བོད་ཡིག

e-texts based on the ACIP/ALL Input

dge slong de dag mngon par dga' o/ /ku na la'i rtogs pa brjod pa rdzogs so// //rgya gar gyi mkhan po pad+ma ka ra barma dang// //zhu chen gyi lots+tsha ba dge slong rin chen bzang pos bsgyur cing zhus te gtan la bab pa// // dga' ba'i bshes gnyen rtags brjod bzhugs so/ /rgya gar skad du/ Arya na mingmi? trA ba nA nA ma/ bod skad du/ 'phags pa dga' ba'i bshes gnyen gyi rtogs pa brjod pa zhes bya ba/ sangs rgyas dang byang chub sems dpa' thams cad la phyag 'tshal lo// 'di skad bdag gis thos te/ bcom ldan 'das mya ngan las 'das nas lo brgyad brgya lon par gyur pa na/ de'i tshe de'i dus na yul shi bi ka zhes bya ba na grong khyer byin gyis brlabs pa zhes bya ba yod do/ de na rgyal po rigs pa'i sde zhes bya ba gnas so/ /de'i tshe rgyal po rigs pa'i sde'i yul na dge slong dga' ba'i bshes gnyen zhes bya ba rnam par thar pa brgyad la bsam gtan pa mngon par shes pa drug dang ldan pa/ rdzu 'phrul che ba/ mthu che ba/ dpag tshad brgya stong phrag du ma na gnas pa'i sems can rnams las grog mo dang ku ta'i sems kyi spyod pa zhig gnas te/ de yongs su mya ngan las 'da' ba' i dus kyi tshe dge slong gi dge 'dun 'dus pa rnams kyis 'di skad du/ khyod lta bu mya ngan las 'das na sangs rgyas kyi bstan pa nub par mi 'gyur ram zhes smras pa dang/ des de dag la smras pa/ nub par mi 'gyur te/ bcom ldan 'das kyis lung bstan nas bshad do/ /'di ltar yang dge slong rnams the tshom skyes nas dris pa/ gnas brtan yun ji srid cig gi bar du bcom ldan 'das shAkya thub pa'i dam pa'i chos gnas par 'gyur/ des smras pa/ bzhin bzangs dag dogs pa med kyis mya ngan dang smre sngags ma 'don cig / de ci'i phyir zhe na/ bcom ldan 'das yongs su mya ngan las 'das pa'i dus kyi tshe/ gnas brtan chen po bcu drug gi lag du dam pa'i chos gtad par gyur te/ sbyin bdag dang sbyin pa po'i sbyin pa yongs su dag par bya ba'i phyir ro/ /de skad ces smras pa dang/ gnas brtan dga' ba'i bshes gnyen la dge slong de dag gi 'di skad ces smras so/ /gnas brtan bdag cag gis gnas brtan de dag gi mtshan yang mi 'tshal lo/ /gnas brtan gyis smras pa/ tshe dang ldan pa dag gnas brten dang po'i mtshan ni ba ra dwa dza bsod snyoms len zhes bya'o/ /gnas brtan gnyis pa'i mtshan ni gser be'u zhes bya'o/ /gnas brtan gsum pa'i mtshan ni bar dwa dza zhes bya'o/ /gnas brtan bzhi pa'i mtshan ni mi phyed pa zhes bya'o/ /gnas brtan lnga pa'i mtshan ni shing shun can zhes bya'o/ /gnas brtan drug pa'i mtshan ni bzang po zhes bya'o/ /gnas brtan bdun pa'i mtshan ni nag po zhes bya'o/ /gnas brtan brgyad pa'i mtshan ni bad sa'i bu zhes bya'o/ /gnas brtan dgu pa'i mtshan ni ba lang skyong zhes bya'o/ /gnas brtan bcu pa'i mtshan ni lam pa zhes bya'o/ /gnas brtan bcu gcig pa'i mtshan ni sgra gcan 'dzin zhes bya'o/ /gnas brtan bcu gnyis pa'i mtshan ni klu sde zhes bya'o/ /gnas brtan bcu gsum pa'i mtshan ni zur gyis zhes bya'o/ /gnas brtan bcu bzhi pa'i mtshan ni nags na gnas zhes bya'o/ /gnas brtan bco lnga pa'i mtshan ni mi pham pa zhes bya'o/ /gnas brtan bcu drug pa'i mtshan ni gtsug gi lam pa zhes bya'o/ /gnas brtan de dag ni rig pa gsum dang ldan pa/ sde snod gsum pa khams gsum pa'i 'dod chags dang bral ba/ rdzu 'phrul gyi stobs kyis tshe byin gyis brlabs te bsrings nas bcom ldan 'das kyis bka' gnas pa yin no/ /sbyin pa po dang sbyin bdag rnams kyis sbyin pa yongs su dag par byed do/ /da skad ces smras pa dang/ dge slong rnams kyis gnas brtan dga' ba'i bshes gnyen la 'di skad ces smras so/ /gnas brtan bdag cag gis gnas brtan de dag gang na bzhugs pa mi 'tshal lo// gnas brtan gyis smras pa/ tshe dang ldan pa dag gnas brtan dang po ba ra dwa dza bsod snyoms len ni 'khor dgra bcom pa stong dang lhan cig ba lang spyod kyi gling na gnas so/ /gnas brtan gser be'u zhes bya ba ni 'khor dgra bcom pa lnga stong dang lhan cig shar gyi lus 'phags po'i gling na gnas so/ /gnas brtan ba ra dwa dza ni 'khor dgra bcom pa drug stong dang lhan cig byang phyogs kyi kha che'i yul na gnas so/ /gnas brtan mi phyed pa ni 'khor dgra bcom pa bdun stong dang lhan cig 'dzam+bu'i gling na gnas so/ /gnas brtan shing shun can ni 'khor dgra bcom pa drug stong dang lhan cig byang gi sgra mi snyan gyi gling na gnas so/ /gnas brtan bzang po ni 'khor dgra bcom pa dgu stong dang lhan cig zangs gling na gnas so/ /gnas brtan nags po ni 'khor dgra bcom pa khri dang lhan cig sing ga la'i gling na gnas so/ /gnas brtan bad sa'i bu ni 'khor dgra bcom pa khri chig stong dang lhan cig pa na sa'i gling na gnas so/ /gnas brtan ba lang skyong ni 'khor dgra bcom pa brgyad stong dang lhan cig ri bo spos kyi dad ldang la gnas so/ /gnas brtan lam pa ni 'khor dgra bcom pa stong phrag bcu gsum dang lhan cig lha'i gnas sum cu rtsa gsum na gnas so/ /gnas brten sgra gcan 'dzin ni 'khor dgra bcom pa stong dang lhan cig pri yang ku'i gling na gnas so/ /gnas brtan klu sde ni 'khor dgra bcom pa stong phrag bcu gnyis dang lhan cig ri bo skya bo na bzhugs so/ /gnas brtan zur gyis shes ni 'khor dgra bcom pa stong phrag gsum dang lhan cig ri bo ngos yangs na gnas so/ /gnas brtan nags na gnas ni 'khor dgra bcom pa stong phrag bcu bzhi dang lhan cig lus 'phags kyi ri la gnas so/ /gnas brtan mi pham pa ni 'khor dgra bcom pa stong phrag bco lnga dang lhan cig rgyal po'i khab bya rgod phung po'i ri la gnas so/ /gnas brtan gtsug gi lam pa ni 'khor dgra bcom pa stong phrag drug cu dang lhan cig ri bo gnya' shing 'dzin na gnas so/ /gnas brtan de dag gis ni mi shes pa 'am/ ma mthong ba'am/ ma thos pa'am/ mngon sum du ma byas pa ni cung zad kyang med do/ /dge 'dun gyi bzhes pa'am/ spyan drang ba'am/ bco lnga ston nam/ gtsug lag khang 'bul ba'am/ rab gnas sam/ gang cung zad mi shes pa med do/ /de dag tu gnas brtan bcu drug po de dag la 'khor du ma dang bcas pa cha lugs gzhan dang gzhan gyis de dang der byon zhing gnas te/ de ltar sbyin pa yongs su dag par byed do/ /ma 'ongs pa na mtshon gyis bskal pa byung ba 'das nas mi rnams dge ba bcu dang ldan pas tshe slar 'phel te/ lo brgyad cu thub pa na ston pa'i nyan thos de dag yang phyir la 'dzam+bu'i gling du byon nas dam pa'i chos yang dag par ston par byed cing rab tu 'byin par byed do/ /ji srid skye dgu rnams kyi tshe lo drug brgya bar gyur pa de srid du bcom ldan 'das shAkya thub pa'i bstan pa dam pa'i chos gnas par gyur te/ mi rnams kyi tshe lo bdun brgya par gyur pa na nyan thos de dag gis gang sa'i steng 'di na bcom ldan 'das shAkya thub pa'i bstan pa'i tshogs ji snyed pa de dag gcig tu bsdus nas rin po che sna bdun gyi mchod rten gcig byas te/ kun nas bskor nas skyil mo krung bcas te 'dug nas 'di skad ces bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la 'dud pas phyag 'tshal lo zhes brjod do/ /phyag byas nas phung po lhag ma med pa'i yongs su mya ngan las 'das pa'i dbyings su yongs su mya ngan las 'da' bar 'gyur ro/ /rin po che sna bdun gyi mchod rten de yang nub nas 'og gi gser gyi sa gzhi gang yin pa de la gnas so/ /de nas bcom ldan 'das shAkya thub pa'i bstan pa dam pa'i chos nub par 'gyur ro/ /de nas de'i rjes la rang sangs rgyas bye ba phrag bdun 'jig rten du 'byung ngo/ /de nas mi rnams kyi tshe lo brgyad khri par gyur pa na de bzhin gshegs pa byams pa zhes bya ba 'jig rten du byung/ de'i tshe dzam+bu'i gling ni 'byor ba rgyas pa/ bde ba lo legs pa/ mi dang skye bo mang pos yongs su gang zhing/ bya gag 'phur ba tsam na grong khyer dang/ grong dang/ grong rdal dang/ ljongs dang/ yul 'khor dang/ rgyal po'i pho brang yod par 'gyur ro/ /lan cig sa bon btab pas lo bdun gyi bar du 'bras bu rnams skye bar 'gyur ro/ 'di'i nyan thos 'dus pa yang gsum du 'gyur te/ 'dus pa dang po la ni nyan thos 'dus pa bye ba phrag dgu bcu rtsa drug 'byung bar 'gyur ro/ /'dus pa gnyis pa la ni nyan thos 'dus pa bye ba phrag dgu bcu rtsa bzhi 'byung bar 'gyur ro/ /'dus pa gsum pa la ni nyan thos bye ba phrag dgu bcu rtsa gnyis kyis 'dus pa chen po 'byung bar 'gyur ba yin te/ gang 'di dag ni sbyin pa po dang sbyin bdag yin te/ yang de dag gis gzhan du bcom ldan 'das shAkya thub pa'i gsung rab la sangs rgyas la dge ba'i rtsa ba bskrun zhing bya ba byas par gyur pa yin te/ 'di lta ste/ gser gyi rang bzhin dang/ dngul gyi rang bzhin dang/ bai DUrya'i rang bzhin dang/ shel gyi rang bzhin dang/ rin po che'i rang bzhin dang/ ra gan gyi dngos po dang/ mkhar ba'i dngos po dang/ mu tig dang/ lcags kyi rang bzhin dang/ zangs kyi dngos po dang/ tsandan gyi rang bzhin dang/ a ka ru'i rang bzhin dang/ dung gi rang bzhin dang/ ra'i rang bzhin dang/ ba so'i rang bzhin dang/ sa'i rang bzhin dang/ sna tshogs pa'i rang bzhin dang/ rus pa'i rang bzhin dang sa la sku gzugs sam mchod rten bzhengs su gsol zhing/ than sor mo tsam gyis sku'i mchod rten bzhengs su gsol bas dge ba'i rtsa ba de dag thams cad bcom ldan 'das de bzhin gshegs pa dgra bcom pa yang dag par rdzogs pa'i sangs rgyas byams pa'i gsung rab la mi'i 'thob pa rab tu thob nas/ 'dus pa dang po la dad pa dang ldan pas rab tu byung nas skra dang kha spu bregs te chos gos bgos nas khyim med par rab tu byung te/ smon lam ji lta ba bzhin du yongs su mya ngan las 'da' o/ /tshe dang ldan pa dag re zhig sangs rgyas la dge ba'i rtsa ba bskrun pa yin no/ /yang gang dag snang ba chos kyi phung po brgyad khri po bcom ldan 'das shAkya thub pa'i chos kyi bdud rtsi la dge ba'i rtsa ba skyed par gyur cing/ skyed du bcug pa dang/ bris pa dang/ 'dir bcug pa dang/ klag pa dang/ klog tu bcug pa dang/ gang dag theg pa chen po'i mdo sde zab pa zob par gyur pa stong pa nyid dang ldan pa ni 'di lta ste/ shes rab kyi pha rol tu phyin pa dang/ dam pa'i chos pad ma dkar po dang/ rgya char rol pa dang/ gser 'od dam pa dang/ yon tan 'od mchog dang/ stong pa nyid kyi 'od mchag dang/ phyag na rdo rje gsang ba la sogs pa dang/ sgyu ma lta bu'i ting nge 'dzin dang/ cho 'phrul chen po'i ting nge 'dzin dang/ bsod nams thams cad du bsdus pa'i ting nge 'dzin dang/ 'phags pa zla ba sgron ma'i ting nge 'dzin dang/ de bzhin gshegs pa'i ye shes kyi ting nge 'dzin dang/ gzi brjid dang ldan pa'i ting nge 'dzin dang/ byang chub kyi ting nge 'dzin dang/ byang chub bsdus pa dang/ sangs rgyas thams cad yongs su 'dzin pa dang/ glang po'i rtsal dang/ sprin chen po dang/ sor mo'i phreng ba dang/ lang kar gshegs pa dang/ yongs su mya ngan las 'das pa chen po dang/ zla ba'i snying po dang/ nyi ma'i snying po dang/ nam mkha' i snying po dang/ sa'i snying po dang/ /byams pas/? zhus pa dang/ tshangs pas zhus pa dang/ legs pa'i mtshan gyis zhus pa dang/ drag shul can gyis zhus pa dang/ dra ba can gyis pa dang/ klu'i rgyal po rgya mtshos zhus pa dang/ drang srong rgyas pas zhus pa dang/ brgya byin gyis zhus pa dang/ lag na rin chen gyis zhus pa dang/ mi 'am ci'i rgyal po ljon pas zhus pa dang/ dpa' bo nam mkhas zhus pa dang/ bu mo 'od ldan mas zhus pa dang/ bu mo rin chen ldan gyis zhus pa dang/ bu mo gser gyi 'od mchog gi zhus pa dang/ bad sa'i rgyal po 'char byed gyis zhus pa dang/ dbang phyug chen pos zhus pa dang/ rgyal po gzugs can snying pos zhus pa dang/ dge ba bzang po gang gis zhus pa dang/ lha'i bu mo legs pa'i mtshan gyis zhus pa dang/ lha'i bu tsandan gyis zhus pa dang/ lha'i bu rang gi rgyan gyis zhus pa dang/ lag bzangs kyis zhus pa dang/ seng ges zhus pa dang/ seng ge rnam par rol pas zhus pa dang/ dpas byin gyis zhus pa dang/ gtsug na rin chen gyis zhus pa dang/ zung gi mdo dang/ byang chub sems dpa' i zlos gar dang/ stag sna'i rtogs pa brjod pa dang/ lam rnam par bshad pa dang/ blo gros mi zad pas bstan pa dang/ blo gros rgya mtshos bstan pa dang/ dri ma med par grags pas bstan pa dang/ bden pa la 'jug pa dang/ ma skyes dgra'i 'gyur pa dang/ sred med kyi bu'i 'gyur ba dang/ stong 'gyur ba dang/ dzam+bu'i gling 'gyur ba dang/ 'dus par 'gyur ba dang/ sangs rgyas kyi rgyan dang/ thabs la mkhas pa dang/ lag na autpa la dang/ sangs rgyas bcu pa dang chos bcu pa dang/ sa bcu pa dang/ 'od dpag med kyi bkod pa dang/ bde ba can gyi bkod pa dang/ dam pa'i chos kyi yon tan bkod pa dang/ tshogs kyis bkod pa dang/ rnam dag me tog bsdus pa dang/ 'jig rten dag pas bsdus pa dang/ byang chub sems dpa' dag pas bsdus pa dang/ thams cad bsdegs las babs pa dang/ de bzhin gshegs pa thams cad lha las babs pa dang/ rin po che'i me tog dang/ rin po che'i phung po dang/ rin po che'i za ma tog dang/ mdzes pa brtsegs pa dang/ rin chen skar mda' dang/ rin chen sprin dang/ rin chen ljon pa dang/ rin chen gtsug dang/ rin chen 'byung gnas dang/ cod pan dra ba can dang/ sdong po bkod pa dang/ 'di dag la sogs pa bye ba phrag brgya ni theg pa chen po'i sde snod yin no/ /de bzhin du nyan thos kyi sde snod de/ mngon pa'i sde snod dang/ 'dul ba'i sde snod dang/ mdo sde'i sde snod 'di lta ste/ lung ring pa dang/ lung bar ma dang/ gcig las 'phros pa'i lung dang/ yang dag par ldan pa'i lung dang/ lung phra mo'o/ /de dag ni mdo sde'i sde snod ces bya'o/ /mngon pa'i sde snod gang zhe na/ 'di lta ste/ dri ba dug dang yang dag par sbyar ba bsdus pa la ni mngon pa'i sde snod ces bya'o/ /de la 'dul ba'i sde snod gang zhe na/ 'di lta ste/ dge slong gi 'dul ba dang/ dge slong ma'i 'dul ba dang/ ma mo'i 'dul ba dang/ 'dul ba'i ma mo ste/ tshe dang ldan pa dag /de dag la ni 'dul ba'i sde snod ces bya'o/ /'di dag ni skyes pa'i rabs te/ rtogs pa brjod pa'i rabs dang/ rang sangs rgyas kyi rabs dang/ sangs rgyas kyi gsungs pa dang/ rang sangs rgyas kyi bstan pa dang/ byang chub sems dpa' i bstan pa dang/ nyan thos kyis bstan pa dang/ lhas bstan pa dang/ 'byung ba bsdus pa dang/ chos nye bar bsdus pa dang/ tha na tshig bzhi pa'i tshigs su bcad pa gcig gsung bar 'gyur ba yang klag par gyur pa dang/ bzung par gyur pa dang/ glegs bam du bris par gyur pa dang/ chos smra ba la mchod par gyur pa dang/ de dag dang/ nang pa sangs rgyas pa la mchod par 'gyur pa dang/ dri dang/ phreng ba dang/ byul? ba dang/ spos dang/ mar me dang/ gdugs dang/ rgyal mtshan dang/ glegs bam la kha dog sna tshogs pa'i gos rnams g.yogs shing dkris pa dang/ glegs shing mchog byas par gyur pa dang/ glegs bam kha dog sna tshogs pas glegs bam bcings par gyur pas dge ba'i rtsa ba bskyed pa de dag thams cad ni bcom ldan 'das de bzhin gshegs pa byams pa'i gsung rab la mi'i 'thob pa rab tu thob nas dad pas khyim spangs te/ skra dang kha spu brags nas chos gos bgos te khyim nas khyim med par 'dus pa gnyis pa la rab tu byung te/ smon lam ji lta ba bzhin du yongs su mya ngan las 'das par 'gyur ro/ /tshe dang ldan pa dag de dag ni re zhig chos la dge ba'i rtsa ba bskrun pa yin no/ /'di ltar 'di dag ni sbyin pa po dang sbyin bdag yin te/ dge 'dun la dge pa'i rtsa ba bskrun pa dang/ skyed du bcug pa yin te/ 'di ltar 'di dge 'dun spyan 'dren pa sgrags pa dang/ dge ba la 'dzud pa dang/ brgyad ston byed pa dang/ gso sbyong byed pa dang/ rab tu 'gron tu 'bod pa dang/ dge 'dun la mchod ston gsol ba dang/ spyan 'dren pa dang/ glo bur du spyan 'dren pa dang/ zla ston byed pa dang/ stag res skor byed pa dang/ chos sgrogs pa spyan 'dren pa dang/ lo lnga ston byed pa dang/ gtsug lag khang dbul ba dang/ mal stan 'dings pa dang/ chos gos 'bul ba dang/ gtsug lag khang gsar pa'i rab gnas byed pa dang/ sman 'bul ba dang/ yo byad 'bul bas dge ba'i rtsa ba bskyad pa de dag thams cad ni bcom ldan 'das de bzhin gshegs pa byams pa'i gsung rab la mi'i 'thob pa rab tu thob nas 'dus pa gsum pa la dad pas khyim spangs te/ skra dang kha spu phyi nas chos gos bgos te/ yang dag pa'i khyim nas khyim med par rab tu byung ste/ smon lam ji lta ba bzhin du yongs su mya ngan las 'da' bar 'gyur ro/ /tshe dang ldan pa dag de dag ni re zhig dge 'dun la dge ba'i rtsa ba bskyed pa yin no/ /de nas gnas brtan dga' ba'i bshes gnyen gyis rnam par rgya cher bshad nas/ shing tA la bdun srid tsam du nam mkha' la 'phags nas dge 'dun de dag gi mdun du cho 'phrul ya ma zung sna tshogs bstan te/ steng gi nam mkha' la 'dug nas tshe'i 'du byed dang srog gi 'du byed btang ste/ yongs su mya ngan las 'das so/ /de nas dge slong de dag gis gnas brtan dga' ba'i bshes gnyen la lus bsregs nas mchod rten byas te/ dri dang/ me tog dang/ spos dang/ mar me dang/ gdugs dang/ rgyal mtshan dang/ ba dan rnams kyis mchod par byas so/ /rnam pa 'di dag 'phags pa nas 'phags par brgyud nas bshad do/ /nga ci'i phyir zhe na/ sbyin pa po dang/ sbyin bdag gang yin pa rnams bcom ldan 'das kyi gsung rab yun ring du gnas par 'gyur ro snyam nas dga' ba rab tu bskyed pa'i phyir rtogs pa brjod pa 'di 'phags pa dga' ba'i bshes gnyen gyis bshad do/ / //'phags pa dga' ba'i bshes gnyen gyis rtogs pa brjod pa zhes bya ba rdzogs so// //rgya gar gyi mkhan po a dze ta sh+ri b+ha tra dang/ dge slong shAkya 'od? kyis bsgyur// //gzhon nu ma bdun gyi rtogs brjod gsang ba byin gyis mdzad pa bzhugs so/

CLOSE WINDOW