བོད་ཡིག

e-texts based on the ACIP/ALL Input

/ //slad kyi rgya gar gyi mkhan po ka na ka warma dang/ bod kyi lots+tsha ba pa tsha ba nyi ma grags kyis rgya dpe gsum la gtugs nas legs par bcos pa'o/ // 'dis kyang 'khor ba sdug bsngal gyi rgya mtsho skem nus par gyur cig/ //gtam bya rin chen phreng ba'i 'grel pa mi 'pham bshes gnyen gyis mdzad pa bzhugs so// // rgya gar skad du/ ratnA ba liTI ga/ bod skad du/ rin po che'i phreng ba'i rgya cher bshad pa/ sangs rgyas dang byang chub sems dpa' thams cad la phyag 'tshal lo/ /bskal pa bye ba brgya phrag na'ang/ /gang zhig mthong ba rnyed dka' ba/ /don rnams kun la thogs med thugs/ /thub pa tshe la phyag 'tshal nas/ /bdag gi bsod nams 'dod pa yi/ /rin chen chos kyi phreng ba gang/ /bden pa gzigs pa mdzad pa de'i/ /don ni gtan la dbab par bya/ /bsdus la dga' ba'i sems can gyi/ /don phyir bdag nyid chen po yis/ /zab cing rgya che'i mdo rnams kyi/ /don ni yang dag bsdus te bstan/ /de la 'dir btsun pa 'phags pa klu sgrub 'jig rten mdza' dag la phan par bzhed pas rgyal po bde spyod kyi dbang du mdzad nas dam pa'i chos rin po che'i phreng ba dgod pa'i nges pa mdzad de dam pa'i spyod pa dang mthun par/ /nyes pa kun las zhes bya ba la sogs pas rje btsun sangs rgyas bcom ldan 'das yon tan brjod pa sngon du 'gro ba'i phyag 'tshal ba dgos pa dang bcas pa brtsom mo/ /'di la dgos pa gang zhig yin zhe na/ bcom ldan 'das yon tan tshad med pa la yon tan brjod pa sngon du 'gro ba'i phyag byas pa'i rgyus bsod nams shin tu rgya chen por 'gyur la/ /de nas rjod par 'dod pa'i don sgrub pa 'bad mi dgos par 'grub par 'gyur te/ /re zhig 'di na gcig yin no/ /'di ni nyan pa'i skye bo yang rnam pa gnyis dmigs te/ de las dad pas rjes su 'brang ba rnams ni yon tan brjod pa sngon du 'gro ba'i phyag 'tshal ba dmigs nas 'di ni bde bar gshegs pas byas so zhes dad pa kho nas 'di nyan pa la sogs pa la 'jug go/ /chos kyi rjes su 'brang ba ston pa grags gang dag yin pa de dag kyang phyag 'tshal ba khyad par dang bcas pa dmigs 'di snyam du sems te/ /gzhan la khyad par 'di mi srid pa'i phyir 'di ni 'jig rten mdza' dag gi sgron ma la phyag 'tshal ba yin no snyam mo/ /de ltar nges pa'i yid can rnams la rab tu dga' ba skye zhing tshig de lta bu la mkhas pa rnams 'di snyi ma du sems te/ /re zhig dad pa can gzhan yang gsum la skyabs su 'gro ba nyams pa'i 'jigs pas gzhan dag la phyag 'tshal ba'i ral ba mi byed na 'phags pa klu sgrub bden pa gzigs pa mi phyed pa'i dad pa brnyes pa lta smos kyang ci dgos/ /de lta bu ni mu stegs can gyis gzhung lugs kyis kun brtags pa'i chos phan tshun 'gal ba ma gsung ste/ /de skad du mjug thogs nas/ gcig tu dge ba'i chos bshad de zhes 'chad par 'gyur ro/ /de lta bas na 'di ni gdon mi za bar skyes bu'i don mchog thob pa dang mthun pa yin no snyam mo/ /de nas 'di nyan pa la sogs pa la 'jug par 'gyur ro/ /rtag pa sngon du gtong bston par ma grags pa gang dag yin pa de dag kyang phyag 'tshal ba la yon tan bsnyad pa thos nas ngo mtshar dang mthun par sad par dbyed pa 'am nyan par byed do/ d e nas ni de dag gis 'di'i don bzang po dmigs nas 'di lta bu'i don legs par gsungs pa ni ngas gsungs so zhes sangs rgyas bcom ldan 'das la dad pa thob nas ston pa nyid du khas len pas de dag la ston pa rab tu grub par bya ba'i phyir ro/ /de ltar na yon tan brjod pa sngon du 'gro pa'i phyag 'tshal pa 'di ni de gnyi ga la dgos pa dang bcas pa yin pa'i phyir byas te/ /dam pa rnams kyang de kho na ltar zhugs so/ zhes brjod par bya'o/ /nga ni ji ltar nus pa bzhin don dgrol bar bya ste/ /de la nyes pa ni yon tan gyi mi mthun pa'i phyogs su gyur pa 'dod chags la sogs pa la bya ste/ /lus dang sems kyi rgyud ma rungs par byed pas so/ /kun/ zhes pa'i sgra ni brjod par 'dod pa'i dbang gis mdza' dag la bya'o/ /de dag ni nyes par yang yin la kun kyang yin pas de lta bu'o/ /rnam grol zhes ba ni mi ldan pa ste bral ba zhes bya ba ste bral ba zhes bya ba'i don to/ /yon tan ni/ shes rab la sogs pa ste/ legs pa don du gnyer ba rnams kyis 'dris par bya zhing goms par bya ba yin pas so/ /'dir yang kun/ zhes pa'i sgra ni gong ma bzhin du shes par bya'o/ /de dag gis brgyan pa bo zhes bya ba sdud? pa'o/ /'di dag ni skyes bu rnams kyi rgyan gyi 'byor pa ston par byed pa gdu bu rgyan can dang dpung rgyan dang lag rgyan la sogs pa ni ma yin te/ de skad du gzhen nas/ ljon shing rnams ni me tog dag gis brgyan /char sprin rnams ni glog gi phreng ba yis// mtsho rnams bung ba rgyags lding pad+ma yis/ /lus can khyad par thob ba'i yon tan gyis zhes bshad do/ /de lta yin na go rims zlog pa'i nyes par 'gyur ba ma yin nam/ nyes pa rnams ni mun pa lta bu yis la/ de dag kyang yon tan gyi snang ba 'byung ba med par rten mi gtong ngo/ /de'i phyir nyes pa las rnam par grol ba nyid kyis yon tan gnas par grub na 'dis ci zhig bya zhe na/ /de ni bden na 'on kyang dbang po rtul po blo zhan pa tshig lhur len pa gang dag yin pa de dag gis nyes pa thams cad las rnam par grol ba nyid ni nyes pas las/ rnam par grol ba 'ba' zhig yin par rtogs kyis/ shugs kyi 'phangs pa'i don ni ma yin pas de dag gis gsal bar rtogs par bya ba'i phyir ro/ /yang dbang po rnon po mgo smos pas go ba de dag las yang de skad du brjod par bya ste/ /re zhig srid pa tsam du bya na nyes pa thams cad dang bral la yon tan thams cad kyi brgyan ba ma yin pa yang yod de/ dper na shel dang/ anda rnyil dang markata la sogs pa lta bu'o/ /de bas na khyad par 'di gnyi ga brjod do/ /de lta bu'i thams cad mkhyen pa gang yin pa de la bdag phyag 'tshal nas chos bshad do zhes bya bar sbyar ro/ /phyag 'di su la 'tshal ba yin zhe na/ /sangs rgyas bcom ldan 'das la'o/ /de yin par ci mngon zhe na/ yon tan thun mong ma yin pa bstan pa'i phyir te/ sa mdza' dag gi rgyan nyes pa ma lus pa dang bral ba yon tan gyi tshogs mi g.yo ba dam pa mchog gi mthar phyin pa ni sangs rgyas bcom ldan 'das ma gtogs pa gzhan thams cad mkhyen par yod par srid ba med do/ /mu stegs can rnams kyang rang rang gi ston pa yon tan 'di dag dang ldan par sems pa ma yin nam/ /de dag yod na ji ltar khyad par la gnas she na/ de'i phyir/ sems can kun gyi gnyen gcig pa/ zhes bya ba smras so/ /de rnams ni sems can la gnod pa byer pa yin par grags te/ /'di lta ste/ drag pos ni grong khyer sum rtsegs bsregs so/ /khyab 'jug gis ni dmag sde chen po bco brgyad rmig med par byas so/ /phyogs kyi gos can rnams kyang skye bo phra mo reg pa tsam gyis 'jigs pa rnams kyis nam mkha' gang bar sems shing slob ma rnams gnas nas phyir 'byung ba'i tshe bslab ba dbul bar smra'o/ /drang srong rnams kyang yid khro ba'i mes bsregs nas dpung gi tshogs yan lag bzhi pa rgyal po dang bcas pa yang skad cig tu dmod pa'i me'i bud shing du byed do/ /'on te de dag gi de ni sems can 'dul ba'i thabs yin no zhe na/ de ltar yin du zad de brtsad pa med do/ /sangs rgyas zhes bya ba'i sgra ni rigs mi mthun pa las log pas don de lta bu kho na brjod do/ /bcom ldan 'das de lta bu la phyag 'tshal nas ci zhig bya zhe na/ gcig tu dge ba'i chos zhes bya ba la sogs pa smos so/ /ngan song du ltung ba las 'dzin ba'i phyir ru ma rgyud par ltung ba las 'dzin pas chos te/ chos ni sbyin pa la sogs pa'i sems pa 'am dpe'i? bcug pa lus dang ngag gi sbyor ba yin no/ chos de gcig tu yongs su dge ba ste/ thog ma dang/ bar dang/ tha ma dge ba zhi bya ba'i don to/ /khyad par du bya ba don med de sngar bshad pa'i khyad par can gyi chos gang yin pa de ji ltar gzhan du 'gyur zhe na/ de ni bden na 'on kyang chos ma yin gdung ba lnga la sogs pa la yang chos kyi bsam yas 'jug par snang ngo/ /'on te sdug bsngal dang du len pa de las bzod par 'gyur la/ /sbyor ba de 'dra ba ni nyon mongs pa skye ba'i gags byed pa yang yin no zhe na/ de ltar yang rigs pa ma yin te/ bzod pa'i rgyu byams pa dang snying rje dag yin la/ nyon mongs pa skye ba'i gnyen po yang mi sdug pa la sogs pa bsgom pa'i ngo bo yin pas so/ /sbyin pa la sogs pa'i sems pa dang nges bcug pa'i sbyor ba'i mtshan nyid kyi chos kyang thabs shes rab dang bral ba dug dang bcas pa'i bras bzhin du dag ba ma yin par 'gyur bas sdug bsngal du yang byed pas don dang bcas pa yin te/ /chos de lta bu bshad do zhes bya bar sbyar ro/ /rgyal po zhes bya ba ni bod pa ste/ /rang gi 'khor dang yul zil gyis mnan nas mchog tu dpa' bas na rgyal po'o/ /bshad pa la dgos pa ci yod ce na/ chos 'grub phyir zhes bya ba smos te/ 'grub pa ni mngon par 'phel ba'o/ /chos kyi 'grub pa la de skad ces bya ste/ de yang phul du dbyung du yod pa dan de las gzhan pa ngang rnam pa gnyis so/ /yang rnam pa gnyis te/ mngon par mtho ba dang nges par legs pa'o/ /de dag khyod la bshad do zhes bya ba ni bstan par bya 'o/ /rgyal po kho na ci'i phyir bshad ce na/ dam pa'i chos kyi snod la ni/ /chos shes bya ba la sogs pa smos te/ ni zhes bya ba ni gang gi phyir gyi don yin te/ /gang dang de ni rtag tu 'brel pa'i phyir de'i phyir zhes bya ba khong nas dbyung bar bya'o/ /'grub pa ni grub pa ste/ /rig sngags dang 'bras can grub pa bzhin no/ /rig sngags grub pa la ni 'bras bu grub grub pa yin la/ 'bras chan grub pa la yang de nyid 'bras bu nyid du brjod par 'dod pas de grub grub pa zhes bya ba ma yin nam/ /chos ni ngo bo gcig pa yin pa'i phyir nam yang 'grub pa'i grub pa me dang zhen/ /de ni nyes pa med de/ chos 'grub pa phul du dbyung du yod pa dang/ de las gzhan pa dang rnam pa gnyis su bshad pa la re zhig phul du dbyung du yod pa'i gang yin pa ni de nyid 'bras bu nyid du brjod par 'dod pas nyes pa med do/ /'grub pa de yang gang la chos bshad na 'gyur zhe na/ dam pa'i chos kyi snod la ste/ /dam pa'i chos mnyan pa dang bzung ba la sogs pa'i snod du gyur pa la'o/ /gzhan la ni mi 'grub pa 'ba' zhig tu ma zad kyi rang gi ngo bo yang mi 'thob bo// de lta bas na bsdus pa'i don ni 'di yin te/ de gang gi phyir dam pa'i chos kyi snod las chos bshad na 'grub par 'gyur ba de'i phyir dam pa'i chos kyi snod khyad la chos de lta bu bshad do zhes bya ba yin te/ drug pa dang bdun ba dag khyad par med pa'i phyir ro/ /yang na khyod la chos 'grub par bya ba'i phyir bshad do zhes bdun pa'i don kho na yin par khong du chud par bya'o/ /gang gis phul du 'byung dgos pa de'i tshe ni mngon par mtho ba ba 'bras bu'i ngo bo phul du dbyung du med pa dang nges par lags pa 'grub par 'gyur zhing 'thob bo zhes brjod par bya'o/ /chos bshad do zhes bshad pa'i chos de yang lung gi mtshan nyid dang/ /rtog pa'i mtshan nyid do/ /de la rtog pa'i mtshan nyid ni// so so rang gi rig par bya ba ste/ /de yang lung gi mtshan nyid kyi tshes goms pas rtogs par bya ba yin pas de nyid brjod par bya'o/ /de yang rnam pa gnyis te /mngon par mtho ba dang/ nges par legs pa'o/ /de la nges b ar legs ba ni mchog tu zab ba phra ba shes rab kyi spyod yul yin pas de dang par bstan na sems can blo ma byang ba gang dag yin pa de dag yin te de dag gis gting mi sleb bas spong ba lhur blangs nas mtshams med pa'i 'gro ba dmyal ba la sogs par 'gro bar 'gyur te/ ji skad du 'dis 'di nyid las/ spong bas ma rung ba dag nyid can/ /mnar med bar ni spyi'u tshugs 'gro zhes 'chad par 'gyur ro/ /kha cig ni don nges ma zin pas chad par lta bar ltung ste/ rang dang gzhan rlag par byed cing sems can gyi 'dron po med po de nas 'khor 'brog dgon par zhugs te sdug bsngal la gzhol bar 'gyur ro/ /de lta na ni chos bshad de zhes smras nas de dag la chos ma yin pa bshad par 'gyur ro/ /rgyal po zhes bstan pa 'di yang phyir bstan pa yin te/ /de skad du/ ma byad ba la dang po bstan pa ni bzang po ma yin no zhes bya ba dang/ /de bzhin du stong pa nyid la lta nyes na/ shes rab chung ldan phung bar 'gyur zhes bshad do/ /rtsa ba'i ltung ba'i skabs nas kyang blo ma sbyangs pa'i sems can la/ stong ba nyid ni ston pa dang/ zhes bshad do/ /de lta bu la dgongs nas 'phags pa chos kyi gral rims shoms par mdzad pa na sems can snod du gyur pa rnams la thabs mi nyams par bya ba'i phyir/ /gang zhig la/ /dang po mngon par mtho ba'i chos zhes bya ba la sogs pa chos kyi go rim ston bar mdzad do/ /gang zhig la/ zhes pa ni mngon par mtho pa'i chos gang zhig la gnas na thos pa dang bsam pa la sogs pa'i rim gyis dus phyis nges par legs pa 'byung ba bsam gtan dang shes rab kyi mtshan nyid 'gyur zhing srid pa'o/ /dang por zhes pa ni sngar ro/ /mngon par mtho ba'i rgyu yin pa'i phyir mngon par mtho ba ste/ rgyu las 'bras bu btags pa'i phyir dper na cho ni mar yin no zhes pa lta bu'o/ /'di ga las she na/ /de la mngon mtho bde bas te/ zhes 'byung ba'i phyir ro/ /bde ba ni chos yin par rigs pa ma yin te/ de'i 'bras bu yin pa'i phyir ro/ /nges par legs pa la de bzhin du brjod par bya'o/ /chos ni bshad pa'i mtshan nyid 'jig rten pa'i phun sum tshogs pa la gnas pa'i bde ba thob pa dang mthun pa'i sbyin pa dang tshul khrims la sogs pa'i mtshan nyid do/ /chos rnam pa gnyi ga'i yang 'bras bu 'brel ba mi slu ba ston pa na sgrub par byed pa kho na'i chos ston par mdzad do/ /mngon par mtho ba dang nges par legs pa sngar bshad pa'i dgongs pa tshigs su bcad pas bshad pa de ma shes pa'i phyir gal te 'ga' zhig 'di skad ces ci'i phyir rim pa 'di la brten zhes smra na/ de'i phyir rgyu gang phyir mngon par mtho thob nas/ zhes bya ba la sogs pa smos te/ rgyu gang gi phyir thob cing rnyed nas so/ /rim ni rim pa'o/ /rim gyis zhes bya ba ni rim pa la brten nas te/ /nas zhes bya ba mi mngon par byas pa'i lnga pa yin no/ /yang na rim gyis zhes bya ba'i ma pas zhes gsum pa'i don yin no/ /'ong par ni 'ong bar 'gyur ba'o/ /bzlog pa ni sngar bshad pa yin no/ /da ni mngon par mtho ba dang nges par legs pa dag mi shes pa rnams la/ /de la mngon mtho bde ba ste/ zhes bya ba la sogs pas bye brag tu ston par byed do/ /gong ma bzhin du bde ba'i rgyu yin pa'i phyir bde ba ste/ /mngon bar mtho ba'i chos gang yin ba de ni 'jig rten pa'i phun sum tshogs pa'i bde ba mdza' dag 'thob pa dang mthun pa'i phyir bde ba zhes bya'o/ /thar pa 'thob pa mthun pa'i chos ni thar pa'o/ /'dod pa ni bzhed ba ste/ /bde ba la yang de bzhin du brjod par bya'o/ /de'i zhes bya ba ni bstan ma thag ba rnam pa gnyi ga'i sgrub pa gang yin pa de'i mdor bsdus pa ni byas pa ni mi mthun pa'i phyogs te brjod pa nyung ba'o/ /dpal? ni las dang 'bras bu dang bden pa dang dkon mchog dag la mngon par yid ches pa'i rnam pa can gyi sems rab tu dang ba'o/ /don phyin ci ma log par rab tu shes pas na shes rab ste blo ye khyad par ro/ //dad pa dang shes rab la de skad ces bya ste/ mdor na de gnyis yin no/ /mdor bsdus na zhes bya ba dang/ mdor na zhes bya ba dag la khyad par ci yod nas 'di ltar gnyis smos zhe na/ snga ma ni sgrub pa'i khyad par ro gzhan na dad pa la sogs pa'i yin pas nyes pa med do/ /yang na sgra rnams kyi don du ma yin pa'i phyir snga ma ni bstan pa'i tshig yin no/ /'di ji ltar don gnyis kyi bsgrub pa yin zhe na/ dad? can nyid phyir chos la brten/ zhes bya ba la sogs pa smos te/ gang la dad pa yod pa de ni dad pa can no/ /de'i ngo bo ni dad pa can nyid do/ /de'i phyir dad pa can la brten nas zhes bya ba rnam par dbye ba snga ma bzhin no/ /rten par byed pa ni byed pa'o/ /don ni 'di yin te gal te chos de la yid ches pa skyes par gyur na de'i 'og tu mnyen ba la sogs pa'i rim gyis chos de la brten par 'gyur gyi gzhan du ni ma yin no/ /shes rab ldan phyir/ zhes bya ba la yang de bzhin du brjod par bya'o/ /yang dag ces bya ba ni yang dag pa ji lta ba bzhin du'o/ /rika ces bya ba ni shes pa'o/ /dad pa yang brgyud pas des par legs pa'i rgyur 'gyur ba nyid de/ ji skad du dkon mchog ta la las 'byung ba lta bu yin mod kyi/ 'on? kyang de kho na nyid rtogs par byed pa ni shes rab kho na yin no snyam du thugs la dgongs nas 'di skad du/ /de gnyis gtso bo shes rab ste/ zhes bya ba la sogs pa smos so/ /gtso bo ni gtso bo ste ces bya ba'i tha tshig go/ /'di'i zhes bya ba ni sgrub pa rnam pa gnyis kyi'o/ /sngon du dang por 'gro zhing 'jug pas na sngon du 'gro ba'o/ /yin zhes bya ba ni nges par gzung ba ste/ /shes rab kho na yin no zhes bya bar dgongs pa'i phyir ro/ /de bzhin du gnyis pa yang dad pa kho na yin no zhes bya ba yin no/ /dad pa can yang gang zhig yin zhe na/ 'dun dang/ zhes bya ba la sogs pa la sogs pa smos te/ 'dun pa ni chags pa'o/ zhe sdang ni kun nas mnar sems kyi bsam pa'o/ /'jigs pa ni bred pa ste/ sems kun nas 'khrugs pa'o/ /rmongs pa ni mi shes pa ste/ /rigs pa dang mi rigs pa dpyod mi nus pa nyid do/ /gang zhig rgyud rnams kyis chos las mi 'da' zhing mi 'dor ba de ni dad pa can yin no zhes bya bar shes par bya zhing khong du chud par bya'o/ /nges par legs pa thar pa'i snod ni gzhi'o/ /mchog ni dam pa'o/ /dad pa can gyi mtshan nyid bshad zin to/ /gang zhig lus ngag la sogs pas ni shes rab kyi mtshan nyid ston to/ /lus ni bsags pa ste lag ba la sogs pa'i tshogs so/ /dag ni tshig go/ lus dang ngag dang yid ni lus dang ngag dang yid do/ /de dag gis byas pa'i las ni lus dang ngag dang yid kyi las te/ 'di ni dge ba'o/ /'di ni mi dge ba'o/ /'di ni lung du ma bstan pa'o zhes phyin ci ma log pa'i thabs kyis yongs su brtags shing dpyad de/ de la mi dge ba dang lung du ma bstan pa dag yongs su shes nas dge ba byed pa'o/ /de yang bla na med pa yang dag par rdzogs pa'i byang chub tu yongs su bsngos pa'i phyir/ /bdag dang gzhan la phan pa ste/ /bdag dang gzhan bdag dang gzhan dag go/ 'di ni de dag gi'am de dag la phan pa'o zhes bya bar shes nas te shes par byas so/ /rtag tu byed pa zhes bya ba ni dus thams cad du'o/ /de mkhas pa ste de ni shes rab dang ldan pa yin no/ /de ltar chos bshad pa'i phyir ci lam reg pa'i cha ba byas nas/ nga? ni mi bsod pa dang rku spong zhes bya ba la sogs pas chos ston par mdzad de/ gsod pa ni srog chags gsod pa'o/ /mi zhes bya ba la ni gsod pa med pa kho na'o zhes med par dgag pa yin pas mi gsod pa ni srog gcod pa spangs pa yin no/ /brku ba ni mthu 'am 'jab bus gzhan gyi nor rang gir byed pa'o/ /de spong ba ni bsam pa thag pa nas log pa ste ma byin par len pa spangs pa yin no/ /bdag la bltos nas skye bo gzhan ni gzhan te de'i chung ma dag go /de dag spong ba ni yongs su spong ba ste/ 'dod pas log par g.yem pa spong ba yin no/ /'dis ni lus kyi nyes pa spong ba bshad do/ /log dang phra ma zhes bya ba la sogs pas ni ngag gi nyes pa spong ba ston te/ log pa ni mi bden pa'o/ /phra ma ni dbyen smra ba'o/ /rtsub ba ni rlang? ba ste mi 'dong? pa'o/ /de'i ngo bo ni rtsub pa nyid do/ /ma 'brel ba ni chos kyi don la sogs pa dad ma 'brel ba ste tshig bkyal? ba'o/ /log pa dang/ phra ma dang/ tshig rtsub bo dang/ /ma 'brel ba ni/ log dang phra ma rtsub nyid dang/ /ma 'brel pa dag go/ smra ba ni smra bar byed pa ste/ /de dag ni log par lta ba la sogs pa yang yin la smra ba yang yin pas zhes tshig rnam par sbyar nas tshig bsdus so/ /de dag yang dag par sdom pa ni sems kyis bag bya ba ste spong ba'o/ /'dis ni dag gis nyes pa spong bar bshad do/ /yid kyi nyes pa spong ba'i dbang du mdzad nas/ chags dang zhes bya ba la sogs pa smos te/ chags ni gzhan gyi nyes pa la sred pa'o/ /gnod sems ni sems can la rnam par snang? ba'o/ /gang la 'jig rten pha rol la sogs pa med do snyam pa'i blo yod pa de ni med pa'o/ /de'i ngo bo ni med pa ba nyid do/ /de'i lte ba ni med pa'i rnam pa can gyi mthong ba'o/ /chags pa dang gnod sems dang mid pa pa nyid kyi lta ba ni zhes bya bar tshig rnam par sbyar nas gnyis pa zhes bya ba'i tshig bsdu ba yin no/ de rnams yongs su spong ba ni kun nas spong ba ste/ nyes pa'i bsam pa rnam pa bcu char yang mi len pa'i phyir ro/ /'di dag ces bya ba ni mi gsod pa la sogs pa la snyegs so/ /las ni gsod pa la sogs pa spong ba'i mtshan nyid bya ba'o/ /de nyid lam yin te/ gnas gzhan du 'gro ba'i thabs yin pa'i phyir ro/ /de dang 'dra bar las nyid lam yin pa las lam mo/ /dkar po ni nyes pa'i dri ma dang bral ba'i phyir ro/ /bcu zhes bgrang ba ni bde blag tu rtogs par bya ba'i phyir ro/ /de dag las bzlog cing mi mthun pa ni sdig pa'i rims dri ma can du byas pa yin pa'i phyir nag po bcu'o/ /ci chos de dag kho na tsam du zad dam zhe na/ /chang mi 'thung /zhes bya ba la sogs pa smos so/ /myos par 'gyur bas na chang ste/ lus dang sems rang dbang med par byed pa'o/ /rang dbang med pas ni mi bya ba ci yang med pas med par dgag pa'i tshul gyis mi zhes bya ba ni dgag pa yin no/ /'thung ba ni ming pa'o/ /chang la 'thung ba ni chang 'thung ba ste de lta bu med pa'o/ /de bzhin du des 'tsho par byed pas na 'tsho ba ste 'tsho ba nyid 'tsho ba'o/ /'dir yang rgyu ba bzas? bu btags pa ni snga ma bzhin no/ /'tsho ba bzang po ni tshul 'chos pa la sogs pa'i nyes pa dang bral ba'i phyir ro// rnam par 'tsho ba ni rna ba dang sna gcod pa dad brdeg pa dang/ 'ching ba la sogs pa'o/ /de lta bu med pas na rnam par mi 'tshe ba'o/ /mi gsod pa dang zhes byas nas bzung ste/ rnam mi 'tshe dang/ zhes bya ba'i bar 'dis ni ldog pa'i mtshan nyid kyis chos bshad do/ /gus sbyin dang zhes bya ba la sogs pas ni 'jug pa'i mtshan nyid kyis chos bshad do/ /gus pa ni bkur sti dus ji lta ba bzhin la sogs pa dang ldan pa'i phyir te/ ji skad du/ dad pa'i chu klung dri med byas pa yid kyis ni/ rang gi lag nas dus su gzhan la gnod med par/ /gus dang bkur sti lhur blangs sbyin pa sbyin pa ni/ /mtshan nyid kun rdzogs yon tan ldan zhes thub rnams gsung zhes bshad pa lta bu'o/ /sems pa'i khyad par gang gis sbyin pa dang/ /des bcug pa don yongs su gtod pa ni sbyin pa'o/ /de ni rang gi don la sogs pa'i rgyu mtshan te/ de yang zang zing dang/ mi 'jigs pa dang/ chos kyi bye brag gis rnam pa gsum mo/ /dang zhes bya ba'i sgra ni bsdu ba min no/ /mchod 'os ni mchod par 'os pa ste/ sangs rgyas bcom ldan 'das la sogs pa'o/ /de rnams mchod pa ste/ de yang zang zing dang/ sgrub pa'i bye brag gis rnam pa gnyis so/ /dang zhes bya ba'i sgra ni snga ma bzhin no/ /byams pa ni sems can thams cad la phan pa nye bar bsgrub pa'i bsam pa 'dod pa'i 'dod chags dang/ lan du phan 'dogs su ra ba spangs pa'o/ /chos ni 'jug pa dang ldog pa'i mtshan nyid do/ /gdung ba lnga la sogs pas kyang lus gdung bar byed pa'i phyir gzhan nas chos su bshad pa ma yin nam/ de ci'i phyir 'dir ma bsdus she na/ de'i phyir/ lus gdung byed pa 'ba' zhig la/ /zhes bya ba la sogs pa smos te/ lus ni khog pa'o/ /gdung ba ni gdung bar byed pa ste gnod par byed zhes bya ba'i tha tshig go /yang dag pa'i thabs dang bral ba de 'ba' zhig la ni chos med cing yod pa ma yin te/ 'di ltar lus gdung ba de ni 'ba' zhig pa yis ni gzhan la gnod pa ste gzhon par byed pa spong bar byed cing ldog pa yang med la/ gzhan dag la phan 'dogs pa ste/ zang zing dang mi 'jigs pa dang/ chos kyi sbyin pa'i bye brag gis phan pa nye bar bsgrub pa yang yor za ma yin pas gnyi ga'i mtshan nyid kyi chos ni kho bos gnyis kyi mtshan nyid can bshad pa gang yin pa 'di kho na yin no/ /gang zhig mi shes pas chos 'di la ma gus te lam ngan pa'i rjes su 'gro zhing mu stegs can gyi chos kyi lam lus la gnod pa byed pa'i mtshan nyid du 'gro ba de ni shin tu yun ring por sdug bsngal gyi snod yin no zhes bstan pa'i phyir/ sbyin dang zhes bya ba la sogs pa smos te/ sbyin ba'i mtshan nyid bshad zin to/ /lus dang sems bsil bar byed pa'i phyir spong ba bdun gyi mtshan nyid kyi don ni tshul khrims so/ /brnab sems med pa la sogs pa ni 'di nyid du 'dus te/ gang zhig ma byin par len pa spangs pa de ji ltar brnab sems bskyed par 'gyur/ gsong ba spangs pa yang ji ltar gnod sems skyed par 'gyur/ /yang dag pa ji lta ba can ni tshul khrims kyis brgyan pa yin pas log par lta ba spangs pa yin no/ bcu pa spangs par gsungs pa ni/ sems can blun pos khong du chud zer bya ba'i don du zad do/ /bzod pa ni khro ba bzod pa'o/ /bzod pa de yang theg pa chen pos 'gro ba'i 'phags pa nams kyi rnam pa gsum du 'gyur te/ sgra'i rjes su 'gro ba ni sa lnga pa'o/ /rjes su mthun pa ni sa gnyis pa la'o/ /mi skye ba'i chos la bzod pa ni sa brgyad pa la'o/ /yang rnam pa gsum ste/ sdug bsngal dang du len pa'i bzod pa dang/ gnod pa byas pa la ji mi snyam pa'i bzod pa dang/ chos la nges par rtog pa'i bzod pa'o/ /sbyin pa dang tshul khrims dang bzod pa dag ni sbyin pa dang tshul khrims dang bzod pa dag ste/ dang zhes bya ba'i don gyi ba gnyis pa yin pas ba gnyis pa'i tshig bsdu ba yin no/ /de dag gi mtshan nyid gsal ba ni shin tu gsal zhing 'thibs po ma yin pa'o/ /dam pa bcom ldan 'das dang byang chub sems dpa' rnams kyi chos ni dam pa'i chos so/ yang na nyes pa thams cad dang bral ba'i phyir bzang po yin no/ /'di ni lam yang yin la chen po yang yin pas na lam po che'o/ /gang gi 'di chen po nyid yin zhe na/ grangs las 'das pa'i rgyal ba rnams gshegs shing rjes su gshegs pa'i phyir ro/ /yang na chen po bcom ldan 'das kyi lam yin la/ de dag gi tshul khrims la sogs pa'i yon tan che ba'i phyir che ba nyid do/ /dam pa'i chos nyid lam po che yin no/ /'di la lam dang chos mthun pa nyid gang yin zhe na/ brjod par 'dod pa'i thams cad mkhyen pa'i grong khyer du phyin pa'i rgyu mtshan nyid yin pa'o/ /gang zhig gti mug pas dam pa'i chos kyi lam po che de lta bu la ma gus shing khyad du bsad de bsnyas pa'i bsam pas 'di ni chos ma yin no/ zhes yongs su bor nas 'gro zhing 'gro bar byed pa'o/ /gang dag tu zhe na/ gnag gi lam lta bu'i lam gol ba dag tu'o/ /gnag rnams kyi lam ste lam gol ba'i ngo bo dag go /de rtag tu ste/ 'di skad du bshad pa yin no/ /dper na gnag gi khyu nas gnag gtso bo lam gol ba gang du 'gro ba der gzhan dag kyang rung ba dang yang ba yongs su mi shes pas 'gro bar byed pa de bzhin du mu stegs can phyugs 'di dag kyang chos kyi lam la ma gus nas chos ma yin pa'i lam gol ba'i ngo bo lus gdung ba la sogs pa'i mtshan nyid du 'khor ba'i sdug bsngal las thar pa'i bsam pas 'gro'o zhes bya ba yin no/ /de gang du 'jug cing/ gnas gang du 'gro zhe na/ 'khor ba'i 'brog dgon par ro/ 'khor ba ni 'khor bar 'gyur ba ste/ phung po'i tshogs 'gro ba gzhan nas 'gro ba gzhan du phyin pa'o/ /'khor ba zhes bya ba de las gzhan ni yod pa ma yin gyi/ phung po de dag nyid 'khor bas na de skad ces bya ste/ dper na bya rog gi nag po dang/ chu skyar gyi dkar po zhes bya blta bu'o/ /de nyid 'brog yin te/ bya dang/ ri dags dang/ rtswa dang shing gis gang zhing skyes bu dam pas spangs pa'i yul la ni 'brog ces bya'o/ /de yang mi dge ba'i grogs po bya dang/ ri dags dang/ rtswa dang/ shing lta bus gang zhing dge ba'i bshes gnyen dang bral ba yin no/ /'brog de ni sems can dmyal ba la sogs pa'i sdug bsngal mang ba'i phyir mi bzad cing bgrod dka' ba yin no/ /mdza' yas skye bo'i shing can du zhes bya ba ni chos mthun pa ston pa yin no/ /de dag ni skye bo yang yin la mdza' yas pa yang yin pas zhes tshig bsdu ste/ grangs dang tshad dag gis mdza' mi zin pas mdza' yas pa'o/ /gang la shing de dag nyid yod pa de la de skad ces bya'o/ /dam pa'i chos dang bral zhing lta ba ngan pa'i thibs bor lhung ba de gang dag dang gnas par gyur pa de dag ni shing lta bu yin te dam pa'i chos sems pa dang bral bas na de skad ces bya'o/ /'dod chags la sogs pa ni lus dang sems kyi rgyud nyon mongs par byed pas na nyon mongs zhes bya'o/ /de dag nyid gnod par byed pa'i phyir gdugs pa'o/ /de dag gi lus 'khyung ba ni khyung pa'i lus te/ nyon mongs dang nye bo'i nyon mongs pas rang dbang med par byas pas shin tu yun ring du zhes bya ba mdza' med par 'jug par 'gyur zhing/ rab tu 'jug par 'gyur ro zhes bya ba'i don to/ /mi gsod pa dang zhes bya ba nas/ byams pa zhes bya ba'i bar ldog p a dang 'jug pa'i mtshan nyid can gyi chos mdor bshad pa gang yin pa de'i mi thun pa'i phyogs gsod pa la sogs pa'i gang dag yin pa de dag gi rnam par smin pa 'dod pa yin pa'i phyir de dag dang 'dra ba rnams la bstan na de rnams rgyas par bstan par 'gyur bas dang por/ gsod pa yis ni zhes bya ba la sogs pas rgyu mthun pa'i 'bras bu rgyu dang 'dra ba ston par mdzad de/ bshad pa'i mtshan nyid can gyi gsod pas so/ /'di la tshe thung ba yod pas na tshe thung ba ste/ 'jig rten gyi khams gang du tshe ji srid par gsungs pa de srid du thams cad mi 'thob pa'o/ /ci'i phyir zhe na/ ji tsam du 'dis gzhan gyi srog bcad pa de tsam du gzhan dag gis srog gcod par 'gyur ro/ /de la mtshon la sogs pas gnod cing lus la gnod pa ste gnod pa yang yin la mang po yang yin zhes bya bar tshig bsdu'o/ /brku ba ni ma byin par len pa ste/ de kun tu bsten pas longs spyod kyi yongs so/ /spyad par bya bas na longs spyod de/ nor dang 'bras bu la sogs pa'o/ de rnams kyis phongs pa ni 'brel ba dang nyams pa'o/ /de 'di la yod pas na ldan pa'i don yin no/ /gzhan gyi chung ma 'phrog bas na byi bo byed pa'o/ /dgra dang bcas par 'dug pas na dgra dang bcas pa ste/ gang gis de'i chung ma rang gir byas pa de la mi mthun par spyod pas na dgra ste/ ji ltar 'dis gzhan la dgra nyid byas pa de bzhin du 'di la yang 'byung bas rgyu dang 'dra ba'i 'bras bu yin no/ /de ltar lus kyi nyes pa'i rgyu mthun pa'i 'bras bu bshad nas/ brdzun du smra bas bskur pa ste/ zhes bya ba la sogs pas ngag gi ston te/ skur pa ni yang dag pa'i don brjod pa chud gson pa'o/ /gang gis der 'gyur zhe na/ brdzun du smra bas te/ 'du shes gzhan du bsgyur ba'i tshig gi don go ba la brdzun smra bas so/ phra mas ni gzhan dbye ba'i phyir nyon mongs pa can gyi tshig smra bas te/ des ni phan par 'dod pa'i bshes dang 'bye zhing 'bral bar 'gyur ro/ /brtsub po ni 'jam bag med pa ste brlang ba'o/ /de'i ngo bo ni rtsub pa nyid de des so/ /mi snyan pa ni mi mthun pa'o/ /de thos pa ni grag pa'o/ /ma 'brel pa ni tshig bkyal pa ste/ des so/ /mi btsun pa ni mi 'dod pa ste/ de tsam ni ngag gi nyes pa'i 'bras bu yin no/ /brnab sems yid la re ba 'joms/ zhes bya ba la sogs pas ni yid kyi nyes pa'i 'bras bu bshad do/ /yid kyis bsams shing mngon par 'dod pa'i don de don med cing/ 'bras bu med par byed do zhes bya ba'i tha tshig go /'jigs pa ster bas na 'jigs pa sbyin pa'o/ /bshad pa ni gsungs pa'o/ /'jig rten pha rol la sogs pa med pa'i rnam pa can gyi lta ba ni log par lta ba ste/ de ni lta ba ngan pa nyid do/ /smad pa'i lta ba ni lta ba ngan pa ste/ lta ba log pa yin no// de'i ngo bo nyid ni lta ba ngan pa nyid do/ /de thob par 'gyur te/ yang log par lta ba kho nar 'gyur ro zhes bya ba'i don to/ blo 'khrul ba ni smyon pa nyid du 'gyur ro zhes bya ba lhag ma yin no/ /log pa'i mtshan nyid can gyi chos kyi mi mthun pa'i phyogs kyi 'bras bu brjod nas 'jug pa'i mtshan nyid can gyi chos kyi mi mthun pa'i phyogs kyi 'bras bu brjod par bzhed de/ /ma byin len pas zhes bya ba la sogs pa smos so/ /dbul ba ni nor mi bdog pa ste/ de'i ngo bo ni dbul ba nyid do/ /tshul 'chos la sogs pa'i skyon gyis bsgrub pa'i 'tshe ba ni log par 'tshe ba ste/ bshad pa'i don las bzlog pas 'tshe ba'i phyir ro/ /de kun tu brten pas na bslus pa ste 'thob par 'gyur zhes bya ba lhag ma yin no/ /khengs pa yis zhes bya ba ni mchos gnas mchod pa'i mi mthun pa'i phyogs yin no/ /khengs pa ni gyod? zhing 'gyid ba ste brjid 'chos pa'i nga rgyal gyis zin pa'o/ /'di'i shing chal dang mthun pa nyid gang yin zhe na/ mi 'dud pa ste/ ji ltar shing tshal gang la yang mi 'dud pa ltar nga rgyal gyis zil gyis non pa yang de dang 'dra'o/ /ngan pa ni smad pa yin pas rigs smad pa'o/ /der 'byung bas na rigs ngan pa'o// de'i ngo bo rigs ngan nyid do/ /'di la gzi ste brjid bag chung ba yod pas gzi chud pa'o/ /de'i ngo bo ni gzi chung ba nyid do/ /gang gis der 'gyur zhe na/ phrag dog kun tu bstan pas te/ phrag dog ni gzhan gyi phun sum tshogs pa la sems khong nas 'khrugs pa'o/ /'di skad du bshad pa yin te/ gang zhig mchod nas mchod par mi byed pa de ni nyes pa gnyis kyis te/ nga rgyal dang/ phrag dog dag gis so/ /de gnyis kyi e' bras bu ni mi 'dod pa 'di gnyis yin par dmigs nas spangs par rigs so zhes bya ba yin no/ /gnod pa gsar gyi bskyed pa'i sems kyis 'khrug pa ni khro ba ste/ de ni byams pa'i mi mthun pa'i phyogs yin no/ /des cir 'gyur zhe na/ kha dog ngan pa nyid do// khros na mkhas pa rnams la chos 'dod pas yongs su 'dri'o/ /mi 'dri ba des na blun pa nyid de bshes gnyen med pa nyid du 'gyur ro/ /mi dge ba'i 'bras bu 'di dag 'gro ba gang la yod ce na/ mi nyid la zhes bya ba smos so/ /de ci mi dge ba 'di rnams kyi 'bras bu rgyun mthun pa tsam du zad dam zhe na ma yin te/ kun gyis zhes bya ba la sogs pa smos so/ 'di dag thams cad kyi dang por ngan 'gro'i smad pa'i 'gro ba ni ngan 'gro ste/ dmyal ba dang dud 'gro dang/ yid dags rnams kyi 'gro ba rnams so/ /gang dag pa gsod pa la sogs pa bshad ma thag pa 'di dag gis bsod pa la sogs pa'i mtshan nyid kyi bya ba bde ba ma yin pa'i don dam/ gzugs ngan pa 'grub pa'i phyir mi dge ba zhes bya ba ming yod pa de dag la de skad ces bya'o/ /rnam smin ni yongs gyur pa'o/ /bsgrags pa gang yin pa ni bshad pa gang yin pa ste/ gsod pa yis ni tshe thur 'gyur zhes bya ba nas/ mkhas la mi 'dri blun pa nyid ces bya ba'i bar yin no/ /gnyis ka'i mtshan nyid can gyi chos kyang bde ba'i don tam/ gzugs bzang po 'grub pa'i phyir dge ba zhes bya ste/ de rnams la ni 'bras bu de nyid bzlog cing mi mthun pa yin no/ /'bras bu 'byung ba ni 'bras bu 'byung ba'o/ /de ltar dge ba dang mi dge ba 'bras bu dang bcas pa dag bstan pa mdzad nas/ chags dang zhes bya ba la sogs pas lung las grags pa'i dge ba dang mi dge ba 'bras bu dang bcas pa dag ston par mdzad do/ /gzugs dang sgra dang dri dang ro dang reg bya rnams kyis 'jig rten chags par 'gyur bas na chags pa ste/ srid pa'i 'dod chags zhes bya ba'i don to/ /zhe sdang ni gsod par byed pa'i bdag nyid do/ /gti mug ni mi shes pa'o/ /dang zhes bya ba'i sgra ni chags pa la sogs pa ngo bo nyid kyi mi dge ba yin pa 'ba' zhig tu ma zad kyi nges bskyed pa'i las kyang mi dge ba yin no zhes bsdus pa yin no/ /de dag gis bskyed pa ni des bskyed pa'o/ /lus dang ngag dang yid kyi bya ba ni las so/ /don gang gis na mi dge ba yin zhe na/ 'gro ba de dang de dag tu lus dang sems kyi rgyud mi bzang bar byed pas na mi dge ba ste/ 'dod chags kyi zil gyis non pa ni 'di dang gzhan du mdog shin tu mi bzang par 'gyur la/ de bzhin du zhe sdang gi zil gyis non pa dang/ gti mug gi zil gyis non pa yang de dang 'dra'o/ /chags pa'i gnyen po 'dod chags dang bral ba ni ma chags pa'o/ /zhe sdang gi gnyen po byams pa ni zhe sdang med pa'o/ /gti mug gi gnyen po shes pa ni gti mug med pa ste/ ngo bo nyid kyis dge ba 'di dag dang/ de dag bcug pa'i las ni 'di dang gzhan du lus dang sems kyi rgyud bzang por byed pas na dge ba yin no/ /de zhes bya ba'i sgra ni ma chags pa la sogs pa dang las la snyegs so/ /mi dge ba las zhes bya ba la sogs pas ni de gnyis kyi 'bras bu ston te/ sdug bsngal ni rdeg pa la sogs pa'i tshor ba'o/ /kun ni 'di dang 'jig rten pha rol tu 'byung ba rnams so/ /ngan 'gro ni dmyal ba la sogs pa'i 'gro ba dag go/ bde 'gro ni lha la sogs pa'i 'gro ba dag go /dzam+bu'i gling la srogs pa'i bye brag gam/ yang dang yang du skye ba'i bye brag gis skye ba kun tu bar bdag ces mang po'i tshig smos so/ /de ltar bsams nas ci zhig bya zhe na/ /mi dge kun las zhes bya ba la sogs pa smos te/ kun las zhes bya ba ni smos pa dang ma smos pa mchod rten 'jig pa dang/ dam pa'i chos dang/ dge 'dun dang/ pha ma dang/ slob dpon dang/ bla ma dang/ mchod gnas dang /rigs kyi nad? na rgan rabs spong pa la sogs pa'i mtshan nyid las so/ /ldog bya zhes bya ba ni phyir ldog pa'o/ /ldog pa dang 'jug pa'i bye brag gis 'di ni rnam pa gnyis so/ /de lta yin na phan yon ci zhig yod ces na/ de ston par mdzad de/ bde ba ni tshim? par byed pa'i tshor ba'o/ /de phul du dbyung ba ni bde ba dpal lo/ /yang na dpal zhes bya ba'i sgra ni phun sum tshogs pa'i rnam grangs so/ /de las ma gtogs pa gzhan ni bde ba'o/ /rgyal srid ni dbang phyug gi khyad par te bdag po nyid do/ /rgyas pa zhes bya ba'i sgra ni thams cad la brjod par bya'o/ /bsam gtan ni sems rtse gcig pa'i mtshan nyid do/ /de yang rnam pa bzhi ste/ rtog pa dang bcas shing dpyod pa dang bcas pa dang/ rtog pa med cing dpyod par yang med pa dang/ de nyid dga' ba med pa'i bde ba can dang/ bzhi pa sdug bsngal yang med pa btang snyoms dang dran pa yongs su dag pa'i yid bde ba dang yid mi bde ba dang bral ba'o/ /tshad med pa ni byams pa dang/ snying rje dang/ dga' ba dang/ /btang snyoms kyi mtshan nyid de/ /sems can tshad med pa la dmigs pa'i phyir ro/ /gzugs med pa ni nam mkha' mdza' yas skye mched la sogs pa snyoms par 'jug pa bzhi ste/ sems mnyam pa nyid du bsgrub pa'i phyir ram/ 'byung ba chen po mnyam pa nyid du bsgrub pa'i phyir ro/ /ni zhes bya ba'i sgra ni de kho na zhes bya ba nges par bzung ba yin no/ /tshangs sogs bde ba zhes bya ba ni/ /gang la changs? pa'i bde ba dang po na yod pa'i bde ba'o/ /myong bar byed pa ni nyams su myong bar byed pa'o// de ltar na mngon par mtho ba'i rgyu dang/ /mngon par mtho ba de'i 'bras bu mdor bsdus te bshad pa yin no zhes bya ba'i tha tshig go/ dang por mngon par thob pa'i chos/ phyis ni nges par legs 'byung ba zhes bshad pa de la mngon par mtho ba'i chos ni bshad zin to/ /de'i 'og tu nges par legs pa'i chos bshad par bzhed nas/ nges par legs pa'i chos dag kyang zhes bya ba la sogs smos so/ /'di las nges par legs shing dag pa thar pa 'grub pas na nges par legs pas te/ de nyid nges par legs pa yin no/ /kyang zhes bya ba'i sgra ni ni zhes bya ba'i sgra'i don yin no/ /phra zhes bya ba ni phra ba ste rnam par shes pa dka' ba yin no/ /zab pa ni gting dpag dka' ba'o/ /snang ba ni mthong ba ste ye shes zab mos mthong ba la de skad ces bya'o/ /yang na snang ba ni dmigs pa ste/ gang la zab par snang pa yod pa de la de skad ces bya'o/ /byis pa so so'i skye bo thos pa dang mi ldan pa rnams te/ thos pa ni 'dir chos rnam pa gsum thos pa yin par brjod do/ /skrag pa ni 'jigs pa'o/ /gang dag gi bdud bzhi las rgyal ba'am sdig pa thams cad las rgyal ba de dag ni rgyal ba'o/ /yod ces bya ba'i sgra ni tshig gi phrad yin te/ ji ltar kun rgyal zer ba bzhin/ bdag la bu ni ye yod min zhes bya ba lta bu'o/ /'jig rten 'dir ni bdag yod pa ma yin la 'jig rten pha rol tu ni yong bar mi 'gyur ro snyam pa ste/ 'di ni nga'o snyam du 'dzin pa'i dbang gis bshad pa yin no/ /nga yir 'dzin pas ni 'drin bdag gi nor la sogs pa yod pa ma yin la/ tshe rabs gzhan du bdag gi yod par mi 'gyur ro snyam pa ste/ de ltar rnam par rtog pa'i byis pa blun po ni skrag par 'gyur ro/ /mkhas pa shes rab can ni chos de lta bu ni thos pas de thams cad ni yang dag pa ma yin zhes mngon par zhen pa las byung ba'i skrag pa gang yin pa de zad cing 'jig par 'gyur te de mi 'byung ngo zhes bya ba'i tha tshig go / ngar 'dzin pa dang nga yir? 'dzin pa dag ni 'khor bar ? 'jug pa'i rgyu yin no/ /ji srid du 'khor ba de srid du sdug bsngal ba yin no/ /de rab tu zhi ba'i rgyu ni chos 'di yin no zhes bya bar bsams nas sgrag bzad par 'gyur ro/ /de ltar yang cis mngon zhe na lung nye bar 'god par/ skye dgu 'di ni ma lus pa/ ngar 'dzin pa las zhes bya ba la sogs pa smos so/ /skye dgu 'di zhes bya bar sbyar te/ /'gro ba lngar yang dang yang du skye pas na skye dgu 'o/ /ma lus pa ni mdza' dag go /nga'o snyam du 'dzin pas na ngar 'dzin pa ste bdag tu lta ba'o/ /de las byung ba ni skyes pa'o/ /'di ni nga'i bo snyam du 'dzin pas nang yir 'dzin pa'o/ /de dang ldan pa ni nye bar 'brel ba ste yang dag par ldan pa zhes bya ba'i don to/ /skye dgu'i de nyid la phan pa la de skad ces bya'o/ /'di la ? gcig tu nges par gsung pa'i ngang tshul yod? pas na de gsung pa'o/ /yang na gsung pa ni bka' stsol pa ste/ /gcig tu gsung ba la de skad ces bya'o/ /de 'di la yod pas na gcig tu gsung ba la de skad ces bya'o/ /de 'di la yod pas na gcig tu gsung pa'o/ /skye dgu la phan pa kho na bya'o zhes gcig tu gsung ba nges gsum zhing bka' stsal to/ /yang ji ltar ngar 'dzin pa dang nga yir 'dzin pa dag mi bden pa yin zhe na/ de dag mi bden pa nyid du bstan pa'i phyir/ bdag yod ces bya ba la sogs pa smos so/ /yod ces bya ba'i sgra ni snga ma bzhin no/ /'di ni zhes bya ba ni bshad ma thag pa'o/ /dam pa'i don du zhes bya ni don dam pa la brten nas zhes bya ba ste gong ma bzhin du lnga pa yin no// tha snyad du ni ma yin no/ don dam pa yang gang zhig yin zhe na mu bzhi dang bral ba'i don yin no/ /de la 'jug pa'i thabs skye ba med pa'i don can yang don dam pa yin no/ /log ces bya ba ni brdzun pa ste mi bden pa zhes bya ba'i tha tshig go/ 'di gnyi ga yang log pa yin no zhes bya bar cis mngon zhe na/ /gang phyir yang dag pa ji lta ba zhes bya ba la sogs pa smos te/ yang dag pa ji lta ba ni bden pa'o/ /'di skad du bshad pa yin te/ gal te gnyi ga bden pa zhig tu gyur na bden pa mthong ba'i dus na yang 'di gnyis yod par 'gyur ba zhig na yod pa yang ma yin no/ /de lta bas na 'di dag ni log pa'o zhes bya ba yin no/ /de ltar 'khor ba'i rgyur gyur pa 'di dag bden pa ma yin pa nyid du bstan nas/ da ni ngar 'dzin las zhes bya ba la sogs pas de las byung ba'i phung po rnams mi bden pa nyid du ston te/ gang dag la ngar 'dzin pa las skye zhing 'byung ba yod pa de dag la de skad ces bya'o/ /phung po ni lnga ste/ gzugs dang/ tshor ba dang/ 'du shes dang/ 'du byed dang/ rnam par shes pa zhes bya ba dag go /don du zhes bya ba ni sngar bshad pa'i tshul gyis don dam par ro/ /brdzun pa ni mi bden par ro/ /sa bon ni rgyu'o/ skye ba 'byung ba'o/ /ga la zhig ces bya ba ni gong du bshad pa'i tshul gyis na med pa kho na yin no/ /phung po rnams ni de'i yul yin pas de rnams med pa'i phyir de yang spong par 'gyur te/ des na rgyu med pa'i phyir phyis 'bras bu mi 'byung ngo zhes bya ba'i don to/ /'di skad du bshad pa yin te/ sngon ni nga yir 'dzin pas bskyed pa'i phung po rnams la brten nas yang ngar 'dzin bskye bar 'gyur gyi/ de med pa'i phyir de rnams spang skye bar mi 'gyur ro zhes bya ba yin no/ /don 'di ni tshad mas 'grub pa yin par brtan pa'i phyir/ ji ltar zhes bya ba la sogs pa smos so/ /mod kyi zhes bya ba ni srid pa'o/ 'di skad du bshad pa yin te/ gang zhig rten cing 'brel bar 'byung ba de ni don dam par na brdzun te/ rten cing 'brel par 'byung ba'i phyir gzugs rnyan bzhin no/ /gang bden pa de ni rten cing 'brel par 'byung ba ma yin te/ dper na 'phags pa rnams kyi spyod yul de bzhin nyid lta bu'o/ /chos thams cad bdag med pa tsam? zhig brjod par 'dod pa'i phyir dpe bsgrub byas stong pa ma yin no/ ji ltar gzugs brnyan brdzun pa ltar ngar 'dzin pa yang de dang 'dra'o/ /mjug thogs kyi tshigs su bcad pas ston to/ /de lta bu'i zhes bya ba la sogs pa la/ de lta bu ni bshad ma thag pa lta bu ste/ don ni don ma yin pa yongs su spangs pa'i phyir ro/ /chos rnams la mig ni bden pa mthong ba'o/ /bzlas te yang dang yang du smras so/ /ji srid phung por 'dzin yod pa/ zhes bya ba la sogs pas ni de ston par byed de/ chu srin 'dzin khri dang 'dra bar 'dzin cing mngon par zhen pa ste/ phung po'i rgyu yin pa'i phyir ro/ /phung por 'dzin pa de las ngar 'dzin pa'o/ /ngar 'dzin pa yang na las so/ de las ni skye ba ste ngar 'dzin pa dang/ las dang skye ba'i mtshan nyid rnam pa de gsum mo/ /de dag nyid rgyun chags su 'jug pa'i phyir lam yin te/ 'di la lam rnam pa gsum yod pas na lam gsum mo/ /gang la thog ma dang tha ma dang dbus med pa yod pa de la de skad ces bya'o/ /'og? ma dang tha ma dang dbus zhes bya ba 'di ci yin zhe na/ gzhan yod pa gang las snga ma med pa de ni thog ma'o/ /gzhan yod la gang las gzhan med pa de ni phyi ma'i mdza' o/ /de gnyis kyi bar mi dbus so/ /'khor ba nyid dkyil 'khor yin pas na 'khor ba'i dkyil 'khor ro/ /'di dkyil 'khor dang chos mthun pa nyid gang zhig yin zhe na/ kun nas 'khor ba'o/ /mgal me ni shing phyed tshig pa'o/ /de dang 'dra bas na de lta bu ste de dang mtshungs pa'o/ /'di skad du bshad pa yin te/ ji ltar mgal ma bskor ba med bzhin du 'khrul bas kor kor ? dmigs pa de zhin? du?/ 'khor ba'i dkyil 'khor 'di yang med bzhin du shes rab kyi mig zum pa dang/ lta ba ngan bar lhung bas dmigs so zhes bya ba yin no// 'di nas zhes bya ba ni 'khor ba'i dkyil 'khor te/ phung po la brten nas ngar 'dzin pa/ de la brten nas phung po zhes bya ba phan tshun gyi rgyu can 'gro ba lngar 'khor bar 'gyur ro/ /'khor ba'i dkyil 'khor 'di ji ltar mgal me'i dkyil 'khor lta bu yin zhe na/ de ni rang gzhan zhes bya ba la sogs pa tshigs su bcad pa 'og mas ston to/ /rang las skye ba med ba'i phyir rang las ma thob pa ste/ sngon med pa dngos po med pa'i phyir dang/ rang gi bdag nyid la byed pa 'gal ba'i phyir ro/ /gzhan las kyang ma yin te/ de ni rgyu ma yin pa'i phyir ro/ /ji ltar rgyu ma yin zhin/ 'di ltar rgyu nyid ni 'bras bu la bltos pa yin pas ji srid du 'bras bu ma byung ba de srid du ni rgyu ma yin no/ /gang gi tshe rgyu ma yin pa de'i tshe ni 'bras bu yang mi skye bar snga ma kho na bzhin no/ /gnyi ga las kyang ma yin te phyogs gnyi ga la bshad pa'i nyes pa thal ba'i phyir ro/ /dang zhes bya ba'i sgra ni bsdu ba'o/ /dus gsum po nyid dus gsum nyid do/ /'ang zhes bya ba ni ma thob pa srid do zhes srid pa yin no/ /ji ltar dus gsum nyid du ma thob ce na/ 'di ltar 'das pas ni mi bskyed do/ /de nyid kyi phyir sa bon bul ba bzhin no/ /ma 'ongs pas kyang mi bskyed de/ de nyid kyi phyir mo gsham gyi bu bzhin no/ /da ltar gyis kyang mi bskyed de/ skad cig ma bzhin du mi gnas pa'i phyir ro/ /de nyid dus mnyam pa nyid yin na bskyed bar bya ba dang/ /skyed par byed pa'i nges pa mi rung ba'i phyir ro/ /srang mnga' i mtho dman bzhin zhes bya ba yang rgyu snga bar 'gyur te/ phra pa'i phyir dus mi rtogs par bzad do/ /de ltar brtags na ngar 'dzin pa ni zad par 'gyur/ /de zad pa las so/ /de nas skye ba'o/ /de ltar bshad ma thag pa'i rigs brtags na rgyu ni ngar 'dzin pa'i mtshan nyid kyi gti mug go / gti mug ni phyin ci log gi shes pa'o/ /phyin ci log gi shes pa yang ngar 'dzin pa'i rnam pa can no/ /de yis stobs kyis ni yang srid pa la sred pa dang bcas pa'i las 'khor ba dang mthun pa'o/ /de las ni phung po lnga 'byung ba'i mtshan nyid kyi skye ba'o/ /rgyu dang 'bras bu ni rgyu dang 'bras bu dag ste de dag gi skye ba'o/ /'jig pas na 'jig rten te de la'o/ /sdug bsngal thams cad zad pa'i zhes bya ba la sogs pas ni phan yon te/ 'dis 'jigs pa med pas na mi 'jigs par ste/ mya ngan las 'das pa dngos po med pa mar me shi ba lta bu'o/ /phung po med pa'i mya ngan las 'das pa de la'o/ /'dir zhes pa ni da ltar ro/ /de zhes bya ba ni rgyu dang 'bras bu'i ngo bo'i 'khor ba'o/ /khyod ces bya ba ni khyod de/ ci ste ci'i phyir 'jigs par byed ces bya ba yin no/ /gang zhig de lta bu mi 'dod pa de'i phyir bsam pa ma yin gyi/ gang zhig 'dod pa de la bya ba yin no/ /gal te zhes bya ba ni ci ste zhes bya ba'i don to/ /bsal ba ni med pa'o/ /'dir zhes bya ba ni dus 'di nyid do/ /gal te dmigs pa can la la 'di snyam du mya ngan las 'das pa dngos po yod pa'o snyam du sems na/ de dgag pa'i phyir/ mya ngan las 'das pa'i dngos po med pa'ang zhes bya ba la sogs pa smos so/ /'ang zhes bya ba'i sgra ni snga ma bzhin te/ dngos po yin pas mi srid pa la? zhig tu ma zad kyi/ 'o na ci zhe na/ dngos po med pa yang ngo/ /'o na mya ngan 'das pa'i mtshan nyid ji lta bu yin zhes bya ba ni bshad pa'i lhag ma yin no/ /'dzin pa ni reg pa ste/ de dag gis ma reg cing yul du ma byas pa'o/ /de zad pa ni 'gog pa ste/ so sor ma brtags pa'i 'gog pa'i mtshan nyid yin no/ /gal te rnam pa thams cad du yod pa ma yin no zhes smras na/ med par lta ba la brten bar 'gyur ro zhe na/ de'i mtshan nyid ni de ma yin no/ /de'i mtshan nyid ji lta bu yin zhe na/ 'jug thogs kyi tshigs su bcad pas de ston te/ mdor bsdus na mtshan nyid 'di yin no/ /rgyas par bya ba ni bde ba dang/ dkon mchog dang/ las dang 'bras bu 'brel pa dang/ ting nge 'dzin dang/ bsam gtan la sogs pa med do zhes lta ba ni med par lta ba ste/ 'bras bu ni mi 'dod pa yin pas de'i phyir yongs su spang bar bya ba yin no/ /bsod nams ma yin na zhes bya la sogs pas de'i 'bras bu ston te/ ngan song rnams las bsrung zhing skyob pas na bsod nams so/ /de lta bu ma yin pas na bsod nams ma yin pa'o/ /rang gi ngo bo ngan song gi rgyu mtshan yin bas na ngan? song ba'o/ /yang na ngan song du 'byung ba yin pas na ngan song pa'o/ /log par lta ba ni phyin ci log gi shes pa'o/ /gang na shes pa yod pa de na gzugs can ma yin pa'i phung po bzhi yang yod ba?/ de la rten gzugs kyi phung po yang gdon mi za par yod do/ /sems can ni de tsam du zad pas de'i 'bras bu ngan song gi 'gro ba de yin no zhes bya bar shes par byas nas de la srid pa zhes bya'o/ /mya ngan 'das pa dngos po dang dngos po med par yang med do zhes de skad du smra bas yang dag pa'i lta ba bsal nas med par lta ba la brten pa'i phyir log par lta ba kho na la yang dag par brten par 'gyur ro zhes de dgag pa'i phyir med pa dang/ yod pa dang/ mya ngan las 'das pa gsum char gyi mtshan nyid mdor bstan yin te/ 'di las bde 'gro rgyu mthun par 'byung? zhing 'byung bas 'gyur bas 'bras bu bde 'gro can yin no zhes bya ba'i tha tshig go / yang dag pa phyin ci ma log pa'i lta ba ni blo gros dang 'dod pa yin te/ de yang kho bo cag la tha snyad du yod na ji ltar de bsal ba ni/ mya ngan las 'das pa yang thar pa 'ching ba dang bral ba yin la/ de yang don 'ga' yang ma yin na de bzhin du brjod pa la nyes ba ci zhig yod/ mya ngan las 'das pa ni rnam pa gnyis te/ phung po'i lhag ma dang bcas pa dang cig shos so/ re zhig phung po lhag ma med pa gang yin pa de la ni dngos po la sogs pa'i rnam par rtog pa shin tu mi srid do/ /phung po'i lhag ma dang bcas pa la yang med do zhes bstan pa'i phyir/ shes pas med dang yod zhi'i phyir zhes bya ba la sogs smos so/ /shes pa ni 'dir bsgoms pa'i rab kyi mdza' las skyes pa rnam par rtog pa'i tshogs ma lus par rab bsal ba nyams su myong ba'i rnam par zhugs pa don phyin ci ma log par dmigs pa yin par bshad do/ /med pa dang yod pa lta ba nye bar zhi ba'i ngo bo de'i phyir ro/ /bsrung zhes bya ba'i sgra ni bsod nams dang gzhan la bya ste/ bsod nams dang gzhan bsrung bas de'i phyir bsrung ba zhes bya ba'i sgras ni bsod nams brjod do// bsod pa la sogs pa'i mtshan nyid kyi bya ba ni bsod nams bsrung ba thud zhing mi snang bar byed pas na sdig pa zhes bya'o/ /'das pa ni rgal ba ste/ sdig pa dang bsod nams las 'das pa de yis rgyu med pa'i phyir ngan 'gro dang bde dgro las 'das pa zhes bya ba tshig lhag ma yin no/ /de lta bu de ni thar pa yin par dam pa mkhas pa rnams kyis bshad do/ /de ltar thar pa ni ngan 'gro dang bde 'gro las 'das pa yin par bshad la/ 'das pa zhe bya ba'i don yang 'ga' yang yod pa ma yin na ji ltar dngos po la sogs pa'i ngo bo yin par 'gyur/ gzhan la bltos te yang med bar brjod par bya ba ma yin te/ yang dag par na de yang ma grub pa'i phyir ro/ /de ni skye ba rgyu dang bcas mthong bas zhes bya ba la sogs pas chad pa dang rtag par blta ba rmi srid par ston to/ /skye ba ni 'byung ba'o/ 'gro bas na rgyu'o/ /rgyu ni 'gro bas te/ 'bras bu la 'gro zhing sgru par byed pa zhes bya ba'i tha tshig go rgyu dang bcas par 'jug pas na de skad ces bya'o/ /mthong ba ni rtogs pa'o/ /'gog pa ni nye bar zhi pa ste/ sngar bshad pa/ nga yir 'dzin pa yod na yang las te/ de las yang ni skye ba yin/ zhes bya ba des ni skye ba dang rgyu dang bcas pa bshad do/ /de ni rang bzhin gnyi ga dang/ zhes bya ba dang/ ngar 'dzin pa ni zad par 'gyur/ /de nas las dang skye ba yang zhes bya des ni 'gog pa'o// //tshigs su bcad pa 'dis skye ba rgyu dang bcas pa de kun rdzob pa yin gyi/ yang dag pa ma yin no zhes bya bar sngar skyes pa dang zhes bya ba la sogs pas ston par byed de/ 'bras bu bas sngar skyes shing byung ba la de skad ces bya'o/ /lhan cig skyes pa ni dus mnyam du skyes pa'o/ /rgyu min zhes bya ba ni rgyu ma yin pa ste de nyid rgyu med pa'o/ /don du zhes bya ba ni don dam par ro/ /don ni rigs pas bsams pa las byung ba'i shes rab phyin ci ma log par don 'dzin pa la bya ste/ de la 'jug pa'i thabs yin pa'i phyir ro/ /des rgyu ma yin pa nyid du dpyad na rnam pa gnyi ga la yang rgyu med do zhes bya ba'i tha tshig ste/ rgyu ma yin pa nyid ni 'bras bu bas sngar skyes pa'i gnas skabs kyi rgyu can yin no/ /'bras bu byung ba yin na de'i rten skyed par byed pa rgyu yin na/ de med na go ji ltar rgyu yin/ /lhan cig byung ba yang bskyed par byed pa ma yin pas rgyu ma yin te/ de ltar 'byung na nges pa med pa'i yang phyir ro/ /don 'di ni 'di lta bur grags pa ma yin no zhes bstan pa'i phyir ro/ /btags dang yang dag nyid du na zhes bya ba la sogs pa smros so/ /btags pa ni 'dogs pa ste tha snyad do/ /grags pa ni rab tu grags pa ste tha snyad med pa'i phyir ro zhes pa'i tha tshig go / yang dag pa nyid kyi dbang du mdzad nas yang dag pa nyid du skye ba ni 'byung ba'o/ /de yang rab tu ma grags pa'i phyir te/ de ni rang gzhan gnyi ga dang zhes bya ba der skye ba med pa yang bstan zin to/ /de ltar yang dag pa nyid du skye ba bkag pa byas pa dang/ gang la la 'o na rkyen nyid 'di ba tsam yang bkag go zhes zer ba de la brjod par bya ste brkyen nyid 'di pa tsam ni 'di lta ste/ 'di yod pas na 'di 'byung zhes bya ba 'di yin no/ /'di zhes bya ba ni rgyu'o/ /yod pas na zhes bya ba ni yod na'o/ /'di zhes bya ba ni 'bras bu'o/ /'di ji lta bu zhig ce na/ dper na ring po yod na thung ngu bzhin no/ /don de nyid dang? gzhan gyis sgrub par byed de/ /'di zhes bya ba ni rgyu'o/ /'di zhes bya ba ni 'bras bu'o/ ltag ma ni go sla'o/ /'di na jug? thogs pa'i sun 'byin te/ sngar tha snyad du ring po la bltos nas thung ngur bshad pa gang yin pa de nyid yang dag par na ring po med pa'i phyir la/ /thung ngu'i rang gi ngo bo med pa'i phyir de le bltos pa can gyi ring po yang med do/ /'on te thung ngu'i ming med kyang ming can ni yod pa kho na'o zhe na/ de yang rung ba ma yin te/ yang dag par na skye ba med pa'i phyir te/ /gnyi ga yang mi srid do/ /de bzhin du 'di skyes pas na 'di skye ste/ dper na mar me byung na 'od byung ba bzhin no zhes bya ba mar me la yang brjod par bya'o/ /de lta yin dang rgyu dang 'bras bu skye ba ni yang dag pa ma yin no/ /'o na ci zhe na/ tha snyad pa yin no zhes 'jug pas ston par byed de/ rgyu dang 'bras bu ni rgyu dang 'bras bu dag ste de dag gi skye ba'o/ /mthong zhing zhes pa ni shes shing ngo/ /ji bzhin zhes bya ba ni rang gi ngo bo ji lta ba bzhin no/ /rang gi ngo bo ci yin zhe na/ sgro las byung bar zhes bya bar smos te/ spros pa ni rnam par rtog pa'i mngon par brjod pas rgyas par tha snyad 'dogs pa'o zhes bya ba'i don te de las byung ba'o/ /yang dag par skye ba med pa nyid du khas mi len cing nye bar mi 'gro ste med pa nyid kyi lta ba mi 'dzin te/ /yang dag ji bzhin zhes bya ba ni phyin ci ma log pa ste de'i ngo bo la de skad ces bya ba'o/ /de yongs su shes pa des na 'chid pa thams cad dang bsdug bsngal dag las grol bar 'gyur ro/ /yod pa dang med pa'i lta ba gnyis so/ /gnyis po de la mi brten pa ste/ de la mi gnas shing gnyis kyi 'du shes dang bral ba yin no/ /so so skye bo'i gnas skabs na ma shes pa'i dbang gis phyin ci log pa'i blo can rtag pa dang chad pa'i rnam par yod pa dang med par lta ba dag 'byung ngo/ /mya ngan las 'das pa dang bar chad med par gnas pa la mi shes pa chung ngu'i chung ngu yang 'gag pa la mngon du phyogs so/ /de bas na phyin ci log tu 'dzin pa med pa'i phyir de lta bur ma gyur pa ni de la mi brten pa ste/ de'i phyir grol zhes bshad do/ /thag ring nas zhes bya ba la sogs pas ni don de nyid dpes gsal bar byed de/ thag ring po na gnas pa'i mis chu ma yin pas la chu'i rnam par mthong bas na mi bsal pa ltar yul dang dus kyi dbang gis 'khrul pa'i mig gis thag ring po nas mthong ba'i gzugs kyang mi sal lo/ /lag pa dang bong? pa dang dbyug ba la sogs pas gzugs su rung zhing gnod pa byang? rung bas na gzugs so/ /mthong na go bri? ltar mi gsal ba yin de? na/ chu ma yin pa la chu'i rnam par mthong bas so/ /de dang nye ba rnams kyis ni gzugs nyid gsal zhing mngon par mthong gi chu'i rnam par ni ma yin te/ ji ltar thag ring po nas mthong ba'i smig rgyu'i gzugs mi gsal ba zhes bya ba ni tshig lhag ma yin no/ /de bzhin du ji ltar mya ngan las 'das pa dang thag ring ba nyes pa thams cad kyi gzhir gyur pa rnams kyis 'jig rten 'khor bas yang dag pa'i ngo bor mthong de ltar de dang nye ba rnams kyi de mya ngan las 'das pa dang nye ba yon tan thams cad kyi gzhir gyur pa rnams kyis ni ma yin no/ /'jig rten ji lta bu zhig ce na/ mtshan med ces bya ba smos te/ mtshan ma ni bud med la sogs pa ste de dag rtag tu brjod pa dang shes pa'i rgyu yin no/ /gang la mtshan ma med pa yod pa de ni mtshan ma med pa ste stong pa zhes bya ba'i tha tshig go /ji lta bu zhig tu mtshan ma med ce na/ smig rgyu bzhin zhes bya ba smos te/ ji ltar smig rgyu chu'i rnam pas stong pa de bzhin du 'jig rten 'di yang gang dang gang gi rnam par snang ba des thams cad stong ngo/ ji ltar smig rgyu chu 'dra bar mthong ba yang dag par bstags na chu'i ngo bo nyid kyang ma yin la smig rgyu yang ngo bo nyid dang bcas pa ma yin pa de bzhin du phung po chu dang 'dra ba rnams kyang don dam par na bden pa ma yin no/ /de'i phyir bdag gi rang bzhin ma yin la/ phung po'i rang bzhin yang ma yin no/ /de lta bu'i chos rnams la gang dag mngon par zhen pa yod pa de dag ni shin tu blun pa ste 'khor pa ba yin no zhes mjug thogs kyi tshigs su bcad pa gnyis kyis ston to/ /smig rgyu la 'di ni chu yin no zhes bya ba'i rnam par bsams nas te/ der zhes bya ba ni smig rgyu der ngo? smig rgyu dang nye ba la smig rgyu'i sgrar brjod de dper na gang+gA'i gnag lhas zhes bya ba yin no/ /smig rgyu'i phyogs dang nye bar song ba las gal te chu de 'di na med do zhes dzin? pa'o// 'di skad du bshad pa yin te/ gal te lan 'ga' zhig smig rgyu de la chu yod par mthong bar gyur na ni la lar yod par mthong bas 'di na med do zhes bya bar rung ngo/ /gang gi tshe thams cad na de gtan med pa de'i che? chu de med do zhes 'dzin pa ni bdag nyid shin tu blun par sgrogs pa yin no zhes bya ba yin no/ /de bzhin du smig rgyu lta bu'i zhes bya ba ni yang dag par na smig rgyu dang 'dra'o/ /'di skad du bshad pa yin te/ tha snyad du ni de lta ma yin no zhes bya ba yin no/ gal te dngos po'i stobs kyis yod pa nyid spangs pa'i phyir med pa par 'gyur na med pa nyid spangs pa'i phyir yod pa yang ci'i phyir mi 'gyur/ gal te 'di snyam du re zhig mya ngan las 'das pa'i gnas skabs na ni rnam par ma rtog pa'i ye shes yod pas de ltar yang 'gyur srang? na/ so so'i skye bo'i gnas skabs na de 'thob pa'i thabs kyi lam mam/ gzhan la yod pa gang yin pa sun phyung ba byas pa gang yin pa de nyid dngos po'i stobs kyis don gyis med par bslan dgos zhes bya bar sems na de drang ba 'am mthob bo zhes bya ba'i tha tshig go / de ltar thabs des med pa pa nyid kyi don rgyas par bkag pas na gang dag don gyis med nyid du/ dam ni 'cha' zhing zhes bya ba la sogs pa smos ba yin te/ don gyi stobs kyi med pa nyid du bsgrub par bya ba'o/ /yang na? dam 'cha' ba la sogs pa med pa ba zhes bya ba'i gzhan du ni ma yin na de dag thams cad ni 'di la med do zhes bya ba ston pa yin no/ /dam 'cha' ba ni 'jig rten pha rol la sogs pa med do zhes khas len pa yin na tha snyad du thams cad khas? len pa kho bo cag la ni de med do/ /'on te 'jig rten kha zer bas 'jigs pas de mi byed do zhe na/ 'o na ni lus dang dag gi nyes par spyod pa'i mtshan nyid kyi spyod pa yod par 'gyur ba zhig na/ de yang bsam gtan dang bden pa lhung len pa'i tshangs par spyod pa la sogs pa'i yon tan gyis brgyan pa la med do/ /'on te rnyed pa dang bkur sti rnam bar chad kyis dogs bas nye bar spyod pa bor nas legs par spyad pa spyod du zad/ sems ni med par lta bas gnas so zhe na/ byang chub rten phyir sems med pa zhes bya ba smos so/ /byang chub ni bla na med pa'i ye shes te/ don 'di la ni sde pa mi 'jug pa'i phyir ro/ ji ltar zhes bya ba ni rgyu gang gis na'o/ /dmigs pa'i gdon gyis zin? pa rnams kyis bshad cing smras zhes bya ba yin no/ /chos 'di ni dmigs pa can thams cad dang thun mong ma yin no zhes bya bar tshigs su bcad pa gnyis kyis ston to/ /yang na gnyis la mi brten thar par 'gyur zhes bya ba'i don 'di su zhig gis ma smras na gang gi phyir bshad bya ba'i phyogs snga ma 'di la mjug thogs tshigs su bcad pa smos so/ /'di la gang zag dang phung por smra ba'i ngang tshul yod pas na de dag ni de dag tu smra ba'o/ /drang srong ser skya ni 'grad bar byed pas na grangs can zhes bya la/ de'i slob ma ser skya ba rnams la yang zangs can zhes bya'o/ /?? pa ni gzegs zan te gzegs ma za zhing 'ug pa ltar spyod pas so/ /de'i slob ma rnams ni bu dang 'dra bas na 'ug phrug go /gos ni bgo ba'o/ /'di dag gos dang bral bas na de skad ces bya ste gcer bu zhes bya ba'i don to/ /grangs can dang 'ug phrug dang gos med pa rnams la de skad ces bya'o/ /'di dag dang bcas pas na grangs can 'ug phrug dang gos med bcas pa'o/ /gal te dris na yod pa dang med pa las 'das pa gnyis dang bral ba smra na de la dris shig ces bya ba'i tha tshig go / grangs can la sogs pa ji ltar mi smra zhe na/ 'di ltar re zhig grangs can rnams ni skye bu dang gang zag la ni yod pa nyid du shes so/ /sa la sogs pa la ni bskal pa chen po'i bar du'o/ /'das pa dang med pa dag la ni med pa nyid du'o/ /'gyur ba'i tshogs la ni yang dag par na med pa nyid du shes te/ de ltar la la ni yod pa la la ni med pas na yod pa dang med pa las 'das pa yin no zhes smra ba la dgongs nas dris zhes bya ba smos so/ /bye brag pa rnams kyang rdul phra rab rnams dang rdul gnyis pa la sogs pas brtsams pa bum pa la sogs pa la yod pa dang med pa nyid du shes so/ /gos med pa rnams kyang yin par smra ba ste/ yod par yang yin med pa yang yin zhes bya ba dang/ de bzhin du srog la ni yod pa nyid dang/ lhag ma la ni med pa nyid du shes so/ /gang zag dang phung por smra ba gang dag yin pa de dag kyang gang zag la ni yod pa nyid du/ sa la sogs pa la ni bskal pa chen po'i bar du/ 'das pa dang ma 'ongs pa dag la ni med pa nyid du shes te/ de ltar la la ni yod la/ la la ni med pas na yod pa dang med pa las 'das pa yin no zhes smra ba la dgongs nas dris zhes bya ba smos so/ /de ltar bshad ma thag pa'i rgyu de'i phyir sangs rgyas bcom ldan 'das rnams kyi bsnyams ni bya ba dang bya ba ma yin pa blang ba dang dor ba ston pa'o/ /'chi med ces bya ba la/ 'chi ba med pa ni mya ngan las 'das pa ste 'di la 'chi ba med pas na 'chi med do/ /de 'thob pa'i thabs yin pas na de skad ces bya'o/ /ji skad smos pa'i rigs pas yod pa dang med pa las 'das par bshad pa zab mo gting dpag dka' ba de kho na chos kyi khud pa yin no zhes bya bar shes shing khong du chud par gyis shig / sgo ris dang 'dra bas na khud pa ste thun mong ma yin pa zhes bya ba'i don to/ /gong du ni de ni rang gzhan gnyi ga dang/ dus gsum nyid du 'ang ma thob phyir zhes skye ba med par bshad do/ /de ni skye ba khas blangs nas 'jig rten zhes bya ba 'ga' yang med do zhes mjug thogs pas ston to/ /skye ba ni 'byung ba'o/ /'jigs pa ni nyams pa ste 'jug cing nyams pa na yang 'gro ba med cing gang du yang 'pho ba med la/ skye ba na yang gnas gang nas kyang 'ong ba med do/ /skyes pa yang skad cig kyang mi gnas pa ste/ de lta yin dang 'das pa'i dus na yang med/ ma 'ongs pa na yang med/ de ltar yang med pa yin no/ /gang las dus gsum char las 'das shing rnam par 'das pa'i bdag ste/ ngo bo nyid yod pa de la de skad ces bya'o/ /dam zhes bya ba'i sgra ni rnam par rtog pa ste/ de lta bu yang tha snyad du ni yod do snyam du dgongs pa yin no/ /'das ma thag pas 'gro ba dang 'ong pa 'gag pa mdzad nas/ gang phyir gnyi ga'ang zhes bya ba la sogs pas 'jig rten dang mya ngan las 'das pa dag don dam pa na khyad par med par ston to/ /gang phyir zhes bya'i sgra ni gang gi phyir zhes bya ba'i don to/ /gnyi ga zhes bya ba'i don ni 'jig rten dang mya ngan las 'das pa dag go /gal te 'ga' zhig gnas pa yod na ni 'di gnyis rung ba zhig na ma skyes pa la gnas pa med pa'i phyir de ni med do/ /de med pa nyid kyis 'gag pa yang med de/ 'di thams cad yang dag par yod pa ma yin no/ /tha snyad du ni rgyun gyis 'jug pa yod do zhes bya bar gzung ngo/ /lhag ma ni go sla'o/ /de ltar skye ba la sogs pa dgag pa mdzad pa dang/ rgol ba la la 'di snyam du gang dag dngos po thams cad skye zhing 'gag par 'dod pa de dag kho na la nyes pa 'dir 'gyur gyi/ kho bo cag ni skye ba med pa dang 'gag pa med pa dang skad cig ma yin par 'dod de/ de'i phyir kho bo cag la nyes pa 'di med do snyam du sems pa de'i phyir/ gal te rtag par 'gyur na ni/ ji ltar zhes bya ba la sogs pa smos te/ gzhan yang 'jig par mi 'gyur ro zhes bya ba de lta bu la sogs pa'i sun dbyung ba zhig kyang yod na gzhan du bshad zin pas 'dir mi brjod do/ de ji ltar skad cig ma ma yin zhes bya dri ba ste/ rnam pa gang gis yin smos shig ces bya bar dgongs pa yin no/ /ci'i phyir ma yin zhe na/ gal te rtag par 'gyur na ni zhes bya ba smos te/ gal te zhes bya ba ni khas len pa 'am gang gis phyir zhes bya ba'i don to/ /rtag par zhes bya ba ni dus thams cad du'o/ /'gyur ba ni yongs su 'gyur pa ste gnas skabs gzhan 'thob pa'o/ /don ni rtag pa'i don dpyad pa nyid kyis gnas skabs dpyad pa yin no zhes bya ba 'di yin no/ /skad cig ma yin pa'i dngos po ni med de/ rtag tu 'gyur ba'i phyir blo dang sgra dang me lce bzhin no/ /gang zhig skad cig ma ma yin pa de la ni 'gyur ba yang med do/ /dper na nam mkha' lta bu'o/ /'on te des 'jig par 'gyur bar mi 'dod na de'i tshe nyes gzhan gal te 'gyur ba med na ni zhes bya ba la sogs pa smos te/ gal te zhes bya ba ni gal te na zhes bya ba'i don to/ /don du gzhan nyid du mi 'dri ba nyid du gal 'gyur te/ de lta bur snar ba'i phyir med do zhes bya ba brjod par yang mi nus te/ 'on te nyes pa 'dir 'gyur 'ong zhes te/ rtag pa'i phyogs gcig sa? zad pas gcig ma nyid du 'dod la/ phyogs cig dang ldan pa 'ga' zhig ni 'gyur gyi thams cad du ni khas mi len te/ bye brag pa rnams kyi ltar na bum pa la sogs pa rdul phra rab kyi phyogs gcig yin gyi rdul phra rab ni skad cig ma yin no/ zhe na/ /de'i phyir de rnams gnyi ga'ang zhes bya ba la sogs pa smos so/ /rigs pa ni 'thad pa'o/ /de 'di las yod pas na rigs pa dang ldan pa'o/ /de lta bu ma yin pas na rigs ldan min zhes bya'o/ /de ci'i phyir zhe na/ sgyu ma 'dra ba nyid mi dmigs pa'i phyir zhes bya ba smos so/ 'dra ba ni mtshungs pa ste mnyam pa'o/ /de lta bu ma yin pas na mi mnyam pa'o/ /de'i ngo bo ni mi mnyam pa nyid de/ de mi dmigs shing mi snang ba'i phyir ro/ /bstan bcos dang yang 'gal ba'i phyir te/ bstan bcos ni 'ga' las kyang phyogs gcig zad pas skad cig mar mi 'dod do/ /thams cad du zad pas skad cig ma yin par yang rtag par smra ba rnams mi 'dod pas rnam pa gnyi ga yang rig pa dad mi ldan pa yin no/ /rtag pa nyid du yang rung ba ma yin te/ gzhan nyid du gyur pa snang ba'i phyir ro/ /rdul phra rab rnams rdul gnyis la sogs pa'i rim gyis 'bras bu ras yug la sogs pa byed pa na sngon gyi ngo bo dbang pos mi sod pas byed pa ni ma yin te/ de dang 'dra ba kho nar ras yug la sogs pa yang mi dmigs par thal bar 'gyur ba'i phyir ro/ /de'i phyir gdon mi za bar 'gyur bas khas blang dgos so/ /yang na rang gi sde ba dag kho na skad cig ma dgag pa mdzad pa dang/ 'di skad ces skad cig ma ma yin pa ni 'ga' yang med do/ /'o na ci zhe na/ skad cig ma kho na'o zhes zer ba de'i phyir 'di bshad de/ tha snyad du yang mi 'dra ba nyid mi dmigs pa'i phyir dang/ yang dag par na mi 'thad pa'i phyir de ltar skad cig ma ma yin no/ /yang 'di na khyab 'jug pa la kho bo cag gi khyab 'jug ni skye ba thog ma dang tha ma med pas rtag pa rnying pa yin no zhes zer te/ de la nyes pa de dag med kyang skad cig ma ma yin pa'i phyogs la nyes pa gang dag bshad pa de dag go / ji ltar med ces brjod par bya/ gzhan yang dngos po skad cig ma yin na ril gyis med pa'i phyir ga la zhig yod de med pa kho na'o/ /brtan phyir zhes bya ba rtag pa'i phyir ro/ /rtag pa ni ngo bo nyid gcig pa yin pa'i phyir rtag tu sar pa kho na yin no/ /de'i phyir rnying pa nyid mi rigs te/ rnying pa ni rgyas pa nyid yin no/ /phyi nang gi dngos po rnams la rnying pa nyid snang ba ma yin nam/ de ji ltar rnying ba med ce na/ tha snyad du lta skye ba dang/ gnas pa dang 'jig pa ci ste mi snang na/ 'di ni de kho na nyid bsam par brjod pa yin no/ /de lta bu'i zhar la 'ongs pa bzhag nas yang/ /ji ltar zhes bya ba la sogs pas dkyus ma rtsom ste/ mdza' ni tha ma'o// thog ma ni gang las sngon rol na med pa'o/ /dbus ni mdza' gnyis kyis yongs su bcad pa'o/ /brtag dgos zhes bya ba 'dis ni 'di rtog par kun nas bslang ba tha snyad pa yin gyi yang dag pa ni ma yin no zhes ston par byed do/ /de ltar zhes bya ba ni bshad ma thag pa'i tshul gyis so/ /gang la gsum gyi bdag nyid kyis rang gi ngo bo yod pa de ni gsum bdag go /'jig rten ni sems can dang snod du bgrang ba'o/ bskad cig ma ni skyes ma thag tu 'jig pa'i dus so/ /ji ltar skad cig ma'i tha ma la sogs pa la bsam pa byas pa de bzhin du thog ma la sogs pa la yang bya'o/ /de lta yin na gnas med pa'i phyir ngo bo med do kho nar 'gyur gyi skad cig ces bya ba gcig ni yod pa ma yin no// rgya la gal te skad cig ma gcig med na 'o na thog ma la sogs pa yod du snyam du sems na/ rang gzhan las kyang ma yin no zhes bya ba la sogs pa de dgag pa mdzad do/ /'di skad du bshad pa yin te/ cung zad cig skye na rang ngam gzhan las rang gi ngo bo thob grang na/ de la re zhig rang las ni ma yin te 'gal ba'i phyir ro/ /gzhan las kyang ma yin te/ rgyu khyad par med pa las 'bras bu tha dad pa med par thal bar 'gyur ba'i phyir ro/ /de ltar na rang rang gzhan las kyang ma yin pas gsum char yang de lta bu nyid du mi 'gyur ro/ /de ltar na du ma'i bdag nyid yin pa'i phyir gcig ces pa med do/ /gal te de ltar phyogs tha dad pa'i phyir gcig pa med na gang phyir gcig pa med na gang zhig phyogs med cing cha shas med pa gang yin pa de de 'dra ba yin na 'gyur ro/ /de gang zhig yin sems re zhig de ni gcig pa ma yin te/ skye ba dang/ gnas pa dang/ 'jig pa dus mang po dang ldan pa nyid kyis gsum gyi bdag nyid yin pa'i phyir ro/ /'o na rdul phra rab dag yin no zhe na/ de dag kyang cha shas dang bcas pa nyid du brgya ba dang bdun brgya pa las rab tu bsgrubs zin to/ /'o na brda sprod pas brtags pa sgra gsal zhes bya ba'i sgra yin par 'gyur ro zhe na/ de yang cha shas med pa nyid yin na nga ro bzhin gsal bar byed pa ma yin pas cha shas dang bcas pa yin no/ /de dag thams cad kyang skad cig ma yin pa'i phyir cha shas dang bcas pa yin te/ des na sun dbyung ba de nyid yin no/ /de'i phyir de ltar na phyogs med pa ni 'ga' yang med/ gal te 'di snyam du gcig pa ma yin du zad/ ma yin par 'gyur snyam du sems na/ de'i phyir gcig med par ni zhes bya ba la sogs pa smos te/ du ma ni gcig la bltos nas yin gyi/ de med par ni ma yin pas gcig kyang med la du ma yang med do/ /med pa nyid kho nar 'gyur ro zhe na/ de lhag mas dgag go /don ni 'di yin te/ gal te yod pa nyid gcig khas blangs par gyur na ni de la bltos nas de 'gyur ro zhes bya ba yin no/ /gal te ji ltar de lta bu yin zhe na/ don de mjug thogs kyi tshigs su bcad pas ston to/ /yod pa nyid dang ldan pa nyid de/ dper na bya rog nag po nyid ces bya ba lta bu'o/ /de zhig cing zad pa'ang gnyen po ste dper na 'di na sprul yod do zhes sprul gyi dug gis 'jigs par gyur pa las de'i gnyen po me'u le yod pas med do zhes bya ba lta bus ste/ /med pa nyid ni de lta yin par 'gyur grang na/ yod pa srid pa ma yin phyir// yod pa nyid mi srid cing khas ma blangs pa'i phyir gnyi ga mi rigs so/ /gang gi phyir de lta yin pa de'i phyir de mya ngan las 'das pa'i rgyu sems can zhes bya ba'i 'jig rten don du don dam par 'grib cing 'bri bar mi 'gyur nye bar mi 'gro'o/ /de'i phyir 'jig rten 'di mdza' dang ldan nam ci lags zhes zhus na/ bcom ldan 'das cang mi gsung bar bzhugs te/ skye ba yod na yod pa nyid yin la/ de'i mdza' ma ni mdza' yin na de med pa'i phyir de ni med la/ 'di yang chos de lta bu mnyan par bya ba'i skal pa can ma yin pas de yongs su spang bar bzhed nas cang mi gsung bar bzhugs pa yin no/ /don de nyid gsal bar mdzad pa dang/ phan yon brtan par mjug thogs pas smos te/ rgyu gang gi phyir ro// zab mo'i chos ni 'di zab pa yang yin la chos kyang yin pas so/ /mi gsung ba ni bka' mi stsal ba'o/ /gang la zhe na/ snod min zhing snod du ma gyur pa'i 'gro ba la'o/ /rgyu de nyid kyi phyir mkhas pa shes nyen can rnams kyi kun mkhyen pa'i ngo bor thams cad mkhyen pa'o zhes bya bar shes shing rtog so/ /'di skad du bshad pa yin te/ yang dag par ngo bo nyid med pa yin pas chos thams cad ni gnyis su med pa yin la/ de dag kyang bcom ldan 'das kyis mdo sde de dang de dag las de kho na bzhin du gsungs te/ ji skad du/ chos kun rtag tu ngo bo nyid kyis stong/ /rgyal ba'i sras rnams dngos po rnam par 'jig /srid pa thams cad rnam pa kun tu stong/ /nyi tshe'i stong nyid mu stegs can rnams kyis/ zhes gsungs pa dang/ yang gang zhig stong nyid shes pa de bag yod ces gsungs pa lta bu'o/ /brjod pa ni shes pa'i 'bras bu yin no zhes gzhan nas rgyas par bstan zin to/ /don 'di ni 'jig rten thams cad kyis nyams su myong bas grub pa yang yin te/ rnam par bsams nas smra ba'i phyir ro/ /gang la shes pa snang bar gyur pa yod pa de la mi shes pa mun par gyur pa 'gag ste snang ba dang mun pa bzhin no/ /gang la yul thams cad pa'i ye shes yod pa de ni thams cad mkhyen pa zhes bya ba'o/ /de ltar zhes bya ba ni de ltar ji skad bshad pa'i rim pas zhes 'jug sdud pa ston pa yin no/ /gang la yongs su 'dzin pa ste rang gir byed pa de la de skad ces bya'o/ /gnas ni rten no/ /'di la gnas yod pa ma yin pas na gnas med pa'o// rdzogs sangs rgyas ni kun nas mkhyen pa can no/ /thams cad gzigs pa rnams kyis zhes bya ba la/ gzigs pa ni gzigs par byed pa ste spyan gyi rnam par shes pa'o/ /thams cad du gzigs pas na thams cad gzigs pa'o/ /thams cad du 'gro ba'i spyan gyis rnam par shes pha can rnams kyis nye lha'i spyan rnams kyis zhes bya ba'i tha tshig go / yang dang yang du bka' stsal ba ni gsungs pa'o/ /chos 'dis spag pa zhes bya bar sbyar ro/ /khyad par ji lta bu can zhig gis she na/ gnas med pas so/ /ci'i phyir skrag ce na/ gnas la mngon dga' zhe bya ba smos te/ de dang der skye bas na skye ba'o/ /gnas dang bcas pa kho na'i chos la mngon par dga' zhing chags pa zhes bya ba'i tha tshig go /skrag pa'i rgyu gzhan ni 'di yin te/ ma 'das pa ni nyid la gnas pa zhes bya ba'i don to/ /mi mkhas pa ni shes rab can ma yin pa'o/ /de lta bu de dag cir 'gyur zhe na/ phung bar 'gyur te/ mya ngan las 'das pa dang/ bde 'gro la lan mang du mi snang zhing nyams par 'gyur ro/ /de lta bu de bdag nyid phung po yin no zhes de ltar bsam nas ci nas phung bar mi 'gyur ba de ltar sngar bshad pa'i don de la sems brtan por gyis shig /khyod chos kyi snod yin no zhes khyod mi phung zhing yongs su nyams par mi 'gyur bar bya ba'i phyir ro/ /'jig rten 'khor ba las 'das pa ni mchog go /'dis len cing 'thob pas na de skad ces bya'o/ /yang na khyer bar byed pas na tshul de yang dag pa'i gdams ngag go / gnyis pa rten cing 'brel pa med pa de la de skad ces bya'o/ /yang dag pa ji lta bu bzhin ni bden pa'o/ /lung ni yid ches pa'i bka' ste/ de'i dbang gis zhes bya ba ni de gsungs pa'i lugs kyi rjes su 'phrengs nas yin gyi rang gi blos ni ma yin no zhes bya ba yin no/ /sdig dang zhes bya ba la sogs pa ni sdig pa la sogs pa mi srid par ston te/ /sdig pa dang bsod nams ni sdig dang bsod nams dag ste de dag nyid bya ba yin te/ de dag ni lus dang ngag dang yid rab tu 'jug pa'i mtshan nyid yin pa'i phyir ro/ /gang la de dag 'das shing rgal ba yod pa de la de skad ces bya'o/ /tshul de zhes bya bar sbyar ro/ /de ni bkrol zhing rab tu brtan pa yang yin la don yang yin pas bkrol ba'i don to/ /de 'di la yod pas na bkrol ba'i don dang ldan pa'o/ /chu bo dang rgya mtshor 'jug pa'i lam ni mu stegs te/ grub pa'i mdza' thams cad kyang 'khor ba dang mya ngan las 'das pa'i rgya mtsho'i rang gi ngo bo la 'jug pa'i phyir rab tu sbyar ba yin pas mu stegs yin par brtag go / de la 'di yod pas na mu stegs can no/ /gsung rab 'di las gzhan pa 'di dag gis pa myangs shing go myangs pa ste bye brag tu ma shes pa zhes bya ba'i don to/ /gnas ni dmigs pa'o/ /'di la brtan pas na de skad ces bya ste/ des 'jigs shing skrag pa rnams so/ /'jig rten 'das kyi tshul bshad ces smos te/ da skyes bus min zhes bya ba la sogs pas ston to/ /'di skad du bshad pa yin te/ 'jig rten zhes bya ba'am 'khor ba zhes bya ba ni gzugs la sogs pa'i phung po 'di dag kho na la bya'o/ /de la gzugs kyi phung po ni 'byung ba dang 'byung ba las gyur pa'i tshogs yin no/ /tshor ba la sogs pa'i phung po yang sems dang sems las byung ba'i ngo bo yin no/ /'di la ni 'jig rten pho dang mo zhes bya bar mngon par zhen pas de spyod par mdzad de/ re zhig sa 'ba' zhig ni skyes bu ma yin no/ /lhag ma rnams kyang 'ba' zhig ni de dang 'dra'o/ /kun 'dus pa yang ma yin te/ de lta bas na skyes bu ni de ltar ngo bo nyid med do/ /de'i phyir skyes bu ni med pa kho na ste/ khams drug la skyes bu zhes bshad kyi gzhan ni ma yin na de dag kyang de ltar dpyad na khams drug car yang skyes bu ma yin no/ /gal te 'di snyam du skyes bu ma yin du zad/ khams rnams ni yod do snyam du sems na/ mjug thogs nas 'byung bas de 'gog ste/ khams drug la brtags par zad pas khams drug skyes bu 'dus pa'i phyir de'i ngo bo yin pa ji lta ba yin pa de bzhin khams la sogs pa'i mtshan nyid kyang tshul 'di nyid kyis so/ /'di skad du bshad pa yin te/ sa la sogs pa yang rdul phra rab 'dus pa yin pa de'i phyir/ de dag kyang yang dag par nas la sogs pa'i ngo bo nyid du mi 'gyur ro/ /gal te bdag tu smra ba rnams 'di snyam du sems te/ skyes bu dang khams rnams lta med du zad bdag ni yod do zhe na/ mjug thogs nas 'byung bas de 'gog ste/ re zhig phung po rnams ni bdag ma yin te/ de'i ngo bo nyid ma yin no zhes bya ba'i don to/ /bdag der phung po de rdza ma dang rgya shug gi tshul du ni ma yin te/ gal te yin par gyur na so sor rang gi ngo bo dmigs par 'gyur ba zhig na de lta yang ma yin no/ /'on te lus can ma yin pa'i phyir da ltar mi 'gyur ro zhes lus can ma yin pa nam mkha' dang 'dra ba lta rten kyang ji lta bu zhig yin par 'gyur/ chu la sogs pa rlung gi dkyil 'khor la gnas pa zhes bya ba dper byar ni mi rung ngo/ phung po de la bdag de yang ma yin no/ /de med par te phung po de med par yang rigs pa'i sgo nas dmigs pa ma yin no/ /phung po dag dang lhan cig me dang bud shing 'dres shing gcig tu gyur pa yang ma yin te/ de lta yin na ni 'di ni bdag go /'di dag ni phung po zhes bya bar phyed par mi 'gyur te chu dang 'o ma bzhin no/ /de'i phyir ji ltar na yod ces bya bar shes/ ji ltar bdag dang srog med pa ltar sa la sogs pa yang de dang 'dra'o zhes bya bar bstan pa'i phyir/ 'byung gsum sa min zhes pa la sogs pa smos so/ /re zhig sa 'di 'byung ba gsum ma yin te/ de'i ngo bo nyid ma yin no/ /sa 'di la 'byung ba gsum yang ma yin te snga ma bzhin no/ /'byung ba gsum la yang sa 'di ma yin no/ /de med par te 'byung ba gsum med par yang ma yin no/ /sa ji lta bar lhag ma gsum yang de dang 'dra' ba' o/ /yin zhes bya ba'i sgra ni de lta bas na zhes pa'i don yin te/ gtan tshigs de'i phyir ro/ /sa la sogs 'byung ba re re yang ngo bo nyid med do zhes bya ba'i gtan tshigs su gang zhes bya ba'i sgra smos te/ gang gi phyir gsum med par re re med la/ gcig med par yang gsum med pa zhes bya ba ni tshig lhag ma yin no/ /gal te zhes bya ba'i sgra ni ci ste zhes bya ba'i don yin te/ ci ste gsum med par yang re re med la/ gcig med par yang gsum med na/ sa la sogs pa so sor rang yod pa ma yin no/ /so so rang ni so so rang ste rang gi ngo bo zhes bya ba'i tha tshig go /yod pa ma yin pa ni med pa ste/ 'di skad du rang gi rang ngo bo yod pa rnams 'dus pa ni 'dres pa yin no zhes bshad pa yin no/ /'on te so sor rang ste rang rang gi ngo bor so so logs shig na yod na'o/ /cis med de/ de ci'i phyir med/ g.yo ba ni rlung ngo/ /thogs pa ni rgyugs pa ste sa'i khams so/ /sdud pa ni 'byar ba'i ngo bo ste/ chu'i khams so// de dag med par chung dang rlung dang re re yang de bzhin no/ /'on te me 'di bud shing med na mi dmigs pa'i phyir/ logs shig tu rang gi ngo bo med na ji ltar thabs gang gis khyod kyi lhag ma gsum po rang bzhin te/ de dag phan tshun ma 'dres par logs shig na so so'i rang gi ngo bor yod do snyam du dgongs pa yin no/ /de lta bas na de ni 'dra bar blta bar bya'o/ /'di la gtan tshigs ci yod snyam na/ lhag mas gtan tshigs smos te/ gsum po ni me ma gtogs pa lhag ma rnams so/ /rgyu la brten cing gnas nas 'byung ba ni skye ba'o/ /chos mi mthun pa ni mi 'dra ba'o/ /'ang zhes bya ba'i sgra ni gang gi phyir zhes bya ba'i don to/ /'di skad du bshad pa yin te/ rnam par shes pa'i rkyen gyi ming dang gzugs zhes bya ba de la gzugs zhes bya ba ni 'byung ba chen po bzhi dang 'byung ba chen po bzhi rgyur byas pa dag yin no/ /gal te me logs shig tu rang gi ngo bor yod par gyur na gsum kho na lhan cig 'byung bas rten cing 'brel par 'byung ba dang chos mi mthun par 'gyur te/ de ltar ni rung ba ma yin no/ /yang na nyes pa gzhan 'di yang yod do zhes bya ba tshig lhag ma yin te/ 'ang zhes bya ba'i sgra ni bsdu ba'i don du bya'o/ /so so rang yod kyang rung med kyang rung phan tshun rten pa yang skyon yin par ni mjug thogs nas byung bas ston to/ /gal te nyes pa der 'gyur du 'ong zhes te/ gang na 'byung ba gcig yod pa de na lhag ma rnams yod do zhes bya bar khas len na gcig tu gnas pa nyid la gzhan du gyur pa mi 'thad pas de lta na gcig tu gnas pa nyid du khas blangs par 'gyur ro/ /gyur du zad mod nyes pa ci yod ce na/ ma 'dres pa rnams gcig gnas med ces bya ba la sogs pa smos te/ 'dres pa rnams ni so so logs shig gi rang gi ngo bo nyams par 'gyur te/ sbrang rtsi dang mar dang 'o ma dang chu bzhin no/ /'byung ba rnams kyi mtshan nyid kyang rung ba ma yin no zhes mjug thogs nas 'byung bas ston te/ shas che ba ni lhag pa'o/ /'o na mtshan nyid ji ltar bka' stsal ce na/ mtshan nyid dag ni kun rdzob bshad ce bya ba smos te/ kun rdzob tu tha snyad du yin la/ 'di ni kho na nyid bsam pa yin pas nyes pa med do/ /'byung ba chen po med par bstan pa'i tshul te/ thabs bshad pa gang yin pa'i thabs de nyid kha dog la sogs pa'i yang yin no/ /'byung ba dgag pa 'das ma thag pas rten pa yang bkag zin pa nyid yin mod kyi gsal bar bya ba'i phyir 'di smos par zad do/ kha dog ni/ gzugs so/ /'di skad du bshad pa yin te/ 'di dag kyang 'dres par 'gyur par 'dod do/ /phra rab rdul ni rdzas brgyad do zhes bya bas so/ /de lta bas na de dag kyang 'byung ba bzhin med par sgrub pa la rigs pa ni de nyid yin no/ /de ltar 'byung ba dang 'byung las gyur pa rnams yod pa ma yin par bstan nas/ /da ni mig ces bya ba nas bzung ste/ ming dang ming can zhes bya ba'i bar sbyir gzugs can ma yin pa'i don rnams la yang tshul ni 'di nyid yin no zhes bya bar de bzhin no zhes bya ba'i sgras ston to/ /mig gis mtshon pa rna ba la sogs pa dang/ gzugs kyis mtshon pa sgra la sogs pa dang/ mig gi rnam par shes pas mtshon pa rna ba'i rnam par shes pa la sogs pa la yang ngo// yang na gzugs zhes bya ba ngo bo nyid kyi rnam grangs su byas nas ming gi ngo bo nyid kyi rnam pa la sogs pa 'byung ba las gyur pa'i ngo bo nyid la brten pa dang/ de bzhin du rnam par shes pa'i ngo bo nyid rna ba'i rnam par shes pa la sogs pa rnam par shes pa'i ngo bo nyid la brten nas so/ /mig la sogs pa'i gzugs rnams ngo bo nyid yin pa ni de dag kyang bsags pa'i ngo bo nyid yin pa'i phyir ro/ /rnam par shes pa la sogs pa yang tshogs pa'i ngo bor 'byung ba'i phyir de dang 'dra bar bsams par bya ba yin no/ /ma rig pa yang nyon mongs pa dang nye ba'i nyon mongs pa dag yin pas de dang 'dra ba nyid do/ /rnam par shes pa smos pas/ sems las byung ba yin pa'i phyir ma rig pa yang smos pa nyid ma yin nam/ yang ci ste smos she na/ de ni bden na 'on kyang de ni gtso bo yin pa'i phyir yang smos te/ 'di ltar de'i stobs kyis ni nyon mongs pa dang nye ba'i nyon mongs pa gzhan dag kyang rab tu 'jug la 'khor ba yang de las 'byung ngo/ /las gnyis smos pa'i phyir 'di gang gis yin par gzung ngo/ /las zhes bya ba 'am bya ba phung po la ma gtogs pa don gyi khyad par gzhan du brjod pa'am dmigs pa ni ma yin te/ rgyu ma rigs pa la sogs pa snga ma la brten nas/ phung po'i tshogs phyi ma phyi ma la las zhes bya bar zad do/ /ma rig pa dang sred pa dang len pa'i rgyu can gyi phung po 'byung ba tshogs pa'i ngo bo ni skye ba'o/ /ma rig pa dang las dang skye ba ni ma rig pa dang las dang skye ba rnams te de rnams la'o/ /byed pas na rang dbang can gyi byed pa ni byed pa po ste phung po lnga'i ngo bo nyid yin no/ /de'i bya bas khyab pa ni las te/ 'dod pa 'am mi 'dod pa yin no/ /yang na 'ga' yang mi 'dod pa dug 'thung ba'am/ g.yang sar 'chod ba med pas gang gis mi 'dod pa res 'ga' de nyid kyi 'dod pa yin pa'i phyir te/ de yang phung po 'dus pa'i ngo bo yin pa'i phyir ro/ /de dag nyid tshogs pa'i stobs kyis de dang der skye ba na zhes pa'i ming 'thob bo/ /grangs ni gcig la sogs pa ste/ de yang bgrang bar bya ba las ma gtogs pa gzhan ni med do/ /rdzas dang rdzas gzhan du sbyor ba ni ldan pa ste/ de yang de las gzhan pa ni ma yin no/ /'on te bsam gtan gyi mtshan nyid yin na yang de'i tshe bsam gtan ni sems rtse gcig pa'i tshogs kyi ngo bo yin no/ /rgyu ni phyi'i sa bon no/ /'bras bu ni de las skyes pa 'bru la sogs pa'o/ /dus ni 'das pa la sogs pa'i ngo bo gsum mo/ /de dag kyang phung po las ma gtogs ba gzhan ni ma yin te/ de skad du de dag nyid dus gtam gzhi dang/ nges par 'byung bcas bzhir bcas pa zhes bshad pas so/ /ring po bas thung ba ni thung ngu'o/ de bas srid du lhag par ni ring ba'o/ /sogs zhes smos pa ni gru bzhi dang zlum po la sogs pa bsdu'o/ /gang dag la thung ngu dang ring po zhes bya ba la sogs pa'i ming yod pas de dag ni de dag ces bya'o/ /de dag thams cad kyang 'dus pa'i ngo bo yin pas tshul ni de nyid yin te/ bdag bzhin du brdzun pa'i don yin no zhes bya ba'i tha tshig go / de ltar rgyas par brjod nas/ yang ming dang zhes bya ba la sogs pas mdor bsdu ba mdzad de/ ming zhes bya ba'i sgra ni ming gi rnam grangs yin no/ /'di la ming du btags pa yod pas na ming can te de dag la'o/ ji ltar 'byung ba dang 'byung ba las gyur pa rnams 'dus pa'i ngo bo yin pa'i phyir brtags na bdag bzhin du brdzun te bden pa ma yin pa ltar 'di dag kyang de bzhin no zhes bya ba'i tha tshig go / bcom ldan 'das kyis de dang de nas sa la sogs pa bshad pa ma yin nam/ de ji ltar de skad ces bya zhe na/ de ni tha snyad du gsungs kyi don dam par ni ma yin no/ /'di ltar yang dag par bsgoms pa'i mthar phyin pa las skyes pa'i rnam par shes par de 'gag par 'gyur te mi dmigs so zhes bya ba'i don to/ /rgyas par ston te/ bye brag tu shes pas na rnam par shes pa'o/ /'di ni 'di na'o/ /pha bi ni pha bi na'o zhes bya bar bstan pas mi nus pas na bstan du med do/ /gzhi mdza' yas pa la dmigs pas na mdza' yas pa ste/ /thams cad mkhyen pa'i ye shes yon tan mdza' yas pa dang ldan pa zhes bya ba'i tha tshig go / de'i stobs kyi thams cad rab tu 'jug ste/ de bas na kun tu chos thams cad la bdag po dang dbang sgyur ba yin no/ /ji skad bshad pa'i rnam par shes pa de la ni gnas thod par 'gyur ba ma yin te/ gnas skabs rnyed bar mi 'gyur ro/ /re re la brten nas gcig gi tshig tu byas te bstan du med ba la de dag gi gnas med do zhes bya ba'i tha tshig go/ 'o na de dag lta med du zad/ gzhan dag yod par 'gyur ro zhe na/ 'dir ni zhes bya ba la sogs pas ston to/ /gang zhes bya ba ni gang gi phyir ram/ gang 'di zhes bya bar thams cad kyi khyad bar yin te/ sngon so so'i skye bo'i gnas skabs kyi rnam par shes pa las byung zhing skyes pa de thams cad ni zag pa dang bcas pa'i rnam bar shes pas brtags pa yin no zhes bya ba'i tha tshig go/ yod pa ma yin pa las brtags pa de shes pa'i phyir te 'di la bden pa gang yin zhes de ltar brtags na yang ji lta ba bzhin yongs su shes pa'i phyir byis ba so so'i skye bo'i gnas skabs kyi 'og rol tu rnam par shes pa kho nar 'gag par 'gyur zhing de la mi snang bar 'gyur ro/ /rnam par shes pa mer gyur pa de lta bu ni bud shing med na yod par mi 'gyur ro zhes bya bar/ rnam shes me'i zhes bya ba la sogs pas ston to/ /skyes nas 'gro ba gzhan de dang der 'gro bas na 'gro ba'o/ /de'i chos ni skye ba la sogs pa'i mtshan nyid do/ /phyin ci ma log par rtog pa ni ji bzhin rab 'byed pa'o/ /'di la 'od zer de nyid yod pas na de lta bu ste/ gang gi tshe rang gi ngo bo nyid kyang mi mthong ba de'i che nye bar zhi ba zhes bya'o/ /de ltar na thams cad med par khas blangs pa'i phyir de nyid dngos po med par smra ba khas blangs pa yin no zhes/ mjug thogs nas 'byung bas de 'gog ste/ nges pa ni de gtan phab pa'o/ /gal te nam mkha' dngos por yong par 'gyur ro zhe na/ gzugs kyi zhes bya ba la sogs pas de 'gog go / 'o na gzugs kyi zhes smos pas de ni yong ngo zhe na/ 'byung med ces bya bas de 'gog go /'byung ba med pa'i gzugs med de'i phyir ming can med pas ming yang med pa'i phyir ming tsam yang med do/ /sngar ni khyad par du mig dang/ rnam par shes pa dang/ gzugs dang/ ma rig pa med par bstan to/ /da ni phyir tshong ba dang/ 'du shes dang/ 'du byed dang/ zhes bya ba la sogs pa 'byung ba bzhin dang/ bdag bzhin du med po'i ngo bo zhes ston to// de'i phyir khams drug bdag med do zhes bya ba ni ngo bo nyid med do zhes bya ba'i don to/ /de ltar mngon par mtho ba dang nges bar legs pa'i rgyu'i chos so sor rnam par phye ste bstan nas/ yang ji ltar chu shing yan lag dag ces bya ba la sogs pas rigs pa gzhan gyis bsgres te bstan pa/ ji ltar yan lag ji snyed kyis chu shing bzhin du bsgrubs pa'i yan lag de dag thams cad ma lus pa dang bcas te bshig cing so sor phyen? de la chu shing zhes bya ba ci yang med pa de bzhin du khams ji snyed kyis skyes bur brjod pa de dag ma lus ba dang bcas te bshig cing spyad na mi dmigs so/ /ci yang zhes bya ba ni rdzas la bltos nas so/ /gang gi phyir de lta yin pa de'i phyir rgyal ba sangs rgyas bcom ldan 'das rnams kyis chos thams cad bdag med par gsungs te skyes bu med do zhes bya bar blta bar bya'o/ /khams drug yod par 'gyur ro zhe na/ lhag mas de 'gog go/ gtan la phab pas na med ngo zhes nges par bya ste/ khams drug po de yang gtan la phab pa des na med do/ /de ltar yang dag par na chos thams cad bdag med pa yin dang/ de la bltos nas de yang dngos por yong pa ma yin no zhes lhag mas ston to/ /rgyu de'i phyir sku dang gsung dang thugs thub cing yang dag par bsdoms pas thub pa chen po ste bcom ldan 'das so/ /bzlog pa ni bzlog par 'gyur pa'o/ /de ltar na mthong ba dang thos pa la sogs pa ste/ sogs ba ni dang po'o/ /bye brag phyed pa dang rnam par shes pa gang la dang po mthong ba dang thos pa yod pa de ni mthong ba dang thos pa la sogs pa ste/ de thub pas bden pa ma yin pa ste/ 'di ni de kho na nyid la brten nas gsungs so// brdzun pa ma yin pa ni tha snyad du'o/ /'di gnyi ga bden pa ma yin pa la bsten nas ci ste ma gsungs she na/ phyogs las zhes bya ba la sogs pas de 'gog ste/ mngon zhing gsal bar byed pas na phyogs so/ /gal te don 'ga' zhig sngar phyogs su byas par gyur ba na de la bltos nas 'gal ba'i phyogs mi mthun pa'i phyogs su 'gyur ro/ /de lta bas na thabs 'dis yod pa nyid dang med pa nyid du zhal gyis bzhes par mi mdzad de de'i ngo bo nyid du ma yin no zhes bya ba'i don to/ /'jig rten gang zhig de ltar bshad ba'i lugs kyi rnam pa thams cad du ngo bo nyid yod pa ma yin pa'i 'jig rten de lta bu de la mdza' yod ces bya ba la sogs par ji skad bstan/ ci sangs rgyas bcom ldan 'das kyang tha snyad du yod pa dang med pa'i zhal gyis mi bzhes sam zhe na/ dus gsum du gnas par zhal gyis mi bzhes te/ de kho na nyid du cung zad kyang yod pa ma yin no zhes don de mjug thogs kyi tshigs su bcad pas ston to/ /gang dag la grangs le'u drug cu las 'das ba yod pa de dag ni grangs med pa'o/ /gshegs ba ni 'das pa'o/ /de bzhin zhes bya ba sbyir brjod par bya'o/ /byon par 'byung ba ni ma 'ongs pa'o/ /dang zhes bya ba ni skabs gzhan no/ /yang na de bzhin zhes bya ba ni mgon po rnams ji lta ba bzhin du sems can rnams sor ba dang/ 'od bar 'gyur ba dang/ 'gro'o zhes sems can rnams dang sbyar ba yin no/ /yang na mang po zhes bshad pa yin no// skyes nas 'jig pa'am/ ro myang ba'i dngos po de dang de dag la chags pas na sems can rnams so/ /bye bar gyur ces bya ba la gyur ces bya ba ni lhag ma'o/ /bye ba bas gyur pa ni de bas ches mang ba zhes bya ba'i tha tshig gi 'di ni tha snyad la brten nas bstan pa yin no/ /lhag mas ni de kho na nyid la brten pa'o/ /de dag las dus gsum du gnas pa dgongs shing bzhed de/ chos thams cad bdag med pa yin pas 'dong pa la brten pa med do snyam du dgongs pa yin no/ /don de nyid mjug thogs nas 'byung bzang ba zhes bya ba la sogs pas gsal bar byed do/ 'phel ba ni skye ba'o/ /de'i rgyu de byed rgyu ma yin no/ /gang gi zhe na/ 'jig rten gyi de 'khor pa'o/ /sa yin pa de gang zhe na zad? cing mi skye ba ste zad pa drang 'dra bas so/ /ngo bo ji lta bu zhig ce na/ dus gsum du gnas pa'o/ /'di skad du bshad pa yin/ gang gi tshe dngos po 'di rnams rtag tu mdag? med pa de'i tshe gang zhig ni skye la gang zhig ni bskyed ces bya ba yin no/ /de ltar mkhyen nas kyang bcom ldan 'das thams cad mkhyen pas ji ltar rgyu gang gis 'khor ba de'i sngon dang mdza' lung ma bstan cing lung bstan par bya ba ma yin par mdzad cing bstan ce na/ 'di ni mu bzhi dang bral ba yin pas de'i phyir de ltar mdzad do snyam du dgongs pa yin te/ 'di ni 'og nas ston par 'gyur ro/ /chos 'di kho na sangs rgyas kyi go 'phang thob pa'i rgyu yin gyi gzhan ni ma yin no zhes bstan pa'i phyir/ /so so'i skye bo la gsang ba zhes bya ba la sogs pa smos te/ so so'i skye bo la gsang ba gang yin pa de ni zhes bya ba ni nges par legs pa'i chos kyi skabs su don dam par cung zad kyang med do zhes bshad pa gang yin pa de ste/ chos de lta bu ni thos pa la sogs pa dang dral pa 'am/ log par 'dzin pa la mngon pa bzhin pa'i dmigs pa can la gsang zhing bstan par bya ba ma yin pa'o/ /sgyu ma'i rig sngags la legs par goms pas 'jim pa'i dum bu blangs te gsang sngags kyi stobs kyis bsgrubs pa'i glang po che la sogs pa'i gzugs ni sgyu ma'o/ /'jig rten gang la sgyu ma lta bu ste mtshungs ba yod pa de ni 'jig rten sgyu ma lta bu'o/ /de'i ngo bo ni de nyid de/ 'di kho na sangs rgyas bcom ldan 'das rnams kyi bstan pa bdud rtsi yin gyi/ dmigs pa'i gdon gyis zin pas brtags pa gzhan ni ma yin no/ /'di ji ltar sgyu ma dang 'dra zhe na/ mjug thogs nas 'byung bas ston par byed do/ / sgyu ma'i ngo bo'i glang po che ste slu ba'i glang po che ni sgyu ma'i glang po ste slu ba'i bdag nyid yin pa'i phyir ro/ /de la skye zhing 'byung ba dang 'jig cing 'gag pa ji ltar snang zhing ji ltar dmigs kyang ngo/ /skye ba nyid du snad? gi mi skye bar na ma yin la/ 'jig pa nyid du snad gi ther zug tu ma yin te/ nyid ces bya ba'i don ni de yin no/ /don gyi yang dag tu zhes bya ba ni don dam par te/ de ni don yang yin la yang dag pa yang yin pas so/ /skye ba nyid dang 'jig pa nyid do/ /dpe 'di brjod nas don de bzhin sgyu 'dra'i zhes bya ba la sogs pas dngos dang sbyor bar byed do/ sgyu ma'i blang po che rgyu dang rkyen las byung ba yin yang ji ltar de kho na nyid du ma yin no zhe na/ ji ltar zhes bya ba la sogs pas de bston te/ bden pa'i ngo bor ma skyes pa'i phyir skye ba na yang gang nas kyang ma 'ongs la/ 'jug brtul ba na yang gang du yang mi 'gro'o/ /sems rmongs tsam du zad pas na zhes bya ba rmongs pa ni nor pa'o/ /tsam zhes smos pa ni lhag pa'i don dgag go/ yang dag nyid du ste bden pa'i ngo bor gnas pa med do/ /de ltar zhes bya ba ni ji skad bshad pa'i rigs pas so/ /tha snyad ? gas? pa ma gtogs par/ gang zhig yod pa'am med par gyur pa ste/ ci zhig yod ces bya ba ni rtog pa'o/ da ni sangs rgyas kyis ni rgyu 'di las zhes bya ba la sogs pas thams cad mkhyen pas ji ltar de'i/ sngon mdza' lung ma bstan par mdzad ces gang bshad pa de'i rgyu ston to/ /'di la zhes bya ba ni rgyu'o/ /'jig rten gang la mdza' yod pa la sogs pa rnams bye brag bzhi yod pa de ni rnam bzhi ste/ 'chad par 'gyur ba'i tshul gyis de lta bu la dgong nas zhes bya ba ni tshig lhag ma yin no/ /gal te chos rnams de ltar bdag med pa yin na 'jig rten 'dis de ltar ci ste mi rtogs she na/ /de'i phyir mjug tho kyi tshigs su bcad pa smos so/ /mi cong? nyid ni mi gtsang ba'i ngo bo nyid do/ /rags pa ni che long ngo/ /mngon sum spyod yul ba ni rjes su dpag bar bya ba ma yin pa'o/ /sems la bde blag tu tshogs med par 'gyur te/ de'i spyod yul du mi 'gyur ro/ /skye bo rnams kyis shes par dka' o zhes shes par dka' ba thugs su chud pa de/ rgyu des na sangs rgyas nas te/ thams cad mkhyen pa'i ye shes bsnyes nas chos bstan pa'i dgongs pa log cing spro ba log par gyur to/ /ci'i phyir log par gyur ces na/ /'dir chos 'di logs par shes gyur na zhes bya ba la sogs pa smos te/ log par shes pha ni tha snyad du yad? ci yang med do zhes log par shes pa'o/ /mi mkhas pa ni mkhas pa ma yin pa ste mi shes pa'o/ /ji ltar na chung za zhing phung ba'i rgyur 'gyur zhe na/ 'di ltar zhes rgyu smos so/ med pa nyid du lta ba nyid mi gtsang ba ste sme zhing btsogs pa yin no// der bying bar 'gyur ba ni ltung bar 'gyur ba'o/ /der zhes bya ba ni log par shes pa ste/ yod na'o/ /yang na lta ba mi gtang ba der ro/ /de ltar re zhig la la ni ci yang med do snyam nas log par shes pas log par lta bar lhung bar 'gyur ro/ /gzhan gnyis pa yang chos 'di la med do snyam du shes pas log par bzung na'o/ /blun po ni gzhan gyi bstan bcos thos pa dang ldan yang chos 'di mi shes pa'i phyir ram/ drang ba'i don la nges ba'i don to zhes shes pa mi shes pa ste/ blun po dang 'dra bar blun po yin no/ /mkhas pa nga rgyal can zhes bya ba ni yod pa dang med pa ji lta ba bzhin shes pa'i phyir mkhas pa zhes bya na/ de lta bu ma yin bzhin du nga ni mkhas pa'o snyam du nga rgyal skyed pa'o/ /chos 'di la brnyas pa'i bsams pas tshig ngan pa 'byin pa 'am/ las bzang po ma yin pa la sbyod pa ni spong ba ste/ gang la nges ma rungs pa'i bdag nyid kyi sems yod pa de la de skad ces bya'o/ /ma rungs pa'i don ci zhe na bsod nams sam rang gi don phun sum tshogs pa la mi snang bas nam rungs pa yin no/ /yang na rang dang gzhan gyi don gyi nus pa dang bral bas shi ba yin te/ dge ba chad pa ni ngan song la mngon du phyogs pas so/ /de nyid lhag mas ston par byed do/ /don de nyid ji ltar kha zas bza' nyes pas /zhes bya ba la sogs pas dpe gsal bar byed do/ /nyes zhes bya ba'i sgras ni smad pa'i don te mi 'phros pa brjod pa'o/ /mi 'phrod pa zos pa ni kha zas bza' nyes pa ste des so/ /legs zhes bya ba'i sgra ni bsngags pa'i don te 'phrod pa brjod pa'o/ /bde ba ni lus ded sems kyi'o/ /'gyur ba ni 'thob pa'o/ legs pa ni ji lta ba bzhin du'o/ /bde ba ni lha dang mi'o/ /gang gi phyir de lta yin pa de'i phyir chos 'di la'o/ /med pa'i lta ba ni med pa'i rnam pa can no/ /don kun na 'jig rten pa dang 'jig rten las 'das pa ste/ de rnams grub cing grub par bya ba'i phyir ro/ /ji srid du chos 'di nyams su myong ba'i rnam par mi shes pa de srid du 'khor bar 'jug go zhes mjug thogs nas 'byung bas ston te/ yongs su ma shes pa las dmigs pa'o/ /de las dang 'dzin pa'o/ /de las dge ba dang mi dge ba'i las te/ dge legs dang dge legs ma yin pa'o/ /de las skye ba ni bzang po dang ngan pa ste/ bde 'gro dang ngan 'gro'i mtshan nyid 'dod pa dang mi 'dod pa'o/ /chos 'di shin tu myur bar yang mi 'thob ste/ gang gi phyir de lta yin pa de'i phyir ro/ /sel ba ni 'jig pa'o/ /gus pa ni de'i gzhi las yid rab tu dad pa'i lus dang ngag dang yid kyis brtson? pa'i 'bad pa ste/ de dang ldan par mdzod cig ces bya ba'i tha tshig go/ rtag tu sbyin pa la sogs pa'i sems dpa' la gzhol ba'i rgyal po'i bya ba rnams ji lta bu snyam du dgos pa la/ de dag kyang thog ma dang par dang tha mar chos dang ldan par gyis shig ces mjug blogs? nas 'byung bas ston to/ /sngon zhes bya ba'i sgra ni thog ma'i rnam grangs yin gyi phyogs brjod pa ni ma yin no/ /'di skad du bshad pa yin te/ las 'dis chos 'di 'grub par 'gyur ro zhes thog mar chos la brten par byas nas las tsom par byed pa'i las de ni chos sngon tu btang ba yin no/ kha cig chos la brten te brtsams nas phyis sdig pa dang 'dres mar byed pa rnams snang bas de bzlog pa'i phyir bar ma dang tha mar zhes bya ba smos te/ tha ma ni 'jug pa'o/ /sgrub pa ni sgrub par byed pa'o/ /sa bdag ni sa'i dbang phyug go /'di ni 'jig rten 'dir ro/ /de ltar sems can rnams dga' bar byed bas chos kyi spags pa'i yon tan dang ldan pa yin te/ de skad du/ lha yi bdag po'i dpal yang yon tan rnams la blta/ /yon tan ldan rnams nyid la yang dag 'dud par 'gyur/ /yon tan rnams la grags pa rab tu 'byung ba nyid/ /de ltas mthu yi bdag nyid chen po yon tan brten/ /sa yi bdag po'i las mchog skyes bu la phan pa/ /de ni 'di phyi gnyi gar 'byor byed lam yin te/ de yang chos la dga' ba'i rgyal po dag la 'byung/ mi dbang spyod pa'i rjes su skye bo 'jug par 'gyur/ zhes 'byung ba dang/ de bzhin du/ dul ba'i sgrub pa dbang po thul ba nyid yin te/ /dul bas yon tan phul tu phyin pa 'thob par 'gyur/ /yon tan spags pa'i mi la skye bo rjes su dga' / /skye bo rjes su dga' bas phun sum tshogs rab 'byung/ zhes bshad pa yin no/ /gzhan tshe rabs gzhan du gnod par mi 'gyur zhing nyam nga? bar gnas par mi 'gyur ro/ /sngar ni lta ba'i skabs kyis chos dang chos ma yin pa bdag gi yon tan dang skyon brjod pa yin no/ /chos kyis zhes bya ba la sogs pa la/ grags pa ni snyan pa'o/ / 'chi kha ni 'chi bar 'dod pa'o/ /ci'i phyir 'chi zhe na/ de ni 'chi ba la mngon du phyogs ba zhes bya ba'i tha tshig go /sdig pa byed byed pa na 'chi khar 'jig rten pha rol gyis dgos pas 'jigs par 'gyur gyi bsod nams can ni ma yin no/ /rgyas pa ni rgyas par 'gyur ba ste chen po zhes bya ba'i tha tshig go /bsten mdzod ces bya ba ni bsten cig pa'o/ /gang dag 'jigs rten sdig pa'i rgyu'i don gyi rig pa'i lugs la 'jug par byed pa'i de dag gis gal te na khyod kyang khrid du 'ong ngo zhes de dgag pa'i dogs pa bsu bar mjug thogs kyi tshigs su bcad pa smos te/ lugs ni tshul de bde ba thob pa'i thabs so/ /dam pa ni mchog go /kyang zhes bya ba'i sgra ni rgyu'o/ /ni zhes bya ba'i sgra ni nges par bzung ba ste de kho nas zhes bya ba yin no/ /mi dgar 'gyur zhes bya ba ni phun sum tshogs pas byas pa'i yid bde ba mi 'thob pa'o/ /'dis chos ma yin pa dang mthun pa'i lugs smad pa nyid du bstan nas/ de la phan pa'i rgyur sems pa gang yin pa de smad pa nyid du mjug thogs nas 'byung bas ston to/ /don med pa bsgrubs pas na don med pa'i rig pa'o/ /don med pa'i shes pa ste/ don med pa'i kho na shes pas na de skad ces bya'o// slu zhing 'drid pa lhur len pa ni de gces su byed pa'o/ /mi bzad pa ni ngan pa ste/ don ngan pa bsgrubs pas so/ /ji ltar de skad ces bya zhe na/ 'di ltar de ni ngan 'gro lam ste srol yin pas so/ /shes rab 'chal ba rnams kyis zhes bya ba ni 'khrul pa rnams kyis so/ /don gyis rigs pa ni don rab tu bsgrub pa'i rig pa'o/ /ji ltar zhes bya ba ni rgyu gang gis so/ /byas zhes bya ba ni bsgrub pa'am bshad pa'o/ /bdag gis de shes so zhes rlom pa gang yin pa de yang phyin ci log pa kho na yin no zhes mjug thogs nas 'byung bas ston to/ /chos dang mthun pa la yang gal te 'ga' zhig rang gi nyes pas dag byed na chos dang mthun pas de la byams pa kho na bya dgos pas/ gal te dgra mi dga' bar bya bar 'dod cing don du gnyen na yang yon tan la brten cing brten cig/ yon tan la brten na ji ltar dgra mi dga' bar 'gyur zhe na/ 'di ltar yon tan de dag dang ldan na skye bo dga' bar 'gyur te/ des na phun sum tshogs par 'gyur la/ de lta bu ni zil? gyis gnon par mi nus kyi de nyid kyis zil gyis gnon pas de mi dga' bar 'gyur ro/ /gang gi phyir de lta yin pa de'i phyir 'jig rten gnyi gar yang 'byor pa 'dod pas bsdu ba'i dngos po rnams kyis 'jig rten bsdus shig ces/ sbyin dang zhes bya ba la sogs pas ston to/ /sbyin pa zhes bya ba ni zang zing dang/ mi 'jigs pa dang/ chos kyi mtshan nyid do/ /de ni smra bar bya ba yang Tyin la snyan pa yang yin pas de skad ces bya'o/ /phan pa zhes bya ba ni don spyod pa'o/ /don cig spyod pa ni don mthun par spyod pa ste/ 'di yang sbyin pa'i khyad par gnod pa'i sbyin pa dug dang mtshon la sogs pa spong ba'o/ /de bzhin du don med pa'i rgyu gzhan gang yin pa yang spong ste/ 'di lta ste/ 'dod pa can ni gzhan gyi bud med dag la rjes su chags nas/ 'dod pa dang ldan pa'i tshig snyan pa smra la/ de bzhin du dgra la yang smra bas de 'gog go /bsdu ba ni sems dad bar bya'o/ /de ni rgyal po dag la ji lta bur zhes bya ba la sogs pas rgyal po'i lugs chos dang mthun pa ston to/ /tshig ces bya ba ni bzhi'o/ /de ci zhe na/ bden pa'o/ /yid ches zhes bya ba ni bag phebs pa'o/ /brtan pa zhes bya ba ni mi slu ba'am bag phebs pa'i khyad par ste/ brten pa ni gtan du ba dang mi phyed pa'o/ /bden pa dang cig shos kyi yon tan dang skyon brjod nas/ de gnyis kyi mtshan nyid ston te/ smras pa las gzhan du snang ba ni slu ba'o/ /sems pa ni bsams pa'o/ /des bsgyur ba ni byung ba ste/ bden pa ltar snang la don du bden pa ma yin pa'o/ /don ni tha snyad kyi bden pa ste der ma yin no/ /phen pa kho na byed pas sten gcig tu phan pa bden pa yin no/ /bden pa dang/ gtong ba dag rgyal po'i don thams cad sgrub pa yin pa las de la bden pa ni bshad zin to/ /gtong ba ston te nyes pa ni nga rgyal la sogs pa'o/ /sbyin pa ni sbyin pa'i sems pa dang rab tu ldan pa'i nor gtod pa'o/ /bsal pa ni dad pa la sogs pa dang ldan pa'i phyir dang tsha ba'i phyir ro/ /sped pa ni ma mngon par byed pa'o/ /'jungs pa ni ser sna'o/ /yon tan ni shes rab la sogs pa'i rang gi ngo bo thams cad do/ /de dag nyid dam pa rnams kyi bdog pa thams cad de nor thams cad yin no/ /yon tan de rnams 'joms pa ni 'jig par byed pa'o/ /rgod pa la skye bos bkur sti la sogs pa thog 'dren par mi byed de/ de bas na nye bar zhi ba'i rigs so zhes ston te/ nye bar zhi ba ni dbang po yang dag par bsdams pa'o/ /zab pa ni bsam ba'i gting dpag dka' ba'o/ /des na gus pa mi bla mar byed pa'o/ /rgod pa ni tsam? krol byed pas spang ngo/ /des na brjid ba ni bsnyen par dka' ba'o/ /des na bka' btsan pa phun sum tshogs so/ /gang gi phyir yon tan de dag nye bar zhi bas 'thob pa de'i phyir de bstan cig / shes rab dang/ bral pa'i blun po ni gzhan dag gis blo 'phrogs pa'i phyir slu zhing brid par 'gyur bas shes rab thob pa la 'bad par bya'o zhes mjug nas 'byung bas ston to/ /rang gi don las gzhan du bkri bar nus pas na 'phrog pa'o/ de lta bu ma yin pas na mi 'phrogs pa'o/ /gang yang rung ba zhig gis don 'ga' zhig la blo gtad pa las gal te shes rab dang bral bar gyur na de'i blo de g.yon can gzhan dag gis de nas phral te gzhan du khrid do/ /des na gzhan gyi drid 'jog pa ni bslus pa yin no/ /de lta pas na rgyal pos shes rab can du bya dgos so zhes ston par byed do/ /ji ltar na blo mi 'phrog par 'gyur zhe na/ shes rab dang ldan pas so/ /ji ltar na shes rab dang ldan zhe na/ de bzhin du rgyu smos pa 'di ltar de ni gzhan gyi dring mi 'jog go /gzhan dag la dring 'jog cing bag 'bebs ba ni de'i stobs kyis phan tshun 'khrid ba zhig na de lta bu ma yin no/ /ci'i phyir zhe na/ shes rab dang ldan pas so// de'i phyir na brtan zhing mi g.yo ste/ gang gis kyang gzhan du bkri bar mi nus so/ /bden pa la sogs pa'i chos bzhi po phan yon dang bcas par bshad pa gang yin pa de dang ldan pa'i phan yon gzhan yang bden gtod zhes bya ba la sogs pas bstan te/ bzang po'i don bsgrub pa'i phyir bden pa la sogs pa yon tan bzhi dang ldan pa ni bzad ba yin no/ /bden pa la sogs pa bzhis bzang na cir 'gyur zhe na/ bstod cing bsngags par 'gyur ro// ji lta bur zhe na/ chos bzhi po 'di bzang ba ji lta bur te/ rnam pa bzhi yang yin la bzang ba yang yin pas de skad ces bya'o/ /mjug thogs nas 'byung bas shes rab dang chos 'phel ba'i thabs ston to/ /gang la lus la gnod pa byas nas phebs par smra ba'i ngang tshul yod pa de dag ni phabs par smra bas te/ de skad du/ dbang phyug can phal cher 'dod pa la chags pas chos ma yin pa'i lam la yang 'jug la/ de dag de las bzlog na mi dga' bas sems la gnod par 'gyur ro zhes bshad do/ /de skad du smra ba thams cad kyi dag bzhin byar mi rung bas dag gyur pa/ zhes smos so/ /bsam pa dag pa ste/ chags pa la sogs pa'i dri ma dang bral ba'i phyir gos dag pa lta bu'o// ji ltar na dag pa yin zhe na/ shes rab ces bya ba la sogs pa smos te/ de la yang dag pa ji lta ba bzhin gyi don 'dzin pa ni shes rab bo/ /snying rje ni snying rje nyid do/ /de dag dang ldan pa'i phyir dri ma med pa yin te/ de dag gi mi mthun ba'i phyogs kyi dri ma dang bral ba'i phyir ro/ /lhan cig 'grogs pa ni rigs pa dang cig shos dpyod pa'i dus na nye bar 'khod pa'o/ /gal te nga la de skad du smra ba mang du yod pas 'dis ci zhig bya snyam du sems na/ de'i phyir phan par smra ba dkon pa ste/ zhes bya ba las sogs pa smos so/ /'phrod pa dang 'dra bar phan pa ste/ ji ltar 'phrod pa'i zas phan par 'gyur ba ltar 'di yang de dang 'dra'o/ /'di dag la phan par smra ba'i dang tshul yod pas na de dag la de skad ces bya'o/ /rnyed cing phrad par dka' bas na de lta bu yin no/ /nyan pa'i skye bo yang phal 'phrod par mi byed pas de dgag par tshig smos te/ gang dag 'di nyan par 'gyur ba de dag kyang shin tu dkon no zhes bya ba'i don to/ /phan pa nyan pa de dag pas kyang ngo/ /mi snyan pa ni mi mthun pa'o/ /phan pa ni 'phrod pa'o/ /gang gi phyir phan par 'dod pa yin pa de'i phyir mi snyan yang phan par dpyad cing bya'o/ /bdag byams pa zhes bya ba ni bdag legs su dga' ba ste/ sems dang bcas pa zhes bya ba'i tha tshig go /gang zhig bdag 'di ni bsod nams kyi 'thob po zhes bdag nyid shes pa de la bdag ste/ sems yod pas na de skad ces bya'o/ /gal te 'di snyam du srog la sogs pa rtag pas de'i phyir bags kyis bya'o snyam du sems na/ de'i phyir mjug thogs nas 'byung bas ston to/ /srog dang nad med pa dang rgyal srid de/ de dag la 'khor ba na gnod pa mi zad pa rnam pa sna tshogs 'byung bar mthong nas so/ /de nas skyo ba'i 'bras bu yin pas yang dang brtson pa ste/ /yang dag brtson pa ni yang dag pa'i brtson 'grus so/ /dper na gzhan du brtson pa myur du 'gro ba la bya ba ltar chos la yang de dang 'dra'o/ /'di ni yang dag pa yang yin la brtson pa yang yin pas yang dag brtson pa ste/ yang dag pa'i brtson 'grus zhum pa dang rgod pa la sogs pa dang bral ba'o/ /de nyid de nas zhes bya ba la sogs pas thams cad ston te/ gcig tu zhes bya ba ni de la gtod pa dang lus dang ngag dang yid kyis nges par ro/ /yang dag par brtson pa'i rgyu gzhan gdon mi za bar zhes bya ba 'di yang smos te/ gdon mi za ba ni nges par ro// 'chi ba ni tshe zad pa'o/ /gzigs te zhes bya ba ni blos rtogs te'o/ /bde na yang zhes bya ba ni 'dod pa la log par spyod pa la sogs pas so/ /gal te 'di snyam du sdig pa spyod pa kha cig la ni 'jigs pa ma mthong ste/ dper na bya la sogs pa gsod pa lta bu'o/ /kha cig la ni 'jigs pa yod de/ dper na skya seng dang brtson pa rnam pa sna tshogs la sogs pa ri dags shor pa lta bu'o/ /mi gsod pa yang de dang 'dra'o snyam du sems na/ de'i phyir la lar zhes bya ba la sogs pa smos so/ /chang gi 'bras bu mi 'dod pa gshad zin mod kyi/ /yang chang gi zhes bya ba la sogs pas de'i nyes pa tshe 'di la rgyas par bstan to/ /rgyan po ni phung po'i 'byung gnas yin pas de dgag ba ston to/ /g.yo ni sngan thabs su'o/ /sgyu ni sems gya gyu ba'o/ /rgod pa ni dbang po rnams nye bar ma zhi ba'o/ /gnas ni 'byung ba'i gnas so/ /yul rnams ni chags pa'i gnas yin la de rnams kyi nang na yang bud med kyi gzugs ni chags pa'i gnas yin pas de la 'dod chags dang bral ba skyed pa'i phyir mi gtsang ba'i gtam bya bar bzhed nas/ bud med chags par phal cher ni/ zhes bya ba la sogs pa gsungs so/ /chags pa ni lhag par zhen pa ste 'dzin pa dam pa'o/ /sdug bsngal gyi chags pa ni de'i rgyu can yin pa'i phyir ro/ /bud med la chags pa ni brten pa yin te/ de yang phal cher mang du bud med las byung zhing bud med kyi phyir yin pas des skyed pa yin no zhes bya ba'i tha tshig go / de ji ltar 'byung zhe na/ bud med kyi gzugs gtsang ba ma yin pa la yang gtsang ba'i sems te/ gtsang bar rtog pa yin pas 'chad par 'gyur ba'i rang gi ngo bo ni ma yin no/ /don du zhes bya ba ni tha snyad kyi bden pa la brten gnas so/ /gtsang ba cung zad ces bya ba la sogs pas ni ji ltar gtsang ba med pa de ltar ston te/ kha chu rul ba ni mchil ma'o/ /snod ni gzhi'o/ /snabs ni bad? dkan ma smin pa'o/ /de yang mi gtsang pa'i khyad par ro// mig rdul ni mig gi dri ma'o/ /mchi ma ni mig chu'o/ /lto ba nyid khong yin te/ ngan pa'i phyir ram/ /ngan pa gzung bas na de skad ces bya'o/ /yang na lto ba dang khang pa ni lto ba'i khong ba ste/ gnyis ka yang mi gtsang bas so/ /glo mchin ni snying ga dang glo ral na yod pa'i mi gtsang ba'o/ /rmongs pa glo gros phyin ci log pa'o/ /shin tu dring pa ni kha dang rked pa la sogs pa'o/ /yan lag gang gis sam thabs gang gis so/ /gal te de lta yin na ji ltar 'di la 'jig rten dman pa la sogs pa la chags she na/ de'i phyir ji ltar zhes bya ba la sogs pa smos te/ yul 'dir bcer zhing bsags bas na bcer ba'o/ /dan? skyugs pa'i phag rnams la de skad ces bya'o/ /chags pa ni zhen pa'o/ /de bzhin du bshad gci bcer zhing de dag bsams pa'i gnas la 'dod pa can ngan skyugs kyi phag lta bu rnams chags so/ /sems can du ma'i tshogs kyi rten la grong khyer zhes bya ba de bzhin du lus 'di yang srin bu'i rigs brgyad khri'i rten yin pas grong khyer zhes bshad do/ /de dang mchog ste dngos po bzang po dang bral bas na bu ga ste/ khung bu ngan pa zhes bya ba'i tha tshig go /gzhan la yang don ni de kho na yin par blta bar bya ste/ dag pa rnams kyis ni rnam pa thams cad du mdzes pa'i phyir de lta bu ma yin no/ /dga' ba ni nyams dga' zhing lhag par zhen pa ste/ dbang po yongs su longs spyod pa'i ched du'o/ /ji lta bur zhes bya ba ni ya mtshan du brtsi ba'o/ /'dres pa nyid sa bon no/ /'dod pa gang gis te/ gtsang ba'i 'du shes kyis 'dod chags par 'gyur na de lta bu ni ma yin no/ /de'i rlan gyis shes bya ba ni de'i zhag dang chu ser gyi rlan gyis so/ /gzhon zhing sdug pa la sogs pa dang ldan pas 'dod chags kyi gzhir 'gyur ro zhe na/ rgan nam zhes bya ba la sogs pas de 'gag go/ ji skad du ji ltar mi gtsang ba rnying ba 'am/ bar ma 'am/ gsar ba la yang rung 'dod chags mi 'byung ba ltar 'di la yang de bzhin du rung ba ma yin no zhes bshad pa yin no/ /snang bzhin du ji lta bur zhes bya ba ni ya mtshan che bar ston pa yin no/ /lus kyang gzhan yin la ral ga yang gzhan yin no/ /mi gtsang gang ba'i bum pa zhes bya ba la sogs pas ni dpes don nyid gsal bar byed pa yin no/ /mi gtsang ba'i rang bzhin te de'i ngo bo nyid des gang ba'o/ /phyi ni bud med kyi lus la'o/ /nang ni rang gi lus la'o/ /'dzag pa ni zag pa ste gang la sma'i sgo dgu nas 'dzag pa de ni rma dgu dag nas 'dzag pa can no/ ci zhig phan zhes bya ba ni don med do zhes bya ba'i tha tshig go /bud med kyi lus rgyan gyis brgyan pa la sogs pa la steg chos tshig tu sdebs pa ni steg chos kyi snyan gag byed pa'o/ /e ma'o zhes bya pa ni ya mtshan du brtsi ba'o/ /gzu lums ni ngo tsha dang bral ba'o/ /blun pa ni rang gi ngo bo yongs su mi shes pas so/ /khrel du rung ba ni smres par bye ba la stong par byed pas so/ /de bzhin du phal cher zhes bya ba ni mang du ste/ rgyu gzhan gyis kyang 'byung mod kyi 'di ni 'jig rten 'di na phal cher rtsod pa 'byung ba'i rgyu'i gtso bo yin la/ de yang bde ba la lhag par zhen pa'i phyir yin na 'di la don du ni bde ba cung zad kyang med do zhe ston to/ /g.yan pa phrugs na zhes bya ba la sogs pa ni g.yon pa'i rma phrugs na mdza' sdug bsngal ba'i bde ba 'thob kyi/ gdung ba'i rjes la bde ba ma yin pas de bas de ni don du bde ba ma yin pa nyid du shes par bya'i/ de bas g.yan pa med pas na gdung ba med pas bde ba de bzhin du 'dod pa'i bde ba 'gyur ba'i sdug bsngal can pas gang zhig 'dod pa med pa de nye bar zhi ba'i bde ba zhi bas rtag tu bde ba'o/ /gal te 'di snyam du khyod la bshad pas ci zhig phan zhes smras pa/ gal te bshad pas cung zad kyang mi phan na dal bas ci zhig bya snyam du sems na de'i phyir mjug thogs nas 'byung bas ston to/ /chags pa ni lhag par zhen pa'o/ /ri dags shor bas na ri dags bcings te rngon pa byed pa'am/ ling 'debs pa'o/ /ri dags rnams la gnod pas ni de 'gog ste/ tshe thung zhing zhes bya ba la sogs pas ni rgyu mthun pa'i 'bras bu ston to/ /ji ltar gzhan la byas pa de bzhin du che thung ba dang/ ji ltar 'jigs par byas pa de bzhin du 'jigs pa dang ji ltar sdug bsngal bar byas pa de bzhin du sdug bsngal ba'o/ /dmyal ba'i rgyu ni mi bzad pa zhes bya ba la sogs pas ni rnam par smin pa'i 'bras bu bstan to/ /de thams cad gang 'gyur zhe na/ ri dags lings zhes bya ba la sogs pa smos so/ /bsod pa ni srog chags gsod pa'i bsam pa ste/ 'dis sems can rnams gsod pas so/ /de lta bu ma yin pas na gsod med de/ de brtan zhing mi phyed par mdzod cig pa'o/ /re ngan zhes bya ba ni smad pa ste/ mi gtsang ba dang 'jigs su rung ba zhes bya ba'i tha tshig go /'di dag la zhing las kho na byed pa yod pas na zhing pa ste/ gtsor de tsam gyis 'tsho bar 'gyur ba zhes bya ba'i tha tshig go /bzang ba ni dge ba ste mdzes pa'o/ /ri dags langs zhes bya ba ni khyad par du nye bar mtshon par mdzad pa yin te/ 'dis ni spyir sdig pa byed pa dang smad pa bshad pa yin no/ /da ni de bas zhes bya ba la sogs pas chos ma yin pa phyir 'gog ste/ g.yel ba med par zhes bya ba ni bag yod par te/ bag med pa ni bya ba bzang po dang bzang po ma yin pa rnam par dbye ba la gsal bar mi 'gyur ro/ /rang dang gzhan dag bla na med pa'i byang chub 'thob par 'dod na'o/ / 'dod na de ji ltar 'thob par 'gyur zhe na/ de'i rtsa ba zhes bya ba la sogs pa smos te/ rtsa ba dang 'dra bas na rtsa ba'o/ /rtsa ba ni gtso bo'i rgyu ste/ ji ltar shing gi rtsa ba yal ga la sogs pa thams cad brtan pa de bzhin du 'di la bcom ldan 'das kyi sangs rgyas kyi chos thams cad brten to/ /rtsa ba de ci yin zhe na/ bshad pa/ byang chub bla na med pa'i ye shes kyi sems brtan zhing mi g.yo ba ste/ rtsogs pa'am rgyas par 'gyur ba na sems so/ /ji lta bur brtan pa zhen/ ri dbang rgyal po ltar te ri rab bzhin du zhes bya ba'i don to/ /phyogs mthas gtugs pa ni mdza' yas pa zhes bya ba'i tha tshig go /mchod rten ni sku gdung gi snying po can nam chos kyi dbyings kyi snying po can gyi phyir ram/ /nga gang yin pa de nyid 'di nyid yin no zhes bcom ldan 'das kyis byin gyis brlabs pa'i phyir mchod par 'os pa yin no/ /de bas na 'di skad ces/ /dkar po'i chos rnams bsags phyir dang/ sdig pa'i las rnams spangs pa'i phyir/ /sangs rgyas bcom ldan 'das nyid la/ /mchod rten zhes kyang mngon par brjod/ ces 'byung ngo/ /mchod rten dang/ mchod pa dbye ba rnams dang/ 'phags pa rnams so/ /legs par rjes su mthun par kun nas yongs su bkur pa ste/ gnod pa dang phongs pa rnams las srung ba dang/ yo byad sbyar ba dang/ ci rigs par phyag bya ba dang/ bsnyen bkur dang/ mchod pa la sogs pa bya ba'o/ /dpal ni brjid pa ste zil gyis mi non pa'o/ /mtshan ma ni rtags can no// 'khor los gling bzhin gnas pa'i skye bo'i dkyil 'khor dge ba'i las la sgyur zhing 'jug par byed pas na de skad ces bya'o/ /yang dag blangs pa ni 'di ma byas par bdag gis zas za bar mi bya'o zhes nges pa bya ba'i khyad par ro/ /rkang mthil la mnyam par 'bab pas na shin tu zhabs gnas pa'o/ /'brel pa ni 'brel pa nyid do/ /mnyen la ni 'jam pa nyid do/ /phyag dang zhabs bzhi dang/ thal gong gnyis dang/ ltag pa dang bdun mtho zhing rgyas pa'o/ /mdzes pa ni lta na ldug pa'o/ /drang ba ni ma yo ba'o/ /zhabs kyi long bu mi mngon pa ni zhabs kyi long bu ma 'bur ba'o/ /e Ne ya'i byin pa ni byin gyis phra ba'o/ /len pa ni len par byed pa'o/ /gzhung myur du 'dzin pas na yid rno ba'o/ /rgyas pa ni ring ba'am rgyas pa'o/ /bde ba ni zo mdog mi bde ba ma yin pa'o/ /yang dag bsdum pa byas pa ni kun sprad pa'o/ /bde ba'i rgyu yin pas na bde ba'o/ /shin tu 'jam pa ni legs par byi dor byas pa'o/ /bla na med pa'i dbang byin pa ni rgyal srid byin pa ste/ dbang ni khyod kyis 'di dag ltas shig ces dbang du bskos pa'o/ /'di la ro stong de/ lus kyi stong seng ge'i lta bur 'phel ka che ba yod pas na de skad ces bya'o/ rim gro ni bkur sti'o// rgyas pa ni rgyus par 'gyur ba'o/ /rnal du gnas pa ni khral khrul med pa'am bstan pa'o/ /thog drangs pa ni gtso bo'o/ /legs gnas ni gnas na gnas pa'o/ /n+ya gro d+ha ltar chu zheng gab pa ni srid du ji tsam pa zheng du yang de tsam pa'o/ /rtog tu mnyan kyang snyan la/ yon tan mdza' yas pa dang ldan pa'i sgra ni tshangs pa'o/ /de dang ldan pas na tshangs pa'i dbyangs dang ldan pa'o/ /yang na tshangs pa ni mya ngan las 'das pa ste/ de thob pa dang mthun ba'i sgra la de skad ce bya'o/ /ji skad bshad pa'i bden pa'i mtshan nyid mkhyen par bgyid nas so/ /ji ltar rigs pa ni gang la gang 'os pa'o/ /seng ge dang 'dra bar 'bram slad tshe bas na 'gram ba seng ge'i lta bu'o/ /thub par dka' ba ni bdud la sogs pas thub par dka' ba'o/ /lhag par gus pa ni gus pa khyad par can no/ /bkur sti ni de las gzhan pa'o/ /mdog ldan ni sba ba'o/ /mnyam pa ni mthon dman med pa'o/ /rdzim gnag pas ni rdzim ba'i lta bu'o/ /dag pa ni dri ma med pa'o/ /mdzes pa ni sdug cing yid du 'ong ba nyid do/ /gsal ba ni brjid pa'o/ /'dren ma'i don ston pa'i phyir spel ma'o/ /lus dang ngag gi las de lta bu dang ldan na sangs rgyas kyi go 'phang thob nas mtshan de lta bu can du 'gyur ro zhes bshad kyi/ bsod nams ji tsam gyis de dag ru 'gyur ba ni ma bshad pas/ bsod nams bsam gyis mi khyab las zhes bya ba la sogs pas ston to/ /bsgres pa ni cha dang shas chas te/ gang gis der gyur pa de la de skad ces bya'o/ /gang nas ba spu byung ba de ni ba spu'i bu ga'o/ /mthar phyin pa ni brgyan pa ste grub pa'i phyir ro/ /stobs bcu dang mi 'jigs pa la sogs pa'i mtshan nyid kyi chos ye shes kyi ngo bo ni don thams cad sgrub pa'i phyir lus dang 'dra bar sku yin no/ /de'i rgyu ni ye shes kyi tshogs yin la/ de'i dngos po'i tshogs gzhan thams cad yin no/ /bstan pa ni des pa'o/ /dbugs 'byin byed pa ni dga' ba'am yid bde ba'o/ /rgyu ni bsod nams dang ye shes kyi tshogs kyi mtshan nyid do/ /sgyid lug pa ni sus nus zhes zhum pa nyid do/ /mi mnyam pa'i phyir bstan pa'o/ /bsod nams sogs par 'gyur zhes bya bar sbyar ro/ /sems can mdza' yas pa'i phyir mdza' yas pa rtag par ro/ /rnam bzhin ni bden pa dang gtong ba dang/ dul ba dang/ shes rab kyi mtshan nyid dag go /yang na dus dang/ sems can dang/ byang chub 'dod pa dang/ dge ba tshad med pa'i mtshan nyid dag go /yang mdza' yas pa'i nyid thos nas? dga' zhing sgyid lug par 'gyur na de'i phyir/ lus dang sems kyi sdug bsngal myur ba sel zhes bya ba smos so/ /dgongs pa ni 'di yin par snang ste/ byang chub ma thob kyang sa dang po thob nas spyi'i mtshan nyid rtogs pa'i phyir sdug bsngal gnyi ga myur du sel to zhe bya ba yin no/ /'dod pa la gegs byed pa gsar pa ded bcing ba la sogs pas sdug bsngal ba'o/ /chos thams cad rten med pa'o zhes shes pa la de skad ces bya'o/ /gang dag dus ring bor 'khor bas 'jigs pas byang chub kyi sems mi bskyed pa de dag gis phyir mjug thogs nas 'byung bas smos te/ /de ltar sngar bshad pa'i tshul dang ldan na ma smas pa yin no/ /'jig rten mthas gtugs pa ni 'khor ba'i mthas gtugs pa'o/ /sa dang po nas bzung ste lus kyi sdug bsngal ni med pa nyid do/ /mi snyan pa thos pa la sogs pas yid phyung ba gang yin pa de yang brtan pa'i stobs kyis med do/ /gal te de la sdug bsngal gnyis med na ci'i phyir 'khor bar 'gyur zhing gnas she na/ de'i phyir/ snying rjes 'jig rten sdug bsngal zhes bya ba la sogs pa smos so/ /'jig rten na sdug bsngal ba la de skad ces bya ste/ de yang snying rjes yin no/ /'jig rten sdug bsngal ba de nyid kyis te/ de thar bar bya ba'i bsam pas so/ /de bas zhes bya ba ni/ sdug bsngal gnyis dang bral bas so/ /sems can rnams kyi sdug bsngal sel bar 'dod pa so so'i skye bo'i gnas skabs pas nyes par zad par bya ba'i phyir dang/ yon tan 'grub par bya ba'i phyir ji skad bshad pa'i chos 'di la 'bad par bya'o/ /nyes pa rnams sngar yang bshad zin mod kyi/ yang skabs kyis chags dang zhes bya ba la sogs pas bston to/ /gong du ni nyes pa rnams kyis ngan 'gror 'gro ba tsam zhig bshad do/ /da ni bye brag tu phye nas ston to/ /'phen pa ni thob pa'am 'gro ba'o/ /phal cher zhes bya ba ni mang du ste/ des gzhan du yang ni 'gro'o/ /bzlog pa ni mi mthun pa ste/ chags pa la sogs pa las bzlog pa ma chags pa la sogs pa zhes bya ba'i tha tshig go / mngon par mtho ba dang/ des par legs pa'i chos mdor bsdus nas ston to/ /chu srin 'dzin khri dang 'dra bar 'dzin pa ste/ sdig pa'i lus la za ba'i phyir ro/ /shes pa ni phyin ci ma log pas so/ /'dzin pa ni mngon par zhen pas so/ legs par zhes bya ba 'di ni ri mor bri ba'i khyad par yin no/ /nan tan kun gyis zhes bya ni 'bad pa kun gyis te nub pa thams cad kyis so/ /dga' bar 'gyur ba'i zhes bya ba'i sgra ni mchod pa'i khyad par ram/ chos kyi khyad par yin no/ /bla ma rnams la rim gro'o/ /de dag las nyan pa 'dod pa ni gus pa nyan pa'o/ /de dag gi bya ba byed pa ni yongs su spyad pa'o/ /lha khyab 'jug dang lha chen po la sogs pas bshad pa'i grub pa'i mdza' ni mu'o/ /de la brten pas mu stegs so/ /yang na mu ni chu bo gang+gA'i mchod sbyin la sogs pa skyon mi shes pa rnams so/ /lha la sogs pa skyon dang bcas pa la yang ngo/ /thub pa'i dbang po'i gsung dang/ gsung de las byung ba ni rin po che'i phreng ba la sogs pa'i mtshan nyid do/ /sngon du 'gro ba ni bcas pa'am thog drang pa'o/ /yi ge'i grwa khang ni slob dpon gyi grwa khang ngo/ /'tsho ba ni rngan pa'i 'tsho ba'o/ de yang zhing rtsal ba yis nges pa ni tshang ngam brtan bar byas pa'o/ /sems can rnams dang bdag nyid kyi ye shes spel ba'i slad du'o/ /zhing gis rngan pa ni bla byas pa'am gsos pa'am bzung ba'o/ /chu lon ni chu'i gags so/ /rdzing ni chu rings sam chu'i gnas kyis khyad par ro/ /spyi'i 'dun sa ni 'dun khang ngo/ /chu ra ni chu'i gnas te/ 'dir chu rab tu 'thung bas so/ /mal cha la sogs pa dang yang ldan pas so/ /shes rab bzang po ni ma chags pa la sogs pa'i yon tan dang ldan pa'o/ /'dun khang la sogs pa gang du bya zhe na grong dang zhes bya ba la sogs pas de ston te/ rigs bzhi dang tshod pa dang/ mkhas pa dang yang ldan la/ rab dang yang thog dang rta babs la sogs pa dang yang ldan pa'i gnas ni grong khyer ro/ /'di la mgon skyabs med pas na mgon med pa ste/ gang su yang rung ba'o/ /gzhan ni sdug bsngal la sogs pa'i mya ngan gyis nyam thag pa'o/ /dman pa ni rigs la sogs pas so/ /ngan pa ni brjid bag med pa ste spungs dang bral ba'o/ /snying rjes yin gyi chags pas ni ma yin no/ /yongs bzung ni yongs su skyang ba'o/ /dus ni dpyid la sogs pa'i mtshan nyid drug go /der 'byung bas na dus su 'byung ba'o/ /chu tshags ni chu btsag pa'i thabs kyi khyad par ro/ /tsher ma dbyung ba'i cha sta ni tsher gzungs so/ /grog spur la sogs pa'i ched kyi chu'i gnas su chung ngu ni chung chung ngu'o/ /rtag par ni rtag tu'o/ /thugs brtan pa ni yid brtan du rung ba'o/ /ci bde zhes bya ba nas so/ /gtses pa ni rgyal po la sogs pas byas pa'o/ /gnod pa ni sbyir gnod pa'o/ /yams nad ni dra bar 'byung ba'i nad do/ /btang ba ni yongs su btang ba'o/ /chags nyen pa las yongs su bskyabs pa ni bu lon pas nyams thag pa rnams so/ /sho gam btang ba ni gang la de nyid kyis gnod pa la shog ma btang ba'o/ /la lar ni sho gam dbri ste/ sho gam che bas 'jigs pa rnams la'o/ /dbyig la sogs pa nyo tshong byed byed pas 'tsho ba'i spogs te mnyam pa dang/ /rin che ba spangs pa dang rin thang rigs pa ste/ rin chung ba spangs pa bgyid du gsol cig pa'o/ /'dod dgu ni ci bder ro/ /kha cig bu mo sbyin pa ni bkag go snyam pa de'i phyir/ /rgyan rnams kun dang ldan pa yi zhes bya ba la sogs pa smos so/ /rtsol ces bya ba ni byin cig pa'o/ /'jig rten pa'i gtam ni g.yeng bar byed pas dga' bar ma mdzad cig pa'o/ /rnam par dbye ba ni rab tu brtan pa'o/ /bsngags pa ni bdag ni 'di 'dra'o zhes/ dom pa'o/ /gnad la dbab pa ni gsar ba rab tu sgrogs pa ste/ gnad 'chi ba'i gnas rnams su 'bebs shing bsnun pas na na gnang du dbab pa'o/ /mngon sum du don gzhan gyis gsang ba brjod pa ni gleng ba'o/ /de ngan sems kyis te/ mi phan pa'i sems kyi sa mi bya'o zhes bya ba'i tha tshig go / gzhan rnams kyi zhes bya ba ni gong du sbyar ro/ /nus pas zhes bya ba ni ci nus kyis so/ /nyes pa med pa nyid du bgyi ba'o/ /re ba ni 'dod pa'o/ /khengs pa ni nga rgyal lo/ /yi dags dang 'dra bar ro/ /zhum pa ni yi shi ba ste yid mi bde ba'o/ /brjod pa ni smra ba'o/ /gzhan du zhes bya ba ni gzhan gyi don la'o/ /rang gi dang/ sa gzhan pa'i blon po rnams kyang kun tu bdud cing mang pos bkur pa ste/ de thams cad ni chos spyad pa las 'gyur ro/ /nyams pa de ba ni yid bde ba'o/ /ltog mo ni chog pa ste te bor mang pa'o/ /nang gis bdag nyid ni sems so/ /longs spyod rung ba thun mong du spyod pa'o/ /'jam pa ni rang rung med pa'am mur 'jam pa'o/ /byams pa ni sems so/ /cha ni shin tu nyung ba'i cha'o// gal te grol bar ma gyur kyang zhes bya ba ni gal te thar par ma gyur kyang ngo/ /brgyad ni lha mi byams pa de? 'gyur ba dang zhes bya ba nas bzung ste/ tshangs pa'i 'jig rten skye 'gyur te zhes pa'i bar ro/ /g.yo ni yon po'o/ /de lta bu ma yin pas na g.yo med pa ste drang ba'o/ /de ni dad pa can zhes bya ba'i don te/ lhag pa'i bsam pas mnyan pa de'i don nyams su myong ba gsal bar 'gyur ro/ /de las ni dran pa'o/ /bkur sti ni chos rnams la'o/ /rtogs pa ni khong du chud pa'o/ /sgrib pa med pa ni mnyam par chos ston pas slob dpon gyi dpe mkhyud med pa'o/ 'dod pa ni don grub pa'o/ /snying po lnga ni bu ram dang/ zhun mar dang/ sbrang rtsi dang/ til mar dang/ lan tshwa'o/ /gang la stobs chen po'i mchog gtso bo yod pa de la de skad ces bya ste/ bcom ldan 'das zhes bya ba'i tha tshig go /mchod par zhes bya ba ni mchod pa'i ched du'o/ /yan lag nyams pa ni yan lag dang bral ba ste/ yan lag dman pa zhes bya ba'i tha tshig go / sems rjes su bsrungs pa ni gzhan dag gi'o/ /gzhon pas bla ma bkur ba'i phyir ro/ /dri med pa ni lan la re ba dang bral ba'i phyir ro/ /mnyam ldan pa ni dngos po thams cad la'o/ /brlan pa ni med pa ste/ brlan dang bcas shing mi rlang ba'o/ /de kho na nyid la 'jug pa'i thabs bsgoms pa ste/ yang dang yang mngon du byas pas so/ /sna tshogs ni rnam pa sna tshogs so/ /dag pa ni sems can thams cad dang thun mong du bla na med pa'i byang chub tu yongs su bsngos pa'o/ /'jig rten gyi khams ji snyed nas sangs rgyas gang gis gdul bar bya ba'i sems can rnams 'dus pa de snyed kyi 'jig rten gyi khams de ni sangs rgyas kyi zhing yin te/ der de 'byung ba'i phyir ro/ /rnam par dag pa'i sems can 'byung ba'i phyir dag par 'gyur ro/ /de bas zhes bya ba ni brjod par 'dod pa'i don mjug bsdu ba'o/ /de ltar zhes bya ba ni rgyu dang 'bras bu brjod pa'i tshul bshad ma thag pa'i rgyus so/ /mthun pa ni 'dra ba ste/ rgyu dang mthun pa'i 'bras bu zhes bya ba yin no/ /don du zhes bya ba ni don gyi sgo nas te/ don gyi sgo nas rgyu bsgrub par bya'o zhes bya ba'i tha tshig go /dka' ba ni mi nus pa'o/ /chos min ni chos dang bral ba'o/ /'di ltar de ni rigs pa min pa ni rigs pa dang bral ba'o/ /rjes su 'tsho'ba ni 'bangs so/ /rgyal po la bstod pa ni bsngags pa'o/ /chos ma yin pa spyod bzhin du ci'i phyir bstod ce na/ 'jigs pa'i phyir te/ bzlog na gal te na khros nas gnod pa byed par 'gyur ro snyam pas so/ /rgyal po lta zhog go /de las gzhan pa'i phyi ma'i phal ba su yang rung ba la yang ngo/ /brjod dka' ba ni smra dka' ba'o/ /mi snyan pa ji lta bu zhig ce na/ bstad pa de rigs pa'o/ /sa chen mnga' ba ni sa chen po'i dbang phyug ste/ dbang phyug chen po'o/ /dge slong ni slong ba'i ngang tshul can te/ slongs mo zab zhes rtsa? bya ba'i don to/ /khyed kyi bdag la dgyes par mdzad pa de'i slad duAm bdag gis khyod la dga' bar bgyis pa gang yin pa de'i slad du'o/ /mi snyan ni yid la mi 'bab pa'i phyir ro/ /te bor zhes bya ba ni shin tu'o/ /don ldan ni 'dod pa'i don dang ldan pa'o/ /de bas nas de skad ces bya ba ni de bas na de skad du'o/ /'di skad du bshad pa yin te/ dgyes pa 'ba' zhig gi phyir ni mi yin no/ /'o na ci'i phyir zhe na/ bcom ldan 'das kyi bka' las 'byung bas kyang ngo/ /da ni brjod par bya ba gang yin pa de bstan pa khro ba med pa'i zhes bya ba la sogs pas ston te/ khro ba med pa ni byams pa'o// stang ba ni rigs pa ste phan pa'o/ /brjod bgyi zhes bya ba ni brjod par 'os pa'o/ /bdag ni tshig 'di gnyi gar stang ngam mi stang pa'i tshig gi don mkhyen par mdzod de'o/ /sbyin pa gang byas pa de mi shes pas na byas pa mi gze ba'o/ /slong ba ni phan 'dogs pa'i dam pa yin no zhes 'jig rten 'di na zhes bya ba la sogs pas ston to/ /las byed pa ni gla mi'o/ /gla med pa ni ma brdan par ro/ /lam du bza' shing bcas pa gang yin pa de ni lam rgyags te lam gyi rgyags so/ /dman pa ni 'gro ba dman par song ba ste dud 'gro 'am mi ngan pa'o/ /khyer bar ni khyer byed pa'o/ /rgya chen po ni yangs pa dang che ba'o/ /dman pa ni phra mo 'am bsam pa dman pa'o/ /yid la'ang zhes bya ba ni 'dod pa'o/ /bsams par ma gyur pa ni ma myangs pa'am mi 'dod pa'o/ /chos bzhi zhes bya ba ni spyi'o/ /de'i khyad par ni dkon mchog gsum gyi rten te/ rten ni bzhi'o/ /kun nas rnam pa thams cad du longs spyod 'byor ba ni kun 'byor ba'o/ /de'i khyad par ni rgyal po zhes bya ba'i sgra yin te/ rgyal po'i yang rgyal po'o zhes bya ba'i tha tshig go /snyan pa la phan pa ni snyan par mi 'gyur ba'o/ /rgya che sems can rgya chen po rnams so/ /snyoms pa dang bral bas na snyoms bral te nga rgyal chags pa'o/ /spro ba ni brtson 'grus so/ /dman pa ni rgya mi che ba 'am/ sems zhum pa'o/ /rgyal po sar pa'i gang yin pa de yi'o/ /'di dag la byams shing dga' bar 'dod pa'i ngang tshul yod pas na de skad ces bya'o/ /rnal gnas ni ma nyams pa'o/ /chos kyi gzhi ni sa gzhi phul ba la sogs pas spags so/ /lha khang ni lha'i gnas te lha'i khab bo/ /snga lugs bzhin du zhes bya ba ni lhag chad med par ro/ /de dag ni lha khang la sogs pa'o/ /'tshe med ni sems can dang? rdzas pa'o/ /dge sbyong ni bsod rnams byed pa'o/ /brtul zhugs la gnas pa ni srog gcod pa la sogs pa spangs pa'o/ /gang la 'od pa'i dus nges pa med pa yod pa de ni glo bur ba ste 'phral la 'ongs pa'o/ /gang la bden pa la bzod pa yod pa de dag ni bden bzod do/ /rtag tu brtson 'grus brtsams pa'o/ /dman pa ni nor med pa'am slongs mo pa'o/ /sdug 'phongs ni lam du zhugs pa'o/ /dgag pa med pa ni bzlog pa med pa'o/ /snyoms pa ni bye brag med pa'o/ /don du gnyer ba rnams ni bshad zin to/ /don du mi gnyer ba ni chog shes pa'o/ /ci rigs pa ni sbyin pa la sogs pa'i bya ba ste/ chos kyi don gyi dbang du byas pa la de skad ces bya'o/ /mi g.yel ba ni snyom las mi byed pa'o/ /de dag rnams la zhes bya ba ni chos kyi gzhi na gnas ba rnams pa'o/ /lugs ni rgyal po'i bstan bcos te/ de shes pas na lugs shes pa'o/ /de ni sdig pa dang ldan pa la yang yod pas de'i phyir chos dang ldan la zhes bya ba smos so/ /rgyal po la 'jar ba ste/ sems mi rtsub pa'o/ /gtsang ba ni 'dod chen med pa ste/ /chags pa la sogs pa'i rtsa ba dang bral bas dkar ba'o/ /ran par spyod pa'i legs pa spyod pa ste/ drod zin par spyod pa'am bgo bsha' byas te spyod pa'o/ /bag yod pa ni bya ba thams cad la'o/ /dman ni dpung gi tshogs so/ /de'i dpon po ni gtso bo'o/ /gang dag chos kho na byed pa'i dang tshul yod pas de dag ni chos kyi dang tshul lo/ /snyoms pa ni bsam pa mnyam pa'o/ /sna bo ni sna la gtogs pa'o/ /phan tshun ltor 'jug pa ni ma rungs par byed pa ste/ sngar ni chos nyi che ba bstan to/ /de ni rgyal srid dang lhan cig ston to/ /nang gshin pa ni nang 'phrod pa ste nang mthun pa'o/ /gsod byed pa ni gsod pa'i ngang tshul can te/ gsod par byed pa'o/ /sdoms pa min pa ni sdoms pa'i mi mthun phyogs so/ /rgyun mi 'chad pa ni rtag par tshar bcad pa ni tshig dag gis sam gzung bas so/ /brtags te zhes bya ba ni dpyad de'o/ /bag yod pas ni yul rnams kyis 'jigs pa'o/ /yon tan gnas te yon tan can rnams la sbyar zhes bya ba yin no/ /nga rgyal gyis nyams pa rnams la ni bkur sti'o/ /lhag ma rnams la ni tshig gi rim gro'o/ /lhag ma ni yon tan la gnas pa ma yin pa'o/ /rgyas pa ni mang ba ste/ rgyal po me tog dang 'bras bu phun sum tshogs pa'i ljon shing mngon du 'gro bar bya ba lta bur bya'o zhes bya ba'i don to/ gsar dang ldan pa ni nyes pa mi bzod pa'o/ /de ltar zhes bya ba ni sngar bshad pa'i tshul du'o/ /'jig rten na grags pa'i rigs pa ma yin par mi 'gyur ro/ /de'i zhes bya ba ni rgyal srid kyi'o/ /'tshogs chas zod ni nyo tshong bya ba la dgos pa yin par blta bar bya ste/ 'tshog chas nyo bar bya ba'i rin yin pas so/ /rjed 'gyur ba ste/ 'gyur bar 'bod cig pa'o/ /'khor los sgyur ba'i rgyal po yi'o/ /'du shes rang bzhin ni rnam par rtog pas byas pa'o/ /bde ba'i bdog pa kun ni mdor na 'di kho nar zad de/ bde ba nyid bdog pa kun yin no/ /de la lus kyi ni sdug bsngal phyir bcos pa tsam yin la/ sems kyi yang rtog pa tsam du zad na de dag kyang don med de bde ba'i don med pa'i phyir thams cad la dbang yang spyad par bya ba ni de'i tshe re rer? zad do/ /grag ces bya ba ni ma dang par ston pa'o/ /yul rnams yid la byed pa'o/ /de med pa ni yid la mi byed pa'o/ 'dir ji skad yongs su bsgrags pa de rnams ni don med do/ /dgos pa med pa nyid do/ /gang gi phyir zhes bya ba ni gang gi phyir te/ 'di ni yid kyi dbang du byas pa yin no/ /dbang po lhag ma rnams kyis ma yin no/ /gang phyir zhes bya ba ni gang gi phyir de ltar yin pas so/ /rnam pa rang gi ngo bo la phyis yid kyis dmigs nas te/ de yang rtogs pa tsam du zad pa'i phyir bde ba ma yin no snyam du dgongs pa yin no/ /da ni 'di na dbang po gcig gis ni zhes bya ba la sogs pas dbang po dang don dag med pa nyid du ston to/ /gang yang dbang po dang yul la brten nas rnam par shes pa dang/ des drangs pa rnam par rtog pa skye la de nas rnam par rtog pa dang bcas pa de'i tshe yang bde ba ni don med pa nyid de/ de gnyi ga don med pa'i phyir ro/ / rnam par shes pa gnys la brten pa nyid ni ji ltar zhes bya ba la sogs pas ston te/ mig gi rnam par shes pa ni mtshon par zad do/ /sngar ni yan lag cig ma tshang ba las dbang po dang don bdag don med pa nyid du bshad do/ /de ni yul ni 'das dang zhes bya ba la sogs pa dus kyis byas pa ston to/ /de gnyis las ni ma 'das phyir zhes bya ba ni 'das pa dang ma 'ongs pa'i dus gnyis las ma 'das pa'i phyir ro/ /'das pa de dag ni med do/ /ma 'ongs pa rnams ni ma byung ngo/ /gang gi tshe da ltar gyur pa de las yang nyes pa bshad zin to/ /yang na gtan tshigs mjug thogs nas 'byung ba 'di yin te/ ji ltar mgal me'i 'khor lo ma yin pa 'khor lo'i ngo bor snang ba de bzhin du yul da lta'i ngo bo ma yin pa yang da lta nyid du snang ste/ so sor re re'i ngo bor nyams pa'i phyir ro/ /'di dag ces bya ba ni rten dang dbang po dang don rnams so/ so sor tha dad na zhes bya ba ni rnam pa gnyis lta bur so sor tha dad na ste/ yang dag par rang gi ngo bo so so ba yin na'o/ /gzugs kyi mtshan nyid ni 'dus pa yin no zhes bya ba'i tha tshig go /gzugs kyi phung po don med par nyid du brjod nas/ /mjug thogs nas 'byung bas rnam par shes pa la sogs pa'i phung po ston te/ thams cad du zhes bya ba ni rnam pa thams cad du'o/ /bdag nyid don med phyir zhes bya ba ni don dam par bdag med pa'i phyir ro/ /de phyir zhes bya ba ni bde ba dang sdug bsngal gyi rnam par rtog pa med pa'i phyir ro/ /de ltar rigs pas ji skad bshad pa'i tshul du mthong pa'o/ /gal te la la de ltar ngo bo nyid med pa yin na su zhig gi mthong zhe na/ de'i phyir tha snyad du zhes bya ba smos so/ /de ci'i phyir yang dag pa nyid du ma yin zhe na/ 'di skad du bshad pa yin no/ /bde ba dang phrad par? 'dod pa'i sems 'byung pa gang yin pa de brtan pa bzhin du gyur na ni de'i tshe gnyis pa phyis 'byung bas mthong bar 'gyur gyis/ de med na ci zhig mthong bar 'gyur/ don med pa'i phyir sems gnyis lhan cig 'byung bar mi 'dod de/ lhan cig byung pa dag ni de ma thag tu 'jig pa'i phyir dmigs par bya ba dang/ dmigs par byed pa'i ngo bo med do/ /don med ces bya ba ni ngo bo nyid med pa'o/ /gnas med ces bya ba ni rten med pa'o/ /len med ces bya pa ni rgyu med pa ste/ len pa ni rgyu yin no/ /de ltar ngo bo nyid med par mthong ba'i mthus rdzogs pa'i byang chub tu nges par 'gyur ro/ /'dod pa ni bzhed pa'o/ /gal te chos de lta bu shes na ci'i phyir 'khor bar 'khor zhe na/ de ni snying rje 'ba' zhig gis zhes bya ba la sogs pa smos te/ de ni rang gis don la mi lta bar snying rje 'ba' zhig gis srid par mtshams sbyor zhing srid pa rgyun chags par byed do/ /gang dag theg pa chen po la sangs rgyas kyi bka' ma yin no snyam du bsams nas spong bar byed pa de dag la theg pa chen po sangs rgyas kyi bka' yin par bsgrub pa'i phyir/ de bzhin gshegs pas zhes bya ba la sogs pa smos so// kun tu rmongs pa ni gti mug gis ldongs pa ste don mi shes pa'o/ /ji lta bu zhe na/ mjug thogs nas 'byung bas de ston te/ yon tan sdang ba zhes bya ba ni 'di ni gzhan la phan 'dogs pa ni yon tan zhes bya na/ de la sdang bas na de skad ces bya'o/ /sdang bas phyir phyogs ni zhe sdang gi phyir phyogs pa ste/ rnying rje med pa'o/ /ji ltar sel bar bshad ce na/ dug gis zhes bya ba'i dpe'i ngo bo smos te/ ji ltar snying rjes sman spyad las bshad pa bzhin 'di la yang de dang 'dra'o/ /phan pa'i bsam pas phan pa byed pa la 'jig rten gyi gnod pa yang med do zhes mjug thogs nas 'byung pas ston te/ /grags pas zhes bya ba ni grags pas so/ /phyi rjes phan 'gyur ba ni ma 'ongs dus ni phan pa'o/ /bden pa ni phyis rjes su phan pa lta ci smos te/ dper na bram ze'i bu skar mkhan la byang chub sems pas reg pa'i mthu bde ba dang phan par gyur pa lta bu'o/ /gna'i lugs ni gna'i 'am yongs su dag pa ste/ sman spyad la sogs pa las de bstan pa'i phyir ro/ /don kha cig la gnod par mthong ba gang yin pa de nyid la lar mkhas pa rnams kyis phan par mthong ngo/ /spyir btang ba ni 'di ni gnod pa'o zhes spyir btang ba ste dper na dug lta bu'o/ /dmigs kyis bsal ba ni bye brag tu bya ba ste/ snga ma cung zad sel bas so/ /bdag nyid ma spyangs pa ni mi mkhas pa'o/ /skye ba med pa dang skad cig ma la don gyi khyad par 'ga' yang med do/ /ji ltar zhe na/ theg pa che las skye med ces bya ba la sogs pa gang smos te/ skye ba med pa ni stong nyid do/ /gzhan dag gi ni zad pa ste/ bskal par gnas pa ma grub pa kho na'o snyam du dgongs pa yin no/ /de ltar bshad pa'i lugs su'o/ /dgongs te gsungs pa ni dgongs pa can gyi bka' / /gzhung las thegs pa gcig dang theg pa gsum gsungs pas so/ /btang snyoms ni mi 'jug pa'o/ /sangs rgyas kyi bka' la btang snyoms byas pas ni nyes par mi 'gyur ro/ /de'i phyir mjug thogs nas 'byung ba smos so/ /dge ba ni bsod nams so/ /gal te 'di snyam du nyan thos kyi theg pa kho nas sangs rgyas nyid 'thob pas glags glags pa 'dis ci zhig bya snyam du sems na/ de'i phyir mjug thogs nas 'byung ba smos te/ byang chub sems dpa' i smon lam du bya ba gang dag yin pa'i 'gro ba'i don 'di lta bu dang 'di lta bu bya'o zhes bya ba de las ma bshad do/ /spyod pa ni pha rol tu phyin pa gom pa'i mtshan nyid do/ /yongs su bsngo ba ni sems can thams cad dang thun mong du bla na med pa'i byang chub tu bsngo ba'o/ /byin rlabs ni sangs rgyas rnams kyis byang chub sems dpa' rnams la'am/ de dag gi sems can gyi don grub par bya ba'i phyir bya ba gang dag yin pa'o/ /gzhan dag gis bshad do snyam na/ de'i phyir/ lhag pa smos te/ byang chub kyi tshogs kyi don nam smon lam gyi don 'di la'o/ /tshang ma ni mi slu ba'o/ /gzhan ni bcom ldan 'das rnams las so/ /byin rlabs ni byin gyi rlabs gang gis nyan thos nyid 'thob pa'o/ /bden pa'i don ni de'i rang gi ngo bo'o/ /byang chub phyogs mthun ni dran pa nye bar gzhag pa dang/ yang dag par spong ba la sogs pa sum cu rtsa bdun no/ ldan pa ni nye bar 'grel pa'o/ /nyan thos rnams dang thun mong ma yin pa las so/ /thabs gang gis te/ rgyu tha dad las 'bras bu tha dad par 'gyur na de med pa'i phyir ji ltar snyam du dgongs pa yin no/ /byang chub kyi spyod pa la gnas pa ni rten cing gnas pa'o/ /mdo sde ni nyan thos kyi theg pas bsdus pa'o/ ci'i phyir chos gzhan dang gzhan du bstan ce na/ de'i phyir mjug thegs nas 'byung ba smos te/ sna tshogs dang khyad par byed pa ste 'dod pas na brda sprod pa pa'o/ /yi ge'i phyi mo klog du 'jug gi thams cad du brda sprod ba yin te rgyas par ni mi ston to/ /sdig pa dag las rnam par zlog pa'i phyir te/ dper na dga' byed la sogs pa'i mdo las 'byung ba lta bu'o/ /bsod nams 'grub bya'i phyir zhes bya ba ni 'phags pa sdong po bkod pa la sogs pa las 'byung pa lta bu'o/ /sngar bshad pa rnams bsod nams bsgrub pa ma yin nam ci zhe na/ sdig pa byed pa rnams ni de las bzlog pa'i sgo nas so/ /bsod nams byed pa rnams ni bsod nams kho na 'grub bar bya ba'i phyir ro/ /gnyis rten pa ni nyan thos la sogs pa'i theg pa pa rnams la'o/ /gnyis mi rten pa ni thegs chen po pa la'o/ /khug khrig can de dmigs pa can rnams 'jigs pa ste/ 'jigs par byed pa'o/ /gang la snying po ste 'byung ba'i gnas stong pa nyid dang snying rje'i bdag yod pa de la de skad ces bya'o/ /de lta bas na zhes 'gras pa rnams kyis de ltar bsams nas so/ /zhe ma 'gras pa ye shes mdza' yas pa 'dod pa gang dag yin pa de dag gis ni rab tu dang ba'o/ /thob pa ni nyes pa'am brten pa'o/ /so sor thar pa ni 'dul ba mdor bsdus pa de rgyas pa'i/ /'dul ba ni 'dul ba bzhi'o/ /mang du thos pa ni mdo la sogs pa'o/ /don gtan la dbab pa ni de dag nyid kyi'o/ /de dang zhes bya ba ni khro ba dang ngo/ /sdig la zhen pa ni chags pa'o/ /khros pas bslang ba ni kun nas dkrugs pa'o/ /khyad par 'phags pa dag dang bdag nyid mnyam par ro/ /khyad 'phags ni mchog ste/ de bas kyang chog snyam pa la de skad ces bya'o/ /mchog pas kyang mchog go snyam pa de skad ces bya'o/ /mchog pas kyang mchog gi snyam pa de ji lta bu zhig ce na/ mjug thogs nas 'byung bas smos te/ 'bras kyi thog du phol mig byung ba bzhin no/ /nye bar len pa zhes bya ba zag pa dang bcas pa'i phung po rnams la'o/ /dgos pa med pa ni nus pa'o/ /tshig 'jam pa ni kha nyan pa'o/ /de sngar smra ba ni je smra ba 'am gtsor? byed pa'o/ mtshan mas tha snyad 'dogs pa de la gnas pa na gzhog slongs byed pa'o/ smad byad pa ni skyon brjod pa'o/ /rnyed pas rnyed pa 'dod pa rnams zhes bya bar sbyar bar bya'o/ /zlos pa ni nyes pa yang dang yang du brjod bya'o/ mgu ba ni rangs pa'o/ /de lta bu ma yin pas na de skad ces bya'o/ /slong ba ni sems so/ /yang na spungs med ba ni 'di lta bu yin no/ /chags pa ni zhan pa 'o/ /de'i phyir spungs med ba ni chags can gyi yid de/ brtson 'grus med pa'i zhan pa yin no/ /tha dad pa nyid kyi 'du shes ni bdag dang gzhan no snyam pa ste/ des na thams cad du bdag ces bya ba'i don sgrub pa'o/ /lta ba med pa ni chags pa 'am sdang ba'am rmongs pa zhig ces dpyod pa med pa'o/ /bkur sti dang ldan pa'i tshul ni bcom ldan 'das kyi tshul yin te/ bcom ldan 'das rnams la bya ba dang 'dra bas so/ /yang na rab tu 'bad pa dang ldan pa'i tshul la de skad ces bya'o/ /lus dang ngag yon tan dang ldan pa ltar ston pa de ni tshul 'chos pa de sgrub pa yin no// dam pa rnams mgu ba ni chog shes pa ste de nyid dpal yin no/ /rjes rnams rig ni phyis shes par 'dod pa'o/ /'dod pa ni re ba'o/ /brnyags pa ni sems yongs su nyams pa'o/ /brtson pa med pa ni brtson 'grus med pa'o/ /sgyid lug pa ni bya ba rnams la sgrim pa med pa'o/ /lus 'gyur ba ni mi thub pa'o/ /'dod pa ni dga' ba'o/ /de lta bu ma yin pas na mi 'dod pa'o/ /yon tan lnga dag la 'dod pa ni don du gnyer ba gang yin pa'o/ /gnod dogs zhes bya ba ni de sems par byed pa zhes bya ba'i tha tshig go / dgu ni 'di bdag la zhes bya ba la sogs pa'o/ /rmya ba ni lus dang sems lci ba nyid de/ /lus las su mi rung ba nyid dang/ sems las su mi rung ba nyid do/ /las bral ba ni bya ba med pa'o/ /gnyid ni sems mngon par sdud pa'o/ /'gyod pa ni yid mi bde ba'o/ /byang chub sems dpa' zhes bya ba ni khyim pas so/ /sdom brtson can gyis shos bya ba ni rab tu byung bas so/ /snying rjes ro gcig pa ni sdug bsngal dang bral bar ro gcig pa'o/ mdangs ni mdzes pa nyid do/ /dge bas zhes bya ba ni brtson 'grus kyis mtshan nyid kyis so/ /brjid pa ni spa ba ste zil gyis mi non pa nyid do/ /zhi ba ni nye bar zhi ba'o/ /ci'i phyir 'di kho na las rnam par bzhag ce na/ mjug thogs nas 'byung ba smos te/ sa dang po la kun tu sbyor ba gsum po rjes su chags pa dang/ khong khro ba dang the tshom rnams spangs pa'i phyir ro/ /skyes phyir zhes bya ba ni 'khrungs pa'i phyir ro/ /ngang gis rang bzhin gyis dge ba bcu'i las kyi lam de dag la gnas pa'i phyir ro/ /'dod chags dang zhe sdang chen po dang 'bring yongs su zad pa'i phyir ro/ /bzod pa dang brtson 'grus lhag par spyod pa ni bzod pa dang brtson 'grus kyi mchog ces bya ba'i don to/ /dbang chen ni mang po'i dpon po ste lha'i tshogs chen po'i bdag po'o/ /'dod pa ni gzugs la sogs pa'o/ /de dag la 'dod chags pa ni 'dod chags pa'o/ /zlog pa ni zlog par byed pa'o/ /gang la 'od 'phro ba yod pa de la de skad ces bya'o/ /sa dang po la gnas pa la sogs pa yang de dag sgom par byed pas khyad par du zhes bya ba smos so/ /'jig tshogs la lta ba rab tu 'byung ba ni rgyu yin no/ /'di las rab tu 'byung bas na ma rig pa'o/ /de las ni ngar 'dzin pa rab tu 'byung ste/ ma rig pa bsrabs pa'i phyir de spong ngo/ /kun nas 'joms pa ni drungs 'byin pa'o/ /chos bdag med pa'am rnam par thar pa la sogs pa gang la dang po 'phags pa'i bden pa rnams yod pa ste de rnams shes pa'o/ /de la mkhas pa ni khong bzo pa ste/ de 'byung ba'i phyir ro/ /mu stegs byed pa thams cad kyis nyon mongs pa ni lus kyi gdung ba lnga la sogs pa'o/ /'dis thar ro snyam pa'i log par lta ba'o/ /sangs rgyas kyi chos thob par bya ba la mngon du phyogs shing mthun pa'i phyir ro/ /zhi gnas ni ting nge 'dzin te/ lhag mthong ni shes rab bo/ /de dag goms pa yis zhes bya ba ni yang dang yang du mngon du byed pas so/ /'gog pa ni snyoms par 'jug pa'i mtshan nyid dam nyon mongs pa'i 'og pa'o/ /de thob pas rgyas pa'i phyir ram/ yongs su dag pa'i phyir ram/ yongs su rgyas pa'i phyir ro/ /gang la sprul pa bzang po yod pa de la de skad ces bya'o/ /mi 'phrog pa ni zil gyis mi non pa'o/ /nga rgyal lhag pa ni lhag pa'i nga rgyal te/ de gang dag la yod pa de dag la de skad ces bya'o/ /de dag zhi bar byed pa ni nye bar zhi bar byed pa'o/ /'di ni grangs kyang yin la ring du song pa yang yin pas na grangs ring du song ba ste/ bde dang ldan zhing rjes? su 'brel ba'i phyir ro/ /ring du song ba nyid kyi rgyu smos pa/ gang gi phyir sa 'di thob nas skad cig la 'gog pa la snyoms par 'jug pa de'i phyir sa de dus dang yon tan gyi grangs kyis ring du song ba'i phyir ro/ /'di skad du bshad pa yin te/ gang la grangs dang yon tan gyi sgo nas ring du song pa yod pa de ni 'gog pa'i snyoms par 'jug pa la dbang bar 'gyur gyi gzhan ni ma yin no/ /dbang sgyur ni nyon mongs pa rnams sam 'gog pa'o/ /de nyid kyi phyir 'di'i ming ni kho na yin no/ /byang chub sems dpa' mtshan ma dang/ rtsol ba'i rnam par rtog pa dag gis mi g.yo bas na mi g.yo ba ste/ de nyid mi g.yo ba zhes bya bas stan to/ /ji ltar mi g.yo zhe na mi rtog pa'i phyir ro/ /mi g.yo ba ji lta de bzhin du lus dang ni zhes bya ba la sogs pa smos so/ /sa gang la gnas pa'i lus la sogs pa'i spyod yul bsam par mi nus pa la de skad ces bya'o/ /ji ltar 'jig rten na byis pa'i gnas skabs las 'das pa la gzhon nu zhes bya ba dang 'dra bar theg pa chen po 'dir yang nyon mongs pa'i gnas skabs las 'das pa la gzhon nu zhes bya ba ste/ nyon mongs pa rnams kyis ni byis par 'gyur ro/ /de bzhin du nar son? pa la rgyal tshab ces bya ba dang 'dra bar 'dir yang chos kyi nar son pa la rgyal tshab ces bya'o/ /gang la blo gros sa 'og ma dag las khyad par du 'phags par bzang ba yod pa de ni legs pa'i blo gros so/ /so so yang dag par rig pa ni don la sogs pa'i mtshan nyid bzhi'o/ /sprin zhes bya ba'i sgra ni mang po nyid nye bar mtshon pa'o/ /gang la de bzhin gshegs pa rnams las chos kyi sprin 'thob par yod pa de la de skad ces bya'o/ /de nyid dam pa'i chos kyi char zhes bya ba la sogs pas ston to/ /dbang phyug chen po ni ming do/ /gnas dang gnas ma yin pa la sogs pa'i mtshan nyid kyi stobs bcu dang ngo/ /stobs la sogs sangs rgyas rnams kyis tshad med pa nyid do/ /rgyu tshad med pa de lta bu la 'bras bu sna tshogs tshad med par 'gyur ro zhes tshad med pa nyid la yid ches par gyur pas tshad med pa sangs rgyas nyid 'thob par bya ba'i phyir ro/ /thabs 'dis tshogs tshad med par 'gyur ro zhes bya ba yin no/ /rgyu tshad med pa can de ni tshad med par 'gyur ro/ /bsod nams thams cad yongs su bzung ba nyid ni bsod nams thams cad khas blangs shing yongs su bzung ba ste/ bya ba dang rjes su yi rang ba'i sgo nas bsod nams thams cad yongs su gzung pa yin no/ /gsol ba ni bkur sti dang ldan pas don du gnyer ba'o/ /ma bgyid pa ni ma 'ongs pa'o/ /mi khom pa ni log par 'dzin pa la sogs pa brgyad do/ /de dag las 'das pa ni brgal ba'o/ /spyod pa rang dbang yod pa ni bcom ldan 'das rnams dang/ de dag gi nyan thos zag pa zad pa rnams te/ nyon mongs pa dag gis ni gzhan dbang du 'gyur ro/ /ldan pa ni ldan pa 'gyur ba'o/ /skyes mchog ni sangs rgyas nyid de/ sems can thams cad pas mchog tu gyur pa'i phyir ro/ /yang na des ma bsdus pa skyes bu'i mchog gzhin no/ /rigs pa ni yang dag pa'i lta? ba'o/ /yan lag lhag ma rnams ni rkang pa'o/ /yang na rig pa ni lha'i mig dang/ lha'i rna ba dag go/ lhag ma ni rkang pa'o/ /yang na rig pa ni lhag pa'i sems so/ /lhag ma ni rkang pa'o/ /kha dog ldan pa ni 'dzam bu chu bo'i gser gyi kha dog ltar bzang ba'o/ /gang dag la blta na sdug pa yod pa de dag la de skad ces bya'o/ /stobs can ni srid med gyi bu la sogs pa'i stobs dang ldan pa'am/ tha mal pa'i stobs dang ldan pa'o/ /dga' ba ni mgu ba ste yid dga' ba zhes bya ba'i tha tshig go /gsal ba ni spa ba dang ldan pa'o/ /rgyun mi 'chad pa ni bar chad med pa'o/ /gzhan ni stobs bcu las sogs pa'o/ /sems can kun gyi mchog ni gtso bo'o/ /gang la byams pa ste 'jam zhing byams pa'i mtshan nyid yod pa la de skad ces bya'o/ /gang dag la sems rab tu dad ba ste/ dri ma med pa yod pa de dag ni rab tu dang ngo/ /de'i phyir 'khrug pa dang bral bas na 'khrug med do/ /rnal ma ni khram 'khrul med pa'o/ /ji ltar rab tu dang ba la sogs pa yin zhe na/ mthong ba dang dran pa dag dang ming tsam thos pas so/ /phan pa dang bde ba bgyid pa ste/ bde ba kho nas phan pa zhes bya ba'i don to/ /cig car sprul pa'i sprin rnams kyis so/ /rang dga' ni ci bde ro/ /gang la dgag pa ste sgrib pa med pa yod pa de las de skad ces bya'o/ /srog ni gson pa ste de dang 'dra bar ro/ /de ni bcom ldan 'das kyis mdo gzhan dag las gsungs te/ sems yongs su spyad ba'i phyir dang/ bsod nams kyi tshogs bsags pa'i phyir zhes bya ba lhag ma yin no/ /khyim bdag dpal sbyin gyis zhus pa las ni byang chub kyi sems kyi bsod nams yongs su bsgrags pa'i phyir ro/ /de bzhin du ting nge 'dzin rgyal po'i mdo las ni byams pa'i yon tan bstan pa'i phyir ro/ /'phags pa blo gros mi zad pa'i mdo las ni pha rol tu phyin pa bstan pa'i phyir ro// de ni chos kyis byed par 'gyur/ gang gi phyir chos kyis phan par 'gyur ba de'i phyir ji ltar khyod la bdag nyid phangs pa de bzhin du chos la yang gyis shig pa'o/ /ji ltar shes rab las 'dod pa thams cad 'byung ba de bzhin du mkhas pa rnams las kyang de 'byung ngo zhes mjug thogs nas 'byung bas ston to/ /gtsang ba ni dben zhing dri ma med pa ste/ chags pa la sogs pa'i mi gtsang ba dang bral ba'i phyir ro/ /byams pa ni byams pa dang ldan pa'o/ /gang zhig de dang 'dra ba la dogs shing bag tsha ba skyed par byed pa'o/ /chog shes pa ni rnyed pas chog par 'dzin pa'o/ /snying rje na pha rol sdug bsngal bas sdug bsngal bar 'gyur ro/ /tshul khrims ni spong ba bdun gyi mtshan nyid dam/ sems can gyi don bya ba dang/ dge ba chos sdud pa'i mtshan nyid do/ /shes rab ni mnyam par bzhag pa'i gnas skabs na de kho na nyid yongs su dpyod pa'o/ /gang gis phyir chos de dag sgom par byed pa ni rtag tu bag yod pa yin pa de'i phyir de dag nyid ston pa po zhes bya ste/ de dag gi rang bzhin mkhyen par bgyis nas rjes su mthun pa'i don sgrub par mdzod cig pa'o/ /'dod pa'i gnas thob par byed pas na lugs te/ rgyas pa dang mdor sdus te ji skad bshad pa 'dis so/ /grub pa'i mchog ni sems can rnams kyi nang na'am/ sems can rnams kyi nang du sangs rgyas nyid do/ /bde pa'i ngang tshul ni 'grogs na bde ba lam bde ba'i rang bzhin te/ bde ba skye pa'i rgyu yin pas na bde ba'o/ /bsnyen dga' ba ni brda phrad par dka' ba ste/ zab pa'i phyir ro/ /khyad du bsod pa ni gzhan dag la rnyas pa'o/ /de'i ched du byas pa'i gzhung gang yin pa de la yang de skad ces bya ste/ tshul dang ldan pa ni tshul shes pa yin gyi gzhan ni ma yin no zhes bya ba yin no/ /rang dbang ni shes rab rno ba'i phyir rang la dbang ba'o/ /las byams kyang nyes pa smra smra bas de'i phyir legs par smra ba zhes bya ba smos te/ legs par smra ba brjod pa'o/ /ci rigs par zhes bya ba ni rgyal po'i bya ba ma gtogs pa'o/ /phan par 'dod pas zhes bya ba ni phan par 'dod pa nyid kyis so/ /tshul khrims ni bsrung ba 'am bsten par bya ba'o/ /phrag dog med pa ni gzhan gyi phun sum tshogs pa la'o/ /dogs pa med pa ni dge ba dag la 'jigs pa med pa'o/ /gang ?? gzhan don gyi nor yod pa de la de skad ces bya'o/ /phongs par 'gyur ba ni nyam thag par gyur pa'o/ /yongs gzung ni kun nas gzung pa'o/ /dor ba ni gtong pa'o/ rin chen phreng ba'i tshig don rnams/ /bdag gis rnam par dbye byas nas/ bsod nams cung zad gang bsgrubs des/ /'jig rten thams cad mkhyen par shog /rin po che phreng ba'i rgya cher bshad pa slob dpon mi pham bshes gnyen gyi mdzad pa rdzogs so// // rgya gar gyi mkhan po bidyA ka ra pra b+ha dang/ zhu chen gyi lots+tsha ba bande dpal rtsegs kyis bsgyur cing zhus te gtan la phab pa'o// //rmi lam yid bzhin nor bu zhes bya ba zhugs/ / rgya gar skad du/

CLOSE WINDOW