བོད་ཡིག

e-texts based on the ACIP/ALL Input

/thams cad yod par smra ba rnams kyi dge tshul gyi bya ba rdzogs so// //dge tshul gyis bslab pa'i gzhi'i mdo dge ba'i bshes gnyen mdzad/ /rgya gar skad du/ sh+ra ma Ner shi k+Sha pA da sUtra/ bod skad du/ dge tshul gyis bslab pa'i gzhi'i mdo/ /thams cad mkhyen pa la phyag 'tshal lo/ sangs rgyas chos dang tshogs kyi mchog /dge 'dun la yang phyag 'tshal te/ dge tshul ched du bya ba yi/ /mdo ni cung zad bshad par bya/ /de bzhin gshegs pas dge tshul rnams kyi bslab pa'i gzhi bcu po gang dag mdor bsdus te gsungs pa ni/ 'di lta ste/ srog gcod pa spong ba'i bslab pa'i gzhi dang/ ma byin par len pa dang mi tshangs par spyod pa dang/ rdzun du smra ba dang/ 'bru'i chang dang sbyar ba'i chang myos par 'gyur ba bag med pa'i gnas dang/ gar dang glu dang rol mo'i sgra dang/ phreng ba dang/ spos byugs pa dang/ rgyan dang kha dog 'chad ba dang/ mal mthon po dang/ mal chen po dang/ dus ma yin pa'i kha zas dang/ gser dngul len pa spong ba'i bslab pa'i gzhi zhes bya ba'o zhes bya ba 'di ni bcom ldan 'das kyis bslab pa'i gzhi bcu po mdor bsdus te gsungs pa yin no/ /gang yang btsun pa shAkya 'od kyis de dag tu gtogs pa'i tshig le'ur sbyar ba dang/ gang yang kho bos slob dpon dang mkhan po dag las cung zad bslab pa'i phyir kho bos tshangs pa mtshungs par spong pa rnams kyi don du mdo cung zad brtsam par bya'o/ /srog gcod pa spong ba zhes bya ba ni bsams bzhin du bud med dang skyes pa dang ma ning dang/ lha'i 'gro bar gtogs pa'i srog gcod par mi byed cing/ gzhan gyi sgo nas kyang mi byed pa dang/ sngags pa la sogs pa la thabs kyis gsod par mi byed pa dang/ bsad par bya ba'i phyir bzung ba dang/ gsod bzhin pa dang/ gsod pa la bag med par mi byed pa dang/ srog gcod pa mthong ba la yid dga' bar mi byed pa dang/ thams cad du bya ba ma yin pa la rjes su yi rang bar mi byed la/ sbyor ba yang mi byed cing gzhan dag srog gcod pa yang dag par 'dzin du mi 'jug pa dang/ srog chags grog sbrur? phra mo rnams kyang bsams bzhin gsod par mi byed pa'o/ /srog chags dang bcas pa'i chu la sogs pa longs spyad par mi bya'o/ /dran pa dang shes bzhin dang ldan pa rnams nyi ma shar ba na chu la sogs pa brtag par bya zhing mi g.yo ba 'di la brtag par bya ste/ lha'i mig gis ma yin/ yun ring du ma yin/ myur bar ma yin zhing/ dus ji srid kyis sems dag pa'i dus de srod du brtag par bya'o/ /brtags pa 'di yang ji srid du nyi ma ma shar ba nga sing du longs spyod du rung ba yin no/ /btsags pa la sogs pa dang 'brel ba skyon med par byas nas brtags pa'i chu lam du 'gro ba'i tshe rgyang grags lnga'i bar du btung bar bya'o/ /chu tshags lnga po rnams kyi nang nas gdon mi za bar chu tshags gcig bcangs nas lam du 'gro par bya'o/ /chu tshags lnga ni chu tshags gru gsum dang/ bum tshags dang ril ba zhabs tshags can dang/ bum tshags gce'u can dang/ bsal tshags so/ /rang gis ma brtags pa chu ni yid ches pa'i tshig gis nye bar longs spyad par mi bya'o/ gal te gzhan dang ma 'dres pa yin na rgyang grags kyi mdza' i bar du chu klung 'bab pa la brtags nas btung bar bya'o/ /chus gang ba'i bum pa la sogs pa la brtag par bya'o/ /chu btsags pa na gal te srog chags yod na chu'i khron pa dben par thar par byed pa'i snod kyis srog chags dang bcas pa btang zhing dbo bar bya ste/ sa la dbo bar mi bya'o/ /srog chags med pa'i chu la yang ma yin no/ /mi smra bar gyur pa dang shes dang ldan pa rnams kyis lo ma la sogs pa la brtag par bya'o/ /lo ma la sogs pa la brtags pa na gal te srog chags yod na rtswa sngon pa dang bcas pa'i sa phyogs su dor bar bya'o/ /srog chags dang bcas pa'i chu la srog chags dang bcas par 'du shes pa dang/ yid gnyis za ba dang/ srog chags med pa la srog chags dang bcas par 'du shes pa dang/ yid gnyis za bar gyur na nye bar longs spyod par mi bya'o/ /mthong ba dang thos pa dang dogs pa'i gzhi gsum gyi yongs su dag pa'i sha yin na bza' bar bya'o/ /gang dang gang bza' ba 'am btung par gyur pa de dang de dag nyid so sor brtag par bya'o/ /gos la sogs pa rnams la srog chags rnams brtag par bya zhing dag par bya'o/ /dus dang dus su zang zing chu dang bcas pa dang zang zing med par longs spyod pa'i bum pa gcad bar bya zhing/ bkru ba dang bskam par bya ste/ gang gi phyir snod skyon dang bcas pa yin na srog chags skye bar 'gyur ba'i phyir/ /shig rnams ni ras mar bcug la rtsig pa la sogs pa bu ga'i nang du gzhug par bya'o/ /rtswa shig rnams ni dpyid kyi dus su rtswa dUrba dang bcas pa'i bsil ba'i sa phyogs su dor bar bya zhing/ rgun ni dro ba'i phyogs su'o/ /nad pa la dug dang mtshon dang 'dod pa'i zas btung ba sbyin par mi bya'o/ /sman pa mkhas pa dris nas 'di la 'dod pa'i zas dang btung ba dang sman sbyin par bya'o/ /glen pa rang mi shes pa la 'di'i sman dpyad bstabs pas mi bya mod kyi/ 'on kyang mkhas pa la bstan par bya'o/ /gang gis 'di'i sems gzhan du gnas par 'gyur ba de lta bu'i ches nad pa la bshad par mi bya'o/ /'di la nang kyi 'jigs pa las thar te tshe ring zhing brtan pa dang/ bde bar 'gyur ba de ltar smra bar bya'o/ /'di ji srid du chos spyod par 'tsho ba de srid du dge ba mang po rab tu skye bar 'gyur ro/ /zhes bya bar spro ba bskyed par yang bya'o/ /nad pa la 'chi ba'i bsngags pa brjod par mi bya'o/ /'chi ba yang dag par 'dzin par byed du mi gzhug go /brtse ba med par sems kyis nad g.yog mi bya'o/ /shin rnyed pa 'thob pa'i phyir yang ma yin no/ /rim gro dam pa'i nad g.yog bya'o/ /brdeg par mi bya'o/ /sbyor du gzhug par mi bya'o/ /rnam par 'gyur bar mi bya'o/ /'jigs par mi bya'o/ /kun nas dkris pa la gnas pas khro ba la bzod par bya'o/ /rdo la ri mo bris pa lta bu'i sems su mi bya mod kyi/ 'on kyang chu la ri mo bris pa lta bur bya'o/ /bsams bzhin du 'gyod [ blank page] yid bcugs pa dang 'grel pas blang bar bya'i/ rku ba'i blos ni ma yin mod kyi 'on kyang de dang 'dra ba 'am rin du gyur pa sbyin par bya snyam pa 'di lta bu'i sems kyis blang bar bya zhing de dang 'dra ba bgrangs la rin sbyin par bya'o/ /gtsug lag khang mang po rung mod kyi thams cad nas rnyed pa la sogs pa blang bar ni mi bya ste/ gang kho nang gnas pa de kho nar blang bar bya'o/ /rku sems kyis gzhan gyi til gyi phub ma yang blang bar mi bya'o/ /gtams pa dbrog par mi bya'o/ /gal te khyim pa 'ga' zhig gis gtams te bzhag pa las nga shin khyod kyi yin no zhes smra ba na longs spyod pa la nyes pa med do/ /'on te ma dang pha dang bu dang nye du dang bshes rnams la byin cig zer na sbyin par bya'o/ /gal te dge 'dun la phul cig zer na dbul bar bya'o/ /'on te cung zad kyang ma smras par shi bar gyur na nyams par mi bya'o/ /gal te ma dang pha dang bu dang nye du la sogs pa slang du 'os nas che ge mos khyod la 'di dang 'di bzhag pa la kho bo ni de'i nye du yin pas de kho bo la byin cig ces zer na/ gal te de nye du yin par shes par gyur na dbang po'i mngon sum du sbyin par bya'o/ /gang gi phyir khyim pa rnams ni bltos pa dang bcas pas dus byed la/ rab tu byung ba rnams ni bltos pa med pas yin no/ /'on te 'ga' zhig kyang slong du 'ong ba med pa na de'i ched du shi ba'i bsod nams bya'o/ /dge slong ngam dge tshul gyis nye bar bzhag ste shi bar gyur na dge 'dun la dbul bar bya'o/ /gal te 'ga' zhig gis cung zad bcol te bzhag par gyur la/ de dus gzhan du ni gzhan 'ga' zhig lan du btang na de 'di la sbyin par bya ste/ myur ba nyid du ni sbyin par mi bya mod kyi 'on kyang 'di skad du don rtags khyer la shog cig ces brjod par bya zhing/ gal te khyod te 'ongs pa ni ngan? rtags 'dra bar gyur na sbyin par bya'o/ /yang na che ge mo la ngas 'di dang 'di lta bu'i ngan rtags byin pa des khyod la gtad par bya ba yin par de nyid kyis brjod na sbyin par bya'o/ /yang na pho nya'i thang du mi shes pa yin na rang nyid kyis gtad par bya ba'am/ yid shes pa'i lag tu bskyur bar bya'o/ /rkun ma dang lhan cig grogs po mi bya zhing lam bstan par yang mi bya'o/ /de dang lhan cig 'gro bar mi bya'o/ /rkun ma la nye bar mkho ba bcang bar mi bya'o/ /rngon pa la sogs pa rnams kyis ri dwags la sogs pa skyabs kyi don du gtsug lag khang du bos nas 'ongs pa yin na de dag bsrung bar bya'o/ /shin dang gnyid la sbyin par bya'o/ /gal te bu lon blangs nas dus las 'das par gyur na bgo bar byas la/ yo byad la sogs pa rnams kyis bu lon de dag par bya'o/ /nad pa 'chi 'dod pas nad g.yog la 'di skad du da she na nga'i gos la sogs pa gang yin de khyod kyi yin no zhes smras na blang bar bya'o/ /'on te gzhan nam dge 'dun gyi yin zer na blangs par mi bya'o/ /grur zhugs pa na lhung bzed la sogs pa go bar bya ste gtong ba na ngas btang gi bzung ngam zhes smras pa na/ gal te lhung na rin sbyin par bya'o/ /ma smras par lhung na rin sbyin par bya'o/ /gos la sogs pa gtsug lag khang gi nang du lhung ba rnyed par gyur na/ gal te 'ga' zhig 'ongs nas 'phags pa nga'i 'di dang 'di lta bu sta nga ba de khyed kyis gal te blangs na de sbyin par bya'o zhes zer na/ blangs mod kyi 'on kyang ngan rtags ci yod ces brjod par bya'o/ /gal te ngan rtags dang bcas par brjod par byad na dbang po'i mngon sum du sbyin par bya'o/ /'on te cung zad kyang rmed du 'ongs pa med na rang gis longs spyod par bya ba ma yin gyi dge 'dun la dbul bar bya'o/ /gzhan la snyad btags par smra bas pha rol po gzhan gyi nor dbrog par mi bya'o/ /ma byin len pa la gzhan dag yang dag par 'dzin par byed du mi gzhug go /spro bar yang mi bya'o/ /nad pas ni byin pa la rku sems kyis blang bar mi bya'o/ /gzhan gyi sgo nas kyang blang bar mi bya'o/ /gcig yin yang ma byin par len pa rnam pa du ma yin pa de'i phyir srog la bab kyang ma byin par blang bar mi bya'o/ /ji ltar bdag nyid kyi nor bu srung ba de ltar gzhan gyi yang yin te/ gang gi phyir ma byin par len par byed pa ni tshangs pa mtshungs par spyod pa rnams kyis spong bar 'gyur ba dang/ dmyal bar ltung bar yang 'gyur ba'i phyir ro/ /de'i phyir ma byin par len pa ni rnam pa thams cad du thams cad kyi sgo nas bsrung zhing thams cad du shes bzhin dang ldan par bya ba yin no/ /dge tshul gyi bslab pa'i gzhi'i mdo las ma byin par len pa spong ba zhes bya ba'i bslab pa'i gzhi gnyis pa'o// // mi tshangs par spyod pa spong ba zhes bya ba ni bud med kyi zag byed dang bshang ba dang kha'i lam rnams su rang gi yan lag gi rnam pa bcug nas reg pa bdag gir mi byed pa'o/ /de bzhin du skyes pa dang/ ma ning dang/ mi dang/ dud 'gro'i 'gro bar gtogs pa la sogs pa rnams la yang ngo/ /ma tshor ba dang/ rang bzhin nyams pa'i gnas skabs dang/ mi 'dod pa las gal te mi tshangs par spyod par byed pa na bdag gir mi bya'o/ /khyim pa dang/ dge slong dang/ dge tshul gzhan dang lhan cig lus la reg pas nyal bar mi bya mod kyi 'on kyang so sor tha dad par bya'o/ /gnas ma rnyed na gos kyis lus so sor dkris la mal gcig tu nyal bar bya'o/ /mu stegs can dang khyim pa dang lhan cig nub gsum pa la nyal du mi rung ngo/ /bsams bzhin du khu ba dbyung bar mi bya'o/ /rmi lam gyi nang du ni nyes pa med do/ /gang la'am de la 'am thabs gang gis sam/ des yan lag gi rnam pa bzung ba sngon du 'gro bas btsal te khu ba dbyung bar mi bya'o/ /bud med dag mthong nas 'dod chags kyi sems su gyur na mi sdug pa bsgom par bya'o/ /bud med la 'khrig pa bslang bar mi bya'o/ /'khrig pa'i rgyu mtshan yang bstan par mi bya'o/ /'khrig pa'i gtam mi bya'o/ /bud med dang lhan cig dben par nyi ma nub kyi bar du 'dug par mi bya'o/ /yang dang yang du bud med la blta bar mi bya'o/ /gal te 'ga' zhig 'ga' zhig tu mi tshangs par spyad pa byed pa der 'gro bar mi bya'o/ /der 'dug par mi bya zhing blta bar yang mi bya'o/ /bud med la reg par mi bya'o/ /chu la ltung ba nye bar phyung zhig ces 'o dod 'bod par byed pa la/ 'ga' zhig kyang gnas pa med na ma dang bu mo dang sring mo'i 'du shes byas te nye bar gdon par bya'o/ /bud med rnams la chags pa med pa'i sems kyis chos smra bar bya'o/ /gcig pu bud med rnams la chos bstan par mi bya'o/ /bud med dang lhan cig khyim gcig tu nyal bar mi bya'o/ /stan gcig la 'dug par mi bya'o/ /lam du 'gro bar yang mi bya'o/ /gal te skyes pa yod na nyes pa med do/ /bud med rnams mthong na lo'i tshad dang rjes su mthun par shes nas ma dang bu mo dang sring mo'i 'du shes bya'o/ /bud med gnas khang du 'jug pa sbyin par mi bya'o/ /gal te sman la sogs pa dang dge ba'i phyogs byed na nyes pa med do/ /der yang gcig pu 'dug par mi bya'o/ /bud med dang lhan cig bza' bar mi bya'o/ /snod med na pha ma dag dang lhan cig dben pa'i phyogs su bza' bar bya'o/ /yang na de dag 'u bu cag lhan cig bza' o/ /zhes zer na bdag nyid dben pa'i phyogs su bza' bar bya'o/ /gal te bud med bya ba ma yin pa mi rigs pas mgron du gnyer na lhag par gnas par mi bya'o/ /bud med gal te mdun du bud med bslu zhing/ bud med g.yo byed cing/ bud med sgyu byed pa la blta bar mi bya'o/ /lam du 'gro pas bud med dang lhan cig reg pas 'gro bar mi bya'o/ /bud med kyi gtam mi bya'o/ /gang du bud med khrus byed pa des mi bya'o/ /bud med gcer bu yod pa der 'dug par mi bya zhing blta bar yang mi bya'o/ /rang gos med pas kyang bud med kyi drung du 'dug par mi bya'o/ /bud med kyi yan lag dang nying lag la blta bar mi bya'o/ /bud med 'khrig pa yang dag par 'dzin par byed du mi gzhug go /gzhan la 'khrig pa'i phyir rin sbyin par mi bya'o/ /bud med kyi gar dang/ glu dang rol mo dang/ gos rnams dang/ rgyan rnams kyi sgra la nyan pas ro myang bar mi bya'o/ /bud med kyi thad las dril phyis dang/ khrus dang/ bsku mnye bdag gir mi bya'o/ /e ma bdag tshul khrims sam/ brtul zhugs sam/ dka' thub kyi tshangs par spyod pa la 'dis lha nyid dam/ gzhan gang yang rung snyam du smon pas tshangs par spyod pa spyad par mi bya'o/ /bud med dang lhan cig rgod pa dang tsab h+ral dang rtsed mo mi bya'o/ /mi tshangs par spyod pa byed pa la lta ba dang dga' bar mi bya zhing spro bar yang mi bya'o/ /gang yang gzhon nu mi tshangs par spyod pa 'khrig pa'i chos bsten pa'i mthu dang ldan pa de yang sngar bstan pa'i rnam pas yongs su dor bar bya'o/ /gal te nad pa 'di skad du gang bdag bud med dang lhan cig mi tshangs par spyod pa 'khrig pa'i chos bsten cing bdag la bud med khyer te 'ong ba de lta na bdag 'tsho'o zhes smra na rkyen des mi 'tshon yang 'di la kun tu sbyin par mi bya'o/ /nad pas mi tshangs par spyod pa mi bya'o/ /mi tshangs par spyod pa byed pa la lta ba thag ring por yongs su spang bar bya'o/ /ji ltar 'bar ba'i me'i phreng pas khyab par yongs su dor bar bya ba yin pa de bzhin du bud med kyang yongs su dor bar bya'o/ /de lta bu la sogs pa mi tshangs par spyod pa rnam pa du ma yin pa de'i phyir rnam pa thams cad du thabs thams cad kyi sgo nas srog la bab kyang mi tshangs par spyod pa bsrung bar bya ste/ gang gi phyir mi tshangs par spyod pa byed pa la ni tshangs pa mtshungs par spyad pa rnams kyis spong ba dang/ dmyal bar ltung ba yang yin no/ /dge tshul gyi bslab pa'i gzhi'i mdo las mi tshangs par spyod pa spong ba zhes bya ba'i bslab pa'i gzhi gsum pa'o// //rdzun du smra ba spong ba zhes bya ba ni mi'i chos bla ma med pa la med bzhin du yod par mi smra ba ste/ 'di lta ste/ dper na lha la sogs pa rnams mthong ngo/ /lha la sogs pa rnams kyis kyang bdag mthong ngo/ /lha la sogs pa rnams kyi sgra thos so/ /lha la sogs pa rnams kyis kyang bdag gis sgra thos so zhes bya ba la sogs pa dang/ de bzhin du bsam gtan dang/ tshad med epa dang/ gzugs med pa dang 'bras bu dang/ mngon par shes pa dang/ 'du shes med pa la sogs pa zag pa med pa'i chos rnams bdag gis zos pa mi smra ba'o/ /stan khra bo la sogs pa ni dgra bcom pas rnyed la/ bdag gis de rnyed kyis gzhan gyis ni ma yin no/ /bdag gis dgra bcom pa thob ste bdag khyad par thob pa las yongs su nyams so/ /khyim 'di gang gi yin pa 'dod chags dang bral ba yin te/ bdag gi yang 'di yin no/ /dgra bcom pas bdag mthong nas smin par byed pa de la sogs pa'i tshig brjod par mi bya'o/ /bdag gi phyir ram zang zing gi phyir yang shes bzhin du rdzun du smra ba brjod par mi bya'o/ /bdag gi lus sam ngag gis sdig pa'i las cung zad byas pa de la mkhan po la sogs pa rnams kyis ci 'di dang 'di lta bu khyod kyis byas sam zhes 'dri na/ de la ji ltar gyur pa bzhin du brjod par bya'o/ /nye du dang grogs la sogs pa rnams dang/ gzhan dang gzhan gyis lus dang ngag gis sdig pa'i las cung zad byas par gyur na de la rgyal po'i pho brang 'khor du gtogs pa 'am/ gzhan gyi 'khor du gtogs pa'i dbang po la 'phags pa 'dis ci zhig byas zhes 'dri bar gyur na/ nga la 'di skad du gal te 'di la nye bar gnod pa cung zad kyang mi byed pa de lta na bdag che bzhi byed kyi gzhan du ma yin no zhes brjod par bya'o/ /gal te mi byed ces zer na dam tshig la bkod nas ji lta ba bzhin du gyur pa'i che bzhi dbye bar bya'o/ /'on te mi smra na rnam pa thams? cad du srog la bab kyang brjod par mi bya'o/ /gzhad gang kyi phyir yang shes bzhin du rdzun du smra bar mi bya'o/ slob dpon dang mkhan po dang tshangs pa mtshungs par spyod pa rnams kyis dris pa'i tshig la gzhan dang gzhan du spro bar mi bya mod kyis 'on kyang g.yo sgyu byed pa ma yin pas gar kho na dris pa de kho na brjod par bya'o/ /gal te mi bsang bar bya ba bros pa mthong na de la gsod par byed pas khyod kyis 'di lta bu bros pa mthong ngam zhes 'dri na/ de la gzhan dang gzhan du spro bar bya'o/ /de ltar byas pa na gal te 'phags pas smra bar bya brjod cing ces zer na re zhig son mo mthong ngo re zhig nam mkha' mthong ngo zhes brjod par bya'o/ /de ltar byas kyang 'phags pas smras par bya brjod cig /gzhan dris pa na gzhan lung bstan pas ci bya zhes zer na/ phyogs bzhir bltas te 'di sang du don dam par sems can ma mthong zhes brjod par bya'o/ /nye bar gnod pa rnams yongs su bsrung ba'i phyir gzhan dang gzhan du spro bar bya'o/ /slob dpon dang mkhan po rnams cung zad smra na chos dang ldan pa'i tshig rnams bya ste/ gang gi phyir de bzhin gshegs pa dang/ dgra bcom pa dang/ slob dpon dang/ mkhan po dang/ dge 'dun dang/ dge 'dun gyi gnas brtan dang/ rgyal po dang/ de'i 'khor rnams kyi tshig spang bar bya ba ma yin no/ /rnam par 'gyur ba thob pa'i slob dpon dang mkhan po ni dar bar bya'o/ /tshig rtsub mo smra bar mi bya'o/ /mi'i skyon nas smra bar mi bya'o/ /che ge mo'i rigs ni rigs 'di yin no zhes brjod par mi bya ste/ de bzhin du rdza mkhan dang/ mgar ba la sogs pa'i rigs kyang ngo/ /phra ma mi bya'o/ /nad pas rdzun smra bar mi bya'o/ /gzhan la rdzun du smra ba yang nges par 'dzin du gzhug par mi bya zhing spro ba bskyed par mi bya'o/ /de lta bu la sogs pa rdzun du smra ba rnam pa du ma yin pa de'i phyir srog la bab kyang shes bzhin du rdzun du smra bar mi bya'o/ /rdzun du smra ba ni rnam pa thams cad kyis thabs thams cad du bsrung bar bya ste/ gang gi phyir rdzun du smra ba la ni tshangs pa mtshungs par spyad pa rnams kyis spong bar 'gyur ba dang/ dmyal ba ltung bar 'gyur ba'i phyir ro/ /bslab pa'i gzhi bzhi po 'di rnams ni rang bzhin gyi kha na ma tho ba dang bcas pa yin pas srog la bab kyang 'di rnams nad pas so kyang spyad par mi bya'o/ /dge tshul gyi bslab pa'i gzhi'i mdo las rdzun du smra ba spong ba zhes bya ba'i bslab pa'i gzhi bzhi pa'o// //'bru'i chang dang bcos pa'i chang myos par 'gyur pa'i khu ba spong ba zhes bya ba ni 'bru'i chang dang bcos pa'i chang tha na rtswa'i mchog mas kyang btung bar mi byed pa'o/ /'bru'i chang ni zas kyi btung ba'o/ /bcos pa'i chang ni me tog dang sdong bu'i btung ba'o/ /myos par 'gyur ba ni 'bras bu'i btung ba'o/ /myos par byed pa'i 'bras bu gang yin pa de ni bza' bar mi bya ste/ ko Ta ba yang ngo/ /myos par 'gyur ba'i btung ba la myos par 'gyur bar 'du shes pa 'am/ yid gnyis za ba'am myos pa 'gyur ba ma yin pa la myos par 'gyur bar 'du shes par btung mi bya'o/ /tshigs ma bza' bar mi bya'o/ /myos pas 'gyur ba bskol ba la nyes pa med de/ de yang gal te myos par 'gyur ba'i ro dang dri dang bral ba yin zhing myos par 'gyur ba'i kha dog dang ldan pa la nyes pa med do/ /gzhan la 'bru'i chang dang bcos pa'i chang gis khu ba mi sbyin zhing sbyin du yang mi gzhug go /'bru'i chang dang bcos pa'i chang gi rin mi sbyin zhing sbyin du yang mi gzhug go / nad pas 'bru'i chang dang bcos pa'i chang myos par 'gyur ba'i btung ba btung bar mi bya ste/ bcas pa'i kha na ma tho ba dang bcas pa yang yin pa'i phyir ro/ /bskol ba'i khu ba'i rnam pa lta bu dang/ tsha lta bu btung bar bya'o/ /bum pa ni gsum ste/ bshad pa'i bum pa dang/ gci ba'i bum pa dang/ chang gi bum pa'o/ /de la ji ltar bstan ma thag pa'i bum pa gnyis po yongs su dor bar bya ba yin pa de bzhin du chang gi bum pa yang ngo/ /bcom ldan 'das kyis kyang dge slong dag nga la ston par smra ba rnams kyis myos par 'gyur ba tha na rtswa'i mchog mas kyang mi sbyin zhing mi btung ngo zhes gsungs so/ /'bru'i chang dang bcos pa'i chang myos pa'i chang myong bar 'gyur ba'i btung ba yang dag par 'dzin du mi gzhug go de lta bu la sogs pa myos par 'gyur ba'i btung ba rnam pa du ma yin pa de'i phyir 'bru'i chang dang bcos pa'i chang thabs thams cad kyi sgo nas thams cad du bsrung bar bya ste/ gang gi phyir 'bru'i chang dang bcos pa'i chang 'thungs pa la tshangs pa mtshungs par spyod pa rnams kyis yongs su spong bar 'gyur ba dang/ dmyal bar ltung bar yang 'gyur ba'i phyir ro/ /dge tshul gyi bslab pa'i gzhi'i mdo las 'bru'i chang dang bcos pa'i chang gis btung ba spong ba zhes bya ba'i bslab pa'i gzhi lnga pa'o// //gar dang glu dang rol mo'i sgra spong ba zhes bya ba ni gar dang glu dang rol mo'i sgra mi bya zhing gzhan byed du gzhug par yang mi bya ba'o/ /mchad pa'i don du sangs rgyas bcom ldan 'das la bstod pa dang/ rgyud chags gsum pa dbyangs kyi 'don par byed pa la nyes pa med do/ /dbyangs kyi nga ro rang bzhin mngon par mi shes na dben par zhugs te bslab par bya'o/ /gar mkhan la sogs pa gar byed pa la blta bar mi bya'o/ /gang du gar byed pa dang/ glu len pa der 'dug par mi bya'o/ /steng du 'gro ba dang/ mchod ba dang/ rgyug pa dang/ rtsed mo mi bya'o/ / chu la rtsed mo nyams su myong bar mi bya'o/ /dge tshul gyi bslab pa'i sa zhi'i mdo las gar dang glu dang rol mo spong ba zhes bya ba'i bslab pa'i gzhi drug pa'o/ //phreng ba dang spos nyug pa dang rgyan dang kha dog 'chang ba spong ba zhes bya ba ni phreng ba dang/ me tog sil ma dag bdag gi lus la mi 'dogs pa dang/ rang la dri'i chus khrus mi byed pa dang/ dga' ba'i phyir gdu bu dang/ dpung rgyan dang/ mgul rgyan la sogs pas bdag nyid kyi lus la rgyan mi byed pa dang/ bdag nyid la dri zhim po'i rdzas kyis nyug pa la sogs mi byed cing/ lus la dri zhim po'i rdzas kyis yang dag par 'byug por mi byed pa'o/ /chos gos la bdug spos kyis bdug par mi bya'o/ /gal te dri mi zhim pa yin na dri nga ba spangs pa'i phyir chos gos la bdug spos kyis bdug pa de nyid bya'o/ /sangs rgyas bcom ldan 'das la phreng ba dang/ spos nyug pa dang/ rgyan dang kha dog la sogs pa dri ma zhim po'i rdzas kyis nyug par bya'o/ /gal te dge bsnyen dang bcan gyi dri chu dang khrus byed na bkru bar byas te/ de'i bsod nams spel bar bya ba'i phyir ro/ /autpa la sngon po la sogs pa'i me tog rnyed par gyur na bsnam par bya ste/ slob dpon dang/ mkhan po dang/ dge slong dang/ 'jig rten pa'i mdun du ni ma yin no/ /gang gi phyir dri zhim po thams cad ni mig dang rjes su mthun pa yin no/ /so phag dag gis rkang pa dag ma gtogs pa'i dus la yongs su khrung par mi bya'o/ /gal te dang pa can ngag gis lag pa rkang pa dag la dri zhim pos 'byug par byed na de'i mdun du dor bar mi bya'o/ /de bzhin gshegs pa dang/ nyan thos kyi sku gzugs dang/ mchod rten dag la rjes su byug par bya'o// gal te nga khyod 'di ltar longs spyod par mdzod cig ces zer na de'i phyir dge bsnyen gyi tshig las longs spyod par bya'o/ /nad pa la sman pa'i tshig gis dri zhim po 'byug pa dang/ dri'i chus khrus byed na nad pa la nyes pa med do/ /dge tshul gyi bslab pa'i gzhi'i mdo las phrad ba dang spos nyug pa dang/ rgyan dang kha dog 'chad pa spong pa zhes bya ba'i bslab pa'i gzhi bdun pa'o// //mal mthon po dang/ mal chen po spong ba zhes bya ba la mal mthon po ni gang zhig stan la 'dug pa'i rkang pas la ma reg pa yin la/ mal chen po ni dngul dang gser dang mu tig la sogs pa rnams las byas pa yin te de la nyal ba dang 'dug par mi bya'o/ /dngul dang gser dang nor bu dang mu tig la sogs pa rnams las byas pa'i seng ge'i khri la mi rtag pa'i 'du shes kyis 'dug la chos nyan pa sbyin par bya ste/ dam pa'i chos mchod pa'i phyir ro/ /stan mthon po bkra ba'am nye bar bkra ba la 'dug ste chos mnyan pa sbyin par bya'o/ /ma gsol bar chos nye bar bstan par mi bya'o/ /bkra ba dang nye bar bkra ba'i stan la thun mong gi gnas skabs su 'dug par mi bya'o/ /gal te dad pa can gyi khyim gyi nang du nye bar mgron du bos pa der dngul dang gser la sogs pa rnams las byas pa'i stan bstabs par gyur na/ de la mi rtag pa'i 'du shes kyis 'dug par bya ba dang/ dad pa can rnams la chos sbyin zhing longs spyod par bya ba'i yang phyir ro/ /g.yogs ma med par dge 'dun nam gang zag gi mal cha dang stan la sogs pa longs spyod par mi bya'o/ /ko lpags kyi rang bzhin nam/ ko lpags dang brtags pa'i stan la 'dug par mi bya/ nyal bar yang mi bya/ khyim pa'i khyim gyi nang du stan med na 'dug pa la nye ba med do/ /gtsug lag khang gi nang du shing gi rang bzhin gyi lham bgo bar mi bya'o/ /gci ba'i khang pa 'am/ bshang ba'i khang pa 'am/ khyim gyi nang du ni dor mi bya'o/ /rjes su ma gnang bar stan la 'dug par mi bya'o/ /mdze can gyis kyang ma yin te/ dge 'dun gyi khri dang mal cha dang stan la sogs pa yang spang bar bya'o/ /gtsug lag khang gi phyi rol du 'di'i gnas khang bya'o/ /nad pa 'am rgan po dag gis ni khyogs la 'gro bar bya'i thun mong gi gnas skabs su ni glang po che dang/ rta dang/ shing rta'i bzhon pas 'gro bar mi bya'o// dge tshul gyis bslab pa'i gzhi'i mdo las mal mthon po dang mal chen po spong ba zhes bya ba'i gzhi brgyad pa'o/ / //dus ma yin pa'i kha zas spong ba zhes bya ba ni dus ma yin par za bar mi byed pa ste/ ji srid skya rengs sngon po shar nas rang gi nyi ma phyed kyi bar de srid du dus yin la/ de las gzhan pa ni dus ma yin pa'o/ /nad par langs nas gdong bkru bar bya'o/ /dus las yol ba na lo ma dang 'bras bu la sogs pa longs spyod par mi bya zhing/ zang zing yongs su ma dag pa cung zad kyang spyad par mi bya'o/ /rgun 'brum la sogs pa'i btung ba myos par mi 'gyur ba dang/ rtsad shu dag ras kyis btsags la zang zing med par byas nas/ dus ma yin par btung bar bya'o/ /skom par gyur na bu ram dang lhan cig pa dang sbrang rtsi dang lhan cig pa'i chu yongs su btsags te dus ma/ yin par btung bar bya'o/ /ya rab rnams kyis gnang ba'i nya dang sha gang yin pa de ni gzhi gsum gyi yongs su dag pa na longs spyad par bya'o/ /ro la sogs pa la sred par mi bya'o/ /shen pa las khyim pa dad pa can gyis nyos la bza' bar bya'o/ /sha rjen pa mi bza' o/ /nad pa la dus ma yin par za ba la nyes pa med do/ /nad pa nyid ni nus pa med pa nyid mthar thug pa yin no/ /zang zing dang bcas pa'i chu la sogs pa btung bar mi bya'o/ /dge tshul gyi bslab pa'i gzhi'i mdo las dus ma yin pa'i zas spong ba zhes bya ba'i bslab pa'i gzhi dgu pa'o/ / //gser dngul len pa spong ba zhes bya ba ni sa le? sbram dang dngul bdag gir byed pa mi rung ba yin gyi/ len pa ni rung ba yin no/ /'ga' zhig gser dang dngul la sogs pa yon gyi ched du 'bul bar byed na/ de la 'di skad du nga'i chos gos dang bza' ba nyos la byin cig ces brjod par bya'o/ /yang na 'dis bdag gi chos gos dang bza' ba la sogs pa nyo bar bya'o snyam pa 'di lta bu'i sems kyis blang bar bya ba 'am/ sbyin bdag spro bar bya ste blang bar bya'o/ /glang po che dang/ rta dang/ ba glang dang/ khyi dang/ phag dang/ bud med dang/ skyas pa dang/ khye'u dang/ bu mo dang/ bran pho dang/ bran mo dang/ las byed pa dang/ zho shas 'tsho ba la sogs pa'i yon ni blang bar mi bya'o/ /log par 'tsho bas rnyed pa bsgrub par mi bya'o/ /tshul 'chos dang/ kha gsags dang/ gzhog slongs dang/ thab kyis 'jal ba dang/ rnyed pas rnyed par byed 'dod pa mi bya'o/ /dge tshul gyi bslab pa'i gzhi'i mdo las gser dngul len pa spong ba zhes bya ba'i bslab pa'i gzhi bcu pa'o// // khyim pa'i rtags spong ba zhes bya ba ni ji ltar khyim bdag gos gyon pa de ltar gos gyon par mi byed pa dang/ nyin par phyi rol nas gos dkar po dang/ kha tshar ring po can gyon par mi byed pa'o/ /tshon rtsi gsum po dag gis kha bsgyur bar byas nas 'chad du rung ste/ tshon rtsi gsum ni dur smrig dang/ ni li ka dang/ dmar po dag yin no/ /tshon chen po brgyad po dag ni mi rung ste/ mchol dang/ rgya skyegs dang/ btsod dang/ gur gum dang/ mthing shing dang/ li khri dang/ rma shing dang/ le brgan zhes bya ba ni tshon chen po dag yin no/ /chos gos thams cad sngon po'i kha dog can du bgo bar mi bya'o/ /khra bo nye bar bkra ba'i gdugs can bcang bar mi bya'o/ /ste'u yi so ci lta ba de bzhin du sen mo bcad par bya'o/ /dgon par gnas pas ni skra sor gnyis las lhag par bzhag par mi bya'o/ /grong mdza' pas ni de las dman pa'o/ /gri gu dang chan pas skra bregs par mi bya'o/ /byin pa dang/ mchan khud dang/ rked pa dang/ smin ma breg par mi bya'o/ /skra breg pa'i rjes la khrus byi'o/ /tshogs pa med na yan lag lnga bkru bar bya'o/ /phyogs gang du skra brags pa'i phyogs der chag chag gdab par bya zhing skyang nul bya'o/ /rda'i rnam pa lta bu 'am mdud rtse'i rnam pa lta bu'i dkyil 'khor bya'o/ /mig la dud pa byug par mi bya'o/ /gal te mig na ba yin na nyes pa med do/ /me long la gdong blta bar mi bya'o/ /skyo ba bskyed pa'i ched du ni nyes pa med do/ / khur ba lci ba mi bkur zhing/ phrag pa dang/ rked pa dang/ mgo bo rnams kyis bsdus khur bu ma yin no/ /chu'i phyogs su rtsa bar zhwa gzung bar bya'o/ /smad sham thabs kun nas zlum por ? bar bya zhing/ stong tu kun nas chos gos kyang ngo/ /bya ba byed pa'i tshe chos gos kyi mdza' mar mdud pa bcings la las bya'o/ /rnam pa thams cad du khyim pa'i rtags kun tu sbyang bar mi bya'o/ /dge tshul gyi bslab pa'i gzhi'i mdo las khyim pa'i rtags spong ba zhes bya ba rdzogs so// //rab tu byung ba'i rtags yang dag par len pa zhes bya ba ni re zhig rim gyis brjod par bya ste/ mkhan po dang slob dpon dag la nye bar ldang bar bya'o/ /je dang por bshang ba dang gci ba'i khang par 'gro bar bya ste/ chos gos brjes la se gol byas nas 'chog? pa'i khyad? ? 'jug par bya'o/ /bshang ba dang gci ba byas nas mtshan khung du bum pa bzung ste lag pa g.yon pas bshang ba'i lam dang por sa 'jam po 'am bong pas phyi bar bya'o/ /de nas sa phung gsum po dag gis bshang ba'i lam dag par byas nas phyir byung ste/ rjes su mthun pa'i gnas su sa phung bdun so sor bzhag par bya'o/ /de nas gzhan sa phung bdun po dag gis lag pa g.yon pa dag par bya'o/ /de nas lag pa gnyis sa phung de rnams kyis dag par bya'o/ /sa blangs nas sen mo'i dri ma bsal bar bya'o/ /sa blangs nas lag dar dag par bkru bar bya'o/ /bum pa ni sa phung gcig gis dag par bya'o/ /phyin pa dag dang rkang pa dag bkru bar bya'o/ /rab tu dben pa'i phyogs su bshang gci bya'o/ /de dag dang nye bar gtam sna tshogs mi bya/ yun ring du gnas par yang mi bya/ kha ton dang btso blag la sogs pa yang der mi bya'o/ /de las ngal bus 'ongs nas/ de la bu ngal bus sgo gtan phye ste/ gnas khang du 'jug par bya zhing sgo skyes la ma brjed par bya'o/ /rung ba'i chu'i lag pa ngag 'khrig ma'i bar du bkru ba 'am phyi bar bya'i/ rdul lam sas ni ma yin no/ / ril ba spyi blugs thogs te rab tu dben pa'i phyogs su song nas so shing dor bar bya'o/ /so shing ni rnam pa gsum ste/ chen po dang/ 'bring dang/ chung ngu'o/ /chen po ni sor bcu gnyis pa'o/ /chung ngu ni sor brgyad pa'o/ /'bring ni de dag las bar ma'o/ /de rnams las gzhan gang yang rung bas dor bar bya'i shin tu rtsom pa rang phra ba dag gis dang yun ring du yang ma yin no/ /de rnam pa gnyis su bkas te phan tshun blud pa la dal bus lce bzhar bar bya'o/ /chus bkru ba 'am rdul lam/ sa la brud par bya'o/ /de bzhin gshegs pa 'am/ mchod rten nam/ slob dpon nam/ mkhan po'i mdun du so shing ngor bar mi bya'o/ /dge slong mchog tu gnas brtan rnams kyi drung du ma yin no/ /nye bar longs spyod pa'i gnas su ma yin no/ /'chag sa dang nye bar ma yin mod kyi 'on kyang rab tu dben par bya'o/ /kha gdong bkrus nas de ma thag pa nyid du bcom ldan 'das la phyag 'tshal lo/ /de gal te mkhan po la phyag byed na mkhan pos gdong bkru ba dang so shing dor bar byas nas/ de'i phyir dgongs su gsol zhes bya bas phyag byas nas gus pa dang bcas pas bskul la mnyam mam dri ba dang/ kun tu dri bar bya'o/ /mkhan po dgongs su gsol/ /chag chag dang/ phyag dar dang/ skyang nul dang/ klog pa dang/ kha ton dang/ kun tu spyod pa dag bgyid ces zhu bar bya'o/ /brtsam pa'i bya ba thams cad kun tu dri bar bya'o/ /kun tu zhus te de bzhin gshegs pa la dkyil 'khor bya ba dang/ chag chag dang/ phyag dar dang/ skyad nul dang/ bstod pa mngon par brjod pa dag bya ba dang/ de bzhin gshegs pa la bskor ba bya ba dang/ yan lag lngas dge slong rnams la phyag dag bya'o/ /tshul khrims 'tshal pa la yan lag lngas phyag mi bya'o/ /nang dang bcas pa la'ang mi bya'o/ /gnyis po dag dang lhan cig stan gcig la 'dug par mi bya'o/ /de'i rjes la nyi ma shar ba na chu brtag par bya'o/ /mkhan po la kun tu zhus te mdun du 'gro ba gus par bya'o/ /ma zhus par mtshams kyi nang du mchod rten la phyag byed pa dang/ chu btung ba dang/ so shing dor ba dang/ bshang gci dag pa'o/ /ma zhus par ni tha na khab mig tu skud pa gzhug par yang mi bya'o/ /mkhan po gnas pa med na gnas kyi slob dpon la zhu bar bya'o/ /gnas kyi slob dpon gnas par ma gyur na dge slong 'grogs bshes la kun tu zhus par bya'o/ /ma zhus par gnas par mi bya'o/ /gnas med par ljongs rgyu zhing 'gro bar mi bya'o/ /tshul khrims 'chal pa dang/ nang dang bcas pa dang/ lhan cig gang du yang 'gro bar mi bya'o/ /dran pa dang shes bzhin dang ldan pa dang/ gnya' shing gang tsam blta ba dang/ phyogs su mi blta ba dang/ zhi ba'i spyod lam dang/ gtam sna tshogs mi byed pa dang/ chos kyi gtam smra ba'am/ 'phags pa'i mi smra ba nyid kyis 'gro bar bya'o/ /gal te mchod bster gyi dus su dge 'dun gyi nang du 'jug pa na chos gos kyi mdza' mar sgro gu bcings nas lag pa gnyis bkrus te/ rkang pa dag bkrus nas gus pa dang bcas pas dge 'dun gyi nang du 'jug par byas la/ gral rims ji lta ba bzhin du 'dug ste/ dran pa dang shes bzhin dang ldan pas longs spyad par bya'o/ /skang gsang mthon pas brims par bya ba 'brim du mi gzhug go /byin cig byin cig ces brjod par mi bya mod kyi 'on kyang brims shig ces so/ /bsod snyoms la yongs su longs spyod pa ni rgyags pa'i phyir ma yin/ sgeg pa'i phyir ma yin/ brgyan pa'i phyir yang ma yin mod kyi 'on kyang ji srid kho nar lus 'di gnas par bya ba'i phyir dang/ tshangs par spyod pa rjes su gzung bar bya snyam pa de lta bu'i sems kyis longs spyad par bya'o/ /bca' ba dang bza' ba la sogs pa gya nom pa rnyed na de mkhan po dang slob dpon dag la bstabs par bya'o/ /de dag gis kyang tshong rig par bya ba yin no/ /kha kham dang bcas pas smra bar mi bya'o/ /kham chung ba'am che ba gzhug bar mi bya/ mgron du ma bos pa'i zas mi bza' / sgog pa bza' bar mi bya'o/ /nang bas ni sman pas lung phog? na bza' bar bya'o/ /ji srid du ri dang ma bral ba de srid du dben pa'i phyogs su gnas par bya'o/ /dge 'dun gyi nang du mchil lham bgos nas 'jug par mi bya'o/ /zas kyi tshong rig par bya ba yin no/ /bya rog rnams kyi lhag mar byas pa gang yin pa de ni mchus sleb tshar bor nas bza' bar bya'o/ /chad du mi bya bar zas kyi chang ba bzhag par bya'o/ /snod dam tshogs pa med na pham 'di nyid du rnams sam/ 'grogs bshes dang/ tshul khrims dang ldan pa'i dge tshul dang lhan cig dben pa'i phyogs su bzang bar bya'o/ /tshul khrims 'chal pa dang lhan cig bza' bar ni mi bya'o/ /zang zing med pa'i chu dang/ lce bzhir? dang/ so shing dag gis kha zang zing med bar bya'o/ de nas mkhan po la yan lag lngas phyag byas nas kun tu zhu bar bya'o/ /mkhan po dgongs su gsol/ klog pa dang/ kha ton dang/ kun tu spyod pa dag spyad par zhu'o/ /zhes zhus nas klog pa dang kha ton la sogs pa bya'o/ /zan zos pa'i de ma thag nyid sbyin bdag gi yon bshad par bya'o/ /sgra brda byas nas mchil ma la sogs pa dor bar bya'o/ /dge 'dun gyi rtsig pa'am/ ka ba'am khang pa 'am/ rjes su mthun pa'i gnas pa gzhan du ma yin no/ /sham thabs kyi mdza' ma gnyis dang dbus su bzung nas ya gang la sogs pa la 'dzeg la dang thur du 'bab pa dang/ nyin par gnyid log par bya'o/ /slob dpon dang mkhan po dag gi thang du ma dang pha'i 'du shes nye bar bzhag par bya'o/ /de dag la yang rkang pa dag bkru ba la sogs pas bsnyen bkur bya'o/ /de dag gis kyang de'i steng du bu lta bu'i 'du shes nye bar bzhag par bya'o/ /de dag la yang ston pa bzhin du gus pas bsnyen bkur bya'o/ /mchog tu tshul khrims 'chal ba yin na yang slob dpon dang mkhan po dang ma dang pha dang nang pa dag la bsnyen bkur bya'o/ /slob dpon dang mkhan po la sogs pa rnams la mun khung du phyag mi bya/ nad pa rnams la ma yin/ gos gcig pa rnams la ma yin/ khyim gyi nang du gnas pa rnams la ma yin/ zas za ba rnams la ma yin/ kha zang zing dang bcas pa rnams la ma yin/ bshang ba dang gci ba'i khang pa'i steng du gnas pa rnams la ma yin/ bya ba gzhan la sems g.yengs pa rnams phyag mi bya'o/ /rang nyid de lta bur gyur pas kyang phyag mi bya'o/ /phyag byed par 'dod pas dgongs su gsol zhes brjod par bya'o/ /cang mi smra bar byed na phyag dag bya'o/ /yang ma byed cig zer na mi bya'o/ /slob dpon dang mkhan po dang tshangs par mtshungs par spyod pa rnams mthong nas de ma thag pa nyid du stan spang bar bya'o/ /phyag ni rnam pa gnyis te/ sgyid pa nas bzung ba dang/ yan lag lngas so/ /gal te bdag nyid skra bregs par gyur na slob dpon dang mkhan po la sogs pa dang/ bcom ldan 'das la yan lag lngas phyag bya'o/ /slob dpon dang mkhan po la sogs pa rnams kyis skra bregs par gyur na yan lag lngas phyag bya'o/ /gsar bu dang khyim pa dag gis gal te phyag byas par gyur na a rog kya zhes brjod par bya'o/ /khyim pa la phyag mi bya'o/ /lha gzhan la phyag mi bya'o/ /lam du 'gro ba'i tshe lha gzhan gyi rten mthong na bde bar gshegs pa'i tshigs su bcad pa gdon par bya'o/ /khron pa la sogs pa rnams nas chu blangs nas sbyin pa dang ldan pa'i tshigs su bcad pa gdon par bya'o/ /shing ljon pa'i rtsa ba dang/ lha khang la sogs pa rnams su gnas na rgyud chags gsum pa brjod par bya'o/ /rgyud chags gsum po ni/ dkon mchog gsum la phyag 'tshal ba dang/ bsod nams yongs su bsngo ba dang/ nges par bya ba dag yin no/ /lag pa dag dang rkang pa dag bkrus nas chos gos rnams sbrugs la mchil lham dag phyis te zhi ba'i spyod lam gyis gtsug lag khang du 'jug par bya'o/ /de glal bar gyur na lag pa 'am gzhan gas kyis kha dgab par bya'o/ /mchod rten gyi grib ma'am bde bar gshegs pa'i sku gzugs kyi grib ma mthong nas gtsug lag khang gi tshigs su bcad pa brjod la 'gom par bya'o/ /'thab par byed pa 'am/ 'thab tu gzhug pa 'am/ blta bar yang mi bya'o/ /rgyan po byed pa mi bya'o/ /gang du cho lo byed pa der 'dug par mi bya'o/ /dbang po byed par mi bya'o/ /gnya' bo mi bya'o/ /chos zong du mi bya'o/ /bsod nams kyi blos las bya'i gla rngan gyis ni ma yin no/ /dad pas sbyin par bya ba dge 'dun nam gang zag las byung ba yongs su longs spyad nas snyoms las kyis dus 'da' bar mi bya'o/ /'on kyang klog pa dang kha ton dag gis so/ /rgod pa med pa dang rnam par g.yengs pa med par bya'o/ /gnas brtan rnams dang/ bar ma rnams dang/ gsar bu rnams la gus pa dang bcas pa dang/ zhe sa dang bcas par bya'o/ /mu tsong? ma yin pa dang/ rnam par g.yengs pa'i tshig ma yin par bya'o/ /ngo tsha dang ldan par bya zhing dbang po'i sgo bsdam par bya'o/ /gsod? por smra ba dang/ dga' ba'i gtam dang/ kye tshur shog 'ongs pa legs so zhes smra ba dang khro gnyer med pa dang/ 'jum pa sngon du 'gro bar bya'o/ /dus su mkhan po la kun tu dri bar bya ste/ mkhan po dgongs su gsol/ kun tu dri ba ni bdag klog pa dang/ kha don dang/ kun tu spyod pa dag bgyid cing/ mtshan mo'i thun dang po dang/ mtshan mo'i thun tha ma la mi nyal bar sbyor ba la rjes su brtson par bgyid do zhes kun tu dri bar bya'o/ kun tu dris nas kyang klog pa dang/ kha ton la sogs pa dag bya zhing mtshan mo'i thun dang po dang/ mtshan mo'i thun tha ma la mi nyal bar sbyor ba'i rjes su brtson pa nyid du bya'o/ /dus su spyad par bya'o dus ma yin par spyad par mi bya'o/ / 'dug pa la mkhas pa dang/ nyal ba la mkhas par bya'o/ /'dug pa dang nyal ba la so sor brtag par bya'o/ /shin tu khyad par can dang/ shin tu dman pa'i gos bgo bar bya'o/ /lhag par chags pa med pa 'am/ mgo lhag par g.yogs pa med par bya ba 'am/ rkang pa'i steng du rkang pa mi bzhag pa 'am/ kun nas g.yogs par mi bya ba 'am/ de bzhin gshegs pa 'am/ slob dpon nam mkhan po 'am gnas brtan rnams sam/ dge slong rnams kyi mdun du 'dug par mi bya'o/ /de dag gi mdun du bcag par yang mi bya ba nyid do/ /'dug pa la 'greng ste chos bshad par mi bya/ nyal ba la 'dug pas ma yin/ stan ches mtho bar 'dug pa la stan ches dma' bar 'dug pas ma yin/ mgo zhwa can dang/ cod pan can la ma yin/ glang po che la zhon pa dang/ rta dang shing rta dang khyogs na 'dug pa 'am/ mchil ldam? can la ma yin no/ /lhung bzed gnyis bcang bar bya ste/ sa dang lcags kyi rang bzhin no/ /go bar bya ba'i phyir dang/ khyi rnams bskrad par bya ba'i phyir 'khar gsil sgra dang ldan pa bcad par bya'o/ /rgan po la ni gnas brtan nam/ btsun pa'i tshig gis brjod par bya'o/ /bar ma la ni gnas brtan gyi tshig gis so/ /gsar bu la ni tshe dang ldan pa'i tshig gis so/ /slob dpon dang mkhan po dang gnas brtan rnams la ni tshe dang ldan pa'i tshig gis kyang kun tu brjod par mi bya'o// gzhan dag la slob dpon dang mkhyen po dag mi ming gis brjod par mi bya'o/ /dbyar rnams las snga ma 'am phyi ma dag tu dbyar nye bar khas blang bya'o/ /snga ma ni ji srid dbyar zla ba chung gi zla ba'i tshes gcig nas/ ston zla 'bring ba'i tshes bco lnga'i dgag dbye'i bar bsrid du dbyar 'dral bar mi bya'o/ /phye ma ni ji srid stan zlar ba'i tshes gcig nas ston zla tha chung gi zla ba yar gyi ngo'i tshes bco lnga'i bar de srid du dbyar 'dral bar mi bya'o/ /de ltar yang dbyar nye bar kha blang bar bya ste/ mkhan po 'am/ slob dpon nam dge slong gzhan dag gi mdun du tsog bus 'dug ste/ thal mo sbyar ba byas nas tshig 'di skad ces brjod par bya'o/ /mkhan po dgongs su gsol/ der dge 'dun gyi dbyar zla 'bring po nye bar bsgrub pa'i dus yin la/ bdag dge tshul ming 'di zhes bgyi ba'i yang dbyar zla dbring po dbyar nye bar bsgrub pa'i dus yin te/ bdag dge tshul ming 'di zhes bgyi ba mtshams kyi nang dang bcas pa'i gnas 'dir ji srid du 'di lta ste/ gnas ral ba dang/ 'drums pa bcos pa'i slad du sbyin bdag che ge mo zhes bgyi ba dang zhal ta byed pa che ge mo/ / zhes bgyi ba dang/ nad g.yog byed pa che ge mo zhes bgyi ba dang/ spyod yul gyi grong khyer ba che ge mo zhes bgyi bas dbyar zla ba gsum nye bar khas blang bar bgyi ste/ bdag dbyar 'di nas mchis shing bdag gi dbyar gyi gnas ni 'di lags so/ /de bzhin du lan gnyis lan gsum du'o/ /thabs yin na legs so/ dbyar nye bar khas blangs nas gal te gzhan gang yang rung ba zhig tu 'gro ba na chos kyi don du zhag bdun byin gyis brlab par bya'o/ /mkhan po 'am/ slob dpon nam dge slong gzhan gang yang rung ba'i mdun du phyag 'tshal nas tsog bus 'dug ste 'di skad brjod par bya'o/ /mkhan po dgongs su gsol/ bdag dge tshul ming 'di zhes bgyi ba mtshams kyi nang dang bcas pa'i gnas 'dir dbyar snga ma zla ba gsum gnas par khas blangs pa las bdag dge tshul ming 'di zhes bgyi ba chos dang ldan pa'i bgyi ba nyid kyis zhag bdun mtshams kyis slad rol du mchi ba dang de tshun chad kyis slar mchi ba byin gyis brlab bo/ /bdag dbyar 'di na mchis shing bdag gi dbyar gyi gnas 'di lags so/ /de bzhin du lan gnyis lan gsum mo/ /thabs yin no/ /legs so/ /byin gyis brlabs nas 'gro ba na zhag bdun nas slar ldog par bya zhing de bzhin du lan gnyis dbyar 'dral bar mi bya'o/ /srog gi bar chad dang/ tshangs par spyod pa'i bar chad dang/ bsod snyoms chad par gyur na dbyar ral ba la nyes pa med do/ / de ji lta ba bzhin du dbyar phyi ma khas len pa dang/ khas blangs pa'i byin gyis brlab pa dag ci rigs par brjod par bya'o/ /de nas dgag dbya'i nyin mo dgag dbye bya'o/ /'di ltar dgag dbye bya ste/ mkhan po 'am slob dpon nam gzhan gang yang rung ba'i mdun du cog pus 'dug pa nyid kyis lag pas bya dang b+ha la bzur ste/ thal mo sbyar ba byas nas 'di skad ces brjod par bya'o/ /mkhan po dgongs su gsol/ der dge 'dun gyi dgag dbye bco lngas lags la/ bdag dge tshul ming zhes bgyi ba'i yang dgag dbye bco lnga pa lags te/ bdag dge tshul ming 'di zhes bgyi bas tshul khrims kyi phung po yongs su rdzogs par bya ba'i phyir dge 'dun ma tshogs pas der de srid tshun chad mkhan po'i mdun du dgag dbye byin gyis brlab bo/ /gang gi tshe yang dge 'dun tshogs pa rnyed pa de'i tshe dge 'dun tshogs pa dang lhan cig dgag dbye bgyi'o/ /de bzhin du lan gnyis lan gsum du'o/ /thabs yin no legs so/ /cung zad sdig pa'i las byas pa gang yin pa de ni mkhan po 'am slob dpon nam gzhan gang yang rung ba'i mdun du rtse gcig par 'dug ste/ thal mo sbyar la so sor gshegs par bya'o/ /mkhan po dgongs su gsol gdag dge tshul ming 'di zhes bgyi ba la dus 'di'i nang du lus dang ngag las byung ba'i nyes byas kyi ltung ba dpag tu ma mchis pa byung ba gang yin pa de bdag dge tshul ming 'di zhes bgyi bas/ nyes byas kyi ltung ba dpag tu ma mchis pa de 'di nyid du mthol rab tu ston to/ /'chags so/ /rnam par smad do/ /mi 'chab go /mthol zhing bshags na bdag dge tshul ming 'di zhes bgyi ba la nyes/ byas gyi ltung ba dpag tu ma mchis pa rnams spangs na bdag bde ba reg par gnas par 'gyur gyi/ ma mthol ma bshags na ni mi 'gyur ro/ /ltung bar mthong ngam mthong ngo/ /phyin chad sdom mam sdom mo/ /legs par shin tu sdom par byed dam/ slan? chad de ltar mi bgyid do/ /de bzhin du lan gnyis lan gsum du'o /thabs yin no legs so/ /bshags nas slar mi byed cing de ltar bshags na bdag bde ba la reg par gnas par 'gyur ro/ bshags pa byas nas kyang gso sbyong bya'o/ /'di ltar bya ste/ mkhan po 'am slob dpon nam gzhan dge slong gang yang rung ba la phyag byas nas mdun du cog cog por 'dug ste/ thal mo sbyar ba byas nas 'di skad ces brjod par bya ste/ mkhan po dgongs su gsol/ dge 'dun gyi gso sbyong bcu bzhi ba 'am/ bco lnga pa lags te/ bdag dge tshul ming 'di zhes bgyi ba'i tshul khrims kyi phung po yongs su rdzogs par bgyi ba'i slad du ltung ba byin gyis brlabs shing bshags te/ bar chad kyi chos rnams yongs su dag go zhes bdag nyid mchi'o/ /de bzhin du lan gnyis lan gsum du'o/ /thabs yin no/ /legs so/ /thams cad du brlab pa la gus par bya'o/ /yongs su dag par yang tshul khrims yongs su bsrungs pa las rnyed pa 'thob pa dang/ mtho ris la sogs pa 'thob dang/ legs par tshangs par spyod pa dang bcas pas rang gi yon tan grags pa yin no/ /bcom ldan 'das kyis kyang grags dang rnyed ba 'thob dang/ pha rol du ni mtho ris dag /bde ba gsum po don gnyer bas/ shes bzhin du ni tshul khrims brten zhes gsungs so/ /yang gnas rnams 'di dag mthong ba yis/ /mkhas pa tshul khrims la brten pa/ /'bar? ba'i mthong ba thob pa ste/ /'jig rten du ni zhi ba 'thob ces gsungs so/ /me tog dri ni rdzi phyogs min mi 'gro/ rtswa 'am rgya spos tsandan yang ma yin/ /mkhas rnams dri ni rdzi phyogs mi 'gro ste/ /skyes bu dam pa phyogs rnams kun tu 'gro/ /rgyu spos rang ni tsandan zhing/ dbyar gyi dus kyi autpal bcas/ /dri yi rnam pa de dag las/ /tshul khrims dri ni bla na med/ /tshul khrims rnam par ma dag pas/ /dmyal ba'i sdug bsngal chen po yin/ 'di lta ste mig dbyung ba dang/ shing bzhin du gshegs pa dang/ 'bras bu bzhin du bcos pa dang/ bu ram shing bzhin bcir ba dang/ rtun gyis phye mar 'thag pa dang/ lag pa dang/ rkang pa dang/ lce gcong pa dang/ zangs bskal ba 'thung ba dang/ lcags kyi thu lum 'bar ba za ba dang/ thal tshan gyi chu bo la rgal ba dang/ lcags kyi shal ma ri'i sdong po la 'jog pa dang/ lcag kyi bum pa'i nang du 'jug pa dang/ mche ba rnon po can gyi khyis za ba dang/ ral gri lo ma'i nags tshal la 'dzeg pa ste/ de lta bu la sogs pa dang/ rnam pa du mas dmyal ba rnams su sreg pa dang/ 'chi ba dang/ brdung ba la sogs pa'i sdug bsngal rnams te/ lha'i pho nya'i mdo dang/ stobs la mkhas pa'i mdo las blta bar bya'o/ /yi dwags rnams kyang bkres pa dang/ skom ba dang/ gnod pa'i sdug bsngal rnams dang/ dud 'gro gcig la gcig za ba'i 'jigs pa la sogs pa'i sdug bsngal rnams te/ tshul khrims yongs su ma dag pa la nyes dmigs ji lta bu dang gzhan yang yin no/ /ji ltar dge slong chos bzhi dang ldan pas dge slong ma yin par gyur pa de bzhin du dge tshul yang dge tshul ma yin bar 'byung ba yin no/ /de lta bas srog la bab kyang yongs su dag par tshul khrims bsrung bar bya'o /dge tshul gyi bslab pa'i gzhi'i mdo las rab tu byung ba'i rtags yang dag par blang ba rdzogs so// //dge tshul rnams kyis bslab pa'i gzhi/ /yang dag bsdus pa byas pa las/ /bsod nams byung ba gang bsags pas/ /skye bo dge ba'i skal ldan shog?/ /mdo sde 'dzin pa'i slob dpon ka lyA? na mi tras mdzad pa/ /dge tshul gyi bslab pa'i gzhi'i mdo rdzogs so/ /ba che'i mkhan po grong khyer dpe med kyi paN+Di ta ma hA ? na dang/ shAkya'i dge slong gzhon nu mchog gis bsgyur cing zhus te gtan la phab pa las/ slar byis ba che'i paN+Di ta bar he ta dang/ lo tsA ba shAkya'i dge slong gzhon nu mchog gis bcos cing zhus ba'o// gling? gzhi dang gang zag bsdu ba'i tshig le'ur byas pa la shI b+ha tras mdzad pa bzhugs/

CLOSE WINDOW