བོད་ཡིག

e-texts based on the ACIP/ALL Input

/ //rgya gar gyi mkhan po d+harma ka ra dang/ /zhu chen gyi lotsA ba bande dpal brtsegs kyis bsgyur cing zhus te gtan la dbab ba/ shlauka stong drug brgya drug cu rtsa bzhi yod do// //chos kyi tshong dpon/ /rgya gar skad du/ bi na ya stot+ta/ bod skad du// 'dul ba la bstod pa/ dkon mchog gsum la phyag 'tshal lo/ /dul ba rgyal po rje'i rigs su 'khrungs/ /slob ma 'dul mdzad nyes pa rab thul ba/ /sangs rgyas 'dul ba'i gtso la phyag 'tshal ste/ /'dul ba'i bsngags pa cung zad brjod par bya/ /pha rol ma mthong gting rtogs ma gyur cing/ /glags pa'i mun nag slob dpon tshogs rnams kyi/ /dbye bas tha dad 'dul ba rgya mtsho la/ /yon tan kun bstod rtsol blo bdag la med/ /ji ltar 'di na shing rtsa gtso bo ste/ /rnam par 'phel dar kun 'dzin gnyis kyi gzhi/ /de bzhin dam chos tshogs rnams kun gyi yang/ /rgyu dang rtsa ba 'dul ba yin par gsungs/ /ji ltar sa ni skye dgu rnams kyi gzhi/ /de las 'bru rnams skye bar 'gyur ba ltar/ /de bzhin 'dul ba'ang sdom brtson rnams kyi gzhi/ /de bzhin de las bsod nams rnams kyang skye/ /tshul khrims yon tan rnams kyi gnas su dgongs/ /de yi gnas ni 'dul ba yin par gsungs/ /'di la gnas par gyur na mthar phyin 'gyur/ /'di la mi gnas mthar phyin ga la 'gyur/ /ji ltar chu lon mi byed sa ba yis/ /chu klung che yang zlog par 'gyur ba ltar/ /de bzhin 'dul ba 'phags pa'i chu lon 'dis/ /tshul khrims 'chal ba'i chu klung zlogs par 'gyur/ /sangs rgyas rnams par rang rgyas rnams kyis kyang/ /byang chub gang rnyed thub slob rnams dag pa'i/ /sems can dgra bcom yon tan ldan pa rnams/ /de'ang rgyu ni 'dul ba yin par gsungs/ /ji srid 'gro 'dir rgyal ba thams cad kyi/ /mdzod mchog 'dul ba rdzogs pa 'di gnas pa/ /de srid chos sgron 'di ni gnas gyur zhing// bzlog par gyur na zhi ba thob mi 'gyur/ /sangs rgyas mi bzhugs 'jig rten tshigs bcad dang/ /mdo sde yan lag dang de dag spyod/ /bsla ba 'jug med na 'dul ba'ang med 'gyur bas/ /de phyir rgyal ba dag pas ches 'di dkon/ /'jog bral sems glang lcags kyu 'di yin te/ /gdul bya ma dul 'dul ba'i srab 'di yin/ /ra ba'i mtshams kyi 'obs dang 'dra ba ste/ /zag pa kun gyis chu lon 'dul ba yin/ /rgyal ba ston pa de yi bstan btsos dag /mdo dang chos mngon yin gsungs 'dul ba ni/ /ston dang bstan bcos dngos yin de'i phyir/ /gnyis 'gyur phyag bya sangs rgyas chos gcig bzhin/ /gang la brten te gnas pa'i sangs rgyas rnams/ /de la gus bcas zhes sar bcas gyur zhing/ /de ni mgon pas mgon yin skyabs gnas yin/ /de phyir rab sgrims 'dul la phyag 'tshol cig /gang zhig ston pa thugs rje'i bstan pa la/ /yang bar sems shing cung zad 'da' byed pa/ /de ni de las sdug bsngal gzhan dbang thob/ /smyug tshal bregs pas a mra'i chal nyams bzhin/ /'di na la las rgyal bu'i tshig chen yang/ /bzlas na lan 'ga' chang pa thob mi 'gyur/ /thub pa'i bka' lung tshul min bzlas byas na/ /dud 'gror 'gro 'gyur e la'i 'dab klu bzhin/ /so sor thar pa gang yin pa// sangs rgyas 'dul ba gang chen mtsho/ /gting mdza' med pa thams cad kyis/ /gnas pa'i snying dang snying po yin/ /'di ni dam chos rgyal po yi/ /chos kun gyi ni 'dren pa mchog/ 'di ni dge slong tshong tshogs kyi/ /bslab zong tshong khang chen po yin/ /tshul khrims 'chal bas zin rnams kyi/ /gdug pa rnams sel sman 'di yin/ /'di ni lang tsho rnams 'khrul ba'i/ /rkang gnyis gzhon nu'i lcags kyu yin/ /mtsho bas zab pa'i 'khor ba las/ /sgrol pa'i rgas thabs 'di yin te/ /'di ni bzang 'gror 'gro ba yin/ /nges pa'i chu lon zam pa yin/ /'di ni nyon mongs pham byed lam/ /rgyal po yi ni 'dren pa mchog /'di ni thar pa'i grong 'jug pa'i/ /them skas gzhi dang 'dra bar gnas/ /da ni mya ngan 'das gyur nas/ /'di ni khyed kyi ston pa zhes/ /rang byung nyid kyis gus byas par/ /nan tan dge slong tshogs 'dun bstod/ /'dul 'di so sor thar de yi/ /rnam 'byed yin par dgongs pas na/ /thar 'dod rnams kyi gus bya ste/ /'di ni nan tan mnyan par bya/ /'dul ba la bstod pa btsun pa chos kyi tshong dpon gyis mdzad pa rdzogs so// // dbang phyug dam pa'i mnga' bdag dpal lha bcan po'i bka' lung gis 'phags pa gzhi thams cad yod par smra ba'i 'dul ba 'dzin pa kha che bye brag tu smra ba'i slob dpon dzi na mi tra dang/ zhu chen gyi lots+tshA ba ban de klu'i rgyal mtshan gyis bsgyur cing zhus te gtan la phab pa'o/ / //'dul ba la bstod pa chos kyi tshong dpon gyis mdzad pa'i bshad pa slob dpon dul ba'i lhas mdzad pa bzhugs so// //rgya gar skad du/ bi na ya stwot+tra? ba da byA khyA na/ bod skad du/ 'dul ba la bstod pa'i tshig gi rnam par bshad pa/ dkon mchog gsum la phyag 'tshal lo/

CLOSE WINDOW