ni tshad ma cung zad kyang yod pa ma yin no/ /ci ste don gyi rnam pa ni ming dang mtshan ma las tha dad pa ma yin no zhe na/ 'o na ni de nyid don yin pas dbang po'i tshogs don med pa ma yin par mi 'gyur ro/ /ci ste yang de ni don bya ba byed pa ma yin pas na/ dbang po'i tshogs ni don bya ba byed pa 'dzin pa'am 'bras bu dang bcas pa yin no zhe na/ de yang mi rigs te/ don bya ba byed pa ma bzung ba'i phyir 'jug par byed pa ma yin pa nyid du 'gyur ro/ /lhag par sgro btags pa las 'jug pa yin no zhe na/ lhag par sgro btags pa de ni shes pa'i rnam pa nyid do/ /zhes bshad zin to/ /de lta ma yin na ni der yang ming dang mtshan ma gzhan yin la/ de la yang gzhan yin pa'i phyir thug pa med par 'gyur bas lan du mi rung ngo/ /de la yang 'khrul pa nyid du 'dod na ni ming dang mtshan ma la tshad ma med par 'gyur ba'i phyir ro/ /'khrul pa'i shes pas ni don rnam par 'jog pa ma yin no/ /rnam pa yang de nyid don rnam par 'jog par byed pa yin no zhe na/ ma yin te ldog pa med pa'i phyir ro/ /mdo sde pa bzhin du ming dang mtshan ma sgrub pa la ni ldog pa grub pa med de/ ming dang mtshan ma'i yul can du 'dod pa'i blo ni yid la byed pa la sogs pa tsam las 'byung ba'i phyir ro/ /shes pa don gyi rnam pa can du khas len na ni de don gyi rnam pa nyid yin par rigs so/ /ci'i phyir rnam pa mi gsal ce na ma yin te/ tshogs pa'i bye brag gi rnam pa cha 'ga' zhig skyed pa'i phyir ro/ /gang las rnam pa gang 'gyur ba de bdag nyid thams cad kyis 'gyur ba ni ma yin te/ cha 'ga' zhig gis 'dra ba'i bu bzhin no/ /gal te shes pa thams cad don gyi rnam pa can nyid ma yin te/ de la sngon po la sogs pa'i rnam pa snang ba gang yin pa de ni don nyid yin no/ /de la sngon po la sogs pa'i rnam pa thams cad ni don yin gyi shes pa ni ma yin te/ des na shes pa thams cad don dang ldan pa yin gyi/ rang gi rnam pa ni 'ga' yang med pa'i phyir gang las 'khrul ba yin/ rnam pa 'di ni shes pa ma yin te/ phyi rol gyi ngo bor snang ba'i phyir ro zhe na/ de ni ma yin te/ shes kun don ldan phyir zhe na/ /'thad min rmi sogs rnam gzhan du/ /mthong phyir 'du byed las kyang min/ /sde la sogs pa snang phyir ro/ /thog med phyir na sngo sogs min/ /rung yul gnas pas mi shes pa/ /rang nyid shes phyir de shes yin/ /des ni ming sogs brjod pa yin/ /shes pa thams cad don dang ldan pa yin no zhes bya ba'i khyab pa ga las yin/ mdun na gnas pa'i rnam par nyams su myong ba tsam gyis ni don dang ldan pa ma yin no/ /de lta yin no zhe na ni 'khrul pa dang ma 'khrul pa'i rnam par dbye bar mi 'gyur te/ mdza' dag dmigs pa dang bcas pa'i phyir ro/ /dmigs pa dang bcas pa yin yang don bya ba mi mthong ba'i phyir 'khrul pa nyid du tha snyad byed do zhe na/ de lta na 'o na dmigs pa med pa nyid yin yang don bya ba thob pas tshad mar tha snyad bya bar ci ste mi 'dod/ /'di la de kho na nyid ci yin zhe na/ dmigs pa med pa nyid do/ /'di ltar rmi lam la sogs pa dag na dmigs pa med pa nyid yin na yang mdun na gnas pa 'dzin pa mthong ba'i phyir na gzhan du yang de mthong ba las dmigs pa dang bcas par ni mi 'thad do/ /bzlog par ci ltar mi 'gyur zhes bya ba yang lan ma yin te/ dmigs pa dang bcas pa nyid ni grub pa med pa'i phyir ro// dmigs pa dang bcas pa nyid ni 'gar yang grub pa ma yin no/ /sad pa'i gnas skabs yin no zhe na/ 'o na ni gnas skabs de bzhin du med pa'i phyir der shes pa dmigs pa med par 'gyur ro/ /de'i phyir ma nges pa yin te/ rmi lam la sogs pa na rnam pa gzhan du myong ba'i phyir ro/ /ci ste rmi lam gyi shes pa yang ming dang mtshan ma la dmigs pa yin te des na rmi lam gyi shes pa dmigs pa med pa zhes bya bar ma grub po zhes na/ 'di la smras pa/ rmi lam gyi shes pa ni ming dang mtshan ma la dmigs pa ma yin te/ sngon po'i rnam par dmigs pa'i phyir dang/ ming dang mtshan ma ni rnam pa de med pa'i phyir ro/ /der sngon po la sogs pa nyid dmigs pa yin no zhes bya bar mi 'thad de/ rnam pa de ni sngon po la sogs pa dang mi mthun pa'i phyir ro/ /bden pa'i sngon po la sogs pa de la ni thogs pa med pa nyid yod pa ma yin la/ rmi lam gyi sngon po ni de las bzlog pa yin pa'i phyir ro/ /de ltar yang sa phyogs shin tu dog par yang glang po che'i khyu mchog mthong ba'i phyir dang/ gang gi nad na gnas pas mthong ba'i der ni glang po'i khyu'i go skabs med pa'i phyir dang/ bcad pa'i nad nas phyir 'gro ba'i yang nus pa med pa'i phyir dang/ glang po'i khyu'i 'bras bu la bar bshig pa la sogs pa ma mthong ba'i phyir ro/ /me'i 'bras bu tshig pa la sogs pa'i yang ma mthong ba'i phyir ro/ /gal te gzugs la sogs pa thogs pa med par de lta bur gyur pa kho na skyes pa yin no zhe na/ de ltar yin na ni der sad pa thams cad kyis ci'i phyir ma mthong/ de la de 'dra ba'i tshogs pa med pa'i phyir te/ rmi lam gyi gzugs la sogs pa mthong ba'i rgyu ni gnyid tshogs pa can yin no zhe na/ gal te gnyid tshogs pa dang ldan pa yin na thams cad kyis/ mthong bar 'gyur na/ de lta ni ma yin te/ yul de nyid du gnyid log pa rnams kyis rmi lam gzhan mthong ba'i phyir ro/ /rnam pa gzhan du mthong ba ni 'du byed kyi khyad par gyis yin te/ 'di ltar sad pa'i gnas skabs na gang gi 'du byad pa yod pa de lta bu nyid mthong bar 'gyur ba'i phyir thams cad kyi thams cad mthong ba ma yin no zhe na/ 'du byed ni 'dus byas pa'i rnam par shes pa'i rgyun las tha dad pa gzhan med pa ma yin nam/ des na de las skyes pa'i rnam par shes pa yul nye ba 'dzin pa'i phyir nye ba thams cad 'dzin par thal bar 'gyur te/ mig la sogs pa'i rnam par shes pa skyes pa na nye ba rnams las kyang 'ga' zhig 'dzin pa ni 'thad pa ma yin no/ /de'i phyir rmi lam du ni 'ga' yang skyes pa med de rnam pa tha dad par 'dzin pa'i phyir ro/ /sngon gyi rang bzhin mthong ba la ni rnam pa tha dad par 'thad pa yin te/ sngon mthong ba gang gi 'du byed yod pa de nyid des mthong ba yin gyi gzhan gyis ni sngon med pa'i phyir mthong ba ma yin no/ /'o na ni phyin ci log tu snang ba yin te/ sngon gyi dus nyid de'i dus su mthong ba yin no zhe na/ ma yin te/ de'i du sa nyid med pa'i phyir ro/ /de nyid kyi phyir phyin ci log tu snang ba yin no zhe na/ 'di la brjod pa/ cig snang ba log pa 'am/ yang na log pa snang? bar 'dod/ /gal te phyin ci log snang na/ /de la phyin ci log yod min/ /gal te phyin ci log snang ba yin na de la ni phyin ci log nyid yod pa ma yin no/ /phyin ci log yin no/ /zhe na/ thams cad kyis de ltar 'dzin par thal /de dag kyang phyin ci log snang ba yin no zhe na/ 'di ni mtshar po ma yin te/ gal te thams cad log pa ni/ /snang na log pa gang la ltos/ /'khrul pa nyid du ltos nas ni/ /'khrul pa nyid du 'gyur ba min/ /'khrul pa nyid las ltos nas ni de lta bur gyur pa de las gzhan pa dag kyang 'khrul pa nyid du brjod pa ni ma yin no/ /gzhan yang/ gzhan la mngon par 'dod pa yi/ /log snang de ni gzhan la 'ongs/ /'dam du ltung par mi bya'o/ /rmi lam gyi mthong ba phyin ci log snang ba yin par bsgrub par bya'o snyam pas sad pa phyin ci log pa snang bar bsgrubs so/ /ci ste snang ba phyin ci log yin no zhe na/ 'o na ni yang phyin ci log nyid 'di ni snang ba kho na yin gyi/ don ni ma yin pas don de nyid kyi ngo bor snang ba'i phyir phyin ci log par snang ba ci yod/ phyin ci log ces bya ba gang yin pa de'i rang bzhin ni snang ba yin no/ /gang gis gzhan yang de ltar rtogs par 'gyur ba snang ba'i rang bzhin gzhan ni gzhan gyis ma yin te/ shes pa rnams ni tha dad pa'i phyir ro zhe na/ de lta na ni 'o na shes pa nyid de ltar rtogs pa yin pa'i phyir rmi lam gyi mthong ba dmigs pa dang bcas pa nyid ma yin no/ /'di ltar dus der don de yod min par/ /'du byed las ni de ltar skyes/ /yod min mthong ba ma yin te/ /shes pa kho na rang nyid rig /yul gzhan gnas pa yul gzhan du mthong ba zhes bya ba nyid rigs pa yin yang/ de'i tshe yod pa ma yin pa dus gzhan dang 'brel pa go ci ltar mthong bar 'gyur ba yin/ /de'i phyir de ltar sngon mthong ba las skyes pa'i shes pa kho na rig pa yin gyi don ni ma yin te/ de ni med pa'i phyir ro/ /gal te dus gzhan yang dus de yin par mthong na ni/ sad pa'i gnas skabs kyi ka ba la sogs pa mthong ba thams cad du phyin ci log tu snang bar yin par 'gyur ro/ /ma yin te de la gnod par byed par med pa'i phyir ro/ /gal te dus gzhan yang dus de yin par mthong na ni / sad pa'i gnas skabs kyi ka ba la sogs pa mthong ba thams cad du phyin ci log tu snang ba yin par 'gyur ro/ /ma yin te de la gnod par byed pa med pa'i phyir ro zhe na/ gnod par byed pa med pa nyid kyang phyin ci log tu snang ba kho na ma yin nam/ don thob pa'i phyir phyin ci log tu snang ba ma yin no zhe na/ don thob pa yang phyin ci log tu snang ba kho na ma yin nam/ /don yod pa la phyin ci log tu snang bar ci ltar 'gyur zhe na/ don mthong ba nyid la ji ltar thob par byed/ /de'i tshe med pa'i phyir ro zhe na med na ci ltar rig / gzhan gyi tshe na yod pa'i phyir ro zhe na/ 'o na ji ltar ma thob gzhan gyi tshe nyid yod pa'i phyir te de ltar ni med pa'i phyir ro zhe na/ 'o na ji ltar mthong/ de'i dus kyi rang bzhin gyi thob pa yang de'i dus su ci ste med/ mi nus pa'i phyir ro zhe na/ mthong bar ci ltar nus mthong ba nyid kyi phyir ro zhe na/ ci zhig mthong ba de nyid mi shes pa ma yin nam/ ngo shes pa'i phyir mthong ba 'di ni sngon gyi yin no zhes nges so zhe na/ ma yin te/ rmi lam dang skye ba gzhan du mthong ba la ngo shes pa med pa'i phyir ro/ /ngo shes par gyur pa gzhan dang chos mthun pa las der yang rjes su dpag pa yin no zhe na/ dri za'i grong khyer la sogs pa la med pa'i phyir ro/ /de la ni ngo shes pa yod pa ma yin no/ /de lta yin na ni thams cad sngon mthong ba nyid do shes par bya ba yin par 'gyur gyi/ da ltar ba mthong ba ni ma yin par 'gyur 'dis ni dran pa nyams pa yang bshad pa yin no/ /'jig rten pa ma yin pa yang 'di nyid kyis bshad pa yin te/ 'di ltar/ 'jig rten pa ma yin pa gang yin/ thun mong ma yin pa gzhan gyis blta bar bya ba ma yin pa'o zhe na/ 'dir brjod pa/ de ni shes pa nyid yin te/ rung ba'i yul na 'dug pa gzhan gyis mi shes pa'i phyir 'dzin pa'i rnam pa bzhin no/ /gzung bar bya ba nyid du 'dzin pa'i phyir don nyid yin gyi shes pa ni ma yin no zhe na/ de la gzung bar bya ba nyid du 'dzin pa ni med de/ rang gi ngo bor 'dzin pa'i phyir ro/ /don de ni rang gi ngo bor yin gyi gzung bar bya ba nyid du ni ma yin no/ /gzung bar bya ba nyid yin na ni/ gzung bar bya ba'i don du snang ba las gzhan med pa/ yod pa ni de nyid yin pa'i phyir don zhes bya ba med do/ /gzung ba'i rnam pa ni don nye bar mtshon pa yin gyi de nyid ni ma yin na ci ltar gzhan gyis gzhan mtshon de'i phyir 'di ni gyi na'o/ /don snyam pa'i shes pa skye ba'i phyir ro zhe na/ ma yin te/ 'di ni skra shad la sogs don min te/ /don tu mos pa med phyir ro/ /zhes bshad zin to/ /'dis ni ming la sogs pa bshad pa yin no/ /gzhan yang/ shes pa thams cad mdun na gnas par snang ba yin pas/ 'di la ni phyin ci log par snang ba yin la 'di la ni ma yin no/ /'di la ni 'jig rten pa ma yin pa snang ba de la ni ma yin no/ /zhes gang las 'gyur ba yin no zhes bshad pa ni/ mig la sogs pa'i blo 'dod pa/ /de nyid don ldan gang gis 'dod/ /gal te don nus mthong phyir na/ /gzhan pa don nus can thob 'gyur/ /gzhan yang/ mig la sogs pa'i blo phyin ci ma log par snang ba gang yin pa de nyid don dang ldan pa don nye bar bskyed par gang gis 'dod de 'di la rgyu ci zhig yod/ /snang ba nyid du ni khyad med pa yin no/ /rjes su 'gro ba dang ldog pa dag las don gyi nus pa mthong ba'i phyir ro/ /'di ltar don de ltar gzhan gyis mthong ba 'am/ rang nyid kyi rjes su dpag pas shes pa yin la/ phyis kyang thob pa yin te/ des na don gyi nus pa mthong ba yin no zhe na/ gal te de lta na ni/ gzhan gang la de lta bu'i tshogs pa med pa'i shes pa de ni don med pa can 'thob par 'gyur ro/ /'di ltar/ 'di la ni don med pa 'di la ni yod do zhes bya ba'i blo ni tha snyad pa yin no/ /blo 'di ni mi bslu ba yang yin te/ 'di ltar bdag la ni shes pa tsam zhig skyes kyi 'di la don yod pa ni ma yin te/ 'dir bdag la 'di ltar snang ba ni sngon goms pa'i mthu las yin no snyam gyi/ de bdag gi mthong ba 'am/ bdag gis dran no zhe'ang don 'di ni 'jig rten pa ma yin no zhes bya bar ni ma yin no/ /gnod par byed pa gang gis 'jig rten pa ma yin par rtogs pa de nyid kyis don med pa can nyid du 'gyur ro/ /'jig rten pa nyid du rtogs pa ni 'jig rten pa ma yin par mi 'gyur te/ de la phyin ci log tu snang bar thal ba'i phyir ro/ /de yang 'jig rten pa ma yin pa nyid do zhe na/ ma yin te/ thug pa med par thal ba'i phyir ro/ /ci ste thun mong ma yin pa nyid du rtogs pa yin te/ 'di gzhan gyis rtogs so snyam pa'i rtogs pa ni med do/ /don gyi yul can ma shes pa la ni rjes su dpag pas rtogs pa yin pa nyid du rtogs pa yin no zhe na/ de ltar na ni 'o na/ 'dir don gzhan med pa de nyid la rtogs pa 'di 'gyur ba yin te/ 'di ni rtogs pa tsam yin no snyam gyi don yin no snyam du rtogs pa ni ma yin no/ /de'i phyir 'chad pa po dang nyan pa po dag dang 'brel par 'gyur ba'i ming la sogs pa snang bas dmigs pa dang bcas par ni rigs pa ma yin no/ /'brel med na yang 'jug mi 'gyur/ /gal te don dang 'brel ldan yin/ /'das dang ma 'ongs brjod bya min/ /don dang de ni zad phyir ro/ /gal te ming dang mtshan ma don dang 'brel par khas len na/ de'i tshe mi 'jug pa kho na ste/ gang gi phyir de ni don dang lhan cig tu zad pa'i phyir ro/ /'brel pa med pa la ni shin tu yang 'jug pa med pa yin no/ /gang la don dang 'brel kyang 'ba' zhig rtogs pa'i phyir mi 'jug par thal pa de la 'brel pa med na ni shin tu yang mi 'jug pa kho na'o/ /'das pa dang ma 'ongs pa'i don kyang med pa'i phyir ro/ /gal te ming dang mtshan ma yod pa de lta na yang/ don la ni mi 'jug pa nyid de/ don gyi rnam pa med pa'i phyir ro/ /gzhan rtogs pas gzhan du 'jug pa ni ma yin no/ /lhag pa ni bshad pa yin no/ /sgra yis spyi ni brjod pa'i phyir/ /gal te thal bar mi 'dod na/ /de min spyi ni yan 'gar ba/ /brjod med phyir ro brjod na yang// de mtshungs min dang gsal ba min/ /des na rtag tu dmigs 'gyur te/ /rtag nyid phyir ro gal te yang/ /gsal las mngon sum la gsal yin/ /bdag la shes pa skyed pa la/ /nus pa gang de nus nyid yin/ /gal te 'ga' tshe nus med na// de ni kun tshe nus med 'gyur/ /gal te spyi sgra'i shes pa'i spyod yul yin na/ spyi de'i yan 'gar ba'am gzhan du 'dzin par 'gyur/ gal te 'ba' zhig 'dzin na ni gsal ba med par yang shes par ni 'gyur na/ 'on kyang 'das pa la sogs pa ni rtogs par mi 'gyur ro/ /spyi na 'das pa la sogs pa'i rang bzhin yin no/ /gal te spyi 'das pa la sogs pa'i gsal ba dang/ ldan pa yin pa'i phyir 'das pa la sogs par tha snyad du byed cing lhag par zhen par yang byed pa yin no zhe na/ de lta yin na gsal ba'i rang bzhin dang/ lhan cig pa nyid du 'dzin par 'gyur na/ gsal ba 'das pa la sogs pa la ni rang bzhin yod pa ma yin pas ji ltar 'das pa la sogs pa'i gsal ba'i rang bzhin gyi sgo nas 'das pa la sogs pa'i rang bzhin du rtogs par 'gyur/ de'i rang bzhin yul du ma byas pas ni gzhan de'i rang bzhin du 'dzin nus pa ma yin no/ /ci ste spyi 'ba' shig bzung ba la yang tha snyad du 'gyur ba yin pa de'i tshe yang skyon gzhan yin te de de'i spyir mi 'gyur ba dang/ des gsal bar bya bar mi 'gyur ro/ /de med par rang dbang du bzung ba de ni 'di yin no zhes bsnyad pa'am des gsal bar bya bar yin par 'os pa ma yin no/ /sgron ma la sogs pa'i snang ba ni rang shes pa'i sgo nas rtogs pa'i rgyu yin pas gsal bar byed pa yin no/ /gal te gsal ba rtogs pa med par spyi yin 'gar ba rtogs pa med na ni gsal bas gsal bar bya bar mi 'gyur ro/ /des na 'di rtag tu dmigs par 'gyur te/ gsal bas stong pa'i sa phyogs su yang spyi dmigs par 'gyur te dper na sgra las gsal pa de med pa'i yul der yang dmigs pa bzhin no/ /'on te gsal bar byed pa'i gsal ba med na dbang pos 'dzin pa ma yin no/ /spyi dbang pos bzung ba ni gsal bas gsal bar bya ba yin te/ dper na sgra las bum pa la sogs pa rtogs pa ni sgron ma la sogs pa la mi ltos la/ dbang pos rtogs par bya ba ni bltos pa yin pa'i phyir skyon mang ngo zhe na/ de ni mi rigs te/ sgra las ni bum pa la sogs pa'i spyi nyid rtogs pa yin pa des na ji ltar de nyid dpe yin par 'gyur te spyi ni phyogs su byas pa yin pa'i phyir ro/ /phyogs nyid ni dpe'i skyon med par thal ba'i phyir ro/ /des ni gal te sgra las spyi rang gi ngo bos rtogs na de la mngon sum gyi rtogs pas ci bya/ gal te mngon sum gyis bzung ba med na ji ltar sgra las rtogs te 'brel pa 'dzin pa med pa'i phyir ro zhe na ci sgra las spyi'i rnam pa gang yin pa de nyid spyi yin nam/ de ste rang bzhin gzhan yin/ gal te de nyid kyi rang bzhin yin no zhe na/ 'o na ni gsal bas gsal bar byas pa de nyid mngon sum gyis rtogs pa yin te/ rang bzhin de nyid kyis shes pa skyed par 'gyur ro/ /'on te gang zhig mngon sum gyis rtogs pa de spyi'i rang bzhin yin no zhe na/ de ltar yin na de la brdar brtags pas ci ltar gzhan du rtogs pa yin/ sgra'i shes pa la yang mngon sum gyis rtogs pa'i rang bzhin kho nar snang par 'gyur te/ de'i rang bzhin ni shes pa gzhan la yang gzhan gyi rang bzhin du snang bar mi 'gyur ro/ /spyi ni rtag tu de'i rang bzhin nyid yin pas thams cad kyi tshe snang par 'gyur te 'di ltar/ de'i nus pa'am nus med pa/ /ngo bo nyid kyis gang gnas pa/ /rtag phyir bcos su yod min na/ /spyi yi rnam par shes de la'ang/ /rjes 'brel sngon po la sogs pa'i/ /rnam pa'i cha ni rnam nges gang/ /de ni de la gang gis sprul/ /gal te sgra las spyi 'ba' zhig rtogs na spyi'i rnam pa 'ba' shig tu snang bar 'gyur gyi/ sngon po la sogs pa'i rnam pa'i cha'i skabs yod par ga la 'gyur/ /gsal ba las so zhe na gsal ba mi snang na ga las/ gsal bas bskyed pa'i phyir/ zhes ni mi 'thad de/ spyi med par thal ba'i phyir te/ de las tha dad par mi snang ba'i phyir ro/ /rjes su song ba'i rnam pa nyid kyang sngon po la sogs pa'i rnam pa las gzhan ma yin no zhes bshad zin to/ /de ci'i rnam pa yin yang don rnams kyi spyi zhes bya bar ni mi 'gyur ro/ /gnyi ga yang snang ngo zhe na/ ma yin te dbang pos bzung ba nyid du 'gyur ro/ /dbang pos rtogs par 'gyur pa'i gsal pa dbang po'i gzung ba yin pa'i phyir mi rigs so/ /dbang pos gzung bar bya ba nyid du mi 'gyur ro/ /dbang pos rtogs par 'gyur ba'i gsal ba dbang po'i gzung ba yin no zhes ni mi rigs par 'gyur ro/ /sgra las rtogs pa spyir mi 'gyur te/ de lta bur gyur pa'i spyi yod do zhes rtogs pa ni med do/ /yid ches pa med pa'i phyir dang/ snang ba tha dad pa'i phyir ro/ /de'i phyir gsal ba las tha dad pa sgras rtogs par bya ba ni med do/ /des gsal ba nyid sgras rtogs na dbang po'i 'bras bu dang bcas par mi 'gyur te/ don med par 'gyur ro/ /gal te mngon sum shes don nyid/ /phyir na dbang po don med min/ /de dngos gcig phyir sgra sogs las/ /tha dad snang blo ga las yin/ /mngon sum nyid ni don gyi rang gi ngo bo rtogs pa kho na yin te/ de yod na dbang po rnams don med pa nyid do/ /mdun na gnas pa nyid du rtogs pa mngon sum yin gyi/ mngon du byed pa ni ma yin no zhe na/ ma yin te/ sgra ni rnam pa gzhan du yang rtogs pa'i phyir ro/ /sgra ni mdun na gnas par rtogs pa ma yin pas de ni mngon sum nyid du mi 'gyur ro/ /bdag nyid thams cad rtogs pa yin no zhe na/ sgra las kyang de nyid rtogs pa yin te/ de nyid la brda bzung ba'i phyir ro/ /yongs su tshim pa'i don gyi phyir ro zhe na/ ma yin te/ khyod kyis yongs su tshim pa ni 'di 'dra ba yin no zhes bya ba'i sgra thos pa las yongs su tshim pa yang yod pa'i phyir ro/ byung bar gyur to zhes rab tu sbyar ba'i phyir ma yin no zhe na/ ma yin te/ 'das pa las byung nas gnas pa zhes bya ba'i sbyor ba srid pa'i phyir ro/ /de lta na yang/ 'das pa dang ma 'ongs pa dag dang/ da ltar ba tshong pa kho na la sgra sbyor bar 'gyur gyi/ mchod par snang ba nyid la ni ma yin te/ de la sbyor ba 'bras bu med pa'i phyir ro/ /gzugs la sogs pa 'das pa dang/ chod pa ltar mi rung ba ni yongs su tshim pa'i rgyu ma yin pa des na dbang po rnams 'bras bu dang bcas pa yin no zhe na/ de ni mi bden te/ rang gi ngo bos mthong ba gang/ /de ni 'das sogs ci ltar yin/ /snang ba med pas 'das sogs kyi/ /ngo bo gzhan na rtogs pa med/ /mig la sogs pas mthong ba yang/ /rang gi ngo bos mthong ba kho nas mchod pa dang/ yongs su tshim pa'i rgyu yin no/ /rang gi ngo bos bzung ba'i glu sgra ni chod kyang yongs su tshim pa sgrub par mi byed pa ni ma yin no/ /chu rlabs kyi tshul du 'ongs pa'i phyir mchod pa yin no zhe na/ yang snying po yod pa ma yin te/ nye bar len pa rgyang ring zhing/ /de ni rgyang ring yul nyid du/ /rtogs phyir 'ongs pa ga la yin/ /ha cang thal ba 'jug par 'gyur/ /gal te yul rgyang ring por rtogs kyang/ lus la gnas pa dang 'phrad pa yin na gzugs la sogs pa yang de bzhin du 'gyur ro/ /des na sgra dang rjes su dpag pa las sam/ rnam par rtogs pa gzhan gyis don brtags pa la yang rung ste/ rigs don la rig pa dang/ bgrod par mi bya ba la bgrod pa la? sogs par 'gyur ro/ /des na gal te sgra las don rang gi ngo bo nyid kyis rtogs na/ 'das pa la sogs pa dam 'gyur ro/ /snang bzhin pa yang rang gi ngo bos rtogs pa kho na las 'das pa la sogs pa ma yin pa yin no/ /mi bslu ba yang mi bslu ba la sogs pa'i sgra las yod pa nyid do/ /ci ste dbang pos rtogs pa nyid yod pa yin gyi rtogs pa tsam ni ma yin te/ sgra'i rnam pa rtogs pa la sogs pa ni yod pa nyid ma yin pa la yang 'jug pa mthong ba'i phyir ro zhe na/ gal te dbang pos rtogs pa ni/ /yod nyid ce na sbrang bu sogs/ /ci phyir min nyams phyir na/ /ji lta bur na nyams par 'dod// gal te da lta ma yin par/ /rtogs phyir sbrang sogs med ce na/ /de ltar 'o na ngo bo yis/ /rtogs phyir yod par 'dod pa yin/ /de'i phyir rang gi ngo bos rtogs pa kho na yod pa nyid dang mngon sum nyid dang ma chod pa nyid yin phyir/ sgra dang dbang po'i rtogs pa gnyis khyad med pas dbang po rnams mngon sum du rtogs pa nyid kyi dgos pa dang ldan pa ma yin te des na 'bras bu med pa nyid do/ /'di'i phyir yang spyi dngos po ma yin te/ 'di ltar/ rigs ldan rigs min gang gi phyir/ /gsal ba'i ngo bo gzhan rten med/ /gal te tha dad grub ce na/ /ltos phyir 'bras bu nyid du brjod/ /rang gi rgyud las grub pa'i phyir/ /'bras bu rag las med pa yang/ /rtog pa yis ni 'brel par byed/ /'bras min ci ltar yang ci zhig /gzhan nyid yin na de 'brel med/ /de phyir rang bzhin med par grub/ /rigs dang ldan pa'i dngos po nyid rigs su brjod ma/ gzhan yin/ de la re zhig gsal ba'i rang bzhin nyid ni spyi'i dngos po'i ma yin te/ gang gi phyir gsal ba rnams gzhan la brten pa med pa ste/ ma 'dres par mngon sum du rtogs pa yin no/ /ma 'khrul pa'i shes pas gzhan du rtogs pa ni gzhan du 'gyur ba ma yin no/ /de bzhin du khra bo la sogs pa ni gzhan la bltos pa med par so sor rtogs pa yin no/ /'on te gsal ba gnyis la sogs pa ni phyis snga ma snga ma la bltos nas// 'di ni nga dang mtshungs so zhe 'am/ de ni nga? dang mtshungs zhe'am de ni 'di nyid do zhes rtogs pa yin no zhe na/ de yang mi bden te/ myu gu la sogs pa'i 'bras bu ji snyed pa yang rtogs pas rang gi rgyu dang 'brel pa yin te/ grub zin pas gzhan la rag? las pa med pa'i phyir ro// 'di ltar ci srid ma grub pa de srid du ni 'dir rtogs pa 'ba' zhig yin no/ /grub pa'i dus na yang de dang lhan cig tu yod pas gzhan la rag mi las pa 'am/ rgyu zhig pa'i phyir 'bras bu rnams kyang rtogs pa kho nas rgyu dang 'brel par byed pa yin na/ shes ldan ci ldog pa la ma yin nam/ de'i phyir gsal ba las gsal ba gzhan nam/ spyi tha dad pa yin na de 'brel pa med pa nyid yin te/ de'i phyir spyi ni ngo bo nyid med pa yin no/ /'brel pa med par rtogs pa la ni spyi yod pa ma yin no/ /'o na ni 'brel pa med par rtogs pa'i dngos po med pa yang spyir thal bar 'gyur te/ ngo bo nyid med par mtshungs pa'i phyir zhe na/ med pa rigs su thal mi 'gyur/ /de la bltos pa med pa'i phyir/ ri bong gi rwa ri bong gi rwa zhes bya ba ni rang gi gsal ba la bltos nas spyir 'gyur ba kho na'o/ /gzhan gyi gsal ba ma yin pa ci'i phyir zhe na/ spyi dngos por smra ba la yang ba lang nyid rta dang ba lang la sogs pa'i ma yin pa ci'i phyi bltos pa med pa'i phyir te/ de ni rta dang ba lang la sogs pa'i gsal bas gsal bar bya ba ma yin no zhe na/ de lta na ni 'o na bong bu'i rwa la sogs pa yang khra bo la sogs pa la mi ltos pa'i phyir de'i spyi'i ngo bo nyid ma yin no/ /ba lang nyid ni de la brten nas 'gyur ba yin pa'i phyir dang/ de la 'jug par byed pa yin pa'i phyir ltos pa'i mtshan nyid kyi 'brel bar 'gyur ba yin no zhes bya ba ni skyon med do/ /de'i rang bzhin ni de rnams la yod pa ma yin la de'i bdag nyid kyi 'brel ba yang med mod kyi/ 'on kyang thog ma med pa'i bag chags kyi mthu las de ltar 'gyur ba yin no/ /de'i phyir ngo bo la brten nas/ /ngo bo med pa'i rigs brtags pa/ /khyad par de la 'jug don can/ /sgra rnams kyis ni rab tu bstan/ /rigs ni rang bzhin yod pa ma yin gyi/ 'on kyang brgyud nas skye ba'i mtshan nyid kyis rang bzhin rnams la brten pa tsam zhig yin pa'i phyir rang bzhin dang ldan par rtogs pa yin no/ /de las skyes pa de nyid kyi phyir dang/ der lhag par zhen pa yin pa'i phyir na/ rigs de rtogs pa na khyad par la 'jug pa yin no/ /des na khyad par de la 'jug par bya ba'i don can gyi sgra rnams kyi de nyid bstan par bya ba yin gyi/ gzhan dang tha dad pa med pa ni ma yin no zhes mjug bsdu'o/ /rigs rang gi ngo bo'i rnam pa dang ldan pa yin du zin kyang gsal ba dang gcig tu lhag par zhen pa ga las yin/ ngo bo nyid ni mthong ba yin gyi ma mthong bar gcig tu lhag par zhen pa ci ltar yin zhe na/ 'di la brjod pa/ de la ngo bor snang ba 'am/ /don la de nyid du 'dzin pa/ /gang de 'khrul pa thog med pa'i/ /dus can mthong goms kyis sprul yin/ /de kho na mthong ba nyid kyis de'i ngo bor sgro 'dogs par ni ma zad kyi/ 'khrul pa gcig nas gcig tu brgyud pa yang yod pa yin te/ dbang phyug la sogs par rtogs pa bzhin no/ /mi gsal bar snang ba yang gsal bar snang ba las ci ltar snang ba zhes bya ba 'di la yang 'khrul pa brgyud pa nyid skyabs yin no/ /de'i phyir 'khrul pa ni 'khrul ba'i mthong ba gzhan la rag las pa yin la/ de yang gzhan las yin pa'i phyir 'khrul pa thog ma med pa nyid legs pa yin no/ /de'i phyir de'i rang bzhin ni mthong ba ni dgos pa med do/ /yang na don rnams kyi ni spyi gang yin/ /gzhan las ldog pa'i mtshan nyid can/ /sgra 'di dag gis gang brjod pa/ /de la ngo bo cung zad med/ /gzhan las bzlog pa'i mtshan nyid kyi spyi las ni rang bzhin yod pa ma yin no/ /sgras ni mngon par 'dod pa ma yin pa'i rigs mi mthun pa de las ldog pa tsam nyid med pa nyid byed pa yin la ldog pa yang sgra de las 'jug pa med pa kho na'o/ /gal te 'jug par yang byed pa kho na ma yin nam/ ldog pa tsam gyis ni su yang don tu gnyer ba med do/ /bum pa khyer shog ces bya ba snam bu la sogs pa khyed nas mi 'ong ba nyid don tu gnyer ba ni ma yin no zhe na/ de ni med do/ /khyer shog bya ba ni khyer nas mi 'ong ba 'gog pa yin la/ de las ni rang nyid khyed nas 'ong bar 'gyur ro/ /de yang bum pa ma yin pa la yang thal bar 'gyur bas de 'gog pa yin te/ dgag pa la ngo bo nyid ni yod pa ma yin no/ gal te sgra dang po'i sgra'i don sgrub pa yin par 'gyur ba ma yin ma/ de la ni dgag pa srid pa ma yin te/ thal ba med pa'i phyir ro zhe na/ de yang ma yin te/ btang snyoms las ni gzhan min pa'i/ /len par mi byed pa nyid 'dir/ /thal yin 'di ni 'gog byed de/ de la thal ba bzhan ci yod/ /'dir ni sbyor ba med pa nyid mi len pa yin pas/ thal ba de nyid sgro 'dogs pa 'gog pa yin no/ /gal te dgag pa ni gzhan sgrub pa kho na ma yin ma/ de ci ltar na de la ngo bo med pa yin zhe na/ 'dir 'di skad brjod de/ /de yi ngo bo bkag pa na/ /gzhan ni rang nyid rtogs pa yin/ /sgra yi byed pa de la med/ /don gnyer yin phyir rang gis rtogs/ /gzhan yod pa nyid gzhan med pa yin par ci ltar 'gyur zhe na/ gzhan rtogs na der rtog pa skye ba'i phyir te/ de skad bshad pa ni rtog pa'i rang bzhin gyi gzhan sel ba'i phyogs yin pa'i phyir skyon med do/ /rang gi blo nyid des dben par nyams su myong ba dag med do zhes rtogs pa'i phyir ro/ /gal te re zhig spyi'i blo ni yod pa yin no/ /de la don gyi rnam pa yod pa gang yin pa de ni spyi yod pa nyid yin no/ /gal te rnam pa gzhan du snang ba'i phyir de la don gyi ngo bo nyid med du chug mod/ da spyi tha dad pa ma yin no zhes bya bar ni mi 'thad do zhe na/ 'di la brjod pa ni/ ngo bo med can ci blo la/ spyi nyid du ni mthong phyir dang/ /don la 'khrul pa'ang med na ni/ spyir 'dod de yang bslad phyir dang/ /de nyid du na don dngos su/ /med phyir ngo bo can ma yin/ /spyi'i blo la snang pa ni spyir 'dod pa yin no/ /gal te ngo bo med pa can de rnam pa med pa nyid du grub na de'i tshe/ nges par de blo las gzhan du 'gyur dgos pa'i phyir spyir 'gyur ba yin te/ de spyi'i ngo bo mthong ba'i phyir ro/ /'on kyang de ni don la 'khrul pa yang yin te/ de ni spyi ltar spyir mthong ba de bzhin du 'khrul ba yin no zhes kyang rtogs pa kho na'o/ /de yang rang gi rnam pa ni spyi ma yin te/ de yang rang gi rnam pa'i mthar thug pa nyid kyis rang gi mtshan nyid yin pa'i phyir ro/ /'on kyang tha dad pa'i phyir te/ don la bslad pa yin pa'i phyir ro/ /de kho na nyid du don gyi rang bzhin du med do zhes kyang rtogs pa'i phyir/ spyi 'di ni ci ltar de'i mthar thug par rtogs pa zhes zer/ de la brten par rtogs pa bzhin du don la yod pa ma yin no/ /des na rang bzhin des dmigs pa dang bcas pa nyid kyis ni ngo bo dang ldan pa ma yin te/ rang bzhin dang bcas pa ma yin te/ de ltar brtag mi bzod pa'i phyir ro/ /de lta ma yin na ser po la sogs pa yang/ dung dkar po la sogs pa la yod par 'gyur ba kho na'o/ /de'i phyir spyi ni dngos po ma yin no/ /brjod par bya ba ma yin pa'i phyir yang spyi ni dngos po ma yin no/ /spyi de dang gzhan dag tu brjod par bya ba nyid ma yin yang dngos por 'gyur ba ni ma yin no/ /ci'i phyir zhe na/ ngo bo med pas brjod bya min/ /gal te brjod pa 'gar zhig las/ dngos 'dod dngos rnams ci ltar yang/ /brjod bya min pa nyid ma yin/ /gang zhig de nyid dang gzhan dag tu brjod par bya ba ma yin pa de ni rang gi ngo bo med par yin te/ dngos po nyid du gyur pa ni gdon mi za bar de nyid ma gzhan du brjod par bya ba yin par 'gyur ro/ /ci ste spyi gzhan las gzhan du brjod par bya ba yin pa'i phyir tha dad pa nyid du nges par gyur pa ni spyi dngos por 'gyur ba yin no zhe na/ gal te dngos po yin na gsal ba las kyang de nyid dang gzhan dag tu brjod par bya bar 'gyur ro/ /de nyid las brjod du med pa'i phyir dngos po ma yin no/ /de dang 'brel ba nyid kyi phyir de las brjod par bya ba ma yin no zhe na/ rgyu dang 'bras bu'i dngos po ni tha dad pa nyid kyis 'brel pa yin te/ des na 'bras bu thams cad rgyu la bltos nas brjod par byed pa ma yin pa nyid du 'gyur ro/ /du ba ni me las de nyid dang las gzhan nyid du brjod par mi bya ba yang ma yin no/ /yul tha dad phyir spyi gsal ba las brjod par bya ba ma yin no zhe na/ yul zhes bya ba ni don dam par dngos po las gzhan yod pa ma yin no/ /tha mi dad par snang na ji ltar tha dad pa med pa ma yin par 'gyur/ tha dad snang na gang gis na tha mi dad pa yin/ des na de nyid gzhan dag las gzhan gyi dngos po ni med do/ /gang las kyang brjod du med pa'i phyir dngos po med pa yin no/ /de ni spyi gzhan las kyang gzhan du brjod par bya ba ma yin te/ spyi gzhan yang dngos por ma grub pa'i phyir ro/ /ci ste kun brtags pa las tha dad par brjod par bya bas dngos po yin no zhes na/ ri bong gi rwa la sogs pa yang phan tshun tha dad pa'i phyir dngos po nyid du thal bar 'gyur ro/ /gal te de dag gis nye bar len pa tha dad pa las tha dad pa yin gyi/ don dam par ni ma yin no/ /ri bong gi rwa mgo la sogs pa tha dad pa'i nye bar len pa can gyi blo nyid de ltar tha dad pa yin gyi ri bong gi rwa la sogs pa nyid ni ma yin no zhe na/ 'di la yang de ltar brjod na ci 'gal/ 'dir yang nye bar len pa gsal ba tha dad pa nyid du zad pa nyid du dngos por ni tha dad pa yod pa ma yin na ni/ de bshad pa ni/ nyer len tha dad phyir gzhan du/ /brjod par bya min nyer btags phyir/ /gal te spyi'am gsal ba sgra rnams kyis brjod par bya ba yin na/ 'das pa dang ma 'ongs pa brjod par bya ba mi 'gyur na/ de lta yang ma yin no/ /gang gi phyir/ 'das pa dang ni ma 'ongs pa'i/ /don la'ang spyi yi rgyu can gyi/ /mnyan pa dag ni 'jug 'gyur na/ /yod pa med chos ci ltar 'gyur/ /gal te dngos po 'das pa 'am ma 'ongs pa la yang spyi rtogs pa yin no zhe na/ 'o na ni spyi yod pa de/ 'das pa dang ma 'ongs pa'i dngos po med pa'i chos su ci ltar 'gyur/ /yod pa ni med pa'i chos su 'gyur ba ma yin no/ /gsal ba gzhan yod pa nyid kyi chos yin no zhe na/ de'i chos su ma rtogs na/ 'das pa nyid du ji ltar 'gyur/ /spyi ni gsal ba 'das pa'i dbang gis 'das pa nyid du 'gyur pa yin gyi rang gi ngo bos ni ma yin no/ des na spyi ni 'das pa dang 'brel pa nyid kyis 'das pa yin pa'i phyir/ yang gdon mi za bar spyi med pa'i chos su 'gyur dgos so/ /med pa'i chos gang yin pa de ni yod par mi 'gyur te/ dper na ri bong gi rwa nyid dam/ dngos po med pa nyid bzhin no/ /yod pa yin na ya med pa'i chos su 'gyur ba ma yin te/ dper na myu gu la sogs pa'i 'bras bu skyed pa'i nus pa bzhin no/ /ci 'gal ce na 'brel pa med pa nyid do/ /med pa dang ni 'brel par nus pa ma yin te/ de ltar yin no zhe na spyi yang med pa nyid du rtogs par 'gyur te/ khyad par med pa'i phyir/ dper na gsal ba bzhin no/ /'o na gsal ba yang yod pa nyid du rtogs te 'das pa dang ma 'ongs pa yod pa'i phyir ro zhe na/ gal te yod na 'das par ji ltar 'gyur/ shes pa 'das pa'i phyir ro zhe na/ shes pa de yang rtogs pa nyid do/ /mngon sum nyid du ma dmigs pa'i phyir ro zhe na/ rang gi ngo bos rtogs pa la/ mngon sum ma yin pa'i phyir zhes bshad zin to/ /de'i phyir spyi de ni 'das pa la sogs pa'i med pa'i chos ma yin no/ /gal te nyer btags de las 'dod/ gang zhig snam sogs la med pa/ /da ltar ba yi bum pa yi/ /dngos med dang ni nye ba gang/ /med pa'i chos zhes bya ba'i gtan tshigs ni ma grub ste/ med pa'i chos nyid ni nye bar btags pa las 'dod pa yin gyi don dam par ni ma yin pa'i phyir na med pa'i chos kyi gtan tshigs ni ma grub bo/ /gang zhig nye bar btags pa de ni/ de la don dam par med pa'i phyir 'das pa dang ma 'ongs pa de la spyi don dam par yod pa nyid ma yin pas gtan tshigs yod pa nyid ma grub pa yin no snyam du bsams pa yin no/ /'dir lan ni 'das pa la sogs pa de la spyi nye bar btags na/ /sgra'am 'on te gsal ba zhes bya ba'i phyogs gsum mo/ /gal te spyi'i chos nye bar 'dogs so zhe na/ de ni mi 'thad de/ da ltar ba'i bum pa yod pa'i spyi de/ ? 'das pa la 'dra ba 'am/ 'brel bas nye bar 'dogs grang de lta ma yin na nye ba med par 'dod pas na ha cang thal bar 'gyur ro/ /med pa dang ni 'dra ba'am 'brel bar 'gyur ba ma yin te/ yod par thal ba'i phyir ro/ /'das pa la sogs pa yang dngos po yin no/ /blo zhes bya ba ni bkag zin do/ /'on te sgra nye bar 'dogs na/ de yang mi 'thad de/ don med par sgra mi 'jug pa'i phyir ro/ /'jug na ni med pa la yang 'jug go zhes bya bar 'gyur la/ de yang spyi yin pa des na dngos po med par 'gyur ro/ /'on te gsal ba nye bar 'dogs so zhe na/ de la yang nye bar yod dgos te/ nye bar med par 'dogs pa mi 'thad pa'i phyir ro/ /sgra nye bar bar 'dogs pa la yang 'di nyid brjod par bya'o/ 'on te 'das pa dang ma 'ongs pa da ltar du gcig yin pa'i phyir rang bzhin 'dra bas nye bar 'dogs pa yin no/ /'das pa ni de nyid yin te 'on kyang don byed pa med par zad do/ /des na don byed pa nye bar 'dogs pas de la ci lta bu 'dogs pa yin te/ gzhan du ni ma yin no zhe na/ 'o na ni de thams cad yod ba yin pas/ ji ltar 'das pa nyid du 'gyur/ des don byed pa med pa'i phyir ro zhe na/ gal te de med na de nyid 'das pas 'gyur mod/ ji ltar dngos po yin te/ de dang ldan pa'i dngos po yang 'das pa nyid do zhe na/ de dang ldan par cis shes/ shen ni dngos po med pa yang shes par 'gyur ro/ /gzhan yang/ thams cad yod ces lta ba la/ /de'i don byed pa yang yod/ /de yod pa na dngos po yi/ /med pa ci ltar bden par 'gyur/ /'on te 'das pa la sogs pa ni kun rdzob yin te/ don dam par ni thams cad yod pa nyid do zhe na/ kun rdzob 'di cig la te don dmigs pa nyid ni yin zhe na/ don dam nyid gyur mdza' dag ni/ /kun rdzob bden par ci ltar 'gyur/ /med pa'i rang bzhin gyi don dmigs pa ni kun rdzob yin te/ de kho na sgrib par byed pa'i phyir ro/ /de kho na snang ba ni kun rdzob ces bya ba ma yin no/ /gal te 'das pa la sogs pa yang kun rdzob yin na ni don dam pa med par 'gyur te/ 'das pa la sogs pa'i rang bzhin las gzhan pa'i dngos po med pa'i phyir de kho na 'ga' yang med par 'gyur ro/ /'das pa la sogs pa ni kun rdzob yin gyi don dam par ma yin la/ da ltar ba ni don dam par yin no zhe na/ spyi dngos po med par grub po/ /da ltar tsam gyi dngos po la spyi med pas thams cad legs par gnas pa yin no/ /de'i phyir dngos po brjod par bya ba yin na/ nye bar btags pa zhes bya ba med do/ /'on te med pa rtogs pa gang yin pa 'di nyid nye bar btags pa yin la 'das pa'i dngos po brjod pa'i sgra rnams kyi don du gyur pa'i spyi dang gsal ba yang med pa yin no/ /'di ltar gang zhig mthong ba de ni gdags par bya ba yin no zhe na/ de yang mi bden te/ ngo bo gang du de mthong ba/ /de nyid kyis ni sgro gdags min/ /gang gi de dngos mthong min pa/ /des kyang sgro gdags bya ba min/ /'on te shes pa 'das pa la sogs pa la 'jug pa na/ de'i yul dang dus la sogs pa dang 'brel par rtogs te/ des na da ltar 'das kyang sngon gyi rang bzhin te de nyid sgro 'dogs pa yin te/ dper na khur bu pa la sngon mthong ba'i ba lang la sogs pa bzhin no zhe na/ de lta ni 'on/ de 'das kyang sngon gyi rang bzhin du sgro btags pa yin te/ de lta ma yin na ni rjes su dpag pas kyang rtogs par mi nus so/ /de'i phyir thams cad du nye bar btags pa kho nar 'gyur gyi/ don dam par ni spyi med par 'gyur te/ thams cad du btags pa'i mtshan nyid yin pa'i phyir ro/ /'on te mngon sum gyi spyi yod ba nyid 'dzin pa yin te/ des na don dam par 'gyur ro zhe na/ 'o na ni de rjes su dpag pa la sogs pas rtogs pa ma yin pa'i phyir spyi de dngos po med par 'gyur ro/ /'on te/ mngon sum gyis kyang snga ma dang thun mong ba mi gsal bar snang ba'i rang bzhin gang yin ba rtogs la de ni sgra 'am rjes su dpag pas kyang de kho na ltar rtogs pa yin no/ /gsal ba nyid de ni mngon sum kho nas rtogs pa yin te/ des na gal te khyad par gyi cha la 'jug pa ma yin du zin kyang/ spyi'i cha la ni sgra 'am rjes su 'jug pa kho na'o/ /zhe na de yang mi bden te/ spyi de la ni mngon sum nyid/ /yod min dbang po med phyir dang/ /mngon du byas pa med pa'i phyir/ /'di ni phyi nas brjod par bya/ /snga ma dang thun mong pa nyid la ni mngon sum yod pa ma yin no zhes ston par 'gyur ro/ /khyad par sngar zhig kyang de dang thun mong du rtogs pa na ji ltar dngos po yin te/ yod pa med chos ji ltar 'gyur zhes bshad zin to/ /'on te gnyis ka'i thun mong yin na ji ltar dngos po med pa nyid yin te/ dngos por yang 'gyur ro zhe na/ de yang mi 'thad da ltar bar snang bar 'das par snang ba dang lhan cig gcig tu rtogs pa ma yin no/ /du ma nyid du snang na yang/ thun mong pa zhes bya ba gzhan ci yod/ de'i phyir 'das pa la sogs pa'i dngos po snang ba'i phyir sgra'i yul ni med pa kho na yin no/ /'dir nye bar btags pa yang ma yin te/ ma 'khrul pa'i shes pa'i yul yin pa'i phyir ro/ /'di ltar /blo ni 'khrul pa med 'jug pa/ /rtag tu dngos dang sgro 'dogs la/ /seng ge bram ze'i khye'u la/ /de ltar brjod pa'ang 'jig rten yod// blo 'khrul ba med par 'jug pa dang/ cig shos ni dngos dang rtags pa'i rgyu mtshan yin no/ /bram ze'i khye'u la shes pa 'khrul ba yin te/ des na seng ge nyid nye bar btags pa yin no/ /gzhan du ni seng ge nyid la de ltar 'gyur ba'i phyir dngos yin no/ /'dir ni gnyi ga yang blo 'khrul ba med pa med pa'i yul yin te des na nye bar btags pa ma yin no/ /med pa'i don nye bar btags pa yin no zhe na/ gal te de med pa'i don can gyi shes pa'i yul yin pa de ltar na spyi de kho na nyid du med par 'grub pa yin no/ /gzhan yang don med na yang 'gro ba yis/ /gang la grangs ngas sgra bkod pa/ /de la de dngos de mtshungs phyir/ /'khrul rtogs gzhan la phal pa yin/ med pa'i sgra ni med pa la dngos yin te/ 'khrul par rtogs pa med pa'i phyir la/ dgos pa med pa'i phyir gzhan bu la sogs pa'i dngos po nyid la ni med pa'i sgra phal pa yin no zhes 'jig rten pa la rab tu grags pa yin no/ /des na dngos dang dngos po med pa la mtshungs pa'i phyir 'das pa la sogs pa la ni spyi dngos por yod pa ma yin te/ dngos po med pa 'dzin pa'i shes pa dang rnam pa mtshungs pa can gyis 'dzin pa'i phyir ro/ /ci ste dngos po med pa la 'jug pa gang yin pa 'di nyid nye bar btags pa yin no zhe na/ spyi'i rnam pa la med pa la 'jug pa zhes bya ba ni gang las yin/ rtogs pa nyid las de ltar gyur ba'i phyir ro zhe na/ zhig bar ma shes pa la rtogs pa tha dad pa yang med pa nyid yin la/ gang la 'di zhig go zhes bya bar rtogs pa de yang ma zhig par 'gyur ba ma yin nam/ the tshom za bar 'gyur ro zhe na/ gal te dngos po snang ba yin na the tshom du yang mi 'gyur ba nyid do/ /snang bar yang 'dra ba las the tshom du 'gyur ro zhe na/ gal te tha dad par rtogs pa dag ni 'dra'o zhes brjod par nus kyi/ tha dad par ma rtogs pa ni de nyid du 'gyur gyi/ 'dra ba ni ma yin no/ /ci ste dus tha dad pa'i phyir tha dad do zhes na/ de yang bzang po ma yin te/ 'di ltar/ dus tha dad pas tha dad gang/ /de dang de las gzhan ga las/ /yod don nyid la'ang dus tha dad/ /shes pa yod pa mi rnams kyi/ /ci ltar khyod kyi yod pa'i don nyid la yang/ snga ma dang phyi ma'i shes pa dus tha dad pa dag yin pa de bzhin du med pa'i don la yang yin pa'i phyir dus tha dad pa'i phyir don yod pa dang cig shos kyi rnam par dbye ba ga la 'gyur/ 'on te rjes su dpag pa la don yod pa nyid yin no zhe na ma yin te/ rjes su dpag pa yang 'das pa dang ma 'ongs pa dag la yod pa nyid do// rtags kyi khyad par gyi 'das pa la sogs pa'i rnam par dbye bar 'gyur ba ste/ 'di ltar rtags 'ga' zhig ni 'ongs pa nyid kyis yin la/ /kha cig ni da ltar ba nyid kyi yin zhing /gzhan ni ma 'ongs pa nyid kyis yin pa'i phyir blo mtshungs pa nyid med do zhe na/ de yang ma yin te/ gal te rtags las skyes na yang/ /de ni dngos la 'jug 'gyur na/ /rnam gzhan the tshom med 'gyur te/ /rnam pa thams cad bzung phyir ro/ /de'i phyir de la yang rnam pa de dngos po med pa yin par rigs te the tshom gyi yul yin pa'i sgra'i rnam pa bzhin no/ /rtogs pa nyid la ni the tshom za ba ma yin no/ /rnam pa gzhan la the tshom za'o zhe na/ 'di la brjod pa/ de la rnam pa gzhan de ni/ /rtogs sam 'on te de lta min/ /gal te rtogs na the tshom med/ /gzhan duAng the tshom ga las yin/ /gal te de rtogs pa nyid the tshom med do// ma rtogs na yang mi snang ba nyid yin pas de la the tshom ci yod/ gal te ma rtogs pa nyid la the tshom za na mi snang ba thams cad la the tshom za bar 'gyur ro/ /gal te rtogs pa nyid la the tshom za ba yin te/ g.yo ba dang mi g.yo ba'i rnam par rtog pa gzhan 'byung ba'i phyir zhe na/ gal te rtogs na rnam par rtog pa g.yo bar ci ltar 'gyur/ gzhan yang ci rang gi ngo bo nyid g.yo ba yin nam/ 'on te rtogs pa'i gzhal bya g.yo ba yin/ rnam par rtog pa'i rang gi ngo bo g.yo bas ni gzhal bya la the tshom za bar mi 'gyur ro/ /'on te gzhal bya g.yo ba yin no zhe na/ ma yin te rtogs pa la ni g.yo ba med pa'i phyir ro/ /'on te 'di la the tshom za ba yin te/ ci ste mthong bar 'gyur ram ma yin zhes mthong bar 'gyur ba nyid du the tshom za ba yin no zhe na/ de yang snang ngam 'on te ma yin par 'gyur na/ gal te mthong bar 'gyur ba nyid du mthong na the tshom ci yod/ ma mthong ngo zhe na yang the tshom ci yod ces/ phyogs gnyis pa de nyid ma god par 'jug par 'gyur ro/ /'on te spyi mngon sum yin pa'i phyir dang/ khyad par mngon sum ma yin pa'i phyir dang/ khyad par dran ba las the tshom du 'gyur ro zhe na/ de yang ma yin te/ 'di ltar/ khyad par mngon sum min gang de'i/ /mngon sum min pa nyid gang yin/ /me dang ma yin pa dag las/ /dgag ba gzhan ni yod ma yin/ /gal te ma yin pa yin na mngon sum las gzhan rig pa mngon sum ma yin par 'gyur ba'i phyir/ de'i tshe rig pa gzhan yang dmigs pa dang bcas pa yin pa'i phyir ji ltar the tshom du 'gyur/ 'on te mi dmigs pa dang bcas pa yin nam/ /'on te ma yin zhes mi shes pa de'i phyir na the tshom du 'gyur ro zhe na/ de la yang dmigs pa dang bcas pa nyid snang ngam ma yin zhes de nyid 'jug par 'gyur ro/ /ci ste de ni dmigs pa med pa yang srid la bzlog pa yang yin pa'i phyir/ the tshom za'o zhe na/ 'o na ni snang ba tsam kho nar zad kyi don snang ba ni ma yin pa'i phyir rjes su dpag pa dngos po'i yul can du 'gyur/ spyi mngon sum yin pa'i phyir ro zhes bya ba'i khyad par yang don med de/ rjes su dpag pas rtogs pa la yang the tshom za ba'i phyir ro// khyad par gang la mngon sum med pa de ci de nyid yin nam/ gzhan yin zhes rnam par rtog pa gnyis so/ /de nyid kyi rang bzhin yin no zhe na/ ci ltar mngon sum nyid ma yin/ gzhan yin no zhe na de mthong bas de la the tshom du 'gyur/ de de la yang mthong ba'i phyir ro zhe na/ gal te mthong du chug pa de lta na yang mthong ngo snyam du ngan par 'gyur mod ci ltar the tshom du 'gyur res 'ga' ma mthong ba'i yang phyir ro zhe na gzhan gyi tshe ma mthong ngo de ltar yang dran par 'gyur gyi the tshom ci yod/ gnyi gar ni mi 'thang pa'i phyir the tshom nyid do zhe na/ ji ltar gnyi ga ltar mthong dus tha dad bar ro zhe na/ dran pa yang de kho na ltar 'gyur gyi ci ltar de the tshom yin/ 'dir da ltar ma mthong ba'i phyir the tshom za ba nyid do zhe na/ 'o na ma mthong bas the tshom za ba'i phyir spyi mthong ba'i phyir zhes bya ba la sogs pa ni mi 'thad do/ /de'i phyir dmigs pa med pa'i shes pa srid pa'i phyir the tshom spyi yin no/ /ci ste the tshom zhes bya ba'i don de lta bur gyur ba zhig snang ba yin no zhe na/ ma yin te don tu mos pa med pa'i phyir te/ de la 'di ni rtogs pa tsam yin no zhes mos pa tsam yin no/ /'jig rten pa ma yin pa dang rang rig pa ni khyad par yod pa ma yin so zhes bshad zin to/ /de'i phyir snang pa med pas the tshom za ba yin gyi gzhan du ma yin no/ /des na gal te rjes su dpag pa'i yul dngos por yod na the tshom za bar mi 'gyur ro/ /yod pa yang yin te/ des na dngos po ma yin no/ /'on te re zhig de la dngos po ni yod pa nyid do/ /de yang rjes su dpag pas nges par byas pa yin te/ de'i phyir rjes su dpag pa'i yul dngos po ma yin pa ji ltar 'gyur zhe na/ 'di la brjod pa/ gal te der ni dngos po dang/ /reg na g.yo par ci ltar 'gyur/ /rtags ltar snang bar rtogs pa ni/ /rtogs pa de ni g.yo ba nyid/ /bden pa'i du ba las me rtogs na yang gang gi sbrang ma'i tshogs yin no snyam du 'khrul ba skyes pa de'i tshe me'i rtogs pa g.yo bar 'gyur zhing gzhan skye ba yin no/ /mngon sum gyis rtogs pas ni de ltar g.yo ba ma yin no/ rab rib kyis nyams par dogs pa ni de la yang mtshungs so zhe na/ ma yin te rang gi ngo bo snang ba la de med pa'i phyir ro/ /mig btsums na g.yo ba yin no zhe na/ ma yin te/ rgyu med pa'i phyir ma skyes par zad do/ /rjes su dpag pas yang rgyu rtags pa med pa'i phyir ma skyes par zad do zhe na/ ma yin te/ des na du ba yod kyang gzhan du dogs pas rnam par g.yo bar mthong ba'i phyir ro/ /'on te gzhan du dogs pa med pa nyid rgyu yin pa'i phyir rgyu yod par ga la 'gyur zhe na/ de ni mi 'thad de/ de mthong na gzhan du dogs pa nyid med par 'gyur ro/ /des na rjes su dpag pa ni g.yo ba yin pas dngos po 'dzin pa ma yin no/ /de'i phyir/ mthong ba nyid ni bstan pa yis/ /g.yo zhes bya ba bab col yin/ /mngon sum la ni g.yo ba med/ /g.yo ba min na mthong ba min/ /mthong ba'i don gang yin pa de ni g.ye ba ma yin no/ /gzhan du rnam par brtags pas ni dngos po gzhan du 'gyur ba ma yin pa'i phyir ro/ /ci ste mthong ba 'di ni me ma yin no zhes bya bas g.yo ba nyid do/ /zhe na ma yin te/ me ni mngon sum yul ma yin/ mig gis rig bya rig ma yin/ /'byung 'gyur rang bzhin dbang po yis/ /rig pa gang na'ang yod ma yin/ /ci 'di me ma yin no zhes bya ba 'di nyid kyis rang bzhin ma yin no zhes bya ba 'am/ 'on te 'di dro ba'i reg pa dang lhan cig spyod pa ma yin pa 'am/ 'byung bar 'gyur ba dang lhan cig pa'i rag pa'i yul ma yin zhes rnam par rtog pa gsum mo/ /gal te 'di nyid ma yin no zhe na/ de ltar ni mi nus te mthong ba'i phyir ro/ /mthong yang ma yin na ni thams cad ma yin par 'gyur ro/ /'on te gzugs dang reg pa 'dus pa me yin pa des na/ gzugs 'di ni reg pa dang lhan cig spyod pa ma yin no zhes rnam par brtag pa yin na/ 'o na ni de mig gis 'dzin pa ma yin te/ des na ma mthong ba kho na'o/ /de'i phyir ma mthong ba kho na g.yo ba yin no/ /'dis ni 'byung bar 'gyur ba'i rang bzhin g.yo ba yang bshad? pa yin no/ /de'i phyir mthong ba ni dngos po la reg pa ma yin pa'i phyir na rnam par rtog par rig pa ma yin no/ /des na rjes su dpag pa'i shes pa ni dngos po la reg pa ma yin no/ /gal te mthong yang rnam gzhan gyis/ /the tshom la lar yod ce na/ /the tshom de ni dpag bya la/ /'byung 'gyur mthong nyid dpag bya min/ /snang ba la ni slu med dang/ /mngon sum nyid du mngon sum dang/ /cig shos dag mtshungs phyi rol gyi/ /dngos la bltos nas tha dad nyid/ /des na snang ba 'ga' zhig gam/ /rjes su dpag pa nyid kyi ni/ mngon sum ltar snang nyid ces pa'i/ /dpye ba'ang phyi rol dngos la yin/ /yang na gal te 'byung bar 'gyur ba'i dngos po rjes su dpag pa la yang mi snang na/ de bden pa nyid du ji ltar 'gyur/ 'gyur te/ de'i skyes bu gzhan gyis rtogs pa'i phyir ro zhe na/ gal te nges kyang 'byung bar 'gyur ba'i rang bzhin du rtogs na ji ltar de bden par 'gyur te/ rab rib can gyi snang ba bzhin du mi bden pa kho nar 'gyur ro/ /skyes bu gzhan gyis rtogs pa la yang rjes su dpag pa nyid yin pas ji ltar de nyid gyis de bden par rtogs te/ ma grub pa ni ma grub pa bsgrubs pa ma yin no/ /'byung bar 'gyur ba'i rang bzhin srid na yang rjes su dpag pa ni yul de la lhag par zhen pa nyid yin te/ de ni de'i tshe yod pa ma yin pa'i phyir ji ltar rjes su dpag pa dngos po'i yul can du 'gyur/ mngon sum yang de nyid la tshad ma yin te/ 'di ltar de la yang 'byung bar 'gyur ba'i rang bzhin rtogs pa nyid bden pa yin gyi de ltar ma yin na ni mi bden pa nyid do zhe na/ de ni de kho na ltar yin te/ de ltar yang brtan par bya'o/ /des na rjes su dpog pa'i blo ni med pa la yang mtshungs pa yin la/ mngon sum gyi blo ni dngos po med par mi 'gyur ba'i phyir des na rjes su dpag pa ni dngos po'i yul can yin no/ /'on te dngos po med pa'i yul can nyid kyis dngos po ma yin pa nyid do zhe na/ de yang bzang po ma yin te/ rjes su dpag pa thams cad dngos po med pa'i yul can nyid do zhes grub pa'i phyir ro/ /'di ni dngos po ma yin pa'i mtshan nyid ma yin te/ phyin ci log tu mthong ba'i phyir ro/ /'di ltar/ ji ltar dngos po nus med la/ med ce'am rtog pa ci bzhin du/ /nus la'ang gtso bo la sogs pa'i/ /mnyam pa skye bos byas pa yin/ /dngos po la yang rung ba nyid ma rung ba ma yin pa nyid kyis 'jig rten gtso bo la sogs pa'i sgra 'jug par byed pa de ni phal ba yin no/ /khyod kyi 'dod pa ni dngos po'i yul can yin pa'i phyir dngos su 'gyur ro/ /gtso bo dang skyes bu la sogs pa ni khyod kyi 'dod pas grangs can gyi skyes bu la sogs pa'i sgra gang yin pa de dag gi tha snyad dang rnam par rtog pa dag dngos po'i yul can yin pa'i phyir/ dngos po ma yin par 'gyur na/ de ltar ma yin no/ /ci ste gzhan sgro btags pa'i phyir bu la sogs pa la gtso bo la sogs pa'i sgra dngos ma yin no zhe na/ 'o na dngos po dang cig shos kyi yul can nyid dngos po dang cig shos kyi mtshan nyid du mi 'gyur ro/ /de la sgro btags pas na de nyid kyi rang bzhin du med pa nyid de nges na mtshan nyid de nyid yin no zhe na/ 'o na ni rjes su dpag pa yang dpe la mthong ba'i rang bzhin nyid sgro 'dogs pa yin pa'i phyir rjes su dpag pa dngos po'i yul can ma yin pa nyid du grub po/ /de'i phyir/ zhig la sgra las blo ci 'dra/ /snang ba de 'dra ba zhig la'ang/ /rna ba la sogs rnam par shes/ /don yod can la de dag med/ /ci tsam 'dzin par byed pa'i phyir/ /sems gnyis dag ni mtshungs pa'i yin/ /de 'ba' zhig ni 'dzin byed pa/ /sngar ni rnam par bzlog zin to/ /spyi tsam zhig 'dzin na 'das pa la sogs pa'i rnam par dbye bar mi 'gyur ro/ /'ba' zhig bzung par bya ba ni ma yin no/ /zhes bstan zin pa yang yin no/ /'on te gsal ba de dag nyid khyad par med par bzung ba ni spyi yin te/ des na rjes su dpag pa dngos po'i yul can du 'gyur ro zhe na/ 'di la brjod pa khyad par med par 'dzin pa de gal te shes pa'i rang bzhin nyid yin na ni rjes su dpag pa dngos po'i yul can du mi 'gyur ro/ /'on te rang bzhin de dngos po nyid yin no zhe na de yang ma yin te/ 'di ltar phan tshun khyad par can rnams? ni/ /byad med ngo bo ci ltar 'gyur ngo bo nyid gnyis yod na yang/ /de dngos gcig tu ji ltar 'gyur/ /khyad par can gyi ngo bo rnams ngo bo khyad par med par gyur pa ni ma yin te/ phan tshun 'gal ba dag ni gcig nyid du mi 'thad pa'i phyir ro/ /ba lang ba lang zhes cig nyid ldog pa dang rjes su song bar mngon sum du dmigs pa yin no zhe na/ rjes su song pa zhes bya ba ni ci zhig / ba lang ba lang zhes rjes su zhugs pa nyid du rtogs pa gang yin pa'o zhe na/ ci rjes su song ba la yang rjes su song ba yod dam/ de lta 'o zhe na thug pa med par 'gyur ro/ /de ni de'i rang gi ngo bo nyid do zhe na/ ci 'dir rang gi ngo bo nyid kyis dmigs sam gal te dmigs na ni rnam pa gnyis rtogs par 'gyur ro/ /de'i rang bzhin ni don gyi ngo bo nyid yin no zhe na/ rang bzhin rjes su song ba ni rang bzhin gcig nyid yin pa des na/ gsal ba tha dad pa med par 'gyur te/ de ltar na yang spyi med do/ /'on te de dag rang bzhin gcig ma yin pa de lta na'ang spyi med do/ /'on te gsal ba 'ang ba lang ba lang zhes rjes su song ba'i rnam pa can gyi shes pa ni dmigs pa kho na yin no/ /gzhan du na 'di ji ltar rung bar 'gyur ro zhe na/ 'dir 'di skad brjod de rjes su song ba'i rnam pa ci/ /shes pa'am don ces brjod par bya/ /shes pa'o zhe na de yi don/ /'ga' yang rjes song mthong ba min/ /gal te rjes su song ba'i rnam par shes pa yin na don dang cir 'od don rjes su song ba nyid kyis de rjes su song ba yin no zhe na/ de nyid de ltar bsnyad par bya'i gzhan la bsnyad pas ci zhig bya/ sngon po la sogs pa dag shes pa la tha snyad byas pa'i sgo nas de ltar tha snyad du nges pa ni ma yin no/ /sngon po la sogs pa la yang de ltar tha snyad byed pa yin te/ 'di ltar sngon po'i rnam pa nyams su myong bas na sngon po yin gyi gzhan du ni ma yin no zhe na/ de ni ma yin te/ 'jig rten na de ltar tha snyad byed pa ni ma yin te/ 'on kyang sngon po mthong ngo zhes sngon po dang ser po dag tha dad pa kho nar rtogs pa yin no/ /bde ba dang sdug bsngal dag kyang ste 'dir gang tha dad par rig pa na 'di ni 'dir rjes su song ba yin la/ 'di ni gzhan du yin no zhes tha snyad du bya ba yin no/ /de na tha snyad du bya ba ma yin pa nyid do zhe na/ 'o na de ji ltar yod pa'i rang bzhin bstan par bya ba ma yin/ /bstan par mi nus pa'i phyir te/ gang phyir de la rtogs pa 'di/ /spyir zhes bya bar rjes 'gyur ba/ /gang zhig rang gi ngo bo yis/ /bstan par nus pa yod ma yin/ /gal te bstan par mi nus na ci ltar gzhan la bsgrub par bya ba yin/ ma grub na yang ji ltar gzhan khas len par byed par 'gyur/ /bde ba la sogs pa yang ji ltar bstan pa yin/ de dag kyang rang gi ngo bos ni bstan par 'os pa ma yin te/ rang rig pa'i mngon sum yin pa'i phyir ro zhe na/ ma bstan kyang skyon med de/ khyod la bde ba yod do zhes bstan pa 'dis ci zhig bya/ khyod mthong pas nga bde'o zhes bstan pas ni dgos pa yin no zhe na/ ma yin te 'di ni tha snyad tsam du zad de/ tshogs can ma la sogs pa dag la mthong ba'i phyir ro/ /'on te ba spu? ldang ba la sogs pa mthong ba la rtogs na/ de lta na yang gzhan gyis bstan pas ci bya ste des na 'di ni gyi na'o/ /gang gi phyir 'di spu ldang ba la sogs pa rnam pa du mar 'gyur ba de ni bde ba la sogs pa yin no zhes rtogs pa tsam gyis chog pa'i phyir ro/ /'dir yang gang las snam bu snam bu zhes bya ba'i rnam par 'gyur ba ni spyi yin no zhe na/ de ltar tha dad pa'i ma cig shos rjes su song ba'i rnam pa can gyi spyi grub pa ni ma yin te/ 'on kyang 'di ni thog ma med pa'i tha snyad kyi bag chags kyi rgyu mtshan can yin te/ gtso bo la sogs pa'i tha snyad bzhin no/ /tha dad pa dang tha mi dad pa yang nyams su myong ba med de/ spyi gzhan nyid ni yod min te/ /gzhan du rtogs pa med phyir ro/ /gzhan dang gzhan min phyogs dag kyang// rnam gzhan med par ji ltar 'gyur/ /'di ltar rnam 'ga' de nyid dang/ /gzhan gyis bzlog par 'gyur ba yin/ /de nyid gang de bzlog pa dang/ /gzhan tu rab tu tshor ba med/ /lag gdub nyid las tha dad kyang/ /rna rgyan ji ltar gser ma yin/ /lag gdub sogs las ma gtogs par/ /gser gzhan dag ni ga las yin/ /gal te rjes zhugs gser yin na/ /rjes zhugs gzhan yod ga las yin/ /rjes 'gro'i rtog pa las she na/ /'dir ni sngar bstan zin pa nyid/ /'di ni re shig bzhag go / ci ste spyi dang tha dad pa yin na de lta na yang de'i 'brel pa yod pa ma yin te/ gal te de dag mtshungs pa mi/ /dngos de de dag las gzhan nyid/ de dag gi zhes 'brel med 'gyur/ /ldog pa la ni sun dbyung med/ /gal te de dag las gzhan 'brel pa nyid yin na de'i tshe spyir mi 'gyur te/ /don gzhan pa'i phyir ro/ /bum pa ni snam bu'i spyi ma yin no/ /spyi yi bdag nyid ma yin pa'i phyir spyir mi 'gyur ro zhe na/ de ni ma yin te/ spyi'i bdag nyid yin pas de/ /spyi nyid du ni 'gyur la dag /de'i zhes bya ba'i 'brel pa ni/ /gang zhig las ni 'gyur ba yin/ /de rang 'brel ba rang bzhin yin pa'i phyir ro zhe na/ de ni 'di 'byung ba yin te/ ci'i phyir sgra ni mi rtag yin/ /mi rtag phyir na mi rtag 'gyur/ /de ltar dngos po 'ga' yang ni/ /'grub par ma 'gyur yo ma yin/ /'di la 'brel pa nyid ma grub pa'i phyir/ de nyid gtan tshigs su ga la 'gyur ma yin nam/ de lta ma yin na thams cad la thams cad 'grub par 'gyur ro/ /spyir mngon par 'dod pa la yang spyi'i rang bzhin zhes bya ba ni grub pa med do// 'on te 'brel pa grub po zhe na/ de lta na yang gsal ba mdza' dag 'dzin par 'gyur te/ mdza' dag dang 'brel ba'i ngo bo yin pa'i phyir ro/ /'brel pa'i ngo bo nyid ma rtogs par spyi gzhan yod pa ni ma yin no/ /rnam pa mtshungs pa nyid do zhe na/ rnam pa mtshungs pa nyid ces 'brel pa nyid la de ltar tha snyad byas pa yin no/ /rnam pa mtshungs pa nyid ni gsal ba la bltos nas yin gyi/ rang gi ngo bo la/ bltos pa ni ma yin te/ rang gi ngo bo ni thams cad du rang gi bdag nyid la rnam par gnas pa'i phyir ro/ /gsal ba la bltos nas mtshungs pa nyid yin na ni/ gsal ba ma bzung bar mi 'dzin pa'i phyir ro/ /gzhan las ldog pa'i spyi la yang nyes pa 'di nyid do zhe na/ ma yin te/ ldog pa la skyon tu 'gyur ba med pa'i phyir/ phan tshun khyad par can du gyur pa dag kyang gzhan du mngon par 'dod pa las ldog pa mi 'gal lo/ /de don bya ba gcig byed pa'i phyir spyi'i tha snyad kyang mi 'gal ba nyid do/ /du ma nyid ma 'phrogs pa'i rnam pa mtshungs pa nyid gang gis zlog /mi mtshungs pa dag la ji ltar spyi'i blor 'gyur zhe na/ ma yin te/ de nyid kyis mtshungs pa'i phyir ro/ /mtshungs pa'i rnam pa can gyi blo'i yul nyid ma rtogs pa mtshungs pa nyid gzhan ni 'ga' yang yod pa ma yin no/ /de la mi mtshungs pa dag la ji ltar spyi'i blor 'gyur zhes brgal zhing brtags pa'i don ni 'di yin te/ mtshungs pa'i blo'i yul ma yin pa dag la ji ltar mtshungs pa'i blor 'gyur zhes bya ba yin na blo'i yul ma yin pa nyid ni ma grub po/ /de la mtshungs pa'i blo la yul du byed par ni spyi smra ba la yang ma grub pa ma yin no/ /de phyir mtshungs nyid spyi 'di la/ /dngos po med pa'i mtshan nyid yin/ /de 'bras zhe na du ma dang/ /'jig 'gyur da yang 'dod ma yin/ /'jig pa dngos po tsam dang ni/ /rjes 'brel phyir na rtag nyid min/ /rigs rnams 'bras bu min phyir na/ /ma 'brel pa dang dngos med 'gyur/ /rtogs pa'i 'khrul pa'i rnam pa las ma rtogs pa mtshungs pa'i rnam pa nyid gzhan ni bsgrub par nus pa ma yin no/ /'on te mtshungs pa'i rnam pa nyid ni ji ltar srid pa yin te/ gang na gnyid yod pa der ni gnyis kyi rnam pa yin la gang la lhag par yod pa der ni de ltar yin no zhe na/ de lta na ni 'o na gsal ba gzhan dang gzhan skyes pa ni spyi'i rnam pa 'phel bar 'gyur bas gsal ba'i rjes su 'gro ldog gi rjes su byed pa'i phyir/ gsal ba rnams kyi 'bras bu nyid do/ /de ltar gyur dang gsal ba bzhin du du ma nyid du thal bar 'gyur ro/ /ngo shes pa yin pa'i phyir gcig nyid do zhe na/ spyi la yang rnam par mtshungs pa nyid yod pas thug pa med par 'gyur ro/ /'on te spyi la ni spyi ma rtogs pa med pa nyid do zhe na/ gsal ba la yang ma yin pa'i phyir brgal zhing brtag pa mtshungs so/ /ngo shes pa ni spyi ma des te spyi dag la yang ngo shes pa mthong pa'i phyir ro/ /spyi zhig pas mi 'dod pa thob par yang 'gyur te/ gsal ba zhig na 'jig pa'i phyir ro/ /dngos po nyid yin pa'i phyir yang 'jig par 'gyur te/ 'jig pa ni dngos po tsam dang rjes su 'brel pa yin no zhes 'grub par 'gyur ro/ /spyi bskyed par bya ba ma yin na yang ma 'brel pa dang/ ngo bo med pa nyid du 'gyur ro/ /dngos po nyid ni so sor nges pa'i rnam pa 'dzin pa nyid yin la/ spyi khyab pa la ni de yod pa ma yin no/ /dus kyi cha'i tshogs thams cad na gnas pa'i spyi ni rtogs par nus pa ma yin no/ /dmigs pa nyid yin te de med na yod par ga la 'gyur/ yod pa nyid dang 'brel pas yod pa yin no zhe na/ yod pa nyid kyang yod pa dang 'brel dgos pas thug pa med do/ /spyi ni yod pa nyid gzhan dang 'brel pa yod pa ni ma yin te/ rang gi ngo bor yod pa'i phyir ro/ /de ni dmigs pa med par dmigs par bya ba ma yin te/ des ni spyi ni yod pa ma yin no// bong bu'i rwa yang rang gi ngo bo yod par ci'i phyir ma gyur/ khyed la yang cis ma gyur zhe na/ rgyu med pa'i phyir ro/ /de bzhin no zhe na spyi yang med par 'gyur te/ de la yang rgyu med pa'i phyir ro/ /spyi ni rtogs pa yin no zhe na/ ri bong gi rwa la sogs pa yang rang gi blos rtogs so zhes 'di la bshad zin to/ /des na de dag kyang yod par 'gyur ro/ /nges par brtags na ma yin no zhe na/ thams cad mtshungs so/ /gzhan yang spyi 'di ni brda'i stobs kyis sgra'i blo la snang ba yin pa de ltar na yang dngos po ni mi 'gyur te/ 'di ltar/ dngos po'i stobs kyi skyes pa yi/ /shes pa gang de brda dag la/ /ltos pa ma yin spyi yi ni/ /blo la de ltar snang ba med/ /brda byed pa ni nye ba tsam la dmigs nas byed pa ma yin te/ de la bltos pa'i shes pa yang sgro 'dogs pa nyid do/ /'di ltar snga ma phyi mar sgro 'dogs ni/ /med bar gal te brda byed na/ /khyab pa med pa tha snyad 'di/ /rjes su 'jug par 'gyur ma yin/ /sgra'i mthu nyid kyis tha snyad kyi dus su rtogs so zhe na/ gal te snga ma dang phyi ma sgro 'dogs pa med na rtogs par mi 'gyur ro/ /brda med par ni sgra las spyi'i blo ma mthong ngo/ /sgra med par yang gsal ba gzhan mthong ba las ni 'gyur ba nyid do zhe na/ der yang de'i ngo bo'i tha snyad kyi dngos po la de nyid rtags pa yin no/ /brda smos pa ni nye bar mtshon pa ste/ rtags pa yang bltos pa ma yin no/ /rtags kyang sngon mthong ba nyid sbyor bar byed kyi lhag pa ni ma yin no/ /de bzhin du dbyangs la sogs pa'i rigs dang/ bram ze la sogs pa'i rigs kyang brda tsam la brten pa yin gyi dngos po la bltos pa ni ma yin no/ /bram ze la sogs pa'i rigs la brda dang lhan cig pa'i mngon sum tshad ma yin no zhe na/ ma yin te/ dngos po'i stobs las gang skyes la/ /de ni brda la bltos pa ma yin te/ brda tsam ma yin te/ brda tsam la bltos pa ni dmus long brgyud pa nyid du 'gyur ro/ /lhan cig byed pa'i mngon sum yang yod do zhe na/ 'di la bshad pa/ mngon sum gyi ni bzung zhe na/ /nye bar bstan pa don med yin/ /mngon sum gyis ni ma bzung na'ang/ /nye bar bstan pa don med yin/ /gal te mngon sum gyis bzung na bstan pas ci bya ste/ /de nyid kyis bzung ba'i phyir ro/ /'on te mngon sum gyis 'dzin par mi nus pa de lta na yang de bstan pa stong phrag gis kyang bzung bar nus par ci ltar 'gyur/ mthong ba la bdag gis 'di mthong ngo zhes skyes bu nye bar bstan par byed par 'gyur gyi/ dbang po las 'das pa bram ze nyid la sogs pa la nye bar bstan nus pa ma yin no/ /de skad du yang skyes bu'i blo bskyed pa de tsam ni tshad ma can ma yin no zhe na/ bshad do/ /dngos gnyis mthong la blo 'ga' zhig /brda med na yang tha dad med/ /rjes su 'jug pa gang yin te/ /don nye ba dang 'brel pa yin/ /ci ste yang dngos po gnyis mthong ba na/ brda med par rjes su 'gro ba'i rnam pa can gyi blor 'gyur ba yin te/ dper na ba lang gi blo khra bo la sogs pa mthong ba tsam las 'gyur gyi der brda la ltos pa ni med pa bzhin no zhe na/ de lta na 'o na ni/ de ni de ltar ma rtogs phyir/ /bram ze nyid ni rigs min 'gyur/ /ba lang nyid bzhin bram ze ni/ /gsal bas gsal byed mthong ba yin/ /ba lang nyid la dag gzhan gyi/ /'dir 'ga' the tsam 'gyur ram ci/ /bram ze 'di min zhes brjod pa 'am/ /bram ze nyid la the tshom 'gyur/ /gzhan gyis skyed par thos pa'i phyir/ /bya las der ni nges pa med/ /bstan pa med par gsal byed la/ /sogs pa'i rigs ni gsal ma yin/ /gal te de la de med na/ /ba lang sogs la ci ste 'dod/ /ci ltar dbyangs la sogs pa la/ /sgra gcig brjod bya rigs su rtogs/ /de bzhin dang pa la sogs la/ /sgra gcig brjod bya cis mi 'dod/ /ba lang nyid med mdza' yas pa'i/ /gsal ba de ni ci ltar brjod/ /der yang gsal ba'i dbye ba yis/ /mdza' yas pa ni ci ste med/ /gong du sbyor sogs dbye ba ni/ /mdza' yas sgrub par byed min min/ /ngo shes pa las cig nyid ni/ /gnyis ka la yang yod pa yin/ /gong du sbyar ba dang nga ro rtsub pa la sogs pa de mdza' yas pa'i rgyu mtshan ni ya gi? ha la sogs pa la yang yod pa nyid do/ /nga ro rtsub pa la sogs pas tha dad kyang ngo shes pa las gcig nyid do zhes bya ba 'di dang pa la sogs pa la yang mtshungs pa nyid do/ /de'i phyir ba lang nyid la sogs pa yang ba lang gi sgras brjod par bya ba nyid las gzhan pa'i ba lang med pas na sgra gcig gis brjod bya nyid dam/ gcig tu 'dzin pa skyed pas don nye ba nyid yin gyi/ mgar yang rig zhes bya ba ni yod pa ma yin no/ /ci ste yang spyi med na sgra gcig ni brjod par bya ba dang/ 'dzin pa gcig skyed pa de nyid du mi 'gyur ro zhe na/ de ni ma yin te/ ji ltar rigs med shes pa yi/ /'bras can mig sogs nye 'dod bzhin/ /gang gis rnam par phye ba yis/ /rigs kyang rjes su 'gro ba yis/ /mig dang snang ba dang yid la byed pa rnams la rigs med pa/ 'bras bu gcig byed pa'i mtshan nyid kyi nye ba mi srid pa ni ma yin no/ /lhan cig byed pa rnams la srid pa nyid do zhe na/ dngos po'i gnyis mthong ba la yang lhan cig byed pa nyid kyis blo cig tu 'gyur ro/ /mtshungs pa'i rnam pa gnyis med do zhe na/ ma yin te gzhal bya mtshungs pa'i rnam pa nyid ni dngos po gnyis las tha dad par ma mthong ba'i phyir ro zhes bstan pa'i blo skyed pa nyid nus pa yin no/ /de ni mig la sogs pa la yang mtshungs so/ /de dag la yang rtogs pa de cig skyed pa nyid kho na'o zhe na/ khra bo la sogs pa la yang 'dzin pa gcig bskyed pa las gzhan med pa'i phyir mtshungs par thal lo/ /gal te de nyid ngo bor gyur ba yin te/ de lta ma yin na de dag nyid rtogs pa de skyed kyi gzhan ni ma yin no zhes bya ba'i rnam par dbye ba 'di ga las yin zhe na/ 'o na rigs kyang khra bo la sogs pa ma yin gyi/ gzhan la ma yin zhes bya ba'i rnam par dbye ba 'di ga las yin/ de la rnam par 'byed pa'i byed pa'i spyi gzhan dgos pa de la yang rnam par phye nas 'jug pa'i rgyu mtshan gzhan yod dgos pas na thug pa med par 'gyur ro/ /'on te khra bo la sogs pa de dag nyid ba lang nyid kyi gsal byed dam de'i rten du 'gyur ro/ zhes bya bar 'dod pa de dag gi rgyu nyid de 'dra bar gyur pa yin no zhe na/ de ltar na 'o na rigs med par rang gi rgyu'i ngo bo nyid las der 'dzin pa bskyed pa yin pas rigs med na khar chad pa ci yod de/ des na rigs su 'dzin pa 'or cig/ mig la sogs pa la yang spyi yod pa ni ma yin te/ rnam pa 'gas kyang rnam shes la/ /de dngos snang ba med phyir ro/ /gzugs can yin phyir dbang rnams la/ /gal te lta ba po yod na/ /de lus snang 'gyur rigs rnams ni/ /ma yin yan 'gar mthong min phyir/ /gsal 'dzin tshe 'ang de sgra dang/ /ngo bo las gzhan snang ba med/ /mig la sogs pa la ni spyi ci ltar yang snang ba med de 'bras bu'i sgo nas rtogs par byed pa yin no/ /'bras bu'i sgo nas rtogs par byed pa na yang 'bras bu de gcig byed pa nyid rtogs par 'gyur ro/ /de lta yin na de dag 'bras bu gcig gis 'brel to/ zhes bya bar 'gyur gyi/ spyi ni ma yin no/ /'brel pa yang thams cad du spyi gcig pa nyid yin no/ /zhe na ma yin te/ 'brel pa yang ji lta bur yang mi snang ba'i phyir/ de'i de ma thag tu 'bras bu dmigs pa nyid de dang 'brel pa yin gyis gzhan ni dmigs pa med de/ 'bras bu dag las med pa yang/ /rtogs pa yi ni 'brel par byed/ /ces bshad zin to/ /'on te thams cad la nus pa gcig nyid do zhen na ni ma yin te/ nus pa ni nus pa can las gzhan ma yin pa'i phyir ro zhes bstan zin to/ /nus pa yang snang ba med do/ /mi snang yang nus pa dbang po la sogs pa ltar ci ste mi rtag ce na de mi rung ste/ de la ni dbang po las 'das par khas blangs pa'i phyir bdag cag lta bus mi dmigs te/ zi ra'i me tog lta bu'o zhes bya ba la sogs pa bshad pa'i phyir ro/ /spyi ni lung gcig sus rtogs par bya ba ma yin no/ /'bras bu ldog pa las ni gzugs la sogs pa snang ba'i rgyu ci zhig cig yod do zhes bya bar 'gyur gyi/ de ci mig 'bras kyi rang bzhin las tha dad pa 'am/ 'on te de lha ma yin zhes 'dir rnam par 'byed pa na ma yin no/ /'di ltar/ ldog las khyad par can 'ga' yod/ /mig 'bras de bzhin yang na ni/ /bag chags khyad par lugs kyi ni/ /dbye bas rnam pa so sor 'gyur/ /gang zhig 'bras bu ldog pas phyi'i don mi 'grub par de'i ltar na 'bras bu ldog pa las mig la sogs pa rnams la ldog pa'i rjes su dpag pa bzod par 'gyur ram ci/ de'i phyir 'di ni rnam pa ci zhig ltar gnas pa med par rjes su dpog pa'i gzhal bya yin pa des na de'i sgo nas ni glags thod pa ma yin no/ /gzugs dang ldan pa nyid ni lung yin te/ de ltar yin na/ gal te de dag lta ba po/ /yod na mig sogs mthong bar 'gyur/ /dbang po las 'das khas blangs la/ /de las gzhan pa'i rten yod min/ /gzugs ldan nyid du khas blangs pas/ /'di nyid dbang po 'das pa'i rten/ /spyi ni de lta ma yin te/ 'ba' zhig pa mi mthong bar khas blangs pa'i phyir ro/ /gal te rnal 'byor pas ci lan 'gar mthong na ni spyir mi 'gyur ro/ /'on te spyi'i rnam pa can gyi blo skye ba de'i rgyu mtshan ni 'di yin no zhes bya bar rnal 'byor pas mthong na de ltar na spyi tshad mas grub pa ma yin no/ /bdag cag gi ni spyi tha dad par ma mthong ba kho na'o/ /gal te spyi ni gsal bas gsal bar bya ba yin pa'i phyir 'ba' shig 'dzin pa ma yin te/ sad pa ma bzung bar gzugs mi 'dzin pa bzhin no zhe na/ de yang mi rung ste/ gzugs ni reg pa dang 'khrul pa med pa yin pa'i phyir/ /snang ba med kyang rjes su dpag pas 'dzin to/ /gal te mi 'dzin pa ni snang ba las tha dad pa nyid du mi 'gyur ba kho na'o// ldog par rab tu ma grub pa ni ldog pa dang ldan pa yin no/ /zhes bya bar mi 'os so/ /spyi ni 'ba' zhig nas yang dmigs pa'i yul du mi 'gyur ro/ /gsal ba'i rang bzhin la rjes su zhugs na ni med pa nyid do/ /ba lang ba lang zhes bya ba'i ming tsam zhig tu zad par 'gyur ro/ /'on te yul mtshungs pa'i phyir tha dad par mi dmigs na/ gzugs dang ro la sogs pa ji lta de rnams ni dbang po tha dad pa'i gzung ba yin pa'i phyir tha dad par rtogs na/ 'dir ni shin tu 'dres pas na rnam par dbye ba med par rtags so zhe na/ shin tu 'dras pa ni ci zhig cig rang bzhin 'dres gyur tam/ /de yi rang bzhin gang yin pa/ /'di nyid yin pas dbyer med 'gyur/ /rang bzhin gzhan phyir yul cig kyang/ /tha dad par ni cis mi 'dzin/ /rang bzhin las ni gzhan 'gyur bar/ /yul zhes bya ba rtogs pa med/ /dngos po las tha dad pa'i yul gzhan na yod de gal te dngos po tha dad pa yin na yul yang tha dad pa yin pas ji ltar yul tha mi dang/ gal te yul dbyes tha dad na/ /de'i dbye ba ga las yin/ /yul gzhan nyid las de yin pas/ /de ltar yin na thug pa med/ /gang gi phyir bong bu'i rwa la sogs pa bzhin du rang gi ngo bor snang ba med pa/ de phyir de ni shes tsam gyis/ don byed par yang mi rung ngo/ /de mi rung phyir rang bzhin med/ /de ni dngos med mtshan nyid yin// gang dang gang rang gi ngo bo nyid kyis/ mi snang ba'i gzung bar mngon par 'dod pa de ni rang gi rnam pa gtod par nus pa'i phyir/ dmigs pa'i rkyen du 'gyur ba ma yin te/ mig la sogs pa bzhin no/ /bdag po'i rkyen yin no zhe na/ ma yin te/ de la yang rjes su 'gro ba dang ldog pa med pa'i phyir ro/ /ci skad? bshad las ldog gang yin/ /de na rang gi mtshan nyid 'dod/ /gang zhig rang gi rnam par snang ba dang/ rjes su 'gro ba dang ldog pa dag gis nus pa de ni don dam par yod pa rang gi mtshan nyid yin te/ rang gis rang bzhin du mtshon par bya ba'i phyir ram/ /'dir rang bzhin mtshan nyid yin pa'i phyir ro/ /gal te rang gi rang bzhin la ji ltar mtshon bya mtshon byed kyi dngos por 'gyur zhe na/ ma yin te/ mtshon bya mtshon byed kyi dngos po ni ? pa yin pa'i phyir te/ bya dang byed pa'i rnam bzhag ni/ /thams cad de lta'i rnam pa can/ /zhes 'chad par 'gyur ro/ /rang gi ngo bo nyid mtshan nyid du rigs kyis gzhan ni ma yin te/ gzhan ni gzhan gyi don dam par mtshon par mi nus pa'i phyir ro/ /gzhan gyi ngo bos mtshon pa ni gzhan gyi rang bzhin nyid sgro btags pa yin gyi/ de rang gi ngo bo mtshon pa ni ma yin no/ /'o na ci ltar ci'i mtshan nyid yin te/ gzhan gsal ba ma khyab pa'i phyir ro zhe na/ bden te spyi zhes bya ba don dam par yod pa ma yin/ /rang gi ngo bo de yang shes pa'i tha snyad du de ltar brjod pa nyid de/ gsal ba du ma'i rang bzhin la sgro btags pas 'jug pa'i phyir dang/ de las skyes pas kyang yin pas so/ /dngos po med pa nyid yin na mi dmigs pa dang 'bras bu'i rang bzhin dang gtan tshigs tha dad par ji ltar 'gyur/ mngon sum dang rjes su dpag pa dag ni yul gyi dbye ba las tha dad par 'gyur gyis/ mi dmigs pa la sogs pa la ni yul gyi dbye ba yod pa ma yin no/ /rtags kyi dbye ba las tha dad do zhe na/ brgal ba gang yin pa de nyid lan yin pa'i phyir 'di ji ltar yin/ 'di ltar rtags kyi dbye ba nyid mi 'thad pa ma yin nam/ de ste mthong ngo zhe na/ 'o na rnam pa drug tu 'dod do/ 'on te gnyis ni dngos po sgrub par byed pa yin la gcig ni dgag pa'i gtan tshigs so zhes brjod na/ spyi dngos po ma yin na ji ltar dngos po dang dngos med pa'i rnam par dbye bar 'gyur zhe na/ 'di la lan bshad pa/ dngos dang dngos med gnyis ka la/ /rten phyir spyi ni rnam pa gsum/ /don dam par ni dbye ba yod pa ma yin te/ thams cad dngos po med pa'i phyir ro/ /dngos po dang dngos po med pa dang gnyis ka la brten pa'i smo nas 'bras bu shes pa tha dad pa'i phyir rang bzhin dang mi dmigs pa dang 'bras bu'i gtan tshigs ni de byed pa nyid kyis tha dad pa yin no/ /'di ltar rang bzhin gyi gtan tshigs las ni dngos po nye bar len pa can gyi rnam par rtog pa skye ba'o/ /mi dmigs pa las ni dngos po med pa'i nye bar len pa can/ 'bras bu'i rtags las ni gnyi ga'i nye bar len pa can yin no/ /'bras bu'i gtan tshigs ni tha dad pa sgrub par byed pa yin la/ tha dad pa ni dngos po dang dngos po med pa dag las 'gyur ba yin no/ /sgrub par bya ba tha dad gnyi ga rgyu yin no/ /yang na dngos po med kyang dngos po dang dngos po med pa can nyid kyis na nye bar len pa can tha dad pa la brten nas yul tha dad pa yin no/ /dngos po nyid ni rnam pa gnyis te tha dad pa dang tha mi dad pa'o/ /des na yul gyi dbye bas gtan tshigs kyi dbye ba rnam pa gsum yin no/ /des na gnyi ga'i nye bar len pa'i khyad par ni mi snang ba mi dmigs pa'i yul yin no// // gal te dngos sten dngos 'brel phyir/ /dngos po shes 'gyur zhe na min/ /lan btab phyir dang 'das sogs la/ /rnam pa gzhan du mthong phyir ro/ /shes pa dngos po la brten pa zhes bya ba tsam gyis ni dngos po la 'gyur ba ma yin te dngos po'i yul can nyid ni dngos po'i yul can rang bzhin 'dzin pa las yin no/ /spyi'i yul can gyi rnam par rtog pa ni rang bzhin 'dzin pa ma yin te/ dbang po'i tshogs 'bras bu med par 'gyur ba'i phyir ro/ /zhes bshad zin te/ 'on te dngos po yod pa zhes bya bar brjod na/ de ni ma grub ste 'das pa la sogs pa dngos po med kyang/ mthong ba'i phyir ro/ /gal te shes pa de spyi la yin nam khyad par la yin yang bla ste/ 'das pa la sogs pa ni yul nyid ma yin te/ rang gi ngo bo nyid bzung bzhin pa'i dngos po ni 'das pa nyid du mi 'thad pa'i phyir ro/ /'di la 'jig rten dngos po'i yul nyid du rtogs pa ma yin te/ dngos po med pa dang shes pa rang gi ngo bor mngon par zhen pa ma yin pa'i phyir 'khrul par tsam du zad do/ /lan gdab phyir dang zhes bya bas ni bzlog pa la tshad ma 'jug par bstan pa yin la/ 'das sogs la rnam pa gzhan du mthong phyir ro/ /zhes bya bas ni gzhan gyis mngon par 'dod pa'i gtan tshigs ma nges pa nyid du brjod pa yin no/ /gal te rnam par rtogs pa dngos po la yang mthong la dngos po med par yang mthong na de lta na ni 'o na ni de'i tshe dngos po'i chos nyams par 'gyur te/ de ltar na gnyi ga'i chos nyid yin par 'gyur ro zhe na/ de'i phyir bshad pa nyid ni gal te dngos chos nyid nyams na/ /dngos por 'dzin pa sngon 'gro can/ /de shes yin phyir nyes 'di med/ /de ni shes pa yin te/ de la dmigs pa ni 'ga' yang yod pa ma yin te/ spyi lkog tu gyur pa ni gzhal bya ma yin pa'i phyir ro/ 'di ltar spyi ni lkog tu gyur pa yin no/ /de yang rang gi ngo bos rtogs pa ma yin pas ji ltar gzhal bya yin/ rang gi mtshan nyid gcig gzhal bya/ spyi zhes bya ba'i gzhal bya ni yod pa ma yin te/ ji ltar brtags pa bzhin du mi rung ba'i phyir ro/ /don dam par rang gi mtshan nyid kho na gzhal bya yin te/ de nyid yod pa dang med par rtogs pa dgos pa dang bcas pa yin pa'i phyir ro/ /de gang las she na/ yod med nyid du spyod rnams kyi/ /don bya de las grub pa'i phyir ro/ /don bya ba byed pa'i dngos po ni yod pa dang/ med pa dag gis rtog pa dang ldan pa rnams don du gnyer te/ tshad mas rjes su tshol ba yang de rtogs pa'i don tu yin te de lta ma yin na tshad ma rtogs pa sngon tu byed pa ma yin par 'gyur ro/ /de phyir don bya ba byed pa'i dngos po yod pa dang med pa yul du byed nus pa'i tshad ma ni don dang ldan pa yin no/ /des na mngon sum dang rjes su dpag pa gnyi gas kyang rang gi mtshan nyid kho na yul du bya ba yin te/ de lta ma yin na tshad ma nyid du mi rung ba'i phyir ro/ /gal te gnyi gas kyang rang gi mtshan nyid kho na yul du byed na yul gcig nyid yin pa'i phyir tshad ma gcig nyid du thal bar 'gyur ro/ /'on te yul gcig yin yang tshogs pa'i dbye bas tshad ma tha dad pa yin no/ /de lta yin na gzhal bya gnyis phyir zhes bya ba dang 'gal lo/ /slob dpon gyis kyang gang gi phyir mtshan nyid gnyis ni gzhal bya yin no zhes gsungs so/ /tshogs pa'i dbye bas tshad ma tha dad pa yin na ni/ mig la sogs pa'i rnam par shes pa rnams kyang tshogs pa las tha dad pa'i phyir te/ nyid kyi phyir tshad mar 'gyur ro/ /gzhal bya'i dbye bas tha dad pa la yang sngon po la sogs pa gzhal bya du ma yin pa'i phyir tshad ma mdza' yas pa thal bar mi 'gyur ram zhe na/ ma yin te thams cad kyang rang gi mtshan nyid yin pa'i phyir ro/ /de'i yul can gyi tshad ma ni gcig nyid yin par 'gyur te/ yul gcig yin pa'i phyir ro/ /tshogs pa tha dad pa yin yang dbang pos skyed pa nyid yin pa'i phyir/ thams cad tshad ma ci ste ma yin zhe na/ ma yin te dbang pos skyed pa nyid mtshan nyid ma yin pa'i phyir ro/ /de ltar yang ston par 'gyur ro/ /de'i phyir gzhal bya rnam pa gnyis yin pa nyid las rnam pa gnyis yin te/ de lta yin na tshad ma mdza' yas pa nyid du 'gyur ro/ /ji ltar gzhal bya mdza' yas pa ma yin zhe na/ ma yin te/ sngon po nyid la sogs pa mdza' yas pa yin yang gzhal bya gnyis nyid kho na yin te/ 'di ltar// de ni rang gzhan ngo bo yis/ /rtogs phyir gzhal bya gnyis su 'dod/ /sngon po la sogs pa'i dbye bas mdza' yas pa yin yang rang gi ngo bor snang ba nyid kyis rang gi mtshan nyid kho na yin te/ rang gis ngo bos mtshon pa'i phyir ro/ /gal te rtogs pa'i dbye bas tha dad pa yin na rang gi mtshan nyid don dam pa par mi 'gyur ba ma yin nam rtogs pa de med cing rtogs pa gzhan mngon du gyur/ /rang gi mtshan nyid ma yin pa'i phyir ro/ /de bzhin du gcig pa de nyid gcig la ni rang gi mtshan nyid yin la/ gzhan la ni de lta ma yin par 'gyur na/ rtog pa po so so la gzhal bya tha dad par 'gyur ba ni ma yin no/ /bltos pas byas pa'i tha dad pa ni rtogs pas skyed pa yin pa'i phyir don dam pa ma yin no/ /gcig nyid rang gi mtshan nyid dang gzhan nyid yin na ni de gnyi ga'i rang bzhin gyis gzhal bya gzhan yin pa'i phyir de la tshad ma gzhan 'byung bar 'gyur ro/ /de'i phyir 'di ni mi rung ngo/ /don dam gzhal bya nyid yin na/ /gzhal bya nyid na mdza' yas 'gyur/ /bltos pas 'brel pa tha dad na/ /don dam mtshan nyid min par 'gyur/ /'di la bshad pa/ dmigs pa yis ni mtshon pa gang/ /de ni don dam nyid yin no/ /dmigs pa nyid ni dngos rnams kyi/ /dam pa'i don ni yod pa yin/ /dngos po rnams rang gi ngo bos dmigs pa la ma brten par ni yod pa bdag gir byed pa ma yin no/ /gal te dmigs pa yod pas shes pa yin gyi/ de nyid ni yod pa ma yin no zhe na/ ri bong gi rwa la sogs pa ma dmigs pa ni med pa yin pa'i phyir bzlog pa las dmigs pa ni yod pa yin no/ /zhes rnam par gnas so/ /gal te de la yang med pas mi dmigs pa nyid ni med pa ma yin na/ ma dmigs pa las med pa nyid gzhan med do/ /mi dmigs pas rtogs pa gang yin pa de med pa yin no zhe na/ mi dmigs pa 'di ci zhig dmigs pa med pa yin nam/ 'on te gzhan dmigs pa yin nam ci ste ma dmigs so snyam pa'i rnam par rtog pa yin/ gal te dmigs pa med pa ma dmigs pa yin na de las ci ltar rtogs/ dngos po med pa ni rtogs pa ma yin no/ /dmigs pa med pa de yang dmigs pa med pa gzhan gyis rtogs par bya dgos pas thug pa med do/ /gal te shes pa lkog tu gyur pa yin pa yin pa'i phyir/ dmigs pa la dmigs pa gzhan med pa na gang gis thug pa med par 'gyur pa/ de ni dmigs pa med pas rtogs par bya ba yin no zhe na/ gal te shes pa lkog tu gyur pa yin na ji ltar de yod par rtogs/ ji ltar don lam rtogs pa las med par rtogs pa de bzhin du shes pa la yang 'gyur bar shin tu nyams par 'gyur ro/ /'on te don lkog tu gyur pa ma yin pa'i phyir te/ de la don gyi go ba yod pa yin te/ des na tshad ma lnga yang med pa ma yin no zhe na/ don gyi go ba yang blo nyid ma yin nam de blos gzhan gyis blo rtogs par byed pa yin no/ /de'i phyir de las don gyi go ga gzhan med pa'i phyir tshad ma lnga med pas don gyi go ba'i blo med do zhes bya bar 'gyur ro/ /'on te de la gzhal bya rtogs pa yod pas don gyis go ba yin na ni thug pa med pa'i phyir mi rtogs par 'gyur ro/ /gal te rtogs pa mthong ba nyid ma yin nam zhe na/ gal te mthong ba tsam la brten na ni don gyi go bas ci bya/ ji ltar mthong ba de lta yin du zang mod don gyis go bas blo brtags pas ci zhig bya/ /don gyi go ba skye ba yin no zhe na/ gal te de lta na thug pa med pa'i phyir rtogs pa med par nges pa yang 'gyur ba nyid pas ji ltar de ji ltar mi 'dod gang gi phyir blo dmigs par bya ba nyid dam/ lkog tu gyur pa yin pa de'i tshe ni de med par rtogs pa thug pa med par 'gyur ro/ /'on te don mi dmigs pa nyid dmigs pa mi dmigs pa yin na de ltar yin na dmigs pa dmigs par bya ba ma yin pa yang yod do/ /zhes bya bar 'gyur ro/ /de nyid med pa yin no zhe na/ gal te mi dmigs pa med pa yin na/ dmigs pa yang yod pa yin zhes bya bar 'gyur ro/ /'on te gzhan dmigs pa nyid ma dmigs pa yin no zhe na/ de yang rig pa ma yin te/ gal te gzhan dmigs pa la ming gdags pa yin du zad mod gzhan med par ji ltar 'gyur/ dmigs pa med pa'i phyir ro zhe na/ 'di la lan btab zin to// gzhan dmigs pa de nyid gzhan la mi 'jug pa'i phyir te/ de las gzhan mi dmigs pa yin no zhe na/ gal te gzhan la mi 'jug mod/ de ltar na yang de med do zhes bya ba ga las/ 'on de dmigs pa'i mtshan nyid du gyur pa ma dmigs pa ni med pa kho na ste/ de lta ma yin na de la yang 'jug pa nyid de de yang de bzhin du dmigs par gyur pa nyid yin pa'i phyir ro/ /dmigs pa yang ma yin no zhe na/ med pa'i mtshan nyid can te mi dmigs pa gang gis rtogs zhes thug pa med pa de nyid do/ /so sor nges pa'i rnam pa dmigs pa'i phyir ro zhe na/ ci 'di don gyis go ba yin nam/ de lta 'o na zhe na/ thug pa med pa brjod zin to/ /so sor nges pa'i rnam pa dmigs pa nyid gzhan dmigs pa med pa yin no zhe na/ de lta na ni 'o na gzhan yod pa las ma rtogs pa dngos po med pa zhes bya ba 'ga' yang med par 'gyur ro/ /des na gzhan gyi dngos po nyid gzhan la bltos nas dngos po med pa yin la rang la bltos nas dngos po yin no/ /so sor nges pa'i rang bzhin de yang dmigs pa nyid las yin pa des na dmigs pa yod par brjod do/ /gal te so sor nges pa nyid yin na dmigs pa so sor nges par 'gyur gyis de nyid ni so so nges pa ma yin no zhe na/ gal te mi dmigs na da ltar so sor nges pa zhes bya ba'i blor 'gyur te/ dmigs pa'i rig bya nyid las 'gyur ba ma yin nam/ des na dmigs pa nyid yod pa yin no/ /'on te ma dmigs so snyam pa'i rnam par rtog pa nyid mi dmigs pa yin na de yang ma yin te ma dmigs so snyam pa'i rnam par rtog pa ni mi dmigs pa nyid kyi rjes su 'brang ba yin na/ mi dmigs pa de yang dpyad zin to/ /de'i phyir dmigs pa nyid yod pa yin pas dmigs par bya ba nyid gzhal bya yin no/ /gal te de nyid don dam par yod pa nyid yin na/ 'on 'ga' la yang rnam pa gzhan du mi 'gyur ro zhe na/ de ni gzhan du mi 'gyur ba kho na ste/ skyes bu gzhan la bltos nas kyang de ni de lta bu kho na yin te/ sngon po nyid la sogs pa bzhin no/ /lkog tu gyur pa nyid kyis na ji ltar de nyid kyi tshe de rtogs pa yin zhe na/ de nyid kyi rang bzhin gyis de lkog tu gyur par rtogs so/ /gal te 'gas kyang de ltar ma rtogs pa 'am rtogs par mi 'gyur ba yin na/ de rjes su dpog pa don med do/ /de'i tshe ma rtogs pa ji ltar de ltar yin zhe na/ de'i tshe de lta ma yin no zhes bya ba yang ga las ma dmigs pa'i phyir de lha ma yin no zhe na/ 'o na dmigs pa med pa'i phyir med pa kho na'o/ /yod kyang mi dmigs par 'gyur gyi med par ji ltar 'gyur zhe na/ yod pa la tshad ma yod pa ma yin na de skad brjod par bya ba ma yin nam/ rjes su dpag pa'i tshad ma yod do zhe na/ de yang mthong ba'i rang bzhin nyid kyis rjes su 'brang ngo/ /phyis mthong ba yin pa'i phyir/ sngar lta bar bya ba nyid ji ltar yin zhe na/ gal te lta bar bya ba nyid med na/ yod pa nyid ji ltar yin/ phyis dmigs pa'i phyir ro zhe na/ phyis nyid yod par 'gyur mod sngar ji ltar/ gal te sngar med na phyis ji ltar dmigs par 'gyur zhe na/ dmigs par bya ba nyid du rtogs pa'i phyir ro/ /dmigs par bya ba nyid du rtogs pa ni dmigs pa yin la de lta ma yin na ni gzhan du yin no zhe na/ gzhan gyi tshe yang de'i rang bzhin nyid du nges pa'i phyir gzhan du yod pa ma yin te/ gzhan du rtogs par mi nus pa'i phyir ro/ /rjes su dpag pa ni 'byung bar 'gyur ba la tshad ma yin no zhes kyang sngon par 'gyur ro/ /'o na ji ltar gzhal bya gzhan yin zhe na/ de nyid gzhan gyi ngo bos rtogs pa'i phyir ro/ /dpe dang thun mong ba'i rang bzhin gyis de ltar rtogs pa nyid gzhal bya gzhan yin no/ /de nyid rtogs pa'i dbye bas de'i ngo bor sgro btags pa'i phyir gzhal bya gzhan yin gyi/ don dam par ni ma yin no/ /de lta na ni 'o na bltos pas byas pa'i phyir don dam pa yang ma yin no zhe na bden te/ spyi ni dngos po med pa yin no zhes bstan pa nyid de/ 'di snga na med pa brjod pa'i na mi yin no/ /dngos po la mi bslu ba'i sgo nas tha dad pa nyid du ma rtogs pa'i tha snyad pa dag gis /dngos po zhes tha snyad du byed pa des na de la bltos nas gzhal bya rnam pa gnyis zhes de skad brjod pa yin no/ /'on te gnyis ka'i rang bzhin yin pa'i phyir gcig 'dzin pa tshad ma gzhan nyid du 'gyur re zhes bya bar 'dod na/ de ni mi rigs te/ tshad ma gcig gis gnyi ga'i rang bzhin du rtogs par mi nus pa'i phyir ro/ /rtogs na yang de tshad ma nyid yin te rtogs pa'i dbye ba nyid kyis tha dad pa'i phyir ro/ /yang na rtogs pa'i dbye ba yin pa'i phyir don dam pa'i mtshan nyid nyid ma yin pas na gnyi ga'i rang bzhin du thal ba med do/ /sngon pa nyid la sogs pa ni don dam pa'i rang bzhin la de ni bltos pa'i dbye bas tha dad pa ma yin no/ /'o na ji ltar don dam pa'i gzhal bya med pa'i phyir tshad ma nyid du 'gyur zhe na/ 'di la brjod pa/ tha dad btags pa'i rang bzhin phyir/ /de nyid don dam ma yin gyis/ /dngos po'i rang bzhin thob bya gang/ /de ni don dam pa las gzhan min/ /'o na don dam pa yul du byed pa'i phyir tha dad par ci ltar 'gyur te/ rang gi ngo bo dngos su byed na ni mngon sum nyid du 'gyur ro/ /de la ma rag na ji ltar de yul du yin zhe na/ 'dir brjod pa/ ji bzhin mngon zhe na min pa'i phyir/ /gnyis pa 'khrul pa yin par 'dod/ /ji ltar de ni de ltar de ni rgyu dbye bas tha dad pa de ltar de mngon par zhen pa ma yin pa'i phyir ji bzhin ma yin par mngon par zhen pas na/ 'khrul ba nyid yin te/ sngar mthong ba'i don gyis bskyod pa'i bag chags gsad pa'i stobs las byung ba yin pas na dngos po la ma reg kyang des lhag par zhen pa'i phyir ro/ /gal te dngos po la reg pa med na 'on tshad ma nyid du mi 'gyur ro/ /mi bslu ba'i phyir tshad ma nyid do zhe na/ gzhan rtogs pa na gzhan thob pa'i phyir mi slu bar 'gyur ro zhe na/ de nyid smras pa ni/ gal te gzhan gyi ngo bos ni/ /rtogs na 'khrul pa tshad ma min/ /gal te gzhan gyi ngo bo rtogs na ji ltar de rtogs pa yin de ni gzhan gyi ngo bo rtogs pa yin no/ /de la gzhan thob pa na 'khrul pa nyid yin la/ 'khrul pa yang chad ma nyid ma yin no zhe na/ lan du/ bsam pa la ni slu med phyir/ /'khrul ba yin yang tshad ma nyid/ /rnam gzhan gyis kyang rtogs pa mthong/ /phyogs 'di la ni lan btab zin/ /gzhan du yang don ji lta bzhin du mngon par zhen pa ji ltar rtogs par bya zhes na/ bsam pa la bslu ba med pa nyid kyi phyir ro/ /de ni 'di la yang yod pa'i phyir don ji lta ba bzhin ma yin par zhen pa ma yin no/ /'di ni bag chags kyi stobs las byung ba ni yin no zhe na bya ba dang/ snang ba tha dad pa'i phyir tha dad do zhes bya ba 'di tha snyad pas rig pa ma yin gyi/ 'di ni 'chad par byed pa rnams kyis don rtogs pa yin no/ /gzhan mthong ba'i phyir bsam pa de nyid du ji ltar 'gyur zhe na/ ma yin te/ rnam par rtog pa rnams ni dngos po so sor nges pa ma yin pa'i phyir ro/ /'di ni thog ma med pa'i bag chags kyi mthu yin no/ /des na ji ltar de kho na nyid du yongs su ma bcad par de la 'jug ces bya ba ni brtsad par bya ba ma yin pa kho na'o/ /mthong ba la ni mi 'thad pa med do/ /mngon sum la yang 'jug pa byed pa nyid ji ltar 'gyur te/ de la yang thob par bya ba'i rang bzhin yongs su gcod pa ni med pa kho na ste/ nye bar gnas pa tsam yongs su gcod pa yin pa'i phyir ro/ /gnyis na mngon sum nyid 'jug par byed pa ma yin te/ nye bar gnas pa tsam ni mi 'thob pa'i phyir ro/ /der yang de dag gcig tu lhag par zhen pa nyid kyis 'byung bar 'gyur ba la 'jug pa yin te/ des na rjes su dpag pa'i 'jug pa yang de lta bu nyid yin pas ci ltar mtshungs pa nyid du ma mthong/ 'on te mngon sum ni gcig tu lhag par zhen pa'i rang bzhin ni ma yin te/ nye bar gnas pa yongs su gcod pa tsam nyid do/ /gcig tu lhag par zhen pa ni de'i dus phyis 'byung ba can gyi rnam par rtog pas yin no zhe na/ de ni mi rung ste/ rjes su dpag pas shin tu ni/ /rang gi ngo bo bzung ba'i phyir/ /nye bar gnas pas bzung ba la/ /rnam rtog gzhan ni gnas par 'gyur/ /ji ltar nye bar gnas pa'i gzugs la sogs pa tsam 'dzin pa'i mngon sum rnam par rtog pa gzhan gyis gcig tu lhag par zhen par gyur na 'jug par byed pa yin pa de bzhin du rjes su dpag pa rang gi ngo bo nye bar gnas pa nyid du lhag par gsal ba 'dzin pa yin pa'i phyir der yang lhag par zhen pa las 'jug par byed pa'i rnam par rtog pa gzhan yod par 'gyur ro/ /'on te rjes su dpag pa ni rang gi ngo bo nyid kyis lhag par zhen pa'i rang bzhin yin pa'i phyir 'jug par byed pa nyid dang dngos po la reg pa med pa nyid yin pas na tshad ma ma yin no/ /mngon sum ni dngos po la reg pa nyid kyis tshad ma yin no zhe na/ de yang rung ba ma yin te/ dngos la reg pa tsam gyis ni/ /mngon sum 'jug par byed pa min/ /'byung bar 'gyur ba cig nyid du/ /zhen pa mngon sum yod min na/ /rang bzhin gang gis dngos po la reg pa'i rang bzhin nyid kyis des ni tshad ma ma yin te/ 'jug par byed pa nyid med pa'i phyir ro/ /'on te rang bzhin de nyid rnam par rtog pa skyed par byed pa la 'jug par byed pa yin no zhe na/ gang gis de'i sgo nas mngon sum 'jug par byed pa nyid yod dam/ de rang nyid 'jug par byed pa nyid ma yin pa rnam par rtog pa skyed pas 'jug par byed pa yin no zhes bya ba'i tshig gis tshul 'di ci yin/ gal te rnam rtog 'jug byed na/ /dngos 'dzin min par ji ltar 'gyur/ /de lta yin yang 'jug byed na/ /rjes dpag la 'di cis mi 'dod/ /gal te rnam par rtog pa skyed pa'i sgo nas mngon sum 'jug par byed pa nyid yin na yon ni 'jug par byed pa'i phyir rnam par rtog pa tshad ma nyid yin par 'gyur ro/ /de lta yi na rjes su dpag pa tshad ma yin pa la ni bzlog pa med pa kho na'o/ /rjes su dpag pa la ni dngos po 'dzin pa ma yin pa'i phyir tshad ma ma yin te/ 'jug par byed pa ma yin pa'i phyir ro zhe na/ 'o na mngon sum gyi dus phyis 'byung ba'i rnam par rtog pa ci ltar yin/ /der mngon sum gyis dngos po bzung ba'i phyir ro zhe na/ ma yin te/ rnam par brtag pa 'byung bar 'gyur ba bde mi 'jug pa'i phyir ro/ /de'i rgyun la zhugs pa'i phyir zhugs pa kho na'o zhe na/ ji ltar dang po'i skad cig rgyun yin/ gzhan la zhugs pas ni gzhan la zhugs par mi 'gyur ro/ /de ltar yin no zhe na rjes su dpag pa yang rang gi ngo bo la zhugs pas don la yang zhugs par 'gyur ro/ /de ni nye bar btags pa tsam du zad kyi don dam par ni ma yin no zhes bya bar yang lan ma yin te/ mngon sum gzhan la zhugs pas gzhan la zhugs pa yang nye bar btags pa las gzhan pa ni ma yin no/ /mngon sum ni de'i rigs la zhugs la/ rjes su dpag pa ni de la yang ma yin no zhes bya ba ni 'gal te/ mngon sum gyi dus byis byung ba'i rnam par rtog pa de'i rigs la zhugs pa med pa'i phyir ro/ /de la mngon sum zhugs so zhes bya ba la ni yin no/ de ni rjes su dpag pa la yang yin pas 'dir mtshungs te/ rjes su dpag pa'i yul de'i rigs can la mngon sum zhugs pa'i phyir ro/ /tshang bar gi rgyu me la ni mngon sum zhugs pa kho na'o/ /rjes su dpag pa'i yul la de med de zhe na thams cad mtshungs so/ /'di ltar/ ji ltar rjes su dpag pa yi/ /yul la mngon sum 'jug med na/ /de bzhin mngon sum phyis 'byung ba'i/ /rnam rtogs yul la min nam ci/ /gal te rjes dpag skyed pa yi/ /mngon sum gsal gzhan la zhugs na/ /rnam rtog de skyed mngon sum ci/ /rang bzhin gzhan la zhugs min nam/ /gcig tu lhag par zhen pa ni/ /gnyi ga la yang mtshungs pa nyid/ /spyi ni gnyi gar yang 'dzin cing/ /der ni me sogs thob bya yis/ /dngos po rnam par brtag bya ba/ /'byung ba yi spyod yul yin/ /gzhan bzung ba na bzhan bzung ba/ /min zhes dpyad zin ma yin nam/ /de dang 'grel pa bzung ba na/ /gal te de bzung bar 'dod na/ /rjes dpag la yang thams cad du/ /'brel pa 'dzin pa mtshungs pa yin// rnam rtog la ni rgyu mthong zhing/ /rjes su dpag pa'ang 'bras bu mthong/ /ji ltar mngon sum gyi phyis 'byung ba'i yul la mngon sum ma zhugs kyang de'i rgyu la zhugs pas rnam par rtog pa 'jug par byed pa'i tshad mar grub pa de bzhin du rjes su dpag pa'i yul la ma zhugs kyang de'i 'bras bu la zhugs pas rjes su dpag par yang tshad mar 'grub ste/ 'brel pa khyad par med pa'i phyir ro/ /rgyu dang 'bras bu'i 'brel pa gnyis ka la mtshungs so/ /rgyu las 'bras bu rtogs par ma nges pa'i phyir/ gnyis na mngon sum nyid tshad ma ma yin par 'gyur gyi/ rjes su dpag pa ni ma yin no/ /'on te mngon sum yin pa'i phyir ma nges pa brjod par mi 'thad do zhe na/ mngon sum nyid ni nye bar gnas pa tsam la yin pas de las ma nges pa brjod par bya ba ma yin gyi/ 'byung bar 'gyur ba la ni de mngon sum nyid 'di ma yin no/ /de'i rigs la mngon sum yin pas de la yang mngon sum yin no zhes bya bar yang brtsod par mi bya'o/ /rjes su dpag pa'i yul la yang de'i rigs nyid mngon sum gyi yul yin no/ /de'i? cir mngon sum zhugs la 'di la ni 'jug pa yin no zhes bya ba ni khyad par yin no/ /'dir ni gsal ba gzhan la zhugs la 'dir ni de nyid la yin pas mngon sum spyi'i yul can nyid ma yin no zhe na/ ma yin te byung ba dang 'byung bar 'gyur ba la gcig nyid med pa'i phyir dang mngon sum ma yin pa'i phyir spyi'i yul can nyid du mtshungs pa kho na'o/ /'byung bar 'gyur ba dang mthong ba rigs gcig par yang ji ltar rtogs/ gzhan du de ltar mthong ba'i phyir ro zhe na/ 'o na ni thams cad du gsal ba gzhan dang thun mong pa nyid kyi spyi rtogs pa yin pas mngon sum dang rjes su dpag pa nyid khyad par med do/ /'on te 'byung bar 'gyur ba gdon mi za bar 'gyur ba yin pas des na ma nges pa nyid ma yin no zhe na/ gang na rgyu yod pa der gdon mi za bar 'gyur ba yin no/ /gang 'bras bu yod pa der gdon mi za bar 'gyur ba shin tu yang gsal lo gdon mi za bar 'byung bar 'gyur ba'i 'bras bu ni rgyu nyid de zhes bstan zin te/ des ni 'byung bar 'gyur ba'i 'jug par bya ba la mngon sum dang rjes su dpag pa dag khyad par med do/ /'on te mngon sum ni re zhig dngos po la reg pa yin pa des na tshad ma yin gyi rjes su dpag pa ni ma yin no zhe na/ de yang rung ba ma yin te/ thob par bya ba'i yul med na/ 'khrul pa dang ma 'khrul pa khyad par med do/ /don yod pa dang med pa dag gis khyad par yod do zhe na/ ma yin te mi slu ba med par don yod pa dang gzhan de nyid rtogs par mi nus pa'i phyir ro/ /'on te mngon sum la mi gzhan gyi mi bslu ba nyid yod pas mi bslu ba nyid med kyang dngos po'i yul can yin no zhe na/ de yang rjes su dpag pas rtogs par bya ba nyid yin pas na/ khyad par med do/ /de'i phyir bsams pa la mi slu ba'i phyir tshad ma yin gyi dngos po 'dzin pa ni nye bar mkho ba yod pa ma yin no/ /de lta ma yin na mngon sum tshad ma nyid du mi 'gyur ro/ /de la 'di ltar bshad par bya ste/ rnam pa gzhan du rtogs pa mthong ste/ 'khrul pas kyang rtogs pa mthong ngo zhes bya ba yin no/ /yang na gal te 'jug pa'i don te/ de las rnam pa gzhan du gzhan gyi ngo bo shes pa la yang mthong ba yin no/ /ji ltar thob ce na/ don yod pa'i phyir ro/ /yod pa gang yin pa de ni thob par bya ba yin no/ /'di ltar mun par lag? pas btsal ba las kyang thob pa mthong ba yin no/ /nges pa ji ltar zhe na 'brel pa'i stobs nyid las so/ /yod pa nyid kyang 'brel pa can yod pa nyid las so/ /ji ltar 'brel pa can nyid du rtogs she na/ mngon sum la yang 'byung bar 'gyur ba dang 'brel pa ji ltar rtogs/ de lta bu nyid du mthong ba'i phyir ro zhe na/ gnyi gar yang mtshungs pa'i phyir rtsod pa med do/ /'on te der ni mngon sum de nyid tshad ma yin te/ rnam par rtog pa de skyed pa'i phyir ro zhe na/ rjes su dpag pa skyed pa'i phyir yang sngar gyi mngon sum de nyid tshad mar ci ste mi 'dod de 'das pa'i phyir ro zhe na/ rtog pa skye ba'i dus na yang mngon sum 'das pa kho na'o/ /rgyu dang 'bras bu dag ni dus mnyam pa ma yin no zhes ston par 'gyur ro/ /'on te rnam par rtog pa'i dus na yang mngon sum rgyun chags par yod pa yin pa'i phyir khyad par yod do zhe na/ ma yin te/ phyi ma'i mngon sum gyi skad cig ma rnams ma yin pa'i phyir ro/ /'on te phyi ma rnams kyang tshad ma nyid de/ de lta ma yin na rgyun chags par 'byung ba mi nges pa'i phyir ro zhe na/ 'o na thams cad tshad ma ma yin par 'gyur te/ thob? par bya ba'i yul med pa'i phyir ro/ /snga ma dag nyid kyis nges pa skyed na ni phyi ma rnams tshad ma ma yin pa'i phyir ro/ /the tshom za na ni nges pa ma yin pa des na yang the tshom za ba ma yin te/ nges pa dang gzhan pa dag yul cig la mi 'dod pa'i phyir ro/ /'on te snga ma rnams tshad ma ma yin pa kho na'o/ /zhe na de lta yin na 'jug pa nyid med pa'i phyir/ 'ga' yang tshad ma ma yin no/ /re zhig mthong ste/ ci 'di la thob pa yod dam 'on te ma yin zhes bya bas 'jug na de ni rjes su dpag pa la yang mtshungs so// mngon sum du mngon par 'dod pa'i rtog pa yang rnam pa gzhan du gzhan gyi rang bzhin du mthong ba yin te/ 'jug pa'i yul rang gi ngo bos rtogs pa ni 'ga' yang med do/ /gzhan dngos po'i ngo bo'am rang gi ngo bor rtogs pa ni gnyi ga la yang yod pas na 'byung? ba'i dngos po la khyad ci yod/ 'o na mngon sum dang rjes su dpag pa dag yul tha dad par ji ltar 'gyur zhe na/ gsal ba la mi gsal bar sgro btags pa dang/ mi gsal ba la gsal bar sgro btags pa'o/ /yang na rnam pa gzhan du yin te/ gang du 'byung 'gyur rtogs pa der/ rjes su dpag pa tshad mar 'dod/ /de ltar gtso bor gyur pas ni/ /'jug la mngon sum tshad ma nyid/ /gang la shin tu goms pa las rnam par mi rtog pa 'jug pa der ni mngon sum tshad ma yin te/ de lta ma yin te gang la rnam par rtog pa yod pa nyid la mngon sum 'jug par byed pa dang tshad ma yin na rnam par rtog pa tshad ma gzhan yin par 'gyur ro/ /'on te der mngon sum nyid tshad ma yin gyi rnam par rtog pa ni ma yin te/ bzung zin pa 'dzin pa yin pa'i phyir ro zhe na/ ji ltar bzung zin pas 'dzin pa ma yin pa ste de ltar dpyad zin to/ /yang brjod par bya ste 'di ltar/ gal te rnam rtog 'jug pa la/ /nyer mkho med na des ci bya/ /'jug la nye bar mkho zhe na rnam rtog ji ltar tshad ma min/ /gal te rnam par rtog pa nye bar 'khor med pa nyid yin na/ ji ltar 'di mngon sum gyis lhan cig nyid du 'dod/ nye bar ma lo ba med pa'i rnal 'byor ba dang ni ldan tu zin kyang lhan cig pa nyid du su yang don du mi gnyer ro/ /'on te de med par mi 'jug na mngon sum tshad ma ma yin par 'gyur ro/ /de med na yang mi 'jug go zhe na/ 'o na gnyi gar tshad mar thal lo/ /'on te rnam par rtog pa tshad ma ma yin te dngos po'i rang bzhin la ma reg pa'i phyir ro zhe na/ 'o na mngon sum yang tshad ma ma yin te/ thob par bya ba'i rang bzhin la ma reg pa'i phyir ro zhes da ltar kho na bshad pa yin no/ /de'i phyir/ rjes 'gro ldog pa dag las ni/ /gal te rnam rtog 'jug pa la/ /rgyu nyid min na de'i tshe/ /tshad ma yin pa nyid du 'gyur/ /mngon sum 'og rol 'jug pa yi/ /rnam rtog gal te 'jug pa la/ /nus yod ce na chod pas na/ /mngon sum tshad ma nyid min 'gyur/ /ci ste chod mad? tshad ma nyid min na/ /de lta na mig la sogs pa rnams kyang 'jug par byed pa nyid kyis tshad mar 'gyur ro/ /shes pa ma yin pa'i phyir ma yin no zhe na/ mtshungs pa de ma thag pa'i rkyen yang 'gyur ro/ /de ni yul gzhan dang ldan pa'i phyir ma yin no zhe na/ yul mtshungs pa nyid na 'gyur ro/ /'gyur ba kho na'o zhe na/ ma yin te de la 'jug par bya ba shes pa med pa'i phyir ro/ /skad cig snga ma 'dzin pa'i mngon sum la ni 'jug pa'i yul can nyid med do/ /de'i phyir rnam par rtog pa nyid de ma thag pa yin pa'i phyir tshad mar 'gyur ro/ /'on te yang mngon sum snang ba tsam gyi 'jug pa'i yul la zhugs pa yin no/ /de lta na yang rnam par rtog pa ni tshad ma yin no/ /gzung zin pa 'dzin pas ji ltar tshad ma yin zhe na/ 'jug par byed pa'i phyir dper na rang bzhin gyi rtags kyis rjes su dpag pa bzhin no/ /snang ba tsam gyis ni mngon sum tshad ma ma yin te/ skad cig pa nyid kyang mngon sum gyis bzung bar 'gyur ro/ /'gyur ba kho na'o zhe na/ skad cig ma 'dzin pa'i rjes su dpag pa tshad ma ma yin par 'gyur te bzung zin pa 'dzin pa 'dzin pa'i phyir ro/ /'on te tha snyad sgrub pa'i phyir tshad ma yin no zhe na/ rnam par rtog pa yang de ltar yin pa'i phyir tshad mar 'gyur ro/ /de'i phyir lkog tu gyur pa'i yul 'jug par byed pa yin yang gsal ba dang mi gsal ba'i dbye bas tshad ma gnyis kho na'o/ /des na gzhan gyi ngo bos rtogs kyang mi slu ba'i phyir tshad ma kho na'o/ /ji ltar mi slu ba yin yang dngos po'i rang bzhin 'dzin pa ma yin pa de ltar na bstan zin pa kho na'o/ /mi bslu ba'i phyir tshad ma yin yang 'khrul pa yin par ston pa ni/ nor bu sgron ma'i 'od dag la/ /nor bu'i blo yis mngon rgyug pa/ /log pa'i shes par khyad med kyang/ /ji ltar don byed la khyad yod/ /de ltar ji bzhin don min na/ /rjes dpag dang ni der snang dag /don byed dang ni rjes 'brel pas/ /tshad ma nyid du rnam par bzhag/ sgo gseb kyi bu ga na gnas pa nor bu'i dbyibs kyi khyad par can nor bu'i khyad par la brten pa ma yin pa'i nor bu'i 'od dang/ sgron ma'i 'od dag la pad+ma rA ga ru 'khrul pa dag phan tshun khyad par med mod kyi/ de lta na yang nor bu thob pas byas pa'i khyad par 'ga' zhig ni yod pa kho na'o/ /de bzhin du rjes su dpag pa dang/ rjes su dpag pa ltar snang ba'i yang yin pa des na tshad ma dang cig shos dag yin no/ /nor bu ma mthong yang sgron ma'i 'od la nor bur ldag par zhen pas 'jug pa ni mthong pa nyid do/ /'khrul lo cog ni mtshungs pa ma yin te/ tshogs pa'i khyad par las khyad par yod pa'i phyir ro/ /shes pa yin pa'i phyir thams cad 'khrul pa'am gzhan du 'gyur ba ni ma yin no/ /de'i phyir 'khrul pa yin yang tshogs pa khyad par dang ldan pa ni mi slu ba'i phyir tshad ma yin no/ /'brel pa'i don las skyes pa ni 'khrul pa yin yang tshad ma skye ba'i rgyu mtshan/ mngon par 'dod pa thob pa'i rgyu ru 'gyur ba yin te mngon sum skye ba'i rgyu mtshan rjes su dpag pa'i shes pa bzhin no/ /rjes su dpag pa ni mngon sum skye ba med na tshad ma ma yin pa la mngon sum yang rjes su dpag pa skye ba med par ma yin no zhes bstan zin te/ /'di ltar rjes dpag med par mngon sum ni/ /dang po 'jug par byed pa med/ /de bzhin rjes dpag mngon sum ni/ /med par min zhes bstan zin to/ /la lar dang po la lar phyis 'di nyid 'dir ni khyad par yin/ /rjes dpag las 'og mngon sum min/ /mngon sum las dpog sngar mthong med/ /ci ste mngon sum med par ni rjes su dpag pa 'jug par byed pa ma yin la/ mngon sum ni rjes su dpag pa med par yang yin pas khyad par yod pa'i phyir na rjes su dpag pa mngon sum dang mtshungs pa ma yin no zhe na/ de yang mi rung ste/ rjes dpag med par mngon sum ni/ /rang rig pa la tshad ma yin/ /de ltar tha snyad yod min pas/ /tshad yin na yang ci zhig bya/ /mngon sum rang rig tsam yin na// don dang tha dang mi 'grub phyir/ /ci yang 'gyur ba ma yin te/ /gnyis su med pa lus par 'gyur/ /des na rjes dpag med par ni/ /mngon sum don dang tha dad kyi/ /sgrub byed mi 'gyur de'i phyir/ /rjes dpag med par de tshad min/ /mngon sum ni rjes su dpag pa la bltos pa nyid tha dad pa dang/ don la 'jug pa yin la/ rjes su dpag pa ni mngon sum med par yang yin no/ /'di ltar/ dus phyis 'byung ba'i mngon sum pa la ltos pa kho na du ba las me rjes su dpog pa yin te/ de nyid las don de 'thob pa'i phyir ro zhe na/ de ni ma yin te/ mngon sum med na khyad par gyis/ /yul can nyid ni rtogs ma yin/ /rjes su dpag pas yul gyi ni/ /khyad par med par mi rigs 'gyur/ /rtsig pa la sogs pa'i chod pa'i me ni rjes su dpag pas so sor des pa'i yul can du rtogs par nus pa ma yin no/ /rtsig pa'i pha rol gyi yul 'ga' zhig na/ me yod do zhes phyir rjes su dpog pa na/ mngon sum gyis so sor nges pa'i yul 'dzin pa yin no/ /yul so sor nges pa med par mi skye bar ni mi 'gyur ro// nor bu'i 'od la nor bur shes pa la yang so sor nges pa'i yul ma bzung ba nyid skyon du 'gyur ba yin na/ the tshom za ba dang phyin ci log dag ni so sor nges pa'i dngos po thob par byed pa ma yin par khyad par yod pa ma yin no/ /'on te yang phyin ci log gi shes pa ni gzhan du 'jug par byed pa yin pa'i phyir tshad ma ma yin na/ /the tshom ni re 'ga' der yang mi rung ste/ gnyi ga'i cha la brten pas na/ /the tshom 'jug par byed pa min/ /phyin ci log ni bzlog pa'i phyir/ /lus can rnams ni 'jug par byed/ /the tshom ni phyin ci log pas thu ba yin te/ /gnyi ga'i cha la brten pas sems cha phyad pa med pa can ji ltar 'jug par byed pa yin/ des na cha phyed pa med pa de mngon sum gyi sel ba yin no/ /nor bu'i 'od la nor bur shes pa'i mtshan nyid kyi phyin ci log kyang phyis 'byung ba'i rjes su dpag pa las yin pa'i phyir nor bu'i 'od la nor bur shes pa ni rjes su dpag pa gzhan las tshad ma nyid du khyad par med do/ /de tshad ma gang yin zhe na/ de ni mngon sum gyi tshad ma nyid do/ /ji ltar 'khrul te de 'dra nyid/ /mi bslu bas na tshad ma nyid/ /'khrul dang ma 'khrul gang du dgos/ /tshad ma ni mi bslu ba can gyi shes pa'o/ /zhes spyir mtshan nyid yin gyi de 'khrul bar gyur pa'am/ de lta ma yin zhes bya ba gang du dgos pa dang ldan pa yin/ gal te mi slu ba yang ma 'khrul pa yin na 'gyur gyi/ gzhan du ni ma yin no zhe na/ da yang bden pa ma yin te/ yul dang dus dang mi gzhan la/ /mi bslu ba la 'khrul med yin/ /ma 'khrul pa las mi bslu ba/ /ma yin me 'khrul ma grub phyir/ /mi bslu ba med par 'di ni 'khrul pa'o// 'di ni de lta ma yin pa'o/ /zhes bya bar mi 'gyur ro/ /gnod pa med pa'i phyir ma 'khrul ba yin no zhe na/ ma yin te/ mi bslu ba nyid la de skad brjod pa'i phyir ro/ /mi bslu ba ma yin na ni gnod pa med pa yin yang thams cad 'khrul ba nyid do/ /de nyid gnod pa yin no zhe na/ 'o na ni gnod pa med pa nyid de/ mi bslu ba nyid yin pa'i phyir mi slu ba nyid 'khrul pa med pa yin no zhes bya bar grub bo/ /rjes su dpag pa mi bslu ba yin yang 'khrul ba nyid do zhes bya ba yang dpyod pa'i gzhung ma yin la/ /'jig rten rgyang? phan pa'i 'dod pa yang ma yin te/ 'khrul pa mdza' dag tshad ma ma yin par khas blangs pa'i phyir ro/ /gal te 'khrul kyang mngon sum tshad ma yin na/ mngon sum dang rjes su dpag pa dag khyad par ci yod ce na snang ba tha dad pa'i phyir ro/ /zhes 'chad par 'gyur ro/ /'khrul pa nyid kyang so sor snang ba tha dad pa yin te/ rjes su dpag pa'i snang ba dang rab rib can gyi shes pa bzhin no/ /shes pa mdza' dag ma 'khrul nyid/ /tshad ma 'khrul pa ma yin no/ /'khrul ba dang ni ma 'khrul ba/ /khyad par 'di ni gang gis shes/ /'khrul pa ni rang gis ngo bo la ma reg pa nyid yin pa la de ni tshad ma thams cad la mtshungs pa nyid do/ /ji ltar rjes su dpag pa thob par bya ba'i rang bzhin la reg pa ma yin pa de bzhin du/ mngon sum yang yin pas khyad par med do/ /de'i phyir nor bu'i 'od la nor bur shes pa yang mngon sum nyid do/ /'byung bar 'gyur ba'i rjes su dpag pa tshad mar yin no zhe na/ 'di ni mngon sum gzhan la yang mtshungs so/ /der ni tshad ma gzhan nyid du mngon par rlom pa med la nor bur shes pa la ni yod pa kho na'o zhe na ma yin te/ shin tu goms pa las nor bur shes pa la yang/ tshad ma gzhan du mngon par rlom pa med pa'i phyir mtshungs so/ /gal te 'od la nor bur shes pa la ni 'khrul par mngon par rlom pa yod kyi ka ba la sogs pa shes pa la ni ma yin no zhe na/ 'di la brjod pa/ don dam du ni mtshungs pa na/ /mngon rlom tshad ma min pa las/ /khyad par bden pa ma yin te/ /de ni gnyi ga tshad ma nyid/ /thams cad du mngon sum dang rjes su dpag pa dag la tshad ma gzhan ni yod pa mngon par rlom pa ni med pa na de tsam gyi dngos po tha dad par 'gyur ba ma yin no/ /tshad ma ma yin pa'i mngon par rlom pa ni ji ltar 'byung bar rung bar 'gyur ba yin pa'i phyir de yod pa dang med pa dag la ni khyad par yod pa ma yin no/ /de'i phyir nor bu'i 'od la ni/ /nor bu shes pa'i shes pa de/ /de nyid du na mngon sum mam/ /yang na rjes dpag nyid ces des/ /'on te nor bu'i rang bzhin ma bzung bar ji ltar mngon sum nyid yin/ ka ba la sogs pa la ni ka la te 'byung bar 'gyur ba'i rang bzhin ni ma bzung ba de lta na yang de'i dus su byung ba de'i rang bzhin 'dzin pa ni yod pa nyid do zhe na/ de ni ma yin te/ 'di ltar/ 'byung 'gyur rang bzhin ma bzung na/ /shes dang shes bya gzhan 'dzin ste/ /mtshungs nyid gnyis ka lta na yang/ /thob pa 'brel pa las yin no/ /gal te thob par bya ba'i rang bzhin bzung ba med na de las gzhan rang gi ngo bo bzung ngam gzhan gyi ngo bo bzung yang bla ste/ khyad par med do/ /nor bur snang ba'i nor bu nyid dang nor bu'i 'od las mtshungs pa nyid do/ /de la la lar ni yul 'khrul pa/ la lar ni rang gi ngo bo la 'khrul pa la 'ang? ni gnyis ka la 'khrul pa/ la lar ni gnyis ka ltar yang ma yin te/ nor bu'i 'od la nor bur shes pa ni yul la 'khrul pa'o/ /nor bu nyid la nor bur shes pa ni thob par bya ba'i rang bzhin la 'khrul pa'o/ /spyi rjes su dpag pa ni gnyi ga la'o/ /rang rig pa ni gnyi ga ltar yang ma yin no/ /zhes bya ba ni rnam par dbye ba'o/ /des na ji skad du gang zhig rtogs pa de ni rang gi ngo bo kho nas de dper na mngon sum gyi dper na mngon sum gyi rtogs pa bzhin no/ /gang zhig tshad ma yin pa de ni 'khrul pa ma yin te/ dper na mngon sum bzhin no/ /zhes smras pa de ni rigs pa ma yin te/ mngon sum yang rang gi ngo bos rtogs pa ma yin la 'khrul pa la mngon sum yang yod pa ma yin no/ /rang gi ngo bo la ni ji ltar mngon sum 'khrul ba de bzhin du rjes su dpag pa yang yin la 'khrul par 'dod pa'i shes pa gzhan yang yin pas na de ltar ma 'khrul bar bsgrubs pa yin pas 'ga' yang nye bar mkho ba med do/ /de lta na 'o na mngon sum dang rjes su dpag ba dag ji ltar mtshan nyid tha dad ce na/ 'di la gsal ba dang cig shos snang ba tha dad pa'i phyir ro zhes bshad zin to/ /de ltar snang ba tha dad pa de nyid ga las 'gyur zhe na/ gang zhig rang dbang du bzung ba/ /der ni gsal bar snang 'gyur la/ /gang zhig de lta min de ni/ /mi gsal bar snang dbang po 'das/ /lkog tu gyur pa zhes bya ba'i tha tshig go /gang gis de skad brjod pa de nyid ji ltar 'gyur ba yin zhe na/ bshad pa/ gang la don gyi nus pa las/ /rjes 'gro ldog pa can gyi blo/ /de la 'dzin pa rang dbang can/ /de las gzhan dngos dbang po 'das/ /gang zhig dngos su snang ba'i don de nyid dbang po las 'das pa ma yin pa rang gi mtshan nyid yin no/ /dngos su snang ba yang rjes su 'gro ldog gi rjes su byed pa'i blo de'i rnam pa can du skyed pa'i phyir ro/ /gang la sngon mthong bas skyed pa'i bag chags sad pa las snang ba'i yul sngon mthong ba'i rang bzhin gyi rnam par nges pa de ni de las gzhan dbang po las 'das pa yin no/ /de la ni dbang po'i byed pa 'am/ de las byung ba dngos su byed pa'i rnam pa yod pa ma yin no/ /gal te rnam pa 'di dngos nyid du rtogs pa ma yin nam/ /de'i rnam pa las tha dad pa gzhan ni de la rtogs pa med do/ /des na rtogs pa gang yin pa de ni dngos kho nar yin la/ gang zhig dngos su ma yin pa de ni rtogs pa med pa kho na'o/ /'on te dbang po dang 'brel pa med pas lkog tu gyur ba yin na/ 'o na dbang po byed pa med pa'i phyir rang gi ngo bos rtogs pa nyid lkog tu gyur pa yin par 'gyur ro/ /de ni de ltar 'dod pa ma yin no/ /gang zhig lkog gyur yul can gyi/ /rtogs pa gal te dngos mthong min/ /rtogs pa lkog gyur ma yin phyir/ /ji ltar lkog gyur yul can yin/ /gal te rtogs na lkog tu gyur pa ma yin pa nyid do/ /dngos po la reg pa ma yin pa nyid dngos po'i yul can yang ma yin no/ /'o na spyi'i yul can yin na ji ltar lkog tu gyur pa'i yul can nyid yin/ de la spyi ni mngon du byas pa nyid do/ /dngos po la yang reg pa med pa'i phyir ji ltar ci'i shes pa'i lkog tu gyur pa'i yul can yin par 'gyur/ /mtshon par byas pas mtshon pas rtogs pa'i phyir ro zhe na/ khyad par rang bzhin gang gis rtogs/ gal te khyad par gyis yin na/ sgra nyid las de rtogs la rag mod par mdo'i lhag pa'i spyis ci zhig bya/ spyi'i rang bzhin du mtshon na ni thug pa med pa 'gyur ro/ /zhes bshad pa yin no/ /khyad par gyi rang bzhin gyis mtshon na dbang po'i tshogs don med par yang 'gyur ro/ /'on te spyi 'ba' zhig snang la khyad par ni lkog tu gyur pa yin te/ mi snang ba'i phyir ro/ /'dir yang bag chags kyi stobs las byung ba rang gi rnam pa nyid dngos su snang ba yin la don ni lkog tu gyur ba yin no/ /ji ltar de yul nyid yin de la 'jug pa'i phyir ro/ /ma rtogs pa la ji ltar 'jug thams cad du ma rtogs pa nyid la 'jug pa yin no zhes bstan zin to/ /lhas byin gyis rang bzhin ma rtogs pa yang mchod sbyin mtshungs pa mthong ba las 'jug pa mthong ba'i phyir ro/ /de la ni slu ba yod pa'i phyir ro zhe na/ ma yin te 'brel pa las mi bslu ba yin no/ /zhes pa slu ba'i rgyu 'chad pa'i phyir ro/ /gal te 'di bag chags kyi stobs las 'khrul pa yin na/ 'o na bag chags nyid la 'brel pa yin pa'i phyir/ don des pa'am/ thob par ji ltar 'gyur ba yin te/ bag chags sad par byed pa yang rgyu yin pa'i phyir ro/ /don de dang 'brel pas yin pa'i phyir/ skyon med do 'di nyid bshad pa ni/ ma mthong bdag nyid ngo bo de/ /rtogs pa'i rten ni don gzhan yin/ /gal te de brten dang 'bral can/ /yin na de tshe go byed nyid/ /rang gi ngo bo ma mthong ba'i don ni 'brel pa gzhan las rtogs te/ gzhan tsam las rtogs na ni ha cang thal bar 'gyur la/ rang nyid rtogs na yang thams cad kyis thams cad mthong bar 'gyur te khyad par med pa'i phyir ro/ /gal te rten da? dang gzhan de 'brel pa yod pa yin na/ de'i tshe go bar byed pa yin no/ /'di ji ltar de lta bu nyid du mthong ba'i phyir ro/ /'brel pa las dran pa nyid 'byung ba ma yin nam/ de ni 'dra ba las kyang yin pas ha cang thal ba de nyid do zhe na ma yin te/ 'bad rtsol la sogs pa las skyes pa'i dran pa ni gzhan du 'gyur ba yin pa'i phyir ro/ /rtsol sogs las ni dran pa de/ /yul la sogs pa rnams gnas min/ /de brten dang ni 'brel pa las/ /yul dus la sogs khyad par can/ /chos can dang sgrub bya dang 'brel pa'i dngos po mthong ba las ni yul dang/ dus nges pa thob par nus pa'i dngos po rtogs kyi 'bad rtsol la sogs pas ni ma yin no/ /'di ltar 'bad rtsol ni bdag gis ci mthong zhes rtsol ba lhur len pa'i yid kyi byed pa yin no/ /de yod pas ni de lta bur gyur pa'i yul dang dus kyi dngos po nyid dran gyi byed pa las? lhag pa ni med do/ /des na de ni tshad ma ma yin no/ /'dra ba bzung ba las ni 'di ni de dang 'dra'o/ zhes ngo tsam zhig rtogs la 'dra ba nyid ni yul dang dus kyi khyad par can ma yin te/ nam yang 'dra ba'i phyir ro/ /du ma ni 'dra ba'am/ gzhan no/ /zhes so sor nges par rtogs pa ma yin pa'i phyir na de tshad ma ma yin no/ /de dang 'gro? ba des byas pa gang yin pa de ni byas pa yin pa'i phyir de la mngon sum tshad ma nyid do/ /de lta ma yin na mngon sum las mi 'jug pa'i phyir tshad ma ma yin no/ /zhes bstan zin pa nyid pas kyang mi brjod do/ /'brel pa las kyang de lta bu nyid du rtogs pa ni rjes su dpag pa'i bdag nyid kyi tshad ma yin no/ /'di ltar/ 'bras sogs rtags ni de yi ni/ /tshad ma nyid kyi go byed 'dod/ /de yi mtshan nyid las gzhan pa/ /rtags kyi mtshan nyid yod ma yin/ /shing gi don bya ba byed pa'i sha pa'am me la sogs pa las skye ba'i du ba la sogs pa de ni 'di yin no/ /zhes der yang rgyu nyid dam 'bras bu nyid du mtshungs pa nyid du rtogs pa yin no/ /snga ma dang phyi ma dang bral ba nyid kyis mi rtag pa'i rang bzhin gyi yod pa nyid de ni 'di yin te gzhan gyis mi rtag pa'i rang bzhin yang gzhan ni ma yin no zhes rjes su dpag pa'i rtogs pa mdza' dag ni 'di lta bur gyur pa nyid do/ /khyad par 'ga' zhig gis nye bar mtshon pa'i du ba'i rang bzhin ni rgyu nye bar gnas pa can yin la/ thal ba la sogs pa'i rgyu nye bar gnas pa can ma yin pa'i phyir gnyis ka yang ji ltar rigs par go bar byed pa yin no/ /'di ltar/ dngos gang lhan cig ji ltar mthong/ /de ni gzhan tshe de lta bur/ /dran pa sad rgyu de ltar na/ /ci rigs par ni 'jug byed nyid/ /gzhan du gang tshe sngon gyi ni/ /mthong las g.yos te dran gyur pa/ /de la 'jug pa yin na yang/ /mi bslu ba dang 'brel ma yin/ /mngon sum bslu ba med pa can/ /dran pa de la brten pas yin/ /gal te bdag gis dran no zhes/ /ji bzhin dran na nga? tshad yin/ /gal te mthong ba 'khrul pas na de bzhin yin yang tshad min na/ /mthong ba 'khrul pa de yang na/ /rnam pa gzhan du dran las yin/ /'di ltar mthong ba dmigs med la/ /de ni dmigs dang bcas nyid du/ /rnam pa gzhan du dran yin la/ /de lta na de tshad min gyur/ /dran pas gzhan du rtogs pas mthong ba tshad ma ma yin pa'i phyir mthong ba rang gi nyes pa ni ma yin gyi 'on kyang dran pa'i nyes pa? yin no/ /dran pa de yang 'dra ba las rnam pa gzhan du skye ba ni dran pa gsal ba ma yin pa nyid kyi phyir ro/ /de phyir de nyid du dmigs pa'i/ /'bras bu rang bzhin ngag las ni/ /don bcas dran pa skye 'gyur gyis/ /gzhan du dran pa 'khrul bar 'gyur/ /des na thams cad du slu ba ni dran pa 'khrul pas byas pa nyid do/ /de'i phyir 'brel pa las mthong ba ji lta ba bzhin lkog tu gyur pa'i yul dran pa nyid tshad ma yin la/ de yang rjes su dpag pa kho na yin gyis/ gzhan ni ma yin no/ /de nyid kyi phyir bshad pa/ /de'i tshe go byad rjes 'gro ba/ /spyi'i? ngo bo nyid du rtogs/ des na lkog gyur don thams cad/ /khyad par du ni rtogs mi 'gyur/ /go bar bya ba rtogs pa ni/ go bar byed pa'i gzhan gyi dbang du gyur pa yin no/ /go bar byed pa de yang spyi'i ngo bos yin gyi khyad par gyis ni ma yin te/ de rtogs par mi nus pa'i phyir ro/ /ma rtogs pa'i ngo bos kyang go? bar byed pa nyid yin na ni rnam pa thams cad dang rgyu gzhan dang gzhan thams cad rtogs par thal bar 'gyur ro/ /du ba la sogs pa'i spyi de yang me la sogs pa thams cad la mthong ba de'i phyir ma nges pa nyid kyis na de las khyad par mi rtogs so/ /khyad par nye bar mtshon pa yod na rtogs so zhe na/ ma yin te nang tshan gyi khyad par mi nus pa'i phyir ro/ /'ga' zhig gi khyad par mtshon par yang 'gyur ba nyid do zhe na/ ma yin te/ shin tu khyad par du gyur pa mi nus pa'i phyir ro// khyad par nye bar mtshon pa ni dar bltos pas byas pa yin te/ gang ci srid ba tsam zhig yin pa'i phyir ro/ /rnam pa thams cad rtogs pa gang yin pa de ni mngon du byed pa yin pa'i phyir/ de mngon sum kho na'o zhes bstan zin to/ /khyad par mthong ba las khyad par rtogs so zhe na/ ma yin te/ der yang spyi rtogs pa yin no/ /zhes bstan par 'gyur ro/ /'di nyid bshad pa ni/ 'brel pa can gyi chos las ni/ /chos can la rtogs skye ba dang/ /de ni rjes dpag lkog gyur gyi/ /sgrub byed gcig tu nges pa yin/ /mtshan nyid gzhan med pa'i phyir dang/ rjes su dpag pa'i mtshan nyid yod pa'i phyir lkog tu gyur pa'i yul can gyi tshad ma ni rjes su dpag pa las gzhan ma yin no/ /gal te gzhal bya gzhan gyi yul can tshad ma gzhan yin pa'i phyir tshad ma gnyis kho nar zad pa ma yin no zhe na/ 'di la lan du/ mngon sum lkog tu gyur pa las/ /gzhal bya gzhan ni yod ma yin/ /de phyir gzhal bya gnyis nyid kyis/ /tshad ma gnyis su 'dod pa dang/ /gal te tshad ma gnyis nyid kyi gzhal bya gnyis nyid do zhes rigs pa yin te/ yod pa sgrub par byed pa ni tshad ma yin pa'i phyir ro zhe na/ de ltar ni ma yin te tshad mas ni gzhal bya 'grub la/ tshad ma'i rang gi ngo bo ni rang rig pa'i rnam pa grub pa las so/ /rang rig pa ni shes pa'i rnam pa nyid de/ rang dang spyi nyid du dmigs pa la mngon sum dang rjes su dpag pa'i yul yin no zhes bshad zin to/ /gzhal bya gnyis phyir zhes bya ba ni rnam pa gnyis yod pa'i phyir ro zhes bya ba'i don to/ /rang gi rnam pa gnyis myong ba na gcig go zhes bya bar ni mi rigs la/ gsum la sogs par yang ma yin no/ /gzhal bya gnyis ni mthong ba'i phyir/ /gsum gcig grangs ni gsal ba yin/ /gzhal bya gnyis las gzhan pa'i gzhal bya med pa'i phyir tshad ma gzhan med do zhes bstan pa yin la/ da ltar ni gzhal bya gnyis pa yod pa'i phyir/ tshad ma gcig ma yin la gsum la sogs pa yang ma yin no/ zhes ston to/ /gzhal bya gnyis yod na tshad ma gcig tu 'gyur ba ma yin te/ gzhal bya gnyis pa'i yul can gyi tshad ma yang yod pa'i phyir ro/ /tshad ma gcig gis ni gnyis pa yang 'gyur ba ma yin no/ /'on te spyi dang khyad par gyi yul can gzhal bya gcig nyid yin pa la/ gzhan ni yod pa ma yin pa'i phyir/ gzhal bya gnyis ma grub po zhe na/ bshad pa/ med pa gzhal bya ma yin phyir/ /gcig nyid ce na kho bo'ang 'dod/ /'di ni 'dod pa nyid yin te/ /rang gi mtshan nyid las gzhan pa'i gzhal bya ni med pa yin la/ de yang gzhal bya ma yin gyi rang gi mtshan nyid gcig nyid gzhal bya yin no/ /de nyid rang dang gzhan gyi ngo bo dag gis rtogs pa'i phyir spyi rang rang gi mtshan nyid yin no// zhes sngar bshad zin to/ /gzhan yang/ med pa nges phyir gzhal bya ni/ /min la ma nges pa nyid dam/ /snga na med pa la sogs pa'i mtshan nyid med pa yang gzhal bya yin pa'i phyir med pa gzhal bya ma yin no/ /zhes bya ba ji ltar khyab pa yin/ /khyab pa med pa yang ji ltar gtan tshigs yin te/ ma nges pa nyid do/ /'di ltar snga na med sogs rig med na/ /thams cad rtag pa nyid 'gyur te/ /'bras med rgyu yang med pa nyid/ /de ltar yang ni ston par 'gyur/ /gcig la gcig med pa med na ni rdzas? rnams 'dres par 'gyur pa'i phyir na mdza' dag gnyis med pa nyid du 'gyur ro/ /de nges tshad ma gnyis pa nyid/ /'di ltar/ med la dbang skyes blo min te/ /don gyi stobs las skyes pa'i phyir/ /don gyi nus la ltos med na/ /bar chod la sogs yod ni yang/ /dbang skyes blo ni skye bar 'gyur/ med pa ni dbang po'i spyod yul yang ma yin te/ de la ni sgra la sogs pa'i rang gi ngo bo nyid snang ba'i phyir ro/ /de 'di na med do zhes bya bar de'i rang bzhin med par ni dbang po'i spyod yul du 'gyur ba ma yin te/ chod kyang de med pa nyid du rnam par 'jog pa'i phyir ro/ /'on te phyogs dben pa dmigs pa nyid las de ltar nges pa yin no zhe na/ dben pa zhes bya ba 'di ci zhig /gal te sa phyogs pa'i rang bzhin yin na/ de dmigs pas gzhan med do zhes bya ba ga las de ni de med pa'i ngo bo yin pa'i phyir ro zhe na/ ji ltar gzhan med pa yin/ de dang lhan cig ma 'brel pa'i phyir ro zhe na/ ma 'brel pa ga las lhan cig rig ba med pa'i phyir ro zhe na/ 'o na rig pa med pa las med par rig par gzhag go /de las gzhan rig pa nyid de/ rig pa med pa yin no zhe na/ de ma rig na de las gzhan nyid du ji ltar 'dzin/ de sngar rig pa'i phyir ro zhe na/ de nyid kyi tshe yin mod/ rig pa med do zhes med pa ji ltar rtogs/ de'i phyir med par nges pa 'di ni dbang po las skyes pa ma yin no/ des na 'di ni mngon sum ma yin no/ /ci ste yang mngon sum nyid ldog pa na dngos po med par nges pa'i rgyu yin no zhe na/ mi rung ste/ gal te mngon sum nyid ldog las/ med par nges pa yin zhe na/ /'gal ba 'am de nyid ldog pa dang/ /rjes 'gro can gyi rtags yin no/ /mngon sum nyid ldog pa las dngos po med pa nges par byed do zhe na/ de med par yang yin la des rtogs pa yang yin no zhes bya ba 'di ni 'gal lo/ /mngon sum ni myong ba'i bdag nyid kyis na gang du zhugs pa de nges par byed pa yin te/ nyams su myong ba la nges pa'i phyir ro/ /nyams su ma myong na go ji ltar nges/ /'di ltar smra po dag ci gzhan yod dam/ 'on te med ces mi shes te der bdag la myong ba med do zhes brjod pa yin no/ /nges pa med pa'i rgyu rig pa med pa las ji ltar des don te/ dmigs par rung ba ma dmigs pa ni don med pa yin te/ des na dngos po med par nges so zhe na/ 'o na ni 'jig rten pha rol la sogs pa dbang po las 'das pa dngos po med par nges pa med do/ /gal te mi dmigs pa dngos po yod pa las ldog pa yin pa de'i tshe de las bzlog pas khyab pa yin na go bar byed par 'gyur bas na/ rjes su 'gro ba dang ldog pa dang ldan pa'i phyir rtags yin pas rjes su dpag pa'i tshad ma bzhan grub ste/ /rtags las skyes pa'i phyir ro/ /'dis ni rang bzhin gyi gtan tshigs dang de'i khongs su 'dus pa mi dmigs pa'i gtan tshigs brjod pa yin no/ /'bras bu'i gtan tshigs bshad pa ni/ /gzhan sems dang ni rtogs phyir yang/ /tshad ma gnyis ni grub pa yin/ /smra sogs la ni 'jug pa'i phyir de yi ngo bo'ang nges par 'grub/ /gzhan gyi sems pa ni bdag nyid kyis bzhin du mngon sum gyis grub pa ma yin no/ /de'i rnam par snang ba nyid las ?? gzhan sems pa yod pa yin nam 'on te med pa yin zhes shes pa med pa ma yin te/ de ltar rtogs pa med pa'i phyir ro/ /sdang ba la sogs pa'i khyad par ni 'bras bu'i khyad par gyis nges pa yin no/ /gal te rnam pa ci zhig ltar nges pa 'dir 'gyur med de/ tshad ma ni ma yin no zhe na/ nyos pa 'di ni med de/ spyod pa la sogs pa'i mtshan nyid de dang rjes su mthun pa'i tha snyad mthong ba'i phyir ro/ /ji ltar rung bar tshad ma med pa can nyid 'jug pa yin no zhe na/ ma yin te spyad nas 'dor bar thal ba'i phyir ro/ /thabs gzhan med pa'i phyir rten med pas mi 'dor ro zhe na/ thabs gzhan med do zhes nges pa 'di yang tshad ma nyid yin la de yang rjes su dpag pa yin no zhes brjod pa yin no/ /gzhan gyi khas blangs pas de skad brjod pa des na skyon med do zhe na/ ma yin te gzhan gyis khas blangs pa ni gzhan gyi don gyi rjes su dpag pa nyid la 'jug pa'i phyir ro// bdag nyid gzhan gyis khas blangs pas rtogs par byed pa ni su yang med do/ /re zhig rten gzhan ma rtogs pas nges na bdag 'jug pa yin no zhe na/ 'o na 'jig rten pha rol yang rtogs par 'gyur ro/ /'jig rten pha rol med kyang der yang 'tsho bar nus pa des na der yang sgrub par byed pa ni ma yin no zhe na/ de ltar 'tsho bar nus so zhes bya ba 'di ga las/ 'tsho ba don du gnyer ba yang ci 'das pa'i 'tsho ba don du gnyer ram/ 'on te da ltar ba dad? ma 'ongs pa'i 'tsho ba don du gnyer/ de la 'das pa ni don du gnyer ba ma yin te/ 'das pa nyid kyi phyir ro/ /da ltar byung ba'i don du gnyer ba yang ma yin te/ de ni thob zin pa'i phyir ro/ /ma 'ongs pa'i don du gnyer ro zhe na/ 'o na ni ma 'ongs pa'i 'tsho ba ni thabs 'dis 'gyur gyi gzhan gyis ni ma yin no zhes rjes su 'gro ba dang ldog pa dag las rtogs pa ni rjes su dpag pa nyid do/ /gzhan yang tha snyad 'di ni ci ltar rung bar yin no zhes bya ba ci khyed nyid kyi 'am/ 'on te gzhan gyi/ gal te khyed nyid kyi yin na gnyi ga la grub pa med pa'i phyir ji ltar gzhan rtogs/ 'on te gzhan la yang thabs med pa kho na'o zhe na de lta yin na gdon mi za bar gzhan gyi sems pa rtogs pas ji ltar 'di rnam pa rung bar rtogs pa yin no/ /'on te 'di yang ji ltar rung bar yin no zhe na/ de lta na ni 'o na khyod nyid yid ches pa med par gzhan ji ltar rtogs par byed/ bdag re zhig de ltar yin te gzhan ni ji ltar zhes mi shes so zhe na/ 'on ni mi smra ba nyid thob bo/ /gzhan yang de lta bu nyid du 'gyur ba yin no zhe na/ ma yin te tshad ma med pa'i phyir ro/ /des na 'di ni gyi na'o/ /des na gzhan rtogs pa yod pa des na gzhan gyis kyang rjes su dpag pa khas blangs par bya ba yin no/ /slu med phyir de tshad ma nyid/ /gal te la la dag tu mi 'khrul phyir yid brtan med ce na/ /rtags log mthong phyir de de 'dra/ /tshad ma'i mtshan nyid ni mi slu ba yin la/ de ni rjes su dpag pa la yod pas ni tshad ma nyid do/ /'on te la lar slu ba yang mthong ba'i phyir bzlog par 'gyur te/ 'di ltar na de'i bu yin pa'i phyir sngo bsangs so zhes bya bas 'khrul ba dang 'brel pa yin yang rjes su dpag pa yin no zhe na/ de ni mi rigs te/ de ni rjes su dpag pa nyid ma yin te/ 'brel pa med pas rtags ltar snang ba las skyes pa'i phyir ro/ /de'i bu nyid ni sngo bsangs dang 'brel pa ma yin no/ /tshogs pa gcig la rag las pa nyid kyis na mtshungs pa nyid yin no zhe na/ ma yin te tshogs gcig la rag las pa nyid med pa'i phyir te/ las dang zas dang dus kyi khyad par srid pa'i phyir ro/ /tshogs pa gcig la rag las pa yin na ni cig cer skye bar thal lo/ /des na rtags kyi de kho na'i rang bzhin ma mtshon pa'i phyir gtan tshigs ma yin pa la yang gtan tshigs su lhag par sgro btags pa na 'khrul par bsams pa yin no/ /ci ste rjes su dpag pa thams cad ni 'di lta bu'i tshul can yin te/ khyad par gzhan ni rtogs pa med pas na gang zhig mi 'khrul pa yin snyam na de yang mi rung ste 'di ltar/ gang las 'ga' tshe dngos dga' la/ /de rtogs pa ni grub gyur pa/ /de ni de las skyes pa 'am/ /de yi ngo bor gdon mi za/ /de'i bdag nyid dang de las byung ba'i mtshan nyid kyi 'brel ba dang ldan pa'i rtags ni go bar byed pa yin te/ gzhan ni de ltar snang ba yin pa'i phyir ro/ /gang las 'khrul pa med pa bsgrub par bya ba rtogs pa de ni nges pa kho nar de la skyes pa 'am/ de'i rang bzhin du nges pa yin no/ /de lta ma yin na ni 'khrul ba med par rtogs pa mi srid de/ ha cang thal bar 'gyur pa'i phyir ro/ /thams cad las ni thams cad la rtogs pa skye ba ma yin te/ res 'ga' ba nyid du dmigs pa'i phyir ro/ /de'i phyir rtogs pa 'di ni gdon mi za bar 'brel ba dang ldan pa'i don gyis bskyed pa yin la 'brel pa yang rnam pa gnyis kho na'o/ /tshogs pa gcig la rag las pa la yang brgyud pas de las byung ba'i mtshan nyid kho nas 'brel pa yin pas de nyid las ma 'khrul pa yin no/ /'di ltar/ rang gi rgyu 'am ngo bo dag /med par don ni srid min pa/ /de dag rang bzhin mthong gang yin/ /de nyid gzhan du mtshan nyid yin/ /'bras bu dang rang bzhin gyi gtan tshigs gang yin pa'i mtshan nyid mthong ba gang yin pa de nyid gang du yang mtshan nyid yin no/ /de'i bu la sogs pa nyid la ni de yod pa ma yin te/ des na thams cad la yid brtan du med pa ma yin no/ /mtshan nyid dang ldan pa la gnod pa srid na ni/ de'i mtshan nyid sun phyung ba nyid du 'gyur bas thams cad la yid brtan du med par 'gyur gyi/ gzhan du ni ma yin no zhes bya bar rigs so/ /rgyu 'am rang gi ngo bo med par ni 'ga' yang srid pa ma yin no te/ de ltar rtogs pa yin na thams cad du tha snyad chad pa nyid du 'gyur ro/ /'di ni tha snyad pa'i tshad ma'i skabs yin gyi gzhan ni ma yin no/ /des na tha snyad pa dag gis ni gdon mi za bar rjes su dpag pa don du gnyer bar bya ba yin no/ /thabs med par ji ltar 'jug ce na/ ma yin te/ thabs rab tu grub pa'i phyir ro/ /rnam par dpyad na 'jig par 'gyur ro zhe na ma yin te/ rnam par dpyod pa yang rjes su dpag pa'i bdag nyid yin pa'i phyir ro/ /de ni lam du 'gro ba bzhin ba nyid na lam de nyid brjod par gyur pa yin no/ /'o na mi dmigs pa la 'brel pa ci yod ce na/ de'i bdag nyid dang de las byung ba'i mtshan nyid kyi 'brel pa de nyid do zhes ston par byed do/ /'di ltar/ blta rung rang gi ngo bo'am/ /rang rgyu mthong ba'i rgyu gzhan dag / yod par snang ba med na ni/ /de dang ldan pa'ang ji ltar yod/ /gang phyir 'di der 'brel pa de nyid kyi phyir de med pas med par 'gyur ba yin te/ de lta ma yin na/ gzhan med pas ji ltar med par 'gyur/ /de lta na ni ha cang thal bar 'gyur ro// gal te de med na med pa de lta na de 'brel pa yin te/ de lta ma yin na 'brel pa med par 'gyur ba'i phyir ro/ /de'i phyir gang du dmigs pa'i mtshan nyid du gyur pa'i rgyu 'am khyab par byed pa ma dmigs pa der ni de dag med pa yin la/ de dag med pa gang yin pa de na 'bras bu dang khyab par bya ba dag kyang mi srid pas na mi dmigs pa yang 'khrul pa med do/ /de ltar na 'bras bu dang rang bzhin dang mi dmigs pa rnam pa gsum gcar gyi rjes su dpag pa yang yod do zhes bsgrubs pa yin no/ /gang gi phyir/ spyi'i blo ni tshad min na// med pa thob 'gyur pha rol gyi/ /dngos bzhin gal te dbang rnams kyis/ /dus gzhan du ni rtogs she na/ /de min dbang dang nus sogs la/ /dbang po'i blo ni mi srid phyir/ /med par rtogs pa yin na ni/ /blo dang skye ba rgyu med 'gyur/ /gal te spyi'i blo tshad ma ma yin pa nyid na de'i tshe lkog tu gyur pa zhes bya ba'i gzhal bya med do zhes bya bar 'gyur te/ 'jig rten pha rol nyid bzhin no/ /'on te lkog tu gyur pa'i don thams cad ni med pa ma yin te/ dbang po rnams kyis rim gyis rtogs pa'i phyir ro/ /'jig rten pha rol la ni dus gzhan du yang dbang po 'jug pa ma yin te des na rnam pa de lta bu nyid med pa yin no/ /zhe na 'o na gang gi tshe rtogs pa de nyid kyi tshe yod mod sngar yod pa go ga las sngar yang gzhan gyi rtogs pa des na yod pa ma yin no zhe na/ 'jig rten pha rol yang sngar gzhan nam rang gis ma rtogs so zhes bya ba ga las yin zhing 'jig rten pha rol las gzhan yang gzhan gyi rtogs so/ zhes bya ba ga las yin/ de ltar tha snyad byed pa las so zhe na rjes su dpag pa tshad mar 'gyur ro/ dbang po 'am rung ba nyid la ni rnam grangs kyis dbang po 'jug pa ma yin te/ 'bras bu dang rang bzhin gyi gtan tshigs las byung ba'i rjes su dpag pa nyid kyis rtogs pa yin pa'i phyir ro/ /de med na ni don rnams kyi skye ba dang blo rgyu mtshan med pa kho nar 'gyur/ /de'i phyir 'bras bu mthong pa dang/ /'bras bu rtogs pas rung ba nyid dang/ mig la sogs pa rjes su dpag pas na yod pa nyid yin gyi/ de la dbang po'i byed pa ni rnam grangs kyis 'jug pa ma yin no/ /des na 'jig rten pha rol la sogs pa yang de lta bu nyid do/ /des na rjes su dpag pa med par ni spyi mi rtogs so/ /'di ltar/ rnam rtog med pa nyid kyis na/ /rang gi mtshan nyid la mngon sum/ /rnam rtog med par spyi 'dzin min/ /de phyir de la rjes dpag nyid spyi nges par 'dzin pa'i rang bzhin gyi rtogs pa yang tha snyad kyi rgyu yin na/ spyi rnam par rtog pa med pas ni 'dzin pa ma yin no/ /mngon sum ni rnam par rtog pa dang bcas pa ma yin te/ rnam par spyod pa med pa'i phyir ro/ /de'i phyir spyi'i yul can gyi rjes su dpag pa yin gyi/ mngon sum ni ma yin no/ 'o na kha dog la sogs pa de mi rtag pa la sogs pa'i rnam pas 'dzin pa de ji ltar/ 'di ni rang dang spyi'i rang bzhin 'dzin par byed pa yin no/ /khyed ni gzhal bya nges par 'dod pa yin no/ /gzhal bya des na kha dog ni/ /mi rtag nyid du rtogs mi 'gyur/ /de blo tshad ma gzhan 'gyur te/ /rtags med par ni yod phyir ro/ /gzhal bya nges pa zhes bya ba 'di rang gi mtshan nyid dang spyi'i mtshan nyid so sor nges pa'i tshad mas bzung ba nyid yin na/ kha dog la sogs pa mi rtag pa nyid do zhes bya ba 'di ni 'dren mar rtogs pa yin te/ rang dang spyi'i mtshan nyid dag phan tshun 'dres par rtogs pa'i phyir ro/ 'dres na gnyi ba'i rang bzhin rtogs pa tshad ma gzhan du thal bar 'gyur ro/ /rtags med par yang yod pa'i phyir na 'di rjes su dpag pa ma yin la spyi 'dzin pa'i phyir mngon sum yang ma yin no/ /rang gi mtshan nyid la ni rjes su dpag pa yang ma yin pas na 'di ni tshad ma gzhan nyid de/ rtags med par bya ba'i phyir dang/ spyi yang snang ba'i phyir ro khyad par mthong ba'i rjes su dpag pa la yang spyi rtogs pa med de/ spyi dang rtags 'brel pa ma grub pa'i phyir ro/ de smras pa ni/ khyad par mthong la rtags dang ni/ /'brel par rtogs pa med pa'i phyir/ de ni tshad ma gzhan yin no/ /gzhal bya mang phyir tshad ma rnams/ /mang po nyid dam gcig la yang/ /du ma nyid ni 'jug phyir te/ /gcig gsum grangs kyang sel mi 'gyur/ /dper na khyad par mthong ba bzhin/ /yul nges pa ni med phyir dang/ /gzhal bya gzhan ni yod phyir ro/ /kha dog la sogs pa ni mi rtag go zhes bya ba 'di la ni rtags 'ga' yang yod pa ma yin no/ /de ni mngon sum yang ma yin te/ spyi mi rtag pa nyid kyang rtogs pa'i phyir ro/ /khyad par mthong ba la yang khyad par nyid rtogs pa yin te/ rtags de dang spyi 'brel pa med pa rtogs pa'i phyir ro/ /des na de ni khyod kyi 'dod pa dang sbyar na tshad ma gzhan yin par 'gyur ro/ /dngos su rtogs pa med pa'i phyir na/ mngon sum ma yin/ spyi yul can ma yin pa'i phyir rjes su dpag pa ma yin no/ gzhan yang spyi dang khyad par dang gnyi ga'i dbye bas gzhal bya mang po yod pa'i phyir tshad ma rnams mang po nyid pas gsum gyi grangs sel ba ma yin la/ tshad ma du ma yang gcig la 'jug pas grangs cig sel pa ma yin te/ dper na khyad par mthong ba dang lhan cig mngon sum rang gi mtshan nyid gcig la 'jug pa bzhin no/ /de bzhin du spyi la yang mngon sum 'jug par 'gyur ro/ /des na gzhal bya gnyis mthong ba'i phyir/ grangs gcig gsal ba yin no/ zhes gang brjod pa der mi 'gyur te/ mngon sum nyid spyi la 'jug pa srid pa'i phyir ro// yul nges pa yin na gzhal bya gzhan med pas gsum dang gcig gi grangs bsal bar 'gyur ba yin la bshad pa'i tshul gyis na gnyi ga yang yod pas mngon par 'dod pa'i dgos pa mi 'grub ste/ tshad ma ma nges par 'jug pa'i phyir dang/ gzhal bya mang ba'i phyir tshad ma mang bas so/ /gal te don byed nus dang mi nus phyir zhes bya ba la sogs pas gzhal bya mang po nyid bsal ba ma yin nam/ de ji ltar na 'di nye bar 'gong ce na bden mod kyi 'di yang mthong ngo zhes nye bar bstan par 'gyur ro/ /yang na pha rol po 'ga' ba ni 'grul ba can nye bar ston par byed pas na skyon med do/ /tshad ma ma nges par 'jug pa nye bar bstan pa ni 'thad pa kho na yin no/ /de phyir lkog gyur don thams cad/ /khyad par du ni rtogs mi 'gyur/ zhes bya ba 'di yang ma grub pa brjod pa yin te/ des na gsum dang gcig gi grangs bsal ba ma yin no zhe na/ 'di la bshad pa/ skyon 'dir thal bar mi 'gyur te/ /kha dog spyi la sbyor phyir ro/ /kha dog la sogs pa mi rtag pa'o zhes kha dog gi spyi mi rtag pa nyid dang 'byor bar byed do/ /des na spyi'i ngo bo gcig pu nyid gzhal bya yin gyi/ gnyi ga'i rang bzhin ni ma yin pas nyes pa 'di med do/ /spyi dang khyad par gyi ngo bo yin na ni yul nges pa med pa'i phyir dang/ gzhal bya gzhan yang yod pa'i phyir ro zhes bya ba'i skyon 'dir 'gyur gyi/ spyi gcig pu yin pa la ni ma yin no// gal te mi rtag pa nyid kha dog gi spyi teng? dang sbyor bar byed na de dngos po'i chos ma yin par 'gyur te/ chos gang zhig gang la ldan par rtogs pa de ni de nyid kyi chos yin no/ /spyi yang spyi dang ldan pa yin na de'i rang bzhin yin gyi/ dngos po'i ni ma yin no/ /spyi ni dngos po ma yin pa'i phyir ro/ de'i chos ni dngos po med pa'i chos nyid du 'gyur ro zhe na/ de ni ma yin te/ 'di ltar/ dngos med ngo bo yin de nyid/ /de ltar grub pas sgrub phyir ro/ /gzhan la gzhan grub min zhe na/ /ma yin de nyid grub phyir ro/ /gal te spyi btags pas dngos po ma yin pa'i phyir dngos po'i chos ma yin na/ mi rtag pa la sogs pa de yang dngos po nyid ma yin par 'gyur ro/ /gnyi ga yang dngos po'i ngo bo nyid? ma yin no zhe na/ ma yin te dngos po nyid de ltar grub pas so/ /rnam par rtog pa la snang ba'i kha dog la sogs pa mi rtag pa nyid la sogs pa gang yin pa de ni rang gi mtshan nyid la yang yod pa kho na yin te/ rang gi mtshan nyid nyams su myong ba nyid las 'di'i ngo bo'i rnam par rtog pa skye ba'i phyir ro/ /gal te rnam par rtog pa rang gi mtshan nyid la 'brel ba ma yin na de la rang gi mtshan nyid mi snang ba'i phyir ji ltar de nyid de ltar grub pa yin zhe na/ ma yin te/ rgyud nas 'brel pa'i phyir ro/ /dngos su ma 'brel par yang rgyud nas 'brel pa'i phyir rnam par rtog pa de nyid ni mi bslu ba dang ldan pa nyid do/ /gal te bag chags dang 'brel ba yin na ji ltar dngos po dang 'brel pa nyid yin zhe na/ bag chags de dngos po dang 'brel pa'i phyir ro/ /ji ltar zhe na/ dngos gang ji lta bur gyur pa/ /de 'dra de ni rtags sems kyi/ /rgyu yin de las de lta yi/ /dngos la de skyes rtags can blo/ /bsgrub par bya ba'i chos gang yin pa de ni bsgrub par byed pa'i rgyu 'am/ khyab par byed pa yin no/ /zhes bstan zin to/ /rgyu dang khyab par byed pa yang 'bras bu dang khyab bya'i sems kyi rgyu yin la/ sems de las kyang rtags can gyi blo skye ba de ni brgyud nas dngos po la 'brel ba yin no/ /des na de ltar rtags dang rtags can blo/ /brgyud pa yi ni dngos po la/ /'brel phyir der snang ba yis ni/ /stong yang sla byed nyid ma yin/ /snang ba nyid las dngos po thob pa ni ma yin te/ lhag par zhen pa las kyang dngos po 'thob pa yod pa'i phyir ro/ /'jug pas 'thob pa yin gyi snang ba tsam gyis ni ma yin no/ /'jug pa ni lhag par zhen pa las kyang mthong ste/ de lta ma yin na snang ba las kyang 'jug par mi 'gyur ro/ /dang po lhag par zhen pas 'jug na phyis goms pa las snang bas 'jug par nus pa yin no/ /des na zhugs shing yod pa nyid na thob pa yin no/ /ji ltar snang ba yod pa nyid yin pa de bzhin du snang ba'i rgyu dang khyab par byed pa yang yin pas gnyi ga la yang thob pa yod par 'gyur ro/ /snang ba 'di 'ga' yang thob pa ma yin no/ /zhes bya ba 'di ni sngar dpyad pa nyid do/ /ji ltar snang ba las yod par shes pa de bzhin du 'brel pa snang ba las kyang yin no/ /gal te thob pa'i yul med par 'di na ni 'gro ba snang ba tsam du 'gyur te/ 'khrul pa dang ma 'khrul pa'i dbye ba nges par mi zin pa'i pa'i phyir ro/ /snang ba tsam la ni 'khrul pa dang cig shos kyi dbye ba yod pa ma yin no/ /de'i phyir lkog tu gyur pa rtogs pa na 'khrul pa dang ma 'khrul ba rnam par gnas par 'gyur gyi gzhan du ni ma yin no zhes nges so/ /de ltar rtags dang rtags can blo/ /brgyud pa yis ni dngos po la/ /'brol phyir der snang pa yis ni/ /stong yang slu byed nyid ma yin/ /de yi ngo bos stong de la/ de yi ngo bos zhen pa'i phyir/ /de dngos slu byed nyid min yang/ /'khrul par rnam gzhag byas pa yin/ /'di la kha cig na re/ du ba la sogs rtags can dang/ /'brel par rtogs pa'i blo ni rtags kyi blo yin no/ /rtags ni dbang po bzhin du yod pa tsam gyis go bar byed pa ma yin la/ rang la dmigs pa'i rnam par shes pa la snang ba tsam gyis kyang ma yin te/ de'i rang bzhin dang 'brel pa ma mthong bas kyang rtogs par thal ba'i phyir ro/ /de'i phyir 'brel pa nyid du 'dzin pa ni rtags 'dzin pa yin no/ /'brel pa de yang gnyi ga'i rang bzhin la ma reg par ni gzung bar mi nus te gzhan du 'dzin pa ma mthong ba'i phyir ro/ /de la ji ltar rtags can 'dzin pa rtags can gyi yul can yin pa de bzhin du rtags 'dzin pa yang yin no/ /'on kyang gtso bo dang cig shos nyid de rtags can 'dzin pa na ni rtags can gtso bo nyid du rtogs la rtags 'dzin pa na ni rtags gtso bo nyid du yin no/ /des na ji skad 'dir rjes su dpag pa ni rtags can gyi shes pa yin pa de yang mi bslu ba dang/ 'khrul par bstan pa'i skabs su rtags rtogs pa'i skabs de ci zhig yod na gang gis de yang dpyod par byed/ /ci ste de yang rjes su dpag pa'i bdag nyid yin no zhe na/ de lta na ni rtags can rtogs pa nyid yin pas so sor mi brtan to/ gal te rtags rtogs pa mngon sum gyi rang bzhin yin na yang de rtags snang bas stong pa ma yin no/ /rtags can snang bas stong pa nyid yin na yang 'khrul pa ma yin te/ de ni yul ma yin pa'i phyir ro/ /bum pa'i rnam pas stod pas ni ka? po'i shes pa 'khrul par mi 'gyur ro zhes brjod pa de bsal ba yin te/ rtags dang rtags can gyi blo dag gi yul ni gcig pa'i phyir dang/ mngon sum ma yin pa'i phyir ro/ /zhes zer ro/ /'dir brjod pa/ gal te rtags 'brel de nyid du/ /'dzin pa rtags kyi blo yin zhing/ /'bras bu'i chos kyi 'brel pa ni/ /rjes su dpag pa las yin na/ /de lta yin na thug med 'gyur/ /de la'ang rjes su dpag pa ni/ /gzhan zhig kho nas 'brel shes shing/ /dor yang dor las gzhan gyis yin/ /'on te rtags ni mngon sum gyis/ /rtags nyid du ni rtogs byed na/ /de ltar yin na der snang bas/ /stong pa nyid du ji ltar 'gyur/ /ci ste du ba la sogs pa mngon sum gyis bzung yang de'i tshe rtags nyid du dran pa ma yin no zhe na/ de ltar na dran pa tshad ma ma yin pas de mi bslu ba nyid du bstan pa la ci bya/ de ni de las tshad ma ma yin te/ tshad ma nyid kyi mngon sum dang rjes su dpag pa dag kho na mi bslu ba dang 'brel pa yin no/ /'on te brgyud bas 'brel pa'i phyir dran pa yang tshad ma nyid do zhe na/ 'on na ni de nyid rtags can gyi shes pa dang rjes su dpag pa yin pas rtags dang rtags can gyi blo tha dad du bstan pas ci bya ste bzung ba 'dzin pa'i phyir de tshad ma ma yin par brjod do zhe na/ de ltar gyur na sngar zhugs pa'i mngon sum nyid de la tshad ma yin la der yang de snang bas stong ba ma yin pa'i phyir 'gal lo/ /de'i phyir gzhan du bshad par bya ste/ rang bzhin gyis gtan tshigs las skyes pa'i rtags can gyi blo ni rtags kyi blo de la don dam par rtags dang rtags can dag tha mi dad pa'i phyir ro/ /'bras bu'i rtags kyi rtogs can gyi blo'i yul ni rgyu yin pas der tha dad pa'i phyir de'i yul de rtags kyi blo ma yin no/ /shin tu goms pa las du ba glo bur las rang gi mtshan nyid 'dzin pa'i du ba'i blo las me'i blo mi skye ba yang ma yin no/ /du ba de nyid du bzung ba kho na 'brel pa yin la/ de nyid kyang ngo shes pa las ngo shes pa yang de'i rang bzhin mthong ba las rjes su dpag pa kho na'o/ shin? tu noms? pa las de'i rang bzhin mthong ba ni mngon sum tha snyad kyi rgyu yin pa'i phyir thug pa med pa ma yin no/ /de'i phyir rang gi mtshan nyid 'dzin pa kho na rtags rtogs pa yin no/ /de'i me dang 'brel pa nyid gang yin pa de ni spyi 'dzin pa yin no/ /de'i rang bzhin mthong ba las skyes pa ni rtags can gyi shes pa'i rang bzhin rjes su dpag pa nyid yin pas gzhan du tha snyad mi bya'o/ /de'i phyir dngos po rtogs bya la/ /khyab byed de yi ngo bo'am/ /rgyu dag khyab par bya sems kyi/ /rgyu mtshan de yang de blo yin/ /bsgrub par bya ba ni rnam pa gnyis te dngos po dang de dgag pa'o/ /dngos po bsgrub par bya ba la ni khyab par byed pa bslab bya yin la de yang khyab par bya brtags kyi ngo bo'am rgyu yin no/ /gang gi phyir khyab par byed pa de khyab par bya ba'i sems kyi rgyu mtshan yin la khyab par byed pa de yang khyab par bya ba rtags kyi ngo bo'am rgyu yin no/ /de yang khyab par byed pa'i sems kyi rgyu mtshan yin pas brgyud pas 'brel pa yod pa'i phyir tshad ma yin no/ /mi dmigs pa ji ltar tshad ma yin pa ston pa na/ dgag pa nyid ni thams cad du/ /mi dmigs pa las 'grub pa yin/ /tshad mas grub par smra rnams kyi/ /don gyis bzlog pa nyid las yin/ /gang du dgag pa sgrub par byed pa zhes bya ba de thams cad ni mi dmigs pa kho na yin no/ /gang du dngos po sgrub pa'i phyir tshad ma 'jug pa der ni dngos po nyid grub kyang de dgag pa ni ma yin no/ /des na bzlog pa nyid kyis dgag pa bsgrub po/ /'di ltar dmigs par rigs pa ma dmigs pa na med do zhes brjod pa yin no/ /de tsam dang rjes su 'brel pa yin pa'i phyir/ mi dmigs pa nyid dgag pa yin pas de'i bdag nyid kho nas 'brel pa yin no/ /'gal ba yang dngos su sam brgyud pas 'brel pas de las khyad dngos po dgag 'grub pa mthong ba ma yin nam/ dper na 'di na grang ba'i reg pa med de ma yod pa'i phyir ro/ /'di la spu long zhes byed pa la sogs pa'i bye brag dag med de gdung bar byed pa'i phyir bye brag nye ba'i phyir ro zhes bya ba lta bu yin te de ji ltar mi dmigs pas sgrub bo zhe na/ 'di la lan/ de ni yin na/ 'on kyang 'gag la de'am de rgyu dang/ /'gal ba brjod pa mthong gang yin/ /de yang de yi tshad ma nyid/ /med pa ston par byed pa yin/ /'gal pa'i don ni de med pa go bar byed pa yin na yang/ /'gal ba'i 'brel pa nyid las ni ma yin te/ 'gal ba ni 'jal bar 'dod pa ma yin no/ /med pa'i tshul du 'jal bar 'dod pa yod pa yin no zhe na/ de lta na ni 'o na med pa nyid dang 'brel par nges par bya ba yin na ni de dang lhan cig 'gal ba med do/ /gang na de yod pa der med par 'gyur ba yin no zhe na/ de ga las de lta bu nyid du mthong ba'i phyir ro zhe na/ ci med pa de 'gal pa 'dzin pa'i dus su dngos por dmigs pas/ de lta ma yin na/ gal te dmigs na ji ltar med pa yin te/ ma dmigs na ni mi dmigs pa kho na las dgag pa 'grub bo zhes bya bar grub bo/ /gzhan du dngos gcig yod brjod pas/ /gzhan med de ni gang las rtogs/ /'gal phyir zhe na de nyid kyang/ /cis grub lhan cig mi gnas phyir zhe na/ da ni ga las 'dod/ snang ba ma?? med phyir zhe na/ /de ni tshad ma nyid ma yin/ /gal te gcig yod pas gzhan med na thams cad yod na gzhan 'gog par 'gyur ro/ /lhan cig mi gnas pa'i mtshan nyid kyi 'gal ba yang mi dmigs pa med par ma rtogs so/ /gal te de lta na mi dmigs pas 'gal bar rtogs pa yin la/ 'gal ba'i rtags de las med par rtogs pa yin gyi mi dmigs pas ni ma yin no/ /ci ste 'gal ba grub pa'i mi dmigs pa sngon byung pa de'i rjes su 'brangs pa nyid kyis 'gal ba'i rtags las kyang dngos po med pa rtogs pa yin pa'i phyir/ de nyid don dam par med pa'i sgrub par byed pa yin no zhe na/ gal te de lta na ni/ 'brel pa grub par bya ba la/ 'kho bar mthong ba gang yin des/ /gal te bsgrub bya bsgrub 'gyur na/ /rjes dpag tshad ma ji ltar 'gyur/ /rjes su dpag pas 'brel ba ni/ /'dzin pa mngon sum la brtan yin/ /bsgrub bya grub pa'i? da? de nyid las/ /yin phyir rjes dpag tshad ma min/ /rjes su dpag pa'i 'brel pa 'dzin pa'i mngon sum de nyid kyis sgrub par byed pa me grub pa'i phyir rjes su dpag pa tshad ma gzhan du ji ltar 'gyur/ ci ste lkog tu gyur pa'i me la mngon sum mi 'jug pa'i phyir der rjes su dpag pa yin no zhe na/ lkog tu gyur pa'i med pa la yang mi dmigs pa ji ltar 'jug/ 'jug pa gang yin pa de ni dmigs pa'i mtshan nyid du gyur pa'i mi dmigs pa ma yin no/ /ci ste dmigs pa'i mtshan nyid du gyur pa'i mi dmigs pa dran pa yin no zhe na/ de'i 'di yang gzhung lugs ngan pa yin te/ gang phyir rjes su dpag pa la'ang/ /mngon sum dran pa med min pas/ /der yang mngon sum 'ba' zhig ni/ /tshad 'gyur rjes dpag don med do/ /de'i phyir 'di la de kho na nyid can gyi don ni 'di yin te/ me las drang ba med par ni// sngar ni dmigs pa la brten pa/ /des na de'i 'brel grub pas/ /de med par ni sgrub pa yin/ /med pa de yang mi dmigs pa nyid yin te/ des na rjes su dpag pas grub pa'i mi dmigs pa nyid med pa'i tha snyad sgrub par byed pa yin no/ /dper na mngon sum gyis grub pa bzhin te/ des na mi dmigs pa 'di ni mngon sum rang nyid las grub pa yin zhes gang 'chad par 'gyur ba ltar 'di yang rjes su dpag pas/ rtogs so zhes khong du chud par bya'o/ /gang gi tshe spu langs pa med pa sgrub pa de'i tshe mes grang ba mi dmigs pa yin la/ de mi dmigs pa de ni spu langs pa med pa yin no/ /chags? pa gcig la rag las pa mi'i gzugs kyis ni dro ba'i bdag nyid kyi reg pa spog pa yin no/ /de yang grang pa med pa'i rang bzhin yin te/ rjes su dpag pa de ni dmigs pa nyid ni grang pa mi dmigs pa yin no/ nges na 'bras bu'i gtan tshigs dang/ rgyu mi dmigs pa gnyis gcig la 'jug pa'i phyir 'gal ba ni rtags gzhan ma yin no/ /des na rjes su dpag pas grub pa'i mi dmigs pa nyid med pa'o/ /thur? byed pa yin te/ de'i? phyir ro? ni rjes su dpag pa'i rjes su dpag pa nyid do/ /gal te de lta na ni rjes su dpag pas mngon sum sgrub cing/ nges dngos po yod pa yin pa'i phyir/ rjes su dpag pa dngos po'i yul can gyi tshad mar mi 'gyur ro zhe na/ de yang gyi na te/ 'di ltar dmigs pa'i rang bzhin gyi/ mngon sum gyis dmigs pa yod pa yin pa'i phyir te/ des na rjes su dpag pa dngos po'i yul can yin no/ /mi dmigs pa nyid med pa yin no zhe na/ yin mod ci skyon med med par sgrub kyi mi dmigs pas ma yin pa'i phyir skyon tsha'o? zhe na/ me? nyid grang ba med pa yin no/ /de'i phyir de de nyid kyi sgrub par ji ltar 'gyur/ dro bas yul ci tsam khyab pa de tsam du brang ba med pa'i phyir grang ba med pa ni dro ba las gzhan ma yin no/ /'di ni rang bzhin gyis gtan tshigs yin no zhe na/ mi dmigs pa ni rang bzhin gyi gtan tshigs nyid du 'dod pa yin no/ /des na 'di na grang pa'i reg pa med de me yod pa'i phyir zhes bya ba ni 'bras bu dang dang bzhin gyi gtan tshigs su bstan to/ /de phyir rang sgras brjod na yang/ /de nyid med pa'i sgrub byed yin/ /gang la de ni tshad min des/ /dgag pa rnam kun brjod bya min/ /me la sogs pa 'gal ba gang zhig rang gi rgyus brjod pa bstan kyang/ gzhan yod pa'i mtshan nyid kyi mi dmigs pa de nyid med pa sgrub par byed pa yin no/ /gang la des tshad ma ma yin pa des ni 'gal ba yod pa la dgag par mi bya'o/ /dgag pa la ni rnam pa gzhan yang srid pa ma yin no/ /des ni de dang 'gal don gyi/ /'bras bu brjod pa bshad pa yin/ /thams cad du ni sbyor nyid dang/ tha dad don la tha dad med/ /dgag par bya ba grang ba la sogs pa dang 'gal ba mi la sogs pa'i don gyi 'bras bu gang yin pa de la yang rjes su dpag pa'i rjes su dpag pas grub pa'i mi dmigs pa'i tha snyad las dngos po med par sgrub par byed pa yin no/ /'di ltar/ 'bras gyur du bas me grub cing/ /grangs med sngar bshad tshul gyis bsgrub/ /gzhan du grangs med mi 'grub pas/ /der yang brgyud na smed pa 'grub/ /du ba las ni me yin la/ /grang ba'i rigs pa med pa'i rang bzhin/ dmigs pa las bzlog pa'i me las ni grang ba med pa'i tha snyad yin pa'i phyir te/ des na sbyor ba dgod pa'i tshul 'ba' zhig tha dad do/ /'gal dang de ni thabs bcas pa/ /bsgrub dang bkag pa med par ni/ /dgag la tshad smra gang yin te/ /rigs pa'i rjes 'brang can min te/ /smra la sogs pas kun mkhyen dang/ /'jig rten gzhan sogs med sgrub bzhin/ /dbang po las 'das don rnams dang/ /'gal ba grub pa med phyir ro/ /smra ba ni thams cad shes pa dang 'gal ba ma yin te/ dbang po las 'das pa dang ni lhan cig 'gal ba mi 'grub po/ /tshig ni shes pa nyid las 'dug pa yin na de med par sgrub par ci ltar byed/ thams cad shes pa nyid dang ni 'gal lo zhe na/ gang gis 'gal bar 'dzin/ gal te shes pa khyad par dang 'phel pa'i rjes su 'gro ba smra ba nyid 'grib par mthor na thams cad legs par 'gyur te thams cad shes pa la smra ba nyid thams cad med pa kho nar 'gyur na de ltar ni ma yin no/ /gal te smra ba po thams cad mkhyen pa ma yin par dmigs so zhe na/ smra ba po rmongs par mthong ba'i phyir/ thams cad rmongs par ci ste mi 'gyur/ /smra ba po mkhas pas mthong ba'i phyir ro zhe na/ de yang dmigs par mi 'gyur ro/ zhes bya ba ga las 'di ltar/ gal te smra po rigs yin na/ /gnod bya gnod byed ngo bo gang/ de 'dra mi dmigs phyir zhe na/ /de nyid sgrub byed yin par 'dod/ /dper na rmongs pa smra ba ni/ /mkhas pa'i dus su de med kyang/ /khyad par dang bcas te smras pa de bzhin du/ gal te thams cad mkhyen pa'i gnas skabs suAng 'gyur na ci 'gal/ tshigs ni shes pa phul du byung ba dang 'gal ba ma yin no/ /shin tu phul du byung bar dgos pa dang 'gal lo zhe na/ ma yin te/ 'gal ba 'dzin pa med pa'i phyir ro/ /de lta bu'i smra ba po la mi dmigs pa kho na'o/ zhes bya ba ni lan du mi rung ste/ mi dmigs pa ni snang ba'i yul tsam nyid kyis go bar byed pa yin no/ /mi dmigs pa ni de lta bu/ /nges byed min pa rab tu brjod/ /de phyir shin tu lkog 'gyur la/ /yod med nges pa yod ma yin/ /thams cad mkhyen pa dang 'jig rten pha rol med pa la sogs pa shin tu lkog tu gyur pa ni ma dmigs pa tsam gyis med par mi nges pa'i phyir ro/ /'on te yang thams cad mkhyen pa 'khrul pa bral ba tshig ga las 'byung ste/ snga ma dang phyi ma ste 'jug par 'dod pa'i 'khrul pa skyes na ni tshig la 'jug par byed pa yin no snyam na/ de yang yang dag pa ma yin te/ don kun bsal ba nyid du ni/ /shes kyang brjod 'dod 'jug 'gyur te/ goms phyir de la brjod pa ni/ /gang las med par 'gyur ba yin/ /bsgoms pa las brten nas don dpag tu med par shin tu gsal bar mthong ba dang/ dus mnyam par goms pa las brjod par 'dod pa mi 'byung ba ni ma yin no/ /brjod par 'dod pa med kyang sngon gyi 'phen pa las tshig 'byung ngo/ /nye bar gnas pa'i rjod par 'dod pa nyid ni tshig gi rgyu ma yin te/ yid gzhan du yengs kyang sngon gyi 'phen ba las tshig dang dag ma 'dres par 'don par mthong ba'i phyir dang/ sngar goms par bya ba du ma rtsom pa yang mthong ba'i phyir ro/ /'dis ni snga ma dang phyi mar 'dzin pa med kyang rtogs pa po nye bar gnas pa la ji ltar brjod par 'gyur zhes bya ba de yang bsal ba yin te/ dgra ni nye bar rtsam nyid las/ /rtog pa med par dang po nyid/ /khro ba yis ni kun bslang ba/ /de bzlog pa la 'jug par rtsom/ /dper na sngar goms pa las/ gnyid sad ma thag tu mtshon 'byin pa la sogs pa dgra la brdeg pa la sogs pa dang/ rjes su mthun pa nyid rtsom pa/ de bzhin du thams cad mkhyen pa yang thams cad mdzad pas mi 'gal lo/ /de'i phyir 'gal ba nyid las 'gal zla med par nges pa yin no/ /gal te chos ni tha dad dam/ /tha dad med la rab sbyor te/ /kha ba med par bsgrubs pa la/ /me dang skye la yod gnod bzhin/ /grang ba dang dro ba dag ni phan tshun tha dad pa'i phyir lhan cig me gnas pa'i mtshan nyid kyi 'gal ba yin no/ /yod pa dang skye ba dag ni phan tshun spangs pa'i mtshan nyid kyis tha dad pa med pa yin no/ /skye ba ni yod pa las tha dad pa ma yin pa la yang yin no/ /yod pa nyid ni skye ba ma yin te/ cha med par thams cad yod pa ni skye ba don med do/ /tha dad pa med pa dag phan tshun 'gal bar ji ltar 'gyur zhe na/ gzhan gyi tha mi dad par khas blangs pa'i phyir de skad brjod pa yin no/ /gal te 'gal ba zhes bya ba 'di ci yin zhe na/ zlog par byang ba dang bzlog par bya ba'i ngo bo'o/ /'di ltar/ mtshan med rgyu can gcig de las gzhan/ /yod na gang tshe 'byung ba med 'gyur ba/ /de nyid 'gal ba nyid ni yin pa de/ /me dang grang ba'i bdag nyid ma mthong ngo/ /gal te gzhan gyis gzhan med par byed pa de mi 'thad pa ma yin no/ /med pa la ni 'bras bu nyid med pa'i phyir ro/ /de ste mi byed na ni de'i tshe rang nyid 'jig pas gzhan dang 'gal ba ci yod/ /skad cig ni gzhan gyis 'jigs par byed pa ma yin te/ skyes pa dang ma skyes pa'i gnas skabs dag las mi 'thad pa'i phyir ro/ /ma skyes pa ni med par gang zhig 'gal ba 'am 'jigs pa yin/ skyes pa yang rang gi dus su 'jig par mi nus te/ skad cig la 'gyur pa med pa'i phyir ro/ /gzhan gyi dus su ni de nyid med pas gang zhig 'jig pa yin/ rgyun 'jig go zhe na/ ma yin te/ de las tha dad pa'i rgyun med pa'i phyir ro/ /gal te phyi ma'i skad cig ma brgyud mar 'byung ba gegs byas pa gang yin pa de nyid rgyun 'jig pa yin no zhe na/ de yang mi bden te/ gal te rgyu yod gyur na ni/ /gzhan gyis ji ltar gags byed 'gyur/ /de ste rgyu ni med na yang/ /gzhan gyis ji ltar gegs byed 'gyur/ /gal te skad cig phyi ma skye ba la rgyu yod na/ ji ltar gags byed/ de ste rgyu med na rang nyid 'gyur bas bci? dgos/ /ci ste 'gal bas rgyu ma tshang? pa nyid byed do zhe na/ de yang mi bden te/ gang gi phyir/ gal te med pa ma tshang bar/ /byed na don med 'gyur ba yin/ /rig pa ngo bos yod pa yang/ /ma tshad bar ni ji ltar byed/ /gal te de la ma tshad med/ /rgyu yod ci ste de med 'gyur/ /'on te ma tshad med byed med/ /de ni rang nyid ma tshad 'gyur/ /ma tshad med rgyu yod na ni/ /rgyu yang ma tshad bar byed mi nus la/ /de'i rgyu med na ni rang nyid ma tshad bar 'gyur bas de la 'gal bas ci zhig byed par 'gyur zhe na/ 'di la lan ni/ mes ni lhan cig byed med pa'i/ /grang bas grang ba gzhan skyed 'gyur/ /lhan cig byed dang phrad na ni/ /de ni grang ba'i rgyu ma yin/ /de ni grang ba'i reg pa snga ma ni me'i lhan cig byed pa nye ba'i phyir zhan pa dang ches zhan pa la sogs pa'i grang ba'i reg pa skyed bar byed ba nas ji srid du grang ba'i reg pa grang ba gzhan skyed par byed pa ma yin pa'i bar du 'gyur ba yin no/ /de rang nyid ldog pa'i phyir dang/ lhan cig byed pa nyid kyis grang ba'i rgyu nus pa med pa skyed nas rgyu med pas gzhan yang mi skye ba'i phyir na me ni grang ba bzlog bar byed pa yin no zhes tha snyad byed pa yin no/ /de byas pa de'i rgyu ma tshad ba skye ba'i phyir de'i snga na med pa'i mtshan nyid de las skye ba med pa nyid ni ldog pa yin no/ /zhes tha snyad du byed do/ /rgyu'i byed pa ni skye ba la 'jug pa yin gyi ldog pa la ni ma yin no/ /yang na grang ba'i rang bzhin 'di ni rang gi rgyu las nges ba yin gyi/ /gang gis me nye na rang gi 'bras bu grang ba'i skad cig gzhan mi skyed pa ste/ dngos po rnams kyis nus pa ni so sor nges pa'i phyir ro/ /'gal ba gnyis gzhi gcig la ji ltar 'tshog ce na/ de ltar yin pa nyid kyis 'gal ba yin te/ gzhan du ni 'thad pa'i phyir ro/ /skad cig gnyis ni 'gal ba yang ma yin gyi 'on kyang rgyun gnyis so/ /me nyams su myong yang da rung grang ba dang ma bral lo zhes rigs pa 'di ni mthong ba yin no/ /mun ba shin tu dangs pa ma yin no// zhes bya ba yang de bzhin no/ /shin tu gsal ba'i snang ba yod na skad cig de nyid la med par 'gyur ro zhe na ma yin te/ de la yang de dang lhan cig pa'i rgyu mun pa skyed pa'i nus ba med ba'i phyir snang ba nyid skye ba yin gyi mun pa ni ma yin no/ /de nyid kyis zhig ba yin no zhe na ma yin te/ de'i rang bzhin gyi ngo bos skyes pa'i phyir te/ rang bzhin gang gis skyes par gyur/ /de nyid kyis ni 'jig pa ma yin no/ /rang bzhin gang du de ma skyes/ /de ltar yang ni 'jig ma yin/ /de'i phyir de nyid ni bshig pa ma yin no/ /gal te ma mthong ba nyid zhig ba yin la/ de nyid kyang phyis ma mthong ba des na de nyid bshig pa yin no zhe na/ zhig pa'i gnas skabs su ma rtogs pa'i phyir ji ltar de nyid ces rtogs/ gang gi tshe rtogs pa de'i tshe ni ma zhig la/ gang gi tshe zhig pa de'i tshe yang ? ba ma yin no/ /gang gi phyir ma rtogs pa de nyid kyis na de zhig ba yin te/ de lta ma yin te rtogs na zhig pa'i don gang zhig yin zhe na/ gal te ma dmigs pa zhig la yin na sa phyogs na bum pa ma dmigs pa'i phyir de yang zhig par 'gyur ro/ /gang zhig snga mthong ba mi dmigs pa de zhig pa yin no zhe na/ de yang sngar mthong ba kho na'o/ /gang du mthong ba der de nyid kyi tshe ma dmigs pa ni zhig pa yin no zhe na/ de nyid gi tshe dmigs la de nyid kyi tshe ma dmigs zhes bya ba 'di 'gal lo/ /de ma thag pa'i dus gzhan du ma dmigs pa yin no zhe na/ bar du ma chod pa'i yul gzhan du ma dmigs pa ji ltar zhig pa ma yin no/ dus gzhan ma mthong zhig yin na/ /dngos po nyid du dran par byed pa yin no/ /de'i phyir rjes su dpag pa ni tha snyad tsam kho na sgrub par byed pa yin gyi/ gzhan ni ma yin no/ /gal te 'bras bu'i gtan tshigs las me la sogs pa dngos po ma grub pa nyid sgrub par byed pa yin gyi tha snyad tsam ni ma yin pa ma yin nam zhe na/ de yang mi 'thad de/ gal te de yang rjes dpag gis/ /dngos po rab tu bsgrub byed na/ /rnam kun grub 'gyur de nyid la/ /tshad mas gzhan dag 'jug mi 'gyur/ /gal te rjes su dpag pas me la sogs pa'i dngos po nyid grub na/ de'i tshe de la me 'di ci 'dra ba zhig yin zhes nang tshan gyi khyad par shes par 'dod pa na/ mngon du ma la sogs pa'i tshad ma gzhan ma 'jug par 'gyur te/ rjes su dpag pa nyid kyis de'i rnam pa thams cad sngar grub zin pa'i phyir ro/ /gal te/ srid pa dang/ mi srid pa dang/ tshad ma dang 'gal ba ste/ rnam pa gsum yod pa ma yin nam/ rung ba'i rgyu las 'bras bu skye ba zhes bya ba ni srid pa'o/ /rgyu med na 'bras bu mi skye'o zhes bya ba 'di mi srid pa'o/ /tshad ma dang 'gal ba yang me grang ngo zhes bya ba lta bu'o/ /de la mngon sum gyi rnam pa thams cad 'dzin pa zhes bya ba ni srid pa yin la/ rjes su dpag pas 'dzin pa ni mi srid pa dang/ tshad ma dang 'gal pa yin pa'i phyir tshad ma gzhan 'jug go zhe na/ 'di ni rmongs pa'i spyod ba'i tshul te/ 'di ltar mi srid pa 'gal na ni/ dngos po 'dzin pa gang las yin/ /dngos po 'dzin pa yin na ni/ /'di gnyis rigs pa ma yin no/ /gal te rnam pa thams cad 'dzin pa mi srid pa'i phyir dang/ tshad ma gzhan 'jug pa dang 'gal ba'i phyir de dang tha mi dad pa'i rnam pa 'dor na ni/ de'i tshe dngos po 'dzin pa nyid kyang ma yin par 'gyur te/ de nyid kyi tshe de nyid bzung ba dang ma bzung bar ni mi rigs so/ /de bzhin du shes pa yang de 'dzin pa'ang yin la mi 'dzin pa'ang yin no/ /zhes bya ba 'di yang mi srid pa kho na'o/ /ci ste 'di snyam du/ 'khrul phyir rtags ni rnam pa kun/ /'dzin par byed pa'i rgyu ma yin/ /ci la 'khrul pa med pa'i phyir/ /khyad par rab tu 'grub mi 'gyur/ /gsal ba thams cad thun mong du bzung ba'i rtags ni so sor nges pa'i bsal ba la ma nges pa yin no snyam na gal te de lta na/ gtan tshigs nyid ni ma nges phyir/ /rtags kyi stobs las khyad par ni/ /'dzin pa srid pa ma yin na/ /ji ltar dngos po 'dzin la yin/ /'di na me gang yod ni mig shes kyi sngar me du ma mthong ba'i rjes su 'brangs nas/ 'di na me 'ga' zhig yod do zhe na/ me tsam 'ba' zhig shes pa 'di ni rtogs pa kho na ste/ 'on kyang dngos po la reg pa ni ma yin no/ /mngon sum du dngos po la reg na khyad par la the tshom za bar ji ltar 'gyur/ /the tshom za na thob par ji ltar 'gyur zhe na/ thob pa yang the tshom dang rjes su mthun pa nyid de/ res 'ga' me 'ga' zhig thob pa'i phyir ro/ /des na 'bras bu'i gtan tshigs la yang/ tha snyad 'ba' zhig sgrub bar zad kyi/ dngos po ni ma yin no/ /rang bzhin gyi gtan tshigs ni dngos po mthong ba'i phyir/ thob par 'gyur ba yin na/ 'bras bu'i gtan tshigs la dngos po ma mthong par ji ltar thob par ji ltar 'gyur zhe na/ don ni mthong ba 'ba' zhig nyid/ /thob min kun tshe yod pa las/ /dngos po de thob 'khrul pas kyang/ /de don gnyer rnams 'jug par byed/ /skra shad la sogs bdag la mthong ba yod pa yul gzhan ma mthong cis ma yin/ dus gzhan khyab pa med ce na/ yul gzhan la ni ji ltar yod/ /gal te yul gzhan du khyab pa 'ga' yang mi srid pas/ des na de nyid mi 'jig pa yin no zhe na/ dus gzhan la khyab pa yang mi srid pas de yang ji ltar zhig pa yin/ yul gzhan du ma dmigs kyang yul gzhan du dmigs pa ma yin nam/ ji ltar zhig pa yin zhe na/ 'o na ni yul gzhan bzhin du dus gzhan du yang dmigs pas ji ltar zhig pa yin/ dus gzhan du mthong zin pa'i phyir ro zhe na/ 'di ni gnyi ga la mtshungs so/ /de'i phyir/ dngos gang ji ltar mthong ba de/ /de lta nyid yin gzhan du min/ /sngon po nyid du mthong ba yi/ /sngon po dkar por yod ma yin/ /des na de nyid gshig pa ni ma yin gyi 'on kyang rgyu med par gzhan mi skye ba yin no/ /de ma mthong ba na de zhig go zhes bya ba ni mngon pa'i nga rgyal tsam du zad do/ /des na lhan cig mi gnas pa'i 'gal ba ni yul de lta bu la rnam par 'jog pa yin no/ /don dam par na 'gal ba'i yul ni rgyu dang 'bras bu nyid yin no/ /phan tshun spangs te gnas pa'i mtshan nyid kyis 'gal ba yang de kho na ltar yin no/ /skad cig skyed bar byed ba de ni rtag pa skyed par mi nus te/ des na rtag pa mi skye ba nyid do/ /ji ltar mi rtag pa nyid rtag pa dang ma 'dres pa de bzhin du/ sngon po nyid la sogs pa yang phan tshun de bzhin no/ /'gal ba 'di gnyis don dam par ni khyad par yod pa ma yin no/ /des na 'gal ba ni phan tshun mi mthun pa nyid yin no/ /de yang don gyi rang bzhin nyid yin te/ de lta ma yin na ni rang bzhin med par 'gyur ba'i phyir ro/ /de dag gi phan tshun mi mthun pa'i rang bzhin dmigs pa de yang gzhan la bltos nas mi dmigs pa nyid yin pa'i phyir/ med pa'i tha snyad thams cad ni mi dmigs pa las yin no/ /des na thams cad du sbyor ba 'ba' zhig tha dad par zad kyi don la tha dad pa med do/ /zhes bya ba ni rig par brjod pa yin no/ /dbang po las 'das pa rnams la ni 'gal ba de med pa'i phyir med pa sgrub pa'i 'gal ba dmigs pa med pa yin no/ /mi dmigs pa tsam gyis kyang ma yin no/ /mi dmigs so zhes bya ba de tsam gyis ni med do zhes bya bar mi 'gyur ro/ /gang gis mthong ba yod pa la khyab pa des de skad du smra na ni mdzes par 'gyur ro/ /de'i tshe yang thams cad mkhyen pa ni spangs pa ma yin te de nyid thams cad mkhyen pa yin pa'i phyir ro/ /'jig rten pha rol la sogs pa thams cad mkhyen pas dmigs par bya ba ma yin no/ /zhes bya ba yang ma yin te/ de la tshad ma med pa'i phyir ro/ /bzlog pa la ni tshad ma bshad zin to/ /de'i phyir/ ji ltar dngos rnams sgrub pa na/ dngos po rnams kyi sgrub byed 'dod/ /de bzhin dngos nyid rang ldog na/ /dngos rnams ldog par byed pa yin/ /ji ltar 'brel pa'i phyir dngos po nyid dngos po sgrub p+par byed pa yin gyi 'brel pa med pa ni ji ltar yang dngos po sgrub par byed pa ma yin pa de bzhin du/ dngos po nyid rang log na dngos po'i ldog par byed pa yin no/ /'brel pa med par ni dngos po log na dngos po gzhan ldog pa ma yin no/ /dper na 'bras bu rgyu grub par byed par byed pa'am/ khyab par bya ba khyab par byed pa bsgrub bde bzhin du/ rgyu med pa 'bras bu med pa dang/ khyab byed med pa khyab bya med pa yin te/ de lta ma yin na 'brel ba de nyid med par 'gyur ro/ /'brel ba'i ngo bo ni 'di nyid yin te/ rjes su 'gro ba dang ldog pa gang yin pa ste/ gzhan ni 'brel pa yin no/ /'dis ni rtog pas sbyar ba'i chos/ phyogs dang mthun pa'i phyogs dag las/ /gang rung nyid sogs bsal yin te/ ci yang rung la srid phyir ro// phyogs dang mthun pa'i phyogs las gang yang rung ba nyid ni/ /rtag pa dang mi rtag pa dag la gcig dang yang 'brel pa ma yin no/ /phyogs ni 'dod pas byas pa yin lo? de'i rjes su 'brang bas 'thun pa'i phyogs gang yin pa ste/ de yang de la bu nyid do/ /des na 'dod pa tsam dang rjes su 'brel pa'i phyir dngos po go bar byed pa ma yin no/ /gzhan du 'brel pa ni gzhan go bar byed pa ma yin te/ ha cang thal bar 'gyur ba'i phyir ro/ /gang gis de med par rtogs par byed pa 'ga' zhig las ldog par byed pa yang ma yin no/ /'dod pas byas pa'i phyogs nyid ni de la yang yod pa yin te/ des na phyogs dang mthun pa'i phyogs gang rung zhig yin pa'i phyir zhes bya ba ni go bar byed pa ma yin no/ /de bzhin du mi mthun pa'i phyogs ma yin pa'i phyir zhes bya ba la sogs pa yang yin no/ /de'i phyir bsgrub pa dang 'gog pa ni 'brel pa nyid la 'grub pa yin no/ /de la'ang khyab par byed pa'i chos/ /khyab bya ldog pa'i go byed 'dod/ /gal te rang gi ldog pa ni/ /rnam 'gar yongs su bcad na'o zhes bya ba ni bsdu ba'i tshigs su bcad pa'o/ /rang bzhin mi dmigs pa yang go bar byed pa nyid ma yin nas zhe na/ de ni ma yin te/ de la don dam par na go bya go byed med do/ /dmigs pa'i mtshan nyid du gyur ba mi dmigs pa gang yin pa de nyid med pa yin no/ /des na grub pa des khyab par bya ba med par sgrub par byed pa yin no// med pa yin de nyid kyi chad med rtags su brjod gang yin/ /de ni shin tu rmongs don te/ gnag rdzi mo bar grags phyir ro/ /rang bzhin mi dmigs pa zhes bya ba 'di nyid dngos po med pa yin pa 'di ni gnag rdzi dang bud med kyi bar la grub pa yin no/ /'on kyang grangs can bstan bcos kyi lta bas rmongs pa rtogs par byed pa yin te/ med pa'i tha snyad 'di ni gzhan du yang 'di tsam gyis rgyu mtshan can yin te/ de lta ma yin na/ bde ba la sogs pa dang skyes bu tha dad par mi 'grub bo/ /bstan bcos nyid las tha dad par grub bo zhe na/ ma yin te/ tha dad pa ni tshad ma la bltos pa'i phyir ro/ /phan tshun tha dad par dmigs pa med par ni/ bstan bcos gnyis kyang phan tshun tha dad par mi 'grub la/ tha dad du bya bar dmigs pa de nyid ni gzhan mi dmigs pa yin no/ /gsal ba dang mi gsal ba dag kyang mi dmigs pa med na tha dad par mi 'grub bo/ /mi dmigs pa ni 'di tsam zhig /med la nges pa'i 'bras can yin/ /de yang snang bar 'dod pa yi/ /rgyu 'am rang bzhin snang med nyid/ /mi dmigs pa ni rnam pa gsum kho na ste/ rgyu dang khyab par byed pa dang/ rang bzhin mi dmigs pa'o/ /de yang rgyu la sogs pa dmigs pa'i mtshan nyid du gyur pa mi dmigs pa kho na go bar byed pa yin gyi/ gzhan dang rnam pa gzhan du ni ma yin no/ /de'i phyir 'bras bu dang rang bzhin dang mi dmigs pas skyed pa'i rtags can gyi shes pa bsgrub par bya ba rtogs par byed pa ni bslu ba med pa can yin te/ des na des dngos po nyid de ltar grub pa'i phyir/ dngos pa'i chos ma yin pa ma yin na/ /gal te kha dog 'di mi rtag pa'o zhes rang gi mtshan nyid la mi rtag pa nyid sbyor ba ma yin nam/ des na kha dog spyi la sbyor phyir ro/ /zhes bya ba la sogs pa ji ltar zhe na/ de ni ma yin te/ rjes su dpag pas mi rtag sogs/ /'dzin pa la ni tshul 'dir 'dod/ /gzhan du bzung ba 'dzin pa'i phyir/ /tshad ma nyid du 'dod ma yin/ /rang dang spyi'i mtshan nyid brjod par bya ba ma yin pa dang kha dog nyid dam/ mi rtag pa la sogs pa bzung nas/ kha dog la sogs pa mi rtag pa'o zhes mi rtag pa nyid dang yid kyi sbyor bar slob dpon gyis bshad pa gang yin pa la/ kha dog spyi la sbyor ro zhes bya ba la sogs pas tshul 'di bshad pa yin no/ /kha dog gi spyi la mi rtag pa nyid rjes su dpag pas rtogs na tshang ma gzhan yod par 'gyur ro/ /chos can spyi de gang gis rtogs/ /rjes su dpag pas rtogs na ni de la yang chos can gzhan dgos pas thug pa med par 'gyur ro/ /gang gi tshe mngon sum gyi dus phyis 'byung ba rtags can gyi shes pa yin pa de'i tshe ni tshad ma gzhan nyid du 'gyur te/ rang gi mtshan nyid dang sbyor ba'i phyir ro zhe na/ gnyi ga la yang lan/ de la ni tshad ma nyid yod pa ma yin te/ gnyi gar yang mngon sum du nyid kyis grub pa'i phyir dang/ /spyi 'dzin pa'i rjes su dpag pa 'di gzung ba 'dzin pas tshad ma ma yin pa'i phyir ro/ /mi rtag pa nyid mngon sum gyis ji ltar grub ce na/ 'di ltar/ dngos las mi rtag gzhan du med/ /de yang dbang po las sngar grub/ du ma'i dngos de brjod bya min/ /rtogs las skyed chos brjod bya yin/ mi rtag pa nyid dam kha dog nyid la sogs pa dngos po'i rang bzhin las gzhan ni med kyi 'on kyang nga 'dra ba de ni dngos po'i rang bzhin kho na'o/ /rnam par rtogs pas de'i ngo bo 'dzin par mi nus pa'i phyir/ de nyid spyi'i ngo bos 'gyur ba yin no/ /spyi ni 'dzin pa'i byed pa yin gyi/ gzhan ni med do/ /'di sngon po zhes mngon sum la snang pa'i rang bzhin las gzhan pa ni rjes su dpag pa la 'di ni sngon po'o zhes snang ba med kyi de nyid de ltar tha snyad byed pa yin no/ /'on te/ 'di ni sngar gyi sngon po ji lta ba de lta bur gyur pa nyid do/ /zhes snga ma dang phyi ma'i shes pas ma bzung pa'i spyi nyid 'dzin pa yin no zhe na/ de ni mi rigs te/ snga ma dang phyi ma'i rang bzhin las tha dad pa'i spyi ni ma dmigs kyi de nyid des tha snyad byed pa ni spyi yin la/ tha snyad kyi rten kyang rang gi mtshan nyid de kho na yin no/ /gal te mi rtag pa la sogs pa'i spyi rnams phan tshun dang/ de dang ldan pa las tha dad pas du ma nyid yin nam zhe na/ 'di la brjod pa/ rang gi mtshan nyid kyi bdag nyid du ma'i dngos po de ni brjod par bya ba ma yin te/ tha dad pa ni thog ma med pa'i bag chags kyi mthu las byung ba'i rnam par rtog pa tsam gyis sbyar ba yin no/ /rnam par rtog pa ni ldog pa tha dad pa'i phyir rjes su 'gro ba dang ldog pa yongs su brtags pas tha dad par lhag par zhen nas 'jug pa'i phyir ro/ /spyi'i rten ni grub pa na/ spyi de nyid ni grub pa yin/ tha snyad kyi rgyu/ de ma grub na de ltar de/ /rab tu grub phyir rjes dpog yin/ /spyi ni tha snyad tsam yin la/ /tha snyad kyang tha snyad kyi yul rab tu grub pa na/ des pa 'am/ gzhi mthun pa nyid rab tu 'grub par 'gyur ro/ /tha snyad ma grub na ni rgyu mtshan bstan pas tha snyad byed pa yin te/ tha snyad kyi rgyu mtshan brjod pa rgyu mtshan dran pa'i sgo nas yul gyi ma yin pa de lta na yang de don du gnyad ba nyid kyis 'jug par 'gyur bas/ gang du yod pa der ni thob pa yin la gzhan du ni ma yin no zhes bya bar gor mchab bo/ /mngon sum du gyur pa'i rang bzhin gyi gtan tshigs dang 'bras bu'i gtan tshigs la dngos po 'dzin pa ni yod pa ma yin te/ thams cad du ma bzung ba nyid thob pa'i phyir ro/ /thob par bya ba 'di 'byung bar 'gyur ba yin gyis/ de'i rang gi ngo bo ni ma yin na/ de ji ltar 'dzin 'byung bar 'gyur ba'i rang bzhin nyid du 'dzin to zhe na/ ma yin te/ de ltar ma rtogs pa'i phyir ro/ /ci ste 'byung bar 'gyur ba'i rang bzhin du rtogs pa de lta na yang gzhan du rtogs pa de gzhan du skye bar mi 'gyur ro/ /gal te spyi rtogs pa yin no zhe na/ spyi rtogs pa na khyad par thob par ji ltar 'gyur/ yod pa'i phyir te/ 'di ltar spyi ni dngos po med par mi 'gyur ba'i phyir ro zhe na/ 'o na ni du ba la sogs pa'i rtags nyid dngos po med na mi 'byung ba'i yin pa'i phyir/ de nyid las yod pa nyid thob pa'i phyir spyis ci bya/ spyi rtogs pa med na ji ltar 'jug ce na/ rtags rtogs pa nyid kyis 'jug par 'gyur ro/ /gzhan rtogs pas gzhan la 'jug pas ji ltar 'gyur zhe na/ spyi yang gzhan yin pa'i phyir nyes pa mtshungs so/ /gal te spyi ni gzhan kho na cig tu des pa ma yin no zhe na/ gal te de lta na ni/ don gyi spyi ni bzung ba na/ /don de nyid ni bzung bar 'gyur/ /de ltar yin dang the tshom ni/ /med 'gyur bzung la de ji ltar/ /spyi'i tshul gyis bzung ba yin bye brag gi tshul gyis ni ma yin no zhe na/ khyad par gyi rang bzhin la ji ltar 'jug par 'gyur/ /de yang bzung ba kho na'o zhe na/ ci'i don du 'jug par byed/ /thob pa'i don du'o zhe na/ thob pa de yang rang gi ngo bo rtogs pa kho na yin na/ gal te de yang skyes par 'gyur na 'jug pa la don ci zhig yod/ /tshul 'ga' zhig gis ni rtogs la tshul 'ga' zhig ni ma rtags she na/ tshul gang gis rtogs pa'i tshul de nas ji 'jug pa ma yin te/ don med pa'i phyir ro/ /gang gis ma rtogs pa de nas kyang ma yin te/ mi nus pa'i phyir ro/ /shes pa la ni the tshom mi za la ma shes pa la yang ma yin te/ the tshom ni gnyi ga'i rang bzhin la reg pa ma yin pa'i phyir ro/ /gal te spyi dang khyad par dag ngo bo gcig pa'i phyir khyad par la ma rtogs kyang 'jug go zhe na/ ma yin te/ yul du ma byas par mi 'thad pa'i phyir ro/ /rtogs pa dang ma rtogs pa ni gcig pa nyid ma yin no zhes kyang bstan zin to/ /shes pa gcig tu rtogs par 'gyur gyis ma shes pa ni ma yin no/ /'on te yang dus gzhan du shes par 'gyur ro zhe na/ dus gzhan la ni mngon sum dang rjes su dpag pa med do zhes bya ba 'di ni bstan zin to/ /gal te mi rtag pa la sogs pa dngos po'i bdag nyid thams cad bzung ba ma yin nam/ rjes su dpag par bya bar ji ltar 'gyur/ /tha snyad du bya ba nyid du'o snyam na/ tha snyad kyi bdag nyid nges pa de nyid ci ste med ce na/ 'di ni lan ma yin te/ 'di ltar/ 'dra ba gzhan ni yod pa'i phyir/ la lar yongs su mi shes te/ 'khrul phyir sgong gi tha dad bzhin/ /tha dad mthong ba med phyir ro/ /sgong la tha dad par ma rtogs pa ni ma yin mod kyi/ 'on kyang 'dra ba'i phyir/ de nyid 'di yin no zhes de las gzhan du rtogs pa'i phyir tha dad pa'i tha snyad med pa yin no/ /gal te de nyid 'di'o snyam du rtogs pa 'khrul pa yin du zin kyang/ mthong ba ma 'khrul pa nyid ma yin nam/ ji ltar tha dad pa ma rtogs ci ste bsgribs pa'i phyir rtogs zin kyang 'bras bu las ma rtogs pa nyid yin no zhe na/ bsgribs pa zhes bya ba ni yod pa ma yin te rang gi ngo bor rig pa dang/ ma rig pa dag phan tshun spangs te gnas pa yin pa'i phyir ro/ /yang na gnyi ga phan tshun du bsgribs par 'gyur ro/ /phan tshun spangs te gnas pa'i phyir ro/ /gal te bsgribs pa nyid yin na/ phan tshun spangs te gnas pa ni/ /mtshungs phyir gcig bsgribs par 'gyur/ ji ltar rnam par rtog pa rang gi ngo bo rig pa'i nyams su myong ba las tha dad pa'i phyir nyams su myong ba sgrib par byed pa yin pa de bzhin du nyams su myong ba yang rnam par rtog pa sgrib par byed par 'gyur ro/ 'on te sems gcig la chags pa la blo tha dad pa nyid mi skye ba yin na/ de lta na nyams su myong ba nyid med pa'i phyir de la gags byas pa'i don ci yin zhe na/ 'dir smras pa/ sngar gyi tha dad dngos po de/ /zhig phyir mthong ba med pa dang/ /rtag par lhag par zhe na pa'i phyir/ /rtag pa nyid du sems pa yin/ /sngar gyi dngos po dang mthong ba yang 'das pa yin te/ de ni da ltar tha snyad du bya ba 'ba' zhig tu zad do/ /tha snyad kyang rtag pa nyid du byed do/ /des na mthong ba 'das pa des/ 'di ji ltar sgrib par byed phyin ci log tu nges pa'i ni de'i tshe yod pa yin te/ des na 'jig rten de nyid kyi tha snyad du byed pa yin no/ /des na de dang rjes su mthun pa'i tha snyad med pa gang yin pa 'di nyid de sgribs pa yin no/ /tha dad pa gzhan nye bar mi mtshon pa'i phyir ro/ /de'i phyir sgong bzhin du skad cig ma gnyis pa la sogs pa tha dad pa nye bar mi mtshon pas de nyid 'di/ yin no zhes tha snyad du byed do/ /'di ltar rtags med byis par gyis/ /skye bos phyis 'byung ba dang ni/ /'brel med mar me la sogs kyis/ /'jig pa mthong bas yongs gtsang nyid/ /gal te sgong la sogs pa'i tha dad par ni zhib mo dag gis rtogs ba'i phyir bzung ba kho na yin gyi skad cig ma nyid ni de lta ma yin no zhe na/ de yang mi bden te/ 'di ltar/ de'i gnas skabs ma yin pa dang 'jig pa dang mi rtag pa zhes tha snyad byed pa yin no/ /sgron ma la sogs pa ni de'i skabs ma yin gyi 'on kyang til mar gzhan dang gzhan gyi bskyed pa na/ sgron ma gzhan dang gzhan 'bar ba yin no/ /de lta mod kyi 'dra ba 'am tshogs pa mtshungs pa las de nyid 'di yin no zhes tha snyad ni byed pa ma yin no/ gal te mar me 'bar ba'i bkod pa 'di ni gcig nyid kyi tshe til mar gyis bskyed pa gcig kho na yin no zhe na/ de yang yang dag pa ma yin te/ 'di ltar/ gal te de ni dang po yi/ /tshogs pa tsam du dus gzhan du/ /gnas par skyes na de las gzhan/ /til sogs 'bras bu med par 'gyur/ /til la sogs pa'i tshogs pa dang po tsam las dus kyi tshogs mdza' dag la khyab pa sgron ma la sogs pa skye na de las gzhan skong bu dang/ ras bal dang/ til mar dang/ me dang/ sbyor ba'i tshogs pa rnams don cung zad kyang rgyas par byed pa ma yin te/ grub zin pas na gzhan la rag las ba med pa'i rang bzhin yin pa'i phyir ro/ /ci ste skyes zin kyang dus gzhan du khyab pa nyid ni til la sogs pa rdzas su 'jug pa kho na yin gyis/ gzhan du ni ma yin no zhe na ma yin te/ dus gzhan du gnas pa nyid du skyes zin pa'i phyir ro/ /dus gzhan du ni mi gnas pa yin na ni til mar la sogs pas phyis cung zad kyang bya bar mi nus pa'i phyir don med par 'gyur ro/ /gzhan skyed na ni de nyid mi rtag pa yin no/ /de bzhin du gal te/ skyed pa de bdag nyid thams cad bzung bar bya ba yin na ni/ mig la sogs pas de'i bdag nyid thams cad bzung bar bya ba yin na ni/ mig la sogs pas de'i bdag nyid thams cad bzung ba'i phyir mig la sogs pa'i rjes su 'jug pa don med par kho na'o/ /'on te mthong ba gzhan dang gzhan dag gam/ dus gzhan du gnas pa'i 'dzin pas dus gzhan du gnas pa nyid du 'dzin pa yin no zhe na/ de ltar gyur na mthong ba gzhan dang gzhan dag rnam par chad pa'i phyir gcig gis kyang dus gzhan du gnas pa nyid 'dzin par mi 'gyur ro/ /'dzin pa dus gzhan du gnas pa can nyid yin na ni/ cig car kho na de ltar bzung ba'i phyir mig la sogs pa rjes su 'jug pa don med pa zhes bya ba de nyid du 'gyur ro/ /de'i phyir mthong bas ni snga ma dang phyi ma'i ngo bo cung zad kyang ma bzang ba'i phyir skad cig tsam kho na snang ba yin no/ /ci ste yang snga phyi dang bral ba'i dngos po'i rang bzhin de nyid yun ring por 'gyur ba yin no zhe na/ de ni mi bden te/ cig car mthong yun ring gi dus/ /yun ring dus ni cig car nyid/ /mthong na thams cad de bzhin 'gyur/ /mthong pa rjes 'jug kho na yis dus ring rtogs par byed pa yin/ /ji ltar ji ltar mthong ba gzhan dang gzhan rgyun tu skye ba de lta de ltar ring por rtogs pa yin gyi gzhan du ni ma yin no/ /dus gcig nyid du rtogs pa ni dus ring po nyid kyis ring po ma yin te/ dus ring por cig car du ni rigs pa rtogs pa ma yin te mthong ba ni skad cig nyid rtogs par byed pa yin no/ /gal te mngon sum gyis rang gi ngo bor gyur pa skad cig ma nyid du yongs su bcad na/ yongs su bcad pa la yang rmongs pas ji ltar 'gyur zhe na/ 'di la 'di skad brjod de/ nus pa dngos po'i rang bzhin du gyur kyang de ma theg med pas/ /'bras bu mthong ba med pa'i phyir/ /rmongs 'gyur nges bsal med phyir ro/ /dper na 'bras bu de ma thag tu ma mthong ba dag gis nus pa yongs su bcad kyang nges par mi byed pa bzhin no/ /de nyid bzlog pa'i phyed du ni/ /rjes su dpag pa brjod pa yin/ /blo gros chen po mthong nyid pas/ /rnam pa thams cad nges par byed/ /goms pa dang bral ba rnams dngos po'i rnam pa thams cad mthong na yang/ /rmos pa des na des pa med do/ /de'i phyir rmongs pa bzlog pa'i ched du rjes su dpag pa 'jug go / gang dag la goms pa gsal ba la sogs pa nges pa'i rgyu yod pa/ blo chen po can gyi rgyud de dag ni mthong ba nyid las nges pa dang ldan par 'gyur ba kho na yin no/ /des na gang la rmongs pa med par des ni spyi'i rten grub na spyi'i grub pa kho? na yin la/ gang la rmongs pa yod pa der ni rjes su dpag pa yin pa na'o/ /'o na ni dngos po gcig yin pa'i phyir/ de'i rjes su 'brang ba'i rnam par rtog pas kyang chos du ma nyid du rnam par 'jog par ci ltar 'gyur te/ sngon po nyams su myong pa'i rjes su 'brang ba ni rnam par rtog pa'i ser po'i rang bzhin du nges pa ma yin no zhe na/ 'di la lan du/ thams cad la ni ldog pa yis/ /tha dad med don de la ni/ /ldog pa'i rgyu mtshan can blo dang/ /ji ltar brdar btags pa yi sgra/ /tha dad rten can bzhin 'jug 'gyur/ /'khrul rgyu med na de yis ni/ /ngo bo nyid kyi rang dang ni/ /rjes su mthun pa'i blo skyed byed/ /skye ba can gyi 'gro ba thams cad ni rigs mthun pa dang/ mi 'thun pas las ldog pa la brten pa yin no/ /de dag ni gang dang gang las ldog pa de dang de las tha dad pa ldog pa'i mtshams tha dad pa nye bar brtags pa/ de dang de la brten nas chos/ tha dad par rtogs par byed do/ /gal te dngos po thams cad las ldog pa can yin na/ ji ltar dus gcig nyid du ldog pa thams cad mi nges zhe na/ 'khrul pa'i rgyu mtshan yod pa'i phyir ro/ /zhes smra'o sngar mthong brjed pa'i phyir te sngar mthong ba ji lta ba bzhin yul du byas na ci ldog pa nges par mi 'gyur ba ma yin pa'i phyir ro/ /'di ltar/ nyams myong ji lta ba bzhin du/ /dran sogs nges yin gzhan du ni/ /gcig tu nges pa'i phyin ci log /gnyis kar nges med the tshom yin/ /nyams su myong ba ji lta ba bzhin du dran na ni nges pa med par mi 'gyur te/ ji lta ba bzhin du dran pa gang yin pa de nyid nges pa yin no/ /ji lta ba bzhin du dran pa yang goms pa las yin te/ des na goms pa dang ldan pa rnams ni mthong ba'i de ma thag kho na nges par byed la/ de lta ma yin na ni mi dran pa bzlog pa'i phyir rjes su dpog pa yin no/ zhes bya ba 'di gnas pa yin no/ /gzhan dag smra ba ni/ yang na 'dir yang mi dmigs pa'i/ /rtags las 'jig pa 'grub pa yin/ dngos po thams cad ni skye ba dang 'jig pa dang rjes su 'brel pa yin no/ /skye ba ni mngon sum dang/ yod pa bsgrub pa'i rjes su dpag pas sgrub par bya ba yin no/ /'jig pa ni dngos po med pa yin pas/ de ni mi dmigs pas bsgrub par bya ba yin te/ dgag pa gang ji snyed pa de thams cad ni mi dmigs par bsgrub par bya ba yin pas dag pa sgrub par byed pa'i thabs gzhan ni yod pa ma yin no/ /gal te mi rtag pa ni dngos po'i rang bzhin gyur pa nyid yin pas yod pa sgrub par byed pa'i tshad ma nyid kyis rtogs par byed pa ma yin nam zhe na/ de ni ma yin te/ rang gi ngo bo tsam nyid kyis ni mi rtag pa ma yin no/ /'o na ci zhe na/ sngar byung dngos po med gyur pa/ /mi rtag ces ni brjod pa yin/ /byung ba med pa gang yin pa de mi rtag pa yin gyi byung ba tsam gyis ni ma yin no/ /dngos po med pa de ni 'dir yang mi dmigs pas sgrub pa yin no/ /gal te rgol ba gzhan gyi ltar na mdza' gnyis chod pa dang ldan pa'i yod pa nyid mi rtag pa yin gyis/ /dngos po med pa'i mtshan nyid ni ma yin no/ /snga ma dang phyi ma'i mdza' gnyis kyi mdza' nyid dang/ yod pa nyid ni mi dmigs pas sgrub par bya ba ma yin na/ des na 'di ji ltar zhe na/ 'di la bshad pa/ gang gis mdza' gnyis chod yod pa'ang/ /'brel pa brjod pa'i ngang tshul can/ /mi rtag nyid kyi sgra yin pa/ /des mdza' de dag gang la brjod/ /re zhig yod pa tsam ni mi rtag pa ma yin te/ bdag la sogs pa yang mi rtag par thal ba'i phyir ro/ /gzugs dang tshor ba la sogs pa la yang khyad par med par ro/ /gzugs dang tshor ba la sogs pa rnams kyis yod ba mthar gyur pa gnyis kyi dbus su gnas pa ni khyad par med par mi rtag par brjod par bya ba yin na/ dngos po med pa ma rtogs na med na ni mdza' gnyis nyid 'ga' yang yod pa ma yin no/ /dngos po med pa dang 'brel pa yin na ni dngos po med pa de mi dmigs pas gzung ba yin gyis gzhan ni ma yin no/ /gal te snga phyir med yin na/ /de nyid mi rtag ces ma yin/ /gal te snga nas med pa dang/ /zhig nas med pa'i mdza' gnyis kyis bcad pa'i yod pa nyid mi rtag pa yin no zhe na/ dngos po med pa de nyid mi rtag par yin par ci ste mi 'dod// drug pa sogs sbyor mi rung phyir/ /zhe na mdza' la de ji ltar/ /gal te bsam pa 'di yin te/ /gal te mi rtag pa nyid dngos po med pa yin na/ dngos po med pa dang 'brel pa med pa'i phyir/ dngos po'i mi rtag pa nyid ces drug pa la sogs pa'i sbyor ba med par 'gyur ro/ /dngos po dang dngos po med pa la ni sbyor ba dang/ 'du ba'i mtshan nyid kyi 'brel pa mi 'thad pa'i phyir ro zhe na/ 'dir smras pa/ khyad par khyad par can nyid kyis/ /'brel pa gang gis bzlog par byed/ /gal te de yang med na ni/ /'o na mdza' la de ci ltar/ /gal te 'du ba la sogs pa'i 'brel pa med pas khyad par dang khyad par can gyi dngos po yang mi 'dod na/ 'o na ni mdza' gnyis kyis yod pa nyid dam/ dngos po dang khyad par dang khyad par can gyi ngo bo'i drug pa la sogs pa'i sbyar ba de ji ltar 'thad pa yin/ yod pa nyid ni mdza' i mtshams can dang/ de'i khyad par can yin no zhes tha dad par brjod pa yin no/ /yod nyid dang 'brel rtag pa'i phyir/ /mdza' i khyad par gyur pa min/ /mdza' gnyis kyis bcad pa'i yod pa 'am/ de'i 'du ba'i mtshan nyid kyis 'brel pa mi rtag pa nyid yin no zhes smra ba ni/ gong? na mi za bar yod pa dang 'brel pa dag /mdza' gnyis kyi khyad par du gyur pas khas blangs pa yin na/ de ltar ni mi rigs te/ gnyi ga rtag par khas blangs pa'i phyir ro/ ji ltar yod pa mdza' i khyad par dang ldan par 'gyur zhe na/ gal te skye 'jig dang ldan na'o zhe na/ ci ste dngos po gang la yod pa nyid dam 'brel ba de dag yod pa de mdza' dag gi khyad par du 'gyur ro zhe na/ de lta na ni 'o na de'i khyad par can gyi dngos po de nyid mi rtag pa yin pas yod pas ci bya/ tha dad pa med pas drug pa mi rung ba'i phyir ro zhe na/ yod pa nyid kyi gnas tshul zhes bya ba ci ltar yin/ gzhan yang dngos pa'i mi rtag pa nyid ces bya ba ni dngos po'i snga na med pa dang zhig nas med pa gang yin pa de dag nyid mi rtag pa yin te/ des na tha dad pa'i phyir tha dad pa'i rnam par dbye bar 'gyur ro/ /ci ste mdza' gnyis ni rgyu dang 'bras bu dag yin te/ rgyu zhes bya ba ni mdza' cig yin la/ 'bras bu zhes bya ba ni mdza' gnyis pa yin no/ /rgyu dang 'bras bu de dag gi yod pa nyid dam 'bral pa khyad par du byas pa la ni mi rigs pa med do/ /rgyu dang 'bras bu dag ni dngos po'i 'bral ba ni rgyu dang 'bres bu'i mtshan nyid yin la/ yod pa nyid dang dngos po'i 'brel pa ni 'du ba'i mtshan nyid yin no zhe na/ 'di la lan du/ gal te rgyu 'bras mdza' yin na// khyad par med pa nyid 'gyur te/ /'brel med phyir ro de yis ni/ /dngos po sngar med 'dod min pas/ /de la de yi khyad par can/ /brjod pa de yang mi 'gyur phyir/ /gang zhig snga na med pa de ni rang gi rgyu dang 'brel par 'gyur ba yin na/ dngos po ni snga na med pa dang 'brel par khas ma blangs so/ /de khas len yang snga na med pa dang zhig nas med pa nyid mi rtag pa yin pas rang gi gzhung nyams pa dang/ phyogs gzhan la brten par yang 'gyur ro/ /des na dngos po ni snga na med pa dang 'brel pa med pa kho na'o/ /brjod pa'i khyad par de ni snga na med pa'i khyad par can yin no/ /de med na 'di ni 'bras bu yin no zhes bya ba der mi 'gyur la/ 'bras bu med pa'i rgyu yang yod par mi 'gyur ro/ /yang na rnam pa gzhan gyi sgo nas rgyu dang 'bras bu med par 'gyur te/ 'di ltar/ yod pa nyid dang rang rgyud dang/ /'brel byed phyir na rgyu zhes grag /yod nyid de dang 'brel de yang/ /rtag na 'o na 'dir 'bras gang/ /yod pa nyid dang 'brel par byed pa dang/ rang gi rgyu dang 'brel bar byed pa ni rgyu yin na/ /rang gi rgyu ni 'du ba can gyi rgyu ste/ skye pa can gyi dngos po dag ni phal cher 'du ba can gyi rgyu dang 'du ba yin no/ /yod pa nyid dang 'brel pa ni 'bras bu ma yin no/ /dngos po yang yod pa dar 'brel pa nyid kyis 'bras bu yin gyi gzhan du ni 'bras bu ma yin no/ /rang gi ngo bo kho nas 'bras bu yin no zhe na/ gang zhig med pa de byed na/ /dngos po sngar med ldan yin te/ /'brel pa khas len med phyir ro/ /de phyir ril 'di rtag par 'gyur/ /snga na med pa dang 'brel pa'i dngos po ni 'ga' yang med do/ /gal te dngos po med pa'i phyir 'brel pa ma yin pa de lta na yang 'dir sngar med pa kho na yin te/ des na 'bras bu nyid du 'gyur ba yin no zhe na/ gang zhig med pa dang 'brel pa de med par 'gyur ba ma yin nam/ de lta ma yin na thams cad med pa nyid du 'gyur ro/ /des na snga na med pa dang 'brel pa yod pa yin no/ /zhes bya bar 'gyur ba yin na khas kyang ma blangs te/ de'i phyir 'gro ba ril rtag par thal lo/ /'on te ci ltar dngos po med pa dang 'brel ba yin zhe na/ de phyir med don sgro 'dogs pa/ /brjod bya tha dad can blo ni/ /tha dad med don mngon 'dod can/ /sgra la'ang ldog pa'i rten yin no/ /don tha dad dam tha mi dad kyang bla ste/ 'brel pa ni thams cad du de la blos btags pa 'ba' zhig tu zad do/ /gal te dngos po la dngos po tha dad pa (ci? zhig 'brel pa tha dad pa) nyid 'brel pa yin no zhe na/ gal te tha dad du chug mod de la 'brel pa ci zhig yod/ /tha dad pa ni thams cad la thun mong yin pa'i phyir ma 'brel pa de med par 'gyur ro/ /de'i bdag dang de las byung ba'i mtshan nyid do zhe na/ tha dad yin na ci zhig 'brel/ /tha dad med na rgyu 'bras gang/ /gzhan zhig yod pas ma 'brel gnyis/ /ci ltar 'dre bar 'gyur ba yin/ /tha mi dad pa la ni 'brel pa yod pa ma yin te/ de ni gnyis la gnas pa yin pa'i phyir/ /gal te rgyu dang 'bras bu'i mtshan nyid med mod/ /de'i bdag nyid du ci ltar mi 'gyur zhe na/ ma yin te/ de la ni 'brel ba'i yul nyid btags pa yin pa'i phyir ro/ /de la ni 'brel pa can btags pa yin te/ tha dad pa nyid yin na ni/ /de'i bdag nyid kyi mtshan nyid kyi 'brel ba med do zhes bya ba 'di grub pa yin no/ /gal te rgyu dang 'bras bu yin no zhe na/ rgyu dang 'bras bu zhes bya ba la 'di ci yin/ rjes su 'gro ba dang ldog pa nyid do zhe na/ ma yin te/ de ni btags pa yin pa'i phyir te/ mngon sum gyis mi 'dzin pa'i phyir ro/ /de'i phyir 'di thams cad ni rnam par rtog pas sprul pa tsam yin gyi don dam par? ni ma yin no/ /de'i phyir rnam pa gzhan mi srid pas na ji ltar rnam pa 'ga' zhig ltar btags pa'i 'brel pa la brten nas tha dad pa'i rnam dbye ba 'di 'jug pa bzhin du/ snga na med pa la sogs pa dang dngos po yang kun rdzob tu 'grel pa yin te/ don dam par ni 'ga' yang gang dang yang 'brel pa med do/ /zhes bya ba 'di ni nges pa yin no/ /des na kha dog gi spyi la sbyor ba'i gzhal bya gzhan yod pa ma yin pas tshad ma gzhan yod pa ma yin no/ /yang nas yang du ngo shes par byed pa la ni nus pa gnas pa yang yod pa ma yin te/ dran pa la sogs pa bzhin no/ /yang ngo shes par byed pa ni dran pa nyid yin no/ /dbang po'i byed pa la brten pa'i phyir dang/ mi bslu ba'i phyir tshad ma nyid ma yin nam/ ngo shes pa tshad ma ma yin par ci ltar 'gyur zhe na/ ma yin te/ dbang po'i bya ba ni nye ba tsam gyi yul can yin pa'i phyir ro/ /gal te nye ba can gyi yul can yin na ci ltar de nyid 'di yin no zhes bya bas 'jug ce na/ de lta ni ma yin te/ 'di ltar/ de 'di'o zhes bya ba tsam gyis ni/ /gang duAng rtog ldan 'jug pa min/ /de ni phan 'bras thob pa yi/ /rgyu yin snyam pa nyid kyis 'jug /gal te de nyid 'di yin pa de lta na yang 'jug pa'i yul du 'gyur ba ni ma yin te/ rtog pa dang ldan pa rnams kyis 'jug pa'i yul ni don bya bar sgrub par byed pa yin pa'i phyir ro/ /de nyid kyis de don bya ba sgrub par byed pa yang ma yin te/ rang gi rgyu la rag las pa'i nus pa can gyi dngos po rnams ni don bya ba de'ang gzhan byed pa yin gyi gcig nyid la brten pas ni ma yin no/ /don byed pa'i 'brel pa ni mngon sum gyi yul ni ma yin te/ sngon mthong ba nyid dran pa'i phyir ro/ /de'i don bya ba byed pa nyid kyis kyang de nyid 'dir yin no zhes shes pa'i yul du 'gyur ba yin gyi/ rang gi ngo bos ni ma yin no/ /sngon mthong ba nyid du 'dzin pa ni dran pa yin la/ 'di la sbyor ba ni rjes su dpag pa yin no/ /de'i don byed par rung ba mi 'di la yang yod pa yin te/ des na tha dad par nye bar btags pas gcig nyid kyi tha snyad byed do/ /mi slu ba yang gcig gi yul can ni ma yin te/ du ma nyid yin yang don bya ba thob pa'i phyir ro/ /bgrod par bya ba ma yin par bgrod pa la sogs pa ni de las rab tu skyes pa'i phyir rgyun la bltos pa yin no/ /des na mngon sum ni spyi'i yul can ma yin la/ rjes su dpag pa yang khyad par gyi yul can ma yin no/ /gal te khyad par mthong ba'i rjes su dgag pa khyad par kho na ngo shes par byed pa ma yin nam zhe na/ de yang mi rigs te/ skad cig so sor tha dad phyir/ /khyad par ngo shes ma yin no/ /mthong dang mtshungs par de 'dzin phyir/ /khyad par yul can nyid kyang min/ /gang gi tshe mi mthong nas song ste chod pa'i tshe yang du ba las nges par byed pa de'i tshe/ khyad par de nyid dus gzhan du ngo shes par byed pa ni ma yin te/ tha dad pa gzhan dang gzhan yin pa'i phyir ro/ /tha dad par gyur pa la gcig tu lhag par zhen pas rtogs pa ni spyi yul du byed pa yin no/ /'o na gang la 'gyur ba med pa'i phyir tha dad pa mi srid pa/ don gyi bdag nyid brtan pa yin pa de la ni khyad par de nyid ngo shes pa yin no zhe na/ 'di ci ltar rtogs par bya ste/ mi snang ba na 'gyur ba med pa yin no/ /zhes nges pa ni yod pa ma yin no/ /ci ste gzhan du yang de lta bu nyid du mthong ngo zhe na/ de lta na ni mthong ba'i bsal ba gzhan dang chos mthun par rtogs pa'i phyir khyad par gyi yul can ma yin no/ /gal te de nyid dpe yin no/ /phyir na spyi 'dzin min zhe na/ /dpe nyid yin phyir grub de la tshad ma gzhan gyis ci zhig bya/ /gal te sngar mngon sum gyis grub pa'i phyir de nyid dang dpe yin no zhe na/ de lta yin na ni sngar gyi mngon sum nyid kyis bzung ba'i phyir 'di rjes su dpag pa'i tshad? dam gzhan ci dgos/ /gal te khyad par lta bar byed pa'i mngon sum snga ma de nyid kyis rjes su dpag pa'i dus su 'gyur ba'i yod pa bzung ba yin no/ /de nyid kyis sgrub par bya ba'i phyir rjes su dpag pas ci zhig bya/ rjes su dpag pa ni mngon sum gyi yul ma yin pa la 'jug par 'dod kyi/ de nyid la ni ma yin no/ /gal te de nyid kyi phyir khyad par mthong ba yin no zhe na/ khyad par mthong ba yin na ni tshad mar mi 'gyur ro/ /ci ste mthong bas ni dus mnyam du byung ba'i don 'dzin gyi gzhan ni ma yin no/ /des na 'byung bar 'gyur ba la 'jug pa'i rjes su dpag pa'i tshad ma yin no zhe na/ gal te de ltar yin na ni? gang gis rang bzhin sngar shes pa dpe yang gzhan yin la/ dus phyis rjes su dpag pas rtogs pa'i don gang yin pa yang gzhan kho nar 'gyur ro/ /'on te de ni bzung ba kho na yin mod kyis/ 'on kyang brjed pa de'i phyir 'di la skyon med do zhes na/ bshad pa/ gal te brjed phyir skyon med na/ /de nyid phyir na dpe ma yin/ /gal te brjed pa de phyis yang gtan tshigs kyi sgo nas ci lta ba bzhin du dran par byed pa yin pa'i phyir/ rjes su dpag pa don med pa ma yin no zhe na/ 'o na ni brjed pa ji ltar dpe nyid yin/ dpe'i skyon pa ni sgrub par byed pa 'jug pa yin no/ /gal te de brjed na dper ji ltar 'gyur/ gal te rtags kyi sngon rol du ma tshang ba med par dpe nyid du dran pa yin no/ /de'i tshe de la brtags gzhan gyis ci bya/ de nyid yang nas yang du dran par byed do zhe? na/ thug pa med par 'gyur ro/ 'on te de'i tshe brjod na ni dpe nyid ma yin no/ /ci ste du ba glo bur ba las mi rtogs pa bzhin du dpe med pa kho nar brjod pa de rtags las rtogs par byed pa yin pa de'i tshe ni/ dus kyi cha ma tshang pa med pa la khyad par da sngar gyi mngon sum gyis nyid kyis bzung ba'i phyir khyad par rtogs pa med pas ji ltar tshad ma nyid yin/ dran pa yod na de la tha snyad byed pa'i phyir te/ 'di ltar rang bzhin gyi gtan tshigs kyi bdag nyid thams cad bzung zin pa nyid ji lta ba bzhin du tha snyad du byed pa na tshad ma nyid yin pa bzhin no zhe na/ ma yin te/ de la ni mthong ba gzhan dang chos mtshungs pa nyid kyis tha snyad du byar rung ba bsgrub pa'i phyir ro/ /'dir ni de lta ma yin te/ sngon de 'dra ba med pa'i phyir te/ goms pas bskyed pa ma yin pa'i phyir ro/ /'di ni mthong ba yin no zhes bya ba yang ma 'brel pa ste/ rnam pa gzhan du 'gyur ba srid pa'i phyir ro/ /'di ni bzung ba nyid dran pa yin no zhes ma grub ste/ ma bzung ba nyid yin pa'i phyir ro/ /mngon sum gyis tshad mas ni rang gi dus na gnas pa'i rang bzhin 'dzin pa yin te/ de lta ma yin na 'chi ba'i mdza' dang bcas par bzung ba'i phyir na de nyid kyi tshe 'chi bar 'gyur ro/ /rjes su 'jug pa nyid kyis 'chi ba'i mthar thug pa dang ldan par 'dzin te/ mngon sum ring pos ring po 'dzin/ /ring min pas ni cig shos 'dzin/ /de nyid tshe na 'chi ba yi/ mdza' dang ldan par de mi 'dzin/ /gal te rjes su mi 'jug pa yin na de lta na ni des dus gzhan khyab pa 'dzin par mi 'gyur ro/ /des na khyad par mthong ba'i rjes su dpag pa bzung ba nyid la 'jug pa ji ltar 'gyur zhing/ ji ltar na de nyid dpe yin pa'i phyir spyi 'dzin pa ma yin/ ci ste dus gzhan dang 'brel bar mthong ba yin na/ dus gzhan dag tu gzhan skyes pa gang yin pa de la de'i dngos po grub pa'i phyir 'dis khyad par mthong ba'i phyir mthong ba kho na yin no zhe na/ 'di la brjod pa/ gal te mthong med dngos ni/ /tshad mas grub na dngos gzhan la/ /de nyid sgro 'dogs phyin ci log /des grub tshad can nyid ma yin/ /gal te mthong ba gzhan yin yang/ /phyis dus gzhan gyi tshe de nyid 'di yin no zhes bsgrub par bya ba yin zhes len to zhe na/ 'o na ni de ma yin pa la der sgro 'dogs pa de nges par phyin ci log yin te gzhan nyid du mthong ba ni de kho nar de nyid du 'gyur ba ma yin no/ /ma mthong ba la ni mthong ba'i rang bzhin sgro 'dogs pa tsam zhig nus kyi de nyid du gzung bar ni ma yin te/ sngar mthong ba de ni sngar gyi shes pas gzhan gyi rang bzhin dang ma 'dres par bzung ba'i phyir ro/ /gal te ma bzung ba de lta na yang rjes su dpag pas de nyid du 'dzin gyi/ gzhan nyid du ni ma yin no zhe na/ ma yin te/ rjes su dpag pa ni sngar mthong ba rjes su 'brang ba'i phyir ro/ /rjes su dpag pa ni dran pa tsam las gzhan ma yin no/ /ci ste rjes su dpag pa dngos po 'dzin pa'i rang bzhin yin na ni/ de'i tshe mngon sum cig shos gcig yin phyir/ gcig grub pa na gnyis ka'ang 'grub/ /gal te mngon sum dang cig shos rang bzhin gcig nyid yin na/ de'i tshe mngon sum mam gzhan yang rung ba'i tshad ma cig nyid kyis grub pa'i phyir gzhan tshad ma ma yin par 'gyur te/ gzhan gyis khyad par cung zad kyang byas pa med pa'i phyir ro/ /de'i phyir gnyi ga gsal ba'i rnam pa can nam cig shos su 'gyur ro/ /ci ste mig la sogs pa'i byed pa med pas mi gsal ba nyid yin te/ de ni gsal ba nyid du rab tu grub pa'i phyir ro zhe na/ de ni ma yin te/ gal te gsal bar snang ba 'di/ /mig sogs rgyu mtshan can yin na/ /gzugs 'dzin pa la snang ba ni/ /sbyor byed min pa nyid du 'gyur/ /'on te gsal ba nyid snang bas byas pa yin na ni de'i tshe snang ba yod pa na rjes su dpog pa mi gsal bar ji ltar 'gyur/ snang ba ni res 'ga' ba yin pa'i phyir ro zhe na/ 'o na snang ba de don dam par yod pa yin yang nges par mi byed pa de/ dngos po 'dzin par ji ltar 'gyur/ snang ba dang bral ba'i dngos po tsam 'dzin pas nyes pa med do zhe snang ba dang ldan pa la de dang bral bar 'dzin to zhes bya ba ni bab col yin no/ /de ltar gyur na ni de nyid spyi 'dzin pa'i phyir de ni khyad par mthong ba ma yin no/ /gzhan dang mtshams ni sbyor ba yis/ /zhen pa dran pa yin par shes/ /gal te de rtags pa la bltos phyir/ /dran min ma yin 'khrul phyir ro/ /gzhan yang/ 'di ni sngon mthong ba mtshams sbyor ba tsam yin gyis gsal ba'i rang bzhin du 'dzin pa ni ma yin pa de'i tshe dran pa nyid yin no/ /mngon sum dang rjes su dpag par bya ba dag rang bzhin cig nyid yin pa de'i tshe/ gzhal bya bla lhag cung zad kyang med pa'i phyir/ 'dir dran pa kho na yin gyi dngos po 'dzin pa ni ma yin no/ /gal te rtags las skyes pa de ci ltar dran pa yin zhe na/ de ni ma yin te/ khyod kyi 'dod pas rtags nyid med pa'i phyir te/ /dpe dang don dag gcig pas tshul gsum med pa'i phyir ro/ /zhes ji nged kyi phyogs la ni de spyi'i yul can gyis rjes su dpag pa yin no zhes bstan pa yin no/ /gang zhig sngon gyi rang bzhin du rtogs pa de ni dran par bya ba yin gyi gzung ba ni yin te/ gzung bar bya ba nyid du ma rtogs pa'i phyir ro/ /rjes su dpag pa dran pa las gzhan ni ma yin te/ rtags las skyes pa'i dran pa kho na rjes su dpag pa yin no/ /de'i phyir gang gis de nyid lan cig ma yin par mthong ba de ni dran pa kho na'o/ /'o na da lta yod do zhes ji ltar rtogs she na/ da ltar yod pa nyid kyi phyogs kyi chos kyi stobs kyis rtogs pa yin te/ phyogs de na gnas pa'i du ba ni phyogs de nyid ni yod pa'i mes skyed pa yin no zhes/ de ltar sngar 'brel pa bzung bas thog ma med pa'i bag chags sad pa'i phyir ro/ /de ltar yin dang/ rjes su dpang pa thams cad ni dran pa yin no/ /de'i phyir gzhal bya gnyis yin pa'i phyir mngon sum dang rjes su dpag pa'i dbye bas tshad ma rnam pa gnyis yin te/ dngos dang cig shos kyi rtogs pa'i khyad par las ma rtogs pa'i rnam pa gzhan med pa'i phyir ro zhes bya ba 'di gnas so/ /de la mngon sum ni rtog pa dang bral cing ma 'khrul pa'o/ /khyad par la sogs pa dang 'brel ba'i don snang ba'i shes pa ni rtog pa'o/ /gzhan du snang ba ni 'khrul pa nyid do/ /de gnyi ga dang bral bar ni mngon sum yin no/ /gal te 'khrul pa 'di ni phyis mngon sum gyis gzhan du mthong ba las rtogs pa yin ni/ rtog pa dang bral ba nyid gang las yin/ mngon sum mngon du 'gro ba can gyis rjes su dpag pa ni de med na 'jug par 'gyur ba ma yin no/ /mngon sum mdza' dag kyang sgra'i rjes su 'jug pa can du skye ba yin te/ des na mngon sum rtog pa dang bcas pa yin pas bdag nyid rtog pa med par rtogs par yang ji ltar 'gyur/ gang gi dngos po lta ba'i shes pa rnam par rtog pa dang bral ba skye ba de'i yang rnam par rtog pa'i shes pa ni dran pa la sogs pa'i tshogs pa nye ba las skye ba yin la/ de yang dbang po'i byed pa las 'gyur bas mngon sum kho na yin pas/ de la yang rtog pa med par ji ltar 'grub par 'gyur zhe na/ 'di la lan du/ mngon sum rtog dang bral bar ni/ /mngon sum nyid kyis 'grub par 'gyur/ /kun gyi rnam rtog ming rten can/ /so so rang gis rig bya yin// mngon sum rnam par rtag pa dang bral bar ni rang rig pa kho nas rtogs pa yin no/ /rnam par rtog pa ni ming skyed par byed pa yin la/ ming gis kyang rnam par rtog pa yin no/ /ming gi rten can gyi rnam par rtog pa de ni so so rang rig pas nyams su myong ba yin te/ rnam par brtag par bya ba ni rang rig pas nyams su myong ba dang/ snang ba mig la sogs pas nyams su myong bar bya ba yin pa'i phyir ro/ /des na 'gal ba'i chos gnas pas na rnam par rtog pa can dang cig shos kyi shes pa dag ni tha dad pa kho na'o/ /ci ste yang de ni thams cad kyi tshe yod pas shes pa cig kho nar zad do zhe na/ de ltar yang ma yin te/ thams cad la ni sems bsdus nas/ /nang gi bdag nyid g.yo med pas/ /gnas na'ang mig gi gzugs dag ni/ /mthong ba'i blo de dbang skyes yin/ /gal te rnam par rtog pa'i tshogs pa med par/ dbang po mi 'jug pa nyid yin na/ de med par rnam par rtog pa bsdus pa'i gnas skabs sam/ rnam par rtog pa gzhan mngon sum du gyur pa na/ don 'dzin pa'i dbang po'i byed pa med par 'gyur ro/ /des na de'i gnas skabs na rnam par rtog pa'i snang ba dang/ ma 'brel pa'i shes pa ni mngon sum kho nas rtogs pa yin no/ /gal te 'di la rnam par rtog pa 'brel pa ma yin no/ zhes bya ba de'i tshe nyid rtog pa ma yin nam/ ci ltar gnas skabs de rnam par rtog pas dben pa yin/ ci ste de'i tshe rnam par rtog par mi byed pa nyid yin na de'i tshe 'di ni rnam par rtog pa med pa yin no zhes ji ltar rtogs par 'gyur/ rnam par rtog pa med par ni tha snyad yod pa ma yin la/ gzhan la tha snyad du ma byas par yang gzhan rtogs par 'gyur ba ma yin no/ /de lta ma yin na skad cig ma nyid la yang tha snyad byed par rang bzhin gyi gtan tshigs kyis ci dgos zhe na/ 'di la bshad pa/ slar yang cung zad rnam rtog na/ /kho bo'i rnam rtog 'di 'drar 'gyur/ /ces rigs sngar bshad gnas skabs kyi dbang po'i rtogs pa la med do/ /de nyid kyi tshe 'di rnam par rtog pa med pa'o snyam pa'i rnam par rtog pa ni skye ba de ma yin te/ de lta ma yin na mngon sum rnam par rtog pa dang bcas pa'i shes par smra ba la yang/ ci srid du 'di ni rnam par rtogs pa dang bcas pa'o snyam pa'i nges pa ma skyes pa de srid du de rnam par rtog pa dang bcas pa nyid kyi tha snyad ga las yin/ des na rnam par rtog pa dang bcas pa'i tha snyad la yang rnam par rtog pa dang bcas pa'i gzhan 'dod par bya dgos shing/ de la yang gzhan yin pas thug pa med par 'gyur ba'i phyir rtogs pa med par 'gyur ro/ /ci ste de rang nyid kho nas rnam par rtog pa dang bcas pa'o zhes bya bar 'gyur bas de la gzhan gyis ci bya zhe na/ rnam par rtog pa med pa yang rtogs pa'i rang bzhin yin pas/ rnam par rtog pas ci bya ste/ des ni gnyi ga la yang mtshungs so/ /'on te rnam par rtog pa dang bcas pa la ni/ 'di ni rnam par rtog pa dang bcas pa zhes phyis tha snyad byed pa yin no zhe na/ 'di la yang nges par rtog par byed pas rnam par rtog pa rgyud pa 'di lta bu byung bar gyur to zhes tha snyad byed pa yin la/ rnam par rtog pa bsdus ba'i gnas skabs su ni ma yin te/ de la rnam par rtog pa med par gyur to zhes tha snyad byed pa'i phyir ro/ /gal te de'i tshe med pa la rnam par rtog pas tha snyad ji ltar byed ce na/ shi ba la shi'o zhes ji ltar tha snyad byed/ de lta ma yin na rnam par rtog pa dang bcas pa la yang rtog pa nyid du ji ltar tha snyad byed/ yang de'i rigs can mthong ba las so zhe na/ 'di la yang rnam par rtog pa bsdus pa'i gnas skabs na yang nas yang du mthong ba bkag pa med pa kho na'o/ /des na mtshan nyid tha dad pa dang/ phan tshun med pa yang 'byung ba yin pa'i phyir rnam par rtog pa dang bcas pa dang cig shos ngag ni gcig pa nyid ma yin no/ /ci ste tshogs pa yod pa'i phyir rnam par rtog pa dang bcas pa gzhan nyid skye ba yin la/ de med pas ni rnam par rtogs pa med par 'gyur ba yin no zhe na/ de ni ma 'brel pa ste/ gal te tshogs pa las rtogs na/ /sngo ser tha dad med 'gyur te/ /bsdoms pa gzhan du gyur pa ni/ /skyes so zhes ni rtogs phyir ro/ /de ni der sngon po dang ser po la sogs pa bsdoms pa gzhan zhig skyes pa yin te/ tshogs pa'i khyad par srid pa'i phyir ro/ /ci ste ngo shes pa'i phyir te/ 'di ni sngon po de nyid yin gyi bsdoms pa gzhan ni ma yin no zhes rtogs pa'i phyir de dag tha dad pa yin no zhe na/ tha dad par rtog pa ni rnam par rtog pa dang bcas pa dag cig shos la yang mtshungs so/ /de'i phyir mngon sum ni rnam par rtog pa med pa nyid do/ /dran pa la sogs pa'i 'di ni dbang po'i rnam par shes pa rnam par shes pa rnam par rtog pa dang bcas pa nyid kyi rgyu ma yin te/ dbang po'i don 'dzin pa la 'jug pa'i phyir ro/ /dbang pos bzung ba'i don la ni sgra dang sbyor ba ma yin te/ de brjod pa nyid kyi sgra med pa'i phyir te/ rang gi mtshan nyid la brda mi 'jug pa'i phyir dang/ spyi dbang po'i gzung ba ma yin pa'i phyir ro/ /ci'i phyir de ltar yin zhe na bshad pa/ gcig tu mthong ba'i khyad par ni/ /gzhan 'ga' zhig tu mthong mi 'gyur/ de las spyi gzhan tha dad pa/ /yod min tha dad blo med phyir/ /gang gi phyir khyad par ni yul dang dus dang rjes su 'gro ba ma yin te gang gi phyir gzhan du mngon de nyid dam gzhan gyis mthong ba ma yin te/ de ni dus gzhan na gnas pa la med pa'i phyir ro/ /mngon sum gyis ni rang gi dus su chad pa'i dngos po rtogs pa yin te/ des na snga ma phyi ma la mngon sum ma yin la/ phyi ma dang snga ma la ma yin no/ /gal te ngo shes pas de nyid 'di yin no zhes snga ma dang phyi ma 'dzin to zhe na/ ma yin te/ ngo shes pas ni mngon sum ma yin pa'i phyir te/ de la dbang po'i byed pa med pa'i phyir ro/ /'di ltar/ dbang po rung ba'i yul gnas ?/ /'gyur 'gyur 'das dang 'byung la min/ /de la brten pa'i rnam shes kyang/ /dus gzhan dag tu 'byung la min/ /dbang po'i shes pas yul dang dus khyab par 'dzin pa ni ma yin te/ de ltar yin na ni thams cad rnam pa thams cad mthong ba dang ldan par 'gyur ro/ /gal te dbang po 'das pa'i dngos po la mi 'jug ste/ de la bsten pa'i rnam par shes pa la 'gal ba ci yod ce na/ gal te de la brten pa'i rnam par shes pa 'das pa la 'jug na ni mig kyang 'jug par 'gyur te/ mig gzhan du 'jug pa ni ma yin no/ /snga ma dang phyi ma 'dzin pa la ni mig gi byed pa rtogs pa med de/ snga ma dang phyi ma dag la ni/ /dran pa dang/ srid par dang rjes su dpag pa 'jug pa'i phyir ro/ /gal te de nyid dbang po 'jug pa yin no zhe na/ rjes su dpag pa yang mngon sum du thal bar 'gyur ro zhes ston par 'gyur ro/ /de'i phyir khyad par rnams ni rjes su 'gro ba can ma yin no/ /spyi dbang pos gzung ba rjes su 'gro ba yin no zhe na/ de ni mi bden te/ gang gi phyir/ de las spyi gzhan tha dad pa/ /yod min tha dad blo med phyir/ /khyad par rnams rjes su 'gro ba ma yin la/ spyi yang ma yin te/ de ni med pa nyid kyi phyir ro/ /khyad par rnams ni yod pa yin na de dag rjes su 'gro ba ma yin no/ /spyi rjes su 'gro ba yin yang de ni med pa'i phyir ma mthong bas dbang pos gzung ba'i rjes su 'gro ba ni mi srid do/ /'dir spyi ni snang ba ma yin te/ rnam pa gzhan snang ba med pa'i phyir ro/ /tha mi dad pa yin na ni gsal ba nyid yin la de la yang rjes su 'gro ba can ma yin no/ /de nyid kyi phyir tha dad pa dang tha mi dad bar brjod du med pa'i phyir yang yod pa ma yin no/ /de'i phyir dbang po las skyes blo/ /thams cad khyad par yul can yin/ /khyad par rnams la sgra dag ni/ /'jug pa srid pa yod min te/ /khyad par rjes 'gro med pas na/ /brda 'jug pa ni med phyir ro// rjes su 'gro ba med par snang ba la ni spyi'i rang bzhin yod pa ma yin no/ /khyad par rnams la sgra 'jug pa yang ma yin te/ rjes su 'gro ba med pas brda mi 'jug pa'i phyir ro/ /brda ni tha snyad pa dag gi yul dang dus gzhan du tha snyad 'jug par bya ba'i phyir 'dod pa yin te/ de lta ma yin na ni zhen pa nyid du 'gyur ro/ /chos kyi don du yin no zhe na/ de ltar su zhig yid ches des na yul dang dus so sor nges pa la ni brda 'jug pa med do/ /de'i phyir khyad par ni sgra'i yul ma yin no/ /sgra rnams yul yang gang de nyid/ /de rnams la ni yang dag sbyor/ /nges yang dag par sbyor ba ni khyad par ma yin no/ /de'i phyir khyad par 'dzin pa'i shes pa ni rtog pa dang bcas pa ma yin te/ gang rtog pa dang bcas pa yang khyad par 'dzin pa med do/ /sgra yis spyi la sbyor ba'i phyir ro/ /ci'i phyir 'di brjod/ sgra rnams yul ni gang yin pa/ /de nyid de rnams kyis sbyong byed/ /des na khyad pa ni sbyar nas 'dzin pa ma yin te/ de'i phyir khyad par 'dzin pa'i shes pa rtog pa dang bcas pa ma yin no/ /rnam par rtog pa dang bcas pa gang yin pa de yang khyad par 'dzin pa na yin te/ spyi sgra dang sbyor ba'i phyir ro/ /ci'i phyir zhe na/ bshad pa de/ 'di yi shes ni 'brel pa la/ /don snang ba ni gang yin la/ /de dag nyid ni 'brel yin na/ /de yi dbang po'i spyod yul min/ /don mthong yang de ni 'di'i brjod par byed pa yin la 'di ni 'di'i brjod par bya ba yin no/ /zhes 'brel par byed pa'i shes pa la snang ba de dag nyid brjod par bya ba dang rjod par byed pa'i mtshan nyid kyi 'brel pa yin na de'i dbang po'i yul ma yin no/ /ci phyir zhe na/ 'di 'di'i brjod par bya ba yin no zhes bya ba ni don ci zhe na/ 'di las 'di rtogs par bya ba yin no/ /shes pa gang gis rtogs par bya ba yin te/ ci lkog tu gyur pa'i don can rnam par rtog pa dang bcas bas sam/ 'on te mngon sum du byed pa'i mngon sum gyi yin/ gal te mngon du byed pa'i mngon sum gyis de rtogs par bya ba yin na ni/ dbang po'i tshogs don med par 'gyur ro/ /'on te lkog tu gyur pa'i don can gyis yin na ni/ de'i tshe dbang po'i yul gyi don 'brel pa ma yin te/ de'i tshe dbang po'i yul gyi don med pa'i phyir ro/ /yang na don dang sgra med kyang 'di'i brjod par byed pa'i 'di'i yin no zhes 'brel par byed pa'i phyir ro/ /'di ltar/ de tshe gsal bar snang ba yi/ /don snang ba ni med phyir ro/ /shes snang tha dad pa yis ni/ /don rnams khyad par byed pa yin/ /dbang po'i yul gyi don ni gsal bar snang ba yin la/ lkog tu gyur pa'i don la ni mi gsal bar snang ba yin na/ snang ba tha dad pa yin yang gcig pa nyid ni ma yin no/ /gal te nye ba dang ring bar gnas pas shes pa'i snang ba gsal ba dang mi gsal bar tha dad kyang yul gcig pa nyid yin pa'i phyir/ snang ba tha dad pas tha dad par ji ltar 'gyur te/ tha dad pa'i don byed pa tha dad pa las yin pa'i phyir ro zhe na/ don byed pa tha dad pa yang snang ba tha dad pa kho na ma yin nam/ gzhan du gyur pa'i 'bras bu tha dad pas ni tha dad pa'i mtshan nyid ma yin no/ /snang ba tha dad pa med par 'bras bu tha dad pas ni rgyu tha dad par 'gyur ba ma yin no/ /snang ba tha dad pa yang yod pa kho na'o zhe na/ /'o na ni de nyid las tha dad par 'gyur bas 'bras bu tha dad pas ci bya/ gal te 'bras bu tha dad pas rgyu tha dad pa yin na/ 'bras bu tha dad pa gang las yin/ 'bras bu gzhan tha dad pa las so zhe na/ thug pa med par 'gyur ro/ /snang ba tha dad pa las yin no zhe na ni rgyu yang de nyid las tha dad par 'gyur bas 'bras bu tha dad pas ci zhig bya/ don byed pas tha dad pas tha dad pa la yang snang ba tha dad pa de nyid tha dad par byed pa yin te/ gsal bar snang ba nyid don byed pa yin pa'i phyir ro/ /de'i phyir yul thag ring po na gnas pa'i mi gsal bar snang ba ni dngos po'i yul can ma yin no/ /mi bslu ba'i phyir yul gcig nyid yin no zhe na/ de ni rjes su dpag pa la yang yod pa yin pas der yang snang ba tha dad pa 'ba' zhig gis tha dad par 'gyur ro/ /'o na ni gang gi tshe mig mngon du bye bas/ de lta bu la brda byed pa de'i tshe sgra dngos po'i yul can du 'gyur ba yin no zhe na/ 'dir gtan la dbab pa ni/ mig la don snang ba na yang/ 'di zhes gzhan gyis bstan pa gang/ /de nyid sgra yis sbyor byed kyi/ /dbang po'i spyod yul ma yin no// g al te mig dang rna ba dag la sgra dang bum pa la sogs pa snang ba de ltar yang rang gi ngo bor snang ba tsam gyis ni 'brel pa ma yin gyi 'di'i brjod par byed pa ni 'di yin no zhes tha dad pa'i rnam par dbye bas bstan pa gang yin pa de nyid sbyor ba yin na mngon sum la ni rnam par dbye ba'i don snang ba ma yin te/ don kyang pa tsam zhig snang ba'i phyir ro/ /rnam par dbye ba'i don ni rnam par rtog pa'i snang ba'i yul nyid de/ 'di ltar/ 'di yi zhes 'brel pa ni phan 'dogs bya 'dogs byed med par mi 'gyur ro/ /des na res 'ga' ni blo'i yul gyi don las sgra 'byung la/ /res 'ga' ni sgra las blo la gnas pa'i don yin pa'i phyir/ blo'i rang bzhin dang rnam par rig byed rgyu dang 'bras bu'i mtshan nyid kyis 'brel pa la brten nas rnam par dbye ba 'byung ba yin no/ /mngon sum las snang ba tsam ni 'brel pa'i rgyu mtshan ma yin te/ de med par yod pa'i phyir ro/ /gal te mig la sogs pas skyed pa la snang ba'i rang gi mtshan nyid la brda byed pa yin na ni de'i tshe de nyid kyis snang bar 'gyur ba zhig na de ltar ni ma yin te/ dbang po'i bya ba med pa la/ /gzhan dag tsam gyi snang med phyir/ /ci ste yang gal te rang gi mtshan nyid la brda med mod/ /de lta na yang de nyid brjod bya yin pa'i phyir 'gal ba ci yod ce na/ 'brel pa ma byas can min te/ /rang nyid shes par thal phyir ro/ /yang na gal te rang gi mtshan nyid la brda byed na ci ltar spyi rtogs par 'gyur/ /de lta bu nyid do zhe na/ de la bshad pa ni/ 'brel par ma byas can zhes bya ba la sogs pa yin no/ /de'i phyir dbang po'i shes pa ni 'brel pa med par brjod bya ma yin pa kho na shes pa yin pa'i phyir/ /rnam par mi rtog pa yin no/ /'o na ji ltar 'di ba lang zhes bya ba dang/ spu la sbrul mnyam pa'i rnam par rtog pa'i shes pa gsal bar snang ba rtogs pa'i shes pa gsal bar snang bar rtogs/ 'dir rnam par rtog pa'i gzhan nyid do zhes bya bar ni nus pa ma yin te/ 'dzin par byed pa gzhan rtogs pa med pa'i phyir ro/ /'di la rnam par rtog pa'i gzung ba'i lkog tu gyur pa yang med de gsal ba dang cig shos kyis snang ba gnyis rtogs par thal ba'i phyir ro/ /'on te sngar rnam par mi rtog pa na yang de snang ba yin no/ /rnam par rtog pa'i dus su gzung bar bya ba khyad par du gyur pa yang yod pa ma yin zhing/ gzung bar khyad par du gyur pa ma yin na ni/ 'dzin par yang ji ltar 'gyur snyam na/ de yang mi bden te/ nges pa dang ni ma nges pa/ /nyid kyi khyad par dmigs pa'i phyir/ /ji ltar 'dir khyad med 'gyur te/ /mthong ba nyid ni mi 'thad min/ /shes par gyur pa nyid ni dgag pa'i yul ma yin no/ /rnam par rtog pas shes par gyur pa ni mi bden pa'i phyir ro/ /zhe na/ de ni mi bden te/ bden min nyid ni ga las grub/ /rnam rtog phyir na 'dir tshad gang/ /rnam rtog med pa'i blo la yang/ /mi bden nyid ni brjod par bya/ /rnam par rtog pa dang bcas pa zhes bya ba de tsam nyid kyis ni mi bden pa ma yin te/ rnam par rtog pa med pa yang mi bden par thal ba'i phyir ro/ /rnam par rtog pa med pa nyid yin pa'i phyir de ltar ma yin no zhe na/ de ni rnam par rtog pa dang bcas pa la yang mtshungs pa'i phyir khyad par med do/ /gzhan yang mngon sum du byed pa ji ltar mi bden pa yin/ rnam par rtog pa med pa ni nges pa med pa yin pas mi bden pa nyid du srid kyang/ nges pa'i rang bzhin mngon du byed pa go mi bden pa nyid du ji ltar dogs/ /'on te nges pa 'di ni rjes su dpag pa yin no zhe na/ de yang mi bden te/ yul ni lkog tu ma gyur pas/ /rjes dpag srid pa min phyir ro/ /yul gyi dbye ba nyid las ni/ /tshad ma'i dbye ba bsgrub phyir te/ /tshad ma nges pa med pa nyid/ /min par sgrub par byed phyir ro zhe na/ de thams cad ni bden pa min te/ /'di ltar/ rtog bcas rtog pa med pa'i yid/ /cig car du ni 'jug phyir ram/ /'jug pa myur phyir blun po drag /de dag la ni gcig tu zhen/ /'di'i don ni 'di yin te/ /gal te ba lang mnyam pa'i rnam par rtog pa la sogs pa'i ye ger nges pa can rang gi mtshan nyid 'dzin par nus pa yin na ni mngon sum gyis shes pa 'di ni gcig tu rnam par rtog pa dang bcas pa nyid do zhes bya bar rig par 'gyur ba zhig na/ gang gi phyir yi ge'i rnam par 'dzin pa thams cad ni sngon mthong ba'i stobs las byung ba'i bag chags kyi sa bon sad ba las yi ge mi gsal bar snang bar rtogs pa yin te/ de'i phyir gzhan kho na yin la mdun na 'dug pa'i ka ba gsal bar snang ba'i shes pa ni mngon sum yin no/ /de la ni rnam par rtog pa yod pa'i phyir 'di nyid mngon sum gyi shes pa yin no/ /'o na gcig tu zhen par ji ltar zhe na/ med pa kho na'o/ /re zhig 'di ni ba lang ngo snyam pa'i shes pa ni khra'o dang ba lang la sogs pa'i yi ge rnam pa gcig tu zhen pa ma yin te/ snang ba tha dad pas tha dad pa nyid du rtogs pa'i phyir ro/ /yi ge pa la sogs pa'i rnam par rtog pa rim gyis skye bar 'gyur ba rnams kyang gcig gi ngo bo nyid ma yin no/ /yi ger snang ba'i shes pa nyid ni khra bo la dmigs pa ma yin te/ de med kyang khra bor snang ba'i phyir dang/ yi ger snang ba de yang mig btsum pa la yang snang ba'i phyir ro/ /de med kyang snang ba ni ma nges pa'i bdag nyid yin la nges pa ni de las khyad par du gyur pa yin no zhe na/ nges pa zhes bya ba 'di ci yin/ rang bzhin gsal bar snang ba'o zhe na/ ma yin te sngon nyid snang ba'i phyir ro/ /sngon gyi rang bzhin nyid du snang ba na rnam pa gzhan de nyid mi gal ba yin no/ /de'i phyir ci ltar rnam pa gzhan snang ba na gzhan nges pa zhes bya/ de dang gcig tu nges bar byas pa'i phyir nges pa yin no zhe na/ tha dad par snang ba dag la gcig tu nges pa bden par ji ltar 'gyur/ 'o na gcig nyid kyi tha snyad ji ltar zhe na/ 'bras bu 'jug pa gcig yin pa'i phyir te 'bras bu gcig pa nyid kyis na de gcig tu zhen pa yin no/ /'o na rim gyis 'dzin par ji ltar mi 'gyur zhe na/ yul cig car nye bar gnas pa nyid kyi phyir ro/ /yi ger rnam par rtog pa'i dus su mngon sum gyi shes pa'i don nye bar mi gnas pa ni ma yin no/ /yang na khyed kyi yul nye ba na myur du 'jug pa'i phyir rim gyis 'dzin par nges pa ma yin pa de bzhin du kho bo cag gis 'dzin pa yang yin pas khyad par med do/ /gal te rnam par rtog pa gzhan nyid yin na ji ltar de'i yul brjod par bya ba'i rang bzhin mi gsal ba nyid du snang bar ma gyur/ de la yul gzhan med pa'i phyir ro zhe na kho na ni der yul med pa zhugs pas de bar du bcad pa na/ mthong ba rgyun chad par 'gyur ro zhe na/ ma yin te/ bar du bcad pa med pa'i phyir te/ dus mnyam pas ni bar du gcod pa mi srid do/ /gzhan yang/ gal te rnam rtog gis bcad pas/ /mthong ba rgyun chad 'gyur zhe na/ /gzhan gyi'ang rigs ni tha dad pa'i/ /rnam par rtog tshe ji ltar mi/ /mngon sum gcig tu rnam par rtog pa dang bcas pa gang yin pa de la ni rgyun chad ba med de/ de nyid gyis bar du gcod pa ni ma yin no/ /rnam par rtog ba med par smra ba la ni rnam par rtog pa gzhan smra kho na yin te/ des na bar du gcod do zhe na/ rigs mi gcig pa'i rnam par rtog pa byung ba'i tshe don mthong ba'i rgyun mi 'chad par ji ltar 'gyur/ rigs mi gcig pa'i rtog pa ni gzhan gyi mngon sum gyis shes pa'i rang bzhin nyid ma yin te/ gzhan la snang ba'i rang bzhin du rnam par rtog pa med pa'i phyir ro/ /ci ste de la rgyun chad pa ni/ yod pa kho na'o/ /'on kyang mthong ba'i dngos po stobs dang ldan pas bar du zhugs pa'i mthong ba ma yin pa'i bsgribs pa ni rang gi tha snyad mi 'thob pa yin te/ des na rgyun chad pa med par zhen pa yin no zhe na/ de mi rigs te/ 'di ltar/ gal te mgal me mthong ba bzhin/ /dngos phyogs stobs dang ldan 'dod na/ /de ni gzhan la'ang mtshungs pa yin/ /yi ge'ang cig char thos par 'gyur/ /gal te rnam par rtog pa'i rigs mtshungs kyang dngos po'i phyogs stobs dang ldan pa yin na/ rnam par rtog pa med par smra ba la yang mtshungs pa'i phyir bar du chod pa ma yin pas skyon med do/ /'di ni khas blangs nas brjod par zad de/ bar du gcod pa ni mi srid do/ /myur ba'i phyir na bar du chod pa la yang bar ma chod par sems pa ni ma yin te/ gang gi phyir myur bar brjod pa'i yi ge dag kyang dus gcig tu thos pa thal bar 'gyur na/ de ltar yang ma yin te/ de'i phyir myur ba ni 'dir rim pa dang ldan pa la yang bar du mchod par snang ba'i rgyu ma yin no/ /ci ste de la ni myur ba nyid med pa yin te/ des na dus gcig tu thos pa ma yin no zhe na/ 'dir myur ba med pa yin no zhe na/ bya ba ga las yang dag dus gcig tu 'jug pa med pa'i phyir ro zhe na/ 'di ni 'og nas bshad par bya'o/ /de ltar ma yin na cig car du rtogs pa nyid med par 'gyur ro zhe na/ ma yin te/ cig car ba yin pa'i phyir ro/ /'o na autpa la'i 'dab ma brgya phigs pa yang cig car nyid du bas rim par brtag pa ci bya zhe na/ ma yin te/ de la ni rim gyis yul du phyin ba'i phyir rjes su dpag pas rtogs pa yin no/ /'di ni de ltar rjes su dpag pa med pa'i phyir rim par rtogs par ji ltar 'gyur/ rim yang med par rtogs pa la rgyu ci yod ce na/ mngon sum gyi bdag nyid kyi snang ba nyid do/ /mngon sum du snang ba las zhan pa'i sgrub par byed pa yang rtog pa ni ma yin no/ /sngar brjod pa'i yi ge cig car? thos pa'i rgyu mgyogs pa gang yin pa de nyid med pa de la brjod pa/ 'dod don kun dang cig car du/ /dus can dbang rnams yod pa na/ /lnga po rnams kyis chod na yang/ /chod med bzhin du snang ba'i blo/ /gang de ming gi mthar thug ba'i/ /shes pa'i skad cig dang 'dres phyir/ /chod par snang ba de ngo mtshar/ /de phyir blo ni cig char 'gyur/ gang zhig blo cig char skye ba ni med do/ /gang du cig car 'byung bar zhen pa der ni myur du 'jug pas rgyu gzhan med do/ de ltar lhag par zhen pa ni mgyogs par 'jug pa las yin no zhes 'dod pa de la 'di skad brjod de/ yi ge sbyin par brjod pa la yang ji ltar mi 'gyur/ gal te de lta bu'i mgyogs pa nyid med pa'i phyir gzhan ma yin nam zhe na/ 'o na 'dir yang de bas kyang mgyogs pa ches shas chung ba yin te/ gang du yul lnga nye bar gnas pa dang/ rnam par rtog pa nus dang ldan par gyur ba/ dper na dre zhin zhing blta na sdug pa'i na chung gi kha'i ro myang ba glu snyan pa la rna gtod ba lta bu'o/ /der ni sems re re yang lngas bar du chod pa yin no/ /'dir chos mgyogs pa shas chung ba de 'dra ba yin mod kyi de lta na yang cig car 'dzin par snang ba de bzhin du yi ge rnams la yang 'gyur ro/ /gang du lngas bar du chod kyang gcig car du zhen pa sgrub par nus pa'i mgyogs pas/ yi ge'i yul can skad cig shes pas bar mchod pa der ji ltar nus par mi 'gyur/ de'i phyir blo ni cig car kho na skye bar rigs pa yin no/ /de lta ma yin na 'gal ba sgrub par mi nus pa kho na'o/ /des na rtogs bcas rtog pa med pa'i yid cig car du ni 'jug phyir ro/ /zhes bya ba 'di ni 'thad pa yin no/ /gzhan yang/ snang ba la yang khyad med na/ /bar bcas par med ci ltar yin/ /yid kyi rtogs pa 'ba' zhig la/ /rim du 'dzin par mi 'gyur ro/ /la lar ni bar dang bcas pa yin te gang du rigs mi mthun pas bar du bcad pa'o/ /la lar ni bar chad med pa yin te/ rigs mi mthun pa'i rnam par rtog pas bar du ma bcad pas so zhes bya'o/ /bar chad dang bcas pa dang bar chad med pa de dag gal te snang ba khyad par med na ji ltar 'gyur/ /yid kyi rnam par rtog pa 'ba' zhig rgyun tu 'byung ba gang yin /de'i yang rim pa dang ldan par snang bar mi 'gyur ro/ /mgyogs par 'byung ba'i phyir ro/ /gal te rnam par shes pa cig car 'byung na res 'ba' don tshogs kyang 'dzin pa med par ji ltar 'gyur zhe na/ 'di la lan du la lar kun tu chags sems can/ /don nye bar la'ang 'dzin med gang/ /chags pas gzhan skyed nus nyams phyir/ /gnyi ga la yang rtsod 'di yod/ /gzhan la chags pas nus nyams par 'gyur pa yin na ni shes pa de nye bar gnas pa thams cad kyi rnam par shes pa skyed pa'i de ma thag rkyen du mi 'gyur ro/ /gnyi ga la brgal zhing brtag pa mtshungs pa yang yin no/ /mtshungs pa ma yin te/ gcig kho na la yid kyi nus pa yod pa'i phyir zhe na/ de lta na yang cig car 'dzin par snang bar 'gyur ro/ /gang la cher chags pa med pa de la 'gyur ba kho na'o zhe na/ kho bo cag kyang de skad smra ste/ dag tu chags pa der ni rim gyis 'dzin la/ gzhan du ni cig car ro/ /thams cad du rim gyis 'dzin pa yin no zhes bya ba 'di la ni tshad ma med do/ /rnam par shes pa lnga ma las ma gtogs pa'i yid gzhan ni tshad ma'i yul du gyur pa med do/ /gal te mgal me rims kyis 'dzin pa yin yang cig car du snang ba ma yin nam zhe na/ de yang mi bden te/ da rim gyis snang ba mtshams sbyar bas blo der 'gyur ba ni ma yin gyi 'on kyang der ni cig car kho na snang ba yin no/ /'di ltar/ mgal me la sogs myur 'jug pa'i/ /rjes su 'gro bas gnod pa can/ /mig las 'khor lor 'khrul skye'o/ /de mthong mtshams sbyor bas ma yin/ /myur du bskor ba'i mgal me'i skad cig rnams kyis rjes su 'gro ba'i nyams par byas pa'i mig nyid kyis 'khor lor snang ba blo skyed par byed kyi/ dngos po'i phyogs stobs dang ldan pa ni yid kyi shes pa de ltar gyur pa ni ma yin no/ /ci ste na yang yul lnga nye bar gnas pa ni cig car snang ba ni 'khrul ba kho na yin no zhe na/ 'o na ni thams cad du cig car snang ba 'khrul pa kho nar 'gyur ro/ /'dod pa kho na'o zhe na/ ma yin te/ 'khrul pa nyid la tshad ma med pa'i phyir ro/ /cig car snang ba nyid ni 'khrul ba med pa'i mngon sum gyi rtogs pa yin no/ /gnod par byed pa med kyang de ltar snang pa de 'khrul pa yin na ni shes pa thams cad de ltar thal bar 'gyur ro/ /des na gnod par byed pa med pa'i phyir cig car dmigs pa'i nyes pa lnga po cig car nyid yin no zhes grub pa yin no/ /des na mngon sum gyi rnam par rtog pa med pa kho na'o/ /da ni gzhan gyi 'dod pa nye bar bkod de 'gog par byed do/ /la la dbang skyes la sogs phyir/ /byis pa'i blo bzhin rtogs med dang/ /byis pa'i rtog med nyid kyi rgyu/ /brda? nyams pa ni yin smra ba/ /gzhan dag mngon sum ni rtogs pa med pa yin te/ dbang po las skyes pa'i yin pa'i phyir dang/ nyams su myong ba'i rnam pas 'jug pa'i phyir dang/ yid ma yin pa'i phyir byis pa'i rnam par shes pa bzhin no/ /byis pa'i dbang po'i rnam par shes pa rtog pa med pa nyid ni brda 'dzin par mi nus pa'i phyir ro zhes smra ba/ de dag gi ni rtag med phyir/ /byis pa'i mngon sum nyid du 'gyur/ /brda yi rgyu dang bral ba'i phyir/ /de ni phyis kyang mi 'gyur ro/ /de skad smras pa de dag gi ltar na byis pa ltar ni mngon sum kho nar 'gyur ro/ /'gyur mod/ byis pa la ni thams cad rtogs pa med par 'dod pa kho na'o zhe na/ ma yin te/ byis pa la yang rang gi don bya ba la snga ma dang phyi mar rtogs pa kho na'o/ /ci ste de'i tshe med na ni phyis kyang rnam par rtog par mi 'gyur te/ brda 'dzin pa'i thabs med pa'i phyir ro/ /brda 'dzin pa'i thabs ni rnam par rtog pa yin pa de byis pa la med do/ /'on te/ gal te brda la ma byang ba'i/ /yid yod des na de 'dod na/ /de bzhin dbang skyes la yang 'gyur/ /'di 'dra 'di yang lhag ldan yin/ /gal te byis pa rnams kyi yid kyi tha snyad byed pa de'i phyir byis pa rnams la rnam par dpyod pa yod pa yin no/ /des na brda 'dzin pa'i phyir phyis yid rnam par rtog pa dang bcas par 'gyur ba yin no zhe na/ gal te de lta na ni dbang po las skyes pa la yang 'gyur ro/ /dbang po las skyes pa yang phyis rnam par rtog pa dang bcas par 'gyur ba ces bzlog par byed/ byis pa'i dbang po'i rnam par shes pa de yang brda 'dzin par nus pa med pa ga las yin/ dbang po las skyes pa nyid kyi phyir ro/ :/zhe na ma yin te/ 'brel pa med pa'i phyir ro/ /gzhan yang /gal te byis pa'i dbang po las skyes pa rnam par rtog pa med pa yin du chug kyang/ thams cad du 'di ltar 'gyur dgos so zhes bya ba 'di ga las yin/ gnod par byed pa'i tshad mas 'brel pa grub pa med par dpe tsam gyis ni gtan tshigs go bar byed pa ma yin no/ /ci ste gang zhig dbang po las skyes pa de ni nye bar tsam 'dzin par byed pa yin pas snga phyi 'dzin pas stong pa'i phyir rnam par rtog pa med pa yin no zhe na/ 'di snga phyi 'dzin pas stong pa nyid du ji ltar 'grub/ mngon sum du byed pa ni snga ma dang phyi ma de dag la med pa'i phyir dang/ mngon sum du byed pa ma yin pa ni/ mngon sum nyid ma yin pa'i phyir ro zhe na/ de lta na ni 'o na dbang po'i shes pa yin pa'i phyir// byis pa'i rnam par shes pa bzhin no zhes bya ba don med pa yin no/ /rtog pa med pa nyid ni mngon sum gyis grub par 'gyur te mngon sum du byed par so sor nges pa nyid ni mngon sum gyis nyams su myong ba'i phyir ro/ /de lta ma yin na gal te gang du yang mngon sum rtog pa med pa nyid kyi sgrub par byed pa ma yin na ji ltar de'i rjes su 'brangs nas rjes su dpag pa 'jug / ci ste byis pa'i rnam par shes pa mngon sum du byed pa'i rnam pa can yin pa de'i phyir dbang po'i shes pa gzhan yang de lta bu nyid do zhe na/ de lta na ni 'o na/ byis pa la sgrub gang yin pa/ /de nyid 'dir yang brjod bya ste/ /dbang po'i blo ni mtshungs phyir ro/ /'dis ni myong sogs bshad pa yin/ /bskal pa la mngon du byed pa ma mthong ba'i phyir dang/ gzhan la mthong ba'i phyir lkog tu ma gyur pa'i yul can yin pa'i phyir mngon sum rtog pa med pa yin no zhes spyir bsgrub par bya ba yin gyi/ /dbang po las skyes pa'i phyir zhes bya ba'i gtan tshigs kyis ci zhig bya/ mngon sum du byed pa 'di ni rnam par rtog pa med pa nyid du brjod do/ /rnam par rtog pa med pa nyid ni rtog pa dang bcas pa 'gal ba'i phyir mngon sum du byed pa yin pa de ni rnam par rtog pa med pa nyid kyis khyab pa yin pa de'i phyir 'di ni 'gal bas khyab pa'i dmigs pa yin no/ /yang na rnam par rtog pa med pa nyid kyis ni mngon sum du byed pa sgrub cing de las kyang mngon sum nyid do/ /gal te rnam par rtog pa med pa nyid kyis ni mngon sum du byed pa bsgrub pa yin la/ des mngon sum nyid yin na zla ba gnyis la sogs pa rig pa rnams kyang 'gyur ro zhe na/ ma 'khrul ba nyid yin na zhes brjod par bya ba yin no/ /gal te ma 'khrul pa nyid kyis chog mod rnam par rtog pa med pas ci bya zhe na/ khyad par ni gzhan la bltos pa yin pa'i phyir ro/ /de skad du yang mtshan nyid la/ gzhan gyi lugs la bltos nas khyad par du byas so zhes bshad do/ /thams cad du yang rtog pa ni med pa nyid do/ /'khrul pa med pa'i shes pa thams cad ni rtog pa med pa kho na'o/ /'khrul pa med pa nyid kyang slob dpon gyi dmigs kyis bsal ba'i sgo nas bstan pa yin no/ /yang na dbang po la brten pas ni mngon sum ste/ des ni mngon du byed pa nyid mtshon pa yin te/ de'i phyir mngon sum du byed pa'i rnam pas 'jug pa'i shes pa thams cad ni rnam par rtog pa med pa nyid do/ /yang na 'jug par byed cing khyad par byed pa'i phyir mngon sum yin la yul gyi rang bzhin la khyab par byed pa yang mngon du byed pa kho na yin no/ /des dbang po las skyes pa thams cad ni rtog pa med pa kho na'o/ /yang na slob dpon gyis ma 'khrul pa smos pa med pa kho na ste/ /rtog pa dang bral ba'i zhes bya ba kho na mtshan nyid yin no/ /'o na ji ltar 'khrul pa'i shes pa rnam par bcad ce na/ mngon sum du byed pa thams cad ni mngon sum yin pa'i phyir ro/ /zla ba gnyis kyi shes pa la sogs pa yang gnyis nyid du snang ba la mngon sum kho na'o/ /des na gang zhig gang la mngon sum du byed pa de ni de la mngon sum yin no/ /de ni phyi rol la 'khrul pa yin na de la ni mngon du byed pa nyid ma yin no/ /snang ba'i rang bzhin las tha dad pa gzhan yod do zhes bya ba 'di ni rtogs pa tsam yin no/ /de skad du yang 'khrul par 'gyur ba ni yid kyis 'khrul pa'i yul yin pa'i phyir ro/ /zhes bshad do/ /phyi rol la ma 'khrul pa yang rtog pa'i shes pa nyid du 'gyur ro zhe na/ de ni bden te/ 'di ltar ci lta ci ltar don bsams pa/ /de lta de ltar rnam par 'bral/ /mkhas pa rnams kyi gang gsungs pa/ /de ni dngos stobs 'ongs ba yin/ zhes 'chad par 'gyur ro/ /gzhan yang/ khyad par dang ni khyad par gzhi/ /'brel dang 'jig rten gzhung lugs ni/ /bzung nas de dag sdom bya ste/ /de ltar rtogs kyi gzhan du min/ /dper dbyug can bzhin rigs sogs kyi/ /bye brag rtogs pa med pa'i phyir/ /de ldan sbyor ba yod min pa/ /des na 'di la rtogs pa med/ /rtogs pa ni sbyor ba 'dzin pa yin no/ /sbyor ba byed pa dang khyad pa la sogs pa so sor 'dzin pa med par ma yin te/ dper na dbyig pa can du rtogs pa bzhin no/ /rigs la sogs pa ni so sor nges par bzung ba med pa'i phyir de dang ldan pa dang sbyor ba med pa'i phyir ji ltar dbang po'i rnam par shes pa rtog pa dang bcas pa yin/ 'di ltar/ tha dad med par snang ba ni/ /gang zhig gang dang sbyor bar byed/ /tha dad par ni snang ba dag/ sbyor ba dang ni rtogs pa med/ /tha mi dad par snang ba de ni gcig kho na yin te/ de la sbyor ba'i don ci zhig yin te/ sbyor ba ni gnyis la bltos pa yin pa'i phyir ro/ /ci ste tha dad par snang na ni de'i tshe gnyis phan tshun dben par snang ba'i phyir sbyor ba shin tu yang med pas na/ sbyor ba srid pa ma yin no/ /de'i phyir don dam par na sbyor ba med do/ /gal te khyad par la sogs pa so sor snang ba dag la 'gyur du chug kyang rigs dang ldan pa la sogs pa la ni 'di srid pa ma yin no/ /rigs pa dang yon tan dang bya ba dag ni de dang ldan pa las tha dad par snang ba med do/ /de nyid kyi phyir 'drel par snang ba ni sbyor ba yin no zhe na/ ma yin te/ tha dad pa dag ni 'dres par snang ba mi 'thad pa'i phyir ro/ /yul dang dus mtshungs pa'i phyir de ltar 'gyur ro zhe na/ ma yin te/ yul dang dus mtshungs pa dag kyang rang bzhin tha dad pa yin pa'i phyir ro/ /dus dang dus tha dad pa dag kyang rang bzhin tha dad pa kho na'i phyir de ltar snang ba yin gyi yul dang dus tha dad pas ni ma yin no/ /gal te de la rang bzhin tha dad pa med na ni yul la sogs pa tha dad kyang tha dad par snang bar mi 'gyur ro/ /yul tha mi dad kyang gzhan dag ni kha dog dang dbyibs dag dang/ rlung dang nyi ma dag tha dad par snang ba nyid do/ /yul la sogs pa tha mi dad pas ni snang ba tha dad par nyams par mi 'gyur ro/ /ci ste 'phrod pa 'du ba'i 'brel pa'i stobs kyis gcig tu 'bres pa'i ngo bor snang ba yin no zhe na/ de ltar yin na ni thams cad du de ltar rtogs par thal bar 'gyur bas/ tha dad med par snang ba thams cad tha dad pa med pa'i bsgrub byed du mi 'gyur ro/ /gal te ba lang zhes khyad par can gyi shes pa nyid las blo 'di sbyor ba'i rang bzhin du 'gyur ba ma yin nam/ khyad par can gyi shes pa ni gang du yang khyad par med par dmigs pa ma yin te/ dbyug ba can zhes rtogs pa bzhin no/ /de ni 'di yin no zhes bstan par bya ba ma yin te/ so sor snang ba med pa'i phyir ro/ /dbyug ba can no zhes bya bar shes pa la yang dbyug pa tha dad par snang ba ni yod pa ma yin te/ der ni skyes bu tsam zhig snang ba'i phyir ro/ /dbyug pa dang 'brel ba'i snga rol nyid du ci'i phyir mi 'gyur zhe na/ ma yin te/ tshogs pa med pas khyad par can nyid gzhan med pa'i phyir ro/ /skyes bu la khyad par can nyid gzhan yod pa ni ma yin te/ de rtogs pa med pa'i phyir ro/ khyad par can ni dbyug pa can nyid yin te dper na chu la sogs pa'i nus pa ni sa bon gyi lhan cig byed pa nyid yin pa bzhin no/ /gal te dbyug pa yang snang ba yin na ni dbyug pa dang skyes bu dag go zhes rtogs par thal lo zhe na/ de thams cad ni mi 'thad de/ gal te 'ga' shig snang na ni/ mi rtogs khyad par nyid mi 'gyur ro/ /de ste snang ba yin na ni/ dbyug dang skyes bu dag ces 'gyur/ dper na skyes bu'i zhes bya bar snang ba na/ /'ba' zhig la khyad par can nyid yod pa ma yin pa de bzhin du dbyug pa can zhes bya ba la yang 'gyur ro/ /gal te khyad par can nyid do zhe na/ 'di la yang brjod pa/ rang la brten pa'i khyad par gyis/ /khyad par can gyi shes pa yin nam/ /gzhal bya'i khyad par las kyang rung/ /gnyi ga la'ang bden pa nyid ma yin/ /gal te de zhig rang la brten pa'i khyad par kyi rtogs pa yin na ni de'i tshe don sbyor ba'i rang bzhin rtog pa yin par mi 'gyur ro/ /bde ba la sogs pa rang la brten pa'i khyad par gyis ni dbang po'i rtog dang bcas par 'gyur ba ma yin no/ /yul med par shes pa'i khyad par de nyid mi 'gyur ro zhe na/ ma yin te/ de ma thag pa'i rkyen las kyang khyad par 'grub pa yin no zhes bshad par bya'o/ /khyad par yul la brten pa yin na ni dbyug pa dang skyes bu gnyi ga rtogs pa'i phyir dbyug pa can gyi shes pa skyes pa tsam gyi yul can du ji ltar 'gyur/ gnyi ga rtogs so zhes bya ba 'di ni tha snyad tsam du brjod par zad kyi don dam par ni ma yin te rnam par rtog pa ni yul med pa tsan yin na ji ltar gnyis kyi tshig tu mi 'gyur zhe na/ 'di ni tha snyad tsam du zad de/ bag chags kyi khyad par snga ma snga ma las byung ba yin pa'i phyir skyon med do/ /gtso bo ma yin pa'i phyir khyad par ni rtogs kyang de brjod par mi 'dod pas skyes bu tsam zhig brtsis nas gcig tu 'gyur pa yin no zhe na/ gal te nu la? 'di skyes bu tsam yul yin par brjod na brjod la rag mod/ snang ba med par na mo 'gyur ro/ /ci ste yul dang dus la sogs pa'i khyad par can rnams 'ga' zhig snang ba yin yang/ de la khyad par can nyid shes pa la snang ba med pa ni ma yin no zhe na/ 'di la yang lan du/ don gzhan dang ni 'brel pa'am/ /rang bzhin mi mthun pa nyid ni/ /khyad par can nyid de'i tshe/ /gzhan phyogs thams cad nyams par 'gyur// gal te re zhig don gzhan dang bcas pa nyid khyad par can yin te dper na rgyan gyi khyad par can bzhin no zhe na/ snga ma dang phyi ma la sogs pa de ni shes pa la snang ba yod pa ma yin no/ /de la phyogs gzhan snang ba ni med do/ /ci ste mi 'dra ba nyid yin pa de'i tshe ni snga ma dang phyi ma'i bum pa dag mi 'dra ba nyid du snang ba yod pa ma yin no/ /mi 'dra ba ni don gyi rang bzhin nyid yin te de snang na ni rtog pa med pa nyid du 'gyur ro/ /khyad par can gyi shes pa'i yul nyid kyang spangs zin to/ /de'i phyir gal te gnyis su snang ba yin na ni sbyor ba yin zhing de las ni rtog par 'gyur ba yin no zhes bya ba 'di ni rigs yin no/ /gnyis su snang ba tsam ni rtog pa ma yin gyi 'on kyang sngar so sor mthong ba sngon du 'gro ba can gyi sbyor bar byed pa yin no/ /gal te rjes su 'gro ba can gyi shes pa dmigs pa'i phyir rigs la sogs pa snang ba nyid ma yin nam zhe na/ de la bshad pa/ rjes su 'gro can gyi rnam shes gang/ /de yang sgra dang gsal bar snang/ /kha dog dbyibs yig rnam pa yis/ /stong pa ba lang nyid du brjod/ /de nyid mtshungs pa nyid yin yang/ /mig gi yul la mthong med de/ /snang ba nyid ni med phyir ro/ /blo tha dad pa'ang rnyed par dka' / /rjes su 'gro ba can gyi rnam par shes pa gang yin pa de la ni spyi gzhan gzhan snang ba med do/ /rjes su 'gro ba'i rang bzhin snang ngo zhe na/ ma yin te/ sgra dang gsal ba las ma gtogs pa gzhan mi snang ba'i phyir ro/ /sgra las spyi'i rnam par shes pa snang bar 'gyur ba yin no zhe na/ ma yin te/ mthong ba'i mdog dang dbyibs ci lta ba bzhin du dran? pa'i phyir ro/ /'dir rjes su 'gro ba gzhan snang ba ni yod pa ma yin te/ kha dog dang dbyibs tsam zhig snang ba'i phyir ro/ /rjes su 'gre ba can thams cad ni ming tsam dang 'brel pa yin no/ /'di yang ba lang 'di yang ba lang zhes ming dang/ don byed pa mtshungs pa yin no/ /yang na rtogs par byed pa'i shes pa nyid kyi mtshungs pa yin gyi/ don ni 'ga' zhig gi dad yang ma yin no/ /'on te sgra las skye ba na de nyid mi gsal ba'i rnam par gyur pa ni spyi yin te/ thams cad la mtshungs pa'i phyir ro zhe na ma yin te/ ba lang zhes brjod pa na res 'ga' ni/ khra bo dang res 'ga' ni ser skya zhes bya ba la sogs par rtogs pa'i phyir de yang so sor nges par rnam par rtog pa'i rang bzhin yin pas spyi'i rnam par rtog pa ni ma yin te/ nyams su myong ba ji lta ba bzhin dran pa'i phyir ro/ /sgra 'di ni sngar thams cad dang 'brel bde mthong ba'i yin te/ go sgra don dgu la 'jug pa bzhin no/ /gal te ba lang la sogs pa don dgu po dag ni so sor nges pa yin pa'i phyir de nye bar ston pas byed pa dang ston pa'i yul can gyi brda srid pa yin gyi/ so sor nges pa med pa'i gsal ba rnams la ji ltar brda byed pa 'am 'dzin par nus zhe na/ 'di ni 'og nas bshad par bya'o/ /de nyid mtshungs pa nyid yin du zin kyang/ mig gi don gyi yul la ni mthong ba med do/ /gsal bar snang ba'i mig gi rnam par shes pa la ni mi gsal bar snang ba yod pa ma yin no/ /de nyid 'di'o snyam pa'i rtog pa 'byung ba kho na'o zhen ma yin te/ gsal ba dang mi gsal bar snang ba dag ni gcig nyid du mi rigs pa'i phyir ro/ /rgyu tha dad pa'i yang phyir te/ mig la sogs pa dang/ bag chags rgyu yin pa'i phyir ro/ /de'i phyir na mig la sogs pa skyed pa'i blo ni snang ba gnyis yod pa ma yin no/ /ci ste gal te rnam pa'i rgyu tha dad pa yin tu chug kyang gsal ba dang mi gsal bar snang ba'i blo de ni gcig nyid do zhe na/ de la mi brjod de/ gal te snang ba'i rgyu tha dad kyang blo rnams tha mi dad pa yin na gzhan du yang tha dad par rnyed par dka' bar 'gyur te thams cad du dus mnyam par 'byung ba'i mngon sum dang rjes su dpag pa dag gi blo gcig kho nar 'gyur ro/ /gal te 'phrod pa 'du ba'i 'brel pa ji ltar mi 'dzin te/ rigs la sogs pa tha dad par nges pa med pa ni 'phrod pa'i 'du ba ni yod pa nyid las yin no zhe na/ 'di ni bzang po ma yin te/ 'di ltar/ dbang pos 'phrod 'du 'dzin med phyir/ /'brel pa mthong ba med par gnas/ /'phrod pa 'du ba dbang po las 'das pa yin pa'i phyir mig la sogs pas rig par srid pa ma yin no/ /zhes bya ba 'di ni khyed nyid kyi rnam par bzhag pa yin no/ /ci ste snal ma 'di dag la snam bu'o zhes bya ba'i tha snyad las 'phrod pa 'du ba 'grub pa yin no zhe na/ de ni ma yin te 'di ltar/ snal ma 'di la snam bu gang/ /sgra 'di dag kyang rang gis byas/ /snal ma rnams la snam bu/ rwa la sogs pa rnams la ba lang zhes bya ba'i blo ni 'gar yang yod pa ma yin la/ de med pas 'phrod pa'i 'du ba ji ltar rtogs pa yin/ gang gi phyir/ ba lang rwa zhes 'jig rten na/ /rwa la ba lang 'jig rten min/ /ba lang la rwa yod do zhes bya ba'i blo ni 'jug pa ma yin na/ lkog shal la sogs pa de dag ni de la 'phrod pas 'dus pa ma yin no/ /gang zhig de dag la 'du bar 'dod pa de ni brten pa nyid du rtogs pa ma yin no/ /des na blo 'di ni 'phrod pa 'du ba las ni ma yin gyi/ 'on kyang/ ba lang zhes bya yan lag ni/ /lhag ma rnam chad dmigs med phyir/ /'di la snyam pa'i blo ni 'du ba med pa la dmigs pa nyid de dper na nyi ma nub ka'i dus na shing 'di la nyi ma'o zhes bya bar 'gyur ba yin no/ /yan lag lhag ma dag la ba lang ngo zhes rtogs na dra'i rten nyid du rtogs pa'i phyir ba lang la rwa'o snyam du shes pa yin no/ /'di ltar gang zhig rten dang brten par 'gyur ba la/ rwa la sogs pa'i tshogs las tha dad pa'i ba lang ni med de/ 'di ni rtog pa tsam du zad do/ /ci ste yang snal ma 'di dag la snam bu'o snyam pa'i shes pa ni 'byung ba kho na zhe na/ de ni ma yin te/ snal ma 'di rnams kyis snam bu 'di zhes snal ma 'dus byas las/ phyis byung 'bras bur brjod yin gyi/ /ji lta bur yang dus gcig min/ /snal ma'i sgra ni sngar snam bu med pa'i gnas skabs kyi khyad par la 'jug par 'gyur ba de'i phyis 'byung ba'i gnas skabs kyi khyad par ni snam bu yin no/ /de'i snal ma de dag gi snam bu 'di byas so/ /de'i phyis 'byung ba la 'bras bur bsnyad pa yin gyi snal ma dang dus mtshungs pa ni ma yin no/ /des na gang la rton brten pa'i dngos po yin/ dus tha dad pa dag ni rten dang brten pa'i dngos po ma yin gyi/ rgyu dang 'bras bu nyid dam/ 'bral ba med par 'gyur ba 'ba' zhig tu zad do/ /de'i phyir rten dang brten pa'i dngos po yang tshogs pa gcig la rag las pa nyid kyis na rgyu dang 'bras bu'i dngos po'i khyad par nyid de/ tshogs pa gcig la rag las pa'i 'khar gzho de dang de la brten par 'dod pa dag kho na la de ltar tha snyad byed pa'i phyir ro/ /gnas pa ni de'i rang bzhin khyad par las gzhan ma yin no/ /snal ma dang snam bu dag la rtogs pa 'di yang yod pa ma yin no/ /des na rnam pa ci zhig ltar rnam par brtags pa 'ba' zhig tu zad kyi/ rten dang brten pa'i dngos po ni ma yin te/ tha dad pa med pa'i phyir ro/ /snam bu'i gnas skabs na ni snal ma yod pa ma yin no/ /gal te tha dad pa med na snam bu'i gnas skabs na snal ma med pa'i phyir snal ma de dag ni 'di yin no zhes shes pa 'am/ snam bu 'di zhes bya bar ji ltar 'gyur zhe na/ de ni ma yin te/ don dam par ni de la gnyis yod pa ma yin no/ /'di ltar/ 'ga' yis rgyu sgro btags pa 'am/ /sgra yi rten ni ston pa na/ /snal ma gcig ni dkar byas pas/ /'bras la snam ma zhes 'jug 'gyur/ /snam bu'i snal ma dag gis 'bras bu yin pas/ de'i tshe snal ma yod pa ma yin no/ /snal mar shes pa na rgyu'i rang bzhin sgro btags pa las yin gyi don dam par ni ma yin no/ /'di ltar 'di snal ma yin no snyam pa'i shes pa ni snga ma dang dran pa yod na 'gyur ro/ /yang na gcig dkar ba las yin te/ snal ma re rer dkar na snam bu zhes bya ba yod pa ma yin te/ dmag dang nags la sogs pa ltar de dag ni tshogs pa nyid snam bu'i tha snyad rten yin no/ /snam bu ni kun rdzob tu yod pa nyid de/ des na rten dang brten pa'i dngos po ni brtags pa yin no/ /gal te snam bu zhes bya ba med pa yin na ji ltar snam bu'i sgra 'jug pa sde rgyu mtshan med par sgra 'jug pa ni med do zhe na/ 'di la lan du phan gdags phan 'dogs byed nyid dam/ /rnam par chad med snang ba nyid/ /snam bu'i tha snyad kyi rgyu mtshan yin no zhes kha bskang ngo/ /de la phan gdags bya dang 'dogs byed nyid de/ snal ma de dag nyid phan tshun phan par bya ba dang phan par byed pa'i dngos por rnam par gnas par byed pa 'am/ ldan pa'i khyad par las/ bgo ba la sogs pa 'dod pa'i don bya bar nye bar bskyod pa ni snam bu la sogs pa'i tha snyad brten pa yin pa'i phyir ro/ /de dag gi phan par byed pa'i dngos po de ni snam bu zhes bstan par bya ba yin no/ /ji ltar thag bzangs dang snas la sogs pas phan btags pa dang bral ba rnam par chad pa'i snal ma dag btsal ba med par phan tshun dgyes pa de bzhin du snam bu'i gnas skabs na ni ma yin te/ de'i phyir rnam par tshad pa ma mthong ba ni 'di'i rgyu mtshan yin pa'i phyir tha snyad nyid las don gzhan brtag par bya ba ma yin no/ /don rtogs pa'i rgyu mtshan ni tshad ma yin te/ tha snyad ni phal cher gzhan du yang 'jug pa yin no/ /gal te tha snyad kyi rgyu mtshan gzhan med na de ltar gyur? na ni 'o na snam bu'i tha snyad dngos ma yin par 'gyur te/ khur bu ba la ba lang du bsnyad pa bzhin no/ /khur bu tha la gtsang sbra chung ba la sogs pa rgyu mtshan yod kyang de las tha dad pa'i ba lang nyid kyi spyi med pa'i phyir ba lang nyid kyi tha snyad kyis dngos po ma yin pa de bzhin du/ phan gdags bya 'dogs byed la sogs pa'i rgyu mtshan gyi snam bu'i tha snyad kyang 'gyur ro zhe na/ 'di la lan glan pa ni/ 'khrul med can shes dang po yi/ /brda yi spyod yul gang yin dngos/ /dang po'i brda'i yul gang yin pa de ni dngos yin te/ dang po'i brda'i yul yin pa nyid kyis 'khrul pa med par shes pa'i phyir ro/ gang zhig brda'i yul gyi dngos po dang chos mtshungs pa na de nyid du lhag par zhen nas zhugs pa de ni de'i dngos po ma yin te/ 'khrul pa'i blo'i yul yin pa'i phyir ro/ /snal ma'i tshul med na 'dra ba las gzhan pa'i chos kyi rjes su 'brangs pas shes pa 'khrul pa yin pa pa de'i rjes su ma 'brangs par ni de dang 'dra bar 'gyur ba ma yin no/ /de'i phyir dngos po dang btags pa'i dbye ba las ni snam bu la sogs pa'i sgra rnams kyi rgyu mtshan gzhan par mi 'grub po/ /ci ste rigs la sogs pa'i rjes su dpag pas sgrub pa'i yin te/ 'di ltar de yi ngo bor gzhan shes pa/ /de mtshungs rgyu mtshan las yin te/ /dper na dbyug can snyam shes pa/ /mtshungs pa'i dbyug pa las yin bzhin/ /mtshan nyid mi mthun pa'i skyes bu la sogs pa la yang dbyug pa can no snyam pa'i mtshungs par rtogs pa mtshungs pa'i rgyu mtshan can yin no/ /khra bo la sogs pa mtshan nyid mi mthun pa dag la ba lang ngo snyam pa'i blo de la yang ba lang nyid rgyu mtshan yin te/ dbyug pa bzhin no zhen 'di ni lan du mi rung ste/ 'di ltar/ dngos po las ni tha dad can/ /rigs sogs la ni rjes dpag med/ dbyug pa can sogs thams cad la/ /kun rdzob pa las tha snyad 'dogs/ /gal te kun rdzob pa'i mtshungs pa'i rgyu mtshan la brten nas khra bo la sogs pa la ba lang la sogs pa'i shes pa 'jug pa yin na ni de'i tshe grub pa sgrub pa nyid do/ 'di ltar dbyug pa can no zhes bya ba'i shes pa la yang dbyug pa ni rgyu mtshan ma yin to/ de lta ma yin na thams cad dbyug pa can du thal ba'i phyir ro/ /'on te 'brel pa las 'gyur ba yin no zhe na/ 'brel pa yang 'brel pa can no snyam du shes pa las rtogs pa yin no/ /de la yang 'brel pa gzhan rtog na ni thug pa med par 'gyur ro/ /ci ste 'brel pa gzhan med par 'brel pa can no zhes shes na de lta yin na ni 'brel pa yang brtags pa nyid do/ /des na dbyug pa can no snyam pa'i shes pa ni kun rdzob pa'i rgyu mtshan kho na las yin no/ /de nyid 'brel ba yin pa'i phyir thams cad mtshungs so/ /ci ste dbyug pa dang 'byor pa nyid du bden pa kho na yin gyi kun rdzob pa ni ma yin no zhe na/ de yang mi bden te/ de las tha dad pa'i 'byor pa med pa'i phyir ro/ /gnyis po tsam nyid 'byor pa yin na ni ji ltar skyes bu dbyug pa can zhes bya ba de bzhin du dbyug pa skyes bu can zhes bya bar yang 'gyur ro/ /yang na gnyis po tsam zhig snang ba yin na 'di dag phan tshun 'byor pa yin no zhes bya ba'i rtogs par 'gyur gyi/ de dag khyad par dang khyad par can gyi dngos por ni mi 'gyur ro/ /ci ste dbyug pa ni phan 'dogs par byed pa yin pas gtso bo ma yin no zhe na/ de lta yin na kun rdzob pa'i phan 'dogs par byed pa de nyid de la rgyu mtshan yin no/ /de yang mngon sum la snang ba ni ma yin te/ de'i phyir de'i khyad par can gyi rtogs pa ni dbang po las byung ba ma yin no/ /ci ste yang khyad par gyi ngo bo ni kun rdzob pa yin gyi/ khyad par dbyug pa nyid ni don dam pa ba kho na yin pa de bzhin du ba lang nyid la sogs pa yang yin no zhe na ma yin te tha dad par mngon sum gyis bzung ba'i phyir/ dbyig pa ni don dam pa bar 'gyur gyi/ rigs su la sogs pa ni don dam par ni 'gyur ba ma yin no/ /'phrod pa 'du bas tha dad par 'dzin par mi 'gyur ro zhe na/ 'phrod pa 'du ba nyid ci'i phyir tha dad par mi snang/ 'phrod pa 'du ba gzhan dag pa las so zhe na thug pa med par 'gyur ro/ gzhan yang/ der yang don dam pa yi ni/ /don gyi 'brel pa yod pa nyid/ /bzho dgal la sogs 'bras bu ni/ don dam nyid kyis der 'gyur ro/ /ji ltar don dam pa ba'i dbyug pa nyid 'byug pa can ni snyam du mtshungs par rtogs pa'i rgyu mtshan yin pa des kho na ltar dgral ba la sogs pa 'am rwa la sogs pa ni ba lang nyid la sogs pa'i rgyu mtshan yin no/ /rwa la sogs pa ni tha dad pa yin no zhe na/ /dbyug pa la sogs pa yang tha dad par mtshungs pa'i phyir/ ? ? ba yang tha dad pa yin pa'i phyir ji ltar dbyug pa can zhes bya bar byed 'gyur/ de'i phyir tha dad pa nyid la tha mi dad par rtogs pa yin no/ /ngag la sogs 'brel pa las gzhan pa'i/ /rigs ni 'gar yang mthong ba med/ /de dag rnams la ba lang nyid/ /ci zhes pa 'di rwa sogs ston/ /ji ltar bram ze la sogs pa'i rigs 'dri na/ rus dang 'don pa la sogs pa ston gyi rigs ni ma yin pa de bzhin du ba lang nyid la yang bzho? ba dang dgal ba la sogs pa ston gyi tshad ma'i yul du gyur pa'i rigs gzhan yod pa ni ma yin no/ /des na dngos su tha snyad kyi yul du gyur pa don dam pa'i rgyu mtshan ni gang gi yang yod pa ma yin pa'i phyir rigs don dam pa ma yin no/ /rigs ni tha snyad kyi yul nyid du 'dod pa yin no/ /de ni kun rdzob pa kho nas 'grub pa'i phyir rigs ni don med do// gzhan yang gal te thams cad du tha snyad don dam pa ba'i rgyu mtshan la brten nas 'jug pa yin na/ de'i tshe de la bltos pa med pa'i sgra med par 'gyur na/ mthong ba yang yin te/ gang gi phyir/ dngos so khang bzangs phreng sogs kyi/ /sgra yang gzhan la bltos pa min/ /tshig gi don drug po dag la dngos por tha snyad 'dogs pa yin pa dang/ khang bzangs rnams la khang bzang gi 'phreng pa la sogs pa'i tha snyad gang yin pa de ni rgyu mtshan gzhan la bltos pa ma yin no/ /rdzas la sogs pa'i tshig gi don rnams la ni dngos po nyid ces bya ba gzhan yod pa ma yin no/ /de shig dngos po nyid rdzas ni ma yin te/ rdzas ni yon tan la sogs pa rnams la 'du ba 'am ldan par 'gyur ba ma yin no/ /khang bzangs kyang rdzas nyid ni ma yin no/ /rigs mi mthun pas mi tsam pa'i phyir ro/ /ldan pa nyid du 'gyur grang na/ de la bshad pa ni gal te khang pa ldan pa yin du chug na 'dir 'phreng ba ci zhig yin/ de smras pa ni/ gal te khang pa ldan yin yang/ /de 'phreng de ni ci zhig yin/ /rdzas ma yin la yon tan dang las kyang ma yin te/ rdzas ni yon tan la med pa'i phyir ro/ /de nyid kyi phyir yon tan yang ma yin no/ /las kyang ma yin te las ni rdzas la brtan pa yin pa'i phyir ro/ /'du ba dang khyad par yang ma yin te/ de'i 'bras bu med pa'i phyir ro/ /gal te rigs ni yon tan la yang yod pa'i phyir ro/ /rigs yin par 'gyur ro zhe na/ de'i phyir bshad pa/ rigs ni rigs la mtshungs pa yi/ /tha snyad don du brtags pa nyid/ /deng yang 'di yi tha snyad kyi/ /rgyu mtshan rigs gzhan yin par 'gyur/ /de yang rigs gzhan dag nyid las/ /rigs su bsnyad pa'i yul du 'gyur// de phyir rtogs pa mdza' med pas/ /rtogs pa mdza' ma ma yin no/ /de'i phyir 'phreng ba la sogs pa'i sgra 'jug pa ni de'i rgyu mtshan can ma yin/ /gzhan yang/ gal te rigs yin kha cig kyang/ /shing bzhin 'phreng zhes brjod par 'gyur/ /ji ltar ngal ba la sogs pa gcig kyang shing gi rigs dang ldan pas shing du brjod pa de bzhin khyim gcig la yang 'phreng bar brjod par 'gyur te/ rigs ni re re la yang tha snyad byed pa'i rgyu mtshan yin pa'i phyir ro/ /ci ste phreng ba ni dbyibs kyi khyad par yin te/ phyogs gcig tu mngon du phyin par gnas pa'i dngos po ni phreng ba'i tha snyad rten pa yin no zhe na/ dbyibs de yang rdzas la sogs pa las tha dad pa ni ma yin te/ de ltar khas len na tshig gi don bdun pa gzhan du thal bar 'gyur ba'i phyir ro/ /de'i nang du 'dus pa la ni nyes pa brjod zin to/ /gal te 'phreng ba rigs yin no zhe na/ de'i tshe 'phreng ba mang po la 'di dag ni/ 'phreng ba'i zhes de yi sgra/ /ji ltar rigs la rigs med phyir/ /rigs la ni rigs khas len pa ma yin no/ /khas len na yang de la yang rigs so zhes nye bar bsnyad pa'i rgyu mtshan du 'gyur dgos so/ /rigs rgyu mtshan yin na ni/ de la yang rigs gzhan yod par 'gyur bas mi 'thad do/ /'di ltar 'phreng ba la sogs pa la yang 'phreng ba chen po zhes bya ba la sogs pa chen po nyid kyi tha snyad gang yin pa de ji ltar 'gyur ba yin/ yon tan chen po nyid ni rdzas la 'du ba'i phyir ro/ /phrel ba la sogs pa ni rdzas ma yin no/ /nye bar btags pa'i phyir ro zhe na/ de ni mi bden te/ 'di ltar/ 'phreng sogs las ni chen po sogs/ /nyer btags las 'dod gang yin pa/ /dngos dang khyad med rnam shes kyi/ /gzung bya yin phyir nyer btags min/ /'phreng ba la sogs pa dag la chen po nyid nye bar btags pa yin no zhes bya ba 'di ga las yin/ 'di nye bar btags pa nyid du rtogs pa ni med do/ /de ltar rtogs pa ma yin pa la ni de ltar khas blangs par nus pa ma yin te/ khas len pa ni rtogs pa'i rgyu mtshan can yin pa'i phyir ro/ /chen po nyid don gzhan du gyur pa med pa'i phyir ro zhe na/ de med pa nyid ga las med par grub na de'i phyir nye bar btags pa yin la nye bar btags pa yin pa na yang med pa'i phyir/ 'di ni phan tshun brten pa'i skyon yin no/ /rdzas ma yin pa'i phyir chen po nyid rdzas kyi chos ni 'phreng ba'i ma yin no zhe na/ ma yin te/ rdzas ma yin pa nyid du ma grub pa'i phyir ro/ /bya ba dang yon tan can 'du ba can gyi rgyu ni rdzas yin pa'i phyir rdzas kyi mtshan nyid yod pa yin no/ /bya ba can nyid ma yin pa'i phyir ro zhe na/ ma yin te/ bsdus pa ni mtshan nyid ma yin pa'i phyir ro/ /nam mkha' la sogs pa ni bya ba dang ldan pa nyid ma yin no/ /la lar ni bya ba can la sogs pa bsdus pa mtshan nyid yin la/ la lar ni 'ga' zhig yin pa'i phyir ro/ /gal te rnam par dpyad na chen po nyid don dam par med pa'i phyir rdzas ma yin no zhe na/ rtog pa yod pa'i phyir med do zhes bya ba 'di ga las yin/ rtog pa ni gtso bor gyur pa ma yin pa'i phyir zhe na/ gtso bo ma yin pa ma grub pa'i phyir ro/ /gal te gtso bo dang khyad par med pa can yang gtso bo ma yin pa nyid yin na ni gtso bo dang gtso bo ma yin pa'i rnam par dbye ba med par 'gyur ro/ /des na khyad par med pa'i phyir thams cad ni gtso bo yin pa 'am/ yang na 'ga' yang ma yin par 'gyur ro zhes bya ba 'di ni rigs pa yin no/ /de'i phyir gzhan gyi rdzas la sogs pa rnam par bzhag pa byas pa/ 'di ni lags pa ma yin no/ /phreng ba zhes bya ba shing la sogs pa las tha dad pa ni cung zad kyang dmigs pa med de/ 'di ni gnas pa'i khyad par las rtogs pa tsam yin no/ /de'i phyir phreng ba la sogs pa la/ chen po la sogs pa'i sgra ni nye bar btags pa ma yin zhing gtso bo nyid kyang ma yin no/ /re zhig gtso bo nyid ni ma yin te/ rgyu mtshan don gzhan med pa'i phyir ro/ /nye bar btags pa yang ma yin te/ nye bar btags pa'i rgyu mtshan med pa'i phyir ro/ /dper na me tog rgyas pa'i nags zhes don gcig la 'du ba las nags la me tog rgyas par nye bar btags pa yin te/ nags dang me tog rgyas pa dag ni shing rnams la/ 'dus pa yin pa'i phyir ro/ /dngos su mngon par 'dod pa la'ang/ /rgyu gzhan min pa nyid de mtshungs/ /drug rnams la ni tshig don sgra/ /rgyu gzhan gang la bltos par mthong/ /rgyu gzhan dang ldan pa ni gtso bo yin la rgyu gzhan med pa ni phal pa yin no zhes gang bshad pa de ni srid pa ma yin te/ gang gi phyir dbyug pa can zhes bya ba de lta bu la sogs pa gtso bor mngon par 'dod pa gang yin pa de dag la yang rgyu gzhan yod pa ma yin te/ dbyug pa can la sogs pa yang kun rdzob pa nyid do zhes da ltar kho na bshad pa yin no/ /drug po rnams la tshig gi don gyi sgra 'jug pa yang rgyu gzhan gang zhig la bltos pa yin/ rdzas la sogs pa la 'jug pa na rang gi ngo bo nyid 'jug pa'i mtshan nyid ni rgyu mtshan gzhan med pa nyid dbang med du 'ongs pa yin no/ /ci ste rgyu mtshan med par 'jug pa'i tshig gi don gyi sgra de ni de gtso bor zhes bya bar rigs pa yin gyi chen po la sogs pa'i sgra gang yin pa de ni yon tan rgyu mtshan can yin pas/ gang la rgyu mtshan med par 'jug pa de la gdon mi za par phal pa yin no/ /de'i phyir don yod pa ni gtso bo yin la/ gzhan ni phal pa yin no zhe na/ de yang mi bden te/ 'di ltar/ ji ltar grags las grub gang yin/ /dngos dang de dang mtshungs pa'i phyir/ /gang la de skad brjod phal pa/ /dngos so'ang dngos med btags phyir ro/ /rgyu mtshan yod dam gzhan du yang rung ste grags pa las 'jug pa ni gtso bo nyid yin la/ de dang mtshungs pa la bltos nas gang du de ltar 'jug pa de la ni gtso bo ma yin pa yin te/ bu la sogs pa'i dngos po la yang med pa nye bar btags pa mthong pa'i phyir ro/ /don yod pa nyid dam/ gzhan du yang rung ste/ gtso bo nyid kyi rgyu ni grags pa kho na yin no/ /de lta ma yin na phyin ci log tu mthong ngo/ /rgyu mtshan med pa ni gzhan du 'gyur ba na nye bar btags pa'i rgyu mtshan yin no/ /tshig gi don gyi sgra rgyu mtshan med pa'i nyid de ni de kho na ltar gtso bor gyur pa yin pa de lta na ni/ 'o na rgyu mtshan dang ldan pa nyid dngos kyi rgyur mi 'gyur te/ de med kyang yod pa'i phyir ro/ /gang zhig gang med kyang 'byung ba de ni de'i rgyu mtshan can ma yin te/ rgyu dang 'bras bu'i ni rjes su 'gro ldog gi mtshan nyid yin pa'i phyir ro/ /rgyu mtshan ni rgyu yin la rgyu mtshan can ni 'bras bu yin te/ gal te grags pa de nyid sgra 'jug pa'i rgyu mtshan med par ci ltar zhe na/ de yang mi bden te/ 'di ltar/ grags pa brda yi rjes 'gro can/ /de yang brjod 'dod rjes 'gro can/ /tha snyad don du byas pa'ang ste/ /sdebs sbyor ming dang sgra cha bzhin/ /gang la brda zhugs pa de ni grags pa'i don yin la/ brda yang smra ba po'i 'dod pa dang 'brel ba yin no/ /sgra 'jug pa'i rgyu mtshan yod do zhe na/ smra ba'i 'dod pa med par sgra 'jug pa ni ma yin no/ /'jug pa'i rgyu mtshan med kyang 'dod pas 'jug pa'i ni mthong ba kho na ste/ dper na skyes bu la seng ge la sogs pa ming 'jug pa bzhin no/ /des na 'dod pa la rang dbang du gyur pa'i phyir de nyid 'jug pa'i rgyu mtshan no zhes bya bar rigs so/ /de nyid rgyu mtshan med par ci'i phyir brda'i sgo nas sgra 'jug par byed ce na/ rgyu mtshan la yang ci'i phyir 'jug /tha snyad kyi don du'o zhe na tha snyad de ni 'jug pa'i rgyu mtshan med kyang mtshungs pa yin no/ /tha snyad ni don byed pa'i yul can yin la/ rgyu mtshan med pa don byed pa med par 'gyur ba ni ma yin no/ /rgyu mtshan med na mi 'gyur te/ bram ze la sogs pa'i rigs med pa don byed par nus pa ni ma yin no zhe na ma yin te/ de la tshad ma med pa'i phyir ro/ /rigs 'ga' zhig yod do zhes bya ba'i tshad ma ni med do/ /rjes su 'gro ba dang ldog pa dag las rang bzhin ji snyed cig nus par mthong ba de tsam kho na zhig nye bar sbyor ba dang ldan pa zhes bya bar rigs te/ de lta ma yin na/ ha cang thal ba'i phyir ro/ /de'i phyir rgyu mtshan med kyang tha snyad kyi don du brda byed pa yin te/ dper na sdebs sbyor dang sgra dang 'phreng ba 'dzin pa la sogs pa'i ming dang rang bzhin la sogs par brdar btags pa bzhin no/ /de la ni rgyu mtshan 'ga' zhig yod pa ma yin te/ 'phreng ba 'dzin pa dang rang bzhin la sogs pa dag ni ji ltar 'dod par rtogs pa'i phyir ro/ /yi ge'i rim pa la ni rgyu mtshan cung zad kyang yod pa ma yin te/ de lta ma yin na brda ma bzung bas kyang rtogs par thal ba'i phyir ro/ /gang zhig rtogs pa yod pa de la brda ci zhig bya/ brdas gsal bar byed do zhe na/ ma yin te/ rtogs pa med na de nyid med pa'i phyir ro/ /ma rtogs pa la ni brda yod pa ma yin no/ /brda nyid kyis rtogs par byed do zhe na/ phan tshun rten pa'i nyes par thal ba'i phyir ro/ /ji srid dngos po mthong med par/ /de la brda 'jug yod ma yin/ /brda zhugs pa ni med na yang/ /mthong bas srid par ga la 'gyur/ /rang bzhin la sogs pa dag ni rnam par gnas pa'i rang bzhin ma yin no/ /'di ltar kha cig ni yod pa las zhes bya ba 'di khams su byas te/ de'i 'og tu a Ta glo bur du 'ongs par byed la gzhan dag ni yod pa la as khams su byas nas dang po'o a phyis te/ san ti zhes bya bar byed pa yin no/ /de'i phyir rnam pa 'di lta bu'i yul la tha snyad tsam gyis dgos pa brdar btags pa yin gyi rgyu mtshan gzhan yod pas ni ma yin no/ /'dod pa dang rjes su 'brel pa can gyi brda ni rgyu mtshan yod pa kho na la 'gyur pa yang ma yin te/ 'khrul pa mthong bas 'khrul pa'i phyir ro/ /de'i phyir dngos po dang khang bzangs la sogs pa'i sgra ni dngos por gyur pa tha dad pa'i don gyi rgyu mtshan can ma yin te/ des na tha snyad mtshungs pa mthong ba las spyi btag par bya ba ni ma yin no/ /'o na ji ltar blo dang sgra dag rjes su 'gro ba yin zhe na/ smras pa/ dngos po la rjes su 'gro ba yod pa las shes pa rjes su 'gro ba ni ma yin gyi/ 'on kyang bag chags kyi sa bon rab tu sad pa rjes su 'gro ba yin te/ dper na mi sdug pa'i dngos po la yang goms pa las sdug pa nyid rjes su 'gro ba bzhin no/ /'di ltar/ tha dad kyang gang dngos chos kyi/ /de 'dra'i rnam shes rgyu yin ni/ /don de dag la shes pa nges/ /de ltar rtogs par 'gyur ba yin/ /tha dad tha dad min par na/ /rtog la shes pa'ang de bzhin no/ /de phyir de 'bras med bral ba/ /rjes 'gro dngos cig yod ma yin/ /gang gis bag chags sad pa'i rim pas/ thams cad la rnam pa gcig tu rtogs pa'i shes pa skyed par byed pa'i dngos po rnams nyid kyis rnam pa de lta bu'i shes pa skyed par byed pa yin te/ bde ba la sogs pa'i tshor ba bzhin no/ /bde ba la sogs pa'i rnam par shes pa la ni/ don la brten pa'i rgyu mtshan bde ba zhes bya ba yod pa ma yin te/ de lta bu nyid yin na sdug bsngal mi skye bar thal ba'i phyir ro/ /de lta bu nyid ma yin pa'i yang yod do zhe na/ de lta na rang bzhin gnyi ga rtogs par thal te kha dog dbyibs rtogs pa bzhin no/ /ci ste ma mthong bas gegs byas pas de ltar ma yin no zhe na/ de ltar gyur na ni ma mthong ba kho nas de lta bur gyur pa'i rtogs pa nyid skyed par ci ste mi 'dod/ ma mthong pa ni nges par byed pa yin gyi sgrub par byed pa ni ma yin no zhe na/ ma yin te/ /tshad ma med pa'i phyir ro/ /sgrub pa dang nges par byed pa dag srid na/ sgrub pa nyid mchog yin te/ nges par byed pa ni rtog pa du ma'i rten du gyur pa'i phyir ro/ /'di ltar bde ba la sogs pa dang ldan pa nyid don yin par brtag gam/ 'on te gzhan du yin mthong ba pa yin par rtogs pa la ni ma mthong ba'i rtog pa 'ba' zhig tu zad/ de'i phyir tha dad par gyur pa nyid 'ga' zhig la tha dad par 'dzin pa yin no/ /de rjes su 'gro ba nyid la spyi'i don grub pa'i phyir/ bar gyi sha lhag pa'i spyis ci zhig bya/ nang gi rgyu shes pa rnams kyi rgyu mtshan yin par ni gdon mi za bar khas blang dgos te/ de lta ma yin na spyi dang de'i rgyu rnam pa gnyis su rtogs par thal ba'i phyir ro/ /'phrod pa 'du bas gcig tu 'dres par gyur pa yin no zhe na ma yin te/ 'phrod pa 'du ba yang rnam pa gsum par rtogs par thal ba'i phyir ro/ /de'i phyir na der rtogs par 'gyur ba'i nus pa med pa nyid nang gi rgyu la rag las par khas blang bar bya ba yin no/ /de bzhin du shes pa yang de la gcig go tu rtogs pa'i skyed par byed pa yin pa'i phyir/ rjes su 'gro ba dang/ rigs zhes bya ba yin gyi/ rigs gzhan khas blang bar ni rigs pa ma yin no/ /lhag ma ni skabs nyid du bshad zin to/ /de'i phyir tha mi dad par zhen pa 'bras bu can nyid kyi spyi'i tha snyad yin no/ /de'i 'bras bu can de nyid ci yin zhe na/ ma yin te/ rang gi ngo bo las tha dad pa'i 'bras bu can med pa'i phyir ro/ /ci ste yang de lta na ni chu dang sa la sogs pa rnams la yang 'bras bu myu gu yod pa'i phyir/ gcig tu rtogs par 'gyur te/ de'i 'bras bu can du rtogs pa nyid ni spyi'i shes pa/ yin pa'i phyir ro zhe na ma yin te/ bya lang nyid du rtogs pa kho na de ltar 'gyur ro/ /de'i phyir tha dad pa ma 'phrigs pa las spyir rtogs pa yin gyi/ gzhan du ni ma yin no/ /zhes bya ba 'di gnas pa yin no/ /ci ste der spyi nyid rtogs so zhes spyi te mi 'dod 'di la spyi yod pa ma yin no zhes bya ba'i gnod pa byed pa'i shes pa skyes pa ni med do/ /rtsod pa'i dub pa la ni dgos pa med do/ /ji ltar du mar rtogs pas dub pa de bzhin du rtsod pas dub pa yang yin pas mtshungs par thal lo zhe na/ de yang mi bden te/ 'di ltar rtsod pa tsam zhig 'dren pa'i phyir/ /gal te spyi ni rtogs byad na/ /ma brtags gcig pus spyod yul ni/ /kun rdzob yod pa yin par 'gyur/ /spyi ni rnam par dpyad na yod pa ma yin no/ /rnam par dpyad pa med par khas len na ni gcig tu ma brtags na nyams dga' ba yin no zhes bya bar 'gyur ro/ /'bras bu gcig pa nyid de ni/ /dngos rnams la yod de yi phyir/ /dngos la mnyan pa de mdza' can/ /de'i 'bras bu ma yin pa rnams la sogs pa 'bras bu cig pa'i mtshan nyid can de nyid ni khra bo la sogs pa rnams la yod pa yin te/ de'i phyir dngos po la 'jug pa'i mnyan pa ni 'jug pa'i rgya mtshan de dang ldan pa nyid do/ /'o na ji ltar spyi'i blo rnam pa dang ldan par 'gyur te/ ma 'bres pa la ni rnam pa med pa'i phyir ro zhe na/ 'dir lan du/ de las gzhan dang ma 'dres pa ni nges par rnam pa dang ldan pa'i blo dang 'brel pa yin la/ de yang bag chags dang 'bral pa las rnam pa dang ldan pa yin no/ /'di ltar blo de ni de lta bur gyur pa'i shes pa snga ma snga ma las 'ongs pa yin no/ 'di ba lang ngo snyam pa'i shes pa la khra bo la sogs pa las tha dad pa'i gzhal bya bzhin yod pa ma yin no/ /gzhal bya'i rnam par snang ba'i shes pas gzhal bya'i rnam pa 'jog pa yin gyi/ gzhal bya'i rnam pas stong pa'i shes pa tsam gyis ni ma yin no/ /gal te shes pa de thog ma med pa'i bag chags kyi mthu las byung ba yin no/ /'o na ni de dang 'brel pa yin pa'i phyir de nyid la mi bslu bar 'gyur ba yin gyi dngos po la mi bslu bar go ji ltar 'gyur/ de'i phyir de'i 'bras bu med pa las ldog pa yongs su bcad par 'gyur dgos so/ /de'i 'bras bu can nyid de las de'i phyi rol gyi nus pa nyid dam/ phyi rol gyi rang bzhin gyi ldog pa nyid do/ /de'i rjes su 'gro ba na de nyid rigs yin pas rigs spangs pa ma yin la/ de yongs su spang? pa la yang phyi rol nyid yongs su spyad par 'gyur ro zhe na/ ma yin te/ phyi rol gyi rang bzhin gyi rnam par dpyad pa med pa'i phyir ro/ /phyi rol nus pa rnam gcod pa/ /reg pa med kyang sgra de ni/ /rnam par rtog pa'i gzugs brnyan ni/ /de yi mthar thug rnams dang 'brel/ /des na gzhan sel mthar thug phyir/ /mnyan pa gzhan sel byed par brjod/ /gal te yang sgra las skye ba can gyi rnam par rtog pa phyi rol gyi rang bzhin la reg pa med pa de lta yang/ rnam par rtog pa'i de'i gzugs brnyan ni phyi rol gyi mthar thug pa'i nyid de/ phyi rol gyi sgo nas skye ba'i phyir ro/ /brgyud pas skye ba'i phyir don la ma reg kyang phyi rol gyi mthar thug pa ni yin no/ /gzhan las ldog pa'i don gyis bskyed pa gzugs brnyan de yang gzhan las ldog pa nyid du snang ngo/ /sgra las kyang de nyid tha mi dad pa'i ldog pa rtogs par 'gyur gyi/ phyi rol dang tha mi dad pa ni ma yin no/ /des na gzhan las ldog pa'i rnam pa can gyi rnam par rtog pa skyed pa'i phyir omnyan pa gzhan sel ba byed par brjod de/ /gzhan las ldog pa dag la 'jug par byed pa'i yang phyir te/ phyi rol la reg pa med kyang rnam par rtog pa de las tha snyad byed pa rnams gzhan las ldog pa dag la 'jug pa'i phyir gzhan las ldog pa'i yul can du brjod do/ /rnam par rtog pa'i gzung ba blo las tha dad par snang ba ma yin nam/ de ji ltar na blo'i rang bzhin nyid yin/ de las tha dad par snang ba ni de nyid du gyur pa ma yin no/ /tha dad par snang ba ni tha dad pa'i mtshan nyid yin te/ de las gzhan tha dad pa'i rgyu mtshan med pa'i phyir ro zhe na ma yin te/ tha dad par snang ba tsam ni mtshan nyid ma yin pa'i phyir ro/ /'khrul pa med pa'i tha dad par snang ba ni tha dad pa'i mtshan nyid yin gyi gang 'ga' zhig ni ma yin no/ /ldog pa bzhin du sgra dag las/ /shes la don gyi gzugs brnyan snang/ /gang de'ang don gyi bdag nyid min/ /de 'khrul bag chags las byung yin/ /gal te yang de kha dog dang dbyibs su snang ba de lta na yang de dngos po ni ma yin gyi/ 'on kyang de'i gzugs brnyan yin no/ /'gal ba ci yod ce na gang gi phyir de ni bag chags kyi mtshan nyid kyi rgyu las byung ba yin pa'i phyir ro/ /de lta yin mod/ ji ltar dngos por mi 'gyur zhe na/ rang gi rgyu la rag las pa'i phyir/ rab rib can gyi dmigs pa'i sgra shad la sogs pa bzhin no/ /ci ste bag chags kyi stobs las skyes pa yin yang dngos po nyid do snyom na/ dngos po ni de ltar 'gyur ba ma yin no zhes bshad par bya'o/ /'o na blo'i mtshan nyid kyi dngos po de nyid sgras brjod pa yin te/ de nyid dngos por gyur pa'i gzhan sel ba yin no zhes kha cig zer ro/ /de ni mi bden te/ 'di ltar/ de ni mnyan pas brjod pa na/ /don gyi cha gang rtogs par 'gyur/ /de ma rtogs na de don can/ /brda byed pa ni don med 'gyur/ /ci nas kyang sgra las dngos po'i cha rtogs par 'gyur bar bya ba'i phyir brda byed pa yin gyi/ blo'i gzugs brnyan tsam zhig rtogs par bya ba'i phyir ni ma yin no/ /des na brda byed pa ni don med par 'gyur te/ de ni dngos po rtogs par bya ba'i don du yin pa'i phyir ro/ /'o na ni gzhan sel pa yang sgra'i don ma yin par 'gyur te/ des na de la yang brda byed par mi 'gyur ro zhe na/ ma yin te/ gzhan sel ba ni don gyi cha nyid yin pa'i phyir ro/ /'di ltar/ sgras don cha ni cis brjod ces/ /de la gzhan sel brjod par bya/ /rnam pa de yang don la med/ /de brjod ji ltar don rten yin/ /gal te gzhan sel ba nyid de yin na de'i tshe de rtogs pa na gzhan sel ba don gyi cha nyid du mi 'gyur ro zhe na/ gzhan sel pa ni don gyi cha nyid de/ sgras don gyi cha ci zhig brjod ces 'dri ba na/ gzhan sel ba'o zhes lan 'debs pa yin no/ /rnam pa de yang don la de yod pa ma yin te/ blo'i rnam pa yin pa'i phyir ro/ /gang zhig don la yod pa ma yin pa de rtogs pas ni don rtogs par mi 'gyur te/ rab rib can gyi rtogs pa'i slu shad la sogs pa bzhin no/ /gzhan yang gzhan sel ba ni spyi yin no/ /zhes 'dod pa yin na/ 'di ltar/ rjes 'gro can sgra rjes 'gro can/ /don gyi 'bras yin mthong goms pas/ /sprul de'ang rjes 'gro med pa can/ blo las tha dad med phyir ro/ sgra ni khra bo la sogs pa dag la rjes su 'gro bar mthong ngo/ /rjes su 'gro ba de yang sbyor bar byed pa rjes su 'gro ba'i don nyid kyis 'gyur pa yin na/ rnam pa de ni rjes su 'gro ba can ma yin te/ blo las tha mi dad pa'i phyir ro/ /mthong bas goms pas bskyed pa yin pa'i phyir te blo nyid bzhin no/ /rjes su 'gro ba can ma yin pa'i 'bras bu ni rjes su 'gro ba dang ldan par rigs pa ma yin te/ rgyu tha dad pas tha dad par 'gyur ba'i phyir ro/ /de'i phyir gzugs brnyan ni gzhan sel pa ma yin te/ rjes su 'gro ba can ma yin pa'i phyir ro/ /de'i phyir dngos po ni gzhan sel ba ma yin la/ blo'i rnam pa yang ma yin no/ /'o na ji ltar sgra las don rtogs pa na spyi rtogs par 'gyur/ de dngos po la brten pa'i ldog ba rtogs na ni dngos po nyid rtogs pas na de ni spyi ma yin no/ /de ste dngos po rtogs pa ma yin na/ ji ltar gzhan sel pa dngos po'i char rtogs par 'gyur zhe na/ 'di la bshad pa/ de dngos sgro btags rtogs pa yis/ /gzhan las bzlog pa rtogs phyir yang?/ /sgra don gang yin de nyid ces/ /brjod pa la ni 'gal ba med/ /blo'i rang bzhin nyid las dngos po'i rang bzhin du sgro btags pas de dang gcig tu lhag par zhen nas rtogs pa yin gyi/ don dam par ni ma yin no/ /de yang gzhan las ldog pa yin pa'i phyir/ sgra'i don gzhan sel ba yin no// blo'i rang bzhin? de yang thams cad la sgro 'dogs te/ de'i phyir gzhan sel ba ni spyi dang/ dngos pa'i cha yin par rtogs pa yin no/ /shes pa sgra yis nges sprul pa/ /de dag log par snang ba nyid/ /don gyi cha la 'di rjes 'gro/ /de ltar mnyan pa gzhan sel byed/ /log par snang ba'i phyir dngos po'i/ /yul can nyid ni ma yin no/ /gzhan sel ba ni bden pa'i phyir ro/ /ji ltar dngos po'i rnam pa ltar de la ni gnod par byed pa yod pa ma yin no/ /'di ni gzhan sel ba ma yin no zhes bya ba'i gnod par byed pa ni de la yod pa ma yin no/ /de'i phyir tha snyad du gnod par byed pa yod pa dang med pa dag las rtogs pa dang/ cig shos su rnam par gzhag gi don dam par ni ma yin no/ /de'i phyir gzhan sel bar rtogs pa ni gnod pa med pa yin pa'i phyir dang/ cig shos ni gnod pa yin pa'i phyir dang/ gzhan sel ba sgra'i don yin no zhes khong du chud do/ /des na gzhan sel ba de ni sgra'i don du 'gro ba yin no/ /zhes khong du chud do/ /des na gzhan sel ba de ni sgra'i don du 'gro ba yin no/ /sgra ni 'dod pa spangs nas 'jug par byed pa yin pa'i phyir/ mnyan ba de ni gzhan sel ba byed pa yin no/ /yang na rnam par rtogs pa'i gzugs brnyan gyi gzhan sel pa nyid phyi rol tu lhag par zhen par 'gyur ba yin gyi rang gi ngo bos ni ma yin pas skyon med do/ /de'i phyir sgra la rang gi ngo bos brjod par bya ba ni cung zad kyang med pas sgrub pa ni sgra'i don ma yin no/ /gal te rang gi ngo bo nyid shes pa la snang na ji ltar phyi rol la 'jug ce na/ phyi rol tu lhag par zhen pa'i phyir ro/ /lhag par zhen pa zhes bya ba 'di ci yin zhe na/ de'i tha snyad kyi yul nyid du rnam par 'jug pa'o/ /ji ltar gzhan gzhan gyi tha snyad kyi yul yin zhe na/ 'dra bas de la rjes su chags pas 'khrul ba'i phyir te/ rigs 'khrul pa bzhin no/ /de la rang bzhin gzhan lhag par sgro btags pa lhag par zhen pa ma yin nam zhe na/ ma yin te/ lhag par sgro brtags pa pa yang shes pa gzhan yin pa'i phyir ro/ /gal te des de'i rang bzhin rtogs pa yin na lhag par sgro btags pa ci yod/ gzhan du rtogs pa yin na zhe na/ ci ste gzhan de la yod dam/ de lta'o zhe na/ lhag par sgro btags pa ma yin te/ bden pa yin pa'i phyir ro/ 'on te med do zhe na/ 'o na ni de shes pa tsam zhig yin pa'i phyir ji ltar gzhan sgro btags pa yin/ gang la de sgro gdags par bya ba de yang don gyi rang bzhin nam/ shes pa'i rang bzhin yin yang rung ste/ de'i tshe de la sgro btags so zhes bya ba'i don ci zhig yin/ de la rtogs pa ste/ de dang lhan cig rtogs pa yin pa de'i tshe yang lhag par sgro btags pa ma yin no/ 'on te med pa nyid las yod par rtogs pa yin no zhe na/ med pa nyid du ji ltar rtogs/ de'i rang bzhin ma dmigs pa'i phyir gzhan gyi rtogs pa yin no zhe na ma yin te/ de yul ma yin pa'i phyir med pa ji rtogs/ mi dmigs pa ni spyod yul du gyur pa'i dngos la go bar byed pa yin pa'i phyir ro/ /dbang po nyams pa las de ltar rtogs pa ma yin no zhe na/ de ni snga ma med pa nyid rtogs pa yin gyi med? pa rtogs pa ni ma yin te/ de ni de'i tshe nyid yod pa'i phyir ro/ /'on te thob par bya ba'i tha snyad byed pa'i phyir thob par bya ba ma yin pa'i tha snyad mi byed pa yin no zhe na/ de ltar na ni 'o na de las gzhan du lhag par sgro 'dogs pa yin pa'i phyir/ lhag par sgro 'dogs pa ni gzhan gyi tha snyad kyi yul du byed pa zhes bya ba de nyid grub pa yin no/ /de'i phyir sgra'i don ni gzhan sel ba yin no/ /de nyid kyi bshad pa/ de'i phyir brda yi dus ni yang/ /rang nyid rtogs pa'i 'bras bu can/ /brtan pa'i don dang 'brel pa yi/ /gzhan sel brda dang 'brel par 'gyur?/ /brdar byed pa ni yang brda byed pa po sgrub pa'i sgo nas ni brda byed pa ma yin te/ 'on kyang gzhan sel ba'i sgo? nas yin no/ gang gi phyir brda'i dus na yang/ gzhan sel pa nyid mnyan pa dang 'brel pa yin gyi dngos po ni ma yin no/ /'di ni lhas byin no zhes brda 'dogs pa na/ rang gi mtshan nyid kho? na? 'brel par mthong ba ma yin nam zhe na/ de ni legs pa ma yin te/ don bstan kyang gzugs brnyan kho na rtogs pa yin no/ /'di ltar brda ni don rtogs don yin par/ /gnyi ga yis kyang 'dod pa yin/ gzugs brnyan rtogs 'gyur mngon sum gyi/ /dngos po nyid ni ma yin no/ /'di'i ming ni 'di yin te/ 'di las ni dus gzhan du yang mi rtogs par bya ba yin no zhes brda ni de las gzhan pa'i dus kyi rtogs pa'i gnas skabs khyab pa nyid du rang dang gzhan gnyi ga yang gdon mi za bar 'dod pa yin no/ /des na mnyan pa dang gzhan sal ba nyid 'brel pa yin gyi rang gi mtshan nyid ni ma yin no/ /ci ste 'di'i ming ni 'di yin no zhes gzugs brnyan khyed par yin par ni rtogs pa med kyi 'on kyang 'di'i ming ni 'di yin no zhes rang? gi mtshan nyid kho na brda'i yul nyid du rtogs so snyam rnam yin te/ shin tu goms pa 'am rtogs pa sngon du gtong ba can ma yin pa'i phyir de ltar rtogs pa yin gyi/ bzlog pas ni nges pa kho nar gzugs brnyan du rtogs pa yin no/ /yang gang zhig tha snyad las brda rtogs pa dang ldan pa de ni nges par brda'i dus kyi rang bzhin gyi gzugs brnyan gyi ngo bo nyid lhag par zhen par byed pa yin no/ /'di ltar/ 'di ming 'di yi brda 'di las/ /'di ni rtogs par 'gyur ba yin/ /'di ni rtogs ldan nyid yin te/ /gzhan du rtog ldan ji ltar yin/ /de bzhin du 'di 'on cig ces brjod pa las/ de log par ni mthong ba na/ /'di ming 'di yin bdag gis kyang/ /sgra 'di las ni 'di rtogs bya/ /yang na brtan pa ni sdang bshad zin pa'i gzugs brnyan gang yin pa yin la/ de ldog pa'i rang bzhin gyi gzhan phel? ba ni de dang 'brel ba yin no/ /gzugs brnyan de'i 'bras bu yang gzhan sel ba rtogs pa nyid yin gyi rang gi ngo bo rtogs pa ni ma yin te/ rang gi ngo bo ni don la med pa'i phyir dang/ ldog pa de ni med pa'i phyir ro/ /ldog pa de ni gzhan yin no zhe na/ ma yin te/ rtog pas bkar nas de dang gcig par tha snyad byed pa'i phyir ro/ /gzhan yang/ gzhan du ma mthong la bltos dang/ /la lar de mthong la bltos phyir/ /gzhan sel sgra dang 'brel 'gyur gyi/ /de ni dngos la mi rung ngo// sgra ni de dang rigs mi mthun pa gzhan la ma mthong ba'i phyir dang/ de'i rigs can 'ba' zhig la mthong ba'i phyir gzhan sol ba nyid la brdang? 'dogs pa yin no zhes shes so/ /spyi 'am gsal ba la brda 'dogs par ji ltar mi 'gyur zhe na/ ma yin te/ de ltar gyur na sgrub po'i tshul kho nas brda btags pa'i phyir thams cad la mthong bar thal lo/ /spyi la yin na yang/ mthong ba tsam la bltos par 'gyur gyis gzhan du ma mthong ba bltos par ni mi 'gyur ro/ /spyi bltos pa dang bcas par rtogs par bya ba'i phyir ro zhe na/ 'o na ni de las gzhan las ldog pa de nyid yin par 'gyur gyi/ spyi btags pas ci zhig bya/ gsal ba nyid de las gzhan las ldog pa dang ldan par rtogs par 'gyur gyi spyis ci bya/ gsal ba nyid mi rtogs so zhe na ma yin te/ gsal ba med par spyi rtogs pas kyang ci zhig bya/ mtshon zin pas mtshon pa'i phyir gsal ba yang rtogs so zhe na/ ci 'dir gnyis rim gyis rtogs sam/ rtogs pa nyid do/ /dang po ni pa lang nyid tsam rtogs pas yul du byed la/ de'i 'og tu ni khra bo la sogs pa'i khyad par ro zhe na/ de ni ma yin te khra bo la sogs pa rnams kyi nang gi khyad par rtogs pa ni mi srid do/ /des na de yang spyi nyid do/ /de'i phyir gsal ba rnams ni spyis mtshon pa ma yin te/ spyi nyid mtshon pa'i phyir ro/ /gdon mi za bar 'dir khyad par 'ga' zhig yod dgos so zhes mtshon pa nyid do zhe na/ ma yin te/ de la sgra'i byed pa med pa'i phyir ro/ 'di rtogs par yin ma/ 'on te ma yin zhes bya ba 'di la tshad ma med do/ /spyi yang mtshan nyid du gyur ba ni rtogs pa med do/ /des na dngos po dang bral pa'i phyir de ni blo nyid do/ /'o na ji ltar gzhan sel ba sgra'i don yin zhe na/ de nyid kyi phyir te/ gzhan las ldog pa kho na la 'jug pa'i phyir ro/ /gal te spyi 'am gsal ba rtogs pa yin na ni sla bar mi 'gyur te/ rtogs pa la ni slu ba yod pa ma yin no/ /slu ba 'gyur na gzhan las ldog pa yang sgra'i don du ji ltar 'gyur/ gzhan mthong yang de las gzhan len? pa'i phyir ro/ /re zhig de ni blungs pa ma yin no/ /gzhan blang dgos so zhes bya ba'i nges pa ni med do/ /de nyid kyi phyir sgra'i rtogs pa dang rnam pa mtshungs pa'i phyir na/ rjes su dpag pa yang rnam par gcod ba tsam zhig gi sgrub par byed pa yin no/ /yang na gzhan du ma mthong la bltos dang zhes bya ba ni tha snyad kyi brda 'dzin pa na/ gzhan du ma mthong ba la bltos pa dang/ rigs mthun pa 'ga' zhig la mthong ba bltos nas brda 'dzin par byed pa yin no/ /des na gang la de ma mthong ba de thams cad ni rnam par bcad pa shes pa yid la/ gang la tha snyad mthong ba de ni yod dam/ 'on te med ces bya brag tu mi rtogs so/ /'di ltar brda 'dzin pa ni de kho na ltar yin no/ /gang gi phyir/ dngos po 'di 'on cig ces bya ba'i dag? gi byed pa ni len pa la yin gyi/ dngos po yod pa nyid la ni ma yin no/ /med pa ni blang bar mi nus so zhe na/ gal te 'di rgyal po'i bka' yin na ni de'i tshe gong? mtsham? par khyer? 'od dgos pa?/ /de ni yongs su brtag pa na tshad? ma gzhan nam/ don gyi go ba las yod pa nyid du rtogs pas yul du byed pa yin no/ /don gyi go ba dang lhan cig pa'i sgra ni yod pa nyid la tshad ma yin no zhe na/ don gyi gro ba med pa'i phyir na ma yin no/ 'di ni byas pa mngon par 'dod pa slod? ba dang 'dra bar 'gyur ro/ /des na yod pa srid? na len pa yin gyi gzhan du ni ma yin no/ /gzhan ni mi len pa nyid do/ /yang gzhan dag ni rigs mi mthun pa thams cad las ldog pa dang// 'ga' zhig tu bsgrubs par 'jug pa la bltos pa'i phyir ro/ /ldog pa lhub? che ba yin gyi rjes su 'gro ba ni ma yin pas ldog pa nyid gtsod? rtogs so zhe'o/ /de ni mi bden te/ gal te rjes su 'gro ba dang ldog pa dag las gcig gtsor gyur pa yin du chug kyang / de lta na yang sgra'i don sgrub pa yin pa las ni 'das pa ma yin no/ /rjes su 'gro ba ni gtso bo ma yin par rtogs par yang mi nus so/ /gsal ba gcig mthong bas kyang spyi'i bdag nyid thams cad rtogs pa'i phyir/ rjes su 'gro ba gtso bo ma yin no zhes bya bar ni mi rigs so la lar de mthong ba la ltos phyir zhes bya ba ni bde'i ming yin no zhes bya bas/ thams cad kyi tshe sgra sbyor ba la don yod par 'gyur ba ni ma yin gyi/ 'di'i ming 'di yin no zhes bya ba ni 'di las 'di? la tha snyad du bya ba yin no zhes de tsam zhig la yin te/ gzhan du tha snyad med pa'i phyir sgra rnams ni gzhan sel ba'i yul can yin no/ /ci ste gang du rjes su dpag pas dngos po thob par 'gyur pa na/ shes pa de ci ltar gzhan sal ba'i yul can yin par 'gyur te/ de la yang gzhan sel ba'i yul can nyid du 'dod pa yin no zhe na/ ma yin te/ der yang khyad par la the tshom za ba'i phyir ro/ /der ni 'di ltar rtogs pa yin te/ re zhig 'di me yin par ni 'gyur na/ me ci lta bu yin pa mi shes so/ /gal te spyi yongs su ma bcad na ji ltar me'i khyad par la the tshom za bar 'gyur zhe na/ rtogs pa tsam gyis the tshom za ba'i phyir ro/ /re zhi rtogs pa de ni yod pa yin na/ ci me yod dam 'on te med ci'am? de la me ci lta bu zhig yod ces khyad par mi shes pa yin no/ /gang du yang 'bras bu'i gtan tshigs yod pa der me nges pa yod pa ma yin nam zhe na/ ma yin te/ me ni reg pa'i khyad par yin pa'i phyir ro/ /de la ni nges pa yod pa ma yin no/ /ji ltar mi rtogs dro ba tsam zhig rtogs pa'i phyir ro/ /spyi rtogs pa yin no zhe na ma yin te/ khyad par gyi rim pa nyid yin pa'i phyir ro/ /khyad par gyi rim pa la sogs pa'i bye brag las tha dad pa'i dro ba'i spyi zhes bya ba yod pa ma yin no/ /de la yang rtogs pa med do/ /rtogs pa yang khyad par gyi rim pa nyid dmigs pa yin no zhe na/ dmigs la ni reg na blo gcig nyid ni med do/ /res 'ga' ni 'di lta bu res 'ga' ni 'di lta bu zhes blo gzhan skye ba'i phyir ro/ /gcig nyid dus gcig gi tshe rang bzhin du mar dmigs pa yin no zhe na/ ma yin te/ gdon mi za bar gcig ni mi bden par 'gyur ro/ /de'i phyir der yang rtogs pa tsam zhig bden pa yin gyi gzhan ma yin pas/ gzhan sel ba tsam zhig sgra dang rjes su dpag pa'i yul yin gyi dngos po la ni de 'thad pa ma yin no/ /gzhan sel ba ni rtags la'ang 'brel pa yin no zhes blta bar bya'o/ /de'i phyir rigs sogs de ldan ni/ /yod min don dang de dag la/ /mnyan pa 'brel min gzhan las ni/ /ldog pa nyid la sgra sbyor phyir/ /des na tshad ma med pa'i phyir/ /rigs la sogs pa'i 'brel pa rtog pa ni med do/ /rdzas 'brel yang rang gi ngo bos snang ba nyid la ci zhig yod/ ldan par snang ba'i phyir ro zhe na ma yin te/ gzhan rtogs pas rnam par rtog par mi byed kyang de'i ngo bor snang ba'i phyir ro/ /de tsam 'ba' zhig gis rtogs par srid pa ma yin no/ /de nyid la rtogs pa yin no zhe na/ 'dod pa'i phyir gnod pa ci yod gnyi ga las skyes pa dang/ gang yang rung ba'i las skyes pa dang ldan pa las skyes pa zhes ni rtogs pa med do/ /rang gi ngo bo tsam du rtogs so zhe na ma yin te/ ldan pa'i rang gi ngo bo snang ba med pa'i phyir ro/ /dngos po gnyis kho nar de ltar skyes pa'i snang ba yin gyi ldan pa'i ni ma yin no/ /dngos po gnyis po de nyid ldan pa yin no zhes rtogs pa yang ma yin no/ /des na ldan pa gzhan ni med de snga ma dang lhan cig gcig tu rtogs pa med pa'i phyir ro/ /mngon sum ni snga ma dang phyi ma'i dngos po la byed pa yod pa ma yin no/ /snga ma rtogs par ma gyur mod/ de ltar na yang ldan pa rtogs pa ni yod pa yin no zhe na/ ma yin te/ mi ldan pa las ldan 'gyur te/ da ni slar yang 'brel par 'gyur/ /gcig ? byung mkhan nga yin zhes/ /de ni rtogs par 'dod pa yin/ /gal te de ltar ma rtogs na/ /ldan par rtogs pa don med 'gyur/ /'di ni gcig 'gyur de yi phyir/ /ldan pa don gzhan 'gyur ba yin/ /sgra sbyor bar byed pa yang med do/ /sgra de la med pa'i phyir ro/ /brda'i dus na sgra yod par gyur pa yin no zhe na de dang sbyor bar byed pa yang yod pa ma yin te/ 'di ltar/ brda dran pa yi rgyu can gyi/ /mthong ba sre byed bdag nyid can/ /snga phyi stong pas 'dzin pa yi/ /mig shes la ni de brjod ltar/ /'di ba lang ngo zhes bya ba 'di ba lang gi sgra nyid ni ma yin gyi/ 'di la ba lang gi sgra brjod bar bya ba yin no zhes bya ba'i don to/ /gzhi mthun pa ni de dang 'brel pa las te/ dper na dbyug pa zhugs so zhes bya ba bzhin no/ /yang na gang la ba lang gi sgra yod pa de ba lang gi sgra yin no/ /de la gang gi tshe sbyor bas phyogs gcig la 'di ni ba lang ? zhes bya ba de la ni/ 'di la ba lang gi sgras brjod par bya ba yin pa'i phyir/ ba lang gi sgra las 'di rtogs par 'gyur ro/ /ba lang de ni 'di'o zhes bya bar ni 'di la ba lang gi brdar btags pa yin no/ /de lta bu'i dngos po de ni snga ma dang phyi ma 'dzin pas stong pa'i bdag nyid kyi mngon sum gyis ji ltar 'dzin par 'gyur/ 'di ltar/ dbang rnams rung ba'i yul gnas pa/ /'byung 'gyur 'das dang 'byung la min/ /dbang po la brten rnam shes kyi/ /spyod yul dbang po'i byed can yin/ zhes de ni bshad zin to/ /gal te mig la sogs pa'i dbang po snga ma dang phyi ma dag la yang 'jug pa yin na ni 'das pa dang ma 'ongs pa thams cad rtogs par 'gyur te/ thams cad 'ga' zhig dang rnam pa 'ga' zhig ltar 'brel pa'i phyir ro/ /sngar bzung ba rtogs pa yin no zhe na ma yin te/ thams cad kyi tshe rtogs pa med pa'i phyir ro/ /dran pa yod na 'gyur ro zhe na/ dran pa nyid de yin par 'gyur ro/ /dran par bya ba dang lhan cig mngon sum gyis gcig tu rtogs pa nyid do zhe na/ ma yin te/ dran pa tshad ma ma yin pa'i phyir/ dran par bya ba mi bden pa nyid de dang lhan cig tu rtogs pa bden par ji ltar 'gyur/ ci ste yang de'i don don bya ba byed pa'i phyir de nyid 'di yin no zhe na/ don bya ba zhes pa dang/ de'i sgras brjod par bya ba nyid yin nam/ de nyid kyis don bya dgos so zhes bya ba ga las/ de'i phyir 'di ni tha snyad tsam du zad kyi/ gcig nyid du 'dzin pa tshad ma ni med do/ /tha snyad mi slu pa nyid las tshad mar 'gyur ba yin no zhe na/ gcig la ni mi bslu ba yod pa ma yin gyi/ 'on kyang don bya ba la yin te/ de ni yod pa kho na'o/ /de'i don nyid ni don bya ba byed pa las yin gyi/ snga ma dang gcig nyid ni ma yin no/ /ci ste de nyid 'di yin no snyam pa'i mtshams sbyor ba 'di ni yod pa yin no/ /gal te snga ma dang phyi ma dag gcig pa nyid de na mtshams sbyor bar byed pa po nyid du su zhig 'gyur/ mtshams sbyor ba po gcig nyid yin na snga ma dang phyi ma 'dzin pa'i mngon sum mtshams sbyor ba po la brten pa yin no zhe na/ ma yin te/ dran pa dang mthong ba'i rnam pa las tha dad pa'i mtshams sbyor ba gzhan med pa'i phyir ro/ /gal te mngon sum pa dag la brten pa yin yang /de tsam gyi ni de tshad mar 'gyur ba ma yin no/ /dbang po la brten bas ni tshad ma yin la bdag la brten pas ni gcig nyid du 'dzin pa yin no zhe na/ ma yin te/ de ni dbang po'i rjes su 'brangs nas 'jug pa'i phyir dang/ dbang po yang snga ma dang phyi ma la mi 'jug pa'i phyir ro/ /de'i rjes su 'brang ba'i shes pa ni 'jug go zhe na/ ma yin te/ de'i rjes su 'brang ba nyid mi 'thad pa'i phyir ro/ /sngon gyi shes pa'i rjes su 'brangs pa med par ni snga ma la shes pa 'jug pa ma yin no/ /de las gzhan pa'i rjes su 'brangs pa yin no zhes bya ba ni bab chol yin no/ /gcig nyid du rtogs pa ni dbang po med par mi 'byung ba ma yin te/ des ni gcig nyid du rtogs pa dbang po las skyes pa ni ma yin no/ /mngon sum las 'gyur ba gang yin pa de ni yin no zhe na/ ma yin te/ gcig nyid las khyad par med pa'i phyir ro/ /gsal ba nyid kyi khyad par yod pa yin no zhe na/ gsal ba nyid gcig yin la rag mod/ mi gsal ba dang gcig nyid du go mngon sum gyis ji ltar khong du chud/ de ni 'di dang gcig par mngon sum gyis khong du chud pa ma yin gyi/ 'di go de dang ji ltar ma yin zhe na/ ma yin te/ mtshungs pa'i phyir ro/ /gnyi ga mngon sum gyis gzung ba med par de gcig par mngon sum gyis ji ltar yul du byed/ gcig nyid mngon sum gyis 'dzin pa yin gyi don ni ma yin no zhe na/ 'o na gcig nyid de don la brten pa ma yin par 'gyur ro/ /gcig nyid dang brgyud pa med pa'i phyir de dang ldan pa 'phen pa yin no zhe na/ 'phen pa zhes bya ba ni rjes su dpag pa yin no/ /des na mngon sum gyis rang dbang du bzung ba la rjes su dpag pas gzhan du 'dzin pa zhes bya ba ni 'thad pa ma yin te/ rjes su dpag pa ni mngon sum sngon du 'gro ba can yin pa'i phyir ro/ /des na mngon sum gyis ni 'di ba lang ngo zhes rtogs pa ma yin te/ snga ma dang phyi ma 'dzin pa med pa'i phyir ro/ /gzhan yang/ shi ba la yang snga ma dang phyi mar 'dzin pa yod pa'i phyir/ de ji ltar 'di tshad ma ma yin par 'gyur/ de'i phyir nye bar gnas pa 'dzin pa tsam kho na tshad ma yin la/ de la yang sbyor bar byed pa med pa'i phyir/ dbang po'i shes pa ni rtog pa med pa yin no/ /gzhan yang/ gzhan la 'jug sems can gyi yang// mig gis gzugs dag mthong gyur pa/ /der ni gsal bar de'i brda/ /des na de bskyed rtog pa'ang med/ /gang gis dran pa dbang po'i lhan cig byed par 'gyur ba/ gzugs la sogs pa rnam par rtog pa bzhin pa nyid na/ mthong ba ni ma yin no/ /gang zhig gang gi lhan cig byed pa yin pa de med par rang gi 'bras bu la nus pa ma yin te/ sa la sogs pa med par myu gu byed pa la sa bon bzhin no/ /'on te 'bras bu byed do cog la ni dran pa lhan cig byed pa ma yin gyi/ 'on kyang rnam par rtog pa dang bcas pa skyed pa la yin no zhe na/ de yang mi bden te/ gal te rnam rtog bcas pa nyid yin na/ /grub pa la bsgrub gzhan du na/ /'gal bar gnas pa 'gyur ba yin/ /gal te rnam par rtog pa gzhan dang lhan cig 'jug pa'i phyir/ rnam par rtog pa dang bcas pa nyid yin na ni/ de lta bur gyur ba la dran pa lhan cig byed pa yin par grub pa la sgrub bo/ /de ste bdag nyid du gyur pa'i rnam par rtog pas yin na ni/ de'i tshe mi rigs te/ de yod na yang med 'gyur la/ /de med na yang yod pa gang/ /'gal ba'i chos dang ldan pas na// de dang de gcig ji ltar yin/ /ci ste rnam par rtog pa can de ni gzhan yin la/ sngar gyi rnam par rtog pa med pa yang gzhan yin no zhe na/ de lta yin na ni khyed kyi ngo shes pa nyams pa yin no/ /ha cang thal bar 'gyur ro zhes kyang bshad zin to/ /de'i phyir lhan cig gi tshe/ sems gzhan du song ba'i gnas skabs su rnam par rtog pa med pa gang yin pa de ni gzhan gyi tshe de lta bu kho na yin par rigs so/ /'on te rnam par rtog pa gzhan gyi rtog pa dang bcas pa nyid do zhe na/ de lta yin na ni rna ba'i rnam par shes pa las kyang rtog pa dang bcas pa yin par 'gyur te/ rna ba yang lhan cig byed pa yin pa'i phyir ro/ /'on te shes pa de gnyis ni tha dad pa kho na'o zhe na/ gzhan du yang mtshungs pa'i phyir khyad par med do/ /'o na te gnas skabs de na rnam par rtog pa gzhan yang yod do zhe na de ni mi bden te/ ma dmigs pa'i phyir ro/ /ci ste mi dmigs kyang tha snyad las sgrub pa yin te/ rnam par rtog pa med par ni tha snyad ma mthong ba'i phyir ro/ /tha snyad dang ni rnam rtog dag /rgyu dang 'bras bur grub pas na/ /'dir de 'bras las rjes dpog phyir/ /brda 'dzin med par ji ltar 'gyur/ /rjes su dpag pas ni sgra sbyor bar byed pa rtogs par mi 'gyur ba ma yin te/ de yang tshad ma ma yin pa'i phyir ro/ /'on te 'di nyid kyis 'khrul pa yin no snyam na ma yin te/ phyogs nyid kyis ni 'khrul par 'gyur ba ma yin pa'i phyir ro// de lta ma yin na ni du ba las mi rjes su dpog pa la yang phyogs nyid kyis 'khrul par 'gyur ro/ /ma yin te/ de ni rjes su dpag pas dmigs pa'i phyir te/ reg pa dang/ tha snyad las kyang rtogs pa'i phyir ro/ /grang ba bzlog pa'i tha snyad dam/ /reg pa'i rnam par shes pa las/ /lkog gyur me yi bdag nyid ni/ /rtogs na de yang 'thad par dka' / /gal te me med kyang da ltar nyid du ba ni yod pa ma yin no/ /zhes res 'ga' rjes su dpag par bya ba ma mthong ba'i me the tshom gyi yul du gyur pa der ni du ba'i rang bzhin rtogs pa las reg pa'i rnam par shes pa 'am/ grang ba bzlog pa'i tha snyad kyis 'khrul pa la spong pa yin no zhe na/ de yang mi bden te/ reg shes tha snyad dag las ni/ /rjes su dpag pas de rtogs na/ /rjes dpag de yi 'khrul med pa'ang/ /rjes dpag gzhan las 'gyur ba yin/ /rjes dpag nyid du mtshungs phyir ro/ /de lta yin na thug med 'gyur/ /gal te rjes su dpag pa las 'khrul par dogs pa na/ rjes su dpag pa nyid 'khrul pa med pa'i sgrub byed yin pa de lta na ni/ rjes su dpag pa nyid mtshungs pa'i phyir/ de'i mtshan nyid can thams cad la dogs par 'gyur ba de ni ma grub pas ma grub pa bsgrub pa yin no/ /reg pas ni gzugs grub pa yang ma yin te/ dung ser por shes pa'i yul la yang reg pa yod pa'i phyir ro/ /gang du ? 'khrul par dogs pa der blo sngon btang nas byas pa'i grang ba med pa la sogs pa'i tha snyad ni ches shin tu 'khrul par 'gyur ro/ /de'i phyir rjes su dpag pas rnam par rtog pa sgrub pa la gal te phyogs nyid kyis 'khrul pa yin na rjes su dpag pa mdza' dag la 'gyur ba'i phyir/ rtog pa 'di ni legs pa ma yin no zhe na/ de yang mi bden te/ ji ltar du bas dngos stobs las/ /rjes su dpag pa rab 'jug cing/ /de yang bslu ba med mthong ba/ /de ltar rtogs pa'i sgrub byed min/ /yul lkog tu gyur pa la me'i rjes su dpag par 'jug pa la ni mngon sum gyis gnod pa med de de ni mngon sum gyi yul ma yin pa'i phyir ro/ /rnam par rtog pa'i sgrub pa la ni rgyang ring ba la sogs pa yod pa ma yin te/ rnam par rtog pa ni rang rig pa'i mngon sum gyi yul yin pa'i phyir ro/ /phra mo nyid kyang gzhan gyi dmigs pa dang gzhan gyi ma dmigs pa la ltos pa yin na/ rang gi rang bzhin la ni ji ltar dmigs par bya ba phra ba de bzhin du dmigs pa byed pa yang yin pas khyi 'chod pa khyi 'tshod pas mi 'jigs so/ /rang rig par bya ba'i med bzhi'i kho na ste nyams su myong ba med pa zhes bya ba gang yin pa'o/ /me la sogs pa ltar rnam par rtog pa la rjes su dpag pa la 'jug pa yang ma yin te/ de ltar rtog pa med pa'i phyir ro/ /gal te rnam par rtog pa med par tha snyad mi 'thad pa'i phyir 'brel ba bzung ba na ji ltar rjes su mi dpog ce na/ ma yin te/ 'brel ba 'dzin pa nyid rnams gzhan du 'gyur ba'i phyir ro/ /'di ltar sbyong sogs med na med pa'i phyir/ goms pa med pa'i tha snyad ni/ /'gyur min de nyid du 'gyur na/ /tha snyad de med par yang 'gyur/ /goms pa med pa'i tha snyad ni/ /dpyod pa la sogs pa med par mi 'gyur ba'i phyir/ 'brel pa 'dzin par 'gyur gyi/ goms par gyur pa la ni rnam pa gzhan du yang 'gyur ba yin te/ gzhan du ni ma yin no/ /de'i phyir med kyang gom ba las/ /srog chags rnams kyi tha snyad ni/ /'jug 'gyur mthong la de nyid la/ /tha snyad kyis ni rjes dpog med/ /rjes su dpag pa 'jug pa ni 'brel pa 'dzin pa dang/ rjes su mthun pa'i kho nar yin te/ de lta ma yin na 'brel pa yin pa rjes su dpag pa'o nye bar mkho ba med par 'gyur ro/ /'brel pa de yang ma goms pa'i gnas skabs nyid na 'dzin pa yin gyi/ gzhan du ni ma yin no/ /de'i phyir dpyod sogs tha snyad las/ /rjes su dpag pa nyid ma yin/ /gang phyir tha snyad ces bya 'di/ /rnam pa gzhan duAng dmig pa yin/ /de lta ma yin na/ mchor mo gzugs dang ldan pa la/ /'dod ldan 'jug pa mthong ba'i phyir/ /de las gzugs dang mi ldan pa'ang/ /gzugs dang ldan par dpog par 'gyur/ /de'i phyir gzhan rnam par rtog pa na brda'i dus su dmigs pa'i sgra 'dzin pa med par gsal ba'i phyir/ de las skyes pa rtog pa yang med pa nyid do/ /gal te mngon sum nyid sgra dang 'brel pa mi 'dzin na/ ji ltar de'i brjod par bya ba de ni 'di yin no zhes bya ba de ltar tha snyad byed ce na/ ma yin te/ 'khrul pa las kyang tha snyad du 'gyur ba'i phyir ro/ /'khrul pa yin yang dngos po dang 'brel pas na tshad ma nyid yin te/ dper na shing dag la gong bur 'dzin pa'i shes pa bzhin no/ /de la yang gong bu zhes bya ba ni med mod kyi 'on kyang shing gi tha snyad ni mi bslu ba dang ldan pa yin no/ /de bzhin du sbyor ba zhes bya ba ni med mod kyi 'on kyang sbyor ba can gyi tha snyad ni phyin ci mi log pa yin no/ /'di ltar 'di ba lang ngo zhes de'i gzhi mthun pa nyid du rtogs pa ni ba lang gi sgra ni 'di brjod par byed pa yin no zhes bya ba'i don to/ /des na rtogs pa 'di ni mi bslu ba dang ldan pa yin te/ de ni de lta bur gyur pa nyid kyi yul la sbyor ba mthong ba'i phyir ro/ /dper na shing gi yul la gong bur rtogs pa 'byung gi gzhan la ma yin pa de'i phyir 'brel pa las mi bslu ba yin pa bzhin no/ /gal te ba lang gi sgra las rang gi mtshan nyid rtogs par mi 'gyur na/ 'o na ji ltar de mthong ba na de ni 'di yin no zhes rtogs par 'gyur te/ bdag gi sngon rtogs pa de ni 'di yin no zhes bya ba'i shes pa ni 'jig rten na yod pa yin no zhe na ma yin te/ mthong ba la ngo shes par byed pa ma yin pa'i phyir ro de 'di yin no snyam pa ni ngo shes pa yin gyi/ 'di'o snyam pa ni ma yin no/ /de'o snyam pa ni lkog tu gyur pa'i rnam pa yin gyi mthong ba'i rnam pa ni ma yin no/ /des na rtogs pa gnyis phan tshun mtshan nyid mi mthun pa'i yul gcig pa'i nyid ma yin gyi/ snang ba tha dad pa ni tha dad par byed pa yin pa'i phyir te/ de tha dad par byed pa nyid ma yin na ni tha snyad pa med par 'gyur ro/ /ci ste don bya ba tha dad pa yin gyi snang ba tha dad pas ni ma yin no zhe na/ ma yin te/ snang ba tha dad pas tha dad pa'i don bya ba byed pa'i phyir ro/ /don bya ba'i khyad par can gyi snang ba tha dad pa las yin no zhe na/ gal te don byed pa dang bral ba la snang ba yod na'o/ /na ni dmigs pa med pa'i rnam par shes pa de dbang po las skyes pa'i shes pa las gzhan yin par 'gyur ro/ /de'o snyam pa'i bag chags tsam las byung ba yin gyi/ don byed pa'i dngos po 'dzin pa'i shes pa ni ma yin no/ /des na dngos po la ma reg pa'i phyir de'o snyam pa'i dang 'di'o snyam pa'i shes pa dag gi gzhi mthun pa ma yin no/ /'di'o zhes bya bar snang ba yang 'di ni de'o zhes mdun na gnas pa thams cad la thun mong du lhag par zhen pa can yin te/ thun mong ba nyid dang bral na ni rnam par rtog pa nyid du 'gyur ro/ /gal te dbang po'i rnam par shes pa rnam par rtog pa'i rang bzhin yin na/ de'i tshe skyon gzhan 'dir yang 'gyur te/ gang la sgra ni des dgod pa/ /de la rnam rtog skye bar gyur/ /des na dbang skyes 'dod pa yis/ /'jug 'gyur phyi rol mthong mi 'gyur/ /sgra ni lkog tu gyur pa'i don la 'jug cing rnam par rtog pa rnams kyang de la 'jug pa yin pa te/ de'i phyir dbang po'i rnam par shes pa sgra bzhin du dmigs pa kho nar 'gyur gyi phyi rol mthong bar ni mi 'gyur ro/ /lkog tu gyur pa'i don la 'jug pa ni dmigs pa dang bcas pa ma yin te/ rang gi ngo bo la reg pa med pa'i phyir ro/ /rang gi ngo bo la reg na ni da ltar ba gsal bar 'dzin pa'i phyir 'di'i zhes bya ba nyid du 'gyur gyi de zhes bya bar ni ma yin no/ /yang na dran pa thams cad dbang po'i shes pa nyid du 'gyur te/ khyad par med pa'i phyir ro/ /sgra'i shes pa'i phyi rol gyi rang bzhin la reg pa can ma yin no/ /ci ste phyi rol gyi don la sgra 'god pa de lta yin yang sgra'i shes pa ji ltar 'dod pa bzhin du 'jug pa/ de bzhin du dbang po las skyes pa yang 'gyur ro/ /des na phyi rol gyi don med pa dag kyang 'jug pas dmigs pa med par 'gyur te khyad par med pa'i phyir ro/ /'on te gang la 'dod pa'i rjes su byed pa med pa dang don gyi rjes su byed pa'i phyir phyi rol gyi don la dmigs par 'gyur ro zhe na/ gal te don gyi rjes su byed pa mngon sum gyi mtshan nyid yin pa de lta na ni de'i tshe dbang po'i rnam par shes pa rnam par rtog pa med pa nyid du 'gyur te/ sgra'i rnam pa nyid ni 'dod pa la rag las pa yin pa'i phyir ro/ /de ni phyi rol gyi don gyi rjes su 'gro ba ma yin te/ bag chags kyi rjes su 'gro ba can yin pa'i phyir ro/ /ci ste gal te sgra'i rnam pa bag chags kyi rjes su 'gro ba yin pa de lta na yang bag chags dang/ dbang po'i tshogs pa las gcig po nyid yin pa'i phyir mngon sum rtog pa dang bcas pa yin no/ /tha snyad ni de lta bu nyid yin te/ de lta ma yin na zhen pas yul du ma byas pa la tha snyad du mi 'gyur ro/ /'di ni bde ba la sogs pa'i sgrub par byed pa yin par nges so zhes 'jig rten gyi tha snyad mthong ba yin no zhe na/ de yang mi bden pa nyid de/ 'di ltar/ ji ltar tshogs las shes pa ni/ /skye bar 'gyur 'dod de bzhin du/ /tha snyad nyid 'gyur 'di nyid la/ /tshad ma med pa nyid phyir ro/ /tha dad pa ni rgyu tha dad pa las yin no/ /skre dang dbang pos bskyed pa'i shes pa'i don gyi rnam pa dag ni bag chags la sogs pa rgyu tha dad pa kho na'o/ /tha snyad ni gcig nyid ma yin gyis ma yin te/ tshogs pa tsam gyis te/ shes pa gnyis kyi tha snyad skye ba'i phyir ro/ /gzhan rnam par rtog pa na yang tha snyad srid pa'i phyir ro/ /rnam par rtog pa gzhan mngon du gyur pa na de bzhin du byas pa ni ma yin no/ /sgra sbyor bar byed pa tsam la tha snyad 'gyur ba ni ma yin no/ /don bya ba sbyor bar byed pas tha snyad du 'gyur ba yin pa'i phyir ro/ /don bya ba yang sngar nyams su myong ba dang phyis myong bar 'gyur ba yin no/ /de ni dbang po'i shes pa'i yul ma yin te/ rjes su dpag pa med par thal ba'i phyir ro/ /phyi rol mthong mi 'gyur zhes bya ba'i don ci yin zhe na/ phyi rol mthong ba ma yin pa gang yin pa de dag kyang dbang po las skyes par 'gyur ro zhes bya ba yin no/ /de bzhin du chod pa la sogs yod na yang/ dbang po'i blo ni skye bar 'gyur zhes bya ba yang bar chod la sogs pa yod pa la yang skye ba'i blo gang yin pa dper na de zhes bya ba dang/ cha shas so snyam pa'i de yang dbang po las skyes par 'gyur ro zhes bya ba yin te/ 'di ni sngar bstan zin to/ /'o na ji ltar dngos po 'di snyam du nges pa mdun na gnas pa'i dngos po nges par byed pa yin/ 'di la nges pa'i yul lkog tu gyur pa ni yod pa ma yin te/ 'di zhes bya ba ni mngon sum du nye ba'i don yin pa'i phyir ro zhe na de ni mi bden te/ 'di ni yid kyis mngon sum yin no zhes bshad par bya'o/ /gal te nges pa med par tha snyad med pa yin na/ de'i tshe/ nges par ma byas pa bzung ba med par 'gyur te/ gzugs la gzugs zhes mthong ba na/ de yi blo zhe na ji ltar mthong/ de yi nyams su myong ba'ang yod/ /de ni rtogs med ci ltar yin/ /shes pa thams cad rnam par rtog pa dang bcas par smra ba'i ltar na/ gzugs la gzugs so snyam du mthong ba yin yang/ de'i blo ji ltar mthong bar 'gyur te/ de la de'i blo'o snyam pa'i rnam par rtog pa ni yod pa ma yin no/ /ci ste nyams su myong ba nyid med pa na yang de lta na yang tha snyad yod pa yin na/ de nyams su myong ba med kyang shes pa la khyed kyi 'dod pas don gyi go pa la sogs pas tha snyad ji snyed pa srid pa yin na rnam par rtog pa med pas gsal bar nyams su myong ba la lta ci smos/ de nyams su myong ba med pa yang ma yin te/ de lta ma yin na ni 'di ni gzugs mthong bar byed pa yin no snyam pa'i rnam par rtog pa srid par ga la 'gyur/ de'i tshe bde ba la sogs pa ni nyams su myong ba kho na yin na/ de la bde ba la sogs pa'o snyam pa'i rnam par rtog pa'i nyams su myong ba med do/ /des na blo nyams su myong ba ni rnam par rtog pa med pa kho na'o/ /rnam par rtog pa med pas nyams su myong ba la yang tha snyad yod pa yin na? ni blo bzhin du gzugs la sogs pa la yang tha snyad du 'gyur mod/ ci ste de ni gzugs mthong ba yin no snyam pa de yang rnam par rtog pa yin te/ rtog pa dang bcas pa'i mngon sum nyid yin no zhe na/ 'di la brjod pa rnam par rtog pa dang bcas pa'i mngon sum de/ gzugs mthong ba nyid yin nam/ gzugs mthong ba las gzhan yin zhes rnam pa gnyis su 'gyur ro de la/ de nyid kyis myong yin na ni/ /rtog gnyis cig char mthong ba med/ /gal te gzugs kyi shes pa de nyid kyis brtag par bya ba bdag nyid rtog pa yin na de'i tshe gcig la rim pa mi 'thad pa'i phyir/ cig car rnam par rtog pa gnyis su thal bar 'gyur na mthong ba yang ma yin no/ /de nyid rims kyis gzugs la sogs pa dang rang gi ngo bo nyams su myong ba'i bdag nyid yin no zhe na/ gal te blo gcig rim pa bdag gir byed na/ rim pa yang rim pa ma yin par 'gyur ro/ /de yang rim kyis bdag gir byed do zhe na thug pa med par 'gyur ro/ /gzugs la mngon par zhen pa'i gnas skabs ni rang las mngon par zhen pa med pa'i phyir ji ltar gcig nyid yin/ mngon par zhen pa ma yin pa'i blo gzhan ni med do/ /de tha snyad ni blo nyid tha dad par yin pa'i phyir ji ltar gcig nyid kyi rim pa yin/ mngon par zhen pa tha mi dad do zhe na/ rang gi ngo bor mngon par zhen pa de la yang gzhan gyi mngon par zhen par 'gyur dgos pas thug pa med pa de nyid yin no/ /de'i phyir de nyid kyis nyams su myong ba yin na ni cig car rnam par rtog pa gnyis 'byung bar thal lo/ /des ni dus mtshungs rnam par shes/ /gzhan gyi myong ba bstan pa'i phyir/ /dus mtshungs pa'i rnam par shes pas nyams su myong ba la yang cig car rnam par rtog pa gnyis su thal bar 'gyur ro/ /des na de la yang rnam par rtog pa gzhan gyis 'gyur ba yin pa'i phyir/ rnam par rtog pa mthar thug pa med par thal pa yin no/ /ci ste yang mngon sum mam don gyis go ba'i blo phyis 'byung ba'i nyams su myong ba yin no zhe na/ de ni ma yin te/ 'di ltar 'das pa la ni dran bar 'gyur/ /myong ba med la de ji ltar/ /rang gi blo dang gzhan gyi blo/ /yongs gcod ngo bor gcig par 'gyur gal te 'das pa'i rig pa yin na de la mngon sum du mi 'gyur te/ yod pa'i yul can yin pa'i phyir ro/ /de'i tshe yod pa de nyid myong ba yin no zhe na/ 'o na ni gzugs 'dzin pa'i rang bzhin ma yin par 'gyur la/ blo gzhan yang yod pa ma yin no/ /ci ste blo'i rang bzhin ni rtogs pa yin pas de la ni gang dang gang nye ba'i don de dang de nyid snang ba yin te/ shel dang me long la sogs pa bzhin no zhe na/ de ni ma yin te/ 'o na ni de'i tshe gzugs 'dzin pa 'das pa yin no/ /rtogs pa'i rang bzhin ni de'i tshe yod kyang gang du nye bar 'khor ba yin/ des na nga'i gzugs 'dzin pa 'di yin no zhes bya bar mi 'gyur gyi/ byung bar gyur to zhes bya bar 'gyur na/ de ltar ni mngon sum 'jug pa med do/ /'on te gzugs 'dzin pa la ni 'das pa yang yod la de ltar yang yod do zhe na/ de lta yin na sngar yang 'das pa nyid yod pa'i phyir 'thad par dka' o/ /'di ltar/ kun tshe 'das pa'i dngos yin pas/ /de ni kun tshe da ltar yin/ /de ltar yin gzugs 'dzin na ni/ /kun tshe yod ces bya mi bden/ /rtag tu 'das pa nyid yin na/ /de las kyang sngar yod pa yin la de las kyang sngar yod pa yin pa'i phyir/ gzugs 'dzin pa dus thams cad du yod par mi 'gyur ro/ /'on te sngar da ltar byung ba yin la phyis 'das pa nyid yi no zhe na/ de lta yin na de shes pa gcig ces bya bar mi 'gyur ro/ /ci te gcig nyid yin no zhe na/ de lta yin na gnyi ga cig car 'dzin par 'gyur ro/ /rim gyis 'dzin na ni gcig nyid du 'gyur ro/ /gcig kyang yin la rim dang bcas pa yang yin no zhes bya bar ni 'gal lo/ /gcig spangs nas gzhan nye bar len pa ni rim pa'i don yin te/ 'di ni sngar bshad zin pas yang mi brjod do/ /des na 'das pa 'dzin pa ni med pa kho na'o/ /dran pa yang 'dzin pa med na med pa yin pa'i phyir/ gzugs 'dzin pa'i rtogs pa ni med pa kho nar 'gyur ro/ /gal te myong ba 'das pa yin gyi myong ba 'di'o snyam du rtog pa med pa yin pa de lta na/ 'di su'i myong ba yin mi shes pa'i phyir gzhan gyi blo rtogs pa dang 'dra bar 'gyur te/ 'das pa dran par khyad med pa'i phyir ro/ /gzhan blo yongs gcod ces bya ba 'di ji ltar shes par bya ba yin ci blo gzhan yongs su gcod pa yin nam/ 'on te gzhan gyi blo yongs su gcod pa yin/ gal te re zhig blo gzhan yongs su gcod pa yin pa de'i tshe/ rang rig pa med par smra ba de ni 'dod pa nyid do/ /'on te gzhan gyi blo yongs su gcod pa yin no zhe na de ni ma yin te/ gzhan gyi blo yongs su gcod pa med pa'i phyir ro/ /gzhan gyi blo ni rjes su dpag pas yongs su gcod pa yin na/ rjes su dpag pa rang gi blo yongs su gcod par byed pa ni ma yin pa de'i phyir/ ji ltar mtshungs pa yongs su gcod par byed pa yin zhe na/ 'di la bshad pa/ 'das pa lkog gyur yin par ni/ /brtsams nas 'di skad brjod pa yin/ /mngon sum grub la 'das pa dang/ /lkog tu gyur ba srid ma yin/ /gal te de yongs su rtogs pa yin na/ de'i tshe 'di gzugs la sogs pa bzhin du lkog tu gyur pa nyid dang 'das pa nyid ma yin mngon sum du byas pa ni da ltar ba yin pa'i phyir ro/ /de lta ma yin na de ltar ba nyid med par 'gyur ro/ /des na lkog tu gyur pa thams cad ni rjes su dpag pas rtogs par bya ba yin la de yang dran pa'i rang bzhin yin pa'i phyir blo myong ba mtshungs pa nyid du 'gyur ro/ /ci ste rang gi blo ni lkog tu gyur ba yin yang rjes su dpag pa las gzhan pa'i tshad mas gzhal bar bya ba yin no zhe na/ de lta yin na de nyid mtshungs pa yin par 'gyur ro/ /'on te gzhan gyi blo ni gzhan dang 'brel par rtogs pa yin gyi bdag gi blo ni ma yin te/ de ni rang dang 'brel pa nyid du rtogs pa yin no/ /gzhan ni rnam pa gzhan du rtogs par 'thad pa ma yin no zhe na/ de ni mi bden te/ mngon du byed pa'i rang bzhin du/ /'dzin na de ltar srid pa yin/ /rjes su dpag pas dran pa na/ /'dzin pa snga ma rjes 'jug phyir/ /de nyid sngon bar byed pa ni/ /don rig 'das pa dpe dag dang/ /bral zhing rtags ni yod min te/ /cis grub gang phyir de la ni/ /mngon sum ma yin rtags can min/ /shes pa 'das pa la dpe ni med de/ mngon sum med pa'i phyir ro/ /des na rig pa bdag dang gzhan dang 'brel par rtogs so snyam du shes pa ni rtags can ma yin no/ /de bzhin du mngon sum med pa'i phyir dang/ yod na 'das pa nyid du mi 'gyur ro zhes bshad zin to/ /de'i phyir rtags dang 'brel pa bzung ba med par rjes su dpog pa yin pa'i phyir tsam zhig yongs su gcod par thal bar 'gyur ro/ /rang rig pa nyid yin na ni de dang gzhan gyis byas pa'i rnam par byed par 'gyur ro/ /ci ste ji ltar 'brel ba med par rjes su dpog pa yin pa de bzhin du rnam par dbye ba yongs su dpog pa yin no zhe na/ de yang mi 'thad de/ gang gis blo de mthong 'gyur ba/ /gzugs 'dzin tsam zhig 'byung 'gyur te/ /dper na tshig pa mthong ba las phyogs der me sngon 'byung ba bzhin/ /de la me bdag gam gzhan gyis byas pa zhes rnam par dbye ba 'gyur ba ni ma yin/ /ci ste gang zhig gzhan gyi lus dang 'brel par rjes su dpag par bya ba de ni gzhan gyi blo yin la de lta ma yin no zhes rnam par dbye ba yod pa yin no zhe na/ bdag gi blo mngon sum gyis bzung pa yin na/ 'di rigs pa yin te 'di ltar gzugs 'dzin pa gang zhig rang rig par 'gyur pa de ni bdag gi yin la gzhan ni gzhan du yin pa'i phyir rnam par dbye ba 'thad pa yin no/ /'on te dper na mdo sde pa'i gzugs la sogs pa de'i de ma thag tu gyur pa de'i ngo bor snang ba'i rnam par shes pas gzung bar bya ba de bzhin du gzugs 'dzin pa 'dus pa nyid du yod pa yang yin no zhe na/ de ni mi bden te/ gal te de yi ngo bor ni/ /snang can de ma thag pa'i blos/ /gzugs sogs bzhin du 'dzin gyur na/ /snga blo de ni 'dzin mi 'gyur/ /gzugs la sogs pa ni snga ma'i ngo bor snang ba ma yin te/ da ltar gyi blo la gnas pa'i rnam pa ni da ltar ba kho nar snang ba'i phyir ro/ /de'i rang bzhin gyi blo bzung ba nyid gzugs 'dzin pa yin no/ /blo'i blo ni de lta ma yin te/ blo'i blo la blo 'dzin pa med pa'i phyir ro/ /ci ste blo'i blo yang de'i tshe 'dzin no zhe na/ de lta yin na de las gzhan pa'i yang gzung dgos pas thug pa med par 'gyur ro/ /de ltar gyur na ni thams cad ma bzung pa nyid du 'gyur ro/ /ci ste de'i tshe blo'i blo ma bzung ba nyid yin no zhe na/ de lta yin na de la zhugs pa'i gzung ba yang bzung bar thal lo// blo'i blos de ma thag tu snang ba can gang yin pa de nyid 'dzin par 'gyur te/ de las snga ma dag ni ma yin no/ /ci ste blo dang po'i de ma thag par yang blo skye ba dang ldan par 'dod na/ de lta yin na gzugs kyi blo la sogs pa bar chod pa med par 'dzin pa med par 'gyur ro zhes 'chad par 'gyur ro/ /'o na ni blo ni rgyun gcig tu skye ba yin la/ de'i de ma thag tu sngar gyi blo thams cad 'dzin par byed pa'i blo gcig skye ba yin no zhe na/ de lta na yang blo thams cad rim pa dang ldan par rtogs par mi 'gyur te/ blo rim pa ma yin par snang ba'i phyir ro/ /'on te rim pa kho nar snang ba yin no zhe na/ mngon sum gcig nyid kyis rtogs par mi 'gyur te/ rnam par chad pa 'dzin pa'i phyir ro/ /dran pa nyid ces bya ba la ni sngar nyes pa brjod zin to/ /gal te rang gi ngo bo rang gis 'dzin pa ni rtog pa med par 'dzin pa yin du chug kyang/ bzung bar bya ba tha dad pa rnam par rtogs pas 'dzin pa la 'gal ba ci yod ce na/ cung zad kyang med mod kyi 'on kyang ji ltar rang gi yul can gyi/ /rnam shes nyams myong de rtogs med/ /de bzhin brdar bya mi nus pa/ /gzhan yang rtog pa med par 'gyur/ /re zhig rang gi ngo bos 'dzin pa de ci'i phyir/ rnam par rtog pa med par 'dzin pa yin par bzung zhes bya ba 'di la yang/ lan 'di nyid yin te/ sgra 'am chos gzhan gang yang rung ste/ rang gi ngo bo nyid kyis ni rang gi ngo bo nyid sbyor bar byed pa ma yin no zhes bya ba yin no/ /de bzhin du gzugs la sogs pa yang gzhan gyi gzhan dang sbyor bar nus pa ma yin no/ /rang gi ngo bos snang ba la ni sbyor ba srid pa ma yin pa'i phyir ro/ /rang gi ngo bo snang ba ni gzhan du snang ba dang sbyor bar byed pa ma yin te/ rang gi ngo bor snang ba la tha dad par sbyor ba rtogs pa med pa'i phyir ro/ /rang gi ngo bos snang ba ma yin pa sbyor ba yin no zhes bya ba yang don dam pa ma yin no/ /ci ste 'di ni ba lang ngo zhes bya bar shes pa la snang ba nyid sbyor ba yin no zhe na/ 'di la bstan zin to/ /'di ba lang ngo zhes bya ba la yang 'di ba lang gi sgra'i rang bzhin yin no snyam du shes pa'i ni ma yin gyi/ 'on kyang 'di ni ba lang gi sgra'i brjod par bya ba yin no snyam pa'i yin te/ de kho na ltar nges pa nyams su myong ba'i phyir ro// gzhan yang spyod pa gang zhig gi / spyi brjod ngang tshul can sgra dang/ /rtog pa'ang de dang don gcig na/ /rtog pa med pa med na ni/ /khyad par gang gis rtogs par 'gyur/ /'on te rnam par rtog pa de dang don gcig pa ma yin no zhe na/ de lta yin na ni/ khyad par sgra dang mi sbyor ba'i phyir ba lang ngo snyam pa'i rnam par rtog pa dang bcas pa'i shes pa'i khyad par 'dzin pa ma yin par 'gyur ro/ /sbyor ba'i shes pa yang gzhan yin la/ khyad par 'dzin pa yang gzhan yin no zhes bya bar 'gyur te/ gsal ba dang cig shos kyi rang gi ngo bo tha dad pa'i phyir dang/ rgyu tha dad pa'i phyir ro/ /'di ltar/ sgra dang spyi yi rnam pa yi/ /rgyu ni rang gi bag chags yin/ /gzugs sogs gsal bar snang ba ni/ /mig psogs dag las 'byung ba yin/ /sgra'i rnam pa nyid ni brda'i dus su nyams su myong ba'i sgra goms pa'i stobs las skye ba yin gyi/ mig la sogs pa las ni ma yin no/ /spyi'i rnam pa nyid kyang de bzhin no/ /'di ltar mig la sogs pa nyid kyang sngon nyams su myong ba'i bag chags kyi sems kyi rgyud mngon par 'dus byas pa la 'byung ba yin la/ mig la sogs pa yod kyang/ de dang rjes su 'thun pa'i bag chags dang bral ba'i sems la de med pa'i phyir/ mig la sogs pa'i rgyu can nyid ni ma yin no/ /ci ste mig la sogs pa med par ni/ /mig la sogs pa'i rgyu dang rjes su 'brel pa la snang ba'i don dang gzhi 'thun pa nyid du mi 'gyur ro/ /zhes bya bar 'dod na/ de yang gyi na ste/ me de 'di'o snyam pa yi/ /shes pa gzhi mthun can yin phyir/ /rjes su dpag pas rtogs pa yi/ /rang bzhin dang yang mthong ba yin/ /de dang gzhi mthun pa can tsam gyis ni de 'dzin pa'i shes pa dang/ rgyu gcig la rag las pa'i shes pas gzung bar bya ba yin par mi 'gyur te/ rjes su dpag pa la sogs pa'i shes pa gzhan gyis bzung ba dang yang mi mthun pa can nyid srid pa'i phyir ro/ /rnam pa gnyis nyams su myong ba'i de las ma gtogs pa'i gzhi mthun pa nyid kyang yod pa ma yin no/ /'o na gzhi mthun pa dang cig shos khyad par gang yin te/ rang bzhin gnyis nyams su myong ba ni gzhi tha dad pa'i don dag la yang med pa ma yin no zhe na/ de yang rtogs par sla ste 'di ltar/ don cig byed pas gcig nyid kyi/ /tha snyad rab tu skye ba'i phyir/ /gzhi mthun pa dang ldan pa yi/ /tha snyad kyang ni 'thad par sla/ /tha snyad ni rnam par ci zhig ltar tsam las skye pa yin no// gzhi mthun pa la sogs pa'i tha snyad ni thog ma med pa'i tha snyad rgyud pa las 'od ba yin no/ /yongs su brtags na ni mi bzod pa nyid de gang gi phyir brtags na ni nyams par 'gyur ba kho na'o/ /'di ltar/ me de 'di zhes shes pa der/ /gnyis po 'ba' zhig kho na ste/ /de yi ngo bor snang ba las/ /gzhi mthun pa ni gzhan yod min/ zhes bya ba ni bsdu ba'i tshigs su bcad pa'o/ /gnyis su snang ba gzhan la/ gzhi mthun pa'i tha snyad du ji ltar mi 'gyur zhe na/ bag chags nges pas tha snyad nges pa'i phyir ro// don bya ba gcig pas byas pa'i bag chags sad pa yang nges pa lo na yin no/ /shes pa gnyis snang pa yin na tha dad pa'i tha snyad nyid du ci'i phyir mi 'gyur zhe na/ bag chags nges pa'i phyir ro zhes bshad zin to/ /de'i phyir gzhi mthun pa can las ni rnam par rtog pa dang bcas pa'i shes pa gcig tu yin par mi 'gyur ro/ /ci ste spyi dang khyad par shin tu tha dad pa ma yin pa de'i phyir don gcig pa yin yang/ rnam par rtog pas khyad par rtog pa yin no zhe na/ de ni mi bden te/ gal te bdag nyid thams cad dam/ /rnam 'gas tha dad med pa'i phyir/ /spyi las khyad par shes na ni/ /shes kun gcig tu 'gro bar 'gyur/ /gal te rtog pa las spyi snang ba? /de dang tha mi dad pa'i phyir khyad par yang snang ba yin na sgra'i shes pa la yang snang bar 'gyur te/ rigs pa mtshungs pa'i phyir ro/ /rigs pa mtshungs pas na rigs pa'i yul mi mtshungs pa ni ma yin te/ rigs pa'i yul nyid med par thal ba'i phyir ro/ /'on te mig la sogs pa'i rgyu med pa'i phyir ro/ /khyad par de mi snang ba yin no zhe na/ 'o na de tha mi dad par ji ltar 'gyur/ de dang lhan cig rjes su zhugs pa ma yin pa ni gcig par shes nus pa ma yin no/ /phyis rjes su 'jug pa'i phyir ro zhe na/ de nyid de'i tshe med pa yin gyi de rjes su 'jug pa ni ma yin no/ /de ni de'i rang bzhin nyid kyis de kho na yin no/ /gal te de ni de snang na/ /ji ltar rjes su 'jug par rtogs/ /de ni der snang ma yin na'ang/ /ji ltar rjes su 'jug par rtogs/ /gal te de sngar rang bzhin gang gis mthong ba'i rang bzhin de nyid kyis snang ba yin na/ ji ltar rjes su zhugs par rtogs te/ snga ma nyid bzhin no/ /gal te de'i rang bzhin du mi snang ba nyid na yang de nyid gzhan la med pa'i phyir/ de rjes su zhugs so zhes ji ltar rtogs/ de'i phyir mi snang ba dang ni gcig ma yin la du ma yang ma yin no/ /de'i phyir sngar tha dad par snang ba'i phyir rjes su chud pa yin no zhes bya ba 'di ni gyi na'o/ /des na rgyu med pas gcig tu snang ba med pa yang du ma nyid yin no/ /de'i phyir/ rtog pa med pa med na ni/ /khyad par gang gis rtogs par 'gyur/ /gal te rtog med 'ga' zhig kyang/ /yod na de dang mtshungs rgyu can/ /thams cad de bzhin 'bras dag nyid/ /tha dad rgyu tha dad las yin/ 'o na de rtogs pa'i rang bzhin spangs nas khyad par khong du chud pa yin te/ mig la sogs pa'i rgyus bskyed pa ni khyad par rig pa yin pa'i phyir ro zhe na/ de ltar yin na de'i rgyu la rag las pa thams cad rtogs pa med pa kho nar 'gyur ro/ /rgyu tha dad pa la ma brten par ni dngos po tha dad pa tshad ma dang ldan par mi 'thad do/ /de'i phyir de'i rigs can gyi rgyu dang 'brel pa ni de'i rigs can nyid do/ /rnam par rtog pa dang bcas pa'i shes pa dang cig shos ni rgyu mtshungs pa nyid ma yin no/ /'di ltar/ phyi rol don la bltos med par/ /brda dran pa las sbyor ba yin/ /de bzhin brda la bltos med par/ /dngos nus nyid la mig blor 'gyur/ /dbang po'i rnam par shes pa dang sbyor ba'i rtog pa ni phan tshun spangs te gnas pa'i ngo bo nyid kyi tshogs pa dag gi stobs kyis bskyed pa yin no/ /ji ltar rang gi ngo bo'i tshogs pa las byung ba las brten pa can gyi rang bzhin dang 'brel pa can du 'gyur ba yin/ sbyor ba ni phyi rol la mi bltos par brda dran pa'i stobs las byung ba yin la/ dbang po'i shes pa ni brdal mi bltos par phyi rol la bltas pas yin no/ /de la ni rtog pa yod pa ma yin te/ rtog pa'i rgyu med pa'i phyir ro/ /rgyu med par 'bras bu 'byung ba ni med do/ /'on te sgra dang spyi la sogs pa dang 'brel pa'i phyi rol gyis mthus bskyed pas na dbang po'i rnam par shes pa rtog pa dang bcas par 'gyur ba yin no zhe na/ de yang mi bden te/ gang gi phyir/ gang zhig gang dang mngon 'brel te/ /nges par de dang lhan cig tu/ /snang ngo zhes ni bya ba 'di/ /tshad ma'i yul du gyur pa min/ /de lta yin na ni ma la sogs pa mthong ba na/ 'brel pa thams cad snang bar thal lo/ /'on te gang zhig gang la gnas pa spyi la sogs pa nga ni de snang ba na kho na'o snyam na/ de yang mi bden te/ sgra mi 'dzin par thal ba'i phyir ro/ /snam bu la sogs pa la sgra ni yod pa ma yin no/ /de lta ma yin na ni brda ma bzung ba la yang snam bu snam pa'i shes pa 'byung bar 'gyur na/ yod pa yang ma yin no/ /brjod par bya ba nyid la the tshom za bar mthong ba'i phyir te/ don de grub kyang brjod par byed pa'i bye brag ma nges pa'i phyir ro/ /spyi'i rnam pa nyid du ni nges pa kho na'o zhe na ma yin te/ dang po mthong ba la med pa'i phyir dang/ de las tha dad pa ma yin no zhes bya ba la sogs par rtogs pa'i phyir ro/ /ci ste yang 'di ba lang ngo snyam pa la sogs pa'i shes pa rnam par rtog pa dang bcas pa'i dbang po'i lhan cig byed pa can gyi gzugs la sogs pa nyid kyis brda dran pa la bltos nas skyed par byed pa yin no/ /ma bltos par ni ma yin te/ 'bras bu'i tshogs pa las 'grub pa yin pa'i phyir ro/ /gang gi tshe sgra dang spyi 'am khyad par gzhan yang rung ste/ sngar bzung ba dran pa de'i tshe dran pa dang lhan cig pa'i mig la sogs pa skyed pa'i byed pa yin no/ /des na brda ma bzung ba dang/ sngon mthong ba dang bral ba dag la ni mi 'gyur ro zhe na/ de ni legs par ma brtags pa yin te/ 'di ltar/ gal te gzugs ni brda dran la/ /bltos nas dbang po'i blo dag la/ /nus 'gyur ltos med ma yin na/ /rtags bzhin dran pa nyid la 'gyur// sngon nyams su myong ba med par ni de dang sbyor ba yod pa ma yin no/ /so sor nges pa'i dran pa med par yang so sor nges pa'i sgra la sogs pa med do/ /so sor nges pa'i dran pa yang so sor nges pa'i dran pa'i sa bon sad pa med par ma yin no/ /so sor nges pa'i dran pa'i sa bon sad par byed pa yang mthong ba med pa ma yin te/ des na de mthong ba ni de'i rjod par byed pa dran la/ dran na ni sbyor bar byed pa yin no/ /de ltar na mthong ba la de dran na rab tu sad par byed pa'i gzugs la sogs pa de ni rtags pa nyid du 'gyur ro/ /des na sbyor ba'i shes pa thams cad na rtags can kho nar 'gyur ro/ /'on te spyi mthong ba med pa kho na yin na/ ji ltar rtags las rtogs par 'gyur zhe na/ cha shas mtshungs pa nyid ni spyi zhes brjod pa yin la/ de yang sngar dmigs pa kho na'o/ /des na dran par bya ba yin te/ cha shas de 'dra ba dang ldan pa ni de dang mtshungs pa'i tha snyad kyi yul yin pa'i phyir ro/ /cha shas rnams kyi mtshungs pa yang de 'dra ba'i cha shas mtshungs pa yin pa'i phyir ro/ /zhes bya ba nas ji srid du de lta bur gyur pa'i blo mtshungs pa'i phyir ro/ /blo yang de lta bur gyur ba'i zhen pa las yin no zhes bya ba'i bar du yin la zhen pa yang thog ma med pa'i bag chags las yin pa'i phyir skyon med do/ /des na sgra 'am spyi la sogs pa dang sbyor ba ni brtags nyid las yin par 'gyur ro/ /'di dran pa'i rjes su yang dpag pa kho na'o// ci ste dbang po'i byed pas sbyor ba mngon sum nyid du brjod do zhe na/ de lta yin na rjes su dpag pa mdza' dag dbang po las skyes pa nyid yin pa'i phyir mngon sum du thal bar 'gyur ro/ /'di ltar phyogs 'di na ni mo'o zhes/ /dbang po'i byed dang ma bral bar/ /phyogs dang me ni sbyor byed pa/ /ji ltar mngon sum nyid mi 'gyur/ /'on te me tsam la ni rjes su dpag pa yin la/ sbyor ba ni mngon sum kho na'o snyam na/ de yang ma shes pa yin no/ /gang gi phyir 'di skad kyang brjod par nus te/ phyogs tsam la ni mngon sum ste/ /sbyor ba rjes su dpag pa las/ /me la dbang po'i shes pa med/ /ma bzung bar ni sbyong ma yin no/ /sbyor ba ni rjes su dpag pa kho na las yin par rigs te/ me la dbang po'i byed pa med pa'i phyir ro/ /mngon sum gyis ma bzung ba ni des sbyor bar mi nus te/ ma rtogs pa de dang ldan par rtogs so zhes bya ba ni 'gal lo/ /rjes su dpag pas kyang sbyor bar mi 'gyur ba ma yin nam/ 'di ltar phyogs la rjes dpag 'jug ma yin/ /ma bzung bar ni sbyor ba med/ /mngon sum nyid ni rjes dpag gis/ /bzung ngo zhes bya bab tshol yin/ ji ltar lkog tu gyur pa'i me la mngon sum mi skye ba de bzhin du mngon sum du gyur pa'i phyogs la yang rjes su dpag pa ma yin pa'i phyir rigs pa mtshungs so/ /rjes su dpag par bya ba nyid yin na ni mngon sum ma yin te/ tshad ma'i rnam par bzhag pa nyams par ni mi 'dod do zhe na/ don dam du ni sbyor ba nyid/ 'ga' yang yod pa ma yin te/ rnam pa de lta'i rnam rtog ni/ /gnyi ga'i de ma thag tu skye/ /'di na 'di'o zhes sbyor ba'i shes pa ni mngon sum dang rjes su dpag pa'i rjes la byung ba'i rnam par rtog pa yin no/ /de yang thog ma med pa nas de lta bu'i tha snyad las skyes pa'i rjes su dpag pa nyid yin te/ des na rjes su dpag pas sbyor ba tha snyad byed pa yin no/ /des na mngon sum gyis de ltar ma bzung ba'i phyir/ rjes su dpag pa yang ji ltar sbyor bar byed pa'i rang bzhin du skye zhes bya ba ni skyon yod pa ma yin no/ /de'i phyir mngon sum gyi sbyor ba'i rang bzhin ma yin pa zhes bya bar gnas so/ /'di ni sngar bshad zin to/ /ji ltar dran par bya ba lkog tu gyur pa la yang mngon sum 'jug pa nyid de/ des na mngon sum nyid sbyor bar byed pa yin no zhe na/ de yang mi bden te/ 'di ltar/ /der ni der 'brel skye ba'i phyir/ /dran las dbang po 'gyur ba'ang min/ /de las dus gzhan du yang 'gyur/ /la lar rnam g.yeng srid phyir ro/ /gal te dbang po'i blo de dran pa dang/ 'brel pas dran par bya ba la skye bar 'dod na/ de'i tshe dbang po'i blo dran pa nyid las 'gyur te/ de yang mi bden/ don nye ba la bltos par ni mi 'gyur ro/ /'on te don nye ba la bltos nas ni de'i tshe 'di dran pa las 'gyur ba ma yin te/ mngon sum byed pa ni dran pa las gzhan ma yin pa'i phyir ro/ /yang na dus gzhan du yang 'gyur te/ 'ga' zhig la rnam par g.yeng ba rnam par rtog pa gzhan gyi mtshan nyid de'i tshe srid pa'i phyir ro/ /de'i phyir dbang po'i shes pa de yang dus gzhan du dran par 'gyur ba yin no/ /gzhan yang gal te don de dang dbang po ni rnam par rtog pa med pa'i shes pa'i rgyu yin na thams cad kyi tshe de kho na ltar 'gyur te/ des na mngon sum rnam par rtog pa med pa kho na'o/ /gal te rims kyis gnyis rgyu yin/ /tha dad med phyir sngar nyid brjod/ /gal te 'di gnyi ga'i rgyu yin na sngar nyid gnyi ga skyed pa dang 'gro ba par 'gyur ro/ /ci ste dran pa dang lhan cig pa'i dbang pos rnam par rtog pa dang bcas par bskyed kyi gzhan du ni ma yin no zhe na/ de ni mi bden te/ dran pa mig dang lhan cig pa nyid du dmigs pa med do/ /lhan cig pa zhes bya ba tsam gyis ni thams cad thams cad kyi lhan cig pa ma yin gyi/ 'on kyang gang zhig de ltar mthong ba de nyid yin no/ /dran pas ni mig gi rnam par shes pa la sogs par byed pa ma yin no/ /'on te nges pa'i rang bzhin nyid du byed pa yin no zhe na/ de yang snying po yod pa ma yin te/ 'di ltar gal te rang bzhin 'di des na/ /tha dad med phyir sngar nyid 'gyur/ /de dngos min na dbang skyes las/ /de ni shes gzhan nyid du 'gyur/ /gal te sngar snang ba'i rang bzhin nyid lhag chad med par nges pa yin na/ sngar gyi rang bzhin dang mtshungs pa yin pa'i phyir/ nges pa la ma nges pa las bla lhag med par 'gyur ro/ /'on te de la rang bzhin lhag pa snang ba yin na/ 'o na ni rang bzhin gzhan dang 'brel pa de/ shes pa gzhan nyid du 'gyur ro/ /rang bzhin de la yod pa'i khyad par la sogs pa la ni dbang po'i byed pa med pa'i phyir ro/ /'on te 'di'o zhes bya bar snang ba ni de nyid la 'jug pa yin te/ de'i phyir mngon du byed pas 'jug pa'i phyir/ 'di ni mngon sum nyid do zhe na/ de yang mi bden te/ de ltar 'di'o zhes bya ba'i rnam rtog ni/ rnam rtog med pa nyid 'gyur te/ /don bya sogs dang 'brel pa ni/ /snga dang phyi mar mi rtog phyir/ /gzugs la sogs pa nye ba tsam mngon du byed pas don byed pa la sogs pa dang 'grol? par snga ma dang phyi mar 'dzin pa dang bral ba'i phyir rtog pa med pa gzhan las khyad par yod pa ma yin no/ /rnam par rtog par mi byed pa nyid ni rtog pa dang bcas pa zhes bya bar 'gyur ba ma yin no/ /de'i phyir 'di'o zhes bya ba gsal ba'i rnam pa can ni dran par bya ba'i khyad par la sogs pa gsal ba'i rnam pa can ma yin pa las gzhan kho na yin no/ /de ltar ma yin dang/ dbang po'i blo rgyu gzhan yin na/ /de la'ang dran pa yod med 'gyur/ /'on te rnam pa gsal ba can dbang po'i shes pa'i yul ni dran par bya ba'i rnam pa las gzhan yin pa nyid do snyam na/ gal te de lta na de la yang dran pa don med par 'gyur ro/ /der 'dzin pa la ni dran pa mkho na yod pa ma yin te/ dran pa med kyang de ni de ltar rtogs pa'i phyir ro/ /brda dran ji ltar brdar btags pa/ /grub pa'i don du 'dod pa dang/ /khyad par brdar btags yid 'dzin na/ /de la dran pa don ci yod/ /gal te dran pa dang lhan cig pa'i mig la sogs pas de'i rang bzhin du snang ba yin no zhe na/ de med na de'i rang bzhin du shes pa med par 'gyur ro/ /'di zhes bya bar snang ba mi 'gyur ba kho na'o zhe na/ ma yin te/ 'di zhes bya bar snang ba med kyang de'i rang bzhin snang ba'i phyir ro/ /yod kyang des ni khyad par gzhan yod pa ma yin pa'i phyir de la dgos pa ci yod/ 'jug pa la dgos so zhe na/ de med kyang 'jug par 'gyur ro zhes bstan par bya'o/ /de ni yid kyis mngon sum yin no zhes kyang ston par 'gyur ro/ /'on te dran pa med par dang po pa goms pa dang mi ldan pa mi 'jug pa'i phyir de'i don du dran pa 'dod pa yin no zhe na/ 'di la brjod pa/ gal te khyad par brdar btags pa med pa 'brel par ma byas pa 'dzin na/ de dran pas gzhan ci zhig byed par 'gyur te/ gang gi phyir dran pa ni 'brel par byas pa grub pa'i don du 'dod pa yin no/ /gal te de ltar ma grub na ni de rtog pa la dran pa mkho ba med par 'gyur ro/ /dang po pa'i 'jug pa ni tshad ma gzhan rjes su dpag pa las 'gyur ba nyid do/ /de'i phyir rnam par rtog pa ni rang gi ngo bo nyid 'dzin pa la byed pa yod pa ma yin la/ 'jug par byed pa yang ma yin no/ /'di ni dgos pa med pa yin yang goms pa las 'jug pa nyid do/ /dngos po rnams dgos pa yod pa nyid kyi phyir 'byung ba ni ma yin te/ dngos po ni rgyu tsam la rag las pa yin pa'i phyir ro/ /'on te snga ma las gzhan pa'i rang bzhin 'dzin pa yin na/ de ltar na ni 'di yid kyi mngon sum gyi rang bzhin gyi shes pa gzhan nyid do/ /da ltar yang ston par 'gyur ro/ /'on te spyi nyid de ltar 'dzin pa yin gyi sngar ma mthong ba'i khyad par ni ma yin no zhe na/ de lta na ni 'o na/ spyi tsam 'dzin pa yin na ni/ /khyad par la ltos mi rung ngo/ /gal te mig la sogs pa dag gi spyi 'dzin pa nyid yin na/ de'i tshe khyad par 'dzin pa gzhan med pa'i phyir spyi 'dzin pa na khyad par 'dzin pa la bltos par mi 'gyur na/ 'gyur ba yang yin no/ /'di ltar ba lang ngo zhes spyi bzung ba na ba lang ji lta bu zhig ces rtogs pa ni 'jig rten na mthong ba yin no/ /de'i phyir mig dang gzugs dag la/ /rten nas mig blo skye bar 'gyur/ /de la ngan? pa mkho ba med pa'i phyir mig gi blo ni mig dang gzugs tsam kho na la skye ba yin no/ /'di ltar/ mig ni mdun na gnas pa yi/ /gzugs tsam la ni 'jug par rtogs/ /gzhan du rtogs par 'gyur ba yi/ /byed pa gzhan du ji ltar 'gyur/ /gzhan du rtogs pa ni gzhan du rtogs par mi nus so/ /mdun na gnas pa'i gzugs tsam la 'jug par mthong ba'i mig ni/ sgra dang spyi la sogs pa la 'jug pa yin no/ /zhes brjod par mi nus te/ tshad ma med pa'i phyir ro/ /de ltar rtog pa yin na ni/ ha cang thal bar 'gyur ro/ /de'i phyir/ dran pa'i 'og rol dus su 'am/ /dran pa las ni sngar yang rung/ mngon sum rnam rtog ma yin te/ /yul tha dad pa nyid phyir ro/ /dran pa las dus phyis 'di ni dri zhim pa'o/ /'di ni dri mi zhim pa'o snyam pa la sogs pa'i shes pa ni mngon sum ma yin te/ mig gi shes pa'i byed pa ni gzugs tsam la yin pa'i phyir ro/ /de'i phyir mig la sogs pa la brten nas don rnams la skye ba can gang yin pa de kho na mngon sum yin gyi gzhan ni ma yin no/ /des na sgra dang spyi? ba sogs pa'i rnam pa can ni mngon sum nyid ma yin no/ /gang zhig gsal bor snang ba'i rgyu mtshan gzhan la brten pa de yang gzung bar bya ba ma yin no/ /des na yid la sogs pa de yang mngon sum yin no/ /yang na don gyi rang bzhin la 'jug cing khyab? par byed pas na de yang dbang po nyid yin no/ /gal te ci'i phyir gnyi ga la rag las nas skyes pa la dbang po la brten par brjod kyi yul la brten par ma yin gzugs la sogs pa'i yul gyi sgo nas tha snyad du bya ba'i rigs kyi// dbang po'i sgo nas ni ma yin no/ /dbang po las skyes pa tsam nyid kyis ni mngon sum du 'gyur ba ma yin gyi/ yul gyi rang gi ngo bo 'dzin pas 'jug pa ni thams cad mngon sum kho na'o/ /dbang po la brten pa ni 'ga' zhig mngon sum yin la gzhan ni gzhan du 'gyur ro/ /'khrul pa med pa'i rgyu mtshan des ni de la tha snyad byed par 'thad pa yin no/ /yul gyis bskyed pa yin yang zla ba gnyis la sogs pa'i rang bzhin can 'khrul pa nyid ma yin nam/ des na yul las skyes pa yang thams cad la mi 'khrul ba ni ma yin no zhe na/ don yul nyid ma yin te/ de ni rnam par gtod par nus pa'i rgyu yin pa'i phyir ro/ 'o na ni de lta na/ de ni dbang po nyid ma yin te/ nyams pa'i phyir ro/ /dbang po ni ma nyams pa yin la/ de ni dbang? po ltar snang ba yin no zhe na de lta na ni 'o na/ gal te dngos su shes skyed la/ /dbang po bzhin du yul nus yin/ /'o na ci phyir gnyis rag las/ /skye ba de ni des mi brjod/ /yul dang dbang po dag rgyu nyid du mtshungs pa yin/ ci'i phyir yul gyi sgo nas tha snyad du mi byed rtog pa sngon du gtong ba dag ni ci rung bar tha snyad byed pa 'am spong ba ma yin no zhe na/ 'di la bshad pa/ go bar byed pa nyid mthong nas/ /tha snyad nges par sbyar ba yin/ /dbang po'i tha snyad la de yod/ /sbyor bar byed pa'ang de chos yin/ /go bar byed pa dang go bar byed pa ma yin pa nyid kyis len pa dang 'dor ba yin no/ /go bar byed pa nyid kyang dbang po'i tha snyad la yod de/ gang dbang po la brten pa de ni mngon sum yin no/ /nyams pas 'khrul pa yang sngar spangs zin to/ /'o na ni yul dang yang 'khrul pa med de/ de ni yul ma yin ba'i phyir ro zhe na de ni ma yin te/ gal te de ni yul yin na/ /gzhan gyi mngon sum ji ltar 'gyur/ /dbang po nyid ni gcig nyid la/ /yod dang med pa'i khyab par min/ /de nyid kyi phyir thun mong ma yin pa'i sgo nas tha snyad du byed pa ni mthong ste/ rnga bo che'i sgra dang nas gyi myu gu zhes bya ba lta bu'o zhes bshad do/ /nas kyi myu gu zhes brjod na nas ma yin pa'i myu gu rtogs par mi 'gyur la/ so'i myu gu zhes bya ba ni der yang 'gyur ro/ /'dir yang de bzhin no/ 'on te yul la brten pa'i zhes bya ba ni yul gyi rang rang bzhin 'dzin pa yin no zhe na/ de lta yin na rang rig pa kho na mngon sum du 'gyur te gzhan du go bar byed pa ma yin no/ /ci ste 'jig rten na rab tu grags pa'i yul gyi rang bzhin rtogs pa brjod pa yin no zhe na/ de lta na dbang po la brten pa nas 'jig rten na grags pas 'di nyid du 'gyur mod/ tha snyad gzhan yongs su btags pas ci zhig bye brag tu smra ba la sogs pa'i gzhung ltar na yid kyi rnam par shes pa yang mngon sum du 'gyur te/ yul 'dzin pa'i phyir ro/ /de'i dbang po'i tha snyad nyid mthong de skad du yang yul 'di nyid kyis rnam par shes pa dang rgyud gzhan dag gi rnam par shes pa'i rgyu yin pa'i phyir thun mong yin no zhes bshad do/ /de'i phyir dbang po'i tha snyad kyi mngon sum gyi rang bzhin rtog pa dang bral ba mtshon par nus kyi yul gyi tha snyad kyis ni ma yin no/ /yul gyis kyang mtshon par nus pa ma yin nam/ 'di ltar don gyi mthu las ni/ /yang dag skye ba yin phyir ro/ /de ni don gyi mthu las skye ba na de'i rang bzhin kho na'i rjes su byed do/ /zhes bshad pa yin no zhe na ma yin te/ ma nges pa'i phyir te zla ba gnyis kyi rnam pa can nyid kyis 'khrul pa'i phyir ro/ /'on te don gyi mthu las 'khrul pa mi skyed do zhe na/ de lta yin na de rigs pa 'dis rtog pa med pa nyid du ma grub par 'gyur ro/ /de'i phyir 'dir ni dbang po'i nyid la don du tha snyad byas par yin te/ don du mngon par zhen pa'i phyir ro/ /de lta bu nyid kyi dbang po ni go bar byed pa shin tu yin pa'i phyir de nyid kyis tha snyad du byas pa yin no/ /de phyir tha snyad 'di yin/ /sbyar bya rang bzhin stags yin te/ khyab par byed pa'i rang bzhin ni/ /log pa'i phyir na ldog par 'gyur/ /rtog pa'i sngon du gtong ba'i sbyor ba nyid go bar byed pa yin no/ /zhes brjod de/ de'i phyir de nyid go bar byed pa'i rtags yin no/ /gal te rtog pa sngon du gtong bas byas par cis shes she na/ de ni bden te/ skyes bu tshad ma yin pas tshig tshad ma rtogs pa ma yin te/ 'jig rten gyi tha snyad du de skad brjod pa yin no/ /don dam par ni gang gis khyab par byed pa'i rang bzhin log pas ldog par brjod pa rtags nyid la khyab pa brjod pa ni ma yin no/ /gal te yul la brten pa zhes bya ba'i tha snyad ni 'jig rten na grags pa rnam par rtog pa dang bcas pa'i go bar byed pa ma yin nam/ rnam par rtog pa dang bcas pa'i mngon sum gyi yul ni snga ma dang phyi mar gyur pa cig nyid yin no/ /'di ni 'jig rten na mngon sum zhes rab tu grags pa yin te/ 'di ltar gang zhig bdag gis mthong ba de/ /mngon sum gyis ni rtogs 'di nyid/ /sgra don thams cad 'jig rten gyi/ /grags pas rtogs par byas pa yin/ /gnod pa med pas rtogs pa la/ /tshad ma'i tha snyad brten pa yin/ /tshad ma yis ni grub gyur pa/ /gzhan du bya bar ji ltar nus/ /de ni mi bden te/ 'dir ni sngon du byed pa nyid/ /mngon sum don rtogs can yin la/ /mngon du byed pa las gzhan la/ /rjes dpag ma gtogs tshad gzhan med/ /mngon sum du byed pa'i rnam pa can ma yin pa la ni rjes su dpag pa nyid gcig bu zhig tshad ma yin no/ /des na gal te ngo shes pa'i tshad ma mngon du byed pa'i rnam pas mi 'jug na ni/ de'i rjes su dpag pa kho na'o/ /mngon du byed na mdun na gnas pa'i dngos po tsam la 'jug pa'i phyir ro shes pa ma yin no/ /des na/ mngon du byed pa ni dbang po'i tha snyad kho nas rtogs par 'gyur gyi/ gzhan gyis ni ma yin no/ /yul gyi tha snyad kyis ni yul dang bcas pa zhes bya bar 'gyur gyi/ mngon du byed pa nyid du ni brjod par mi 'gyur ro/ /de ltar tha snyad bya ba la ni 'jig rten ma mngon sum du ma grags so/ /mngon sum ma? ma tshad ma nyid kyang yin no/ /mngon du byed pa las ma gtogs par mngon sum nyid kyang rig pa med pa'i phyir na/ mngon sum rtog pa med par 'grub bo/ /'o na ji ltar 'di skad ces/ der don mang pos bskyed pa'i phyir/ /rang gi don la spyi yul can/ zhes gsungs/ spyi yul can ni rnam bar rtog pa med pa ma yin te/ spyir rnam par rtog pa nyid kyis de dang 'gal ba'i phyir ro/ /de nyid smras pa ni/ bsags pa dag ni tshogs pa yin/ /de spyi de la dbang po'i blo/ /spyi blo gdon mi za bar yang/ /rnam par rtog dang rjes su 'brel/ /mang po rang bzhin phan tshun spangs te gnas pa rnams de kho na ltar bzung na spyi'i blor 'gyur ba ma yin no/ /tshogs pa don dam pa 'am btags pa yin/ /de la re shig don dam pa ba ni ma yin te/ de las tha dad par rtogs pa snang ba med pa'i phyir ro/ /snang na yang gzhan du snang ba de dag las gzhan du/ /de tshogs pa ni ma yin no/ /de lta yin pa nyid na yang/ /de dag nyid phan tshun bltos nas tshogs pa'i tha snyad brten par 'gyur gyi/ gzhan gyi ci bya/ 'on te de dag gi rang bzhin mi snang bar gyur nas gzhan gyis rang bzhin snang ngo zhe na de yang dngos po la de lta bu med pa'i lhag par sgro btags pa tsam yin pas ji ltar rtog pa med pa'i yul yin/ brtags pa'i yul can nyid ni rtog pa dang bcas pa bzlog par dka' o zhe na/ 'di la lan/ don gzhan dang ni sngon 'brel phyir/ /rdul phran gzhan gang skye 'gyur ba/ /de dag bsags bshad de dag ni/ /shes pa skye ba'i rgyu mtshan yin/ /rdul phran gzhan dag med par ni/ /rdul phran khyad par de yang med/ /shes te gcig las nges min phyir/ /spyi yi spyod yul can du bshad/ /gzhan las shes pa'i rgyu'i nus pa ma skyes pa'i rdul phra rab de dag ni phra ba ma yin pa mthong ba rnams kyi shes pa skyed par nus pa ma yin no/ /des na thams cad kyi shes par bskyed par bya ba yin no/ /shes pa de ni gcig la nges pa ma yin pa'i phyir spyi'i yul can du bshad phan tshun tha dad pa nyid du ci'i phyir mi snang zhe na/ skra la sogs pa ma 'dres pa rnams kyang thag ring po nas ma 'dres pa nyid du snang ba'i spyod yul du 'gyur ram/ des na gal te rang gi rgyu las rang gi rnam par gtod pa'i nus pa med pa nyid du nges pa'i phyir mi snang ba yin na/ 'di la klan ka ci yod/ 'o na mngon sum la dngos po'i de kho na mi snang ba'i phyir 'khrul pa nyid du 'gyur ro/ /lhag par sgro btags pa'i rang bzhin snang ba ni rnam par rtog pa dang bcas par 'gyur te/ spyi'i rnam par rtog pa gzhan bzhin no/ /'on te der blo'i rang bzhin nyid rags pa/ ling ling po gcig gi rnam par mngon du byas par snang ba des na rtog pa med pa nyid do zhe na/ de ni rtog pa dang bcas pa nyid chad par 'gyur te/ rtog pa'i shes pa thams cad la blo'i rang bzhin nyid snang ba'i phyir ro zhe na/ de la brjod pa/ da lta'i skye bo la bltos nas/ /gnod byed shes pa med pa'i phyir/ /ma 'khrul par bshad don dam du/ /dmigs pa thams cad 'khrul pa nyid/ /da ltar gyi skye bo rtogs pa'i snang ba ma shes pa rnams la 'di ma 'khrul pa nyid du snang bas/ de las bltos nas ma 'khrul pa yin no zhes de skad bshad par zad kyi/ don dam par ni dmigs pa thams cad la 'khrul pa kho na'o/ /gang gi phyir mngon du byed pa'i rang bzhin gyis/ 'dzin pa la ni mngon phyogs pa'i/ /mngon sum la ni de skad du/ /rnam rtog bcas pa de mi brjod/ /med do? na byed pa ni/ rtog pa dang bcas pa ma yin te/ rtog pas ni snga ma dang phyi mar mthong ba'i don lhag par zhen pa'i phyir ro/ /mngon sum du byed pa nyid ni lhag par zhen pa zhes brjod pa ma yin te/ de nyid ni de las bzlog pa la grags pa'i phyir ro/ /'o na de lta na ni spyi'i spyod yul med bar 'gyur te/ de ni 'jig rten gyi grags pas rang gi mtshan nyid yin pa'i phyir ro/ /de dag ni skye mched kyi rang gi mtshan nyid la bltos nas rang gi mtshan nyid kyi yul can yin gyi/ rdzas kyi rang gi mtshan nyid ni ma yin no zhes bshad do zhe na/ de yang mi bden te rnam dbyi 'di ni don dam la/ /dgongs nas sngon gyi slob dpon gyi/ /btags yin de yi phyir na spyi/ /spyod yul yin par 'gal ba med/ /de ltar bzung ba'i rdul phra rab nyid spyi yin no/ /gang yang thams cad rtog pa med pa nyid du 'gyur ro zhes brjod pa de la yang brjod par bya ste/ tshad mas rtogs pa yin pa'i phyir/ /'di ni 'dod pa nyid 'ongs so/ /gzhan la grags pa la brten nas/ /bstan bcos mdzad pas rnam dbye gsungs/ /spyod pa pa la sogs pa gzhan la rab tu grags pa la brten nas rjes su dran pa'i rnam par rtog pas rtog pa nyid du bstan gyi/ mngon du byed pa la ni de med pa'i phyir na rnam par rtog pa can dang cig shos kyi rnam par dbye ba ni bstan bcos mdzad pa dag gis mdzad pa yin no/ /gal te skye mched gcig yin yang/ /cig car du mar 'dzin pa yin// de'i phyir na sngar bzung don/ /sgro 'dogs phyir na rtog bcas yin/ /rdul phra rab du ma cig car 'dzin na ni sngar bzung ba sgro 'dogs pa ma yin pa'i phyir/ rjes su dran pa'i rnam par rtog pas rnam par rtog pa dang bcas par mi 'gyur ba yin na/ rim gyis 'dzin pa la ni bzlog par dka' o/ /shes pa gcig gis ni dus gcig tu du ma 'dzin par nus pa ma yin te/ gcig la yid 'brel bar gyur pa ni gzhan la de nyid kyi tshe byed par mi rigs pa'i phyir ro/ /yang na ni dus gcig tu bzung ba'i phyir yan lag can gyi rdzas gcig khas blang bar bya'o zhe na/ du ma gcig gis mi 'dzin pa 'am/ de gcig pa yang gang las yin/ /til sogs tha dad la ji ltar/ /cig car 'dzin par snang ba yin/ /gal te rdul phra rab dag cig car 'dzin pa ma yin na/ de lta na ni snga ma sgro 'dogs pa'i phyir kho bo cag rnam par rtog pa dang bcas bar 'dod pa nyid do/ /'on te mthong ba yin na de lta na ni mngon du byed ba yin pa'i phyir rnam par rtog pa med pa nyid grub bo/ /gzhan yang rung ba'i yul na gnas pa du ma gcig gis dus gcig tu mi 'dzin pa 'di cis grub/ yid gcig yin pa'i phyir ro zhe na/ yid ni rnam par shes pa'i cig car skyed pa 'gal bar ma grub pa'i phyir te/ yid nyid ni yid la byed pa tsam yin par grags pa'i phyir ro/ /gzhan yang phan tshun ma 'dres pa'i til dang/ 'bras dang/ dbyig pa dang/ ril ba dang/ snod dang/ rna rgyan la sogs pa dag la cig car 'dzin pa'i shes pa ni rtogs pa nyid do/ /myur ba'i phyir 'dzin pa gcig car bar mngon pa yin no zhe na/ mi bden te/ 'di ltar 'di la mgyogs par bshad zin to/ /rim bzhin 'byung ba de nyid la/ /ji ltar rim min 'dzin mi 'gyur/ /blo rnams dag ni thams cad kyang/ /dus mtshungs ji ltar de dag la/ /'ga' zhig rim min snang ba dang/ /gzhan ni rim ldan snang bar 'gyur/ /de'i phyir don kun 'dzin pa la/ /'di ni rim min thal bar 'gyur/ /mgyogs pa'i phyir ni cig car 'dzin par mi 'thad do/ bshad zin pa'i phyir na mgyogs pa med pa'i phyir ro/ /mgyogs pa'i phyir cig car ma bzung yang cig car bzung bar mngon par rlom pa yin no zhes bya ba 'di ga las yin/ autpa la'i 'dab ma brgya phigs pa bzhin no zhe na/ ma yin te/ dpe tsam gyi don 'grub pa'i phyir ro/ /gcig la grub pas gzhan du yang de ltar 'gyur ba ni ma yin no/ /bla 'og gi rim pa dang bcas pa'i 'dab ma brgya po dag phigs pa ni dus gcig tu phigs par mi srid pa'i phyir/ rjes su dpag pas rim pa grub pa yin no/ /de ltar rtogs na ni ha cang thal bar 'gyur ba bzlog par nus pa yang ma yin no/ /de'i phyir gnod par byed pa med pas 'khrul par mi 'grub bo/ /gal te mgyogs pa'i phyir cig car 'dzin par rlom pa yin/ rim gyis 'bab pa de dag nyid la de ltar ci ste mi 'gyur/ mgyogs pa med pa'i phyir ro zhe na/ 'di la yang de yod do zhes bya ba 'di ga las cig car 'dzin par rlom pa'i phyir ro zhe na/ de nyid kyang ga las yin te/ phan tshun brten par 'gyur ba'i phyir ro/ /ji srid du cig car 'dzin par 'khrul par ma grub pa de ba? srid du ni mgyogs par mi 'grub la/ ji srid du de ma grub pa de srid du yang 'khrul pa nyid du mi 'grub bo/ /gzhan yang/ skad cig nyid kyis blo rnams ni/ /thams cad dus mtshungs pa nyid yin/ /des na blo rnams thams cad ni/ /rim ma yin par snang bar 'gyur/ /gzhal bya snang ba ni blo yongs su 'gyur ba'i dus yin pa des na gzhal ba thams cad kyang rim ma yin par snang bar 'gyur ro/ /de'i phyir cig car snang ba myur bas byas pa ni ma yin gyi/ 'on kyang de kho na ltar yin pa'i phyir ro/ /de la rgyu ma tshad pas cig car snang ba med pa der ni zlog pa yin no zhes rnam par gnas so/ /rim gyis 'dzin na rtog med kyi/ /snang ba nyid ni med par 'gyur/ /rtog med nyid ni med 'gyur na/ /gsal bar snang ba srid mi 'gyur/ /sngon gyi mthon ba sgro btags pa/ /gsal bar snang bar ji ltar 'gyur ro/ /shin tu goms par 'gyur pa las/ /de ni rtog pa med pa nyid/ /'di ltar rnal 'byor pa rnams kyi/ /shes pa rtog med de bzhin nyid/ /de lta yin dang/ sngon gyi rang bzhin 'dzin pa med pa'i phyir/ cig car snang ba kho na'o/ /phye ma leb khra la sogs gzugs/ /du ma'ang ji ltar snang bar 'gyur/ /gal te sna tshogs de gcig na/ /de bas ches 'di ngo mtshar che/ /gal te yid gcig la 'jug pa'i phyir cig car du ma mi 'dzin na/ /de'i phyir phye ma leb khra bo'i gzugs mi 'dzin pa'i phyir yan lag can gcig kho na'o zhes khas blang ngo/ /de khas blang na na phye ma leb khra bo la sogs pa'i bkra ba'i mchi ba de bas kyang ches mtshar ro/ /'di ltar/ sna tshogs gcig pa'i rang bzhin min/ /dper na nor bu'i gzugs de bzhin/ /sna tshogs pa zhes bya ba ni dngos po'i bdag nyid phan tshun ma 'dres pa la tha snyad du byed pa yin te/ de lta ma yin na sna tshogs pa'i don ci zhig yod des na gzugs sna tshogs pa'i rin po che'i tshogs bzhin du phye ma leb khra bo cig gi bdag nyid du ga la 'gyur/ ci ste rnam par dbye ba dang ldan pa'i phyir nar bu rnams ni tha dad pa yin gyi/ phye ma leb la ni ma yin no zhe na/ ma yin te/ de la yang rnam par dbye ba yod pa'i phyir ro/ /phan tshun tha dad par snang ba nyid rnam par dbye ba yin no/ /ci ste rnam par dbye ba yod kyang gcig yod na de lta na ni rin po che'i phung po yang 'gyur ro/ /de la ni ma 'byung ba zhes bya ba'i rnam par dbye ba gzhan yod pa yin no/ /des na sna tshogs kyang ma 'byar ba med pa ni gcig nyid do zhe na/ de ni ma yin te/ ma 'byar ba ni thams cad la yod pa'i phyir ro/ /'di ltar bcad dang phugs sogs kyi/ /'dres med pa ni kun la yod/ /de yi tshe na rdzas zhig ces/ /bya ba 'di yang kun la srid/ /gal te nor bu'i tshogs la ma 'dres pa zhes bya ba'i rnam par dbye ba srid pas der yan lag can cig yod pa ma yin na/ phye ma leb khra bo la sogs pa ci ste de lta ma yin/ de la ni bcad pa la sogs pa'i sgo nas 'bar bas phye na rnam par dbye ba skyes pas yan lag can zhig pa de'i phyir ma 'bres par 'gyur bas nyes pa med do zhe na/ nor bu'i tshogs la yang de ltar brtag pa'i phyir mtshungs par thal lo/ /gal te sngon po la sogs pa phan tshun spangs par dmigs kyang de'i reg pa rang bzhin gcig pa'i phyir dang phan tshun yongs su chad pa ma yin pa'i phyir yan lag rnams la yan lag can nyid yod do zhe na de yang mi 'thad de/ 'di ltar/ sngo sogs rnam par dbye ba ni/ /ras bkra la sogs dag la'ang mtshungs/ /sngon po la sogs pa'i rnam par dbye ba'i rigs mi 'dra ba'i rnam par dbye ba med pa'i reg pa la sogs pa dang/ lhan cig tu rgyu ba ni skud pa 'dus ba'i rang bzhin gyi snam bu khra bo dang/ bcos ma'i phye ma leb khra bo la sogs pa la yang mtshungs pa nyid do/ /de'i phyir gcig la ni yan lag can yin la gzhan la ma yin no zhes bya ba'i rnam par dbye ba 'di ga las yin/ gal te de la yin la gzugs/ /'ba' zhig de ltar mthong zhe na/ gal te sngo sogs spangs pa yi/ /khra bo gzhan mthong ngo mtshar che/ /gal te snam bu khra bo la sogs pa bcos bu dag la yan lag ni gzugs nyid gcig tu mngon par zhin par de ltar dmigs pa yin na/ de'i tshe sngon po la sogs pa rnam par dbye ba'i rang bzhin du gnas pa las ma gtogs pa'i khra bo gzhan ni bcom ma ma yin pa dag la yang med pa kho na'o/ /de la ni gcig tu mngon par zhen pa nyid skyabs su gyur pa nyid yin na de ni yan lag can med kyang bcos ma dag la yod pa yin no/ /des na re ba de yang med pa nyid bas khro bo yan lag can gyi gzugs nyid du ni rigs pa ma yin te/ mngon sum dang rjes su dpag pas ma grub pa'i phyir ro/ /gcig drangs na gzhan long ba ni khab long dang lcags la sogs pa dag la yang mthong ba nyid yin pas/ du ma gcig car dmigs so zhes ni der yang grub pa yin no/ /'on te bcos ma la ni sngon po la sogs pa'i dmigs pa rims kyis 'gyur ba yin la/ de las gzhan la ni cig cor/ /zhes bya ba'i bye brag yin no zhe na/ de yang ma yin te/ dus dang don gyi rnam pa ni/ /mtshungs par rtogs pa'i blo dag las/ /gcig ni rim ldan don mang dang/ /gcig ni rim min don gcig zhes/ dus dang don gyi rnam pa mtshungs pa yin yang/ bcos ma dang bcos ma ma yin par mngon par 'dod pa'i khra bo dag gi blo las blo gcig ni rim pa dang bcas pa dang/ don du ma snang ba can yin la/ gzhan ni rim pa can mi ldan pa dang/ yan lag can cig nyid rang gi spyod yul du kun tu spyod par byed pa zhes bya ba 'di la/ go rgyu ci zhig yod/ thams cad mtshungs pa nyid du rtogs pa ni mi mthun par khas blangs pa'i yul ma yin no/ /gal te bcos ma dang bcos ma ma yin par mngon par 'dod pa dag de ltar khas len na ni de'i tshad ma med pa'i khas blangs pa tsam de la skyob pa yod pa ma yin/ /gal te tshad ma 'ga' zhig gi dbang gis gcig dang du ma'i rnam par dbye ba 'di nyid yin na de'i tshe 'di la skyon ci yod ce na/ de ni mi bden te/ 'di ltar/ blo rnams sna tshogs ngo bo'i phyir/ /don rnams sna tshogs ngo bo nyid/ /gal te de rgyu min zhe na/ /tha dad gzhan 'di gang gis 'grub/ /gcig dang du ma'i ngo bor snang ba can gyi blo nyid de'i ngo bo rnam par 'jog pa la tshad ma yin te/ tshad ma gzhan gyi rtsom pa ni yod pa ma yin no/ /gal te rtsom pa gegs med par de ltar rnam par 'jog pa'i blo de dag kyang chos mthun pa tsam gyi rgyu mtshan gyis nye bar btags pa'i tshad ma blo gzhan gyis sel bar byed na chos mthun pa 'di gang du rnyed par mi 'gyur te/ des na dngos po rnam par bzhag pa med pa'i phyir thams cad 'chol bar 'gyur/ /de'i phyir snang ba gzhan las ni/ /'brel par grub ba'i blo dag la/ snang ba don med ces bya bar/ /brjod pa 'thad pa dang ldan yin/ /gal te chos mtshungs tsam nyid las/ dngos po rab tu 'grub 'gyur ba/ /gang la de med de yi phyir// thams cad grub pa 'am 'gar yang min/ /mngon sum gyis 'brel pa bzung ba can gyi rjes su dpag pa ni/ 'gal zla dang ldan pa ldan par 'dzin par da ltar skyes pa'i rjes su dpag pa gzhan nam mngon sum gzhan gyis spang bar nus pa ma yin no/ /tshad ma ni tshad mas sel bar byed pa ma yin te/ stobs mtshungs pa nyid yin na/ ji ltar sel bar byed/ sel bar byed pa la yang stobs mi mtshungs na yang ji ltar tshad ma yin no 'on te rjes su dpag pas gnod pa gang yin pa de ni tshad ma nyid ma yin no zhe na/ gang zhig mngon sum dang 'gal ba de ni rjes su dpag pa nyid ma yin no zhes mtshungs par thal bar 'gyur ro/ /'on te snang ba ni ci zhig ltar rgyu las nyes pa dang bcas par 'gyur gyi/ rjes su dpag pa ni ma yin te/ des na de nyid gnod par byed pa yin no zhe na/ de yang legs pa ma yin te/ rgyu yi nyes pas gzhal bya'i blo/ /gzhan duAng srid ces rigs par ldan/ /ngo bo nyid la rgyu'i skyon/ /brgya phrag gis kyang ji ltar 'thad/ /rim dang ldan par snang ba'i rang gi ngo bo ni rgyu'i nyes pas rim pa med par 'gyur ro zhes bya bar mi rigs so/ /rang bzhin gcig la ni du ma yod pa ma yin te/ de ltar rtogs par thal ba'i phyir ro/ /gcig mi snang ba yin no zhe na/ ma yin te/ rang gi ngo bo nyid med par thal ba'i phyir ro/ /mi snang ba snang ba yod do zhes bya ba ni ma yin no/ /mi snang ba snang ba'i rang bzhin yin no zhes bya ba ni 'thod par dka' o/ /'on te de la rim pa nyid snang ba yin gyi/ cig shos ni ma yin te cig shos ni 'khrul pa zad do zhe na/ 'khrul pa zhes bya ba ci zhig/ ci mi snang ba yin nam/ rnam pa gzhan du snang ba yin/ gal te mi snang 'khrul yin na/ thams cad la 'gyur ldog pa med/ /de ltar de nyid snang na ni/ /ji ltar 'khrul pa yin par brjod/ /gal te thams cad mi snang ba 'khrul ba yin na/ /gnyid stug po log pa dang rdo la sogs pa yang 'khrul pa nyid du thal bar 'gyur ro/ /gal te rim pa yin pa mi snang ba yin na/ de lta na ni 'o na ni rim pa nyid nyams pa med par snang ba yin te/ des na 'khrul par ji ltar 'gyur/ /ka ba la sogs pa snang ba nyid ni 'khrul par 'gyur ba ma yin no/ /gal te gzhan snang 'khrul yin na/ /rang dngos snang bar ji ltar 'gyur/ /rang gi ngo bo mi snang yang/ /de med pas na ji ltar 'khrul/ /gal te brjod par 'dod pas las gzhan snang ba nyid 'khrul pa yin na de'i tshe de'i rang gi ngo bo snang ba nyid med pas ji ltar blo de yod pa yin/ gal te mi snang yang blo yod na ni thams cad kyi tshe thams cad yod pa dang/ 'khrul par yang brjod par bya'o/ /'on te blo de ni med pa nyid do zhe na/ 'o na de lta na ni rim pa dang ldan pa'i blo ni med pa kho na yin pa dang/ rim pa ma yin pa gzhan skyes pa yin pa'i phyir ji ltar 'khrul pa yin te/ 'on te de'i gzhal bya med pa'i phyir de 'khrul pa yin no zhe na/ rim pa ma yin pa til la sogs pa la rim pa ma yin pa nyid kyi blo'i gzhal bya yod pa yin te/ gzhan du snang ba'i phyir na slar la rim pa dang ldan pa'i gzhal bya nyid med pa ma yin nam/ 'on te rim ma yin pa ni gzhal bya nyid ma yin pa des na de ltar 'gyur ba yin no zhe na/ 'o na ni rang gi ngo bo la yang rim ma yin par snang ba med pa des na 'khrul pa dang mi ldan par 'gyur ro/ /'on te/ gal te blo'i ngo bo la/ /blo gzhan 'dzin par byed yin na/ /rim gyis 'dzin pa'i ngo bo ni/ /ji ltar rim mi snang bar 'gyur/ /gal te rim pa dang ldan pa'i blo blo gzhan gyis 'dzin na nor bu dang mu tig la sogs pa'i gzhal bya rim ma yin par snang bar mi 'gyur te/ de 'dzin pa'i blo rim gyis 'jug pa'i phyir dang/ blo 'dzin par byed pa yang gzhal bya la mi 'jug pa'i phyir ro/ /rim ma yin par snang ba ni med do/ /gal te 'khrul pas de snang na/ /de nyid 'khrul med yin par thal/ /de'i gzhal bya 'dzin par ni/ /de ltar yin pa gang gis bzlog /gal te rim par snang ba can gyi blo skye ba yin na/ blo'i blo yang de ltar 'gyur dgos so/ /'khrul pas dus gcig tu 'dzin pa yin no zhe na/ gcig gis cig car du ma bzung bar thal lo/ /snga ma dang phyi ma'i 'dzin pa dag ni gcig nyid ma yin te/ rtogs pa med pa'i phyir ro/ /blo phyi mas gcig gis rtogs pa yin no zhe na/ rim pa dang ldan pa de yang gcig tu rtogs par ci ltar 'gyur te/ 'dzin pa'i dus ni 'dzin par byed pa'i dus las 'da' ba ma yin no/ /'on te 'di ni rim med pa nyid do zhe na/ de lta yin na gcig gis du ma 'dzin par 'gyur ro/ /de nyid kyi phyir 'di 'khrul pa yin no zhe na/ de lta na yang du ma'i ngo bor snang ba yang mi ldog pa nyid do/ /sna tshogs pa ni blo gcig nyid yin no zhe na/ nor bu dang mu tig la sogs pa ci ste ma yin/ gal te sngon po la sogs pa'i gzhal bya'i ngo bor snang yang blo'i ngo bo nyid yin na/ gzhal bya thams cad de lta bu nyid du thal par 'gyur ro/ /des na 'khrul pa la yang du ma gcig bar snang bar ni mi rigs so/ /des na cig car ram gzhan du yang rung ste/ gang zhig ji ltar nyams su myong ba de ni kho na ltar khas blangs par byas te/ de kho na ltar dpyad bzod pa'i phyir/ de lta ma yin na gzhal bya bzhag pa med par 'gyur ro/ /gal te ri mo la sogs pa dag la sna tshogs blo rtogs pa yin na ji ltar gcig tu mi rigs/ /nor bu dang mu tig la sogs pa dag la ni sna tshogs pa gcig gi blo med de/ rnam par dbye ba 'di ni blo'i rnam par dbye ba nyid las yin no zhe na/ ma yin te/ rang gi gzhung dang 'gal ba'i phyir ro/ /'di ltar rigs mi mthun rnams rtsom med phyir/ /ris sogs sna tshogs blo yod min/ /gzugs med phyir ldan sna tshogs min/ /nye bar brtags la brten pa'ang min/ /gal te blo'i rjes su 'brang na rigs mi mthun pa rnams rtsom pa med pa'i phyir ro zhes bya ba'i gzhung dor dgos so/ /snam bu la sogs pa'i ngo bo ni rigs mi mthun pa'i snal ma'i ldan pa las skyes pa yin gyi yan lag can sna tshogs pa nyid ni ma yin no/ /ci ste de ni blo 'khrul yin/ /de tshe'ang cig car 'dzin pa yod/ /bden min rang bzhin 'dzin na ni/ /ci ste bden dngos 'dzin ma yin/ /blo 'khrul pa 'jug pa yin yang du ma cig car 'dzin par 'jug pa nyid do/ /mdun na gnas par snang ba la bden pa dang mi bden pa'i rnam par dbye ba ci yod/ 'on te rang bzhin de ni blo nyid do zhe na/ de ni ma yin te/ bden min rang bzhin de ji ltar/ /bden pa blo yi bdag nyid yin/ /gcig nyid yin na rnam dbye 'di/ /mi bden yang na gcig ma yin/ /de ltar na ni blo'i bdag nyid/ /de ni ngo bor bden 'gyur ba/ /phyi rol rang bzhin ser sogs dag ni bden pa min/ /de la gal te mnog med de'i rang bzhin med/ /de la de med rtog 'di rigs pas 'thad ma yin/ /ci ste bdag nyid kyi ngo bo ni du ma la yang blo gcig 'jug pa yin te/ de la 'bad pa med pa'i phyir ro/ /gzhan gyi ngo bo la ni 'gro ba la sogs pa'i mtshan nyid kyi blo 'bad pa chen po dang ldan pa yin te/ des na yul la sogs pa 'gal ba dag tu cig car 'gro ba mi srid pa'i phyir rnam pa gcig tu 'dzin pa mi srid do zhe na/ gal te yid song nas 'dzin pa med pa yin na 'o na ni ljon pa'i rtse mo dang/ zla ba dus gcig tu 'dzin mi srid par 'gyur ro/ /mgyogs par 'jug pa'i phyir cig car 'dzin par mngon pa yin no zhe na/ ma yin te/ shin tu thag ring ba la mgyogs pa nyid mi srid pa'i phyir ro/ /gzhan yang mig la sogs pa dag phrad nas 'dzin par byed do zhes bya ba 'di la tshad ma ci yod zhe na/ pha rol po dag na re/ dmigs pa dang mi dmigs pa dag ni ma bsgribs pa dag cig shos la bltos pa'i phyir dang/ ring ba dang cig shos la bltos pa'i phyir ro/ /gal te mig dang rna ba dang/ yid dag ni ma phrad pa'i yul can yin no zhes ji skad rjod pa bzhin du mig la sogs par phrad par 'dzin par byed pa yin na/ de'i tshe sgrib pa yod pas mi dmigs pa dang gzhan du ni dmigs pa zhes bya bar mi 'gyur te/ sgrib pa de la nyams par byed pa'i mthu ni yod pa ma yin no/ /phrad nas 'dzin pa la ni lus can gyi rdzas thogs pa yin pa'i phyir/ nyams par 'thad pa yin la/ shin tu thag ring por yang 'gro ba med pa'i phyir ro zhes 'dzin to/ /de ni ma yin te/ mi phrad par 'dzin pa yin yang yul du rung ba la bltos pa'i phyir te/ khab long bzhin no/ /khab long ni ma phrad par 'dren pa la 'jug kyang lcags thams cad len par nus pa ni ma yin no/ /'on te de la yang lcags dang reg pa yod pa nyid phra ba'i phyir ma 'phrigs pa yin te/ dper na mig gi 'od zer gyi reg pa bzhin no zhe na/ 'di nyid gzhan gyi bsgrub par bya ba ma yin nam/ ji ltar de nyid sgrub byed du 'gyur/ de'i phyir/ 'chal ba rnams kyi shin tu yang/ /tshogs chen pos 'di brtags byas 'di/ /mkhas pa rnams kyis bzhad gang nyid/ /'jug 'gyur yang dag rig pa min/ /'on te phrad pa la 'dren par mthong ba'i phyir/ khab long gi 'dren pa la yang de yod pa yin no zhe na/ ma yin te/ sngags kyis kyang 'dren par mthong bas de 'gugs pa yang reg par thal bas thal ches par 'gyur ro/ /der yang 'gyur ba kho na'o zhe na/ ma yin te/ sgra ni nam mkha' i yon tan yin pa'i phyir ro/ /gal te ma nges par bstan pa'i phyir yul la yang chos de nyid sbyor na gang yang ma nges par mi 'gyur ro/ /de ni sngo bsangs yin te/ de'i bu yin pa'i phyir zhes bya ba bu dkar sham gyis 'khrul ba ru bstan pa na/ de la yang sdo bsangs yod pa nyid do zhes bya bar thal bar 'gyur ro/ /ci ste mi mthong zhe na/ mi mthong ba'i rgyu rjes su dpag par bya ba yin no/ /gzhan yang gal te mig gis 'od zer 'phros nas phrad par byed pa yin na ci'i phyir shin tu thag ring po mi mthong ngo/ /mar me'i 'od bzhin du mchod pa la yin pas nyes pa med do zhe na/ de lta na ni 'od shin tu nye ba la thal bar 'gyur ro/ /mar me'i 'od ni shin tu nye ba la mi 'jug pa ma yin te/ des na mig la sogs pa la ni mar me las chos gzhan dang ldan par khas blang bar bya ba de nyid 'dzin pa'i rgyu yin gyi/ 'od dang phrad pa ni ma yin no/ /gal te mig la sogs pa la/ 'od zer yod mun par yang 'dzin par thal lo/ /'on te gang las mgyogs par 'gyur ba de ni yid kyi nus pa yin no zhe na/ 'o na cig car 'dzin pa nyid skyed la rag mod/ 'bad pas brtags pa 'dis ci zhig bya/ de lta bu'i yid ni tshad mas sgrub pa yang ma yin no/ /rnam par shes pa snga ma'i ngo bo yid la byed pa nyid kyis de'i don byed pa yin te/ de yul gzhan la rtsa gtad pas nus pa nyams pa na gzhan la shes pa mi skye ba'i phyir/ cig car rnam par shes pa mi skyed pa yin no/ /de'i phyir brtags de las yid rtogs pa ma yin te/ rnam pa gzhan du yang 'grub pa'i phyir ro/ /des na de rnams blo can la/ /'dzin byed yin zhes brjod byed kyi/ /skam pa bzhin du shes pa yis/ /don 'dzin par ni mthong ba med/ /de phyir ri mo la rnam pa/ /du ma cig car 'dzin pa ni/ /'khrul pa med pa kho na'o/ /ci ste de la sna tshogs pa ni ldan pa yin gyi/ yan lag can gyi gzugs ni ma yin no zhe na/ de ni ma yin te/ ldan pa ni yon tan yin pa'i phyir/ de la gzugs kyi yon tan 'du ba ma yin no/ /de ltar gyur na ni yon tan dang ldan pas rdzas nyid du 'gyur ro/ /de lta na yang rigs mi mthun pas mi rtsom pa'i phyir ro zhes bya ba'i gzhung dang 'ga' o/ /'on te nye bar btags pa'i sgo nas ldan pa sna tshogs nyid do zhe na/ de yang legs pa ma yin te/ dper na me tog rgyas pa'i nags zhes bya ba'i blo don cig la 'du ba las 'gyur ba de bzhan du 'di yang 'gyur na/ 'di gnyis ni mi mtshungs so// m ang po'i grangs nyid kyi nags gang yin pa ni gal te me tog rgyas pa nyid yod pa'i shing dag la 'du ba des na don gcig la 'phrod pa 'du ba des na zhes bya bar rigs na sna tshogs pa ni 'dir gang na ldan pa yod pa'i yan lag can nyid la 'du ba ma yin no zhes gang 'ched pa rer sna tshogs min phyir ro zhes bya ba yin no/ /gang dang 'du bas ldan pa yang de ltar 'gyur ba skud pa la sogs pa re re ni sna tshogs pa nyid ma yin no/ /'on te ji ltar me la mer bzung ba/ chos mthun pa rno ba nyid bzung bas me'i bag chags sad par gyur pa ni/ de dran pas bram ze'i khye'u la yang mer sgro 'dogs par byed pa de bzhin du/ sngon po la sogs pa rim gyis bzung ba dag las gcig bzung ba'i dus su bzung ba la sgro 'dogs par byed pa'i phyir sna tshogs par rtogs pa yin no zhe na/ de ni mi 'thad de/ 'di ltar/ rim bzhin du ni bzung ba la/ /sna tshogs blo yis bsres min te/ /gcig gis du ma mi 'dzin phyir/ /de la ni rno ba nyid du 'dra ba'i sgro 'dogs pa'i rgyu mtshan yin na/ mthong ba'i sngon po la sogs pa la 'dir sgro ji ltar 'dogs/ 'on te nye bas so zhe na/ nye bar 'dzin pa ni cig car 'dzin pa nyid la rigs pa dang ldan gyi/ rim gyis 'dzin na ni ma yin no/ /yul de bzung ba'i phyir ro zhe na/ yul der bzung ba yang snga ma dang phyi ma dag la sna tshogs par bzung ba ni med do/ /sgro btags pas 'gyur ba yin no zhes bya bar ni mi rigs te/ de nyid bsam par bya ba yin pa'i phyir ro/ /'on te tha dad pa ma bzung ba'i phyir dran pa la bzung bar bya ba nyid du snang ba yin no zhe na/ ji ltar gzhan la gzhan 'dzin de ni dran par bya ba'i rang bzhin yongs su spangs nas snang ba nyid 'dzin pa yin te/ des na bsre ba ma yin no/ /'on te bsre ba ni 'dzin pa'i ngo bo nyid zhe na/ de lta yin na du ma gcig gis 'dzin par thal na 'dod pa ni ma yin no/ /mig gi byed pas thams cad shes par rtogs pa'i phyir te/ des na ma 'dres par rtogs pa'i dri mas mtshon pa blun po'i skye bos brtags pa 'dis ni chog go zhes bshad pa 'di/ de phyir gcig don du ma can/ gang phyir don gcig rtog pa na'ang/ /gzhan dag mthong ba de phyir yang/ /rtog pa med pa grub pa yin/ /sngon po la sogs pa'i rang gi ngo bo du ma can sna tshogs par snang ba na 'di sngon po zhes rnam par rtog par byed kyang mdza' na 'dug pa'i ser po la sogs pa mthong ba nyid do/ /rnam par rtog pa du ma cig car 'byung ba ma yin no/ /sna tshogs pa zhes rnam par brtag par rung ba kho na'o zhe na/ ma yin te nges pa med pa'i phyir ro/ /gdon mi za bar sna tshogs pa zhes bya ba nyid du brtag par bya ba ni ma yin te/ gcig la yang rtog pa mthong ba'i phyir ro/ /de ltar na yang cig car ba'i sngon po la sogs pa'i rnam pa thams cad ni/ rnam pa sna tshogs pa gcig gi blo gcig go/ de la yang rtsod pa sna tshogs snang can don rnams la/ /gal te gcig nyid mi rigs na/ /re zhig gcig pu'i blo de nyid/ /sna tshogs su ni ji ltar snang/ /'di skad ston pa yin te/ ji ltar blo nyid sna tshogs kyi/ /rnam dbyer khyed kyi khas blangs pa/ /phyi yang gal te de lta nyid/ /de la gang gi rnam dbye byed gang la blo ni sna tshogs phyir/ /don rnams sna tshogs ngo bo ni/ /de la gnas pa'i ngo bo can/ /blo ni ji ltar 'gyur ma yin/ /des na sna tshogs yin pa'i phyir/ gcig ma yin no zhes bya ba 'di ni blo'i ngo bo nyid kyis ma nges pa yin no zhe na/ 'di skad brjod de/ ji lta ji ltar don bsams pa/ /de lta de ltar rnam gral zhes/ /mkhas pa rnams kyis gang gsungs pa/ /de ni dngos stobs 'ongs pa yin/ /gcig la sna tshogs de cir 'gyur/ /de ni blo la'ang mi 'grub bo/ /gal te don bdag 'dir 'dod na/ /de la bdag gis ci zhig bya/ /don ni 'di yin te/ gcig yin na blo yang sna tshogs ma yin no/ /de la yang rnam pa du ni yin pa'i phyir du ma nyid du 'gyur te/ dngos po'i mtshan nyid rnam pa yin pa'i phyir ro/ /rnam pa du ma 'dzin na dngos po yang gdon mi za bar du mar 'gyur ro/ /de'i phyir gal te blo de snyed yin na phyogs phyi ma smra ba la chad pa yod/ ci ste blo du ma nyid yin na/ rdul phra rab so so la blo yang de snyed du 'gyur bas rdul phra rab 'dzin par thal la phan tshun mi rtog pa'i phyir dang/ rtogs pa po gzhan yang med pa'i phyir du ma mi rtogs par yang 'gyur ro/ /rang rig pa rnams ni du ma nyid rtogs pa ma yin te/ rgyud gzhan dag kyang snang bar thal ba'i phyir ro zhe na/ de ni yod pa ma yin no/ /mthong ba nyid kyi phyir ro/ /mthong ba yang mi 'thad do zhes bya ba ni med do/ /'o na ni rang rig pa ma yin te/ phan tshun yang rig pa'i phyir ro/ /ma yin te rang rig pa med par rig pa mi srid pa'i phyir ro/ /de yang ston par 'gyur ro/ /rang rig pa yin na ni gzhan rig pa la dogs pa yod pa ma yin no/ /'on te mang po nyid du rtogs pa gang zhig yin zhe na/ 'ga' yang ma yin te/ de las tha dad pa'i rtogs par byed pa med pa'i phyir ro/ /de'i phyir/ blo rnams gcig pa ma yin zhing/ /du ma nyid duAng 'thad ma yin/ /gcig na sna tshogs med 'gyur te/ /du ma nyid la 'di ches gsal/ /de'i phyir dngos po rnams ji lta ji ltar rnam par bsams pa de lta de ltar rnam par gzhig par 'gyur ba'i phyir/ 'di la ci zhig byar yod/ de'i rnam par shes pa ni rnam par shes pas stong ngo zhes gsungs pas na chos thams cad ni stong pa nyid do zhes bya bar rigs so/ /ci ste gcig dang du ma'i rnam par rtog pas snang ba nyid med par ji ltar 'gyur te/ de ni rnam par brtags kyang snang ba kho na'o zhe na/ sgyu ma dang smig rgyu la sogs pa ltar med kyang skyon med do/ /de dag kyang med pa yin na ji ltar snang/ snang ngo zhe na ni ji ltar med pa nyid yin zhe na/ don bya ba byed pa med pa nyid kyi phyir te/ yod pa'i mtshan nyid ni ston byed pa yin pa'i phyir ro/ /snang ba tsam gyi yod pa'i tha snyad du 'gyur pa ni ma yin te/ skra shed la sogs pa snang ba yin yang med par des pa'i phyir ro/ /don byed pa zhes bya ba 'di ci zhig yin/ ci snang ba'i rang bzhin las gzhan yin nam/ 'on te de nyid yin gzhan yin no zhe na ni/ de la yang snang ba'i rang bzhin las don byed pa gzhan khas len pa na thug pa med pas mi rtogs par 'gyur ro/ /de nyid na ni snang ba thams cad yod pa thal ba'i phyir/ sgyu ma la sogs pa med par mi 'gyur ro/ /'di la brjod pa 'ga' zhig gis ni tha snyad de/ 'ga' zhig gis ni bzlog pas yin/ /rnam par dbye bas gnas pa 'di/ /dngos po rnams kyi rang bzhin yin/ /snang ba tsam nyid kyis ni thams cad don byed pa ma yin te/ gang zhig don byed pa nyid du snang ba de kho na don byed pa'i rang bzhin ni med par 'gyur ba ma yin te/ tha dad pa dang tha mi dad pas yod pa nyid rnam par gnas pa'i phyir ro/ /de la yin dang 'o na ni snang ba thams cad med par mi 'gyur te/ 'ga' zhig don byed pa dang 'brel pa'i phyir zhe na ma yin te/ gzhan gyis khas blangs pa'i sgo nas thal bar 'gyur ba byed pa'i phyir/ /yod par smra ba ni don byed pas yod par khas len par byed do/ /des na don byed pa snang ba las tha dad pa yin no/ /sngon po la sogs pa'i rang bzhin las don byed pa gzhan na snang ba med do/ /gang zhig gang gi 'dod pa de nyid don byed pa yin no zhe na/ de nyid ni gnas pa med pa kho na ste/ 'ga' zhig kho na cung zad cig gdod pa yin no gdung ba bzlog pa'i tshim pa'i don byed pa yin no zhe na/ ma yin te/ gdung ba dang tshim pa dag gnas pa med pa'i phyir te/ goms pa'i stobs kyis thams cad la skyed pa'i phyir ro/ /goms pa med pa yi ni med pa'i phyir/ don? dam pa med pa nyid do zhes rnam par gnas so/ /gal te de lta na goms pa'i stobs kyis shes pa nyid de ltar gyur pa yin gyi/ med pa ni ma yin no zhe na/ ma rig pa'i stobs kyis skyed pa nyid med pa yin te/ de lta bu gnas pa'i rang bzhin med pa'i phyir ro/ /snang ba ces ma brtags na nyams dga' bar yod phyir ni kun rdzob kyi bden pa nyid yin no/ /de phyir don dang shes pa la/ /rags snang yod min de dag nyid/ /gcig la bkag pa nyid phyir dang/ /mang po la yang yod ma yin/ /rdul phra rab bam yan lag can gyi don la ni rags par snang ba yod pa ma yin te/ gang gi phyir dags pa nyid ni phyogs kyi cha tha dad pa yin la/ phyogs kyi cha rnams kyang phan tshun yongs su spangs pas gnas pa'i phyir gcig ma yin no/ /ci ste rags par snang ba ni mang po la yod pa yin te/ 'di ltar rags par snang ba ni mang po la yod pa yin te/ 'di ltar rigs mthun pa mang po gzhan gyis mchod par snang ba na rags pa nyid du tha snyad byed pa yin no zhe na/ de yang mi 'thad de/ de dag ni mang po kho na yin te/ rags pa nyid so sol med pa'i phyir ro/ /tshogs pa yin par 'gyur ro zhe na/ de dag las gzhan pa'i tshogs pa gang yin pa dags pa'i tha snyad ni lings po gcig tu snang ba la brten pa yin na/ phan tshun tha dad par snang ba ni lings po gcig tu snang ba yod pa ma yin te/ bar yang snang ba'i phyir ro/ /'on te mi snang na/ 'o na ni de dag snang bar mi 'gyur ro/ /ci ste rdul phra rab dengs pa na de dag ldan pa las yan lag can gzhan nyid skye ba yin te/ de la rdul phra rab bam yan lag ni 'ga' yang yod pa ma yin no snyam na gal te yan lag can gzhan nyid skyes pa yin na de lta na ni/ sa bon las myu gu bzhin du rdul phra rab zhig cing/ yan lag can gzhan skyes par 'gyur ro/ /des na ldan pa dang lhan cag pa'i rdul phra rab la sogs pas rang dang phrad pas 'dus pa'i yan lag can rtsom par byed pa'i phyir snal ma la sogs pa 'du ba can gyi rgyu yin no zhes bya bar mi 'gyur te/ 'brel pa ni gnyis la gnas pa'i phyir ro/ /'di la'o snyam pa'i blo yang dmigs pa med par 'gyur te dmigs pa'i don med pa'i phyir ro/ /cha med pa de bzung ba na pha rol la sogs pa'i cha yang bzung bar 'gyur/ /tshu rol gyi cha bzung ni pha rol yang mthong bar 'gyur te de yang pha rol gyi cha'i yan lag can yin pa'i phyir ro/ /des na thams cad thams cad mthong bar 'gyur ro/ /'on te pha rol gyi cha ni mthong ba ma yin te/ pha rol gyi cha nyid med pa'i phyir ro zhe na/ gzhan gyis ji ltar mthong ba yin/ /de ni gzhan nyid do zhe na/ 'o na ni 'di yan lag can nam rags par mi 'gyur ro/ /de ni rnam grangs kyis mthong ba yin no zhe na ma yin te/ gcig la rnam grangs mi srid pa'i phyir ro/ /de nyid ni 'di yin no zhes rtogs par mi nus so/ /mthong ba dang reg pas kyang rtogs pa'i phyir yan lag can yin no zhe na ma yin te/ tshad ma med pa'i phyir ro/ phan tshun spangs par rtogs pa dag ji ltar gcig nyid yin/ phan tshun gyi rnam par dbye ba 'di ni 'dzin pas byas pa yin gyi/ bzung ba ni gcig kho na'o zhe na/ 'o na ni tha dad pa mdza' dag zhig pa nyid kyis gnyis med pa kho nar 'gyur ro/ /de yang de las tha dad par snang ba med pas chos thams cad stong pa yin no/ /mthong ba gang yin pa de nyid reg pa yin no zhes bya ba la ni tshad ma yin te/ de'i phyir na snang ba'i spyod yul du gyur pa'i yan lag can nan/ /yan lag ni yod? pa ma yin pas snang ba tsam zhes bya ba nyid du 'gyur ro/ /gal te 'di snang ba kho nar zad pa yin na 'o na ni rnam par shes par smra ba de nyid thal bar 'gyur bas/ ji ltar chos thams cad stong pa nyid yin zhe na/ 'di la brjod pa ni/ yongs spyod nang yin phyi rol ltar/ /gnas pa 'di ni cha gzhan yin/ /tha dad med can shes pa yi/ /tha dad snang ba bslad pa nyid/ gal te 'di rang rig yin na shes pa yin/ yang tha dad par snang ba mi rigs te/ rang gi ngo bo'i mthar thug pa'i phyir rang rig pa yin na ni/ gzhan rig pa ma yin pa des na tha dad par snang bar mi 'gyur ro/ /ci ste phan tshun reg pa nyid yin te/ des na tha dad pa yin no zhe na/ de la'ang so sor rig pas na/ /tshad ma rgyud gzhan nyid du 'gyur/ /de bzhin bdag gis yang bcad ces/ /bya ba rang rig min la med/ /gal te de dag rig pa na/ /rang dang gzhan yang rig pa yin no/ /rang dang gzhan rig na ni rang nyid kyis rang rig par 'gyur ro/ /rang gi ngo bo rig pa ni gzhan rig pa la 'jug pa ma yin no/ /'on te rang rig pa ni med pa nyid de phan tshun du gzhan nyid rig pa yin no zhe na/ de lta yin na lhas byin gyis yongs su bcad pa ltar gnyis rig pa zhes bya bar mi 'gyur/ /'di bdag gis rig go zhes bya bar yang mi 'gyur te/ byed pa po rang rig pa ma yin pa nyid kyis mi snang ba'i phyir ro/ /de'i phyir na de dag nyid rang rig par 'gyur ro/ /de lta yin dang/ rgyud gzhan gyis rtogs pa bzhin du gnyis su rtogs par mi 'gyur ro/ /gzhan nar de nyid kyi phyir bdag gis gnyi ga rtogs par 'dod de/ de lta ma yin na thal ba 'dir 'gyur ba'i phyir ro zhes zer ro/ /'di la bshad pa/ rang rig dang ni cig shos la/ snga ma'i tshul las ma 'das phyir/ /de yang brgal zhing brtags pa ni/ 'di nyid las ni mthar ma yin// gal te bdag rang rig pa'i ngo bo yin na ni/ de la gzhan rig pa ma yin te/ rang gi bdag nyid la gnas pa'i phyir ro/ /gzhan yang rig pa la 'gal ba ci yod ce na/ rang bzhin de nyid dam gzhan nyid kyis gzhan rig pa yin zhes bya ba'i rnam par rtog pa gnyis las gcig la gnas par bya'o/ /rang gi rang bzhin gyis rig pa zhes bya bar ni mi 'thad de/ rang gi rang bzhin ni rang gi bdag nyid la rnam par gnas pa'i phyir ro/ /rang bzhin gang zhig rang gi ngo bo nyid la gnas pa rang la mngon du phyogs pa des ji ltar gzhan rig par 'gyur gzhan gyi sgo nas so zhe na/ 'o na ni des rang gi bdag nyid rtogs pa ma yin pa des na rgyud gzhan gyis rtogs pa bzhin du gnyis rtogs par mi 'gyur ro/ /de la mngon du phyogs pa gnyis po de ni gcig nyid yin no zhe na/ 'di ni gnyis so zhes rtogs pa dang ldan pa de su yin/ de nyid do zhe na/ yang mngon du phyogs pa gnyis su 'gyur dgos pa'i phyir/ thug pa med par 'gyur ro/ /des rang rig pa'i rang bzhin gsum du 'gyur ro/ /de'i phyir de rig pa la bdag gzhan khas blangs dgos la/ de la yang gzhan yin pa'i phyir don med par brgyud pa chen por 'gyur ro/ /des na rig pa las myong ba rig pa gcig nyid yin te/ des na tha dad pa med pa'i shes pa la tha dad par snang ba ni bslad pa yin pas na/ shes pa yang rang gi ngo bor rtogs pa med pas med pa kho na yin pa'i phyir/ stong pa nyid 'ba' zhig lus par 'gyur ro/ /'di ltar/ de la gcig ni med pas kyang/ /gnyi ga'ang nyams par 'gyur pa yin/ /de phyir gnyis stong gang yin pa/ /de ni de yi yang de nyid yin 'di snyam du gcig spangs na shes pa tsam du 'gyur ro zhe na/ snang ba spong bar byed na ni gnyi ga de ltar 'gyur ba 'am/ yang na ni 'ga' yang ma yin no zhes bya ba 'di ni mdza' gcig tu nges pa'o/ /gnyi ga yang 'gyur la rag go zhe na ma yin te/ lan btab zin pa'i phyir te/ rang rig pa med pa dang gzhan rig pa ma yin no zhes bstan pa'i phyir ro/ /de'i phyir stong pa nyid kho na legs pa yin no zhes bya ba rigs so/ /nga ni dbu ma pa dang rnal 'byor spyod pa pa dang/ phyi rol gyi don yod par smra ba'i lugs kyis stong pa nyid kyi don ston par byed do/ /gzugs dang tshor ba dang 'du shes dang 'du byed dang/ rnam par shes pa zhes bya ba la sogs pa ni dngos po rnams kyi rnam par bzhag pa yin la/ dngos rnams tha dad gnas pa ni/ /de tha dad la brten pa yin/ /de ni bslang ba nyid yin na/ /de dag tha dad kyang bslad 'gyur/ /rnam par shes par byed pas na rnam par shes pa yin no/ /bzung ba pa dang/ 'dzin pa'i rnam pa las mtshan nyid gzhan ni yod ma yin/ /des na mtshan nyid stong pa'i phyir/ /rang bzhin med par rab tu bshad/ /phung po la sogs bye brag gi /mtshan nyid thams cad byed pa yi/ /khyad par can de'ang de nyid min/ /des na de dag mtshan nyid bral/ /bar skabs kyi tshigs su bcad pa dag go/ bcom ldan 'das kyis gzugs la sogs pa phyi rol gyi don dang/ de las gzhan dag kyang bstan pa ji ltar bshad par bya ba yin zhe na bshad pa ma rig gis bslang bdag nyid la/ /ji lta'i rang rkyen la bltos nas/ /rnam rig de bzhin min rnam pa/ /skye 'gyur rab rib la sogs bzhin/ /pha rol mthong min thams cad kyis/ de nyid de ni rig ma yin/ /bzung dang 'dzin pa'i bslad pa dag /med na de ni med phyir ro/ /des de nyid don btang snyoms can/ /glang chen gzigs stengs nyid mdzad nas/ /'jig rten thugs ni 'ba' zhig gis/ /phyi rol dpyod pa 'jug par mdzad/ /gal te don dam par ni thams cad stong pa nyid la bcom ldan 'das kyang de kho na gzigs pa yin na/ de ji ltar bcom ldan 'das kyis phyi rol gyi don bstan par mdzad de/ de kho na gzigs pa ni de kho na nyid ma yin pa ston par mi 'gyur ro/ /ston na yang ji ltar de kho na gzigs pa yin no zhes khong du chud ce na/ 'di la smras pa phyi rol bsgrub pa'i phyir bcom ldan 'das kyis phyi rol bstan pa ni ma yin no/ /'o na ci zhe na/ rjes su de brjod pa'i phyir te/ de rjes su brjod pas bdag bkag par rjod par 'dod pa'i phyir ro/ /stong pa nyid mthong ba rjes su brjod par yang ji ltar 'gyur te/ de snang ba med pa'i phyir ro zhe na/ ma yin te/ 'jig rten gyi thugs nyid kyis rjes su brjod pa srid pa'i phyir ro/ /'jig rten gyi blo de lta bu yang thog ma med pa nas ma rig pa goms pa las yin/ /gal te bcom ldan 'das la 'jig rten gyi blo mnga' na ji ltar de kho na mthong ba yin zhe na ma yin te/ sngon gyi shugs kyis ston pa srid pa'i phyir te/ 'khor lo bskor ba bzhin no/ /des na 'jig rten gzhug pa'i don du du mar bstan pa 'gal ba med do/ /de ltar re zhig stong pa nyid du khas blangs nas ma nges pa spangs nas/ de ni sna tshogs pa khas blangs te spyod par byed do/ /sna tshogs su snang yang blo ni gcig nyid du gyur te/ phyi rol gyi sna tshogs dang mtshan nyid mi 'dra ba'i phyir/ /rnam par dbye bar nus pa'i sna tshogs ni du mar 'gyur ba yin na?/ blo'i sngon po la sogs pa ni rnam par dbye bar nus pa ma yin no/ /'di ltar/ shes la sngo sogs sna tshogs pa/ /shes pa'i khyad par gzhan sten med/ /sngon nus ma yin de yi tshe/ /rnam dbye don la 'jug par 'gyur/ /rnam par shes pa'i bdag nyid du gyur pa'i sna tshogs pa'i sngon po la sogs pa'i gang yin pa ni yan gar du mthong bar nus pa ma yin te/ des ni rnam par dbye bar mi nus pa'i phyir na blo ni sna tshogs pa nyid yin yang gcig nyid do/ /gal te sna tshogs kyang gcig yin na 'o na ni sgra la sogs par snang yang gcig tu 'gyur ro zhe na/ gal te rnam par dbye bar mi nus pa yin na 'gyur ro/ /'on te rna ba bkag kyang gzugs la sogs pa dmigs pa des na yang yan 'gar du 'dzin pa'i phyir du ma nyid do zhe na/ de yang ma yin te/ de'i tshe shes pa rnam par byed pa ni ma yin te/ mi snang ba'i phyir de'i tshe sngar gyi snang ba med pa'i phyir ro/ /mi snang yang sgra yod pa des na tha dad ma yin no zhe na/ de ni de'i tshe shes pa ma yin te/ lkog tu gyur pa yin pa'i phyir ro/ /de ltar rnam par dbye ba ni don la 'bab par 'gyur ba nyid do/ /don ni rig pa ma yin pa'i phyir ro/ /ci ste lhan cig tu snang pa'i sngar gyi shes pa'i rnam pa las/ da ltar yan 'gar bar snang pa ni gzhan yin no zhes rnam par 'byed pa yin no zhe na/ de yang ma yin te/ snga ma nyid la ni mngon sum gyi shes pa 'jug pa ma yin te/ 'on kyang shes gang ci ltar snang ba de/ /de lta nyid du myong ba yin/ /de ltar 'gyur ro/ /myong bar gyur to zhes bya ba ni med do/ /rang rig pa'i mngon sum ni lkog tu gyur pa la 'jug pa ma yin te/ lkog tu gyur pa ni rang rig pa ma yin pa'i phyir ro/ /'on te dran pas shes par byed do zhe na/ de ni mi 'thad de/ dran pa tshad ma yin pa'i phyir ro/ /ci ste nyams su myong ba las skyes pa'i dran pa ni tshad ma nyid do zhe na/ nyams su myong ba las dran pa skyes pa yin no zhes bya ba 'di la ni tshad ma cung zad kyang yod pa ma yin te/ nyams su myong ba'i dus na dran pa med pa'i phyir ro/ /dran pa 'dis ni bdag nyams su myong ba las skyes so zhes bya bar shes pa yang med de/ myong ba ni de la ma mthong ba'i phyir ro/ /nyams su myong ba yin na yang/ dran par mi 'gyur te/ de'i tshe nyams su myong ba kho nar 'gyur/ /de'i phyir rnam par dbye bar mi nus pa'i sna tshogs pa ni gcig yin pas skyon med do// 'o na ni phyi rol yang rnam par dbye bar mi nus pa'i phyir na gcig nyid do zhe na ma yin te/ de nyid kyi tshe gzhan gyis gcig mthong ba'i phyir ro/ /'on te pha rol gyis mthong ba gang yin pa de ni gzhan kho na'o zhe na/ 'o na ni shin tu yang rnam par phye ba yin no/ /rang gis mthong ba nyid gcig yin no zhe na ma yin te/ rang rig pa la snang ba'i phyir de ni shes pa kho na'o/ /de ltar sems kyi snang ba ni/ /sna tshogs gcig gi ngo bor 'gyur/ /shes pa ma rtogs pa ni rnam par dbyer med par yod pa ma yin no/ /de'i phyir na bzung ba dang 'dzin pa sngon po la sogs pa'i rnam pa sna tshogs pa ni blo gcig nyid yin pa'i phyir ro/ /sna tshogs ni gnyis med pa yin pa 'am/ ma yin na yang sna tshogs pa de sna tshogs ma yin pa las tha dad par gnas pa med pa'i phyir ro/ /des na gzhan med pa'i phyir myong ba gnyis med pa nyid 'ba' zhig yin no zhes bya bar gnas so/ /de lta na ni 'o na dngos po dang dngos po med pa dag gis tha dad pa srid pa'i phyir/ ji ltar gnyis med pa yin te/ 'di ltar tha dad med na med de las/ /tha mi dad tha dad gnas 'gyur/ /tha dad dngos po med rtogs na/ /tha mi dad nyid ga las yin/ /gal te tha dad pa yod na tha dad pa las gzhan tha mi dad pa nyid yod do zhes rtogs par 'gyur la/ de lta na yang dngos po med pa dang dngos po yang rtogs pas na/ dngos po dang dngos po med pa gnyis su rtogs par 'gyur na/ de ci ltar gnyis med par 'gyur/ 'di ltar/ bum pa 'di la ka pa ni med ces min par dgag pa ni/ yod min med na med pa can/ /tha dad rig pa nyid 'ongs so/ /dgag pa thams cad ni tha dad med na mi 'byung ba can yin pas de la dgag pa rtog na ji ltar tha mi dad par rtogs par 'gyur/ dgag pa ma rtogs na ni ci lta ba bzhin du snang ba'i phyir cung zad kyang rtogs par ma byas par 'gyur ro/ /gzhan rtogs par byed pas gzhan khas blang bar bya ba yin pa'i phyir na ji ltar gnyis med pa yin/ bdag nyid kho na rtogs par byed pa ni 'ga' yang med do/ /'on te gzhan 'ga' yang rtogs par mi byed na/ de ltar na ni bdag nyid rmongs pa yin pas ji ltar gnyis med par rtog par byed par 'gyur/ rmongs pa bsal ba la gzhan nyid skyes pa'i phyir gnyis med pa nyid ma yin no/ /snga ma dang phyi ma yang ji ltar rtogs par 'gyur te/ des na 'di ni phyi na'o zhe na/ 'dir smris pa/ gang gis de ltar bsgrubs pas ni/ /tha dad ces bya 'di mthong med/ /de la dngos dang dngos med sogs/ /rtogs pa 'dir 'brel med 'gyur/ /re zhig snga ma dang phyi ma tha dad pa 'di ni snang ba ma yin te/ snga ma dang phyi ma la yang mngon sum mi 'jug pa'i phyir ro/ /gang la snga ma mngon sum yin na de nyid kyi tshe na snga ma da ltar ba nyid du 'gyur te/ gnyis pa bzhin no/ /de'i da ltar ba nyid ni 'di kho na yin te/ gang zhig mngon sum du byed pa'i rang bzhin gyis mngon sum la snang ba'o/ /ci ste rnal 'byor ba rnams la mngon sum du byed pas snang ba yang ji ltar 'das pa la sogs pa yin/ 'on te mi snang ngo zhes brjod na/ ci ltar 'das pa la sogs pa rig pa ma yin no zhe na/ re shig skye ba 'di la ni/ /'ga' yang dmigs pa yod ma yin/ /de yi gnas skabs thob rnams la/ /ji ltar 'gyur ba mi shes so/ /gang du mthong bar 'dod pa rnams kyang bkag pa der ma 'ongs pa la gus par ji ltar 'gyur/ rmi lam bden pa mthong bas 'di nyid du yang 'das pa la sogs pa rig pa nyid do zhe na ma yin te/ mi dmigs pa'i gnas skabs na sad pa rnams/ de ltar tha snyad du byed pa'i phyir ro/ /de'i phyir 'das pa mngon sum gyis mi mthong zhing ma 'ongs pa yang ma yin no/ /de na ji ltar de las tha dad par rtogs par 'gyur/ 'das pa la ni dran pa nyid yin na/ de yang tshad ma ma yin no/ /'on te brtan pa la sogs pa 'am rgyu rtogs pa'i phyir rjes su dpag pa yin te/ des na tha dad par rtogs par 'gyur ro zhe na/ yang ma yin te/ gang gi phyir de dang 'bral pa rig pa las/ /'byung bar 'gyur don rjes su dpog /rgyu dang brtan pa nyid dag las/ /mngon sum gyi ni rig pa med/ /gal te 'byung bar 'gyur ba'i don dang brtan pa 'am rgyu dag 'brel par bzung na ni de'i tshe/ rjes su dpag par rig pa yin no/ /'brel pa las lkog tu gyur pa'i don rtogs pa ni rjes su dpog pa yin no zhes bya ba ni rjes su dpag par smra ba'i yin no/ /'on te mthong ba'i phyir 'brel ba bzung ba med pa kho nar rjes su dpag pa yin no zhe na/ 'o na ni ha cang thal ba nyid du thal lo/ /ma mthong ba nyid kyi phyir mi 'gyur ro/ /mthong ba dang cig shos ni gcig tu bye bar mi nus so zhe na/ gal te mthong ba'i phyir zhes lan 'debs na mthong ba de nyid mngon sum mam/ rjes su dpag pas yin zhes bsam par bya'o/ /gal te rjes su dpag pas zhe na rjes su dpag pas de nyid bsam par bya ba yin pas ji ltar des yin/ 'on te mngon sum gyi yin no zhe na/ de ni ma yin te/ mngon sum gyis ni rjes su dpag pa mthong bar mi nus so/ /de ni lkog tu gyur pa'i yul can yin pa'i phyir dang/ lkog tu gyur pa la yang mngon sum mi 'jug pa'i phyir/ ji ltar lkog tu gyur pa'i yul can nyid kyis rjes su dpag pa bdag gir byed/ lkog tu gyur pa'i yul du mi byed pas ni yul de'i khyad par can gyi rjes su dpog pa rtogs par nus pa ma yin no/ /'on te de'i yul can nyid du mi 'dzin no zhe na/ de ltar yin na ni rjes su dpag pa mthong ba kho na yin pas ji ltar mthong ba'i phyir zhes bya ba gtan tshigs yin/ rang gi ngo bo rig pa tsam zhig rjes su dpag pa yin par 'gyur te/ rang rig pa'i mngon sum gyis de ltar mthong ba'i phyir ro// 'on te de kho na ltar tha snyad byed pa yin no zhe na/ de ltar yin na tha snyad tsam du 'gyur bas tha dad la mngon par zhen pas ci bya/ tha dad par mngon par zhen pa yang mthong ba nyid kyi phyir ro/ /zhe na mthong ba spangs par mi nus sam ci/ de ltar ro zhe na mthong ba nyid kyis rmongs pa thams cad sdad? bar mi nus pa'i phyir/ khyed kyi nye bar bstan pa la brtson pa ni don med par 'gyur ro/ /khyed kyi yang don med do zhe na/ ma yin te/ ma mthong ba la mthong bar rlom pa srid pas de lta bu brjod pa'i don du yin pa'i phyir ro/ /de lta yin dang/ khyed tha dad par mngon par mthong ba med par tha dad par mngon par zhen par rlom pa'i phyir de ni dor ba kho nar rigs so/ /'di ltar/ cha med da ltar snang ba yi/ /tha dad pa la brten ma yin/ /snga ma phyi ma'i rtogs pa yang/ /so sor tha dad 'dzin pa yin/ /bu ram dong kra'i 'bras bu bzhin/ /'dus las de ltar 'gyur zhe na/ /der ni 'bras bu gcig pa yi/ /phyir na 'dus nas med pa nyid/ /'dir ni snga ma phyi ma nyid/ /sems la 'bras bu cung zed mod/ /de las gzhan pa'i rnam rig ni/ /dran yin de ni myong las byung/ /tha dad par ni nyams myong med/ /nyams myong ba med par dran pa med/ /de dang dus mtshungs pa nyid ni/ /rig na gnyis med thob par 'gyur/ /bu ram dong bkra dag gis ni/ /des bzlog par bya ba'i nang log pa dang/ /bde bar gnas pa'i 'bras bu byed pa des na tshogs par tha snyad byed pa yin no/ /'dir ni rang gi don tsam rtogs pa'i rang bzhin snga ma dang phyi ma'i sems dag la 'bras bu gzhan cung zad kyang med do/ /rtogs pa ni de dag ni bdag nyid du gyur pa yin pas de yang tha dad pa ni gang la bltos nas tshogs par 'gyur ba'i tha dad pa med pa gzhan ci zhig yod/ snga ma dang phyi ma 'dzin pa'i rang bzhin gyi dran pa ni de dag gi 'bras bu gcig yin no zhe na/ ma yin te/ da lta bu'i rang bzhin gyi rjes su byed pa'i dran pa ni nyams su myong ba las 'byung ba yin/ gnyis 'dzin pa'i nyams su myong ba ni yod pa ma yin te/ des na dran pa yang med do/ /'o na ci ltar dran pa'i rnam par rtog pa 'di ni gzugs dang reg pa'i rjes su byed pa'i yin no zhes bshad ce na/ tha dad pa 'dzin pa 'dod pa byas nas de skad du bshad pa yin te/ 'dir ni de lta bu'i skabs ma yin no/ /gang gis rang dbang du 'dzin par 'gyur ba dran pa ni don 'dzin pa la 'jug pa yang ma yin no/ /dus mtshungs pa gnyis dran pas 'dzin to zhe na/ ni de tha dad par rnam par dbye bar mi nus pas na gcig nyid do zhes bstan zin to/ /gzhan yang tha dad 'dzin par byed pa ni/ /dran pa nyid ces 'dod yin gyi/ /nyams myong med phyir tha dad tu/ /rig pa 'di ni kun rdzob nyid/ /'di ltar/ bsgyur dang ma bsgyur snang ba la/ /sna tshogs rtogs pa cig tu 'gyur/ /bdag gi tha dad mthong 'gyur dang/ /mthong bar 'gyur zhes de bzhin duAng de 'bras tha dad nges 'gyur te/ gzhan du 'jug pa med par 'gyur/ /de phyir de nyid du na 'gar/ /tha dad 'dzin pa grub pa med/ /snang ba tsam gyi sna tshogs dang/ /sna tshogs min nyid rnam 'byed min/ /des na rnam dbye 'di dag kun/ /snga ma'i rjes su 'brangs pa yin/ /'o na ni dran pa goms pa las gsal bar 'gyur ba'i mngon sum gyis tha dad pa 'dzin pa yin no zhe na/ gang zhig mngon sum gyis ma grub/ /de ni goms las ji ltar yin/ /goms pa las kyang mthong ba de/ /ci car du ni snang ba yin/ /der yang rnam par dbye ba de/ /dran pa nyid kyi byas par 'dod/ /de ltar nyams myong la snang ba/ /gang duAng tha dad grub pa med/ /gal te dran la dran pa dang/ /nyams myong yan 'gar ma myong na/ /du ma'i rang bzhin de yang ni/ /phan tshun rnam dbye yod ma yin/ /rang dam gzhan gyis de nyid du/ /rnam dbye nus pa min phyir ro/ /logs su bcad par mi nus shing/ /gzhan du lta bar ni mi nus nyid/ blang dang ngor? nyid byas nyid phyir/ /tha dad na yang des ci bya/ /gal te mngon sum gyis rtogs pa dang dus mnyam du rtogs pa'i dran pa yang de dang lhan cig gcig nyid du bdag gir byed na/ mngon sum rtog pa dang bcas pa nyid du thal bar 'gyur ba ma yin nam/ des na mngon sum rtog pa med pa yin no zhes bya ba skabs kyi don nyams pa na/ skam sa la babs par bya'o snyam pa de 'dam rdzab du lhung? ngo zhe na/ de ni ma yin te/ tha dad smra la brtsams nas ni/ /dran pa gzhan du brjod pa yin/ /thams cad rgyu dang ngo bo yi/ /dbye bas tha dad pa nyid yin/ /tha dad par smra ba'i ltar na ni rgyu tha dad pas rang gi ngo bo tha dad pa'i phyir na/ thams cad tha dad pa kho na'o/ /de la dran pa ni bag chags tsam las skyes pa yin la/ dbang po'i shes pa ni de lta ma yin no/ /dran pa ni lkog tu gyur ba'i yul can yin gyi dbang po las skyes pa'i rig pa ni ma yin te/ des na 'di dag ni ka ba la sogs pa'i ltar tha dad pa'i phyir na/ phyi'i don du smra ba rang gi khas len pas rtogs par byed pa yin no/ /tha dad pa med par smra ba la ni rnam par dbye ba 'di ga las yod de/ rgyu dang ldan pa nyid ni rig par med de/ mngon sum gyis de mi 'dzin phyir/ /rjes su dpag pa'ang mngon sum ni/ /med na 'jug par 'gyur ba med/ /mngon sum gyis na snga ma dang phyi ma'i dngos po gnyis 'dzin pa ma yin no/ /'bras bur 'dod pa 'dzin pa 'dzin pa 'dus su ni/ /rgyur mngon par 'dod pa dran pa tsam du zad la/ gang gi tshe bzung ba de'i tshe ni rang gi ngo bo kho nar 'dzin gyi 'bras bur ni ma yin no/ /'bras bu 'dzin pa'i dus na yang 'das pas dran pa tsam gyi spyod yul yin no/ /nyams su ma myong ba dran pa ma yin la/ rgyu nyid nyams su myong ba yang med pas ci ltar dran par 'gyur/ 'on te 'bras bu'i dus su yang de nyams su myong ba mi srid pa'i phyir dus mtshungs pa yin pas rnam par dbye bar mi nus pa'i phyir/ tha mi dad pa nyid yin na/ rgyu dang 'bras bu'i dngos por ga la 'gyur/ 'on te 'di ni/ sngar yang yan bkrar? du nyams su myong bar gyur to zhes dran pas rnam par 'jog go / des na rnam par dbye ba yod pas tha dad pa ?? do zhe na/ ci ste dran pa de ci zhig /rjes su dpag pa yin nam/ 'on te dran pa tsam yin/ re zhig gal te rjes su dpag pa yin no zhe na/ ci ltar mngon sum med par 'gyur/ mngon sum gyis ni sngar snga ma nyid du bzung ba med do/ /mngon sum thams cad ni da ltar ba 'dzin pa yin no/ /'o na mngon sum gyi dus nges pa nyid gzhan dang ma 'dres par bzung ba gang yin pa de nyid bzung ba phyi ma la bltas nas snga ma zhes tha snyad byed pa nyid yin no zhe na/ de yang ma yin te/ gzhan la bltos nas snga ma'i mngon sum 'jug par 'gyur ba min/ de phyir des ni snga ma nyid// mi 'dzin dang bdag la gnas phyir/ /rang gi dus kyi rang gi ngo bo 'dzin pa'i mngon sum snga ma gzhan la bltos pa'i bdag nyid ji ltar 'dzin par 'gyur/ mngon sum phyi ma yang de bzhin no/ /des na snga ma dang phyi ma la bltos pa 'di ni snga ma dang phyi ma'i mngon sum gyis bzung ba ma yin te/ des ni de la dran pa yang ci ltar 'jug par 'gyur/ des na bltos pa ni mngon sum dang/ dran pas kyang rtogs pa ma yin no/ /de'i phyir rig pa ma yin pa la gang las rjes su dpag pa 'jug / 'on te dran pa tsam yin na/ de ni tshad ma ma yin pas gang gi snga ma phyi ma la bltos pa'i 'bras bu rig par 'gyur ba de las rtogs par ji ltar 'gyur/ 'on te tshogs pa'i stobs las de nyid 'di yin no snyam du shes pas gcig nyid 'di yin no snyam du shes pas gcig nyid bzung ba yin te/ des na rnam par 'byed pa yin no zhe na/ de nyid 'di yin no zhes bya ba yang dran pa dang nyams su myong ba'i rang bzhin gyi shes pas gnyis yin no/ /des na gang gis gcig nyid 'dzin par 'gyur/ /'dzin pa mthong ngo zhe na/ 'dzin pa mthong ba ni ma yin gyi/ 'dzin pa dran pa yin no/ /'o na dran par bya ba dang/ mthong bar bya ba dang/ snam bu dang/ shing rta bzhin du ji ltar ma rtogs she na/ gal te rnam par brtags na ni/ de lta bu kho nar rtogs so/ /dran pa dang mngon sum gyi rnam pa dag ni gcig tu rtogs pa ma yin te/ de ltar yin na ni/ de dag nyid du mi 'gyur ro/ /de ltar yin dang/ snga ma dang phyi ma dag ni gcig tu rtogs pa ma yin no/ /dran pa'i rnam pas ni rtog pa'i don snga ma yin no zhes bya bar mi nus la/ mngon sum du byas na ni da ltar ba nyid du 'gyur gyi snga ma la ni ma yin no/ /zhes bya bar rigs so/ /'on te tha snyad mthang ba'i phyir gcig nyi do zhe na/ 'di ni mun khung du gar byed pa yin no/ /don gzhan nam gcig shos ni/ /rtogs pas sgrub bar byed pa yin/ /rtogs pas sgrub ba ma yin pa/ /tha snyad las ni ci ltar grung/ /cig tha snyad tshad ma yin nam/ 'on te tshad ma ma yin na ni/ mngon sum dang rjes su dpag pa'i nang du 'dus pa'i phyir na/ sgrub par byed pa ma yin no zhes bstan zin to/ /de ste tshad ma ma yin na/ de las ji ltar tha dad pa grub ces soms shig /tha dad pa med na ji ltar tha snyad du 'gyur zhe na/ 'di ni tha dad pa la yang mtshungs so/ /shes pa las tha dad pa'i thob par bya ba yod pas de don du gnyer ba 'jug pa yin no/ tha dad pa med pa la ni 'brel pa med pa nyid do zhe na/ 'dir smras pa tha dad yin yang gal te de shes na ci'i phyir 'jug par byed/ 'on te ma shes mo gsham gyi/ /bu la ji ltar 'jug mi 'gyur/ /de yod 'di ni med phyir na/ /de nyid ga las 'dod pa yin/ /reg pa la sogs sngar mthong phyir/ /snga ma kho nar zhugs pa yin/ /da ltar rigs pa med pa la/ /ji lta bur na 'jug pa yin/ /rjes su dpag pas rig ce na/ /'o na ci phyir 'jug par byed/ /de'i spyi ni rig ce na/ /ji ltar khyad par la 'jug 'gyur/ /gal te spyi mdza' dang med na/ /'jug pa 'bras bu med par 'gyur/ /tha dad tha mi dad ci ltar/ /tha dad de la ji ltar 'jug /ci ltar tha mi dad pa de/ /thob phyir ci ltar de 'jug byed/ /'jug pa mthong nyid ce na ni/ /mngon sum las sam 'on te gzhan/ /rang don rig phyir mngon sum gyis/ /'jug pa mthong bar 'gyur ma yin/ /'jug pa snga phyi rang bzhin yin/ /de la mngon sum rig pa med/ /mngon sum med par rjes dpag nyid/ /des kyang 'jug pa rig ma yin/ /gnyis nyid yin gyi/ 'dir ni gzhan la bdag ni gzhan ma yin zhes bya ba'i don 'di ni rang dang gzhan dag la ma grub pa'i phyir te de ltar skye ba grub pa ni rang rig pa med pa la'ang 'jug pa ni ji ltar zhes bya ba'i rtsod pa gsal/ gnod sbyin ji bzhin gtor ma yang/ /yin phyir gang zhig gang dang 'brel/ /'dis? gnyis med la ji ltar gzhan rtogs par bya ba'i phyir 'jug pa yin zhes bya ba de yang gsal ba yin te/ 'di la don dam par rnam par dbye ba yod pa ni ma yin no/ /'dri bar byed pa bdag dang 'chad par byed pa gzhan 'di gnyi ga yang rang gi rnam pas nye bar bsgyur ba'i shes pa yang dag par rig pa nyid yin te/ des na rnam par dbye ba med de/ /rmi lam gyi rtog pa bzhin dang/ smyon pa'i rtog pa bzhin no/ /'o na ni smra ba po smyon par 'gyur/ de las gnyis med pa yang ji ltar rtogs par 'gyur zhe na/ 'dir rtogs pa thams cad spong ba ma zhugs pa ma yin nam/ 'di la rtogs pa skye ba ni yod pa ma yin no/ /'o na rgol ba 'am gzhan gyis bya ba ci zhig yod ce na/ ci byed pa 'ga' zhig mthong ngam/ ci ltar mthong ba med pa de ltar yang bstan zin pa nyid do/ /'o na ji ltar dngos po rgyu med par yod ce na/ /byed kyis dngos po gang zhig 'dir/ /rgyu las yod pa rtogs pa yin// rgyu dang 'bras bu'i dngos po ni/ /rtogs pa med ces bsgrubs zin to/ /'o na yod pa glo bur ba yin pas 'di re 'ga' yang 'ga' zhig tu ldog par mi 'gyur te/ de skad du rgyu med gzhan la mi ltos phyir/ /rtag tu yod pa'am med par 'gyur zhes bshad do zhe na/ skyon 'di yang med de/ 'di ltar/ yod pa ldog par 'gyur ba de/ khyod kyis gang yang rtogs sam ci/ /ci ste res 'ga' bas zhe na/ /'di ni glen pa'i smra ba yin/ /de ni tha dad par smra ba la lan bstan pa yin gyi/ don dam par ni rnam par dbyer med kyang blo'i bdag nyid yin no zhes bya ba 'di nyid du 'gyur ro/ /de'i phyir snang ba ni blo gcig nyid do zhes bya bar gnas so/ /ci ste blo bzhin du snam bu la sogs pa'i dang bzhin sna tshogs pa yang gcig kho na yin par ci 'gal zhe na/ ma yin te/ ras sogs gzugs ni gcig yin na/ /de bzhin rnam 'byed med par 'gyur/ /gal te ras la sogs pa'i rang bzhin rnam par dbyer med pa yin na/ de lta na ni de blo'i rang bzhin nyid yin te/ blo dang chos mtshungs pa yin pa'i phyir ro/ /'di ltar blo ni gzhan gyis mthong ba ma yin/ dus phyis ma yin/ bkag pas dum bur 'gyur ba yang ma yin no/ /gal te phyi rol gyi don yang de lta bu yin na/ de lta na ni de blo nyid yin te/ phyi rol zhes bya ba de lta bu ni ming tsam du 'gyur ro/ /ci ste bkag pa na gzhan kho na zhig de ltar skyes pa yin pas de dang ldan pa gang yin pa de byed la sogs par mthong ba yin no/ /des na dngos po gang ji ltar skyes pa de/ /de bzhin nyid du dmigs pa yin/ /de lta/ sems min sna tshogs rnam pa yang/ /ji ltar gcig tu 'gyur ba yin/ zhe na 'di la lan/ ji lta ci ltar mthong ba de/ /gal te de ltar skyes na ni/ /de ni lkog dang gzhan gyis ni/ mthong ba'i dngos por ma skyes 'gyur/ /rgyu gzhan gyis ni bskyed bya ba/ /de bzhin min zhes rtogs pa yin/ /rnam par shes pa'o rgyu dag las/ /skyes pa rnam par shes pa nyid dngos po ni lkog tu gyur pa nyid du ma mthong la/ gzhan gyis mthong bar yang mthong ba ma yin no/ /rgyu gzhan las gyur ba yang ma yin te/ de ni 'dzin pa'i rnam pa dang 'dra ba mig la sogs pa'i rgyu tsam kho na las 'jug pa yin pa'i phyir/ ji ltar rnam par shes pa ma yin pa nyid yin/ 'on te dmigs pa gang ji snyed pa de thams cad ni don kho na yin no/ /bde ba la sogs pa la yang rig pa'i rang bzhin ni ma yin gyi/ 'on kyang de ni rang gi dngos po nyid zhes gzhan dag zer ba/ de yang ma yin te/ 'di ltar/ gal te dmigs pa thams cad ni dngos po yin par rtogs na gi? dmigs pa min pa'i shes pa ni/ /yod pa tshad can min par 'gyur/ /gang gis gzung ba dmigs pa de/ /shes yin zhe na/ de yang min/ de lta yin na rig pa nyid du 'gyur/ gal te 'dzin pa ma dmigs na/ de yod do zhes bya ba ga las dmigs par bya ba nyid du dmigs pa'i phyir dmigs pa po 'am/ dmigs par byed pa rjes su dpog go /de lta ma yin na 'di gang gis dmigs zhes brgal zhing brtag par 'jug par 'gyur ro/ /gal te don gyis go ba med na? de? lan gnyis med par 'gyur te/ de'i phyir don gyi go bas rnam par shes pa yod par rtog pa yin no zhe na/ de yang ma yin te/ rang ngam 'on te gzhan gyis zhes/ /dmigs pa nyid du dpyad bya'i phyir/ /'on te gzhan gyis dmigs bya ba/ /gtan tshigs gang gis dmigs par byed/ /gal te de yang gzhan gyis ni/ /de lta na ni thug med 'gyur/ /rang nyid kyis ni dmigs yin na/ /gzung ba la yang thal bar 'gyur/ /bdag bzhin bzung ba'i dngos po kun/ /rang nyid rtogs pa'i ngo bor 'gyur/ /'on te bdag nyid rang nyid rtogs pa'i rang bzhin du dmigs la/ gzugs la sogs pa ni gzhan la bltos par dmigs pa yin te/ 'di ni ngas dmigs pa 'am gzhan gyi zhes bya ba'i tha snyed nges pa'i phyir ro zhe na/ gal te gzhan la bltos she na/ /ci ltar gzhan ni rig mi 'gyur/ /gzhan ltos de ni gzhan med par/ /gzhan bltos nyid du mi 'gyur ro/ /the tshom za na gzhan bltos ba/ /the tshom nyid 'gyur des ma yin/ gtan tshigs nges pa ma yin pas/ /nges par byed pa yod ma yin/ /'on te bya ba bdag la bltos/ /'on te bdag la rig bya ba/ /rang rig pas ni rig byar grub/ /de tsam gyis ni rdzogs pa'i phyir/ /de las gzhan pa'i blo yod min// bdag bzhin mdza' dag don rig bar/ /'gyur te gzhan rig yod ma yin/ /'on te ci ltar nga ni bdag dang/ byed pa po dang/ shes pa po yin no zhes gzhi mthun par byed pa de bzhin du/ nga ni rtsig pa pa dang/ buM pa dang snam bu dang/ shing rta yin no zhes bya bar 'gyur la/ de bzhin du nga'i rig pa zhes bya ba de bzhin du/ nga'i gzugs dang reg pa dang/ dri yin no zhes bya bar yang 'gyur ro snyam na/ de yang gyi na ste/ gal te gzhi mthun dbang gis na/ /gcig pa nyid du 'gyur na go /bdag ni dkar sham zhes de ltar/ /gzhi mthun nyid 'gyur yin nam ci/ /gang la gzhi mthun pa yod pa/ /gal te gdon mi za bar der/ /gcig yin de tshe de bas de med pas/ /du ma de ltar mi 'gyur na/ /de bzhin du sgra gcan gyi mgo zhes gzhi mthun pa la yang med bas tha dad par grub par 'gyur/ gal te tha dad med mthong bas/ /sgra gcan gyis mgo zhes 'di gnod/ /'dir yang tha dad sgro btags la/ /gnod par byed pa rang rig yod/ /ji lta sgra gcan gyi mgo zhes tha dad par sgro btags pa de las ldog par dmigs bas de bzhin du/ nga'i rig pa nga'i gzugs mthong ba zhes bya ba las rang rig pa tsam gyis gnod pa tsam gyis gnod pa yin no/ /tha dad pa ltar sngon po dang lus dang bde ba la sogs pa ni rig pa ma yin te/ rang gi ngo bo rig par bsgrubs pa'i phyir ro/ /gang gis rig bya rig pa dag/ tha dad par ni rtogs 'gyur ba/ /rig pa'i don dang shes pa dag /gzhi mthun mthong ba med dam ci/ /gal te don dam par tha dad pa mthong ba med na/ 'o na tha dad par sgro 'dogs par yang ci ltar 'gyur te/ rgyu mtshan med par skye ba ni 'ga' yang med do zhe na/ 'di yi tha dad rjes 'gro dang/ /ldog pa dag las rab tu brtags/ /rjes 'gro ldog ba rig pa ni/ /thogs med bag chags 'brel las yin/ /gzugs la sogs pa ni med kyang gzhan gyis nges par btags pa yin zhing/ ma btags pa 'am gzhan yang yod pa yin no/ /des na yul dang dus dang/ rang bzhin dang 'brel ba las tha dad par rtogs pa la 'jug pa yin no/ /rjes su 'gro ba dang ldog pa dag ni don dam par rig pa min no zhes bstan zin to/ /'di ltar mngon sum gyis mi rjes 'gro dang/ /rang bzhin nyid ni rig pa yin/ /yod dang med pa'i rnam dbye 'di/ /rig med rig par mngon par rlom/ 'ga' zhig rig par med kyang rig par mngon par rlom pa yin te/ dper na/ 'di ni ngas byas pa yin no/ /'di ni ngas mthong ba yin no zhes bya ba bzhin te/ de la rig pa ni 'das pa'i phyir ro/ /mngon par rlom pa ni brjed na 'gyur ba yin zhe na/ brjed pa zhes bya ba ni ci zhig /phyin ci log tu sgro 'dogs pa'o zhe na/ 'di la yang mtshungs so/ /'du byed tha dad pa'o zhes na ma yin te/ 'du byed med pa'i phyir/ 'du byed pa ni snga na med par zad pa ma yin no/ /bden pa ni zad par bya mi nus so zhes bstan zin to/ /gal te 'du byed pa zad pa phyin ci log tu sgro 'dogs pa'i rgyu yin na/ tha dad par sgro 'dogs pa dang/ rjes su 'gro ba dang/ ldog par sgro 'dogs pa la yang de ltar 'gyur ba'i phyir/ 'di la 'gal ba ci yod/ mngon par rlom pa la ma gtogs pa don dam par ni rjes su 'gro ba dang/ ldog pa rtogs pa med do/ /mdza' dag ni mngon par rlom pa tsam du tha dad pa yin no/ /de'i phyir snga ma dang phyi ma dag rnam par dben par bzung yang gcig tu khas blang bar bya ba yin te/ de lta ma yin na shes pa tsam du 'gyur ro/ /des khas blang bar nus pa yang ma yin te/ gang gi phyir/ tha dad can ni rnam bsal ba/ tha dad med pa gzhan mthong med/ /ma mthong ba ni yod do zhes/ /khas blang bar nus pa ma yin no// de med par ni tha dad pa'i yan lag rnams tha dad pa med pa'i yan lag can gyi yin no zhes bstan par nus pa ma yin no/ /de'i phyir phyi rol gyi don khas len pas cig car nyid du 'dzin pa nyid khas blang bar bya'o/ /gal te du ma gcig gis ji ltar 'dzin te/ gcig pa zhugs pa'i mthong ba gang yin pa nyid ni de nyid kyi tshe gzhan la 'jug par nus pa ma yin no zhe na/ du ma mthong ba nyid yin gyi/ gzhan du ni ma yin no zhes gang bstan zin pa nyid do/ /don dam pa ni rang rig pa gcig nyid de/ gzhan gyis gzhan 'dzin pa'i mi srid do/ /gzhan yang 'dzin pa zhes bya ba ni 'ga' yang med kyi 'on kyang blo de yi rnam par skyed pa nyid do/ /du ma gcig gi skyed par byed pa ma yin pa yang ma yin te/ 'di ltar/ gal te dbang po la sogs bzhin/ /khyad par skyes 'gyur mang po dag/ cig car blo yi rgyur 'gyur yang/ /'gal ba dag ni ci zhig yod/ /ji ltar dbang po dang don dang yid las byed pa 'am/ bdag dang dbang po dang/ yid phrad pa las cig car dbang po'i rnam par shes pa skyed pa de bzhin du gal te rdul phra rab dag kyang yin na/ ci 'gal gal te rdul phra rab dag mi rtag pa nyid yin yang khyad par ci zhig yod/ lhan cig byed pa nyer zin kyang/ rdul phra rab dag ni chen por 'gyur ba ma yin no/ /phu mo nyid mi 'dor ro zhe na ni ci ltar bzung ba yin zhe na/ de yang ma yin te/ 'dir ni chen po khyad par min/ /khyad par de ni nus pa yin/ /nus pa med phyir rgyur mi 'gyur/ /chen po min phyir 'dod ma yin/ /gal te rang gi ngo bo'i rjes su byed pa'i blo skyed pa'i rdul phra rab dag bltar rung ba nyid yin na/ de ni med pa'i phyir grub pa la bsgrubs pa nyid do/ /'on te rnam par shes pa tsam skyed pa yin na de ni yod pa kho na te/ skra shad la sogs pa dag la mthong ba'i phyir 'gal ba med do/ /dper na yul thag ring por ma 'dres pa'i skra yang po ma po gcig tu snang ba bzhin du rdul phra rab dag kyang yin pa'i phyir 'gal ba med do/ /yan 'gar ba bzhin du phra mos de yang ci ltar skyed par byed ce na/ yan 'gar ba rnams ni mi nus pa'i phyir ro/ /nus pa med pa nyid rgyu'i dngos por 'gal gyi/ phra mo nyid ni ma yin te/ skra shad nyid bzhin no/ /tshogs pa'i gnas skabs na dbang po la sogs pa rnams la rags pa nyid kyi khyad par skye ba med par de lta na yang nus pa'i khyad par nyid las skyed par byed pa nyid yin no/ /'o na nye ba na gnas pa gzhan gyi nus pa de ji ltar mi mthong/ mi mthong na ci ltar yod pa yin/ mtshungs pa nyid yin na de 'bras bu gcig skyed par byed kyi gzhan ma yin no zhes bya ba'i rnam par dbye bar yang ci ltar 'gyur zhe na/ yul thag ring ba la sogs pa lhan cig byed pa'i rnam par dbye ba las so/ /gal te yul thag ring po nyid kyis kyang skra de nyid rnam par dbye bar ga la 'gyur zhe na/ tshogs pa gzhan rjes su zhugs pa'i phyir ro zhes 'di ni spyad zin to/ /gal te rgyu yin pa'i phyir 'dzin na mig la sogs pa yang bzung ba nyid du thal te/ rgyu yin pa'i phyir ro zhe na/ de'i phyir bshad pa/ rgyu yi dngos po ma rtogs pa'i/ bzung ba zhes bya gzhan ci 'ang med/ /de la blo ni gang du snang/ /de ni de yi bzung bar brjod/ /gzugs kyi skye mched du mtshungs pas na de'i rnam pa yin gyi/ don dam par ni ma yin no/ /'di ltar sngon po'i rdul phra rab kyi tshogs la rnam par shes pa sngon po'i rnam pa nyid du 'gyur ba min te/ rdul phra rab kyi rnam pa nyid du ni 'gyur ba ma yin no/ /gal te rdul phra rab kyi rnam pa mi snang na sngon po'i rnam pa 'di rdul phra rab rnams kyi yin no zhes bya ba ga las yin zhe na/ gzhan du mi 'thad pa'i phyir de ltar skyon med do/ /gal te cig car du ma mi 'dzin na de'i tshe skyon gzhan 'di yin no zhes gang bshad pa 'di/ ji ltar rang gi yan lag bcas/ /cig car yan lag can gzung yin/ /mi 'dzin pa nyid do zhen ma yin te/ lkog shal la sogs mthong med ni/ /ba lang shes par mthong ba med/ /gal te yon tan gtso bo dag/ cig car rtogs par 'dod na yang/ /cig car yan lag rdzogs 'dzin min/ /yon tan la sogs ldan pa'ang min/ /gang zhig khyad par nyid du 'dod pa cha de nyid dang/ bzung ba'i phyir yan lag rdzogs par mi 'dzin par 'gyur ro/ /de dag thams cad khyad par 'dod do zhe na/ ma yin te/ khyad par dang ni khyad par can/ /brjod par 'dod pa'i gzhan dbang phyir/ /yan lag nyid du gyur pa gang/ /de ni de nyid kyis 'dzin 'gyur/ /khyad par dang khyad par can gyi dngos po don dam pa ni ma yin te/ gzhan dag gam de nyid kyis gzhan gyi tshe/ khyad par nyid khyad par can du rtogs pa'i phyir ro/ /'di ltar rwa can ba lang dang/ ba lang rwa can dang/ ba lang dkar po dang/ ba lang zlum po 'am/ gru bzhi ma yin no zhes rtogs pa sna tshogs par mthong gi dus gcig tu khyad par thams cad 'dzin pa ni ma yin te/ cig car du ma khyad par nyid du bzung bar mi nus pa'i phyir ro/ /rnam par rtog pa med par ni khyad par dang khyad par can gyi dngos po 'dzin pa ma yin no/ /gzhan yang/ rang gi dngos po gzhan dag las/ /tha dad med phyir yon tan sogs /tha dad byed pa'ang ma bzung phyir/ /gzhan gzhan mthong yang blo gcig 'gyur/ /ba lang rang nyid kyis ni ba lang ma yin la/ /ba lang ma yin pa la yang ma yin te/ ba lang nyid dang ldan pa'i phyir ba lang yin no/ /de bzhin du dkar po rang nyid kyis ni dkar po 'am/ dkar po ma yin pa ma yin te/ dkar po nyid dang ldan pa'i phyir/ dkar po yin no zhes bya ba la sogs pa'o/ /des na yon tan la sogs pa tha dad par byed pa cig car ma bzung ba'i phyir/ gzhan dang gzhan mthong yang gcig nyid kyi blor 'gyur zhing phyis ni yon tan 'ba' zhig mthong ba zhes bya bar 'gyur ro/ /ci ste yon tan bzung ba'i phyir na phyis tha dad ba'i blor 'gyur ro zhe na/ 'di la brjod pa yon tan la sogs khyad par ni/ /bzung phyir du mar rtogs 'gyur na/ /'gyur mod de lta yin na yang/ /'di dag gi 'brel 'chol bar 'gyur/ /sngar rdzas gcig tu bzung nas phyis/ /khyad par du bzung na phyis khyad par bzung yang tha dad par sbyor ba med pa'i phyir/ 'chol bar thal lo/ /'di ltar gcig nyid du bzung na phyis gcig nyid la khyad par du ma sbyar bar bya ba yin pa'i phyir na/ /khyad par du ma yang gcig gi yin no zhes bya bar 'gyur ro/ /yul tha dad pas tha dad par sbyar ba ni cig tu mi 'gyur ro zhe na ma yin te/ yul tha dad pa la yang khyad par yin pa'i phyir yul tha dad pa de yang gcig gi yin no zhes bya bar yang 'gyur ro/ /de'i phyir du ma dus gcig tu 'dzin pa ma yin la/ phyis bzung ba'i khyad par ni gang gi yin pa mi shes par 'gyur ro/ /khyad par tha dad pa dang tha dad pa med pa'i phyogs la ni tha dad pa 'ga' yang med pa'i phyir 'brel pa 'chol par shin tu gsal lo grangs can gyi lta ba la ni/ sgra sogs du ma nyid yin phyir/ /cig car du ma 'dzin par 'grub/ /bkod pa can ni ma bzung bar/ /bkod pa 'dzin pa mi rung phyir/ /bum pa la sogs pa'i dngos po thams cad ni de tsam lnga'i gnas pa'i khyad par ram/ /yon tan gsum gyi bdag nyid yin no/ /des na sgra la sogs par bzung ba na yon tan gsum gzung ba dang/ de tsam bzung bar 'gyur ro/ /de ma bzung bar ni de'i gnas pa 'dzin par mi srid de/ sor mo la bzung bar khu tshur mi 'dzin pa bzhin no/ /'bras bu gzhan cig nyid skyes pa yang ma yin te/ 'bras bu thams cad rgyu las tha mi dad par 'dod pa'i phyir/ yongs su gyur pa'i phyogs de dag gis 'dod pa yin gyi 'bras bu'i phyogs ni ma yin no/ /yongs su gyur pa ni de nyid las ma nyams pa'i chos gzhan yongs su gtong ba dang/ gzhan skye ba yin no/ /de la sgra'i yongs su gyur pa ni nam mkha' o / sgra dang reg pa yongs su gyur ba ni rlung ngo/ /sgra dang reg pa dang gzugs yongs su gyur pa ni me'o/ /sgra dang reg pa dang gzugs dang ro yongs su gyur pa ni chu'o/ /sgra dang reg pa dang ro dang/ dri yongs su gyur pa ni sa yin te/ de ltar na bum pa la sogs pa dag ni du ma yin te/ de bzung na du ma bzung ba zhes bya bar grub bo/ /lan lhag pa ni snga ma bzhin no/ /de'i phyir cig car du ma bzung yang rnam par rtog pa dang bcas pa ma yin gyi/ mngon sum rnam par rtog pa med pa nyid do zhes bya bar gnas so/ /gal te mngon sum rtog pa med pa yin na/ 'o na ci ltar chos dang chos can la sogs pa mngon sum gyis 'dzin/ chos can mngon sum gyis ma bzung na yang rjes su dpag pa 'jug pa med par 'gyur ro/ chos can yang rjes su dpag pas 'dzin na ni de la yang chos can gzhan dgos pas thug pa med par 'gyur ro/ /chos can bzung na ni chos du ma dang ldan pa'i bdag nyid de 'dzin pa'i phyir ro/ /ci ltar rnam par rtog pa med pa yin zhe na/ 'di la smras pa/ chos can du ma'i ngo bo ni/ /rnam kun dbang po las rtogs min/ /rang bzhin rig bya gzhan min pa'i/ /ngo bo dbang po'i spyod yul yin/ /gzugs la sogs pa'i chos du ma dang ldan pa'i chos can ni 'ga' yang dbang po'i shes pas 'dzin pa ma yin gyi/ 'on kyang rang nyid kyi rig par bya ba'i rang bzhin dang byed pa pos yin no/ /rang bzhin de nyid ni dbang po'i yul yin no/ /'di ltar/ gzugs sogs phan tshun dben par ni/ /mig la sogs pa dag gis ni/ /'dzin 'gyur de dag gzhi gcig pa/ /nyid do rtogs pa med phyir ro/ /gzugs la sogs pa'i chos can ni dbang po'i shes pas dmigs pa ma yin no/ /phan tshun tha dad pa'i gzugs la sogs pa nyid du bzung ba las gzhan pa'i gzhi 'am de la brten pa ni 'dzin pa'i spyod yul du gyur pa med do zhes bya ba 'di ni bshad zin to/ /gal te bdag gis mthong ba gang yin pa de ni reg pa yin no zhes bya ba la sogs pa rtogs pa las gzhi gcig pa nyid ma rtogs pa yin no zhe na ma yin te/ ngo shes pa ni mngon sum ma yin no zhes bstan zin pa'i phyir ro/ /gzugs dang reg pa'i shes pas sred par bya ba'i thog ma med pa'i bag chags las de lta bu'i shes pa skye ba'i phyir ro/ /'di ltar mig ni gzugs tsam nyid dang ni/ /gzhan ni reg pa tsam nyid dag /rig phyir rig pa 'jug pa nyid/ /zhes bya bar ni mthong ba yin/ /de dag phan tshun 'dus pa gzhan gyis ni dmigs pa ma yin no/ /reg pa nyid mthong ba yin no zhe na ma yin te/ reg pa ni gzugs la 'jug pa med pa'i phyir ro/ /gal te don gcig la 'jug par rtogs na de lta na ni gcig tu grub par 'gyur ro/ /gal te mthong ba'i dkar po nyid reg pas dri ma can du byed pa dang/ lag pas bzung bar dmigs pa ma yin nam/ de ci ltar don gcig la 'jug pa ma yin zhe na/ 'di ni nam mkha' i go skabs su ka sha dbyangs pa yin no/ /gang tshe dngos de reg pa dang/ /gang gi reg pa yul gyur pa/ /de tshe nges rtogs med ce na/ /rjes su dpag pa sgrub byed min/ /phan tshun 'dzin par byed pa'i mngon sum dag 'jug pa med na mngon sum gyi tha dad par yongs su bcad pas rjes su dpag pa stong phrag kyang/ nus pa'i lam du 'jug pa ma yin no/ /'o na te de nyid la reg go zhes bya ba 'di ni yid kyi mngon sum yin no/ /dbang po las skyes pa nyid tshad ma yin pa'i phyir tshad ma 'jug pa ni ma yin no/ /dbang po las skyes pa yang don la mi 'khrul pa las tshad ma yin gyi/ dbang po las skyes pa'i phyir ni ma yin te/ yid las skyes pa'i phyir zhes bya ba yang srid pa'i phyir ro zhe na/ de ni med de/ 'di ltar/ gang nyid mthong zhes rtogs pa yi/ /rjes dpag med na tshu rol ni/ /mthong ba 'ga' yang rtogs ma yin/ /de la 'ga' zhig sngar mthong ba nyid reg pa yin no zhes khyed kyis ci ltar rtogs zhes gal te brgal zhing brtag pa byed na de'i tshe ji skad bya/ de lta bu nyid du rtogs pa'i phyir ro zhes bya ba 'am ci mthong ba gang yin pa ni reg pa'i dus na ma mthong na de ci ltar na de nyid la reg go zhes bya bar rtogs/ /gang gis de dri ma can du byas pa de'i phyir de yin par shes so zhes bya ba'i rjes su dpag pa bstan pa de nyid kyang 'dir lan ma yin no/ /'o na ji ltar ma reg par nyams par byed ce na/ reg pa nyid na 'o na 'di dkar po'i shes ci'i phyir mi rtogs reg pa la dkar po dang cig shos dag mtshungs pa dang mi mtshungs pa'i rang bzhin rang yin pa'i phyir ro zhe na/ lan 'di ni bzang po ma yin te/ mtshungs pa dang mi mtshungs pa'i dngos po gcig ces bya ba ni bab tshol yin no/ /gang gi phyir reg pa mtshungs pa dang/ gzugs mtshungs pa ma yin pa des na de dag cig pa nyid du mi rigs te/ 'gal ba'i chos gnas pa'i phyir ro/ /ci ste rtogs so zhe na/ de la rnam par dpyad pa bya ste ci rnam pa gcig tu rtogs sam/ 'on te rnam pa du mar rtogs/ rnam pa du mar rtogs pa ci ltar gcig yin/ 'on te rnam pa gcig tu'o zhe na/ de ni mi bden te/ reg pa rtogs pa na ma rtogs pa'i gzugs rnam pa gcig go zhes ci ltar 'dzin/ rtogs pa dang ma rtogs pa ni bzung ba ma yin te/ ma rtogs pa nyid du mi 'thad pa'i phyir ro/ /de'i phyir gzugs la sogs pa tha dad pa na yan lag can zhes bya ba 'ga' zhig ni yod pa ma yin no/ /de'i phyir gzugs la sogs pa ni rang gi ngo bos rig pa bya ba yin gyi/ phan tshun gyi ngo bos ni ma yin no/ /de bzhin du gzugs ni rang gis rig par bya ba yin gyi/ gzhan gyis rig yang bya ba ni ma yin no/ /de nyid kyi phyir gzhan la sgras bstan par mi nus pa'i phyir dbang po'i shes pa'i spyod yul ni brjod du med pa yin no/ /gal te dbang po'i spyod yul sgras bstan par mi nus na/ 'o na ji ltar bdag gis gang thos pa de nyid mthong ngo zhes rtogs/ bstan par bya ba ma yin pa ni de ltar rtogs par ji ltar 'gyur te/ de'i phyir na bstan par bya ba yin no zhes rtogs so zhe na de ni ma yin te/ ngo shes pa ni tshad ma nyid/ /ma yin zhes ni bsgrubs zin to/ /des na shes pa de yis ni/ /don 'di rtogs par ji ltar 'dod/ /re zhig sgra las rtogs pa'i dus su ni don de snang ba ma yin te/ sgra las na don la the tshom za ba nyid do/ /de lta ma yin na ni mngon sum gyis rtogs pa bzhin du the tshom dang 'brel par mi 'gyur ro/ /ci ste sgra las don gyi dngos po dang dngos po med pa thun mong du snang ba yin te/ des na the tshom za ba yin no zhe na/ mngon sum la yang ci'i phyir de ltar mi 'gyur/ de la rnam pa'i khyad par nye bar mtshon pa nyid kyis mi 'gyur ro zhe na/ 'dir yang snang ba'i khyad par 'dzin pa gang gis bzlog ste khyad par med pa'i phyir ro/ /de lta na ni sgra'i shes pa dngos po'i rang bzhin 'dzin par mi 'gyur te/ mngon sum dang mi mthun pa'i phyir ro/ /gal te rang gi ngo bor rtogs pa yin na ni de mthong ba tshad ma nyid ma yin par 'gyur te/ bzung zin pa 'dzin pa'i phyir ro/ /long ba med par yang 'gyur te/ gzugs kyi rang bzhin ni sgra nyid las rtogs pa'i phyir ro/ /spyi ste spyi'i rnam pas rtogs so zhe na/ de lta na ni/ mig ser gyi nyams pa'i mig gis kyang/ dkar po ser po'i rnam par rtogs pa de yang thob par byed pa yin pa'i phyir tshad mar thal lo/ /de yang tshad mar 'gyur la rag go zhe na ma yin te/ gnod pa'i phyir ro/ /ba lang khyed la shog ces bya ba'i shes pa ni gnod pa med pa'i phyir tshad ma nyid do zhe na ma yin te/ de la yang gnod pa yod pa'i phyir ro/ /ba lang khyer la shog ces bya ba/ gal te yod pa nyid 'phen pa yin ma ni res 'ga' med par yang 'gyur ro/ /'on te mi 'phen na ni/ nges na khyer te 'ong ba mi srid pa'i phyir na tshad ma ma yin par shin tu gsal lo/ /'on te gal te yod na khyer la shog cig ces bya ba smra ba po'i bsam pa yin na de'i tshe the tshom du khyer te 'ong bar brjod pa'i phyir tshad ma ma yin pa nyid do/ /the tshom nyid du bskul ba yin no zhe na/ the tshom nyid du bzung ba'i phyir the tshom gyi shes pa thams cad tshad mar 'gyur ro/ /tshad ma ma yin pas ni dngos po 'dzin pa ma yin no/ /'o na ji ltar khyer nas 'ong ba la sogs pa la mi 'khrul ba yod pa ni ma yin te/ 'ga' yang ma byas pa'i phyir ro/ /bskul bas ni gdon mi za bar byed pa ma yin no/ /gzhan yang bya la sgra ni byed pa po 'am/ 'on te shes byed yin par 'dod/ /byed po yin na mi slu ba/ /med phyir tshad ma nyid ma yin/ /byed pa po mi slu ba yin no zhes bya ba'i tha snyad ni med do/ /thob pa ni byas pa na tshad ma gzhan gyi yin no/ /shes par byed pa nyid ni 'byung bar 'gyur ba'i bya ba ni rang gi ngo bo yod pa ma yin pas ni mi srid do/ /med pa'i bya ba ni rang gi ngo bos 'dzin pa ma yin la/ rang gi ngo bor yod na ni 'byung bar 'gyur ba nyid ma yin no/ /spyi'i 'dzin pa'i phyir zhe na/ de lta ni spyi de bya ba med kyang yod pa'i phyir spyi rtogs pa na bya ba 'jug par mi 'gyur ro/ /de'i phyir ro/ /de'i phyir sgra ni dbang po'i don gyi shes par byed pa ma yin no/ /des na dbang po'i spyod yul ni bstan du med pa kho na'o/ /'o na chos can gyi chos du ma nyid du rtogs she na/ chos can thams cad las ldog pa/ /gang dang gang las log de las/ /tha dad brtags pa'i tha dad can/ /de ni du ma'i ngo bo nyid/ /chos la sogs pa'i tha snyad ni ldog pa'i khyad par btags pa yin no/ /'di ltar dang po nyid du gser gyi bum pa snang ba na kha dog dang dbyibs la sogs pa las tha dad par snang ba 'am/ de dag las tha dad par snang ngam cig / 'on kyang kha dog la sogs pa'i bdag nyid gcig nyid dngos su snang ba'i spyod yul yin no/ /de la da lta ni rnam pa du ma can gyi don tha dad pa gzhan dang/ gzhan las ldog pa la brten nas/ tha snyad kyi lam la gnas pa 'khor ba'i rgya mtsho lhung ba dag dmigs kyis bsal te/ brtags pas tha dad par 'jog par byed do/ /gal te kha dog dang dbyibs kyi khyad par dag tha mi dad pa yin na bum pa sngon po tha dad pa nyid du ci ltar 'gyur/ gal te kha dog dang dbyibs la sogs pa tha mi dad pa nyid yin na de'i tshe bum pa sngon po ma yin pa la sngon po ldog par mi 'gyur te/ de'i dbyibs kyi bdag nyid can sngon po ma yin pa la sngon por gyur dgos te dbyibs ni kha dog sngon po las tha mi dad pa'i phyir ro/ /dbyibs la sogs pa sngon po ma yin pa yang yod pa yin te/ de'i phyir de dag tha dad do zhes 'jig rten na rtog pa tha dad par snang ba yin no/ /de ltar na ni tha dad pa don dam par 'gyur ro zhe na/ rtog pa tsam gyis nye bar bkod pa ni don dam par rig pa ma yin no/ /gal te dkar po nyid la sogs pa de nyid dbyibs kyi bdag nyid ma yin par snang ba yin na ni don dam par tha dad par 'gyur ro/ /don gcig la 'du ba ni tha dad pa ma yin par snang ba'i rgyu yin pa'i phyir tha dad kyang tha mi dad par snang ngo zhe na/ gzugs dang ro? dag don gcig la 'du ba yin par yang tha dad par snang ba yod pa ma yin nam/ de la ni dbang po tha dad pas gzung bar bya ba yin no zhe na/ gal te 'du bas tha dad pa med par snang bar byed nus pa yin na dbang po tha dad pas bzung ba nyid 'thad par dka' o/ /yul gcig pa'i phyir tha dad pa med par snang ngo zhes bya ba ni gzugs dang ro la sogs pas ma nges so/ /de bzhin du ba lang nyid la sogs pa las khra bo la sogs pa dang khra bo nyid la sogs pa las ser skya nyid khu yu la sogs pa tha dad pa ni rtogs pas tha dad par rnam par bzhag pa yin no zhes bya bar gnas so/ /de la kha cig tu ni chos can gzugs la sogs pa las tha dad par rtog ste/ dper na bum pa bzhin no/ /gal te bum pa yan lag can cig med na ni rim gyis gzugs dang/ ro bzung ba na bum par rtogs par mi 'gyur ro zhes so/ /kha cig tu ni chos tha dad par rtogs te/ gal te tha mi dad pa 'am tha dad pa dang tha mi dad pa'i ba lang nyid med na ni/ khra bo la sogs pa de dang tha mi dad pa rnams la tha dad par mi 'gyur ro/ /de bzhin du gzhan la yang sbyar ro/ /de'i phyir ldog pa'i khyad par la brten nas/ tha dad par brtags pa yin no/ /rjes su dpag pa dang ldan pa'i tha dad pa yang tha dad pa nyid ma yin nam zhe na/ gal te rjes su dpag pa de mngon sum sngon du 'gro ba can yin na ni bden te/ dper na mngon sum la snang ba'i ma rjes su dpag par rtogs pa na de lta bu nyid du 'gyur ba bzhin no/ /chos dang chos can tha dad pa ni nam yang de ltar ma yin no/ /gal te snang na rjes su dpag pas ci bya zhe na/ 'di ni me la yang mtshungs so/ /dus gzhan la sogs par rjes su dpog go zhe na/ 'dir yang de ltar 'gyur ro/ /'on te 'dir rtag tu rjes su dpag par bya ba nyid do zhe na/ de yang ma yin te/ rtag tu rjes su dpag bya la/ /dpe de nyid du gang gis grub/ /rjes dpag gzhan gyis grub na ni/ /de ni long ba brgyud pa yin/ /'on te bum pa la sogs pa snam bu la sogs pa las tha dad pa ni dpe yin no/ /'di ltar gang dang rjes su 'gro ba dang ldog pa de dag ni tha dad pa yin te/ dper na snam bu dang shing rta bzhin no/ /kha dog dang dbyibs dag kyang de bzhin no zhe na/ ma yin te/ rjes su 'gro ba ni der yang mngon sum gyis 'dzin pa'i phyir ro/ /der ni rjes su 'gro ba dang/ ldog pa dag las tha dad pa yang ma yin no/ /'o na ji ltar zhe na/ cig car tha dad par snang ba nyid kyis so/ /'on te rjes su 'gro ba dang ldog par med par ni sna tshogs snang ba nyid du 'gyur gyi/ tha dad par ni ma yin no zhe na/ de lta na ni 'o na gang las kyang tha dad pa med pa'i phyir gnyis med par thal bas tha dad pa'i grub par byed pa mi 'thad pa shin tu gsal lo/ /yang na/ ma 'dres pas ni snang bas na/ /bum pa la sogs tha dad gnas pa yin/ /dbyibs sogs la ni de med nyid/ /snam bu sogs dang mtshungs ma yin/ /ba lang nyid la sogs pa'i rjes su 'gro ba ni mngon sum gyis rtogs pa ma yin pa'i phyir/ de tha dad pa ni ma yin no/ /rjes su 'gro ba med pa'i phyir ro/ /gcig tu rtogs pa dang ldan pas ni de dag nyid rjes su 'gro bar tha snyad byas pa yin no/ /de ltar na ni 'o na gcig tu rtogs pa'i yul tha dad pa dag las gzhan pa'i spyi yin no zhe na ma yin te/ gcig tu rtogs pa'i yul tha dad par snang ba med pa'i phyir ro/ /tha dad pa dag la gcig tu rtogs pa nyid du ci ltar 'gyur zhe na/ 'dir smras pa/ mthong ba mi 'thad pa nyid yin/ /ma mthong ba ni 'thad pa min/ /mthong dang ma mthong ba dag gis/ /yod dang med pa rnam par gnas/ /gcig tu 'dzin pa ni mthong ba'i phyir na 'thad pa nyid do/ /de bzhin du ma mthong ba tha dad pa med pa yang 'thad par 'gyur dgos so/ /zhes bya ba 'di ni gnas pa ma yin no/ /de ni tha dad pa dag la gcig tu 'dzin pa ma yin te/ rang gi ngo bo tsam du gnas pa'i phyir ro/ /gcig tu 'dzin pa'i 'di ni gang du yang gcig la mthong ba med do/ /dmigs pa la 'gyur ba yin na de yang rim pa dang ldan pa yin no/ /skad cig re re ni 'dzin par nus pa ma yin te/ so so so sor rig pa med pa'i phyir ro/ /de'i phyir thams cad gcig tu 'dzin pa ni dngos po du ma nyid ma yin no/ /des na chos dang chos can mdza' dag ni rtog pas byas pa nyid do/ /de nyid mngon sum gyis bzung ba yin no zhe na/ de ni med de/ gang gi phyir brtags pa'i rang bzhin tha dad pa/ /sna tshogs snang ba de dag ni/ /rtog pa med sems sna tshogs min/ /res 'ga' ba yi spyod yul min/ /mngon sum ni sngon du byed pa'i rnam pas 'jug pa yin te/ btags pa'i yul gyi rnam pa ni de'i yin par rigs pa ma yin no/ /mngon sum gyi snang ba nyid ni don gyi dngos po la bltos pas de dga' ba yin la/ rnam par rtog pa'i rang bzhin gyi snang ba ni res 'ga' ba ma yin pa yin no/ /mngon sum gyi rnam pa ni gcig yin la/ rnam par rtog pa'i rnam pa ni du ma yin no/ /des na rnam par rtog pa dang mngon sum dag ni rnam pa tha dad pa dang/ rgyu tha dad pas kyang tha dad pa yin no zhes bya ba ni don dam pa'o/ /dkar po la sogs pa'i chos kyi khyad par dag rnam par mi rtog pa nyid na yang yod pa ma yin nam/ de dag ni dbang po'i spyod yul du 'gyur pa yin no zhe na/ 'di yang rtsod pa ma yin te/ 'di ltar/ gal te dkar sogs yod gyur kyang/ /dbang po'i spyod yul ci 'dra ba/ /de ni sgra yis spyod min te/ /shes pa'i rang bzhin tha dad phyir/ /dkar po ni dbang po las chos sam chos can nyid du 'ga' yang 'dzin pa med la/ dbyibs la tha dad par yang ma yin no/ /sgras ni chos can la sogs pa dang/ mi gsal ba la sogs pa tha dad du 'dzin pa'i phyir dbang po'i blos ni bstan du med pa'i rang bzhin nyid rtogs pa yin no/ /des na shes pa'i rnam pa tha dad pa'i phyir sgra'i blo ni dbang po'i bzung ba la 'jug pa ma yin no/ /de'i phyir don gcig nyid yin na rang bzhin tha dad par 'thad pa ma yin no/ /'on te rten tha dad pas rnam pa tha dad par 'gyur te/ 'di ltar mig ser gyi stobs kyis mig gi nus pa dang bral ba dag rten gyi bye brag gi dkar po la yang ser por mthong la/ rab rib can dag bsal ba las gzhan du mthong ba de bzhin du 'dir yang yin pa'i phyir ro/ /don gcig yin yang rnam pa tha dad pas khas len pa la nyes pa med do zhe na/ de ni med de/ blo rnams don gcig nyid yin yang/ /rten sna tshogs pas der 'gyur na/ /da ni rna ba la sogs sems/ /tha dad don can de gang las/ /gal te rten tha dad pas rnam pa tha dad par 'gyur srid na/ 'o na ni tha dad pa'i rnam par gnas par 'jig par 'gyur te/ rnam pa tha dad pa ni don gcig na srid pa'i phyir ro/ /sgra la sogs pa yang rna ba la sogs pa rten tha dad pa nyid kyis rnam pa tha dad pa yin par 'gyur ro/ /ser po la sogs par snang ba yang 'khrul ba nyid bas sga la sogs pa rnams kyis kyang de thob par 'gyur ro/ /nus pa'i khyad par yang 'di nyid kyis gsal ba yin no/ /gang gis tha dad par ram gzhan du don rnam pa gzhan du rtog par 'gyur ba 'di 'dra ba de ni sgra nyid kyis nus pa yin/ rnam pa gzhan du rtogs pa na 'khrul par ni dpyad par mi bya ste/ de la sgras rnam pa gzhan du rtogs kyang don bya ba byed pa snang ba yin pas na 'di 'khrul par ci ltar rigs/ /'di ltar kha chus la sogs pa'i sgras don de nyid bstan pa ni don bya ba de nyid byed do/ /zhes gang brjod pa/ don bya ba 'di ni don dang 'brel pa ma yin te/ 'on kyang goms pa dang 'brel pa yin te/ dper na dug zhi ba la sogs pa nam mkha' lding bsgoms pa dang 'brel pa bzhin no/ /de'i phyir don gcig nyid dang rten tha dad kyang rnam pa tha dad pa ma yin no/ /gzhan yang/ sems kyi rten ni gzhan dang gzhan/ /skyes su chug kyang gcig nyid kyi/ /dngos de rang bzhin sna tshogs su/ /snang ba de ni ga las yin/ /rten tha dad pa ni shes pa tha dad par skyes par byed kyi/ don ni ma yin no/ /don sngon po la sogs pa gcig nyid yin pas de ni shes pa de la rang bzhin gcig nyid du snang bar 'gyur ro/ /med pa ni snang ba ma yin no/ /snang ngo zhe na/ 'o na ni de snang ba ma yin no/ /gzhan snang ba na gzhan snang ngo zhes bya ba ni 'brel pa ma yin no/ /ci ste de'i rgyu yin pa'i phyir/ de snang ba yin no/ /zhe na de lta na ni rgyu nyid kyis yul yin pa'i phyir mig la sogs pa yul nyid du thal bar 'gyur ro/ /'gyur mod nyes pa ci yod zhe na/ gcig nyid 'gal bar 'gyur te mig kyang yul yin pa'i phyir ro/ /yul nyid yin na ni/ blo rnams don gcig nyid yang/ zhes bya ba'i dkyus ma nyid nyams par 'gyur ro/ /yul nyid yin na ni rten gyi dngos po nyid ma yin no/ /des na dag gi don 'dir 'gyur te/ blo rnams don gcig nyid yin kyang/ /rten sna tshogs pas der 'gyur na/ zhes phan tshun 'gal bar 'gyur ro/ /de'i phyir rang gi ngo bo snang ba nyid yul yin te/ rnam pa gzhan na med do/ /'on te sgra rten pa yin pa'i phyir ro zhes bya ba lan yin te/ rtogs pa'i sgra las rang gi ngo bos don rtogs so/ /'di ni don rtogs pa'i yul yang ma yin te/ rtogs zin pa'i phyir ro zhe na/ de lta na ni don kyang yul du mi 'gyur te/ rang gi ngo bos ma rtogs pa'i phyir ro/ /'on te de las kyang thob pa'i phyir yul yin no zhe na/ de ni mi rigs te/ de de las thob po zhes bya ba 'grel pa ci zhig yod/ de ni rang gi ngo bos thob par bya ba yin pa'i phyir/ ci ltar gzhan las thob par brjod/ /de las 'jug pa'i phyir ro zhe na ma rtogs pa la 'jug pa nyid ci ltar zhes bsam par bya ba yin no/ /rnam pa de las de thob par mthong ngo zhe na/ rnam pa de nyid las rtogs pa des na der 'jug pa'i phyir rjes su dpag pa dang ldan pa'i thob par 'gyur gyi sgra dang ldan pa ni ma yin no zhes bya bar 'gyur ro/ /des na de ni rjes su dpag pa nyid kyi yul yin gyi sgra'i ni ma yin no zhes bya ba thob par 'gyur ro/ /des na dbang po'i blo yul ni bstan du med pa'i rang bzhin nyid do/ /'o na rjes su dpag pa'i yul du 'gyur ro zhe na/ ma yin te/ rjes su dpag pa yang de'i rang bzhin mi snang ba'i phyir ro/ /'o na mi snang ba la ji ltar 'jug ce na/ thams cad du mi snang ba nyid la 'jug pa yin no zhes bstan zin to/ /des ngas rtogs pa yin no zhes 'jug pa ni yin nam zhe na/ bden na de lta na yang 'di'i don dam pa ni ma yin no/ /ma rtogs kyang rtogs par rloms nas thams cad 'jug pa yin no zhes bya ba 'di nyid don dam pa yin no/ /gang du mngon par rlom pa de nyid yul yin no zhe na/ dbang po'i shes pa'i don sgra'i yul don dam pa nyid zlog par byed kyang kun rdzob ni ma yin pa'i phyir skyon med do/ /gal te gzhan gyi de nyid khas len na ni nged kyi 'dod pa grub po/ /gal te rang gi ngo bos de nyid rtogs na ni don dam pa'i yul nyid du rtogs par 'gyur ro/ /de'i phyir brten sna tshogs pa nyid yin yang rang gi ngo bos ma rtogs pa ni yul ma yin no/ /de'i rang bzhin 'ga' zhig de la rjes su zhugs pa'i phyir yul nyid do zhe na/ gal te don dam par de'i rang bzhin sgra'i shes pa'i rjes su zhugs na 'o na ni gsal ba'i rang bzhin du 'dzin pa gzhan gyis kyang rtags par 'gyur ro/ /rjes su zhugs pa'i ni rnam pa gzhan du rtogs par nus pa ma yin no/ /rnam pa tha dad kyang ngo shes pa las gcig nyid du mi 'gal lo zhe na de yang mi bden te/ 'di ltar/ mthong ba rtogs pa med par ni/ /brjod dang rnam rtog 'jug pa'i phyir/ /mthong las ba lang la sogs pa'i/ /ngo shes pa ni bzlog pa yin/ /brjod pa dang rtogs pa dag gis mthong ba'i dngos po la ma reg go zhes da lta nyid bsgrubs pa yin no/ /bzung ba ngo shes pa yin na/ sgra dang rtog pa dag gis ni 'dzin pa ma yin te/ des na ngo shes par ga la 'gyur/ 'o na ci ltar gang zhig bdag gis 'di las rtogs pa de ni 'di yin no zhes rtogs so zhe na/ ma rtogs kyang rtogs pa mngon par rlom par 'gyur ba ma yin nam/ 'o na ci ltar mi gnod ce na/ brtags na gnod pa nyid do/ /rtogs pa tha dad pa ni gnod par byed pa yin la/ de yang sgra dang rtogs pa dag la yod pa nyid de/ dran par bya ba'i yul can yin pa'i phyir ro/ /dran pa de ni sngar bzung ba yin zhing mthong ba ni da ltar bo la yin no/ /gal te sgra dang rtog pa dag gis mngon par rtogs pa yin na mthong bas ci bya zhes bstan zin to/ /de'i phyir ngo shes pa yang mngon pa'i nga rgyal tsam du zad kyi don dam par rtogs pa ni ma yin no/ /mthong ba las ni sngon gyi rjes su 'brangs nas gcig nyid kyi tha snyad sgrub par byed pa'i rnam par rtog pa nyid 'ba' zhig yin gyi/ don dam pa 'dzin pa ni ma yin no/ /ba lang la sogs mthong ba la/ /rigs sogs brjod dang rnam rtog dag/ rjes su 'gro las rjes dpog dag/ de yang 'di yis sun phyung ngo/ /rjod pa dang rtog pa dag gis ni dngos po la reg pa ma yin no/ /rjes su 'gro ba ni don dam par 'ga' la yang 'dzin pa ma yin te/ 'di ni mngon pa'i nga rgyal tsam mo zhes bstan pa'i phyir ro/ /mthong ba'i ci ltar ba bzhin dran pa'i phyir te/ mthong ba la ma reg na yang mthong ba dang 'brel pa'i rjes su 'gro ba'i rang bzhin mi 'dzin to/ /des na mthong ba la spyi yod do zhes rtogs pa ni ma yin no// 'o na ba lang de nyid yin no zhes cig tu rtogs she na/ 'di la bshad pa ni/ mthong ba tha dad nyid yin yang/ /ngo shes pa shes bya ba yin/ /rnam rtog cig ni rang bzhin gyis/ /byed pa yin zhes brjod zin to/ /phan tshun tha dad pa'i don gzhan dang gzhan 'dzin pa la brten pa'i mthong ba skyes pa ni tha dad pa dang/ tha mi dad pa'i rnam pa gcig 'dzin par nus pa'i lam ni gnas pa ni ma yin no/ /'on kyang rnam pa gzhan mi srid pa'i phyir na rang nyid goms pa dang/ rjes su 'thun pa'i 'du byed kyi sa bon sad pas nus pa gsal bar rtas pa zhugs pa ni ngo shes pa'i rtog pa skyed par byed la/ rigs la sogs pa'i rtog pa don med pa'i lam du zhugs pa ni de'i dbang gis? yin no/ /de'i phyir mngon sum ni bstan du med pa'i yul can yin no zhes gnas so/ / //yid kyang don dang chags la sogs/ /rang rig rnam par mi rtog pa'o/ /don dang 'dod chags la sogs pa'i/ /rang gi ngo bo rig pa'i yid kyang rnam par rtog pa med pa'i phyir mngon sum yin te/ nyams su myong ba'i rnam par 'jug pa'i phyir ro/ /mig la sogs pa'i rnam par shes pa nyid nyams su myong ba'i rnam par 'jug pa'i phyir ro/ /mig la sogs pa'i rnam par shes pa nyid nyams su myong ba'i rnam pas 'jug par dmigs pa yin la/ mig la sogs pa ma skyed pa yang dbang po'i shes pa nyid ma yin nam/ 'on te de las skyes pa yid yin na/ de'i tshe 'di sngar myong ba 'dzin par 'gyur ro/ /de'i phyir/ sngar myong ba ni 'dzin pa na/ /yid ni tshad ma nyid ma yin/ /sngar myong ba na dran par bya ba'i rang bzhin ma yin pa ni rtogs par nus pa ma yin no/ /dran par bya pa ma yin par mngon sum byed pa ni sngar nyams su myong ngo zhes bya bar ci ltar 'gyur/ dngos po la sngar myong ba yin no zhe na/ ci ltar rtogs par bya ste/ ngo shes pa ni bsal ba yin no/ /'on te ma mthong ba 'dzin na de lta na ni ma mthong ba 'dzin na long ba la sogs pa yis kyang don mthong 'gyur/ long ba la yang yid yod ba des na de dang gzhan gyis don thams cad 'dzin par thal lo/ /de'i phyir 'on pa dang long ba la sogs pa med par 'gyur ro/ /skad cig nyid phyir 'das pa yi/ /don mthong yod pa ma yin zhing/ /skad cig min na mtshan nyid kyi/ /khyad par bas pa brjod byar 'gyur/ /dngo po thams cad ni skad cig gis 'jig pa yin te/ des na gang gis bzung ba nyid 'dzin par byed pa ci ltar 'das pa 'dzin pa yin/ ci ste skad cig ma yin pa nyid du khas len na de'i tshe sngar mthong ba bzung ba'i phyir dran pa bzhin du bzung zin pa/ 'dzin pa ni tshad ma ma yin no/ /yid ni bzung zin pa nyid yin yang tshad ma yin na ni/ mtshan nyid khyad par bcas pa brjod par bya ba yin no/ /gzhan yang bya ba sgrubs can las ni/ khyad par cung zad mi byed pa/ /dbang po can rnams gzhan dag ni/ /sgrub par byed par ci ltar 'dod/ /gang zhig dbang po'i shes pas rang bzhin yongs su bcad pa de la gzhan gyis bya ba ci yod/ rang bzhin de nyid yongs su gcod do zhe na/ yongs su bcad pa la yongs su gcod pa'i don ci yin/ rang gi ngo bo snang ba nyid de gzhan la yang skyon ci yod ce na/ de lta na rtag pa la yongs su bcad pa nyid rtag tu yod pa ma yin nam/ de la gzhan gyis bya ba ci zhig byed par 'gyur/ da ltar gzhan gyis bcad do zhe na ma yin te/ rtag pa'i phyir da ltar yang de nyid yin pas gzhan la nus pa yod pa ma yin no// de'i yongs su gcod par byed pa med pa'i phyir ro/ /zhes bya ba ni ma 'dres pa ste/ yongs su gcod par byed pa med na rtag pa nyid du mi? 'dzin pa'i phyir ro/ /gzhan gyis 'dzin par 'gyur ro zhe na/ ma yin te/ yid ches pa med pa'i phyir ro/ /ci ltar gzhan rang gi dus nyid rtogs par byed pas/ rtag pa nyid rtogs/ de'i phyir yongs su gcod par byed pa nyid kyis gnas par bya ba'i phyir 'dzin par byed pa gzhan don med do/ /de'i rang bzhin du rtogs pa'i phyir ro// dngos po de las skyes pa'i blo'ang/ /thams cad cig car 'byung bar 'gyur/ /gzhan gyis khyad par bya min na/ /de las ltos pa 'gal phyir ro/ /de'i rnam pa 'dzin pa rtag pa la 'jug pa'i shes pa thams cad dus gcig tu 'gyur ro// dus tha dad pa na ni rtag pa gcig nyid kyi yul can du 'gal te/ rnam pa tha dad pa'i phyir ro/ /'on te dus phyis rgyu gzhan las skye ba de'i tshe yang de'i dus 'dzin par 'gyur dgos so/ /de lta ma yin na 'dzin par mi rung pa'i phyir ro/ /rmi lam bden pa mthong ba ste/ rmi lam bden pa mthong ba ni de'i dus su rtogs pa nyid 'dzin par mthong ngo/ /dbang po'i shes pa las yid nyams su myong ba'i rnam pa ni gzhan du ni dmigs pa med do/ /ma dmigs pa la ni dmigs so zhes 'thad pa ma yin te/ tshad ma med pa'i phyir ro/ /gzhan dag ni gal te yid kyis ma dmigs na yid kyis dran par yang mi 'gyur/ 'dir de las gzhan gang gis kyang/ /rang gi rig dran nam yang med/ /gal te tha dad pa'i phyir dbang po'i shes pas bzung ba yid kyis dran pa ma yin na ni rnam par rtog ba dang bcas pas kyang bzung ba dran par mi 'gyur te/ de dag kyang tha dad pa'i phyir ro/ /yid yin pa'i phyir ro zhe na/ shes pa yin pa'i phyir zhes bya bar yang 'gyur ro/ /de'i phyir dbang po'i rnam par shes/ /de ma thag rkyen las byung can/ /yid ni yul gzhan nyid 'dzin byed/ /de phyir long bas mthong ba min/ /rang gi yul gyi de ma thag pa'i yul lhan cig byed pa can dbang po'i shes pas skyed pa'i yid kyang mngon sum mo/ /gal te dbang po'i rnam par shes pa dang dus mnyam par 'byung ba yin na ni/ de dbang po'i shes pa nyid kyis bzung ba'i phyir na yid don med do/ /dbang po'i shes pa rgyun 'chad na gzhan dmigs pa med pa'i phyir/ 'di gang gis mtshan nyid yin zhe na/ 'dir smras pa/ goms las mdun na gnas pa la/ /'di'o zhes sogs shes pa gang/ /mngon du byed phyir de la ni/ /yid kyis mngon sum yin par 'dod/ /'di zhes mdun na gnas pa la/ /mngon du byed pa'i rnam pas 'jug na ni yid kyis mngon sum mo/ /'on te mig gi byed pa nyid la skye ba ni mig gi shes pa nyid do zhe na ma yin te/ mig gi shes pa ni gzugs snang ba tsam la nye bar mkho ba yin la sngar goms pa ni nges pa la yin no/ /'di la mig gi byed pa med pas yid sngar goms pa'i mtshan nyid las skyes pa yin pa'i phyir/ 'di ni yid kyi mngon sum yin no/ /ci ste rnam pa de ni mig la sogs pa'i rnam par shes pa nyid kyis bzung ba'i phyir yid don med do snyam na mos pa lhag pa srid pa'i phyir ro/ /'di zhes bya bas 'jug par 'gyur ba yin te/ des na 'jug par byed pa yin pa'i phyir tshad ma nyid do/ /'o na dbang po'i rnam par shes pa 'jug par byed par mi 'gyur ro zhe na ma yin te/ shin tu goms pa las gzhan rnam par rtogs pa na yang 'jug pa'i phyir ro/ /des na 'di lta bu'i yid ni /sngar bzung ba rtogs pa ma yin te/ 'on kyang de'i dus gyis byung ba yin no/ /bzung ba la 'dzin pa yang ma yin no/ /bzung ba la 'dzin pa ma yin te/ nye bar gnas pa la sngar gyi 'dzin pa mi 'jug pa'i phyir ro/ /'o na dus gcig tu rnam pa gnyis thob par 'gyur ro zhe ma 'di rnam pa gnyis nyid ma yin nam/ 'o na gcig tu zhen par ci lung 'gyur zhe na/ rab rib can gnyis kyis zla ba gnyis mthong ba'i tshul du skyon med do/ /'o na goms pa las skyes pa mdun na gnas pa'i rnam par 'dzin pa'i bde ba la sogs pa yang yid kyi mngon sum gyi rang bzhin du 'gyur ro/ /des na dbang po las byung ba'i bde ba zhes bya ba de nyams par 'gyur ro zhe na/ bden te/ de ni nyams pa nyid do/ /'di ma nyams pas ni cung zad kyang byar med do/ /dbang po las byung ba'i bde ba dang bde ba ma yin pa skye ba'i phyir ro/ /zhes bya ba de 'gal lo zhe na/ 'dir yang rtsa ba'i slob dpon gyi/ /tshig dang 'gal bar 'gyur te/ chags pa dang sdang ba dang/ gti mug dang bde ba dang sdug bsngal la sogs pa rang rig pa ni dbang po la mi bltos pa'i phyir/ yid kyi mngon sum yin no zhes so/ /'o na ni chos kyis grags pa'i dbang po las byung ba nyid kyi bde ba dang bde ba ma yin pa zhes bya ba ni grags pa ma yin par 'gyur ro zhe na/ bde ba la sogs pa'i smras ni bde ba'i rgyu ro la sogs pa brjed pa yin te/ rnam par mi rtog kyang dbang po'i shes pa tsha ba dang zhim pa la sogs par snang ngo zhes bya ba'i tha tshig go / yang na rtog pa med par chos mthun pa'i phyir yid nyid la de skad brjod pa'i phyir mi 'ga' o/ /gal te yid rnam pa gzhan du 'dzin cing dbang po'i shes pa yang gzhan du 'dzin na/ 'o na rnam pa du mar 'gyur ro zhe na ma yin te/ dbang po'i shes pa la yang thal ba de nyid du 'gyur ro/ /dbang po'i shes pa yang goms pa ci lta ba bzhin du rnam pa du mar 'jug pa mi zlo po/ /de lta na 'o na'ang zhes bya ba'i shes pa yang goms pa las dbang pos bskyed pa nyid yin gyi yid nyid ni ma yin no zhe na/ byed pa gzhan yang rtogs pa'i phyir ro/ /'di ni zhes bya ba 'di ni yid kyis byed pa yin te/ de bzhin nyid du rtogs pa'i phyir ro/ /'o na yid kyi shes pa 'di zhes bya bar lkog tu gyur pa la yang ci ltar mi 'jug ce na/ 'di ni bzang po ma yin te/ lkog tu gyur ba la 'jug pa ni/ mngon tu byed pas 'jug min pa/ /de phyir de ni mngon sum nyid/ /yin zhes ji ltar nges pa yin/ /mngon sum gyi don ni mngon du byed pa nyid do/ /yid de nyid 'ga' zhig la ni mngon du byed pa'i rnam pa yin la 'ga' zhig la ma yin no/ /bya ba ga las zhe na/ 'o na dbang po'i shes pa yang 'ga' zhig la 'khrul pa yin la/ 'ga' zhig la ma yin zhes bya ba ga las/ rab rib kyi tshogs pa gzhan yod pa'i phyir ro zhe na/ 'di la yang tshogs pa gzhan yod pa nyid do/ /'di ltar rang don rjes 'gro'i don ltos can/ /dbang skyes blo ni rgyu yin no/ /de phyir 'di gzhan 'dzin na yang/ /nges pa 'dzin par 'dod pa yin/ /dbang po'i rnam par shes pa'i rang gi don skad cig dang po'am/ rgyun de'i rjes su 'gro ba'i don gyi skad cig gang yin pa de la bltos pa'i dbang po'i shes pa ni yid skyed par byed pa yin no/ /gang zhig tshogs pa 'dis ma skyed pa de ni mngon sum ma yin no/ /de nyid kyi phyir na yul nges pa nyid kyis yul gzhan rtogs pa ma yin te/ gang gi phyir yul gzhan gyis bskyed pa ni ma yin no/ /de nyid kyis bskyed pa yin gyi gzhan gyis ni ma yin no/ /zhes bya ba 'di ga las she na/ mig gi rnam par shes pa yang ci'i phyir sgras bskyed pa ma yin zhes 'di ni dbang po'i shes pa la yang mtshungs so/ /rgyu dang 'bras bu'i dngos po nges pa'i phyir ro zhe na/ 'di la yang tshangs bas dmod pa ma dor ba'i phyir gzhan du yang mtshungs so/ /skad cig gnyis pa yang dbang po'i shes pa nyid kyis 'dzin pa yin te/ de ltar yang mthong ba yin no zhe na/ ma yin te/ de la yid kyi rnam pa yang yod pa'i phyir ro/ /de ni rnam par rtog pa dang bcas pa yang ma yin te/ mdun na gnas pa'i rnam pa'ang gsal ba tsam yin pa'i phyir ro/ /gal te yid kyi shes pa'i mngon sum dbang po'i shes pa dang dus mnyam du 'byung ba yin na/ 'o na ci ltar dbang po'i shes pa 'di mtshungs pa de ma thag pa'i rkyen yin/ rang gi shes pa'i dus can yid kyi rnam par shes pa'i don ni sngar gyi shes pa'i lhan cig byed pa ma yin te/ dus tha dad pa dag lhan cig byed par mi rung ba'i phyir ro zhe na/ 'di la bshad pa/ de dang byed des mtshungs med can/ /rang shes dus can don dag ni/ /ci ltar dbang po'i shes pa yi/ /lhan cig byed pa yin zhes na mi rigs te/ 'di ltar med pa sngar nus med phyir dang/ /phyis kyang nye bar mi sbyor phyir/ /rgyu rnams thams cad sngar yod yin/ /de phyir rang blo bcas don min/ /yid kyi rnam par shes pa'i don ni dbang po'i rnam par shes pa dang dus mi mtshungs pa ma yin te/ de yang yid kyis rnam par shes pa las dus snga ma yin pa'i phyir ro/ /yul ni rgyu yin la/ rgyu yang 'bras bu dang dus gcig pa nyid ma yin no/ /'bras bu dang dus gcig na ni sngar med pa yin la/ med pa yang sngar nus pa med do/ /phyis 'bras bu'i dus na 'bras bu nyid yod pa'i phyir nus pa don med do/ /de ltar na gal te 'bras bu'i dus su yin na de'i tshe 'bras bu yod pa nyid do/ /de'i phyir rgyu thams cad ni sngar yod pa yin no/ /des na rgyu'i don ni 'bras bu ru 'gyur ba dang 'dzin pa'i rnam par shes pa dang dus mnyam du 'byung ba ma yin no/ /dus tha dad pa ji ltar 'dzin ce na/ rig pa shes pa yis/ /shes pa'i rnam pa 'jog nus pa'i/ /rgyu nyid la ni bzung bar shes/ /rang gi ngo bos snang ba nyid bzung ba yin gyi de'i rnam pa'i shes pa skyed pa ni ma yin ma yin ma/ snang ba yang shes pa dang dus mnyam pa'i phyir ji ltar rgyu nyid bzung ba yin zhe na/ snang ba zhes bya ba ni ci zhig /ci don gyi ngo bo 'am/ 'on te gzhan nyid/ gal te don gyi ngo bo yin na ni sngon po la sogs pa ltar nam yang ngo bo de las nyams par mi 'gyur ba'i phyir thams cad kyi tshe snang par thal lo/ /shes pa med pa'i phyir snang ba ma yin no zhe na/ shes pas kyang de nyid bya ba ma yin ma/ de ni sngar yang yod pa'i phyir ji ltar sngar yang snang bar mi 'gyur/ shes pa don med do zhe na/ de bzhin du 'di ni skyon gzhan yin te/ de'i ngo bo nyid ni sngar mi snang ba ma yin no/ /de nyid yod pa de nyid med do zhes bya ba ni 'gal lo/ /'on te shes pa yod na/ mthong bzhin gzhan du ni ma yin no zhe na/ ci da ni shes pa snang ba la byed pa po yin rnam byed pa po nyid kyang ma yin te/ dus mnyam pa'i phyir te/ med pa sngar nus med phyir dang/ zhes bya ba la sogs pa bstan zin pa'i phyir ro/ /dus mnyam pa nyid du mthong yang shes pa med par ma yin pa'i phyir 'di la ci zhig bya zhe na/ de lta na kho na ni de nyid kyi tshe mig las skyes pa yin te/ des na don gyi ngo bo ma yin no/ /don sngar yod na da lta skye ba'i phyir ro/ /gang yod na ni gang skye zhing/ /gnas pa nyid na 'jig 'gyur ba/ /de las de bzhin nyid 'gyur te/ /tha dad mtshan nyid yod phyir ro/ /gang phyir bzhin gyi gzugs brnyan ni/ /bzhin yod na ni phyis 'byung ba'i/ /phyir na bzhin las tha dad pa/ /de bzhin kho bo'i snang ba'ang 'gyur// gal te yul tha dad pa'i phyir/ /gzugs brnyan tha dad nyid 'gyur te/ gdod dang gzugs brnyen tha dad de/ /tshad mas rtogs pa nyid kyang yin/ /don las snang ba tha dad pa'i/ /sgrub par byed pa mthong ba med/ /des na snang dang sngo sogs dag/ don gcig par ni grub ce na/ /de lta na ni 'o na/ ji ltar mig la sogs pa las/ /snang ba da ltar 'byung 'gyur ba/ /de bzhin sdo sogs kyang 'gyur te/ /grub dang bde ba mtshungs phyir ro/ /ji ltar mig la sogs pa yi/ /snga rol nyid du don yod pa/ /de bzhin du ni snang bar 'gyur/ de ltar de ni mthong ba med/ /de phyir sngo sogs snang ba las/ /tha dad par ni 'dod pa gang/ /de ni sngo sogs snang ba las/ /sngon yod par ni 'dod pa yid/ /de yi de ma thag skyes pa/ /sngon po la sogs snang ba yis/ /rnam shes de ni 'dzin byed de/ /pha gzugs 'dzin pa ji bzhin no/ /rgyu du ma nyid yod na yang/ /'bras bu rjes byed skye ba gang/ /de ni de yis ngo bo de/ /gzhan dang bzung zhes brjod pa yin/ dper na bu pha'i gzugs 'dzin no zhes brjod pa bzhin no/ / //bde ba la sogs pa rang rig pa'i yid kyang mngon sum mo/ /de lta na rnam par rtog pa rang gi ngo bo la mngon sum du mi 'gyur ba ma yin nam/ de lta yin dang rnam par shes pa skog tu gyur pa'i gzhung du thal lo zhen ma yin te/ sems dang sems las byung ba thams cad kyi rang bzhin rig pa las mngon sum yin pa'i phyir ro/ /bde ba la sogs pa smos pa ni nyams su myong ba gsal ba bstan pa'i phyir ro/ /gal te rnam par rtog pa la rnam par mi rtog pa nyid med pa'i phyir/ ji ltar mngon sum yin te/ rnam par rtog pa'i rang bzhin ni/ rtog pa med pa nyid ma yin no/ /don la rtog pa med pa yin no zhe na de ni ma yin te/ 'di ltar/ gal te don la rtogs na ni/ /ngo bo nyid la rtogs par 'gyur/ /ngo bo nyid la de yi ni/ /rang bzhin gzhan par rig ma yin/ /'dir brjod pa/ bde sogs bdag nyid gzhan mi rten/ /brda byed par ni nus ma yin/ /de phyir de dag rang rig ni/ /brjod dang rjes 'brel can ma yin/ /skye ba thob pa nyid ni bde ba la sogs pa bdag nyid rig pa'i yul gyi dngos po 'dzin pa yin te/ de las ma gtogs pa de rig pa ma yin pa'i phyir ro/ /de'i tshe yang snga ma dang phyi ma'i dngos po mngon par brjod pa'i sgo nas sbyor ba'i skabs ci zhig yod/ phyis sbyor ro zhe na ma yin te/ de med pa'i phyir ro/ /gzhan gyi snga ma'i rang bzhin du rig na ni de'i tshe rigs pa nyid du mi 'gyur ro/ /snga ma la sogs pa'i rang bzhin rnam pa gzhan du rig pa ni bde ba la sogs pa rig par mi 'gyur te/ gzhan gyi bde ba rig pa bzhin no/ /de'i phyir bde ba la sogs pa da ltar ba 'am gsal ba nyid du 'dzin na rnam par rtog pa med par 'dzin pa ma yin no/ /'on te yid kyi bde ba ni rnam par rtog pa dang bcas pa'i 'dzin pas bzung ba yin no zhes 'dod na/ de yang ma yin te/ gang gi phyir gang zhag dran pas reg pa na/ /gal te yid du brjod na ni/ /snga ma'i rang bzhin rtogs pa'i phyir/ /de ni bde bar rig ma yin/ /de'i tshe nyid na skyes pa de/ /mngon du rig pas rtogs pa min/ /gal te brjod dang 'brel ba'i phyir/ zhe na brjod pa nyid yod min/ /bde ba de las tha dad na/ /ji ltar 'brel pa srid par 'gyur/ /dus gcig rig pa tsam gyis ni/ /'brel pa nyid du brjod pa min/ /yid kyang gzugs sogs rnam pa yis/ /rang bdag nyid la gnas ma yin/ /skye ba de che nyid yod phyir/ /ji ltar rnam rtog yul du 'gyur/ /gal te 'di ni don la yang/ /ji ltar rtog par 'thad 'gyur te/ /de yis don bzung med pas na/ /ngo bo nyid la'ang mi rtogs phyir/ /khyed kyis de skad brjod pa de ni bden te/ gal te don ni 'dzin 'gyur na/ /de'ang ri ji ltar rnam rtog 'gyur/ /'on te don min 'dzin na yang/ /de 'dir ji ltar rnam rtog yin/ /'on te don du sgro 'dogs pas/ /de la rtogs par brjod na ni/ /'dzin dang mi 'dzin las grol ba'i/ /don gzhan der yang yod ma yin/ /'dzin dang sgro 'dogs yod pa'i phyir/ /gal te rtog par 'dod ce na/ /'dzin dang sgro 'dogs gcig na ni/ /gnyis yod ces bya bden ma yin/ /de la phyogs gcig la gnas pa'i/ skyon ni snga nyid brjod zin to/ /'on te de dag dbye ba ni/ /yod na gnyis su thal 'gyur te/ /rnam rtog gnas pa'i rig pa dang/ /de nyid che na rtog med pa'o/ /de'i phyir/ 'dzin pa med kyang gang zhig la/ /'dzin pa'i nga rgyal yod de nyid/ /brtags pas ded kyi phyogs 'di la/ /rnam par rtog pa yin par rjod/ /de la 'dzin dang mi 'dzin las/ /gzhan pa'i nga rgyal yang gang zhig / ce na 'dzin pa med par ni/ /'jug la byed pa gang yin pa'o/ /gal te ma bzung la 'jug byed/ /thams cad pa de ji ltar min/ /gal te bzung ba 'jug 'byed nyid/ /ci'i phyir na 'jug par byed/ /'o na nga ni shes par kun/ /rnam par rtog dang bcas 'gyur te/ /gang phyir shes pa thams cad kyi/ /ma bzung ba la 'jug phyir ro/ /'dir smras pa/ mngon du byed pa ma yin par/ gang la rnam rtog gzag dag gi /tha snyad byed pa de nyid 'dir/ /rnam rtog 'jig rten 'dod pa yin/ /gang la mthong bar mngon 'dod pa/ /shes te rtog pa med pa yin/ /mngon du byed par mas phyir yang/ mngon sum zhes ni brjod pa yin/ don dam du ni rnam shes ni/ /thams cad rtog pa med pa nyid/ /thams cad ma bzung yul la ni/ /rtog pa med par 'jug phyir ro/ /gzhan yang/ bag chags stobs la snga ma'i yid/ /myong ba'i khyad par rjes 'brangs te/ /gang la shes pa gang skyes kyang/ /de ni rnam rtog bcas par brjod/ /gang zhig gzhan gyi dbang nyid du/ /byed pas 'jug par 'gyur ba yi/ /shes pa de ni tha snyad du/ /rnam rtog med ces brjod pa yin// bde sogs rnams kyi rang bzhin la/ rang rig pas ni rtog med phyir/ /de la rtog pa med pa ni/ /thams cad pa 'dod nyid yin no/ /de phyir de dag rang nyid ni/ /brjod dang rjes 'brel can ma yin/ /de la las dang byed pa yis/ /mngon par brjod pa 'brel ma yin/ /rgyun du snang ba'i bde ba la sogs pa la gang gi tshe 'di ni bde ba la sogs pa'o zhes mos pa'i rang bzhin gyi shes pa skye ba de'i tshe ci'i phyir rnam par rtog pa dang bcas pa nyid ma yin zhe na/ don bzhin du 'di la yid kyi mngon sum yin zhes brjod zin to/ /'di ltar/ don dang bde sogs rang bzhin la/ /'di zhes bya bas 'jug pa gang/ /rang bzhin dngos su 'dzin pa na/ /de kun 'dod pa yin/ de la yang rtog pa'i go skabs ni ji ltar yang yod pa ma yin te/ des na rtog pa med pa'i phyir de ni mngon sum nyid do// gang gi tshe rang rig pa dang yid kyi mngon sum gnyi ga yang rig pa 'gyur ba de'i tshe/ phan tshun ma reg pa'i phyir ji ltar rnam pa gnyis su ma rtogs shi na/ 'gyur ba nyid do/ rab rib can gnyis kyis zla ba gnyis dmigs pa'i tshul du rnam pa gcig yin par zhe na bas na/ de ltar tha snyad mi byed pa yin no/ /rang gis rig pa nyid yin na ji ltar de yang de ltar tha snyad med par gyur zhe na/ de ltar rjes su dpag pa 'jug pa'i phyir ro/ /de la ni gzugs dang 'bras bu spyir mthong bas de gcig nyid du rjes su dpog go /gnyis pa mthong bas ni ma yin pa'i phyir de gcig nyid du tha snyad byed do/ /'o na 'dir gnyi ga yang mthong ba'i phyir gcig nyid tha snyad du ci ltar 'gyur/ 'di la rjes su dpag pa yang med de/ rang rig pa nyid la yang rjes su dpag pas ci zhig bya/ gal te phan tshun rig pa med pa'i phyir ji ltar gnyis rig / skyes bu gcig yod pa des de gnyis rig go zhe na ma yin te/ rang rig pa las tha dad pa'i skyes bu med pa'i phyir ro/ /de dag gis kyang gnyis rig pa ma yin no/ /'on te gzugs dang ro rig pa bzhin du gnyis rig go zhe na/ rang rig pa nyid na der yang ji ltar zhes bstan pa yin te/ gzhan gyi myong ba la yang thal ba'i phyir ro/ /de'i phyed sna tshogs kyi rnam pa'i rang reg pa gcig nyid do zhes 'di ni bstan zin to/ /'di ni phyi rol gyi don la brten te/ bzung ba dang 'dzin pa yang khas blangs nas brjod pa yin te/ don dam par ni thams cad rig pa tsam yin gyi/ dbang po la sogs pa'i shes pa'i khyad par ni yod pa ma yin no/ /dbang po'i byed pa yang dus mtshungs pa nyid du rig pa'i phyir gzugs la sogs pa bzhin no/ /'on te mig la sogs pa tha dad du rgyu ma yin nam/ zhen de bzhin du yid dang rang rig pa dang/ yid dang dbang po'i shes pa dag tha dad do/ /'di la tha snyad med pa yin nam/ tha snyad pa'i tha snyad med kyang rjes su dpag pa yang tha snyad nyid yin pas skyon med do/ /'o na bdag la sogs pa la yang rjes su dpag pa'i tha snyad yod pa nyid pas skyon med de/ de ltar na bdag la sogs pa la yang rjes su dpag pa'i tha snyad yod pas bdag la sogs pa yang yod par thal lo zhe a/ ma yin te/ de la gnod pa'i tha snyad yod pa'i phyir ro/ /de'i phyir bde ba la sogs pa'i bdag nyid khyad par gyi rang bzhin la ni brdo nus pa ma yin no zhes bya ba 'di gnas so/ /gzhan yang rig byed min de dag/ rang gi ngo bo ci ltar rig/ don cig la brten rnam shes kyis/ /rig bya yin zhes 'ga' zhig zer/ /re zhig rnam par shes pa gzhan rig par byed pa gang yin pa de la yang rang rig pa yod pa ma yin na/ ci shes ldan rig pa ma yin pa'i bde ba la sogs pa la yod dam/ gal te rig par bya ba yin pa'i phyir bde ba la sogs pa rang rig par 'gyur te/ de la ma yin na rig pa nyid med par 'gyur ro zhe na/ ma yin te/ rang rig pa ma grub pa'i phyir ro/ /gzhan gyi rig pa ma yin na/ bum pa la sogs pa ltar rang rig pa ma yin no/ /de lta na 'o na thun mong du rtogs par 'gyur ro zhen ma yin te/ don gcig la 'du ba'i shes pas rig pa'i phyir ro/ /bum pa la sogs pa ni don gcig la 'du ba'i shes pas ma yin no/ /des na de dag bzung ba'i rang bzhin yin pas btang snyoms pa nyid du rig pa yin no/ /bde ba la sogs pa shes pa las tha mi dad pa nyid du rtogs pa ni rnam par shes pa'i rang bzhin lta bur 'dzin pa'i rnam pa nyid gtogs par de la zhugs pas rig pa'i phyir bum pa la sogs pa bzhin du thal bar mi 'gyur ro/ /zhes kha cig zer ba de dag gi ltar na/ de dang de min rang bzhin dngos/ /de dang de min dngos rgyu sa bskyod/ /rnam shes rgyu las gzhan min skyes/ /bde sogs de ci shes ma yin/ /re zhig khyed kyi 'di mngon sum gyi ni rtogs pa ma yin no// rjes su dpag pas rtogs pa ni rtags med par mi 'dod do/ /bde ba la sogs pa ni shes pa las tha dad par rtogs pa ma yin te/ don gcig la 'du ba'i 'gal yod pa'i phyir ro/ /rjes su dpag pa yang rtags med par 'jug pa ma yin no/ /gal te rgyu tha dad par bstan par nus pa ni 'di la rtags su 'gyur pa yin no/ /mngon sum ma yin pa'i rjes su dpag pa med par rtogs par nus pa ma yin no/ /rgyu tha dad pas ni tha dad par rtogs par byed do/ /'bras bu'i tha dad pa ni gdon mi za bar tshogs pa tha dad las yin no/ /'bras bu tha dad pa ni tha dad pa sgrub par byed pa ma yin te/ thal ba dang du ba bzhin du rgyu gcig las kyang 'bras bu tha dad pa mthong ba'i phyir ro/ /bde ba la sogs pa yid dang shes pa tha dad pa'i sgrub par byed pa'i 'bras bu tha dad pa yang da dmigs pa ma yin te/ de'i phyir rgyu tha dad pa nyid bstan par bya ba yin na/ /de yang med do/ /tha mi dad pa'i rgyu can dang tha mi dad pa'i rang bzhin dmigs pa na/ ci'i phyir tha dad ces tha snyad byed de/ 'di la tshad ma ci zhig yod ces bya ba'i tshig go / yang na gal te bde ba la sogs pa dag las shes pa gzhan yin na bde ba la sogs pa dang rnam par shes pa'i rgyu ci yin/ ming dang gzugs dang yid la byed pa dag go /des na rnam par shes pa'i rgyu mig la sogs pa las bde ba la sogs skye ba yin no/ /de lta yin dang de ci'i phyir shes pa ma yin te/ ci'i phyir rnam par shes pa rig pa ma yin/ med pa nyid do zhen ma yin te/ rnam par shes pa'i rgyu nyid las skyes pa'i phyir ro/ /'di ji ltar rig par mi 'gyur ba nyid yin/ /khyed kyi phyogs la yang ci'i phyir de ltar ma yin zhe na/ ma yin te/ bag chags bsang ba'i khyad par rgyu yin pa'i phyir ro/ /bag chags bsang pa'i rnam par dbye ba'i stobs kyis rnam par shes pa res 'ga' bde ba'i rang bzhin dang sdug bsngal dang rnam pa gzhan du yin pa'i phyir mi 'thad pa med do/ /rgyu mtshungs pa nyid ston pa ni/ don bcas dbang po rung ba dang/ /bdag nyid ci ltar sems yod na/ /bde ba la sogs skye bar mthong// yid kyang de dang mtshungs pa yin/ /mig med par ni gzugs mthong ba'i bde ba yod pa ma yin la yid 'phrog pa'i gzugs med dam/ mya ngan la sogs pa'i yid nyams na yang ma yin no/ /rnam par shes pa skye ba'i tshogs pa yang 'di nyid yin te/ de'i phyir tha dad pa ma rtogs par byed pa'i rgyu tha dad pa ni yod pa ma yin no/ /bdag dang yid phrad par rgyu yin na/ gzugs la sogs pa'i tshogs pa las skye ba'i bde ba ni mi shes par mi rigs so/ /'on te de'i tshe bde ba la sogs pa ma skyes pa des na/ gdon mi za bar med pa shes pa ma yin te/ med pa ni bzung bar mi nus pa'i phyir ro zhe na/ 'dir smras pa/ de dag yod dang med pa na/ /'ga' la bde la sogs dang blo/ /skye dang mi skye mthong de'i phyir/ /de las de skye gzhan las min/ /gang gis bde ba la sogs pa rnam par shes pa las rgyu gzhan yin par rtogs pa/ mig dang gzugs dang/ snang ba dang yid la byed pa med par bde ba la sogs pa skye ba la brten? pa ni ma yin no/ /des na rnam par shes pa'i rgyu nyid bde ba la sogs pa'i rgyu yin no/ /'on te chos la sogs pa de dang de ma yin pa 'am/ chos la sogs pa de nyid bde ba la sogs pa'i rgyu yin no zhe na de yang ma yin te/ 'di ltar gang gi 'bras bu ldog pa las rgyu gzhan rtog pa'i go skabs su 'gyur ba/ mig la sogs pa yod pa na mi skye bar ma mthong ngo/ /'on te ldog pa med kyang chos la sogs pa rgyu nyid do/ /bde ba ni 'dod pa yin la/ sdug bsngal ni mi 'dod yin to/ de la chos dang chos ma yin pa dag ni gdon mi za bar rgyu yin no/ /'di tshu rol mdzes pa ma gtogs pa'i rab tu smra ba thams cad la rab tu grub pa nyid do zhe na de yang mi bden te/ ldog pa med phyir chos sogs kyi/ /nus pa grub pa med pa nyid/ /bde ba tsam la chos sogs ni/ /nus na 'dod pa grub ma yin/ /chos la sogs pa ni bde ba la sogs pa'i sgrub par byed pa'i tshogs par byed pa yin gyi/ bde ba pa sogs pa nyid kyis ni ma yin no/ /de lta ma yin na ni de'i sgrub par byed pa med kyang bde ba la sogs par thal bar 'gyur ro/ /ci ste yang bde ba sgrub par byed pa'i gzugs la sogs pa yod kyang/ mya ngan la sogs pas nang gi byed pa'i nus pa nyams na bde ba mi skye ste/ des na chos nyid rgyu yin gyi/ gzugs la sogs pa ni ma yin par rtogs so zhe na/ de ni rig pa dang ldan pa ma yin te/ 'di ltar chos min nyid kyis mya ngan la sogs pa'i tshogs pa sgrub pa na/ de las sdug bsngal skye 'gyur gyi/ /chos min las ni sdug bsngal min/ /chos ma yin pas ni mya ngan la sogs pa'i tshogs pa nyid sgrub par byed kyi sdug bsngal ni ma yin te/ de yod na sdug bsngal dang nyid skye bar 'gyur ro/ /yang na chos ni chos las bde ba nyid dang gzhan las sdug bsngal yin du chug mod/ /de lta na yang des rig pa las tha dad du bskyed par bya ba yin no zhes bya ba ga las yin/ chos kyi rig pa la la tha mi dad pa'i bde ba skyed kyang khyed la ni cung zad kyang gnod pa byas par mi 'gyur ro/ /bde ba la sogs pas khyed la dgos pa yin no/ /de ni shes pa las tha dad pa ma yin yang khyed la tsha bar mi 'gyur ro/ /'on te rgyu tha dad pa'i phyir tha dad do zhe na/ de yang 'dod pa yin te/ gang gi phyir rnam shes rkyang pa nyid las ni/ /bde ba'i rnam shes tha dad nyid/ /gcig tu nges par tha dad gang/ /de ni re zhig grub ma yin/ /chos dang lhan cig pa'i tshogs pa ni de nyid kyi khyad par can gyi 'bras bu skyed par byed kyi/ shin tu tha dad pa nyid ni ma yin no/ /phan 'dogs pa lhag pas ni de nyid khyad par du byed pa'i phyir ro/ /bud shing brlan dang bcas pa nyid na du ba thal bas shin tu tha dad pa na ma yin no/ /du ba ni thal bas shin tu tha dad pa ma yin te/ sngon po la sogs pa'i dri ma can du byed pa ni de la yang yod pa'i phyir ro/ /de'i chos la sogs la shin tu tha dad par skyed pa'i nus pa ni yod pa ma yin pa'i nges par bzung ngo/ /de nyid kyi phyir bshad pa/ de dag nyid kyi khyad par las/ /bde sdug la sogs tha dad yin/ /dper na blo de nyid kyi ni/ /gsal dang mi gsal the tshom bzhin/ /gal te shes pa dang bde ba la sogs pa rgyu mtshungs pa nyid yin na/ rnam par shes pa rnam par shes pa zhes bya ba de tsam nyid du 'gyur gyi/ bde ba la sogs pa tha dad par go ci ltar 'gyur zhe na/ tshogs pa de nyid kyi khyad par las te/ 'o ma la sogs pas bcus pa'i skyu ru ra'i 'bras bu'i sa bon la sogs pa'i tshogs pa bzhin no/ /'o na bcu pa la sogs pa lhag pa yod kyang skyu ru ra'i sa bon skyu ru ra dang mi mthun pa'i 'bras bu bskyed pa ni mi byod kyi/ 'on kyang rang bzhin de las ma 'das pa'i khyad par gzhan gnas par byed pa yin no/ /'on te tha dad pa yang ci'i phyir mi skyed ce na/ tha dad pa nyid skyed par byed do/ /zhes de skad ni brjod par bya ba ma yin no/ /gal te 'bras bu bskyed par byed pa'i tshogs pa tha dad pa zhes bya bar grub na/ de lta na rgyu tha dad par bstan par 'gyur ro/ /gzhan yang shes rab la sogs pa yang chos la sogs pa las skyes pa yin te/ des na de dag kyang blo las tha dad par thal lo/ /'on te shes rab la sogs pa ni goms pa la sogs pa las yin gyi/ chos la sogs pa las ni ma yin no zhe na/ de lta yin na bde ba la sogs pa yang 'dod pa dang mi 'dod pa la sogs pa goms pa las yin pa'i phyir chos la sogs pa de dag gi rgyu nyid du mi 'gyur ro/ /'dod pa la sogs pa nye ba nyid chos las yin no zhe na/ de lta na ni bde ba la sogs pa chos las skyes par mi 'gyur te/ 'on kyang nus pa dang ldan pa'i yid la byed pa la sogs pa nyid las yin no/ /nus pa mnyams pa'i yid las byed pa de ni shes pa la yang rgyu yin pa'i phyir bde ba la sogs pa tshogs pa tha dad pas bskyed par bya ba ma yin no/ /ci ste yang shes rab la sogs pa bde ba la sogs pa'i rgyu chos la sogs pa'i rgyu can ni ma yin te/ shes rab yod par gyur pa las bde ba gang yin pa de nyid chos la sogs pa'i rgyu can yin no/ /des na bde ba la sogs pa rgyu mtshungs pa can du ma grub bo zhe na/ de yang legs par brjod pa ma yin te/ 'di ltar/ shes rab la sogs chos sogs las/ /ma yin bde sogs de dag ces/ /tshad ma gang las khyed cag gi /de ni 'khrul par 'gyur ba yin/ /tshad mas ma grub pa'i rang gi lugs kyis spros pa bstan pa tsam ni pha rol po dag dga' bar byed pa ma yin no/ /shes rab la sogs pa ni chos las gzhan las mi 'gyur ro/ /chos med kyang goms pa las mthong ngo zhe na ma yin te/ chos med na goms pa de nyid 'bras bu dang bcas par mi 'thad pa'i phyir ro/ /blun pa'i phyir 'bras bu med do zhe na/ 'o na ni bde ba la sogs pa yang rgyun gyi khyad par nyid las skyes pa yin no/ /'di ltar/ ngo bo nyid kyis ma yin la/ /phongs rgyu thams cad yod na yang/ /sngon goms las zhugs rgyud kyi ni/ /khyad par nyid la bde ba yin/ /bde ba ni ngo bo nyid kyi khyad par gyis goms pa las yin te/ dam pa ma yin pa nyes par spyod pa rnams la yang mthong ba'i phyir dang/ chos yod kyang mnyam pa nyid mthong ba la med pa'i phyir ro/ /mnyam pa nyid goms pa las phyin ci log dang lhan cig pa'i chos nyid la yin no zhe na/ de lta na ni 'o na chos nus pa med do/ /goms pa sngon du 'gro ba can yin pa'i phyir dang shes rab la sogs pa bzhin du bde ba la sogs pa blo'i rang bzhin nyid yin no/ /gal te bde ba la sogs pa ni yid la sogs pa las skye ba yin la/ rnam par shes pa'i ni rnam par shes pa'i rgyu can goms pa zhes bya ba'i 'du byed las skyes pa ma yin nam/ des rgyu tha dad do/ /'di ltar/ bdag gis mthong ba gang yin de/ /'di zhes rang bzhin rnam shes ni/ /sngon gyi 'du byed las byung phyir/ /bde sogs la 'di yod dam ci/ /de ni ma yin te/ bde ba la sogs pa la yang 'di rgyu yin pa'i phyir ro/ /'di ltar bde ba la sogs pa yang goms pa'i stobs nyid las skyes pa yin no zhes bya ba 'di ni bstan zin to/ /ci ste yang yid kyi bde ba la sogs pa nyid du 'du byed las 'byung gi dbang po las skyes pa ni ma yin no snyam na/ de lta na ni 'o na yid kyi rnam par shes pa nyid 'du byed las yin pa'i phyir 'di mtshungs so/ /'on te dbang po las skyes pa'i rnam par shes pa la yang gsal ba la sogs pa'i khyad par goms pa las yin no/ zhe na/ 'o na ni bde ba la sogs pa dbang po las skyes pa rnams kyi gsal ba la sogs pa yang de nyid las yin pa'i phyir mtshungs so/ /gzhan yang bde ba la sogs pa ni thams cad yid nyid yin no zhes bstan zin te/ /gal te dngos po 'ga' zhig gzung ba la yang de nyid la shes pa yang nas yang du skye ba'i mtshan nyid goms pa'i stobs las rnam par shes pa gsal bar rigs pa ma yin no/ /gal te bde ba la sogs pa rnams kyang shes pa gzhan gyis 'dzin na de'i tshe/ de 'dzin pa gsal bar 'gyur ba rigs pa yin na/ rang rig pa'i phyogs la go goms par byed pa ci 'dra ba zhig yin/ 'di ltar/ gal te rig pa skyes na ni/ /de la bsgoms pa ci 'dra zhig/ rig pa ma skyes she na yang/ /de la bsgom pa ci 'dra zhig/ gzhan dang gzhan pa'i bde ba rig pa skye ba'i phyir goms pa rigs pa ma yin no/ /gal te yang dang yang du de nyid dmigs pa de'i tshe/ goms par tha snyad byed pa yin no/ /don gcig nyid yin pas de la rnam par shes pa gzhan dang gzhan gyis myong ba na goms par rigs pa yin no zhe na/ gal te bde ba yang ci'i phyir gcig ma yin/ gcig la yang nas yang gi don ci yin/ don ni gcig yin yang/ yang nas yang gi don nyams su myong ba 'jug pa byas pa yin no zhe na/ de ni ma yin te/ gal te shes pa tha dad na/ /yul cig yin par ga la rtogs/ /gal te ngo shes las she na/ /bde sogs la 'di med dam ci/ /gal te bde ba gcig ma yin bas de ltar ngo shes par 'gyur/ yul la ni shes pa tha dad kyang de gcig pa'i phyir rigs pa yin no zhe na/ ngo shes pa ni yul las byung ba can ma yin te/ 'on kyang dmigs pa las byung ba can yin no/ /shes pa tha dad pa la ni gcig pa'i dmigs pa yod pa ma yin no/ /shes pa la yang ngo shes par ci ltar 'gyur/ de la don dam par ni ngo shes pa med do/ /don gcig pas na de gcig tu sgro btags nas shes pa gcig pa zhes tha snyad du byed do zhe na/ 'dir spyad par bya ste/ ci 'di shes pa rang rig pa zhes bya ba'i phyogs brjod dam/ 'on te shes pa gzhan gyis rig par bya ba 'am/ 'on te don gyis go bas rig par bya ba yin/ de las cir 'gyur/ gal te rang rig pa la brten nas/ ci ltar ngo shes par 'gyur pa yin/ tha dad mthong la de nyid kyi tshe na gcig tu 'khrul pa ma yin/ rang rig pa'i phyogs yongs su gsal bar tha dad pa rig pa la? / ci ltar yul tha dad pa dag kyang de nyid kyi tshe/ des byas pa'i rnam pa 'khrul par 'gyur shes pa gzhan gyi rig pa la ni don dang rjes su mthun par shes pa rtogs pa yin te/ des na shes pa yang tha dad pa med pa nyid du brtag par bya ba yin no/ /de lta ma yin na mi 'thad pa'i phyir don gyi go ba yin no/ /don gyi rig pa tsam nyid ni/ /rig pa tsam du 'jog pa yin/ /don gcig nyid ni du ma yin/ /bzung ba min phyir gcig tu btag/ dus gzhan dang gzhan du 'byung ba'i rnam par shes pa du ma rang gi dus kyi don yongs su gcod pas ni snga ma dang phyi mar 'byung ba'i don gcig yin no zhes rtogs par nus pa ma yin te/ gcig gi byed pa med pa'i phyir dang/ tshogs pa yang med pa'i phyir ro/ /bdag gcig de ni mtshams sbyor can/ /de la dran pa yod phyir de/ /'di yi nus pa dran pa dang/ /mtshams sbyor ba la'ang yod pa yin/ /de ni de ltar ma yin te/ /bdag ni rtog pa'i rang bzhin la/ /'di ni rigs ldan med par mthong/ /gcig tu yi ni rang bzhin du/ /ldog pa tshad ldan ci ltar yin/ /bdag tha dad pa dang tha mi dad pa'i phyogs la skyon 'di med do zhe na/ rang bzhin gang gis tha mi dad pa'i rang bzhin des ni ngo shes pa ma yin no/ /sna tshogs kyi dbye bas tha dad pa'i phyir shes pa tha dad pa na de dang tha mi dad pa na de mo dad pa tha dad pa nyid do/ /rang bzhin gang gis shes pa las tha dad pa'i rang bzhin des ni gcig nyid yin te/ des na bzlos pa yod pa ma yin no/ /'on te bdag rtogs pa ma yin pa'i rang bzhin yin na/ de'i tshe de shes pas rtogs par byed pa yin la/ de'ang tha dad pa'i phyir ci ltar des tha mi dad pa 'dzin pa yin/ de'i phyir shes pa tha dad na gcig nyid 'dzin par mi 'thad pa'i phyir/ don gyis go bas shes pa gcig nyid du brtag par bya'o/ /'o na don gyi go bas shes pa tha dad pa 'dzin pa de lta na yang shes pa gcig tu mi rtog pa des na ci ltar ngo shes pa yin/ 'on te du ma 'phrigs pa ngo shes pa yin na/ de lta yin na bde ba la sogs pa yang yin pas/ de'i gcig nyid kun rdzob tu yod pa'i phyir/ de nyid la yang nas yang du goms par byed pas bde ba la sogs pa'i gsal ba la sogs pa'i khyad par ni goms pa las 'gyur pa yin no/ /goms pa las skyes pa'i bde ba la sogs pa yang rtog pa'i rang bzhin bdag nyid do/ /goms pa las 'gro ba la sogs pa yang bsgyings pa la sogs pa'i rang bzhin du 'gyur ba ma yin nam/ de dag ni dro'i rang bzhin yang ma yin no zhe na/ 'dir smras pa/ rtog min rang bzhin goms pa las/ /rtogs pha ma yin nyid 'byung 'gyur/ /de bzhin rtogs pa'i rang bzhin no/ /goms pas ci phyir rtogs dngos min/ /shes rab la sogs pa bzhin no/ /ci ste yang rtogs pa'i rang bzhin goms pa zhes bya ba ci rang rig goms pa yin nam/ 'on te rtog pa'i rang bzhin gyis bzung ba'i don goms pa yin te/ gal te rang rig goms pa yin na rang rig de ni ma grub bo/ /'on te phyogs gnyis pa yin na de ma nges pa nyid srid pas mi 'thad pa nyid de/ rtogs pa'i rang bzhin gyis bzung ba'i 'gro ba la sogs pa goms kyang 'gro ba la sogs pa rtogs pa'i rang bzhin nyid du dmigs pa med pa'i phyir zhe na/ 'dir smras pa/ gang zhig ci 'dra goms gyur pa/ /de ni de bzhin nyid 'gyur te/ /bde sogs nang gi myong ba 'di/ /goms pa'i 'bras bu de bzhin nyid/ /bde ba la sogs pa ni nang gi myong ba'i rang bzhin nyid/ bde ba la sogs pa ni nang gi myong ba'i rang bzhin du dmigs so/ /bem po'i rang bzhin yin yang don gcig la 'du bas de ltar dmigs so zhes bya ba 'di yang rigs pa la brten pa'i dga' ba thob pa ma yin no/ /des na rang rig pa nyid goms par byas pa de'i phyir/ goms pa rab tu gyur pa na/ de lta bur gyur pa nyid skye'o/ /'o na dang po ni rang rig pa med par 'gyur ro zhe na/ rigs gang ga las zhes bya bas de yang de lta bu yin pa'i phyir ro/ /de'i bsgom pa'i stobs las skyes pa ni shes rab la sogs pa bzhin du myong ba'i ngo bo nyid do zhes gnas so/ /'dis ni de dang de min rang bzhin dngos/ /de dang de min dngos brgyus bskyed/ /rnam shes rgyu las gzhan min skyes/ /gzugs sogs de cis shes ma yin/ zhes bya ba de yang spangs pa yin no/ /'di yi stong sa ni 'di yin te/ /mig dang yid la byed pa dang/ /mdun na gnas pa'i shing rta la sogs pa'i tshogs pa mtshungs pa can dag phan tshun lhan cig byed pa nyid kyis skyed pa na thams cad rtogs pa'i rang bzhin nam/ rtogs pa ma yin pa'i rang bzhin du 'gyur ro/ /de la gtso bo dang cig shos kyi rnam par dbye ba ni 'ga' yang med do zhes bya ba yin no/ /rtogs pa dang rtogs pa ma yin pa'i rang bzhin gyi 'bras bu la nus pa mthong ba can gyi gzugs la sogs pa'i tshogs pa de ni gzhan du bsgrub par nus pa ma yin no/ /de nyid kyi phyir de nyid kyi ma nges so zhe na ma yin te/ gtan tshigs kyi don gzhan du brjod par 'dod pa'i phyir ro/ /ci ltar bsgoms pa 'phel ba las/ /skyes pa'i shes rab la sogs bzhin/ /bde ba sogs kyang rgyu de las/ /de ltar rang rig cis ma yin/ /gang ci ltar goms pa de lta bu nyid du 'gyur ro zhes bya ba tshad ma'i don to/ /gzugs la sogs pha dag ni rang gi rang bzhin du goms par mi srid do/ /re zhig shes rab la sogs pa'i khyad par don gyi go bas rtogs par bya ba yin pa des de bdag dang 'du ba yin no zhes ci ltar rtogs par bya/ don gyis go bas ni gang med par gang mi 'thad pa de rtogs pa 'ba' zhig tu zad do/ /bdag dang 'du ba can dang/ rtogs pa'i rang bzhin med pa'i phyir mi 'thad pa cung zad kyang med do/ /'on kyang gang gi phyir don lkog tu gyur pa ma yin par 'gyur ba gzhan 'ga' zhig kyang yod dgos so/ /zhes bya ba tsam du 'gyur ro/ /des na ci ltar bdag dang 'du ba can la sogs par rtogs/ de'i phyir gang gis nang nyid du rtogs par 'gyur ba bdag gis 'di ltar rtogs so? zhes skye bos rtogs pa nang nyid du goms par byas pa yin no zhes bya ba lan yin no/ /gang dag blo blo gzhan gyi mngon sum yin par smra ba de dag gi ltar na yang/ de bdag dang 'du ba can dang rtogs pa'i rang bzhin du snang ngo/ /zhes gdon mi? za? bar khas blangs te/ de lta ma yin na don gzhan tsam kho nar 'gyur gyi 'dzin par byed pa nyid du ni mi 'grub pa kho na'o/ /de'i phyir 'di mngon sum gzhan la de la gnas pa 'dzin pa'i rang bzhin du snang ba yin no/ /de lta yin na de la yang don de snang bar 'gyur na/ zhig pa ci snang bar 'gyur/ blo 'ba' zhig snang na 'dzin par byed pa por ci ltar snang/ bdag la sogs pa yang de bzhin no/ /zhes bcad pa na/ bdag dang 'du ba nyid don/ /de'i bdag nyid sgro 'dogs pa thog ma med pa'i dus can skye ba'i phyir ro zhes bya ba lan du 'gyur ro/ /de lta yin dang de lta bu nyid du goms pa'i stobs las skyes pa'i shes rab la sogs pa 'am bde ba la sogs pa 'am yang rtogs pa'i rang bzhin kho na'o/ /gal te lta na'ang gzhan dag blo la sogs pa myong ba'i rang bzhin du khas mi len pa ma yin nam zhe na/ gal te myong ba ma yin na mngon sum nyid dang nang nyid du mi 'gyur ro zhes bstan zin to/ /rang rig pa yin na ni de lta bur gyur pa'i bdag nyid dang/ don yang gsal bar byas pa'i gsal ba de yod pa yin pas 'di nyid rigs pa yin no/ /ci ste bde ba la sogs pa goms pa'i stobs las skye ba can yin yang bdag dang 'du ba can kho na yin pas don gcig la 'du ba can gyi rnam par shes pas bzung ba yin no/ /des na rtog pa dang 'dres pa nyid kyis rtogs pa'i rang bzhin du snang gi rtogs pa'i ngo bo nyid yin pas ni ma yin no/ /zhes de ltar ci ste mi rtag ce na/ 'di la brjod pa/ thogs med goms pa'i ngo bo las/ /'di ni de ltar yin zhes gnas/ /de las tshul gzhan rnam rtog ni/ /'jig rten gyis ni nges pa med/ /bsgoms pa'i stobs las de ltar skyes so zhes rtogs pa'i gang yin pa de la 'di ni 'di dang 'di lta bu yin no zhes lugs gzhan 'jig rten la skye ba 'di mi thob bo/ /'on kyang ci ltar bsgoms pa'i stobs las mthong ba de kho na ltar yin no zhes tha snyad du byed do/ /don gcig la 'du bar btags pa la dgos pa yang ci zhig yod/ gal te bdag la 'du bar mi 'dod na/ 'o na bde ba de su'i yin zhe na/ de lta na 'o na gal te de bzhin du 'du bar mi 'dod na bdag de su'i yin/ bdag ni rang dbang rtag pa'i phyir/ gzhan la ci ltar de dag las/ /bde sogs rnams ni mi rtags pas/ /gzhan la rag las yin par rtog/ bdag ni rtag pas na rang dbang yin pa'i phyir/ mi rten par 'thad pas de ltar 'thad kyis bde ba la sogs pa ni yon tan dang mi rtag pa yin te/ de'i phyir de dag ni gdon ci za bar rten pa nyid du 'gyur dgos so zhe na de ni mi bzang ste/ 'di ltar rten yod na ni yon tan yin/ yon tan yod na'ang rten gnas te/ /de ltar phan tshun rten pa'i phyir/ /gcig kyang rnam par gnas mi 'gyur/ /gal te dang po yon tan nyid/ /grub na de'i tshe yon tan rten pa yin par 'gyur ba yin no zhes bya ba'i rtog pa 'jug pa zhig na/ de ni ma grub ste/ grub pa ni gzhan la rten pa yin pa'i phyir ro/ /rten dang brten pa'i dngos po ni 'ga' yang med do zhes 'di ni bstan zin to/ /gzhan yang bdag ni rang dbang yin te/ rtag pa'i phyir ro/ /bde ba la sogs pa ni ma yin te/ bzlog pa'i phyir ro zhes brjod pa mi rtag pa na yang rgyu las ni skyes pa'i phyir na bltos pa med/ de la bya rgyu med pa'i phyir/ /gzhan la ji ltar rag las 'gyur/ /gal te ma skyes pa nyid yin na de ci ltar gzhan la rag las 'on te rgyu 'ga' zhig las skyes na de lta yang de gzhan la rag las pa ci yod/ rang gi 'bras bu bskyed pa la gzhan la rag las so zhe na de'i rang gi 'bras bu bskyed pa ni rang gi rgyu nyid las yin pa'i phyir gzhan la rag las pa nyid du mi 'thad de/ spros pas tshig go/ de'i phyir bde ba la sogs pa nyid rang dbang yin la rag mod/ /rten bdag brtags pas ci zhig bya/ /bde ba la sogs pa rang rig pa ma yin na/ phan 'dogs par byed pa nyid du yang ci ltar 'gyur/ don gcig la 'du ba can gyi rnam par shes pas myong bar 'gyur ro zhe na/ 'dir smras pa/ ci don gcig la 'du ba can gyi dbang po las skyes pa'i rnam par shes pa'i rig gam/ 'on te gzhan gyis re zhig dbang po'i rnam par shes pas ni ma yin te/ 'di ltar/ don gang nye bas blo dang ni/ /bde sogs de dang skyes gyur pa/ /ngo bor nas ni bde sogs nyid/ /des ni ji ltar rtogs par 'gyur/ /mig la sogs pas gzugs la sogs pa la sbyar ba/ gzugs la sogs pa la mngon par phyogs pa dbang po'i blo gang yin pa de nyid ci ltar bde ba la sogs pa kho na rtogs pa yin/ bdag gi mig bde ba la zhugs so snyam pa'i blo ni med do/ /'on te bde ba 'dzin pa'i rnam par shes pa gzugs nyid la zhugs pas 'jug par 'gyur na/ de lta yin na ha cang thal bar 'gyur ro zhes bstan pa yin te/ rjes su dpag pa yang mig la brten pa la sogs par thal bar 'gyur ro/ /'on te dbang po'i rnam par shes pa las 'dzin par byed pa'i rnam pa gzhan ma dmigs pa des na de nyid kyi yin par brjod do zhe na/ 'o na rnam par brtag par bya ba yang dus mtshungs pa'i dbang po'i shes pas bzung ba yin par 'gyur ro/ /rjes su dpag par bya ba la yang thal bar 'gyur ro zhes kyang brjod pa yang yin te/ der yang 'dzin pa'i rnam pa gzhan dmigs pa ni med do/ /'on te gzung ba'i rnam pa las de lta bu'i 'dzin pa rtog pa yin na rnam par rtag par bya ba'i sgra la yang 'di mtshungs so/ /de la sogs pa la yang 'dzin pa'i rnam pa ci ste mi rtag ce na/ gzung bar bya ba nyid du myong bar med pa'i phyir ro/ /don gcig la 'du ba can yin yang 'dzin par byed pa gzhan gyis bzung ba'i phyir bzung ba nyid med pa yin no zhes brjod par ni mi nus so/ /gcig tu 'dres pa nyid du rtogs pa'i phyir ro zhe na/ 'o na ni de bdag gam/ bde ba 'am blo 'ga' yang ma yin te/ gcig gi yang rang gi ngo bo ma bzung ba'i phyir ro/ /bde ba'i rnam pa nyid 'ba' zhig myong ba yin no/ /myong ba ma yin pa'i bde ba gzhan yang yod do zhe na ma yin te/ nye bar 'jog pa gzhan ma dmigs pa'i phyir te/ shing la gong bu'i rnam par rtog pa bzhin no/ /'on te nye bar 'jog pa gzhan rjes su dpag pas bsgrub pa yin te/ gang zhig rtogs pa de ni gzhan gyis nye bar gzhag pa yin te/ gong bu bzhin no zhe na ma yin te/ phyi rol gyi don med par thal ba'i phyir te/ nye bar 'jog pa bag chags srid pa'i phyir ro/ /de'i phyir gang zhig ci ltar rtogs pa de ni de kho na ltar khong du chud par bya ba yin gyi rjes su dpag pas gzhan du bzhag par bya ba ni ma yin no/ /des na phyi rol gyi don rang gi ngo bos bzung bar bya ba nyid du rtogs pa ni de bzhin du rnam par bzhag pa yin te/ rnam par 'jog pa ni rtogs pa tsam la rag? las pa yin pa'i phyir ro/ /bde ba la sogs pa ni bzung bar bya ba nyid du ma dmigs te/ des na rang rig pa yin no/ /'on te bdag dang yid 'brel pa tsam las skyes pa'i shes pa bde ba la sogs pa 'dzin par byed pa yin gyi dbang po las skyes pa ni ma yin no zhe na/ de lta yin na shes pa dus gcig tu mi skye ba'i phyir rim gyis 'dzin par 'gyur ro/ /de'i phyir rim gyis 'dzin na de myong ba/ /rnam tshad med par snang mi 'gyur/ /rim gyis 'dzin par khas len na/ /bde ba la sogs pa'i blo rnam par chad pa med par snang bar mi 'gyur ro/ /rim pa ni 'di nyid de lhan cig 'byung ba ma yin no zhes bya ba gang yin pa'o/ /bde ba la sogs pa 'dzin pa ni gzugs la sogs pa 'dzin pa dang/ lhan cig tu dmigs so/ /de la lhan cig tu 'dzin pa dang lhan cig tu mi 'dzin pa zhes bya ba ni 'gal lo/ /'gal ba dag ni gcig la srid pa yang ma yin no/ /mgyogs phyir zhe na de mtshungs phyir/ /myong ba med pa cis ma yin/ /gal te bde ba 'dzin pa mgyogs par 'jug pa'i phyir/ rnam par ma chad par rtogs pa yin no/ /rtogs pa kho na te bar ma rtogs pa yin no zhe na/ myur ba de ni bde ba la sogs pa mi 'dzin pa la yang mtshungs pa'i phyir bde ba la sogs pa dang gzugs mi 'dzin pa nyid rnam par ma chad par thal lo/ /'on te mi 'dzin pa yang rnam par ma chad par snang ba nyid de/ 'di ltar bde ba mi 'dzin pa nyid ni/ gzugs 'dzin pa las gzhan ma yin/ gzugs mi 'dzin pa'ang bde ba 'dzin pa las gzhan yod pa ma yin no/ des na bde ba mi 'dzin pa/ rnam par chad pa med par 'gyur ro zhes bya ba'i don 'dir 'gyur te/ gzugs la sogs pa'i 'dzin pa rnam par ma chad par 'gyur ro zhes bya ba yin na de ni yin pa nyid do/ /de bzhin du bzlog pa la yang brjod do/ /de'i phyir 'dzin pa med par rnam par ma chad par 'gyur ro zhes bya ba 'di ni grub pa la sgrub pa yin no/ /zhe na/ 'dir brjod pa gcig gi dngos po gang yin pa/ gzhan dag med pa yin par brjod/ /de ni de yis dben pas na/ /de med par ni rig phyir ro/ /'di rang gi ngo bos ni gang yang med pa ma yin gyi/ 'on kyang des dben pas yin no/ /des na gzugs 'dzin pa bde ba 'dzin pas dben par dmigs pa yin no zhes khas len pa na des dben par 'dzin pa de myur ba yin pa'i phyir de rnam par ma chad par yod pas ci ltar bde ba rig pa yin/ bde ba 'dzin pa la yang tshul 'di nyid yin pa'i phyir/ gnyi ga mi 'dzin pas na 'dzin pa med pa nyid du ci ste ma yin zhes bya ba legs par brjod pa yin no/ /gzhan du gzhan dmigs na yang des dben pa 'dzin pa ma yin no/ /de'i rang bzhin der zhugs pa'i phyir ro zhe na ma yin te/ phan tshun rang bzhin rjes su zhugs pa 'dzin na/ rim gyis 'dzin pa ma yin te/ dus mnyam par 'dzin pa la yang yod pa'i phyir te/ yan lag dang yan lag can dag dus mtshungs par 'dzin par khas blang ba'i phyir ro/ /gal te thag ring po nas bar dang bcas pa'i sgra du ma 'dzin pa na bar 'dzin pa med kyang sgra'i rang bzhin bzung ba nyid do/ /de la ci ltar sgra'i rang bzhin bar med par 'dzin pas de'i bar mi 'dzin pa la gnod kyi/ de bzhin du ni bar 'dzin pa med pas ni sgra 'dzin pa la mi gnod pa de bzhin du 'dir yang bar mi 'dzin pa na 'dzin pa'i gnod par byed pa ma yin no zhe na/ 'dir brjod pa/ de la bar chad 'dzin pa ni/ /yod min ci ltar gnod byed yin/ /med par gnod par bya min la/ /'dod min 'jig rten 'dod par zad/ /ci'i phyir bar chad 'dzin pa med ce na/ /'di ni dngos po rnams kyi nus pa yin te/ ci zhig brgal zhing brtag /des na bar chad 'dzin pa ma skyes pa ni gnod par byed pa ma yin zhing/ gnod par bya ba yang ma yin gyi 'on kyang 'di ni rnam pa ci zhig ltar 'jig rten gyi grags pa las 'ongs pa'i tha snyad tsam du zad do/ /'dir ni bde ba gzugs la sogs pa 'dzin pa'i 'dzin pa ma yin pa'i phyir mi 'thad pa cung zad kyang med do/ /da lta yin dang rim gyis 'dzin pa mi srid par 'gyur ro/ /'dzin pa ni yod pa kho na ste/ de la 'dzin pa gzhan ma skyes pa yin no zhe na/ de ni med de/ 'dzin la 'dzin byed gzhan yod min/ /'dzin pa po la 'dzin byed gzhan/ /de ltar gzhan gyis kyang 'dod bya de lta min na cal col nyid/ 'dzin par byed pa ni rang gsal ba'i bdag nyid du 'gyur dgos la/ 'dzin par byed pa po byed pa'i bdag nyid dam/ byed pa po la ni 'dzin par byed pa gzhan 'dod pa yin no/ / 'dzin par byed pa gsal ba ma yin pa ni don thams cad mi gsal bar 'gyur ro/ /gal te dbang po 'am gzhan las 'dzin par byed pa rang gsal ba yin na da ni 'dzin pa po gzhan gyis ci bya zhe na/ skyon gzhan 'di ni yod pa nyid na rang nyid gsal ba med par 'dzin pa zhes bya ba ni med do/ /de gzhan gyis gsal ba yin no zhe na/ gsal bar byed pa gzhan yang lkog tu gyur pa nyid pas de gzhan gyis yin pa'i phyir/ 'gro ba mdza' dag long ba nyid du 'gyur ro zhes stan par 'gyur ro/ /phan tshun dus tha dad par skyes pa snang bar 'gyur ba de dag ci ltar phan tshun gnod par byed pa ma yin te/ de'i phyir 'di ni gyi na'o/ /'on te bde ba 'dzin pa la ni gnod par 'gyur ba nyid de/ res 'ga' gzugs la sogs pa 'ba' zhig 'dzin pa'i phyir ro/ /'di ltar res 'ga' yid 'phrogs pa'i gzugs mthong ba yang bde ba myong ba med pa yin no/ /des na skra'i bar 'dzin pa ltar bde ba 'dzin pa yang ma skyes pa'i phyir gnod pa'i rnam par bzhag go zhe na/ 'di yang bzang po ma yin te/ 'di ltar ci ltar skra'i bar 'dzin pa ltar/ kun tshe ci'i phyir gnod mar gyur/ /de tshe bde ba la sogs pa/ /bar du skye bar 'jig rten 'dod/ /ci ltar skra 'dzin pas bar 'dzin par thams cad kyi tshe/ gnod pa de bzhin du gzugs la sogs pa 'dzin pas kyang bde ba la sogs pa 'dzin pa la 'gyur ro/ /don dam par na ni de skra 'dzin pa yang ma yin te/ skra'i rang bzhin rtogs pa ma yin pa'i phyir ro/ /gang gi phyir bde ba ma gtogs par gzugs la sogs pa 'ba' zhig 'dzin pa de'i tshe ni bde ba ma skyes pa nyid yin gyi/ skyes pa ma bzung bas 'ba' zhig pa zhes rnam par 'jog pa ni ma yin no/ /ma dmigs pa'i phyir ma skyes par tha snyad byed pa yin no/ /zhe na de ni skyes pa la ma skyes par tha snyad du 'gyur te/ des na ma dmigs pa yang ma yin no/ /des na gang gi tshe bde ba la sogs pa'i 'dzin pa'i skyes pa de nyid kyi tshe bde ba la sogs pa skyes pa yin pas de'i tshe ni gzugs la sogs pa 'dzin pa zil gyis non pa ma yin no/ /khyed kyi gzhung ltar na ni skra'i bar 'dzin pa ltar 'gyur ro/ /'on te dbang po'i blo ba cig nyid don dang bde ba la sogs pa 'dzin pa la 'jug pa yin te/ des ni rim gyis 'dzin pa'i nyes par ni mi 'gyur ro zhe na/ des ni mi rung ngo zhes 'chad pa ni gcig gis gnyis shes pa ma yin te/ dbang po'i sems ni des phyir dang/ /bde sogs med kyang don dag las/ /skye phyir de nus grub min phyir/ /gal te dbang po'i blo gcig nyid kyis don dang bde ba la sogs pa 'dzin na rig pa bzhig na/ de ltar yang ma yin no zhes bstan pa yin no/ /bde ba la sogs pa ni bdag dang yid 'brel las skyes pa dbang po las skyes pa ma yin pa'i shes pas 'dzin par khas blangs pa'i phyir ro/ /'on te 'ba' zhig de ltar khas mi len no zhes na de yang nus pa ma yin te/ dbang po'i blo ni bde ba la sogs pa med kyang don 'ba' zhig nyid las skyes pa'i phyir/ bde ba la sogs pa'i rgyur nges par mi 'dzin pa'i phyir ro/ /gang zhig nus pa gzhan yod kyang gang zhe na/ mi 'byung ba de ni de'i rgyu nyid du nges bar 'dzin pa yin no/ /dbang po'i sems ni gzugs la sogs pa'i tshogs pa yod kyang bde ba la sogs pa med na ma skye ba nyid ma yin no/ /ci ste gang gi tshe sngon po ser po dang lhan cig dbang po'i rig pa la snang ba'i tshe de'i tshe de la nus pa med par 'gyur te/ sngon po med kyang de skye ba'i phyir ro/ /de lta mod kyi de ni nga la nus yin no/ /'on te sngon po dang ser por snang ba'i dbang po'i shes pa ser po 'ba' zhig las mi skye'o zhe na/ de lta na ni 'o na bde ba dang gzugs su snang ba yang gzugs 'ba' zhig las ma yin pas rigs pa mtshungs zhe na 'di la ni snying po med de/ sngon po'i dbang po'i rnam shes las/ /nus pa so so mthong ba'i phyir/ /tshogs la'ang nus grub bde ba ni/ /de ltar rtogs pa yod ma yin/ khas blangs na yang / gnyis kyis so so so sor yang/ /nus pa yin na sngo sogs bzhin/ /bde sogs 'ba' zhig 'dzin par 'gyur/ /de rgyu'i don ni ma bzung bar/ /de myong bar ni mi rigs so/ /bde ba la sogs pa dang bral ba'i gzugs la sogs pa 'ba' zhig las dbang po'i rnam par shes pa de skye ba mthong ba dang/ 'ga' zhig 'dod pa yang yin no/ /rnam par shes pa'i sngon rol du ni gzugs la sogs pa ltar bde ba la sogs pa yod pa ma yin te/ de ni rnam par shes pa dang lhan cig nyid du gzugs la sogs pa de nyid las skye ba'i phyir ro/ /'on te dus mtshungs par 'byung ba yin yang lhan cig 'byung ba'i rgyu yin pa nyid du 'dod do zhe na/ de ni mi rung ste/ lhan cig 'byung ba'i rgyu nyid kyis ni phan tshun 'brel bar 'gyur gyi/ rig bya rig byed kyi dngos por ni ma yin no/ /rig pa'i rang bzhin min pa ni/ /phan tshun 'dzin par byed pa min/ /rang rig pa'i rang bzhin yang/ /phan tshun 'dzin par byed pa min/ /rang gi rgyu las mngon phyogs pas/ /dus mtshungs pa nyid yin na yang/ /gzhan shig pa'i bdag nyid kyis/ /gal te 'dzin pa yin 'dod na/ /bde ba la ni mngon phyogs de/ /ci ltar dbang po las skyes 'dod/ /de la dbang po'i byed pa ni/ /rig byed de ni sngar bshad zin/ /gzhan yang so sor nus pa yin na/ bde ba la sogs pa 'ba' zhig 'dzin par 'gyur te/ sngon po 'di bzhin no/ /'dzin pa kho na'o/ zhe na de ni ma yin te/ gzugs la sogs pa bde ba'i rgyu ma bzung bar ni bde ba 'dzin par mi rigs so/ /rig par bya ba nyid kyang 'thad pa ma yin par kho na'o/ /na chung sgeg mo rtogs pa med pa'i bde ba ni 'ga' yang don du gnyer ba ma yin te/ 'dod pa can gyi skye bo mdza' dag ni de nyid kyis bde ba 'dod pa yin no/ /de ltar yang ma dmigs so 'on te lhan cig pa nyid nus pa yin no zhe na/ de ltar na 'o na zla ba gnyis par yang 'gyur ro/ /de nyid kyi phyir bshad pa ni/ don dang lhan cig nyid 'dzin na/ /bde sogs kyi ni nus pa ci/ /gang phyis des skyed blo mi 'dod/ /rjes su 'gro ba dang ldog pa med par ni nus pa mi 'grub bo/ /'dod pa yang ma yin te/ mig la sogs pa'i blo ni de las skye ba pha rol pa dag mi 'dod do/ /gzhan yang don med par ni bde ba sogs/ /mig sogs rnams kyis myong na ni/ /gzugs sogs bud med sogs khyad par/ /nam yang mig gis 'dzin mi 'gyur/ /'ba' zhig gis ni gzugs la sogs pa bde ba dang sdug bsngal la sogs pa'i rgyu nyid dang bud med la sogs pa'i mthun pa dang mi mthun pa nyid du 'dzin par mi 'gyur gyi/ rgyu 'ga' zhig yang ngo zhes rtogs par 'gyur ro/ /lhan cig gzung na rgyu nyid du rtags so zhe na/ 'o na ni sngon po la sogs pa yang phan tshun rgyu nyid du rtogs par 'gyur ro/ /'gyur ba yang ma yin te/ de'i phyir 'di ni 'thad pa ma yin no/ /gal te bde ba 'ba' zhig mig la sogs pas 'dzin par nus pa yin na ni/ de'i tshe gzugs la sogs pa mthong ba mi skye ba nyid du 'gyur ro/ / 'di ltar nang gi yan lag nus pa'i don/ /yod na phyi rol mthong mi 'gyur/ /gal te phyi rol bud med la sogs pa ma mthong bar bde ba myong ba nyid 'gyur ba yin na ni de'i tshe phyi rol mi mthong bar 'gyur te/ bde ba myong ba bar du gcod pa yin pa'i phyir ro/ /don 'dzin pa yang 'dod pa nyid do zhes khas len na de'i tshe nyes pa gzhan/ don 'dzin na ni de las skyes/ /bde ba la sogs myong mi 'gyur/ /'di ltar don 'dzin pa'i dus na gal te bde ba skye ba yin pa de lta na yang de 'dzin pa'i tshogs pa med do/ /dbang po dang don dang yid phrad pa las byung ba'i yid kyis ni gzugs la sogs pa'i don 'dzin pa yod gzhan yang yod pa ma yin te/ shes pa dus gcig tu skye bar khas mi len pa'i phyir ro/ /des na de las skyes pa'i bde ba la sogs pa mi 'dzin par 'gyur ro/ /'on te rnam par shes gcig car skye bar 'dod na de'i tshe yang nyes pa gzhan yod do zhes bshad pa ni/ yul de dang ni de yod las/ /blo ni cig car skyen ni/ /cig car don ni yod pa na/ /bde sdug dag ni rig par 'gyur/ /'dod pa dang mi 'dod pa'i don yod na/ bde ba sdug bsngal rig pa dag /cig car 'gyur ba ldog par mi nus so/ /'di ni mthong ba nyid ma yin nam/ 'di ltar grang ba'i dus na grang ba dang/ dro ba'i reg pa myong ba las skyes pa'i bde ba dang/ sdug bsngal rig pa nyid do zhe na/ de yang mi bden te/ 'di ltar rtag tu 'gyur ro snyam du bsams pa yin no/ /yul gyi ros yid 'phrogs pa rje bo'i bla'i yo byad byin pa'i gzhan gyi dbang du gyur pa/ bdag nyid 'bras bu dang bcas par 'dod pa ni mtshon gyis reg pa'i sdug bsngal reg pa ma yin no/ /sdug bsngal gyi rgyu nye ba na de gdon mi za bar skye ba yang yin te/ des na bde ba dang sdug bsngal lhan cig rig par thal lo/ /'on te gzhan gyis zil gyis mnan pa'i phyir gzhan rig pa ma yin no/ /de ni mi 'thad de zil gyis gnon pa mi srid pa'i phyir ro/ /chen po nyid la sogs pa zil gyis gnon to zhes bya ba ni yang dag pa ma yin te/ glang po dang sbrang bu dag gcig rtogs pa med par thal ba'i phyir ro/ /'dod pa nyid kyis zhes bya ba la yang dag pa ma yin to/ gnyi ga yang lhan cig mthong ba'i phyir te/ bde ba dang sdug bsngal dag cig car myong bar bsgrubs pa'i phyir ro/ /'du byed pa gsal ba las la lar yang 'gyur ro zhe na ma yin te/ goms pa las ma gtogs pa'i 'du byed pa gzhan ma mthong ba'i phyir ro/ /bsgoms pa'i stobs las bde ba la sogs pa skye ba yin na ni/ de'i tshe rtogs pa'i rang bzhin nyid do zhes bstan zin to/ /'on te yang shes pa ni bde ba la sogs pa la goms pa'i stobs kyis 'jug pa yin la bde ba la sogs pa ni gzugs la sogs pa'i rgyu nyid las 'byung ba yin no zhe na/ 'di yang rung ba ma yin te/ 'di ltar dngos po'i stobs las skye ba yi/ /shes pa gang yin de la ni/ /mkhas rnams goms pa khas len min/ /de lta zhe na ma 'dres 'gyur/ /gal te bde ba la sogs pa dag nye bar gnas pa nyid yin na ni de goms pa med par yang mthong ba kho na'o/ /sngar ma bsams pa 'am ma myong ba gcig nyid kyi tshe/ dmigs pa'i yul du mi 'gyur ba ma yin no/ /de la yang bar du gcod pa'i goms pa yod pa nyid do zhe na/ 'di la tshad ma ci yod/ gzhan yang 'di la don gyi rnam pa bsgoms pa med par ni shes pa goms par 'gyur ba ma yin te/ 'ba' zhig goms par bya mi nus pa'i phyir ro/ /gal te shes pa goms pa'i stobs kyis skye ba yin na don la sogs pa la bltos pa ni yod/ 'on te don dang lhan cig pa'i goms pa las yin no/ /de lta yin na don gyi rnam pa yang bsgoms pa'i stobs nyid las skyes par 'gyur ro/ /de ltar gyur na rmi lam la sogs pa bzhin du shes pa don dang bral ba nyid du 'gyur bas bde ba la sogs rnam par shes pa las phyi rol par bsgrub tu chas pa don yang phyi rol gyi rang bzhin ma yin par bsgrubs pa'i phyir/ gzhan dag gzhan sun 'byin pa la cher bzo'o/ /bde ba dang sdug bsngal cig car 'byung ba ma yin par 'dod de/ 'di ltar nang gi nyer len shes pa yang/ /yod na sdug bsngal la sogs 'byung/ /gcig po de ni 'gal ba yi/ /nyer len min par 'dod ce na/ /gang gis rnam par shes pa ni/ /mi shes pa yi nyer len rgyu/ /bdag po nyid du 'gyur yin no/ /de ni 'gal ba dag la'ang mthong/ /dper na snang cig mtshan rgyu dang/ /de las gzhan pa'i dbang po dag? gzugs mthong ba dang mi mthun dang/ /mthun pa cig car byed pa bzhin/ /gal te bde ba la sogs pa shes pa snga ma'i nye bar lan pa la bltos nas byung ba yin na de'i tshe/ 'gal ba gnyis kyi nye bar len pa gcig yin par mi rigs pa zhig na/ 'on kyang de nyid rigs pa yin te/ bde ba la sogs pa 'gal ba la yang shes pa mthong ngo/ /'on te 'gal ba'i nye bar len pa ma yin no zhe na/ de ltar yin na rnam par shes pa rnam par shes pa ma yin pa'i nye bar len par ci ltar 'gyur/ nye bar len pa'i dngos po zhes bya ba ma yin gyi/ rgyu rnams la 'bras bu'i bdag po nyid yin pa 'ba' zhig tu zad la de ni 'gal ba yang yod pa nyid do/ /dper na snang ba gcig las 'ug pa dang gzhan dag gi mig la gnod pa dang/ cig shos su 'gyur ba bzhin no/ /de phyir bde sogs rang nyid la/ /'phos pa'i don ni snang ba dang/ /rang bdag rig byed 'di dag gi /don las skye ba tsam du zad/ /gal te bde ba la sogs pa'i rtogs pa'i bdag nyid ma yin na/ gzugs la sogs pa las rnam par shes pa dang dus mtshungs par skye ba yin na/ de'i tshe rtag tu 'dod pa dang mi 'dod pa'i yul mngon du gyur pas bde ba dang sdug bsngal cig car rig par 'gyur ro/ /khyed kyi ltar na yang ci ste de ltar mi 'gyur zhe na/ ma yin te/ bag chags sad pa de dang 'dra? ba? med pa'i phyir ro/ /gzugs la sogs pa'i rnam par rtog pa bzhin te/ 'ga' zhig gi tshe nyid 'ga' zhig bag chags sad pa'i rgyu yin no/ /ded la yang de ltar yin no zhe na ma yin te/ 'di ltar bag chags stobs las byung na ni/ /rtog pa nyid du thal bar 'gyur/ /bag chags dran dang ngo shes pa/ /nyid kyi rgyu ni yin par mthong/ gal te dran pa la sogs pa yang rang gi ngo bo rig pa med pa nyid ma yin nam/ de la yang don nyid snang ba'i phyir ro/ /de la ni kha dog dang dbyibs kyi bdag nyid don gyi rang bzhin nyid snang gi/ der yang shes pa'i rang bzhin gzhan ni rig pa'i yul du 'gyur ba ma yin no/ /de'i phyir blo mdza' dag ni lkog tu gyur pa 'ba' zhig go zhe na/ gal te der ni yod pa yi/ /don nyid snang ba'i spyod yul na/ /don de mngon sum bzhin du ni/ /'dzin pa dang ni 'brel par 'gyur/ /rang gi ngo bos snang ba'i don ni mngon sum ma yin par 'os pa ma yin te/ rang gi ngo bos snang ba nyid mngon sum yin pa'i phyir ro/ /mngon sum gyi mtshan nyid gzhan med pa'i phyir ro/ /de ltar gyur na mngon sum dang dran pa dag khyad par med par 'gyur ro/ /'on te snga ma nyid dang lkog tu gyur pa nyid du snang ba des na nyes pa 'di med do zhe na/ lkog tu gyur pa zhes bya ba 'di ci zhig / de mngon sum gyis ni dmigs pa ma yin no/ /mngon sum gyis ni dmigs 'gyur pa/ ba dan pa nyid la 'jug pa yin/ /gzhan pa star med rang bzhin ni/ /'dzin ni ji ltar dran pa yin/ /dran pa ni mngon sum gyis dmigs pa la 'jug pa yin te/ de lta ma yin te/ sngon med pa bzung ba yin na ci ltar dran pa yin/ sngon med pa'i yul can ni dran pa ma yin no/ /'on te bzung ba'i don nyid la lkog tu gyur par 'dzin pa'i phyir dran pa yin par 'dod na de yang mi rung ste/ lkog nyid don gyi ngo bo 'am ci/ /cig shes pa'i ngo bo yin/ /don gyi rang bzhin nyid ce na/ /mngon sum la ni de snang 'gyur/ /don gyi rang bzhin gang yin pa de ni mngon sum la snang bar 'gyur te/ dper na sngon po nyid la sogs pa bzhin no/ / gal te nus pa nges pa'i phyir/ dran pa nyid la snang ba yin te/ dper na dngos po yod par dang/ med pa'i bdag nyid la yod pa'i rang bzhin ni mngon sum 'dzin cing/ dngos po med pa'i rang bzhin na rang bzhin gzhan gyis dngos po med pa'i tshad ma'i spyod yul du 'gyur ba bzhin no zhe na/ de yang rang gi phyogs su lhung ba yin te 'di dngos med dngos po yin na ni/ /ji ltar mngon sum gyis mi 'dzin/ /de las de ni tha dad na/ /dngos po gnyi gar ci ltar 'gyur/ /dngos po tha dad pa'i mtshan nyid ni rnam pa tha dad pa yin pa'i phyir ro/ /rnam pa tha dad kyang tha dad pa med pa yin na ni/ ril dang bzhin gcig tu 'gyur ro/ /'on te dngos po dag gi rnam pa tha dad pas du mar 'gyur gyi dngos po dang dngos po med pa dag ni ma yin no/ /dngos po dag ni dngos po med pa las tha dad pa'i phyir te/ dngos po dang dngos po med pa dag la ni dngos po med pa gzhan med do/ /de lta yin na ni thug pa med par 'gyur ro zhe na/ gal te dngos po med dngos las/ / gzhan min gzhan 'dzin ci ltar yin/ /tshad ma tha dad phyir zhe na/ /tha dad med par ga las 'dzin/ /gal te dngos po'i cha ni mngon sum gyis 'dzin la/ dngos po med pa'i cha ni tshad ma gzhan gyis yin na/ de lta yin na phan tshun ma 'dres par rtogs pa'i phyir ci ltar dngos po dang dngos po med pa'i bdag nyid gcig yin zhes bya bar rtogs/ gal te mig gi rnam shes kyis gzugs rtogs la/ gzhan gyi sgra la sogs pa yin na bdag nyid kyis gnyi ga rtogs so zhes byed pa po gcig nyid du ci ltar rtogs she na/ 'di thog ma med pa'i bag chags las rtogs pa yin gyi/ de kho na nyid du ma yin pa'i phyir/ 'di la klan ka ci yod/ 'dir yang de bzhin no zhe na/ gal te de ltar thog ma med pa'i bag chags kyi stobs nyid las dngos po med pa'i tha dad par rtogs pa yang yin par 'gyur na/ don gzhan brtags pa ci bya/ dngos po med pa zhes bya ba'i tshad ma de yang bag chags kyi stobs las byung ba yin gyi don dam pa ni ma yin no/ /des na mi 'dra ba nyid kyis de las ldog pas na/ dngos po med pas ci bya mi 'dra ba yang mngon sum nyid la snang ba yin no/ /des na 'di 'di na med do zhes bya ba'i dus su phyis 'byung ba can de'i stobs las byung ba ni/ gzung ba 'dzin pa'i phyir tshad ma ma yin no/ /dngos po med pa zhes bya ba'i tshad ma gzhan ni med do/ /dngos po med pa'i tshad mas bdag gis dngos po med par rtogs so zhes bya ba 'di ni so sos rang gi tha snyad yin gyi/ 'jig rten ni gang gi phyir blte rung ba bdag gis ma dmigs pa des na 'di na med do zhe 'am/ de 'dir dngos po yod pa ma yin no zhes mtshungs par don gyi tha snyad byed do/ /ma dmigs pa de yang mngon sum kho na yin no zhes bshad par 'gyur/ don dam par ni dngos po med pa zhes bya ba tshad ma ma yin la/ gzhal bya yang ma yin pa'i phyir/ de'i bdag nyid can yin yang nus pa des pa'i dpe ma grub bo/ /gzhan yang/ ci ltar dngos po med pa tshad ma gzhan yin pa de bzhin du dran pa yang 'gyur ro/ /lkog tu gyur pa nyid la dran pa tshad ma kho na'o zhe na ma yin te/ tshad ma'i mtshan nyid dang mi ldan pa'i phyir ro/ /lkog gyur nyid ni bzung na yang/ /don ni ci zhig 'grub par 'gyur/ /rjes dpag chos can 'grel pa dang/ /bzung ba las ni 'jug pa nyid/ 'di snyam du lkog tu gyur pa nyid shes rab gyur na 'di la nga lngar mngon sum du mi 'jug go zhes rtog pa dang ldan pa rjes su dpag pa 'jug par byed do/ /des na 'di lkog tu gyur pa nyid du rig pa'i dgos pa yin pas na/ dran pa tshad ma yin no zhe na/ de ltar ni ma yin no/ /'di ltar 'brel pa bzung ba dang/ /phyogs kyi chos la brten pa 'di las rjes su dpag pa 'jug pa'i phyir ro/ /du ba la sogs pa'i 'bras bu mthong ba'i de ma thag tu skye ba'i rjes su dpag pas re/ 'dzin pa na nga'i sngar lkog tu gyur pa nyid nges par 'dzin par byed pa ni su yang med do/ /nges par 'dzin pa na yang dgos pa med do/ /'o na res 'ga' zhig nges par 'dzin par byed pa nyid do zhe na/ de la yang 'ol med do/ /'di ltar/ sbyor bar byed pa'i cha 'ga' zhig / res 'ga' bar ni mthong ngam ci/ /cig sbyor bar byed pa'i don/ /rgyu nyid las ni ldog 'gyur ram/ /sbyor bar byed pa ni rgyu kho na'o/ /rjes su 'gro ba dang ldog pa las 'das pa ni rgyu nyid ma yin te/ rgyu nyid kyi mtshan nyid ni de tsam du zad pa'i phyir ro/ /gzhan yang/ dran pas lkog? gyur nyid du ni/ /dngos po gang zhig shes par 'gyur/ /rjes su dpag pas rtogs pa gang/ /de ni dran pa'i spyod yul min/ /rjes su dpag pa'i yul du 'gyur pa'i don gang yin pa de ni dran pa'i yul ma yin te/ de lta ma yin na shugs kyis rjes su dpag pa don med par 'gyur te/ lkog tu gyur pa nyid ni dran pa nyid kyis bzung ba'i phyir ro/ /dran pas ni lkog tu gyur pa nyid du rtogs kyi de'i tshe yod pa nyid du ni ma yin no zhe na/ 'o na lkog tu gyur pa nyid du rtogs pa de gang zhig yin/ sngon mthong ba'o zhe na/ 'o na dus de'i mthar thug pa'i dngos po nyid dran pas lkog tu gyur pa nyid du rig pa yin gyi/ gzhan ni ma yin pas na dran pa don med pa nyid do/ /dran nas lkog tu gyur pa la 'jug pa des na phran pa tshad ma yin gyi rjes su dpag pa 'jug par byed pa'i phyir ni ma yin no zhe na/ dran nas 'jug go zhes bya ba 'di rnam par dpyad par bya ba yin no/ /ci de'i dus la 'jug par byed dam/ 'on te de lta ma yin/ gal te de'i dus la ni/ /'jug na de'i thob mi nus so/ /rtog ldan thob bya'i don la ni/ /'jug par 'gyur gyi gzhan du min/ /da ltar ba'i dus la ni dran pa'i rtogs pa ma yin te/ des na ci ltar chad ma yin/ /snga ni dus kyi don la ldog tu gyur pa nyid du rtogs pa yin na de ni thob par mi nus so/ /yang na lkog tu gyur pa nyid ni mngon sum nyid kyis 'dzin pa yin te/ mngon sum gyis de'i dus kyis mthar thug par bzung ba gang yin pa de nyid dus phyis la bltos te/ lkog tu gyur pa nyid do/ /de'i rnam pa nyid ni bag chags kyi stobs las dran pa 'di'i bdag nyid du gyur pa kho na'o/ /de ni de lta bur gyur pa'i/ /don nyid ce na don mos med/ /mos pa yi ni dbang nyid las/ de nyid de nyid min par gnas/ /rang rig pas rtogs pa'i rang gi ngo bo nyid ni don ce 'am/ don ma yin no zhes rnam par gnas par 'gyur ba ma yin gyi/ de'i 'og tu byung ba'i mos pas rnam par 'jog pa yin no/ /dran pa'i rnam pa la ni de yod pa ma yin te/ 'di ltar rtog pa dang ldan pa dag don gang yin pa de ni sngar mthong ba yin la/ rnam pa 'di ni de ltar goms pa'i stobs las skye ba can yin no zhes rtogs par byed do/ /de'i phyir bde sogs rang nyid la/ /'phos pa'i don ni snang ba dang/ /deng? bdag rig byed 'di dag ni/ /don las skye bo tsam du zad/ /ci ltar myong ba'i 'du byed las skyes pa'i dran pa rang la 'phos pa'i don gyi rnam par rig par byed pa yin pa de bzhin du bde ba la sogs pa yang yin te/ 'di ltar de dag kyang goms pa'i 'du byed las byung ba nang gi rig pa'i khyad par bdag nyid du gyur pa kho na'i rig par byed pa yin no/ /'o na ji ltar gzugs la sogs pa'i don la bltos zhe na/ de'i sgo nas de dang rjes su mthun pa'i bag chags sad pa'i phyir ro/ /rig pa 'brel pa las byung ba'i/ /bde ba'i rnam pa myong ba las/ /skyes par gyur pa'i 'du byed de/ /de mthong ba las sad par 'gyur/ /'khrul pa'i bde ba myong ba las shin tu brten par skyes pa'i bag chags ni byis de 'dra ba'i gzugs mthong bas sad par gyur pa na de lta bur gyur pa nyid kyi nang gi rig pa'i bde ba skyed par byed do/ /'di nyid ston par byed pa ni don gyi bdag nyid de dag gis/ rang gi bdag gyur des myong yin des na don snang ba bshad de/ /dmigs pa nyid ni der snang ba'o/ /nang gi rig pa'i khyad par rung gi bdag nyid du gyur pa nyid bde ba la sogs pas myong ba yin no/ /de nyid kyi phyir don myong bar brjod pa yin te/ de lta ma yin te gzhan du gyur pa myong ba yin na des zhes 'brel par mi 'gyur ro/ /'di ltar gang phyir rang re'i rgyu las ni/ /rang gi ngo bo myong bar rigs/ /gzhan gyi ngo bo myong ba ni/ /ci ltar de'i tha dad phyir/ /gzhan ni gzhan gyi ngo bo min/ /ci ltar de las gsal par 'gyur/ /sgron ma las ni bum pa la/ /de 'dra'i gsal ba skye ba yin/ /gsal ba'i rnam par shes pa las/ /don gsal ba ni skye min gyi/ /'bras nyid yin na shes pa des/ /de ni ci ltar rtogs par 'gyur/ /gang zhig gi 'bras bu gang yin pa'i rgyu des ni rtogs pa ma yin no zhes 'thad do/ /de lta ma yin na blo las skye ba'i lus kyi bya ba des rig par 'gyur ro/ /de'i phyir rang gi ngo bo nyid reg par 'thang pa yin no/ /'on te mngon du phyogs par 'gyur bas rig pa yin gyi rang rig pas ni ma yin no zhes na de ni mi rigs te/ rang bzhin mngon du phyogs gyur pas/ /gal te rang rgyu las skye nas gang gis de ni rig 'gyur ba/ /'dir ni don la ci zhig yod/ /'on te de ni don las kyang/ /mngon phyogs yin pas de skad brjod/ /mig las kyang ni mngon phyogs gyur/ /de ni ci ltar de rig min/ /dbang po don la phyogs she na/ /don la shes byar ci ltar 'dod/ /gal te don ni rig na 'di/ /don la phyogs par rig par 'gyur/ / don rang gi ngo bos ma rtogs par ni de la mngon du phyogs pa nyid rtogs pa ma yin no/ /gal te don rang nyid rig go zhe na/ da ni rig pa mngon sum du phyogs pas ci zhig bya/ grub pa nye bar gnas pa la ni de nye bar 'khor ba ma yin no/ /de med par don snang bar mi rtogs so zhe na 'o na de dang lhan cig pa nyid du rig par 'gyur ba 'ba' zhig tu zad de de las gzhan ni ma yin no/ /des na de 'dzin to/ /zhes bya ba 'di ni g.yar po'i rgyan no/ /gzhan yang/ 'ga' zhig bde sogs phyi rol na/ /gnas nyid dang ni sems med dang/ /gzung bar smra ste de yi yang/ /cig car gnyis 'dzin mi rigs so/ /nges par zhes bya ba ni tshig gi lhag ma'o/ /sngon po la sogs pa bzhin du rang dbang du dmigs pa yin na nges par sngon po la sogs pa gzhan dang lhan cig 'dzin to zhes bya ba'i rgyu ni med do/ /'on te bde ba dang sdug bsngal la sogs pa 'di dag ni bde ba dang sdug bsngal la sogs pa'i rang bzhin can gtso bo'i yongs su gyur pa yin te/ 'di ltar/ gzhung lugs ni gtso bo las ni chen po/ chen po las nga rgyal/ nga rgyal las de tsam lnga dang/ blo'i dbang po lnga dang/ las kyi dbang po lnga dang/ yid do/ /de tsam las ni 'byung ba chen po lnga ste/ de ltar rnam par 'gyur ba'i rigs mdza' dag ni 'di tsam du zad do/ /rnam par 'gyur pa yang rang bzhin gyi rjes su 'gro ba can yin te dper na 'dzi ba'i rnam par 'gyur ba bum pa la sogs pa bzhin no zhes bya ba yin no/ /'dir brjod pa/ sngo sogs rang bzhin bde sogs dang/ /gcig phyir cig car 'dzin ce na/ /tha dad snang can sems kyis ni/ /gzung de ci ltar tha mi dad/ /bde ba la sogs pa ni bde ba la sogs pa'i rang bzhin can gtso bo'i yongs su gyur pa yin no zhes bya ba 'di ga las yin/ de'i? rang bzhin rjes su 'gro bar mthong ba'i phyir ro/ /'di ltar 'dzin pa'i rnam par 'gyur ba ni de'i rjes su 'gro ba can du mthong ngo zhe na/ 'di la nges pa nyid ma yin nam/ sgra rnga bo che dang dbyug pa'i sbyor ba las skyes pa yin yang rnga bo chen po dbyug pa'i rjes su 'gro ba can ni ma yin no/ /gal te yang rlung ngam spyi'i rdul phra rab sgra nyid du gyur par 'dod pa/ de lta na yang de grub pa ma yin no/ /'on te 'jim? pa'i 'gyur ba bzhin du 'dir yang rigs mtshungs pa'i rgyu brtag pa yin na/ /de lta ba yin na ni 'o na de'i rang bzhin can gyi 'bras bu gang ci snyed pa de thams cad rigs mi mthun pa las yin te/ dper na sgra la sogs pa bzhin no/ /bum pa la sogs pa yang 'bras bu yin pas/ de yang rig pa mi mthun pa nyid las yin no/ /rdza mkhan la sogs pa ni rigs mi mthun pa yin te/ des na thams cad mthun pa las skye ba yin no zhe na/ bya ba'i khyab pa med pa'am/ rigs mi mthun pa las skye ba yin pa'i phyir bzlog pa grub bo/ /lhan cig pa ma yin pa'i rigs mthun pa'i rgyu ni 'gar yang mthong ba med do/ /'on te thams cad bde ba la sogs pa rjes su 'gro ba can du mthong ba des na bde ba la sogs pa'i rang bzhin nyid rgyu yin par 'gyur te/ 'dzi? ba'i rnam par 'gyur ba rnams kyi 'jim gong bzhin ni zhe? na 'di la bshad zin to/ /lhan cig pa bzhin yang rgyu yin pa'i phyir ro/ /des na rigs mthun pa dang mi mthun pa rgyu yin par thal bar gtso bo mi 'grub bo/ /gzhan yang bde ba la sogs pa bzung ba nyid la sogs pa rjes su 'gro bas bzung ba ni gtso bo gzhan 'grub bo/ /des na mthar bzung ba nyid dang dngos po nyid la sogs pa rgyu yin par 'gyur ro/ /'on te de yang bde pa la sogs pa'i bdag nyid can yin te/ dngos po nyid la sogs pa'i rjes su 'gro ba can ni bde ba la sogs pa'i bdag nyid can yin pa'i phyir ro zhe na/ de lta na ni 'o na bde ba la sogs pa bum pa la sogs pa'i bdag nyid can yin pa'i phyir na/ gtso bo? bum pa la sogs pa'i bdag nyid can du thal bar 'gyur ro/ /'on te de ni thams cad kyi bdag nyid can du 'dod pa nyid do zhe na/ gal te rnam par 'gyur ba'i tshogs mdza' dag gtso bo'i bdag nyid la rang bzhin de nyid kyis phan tshun ldog par yod pa yin na?/ /'di la rang bzhin dang rnam par 'gyur ba'i dngos po ci zhig yod/ mngon par gsal ba dang mi gsal ba tsam ste/ mngon par gsal ba'i rnam par 'gyur ba yin la mi gsal ba'i ni rang bzhin no zhe na/ mngon par gsal ba zhes bya ba 'di ci zhig yin la mi gsal ba yang ci zhig yin/ gsal ba ni mngon par gsal ba yin la/ de med pa ni mi gsal ba yin no zhe na/ gsal ba 'di ci zhig mthong ba'i bdag nyid do/ /de med pa'i mi dmigs pa na ma? gsal ba'o/ /tshad mas rang gi ngo bo grub na/ de dmigs zhes bya bar nus pa yin gyi/ grub na ni med pa nyid ma yin nam/ des na snga na med pa yin pa'i phyir gtso bo mi 'grub bo/ /gal te bum pa la sogs pa sngar de ltar yod pa nyid ma dmigs pa yin na yang gtso bo rgyur? btags pas ci bya/ de dag gi bde ba la sogs pa'i rang bzhin nyid gtso bo yin no zhe na/ ma yin te/ bde ba la sogs pa'i rang bzhin las tha dad par bzung ba'i phyir ro/ /tha dad par snang ba can gyi bzung ba tha dad pa ma yin par yang ci ltar 'gyur/ gzhan yang phyi de khyad par yod min yang/ /goms pa yi ni khyad par las/ /blo la 'ga' dang yongs su gdung/ /khyad par du ni mi 'gyur ro/ /gal te bde ba la sogs pa sngon po la sogs pa phyi rol gyi rang bzhin nyid yin na/ 'o na ni sngon po la sogs pa nyid bzhin du bsgoms pa'i khyad par las dga' ba dang/ gdung ba la sogs pa khyad par du mi 'gyur ro/ /sngon po la sogs pa'i rang bzhin du snang ba ni/ bsgoms pa'i khyad par gyis khyad par du 'gyur bar ma dmigs so/ /de lta yin no zhe na ni nang dang phyi rol mdza' dag goms pa'i rjes su 'gro ba can yin pa de'i phyir 'gro ba mdza' dag ni goms pa'i stobs las skyes pas de kho na ma yin par 'gyur ro/ /gal te bde ba la sogs pa phyi rol yin na ni phyi rol gyi rang bzhin du snang bar 'gyur ro/ /de ni 'khrul pa yin no zhe na ma yin te/ 'khrul pa'i rgyu ma mthong ba'i phyir dang/ gnod pa med pa'i phyir/ gal te blo yang bde sogs kyi/ /bdag nyid yin pas mi 'gal na/ /de ni phyi de bde sogs kyi/ /bdag nyid yin zhes ci ltar rtogs/ /bsam pa 'di yin par 'gyur te/ ci ltar sgra la sogs pa gtso bo yongs su gyur pa'i rang bzhin yin pa de bzhin du blo yang yin no/ /des na bdag gi blo'i rang bzhin gyi bde ba la sogs pa rig pa nges pa kho nar phyi rol ma yin pa'i rang bzhin du rig pa yin la/ bsgoms pa'i khyad par gyis blo khyad par du gyur pa na/ de'i bdag nyid can gyi bde ba la sogs pa yang khyad par du 'gyur ro/ /bsgoms pa zhes bya ba ni nga rgyal dang yid kyi 'jug pa yin no/ /nga rgyal de yang blo la nga'o snyam pa yin zhing/ yid kyang kun tu rtog pa'i bdag nyid can yin pa'i phyir ro/ /yid kyi kun tu rtog pa yang nas yang du gyur pa nyid bsgoms pa yin te/ des na snying stobs las byung ba'i bdag nyid nga rgyal la rag las pa'i blo bde ba'i bdag nyid rtogs pa na de ltar gsal bar 'gyur ro zhe na/ gal te de lta na bde ba la sogs pa phyi rol gyi ngo bo yin no zhes ji ltar rtogs phyi rol sgra la sogs pa yang gtso bo yongs su grub pa'i bdag nyid yin pa'i phyir ro zhes bya ba yang lan du 'brel pa ma yin te/ sgra sogs gtso bo'i yongs gyur las// byung ba de nyid ga las shes/ /'di dag de'i rang bzhin gyi/ /rjes su 'gro bar rtogs ma yin/ /gal te blo bzhin du sgra la sogs pa yang bde ba la sogs pa'i rjes su 'gro bar tshad mas nges pa yin na de'i tshe 'bras bu rgyu'i rjes su 'gro ba can yin pas na 'gro na gnas pa'i skye bos de lta bu'i rgyus bskyed pa yin par shes par 'gyur ro/ /bde ba la sogs pa'i rang bzhin can gyi gtso bo'i yongs su gyur pa yin pas nyid kyis de ltar nges so zhe na/ 'di'i phan tshun brten pa nyid de/ 'di ltar 'di ni gtso bo'i yongs gyur nyid/ /yin par shes na bde sogs nyid/ /bde sogs nyid du shes pas kyang/ /sgra sogs de nyid yin par nges/ /sgra la sogs pa gtso bo'i yongs su gyur pa yin na/ bde ba la sogs pa rjes su 'gro ba yin la/ bde ba la sogs pa rjes su 'gro bar nges kyang gtso bo yongs su gyur pa'i rang bzhin nyid du 'gyur bas/ gcig ma grub na gnyi ga mi 'grub bo/ /gzhan yang/ gal te du ba me yongs su gyur pa'i rang bzhin yin pa de lta mod kyi/ de 'bar ba nyid yin par 'grub bam/ cig mngon sum gyi gnod pa'i phyir te de lta ma yin no zhe na/ sgra la sogs pa la yang mtshungs so 'di snyam du gal te sgra la sogs pa bde ba'i rang bzhin ma yin no/ blo de dag gis 'dzin bar byed khas ma yin par 'gyur te/ rigs tha dad ba gzung ba dang/ 'dzin pa nyid du mi rung ba'i phyir ro zhe na/ 'di la bshad pa/ gal te rigs ni tha dad dag /gzung 'dzin min na skyes bu ni/ /kun gyi 'dzin byed mi 'gyur te/ /des na za ba po nyid nyams/ /skyes bu ni sgra la sogs pa dang rigs mthun pa ma yin te/ de gtso bo'i bdag nyid ma yin pa'i phyir dang bde ba la sogs pa ni bzlog pa'i phyir ro/ /de 'dzin par byed pa ma yin du zad mod ce na ma yin te/ za ba po nyid ma yin par thal ba'i phyir ro/ /skyes bu ni dra ba por 'dod pa yin no/ /nyams su myong bar byed pa las gzhan pa'i za ba po nyid ni med do/ /'dis ni rgyu dang 'bras bu gsal/ /ci'i phyir zhe na/ blo dang sgra la sogs pa'i bde ba dag ni rgyu dang 'bras bu gzung ba dang 'dzin pa nyid kyi dngos po kho na las yin no/ /gang gi phyir sngon po la sogs pa rang gi rnam par gtong pas blo skye bar byed pa nyid kyis bzung ba yin gyi gzhan du ni ma yin no/ /gzung ba nyid ni rgyu dang 'bras bu'i dngos po nyid las yin te/ des na gzung ba nyid kyis rgyu dang 'bras bu nyid du 'grub bo/ /gzung ba nyid de yang rnam par 'jog par byed pa yin no/ /skyes bu yang sgra la sogs pa 'dzin par byed pa yin pas de yang de dag gi 'bras bu nyid du 'gyur na/ de lta yang ma yin pa de'i phyir ma nges so/ /yang na 'dis ni rgyu dang 'bras bu gsal/ /ma grub pa nyid kyi phyir ro zhes bshad pa ni/ blo dang bde ba rgyu dang 'bras bu gzung ba dang/ 'dzin pa nyid kyi dngos po las min/ gang la gzung ba dang 'dzin pa'i dngos po yod pa der rgyu dang 'bras bu'i ngo bor 'gyur ba ni ma yin te/ skyes bu dang sgra la sogs pa'i bde ba bzhin no/ /'on te blo dang skyes bu la sogs pa gzung ba dang/ 'dzin pa'i dngos po nyid las rgyu dang/ 'bras bu ngo bor 'gyur na/ 'o na ni de nyid las de rgyu dang 'bras bu nyid bzhin no/ /'di lta yin dang/ skyes bu yang 'bras bu nyid du thal bar mi 'dod par 'gyur ba 'am/ de nyid kyis ma nges par 'gyur ro/ /yang na blo dang bde ba rgyu dang 'bras bu ma yin te/ gzung dang 'dzin pa nyid med phyir/ /yod na'ang de ni gzhan la'ang gyur/ /de phyir de ni nang nyid dang/ /myong bya nyid phyir sems yin no/ /ci phyir zhe na/ rang rig rang bzhin myong ma yin/ /de ni de yi myong ma yin/ phyi rol nyid la tshad ma med pa'i phyir dang/ nang nyid du myong ba'i phyir ro/ /dngos gang ci ltar rig gyur pa/ /de ni de bzhin nyid yin rtogs/ /myor ba med par dngos po rnams/ / yod par gtan la phebs ma yin/ /gang gi rang bzhin rig par byed pa ma yin pa de ni de'i rig par byed pa ma yin no/ /bde ba la sogs pa yang phyi rol gyi rang bzhin dang rjes su mthun par rig pa ma yin no/ /myong ba yang gzhan la dngos po yang gzhan no zhes bya bar ni mi 'thad do/ /sngon po rig par byed pa ni ser po yin no zhes bya bar mi rung ngo/ /de ltar rig pa rang rig pa'i rang bzhin du 'jug pa ni rang rig pa'i rang bzhin nyid gsal bar byed kyi/ bde ba la sogs pa gzhan gyis rtogs par bya ba rig pa ni ma yin no/ /gzugs la sogs pa ni mig la sogs pa 'khrug pas rig pa yin pa'i phyir rang rig pa'i rang bzhin ma yin no/ /yang na bde pa la sogs pa rnam pa med pas 'dzin pa ma yin te/ des na bde ba'i rnam pa nyid kyis rig par bya ba yin pa'i phyir te/ rnam par shes pa yang bde ba'i rnam pa nyid du grub pas/ de'i nang du chud pa'i bde ba rtogs pa'i rang bzhin nyid do zhe na/ bya bar grub bo/ /'o na bum pa la sogs pa bzhin du bde ba la sogs pa yang phyi rol tu 'gyur ro zhe na don? mi rigs te/ bum pa la sogs pa'i rnam pa ni rnam par shes pa'i bdag nyid du 'gyur ba yin yang gzhan nye bar gnas pas skye ba yin pa'i phyir te/ de la goms pa'i byed pa rtogs pa med pa'i phyir ro/ /bde ba la sogs pa'i rnam pa ni goms pa'i stobs kyis khyad par du 'gyur ba yin pa'i phyir/ gzhan nye bar gnas pa la rag las pa nyid du ma yin no/ /gal te goms pa la rag las pa nyid yin yang bde ba la sogs pa myong ba'i rang bzhin ma yin te/ de'i rang bzhin du gyur pa ma yin pa'i myong bas rig pa'i phyir ro/ /bde ba la sogs pa ni goms pa la 'phel bar gyur pa yin yang myong ba'i rang bzhin ma yin no zhe na/ 'di la bshad pa/ gal te rang bzhin min pa/ /myong bas blo gnas de rig na/ /bde ba la sogs pa rang rig pa yin na rtogs pa'i rang bzhin du 'gyur gyi/ de'i rnam pa can ma yin pa bdag gzhan du gyur ba'i rig pas ni ma yin no/ /des na skyes bu 'bras bu nyid du 'gyur ba yang ma yin te/ de'i rnam par skye ba nyid kyis na de 'bras bur gyur pa yin na de ni yod pa ma yin te/ de de'i rnam pa can ma yin pa'i phyir ro/ /de'i rang bzhin du gyur pa ma yin pa nyid myong bas blo'i nang du zhugs pa'i bde ba la sogs pa rig par byed pa 'am/ de dang 'du ba yin no/ /des na 'du bas 'brel pa'i phyir myong ba dang blo gcig tu mngon par rlom pa yin no zhe na/ mngon sum dran pa'i rnam pa can/ /myong ba ma gtogs/ /'dir blo gang/ /blo zhes bya ba 'di ci zhig lhag par zhen pa'o/ /rig pa de gang yin gnyis su myong ba'o/ /tha dad pa la tshad ma yod na/ de skad brjod par bya ba ma yin nam/ lhag par zhen pa dang nyams su myong ba zhes bya ba ni rnam grangs tsam du zad do/ /yul gyi rnam pa myong ba ma yin pa'i bdag nyid ni blo yin la/ rnam pa med pa'i myong ba ni rtog pa'i rang bzhin yin no zhe na/ rnam pa med pa'i myong ba zhes bya ba 'di la tshad ma med do/ /mngon sum gyi rig pa ma yin pa des na tshad ma med do zhe na ma yin te/ khas len pa'i rgyu med pa'i phyir ro/ /mngon sum med pa la ni rjes su dpag pa yang ma yin te/ des na khas blangs pa nyid du mi rigs so/ /'on te myong ba gzhan med na bde ba la sogs pa myong ba med par thal bar 'gyur ro zhe na/ rang rig pa nyid kyis myong ba ci 'gal/ tha snyad ni de tsam gyi yongs su rdzogs pa'i phyir na/ gzhan ni don med do/ /ci ste yang gal te myong gzhan mi 'dod na/ /de'i tshe thar pa'i gnas skabs na/ /bde dang sdug bsngal des grol pa/ /med pa ji ltar thar par 'gyur/ /rang bzhin yongs su 'dor na ni/ /chos can med par thal bar 'gyur/ /rang gi bdag nyid ni spang bar nus pa ma yin no/ / bde ba la sogs pa tha dad par ni/ gal te de lta'i gnas skabs na tha dad pa med par rtogs pa de lta na yang tha dad par lhag par nges pa'i spyod yul du byas pas spang bar nus pa nyid do zhe na/ gal te 'di 'dod pa de lta na yang tshad ma ma grub pa ni mi 'grub bo/ /bdag gi 'dod pa mi 'grub pa'i don yod do zhes bya bas ni tshad ma med pa'i don grub pa'i yul du 'gyur ba ma yin no/ /rgyu rnams ni rgyu med pa'i ni 'dod pa rjes su 'jug pa ma yin la/ don la rgyu yod do zhes bya ba 'di la tshad ma yang cung zad med de bsgom par ltar nyid bsgom pa la gnas pa na/ cha yod par mthong ba'i phyir ro/ /rdzogs pa de nyid kyi tshe/ nyon mongs pa spong bar mthong ba'i phyir ro/ /da ltar ni de lta bur gyur pa'i myong ba gzhan nyid skye ba yin gyi/ bde ba la sogs ba myong ba las tha dad par rtogs pa ni med do/ /thar pa'i gnas skabs su yang de bzhin du yin pa'i phyir 'gal ba med do/ /de'i phyir de dang de don ma brten nas/ /de dang sdug bsngal sogs myong ba/ /gcig nyid 'byung bar 'gyur mthong gi / bar du gzhan ni ma mthong ngo/ /gal te blo dang bde ba la sogs pa zhes tha dad pas tha dad pa ma yin nam/ de lta ma yin na don tha dad pa med par brjod pa tha dad par ci ltar 'gyur zhe na ma yin te/ 'di ni dga' dang zhum pa la sogs pa'i rnam pa du ma can cig nyid 'byung bar mthong ste/ de la ming ci ltar 'dod par gdags la rag go /brjod pa tha dad pa ni gnas skabs kyi khyad par bstan pa'i don du yin te/ dper na sa bon dang myu gu dang/ 'dod pa ma dang chu ba'i brjod pa bzhin no/ /lcags gong dang ni me bzhin du/ /'dres pa rnam dbyer med ce na/ /de lta yin na dngos kun la/ /tha dad tha dad med gzhan nyams/ /gal te dpe yod pa tsam gyis tshad ma med par 'di ni gnyis 'dres pa yin no zhes btags pa yin na/ de lta yin na ni ka ba la sogs pa rnam pa gcig tu rtogs pa thams cad la gcig pa nyid du mi grub bo/ /gcig ma grub na ni de 'dus pa'i rang bzhin du yang mi 'grub pas na dngos po'i rnam par bzhag pa mdza' dag 'jig par 'gyur te/ gcig dang du ma la gtogs pa'i dngos po mi srid pa'i phyir ro/ /'di ltar/ tha dad med myong gcig yin na/ /de ltar gang yin de tha dad/ /can 'grub 'di sgrub byed min na/ /tha dad grub byed 'grub ma yin/ /de'i phyir gcig ma grub na gnyi ga yang mi 'grub bo/ /de bas na tha dad pa med par rig pa ni gcig yan la de las bzlog pas ni du ma yin no zhes rigs so/ /grangs can gyis ltar na ni/ /sdug bsngal dkar sogs tha dad snang/ /tha dad snang yin blo myong ni/ /tha dad med snang tha dad na/ /tha dad tha dad med rten ci/ /zhes bya ba ni bar skabs kyi tshigs su bcad pa'o/ /'on te yang ci ltar tshor ba dang/ sems la sogs pa sems las byung ba sa chen po la sogs pa rnams la phan tshun tha dad par mi rtogs la/ mi rtogs pa de lta na yang tha dad par 'dod pa de bzhin du blo dang myong ba yang ci ste mi 'dod tha dad pa med par rig pa gcig nyid do zhes bya ba ni sems kyi 'khor du gyur pa sems las byung ba dag gis ma nges so zhe na/ 'dir 'di skad brjod de/ gcig tshe bsal bas bsgribs na yang/ /sems kyi khyad par rgyun dag la/ /tha dad par ni mthong ba'i phyir/ tha dad rnam gzhag grub pa yin/ /sems dang sems las byung ba dag tha dad ma yin no zhes bshad pa'i phyir/ de ltar khas len pa ni ma yin mod kyi khas blangs nas kyang lan 'debs pa ni gal te tshor ba la sogs pa shin tu gsal bar 'jug pa gcig gis sems la sogs pa bsgribs pas shin tu gsal ba'i yul du gyur pa ma yin pa de ltar na yang gzhan gyi tshe dmigs pa'i yul du gyur pas na tshor ba dang sems pa la sogs pa ni tha dad pa kho na'o/ / dus gzhan du rang gi ngo bos dmigs pa'i phyir te/ nyi ma'i 'od zer gyi tshogs kyis rang nyid gsal ba'i nus pa zlog pa'i skar ma'i tshogs de'i tshe med pa'i ma yin pa bzhin no/ /blo dang myong ba dag ni de lta ma yin te/ nam gyi tshe yang tha dad par gsal bar mi 'dzin pa'i phyir ro/ /sems las byung ba dag ni res 'ga' 'ga' zhig gsal bar gyur pa 'dzin pa'i phyir ro/ /gal te mtshan mar? 'dzin pa la sogs pa rnam par rtog pa nyid yin par rtog pa ma yin nam/ rnam par mi rtog pa ma yin no zhe na/ ma yin te/ de la yang sems las byung ba yod pa yin no/ /'di ltar res 'ga' ni nyams su myong ba'i de ma thag tu/ mtshan ma'i rnam par rtog pa'i yin la res 'ga' ni 'di bya'o snyam pa la sogs pa'i rnam par rtog pa yin te/ des na nyams su myong ba'i rjes su 'brang ba'i rnam par rtog pa las rnam par rtog pa med pa la yang sems las byung ba yod do zhes nges pa yin no/ /des na de dag gi tha dad pa la ni rig pa'i cha yod pa yin gyi blo dang myong pa la ni 'di yang yod pa ma yin no zhes bya ba ni don dam pa'o/ / //rnal 'byor shes pa sngar bshad pa/ /de dag gal te bsgoms byung? yin/ /rtog pa'i dra ba rnam bsal bas/ / gsal ba nyid du snang ba yin/ /'phags pa'i bden pa bzhi'i yul can rnal 'byor pa rnams kyis shes pa ni bshad zin to/ /de rgyu gang las byung zhe na/ /bshad pa/ bsgoms byung yin te bsgoms pa'i rgyu can no/ /bsgoms pa'i stobs kyis kyang gsal bar snang ba yin la/ gsal bar snang ba nyid kyis rtog pa med pa yin te/ des na mngon sum yin no/ /gal te don gyi mthu las byung ba'i phyir da ltar gyi don gyi yul can gyi shes pa ni rtog pa med par 'thad pa yin na/ 'das pa dang ma 'ongs pa dang/ med pa'i yul can go ci ltar goms pa tsam las rtog pa med pa nyid yin zhe na/ med pa'i yul can yin yang bsgoms pa yang de lta bu'i 'bras bu la nus pa nyid do zhes ston te/ 'di ltar/ 'dod 'jigs mya ngan gyis brlams dang/ /rkun po'i rmi sogs kyis bslad pas/ /mdun na gnas pa bzhin du ni/ /yang dag min pa'ang mthong bar 'gyur/ /yang dag pa ma yin pa'i yul can gyi shes pa ni don gyi nus pa las skye ba ma yin la/ de ni rtog pa dang bcas pa yang ma yin te/ mdun na gnas pa nyid du mthong ba'i phyir ro/ /de lta yin dang mdun na gnas pa'i rnam pa can nyid kyis rtog pa med pa mngon sum yin no/ /'on kyang rtog pa dang bcas pa yin yang gsal bar snang ba yin te/ rtog pa med pa'i phyir ni ma yin no zhe na/ ma yin te/ rnam par rtog dang rjes 'brel ni/ /don gsal snang ba can ma yin/ /rmi lam na yang dran pa dran/ /de 'dra'i don ldan min par dran/ /rnam par rtog pa'i rang bzhin ni lkog tu gyur pa'i yul can kho na'o zhes bstan zin to/ /gal te de ltar ma grub na ni/ rtog pa dang bcas pa nyid du mi 'gyur ro/ /rnam par na rmi lam na yang lkog tu gyur pa'i yul can du myong ste/ de dag gsal bar snang ba ni ma yin no/ /bslad pa'i stobs kyi gsal ba yin na ni/ 'gal yang rmi lam la sogs par mi gsal bar mi 'gyur ro/ /nyams su myong ba dran pa'i rnam pa ni rmi lam du yang mthong ste/ de'i phyir bslad pa las rtog pa yang gsal ba nyid ni ma yin no/ /des na gsal ba'i rnam ba can gyi shes pa ni rtog pa med pa kho na'o/ /'di la bye brag tu smra ba dag na re/ tshad mas grub pa'i dngos po la bsgom pa'i stobs kyis gsal bar snang ba nyid do zhes bya bar rigs te/ bsgoms pas ma rig pa'i dri ma dang bral na don rang gi ngo bor snang pa'i phyir ro/ /med pa la ni rang gi ngo bo med pas ci zhig snang/ rnal 'byor ba'i shes pa ni 'das pa dang/ ma 'ongs pa'i yul can yin te/ 'das pa dang ma 'ongs pa ni yod pa'i phyir ro zhes zer ro/ /'di la bshad pa ni/ mi gcod zad par sa la sogs/ /yang dag min pa'ang bsgom pas de/ /stobs kyis sprul pa rtog med dang/ /gsal bar snang ba can du mthong/ /mi gtsang ba la sogs pa ni de kho na nyid ma yin pa yid la byed pa yin te/ nam mkha' sa la sogs pa ni med do/ /'on te sa la sogs pa yang yod pa yin te/ rnal 'byor pa'i mngon sum gyis mthong ba'i phyir ro zhe na/ bsgoms pa tsam gyis ni rnal 'byor par 'gyur ba ma yin te/ 'on kyang thos pa las byung ba'i shes pas don bzung nas/ rig pa sems pa las byung bas rnam par bzhag ste/ sgom pa rnams kyi don yongs su rdzogs pa na phyin ci ma log pa'i yul can gang yin pa'i de nyid tshad ma yin la de dang ldan pa ni rnal 'byor pa yin no/ /de ltar yin na yang zhi gnas dang lhag mthong zung du 'jug pa'i lam ni rnal 'byor yin no zhes bshad do/ /de la gal te 'di dag rnal 'byor pa la snang ba yin pa de lta na yang 'di ni 'bras bu'i don du de kho na nyid ma yin pa snang ba yin no/ //des na de dag gi de ni de kho na ma yin par snang ba yin no// des na gal te rnal 'byor pa la de kho na nyid ma yin pa'i rang bzhin du snang pa de tsam gyi yod par ci ltar 'gyur/ de'i phyir rnal 'byor pa'i shes pa la snang yang de dag ni de kho na nyid kyi rang bzhin ma yin pa nyid do/ /snang ba tsam gyis ni de kho nar 'gyur ba ma yin te/ 'on kyang rtags pa las yin no/ /rtog pa tsam las skye ba bsgoms pa ni de kho na rtogs pa'i rgyu ma yin gyi/ tshad ma'i stobs kyi 'ongs na ni de ltar yin na ni de ltar yin no zhes bya ba 'di ni gcig tu nges pa yin no/ /'di ltar/ bsgoms pa tsam las byung ba'i phyir/ /de nyid min par brjod pa yin/ /dngos po'i sgo nas rtogs pa ni/ /dngos po nges par 'dod pa yin/ /bsgoms pa tsam las ni/ de phyir yang dag yang dag min/ /gang gang shin tu bsgoms gyur pa/ /bsgoms pa yongs su rdzogs pa na/ /de gsal mi rtog blo 'bras can/ /yod pa 'ba' zhig bsgom pa ni ma yin te/ gzhan yang bsgoms pa'i yul can yin pa'i phyir ro/ /des na gang dang gang bsgoms pa bsgom pa yongs su rdzogs pa na/ de gsal ba mi rtog pa'i blo ni shin tu bsgoms pa'i 'bras bu yin no/ /bsgoms pa ni gzhan du 'gyur par ma mthong ngo/ /de la sngar dpyad dngos po bzhin/ /bslu ba med can gang yin te/ /bsgoms byung mngon sum tshad mar 'dod/ /lhag ma nye bar bslad pa yin/ zhes bya ba ni bar skabs kyi tshigs su bcad pa'o/ /bsgoms pa'i stobs las byung yang sngar dpyad pa'i dngos po 'jig rten pha rol tu 'phags pa'i bden pa bzhi la sogs pa mi bslu ba can srid pa gang yin pa de'i yul can kho na mngon sum yin gyi/ 'dod pa la sogs pa'i yul can ni ma yin no/ /de ni gsal bar snang bas rtog pa med pa yin yang bslad pa nyid yin no/ /des na rmi lam gyi shes pa la sogs pa bslu ba ni mngon sum ma yin pa nyid do/ /gal te bsgoms pa'i stobs las shes pa mngon sum ma yin na/ mu stegs pa dang 'brel ba'i shes pa thams cad mngon sum du thal bar 'gyur te/ de dag la yang bsgoms pa med do zhes bya ba de ltar ni mi nus so/ /'di ltar don gang 'jig rten thun mong pa/ /de 'ga' zhig la yod do zhes/ /nges par rig par las 'das par/ /gnas pa min par ci ltar 'gyur/ /des na mu stegs byed gzhan de dag gis bsgoms pa las byung ba'i mngon sum gyis grub pa'i rang gi lugs kyi tshogs kyi khongs su gtogs pa'i don gyi tshogs med do zhes bya ba de ltar ga la 'gyur/ des na de dag gis nye bar bstan pa las kyang 'jug par bya bar 'gyur/ rjes su dpag pa la sogs pas gnod pa'i phyir de ltar ma yin no zhe na ma yin te/ dbang po las 'das rig bya min/ /drang srong mig gis mthong gyur pa'i/ /dngos la de dag rnams kyi tshig /rjes su dpag pas gnod mi 'gyur/ /ci ste de dag gi mthong ba yin no zhes bya ba de nyid mi shes so/ /gal te mthong na ni de'i tshig la gnod par mi 'gyur ba nyid do zhe na/ gal te de lta na ni de bzhin gshegs pas kyang dben pa la sogs pa mkhyen to zhes bya ba 'di ga las yin zhe na/ de ni ma yin te/ de bzhin gshegs pa'i gsung la yang/ /bslu ba med can tshad mthong la/ /gzhan gyi tshad mas gnod 'gyur ba/ /des cha de bzhin gshegs pas gzigs/ /gal te skyes bu'i tshad ma dbang po las 'das pa'i don la tshad ma ma yin pa nyid ma yin nam/ de ci ltar dbang po las 'das pa'i don gyi gnod par byed pa 'am/ sgrub par byed par 'gyur/ gang phyir gnod bya gnod byed ni/ /yul mtshungs pa la rnam par gnas/ /dbang po 'das pa 'khor ba pa'i// tshad ma rab tu 'jug pa med/ /rnal 'byor pa'i shes pas kyang de dag gi de la gnod pa nyid do/ /'di ltar de bzhin gshegs gsungs de dag dang/ /'gal bar rnam par gnas pa'i phyir/ /de yi tshig rgyu shes pa ni/ / gnod par rab tu ston pa yin/ /'di ni bzlog pa la yang mtshungs so/ /zhe na de ni ma yin te/ 'di ltar gal te dbang po las 'das pa'i/ /don brjod 'ba' zhig rig byed na/ /de yi tshig las mkhas pa ni/ /'ga' yang 'jug par 'gyur ba min/ /dbang po las 'das pa'i tshig ni thams cad la yod la/ des na gzhan la ston par byed pas cig shos kyis bcad par nus pa nyid bstan par bya ba yin no/ /mi srid pa'i phyir de ltar ma yin no zhe na/ rnal 'byor pa'i shes pa yang de gang la srid pa yin zhes bya ba 'di bsam par bya'o/ /rang bzhin gyis grub rnal 'byor pa 'am/ rig byed de ston byed yin na/ /gtan la phebs pa yod min na/ /dngos 'dir tshad ma gi las zhig / 'on te? don du gnyer rnams kyi/ /blang bya bcad nus min zhe na/ /mi rigs sdug bsngal chad pa ni/ /gtso bo min pa nyid ma yin/ /sdug bsngal mdza' dag nye bar zhi ba ni blang bar bya ba ma yin te/ 'di ltar bdag dang bdag gir 'dzin ldan pas/ /skye bo sdug bsngal dang 'brel cing/ /de zhi na ni sdug bsngal rnams/ /thams cad zad par 'gyur ba yin/ /bde pa'ang de ltar 'gyur zhe na/ /sdug bsngal med pa bde ba'i mchog /gal te rtag tu sdug bsngal las/ /bzlog pa rig pa yod gyur na/ /de las mchog gyur blang bya gzhan/ /rigs pa dang 'brel gang zhig yin/ /mar me zhi bar gyur pa bzhin/ /zhe na 'di ni tshad can min/ /'di ltar/ bsreg dang bcad la sogs pa yis/ /shes pa rgyun chad nus ma yin/ /des na rgyun chad med pa'i phyir/ /ma 'khrugs pa ni gnas pa nyid/ /de yi gnas skabs rtogs pa de/ /rnam 'byed pa las rgyab phyogs 'gyur/ /gal te skyo bas la rgyab phyogs/ /'di la 'gal ba ci zhig yod/ /mnyam pa nyid ni mthong ba de'i/ /rgyab kyis phyogs pas gang gis byas/ /ting 'dzin stobs ni thob gyur pa/ /de las gnod byed 'ga' yod min/ /ting nge 'dzin gyis bkres sogs kyi/ /sdug bsngal mdza' dag zad 'gyur zhing/ /de las mtshon sogs gnod pa yang/ /de la med par 'gyur ba yin/ /bsgom pa'i stobs las thams cad la/ /dpa' dang brtan pa la sogs 'byung/ /brtan pa med pa 'ga' la yang/ /kha zas rgyas par byed ma yin/ /brtan dang ldan pas gyi na yi/ /kha zas yongs su rgyas par byed/ /de lta'i kha zas med par yang/ /de yi don ni yod pa srid/ /skye ba gzhan sogs rig pa ni/ /goms pa nyid las skye bar 'gyur// des na las dang 'bras shes shing/ /rgyu dang 'bras bu'i dngos po ni/ /bye brag tu ni nges pa na/ /de las thams cad rig par 'gyur/ /de yi 'das dang ma 'ongs pa'i/ /shes pa gsal bar 'gyur pa yin/ /bsgoms pa'i stobs las shes pa ni/ /phyi rol rnams la'ang 'gyur zhe na/ /de ni nged cag 'dod pa ste/ /rnam pa kun ni skyob pa yin/ /dngos po'i bdag med rtogs pa na/ /brtan cing 'khrugs pa med pa yin/ /chags la sogs pas dkrugs pa'i phyir/ /mu stegs shes pa de lta min/ /de ltar gyur pa'i tshig las ni/ /de byed mkhyen par ldan par shes/ /shes pa yongs su ma dag par/ /brjod pa yongs su dag pa med/ /gal te rang rtogs rjes 'brangs pas/ /ngag gi 'phrod pa 'di yin na/ /yod pa'i don la bsgom pa ni/ /shes pa'ang yod yin ma gus min/ /des na 'di ni chags bral na/ /don kun shes pa srid pa yin/ /mnyam par bzhag la ma dag ni/ /gsal bar yod pa rnam par nges/ /chags dang bral ba thams cad la/ /de ni ci phyir yod ma gyur/ /de dag 'bad pa chags sogs dang/ /bral ba tsam la zhugs pa'i phyir/ /de las de log gyur pa na/ /bdag don byas par rlom de dag / gong du 'bad pa med par ni/ /bde thob 'dod pas re zhig gnas/ /kun mkhyen yon tan la chags pa/ /de dag slar yang dus gzhan du/ /'bad pa chung ngus kun mkhyen nyid/ /'grub pa bkag pa yod ma yin/ /mar me zhi bar 'gyur ba bzhin/ /zhe na de ni srid ma yin/ /de ni nyon mongs med pa yi/ /bdag la chags bral ga la srid/ /gal te rtog pa sngon byas te/ /de la lhag par 'dod ce na/ /'di ni de la'ang gus med par/ / bral bar 'dod pa ci phyir yin/ /'dod chags bral la bud med dang/ /sogs las skyes 'byung bde ba med/ /sdang dang bral ba dbang po'i ste/ /bcom skyes bde ba ga las yod/ /rmongs dang bral la bdag dang ni/ / bdag gir zhen skyes bde ba med/ /des na de 'dra'i thar pa der/ /skye bo rnams la ci zhig bya/ /de ni de ltar mi bden te/ /chang 'thungs sogs la'ang bsam par bya/ /chang 'thung las kyang bram ze la/ /rtag tu bde ba yod ma yin/ /bshang ba za ba'i bde ba ni/ /grong gi phag pa min la med/ /mi sha rlon pa srin po ni/ /ma yin pa dag bde ma yin/ /rje bo'i drin sogs bde ba ni/ /dran ma yin la yod dam ci/ /mgor brdegs pa yi bde ba ni// khol po ma yin rgyal ldan min/ /de ltar thar pa med pa la/ /'di kun don du gnyer byas kun/ /sog po par sig min pa yis/ /ma sogs 'doms dang 'brel ba yang/ /mnar med par ni ma phyin la/ /de bral bde ba gang na'ang med/ /des na skye bo dmyal bar ni/ /lhung la sogs pa 'dod par 'gyur/ /'on te bde ba khyad par can 'dod pa yin no zhe na/ de lta yin na kho bo cag gi 'dod pa de nyid 'ongs pa yin no/ /'on te ci ltar thams cad rig pa yin/ da shes pa yang ji lta bu yin/ thams cad rig na 'dod chags la sogs pa gzhan gyi sems mdza' dag mngon du byas pa na 'dod chags dang bcas pa la sogs pa'i skyon du yang ji ltar mi 'gyur zhe na/ bshad pa/ thabs ni rnam pa du ma dag /yun ring dus su goms pa las/ /de yi thams cad mkhyen pa nyid/ /thob pa zhes byar rig pa yin/ /bskal pa grangs med pa gsum du goms pas mi thob pa gang yin pa de yod dam cig / thams cad rig pa shes pa ni kho bo cag med par 'dod pa yin te/ ji skad du/ kun mkhyen min pas kun mkhyen min/ /gang la ci ltar shes par 'gyur/ /bdag rig bdag nyid chen po ni/ /rgya che khyod la phyag 'tshal lo/ /zhes bshad pa bzhin te/ thams cad mkhyen pa ma yin pas ni thams cad mkhyen pa shes pa ma yin no/ /de bzhin du dge slong dag gang zag gis gang zag gi tshod ma 'dzin cig / gang zag gi tshod ni nga 'am nga dang 'dra ba dag gis bzung zhes so/ /thams cad mkhyen pa yin na bdag nyid thams cad 'dod chags la sogs pa gzhan gyi rgyud rig pa na/ 'dod chags la sogs pa dang ldan par 'gyur ro zhes bya ba ni med de/ 'di ltar/ gzhan gyi rgyud ni rig pa na/ /'dod chags bral ba'i rig pa la/ /de yi chags can nyid yod ces/ /bya ba shin tu 'thad par dka' / /gal te 'di gzhan gyi chags pa dang bcas par 'gyur na/ de bzhin du gzhan chags pa bral ba la sogs pa rig pa ni chags pa dang bral bar 'gyur ro/ /gnyi ga yang de nyid yin na zhe na/ gcig kyang myong bar med pa ni/ /'dod chags can du ci ltar 'dod/ /btang snyoms pa ni rig pa ni/ /chags can la sogs srid pa min/ /'di ltar bum pa rig pa na/ /bum pa dang bcas par mi 'gyur ba de bzhin du/ 'dod chags la sogs pa yang gzhan gyi rgyud du gtogs pa'i btang snyoms par rtog par gyur pa ni 'dod chags dang ldan par bsgrub pa ma yin no/ /'on te bdag nyid thams cad rig na de ci ltar bdag nyid rig pa de bzhin du rnal 'byor ba yang yin pas 'dod chags dang bcas pa nyid mi nyams so zhe na/ de ni mi rigs te/ de yi ngo bor rig bya na/ /de nyid du ni rig 'gyur te/ /de ni gzhan gyi 'dod chags sogs/ /rig pa yin par ci ltar gzhag / de'i bdag nyid du rjes su zhugs na ni/ gzhan gyi chags pa rig pa ma yin te/ de nyid bdag nyid kyi chags pa yin pa'i phyir ro/ /'di ni nyes pa gzhan yin te/ /de'i ngo bo rig bya na/ /de nyid du ni rig mi 'gyur/ / de yi bdag tu rig na ni/ /chags dang bcas par thal bar 'gyur zhe na/ de ni ma yin te/ 'di ltar/ gzhan la gnas pa'i chags sogs kyi/ /de yi lus ngag rnam 'gyur bar/ /mi 'gyur de la chags sogs kyi/ /sa bon rgyud rings gnas pa nyid/ /bag chags mthu las byung ba yi/ /'dod chags kyi ni 'dod chags dang ldan par byed kyi/ gzhan gyi bag chags las byung ba grub pa nye bar gnas par myong bas ni ma yin no/ /gal te rang gi ngo bo nyams su myong na de'i ba spu ldang ba la sogs pa lus rnam par 'gyur ba dang/ ngag rnam par 'gyur bar ci ste mi 'gyur zhe na/ de ni ma yin te/ lus dang ngag gi 'gyur ba de/ /bag chags stobs las 'gyur ba yin/ bag chags med pa de la ni/ /gnyi ga yang ni srid ma yin/ /gal te gzhan gyi sems bsgoms pa'i stobs nyid kyis/ rig pa ma yin nam/ goms pa'i 'du byed kyang bag chags yin te/ de la goms pa'i 'du byed yod pa/ bag chags med par ci ltar 'gyur/ /goms pa yang bag chags dag gi khyad par cung zad yod pa ma yin no zhe na/ de ni rig ste 'di ltar/ go bar byed pa'i khyad par ni/ / shin tu mthar phyin rtogs 'gyur na/ /gzhan gyi sems ni rag pa la/ /khyad par snang bar 'gyur ba yin/ /de la ni rtags kyi khyad par nye bar mtshon pa la bsgoms pa'i khyad par yod kyi /de la go bar byed pa'i don sgoms pa de ni med do/ /yod kyang bdag nyid 'brel pa ni ma yin te/ des na de la bag chags med pa'i phyir snang yang chags pa dang bcas pa ma yin no/ /'dis ni mi gtsang pa'i ro la sogs pa myong ba'i skyon yang spangs pa yin te/ 'di ni las las skyes pa yi/ /dbang pos rig na mi gtsang sogs/ /bcas 'gyur goms pa'i stobs las ni/ /'byung ba gzhan dag gis ma yin/ /gal te bsgoms pa'i stobs kyis lce bskyed de myong na ni de'i tshe skyon med pa nyid de/ rmi lam du ni bgrod par mi bya ba la bgrod pa'i nyes pa yod pa ma yin no/ /de ni mi bden pa des na skyon med pa yin no zhe na/ mi bslu ba yin na ci ltar mi bden/ gang gi tshe yang rmi lam rmi ba de'i tshe 'gyur na/ de'i tshe khyod la bgrod par bya ba ma yin pa/ bgrod pa'i nyes pa ci ltar yin/ de'i phyir gzhan gyi lugs na ma yin no/ /rim gyis rig na thog med pa'i/ /dngos po ci ltar rig ce na/ /ma yin don rnams thams cad ni/ /rim ma yin par rig phyir ro/ /dper na shin tu goms pa yis/ /bstan bcos kyi ni don rnams kun/ /yid la skad cig gcig la snang/ /de bzhin mdza' med rig pa nyid/ /dper na shin tu goms pa yi/ /bstan bcos kyi don skad cig gcig nyid la snang ba de bzhin du thog ma dang tha ma med pa rig pa yang yin no/ /bstan bcos ni tshad ma yin pa'i phyir ro zhe na/ tshad dang ldan pa phyir snang ba ni ma yin no/ /'on kyang goms las yin no/ /bstan bcos kyi brjod bya de ni thams cad snang ba des na/ des dran pa la snang ba yin no zhe na/ ma yin te/ snga na med pa'i bstan bcos kyi don snang ba'i phyir ro/ /bstan bcos kyi don ni phan tshun 'brel pa yin pas de la nye ba rgyu 'ga' zhig gis gzhan la snang ba ma yin nam/ gal te de la phan tshun 'brel pa'i bstan bcos kyi don 'ga' zhig snang ba'i rgyus gzhan yang ma yin nam/ thog ma dang tha ma med pa snang ba ni de lta ma yin no zhe na/ ji ltar snga na med pa snang ba yin zhes thams cad mtshungs so/ /'di ltar/ rgyu dang 'bras bu'i 'brel pa las/ /ma gtogs par ni don rnams la/ /nye ba yod min tha snyad la'ang/ /de ni ji ltar yod ma yin/ /bstan bcos su don rnams kyi nye ba ni rgyu dang 'bras bu'i dngos po yin te/ des na thams cad snang ba yin no/ /'di ni tha snyad la yang mtshungs te/ 'di ltar 'di'i rnam par 'gyur ba ni 'di yin te/ 'di'i rgyu ni 'di lta bu zhig yin dgos so/ /rgyu de yang rgyu dang 'bras bu 'di nyid kyi skyed par byed pa yin no/ /gang gis 'di la lhan cig byed pa yod pa 'am/ med par 'gyur ba 'di'i bsod nams ni 'di 'dra ba zhig yin no zhes de ltar gzhan gyi sems rtogs so/ /skye ba sngon ma la sogs pa rig pa na yang brgyud nas phan tshun bral ba thams cad du rig ste/ des na bskal pa gzhan yang na rig go /bskal pas skal can skye ba la/ /rgyu 'bras nyid ni rig pa yis/ / 'gro ba kun gyi de nyid dang/ /de yi nang khyad rnam gnas rig /de ltar don kun rig pa ni/ /lugs kun sdang nas 'dir bstan to/ /gzhan gang de yang gzhan dag gi /

CLOSE WINDOW